ཚེ་དཔག་མེད་དྭང་མ་བཅུད་འདྲེན་གྱི་བསྙེན་སྒྲུབ་གསལ་བྱེད་ཉུང་ངུ་བདུད་རྩིའི་སྙིང་པོ།

🚧 This website is under continued development. We appreciate your patience!

Previous Section Back to Volume PageNext Section

Wylie title	tshe dpag med dwang ma bcud 'dren gyi bsnyen sgrub gsal byed nyung ngu bdud rtsi'i snying po
Location	mkhyen brtse'i bka' 'bum Volume 13, sde tshan 8, Pages 87-92 (Folios 1a to 3b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	ངག་དབང་བློ་བཟང་རྒྱ་མཚོ་ (Dalai Lama, 5th)
Citation	'jam dbyangs mkhyen brtse'i dbang po. tshe dpag med dwang ma bcud 'dren gyi bsnyen sgrub gsal byed nyung ngu bdud rtsi'i snying po. In 'jam dbyangs mkhyen brtse'i dbang po'i bka' 'bum, Vol. 13: 87-92. Khams sde dge rdzong sar dgon: Rdzong sar blo gros phun tshogs, 2020.
Genre	Longevity Rituals - tshe sgrub  ·  Recitation Manual - bsnyen yig
Cycle	ཚེ་དཔག་མེད་དྭངས་མ་བཅུད་འདྲེན་ (tshe dpag med dwangs ma bcud 'dren)
Parent Cycle	དག་སྣང་རྒྱ་ཅན་ (dag snang rgya can)
Deity	tshe dpag med
RTZ	In the Rinchen Terdzö: https://rtz.tsadra.org/index.php/Terdzo-TA-010
Colophon	།ཞེས་པའང་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་གཞུང་གི་དགོངས་པ་དང་། བླ་མ་རྣམས་ཀྱི་ཕྱག་གཞེས་ལྟར་མདོར་བསྡུས་ཏེ་བྲིས་པ་དགེ་ལེགས་མཆོག་ཏུ་གྱུར་ཅིག། །།མངྒ་ལཾ།
	zhes pa'ang mtsho skyes bla ma dgyes pa'i 'bangs mkhyen brtse'i dbang pos gzhung gi dgongs pa dang /__bla ma rnams kyi phyag gzhes ltar mdor bsdus te bris pa dge legs mchog tu gyur cig/__//mang+ga laM/

1 Texts in this Section (sde tshan or chos tshan)

87-92	ཚེ་དཔག་མེད་དྭང་མ་བཅུད་འདྲེན་གྱི་བསྙེན་སྒྲུབ་གསལ་བྱེད་ཉུང་ངུ་བདུད་རྩིའི་སྙིང་པོ། tshe dpag med dwang ma bcud 'dren gyi bsnyen sgrub gsal byed nyung ngu bdud rtsi'i snying po Longevity Rituals - tshe sgrub   ·   Recitation Manual - bsnyen yig	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །ཚེ་དཔག་མེད་དྭང་མ་བཅུད་འདྲེན་གྱི་བསྙེན་སྒྲུབ་གསལ་བྱེད་ཉུང་ངུ་བདུད་རྩིའི་སྙིང་པོ་བཞུགས་སོ།། །།

ཨོཾ་སྭ་སྟི། ཚེ་དཔག་མེད་དྭང་མ་བཅུད་འདྲེན་གྱི་བསྙེན་སྒྲུབ་བྱ་ཚུལ་ལ་གཉིས། སོ་སོར་བྱ་ཚུལ་དང་། སྦྲགས་ཏེ་བྱ་བའི་ཚུལ་ལོ། །དང་པོ་ནི། རྒྱལ་དབང་ཐམས་ཅད་མཁྱེན་པ་ཉིད་ཀྱིས་གནང་བའི་བསྙེན་ཡིག་ཏུ་གསལ། གཉིས་པ་ནི། དེང་སང་ཕལ་ཆེར་གྱིས་ཕྱག་གཞེས་སུ་མཛད་པ་ལྟར་བཤད་ན། སྦྱོར་བ་འདི་ཉིད་ཀྱི་ལས་བྱང་འཆི་མེད་འདོད་འཇོར་ཇི་སྐད་བཤད་པའི་རྟེན་དང་མཆོད་གཏོར་སོགས་འདུ་བྱ། བརྒྱུད་འདེབས་དང་སྐྱབས་སེམས་སྔོན་དུ་འགྲོ་བས། གཞི་བདག་གཏོར་མ་ཇི་ལྟར་རིགས་པ་དང་། བགེགས་བསྐྲད་གཞུང་ལྟར་ལ། བགེགས་གཏོར་ཕྱི་རོལ་དུ་དོར་བ་དང་མཉམ་དུ། སྒོ་དྲུང་དུ་ཐོ་བརྟན་པོར་བརྩིགས་པ་ལ་རྒྱལ་ཆེན་བཞིའི་སྐུའམ་སྔགས་བྱང་དར་གྱི་ཅོད་པན་དང་བཅས་པ་བཙུགས་པའི་མདུན་མཆོད་གཏོར་བཤམས་ལ་རྒྱལ་ཆེན་གྱི་ཐོ་འཛུགས་སྤྱི་ལྟར་བྱ། ནང་དུ་ལོག་ལ་སྲུང་འཁོར་བརྟན་པོར་བསྒོམ། བྱིན་འབེབས་དང་མཆོད་རྫས་བརླབ། བདག་མདུན་དབྱེར་མེད་འཇུག་པ་གཅིག་པས་ལས་གཞུང་བསྲང་ཞིང་བཟླས་པ་འོས་མཚམས་རྗེས་སུ་སྟོང་ཚིགས་ཀྱི་མཆོད་བསྟོད་དང་ཚེ་འགུགས་ནས་བཀྲ་ཤིས་ཀྱི་བར་གཞུང་ལྟར་གཏང་། དེ་ནས་ཐུན་བཞིར་ལས་གཞུང་བསྲང་ཞིང་། སྲོད་ཐུན་ནམ་ཕྱི་ཐུན་གྱི་མཇུག་ཏུ་ཚོགས་མཆོད་རེའང་གྲུབ་ན་ལེགས། མ་གྲུབ་ཀྱང་ཐོག་མཐའ་གཉིས་ད དུས་བཟང་རྣམས་སུ་ཅི་འགྲུབ་བྱ། བསྙེན་ཚད་དམིགས་བསལ་མ་གསུངས་ཀྱང་། རབ་རྟགས་མཐོང་བའི་བར་དང་། འབྲིང་འབྲུ་འབུམ་སོགས་ཅི་རིགས་དང་། ལས་རུང་ཙམ་ལ་རྩ་སྔགས་འབུམ་ཕྲག་བཞི། ལུས་དཀྱིལ་གྱི་ལྷ་སོ་སོའི་སྔགས་ཁྲི་ཕྲག་བཞི། ལས་སྦྱོར་ལ་དམིགས་པའི་བཟླས་པ་ཉིན་གསུམ་མམ་གཅིག་ཏུ་རིམ་པར་བཟླ། སང་གྲོལ་རྒྱུའི་དོ་ནུབ་མཆོད་གཏོར་གསར་པ་དང་། ཚོགས་ཀྱི་ཡོ་བྱད། དཀར་མངར་ཤིང་ཏོག་སོགས་དངོས་གྲུབ་ཀྱི་རྫས་ཅི་འབྱོར་པ་བཤམ། སྤྲོ་ན་ལས་བཞིའི་འབྲང་རྒྱས་སོགས་ཀྱང་འདུ་བྱ། ནངས་པར་སྔ་བར་ལངས་ལ་ལས་གཞུང་བསང་ཞིང་བཟླས་པ་ཅུང་ཟད་རྗེས་དངོས་གྲུབ་ཀྱི་རྫས་རྣམས་ལ་དམིགས་ཏེ་བགེགས་བསྐྲད་དང་། བྱིན་འབེབས་བྱ། འཁོར་འདས་ཀྱི་བཅུད་ཐམས་ཅད་བསྡུས་ཏེ་བསྟིམ་པའི་དམིགས་པ་དང་བཅས་བསྙེན་སྔགས་བརྒྱ་རྩ་དང་། བྱང་གཏེར་ཐུགས་སྒྲུབ་གསང་བ་རིན་ཆེན་འདུས་པའི་ཆ་ལག་རྟགས་མཐོང་དངོས་གྲུབ་བླང་བའི་སྔགས། ཨོཾ་བཛྲ་གུ་རུ་པདྨ་ཨ་ཡུརྫྙཱ་ན་སིདྡྷི་ཧཱུྃ་ཧཱུྃ་ཧཱུྃ། ན་ན་ཥི་དྷ་སིདྡྷི་ཧཱུྃ་ཧཱུྃ་ཧཱུྃ། སརྦ་སིདྡྷི་དྷ་ནཾ་མེདྷི་ཧྲཱིཿ ཨཱ་ཡུཿསིདྡྷི་ས་མ་ཡ་སྡུས་སྡུས། ཞེས་པའང་སུམ་བརྒྱ་སོགས་ཇི་ལྟར་ནུས་པ་བཟླ། སྟོང་ཚིགས་ཀྱི་མཆོད་བསྟོད་དང་ཚེ་འགུགས་བསྐུལ། སྲུང་མ་ལ་གཏོང་རག་གི་མཆོད་གཏོར་རྒྱས་པར་ཕུལ། ཚོགས་མཆོད། ལྷག་མ། བརྟན་སྐྱོང་བར་གཞུང་ལྟར་བྱ། བདག་ཉིད་མདུན་བསྐྱེད་ལས་ལོགས་སུ་ཕྱེ་སྟེ། ཀྱེ། བླ་མ་པདྨ་ཚེ་དཔག་མེད། །ཞི་ཁྲོ་རིག་འཛིན་མཁའ་འགྲོ་དགོངས། །བདག་ཅག་ལས་འཕྲོ་སྐལ་བར་ལྡན། །སྨིན་གྲོལ་ཡེ་ཤེས་ཚེ་དབང་སྩོལ། །ལན་གསུམ། ཞེས་གསོལ་བ་བཏབ་པས་མདུན་བསྐྱེད་ཀྱི་གནས་ལྔ་ནས། ཨོཾ་ཨཱཿཧཱུྃ་སྭཱ་ཧཱ་འོད་ཟེར་ཁ་དོག་དཀར་དམར་མཐིང་སེར་ལྗང་གུའི་མདོག་ཅན་དཔག་ཏུ་མེད་པ་བྱུང་། རང་གི་གནས་ལྔར་ཐིམ། ལུས་ངག་ཡིད་གསུམ་ཆ་མཉམ་དང་བཅས་པའི་སྒྲིབ་པ་དག །བུམ་གསང་ཤེས་རབ་ཡེ་ཤེས་ཚིག་དབང་རིག་རྩལ་གྱི་དབང་དང་། སྐུ་གསུང་ཐུགས་ཡོན་ཏན་ཕྲིན་ལས་ཀྱི་དངོས་གྲུབ་ཐོབ། འབྲས་བུ་སྐུ་ལྔའི་ས་བོན་རྒྱུད་ལ་བཞག་པའི་མོས་པ་བྱ། མཆོད་ཅིང་བསྟོད། ནོངས་པ་བཤགས། ཨོཾ་ཨཱཿཧཱུྃ་གིས་མཆོད་ཡོན་ཕུལ་བའི་རྐྱེན་གྱིས་བུམ་ནང་གི་ཡེ་ཤེས་པ་སྐུ་རྟེན་ལ་ཐིམ་པར་བསམས་ལ་བརྟན་བཞུགས་བྱ། དམ་ཚིག་པ་འོད་དུ་ཞུ་བ་ལས་བུམ་པའི་ཆུ་འཆི་མེད་ཡེ་ཤེས་ཀྱི་བདུད་རྩིར་གྱུར་པར་མོས་ཏེ། སྤྲོ་ན། ཧྲཱིཿ བཀྲ་ཤིས་འོད་གསལ་སོགས་ཀྱིས་བུམ་པའི་དངོས་གྲུབ་བླང་བས་མཚོན་བསྙེན་ཡིག་རྒྱས་པ་ལྟར་དང་། བསྡུ་ན་ལས་གཞུང་གི་དཀྱུས་ལྟར། ཧྲཱིཿ སྐྱེ་མེད་ཆོས་དབྱིངས་སོགས་བརྗོད་ཅིང་བུམ་པ་སྤྱི་བོར་བཞག་ཅིང་བུམ་ཆུ་མྱང་། ཚེ་རིལ་དང་། ཚེ་ཆང་། དངོས་གྲུབ་ཀྱི་རྫས་རྣམས་ལ་ཡོངས་སྤྱད་པས་བདུད་རྩིའི་དྭང་མས་རྩ་ཁམས་ཐམས་ཅད་ཁེངས་ཏེ་རྡོ་རྗེའི་སྲོག་འགྲུབ་ཅིང་དངོས་གྲུབ་ཀྱི་དགའ་སྟོན་རྒྱས་པར་བསམ། དེ་ནས། ཧྲཱིཿ སྣོད་བཅུད་ཐམས་ཅད་སོགས་བསྡུ་རིམ་དང་ཐུན་མཚམས་ཀྱི་ལྷར་ལྡང་བ་གཞུང་ལྟར་བྱས་ལ། ཕྱི་རོལ་ཏུ་རྒྱལ་ཆེན་བཞི་ལ་གཏོང་རག་གི་མཆོད་གཏོར་འབུལ་ཞིང་གཤེགས་སུ་གསོལ། ནང་དུ་ལོག་ལ་བསྔོ་སྨོན་དང་བཀྲ་ཤིས་རྒྱས་པར་སྤེལ། གྲུབ་ན་མཚམས་ཀྱི་ཁོངས་དེར་བཅུ་ཆའི་སྦྱིན་སྲེག་ཀྱང་ཚུལ་བཞིན་དུ་བྱའོ།། །།ཡང་བདག་བསྐྱེད་ལ་བརྟེན་པའི་བསྟེན་པ་རྐྱང་པ་བྱེད་ན། མདུན་དུ་ཚེ་དཔག་མེད་ཀྱི་སྐུ་བྲིས་འབུར་གང་རིགས་དང་མཆོད་གཏོར་ཙམ་བཤམ། གཞན་གོང་ལྟར་བསྙེན་གྲངས་ཐེམ་པར་བྱ། གྲུབ་ན་མཇུག་ཏུ་ཉིན་གསུམ་མམ་གཅིག་ཏུ་མདུན་བསྐྱེད་ཀྱི་དཀྱིལ་འཁོར་ཚུལ་བཞིན་བཤམས་ལ། སྒྲུབ་ཅིང་མཆོད་པའི་མཐར་དབང་དང་དངོས་གྲུབ་བླང་བ་སོགས་ཀྱང་བྱ། གཞན་ཡང་མཚམས་ཀྱི་སྤང་བླང་སོགས་གསང་བ་སྤྱིའི་འགྲོས་བཞིན་ཤེས་པར་བྱ་བ་ཉིད་དོ། །ཞེས་པའང་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་གཞུང་གི་དགོངས་པ་དང་། བླ་མ་རྣམས་ཀྱི་ཕྱག་གཞེས་ལྟར་མདོར་བསྡུས་ཏེ་བྲིས་པ་དགེ་ལེགས་མཆོག་ཏུ་གྱུར་ཅིག། །།མངྒ་ལཾ།

[edit]

tshe dpag med dwang ma bcud 'dren gyi bsnyen sgrub gsal byed nyung ngu bdud rtsi'i snying po/ @#/__/tshe dpag med dwang ma bcud 'dren gyi bsnyen sgrub gsal byed nyung ngu bdud rtsi'i snying po bzhugs so//__// oM swa sti/__tshe dpag med dwang ma bcud 'dren gyi bsnyen sgrub bya tshul la gnyis/__so sor bya tshul dang /__sbrags te bya ba'i tshul lo/__/dang po ni/__rgyal dbang thams cad mkhyen pa nyid kyis gnang ba'i bsnyen yig tu gsal/__gnyis pa ni/__deng sang phal cher gyis phyag gzhes su mdzad pa ltar bshad na/__sbyor ba 'di nyid kyi las byang 'chi med 'dod 'jor ji skad bshad pa'i rten dang mchod gtor sogs 'du bya/__brgyud 'debs dang skyabs sems sngon du 'gro bas/__gzhi bdag gtor ma ji ltar rigs pa dang /__bgegs bskrad gzhung ltar la/__bgegs gtor phyi rol du dor ba dang mnyam du/__sgo drung du tho brtan por brtsigs pa la rgyal chen bzhi'i sku'am sngags byang dar gyi cod pan dang bcas pa btsugs pa'i mdun mchod gtor bshams la rgyal chen gyi tho 'dzugs spyi ltar bya/__nang du log la srung 'khor brtan por bsgom/__byin 'bebs dang mchod rdzas brlab/__bdag mdun dbyer med 'jug pa gcig pas las gzhung bsrang zhing bzlas pa 'os mtshams rjes su stong tshigs kyi mchod bstod dang tshe 'gugs nas bkra shis kyi bar gzhung ltar gtang /__de nas thun bzhir las gzhung bsrang zhing /__srod thun nam phyi thun gyi mjug tu tshogs mchod re'ang grub na legs/__ma grub kyang thog mtha' gnyis da__dus bzang rnams su ci 'grub bya/__bsnyen tshad dmigs bsal ma gsungs kyang /__rab rtags mthong ba'i bar dang /__'bring 'bru 'bum sogs ci rigs dang /__las rung tsam la rtsa sngags 'bum phrag bzhi/__lus dkyil gyi lha so so'i sngags khri phrag bzhi/__las sbyor la dmigs pa'i bzlas pa nyin gsum mam gcig tu rim par bzla/__sang grol rgyu'i do nub mchod gtor gsar pa dang /__tshogs kyi yo byad/__dkar mngar shing tog sogs dngos grub kyi rdzas ci 'byor pa bsham/__spro na las bzhi'i 'brang rgyas sogs kyang 'du bya/__nangs par snga bar langs la las gzhung bsang zhing bzlas pa cung zad rjes dngos grub kyi rdzas rnams la dmigs te bgegs bskrad dang /__byin 'bebs bya/__'khor 'das kyi bcud thams cad bsdus te bstim pa'i dmigs pa dang bcas bsnyen sngags brgya rtsa dang /__byang gter thugs sgrub gsang ba rin chen 'dus pa'i cha lag rtags mthong dngos grub blang ba'i sngags/__oM badz+ra gu ru pad+ma a yur+dz+nyA na sid+d+hi hU~M hU~M hU~M/__na na Shi d+ha sid+d+hi hU~M hU~M hU~M/__sarba sid+d+hi d+ha naM med+hi hrIH__A yuHsid+d+hi sa ma ya sdus sdus/__zhes pa'ang sum brgya sogs ji ltar nus pa bzla/__stong tshigs kyi mchod bstod dang tshe 'gugs bskul/__srung ma la gtong rag gi mchod gtor rgyas par phul/__tshogs mchod/__lhag ma/__brtan skyong bar gzhung ltar bya/__bdag nyid mdun bskyed las logs su phye ste/__kye/__bla ma pad+ma tshe dpag med/__/zhi khro rig 'dzin mkha' 'gro dgongs/__/bdag cag las 'phro skal bar ldan/__/smin grol ye shes tshe dbang stsol/__/lan gsum/__zhes gsol ba btab pas mdun bskyed kyi gnas lnga nas/_oM AHhU~M swA hA 'od zer kha dog dkar dmar mthing ser ljang gu'i mdog can dpag tu med pa byung /__rang gi gnas lngar thim/__lus ngag yid gsum cha mnyam dang bcas pa'i sgrib pa dag__/bum gsang shes rab ye shes tshig dbang rig rtsal gyi dbang dang /__sku gsung thugs yon tan phrin las kyi dngos grub thob/__'bras bu sku lnga'i sa bon rgyud la bzhag pa'i mos pa bya/__mchod cing bstod/__nongs pa bshags/_oM AHhU~M gis mchod yon phul ba'i rkyen gyis bum nang gi ye shes pa sku rten la thim par bsams la brtan bzhugs bya/__dam tshig pa 'od du zhu ba las bum pa'i chu 'chi med ye shes kyi bdud rtsir gyur par mos te/__spro na/_hrIH_bkra shis 'od gsal sogs kyis bum pa'i dngos grub blang bas mtshon bsnyen yig rgyas pa ltar dang /__bsdu na las gzhung gi dkyus ltar/__hrIH__skye med chos dbyings sogs brjod cing bum pa spyi bor bzhag cing bum chu myang /_tshe ril dang /__tshe chang /__dngos grub kyi rdzas rnams la yongs spyad pas bdud rtsi'i dwang mas rtsa khams thams cad khengs te rdo rje'i srog 'grub cing dngos grub kyi dga' ston rgyas par bsam/_de nas/_hrIH_snod bcud thams cad sogs bsdu rim dang thun mtshams kyi lhar ldang ba gzhung ltar byas la/__phyi rol tu rgyal chen bzhi la gtong rag gi mchod gtor 'bul zhing gshegs su gsol/__nang du log la bsngo smon dang bkra shis rgyas par spel/__grub na mtshams kyi khongs der bcu cha'i sbyin sreg kyang tshul bzhin du bya'o//__//yang bdag bskyed la brten pa'i bsten pa rkyang pa byed na/__mdun du tshe dpag med kyi sku bris 'bur gang rigs dang mchod gtor tsam bsham/__gzhan gong ltar bsnyen grangs them par bya/__grub na mjug tu nyin gsum mam gcig tu mdun bskyed kyi dkyil 'khor tshul bzhin bshams la/__sgrub cing mchod pa'i mthar dbang dang dngos grub blang ba sogs kyang bya/__gzhan yang mtshams kyi spang blang sogs gsang ba spyi'i 'gros bzhin shes par bya ba nyid do/__/zhes pa'ang mtsho skyes bla ma dgyes pa'i 'bangs mkhyen brtse'i dbang pos gzhung gi dgongs pa dang /__bla ma rnams kyi phyag gzhes ltar mdor bsdus te bris pa dge legs mchog tu gyur cig/__//mang+ga laM/_