JKW-KABUM-02-KHA-002-031

🚧 This website is under continued development. We appreciate your patience!

Previous Text Back to Volume PageNext Text

ཞབས་བརྟན་པདྨ་དགྱེས་པའི་རྒྱུད་མང་འཆི་མེད་གྲུབ་པའི་དབྱངས་སྙན།

Wylie title	zhabs brtan pad+ma dgyes pa'i rgyud mang 'chi med grub pa'i dbyangs snyan
Location	mkhyen brtse'i bka' 'bum Volume 2, sde tshan 2, Text 31, Pages 326-328 (Folios 22b1 to 23b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Associated People	འཇམ་མགོན་ཀོང་སྤྲུལ་ ('jam mgon kong sprul)
Citation	'jam dbyangs mkhyen brtse'i dbang po. zhabs brtan pad+ma dgyes pa'i rgyud mang 'chi med grub pa'i dbyangs snyan. In 'jam dbyangs mkhyen brtse'i dbang po'i bka' 'bum, Vol. 2: 326-328. Khams sde dge rdzong sar dgon: Rdzong sar blo gros phun tshogs, 2020.
Genre	Prayers for Long Life - zhabs brtan gsol 'debs - brtan bzhugs
Colophon	ཅེས་མངོན་པར་འདོད་པའི་དོན་ལ་རྩེ་གཅིག་ཏུ་གསོལ་བ་འདེབས་མཚོན་དང་། ཟབ་པ་དང་རྒྱ་ཆེ་བའི་ཆོས་ཀྱི་འཁོར་ལོ་མཐའ་ཡས་པར་བསྐོར་ཞིང་བསྐོར་བར་འགྱུར་བའི་བཀའ་དྲིན་བྱང་ཆུབ་སྙིང་པོའི་བར་དུ་གཞལ་བར་སྤྲོ་པའི་མཎྜལ་རྟེན་འབྱུང་ཙམ་དུ་བཀྲ་ཤིས་པའི་ལྷ་གོས་རབ་དཀར་སྲིད་དུ་རིང་བས་ཐོག་དྲངས། འཆི་མེད་སྐུ་གསུང་ཐུགས་རྡོ་རྗེའི་སྣང་བརྙན། + བཅས་འབུལ་ལམ་ཞུ་ན་ཇི་སྐད་གསོལ་བའི་དོན་རྣམས་ཡིད་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ།།
	ces mngon par 'dod pa'i don la rtse gcig tu gsol ba 'debs mtshon dang /_zab pa dang rgya che ba'i chos kyi 'khor lo mtha' yas par bskor zhing bskor bar 'gyur ba'i bka' drin byang chub snying po'i bar du gzhal bar spro pa'i maN+Dal rten 'byung tsam du bkra shis pa'i lha gos rab dkar srid du ring bas thog drangs/_'chi med sku gsung thugs rdo rje'i snang brnyan/[ + ]bcas 'bul lam zhu na ji skad gsol ba'i don rnams yid bzhin du 'grub par byin gyis brlab tu gsol

1 Texts in this Section (sde tshan or chos tshan)

31 326-328	ཞབས་བརྟན་པདྨ་དགྱེས་པའི་རྒྱུད་མང་འཆི་མེད་གྲུབ་པའི་དབྱངས་སྙན། zhabs brtan pad+ma dgyes pa'i rgyud mang 'chi med grub pa'i dbyangs snyan Prayers for Long Life - zhabs brtan gsol 'debs - brtan bzhugs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

འཇམ་མགོན་ཀོང་སྤྲུལ་རིན་པོ་ཆེའི་ཞབས་བརྟན་པདྨ་དགྱེས་པའི་རྒྱུད་མང་འཆི་མེད་གྲུབ་པའི་དབྱངས་སྙན་ཅེས་བྱ་བ། ཨོཾ་སྭ་སྟི། གཟོད་ནས་ཡོངས་གྲུབ་གཉུག་མའི་དེ་ཁོ་ན། །གསང་གསུམ་མི་ཟད་རྒྱན་གྱི་འཁོར་ལོའི་སྤྲིན། །མཁའ་ཁྱབ་སྐུ་དང་ཡེ་ཤེས་རྒྱ་མཚོ་དངོས། །པདྨ་བཛྲ་ངོ་བོར་འཚོ་གཞེས་གསོལ། །གཟུང་འཛིན་མཚན་མ་གཞར་ཡང་མི་གནས་པའི། །འོད་གསལ་སེམས་ཀྱི་རྡོ་རྗེའི་ཆོས་ཉིད་ནི། སྲིད་ཞི་ཀུན་ཏུ་སོན་པའི་གར་མཛད་པ། །བུདྡྷ་ཐོད་ཕྲེང་ངོ་བོར་འཚོ༴ ཇི་ལྟར་དག་པའི་རིན་ཆེན་བཻ་ཌཱུཪྻ། །རྩོལ་མི་མངའ་ཡང་འདོད་དགུའི་མཆོག་སྩོལ་བཞིན། །ཡོན་ཏན་དཔག་ཡས་འགྲོ་བའི་རྗེས་སོང་བ། །མི་བསྐྱོད་རྡོ་རྗེའི་ངོ་བོར་འཚོ༴ ཀུན་ཏུ་འཕོ་བའི་འཇུག་ལྡང་རྒྱུ་དང་བཅས། །རྡོ་རྗེ་ནཱ་དའི་དབྱངས་སུ་འཆར་བ་ལས། །ཆོས་ཕུང་བྱེ་བ་སྙེད་ཀྱི་ཆར་འབེབས་པ། །པདྨ་དབང་ཆེན་ངོ་བོར་འཚོ༴ བདེ་ཆེན་ཡེ་ཤེས་གཅིག་པུའི་འཇོ་སྒེག་ལས། །ཞི་ཆགས་ཁྲོ་བོའི་ཉམས་འགྱུར་མི་ཟད་པས། །ཁམས་གསུམ་ཕན་བདེར་དབུགས་འབྱིན་ཕྲིན་ལས་ཅན། །ཐོད་པ་རྩལ་ཆེན་ངོ་བོར༴ བདག་ཏུ་རྨོངས་པའི་ཡུལ་ལ་ཞེན་ཆགས་པ། །རྡུལ་མུན་སྙིང་སྟོབས་དྲེགས་པའི་རྒྱུ་བ་ཀུན། །འབར་གཡོ་བརྟན་པའི་ཕྱག་རྒྱར་དབང་མཛད་པ། །མདོག་དམར་མེ་ཕྲེང་ངོ་བོར༴ རིགས་ཀུན་ཁྱབ་ཅིང་རྟག་པའི་འཕྲོ་འདུ་ལས། །སྐུ་དང་ཞིང་ཁམས་མཛད་པ་ཡོངས་ཀྱི་གཏེར། །འཕགས་བཞིའི་རྣམ་ཐར་ཀུན་དང་སྙོམས་འཇུག་པ། །སངས་རྒྱས་དཔའ་བོའི་ངོ་བོར༴ ལས་རླུང་དྷཱུ་ཏིར་དག་པའི་རྒྱུད་མང་པོ། །རྡོ་རྗེ་རྟ་ཡི་མགྲིན་གླུར་བླངས་པའི་མོད། །མཐའ་གཉིས་ཟིལ་གྱིས་གནོན་པའི་གཟི་འབར་བ། །རྟ་མཆོག་རོལ་པའི་ངོ་བོར་འཚོ༴ མདོར་ན་བདེ་བར་གཤེགས་པ་ཐམས་ཅད་ཀྱི། །གསང་བ་མཆོག་གི་མཛོད་ལ་དབང་བསྒྱུར་བཞིན། །ནམ་མཁའ་ཇི་སྲིད་མཛད་པ་དེ་སྲིད་པ། །ལག་ན་རྡོ་རྗེའི་ངོ་བོར་འཚོ་གཞེས་གསོལ། །དེ་ལྟར་མི་ཕྱེད་གུས་པས་གསོལ་བཏབ་མཐུས། །དཔལ་ལྡན་བླ་མ་འཇམ་པའི་རྡོ་རྗེ་འཆང་། །བསྐལ་པ་རྒྱ་མཚོར་འཚོ་གཞེས་བརྟན་པ་དང་། །ཟབ་རྒྱས་ཆོས་ཀྱི་ཆར་ཆེན་འབེབས་མཛད་གསོལ། །བདག་ཅག་རྣམས་ཀྱང་དེང་ནས་བྱང་ཆུབ་བར། །ཡེ་ཤེས་གཟིགས་པས་འབྲལ་མེད་རྗེས་བཟུང་སྟེ། །འཇིག་རྟེན་འཇིག་རྟེན་འདས་པའི་དགེ་ལེགས་ཀྱི། །བཀྲ་ཤིས་སྣང་བས་རྟག་ཏུ་ཁྱབ་གྱུར་ཅིག །ཅེས་མངོན་པར་འདོད་པའི་དོན་ལ་རྩེ་གཅིག་ཏུ་གསོལ་བ་འདེབས་མཚོན་དང་། ཟབ་པ་དང་རྒྱ་ཆེ་བའི་ཆོས་ཀྱི་འཁོར་ལོ་མཐའ་ཡས་པར་བསྐོར་ཞིང་བསྐོར་བར་འགྱུར་བའི་བཀའ་དྲིན་བྱང་ཆུབ་སྙིང་པོའི་བར་དུ་གཞལ་བར་སྤྲོ་པའི་མཎྜལ་རྟེན་འབྱུང་ཙམ་དུ་བཀྲ་ཤིས་པའི་ལྷ་གོས་རབ་དཀར་སྲིད་དུ་རིང་བས་ཐོག་དྲངས། འཆི་མེད་སྐུ་གསུང་ཐུགས་རྡོ་རྗེའི་སྣང་བརྙན། + བཅས་འབུལ་ལམ་ཞུ་ན་ཇི་སྐད་གསོལ་བའི་དོན་རྣམས་ཡིད་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ།། །། ༈

[edit]

zhabs brtan pad+ma dgyes pa'i rgyud mang 'chi med grub pa'i dbyangs snyan/__ 'jam mgon kong sprul rin po che'i zhabs brtan pad+ma dgyes pa'i rgyud mang 'chi med grub pa'i dbyangs snyan ces bya ba/_oM swa sti/_gzod nas yongs grub gnyug ma'i de kho na/_/gsang gsum mi zad rgyan gyi 'khor lo'i sprin/_/mkha' khyab sku dang ye shes rgya mtsho dngos/_/pad+ma badz+ra ngo bor 'tsho gzhes gsol/_/gzung 'dzin mtshan ma gzhar yang mi gnas pa'i/_/'od gsal sems kyi rdo rje'i chos nyid ni/_srid zhi kun tu son pa'i gar mdzad pa/_/bud+d+ha thod phreng ngo bor 'tsho=__ji ltar dag pa'i rin chen bai DUR+Ya/_/rtsol mi mnga' yang 'dod dgu'i mchog stsol bzhin/_/yon tan dpag yas 'gro ba'i rjes song ba/_/mi bskyod rdo rje'i ngo bor 'tsho=__kun tu 'pho ba'i 'jug ldang rgyu dang bcas/_/rdo rje nA da'i dbyangs su 'char ba las/_/chos phung bye ba snyed kyi char 'bebs pa/_/pad+ma dbang chen ngo bor 'tsho=__bde chen ye shes gcig pu'i 'jo sgeg las/_/zhi chags khro bo'i nyams 'gyur mi zad pas/_/khams gsum phan bder dbugs 'byin phrin las can/_/thod pa rtsal chen ngo bor=__bdag tu rmongs pa'i yul la zhen chags pa/_/rdul mun snying stobs dregs pa'i rgyu ba kun/_/'bar g.yo brtan pa'i phyag rgyar dbang mdzad pa/_/mdog dmar me phreng ngo bor=__rigs kun khyab cing rtag pa'i 'phro 'du las/_/sku dang zhing khams mdzad pa yongs kyi gter/_/'phags bzhi'i rnam thar kun dang snyoms 'jug pa/_/sangs rgyas dpa' bo'i ngo bor=__las rlung d+hU tir dag pa'i rgyud mang po/_/rdo rje rta yi mgrin glur blangs pa'i mod/_/mtha' gnyis zil gyis gnon pa'i gzi 'bar ba/_/rta mchog rol pa'i ngo bor 'tsho=__mdor na bde bar gshegs pa thams cad kyi/_/gsang ba mchog gi mdzod la dbang bsgyur bzhin/_/nam mkha' ji srid mdzad pa de srid pa/_/lag na rdo rje'i ngo bor 'tsho gzhes gsol/_/de ltar mi phyed gus pas gsol btab mthus/_/dpal ldan bla ma 'jam pa'i rdo rje 'chang /_/bskal pa rgya mtshor 'tsho gzhes brtan pa dang /_/zab rgyas chos kyi char chen 'bebs mdzad gsol/_/bdag cag rnams kyang deng nas byang chub bar/_/ye shes gzigs pas 'bral med rjes bzung ste/_/'jig rten 'jig rten 'das pa'i dge legs kyi/_/bkra shis snang bas rtag tu khyab gyur cig__/ces mngon par 'dod pa'i don la rtse gcig tu gsol ba 'debs mtshon dang /_zab pa dang rgya che ba'i chos kyi 'khor lo mtha' yas par bskor zhing bskor bar 'gyur ba'i bka' drin byang chub snying po'i bar du gzhal bar spro pa'i maN+Dal rten 'byung tsam du bkra shis pa'i lha gos rab dkar srid du ring bas thog drangs/_'chi med sku gsung thugs rdo rje'i snang brnyan/[ + ]bcas 'bul lam zhu na ji skad gsol ba'i don rnams yid bzhin du 'grub par byin gyis brlab tu gsol//___//_!_