JKCL-KABUM-07-JA-047

🚧 This website is under continued development. We appreciate your patience!

Previous Text"JA" is not a number. Back to Volume Page"JA" is not a number.Next Text "JA" is not a number.

Wylie title
Location	chos kyi blo gros bka' 'bum Volume , Text 47, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre	"JA" is not a number.

1 Texts in this Section (sde tshan or chos tshan)

621-624	འཕགས་པ་ས་ཡི་སྙིང་པའི་བསྒོམ་བཟླས་ཀྱི་ལུང་འབོག་ཚུལ། 'phags pa sa yi snying pa'i bsgom bzlas kyi lung 'bog tshul Sadhanas - Evocation Ritual - sgrub thabs	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

"JA" is not a number.

Tibetan Text

Wylie

[edit]

འཕགས་པ་ས་ཡི་སྙིང་པའི་བསྒོམ་བཟླས་ཀྱི་ལུང་འབོག་ཚུལ་བཞུགས། །ཨོཾ་སྭསྟི། དེ་ཡང་རྒྱུད་སྡེ་བཞི་གང་རུང་གི་དབང་བསྐུར་ཐོབ་པ་ལ། འདིའི་བཟླས་ལུང་འབོག་པར་སྤྲོ་ན། མཎྜལ་སྐུ་རྟེན་མཆོད་པའི་ཡོ་བྱད་འདུ་བྱས་ཏེ། ཐོག་མར་སློབ་དཔོན་གྱིས་བསྒོམ་བཟླས་ཉམས་སུ་ལེན་པ་ནི། སེམས་བསྐྱེད་སྔོན་དུ་འགྲོ་བས། ཤཱུ་ནྱ་ཏཱས་སྟོང་པར་སྦྱང་། པད་ཟླ་ལ་རང་སེམས་ཀྵིཾ་ཡོངས་སུ་གྱུར་པ་ལས། རང་ཉིད་ས་ཡི་སྙིང་པོ་སེར་པོ་སྟོད་གཡོག་སེར་པོ་ཅན། ཞི་བ་སྤྱན་རྩ་དམར་བ། མེ་ཏོག་སྔོན་པོའི་ཕྲེང་བའི་ཐོད་ཅན། ཕྱག་གཡས་ཤིང་ཐོག་དང་གཡོན་པདྨའི་སྟེང་ན་ནོར་བུ་དང་བཅས་པ་འཛིན་པ། འོད་ཟེར་ལྗང་གུ་འཕྲོ་བ། རྡོ་རྗེས་འོག་ལ་སོགས་པའི་འཁོར་གྱིས་བསྐོར་བ། གཞལ་ཡས་ཁང་སེར་པོ། རིན་པོ་ཆེའི་བྲག་རི་དང་གངས་རིས་བསྐོར་བ། དར་དང་རིན་པོ་ཆེས་བརྒྱན་པ། སེམས་དཔའི་སྐྱིལ་ཀྲུང་གིས་བཞུགས་ཤིང་རྒྱལ་བ་རིགས་ལྔའི་དབུ་རྒྱན་ཅན་དུ་གྱུར། ཡེ་ཤེས་པ་བཛྲ་ས་མཱ་ཛཿཛཿཧཱུྃ་བྃ་ཧོཿདཔྲལ་བར་ཨོཾ། མགྲིན་པར་ཨཱཿཐུགས་ཀར་ཧཱུྃ། ཐུགས་དབུས་ཟླ་སྟེང་དུ་ས་བོན་གྱི་མཐར་སྔགས་ཀྱི་ཕྲེང་བས་བསྐོར་བར་བསམ་ལ། ཨོཾ་སུམ་བྷ་ནི་སུམྦྷ། ཧ་ར་ཙ་ར། མ་ཧཱ་པཱ་ཤ། མཱ་རུ་ཏ། ཨ་མོ་གྷཱ་བཛྲ་སནྟ་སྭཱ་ཧཱ། ཞེས་བཟླ། འཇུག་ཏུ་སྐུ་སྟོང་པར་སྦྱང་། དགེ་བ་བྱང་ཆུབ་ཏུ་བསྔོ། སྤྲོ་ན་ཐུན་མཚམས་སུ་སའི་སྙིང་པོའི་མཚན་བརྒྱ་དང་གཟུངས་སྔགས་ཀྱང་བཀླག་གོ། གང་ལྟར་ཡང་སློབ་མ་རྣམས་ཁྲུས་དང་ཕྱག་སྔོན་དུ་འགྲོ་བས་འཁོད་པ་ལ། ཆོས་བཤད་ཅི་རིགས་སྔོན་དུ་འགྲོ་བས། འདིར་འཕགས་ཡུལ་ལྷོ་ཕྱོགས་ར་ཁང་ཙག་མར་སྐུ་འཁྲུངས་པ་མཁས་ཤིང་གྲུབ་པ་བརྙེས་པའི་སློབ་དཔོན་ཤཱཀྱ་རཀྵི་ཏ་ལ་རྡོ་རྗེ་རྣལ་འབྱོར་མས་དངོས་སུ་གནང་བའི་སྒྲུབ་ཐབས་བརྒྱ་དང་བརྒྱད་ཡོད་པ་ལས། སློབ་དཔོན་པཱུརྞ་བཛྲ་ནས་རྗེ་བཙུན་སྒྲོལ་བའི་མགོན་པོས་སྒྲུབ་ཐབས་ཉེར་བཞི་གསན་པའི་ནང་ཚན་ལས་བྱུང་བའི། འཕགས་པ་ས་ཡི་སྙིང་པོའི་བཟླས་ལུང་སྒྲུབ་པ་ལགས། ཆོས་འདི་གང་ལས་བྱུང་བའི་བརྒྱུད་པའི་རིམ་པ་ནི། རྡོ་རྗེ་རྣལ་འབྱོར་མ། གྲུབ་ཆེན་ཤཱཀྱ་རཀྵི་ཏ། བུདྡྷ་སྭཱ་མཱི། སུ་ཛ་ཏ། སཱ་དྷུ་ཛྙཱ་ན། སཾ་པྲ་ཀཱིརྟི། བྲམ་ཟེའི་སློབ་དཔོན་པ་དཱ་བནྡྷཱུ། བཱི་ར་མི་ཏྲྃ། པཱུརྞ་བཛྲ། ཐམས་ཅད་མཁྱེན་པ་ཏཱ་ར་ནཱ་ཐ་ནས་རིམ་པར་རྩ་བའི་བླ་མ་འདི་ཞེས་བྱ་བའི་བར་དུ་བརྒྱུད་པའི་ཟམ་མ་ཆད་པར་བྱོན་པ་ལགས། དེ་ལྟ་བུའི་སྒོམ་ལུང་སྒྲུབ་པར་བགྱི་བ་ལ། ཐོག་མར་གསན་པའི་ཡོན་དུ་མཎྜལ་འབུལ་འཚལ། ཅེས་མཚམས་སྦྱར་ནས་མཎྜལ་འབུལ་དུ་གཞུག །དེ་ནས་ཐེག་པ་ཆེ་ཆུང་ཐམས་ཅད་ཀྱི་སྔོན་དུ་འགྲོ་བ་སྐྱབས་སུ་འགྲོ་བ་དང་སེམས་བསྐྱེད་པ་འདིའི་རྗེས་ཟློས་མཛོད། སངས་རྒྱས་ཆོས་ཚོགས་ལན་གསུམ། ཁྱད་པར་དུ་གསོལ་བ་འདེབས་པ་འདིའི་རྗེས་ཟློས་མཛོད། སློབ་དཔོན་གྱིས་བདག་ལ་རིག་སྔགས་དམ་པ་སྩལ་དུ་གསོལ། ལན་གསུམ། དེ་ནས་ཁྱེད་རང་རྣམས་གཞན་དུ་མ་ཡེངས་པར་ལྷའི་རྣལ་འབྱོར་འདི་བཞིན་བསྒོམ་འཚལ། ཞེས་བརྡ་སྦྱར་ལ། ཤཱུ་ནྱ་ཏས་སྟོང་པར་སྦྱོང་། ཁྱེད་རང་རྣམས་ཀྱི་སྙིང་གར་པད་ཟླ་ལཀྵི་སེར་པོ་ཡོངས་སུ་གྱུར་པ་ལས་སོགས་ནས། ཐུགས་ཀར་ཧཱུྃ་གིས་མཚན་པར་གྱུར་པར་མངོན་རྟོགས་ལྟར་བརྗོད། སློབ་དཔོན་ལྷར་གསལ་བའི་ཐུགས་ཀར་ཟླ་བ་ལ་སྔགས་ཀྱི་ཕྲེང་བ། མོས་གུས་མཛད་པས་སྔགས་ཕྲེང་གཉིས་པ་ཆད་དེ་ཞལ་ནས་ཐོན། ཁྱེད་རང་རྣམས་ལྷར་གསལ་བའི་ཞལ་དུ་ཞུགས། ཐུགས་ཀར་ཟླ་བའི་སྟེང་དུ་འཁོད་པར་མོས་ལ་སྔགས་འདིའི་རྗེས་ཟློས་མཛོད། ཅེས་སྔགས་ཀྱི་རྗེས་ཟློས་ལན་གསུམ་གྲུབ་མཐར། དེ་བཞིན་གཤེགས་པ་ཐམས་ཅད་ཀྱི་གསུང་གི་བྱིན་རླབས་དང་། ཁྱད་པར་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་ས་ཡི་སྙིང་པོའི་གསུང་རིག་སྔགས་ཀྱི་ནུས་མཐུ་ཐམས་ཅད་རྡོ་རྗེའི་སློབ་མ་འདི་རྣམས་ཀྱི་ངག་ལ་ཐོགས་མེད་དུ་འཇུག་པར་གྱུར་ཅིག །འདིར་སློབ་དཔོན་དང་ཕྲེང་བ་སྦྲེལ་བ་དང་མཐའ་ཕྲེང་བ་སློབ་མའི་མགོར་འཇོག་པའང་ཕྱག་ལེན་ཏུ་འདུག་དེས་འཕགས་པ་ས་ཡི་སྙིང་པོའི་སྒོམ་ལུང་ལེགས་པར་གསན་པའི་གཏང་རག་ཏུ་མཎྜལ་འབུལ། བསྔོ་སྨོན་ཇི་ལྟར་འོས་པ་བྱས་པས་འགྲུབ་བདག་བསྐྱེད་བསྡུ་ལྡང་བྱས་ཟིན་ཅིང་མདུན་བསྐྱེད་བསྒྲུབ་མི་དགོས་པས་རྗེས་ཆོག་བྱར་མེད་དོ། །གཞན་ཕན་ཕྲིན་ལས་ཟླ་མེད་པ། །འཕགས་མཆོག་ས་ཡི་སྙིང་པོ་ཡི། །རྗེས་གནང་ཆོས་ཀྱི་བློ་གྲོས་ཀྱིས། །བླ་མའི་གསུང་ལས་བཏུས་པ་དགེ། སརྦ་དཱ་མངྒ་ལཾ། དགེའོ། དགེའོ། དགེའོ།། །།

[edit]

'phags pa sa yi snying pa'i bsgom bzlas kyi lung 'bog tshul bzhugs/__/oM swasti/__de yang rgyud sde bzhi gang rung gi dbang bskur thob pa la/__'di'i bzlas lung 'bog par spro na/__maN+Dal sku rten mchod pa'i yo byad 'du byas te/__thog mar slob dpon gyis bsgom bzlas nyams su len pa ni/__sems bskyed sngon du 'gro bas/__shU n+ya tAs stong par sbyang /__pad zla la rang sems k+ShiM yongs su gyur pa las/__rang nyid sa yi snying po ser po stod g.yog ser po can/__zhi ba spyan rtsa dmar ba/__me tog sngon po'i phreng ba'i thod can/__phyag g.yas shing thog dang g.yon pad+ma'i steng na nor bu dang bcas pa 'dzin pa/__'od zer ljang gu 'phro ba/__rdo rjes 'og la sogs pa'i 'khor gyis bskor ba/__gzhal yas khang ser po/__rin po che'i brag ri dang gangs ris bskor ba/__dar dang rin po ches brgyan pa/__sems dpa'i skyil krung gis bzhugs shing rgyal ba rigs lnga'i dbu rgyan can du gyur/__ye shes pa badz+ra sa mA dzaHdzaHhU~M ba~M hoHdpral bar oM/__mgrin par AHthugs kar hU~M/__thugs dbus zla steng du sa bon gyi mthar sngags kyi phreng bas bskor bar bsam la/__oM sum b+ha ni sum+b+ha/__ha ra tsa ra/__ma hA pA sha/__mA ru ta/__a mo g+hA badz+ra san+ta swA hA/__zhes bzla/__'jug tu sku stong par sbyang /__dge ba byang chub tu bsngo/__spro na thun mtshams su sa'i snying po'i mtshan brgya dang gzungs sngags kyang bklag go/__gang ltar yang slob ma rnams khrus dang phyag sngon du 'gro bas 'khod pa la/__chos bshad ci rigs sngon du 'gro bas/__'dir 'phags yul lho phyogs ra khang tsag mar sku 'khrungs pa mkhas shing grub pa brnyes pa'i slob dpon shAkya rak+Shi ta la rdo rje rnal 'byor mas dngos su gnang ba'i sgrub thabs brgya dang brgyad yod pa las/__slob dpon pUr+Na badz+ra nas rje btsun sgrol ba'i mgon pos sgrub thabs nyer bzhi gsan pa'i nang tshan las byung ba'i/__'phags pa sa yi snying po'i bzlas lung sgrub pa lags/__chos 'di gang las byung ba'i brgyud pa'i rim pa ni/__rdo rje rnal 'byor ma/__grub chen shAkya rak+Shi ta/__bud+d+ha swA mI/__su dza ta/__sA d+hu dz+nyA na/__saM pra kIrti/__bram ze'i slob dpon pa dA ban+d+hU/__bI ra mi tra~M/__pUr+Na badz+ra/__thams cad mkhyen pa tA ra nA tha nas rim par rtsa ba'i bla ma 'di zhes bya ba'i bar du brgyud pa'i zam ma chad par byon pa lags/__de lta bu'i sgom lung sgrub par bgyi ba la/__thog mar gsan pa'i yon du maN+Dal 'bul 'tshal/__ces mtshams sbyar nas maN+Dal 'bul du gzhug__/de nas theg pa che chung thams cad kyi sngon du 'gro ba skyabs su 'gro ba dang sems bskyed pa 'di'i rjes zlos mdzod/__sangs rgyas chos tshogs lan gsum/__khyad par du gsol ba 'debs pa 'di'i rjes zlos mdzod/__slob dpon gyis bdag la rig sngags dam pa stsal du gsol/__lan gsum/__de nas khyed rang rnams gzhan du ma yengs par lha'i rnal 'byor 'di bzhin bsgom 'tshal/__zhes brda sbyar la/__shU n+ya tas stong par sbyong /__khyed rang rnams kyi snying gar pad zla lak+Shi ser po yongs su gyur pa las sogs nas/__thugs kar hU~M gis mtshan par gyur par mngon rtogs ltar brjod/__slob dpon lhar gsal ba'i thugs kar zla ba la sngags kyi phreng ba/__mos gus mdzad pas sngags phreng gnyis pa chad de zhal nas thon/__khyed rang rnams lhar gsal ba'i zhal du zhugs/__thugs kar zla ba'i steng du 'khod par mos la sngags 'di'i rjes zlos mdzod/__ces sngags kyi rjes zlos lan gsum grub mthar/__de bzhin gshegs pa thams cad kyi gsung gi byin rlabs dang /__khyad par byang chub sems dpa' sems dpa' chen po 'phags pa sa yi snying po'i gsung rig sngags kyi nus mthu thams cad rdo rje'i slob ma 'di rnams kyi ngag la thogs med du 'jug par gyur cig__/'dir slob dpon dang phreng ba sbrel ba dang mtha' phreng ba slob ma'i mgor 'jog pa'ang phyag len tu 'dug des 'phags pa sa yi snying po'i sgom lung legs par gsan pa'i gtang rag tu maN+Dal 'bul/__bsngo smon ji ltar 'os pa byas pas 'grub bdag bskyed bsdu ldang byas zin cing mdun bskyed bsgrub mi dgos pas rjes chog byar med do/__/gzhan phan phrin las zla med pa/__/'phags mchog sa yi snying po yi/__/rjes gnang chos kyi blo gros kyis/__/bla ma'i gsung las btus pa dge/__sarba dA mang+ga laM/__dge'o/__dge'o/__dge'o//___//