JKCL-KABUM-07-JA-045

🚧 This website is under continued development. We appreciate your patience!

Previous Text"JA" is not a number. Back to Volume Page"JA" is not a number.Next Text "JA" is not a number.

Wylie title
Location	chos kyi blo gros bka' 'bum Volume , Text 45, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre	"JA" is not a number.

1 Texts in this Section (sde tshan or chos tshan)

617-618	དུས་འཁོར་ལྷན་སྐྱེས་རྒྱུན་ཁྱེར་དང་འབྲེལ་བའི་ཚོགས་མཆོད་འབུལ་ཚུལ་ཉུང་ངུ་། dus 'khor lhan skyes rgyun khyer dang 'brel ba'i tshogs mchod 'bul tshul nyung ngu Feast Offering - tshogs mchod - tshogs kyi 'khor lo	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

"JA" is not a number.

Tibetan Text

Wylie

[edit]

དུས་འཁོར་ལྷན་སྐྱེས་རྒྱུན་ཁྱེར་དང་འབྲེལ་བའི་ཚོགས་མཆོད་འབུལ་ཚུལ་ཉུང་ངུ་བཞུགས་སོ། །ཨོཾ་སྭཱསྟི། མཆོག་ཏུ་མི་འགྱུར་བདེ་བ་ཆེ། །དཔལ་ལྡན་དུས་ཀྱི་འཁོར་ལོ་དང་། །བླ་མ་མཆོག་ལ་གུས་བཏུད་ནས། །ཚོགས་ཀྱི་མཆོད་པ་ཉུང་ངུ་སྤེལ། །དེ་ལ་ཐབས་ཤེས་ཀྱི་རྫས་ཅི་རིགས་ཚོགས་པར་བྱས་ལ། བདུད་རྩིས་བསང་། ཨོཾ་ཨཱཿཧཱུྃ་ཧྲཱིཿཕཊཿཀྱིས་བསང་། སྭ་བྷཱ་ཝས་སྦྱངས། སྟོང་པའི་ངང་ལས་རླུང་མེའི་དཀྱིལ་འཁོར་སྟེང་། །ཨཱཿལས་མི་མགོའི་སྒྱེད་བུ་གསུམ་གྱི་སྟེང་། །ཐོད་པ་དུམ་གཅིག་ཡངས་ཤིང་རྒྱ་ཆེའི་ནང་། །ཨི་རྀ་ཨུ་ལྀ་ལཱྀ་ཨཱུ་རཱྀ་ཨཱི་ཨཱ། ཡོངས་གྱུར་ཤ་ལྔ་རླུང་མེས་ཞུ་བ་དང་། །ཨོཾ་ཨཱཿཧཱུྃ་ཧོས་སྦྱངས་སྤེལ་བདུད་རྩིར་གྱུར། ཨོཾ་ཨཱཿཧཱུྃ་ཧོཿཡང་ཡང་ཕྱག་རྒྱ་དང་བཅས་ཏེ་བརྗོད། ཨོཾ། རང་བཞིན་དབྱིངས་ནས་བླ་མ་དུས་འཁོར་ལོ། །གཙོ་འཁོར་སྤྲུལ་པ་བཅས་པ་ཐམས་ཅད་ཀུན། །རྨད་བྱུང་ཚོགས་ཀྱི་འདུ་བར་སྤྱན་འདྲེན་གཤེགས། ཚོགས་ཀྱི་རྫས་ལ་བཅུད་ཕོབ་དངོས་གྲུབ་སྩོལ། བཛྲ་ས་མཱ་ཛཿཅེས་སྤྱན་དྲངས། ན་མོ། ཐབས་དང་ཤེས་རབ་གཉིས་མེད་པའི། །ཚོགས་འཁོར་རྒྱ་ཆེན་རང་བཞིན་རྣམ་པར་དག །སྐྱེ་མེད་ཨཱ་ལི་ཀཱ་ལིའི་མཚན་ཉིད་ཅན། །ངོ་བོ་ཤ་ལྔ་བདུད་རྩི་ལྔའི་རང་བཞིན། །རྩ་བརྒྱུད་བླ་མ་རྣམས་ལ་འབུལ་བར་བགྱི། །དངོས་གྲུབ་རྩ་བ་ཡི་དམ་ལྷ་ཚོགས་དང་། །ཆོས་སྐྱོང་སྲུང་མ་མཆེད་གྲོགས་རྡོ་རྗེའི་སྤུན། །སྣོད་བཅུད་ལྷ་རུ་གསལ་བ་ཐམས་ཅད་ལ། །ཟག་མེད་བདུད་རྩིའི་ཚོགས་ཀྱི་མཆོད་པ་འབུལ། ཨོཾ་གཱ་ཎ་ཙཀྲ་པཱུ་ཛ་མེ་གྷ་སཱ་མུ་དྲ་སྥ་ར་ཎ་ས་མ་ཡེ་ཧཱུྃ། ཞེས་ཕུལ་ལ། རང་ཉིད་ཀྱིས་ཚིམ་པར་ལོངས་སྤྱོད་མཐར། ལྷག་མར་བདུད་རྩིས་བྲན། འབྲུ་བཞིས་བརླབ་པ། ཨ་ཀཱ་རོ་དང་། ཨོཾ་ཁ་ཁ་ཁཱ་ཧི་ཁཱ་ཧི་ཨུཙྪིཥྚ་བྷཀྵ་བྷཀྵ་སྭཱ་ཧཱ། ལན་གསུམ་གྱིས་བསྔོ། ལྷག་ལ་དབང་བའི་རྡོ་རྗེ་མཁའ་འགྲོ་དང་། །ཕྱོགས་སྐྱོངས་ཞིང་སྐྱོངས་འབྱུང་པོའི་ཚོགས་ལ་བསྔོ། །རྣལ་འབྱོར་ལམ་གྱི་བར་ཆད་ཀུན་ཞི་ནས། །རྡོ་རྗེའི་རྣལ་འབྱོར་འགྲུབ་པའི་ཕྲིན་ལས་མཛོད། །ཅེས་བསྔོས་ལ། རྡོ་རྗེའི་གླུ་དང་། བསྔོ་སྨོན་ཤིས་བརྗོད་བྱས་མཐར། ཀྵཿཞེས་ཁུ་ཚུར་རྒྱབ་བརྟན་སེ་གོལ་གྱིས་མགྲོན་རྣམས་གཤེགས་པར་བསམ་མོ། །ཅེས་པའང་དད་ལྡན་རྒིས་སྣ་རྣམ་བཟང་ནས་བསྐུལ་ངོར་ཆོས་ཀྱི་བློ་གྲོས་པས་བྲིས་པའོ།། །།

[edit]

dus 'khor lhan skyes rgyun khyer dang 'brel ba'i tshogs mchod 'bul tshul nyung ngu bzhugs so/__/oM swAsti/__mchog tu mi 'gyur bde ba che/__/dpal ldan dus kyi 'khor lo dang /__/bla ma mchog la gus btud nas/__/tshogs kyi mchod pa nyung ngu spel/__/de la thabs shes kyi rdzas ci rigs tshogs par byas la/__bdud rtsis bsang /__oM AHhU~M hrIHphaTaHkyis bsang /__swa b+hA was sbyangs/__stong pa'i ngang las rlung me'i dkyil 'khor steng /__/AHlas mi mgo'i sgyed bu gsum gyi steng /__/thod pa dum gcig yangs shing rgya che'i nang /__/i r-i u l-i l-I U r-I I A/__yongs gyur sha lnga rlung mes zhu ba dang /__/oM AHhU~M hos sbyangs spel bdud rtsir gyur/__oM AHhU~M hoHyang yang phyag rgya dang bcas te brjod/__oM/__rang bzhin dbyings nas bla ma dus 'khor lo/__/gtso 'khor sprul pa bcas pa thams cad kun/__/rmad byung tshogs kyi 'du bar spyan 'dren gshegs/__tshogs kyi rdzas la bcud phob dngos grub stsol/__badz+ra sa mA dzaHces spyan drangs/__na mo/__thabs dang shes rab gnyis med pa'i/__/tshogs 'khor rgya chen rang bzhin rnam par dag__/skye med A li kA li'i mtshan nyid can/__/ngo bo sha lnga bdud rtsi lnga'i rang bzhin/__/rtsa brgyud bla ma rnams la 'bul bar bgyi/__/dngos grub rtsa ba yi dam lha tshogs dang /__/chos skyong srung ma mched grogs rdo rje'i spun/__/snod bcud lha ru gsal ba thams cad la/__/zag med bdud rtsi'i tshogs kyi mchod pa 'bul/__oM gA Na tsakra pU dza me g+ha sA mu dra s+pha ra Na sa ma ye hU~M/__zhes phul la/__rang nyid kyis tshim par longs spyod mthar/__lhag mar bdud rtsis bran/__'bru bzhis brlab pa/__a kA ro dang /__oM kha kha khA hi khA hi uts+tshiSh+Ta b+hak+Sha b+hak+Sha swA hA/__lan gsum gyis bsngo/__lhag la dbang ba'i rdo rje mkha' 'gro dang /__/phyogs skyongs zhing skyongs 'byung po'i tshogs la bsngo/__/rnal 'byor lam gyi bar chad kun zhi nas/__/rdo rje'i rnal 'byor 'grub pa'i phrin las mdzod/__/ces bsngos la/__rdo rje'i glu dang /__bsngo smon shis brjod byas mthar/__k+ShaHzhes khu tshur rgyab brtan se gol gyis mgron rnams gshegs par bsam mo/__/ces pa'ang dad ldan rgis sna rnam bzang nas bskul ngor chos kyi blo gros pas bris pa'o//___//