JKCL-KABUM-02-KHA-044

From Khyentse Lineage - A Tsadra Foundation Project

‎‎

དཔལ་རྟ་མཆོག་རོལ་པ་ལ་བསྟོད་པ་དབང་ཆེན་རྔམས་པའི་གད་མོ་དང་བང་ཆེན་རྟ་ཡི་འདུར་དབྱངས། ཨི་ཧ་ཧ། ཨི་ཡི་འདྲེན་པས་འཁོར་བ་ཞལ་དུ་རྔུབས།
Wylie title dpal rta mchog rol pa la bstod pa dbang chen rngams pa'i gad mo dang bang chen rta yi 'dur dbyangs/ i ha ha/ i yi 'dren pas 'khor ba zhal du rngubs JKCL-KABUM-02-KHA-044.pdf
Location chos kyi blo gros bka' 'bum
Volume 2, Text 44, Pages 487-490 (Folios 1a1 to 2b4)
Author འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation 'jam dbyangs mkhyen brtse chos kyi blo gros. dpal rta mchog rol pa la bstod pa dbang chen rngams pa'i gad mo dang bang chen rta yi 'dur dbyangs i ha ha i yi 'dren pas 'khor ba zhal du rngubs. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 2: 487-490. Bir, H.P.: Khyentse Labrang, 2012.
Genre Verses of Praise - bstod pa
Deity rta mchog rol pa
Colophon
  • First colophon page 488: ཅེས་པའང་རིག་འཛིན་གྱི་གྲལ་མཐར་འཁོད་པ་པདྨ་ཡེ་ཤེས་རྡོ་རྗེས་ཤིང་བྱ་ས་ཟླའི་ཚེས་༢༡ལ་བསྟོད་སྨོན་དུ་བྲིས་པ་དགེ་ལེགས་འཕེལ།
  • Second colophon page 489: ཅེས་པའང་ཟླ་༥ཚེས་༤ལ་མ་ཏིས་སོ།
  • First colophon page 488: ces pa'ang rig 'dzin gyi gral mthar 'khod pa pad+ma ye shes rdo rjes shing bya sa zla'i tshes 21la bstod smon du bris pa dge legs 'phel/
  • Second colophon page 489: ces pa'ang zla 5tshes 4la ma tis so/
[edit]
དཔལ་རྟ་མཆོག་རོལ་པ་ལ་བསྟོད་པ་དབང་ཆེན་རྔམ་པའི་གད་མོ་ཞེས་བྱ་བ་བཞུགས་སོ། །ཨོཾ་སྭསྟི། དཔལ་གྱི་རྗེ་ནི་ཁམས་གསུམ་ཀུན་ཁྱབ་ཡེ་ཤེས་ཉི་མའི་ལྕགས་ཀྱུ་ནི། །ཤུགས་དྲག་རྣོ་མྱུར་རེག་པའི་མོད་ལ་སིལ་ཁྲོལ་བསྒྱུར་བས་ཡི་ག་འཕྲོག །དབང་དུ་སྡུད་མཛད་དབང་མཛད་ཁྲོ་བོ་རབ་དམར་བྱེ་རུའི་མདོག་ཅན་ནི། །ཕྱག་མཚན་འབར་མ་མེ་ཡི་ཕྲེང་དང་གློག་གི་གར་འཁྱུགས་རབ་འཕྲོ་བསྣམས། ༡པདྨའི་དབྱུག་དང་ཀེང་རུས་མགོ་དང་རྡོ་རྗེ་རལ་གྲི་བྷཉྫ་སོགས། །ངེས་དང་མ་ངེས་ཕྱག་ཆ་སྟོང་ལྡན་བརྗིད་པའི་སྐུ་ཡིས་ས་གསུམ་ཁྱབ། །དབུ་ནི་སྲིན་ཞལ་ཆགས་དང་གཏུམ་རྔམ་བཞད་པའི་ཉམས་ལྡན་གཅིག་དང་རྩེ་མོའི་གྲངས། །མཐའ་ཡས་རོལ་གར་ཁྲག་གིས་སྦགས་པའི་ཅུང་ཀའི་མཆུ་ལྟར་གུག་པ་ཡི། ༢། སྡེར་མོ་རབ་རྣོ་ཞབས་བཞི་དག་ནི་བརྐྱང་བསྐུམ་གར་གྱི་སྦྱོར་བ་བརྒྱས། །བདུད་དང་ལོག་འདྲེན་དྲེགས་བྱེད་ཚོགས་རྣམས་བསྒྱེལ་བའི་སྟེང་ན་གར་དགུས་སྒེག །བཅོམ་ལྡན་རབ་ཁྲོས་སྙིང་རྗེས་ཡོངས་གང་དཔའ་བོ་ཆེན་པོ་ཧྱ་གྲཱི། །མ་ཆགས་ཆགས་ཅན་བདེ་ཆེན་རོས་མྱོས་པདྨ་གཟི་ལྡན་རྟག་པར་རོལ། ༣། སྤྱི་གཙུག་རྟ་གདོང་ཧ་ཧིའི་ང་རོ་འབྲུག་སྟོང་དུས་གཅིག་སྒྲོགས་པ་ནི། །ཁམས་གསུམ་སྡུད་པའི་དབུས་དང་གཡས་གཡོན་ཕྱོགས་བཅུ་ཀུན་ཏུ་འཚེར་བ་ན། །སྣོད་བཅུད་བརྟན་པ་དབང་མེད་གྱུར་ནས་ཀུ་ཤའི་རྩེ་བཞིན་རབ་བསྐྱོད་དང་། །རང་དབང་གྱུར་ཏེ་བྲན་དང་འབངས་སུ་གཙིགས་ལ་ཕབ་ཅིང་དམ་བསྒྲགས་པའི། ༤། འཁོར་འདས་རྗེ་བཙན་རྟ་ཡི་མགྲིན་བུ་པདྨའི་རིགས་ཁྲོས་ཁྲོ་བོའི་རྒྱལ། །དཔལ་དང་དུར་ཁྲོད་ཆས་ཀྱིས་རབ་བརྒྱན་མཐོང་བའི་མོད་ལ་སྙིང་རྩ་འདར། །གསུང་གི་ཤས་ཀྱིས་བསྐལ་པའི་འབྱུང་བ་འཁྲུགས་པའི་སྒྲ་ཡང་ཟིལ་གྱིས་གནོན། །གཏུམ་ཆེན་ཁྲོས་པའི་ཐུགས་ཀྱི་རང་བཞིན་ཕྱོགས་ཀྱི་རྒྱ་མཚོའི་ངོམ་ལྟར་གནག༥། མི་སློབ་ལམ་གྱི་རྒྱན་ལྔའི་ཡོན་ཏན་མཁའ་དབྱིངས་ཡངས་པའི་སྤྲིན་དུ་བཀོད། །ཕྱོགས་དུས་རྒྱལ་བའི་ཕྲིན་ལས་རོལ་མོས་སྲིད་པ་གསུམ་པོ་འདར་བྱེད་ན། །བདུད་དང་ལོག་འདྲེན་དུམ་བུ་དུམ་བུའི་ཚོགས་རྣམས་ལ་ནི་བཤད་དུ་ཅི། །རྡོ་རྗེའི་ཤུགས་ཀྱི་སྡང་མིག་བགྲད་ཅིང་མེ་ལྕེའི་ཕུང་པོ་ཆེན་པོ་ནི། ༦། གངས་ཆེན་མཚོ་ཡི་ཞིང་ཀུན་ཁྱབ་འབར་རྒྱལ་བ་རྣམས་ཀྱང་སྐྲག་ཅིང་བསྔངས། །རྒྱུན་མཐར་གནས་པའི་འཕགས་པའི་ཚོགས་ཀྱང་འཇོམས་ན་གཞན་དག་ལྟ་ཅི་སྨོས། །དེ་ལྟའི་དཔལ་ཆེན་རྟ་མཆོག་རོལ་པ་དབང་གི་དཀྱིལ་འཁོར་རྒྱ་མཚོའི་གཙོར། །བསྟོད་པའི་དགེ་བས་བདུད་སྲིན་དབང་སྡུད་དབང་ཆེན་གསང་བ་གསུམ་འགྲུབ་ཤོག༧། ཅེས་པའང་རིག་འཛིན་གྱི་གྲལ་མཐར་འཁོད་པ་པདྨ་ཡེ་ཤེས་རྡོ་རྗེས་ཤིང་བྱ་ས་ཟླའི་ཚེས་༢༡ལ་བསྟོད་སྨོན་དུ་བྲིས་པ་དགེ་ལེགས་འཕེལ། ༈། དབང་ཆེན་རྟ་ཡི་འདུར་དབྱངས། ཧཱི་ཧཱི་ཧཱི། སྣང་སྲིད་ཐམས་ཅད་གཞིར་རྫོགས་རྟ་མགྲིན་གྱི། །རིག་པ་བྱང་ཆུབ་སེམས་ཀྱི་ངོ་བོར་འདུས། །གཞན་དུ་མ་གྲུབ་རང་དང་དབྱེར་མེད་ཅིང་། །འཁོར་འདས་ཆོས་ཀུན་རྟ་སྐད་ཐེངས་གསུམ་འཆར། །ཧཱི་ཧཱི་ཧཱི། ལམ་གྱི་ཆོས་རྣམས་གསང་གསུམ་ཕྱག་རྒྱར་ཤར། །དབང་ཆེན་རྟ་ཡི་མགྲིན་གླུས་རྒྱས་ཐེབས་པས། །སྒོ་གསུམ་འཁྲུལ་པ་རུ་ལྡོག་སྐུ་གསུམ་གྲུབ། །གཉུག་མ་དོན་གྱི་རྟ་མཆོག་རོལ་པར་ཤར། །ཧཱི་ཧཱི་ཧཱི། གཞི་ཉིད་འབྲས་བུར་སྨིན་པ་ཨ་ཏིའི་ལྷ། །ཡེ་རྫོགས་དཔལ་ཆེན་དཀྱིལ་འཁོར་ལྷུན་གྱིས་གྲུབ། །རང་ཤར་ཡེ་གྲོལ་ཆེན་པོ་མངོན་དུ་གྱུར། །ཆོས་རྣམས་དབྱིངས་ཡེ་གཉིས་མེད་རྫོགས་པ་ཆེ། །ཧཱི་ཧཱི་ཧཱི། དེ་ལྟར་ཧྱ་གྲཱི་ཝའི་གདིང་ཚད་ཀྱིས། །ཧཱི་ཧཱིའི་སྒྲ་དབྱངས་སྲིད་གསུམ་འཚེར་བ་ལས། །ལོག་རྟོག་འབྱུང་པོ་དབང་དུ་བསྡུ་བ་དང་། །ཐམས་ཅད་པདྨ་དབང་ཆེན་གྲུབ་གྱུར་ཅིག །ཅེས་པའང་ཟླ་༥ཚེས་༤ལ་མ་ཏིས་སོ། །༈ཨི་ཧ་ཧ། ཨི་ཡི་འདྲེན་པས་འཁོར་བ་ཞལ་དུ་རྔུབས། །ཧ་ཡི་མྱང་འདས་ཐམས་ཅད་དབྱིངས་སུ་བསྒྲལ། །ཧ་ཡི་འཁོར་འདས་ཀུན་ཁྱབ་རྟ་མགྲིན་གྱི། །དཀྱིལ་འཁོར་ཆེན་པོར་ལྷུན་གྱིས་རྫོགས་པ་ཧོ། །ཨི་ཧ་ཧ། །ཨི་ཡི་ཀུན་བརྟག་བཅོས་མའི་བསྐྱེད་པ་རྣམས། །ཧ་ཡི་ཟབ་གསལ་སྟོང་པའི་ཀློང་དུ་བསྡུ། །ཧ་ཡི་མ་བཅོས་གཉུག་མའི་ཕྱག་རྒྱར་ཤར། །རྫོགས་པའི་རིམ་པ་རང་ཤར་གསལ་ཁྱབ་ཧོ། །ཨི་ཡི་བདེ་ཆེན་ཕྱག་རྒྱའི་དྭངས་མ་འདྲེན། །ཧ་ཡི་ལྟེ་བའི་འཁོར་ལོར་བརྟན་པ་དང་། །ཧ་ཡི་སྙིང་མགྲིན་ཙཀྲར་གནས་པ་ལས། །རང་བྱུང་ཡེ་ཤེས་ཉི་འོད་འཕྲོ་བརྡལ་ཧོ། །ཨི་ཡི་སྲིད་གསུམ་ཀ་དག་སྟོང་པའི་ངང་། །ཧ་ཡི་ལྷུན་གྲུབ་འོད་སྣང་མངོན་དུ་བྱེད། །ཧ་ཡི་རྟ་མགྲིན་དཔལ་ཆེན་མངོན་སུམ་སྨིན། །འཕོ་ཆེན་རྡོ་རྗེའི་སྐུ་གྲུབ་ཨེ་མ་ཧོ། །ཨི་ཡི་རྣམ་ཀུན་མཆོག་ལྡན་ཆོས་སྐུའི་ངང་། །ཧ་ཡི་བདེ་ཆེན་རྟ་མཆོག་ལོངས་སྤྱོད་རྫོགས། །ཧ་ཡི་སྲིད་ཞི་ཀུན་ཁྱབ་སྒྱུ་འཕྲུལ་གར། །དབྱེར་མེད་བདེ་ཆེན་སྲོག་གི་ཐིག་ལེར་གྲུབ། ། །།
[edit]

dpal rta mchog rol pa la bstod pa dbang chen rngam pa'i gad mo zhes bya ba bzhugs so/____/oM swasti/__dpal gyi rje ni khams gsum kun khyab ye shes nyi ma'i lcags kyu ni/____/shugs drag rno myur reg pa'i mod la sil khrol bsgyur bas yi ga 'phrog__/dbang du sdud mdzad dbang mdzad khro bo rab dmar bye ru'i mdog can ni/____/phyag mtshan 'bar ma me yi phreng dang glog gi gar 'khyugs rab 'phro bsnams/__1pad+ma'i dbyug dang keng rus mgo dang rdo rje ral gri b+hany+dza sogs/____/nges dang ma nges phyag cha stong ldan brjid pa'i sku yis sa gsum khyab/____/dbu ni srin zhal chags dang gtum rngam bzhad pa'i nyams ldan gcig dang rtse mo'i grangs/____/mtha' yas rol gar khrag gis sbags pa'i cung ka'i mchu ltar gug pa yi/__2/__sder mo rab rno zhabs bzhi dag ni brkyang bskum gar gyi sbyor ba brgyas/____/bdud dang log 'dren dregs byed tshogs rnams bsgyel ba'i steng na gar dgus sgeg__/bcom ldan rab khros snying rjes yongs gang dpa' bo chen po h+ya grI/____/ma chags chags can bde chen ros myos pad+ma gzi ldan rtag par rol/__3/__spyi gtsug rta gdong ha hi'i nga ro 'brug stong dus gcig sgrogs pa ni/____/khams gsum sdud pa'i dbus dang g.yas g.yon phyogs bcu kun tu 'tsher ba na/____/snod bcud brtan pa dbang med gyur nas ku sha'i rtse bzhin rab bskyod dang /____/rang dbang gyur te bran dang 'bangs su gtsigs la phab cing dam bsgrags pa'i/__4/__'khor 'das rje btsan rta yi mgrin bu pad+ma'i rigs khros khro bo'i rgyal/____/dpal dang dur khrod chas kyis rab brgyan mthong ba'i mod la snying rtsa 'dar/____/gsung gi shas kyis bskal pa'i 'byung ba 'khrugs pa'i sgra yang zil gyis gnon/____/gtum chen khros pa'i thugs kyi rang bzhin phyogs kyi rgya mtsho'i ngom ltar gnag5/__mi slob lam gyi rgyan lnga'i yon tan mkha' dbyings yangs pa'i sprin du bkod/____/phyogs dus rgyal ba'i phrin las rol mos srid pa gsum po 'dar byed na/____/bdud dang log 'dren dum bu dum bu'i tshogs rnams la ni bshad du ci/____/rdo rje'i shugs kyi sdang mig bgrad cing me lce'i phung po chen po ni/__6/__gangs chen mtsho yi zhing kun khyab 'bar rgyal ba rnams kyang skrag cing bsngangs/____/rgyun mthar gnas pa'i 'phags pa'i tshogs kyang 'joms na gzhan dag lta ci smos/____/de lta'i dpal chen rta mchog rol pa dbang gi dkyil 'khor rgya mtsho'i gtsor/____/bstod pa'i dge bas bdud srin dbang sdud dbang chen gsang ba gsum 'grub shog7/__ces pa'ang rig 'dzin gyi gral mthar 'khod pa pad+ma ye shes rdo rjes shing bya sa zla'i tshes 21la bstod smon du bris pa dge legs 'phel/__!/__dbang chen rta yi 'dur dbyangs/__hI hI hI/__snang srid thams cad gzhir rdzogs rta mgrin gyi/____/rig pa byang chub sems kyi ngo bor 'dus/____/gzhan du ma grub rang dang dbyer med cing /____/'khor 'das chos kun rta skad thengs gsum 'char/____/hI hI hI/__lam gyi chos rnams gsang gsum phyag rgyar shar/____/dbang chen rta yi mgrin glus rgyas thebs pas/____/sgo gsum 'khrul pa ru ldog sku gsum grub/____/gnyug ma don gyi rta mchog rol par shar/____/hI hI hI/__gzhi nyid 'bras bur smin pa a ti'i lha/____/ye rdzogs dpal chen dkyil 'khor lhun gyis grub/____/rang shar ye grol chen po mngon du gyur/____/chos rnams dbyings ye gnyis med rdzogs pa che/____/hI hI hI/__de ltar h+ya grI wa'i gding tshad kyis/____/hI hI'i sgra dbyangs srid gsum 'tsher ba las/____/log rtog 'byung po dbang du bsdu ba dang /____/thams cad pad+ma dbang chen grub gyur cig__/ces pa'ang zla 5tshes 4la ma tis so/____/!i ha ha/__i yi 'dren pas 'khor ba zhal du rngubs/____/ha yi myang 'das thams cad dbyings su bsgral/____/ha yi 'khor 'das kun khyab rta mgrin gyi/____/dkyil 'khor chen por lhun gyis rdzogs pa ho/____/i ha ha/____/i yi kun brtag bcos ma'i bskyed pa rnams/____/ha yi zab gsal stong pa'i klong du bsdu/____/ha yi ma bcos gnyug ma'i phyag rgyar shar/____/rdzogs pa'i rim pa rang shar gsal khyab ho/____/i yi bde chen phyag rgya'i dwangs ma 'dren/____/ha yi lte ba'i 'khor lor brtan pa dang /____/ha yi snying mgrin tsakrar gnas pa las/____/rang byung ye shes nyi 'od 'phro brdal ho/____/i yi srid gsum ka dag stong pa'i ngang /____/ha yi lhun grub 'od snang mngon du byed/____/ha yi rta mgrin dpal chen mngon sum smin/____/'pho chen rdo rje'i sku grub e ma ho/____/i yi rnam kun mchog ldan chos sku'i ngang /____/ha yi bde chen rta mchog longs spyod rdzogs/____/ha yi srid zhi kun khyab sgyu 'phrul gar/____/dbyer med bde chen srog gi thig ler grub/__/____//_

Footnotes

Other Information