JKW-KABUM-10-THA-002

🚧 This website is under continued development. We appreciate your patience!

Previous Section Back to Volume PageNext Section

Wylie title
Location	mkhyen brtse'i bka' 'bum Volume 10, sde tshan 2, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 10: 141-144. Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

145-147	ཀུན་རིག་གི་སྐྱབས་ཡུལ་བསྒོམ་ཚུལ་སོགས། kun rig gi skyabs yul bsgom tshul sogs Activity Manual - las byang   ·   Ritual and Liturgical Texts - cho ga phyag len	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཀུན་རིག་གི་སྐྱབས་ཡུལ་བསྒོམ་ཚུལ་སོགས།

༄༅། །ཀུན་རིག་གི་སྐྱབས་ཡུལ་བསྒོམ་ཚུལ་ལ།

ས་ཕྱོགས་ཐམས་ཅད་དག་པའི་ཞིང་ཁམས་སུ་གསལ་བའི་དབུས། རང་གི་མདུན་ཐད་དུ་རིན་པོ་ཆེའི་ལྗོན་ཤིང་ཡལ་ག་ལྔ་པ། ལོ་འདབ་མེ་ཏོག་འབྲས་བུ་ཕུན་སུམ་ཚོགས་པ། དབུས་ཀྱི་ཡལ་གའི་མེ་ཏོག་གི་དབུས་སུ་རིན་པོ་ཆེའི་ཁྲི་པད་ཟླ་རྒྱས་པའི་སྟེང་དུ་རྩ་བའི་བླ་མ་རྣམ་པར་སྣང་མཛད་ལ། རིགས་བཞི། ཡུམ་བཞི། སེམས་དཔའ་བཅུ་དྲུག །སྒེག་སོགས་བརྒྱད། སྒོ་བ་བཞི། བྱང་སེམས་བཅུ་དྲུག །ཉན་ཐོས་བཅུ་དྲུག །རང་རྒྱལ་བཅུ་གཉིས། ཁྲོ་བོ་བཅུ་དྲུག །འཁོར་ཡུག་གི་ལྷ་དང་བཅས་པས་བསྐོར་བ། མདུན་གྱི་ཡལ་གར་ཡི་དམ་དཀྱིལ་འཁོར་གྱི་ལྷ་ཚོགས། གཡས་སུ་སངས་རྒྱས་ལོངས་སྤྱོད་རྫོགས་པའམ་སྤྲུལ་སྐུའི་རྣམ་པ་ཅན། རྒྱབ་ཏུ་ཆོས་པུསྟི་བྲག་རི་བརྩེགས་པ་ལྟ་བུ་རིན་པོ་ཆེའི་དྲྭ་མིག་དང་བཅས་པ། གཡོན་དུ་བྱང་སེམས་དང་། ཉན་ཐོས་ཀྱི་དགེ་འདུན་དཔལ་མགོན་བདུན་ཅུ་རྩ་ལྔ་སོགས་ཆོས་སྲུང་ནོར་ལྷའི་ཚོགས་དང་བཅས་བསྐོར་བར་བསྒོམ་པའོ། ། ༈ ཀུན་རིག་སོགས་རྣལ་འབྱོར་རྒྱུད་ཀྱི་ཉམས་ལེན་ཐམས་ཅད་ནི་ཡར་ཐར་པའི་འདྲ་འབག་སངས་རྒྱས་ཀྱི་མཛད་པ་ལམ་དུ་བྱེད་པ་ཞེས་དེ་དང་ཚུལ་མཐུན་པར་བསྒོམས་པས་འཁོར་བའི་བག་ཆགས་སྦྱངས་ནས་སངས་རྒྱས་ཀྱི་གོ་འཕང་ཐོབ་པར་བྱེད་པ་སྟེ། སྔོན་དུ་སྐྱབས་སེམས་བྱ་བ་ནི་དང་པོར་བྱང་ཆུབ་མཆོག་ཏུ་སེམས་བསྐྱེད་པ། སྲུང་འཁོར་བསྒོམས་པ་ནི་ཚོགས་ལམ། ལག་མཐིལ་དུ་ཟླ་བའི་དཀྱིལ་འཁོར་བསྒོམ་པ་ནས། བཛྲ་བྷནྡྷ་ཡན་གྱིས་སྦྱོར་ལམ། བཛྲ་བནྡཱ་ཏྲཊ྄་ཀྱིས་སྡིག་པ་བྲལ་བ་ནི་མཐོང་ལམ་གྱི་སྔོན་འགྲོ། ཨཱ་བེ་ཤ་ཡས་ཡེ་ཤེས་དབབ་པ་ནི་མཐོང་ལམ། ཏིཥྛ་བཛྲ་སོགས་ཀྱིས་བརྟན་པར་བྱེད་པ་བསྒོམ་ལམ། དེའི་འབྲས་བུ་ལྷར་བསྐྱེད་པ་ནི་འོག་མིན་དུ་སངས་རྒྱས་པ་སྟེ་མི་སློབ་པའི་ལམ། རང་ཉིད་ནམ་མཁར་གནས་པས་དཀྱིལ་འཁོར་གྱི་དབུས་སུ་སླར་ཡང་གཙོ་བོའི་རྣམ་པར་བསྐྱེད་པ་ནི། སངས་རྒྱས་སྤྲུལ་པའི་སྐུ་ཞིང་འདིར་འཁྲུངས་ནས་སངས་རྒྱས་པའི་ཚུལ་སྟོན་པ། འཁོར་བསྐྱེད་པ་ནི་གང་ལ་གང་འདུལ་གྱིས་འགྲོ་དོན་མཛད་པ། ཡེ་ཤེས་པ་གཞུག་པ་ནི། སངས་རྒྱས་ཀྱི་ཐུགས་རྗེས་སེམས་ཅན་ཡལ་བར་མི་འདོར་བ། ཕྱག་རྒྱ་བཞིས་རྒྱས་གདབ་པ་ནི། འགྲོ་བའི་དོན་ལ་ཐོགས་པ་མེད་པ། མཆོད་བསྟོད་ནི། ཚངས་པ་ལ་སོགས་པས་ཆོས་འཁོར་བསྐོར་བར་གསོལ་བ་གདབ་པ། །བཟླས་པ་ནི། ཆོས་ཀྱི་འཁོར་ལོ་བསྐོར་བ། སླར་ཡང་མཆོད་བསྟོད་ནི། གདུལ་བྱ་རྣམས་ཀྱིས་གཏོང་རག་འབུལ་བ། ཡེ་ཤེས་པ་གཤེགས་ཤིང་དམ་ཚིག་པ་བསྡུ་བ་ནི་སངས་རྒྱས་ཀྱི་མཛད་པ་གྲུབ་ནས་མྱ་ངན་ལས་འདས་པ། སླར་ཡང་རྗེས་ཐོབ་ཏུ་བསྔོ་སྨོན་ལ་སོགས་པའི་དགེ་བའི་རྩ་བ་རྒྱུན་མི་ཆད་པར་བསྒྲུབས་པ་ནི་སངས་རྒྱས་གྱི་སྤྲུལ་པ་རྒྱུན་མི་འཆད་པ་མཚོན་པར་བྱེད་པའོ། ། ༈ ཀྱཻ་རྡོར་སོགས་རྣལ་འབྱོར་བླ་མེད་ཀྱི་ལམ་རྣམས་གཙོ་བོར་འཁོར་བའི་འདྲ་འབག་ལམ་དུ་བྱས་ནས་བག་ཆགས་ཐམས་ཅད་ལྷ་དང་ཡེ་ཤེས་སུ་སྒྱུར་བར་བྱེད་པ་སྟེ། སྐྱེ་བ་སྔ་མའི་འཆི་བའི་འོད་གསལ་ནི་ནུབ་མོར་སྟོང་པ་ཉིད་ཀྱི་ངང་དུ་ཉལ་བས་མཚོན་ལ། དེ་བཞིན་དུ་ལྡང་བའི་རྣལ་འབྱོར་ནི་བར་དོའི་ཡིད་ལུས། དེ་ལས་ལྷ་བསྐྱེད་པ་ནི། སྐྱེ་བ་ཕྱི་མའི་ལུས་སུ་གྲུབ་པ། སྐྱེ་མཆེད་སྐུ་གསུང་ཐུགས་སུ་བྱིན་གྱིས་བརླབ་པ་ནི་སྐྱེས་ནས་དབང་པོ་རིམ་གྱིས་རྫོགས་པ། ཡེ་ཤེས་པ་བཅུག་པ་ནི་བསམ་པ་ལོན་པ། དབང་བསྐུར་བ་ནི་ཕ་མ་སོགས་ཀྱིས་ཆུས་སྲིད་གཏད་པ། མཆོད་བསྟོད་ནི་འདོད་ཡོན་ལ་ལོངས་སྤྱོད་པ་བཟླས་པ་དང་འོད་ཟེར་སྤྲོ་བསྡུ་སོགས་ནི་དགྲ་འདུལ་གཉེན་སྐྱོང་སོགས་བྱ་བ་བསྒྲུབ་པ། བསྡུ་རིམ་ནི་སླར་འཆི་བའི་འོད་གསལ་ལ་འཇུག་པ་སོགས་ཏེ། གཞི་མ་དག་པའི་སྣང་བ་དེ་དང་དེ་ཐམས་ཅད་དག་པའི་ལམ་རྣལ་འབྱོར་གྱིས་བཏབ་སྟེ་བསྒོམས་པས་འབྲས་བུ་སངས་རྒྱས་སྐུ་གསུམ་གྱི་གོ་འཕང་མྱུར་དུ་ཐོབ་པའི་ཟབ་ཁྱད་ཡིན་ནོ། །ཞེས་པ་འདིའང་མཉྫུ་གྷོཥས་བགྱིས་པ་དགེ་ལེགས་སུ་གྱུར་ཅིག །མངྒ་ལཾ།།

[edit]

kun rig gi skyabs yul bsgom tshul sogs/ @#/__/kun rig gi skyabs yul bsgom tshul la/ sa phyogs thams cad dag pa'i zhing khams su gsal ba'i dbus/__rang gi mdun thad du rin po che'i ljon shing yal ga lnga pa/__lo 'dab me tog 'bras bu phun sum tshogs pa/__dbus kyi yal ga'i me tog gi dbus su rin po che'i khri pad zla rgyas pa'i steng du rtsa ba'i bla ma rnam par snang mdzad la/__rigs bzhi/__yum bzhi/__sems dpa' bcu drug__/sgeg sogs brgyad/__sgo ba bzhi/__byang sems bcu drug__/nyan thos bcu drug__/rang rgyal bcu gnyis/__khro bo bcu drug__/'khor yug gi lha dang bcas pas bskor ba/__mdun gyi yal gar yi dam dkyil 'khor gyi lha tshogs/__g.yas su sangs rgyas longs spyod rdzogs pa'am sprul sku'i rnam pa can/__rgyab tu chos pusti brag ri brtsegs pa lta bu rin po che'i drwa mig dang bcas pa/__g.yon du byang sems dang /__nyan thos kyi dge 'dun dpal mgon bdun cu rtsa lnga sogs chos srung nor lha'i tshogs dang bcas bskor bar bsgom pa'o/____/_!_kun rig sogs rnal 'byor rgyud kyi nyams len thams cad ni yar thar pa'i 'dra 'bag sangs rgyas kyi mdzad pa lam du byed pa zhes de dang tshul mthun par bsgoms pas 'khor ba'i bag chags sbyangs nas sangs rgyas kyi go 'phang thob par byed pa ste/__sngon du skyabs sems bya ba ni dang por byang chub mchog tu sems bskyed pa/__srung 'khor bsgoms pa ni tshogs lam/__lag mthil du zla ba'i dkyil 'khor bsgom pa nas/__badz+ra b+han+d+ha yan gyis sbyor lam/__badz+ra ban+dA traTa? kyis sdig pa bral ba ni mthong lam gyi sngon 'gro/__A be sha yas ye shes dbab pa ni mthong lam/__tiSh+Tha badz+ra sogs kyis brtan par byed pa bsgom lam/__de'i 'bras bu lhar bskyed pa ni 'og min du sangs rgyas pa ste mi slob pa'i lam/__rang nyid nam mkhar gnas pas dkyil 'khor gyi dbus su slar yang gtso bo'i rnam par bskyed pa ni/__sangs rgyas sprul pa'i sku zhing 'dir 'khrungs nas sangs rgyas pa'i tshul ston pa/__'khor bskyed pa ni gang la gang 'dul gyis 'gro don mdzad pa/__ye shes pa gzhug pa ni/__sangs rgyas kyi thugs rjes sems can yal bar mi 'dor ba/__phyag rgya bzhis rgyas gdab pa ni/__'gro ba'i don la thogs pa med pa/__mchod bstod ni/__tshangs pa la sogs pas chos 'khor bskor bar gsol ba gdab pa/__/bzlas pa ni/__chos kyi 'khor lo bskor ba/__slar yang mchod bstod ni/__gdul bya rnams kyis gtong rag 'bul ba/__ye shes pa gshegs shing dam tshig pa bsdu ba ni sangs rgyas kyi mdzad pa grub nas mya ngan las 'das pa/__slar yang rjes thob tu bsngo smon la sogs pa'i dge ba'i rtsa ba rgyun mi chad par bsgrubs pa ni sangs rgyas gyi sprul pa rgyun mi 'chad pa mtshon par byed pa'o/____/_!_kyai rdor sogs rnal 'byor bla med kyi lam rnams gtso bor 'khor ba'i 'dra 'bag lam du byas nas bag chags thams cad lha dang ye shes su sgyur bar byed pa ste/__skye ba snga ma'i 'chi ba'i 'od gsal ni nub mor stong pa nyid kyi ngang du nyal bas mtshon la/__de bzhin du ldang ba'i rnal 'byor ni bar do'i yid lus/__de las lha bskyed pa ni/__skye ba phyi ma'i lus su grub pa/__skye mched sku gsung thugs su byin gyis brlab pa ni skyes nas dbang po rim gyis rdzogs pa/__ye shes pa bcug pa ni bsam pa lon pa/__dbang bskur ba ni pha ma sogs kyis chus srid gtad pa/__mchod bstod ni 'dod yon la longs spyod pa bzlas pa dang 'od zer spro bsdu sogs ni dgra 'dul gnyen skyong sogs bya ba bsgrub pa/__bsdu rim ni slar 'chi ba'i 'od gsal la 'jug pa sogs te/__gzhi ma dag pa'i snang ba de dang de thams cad dag pa'i lam rnal 'byor gyis btab ste bsgoms pas 'bras bu sangs rgyas sku gsum gyi go 'phang myur du thob pa'i zab khyad yin no/__/zhes pa 'di'ang many+dzu g+hoShas bgyis pa dge legs su gyur cig__/mang+ga laM//