ས་འཇམ་སྦགས་སྒྲུབ་ཀྱི་བླ་མ་མཆོད་པའི་ཆོ་ག་ཚོགས་གཉིས་ཆར་འབེབས།

🚧 This website is under continued development. We appreciate your patience!

Previous Section Back to Volume PageNext Section

Wylie title	sa 'jam sbags sgrub kyi bla ma mchod pa'i cho ga tshogs gnyis char 'bebs
Location	mkhyen brtse'i bka' 'bum Volume 10, sde tshan 3, Pages 151-181 (Folios 1a to 16a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. sa 'jam sbags sgrub kyi bla ma mchod pa'i cho ga tshogs gnyis char 'bebs. In 'jam dbyangs mkhyen brtse'i dbang po'i bka' 'bum, Vol. 10: 151-181. Khams sde dge rdzong sar dgon: Rdzong sar blo gros phun tshogs, 2020.
Genre	Guru Offering Texts- bla ma mchod pa
Deity	bla ma 'jam pa'i dbyangs
Colophon	།ཅེས་འཇམ་མགོན་ཀུན་དགའ་བློ་གྲོས་ཀྱིས་མཛད་པའི་བླ་མའི་རྣལ་འབྱོར་དང་། ཆོས་ཀྱི་རྒྱལ་པོ་འཕགས་པ་རིན་པོ་ཆེས་མཛད་པའི་ལམ་འབྲས་ཕྱག་མཆོད་སོགས་བླ་མ་གོང་མའི་གསུང་བྱིན་རླབས་ཅན་ཕྱག་ལེན་ལྟར་ཁྲིགས་སུ་བསྡེབས་པ་འདིའང་། འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་སུ་ཤྲེ་ཡོ་ལཀྵྨཱིཾ་བྷ་བ་ཏུ།
	ces 'jam mgon kun dga' blo gros kyis mdzad pa'i bla ma'i rnal 'byor dang /__chos kyi rgyal po 'phags pa rin po ches mdzad pa'i lam 'bras phyag mchod sogs bla ma gong ma'i gsung byin rlabs can phyag len ltar khrigs su bsdebs pa 'di'ang /__'jam dbyangs bla ma dgyes pa'i 'bangs mkhyen brtse'i dbang pos bris pa su shre yo lak+Sh+mIM b+ha ba tu/

1 Texts in this Section (sde tshan or chos tshan)

151-181	ས་འཇམ་སྦགས་སྒྲུབ་ཀྱི་བླ་མ་མཆོད་པའི་ཆོ་ག་ཚོགས་གཉིས་ཆར་འབེབས། sa 'jam sbags sgrub kyi bla ma mchod pa'i cho ga tshogs gnyis char 'bebs Guru Offering Texts- bla ma mchod pa	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །འཇམ་དབྱངས་བླ་མ་མཆོད་པའི་ཆོ་ག་ཚོགས་གཉིས་ཆར་འབེབས་ཞེས་བྱ་བ་བཞུགས་སོ།། །། ན་མོ་གུ་རུ་མཉྫུ་གྷོ་ཥ་བྷཱུ་མི་པཎྜར་མ་ཧཱ་པཎྜི་ཏ་སྱ་པཏྤ་དྨཱ་བྷྱཱཾ། འཇམ་དབྱངས་བླ་མའི་ཞབས་པདྨོར། །རབ་ཏུ་གུས་པས་ཕྱག་འཚལ་ནས། །གང་དེ་མཆོད་པའི་ཆོ་ག་ནི། །ཚོགས་གཉིས་ཆར་འབེབས་བཤད་ཀྱིས་ཉོན། །འདི་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ལ་གཉིས། ཆོ་གར་མ་གཏོགས་པའི་སྦྱོར་བ་དང་། ཆོ་གར་གཏོགས་པའི་སྦྱོར་བའོ། །དང་པོ་ནི། རྣལ་འབྱོར་བླ་མེད་ཀྱི་དབང་བཞི་ཡོངས་སུ་རྫོགས་པ་དང་འདི་ཉིད་ཀྱི་བྱིན་རླབས་ཟབ་མོས་རྒྱུད་སྨིན་པ། དམ་ཚིག་དང་སྡོམ་པ་རྣམ་པར་དག་ཅིང་། འཇམ་མགོན་བླ་མའི་རྣམ་ཐར་ལ་མི་འཕྲོག་པའི་མོས་གུས་དང་ལྡན་པའི་སྒྲུབ་པ་པོས། དབེན་ཞིང་ཉམས་དགའ་བའི་གནས་ཁང་བྱི་དོར་བྱས་པའི་ཕུགས་སུ་སྟེགས་མཐོ་བར་རྗེ་བཙུན་ས་སྐྱ་པཎྜི་ཏའི་སྐུའི་སྣང་བརྙན་བྲིས་འབུར་གང་རིགས་ཀྱིས་གཙོས་སྐུ་གསུང་ཐུགས་ཀྱི་རྟེན་རྣམས་བཞུགས་སུ་གསོལ་བའི་སྤྱན་སྔར། མཆོད་སྟེགས་བང་རིམ་ཅན་ལྟ་བུར་ཅི་འབྱོར་པའི་མཆོད་པ་སྤྱི་དང་། བྱེ་བྲག་ཏུ་སྤོས་མར་མེ། ཞལ་ཟས་རྣམས་བརྒྱ་རྩ་སོགས་གཙང་ཞིང་བཀོད་པས་མཛེས་པར་བཤམ། བླ་རེ་དང་གདུགས་རྒྱལ་མཚན་བ་དན་ལ་སོགས་པས་བརྒྱན། རང་གི་མདུན་དུ་མཆོད་པའི་མཎྜལ་མཐོ་གང་ལས་མི་ཆུང་བ། དྲི་བཟང་གི་ཆུ། ཚོམ་བུའི་རྒྱུ་འབྲུ་གཙང་མ། རོལ་མོའི་བྱེ་བྲག་སོགས་དགོས་པའི་ཡོ་བྱད་ཐམས་ཅད་འདུ་བྱའོ། །གཉིས་པ་ལ་གསུམ། མཆོད་པའི་ཡོ་བྱད་བྱིན་གྱིས་བརླབ་པ། སྐྱབས་འགྲོ་སེམས་བསྐྱེད་ཀྱིས་རྒྱུད་སྦྱང་བ། ཚོགས་ཀྱི་ཞིང་གསལ་གདབ་པའོ། །དང་པོ་ནི། ཨོཾ་བཛྲ་ཡཀྵ་ཧཱུྃ། ཨོཾ་བཛྲ་ཛྭ་ལ་ཨ་ན་ལ་ཧ་ན་ད་ཧ་པ་ཙ་མ་ཐ་བྷཉྫ་ར་ཎ་ཧཱུྃ་ཕ྄ཊ། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿསྭ་བྷཱ་ཝ་ཤུདྡྷོ྅ཧཾ། སྟོང་པའི་ངང་ལས་ཨོཾ་ལས་བྱུང་བའི་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་མཆོད་ཡོན། མེ་ཏོག །བདུག་སྤོས། མར་མེ། དྲི། ཞལ་ཟས། གཞན་ཡང་རོལ་མོ་དང་འཕན་གདུགས་ལ་སོགས་པ་མཆོད་རྫས་བསམ་གྱིས་མི་ཁྱབ་པ་ནམ་མཁའི་ཁམས་ཐམས་ཅད་གང་བར་གྱུར། ཨོཾ་བཛྲ་ཨརྒྷཾ་ཨཱཿཧཱུྃ་སོགས་ནས་ཨོཾ་བཛྲ་ཤབྡ་ཨཱཿཧཱུྃ་གི་བར་བརྗོད་ཅིང་སོ་སོའི་ཕྱག་རྒྱ་དང་བཅས་པས་བྱིན་གྱིས་བརླབ། ཨོཾ་བཛྲ་དྷརྨཱ་ར་ཎི་ཏ། པྲ་ར་ཎི་ཏ། སཾ་པྲ་ར་ཎི་ཏ། སརྦ་བུདྡྷ་ཀྵེ་ཏྲ་པྲ་ཙ་ལི་ནི། པྲཛྙཱ་པཱ་ར་མི་ཏཱ་ནཱ་ད་སཾ་བྷ་ཝེ། བཛྲ་ས་ཏྭ་ཧྲྀ་ད་ཡ་སནྟོ་ཥ་ཎི་ཧཱུྃ་ཧཱུྃ་ཧཱུྃ་ཧོ་ཧོ་ཧོ་ཨ་ཁཾ་སྭཱ་ཧཱ། ཞེས་ལན་གསུམ་བརྗོད་ཅིང་རོལ་མོ་དང་བཅས་པས་བྱིན་དབབ། གཉིས་པ་ནི། སྐྱབས་ཡུལ་གསལ་བཏབ་ལ། བདག་དང་འགྲོ་བ་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་དུས་འདི་ནས་བཟུང་སྟེ་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ་ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་ཀྱི་ངོ་བོ་ཆོས་ཀྱི་ཕུང་པོ་སྟོང་ཕྲག་བརྒྱུད་ཅུ་རྩ་བཞིའི་འབྱུང་གནས་འཕགས་པའི་དགེ་འདུན་ཐམས་ཅད་ཀྱི་མངའ་བདག་རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ལ་སྐྱབས་སུ་མཆིའོ། །རྫོགས་པའི་སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །དམ་པའི་ཆོས་རྣམས་ལ་སྐྱབས་སུ་མཆིའོ། །འཕགས་པའི་དགེ་འདུན་རྣམས་ལ་སྐྱབས་སུ་མཆིའོ། །ཞེས་སྐྱབས་འགྲོ་ཅི་མང་དང་། ཐལ་མོ་སྙིང་གར་སྦྱར་ལ། བླ་མ་དང་དཀོན་མཆོག་རིན་པོ་ཆེ་རྣམ་པ་གསུམ་ལ་བདག་ཕྱག་འཚལ་ཞིང་སྐྱབས་སུ་མཆིའོ། །ཁྱེད་རྣམས་ཀྱིས་བདག་གི་རྒྱུད་བྱིན་གྱིས་བརླབ་ཏུ་གསོལ། ཞེས་སྐྱབས་གསོལ་བྱས་ནས་སྐྱབས་ཡུལ་རང་ལ་བསྟིམ། སྨོན་འཇུག་གི་དོན་དྲན་བཞིན་པས། སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཆེད་དུ་བདག་གིས་ལམ་ཟབ་མོ་ཉམས་སུ་བླང་བར་བགྱིའོ། །ཞེས་ལན་གསུམ་གྱིས་སེམས་བསྐྱེད། སེམས་ཅན་ཐམས་ཅད་བདེ་བ་དང་སོགས་ཚད་མེད་བཞི་སྤྱི་ལྟར་བསྒོམ། གསུམ་པ་ནི། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿསྭ་བྷཱ་ཝ་ཤུདྡྷོ྅ཧཾ། སྟོང་པའི་ངང་ལས་རང་གི་སྤྱི་བོར་པདྨ་འདབ་མ་སྟོང་ལྡན་གྱི་ཟེའུ་འབྲུ་ལ། ཟླ་བའི་དཀྱིལ་འཁོར་ཉ་གང་བའི་སྟེང་དུ་དྲིན་ཅན་རྩ་བའི་བླ་མ་དང་དབྱེར་མེད་པའི་ཆོས་ཀྱི་རྗེ་ས་སྐྱ་པཎྜི་ཏ་ཀུན་དགའ་རྒྱལ་མཚན་དཔལ་བཟང་པོ་དེ་ཉིད་ངོ་བོ་འཇམ་དབྱངས་ལ་རྣམ་པ་པཎྜི་ཏ་སྐུ་མདོག་དམར་སེར་ཞལ་གཅིག་ཕྱག་གཉིས་པ། ཞབས་གཉིས་རྡོ་རྗེའི་སྐྱིལ་ཀྲུང་གིས་བཞུགས་པ། ཕྱག་གཉིས་ཐུགས་ཀར་ཆོས་འཆད་ཀྱི་ཕྱག་རྒྱ་མཛད་ནས་ཨུཏྤ་ལའི་ཡུ་བ་ནས་བཟུང་བའི་མེ་ཏོག་སྙན་གཡས་གཡོན་གྱི་ཐད་ཀར་ཁ་བྱེ་བའི་གཡས་ཀྱི་སྟེང་ན་རལ་གྲི་མེ་འབར་བ་དང་། གཡོན་གྱི་སྟེང་ན་ཤེས་རབ་ཀྱི་ཕ་རོལ་ཏུ་ཕྱིན་པའི་པུསྟི་ཡོད་པ། མཚན་བཟང་པོ་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་བརྒྱན་པ། དབུ་ལ་ས་ཞུ་དང་། སྐུ་ལ་ཆོས་གོས་རྣམ་གསུམ་ངུར་སྨྲིག་གསོལ་བ། དེའི་དཔྲལ་བར་ཟླ་བའི་སྟེང་དུ་ཨོཾ་དཀར་པོ། མགྲིན་པར་པདྨའི་སྟེང་དུ་ཨཱཿདམར་པོ། ཐུགས་ཀར་ཉི་མའི་སྟེང་དུ་ཧཱུྃ་སྔོན་པོ། དེ་ལས་འོད་ཟེར་འཕྲོས་པས་ཕྱོགས་བཅུའི་བླ་མ་ཡི་དམ་སངས་རྒྱས་བྱང་སེམས་ཉན་ཐོས་རང་རྒྱལ་ཆོས་སྲུང་ནོར་ལྷའི་ཚོགས་དང་བཅས་པ་ཨོཾ་བཛྲ་ས་མཱ་ཛཿ རྡོ་རྗེ་བསྡུ་བའི་ཕྱག་རྒྱས་སྤྱན་དྲངས། སྤྱི་བོ་ན་བཞུགས་པའི་ཆོས་རྗེ་ལ། ཛཿཧཱུྃ་བྃ་ཧོཿ གཉིས་སུ་མེད་པར་ཐིམ་པས་དེ་ཉིད་སྐྱབས་གནས་ཀུན་འདུས་ཀྱི་ངོ་བོར་གྱུར་པར་བསམ། དེ་ནས། རང་གི་ལུས་ཀྱི་གསང་གནས་ནས་སྤྱི་བོའི་བར་རྩ་དབུ་མ་ཕྱི་དཀར་ལ་ནང་དམར་བ། སྦོམ་ཕྲ་སྦ་ལྕག་ཙམ་གྱི་ཁ་ཚངས་བུག་ཏུ་ཕྱེ་བའི་ནང་དུ་ཆོས་ཀྱི་རྗེའི་གདན་པདྨའི་ཡུ་བ་ཟུག་པ། རང་གི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། སྙིང་གར་ཧཱུྃ་སྔོན་པོ་རྣམས་གསལ་བར་གྱུར་པར་བསམས་ལ་ངག་ཏུ་བརྗོད་ཅིང་གསལ་གདབ་བོ། །གཉིས་པ་དངོས་གཞི་ལ་གསུམ། བསག་སྦྱང་སྤེལ་གསུམ་གྱི་གནད་བསྡུས་པ་ཡན་ལག་བདུན་པ་བྱ་བ། བྱིན་རླབས་འཇུག་བའི་ཕྱིར་ཕུར་ཚུགས་སུ་གསོལ་བ་གདབ་པ། ཐུགས་རྒྱུད་བསྐུལ་བའི་ཕྱིར་བཟླས་པ་བྱ་བའོ། །དང་པོ་ལའང་བདུན་ལས། དང་པོ་ཕྱག་འཚལ་བ་ནི། རང་དང་སེམས་ཅན་ཐམས་ཅད་ཀྱི་ལུས་ཞིང་གི་རྡུལ་སྙེད་དུ་སྤྲུལ་ནས་ཕྱག་སོགས་མཆོད་པའི་ལས་ལ་འཇུག་པར་མོས་པ་དང་བཅས། མི་འཕྲོག་པའི་མཁྱེན་རབ་དང་ཐུགས་རྗེར་ལྡན་པ་ཁམས་གསུམ་ཆོས་ཀྱི་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་ངོ་བོ། དམ་པའི་ཆོས་ཐམས་ཅད་ཀྱི་འབྱུང་གནས། བྱང་ཆུབ་སེམས་དཔའ་ཐམས་ཅད་ཀྱི་ཡབ། ཉན་ཐོས་དང་རང་སངས་རྒྱས་ཐམས་ཅད་ཀྱི་བླ་མ། ལྷ་དང་བཅས་པའི་འཇིག་རྟེན་ཐམས་ཅད་ཀྱི་སྐྱབས། ཆོས་ཀྱི་རྗེ་དཔལ་ལྡན་ས་སྐྱ་པཎྜི་ཏ་ཆེན་པོའི་ཞབས་ལ་གུས་པས་ཕྱག་འཚལ་ཞིང་སྐྱབས་སུ་མཆིའོ། །བརྩེ་བ་ཆེན་པོས་དུས་ཐམས་ཅད་དུ་རྗེས་སུ་གཟུང་དུ་གསོལ། གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང་། །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། །ཁྱོད་ནི་རྒྱལ་དང་རྒྱལ་བའི་སྲས། །རབ་བྱུང་དགེ་བསྙེན་ཁྱིམ་པ་སོགས། །འགྲོ་བ་ཀུན་གྱི་གཟུགས་མཛད་ནས། །གདུལ་བྱ་ཐམས་ཅད་སྨིན་པར་མཛད། །ཉི་མའི་འོད་ཟེར་རབ་ཚ་ཡང་། །མེ་ཤེལ་མེད་པར་མེ་མི་འབྱུང་། །དེ་བཞིན་སངས་རྒྱས་བྱིན་རླབས་ཀྱང་། །བླ་མ་མེད་པར་འབྱུང་མི་འགྱུར། །དེས་ན་ཁྱོད་ཉིད་མཉེས་པ་ཡིས། །སངས་རྒྱས་ཐམས་ཅད་མཉེས་པར་འགྱུར། །དཀོན་མཆོག་གསུམ་པོ་གཅིག་བསྡུས་པའི། །བླ་མ་ཁྱོད་ལ་བདག་སྐྱབས་མཆི། །སངས་རྒྱས་ཀུན་གྱི་ངོ་བོ་ཉིད། །ཆོས་རྣམས་ཀུན་གྱི་རིན་ཆེན་གཏེར། །དགེ་འདུན་ཐམས་ཅད་འདུས་པའི་སྐུ། །དཔལ་ལྡན་བླ་མ་དེ་ལ་འདུད། །ཁྱོད་ནི་གདུལ་བྱ་སྨིན་པའི་ཕྱིར། །དེ་བཞིན་གཤེགས་པ་རྣམ་པ་ལྔ། །ཁྱོད་ཀྱི་ཕུང་པོ་རྣམ་ལྔར་སྟོན། །སྤྱན་སོགས་ཁྱོད་ཀྱི་འབྱུང་བ་བཞི། །ས་ཡི་སྙིང་པོ་རྡོ་རྗེ་འཆང་། །ནམ་མཁའི་སྙིང་པོ་སྤྱན་རས་གཟིགས། །འཇམ་དབྱངས་སྒྲིབ་པ་རྣམ་པར་སེལ། །བྱམས་པ་ཀུན་ཏུ་བཟང་པོ་རྣམས། །མགོན་པོ་ཁྱོད་ཀྱི་དབང་པོ་སོགས། །གཤིན་རྗེའི་གཤེད་སོགས་ཁྲོ་བོ་བཅུ། །དཔལ་ལྡན་ཁྱོད་ཀྱི་སྐུ་ཡི་ཆ། །གཟུགས་སོགས་རྡོ་རྗེ་ལྷ་མོར་སྟོན། །ཉོན་མོངས་ཡེ་ཤེས་གནས་གྱུར་པ། །བདག་ཉིད་ཆེན་པོ་ཁྱོད་ཀྱིས་མཁྱེན། །ཐམས་ཅད་སྤྲོ་བའི་ཕྲིན་ལས་ཀྱིས། །རྫོགས་པའི་སངས་རྒྱས་ཐམས་ཅད་སྤྲུལ། །གཅིག་ཏུ་བསྡུས་པའི་སྦྱོར་བ་ནི། །སངས་རྒྱས་ཀུན་བདག་རྡོ་རྗེ་འཆང་། །བག་ཆགས་བཅས་པའི་སྒྲིབ་ཀུན་སྤངས། །ཡོན་ཏན་ཐམས་ཅད་རབ་རྫོགས་པ། །ཁྱོད་ཀྱི་ཕྲིན་ལས་ངོ་མཚར་རྨད། །གང་གིས་གཡོ་མེད་ཁྱོད་བསྟེན་པ། །དེ་ལ་དེ་མ་ཐག་བྱིན་རློབ། །སྐད་ཅིག་གཅིག་གིས་རྫོགས་འཚང་རྒྱ། །ཡང་ན་ཕུན་ཚོགས་ཐམས་ཅད་འགྲུབ། །དེས་ན་རྡོ་རྗེ་སློབ་དཔོན་མཆོག །དངོས་པོ་ཀུན་གྱིས་དེ་ལ་འདུད། །རྣམ་པ་ཀུན་ཏུ་བདག་སྐྱབས་མཆི། །ཕྱི་ནང་གསང་བ་དེ་ཁོ་ན། །ལུས་དང་ལོངས་སྤྱོད་འབྲེལ་བ་ཀུན། །སྲོག་གི་བར་གྱིས་ཁྱོད་མཉེས་བགྱི། །ཇི་སྲིད་རྣམ་པར་གྲོལ་བའི་ས། །བདག་གཞན་ཀུན་གྱིས་མ་ཐོབ་བར། །དེ་སྲིད་མཆོད་པ་མཆོག་གི་སྤྲིན། །ཀུན་ཏུ་བཟང་པོའི་རྣམ་ཐར་ལས། །ཆེས་ལྷག་གྱུར་པས་ཁྱོད་མཆོད་དོ། །ཁྱོད་ནི་གང་ལ་མཉེས་གྱུར་པའི། །ཕྲིན་ལས་དེ་ཉིད་སྒྲུབ་པར་ཤོག །མི་མཉེས་བྱེད་པ་རྣམ་སྤངས་ཏེ། །རྣམ་པ་ཀུན་ཏུ་ཁྱོད་བསྟེན་ནོ། །ཁྱོད་ཀྱི་ཕྲིན་ལས་བསྒྲུབ་སླད་དུ། །མགོན་པོ་གང་ལ་མཉེས་གྱུར་ན། །གལ་ཏེ་བླ་ན་མེད་པ་ཡི། །བྱང་ཆུབ་ཐོབ་ཀྱང་དེ་དོར་ཏེ། །སྐྱེ་ཞིང་སྐྱེ་བ་ཐམས་ཅད་དུ། །ཁྱོད་ཀྱི་ཕྲིན་ལས་བསྒྲུབ་པར་བགྱི། །དགེ་བ་འདི་ཡིས་བདག་གཞན་ཀུན། །ཁྱོད་མཉེས་བགྱིས་པའང་ཐོབ་པར་ཤོག །སྐུ་ཡི་སྤྱོད་པ་རྣམ་དག་པ། །སངས་རྒྱས་དགོས་པའི་ཚུལ་ཁྲིམས་ལྡན། །གསུང་གི་ཕྲིན་ལས་ཕུན་སུམ་ཚོགས། །ཤེས་བྱའི་དཀྱིལ་འཁོར་མ་ལུས་ཁྱབ། །ཐུགས་ཀྱི་དགོངས་པ་རབ་ཟད་པ། །ཆོས་རྣམས་ཀུན་གྱི་དེ་ཉིད་མཁྱེན། །མཁས་པ་ཐམས་ཅད་དགའ་མཛད་པའི། །ཡོན་ཏན་རྒྱ་མཚོ་ཁྱོད་ལ་མངའ། །སེམས་ཅན་ཐམས་ཅད་སྨིན་མཛད་པའི། །ཕྲིན་ལས་མངའ་བ་ཆོས་ཀྱི་རྗེ། །ཁྱོད་ལ་བསུ་བས་དཔལ་དུ་བྱེད། །བསྟེན་པས་བློ་གྲོས་མཆོག་ཏུ་འགྱུར། །བསྟེན་ན་འཇིགས་པ་མེད་པར་མཛད། །བསྙེན་བཀུར་བགྱིས་པས་བདེ་བ་འབྱུང་། །དེ་འདྲའི་དཔལ་ལྡན་ཆོས་ཀྱི་རྗེ། །བླ་མ་མཆོག་ལ་བདག་གསོལ་འདེབས། །མཆོད་པ་ཐམས་ཅད་སྤངས་ནས་ནི། །བླ་མ་མཆོད་པ་བྱའོ་ཞེས། །སངས་རྒྱས་ཀུན་གྱིས་མཐུན་པར་གསུངས། །དེ་བས་དངོས་པོ་ཐམས་ཅད་ཀྱིས། །བླ་མ་མཉེས་པར་བྱེད་པར་ཤོག །སྐྱེ་བ་འདི་དང་སྐྱེ་བ་གཞན། །ཇི་སྲིད་སངས་རྒྱས་མ་ཐོབ་བར། །དེ་སྲིད་བླ་མའི་ཞབས་དྲུང་དུ། །འབྲལ་བ་མེད་པར་གནས་གྱུར་ཅིག །མཆོད་པ་ཀུན་གྱིས་མཆོད་བྱེད་ཅིང་། །དམ་ཆོས་རྟག་ཏུ་ཉན་པ་དང་། །བཀའ་བཞིན་སྒྲུབ་པར་བྱེད་པར་ཤོག །སངས་རྒྱས་ཀུན་གྱི་ངོ་བོ་ཉིད། །དངོས་གྲུབ་ཀུན་གྱི་རིན་ཆེན་གཏེར། །ཉེས་པ་ཀུན་ལས་རྣམ་གྲོལ་བ། །བླ་མ་རྣམས་ལ་ཕྱག་འཚལ་ལོ། །སྲས་བཅས་རྒྱལ་བ་ཐམས་ཅད་ཀྱི། །མཁྱེན་བརྩེ་ནུས་གསུམ་གཅིག་བསྡུས་པ། །འཇམ་མགོན་ས་སྐྱ་པཎྜི་ཏའི། །ཞབས་ཀྱི་པདྨོར་གུས་པས་འདུད། །ཁྱེད་ཀྱིས་བསོད་ནམས་ཡེ་ཤེས་ཚོགས། །བསྐལ་པ་དུ་མར་རབ་བསྒྲུབས་པས། །བཞེད་པའི་དོན་རྣམས་ཡོངས་རྫོགས་པའི། །དཔལ་ལྡན་དོན་གྲུབ་དཔལ་ལྡན་དོན་གྲུབ་ཅེས་པ་འཇམ་མགོན་ས་སྐྱ་པཎྜིཏ་སྐུ་ཆུང་ངུའི་དུས་ཀྱི་མཚན་ནོ། །ལ་ཕྱག་འཚལ། །འཁྲུལ་པ་མི་མངའ་ཉེས་མི་མངའ། །ཚུལ་ཁྲིམས་ཕུང་པོས་བརྒྱན་པའི་སྐུ། །མཐོང་བ་ཙམ་གྱིས་རབ་དད་པར། །མཛད་པ་ཁྱོད་ལ་ཕྱག་འཚལ་ལོ། །ཅ་ཅོ་མི་མངའ་རྣམ་དག་གསུང་། །ཐ་དད་སྐད་ཀྱིས་མཐའ་ཡས་པའི། །གདུལ་བྱའི་དབང་པོ་ཚིམ་མཛད་པའི། །གསུང་མཆོག་ཁྱོད་ལ་ཕྱག་འཚལ་ལོ། །མཉམ་པར་གཞག་ཅིང་རྟོག་མི་མངའ། །འགྲོ་བའི་ཡིད་ལ་མཉམ་པར་འཇུག །ཏིང་ངེ་འཛིན་དང་གཟུངས་ཀྱི་གཏེར། །རྣམ་གྲོལ་ཐུགས་ལ་ཕྱག་འཚལ་ལོ། །ཁྱོད་ཀྱིས་ཤེས་བྱའི་དཀྱིལ་འཁོར་འདི། །མ་ལུས་ཐུགས་སུ་ཆུབ་གྱུར་པས། །འཆད་རྩོད་རྩོམ་པའི་བྱ་བ་ལ། །མངའ་བརྙེས་ཁྱོད་ལ་ཕྱག་འཚལ་ལོ། །དམིགས་པ་ཀུན་ལས་རྣམ་གྲོལ་ཞིང་། །ཐུགས་རྗེ་ཆེན་པོ་དང་ལྡན་པས། །གཞན་དོན་དུས་ལས་མི་འདའ་བའི། །བརྩེ་ཆེན་ཁྱོད་ལ་ཕྱག་འཚལ་ལོ། །མཁྱེན་བརྩེ་བརྩོན་པའི་སྟོབས་ཆེན་གྱིས། །བདུད་ཀྱི་སྟོབས་རྣམས་འཇོམས་མཛད་ཅིང་། །ཉོན་མོངས་བྱང་ཆུབ་ལམ་སྒྱུར་བའི། །མཐུ་ཆེན་ཁྱོད་ལ་ཕྱག་འཚལ་ལོ། །འཁོར་བ་ཇི་སྲིད་གནས་ཀྱི་བར། །རྣམ་པར་འཕྲུལ་བ་སྣ་ཚོགས་ཀྱིས། །དེ་སྲིད་དེ་ཡི་དོན་མཛད་པའི། །ཕྲིན་ལས་དབང་ཕྱུག་ལ་ཕྱག་འཚལ། །ཀུན་དགའི་དགོས་འདོད་མ་ལུས་པ། །རིན་ཆེན་རྒྱལ་མཚན་ལས་བྱུང་བའི། །དཔལ་འབྱོར་བཟང་པོའི་འབྲས་སྩོལ་བའི། །དབང་གི་རྒྱལ་པོ་ལ་ཕྱག་འཚལ། །སངས་རྒྱས་ཀུན་གྱི་ཡེ་ཤེས་སྐུ། །གཅིག་ཏུ་བསྡུས་པ་གཞན་དོན་ཕྱིར། །སོ་སོ་སྐྱེ་བོའི་སྐུར་སྟོན་པ། །མཚུངས་བྲལ་ཁྱོད་ལ་ཕྱག་འཚལ་ལོ། །དཀོན་མཆོག་གསུམ་པོ་ཁྱོད་ཉིད་དེ། །ཁྱོད་ཉིད་དཀོན་མཆོག་གསུམ་ཡང་ལགས། །དེ་བས་རྣམ་པ་ཐམས་ཅད་དུ། །ཁྱོད་ལ་གུས་པས་ཕྱག་འཚལ་ལོ། །སྟོན་མཆོག་ཁྱོད་ལ་ཕྱག་འཚལ་ལོ། །སྐྱབས་མཆོག་ཁྱོད་ལ་ཕྱག་འཚལ་ལོ། །འདྲེན་པ་མཆོག་ལ་ཕྱག་འཚལ་ལོ། །བླ་མ་མཆོག་ལ་ཕྱག་འཚལ་ལོ། །གང་ལ་ཁྱོད་ཀྱི་སྐུས་རེག་ཅིང་། །ཁྱོད་གསུང་ཐོས་ཤིང་འཛིན་པ་དང་། །ཁྱོད་ཀྱི་ཐུགས་རྗེས་རྗེས་བཟུང་བ། །དེ་དག་ཀུན་ལའང་ཕྱག་འཚལ་ལོ། །ཕྱོགས་བཅུའི་འཇིག་རྟེན་ཐམས་ཅད་ན། །འགྲོ་བའི་དོན་དུ་བཞུགས་པ་ཡི། །རྫོགས་པའི་སངས་རྒྱས་ཐམས་ཅད་ལ། །རྟག་ཏུ་གུས་པས་ཕྱག་འཚལ་ལོ། །ཐོག་མ་བར་དང་མཐར་དགེ་ཞིང་། །རྣམ་པར་དཀར་ལ་མ་འདྲེས་པ། །ངེས་པར་འབྱུང་བ་མཆོག་གི་ལམ། །དམ་པའི་ཆོས་ལ་ཕྱག་འཚལ་ལོ། །བསོད་ནམས་ཞིང་རབ་མཆོག་གྱུར་པ། །ལྷ་དང་མི་ཡི་མཆོད་པའི་གནས། །རྒྱལ་སྲས་རང་རྒྱལ་དགྲ་བཅོམ་པ། །ཚོགས་མཆོག་དགེ་འདུན་ལ་ཕྱག་འཚལ། །ཚུལ་གནས་ཐོས་དང་བསམ་ལྡན་ཞིང་། །ཏིང་ངེ་འཛིན་ལ་མཉམ་པར་གནས། །བདེ་གཤེགས་བསྟན་པ་ལེགས་འཛིན་པའི། །བཤེས་གཉེན་ཀུན་ལ་ཕྱག་འཚལ་ལོ། །མཆོད་པར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །ལུས་བཏུད་པ་ཡིས་རྣམ་ཀུན་དུ། །མཆོག་ཏུ་དད་པས་ཕྱག་འཚལ་ལོ། །གཉིས་པ་མཆོད་པ་ལ། སྤྱིར་མཆོད་པ་ནི། མཆོད་ཡོན་མེ་ཏོག་བདུག་སྤོས་དང་། །སྣང་གསལ་དྲི་མཆོག་ཞལ་ཟས་དང་། །གདུགས་དང་རྒྱལ་མཚན་རོལ་མོའི་སྒྲས། །བླ་མའི་ཚོགས་དང་དཀོན་མཆོག་མཆོད། །འཇིག་རྟེན་ཁམས་ནི་མཐའ་ཡས་པར། །བདག་པོས་ཡོངས་སུ་མ་བཟུང་པའི། །མཆོད་པའི་ཡོ་བྱད་ཅི་མཆིས་པ། །བློ་ཡིས་བླངས་ནས་དབུལ་བར་བགྱི། །རབ་དང་ཡིད་ལས་བྱུང་གྱུར་པའི། །མཆོད་པའི་སྤྲིན་གྱི་ཕུང་པོ་ནི། །མཁའ་དང་མཉམ་པ་དུ་མ་ཡིས། །ཡོན་ཏན་རྒྱ་མཚོ་སྲས་བཅས་མཆོད། །དམན་པའི་ཡུལ་ལས་རབ་འདས་ཤིང་། །རྒྱལ་བ་ཀུན་གྱི་དམ་ཚིག་མཆོག །དངོས་གྲུབ་ཀུན་གྱི་གཞིར་གྱུར་པ། །བདུད་རྩི་མཆོག་གིས་མཆོད་པར་བགྱི། །སྒྲིབ་པའི་དྲི་མ་ཀུན་བསལ་ནས། །རྟོག་པ་ཀུན་ལས་རྣམ་གྲོལ་བའི། །བླ་ན་མེད་པའི་བྱང་ཆུབ་སེམས། །བདེ་བ་ཆེན་པོ་བརྙེས་གྱུར་ཅིག །བྱེ་བྲག་ཉེར་སྤྱོད། རིན་ཆེན་བདུན། འདོད་ཡོན་ལྔ་རྣམས་འབུལ་བ་ནི། ཐལ་མོ་སྙིང་གར་སྦྱར་ལ། །མཆོད་ཡོན་ཕལ་ཆེར་མཆོད་ཡོན་བླ་བྲེ་དང་། །མཆོད་ཡོན་བཀོད་པའི་འོད་ཟེར་རབ་བཀྱེ་ཞིང་། །མཆོད་ཡོན་སྣ་ཚོགས་ཀུན་ཏུ་བཀྲམ་བྱས་ནས། །བདག་ཉིད་ཆེན་པོ་དཔལ་ལྡན་བླ་མར་མཆོད། །ཨོཾ་གུ་རུ་བུདྡྷ་བོ་དྷི་ས་ཏྭ་ས་པ་རི་ཝཱ་ར་ཨརྒྷཾ་པྲ་ཏི་ཙྪ་སྭཱ་ཧཱ། དེ་བཞིན་དུ་མེ་ཏོག་དང་། པུཥྤེ། བདུག་སྤོས་དང་། དྷཱུ་པེ། སྣང་གསལ་དང་། ཨཱ་ལོ་ཀེ། དྲི་མཆོག་དང་། གནྡྷེ། ཞལ་ཟས་དང་། ནཻ་ཝི་དྱེ། སིལ་སྙན་དང་། ཤབྡ་རྣམས་སྦྱར་བའི་མཐར། དྷ་རྨཱ་ར་ཎི་ཏ་བརྗོད་ཅིང་རོལ་མོ་བྱ། ཨོཾ་སརྦ་བིཏ་པཱུ་ར་པཱུ་ར། སུ་ར་སུ་ར། ཨཱ་ཝརྟ་ཡ་ཨཱ་ཝརྟ་ཡ་ཧོཿ ཞེས་བརྗོད་ཅིང་། བདེ་བར་གཤེགས་པ་ཐམས་ཅད་ལ། །འཁོར་ལོ་རིན་ཆེན་འདི་ཕུལ་བས། །སྲིད་པའི་འཁོར་ལོ་རྒྱུན་བཅད་དེ། །ཆོས་ཀྱི་འཁོར་ལོ་བསྐོར་བར་ཤོག །ཨོཾ་གུ་རུ་བུདྡྷ་བོ་དྷི་ས་ཏྭ་ས་པ་རི་ཝཱ་ར་ཙཀྲ་རཏྣ་པཱུ་ཛི་ཏེ་ཧཱུྃ། རྒྱལ་བ་སྲས་དང་བཅས་རྣམས་ལ། །ནོར་བུ་རིན་ཆེན་འདི་ཕུལ་བས། །བཀྲེན་ཅིང་ཕོངས་པ་རྒྱུན་བཅད་དེ། །འབྱོར་པ་ཕུན་སུམ་ཚོགས་པར་ཤོག །མ་ཎི་རཏྣ༴ བཙུན་མོ་རིན་ཆེན་འདི་ཕུལ་བས། །མ་རིག་མུན་པ་རྒྱུན་བཅད་དེ། །ཤེས་རབ་དབྱིངས་ཀྱི་དོན་རྟོགས་ནས། །ཐབས་དང་ཤེས་རབ་འབྲེལ་བར་ཤོག །ཝསྟི་རཏྣ༴ བློན་པོ་རིན་ཆེན༴ ཕྱི་ནང་གསང་གསུམ་ཐེག་གསུམ་ལྡན། །བསམ་ཡས་བསྟན་པ་རབ་འཛིན་ཅིང་། །ཡོན་ཏན་ཐམས་ཅད་ལྡན་པར་ཤོག །མ་ཧཱ་ཏ་རཏྣ༴ གླང་པོ་རིན་ཆེན༴ ལྟ་ངན་རྣམས་ནི་རབ་བསལ་ནས། །བླ་མེད་ཐེག་པར་རབ་ཞོན་ཏེ། །ཐམས་ཅད་མཁྱེན་གྲོང་བགྲོད་པར་ཤོག །ཧསྟི་རཏྣ༴ རྟ་མཆོག་རིན་ཆེན༴ སྲིད་པའི་གཟེབ་ལས་ངེས་གྲོལ་ཏེ། །རྫུ་འཕྲུལ་མཆོག་གི་ཤུགས་ཐོབ་ནས། །སངས་རྒྱས་ཞིང་དུ་བགྲོད་པར་ཤོག །ཨ་ཤྭ་རཏྣ༴ དམག་དཔོན་རིན་ཆེན༴ ཉོན་མོངས་དགྲ་ལས་རྒྱལ་གྱུར་ནས། །ཕས་ཀྱི་རྒོལ་བ་ཚར་བཅད་དེ། །བསྙེངས་བྲལ་མཆོག་ནི་ཐོབ་པར་ཤོག །ཁཌྒ་རཏྣ༴ ཁ་དོག་དབྱིབས་ལེགས་ཡིད་འོང་རྒྱན་ཕྲེང་ལྡན། །ཕྱོགས་དུས་ཀུན་ན་གཟུགས་མཆོག་ཅི་མཆིས་རྣམས། །མོས་བློས་བླ་མ་མཆོག་ལ་བདག་འབུལ་གྱི། །བཞེས་ཤིང་བླ་མེད་གྲུབ་མཆོག་སྩལ་དུ་གསོལ། །ཨོཾ་གུ་རུ་བུདྡྷ་བོ་དྷི་ས་ཏྭ་ས་པ་རི་ཝཱ་ར་རཱུ་པ་ཀཱ་མ་གུ་ཎ་པཱུ་ཛི་ཏེ་ཧཱུྃ། ཕྱོགས་དུས་ཀུན་ན་ཟིན་དང་མ་ཟིན་པའི། །ཡོན་ཏན་ཚིག་མཆོག་སྒྲ་སྙན་ཅི་མཆིས་རྣམས། །མོས་བློས་སོགས། ཤབྡ། ཕྱོགས་དུས་ཀུན་ན་ཙན་དན་སྦྲུལ་སྙིང་དང་། །ཨ་གར་ནག་སོགས་དབང་པོ་ཚིམ་བྱེད་རྣམས། གནྡྷེ། ཕྱོགས་དུས་ཀུན་ན་རོ་དང་བཅུད་ལྡན་པའི། །ལུས་སེམས་རྟས་བྱེད་རོ་མཆོག་ཅི་མཆིས་རྣམས། །རཱ་ས། ཕྱོགས་དུས་ཀུན་ན་འཇམ་མཉེན་འཁྲིལ་ཆགས་པའི། །རེག་བྱའི་ཁྱད་པར་ལུས་སེམས་ཚིམ་བྱེད་རྣམས། །སྤཪྵེ། ཞེས་སོ་སོའི་ཕྱག་རྒྱ་དང་བཅས་པས་མཆོད། ལེགས་པར་བཤམས་པའི་མཎྜལ་ཕྱག་ལེན་ལྟར་དབུལ་ཞིང་། སྤྲོ་ན་ཚོམ་བུ་སོ་བདུན་མ། མཇུག་ཏུ་གང་གི་མཆོད་རྫས་མ་དང་བཅས་པ་བྱ། གང་ལྟར་ཡང་། ཞིང་ཁམས་རྣམ་པར་དག་པ་འདིར། །དབུས་ཀྱི་རི་རྒྱལ་རི་རབ་ལ། །གླིང་བཞི་འདོད་ཡོན་ལྔ་ཡིས་བརྒྱན། །ཉི་མ་ཟླ་བས་སྐོར་བ་བྱེད། །ལྷ་མིའི་ལོངས་སྤྱོད་ཕུན་སུམ་ཚོགས། །རྒྱལ་སྲིད་རིན་ཆེན་རྣམ་པ་བདུན། །འདོད་འཇོའི་བ་དང་དཔག་བསམ་ཤིང་། །མ་རྨོས་ལོ་ཏོག་གསེར་དང་དངུལ། །འབྲུ་བཟང་ལོངས་སྤྱོད་བསམ་མི་ཁྱབ། །དངོས་པོ་བཟང་ལ་གྱ་ནོམ་པ། །བླ་མ་སངས་རྒྱས་རྣམས་ལ་འབུལ། །རྫོགས་པའི་སངས་རྒྱས་ཐོབ་པར་ཤོག །ཨོཾ་གུ་རུ་བུདྡྷ་བོ་དྷི་ས་ཏྭ་མཎྜ་ལ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། །ཞེས་བརྒྱ་རྩ་སོགས་ཅི་ནུས་དབུལ། གསུམ་པ་སྡིག་པ་བཤགས་པ་སོགས་ཡན་ལག་ལྷག་མ་ལྔ་ནི། བདག་ནི་ཐོག་མེད་དུས་ནས་སུ། །ལས་དང་ཉོན་མོངས་དབང་གྱུར་པས། །ལུས་དང་ངག་དང་ཡིད་སྒོ་ནས། །རང་བཞིན་སྡིག་པ་ཅི་བགྱིས་དང་། །སྡོམ་པ་གསུམ་དང་འགལ་གྱུར་པའི། །ཉེས་པའི་ཚོགས་ཀུན་རབ་འགྱོད་པས། །མཆོད་འོས་རྣམས་ཀྱི་སྤྱན་སྔ་རུ། །སླན་ཆད་བསྡམ་པའི་སེམས་ཀྱིས་བཤགས། །བླ་མའི་ཕྲིན་ལས་རྨད་བྱུང་དང་། །རྒྱལ་དང་རྒྱལ་སྲས་རང་རྒྱལ་དང་། །དགྲ་བཅོམ་སོ་སོ་སྐྱེ་བོ་ཡི། །དགེ་བ་ཀུན་ལ་རྗེས་ཡི་རང་། །འགྲོ་ཀུན་སྨིན་ཅིང་གྲོལ་བྱའི་ཕྱིར། །བླ་མ་རྣམས་དང་སངས་རྒྱས་ལ། །ཟབ་པ་དང་ནི་རྒྱ་ཆེ་བའི། །ཆོས་ཀྱི་འཁོར་ལོ་བསྐོར་བར་བསྐུལ། །སེམས་ཅན་ཇི་སྲིད་གནས་ཀྱི་བར། །མྱ་ངན་མི་འདའ་རྟག་བཞུགས་ནས། །འགྲོ་བ་ཀུན་གྱི་དོན་མཛད་པར། །ཐལ་མོ་སྦྱར་ནས་གསོལ་བ་འདེབས། །བྱང་ཆུབ་སྙིང་པོར་མཆིས་ཀྱི་བར། །བླ་མ་མཆོག་དང་སངས་རྒྱས་དང་། །ཆོས་དང་འཕགས་པའི་དགེ་འདུན་ལ། །རྟག་ཏུ་གུས་པས་བདག་སྐྱབས་མཆི། །སེམས་ཅན་ཀུན་གྱི་དོན་སླད་དུ། །རྫོགས་པའི་བྱང་ཆུབ་ཐོབ་བྱའི་ཕྱིར། །བྱང་ཆུབ་སེམས་ནི་བསྐྱེད་བགྱི་ཞིང་། །བྱང་ཆུབ་སྤྱོད་པའང་སྤྱད་པར་བགྱི། །ཡེ་ཤེས་གསལ་བའི་སྤྱན་ལྡན་པའི། །བརྩེ་ལྡན་བླ་མའི་ཚོགས་རྣམས་དང་། །རྒྱལ་བ་སྲས་དང་བཅས་པ་ཀུན། །ཡུད་ཙམ་བདག་ལ་དགོངས་སུ་གསོལ། །མ་རིག་པ་ཡིས་ལྡོངས་གྱུར་ཅིང་། །ལས་ཀྱི་ཆུ་ཀླུང་གིས་འཕངས་པས། །སྲིད་པའི་རྒྱ་མཚོར་ལྟུང་གྱུར་ཏེ། །ཉོན་མོངས་ཆུ་སྲིན་དབང་གྱུར་པས། །མི་བཟད་སྡུག་བསྔལ་གྱིས་གཟིར་བའི། །ཉམ་ཆུང་བློ་གྲོས་རབ་དམན་པ། །བདག་དང་སེམས་ཅན་ཐམས་ཅད་ཀྱི། །སྐྱོབ་པ་མཛད་པར་གསོལ་བ་འདེབས། །བདག་ཅག་རྣམས་ཀྱིས་རབ་འབད་ཀྱང་། །ཐར་པའི་གོ་སྐབས་རྙེད་པར་དཀའ། །ཁྱེད་ཀྱིས་ཐུགས་རྗེའི་ཕྱག་བརྐྱངས་ནས། །སྲིད་པའི་མཚོ་ལས་བསྒྲལ་དུ་གསོལ། །མངོན་པར་འདུ་བྱེད་ཀུན་གྱི་གཞི། །ཚུལ་མིན་ཡིད་ལ་བྱེད་པའི་རྒྱུ། །མ་རིག་མུན་པ་ཐིབས་པོ་ཆེ། །ཡེ་ཤེས་ཟེར་གྱིས་བསལ་དུ་གསོལ། །སྲིད་པའི་ཉེས་ཀུན་འབྱུང་བའི་གཞི། །རྟོག་པ་ཐམས་ཅད་སྐྱེད་བྱེད་པ། །བདག་ཏུ་འཛིན་པའི་འཁྲི་ཤིང་ནི། །ཤེས་རབ་རལ་གྲིས་བཅད་དུ་གསོལ། །ཀུན་རྨོངས་ཀུན་འཁྲུགས་ཀུན་ནས་དཀྲིས། །ང་རྒྱལ་དང་ནི་ཕྲག་དོག་ཀུན། །མགོན་པོ་ཁྱོད་ཀྱི་མཐུ་ཆེན་གྱིས། །ཡེ་ཤེས་ཆེན་པོར་བསྒྱུར་དུ་གསོལ། །སྲིད་པ་ཐོག་མེད་དུས་ནས་སུ། །སེམས་ནི་ཉོན་མོངས་དབང་གྱུར་པས། །བག་ཆགས་དྲི་མ་གང་བསགས་པ། །ཡེ་ཤེས་ཆུ་ཡིས་སྦྱང་དུ་གསོལ། །རང་གིས་མངོན་པར་སྤྱད་པའི་མཐུས། །རང་ལ་རང་དབང་མེད་པར་ནི། །སྡུག་བསྔལ་རྒྱ་མཚོར་འཕེན་བྱེད་པའི། །ལས་ཀྱི་རླུང་ཤུགས་བཟློག་ཏུ་གསོལ། །ལས་དང་ཉོན་མོངས་ཀྱིས་སྤྲུལ་པའི། །སྐྱེ་རྒ་ན་དང་འཆི་ལ་སོགས། །སྡུག་བསྔལ་འདུ་བྱེད་འགྱུར་བ་ཡི། །སྡུག་བསྔལ་ཞི་བར་མཛད་དུ་གསོལ། །ཐབས་དང་སྐྱབས་དང་དག་པ་དང་། །ཐེག་ཆེན་ངེས་པར་འབྱུང་བ་ལས། །སེམས་ཅན་རྣམས་ནི་རབ་བསླུ་བའི། །བདུད་ཀྱི་ལས་རྣམས་བཟློག་ཏུ་གསོལ། །འཇིག་རྟེན་པ་ཡི་དོན་གཉེར་བའི། །རྙེད་དང་བཀུར་སྟི་ལ་སོགས་པ། །སྙིང་པོ་མེད་པའི་བྱ་བ་ལས། །ཡིད་ནི་རབ་ཏུ་བཟློག་ཏུ་གསོལ། །ཀུན་གཞིའི་ལྟེ་བ་རབ་བརྟན་ཅིང་། །རྟེན་འབྲེལ་ཡན་ལག་རྩིབས་བཅུ་གཉིས། །སྡུག་བསྔལ་མུ་ཁྱུད་ཀྱིས་བསྐོར་བའི། །སྲིད་པའི་འཁོར་ལོ་གཞིག་ཏུ་གསོལ། །གཞན་དོན་ལ་སྐྱོ་བདག་ཆགས་པས། །རང་ཉིད་ཞི་བ་དོན་གཉེར་བ། །ཉན་ཐོས་ཐེག་པ་དམན་པའི་སེམས། །རྣམ་པ་ཀུན་ཏུ་དགག་ཏུ་གསོལ། །བདག་གི་ལུས་དང་ངག་དང་ནི། །དེ་བཞིན་ཡིད་ཀྱི་སྒོ་ནས་ཀྱང་། །སེམས་ཅན་ཀུན་ལ་རྣམ་ཀུན་ཏུ། །ཕན་པ་རྒྱ་ཆེན་འབྱུང་བར་ཤོག །རྫོགས་པའི་བྱང་ཆུབ་སྒྲུབ་པ་ལ། །ཕྱི་དང་ནང་གི་འཚེ་བ་ཡི། །བར་དུ་གཅོད་པ་ཐམས་ཅད་ཀུན། །ཉེ་བར་ཞི་བར་མཛད་དུ་གསོལ། །བཤེས་གཉེན་གྲོགས་མཆོག་དམ་ཆོས་དང་། །གནས་བཟང་བ་དང་ཡོ་བྱད་སོགས། །རྟག་ཏུ་མཐུན་པའི་རྐྱེན་རྣམས་ཀུན། །ལྷུན་གྱིས་གྲུབ་པར་མཛད་དུ་གསོལ། །ཚེ་རིང་ནད་མེད་འབྱོར་ལྡན་ཞིང་། །འགྲོ་ཀུན་རྟག་ཏུ་འདུན་པ་དང་། །ཇི་ལྟར་བསམས་པའི་དོན་རྣམས་ཀུན། །ཆོས་བཞིན་འགྲུབ་པར་མཛད་དུ་གསོལ། །ཚེ་ཡི་འདུ་བྱེད་གཏོང་བའི་ཚེ། །བླ་མ་མཆོག་དང་ཧེ་རུ་ཀཿ །མཁའ་འགྲོའི་དབང་པོ་དཔག་ཡས་ཀྱིས། །མཁའ་སྤྱོད་གནས་སུ་བཀྲི་བར་མཛོད། །མང་དུ་སྨོས་ཀྱང་ཅི་འཚལ་ཏེ། །དབང་བཅུ་ལྡན་པ་ཁྱེད་རྣམས་ཀྱིས། །ཇི་ལྟར་གོ་འཕང་མཆོག་བརྙེས་པ། །དེ་ལྟར་བདག་གིས་ཐོབ་པར་མཛོད། །བདག་གཞན་སྲིད་པའི་སྡུག་བསྔལ་གྱིས། །རྣམ་པ་ཀུན་ཏུ་ཉམ་ཐག་པས། །མི་ཤེས་བཞིན་དུ་གསོལ་བ་ལ། །ཉེས་པ་སྣང་གང་བཟོད་པར་གསོལ། །དགེ་བ་འདི་དང་དགེ་བ་གཞན། །མ་ལུས་གཅིག་ཏུ་བསྡོམས་བྱས་ནས། །སེམས་ཅན་ཀུན་གྱི་དོན་གྱི་ཕྱིར། །རྫོགས་པའི་སངས་རྒྱས་མྱུར་ཐོབ་ཤོག །བདག་ནི་ཚེ་རབས་ཐམས་ཅད་དུ། །རིགས་གཟུགས་འབྱོར་ལྡན་ཤེས་རབ་དང་། །དབང་ཕྱུག་ཕུན་སུམ་ཚོགས་གྱུར་ཅིང་། །ནད་མེད་ཚེ་དང་ལྡན་གྱུར་ཅིག །སངས་རྒྱས་འབྱུང་བ་མཉེས་བྱེད་ཅིང་། །དམ་ཆོས་རྟག་ཏུ་སྤྱོད་པ་དང་། །འཕགས་པའི་དགེ་འདུན་རྒྱ་མཚོའི་ཚོགས། །རྣམ་པ་ཀུན་ཏུ་མཆོད་པར་ཤོག །ཀུན་དགའི་གསུང་རབ་རྟག་ཉན་ཅིང་། །སྐུ་ཡི་རྒྱལ་མཚན་བལྟ་བ་དང་། །དེ་ཡི་དཔལ་འབྱོར་བཟང་པོ་ཡིས། །རྟག་ཏུ་བདག་ནི་སྐྱོང་བར་ཤོག །དད་དང་བརྩེ་དང་བརྩོན་པའི་མཐུས། །བྱང་ཆུབ་ལམ་རྣམས་རྫོགས་བྱེད་ཅིང་། །སངས་རྒྱས་ཞིང་ཀུན་སྦྱོང་བ་དང་། །སེམས་ཅན་སྨིན་པར་བྱེད་པར་ཤོག །ཡིད་བཞིན་ནོར་བུ་ཆེན་པོ་ལྟར། །བདག་ལས་སེམས་ཅན་ཐམས་ཅད་ཀྱི། །ཡིད་ལ་འདོད་དགུ་འབྱུང་འགྱུར་ཞིང་། །འགྲོ་ཀུན་ཚིམ་པར་བྱེད་པར་ཤོག །བདག་ལ་བརྟེན་ནས་འགྲོ་བ་ཀུན། །ཟབ་མོའི་ལམ་ལ་རབ་ཞུགས་ནས། །སྲིད་དང་ཞི་ལ་མི་གནས་པའི། །བྱང་ཆུབ་ཆེན་པོ་ཐོབ་གྱུར་ཅིག །བློ་གྲོས་སྒྲིབ་གཉིས་རྣམ་དག་པས། །ཤིན་ཏུ་ཟབ་པའི་བློ་གྲོས་དང་། །རྒྱ་ཆེའི་བློ་གྲོས་དང་ལྡན་པའི། །བློ་གྲོས་ཆེན་པོར་བདག་གྱུར་ཅིག །ཚུལ་ཁྲིམས་རྒྱལ་མཚན་དང་ལྡན་ཞིང་། །ཆོས་ཀྱི་རྒྱལ་མཚན་ལེགས་བཟུང་བས། །བསྟན་པའི་རྒྱལ་མཚན་བརྟན་བྱས་ནས། །ཐར་པའི་རྒྱལ་མཚན་སློང་བར་ཤོག །ཚོགས་གཉིས་དཔལ་རབ་རྫོགས་གྱུར་ནས། །འགྲོ་བའི་དཔལ་མགོན་འབྱུང་བའི་གཞི། །སྐུ་གསུམ་དཔལ་འབྱོར་ལྷུན་གྲུབ་སྟེ། །སྲིད་ཞིའི་དཔལ་དུ་བདག་གྱུར་ཅིག །སྨོན་ལམ་བཟང་པོ་ལས་བྱུང་བའི། །ཕྲིན་ལས་བཟང་པོས་འགྲོ་བ་ཀུན། །སྐལ་པ་བཟང་པོར་ལེགས་སྒྲུབ་པའི། །བརྟུལ་ཞུགས་བཟང་པོར་བདག་གྱུར་ཅིག །རྒྱལ་དང་རྒྱལ་བའི་སྲས་རྣམས་ཀྱི། །རྗེས་སུ་བདག་ཀྱང་རབ་ཞུགས་ནས། །དགེ་བ་འདི་དང་དགེ་བ་གཞན། །ཐམས་ཅད་ཡོངས་སུ་བསྔོ་བར་བགྱི། །གཞན་ཡང་སྐྱེ་བ་འདི་ཉིད་དུ། །མི་མཐུན་ཕྱོགས་ཀུན་ཞི་བ་དང་། །ཚེ་རིང་ནད་མེད་ཕུན་སུམ་ཚོགས། །རྟག་ཏུ་བདེ་དང་ལྡན་གྱུར་ཅིག །བླ་མེད་བླ་མའི་ཐུགས་རྗེ་དང་། །རྒྱལ་དང་རྒྱལ་སྲས་རང་རྒྱལ་དང་། །དགྲ་བཅོམ་བདེན་པའི་བྱིན་རླབས་ཀྱིས། །ཇི་ལྟར་བསྔོས་བཞིན་འགྲུབ་པར་ཤོག །ཅེས་དོན་ཡིད་ལ་དྲན་བཞིན་དུ་འདུན་པ་རྩེ་གཅིག་པས་བརྗོད་དོ། །གཉིས་པ་ནི། བདག་ལ་སྐྱིད་སྡུག་ལེགས་ཉེས་མཐོ་དམན་ཅི་བྱུང་ཡང་ཆོས་རྗེ་ཉིད་ལས་རེ་ས་གཞན་མེད་པས་ཐུགས་རྗེས་གཟིགས་ཤིག་སྙམ་པའི་མོས་གུས་སྙིང་གི་དཀྱིལ་ནས་དུང་དུང་ལྷང་ལྷང་བ་དང་བཅས། ཤེས་བྱ་ཐམས་ཅད་གཟིགས་པའི་སོགས་དང་། །ཆོས་ཀྱི་རྒྱལ་པོ་སོགས་རྣམ་ཐར་གསོལ་འདེབས་ཚར་ཅི་ནུས་རྗེས། །ཤེས་བྱ་མ་ཤློ་ཀ་གཅིག་པུ་བརྒྱ་སྟོང་སོགས་གྲངས་བསག །དེའི་ཚེ་རྣམ་པར་ཐར་པའི་དོན་རྗེས་སུ་དྲན་པས་མོས་གུས་ཤུགས་དྲག་ཏུ་བསྒོམ་པར་བྱ་སྟེ། ཚུལ་འདི་ལ་ཆོས་རྗེ་ས་སྐྱ་པཎྜི་ཏའི་རྣམ་ཐར་བསྒོམ་ཚུལ་ཞེས་ཀྱང་གསུངས་པའི་ཕྱིར་རོ། །གསུམ་པ་ནི། ཆོས་རྗེའི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་དྷཱིཿདམར་སེར་གྱི་མཐར་མདུན་ནས་བརྩམས་ཏེ་གཡས་སྐོར་དུ་ཨོཾ་ཨ་ར་པ་ཙ་ན་ཞེས་པ་ཁ་དོག་དམར་སེར་གྱིས་བསྐོར་བ། དེ་ལས་འོད་ཟེར་འཕྲོས། སེམས་ཅན་ཐམས་ཅད་ཀྱི་སྡིག་སྒྲིབ་དང་སྡུག་བསྔལ་ཐམས་ཅད་སྦྱངས། སངས་རྒྱས་བྱང་སེམས་ཐམས་ཅད་ཀྱི་ཐུགས་རྒྱུད་བསྐུལ། མཁྱེན་བརྩེ་ནུས་གསུམ་གྱི་བྱིན་རླབས་ཐམས་ཅད་འོད་ཟེར་གྱི་རྣམ་པར་སྤྱན་དྲངས། ཆོས་རྗེའི་ཐུགས་ཀའི་དྷཱིཿཡིག་སྔགས་ཕྲེང་དང་བཅས་པ་ལ་ཐིམ། །དེ་ལས་འོད་ཟེར་དམར་སེར་གྱི་ཚོགས་བསམ་གྱིས་མི་ཁྱབ་པ་འཕྲོས། རང་གི་ལུས་ཀྱི་སྤྱི་གཙུག་ནས་རྐང་མཐིལ་གྱི་བར་ཐམས་ཅད་གང་བས་ནད་གདོན་སྡིག་སྒྲིབ་མི་ཤེས་པའི་མུན་པ་ཐམས་ཅད་སྦྱངས། བདག་མེད་རྟོགས་པའི་ཤེས་རབ་ཁྱད་པར་ཅན་རྒྱུད་ལ་སྐྱེས་པར་གྱུར། ཅེས་དང་སྤྲོ་བསྡུའི་དམིགས་པ་དེ་ཡང་ཡང་གསལ་འདེབས་པ་དང་མ་བྲལ་བའི་ངང་ནས། ཨོཾ་ཨ་ར་པ་ཙ་ན་དྷཱིཿཞེས་ཅི་ནུས་བཟླ། གསུམ་པ་རྗེས་ལ་གསུམ། འདོད་པའི་དོན་ལ་གསོལ་བ་གདབ་པ། དབང་དང་དངོས་གྲུབ་བླངས་ཤིང་དེ་ཁོ་ན་ཉིད་ལ་མཉམ་པར་གཞག་པ། བསྔོ་སྨོན་བཀྲ་ཤིས་ཀྱིས་མཇུག་བསྡུ་བའོ། །དང་པོ་ནི། ཐལ་མོ་སྦྱར་ཏེ་འདུན་པ་རྩེ་གཅིག་པས། ཕྱོགས་བཅུ་དུས་གསུམ་ཀྱི་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་ཀྱི་ངོ་བོར་གྱུར་པ། ཆོས་ཀྱི་རྗེ། ཆོས་ཀྱི་རྒྱལ་པོ། ཆོས་ཀྱི་དབང་ཕྱུག །ཆོས་དམ་པའི་འབྱོར་པ་ཐམས་ཅད་ཀྱིས་ཕུན་སུམ་ཚོགས་ཤིང་། འཁོར་བ་དང་མྱ་ངན་ལས་འདས་པའི་དཔལ་དམ་པར་གྱུར་པ་བླ་མ་དམ་པའི་ཞབས་ཀྱི་པདྨོ་དྲི་མ་མེད་པ་ལ་གུས་པས་ཕྱག་འཚལ་ཞིང་སྐྱབས་སུ་མཆིའོ། །སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་ཀྱིས་བདག་དང་སེམས་ཅན་ཐམས་ཅད་ལ་བྱིན་གྱིས་བརླབ་ཏུ་གསོལ། བདག་གི་སྔོན་གྱི་ལས་ལས་གྱུར་པ་དང་། གནས་སྐབས་ཀྱི་རྐྱེན་ལས་གྱུར་པའི་མི་དང་མི་མ་ཡིན་པ་དང་། འབྱུང་པོའི་གནོད་པ་དང་། ཉེ་བར་འཚེ་བ་དང་། བྱུར་དང་སྐལ་པ་ངན་པ་དང་། ཕྱི་དང་ནང་གི་བར་དུ་གཅོད་པ་ཐམས་ཅད་ཉེ་བར་ཞི་བར་བྱིན་གྱིས་བརླབ་ཏུ་གསོལ། ཚེ་དང་དཔལ་དང་འབྱོར་པ་དང་དབང་ཕྱུག་ཕུན་སུམ་ཚོགས་པར་བྱིན་གྱིས་བརླབ་ཏུ་གསོལ། འཇིག་རྟེན་གྱི་ཆོས་བརྒྱད་དང་མཚན་མའི་རྣམ་པར་གཡེང་བ་ལ་སོགས་པ་སྲིད་པར་འཁོར་བར་འགྱུར་བའི་རྣམ་པར་རྟོག་པ་དང་། གཞན་གྱི་དོན་ལ་སྐྱོ་བ་དང་། རང་ཉིད་ཞི་བར་འདུན་པ་ལ་སོགས་པ་མྱ་ངན་ལས་འདའ་བར་འགྱུར་བའི་རྣམ་པར་རྟོག་པ་གང་ལགས་པ་ཐམས་ཅད་མི་འབྱུང་པར་བྱིན་གྱིས་བརླབ་ཏུ་གསོལ། བདག་གི་སེམས་ལས་སུ་རུང་བ་དང་། བག་ཡོད་པ་དང་། དྲན་པ་དང་ཤེས་བཞིན་ཡང་དག་པ་དང་ལྡན་པར་བྱིན་གྱིས་བརླབ་ཏུ་གསོལ། བདག་གི་ཚུལ་ཁྲིམས་ཀྱི་ཕུང་པོ་དང་། དམ་ཚིག་དང་སྡོམ་པའི་ཚོགས་རྣམ་པར་དག་ཅིང་སྡིག་པ་དང་། སྒྲིབ་པ་དང་། ལྟུང་བ་དང་ཉེས་པའི་དྲི་མས་མ་གོས་པར་བྱིན་གྱིས་བརླབ་ཏུ་གསོལ། དད་པ་དང་སྙིང་རྗེ་དང་ཤེས་རབ་ཕུན་སུམ་ཚོགས་པ་དང་ལྡན་ཞིང་། བྱང་ཆུབ་ཀྱི་སེམས་གཉིས་ཟུང་དུ་ཆུད་ནས། ལུང་དང་མངོན་པར་རྟོགས་པས་བསྡུས་པའི་ཆོས་ཀྱི་སྣང་བ་དམ་པ་དང་རྟོག་པ་དགེ་བ་ཁྱད་པར་ཅན་རྒྱུད་ལ་སྐྱེ་བར་བྱིན་གྱིས་བརླབ་ཏུ་གསོལ། གང་གི་ཚེ་བདག་འཆི་བར་གྱུར་པ་དེའི་ཚེ་ཚེ་འདི་དང་འཇིག་རྟེན་འདི་ལ་མངོན་པར་ཞེན་པ་དང་བྲལ་ཞིང་ལུས་དང་སེམས་ལ་ཟུག་རྔུ་དང་སྡུག་བསྔལ་ཅུང་ཟད་ཙམ་ཡང་མི་འབྱུང་བར་དགའ་བ་དང་སྤྲོ་བ་དང་ཡིད་གསལ་བ་མཆོག་དང་ལྡན་ཞིང་། ཏིང་ངེ་འཛིན་དམ་པ་རྒྱུད་ལ་སྐྱེས་ནས། བླ་མ་དང་དཀྱིལ་འཁོར་གྱི་ལྷ་ཚོགས་རྣམས་དང་། དཔའ་བོ་དང་རྣལ་འབྱོར་མའི་ཚོགས་ཡང་དག་པར་མཐོང་ཞིང་། དེ་དག་གི་རྣམ་པར་འཕྲུལ་པ་བསམ་གྱིས་མི་ཁྱབ་པ་དང་བཅས་པས་བསུས་ཏེ། བར་དོའི་འཇིགས་པ་ཐམས་ཅད་དང་བྲལ་ཞིང་། བདུད་དང་གཤིན་རྗེའི་སྤྱོད་ཡུལ་ཐམས་ཅད་ལས་ཤིན་ཏུ་འདས་ནས་རིག་པ་འཛིན་པ་དང་མཁའ་ལ་སྤྱོད་པ་ལ་སོགས་པའི་གོ་འཕང་མཆོག་ཏུ་སྐྱེ་བར་བྱིན་གྱིས་བརླབ་ཏུ་གསོལ། སྐྱེ་བ་དང་སྲིད་པ་ཐམས་ཅད་དུ་འཇིག་རྟེན་དང་འཇིག་རྟེན་ལས་འདས་པའི་རྒུད་པ་ཐམས་ཅད་དང་བྲལ་ཞིང་སྲིད་པ་དང་ཞི་བའི་འབྱོར་པ་ཕུན་སུམ་ཚོགས་པ་ཐོབ་སྟེ། ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་གསུང་རབ་རྒྱ་མཚོའི་ཚོགས་ཡང་དག་པར་བཟུང་ནས། ཆོས་ཀྱིས་ཕོངས་པའི་སེམས་ཅན་ཐམས་ཅད་ལ་ཆོས་ཀྱི་སྦྱིན་པ་རྒྱ་ཆེན་པོ་གཏོང་ཞིང་། སངས་རྒྱས་ཀྱི་ཞིང་ཡོངས་སུ་དག་པ་དང་སེམས་ཅན་རྣམས་ཡོངས་སུ་སྨིན་པར་བྱས་ནས། དངོས་པོ་ཐམས་ཅད་ཀྱིས་བླ་མ་དམ་པ་མཉེས་པར་བྱས་ཏེ་ས་དང་ལམ་ཐམས་ཅད་བདེ་བླག་ཏུ་བགྲོད་ནས། སྐུ་བཞི་ཡེ་ཤེས་ལྔ་དང་ལྡན་པའི་རྡོ་རྗེ་འཆང་ཆེན་པོའི་གོ་འཕང་མྱུར་དུ་ཐོབ་པར་བྱིན་གྱིས་བརླབ་ཏུ་གསོལ། ཞེས་ལན་གསུམ་བརྗོད། གཉིས་པ་ནི། སླར་ཡང་མོས་གུས་གདུང་ཤུགས་དྲག་པོ་དང་བཅས་ཏེ། དུས་གསུམ་སངས་རྒྱས་ཐམས་ཅད་ཀྱི་ངོ་བོ་མཁྱེན་རབ་ཀྱི་བདག་པོ་འཕགས་པ་འཇམ་དཔལ་དང་དབྱེར་མ་མཆིས་པའི་ཆོས་རྗེ་ས་སྐྱ་པཎྜི་ཏ་ཆེན་པོ་ཀུན་དགའ་རྒྱལ་མཚན་དཔལ་བཟང་པོ་ལ་གསོལ་བ་འདེབས་སོ། །བདག་གི་རྒྱུད་བྱིན་གྱིས་བརླབ་ཏུ་གསོལ། །ཞེས་ལན་གསུམ་སོགས་ཀྱིས་གསོལ་བ་བཏབ་པས། ཆོས་རྗེའི་དཔྲལ་བའི་ཨོཾ་ལས་བདུད་རྩི་དཀར་པོ་བབས། སྐུའི་ནང་བརྒྱུད་གདན་པདྨའི་ཡུ་བ་ལ་འཁྲིལ་ནས་རང་གི་དཔྲལ་བའི་ཨོཾ་ལ་ཐིམ། བུམ་པའི་དབང་ཐོབ། ལུས་ཀྱི་དྲི་མ་དག །དུས་གསུམ་སངས་རྒྱས་ཐམས་ཅད་ཀྱི་སྐུའི་དངོས་གྲུབ་ཐོབ། ཆོས་རྗེའི་མགྲིན་པའི་ཨཱཿལས་བདུད་རྩི་དམར་པོ་བབས། རང་གི་མགྲིན་པའི་ཨཱཿལ་ཐིམ། གསང་བའི་དབང་ཐོབ། ངག་གི་དྲི་མ་དག་དུས་གསུམ་སངས་རྒྱས་ཐམས་ཅད་ཀྱི་གསུང་གི་དངོས་གྲུབ་ཐོབ། ཆོས་རྗེའི་ཐུགས་ཀའི་ཧཱུྃ་ལས་བདུད་རྩི་སྔོན་པོ་བབས། རང་གི་སྙིང་གའི་ཧཱུྃ་ལ་ཐིམ། ཤེས་རབ་ཡེ་ཤེས་ཀྱི་དབང་ཐོབ། ཡིད་ཀྱི་དྲི་མ་དག །དུས་གསུམ་སངས་རྒྱས་ཐམས་ཅད་ཀྱི་ཐུགས་ཀྱི་དངོས་གྲུབ་ཐོབ། ཆོས་རྗེའི་གནས་གསུམ་གྱི་ཨོཾ་ཨཱཿཧཱུྃ་གསུམ་ལས། བདུད་རྩི་དཀར་དམར་སྔོ་གསུམ་འདྲེས་པ་འཇའ་ཚོན་གྱི་རྣམ་པ་ལྟ་བུ་བབས། རང་གི་སྒོ་གསུམ་ལ་ཐིམ། ལུས་ཀྱི་ནང་གང་། དབང་བཞི་པ་ཐོབ། ལུས་ངག་ཡིད་གསུམ་གྱི་དྲི་མ་དག །དུས་གསུམ་སངས་རྒྱས་ཐམས་ཅད་ཀྱི་སྐུ་གསུང་ཐུགས་ཀྱི་དངོས་གྲུབ་ཐོབ། ཆོས་རྗེ་དེ་རང་གི་སྤྱི་བོའི་རྩ་དབུ་མའི་ནང་ནས་ཞུགས། དེ་མ་ཐག་ཚངས་བུག་གི་སྒོ་འགྲིགས། ལུས་གཞལ་ཡས་ཁང་དུ་གྱུར་པའི་ནང་དུ་སྙིང་པདྨ་འདབ་མ་སྟོང་ལྡན་གྱི་ཟེའུ་འབྲུ་ལ་ཟླ་བའི་དཀྱིལ་འཁོར་ཉ་གང་བའི་སྟེང་དུ་འཇའ་འོད་ཁ་དོག་སྣ་ཚོགས་པའི་གུར་གྱི་ནང་ན་དུས་རྟག་ཏུ་འབྲལ་བ་མེད་པར་བཞུགས་པར་གྱུར་ཅེས་དང་། དཔལ་ལྡན་རྩ་བའི་བླ་མ་རིན་པོ་ཆེ། །བདག་གི་སྙིང་གར་པདྨའི་གདན་བཞུགས་ནས། །བཀའ་དྲིན་ཆེན་པོའི་སྒོ་ནས་རྗེས་བཟུང་སྟེ། །སྐུ་གསུང་ཐུགས་ཀྱི་དངོས་གྲུབ་སྩལ་དུ་གསོལ། །ཐོས་པ་རྒྱ་མཚོའི་མཆོད་ཡོན་ཀུན་ནས་འཁྱིལ། །ཡོན་ཏན་མེ་ཏོག་ཚུལ་ཁྲིམས་བདུག་སྤོས་སྤྲིན། །ཤེས་རབ་སྒྲོན་མེ་དད་པ་སྤོས་ཆུའི་མཚོ། །ཏིང་འཛིན་བདུད་རྩིའི་ཞལ་ཟས་དམ་པ་དང་། །བསྟོད་དབྱངས་སྙན་པའི་སིལ་སྙན་སྒྲ་འབྱིན་ཅིང་། །ཀུན་ནས་སྙིང་བརྩེ་རྣམ་དཔྱོད་སྤོབས་པ་ཡི། །གདུགས་དང་རྒྱལ་མཚན་བ་དན་བསྒྲེང་བ་ཡིས། །བདག་ལུས་གཞལ་མེད་ཁང་བརྩེགས་རབ་བརྒྱན་ནས། །སྙིང་གི་ཆུ་སྐྱེས་ཐིག་ལེ་ཟླ་རྒྱས་ལ། །བརྟན་པར་བཞུགས་པའི་ཆོས་རྗེ་མཆོད་བགྱིད་ཅིང་། །ངེས་པར་འདུན་པའི་ཡིད་ཀྱིས་གསོལ་བཏབ་པས། །འགྲོ་བའི་བླ་མ་རྟག་ཏུ་མཉེས་གྱུར་ཅིག །ས་སྐྱ་པཎ་ཆེན་རྟག་ཏུ་མཉེས་གྱུར་ཅིག །ཅེས་བརྗོད་པས་ཁྱད་པར་གྱི་མཆོད་པ་དབུལ། དེ་ནས་ཡང་དག་པའི་དོན་ལ་བློ་གཞག་པ་ནི་ལུས་གནད་དང་ལྡན་པས། ཆོས་རྗེའི་ཐུགས་དྷཱིཿཡིག་ཉི་མའི་མདོག་ཅན་དེ་ལ་ཤེས་པ་གཏད་ནས་ཆོས་རྗེའི་ཐུགས་དང་རང་སེམས་དབྱེར་མེད་རོ་གཅིག་ཏུ་འདྲེས་པ་བདེ་སྟོང་ཟུང་འཇུག་ཕྱག་རྒྱ་ཆེན་པོའི་ངང་ལ་རྟོག་པའི་བསྲེ་ལྷད་ཅི་ཡང་མི་བྱ་བར་ཇི་ཙམ་གནས་ཀྱི་བར་དུ་མཉམ་པར་གཞག །གསུམ་པ་ནི། ཐུན་ལས་ལྡང་བར་འདོད་ན། དགེ་བ་འདི་ཡིས་ནམ་མཁའི་མཐའ་ཀླས་པའི། །ལུས་ཅན་ཀུན་གྱི་བསོད་ནམས་ཡེ་ཤེས་ཚོགས། །མྱུར་དུ་བསྒྲུབས་ནས་ཚེ་འདི་ཁོ་ན་ལ། །རྡོ་རྗེ་འཛིན་པའི་ས་ལ་བགྲོད་པར་ཤོག །དེ་བཞིན་གཤེགས་པ་མི་འཁྲུགས་རྒྱལ་པོའི་ཞིང་། །ས་སྐྱ་པཎ་ཆེན་བྱང་ཆུབ་བརྙེས་པའི་གནས། །མངོན་དགའི་ཞིང་དུ་བདག་ཅག་དཔོན་སློབ་རྣམས། །ཚེ་འདི་འཕོས་མ་ཐག་ཏུ་སྐྱེ་བར་ཤོག །དེ་ནས་བདེ་བ་ཅན་སོགས་ས་སྐྱ་པའི། །རྗེ་བཙུན་གོང་མ་བཞུགས་པ་དག་པའི་ཞིང་། །མང་དུ་བགྲོད་ནས་སྤངས་རྟོགས་མྱུར་རྫོགས་ཏེ། །སྤྲུལ་པས་ས་སྐྱའི་བསྟན་པ་རྒྱས་བྱེད་ཤོག །སེམས་ཅན་ནད་པ་ཇི་སྙེད་པ། །མྱུར་དུ་ནད་ལས་ཐར་གྱུར་ཅིག །འགྲོ་བའི་ནད་ནི་མ་ལུས་པ། །རྟག་ཏུ་འབྱུང་བ་མེད་པར་ཤོག །ཕྱོགས་རྣམས་ཀུན་ན་ལུས་དང་སེམས། །སྡུག་བསྔལ་ནད་པ་ཇི་སྙེད་པ། །དེ་དག་བདག་གི་བསོད་ནམས་ཀྱིས། །བདེ་དགའ་རྒྱ་མཚོ་ཐོབ་པར་ཤོག །ཕྱོགས་བཅུའི་སེམས་ཅན་གང་རྣམས་ཇི་སྙེད་པ། །དེ་དག་རྟག་ཏུ་ནད་མེད་བདེ་བར་གྱུར། །འགྲོ་བ་ཀུན་གྱི་ཆོས་ཀྱི་དོན་རྣམས་ནི། །མཐུན་པར་གྱུར་ཅིང་རེ་བའང་འགྲུབ་པར་ཤོག །བྱང་ཕྱོགས་སྐྱོང་བའི་སྐྱོབ་པ་མཆོག་གྱུར་པ། །མཁས་གྲུབ་རྒྱ་མཚོས་ཡོངས་སུ་གང་བའི་གནས། །གངས་རིའི་ཁྲོད་འདིར་བསྟན་པ་གསལ་མཛད་པ། །ས་སྐྱ་པ་ཡི་བསྟན་པ་རྒྱས་གྱུར་ཅིག །གངས་ཅན་བོད་ཀྱི་ལྟེ་བ་རྡོ་རྗེ་གདན། །དཔལ་ལྡན་ས་སྐྱའི་ཆོས་སྲིད་རྒྱས་གྱུར་ཅིང་། །སྤྲུལ་པའི་གདུད་བརྒྱུད་རྒྱུན་ཆད་མེད་པ་དང་། །ཀུན་ཀྱང་ཕྲིན་ལས་ནམ་མཁའ་མཉམ་པར་ཤོག །འགྲོ་བའི་བླ་མ་ཆོས་རྗེ་པཎྜི་ཏ། །མཁྱེན་རབ་དབང་ཕྱུག་རྗེ་བཙུན་འཇམ་པའི་དབྱངས། །རྒྱལ་བ་གཉིས་པ་དཔལ་ལྡན་ས་སྐྱ་པའི། །བསྟན་པ་ཡུན་རིང་གནས་པའི་བཀྲ་ཤིས་ཤོག །ཅེས་སོགས་བསྔོ་སྨོན་བཀྲ་ཤིས་རྒྱས་པར་བྱས་ཏེ་སྤྱོད་ལམ་ལ་འཇུག་གོ །འཇམ་དབྱངས་བླ་མ་མཆོད་པའི་ཚུལ། །ཚོགས་གཉིས་ཆར་འབེབས་རྫོགས་ལྡན་སྤྲིན། །འདི་སྦྱར་དགེ་བས་འགྲོ་བ་ཀུན། །ཕན་བདེའི་འབྱོར་པ་རྒྱས་གྱུར་ཅིག །ཅེས་འཇམ་མགོན་ཀུན་དགའ་བློ་གྲོས་ཀྱིས་མཛད་པའི་བླ་མའི་རྣལ་འབྱོར་དང་། ཆོས་ཀྱི་རྒྱལ་པོ་འཕགས་པ་རིན་པོ་ཆེས་མཛད་པའི་ལམ་འབྲས་ཕྱག་མཆོད་སོགས་བླ་མ་གོང་མའི་གསུང་བྱིན་རླབས་ཅན་ཕྱག་ལེན་ལྟར་ཁྲིགས་སུ་བསྡེབས་པ་འདིའང་། འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་སུ་ཤྲེ་ཡོ་ལཀྵྨཱིཾ་བྷ་བ་ཏུ།། །།

[edit]

sa 'jam sbags sgrub kyi bla ma mchod pa'i cho ga tshogs gnyis char 'bebs/_ @#/__/'jam dbyangs bla ma mchod pa'i cho ga tshogs gnyis char 'bebs zhes bya ba bzhugs so//__// na mo gu ru many+dzu g+ho Sha b+hU mi paN+Dar ma hA paN+Di ta s+ya pat+pa d+mA b+h+yAM/__'jam dbyangs bla ma'i zhabs pad+mor/__/rab tu gus pas phyag 'tshal nas/__/gang de mchod pa'i cho ga ni/__/tshogs gnyis char 'bebs bshad kyis nyon/__/'di la gsum/__sbyor ba/__dngos gzhi/__rjes so/__/dang po la gnyis/__cho gar ma gtogs pa'i sbyor ba dang /__cho gar gtogs pa'i sbyor ba'o/__/dang po ni/__rnal 'byor bla med kyi dbang bzhi yongs su rdzogs pa dang 'di nyid kyi byin rlabs zab mos rgyud smin pa/__dam tshig dang sdom pa rnam par dag cing /__'jam mgon bla ma'i rnam thar la mi 'phrog pa'i mos gus dang ldan pa'i sgrub pa pos/__dben zhing nyams dga' ba'i gnas khang byi dor byas pa'i phugs su stegs mtho bar rje btsun sa skya paN+Di ta'i sku'i snang brnyan bris 'bur gang rigs kyis gtsos sku gsung thugs kyi rten rnams bzhugs su gsol ba'i spyan sngar/__mchod stegs bang rim can lta bur ci 'byor pa'i mchod pa spyi dang /__bye brag tu spos mar me/__zhal zas rnams brgya rtsa sogs gtsang zhing bkod pas mdzes par bsham/__bla re dang gdugs rgyal mtshan ba dan la sogs pas brgyan/__rang gi mdun du mchod pa'i maN+Dal mtho gang las mi chung ba/__dri bzang gi chu/__tshom bu'i rgyu 'bru gtsang ma/__rol mo'i bye brag sogs dgos pa'i yo byad thams cad 'du bya'o/__/gnyis pa la gsum/__mchod pa'i yo byad byin gyis brlab pa/__skyabs 'gro sems bskyed kyis rgyud sbyang ba/__tshogs kyi zhing gsal gdab pa'o/__/dang po ni/__oM badz+ra yak+Sha hU~M/__oM badz+ra dz+wa la a na la ha na da ha pa tsa ma tha b+hany+dza ra Na hU~M pha?T/__oM swa b+hA wa shud+d+haHsarba d+harmAHswa b+hA wa shud+d+ho\u0f85haM/__stong pa'i ngang las oM las byung ba'i rin po che las grub pa'i snod yangs shing rgya che ba rnams kyi nang du oM zhu ba las byung ba'i lha rdzas las grub pa'i mchod yon/__me tog__/bdug spos/__mar me/__dri/__zhal zas/__gzhan yang rol mo dang 'phan gdugs la sogs pa mchod rdzas bsam gyis mi khyab pa nam mkha'i khams thams cad gang bar gyur/__oM badz+ra ar+g+haM AHhU~M sogs nas oM badz+ra shab+da AHhU~M gi bar brjod cing so so'i phyag rgya dang bcas pas byin gyis brlab/__oM badz+ra d+harmA ra Ni ta/__pra ra Ni ta/__saM pra ra Ni ta/__sarba bud+d+ha k+She tra pra tsa li ni/__pradz+nyA pA ra mi tA nA da saM b+ha we/__badz+ra sa twa hr-i da ya san+to Sha Ni hU~M hU~M hU~M ho ho ho a khaM swA hA/__zhes lan gsum brjod cing rol mo dang bcas pas byin dbab/__gnyis pa ni/__skyabs yul gsal btab la/__bdag dang 'gro ba nam mkha'i mtha' dang mnyam pa'i sems can thams cad dus 'di nas bzung ste ji srid byang chub snying po la mchis kyi bar du phyogs bcu dus gsum gyi de bzhin gshegs pa thams cad kyi sku gsung thugs yon tan phrin las thams cad kyi ngo bo chos kyi phung po stong phrag brgyud cu rtsa bzhi'i 'byung gnas 'phags pa'i dge 'dun thams cad kyi mnga' bdag rje btsun rtsa ba dang brgyud par bcas pa'i dpal ldan bla ma dam pa rnams la skyabs su mchi'o/__/rdzogs pa'i sangs rgyas bcom ldan 'das rnams la skyabs su mchi'o/__/dam pa'i chos rnams la skyabs su mchi'o/__/'phags pa'i dge 'dun rnams la skyabs su mchi'o/__/zhes skyabs 'gro ci mang dang /__thal mo snying gar sbyar la/__bla ma dang dkon mchog rin po che rnam pa gsum la bdag phyag 'tshal zhing skyabs su mchi'o/__/khyed rnams kyis bdag gi rgyud byin gyis brlab tu gsol/__zhes skyabs gsol byas nas skyabs yul rang la bstim/__smon 'jug gi don dran bzhin pas/__sems can thams cad kyi don du rdzogs pa'i sangs rgyas kyi go 'phang thob par bya/__de'i ched du bdag gis lam zab mo nyams su blang bar bgyi'o/__/zhes lan gsum gyis sems bskyed/__sems can thams cad bde ba dang sogs tshad med bzhi spyi ltar bsgom/__gsum pa ni/__oM swa b+hA wa shud+d+haHsarba d+harmAHswa b+hA wa shud+d+ho\u0f85haM/__stong pa'i ngang las rang gi spyi bor pad+ma 'dab ma stong ldan gyi ze'u 'bru la/__zla ba'i dkyil 'khor nya gang ba'i steng du drin can rtsa ba'i bla ma dang dbyer med pa'i chos kyi rje sa skya paN+Di ta kun dga' rgyal mtshan dpal bzang po de nyid ngo bo 'jam dbyangs la rnam pa paN+Di ta sku mdog dmar ser zhal gcig phyag gnyis pa/__zhabs gnyis rdo rje'i skyil krung gis bzhugs pa/__phyag gnyis thugs kar chos 'chad kyi phyag rgya mdzad nas ut+pa la'i yu ba nas bzung ba'i me tog snyan g.yas g.yon gyi thad kar kha bye ba'i g.yas kyi steng na ral gri me 'bar ba dang /__g.yon gyi steng na shes rab kyi pha rol tu phyin pa'i pusti yod pa/__mtshan bzang po sum cu rtsa gnyis dang /__dpe byad bzang po brgyad cus brgyan pa/__dbu la sa zhu dang /__sku la chos gos rnam gsum ngur smrig gsol ba/__de'i dpral bar zla ba'i steng du oM dkar po/__mgrin par pad+ma'i steng du AHdmar po/__thugs kar nyi ma'i steng du hU~M sngon po/__de las 'od zer 'phros pas phyogs bcu'i bla ma yi dam sangs rgyas byang sems nyan thos rang rgyal chos srung nor lha'i tshogs dang bcas pa oM badz+ra sa mA dzaH__rdo rje bsdu ba'i phyag rgyas spyan drangs/__spyi bo na bzhugs pa'i chos rje la/__dzaHhU~M ba~M hoH__gnyis su med par thim pas de nyid skyabs gnas kun 'dus kyi ngo bor gyur par bsam/__de nas/__rang gi lus kyi gsang gnas nas spyi bo'i bar rtsa dbu ma phyi dkar la nang dmar ba/__sbom phra sba lcag tsam gyi kha tshangs bug tu phye ba'i nang du chos kyi rje'i gdan pad+ma'i yu ba zug pa/__rang gi dpral bar oM dkar po/__mgrin par AHdmar po/__snying gar hU~M sngon po rnams gsal bar gyur par bsams la ngag tu brjod cing gsal gdab bo/__/gnyis pa dngos gzhi la gsum/__bsag sbyang spel gsum gyi gnad bsdus pa yan lag bdun pa bya ba/__byin rlabs 'jug ba'i phyir phur tshugs su gsol ba gdab pa/__thugs rgyud bskul ba'i phyir bzlas pa bya ba'o/__/dang po la'ang bdun las/__dang po phyag 'tshal ba ni/__rang dang sems can thams cad kyi lus zhing gi rdul snyed du sprul nas phyag sogs mchod pa'i las la 'jug par mos pa dang bcas/__mi 'phrog pa'i mkhyen rab dang thugs rjer ldan pa khams gsum chos kyi rgyal po/__de bzhin gshegs pa thams cad kyi ngo bo/__dam pa'i chos thams cad kyi 'byung gnas/__byang chub sems dpa' thams cad kyi yab/__nyan thos dang rang sangs rgyas thams cad kyi bla ma/__lha dang bcas pa'i 'jig rten thams cad kyi skyabs/__chos kyi rje dpal ldan sa skya paN+Di ta chen po'i zhabs la gus pas phyag 'tshal zhing skyabs su mchi'o/__/brtse ba chen pos dus thams cad du rjes su gzung du gsol/__gang gi drin gyis bde chen nyid/__/skad cig nyid la 'char ba gang /__/bla ma rin chen lta bu'i sku/__/rdo rje can zhabs pad la 'dud/__/khyod ni rgyal dang rgyal ba'i sras/__/rab byung dge bsnyen khyim pa sogs/__/'gro ba kun gyi gzugs mdzad nas/__/gdul bya thams cad smin par mdzad/__/nyi ma'i 'od zer rab tsha yang /__/me shel med par me mi 'byung /__/de bzhin sangs rgyas byin rlabs kyang /___/bla ma med par 'byung mi 'gyur/__/des na khyod nyid mnyes pa yis/__/sangs rgyas thams cad mnyes par 'gyur/__/dkon mchog gsum po gcig bsdus pa'i/__/bla ma khyod la bdag skyabs mchi/__/sangs rgyas kun gyi ngo bo nyid/__/chos rnams kun gyi rin chen gter/__/dge 'dun thams cad 'dus pa'i sku/__/dpal ldan bla ma de la 'dud/__/khyod ni gdul bya smin pa'i phyir/__/de bzhin gshegs pa rnam pa lnga/__/khyod kyi phung po rnam lngar ston/__/spyan sogs khyod kyi 'byung ba bzhi/__/sa yi snying po rdo rje 'chang /__/nam mkha'i snying po spyan ras gzigs/__/'jam dbyangs sgrib pa rnam par sel/__/byams pa kun tu bzang po rnams/__/mgon po khyod kyi dbang po sogs/__/gshin rje'i gshed sogs khro bo bcu/__/dpal ldan khyod kyi sku yi cha/__/gzugs sogs rdo rje lha mor ston/___/nyon mongs ye shes gnas gyur pa/__/bdag nyid chen po khyod kyis mkhyen/__/thams cad spro ba'i phrin las kyis/__/rdzogs pa'i sangs rgyas thams cad sprul/__/gcig tu bsdus pa'i sbyor ba ni/__/sangs rgyas kun bdag rdo rje 'chang /__/bag chags bcas pa'i sgrib kun spangs/__/yon tan thams cad rab rdzogs pa/__/khyod kyi phrin las ngo mtshar rmad/__/gang gis g.yo med khyod bsten pa/__/de la de ma thag byin rlob/__/skad cig gcig gis rdzogs 'tshang rgya/__/yang na phun tshogs thams cad 'grub/__/des na rdo rje slob dpon mchog__/dngos po kun gyis de la 'dud/__/rnam pa kun tu bdag skyabs mchi/__/phyi nang gsang ba de kho na/__/lus dang longs spyod 'brel ba kun/__/srog gi bar gyis khyod mnyes bgyi/__/ji srid rnam par grol ba'i sa/__/bdag gzhan kun gyis ma thob bar/__/de srid mchod pa mchog gi sprin/__/kun tu bzang po'i rnam thar las/__/ches lhag gyur pas khyod mchod do/__/khyod ni gang la mnyes gyur pa'i/__/phrin las de nyid sgrub par shog__/mi mnyes byed pa rnam spangs te/__/rnam pa kun tu khyod bsten no/__/khyod kyi phrin las bsgrub slad du/__/mgon po gang la mnyes gyur na/__/gal te bla na med pa yi/__/byang chub thob kyang de dor te/__/skye zhing skye ba thams cad du/__/khyod kyi phrin las bsgrub par bgyi/__/dge ba 'di yis bdag gzhan kun/__/khyod mnyes bgyis pa'ang thob par shog__/sku yi spyod pa rnam dag pa/__/sangs rgyas dgos pa'i tshul khrims ldan/__/gsung gi phrin las phun sum tshogs/__/shes bya'i dkyil 'khor ma lus khyab/__/thugs kyi dgongs pa rab zad pa/__/chos rnams kun gyi de nyid mkhyen/__/mkhas pa thams cad dga' mdzad pa'i/__/yon tan rgya mtsho khyod la mnga'/__/sems can thams cad smin mdzad pa'i/__/phrin las mnga' ba chos kyi rje/__/khyod la bsu bas dpal du byed/__/bsten pas blo gros mchog tu 'gyur/__/bsten na 'jigs pa med par mdzad/__/bsnyen bkur bgyis pas bde ba 'byung /__/de 'dra'i dpal ldan chos kyi rje/__/bla ma mchog la bdag gsol 'debs/__/mchod pa thams cad spangs nas ni/__/bla ma mchod pa bya'o zhes/__/sangs rgyas kun gyis mthun par gsungs/__/de bas dngos po thams cad kyis/__/bla ma mnyes par byed par shog__/skye ba 'di dang skye ba gzhan/__/ji srid sangs rgyas ma thob bar/__/de srid bla ma'i zhabs drung du/__/'bral ba med par gnas gyur cig__/mchod pa kun gyis mchod byed cing /__/dam chos rtag tu nyan pa dang /__/bka' bzhin sgrub par byed par shog__/sangs rgyas kun gyi ngo bo nyid/__/dngos grub kun gyi rin chen gter/__/nyes pa kun las rnam grol ba/__/bla ma rnams la phyag 'tshal lo/__/sras bcas rgyal ba thams cad kyi/__/mkhyen brtse nus gsum gcig bsdus pa/__/'jam mgon sa skya paN+Di ta'i/__/zhabs kyi pad+mor gus pas 'dud/__/khyed kyis bsod nams ye shes tshogs/__/bskal pa du mar rab bsgrubs pas/__/bzhed pa'i don rnams yongs rdzogs pa'i/__/dpal ldan don grub dpal ldan don grub ces pa 'jam mgon sa skya paN+Dita sku chung ngu'i dus kyi mtshan no/__/la phyag 'tshal/__/'khrul pa mi mnga' nyes mi mnga'/__/tshul khrims phung pos brgyan pa'i sku/__/mthong ba tsam gyis rab dad par/__/mdzad pa khyod la phyag 'tshal lo/__/ca co mi mnga' rnam dag gsung /__/tha dad skad kyis mtha' yas pa'i/__/gdul bya'i dbang po tshim mdzad pa'i/__/gsung mchog khyod la phyag 'tshal lo/__/mnyam par gzhag cing rtog mi mnga'/__/'gro ba'i yid la mnyam par 'jug__/ting nge 'dzin dang gzungs kyi gter/__/rnam grol thugs la phyag 'tshal lo/__/khyod kyis shes bya'i dkyil 'khor 'di/__/ma lus thugs su chub gyur pas/__/'chad rtsod rtsom pa'i bya ba la/__/mnga' brnyes khyod la phyag 'tshal lo/__/dmigs pa kun las rnam grol zhing /__/thugs rje chen po dang ldan pas/__/gzhan don dus las mi 'da' ba'i/__/brtse chen khyod la phyag 'tshal lo/__/mkhyen brtse brtson pa'i stobs chen gyis/__/bdud kyi stobs rnams 'joms mdzad cing /__/nyon mongs byang chub lam sgyur ba'i/__/mthu chen khyod la phyag 'tshal lo/__/'khor ba ji srid gnas kyi bar/__/rnam par 'phrul ba sna tshogs kyis/__/de srid de yi don mdzad pa'i/__/phrin las dbang phyug la phyag 'tshal/__/kun dga'i dgos 'dod ma lus pa/__/rin chen rgyal mtshan las byung ba'i/__/dpal 'byor bzang po'i 'bras stsol ba'i/__/dbang gi rgyal po la phyag 'tshal/__/sangs rgyas kun gyi ye shes sku/__/gcig tu bsdus pa gzhan don phyir/__/so so skye bo'i skur ston pa/__/mtshungs bral khyod la phyag 'tshal lo/__/dkon mchog gsum po khyod nyid de/__/khyod nyid dkon mchog gsum yang lags/__/de bas rnam pa thams cad du/__/khyod la gus pas phyag 'tshal lo/__/ston mchog khyod la phyag 'tshal lo/__/skyabs mchog khyod la phyag 'tshal lo/__/'dren pa mchog la phyag 'tshal lo/__/bla ma mchog la phyag 'tshal lo/__/gang la khyod kyi skus reg cing /__/khyod gsung thos shing 'dzin pa dang /__/khyod kyi thugs rjes rjes bzung ba/__/de dag kun la'ang phyag 'tshal lo/__/phyogs bcu'i 'jig rten thams cad na/__/'gro ba'i don du bzhugs pa yi/__/rdzogs pa'i sangs rgyas thams cad la/__/rtag tu gus pas phyag 'tshal lo/__/thog ma bar dang mthar dge zhing /__/rnam par dkar la ma 'dres pa/__/nges par 'byung ba mchog gi lam/__/dam pa'i chos la phyag 'tshal lo/__/bsod nams zhing rab mchog gyur pa/__/lha dang mi yi mchod pa'i gnas/__/rgyal sras rang rgyal dgra bcom pa/__/tshogs mchog dge 'dun la phyag 'tshal/__/tshul gnas thos dang bsam ldan zhing /__/ting nge 'dzin la mnyam par gnas/__/bde gshegs bstan pa legs 'dzin pa'i/__/bshes gnyen kun la phyag 'tshal lo/__/mchod par 'os pa thams cad la/__/zhing rdul kun gyi grangs snyed kyi/__/lus btud pa yis rnam kun du/__/mchog tu dad pas phyag 'tshal lo/__/gnyis pa mchod pa la/__spyir mchod pa ni/__mchod yon me tog bdug spos dang /__/snang gsal dri mchog zhal zas dang /__/gdugs dang rgyal mtshan rol mo'i sgras/__/bla ma'i tshogs dang dkon mchog mchod/__/'jig rten khams ni mtha' yas par/__/bdag pos yongs su ma bzung pa'i/__/mchod pa'i yo byad ci mchis pa/__/blo yis blangs nas dbul bar bgyi/__/rab dang yid las byung gyur pa'i/__/mchod pa'i sprin gyi phung po ni/__/mkha' dang mnyam pa du ma yis/__/yon tan rgya mtsho sras bcas mchod/__/dman pa'i yul las rab 'das shing /__/rgyal ba kun gyi dam tshig mchog__/dngos grub kun gyi gzhir gyur pa/__/bdud rtsi mchog gis mchod par bgyi/__/sgrib pa'i dri ma kun bsal nas/__/rtog pa kun las rnam grol ba'i/__/bla na med pa'i byang chub sems/__/bde ba chen po brnyes gyur cig__/bye brag nyer spyod/__rin chen bdun/__'dod yon lnga rnams 'bul ba ni/__thal mo snying gar sbyar la/__/mchod yon phal cher mchod yon bla bre dang /__/mchod yon bkod pa'i 'od zer rab bkye zhing /__/mchod yon sna tshogs kun tu bkram byas nas/__/bdag nyid chen po dpal ldan bla mar mchod/__/oM gu ru bud+d+ha bo d+hi sa twa sa pa ri wA ra ar+g+haM pra ti ts+tsha swA hA/__de bzhin du me tog dang /__puSh+pe/__bdug spos dang /__d+hU pe/__snang gsal dang /__A lo ke/__dri mchog dang /__gan+d+he/__zhal zas dang /__nai wi d+ye/__sil snyan dang /__shab+da rnams sbyar ba'i mthar/__d+ha rmA ra Ni ta brjod cing rol mo bya/__oM sarba bita pU ra pU ra/__su ra su ra/__A warta ya A warta ya hoH__zhes brjod cing /__bde bar gshegs pa thams cad la/__/'khor lo rin chen 'di phul bas/__/srid pa'i 'khor lo rgyun bcad de/__/chos kyi 'khor lo bskor bar shog__/oM gu ru bud+d+ha bo d+hi sa twa sa pa ri wA ra tsakra rat+na pU dzi te hU~M/__rgyal ba sras dang bcas rnams la/__/nor bu rin chen 'di phul bas/__/bkren cing phongs pa rgyun bcad de/__/'byor pa phun sum tshogs par shog__/ma Ni rat+na=__btsun mo rin chen 'di phul bas/__/ma rig mun pa rgyun bcad de/__/shes rab dbyings kyi don rtogs nas/__/thabs dang shes rab 'brel bar shog__/wasti rat+na=__blon po rin chen=__phyi nang gsang gsum theg gsum ldan/__/bsam yas bstan pa rab 'dzin cing /__/yon tan thams cad ldan par shog__/ma hA ta rat+na=__glang po rin chen=__lta ngan rnams ni rab bsal nas/__/bla med theg par rab zhon te/__/thams cad mkhyen grong bgrod par shog__/hasti rat+na=__rta mchog rin chen=__srid pa'i gzeb las nges grol te/__/rdzu 'phrul mchog gi shugs thob nas/__/sangs rgyas zhing du bgrod par shog__/a shwa rat+na=__dmag dpon rin chen=__nyon mongs dgra las rgyal gyur nas/__/phas kyi rgol ba tshar bcad de/__/bsnyengs bral mchog ni thob par shog__/khaD+ga rat+na=__kha dog dbyibs legs yid 'ong rgyan phreng ldan/__/phyogs dus kun na gzugs mchog ci mchis rnams/__/mos blos bla ma mchog la bdag 'bul gyi/__/bzhes shing bla med grub mchog stsal du gsol/__/oM gu ru bud+d+ha bo d+hi sa twa sa pa ri wA ra rU pa kA ma gu Na pU dzi te hU~M/__phyogs dus kun na zin dang ma zin pa'i/__/yon tan tshig mchog sgra snyan ci mchis rnams/__/mos blos sogs/__shab+da/__phyogs dus kun na tsan dan sbrul snying dang /__/a gar nag sogs dbang po tshim byed rnams/__gan+d+he/__phyogs dus kun na ro dang bcud ldan pa'i/__/lus sems rtas byed ro mchog ci mchis rnams/__/rA sa/__phyogs dus kun na 'jam mnyen 'khril chags pa'i/__/reg bya'i khyad par lus sems tshim byed rnams/__/spaR+She/__zhes so so'i phyag rgya dang bcas pas mchod/__legs par bshams pa'i maN+Dal phyag len ltar dbul zhing /__spro na tshom bu so bdun ma/__mjug tu gang gi mchod rdzas ma dang bcas pa bya/__gang ltar yang /__zhing khams rnam par dag pa 'dir/__/dbus kyi ri rgyal ri rab la/__/gling bzhi 'dod yon lnga yis brgyan/__/nyi ma zla bas skor ba byed/__/lha mi'i longs spyod phun sum tshogs/__/rgyal srid rin chen rnam pa bdun/__/'dod 'jo'i ba dang dpag bsam shing /__/ma rmos lo tog gser dang dngul/__/'bru bzang longs spyod bsam mi khyab/__/dngos po bzang la gya nom pa/__/bla ma sangs rgyas rnams la 'bul/__/rdzogs pa'i sangs rgyas thob par shog__/oM gu ru bud+d+ha bo d+hi sa twa maN+Da la pU dza me g+ha sa mu dra s+pha ra Na sa ma ye hU~M/__/zhes brgya rtsa sogs ci nus dbul/__gsum pa sdig pa bshags pa sogs yan lag lhag ma lnga ni/__bdag ni thog med dus nas su/__/las dang nyon mongs dbang gyur pas/__/lus dang ngag dang yid sgo nas/__/rang bzhin sdig pa ci bgyis dang /__/sdom pa gsum dang 'gal gyur pa'i/__/nyes pa'i tshogs kun rab 'gyod pas/__/mchod 'os rnams kyi spyan snga ru/__/slan chad bsdam pa'i sems kyis bshags/__/bla ma'i phrin las rmad byung dang /__/rgyal dang rgyal sras rang rgyal dang /__/dgra bcom so so skye bo yi/__/dge ba kun la rjes yi rang /__/'gro kun smin cing grol bya'i phyir/__/bla ma rnams dang sangs rgyas la/__/zab pa dang ni rgya che ba'i/__/chos kyi 'khor lo bskor bar bskul/__/sems can ji srid gnas kyi bar/__/mya ngan mi 'da' rtag bzhugs nas/__/'gro ba kun gyi don mdzad par/__/thal mo sbyar nas gsol ba 'debs/__/byang chub snying por mchis kyi bar/__/bla ma mchog dang sangs rgyas dang /__/chos dang 'phags pa'i dge 'dun la/__/rtag tu gus pas bdag skyabs mchi/__/sems can kun gyi don slad du/__/rdzogs pa'i byang chub thob bya'i phyir/__/byang chub sems ni bskyed bgyi zhing /__/byang chub spyod pa'ang spyad par bgyi/__/ye shes gsal ba'i spyan ldan pa'i/__/brtse ldan bla ma'i tshogs rnams dang /__/rgyal ba sras dang bcas pa kun/__/yud tsam bdag la dgongs su gsol/__/ma rig pa yis ldongs gyur cing /__/las kyi chu klung gis 'phangs pas/__/srid pa'i rgya mtshor ltung gyur te/__/nyon mongs chu srin dbang gyur pas/__/mi bzad sdug bsngal gyis gzir ba'i/__/nyam chung blo gros rab dman pa/__/bdag dang sems can thams cad kyi/__/skyob pa mdzad par gsol ba 'debs/__/bdag cag rnams kyis rab 'bad kyang /__/thar pa'i go skabs rnyed par dka'/__/khyed kyis thugs rje'i phyag brkyangs nas/__/srid pa'i mtsho las bsgral du gsol/__/mngon par 'du byed kun gyi gzhi/__/tshul min yid la byed pa'i rgyu/__/ma rig mun pa thibs po che/__/ye shes zer gyis bsal du gsol/__/srid pa'i nyes kun 'byung ba'i gzhi/__/rtog pa thams cad skyed byed pa/__/bdag tu 'dzin pa'i 'khri shing ni/__/shes rab ral gris bcad du gsol/__/kun rmongs kun 'khrugs kun nas dkris/__/nga rgyal dang ni phrag dog kun/__/mgon po khyod kyi mthu chen gyis/__/ye shes chen por bsgyur du gsol/__/srid pa thog med dus nas su/__/sems ni nyon mongs dbang gyur pas/__/bag chags dri ma gang bsags pa/__/ye shes chu yis sbyang du gsol/__/rang gis mngon par spyad pa'i mthus/__/rang la rang dbang med par ni/__/sdug bsngal rgya mtshor 'phen byed pa'i/__/las kyi rlung shugs bzlog tu gsol/__/las dang nyon mongs kyis sprul pa'i/__/skye rga na dang 'chi la sogs/__/sdug bsngal 'du byed 'gyur ba yi/__/sdug bsngal zhi bar mdzad du gsol/__/thabs dang skyabs dang dag pa dang /__/theg chen nges par 'byung ba las/__/sems can rnams ni rab bslu ba'i/__/bdud kyi las rnams bzlog tu gsol/__/'jig rten pa yi don gnyer ba'i/__/rnyed dang bkur sti la sogs pa/__/snying po med pa'i bya ba las/__/yid ni rab tu bzlog tu gsol/__/kun gzhi'i lte ba rab brtan cing /__/rten 'brel yan lag rtsibs bcu gnyis/__/sdug bsngal mu khyud kyis bskor ba'i/__/srid pa'i 'khor lo gzhig tu gsol/__/gzhan don la skyo bdag chags pas/__/rang nyid zhi ba don gnyer ba/__/nyan thos theg pa dman pa'i sems/__/rnam pa kun tu dgag tu gsol/__/bdag gi lus dang ngag dang ni/__/de bzhin yid kyi sgo nas kyang /__/sems can kun la rnam kun tu/__/phan pa rgya chen 'byung bar shog__/rdzogs pa'i byang chub sgrub pa la/__/phyi dang nang gi 'tshe ba yi/__/bar du gcod pa thams cad kun/__/nye bar zhi bar mdzad du gsol/__/bshes gnyen grogs mchog dam chos dang /__/gnas bzang ba dang yo byad sogs/__/rtag tu mthun pa'i rkyen rnams kun/__/lhun gyis grub par mdzad du gsol/__/tshe ring nad med 'byor ldan zhing /__/'gro kun rtag tu 'dun pa dang /__/ji ltar bsams pa'i don rnams kun/__/chos bzhin 'grub par mdzad du gsol/__/tshe yi 'du byed gtong ba'i tshe/__/bla ma mchog dang he ru kaH__/mkha' 'gro'i dbang po dpag yas kyis/__/mkha' spyod gnas su bkri bar mdzod/__/mang du smos kyang ci 'tshal te/__/dbang bcu ldan pa khyed rnams kyis/__/ji ltar go 'phang mchog brnyes pa/__/de ltar bdag gis thob par mdzod/__/bdag gzhan srid pa'i sdug bsngal gyis/__/rnam pa kun tu nyam thag pas/__/mi shes bzhin du gsol ba la/__/nyes pa snang gang bzod par gsol/__/dge ba 'di dang dge ba gzhan/__/ma lus gcig tu bsdoms byas nas/__/sems can kun gyi don gyi phyir/__/rdzogs pa'i sangs rgyas myur thob shog__/bdag ni tshe rabs thams cad du/__/rigs gzugs 'byor ldan shes rab dang /__/dbang phyug phun sum tshogs gyur cing /__/nad med tshe dang ldan gyur cig__/sangs rgyas 'byung ba mnyes byed cing /__/dam chos rtag tu spyod pa dang /__/'phags pa'i dge 'dun rgya mtsho'i tshogs/__/rnam pa kun tu mchod par shog__/kun dga'i gsung rab rtag nyan cing /__/sku yi rgyal mtshan blta ba dang /__/de yi dpal 'byor bzang po yis/__/rtag tu bdag ni skyong bar shog__/dad dang brtse dang brtson pa'i mthus/__/byang chub lam rnams rdzogs byed cing /__/sangs rgyas zhing kun sbyong ba dang /__/sems can smin par byed par shog__/yid bzhin nor bu chen po ltar/__/bdag las sems can thams cad kyi/__/yid la 'dod dgu 'byung 'gyur zhing /__/'gro kun tshim par byed par shog__/bdag la brten nas 'gro ba kun/__/zab mo'i lam la rab zhugs nas/__/srid dang zhi la mi gnas pa'i/__/byang chub chen po thob gyur cig__/blo gros sgrib gnyis rnam dag pas/__/shin tu zab pa'i blo gros dang /__/rgya che'i blo gros dang ldan pa'i/__/blo gros chen por bdag gyur cig__/tshul khrims rgyal mtshan dang ldan zhing /__/chos kyi rgyal mtshan legs bzung bas/__/bstan pa'i rgyal mtshan brtan byas nas/__/thar pa'i rgyal mtshan slong bar shog__/tshogs gnyis dpal rab rdzogs gyur nas/__/'gro ba'i dpal mgon 'byung ba'i gzhi/__/sku gsum dpal 'byor lhun grub ste/__/srid zhi'i dpal du bdag gyur cig__/smon lam bzang po las byung ba'i/__/phrin las bzang pos 'gro ba kun/__/skal pa bzang por legs sgrub pa'i/__/brtul zhugs bzang por bdag gyur cig__/rgyal dang rgyal ba'i sras rnams kyi/__/rjes su bdag kyang rab zhugs nas/__/dge ba 'di dang dge ba gzhan/__/thams cad yongs su bsngo bar bgyi/__/gzhan yang skye ba 'di nyid du/__/mi mthun phyogs kun zhi ba dang /__/tshe ring nad med phun sum tshogs/__/rtag tu bde dang ldan gyur cig__/bla med bla ma'i thugs rje dang /__/rgyal dang rgyal sras rang rgyal dang /__/dgra bcom bden pa'i byin rlabs kyis/__/ji ltar bsngos bzhin 'grub par shog__/ces don yid la dran bzhin du 'dun pa rtse gcig pas brjod do/__/gnyis pa ni/__bdag la skyid sdug legs nyes mtho dman ci byung yang chos rje nyid las re sa gzhan med pas thugs rjes gzigs shig snyam pa'i mos gus snying gi dkyil nas dung dung lhang lhang ba dang bcas/__shes bya thams cad gzigs pa'i sogs dang /__/chos kyi rgyal po sogs rnam thar gsol 'debs tshar ci nus rjes/__/shes bya ma sh+lo ka gcig pu brgya stong sogs grangs bsag__/de'i tshe rnam par thar pa'i don rjes su dran pas mos gus shugs drag tu bsgom par bya ste/__tshul 'di la chos rje sa skya paN+Di ta'i rnam thar bsgom tshul zhes kyang gsungs pa'i phyir ro/__/gsum pa ni/__chos rje'i thugs kar zla ba'i dkyil 'khor gyi steng du d+hIHdmar ser gyi mthar mdun nas brtsams te g.yas skor du oM a ra pa tsa na zhes pa kha dog dmar ser gyis bskor ba/__de las 'od zer 'phros/__sems can thams cad kyi sdig sgrib dang sdug bsngal thams cad sbyangs/__sangs rgyas byang sems thams cad kyi thugs rgyud bskul/__mkhyen brtse nus gsum gyi byin rlabs thams cad 'od zer gyi rnam par spyan drangs/__chos rje'i thugs ka'i d+hIHyig sngags phreng dang bcas pa la thim/__/de las 'od zer dmar ser gyi tshogs bsam gyis mi khyab pa 'phros/__rang gi lus kyi spyi gtsug nas rkang mthil gyi bar thams cad gang bas nad gdon sdig sgrib mi shes pa'i mun pa thams cad sbyangs/__bdag med rtogs pa'i shes rab khyad par can rgyud la skyes par gyur/__ces dang spro bsdu'i dmigs pa de yang yang gsal 'debs pa dang ma bral ba'i ngang nas/__oM a ra pa tsa na d+hIHzhes ci nus bzla/__gsum pa rjes la gsum/__'dod pa'i don la gsol ba gdab pa/__dbang dang dngos grub blangs shing de kho na nyid la mnyam par gzhag pa/__bsngo smon bkra shis kyis mjug bsdu ba'o/__/dang po ni/__thal mo sbyar te 'dun pa rtse gcig pas/__phyogs bcu dus gsum kyi de bzhin gshegs pa thams cad kyi sku gsung thugs yon tan phrin las thams cad kyi ngo bor gyur pa/__chos kyi rje/__chos kyi rgyal po/__chos kyi dbang phyug__/chos dam pa'i 'byor pa thams cad kyis phun sum tshogs shing /__'khor ba dang mya ngan las 'das pa'i dpal dam par gyur pa bla ma dam pa'i zhabs kyi pad+mo dri ma med pa la gus pas phyag 'tshal zhing skyabs su mchi'o/__/sku gsung thugs yon tan phrin las thams cad kyis bdag dang sems can thams cad la byin gyis brlab tu gsol/__bdag gi sngon gyi las las gyur pa dang /__gnas skabs kyi rkyen las gyur pa'i mi dang mi ma yin pa dang /__'byung po'i gnod pa dang /__nye bar 'tshe ba dang /__byur dang skal pa ngan pa dang /__phyi dang nang gi bar du gcod pa thams cad nye bar zhi bar byin gyis brlab tu gsol/__tshe dang dpal dang 'byor pa dang dbang phyug phun sum tshogs par byin gyis brlab tu gsol/__'jig rten gyi chos brgyad dang mtshan ma'i rnam par g.yeng ba la sogs pa srid par 'khor bar 'gyur ba'i rnam par rtog pa dang /__gzhan gyi don la skyo ba dang /__rang nyid zhi bar 'dun pa la sogs pa mya ngan las 'da' bar 'gyur ba'i rnam par rtog pa gang lags pa thams cad mi 'byung par byin gyis brlab tu gsol/__bdag gi sems las su rung ba dang /__bag yod pa dang /__dran pa dang shes bzhin yang dag pa dang ldan par byin gyis brlab tu gsol/__bdag gi tshul khrims kyi phung po dang /__dam tshig dang sdom pa'i tshogs rnam par dag cing sdig pa dang /__sgrib pa dang /__ltung ba dang nyes pa'i dri mas ma gos par byin gyis brlab tu gsol/__dad pa dang snying rje dang shes rab phun sum tshogs pa dang ldan zhing /__byang chub kyi sems gnyis zung du chud nas/__lung dang mngon par rtogs pas bsdus pa'i chos kyi snang ba dam pa dang rtog pa dge ba khyad par can rgyud la skye bar byin gyis brlab tu gsol/__gang gi tshe bdag 'chi bar gyur pa de'i tshe tshe 'di dang 'jig rten 'di la mngon par zhen pa dang bral zhing lus dang sems la zug rngu dang sdug bsngal cung zad tsam yang mi 'byung bar dga' ba dang spro ba dang yid gsal ba mchog dang ldan zhing /__ting nge 'dzin dam pa rgyud la skyes nas/__bla ma dang dkyil 'khor gyi lha tshogs rnams dang /__dpa' bo dang rnal 'byor ma'i tshogs yang dag par mthong zhing /__de dag gi rnam par 'phrul pa bsam gyis mi khyab pa dang bcas pas bsus te/__bar do'i 'jigs pa thams cad dang bral zhing /__bdud dang gshin rje'i spyod yul thams cad las shin tu 'das nas rig pa 'dzin pa dang mkha' la spyod pa la sogs pa'i go 'phang mchog tu skye bar byin gyis brlab tu gsol/__skye ba dang srid pa thams cad du 'jig rten dang 'jig rten las 'das pa'i rgud pa thams cad dang bral zhing srid pa dang zhi ba'i 'byor pa phun sum tshogs pa thob ste/__phyogs bcu'i de bzhin gshegs pa thams cad kyi gsung rab rgya mtsho'i tshogs yang dag par bzung nas/__chos kyis phongs pa'i sems can thams cad la chos kyi sbyin pa rgya chen po gtong zhing /__sangs rgyas kyi zhing yongs su dag pa dang sems can rnams yongs su smin par byas nas/__dngos po thams cad kyis bla ma dam pa mnyes par byas te sa dang lam thams cad bde blag tu bgrod nas/__sku bzhi ye shes lnga dang ldan pa'i rdo rje 'chang chen po'i go 'phang myur du thob par byin gyis brlab tu gsol/__zhes lan gsum brjod/__gnyis pa ni/__slar yang mos gus gdung shugs drag po dang bcas te/__dus gsum sangs rgyas thams cad kyi ngo bo mkhyen rab kyi bdag po 'phags pa 'jam dpal dang dbyer ma mchis pa'i chos rje sa skya paN+Di ta chen po kun dga' rgyal mtshan dpal bzang po la gsol ba 'debs so/__/bdag gi rgyud byin gyis brlab tu gsol/__/zhes lan gsum sogs kyis gsol ba btab pas/__chos rje'i dpral ba'i oM las bdud rtsi dkar po babs/__sku'i nang brgyud gdan pad+ma'i yu ba la 'khril nas rang gi dpral ba'i oM la thim/__bum pa'i dbang thob/__lus kyi dri ma dag__/dus gsum sangs rgyas thams cad kyi sku'i dngos grub thob/__chos rje'i mgrin pa'i AHlas bdud rtsi dmar po babs/__rang gi mgrin pa'i AHla thim/__gsang ba'i dbang thob/__ngag gi dri ma dag dus gsum sangs rgyas thams cad kyi gsung gi dngos grub thob/__chos rje'i thugs ka'i hU~M las bdud rtsi sngon po babs/__rang gi snying ga'i hU~M la thim/__shes rab ye shes kyi dbang thob/__yid kyi dri ma dag__/dus gsum sangs rgyas thams cad kyi thugs kyi dngos grub thob/__chos rje'i gnas gsum gyi oM AHhU~M gsum las/__bdud rtsi dkar dmar sngo gsum 'dres pa 'ja' tshon gyi rnam pa lta bu babs/__rang gi sgo gsum la thim/__lus kyi nang gang /__dbang bzhi pa thob/__lus ngag yid gsum gyi dri ma dag__/dus gsum sangs rgyas thams cad kyi sku gsung thugs kyi dngos grub thob/__chos rje de rang gi spyi bo'i rtsa dbu ma'i nang nas zhugs/__de ma thag tshangs bug gi sgo 'grigs/__lus gzhal yas khang du gyur pa'i nang du snying pad+ma 'dab ma stong ldan gyi ze'u 'bru la zla ba'i dkyil 'khor nya gang ba'i steng du 'ja' 'od kha dog sna tshogs pa'i gur gyi nang na dus rtag tu 'bral ba med par bzhugs par gyur ces dang /__dpal ldan rtsa ba'i bla ma rin po che/__/bdag gi snying gar pad+ma'i gdan bzhugs nas/__/bka' drin chen po'i sgo nas rjes bzung ste/__/sku gsung thugs kyi dngos grub stsal du gsol/__/thos pa rgya mtsho'i mchod yon kun nas 'khyil/__/yon tan me tog tshul khrims bdug spos sprin/__/shes rab sgron me dad pa spos chu'i mtsho/__/ting 'dzin bdud rtsi'i zhal zas dam pa dang /__/bstod dbyangs snyan pa'i sil snyan sgra 'byin cing /__/kun nas snying brtse rnam dpyod spobs pa yi/__/gdugs dang rgyal mtshan ba dan bsgreng ba yis/__/bdag lus gzhal med khang brtsegs rab brgyan nas/__/snying gi chu skyes thig le zla rgyas la/__/brtan par bzhugs pa'i chos rje mchod bgyid cing /__/nges par 'dun pa'i yid kyis gsol btab pas/__/'gro ba'i bla ma rtag tu mnyes gyur cig__/sa skya paN chen rtag tu mnyes gyur cig__/ces brjod pas khyad par gyi mchod pa dbul/__de nas yang dag pa'i don la blo gzhag pa ni lus gnad dang ldan pas/__chos rje'i thugs d+hIHyig nyi ma'i mdog can de la shes pa gtad nas chos rje'i thugs dang rang sems dbyer med ro gcig tu 'dres pa bde stong zung 'jug phyag rgya chen po'i ngang la rtog pa'i bsre lhad ci yang mi bya bar ji tsam gnas kyi bar du mnyam par gzhag__/gsum pa ni/__thun las ldang bar 'dod na/__dge ba 'di yis nam mkha'i mtha' klas pa'i/__/lus can kun gyi bsod nams ye shes tshogs/__/myur du bsgrubs nas tshe 'di kho na la/__/rdo rje 'dzin pa'i sa la bgrod par shog__/de bzhin gshegs pa mi 'khrugs rgyal po'i zhing /__/sa skya paN chen byang chub brnyes pa'i gnas/__/mngon dga'i zhing du bdag cag dpon slob rnams/__/tshe 'di 'phos ma thag tu skye bar shog__/de nas bde ba can sogs sa skya pa'i/__/rje btsun gong ma bzhugs pa dag pa'i zhing /__/mang du bgrod nas spangs rtogs myur rdzogs te/__/sprul pas sa skya'i bstan pa rgyas byed shog__/sems can nad pa ji snyed pa/__/myur du nad las thar gyur cig__/'gro ba'i nad ni ma lus pa/__/rtag tu 'byung ba med par shog__/phyogs rnams kun na lus dang sems/__/sdug bsngal nad pa ji snyed pa/__/de dag bdag gi bsod nams kyis/__/bde dga' rgya mtsho thob par shog__/phyogs bcu'i sems can gang rnams ji snyed pa/__/de dag rtag tu nad med bde bar gyur/__/'gro ba kun gyi chos kyi don rnams ni/__/mthun par gyur cing re ba'ang 'grub par shog_/byang phyogs skyong ba'i skyob pa mchog gyur pa/__/mkhas grub rgya mtshos yongs su gang ba'i gnas/__/gangs ri'i khrod 'dir bstan pa gsal mdzad pa/__/sa skya pa yi bstan pa rgyas gyur cig__/gangs can bod kyi lte ba rdo rje gdan/__/dpal ldan sa skya'i chos srid rgyas gyur cing /__/sprul pa'i gdud brgyud rgyun chad med pa dang /__/kun kyang phrin las nam mkha' mnyam par shog__/'gro ba'i bla ma chos rje paN+Di ta/__/mkhyen rab dbang phyug rje btsun 'jam pa'i dbyangs/__/rgyal ba gnyis pa dpal ldan sa skya pa'i/__/bstan pa yun ring gnas pa'i bkra shis shog__/ces sogs bsngo smon bkra shis rgyas par byas te spyod lam la 'jug go__/'jam dbyangs bla ma mchod pa'i tshul/__/tshogs gnyis char 'bebs rdzogs ldan sprin/__/'di sbyar dge bas 'gro ba kun/__/phan bde'i 'byor pa rgyas gyur cig__/ces 'jam mgon kun dga' blo gros kyis mdzad pa'i bla ma'i rnal 'byor dang /__chos kyi rgyal po 'phags pa rin po ches mdzad pa'i lam 'bras phyag mchod sogs bla ma gong ma'i gsung byin rlabs can phyag len ltar khrigs su bsdebs pa 'di'ang /__'jam dbyangs bla ma dgyes pa'i 'bangs mkhyen brtse'i dbang pos bris pa su shre yo lak+Sh+mIM b+ha ba tu//__// [�]