JKW-KABAB-11-DA-002

Previous Text Back to Volume PageNext Text

Wylie title
Location	mkhyen brtse'i bka' babs Volume 11, Text 2, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	བྱང་ཆུབ་གླིང་པ་, འཇམ་དབྱངས་མཁྱེན་བརྩེའི་དབང་པོ་ (byang chub gling pa, 'jam dbyangs mkhyen brtse'i dbang po)
Associated People	ནམ་མཁའི་སྙིང་པོ་ (nam mkha'i snying po)
Citation	'jam dbyangs mkhyen brtse'i dbang po. . In Rdzong sar 'jam dbyangs mkhyen brtse'i dbang po'i bka' babs, Vol. 11: 1-. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Activity Manual - las byang  ·  Revelations - gter ma
Cycle	ཀུན་བཟང་ཐུགས་གཏེར་ (kun bzang thugs gter)
Karchag page	JKW-KABAB-Volume-11-DA-Karchag
RTZ	In the Rinchen Terdzö: https://rtz.tsadra.org/index.php/Terdzo-CHA-033

Tibetan Text

Wylie

[edit]

༄༅། །ཀུན་བཟང་ཐུགས་གཏེར་ལས་བླ་སྒྲུབ་བྱིན་རླབས་སྒྲོན་མེའི་བརྒྱུད་འདེབས་བཞུགས། །ཀུན་ཁྱབ་འགྱུར་མེད་ཆོས་སྐུ་ཀུན་ཏུ་བཟང༌། །ཡེ་ཤེས་རང་སྣང་ལོངས་སྐུ་རིགས་ལྔའི་གཙོ། །སྤྲུལ་པའི་སྐུར་སྟོན་པདྨ་འབྱུང་གནས་ལ། །སྙིང་ནས་གསོལ་བ་འདེབས་སོ་བྱིན་གྱིས་རློབས། །ཡེ་ཤེས་མཚོ་རྒྱལ་གནུབ་བན་ནམ་མཁའི་སྙིང༌། །བྱང་ཆུབ་གླིང་པ་དཔལ་གྱི་རྒྱལ་མཚན་དང༌། །ཟབ་གཏེར་མཛོད་འཛིན་མཁྱེན་བརྩེའི་དབང་པོ་ལ། །སྙིང་ནས་གསོལ་བ་འདེབས་སོ་བྱིན་གྱིས་རློབས། །བློ་གྲོས་མཐའ་ཡས་མདོ་སྔགས་བསྟན་འཛིན་ཞབས། །འགྱུར་མེད་རྒྱ་མཚོ་ཆོས་ཀྱི་བློ་གྲོས་དང༌། །འགྱུར་མེད་ཐེག་མཆོག་བསྟན་པའི་རྒྱལ་མཚན་ལ། །སྙིང་ནས་གསོལ་བ་འདེབས་སོ་བྱིན་གྱིས་རློབས། །མཁྱེན་བརྩེའི་རང་མདངས་ཆོས་ཀྱི་རྒྱ་མཚོ་སོགས། །དངོས་བརྒྱུད་དཔལ་ལྡན་བླ་མའི་ཚོགས་རྣམས་དང༌། །ཡི་དམ་ལྷ་དང་མཁའ་འགྲོ་དམ་ཅན་ལ། །སྙིང་ནས་གསོལ་བ་འདེབས་སོ་བྱིན་གྱིས་རློབས། །ཡང་དག་ལྟ་བས་གནས་ལུགས་ཇི་བཞིན་རྟོགས། །འཁྲུལ་མེད་སྒོམ་པས་འོད་གསལ་ཁོར་ཡུག་འབྱམས། །ཞེན་མེད་སྤྱོད་པའི་བརྟུལ་ཞུགས་མཐར་ཕྱིན་ཏེ། །ཀུན་བཟང་རྒྱལ་སྲིད་ཐོབ་པར་བྱིན་གྱིས་རློབས། །ཅེས་པའང་ཕུན་ཚོགས་རྣམ་རྒྱལ་པས་མཁྱེན་བརྩེའི་དབང་ཁང་དུ་འདིའི་སྨིན་གྲོལ་འབོགས་སྐབས་གསོལ་བ་བཏབ་པའོ།།

[edit]

@#/__/kun bzang thugs gter las bla sgrub byin rlabs sgron me'i brgyud 'debs bzhugs/__/kun khyab 'gyur med chos sku kun tu bzang*/__/ye shes rang snang longs sku rigs lnga'i gtso/__/sprul pa'i skur ston pad+ma 'byung gnas la/__/snying nas gsol ba 'debs so byin gyis rlobs/__/ye shes mtsho rgyal gnub ban nam mkha'i snying*/__/byang chub gling pa dpal gyi rgyal mtshan dang*/__/zab gter mdzod 'dzin mkhyen brtse'i dbang po la/__/snying nas gsol ba 'debs so byin gyis rlobs/__/blo gros mtha' yas mdo sngags bstan 'dzin zhabs/__/'gyur med rgya mtsho chos kyi blo gros dang*/__/'gyur med theg mchog bstan pa'i rgyal mtshan la/__/snying nas gsol ba 'debs so byin gyis rlobs/__/mkhyen brtse'i rang mdangs chos kyi rgya mtsho sogs/__/dngos brgyud dpal ldan bla ma'i tshogs rnams dang*/__/yi dam lha dang mkha' 'gro dam can la/__/snying nas gsol ba 'debs so byin gyis rlobs/__/yang dag lta bas gnas lugs ji bzhin rtogs/__/'khrul med sgom pas 'od gsal khor yug 'byams/__/zhen med spyod pa'i brtul zhugs mthar phyin te/__/kun bzang rgyal srid thob par byin gyis rlobs/__/ces pa'ang phun tshogs rnam rgyal pas mkhyen brtse'i dbang khang du 'di'i smin grol 'bogs skabs gsol ba btab pa'o//