DKR-KABUM-18-TSHA-028

🚧 This website is under continued development. We appreciate your patience!

Previous Text Back to Volume PageNext Text

པདྨ་དྲག་པོའི་སྨིན་བྱེད་དབང་གི་རིམ་པ༔

Wylie title	pad+ma drag po'i smin byed dbang gi rim pa
Location	dil mgo mkhyen brtse bka' 'bum Volume 18, Text 28, Pages 182-184 (Folios 1a to 3b3)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Tertön	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)
Citation	'jam dbyangs mkhyen brtse chos kyi blo gros. Pad+ma drag po'i smin byed dbang gi rim pa. In Skyabs rje dil mgo mkhyen brtse rin po che'i bka' 'bum, Vol. 18: 182-184. Delhi: Shechen Publications, 1994.
Genre	Sadhanas - Evocation Ritual - sgrub thabs
Cycle	ཟབ་གསང་པདྨའི་ཡང་ཏིག་ (zab gsang pad+ma'i yang tig)
Deity	pad+ma drag po
Recension Link	Other Versions on this site: པདྨ་དྲག་པོའི་སྨིན་བྱེད་དབང་གི་རིམ་པ༔
Colophon	པདྨ་ཡེ་ཤེས་རྡོ་རྗེས་ཆུ་སྦྲུལ་ཟླ་བ་གསུམ་པའི་ཚེས་གསུམ་ལ་བྲིས་པའོ༔ སརྦ་མངྒ་ལཾ། དགེའོ།།
	pad+ma ye shes rdo rjes chu sbrul zla ba gsum pa'i tshes gsum la bris pa'o:_sarba mang+ga laM/_dge'o//

Tibetan Text

Wylie

[edit]

༁ྃ༔ པདྨ་དྲག་པོའི་སྨིན་བྱེད་དབང་གི་རིམ་པ་བཞུགས༔

༁ྃ༔ རྩ་གསུམ་ལྷ་ལ་ཕྱག་འཚལ་ལོ༔ པདྨ་དྲག་པོ་སྒྲུབ་འདོད་པས༔ སྨིན་བྱེད་དབང་གི་རིམ་པ་ནི༔ དལ་དམར་པདྨ་འདབ་བཞི་ལ༔ དབུས་སུ་གྲུ་གསུམ་སྨུག་ནག་དབུས༔ ཐིག་ལེའམ་ཚོམ་བུ་དམར་པོ་བཀོད༔ མཐའ་བསྐོར་པད་ཕྲེང་རྡོ་ར་དང༔ མེ་རིའི་བསྐོར་བ་བཀྲམ་བྱས་ཁར༔ བུམ་པ་སྐུ་ཙཀ་ཐོད་ཆང་དང༔ སྔགས་ཕྲེང་མེ་ལོང་ཤེལ་རྡོ་བརྩེགས༔ ཕྱི་ནང་མཆོད་པ་ཚོགས་གཏོར་བཤམས༔ བདེ་བའི་སྟན་ལ་སྡོད་བྱས་ཏེ༔ བདག་མདུན་དབྱེར་མེད་བསྐྱེད་བཟླས་གྲུབ༔ དབང་གིས་རང་ཉིད་ནུས་ལྡན་བྱ༔ དད་ལྡན་སློབ་མ་ཁྲུས་ནས་དབྱུང༔ བགེགས་བསྐྲད་སྲུང་བའི་འཁོར་ལོས་བཅིངས༔ མཎྜལ་འབུལ་ཞིང་གསོལ་བ་བཏབ༔ ཨེ་མ་མགོན་པོ་ཐུགས་རྗེ་ཅན༔ བདག་ནི་སྐལ་ལྡན་རིགས་ཀྱི་བུ༔ གསང་བ་ཟབ་མོའི་སྒོར་ཞུགས་ན༔ སྨིན་གྲོལ་དབང་བསྐུར་བསྩལ་དུ་གསོལ༔ ཞེས་གསོལ་གནང་བ་སྦྱིན་པ་ནི༔ ཨེ་མ་སྐལ་ལྡན་རིགས་ཀྱི་བུ༔ རྡོ་རྗེའི་དཀྱིལ་འཁོར་འདིར་ཞུགས་ནས༔ དམ་ཚིག་སྡོམ་པ་ཚུལ་བཞིན་སྲུང༔ དམ་སྲུང་དབང་བསྐུར་སྦྱིན་པར་བྱ༔ རྡོ་རྗེ་མགོར་བཞག་བདུད་རྩི་བླུད༔ བཛྲ་ས་མ་ཡ་རཀྵནྟུ༔ བཛྲ་ས་མ་ཡ་ན་ར་ཀན༔ རྒྱུད་སྦྱང་བྱ་ཞིང་ཡེ་ཤེས་དབབ༔ ཏིཥྛ་བཛྲས་བརྟན་པར་བྱ༔ དབང་ལྷ་སྤྱན་དྲངས་མཆོད་གསོལ་བཏབ༔ རྣམ་རྒྱལ་བུམ་པས་དབང་བསྐུར་རོ༔ ཧཱུྃ༔ ཕྱི་ནི་རིན་ཆེན་བུམ་པ་ལ༔ ནང་བཅུད་པདྨ་དྲག་པོ་ནི༔ འོད་ཞུ་བདུད་རྩིའི་ཆུ་འདི་ཡིས༔ སྐལ་ལྡན་ཁྱོད་ལ་དབང་བསྐུར་བྱ༔ ཧྲཱིཿཧཱུྃ་ཏྲཱཾ་ཨོཾ་ཨཿཨ་བྷི་ཥིཉྩ་སརྦ་ཏ་ཐཱ་ག་ཏ་ས་མ་ཡ་ཤྲཱི་ཡེ་ཧཱུྃ༔ སྐུ་ཙཀ་གིས་ནི་དབང་བསྐུར་ཏེ༔ ཨོཾ༔ པདྨ་དྲག་པོ་ལྷ་ཡི་ལྷ༔ རྒྱལ་འགོང་དམ་སྲི་འདུལ་མཛད་ཅིང༔ ཡེ་ཤེས་ཕྱག་རྒྱས་དབང་བསྐུར་བས༔ སྐུ་ཡི་དབང་མཆོག་ཐོབ་པར་ཤོག༔ ཀཱ་ཡ་ཨ་བྷི་ཥིཉྩ་ཨོཾ༔ གསུང་གི་བཟླས་ལུང་སྦྱིན་པ་དང༔ སྔགས་ཀྱི་ཕྲེང་བ་མགྲིན་པར་བཞག༔ ཨཱཿ བརྗོད་མེད་བརྗོད་པ་ཀུན་གྱི་གསུང༔ གྲགས་སྟོང་སྔགས་ཀྱི་དབང་བསྐུར་བས༔ ངག་ལ་ནུས་པ་རབ་འབར་ཏེ༔ དྲག་པོའི་གསུང་མཆོག་ཐོབ་པར་ཤོག༔ ཝཱཀ་ཨ་བྷི་ཥིཉྩ་ཨཱཿ ཐུགས་ཀྱི་ཕྱག་མཚན་དབང་སྦྱིན་ཏེ༔ ཧཱུྃ༔ པདྨ་དྲག་པོའི་ཐུགས་ཕྱག་རྒྱའི༔ ངོ་བོ་རང་རྟགས་ཕྱག་མཚན་འདིའི༔ དབང་བསྐུར་ཡིད་ཀྱི་སྒྲིབ་དག་སྟེ༔ དྲག་པོའི་ཐུགས་སུ་སྨིན་པར་ཤོག༔ ཙིཏྟ་ཨ་བྷི་ཥིཉྩ་ཧཱུྃ༔ ཡོན་ཏན་ཕྲིན་ལས་ཆས་རྣམས་སྦྱིན༔ ཧཱུྃ་ཧྲཱིཿ ཆེ་བའི་ཡོན་ཏན་ཡོངས་རྫོགས་པའི༔ དུར་ཁྲོད་དཔལ་གྱི་ཆས་རྣམས་ཀྱི༔ སྐལ་ལྡན་ཁྱོད་ལ་མངའ་གསོལ་བས༔ ཡོན་ཏན་ཕྲིན་ལས་དབང་ཐོབ་ཤོག༔ གུ་ཎ་ཀརྨ་ཨ་བྷི་ཥིཉྩ་ཧོཿ ཤཱནྟིང༌། པུཥྚིཾ། ཝཱ་ཤཾ། མཱ་ར་ཡ་ཕཊ྄། དེ་ནས་ཟབ་མོའི་དབང་གསུམ་སྦྱིན༔ ཐོད་པའི་བདུད་རྩིའི་དབང་བསྐུར་ཏེ༔ ཨེ་མ་ཧོཿཤིན་ཏུ་གསང་བ་ཡི༔ བདུད་རྩི་ཆེན་པོ་སངས་རྒྱས་ཀུན༔ བདེ་བ་ཆེན་པོའི་རོལ་པ་ཡི༔ ཞུ་བའི་བདུད་རྩིས་དབང་བསྐུར་རོ༔ ཨ་ཧོཿམ་ཧཱ་སུ་ཁ་ཧོ༔ བདེ་བའི་ཡེ་ཤེས་ངོས་བཟུང་བྱ༔ གསུམ་པ་ཤེར་དབང་རིག་མ་སྦྱིན༔ ཧོཿ བདེ་ཆེན་འབྱུང་གནས་བདེ་བའི་མཆོག༔ སངས་རྒྱས་ཀུན་གྱི་གསང་བའི་ལམ༔ རིག་མའི་བརྟུལ་ཞུགས་བླ་མེད་པས༔ འདིར་བསྟེན་ཡང་དག་སྦྱོར་བ་གྱིས༔ པདྨ་བྷཉྫ་མོཀྵ་ཧོཿ དབབ་ལྡོག་དགའ་བཞིའི་རིམ་པ་བྱ༔ བཞི་པའི་ཡེ་ཤེས་བརྡ་ཡི་མཚོན༔ ཨཿ དག་ཅིང་གསལ་ལ་དྲི་མ་མེད༔ རང་བྱུང་ཡེ་ཤེས་བདེ་བ་ཆེ༔ ཤིན་ཏུ་རྣམ་པར་དག་པའི་དབྱིངས༔ འོད་གསལ་ལྷུན་གྲུབ་ཆེན་པོའོ༔ ཨ་ཏི་ཧོཿ ཡོངས་རྫོགས་གཏོར་མའི་དབང་བསྐུར་སྦྱིན༔ ཨོཾ་ཨཱཿཧཱུྃ་ཧྲཱིཿ རང་བྱུང་ལྷུན་གྲུབ་པདྨ་རྒྱལ་པོའི་སྐུ༔ དཀྱིལ་འཁོར་གཙོ་མཆོག་པདྨ་དྲག་པོ་ཡིས༔ དེང་འདིར་སྐལ་ལྡན་བུ་ལ་བརྩེ་བས་དགོངས༔ དབང་དང་བྱིན་རླབས་དངོས་གྲུབ་བསྩལ་དུ་གསོལ༔ ལུས་ལ་སྣང་སྟོང་སྐུ་ཡི་བྱིན་གྱིས་རློབས༔ ངག་ལ་གྲགས་སྟོང་གསུང་གི་བྱིན་གྱིས་རློབས༔ ཡིད་ལ་རིག་སྟོང་ཐུགས་ཀྱི་བྱིན་གྱིས་རློབས༔ དབྱེར་མེད་བདེ་ཆེན་ངོ་བོ་ཉིད་ཀྱི་སྐུས༔ ད་ལྟ་ཉིད་དུ་བྱིན་གྱིས་བརླབ་ཏུ་གསོལ༔ མཆོག་དང་ཐུན་མོང་དངོས་གྲུབ་མ་ལུས་སྩོལ༔ ཀཱ་ཡ་ཝཱཀ་ཙིཏྟ་གུ་ཎ་ཀརྨ་སརྦ་སིདྡྷི་ཧོཿ གཏོར་མའི་ལྷ་རྣམས་སློབ་མར་བསྟིམ༔ གཏོར་རྫས་དངོས་གྲུབ་བདུད་རྩི་མྱང༔ རྗེས་ལ་དམ་ཚིག་བསྒྲག་བཟུང་དང༔ ཡོན་འབུལ་དགའ་སྟོན་ཚོགས་འཁོར་བྱ༔ ས་མ་ཡ༔ དེ་ལྟར་དབང་གི་རིམ་པའང༔ དམ་ཚིག་བརྡ་ཡི་མཚོན་པ་དང༔ ལས་ལྡན་སྐྱེས་བུའི་སྙིང་ལ་སད༔ སྐལ་ལྡན་འགའ་ཡི་དཔལ་དུ་འགྱུར༔ ས་མ་ཡ༔ རྒྱ་རྒྱ་རྒྱ༔ པདྨ་ཡེ་ཤེས་རྡོ་རྗེས་ཆུ་སྦྲུལ་ཟླ་བ་གསུམ་པའི་ཚེས་གསུམ་ལ་བྲིས་པའོ༔ སརྦ་མངྒ་ལཾ། དགེའོ།། །།

[edit]

\u0f01\u0f83:_pad+ma drag po'i smin byed dbang gi rim pa bzhugs: \u0f01\u0f83:__rtsa gsum lha la phyag 'tshal lo:_pad+ma drag po sgrub 'dod pas:_smin byed dbang gi rim pa ni:_dal dmar pad+ma 'dab bzhi la:_dbus su gru gsum smug nag dbus:_thig le'am tshom bu dmar po bkod:_mtha' bskor pad phreng rdo ra dang:_me ri'i bskor ba bkram byas khar:_bum pa sku tsaka thod chang dang:_sngags phreng me long shel rdo brtsegs:_phyi nang mchod pa tshogs gtor bshams:_bde ba'i stan la sdod byas te:_bdag mdun dbyer med bskyed bzlas grub:_dbang gis rang nyid nus ldan bya:_dad ldan slob ma khrus nas dbyung:_bgegs bskrad srung ba'i 'khor los bcings:_maN+Dal 'bul zhing gsol ba btab:_e ma mgon po thugs rje can:_bdag ni skal ldan rigs kyi bu:_gsang ba zab mo'i sgor zhugs na:_smin grol dbang bskur bstsal du gsol:_zhes gsol gnang ba sbyin pa ni:_e ma skal ldan rigs kyi bu:_rdo rje'i dkyil 'khor 'dir zhugs nas:_dam tshig sdom pa tshul bzhin srung:_dam srung dbang bskur sbyin par bya:_rdo rje mgor bzhag bdud rtsi blud:_badz+ra sa ma ya rak+Shan+tu:_badz+ra sa ma ya na ra kan:_rgyud sbyang bya zhing ye shes dbab:_tiSh+Tha badz+ras brtan par bya:_dbang lha spyan drangs mchod gsol btab:_rnam rgyal bum pas dbang bskur ro:_hU~M:_phyi ni rin chen bum pa la:_nang bcud pad+ma drag po ni:_'od zhu bdud rtsi'i chu 'di yis:_skal ldan khyod la dbang bskur bya:_hrIHhU~M trAM oM aHa b+hi Shiny+tsa sarba ta thA ga ta sa ma ya shrI ye hU~M:_sku tsaka gis ni dbang bskur te:_oM:_pad+ma drag po lha yi lha:_rgyal 'gong dam sri 'dul mdzad cing:_ye shes phyag rgyas dbang bskur bas:_sku yi dbang mchog thob par shog:_kA ya a b+hi Shiny+tsa oM:_gsung gi bzlas lung sbyin pa dang:_sngags kyi phreng ba mgrin par bzhag:_AH_brjod med brjod pa kun gyi gsung:_grags stong sngags kyi dbang bskur bas:_ngag la nus pa rab 'bar te:_drag po'i gsung mchog thob par shog:_wAka a b+hi Shiny+tsa AH_thugs kyi phyag mtshan dbang sbyin te:_hU~M:_pad+ma drag po'i thugs phyag rgya'i:_ngo bo rang rtags phyag mtshan 'di'i:_dbang bskur yid kyi sgrib dag ste:_drag po'i thugs su smin par shog:_tsit+ta a b+hi Shiny+tsa hU~M:_yon tan phrin las chas rnams sbyin:_hU~M hrIH_che ba'i yon tan yongs rdzogs pa'i:_dur khrod dpal gyi chas rnams kyi:_skal ldan khyod la mnga' gsol bas:_yon tan phrin las dbang thob shog:_gu Na karma a b+hi Shiny+tsa hoH_shAn+ting*/_puSh+TiM/_wA shaM/_mA ra ya phaTa?/_de nas zab mo'i dbang gsum sbyin:_thod pa'i bdud rtsi'i dbang bskur te:_e ma hoHshin tu gsang ba yi:_bdud rtsi chen po sangs rgyas kun:_bde ba chen po'i rol pa yi:_zhu ba'i bdud rtsis dbang bskur ro:_a hoHma hA su kha ho:_bde ba'i ye shes ngos bzung bya:_gsum pa sher dbang rig ma sbyin:_hoH_bde chen 'byung gnas bde ba'i mchog:_sangs rgyas kun gyi gsang ba'i lam:_rig ma'i brtul zhugs bla med pas:_'dir bsten yang dag sbyor ba gyis:_pad+ma b+hany+dza mok+Sha hoH_dbab ldog dga' bzhi'i rim pa bya:_bzhi pa'i ye shes brda yi mtshon:_aH_dag cing gsal la dri ma med:_rang byung ye shes bde ba che:_shin tu rnam par dag pa'i dbyings:_'od gsal lhun grub chen po'o:_a ti hoH_yongs rdzogs gtor ma'i dbang bskur sbyin:_oM AHhU~M hrIH_rang byung lhun grub pad+ma rgyal po'i sku:_dkyil 'khor gtso mchog pad+ma drag po yis:_deng 'dir skal ldan bu la brtse bas dgongs:_dbang dang byin rlabs dngos grub bstsal du gsol:_lus la snang stong sku yi byin gyis rlobs:_ngag la grags stong gsung gi byin gyis rlobs:_yid la rig stong thugs kyi byin gyis rlobs:_dbyer med bde chen ngo bo nyid kyi skus:_da lta nyid du byin gyis brlab tu gsol:_mchog dang thun mong dngos grub ma lus stsol:_kA ya wAka tsit+ta gu Na karma sarba sid+d+hi hoH_gtor ma'i lha rnams slob mar bstim:_gtor rdzas dngos grub bdud rtsi myang:_rjes la dam tshig bsgrag bzung dang:_yon 'bul dga' ston tshogs 'khor bya:_sa ma ya:_de ltar dbang gi rim pa'ang:_dam tshig brda yi mtshon pa dang:_las ldan skyes bu'i snying la sad:_skal ldan 'ga' yi dpal du 'gyur:_sa ma ya:_rgya rgya rgya:_pad+ma ye shes rdo rjes chu sbrul zla ba gsum pa'i tshes gsum la bris pa'o:_sarba mang+ga laM/_dge'o//__//