JKCL-KABUM-11-DA-123

🚧 This website is under continued development. We appreciate your patience!

Previous Text"DA" is not a number. Back to Volume Page"DA" is not a number.Next Text "DA" is not a number.

Wylie title
Location	chos kyi blo gros bka' 'bum Volume , Text 123, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre	"DA" is not a number.

1 Texts in this Section (sde tshan or chos tshan)

599-603	བཀའ་བརྒྱུད་ཞལ་ཐང་བྲི་ཡིག། bka' brgyud zhal thang bri yig Guides to Paintings - bri yig	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

"DA" is not a number.

Tibetan Text

Wylie

[edit]

བཀའ་བརྒྱུད་ཞལ་ཐང་བྲི་ཡིག །བཀའ་བརྒྱུད་ཞལ་ཐང་གཙོ་བོ་རྗེ་བཙུན་མར་པ་ཉི་ལྡེ་མ་སྐུ་ཚད་ཇོ་བོ་རྗེ་ལྟར། དེའི་གཡས་སུ་མི་ལ། གཡོན་དུ་དྭགས་པོ་རིན་པོ་ཆེ་གཉིས་སྐུ་ཚད་འབྲོམ་ཇོག་གཉིས་དང་འདྲ། གཞན་སྐུའི་ཉམས། ཤ་མདངས། གཟིགས་སྟངས། ཕྱག་སྟབས། བཞུགས་སྟངས། ན་བཟའ། གདན་ཁྲི་སོགས་ཀར་ཕྱོགས་ཀྱི་ཟུང་འཇུག་བརྒྱད་རིམ་བྲིས་རྒྱུན་ཁུང་དག་ལྟར་བ། དམིགས་བསལ་མར་པ་ལ་སེང་ཁྲི་དར་འབོལ། པད་གདན། མདུན་དུ་རྡོ་དྲིལ། ཌ་རུ། ནང་མཆོད། ཞལ་དཀར་ཆང་གིས་བཀང་བ། ཚོགས་རྫས་ཉ་ཤ་དང་ལ་ཕུག་སོགས་ཡོད་པའི་པད་གཞོང་བཅས། མི་ལ་ལ་འབོལ་གདན་ལྗང་གུའི་སྟེང་རི་དྭགས་པགས་པ། དྭགས་པོ་ལ་འབོལ་གདན་དམར་པོའི་སྟེང་གདིང་བ་བཙག་ཁ་བཏིང་བ། སྟེང་གི་དབུས་སུ་རྡོ་རྗེ་འཆང་སྤྱི་ལྟར། གཡས་སུ་ཚེ་དཔག་མེད་གྲུབ་རྒྱལ་ལུགས་སྐུ་མདོག་དམར་པོ་ལོངས་སྤྱོད་རྫོགས་སྐུའི་ཆས་སྤྱི་འགྲེ་ལ། ཕྱག་མཉམ་གཞག་སྟེང་གསེར་གྱི་བུམ་པ་དཔག་བསམ་ཤིང་ལོ་མ་དང་མེ་ཏོག་རབ་ཏུ་རྒྱས་པའི་ཁ་རྒྱན་ཅན་བསྣམས་པ། ཞབས་རྡོར་སྐྱིལ། གདན་པད་ཟླ་སོགས་སྤྱི་ལྟར། འཇའ་སྤྲིན་དང་བདུད་རྩིའི་ཆར་འབབ་པ་དང་ལྡན་ཕྱག་གི་བུམ་པ་ལས་ཡ་ཕྱུར་བའི་ཚུལ་གྱིས་འབེབས་པ། གཡོན་དུ་གྲུབ་ཆེན་ས་ར་ཧ་བྲམ་ཟེའི་གཟུགས་མདའ་འཛིན་པ་སོགས་སྤྱི་ལྟར་ལ། མར་པའི་མནལ་ལམ་ལྟར་ན། ཤིང་པླཀྴིའི་ལྗོན་པ་ལ་སྐུ་རྒྱབ་བརྟེན་པ། དུར་ཁྲོད་ཀྱི་ཆས་དང་། རོ་གདན་ཅན་ཞེས་གསུངས་པ་བྲི་སྟབས་བདེ་ན་དེ་ལྟར་བྲི་ཞིང་། དུར་ཁྲོད་ཀྱི་ཆས་རྫོགས་པར་བྲི་སྟབས་མ་བདེ་ན་སྤྱི་ལྟར་རུས་རྒྱན་དྲུག་དང་སྟག་ཤམ་ཙམ་བྲིས་པས་ཀྱང་འཐུས། གང་ལྟར་ཡང་འཇའ་སྤྲིན་གྱི་དབུས་ན་བཞུགས་པ། ཞབས་ཕྱེད་སྐྱིལ། མེ་ཏོག་གི་ཆར་འབེབས་པ། འཇའ་ཟེར་མར་པའི་ཐུགས་ཀར་ཟུག་པ་བྲི། འཁོར་མི་དགོས། རྡོ་རྗེ་འཆང་གི་འོག་གཡས་སུ་ཏཻ་ལོ། གཡོན་དུ་ནཱ་རོ་གཉིས་ཟུང་འཇུག་བརྒྱུད་རིམ་བྲིས་རྒྱུན་སྤྱི་ལྟར་གང་ལེགས། མི་ལའི་དབུ་གཙུག་སྟེང་ཐད་ནམ་མཁར་བདེ་མཆོག་ལྷན་སྐྱེས། དྭགས་པོའི་དབུ་གཙུག་ནམ་མཁར་ཕག་མོ་དམར་མོ་གཉིས་ཀར་ལུགས་ཀྱི་སྒྲུབ་ཐབས་དང་མཐུན་པའི་བྲིས་རྒྱུན་སྤྱི་ལྟར། སོ་སོའི་ཐུགས་ཀ་ནས་སོ་སོར་འཇའ་ཟེར་གྱི་འབྲེལ་བ་སོགས་སྔ་མ་རྣམས་ལྟར། མི་ལའི་སྟེང་མར་པའི་གཡས་ཟུར་དུ་གྲོ་བོ་ལུང་གི་རི་ཁྲོད་དང་། སྲས་མཁར་དགུ་ཐོག་གི་ཕོ་བྲང་གཉིས་བྲིས་དཔེ་ལྟར་བཀོད་པ་གང་ལེགས་དང་། དེ་གཉིས་སུ་སྔགས་འཆང་རྡོ་རྗེ་འཛིན་པ་རྣམས་ཀྱིས་འཆད་པ་དང་རྩོམ་པའི་བཀོད་པ་གང་མཛེས། མར་པའི་སྐུའི་གཡོན་དྭགས་པོའི་ཐད་དྭགས་ལ་སྒོམ་པོ་བྲིས་དཔེ་ལྟར་དང་། དེར་རབ་བྱུང་གི་ཚོགས་ཀྱིས་འཆད་རྩོམ་མཛད་ཚུལ། རི་ཁྲོད་དུ་རབ་བྱུང་རྣམས་ཀྱིས་སྒོམ་མཛད་ཚུལ། དེའི་སྟེང་ཟུར་གང་བདེར་ལ་ཕྱི་གངས་ཀྱི་ར་བ་བྲིས་དཔེ་ལྟར་ལ། དཀྱིལ་དུ་གངས་ཁྲོད་དང་གཤམ་དུ་བྲག་ཕུག་ཏུ་རས་པའི་ཚོགས་སྒྲུབ་པ་ལ་གཞོལ་བའི་ཚུལ། མར་པའི་མདུན་དུ་འཇམ་མགོན་བློ་གྲོས་མཐའ་ཡས་བྲིས་རྒྱུན་དཀྱུས་ལྟར་ལ། དབུ་ཞྭ་དྭགས་ཞུ། ཕྱག་གཉིས་ཐུགས་ཀར་ཆོས་འཆད་ཀྱི་རྒྱས་ཨུཏྤལ་བསྣམས་པའི་གཡས་སྙན་ཐད་གླེགས་རལ་དང་། གཡོན་ཚེ་བུམ་གྱིས་མཚན་པ། ཞབས་རྡོར་སྐྱིལ། དེའི་མདུན་དུ་ཉེ་བའི་རིན་ཆེན་བདུན། ཁང་༡བཟང་བཀོད་པ་གང་ལེགས་ཀྱི་དབུས་སུ། རལ་༢གྲི་སྔོན་པོ་འོད་ཟེར་སྔོན་པོ་འཕྲོ་བ། པགས་༣པ་གསེར་གྱི་སྤུ་རིས་ཅན། སྐྱེད་༤མོས་ཚལ། གོས་༥ཕུ་དུང་ཅན། རིན་པོ་ཆེའི་མཆིལ་༦ལྷྭམ། གཟིམས་༧ཁྲི་མལ་ཆ་གཟན་ལྟ་བུ་བཅས། བཀྲ་ཤིས་རྫས་བརྒྱད་ཀྱི་རི་མོ་བཅས་བཀོད་པ་གང་མཛེས་དང་། གཞན་ཡང་མཆོད་པའི་རྣམ་གྲངས་དུ་མ། དེའི་གཡས་སུ་མགོན་པོ་ཕྱག་བཞི་པ། གདན་པད་ཉི་བམ་རོ་བསྣོལ་མའི་སྟེང་། མགོན་པོ་སྐུ་མདོག་མཐིང་ནག །དམར་ཟླུམ་སྤྱན་གསུམ། ཁྲོ་གཉེར་བསྡུས་ཤིང་མཆེ་བ་གཙིགས་པ། ལྗགས་བསྐྱོད་པ། དབུ་སྐྲ་སྨར་སྨིན་དམར་སེར་མེ་ལྟར་འབར་བ། ཕྱག་གཡས་དང་པོས་བེ་ཏའི་འབྲས་བུ་དབྱིབས་སྙིང་འདྲ་བ་ཐུགས་ཀའི་སྟེང་དང་། གཡོན་ཐོད་ཁྲག་འོག་ཏུ་འཛིན་པ། གཡས་འོག་མས་རྡོ་རྗེ་རལ་གྲི་འདེབས་ཚུལ། གཡོན་འོག་མས་ཁ་ཊྭཱྃ་རྩེ་གསུམ་དར་དཔྱངས་ཅན་འཕྱར་སྟབས། མི་མགོ་སྐམ་པོ་ལྔའི་དབུ་རྒྱན། རློན་པ་ཁྲག་འཛག་པ་ལྔ་བཅུའི་དོ་ཤལ། དར་དང་། རིན་པོ་ཆེ་དང་། སྦྲུལ་དང་། དྲིལ་བུ་གཡེར་ཁའི་ཕྲེང་བས་བརྒྱན་པ། སྟག་ལྤགས་གསར་པ་ཁྲག་དང་བཅས་པའི་ཤམ་ཐབས་ཅན། སྐུ་ལས་སྐྱེས་པའི་མེ་འབར་བའི་ཀློང་དུ་ཞབས་དཔའ་བོ་རོལ་བའི་བཞུགས་སྟངས་ཅན་ནོ། །གཡོན་དུ་བཀྲ་ཤིས་ཚེ་རིང་མ་གཙོ་མོ་སྐུ་ཚད་ཆེ་བ། འཁོར་བཞི་ཛམ་དཀར་གྱི་ལྷ་མོ་བཞི་ལྟ་བུའི་ཆུང་ངུ་། གངས་མཐོན་མཐིང་རྒྱལ་མོའི་བཀོད་པ་སོགས་ཀར་ལུགས་བྲིས་རྒྱུན་སྤྱི་ལྟར་ཤིན་ཏུ་ལེགས་པ། གཞན་གནམ་ས་བར་གསུམ་གྱི་ཡུལ་སྣང་། འཇའ་སྤྲིན། རིན་པོ་ཆེ་དང་མེ་ཏོག་གི་ཆར། གངས་རི། སེང་གེ། བྲག་རི། སྤང་རི། དཔག་བསམ་ལྗོན་ཤིང་། སྐྱེད་ཚལ། ཁྲུས་རྫིང་། རིན་པོ་ཆེའི་རི། མ་རྨོས་ལོ། འདོད་འཇོའི་བ། གཏེར་བུམ། གླང་ཆེན། བྱ་རི་དྭགས། རྨ་བྱ། མེ་ཏོག་གི་བུམ་པ། ནེ་ཙོ་མི་སྐད་སྨྲ་བ། ཟུང་སོགས་སྔ་མ་རྣམས་ལྟར་བཀོད་པ་རྒྱས་མཛེས་སུ་བྲི་ཞིང་། རྒྱབ་ཏུ་གཙོ་བོའི་སྐུ་རྒྱབ་ཁྲི་རྒྱབ་ཡོལ་བར་གྱི་ཚད་དང་མཉམ་པའི་ལྷ་བབས་མཆོད་རྟེན་ཐིག་རྩ་ལྡན་པ། བུམ་སྒོ་ཐུགས་ཀའི་ཐད་དུ་ཡོད་པ་ཞིག་བྲིའོ། །མངྒ་ལཾ།། །།

[edit]

bka' brgyud zhal thang bri yig__/bka' brgyud zhal thang gtso bo rje btsun mar pa nyi lde ma sku tshad jo bo rje ltar/__de'i g.yas su mi la/__g.yon du dwags po rin po che gnyis sku tshad 'brom jog gnyis dang 'dra/__gzhan sku'i nyams/__sha mdangs/__gzigs stangs/__phyag stabs/__bzhugs stangs/__na bza'/__gdan khri sogs kar phyogs kyi zung 'jug brgyad rim bris rgyun khung dag ltar ba/__dmigs bsal mar pa la seng khri dar 'bol/__pad gdan/__mdun du rdo dril/__Da ru/__nang mchod/__zhal dkar chang gis bkang ba/__tshogs rdzas nya sha dang la phug sogs yod pa'i pad gzhong bcas/__mi la la 'bol gdan ljang gu'i steng ri dwags pags pa/__dwags po la 'bol gdan dmar po'i steng gding ba btsag kha bting ba/__steng gi dbus su rdo rje 'chang spyi ltar/__g.yas su tshe dpag med grub rgyal lugs sku mdog dmar po longs spyod rdzogs sku'i chas spyi 'gre la/__phyag mnyam gzhag steng gser gyi bum pa dpag bsam shing lo ma dang me tog rab tu rgyas pa'i kha rgyan can bsnams pa/__zhabs rdor skyil/__gdan pad zla sogs spyi ltar/__'ja' sprin dang bdud rtsi'i char 'bab pa dang ldan phyag gi bum pa las ya phyur ba'i tshul gyis 'bebs pa/__g.yon du grub chen sa ra ha bram ze'i gzugs mda' 'dzin pa sogs spyi ltar la/__mar pa'i mnal lam ltar na/__shing p+lak+shi'i ljon pa la sku rgyab brten pa/__dur khrod kyi chas dang /__ro gdan can zhes gsungs pa bri stabs bde na de ltar bri zhing /__dur khrod kyi chas rdzogs par bri stabs ma bde na spyi ltar rus rgyan drug dang stag sham tsam bris pas kyang 'thus/__gang ltar yang 'ja' sprin gyi dbus na bzhugs pa/__zhabs phyed skyil/__me tog gi char 'bebs pa/__'ja' zer mar pa'i thugs kar zug pa bri/__'khor mi dgos/__rdo rje 'chang gi 'og g.yas su tai lo/__g.yon du nA ro gnyis zung 'jug brgyud rim bris rgyun spyi ltar gang legs/__mi la'i dbu gtsug steng thad nam mkhar bde mchog lhan skyes/__dwags po'i dbu gtsug nam mkhar phag mo dmar mo gnyis kar lugs kyi sgrub thabs dang mthun pa'i bris rgyun spyi ltar/__so so'i thugs ka nas so sor 'ja' zer gyi 'brel ba sogs snga ma rnams ltar/__mi la'i steng mar pa'i g.yas zur du gro bo lung gi ri khrod dang /__sras mkhar dgu thog gi pho brang gnyis bris dpe ltar bkod pa gang legs dang /__de gnyis su sngags 'chang rdo rje 'dzin pa rnams kyis 'chad pa dang rtsom pa'i bkod pa gang mdzes/__mar pa'i sku'i g.yon dwags po'i thad dwags la sgom po bris dpe ltar dang /__der rab byung gi tshogs kyis 'chad rtsom mdzad tshul/__ri khrod du rab byung rnams kyis sgom mdzad tshul/__de'i steng zur gang bder la phyi gangs kyi ra ba bris dpe ltar la/__dkyil du gangs khrod dang gsham du brag phug tu ras pa'i tshogs sgrub pa la gzhol ba'i tshul/__mar pa'i mdun du 'jam mgon blo gros mtha' yas bris rgyun dkyus ltar la/__dbu zhwa dwags zhu/__phyag gnyis thugs kar chos 'chad kyi rgyas ut+pal bsnams pa'i g.yas snyan thad glegs ral dang /__g.yon tshe bum gyis mtshan pa/__zhabs rdor skyil/__de'i mdun du nye ba'i rin chen bdun/__khang 1bzang bkod pa gang legs kyi dbus su/__ral 2gri sngon po 'od zer sngon po 'phro ba/__pags 3pa gser gyi spu ris can/__skyed 4mos tshal/__gos 5phu dung can/__rin po che'i mchil 6l+h+wam/__gzims 7khri mal cha gzan lta bu bcas/__bkra shis rdzas brgyad kyi ri mo bcas bkod pa gang mdzes dang /__gzhan yang mchod pa'i rnam grangs du ma/__de'i g.yas su mgon po phyag bzhi pa/__gdan pad nyi bam ro bsnol ma'i steng /__mgon po sku mdog mthing nag__/dmar zlum spyan gsum/__khro gnyer bsdus shing mche ba gtsigs pa/__ljags bskyod pa/__dbu skra smar smin dmar ser me ltar 'bar ba/__phyag g.yas dang pos be ta'i 'bras bu dbyibs snying 'dra ba thugs ka'i steng dang /__g.yon thod khrag 'og tu 'dzin pa/__g.yas 'og mas rdo rje ral gri 'debs tshul/__g.yon 'og mas kha T+wA~M rtse gsum dar dpyangs can 'phyar stabs/__mi mgo skam po lnga'i dbu rgyan/__rlon pa khrag 'dzag pa lnga bcu'i do shal/__dar dang /__rin po che dang /__sbrul dang /__dril bu g.yer kha'i phreng bas brgyan pa/__stag lpags gsar pa khrag dang bcas pa'i sham thabs can/__sku las skyes pa'i me 'bar ba'i klong du zhabs dpa' bo rol ba'i bzhugs stangs can no/__/g.yon du bkra shis tshe ring ma gtso mo sku tshad che ba/__'khor bzhi dzam dkar gyi lha mo bzhi lta bu'i chung ngu /__gangs mthon mthing rgyal mo'i bkod pa sogs kar lugs bris rgyun spyi ltar shin tu legs pa/__gzhan gnam sa bar gsum gyi yul snang /__'ja' sprin/__rin po che dang me tog gi char/__gangs ri/__seng ge/__brag ri/__spang ri/__dpag bsam ljon shing /__skyed tshal/__khrus rdzing /__rin po che'i ri/__ma rmos lo/__'dod 'jo'i ba/__gter bum/__glang chen/__bya ri dwags/__rma bya/__me tog gi bum pa/__ne tso mi skad smra ba/__zung sogs snga ma rnams ltar bkod pa rgyas mdzes su bri zhing /__rgyab tu gtso bo'i sku rgyab khri rgyab yol bar gyi tshad dang mnyam pa'i lha babs mchod rten thig rtsa ldan pa/__bum sgo thugs ka'i thad du yod pa zhig bri'o/__/mang+ga laM//__//