JKCL-KABUM-10-THA-003

🚧 This website is under continued development. We appreciate your patience!

Previous Text"THA" is not a number. Back to Volume Page"THA" is not a number.Next Text "THA" is not a number.

Wylie title
Location	chos kyi blo gros bka' 'bum Volume , Text 3, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre	"THA" is not a number.

1 Texts in this Section (sde tshan or chos tshan)

13-15	ཡེ་ཤེས་མགོན་པོ་གདོང་བཞི་བའི་སྲོག་གཏད། ye shes mgon po gdong bzhi ba'i srog gtad Protector Entrustment Rituals- srog gtad	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

"THA" is not a number.

Tibetan Text

Wylie

[edit]

ཡེ་ཤེས་མགོན་པོ་གདོང་བཞི་བའི་སྲོག་གཏད་བཞུགས། གུ་རུ་རྗེ་ལ་གུས་བཏུད་ནས། དབེན་པའི་གནས་སུ་སྟེགས་བུའི་ཁར། །རྡུལ་ཚོན་མཎྜལ་གཞི་མཐིང་ནག །གྲུ་གསུམ་དམར་ནག་འཁོར་རྩིབས་བཞི། །ལྟེ་བར་ཟླ་གམ་ཐོད་རས་བསྐོར། །ཕྱི་རོལ་རྡོ་ར་མེ་རིས་བརྒྱན། །དེ་དབུས་བུམ་པ་ཐོད་ཆང་དང་། །སིནྡྷཱུའི་མེ་ལོང་ས་བོན་མཚན། །སྐུ་ཙཀ་སྔགས་ཕྲེང་ཕྱག་མཚན་དགོད། །ཕྱི་ནང་མཆོད་གཏོར་འདུས་བྱས་ལ། །སྒྲུབ་པོ་ཧེ་རུ་ཀ་བསྐྱེད་ཅིང་། །བཟླས་པ་སྔགས་ཀྱི་ནུས་ལྡན་བྱ། །མདུན་དུ་ཆོས་སྐྱོང་བསྐྱེད་བསྟིམ་དང་། །བཟླས་པ་སྐོང་བཤགས་ནན་ཏན་དང་། །བུམ་པར་ཞལ་བཞི་བསྐྱེད་བཟླས་སྒྲུབ། །ལས་བུམ་བདུད་རྩི་འཁྱིལ་པས་བསང་། །སློབ་མ་སྣོད་ལྡན་ཁྲུས་ནས་དབྱུང་། །བགེགས་ཕྲལ་སྲུང་བའི་འཁོར་ལོས་བཅིང་། །ཆོས་བཤད་ལོ་རྒྱུས་མཎྜལ་ཕུལ། དུས་གསུམ་སངས་རྒྱས་འགྲོ་བའི་མགོན། །དཀྱིལ་འཁོར་མངའ་བདག་ཧེ་རུ་ཀས། །བརྩེ་བ་ཆེན་པོས་དགྱེས་དགོངས་ནས། །གདོང་བཞི་འཁོར་བཅས་དབང་བསྐུར་སྩོལ། །ལན་གསུམ་རྒྱུད་སྦྱོངས་སྡོམ་བཟུང་རྗེས། །སློབ་མ་ཞལ་བཞི་པར་བསྐྱེད་ནས། །ཡེ་ཤེས་དབབ་བསྟིམས་བརྟན་པར་བྱ། དབང་ལྷ་སྤྱན་དྲངས་བུམ་པའི་ཆུས། །སྤྱི་བོ་ནས་བླུག་དབང་བསྐུར་གྱུར། །དབང་བསྐུར་རྡོ་རྗེ་ཆེན་པོ་ནི། །ཁམས་གསུམ་ཀུན་གྱི་བདག་པོ་ཆེ། །རྒྱལ་བའི་གསང་གསུམ་ལས་བྱུང་བའི། །ཡེ་ཤེས་བདུད་རྩིའི་ཆུས་དབང་བསྐུར། །སྔགས་མཐར་ཀ་ལ་ཤ་བཏགས་སྦྱིན། རྗེས་འབྲེལ་སྐུ་གསུང་ཐུགས་དབང་བསྐུར། ཧོཿཡེ་ཤེས་ཆོས་སྐྱོང་ཀུན་གྱི་གཙོ། །དྲེགས་པའི་ལྷ་ཆེན་ཡོངས་ཀྱི་རྗེ། །ཞིང་སྐྱོང་ཆེན་པོ་གདོང་བཞི་པའི། །སྐུ་ཡི་དབང་བསྐུར་ཁྱོད་ལ་སྦྱིན། །སྔགས་མཐར། ཀཱ་ཡ་ཨ་བྷི་ཥིཉྩ་ཨོཾ། ཨཱཿ ཇི་སྙེད་བརྗོད་པ་ཀུན་གྱི་གསུང་། རྡོ་རྗེ་སྔགས་ཀྱི་སྒྲ་གདངས་ཀྱིས། །རླུང་སྔགས་དབུ་མར་དེངས་པ་དང་། །མི་ཤིག་ནཱ་དའི་གསུང་འགྲུབ་ཤོག །ཝཱཀ་ཨ་བྷི་ཥིཉྩ་ཨཱཿ སྔགས་ཀྱི་བཟླས་ལུང་སྦྱིན་པར་བྱ། །དམ་ལྡན་ཐུན་མིན་སྲོག་ཆུ་སྦྱིན། །ཐུགས་ནི་ཕྱག་མཚན་སྙིང་གར་བསྟིམ། ཧཱུྃ། ཐུགས་ནི་རང་བྱུང་ཡེ་ཤེས་ཏེ། །ཕྱག་མཚན་གཟུགས་སུ་ཤར་བ་ཡི། །མི་རྟོག་ཡེ་ཤེས་མངོན་གྱུར་ནས། །བདེ་ཆེན་སྲོག་ཏུ་སྨིན་པར་ཤོག །སྔགས་མཐར། ཙིཏྟ་ཨ་བྷི་ཥིཉྩ་ཧཱུྃ། གསང་དབང་ཐོད་པའི་བདུད་རྩི་སྦྱིན། བླ་མ་ཧེ་རུ་ཀ་ཡབ་ཡུམ། །རྗེས་ཆགས་བདེ་བའི་གླུས་བསྐུལ་བས། །ཞིང་སྐྱོང་ཡུམ་བཞིར་སྙོམས་ཞུགས་པའི། །གསང་བའི་དབང་བསྐུར་སྦྱིན་པར་བྱ། །ཨ་ཧོ་མ་ཧཱ་སུ་ཁ་ཧོཿསིནྡྷུའི་མེ་ལོང་སྙིང་གར་གཏད། ཧོཿཆོས་རྣམས་ཀུན་གྱི་འབྱུང་གནས་ཆེ། །བདེ་ཆེན་བསྐྱེད་པའི་ཕྱག་རྒྱ་ནི། །འདི་གར་སྙོམས་ཞུགས་བདེ་བས་རོལ། །སྟྭཾ་པདྨ་བྷནྫ་མོ་ཀྵ་ཧོཿརྡོ་རྗེའི་ཚིག་གི་ངོ་སྤྲོད་བྱ། ཨཿའཁོར་འདས་ཐམས་ཅད་རང་གི་སེམས། །སེམས་ཉིད་གདོད་ནས་སྐྱེ་འགགས་བྲལ། །གཉིས་མེད་རང་བྱུང་བདེ་ཆེན་པོར། །འཁོར་འདས་ཆོས་ཀུན་སྟོང་སྲོག་གི། ཡེ་ཤེས་ཕྱག་རྒྱའི་ཀློང་དུ་སྡོམ། །དྷརྨ་དྷཱ་ཏུ་ཨ་ཨ་ཨཿམཐའ་རྟེན་གནོད་བྱེད་དགྲ་བགེགས་ཀྱི། །རཱུ་པ་བཤམས་པ་དམ་བརྡར་ཞིང་། །དགུག་གཞུག་བསྒྲལ་མཆོད་མདོར་བསྡུས་བྱ། །ལིང་རོ་ཧོམ་དུ་བསྲེགས་པར་བྱ། ས་མ་ཡ༔ རྗེ་བླ་མའི་ཕྱག་བྲིས་དངོས་ལས་དག་པར་ཞལ་བཤུས་སོ།། །།

[edit]

ye shes mgon po gdong bzhi ba'i srog gtad bzhugs/__gu ru rje la gus btud nas/__dben pa'i gnas su stegs bu'i khar/__/rdul tshon maN+Dal gzhi mthing nag__/gru gsum dmar nag 'khor rtsibs bzhi/__/lte bar zla gam thod ras bskor/__/phyi rol rdo ra me ris brgyan/__/de dbus bum pa thod chang dang /__/sin+d+hU'i me long sa bon mtshan/__/sku tsaka sngags phreng phyag mtshan dgod/__/phyi nang mchod gtor 'dus byas la/__/sgrub po he ru ka bskyed cing /__/bzlas pa sngags kyi nus ldan bya/__/mdun du chos skyong bskyed bstim dang /__/bzlas pa skong bshags nan tan dang /__/bum par zhal bzhi bskyed bzlas sgrub/__/las bum bdud rtsi 'khyil pas bsang /__/slob ma snod ldan khrus nas dbyung /__/bgegs phral srung ba'i 'khor los bcing /__/chos bshad lo rgyus maN+Dal phul/__dus gsum sangs rgyas 'gro ba'i mgon/__/dkyil 'khor mnga' bdag he ru kas/__/brtse ba chen pos dgyes dgongs nas/__/gdong bzhi 'khor bcas dbang bskur stsol/__/lan gsum rgyud sbyongs sdom bzung rjes/__/slob ma zhal bzhi par bskyed nas/__/ye shes dbab bstims brtan par bya/__dbang lha spyan drangs bum pa'i chus/__/spyi bo nas blug dbang bskur gyur/__/dbang bskur rdo rje chen po ni/__/khams gsum kun gyi bdag po che/__/rgyal ba'i gsang gsum las byung ba'i/__/ye shes bdud rtsi'i chus dbang bskur/__/sngags mthar ka la sha btags sbyin/__rjes 'brel sku gsung thugs dbang bskur/__hoHye shes chos skyong kun gyi gtso/__/dregs pa'i lha chen yongs kyi rje/__/zhing skyong chen po gdong bzhi pa'i/__/sku yi dbang bskur khyod la sbyin/__/sngags mthar/__kA ya a b+hi Shiny+tsa oM/__AH__ji snyed brjod pa kun gyi gsung /__rdo rje sngags kyi sgra gdangs kyis/__/rlung sngags dbu mar dengs pa dang /__/mi shig nA da'i gsung 'grub shog__/wAka a b+hi Shiny+tsa AH__sngags kyi bzlas lung sbyin par bya/__/dam ldan thun min srog chu sbyin/__/thugs ni phyag mtshan snying gar bstim/__hU~M/__thugs ni rang byung ye shes te/__/phyag mtshan gzugs su shar ba yi/__/mi rtog ye shes mngon gyur nas/__/bde chen srog tu smin par shog__/sngags mthar/__tsit+ta a b+hi Shiny+tsa hU~M/__gsang dbang thod pa'i bdud rtsi sbyin/__bla ma he ru ka yab yum/__/rjes chags bde ba'i glus bskul bas/__/zhing skyong yum bzhir snyoms zhugs pa'i/__/gsang ba'i dbang bskur sbyin par bya/__/a ho ma hA su kha hoHsin+d+hu'i me long snying gar gtad/__hoHchos rnams kun gyi 'byung gnas che/__/bde chen bskyed pa'i phyag rgya ni/__/'di gar snyoms zhugs bde bas rol/__/s+t+waM pad+ma b+han+dza mo k+Sha hoHrdo rje'i tshig gi ngo sprod bya/__aH'khor 'das thams cad rang gi sems/__/sems nyid gdod nas skye 'gags bral/__/gnyis med rang byung bde chen por/__/'khor 'das chos kun stong srog gi/__ye shes phyag rgya'i klong du sdom/__/d+harma d+hA tu a a aHmtha' rten gnod byed dgra bgegs kyi/__/rU pa bshams pa dam brdar zhing /__/dgug gzhug bsgral mchod mdor bsdus bya/__/ling ro hom du bsregs par bya/__sa ma ya:__rje bla ma'i phyag bris dngos las dag par zhal bshus so//___//