JKCL-KABUM-03-GA-107

🚧 This website is under continued development. We appreciate your patience!

Previous Text"GA" is not a number. Back to Volume Page"GA" is not a number.Next Text "GA" is not a number.

Wylie title
Location	chos kyi blo gros bka' 'bum Volume , Text 107, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre	"GA" is not a number.

1 Texts in this Section (sde tshan or chos tshan)

407-408	བླ་མ་བསྟན་གཉིས་སྐོར་གསུམ་གྱི་བརྒྱུད་འདེབས་བྱིན་བརླབས་སྤྲིན་ཕུང་། bla ma bstan gnyis skor gsum gyi brgyud 'debs byin brlabs sprin phung Lineage Supplications - brgyud 'debs	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

"GA" is not a number.

Tibetan Text

Wylie

[edit]

བླ་མ་བསྟན་གཉིས་སྐོར་གསུམ་གྱི་བརྒྱུད་འདེབས་བྱིན་བརླབས་སྤྲིན་ཕུང་ཞེས་བྱ་བ་བཞུགས་སོ། །གཞི་དབྱིངས་ཁྱབ་བདག་ཀུན་བཟང་གདོད་མའི་མགོན། །སྲིད་ཞིའི་དབང་ཕྱུག་དཀྱིལ་འཁོར་རབ་འབྱམས་གཙོ། །ཆོས་སྐུའི་སྟོན་པ་ཀུན་ཏུ་འཆང་ཆེན་པོར། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །ལོངས་སྤྱོད་ཡོངས་རྫོགས་ངེས་པ་ལྔ་ལྡན་གཙོ། །ཁ་སྦྱོར་བདུན་ལྡན་རིགས་ལྔའི་སྤྲིན་ཕུང་འཕྲོ། །བདེ་སྟོང་དབྱེར་མེད་ཐོད་ཕྲེང་སྡེ་ལྔ་ལ། །གསོལ་བ་འདེབས་སོ༴ །གང་འདུལ་ཆོས་ཀྱི་དབྱིངས་ལས་མ་གཡོས་ཀྱང་། །སྣ་ཚོགས་གཟུགས་སྐུའི་འགྲོ་བའི་དོན་མཛད་པ། །སྤྲུལ་སྐུ་མདོ་སྔགས་སྟོན་པ་རྣམ་གཉིས་ལ། །གསོལ་བ༴ །དུས་གསུམ་རྒྱལ་བའི་ཡེ་ཤེས་གཅིག་བསྡུས་པ། །རྩ་གསུམ་རྒྱ་མཚོའི་སྤྱི་དཔལ་བདེ་བ་ཆེ། །ཡིད་བཞིན་ནོར་བུ་པདྨ་སཾ་བྷ་ཝར། །གསོལ་བ༴ །མི་བརྗེད་གཟུངས་ཐོབ་མཆོག་གི་དངོས་གྲུབ་བརྙེས། །ཌཱ་ཀིའི་དབང་ཕྱུག་གུ་རུའི་ཟབ་གསང་འཛིན། །བཀའ་ཡི་སྡུད་པོ་ཡེ་ཤེས་མཚོ་རྒྱལ་ལ། །གསོལ་བ༴ །ཆེ་མཆོག་གྲུབ་བརྙེས་དགོངས་པ་མངོན་དུ་གྱུར། །གངས་ཅན་བཀའ་དྲིན་མཉམ་མེད་ཁྲི་སྲོང་རྗེ། །ཆོས་རྒྱལ་ཚངས་པ་ལྷ་ཡི་མེ་ཏོག་ལ། །གསོལ་བ་འདེབས༴ །དཔལ་ཆེན་བཀའ་འདུས་ཆོས་ཀྱི་རྒྱ་མཚོ་སོགས། །ཆོས་གཏེར་རྒྱ་མཚོའི་བཀའ་བབས་གསང་བའི་བདག །རྒྱལ་སྲས་ལྷ་རྗེ་མཆོག་གྲུབ་རྒྱལ་པོ་ལ། །གསོལ་བ༴ །རྒྱལ་སྲས་རྣམ་འཕྲུལ་གཏེར་འབྱིན་གྲུབ་པའི་དབང་། །བླ་མ་བསྟན་གཉིས་ཆོས་ཀྱི་མཛོད་ཆེན་དབྱེ། །རྒྱ་སྟོན་ལོ་ཙཱ་བཛྲ་བྷ་དྲ་ལ། །གསོལ་བ༴ །མཆོག་གྲུབ་རྒྱལ་པོའི་ཡོངས་སྲིད་བཅུ་གསུམ་པ། །བཀའ་བབས་བདུན་ལྡན་མཁས་དང་གྲུབ་པའི་རྗེ། །པདྨ་འོད་གསལ་མདོ་སྔགས་གླིང་པ་ལ། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །བཻ་རོའི་རྣམ་འཕྲུལ་བཀའ་གཏེར་བསྟན་པའི་སྲོག །འགྲན་ཟླ་ཀུན་བྲལ་མཛོད་ལྔའི་ཤིང་རྟ་ཆེ། །ཀུན་མཁྱེན་བླ་མ་བློ་གྲོས་མཐའ་ཡས་ལ། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །སྔོན་འགྲོའི་ཆོས་ཀྱི་རང་རྒྱུད་འབྱོངས་བ་དང་། །མཚན་ཉིད་ཀུན་ལྡན་རྡོ་རྗེ་སློབ་དཔོན་ལས། །སྨིན་བྱེད་དབང་ཐོབ་དམ་ཚིག་སྡོམ་པ་ལྡན། །བསྐྱེད་རྫོགས་ལམ་གྱི་རིམ་པ་མཐར་ཕྱིན་ཤོག །གཞི་རྒྱུད་བློ་འདས་ཆོས་སྐུའི་ལྟ་བ་རྟོགས། །ལམ་རྒྱུད་ཐབས་ཤེས་ཟུང་འཇུག་རྣལ་འབྱོར་ལ། །བརྟེན་ནས་འབྲས་རྒྱུད་སྐུ་དང་ཡེ་ཤེས་ཀྱི། །གོ་འཕང་མཆོག་ལ་མྱུར་དུ་ཕྱིན་པར་ཤོག །ཅེས་པའང་ལྷ་ཐོག་ཆོས་ཀྱི་རྒྱལ་པོའི་གསུང་གི་བསྐུལ་བ་ལྟར་འཇམ་དབྱངས་ཆོས་ཀྱི་བློ་གྲོས་པས་གསོལ་བ་བཏབ་པ་སིདྡྷི་རསྟུ།། །།

[edit]

bla ma bstan gnyis skor gsum gyi brgyud 'debs byin brlabs sprin phung zhes bya ba bzhugs so/____/gzhi dbyings khyab bdag kun bzang gdod ma'i mgon/____/srid zhi'i dbang phyug dkyil 'khor rab 'byams gtso/____/chos sku'i ston pa kun tu 'chang chen por/____/gsol ba 'debs so mchog thun dngos grub stsol/____/longs spyod yongs rdzogs nges pa lnga ldan gtso/____/kha sbyor bdun ldan rigs lnga'i sprin phung 'phro/____/bde stong dbyer med thod phreng sde lnga la/____/gsol ba 'debs so=____/gang 'dul chos kyi dbyings las ma g.yos kyang /____/sna tshogs gzugs sku'i 'gro ba'i don mdzad pa/____/sprul sku mdo sngags ston pa rnam gnyis la/____/gsol ba=____/dus gsum rgyal ba'i ye shes gcig bsdus pa/____/rtsa gsum rgya mtsho'i spyi dpal bde ba che/____/yid bzhin nor bu pad+ma saM b+ha war/____/gsol ba=____/mi brjed gzungs thob mchog gi dngos grub brnyes/____/DA ki'i dbang phyug gu ru'i zab gsang 'dzin/____/bka' yi sdud po ye shes mtsho rgyal la/____/gsol ba=____/che mchog grub brnyes dgongs pa mngon du gyur/____/gangs can bka' drin mnyam med khri srong rje/____/chos rgyal tshangs pa lha yi me tog la/____/gsol ba 'debs=____/dpal chen bka' 'dus chos kyi rgya mtsho sogs/____/chos gter rgya mtsho'i bka' babs gsang ba'i bdag__/rgyal sras lha rje mchog grub rgyal po la/____/gsol ba=____/rgyal sras rnam 'phrul gter 'byin grub pa'i dbang /____/bla ma bstan gnyis chos kyi mdzod chen dbye/____/rgya ston lo tsA badz+ra b+ha dra la/____/gsol ba=____/mchog grub rgyal po'i yongs srid bcu gsum pa/____/bka' babs bdun ldan mkhas dang grub pa'i rje/____/pad+ma 'od gsal mdo sngags gling pa la/____/gsol ba 'debs so mchog thun dngos grub stsol/____/bai ro'i rnam 'phrul bka' gter bstan pa'i srog__/'gran zla kun bral mdzod lnga'i shing rta che/____/kun mkhyen bla ma blo gros mtha' yas la/____/gsol ba 'debs so mchog thun dngos grub stsol/____/sngon 'gro'i chos kyi rang rgyud 'byongs ba dang /____/mtshan nyid kun ldan rdo rje slob dpon las/____/smin byed dbang thob dam tshig sdom pa ldan/____/bskyed rdzogs lam gyi rim pa mthar phyin shog__/gzhi rgyud blo 'das chos sku'i lta ba rtogs/____/lam rgyud thabs shes zung 'jug rnal 'byor la/____/brten nas 'bras rgyud sku dang ye shes kyi/____/go 'phang mchog la myur du phyin par shog__/ces pa'ang lha thog chos kyi rgyal po'i gsung gi bskul ba ltar 'jam dbyangs chos kyi blo gros pas gsol ba btab pa sid+d+hi rastu//____//_