རྡོ་རྗེ་སྙིང་པོ་དོན་གྱི་ཐོལ་གླུ་ལས༔ བཀའ་སྲུང་དྲག་པོ་སྡེ་ལྔའི་གསོལ་མཆོད༔

🚧 This website is under continued development. We appreciate your patience!

Previous Text Back to Volume PageNext Text

Wylie title	rdo rje snying po don gyi thol glu las: bka' srung drag po sde lnga'i gsol mchod
Location	dil mgo mkhyen brtse bka' 'bum Volume 18, Text 7, Pages 22-23 (Folios 1a1 to 2a5)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ (Khyentse, Dilgo)
Associated People	ལྷ་བཙུན་ནམ་མཁའ་འཇིགས་མེད་ (lha btsun nam mkha' 'jigs med)
Citation	Khyentse, Dilgo. Rdo rje snying po don gyi thol glu las bka' srung drag po sde lnga'i gsol mchod. In Skyabs rje dil mgo mkhyen brtse rin po che'i bka' 'bum, Vol. 18: 22-23. Delhi: Shechen Publications, 1994.
Genre	Protector Rituals - gsol mchod
Cycle	རིག་འཛིན་ཌཱ་ཀིའི་སྲོག་ཏིག་རྡོ་རྗེ་སྙིང་པོ་དོན་གྱི་ཐོལ་གླུ་ (rig 'dzin da ki'i srog tig rdo rje snying po don gyi thol glu)
Deity	bka' srung
Colophon	ཅེས་འདི་རིན་ཚང་ལྷ་རིགས་ཀྱི༔ རིག་འཛིན་ཀློང་ཆེན་ཡེ་ཤེས་རྩལ༔ དགྱེས་པའི་ལུང་གིས་བསྐུལ་བ་བཞིན༔ མཁན་སློབ་ཆོས་རྒྱལ་རྣམ་གསུམ་གྱི༔ ཐུགས་བསྐྱེད་སྨོན་ལམ་རང་གཟུགས་ཆེ༔ བལ་ཡུལ་མཆོད་རྟེན་ཆེན་པོའི་མདུན༔ མགོ་ཟླའི༡༡་དུས་ཚེས༡༥་དགེ་བ་ལ༔ པདྨ་གར་དབང་བདེ་ཆེན་རྩལ༔ མདོ་སྔགས་གླིང་པའི་མིང་ཅན་གྱིས༔ རིག་རྩལ་ཤར་བཞིན་སྤེལ་བ་ཡིས༔ གསང་ཆེན་མཆོག་བསྟན་དར་རྒྱས་ཤོག༔ ས་མ་ཡ༔ བརྡ་ཐིམ༔
	ces 'di rin tshang lha rigs kyi:_rig 'dzin klong chen ye shes rtsal:_dgyes pa'i lung gis bskul ba bzhin:_mkhan slob chos rgyal rnam gsum gyi:_thugs bskyed smon lam rang gzugs che:_bal yul mchod rten chen po'i mdun:_mgo zla'i11 dus tshes15 dge ba la:_pad+ma gar dbang bde chen rtsal:_mdo sngags gling pa'i ming can gyis:_rig rtsal shar bzhin spel ba yis:_gsang chen mchog bstan dar rgyas shog:_sa ma ya:_brda thim:

Tibetan Text

Wylie

[edit]

རྡོ་རྗེ་སྙིང་པོ་དོན་གྱི་ཐོལ་གླུ་ལས༔ བཀའ་སྲུང་དྲག་པོ་སྡེ་ལྔའི་གསོལ་མཆོད་བཞུགས༔ རིག་འཛིན་བླ་མ་ལྷ་ལ་འདུད༔ དྲག་པོའི་བཀའ་སྲུང་མཆོད་འདོད་པས༔ ལྕགས་སམ་བྷནྡྷའི་སྣོད་ཡངས་པར༔ དམར་གཏོར་ཤ་ཁྲག་བརྒྱན་པ་བཤམས༔ བདུད་རྩིས་བྲན་ལ་བྱིན་རླབས་འབུལ༔ ཨེ༔ ཆོས་དབྱིངས་རྡོ་རྗེ་བཙུན་མོ་ཨེ་ཀ་ཛ༔ གཏུམ་ཆེན་རྡོ་རྗེ་སྲིན་པོ་རཱ་ཧུ་ལ༔ བདེ་ཆེན་རྡོ་རྗེ་རྨད་བྱུང་སཱ་དྷུ་རྩལ༔ གཉིས་མེད་ཡེ་ཤེས་མགོན་པོ་མ་ནིང་ནག༔ ལས་ཀྱི་ཕོ་ཉ་རྡོ་རྗེ་འབར་བ་རྩལ༔ སྲོག་སྒྲུབ་ཌཱ་ཀིའི་རྒྱལ་མོ་དབྱིངས་ནས་བཞེངས༔ རྣམ་ཐར་སྒོ་གསུམ་ཡུམ་མཁའི་བྷཉྫ་རུ༔ ཕུང་ཁམས་སྐྱེ་མཆེད་རིགས་ལྔའི་དམ་ཚིགས་རྫས༔ ཡིད་བཞིན་འདོད་འབྱུང་འཕྲུལ་གྱི་ལོངས་སྤྱོད་ཆེ༔ མི་ཟད་འདོད་དགུ་ཀུན་འབྱུང་ནམ་མཁའ་མཛོད༔ ཕྱི་ལྟར་བདེ་ཆེན་ཀུན་བཟང་དགྱེས་པའི་སྤྲིན༔ ནང་དུ་དུར་ཁྲོད་དྲག་པོ་རྔམ་པའི་རྫས༔ གསང་བ་རྡོ་རྗེའི་ཏན་གན་དེ་ཁོ་ན༔ གཉིས་མེད་གཉིས་སུ་སྣང་བའི་མཆོད་པས་བསྐང༔ གཟོད་ནས་རྣམ་གྲོལ་བདེ་གསལ་མི་རྟོག་པའི༔ ཡེ་ཤེས་ཆེན་པོའི་ངོ་བོར་རྣམ་དག་པ༔ རྒྱུད་གསུམ་དྲེགས་པའི་རྒྱལ་པོ་རྣམ་པ་ལྔ༔ ཡེ་ཤེས་རོལ་པའི་ཆོ་འཕྲུལ་བཅས་ལ་བསྟོད༔ མཆོད་དང་མཆོད་བྱ་གཉིས་སུ་མི་རྟོག་ཀྱང༔ ཀུན་རྫོབ་སྒྱུ་མའི་སྣང་ཆ་མ་འགག་པ༔ ཐབས་ཤེས་རྟེན་འབྱུང་དག་པའི་ཡོ་བྱད་ནི༔ རང་བཞིན་ལྷུན་གྱིས་གྲུབ་པས་ཐུགས་དམ་བསྐང༔ བརྟེན་པའི་དམ་རྫས་དྲེགས་པའི་སྐུ་གསུང་ཐུགས༔ མཆོད་པའི་དམ་རྫས་བསྐང་དང་མཉེས་པའི་རྟེན༔ བསྙེན་སྒྲུབ་ལས་སྦྱོར་མཐར་ཕྱིན་བཞེད་དགུའི་དཔལ༔ རང་བཞིན་ལྷུན་གྱིས་གྲུབ་པས་ཐུགས་དམ་བསྐང༔ ངོ་བོའི་དབྱིངས་སུ་འཕོ་འགྱུར་སྤྲོས་བྲལ་ཡང༔ རྣམ་པའི་སྣང་ཆ་རྟེན་འབྱུང་སྒྱུ་མའི་གར༔ ཅིར་ཡང་འཆར་ཞིང་ལྷུན་གྲུབ་འགག་མེད་ཀྱི༔ བདེན་གཉིས་ཟུང་འཇུག་ཡེ་ཤེས་འཁོར་ལོར་བསྐང༔ གློ་བུར་བློས་བྱས་མཚན་མའི་རྣམ་པར་རྟོག༔ རང་ཤར་རང་གྲོལ་མཉམ་ཉིད་ཆོས་ཀྱི་སྐུར༔ བཅིངས་གྲོལ་ལས་འདས་ཀ་དག་ཀློང་ཆེན་པོར༔ བཤགས་སོ་དག་ཚངས་མཆོག་གི་དངོས་གྲུབ་སྩོལ༔ ཁྱོད་ནི་རང་རྩལ་ཕྲིན་ལས་ཐོགས་པ་མེད༔ སྲིད་པ་གཏིང་དཀྲུགས་མྱང་འདས་གཞི་ནས་བསླངས༔ ལས་བཞི་ལྷུན་གྲུབ་འདོད་དགུའི་དཔལ་དམ་པ༔ རང་གྲོལ་བདེ་ཆེན་དགྱེས་པས་རྟག་ཏུ་བསྐྱངས༔ ཐེག་མཆོག་ཨ་ཏིའི་སྒྲུབ་བརྒྱུད་འཕེལ་བ་དང༔ དེར་འཛིན་སྐྱེས་བུའི་ཉམས་རྟོགས་ཕྲིན་ལས་རྒྱས༔ འགྲོ་ཀུན་མོས་པ་ཆོས་ཀྱི་ཕྱོགས་བཀོལ་ནས༔ ཀུན་ཀྱང་རྣམ་གྲོལ་གདོད་མར་ངལ་འཚོར་མཛོད༔ བདག་གི་ལྟ་སྒོམ་སྤྱོད་པའི་བར་ཆད་སོལ༔ ལུས་དང་གྲིབ་བཞིན་འགྲོགས་པའི་སྲུང་སྐྱོབ་ཀྱིས༔ དོན་གཉིས་ལྷུན་གྱིས་གྲུབ་པའི་དཔལ་དམ་པར༔ དབང་འབྱོར་ཕྲིན་ལས་རྒྱ་མཚོའི་གྲོགས་མཛོད་ཅིག༔ གྲུབ་པའི་རིག་འཛིན་བརྒྱུད་གསུམ་བླ་མ་ཡིས༔ ཐ་ཚིག་གནད་ལ་བོར་བ་མ་བསྙེལ་བར༔ འདོད་དགུའི་ལས་ཀྱི་གཉེར་ཁ་གཏད་པ་བཞིན༔ བཅོལ་བའི་ཕྲིན་ལས་མ་ལུས་མྱུར་འགྲུབ་མཛོད༔ ཅེས་འདི་རིན་ཚང་ལྷ་རིགས་ཀྱི༔ རིག་འཛིན་ཀློང་ཆེན་ཡེ་ཤེས་རྩལ༔ དགྱེས་པའི་ལུང་གིས་བསྐུལ་བ་བཞིན༔ མཁན་སློབ་ཆོས་རྒྱལ་རྣམ་གསུམ་གྱི༔ ཐུགས་བསྐྱེད་སྨོན་ལམ་རང་གཟུགས་ཆེ༔ བལ་ཡུལ་མཆོད་རྟེན་ཆེན་པོའི་མདུན༔ མགོ་ཟླའི༡༡་དུས་ཚེས༡༥་དགེ་བ་ལ༔ པདྨ་གར་དབང་བདེ་ཆེན་རྩལ༔ མདོ་སྔགས་གླིང་པའི་མིང་ཅན་གྱིས༔ རིག་རྩལ་ཤར་བཞིན་སྤེལ་བ་ཡིས༔ གསང་ཆེན་མཆོག་བསྟན་དར་རྒྱས་ཤོག༔ ས་མ་ཡ༔ བརྡ་ཐིམ༔

[edit]

skya__rdo rje snying po don gyi thol glu las:_bka' srung drag po sde lnga'i gsol mchod bzhugs:_rig 'dzin bla ma lha la 'dud:_drag po'i bka' srung mchod 'dod pas:_lcags sam b+han+d+ha'i snod yangs par:_dmar gtor sha khrag brgyan pa bshams:_bdud rtsis bran la byin rlabs 'bul:__e:_chos dbyings rdo rje btsun mo e ka dza:_gtum chen rdo rje srin po rA hu la:_bde chen rdo rje rmad byung sA d+hu rtsal:_gnyis med ye shes mgon po ma ning nag:_las kyi pho nya rdo rje 'bar ba rtsal:_srog sgrub DA ki'i rgyal mo dbyings nas bzhengs:_rnam thar sgo gsum yum mkha'i b+hany+dza ru:_phung khams skye mched rigs lnga'i dam tshigs rdzas:_yid bzhin 'dod 'byung 'phrul gyi longs spyod che:_mi zad 'dod dgu kun 'byung nam mkha' mdzod:_phyi ltar bde chen kun bzang dgyes pa'i sprin:_nang du dur khrod drag po rngam pa'i rdzas:_gsang ba rdo rje'i tan gan de kho na:_gnyis med gnyis su snang ba'i mchod pas bskang:_gzod nas rnam grol bde gsal mi rtog pa'i:_ye shes chen po'i ngo bor rnam dag pa:_rgyud gsum dregs pa'i rgyal po rnam pa lnga:_ye shes rol pa'i cho 'phrul bcas la bstod:_mchod dang mchod bya gnyis su mi rtog kyang:_kun rdzob sgyu ma'i snang cha ma 'gag pa:_thabs shes rten 'byung dag pa'i yo byad ni:_rang bzhin lhun gyis grub pas thugs dam bskang:_brten pa'i dam rdzas dregs pa'i sku gsung thugs:_mchod pa'i dam rdzas bskang dang mnyes pa'i rten:_bsnyen sgrub las sbyor mthar phyin bzhed dgu'i dpal:_rang bzhin lhun gyis grub pas thugs dam bskang:_ngo bo'i dbyings su 'pho 'gyur spros bral yang:_rnam pa'i snang cha rten 'byung sgyu ma'i gar:_cir yang 'char zhing lhun grub 'gag med kyi:_bden gnyis zung 'jug ye shes 'khor lor bskang:_glo bur blos byas mtshan ma'i rnam par rtog:_rang shar rang grol mnyam nyid chos kyi skur:_bcings grol las 'das ka dag klong chen por:_bshags so dag tshangs mchog gi dngos grub stsol:_khyod ni rang rtsal phrin las thogs pa med:_srid pa gting dkrugs myang 'das gzhi nas bslangs:_las bzhi lhun grub 'dod dgu'i dpal dam pa:_rang grol bde chen dgyes pas rtag tu bskyangs:_theg mchog a ti'i sgrub brgyud 'phel ba dang:_der 'dzin skyes bu'i nyams rtogs phrin las rgyas:_'gro kun mos pa chos kyi phyogs bkol nas:_kun kyang rnam grol gdod mar ngal 'tshor mdzod:_bdag gi lta sgom spyod pa'i bar chad sol:_lus dang grib bzhin 'grogs pa'i srung skyob kyis:_don gnyis lhun gyis grub pa'i dpal dam par:_dbang 'byor phrin las rgya mtsho'i grogs mdzod cig:_grub pa'i rig 'dzin brgyud gsum bla ma yis:_tha tshig gnad la bor ba ma bsnyel bar:_'dod dgu'i las kyi gnyer kha gtad pa bzhin:_bcol ba'i phrin las ma lus myur 'grub mdzod:_ces 'di rin tshang lha rigs kyi:_rig 'dzin klong chen ye shes rtsal:_dgyes pa'i lung gis bskul ba bzhin:_mkhan slob chos rgyal rnam gsum gyi:_thugs bskyed smon lam rang gzugs che:_bal yul mchod rten chen po'i mdun:_mgo zla'i11 dus tshes15 dge ba la:_pad+ma gar dbang bde chen rtsal:_mdo sngags gling pa'i ming can gyis:_rig rtsal shar bzhin spel ba yis:_gsang chen mchog bstan dar rgyas shog:_sa ma ya:_brda thim: