DKR-KABUM-08-NYA-036

🚧 This website is under continued development. We appreciate your patience!

Previous Text Back to Volume PageNext Text

ཡང་ཟབ་བདེ་ཆེན་དཔལ་མོའི་ཐུགས་ཀྱི་མེ་ལོང་ལས༔ དབྱངས་ཅན་དམར་མོའི་གསང་སྒྲུབ་ཡིད་བཞིན་འཕྲུལ་མཛོད་ཀྱི་དབང་ཆོག་བདེ་ཆེན་དཔལ་འཛིན༔

Wylie title	yang zab bde chen dpal mo'i thugs kyi me long las: dbyangs can dmar mo'i gsang sgrub yid bzhin 'phrul mdzod kyi dbang chog bde chen dpal 'dzin:
Location	dil mgo mkhyen brtse bka' 'bum Volume 8, Text 36, Pages 282-283 (Folios 1a1 to 2a2)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	ཆོས་ཀྱི་གོ་ཆ་ (chos kyi go cha)
Citation	Khyentse, Dilgo. Yang zab bde chen dpal mo'i thugs kyi me long las dbyangs can dmar mo'i gsang sgrub yid bzhin 'phrul mdzod kyi dbang chog bde chen dpal 'dzin. In Skyabs rje dil mgo mkhyen brtse rin po che'i bka' 'bum, Vol. 8: 282-283. Delhi: Shechen Publications, 1994.
Genre	Empowerment Ritual - dbang chog - dbang skur
Cycle	ཡང་ཟབ་བདེ་ཆེན་དཔལ་མོའི་ཐུགས་ཀྱི་མེ་ལོང་ (yang zab bde chen dpal mo'i thugs kyi me long)
Deity	dbyangs can dmar mo
Colophon	ཞེས་པའང་གྲུབ་དབང་ནམ་མཁའི་དབང་དཔེ་རྒྱུན་མ་རྙེད་པས་གསར་སྤྲོས་སུ་རྩ་གསུམ་བླ་མའི་བྱིན་རླབས་ལས་གང་ཤར་གར་དབང་མདོ་སྔགས་གླིང་པས་གསར་སྤྲོས་བགྱིས་པ་དགེ་ལེགས་འཕེལ། མངྒ་ལཾ། དགེའོ།། །།
	zhes pa'ang grub dbang nam mkha'i dbang dpe rgyun ma rnyed pas gsar spros su rtsa gsum bla ma'i byin rlabs las gang shar gar dbang mdo sngags gling pas gsar spros bgyis pa dge legs 'phel/_mang+ga laM/_dge'o//_//
Notes	These texts were compiled and arranged by Dilgo Khyentse Rinpoche. Elsewhere this cycle is attributed to rdzong sngon pad+ma thugs mchog rdo rje.

Tibetan Text

Wylie

[edit]

༁ྃཿ ཡང་ཟབ་བདེ་ཆེན་དཔལ་མོའི་ཐུགས་ཀྱི་མེ་ལོང་ལས༔ དབྱངས་ཅན་དམར་མོའི་གསང་སྒྲུབ་ཡིད་བཞིན་འཕྲུལ་མཛོད་ཀྱི་དབང་ཆོག་བདེ་ཆེན་དཔལ་འཛིན་བཞུགས༔ ༁ྃ༔ བདེ་སྟོང་དོན་གྱི་དབྱངས་ཅན་ལྷར༔ བཏུད་ནས་དེ་ཡི་དབང་སྦྱིན་ནི༔ དཀྱིལ་འཁོར་བཀོད་ལེགས་མཛེས་པའི་སྟེང༔ བུམ་པ་ཐོད་པ་བཅུད་ལྡན་སྟེང༔ སིནྡྷཱུའི་མེ་ལོང་ཤེལ་རྡོ་བརྩེགས༔ སྐུ་སྔགས་ཕྱག་མཚན་པི་ཝང་དང༔ དར་དང་ཐིག་ལེ་རྒྱན་བཅས་བཤམས༔ ཕྱི་ནང་མཆོད་བཤམས་བདག་མདུན་གྱི༔ གཞུང་བསྲངས་བསྙེན་སྒྲུབ་བུམ་བཟླས་བྱ༔ མཆོད་བསྟོད་འོད་ཞུ་བདག་འཇུག་བླངས༔ སློབ་མ་ཁྲུས་དབྱུང་ལོ་རྒྱུས་དང༔ མཎྜལ་ཕུལ་ལ་གསོལ་བ་གདབ༔ ཀྱེ་ཧོ༔ ཐུགས་རྗེའི་གཏེར་ཆེན་བླ་མ་དང༔ དབྱེར་མེད་རྒྱལ་ཡུམ་དབྱངས་ཅན་མར༔ རྩེ་གཅིག་གུས་པས་གསོལ་འདེབས་ན༔ སྐུ་གསུང་ཐུགས་ཀྱི་བྱིན་རླབས་སྩོལ༔ སྐྱབས་སེམས་རྒྱུད་སྦྱངས་སྡོམ་པ་བཟུང༔ ལྷར་བསྐྱེད་བྱིན་དབབ་བརྟན་པར་བྱ༔ དང་པོ་བུམ་པའི་དབང་སྦྱིན་པ༔ ཧཱུྃ༔ རིན་ཆེན་བུམ་པ་བཅུད་དང་ལྡན༔ དབྱིངས་རིག་ཡེ་ཤེས་བདུད་རྩི་དཔལ༔ ཤེས་རབ་དཔལ་མོའི་བྱིན་རླབས་ཀྱིས༔ དབང་སྐུར་རྡོ་རྗེའི་དབྱིངས་གྲོལ་ཤོག༔ ཀ་ལ་ཤ་ཨ་བྷི་ཥིཉྩ་ཨོཾ༔ ཧྲཱིཿ སྣང་སྟོང་གཉིས་མེད་རྡོ་རྗེའི་སྐུ༔ རྒྱལ་ཀུན་ཡུམ་ཆེན་དབྱངས་ཅན་གྱིས༔ ཡེ་ཤེས་སྐུ་ཡི་བྱིན་བརླབས་པས༔ མཁའ་ཁྱབ་ནམ་མཁའི་སྐུ་ཐོབ་ཤོག༔ ཀཱ་ཡ་ཨ་བྷི་ཥིཉྩ་ཨོཾ༔ ཨཱཿ ཟབ་ཅིང་རྒྱ་ཆེའི་ཆོས་ཀྱི་སྒྲ༔ རྡོ་རྗེ་དབྱངས་ཀྱི་ཡན་ལག་རྫོགས༔ མི་ཤིག་སྔགས་ཀྱི་མཛོད་གཏད་པས༔ དངོས་གྲུབ་སྤྱོད་ལ་དབང་ཐོབ་ཤོག༔ ཝཱཀ་ཨ་བྷི་ཥིཉྩ་ཨཱཿ ཧཱུྃ༔ སྟོང་ཉིད་ཆོས་ཀྱི་རྡོ་རྗེའི་སྒྲ༔ སྙིང་རྗེའི་དབྱངས་ཀྱི་ཡན་ལག་རྫོགས༔ མཁའ་ཁྱབ་འགྲོ་ལ་སྙོམས་བརྡལ་བའི༔ བདེ་ཆེན་ཐུགས་ཀྱི་དབང་ཐོབ་ཤོག༔ ཙིཏྟ་ཨ་བྷི་ཥིཉྩ་ཧཱུྃ༔ ཧྲཱིཾཿ ནང་དུ་ཟག་མེད་ཡོན་ཏན་གསལ༔ མཚོན་བྱེད་དོན་དང་རིན་ཆེན་གྱི༔ རྒྱན་དང་ཆས་ཀྱི་མངའ་གསོལ་བས༔ བྲལ་སྨིན་དཔལ་དང་ལྡན་པར་ཤོག༔ ཨཱ་ལངྐ་ར་ཨ་བྷི་ཥིཉྩ་ཧོཿ ཧཱུྃ༔ དགའ་བ་ཆེན་པོ་འཇམ་པའི་དཔལ༔ ཆགས་པ་ཆེན་པོའི་དབྱངས་ཀྱི་རྒྱལ༔ བདེ་བ་ཆེན་པོའི་རྗེས་ཆགས་པའི༔ གསང་བ་ཆེན་པོའི་དབང་བསྐུར་རོ༔ གུ་ཧྱ་ཨ་བྷི་ཥིཉྩ་ཨཱཿ སྟོང་པའི་དབྱིངས་ལ་བདེ་བ་ཤར༔ ངོས་གཟུང་བྲལ་བའི་ཡེ་ཤེས་ལ༔ རྟག་ཏུ་མཉམ་སྦྱོར་ཕོ་ཉའི་ལམ༔ རྡོ་རྗེ་གསང་བའི་དབང་སྦྱིན་ནོ༔ པྲཛྙཱ་ཛྙཱ་ན་ཨ་བྷི་ཥིཉྩ་ཧཱུྃ༔ ཧཱུྃ༔ ཡེ་ཤེས་རྣམ་པ་ཐམས་ཅད་ལ༔ གདོད་ནས་འཁྲུལ་པ་མེད་པར་བཞུགས༔ རང་ངོ་ཤེས་པའི་དོན་རྟོགས་ན༔ ངེས་པ་དོན་གྱི་དབྱངས་ཅན་ནོ༔ དྷརྨ་དྷཱ་ཏུ་ཧོ༔ རྗེས་ཀྱི་རིམ་པ་སྤྱི་ལྟར་བྱ༔ འདི་ཉིད་ལམ་གྱི་སྣོད་རུང་གྱུར༔ ས་མ་ཡ༔ རྒྱ་རྒྱ་རྒྱ༔ ཞེས་པའང་གྲུབ་དབང་ནམ་མཁའི་དབང་དཔེ་རྒྱུན་མ་རྙེད་པས་གསར་སྤྲོས་སུ་རྩ་གསུམ་བླ་མའི་བྱིན་རླབས་ལས་གང་ཤར་གར་དབང་མདོ་སྔགས་གླིང་པས་གསར་སྤྲོས་བགྱིས་པ་དགེ་ལེགས་འཕེལ། མངྒ་ལཾ། དགེའོ།། །།

[edit]

\u0f01\u0f83\u0f7f__yang zab bde chen dpal mo'i thugs kyi me long las:_dbyangs can dmar mo'i gsang sgrub yid bzhin 'phrul mdzod kyi dbang chog bde chen dpal 'dzin bzhugs:_ \u0f01\u0f83:_bde stong don gyi dbyangs can lhar:_btud nas de yi dbang sbyin ni:_dkyil 'khor bkod legs mdzes pa'i steng:_bum pa thod pa bcud ldan steng:_sin+d+hU'i me long shel rdo brtsegs:_sku sngags phyag mtshan pi wang dang:_dar dang thig le rgyan bcas bshams:_phyi nang mchod bshams bdag mdun gyi:_gzhung bsrangs bsnyen sgrub bum bzlas bya:_mchod bstod 'od zhu bdag 'jug blangs:_slob ma khrus dbyung lo rgyus dang:_maN+Dal phul la gsol ba gdab:_kye ho:_thugs rje'i gter chen bla ma dang:_dbyer med rgyal yum dbyangs can mar:_rtse gcig gus pas gsol 'debs na:_sku gsung thugs kyi byin rlabs stsol:_skyabs sems rgyud sbyangs sdom pa bzung:_lhar bskyed byin dbab brtan par bya:_dang po bum pa'i dbang sbyin pa:_hU~M:_rin chen bum pa bcud dang ldan:_dbyings rig ye shes bdud rtsi dpal:_shes rab dpal mo'i byin rlabs kyis:_dbang skur rdo rje'i dbyings grol shog:_ka la sha a b+hi Shiny+tsa oM:_hrIH_snang stong gnyis med rdo rje'i sku:_rgyal kun yum chen dbyangs can gyis:_ye shes sku yi byin brlabs pas:_mkha' khyab nam mkha'i sku thob shog:_kA ya a b+hi Shiny+tsa oM:_AH_zab cing rgya che'i chos kyi sgra:_rdo rje dbyangs kyi yan lag rdzogs:_mi shig sngags kyi mdzod gtad pas:_dngos grub spyod la dbang thob shog:_wAka a b+hi Shiny+tsa AH_hU~M:_stong nyid chos kyi rdo rje'i sgra:_snying rje'i dbyangs kyi yan lag rdzogs:_mkha' khyab 'gro la snyoms brdal ba'i:_bde chen thugs kyi dbang thob shog:_tsit+ta a b+hi Shiny+tsa hU~M:_hrIMH_nang du zag med yon tan gsal:_mtshon byed don dang rin chen gyi:_rgyan dang chas kyi mnga' gsol bas:_bral smin dpal dang ldan par shog:_A lang+ka ra a b+hi Shiny+tsa hoH_hU~M:_dga' ba chen po 'jam pa'i dpal:_chags pa chen po'i dbyangs kyi rgyal:_bde ba chen po'i rjes chags pa'i:_gsang ba chen po'i dbang bskur ro:_gu h+ya a b+hi Shiny+tsa AH_stong pa'i dbyings la bde ba shar:_ngos gzung bral ba'i ye shes la:_rtag tu mnyam sbyor pho nya'i lam:_rdo rje gsang ba'i dbang sbyin no:_pradz+nyA dz+nyA na a b+hi Shiny+tsa hU~M:_hU~M:_ye shes rnam pa thams cad la:_gdod nas 'khrul pa med par bzhugs:_rang ngo shes pa'i don rtogs na:_nges pa don gyi dbyangs can no:_d+harma d+hA tu ho:_rjes kyi rim pa spyi ltar bya:_'di nyid lam gyi snod rung gyur:_sa ma ya:_rgya rgya rgya:_zhes pa'ang grub dbang nam mkha'i dbang dpe rgyun ma rnyed pas gsar spros su rtsa gsum bla ma'i byin rlabs las gang shar gar dbang mdo sngags gling pas gsar spros bgyis pa dge legs 'phel/_mang+ga laM/_dge'o//_//