JKW-KABAB-10-THA-001

🚧 This website is under continued development. We appreciate your patience!

First text in volume. Back to Volume PageNext Text

དཔལ་རྡོ་རྗེ་ཕག་མོ་དཀར་མོའི་སྒྲུབ་ཐབས་ཡེ་ཤེས་འཁོར་ལོ་ཞེས་བྱ་བ་གསང་བ་ཆེན་པོའི་ཐུགས་ཏིག

Wylie title	dpal rdo rje phag mo dkar mo'i sgrub thabs ye shes 'khor lo zhes bya ba gsang ba chen po'i thugs tig
Location	mkhyen brtse'i bka' babs Volume 10, Text 1, Pages 1-93 (Folios 1a to 47a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	གར་དབང་ལས་འཕྲོ་གླིང་པ་, འཇམ་དབྱངས་མཁྱེན་བརྩེའི་དབང་པོ་ (gar dbang las 'phro gling pa, 'jam dbyangs mkhyen brtse'i dbang po)
Citation	'jam dbyangs mkhyen brtse'i dbang po. dpal rdo rje phag mo dkar mo'i sgrub thabs ye shes 'khor lo zhes bya ba gsang ba chen po'i thugs tig. In Rdzong sar 'jam dbyangs mkhyen brtse'i dbang po'i bka' babs, Vol. 10: 1-93. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Revelations - gter ma  ·  Root Treasure - gter gzhung
Cycle	ཕག་དཀར་ཡེ་ཤེས་འཁོར་ལོ་གསང་ཆེན་ཐུགས་ཏིག་ (phag dkar ye shes 'khor lo gsang chen thugs tig)
Deity	phag dkar
Karchag page	JKW-KABAB-Volume-10-THA-Karchag
RTZ	In the Rinchen Terdzö: https://rtz.tsadra.org/index.php/Terdzo-CI-014
Colophon	Treasure colophon: དེ་ལྟ་བུའི་རྡོ་རྗེ་ཕག་མོ་དཀར་མོའི་སྒྲུབ་ཐབས་ལམ་གྱི་རིམ་པ་ཟབ་ཅིང་འདྲིལ་བ་ཐུགས་ཀྱི་ཐིག་ལེའི་བཅུད་ཕྱུང་བ་འདི་ནི༔ དཔལ་གྱི་བསམ་ཡས་མཆིམས་ཕུ་ནགས་ཀྱི་དུར་ཁྲོད་ཆེན་པོར་དུས་གསུམ་སངས་རྒྱས་ཐམས་ཅད་ཀྱི་ངོ་བོ་མ་ཧཱ་གུ་རུ་པདྨ་བཛྲ་གྱིས༔ རྗེ་མངའ་བདག་ཡབ་སྲས་དང་༔ ལོ་ཙཱ་བ་ཆེན་པོ་བཻ་རོ་ཙ་ན༔ འབྲོག་མི་དཔལ་གྱི་ཡེ་ཤེས༔ ལོ་ཆུང་དཀོན་མཆོག་འོད༔ ཨཱ་ཙརྻ་དྲན་པ་ཡེ་ཤེས༔ བདག་བུད་མེད་མཚོ་རྒྱལ་སོགས་སྐལ་ལྡན་འདུས་པ་རྣམས་ལ་རྫུ་འཕྲུལ་གྱི་བཀོད་པ་བསམ་གྱིས་མི་ཁྱབ་པས་དབང་བསྐུར༔ རྒྱུད་བཤད༔ གདམས་ངག་རྒྱས་འབྲིང་བསྡུས་པ་སྙིང་པོའི་ཚུལ་དུ་སྐད་ཅིག་གིས་བཀའ་སྩལ་ནས་སླར་ཡང་འདི་སྐད་ཅེས་རྗེས་སུ་གདམས་པར་མཛད་དོ༔ ཨེ་མ་འདུས་པའི་འཁོར་རྣམས་ཉོན༔ རང་བྱུང་པདྨ་བཛྲ་བདག༔ ཆོས་སྐུ་བཟང་མོའི་ཀློང་དུ་འཁྱིལ༔ ལོངས་སྐུའི་ཕག་མོར་བདེ་བས་རོལ༔ སྤྲུལ་སྐུ་འགྲོ་བ་འདུལ་བའི་ཕྱིར༔ ཛམྦུའི་གླིང་དུ་འཆར་བ་ན༔ སྣང་ཚུལ་ཙམ་གྱི་ཐབས་མཁས་པས༔ པཎ་གྲུབ་རྣམས་ལ་གདམས་ངག་ནོས༔ དབེན་པའི་གནས་སུ་རྩེ་གཅིག་བསྒྲུབས༔ རིག་པ་འཛིན་པ་ཐོབ་ཚུལ་བསྟན༔ ཁྱད་པར་དུར་ཁྲོད་བསིལ་བའི་ཚལ༔ དཔའ་བོ་ཌཱ་ཀིའི་འདུན་ས་ཆེར༔ བཅོམ་ལྡན་ཕག་མོའི་ཞལ་བསྟན་ཅིང་༔ རྒྱུད་དང་གདམས་པ་རྒྱ་ཆེར་སྩལ༔ སྙིང་པོ་རྡོ་རྗེའི་ཚིག་འདི་གསུངས༔ རྡོ་རྗེ་ཕག་མོའི་སྐུ་གསུང་ཐུགས༔ ཡོན་ཏན་ཕྲིན་ལས་ཡེ་ཤེས་བསྒྲུབ༔ སྨིན་ཅིང་དག་པའི་ཐབས་དང་བཅས༔ དངོས་གྲུབ་རྣམ་གཉིས་རྩོལ་མེད་འབྱུང་༔ ཞེས་གསུངས་བདེ་སྟོང་ངང་དུ་བཞུགས༔ ལྷན་སྐྱེས་ལས་ཀྱི་དབང་མོ་ཆེས༔ དེ་དོན་རྒྱས་པར་མཚོན་པའི་དོན༔ འདིར་ནི་ཟབ་ཅིང་འདྲིལ་བར་བསྟན༔ འདི་ལྟར་ཉམས་སུ་ལེན་པའི་བུ༔ རང་བྱུང་པདྨ་བདག་ཉིད་དང་༔ དཔའ་བོ་མཁའ་འགྲོས་བྱིན་བརླབས་པས༔ རྩ་ཁམས་རླུང་ལ་ཡེ་ཤེས་འཕེལ༔ མཐར་ཐུག་འབྲས་བུ་མྱུར་དུ་འགྲུབ༔ གནས་སྐབས་ལས་ཀུན་ཐོགས་པ་མེད༔ རང་གཞན་དོན་གཉིས་ལྷུན་གྲུབ་འགྱུར༔ ས་མ་ཡ༔ དེ་ལྟ་བུ་ཡི་ཟབ་མོའི་དོན༔ རྒྱས་པར་བུམ་ཐང་ལུང་པར་སྦས༔ ལོ་ཙཱ་ཆེ་མཆོག་བྱིན་རླབས་སྤྲུལ༔ ཁྱུང་པོ་དཔལ་གྱི་མིང་གིས་འདོན༔ སྦས་ཚུལ་འགྲོ་དོན་ཅུང་ཟད་བྱེད༔ རང་ཉམས་བླངས་པས་ཡེ་ཤེས་སྨིན༔ འབྲིང་པོ་ཁ་རག་ཕུག་ཏུ་སྦས༔ དཔལ་གྱི་ཡེ་ཤེས་རྣམ་པར་འཕྲུལ༔ བདེ་ཆེན་གླིང་པའི་སྐལ་བར་འགྱུར༔ རང་གཞན་དོན་གཉིས་ཅི་རིགས་འབྱུང་༔ བསྡུས་པ་འདི་ནི་ཡུལ་དབུས་ལྷོ༔ པདྨ་བརྩེགས་པའི་ཕུག་པར་སྦས༔ དཀོན་མཆོག་འོད་ཀྱི་སྐྱེ་བའི་མཐས༔ མ་འགགས་རྫུ་འཕྲུལ་སྤྱོད་པས་བཏོན༔ རྒྱ་ཆེའི་སྙན་བརྒྱུད་ཟབ་དོན་ལ༔ བརྟེན་ནས་རང་གཞན་དཔལ་དུ་འགྱུར༔ ཟབ་ཏིག་ཡེ་ཤེས་འཁོར་ལོ་འདི༔ སླར་ཡང་འདབས་གཏེར་ཚུལ་དུ་སྦོས༔ ནམ་ཞིག་རྩུབས་འགྱུར་འཇིགས་པའི་དུས༔ མངའ་བདག་ཡབ་སྲས་ཐུགས་བསྐྱེད་ལས༔ བདག་གིས་བྱིན་བརླབས་རིག་པ་འཛིན༔ སྒྱུ་མ་ལྟ་བུའི་སྐྱེས་བུ་ནི༔ ཚེ་འདིའི་ལྟོས་ཐག་ཆོད་པ་ལས༔ སུ་དང་མི་མཐུན་ཡན་གར་བ༔ རྒྱུད་ཚོད་སུས་ཀྱང་དཔག་དཀའ་བ༔ མ་འགགས་ཤེས་རབ་ཐོད་རྒལ་ཅན༔ པདྨ་འོད་གསལ་མདོ་སྔགས་གླིང་༔ བཀའ་བབས་ཆུ་བོ་བདུན་གྱི་བདག༔ སྒྲ་སྒྲོགས་རྒྱལ་པོ་ལྕགས་ཀྱི་ལོ༔ མཁའ་འགྲོའི་མིང་པོ་དཔའ་བོ་ཆེར༔ གཏེར་བདག་ཌཱ་ཀིའི་ཚོགས་རྣམས་ཀྱིས༔ བརྡ་ཡི་ཤོག་སེར་དངོས་སུ་གཏད༔ དོན་གྱི་བྱིན་རླབས་བདག་གིས་སྩལ༔ ཚིག་གི་གདམས་པའི་སྨིན་དང་གྲོལ༔ དཀོན་མཆོག་འོད་ཀྱི་སྤྲུལ་པས་སྟོན༔ གདམས་སྐོར་རྣམ་བཞིའི་དོན་བརྒྱུད་རྫོགས༔ རྒྱུ་རྐྱེན་རྟེན་འབྲེལ་ཚོགས་པ་ལས༔ རྩོལ་མེད་གཏན་ལ་ཕབ་ནས་ཀྱང་༔ བཻ་རོ་དཔལ་སེང་མཆོག་གི་དབྱངས༔ གནུབས་ཀྱི་དགེ་སློང་རིག་སྔགས་འཆང་༔ བདུད་འཇོམས་དྲན་པ་ཡེ་ཤེས་སོགས༔ སྤྲུལ་པའི་རིག་འཛིན་གཙོར་གྱུར་པའི༔ སྐལ་ལྡན་འགའ་ཞིག་དོན་དུ་འགྱུར༔ སྙིང་པོའི་མན་ངག་དམ་རྫས་བཅས༔ ལྷོ་བྲག་བན་པའི་རི་སུལ་སྦོས༔ འདམ་སྐྱེས་པདྨ་ལྟ་བུ་ཡི༔ མཆོག་གི་མིང་ཅན་སྐྱེས་བུས་འདོན༔ རྟེན་འབྲེལ་གཞན་དབང་མ་གྱུར་ན༔ རང་གཞན་འབྲེལ་ཚད་དོན་དུ་འགྱུར༔ ས་མ་ཡ༔ རྡོ་རྗེ་སྟོང་ཉིད་ནམ་མཁའི་དཀྱིལ༔ ཕག་མོ་བདེ་ཆེན་སྐུ་རུ་ཤར༔ དེ་ཡི་གོ་འཕང་སྒྲུབ་པའི་ཐབས༔ མི་ཟད་རྒྱན་གྱི་ཡེ་ཤེས་ལྔ༔ ལམ་ཁྱེར་ཏིང་འཛིན་འཁོར་ལོ་ནི༔ རྒྱུན་མི་ཆད་པར་བསྐོར་བ་ལས༔ གཟུང་འཛིན་དྲྭ་བ་ཐུག་ཕྲད་གཅོད༔ ལྷ་དང་བདེ་ཆེན་བྱང་ཆུབ་སེམས༔ དབྱེར་མེད་དྷཱུ་ཏིར་སྨིན་པ་ལས༔ ཐུན་མོང་ཕྲིན་ལས་རྩོལ་མེད་འབྱུང་༔ མཆོག་གི་དངོས་གྲུབ་ཕྱག་རྒྱ་ཆེ༔ ཡེ་ཤེས་སྒྱུ་མ་མྱུར་དུ་འགྲུབ༔ དེ་ཕྱིར་སྙིང་ལས་གཅེས་པར་ཟུང་༔ ཐོས་དོན་རྩེ་གཅིག་ཉམས་སུ་ལོངས༔ འབྲེལ་ཚད་དོན་ལྡན་ཨེ་མ་ཧོ༔ ཞེས་བཀའ་སྩལ་པ་ལྟར་གཏེར་གནས་སོ་སོར་རྒྱ་རིམ་པ་བདུན་གྱིས་བཏབ་ནས་སྦས་ཤིང་༔ བཀའ་གཏེར་སྲུང་མ་རྣམས་ལ་གཉེར་ཏུ་གཏད་པ་སྟེ༔ མ་འོངས་སྐལ་ལྡན་ལུང་འཛིན་པའི༔ སྐྱེས་བུ་རྣམས་དང་འཕྲད་ནས་ཀྱང་༔ ཕྱི་ནང་བར་ཆད་ཀུན་ཞི་ཞིང་༔ དངོས་གྲུབ་ཡེ་ཤེས་རྒྱས་པར་ཤོག༔ ས་མ་ཡ༔ རྒྱ་རྒྱ་རྒྱ༔ ༡༢༣༤༥༦༧༨༩༠༔ གཏེར་རྒྱ༔ སྦས་རྒྱ༔ ཟབ་རྒྱ༔ གཉན་རྒྱ༔ གཏད་རྒྱ༔ གསང་རྒྱ༔ གུ་ཧྱ་ས་མ་ཡ་རྒྱ་རྒྱ་རྒྱ༔ Revealer colophon: རྨད་དུ་བྱུང་བའི་གསང་བ་རྡོ་རྗེ་ཕག་མོའི་སྒྲུབ་ཐབས་ཡེ་ཤེས་འཁོར་ལོ་འདི༔ ལོ་ཆུང་དཀོན་མཆོག་འོད་ཀྱི་སྐྱེ་མཐའ་ཨེ་སྦེལ་ལྕོག་ལས་འཕྲོ་གླིང་པས༔ རབ་བྱུང་དགུ་པའི་མཐར་ཡར་ཀླུང་ཤེལ་བྲག་པདྨ་བརྩེགས་པ་ནས་མ་འགགས་རྫུ་འཕྲུལ་གྱི་རོལ་པས་སྤྱན་དྲངས༔ གསང་བའི་ཐུགས་དམ་དུ་མཛད༔ སླར་ཤོག་སེར་ལུང་བྱང་ལྟར་འདབས་གཏེར་དུ་བཞུགས་པ་ཆོས་བདག་མཁའ་འགྲོའི་འདུ་བས༔ གཏེར་སྟོན་གྱི་མིང་མ་བཏགས་ཀྱང༌། རང་བྱུང་ཆེན་པོ་པདྨ་ཡབ་ཡུམ་གྱི་བྱིན་རླབས་ལས་ཤོག་སེར་བསྒྱུར་བ་ལ་སྤོབས་པ་མི་ཞུམ་པའི་ཁོ་བོ་པདྨ་འོད་གསལ་མདོ་སྔགས་གླིང་པ་ལ་མདོངས་གསོལ་དུ་སྤྲད་པ་ལས། རབ་ཚེས་ལྕགས་ཕོ་འབྲུག་གི་ལོའི་ཆོ་འཕྲུལ་ཟླ་བར་གཏན་ལ་ཕབ་ནས་རེ་ཞིག་གསང་བའི་རྒྱས་བཏབ༔ སླར་ཤིང་སྤྲེལ་རྒྱལ་ཟླ་བར་ལོ་ཆེན་བཻ་རོ་དངོས་བྱོན་ཨོ་རྒྱན་འཆི་མེད་བསྟན་གཉིས་གླིང་པ་སོགས་མཆོག་གི་འདུས་པ་རྣམས་ལ་རིམ་པར་སྤེལ་བའི་བརྒྱུད་པའི་ངེས་པའང་གཏེར་གཞུང་རྩ་བའི་དགོངས་པ་ལྟར། ཆོས་སྐུ་ཀུན་བཟང་རྡོ་རྗེ་འཆང་ལོངས་སྐུ་འཁོར་ལོ་བདེ་མཆོག །སྤྲུལ་སྐུ་རྡོ་རྗེ་ཕག་མོ། །ཡེ་ཤེས་ཀྱི་མཁའ་འགྲོ་མ་ལས་ཀྱི་དབང་མོ། །ཨོ་རྒྱན་པདྨ་བཛྲ། རྒྱལ་ཡུམ་ཡེ་ཤེས་མཚོ་རྒྱལ། མངའ་བདག་རྗེ་འབངས་འདུས་པ། སྤྲུལ་པའི་གཏེར་སྟོན་ཁྱུང་པོ་དཔལ་དཔེ། །སྤྲུལ་སྐུ་བདེ་ཆེན་གླིང་པ། མཆོག་ལྡན་མདོ་སྔགས་གླིང་པ། གར་དབང་ལས་འཕྲོ་གླིང་པ། དེས་བདག་ལ་ཉམས་དང་རྨི་ལམ་གྱི་ཚུལ་དུ་སྨིན་གྲོལ་གྱི་གདམས་པས་བྱིན་གྱིས་བརླབས་ཤིང་ཆོས་སྒོ་དབྱེ་བར་རྗེས་སུ་གནང་བ་སྩལ་བའོ། །སརྦ་དཱ་མངྒ་ལཾ་བྷ་བ་ཏུ།།
	Treasure colophon: de lta bu'i rdo rje phag mo dkar mo'i sgrub thabs lam gyi rim pa zab cing 'dril ba thugs kyi thig le'i bcud phyung ba 'di ni:__dpal gyi bsam yas mchims phu nags kyi dur khrod chen por dus gsum sangs rgyas thams cad kyi ngo bo ma hA gu ru pad+ma badz+ra gyis:__rje mnga' bdag yab sras dang :__lo tsA ba chen po bai ro tsa na:__'brog mi dpal gyi ye shes:__lo chung dkon mchog 'od:__A tsar+Ya dran pa ye shes:__bdag bud med mtsho rgyal sogs skal ldan 'dus pa rnams la rdzu 'phrul gyi bkod pa bsam gyis mi khyab pas dbang bskur:__rgyud bshad:__gdams ngag rgyas 'bring bsdus pa snying po'i tshul du skad cig gis bka' stsal nas slar yang 'di skad ces rjes su gdams par mdzad do:__e ma 'dus pa'i 'khor rnams nyon:__rang byung pad+ma badz+ra bdag:__chos sku bzang mo'i klong du 'khyil:__longs sku'i phag mor bde bas rol:__sprul sku 'gro ba 'dul ba'i phyir:__dzam+bu'i gling du 'char ba na:__snang tshul tsam gyi thabs mkhas pas:__paN grub rnams la gdams ngag nos:__dben pa'i gnas su rtse gcig bsgrubs:__rig pa 'dzin pa thob tshul bstan:__khyad par dur khrod bsil ba'i tshal:__dpa' bo DA ki'i 'dun sa cher:__bcom ldan phag mo'i zhal bstan cing :__rgyud dang gdams pa rgya cher stsal:__snying po rdo rje'i tshig 'di gsungs:__rdo rje phag mo'i sku gsung thugs:__yon tan phrin las ye shes bsgrub:__smin cing dag pa'i thabs dang bcas:__dngos grub rnam gnyis rtsol med 'byung :__zhes gsungs bde stong ngang du bzhugs:__lhan skyes las kyi dbang mo ches:__de don rgyas par mtshon pa'i don:__'dir ni zab cing 'dril bar bstan:__'di ltar nyams su len pa'i bu:__rang byung pad+ma bdag nyid dang :__dpa' bo mkha' 'gros byin brlabs pas:__rtsa khams rlung la ye shes 'phel:__mthar thug 'bras bu myur du 'grub:__gnas skabs las kun thogs pa med:__rang gzhan don gnyis lhun grub 'gyur:__sa ma ya:__de lta bu yi zab mo'i don:__rgyas par bum thang lung par sbas:__lo tsA che mchog byin rlabs sprul:__khyung po dpal gyi ming gis 'don:__sbas tshul 'gro don cung zad byed:__rang nyams blangs pas ye shes smin:__'bring po kha rag phug tu sbas:__dpal gyi ye shes rnam par 'phrul:__bde chen gling pa'i skal bar 'gyur:__rang gzhan don gnyis ci rigs 'byung :__bsdus pa 'di ni yul dbus lho:__pad+ma brtsegs pa'i phug par sbas:__dkon mchog 'od kyi skye ba'i mthas:__ma 'gags rdzu 'phrul spyod pas bton:__rgya che'i snyan brgyud zab don la:__brten nas rang gzhan dpal du 'gyur:__zab tig ye shes 'khor lo 'di:__slar yang 'dabs gter tshul du sbos:__nam zhig rtsubs 'gyur 'jigs pa'i dus:__mnga' bdag yab sras thugs bskyed las:__bdag gis byin brlabs rig pa 'dzin:__sgyu ma lta bu'i skyes bu ni:__tshe 'di'i ltos thag chod pa las:__su dang mi mthun yan gar ba:__rgyud tshod sus kyang dpag dka' ba:__ma 'gags shes rab thod rgal can:__pad+ma 'od gsal mdo sngags gling :__bka' babs chu bo bdun gyi bdag:__sgra sgrogs rgyal po lcags kyi lo:__mkha' 'gro'i ming po dpa' bo cher:__gter bdag DA ki'i tshogs rnams kyis:__brda yi shog ser dngos su gtad:__don gyi byin rlabs bdag gis stsal:__tshig gi gdams pa'i smin dang grol:__dkon mchog 'od kyi sprul pas ston:__gdams skor rnam bzhi'i don brgyud rdzogs:__rgyu rkyen rten 'brel tshogs pa las:__rtsol med gtan la phab nas kyang :__bai ro dpal seng mchog gi dbyangs:__gnubs kyi dge slong rig sngags 'chang :__bdud 'joms dran pa ye shes sogs:__sprul pa'i rig 'dzin gtsor gyur pa'i:__skal ldan 'ga' zhig don du 'gyur:__snying po'i man ngag dam rdzas bcas:__lho brag ban pa'i ri sul sbos:__'dam skyes pad+ma lta bu yi:__mchog gi ming can skyes bus 'don:__rten 'brel gzhan dbang ma gyur na:__rang gzhan 'brel tshad don du 'gyur:__sa ma ya:__rdo rje stong nyid nam mkha'i dkyil:__phag mo bde chen sku ru shar:__de yi go 'phang sgrub pa'i thabs:__mi zad rgyan gyi ye shes lnga:__lam khyer ting 'dzin 'khor lo ni:__rgyun mi chad par bskor ba las:__gzung 'dzin drwa ba thug phrad gcod:__lha dang bde chen byang chub sems:__dbyer med d+hU tir smin pa las:__thun mong phrin las rtsol med 'byung :__mchog gi dngos grub phyag rgya che:__ye shes sgyu ma myur du 'grub:__de phyir snying las gces par zung :__thos don rtse gcig nyams su longs:__'brel tshad don ldan e ma ho:__zhes bka' stsal pa ltar gter gnas so sor rgya rim pa bdun gyis btab nas sbas shing :__bka' gter srung ma rnams la gnyer tu gtad pa ste:__ma 'ongs skal ldan lung 'dzin pa'i:__skyes bu rnams dang 'phrad nas kyang :__phyi nang bar chad kun zhi zhing :__dngos grub ye shes rgyas par shog:__sa ma ya:__rgya rgya rgya:__1234567890:__gter rgya:__sbas rgya:__zab rgya:__gnyan rgya:__gtad rgya:__gsang rgya:__gu h+ya sa ma ya rgya rgya rgya:_ Revealer colophon: rmad du byung ba'i gsang ba rdo rje phag mo'i sgrub thabs ye shes 'khor lo 'di:__lo chung dkon mchog 'od kyi skye mtha' e sbel lcog las 'phro gling pas:__rab byung dgu pa'i mthar yar klung shel brag pad+ma brtsegs pa nas ma 'gags rdzu 'phrul gyi rol pas spyan drangs:__gsang ba'i thugs dam du mdzad:__slar shog ser lung byang ltar 'dabs gter du bzhugs pa chos bdag mkha' 'gro'i 'du bas:__gter ston gyi ming ma btags kyang*/__rang byung chen po pad+ma yab yum gyi byin rlabs las shog ser bsgyur ba la spobs pa mi zhum pa'i kho bo pad+ma 'od gsal mdo sngags gling pa la mdongs gsol du sprad pa las/__rab tshes lcags pho 'brug gi lo'i cho 'phrul zla bar gtan la phab nas re zhig gsang ba'i rgyas btab:__slar shing sprel rgyal zla bar lo chen bai ro dngos byon o rgyan 'chi med bstan gnyis gling pa sogs mchog gi 'dus pa rnams la rim par spel ba'i brgyud pa'i nges pa'ang gter gzhung rtsa ba'i dgongs pa ltar/__chos sku kun bzang rdo rje 'chang longs sku 'khor lo bde mchog__/sprul sku rdo rje phag mo/__/ye shes kyi mkha' 'gro ma las kyi dbang mo/__/o rgyan pad+ma badz+ra/__rgyal yum ye shes mtsho rgyal/__mnga' bdag rje 'bangs 'dus pa/__sprul pa'i gter ston khyung po dpal dpe/__/sprul sku bde chen gling pa/__mchog ldan mdo sngags gling pa/__gar dbang las 'phro gling pa/__des bdag la nyams dang rmi lam gyi tshul du smin grol gyi gdams pas byin gyis brlabs shing chos sgo dbye bar rjes su gnang ba stsal ba'o/__/sarba dA mang+ga laM b+ha ba tu//

Tibetan Text

Wylie

[edit]

༁ྃ༔ དཔལ་རྡོ་རྗེ་ཕག་མོ་དཀར་མོའི་སྒྲུབ་ཐབས་ཡེ་ཤེས་འཁོར་ལོ་ཞེས་བྱ་བ་གསང་བ་ཆེན་པོའི་ཐུགས་ཏིག་བཞུགས་སོ༔ ༡༢༣༤༥༦༧༨༩༡༠༔ རྒྱ་གར་སྐད་དུ༔ ཤྲཱི་བཛྲ་ཝཱ་རཱ་ཧཱི་ཛྙཱ་ན་ཙཀྲ་ནོ་པི་ཀ་ནཱ་མ༔ བོད་སྐད་དུ༔ དཔལ་རྡོ་རྗེ་ཕག་མོའི་སྒྲུབ་ཐབས་ཡེ་ཤེས་འཁོར་ལོ་ཞེས་བྱ་བ༔ ཤྲཱི་ཧེ་རུ་ཀ་ལ་ཕྱག་འཚལ་ལོ༔ ཆོས་སྐུ་ཀུན་བཟང་རྡོ་རྗེ་འཆང་༔ ལོངས་སྐུ་དཔལ་ལྡན་བདེ་བའི་མཆོག༔ སྤྲུལ་པའི་གར་མཛད་ཝཱ་རཱ་ཧཱི༔ ལས་ཀྱི་དབང་ཆེན་མཁའ་འགྲོའི་གཙོ༔ དེ་དག་རྣམས་ལས་རིམ་འོངས་པའི༔ སྙན་བརྒྱུད་མན་ངག་སྙིང་པོའི་དོན༔ ཕག་མོ་དཀར་མོའི་སྒྲུབ་པའི་ཐབས༔ པདྨ་བཛྲ་བདག་གིས་བཤད༔ ས་མ་ཡ༔ དཔལ་རྡོ་རྗེ་ཕག་མོ་དཀར་མོའི་སྒྲུབ་པའི་ཐབས་གསང་བ་ཆེན་པོ་ཡེ་ཤེས་ཀྱི་འཁོར་ལོ་འདི་ལ་དོན་བདུན་ལས༔ དང་པོ་སྐུ་བསྐྱེད་རིམ་ཕྱག་རྒྱའི་སྒྲུབ་ཐབས་ནི༔ དབང་གིས་རྒྱུད་སྨིན་ཅིང་དམ་ཚིག་དག་པའི་རྣལ་འབྱོར་པས་དུར་ཁྲོད་ལ་སོགས་པ་དབེན་ཞིང་ཟིལ་ཆེ་བའི་གནས་སུ༔ སྒྲུབ་པའི་ཁང་པ་བྱི་དོར་བྱ་ཞིང་བདུད་རྩི་ལྔའི་ཆུས་ཆག་ཆག་གདབ༔ མཎྜལ་གྱི་གཞིར་མཚན་མའི་དཀྱིལ་འཁོར་ཇི་ལྟར་རིགས་པ་འདུ་བྱས་པའི་ཁར་མཉྫིའི་སྟེང་དུ་ཐོད་པ་མཚན་ལྡན་ནང་སྒྲུབ་པའི་དཔལ་གཏོར་བརྗིད་དང་ལྡན་པ་བྲིས་སྐུ་དང་སྔགས་བྱང་བརྒྱན་ཅིང་དར་གདུགས་ཀྱིས་སྤྲས་པ་དང་༔ དེའི་མདུན་དུ་སྨན་གཏོར་རཀྟ་མཆོད་པའི་ཡོ་བྱད་ཅི་འབྱོར་པ་བཤམ༔ རང་ཉིད་སྐྲ་གྲོལ་ཞིང་ཁ་ནུབ་ཏུ་ཕྱོགས་པས་ལྷག་པའི་ལྷ་དང་བླ་མ་དབྱེར་མེད་པར་ཤེས་པ་ལ་མོས་འདུན་དྲག་པོ་རྩེ་གཅིག་པས་རྒྱུད་སྦྱང་བ་ནི༔ ཚོགས་ཤིང་མཁའ་ཁྱབ་ཏུ་སད་པའི་སྤྱན་སྔར༔ ན་མོ༔ བདག་དང་མཐའ་ཡས་སེམས་ཅན་ཀུན༔ དུས་འདི་ནས་བཟུང་བྱང་ཆུབ་བར༔ ཕྱོགས་བཅུར་བཞུགས་པའི་བླ་མ་དང་༔ ཡི་དམ་ལྷ་དང་མཁའ་འགྲོ་ལ༔ གུས་པས་ཕྱག་འཚལ་སྐྱབས་སུ་མཆི༔ དངོས་བཤམས་ཡིད་ལས་བྱུང་བ་ཡི༔ ཀུན་བཟང་མཆོད་སྤྲིན་རྒྱ་མཚོས་མཆོད༔ ཚེ་རབས་ཐོག་མེད་སྡིག་ལྟུང་དང་༔ དམ་ཚིག་ཉམས་ཆགས་སྙིང་ནས་བཤགས༔ དགེ་བ་ཀུན་ལ་ཡི་རངས་ཤིང་༔ ཆོས་ཀྱི་འཁོར་ལོ་བསྐོར་བ་དང་༔ མྱ་ངན་མི་འདར་བཞུགས་གསོལ་འདེབས༔ གཞན་དོན་རྫོགས་པའི་བྱང་ཆུབ་སེམས༔ དམ་པ་བདག་གིས་བསྐྱེད་པར་བགྱི༔ སྒོ་གསུམ་ལྷ་སྔགས་ཡེ་ཤེས་ལས༔ མི་འདའ་རྡོ་རྗེའི་སྡོམ་པ་གཟུང་༔ བསོད་ནམས་འདི་དང་གཞན་རྣམས་ཀུན༔ མ་ལུས་བློ་ཡིས་ཡོངས་བསྡོམས་ནས༔ ཆོས་ཀྱི་དབྱིངས་སུ་བསྔོས་པའི་མཐུས༔ འགྲོ་ཀུན་སངས་རྒྱས་མྱུར་ཐོབ་ཤོག༔ ཛཿཧཱུྃ་བྃ་ཧོཿས་ཚོགས་ཞིང་རྣམས་རང་ལ་ཐིམ་པར་བསམ༔ རྡོར་སེམས་སྒོམ་བཟླས་དང་བླ་མའི་རྣལ་འབྱོར་ལ་གནད་དུ་བསྣུན༔ དེ་ནས་བགེགས་བསྐྲད་ཅིང་མཚམས་བསྲུང་བ་ནི༔ རང་སྐད་ཅིག་གིས་དཔལ་ཧེ་རུ་ཀར་གསལ་བའི་ཐུགས་ཀ་ནས་ཧཱུྃ་གི་སྒྲས་ཁྲོ་བོའི་སྤྲིན་རབ་འབྱམས་སུ་སྤྲོས་ཏེ་རྣལ་འབྱོར་ཟབ་མོ་བསྒོམ་པ་ལ་བར་དུ་གཅོད་པའི་བགེགས་ཚོགས་རྣམས་རྒྱང་རིང་དུ་བསྐྲད་པར་བསམས་ལ་ཧཱུྃ་བཞི་པའི་སྔགས་བརྗོད༔ ཁྲོ་ཚོགས་རྣམས་སླར་འདུས་ཏེ་རང་ལ་ཐིམ་པ་འོད་དུ་ཞུ་བ་ལས་སྲུང་བའི་འཁོར་ལོ་རྩིབས་བཅུ་པ་ཡངས་ཤིང་རྒྱ་ཆེ་བ་གོ་སྐབས་མེད་པས་གཏམས་པའི་དབུས་སུ་རང་ཉིད་གཙུག་ཏོར་འཁོར་ལོས་སྒྱུར་བ༔ སྟེང་འོག་དང་ཕྱོགས་མཚམས་ཀྱི་རྩིབས་ལ་སྤྲུལ་པའི་ཁྲོ་བོ་བཅུ་རྔམས་བརྗིད་འབར་བ་དེའི་ཕྱི་རོལ་ཏུ་རྡོ་རྗེའི་རྭ་བ༔ མེའི་གུར༔ མདའི་དྲྭ་བ་རྣམས་ཀྱིས་བསྐོར་བ་བསྐལ་པའི་རླུང་གིས་ཀྱང་གཞོམ་ཞིང་གཞིག་པར་མི་ནུས་པའི་སྲུང་བའི་འཁོར་ལོ་གསལ་ཞིང་བརྟན་པར་བསམས་ལ༔ ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ༔ ཙཀྲ་བཛྲ་སཱ་ར་ཨ་ན་ལ་ཛྭ་ལ་སྃ་རཀྵ་རཀྵ་བྷྲཱུྃ༔ ཞེས་བརྟན་པར་བྱའོ༔ དེ་ནས་མཆོད་པའི་ཡོ་བྱད་རྣམས་ལ་དམིགས་ཏེ༔ ཧཱུྃ་ཧཱུྃ་ཧཱུྃ༔ ཞེས་བརྗོད་པས་བགེགས་བསང་ཞིང་སྟོང་པར་སྦྱང་༔ སྟོང་པའི་ངང་ལས་གནས་ཡུལ་དུར་ཁྲོད་ཞིང་གི་བཀོད་པ་འབྱམས་ཀླས་པའི་དབུས་སུ༔ ཕྱི་ནང་གསང་བའི་མཆོད་རྫས་སྟོང་པའི་རང་བཞིན༔ བདེ་བའི་རྣམ་པ༔ ཡེ་ཤེས་ཀྱི་རོལ་མོ་མཁའ་ཁྱབ་ཏུ་འཆར་བར་བསམས་ལ༔ ཨོཾ་བཛྲ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་བིདྱཱ་ཤཔྡ་ཨཱཿཧཱུྃ༔ ཨོཾ་པཉྩ་ཀཱ་མ་གུ་ན་ཨཱཿཧཱུྃ༔ ཨོཾ་བོདྡྷི་ཙིཏྟ་མ་ཧཱ་སུ་ཁ་ཧཱུྃ༔ ཨོཾ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཨཱཿཧཱུྃ༔ མ་ཧཱ་སུ་ཁ་ཛྙཱ་ན་བཛྲ་སྥ་ར་ཎ་ཁཾ༔ ཞེས་པས་བྱིན་གྱིས་བརླབས་ཤིང་རྒྱས་པར་སྤེལ༔ དངོས་གཞི་ནི༔ ཧཱུྃ་ཞེས་བརྗོད་པས་རང་ཉིད་གཙུག་ཏོར་འཁོར་ལོས་སྒྱུར་བ་འོད་དུ་ཞུ་བ་ལས་འབྱུང་བཞི་རིམ་བརྩེགས་རི་རབ་དང་བཅས་པའི་སྟེང་དུ་ཆོས་ཀྱི་འབྱུང་གནས་ཡངས་ཤིང་རྒྱ་ཆེ་བའི་ཕྱི་རོལ་ཏུ་དུར་ཁྲོད་ཆེན་པོ་བརྒྱད་ཀྱིས་ཡོངས་སུ་བསྐོར་བའི་ལྟེ་བར་སྣ་ཚོགས་པད་ཉི་འཇིགས་བྱེད་དུས་མཚན་དང་བཅས་པའི་གདན་གྱི་སྟེང་དུ་རང་སེམས་གཉུག་མ་མི་ཤིགས་པའི་ཐིག་ལེ་ཧྲཱིཿཡིག་དཀར་གསལ་ཡོངས་སུ་གྱུར་པ་ལས་སྐད་ཅིག་གིས་བཅོམ་ལྡན་འདས་མ་སྐུ་མདོག་སྟོན་ཀའི་ཟླ་བ་ལྟར་རབ་ཏུ་དཀར་ཞིང་དྭངས་བའི་མདངས་དང་ལྡན་པ༔ ཞི་ཞིང་འཛུམ་ལ་ཅུང་ཟད་ཁྲོ་བོའི་ཉམས་དང་བཅས་རྗེས་སུ་ཆགས་པའི་གཟི་བྱིན་ཆེས་ཆེར་འབར་བ༔ རྣ་ལྟག་གཡས་སུ་ཕག་ཞལ་ནག་པོ་ངུར་སྒྲ་སྒྲོགས་པས་ས་གསུམ་གཡོ་བ༔ ཞལ་གཅིག་ཕྱག་གཉིས་སྤྱན་གསུམ་མཆེ་བའི་མྱུ་གུ་བཞི་གཙིགས་པ༔ ཕྱག་གཡས་པས་འཁོར་ལོས་མཚན་པའི་གྲི་གུག་ནམ་མཁར་འཕྱར་བས་གཟུང་འཛིན་གྱི་རྣམ་རྟོག་གཅོད་ཅིང་༔ གཡོན་ཐོད་པ་བདུད་བཞིའི་ཁྲག་གིས་གང་བ་ཐུགས་ཀར་བསྣམས་པས་བདེ་ཆེན་ཡེ་ཤེས་ཀྱི་རྒྱུན་འབེབས་པ༔ གྲུ་མོ་གཡོན་དུ་ཡབ་ཧེ་རུ་ཀ་སྦས་པའི་ཚུལ་གྱིས་རྡོ་རྗེའི་ཁ་ཊཱྃ་གའི་རྣམ་པར་འཆང་བས་བདེ་སྟོང་གཉིས་སུ་མེད་པ༔ དབུ་སྐྲ་ཐོར་ཅོག་སྤྱི་བོར་བཅིངས་པའི་རྩེར་འཁོར་ལོས་མཚན་ཅིང་ལྷག་མ་སིལ་བུར་གྲོལ་བས་སྐུ་སྐེད་ཡན་ཆད་ཁེབས་པ༔ ནུ་འབུར་མཁྲེགས་ཤིང་གསང་བའི་པདྨོ་རྒྱས་པ༔ ཐོད་པ་སྐམ་པོ་ལྔས་དབུ་བརྒྱན་ཅིང་སྐམ་པོ་ལྔ་བཅུའི་དོ་ཤལ་ཅན༔ རུས་པའི་ཕྱག་རྒྱ་ལྔ་དང་དར་དཔྱངས་ཀྱིས་བརྒྱན་པ༔ ཞབས་གཡས་པ་སྐུམས་ཤིང་གཡོན་བརྐྱངས་པའི་གར་སྟབས་ཀྱིས་ཡེ་ཤེས་ཀྱི་མེ་འབར་བའི་དབུས་ན་ཞུགས་པའི་སྙིང་གའི་དབུས་སུ་རང་འདྲ་བའི་ཡེ་ཤེས་སེམས་པ་མཚོན་གང་བ༔ དེའི་ཐུགས་ཀར་ཉི་ཟླའི་གའུ་ཁ་སྦྱོར་ཧྲཱིཿ དཀར་པོས་མཚན་པ་ལ་སེམས་གཏད་པས་བདེ་བ་ཆེན་པོའི་ཡེ་ཤེས་བསམ་གྱིས་མི་ཁྱབ་པ་སྐྱེས་པའི་རྐྱེན་གྱིས་དེ་ལས་འོད་ཟེར་འཕྲོས༔ ལུས་ཀྱི་ནང་ཐམས་ཅད་མུན་ཁུང་དུ་སྒྲོན་མེ་བཏེགས་པ་ལྟར་གསལ་བར་བྱས༔ དེའི་རྐྱེན་གྱིས་སྐད་ཅིག་གིས་སྙིང་གའི་ནང་སྐོར་གྱི་རྩ་འདབ་བཞི་ལ་སྙིང་པོའི་རྣལ་འབྱོར་མ་བཞི༔ ཕྱི་སྐོར་བརྒྱད་ལ་སྒོ་མཚམས་མ་བརྒྱད༔ སྤྱི་བོ་ལ་སོགས་པའི་རྩ་མདུད་རྣམས་སུ་ཡུལ་ཉི་ཤུ་རྩ་བཞིའི་རྣལ་འབྱོར་མ་རྣམས་དང་༔ གཞན་ཡང་རྩ་ཁམས་ཐམས་ཅད་དཔའ་བོ་དང་མཁའ་འགྲོའི་ཚོགས་ཀྱིས་ཡོངས་སུ་གང་བ་གདོད་ནས་ལྷུན་གྲུབ་ཏུ་བཞུགས་པར་གསལ་གདབ༔ ལྷ་རྣམས་ཀྱི་སྤྱི་བོར་ཨོཾ་དཀར་པོ༔ མགྲིན་པར་ཨཱཿདམར་པོ༔ ཐུགས་ཀར་ཧཱུྃ་སྔོན་པོ༔ ལྟེ་བར་ཧོཿསེར་པོ་རྣམས་ཀྱིས་མཚན་པ་ལས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡེ་ཤེས་རྡོ་རྗེའི་བདག་ཉིད་དུ་བསམས་ལ༔ ཨོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཡ་ཝཱ་ཀ་ཙིཏྟ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧྃ༔ ཞེས་ང་རྒྱལ་གཟུང་༔ མིག་གྱེན་དུ་བལྟ་ཞིང་འབར་བའི་རྒྱ་དང་བཅས་ཕཻཾ་ཞེས་དྲག་ཏུ་བརྗོད་པས་ཡེ་ཤེས་ཀྱི་འཁོར་ལོ་མཁའ་ཁྱབ་ཏུ་སད་པར་བསམས་ལ༔ ཨོཾ༔ སྟོང་པ་ཤིན་ཏུ་ཡོད་མེད་ལས༔ ཡེ་ཤེས་སྒྱུ་མའི་ཕྱག་རྒྱར་བཞེངས༔ དམ་ཚིག་ཆེན་པོའི་དཀྱིལ་འཁོར་འདིར༔ བྱིན་གྱིས་རློབ་ཕྱིར་གཤེགས་སུ་གསོལ༔ ཨོཾ་བཛྲ་བྷཱ་རཱ་ཧཱི་ས་པ་རི་ཝཱ་ར་ཨེ་ཧྱེ་ཧི༔ ཞེས་པས་སྤྱན་དྲང་༔ བཛྲ་ཛྙཱ་ན་ས་མ་ཡ་ཛཿཧཱུྃ་བྃ་ཧོཿས་བསྟིམ༔ སླར་ཡང་ཕཻཾ་ཞེས་པས་དབང་ལྷ་ནམ་མཁའ་གང་བར་སྤྱན་དྲངས་པ་རྣམས་ཀྱིས་བྱང་ཆུབ་སེམས་ཀྱི་བདུད་རྩིའི་སྤྲིན་ཆེན་པོས་མངོན་པར་དབང་བསྐུར་བས་ཐ་མལ་སྣང་ཞེན་གྱི་དྲི་མ་དག༔ བདེ་བ་མཆོག་གི་ཡེ་ཤེས་མངོན་དུ་བྱས༔ ཆུ་ལྷག་མ་སྤྱི་བོར་བརྟན་པ་ལས་རྣམ་པར་སྣང་མཛད་ཀྱིས་དབུ་བརྒྱན་པར་བསམས་ལ༔ ཨོཾ་བཛྲ་ཨ་བྷི་ཥིཉྩ་མ་ཧཱ་སུ་ཁ་སུ་ར་སྟྭཾ་ཨ་ཧཾ༔ ཞེས་བརྗོད༔ ཐུགས་ཀ་ནས་སྤྲུལ་པའི་ཕྱི་ནང་གི་མཆོད་པའི་ལྷ་མོ་རྣམས་ཀྱིས་མངོན་པར་མཆོད་ཅིང་བསྟོད་པས་བདེ་ཆེན་ཡེ་ཤེས་ཀྱི་གཟི་བྱིན་སྤེལ་བར་བསམས་ལ༔ ཨོཾ་ཤྲཱི་བཛྲ་རཱ་ག་པུཥྤཾ༔ དྷཱུ་པཾ༔ དཱི་པཾ༔ གནྡྷཾ༔ ནཻ་བིདྱཾ༔ ཤཔྡ་པྲ་ཏཱིཙྪ་ཨཱཿཧཱུྃ༔ པཉྩ་ཀཱ་མ་གུ་ཎ་ས་མ་ཡ་ཧོ༔ བོ་དྷི་ཙིཏྟ་མ་ཧཱ་སུ་ཁ་ས་མ་ཡ་སྟྭཾ༔ སརྦ་པཉྩ་ཨ་མྲྀ་ཏ་ཨོཾ་ཨཱཿཧཱུྃ༔ རཀྟ་པི་པ་ཧོ༔ ཨི་དཾ་བ་ལིཾ་གྲྀཧྞ་བྷཱུཉྫ་ཧོ༔ ཨོཾཿ བཅོམ་ལྡན་རྡོ་རྗེ་ཕག་མོ་ནི༔ ཟླ་བ་ལྟར་དཀར་རྗེས་ཆགས་ཉམས༔ ཡེ་ཤེས་གཟི་བྱིན་ཆེར་འབར་བ༔ ཁམས་གསུམ་དབང་ཕྱུག་མ་ལ་བསྟོད༔ དེ་ནས་ཐོག་མར་ཕྱི་དབྱིབས་ཀྱི་ལྷ་སྐུ་དང་༔ རིམ་པར་ནང་རྩ་ཁམས་ལྷར་གསལ་བ་ལ་སེམས་རྩེ་གཅིག་ཏུ་གཟུང་༔ གསལ་སྣང་སྐྱེས་པ་ན་རང་བཞིན་གཉུག་མའི་ཡེ་ཤེས་དང་བསྲེས་ནས་ང་རྒྱལ་བརྟན༔ ཕྱི་ནང་གི་རྡོ་རྗེ་ཕག་མོ་ལ་སོགས་པའི་ལྷ་རྣམས་སངས་རྒྱས་ཆོས་ཀྱི་སྐུའི་ཡེ་ཤེས་མངོན་པར་བྱང་ཆུབ་པའི་ཆོས་སོ་བདུན་གྱི་ངོ་བོར་རྣམ་པར་དག་ཅིང་༔ མངོན་པར་བྱང་ཆུབ་པའི་ཆོས་ཐམས་ཅད་ཀྱང་ལྷ་སོ་བདུན་གྱི་རྣམ་པར་ཤར་བ་དང་༔ ཡེ་ཤེས་ཀྱི་རང་རྩལ་མཁའ་ཁྱབ་ཏུ་འཕྲོ་བའི་བདག་ཉིད་ཅན་དུ་ཤེས་པར་བྱས་ལ་དག་པ་རབ་འབྱམས་ཀྱི་རྩལ་སྦྱང་ངོ་༔ དེ་ནི་སྐུ་བསྐྱེད་རིམ་བསྙེན་པའི་རྣལ་འབྱོར་ཞེས་བྱའོ༔ ས་མ་ཡ༔ གཉིས་པ་གསུང་བཟླས་པ་སྔགས་ཀྱི་སྒྲུབ་ཐབས་ནི༔ ཡེ་ཤེས་སེམས་མའི་ཐུགས་ཀར་ཉི་ཟླའི་གྭ་འུ་ཁ་སྦྱོར་གྱི་ལྟེ་བར་ཧྲཱིཿདཀར་པོ་མར་མེ་ལྟར་འབར་བའི་མཐར་སྔགས་ཀྱི་ཕྲེང་བ་གཡོན་སྐོར་དུ་འཁོད་པར་མོས་ལ༔ ཡིད་མིག་རླུང་གསུམ་ནང་དུ་གཏད་དེ་སེམས་རྩེ་གཅིག་ཏུ་འཛིན་བཞིན་པས༔ ཨོཾ་སརྦ་བུདྡྷ་ཌཱ་ཀི་ནཱི་ཡེ་ཧཱུྃ་ཕཊ་སྭཱ་ཧཱ༔ ཞེས་འབུམ་ཕྲག་བཞི་བཟླ་བ་ནི་བསྙེན་པའོ༔ ཐུགས་ཀའི་སྔགས་ཕྲེང་ལས་སྔགས་ཕྲེང་གཉིས་པ་བྱུང་༔ ཞལ་ནས་ཐོན༔ ཡབ་ཧེ་རུ་ཀའི་ངོ་བོ་ཁ་ཊྭཱྃ་གའི་རྩེ་མོ་ནས་ཞུགས༔ བདེ་བ་ཆེན་པོའི་གཟི་བྱིན་འབར༔ རྩ་བ་ནས་བརྒྱུད་གསང་བའི་པདྨོ་ནས་གྱེན་དུ་བྱུང་༔ དེ་ལྟར་བར་མ་ཆད་པར་འཁོར་བས་མཆོག་ཏུ་མི་འགྱུར་བའི་ཡེ་ཤེས་བརྟན་པར་བསམས་ལ༔ ཨོཾ་སརྦ་བུདྡྷ་ཌཱ་ཀི་ནཱི་ཡེ་མ་ཧཱ་སུ་ཁ་ཛྙཱ་ན་ཧཱུྃ་ཕཊ་སྭཱ་ཧཱ༔ འབུམ་ཕྲག་གཉིས་བཟླ་བ་ནི་སྒྲུབ་པའོ༔ སླར་ཡང་སྔགས་ཕྲེང་ལས་བདེ་བ་ཆེན་པོའི་ཡེ་ཤེས་ཀྱི་འོད་ཟེར་རབ་ཏུ་འབར་བས་འཁོར་འདས་ཀྱི་ཁམས་ཐམས་ཅད་ཁྱབ་ཅིང་གཡོས༔ རྩ་གསུམ་རྒྱལ་བ་རབ་འབྱམས་ཀྱི་བྱིན་རླབས་བསྡུས་ཏེ་བདག་ལ་ཐིམ༔ ཁམས་གསུམ་གྱི་འགྲོ་ཀུན་སྒྲིབ་གཉིས་བག་ཆགས་དང་བཅས་པ་བསྲེགས་ཤིང་སྦྱངས༔ དྭངས་མ་རྡུལ་ཕྲན་འོད་གསལ་གྱི་ཡེ་ཤེས་ལྷ་སྔགས་ཆོས་སྐུའི་ཕྱག་རྒྱར་སད༔ ཕོ་ཉ་གསུམ་གྱི་བྱིན་རླབས་དང་ནུས་སྟོབས་ཐམས་ཅད་རང་ལ་ཐིམ་པས་མཁའ་སྤྱོད་ཆེན་པོའི་ཡེ་ཤེས་ལ་དབང་བསྒྱུར༔ འདུལ་ཐབས་བཞིའི་ཕྲིན་ལས་ཐམས་ཅད་ལྷུན་གྱིས་གྲུབ་པར་བསམས་ལ༔ ཨོཾ་སརྦ་བུདྡྷ་ཌཱ་ཀི་ནཱི་ཡེ་མ་ཧཱ་སུ་ཁ་སརྦ་སིདྡྷི་ཨཱ་བེ་ཤ་ཡ་ཨ་ཨཱཿ ཞེས་འབུམ་ཕྲག་གཅིག་བཟླ་བ་ནི་ལས་སྦྱོར་ཏེ་ཡེ་ཤེས་ལ་དབང་བར་འགྱུར་རོ༔ དེ་ནི་གསུང་བཟླས་པ་ཉེར་བར་བསྙེན་པའི་རྣལ་འབྱོར་རོ༔ ས་མ་ཡ༔ གསུམ་པ་ཐུགས་རྫོགས་རིམ་དེ་ཁོ་ན་ཉིད་ཀྱི་སྒྲུབ་པའི་ཐབས་ལ༔ སྔོན་འགྲོ༔ དངོས་གཞི༔ རྗེས་སོ༔ དང་པོ་སྔོན་དུ་འགྲོ་བ་ནི༔ དབང་ཐོབ་ཅིང་དམ་ཚིག་དག་པའི་རྣལ་འབྱོར་པས་གནས་དབེན་པར་འདུ་འཛི་དང་རྣམ་གཡེང་ཐམས་ཅད་སྤངས་ཏེ༔ ཉེ་བར་ཞི་བའི་ཡིད་ཀྱིས་ངེས་འབྱུང་གི་ཤུགས་དྲག་ཏུ་བསྐྱེད་ལ་བློ་བཀོལ་དུ་བཏུབ་པ་ན༔ མདུན་གྱི་ནམ་མཁར་སྐྱབས་ཡུལ་གསལ་བཏབ་ལ་རྒྱུད་སྦྱོང་བའི་རིམ་པ་ནན་ཏན་ཏུ་བྱ༔ མཐར་སྐྱབས་ཡུལ་རང་ལ་བསྟིམ༔ རང་གི་སྤྱི་བོར་སེང་གེས་བཏེག་པའི་རིན་པོ་ཆེའི་ཁྲི་པདྨ་དང་ཟླ་བའི་གདན་གྱི་སྟེང་དུ་རྩ་བའི་བླ་མ་རིགས་ཐམས་ཅད་ཀྱི་ཁྱབ་བདག་དཔལ་རྡོ་རྗེ་སེམས་དཔའ་ཧེ་རུ་ཀ་སྐུ་མདོག་དཀར་པོ་རྡོ་རྗེ་དང་དྲིལ་བུ་འཛིན་པས་ཡུམ་རྡོ་རྗེ་སྙེམས་མ་གྲི་ཐོད་འཛིན་པ་དང་མཉམ་པར་སྦྱོར་བ༔ དར་དང་རིན་པོ་ཆེ་དང་རུས་པའི་རྒྱན་གྱིས་བརྒྱན་པ༔ ཞབས་རྡོ་རྗེ་དང་པདྨའི་སྐྱིལ་མོ་ཀྲུང་གིས་མཉམ་པར་སྦྱོར་བའི་ཡབ་ཀྱི་ཐུགས་ཀར་ཟླ་བའི་སྟེང་དུ་ཧཱུྃ་དཀར་པོ་ལས་འོད་ཟེར་འཕྲོས༔ ཕྱོགས་བཅུ་དུས་བཞིའི་བླ་མ་ཡི་དམ་སངས་རྒྱས་བྱང་སེམས་དཔའ་བོ་དང་རྣལ་འབྱོར་མ་ཐམས་ཅད་ཀྱི་ཐུགས་ཀ་དང་སྦྱོར་མཚམས་ནས་ཡེ་ཤེས་ཀྱི་བདུད་རྩི་སྤྱན་དྲངས༔ ཧཱུྃ་ལ་ཐིམ་པས་བྱིན་རླབས་དང་གཟི་བརྗིད་འོད་དུ་འབར་བར་བསམ༔ ཨོཾ༔ བླ་མ་ཁྱབ་བདག་རྡོ་རྗེ་སེམས༔ སྐྱབས་གནས་ཀུན་འདུས་བདག་ལ་དགོངས༔ བདག་གི་ཚེ་རབས་ཐོག་མེད་ནས༔ བསགས་པའི་སྡིག་ལྟུང་ཉམས་ཆགས་ཀུན༔ མི་འཆབ་མི་སྦེད་སྙིང་ནས་བཤགས༔ སླན་ཆད་སྡོམ་པར་དམ་བཅའ་ན༔ ཡེ་ཤེས་བདུད་རྩིའི་ཆུ་རྒྱུན་གྱིས༔ དག་ཅིང་ཚངས་པར་སྩལ་དུ་གསོལ༔ ཞེས་གསོལ་བ་བཏབ་པས་ཐུགས་ཀའི་ཧཱུྃ་ལས་བདུད་རྩིའི་རྒྱུན་བྱུང་༔ རང་གི་སྤྱི་བོ་ནས་ཞུགས༔ ལུས་ཀྱི་ནང་གང་༔ ནད་གདོན་སྡིག་སྒྲིབ་བག་ཆགས་དང་བཅས་པ་བྱང་ཞིང་དག་པར་བསམས་ལ་ཡི་གེ་བརྒྱ་པ་ཅི་ནུས་བཟླས་མཐར་བཤགས་སྡོམ་དང་བཅས་རང་ལ་བསྟིམ༔ ཁྱད་པར་བྱིན་རླབས་གནད་འབེབས་ཀྱི་རྣལ་འབྱོར་ནི༔ རང་མདུན་ནམ་མཁའ་འོད་ལྔའི་ཀློང་༔ སེང་ཁྲི་པདྨ་ཉི་ཟླའི་སྟེང་༔ རྩ་བའི་བླ་མ་རྡོ་རྗེ་འཆང་༔ མཐིང་གསལ་རྡོར་དྲིལ་ཡུམ་དང་འཁྲིལ༔ དར་དང་རིན་ཆེན་རྒྱན་གྱིས་སྤྲས༔ ཞབས་ཟུང་རྡོ་རྗེའི་སྐྱིལ་ཀྲུང་གིས༔ ཡེ་ཤེས་འོད་ལྔའི་ཀློང་ན་བཞུགས༔ སྐུ་ནི་དགེ་འདུན་གསུང་དམ་ཆོས༔ ཐུགས་ནི་གདོད་ནས་རྫོགས་སངས་རྒྱས༔ ཕུང་ཁམས་སྐྱེ་མཆེད་ཡི་དམ་ལྷ༔ དཔའ་བོ་མཁའ་འགྲོ་ཆོས་སྲུང་ཚོགས༔ སྐྱབས་ཀུན་འདུས་པའི་ངོ་བོར་གྱུར༔ ཅེས་གསལ་བཏབ་ལ་ཚོགས་བསག་པའི་སླད་དུ་མཎྜལ་འབུལ་བ་ནི༔ ཨོཾ་ཨཱཿཧཱུྃ༔ ཕྱི་ལྟར་སྣོད་བཅུད་བཀོད་པ་རྫོགས༔ ནང་དུ་ལུས་དང་ལོངས་སྤྱོད་རྒྱན༔ གསང་བ་བྱང་སེམས་མཎྜ་ལ༔ འབུལ་ལོ་བྱིན་རླབས་དངོས་གྲུབ་སྩོལ༔ རཏྣ་མཎྜལ་པཱུ་ཛ་ཧོ༔ མོས་གུས་དྲག་པོས་གསོལ་བ་གདབ་པ་ནི༔ རྩ་བའི་བླ་མ་རྡོ་རྗེ་འཆང་༔ སྐྱབས་གནས་ཀུན་འདུས་བདག་ཉིད་ལ༔ སྙིང་ནས་གུས་པས་གསོལ་བ་འདེབས༔ དབང་དང་བྱིན་རླབས་དངོས་གྲུབ་སྩོལ༔ ཞེས་བརྒྱ་སྟོང་སོགས་དང་༔ ཨོཾ་ཨཱཿཧཱུྃ་མ་ཧཱ་གུ་རུ་བཛྲ་དྷ་ར་ཛྙཱ་ན་སིདྡྷི་ཧཱུྃ༔ ཞེས་བཟླས་མཐར་དབང་བླང་བ་ནི༔ བླ་མ་ཡབ་ཡུམ་སྦྱོར་མཚམས་ནས༔ ཡེ་ཤེས་བདུད་རྩིའི་ཆར་རྒྱུན་བབས༔ རང་གི་གནས་བཞིའི་འཁོར་ལོ་གང་༔ སྒྲིབ་བཞི་དག་ཅིང་དབང་བཞི་ཐོབ༔ དགའ་བཞིའི་ཡེ་ཤེས་རྒྱུད་ལ་སྐྱེས༔ སྐུ་བཞི་ཐོབ་པའི་རྟེན་འབྲེལ་བསྒྲིགས༔ མཐར་ནི་རང་ཐིམ་གཉིས་མེད་གྱུར༔ ཅེས་དམིགས་པ་གསལ་བཏབ་ལ༔ ཐུགས་ཡིད་བསྲེས་ཏེ་རིག་པ་མ་བཅོས་སྤྲོ་བསྡུ་བྲལ་བའི་ངང་བསྐྱངས་ཏེ་མཉམ་པར་བཞག༔ འདི་རྣམས་རྟགས་ཐོན་པར་ཉམས་སུ་བླང་ངོ་༔ གཉིས་པ་དངོས་གཞི་ལ་བཞི༔ བཀོད་པ་རྩའི་རྣལ་འབྱོར༔ གཡོ་བ་རླུང་གི་རྣལ་འབྱོར༔ དྭངས་མ་ཐིག་ལེའི་རྣལ་འབྱོར༔ དེ་ཁོ་ན་ཉིད་ཡེ་ཤེས་ཀྱི་རྣལ་འབྱོར་རོ༔ དེ་ལ་བསྐྱེད་བཟླས་ཀྱི་གསལ་སྣང་ཐོན་པས༔ དང་པོ་བཀོད་པ་རྩའི་རྣལ་འབྱོར་ནི༔ བདེ་བའི་སྟན་ལ་ལུས་གནད་ཤིན་ཏུ་དྲང་པོར་བསྲང་༔ མིག་བར་སྣང་ལ་ཧ་རེ་གཏད༔ རླུང་རོ་བསལ༔ སེམས་རྟོག་མེད་ཀྱི་ངང་བསྐྱང་༔ དེའི་ངང་ལས་རང་ལུས་ཕག་མོའི་སྐུ་སྟོང་ར་འོད་ཀྱི་རང་བཞིན་ཅན་དུ་གསལ༔ རྩ་གསུམ་འཁོར་ལོ་བཞི་བཅས་དྭངས་ཞིང་རྙོགས་པ་མེད་པར་བསྒོམ༔ སྙིང་གའི་རྩ་འདབ་ཀྱི་དབུས་སུ་ཧྲཱི༔ ནང་སྐོར་གྱི་འདབ་བཞིར་མདུན་ནས་གཡོན་སྐོར་གྱིས་མཱྃ་ཏཱྃ་པཱྃ་ལཱྃ༔ ཕྱི་སྐོར་བརྒྱད་ལ་ཧཱུྃ༔ མགྲིན་པར་ཨཱྃ་དང་ཨཱ་ལི་བཅུ་དྲུག་གཡོན་སྐོར༔ སྤྱི་བོར་ཧྃ་དང་ཀཱ་ལི་སོ་གཉིས་གཡས་སྐོར༔ ལྟེ་བ་རཀྵཿདང་ཀཱ་ལི་སོ་གཉིས་ཚར་གཉིས་གཡས་སྐོར༔ སྤྱི་བོར་པཱུ༔ སྤྱི་གཙུག་ཏུ་ཛ༔ རྣ་བ་གཡས་པར་ཨོ༔ ལྟག་པར་ཨཿ རྣ་བ་གཡོན་པར་གོ༔ སྨིན་མའི་དབུས་སུ་ར༔ མིག་གཉིས་སུ་དེ༔ ཕྲག་པ་གཉིས་སུ་མ༔ མཆན་ཁུང་གཉིས་སུ་ཀ༔ ནུ་མ་གཉིས་སུ་ཨོ༔ ལྟེ་བར་ཏྲི༔ སྣ་རྩེར་ཀོ༔ ཡ་རྐན་ལ་ཀ༔ མགྲིན་པར་ལ༔ སྙིང་ལ་ཧི༔ མཚན་མ་ལ་པྲེ༔ བཤང་ལམ་དུ་གྲྀ༔ བརླ་ལ་སཽ༔ བྱིན་པ་ལ་སུ༔ རྐང་སོར་བརྒྱད་ལ་ནཱ༔ བོལ་གོང་ལ་སི༔ རྐང་པའི་མཐེ་བོ་གཉིས་ལ་མ༔ པུས་མོ་གཉིས་ལ་ཀུ༔ དེ་ཐམས་ཅད་ཀྱང་རྩ་མདུད་ཁམས་དང་བཅས་ངོ་བོ་ལྷ་ལ་རྣམ་པ་ཡི་གེའི་གཟུགས་བདེ་སྟོང་དབྱེར་མེད་མཚོན་པའི་ཕྱིར་དཀར་ལ་དམར་བའི་མདངས་འོད་འཚེར་བ་གསལ་གདབ༔ རླུང་འཇམ་པོར་བཟུང་ནས་ཡིད་མིག་རླུང་གསུམ་སྙིང་གའི་ཧྲཱིཿལ་རྩེ་གཅིག་ཏུ་གཏད་པས་བདེ་བ་ཆེན་པོའི་ཡེ་ཤེས་བསམ་གྱིས་མི་ཁྱབ་པ་སྐྱེས༔ དེ་ལས་འོད་ཟེར་འཕྲོས་སྣ་བུག་གི་རླུང་དང་འགྲོགས་ཏེ་མཁའ་ཁྱབ་ཏུ་སྣང་བས་དེ་བཞིན་གཤེགས་པ་སྲས་དང་བཙུན་མོར་བཅས་པ་དང་༔ དཔའ་བོ་དང་རྣལ་འབྱོར་མ་ཐམས་ཅད་ལ་ཕོག་པས་ཐུགས་ཟག་མེད་ཀྱི་བདེ་བས་མཉེས༔ སྐུ་ཡེ་ཤེས་ཀྱི་གཟི་བྱིན་འབར་བའི་དྭངས་བཅུད་འོད་ཟེར་འཇའ་ཚོན་གྱི་རྣམ་པར་སྤྱན་དྲངས་ནས་སྙིང་གའི་ཧྲཱིཿལ་སིབ་སིབ་ཐིམ་ཞིང་གཟི་མདངས་ཆེར་འབར་བའི་འོད་ཀྱིས་རྩ་གནས་ཡི་གེའི་གཟུགས་སུ་གནས་པ་ཐམས་ཅད་ལ་ཁྱབ་པས་རྩ་ཁམས་ཀྱི་སྙིགས་མ་སྦྱངས༔ དྭངས་མ་གསལ་ཞིང་རྙོགས་པ་མེད་པ་འཇའ་ཚོན་གྱི་རྣམ་པ་ཅན་དུ་གྱུར་པར་བསམས་ལ་རླུང་འཇམ་པོར་བཟུང་༔ མཐར་དེ་རྣམས་ལས་འོད་ཟེར་འཇའ་ཚོན་ལྟ་བུ་བུན་གྱིས་ལངས་པས་ལུས་ཕྱི་ནང་གི་ཆ་ཤས་གང་ལ་རེག་པ་ཐམས་ཅད་འཇའ་ཚོན་གྱི་རྣམ་པ་ཅན་དུ་གྱུར༔ དེ་རྣམས་རིམ་གྱིས་འདུས་ཏེ་སྙིང་གའི་ཧྲཱིཿལ་ཐིམ༔ དེའང་ཡལ་གྱིས་ཡལ་བར་བསམས་ལ་དམིགས་བསམ་བརྗོད་བྲལ་ནམ་མཁའ་ལྟ་བུའི་ངང་དུ་ཆམ་མེར་བཞག༔ སླར་ཡང་དྭངས་མའི་ཆུ་ལས་ཉ་འཕར་བ་ལྟར་སྔར་བཞིན་གསལ་བཏབ་ནས་འོད་ཟེར་སྤྲོ་བསྡུ་སོགས་བྱ༔ ཐུན་མཚམས་རྣམས་སུ་རྩ་མདུད་གྲོལ་བའི་འཁྲུལ་འཁོར་ཡང་ཅི་རིགས་པར་བྱའོ༔ དེ་ལྟར་ཉམས་སུ་བླངས་པས་གནས་སྐབས་སུ་ལུས་ཀྱི་ནད་རྙིང་པར་འབྱོངས༔ གསར་པ་མི་སྐྱེ༔ ཚེ་རིང་༔ རྒས་སྲ༔ ལུས་ཤིང་བལ་གྱི་འདབ་མ་ལྟར་ཡང་ཤིང་ཤིན་ཏུ་སྦྱངས་པའི་བདེ་བས་ཁྱབ༔ མཐར་ཐུག་རགས་ལུས་དྭངས་མར་གནས་གྱུར་ཏེ་ཡེ་ཤེས་ཀྱི་སྐུ་ཐོབ་པར་འགྱུར་རོ༔ གཉིས་པ་རླུང་གི་རྣལ་འབྱོར་ནི༔ ལུས་གནད་བསྲང་༔ རང་ལུས་རྩ་འཁོར་ཡི་གེ་དང་བཅས་པ་གསལ༔ རླུང་རོ་ཕྱིར་དྲག་ཏུ་བུས་པ་དང་མཉམ་ལུས་ཀྱི་རླུང་གི་སྙིགས་མ་ཐམས་ཅད་དུ་བའི་རྣམ་པས་འཚུབས་ཤིང་འཁྱིལ་བ་ཕྱིར་ཐོན་པར་བསམས་ལ་ཅུང་ཟད་ཕྱིར་འཛིན༔ དེ་ནས་སྟེང་རླུང་དལ་བུས་རྔུབས༔ འོག་རླུང་གྱེན་དུ་དྲངས༔ ལྟེ་བར་ཁ་སྦྱར༔ དགང་ཞིང་གཞིལ༔ མི་ཐུབ་ན་ཕྱིར་སངས་ཀྱིས་བུས་པ་དང་མཉམ་དུ་སྙིང་གའི་ཧྲཱིཿལས་ཡེ་ཤེས་ཀྱི་རླུང་འོད་ཟེར་ལྔ་ལྡན་གྱི་རྣམ་པས་ཕྱིར་ཐོན་པ་ལས་འོད་ཟེར་མཁའ་ཁྱབ་ཏུ་འཕྲོས༔ དེ་བཞིན་གཤེགས་པ་ཐམས་ཅད་དང་༔ དཔའ་བོ་དང་རྣལ་འབྱོར་མ་ཐམས་ཅད་ཀྱི་ཤངས་བུག་ནས་ཞུགས༔ སྐུ་ལ་གནས་པའི་ཡེ་ཤེས་ཀྱི་རླུང་དང་རོ་གཅིག་ཏུ་འདྲེས༔ ཟག་པ་མེད་པའི་བདེ་བ་བསྐྱེད༔ སླར་ཡང་ཡེ་ཤེས་ཀྱི་རླུང་འོད་ཟེར་ལྔ་ལྡན་གྱི་རྣམ་པས་ཤངས་བུག་ནས་ཐོན༔ རང་གི་སྣ་སྒོའི་རླུང་དང་རོ་གཅིག་ཏུ་དྲངས་ཏེ་ཁ་སྦྱར༔ ལྟེ་བའི་རླུང་གི་དྭངས་མ་སྙིང་གའི་ཧྲཱི༔ལ་ཐིམ༔ དེ་ལས་ཡེ་ཤེས་ཀྱི་རླུང་འོད་ཟེར་གྱི་རྣམ་པས་རྩ་གནས་ཐམས་ཅད་དུ་ཞུགས་ནས་རྩ་ཁམས་ཡི་གེ་དང་བཅས་པ་ཡེ་ཤེས་ཀྱི་རླུང་གིས་ཁྱབ༔ སྟོང་གསལ་མཆོག་གི་ཏིང་འཛིན་རྒྱུད་ལ་སྐྱེས༔ ཡེ་ཤེས་ཀྱི་རླུང་རྣམས་སྙིང་གའི་ཧྲཱིཿདང་དབྱེར་མེད་དུ་བཞུགས་པར་བསམས་ལ་བུམ་ཅན་ཅི་ནུས་འཛིན༔ དེ་ལྟ་བུའི་སྤྲོ་བསྡུའི་དམིགས་པ་རྩེ་གཅིག་པས་བུམ་ཅན་མཐར་མ་ཕྱིན་གྱི་བར་དུ་བསླབ༔ ཐུན་མཚམས་རྣམས་སུ་རླུང་གེགས་སེལ་བའི་འཁྲུལ་འཁོར་ཀྱང་བྱ༔ དེས་གནས་སྐབས་སུ་རླུང་ཟིན་པས་སེམས་ཟིན༔ འོད་གསལ་གྱི་རྟགས་འཆར༔ ཕྲ་ཡང་ལ་སོགས་པའི་ཡོན་ཏན་དང་ཚིག་གི་མཆོག་འགྲུབ༔ ལས་བཞི་རྩོལ་མེད་དུ་བྱེད༔ མཐར་ཐུག་ལས་རླུང་ཡེ་ཤེས་སུ་དག་པས་གསལ་སྟོང་མཆོག་གི་ཏིང་ངེ་འཛིན་སྐྱེ་ཞིང་༔ མི་ཤིགས་པ་ནཱ་དའི་སྒྲ་དབྱངས་ལ་དབང་སྒྱུར་བར་འགྱུར་རོ༔ གསུམ་པ་ཐིག་ལེའི་རྣལ་འབྱོར་ནི༔ ལུས་བསྲངས༔ རླུང་རོ་བསལ༔ རང་ལུས་རྩ་འཁོར་ཡི་གེ་དང་བཅས་པ་སྔར་བཞིན་དུ་གསལ༔ ལྷག་པར་ལྟེ་འོག་རྩ་གསུམ་འཛོམས་པར་དྲོད་ཀྱི་དྭངས་མ་ཙཎྜ་ལཱི་ཨ་ཐུང་ཤད་ཀྱི་རྣམ་པ་མེ་འབར་ལ་ཁད་པ་གསལ་གདབ༔ རླུང་སྦྱོར་བ་བཞི་ལྡན་དུ་བཟུང་བས་ཨ་ཤད་ལས་མེ་ཤིན་ཏུ་ཕྲ་བ་འབར༔ རིམ་གྱིས་བསགས་པས་ལྟེ་འོག་གི་རྩ་གསུམ་ནང་དམར་མེར་གྱིས་ཁེངས་པར་བསམ༔ དེ་ནི་གཞི་བཅའ་བའོ༔ དེ་ནས་མེ་དེ་ལས་དྭངས་མ་གློག་གི་ཟེར་མ་ལྟ་བུ་དམར་ཁྱུག་གིས་གཡས་རོ་མ་ནས་བརྒྱུད༔ སྣ་བུག་གི་རླུང་དང་འགྲོགས་ཏེ་ཕྱིར་ཐོན༔ མཁའ་ཁྱབ་ཀྱི་དེ་བཞིན་གཤེགས་པ་དང་དཔའ་བོ་དང་རྣལ་འབྱོར་མ་ཐམས་ཅད་ཀྱི་ཤངས་བུག་གཡོན་ནས་ཞུགས༔ སྐུ་ལ་གནས་པའི་ཡེ་ཤེས་ཀྱི་མེ་དང་འདྲེས༔ ཟག་མེད་ཀྱི་བདེ་ཆེན་བསྐྱེད༔ བདེ་ཆེན་ཡེ་ཤེས་ཀྱི་མེའི་དྭངས་བཅུད་ཤངས་བུག་གཡས་ནས་བརྒྱུད༔ རླུང་དང་འགྲོགས་ཏེ་རང་གི་སྣ་གཡོན་ནས་རྐྱང་མའི་ནང་བརྒྱུད་དེ་ལྟེ་བའི་མེ་ལ་ཐིམ་པས་ཡེ་ཤེས་ཀྱི་གཟི་བྱིན་ལྷག་པར་འབར་བར་བསམས་ལ་རླུང་བཟུང་༔ དེ་ནི་བྱིན་གྱིས་བརླབ་པའོ༔ དེ་ནས་ལྟེ་འོག་གི་གཏུམ་མོའི་མེ་ཆེར་འབར་བས་ལྟེ་བའི་རྩ་འཁོར་ནས་བཟུང་རྩ་ཁམས་ཡི་གེ་དང་བཅས་པ་ལ་རིམ་གྱིས་ཞུགས་ཁམས་སྙིགས་མ་རྣམས་བསྲེགས༔ དྭངས་མ་དངུལ་ཆུ་ལྟ་བུ་ལྷག་པར་འཕེལ༔ རྩ་སྦུབས་ཐམས་ཅད་མེས་ཁེངས་པ་ལས་མཆེད་དེ་ལུས་ཀྱི་ནང་དང་༔ ཕྱི་རོལ་གྱི་བར་དུ་མེ་འབར་བས་རང་ཉིད་རྩ་ཐིག་རླུང་སེམས་དང་བཅས་པ་དྲོད་ཀྱི་ཡེ་ཤེས་ལྷག་པར་འབར་ཞིང་སྐུ་མདོག་ཀྱང་ལྕགས་གོང་དཀར་པོ་མེར་བསྲེགས་པ་ལྟར་དཀར་ལ་དམར་མདངས་ལྷག་པར་འཚེར་བར་བསམ༔ དེ་ནི་གཏུམ་མོའི་མེ་སྦར་བའི་རིམ་པའོ༔ སླར་མེའི་དྭངས་མ་ཤིན་ཏུ་ཕྲ་ཞིང་ལྷག་པར་ཚ་བ་ཞིག་དམར་ཁྱུག་གིས་འཕྲོས་ཏེ་སྤྱི་བོའི་ཧྃ་ལ་རེག་པས་བདེ་ཕྲིལ་གྱིས་སོང་༔ དེ་ལས་བདེ་ཆེན་གྱི་རང་བཞིན་ཀུནྡའི་རྒྱུན་ཕྲ་བ་ནར་གྱིས་བབས་པས་མེ་མར་མནན༔ བདུད་རྩིས་སྤྱི་བོ་ནས་བཟུང་འཁོར་ལོ་བཞི་དང་ཡུལ་ཉེར་བཞིའི་རྩ་ཁམས་ཡི་གེ་ཐམས་ཅད་ལ་ཁྱབ་པས་དགའ་བ་བཞིའི་ཡེ་ཤེས་རྒྱུད་ལ་སྐྱེས་པར་མོས་ཏེ་རླུང་བཟུང་༔ དེ་ནི་ཐིག་ལེས་བདེ་བ་སྒྲུབ་པའི་རིམ་པའོ༔ སླར་ཡང་མེ་ཆེར་འབར་བ་དབུ་མའི་ལམ་ནས་ཐལ་གྱིས་སོང་༔ སྤྱི་གཙུག་ནས་ཐོན༔ བདེ་བར་གཤེགས་པ་དང་དཔའ་བོ་རྣལ་འབྱོར་མ་ཐམས་ཅད་ཀྱི་ཤངས་བུག་གཡོན་ནས་ཞུགས༔ ཡེ་ཤེས་ཀྱི་མེ་ལ་ཐིམ་པས་མཆོག་ཏུ་དགྱེས་ཤིང་འབར་བས་བྱང་ཆུབ་སེམས་བཞུ་བཏུལ་བདེ་བ་ཆེན་པོའི་རྒྱུན་ཤངས་བུག་གཡས་ནས་ཐོན༔ རང་གི་རླུང་དང་འགྲོགས་ཏེ་སྣ་བུག་གཡོན་བརྒྱུད་སྤྱི་བོའི་ཧྃ་ལ་རེག་པས་བདེ་ཆེན་བྱང་ཆུབ་སེམས་ཀྱི་ཡེ་ཤེས་ལྷག་པར་རྒྱས་པའི་དྭངས་མ་སྔར་བཞིན་བབས་པས་རྩ་ཐིག་ཡི་གེ་དང་བཅས་པ་ལ་ཁྱབ་ཅིང་མཆོག་ཏུ་མི་འགྱུར་བའི་དགའ་བ་བཞིའི་ཡེ་ཤེས་རྒྱུད་ལ་སྐྱེས་པར་བསམས་ལ་རླུང་བཟུང་༔ དེ་ནི་བདེ་བ་ཡེ་ཤེས་སུ་བྱིན་གྱིས་བརླབ་པའི་རིམ་པའོ༔ མཐར་ལུས་སེམས་ལ་བདེ་བའི་ཉམས་སྐྱེས་པ་ལ་ཡིད་གཏད༔ རླུང་དལ་བུས་བཟུང་༔ མིག་ནམ་མཁར་གཏད༔ སེམས་ཀྱིས་ཅིའང་ཡིད་ལ་མི་བྱཻད་པར་དུས་གསུམ་གྱི་སྤྲོས་པ་དང་བྲལ་བའི་ངང་བསྐྱང་༔ དེ་ནི་ཡེ་ཤེས་རྣམ་པར་མི་རྟོག་པའི་དེ་ཁོ་ན་ཉིད་དུ་ལ་བཟླ་བའི་རིམ་པའོ༔ དེ་ལྟར་སྒོམ་པའི་ཐུན་མཚམས་རྣམས་སུ་ཐིག་ལེ་དབབ་བཟློག་དགྲམ་པའི་འཁྲུལ་འཁོར་ཡང་བྱ་བ་གཅེས་སོ༔ ཐིག་ལེ་འཛིན་འགྲེམས་ལ་དབང་ཐོབ་ནས་གཞན་ལུས་ཕོ་ཉའི་མྱུར་ལམ་ཚུལ་བཞིན་དུ་ཉམས་སུ་བླངས་པས་ལྷན་ཅིག་སྐྱེས་པའི་བདེ་བ་མངོན་དུ་འགྱུར་རོ༔ དེས་ནི་གནས་སྐབས་སུ་དྲོད་དང་བདེ་བ་སྐྱེ༔ མི་རྟོག་པའི་གཞི་ཐིངས༔ གཏུམ་མོའི་གོས་དང་བདེ་བའི་ཏིང་འཛིན་གྱིས་འཚོ༔ སྣང་སེམས་རགས་པ་འདྲེས༔ འབྱུང་བཞི་ལ་དབང་བསྒྱུར་བའི་རྫུ་འཕྲུལ་དང་མངོན་པར་ཤེས་པ་ཐོབ༔ སྒྱུ་མ་འོད་གསལ་ལ་སོགས་པའི་ཏིང་ངེ་འཛིན་གྱི་སྒོ་མང་པོ་བྱེ༔ མཐར་ཐུག་ཐིག་ལེ་འཛག་མེད་དུ་འཆིང་ཞིང་ཟག་བྲལ་གྱི་ཡེ་ཤེས་མངོན་དུ་བྱས་པས་མི་འགྱུར་བའི་བདེ་བ་ཆེན་པོ་ལྷན་ཅིག་སྐྱེས་པའི་གནས་ལུགས་ལ་དབང་སྒྱུར་བར་འགྱུར་རོ༔ བཞི་པ་ཡེ་ཤེས་ཀྱི་རྣལ་འབྱོར་ནི༔ རང་ཉིད་ལྷ་སྐུ་བདེ་བ་ཆེན་པོའི་རང་བཞིན་རྩ་འཁོར་ཡི་གེ་དང་བཅས་པ་གསལ་བཞིན་པའི་སྙིང་གའི་ཧྲཱིཿལ་སེམས་རྩེ་གཅིག་ཏུ་གཏད༔ སེམས་དང་ཧྲཱིཿཡིག་དབྱེར་མེད་དུ་འདྲེས་པའི་ཉམས་སྐྱེས་པ་ན༔ དེ་ཀའི་ངང་དུ་མཚན་མ་དང་༔ རྣམ་པར་རྟོག་པ་དང་༔ ཡིད་ལ་བྱེད་པ་གཞན་ཐམས་ཅད་སྤངས་ཏེ་མི་ཤིགས་པའི་ཧྲཱིཿདང་མ་བཅོས་པའི་སེམས་གཉུག་མ་བྱ་རྩོལ་དང་བྲལ་བ་དབྱེར་མི་ཕྱེད་པའི་ངང་དུ་མཉམ་པར་བཞག་གོ༔ དེ་ནི་མཚན་མ་དང་བཅས་པའི་རྣལ་འབྱོར་རོ༔ དེ་ནས་ཧྲཱི་ལས་བདེ་བ་ཆེན་པོའི་འོད་ཟེར་འབར་བའི་མེ་ལྟ་བུ་མཁའ་ཁྱབ་ཏུ་འཕྲོས༔ སྣོད་བཅུད་ཐམས་ཅད་ཤིག་ཤིག་མེར་མེར་གཡོས༔ མ་དག་པའི་སྣང་ཞེན་བག་ཆགས་དང་བཅས་པ་སྦྱངས༔ དྭངས་མ་རྡུལ་བྲལ་གྱི་ཡེ་ཤེས་དག་པའི་ཞིང་དང་རྡོ་རྗེ་ཕག་མོའི་སྐུར་ལམ་སྟེ་གསལ་བ་ལ་སེམས་གཏད༔ མཐར་དེ་ཐམས་ཅད་འུབ་ཀྱིས་འདུས་ཏེ་རང་ལྷར་གསལ་བ་ལ་ཐིམ༔ རང་ཉིད་རྩ་ཐིག་ལེ་ཡི་གེ་རླུང་དང་བཅས་པ་སྙིང་གའི་དབུ་མའི་ཧྲཱིཿལ་འདུས༔ དེ་ལ་ཡུན་རིང་དུ་བློ་བཞག༔ མཐར་དེའང་མི་དམིགས་པར་གློག་ཡལ་བ་ལྟར་སྟོང་པར་སྦྱངས་ནས་སེམས་དང་སྟོང་པ་ནམ་མཁའ་དབྱེར་མི་ཕྱེད་པའི་ངང་༔ འདས་པ་ལ་འཕྲོ་མི་མཐུད༔ མ་འོངས་པའི་མདུན་མི་དྲངས༔ ད་ལྟར་གྱི་ཤེས་པ་ལ་རྟོག་དཔྱོད་ཀྱི་ལྷན་པ་མི་གདབ་པར་རང་བཞིན་གཉུག་མ་མ་བཅོས་པ་གསལ་ལ་རྟོག་མེད༔ བདེ་ལ་ཞེན་མེད༔ མི་རྟོག་པ་ལ་འཛིན་པ་མེད་པའི་ངང་དུ་མཉམ་པར་བཞག་གོ༔ དེ་ནི་མཚན་མ་མེད་པའི་རྣལ་འབྱོར་རོ༔ སླར་ཡང་སྟོང་པའི་ངང་ལས་བདེ་བའི་རྡོ་རྗེ་ཕག་མོ་རྩ་འཁོར་ཐིག་ལེ་ཡི་གེ་དང་བཅས་པ་ལམ་གྱིས་གསལ༔ དེ་ཉིད་སྣང་སྟོང་ངོས་གཟུང་མེད་པ་རང་རིག་གཉུག་མའི་ཡེ་ཤེས་དང་དབྱེར་མེད་པར་སེམས་གཟུང་༔ དེ་ནི་ཟུང་འཇུག་གི་རྣལ་འབྱོར་རོ༔ དེ་ལྟར་ཉམས་སུ་བླངས་པས་གནས་སྐབས་སུ་སྣང་བ་སྒྱུ་མར་འཆར༔ སྟོང་པའི་འོད་གསལ་མངོན་དུ་འགྱུར༔ སྣང་སེམས་རོ་གཅིག་ཏུ་འདྲེས༔ ཟུང་འཇུག་གི་རིག་རྩལ་མཁའ་ཁྱབ་ཏུ་ཤར་བས་རྫུ་འཕྲུལ་དང་སྤྱན་དང་མངོན་པར་ཤེས་པ་མཐའ་ཡས་པ་འཐོབ༔ མཐར་ཐུག་སྐུ་དང་ཡེ་ཤེས་ཟུང་དུ་འཇུག་པ་ཤིན་ཏུ་རྣམ་པར་དག་པའི་གོ་འཕང་ལ་དབང་འབྱོར་པར་འགྱུར་རོ༔ གསུམ་པ་རྗེས་ནི། དེ་ལྟ་བུའི་རྫོགས་པའི་རིམ་པ་ཟབ་མོ་སྒོམ་པའི་སྐབས་ཉིན་པར་ཐུན་མཚམས་སུ་སྣང་བ་གང་ཤར་ཐམས་ཅད་སྒྱུ་མའི་ལུས༔ རྨི་ལམ་གྱི་སྣང་བརྙན༔ ཡེ་ཤེས་ཀྱི་སྐུ༔ བདེ་བ་ཆེན་པོའི་རང་བཞིན་དག་པ་རབ་འབྱམས་སུ་རྩལ་སྦྱང་༔ ཉལ་བའི་སྐབས་སྙིང་གའི་ཧྲཱིཿལ་རླུང་སེམས་བསྡུས་ཏེ་གསལ་ལ་མི་རྟོག་པའི་ངང་དུ་བར་རླུང་འཛིན་བཞིན་གཉིད་ལོག་པས་སྟོང་བཞིའི་འོད་གསལ་ངོས་གཟུང་༔ རྨི་ལམ་ཟིན་པ་དང་༔ སྦྱང་སྤེལ་སྤྲུལ་སྒྱུར་ཀྱང་དེ་ཁོ་ནས་དོན་གྲུབ༔ གལ་ཏེ་ཚེ་འདིར་མཆོག་གི་དངོས་གྲུབ་མངོན་དུ་མ་གྱུར་ན་འཆི་ཁར་འཚང་རྒྱ་བ་འདའ་ཀ་མའི་རྣལ་འབྱོར་ནི། རང་ཕག་མོར་གསལ་བའི་ལུས་དང་དབུ་མའི་སྟོང་ར་བསྒོམ༔ སྙིང་གར་ཚིགས་ཀྱིས་བཅད་པའི་སྟེང་དུ་རླུང་དཀྱིལ་ལ་རླུང་སེམས་ཧྲཱིཿའི་རྣམ་པར་གསལ༔ དེ་ལ་སེམས་རྩེ་གཅིག་ཏུ་གཟུང་༔ ཟིན་པའི་ཉམས་སྐྱེས་པ་ན་མདུན་གྱི་ནམ་མཁར་བླ་མ་རྡོ་རྗེ་ཕག་མོ་གསལ་གདབ༔ གསོལ་བ་དྲག་ཏུ་གདབ༔ འོག་རླུང་གྱེན་དུ་དྲང་༔ སྟེང་རླུང་ཕྱིར་འཕུལ་བ་དང་མཉམ་དུ་ཧྲཱིཿཧྲཱིཿཞེས་བརྗོད་པས་སྙིང་གའི་ཧྲཱིཿདབུ་མའི་ལམ་ནས་གྱེན་དུ་ཡར་གྱིས་སོང་༔ ཧིཀ་ཅེས་དྲག་ཏུ་བརྗོད་པས་ཚངས་པའི་བུ་ག་ནས་མདའ་འཕངས་པ་བཞིན་ཐོན༔ བླ་མ་རྡོ་རྗེ་ཕག་མོའི་གསང་བ་ནས་ཞུགས༔ ཐུགས་ཀའི་ཧྲཱིཿལ་བསྟིམས་ཏེ་ཐུགས་ཡིད་བསྲེ༔ ཡང་ཀ་ཞེས་བརྗོད་པས་ཧྲཱིཿཡིག་ཐོལ་གྱིས་བྱུང་༔ སྟེང་རླུང་མནན་པ་དང་མཉམ་དུ་ཚངས་བུག་ནས་ཞུགས༔ སྙིང་གར་འཁོད་པར་བསམ༔ དེ་ལྟར་ཡང་ཡང་སྦྱང་༔ ཐུན་འཇོག་པ་ན་ཧྲཱིཿཡིག་མར་བབ་རྗེས་བླ་མ་རྡོ་རྗེ་ཕག་མོ་བདུད་རྩིའི་རྣམ་པར་ཞུ༔ སྙིང་གའི་ཧྲཱིཿལ་ཐིམ་པས་འཆི་མེད་ཚེའི་དངོས་གྲུབ་ཐོབ༔ ཚངས་བུག་ཀྱང་འོད་ཟེར་དཀར་པོས་སྲ་ཞིང་འཐས་པས་བཀག་པར་བསམ༔ སྤྱི་བོ་ཟ་བ་དང་༔ སྐྲངས་པ་དང་༔ ཆུ་སེར་གྱིས་ཟིལ་པ་ཕྲུམ་པ་སོགས་རྟགས་མ་བྱུང་བར་འབད༔ དེ་ནས་དམིགས་པ་མ་བརྗེད་ཙམ་དུ་བསྐྱང་༔ འཆི་བའི་དུས་སུ་བབས་པ་ན་རྣམ་ཤེས་ཧྲཱིཿཡིག་བླ་མའི་ཐུགས་ཀར་བསྟིམས་པ་དང་ལྷན་ཅིག་བླ་མ་རྡོ་རྗེ་ཕག་མོ་མཁའ་སྤྱོད་ཀྱི་ཞིང་དུ་གློག་འཁྱུགས་པ་ལྟར་གཤེགས་པར་བསམས་ལ་བརྗོད་བྲལ་བློ་འདས་གཉུག་མའི་ངང་དུ་མཉམ་པར་བཞག་པས་བར་དོ་མེད་པར་མཁའ་ལ་སྤྱོད་པའི་གོ་འཕང་ཐོབ་པར་འགྱུར་རོ༔ འདའ་ཀ་མ་མ་ཐེབས་ན་བར་དོའི་རྣལ་འབྱོར་གལ་ཆེ་བས༔ ད་ལྟ་ནས་ཉིན་སྣང་སྒྱུ་མ་ལྟ་བུ་དེའང་བར་དོའི་ཡིད་ལུས་སུ་ཤེས་པར་བྱས་ནས༔ སྣང་ཆ་གཟུགས་སྐུ་དང་བསྲེ༔ སྟོང་ཆ་ཆོས་སྐུ་དང་བསྲེ༔ རིག་རྩལ་མ་འགགས་པ་སྤྲུལ་པའི་སྐུ་དང་བསྲེ་བ་གསུམ་ལ་གོམས་པས་བར་དོར་ཡང་དྲན་པས་ཟིན་ཏེ་ལམ་གྱི་འཕྲོ་མཐུད་ཅིང་གྲོལ་བར་འགྱུར་རོ༔ དེ་རྣམས་ནི་ཡན་ལག་གི་རྣལ་འབྱོར་ཏེ༔ དེ་དག་གིས་ཐུགས་འོད་གསལ་རྫོགས་རིམ་དེ་ཁོ་ན་ཉིད་སྒྲུབ་པའི་རྣལ་འབྱོར་བསྟན་ཟིན་ཏོ༔ ས་མ་ཡ༔ བཞི་པ་ཡོན་ཏན་གཏོར་མ་དང་ཚོགས་ཀྱི་མཆོད་པས་སྒྲུབ་པའི་ཐབས་ལ་དང་པོ་གཏོར་མའི་ཆོ་ག་ནི༔ སྲོད་ཀྱི་དུས་སུ་ཐོད་པ་ལ་སོགས་པའི་སྣོད་དུ་བ་ལང་གི་ཤ་དང་ཆང་གིས་བརྒྱན་པའི་གཏོར་མ་ལ་བདུད་རྩིས་བྲན༔ ཧཱུྃ་ཧཱུྃ་ཧཱུྃ་ཞེས་བརྗོད་པས་གཏོར་མའི་དངོས་འཛིན་མི་དམིགས་ཏེ་སྟོང་པར་སྦྱངས༔ སྟོང་པའི་ངང་ལས་རླུང་དང་༔ མེ་དང་༔ ཐོད་པའི་སྒྱེད་པུ་ལ་བརྟེན་པའི་རང་བྱུང་བདེ་སྐྱོང་གི་སྣོད་ཡངས་ཤིང་རྒྱ་ཆེ་བར་བཅུད་ཤ་ལྔ་བདུད་རྩི་ལྔ་ཡི་གེ་འབྲུ་བཅུས་མཚན་པ༔ རླུང་མེའི་སྦྱོར་བས་ཐོད་པ་དྲོས༔ རྫས་ཡི་གེ་དང་བཅས་པ་འོད་དུ་ཞུ་བ་བདུད་རྩིའི་རྒྱ་མཚོར་འཁྱིལ༔ སླར་ཡང་སྟེང་གི་ནམ་མཁར་ཉི་མ་ལ་གནས་པའི་ཁ་ཊྭཱྃ་ག་འབྲུ་གསུམ་གྱིས་མཚན་པའི་འོད་ཀྱིས་རྒྱལ་བ་སྲས་དང་བཅས་པ་དང་༔ དཔའ་བོ་དང་རྣལ་འབྱོར་མ་ཐམས་ཅད་ཀྱི་སྐུ་གསུང་ཐུགས་ཀྱི་བདུད་རྩི་བཀུག༔ ཁ་ཊྭཱྃ་ཡི་གེ་དང་བཅས་པ་ལ་ཐིམ༔ དེ་ཉིད་གདན་དང་བཅས་པ་འོད་དུ་ཞུ་ནས་བཅུད་ལ་ཐིམ་པས་དམ་ཚིག་དང་ཡེ་ཤེས་དབྱེར་མེད་པའི་བདུད་རྩི་འདོད་ཡོན་རྣམ་པ་ཐམས་ཅད་པའི་སྤྲིན་དུ་འཕྲོ་བར་བསམས་ལ༔ ཨོཾ་ཨཱཿཧཱུྃ་ཧ་ཧོ་ཧྲཱི༔ ཞེས་མང་དུ་བརྗོད་པས་བྱིན་གྱིས་བརླབ༔ གཏོར་མགྲོན་སྤྱན་དྲངས་པ་མདུན་གྱི་ནམ་མཁར་མཁའ་ཁྱབ་ཏུ་བཞུགས་པར་བསམས་ལ༔ རྡོ་རྗེ་ཐལ་མོ་སེ་གོལ་གྱི་སྒྲ་དང་བཅས༔ ཨོཾ་སརྦ་བུདྡྷ་ཌཱ་ཀི་ནཱི་པ་རི་ཝཱ་ར་ས་མ་ཡ་ཧོ༔ ས་མ་ཡ་སྟྭྃ༔ ཨི་དཾ་བ་ལིཾ་བྷཱུཉྫ་ཧོ༔ ཨ་མྲི་ཏ་པཱི་པ་ཧོ༔ པཉྩ་ཀཱ་མ་གུ་ཎ་ཧོ༔ མ་མ་སརྦ་ཀརྨ་སིདྡྷི་མྨེ་པྲ་ཡ་ཙྪནྟུ༔ ཧ་ཧ་ཧི་ཧི་ཧཻ་ཧཻ་ཧོ་ཧོ་ཕཊ་སྭཱ་ཧཱ༔ ཞེས་ལན་བདུན་གྱིས་ཕུལ༔ མཆོད་ཅིང་བསྟོད༔ བཅོམ་ལྡན་རྡོ་རྗེ་རྣལ་འབྱོར་མ༔ གནས་གསུམ་མཁའ་འགྲོའི་ཚོགས་བཅས་ཀུན༔ མཆོད་དང་གཏོར་མ་འདི་བཞེས་ལ༔ བདག་ཅག་རྣལ་འབྱོར་འཁོར་བཅས་ཀྱི༔ ཕྱི་ནང་བར་གཅོད་ཞི་བ་དང་༔ མི་མཐུན་ཕྱོགས་ཀུན་སྲུང་མཛད་གསོལ༔ ཚེ་བསོད་དཔལ་འབྱོར་ཡེ་ཤེས་སྤེལ༔ ལོག་པར་ལྟ་བ་དབང་དུ་སྡུས༔ བདུད་དང་དགྲ་བགེགས་ཆམ་ལ་ཕོབ༔ འཇིག་རྟེན་འཇིག་རྟེན་འདས་པ་སོགས༔ དངོས་གྲུབ་ཇི་ལྟར་འདོད་པ་ཡི༔ ལས་ཀྱི་འབྲས་བུ་མཆིས་པར་མཛོད༔ ཅེས་ཕྲིན་ལས་གསོལ་ནས་ནོངས་པ་བཤགས༔ གཏོར་མགྲོན་རྟེན་ལ་བཞུགས་པའམ་གཤེགས་སུ་གསོལ་བར་བྱའོ༔ དེས་ནི་རྣལ་འབྱོར་པའི་བར་ཆད་ཐམས་ཅད་ཞི་ཞིང་ཚེ་དང་དཔལ་འབྱོར་གྱི་ཡོན་ཏན་རྒྱས་པ་དང་༔ ལས་ཐམས་ཅད་མྱུར་དུ་འགྲུབ་པར་འགྱུར་རོ༔ གཉིས་པ་ཚོགས་ཀྱི་མཆོད་པའི་ཆོ་ག་ནི༔ ཡར་མར་གྱི་ཚེས་བཅུ་ལ་སོགས་པའི་དུས་བཟང་པོར་མདུན་དཀྱིལ་སྟེགས་བུའི་དབུས་སུ་མཚན་མའི་དཀྱིལ་འཁོར་ཇི་ལྟར་རིགས་པའི་སྟེང་ཐོད་པ་བདུད་རྩིས་གང་བའི་ཁར༔ སིནྡྷཱུ་རའི་མཎྜལ་ཆོས་འབྱུང་བསྣོལ་མའི་དབུས་སུ་ཧྲཱི༔ གྲ་བཞིར་དགའ་བ་འཁྱིལ་པས་མཚན་པ་བཤམ༔ གཞན་ཡང་དཀྱིལ་འཁོར་སོགས་འདུ་བྱ༔ དཀྱིལ་འཁོར་མ་གྲུབ་ན་སྒྲུབ་པའི་གཏོར་མ་མདུན་བསྐྱེད་ཀྱི་རྟེན་དུ་བགྱིས་ཀྱང་རུང་༔ གང་ལྟར་ཡང་དེའི་མདུན་དུ་ཞིང་ངམ་གཅན་གཟན་གྱི་པགས་པའི་གདན་གྱི་སྟེང་ཐོད་པ་ལ་སོགས་པའི་སྣོད་བཟང་པོར་མ་ད་ན་དང་༔ བ་ལ་གཙོ་བོར་གྱུར་པའི་ཚོགས་རྫས་བཟའ་བཅའ་བཏུང་བའི་ལོངས་སྤྱོད་རྒྱས་པར་བསྟན༔ དེ་ནས་གཞི་བདག་དང་བགེགས་ལ་གཏོར་མ་སྦྱིན་ཅིང་༔ ཚོགས་བསག༔ མཚམས་བཅད༔ མཆོད་རྫས་བརླབ༔ བདག་གི་སྒོམ་བཟླས་དང་བཅས་པ་བྱས་ལ་མཆོད་ཅིང་བསྟོད༔ མདུན་རྟེན་ལ་དམིགས་ཏེ་ཧཱུྃ་ཞེས་བརྗོད་པས་མདུན་གྱི་དཀྱིལ་འཁོར་མི་དམིགས་ཏེ་སྟོང་པ་ཉིད་དུ་གྱུར་པར་བསམ༔ སྟོང་པའི་ངང་ལས་འབྱུང་བཞི་རིམ་བརྩེགས་རི་རབ་དང་བཅས་པའི་སྟེང་དུ་རྟེན་དང་བརྟེན་པའི་དཀྱིལ་འཁོར་བདག་བསྐྱེད་ལྟར་གསལ༔ བྱིན་གྱིས་བརླབས་ཤིང་ང་རྒྱལ་བཟུང་༔ ཡེ་ཤེས་པ་སྤྱན་དྲང་དབང་བསྐུར་རྒྱས་གདབ༔ དེ་ནས་མཆོད་པ་རྒྱས་པར་བྱ་བ་ལ་ཕྱི་མཆོད་ནི༔ ཧཱུྃ༔ སྟོང་པའི་ཡེ་ཤེས་ལས་བྱུང་བ༔ རྣམ་པ་ཀུན་གྱི་མཆོག་ལྡན་གཟུགས༔ ལྷ་རྫས་མེ་ཏོག་ཆར་ཆེན་འབེབས༔ དྲི་ཞིམ་སྤོས་ཀྱི་སྤྲིན་ཕུང་གཡོ༔ སྣང་གསལ་མར་མེའི་འོད་དུ་འབར༔ བསིལ་ཞིང་དྲི་བསུང་ངད་ལྡན་ཆབ༔ བཟའ་བཅའ་བཏུང་བའི་ཞལ་ཟས་མཆོག༔ སྙན་བརྗིད་རོལ་མོའི་དབྱངས་བཅས་ཀྱིས༔ ཆོས་དབྱིངས་རྒྱས་པར་བཀང་བྱས་ནས༔ བཅོམ་ལྡན་རྡོ་རྗེ་ཕག་མོ་མཆོད༔ འཁོར་གྱི་མཁའ་འགྲོ་དགྱེས་པར་རོལ༔ ལས་དང་ཡེ་ཤེས་དངོས་གྲུབ་སྩོལ༔ ཨོཾ་བཛྲ་བྷཱ་རཱ་ཧི་ས་པ་རི་ཝཱ་ར་ཧྲཱི་བཛྲ་མ་ཧཱ་རཱ་ག་པུཥྤེ༔ དྷཱུ་པཾ༔ དཱི་པཾ༔ གནྡྷཾ༔ ནཻ་བིདྱཾ༔ ཤཔྡ་པྲ་ཏཱིཙྪ་ཨཱཿཧཱུྃ༔ ནང་མཆོད་ནི༔ ཧཱུྃ༔ བདེ་བའི་ཡེ་ཤེས་ལས་བྱུང་བ༔ རྣམ་པ་ཀུན་ལྡན་འདོད་ཡོན་སྤྲིན༔ གཟུགས་ཀྱི་ཉམས་འགྱུར་རྨད་དུ་བྱུང་༔ སྒྲ་ཆེན་རོལ་མོ་མཐའ་ཡས་ལྡན༔ དྲི་ཞིམ་བདུད་རྩི་ཆར་དུ་འབེབས༔ རོ་བཅུད་ནུས་པའི་ཕུང་པོ་བརྡལ༔ འཇམ་འཁྲིལ་རེག་བྱའི་ལོངས་སྤྱོད་ཀྱིས༔ ཆོས་དབྱིངས་རྒྱས་པར་བཀང་བྱས་ཏེ༔ བཅོམ་ལྡན་རྡོ་རྗེ་ཕག་མོ་མཆོད༔ འཁོར་གྱི་མཁའ་འགྲོ་དགྱེས་པར་རོལ༔ ལས་དང་ཡེ་ཤེས་དངོས་གྲུབ་སྩོལ༔ ཨོཾ་བཛྲ་བྷཱ་རཱ་ཧཱི་ས་པ་རི་ཝཱ་ར་ཤྲཱི་བཛྲ་མ་ཧཱ་རཱ་ག་རཱུ་པ༔ ཤབྡ༔ གནྡྷེ༔ རཱ་ས༔ སྤརྴེ་ཀཱ་མ་གུ་ཎ་ས་མ་ཡ་ཧཱོ༔ གསང་མཆོད་ནི༔ ཧཱུྃ༔ ཟུང་འཇུག་ཡེ་ཤེས་ལས་བྱུང་བ༔ ཐབས་མཆོག་ཧེ་རུ་ཀ་དཔལ་གྱི༔ རྡོ་རྗེ་པདྨར་མཉམ་སྦྱར་བས༔ ཁམས་གསུམ་གཟུང་འཛིན་དབྱིངས་སུ་བསྒྲལ༔ དགའ་བཞི་བདེ་སྟོང་ཆེན་པོར་སྦྱོར༔ སོ་སོ་རང་རིག་ལྷན་ཅིག་སྐྱེས༔ བླ་ན་མེད་པའི་འདོན་ཡོན་གྱིས༔ བཅོམ་ལྡན་རྡོ་རྗེ་ཕག་མོ་མཆོད༔ འཁོར་གྱི་མཁའ་འགྲོ་དགྱེས་པར་རོལ༔ ལས་དང་ཡེ་ཤེས་དངོས་གྲུབ་སྩོལ༔ ཨོཾ་བཛྲ་བྷཱ་རཱ་ཧཱི་ས་པ་རི་ཝཱ་ར་ཤྲཱི་བཛྲ་མ་ཧཱ་རཱ་ག་བོ་དྷི་ཙིཏྟ་མ་ཧཱ་སུ་ཁ་ས་མ་ཡ་སྟྭཾ༔ རྨད་དུ་བྱུང་བའི་མཆོད་པ་ནི༔ ཧཱུྃ ཤ་ཆེན་མཆོག་གི་བདུད་རྩི་ལྔ༔ རྩ་བརྒྱད་ཡན་ལག་སྟོང་སྦྱར་བའི༔ རཱ་ས་ཡཱ་ན་སྨན་གྱི་བཅུད༔ དག་མཉམ་རྟོགས་པའི་ལོངས་སྤྱོད་རྫས༔ དམ་ཚིག་ཆེན་པོའི་འདོད་ཡོན་གྱིས༔ བཅོམ་ལྡན་རྡོ་རྗེ་ཕག་མོ་མཆོད༔ འཁོར་གྱི་མཁའ་འགྲོ་དགྱེས་པར་རོལ༔ ལས་དང་ཡེ་ཤེས་དངོས་གྲུབ་སྩོལ༔ ཨོཾ་བཛྲ་བྷཱ་རཱ་ཧཱི་ས་པ་རི་ཝཱ་ར་སརྦ་པཉྩ་ཨ་མྲྀ་ཏ་ཨོཾ་ཨཱཿཧཱུྃ༔ ཀཱ་ཡ་ཝཱ་ཀ་ཙིཏྟ་ཨ་མྲྀ་ཏ་སིདྡྷི་ཧོཿ ཧཱུྃ༔ རྡོ་རྗེ་སྒེག་མོ་ཆགས་པ་ཆེ༔ གཱིརྟིའི་མཁའ་ནས་བབས་པའི་རྒྱུན༔ ཁམས་གསུམ་ཉོན་མོངས་བསྒྲལ་བ་ཡི༔ དམར་ཆེན་རཀྟའི་རྒྱ་མཚོར་ཐིམ༔ གཟི་བརྗིད་ཆེན་པོའི་འདོད་ཡོན་གྱིས༔ བཅོམ་ལྡན་རྡོ་རྗེ་ཕག་མོ་མཆོད༔ འཁོར་གྱི་མཁའ་འགྲོ་དགྱེས་པར་རོལ༔ ལས་དང་ཡེ་ཤེས་དངོས་གྲུབ་སྩོལ༔ ཨོཾ་བཛྲ་བྷཱ་རཱ་ཧཱི་ས་པ་རི་ཝཱ་ར་རཀྟ་པཱི་པ་ཧོཿ ཧཱུྃ༔ སྣོད་ཀྱི་འཇིག་རྟེན་ཁྱོན་ཡངས་པར༔ བཅུད་ཀྱི་སེམས་ཅན་གཏོར་མར་སྦྱར༔ བཟའ་བཅའ་བཏུང་བའི་ཕུང་པོར་སྤུངས༔ གཟུགས་སྒྲ་དྲི་རོ་རེག་ལྡན་པའི༔ ལོངས་སྤྱོད་ཆེན་པོའི་འདོད་ཡོན་གྱིས༔ བཅོམ་ལྡན་རྡོ་རྗེ་ཕག་མོ་མཆོད༔ འཁོར་གྱི་མཁའ་འགྲོ་དགྱེས་པར་རོལ༔ ལས་དང་ཡེ་ཤེས་དངོས་གྲུབ་སྩོལ༔ ཨོཾ་བཛྲ་བྷཱ་རཱ་ཧཱི་ས་པ་རི་ཝཱ་ར་ཨི་དཾ་བ་ལིཾ་གྲྀཧྞ་བྷཱུཉྫ་ཧོཿ སྐུ་བསྟོད་པའི་མཆོད་པ་ནི༔ ཨོཾ༔ བཅོམ་ལྡན་རྡོ་རྗེ་ཕག་མོ་ནི༔ ཟླ་བ་ལྟར་དཀར་རྗེས་ཆགས་ཉམས༔ ཡེ་ཤེས་གཟི་བྱིན་ཆེར་འབར་བ༔ ཁམས་གསུམ་དབང་ཕྱུག་མ་ལ་བསྟོད༔ ཆགས་དང་ཁྲོ་དང་བཞད་པ་ཡིས༔ འདོད་ཁྲོ་གཏི་མུག་ཉོན་མོངས་སྦྱོང་༔ སྲིད་གསུམ་རྟོག་པ་ཟིལ་གནོན་པའི༔ རྡོ་རྗེའི་སྐུ་ལ་ཕྱག་འཚལ་བསྟོད༔ སྒྲ་དབྱངས་རྣམ་པ་ཐམས་ཅད་པ༔ ཟབ་མོའི་རྒྱུད་དང་སྔགས་ཀྱི་ཚུལ༔ ས་གསུམ་རྨོངས་པ་སད་མཛད་པའི༔ ཚངས་པའི་གསུང་ལ་ཕྱག་འཚལ་བསྟོད༔ གཅིག་པུ་མ་ཡིན་མཁའ་དང་མཉམ༔ དུ་མར་མི་གནས་དབྱིངས་སུ་འཁྱིལ༔ མཁྱེན་བརྩེའི་རོལ་པ་བསམ་མི་ཁྱབ༔ ཡེ་ཤེས་ཐུགས་ལ་ཕྱག་འཚལ་བསྟོད༔ ལྷུན་གྲུབ་ཡོན་ཏན་རྒྱན་དུ་རྫོགས༔ འདུ་མི་མཛད་པའི་ཕྲིན་ལས་མངའ༔ འགྲོ་འདུལ་རྫུ་འཕྲུལ་མི་ཟད་གཏེར༔ རྒྱལ་ཀུན་ཡུམ་ལ་ཕྱག་འཚལ་བསྟོད༔ རྡོ་རྗེ་ལུས་ཀྱི་དཀྱིལ་འཁོར་དུ༔ རབ་འབྱམས་དཔའ་བོ་མཁའ་འགྲོའི་ཚོགས༔ སྤྲོ་ཞིང་སྡུད་པའི་ཆོ་འཕྲུལ་སྟོན༔ ཁྱབ་བདག་ཆེན་མོར་ཕྱག་འཚལ་བསྟོད༔ གུས་པས་མཆོད་ཅིང་བསྟོད་པའི་མཐུས༔ གསང་བ་གསུམ་གྱི་དཀྱིལ་འཁོར་ནས༔ སྐུ་གསུང་ཐུགས་ཀྱི་བྱིན་གྱིས་རློབས༔ མཆོག་ཐུན་དངོས་གྲུབ་སྩལ་དུ་གསོལ༔ གསུང་སྔགས་ཀྱིས་མཆོད་པ་ནི༔ བདག་གི་ཐུགས་ཀའི་སྔགས་ཕྲེང་ལས༔ སྔགས་ཕྲེང་གཉིས་པ་ཞལ་ནས་བྱུང་༔ མདུན་བསྐྱེད་ལྷ་མོའི་ཞལ་དུ་ཞུགས༔ སྐུ་ཡི་དབྱིབས་བརྒྱུད་འོད་ཟེར་གྱིས༔ དཀྱིལ་འཁོར་ལྷ་ཚོགས་བདེ་བས་མཆོད༔ དགྱེས་པ་ཆེན་པོའི་འོད་སྣང་དང་༔ ལྷན་ཅིག་སྔགས་ཕྲེང་ལྟེ་བ་ནས༔ ཐོན་ཏེ་རང་གི་ལྟེ་བར་ཞུགས༔ བར་མ་ཆད་པར་འཁོར་བ་ལས༔ འོད་དང་འོད་ཟེར་བསམ་ཡས་འཕྲོས༔ གནས་གསུམ་དཔའ་བོ་མཁའ་འགྲོ་མཆོད༔ ཁམས་གསུམ་ཐ་མལ་སྣང་ཞེན་སྦྱངས༔ ལྷ་སྔགས་ཡེ་ཤེས་འཁོར་ལོར་སད༔ དངོས་གྲུབ་རྣམ་གཉིས་འགྲུབ་པར་བསམ༔ ཨོཾ་སརྦ་བུདྡྷ་ཌཱ་ཀི་ནཱི་ཡ་གུ་ཧྱ་ཛྙཱ་ན་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་སིདྡྷི་ཧཱུྃ་ཧཱུྃ་སྭཱ་ཧཱ༔ ཞེས་ཅི་ནུས་སུ་བཟླའོ༔ ཐུགས་ཏིང་ངེ་འཛིན་གྱིས་མཆོད་པ་ནི༔ ཨཿ འཁོར་འདས་ཀུན་ཁྱབ་བྱང་ཆུབ་སེམས༔ ལྷ་དང་བདག་ཉིད་དབྱེར་མེད་པ༔ མ་བཅོས་གཉུག་མ་ཁྱབ་གདལ་ངང་༔ མི་གཡོ་མི་སྨྲ་བསམ་བརྗོད་འདས༔ སརྦ་ཛྙཱ་ན་དྷཱ་ཏུ་ཨ་ཨ༔ ཞེས་དགོངས་པ་བསྐྱང་༔ མཐར་མཆོད་ཅིང་བསྟོད༔ ཚོགས་ཀྱི་ཡོ་བྱད་རྣམས་བསང་ཆུས་བྲན༔ ཧཱུྃ་ཞེས་བརྗོད་པས་ཚོགས་ཀྱི་དངོས་འཛིན་མི་དམིགས་ཏེ་སྟོང་པར་སྦྱངས༔ སྟོང་པའི་ངང་ལས་གཏོར་མ་ལྟར་བསྐྱེད་ཅིང་བརླབ༔ དེ་ནས་ཚོགས་ཕུད་ཆ་གསུམ་དུ་སྤྲོས་ལ༔ ཧཱུྃ༔ ཆོས་སྐུ་ཀུན་བཟང་རྡོ་རྗེ་འཆང་༔ ལོངས་སྐུ་དཔལ་ལྡན་ཧེ་རུ་ཀ༔ ཡི་དམ་ཞི་ཁྲོའི་སྤྲིན་ཕུང་འཕྲོ༔ སྤྲུལ་སྐུ་རྡོ་རྗེ་ཕག་མོ་ཡུམ༔ རིགས་བཞིའི་སྙིང་པོའི་རྣལ་འབྱོར་མ༔ ལས་ཀྱི་དབང་ཆེན་མཁའ་འགྲོའི་གཙོ༔ རང་བྱུང་སངས་རྒྱས་པདྨ་སྐྱེས༔ སྤྲུལ་པའི་མཚན་མཆོག་བརྒྱད་ལ་སོགས༔ རིག་འཛིན་རྩ་བརྒྱུད་བླ་མའི་ཚོགས༔ མཁའ་ཁྱབ་རྣམ་འཕྲུལ་སྤྲིན་ལྟར་གཏིབས༔ ཐུགས་རྗེ་ཐུགས་དམ་རྩལ་སྐྱེད་ལ༔ རྣལ་འབྱོར་ལོངས་སྤྱོད་ཆེན་པོ་ཡི༔ ཚོགས་ཀྱི་འདུ་བར་གཤེགས་སུ་གསོལ༔ བཟའ་དང་བཅའ་དང་བཏུང་དང་བགོ༔ གཟུགས་སྒྲ་དྲི་རོ་རེག་བྱ་ཆོས༔ ཟག་མེད་བདུད་རྩིའི་བཅུད་ལྡན་པའི༔ ཚོགས་ཀྱི་མཆོད་པས་ཐུགས་དམ་བསྐང་༔ ཐོག་མེད་དུས་ནས་ད་ལྟའི་བར༔ སྡོམ་པ་གསུམ་དང་འགལ་བ་ཡི༔ དམ་ཚིག་ཉམས་ཆགས་ཉེས་པ་དང་༔ སྡིག་ལྟུང་ཐམས་ཅད་མཐོལ་ཞིང་བཤགས༔ ཕྱི་ནང་གསང་བའི་བར་ཆད་སོལ༔ ནད་གདོད་སྡིག་སྒྲིབ་ཞི་བར་མཛོད༔ ཚེ་བསོད་དཔལ་འབྱོར་ཡེ་ཤེས་སྤེལ༔ རླུང་སེམས་སྣང་བ་དབང་དུ་སྡུས༔ དངོས་གྲུབ་སྒྲུབ་ལ་བར་གཅོད་པའི༔ གནས་ཉུལ་དྷཱ་ཀིའི་སུན་མ་དང་༔ བྱད་ཕུར་རྦོད་གཏོང་འཇིགས་བརྒྱད་ཟློག༔ དགྲ་བགེགས་འབྱུང་པོ་རྡུལ་དུ་རློག༔ མ་མོ་མཁའ་འགྲོ་འཁྲུགས་པ་ཡི༔ རྒྱུ་རྐྱེན་འབྲས་བུ་དབྱིངས་སུ་སྦྱོངས༔ སྣོད་བཅུད་དགེ་བའི་ལེགས་ཚོགས་སྐྱེད༔ མཆོག་དང་ཐུན་མོང་དངོས་གྲུབ་སྩོལ༔ ཨོཾ་གུ་རུ་སརྦ་ཏ་ཐཱ་ག་ཏ་མཎྜ་ལ་བཛྲ་བྷཱ་རཱ་ཧཱི་སརྦ་དྷཱ་ཀི་ནི་ག་ཎ་ཙཀྲ་པཱུ་ཛ་ཧོ༔ ཧཱུྃ༔ གནས་ནི་རབ་ཏུ་དགའ་བའི་ས༔ དེ་བཞིན་ཉེ་གནས་དྲི་མ་མེད༔ ཞིང་ནི་འོད་རབ་བྱེད་པའི་ས༔ ཉེ་བའི་ཞིང་ནི་འོད་འཕྲོ་བ༔ ཚནྡྷཱོ་མངོན་དུ་གྱུར་པ་སྟེ༔ ཉེ་བའི་ཚནྡྷོ་སྦྱང་དཀའ་བ༔ འདུ་བ་རིང་དུ་སོང་བ་སྟེ༔ ཉེ་བའི་འདུ་བ་མི་གཡོ་བ༔ དུར་ཁྲོད་ལེགས་པའི་བློ་གྲོས་ཏེ༔ ཉེ་བའི་དུར་ཁྲོད་ཆོས་ཀྱི་སྤྲིན༔ ཧེ་རུ་ཀ་དཔལ་དགྱེས་པའི་ཡུལ༔ གནས་ཡུལ་དུར་ཁྲོད་རབ་འབྱམས་ན༔ བཞུགས་པའི་དཔའ་བོ་རྣལ་འབྱོར་མ༔ མཁའ་འགྲོ་དང་ནི་མཁའ་འགྲོ་མ༔ ཁྲོ་ཆགས་སྒེག་པའི་ཚུལ་འཆང་བའི༔ མཁའ་ཁྱབ་རྣམ་འཕྲུལ་སོགས་ནས༔ མཆོག་དང་ཐུན་མོང་དངོས་གྲུབ་སྩོལ༔ ཨོཾ་ཤྲཱི་སརྦ་ཝཱི་ར་ཡོ་གི་ནཱི་ཌཱ་ཀི་ཌཱ་ཀི་ནི་མ་ཧཱ་སུ་ཁ་ག་ཎ་ཙཀྲ་པཱུ་ཛ་ཧོ༔ ཧཱུྃ༔ ཆོས་ཉིད་ཞི་ལས་མ་གཡོས་ཀྱང་༔ བསྟན་པ་སྲུང་ཕྱིར་འབར་བའི་རྩལ༔ དཔལ་ལྡན་མགོན་པོ་ནག་པོ་ཆེ༔ སྐུ་གསུང་ཐུགས་ཡོན་ཕྲིན་ལས་སྲས༔ ལྷ་མོ་ནག་མོ་རེ་མ་ཏཱི༔ རྗེ་ཁོལ་བྲན་དང་ཡང་གཡོག་སོགས༔ རྒྱུད་གསུམ་དྲེགས་པའི་ཚོགས་རྣམས་ཀུན༔ མཁའ་ཁྱབ་རྣམ་འཕྲུལ་སོགས༔ ཨོཾ་ཤྲཱི་མ་ཧཱ་ཀཱ་ལ་མ་ཧཱ་ཀཱ་ལཱི་དེ་ཝཱི་སརྦ་དྷརྨ་པཱ་ལ་མ་ཧཱ་སུ་ཁ་ག་ཎ་ཙཀྲ་པཱུ་ཛ་ཧོ༔ ཞེས་ཕུལ་ཞིང་ཡི་གེ་བརྒྱ་པས་ཉམས་ཆགས་བཤགས་སྦྱང་བྱ་བ་དང་བཅས་ཕྱི་དཀྱིལ་རྣམས་འདོད་ཡོན་གྱི་མཆོད་པས་བསྐང་ཞིང་བཤགས༔ ནང་རྡོ་རྗེ་ལུས་ཀྱི་དཀྱིལ་འཁོར་མཆོད་པའི་ཕྱིར་བཟའ་བཏུང་རྣམས་ཚིམ་པར་ལོངས་སྤྱོད༔ གསང་བ་སྙོམས་འཇུག་གི་བདེ་བ་སྤེལ་ཞིང་དེ་ཁོ་ན་ཉིད་ཀྱི་ངང་དུ་མཉམ་པར་གཞག༔ ལྷག་མ་རྣམས་གསོག་འཇོག་མེད་པར་བསྡུས་ལ༔ དམ་ཚིག་གི་བདུད་རྩིའི་ཁ་ཁྲུ་དབབ༔ པཉྩ་ཨ་མྲྀ་ཏ་ཨོཾ་ཨཱཿཧཱུྃ་ཧོ༔ ཞེས་པས་བརླབ༔ ཕཻཾ༔ རྡོ་རྗེ་ཕག་མོའི་དཀྱིལ་འཁོར་དུ༔ ཕྱི་འཁོར་སྐྱོང་བའི་བཀའ་ཉན་ནི༔ དབང་ཕྱུག་གིང་དང་ལང་ཀའི་ཚོགས༔ མཁའ་འགྲོ་ཤུགས་འགྲོ་ཕོ་ཉའི་སྡེ༔ མ་ལུས་ལུས་པ་མེད་པ་ཀུན༔ ཧེ་རུ་ཀ་དཔལ་སྤྱན་སྔ་རུ༔ ཇི་ལྟར་ཁས་བླངས་དམ་བཅས་ལྟར༔ ལྷག་མའི་གཏོར་མ་འདི་བཞེས་ལ༔ རྣལ་འབྱོར་བྱང་ཆུབ་སྒྲུབ་པ་ཡི༔ འཁོར་སྲུངས་རྐྱེན་ཟློག་བར་ཆད་སོལ༔ ཞི་རྒྱས་དབང་དང་མངོན་སྤྱོད་སོགས༔ འདོད་པའི་ལས་ཀུན་འགྲུབ་པར་མཛོད༔ ཨོཾ་སརྦ་ཀིངྐ་ར་ཨུཙྪིཥྟ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི་སརྦ་ཀརྨ་ཀུ་རུ་ཧོ༔ ཞེས་ཕྱི་རོལ་དུ་བསྐྱལ༔ བཀྲ་ཤིས་ཀྱི་གླུ་བླངས་ཤིང་སྨོན་ལམ་གདབ་པ་ནི༔ ཨོཾ༔ བཀྲ་ཤིས་གང་ཞིག་ཧེ་རུ་ཀ་དཔལ་དགྱེས་པའི་ཡུམ༔ རྡོ་རྗེ་ཕག་མོའི་དཀྱིལ་འཁོར་ལྷ་ཚོགས་མཆོད་པའི་མཐུས༔ བདག་གཞན་འགྲོ་ཀུན་དམ་ཚིག་ཉམས་ཆགས་ཉེས་ལྟུང་ཞི༔ བསོད་ནམས་ཚོགས་རྫོགས་ཡེ་ཤེས་འབྲས་བུ་མངོན་འགྱུར་ཤོག༔ ཅེས་བརྗོད་ཅིང་རོལ་མོའི་སྒྲ་བྱའོ༔ རྗེས་ནི་གཏང་རག་གི་མཆོད་བསྟོད་བྱ༔ དངོས་གྲུབ་ཀྱི་སླད་དུ་དཀྱིལ་འཁོར་གྱི་མདུན་ཐོད་པ་མཚན་ལྡན་བདུད་རྩིས་གང་བ་བཤམས་ལ༔ བདག་གི་ཐུགས་ཀ་ནས་འོད་ཟེར་འཕྲོས༔ མདུན་བསྐྱེད་ཀྱི་མཁའ་འགྲོའི་ཐུགས་རྒྱུད་བསྐུལ༔ དེའི་ཐུགས་ཀ་དང་སྐུའི་དཀྱིལ་འཁོར་རབ་འབྱམས་དང་བཅས་པའི་བྱིན་རླབས་དངོས་གྲུབ་ཐམས་ཅད་བདུད་རྩིའི་རྣམ་པར་ཆར་བཞིན་དུ་བབས་ཏེ་དམ་ཚིག་གི་རྫས་ལ་ཐིམ་པར་བསམ༔ སྒྲུབ་པའི་སྔགས་ཀྱི་མཐར༔ ཀཱ་ཡ་ཝཱ་ཀ་ཙིཏྟ་ཛྙཱ་ན་སརྦ་སིདྡྷི་ཧཱུྃ་ཧཱུྃ༔ ཞེས་བཟླས་པས་བསྐུལ་ཏེ་ཐོད་པ་སྤྱི་བོར་བཀོད་ལ༔ ཨོཾ༔ བདེ་མཆོག་བདེ་སྤྱོད་ནམ་མཁའི་དབྱིངས༔ མཁའ་དང་མཉམ་པའི་དཀྱིལ་འཁོར་ནས༔ བཅོམ་ལྡན་རྡོ་རྗེ་ཕག་མོ་ཡུམ༔ རབ་འབྱམས་དྷཱ་ཀིའི་ཚོགས་དང་བཅས༔ བསྙེན་སྒྲུབ་རྩེ་གཅིག་བརྩོན་ལགས་ན༔ ཐུགས་རྗེ་ཐུགས་དམ་རྩལ་སྐྱེད་ལ༔ དངོས་གྲུབ་སྩོལ་བའི་དུས་ལ་བབ༔ གསང་བ་གསུམ་གྱི་བྱིན་རླབས་མཆོག༔ རྣལ་འབྱོར་ལུས་ངག་ཡིད་ལ་སྩོལ༔ རྡོ་རྗེ་གསུམ་གྱི་ཡེ་ཤེས་དང་༔ དངོས་གྲུབ་མ་ལུས་སྩལ་དུ་གསོལ༔ སྔགས་མཐར་ཀཱ་ཡ་སིདྡྷི་ཨོཾ༔ ཝཱ་ཀ་སིདྡྷི་ཨཱཿ ཙིཏྟ་སིདྡྷི་ཧཱུྃ༔ ཛྙཱ་ན་སིདྡྷི་ཧྲཱི༔ ཞེས་བརྗོད་ཅིང་ཐོད་པ་གནས་བཞིར་རེག་ལ་བདུད་རྩི་མྱང་༔ ནོངས་པ་བཤགས༔ མདུན་བསྐྱེད་ཡེ་ཤེས་རྟེན་ལ་བསྟིམ༔ དམ་ཚིག་པ་རང་ལ་བསྡུ༔ ཧྲཱི༔ རང་གི་ཐུགས་སྲོག་ས་བོན་ལས༔ འོད་འཕྲོས་དག་པའི་སྣོད་དང་བཅུད༔ འོད་ཞུ་ཧྲཱིཿལ་གཉིས་མེད་ཐིམ༔ དེ་ཡང་མི་དམིགས་ངང་དུ་བཞག༔ ཨ་ཨ་ཨ༔ སླར་ཡང་ཆུ་ལས་རླབས་བཞིན་དུ༔ རང་ལུས་བཛྲ་ཝཱ་རཱ་ཧཱི༔ སྣང་བ་ལྷ་དང་གྲགས་པ་སྔགས༔ དྲན་རྟོག་འོད་གསལ་ངང་ནས་སྤྱོད༔ བསྔོ་སྨོན་ནི༔ བདག་གིས་བསྙེན་ཅིང་བསྒྲུབས་ལ་སོགས༔ དུས་གསུམ་བསགས་པའི་དགེ་ཚོགས་མཐུས༔ འགྲོ་ཀུན་རྡོ་རྗེ་བཙུན་མོ་དང་༔ དབྱེར་མེད་མངོན་པར་བྱང་ཆུབ་ཤོག༔ བཀྲ་ཤིས་ནི༔ ཨོཾ༔ ཀུན་ཏུ་བཟང་མོ་དབྱིངས་ཀྱི་ཡུམ༔ ཆོས་ཀྱི་སྐུ་ཡི་བཀྲ་ཤིས་ཤོག༔ རྡོ་རྗེ་བཙུན་མོ་དགྱེས་པ་ཆེ༔ ལོངས་སྤྱོད་རྫོགས་སྐུའི་བཀྲ་ཤིས་ཤོག༔ གནས་ཡུལ་དུར་ཁྲོད་མཁའ་འགྲོའི་ཚོགས༔ སྤྲུལ་པའི་སྐུ་ཡི་བཀྲ་ཤིས་ཤོག༔ མཆོག་དང་ཐུན་མོང་དངོས་གྲུབ་ཀྱིས༔ རྟག་ཏུ་དགེ་བའི་བཀྲ་ཤིས་ཤོག༔ ཅེས་བརྗོད་དོ༔ དེ་ལྟར་བརྩོན་པས་དམ་ཚིག་ཉམས་ཆགས་ཀྱི་ཉེས་ལྟུང་ཞི༔ ཚེ་དང་ཡེ་ཤེས་དང་འབྱོར་པ་རྒྱས༔ བདེ་བ་ཆེན་པོའི་རྟོགས་པ་འཕེལ༔ སྣང་སེམས་དབང་དུ་འདུ༔ གནས་གསུམ་གྱི་ཕོ་ཉའི་འདུ་བ་ཐོབ་ཅིང་མཆོག་གི་དངོས་གྲུབ་མྱུར་དུ་འགྲུབ༔ སྒྲུབ་པ་ཆེན་པོའི་གཞི་ཐིངས་པར་འགྱུར་རོ༔ ས་མ་ཡ༔ ལྔ་པ་ཕྲིན་ལས་སྣ་ཚོགས་ཀྱི་སྒོ་ནས་སྒྲུབ་པའི་ཐབས་ལ༔ དང་པོ་དུག་ཞི་བ་ནི༔ རང་བཅོམ་ལྡན་འདས་མར་གསལ་བའི་སྙིང་གའི་ཧྲཱི༔ ལ་སེམས་གཏད་པས༔ དེ་ལས་འོད་ཟེར་བདུད་རྩིའི་རྣམ་པ་འབའ་ཞིག་བྱུང་སྟེ༔ རྩ་གནས་ཀྱི་ལྷ་མོ་རྣམས་ལ་ཁྱབ༔ དེ་ལས་ཀྱང་བདུད་རྩི་ཆེར་འཕེལ་བས་ལུས་ཀྱི་ནང་ཐམས་ཅད་གང་༔ དུག་གི་ནད་དང་གནོད་པ་དང་སྡུག་བསྔལ་ཐམས་ཅད་སྦྱངས༔ ལུས་སེམས་བདེ་བས་ཚིམ༔ སླར་ཡང་བ་སྤུའི་ཁུང་བུ་ནས་འོད་ཟེར་དཔག་ཏུ་མེད་པ་འཕྲོས༔ སྣོད་བཅུད་ཐམས་ཅད་ལ་ཁྱབ་པས་བརྟན་གཡོའི་དུག་ཐམས་ཅད་ཞི་བར་བསམས་ལ༔ སྒྲུབ་སྔགས་ཀྱི་མཐར༔ ཧྲཱིཾ་ནི་ཀུ་ལ་ཁ་ཋ་ཋ་སརྦ་བི་ཥ་ཤཱནྟིཾ་ཀུ་རུ་སྭཱ་ཧཱ༔ ཞེས་བཟླས་པས་རང་གཞན་གྱི་དུག་ཐམས་ཅད་ཞི་བར་འགྱུར་ལ༔ ཨ་རུ་ལྕགས་རྩི་བླངས་པ་ལ་གཞི་བྱས༔ རེ་རེ་ལ༔ འོམ་བུ༔ སྤང་སྤོས༔ ཧོང་ལེན༔ རུ་རྟ༔ ཅོང་ཞི༔ བྲག་ཞུན་གྱི་ཕྱེ་མ་རྣམས་ཤིང་སྔོན་དང་ཆར་ཉུངས་ཁཎྜ་དང་སེ་འབྲུའི་ཁུ་བར་འདམ་བཏགས་རིལ་བུར་དྲིལ་བ་ལ་སྔགས་ཀྱིས་བཏབ་པ་ཁོང་དུ་བཏང་བས་སྦྱར་བ་དང་གྱུར་པ་ལས་བྱུང་བའི་དུག་དང་༔ ཁོང་ནད་ཐམས་ཅད་ཀྱི་གཉེན་པོ་བླ་ན་མེད་པའོ༔ གཉིས་པ་རིམས་ཞི་བར་འདོད་ན༔ སྙིང་གའི་ཧྲཱིཿལས་འོད་ཟེར་འཕྲོས༔ ཕག་ཞལ་གྱི་མགྲིན་པ་ནས་ཞུགས༔ དབུའི་ནང་ཐམས་ཅད་ཁྱབ་པས་དྲག་ཏུ་ངུར་ཞིང་ཞལ་ནས་འོད་ཟེར་མེ་ལྕེ་ལྟ་བུ་འཕྲོས་པའི་རྩེ་ལས་ཕག་རྒོད་ནག་པོ་འཇིགས་སུ་རུང་བ་ཉི་ཟེར་གྱི་རྡུལ་ལྟར་སྤྲོས༔ ནད་རིམས་དལ་ཡམས་ཀྱི་བདག་པོ་བདག་མོ་ཐམས་ཅད་དབང་དུ་བསྡུས༔ ཟིལ་གྱིས་མནན༔ གདུག་ཅིང་གཏུམ་པ་ཐམས་ཅད་ཞལ་དུ་དམར་ཆོམ་ཆོམ་གསོལ་ནས་ལྷག་མེད་དུ་སྦྱངས༔ ཚུར་འདུས་ཕག་གི་ར་བ་གསུམ་རིམ་ཡེ་ཤེས་ཀྱི་མེ་འབར་བ་དང་བཅས་པས་སྲུང་བ་མཚམས་ཀྱི་ལས་མཛད་པར་བསམས་ལ༔ སྒྲུབ་སྔགས་ཀྱི་མཐར༔ བཛྲ་བྷི་ཧུ་ར་ཙ་ཁ་ན་ནེ་ར་སེང་ཡེར་རྦད་སརྦ་ཛྭ་ར་པྲ་ཤ་མ་ན་རཀྵ་རཀྵ་སྭཱ་ཧཱ༔ ཞེས་བཟླས་པས་གཉན་རིམས་འགོ་ནད་དལ་ཡམས་ཐམས་ཅད་ཞི་བ་དང་སྲུང་བར་འགྱུར་ལ༔ སྤྲུ་མ་ནག་པོ་དྲི་ཆུ་བར་པ་སྔགས་ཀྱིས་བཏབ་པས་འདམ་འཐག་བྱས་པ་གཙོ་བོར་བཟུང་ནས༔ ཤུ་དག་ནག་པོ༔ ཕུར་མོང་ནག་པོ༔ སྤང་རྩི་ནག་པོ༔ འཛིམ་པ་ནག་པོ༔ སྟག་ཤ་ནག་པོ༔ རེ་ལྕག་ནག་པོའི་མེ་ཏོག༔ མིང་ཅན་ནག་པོ༔ གླ་བ་ནག་པོའི་རྩི་དང་བཅས་པ་ཨ་རུ་ར་དང་རུ་རྟ་དང་གི་ཝཾ་གི་ཆུས་འདམ་བཏགས་མུ་ཟི་ནག་པོའི་དྲི་ཐོན་པར་བྱས་ལ་རིལ་བུར་དྲིལ་བ་སྔགས་ཀྱིས་བཏབ་སྟེ་བྱུག་པ་དང་༔ བདུག་པ་དང་༔ འཆང་བ་དང་༔ ཁོང་དུ་བཏང་བས་གཉན་རིམས༔ གག་ལྷོག་འབྲུམ་པ༔ རྒྱུ་གཟེར་དམར་བཤལ་སོགས་སྲུང་བ་དང་འཇོམས་པའི་གཉེན་པོ་བླ་ན་མེད་པའོ༔ ཐོ་རངས་དུས་དྲི་ཆུ་བར་མ་ལ་སྔགས་བཏབ་སྟེ་སྣ་བུག་ནས་རྔུབས་པས་ཀྱང་རང་སྲུང་བའི་མཆོག་གོ༔ གསུམ་པ་གཟའ་ཀླུའི་ནད་ཞི་བ་ནི༔ སྙིང་གའི་ཧྲཱིཿལས་འོད་ཟེར་འཕྲོས༔ ཕྱག་གཡས་ཀྱི་གྲི་གུག་ལ་ཕོག༔ དེ་ལས་རྡོ་རྗེ་གཏུམ་པོ་མཐིང་ནག་རྡོ་རྗེ་དང་སྡིགས་མཛུབ་མཛད་པ་ཁྱུང་ཆེན་རིགས་ལྔའི་སྤྲུལ་པ་སྤྲོ་བའི་ཚོགས་དཔག་ཏུ་མེད་པ་ཕྱོགས་བཅུར་འཕྲོས་པས༔ སྟེང་གདོན་གཟའ་དང་འོག་གདོན་གླུ་བདུད་ནག་པོའི་ཚོགས་ཐམས་ཅད་དབང་དུ་བསྡུས༔ ཟིལ་གྱིས་མནན༔ གདུག་ཅིང་གཏུམ་པའི་རིགས་ཐམས་ཅད་ཕྱག་གི་རྡོ་རྗེས་ཐལ་བར་བརླག༔ ཡེ་ཤེས་ཀྱི་མེས་བསྲེགས༔ སྤྲུལ་པའི་ཁྱུང་ཆེན་རྣམས་ཀྱིས་ཞལ་དུ་གསོལ་ནས་ལྷག་མེད་དུ་བཅོམ་པར་བསམས་ལ༔ སྒྲུབ་སྔགས་ཀྱི་མཐར། བཛྲ་ཙཎྜ་ཁྲོཾ་ག་རུ་ཌ་ཧེ་ཧཾ་སེ་ནཱ་ག་དུ་ཙྪནྡེ་ཙྪེནྡེ་མི་ལི་མི་ལི་བྷནྡྷ་བྷནྡྷ་སརྦ་གྲ་ཧ་ནཱ་ག་ནི་བི་ཥ་པྲ་ཤ་མ་ན་རཀྵ་རཀྵ་སྭཱ་ཧཱ༔ ཞེས་བཟླས་པས་གཟའ་ཀླུ་གདུག་པ་ཅན་ཐམས་ཅད་ཞི་ཞིང་སྲུང་བར་འགྱུར་རོ༔ རྫས་སྦྱོར་བྱེད་ན༔ ཁྱུང་ཆེན་ལྔ༔ རྡོ་རྗེ་གསུམ༔་་་་་་གཟའ་བདུད་རྡོ་རྗེ། ཀླུ་བདུད་རྡོ་རྗེ། ཐལ་དཀར་རྡོ་རྗེ། གུ་གུལ་དཀར་ནག༔ དངུལ་ཆུ་དང་མུ་ཟི་སེར་ནག༔ ཉུངས་དཀར༔ ཉ་ཕྱིས༔ ཁྱུང་སྐྱུགས༔ རྡོ་རྒྱུས༔ སྤང་སྤོས༔ ཤིང་མངར༔ རྒྱ་སྣག༔ ཀྱི་ལྕེ༔ སྔོ་རྡོ་རྗེ་མཆུ༔ ནུས་པ་དང་ལྡན་པའི་དྲི་ཆེན་རྣམས་ཀྱི་ཕྱེ་མ་སེང་ལྡེང་དམར་པོའི་ཁཎྜས་འདམ་བཏགས་རིལ་བུར་དྲིལ་བ་བྱུག་བདུག་འཆང་བ་དང་ཁོང་དུ་བཏང་བས་གཟའ་ཀླུ་འབྱུང་པོའི་གདོན་དང་མཛེ་ཤུ་རྨ་འབྲས་ཞ་འཁུམས་རེངས་པ་སོགས་ཀྱི་གཉེན་པོ་བླ་ན་མེད་པའོ༔ བཞི་པ་གྲིབ་དང་མི་གཙང་བ་སེལ་བ་ནི༔ རང་གི་ཐུགས་ཀའི་ཧྲཱིཿལས་འབྱུང་བ་ལྔའི་རང་བཞིན་ཡེ་ཤེས་ཀྱི་རང་རྩལ་འོད་ཟེར་ཁ་དོག་ལྔ་ལྡན་དུ་འཕྲོས་པས་ལུས་ཀྱི་ཕྱི་ནང་ཉེ་འཁོར་དང་བཅས་པ་ཐམས་ཅད་ཁྱབ༔ གྲིབ་དང་མི་གཙང་བའི་ནད་གདོད་བར་ཆད་ཐམས་ཅད་ཡེ་ཤེས་ཀྱི་མེས་བསྲེགས༔ རླུང་གིས་གཏོར༔ ཆུས་སྦྱངས༔ སས་མནན༔ ནམ་མཁའ་སྟོང་ཉིད་ཀྱི་ངང་དུ་བསྟིམས་པར་བསམས་ལ་སྔགས་མཐར༔ ཁརྑཾ་ཛིརྑཾ་ཡི་མ་ན་སེ་ཨེ་ཧོ་ཤུདྡྷེ་ཤུདྡྷེ༔ ཡྃ་ཧོ་ཤུདྡྷེ་ཤུདྡྷེ༔ རྃ་ཧོ་ཤུདྡྷེ་ཤུདྡྷེ༔ བྃ་ཧོ་ཤུདྡྷེ་ཤུདྡྷེ༔ ལྃ་ཧོ་ཤུདྡྷེ་ཤུདྡྷེ༔ ཨེ་ཡྃ་རྃ་བྃ་ལྃ་ཤུདྡྷེ་ཤུདྡྷེ་ཨ་ཨ་སྭཱ་ཧཱ༔ ཞེས་བཟླས་པས་གནས་གྲོགས་ཟས་གོས་བྱད་གདོན་སོགས་ལ་བརྟེན་པའི་གྲིབ་དང་མི་གཙང་བ་དང་དེས་བསྐྱེད་པའི་ནད་ཡམས་ཐམས་ཅད་འཕྲལ་དུ་ཞི་བ་དང་སྲུང་བར་འགྱུར་རོ༔ གནས་ཆེན་རྣམས་སུ་སྐྱེས་པའི་བཟང་ཤིང་སྨན་སྤོས་ཀྱི་རིགས་ལ་གཞི་བྱས་ཏེ༔ ག་བུར༔ གུར་གུཾ༔ གི་ཝཾ༔ ཤུ་དག༔ ཙནྡན་དཀར་དམར༔ ཨ་གར་དཀར་ནག༔ གུ་གུལ་དཀར་ནག༔ ཆུ་ཤེལ༔ རྒྱ་སྤོས༔ སྤང་སྤོས༔ བྲག་སྤོས༔ བྲག་ཚན༔ གཡའ་ཚན༔ སྤང་ཚན༔ མཁན་དཀར་རྣམས་གྱི་ཕུར་མ་ཚུལ་བཞིན་བསྒྲུབས་པའི་བུམ་ཆུས་བྲན༔ སྔགས་ཀྱིས་བཏབ་པ་བྱུག་བདུག་འཆང་བས་ཀྱང་གྲིབ་དང་མི་གཙང་བའི་གནོད་པ་སྲུང་ཞིང་ཞི་བའི་མཆོག་གོ༔ གྲིབ་སེལ་གྱི་ཆོ་ག་བྱེད་ན༔ སྟེགས་བུའི་ཁར་བུམ་པ་ཆས་སུ་བཅུག༔ ཆར་ཆུ་དང་རྒྱུན་བབས་སོགས་ཀྱི་སྐར་ཆུ་གཙང་མ་ལ་གོང་གི་རྫས་བཏབ་པས་དགང་༔ ཁ་རྒྱན་དང་རྨ་བྱས་བརྒྱན༔ མཆོད་གཏོར་དང་བཅས་བཤམ༔ བདག་གི་རྣལ་འབྱོར་སྔོན་དུ་འགྲོ་བས༔ ཧཱུྃ་ཞེས་བརྗོད་པས་བུམ་པ་མི་དམིགས་ཏེ་སྟོང་པའི་ངང་ལས་པད་ཟླའི་གདན་གྱི་སྟེང་དུ་བྷྲཱུྃ་ལས་རིན་པོ་ཆེའི་བུམ་པ་ཚད་དང་མཚན་ཉིད་རྫོགས་ཤིང་ཆས་ཀྱིས་བརྒྱན་པ་བཅུད་བདུད་རྩིའི་རྒྱ་མཚོར་འཁྱིལ་བའི་དབུས་སུ་སྣ་ཚོགས་པད་ཉི་འཇིགས་བྱེད་དུས་མཚན་དང་བཅས་པའི་གདན་གྱི་སྟེང་དུ་ཧྲཱིཿལས་རྡོ་རྗེ་ཕག་མོ་དཀར་མོ་ལུས་དཀྱིལ་གྱི་ལྷ་དང་བཅས་པ་གསལ་གདབ༔ སྐུ་ལས་སྐྱེས་པའི་འོད་ཟེར་གྱི་ཀློང་ན་འབྱུང་ལྔའི་ལྷ་མོ་མཐིང་སེར་དཀར་དམར་ལྗང་བའི་མདོག་ཅན་ཕྱག་ན་རང་མདོག་གི་བུམ་པ་བདུད་རྩིས་གང་བ་བསྣམས་པ་དཔག་ཏུ་མེད་པ་སྤྲོ་ཞིང་བསྡུ་བས་ཉམས་གྲིབ་མི་གཙང་ནད་གདོན་སྡུག་བསྔལ་ཐམས་ཅད་ཞི་ཞིང་སྲུང་བའི་ལས་མཛད་པར་བསམ༔ བྱིན་རླབས་སྤྱན་འདྲེན་སོགས་རྒྱས་བསྡུས་ཅི་རིགས་བྱ༔ རང་གི་ཐུགས་སྲོག་ལས་སྔགས་ཀྱི་འོད་ཟེར་འཕྲོས༔ བུམ་པའི་ལྷ་རྣམས་ལ་ཕོག་པས་ཐུགས་རྒྱུད་བསྐུལ༔ འོད་ཟེར་སྤྲོས་བསྡུས་ལས་མཛད༔ སྐུ་ལས་གྲིབ་དང་མི་གཙང་བ་དག་བྱེད་བདུད་རྩིའི་ཆུ་རྒྱུན་དཔག་ཏུ་མེད་པ་ཆར་བཞིན་དུ་བབས་པས་བུམ་པ་ཡོངས་སུ་གང་བར་བསམས་ལ་སྔགས་བཟླ༔ མཐར་མཆོད་ཅིང་བསྟོད་ལ་འདོད་དོན་གསོལ༔ ནོངས་པ་བཤགས༔ མཆོད་ཡོན་ཕུལ་བས་བུམ་པའི་ལྷ་འོད་དུ་ཞུ་ནས་ཆུ་ནུས་པ་དང་ལྡན་པར་བསམ༔ བསྒྲུབ་བྱའི་དྲིལ་ཟན་གྱི་གླུད་མར་མེ་ཆང་བུ་སོགས་དཀོར་ཆས་གཏམས་པ་དང་༔ ཞི་བའི་མེ་ཐབ་བམ༔ མར་མེ༔ ཏིལ༔ ཁྲུས་ཆས་སོགས་བཤམ༔ གང་ལ་བྱ་བའི་ཡུལ་མདུན་དུ་འཁོད་པར་ཐོག་མར་མར་མེས་སྦྱང་བའི་སླད༔ མེ་ཐབ་འབར་བའི་དབུས་སུ་འམ༔ མར་མེ་སྐད་ཅིག་གིས་རྡོ་རྗེ་ཕག་མོའི་སྐུར་བསམ༔ རང་གི་སྙིང་ག་ནས་འོད་ཟེར་འཕྲོས༔ བསྒྲུབ་བྱའི་སྣ་བུག་ནས་ཞུགས༔ ལུས་ཀྱི་ཕྱི་ནང་ཐམས་ཅད་ཁྱབ་པས་སྡིག་པ་དང་སྒྲིབ་པ་གྲིབ་དང་མི་གཙང་བ་ནད་གདོན་ཉེར་འཚེ་ཐམས་ཅད་འོད་ཟེར་ནག་པོའི་རྣམ་པས་འདུས༔ སྣ་བུག་ནས་ཐོན༔ ཏིལ་ལ་ཐིམ་པ་བཅོམ་ལྡན་འདས་མའི་ཞལ་དུ་ཕུལ་བས་ཡེ་ཤེས་ཀྱི་མེས་ལྷག་མེད་དུ་བསྲེགས་ཤིང་སྦྱངས་པར་བསམས་ལ༔ ཨོཾ་བཛྲ་ཝཱ་རཱ་ཧཱི་སརྦ་ཌཱ་ཀི་ནཱི་ཁ་ཁ་ཁཱ་ཧི་ཁཱ་ཧི་སརྦ་པཱ་པཾ་ཀླེ་ཤ་མ་ལ་ད་ཧ་ན་བྷསྨིཾ་ཀུ་རུ་ཀུ་རུ་སྭཱ་ཧཱ༔ ཞེས་པས་ཏིལ་བརྒྱ་རྩ་སོགས་ཕུལ༔ མཐར་བཅོམ་ལྡན་འདས་མ་ཡེ་ཤེས་ཀྱི་མེར་འབར་ཞིང་འཁྲུགས་པའི་རྣམ་པར་གྱུར་པས་ཕྱི་ནང་གི་གྲིབ་དང་མི་གཙང་ནད་གདོན་ཉེར་འཚེ་ཐམས་ཅད་ལྷག་མེད་དུ་བསྲེགས་པར་བསམས་ལ་མེས་བསྒྲུབ་བྱའི་ལུས་ལ་བསྐོར་ཞིང་ཕྱིར་དོར༔ དེ་ནས་ཆུས་སྦྱང་བ་ནི༔ ཁྲུས་བུམ་ཐོགས་ལ༔ ཧཱུྃ༔ བུམ་པ་མཐིང་བུམ་དྲི་མེད་ནས༔ ཆོས་དབྱིངས་ཡེ་ཤེས་ཆུ་ཡིས་གཏམས༔ བདུད་རྩིའི་རྒྱུན་གྱིས་ཁྲུས་བགྱིས་པས༔ ཉོན་མོངས་གཏི་མུག་ལས་བྱུང་བའི༔ ནད་གདོན་གྲིབ་དང་མི་གཙང་དང་༔ སྡུག་བསྔལ་རྒྱུ་འབྲས་དག་པར་ཤོག༔ སྔགས་ཀྱི་མཐར་ནད་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ གདོན་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ རིམས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ ཉེ་བར་འཚེ་བ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ ཐབ་མཁོན་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ བྱད་བྱུར་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ སྡུག་བསྔལ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ གནས་གྲིབ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ ལུས་གྲིབ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ ཟས་གྲིབ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ གོས་གྲིབ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ དམ་གྲིབ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ ནལ་གྲིབ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ ཡུག་གྲིབ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ མཛེ་གྲིབ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ རོ་གྲིབ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ དམ་ཚིག་ཉམས་ཆགས་ཉེས་ལྟུང་གི་གྲིབ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ ཧཱུྃ༔ བུམ་པ་གསེར་བུ་དྲི་མེད་ནང་༔ མཉམ་ཉིད་ཡེ་ཤེས་ཆུ་ཡིས་གཏམས༔ བདུད་རྩིའི་རྒྱུན་གྱིས་ཁྲུས་བགྱིས་པས༔ ཉོན་མོངས་ང་རྒྱལ་ལས་བྱུང་བའི༔ ནད་གདོན་གྲིབ་དང་མི་གཙང་དང་༔ སྡུག་བསྔལ་རྒྱུ་འབྲས་དག་པར་ཤོག༔ སྔགས་བརྗོད༔ ཧཱུྃ༔ བུམ་པ་དངུལ་བུམ་དྲི་མེད་ནང་༔ མེ་ལོང་ཡེ་ཤེས་ཆུ་ཡིས་གཏམས༔ བདུད་རྩིའི་རྒྱུན་གྱིས་ཁྲུས་བགྱིས་པས༔ ཉོན་མོངས་ཞེ་སྡང་ལས་བྱུང་བའི༔ ནད་གདོན་གྲིབ་དང་མི་གཙང་དང་༔ སྡུག་བསྔལ་རྒྱུ་འབྲས་དག་པར་ཤོག༔ སྔགས་བརྗོད༔ ཧཱུྃ༔ བུམ་པ་ཟངས་བུམ་དྲི་མེད་ནང་༔ སོར་རྟོག་ཡེ་ཤེས་ཆུ་ཡིས་གཏམས༔ བདུད་རྩིའི་རྒྱུན་གྱིས་ཁྲུས་བགྱིས་པས༔ ཉོན་མོངས་འདོད་ཆགས་ལས་བྱུང་བའི༔ ནད་གདོན་གྲིབ་དང་མི་གཙང་དང་༔ སྡུག་བསྔལ་རྒྱུ་འབྲས་དག་པར་ཤོག༔ སྔགས་བརྗོད༔ ཧཱུྃ༔ བུམ་པ་གཡུ་བུམ་དྲི་མེད་ནང་༔ བྱ་གྲུབ་ཡེ་ཤེས་ཆུ་ཡིས་གཏམས༔ བདུད་རྩིའི་རྒྱུན་གྱིས་ཁྲུས་བགྱིས་པས༔ ཉོན་མོངས་ཕྲག་དོག་ལས་བྱུང་བའི༔ ནད་གདོན་གྲིབ་དང་མི་གཙང་དང་༔ སྡུག་བསྔལ་རྒྱུ་འབྲས་དག་པར་ཤོག༔ སྔགས་བརྗོད་ཅིང་དག་པར་བཀྲུའོ༔ རླུང་གིས་བྱབས་པ་ནི༔ རྨ་བྱ་དང་ཀུ་ཤ་ཐོགས་ལ༔ ཧཱུྃ༔ ཀུ་ཤ་དག་བྱེད་དྲི་མེད་རྫས༔ རྨ་བྱ་དུག་གི་ནུས་པ་འཇོམས༔ རྟེན་འབྲེལ་རྫས་དང་རིག་པའི་སྔགས༔ ཏིང་འཛིན་རླུང་གི་ཤུགས་འཆང་བས༔ སྒོ་གསུམ་ཉོན་མོངས་ལས་བྱུང་བའི༔ ནད་གདོན་གྲིབ་དང་མི་གཙང་དང་༔ སྡུག་བསྔལ་རྒྱུ་འབྲས་ཐམས་ཅད་ཀུན༔ ཆོས་ཀྱི་དབྱིངས་སུ་བྱང་གྱུར་ཅིག༔ སྔགས་ཀྱི་མཐར་ཨ་པ་ན་ཡེ་སྭཱ་ཧཱ༔ ཞེས་གདགས་པ་དང་བཅས་ལུས་ལ་བསྐོར་ཞིང་ཁྲུས་ཁུའི་ནང་དུ་བྱབས་ལ་གྲིབ་གླུད་ཀྱི་མཐར་བླུག༔ གྲིབ་བདག་ལ་གླུད་གཏོར་སྦྱིན་ནས་བསྐྲད་པ་ན༔ ཡས་རྣམས་སྔགས་དང་ཕྱག་རྒྱས་བྱིན་གྱིས་བརླབ༔ རང་གི་སྙིང་ག་ནས་ཁྲོ་བོ་ཊཀྐི་རཱ་ཛའི་ཚོགས་དཔག་ཏུ་མེད་པ་སྤྲོས་ཏེ་བསྒྲུབ་བྱ་ལ་གནོད་ཅིང་འཚེ་བའི་ནད་གདོན་གྲིབ་དང་མི་གཙང་བའི་བདག་པོ་བདག་མོ་ཐམས་ཅད་མདུན་དུ་བཀུག༔ ཞི་ཞིང་དུལ་བའི་ཚུལ་གྱིས་འཁོད་པར་བསམས་ལ༔ ན་མ་སརྦ་ཏ་ཐཱ་ག་ཏ་ཨ་བ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ༔ ལན་བདུན་གྱིས་ཆང་བུ་དང་འབྲུ་ཆན་སོགས་བསྔོས་ལ་གླུད་ཀྱི་ནང་དུ་དོར༔ ཁྱེར་ཅིག་ཁྱེར་ཅིག་སྟོབས་ལྡན་རྣམས༔ སྲེད་དང་ཆགས་དང་ཞེན་པ་དང་༔ དྲན་དང་བཟུང་དང་བསམ་དང་ནི༔ གློད་དང་གྲོལ་དང་ཞི་བར་མཛོད༔ ཅེས་བརྗོད་པ་ལོ་གྲངས་སོགས་ཅི་ནུས་བསྒྱུར༔ ཏིང་ལོ་སྦར༔ གླུད་ཁ་བསྒྱུར་ལ༔ ཧཱུྃ༔ ང་ནི་རྡོ་རྗེ་ཕག་མོ་སྟེ༔ ཁམས་གསུམ་ཐམས་ཅད་ཟིལ་གྱིས་གནོན༔ སྲིད་གསུམ་ཐམས་ཅད་བྲན་དུ་འཁོལ༔ འཁོར་འདས་ཀུན་གྱི་བདག་མོ་ཡིན༔ ཉོན་ཅིག་བགེགས་དང་ལོག་པར་འདྲེན༔ ལུས་ངག་སེམས་ལ་གནོད་བྱེད་པ༔ གྲིབ་དང་མི་གཙང་སྡུག་བསྔལ་དང་༔ ནད་དལ་བདག་པོ་བདག་མོ་ཀུན༔ མི་བས་དགའ་བའི་གླུད་གཏོར་དང་༔ ནམ་མཁའ་མཛོད་དུ་བྱིན་བརླབས་པའི༔ བཟའ་བཏུང་འདོད་ཡོན་འདི་ཁྱེར་ལ༔ རྣལ་འབྱོར་བདག་ཅག་འཁོར་བཅས་ལ༔ གནོད་ཅིང་འཚེ་བའི་བསམ་སྦྱོར་སྤོངས༔ བསྡམས་པ་ཀློད་ལ་མནན་པ་ཐེག༔ གྲིབ་དང་མི་གཙང་སྡུག་བསྔལ་སོགས༔ ཞི་དང་ཕན་པའི་སེམས་བསྐྱེད་ལ༔ རང་རང་གནས་སུ་མྱུར་དུ་སོང་༔ གལ་ཏེ་མི་ཉན་འཚེ་བྱེད་ན༔ རྡུལ་ཕྲན་བཞིན་དུ་བརླག་པར་འགྱུར༔ དེ་བས་ད་ལྟ་ཕྱིར་དེངས་ཤིག༔ ཅེས་དང་དྲག་སྔགས་བརྗོད༔ ཐུན་གྱིས་བྲབ༔ རྫས་ཀྱིས་བདུག་ལ་གླུད་གཏོར་རྒྱང་རིང་དུ་བསྐྱལ༔ སླར་མི་འཇུག་པའི་ཕྱིར་སྲུང་བ་ནི༔ རྡོ་རྗེ་ཐོགས་ལ༔ ཧཱུྃ༔ བཅོམ་ལྡན་རྡོ་རྗེ་ཕག་མོ་ཡི༔ གཉིས་མེད་ཡེ་ཤེས་ལས་བྱུང་བ༔ རྡོ་རྗེ་དྲྭ་བའི་སྤྲིན་ཆེན་པོ༔ ཕྱི་ནང་ཀུན་ཏུ་ཁྱབ་པར་འཕྲོས༔ ལུས་ལ་རྡོ་རྗེའི་གོ་ཆས་གཡོགས༔ ལུས་ཀྱི་ནད་གདོན་སྡུག་བསྔལ་དང་༔ གྲིབ་དང་མི་གཙང་ཐམས་ཅད་ཀུན༔ བྱང་ཆུབ་བར་དུ་རཀྵ་ཧཱུྃ༔ ངག་ལ་རྡོ་རྗེས་བྱིན་བརླབས་པས༔ ངག་གི་ནད་གདོན་སྡུག་བསྔལ་དང་༔ གྲིབ་དང་མི་གཙང་ཐམས་ཅད་ཀུན༔ བྱང་ཆུབ་བར་དུ་རཀྵ་ཧཱུྃ༔ ཡིད་ལ་རྡོ་རྗེས་རྒྱས་བཏབ་པས༔ ཡིད་ཀྱི་ནད་གདོན་སྡུག་བསྔལ་དང་༔ གྲིབ་དང་མི་གཙང་ཐམས་ཅད་ཀུན༔ བྱང་ཆུབ་བར་དུ་རཀྵ་ཧཱུྃ༔ ཞེས་དང་སྔགས་ཀྱི་མཐར་རཀྵ་རཀྵ་བཏགས་པས་རྡོ་རྗེས་བསྐོར་ཞིང་གནས་གསུམ་དུ་རེག༔ བདེན་སྟོབས་དང་བཀྲ་ཤིས་བརྗོད༔ དེས་ནི་ནད་གདོན་གྲིབ་དང་མི་གཙང་བས་ནོན་པ་ལས་གྲོལ་ཏེ་ཟླ་བ་གཟའ་ལས་ཐར་བ་བཞིན་དུ་འགྱུར་རོ༔ ལྔ་པ་རྡོ་རྗེའི་ཚེ་སྒྲུབ་པ་ནི༔ རང་གི་ཐུགས་ཀར་ཡེ་ཤེས་སེམས་མའི་ཐུགས་ཀའི་དབུས་སུ་ཉི་ཟླའི་གའུ་ཁ་སྦྱོར་གྱི་ལྟེ་བར་ཁ་ཊཱྃ་ག་དཀར་པོ་ལྟེ་བར་ཧྲཱིཿས་མཚན་པ་ལས་འོད་ཟེར་འཕྲོས༔ འཁོར་འདས་ཀྱི་དྭངས་བཅུད་ཐམས་ཅད་བདུད་རྩིའི་རྣམ་པར་བཀུག༔ ལུས་ཀྱི་ནང་གང་༔ དུས་མ་ཡིན་པའི་འཆི་བ་ཞི༔ རིག་འཛིན་ཚེའི་དངོས་གྲུབ་ཐོབ༔ དྭངས་མ་ཧྲཱིཿལ་འདུས་པས་རྡོ་རྗེའི་སྲོག་འགྲུབ་པར་བསམས་ལ༔ སྒྲུབ་སྔགས་མཐར༔ བཛྲ་ཨཱ་ཡུ་ཥེ་སྭཱ་ཧཱ༔ ཞེས་བཏགས་པ་བཟླ་བ་ནི་བདག་དོན་རྒྱུན་གྱི་རྣལ་འབྱོར་ཏེ༔ རྩེ་གཅིག་ཏུ་བསྒྲུབས་པས་ཚེའི་བར་ཆད་ཞི་ཞིང་རྡོ་རྗེའི་ཚེ་འགྲུབ་པར་འགྱུར་རོ༔ མདུན་བསྐྱེད་ལ་བརྟེན་ནས་སྒྲུབ་ན༔ ཐོག་མར་ཚེའི་རྫས་འདུ་བྱ་སྟེ༔ བླ་མ་ཡབ་ཡུམ་བྱང་སེམས་དང་༔ ཅོང་ཞི་བྲག་ཞུན་རྟག་ཏུ་ངུུ་༔ འབྲས་བུ་གསུམ་དང་དབང་པོ་ལག༔ རྩ་བ་ལྔ་དང་སྙིང་པོ་ལྔ༔ ཤིང་མངར་ཤུ་དག་དཀར་པོ་ཚེ་ཡི་རྫས༔ ཞེས་པ་རྣམས་ལེགས་པར་སྦྱར་བ་ཞིབ་བཏགས་འབྲུ་དཀར་གྱི་ཕྱེ་མ་དང་བཅས་གཡུ་མཚོ་གཏན་འཁྱིལ༔ རྒྱུན་འབབས་ཀྱི་ཆུ༔ དགུན་མི་འཁྱགས་པའི་ཚེ་རིང་བའི་ཆུ༔ བ་དམར་པོའི་འོ་མ་དང་བཅས་པས་རིལ་བུར་དྲིལ་བ་ཐོད་པ་མཚན་ལྡན་གྱི་ནང་དུ་བླུག༔ དར་དམར་པོས་ཁ་བཅད་ལ་དཀྱིལ་འཁོར་གྱི་དབུས་སུ་བཞག༔ དེའི་མདུན་དུ་ཚེ་གཏོར་དང་༔ ཚེའི་བཟའ་བཏུང་མཆོད་ཚོགས་བཅས་བཤམ༔ བདག་མདུན་གྱི་སྒྲུབ་མཆོད་ཚུལ་བཞིན་དུ་བྱས་ལ་བཟླས་པའི་སྐབས་སུ༔ བདག་མདུན་གྱི་ཐུགས་ཀར་ཚེ་རྟེན་སྔར་བཞིན་གསལ་གདབ༔ རང་གི་ཐུགས་སྲོག་ལས་སྔགས་ཀྱི་འོད་ཟེར་མཆོད་པའི་ཚུལ་དུ་འཕྲོས༔ མདུན་བསྐྱེད་ཀྱི་ཐུགས་ཀར་ཞུགས༔ ཐུགས་རྒྱུད་བསྐུལ༔ དེ་ལས་འོད་ཟེར་མཁའ་ཁྱབ་ཏུ་འབར་བའི་རྩེ་ལས་རྡོ་རྗེ་ཕོ་ཉ་མོའི་ཚོགས་དཔག་ཏུ་མེད་པ་འཕྲོས༔ རང་གི་བླ་ཚེ་ཆད་ཉམས་ཡར་བ་དང་༔ འཁོར་འདས་ཀྱི་དྭངས་བཅུད་ཐམས་ཅད་འཆི་མེད་ཚེའི་བདུད་རྩིར་སྤྱན་དྲངས༔ རང་དང་སྒྲུབ་རྫས་ལ་ཐིམ་པས་རྡོ་རྗེ་ཚེའི་དངོས་གྲུབ་ཐོབ་པར་བསམས་ལ་སྔགས་འབུམ་ཕྲག་གཅིག་བཟླས་པས་དངོས་ཉམས་རྨི་ལམ་དུ་ཚེའི་དངོས་གྲུབ་འགྲུབ་པའི་རྟགས་མཐོང་བར་འགྱུར་རོ༔ ཐུན་མཚམས་སུ་མཆོད་ཅིང་བསྟོད་ལ་ཐུགས་དམ་བསྐུལ་བ་ནི༔ མདའ་དར་གཡོབ་ཅིང་༔ ཨོཾ༔ བཅོམ་ལྡན་རྡོ་རྗེ་ཕག་མོ་ཡུམ༔ ཚེ་དང་ཡེ་ཤེས་དབང་ཕྱུག་མ༔ མཁའ་འགྲོ་རྒྱ་མཚོའི་ཚོགས་དང་བཅས༔ རྩེ་གཅིག་གུས་པས་བསྒྲུབས་ལགས་ན༔ ཐུགས་དམ་ཆེན་པོའི་དུས་ལ་བབ༔ ཕོ་ཉ་མང་པོའི་ཚོགས་དང་བཅས༔ འོད་དང་འོད་ཟེར་མཁའ་ཁྱབ་སྤྲོས༔ རྣལ་འབྱོར་བདག་ཅག་འཁོར་བཅས་ཀྱི༔ བླ་ཚེ་ཆད་ཉམས་ཡར་བ་དང་༔ སྡེ་བརྒྱད་འབྱུང་པོས་ཕྲོགས་པ་ཁུག༔ འབྱུང་བཞིའི་དྭངས་བཅུད་སྐྱེ་འགྲོའི་ཚེ༔ རྒྱལ་བ་སྲས་དང་བཅས་པ་ཡི༔ རྒྱུན་གྱིས་རྟག་པའི་ཡེ་ཤེས་བྱིན༔ འཆི་མེད་བདུད་རྩིའི་རྣམ་པར་སྡུས༔ བདག་ཅག་རྣམས་ལ་སྩལ་ནས་ཀྱང་༔ དུས་མིན་འཆི་བའི་བར་ཆད་ཞི༔ ཚེ་བསོད་དཔལ་འབྱོར་རྟོགས་པ་རྒྱས༔ རྡོ་རྗེའི་སྐུ་མཆོག་འགྲུབ་མཛད་གསོལ༔ ཅེས་དང་སྔགས་བརྗོད༔ དེ་ལྟར་བསྡུས་པའི་ཚེ་བཅུད་ཐམས་ཅད་སྙིང་གའི་ཚེ་རྟེན་ལ་ཐིམ༔ དབུ་མའི་ཡས་མར་གྱི་སྒོ་ཐིག་ལེ་དཀར་དམར་གྱིས་བཅད༔ ལུས་ལ་རྡོ་རྗེའི་གུར་ཁྱིམ་གྱི་གཡོགས་པར་བསམས་ལ༔ ཨཿ རྟག་པ་རྒྱུན་གྱི་ཡེ་ཤེས་ཚེ༔ མི་འགྱུར་གཉུག་མའི་ཐིག་ལེར་ཐིམ༔ བདེ་སྟོང་རྡོ་རྗེས་རྒྱས་བཏབ་ནས༔ ཆོས་ཀྱི་དབྱིངས་སུ་ཚེ་སྦའོ༔ ཨ་ཨ་ཨ༔ ཞེས་བརྗོད་ཅིང་དགོངས་པ་བསྐྱང་༔ གཏོར་མ་ཚོགས་མཆོད་སོགས་ཇི་ལྟར་རིགས་པ་མཐར་དབྱུང་ངོ་༔ དངོས་ཉམས་རྨི་ལམ་དུ་དངོས་གྲུབ་ཐོབ་པའི་རྟགས་མཐོང་བའི་ཚེ༔ ཚོགས་དང་གཏོར་མས་རྒྱ་ཆེར་མཆོད་ཅིང་ནོངས་བཤགས་སྔོན་དུ་འགྲོ་བས་ཐུགས་དམ་བསྐུལ༔ སྒྲུབ་རྫས་སྤྱི་བོར་བླངས་ལ༔ ཨོཾ༔ འཆི་མེད་རྡོ་རྗེ་ཕག་མོ་ཡི༔ མི་འགྱུར་སྐུ་ཡི་ཡེ་ཤེས་ཚེ༔ རྣལ་འབྱོར་དབུ་མའི་ཐིག་ལེར་སྟིམས༔ སྐུ་ཡི་རྡོ་རྗེར་མཛད་དུ་གསོལ༔ སྔགས་མཐར་ཀཱའ་ཡ་སིདྡྷི་ཨོཾ༔ མགྲིན་པར་རེག་ལ༔ ཨཱཿ འཆི་མེད་རྡོ་རྗེ་ཕག་མོ་ཡི༔ རྡོ་རྗེའི་གསུང་གི་ཡེ་ཤེས་ཚེ༔ རྣལ་འབྱོར་སྲོག་གི་སྙིང་པོར་སྟིམས༔ གསུང་གི་རྡོ་རྗེའི་མཛད་དུ་གསོལ༔ སྔགས་མཐར་ཝཱ་ཀ་སིདྡྷི་ཨཱཿ སྙིང་གར་རེག་ལ༔ ཧཱུྃ༔ འཆི་མེད་རྡོ་རྗེ་ཕག་མོ་ཡི༔ རྡོ་རྗེའི་ཐུགས་ཀྱི་ཡེ་ཤེས་ཚེ༔ རྣལ་འབྱོར་གཉུག་མའི་དབྱིངས་སུ་སྟིམས༔ ཐུགས་ཀྱི་རྡོ་རྗེར་མཛད་དུ་གསོལ༔ སྔགས་མཐར་ཙིཏྟ་སིདྡྷི་ཧཱུྃ༔ ཚེའི་བཟའ་བཏུང་རོལ་ལ༔ ཧོཿ ཐབས་ཤེས་ཚེ་ཡི་རིལ་བུ་དང་༔ ཚེ་ཡི་བདུད་རྩི་ལ་བརྟེན་ནས༔ དུས་མིན་འཆི་བ་ཀུན་ཞི་ཞིང་༔ ཚེ་དང་ཡེ་ཤེས་དངོས་གྲུབ་སྩོལ༔ སརྦ་སིདྡྷི་ཕ་ལ་ཧོ༔ ཞེས་པས་ཚེ་དང་ཡེ་ཤེས་ཀྱི་དངོས་གྲུབ་མ་ལུས་པ་ཐོབ༔ འཆི་མེད་རྡོ་རྗེ་ཕག་མོ་དང་སྐལ་བ་མཉམ་པར་བསམས་ལ་རྒྱས་གདབ༔ སྒྲུབ་རྫས་རིལ་བུ་སྣོད་བཟང་པོར་བཅང་༔ དམ་ཚིག་ཉམས་པའི་ལག་ཏུ་མི་འགྲིམ༔ ར་བ་བཞིའི་ཡར་ངོ་ནས་བརྩམས་ཐོ་རངས་རླུང་རིག་དྭངས་པའི་སྐབས་སུ་བསྟེན༔ དེ་ལྟར་བརྩོན་པས་གནས་སྐབས་སུ་ཚེའི་བར་ཆད་ཞི༔ ཚེ་དང་ལུས་ཀྱི་བཅུད་ལེན་འགྲུབ༔ རིག་འཛིན་ཚེའི་དངོས་གྲུབ་ཐོབ༔ མཐར་ཐུག་འཆི་མེད་རྡོ་རྗེ་ཕག་མོའི་ཡེ་ཤེས་རྒྱུད་ལ་བརྟན་པར་འགྱུར་རོ༔ དྲུག་པ་ནོར་སྒྲུབ་པ་ནི༔ དཔལ་ཅན་གྱི་ཐོད་པ་བཀྲ་ཤིས་པའི་ལག་ནས་བྱུང་བ་སྨན་དང་དྲིས་བྱུག༔ རིན་ཆེན་ལྔ༔ དར་སྣ་ལྔ༔ འབྲུ་སྣ་ལྔ༔ སྙིང་པོ་ལྔ༔ བཟའ་བཏུང་ལྔ༔་་་་་་་་ཟན་ཁུར་བ་ཤ་ཆང༌། ལ་ཕུག གཞན་ཡང་དཔལ་ཅན་གྱི་རྫས་ཉི་སྙེད་པ་ཁྲོལ་བུ་དང་རིལ་བུས་བཀང་༔ དར་གྱིས་ཁ་བཅད་ལ་སྟེགས་བུར་བཤམ༔ མཆོད་ཚོགས་དཔུང་བསྐྱེད༔ བདག་དང་མདུན་རྟེན་ལྷར་གསལ་བའི་སྒྲུབ་མཆོད་ཚུལ་བཞིན་དུ་བྱ༔ བཟླས་པའི་སྐབས་སུ་བདག་གི་ཐུགས་སྲོག་ལས་འོད་ཟེར་ཉི་མ་འཆར་ཁའི་མདངས་ཅན་འཕྲོས༔ མདུན་རྟེན་ལྷར་གསལ་བའི་ཐུགས་རྒྱུད་བསྐུལ༔ དེ་ལས་རྡོ་རྗེ་ཕོ་ཉ་མོའི་ཚོགས་མཁའ་ཁྱབ་ཏུ་འཕྲོས༔ སྲིད་པ་དང་ཞི་བའི་ཕྱྭ་གཡང་ལོངས་སྤྱོད་ཐམས་ཅད་བསྡུས༔ བདག་དང་མདུན་རྟེན་ལ་ཐིམ༔ གནས་ཁང་ཡུལ་ཕྱོགས་ཐམས་ཅད་ཕྱུར་བུར་ཁེངས་པས་དཔལ་འབྱོར་ཟད་མི་ཤེས་པར་བསམས་ལ་སྒྲུབ་སྔགས་མཐར༔ སརྦ་ཛཾ་བྷེ་མོ་ཧེ་བ་སུ་སིདྡྷི་པུཥྟིཾ་ཀུ་རུ་ཨོཾ༔ ཞེས་གཙོ་བོར་བཟླ༔ སྐབས་སུ༔ ཨོཾ་དྷ་ར་དྷ་ར་དྷི་རི་དྷི་རི་ཨུཥྞི་ཥ་ན་ན་ཥི་དྷ་རཏྣ་བ་སུ་སིདྡྷི་སྡུས་སྡུས་མ་ནོ་ཧ་ར་ཧྃ་སྭཱ་ཧཱ༔ ཞེས་བཟླ༔ གཏོར་ཚོགས་སོགས་ཀྱིས་མཆོད༔ ཐུགས་དམ་བསྐུལ་བ་ནི༔ ཨོཾ༔ བཅོམ་ལྡན་རྡོ་རྗེ་ཕག་མོ་ཡུམ༔ འདོད་རྒུའི་དངོས་གྲུབ་མཆོག་སྩོལ་མ༔ མཁའ་འགྲོ་རྒྱ་མཚོའི་འཁོར་དང་བཅས༔ རྣལ་འབྱོར་གདུང་བས་གསོལ་འདེབས་ན༔ ཐུགས་རྗེའི་ཡེ་ཤེས་ཕྱོགས་བརྒྱར་སྤྲོས༔ སྣོད་ཀྱི་དྭངས་མ་བཅུད་ཀྱི་གཡང་༔ འཁོར་འདས་ཀུན་གྱི་དཔལ་དང་སྟོབས༔ ཕུན་སུམ་ཚོགས་པའི་དངོས་གྲུབ་ཀུན༔ ཐོགས་པ་མེད་པར་གནས་འདིར་སྡུས༔ དཔལ་འབྱོར་ལོངས་སྤྱོད་དངོས་གྲུབ་སྩོལ༔ ཅེས་ཡང་ཡང་བསྐུལ་ཞིང་སྔགས་བཟླ༔ དེ་ལྟར་བརྩོན་པས་དངོས་ཉམས་རྨི་ལམ་དུ་དགེ་བའི་མཚན་མ་མཐོང་ན་དངོས་གྲུབ་བླང་ཞིང་༔ མདུན་བསྐྱེད་རྟེན་དང་བརྟེན་པར་བཅས་པ་ཡོངས་སུ་གྱུར་པ་ལས་དངོས་གྲུབ་ཀྱི་རྫས་ཡིད་བཞིན་ནོར་བུའི་སྙིང་པོར་བསམས་ལ་བརྟན་བཞུགས་ཤིས་བརྗོད་བྱ༔ མཛོད་ཀྱི་ཕུགས་སུ་བཀུར་སྟི་དང་བཅས་ཏེ་བཞག༔ སྒྲུབ་པའི་རིལ་བུ་སོགས་སྒྲུབ་རྫས་ཀྱི་ཆ་ཤས་གཏེར་བུམ་དུ་བསྩལ་ལ་གནས་ཁང་དང་རྒྱབ་རི་དཔལ་ཅན་སོགས་སུ་སྦས་པས་གནས་སྐབས་སུ་དབུལ་ཕོངས་ཞི༔ དཔལ་འབྱོར་ལོངས་སྤྱོད་འཕེལ༔ སྲིས་སྨེ༔ འབྱོར་པ་ངང་གིས་འདུ༔ མཐར་ཐུག་ནམ་མཁའི་མཛོད་ཀྱི་ཡོ་བྱད་ལ་དབང་སྒྱུར་བར་འགྱུར་རོ༔ སྒྲུབ་རྫས་དང་ཐོད་པ་སོགས་མ་རྙེད་ན་རྟེན་གཏོར་ནོར་བུ་འབར་བའི་དབྱིབས་ཅན་རིན་ཆེན་འབྲུ་སྨན་དར་ཟབ་བཟའ་བཏུང་བཟང་པོས་བསྐོར་བ་ལ་བརྟེན་ནས་བསྒྲུབས་ཀྱང་རུང་ངོ་༔ བདུན་པ་ཤེས་རབ་སྒྲུབ་པ་ནི༔ མདུན་ཏུ་མཎྜ་ལར་ཐོད་ལེ་སྐོར་གྱིས་ཆོས་འབྱུང་ཟུར་དྲུག་མུ་ཁྱུད་དང་བཅས་པ་ལྟེ་བ་དང་ཟུར་དྲུག་རྩིབས་མཆན་བཅས་ལ་ཧྲཱིཾ་རེ་བྲི༔ དེའི་དབུས་སུ་ཤུ་དག་དཀར་པོ༔ རྩིབས་དང་མཆན་རྣམས་ལ་ཆུ་ཤེལ༔ ཙནྡན་དཀར་པོ༔ སྤང་རྒྱན་དཀར་པོ༔ ཅུ་གང་༔ རུ་རྟ༔ ཨ་རུ་ར༔ སྤང་སྤོས༔ གུར་གུམ༔ གི་ཝཾ༔ དབང་ལག༔ ན་ལེ་ཤཾ༔ ཤིང་མངར་རྣམས་ཁྲོལ་བུར་སྤུངས༔ བགེགས་བསལ༔ ཁྲུས་ནས་དབྱུང་༔ བདག་གི་རྣལ་འབྱོར་ལ་གནས་པས་ཐུགས་སྲོག་ཧྲཱིཾ་ཡིག་དཀར་པོར་གསལ་བ་ལས་འོད་ཟེར་འཕྲོས༔ འཁོར་འདས་ཀྱི་ཡེ་ཤེས༔ གཟུངས། བློ་གྲོས༔ སྤོབས་པ༔ སྟོབས་རྩལ༔ ནུས་མཐུ༔ དྭངས་བཅུད་ཐམས་ཅད་འོདཟེར་བདུད་རྩིའི་རྣམ་པར་སྤྱན་དྲངས༔ མདུན་གྱི་རྫས་ལ་ཐིམ་པས་ཁ་དོག་དྲི་རོ་ནུས་མཐུ་ཕུན་སུམ་ཚོགས་པར་བསམས་ལ་ཧྲཱིཾ་འབའ་ཞིག་གི་བཟླས་པ་ཁྲི་དང་༔ སྒྲུབ་སྔགས་ཀྱི་ཤམ་བུར་དབྱངས་གསལ་དང༌། ཨོཾ་པི་ཙུ་པི་ཙུ་པྲ་ཛྙཱ་ཝརྡྷཱ་ནི་ཛྭ་ལ་ཛྭ་ལ་མེ་དྷ་ཝརྡྷཱ་ནི་དྷི་རི་དྷི་རི་བུ་དྷི་ཝརྡྷཱ་ནི་སྭཱ་ཧཱ༔ ཞེས་པའང་ཇི་ལྟར་རིགས་པ་བཟླས་པས་བྱིན་གྱིས་བརླབ༔ དེ་ནས་ལེགས་པར་བཏགས་ལ་བ་དམར་པོའི་འོ་མ་དང༌། ར་དཀར་པོའི་འོ་མ༔ སྦྲང་རྩི་བཅས་ཀྱིས་རིལ་བུར་དྲིལ༔ རིན་པོ་ཆེའམ་ཐོད་པའི་སྣོད་དུ་བསྩལ༔ དར་དཀར་པོས་ཁ་བཅད་དེ་སྒྲུབ་པའི་དཀྱིལ་འཁོར་གྱི་དབུས་སུ་བཞག༔ མཆོད་གཏོར་སོགས་བཤམ༔ བདག་བསྐྱེད་དང་མདུན་གྱི་རིལ་བུ་ལྷར་གསལ་བཏབ་ནས་སྒྲུབ་མཆོད་ཚུལ་བཞིན་གྱི་མཐར་བཟླས་པའི་སྐབས༔ རང་གི་ཐུགས་སྲོག་ལས་འོད་ཟེར་འཕྲོས༔ མདུན་གྱི་རིལ་བུ་ལྷར་གསལ་བའི་ཐུགས་སྲོག་ལ་ཐིམ༔ དེ་ལས་འོད་ཟེར་ལྕགས་ཀྱུ་ཧྲཱིཾ་ཡིག་གི་རྣམ་པས་ཕྱོགས་བཅུར་འཕྲོས༔ ཕྱོགས་བཅུའི་རྒྱལ་བ་སྲས་དང་བཅས་པའི་མཁྱེན་བརྩེ་ནུས་པ༔ གཟུངས་དང་སྤོབས་པའི་ཡེ་ཤེས༔ འཇིག་རྟེན་པའི་བློ་གྲོས་སྟོབས་རྩལ་ནུས་མཐུ༔ ཉི་ཟླ་ནོར་བུ་སྨན་ལ་སོགས་པའི་དྭངས་བཅུད་ཐམས་ཅད་རང་དབང་མེད་པར་བསྡུས་ཏེ་བདག་མདུན་ལ་ཐིམ་པས་ཡེ་ཤེས་ཀྱི་གཟི་བྱིན་མཆོག་ཏུ་འབར་བར་བསམས་ལ་ཧྲཱིཾ་ཁྲི་ཕྲག་གསུམ་དང་༔ སྔགས་རིང་ཡང་ཇི་ལྟར་ནུས་པ་བཟླ༔ ཐུན་མཚམས་རྣམས་སུ་གཏོར་ཚོགས་སོགས་བྱ༔ འོད་དང་སྒྲ་སོགས་རྟགས་མཐོང་བའམ་བཟླས་གྲངས་རྫོགས་པ་ན་དངོས་གྲུབ་བླང་༔ ལྷ་འོད་དུ་ཞུ་བ་སྨན་གྱི་རིལ་བུ་མཐོང་ཐོས་དྲན་རེག་ཐམས་ཅད་བློ་དང་ངག་གི་དངོས་གྲུབ་སྩོལ་བའི་ནུས་པ་དང་ལྡན་པར་བསམ༔ བརྟན་བཞུགས་ཤིས་བརྗོད་སོགས་བྱ༔ ར་བ་བཞིའི་ཚེས་གཅིག་ནས་བརྩམས་ཏེ་ཐོ་རངས་ཀྱི་དུས་སུ་ཟླ་བ་གསུམ་སོགས་བརྟེན་པས་ཚེ་དང་ལང་ཚོའི་བཅུད་ལེན་དུ་འགྱུར༔ གཟི་བྱིན་འབར༔ དབྱངས་སྙན༔ བློ་རྣོ༔ དྲན་པ་གསལ༔ ཡིད་གཞུངས༔ བསླབས་དང་མ་བསླབས་པའི་ཤེས་བྱ་ཐམས་ཅད་ཐོགས་མེད་དུ་ཤེས༔ གཟུངས་དང་སྤོབས་པ་ཐོབ༔ མཐར་ཐུག་དེ་ཁོ་ན་ཉིད་ཀྱི་ཡེ་ཤེས་ཁོང་དུ་ཆུད་པར་འགྱུར་རོ༔ བརྒྱད་པ་དབང་གི་ལས་སྒྲུབ་པ་ནི༔ རང་གི་ཐུགས་སྲོག་ལས་འོད་ཟེར་ལྕགས་ཀྱུའི་རྣམ་པ་ཅན་ཐལ་གྱིས་འཕྲོས༔ སྨིན་མཚམས་གནད་ཀྱི་སྒོ་ནས་ཐོན་པ་དང་༔ མཁའ་འགྲོ་དམར་མོ་ལྕགས་ཀྱུ་ཐོགས་པ་དཔག་ཏུ་མེད་པ་འོད་ཟེར་འབར་བཞིན་པས་འཇིག་རྟེན་ཁམས་ཐམས་ཅད་ཁྱབ༔ སྲིད་པ་གསུམ་གྱི་ཚེ་བསོད་དཔལ་འབྱོར་ཐམས་ཅད་ཁབ་ལེན་གྱི་རྡོས་ལྕགས་བླངས་པ་ལྟར་བསྡུས་ནས་རང་ལ་ཐིམ༔ ཡིད་ཅན་ཐམས་ཅད་ཀྱི་སྙིང་རྩ་དབང་མེད་དུ་བསྒུལ༔ འུར་འུར་ཐིབ་ཐིབ་དབང་དུ་འདུས་པས་ཁམས་གསུམ་གྱི་དབང་ཕྱུག་ཆེན་མོར་གྱུར་པར་བསམས་ལ་སྔགས་ཀྱི་མཇུག་ཏུ༔ སརྦ་ཏྲེ་ལོ་ཀ་ཝཱ་ཤཾ་ཀུ་རུ་མ་ནོ་ཧ་ར་ཧཱུྃ་ཧ་ར་ཙིཏྟ་ཧྲཱིཾ་ཧྲཱིཾ་ཛ་ཛ༔ ཞེས་ཁྲི་ཕྲག་བཞི་བཟླས་པས་འགྲུབ་པར་འགྱུར་རོ༔ བསྒྲུབ་བྱ་ཕོ་མོ་ཆེད་དུ་ཡོད་ན་དེ་ཁོ་ན་ལ་དམིགས་པས་གཟིར་ཞིང་སྔགས་ལ་མིང་སྦྲེལ༔ རྫས་སྦྱོར་བྱེད་ན༔ ཡེ་ཤེས་དབང་དུ་བྱེད་པ་བླ་མ་ཡབ་ཡུམ་གྱི་བྱང་སེམས། བདེ་བ་དབང་དུ་བྱེད་པ་རྣལ་འབྱོར་པ་རང་ཉིད་ཡབ་ཡུམ་གྱི་ཁམས༔ སྣང་བ་དབང་དུ་བྱེད་པ་སིནྡཱུ་ར༔ སྲིད་པ་དབང་དུ་བྱེད་པ་གི་ཝཾ༔ ཟས་དབང་དུ་བྱེད་པ་སྦྲང་རྩི༔ གོས་དབང་དུ་བྱེད་པ་ལེ་བརྒན་གྱི་དར༔ རིན་པོ་ཆེ་དབང་དུ་བྱེད་པ་བྱེ་རུ༔ འབྲུ་དབང་དུ་བྱེད་པ་ཁྲེ་དམར་པོ༔ རྟ་ཕྱུགས་དབང་དུ་བྱེད་པ་གཡང་ཅན་གྱི་སྤུ་སྣ༔ ཕོ་དབང་ཏུ་བྱེད་པ་མཚལ༔ མོ་དབང་དུ་བྱེད་པ་དུང་༔ ཆགས་པ་སྐྱེད་པ་ལན་ཚྭ༔ ཡིད་སྒྱུར་བ་ཆང་༔ མྱོས་པར་བྱེད་པ་ལང་ཐང་ཚེ་རྣམས་དང་༔ གཞན་ཡང་གླང་སྣ༔ ཧ་ལོ༔ ཨུག་ཆོས༔ རྡོ་ཁབ་ལེན༔ སྤོས་དཀར༔ སྤོང་སྤོས༔ རྒྱ་སྤོས༔ ཤིང་ཚྭ༔ ཤུ་དག་རྣམས་ཀྱི་ཕྱེ་མ་དང་སྦྱར་བ་རིལ་བུའམ་ཕུར་མ་བྱས་ལ་སྔགས་ཀྱིས་ངར་བཏབ༔ ཁྲོམ་ཚོགས་སོགས་ཀྱི་སྐབས་སུ་བདུད་རྩིར་སྦྱར་ཏེ་སྦྱིན༔ དྲི་དང་སྦྱར་ཏེ་བདུག༔ ལུས་ལ་རེག་པ་སོགས་བགྱིས་པས་རྩོལ་མེད་དུ་དབང་དུ་འདུ་བར་འགྱུར་རོ༔ བསྒྲུབ་བྱ་དམིགས་བསལ་ལ་བྱེད་ན་སོ་སོའི་ཁམས་དཀར་དམར་རམ་ཟག་རྫས་སྦྱར་བའང་གནད་དོ༔ དགུ་པ་སྲུང་བའི་ལས་སྒྲུབ་པ་ལ༔ སྒོམ་པས་སྲུང་བ་ནི༔ རང་ཕག་མོར་གསལ་བའི་ཕྱི་རོལ་ཏུ་ཆོས་འབྱུང་གི་ཟུར་དྲུག་ལ༔ ཕག་མོ་དམར་མོ༔ གཤིན་རྗེ་མ་སྔོན་མོ༔ རྨོངས་བྱེད་མ་དམར་མོ༔ སྐྱོད་བྱེད་མ་སེར་མོ༔ སྐྲག་བྱེད་མ་ལྗང་མོ༔ ཙཎྜི་ཀཱ་ནག་མོ་སྟེ་གོ་ཆའི་དཔའ་མོ་དྲུག་རྣམས་རྒྱན་ཆ་ལུགས་གཙོ་མོ་དང་མཐུན་པ༔ དེའི་ཕྱི་རོལ་ཏུ་འཁོར་ལོ་རྩིབས་བཅུ་པ་ཡངས་ཤིང་རྒྱ་ཆེ་བའི་ལྟེ་བར་གཙུག་ཏོར་འཁོར་ལོས་སྒྱུར་བ༔ སྟེང་འོག་ཕྱོགས་མཚམས་སུ་ཁྲོ་བོ་བཅུ༔ དེའི་ཕྱི་རོལ་དུ་རྡོ་རྗེ་ར་བ༔ མདའི་དྲྭ་བ༔ ཡེ་ཤེས་ཀྱི་མེ་ཕུང་འབར་བ་དང་བཅས་པ་གསལ་ཞིང་བརྟན་པས་བགེགས་དང་བར་དུ་གཅོད་པའི་སྦྱོར་བ་ཐམས་ཅད་བསྲུངས་པར་བསམས་ལ༔ སྒྲུབ་སྔགས་མཐར་བཛྲ་ཀཱ་ཝཱ་ཙི་རཀྵ་རཀྵ་ཧྃ༔ ཞེས་བཟླ་བར་བྱའོ༔ བྲིས་པས་བསྲུང་བ་ནི༔ བྲོ་གའམ་ཤོག་བུ་ལ་འཁོར་ལོའི་ལྟེ་བར་ཆོས་འབྱུང་ཟུར་དྲུག་པའི་དབུས་སུ་ཟླ་གདན་རྡོ་རྗེའི་ལྟེ་བར་ལུས་ངག་ཡིད་ཡེ་ཤེས་དང་བཅས་པ་སྲུང་བའི་ཨོཾ་ཨཱཿཧཱུྃ་ཧོཿབརྩེགས་མ༔ ཟུར་དྲུག་ལ་དབང་ཡུལ་སྐྱེ་མཆེད་བསྲུང་བའི་ཕྱིར་ཨ་བྃ༔ ཧྃ་ཡྃ༔ ཧྲཱིཾ་མྃ༔ ཧྲཱིཾ་ཧྲཱིཾ༔ ཧཱུྃ་ཧཱུྃ༔ ཕཊ་ཕཊ༔ རྩིབས་མཆན་རྣམས་ལ་གཡུང་དྲུང་འཁྱིལ་བ༔ དེའི་ཕྱི་རོལ་གྱི་མུ་ཁྱུད་ལ་རྟོག་ཚོགས་ཐམས་ཅད་བསྲུང་བའི་ཕྱིར་བཅོམ་ལྡན་འདས་མའི་བསྙེན་སྒྲུབ་ལས་སྦྱོར་གྱི་སྔགས་དང་༔ མཱྃ་ལཱྃ་པཱྃ་ཏཱྃ༔ པཱུ་ལ་སོགས་པའི་ཡི་གེ་ཉེར་བཞི༔ ཧཱུྃ་བརྒྱད་དང་བཅས་པའི་མཐར་གང་བསྲུང་བའི་སྤེལ་ཚིག་སྦྱར༔ དེའི་ཕྱི་རོལ་གྱི་མུ་ཁྱུད་ལ་གཙུག་ཏོར་འཁོར་ལོས་སྒྱུར་བའི་སྔགས་སྤེལ་ཚིག་དང་བཅས་པ༔ དེའི་ཕྱི་རོལ་དུ་འཁོར་ལོ་རྩིབས་བཅུ་ལ་ཁྲོ་བོ་བཅུའི་སྔགས༔ རྩིབས་མཆན་རྣམས་སུ་རྡོ་རྗེ་ཧཱུྃ་གིས་མཚན་པ༔ དེའི་ཕྱི་རོལ་དུ་དབྱངས་གསལ་རྟེན་སྙིང་འདོད་གསོལ༔ དེའི་ཕྱི་རོལ་དུ་རྡོ་ར༔ མེ་རི་རྣམས་རིམ་པར་བྲིས་པ་ལ་གུར་གུམ༔ གི་ཝྃ༔ ཅུ་གང་༔ སིནྡྷཱུ་ར༔ དྲི་བཞིས་་་་་་་་ག་བུར༔ གླ་རྩི༔ ཙནྡན༔ ཤིང་ཚྭ༔ བྱུག༔ ལྷར་བསྐྱེད་བཟླས་པ་སོགས་ཀྱིས་ནུས་ལྡན་དུ་བསྒྲུབ༔ ཤུ་དག༔ ཡུངས་ཀར༔ རྨ་བྱའི་མདོངས་རྣམས་དང་ལྷན་ཅིག་ཟངས་ཀྱི་གྭའུར་བཅུག་སྟེ་མགུལ་ལམ་དཔུང་པར་བཏགས་ན་ནད་གདོན་བགེགས་དང་བར་དུ་གཅོད་པ་ཐམས་ཅད་སྲུང་བའི་མཆོག་ཏུ་འགྱུར་རོ༔ བཅུ་པ་ཕྱིར་ཟློག་པ་ནི༔ གོ་ཆའི་དཔའ་མོ་དང་ཁྲོ་བོ་བཅུ་གཅིག་སྔར་བཞིན་གསལ་བཏབ་ལ༔ ངག་ཏུ་ཧཱུྃ་ཞེས་བརྗོད་པས་དེ་རྣམས་ཞལ་ཕྱིར་གཟིགས་ཏེ་ཁྲོས་ཤིང་རྔམས་པའི་ཐུགས་ཀ་ནས་རང་འདྲ་བའི་སྤྲུལ་པ་གྲངས་མེད་པ་སྤྲོས་ཏེ་ནད་གདོན་བགེགས་དང་བྱད་ཕུར་རྦོད་གཏོང་སོགས་མི་མཐུན་པའི་ཕྱོགས་ཐམས་ཅད་ཕྱིར་བཟློག་ཅིང་རྒྱང་རིང་དུ་བསྐྲད་པར་བསམས་ལ༔ སྒྲུབ་སྔགས་ཀྱི་མཐར་གོ་ཆའི་སྔགས་དང་ཧཱུྃ་བཅུ་གཅིག་གི་མཐར་སརྦ་མཱ་ར་སེ་ན་པྲ་ཏྱཾ་གཱི་ར་ཧཱུྃ་ཧཱུྃ་ཕཊ་ཕཊ༔ ཅེས་བཏགས་པ་མང་དུ་བཟླས་ཤིང་བདེན་སྟོབས་བརྗོད༔ ཐལ་མོ་བརྡབ༔ དེ་ལྟར་བགྱིས་པས་སྒྲུབ་པ་པོའི་བར་ཆད་ཐམས་ཅད་སྐད་ཅིག་གིས་ཕྱིར་ཟློག་པར་འགྱུར་རོ༔ སླར་མི་འཇུག་པའི་ཕྱིར་ལྷ་རྣམས་ནང་དུ་ཞལ་ཕྱོགས་ནས་སྲུང་བ་མཚམས་ཀྱི་ལས་མཛད་པར་བསམས་ལ་སྲུང་འཁོར་གསལ་བརྟན་དུ་བསྒོམ་ཞིང་སྔགས་ཀྱང་བཟླའོ༔ བཅུ་གཅིག་པ་མངོན་སྤྱོད་ཀྱི་ལས་བསྒྲུབ་པ་ནི༔ གྲོག་མཁར་གྱི་ས་དང་ཚ་བ་གསུམ་ཁབ་ལེན་དུག་ཁྲག་བཅས་སྦྱར་བ་ལ་དགྲ་ཡིན་ན་ཟག་རྫས་དང་༔ བགེགས་ལ་བྱེད་ན་དེའི་གནས་རྟེན་གྱི་ས་རྡོའི་ཕྱེ་མ་བསྲེས་པས་རཱུ་པ་སོར་བརྒྱད་པ་བྱས་ལ་ལྕགས་ཁང་དུ་བཅུག༔ སྲུང་ཟློག་གི་དམིགས་བཟླས་སྔར་བཞིན་རྗེས༔ སླར་ཡང་ཧཱུྃ་གིས་བསྐུལ་བས་དཔའ་མོ་དྲུག་དང་ཁྲོ་བོའི་ཚོགས་ཀྱི་ཐུགས་ཀ་ནས་ཕོ་ཉ་ཕྱག་རྒྱ་བཞི་ཐོགས་པ་དཔག་ཏུ་མེད་པ་སྤྲོས༔ དགྲ་བགེགས་གང་ཡིན་གྱི་སྙིང་ག་ནས་ལྕགས་ཀྱུས་བཏབ༔ མགྲིན་པ་ཞགས་པས་བསྡམས༔ ཡན་ལག་ལྕགས་སྒྲོག་གིས་བཅིངས་ཏེ་གཟུགས་ལ་བསྟིམས༔ དྲིལ་བུའི་སྒྲས་མྱོས་ཤིང་འགྱེལ་བར་བསམས་ལ་འགུགས་པའི་བདེན་སྟོབས་ཀྱང་བརྗོད༔ དེ་ནས་དེ་རྣམས་ཀྱི་ཐུགས་ཀ་ནས་ཁྲོ་མོ་གསོད་བྱེད་མ་ནག་མོ་ཐུན་དང་ཕུར་པ་ཐོགས་པ་དཔག་ཏུ་མེད་པ་སྤྲོས་ཏེ་ཐུན་གྱིས་ལུས་ཁྲོལ་ཆགས་སུ་བཏང་༔ ཕུར་བུས་བཏབ༔ རྣམ་ཤེས་དབྱིངས་སུ་སྦར༔ ཚེའི་རྟེན་ཕུང་པོ་དང་བཅས་པ་གཟིར་ཞིང་བསྒྲལ་བར་བསམས་ལ་སྒྲུབ་སྔགས་དང་གོ་ཆ་དང་ཁྲོ་བོའི་ས་བོན་བཅས་ཀྱི་མཐར་སརྦ་ཤ་ཏྲཱུན་བིགྷྣཱན་མཱ་ར་སེ་ནཱ་གྲྀཧྞ་གྲྀཧྞ༔ བནྡྷ་བནྡྷ༔ ཧ་ན་ཧ་ན༔ ད་ཧ་ད་ཧ༔ པ་ཙ་པ་ཙ༔ དེ་ནི་མེ་ཀེ་ན་མཱ་ར་ཡ་མཱ་ར་ཡ་ཁ་ཁ་ཁཱ་ཧི་ཁཱ་ཧི་ཧཱུྃ་ཧཱུྃ་ཕཊ་ཕཊ་ཅེས་དྲག་ཏུ་བཟླ། ཐུན་གྱིས་བྲབ༔ ཕུར་བུས་གདབ༔ མཐར་རཱུ་པ་དུར་ཁྲོད་དྲག་པོའི་མེས་སྦྱང་༔ ཐལ་བ་འདྲེ་ཅན་གྱི་སར་མནན༔ དེས་ནི་གདུག་པ་ཅན་ཐམས་ཅད་མྱུར་དུ་ཚར་གཅོད་པར་འགྱུར་རོ༔ བཅུ་གཉིས་པ་ཉམས་ཆག་སྐོང་བའི་ལས་སྒྲུབ་པ་ནི༔ མཆོག་དང་ཐུན་མོང་གི་དངོས་གྲུབ་གང་བསྒྲུབས་ཀྱང་རང་རྒྱུད་དག་པར་བྱ་བ་ཤིན་ཏུ་གལ་ཆེ་བས་དམ་ཚིག་མ་ཉམས་པར་བསྲུང་༔ གལ་ཏེ་ཚོར་དང་མ་ཚོར་བའི་ཉམས་ཆགས་དབང་མེད་དུ་བྱུང་ན་བཤགས་སྦྱང་གི་ཚོགས་འཕྲལ་དུ་ཕྱིར་བཅོས་པར་བྱ་སྟེ། དེའང་ཡར་མར་གྱི་ཚེས་བཅུ་སོགས་དུས་ཁྱད་པར་ཅན་གྱི་ཚེ་སྒྲུབ་པའི་དཀྱིལ་འཁོར་ཚུལ་བཞིན་དུ་བཤམ༔ མཆོད་གཏོར་ཚོགས་ཀྱི་ཡོ་བྱད་གྱ་ནོམ་པ་དང་༔ ཁྱད་པར་གཙང་ཞིང་གསལ་བའི་མར་མེ་བརྒྱ་རྩ་སོགས་ཀྱི་ཕྲེང་བས་བསྐོར༔ བདག་མདུན་སྒྲུབ་མཆོད་གཏོར་མ་འབུལ་བ་རྣམས་ཚུལ་བཞིན་དུ་བྱས་ལ༔ རྣལ་འབྱོར་གདུང་བའི་ཤུགས་བསྐྱེད་དེ་བརྐྱང་ཕྱག་འཚལ༔ ཡི་གེ་བརྒྱ་པའི་སྔགས་བཟླ༔ ལྟ་བའི་ཀློང་བཤགས་ཀྱི་དགོངས་པ་བསྐྱང་༔ ཐུན་མོང་དུ་རྩ་བ་དང་ཡན་ལག་གི་ཉེས་བྱས་བཤགས་པས་ལུས་ངག་ཡིད་གསུམ་ཆ་མཉམ་པའི་ཉམས་ཆགས་སྦྱང༔ སྨན་གཏོར་རཀྟའི་སྐོང་བ་བྱ༔ ཁྱད་པར་དབང་བཞིའི་དམ་ཚིག་ཉམས་ཆགས་སྐོང་བའི་སླད་དུ་མར་མེ་ཐོགས་ཏེ་དཀྱིལ་འཁོར་ལ་བསྐོར་ཞིང་༔ ཨོཾ༔ སྣང་བ་སྣོད་ཀྱི་ཀོང་བུ་རུ༔ སྲིད་པ་བཅུད་ཀྱི་མར་ཁུས་གཏམས༔ ལུས་གནས་རྩ་ཡི་སྡོང་བུ་བཙུགས༔ སྣང་སྟོང་ཟུང་འཇུག་མར་མེ་སྦར༔ དག་པ་རབ་འབྱམས་མཆོད་སྤྲིན་འདིས༔ ཀུན་བཟང་རྡོ་རྗེ་ཕག་མོ་ཡུམ༔ གནས་གསུམ་དཔའ་བོ་རྣལ་འབྱོར་མ༔ ཐུགས་རྗེ་སྤྲུལ་སྐུའི་བདག་ཉིད་ཅན༔ མཁའ་ཁྱབ་འདུས་པའི་ཐུགས་དམ་བསྐང་༔ སྤྱི་དང་ཁྱད་པར་ལྷག་པ་སོགས༔ རྡོ་རྗེ་ཐེག་པའི་འདུལ་བ་དང་༔ ཁྱད་པར་བུམ་པའི་དབང་གི་ལམ༔ མཉམ་གཞག་བསྐྱེད་རིམ་མ་གསལ་ཞིང་༔ རྗེས་ཐོབ་ཐ་མལ་སྣང་བར་ཞེན༔ བཟའ་བ་ཤ་ལྔ་བདུད་རྩི་དང་༔ བཅང་བའི་རྡོ་རྗེ་དྲིལ་བུ་སྤངས༔ བསྲུང་བྱ་རྩ་བ་ཡན་ལག་གི༔ དམ་ཚིག་ཉམས་ཆགས་གྱུར་པ་ཀུན༔ སྙིང་ནས་འགྱོད་པས་མཐོལ་བཤགས་ཤིང་༔ ཕྱིན་ཆད་མི་བགྱིད་དམ་བཅའ་ན༔ དག་ཅིང་ཚངས་པར་དབུགས་ཕྱུང་ནས༔ སྐུ་ཡི་རྡོ་རྗེའི་དངོས་གྲུབ་སྩོལ༔ ཨོཾ་བཛྲ་ཀཱ་ཡ་དཱི་པེ་པྲ་ཏཱིཙྪ་ཨཱཿཧཱུྃ༔ ཨཱཿ དབུ་མ་རྩ་ཡི་ཀོང་བུ་རུ༔ སྲོག་རྩོལ་རླུང་གི་མར་ཁུས་གཏམས༔ ཁ་སྦྱོར་ནཱ་དའི་སྡོང་བུ་བཙུགས༔ གསལ་སྟོང་ཟུང་འཇུག་མར་མེ་སྦར༔ དབང་སྒྱུར་ཆེན་པོའི་མཆོད་སྤྲིན་འདིས༔ ཀུན་བཟང་རྡོ་རྗེ་ཕག་མོ་ཡུམ༔ གནས་གསུམ་དཔའ་བོ་རྣལ་འབྱོར་མ༔ རང་བཞིན་ལོངས་སྐུའི་བདག་ཉིད་ཅན༔ མཁའ་ཁྱབ་འདུས་པའི་ཐུགས་དམ་བསྐང་༔ སྤྱི་དང་ཁྱད་པར་ལྷག་པ་སོགས༔ རྡོ་རྗེ་ཐེག་པའི་འདུལ་བ་དང་༔ ཁྱད་པར་གསང་བའི་དབང་གི་ལམ༔ མཉམ་གཞག་རྩ་རླུང་མ་བསྒོམས་ཤིང་༔ རྗེས་ཐོབ་དེ་ཉིད་ལམ་མ་ལོངས༔ བཟའ་བ་སྟོང་གསལ་བདུད་རྩི་སྤངས༔ བཅང་བ་སྲོག་རྩོལ་རང་གར་ཤོར༔ བསྲུང་བྱ་ཁ་སྦྱོར་དང་བྲལ་བའི༔ དམ་ཚིག་ཉམས་ཆགས་གྱུར་པ་ཀུན༔ སྙིང་ནས་འགྱོད་པས་མཐོལ་བཤགས་ཤིང་༔ ཕྱིན་ཆད་མི་བགྱིད་དམ་བཅའ་ན༔ དག་ཅིང་ཚངས་པར་དབུགས་ཕྱུང་ནས༔ གསུང་གི་རྡོ་རྗེའི་དངོས་གྲུབ་སྩོལ༔ ཨོཾ་བཛྲ་ཝཱ་ཀ་དཱི་པེ་པྲ་ཏཱིཙྪ་ཨཱཿཧཱུྃ༔ ཧཱུྃ༔ འཁོར་ལོ་བཞི་ཡི་ཀོང་བུ་རུ༔ ཐིག་ལེ་བཞི་ཡི་མར་ཁུས་གཏམས༔ དགའ་བ་བཞི་ཡི་སྡོང་བུ་བཙུགས༔ སྟོང་པ་བཞི་ཡི་མར་མེ་སྦར༔ ལྷན་སྐྱེས་བདེ་བའི་མཆོད་སྤྲིན་འདིས༔ ཀུན་བཟང་རྡོ་རྗེ་ཕག་མོ་ཡུམ༔ གནས་གསུམ་དཔའ་བོ་རྣལ་འབྱོར་མ༔ ངོ་བོ་ཆོས་སྐུའི་བདག་ཉིད་ཅན༔ མཁའ་ཁྱབ་འདུས་པའི་ཐུགས་དམ་བསྐང་༔ སྤྱི་དང་ཁྱད་པར་ལྷག་པ་སོགས༔ རྡོ་རྗེ་ཐེག་པའི་འདུལ་བ་དང་༔ ཁྱད་པར་གསུམ་པའི་དབང་གི་ལམ༔ མཉམ་གཞག་བདེ་སྟོང་མ་བསྒོམས་ཤིང་༔ རྗེས་སྤྱོད་ལྷན་སྐྱེས་ཉམས་དང་བྲལ༔ བཟའ་བ་བདེ་བའི་བདུད་རྩི་དང་༔ བཅང་བྱ་དངོས་ཡིད་ཕྱག་རྒྱ་སྤངས༔ བསྲུང་བྱ་ཐིག་ལེ་འཕོ་བ་ཡི༔ དམ་ཚིག་ཉམས་ཆགས་གྱུར་པ་ཀུན༔ སྙིང་ནས་འགྱོད་པས་མཐོལ་བཤགས་ཤིང་༔ ཕྱིན་ཆད་མི་བགྱིད་དམ་བཅའ་ན༔ དག་ཅིང་ཚངས་པར་དབུགས་ཕྱུང་ནས༔ ཐུགས་ཀྱི་རྡོ་རྗེའི་དངོས་གྲུབ་སྩོལ༔ ཨོཾ་བཛྲ་ཙིཏྟ་དཱི་པ་པྲ་ཏཱིཙྪ་ཨཱཿཧཱུྃ༔ ཧོ༔ གཟུང་འཛིན་ཡུལ་གྱི་ཀོང་བུ་རུ༔ ཡུལ་ཅན་ཡེ་ཤེས་མར་ཁུས་གཏམས༔ སྣང་སེམས་ཟུང་འཇུག་སྡོང་བུ་བཙུགས༔ བློ་འདས་རང་བྱུང་མར་མེ་སྦར༔ འོད་གསལ་ཆེན་པོའི་མཆོད་སྤྲིན་འདིས༔ ཀུན་བཟང་རྡོ་རྗེ་ཕག་མོ་ཡུམ༔ གནས་གསུམ་དཔའ་བོ་རྣལ་འབྱོར་མ༔ དབྱེར་མེད་བདེ་ཆེན་བདག་ཉིད་ཅན༔ མཁའ་ཁྱབ་འདུས་པའི་ཐུགས་དམ་བསྐང་༔ སྤྱི་དང་ཁྱད་པར་ལྷག་པ་སོགས༔ རྡོ་རྗེ་ཐེག་པའི་འདུལ་བ་དང་༔ ཁྱད་པར་བཞི་བའི་དབང་གི་ལམ༔ མཉམ་གཞག་གནས་ལུགས་མ་བསྒོམས་ཤིང་༔ རྗེས་ཐོབ་ཐ་མལ་འཁྲུལ་པར་ཤོར༔ བཟའ་བ་སྟོང་ཉིད་བདུད་རྩི་དང་༔ བཅང་བྱ་རྩེ་གཅིག་ཏིང་འཛིན་གཡེལ༔ བསྲུང་བྱ་གཟུང་འཛིན་རྟོགས་པས་གཡེངས༔ དམ་ཚིག་ཉམས་ཆགས་གྱུར་པ་ཀུན༔ སྙིང་ནས་འགྱོད་པས་མཐོལ་བཤགས་ཤིང་༔ ཕྱིན་ཆད་མི་བགྱིད་དམ་བཅའ་ན༔ དག་ཅིང་ཚངས་པར་དབུགས་ཕྱུང་ནས༔ ཡེ་ཤེས་རྡོ་རྗེའི་དངོས་གྲུབ་སྩོལ༔ ཨོཾ་བཛྲ་ཛྙཱ་ན་དཱི་པི་པྲ་ཏཱིཙྪ་ཨཱཿཧཱུྃ༔ ཞེས་བརྗོད་ཅིང་ངེས་ཤེས་བསྐྱེད་ལ་གདུང་ཤུགས་དྲག་པོས་བཤགས་པས་དབང་བཞིའི་སྡོམ་པ་དང་དམ་ཚིག་གི་ཉེས་ལྟུང་ཐམས་ཅད་སོར་ཆུད་པར་འགྱུར་རོ༔ མཐར་སྨོན་ལམ་གདབ་པ་ནི༔ ཧོ༔ གསང་མཆོག་རྡོ་རྗེ་བཙུན་མོའི་དཀྱིལ་འཁོར་དུ༔ རྡོ་རྗེ་སློབ་དཔོན་སྒྲུབ་པའི་མཆེད་ལྕམ་གྱིས༔ བསྙེན་སྒྲུབ་སྐོང་བའི་ཆོ་གར་བརྩོན་པའི་མཐུས༔ རྒྱུད་དག་དངོས་གྲུབ་རྣམ་གཉིས་རྒྱས་པར་ཤོག༔ བུམ་དབང་དམ་ཚིག་ཉམས་ཆགས་སོར་ཆུད་ཅིང་༔ སྣང་སྟོང་ཟུང་འཇུག་ཡེ་ཤེས་གོང་དུ་འཕེལ༔ ཐུན་མོང་ལས་ཀྱི་ཚོགས་ཀུན་འགྲུབ་པ་དང་༔ ཀུན་ཏུ་འོད་ཀྱི་ས་ལ་དབྱུགས་ཕྱུང་ཞིག༔ གསང་བའི་དབང་གི་དམ་ཚིག་ཉམས་ཆགས་བྱང་༔ གསལ་སྟོང་ཟུང་འཇུག་ཡེ་ཤེས་གོང་དུ་འཕེལ༔ རླུང་སེམས་ལྷ་སྐུའི་ཕྱག་རྒྱ་འགྲུབ་པ་དང་༔ པདྨ་ཅན་གྱི་ས་ལ་ཕྱིན་པར་ཤོག༔ གསུམ་པའི་དབང་གི་དམ་ཚིག་ཉམས་ཆགས་དག༔ བདེ་སྟོང་ཟུང་འཇུག་ཡེ་ཤེས་གོང་དུ་འཕེལ༔ འོད་གསལ་ངང་ལས་ལྷན་སྐྱེས་སྒྱུ་མའི་སྐུ༔ འཁོར་ལོའི་ཚོགས་ཆེན་བདེ་བས་དབུགས་ཕྱུང་ཞིག༔ དོན་གྱི་དབང་གི་དམ་ཚིག་ཉམས་ཆགས་གྲོལ༔ རིག་སྟོང་ཟུང་འཇུག་ཡེ་ཤེས་གོང་དུ་འཕེལ༔ སློབ་པ་མིན་པའི་གོ་འཕང་ལ་བརྟེན་ནས༔ ཡེ་ཤེས་བླ་མའི་ས་ལ་ལྷུན་རྫོགས་ཤོག༔ ཚེ་འདིར་འབྲས་བུ་མངོན་དུ་མ་གྱུར་ན༔ འཆི་བ་འོད་གསལ་ཆོས་སྐུའི་དབྱིངས་སུ་ཐིམ༔ བར་དོ་ལོངས་སྤྱོད་རྫོགས་པའི་ཕྱག་རྒྱར་བཞེངས༔ སྐྱེ་སྲིད་སྤྲུལ་པས་འགྲོ་དོན་ལྷུན་གྲུབ་ཤོག༔ རླུང་སེམས་འཁྲུལ་སྣང་མུན་པ་འཆར་སྲིད་ཚེ༔ ཡེ་ཤེས་མར་མེའི་སྣང་བས་ཤུལ་མཚོན་ཏེ༔ བདེ་སྟོང་དཔའ་བོ་མཁའ་འགྲོའི་ཚོགས་རྣམས་ཀྱིས༔ མཁའ་སྤྱོད་དག་པའི་ཞིང་དུ་དབུགས་ཕྱུང་ཞིག༔ མདོར་ན་འདི་ནས་བྱང་ཆུབ་སྙིང་པོའི་བར༔ བཀའ་དྲིན་ཅན་གྱི་རྡོ་རྗེ་སློབ་དཔོན་དང་༔ ནམ་ཡང་མི་འབྲལ་བྱིན་གྱིས་བརླབས་པ་ལས༔ ཕྱམས་གཅིག་གདོད་མའི་ས་ལ་གྲོལ་བར་ཤོག༔ ཅེས་འདུན་པ་རྩེ་གཅིག་པས་བཏབ་པས་རྒྱུད་དག་པར་གྱུར་པ་ལ༔ སླར་ཡང་ཚོགས་ཀྱི་འཁོར་ལོས་དགྱེས་པ་བསྐྱེད༔ དེ་ནས་ཉམས་ཆགས་སྐོང་བའི་དབང་གིས་སྨིན་པར་བྱ་བ་ནི༔ ཁྲུས་བྱ༔ བགེགས་བསལ་ཞིང་སྲུང་མཚམས་བཅིང་༔ ཚོགས་རྟེན་ནམ་སློབ་དཔོན་ལ་མཎྜལ་ཕུལ༔ གསོལ་བ་གདབ་པ་ནི༔ ཐལ་མོ་སྦྱར་བས་བཏུད་དེ༔ བདེ་ཆེན་རྡོ་རྗེ་བཙུན་མོ་དང་༔ དབྱེར་མེད་རྡོ་རྗེ་སློབ་དཔོན་གྱིས༔ དམ་ཚིག་ཉམས་ཆགས་དག་པ་དང་༔ ཡེ་ཤེས་སྨིན་པའི་དབང་བསྐུར་སྩོལ༔ རྒྱུད་སྦྱང་༔ གཞི་དགོད་པའི་སླད་དུ༔ སློབ་དཔོན་དང་དཀྱིལ་འཁོར་གྱི་གཙོ་མོ་ཐ་མི་དད་པའི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུ་འཕྲོས་པས༔ འོག་མིན་གྱི་ཞིང་ནས་རྡོ་རྗེ་སྙེམས་མ་རིག་པའི་ལྷ་མོའི་ཚོགས་དང་བཅས་པ་སྤྱན་དྲངས༔ བཀྲ་ཤིས་པའི་གླུ་གར་དང་གསང་བའི་བུམ་པ་བྱང་ཆུབ་སེམས་ཀྱི་བདུད་རྩིས་གང་བ་སྤྱི་བོར་བཞག་ཅིང་དབང་བསྐུར་བར་བསམས་ལ༔ ཐོད་པའི་བདུད་རྩིའི་དཀྱིལ་འཁོར་སྤྱི་བོར་བཞག་ལ༔ ཨོཾ༔ རང་བྱུང་དབྱིངས་ཀྱི་སྣོད་མཆོག་ཏུ༔ དག་བྱེད་རིག་པའི་བདུད་རྩི་བསྐྱིལ༔ རིགས་ཀྱི་བུ་ལ་དབང་བསྐུར་བས༔ རྒྱུད་དག་ཡེ་ཤེས་ནུས་ཐོབ་ཤོག༔ སྔགས་མཐར༔ བྷཉྫ་ཀ་ལ་ཤ་མ་ཧཱ་སུ་ཁ་ཨ་མྲི་ཏ་ཨ་བྷི་ཥིཉྩཱ་མི༔ འཐོར་འཐུང་བྱ༔ དེ་ལྟར་བྱས་པས་བདེ་བ་ཆེན་པོའི་བདུད་རྩིས་ལུས་ཀྱི་གནས་ཀུན་ཏུ་ཁྱབ་པས་ཉམས་ཆགས་རྟོག་སྒྲིབ་ཐམས་ཅད་ལྷག་མེད་དུ་བྱང་ཞིང་༔ ཡེ་ཤེས་ཀྱི་སྐལ་བ་ཁྱད་པར་ཅན་རྒྱུད་ལ་བཞག་པར་མོས༔ དངོས་གཞི་དབང་བཞིའི་ཡེ་ཤེས་སྨིན་པའི་སླད༔ མར་མེ་གསལ་བ་སྤྱི་བོར་བཞག་ལ༔ ཨོཾ༔ ལུས་གནས་རྩ་ཡི་ཀོང་བུ་རུ༔ སྣང་སྟོང་ཟུང་འཇུག་སྒྲོན་མེ་སྦར༔ རིགས་ཀྱི་བུ་ལ་དབང་བསྐུར་བས༔ སྣང་ཞེན་ལྷ་སྐུར་དག་པར་ཤོག༔ ཀཱ་ཡ་ཛྙཱ་ན་དཱི་པེ་ཨ་བྷི་ཥིཉྩ་ཨོཾ༔ མགྲིན་པར་བཞག་ལ༔ ཨཱཿ སྲོག་རྩོལ་རླུང་གི་ཀོང་བུ་རུ༔ གསལ་སྟོང་ཟུང་འཇུག་སྒྲོན་མེ་སྦར༔ རིག་ཀྱི་བུ་ལ་དབང་བསྐུར་བས༔ ལས་རླུང་སྔགས་སུ་རྫོགས་པར་ཤོག༔ ཝཱ་ཀ་ཛྙཱ་ན་དཱི་པེ་ཨ་བྷི་ཥིཉྩ་ཨཱཿ སྙིང་གར་བཞག་ལ༔ ཧཱུྃ༔ དཀར་དམར་ཐིག་ལེའི་ཀོང་བུ་རུ༔ བདེ་སྟོང་ཟུང་འཇུག་སྒྲོན་མེ་སྤར༔ རིགས་ཀྱི་བུ་ལ་དབང་བསྐུར་བས༔ ལྷན་སྐྱེས་ཡེ་ཤེས་སྨིན་པར་ཤོག༔ ཙིཏྟ་ཛྙཱ་ན་དཱི་པེ་ཨ་བྷི་ཥིཉྩ་ཧཱུྃ༔ སླར་ཡང་མིག་སྒོར་བསྟན་ལ༔ ཧོ༔ ཆོས་ཅན་རྟོག་པའི་ཀོང་བུ་རུ༔ རིག་སྟོང་ཟུང་འཇུག་སྒྲོན་མེ་སྦར༔ རིགས་ཀྱི་བུ་ལ་དབང་བསྐུར་བས༔ དབྱིངས་རིག་དབྱེར་མེད་མངོན་འགྱུར་ཤོག༔ དྷརྨ་དྷཱ་ཏུ་ཛྙཱ་ན་དཱི་པེ་ཨ་བྷི་ཥིཉྩ་ཧོ༔ དེ་ལྟར་དབང་བཞི་བསྐུར་བ་ལས༔ ཡུལ་ཀུན་སྣང་སྟོང་ལྷ་སྐུར་ཤར༔ ཡུལ་ཅན་གསལ་ལ་མི་རྟོག་ངང་༔ ལྷན་ཅིག་སྐྱེས་པའི་བདེ་བས་ཚིམ༔ འོད་གསལ་ཡེ་ཤེས་མངོན་གྱུར་བསམ༔ སྨོན་ལམ་གདབ་ཅིང་བཀྲ་ཤིས་གསོལ༔ དེས་ནི་དབང་བཞིའི་ཉམས་ཆགས་དང་༔ སྒོ་གསུམ་ཆ་མཉམ་དང་བཅས་པའི་སྡིག་སྒྲིབ་དག༔ ལམ་གྱི་ཡེ་ཤེས་བཞི་གོང་དུ་འཕེལ༔ འབྲས་བུ་སྐུ་བཞི་མྱུར་དུ་འགྲུབ་པའི་སྐལ་བ་ཅན་དུ་འགྱུར་བས་ན་བདག་འཇུག་གི་ཚུལ་དུ་རྟག་ཏུ་བླང་ཞིང་༔ སྣོད་ལྡན་གཞན་ཡང་རྗེས་སུ་བཟུང་བས་འབྲེལ་ཚད་རྒྱུད་དག་ཅིང་ཡེ་ཤེས་གོང་འཕེལ་དུ་འགྱུར་རོ༔ བཅུ་གསུམ་པ་མཐར་ཐུག་མཆོག་གི་དངོས་གྲུབ་སྒྲུབ་པའི་ལས་སྦྱོར་ནི༔ བདེ་བ་ཆེན་པོ་བདུད་རྩི་རཱ་ས་ཡཱ་ནའི་སྒྲུབ་པ་སྟེ༔ རྡོ་རྗེ་ཕག་མོ་ཡེ་ཤེས་གསང་བ་མཆོག་གི་རྒྱུད་ལས༔ རྒྱུད་དག་རྟོགས་པར་ལྡན་པ་ཡིས༔ འབྲེལ་ཚད་བདེ་བ་ཆེན་པོའི་སར༔ ཚོམ་བུ་གཅིག་ཏུ་གྲོལ་བའི་ཕྱིར༔ བདུད་རྩི་མཆོག་གི་ལས་སྦྱོར་བྱ༔ བསྙེན་པ་དང་ནི་ཉེ་བསྙེན་དང་༔ སྒྲུབ་དང་སྒྲུབ་པ་ཆེན་པོ་ཡིས༔ ཁྲོལ་བུ་སྦྱང་ཞིང་ཕྱེ་མ་བརླབ༔ བདུད་རྩིར་བསྐྱིལ་ཞིང་གོང་བུར་བསྡུ༔ ཞེས་གསུངས་པ་ལྟར་ལག་ཏུ་བླང་བར་བྱ་སྟེ༔ དུར་ཁྲོད་ལ་སོགས་པ་འཇིགས་ཤིང་ཟིལ་ཆེ་བ་ཤིན་ཏུ་དབེན་པའི་གནས་སུ་ས་གཞི་ལས་སུ་རུང་བ་བྱ༔ ཕྱི་ནང་གསང་བའི་མཚམས་དམ་དུ་བཅད༔ ལྷ་ལ་སྙན་གསན་འབེབས་པའི་ཚུལ་གྱིས་བདག་མདུན་གྱི་སྒྲུབ་མཆོད་དང་སྐོང་བཤགས་ནན་ཏན་དུ་བྱ༔ དེ་ནས་ཇི་ལྟར་འཚམས་པའི་སྟེགས་བུར་བདུད་རྩི་ལྔས་ཆག་ཆག་གདབ༔ མཆོད་གཏོར་སོགས་བག་དྲོ་བརྗིད་ལྡན་དུ་བཤམ༔ བསྒྲུབ་བྱའི་རྫས་བདག་ཉིད་ཆེན་པོ་པདྨ་ཡབ་ཡུམ་གྱི་ཐབས་ཤེས་བདེ་བ་ཆེན་པོའི་རིལ་བུ་དངོས་སམ༔ ཕབས་རྒྱུན་དང་ལྡན་པ་རིག་འཛིན་གྲུབ་པའི་ཕྱག་ནས་བྱུང་བ་ཉིད་གཞིར་བྱས་ཏེ༔ འཕགས་པ་གསུམ་གྱི་རིང་བསྲེལ༔ དངོས་གྲུབ་མཆོག་བརྙེས་པའི་བདུད་རྩི་ལྔ༔ ཡུལ་དག་པའི་ཤ་ལྔ༔ དེ་དག་གི་འཕྲོད་དང་སྐྱོབས་སུ་གྱུར་པའི་སྨན་གྱི་རྩ་བ་དང་ཡན་ལག་ཇི་ལྟར་རྙེད་པ་དང་༔ ཁྱད་པར་རིན་པོ་ཆེ་སོགས་ལྔ་ཚན་ལྔ༔ རྟག་ངུ་རིགས་གསུམ༔ རྩ་བ་ལྔ་དབང་པོ་ལག་པ་སོགས་བཅུད་ལེན་གྱི་རྫས་རྣམས་མདུན་དུ་སྟེགས་བུའི་དབུས་སུ་མཎྜ་ལར་ཐོད་པ་ལ་སོགས་པའི་སྣོད་དུ་སྤུངས༔ བགེགས་བསལ༔ ཁྲུས་ནས་དབྱུང་༔ རང་ཉིད་སྒོམ་བཟླས་ནུས་ལྡན་དུ་བསྒྲུབ༔ རང་གི་ཐུགས་སྲོག་ལས་བྱུང་བའི་འོད་ཟེར་གྱི་སྣེ་ལས་ཕྲོ་མོ་དུམ་སྐྱེས་མའི་ཚོགས་དཔག་ཏུ་མེད་པ་སྤྲོས་ཏེ་རྫས་ཀྱི་མི་གཙང་བ་དང་མ་དག་པའི་ཉེས་སྐྱོན་ཐམས་ཅད་སྦྱངས༔ སླར་ཡང་འོད་ཟེར་འཕྲོས་པས་འོག་མིན་ནས་དཔལ་རྡོ་རྗེ་སེམས་དཔའ་བདེ་བ་ཆེན་པོ་ཡབ་ཡུམ་སྤྱན་དྲངས༔ རྫས་ཀྱི་ནམ་མཁར་བཞུགས་པ་སྙོམས་པར་ཞུགས་པའི་མཁའ་གསང་ནས་བདེ་བའི་འོད་ཟེར་མཁའ་ཁྱབ་ཏུ་འཕྲོས༔ སྣོད་བཅུད་ཐམས་ཅད་མེར་མེར་ཤྀག་ཤིག་ཏུ་གཡོས༔ འཇིག་རྟེན་དང་འཇིག་རྟེན་ལས་འདས་པའི་བཅུད་དང་དྭངས་མ་སྟོབས་རྩལ་ནུས་མཐུ་ཐམས་ཅད་ཡེ་ཤེས་ཀྱི་བདུད་རྩིར་སྤྱན་དྲངས༔ ཞལ་དུ་ཞུགས༔ སྐུའི་དབྱིབས་བརྒྱུད༔ སྦྱོར་མཚམས་ནས་ཆར་དྲག་ཏུ་བབས་པ་བཞིན་བྱུང་༔ རྫས་ལ་ཐིམ་པས་མ་དག་པའི་ཉེས་སྐྱོན་ཐམས་ཅད་སྦྱངས༔ དག་པ་ཡེ་ཤེས་ཀྱི་བདུད་རྩི་ཁ་དོག་དྲི་རོ་ནུས་བཅུད་ཕུན་སུམ་ཚོགས་པར་བསམས་ལ༔ ཨོཾ་ཨཱཿཧཱུྃ་བཛྲ་སཏྭ་མ་ཧཱ་སུ་ཁ་ཨ་མྲྀ་ཏ་སརྦ་སིདྡྷི་ཧཱུྃ་ཧཱུྃ༔ ཞེས་ཁྲི་ཕྲག་གཅིག་ཏུ་བཟླ༔ དེ་ནི་ཁྲོལ་བུ་བསྙེན་པའི་ཚུལ་གྱིས་སྦྱང་བའོ༔ དེ་ནས་མདུན་གྱི་རྡོ་རྗེ་སེམས་དཔའ་ཡབ་ཡུམ་རང་ལ་བསྟིམ༔ རྫས་རྣམས་ཞིབ་པར་བཏགས་ལ་སྔར་བཞིན་ཐོད་པ་ལ་སོགས་པའི་སྣོད་དུ་སྤུངས༔ རང་ཉིད་སྒོམ་བཟླས་སྔོན་དུ་འགྲོ་བས༔ བདག་གི་ཐུགས་སྲོག་ལས་བྱུང་བའི་འོད་ཟེར་གྱིས་འོག་མིན་པདྨ་བརྩེགས་པའི་ཞིང་ནས་བཅོམ་ལྡན་འདས་མགོན་པོ་ཚེ་དཔག་ཏུ་མེད་པ་རིགས་ལྔ་ཡབ་ཡུམ་སྤྱན་དྲངས༔ རྫས་ཀྱི་ནམ་མཁར་བཞུགས་པ་སྙོམས་པར་ཞུགས་པའི་མཁའ་གསང་ནས་བདེ་བའི་སྒྲ་དང་འོད་ཟེར་མཁའ་ཁྱབ་ཏུ་འཕྲོས༔ འཁོར་འདས་ཀྱི་ཚེ་དང་ཡེ་ཤེས་དཔལ་དང་གཟི་བརྗིད་ཐམས་ཅད་འཆི་མེད་ཚེའི་བདུད་རྩིའི་རྣམ་པར་སྤྱན་དྲངས༔ ཞལ་དུ་ཞུགས༔ སྐུའི་དབྱིབས་བརྒྱུད༔ སྦྱོར་མཚམས་ནས་ཆར་དྲག་ཏུ་བབས་པ་བཞིན་བྱུང་༔ རྫས་ལ་ཐིམ་པས་འཆི་མེད་ཚེ་དང་ཡེ་ཤེས་ཀྱི་བདུད་རྩིར་འཁྱིལ་བར་བསམས་ལ། ཨོཾ་ཧཱུྃ་ཏྲཱྃ་ཧྲཱིཿཨཱཿམཱུྃ་ལཱྃ་མཱྃ་པཱྃ་ཏཱྃ་བཛྲ་ཨཱ་ཡུརྫྙཱ་ན་ཨ་མྲྀ་ཏ་སརྦ་སིདྡྷི་ཧཱུྃ་ཧཱུྃ༔ ཞེས་ཁྲི་ཕྲག་གཅིག་བཟླ་བ་ནི་ཕྱེ་མ་ཉེ་བར་བསྙེན་པའི་ཚུལ་གྱིས་བསྒྱུར་བའོ༔ དེ་ནས་ཚེ་དཔག་མེད་རིགས་ལྔ་ཡབ་ཡུམ་བདེ་བ་ཆེན་པོའི་བདུད་རྩིར་འོད་དུ་ཞུ་ནས་རྫས་ལ་ཐིམ་པར་བསམ༔ ཆང་དང་༔ ཆུ་དང་༔ འོ་མ་དང་༔ རིན་པོ་ཆེའི་ཆུ་དང་བཅས་པས་ལེགས་པར་སྤེལ༔ དཀར་གསུམ་མངར་གསུམ་དང་ཕབས་ཀྱིས་བྲན༔ དྲོད་ཕབ་ལ་བྷནྡྷ་ལ་སོགས་པའི་སྣོད་དུ་བསྩལ༔ སྒྲུབ་པའི་དཀྱིལ་འཁོར་གྱི་སྟེང་དུ་མངའ་གསོལ༔ འོག་ཏུ་དྲོད་འབེབས་ཀྱི་མར་མེའང་སྦར༔ བདག་གི་སྒོམ་བཟླས་སྔོན་དུ་འགྲོ་བས༔ ཧཱུྃ༔ ཞེས་བརྗོད་པས་རྫས་ཀྱི་སྣོད་བཅུད་མི་དམིགས་ཏེ་སྟོང་པར་སྦྱངས༔ སྟོང་པའི་ངང་ལས་འོག་ཏུ་ཡྃ་ལས་ཆོས་ཉིད་ཀྱི་རླུང་༔ ཡེ་ཤེས་ཀྱི་མེ༔ སྐུ་གསུམ་མཚོན་པའི་ཐོད་སྒྱེད་གསུམ་གྱི་ཁར་ཨཱ་ལས་ཀ་པཱ་ལ་ཡངས་ཤིང་རྒྱ་ཆེ་བའི་ནང་དུ་བཅུད་ཐམས་ཅད་ཤ་ལྔ་བདུད་རྩི་ལྔ་ཡི་གེ་འབྲུ་བཅུས་མཚན་པ༔ རང་གི་ཐུགས་ལས་འཕྲོས་པའི་འོད་ཀྱིས་རླུང་གཡོས༔ མེ་སྦར༔ རྫས་ཐམས་ཅད་ཞུ་བ་ཡེ་ཤེས་ཀྱི་བདུད་རྩི་ཁ་དོག་དྲི་རོ་ནུས་པ་ཕུན་སུམ་ཚོགས་པའི་རྒྱ་མཚོར་འཁྱིལ་བའི་ཟེར་རླངས་འོད་ལྔའི་ཕུང་པོར་འཁྱིལ་བའི་ཀློང་དུ་༔ པད་ཉི་འཇིགས་བྱེད་དུས་མཚན་དང་བཅས་པའི་གདོན་གྱི་སྟེང་དུ་ཧྲཱིཿ་ལས་བཅོམ་ལྡན་འདས་མ་ལུས་དཀྱིལ་གྱྀ་ལྷ་དང་བཅས་པ་བསལ་གདབ་པ་ནས་བཟུང་༔ མཆོད་བསྟོད་བར་ལས་གཞུང་བསྲང་༔ བཟླས་པའི་སྐབས་སུ་ཐུགས་དམ་བསྐུལ་ཞིང་བྱིན་དབབ་པའི་སླད་སྤོས་བསྲེག༔ རོལ་མོ་འཁྲོལ༔ མདའ་དར་གཡབ་ཅིང་གདུང་བའི་ཤུགས་བསྐྱེད་ལ༔ ཧཱུྃ༔ འོག་མིན་རྡོ་རྗེ་བཙུན་མོའི་ཞིང་༔ མཁའ་ཁྱབ་ཡེ་ཤེས་འཁོར་ལོ་དང་༔ ཧེ་རུ་ཀ་ཡི་གནས་དང་ཡུལ༔ དུར་ཁྲོད་བརྒྱད་ན་བཞུགས་པ་ཡི༔ བཅོམ་ལྡན་བཛྲ་ཝཱ་རཱ་ཧཱི༔ གནས་གསུམ་དཔའ་བོ་རྣལ་འབྱོར་མ༔ ཇི་སྙེད་འདུས་པའི་ཚོགས་ཆེན་པོ༔ ཐུགས་དམ་བསྐུལ་ལོ་དབྱིངས་ནས་བཞེངས༔ སྐུ་ཡི་གར་སྟབས་གློག་ལྟར་འཁྱུགས༔ གསུང་གི་ཛབ྄་དབྱངས་སྔགས་སྒྲ་སྒྲོགས༔ ཐུགས་ཀྱི་ཡེ་ཤེས་རྩལ་སྐྱེད་ལ༔ ཡོན་ཏན་བདེ་ཆེན་འོད་ཟེར་དང་༔ ཕྲིན་ལས་ཕོ་ཉ་ཕྱོགས་བཅུར་སྤྲོས༔ རྩ་གསུམ་རྒྱལ་བ་རབ་འབྱམས་ཀྱི༔ མཁྱེན་བརྩེ་ནུས་པའི་ཡེ་ཤེས་དང་༔ སྙོམས་འཇུག་ཟག་མེད་བདུད་རྩིའི་བཅུད༔ འབྱུང་བ་ལྔ་ཡི་དྭངས་མ་དང་༔ ལྷ་ཀླུ་མི་ཡི་ཚེ་བསོད་སྟོབས༔ གཟི་བརྗིད་དཔལ་དང་ནུས་བཅུད་ཀུན༔ ཐོགས་པ་མེད་པར་གནས་འདིར་སྡུས༔ འཁོར་འདས་དབྱེར་མེད་བྱིན་ཆེན་ཕོབ༔ དམ་ཚིག་སྒྲུབ་པའི་རྫས་ལ་སྟིམས༔ མཐོང་ཚོར་མྱོང་རེག་གྲོལ་བ་ཡི༔ བདེ་ཆེན་རྡོ་རྗེའི་གཟི་བྱིན་སྤོར༔ ལས་དང་ཡེ་ཤེས་དངོས་གྲུབ་ཀུན༔ ལྷུན་གྱིས་གྲུབ་པའི་དབང་མཆོག་སྐུར༔ སྣོད་བཅུད་རྡོ་རྗེ་བཙུན་མོ་ཡི༔ རྟེན་དང་བརྟེན་པར་བྱིན་རློབས་ཤིག༔ ཨོཾ་སརྦ་བུདྡྷ་ཌཱ་ཀི་ནཱི་ཡེ་མ་ཧཱ་སུ་ཁ་སིདྡྷི་ཨཱ་བེ་ཤ་ཡ་ཨ་ཨཱཿ ཞེས་བྱིན་ཕེབས་པའི་རྟགས་མ་བྱུང་བར་བྱ༔ བཟླས་དམིགས་ནི༔ བདག་གི་ཐུགས་ཀ་ནས་སྔགས་ཀྱི་སྒྲ་དང་འོད་ཟེར་བདེ་བ་ཆེན་པོའི་གཟི་བྱིན་འབར་བ་བར་མ་ཆོད་པར་འཕྲོས༔ མདུན་བསྐྱེད་ཀྱི་བཅོམ་ལྡན་འདས་མ་ལུས་དཀྱིལ་གྱི་ལྷ་དང་བཅས་པའི་ཐུགས་ཀར་ཕོག་པས་བདེ་བ་མཆོག་གིས་དགྱེས་པའི་འོད་ཟེར་གྱི་སྤྲིན་ཆེན་པོས་རྩ་གསུམ་རྒྱལ་བ་རབ་འབྱམས་ཀྱི་ཡེ་ཤེས་དང་༔ བརྟན་གཡོའི་དྭངས་བཅུད་ཐམས་ཅད་བདུད་རྩིའི་རྣམ་པར་སྤྱན་དྲངས༔ ཞལ་དུ་ཞུགས༔ སྐུ་ཡི་དབྱིབས་བརྒྱུད༔ མཁའ་གསང་ནས་ཆར་དྲག་ཏུ་བབས་པ་ཙམ་དུ་བྱུང་༔ དམ་ཚིག་གི་བདུད་རྩིར་ཐིམ་པས་མཐོང་ཚོར་མྱང་རེག་ཐམས་ཅད་གྲོལ་བ་ཡེ་ཤེས་ཀྱི་བདུད་རྩིར་འཁྱིལ་པར་བསམ༔ ཨོཾ་སརྦ་བུདྡྷ་ཌཱ་ཀི་ནཱི་ཡེ་མ་ཧཱ་སུ་ཁ་བཛྲ་ཨ་མྲྀ་ཏ་ཧཱུྃ་ཧྲཱི༔ཋ༔ ཞེས་ཉེར་གཅིག་པའི་ཛབ¿་འདི་འབུམ་ཕྲག་གཅིག་བཟླ་བ་ནི་ལྡེ་གུ་སྒྲུབ་པའི་བདུད་རྩིར་བསྐྱིལ་བའོ༔ དེ་དག་གི་སྐབས་སུ་སྤྲོ་ན་སྨན་སྲུང་སྤྱན་དྲང་༔ རྟོག་པ་བསལ༔ ལས་བཅོལ་ཞིང་ཛབ྄་བཟླ་བའང་བྱ༔ ཐུན་གྱི་མཐར་གཏོར་ཚོགས་ཀྱིས་རྒྱ་ཆེར་མཆོད༔ དངོས་གྲུབ་འཕྲོག་པའི་ལྟ་ཉན་གྱི་འབྱུང་པོ་ཚར་བཅད༔ ཡེ་ཤེས་ཀྱི་གཟི་བྱིན་དབབ༔ ཚོགས་སྒྲུབ་ལ་དམིགས་བཟླས་རྒྱུན་མི་ཆད་པར་བྱ༔ རྐྱང་སྒྲུབ་ལའང་མི་ཚིག་གིས་བར་མ་ཆོད་པར་ཉམས་སུ་བླང་པས་འོད་དང་༔ སྒྲ་དང་༔ དྲི་སོགས་བྱིན་རླབས་ཀྱི་རྟགས་མཐོང་བར་བྱའོ༔ དེ་ནས་དངོས་གྲུབ་མདོར་བསྡུས་པའི་ཚུལ་གྱིས་བླངས་ལ་མདུན་བསྐྱེད་ཀྱི་ལྷ་བདུད་རྩིར་བསྟིམས་ཞིང་བརྟན་པར་བྱས་ནས་རིལ་བུ་སྲན་ཆུང་ཙམ་དུ་བསྒྲིལ༔ བྷནྡྷ་ལ་སོགས་པའི་སྣོད་དུ་བསྩལ༔ དབུ་རྒྱན་དང་དར་དཔྱངས་བཅིང་༔ རྡོ་རྗེ་དྲིལ་བུས་གཡས་གཡོན་བརྟེན་ནས་དཀྱིལ་འཁོར་གྱི་དབུས་སུ་བྱིན་ཆེན་དབབས་པས་མངའ་གསོལ༔ བདག་བསྐྱེད་སྔོན་དུ་འགྲོ་བས་མདུན་རྟེན་བསང་སྦྱང་༔ སྟོང་པའི་ངང་ལས་རང་བྱུང་པདྨ་བྷནྡྷའི་གཞལ་མེད་ཁང་ཡངས་ཤིང་རྒྱ་ཆེ་བ་བདུད་རྩི་བདེ་བ་ཆེན་པོའི་ཕོ་བྲང་དུ་ལྷུན་གྱིས་གྲུབ་པའི་དབུས་སུ༔ པད་ཉི་འཇིགས་བྱེད་དུས་མཚན་དང་བཅས་པའི་གདན་གྱི་སྟེང་དུ༔ རིལ་བུ་རྣམས་ཧྲཱིཿལས་བཅོམ་ལྡན་འདས་མ་ལུས་དཀྱིལ་གྱི་ལྷ་དང་བཅས་པ་གསལ་གདབ་པ་ནས་བཟུང་༔ ཐུགས་དམ་བསྐུལ་བའི་བར་བྱས་ལ༔ བཟླས་དམིགས་ནི༔ བདག་གི་ཐུགས་ཀ་ནས་སྔགས་ཀྱི་སྒྲ་དང་འོད་ཟེར་བདེ་བ་ཆེན་པོའི་གཟི་བྱིན་འབར་བ་བར་མ་ཆད་པར་འཕྲོས༔ མདུན་བསྐྱེད་ཀྱི་བཅོམ་ལྡན་འདས་མ་ལུས་དཀྱིལ་གྱི་ལྷ་དང་བཅས་པའི་ཐུགས་ཀར་ཕོག་པས་བདེ་བ་མཆོག་གིས་དགྱེས་པའི་འོད་ཟེར་གྱི་སྤྲིན་ཆེན་པོས་རྩ་གསུམ་རྒྱལ་བ་རབ་འབྱམས་ཀྱི་ཡེ་ཤེས་དང་༔ བརྟན་གཡོའི་དྭངས་བཅུད་ཐམས་ཅད་བདུད་རྩིའི་རྣམ་པར་སྤྱན་དྲངས༔ ཐུགས་ཀར་ཐིམ་པས་མཐོང་ཚོར་མྱང་རེག་ཐམས་ཅད་གྲོལ་བའི་བདེ་བ་ཆེན་པོའི་ཡེ་ཤེས་ཀྱི་གཟི་བྱིན་མཆོག་ཏུ་འབར་བར་བསམས་ལ༔ གོང་གི་ཉེར་གཅིག་པའི་ཛབ྄་ཁོ་ན་འབུམ་ཕྲག་གཅིག་ཏུ་བཟླ་བ་ནི་སྒྲུབ་པ་ཆེན་པོས་ཡེ་ཤེས་གོང་བུར་བསྡུ་བའོ༔ དེ་ལྟར་བསྒྲུབ་པས་གོང་བུ་ལས་འོད་འཕྲོ་བ༔ སྒྲ་སྙན་པར་གྲགས་པ༔ འཕེལ་བ་དང་འཕུར་བ་སོགས་རྟགས་མཐོང་ན་ངེས་པར་མཐོང་ཚོར་མྱང་རེག་ཐམས་ཅད་བདེ་ཆེན་མཆོག་གི་ཡེ་ཤེས་ལ་སྦྱོར་བའི་ལས་གྲུབ་པ་ཡིན་ནོ༔ དེ་ནས་བདག་དོན་དུ་དངོས་གྲུབ་བླང་བར་བྱ་སྟེ༔ བདག་མདུན་ལྷག་པར་གསལ༔ གཏོར་ཚོགས་རྒྱ་ཆེར་བྱ༔ ཉམས་ཆགས་སྦྱང་༔ བདག་གི་ཐུགས་ཀ་ནས་འོད་ཟེར་འཕྲོས༔ མདུན་བསྐྱེད་ཀྱི་ཐུགས་རྒྱུད་བསྐུལ༔ གནས་གསུམ་ནས་བདུད་རྩི་བདེ་བ་ཆེན་པོའི་རྡོ་རྗེ་གསུམ་གྱི་དངོས་གྲུབ་ཐམས་ཅད་འོད་དང་འོད་ཟེར་གྱིས་རང་གི་གནས་གསུམ་དུ་ཐིམ་པས་བསྩལ་ཞིང་བརྟན་པར་བསམས་ལ༔ གོང་གི་ཛབ྄་ཀྱི་མཐར༔ ཀཱ་ཡ་ཝཱ་ཀ་ཙིཏྟ་ཛྙཱ་ན་ཨ་མྲྀ་ཏ་སརྦ་སིདྡྷི་ཧཱུྃ་ཧཱུྃ་ཞེས་སྟོང་ཕྲག་ཏུ་བཟླས་པས་དངོས་གྲུབ་དབང་དུ་བྱ༔ དེ་ནས་སྒྲུབ་པའི་ཕོ་བྲང་རྟེན་དང་བརྟེན་པར་བཅས་པ་བཏེག༔ དངོས་གྲུབ་གསོལ་ཞིང་གནས་བཞིར་རེག༔ མཐར་རིལ་བུ་ལྷར་གསལ་བ་ཧྲཱིཿདཀར་པོའི་རྣམ་པས་རང་གི་ཁ་སྒོ་ནས་ཞུགས༔ སྙིང་དབུས་མི་ཤིགས་པའི་ཐིག་ལེ་ཧྲཱིཿཡིག་དང་དབྱེར་མེད་དུ་ཐིམ་པས་བྱང་ཆུབ་མ་ཐོབ་ཀྱི་བར་དུ་མི་འབྲལ་བར་བརྟན་ཅིང་བྱིན་རླབས་ཀྱི་གཟི་བྱིན་འབར་བས་མཐོང་ཚོར་མྱང་རེག་ཐམས་ཅད་བདེ་ཆེན་དགྱེས་པ་རྡོ་རྗེ་བཙུན་མོའི་ཡེ་ཤེས་ལ་འགོད་པའི་སྐལ་བ་ཅན་དུ་གྱུར་པར་བསམས་ལ་དགོངས་པའི་གདིང་གཟུང་ངོ་༔ གཞན་དོན་དུ་དངོས་གྲུབ་ཀྱི་དབང་བསྐུར་བ་ནི༔ དབང་གིས་རྒྱུད་སྨིན་ཅིང་དམ་ཚིག་རྣམ་པར་དག་པའི་སྐལ་ལྡན་རྣམས་ཁྲུས་ནས་དབྱུང༌། བགེགས་བསལ༔ སྲུང་མཚམས་བསྒོ༔ མཎྜལ་སྔོན་དུ་འགྲོ་བས་ཐལ་མོ་སྦྱར་ཏེ༔ བདེ་ཆེན་རྡོ་རྗེ་བཙུན་མོ་དང་༔ དབྱེར་མེད་ཁྱབ་བདག་ཧེ་རུ་ཀས༔ མཐོང་ཚོར་མྱང་རེག་གྲོལ་བ་ཡི༔ བདུད་རྩི་མཆོག་གི་དབང་བསྐུར་སྩོལ༔ ཞེས་གསོལ་བ་གདབ༔ རྒྱུད་སྦྱང་༔ ཡེ་ཤེས་དབབ་ཅིང་བརྟན༔ བདུད་རྩིའི་ཕོ་བྲང་སྤྱི་བོར་བཞག་ལ༔ ཨོཾ༔ བདེ་གཤེགས་སྐུ་དང་དབྱེར་མེད་པའི༔ བདུད་རྩི་མཆོག་གི་དབང་བསྐུར་བས༔ མཐོང་བའི་དངོས་ཀུན་ལྷ་རུ་དག༔ བུམ་དབང་ཡེ་ཤེས་སྨིན་པར་ཤོག༔ སྔགས་མཐར༔ ཀཱ་ཡ་ཨ་མྲྀ་ཏ་ཨ་བྷི་ཥིཉྩ་ཨོཾ༔ མིག་ལམ་དུ་བསྟན་ཅིང་ཅིར་སྣང་ལྷ་སྐུར་ངོ་སྤྲད༔ མགྲིན་པར་བཞག་ལ༔ ཨཱཿ བདེ་བཤེགས་གསུང་དང་དབྱེར་མེད་པའི༔ བདུད་རྩི་མཆོག་གི་དབང་བསྐུར་བས༔ ཚོར་བའི་འགྲོ་འོང་སྔགས་སུ་ཤར༔ གསང་དབང་ཡེ་ཤེས་སྨིན་པར་ཤོག༔ ཝཱ་ཀ་ཨ་མྲྀ་ཏ་ཨ་བྷི་ཥིཉྩ་ཨཱཿ རིལ་བུ་ལྷར་གསལ་བ་ཧྲཱིཿཡིག་གི་རྣམ་པ་བདུག་པའི་སྤྲིན་དུ་གྱུར་པ་ཚོར་བས་རྣམ་པར་གྲོལ་བར་མོས་ལ༔ གསལ་སྟོང་ཟུང་འཇུག་སྔགས་སུ་ངོ་སྤྲད༔ སྙིང་གར་བཞག་ལ༔ ཧཱུྃ༔ བདེ་གཤེགས་ཐུགས་དང་དབྱེར་མེད་པའི༔ བདུད་རྩི་མཆོག་གི་དབང་བསྐུར་བས༔ མྱངས་པས་བདེ་ཆེན་རྟོགས་པ་འབར༔ གསུམ་པའི་ཡེ་ཤེས་སྨིན་པར་ཤོག༔ ཙིཏྟ་ཨ་མྲྀ་ཏ་ཨ་བྷི་ཥིཉྩ་ཧཱུྃ༔ རིལ་བུ་ལྷར་གསལ་བ་ཐམས་ཅད་ཧྲིཿཡིག་འབའ་ཞིག་གི་རྣམ་པས་ཁ་སྒོ་ནས་ཞུགས༔ སྙིང་གའི་ཧྲཱིཿལ་ཐིམ་པས་བདེ་བས་ཐབས་བྱས་པའི་ལྷན་སྐྱེས་མངོན་དུ་བྱས་པར་བསམ་ལ་རིལ་བུ་རེ་རེ་ཁྱུར་མིད་བྱ༔ དྲན་རྟོག་བདེ་སྟོང་ཟུང་འཇུག་གི་ཡེ་ཤེས་སུ་ངོ་སྤྲད༔ རིལ་བུ་ལག་ཏུ་གཏད་ལ༔ ཧོ༔ བདེ་གཤེགས་དབྱིངས་དང་དབྱེར་མེད་པའི༔ བདུད་རྩི་མཆོག་གི་དབང་བསྐུར་བས༔ རེག་པས་གཟུང་འཛིན་རྟོག་ལས་གྲོལ༔ དོན་གྱི་ཡེ་ཤེས་སྨིན་པར་ཤོག༔ ཙིཏྟ་ཨ་མྲྀ་ཏ་ཨ་བྷི་ཥིཉྩ་ཧོ༔ སྤྲོ་ན་སྙིང་གར་ཐིག་ལེ་བྱ༔ ཆོས་ཐམས་ཅད་དོན་གྱི་ལྷན་སྐྱེས་གཉུག་མ་འགྲོ་འོང་དང་བྲལ་བར་ངོ་སྤྲད་ལ་མཉམ་པར་འཇོག་ཏུ་གཞུག༔ དེ་ལྟར་བདུད་རྩིའི་དབང་བཞི་བསྐུར་བས༔ ལུས་ངག་ཡིད་གསུམ་ཆ་མཉམ་དང་བཅས་པའི་རྟོག་སྒྲིབ་བག་ཆགས་དང་བཅས་པ་དག༔ སྣང་སྟོང་གྲགས་སྟོང་བདེ་སྟོང་རིག་སྟོང་ཟུང་དུ་འཇུག་པའི་ལམ་བཞི་སྒོམ་པ་ལ་དབང་༔ སྐུ་གསུང་ཐུགས་ཡེ་ཤེས་ཀྱི་བྱིན་རླབས་རྒྱུད་ལ་ཞུགས་པས་མཐོང་ཚོར་མྱང་རེག་ཐམས་ཅད་གྲོལ་བའི་རྟེན་འབྲེལ་བསྒྲིགས༔ མཐར་ཐུག་སྐུ་བཞིའི་གོ་འཕང་མངོན་དུ་འགྱུར་བའི་སྐལ་བ་རྒྱུད་ལ་བཞག་པར་མོས་ལ༔ ཨོཾ༔ བཀྲ་ཤིས་གང་ཞིག་རྡོ་རྗེ་བཙུན་མོའི་གསང་གསུམ་གྱི༔ བདེ་ཆེན་བདུད་རྩི་རྟག་པ་དམ་པའི་དབང་བསྐུར་བས༔ མཐོང་ཚོང་མྱོང་རེག་ཡེ་ཤེས་མཁའ་འགྲོའི་ཚོགས་རྣམས་དང་༔ དབྱེར་མེད་ཤིན་ཏུ་རྣམ་པར་གྲོལ་བའི་བཀྲ་ཤིས་ཤོག༔ ཅེས་བཀྲ་ཤིས་དང་སྨོན་ལམ་གྱིས་མཚམས་སྦྱར་རོ༔ དེ་ལྟར་བསྒྲུབས་པའི་ཕན་ཡོན་ཀྱང་རྒྱུད་ལས༔ བཅོམ་ལྡན་རྡོ་རྗེ་བཙུན་མོ་ཡི༔ གྲོལ་བའི་ཕྲིན་ལས་ཤུགས་ཕྱུང་བ༔ བདུད་རྩི་མཆོག་འདིར་འབྲེལ་ཚད་ཀུན༔ གནས་སྐབས་ཚེ་སྲིང་ཉམས་ཆག་སྐོང་༔ ཡིད་འཕྲོག་དབང་འགྱུར་ནད་གདོན་ཞི༔ གཏུམ་ཆེན་དྲག་པོའང་ལྷན་ནེར་འགྱུར༔ མཐར་ཐུག་མཐོང་ཚོར་མྱོང་དང་རེག༔ ཧེ་རུ་ཀ་དང་སྤྱོད་ཡུལ་མཉམ༔ དཔའ་བོ་མཁའ་འགྲོའི་འདུ་བ་ཐོབ༔ བདེ་ཆེན་ཡེ་ཤེས་རྩོལ་མེད་སྐྱེ༔ ཚེ་གཅིག་རྣམ་གྲོལ་ཆེ་ལ་སྦྱོར༔ ཞེས་སོགས་རྒྱ་ཆེར་གསུངས་སོ༔ དེ་ནས་རྗེས་ཀྱི་རིམ་པ་བདག་དང་མདུན་རྟེན་ལྷའི་ངོ་བོར་མཆོད་བསྟོད་བརྟན་བཞུགས་ནོངས་པ་བཤགས༔ འོད་གསལ་དུ་བསྡུ་ཞིང་ཐུན་མཚམས་ཀྱི་ལྷར་ལྡངས་ལ་མཚམས་གྲོལ༔ བསྔོ་སྨོན་ཤིས་བརྗོད་རྒྱ་ཆེར་བྱའོ། དེ་རྣམས་ནི་ཕྲིན་ལས་སྣ་ཚོགས་པའི་སྒོ་ནས་སྒྲུབ་པའི་ཐབས་ཀྱི་རིམ་པར་ཕྱེ་བའོ༔ ས་མ་ཡ༔ དྲུག་པ་ལམ་དེ་ཐམས་ཅད་ཀྱི་རྩ་བ་སྨིན་བྱེད་དབང་གི་དངོས་གྲུབ་ཀྱི་སྣོད་དུ་སྒྲུབ་པའི་ཐབས་ནི༔ གནས་དབེན་པར་སའི་ཆོ་ག་དང་༔ སྟ་གོན་གྱི་ལས་རྒྱས་པར་བྱ་བའམ༔ སྤྲོས་པ་མདོར་བསྡུ་ན་ཇི་ལྟར་རིགས་པའི་སྟེགས་བུ་བདུད་རྩིས་སྐྱོང་ནུལ་བྱ༔ སྐུ་མཚན་མའི་དཀྱིལ་འཁོར་ཚུལ་བཞིན་འབྲི་བའམ༔ མེ་ཏོག་དཀར་པོའི་ཚོམ་བུ་དགོད༔ དེའི་སྟེང་དུ་གསུང་བདུད་རྩིའི་དཀྱིལ་འཁོར་ཀ་པཱ་ལ་ཨ་མྲྀ་ཏའི་བཅུད་ལྡན་གྱི་ཁར༔ ཐུགས་སིནྡྷུ་རའི་དཀྱིལ་འཁོར་བྲིས་པས་དགབ༔ གཞན་ཡང་དབང་རྫས་རྣམས་དང་༔ སྨན་གཏོར་རཀྟ་ཉེར་སྤྱོད་ཚོགས་ཀྱི་མཆོད་པ་སོགས་རྒྱས་པར་བཤམ༔ བདག་མདུན་གྱི་སྒྲུབ་མཆོད་ཚུལ་བཞིན་དུ་བྱ༔ གཏོར་མ་དང་ཚོགས་ཀྱིས་མཆོད༔ སྤྲོ་ན་བཤགས་སྐོང་གི་ཆོ་གའང་ཉམས་སུ་བསྟར༔ བདག་འཇུག་རྒྱས་བསྡུས་ཇི་ལྟར་རིགས་པ་དང་༔ སློབ་མའི་ཆེད་དུ་གསོལ་བ་གདབ༔ དེ་ནས་སྣོད་དུ་གྱུར་པའི་སློབ་མ་རྣམས་ཁྲུས་ནས་དབྱུང་༔ བགེགས་བསྐྲད་ཅིང་མཚམས་བཅད༔ ལོ་རྒྱུས་ཀྱི་སྒོ་ནས་ངེས་ཤེས་བསྐྱེད་ལ་མཎྜལ་དང་བཅས་གསོལ་གདབ་ནི༔ གསང་བ་མཆོག་གི་དགྱེས་པ་ན༔ ཐམས་ཅད་བདག་ཉིད་རྟག་བཞུགས་པ༔ བླ་མ་རྡོ་རྗེ་རྣལ་འབྱོར་མས༔ བྱིན་རླབས་དབང་བསྐུར་སྩལ་དུ་གསོལ༔ མིག་དར་དགབ༔ མེ་ཏོག་གི་ཕྲེང་བ་གཏད༔ རྒྱུད་སྦྱང་༔ ཐམས་ཅད་རྣལ་འབྱོར་དུ་སེམས་བསྐྱེད༔ ཛཿཧཱུྃ་བྃ་ཧོཿས་དཀྱིལ་འཁོར་གྱི་དྲུང་དུ་དགུག༔ བླ་མ་དང་རྡོ་རྗེ་རྣལ་འབྱོར་མ་ལ་སྐུ་གསུང་ཐུགས་ཀྱི་ཕྱག་བྱ་བའི་སླད་ཐལ་མོ་གནས་གསུམ་དུ་སྦྱར་ལ༔ ཤྲཱི་གུ་རུ་བཛྲ་ཝཱ་ར་ཧཱི་ཀཱ་ཡ་ཝཱ་ཀ་ཙིཏྟ་པྲ་ཎ་མེ་ན་བྷནྡྷ་ནཾ་ཀ་རོ་མི༔ ཞེས་ཕྱག་འཙལ་བས༔ བླ་མ་རྣལ་འབྱོར་མའི་གནས་གསུམ་ནས་འོད་ཟེར་དཀར་དམར་མཐིང་གསུམ་འཕྲོས༔ སློབ་མའི་གནས་གསུམ་དུ་ཞུགས་པས་སྒོ་གསུམ་གྱི་ཉམས་ཆགས་སྦྱངས་ཤིང་སྣོད་དུ་གྱུར་པར་བསམ༔ བདུད་རྩིའི་མནའ་ཆུ་བྱིན་ལ༔ འདི་ནི་དམ་ཚིག་བདུད་རྩིའི་ཆུ༔ དམ་བསྲུངས་མཆོག་གི་དངོས་གྲུབ་ཐོབ༔ ཉམས་ན་དམྱལ་མེ་བཟོད་དཀས་སྲེག༔ དེ་ཕྱིར་དམ་ཚིག་མཆོག་ཏུ་སྲུངས༔ བཛྲ་ཨ་མྲྀ་ཏ་ཨུ་ད་ཀ་ཋ་ཋ་ཋ༔ དེས་ཀྱང་༔ ས་མ་ཡ་རཀྵཱ་མི༔ ཞེས་ཁས་བླངས་ཤིང་བཏུང་༔ ཡེ་ཤེས་ཀྱི་གཟི་བྱིན་དབབ་པའི་སླད༔ སློབ་མ་རྣམས་ལུས་བསྲང་༔ རླུང་རོ་བསལ་ནས་བར་རླུང་བཟུང་༔ རྡོ་རྗེ་ཕག་མོ་ལུས་དཀྱིལ་གྱི་ལྷ་དང་བཅས་པ་གསལ་གདབ༔ སློབ་དཔོན་གྱི་ཐུགས་ཀ་ནས་ལྕགས་ཀྱུ་ལྟ་བུའི་འོད་ཟེར་གྱིས་བསྐུལ་བས་རྩ་གསུམ་རྒྱལ་བ་རབ་འབྱམས་ཐམས་ཅད་རྡོ་རྗེ་རྣལ་འབྱོར་མའི་རྣམ་པར་སྤྱན་དྲངས་ལ་བསྟིམ་སྤྱན་འདྲེན་གྱི་ཚིག་དང་༔ ཨོཾ་སརྦ་བུདྡྷ་ཌཱ་ཀི་ནཱི་ཡེ་མ་ཧཱ་སུ་ཁ་ཛྙཱ་ན་བཛྲ་ཨཱ་བེ་ཤ་ཡ་ཨ་ཨཱཿ ཧྲཱིཾ་ཧྲཱིཾ་ཕཻཾ་ཕཻཾ༔ ཧཱུྃ་ཧཱུྃ་ཧཱུྃ༔ ཞེས་དྲག་ཏུ་བརྗོད་ཅིང་རོལ་མོའི་སྒྲ་སྦྱར༔ ཁྱད་པར་གྱི་སྤོས་བདུག༔ དེས་མ་ཕེབས་ན་སློབ་མ་རྣམས་ཙོག་པུར་འཁོད༔ མིག་སྨིན་མཚམས་གཏད༔ སྨིན་མའི་དབུས་སུ་བདེ་བ་ཆེན་པོའི་ཡེ་ཤེས་ཀྱི་ངོ་བོ་དགའ་འཁྱིལ་དམར་པོ་གཡོན་སྐོར་དུ་མྱུར་བར་འཁོར་བ་ལ་སེམས་གཏད་པས་དེ་ལས་བདེ་བ་ཆེན་པོའི་འོད་ཟེར་འཕྲོས༔ སྣོད་བཅུད་ཐམས་ཅད་ཤིག་ཤིག་མེར་མེར་གཡོས༔ མགལ་མེ་ལྟར་འཁོར༔ སྣང་བ་ཕག་མོའི་སྐུ་གྲངས་མེད་པ་ཧ་ཧ་ཧི་ཧི་སོགས་བཞད་སྒྲ་དང་བཅས་རང་ལ་ཐིམ་པས་བདེ་བ་ལྷག་པར་འབར་ཞིང་སེམས་རྟོག་མེད་དུ་ཐིམ་པར་བསམས་ལ༔ བཤུག་པ་སོགས་ཀྱི་སྒྲ་དང་བཅས༔ ཧ་ཧ་ཧི་ཧི་ཧཱུྃ་ཧཱུྃ་ཕཻཾ་ཕཻཾ་ཕཊ་ཕཊ་བཛྲ་ཨཱ་རལླི་ཧཱུྃ་ཛ༔ མ་ཧཱ་སུ་ཁ་ཨ་ཧྃ༔ དེ་བ་དཏྟ་ཧཱུྃ་ཧཱུྃ་ཛཿཛཿ ཞེས་བརྗོད་པས་ཉམས་སྐྱེས་པ་ན་ཏིཥྛ་བཛྲ་ས་མ་ཡ་སྟྭཾ༔ ཞེས་བརྟན་པར་བྱ༔ ཨོཾ་པུཥྤེ་མཱ་ལ་པྲ་ཏཱིཙྪ་ཧོཿས་བླ་མ་དང་ལྷག་པའི་ལྷ་ལ་མེ་ཏོག་དོར༔ དེ་ཉིད་ལྷག་པའི་ལྷའི་རྣམ་པར་སྤྱི་བོར་བཅིངས་ལ༔ ཨོཾ་པུཥྤེ་ཛྙཱ་ན་ས་མ་ཡ་སྟྭཾ༔ མིག་ཐུར་ཐོགས་ལ༔ རྡོ་རྗེ་བཙུན་མོའི་ཡེ་ཤེས་རྩལ༔ རིག་པ་གསེར་གྱི་ཐུར་མ་ཡིས༔ ཐ་མལ་འཁྲུལ་པའི་རབ་རིབ་བསལ༔ རང་བྱུང་དཀྱིལ་འཁོར་མངོན་འགྱུར་ཤོག༔ ཛྙཱ་ན་ཤཀྵུཿཔྲ་ཝེ་ཤ་ཡ་ཕཊ༔ ཅེས་མིག་རས་བསལ༔ ཡེ་ཤེས་ཀྱི་སྤྱན་ཐོབ་པ་ལ་སློབ་དཔོན་མདུན་དཀྱིལ་དང་བཅས་པའི་སྐུ་རྟེན་དང་བརྟེན་པར་བཅས་པ་ངོ་སྤྲད༔ དེ་རྣམས་ནི་ཕྱི་ནང་གི་མཇུག་པའོ༔ དངོས་གཞིའི་དབང་ལ༔ མཎྜལ་ཕུལ༔ རྣལ་འབྱོར་མ་དཔལ་སྐུ་གསུང་ཐུགས༔ ཡོན་ཏན་ཕྲིན་ལས་རྨད་པོ་ཆེའི༔ དབང་དང་བྱིན་རླབས་དངོས་གྲུབ་ཀུན༔ ཁྱབ་བདག་བདག་ལ་སྩལ་དུ་གསོལ༔ ཞེས་གསོལ་བ་བཏབ་པ་ལ༔ རྒྱུད་ལས༔ བུམ་པའི་དབང་བསྐུར་སྔོན་འགྲོ་བས༔ སྐུ་གསུང་ཐུགས་ཡོན་ཕྲིན་ལས་ཀྱི༔ ཡེ་ཤེས་རྒྱུད་ལ་བསྐྱེད་པ་དང་༔ ཟབ་མོའི་དབང་མཆོག་སྦྱིན་པར་བྱ༔ ཞེས་པས་སློབ་དཔོན་གྱི་ཐུགས་ཀའི་འོད་ཀྱིས་དབང་ལྷ་ནམ་མཁའ་གང་བར་སྤྱན་དྲངས་པ་དང་ལྷན་ཅིག་པས་རང་བྱུང་གསང་བ་ཆེན་པོའི་བུམ་པ་སྤྱི་བོར་བཞག་ཅིང་དབང་བསྐུར་བར་བསམས་ལ༔ ཀ་པཱ་ལའི་བདུད་རྩི་ཐོགས་ཏེ༔ ཨོཾཿ ཁྱབ་བདག་རྡོ་རྗེ་བཙུན་མོ་ཡི༔ ཡེ་ཤེས་གསང་བ་གསུམ་ལས་བྱུང་༔ བྱང་ཆུབ་སེམས་ཀྱི་བདུད་རྩི་ཡིས༔ རིག་པའི་དབང་བསྐུར་ཆེན་པོ་སྦྱིན༔ བདུད་རྩིས་ཁྲུས་བྱ་ཞིང་༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ ཞེས་བརྗོད་པ་མི་བསྐྱོད་པ་ཆུ་དབང་༔ སྤྱི་བོའི་གནས་ལྔར་བཞག་ཅིང་༔ ཨོཾ་ཧཱུྃ་ཏྲཱྃ་ཧྲཱིཿཨཱཿཨ་བྷི་ཥིཉྩ་མིས་རིན་འབྱུང་ཅོད་པན༔ བདུད་རྩི་ལྕེ་ལ་བྱིན་ཞིང་༔ བཛྲ་དྷརྨ་ཧྲཱིཿཞེས་པས་སྣང་བ་མཐའ་ཡས་རྡོ་རྗེ༔ ལུས་ཀྱི་གནས་རྣམས་སུ་འཐོར་ཞིང་༔ བཛྲ་ཀརྨ་ཨཱཿས་དོན་གྲུབ་དྲིལ་བུ༔ དེ་ལྟར་དབང་བསྐུར་བས་ཡེ་ཤེས་ཀྱི་བདུད་རྩིས་ལུས་ཐམས་ཅད་གང་༔ ཕུང་པོ་གནས་གྱུར༔ ཉོན་མོངས་ཡེ་ཤེས་སུ་དག༔ ཆུ་ཞབས་སྤྱི་བོར་བརྟན་པ་ལས་རྣམ་སྣང་སོགས་རིགས་ལྔས་དབུ་བརྒྱན་པ་ལ༔ དཔལ་རྣམ་པར་སྣང་མཛད་བཛྲ་ནཱ་མ༔ ཞེས་སོགས་རྡོ་རྗེའི་མཚན་བཏགས་པས་རྣམ་སྣང་མིང་དབང་ཐོབ་པར་མོས༔ དབང་ལྷ་བསྟིམ༔ བརྟན་པར་བྱ༔ མཆོད་ཅིང་ཤིས་པ་བརྗོད༔ དེ་ནི་སློབ་མའི་དབང་ངོ་༔ དེ་ནས་འཁོར་ལོའི་དབང་ཕྱུག་མའི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་ངོ་བོར་རྡོ་རྗེ་སློབ་དཔོན་གྱི་དབང་བསྐུར་བ་ནི༔ གཙོ་མོའི་སྐུ་ལུས་དཀྱིལ་གྱི་ལྷ་དང་བཅས་པར་གསལ་བ་སྤྱི་བོར་བཞག་ལ༔ ཨོཾ༔ བཅོམ་ལྡན་རྡོ་རྗེ་ཕག་མོ་ཡུམ༔ དཀྱིལ་འཁོར་རབ་འབྱམས་སྐུ་ལ་རྫོགས༔ རིགས་ཀྱི་བུ་ལ་དབང་བསྐུར་བས༔ སྣང་སྟོང་སྐུ་ཡི་དབང་ཐོབ་ཤོག༔ བསྙེན་སྔགས་མཐར༔ ཀཱ་ཡ་ཛྙཱ་ན་ཨ་བྷི་ཥིཉྩ་ཨོཾ༔ ལྷ་བསྟིམས་པས་ལུས་དཀྱིལ་དང་བཅས་ལྷག་པར་གསལ་བར་མོས༔ དེང་ཕྱིན་ཆད་ཅིར་སྣང་ཐམས་ཅད་རྡོ་རྗེ་ཕག་མོའི་སྐུ་སྣང་སྟོང་ཟུང་འཇུག་ཏུ་ཤེས་པར་གྱིས་ལ་ཉམས་སུ་ལོངས་ཤིག༔ ཅེས་ངོ་སྤྲད་ཅིང་གདམས༔ གསུང་བསྙེན་སྒྲུབ་ལས་སྔགས་ཀྱི་དམིགས་པ་དང་བཅས་བཟླས་ལུང་སྦྱིན༔ དམིགས་པ་དང་བཅས་རྗེས་སུ་བཟླ༔ སྔགས་ཕྲེང་མགྲིན་པར་བཞག་ལ༔ ཨཱཿ རིན་ཆེན་ཐོད་པའི་ཕྲེང་བ་ལ༔ སྙིང་པོ་སྔགས་ཀྱི་ནུས་པ་རྫོགས༔ རིགས་ཀྱི་བུ་ལ་དབང་བསྐུར་བས༔ གྲགས་སྟོང་གསུང་གི་དབང་ཐོབ་ཤོག༔ ཝཱ་ཀ་ཛྙཱ་ན་ཨ་བྷི་ཥིཉྩ་ཨཱཿ དེང་ཕྱིན་ཆད་སྒྲར་སྣང་ཞིང་གྲགས་པ་ཐམས་ཅད་རྡོ་རྗེ་ཕག་མོའི་གསུང་རྡོ་རྗེའི་གསང་སྔགས་གྲགས་སྟོང་ཟུང་འཇུག་ཏུ་ཤེས་པར་གྱིས་ལ་ཉམས་སུ་ལོངས་ཤིག༔ ཅེས་ངོ་སྤྲད་ཅིང་གདམས༔ ཐུགས་ཕྱག་མཚན་རྡོ་རྗེའི་ཁ་ཊྭཱྃ་གའི་རྣམ་པར་སྤྲོས་ཏེ་སྙིང་གར་ཐིམ་པས་བྱིན་གྱིས་བརླབས་པར་མོས་ལ༔ ཧཱུྃ༔ གཉིས་མེད་ཡེ་ཤེས་ཁ་ཊྭཱྃ་ག༔ རྡོ་རྗེ་ལྟ་བུའི་ཏིང་འཛིན་གྱིས༔ རིགས་ཀྱི་བུ་ལ་དབང་བསྐུར་བས༔ རིག་སྟོང་ཐུགས་ཀྱི་དབང་ཐོབ་ཤོག༔ ཙིཏྟ་ཛྙཱ་ན་ཨ་བྷི་ཥིཉྩ་ཧཱུྃ༔ དེང་ཕྱིན་ཆད་ལྷ་སྔགས་ཀྱིས་མཚོན་པའི་རྟོག་ཚོགས་ཐམས་ཅད་རིག་སྟོང་ཟུང་འཇུག་ཏུ་ཤེས་པར་གྱིས་ལ་ཉམས་སུ་ལོངས་ཤིག༔ ཅེས་ངོ་སྤྲད་ཅིང་གདམས༔ ཡོན་ཏན་ཡོངས་རྫོགས་གླེགས་བམ་གཏད་ལ༔ ཧྲཱི༔ མཆོག་ཐུན་དངོས་གྲུབ་ཀུན་གྱི་གཞི༔ རྡོ་རྗེ་བཙུན་མོའི་སྔགས་རྒྱུད་ཀྱིས༔ རིགས་ཀྱི་བུ་ལ་དབང་བསྐུར་བས༔ འདོད་འབྱུང་ཡོན་ཏན་དབང་ཐོབ་ཤོག༔ གུ་ཎ་ཛྙཱ་ན་ཨ་བྷི་ཥིཉྩ་ཧྲཱི༔ དེང་ཕྱིན་ཆད་སྒོ་གསུམ་གྱི་བྱེད་པ་ཐམས་ཅད་རྡོ་རྗེ་ཕག་མོའི་ཡོན་ཏན་གྱི་རོལ་པར་ཤེས་པས་ཟབ་མོའི་སྔགས་རྒྱུད་འཆད་པ་སོགས་རྡོ་རྗེ་སློབ་དཔོན་གྱི་ལས་རབ་འབྱམས་རྗེས་སུ་སྒྲུབ་པར་གྱིས་ཤིག༔ སྣ་ཚོགས་རྡོ་རྗེ་དང་བདུད་རྩི་བྱིན་ལ༔ ཧོ༔ ཐུན་མོང་མཆོག་གི་ལས་ཀྱི་ཚོགས༔ མཚོན་བྱེད་རྟགས་ཀྱི་ཕྱག་རྒྱ་ཡིས༔ རིགས་ཀྱི་བུ་ལ་དབང་བསྐུར་བས༔ འགྲོ་འདུལ་ཕྲིན་ལས་དབང་ཐོབ་ཤོག༔ ཀརྨ་ཛྙཱ་ན་ཨ་བྷི་ཥིཉྩ་ཧོ༔ དེང་ཕྱིན་ཆད་བྱེད་སྤྱོད་ཐམས་ཅད་རྡོ་རྗེ་ཕག་མོའི་ཕྲིན་ལས་སུ་ཤེས་པས་མཆོག་དང་ཐུན་མོང་གི་དངོས་གྲུབ་སྒྲུབ་པ་ལ་བརྩོན་པར་གྱིས་ཤིག༔ ཅེས་གདམས༔ དེ་ནི་དོན་གཉིས་ཕུན་སུམ་ཚོགས་པར་བྱེད་པ་རྡོ་རྗེ་སློབ་དཔོན་གྱི་དབང་ངོ་༔ དེ་ལྟར་བུམ་པའི་དབང་བསྐུར་བས་ལུས་དང་རྩའི་སྒྲིབ་པ་དག༔ བསྐྱེད་བཟླས་ཕྲིན་ལས་སྒྲུབ་པ་ལ་དབང་༔ འབྲས་བུ་སྤྲུལ་སྐུ་འགྲུབ་པའི་སྐལ་བ་ཅན་དུ་བྱས་པའོ༔ དེ་ལྟ་བུའི་ཡེ་ཤེས་སྨིན་པ་དང་༔ གྲོལ་བ་དང་༔ མཐར་ཕྱིན་པའི་སླད་དུ་མཆོག་གི་དབང་གསུམ་བསྐུར་བ་ལ༔ གསང་དབང་གི་སླད་དུ༔ བླ་མ་དང་དཀྱིལ་འཁོར་གྱི་གཙོ་མོ་དབྱེར་མེད་པ་དཔལ་ཧེ་རུ་ཀ་འདུས་པ་དང་སྙོམས་པར་ཞུགས་པའི་བྱང་ཆུབ་སེམས་ཀྱི་བདུད་རྩི་ལྕེ་ཐོག་ཏུ་བཞག་པར་མོས་ལ༔ ཨཱཿ བཅོམ་ལྡན་རྡོ་རྗེ་བཙུན་མོ་དང་༔ ཧེ་རུ་ཀ་དཔལ་སྙོམས་ཞུགས་པའི༔ བྱང་ཆུབ་སེམས་ཀྱི་བདུད་རྩི་ཡིས༔ ཡེ་ཤེས་སྨིན་པའི་དབང་བསྐུར་རོ༔ གུཧྱ་ཛྙཱ་ན་ཨ་མྲི་ཏ་ཨ་བྷི་ཥིཉྩ་ཨཱཿ ཞེས་བྱིན་པའི་བདུད་རྩི་བུས་ཀྱང་ཨ་ཧོ་མ་ཧཱ་སུ་ཁ་ཞེས་མྱང་པས་རྩ་ཁམས་ཐམས་ཅད་ཁྱབ་སྟེ་ལུས་དཀྱིལ་གྱི་ལྷ་ཐམས་ཅད་བྱང་ཆུབ་སེམས་ཀྱི་ཡི་གེའི་གཟུགས་སུ་ཤར་བས་གསལ་སྟོང་བདེ་བའི་ཡེ་ཤེས་སུ་སྨིན་པར་བསམ༔ རླུང་ཁ་སྦྱོར་དུ་བཟུང་༔ དེ་ལྟར་གསང་བའི་དབང་བསྐུར་བས་ངག་དང་རླུང་གི་སྒྲིབ་པ་དག༔ སྲོག་རྩོལ་ཁ་སྦྱོར་གྱི་ལམ་སྒོམ་པ་ལ་དབང་༔ འབྲས་བུ་ལོངས་སྐུ་འགྲུབ་པའི་སྐལ་བ་ཅན་དུ་བྱས་པའོ༔ དབང་གསུམ་པའི་སླད་དུ་སིནྡྷཱུ་རའི་དཀྱིལ་འཁོར་གཏད་ལ༔ ཧཱུྃ༔ རྣམ་ཐར་གསུམ་ལྡན་མཁའ་དབྱིངས་སུ༔ རྡོ་རྗེ་བཙུན་མོའི་བདེ་ཆེན་རྫོགས༔ རིགས་ཀྱི་བུ་ལ་དབང་བསྐུར་བས༔ ཞུ་བདེའི་ལྷན་སྐྱེས་མངོན་འགྱུར་ཤོག༔ མ་ཧཱ་སུ་ཁ་ཛྙཱ་ན་ཨ་བྷི་ཥིཉྩ་ཧཱུྃ༔ ཐིག་ལེ་ལྟེ་བར་བཀོད་པས་གཏུམ་མོའི་མེ་འབར༔ ཁམས་ཞུ་བའི་བདེ་བས་ལྷན་ཅིག་སྐྱེས་དགའི་ཡེ་ཤེས་ཀྱི་ངང་དུ་གྲོལ་བར་བསམ༔ དེ་ལྟར་ཤེས་རབ་ཡེ་ཤེས་ཀྱི་དབང་བསྐུར་བས་ཡིད་དང་ཐིག་ལེའི་སྒྲིབ་པ་དག༔ ཞུ་བདེ་ལྷན་སྐྱེས་ཀྱི་ཡེ་ཤེས་སྒོམ་པ་ལ་དབང་༔ འབྲས་བུ་ཆོས་སྐུ་འགྲུབ་པའི་སྐལ་པ་ཅན་དུ་བྱས་པའོ༔ དབང་བཞི་པའི་སླད་དུ་དཔོན་སློབ་གཉིས་ཀས་བདེ་བས་དྲངས་པའི་སྟོང་ཉིད་བསམ་གྱིས་མི་ཁྱབ་པ་སོ་སོ་རང་རིག་པའི་ཡེ་ཤེས་ཀྱི་ངང་དུ་མཉམ་པར་བཞག༔ ཨཿ བདེ་ཆེན་རྡོ་རྗེ་ཕག་མོ་ནི༔ སྟོང་ཉིད་སོ་སོ་རང་རིག་པ༔ བསམ་གྱིས་མི་ཁྱབ་དབང་བསྐུར་བས༔ དོན་གྱི་ལྷན་སྐྱེས་མཐར་ཕྱིན་ཤོག༔ ཛྙཱ་ན་དྷཱ་ཏུ་ཨ་བྷི་ཥིཉྩ་ཨ་ཨ༔ དེ་ལྟར་དབང་བཞི་པ་བསྐུར་བས་ཤེས་བྱའི་སྒྲིབ་པ་དག༔ རང་བཞིན་ལྷན་ཅིག་སྐྱེས་པའི་ཡེ་ཤེས་སྒོམ་པ་ལ་དབང་༔ འབྲས་བུ་ངོ་བོ་ཉིད་སྐུ་འགྲུབ་པའི་སྐལ་བ་ཅན་དུ་བྱས་པའོ༔ ཉམས་སུ་ལེན་ངེས་པ་རྣམས་ལ་དབང་སོ་སོ་དང་རྗེས་སུ་མཐུན་པར་གདམས་ངག་ཁྲིད་ཀྱི་ཚུལ་དུ་བཏབ་པས་སྨིན་གྲོལ་ཆིག་རྫོགས་སུ་འགྱུར་བས་ཤིན་ཏུ་གཅེས་སོ༔ དེས་རྩ་བའི་དབང་བསྐུར་བ་ཡོངས་སུ་རྫོགས་པར་གྲུབ་ནས༔ སྨིན་པར་སློབ་པ་ལ་མཐའ་རྟེན་ཡན་ལག་གི་དབང་བསྐུར་བ་ལ་གསུམ་སྟེ༔ ཐུན་མོང་དུ་གཅེས་པ་ཉམས་ཆགས་སྐོང་བའི་དབང་༔ མཆོག་གི་དངོས་གྲུབ་ཀྱི་ཉེ་རྒྱུ་བདུད་རྩིའི་དབང་༔ མཐའ་རྒྱས་བཀྲ་ཤིས་ཚེའི་དབང་རྣམས་བསྐུར༔ གང་ལྟར་ཡང་དམ་ཚིག་བསྒྲག་ཅིང་བཟུང་བར་ཁས་བླངས༔ གཏང་རག་གི་མཎྜལ་དང་དགའ་སྟོན་སོགས་བྱ་ཞིང་༔ རྡོ་རྗེའི་རིགས་གཅིག་ཏུ་སྨོན་ལམ་གདབ་པར་བྱའོ༔ སྒྲུབ་པ་ཐམས་ཅད་ཀྱི་རྩ་བ་སྨིན་བྱེད་དབང་བསྐུར་བའི་རིམ་པར་ཕྱེ་བའོ༔ ས་མ་ཡ༔ བདུན་པ་སྨིན་གྲོལ་ཐམས་ཅད་ཀྱི་སྲོག་དམ་ཚིག་རྣམ་པར་དག་པའི་ཚུལ་དུ་བསྒྲུབ་པ་ནི༔ རྒྱུད་ལས༔ རྡོ་རྗེ་ཕག་མོའི་དམ་ཚིག་ནི༔ སྤྱི་དང་ཁྱད་པར་ལྷག་པས་བསྟན༔ ཐུན་མོང་སྤྱི་ཡི་དམ་ཚིག་ཏུ༔ སོ་སོར་ཐར་དང་བྱང་ཆུབ་སེམས༔ བྱ་སྤྱོད་རྣལ་འབྱོར་རྒྱུད་རྣམས་ལས༔ ཇི་སྐད་གསུངས་ཤིང་དམ་བཅས་པ༔ ཁ་ན་མ་ཐོ་མེད་པར་བསྲུང་༔ ཁྱད་པར་ནང་གི་དམ་ཚིག་ཏུ༔ རྩ་བའི་ལྟུང་བ་བཅུ་བཞི་དང་༔ ཡན་ལག་སྦོམ་པོའི་རྣམ་གྲངས་བརྒྱད༔ དབང་བཞིའི་མཉམ་རྗེས་བཟའ་བ་དང་༔ བཅང་དང་བསྲུང་བ་དག་པར་བྱ༔ ལྷག་པ་གསང་བའི་དམ་ཚིག་ནི༔ སངས་རྒྱས་མཁའ་འགྲོའི་དམ་ཚིག་ཏུ༔ སེམས་ཅན་རྣམས་ལ་བྱམས་པ་བསྒོམ༔ རྡོ་རྗེ་མཁའ་འགྲོའི་དམ་ཚིག་ཏུ༔ གདུག་ཅིང་གཏུམ་པའི་སྤྱོད་པ་བྱ༔ རིན་ཆེན་མཁའ་འགྲོའི་དམ་ཚིག་ཏུ༔ དངོས་པོ་གང་ལའང་ཆགས་མི་བྱ༔ པདྨ་མཁའ་འགྲོའི་དམ་ཚིག་ཏུ༔ སྨྲ་ཞིང་བུད་མེད་བསྟེན་པར་བྱ༔ ལས་ཀྱི་མཁའ་འགྲོའི་དམ་ཚིག་ཏུ༔ རྒྱུག་ཅིང་མཆོད་པའི་སྤྱོད་པ་བྱ༔ མཁའ་འགྲོ་སྤྱི་ཡི་དམ་ཚིག་ཏུ༔ ཤེས་རབ་བདུད་རྩི་རྣམ་ལྔ་བསྟེན༔ ཤ་ཆེན་བཟའ་ཞིང་ཅང་ཏེའུ་བརྡུང་༔ རུས་པའི་རྒྱན་འཆང་གར་སྟབས་བཅས༔ དུར་ཁྲོད་འཇིགས་པར་སྤྱོད་པ་བསྐྱང་༔ སྦྱོར་སྒྲོལ་བརྟུལ་ཞུགས་མཐར་དབྱུང་ངོ་༔ བསྡུས་པའི་དམ་ཚིག་རྣམ་གསུམ་ནི༔ མི་ཕོད་རྫི་དང་འཁྲི་བ་གཅོད༔ ཞེན་པ་ལྡོག་པ་རྣམས་གསུམ་ཡིན༔ སྣང་ཡུལ་མི་ཕོད་ཐོག་ཏུ་བརྫི༔ འཁྲི་བ་ཟས་ནོར་གཏམས་ལ་བཅད༔ ཞེན་པ་གཉེན་འཁོར་གཡོག་ལ་ལྡོག༔ ཅིལའང་མ་ཆགས་མ་ཞེན་པར༔ ཟང་ཐལ་རིག་པ་རྗེན་པར་བསྐྱང་༔ འདི་ནི་མཆོག་གི་དམ་ཚིག་ཡིན༔ ཞེས་པ་སྟེ༔ དབང་གི་དུས་སུ་བསྒྲགས་ཅིང་བཤད་ལ་ཁས་བླངས་པ་ལྟར་རྒྱུད་ཚོད་དང་མཐུན་པར་ཉམས་སུ་བླངས་པས་དངོས་གྲུབ་རྣམ་གཉིས་དཀའ་བ་མེད་པར་འགྲུབ་པར་འགྱུར་ཏེ༔ སྨིན་གྲོལ་ཐམས་ཅད་ཀྱི་སྲོག་དམ་ཚིག་རྣམ་པར་དག་པའི་ཚུལ་གྱིས་བསྒྲུབ་པ་སྟེ༔ དེ་ལྟར་ན་རྡོ་རྗེ་ཕག་མོའི་ལམ་གྱི་རིམ་པའི་རྩ་བ་དང་ཆ་རྐྱེན་ཐམས་ཅད་བསྟན་ཟིན་ཏོ༔ ས་མ་ཡ༔ དེ་ལྟ་བུའི་རྡོ་རྗེ་ཕག་མོ་དཀར་མོའི་སྒྲུབ་ཐབས་ལམ་གྱི་རིམ་པ་ཟབ་ཅིང་འདྲིལ་བ་ཐུགས་ཀྱི་ཐིག་ལེའི་བཅུད་ཕྱུང་བ་འདི་ནི༔ དཔལ་གྱི་བསམ་ཡས་མཆིམས་ཕུ་ནགས་ཀྱི་དུར་ཁྲོད་ཆེན་པོར་དུས་གསུམ་སངས་རྒྱས་ཐམས་ཅད་ཀྱི་ངོ་བོ་མ་ཧཱ་གུ་རུ་པདྨ་བཛྲ་གྱིས༔ རྗེ་མངའ་བདག་ཡབ་སྲས་དང་༔ ལོ་ཙཱ་བ་ཆེན་པོ་བཻ་རོ་ཙ་ན༔ འབྲོག་མི་དཔལ་གྱི་ཡེ་ཤེས༔ ལོ་ཆུང་དཀོན་མཆོག་འོད༔ ཨཱ་ཙརྻ་དྲན་པ་ཡེ་ཤེས༔ བདག་བུད་མེད་མཚོ་རྒྱལ་སོགས་སྐལ་ལྡན་འདུས་པ་རྣམས་ལ་རྫུ་འཕྲུལ་གྱི་བཀོད་པ་བསམ་གྱིས་མི་ཁྱབ་པས་དབང་བསྐུར༔ རྒྱུད་བཤད༔ གདམས་ངག་རྒྱས་འབྲིང་བསྡུས་པ་སྙིང་པོའི་ཚུལ་དུ་སྐད་ཅིག་གིས་བཀའ་སྩལ་ནས་སླར་ཡང་འདི་སྐད་ཅེས་རྗེས་སུ་གདམས་པར་མཛད་དོ༔ ཨེ་མ་འདུས་པའི་འཁོར་རྣམས་ཉོན༔ རང་བྱུང་པདྨ་བཛྲ་བདག༔ ཆོས་སྐུ་བཟང་མོའི་ཀློང་དུ་འཁྱིལ༔ ལོངས་སྐུའི་ཕག་མོར་བདེ་བས་རོལ༔ སྤྲུལ་སྐུ་འགྲོ་བ་འདུལ་བའི་ཕྱིར༔ ཛམྦུའི་གླིང་དུ་འཆར་བ་ན༔ སྣང་ཚུལ་ཙམ་གྱི་ཐབས་མཁས་པས༔ པཎ་གྲུབ་རྣམས་ལ་གདམས་ངག་ནོས༔ དབེན་པའི་གནས་སུ་རྩེ་གཅིག་བསྒྲུབས༔ རིག་པ་འཛིན་པ་ཐོབ་ཚུལ་བསྟན༔ ཁྱད་པར་དུར་ཁྲོད་བསིལ་བའི་ཚལ༔ དཔའ་བོ་ཌཱ་ཀིའི་འདུན་ས་ཆེར༔ བཅོམ་ལྡན་ཕག་མོའི་ཞལ་བསྟན་ཅིང་༔ རྒྱུད་དང་གདམས་པ་རྒྱ་ཆེར་སྩལ༔ སྙིང་པོ་རྡོ་རྗེའི་ཚིག་འདི་གསུངས༔ རྡོ་རྗེ་ཕག་མོའི་སྐུ་གསུང་ཐུགས༔ ཡོན་ཏན་ཕྲིན་ལས་ཡེ་ཤེས་བསྒྲུབ༔ སྨིན་ཅིང་དག་པའི་ཐབས་དང་བཅས༔ དངོས་གྲུབ་རྣམ་གཉིས་རྩོལ་མེད་འབྱུང་༔ ཞེས་གསུངས་བདེ་སྟོང་ངང་དུ་བཞུགས༔ ལྷན་སྐྱེས་ལས་ཀྱི་དབང་མོ་ཆེས༔ དེ་དོན་རྒྱས་པར་མཚོན་པའི་དོན༔ འདིར་ནི་ཟབ་ཅིང་འདྲིལ་བར་བསྟན༔ འདི་ལྟར་ཉམས་སུ་ལེན་པའི་བུ༔ རང་བྱུང་པདྨ་བདག་ཉིད་དང་༔ དཔའ་བོ་མཁའ་འགྲོས་བྱིན་བརླབས་པས༔ རྩ་ཁམས་རླུང་ལ་ཡེ་ཤེས་འཕེལ༔ མཐར་ཐུག་འབྲས་བུ་མྱུར་དུ་འགྲུབ༔ གནས་སྐབས་ལས་ཀུན་ཐོགས་པ་མེད༔ རང་གཞན་དོན་གཉིས་ལྷུན་གྲུབ་འགྱུར༔ ས་མ་ཡ༔ དེ་ལྟ་བུ་ཡི་ཟབ་མོའི་དོན༔ རྒྱས་པར་བུམ་ཐང་ལུང་པར་སྦས༔ ལོ་ཙཱ་ཆེ་མཆོག་བྱིན་རླབས་སྤྲུལ༔ ཁྱུང་པོ་དཔལ་གྱི་མིང་གིས་འདོན༔ སྦས་ཚུལ་འགྲོ་དོན་ཅུང་ཟད་བྱེད༔ རང་ཉམས་བླངས་པས་ཡེ་ཤེས་སྨིན༔ འབྲིང་པོ་ཁ་རག་ཕུག་ཏུ་སྦས༔ དཔལ་གྱི་ཡེ་ཤེས་རྣམ་པར་འཕྲུལ༔ བདེ་ཆེན་གླིང་པའི་སྐལ་བར་འགྱུར༔ རང་གཞན་དོན་གཉིས་ཅི་རིགས་འབྱུང་༔ བསྡུས་པ་འདི་ནི་ཡུལ་དབུས་ལྷོ༔ པདྨ་བརྩེགས་པའི་ཕུག་པར་སྦས༔ དཀོན་མཆོག་འོད་ཀྱི་སྐྱེ་བའི་མཐས༔ མ་འགགས་རྫུ་འཕྲུལ་སྤྱོད་པས་བཏོན༔ རྒྱ་ཆེའི་སྙན་བརྒྱུད་ཟབ་དོན་ལ༔ བརྟེན་ནས་རང་གཞན་དཔལ་དུ་འགྱུར༔ ཟབ་ཏིག་ཡེ་ཤེས་འཁོར་ལོ་འདི༔ སླར་ཡང་འདབས་གཏེར་ཚུལ་དུ་སྦོས༔ ནམ་ཞིག་རྩུབས་འགྱུར་འཇིགས་པའི་དུས༔ མངའ་བདག་ཡབ་སྲས་ཐུགས་བསྐྱེད་ལས༔ བདག་གིས་བྱིན་བརླབས་རིག་པ་འཛིན༔ སྒྱུ་མ་ལྟ་བུའི་སྐྱེས་བུ་ནི༔ ཚེ་འདིའི་ལྟོས་ཐག་ཆོད་པ་ལས༔ སུ་དང་མི་མཐུན་ཡན་གར་བ༔ རྒྱུད་ཚོད་སུས་ཀྱང་དཔག་དཀའ་བ༔ མ་འགགས་ཤེས་རབ་ཐོད་རྒལ་ཅན༔ པདྨ་འོད་གསལ་མདོ་སྔགས་གླིང་༔ བཀའ་བབས་ཆུ་བོ་བདུན་གྱི་བདག༔ སྒྲ་སྒྲོགས་རྒྱལ་པོ་ལྕགས་ཀྱི་ལོ༔ མཁའ་འགྲོའི་མིང་པོ་དཔའ་བོ་ཆེར༔ གཏེར་བདག་ཌཱ་ཀིའི་ཚོགས་རྣམས་ཀྱིས༔ བརྡ་ཡི་ཤོག་སེར་དངོས་སུ་གཏད༔ དོན་གྱི་བྱིན་རླབས་བདག་གིས་སྩལ༔ ཚིག་གི་གདམས་པའི་སྨིན་དང་གྲོལ༔ དཀོན་མཆོག་འོད་ཀྱི་སྤྲུལ་པས་སྟོན༔ གདམས་སྐོར་རྣམ་བཞིའི་དོན་བརྒྱུད་རྫོགས༔ རྒྱུ་རྐྱེན་རྟེན་འབྲེལ་ཚོགས་པ་ལས༔ རྩོལ་མེད་གཏན་ལ་ཕབ་ནས་ཀྱང་༔ བཻ་རོ་དཔལ་སེང་མཆོག་གི་དབྱངས༔ གནུབས་ཀྱི་དགེ་སློང་རིག་སྔགས་འཆང་༔ བདུད་འཇོམས་དྲན་པ་ཡེ་ཤེས་སོགས༔ སྤྲུལ་པའི་རིག་འཛིན་གཙོར་གྱུར་པའི༔ སྐལ་ལྡན་འགའ་ཞིག་དོན་དུ་འགྱུར༔ སྙིང་པོའི་མན་ངག་དམ་རྫས་བཅས༔ ལྷོ་བྲག་བན་པའི་རི་སུལ་སྦོས༔ འདམ་སྐྱེས་པདྨ་ལྟ་བུ་ཡི༔ མཆོག་གི་མིང་ཅན་སྐྱེས་བུས་འདོན༔ རྟེན་འབྲེལ་གཞན་དབང་མ་གྱུར་ན༔ རང་གཞན་འབྲེལ་ཚད་དོན་དུ་འགྱུར༔ ས་མ་ཡ༔ རྡོ་རྗེ་སྟོང་ཉིད་ནམ་མཁའི་དཀྱིལ༔ ཕག་མོ་བདེ་ཆེན་སྐུ་རུ་ཤར༔ དེ་ཡི་གོ་འཕང་སྒྲུབ་པའི་ཐབས༔ མི་ཟད་རྒྱན་གྱི་ཡེ་ཤེས་ལྔ༔ ལམ་ཁྱེར་ཏིང་འཛིན་འཁོར་ལོ་ནི༔ རྒྱུན་མི་ཆད་པར་བསྐོར་བ་ལས༔ གཟུང་འཛིན་དྲྭ་བ་ཐུག་ཕྲད་གཅོད༔ ལྷ་དང་བདེ་ཆེན་བྱང་ཆུབ་སེམས༔ དབྱེར་མེད་དྷཱུ་ཏིར་སྨིན་པ་ལས༔ ཐུན་མོང་ཕྲིན་ལས་རྩོལ་མེད་འབྱུང་༔ མཆོག་གི་དངོས་གྲུབ་ཕྱག་རྒྱ་ཆེ༔ ཡེ་ཤེས་སྒྱུ་མ་མྱུར་དུ་འགྲུབ༔ དེ་ཕྱིར་སྙིང་ལས་གཅེས་པར་ཟུང་༔ ཐོས་དོན་རྩེ་གཅིག་ཉམས་སུ་ལོངས༔ འབྲེལ་ཚད་དོན་ལྡན་ཨེ་མ་ཧོ༔ ཞེས་བཀའ་སྩལ་པ་ལྟར་གཏེར་གནས་སོ་སོར་རྒྱ་རིམ་པ་བདུན་གྱིས་བཏབ་ནས་སྦས་ཤིང་༔ བཀའ་གཏེར་སྲུང་མ་རྣམས་ལ་གཉེར་ཏུ་གཏད་པ་སྟེ༔ མ་འོངས་སྐལ་ལྡན་ལུང་འཛིན་པའི༔ སྐྱེས་བུ་རྣམས་དང་འཕྲད་ནས་ཀྱང་༔ ཕྱི་ནང་བར་ཆད་ཀུན་ཞི་ཞིང་༔ དངོས་གྲུབ་ཡེ་ཤེས་རྒྱས་པར་ཤོག༔ ས་མ་ཡ༔ རྒྱ་རྒྱ་རྒྱ༔ ༡༢༣༤༥༦༧༨༩༠༔ གཏེར་རྒྱ༔ སྦས་རྒྱ༔ ཟབ་རྒྱ༔ གཉན་རྒྱ༔ གཏད་རྒྱ༔ གསང་རྒྱ༔ གུ་ཧྱ་ས་མ་ཡ་རྒྱ་རྒྱ་རྒྱ༔ རྨད་དུ་བྱུང་བའི་གསང་བ་རྡོ་རྗེ་ཕག་མོའི་སྒྲུབ་ཐབས་ཡེ་ཤེས་འཁོར་ལོ་འདི༔ ལོ་ཆུང་དཀོན་མཆོག་འོད་ཀྱི་སྐྱེ་མཐའ་ཨེ་སྦེལ་ལྕོག་ལས་འཕྲོ་གླིང་པས༔ རབ་བྱུང་དགུ་པའི་མཐར་ཡར་ཀླུང་ཤེལ་བྲག་པདྨ་བརྩེགས་པ་ནས་མ་འགགས་རྫུ་འཕྲུལ་གྱི་རོལ་པས་སྤྱན་དྲངས༔ གསང་བའི་ཐུགས་དམ་དུ་མཛད༔ སླར་ཤོག་སེར་ལུང་བྱང་ལྟར་འདབས་གཏེར་དུ་བཞུགས་པ་ཆོས་བདག་མཁའ་འགྲོའི་འདུ་བས༔ གཏེར་སྟོན་གྱི་མིང་མ་བཏགས་ཀྱང༌། རང་བྱུང་ཆེན་པོ་པདྨ་ཡབ་ཡུམ་གྱི་བྱིན་རླབས་ལས་ཤོག་སེར་བསྒྱུར་བ་ལ་སྤོབས་པ་མི་ཞུམ་པའི་ཁོ་བོ་པདྨ་འོད་གསལ་མདོ་སྔགས་གླིང་པ་ལ་མདོངས་གསོལ་དུ་སྤྲད་པ་ལས། རབ་ཚེས་ལྕགས་ཕོ་འབྲུག་གི་ལོའི་ཆོ་འཕྲུལ་ཟླ་བར་གཏན་ལ་ཕབ་ནས་རེ་ཞིག་གསང་བའི་རྒྱས་བཏབ༔ སླར་ཤིང་སྤྲེལ་རྒྱལ་ཟླ་བར་ལོ་ཆེན་བཻ་རོ་དངོས་བྱོན་ཨོ་རྒྱན་འཆི་མེད་བསྟན་གཉིས་གླིང་པ་སོགས་མཆོག་གི་འདུས་པ་རྣམས་ལ་རིམ་པར་སྤེལ་བའི་བརྒྱུད་པའི་ངེས་པའང་གཏེར་གཞུང་རྩ་བའི་དགོངས་པ་ལྟར། ཆོས་སྐུ་ཀུན་བཟང་རྡོ་རྗེ་འཆང་ལོངས་སྐུ་འཁོར་ལོ་བདེ་མཆོག །སྤྲུལ་སྐུ་རྡོ་རྗེ་ཕག་མོ། །ཡེ་ཤེས་ཀྱི་མཁའ་འགྲོ་མ་ལས་ཀྱི་དབང་མོ། །ཨོ་རྒྱན་པདྨ་བཛྲ། རྒྱལ་ཡུམ་ཡེ་ཤེས་མཚོ་རྒྱལ། མངའ་བདག་རྗེ་འབངས་འདུས་པ། སྤྲུལ་པའི་གཏེར་སྟོན་ཁྱུང་པོ་དཔལ་དཔེ། །སྤྲུལ་སྐུ་བདེ་ཆེན་གླིང་པ། མཆོག་ལྡན་མདོ་སྔགས་གླིང་པ། གར་དབང་ལས་འཕྲོ་གླིང་པ། དེས་བདག་ལ་ཉམས་དང་རྨི་ལམ་གྱི་ཚུལ་དུ་སྨིན་གྲོལ་གྱི་གདམས་པས་བྱིན་གྱིས་བརླབས་ཤིང་ཆོས་སྒོ་དབྱེ་བར་རྗེས་སུ་གནང་བ་སྩལ་བའོ། །སརྦ་དཱ་མངྒ་ལཾ་བྷ་བ་ཏུ།། །།

[edit]

\u0f01\u0f83:__dpal rdo rje phag mo dkar mo'i sgrub thabs ye shes 'khor lo zhes bya ba gsang ba chen po'i thugs tig bzhugs so:__12345678910:____rgya gar skad du:__shrI badz+ra wA rA hI dz+nyA na tsakra no pi ka nA ma:__bod skad du:__dpal rdo rje phag mo'i sgrub thabs ye shes 'khor lo zhes bya ba:__shrI he ru ka la phyag 'tshal lo:__chos sku kun bzang rdo rje 'chang :__longs sku dpal ldan bde ba'i mchog:__sprul pa'i gar mdzad wA rA hI:__las kyi dbang chen mkha' 'gro'i gtso:__de dag rnams las rim 'ongs pa'i:__snyan brgyud man ngag snying po'i don:__phag mo dkar mo'i sgrub pa'i thabs:__pad+ma badz+ra bdag gis bshad:__sa ma ya:__dpal rdo rje phag mo dkar mo'i sgrub pa'i thabs gsang ba chen po ye shes kyi 'khor lo 'di la don bdun las:__dang po sku bskyed rim phyag rgya'i sgrub thabs ni:__dbang gis rgyud smin cing dam tshig dag pa'i rnal 'byor pas dur khrod la sogs pa dben zhing zil che ba'i gnas su:__sgrub pa'i khang pa byi dor bya zhing bdud rtsi lnga'i chus chag chag gdab:__maN+Dal gyi gzhir mtshan ma'i dkyil 'khor ji ltar rigs pa 'du byas pa'i khar many+dzi'i steng du thod pa mtshan ldan nang sgrub pa'i dpal gtor brjid dang ldan pa bris sku dang sngags byang brgyan cing dar gdugs kyis spras pa dang :__de'i mdun du sman gtor rak+ta mchod pa'i yo byad ci 'byor pa bsham:__rang nyid skra grol zhing kha nub tu phyogs pas lhag pa'i lha dang bla ma dbyer med par shes pa la mos 'dun drag po rtse gcig pas rgyud sbyang ba ni:__tshogs shing mkha' khyab tu sad pa'i spyan sngar:__na mo:__bdag dang mtha' yas sems can kun:__dus 'di nas bzung byang chub bar:__phyogs bcur bzhugs pa'i bla ma dang :__yi dam lha dang mkha' 'gro la:__gus pas phyag 'tshal skyabs su mchi:__dngos bshams yid las byung ba yi:__kun bzang mchod sprin rgya mtshos mchod:__tshe rabs thog med sdig ltung dang :__dam tshig nyams chags snying nas bshags:__dge ba kun la yi rangs shing :__chos kyi 'khor lo bskor ba dang :__mya ngan mi 'dar bzhugs gsol 'debs:__gzhan don rdzogs pa'i byang chub sems:__dam pa bdag gis bskyed par bgyi:__sgo gsum lha sngags ye shes las:__mi 'da' rdo rje'i sdom pa gzung :__bsod nams 'di dang gzhan rnams kun:__ma lus blo yis yongs bsdoms nas:__chos kyi dbyings su bsngos pa'i mthus:__'gro kun sangs rgyas myur thob shog:__dzaHhU~M ba~M hoHsa tshogs zhing rnams rang la thim par bsam:__rdor sems sgom bzlas dang bla ma'i rnal 'byor la gnad du bsnun:__de nas bgegs bskrad cing mtshams bsrung ba ni:__rang skad cig gis dpal he ru kar gsal ba'i thugs ka nas hU~M gi sgras khro bo'i sprin rab 'byams su spros te rnal 'byor zab mo bsgom pa la bar du gcod pa'i bgegs tshogs rnams rgyang ring du bskrad par bsams la hU~M bzhi pa'i sngags brjod:__khro tshogs rnams slar 'dus te rang la thim pa 'od du zhu ba las srung ba'i 'khor lo rtsibs bcu pa yangs shing rgya che ba go skabs med pas gtams pa'i dbus su rang nyid gtsug tor 'khor los sgyur ba:__steng 'og dang phyogs mtshams kyi rtsibs la sprul pa'i khro bo bcu rngams brjid 'bar ba de'i phyi rol tu rdo rje'i rwa ba:__me'i gur:__mda'i drwa ba rnams kyis bskor ba bskal pa'i rlung gis kyang gzhom zhing gzhig par mi nus pa'i srung ba'i 'khor lo gsal zhing brtan par bsams la:__hU~M hU~M hU~M hU~M hU~M hU~M hU~M hU~M hU~M hU~M:__tsakra badz+ra sA ra a na la dz+wa la sa~M rak+Sha rak+Sha b+h+rU~M:__zhes brtan par bya'o:__de nas mchod pa'i yo byad rnams la dmigs te:__hU~M hU~M hU~M:__zhes brjod pas bgegs bsang zhing stong par sbyang :__stong pa'i ngang las gnas yul dur khrod zhing gi bkod pa 'byams klas pa'i dbus su:__phyi nang gsang ba'i mchod rdzas stong pa'i rang bzhin:__bde ba'i rnam pa:__ye shes kyi rol mo mkha' khyab tu 'char bar bsams la:__oM badz+ra puSh+pe d+hU pe A lo ke gan+d+he nai bid+yA shap+da AHhU~M:__oM pany+tsa kA ma gu na AHhU~M:__oM bod+d+hi tsit+ta ma hA su kha hU~M:__oM sarba pany+tsa a mr-i ta rak+ta ba liM ta AHhU~M:__ma hA su kha dz+nyA na badz+ra s+pha ra Na khaM:__zhes pas byin gyis brlabs shing rgyas par spel:__dngos gzhi ni:__hU~M zhes brjod pas rang nyid gtsug tor 'khor los sgyur ba 'od du zhu ba las 'byung bzhi rim brtsegs ri rab dang bcas pa'i steng du chos kyi 'byung gnas yangs shing rgya che ba'i phyi rol tu dur khrod chen po brgyad kyis yongs su bskor ba'i lte bar sna tshogs pad nyi 'jigs byed dus mtshan dang bcas pa'i gdan gyi steng du rang sems gnyug ma mi shigs pa'i thig le hrIHyig dkar gsal yongs su gyur pa las skad cig gis bcom ldan 'das ma sku mdog ston ka'i zla ba ltar rab tu dkar zhing dwangs ba'i mdangs dang ldan pa:__zhi zhing 'dzum la cung zad khro bo'i nyams dang bcas rjes su chags pa'i gzi byin ches cher 'bar ba:__rna ltag g.yas su phag zhal nag po ngur sgra sgrogs pas sa gsum g.yo ba:__zhal gcig phyag gnyis spyan gsum mche ba'i myu gu bzhi gtsigs pa:__phyag g.yas pas 'khor los mtshan pa'i gri gug nam mkhar 'phyar bas gzung 'dzin gyi rnam rtog gcod cing :__g.yon thod pa bdud bzhi'i khrag gis gang ba thugs kar bsnams pas bde chen ye shes kyi rgyun 'bebs pa:__gru mo g.yon du yab he ru ka sbas pa'i tshul gyis rdo rje'i kha TA~M ga'i rnam par 'chang bas bde stong gnyis su med pa:__dbu skra thor cog spyi bor bcings pa'i rtser 'khor los mtshan cing lhag ma sil bur grol bas sku sked yan chad khebs pa:__nu 'bur mkhregs shing gsang ba'i pad+mo rgyas pa:__thod pa skam po lngas dbu brgyan cing skam po lnga bcu'i do shal can:__rus pa'i phyag rgya lnga dang dar dpyangs kyis brgyan pa:__zhabs g.yas pa skums shing g.yon brkyangs pa'i gar stabs kyis ye shes kyi me 'bar ba'i dbus na zhugs pa'i snying ga'i dbus su rang 'dra ba'i ye shes sems pa mtshon gang ba:__de'i thugs kar nyi zla'i ga'u kha sbyor hrIH__dkar pos mtshan pa la sems gtad pas bde ba chen po'i ye shes bsam gyis mi khyab pa skyes pa'i rkyen gyis de las 'od zer 'phros:__lus kyi nang thams cad mun khung du sgron me btegs pa ltar gsal bar byas:__de'i rkyen gyis skad cig gis snying ga'i nang skor gyi rtsa 'dab bzhi la snying po'i rnal 'byor ma bzhi:__phyi skor brgyad la sgo mtshams ma brgyad:__spyi bo la sogs pa'i rtsa mdud rnams su yul nyi shu rtsa bzhi'i rnal 'byor ma rnams dang :__gzhan yang rtsa khams thams cad dpa' bo dang mkha' 'gro'i tshogs kyis yongs su gang ba gdod nas lhun grub tu bzhugs par gsal gdab:__lha rnams kyi spyi bor oM dkar po:__mgrin par AHdmar po:__thugs kar hU~M sngon po:__lte bar hoHser po rnams kyis mtshan pa las de bzhin gshegs pa thams cad kyi sku gsung thugs ye shes rdo rje'i bdag nyid du bsams la:__oM sarba ta thA ga ta ma hA kA ya wA ka tsit+ta dz+nyA na badz+ra swa b+hA wa At+ma ko\u0f85ha~M:__zhes nga rgyal gzung :__mig gyen du blta zhing 'bar ba'i rgya dang bcas phaiM zhes drag tu brjod pas ye shes kyi 'khor lo mkha' khyab tu sad par bsams la:___oM:__stong pa shin tu yod med las:__ye shes sgyu ma'i phyag rgyar bzhengs:__dam tshig chen po'i dkyil 'khor 'dir:__byin gyis rlob phyir gshegs su gsol:__oM badz+ra b+hA rA hI sa pa ri wA ra e h+ye hi:__zhes pas spyan drang :__badz+ra dz+nyA na sa ma ya dzaHhU~M ba~M hoHsa bstim:__slar yang phaiM zhes pas dbang lha nam mkha' gang bar spyan drangs pa rnams kyis byang chub sems kyi bdud rtsi'i sprin chen pos mngon par dbang bskur bas tha mal snang zhen gyi dri ma dag:__bde ba mchog gi ye shes mngon du byas:__chu lhag ma spyi bor brtan pa las rnam par snang mdzad kyis dbu brgyan par bsams la:__oM badz+ra a b+hi Shiny+tsa ma hA su kha su ra s+t+waM a haM:__zhes brjod:__thugs ka nas sprul pa'i phyi nang gi mchod pa'i lha mo rnams kyis mngon par mchod cing bstod pas bde chen ye shes kyi gzi byin spel bar bsams la:__oM shrI badz+ra rA ga puSh+paM:__d+hU paM:__dI paM:__gan+d+haM:__nai bid+yaM:__shap+da pra tIts+tsha AHhU~M:__pany+tsa kA ma gu Na sa ma ya ho:__bo d+hi tsit+ta ma hA su kha sa ma ya s+t+waM:__sarba pany+tsa a mr-i ta oM AHhU~M:__rak+ta pi pa ho:__i daM ba liM gr-ih+Na b+hUny+dza ho:__oMH__bcom ldan rdo rje phag mo ni:__zla ba ltar dkar rjes chags nyams:__ye shes gzi byin cher 'bar ba:__khams gsum dbang phyug ma la bstod:__de nas thog mar phyi dbyibs kyi lha sku dang :__rim par nang rtsa khams lhar gsal ba la sems rtse gcig tu gzung :__gsal snang skyes pa na rang bzhin gnyug ma'i ye shes dang bsres nas nga rgyal brtan:__phyi nang gi rdo rje phag mo la sogs pa'i lha rnams sangs rgyas chos kyi sku'i ye shes mngon par byang chub pa'i chos so bdun gyi ngo bor rnam par dag cing :__mngon par byang chub pa'i chos thams cad kyang lha so bdun gyi rnam par shar ba dang :__ye shes kyi rang rtsal mkha' khyab tu 'phro ba'i bdag nyid can du shes par byas la dag pa rab 'byams kyi rtsal sbyang ngo :__de ni sku bskyed rim bsnyen pa'i rnal 'byor zhes bya'o:__sa ma ya:__gnyis pa gsung bzlas pa sngags kyi sgrub thabs ni:__ye shes sems ma'i thugs kar nyi zla'i gwa 'u kha sbyor gyi lte bar hrIHdkar po mar me ltar 'bar ba'i mthar sngags kyi phreng ba g.yon skor du 'khod par mos la:__yid mig rlung gsum nang du gtad de sems rtse gcig tu 'dzin bzhin pas:__oM sarba bud+d+ha DA ki nI ye hU~M phaT swA hA:__zhes 'bum phrag bzhi bzla ba ni bsnyen pa'o:__thugs ka'i sngags phreng las sngags phreng gnyis pa byung :__zhal nas thon:__yab he ru ka'i ngo bo kha T+wA~M ga'i rtse mo nas zhugs:__bde ba chen po'i gzi byin 'bar:__rtsa ba nas brgyud gsang ba'i pad+mo nas gyen du byung :__de ltar bar ma chad par 'khor bas mchog tu mi 'gyur ba'i ye shes brtan par bsams la:__oM sarba bud+d+ha DA ki nI ye ma hA su kha dz+nyA na hU~M phaT swA hA:__'bum phrag gnyis bzla ba ni sgrub pa'o:__slar yang sngags phreng las bde ba chen po'i ye shes kyi 'od zer rab tu 'bar bas 'khor 'das kyi khams thams cad khyab cing g.yos:__rtsa gsum rgyal ba rab 'byams kyi byin rlabs bsdus te bdag la thim:__khams gsum gyi 'gro kun sgrib gnyis bag chags dang bcas pa bsregs shing sbyangs:__dwangs ma rdul phran 'od gsal gyi ye shes lha sngags chos sku'i phyag rgyar sad:__pho nya gsum gyi byin rlabs dang nus stobs thams cad rang la thim pas mkha' spyod chen po'i ye shes la dbang bsgyur:__'dul thabs bzhi'i phrin las thams cad lhun gyis grub par bsams la:__oM sarba bud+d+ha DA ki nI ye ma hA su kha sarba sid+d+hi A be sha ya a AH__zhes 'bum phrag gcig bzla ba ni las sbyor te ye shes la dbang bar 'gyur ro:__de ni gsung bzlas pa nyer bar bsnyen pa'i rnal 'byor ro:__sa ma ya:__gsum pa thugs rdzogs rim de kho na nyid kyi sgrub pa'i thabs la:__sngon 'gro:__dngos gzhi:__rjes so:__dang po sngon du 'gro ba ni:__dbang thob cing dam tshig dag pa'i rnal 'byor pas gnas dben par 'du 'dzi dang rnam g.yeng thams cad spangs te:__nye bar zhi ba'i yid kyis nges 'byung gi shugs drag tu bskyed la blo bkol du btub pa na:__mdun gyi nam mkhar skyabs yul gsal btab la rgyud sbyong ba'i rim pa nan tan tu bya:__mthar skyabs yul rang la bstim:__rang gi spyi bor seng ges bteg pa'i rin po che'i khri pad+ma dang zla ba'i gdan gyi steng du rtsa ba'i bla ma rigs thams cad kyi khyab bdag dpal rdo rje sems dpa' he ru ka sku mdog dkar po rdo rje dang dril bu 'dzin pas yum rdo rje snyems ma gri thod 'dzin pa dang mnyam par sbyor ba:__dar dang rin po che dang rus pa'i rgyan gyis brgyan pa:__zhabs rdo rje dang pad+ma'i skyil mo krung gis mnyam par sbyor ba'i yab kyi thugs kar zla ba'i steng du hU~M dkar po las 'od zer 'phros:__phyogs bcu dus bzhi'i bla ma yi dam sangs rgyas byang sems dpa' bo dang rnal 'byor ma thams cad kyi thugs ka dang sbyor mtshams nas ye shes kyi bdud rtsi spyan drangs:__hU~M la thim pas byin rlabs dang gzi brjid 'od du 'bar bar bsam:__oM:__bla ma khyab bdag rdo rje sems:__skyabs gnas kun 'dus bdag la dgongs:__bdag gi tshe rabs thog med nas:__bsags pa'i sdig ltung nyams chags kun:__mi 'chab mi sbed snying nas bshags:__slan chad sdom par dam bca' na:__ye shes bdud rtsi'i chu rgyun gyis:__dag cing tshangs par stsal du gsol:__zhes gsol ba btab pas thugs ka'i hU~M las bdud rtsi'i rgyun byung :__rang gi spyi bo nas zhugs:__lus kyi nang gang :__nad gdon sdig sgrib bag chags dang bcas pa byang zhing dag par bsams la yi ge brgya pa ci nus bzlas mthar bshags sdom dang bcas rang la bstim:__khyad par byin rlabs gnad 'bebs kyi rnal 'byor ni:__rang mdun nam mkha' 'od lnga'i klong :__seng khri pad+ma nyi zla'i steng :__rtsa ba'i bla ma rdo rje 'chang :__mthing gsal rdor dril yum dang 'khril:__dar dang rin chen rgyan gyis spras:__zhabs zung rdo rje'i skyil krung gis:__ye shes 'od lnga'i klong na bzhugs:__sku ni dge 'dun gsung dam chos:__thugs ni gdod nas rdzogs sangs rgyas:__phung khams skye mched yi dam lha:__dpa' bo mkha' 'gro chos srung tshogs:__skyabs kun 'dus pa'i ngo bor gyur:__ces gsal btab la tshogs bsag pa'i slad du maN+Dal 'bul ba ni:__oM AHhU~M:__phyi ltar snod bcud bkod pa rdzogs:__nang du lus dang longs spyod rgyan:__gsang ba byang sems maN+Da la:__'bul lo byin rlabs dngos grub stsol:__rat+na maN+Dal pU dza ho:__mos gus drag pos gsol ba gdab pa ni:__rtsa ba'i bla ma rdo rje 'chang :__skyabs gnas kun 'dus bdag nyid la:__snying nas gus pas gsol ba 'debs:__dbang dang byin rlabs dngos grub stsol:__zhes brgya stong sogs dang :__oM AHhU~M ma hA gu ru badz+ra d+ha ra dz+nyA na sid+d+hi hU~M:__zhes bzlas mthar dbang blang ba ni:__bla ma yab yum sbyor mtshams nas:__ye shes bdud rtsi'i char rgyun babs:__rang gi gnas bzhi'i 'khor lo gang :__sgrib bzhi dag cing dbang bzhi thob:__dga' bzhi'i ye shes rgyud la skyes:__sku bzhi thob pa'i rten 'brel bsgrigs:__mthar ni rang thim gnyis med gyur:__ces dmigs pa gsal btab la:__thugs yid bsres te rig pa ma bcos spro bsdu bral ba'i ngang bskyangs te mnyam par bzhag:__'di rnams rtags thon par nyams su blang ngo :__gnyis pa dngos gzhi la bzhi:__bkod pa rtsa'i rnal 'byor:__g.yo ba rlung gi rnal 'byor:__dwangs ma thig le'i rnal 'byor:__de kho na nyid ye shes kyi rnal 'byor ro:__de la bskyed bzlas kyi gsal snang thon pas:__dang po bkod pa rtsa'i rnal 'byor ni:__bde ba'i stan la lus gnad shin tu drang por bsrang :__mig bar snang la ha re gtad:__rlung ro bsal:__sems rtog med kyi ngang bskyang :__de'i ngang las rang lus phag mo'i sku stong ra 'od kyi rang bzhin can du gsal:__rtsa gsum 'khor lo bzhi bcas dwangs zhing rnyogs pa med par bsgom:__snying ga'i rtsa 'dab kyi dbus su hrI:__nang skor gyi 'dab bzhir mdun nas g.yon skor gyis mA~M tA~M pA~M lA~M:__phyi skor brgyad la hU~M:__mgrin par A~M dang A li bcu drug g.yon skor:__spyi bor ha~M dang kA li so gnyis g.yas skor:__lte ba rak+ShaHdang kA li so gnyis tshar gnyis g.yas skor:__spyi bor pU:__spyi gtsug tu dza:__rna ba g.yas par o:__ltag par aH__rna ba g.yon par go:__smin ma'i dbus su ra:__mig gnyis su de:__phrag pa gnyis su ma:__mchan khung gnyis su ka:__nu ma gnyis su o:__lte bar tri:__sna rtser ko:__ya rkan la ka:__mgrin par la:__snying la hi:__mtshan ma la pre:__bshang lam du gr-i:__brla la sau:__byin pa la su:__rkang sor brgyad la nA:__bol gong la si:__rkang pa'i mthe bo gnyis la ma:__pus mo gnyis la ku:__de thams cad kyang rtsa mdud khams dang bcas ngo bo lha la rnam pa yi ge'i gzugs bde stong dbyer med mtshon pa'i phyir dkar la dmar ba'i mdangs 'od 'tsher ba gsal gdab:__rlung 'jam por bzung nas yid mig rlung gsum snying ga'i hrIHla rtse gcig tu gtad pas bde ba chen po'i ye shes bsam gyis mi khyab pa skyes:__de las 'od zer 'phros sna bug gi rlung dang 'grogs te mkha' khyab tu snang bas de bzhin gshegs pa sras dang btsun mor bcas pa dang :__dpa' bo dang rnal 'byor ma thams cad la phog pas thugs zag med kyi bde bas mnyes:__sku ye shes kyi gzi byin 'bar ba'i dwangs bcud 'od zer 'ja' tshon gyi rnam par spyan drangs nas snying ga'i hrIHla sib sib thim zhing gzi mdangs cher 'bar ba'i 'od kyis rtsa gnas yi ge'i gzugs su gnas pa thams cad la khyab pas rtsa khams kyi snyigs ma sbyangs:__dwangs ma gsal zhing rnyogs pa med pa 'ja' tshon gyi rnam pa can du gyur par bsams la rlung 'jam por bzung :__mthar de rnams las 'od zer 'ja' tshon lta bu bun gyis langs pas lus phyi nang gi cha shas gang la reg pa thams cad 'ja' tshon gyi rnam pa can du gyur:__de rnams rim gyis 'dus te snying ga'i hrIHla thim:__de'ang yal gyis yal bar bsams la dmigs bsam brjod bral nam mkha' lta bu'i ngang du cham mer bzhag:__slar yang dwangs ma'i chu las nya 'phar ba ltar sngar bzhin gsal btab nas 'od zer spro bsdu sogs bya:__thun mtshams rnams su rtsa mdud grol ba'i 'khrul 'khor yang ci rigs par bya'o:__de ltar nyams su blangs pas gnas skabs su lus kyi nad rnying par 'byongs:__gsar pa mi skye:__tshe ring :__rgas sra:__lus shing bal gyi 'dab ma ltar yang shing shin tu sbyangs pa'i bde bas khyab:__mthar thug rags lus dwangs mar gnas gyur te ye shes kyi sku thob par 'gyur ro:__gnyis pa rlung gi rnal 'byor ni:__lus gnad bsrang :__rang lus rtsa 'khor yi ge dang bcas pa gsal:__rlung ro phyir drag tu bus pa dang mnyam lus kyi rlung gi snyigs ma thams cad du ba'i rnam pas 'tshubs shing 'khyil ba phyir thon par bsams la cung zad phyir 'dzin:__de nas steng rlung dal bus rngubs:__'og rlung gyen du drangs:__lte bar kha sbyar:__dgang zhing gzhil:__mi thub na phyir sangs kyis bus pa dang mnyam du snying ga'i hrIHlas ye shes kyi rlung 'od zer lnga ldan gyi rnam pas phyir thon pa las 'od zer mkha' khyab tu 'phros:__de bzhin gshegs pa thams cad dang :__dpa' bo dang rnal 'byor ma thams cad kyi shangs bug nas zhugs:__sku la gnas pa'i ye shes kyi rlung dang ro gcig tu 'dres:__zag pa med pa'i bde ba bskyed:__slar yang ye shes kyi rlung 'od zer lnga ldan gyi rnam pas shangs bug nas thon:__rang gi sna sgo'i rlung dang ro gcig tu drangs te kha sbyar:__lte ba'i rlung gi dwangs ma snying ga'i hrI:la thim:__de las ye shes kyi rlung 'od zer gyi rnam pas rtsa gnas thams cad du zhugs nas rtsa khams yi ge dang bcas pa ye shes kyi rlung gis khyab:__stong gsal mchog gi ting 'dzin rgyud la skyes:__ye shes kyi rlung rnams snying ga'i hrIHdang dbyer med du bzhugs par bsams la bum can ci nus 'dzin:__de lta bu'i spro bsdu'i dmigs pa rtse gcig pas bum can mthar ma phyin gyi bar du bslab:__thun mtshams rnams su rlung gegs sel ba'i 'khrul 'khor kyang bya:__des gnas skabs su rlung zin pas sems zin:__'od gsal gyi rtags 'char:__phra yang la sogs pa'i yon tan dang tshig gi mchog 'grub:__las bzhi rtsol med du byed:__mthar thug las rlung ye shes su dag pas gsal stong mchog gi ting nge 'dzin skye zhing :__mi shigs pa nA da'i sgra dbyangs la dbang sgyur bar 'gyur ro:__gsum pa thig le'i rnal 'byor ni:__lus bsrangs:__rlung ro bsal:__rang lus rtsa 'khor yi ge dang bcas pa sngar bzhin du gsal:__lhag par lte 'og rtsa gsum 'dzoms par drod kyi dwangs ma tsaN+Da lI a thung shad kyi rnam pa me 'bar la khad pa gsal gdab:__rlung sbyor ba bzhi ldan du bzung bas a shad las me shin tu phra ba 'bar:__rim gyis bsags pas lte 'og gi rtsa gsum nang dmar mer gyis khengs par bsam:__de ni gzhi bca' ba'o:__de nas me de las dwangs ma glog gi zer ma lta bu dmar khyug gis g.yas ro ma nas brgyud:__sna bug gi rlung dang 'grogs te phyir thon:__mkha' khyab kyi de bzhin gshegs pa dang dpa' bo dang rnal 'byor ma thams cad kyi shangs bug g.yon nas zhugs:__sku la gnas pa'i ye shes kyi me dang 'dres:__zag med kyi bde chen bskyed:__bde chen ye shes kyi me'i dwangs bcud shangs bug g.yas nas brgyud:__rlung dang 'grogs te rang gi sna g.yon nas rkyang ma'i nang brgyud de lte ba'i me la thim pas ye shes kyi gzi byin lhag par 'bar bar bsams la rlung bzung :__de ni byin gyis brlab pa'o:__de nas lte 'og gi gtum mo'i me cher 'bar bas lte ba'i rtsa 'khor nas bzung rtsa khams yi ge dang bcas pa la rim gyis zhugs khams snyigs ma rnams bsregs:__dwangs ma dngul chu lta bu lhag par 'phel:__rtsa sbubs thams cad mes khengs pa las mched de lus kyi nang dang :__phyi rol gyi bar du me 'bar bas rang nyid rtsa thig rlung sems dang bcas pa drod kyi ye shes lhag par 'bar zhing sku mdog kyang lcags gong dkar po mer bsregs pa ltar dkar la dmar mdangs lhag par 'tsher bar bsam:__de ni gtum mo'i me sbar ba'i rim pa'o:__slar me'i dwangs ma shin tu phra zhing lhag par tsha ba zhig dmar khyug gis 'phros te spyi bo'i ha~M la reg pas bde phril gyis song :__de las bde chen gyi rang bzhin kun+da'i rgyun phra ba nar gyis babs pas me mar mnan:__bdud rtsis spyi bo nas bzung 'khor lo bzhi dang yul nyer bzhi'i rtsa khams yi ge thams cad la khyab pas dga' ba bzhi'i ye shes rgyud la skyes par mos te rlung bzung :__de ni thig les bde ba sgrub pa'i rim pa'o:__slar yang me cher 'bar ba dbu ma'i lam nas thal gyis song :__spyi gtsug nas thon:__bde bar gshegs pa dang dpa' bo rnal 'byor ma thams cad kyi shangs bug g.yon nas zhugs:__ye shes kyi me la thim pas mchog tu dgyes shing 'bar bas byang chub sems bzhu btul bde ba chen po'i rgyun shangs bug g.yas nas thon:__rang gi rlung dang 'grogs te sna bug g.yon brgyud spyi bo'i ha~M la reg pas bde chen byang chub sems kyi ye shes lhag par rgyas pa'i dwangs ma sngar bzhin babs pas rtsa thig yi ge dang bcas pa la khyab cing mchog tu mi 'gyur ba'i dga' ba bzhi'i ye shes rgyud la skyes par bsams la rlung bzung :__de ni bde ba ye shes su byin gyis brlab pa'i rim pa'o:__mthar lus sems la bde ba'i nyams skyes pa la yid gtad:__rlung dal bus bzung :__mig nam mkhar gtad:__sems kyis ci'ang yid la mi byaid par dus gsum gyi spros pa dang bral ba'i ngang bskyang :__de ni ye shes rnam par mi rtog pa'i de kho na nyid du la bzla ba'i rim pa'o:__de ltar sgom pa'i thun mtshams rnams su thig le dbab bzlog dgram pa'i 'khrul 'khor yang bya ba gces so:__thig le 'dzin 'grems la dbang thob nas gzhan lus pho nya'i myur lam tshul bzhin du nyams su blangs pas lhan cig skyes pa'i bde ba mngon du 'gyur ro:__des ni gnas skabs su drod dang bde ba skye:__mi rtog pa'i gzhi things:__gtum mo'i gos dang bde ba'i ting 'dzin gyis 'tsho:__snang sems rags pa 'dres:__'byung bzhi la dbang bsgyur ba'i rdzu 'phrul dang mngon par shes pa thob:__sgyu ma 'od gsal la sogs pa'i ting nge 'dzin gyi sgo mang po bye:__mthar thug thig le 'dzag med du 'ching zhing zag bral gyi ye shes mngon du byas pas mi 'gyur ba'i bde ba chen po lhan cig skyes pa'i gnas lugs la dbang sgyur bar 'gyur ro:__bzhi pa ye shes kyi rnal 'byor ni:__rang nyid lha sku bde ba chen po'i rang bzhin rtsa 'khor yi ge dang bcas pa gsal bzhin pa'i snying ga'i hrIHla sems rtse gcig tu gtad:__sems dang hrIHyig dbyer med du 'dres pa'i nyams skyes pa na:__de ka'i ngang du mtshan ma dang :__rnam par rtog pa dang :__yid la byed pa gzhan thams cad spangs te mi shigs pa'i hrIHdang ma bcos pa'i sems gnyug ma bya rtsol dang bral ba dbyer mi phyed pa'i ngang du mnyam par bzhag go:__de ni mtshan ma dang bcas pa'i rnal 'byor ro:__de nas hrI las bde ba chen po'i 'od zer 'bar ba'i me lta bu mkha' khyab tu 'phros:__snod bcud thams cad shig shig mer mer g.yos:__ma dag pa'i snang zhen bag chags dang bcas pa sbyangs:__dwangs ma rdul bral gyi ye shes dag pa'i zhing dang rdo rje phag mo'i skur lam ste gsal ba la sems gtad:__mthar de thams cad 'ub kyis 'dus te rang lhar gsal ba la thim:__rang nyid rtsa thig le yi ge rlung dang bcas pa snying ga'i dbu ma'i hrIHla 'dus:__de la yun ring du blo bzhag:__mthar de'ang mi dmigs par glog yal ba ltar stong par sbyangs nas sems dang stong pa nam mkha' dbyer mi phyed pa'i ngang :__'das pa la 'phro mi mthud:__ma 'ongs pa'i mdun mi drangs:__da ltar gyi shes pa la rtog dpyod kyi lhan pa mi gdab par rang bzhin gnyug ma ma bcos pa gsal la rtog med:__bde la zhen med:__mi rtog pa la 'dzin pa med pa'i ngang du mnyam par bzhag go:__de ni mtshan ma med pa'i rnal 'byor ro:__slar yang stong pa'i ngang las bde ba'i rdo rje phag mo rtsa 'khor thig le yi ge dang bcas pa lam gyis gsal:__de nyid snang stong ngos gzung med pa rang rig gnyug ma'i ye shes dang dbyer med par sems gzung :__de ni zung 'jug gi rnal 'byor ro:__de ltar nyams su blangs pas gnas skabs su snang ba sgyu mar 'char:__stong pa'i 'od gsal mngon du 'gyur:__snang sems ro gcig tu 'dres:__zung 'jug gi rig rtsal mkha' khyab tu shar bas rdzu 'phrul dang spyan dang mngon par shes pa mtha' yas pa 'thob:__mthar thug sku dang ye shes zung du 'jug pa shin tu rnam par dag pa'i go 'phang la dbang 'byor par 'gyur ro:__gsum pa rjes ni/__de lta bu'i rdzogs pa'i rim pa zab mo sgom pa'i skabs nyin par thun mtshams su snang ba gang shar thams cad sgyu ma'i lus:__rmi lam gyi snang brnyan:__ye shes kyi sku:__bde ba chen po'i rang bzhin dag pa rab 'byams su rtsal sbyang :__nyal ba'i skabs snying ga'i hrIHla rlung sems bsdus te gsal la mi rtog pa'i ngang du bar rlung 'dzin bzhin gnyid log pas stong bzhi'i 'od gsal ngos gzung :__rmi lam zin pa dang :__sbyang spel sprul sgyur kyang de kho nas don grub:__gal te tshe 'dir mchog gi dngos grub mngon du ma gyur na 'chi khar 'tshang rgya ba 'da' ka ma'i rnal 'byor ni/__rang phag mor gsal ba'i lus dang dbu ma'i stong ra bsgom:__snying gar tshigs kyis bcad pa'i steng du rlung dkyil la rlung sems hrIH'i rnam par gsal:__de la sems rtse gcig tu gzung :__zin pa'i nyams skyes pa na mdun gyi nam mkhar bla ma rdo rje phag mo gsal gdab:__gsol ba drag tu gdab:__'og rlung gyen du drang :__steng rlung phyir 'phul ba dang mnyam du hrIHhrIHzhes brjod pas snying ga'i hrIHdbu ma'i lam nas gyen du yar gyis song :__hika ces drag tu brjod pas tshangs pa'i bu ga nas mda' 'phangs pa bzhin thon:__bla ma rdo rje phag mo'i gsang ba nas zhugs:__thugs ka'i hrIHla bstims te thugs yid bsre:__yang ka zhes brjod pas hrIHyig thol gyis byung :__steng rlung mnan pa dang mnyam du tshangs bug nas zhugs:__snying gar 'khod par bsam:__de ltar yang yang sbyang :__thun 'jog pa na hrIHyig mar bab rjes bla ma rdo rje phag mo bdud rtsi'i rnam par zhu:__snying ga'i hrIHla thim pas 'chi med tshe'i dngos grub thob:__tshangs bug kyang 'od zer dkar pos sra zhing 'thas pas bkag par bsam:__spyi bo za ba dang :__skrangs pa dang :__chu ser gyis zil pa phrum pa sogs rtags ma byung bar 'bad:__de nas dmigs pa ma brjed tsam du bskyang :__'chi ba'i dus su babs pa na rnam shes hrIHyig bla ma'i thugs kar bstims pa dang lhan cig bla ma rdo rje phag mo mkha' spyod kyi zhing du glog 'khyugs pa ltar gshegs par bsams la brjod bral blo 'das gnyug ma'i ngang du mnyam par bzhag pas bar do med par mkha' la spyod pa'i go 'phang thob par 'gyur ro:__'da' ka ma ma thebs na bar do'i rnal 'byor gal che bas:__da lta nas nyin snang sgyu ma lta bu de'ang bar do'i yid lus su shes par byas nas:__snang cha gzugs sku dang bsre:__stong cha chos sku dang bsre:__rig rtsal ma 'gags pa sprul pa'i sku dang bsre ba gsum la goms pas bar dor yang dran pas zin te lam gyi 'phro mthud cing grol bar 'gyur ro:__de rnams ni yan lag gi rnal 'byor te:__de dag gis thugs 'od gsal rdzogs rim de kho na nyid sgrub pa'i rnal 'byor bstan zin to:__sa ma ya:__bzhi pa yon tan gtor ma dang tshogs kyi mchod pas sgrub pa'i thabs la dang po gtor ma'i cho ga ni:__srod kyi dus su thod pa la sogs pa'i snod du ba lang gi sha dang chang gis brgyan pa'i gtor ma la bdud rtsis bran:__hU~M hU~M hU~M zhes brjod pas gtor ma'i dngos 'dzin mi dmigs te stong par sbyangs:__stong pa'i ngang las rlung dang :__me dang :__thod pa'i sgyed pu la brten pa'i rang byung bde skyong gi snod yangs shing rgya che bar bcud sha lnga bdud rtsi lnga yi ge 'bru bcus mtshan pa:__rlung me'i sbyor bas thod pa dros:__rdzas yi ge dang bcas pa 'od du zhu ba bdud rtsi'i rgya mtshor 'khyil:__slar yang steng gi nam mkhar nyi ma la gnas pa'i kha T+wA~M ga 'bru gsum gyis mtshan pa'i 'od kyis rgyal ba sras dang bcas pa dang :__dpa' bo dang rnal 'byor ma thams cad kyi sku gsung thugs kyi bdud rtsi bkug:__kha T+wA~M yi ge dang bcas pa la thim:__de nyid gdan dang bcas pa 'od du zhu nas bcud la thim pas dam tshig dang ye shes dbyer med pa'i bdud rtsi 'dod yon rnam pa thams cad pa'i sprin du 'phro bar bsams la:__oM AHhU~M ha ho hrI:__zhes mang du brjod pas byin gyis brlab:__gtor mgron spyan drangs pa mdun gyi nam mkhar mkha' khyab tu bzhugs par bsams la:__rdo rje thal mo se gol gyi sgra dang bcas:__oM sarba bud+d+ha DA ki nI pa ri wA ra sa ma ya ho:__sa ma ya s+t+wa~M:__i daM ba liM b+hUny+dza ho:__a mri ta pI pa ho:__pany+tsa kA ma gu Na ho:__ma ma sarba karma sid+d+hi m+me pra ya ts+tshan+tu:__ha ha hi hi hai hai ho ho phaT swA hA:__zhes lan bdun gyis phul:__mchod cing bstod:__bcom ldan rdo rje rnal 'byor ma:__gnas gsum mkha' 'gro'i tshogs bcas kun:__mchod dang gtor ma 'di bzhes la:__bdag cag rnal 'byor 'khor bcas kyi:__phyi nang bar gcod zhi ba dang :__mi mthun phyogs kun srung mdzad gsol:__tshe bsod dpal 'byor ye shes spel:__log par lta ba dbang du sdus:__bdud dang dgra bgegs cham la phob:__'jig rten 'jig rten 'das pa sogs:__dngos grub ji ltar 'dod pa yi:__las kyi 'bras bu mchis par mdzod:__ces phrin las gsol nas nongs pa bshags:__gtor mgron rten la bzhugs pa'am gshegs su gsol bar bya'o:__des ni rnal 'byor pa'i bar chad thams cad zhi zhing tshe dang dpal 'byor gyi yon tan rgyas pa dang :__las thams cad myur du 'grub par 'gyur ro:__gnyis pa tshogs kyi mchod pa'i cho ga ni:__yar mar gyi tshes bcu la sogs pa'i dus bzang por mdun dkyil stegs bu'i dbus su mtshan ma'i dkyil 'khor ji ltar rigs pa'i steng thod pa bdud rtsis gang ba'i khar:__sin+d+hU ra'i maN+Dal chos 'byung bsnol ma'i dbus su hrI:__gra bzhir dga' ba 'khyil pas mtshan pa bsham:__gzhan yang dkyil 'khor sogs 'du bya:__dkyil 'khor ma grub na sgrub pa'i gtor ma mdun bskyed kyi rten du bgyis kyang rung :__gang ltar yang de'i mdun du zhing ngam gcan gzan gyi pags pa'i gdan gyi steng thod pa la sogs pa'i snod bzang por ma da na dang :__ba la gtso bor gyur pa'i tshogs rdzas bza' bca' btung ba'i longs spyod rgyas par bstan:__de nas gzhi bdag dang bgegs la gtor ma sbyin cing :__tshogs bsag:__mtshams bcad:__mchod rdzas brlab:__bdag gi sgom bzlas dang bcas pa byas la mchod cing bstod:__mdun rten la dmigs te hU~M zhes brjod pas mdun gyi dkyil 'khor mi dmigs te stong pa nyid du gyur par bsam:__stong pa'i ngang las 'byung bzhi rim brtsegs ri rab dang bcas pa'i steng du rten dang brten pa'i dkyil 'khor bdag bskyed ltar gsal:__byin gyis brlabs shing nga rgyal bzung :__ye shes pa spyan drang dbang bskur rgyas gdab:__de nas mchod pa rgyas par bya ba la phyi mchod ni:__hU~M:__stong pa'i ye shes las byung ba:__rnam pa kun gyi mchog ldan gzugs:__lha rdzas me tog char chen 'bebs:__dri zhim spos kyi sprin phung g.yo:__snang gsal mar me'i 'od du 'bar:__bsil zhing dri bsung ngad ldan chab:__bza' bca' btung ba'i zhal zas mchog:__snyan brjid rol mo'i dbyangs bcas kyis:__chos dbyings rgyas par bkang byas nas:__bcom ldan rdo rje phag mo mchod:__'khor gyi mkha' 'gro dgyes par rol:__las dang ye shes dngos grub stsol:__oM badz+ra b+hA rA hi sa pa ri wA ra hrI badz+ra ma hA rA ga puSh+pe:__d+hU paM:__dI paM:__gan+d+haM:__nai bid+yaM:__shap+da pra tIts+tsha AHhU~M:__nang mchod ni:__hU~M:_bde ba'i ye shes las byung ba:__rnam pa kun ldan 'dod yon sprin:__gzugs kyi nyams 'gyur rmad du byung :__sgra chen rol mo mtha' yas ldan:__dri zhim bdud rtsi char du 'bebs:__ro bcud nus pa'i phung po brdal:__'jam 'khril reg bya'i longs spyod kyis:__chos dbyings rgyas par bkang byas te:__bcom ldan rdo rje phag mo mchod:__'khor gyi mkha' 'gro dgyes par rol:__las dang ye shes dngos grub stsol:__oM badz+ra b+hA rA hI sa pa ri wA ra shrI badz+ra ma hA rA ga rU pa:__shab+da:__gan+d+he:__rA sa:__spar+she kA ma gu Na sa ma ya hA+o:__gsang mchod ni:__hU~M:__zung 'jug ye shes las byung ba:__thabs mchog he ru ka dpal gyi:__rdo rje pad+mar mnyam sbyar bas:__khams gsum gzung 'dzin dbyings su bsgral:__dga' bzhi bde stong chen por sbyor:__so so rang rig lhan cig skyes:__bla na med pa'i 'don yon gyis:__bcom ldan rdo rje phag mo mchod:__'khor gyi mkha' 'gro dgyes par rol:__las dang ye shes dngos grub stsol:__oM badz+ra b+hA rA hI sa pa ri wA ra shrI badz+ra ma hA rA ga bo d+hi tsit+ta ma hA su kha sa ma ya s+t+waM:__rmad du byung ba'i mchod pa ni:__hU~M__sha chen mchog gi bdud rtsi lnga:__rtsa brgyad yan lag stong sbyar ba'i:__rA sa yA na sman gyi bcud:__dag mnyam rtogs pa'i longs spyod rdzas:__dam tshig chen po'i 'dod yon gyis:__bcom ldan rdo rje phag mo mchod:__'khor gyi mkha' 'gro dgyes par rol:__las dang ye shes dngos grub stsol:___oM badz+ra b+hA rA hI sa pa ri wA ra sarba pany+tsa a mr-i ta oM AHhU~M:__kA ya wA ka tsit+ta a mr-i ta sid+d+hi hoH__hU~M:__rdo rje sgeg mo chags pa che:__gIrti'i mkha' nas babs pa'i rgyun:__khams gsum nyon mongs bsgral ba yi:__dmar chen rak+ta'i rgya mtshor thim:__gzi brjid chen po'i 'dod yon gyis:__bcom ldan rdo rje phag mo mchod:__'khor gyi mkha' 'gro dgyes par rol:__las dang ye shes dngos grub stsol:__oM badz+ra b+hA rA hI sa pa ri wA ra rak+ta pI pa hoH__hU~M:__snod kyi 'jig rten khyon yangs par:__bcud kyi sems can gtor mar sbyar:__bza' bca' btung ba'i phung por spungs:__gzugs sgra dri ro reg ldan pa'i:__longs spyod chen po'i 'dod yon gyis:__bcom ldan rdo rje phag mo mchod:__'khor gyi mkha' 'gro dgyes par rol:__las dang ye shes dngos grub stsol:__oM badz+ra b+hA rA hI sa pa ri wA ra i daM ba liM gr-ih+Na b+hUny+dza hoH__sku bstod pa'i mchod pa ni:__oM:__bcom ldan rdo rje phag mo ni:__zla ba ltar dkar rjes chags nyams:__ye shes gzi byin cher 'bar ba:__khams gsum dbang phyug ma la bstod:__chags dang khro dang bzhad pa yis:__'dod khro gti mug nyon mongs sbyong :__srid gsum rtog pa zil gnon pa'i:__rdo rje'i sku la phyag 'tshal bstod:__sgra dbyangs rnam pa thams cad pa:__zab mo'i rgyud dang sngags kyi tshul:__sa gsum rmongs pa sad mdzad pa'i:__tshangs pa'i gsung la phyag 'tshal bstod:__gcig pu ma yin mkha' dang mnyam:__du mar mi gnas dbyings su 'khyil:__mkhyen brtse'i rol pa bsam mi khyab:__ye shes thugs la phyag 'tshal bstod:__lhun grub yon tan rgyan du rdzogs:__'du mi mdzad pa'i phrin las mnga':___'gro 'dul rdzu 'phrul mi zad gter:__rgyal kun yum la phyag 'tshal bstod:__rdo rje lus kyi dkyil 'khor du:__rab 'byams dpa' bo mkha' 'gro'i tshogs:__spro zhing sdud pa'i cho 'phrul ston:__khyab bdag chen mor phyag 'tshal bstod:__gus pas mchod cing bstod pa'i mthus:__gsang ba gsum gyi dkyil 'khor nas:__sku gsung thugs kyi byin gyis rlobs:__mchog thun dngos grub stsal du gsol:___gsung sngags kyis mchod pa ni:__bdag gi thugs ka'i sngags phreng las:__sngags phreng gnyis pa zhal nas byung :__mdun bskyed lha mo'i zhal du zhugs:__sku yi dbyibs brgyud 'od zer gyis:__dkyil 'khor lha tshogs bde bas mchod:__dgyes pa chen po'i 'od snang dang :__lhan cig sngags phreng lte ba nas:__thon te rang gi lte bar zhugs:__bar ma chad par 'khor ba las:__'od dang 'od zer bsam yas 'phros:__gnas gsum dpa' bo mkha' 'gro mchod:__khams gsum tha mal snang zhen sbyangs:__lha sngags ye shes 'khor lor sad:__dngos grub rnam gnyis 'grub par bsam:__oM sarba bud+d+ha DA ki nI ya gu h+ya dz+nyA na bo d+hi tsit+ta ma hA su kha dz+nyA na sid+d+hi hU~M hU~M swA hA:__zhes ci nus su bzla'o:__thugs ting nge 'dzin gyis mchod pa ni:__aH__'khor 'das kun khyab byang chub sems:__lha dang bdag nyid dbyer med pa:__ma bcos gnyug ma khyab gdal ngang :__mi g.yo mi smra bsam brjod 'das:__sarba dz+nyA na d+hA tu a a:__zhes dgongs pa bskyang :__mthar mchod cing bstod:__tshogs kyi yo byad rnams bsang chus bran:__hU~M zhes brjod pas tshogs kyi dngos 'dzin mi dmigs te stong par sbyangs:__stong pa'i ngang las gtor ma ltar bskyed cing brlab:__de nas tshogs phud cha gsum du spros la:__hU~M:__chos sku kun bzang rdo rje 'chang :__longs sku dpal ldan he ru ka:__yi dam zhi khro'i sprin phung 'phro:__sprul sku rdo rje phag mo yum:__rigs bzhi'i snying po'i rnal 'byor ma:__las kyi dbang chen mkha' 'gro'i gtso:__rang byung sangs rgyas pad+ma skyes:__sprul pa'i mtshan mchog brgyad la sogs:__rig 'dzin rtsa brgyud bla ma'i tshogs:__mkha' khyab rnam 'phrul sprin ltar gtibs:__thugs rje thugs dam rtsal skyed la:__rnal 'byor longs spyod chen po yi:__tshogs kyi 'du bar gshegs su gsol:__bza' dang bca' dang btung dang bgo:__gzugs sgra dri ro reg bya chos:__zag med bdud rtsi'i bcud ldan pa'i:__tshogs kyi mchod pas thugs dam bskang :__thog med dus nas da lta'i bar:__sdom pa gsum dang 'gal ba yi:__dam tshig nyams chags nyes pa dang :__sdig ltung thams cad mthol zhing bshags:__phyi nang gsang ba'i bar chad sol:__nad gdod sdig sgrib zhi bar mdzod:__tshe bsod dpal 'byor ye shes spel:__rlung sems snang ba dbang du sdus:__dngos grub sgrub la bar gcod pa'i:__gnas nyul d+hA ki'i sun ma dang :__byad phur rbod gtong 'jigs brgyad zlog:__dgra bgegs 'byung po rdul du rlog:__ma mo mkha' 'gro 'khrugs pa yi:__rgyu rkyen 'bras bu dbyings su sbyongs:__snod bcud dge ba'i legs tshogs skyed:__mchog dang thun mong dngos grub stsol:__oM gu ru sarba ta thA ga ta maN+Da la badz+ra b+hA rA hI sarba d+hA ki ni ga Na tsakra pU dza ho:__hU~M:__gnas ni rab tu dga' ba'i sa:__de bzhin nye gnas dri ma med:__zhing ni 'od rab byed pa'i sa:__nye ba'i zhing ni 'od 'phro ba:__tshan+d+hA+o mngon du gyur pa ste:__nye ba'i tshan+d+ho sbyang dka' ba:__'du ba ring du song ba ste:__nye ba'i 'du ba mi g.yo ba:__dur khrod legs pa'i blo gros te:__nye ba'i dur khrod chos kyi sprin:__he ru ka dpal dgyes pa'i yul:__gnas yul dur khrod rab 'byams na:__bzhugs pa'i dpa' bo rnal 'byor ma:__mkha' 'gro dang ni mkha' 'gro ma:__khro chags sgeg pa'i tshul 'chang ba'i:__mkha' khyab rnam 'phrul sogs nas:__mchog dang thun mong dngos grub stsol:__oM shrI sarba wI ra yo gi nI DA ki DA ki ni ma hA su kha ga Na tsakra pU dza ho:__hU~M:__chos nyid zhi las ma g.yos kyang :__bstan pa srung phyir 'bar ba'i rtsal:__dpal ldan mgon po nag po che:__sku gsung thugs yon phrin las sras:__lha mo nag mo re ma tI:__rje khol bran dang yang g.yog sogs:__rgyud gsum dregs pa'i tshogs rnams kun:__mkha' khyab rnam 'phrul sogs:__oM shrI ma hA kA la ma hA kA lI de wI sarba d+harma pA la ma hA su kha ga Na tsakra pU dza ho:__zhes phul zhing yi ge brgya pas nyams chags bshags sbyang bya ba dang bcas phyi dkyil rnams 'dod yon gyi mchod pas bskang zhing bshags:__nang rdo rje lus kyi dkyil 'khor mchod pa'i phyir bza' btung rnams tshim par longs spyod:__gsang ba snyoms 'jug gi bde ba spel zhing de kho na nyid kyi ngang du mnyam par gzhag:__lhag ma rnams gsog 'jog med par bsdus la:__dam tshig gi bdud rtsi'i kha khru dbab:__pany+tsa a mr-i ta oM AHhU~M ho:__zhes pas brlab:__phaiM:__rdo rje phag mo'i dkyil 'khor du:__phyi 'khor skyong ba'i bka' nyan ni:__dbang phyug ging dang lang ka'i tshogs:__mkha' 'gro shugs 'gro pho nya'i sde:__ma lus lus pa med pa kun:__he ru ka dpal spyan snga ru:__ji ltar khas blangs dam bcas ltar:__lhag ma'i gtor ma 'di bzhes la:__rnal 'byor byang chub sgrub pa yi:__'khor srungs rkyen zlog bar chad sol:__zhi rgyas dbang dang mngon spyod sogs:__'dod pa'i las kun 'grub par mdzod:__oM sarba king+ka ra uts+tshiSh+ta ba liM ta kha kha khA hi khA hi sarba karma ku ru ho:__zhes phyi rol du bskyal:__bkra shis kyi glu blangs shing smon lam gdab pa ni:__oM:__bkra shis gang zhig he ru ka dpal dgyes pa'i yum:__rdo rje phag mo'i dkyil 'khor lha tshogs mchod pa'i mthus:__bdag gzhan 'gro kun dam tshig nyams chags nyes ltung zhi:__bsod nams tshogs rdzogs ye shes 'bras bu mngon 'gyur shog:__ces brjod cing rol mo'i sgra bya'o:__rjes ni gtang rag gi mchod bstod bya:__dngos grub kyi slad du dkyil 'khor gyi mdun thod pa mtshan ldan bdud rtsis gang ba bshams la:__bdag gi thugs ka nas 'od zer 'phros:__mdun bskyed kyi mkha' 'gro'i thugs rgyud bskul:__de'i thugs ka dang sku'i dkyil 'khor rab 'byams dang bcas pa'i byin rlabs dngos grub thams cad bdud rtsi'i rnam par char bzhin du babs te dam tshig gi rdzas la thim par bsam:__sgrub pa'i sngags kyi mthar:__kA ya wA ka tsit+ta dz+nyA na sarba sid+d+hi hU~M hU~M:__zhes bzlas pas bskul te thod pa spyi bor bkod la:__oM:__bde mchog bde spyod nam mkha'i dbyings:__mkha' dang mnyam pa'i dkyil 'khor nas:__bcom ldan rdo rje phag mo yum:__rab 'byams d+hA ki'i tshogs dang bcas:__bsnyen sgrub rtse gcig brtson lags na:__thugs rje thugs dam rtsal skyed la:__dngos grub stsol ba'i dus la bab:__gsang ba gsum gyi byin rlabs mchog:__rnal 'byor lus ngag yid la stsol:__rdo rje gsum gyi ye shes dang :__dngos grub ma lus stsal du gsol:__sngags mthar kA ya sid+d+hi oM:__wA ka sid+d+hi AH__tsit+ta sid+d+hi hU~M:__dz+nyA na sid+d+hi hrI:__zhes brjod cing thod pa gnas bzhir reg la bdud rtsi myang :__nongs pa bshags:__mdun bskyed ye shes rten la bstim:__dam tshig pa rang la bsdu:__hrI:__rang gi thugs srog sa bon las:__'od 'phros dag pa'i snod dang bcud:__'od zhu hrIHla gnyis med thim:__de yang mi dmigs ngang du bzhag:__a a a:__slar yang chu las rlabs bzhin du:__rang lus badz+ra wA rA hI:__snang ba lha dang grags pa sngags:__dran rtog 'od gsal ngang nas spyod:__bsngo smon ni:__bdag gis bsnyen cing bsgrubs la sogs:__dus gsum bsags pa'i dge tshogs mthus:__'gro kun rdo rje btsun mo dang :__dbyer med mngon par byang chub shog:__bkra shis ni:__oM:__kun tu bzang mo dbyings kyi yum:__chos kyi sku yi bkra shis shog:__rdo rje btsun mo dgyes pa che:__longs spyod rdzogs sku'i bkra shis shog:__gnas yul dur khrod mkha' 'gro'i tshogs:__sprul pa'i sku yi bkra shis shog:__mchog dang thun mong dngos grub kyis:__rtag tu dge ba'i bkra shis shog:__ces brjod do:__de ltar brtson pas dam tshig nyams chags kyi nyes ltung zhi:__tshe dang ye shes dang 'byor pa rgyas:__bde ba chen po'i rtogs pa 'phel:__snang sems dbang du 'du:__gnas gsum gyi pho nya'i 'du ba thob cing mchog gi dngos grub myur du 'grub:__sgrub pa chen po'i gzhi things par 'gyur ro:__sa ma ya:__lnga pa phrin las sna tshogs kyi sgo nas sgrub pa'i thabs la:__dang po dug zhi ba ni:__rang bcom ldan 'das mar gsal ba'i snying ga'i hrI:_la sems gtad pas:__de las 'od zer bdud rtsi'i rnam pa 'ba' zhig byung ste:__rtsa gnas kyi lha mo rnams la khyab:__de las kyang bdud rtsi cher 'phel bas lus kyi nang thams cad gang :__dug gi nad dang gnod pa dang sdug bsngal thams cad sbyangs:__lus sems bde bas tshim:__slar yang ba spu'i khung bu nas 'od zer dpag tu med pa 'phros:__snod bcud thams cad la khyab pas brtan g.yo'i dug thams cad zhi bar bsams la:__sgrub sngags kyi mthar:__hrIM ni ku la kha Tha Tha sarba bi Sha shAn+tiM ku ru swA hA:__zhes bzlas pas rang gzhan gyi dug thams cad zhi bar 'gyur la:__a ru lcags rtsi blangs pa la gzhi byas:__re re la:__'om bu:__spang spos:__hong len:__ru rta:__cong zhi:__brag zhun gyi phye ma rnams shing sngon dang char nyungs khaN+Da dang se 'bru'i khu bar 'dam btags ril bur dril ba la sngags kyis btab pa khong du btang bas sbyar ba dang gyur pa las byung ba'i dug dang :__khong nad thams cad kyi gnyen po bla na med pa'o:__gnyis pa rims zhi bar 'dod na:__snying ga'i hrIHlas 'od zer 'phros:__phag zhal gyi mgrin pa nas zhugs:__dbu'i nang thams cad khyab pas drag tu ngur zhing zhal nas 'od zer me lce lta bu 'phros pa'i rtse las phag rgod nag po 'jigs su rung ba nyi zer gyi rdul ltar spros:__nad rims dal yams kyi bdag po bdag mo thams cad dbang du bsdus:__zil gyis mnan:__gdug cing gtum pa thams cad zhal du dmar chom chom gsol nas lhag med du sbyangs:__tshur 'dus phag gi ra ba gsum rim ye shes kyi me 'bar ba dang bcas pas srung ba mtshams kyi las mdzad par bsams la:__sgrub sngags kyi mthar:__badz+ra b+hi hu ra tsa kha na ne ra seng yer rbad sarba dz+wa ra pra sha ma na rak+Sha rak+Sha swA hA:__zhes bzlas pas gnyan rims 'go nad dal yams thams cad zhi ba dang srung bar 'gyur la:__spru ma nag po dri chu bar pa sngags kyis btab pas 'dam 'thag byas pa gtso bor bzung nas:__shu dag nag po:__phur mong nag po:__spang rtsi nag po:__'dzim pa nag po:__stag sha nag po:__re lcag nag po'i me tog:__ming can nag po:__gla ba nag po'i rtsi dang bcas pa a ru ra dang ru rta dang gi waM gi chus 'dam btags mu zi nag po'i dri thon par byas la ril bur dril ba sngags kyis btab ste byug pa dang :__bdug pa dang :__'chang ba dang :__khong du btang bas gnyan rims:__gag lhog 'brum pa:__rgyu gzer dmar bshal sogs srung ba dang 'joms pa'i gnyen po bla na med pa'o:__tho rangs dus dri chu bar ma la sngags btab ste sna bug nas rngubs pas kyang rang srung ba'i mchog go:__gsum pa gza' klu'i nad zhi ba ni:__snying ga'i hrIHlas 'od zer 'phros:__phyag g.yas kyi gri gug la phog:__de las rdo rje gtum po mthing nag rdo rje dang sdigs mdzub mdzad pa khyung chen rigs lnga'i sprul pa spro ba'i tshogs dpag tu med pa phyogs bcur 'phros pas:__steng gdon gza' dang 'og gdon glu bdud nag po'i tshogs thams cad dbang du bsdus:__zil gyis mnan:__gdug cing gtum pa'i rigs thams cad phyag gi rdo rjes thal bar brlag:__ye shes kyi mes bsregs:__sprul pa'i khyung chen rnams kyis zhal du gsol nas lhag med du bcom par bsams la:__sgrub sngags kyi mthar/__badz+ra tsaN+Da khroM ga ru Da he haM se nA ga du ts+tshan+de ts+tshen+de mi li mi li b+han+d+ha b+han+d+ha sarba gra ha nA ga ni bi Sha pra sha ma na rak+Sha rak+Sha swA hA:__zhes bzlas pas gza' klu gdug pa can thams cad zhi zhing srung bar 'gyur ro:__rdzas sbyor byed na:__khyung chen lnga:__rdo rje gsum: gza' bdud rdo rje/__klu bdud rdo rje/__thal dkar rdo rje/__gu gul dkar nag:__dngul chu dang mu zi ser nag:__nyungs dkar:__nya phyis:__khyung skyugs:__rdo rgyus:__spang spos:__shing mngar:__rgya snag:__kyi lce:__sngo rdo rje mchu:__nus pa dang ldan pa'i dri chen rnams kyi phye ma seng ldeng dmar po'i khaN+Das 'dam btags ril bur dril ba byug bdug 'chang ba dang khong du btang bas gza' klu 'byung po'i gdon dang mdze shu rma 'bras zha 'khums rengs pa sogs kyi gnyen po bla na med pa'o:__bzhi pa grib dang mi gtsang ba sel ba ni:__rang gi thugs ka'i hrIHlas 'byung ba lnga'i rang bzhin ye shes kyi rang rtsal 'od zer kha dog lnga ldan du 'phros pas lus kyi phyi nang nye 'khor dang bcas pa thams cad khyab:__grib dang mi gtsang ba'i nad gdod bar chad thams cad ye shes kyi mes bsregs:__rlung gis gtor:__chus sbyangs:__sas mnan:__nam mkha' stong nyid kyi ngang du bstims par bsams la sngags mthar:__khar+khaM dzir+khaM yi ma na se e ho shud+d+he shud+d+he:__ya~M ho shud+d+he shud+d+he:__ra~M ho shud+d+he shud+d+he:__ba~M ho shud+d+he shud+d+he:__la~M ho shud+d+he shud+d+he:__e ya~M ra~M ba~M la~M shud+d+he shud+d+he a a swA hA:__zhes bzlas pas gnas grogs zas gos byad gdon sogs la brten pa'i grib dang mi gtsang ba dang des bskyed pa'i nad yams thams cad 'phral du zhi ba dang srung bar 'gyur ro:__gnas chen rnams su skyes pa'i bzang shing sman spos kyi rigs la gzhi byas te:__ga bur:__gur guM:__gi waM:__shu dag:__tsan+dan dkar dmar:__a gar dkar nag:__gu gul dkar nag:__chu shel:__rgya spos:__spang spos:__brag spos:__brag tshan:__g.ya' tshan:__spang tshan:__mkhan dkar rnams gyi phur ma tshul bzhin bsgrubs pa'i bum chus bran:__sngags kyis btab pa byug bdug 'chang bas kyang grib dang mi gtsang ba'i gnod pa srung zhing zhi ba'i mchog go:__grib sel gyi cho ga byed na:__stegs bu'i khar bum pa chas su bcug:__char chu dang rgyun babs sogs kyi skar chu gtsang ma la gong gi rdzas btab pas dgang :__kha rgyan dang rma byas brgyan:__mchod gtor dang bcas bsham:__bdag gi rnal 'byor sngon du 'gro bas:__hU~M zhes brjod pas bum pa mi dmigs te stong pa'i ngang las pad zla'i gdan gyi steng du b+h+rU~M las rin po che'i bum pa tshad dang mtshan nyid rdzogs shing chas kyis brgyan pa bcud bdud rtsi'i rgya mtshor 'khyil ba'i dbus su sna tshogs pad nyi 'jigs byed dus mtshan dang bcas pa'i gdan gyi steng du hrIHlas rdo rje phag mo dkar mo lus dkyil gyi lha dang bcas pa gsal gdab:__sku las skyes pa'i 'od zer gyi klong na 'byung lnga'i lha mo mthing ser dkar dmar ljang ba'i mdog can phyag na rang mdog gi bum pa bdud rtsis gang ba bsnams pa dpag tu med pa spro zhing bsdu bas nyams grib mi gtsang nad gdon sdug bsngal thams cad zhi zhing srung ba'i las mdzad par bsam:__byin rlabs spyan 'dren sogs rgyas bsdus ci rigs bya:__rang gi thugs srog las sngags kyi 'od zer 'phros:__bum pa'i lha rnams la phog pas thugs rgyud bskul:__'od zer spros bsdus las mdzad:__sku las grib dang mi gtsang ba dag byed bdud rtsi'i chu rgyun dpag tu med pa char bzhin du babs pas bum pa yongs su gang bar bsams la sngags bzla:__mthar mchod cing bstod la 'dod don gsol:__nongs pa bshags:__mchod yon phul bas bum pa'i lha 'od du zhu nas chu nus pa dang ldan par bsam:__bsgrub bya'i dril zan gyi glud mar me chang bu sogs dkor chas gtams pa dang :__zhi ba'i me thab bam:__mar me:__til:__khrus chas sogs bsham:__gang la bya ba'i yul mdun du 'khod par thog mar mar mes sbyang ba'i slad:__me thab 'bar ba'i dbus su 'am:__mar me skad cig gis rdo rje phag mo'i skur bsam:__rang gi snying ga nas 'od zer 'phros:__bsgrub bya'i sna bug nas zhugs:__lus kyi phyi nang thams cad khyab pas sdig pa dang sgrib pa grib dang mi gtsang ba nad gdon nyer 'tshe thams cad 'od zer nag po'i rnam pas 'dus:__sna bug nas thon:__til la thim pa bcom ldan 'das ma'i zhal du phul bas ye shes kyi mes lhag med du bsregs shing sbyangs par bsams la:__oM badz+ra wA rA hI sarba DA ki nI kha kha khA hi khA hi sarba pA paM kle sha ma la da ha na b+hasmiM ku ru ku ru swA hA:__zhes pas til brgya rtsa sogs phul:__mthar bcom ldan 'das ma ye shes kyi mer 'bar zhing 'khrugs pa'i rnam par gyur pas phyi nang gi grib dang mi gtsang nad gdon nyer 'tshe thams cad lhag med du bsregs par bsams la mes bsgrub bya'i lus la bskor zhing phyir dor:__de nas chus sbyang ba ni:__khrus bum thogs la:__hU~M:__bum pa mthing bum dri med nas:__chos dbyings ye shes chu yis gtams:__bdud rtsi'i rgyun gyis khrus bgyis pas:__nyon mongs gti mug las byung ba'i:__nad gdon grib dang mi gtsang dang :__sdug bsngal rgyu 'bras dag par shog:__sngags kyi mthar nad thams cad shAn+tiM ku ru swA hA:__gdon thams cad shAn+tiM ku ru swA hA:__rims thams cad shAn+tiM ku ru swA hA:__nye bar 'tshe ba thams cad shAn+tiM ku ru swA hA:__thab mkhon thams cad shAn+tiM ku ru swA hA:__byad byur thams cad shAn+tiM ku ru swA hA:__sdug bsngal thams cad shAn+tiM ku ru swA hA:__gnas grib thams cad shAn+tiM ku ru swA hA:__lus grib thams cad shAn+tiM ku ru swA hA:__zas grib thams cad shAn+tiM ku ru swA hA:__gos grib thams cad shAn+tiM ku ru swA hA:__dam grib thams cad shAn+tiM ku ru swA hA:__nal grib thams cad shAn+tiM ku ru swA hA:__yug grib thams cad shAn+tiM ku ru swA hA:__mdze grib thams cad shAn+tiM ku ru swA hA:__ro grib thams cad shAn+tiM ku ru swA hA:__dam tshig nyams chags nyes ltung gi grib thams cad shAn+tiM ku ru swA hA:__hU~M:__bum pa gser bu dri med nang :__mnyam nyid ye shes chu yis gtams:__bdud rtsi'i rgyun gyis khrus bgyis pas:__nyon mongs nga rgyal las byung ba'i:__nad gdon grib dang mi gtsang dang :__sdug bsngal rgyu 'bras dag par shog:__sngags brjod:__hU~M:__bum pa dngul bum dri med nang :__me long ye shes chu yis gtams:__bdud rtsi'i rgyun gyis khrus bgyis pas:__nyon mongs zhe sdang las byung ba'i:__nad gdon grib dang mi gtsang dang :__sdug bsngal rgyu 'bras dag par shog:__sngags brjod:__hU~M:__bum pa zangs bum dri med nang :__sor rtog ye shes chu yis gtams:__bdud rtsi'i rgyun gyis khrus bgyis pas:__nyon mongs 'dod chags las byung ba'i:__nad gdon grib dang mi gtsang dang :__sdug bsngal rgyu 'bras dag par shog:__sngags brjod:__hU~M:__bum pa g.yu bum dri med nang :__bya grub ye shes chu yis gtams:__bdud rtsi'i rgyun gyis khrus bgyis pas:__nyon mongs phrag dog las byung ba'i:__nad gdon grib dang mi gtsang dang :__sdug bsngal rgyu 'bras dag par shog:__sngags brjod cing dag par bkru'o:__rlung gis byabs pa ni:__rma bya dang ku sha thogs la:__hU~M:__ku sha dag byed dri med rdzas:__rma bya dug gi nus pa 'joms:__rten 'brel rdzas dang rig pa'i sngags:__ting 'dzin rlung gi shugs 'chang bas:__sgo gsum nyon mongs las byung ba'i:__nad gdon grib dang mi gtsang dang :__sdug bsngal rgyu 'bras thams cad kun:__chos kyi dbyings su byang gyur cig:__sngags kyi mthar a pa na ye swA hA:__zhes gdags pa dang bcas lus la bskor zhing khrus khu'i nang du byabs la grib glud kyi mthar blug:__grib bdag la glud gtor sbyin nas bskrad pa na:__yas rnams sngags dang phyag rgyas byin gyis brlab:__rang gi snying ga nas khro bo Tak+ki rA dza'i tshogs dpag tu med pa spros te bsgrub bya la gnod cing 'tshe ba'i nad gdon grib dang mi gtsang ba'i bdag po bdag mo thams cad mdun du bkug:__zhi zhing dul ba'i tshul gyis 'khod par bsams la:__na ma sarba ta thA ga ta a ba lo ki te oM saM b+ha ra saM b+ha ra hU~M:__lan bdun gyis chang bu dang 'bru chan sogs bsngos la glud kyi nang du dor:__khyer cig khyer cig stobs ldan rnams:__sred dang chags dang zhen pa dang :__dran dang bzung dang bsam dang ni:__glod dang grol dang zhi bar mdzod:__ces brjod pa lo grangs sogs ci nus bsgyur:__ting lo sbar:__glud kha bsgyur la:__hU~M:__nga ni rdo rje phag mo ste:__khams gsum thams cad zil gyis gnon:__srid gsum thams cad bran du 'khol:__'khor 'das kun gyi bdag mo yin:__nyon cig bgegs dang log par 'dren:__lus ngag sems la gnod byed pa:__grib dang mi gtsang sdug bsngal dang :__nad dal bdag po bdag mo kun:__mi bas dga' ba'i glud gtor dang :__nam mkha' mdzod du byin brlabs pa'i:__bza' btung 'dod yon 'di khyer la:__rnal 'byor bdag cag 'khor bcas la:__gnod cing 'tshe ba'i bsam sbyor spongs:__bsdams pa klod la mnan pa theg:__grib dang mi gtsang sdug bsngal sogs:__zhi dang phan pa'i sems bskyed la:__rang rang gnas su myur du song :__gal te mi nyan 'tshe byed na:__rdul phran bzhin du brlag par 'gyur:__de bas da lta phyir dengs shig:__ces dang drag sngags brjod:__thun gyis brab:__rdzas kyis bdug la glud gtor rgyang ring du bskyal:__slar mi 'jug pa'i phyir srung ba ni:__rdo rje thogs la:__hU~M:__bcom ldan rdo rje phag mo yi:__gnyis med ye shes las byung ba:__rdo rje drwa ba'i sprin chen po:__phyi nang kun tu khyab par 'phros:__lus la rdo rje'i go chas g.yogs:__lus kyi nad gdon sdug bsngal dang :__grib dang mi gtsang thams cad kun:__byang chub bar du rak+Sha hU~M:__ngag la rdo rjes byin brlabs pas:__ngag gi nad gdon sdug bsngal dang :__grib dang mi gtsang thams cad kun:__byang chub bar du rak+Sha hU~M:__yid la rdo rjes rgyas btab pas:__yid kyi nad gdon sdug bsngal dang :__grib dang mi gtsang thams cad kun:__byang chub bar du rak+Sha hU~M:__zhes dang sngags kyi mthar rak+Sha rak+Sha btags pas rdo rjes bskor zhing gnas gsum du reg:__bden stobs dang bkra shis brjod:__des ni nad gdon grib dang mi gtsang bas non pa las grol te zla ba gza' las thar ba bzhin du 'gyur ro:__lnga pa rdo rje'i tshe sgrub pa ni:__rang gi thugs kar ye shes sems ma'i thugs ka'i dbus su nyi zla'i ga'u kha sbyor gyi lte bar kha TA~M ga dkar po lte bar hrIHsa mtshan pa las 'od zer 'phros:__'khor 'das kyi dwangs bcud thams cad bdud rtsi'i rnam par bkug:__lus kyi nang gang :__dus ma yin pa'i 'chi ba zhi:__rig 'dzin tshe'i dngos grub thob:__dwangs ma hrIHla 'dus pas rdo rje'i srog 'grub par bsams la:__sgrub sngags mthar:__badz+ra A yu She swA hA:__zhes btags pa bzla ba ni bdag don rgyun gyi rnal 'byor te:__rtse gcig tu bsgrubs pas tshe'i bar chad zhi zhing rdo rje'i tshe 'grub par 'gyur ro:__mdun bskyed la brten nas sgrub na:__thog mar tshe'i rdzas 'du bya ste:__bla ma yab yum byang sems dang :__cong zhi brag zhun rtag tu ngu+u :__'bras bu gsum dang dbang po lag:__rtsa ba lnga dang snying po lnga:__shing mngar shu dag dkar po tshe yi rdzas:__zhes pa rnams legs par sbyar ba zhib btags 'bru dkar gyi phye ma dang bcas g.yu mtsho gtan 'khyil:__rgyun 'babs kyi chu:__dgun mi 'khyags pa'i tshe ring ba'i chu:__ba dmar po'i 'o ma dang bcas pas ril bur dril ba thod pa mtshan ldan gyi nang du blug:__dar dmar pos kha bcad la dkyil 'khor gyi dbus su bzhag:__de'i mdun du tshe gtor dang :__tshe'i bza' btung mchod tshogs bcas bsham:__bdag mdun gyi sgrub mchod tshul bzhin du byas la bzlas pa'i skabs su:__bdag mdun gyi thugs kar tshe rten sngar bzhin gsal gdab:__rang gi thugs srog las sngags kyi 'od zer mchod pa'i tshul du 'phros:__mdun bskyed kyi thugs kar zhugs:__thugs rgyud bskul:__de las 'od zer mkha' khyab tu 'bar ba'i rtse las rdo rje pho nya mo'i tshogs dpag tu med pa 'phros:__rang gi bla tshe chad nyams yar ba dang :__'khor 'das kyi dwangs bcud thams cad 'chi med tshe'i bdud rtsir spyan drangs:__rang dang sgrub rdzas la thim pas rdo rje tshe'i dngos grub thob par bsams la sngags 'bum phrag gcig bzlas pas dngos nyams rmi lam du tshe'i dngos grub 'grub pa'i rtags mthong bar 'gyur ro:__thun mtshams su mchod cing bstod la thugs dam bskul ba ni:__mda' dar g.yob cing :__oM:__bcom ldan rdo rje phag mo yum:__tshe dang ye shes dbang phyug ma:__mkha' 'gro rgya mtsho'i tshogs dang bcas:__rtse gcig gus pas bsgrubs lags na:__thugs dam chen po'i dus la bab:__pho nya mang po'i tshogs dang bcas:__'od dang 'od zer mkha' khyab spros:__rnal 'byor bdag cag 'khor bcas kyi:__bla tshe chad nyams yar ba dang :__sde brgyad 'byung pos phrogs pa khug:__'byung bzhi'i dwangs bcud skye 'gro'i tshe:__rgyal ba sras dang bcas pa yi:__rgyun gyis rtag pa'i ye shes byin:__'chi med bdud rtsi'i rnam par sdus:__bdag cag rnams la stsal nas kyang :__dus min 'chi ba'i bar chad zhi:__tshe bsod dpal 'byor rtogs pa rgyas:__rdo rje'i sku mchog 'grub mdzad gsol:__ces dang sngags brjod:__de ltar bsdus pa'i tshe bcud thams cad snying ga'i tshe rten la thim:__dbu ma'i yas mar gyi sgo thig le dkar dmar gyis bcad:__lus la rdo rje'i gur khyim gyi g.yogs par bsams la:__aH__rtag pa rgyun gyi ye shes tshe:__mi 'gyur gnyug ma'i thig ler thim:__bde stong rdo rjes rgyas btab nas:__chos kyi dbyings su tshe sba'o:__a a a:__zhes brjod cing dgongs pa bskyang :__gtor ma tshogs mchod sogs ji ltar rigs pa mthar dbyung ngo :__dngos nyams rmi lam du dngos grub thob pa'i rtags mthong ba'i tshe:__tshogs dang gtor mas rgya cher mchod cing nongs bshags sngon du 'gro bas thugs dam bskul:__sgrub rdzas spyi bor blangs la:__oM:__'chi med rdo rje phag mo yi:__mi 'gyur sku yi ye shes tshe:__rnal 'byor dbu ma'i thig ler stims:__sku yi rdo rjer mdzad du gsol:__sngags mthar kA' ya sid+d+hi oM:__mgrin par reg la:__AH__'chi med rdo rje phag mo yi:__rdo rje'i gsung gi ye shes tshe:__rnal 'byor srog gi snying por stims:__gsung gi rdo rje'i mdzad du gsol:__sngags mthar wA ka sid+d+hi AH__snying gar reg la:__hU~M:__'chi med rdo rje phag mo yi:__rdo rje'i thugs kyi ye shes tshe:__rnal 'byor gnyug ma'i dbyings su stims:__thugs kyi rdo rjer mdzad du gsol:__sngags mthar tsit+ta sid+d+hi hU~M:__tshe'i bza' btung rol la:__hoH__thabs shes tshe yi ril bu dang :__tshe yi bdud rtsi la brten nas:__dus min 'chi ba kun zhi zhing :__tshe dang ye shes dngos grub stsol:__sarba sid+d+hi pha la ho:__zhes pas tshe dang ye shes kyi dngos grub ma lus pa thob:__'chi med rdo rje phag mo dang skal ba mnyam par bsams la rgyas gdab:__sgrub rdzas ril bu snod bzang por bcang :__dam tshig nyams pa'i lag tu mi 'grim:__ra ba bzhi'i yar ngo nas brtsams tho rangs rlung rig dwangs pa'i skabs su bsten:__de ltar brtson pas gnas skabs su tshe'i bar chad zhi:__tshe dang lus kyi bcud len 'grub:__rig 'dzin tshe'i dngos grub thob:__mthar thug 'chi med rdo rje phag mo'i ye shes rgyud la brtan par 'gyur ro:__drug pa nor sgrub pa ni:__dpal can gyi thod pa bkra shis pa'i lag nas byung ba sman dang dris byug:__rin chen lnga:__dar sna lnga:__'bru sna lnga:__snying po lnga:__bza' btung lnga: zan khur ba sha chang*/__la phug__gzhan yang dpal can gyi rdzas nyi snyed pa khrol bu dang ril bus bkang :__dar gyis kha bcad la stegs bur bsham:__mchod tshogs dpung bskyed:__bdag dang mdun rten lhar gsal ba'i sgrub mchod tshul bzhin du bya:__bzlas pa'i skabs su bdag gi thugs srog las 'od zer nyi ma 'char kha'i mdangs can 'phros:__mdun rten lhar gsal ba'i thugs rgyud bskul:__de las rdo rje pho nya mo'i tshogs mkha' khyab tu 'phros:__srid pa dang zhi ba'i phywa g.yang longs spyod thams cad bsdus:__bdag dang mdun rten la thim:__gnas khang yul phyogs thams cad phyur bur khengs pas dpal 'byor zad mi shes par bsams la sgrub sngags mthar:__sarba dzaM b+he mo he ba su sid+d+hi puSh+tiM ku ru oM:__zhes gtso bor bzla:__skabs su:__oM d+ha ra d+ha ra d+hi ri d+hi ri uSh+Ni Sha na na Shi d+ha rat+na ba su sid+d+hi sdus sdus ma no ha ra ha~M swA hA:__zhes bzla:__gtor tshogs sogs kyis mchod:__thugs dam bskul ba ni:__oM:__bcom ldan rdo rje phag mo yum:__'dod rgu'i dngos grub mchog stsol ma:__mkha' 'gro rgya mtsho'i 'khor dang bcas:__rnal 'byor gdung bas gsol 'debs na:__thugs rje'i ye shes phyogs brgyar spros:__snod kyi dwangs ma bcud kyi g.yang :__'khor 'das kun gyi dpal dang stobs:__phun sum tshogs pa'i dngos grub kun:__thogs pa med par gnas 'dir sdus:__dpal 'byor longs spyod dngos grub stsol:__ces yang yang bskul zhing sngags bzla:__de ltar brtson pas dngos nyams rmi lam du dge ba'i mtshan ma mthong na dngos grub blang zhing :__mdun bskyed rten dang brten par bcas pa yongs su gyur pa las dngos grub kyi rdzas yid bzhin nor bu'i snying por bsams la brtan bzhugs shis brjod bya:__mdzod kyi phugs su bkur sti dang bcas te bzhag:__sgrub pa'i ril bu sogs sgrub rdzas kyi cha shas gter bum du bstsal la gnas khang dang rgyab ri dpal can sogs su sbas pas gnas skabs su dbul phongs zhi:__dpal 'byor longs spyod 'phel:__sris sme:__'byor pa ngang gis 'du:__mthar thug nam mkha'i mdzod kyi yo byad la dbang sgyur bar 'gyur ro:__sgrub rdzas dang thod pa sogs ma rnyed na rten gtor nor bu 'bar ba'i dbyibs can rin chen 'bru sman dar zab bza' btung bzang pos bskor ba la brten nas bsgrubs kyang rung ngo :__bdun pa shes rab sgrub pa ni:__mdun tu maN+Da lar thod le skor gyis chos 'byung zur drug mu khyud dang bcas pa lte ba dang zur drug rtsibs mchan bcas la hrIM re bri:__de'i dbus su shu dag dkar po:__rtsibs dang mchan rnams la chu shel:__tsan+dan dkar po:__spang rgyan dkar po:__cu gang :__ru rta:__a ru ra:__spang spos:__gur gum:__gi waM:__dbang lag:__na le shaM:__shing mngar rnams khrol bur spungs:__bgegs bsal:__khrus nas dbyung :__bdag gi rnal 'byor la gnas pas thugs srog hrIM yig dkar por gsal ba las 'od zer 'phros:__'khor 'das kyi ye shes:__gzungs/__blo gros:__spobs pa:__stobs rtsal:__nus mthu:__dwangs bcud thams cad 'odazer bdud rtsi'i rnam par spyan drangs:__mdun gyi rdzas la thim pas kha dog dri ro nus mthu phun sum tshogs par bsams la hrIM 'ba' zhig gi bzlas pa khri dang :__sgrub sngags kyi sham bur dbyangs gsal dang*/__oM pi tsu pi tsu pra dz+nyA war+d+hA ni dz+wa la dz+wa la me d+ha war+d+hA ni d+hi ri d+hi ri bu d+hi war+d+hA ni swA hA:__zhes pa'ang ji ltar rigs pa bzlas pas byin gyis brlab:__de nas legs par btags la ba dmar po'i 'o ma dang*/__ra dkar po'i 'o ma:__sbrang rtsi bcas kyis ril bur dril:__rin po che'am thod pa'i snod du bstsal:__dar dkar pos kha bcad de sgrub pa'i dkyil 'khor gyi dbus su bzhag:__mchod gtor sogs bsham:__bdag bskyed dang mdun gyi ril bu lhar gsal btab nas sgrub mchod tshul bzhin gyi mthar bzlas pa'i skabs:__rang gi thugs srog las 'od zer 'phros:__mdun gyi ril bu lhar gsal ba'i thugs srog la thim:__de las 'od zer lcags kyu hrIM yig gi rnam pas phyogs bcur 'phros:__phyogs bcu'i rgyal ba sras dang bcas pa'i mkhyen brtse nus pa:__gzungs dang spobs pa'i ye shes:__'jig rten pa'i blo gros stobs rtsal nus mthu:__nyi zla nor bu sman la sogs pa'i dwangs bcud thams cad rang dbang med par bsdus te bdag mdun la thim pas ye shes kyi gzi byin mchog tu 'bar bar bsams la hrIM khri phrag gsum dang :__sngags ring yang ji ltar nus pa bzla:__thun mtshams rnams su gtor tshogs sogs bya:__'od dang sgra sogs rtags mthong ba'am bzlas grangs rdzogs pa na dngos grub blang :__lha 'od du zhu ba sman gyi ril bu mthong thos dran reg thams cad blo dang ngag gi dngos grub stsol ba'i nus pa dang ldan par bsam:__brtan bzhugs shis brjod sogs bya:__ra ba bzhi'i tshes gcig nas brtsams te tho rangs kyi dus su zla ba gsum sogs brten pas tshe dang lang tsho'i bcud len du 'gyur:__gzi byin 'bar:__dbyangs snyan:__blo rno:__dran pa gsal:__yid gzhungs:__bslabs dang ma bslabs pa'i shes bya thams cad thogs med du shes:__gzungs dang spobs pa thob:__mthar thug de kho na nyid kyi ye shes khong du chud par 'gyur ro:__brgyad pa dbang gi las sgrub pa ni:__rang gi thugs srog las 'od zer lcags kyu'i rnam pa can thal gyis 'phros:__smin mtshams gnad kyi sgo nas thon pa dang :__mkha' 'gro dmar mo lcags kyu thogs pa dpag tu med pa 'od zer 'bar bzhin pas 'jig rten khams thams cad khyab:__srid pa gsum gyi tshe bsod dpal 'byor thams cad khab len gyi rdos lcags blangs pa ltar bsdus nas rang la thim:__yid can thams cad kyi snying rtsa dbang med du bsgul:__'ur 'ur thib thib dbang du 'dus pas khams gsum gyi dbang phyug chen mor gyur par bsams la sngags kyi mjug tu:__sarba tre lo ka wA shaM ku ru ma no ha ra hU~M ha ra tsit+ta hrIM hrIM dza dza:__zhes khri phrag bzhi bzlas pas 'grub par 'gyur ro:__bsgrub bya pho mo ched du yod na de kho na la dmigs pas gzir zhing sngags la ming sbrel:__rdzas sbyor byed na:__ye shes dbang du byed pa bla ma yab yum gyi byang sems/__bde ba dbang du byed pa rnal 'byor pa rang nyid yab yum gyi khams:__snang ba dbang du byed pa sin+dU ra:__srid pa dbang du byed pa gi waM:__zas dbang du byed pa sbrang rtsi:__gos dbang du byed pa le brgan gyi dar:__rin po che dbang du byed pa bye ru:__'bru dbang du byed pa khre dmar po:__rta phyugs dbang du byed pa g.yang can gyi spu sna:__pho dbang tu byed pa mtshal:__mo dbang du byed pa dung :__chags pa skyed pa lan tshwa:__yid sgyur ba chang :___myos par byed pa lang thang tshe rnams dang :__gzhan yang glang sna:__ha lo:__ug chos:__rdo khab len:__spos dkar:__spong spos:__rgya spos:__shing tshwa:__shu dag rnams kyi phye ma dang sbyar ba ril bu'am phur ma byas la sngags kyis ngar btab:__khrom tshogs sogs kyi skabs su bdud rtsir sbyar te sbyin:__dri dang sbyar te bdug:__lus la reg pa sogs bgyis pas rtsol med du dbang du 'du bar 'gyur ro:__bsgrub bya dmigs bsal la byed na so so'i khams dkar dmar ram zag rdzas sbyar ba'ang gnad do:__dgu pa srung ba'i las sgrub pa la:__sgom pas srung ba ni:__rang phag mor gsal ba'i phyi rol tu chos 'byung gi zur drug la:__phag mo dmar mo:__gshin rje ma sngon mo:__rmongs byed ma dmar mo:__skyod byed ma ser mo:__skrag byed ma ljang mo:__tsaN+Di kA nag mo ste go cha'i dpa' mo drug rnams rgyan cha lugs gtso mo dang mthun pa:__de'i phyi rol tu 'khor lo rtsibs bcu pa yangs shing rgya che ba'i lte bar gtsug tor 'khor los sgyur ba:__steng 'og phyogs mtshams su khro bo bcu:__de'i phyi rol du rdo rje ra ba:__mda'i drwa ba:__ye shes kyi me phung 'bar ba dang bcas pa gsal zhing brtan pas bgegs dang bar du gcod pa'i sbyor ba thams cad bsrungs par bsams la:__sgrub sngags mthar badz+ra kA wA tsi rak+Sha rak+Sha ha~M:__zhes bzla bar bya'o:__bris pas bsrung ba ni:__bro ga'am shog bu la 'khor lo'i lte bar chos 'byung zur drug pa'i dbus su zla gdan rdo rje'i lte bar lus ngag yid ye shes dang bcas pa srung ba'i oM AHhU~M hoHbrtsegs ma:__zur drug la dbang yul skye mched bsrung ba'i phyir a ba~M:__ha~M ya~M:__hrIM ma~M:__hrIM hrIM:__hU~M hU~M:__phaT phaT:__rtsibs mchan rnams la g.yung drung 'khyil ba:__de'i phyi rol gyi mu khyud la rtog tshogs thams cad bsrung ba'i phyir bcom ldan 'das ma'i bsnyen sgrub las sbyor gyi sngags dang :__mA~M lA~M pA~M tA~M:__pU la sogs pa'i yi ge nyer bzhi:__hU~M brgyad dang bcas pa'i mthar gang bsrung ba'i spel tshig sbyar:__de'i phyi rol gyi mu khyud la gtsug tor 'khor los sgyur ba'i sngags spel tshig dang bcas pa:__de'i phyi rol du 'khor lo rtsibs bcu la khro bo bcu'i sngags:__rtsibs mchan rnams su rdo rje hU~M gis mtshan pa:__de'i phyi rol du dbyangs gsal rten snying 'dod gsol:__de'i phyi rol du rdo ra:__me ri rnams rim par bris pa la gur gum:__gi wa~M:__cu gang :__sin+d+hU ra:__dri bzhis ga bur:__gla rtsi:__tsan+dan:__shing tshwa:__byug:__lhar bskyed bzlas pa sogs kyis nus ldan du bsgrub:__shu dag:__yungs kar:__rma bya'i mdongs rnams dang lhan cig zangs kyi gwa'ur bcug ste mgul lam dpung par btags na nad gdon bgegs dang bar du gcod pa thams cad srung ba'i mchog tu 'gyur ro:__bcu pa phyir zlog pa ni:__go cha'i dpa' mo dang khro bo bcu gcig sngar bzhin gsal btab la:__ngag tu hU~M zhes brjod pas de rnams zhal phyir gzigs te khros shing rngams pa'i thugs ka nas rang 'dra ba'i sprul pa grangs med pa spros te nad gdon bgegs dang byad phur rbod gtong sogs mi mthun pa'i phyogs thams cad phyir bzlog cing rgyang ring du bskrad par bsams la:__sgrub sngags kyi mthar go cha'i sngags dang hU~M bcu gcig gi mthar sarba mA ra se na pra t+yaM gI ra hU~M hU~M phaT phaT:__ces btags pa mang du bzlas shing bden stobs brjod:__thal mo brdab:__de ltar bgyis pas sgrub pa po'i bar chad thams cad skad cig gis phyir zlog par 'gyur ro:__slar mi 'jug pa'i phyir lha rnams nang du zhal phyogs nas srung ba mtshams kyi las mdzad par bsams la srung 'khor gsal brtan du bsgom zhing sngags kyang bzla'o:__bcu gcig pa mngon spyod kyi las bsgrub pa ni:__grog mkhar gyi sa dang tsha ba gsum khab len dug khrag bcas sbyar ba la dgra yin na zag rdzas dang :__bgegs la byed na de'i gnas rten gyi sa rdo'i phye ma bsres pas rU pa sor brgyad pa byas la lcags khang du bcug:__srung zlog gi dmigs bzlas sngar bzhin rjes:__slar yang hU~M gis bskul bas dpa' mo drug dang khro bo'i tshogs kyi thugs ka nas pho nya phyag rgya bzhi thogs pa dpag tu med pa spros:__dgra bgegs gang yin gyi snying ga nas lcags kyus btab:__mgrin pa zhags pas bsdams:__yan lag lcags sgrog gis bcings te gzugs la bstims:__dril bu'i sgras myos shing 'gyel bar bsams la 'gugs pa'i bden stobs kyang brjod:__de nas de rnams kyi thugs ka nas khro mo gsod byed ma nag mo thun dang phur pa thogs pa dpag tu med pa spros te thun gyis lus khrol chags su btang :__phur bus btab:__rnam shes dbyings su sbar:__tshe'i rten phung po dang bcas pa gzir zhing bsgral bar bsams la sgrub sngags dang go cha dang khro bo'i sa bon bcas kyi mthar sarba sha trUn big+h+nAn mA ra se nA gr-ih+Na gr-ih+Na:__ban+d+ha ban+d+ha:__ha na ha na:__da ha da ha:__pa tsa pa tsa:__de ni me ke na mA ra ya mA ra ya kha kha khA hi khA hi hU~M hU~M phaT phaT ces drag tu bzla/__thun gyis brab:__phur bus gdab:__mthar rU pa dur khrod drag po'i mes sbyang :__thal ba 'dre can gyi sar mnan:__des ni gdug pa can thams cad myur du tshar gcod par 'gyur ro:__bcu gnyis pa nyams chag skong ba'i las sgrub pa ni:__mchog dang thun mong gi dngos grub gang bsgrubs kyang rang rgyud dag par bya ba shin tu gal che bas dam tshig ma nyams par bsrung :__gal te tshor dang ma tshor ba'i nyams chags dbang med du byung na bshags sbyang gi tshogs 'phral du phyir bcos par bya ste/__de'ang yar mar gyi tshes bcu sogs dus khyad par can gyi tshe sgrub pa'i dkyil 'khor tshul bzhin du bsham:__mchod gtor tshogs kyi yo byad gya nom pa dang :__khyad par gtsang zhing gsal ba'i mar me brgya rtsa sogs kyi phreng bas bskor:__bdag mdun sgrub mchod gtor ma 'bul ba rnams tshul bzhin du byas la:__rnal 'byor gdung ba'i shugs bskyed de brkyang phyag 'tshal:__yi ge brgya pa'i sngags bzla:__lta ba'i klong bshags kyi dgongs pa bskyang :__thun mong du rtsa ba dang yan lag gi nyes byas bshags pas lus ngag yid gsum cha mnyam pa'i nyams chags sbyang:__sman gtor rak+ta'i skong ba bya:__khyad par dbang bzhi'i dam tshig nyams chags skong ba'i slad du mar me thogs te dkyil 'khor la bskor zhing :__oM:__snang ba snod kyi kong bu ru:__srid pa bcud kyi mar khus gtams:__lus gnas rtsa yi sdong bu btsugs:__snang stong zung 'jug mar me sbar:__dag pa rab 'byams mchod sprin 'dis:__kun bzang rdo rje phag mo yum:__gnas gsum dpa' bo rnal 'byor ma:__thugs rje sprul sku'i bdag nyid can:__mkha' khyab 'dus pa'i thugs dam bskang :__spyi dang khyad par lhag pa sogs:__rdo rje theg pa'i 'dul ba dang :__khyad par bum pa'i dbang gi lam:__mnyam gzhag bskyed rim ma gsal zhing :__rjes thob tha mal snang bar zhen:__bza' ba sha lnga bdud rtsi dang :__bcang ba'i rdo rje dril bu spangs:__bsrung bya rtsa ba yan lag gi:__dam tshig nyams chags gyur pa kun:__snying nas 'gyod pas mthol bshags shing :__phyin chad mi bgyid dam bca' na:__dag cing tshangs par dbugs phyung nas:__sku yi rdo rje'i dngos grub stsol:__oM badz+ra kA ya dI pe pra tIts+tsha AHhU~M:__AH__dbu ma rtsa yi kong bu ru:__srog rtsol rlung gi mar khus gtams:__kha sbyor nA da'i sdong bu btsugs:__gsal stong zung 'jug mar me sbar:__dbang sgyur chen po'i mchod sprin 'dis:__kun bzang rdo rje phag mo yum:__gnas gsum dpa' bo rnal 'byor ma:__rang bzhin longs sku'i bdag nyid can:__mkha' khyab 'dus pa'i thugs dam bskang :__spyi dang khyad par lhag pa sogs:__rdo rje theg pa'i 'dul ba dang :__khyad par gsang ba'i dbang gi lam:__mnyam gzhag rtsa rlung ma bsgoms shing :__rjes thob de nyid lam ma longs:__bza' ba stong gsal bdud rtsi spangs:__bcang ba srog rtsol rang gar shor:__bsrung bya kha sbyor dang bral ba'i:__dam tshig nyams chags gyur pa kun:__snying nas 'gyod pas mthol bshags shing :__phyin chad mi bgyid dam bca' na:__dag cing tshangs par dbugs phyung nas:__gsung gi rdo rje'i dngos grub stsol:__oM badz+ra wA ka dI pe pra tIts+tsha AHhU~M:__hU~M:__'khor lo bzhi yi kong bu ru:__thig le bzhi yi mar khus gtams:__dga' ba bzhi yi sdong bu btsugs:__stong pa bzhi yi mar me sbar:__lhan skyes bde ba'i mchod sprin 'dis:__kun bzang rdo rje phag mo yum:__gnas gsum dpa' bo rnal 'byor ma:__ngo bo chos sku'i bdag nyid can:__mkha' khyab 'dus pa'i thugs dam bskang :__spyi dang khyad par lhag pa sogs:__rdo rje theg pa'i 'dul ba dang :__khyad par gsum pa'i dbang gi lam:__mnyam gzhag bde stong ma bsgoms shing :__rjes spyod lhan skyes nyams dang bral:__bza' ba bde ba'i bdud rtsi dang :__bcang bya dngos yid phyag rgya spangs:__bsrung bya thig le 'pho ba yi:__dam tshig nyams chags gyur pa kun:__snying nas 'gyod pas mthol bshags shing :__phyin chad mi bgyid dam bca' na:__dag cing tshangs par dbugs phyung nas:__thugs kyi rdo rje'i dngos grub stsol:__oM badz+ra tsit+ta dI pa pra tIts+tsha AHhU~M:__ho:_gzung 'dzin yul gyi kong bu ru:__yul can ye shes mar khus gtams:__snang sems zung 'jug sdong bu btsugs:__blo 'das rang byung mar me sbar:__'od gsal chen po'i mchod sprin 'dis:__kun bzang rdo rje phag mo yum:__gnas gsum dpa' bo rnal 'byor ma:__dbyer med bde chen bdag nyid can:__mkha' khyab 'dus pa'i thugs dam bskang :__spyi dang khyad par lhag pa sogs:__rdo rje theg pa'i 'dul ba dang :__khyad par bzhi ba'i dbang gi lam:__mnyam gzhag gnas lugs ma bsgoms shing :__rjes thob tha mal 'khrul par shor:__bza' ba stong nyid bdud rtsi dang :__bcang bya rtse gcig ting 'dzin g.yel:__bsrung bya gzung 'dzin rtogs pas g.yengs:__dam tshig nyams chags gyur pa kun:__snying nas 'gyod pas mthol bshags shing :__phyin chad mi bgyid dam bca' na:__dag cing tshangs par dbugs phyung nas:__ye shes rdo rje'i dngos grub stsol:__oM badz+ra dz+nyA na dI pi pra tIts+tsha AHhU~M:__zhes brjod cing nges shes bskyed la gdung shugs drag pos bshags pas dbang bzhi'i sdom pa dang dam tshig gi nyes ltung thams cad sor chud par 'gyur ro:__mthar smon lam gdab pa ni:__ho:__gsang mchog rdo rje btsun mo'i dkyil 'khor du:__rdo rje slob dpon sgrub pa'i mched lcam gyis:__bsnyen sgrub skong ba'i cho gar brtson pa'i mthus:__rgyud dag dngos grub rnam gnyis rgyas par shog:__bum dbang dam tshig nyams chags sor chud cing :__snang stong zung 'jug ye shes gong du 'phel:__thun mong las kyi tshogs kun 'grub pa dang :__kun tu 'od kyi sa la dbyugs phyung zhig:__gsang ba'i dbang gi dam tshig nyams chags byang :__gsal stong zung 'jug ye shes gong du 'phel:__rlung sems lha sku'i phyag rgya 'grub pa dang :__pad+ma can gyi sa la phyin par shog:__gsum pa'i dbang gi dam tshig nyams chags dag:__bde stong zung 'jug ye shes gong du 'phel:__'od gsal ngang las lhan skyes sgyu ma'i sku:__'khor lo'i tshogs chen bde bas dbugs phyung zhig:__don gyi dbang gi dam tshig nyams chags grol:__rig stong zung 'jug ye shes gong du 'phel:__slob pa min pa'i go 'phang la brten nas:__ye shes bla ma'i sa la lhun rdzogs shog:__tshe 'dir 'bras bu mngon du ma gyur na:__'chi ba 'od gsal chos sku'i dbyings su thim:__bar do longs spyod rdzogs pa'i phyag rgyar bzhengs:__skye srid sprul pas 'gro don lhun grub shog:__rlung sems 'khrul snang mun pa 'char srid tshe:__ye shes mar me'i snang bas shul mtshon te:__bde stong dpa' bo mkha' 'gro'i tshogs rnams kyis:__mkha' spyod dag pa'i zhing du dbugs phyung zhig:__mdor na 'di nas byang chub snying po'i bar:__bka' drin can gyi rdo rje slob dpon dang :__nam yang mi 'bral byin gyis brlabs pa las:__phyams gcig gdod ma'i sa la grol bar shog:__ces 'dun pa rtse gcig pas btab pas rgyud dag par gyur pa la:__slar yang tshogs kyi 'khor los dgyes pa bskyed:__de nas nyams chags skong ba'i dbang gis smin par bya ba ni:__khrus bya:__bgegs bsal zhing srung mtshams bcing :__tshogs rten nam slob dpon la maN+Dal phul:__gsol ba gdab pa ni:__thal mo sbyar bas btud de:__bde chen rdo rje btsun mo dang :__dbyer med rdo rje slob dpon gyis:__dam tshig nyams chags dag pa dang :__ye shes smin pa'i dbang bskur stsol:__rgyud sbyang :__gzhi dgod pa'i slad du:__slob dpon dang dkyil 'khor gyi gtso mo tha mi dad pa'i thugs ka nas 'od zer lcags kyu lta bu 'phros pas:__'og min gyi zhing nas rdo rje snyems ma rig pa'i lha mo'i tshogs dang bcas pa spyan drangs:__bkra shis pa'i glu gar dang gsang ba'i bum pa byang chub sems kyi bdud rtsis gang ba spyi bor bzhag cing dbang bskur bar bsams la:__thod pa'i bdud rtsi'i dkyil 'khor spyi bor bzhag la:__oM:__rang byung dbyings kyi snod mchog tu:__dag byed rig pa'i bdud rtsi bskyil:__rigs kyi bu la dbang bskur bas:__rgyud dag ye shes nus thob shog:__sngags mthar:__b+hany+dza ka la sha ma hA su kha a mri ta a b+hi Shiny+tsA mi:__'thor 'thung bya:__de ltar byas pas bde ba chen po'i bdud rtsis lus kyi gnas kun tu khyab pas nyams chags rtog sgrib thams cad lhag med du byang zhing :__ye shes kyi skal ba khyad par can rgyud la bzhag par mos:__dngos gzhi dbang bzhi'i ye shes smin pa'i slad:__mar me gsal ba spyi bor bzhag la:__oM:__lus gnas rtsa yi kong bu ru:__snang stong zung 'jug sgron me sbar:__rigs kyi bu la dbang bskur bas:__snang zhen lha skur dag par shog:__kA ya dz+nyA na dI pe a b+hi Shiny+tsa oM:__mgrin par bzhag la:__AH__srog rtsol rlung gi kong bu ru:__gsal stong zung 'jug sgron me sbar:__rig kyi bu la dbang bskur bas:__las rlung sngags su rdzogs par shog:__wA ka dz+nyA na dI pe a b+hi Shiny+tsa AH__snying gar bzhag la:__hU~M:__dkar dmar thig le'i kong bu ru:__bde stong zung 'jug sgron me spar:__rigs kyi bu la dbang bskur bas:__lhan skyes ye shes smin par shog:__tsit+ta dz+nyA na dI pe a b+hi Shiny+tsa hU~M:__slar yang mig sgor bstan la:__ho:__chos can rtog pa'i kong bu ru:__rig stong zung 'jug sgron me sbar:__rigs kyi bu la dbang bskur bas:__dbyings rig dbyer med mngon 'gyur shog:__d+harma d+hA tu dz+nyA na dI pe a b+hi Shiny+tsa ho:__de ltar dbang bzhi bskur ba las:__yul kun snang stong lha skur shar:__yul can gsal la mi rtog ngang :__lhan cig skyes pa'i bde bas tshim:__'od gsal ye shes mngon gyur bsam:__smon lam gdab cing bkra shis gsol:__des ni dbang bzhi'i nyams chags dang :__sgo gsum cha mnyam dang bcas pa'i sdig sgrib dag:__lam gyi ye shes bzhi gong du 'phel:__'bras bu sku bzhi myur du 'grub pa'i skal ba can du 'gyur bas na bdag 'jug gi tshul du rtag tu blang zhing :__snod ldan gzhan yang rjes su bzung bas 'brel tshad rgyud dag cing ye shes gong 'phel du 'gyur ro:__bcu gsum pa mthar thug mchog gi dngos grub sgrub pa'i las sbyor ni:__bde ba chen po bdud rtsi rA sa yA na'i sgrub pa ste:__rdo rje phag mo ye shes gsang ba mchog gi rgyud las:__rgyud dag rtogs par ldan pa yis:__'brel tshad bde ba chen po'i sar:__tshom bu gcig tu grol ba'i phyir:__bdud rtsi mchog gi las sbyor bya:__bsnyen pa dang ni nye bsnyen dang :__sgrub dang sgrub pa chen po yis:__khrol bu sbyang zhing phye ma brlab:__bdud rtsir bskyil zhing gong bur bsdu:__zhes gsungs pa ltar lag tu blang bar bya ste:__dur khrod la sogs pa 'jigs shing zil che ba shin tu dben pa'i gnas su sa gzhi las su rung ba bya:__phyi nang gsang ba'i mtshams dam du bcad:__lha la snyan gsan 'bebs pa'i tshul gyis bdag mdun gyi sgrub mchod dang skong bshags nan tan du bya:__de nas ji ltar 'tshams pa'i stegs bur bdud rtsi lngas chag chag gdab:__mchod gtor sogs bag dro brjid ldan du bsham:__bsgrub bya'i rdzas bdag nyid chen po pad+ma yab yum gyi thabs shes bde ba chen po'i ril bu dngos sam:__phabs rgyun dang ldan pa rig 'dzin grub pa'i phyag nas byung ba nyid gzhir byas te:__'phags pa gsum gyi ring bsrel:__dngos grub mchog brnyes pa'i bdud rtsi lnga:__yul dag pa'i sha lnga:__de dag gi 'phrod dang skyobs su gyur pa'i sman gyi rtsa ba dang yan lag ji ltar rnyed pa dang :__khyad par rin po che sogs lnga tshan lnga:__rtag ngu rigs gsum:__rtsa ba lnga dbang po lag pa sogs bcud len gyi rdzas rnams mdun du stegs bu'i dbus su maN+Da lar thod pa la sogs pa'i snod du spungs:__bgegs bsal:__khrus nas dbyung :__rang nyid sgom bzlas nus ldan du bsgrub:__rang gi thugs srog las byung ba'i 'od zer gyi sne las phro mo dum skyes ma'i tshogs dpag tu med pa spros te rdzas kyi mi gtsang ba dang ma dag pa'i nyes skyon thams cad sbyangs:__slar yang 'od zer 'phros pas 'og min nas dpal rdo rje sems dpa' bde ba chen po yab yum spyan drangs:__rdzas kyi nam mkhar bzhugs pa snyoms par zhugs pa'i mkha' gsang nas bde ba'i 'od zer mkha' khyab tu 'phros:__snod bcud thams cad mer mer sh-ig shig tu g.yos:__'jig rten dang 'jig rten las 'das pa'i bcud dang dwangs ma stobs rtsal nus mthu thams cad ye shes kyi bdud rtsir spyan drangs:__zhal du zhugs:__sku'i dbyibs brgyud:__sbyor mtshams nas char drag tu babs pa bzhin byung :__rdzas la thim pas ma dag pa'i nyes skyon thams cad sbyangs:__dag pa ye shes kyi bdud rtsi kha dog dri ro nus bcud phun sum tshogs par bsams la:__oM AHhU~M badz+ra satwa ma hA su kha a mr-i ta sarba sid+d+hi hU~M hU~M:__zhes khri phrag gcig tu bzla:__de ni khrol bu bsnyen pa'i tshul gyis sbyang ba'o:__de nas mdun gyi rdo rje sems dpa' yab yum rang la bstim:__rdzas rnams zhib par btags la sngar bzhin thod pa la sogs pa'i snod du spungs:__rang nyid sgom bzlas sngon du 'gro bas:__bdag gi thugs srog las byung ba'i 'od zer gyis 'og min pad+ma brtsegs pa'i zhing nas bcom ldan 'das mgon po tshe dpag tu med pa rigs lnga yab yum spyan drangs:__rdzas kyi nam mkhar bzhugs pa snyoms par zhugs pa'i mkha' gsang nas bde ba'i sgra dang 'od zer mkha' khyab tu 'phros:__'khor 'das kyi tshe dang ye shes dpal dang gzi brjid thams cad 'chi med tshe'i bdud rtsi'i rnam par spyan drangs:__zhal du zhugs:__sku'i dbyibs brgyud:__sbyor mtshams nas char drag tu babs pa bzhin byung :__rdzas la thim pas 'chi med tshe dang ye shes kyi bdud rtsir 'khyil bar bsams la/__oM hU~M trA~M hrIHAHmU~M lA~M mA~M pA~M tA~M badz+ra A yur+dz+nyA na a mr-i ta sarba sid+d+hi hU~M hU~M:__zhes khri phrag gcig bzla ba ni phye ma nye bar bsnyen pa'i tshul gyis bsgyur ba'o:__de nas tshe dpag med rigs lnga yab yum bde ba chen po'i bdud rtsir 'od du zhu nas rdzas la thim par bsam:__chang dang :__chu dang :__'o ma dang :__rin po che'i chu dang bcas pas legs par spel:__dkar gsum mngar gsum dang phabs kyis bran:__drod phab la b+han+d+ha la sogs pa'i snod du bstsal:__sgrub pa'i dkyil 'khor gyi steng du mnga' gsol:__'og tu drod 'bebs kyi mar me'ang sbar:__bdag gi sgom bzlas sngon du 'gro bas:__hU~M:__zhes brjod pas rdzas kyi snod bcud mi dmigs te stong par sbyangs:__stong pa'i ngang las 'og tu ya~M las chos nyid kyi rlung :__ye shes kyi me:__sku gsum mtshon pa'i thod sgyed gsum gyi khar A las ka pA la yangs shing rgya che ba'i nang du bcud thams cad sha lnga bdud rtsi lnga yi ge 'bru bcus mtshan pa:__rang gi thugs las 'phros pa'i 'od kyis rlung g.yos:__me sbar:__rdzas thams cad zhu ba ye shes kyi bdud rtsi kha dog dri ro nus pa phun sum tshogs pa'i rgya mtshor 'khyil ba'i zer rlangs 'od lnga'i phung por 'khyil ba'i klong du :__pad nyi 'jigs byed dus mtshan dang bcas pa'i gdon gyi steng du hrIH las bcom ldan 'das ma lus dkyil gy-i lha dang bcas pa bsal gdab pa nas bzung :__mchod bstod bar las gzhung bsrang :__bzlas pa'i skabs su thugs dam bskul zhing byin dbab pa'i slad spos bsreg:__rol mo 'khrol:__mda' dar g.yab cing gdung ba'i shugs bskyed la:__hU~M:__'og min rdo rje btsun mo'i zhing :__mkha' khyab ye shes 'khor lo dang :__he ru ka yi gnas dang yul:__dur khrod brgyad na bzhugs pa yi:__bcom ldan badz+ra wA rA hI:__gnas gsum dpa' bo rnal 'byor ma:__ji snyed 'dus pa'i tshogs chen po:__thugs dam bskul lo dbyings nas bzhengs:__sku yi gar stabs glog ltar 'khyugs:__gsung gi dzaba? dbyangs sngags sgra sgrogs:__thugs kyi ye shes rtsal skyed la:__yon tan bde chen 'od zer dang :__phrin las pho nya phyogs bcur spros:__rtsa gsum rgyal ba rab 'byams kyi:__mkhyen brtse nus pa'i ye shes dang :__snyoms 'jug zag med bdud rtsi'i bcud:__'byung ba lnga yi dwangs ma dang :__lha klu mi yi tshe bsod stobs:__gzi brjid dpal dang nus bcud kun:__thogs pa med par gnas 'dir sdus:__'khor 'das dbyer med byin chen phob:__dam tshig sgrub pa'i rdzas la stims:__mthong tshor myong reg grol ba yi:__bde chen rdo rje'i gzi byin spor:__las dang ye shes dngos grub kun:__lhun gyis grub pa'i dbang mchog skur:__snod bcud rdo rje btsun mo yi:__rten dang brten par byin rlobs shig:__oM sarba bud+d+ha DA ki nI ye ma hA su kha sid+d+hi A be sha ya a AH__zhes byin phebs pa'i rtags ma byung bar bya:__bzlas dmigs ni:__bdag gi thugs ka nas sngags kyi sgra dang 'od zer bde ba chen po'i gzi byin 'bar ba bar ma chod par 'phros:__mdun bskyed kyi bcom ldan 'das ma lus dkyil gyi lha dang bcas pa'i thugs kar phog pas bde ba mchog gis dgyes pa'i 'od zer gyi sprin chen pos rtsa gsum rgyal ba rab 'byams kyi ye shes dang :__brtan g.yo'i dwangs bcud thams cad bdud rtsi'i rnam par spyan drangs:__zhal du zhugs:__sku yi dbyibs brgyud:__mkha' gsang nas char drag tu babs pa tsam du byung :__dam tshig gi bdud rtsir thim pas mthong tshor myang reg thams cad grol ba ye shes kyi bdud rtsir 'khyil par bsam:__oM sarba bud+d+ha DA ki nI ye ma hA su kha badz+ra a mr-i ta hU~M hrI:Tha:__zhes nyer gcig pa'i dzab[¿] 'di 'bum phrag gcig bzla ba ni lde gu sgrub pa'i bdud rtsir bskyil ba'o:__de dag gi skabs su spro na sman srung spyan drang :__rtog pa bsal:__las bcol zhing dzaba? bzla ba'ang bya:__thun gyi mthar gtor tshogs kyis rgya cher mchod:__dngos grub 'phrog pa'i lta nyan gyi 'byung po tshar bcad:__ye shes kyi gzi byin dbab:__tshogs sgrub la dmigs bzlas rgyun mi chad par bya:__rkyang sgrub la'ang mi tshig gis bar ma chod par nyams su blang pas 'od dang :__sgra dang :__dri sogs byin rlabs kyi rtags mthong bar bya'o:__de nas dngos grub mdor bsdus pa'i tshul gyis blangs la mdun bskyed kyi lha bdud rtsir bstims zhing brtan par byas nas ril bu sran chung tsam du bsgril:__b+han+d+ha la sogs pa'i snod du bstsal:__dbu rgyan dang dar dpyangs bcing :__rdo rje dril bus g.yas g.yon brten nas dkyil 'khor gyi dbus su byin chen dbabs pas mnga' gsol:__bdag bskyed sngon du 'gro bas mdun rten bsang sbyang :__stong pa'i ngang las rang byung pad+ma b+han+d+ha'i gzhal med khang yangs shing rgya che ba bdud rtsi bde ba chen po'i pho brang du lhun gyis grub pa'i dbus su:__pad nyi 'jigs byed dus mtshan dang bcas pa'i gdan gyi steng du:__ril bu rnams hrIHlas bcom ldan 'das ma lus dkyil gyi lha dang bcas pa gsal gdab pa nas bzung :__thugs dam bskul ba'i bar byas la:__bzlas dmigs ni:__bdag gi thugs ka nas sngags kyi sgra dang 'od zer bde ba chen po'i gzi byin 'bar ba bar ma chad par 'phros:__mdun bskyed kyi bcom ldan 'das ma lus dkyil gyi lha dang bcas pa'i thugs kar phog pas bde ba mchog gis dgyes pa'i 'od zer gyi sprin chen pos rtsa gsum rgyal ba rab 'byams kyi ye shes dang :__brtan g.yo'i dwangs bcud thams cad bdud rtsi'i rnam par spyan drangs:__thugs kar thim pas mthong tshor myang reg thams cad grol ba'i bde ba chen po'i ye shes kyi gzi byin mchog tu 'bar bar bsams la:__gong gi nyer gcig pa'i dzaba? kho na 'bum phrag gcig tu bzla ba ni sgrub pa chen pos ye shes gong bur bsdu ba'o:__de ltar bsgrub pas gong bu las 'od 'phro ba:__sgra snyan par grags pa:__'phel ba dang 'phur ba sogs rtags mthong na nges par mthong tshor myang reg thams cad bde chen mchog gi ye shes la sbyor ba'i las grub pa yin no:__de nas bdag don du dngos grub blang bar bya ste:__bdag mdun lhag par gsal:__gtor tshogs rgya cher bya:__nyams chags sbyang :__bdag gi thugs ka nas 'od zer 'phros:__mdun bskyed kyi thugs rgyud bskul:__gnas gsum nas bdud rtsi bde ba chen po'i rdo rje gsum gyi dngos grub thams cad 'od dang 'od zer gyis rang gi gnas gsum du thim pas bstsal zhing brtan par bsams la:__gong gi dzaba? kyi mthar:__kA ya wA ka tsit+ta dz+nyA na a mr-i ta sarba sid+d+hi hU~M hU~M zhes stong phrag tu bzlas pas dngos grub dbang du bya:__de nas sgrub pa'i pho brang rten dang brten par bcas pa bteg:__dngos grub gsol zhing gnas bzhir reg:__mthar ril bu lhar gsal ba hrIHdkar po'i rnam pas rang gi kha sgo nas zhugs:__snying dbus mi shigs pa'i thig le hrIHyig dang dbyer med du thim pas byang chub ma thob kyi bar du mi 'bral bar brtan cing byin rlabs kyi gzi byin 'bar bas mthong tshor myang reg thams cad bde chen dgyes pa rdo rje btsun mo'i ye shes la 'god pa'i skal ba can du gyur par bsams la dgongs pa'i gding gzung ngo :__gzhan don du dngos grub kyi dbang bskur ba ni:__dbang gis rgyud smin cing dam tshig rnam par dag pa'i skal ldan rnams khrus nas dbyung*/__bgegs bsal:__srung mtshams bsgo:__maN+Dal sngon du 'gro bas thal mo sbyar te:__bde chen rdo rje btsun mo dang :__dbyer med khyab bdag he ru kas:__mthong tshor myang reg grol ba yi:__bdud rtsi mchog gi dbang bskur stsol:__zhes gsol ba gdab:__rgyud sbyang :__ye shes dbab cing brtan:__bdud rtsi'i pho brang spyi bor bzhag la:__oM:__bde gshegs sku dang dbyer med pa'i:__bdud rtsi mchog gi dbang bskur bas:__mthong ba'i dngos kun lha ru dag:__bum dbang ye shes smin par shog:__sngags mthar:__kA ya a mr-i ta a b+hi Shiny+tsa oM:__mig lam du bstan cing cir snang lha skur ngo sprad:__mgrin par bzhag la:__AH__bde bshegs gsung dang dbyer med pa'i:__bdud rtsi mchog gi dbang bskur bas:__tshor ba'i 'gro 'ong sngags su shar:__gsang dbang ye shes smin par shog:__wA ka a mr-i ta a b+hi Shiny+tsa AH__ril bu lhar gsal ba hrIHyig gi rnam pa bdug pa'i sprin du gyur pa tshor bas rnam par grol bar mos la:__gsal stong zung 'jug sngags su ngo sprad:__snying gar bzhag la:__hU~M:__bde gshegs thugs dang dbyer med pa'i:__bdud rtsi mchog gi dbang bskur bas:__myangs pas bde chen rtogs pa 'bar:__gsum pa'i ye shes smin par shog:__tsit+ta a mr-i ta a b+hi Shiny+tsa hU~M:__ril bu lhar gsal ba thams cad hriHyig 'ba' zhig gi rnam pas kha sgo nas zhugs:__snying ga'i hrIHla thim pas bde bas thabs byas pa'i lhan skyes mngon du byas par bsam la ril bu re re khyur mid bya:__dran rtog bde stong zung 'jug gi ye shes su ngo sprad:__ril bu lag tu gtad la:__ho:__bde gshegs dbyings dang dbyer med pa'i:__bdud rtsi mchog gi dbang bskur bas:__reg pas gzung 'dzin rtog las grol:__don gyi ye shes smin par shog:__tsit+ta a mr-i ta a b+hi Shiny+tsa ho:__spro na snying gar thig le bya:__chos thams cad don gyi lhan skyes gnyug ma 'gro 'ong dang bral bar ngo sprad la mnyam par 'jog tu gzhug:__de ltar bdud rtsi'i dbang bzhi bskur bas:__lus ngag yid gsum cha mnyam dang bcas pa'i rtog sgrib bag chags dang bcas pa dag:__snang stong grags stong bde stong rig stong zung du 'jug pa'i lam bzhi sgom pa la dbang :__sku gsung thugs ye shes kyi byin rlabs rgyud la zhugs pas mthong tshor myang reg thams cad grol ba'i rten 'brel bsgrigs:__mthar thug sku bzhi'i go 'phang mngon du 'gyur ba'i skal ba rgyud la bzhag par mos la:__oM:__bkra shis gang zhig rdo rje btsun mo'i gsang gsum gyi:__bde chen bdud rtsi rtag pa dam pa'i dbang bskur bas:__mthong tshong myong reg ye shes mkha' 'gro'i tshogs rnams dang :__dbyer med shin tu rnam par grol ba'i bkra shis shog:__ces bkra shis dang smon lam gyis mtshams sbyar ro:__de ltar bsgrubs pa'i phan yon kyang rgyud las:__bcom ldan rdo rje btsun mo yi:__grol ba'i phrin las shugs phyung ba:__bdud rtsi mchog 'dir 'brel tshad kun:__gnas skabs tshe sring nyams chag skong :__yid 'phrog dbang 'gyur nad gdon zhi:__gtum chen drag po'ang lhan ner 'gyur:__mthar thug mthong tshor myong dang reg:__he ru ka dang spyod yul mnyam:__dpa' bo mkha' 'gro'i 'du ba thob:__bde chen ye shes rtsol med skye:__tshe gcig rnam grol che la sbyor:__zhes sogs rgya cher gsungs so:__de nas rjes kyi rim pa bdag dang mdun rten lha'i ngo bor mchod bstod brtan bzhugs nongs pa bshags:__'od gsal du bsdu zhing thun mtshams kyi lhar ldangs la mtshams grol:__bsngo smon shis brjod rgya cher bya'o/__de rnams ni phrin las sna tshogs pa'i sgo nas sgrub pa'i thabs kyi rim par phye ba'o:__sa ma ya:__drug pa lam de thams cad kyi rtsa ba smin byed dbang gi dngos grub kyi snod du sgrub pa'i thabs ni:__gnas dben par sa'i cho ga dang :__sta gon gyi las rgyas par bya ba'am:__spros pa mdor bsdu na ji ltar rigs pa'i stegs bu bdud rtsis skyong nul bya:__sku mtshan ma'i dkyil 'khor tshul bzhin 'bri ba'am:__me tog dkar po'i tshom bu dgod:__de'i steng du gsung bdud rtsi'i dkyil 'khor ka pA la a mr-i ta'i bcud ldan gyi khar:__thugs sin+d+hu ra'i dkyil 'khor bris pas dgab:__gzhan yang dbang rdzas rnams dang :__sman gtor rak+ta nyer spyod tshogs kyi mchod pa sogs rgyas par bsham:__bdag mdun gyi sgrub mchod tshul bzhin du bya:__gtor ma dang tshogs kyis mchod:__spro na bshags skong gi cho ga'ang nyams su bstar:__bdag 'jug rgyas bsdus ji ltar rigs pa dang :__slob ma'i ched du gsol ba gdab:__de nas snod du gyur pa'i slob ma rnams khrus nas dbyung :__bgegs bskrad cing mtshams bcad:__lo rgyus kyi sgo nas nges shes bskyed la maN+Dal dang bcas gsol gdab ni:__gsang ba mchog gi dgyes pa na:__thams cad bdag nyid rtag bzhugs pa:__bla ma rdo rje rnal 'byor mas:__byin rlabs dbang bskur stsal du gsol:__mig dar dgab:__me tog gi phreng ba gtad:__rgyud sbyang :__thams cad rnal 'byor du sems bskyed:__dzaHhU~M ba~M hoHsa dkyil 'khor gyi drung du dgug:__bla ma dang rdo rje rnal 'byor ma la sku gsung thugs kyi phyag bya ba'i slad thal mo gnas gsum du sbyar la:__shrI gu ru badz+ra wA ra hI kA ya wA ka tsit+ta pra Na me na b+han+d+ha naM ka ro mi:__zhes phyag 'atsal bas:__bla ma rnal 'byor ma'i gnas gsum nas 'od zer dkar dmar mthing gsum 'phros:__slob ma'i gnas gsum du zhugs pas sgo gsum gyi nyams chags sbyangs shing snod du gyur par bsam:__bdud rtsi'i mna' chu byin la:__'di ni dam tshig bdud rtsi'i chu:__dam bsrungs mchog gi dngos grub thob:__nyams na dmyal me bzod dkas sreg:__de phyir dam tshig mchog tu srungs:__badz+ra a mr-i ta u da ka Tha Tha Tha:__des kyang :__sa ma ya rak+ShA mi:__zhes khas blangs shing btung :__ye shes kyi gzi byin dbab pa'i slad:__slob ma rnams lus bsrang :__rlung ro bsal nas bar rlung bzung :__rdo rje phag mo lus dkyil gyi lha dang bcas pa gsal gdab:__slob dpon gyi thugs ka nas lcags kyu lta bu'i 'od zer gyis bskul bas rtsa gsum rgyal ba rab 'byams thams cad rdo rje rnal 'byor ma'i rnam par spyan drangs la bstim spyan 'dren gyi tshig dang :__oM sarba bud+d+ha DA ki nI ye ma hA su kha dz+nyA na badz+ra A be sha ya a AH__hrIM hrIM phaiM phaiM:__hU~M hU~M hU~M:__zhes drag tu brjod cing rol mo'i sgra sbyar:__khyad par gyi spos bdug:__des ma phebs na slob ma rnams tsog pur 'khod:__mig smin mtshams gtad:__smin ma'i dbus su bde ba chen po'i ye shes kyi ngo bo dga' 'khyil dmar po g.yon skor du myur bar 'khor ba la sems gtad pas de las bde ba chen po'i 'od zer 'phros:__snod bcud thams cad shig shig mer mer g.yos:__mgal me ltar 'khor:__snang ba phag mo'i sku grangs med pa ha ha hi hi sogs bzhad sgra dang bcas rang la thim pas bde ba lhag par 'bar zhing sems rtog med du thim par bsams la:__bshug pa sogs kyi sgra dang bcas:__ha ha hi hi hU~M hU~M phaiM phaiM phaT phaT badz+ra A ral+li hU~M dza:__ma hA su kha a ha~M:__de ba dat+ta hU~M hU~M dzaHdzaH__zhes brjod pas nyams skyes pa na tiSh+Tha badz+ra sa ma ya s+t+waM:__zhes brtan par bya:__oM puSh+pe mA la pra tIts+tsha hoHsa bla ma dang lhag pa'i lha la me tog dor:__de nyid lhag pa'i lha'i rnam par spyi bor bcings la:__oM puSh+pe dz+nyA na sa ma ya s+t+waM:__mig thur thogs la:__rdo rje btsun mo'i ye shes rtsal:__rig pa gser gyi thur ma yis:__tha mal 'khrul pa'i rab rib bsal:__rang byung dkyil 'khor mngon 'gyur shog:__dz+nyA na shak+ShuHpra we sha ya phaT:__ces mig ras bsal:__ye shes kyi spyan thob pa la slob dpon mdun dkyil dang bcas pa'i sku rten dang brten par bcas pa ngo sprad:__de rnams ni phyi nang gi mjug pa'o:__dngos gzhi'i dbang la:__maN+Dal phul:__rnal 'byor ma dpal sku gsung thugs:__yon tan phrin las rmad po che'i:__dbang dang byin rlabs dngos grub kun:__khyab bdag bdag la stsal du gsol:__zhes gsol ba btab pa la:__rgyud las:__bum pa'i dbang bskur sngon 'gro bas:__sku gsung thugs yon phrin las kyi:__ye shes rgyud la bskyed pa dang :__zab mo'i dbang mchog sbyin par bya:__zhes pas slob dpon gyi thugs ka'i 'od kyis dbang lha nam mkha' gang bar spyan drangs pa dang lhan cig pas rang byung gsang ba chen po'i bum pa spyi bor bzhag cing dbang bskur bar bsams la:__ka pA la'i bdud rtsi thogs te:__oMH__khyab bdag rdo rje btsun mo yi:__ye shes gsang ba gsum las byung :__byang chub sems kyi bdud rtsi yis:__rig pa'i dbang bskur chen po sbyin:__bdud rtsis khrus bya zhing :__oM sarba ta thA ga ta a b+hi She ka te sa ma ya shrI ye hU~M:__zhes brjod pa mi bskyod pa chu dbang :__spyi bo'i gnas lngar bzhag cing :__oM hU~M trA~M hrIHAHa b+hi Shiny+tsa mis rin 'byung cod pan:__bdud rtsi lce la byin zhing :__badz+ra d+harma hrIHzhes pas snang ba mtha' yas rdo rje:__lus kyi gnas rnams su 'thor zhing :__badz+ra karma AHsa don grub dril bu:__de ltar dbang bskur bas ye shes kyi bdud rtsis lus thams cad gang :__phung po gnas gyur:__nyon mongs ye shes su dag:__chu zhabs spyi bor brtan pa las rnam snang sogs rigs lngas dbu brgyan pa la:__dpal rnam par snang mdzad badz+ra nA ma:__zhes sogs rdo rje'i mtshan btags pas rnam snang ming dbang thob par mos:__dbang lha bstim:__brtan par bya:__mchod cing shis pa brjod:__de ni slob ma'i dbang ngo :__de nas 'khor lo'i dbang phyug ma'i sku gsung thugs yon tan phrin las kyi ngo bor rdo rje slob dpon gyi dbang bskur ba ni:__gtso mo'i sku lus dkyil gyi lha dang bcas par gsal ba spyi bor bzhag la:__oM:__bcom ldan rdo rje phag mo yum:__dkyil 'khor rab 'byams sku la rdzogs:__rigs kyi bu la dbang bskur bas:__snang stong sku yi dbang thob shog:__bsnyen sngags mthar:__kA ya dz+nyA na a b+hi Shiny+tsa oM:__lha bstims pas lus dkyil dang bcas lhag par gsal bar mos:__deng phyin chad cir snang thams cad rdo rje phag mo'i sku snang stong zung 'jug tu shes par gyis la nyams su longs shig:__ces ngo sprad cing gdams:__gsung bsnyen sgrub las sngags kyi dmigs pa dang bcas bzlas lung sbyin:__dmigs pa dang bcas rjes su bzla:__sngags phreng mgrin par bzhag la:__AH__rin chen thod pa'i phreng ba la:__snying po sngags kyi nus pa rdzogs:__rigs kyi bu la dbang bskur bas:__grags stong gsung gi dbang thob shog:__wA ka dz+nyA na a b+hi Shiny+tsa AH__deng phyin chad sgrar snang zhing grags pa thams cad rdo rje phag mo'i gsung rdo rje'i gsang sngags grags stong zung 'jug tu shes par gyis la nyams su longs shig:__ces ngo sprad cing gdams:__thugs phyag mtshan rdo rje'i kha T+wA~M ga'i rnam par spros te snying gar thim pas byin gyis brlabs par mos la:__hU~M:__gnyis med ye shes kha T+wA~M ga:__rdo rje lta bu'i ting 'dzin gyis:__rigs kyi bu la dbang bskur bas:__rig stong thugs kyi dbang thob shog:__tsit+ta dz+nyA na a b+hi Shiny+tsa hU~M:__deng phyin chad lha sngags kyis mtshon pa'i rtog tshogs thams cad rig stong zung 'jug tu shes par gyis la nyams su longs shig:__ces ngo sprad cing gdams:__yon tan yongs rdzogs glegs bam gtad la:__hrI:__mchog thun dngos grub kun gyi gzhi:__rdo rje btsun mo'i sngags rgyud kyis:__rigs kyi bu la dbang bskur bas:__'dod 'byung yon tan dbang thob shog:__gu Na dz+nyA na a b+hi Shiny+tsa hrI:__deng phyin chad sgo gsum gyi byed pa thams cad rdo rje phag mo'i yon tan gyi rol par shes pas zab mo'i sngags rgyud 'chad pa sogs rdo rje slob dpon gyi las rab 'byams rjes su sgrub par gyis shig:__sna tshogs rdo rje dang bdud rtsi byin la:__ho:__thun mong mchog gi las kyi tshogs:__mtshon byed rtags kyi phyag rgya yis:__rigs kyi bu la dbang bskur bas:__'gro 'dul phrin las dbang thob shog:__karma dz+nyA na a b+hi Shiny+tsa ho:__deng phyin chad byed spyod thams cad rdo rje phag mo'i phrin las su shes pas mchog dang thun mong gi dngos grub sgrub pa la brtson par gyis shig:__ces gdams:__de ni don gnyis phun sum tshogs par byed pa rdo rje slob dpon gyi dbang ngo :__de ltar bum pa'i dbang bskur bas lus dang rtsa'i sgrib pa dag:__bskyed bzlas phrin las sgrub pa la dbang :__'bras bu sprul sku 'grub pa'i skal ba can du byas pa'o:__de lta bu'i ye shes smin pa dang :__grol ba dang :__mthar phyin pa'i slad du mchog gi dbang gsum bskur ba la:__gsang dbang gi slad du:__bla ma dang dkyil 'khor gyi gtso mo dbyer med pa dpal he ru ka 'dus pa dang snyoms par zhugs pa'i byang chub sems kyi bdud rtsi lce thog tu bzhag par mos la:__AH__bcom ldan rdo rje btsun mo dang :__he ru ka dpal snyoms zhugs pa'i:__byang chub sems kyi bdud rtsi yis:__ye shes smin pa'i dbang bskur ro:__guh+ya dz+nyA na a mri ta a b+hi Shiny+tsa AH__zhes byin pa'i bdud rtsi bus kyang a ho ma hA su kha zhes myang pas rtsa khams thams cad khyab ste lus dkyil gyi lha thams cad byang chub sems kyi yi ge'i gzugs su shar bas gsal stong bde ba'i ye shes su smin par bsam:__rlung kha sbyor du bzung :__de ltar gsang ba'i dbang bskur bas ngag dang rlung gi sgrib pa dag:__srog rtsol kha sbyor gyi lam sgom pa la dbang :__'bras bu longs sku 'grub pa'i skal ba can du byas pa'o:__dbang gsum pa'i slad du sin+d+hU ra'i dkyil 'khor gtad la:__hU~M:__rnam thar gsum ldan mkha' dbyings su:__rdo rje btsun mo'i bde chen rdzogs:__rigs kyi bu la dbang bskur bas:__zhu bde'i lhan skyes mngon 'gyur shog:__ma hA su kha dz+nyA na a b+hi Shiny+tsa hU~M:__thig le lte bar bkod pas gtum mo'i me 'bar:__khams zhu ba'i bde bas lhan cig skyes dga'i ye shes kyi ngang du grol bar bsam:__de ltar shes rab ye shes kyi dbang bskur bas yid dang thig le'i sgrib pa dag:__zhu bde lhan skyes kyi ye shes sgom pa la dbang :__'bras bu chos sku 'grub pa'i skal pa can du byas pa'o:__dbang bzhi pa'i slad du dpon slob gnyis kas bde bas drangs pa'i stong nyid bsam gyis mi khyab pa so so rang rig pa'i ye shes kyi ngang du mnyam par bzhag:__aH__bde chen rdo rje phag mo ni:__stong nyid so so rang rig pa:__bsam gyis mi khyab dbang bskur bas:__don gyi lhan skyes mthar phyin shog:__dz+nyA na d+hA tu a b+hi Shiny+tsa a a:__de ltar dbang bzhi pa bskur bas shes bya'i sgrib pa dag:__rang bzhin lhan cig skyes pa'i ye shes sgom pa la dbang :__'bras bu ngo bo nyid sku 'grub pa'i skal ba can du byas pa'o:__nyams su len nges pa rnams la dbang so so dang rjes su mthun par gdams ngag khrid kyi tshul du btab pas smin grol chig rdzogs su 'gyur bas shin tu gces so:__des rtsa ba'i dbang bskur ba yongs su rdzogs par grub nas:__smin par slob pa la mtha' rten yan lag gi dbang bskur ba la gsum ste:__thun mong du gces pa nyams chags skong ba'i dbang :__mchog gi dngos grub kyi nye rgyu bdud rtsi'i dbang :__mtha' rgyas bkra shis tshe'i dbang rnams bskur:__gang ltar yang dam tshig bsgrag cing bzung bar khas blangs:__gtang rag gi maN+Dal dang dga' ston sogs bya zhing :__rdo rje'i rigs gcig tu smon lam gdab par bya'o:__sgrub pa thams cad kyi rtsa ba smin byed dbang bskur ba'i rim par phye ba'o:__sa ma ya:__bdun pa smin grol thams cad kyi srog dam tshig rnam par dag pa'i tshul du bsgrub pa ni:__rgyud las:__rdo rje phag mo'i dam tshig ni:__spyi dang khyad par lhag pas bstan:__thun mong spyi yi dam tshig tu:__so sor thar dang byang chub sems:__bya spyod rnal 'byor rgyud rnams las:__ji skad gsungs shing dam bcas pa:__kha na ma tho med par bsrung :__khyad par nang gi dam tshig tu:__rtsa ba'i ltung ba bcu bzhi dang :__yan lag sbom po'i rnam grangs brgyad:__dbang bzhi'i mnyam rjes bza' ba dang :__bcang dang bsrung ba dag par bya:__lhag pa gsang ba'i dam tshig ni:__sangs rgyas mkha' 'gro'i dam tshig tu:__sems can rnams la byams pa bsgom:__rdo rje mkha' 'gro'i dam tshig tu:__gdug cing gtum pa'i spyod pa bya:__rin chen mkha' 'gro'i dam tshig tu:__dngos po gang la'ang chags mi bya:__pad+ma mkha' 'gro'i dam tshig tu:__smra zhing bud med bsten par bya:__las kyi mkha' 'gro'i dam tshig tu:__rgyug cing mchod pa'i spyod pa bya:__mkha' 'gro spyi yi dam tshig tu:__shes rab bdud rtsi rnam lnga bsten:__sha chen bza' zhing cang te'u brdung :__rus pa'i rgyan 'chang gar stabs bcas:__dur khrod 'jigs par spyod pa bskyang :__sbyor sgrol brtul zhugs mthar dbyung ngo :__bsdus pa'i dam tshig rnam gsum ni:__mi phod rdzi dang 'khri ba gcod:___zhen pa ldog pa rnams gsum yin:__snang yul mi phod thog tu brdzi:__'khri ba zas nor gtams la bcad:__zhen pa gnyen 'khor g.yog la ldog:__cila'ang ma chags ma zhen par:__zang thal rig pa rjen par bskyang :__'di ni mchog gi dam tshig yin:__zhes pa ste:__dbang gi dus su bsgrags cing bshad la khas blangs pa ltar rgyud tshod dang mthun par nyams su blangs pas dngos grub rnam gnyis dka' ba med par 'grub par 'gyur te:__smin grol thams cad kyi srog dam tshig rnam par dag pa'i tshul gyis bsgrub pa ste:__de ltar na rdo rje phag mo'i lam gyi rim pa'i rtsa ba dang cha rkyen thams cad bstan zin to:__sa ma ya:__de lta bu'i rdo rje phag mo dkar mo'i sgrub thabs lam gyi rim pa zab cing 'dril ba thugs kyi thig le'i bcud phyung ba 'di ni:__dpal gyi bsam yas mchims phu nags kyi dur khrod chen por dus gsum sangs rgyas thams cad kyi ngo bo ma hA gu ru pad+ma badz+ra gyis:__rje mnga' bdag yab sras dang :__lo tsA ba chen po bai ro tsa na:__'brog mi dpal gyi ye shes:__lo chung dkon mchog 'od:__A tsar+Ya dran pa ye shes:__bdag bud med mtsho rgyal sogs skal ldan 'dus pa rnams la rdzu 'phrul gyi bkod pa bsam gyis mi khyab pas dbang bskur:__rgyud bshad:__gdams ngag rgyas 'bring bsdus pa snying po'i tshul du skad cig gis bka' stsal nas slar yang 'di skad ces rjes su gdams par mdzad do:__e ma 'dus pa'i 'khor rnams nyon:__rang byung pad+ma badz+ra bdag:__chos sku bzang mo'i klong du 'khyil:__longs sku'i phag mor bde bas rol:__sprul sku 'gro ba 'dul ba'i phyir:__dzam+bu'i gling du 'char ba na:__snang tshul tsam gyi thabs mkhas pas:__paN grub rnams la gdams ngag nos:__dben pa'i gnas su rtse gcig bsgrubs:__rig pa 'dzin pa thob tshul bstan:__khyad par dur khrod bsil ba'i tshal:__dpa' bo DA ki'i 'dun sa cher:__bcom ldan phag mo'i zhal bstan cing :__rgyud dang gdams pa rgya cher stsal:__snying po rdo rje'i tshig 'di gsungs:__rdo rje phag mo'i sku gsung thugs:__yon tan phrin las ye shes bsgrub:__smin cing dag pa'i thabs dang bcas:__dngos grub rnam gnyis rtsol med 'byung :__zhes gsungs bde stong ngang du bzhugs:__lhan skyes las kyi dbang mo ches:__de don rgyas par mtshon pa'i don:__'dir ni zab cing 'dril bar bstan:__'di ltar nyams su len pa'i bu:__rang byung pad+ma bdag nyid dang :__dpa' bo mkha' 'gros byin brlabs pas:__rtsa khams rlung la ye shes 'phel:__mthar thug 'bras bu myur du 'grub:__gnas skabs las kun thogs pa med:__rang gzhan don gnyis lhun grub 'gyur:__sa ma ya:__de lta bu yi zab mo'i don:__rgyas par bum thang lung par sbas:__lo tsA che mchog byin rlabs sprul:__khyung po dpal gyi ming gis 'don:__sbas tshul 'gro don cung zad byed:__rang nyams blangs pas ye shes smin:__'bring po kha rag phug tu sbas:__dpal gyi ye shes rnam par 'phrul:__bde chen gling pa'i skal bar 'gyur:__rang gzhan don gnyis ci rigs 'byung :__bsdus pa 'di ni yul dbus lho:__pad+ma brtsegs pa'i phug par sbas:__dkon mchog 'od kyi skye ba'i mthas:__ma 'gags rdzu 'phrul spyod pas bton:__rgya che'i snyan brgyud zab don la:__brten nas rang gzhan dpal du 'gyur:__zab tig ye shes 'khor lo 'di:__slar yang 'dabs gter tshul du sbos:__nam zhig rtsubs 'gyur 'jigs pa'i dus:__mnga' bdag yab sras thugs bskyed las:__bdag gis byin brlabs rig pa 'dzin:__sgyu ma lta bu'i skyes bu ni:__tshe 'di'i ltos thag chod pa las:__su dang mi mthun yan gar ba:__rgyud tshod sus kyang dpag dka' ba:__ma 'gags shes rab thod rgal can:__pad+ma 'od gsal mdo sngags gling :__bka' babs chu bo bdun gyi bdag:__sgra sgrogs rgyal po lcags kyi lo:__mkha' 'gro'i ming po dpa' bo cher:__gter bdag DA ki'i tshogs rnams kyis:__brda yi shog ser dngos su gtad:__don gyi byin rlabs bdag gis stsal:__tshig gi gdams pa'i smin dang grol:__dkon mchog 'od kyi sprul pas ston:__gdams skor rnam bzhi'i don brgyud rdzogs:__rgyu rkyen rten 'brel tshogs pa las:__rtsol med gtan la phab nas kyang :__bai ro dpal seng mchog gi dbyangs:__gnubs kyi dge slong rig sngags 'chang :__bdud 'joms dran pa ye shes sogs:__sprul pa'i rig 'dzin gtsor gyur pa'i:__skal ldan 'ga' zhig don du 'gyur:__snying po'i man ngag dam rdzas bcas:__lho brag ban pa'i ri sul sbos:__'dam skyes pad+ma lta bu yi:__mchog gi ming can skyes bus 'don:__rten 'brel gzhan dbang ma gyur na:__rang gzhan 'brel tshad don du 'gyur:__sa ma ya:__rdo rje stong nyid nam mkha'i dkyil:__phag mo bde chen sku ru shar:__de yi go 'phang sgrub pa'i thabs:__mi zad rgyan gyi ye shes lnga:__lam khyer ting 'dzin 'khor lo ni:__rgyun mi chad par bskor ba las:__gzung 'dzin drwa ba thug phrad gcod:__lha dang bde chen byang chub sems:__dbyer med d+hU tir smin pa las:__thun mong phrin las rtsol med 'byung :__mchog gi dngos grub phyag rgya che:__ye shes sgyu ma myur du 'grub:__de phyir snying las gces par zung :__thos don rtse gcig nyams su longs:__'brel tshad don ldan e ma ho:__zhes bka' stsal pa ltar gter gnas so sor rgya rim pa bdun gyis btab nas sbas shing :__bka' gter srung ma rnams la gnyer tu gtad pa ste:__ma 'ongs skal ldan lung 'dzin pa'i:__skyes bu rnams dang 'phrad nas kyang :__phyi nang bar chad kun zhi zhing :__dngos grub ye shes rgyas par shog:__sa ma ya:__rgya rgya rgya:__1234567890:__gter rgya:__sbas rgya:__zab rgya:__gnyan rgya:__gtad rgya:__gsang rgya:__gu h+ya sa ma ya rgya rgya rgya:__rmad du byung ba'i gsang ba rdo rje phag mo'i sgrub thabs ye shes 'khor lo 'di:__lo chung dkon mchog 'od kyi skye mtha' e sbel lcog las 'phro gling pas:__rab byung dgu pa'i mthar yar klung shel brag pad+ma brtsegs pa nas ma 'gags rdzu 'phrul gyi rol pas spyan drangs:__gsang ba'i thugs dam du mdzad:__slar shog ser lung byang ltar 'dabs gter du bzhugs pa chos bdag mkha' 'gro'i 'du bas:__gter ston gyi ming ma btags kyang*/__rang byung chen po pad+ma yab yum gyi byin rlabs las shog ser bsgyur ba la spobs pa mi zhum pa'i kho bo pad+ma 'od gsal mdo sngags gling pa la mdongs gsol du sprad pa las/__rab tshes lcags pho 'brug gi lo'i cho 'phrul zla bar gtan la phab nas re zhig gsang ba'i rgyas btab:__slar shing sprel rgyal zla bar lo chen bai ro dngos byon o rgyan 'chi med bstan gnyis gling pa sogs mchog gi 'dus pa rnams la rim par spel ba'i brgyud pa'i nges pa'ang gter gzhung rtsa ba'i dgongs pa ltar/__chos sku kun bzang rdo rje 'chang longs sku 'khor lo bde mchog__/sprul sku rdo rje phag mo/__/ye shes kyi mkha' 'gro ma las kyi dbang mo/__/o rgyan pad+ma badz+ra/__rgyal yum ye shes mtsho rgyal/__mnga' bdag rje 'bangs 'dus pa/__sprul pa'i gter ston khyung po dpal dpe/__/sprul sku bde chen gling pa/__mchog ldan mdo sngags gling pa/__gar dbang las 'phro gling pa/__des bdag la nyams dang rmi lam gyi tshul du smin grol gyi gdams pas byin gyis brlabs shing chos sgo dbye bar rjes su gnang ba stsal ba'o/__/sarba dA mang+ga laM b+ha ba tu//__//