JKW-KABAB-09-TA-001

🚧 This website is under continued development. We appreciate your patience!

First text in volume. Back to Volume PageNext Text

Wylie title	zhi byed bdun gyi man ngag bdud rtsi'i bum pa
Location	mkhyen brtse'i bka' babs Volume 9, Text 1, Pages 1-43 (Folios 1a to 22a4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	ལྷ་དབང་རྒྱ་མཚོ་བློ་གྲོས་, མཆོག་གྱུར་གླིང་པ་ (lha dbang rgya mtsho blo gros, mchog gyur gling pa)
Citation	'jam dbyangs mkhyen brtse'i dbang po. zhi byed bdun gyi man ngag bdud rtsi'i bum pa. In Rdzong sar 'jam dbyangs mkhyen brtse'i dbang po'i bka' babs, Vol. 9: 1-43. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Revelations - gter ma  ·  Root Treasure - gter gzhung
Cycle	ཞི་བྱེད་ལྷ་མོ་བདུན་ (zhi byed lha mo bdun)
Karchag page	JKW-KABAB-Volume-09-TA-Karchag
RTZ	In the Rinchen Terdzö: https://rtz.tsadra.org/index.php/Terdzo-BI-060
Colophon	Treasure colophon page 42: རྒྱ་གར་གྱི་མཁན་པོ་པདྨ་སཾ་བྷ་ཝ་དང་༔ ལྷ་སྲས་ལོ་ཙ་བ་རོལ་པ་ཡེ་ཤེས་རྩལ་གྱིས་མཆིམས་ཕུ་རྫའི་ར་བར་བསྒྱུར་བའོ། །སླར་ཡང་བཀའ་སྩལ་པ༔ ཞི་བྱེད་བདུན་གྱི་མན་ངག་འདི༔ ད་ལྟའི་མངའ་བདག་ཡབ་སྲས་དང་༔ སྣོད་ལྡན་མཚན་ལྡན་ཚོགས་རྣམས་ལ༔ སྨིན་གྲོལ་གདམས་པ་ཆིག་རྫོགས་བསྟན༔ རང་རང་གསང་བས་ཉམས་སུ་ལོངས༔ སྙིགས་མའི་འགྲོ་ལ་ཕན་པའི་ཕྱིར༔ སྐྱིད་སྨད་ཀླུངས་ཆེན་འདུས་པའི་མདོ༔ ལྷ་རི་བྲག་ལ་གཏེར་དུ་བསྡམས༔ ལྷ་བཙན་སྤུན་བདུན་སྲུང་མར་བསྐོས༔ ནམ་ཞིག་དྲུག་ཅུ་ཁ་རལ་དུས༔ དམ་འཛིན་ལོ་ཙཱའི་སྐྱེ་བའི་མཐའ༔ ལྷ་རིགས་སྔོན་མོའི་མིང་དང་འཕྲད༔ དེས་ཀྱང་གསང་བས་ཉམས་བླངས་ཏེ༔ རང་གཞན་དོན་འགའ་སྒྲུབ་པར་བྱེད༔ ཤོག་སེར་ཡང་རྫོང་བྲག་ཏུ་སྦོས༔ སླར་ཡང་སུམ་ཅུ་ཁ་རལ་དུས༔ ལྷ་སྲས་རང་གི་སྐྱེ་བའི་མཐའ༔ མཆོག་གི་མིང་ཅན་སྐལ་བར་ཐོབ༔ མངའ་བདག་སྐྱེ་བས་མཚམས་སྦྱར་ནས༔ བཻ་རོ་ནམ་སྙིང་རྒྱལ་མཆོག་དབྱངས༔ བདུད་འཇོམས་ལང་གྲོ་དཔལ་གྱི་སེང་༔ ཆོས་རྒྱལ་ཡབ་སྲས་གཟུངས་མང་བཅས༔ དེ་ལ་སོགས་པའི་སྐྱེ་བའི་མཐས༔ རང་གཞན་དོན་མང་དཔལ་ལ་སྤྱོད༔ ཕན་པ་བླ་ན་མེད་པར་འགྱུར༔ ཞེས་གསུངས་སོ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གསང་རྒྱ༔ སྤེལ་རྒྱ༔ རྒྱ་རྒྱ་རྒྱ༔ མནྟ་གུཧྱ་ཁ་ཐཾ༔ Author colophon page 43: ཞི་བྱེད་བདུན་གྱི་མན་ངག་ཟབ་མོ་འདི་ཉིད་འུ་ཤངས་རྡོའི་ནུབ་ཕྱོགས་ལྷ་རི་རོལ་པོའི་བྲག་ཏུ་སྦས་པ་གཏེར་སྟོན་ལྷ་བཙུན་སྔོན་མོའམ་ལྷ་དབང་རྒྱ་མཚོ་བློ་གྲོས་ཀྱིས་རབ་བྱུང་གཉིས་པའི་དུས་སྤྱན་དྲངས༔ མ་ཕྱི་སྦྲགས་ཀྱི་ཡང་རྫོང་དུ་སྦས་པ་ཉིད་ཕྱིས་རབ་ཚེས་ས་ཕོ་འབྲུག་གི་ལོར་སྤྲུལ་པའི་གཏེར་སྟོན་ཆེན་པོ་མཆོག་གྱུར་བདེ་ཆེན་ཞིག་པོ་གླིང་པས་གསང་གཏེར་གྱི་ཚུལ་དུ་སྤྱན་དྲངས་པའི་ཟབ་ཤོག་སེར་པོ་ལས་པདྨ་འོད་གསལ་མདོ་སྔགས་གླིང་པས་ལེགས་པར་གཏན་ལ་ཕབ་པ་བསྟན་པ་དང་སེམས་ཅན་ལ་ཕན་པ་རྒྱ་ཆེན་པོ་འབྱུང་བའི་རྒྱུར་གྱུར་ཅིག
	Treasure colophon page 42: rgya gar gyi mkhan po pad+ma saM b+ha wa dang :__lha sras lo tsa ba rol pa ye shes rtsal gyis mchims phu rdza'i ra bar bsgyur ba'o/__/slar yang bka' stsal pa:__zhi byed bdun gyi man ngag 'di:__da lta'i mnga' bdag yab sras dang :__snod ldan mtshan ldan tshogs rnams la:__smin grol gdams pa chig rdzogs bstan:__rang rang gsang bas nyams su longs:__snyigs ma'i 'gro la phan pa'i phyir:__skyid smad klungs chen 'dus pa'i mdo:__lha ri brag la gter du bsdams:__lha btsan spun bdun srung mar bskos:__nam zhig drug cu kha ral dus:__dam 'dzin lo tsA'i skye ba'i mtha':__lha rigs sngon mo'i ming dang 'phrad:__des kyang gsang bas nyams blangs te:__rang gzhan don 'ga' sgrub par byed:__shog ser yang rdzong brag tu sbos:__slar yang sum cu kha ral dus:__lha sras rang gi skye ba'i mtha':__mchog gi ming can skal bar thob:__mnga' bdag skye bas mtshams sbyar nas:__bai ro nam snying rgyal mchog dbyangs:__bdud 'joms lang gro dpal gyi seng :__chos rgyal yab sras gzungs mang bcas:__de la sogs pa'i skye ba'i mthas:__rang gzhan don mang dpal la spyod:__phan pa bla na med par 'gyur:__zhes gsungs so:__sa ma ya:__rgya rgya rgya:__gter rgya:__sbas rgya:__zab rgya:__gsang rgya:__spel rgya:__rgya rgya rgya:__man+ta guh+ya kha thaM: Author colophon page 43: zhi byed bdun gyi man ngag zab mo 'di nyid 'u shangs rdo'i nub phyogs lha ri rol po'i brag tu sbas pa gter ston lha btsun sngon mo'am lha dbang rgya mtsho blo gros kyis rab byung gnyis pa'i dus spyan drangs:__ma phyi sbrags kyi yang rdzong du sbas pa nyid phyis rab tshes sa pho 'brug gi lor sprul pa'i gter ston chen po mchog gyur bde chen zhig po gling pas gsang gter gyi tshul du spyan drangs pa'i zab shog ser po las pad+ma 'od gsal mdo sngags gling pas legs par gtan la phab pa bstan pa dang sems can la phan pa rgya chen po 'byung ba'i rgyur gyur ci

Tibetan Text

Wylie

[edit]

༁ྃ༔ ཞི་བྱེད་བདུན་གྱི་མན་ངག་བདུད་རྩིའི་བུམ་པ་བཞུགས་སོ༔ ༢༣༤༥༦༧༨༩ཿ ༔རྒྱ་གར་སྐད་དུ༔ སཔྟ་ཤ་མཾ་ཀ་ར་ཨུ་པ་དེ་ཤ༔ བོད་སྐད་དུ༔ ཞི་བྱེད་བདུན་གྱི་མན་ངག༔ བཅོམ་ལྡན་འདས་དཔལ་གསང་བ་འཛིན་པའི་བདག་པོ་ལ་ཕྱག་འཚལ་ལོ༔ སྣང་བ་མཐའ་ཡས་ཐུགས་རྗེའི་གཏེར༔ གསང་བདག་ནཱ་གཱ་རྫུ་ན་ལས༔ རིམ་པར་འོངས་པའི་གདམས་ངག་བཅུད༔ པདྨ་བཛྲ་བདག་གིས་བཤད༔ ས་མ་ཡ༔ རླུང་མཁྲིས་བད་ཀན་འདུས་པ་སོགས༔ ལས་དང་རྐྱེན་ལས་གྱུར་པ་ཡི༔ ནད་ཀྱི་གདུང་བ་ཞི་འདོད་ན༔ སངས་རྒྱས་སྤྱན་མ་བསྒྲུབ་པར་བྱ༔ ཨཿ སྟོང་པ་ཉིད་དང་སྙིང་རྗེ་ཆེ༔ ཟུང་འཇུག་རིག་རྩལ་ཨོཾ་དཀར་པོ༔ དེ་ཉིད་ཡོངས་གྱུར་སྐད་ཅིག་གིས༔ པདྨ་ཟླ་བའི་གདན་གྱི་སྟེང་༔ སངས་རྒྱས་སྤྱན་མ་སྐུ་མདོག་དཀར༔ ཕྱག་གཡས་མཆོག་སྦྱིན་གཡོན་པ་ནི༔ སྐྱབས་སྦྱིན་ཕྱག་རྒྱས་ཨུཏྤ་ལ༔ འཁོར་ལོ་སྤྱན་གྱིས་མཚན་པ་བསྣམས༔ དར་དང་རིན་ཆེན་རྒྱན་གྱིས་མཛེས༔ ཤིན་ཏུ་ཞི་ཞིང་སྒེག་པའི་ཉམས༔ ཞབས་ཟུང་སེམས་མའི་སྐྱིལ་ཀྲུང་བཞུགས༔ ནད་ཀྱི་གདུང་བ་ཀུན་སེལ་བའི༔ ཟླ་བ་བདུད་རྩིའི་འོད་ཟེར་འཕྲོ༔ གནས་གསུམ་ཨོཾ་ཨཱཿཧཱུྃ་གིས་མཚན༔ རྡོ་རྗེ་གསུམ་དུ་བྱིན་གྱིས་བརླབས༔ ཐུགས་ནས་འཕྲོས་པའི་འོད་ཟེར་གྱིས༔ ཡེ་ཤེས་སྤྱན་དྲངས་གཉིས་མེད་ཐིམ༔ དབང་ལྷས་དབང་བསྐུར་རིགས་ཀྱི་བདག༔ རྣམ་པར་སྣང་མཛད་དབུར་བརྒྱན་བསམ༔ བཞུགས་གསོལ་ཕྱག་མཆོད་བསྟོད་པ་བྱ༔ ཐུགས་ཀར་བདུད་རྩིའི་རང་བཞིན་གྱི༔ ཟླ་སྟེང་ཨོཾ་མཐར་སྔགས་ཀྱིས་བསྐོར༔ འོད་འཕྲོས་བདེ་གཤེགས་རབ་འབྱམས་ཀྱི༔ བྱིན་རླབས་བདག་ལ་ཐིམ་པར་གྱུར༔ ཨོཾ་རུ་རུ་སྥུ་རུ་ཛྭ་ལ་ཏིཥྛ་སིདྡྷི་ལོ་ཙ་ན་སརྦ་ཨརྠ་སཱ་དྷ་ན་སྭཱ་ཧཱ༔ འབུམ་ཕྲག་བཞི་བཟླས་བསྙེན་པའོ༔ སླར་ཡང་སྒྲུབ་པའི་རིམ་པ་ནི༔ ཐུགས་སྲོག་སྔགས་ཕྲེང་བཅས་པ་ལས༔ འོད་ཟེར་བདུད་རྩིའི་ཆར་དུ་བབས༔ རང་གཞན་ལུས་ཀྱི་ནང་ཀུན་གང་༔ རྒྱུ་འབྲས་ནད་ཀུན་ཞི་བར་བསམ༔ སྭཱ་ཧཱའི་གོང་དུ་སྔགས་འདི་སྤེལ༔ སརྦ་རོ་ག་པྲ་ཤ་མ་ན་ཡ༔ འབུམ་ཕྲག་གཅིག་བཟླས་འགྲུབ་པར་འགྱུར༔ དེ་ནས་ལས་ལ་སྦྱར་བ་ནི༔ ནད་རྣམས་ཀུན་སེལ་ཨ་རུ་ར༔ གསེར་མདོག་ལྕགས་ཀྱི་རྩི་བླངས་པ༔ གཙོ་གྱུར་བ་རུ་སྐྱུ་རུ་ར༔ བཟང་དྲུག་ཅོང་ཞི་བྲག་གི་ཞུན༔ མ་ནུ་རུ་རྟ་བ་ཤ་ཀ༔ སེ་འབྲུ་གི་ཝཾ་ཤུ་དག་ནག༔ སྤང་སྤོས་ཏིགྟ་པྲི་ཡཾ་ཀུ༔ ཨ་གར་གུ་གུལ་མིང་ཅན་ནག༔ ཨུཏྤལ་སྔོན་པོ་དང་བཅས་པ༔ ཞིབ་པར་བཏགས་ལ་རིལ་བུར་དྲིལ༔ སྔགས་ཀྱིས་བཏབ་ནས་ཁོང་དུ་བཏང་༔ བཞི་བརྒྱ་རྩ་བཞིའི་ནད་སེལ་ཞིང་༔ གདོན་དང་བགེགས་ཀུན་ཞི་བར་འགྱུར༔ ཡང་ན་ཆུ་བསྐོལ་ཚ་མོ་ལ༔ སྔགས་ཀྱིས་བཏབ་ནས་བཏང་བའམ༔ བུམ་པར་ལྷ་བསྐྱེད་རིག་པ་བཟླས༔ བདུད་རྩིར་ཞུ་བའི་ཆུ་རྒྱུན་གྱིས༔ བཀྲུས་དང་འཐོར་འཐུང་བགྱིས་པས་ཀྱང་༔ ཕན་པ་འཕྲལ་དུ་སྟེར་བར་བྱེད༔ ནད་ཐམས་ཅད་རབ་ཏུ་ཞི་བར་བྱེད་པ་སངས་རྒྱས་སྤྱན་མ་དཀར་མོའི་མན་ངག་གི་རིམ་པར་ཕྱེ་བ་སྟེ་དང་པོའོ༔ ས་མ་ཡ༔ རྒྱ་རྒྱ༔ ༡༢༣ཿ ཉིན་གཅིག་པ་སོགས་རིམས་དང་ནི༔ གཉན་རྒོད་གག་ལྷོག་འབྲུམ་པ་སོགས༔ དལ་ཡམས་གདུག་པ་ཞི་འདོད་ན༔ རི་ཁྲོད་ལྷ་མོ་བསྒོམ་པར་བྱ༔ ཨཿ སྟོང་པ་ཉིད་དང་སྙིང་རྗེ་ཆེ༔ ཟུང་འཇུག་རིག་རྩལ་བྃ་དཀར་པོ༔ དེ་ཉིད་ཡོངས་གྱུར་སྐད་ཅིག་གིས༔ པདྨ་ཟླ་བའི་གདན་གྱི་སྟེང་༔ རི་ཁྲོད་ལྷ་མོ་སྐུ་མདོག་དཀར༔ ཕྱག་གཡས་མཆོག་སྦྱིན་གཡོན་པ་ནི༔ སྐྱབས་སྦྱིན་ཤིང་ལོའི་སྦྲང་གཡབ་བསྣམས༔ དར་དང་རིན་ཆེན་རྒྱན་གྱིས་མཛེས༔ ཤིང་ལོ་གསར་པའི་ཤམ་ཐབས་ཅན༔ ཞི་འཛུམ་ཅུང་ཟད་ཁྲོས་པའི་ཉམས༔ ཞབས་གཉིས་ཕྱེད་སྐྱིལ་རོལ་པས་འགྱིང་༔ མཆོག་སྦྱིན་རྩེ་ལས་རིམས་ནད་ཀྱི༔ གདུང་སེལ་བདུད་རྩིའི་ཆུ་རྒྱུན་འབེབས༔ གནས་གསུམ་ཨོཾ་ཨཱཿཧཱུྃ་གིས་མཚན༔ རྡོ་རྗེ་གསུམ་དུ་བྱིན་གྱིས་བརླབས༔ ཐུགས་ནས་འཕྲོས་པའི་འོད་ཟེར་གྱིས༔ ཡེ་ཤེས་སྤྱན་དྲངས་གཉིས་མེད་ཐིམ༔ དབང་ལྷས་དབང་བསྐུར་རིགས་ཀྱི་བདག༔ མི་བསྐྱོད་རྡོ་རྗེས་དབུར་བརྒྱན་བསམ༔ ཐུགས་ཀར་བདུད་རྩིའི་རང་བཞིན་གྱི༔ ཟླ་སྟེང་པྃ་མཐར་སྔགས་ཀྱིས་བསྐོར༔ འོད་འཕྲོས་བདེ་གཤེགས་རབ་འབྱམས་ཀྱི༔ བྱིན་རླབས་བདག་ལ་ཐིམ་པར་གྱུར༔ ཨོཾ་པི་ཤ་ཙི་པརྞ་ཤ་བ་རཱི་བྃ་སྭཱ་ཧཱ༔ འབུམ་ཕྲག་བཞི་བཟླས་བསྙེན་པའོ༔ སླར་ཡང་སྒྲུབ་པའི་རིམ་པ་ནི༔ ཐུགས་སྲོག་སྔགས་ཕྲེང་བཅས་པ་ལས༔ འོད་ཟེར་དཔག་ཡས་ནམ་མཁར་འཕྲོས༔ སྤྲིན་ཕུང་ལྟ་བུར་ཁྱབ་པ་ལས༔ སྔགས་ཀྱི་ནུས་པ་ཡོངས་རྫོགས་པའི༔ བདུད་རྩི་སྨན་གྱི་ཆར་ཆེན་བབས༔ རང་གཞན་ལུས་ཀྱི་ཕྱི་ནང་བཀྲུས༔ ནད་ཀྱི་གདུང་བ་ཀུན་ཞི་ཞིང་༔ ཡུལ་ཁམས་ཀུན་ཏུ་ཁྱབ་པ་ཡིས༔ དལ་ཡམས་ཐམས་ཅད་སྦྱངས་པར་བསམ༔ སྭཱ་ཧཱའི་གོང་དུ་སྔགས་འདི་སྤེལ༔ སརྦ་ཛྭཱ་ར་པྲ་ཤ་མ་ན་ཡེ༔ འབུམ་ཕྲག་བཟླས་པས་འགྲུབ་པར་འགྱུར༔ དེ་ནས་ལས་ལ་སྦྱར་བ་ནི༔ ནད་གདོན་གདུག་པའི་གཉེན་པོའི་སྨན༔ སྤྲུ་མ་ནག་པོའི་རྩ་བ་བླང་༔ ལོ་བརྒྱད་ཆུ་ཡིས་ནུས་པ་བསྐྱེད༔ དེ་ཉིད་གཙོ་གྱུར་བི་ཥ་དང་༔ ཨ་རུ་གླ་རྩི་ཤུ་དག་ནག༔ རུ་རྟ་མིང་ཅན་སྤང་གི་སྤོས༔ དངུལ་ཆུ་མུ་ཟི་སེང་ལྡེང་དམར༔ གུ་གུལ་ཡུངས་ཀར་བཙོད་ཀྱི་མདུད༔ རེ་ལྕག་ཕུར་མོང་སྟག་ཤ་ནག༔ ཀླུ་བདུད་ཧོང་ལེན་ཤུག་ཚེར་ཅན༔ བྲག་ཞུན་གི་ཝཾ་པརྤ་ཏ༔ གཡའ་ཀྱི་མ་དང་རྒྱ་སྣག་བཅས༔ ཞིབ་བཏགས་སྔགས་ཆུས་རིལ་བུར་དྲིལ༔ སྔགས་ཀྱིས་ངར་བཏབ་བཏང་བ་ཡིས༔ གཉན་ཚད་གག་ལྷོག་འབྲུམ་པ་རིམས༔ རྒྱུ་གཟེར་དམར་བཤལ་ལ་སོགས་པ༔ གདུག་པའི་དལ་ཡམས་ཐམས་ཅད་ཞི༔ གཞན་ཡང་བུམ་པའི་ཆུས་བཀྲུ་ཞིང་༔ རིལ་བུའི་རྫས་ལ་སྔགས་བཏབ་བདུག༔ གྲོང་ཁྱེར་རྣམས་སུ་མཚམས་ཀྱང་བཅད༔ འཕྲལ་དུ་ནད་རིམས་ཀུན་ཞི་འགྱུར༔ འགོ་ནད་ཐམས་ཅད་རབ་ཏུ་ཞི་བར་བྱེད་པའི་རི་ཁྲོད་མ་དཀར་མོའི་མན་ངག་གི་རིམ་པར་ཕྱེ་བ་སྟེ་གཉིས་པའོ༔ ས་མ་ཡ༔ རྒྱ་རྒྱ༔ ༡༢༣༤༥༦༧༨ཿ ལྷ་ཀླུ་གནོད་སྦྱིན་གཏུམ་པོ་སོགས༔ བགེགས་རིགས་སྟོང་ཕྲག་བརྒྱད་ཅུ་དང་༔ དགྲ་ཇག་ཆོམ་རྐུན་ཞི་འདོད་ན༔ འོད་ཟེར་ཅན་མ་བསྒོམ་པར་བྱ༔ ཨཿ སྟོང་པ་ཉིད་དང་སྙིང་རྗེ་ཆེ༔ ཟུང་འཇུག་རིག་རྩལ་མྃ་དཀར་པོ༔ དེ་ཉིད་ཡོངས་གྱུར་སྐད་ཅིག་གིས༔ པདྨ་ཟླ་བའི་གདན་གྱི་སྟེང་༔ འོད་ཟེར་ཅན་མ་སྐུ་མདོག་དཀར༔ ཕྱག་གཡས་སྐྱབས་སྦྱིན་གཡོན་པ་ནི༔ མྱ་ངན་མེད་ཤིང་ཡལ་ག་བསྣམས༔ དར་དང་རིན་ཆེན་རྒྱན་གྱིས་མཛེས༔ ཞི་འཛུམ་སྒེག་ཁྲོའི་གཟི་བྱིན་འབར༔ ཞབས་ཟུང་ཕྱེད་སྐྱིལ་རོལ་པས་བཞུགས༔ མི་མཐུན་སྲུང་ཞིང་ཞི་བྱེད་པའི༔ ཉི་མ་སྟོང་གི་གཟི་འོད་འཕྲོ༔ གནས་གསུམ་ཨོཾ་ཨཱཿཧཱུྃ་གིས་མཚན༔ རྡོ་རྗེ་གསུམ་དུ་བྱིན་གྱིས་བརླབས༔ ཐུགས་ནས་འཕྲོས་པའི་འོད་ཟེར་གྱིས༔ ཡེ་ཤེས་སྤྱན་དྲངས་གཉིས་མེད་ཐིམ༔ དབང་ལྷས་དབང་བསྐུར་རིགས་ཀྱི་བདག༔ རྣམ་པར་སྣང་མཛད་དབུར་བརྒྱན་བསམ༔ ཐུགས་ཀར་ཟླ་སྟེང་མཱྃ་ཡིག་མཐར༔ སྔགས་ཕྲེང་འཁོར་ལས་འོད་ཟེར་འཕྲོས༔ འཕགས་རྣམས་ནུས་བྱིན་བདག་ལ་ཐིམ༔ འཁོར་འདས་ཀུན་ལ་དབང་བསྒྱུར་བསམ༔ ཨོཾ་མ་རི་ཙྱཻ་མཱྃ་སྭཱ་ཧཱ༔ འབུམ་ཕྲག་བཞི་བཟླས་བསྙེན་པའོ༔ སླར་ཡང་སྒྲུབ་པའི་རིམ་པ་ནི༔ ཐུགས་སྲོག་སྔགས་ཕྲེང་བཅས་པ་ལས༔ རང་འདྲའི་སྤྲུལ་པ་གྲངས་མེད་སྤྲོས༔ གདོན་བགེགས་དགྲ་དང་ཆོམ་རྐུན་སོགས༔ གདུག་པ་ཅན་རྣམས་རྒྱང་རིང་བསྐྲད༔ ཚུར་འདུས་སྲུང་བའི་ལས་མཛད་པའི༔ སྐྱབས་སྦྱིན་ཕྱག་རྒྱ་བརྐྱངས་པའི་འོག༔ རང་གཞན་ཐམས་ཅད་ཚུད་པ་ཡིས༔ བར་ཆད་ཀུན་ལས་དབུགས་དབྱུང་ཞིང་༔ མྱ་ངན་མེད་པའི་ཡལ་ག་ལས༔ རྡོ་རྗེའི་འོད་ཟེར་རབ་འཕྲོས་པས༔ སྲུང་བའི་གུར་ཁང་བརྟན་པར་བསམ༔ སྭཱ་ཧཱའི་གོང་དུ་སྔགས་འདི་སྤེལ༔ སརྦ་ཤཱ་ཏྲཱུན་བིགྷྣཱན་ཙཀྵུ་རྨུ་ཁ་བྷནྡྷ་བྷནྡྷ༔ འབུམ་ཕྲག་བཟླས་པས་འགྲུབ་པར་འགྱུར༔ དེ་ནས་ལས་ལ་སྦྱར་བ་ནི༔ གྲོ་གའམ་ནི་ཤོག་བུ་ལ༔ ལྃ་ཨོཾ་གྱི་ཡི་གེའི་ཁོག་པ་རུ༔ དགྲ་བགེགས་གང་ཡིན་མིང་གི་མཐར༔ བནྡྷ་བནྡྷ་ཕཊ་ཅེས་བྲི༔ དེ་ཕྱིར་སྔགས་དང་འདོད་གསོལ་སྦྱར༔ རྫ་ཡི་གའུ་གྲུ་བཞི་པ༔ སེར་པོའི་ནང་བཅུག་སྐུད་པས་བསྡམ༔ གནོད་བྱེད་བཀུག་ཅིང་མིང་ལ་བསྟིམ༔ རྡོ་རྗེའི་སྒྲོམ་དུ་བཅུག་པའི་ཕྱིར༔ ལྷ་མོའི་སྤྲུལ་པས་བསྲུངས་པར་བསམ༔ བཟླས་པ་སྔགས་ཀྱི་ནུས་པས་བརྟན༔ གནས་ཁང་བྱང་ཤར་མཚམས་སུ་སྦ༔ བར་ཆད་ཐམས་ཅད་བཅིངས་ཤིང་ཞི༔ དམ་ཚིག་ལྷ་མོའི་བྲིས་སྐུ་དང་༔ སེང་ལྡེང་རྡོ་རྗེའི་དབྱུག་པའི་ནང་༔ སྔགས་བྱང་བཅུག་ལ་རབ་ཏུ་གནས༔ ལྷར་བསྐྱེད་མཆོད་བསྟོད་བཟླས་པས་བསྒྲུབ༔ བརྟན་པར་བཞུགས་གསོལ་གར་འགྲོའི་ཕྱོགས༔ ཁྱེར་བས་བར་ཆད་ཞི་ཞིང་སྲུང་༔ ཡང་ན་སྔགས་ཀྱི་མདུད་པ་ལ༔ བཟླས་པས་བཏབ་སྟེ་མགུལ་དུ་འཆང་༔ དེས་ཀྱང་ནུས་པ་ཐོབ་པར་འགྱུར༔ བགེགས་དང་དགྲ་རྐུན་གྱི་བར་ཆད་ཐམས་ཅད་རབ་ཏུ་ཞི་བར་བྱེད་པ་འོད་ཟེར་ཅན་མ་དཀར་མོའི་མན་ངག་གི་རིམ་པར་ཕྱེ་བ་སྟེ་གསུམ་པའོ༔ ས་མ་ཡ༔ རྒྱ་རྒྱ༔ ༡༢༣༤ཿ ཕས་རྒོལ་བྱད་ཕུར་རྦོད་གཏོང་སོགས༔ གདུག་ཅིང་གཏུམ་པའི་སྦྱོར་བ་ཡིས༔ རང་གཞན་བཅིངས་པ་ཞི་འདོད་ན༔ གཙུག་ཏོར་གདུགས་དཀར་བསྒྲུབ་པར་བྱ༔ ཨ༔ སྟོང་པ་ཉིད་དང་སྙིང་རྗེ་ཆེ༔ ཟུང་འཇུག་རིག་རྩལ་ཨོཾ་དཀར་པོ༔ དེ་ཉིད་ཡོངས་གྱུར་སྐད་ཅིག་གིས༔ པདྨ་ཟླ་བའི་གདན་གྱི་སྟེང་༔ གཙུག་ཏོར་ཆེན་མོ་སྐུ་མདོག་དཀར༔ ཕྱག་གཡས་མཆོག་སྦྱིན་གཡོན་པ་ནི༔ སྐྱབས་སྦྱིན་ཕྱག་རྒྱས་གདུགས་དཀར་བསྒྲེངས༔ དར་དང་རིན་ཆེན་རྒྱན་གྱིས་མཛེས༔ ཞི་ཞིང་ཁྲོ་མོའི་ཉམས་དང་ལྡན༔ ཞབས་ཟུང་སེམས་མའི་སྐྱིལ་ཀྲུང་བཞུགས༔ ཡེ་ཤེས་ཉི་ཟླའི་འོད་ཟེར་གྱིས༔ བྱད་ཕུར་རྦོད་གཏོང་འཇིགས་པ་འཕྲོག༔ གནས་གསུམ་ཨོཾ་ཨཱཿཧཱུྃ་གིས་མཚན༔ རྡོ་རྗེ་གསུམ་དུ་བྱིན་གྱིས་བརླབས༔ ཐུགས་ནས་འཕྲོས་པའི་འོད་ཟེར་གྱིས༔ ཡེ་ཤེས་སྤྱན་དྲངས་གཉིས་མེད་ཐིམ༔ དབང་ལྷས་དབང་བསྐུར་རིགས་ཀྱི་བདག༔ རྣམ་པར་སྣང་མཛད་དབུར་བརྒྱན་བསམ༔ ཐུགས་ཀར་ཟླ་སྟེང་ཨོཾ་ཡིག་མཐར༔ སྔགས་ཕྲེང་འཁོར་བའི་འོད་ཟེར་གྱིས༔ བདེ་གཤེགས་ནུས་སྟོབས་བདག་ལ་ཐིམ༔ མི་ཕྱེད་རྡོ་རྗེའི་རང་བཞིན་བསམ༔ ཨོཾ་སི་ཏཱ་ཏ་པ་ཏྲེ་ཧཱུྃ་སྭཱ་ཧཱ༔ འབུམ་ཕྲག་བཞི་བཟླས་བསྙེན་པའོ༔ སླར་ཡང་སྒྲུབ་པའི་རིམ་པ་ནི༔ ཐུགས་སྲོག་སྔགས་ཕྲེང་བཅས་པ་ལས༔ ཕོ་ཉ་གཞན་གྱིས་མི་ཐུབ་མ༔ རྡོ་རྗེ་ཕུར་བུ་བསྣམས་པ་འཕྲོས༔ བྱད་ཕུར་རྦོད་གཏོང་ཕྱིར་ཟློག་ཅིང་༔ སྲུང་དང་ཞི་བའི་ལས་མཛད་བསམ༔ སྭཱ་ཧཱའི་གོང་དུ་སྔགས་འདི་སྤེལ༔ ཨ་ན་ལེ་ཨ་ན་ལེ༔ བི་ཥ་དེ་བི་ཥ་དེ༔ བཻ་ར་བཻ་ར༔ བཛྲ་དྷཱ་རི་ཎི༔ བཛྲ་པཱ་ཎི་བྷནྡྷ་བྷནྡྷ་ཧཱུྃ་ཧཱུྃ་ཕཊ་ཕཊ༔ འབུམ་ཕྲག་གཅིག་བཟླས་འགྲུབ་པར་འགྱུར༔ དེ་ནས་ལས་ལ་སྦྱར་བ་ནི༔ བྱད་གདོན་འགྲོལ་བའི་ཆོ་ག་སྟེ༔ གཙང་མའི་བུམ་པར་སྤོས་ཆུ་དང་༔ གུར་གུམ་གི་ཝཾ་ཙནྡན་དཀར༔ ཡུངས་ཀར་ཤུ་དག་སྦྱར་བ་བླུགས༔ ཆས་སུ་བཅུག་སྟེ་མདུན་བཤམས་ལ༔ མཆོད་དང་གཏོར་མའི་ཚོགས་ཀྱང་བསྟར༔ བུམ་པ་ལྷ་བསྐྱེད་མཆོད་བསྟོད་དང་༔ བཟླས་པ་སྔགས་ཀྱིས་ནུས་ལྡན་བསྒྲུབ༔ མཐར་ནི་གཏོར་འབུལ་འདོད་དོན་གསོལ༔ འོད་ཞུ་ནུས་ལྡན་བདུད་རྩིར་མོས༔ བསྒྲུབ་བྱ་ཚོན་སྐུད་སྣ་ལྔས་བཅིང་༔ རང་གི་ཐུགས་ནས་ཕོ་ཉ་སྤྲོས༔ བྱད་ཕུར་རྦོད་གཏོང་ཐམས་ཅད་ཀུན༔ ཚོན་སྐུད་ལ་བཀུག་དབྱེར་མེད་བསྟིམ༔ ཡེ་ཤེས་རལ་གྲི་མེ་འབར་བས༔ ལྷག་མེད་དུམ་བུར་བཅད་པར་བསམ༔ ཧཱུྃ༔ ཡེ་ཤེས་རལ་གྲི་མེ་འབར་བ༔ ཕྱིར་ཟློག་ཆེན་མོའི་རིགས་སྔགས་དང་༔ སངས་རྒྱས་ཀུན་གྱི་ནུས་སྟོབས་རྫོགས༔ ཕྲིན་ལས་རྩལ་ཤུགས་འཆང་བ་དང་༔ དཀོན་མཆོག་གསུམ་གྱི་བདེན་པ་དང་༔ རྩ་གསུམ་སྲུང་བའི་བྱིན་རླབས་སྟོབས༔ སྔགས་དང་ཕྱག་རྒྱ་ཏིང་འཛིན་མཐུས༔ ཕས་རྒོལ་རིག་སྔགས་བྱད་སྟེམས་དང་༔ རྫས་དང་འཁྲུལ་འཁོར་དམོད་པའི་དབལ༔ ལྷ་ཀླུ་གནོད་སྦྱིན་ཤ་ཟའི་གདོན༔ སྡེ་བརྒྱད་གདུག་པའི་ཚོགས་རྣམས་ཀྱི༔ ལྷ་ཡི་ཕྱག་རྒྱས་ལུས་བཅིངས་པའི༔ འཆིང་བ་ཐམས་ཅད་བཅད་པར་བགྱི༔ སྔགས་ཀྱི་ནུས་པས་ངག་བཅིངས་པའི༔ འཆིང་བ་ཐམས་ཅད་བཅད་པར་བགྱི༔ ཏིང་འཛིན་སྦྱོར་བས་ཡིད་བཅིངས་པའི༔ འཆིང་བ་ཐམས་ཅད་བཅད་པར་བགྱི༔ དམོད་པས་བྱ་བ་བཅིངས་པ་ཡི༔ འཆིང་བ་ཐམས་ཅད་བཅད་པར་བགྱི༔ རྫས་ཀྱིས་བྱེད་པ་བཅིངས་པ་ཡི༔ འཆིང་བ་ཐམས་ཅད་བཅད་པར་བགྱི༔ ཞེས་དང་སྒྲུབ་པའི་སྔགས་ཀྱི་མཐར༔ སརྦ་བནྡྷ་ཀ་ཀོ་དྷ་བྷིནྡྷ་བྷིནྡྷ་ཙྪིནྡ་ཙྪིནྡ་ད་ཧ་ད་ཧ་ཧཱུྃ་ཧཱུྃ་ཕཊ་ཕཊ༔ ཅེས་བརྗོད་བྱད་ཐག་དུམ་བུར་བཅད༔ འབར་བའི་དབུས་སུ་གདུགས་དཀར་མོ༔ རྔམས་བརྗིད་ཁྲོས་པའི་ཚུལ་དུ་གསལ༔ སྤོས་དང་འབྲུ་སྣ་ཡུངས་དཀར་ནག༔ བྱད་ཐག་དུམ་བུ་སྦྱར་ཏེ་བསྲེག༔ ཧཱུྃ༔ འབར་བ་མེ་ཡི་དཀྱིལ་འཁོར་དུ༔ རྡོ་རྗེ་གཙུག་ཏོར་ཕྱིར་ཟློག་ཆེ༔ སངས་རྒྱས་རྣམས་ནི་ཐམས་ཅད་ཀྱིས༔ བྱིན་རླབས་དབང་བསྐུར་ནུས་སྟོབས་རྫོགས༔ ཕས་རྒོལ་རིག་སྔགས་ཚར་བཅད་པའི༔ ཐུགས་རྗེ་ཐུགས་དམ་དུས་ལ་བབ༔ ཡེ་ཤེས་རྔམས་པའི་མཐུ་རྩལ་སྐྱེད༔ བྱད་མ་རྦོད་གཏོང་འབྱུང་པོ་ཡིས༔ བསྒྲུབ་བྱའི་སྒོ་གསུམ་བྱ་བྱེད་ལ༔ བཅིངས་པ་རྣམ་ལྔའི་འཆིང་བ་ཀུན༔ རྗེས་ཤུལ་ལྷག་མ་མེད་པར་བཞེས༔ རྡོ་རྗེ་ཡེ་ཤེས་མེ་ཡིས་བསྲེག༔ སྟོབས་རྩལ་ཕྲིན་ལས་ཡོངས་རྫོགས་མཛོད༔ ཅེས་དང་སྒྲུབ་པའི་སྔགས་ཀྱི་མཐར༔ སརྦ་བནྡྷ་ཀ་ཀྲོ་དྷ་ཁ་ཁ་ཁཱ་ཧི་ཁཱ་ཧི་ཧ་ན་ཧ་ན་ད་ཧ་ད་ཧ་ཛྭ་ལ་རྃ་བྷསྨིཾ་ཀུ་རུ་ཧཱུྃ་ཧཱུྃ་ཕཊ་ཕཊ༔ བྱད་སྟེམས་སྦྱོར་བ་ཐམས་ཅད་ཀུན༔ རྗེས་ཤུལ་ལྷག་མེད་བསྲེགས་པར་བསམ༔ མེ་ལྷ་རང་བཞིན་གནས་སུ་གཤེགས༔ དམ་ཚིག་འབར་བའི་འོད་ཟེར་གྱིས༔ བྱད་ཕུར་རྦོད་གཏོང་ལ་སོགས་པའི༔ བག་ཆགས་ཀུན་ཀྱང་སྦྱངས་བར་མོས༔ བསྒྲུབ་བྱས་མེ་ལ་ལན་བདུན་འགོམ༔ དེ་ནས་བུམ་པའི་ཆུ་ཡིས་བཀྲུ༔ དག་བྱེད་ཀུ་ཤའི་རྫས་ཀྱིས་བྱབས༔ དྲི་ཡི་ཆུ་དང་གཏོར་མར་བཅས༔ བགེགས་ལ་བསྔོས་ཤིང་རྒྱང་རིང་བསྐྲད༔ རྡོ་རྗེ་སྲུང་བའི་གོ་ཆ་བགོ༔ བདེན་པའི་སྟོབས་དང་བཀྲ་ཤིས་བརྗོད༔ དེ་ལྟར་རྫས་སྔགས་ཏིང་འཛིན་མཐུས༔ ཟླ་བ་གཟའ་ལས་གྲོལ་བ་བཞིན༔ རང་གཞན་བྱད་ཕུར་འཆིང་བ་ཞི༔ རྣམ་པ་ཀུན་ཏུ་བདེ་ལེགས་འཐོབ༔ གཞན་ཡང་བུམ་ཆུ་འཐོར་འཐུང་དང་༔ རིལ་བུར་བགྱིས་ཏེ་བཏང་བ་དང་༔ དྲི་རྫས་ལ་བཏབ་བདུག་པས་ཀྱང་༔ བྱད་ཁྲོལ་གདོན་བྱེར་རྦོད་གཏོང་ཟློག༔ ནད་དང་གནོད་པ་ཀུན་ཞི་འགྱུར༔ བྱད་ཕུར་རྦོད་གཏོང་ཐམས་ཅད་རབ་ཏུ་ཞི་བར་བྱེད་པ་གཙུག་ཏོར་གདུགས་དཀར་མོའི་མན་ངག་གི་རིམ་པར་ཕྱེ་བ་སྟེ་བཞི་པའོ༔ ས་མ་ཡ༔ རྒྱ་རྒྱ༔ ༡༢༣༤༔ ལས་དང་རྐྱེན་ལས་གྱུར་པ་ཡི༔ སེམས་ཀྱི་རྣམ་པར་གཡེང་བ་དང་༔ སྡུག་བསྔལ་ཐམས་ཅད་ཞི་འདོད་ན༔ ཤེར་ཕྱིན་དཀར་མོ་བསྒྲུབ་པར་བྱ༔ ཨཿ སྟོང་པ་ཉིད་དང་སྙིང་རྗེ་ཆེ༔ ཟུང་འཇུག་རིག་རྩལ་པྲྃ་དཀར་པོ༔ དེ་ཉིད་ཡོངས་གྱུར་སྐད་ཅིག་གིས༔ པདྨ་ཟླ་བའི་གདན་གྱི་སྟེང་༔ ཤེས་རབ་ཕ་རོལ་ཕྱིན་མ་དཀར༔ ཕྱག་གཡས་མཆོག་སྦྱིན་གཡོན་པ་ནི༔ ཨུཏྤལ་ཤེར་ཕྱིན་གླེགས་བམ་བསྣམས༔ དར་དང་རིན་ཆེན་རྒྱན་གྱིས་མཛེས༔ ཞི་འཛུམ་ཤིན་ཏུ་སྒེག་པའི་ཉམས༔ ཞབས་ཟུང་རྡོ་རྗེའི་སྐྱིལ་ཀྲུང་བཞུགས༔ ཕྱི་ནང་སྡུག་བསྔལ་ཀུན་སེལ་བའི༔ ཡེ་ཤེས་འོད་ཟེར་རབ་ཏུ་འབར༔ གནས་གསུམ་ཨོཾ་ཨཱཿཧཱུྃ་གི་མཚན༔ རྡོ་རྗེ་གསུམ་དུ་བྱིན་གྱིས་བརླབས༔ ཐུགས་ནས་འཕྲོས་པའི་འོད་ཟེར་གྱིས༔ ཡེ་ཤེས་སྤྱན་དྲངས་གཉིས་མེད་ཐིམ༔ དབང་ལྷས་དབང་བསྐུར་རིགས་ཀྱི་བདག༔ རྡོ་རྗེ་སེམས་དཔས་དབུར་བརྒྱན་བསམ༔ ཐུགས་ཀར་ཟླ་སྟེང་པྲྃ་དཀར་པོ༔ སྔགས་ཀྱི་ཕྲེང་བས་བསྐོར་བ་ལས༔ འོད་འཕྲོས་རྒྱལ་བ་སྲས་བཅས་ཀྱི༔ ཡེ་ཤེས་བདག་ལ་ཐིམ་པར་བསམ༔ ཨོཾ་པྲྃ་པྲ་ཛྙཱ་པཱ་ར་མི་ཏཱ་སྭཱ་ཧཱ༔ འབུམ་ཕྲག་བཞི་བཟླས་བསྙེན་པའོ༔ སླར་ཡང་སྒྲུབ་པའི་རིམ་པ་ནི༔ ཐུགས་སྲོག་སྔགས་ཕྲེང་བཅས་པ་ལས༔ ཡེ་ཤེས་འོད་ཟེར་རབ་ཏུ་འབར༔ རང་གཞན་ཀུན་གྱི་སྙིང་ལ་ཐིམ༔ རྨོངས་དང་མ་རིག་ལས་བྱུང་བའི༔ སེམས་ཀྱི་རྣམ་པར་གཡེང་བ་དང་༔ སྡུག་བསྔལ་ཡིད་མི་བདེ་བ་ཀུན༔ སྐད་ཅིག་ཉིད་ལ་ཡོངས་སུ་ཞི༔ ལུས་སེམས་ཟག་མེད་བདེ་བས་ཁྱབ༔ གཟུངས་དང་བློ་གྲོས་མཐུ་ཐོབ་བསམ༔ སྭཱ་ཧཱའི་གོང་དུ་སྔགས་འདི་སྤེལ༔ པི་ཙུ་པི་ཙུ་པྲ་ཛྙཱ་ཝརྡྷ་ནི༔ ཛྭ་ལ་ཛྭ་ལ་མེ་དྷ་ཝརྡྷ་ནི༔ དྷི་རི་དྷི་རི་བུདྡྷི་ཝརྡྷཱ་ནི༔ སརྦ་དུཿཁ་ཤཱནྟིཾ་ཀུ་རུ་ཀུ་རུ༔ འབུམ་ཕྲག་གཅིག་གིས་འགྲུབ་པར་འགྱུར༔ དེ་ནས་ལས་ལ་སྦྱར་བ་ནི༔ ཤུ་དག་དཀར་པོ་ཨ་ག་རུ༔ གུར་གུམ་གི་ཝཾ་ན་ལེ་ཤཾ༔ ཛཱ་ཏི་གོ་སྙོད་དབང་པོ་ལག༔ བྷྲྀངྒ་རཱ་ཛ་རྟག་ཏུ་ངུུ་༔ འབྲས་གསུམ་སྙིང་ཞོ་ཀརྦྷེ་ཏ༔་་་་་ལུག་མུར་ བུར་སྦྲང་ཀ་ར་བཅས་པ་རྣམས༔ མར་དུ་སྦྱང་ལ་སྔགས་བཏབ་བསྟེན༔ སྡུག་བསྔལ་ཡིད་མི་བདེ་བ་ཞི༔ མདངས་སྟོབས་བློ་གྲོས་མཆོག་ཏུ་འགྱུར༔ གཞན་ཡང་ཐོ་རངས་སྐར་ཆུའམ༔ འབྲུ་ཡི་ཆང་ངམ་འོ་མ་་་་་བ་དམར་མོའི་ ལ༔ རིག་སྔགས་ནུས་པ་བསྟིམས་ལ་འཐུང་༔ འོ་མར་ལ་བཏབ་སྙིང་གར་བྱུགས༔ དེས་ཀྱང་ཡིད་བདེ་སྡུག་བསྔལ་ཞི༔ སྡུག་བསྔལ་ཐམས་ཅད་རབ་ཏུ་ཞི་བར་བྱེད་པ་ཤེས་རབ་ཀྱི་ཕ་རོལ་ཏུ་ཕྱིན་མ་དཀར་མོའི་མན་ངག་གི་རིམ་པར་ཕྱེ་བ་སྟེ་ལྔ་པའོ༔ ས་མ་ཡ༔ རྒྱ་རྒྱ༔ ༡༢༣ཿ འབྱུང་བཞི་འཁྲུགས་དང་ཤ་ཟ་ཁྲོས༔ འཐབ་རྩོད་དུག་མཚོན་གཅན་གཟན་སོགས༔ འཇིགས་པ་ཐམས་ཅད་ཞི་འདོད་ན༔ སྒྲོལ་མ་དཀར་མོ་བསྒྲུབ་པར་བྱ༔ ཨཿ སྟོང་པ་ཉིད་དང་སྙིང་རྗེ་ཆེ༔ ཟུང་འཇུག་རིག་རྩལ་ཏཱྃ་དཀར་པོ༔ དེ་ཉིད་ཡོངས་གྱུར་སྐད་ཅིག་གིས༔ པདྨ་ཟླ་བའི་གདན་གྱི་སྟེང་༔ རྗེ་བཙུན་སྒྲོལ་མ་སྐུ་མདོག་དཀར༔ ཕྱག་གཡས་མཆོག་སྦྱིན་གཡོན་པ་ནི༔ སྐྱབས་སྦྱིན་ཕྱག་རྒྱས་ཨུཏྤལ་བསྣམས༔ དར་དང་རིན་ཆེན་རྒྱན་གྱིས་མཛེས༔ ཞི་ཞིང་འཛུམ་ལ་སྒེག་པའི་ཉམས༔ ཞབས་ཟུང་རྡོ་རྗེའི་སྐྱིལ་ཀྲུང་བཞུགས༔ ཕྱི་ནང་འཇིགས་པ་ཀུན་སེལ་བའི༔ ཐུགས་རྗེའི་འོད་ཟེར་རབ་ཏུ་འཕྲོ༔ གནས་གསུམ་ཨོཾ་ཨཱཿཧཱུྃ་གིས་མཚན༔ རྡོ་རྗེ་གསུམ་དུ་བྱིན་གྱིས་བརླབས༔ ཐུགས་ནས་འཕྲོས་པའི་འོད་ཟེར་གྱིས༔ ཡེ་ཤེས་སྤྱན་དྲངས་གཉིས་མེད་ཐིམ༔ དབང་ལྷས་དབང་བསྐུར་རིགས་ཀྱི་བདག༔ འོད་དཔག་མེད་པས་དབུར་བརྒྱན་བསམ༔ ཐུགས་ཀར་ཟླ་སྟེང་ཏཱྃ་དཀར་པོ༔ སྔགས་ཀྱི་ཕྲེང་བས་བསྐོར་བ་ལས༔ འོད་འཕྲོས་རྒྱལ་བ་སྲས་བཅས་ཀྱི༔ ཐུགས་རྗེའི་བྱིན་རླབས་བདག་ལ་ཐིམ༔ ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ༔ འབུམ་ཕྲག་བཞི་བཟླས་བསྙེན་པའོ༔ སླར་ཡང་སྒྲུབ་པའི་རིམ་པ་ནི༔ ཐུགས་སྲོག་སྔགས་ཕྲེང་བཅས་པ་ལས༔ འོད་ཟེར་སྣང་བ་རབ་འཕྲོས་པས༔ རང་དང་བསྲུང་བྱའི་ཕྱི་རོལ་དུ༔ ཟླ་བའི་མདོག་ཅན་འཁོར་ལོའི་གུར༔ སྲ་བརྟན་གོ་སྐབས་མེད་པ་ལ༔ འོད་ཟེར་དྲུག་གི་སྣང་བས་བསྐོར༔ འཇིགས་དང་སྡུག་བསྔལ་ཀུན་ཞི་ཞིང་༔ སྲུང་བ་ཆེན་པོའི་ལས་མཛད་བསམ༔ སྭཱ་ཧཱའི་གོང་དུ་སྔགས་འདི་སྤེལ༔ སརྦ་དུཥྟཱན་བྟ་ཡ་ཤིནྟཾ་ཀུ་རུ་རཀྵ་རཀྵ་མཱྃ༔ འབུམ་ཕྲག་གཅིག་གིས་འགྲུབ་པར་འགྱུར༔ གཞན་ཡང་གཟུངས་ཀྱི་རིམ་པ་ནི༔ མ་མ་ཀྲྀ་ཏེ་སརྦ་དུཥྟཱན་པྲ་དུཥྟཱན༔ ཛམྦྷ་ཡ༔ སྟྭྃ་བྷ་ཡ༔ མོ་ཧཱ་ཡ༔ བྷནྡྷ་ཡ༔ ཧཱུྃ་ཧཱུྃ་ཧཱུྃ༔ ཕཊ་ཕཊ་ཕཊ༔ སརྦ་དུཥྟཱན་སྟྭཾ་བྷ་ནི་ཏཱ་རེ༔ ཞེས་པ་སྭཱ་ཧཱའི་གོང་སྤེལ་བཟླས༔ དེ་ནས་ལས་ལ་སྦྱར་བ་ནི༔ གནས་རྟེན་བྱིན་ཅན་ས་སྣ་དང་༔ རིན་ཆེན་འབྲུ་སྨན་ཕྱེ་མ་ནི༔ ཚུལ་བཞིན་བསྒྲུབས་པའི་བུམ་ཆུས་བརྫིས༔ ཆོ་ག་བཞིན་དུ་སཱའ་ཙྪ་གདབ༔ སྔགས་མཐར་ཇི་ལྟར་འདོད་པ་ཡི༔ སྲུང་དང་ཞི་བའི་སྤེལ་ཚིག་ཅན༔ རིང་བསྲེལ་གཞན་དང་བཅས་པ་གཞུག༔ རབ་ཏུ་གནས་ཤིང་སྟེགས་བུའི་དབུས༔ མཆོད་པའི་ཚོགས་ཀྱིས་བསྐོར་ལ་བཤམ༔ ལྷར་བསྐྱེད་བཟླས་སོགས་ནན་ཏན་བྱ༔ མཐར་ནི་བརྟན་བཞུགས་ཤིས་པ་བརྗོད༔ རང་གཞན་གནས་པའི་མལ་སྟེང་དང་༔ མགུལ་དུ་འཆང་བས་འཇིགས་པ་ཞི༔ སྲུང་དང་བཀྲ་ཤིས་བདེ་ལེགས་འགྱུར༔ མཁར་གྱི་རྩེའམ་སྒོ་ཡི་གོང་༔ དཔལ་ཅན་དབུས་ཀྱི་རི་ལ་སྦས༔ ཡུལ་ཁམས་ཀུན་ཏུ་ཕན་པ་སྟེར༔ ཡང་ན་རྡོ་རྗེའི་སྔགས་མདུད་ལ༔ བཟླས་ཏེ་མགུལ་ལམ་དཔུང་པར་འཆང་༔ དྲི་ཡི་རྫས་དང་སྦྱར་ཏེ་བདུག༔ དེས་ཀྱང་འཇིགས་པ་ཀུན་ཞི་འགྱུར༔ འཇིགས་པ་ཐམས་ཅད་རབ་ཏུ་ཞི་བར་བྱེད་པ་སྒྲོལ་མ་དཀར་མོའི་མན་ངག་གི་རིམ་པར་ཕྱེ་བ་སྟེ་དྲུག་པའོ༔ ས་མ་ཡ༔ རྒྱ་རྒྱ༔ ༡༢༣༤༣ཿ ཆོས་སྤྱོད་བསླབ་ལྡན་འཚོ་བ་ནི༔ རྣམ་པ་ཀུན་ཏུ་དོན་ཡོད་ཕྱིར༔ དུས་མིན་འཆི་བ་ཞི་འདོད་ན༔ རྨ་བྱ་ཆེན་མོ་བསྒྲུབ་པར་བགྱི༔ ཨ༔ སྟོང་པ་ཉིད་དང་སྙིང་རྗེ་ཆེ༔ ཟུང་འཇུག་རིག་རྩལ་མྃ་དཀར་པོ༔ དེ་ཉིད་ཡོངས་གྱུར་སྐད་ཅིག་གིས༔ པདྨ་ཟླ་བའི་གདན་གྱི་སྟེང་༔ རིག་པ་རྨ་བྱ་ཆེན་མོ་དཀར༔ ཕྱག་གཡས་རྨ་བྱའི་མཇུག་སྒྲོ་བསྣམས༔ དུས་མིན་འཆི་བ་སེལ་བར་མཛད༔ གཡོན་པས་བདུད་རྩིའི་བུམ་བཟང་གིས༔ ཚེ་དང་ཡེ་ཤེས་དངོས་གྲུབ་སྩོལ༔ དར་དང་རིན་ཆེན་རྒྱན་གྱིས་མཛེས༔ ཞི་འཛུམ་སྒེག་ཉམས་རབ་ཏུ་རྒྱས༔ ཞབས་ཟུང་རྡོ་རྗེའི་སྐྱིལ་ཀྲུང་བཞུགས༔ འོད་ཟེར་འཆི་མེད་སྣང་བ་ཆེས༔ བདུད་དང་གཤིན་རྗེའི་མུན་པ་འཇོམས༔ གནས་གསུམ་ཨོཾ་ཨཱཿཧཱུྃ་གིས་མཚན༔ རྡོ་རྗེ་གསུམ་དུ་བྱིན་གྱིས་བརླབས༔ ཐུགས་ནས་འཕྲོས་པའི་འོད་ཟེར་གྱིས༔ ཡེ་ཤེས་སྤྱན་དྲངས་གཉིས་མེད་ཐིམ༔ དབང་ལྷས་དབང་བསྐུར་རིགས་ཀྱི་བདག༔ ཚེ་དཔག་མེད་པས་དབུ་བརྒྱན་བསམ༔ ཐུགས་ཀར་ཟླ་སྟེང་མྃ་དཀར་པོ༔ སྔགས་ཀྱི་ཕྲེང་བས་བསྐོར་བ་ལས༔ འོད་འཕྲོས་སྲིད་དང་ཞི་བ་ཡི༔ དྭངས་བཅུད་བདག་ལ་ཐིམ་པར་བསམ༔ ཨོཾ་མ་ཧཱ་མ་ཡཱུརྱཻ་མྃ་སྭཱ་ཧཱ༔ འབུམ་ཕྲག་བཞི་བཟླས་བསྙེན་པའོ༔ སླར་ཡང་སྒྲུབ་པའི་རིམ་པ་ནི༔ ཐུགས་སྲོག་སྔགས་ཕྲེང་བཅས་པ་ལས༔ འོད་ཟེར་ཕོ་ཉའི་ཚོགས་བཅས་འཕྲོས༔ རང་གཞན་བླ་ཚེ་ཆད་ཉམས་དང་༔ སྣོད་ཀྱི་འཇིག་རྟེན་འབྱུང་བཞིའི་དཔལ༔ བཅུད་ཀྱི་འགྲོ་བའི་ཚེ་བསོད་སྟོབས༔ རྒྱལ་བ་སྲས་བཅས་ཡེ་ཤེས་དབྱིག༔ འཆི་མེད་བདུད་རྩིའི་རྣམ་པར་དྲངས༔ རིགས་བདག་ཕྱག་གི་བུམ་པར་ཞུགས༔ དེ་ལས་ཁོལ་ཞིང་ལུད་པའི་རྒྱུན༔ རང་གི་སྤྱི་བོའི་སྒོ་ནས་ཞུགས༔ ལུས་གང་དུས་མིན་འཆི་བ་ཞི༔ ཚེ་དང་བསོད་ནམས་ཡེ་ཤེས་སྤེལ༔ དྭངས་བཅུད་ཐུགས་སྲོག་མྃ་ལ་འདུས༔ འཆི་མེད་རིག་འཛིན་གྲུབ་པར་བསམ༔ སྭཱ་ཧཱའི་གོང་དུ་སྔགས་འདི་སྤེལ༔ ཨ་མཱ་ར་ཎི་ཛཱི་བནྟི་ཡེ༔ འབུམ་ཕྲག་གཅིག་གིས་འགྲུབ་པར་འགྱུར༔ མཚན་བརྒྱ་བརྒྱད་པའི་གཟུངས་ཀྱང་བཟླ༔ དེ་ནས་ལས་ལ་སྦྱར་བ་ནི༔ མདུན་དུ་སྟེགས་བུ་མཚན་རྫོགས་དབུས༔ བཀྲ་ཤིས་རང་བྱུང་ཀ་པཱ་ལར༔ འབྲས་གསུམ་རྟག་ངུ་དབང་པོ་ལག༔ རྩ་བ་ལྔ་དང་ཚེ་གསོས་་་་་ཤུག་འབྲུ་བ་ལུ་མཁན་དཀར་མཚེའོ་བཞི༔ བཟང་དྲུག་གི་ཝཾ་དཱུརྦའི་རྩ༔ ཅོང་ཞི་བྲག་ཞུན་རྒྱམ་ཚ་བཟང་༔ ཤུ་དག་ཤིང་མངར་ཙི་ཏྲ་ཀ༔ ཀ་ར་བུ་རམ་སྦྲང་རྩིར་བཅས༔ འབྲུ་སྣའི་ཕྱེ་མ་དང་སྦྱར་ལ༔ རིལ་བུར་དྲིལ་བས་ཡོངས་སུ་གཏམས༔ དར་དམར་ཁ་བཅད་དེ་ཡི་སྟེང་༔ སྙིང་པོ་ལྔ་ཡི་འབྲང་རྒྱས་དང་༔ གཡས་གཡོན་ཚེ་ཡི་བཟའ་བཏུང་བཤམ༔ མཆོད་གཏོར་བག་དྲོ་བརྗིད་ལྡན་བྱ༔ བདག་དང་མདུན་རྟེན་ལྷར་གསལ་བསྒྲུབ༔ ཐུན་མཐར་གཏོར་འབུལ་ཐུགས་དམ་བསྐུལ༔ ཨོཾ༔ མི་འགྱུར་རྟག་པའི་ཡེ་ཤེས་ལས༔ ཕྱག་རྒྱའི་གཟུགས་སུ་རང་ཤར་བ༔ འཆི་མེད་མཆོག་སྩོལ་རྨ་བྱ་ཆེ༔ རིག་པའི་རྒྱལ་མོ་དབྱིངས་ནས་བཞེངས༔ ཐུགས་རྗེ་བསྐུལ་ལོ་མཐུ་རྩལ་སྐྱེད༔ འོད་ཟེར་ཕོ་ཉའི་ཆོ་འཕྲུལ་གྱིས༔ འཁོར་འདས་བརྟན་གཡོའི་ཁམས་ཀུན་བཀང་༔ རྣལ་འབྱོར་བདག་ཅག་སྒྲུབ་པ་པོའི༔ བླ་ཚེ་ཡར་བ་རང་སོར་ཆུད༔ སྲོག་ཚེ་ཉམས་པའི་རྫིང་བུ་གསོས༔ སྲིད་ཞིའི་ཚེ་བཅུད་དབང་མེད་སྡུས༔ བདག་དང་སྒྲུབ་པའི་རྫས་ལ་སྟིམས༔ དུས་མིན་འཆི་བའི་བར་ཆད་སོལ༔ ཚེ་དང་ཡེ་ཤེས་དངོས་གྲུབ་སྩོལ༔ ཞེས་གསོལ་སྔགས་བརྗོད་མདའ་དར་གཡབ༔ དྭངས་བཅུད་མི་ཤིགས་ཐིག་ལེར་སྦ༔ ཨཱ༔ འཁོར་འདས་དྭངས་བཅུད་རྡོ་རྗེའི་ཚེ༔ མི་འགྱུར་སྲོག་གི་ཐིག་ལེར་ཐིམ༔ སྟོང་གསལ་རང་བྱུང་གཉུག་མའི་ངང་༔ འཕོ་མེད་རྟག་པའི་རྒྱས་གདབ་བོ༔ ཛྙཱ་ན་བཛྲ་གརྦྷ་ཨ་ཨ༔ རྟགས་མཐོང་མདུན་བསྐྱེད་རང་ལ་བསྟིམ༔ བསྒྲུབས་པའི་རྫས་ལས་དངོས་གྲུབ་བླང་༔ བཅུད་ལེན་རིལ་བུ་ཡུན་བསྟེན་པས༔ དུས་མིན་འཆི་བ་ཀུན་ཞི་ཞིང་༔ ཚེ་ཡི་རིག་འཛིན་འགྲུབ་པར་འགྱུར༔ གཞན་ཡང་འཆི་བསླུ་བའི་ཕྱིར༔ ཚེ་བདུད་ཡི་དྭགས་འབྱུང་པོ་ལ༔ གླུད་གཏོར་བྱིན་བརླབས་འདོད་རྒུར་བསྔོ༔ ཧཱུྃ༔ ང་ནི་རིག་པའི་རྒྱལ་མོ་སྟེ༔ འཁོར་འདས་ཐམས་ཅད་བསྐྱེད་ཅིང་སྤྲུལ༔ ཉོན་ཅིག་བགེགས་དང་ལོག་པར་འདྲེན༔ ཚེ་ལ་རྐུ་བའི་འབྱུང་པོ་དང་༔ སྲོག་ལ་རྔམས་པའི་འཆི་བདག་བདུད༔ བླ་ལ་གདུང་བའི་ཕྱོགས་བཅུའི་གདོན༔ དཔལ་ལ་ཆགས་པའི་ཡི་དྭགས་དང་༔ མ་མོ་ཐེའུ་བྲང་ལ་སོགས་པ༔ དུས་མིན་འཆི་བྱེད་བར་ཆད་ཀུན༔ མི་བས་དགའ་བའི་གླུད་གཏོར་ཁྱེར༔ ནོར་ལས་ལྷག་པའི་འདོད་ཡོན་ལོངས༔ ལན་ཆགས་བུ་ལོན་བྱང་བར་གྱིས༔ དགའ་ཞིང་བྱམས་པའི་སེམས་བསྐྱེད་ལ༔ ཕྱིན་ཆད་འཁོར་འདིར་གནོད་མ་བྱེད༔ ཞི་དང་བཀྲ་ཤིས་བདེ་ལེགས་སྩོལ༔ ཞེས་པའི་སྨྲེང་གིས་བཀྲོལ་ཏེ་བསྔོ༔ མཐར་ནི་བསྐྲད་ཅིང་སྲུང་མཚམས་བཅད༔ འདིས་ཀྱང་འཕྲལ་རྐྱེན་འཆི་བ་ཞི༔ འོ་མ་ཅན་གྱི་བུད་ཤིང་ལ༔ མེ་སྦར་རིག་པའི་རྒྱལ་མོ་གསལ༔ མར་དང་ཡམ་ཤིང་ཏིལ་དཀར་པོ༔ སྔགས་འདིས་བརྒྱ་རྩ་བརྒྱད་སོགས་དབུལ༔ ཨོཾ་ཨགྣ་དེ་བ་མ་ཧཱ་མ་ཡཱུ་རཱི་སརྦ་མྲྀ་ཏཾ་ཤཱནྟིཾ་ཀུ་རུ་སྭཱ་ཧཱ༔ ཚེ་ཡི་བར་ཆད་ཐམས་ཅད་ཞི༔ བུམ་པར་རིག་པའི་རྒྱལ་མོ་བསྐྱེད༔ སྔགས་བཟླས་འོད་ཞུ་བདུད་རྩིའི་ཆུས༔ བསྐྲུ་དང་བྱབས་པས་བར་ཆད་བསལ༔ ཁྲུས་ཆུ་གླུད་གཏོར་དང་བཅས་པ༔ བགེགས་ལ་བསྔོ་ཞིང་བསྲུང་བར་བྱ༔ བཀྲ་ཤིས་བརྗོད་ཅིང་མེ་ཏོག་འཐོར༔ ཚེ་དང་སྲོག་གི་བར་ཆད་ཞི༔ དཔལ་དང་བདེ་ལེགས་འཐོབ་པར་འགྱུར༔ དུས་མ་ཡིན་པའི་འཆི་བ་ཐམས་ཅད་རབ་ཏུ་ཞི་བར་བྱེད་པ་རིག་པ་རྨ་བྱ་ཆེན་མོའི་མན་ངག་གི་རིམ་པར་ཕྱེ་བ་སྟེ་བདུན་པའོ༔ ས་མ་ཡ༔ རྒྱ་རྒྱ༔ ༡༢༣༤༥༦༧༨ཿ དེ་རྣམས་ཀུན་གྱི་ཐུན་མོང་དུ༔ ལས་ཀྱི་སྦྱོར་བ་སྣ་ཚོགས་ནི༔ འཁོར་ལོས་སྲུང་དང་ཁྲུས་ཀྱིས་ཞི༔ མྱུར་བ་མེ་དང་སྟོབས་ལྡན་རླུང་༔ བརྟན་པ་སཱཙྪས་བསྒྲུབ་པར་བྱ༔ དེ་ལ་ཙཀྲ་འབྲི་བ་ནི༔ དར་རམ་རས་སམ་གྲོ་ཤོག་ལ༔ མུ་ཁྱུད་ལྔ་ལྡན་ལྟེ་བ་རུ༔ ལྷ་མོ་སོ་སོའི་ས་བོན་གྱི༔ ཁོག་པར་བསྲུང་བྱའི་མིང་གི་མཐར༔ གང་འདོད་སྲུང་བའི་སྤེལ་ཚིག་སྦྱར༔ དེ་ཡི་གོང་རས་མུ་ཁྱུད་ལ༔ བསྙེན་སྔགས་སྤེལ་ཚིག་བཅས་པ་སྟེ༔ དེ་ཕྱིར་འཁོར་ལོ་རྩིབས་བརྒྱད་ལ༔ ཀཱ་ཡ་རཀྵཱ་ཧཾ༔ ཝཱ་ཀ་རཀྵ་ཧཾཿ ཙིཏྟ་རཀྵཱ་ཧཾ༔ ཛྙཱ་ན་རཀྵཱ་ཧཾ༔ གུ་ཎ་རཀྵཱ་ཧཾ༔ ཀརྨ་རཀྵཱ་ཧཾ༔ བ་རི་རཀྵཱ་ཧཾ༔ སུ་པྲ་རཀྵཱ་ཧཱཾ༔ རྩིབས་མཆན་ཧཱུྃ་ཡིག་རེ་རེ་བྲི༔ དེ་རྒྱབ་སྒྲུབ་པའི་སྔགས་དང་ནི༔ དབྱངས་གསལ་རྟེན་སྙིང་སྤེལ་ཚིག་སྦྱར༔ དེ་ཕྱིར་རྡོ་ར་མེ་རི་འབྲི༔ རང་རང་རྫས་ཀྱི་ཁྱད་པར་དང་༔ སྤྱི་ལ་འབྲས་གསུམ་བཟང་པོ་དྲུག༔ གུ་གུལ་ཡུངས་ཀར་གི་འུ་ཝཾ༔ དྲི་བཞི་་་་ག་བུར་གླ་རྩི་ཤུ་དག་ཤིང་ཚའོ། རྒྱ་སྤོས་སྤང་གི་སྤོས༔ གནས་རྟེན་བྱིན་རླབས་མ་ཉམས་པའི༔ ས་ཆུ་ཤིང་སྣས་ལེགས་པར་བྱུགས༔ ལྷ་མོ་རང་རང་སྐུར་བསྐྱེད་ལ༔ བཟླས་དང་ཞལ་བསྒྱུར་བརྟན་པར་བཞུགས༔ སྐུད་པས་དཀྲི་ཞིང་ཆས་ཀྱིས་དྲིལ༔ མགུལ་དུ་དྲོད་དང་མ་བྲལ་འཆང་༔ གང་འདོད་སྲུང་བའི་ལས་བྱེད་འགྱུར༔ ཁྲུས་ཀྱིས་ཞི་བའི་ཆོ་ག་ནི༔ བུམ་པ་བཅུད་ལྡན་ཆས་སུ་གཞུག༔ རང་རང་རྫས་ཀྱི་བྱེ་བྲག་དང་༔ སྤྱི་ལ་ཉེར་ལྔའི་རྫས་ཀྱང་བཏབ༔ སྟེགས་བུའི་དབུས་བཞུགས་མཆོད་གཏོར་བཤམ༔ བདག་གི་རྣལ་འབྱོར་སྔོན་འགྲོ་བས༔ ཨོཾ་སྭ་བྷཱ་ཝ་སརྦ་དྷརྨ་བི་ཤུདྡྷོ྅ཧཾ༔ སྟོང་པའི་ངང་ལས་པད་ཟླའི་སྟེང་༔ བྷྲཱུྃ་ལས་རིན་ཆེན་བུམ་པ་ནི༔ ཡངས་ཤིང་རྒྱ་ཆེ་མཚན་ཉིད་རྫོགས༔ ལྷ་ཡི་ཆུ་བོ་དལ་འགྲོ་དང་༔ རྫས་ཀྱི་བཅུད་ལྡན་བདུད་རྩིར་འཁྱིལ༔ ཁ་རྒྱན་མགུལ་ཆིངས་གོས་གྱིས་བརྒྱན༔ དེ་དབུས་པད་ཟླའི་གདན་གྱི་སྟེང་༔ ས་བོན་ཡོངས་གྱུར་སྐད་ཅིག་གིས༔ རིག་པའི་ལྷ་མོ་སོ་སོར་བསྐྱེད༔ བྱིན་བརླབ་སྤྱན་འདྲེན་ལ་སོགས་པ༔ ལས་ཀྱི་རིམ་པ་ཚུལ་བཞིན་བྱ༔ བདག་གི་ཐུགས་སྲོག་སྔགས་ཕྲེང་ལས༔ རང་འདྲ་གཉིས་པ་བར་མེད་འཕྲོས༔ བུམ་ལྷའི་ཐུགས་སྲོག་སྔགས་བཅས་ལ༔ ཕོག་པས་ཐུགས་དམ་རྒྱུད་བསྐུལ་ཏེ༔ འོད་ཟེར་དཔག་ཡས་ཕྱོགས་བཅུར་འཕྲོས༔ དུས་གསུམ་བདེ་གཤེགས་སྲས་བཅས་དང་༔ བླ་མ་ཡི་དམ་མཁའ་འགྲོ་ཡི༔ མཁྱེན་བརྩེ་ནུས་པའི་བྱིན་རླབས་ཀུན༔ སྤྱན་དྲངས་ས་བོན་སྔགས་ཕྲེང་ལ༔ ཐིམ་པས་བདུད་རྩིའི་ཆུ་རྒྱུན་བབས༔ བུམ་པ་ཡོངས་སུ་གང་བ་ཡིས༔ རིག་སྔགས་ནུས་པའི་བཅུད་དུ་བསམ༔ བསྙེན་སྒྲུབ་སྔགས་རྣམས་མང་དུ་བཟླ༔ མཐར་ནི་མཆོད་བསྟོད་ནོངས་པ་བཤགས༔ ཨོཾ་ཨཱཿཧཱུྃ་གིས་མཆོད་ཡོན་ཕུལ༔ བུམ་ལྷ་འོད་ཞུ་བདུད་རྩིར་འཁྱིལ༔ ནུས་པ་མཆོག་དང་ལྡན་པར་བསམ༔ རང་གཞན་བཀྲུ་ཞིང་འཐོར་འཐུང་བྱ༔ གང་འདོད་ཞི་བའི་ལས་ཀུན་འགྲུབ༔ ཆོ་ག་རྒྱས་པར་བྱ་འདོད་ན༔ བསྒྲུབ་བྱ་མདུན་དུ་འཁོད་པ་ལ༔ བགེགས་ལ་གཏོར་མ་སྦྱིན་ཞིང་བསྐྲད༔ དེ་ནས་བཀྲུ་བའི་རིམ་པ་ནི༔ ཧཱུྃ༔ བུམ་པ་བཟང་པོ་ཆེ་བའི་མཆོག༔ ཕྱི་ནི་རྒྱན་ལྡན་མཚན་ཉིད་རྫོགས༔ ནང་བཅུད་ལྷ་སྔགས་དབྱེར་མེད་པའི༔ ཡེ་ཤེས་བདུད་རྩིས་ཡོངས་གང་བས༔ སྐལ་ལྡན་ཁྱོད་ལ་ཁྲུས་བགྱིས་པས༔ ཉོན་མོངས་ཤེས་བྱ་སྙོམས་འཇུག་གི༔ སྒྲིབ་པའི་དྲི་མ་ཀུན་དག་ནས༔ སྒོ་གསུམ་མི་མཐུན་འགལ་རྐྱེན་གྱི༔ སྡུག་བསྔལ་རྒྱུ་འབྲས་ཞི་བར་ཤོག༔ སོ་སོའི་བསྙེན་སྒྲུབ་སྔགས་ཤམ་དུ༔ ཞི་བར་བྱ་བའི་མིང་གི་མཐར༔ ཤཱནྟིཾ་ཀུུ་རུ་སྭཱ་ཧཱ་སྦྱར༔ དེ་ནས་བྱབས་པས་བསལ་བ་ནི༔ ཧོཿ དཀོན་མཆོག་རྩ་གསུམ་བདེན་སྟོབས་དང་༔ རིག་པའི་རྒྱལ་མོའི་བྱིན་རླབས་ཀྱིས༔ སྐལ་ལྡན་སློབ་མའི་སྒོ་གསུམ་གྱི༔ མི་མཐུན་ཕྱོགས་ཀུན་བྱང་གྱུར་ཅིག༔ གོང་ལྟར་སྔགས་ཀྱི་ཤམ་བུ་རུ༔ ཨ་པ་ན་ཡེ་སྭཱ་ཧཱ་སྦྱར༔ དེ་ནས་མཚམས་བཅད་བསྲུང་བའི་ཕྱིར༔ ཁྲུས་ཆུ་ཕྱི་རོལ་བསྐྱལ་བ་དང་༔ བདེན་པའི་སྟོབས་བརྗོད་དྲག་སྔགས་བཅས༔ བར་ཆད་ཐམས་ཅད་རྒྱང་རིང་བསྐྲད༔ རྡོ་རྗེ་རྒྱ་གྲམ་ཚུལ་དུ་རེག༔ ཧཱུྃ༔ སངས་རྒྱས་ཀུན་གྱི་དམ་ཚིག་མཆོག༔ ཡེ་ཤེས་རྡོ་རྗེའི་ཕྱག་རྒྱ་ཡིས༔ ལུས་ངག་ཡིད་ལ་རྒྱས་བཏབ་པས༔ མི་མཐུན་ཚོགས་ཀུན་སྲུང་གྱུར་ཅིག༔ གོང་ལྟར་སྔགས་ཀྱི་ཤམ་བུ་རུ༔ རཀྵ་རཀྵ་སྭཱ་ཧཱ་སྦྱར༔ ལུས་ལ་རྡོ་རྗེའི་གོ་ཆས་གཡོགས༔ སྒོ་གསུམ་རྡོ་རྗེར་བྱིན་བརླབས་པས༔ མི་མཐུན་གནོད་པའི་བགེགས་ཚོགས་ཀྱིས༔ ནམ་ཡང་འཚེ་བའི་སྐབས་མེད་བསམ༔ བཀྲ་ཤིས་བརྗོད་ཅིང་མེ་ཏོག་འཐོར༔ དེས་ནི་ནད་རིམས་གདོན་བགེགས་དང་༔ དུས་མིན་འཆི་སོགས་ཀུན་ཞི་ཞིང་༔ དཔལ་དང་བདེ་ལེགས་འཕེལ་བར་འགྱུར༔ ལས་མྱུར་མེ་ཡི་ཆོ་ག་ནི༔ ཤིས་པའི་ས་ལ་སྟེགས་བུ་བྱ༔ ལས་མཐུན་ཐབ་དང་བུད་ཤིང་བརྩིག༔ བདག་གི་རྣལ་འབྱོར་སྔོན་འགྲོ་བས༔ མེ་སྦར་མེ་དཔུང་དཀར་གསལ་དབུས༔ ལྷ་བསྐྱེད་སྤྱན་དྲང་མཆོད་བསྟོད་སོགས༔ ཕྲིན་ལས་གཞུང་བསྲང་ཚུལ་བཞིན་བྱ༔ འོ་མ་ཅན་གྱི་ཡམ་ཤིང་དང་༔ མར་དཀར་ཞུན་དང་ཏིལ་དཀར་བཅས༔ སོ་སོའི་བསྙེན་སྒྲུབ་སྔགས་ཀྱི་མཐར༔ འདོད་གསོལ་སྦྱར་ལ་ཅི་ནུས་དབུལ༔ མཉེས་ཚིམ་འབར་བའི་འོད་ཟེར་གྱིས༔ མི་མཐུན་ཕྱོགས་ཀུན་ཞི་བར་བསམ༔ གཏང་རང་དབུལ་ཞིང་ནོངས་པ་བཤགས༔ ཡེ་ཤེས་གཤེགས་གསོལ་དམ་ཚིག་པ༔ འབར་བའི་རྣམ་པར་བལྟས་བྱས་ལ༔ ཐལ་བ་ཆུ་ཀླུང་ཆེན་པོར་དོར༔ མྱུར་དུ་ཞི་བའི་ལས་འགྲུབ་འགྱུར༔ སྟོབས་ལྡན་རླུང་གི་ཆོ་ག་ནི༔ བསྙེན་སྒྲུབ་སྤེལ་ཚིག་དང་བཅས་པའི༔ ཙཀྲ་བྲིས་ལ་རྫས་ཀྱིས་བྱུགས༔ རབ་གནས་མཐུན་པའི་རླུང་ལ་བསྐོར༔ རང་ཡང་བསྙེན་ཅིང་སྒྲུབ་ལ་བརྩོན༔ ལས་རྣམས་སྟོབས་ལྡན་ཤུགས་དྲག་འགྱུར༔ བརྟན་པ་སཱཙྪའི་ཆོ་ག་ནི༔ ཤིས་པའི་ས་སྤྱིན་བཟང་པོ་ལ༔ གནས་རྟེན་བྱིན་ཅན་ས་ཆུ་དང་༔ རིན་ཆེན་འབྲུ་སྨན་བསྲེས་བྱས་ལ༔ སཱཙྪ་ཚུལ་བཞིན་བཏབ་པའི་ནང་༔ སོ་སོའི་འཁོར་ལོ་གཞུགས་པའམ༔ སྔགས་བྱང་སྤེལ་ཚིག་བཅས་པ་དང་༔ རིང་བསྲེལ་གཞན་ཡང་གཞུག་བྱས་ལ༔ རིན་ཆེན་དཀར་པོའི་ན་བཟའ་གསོལ༔ རྫ་ཡི་བུམ་པ་བཟང་པོའི་ནང་༔ འབྲུ་སྨན་རིན་ཆེན་སྣ་ཚོགས་བཅས༔ བརྟན་པར་བཅུག་ལ་ཕྱག་རྒྱས་གདབ༔ དེ་ཉིད་མཎྜལ་དབུས་སུ་བཤམ༔ མཆོད་གཏོར་བཟང་པོ་ཚོགས་པར་བྱ༔ བདག་གི་རྣལ་འབྱོར་སྔོན་འགྲོ་བས༔ སཱཙྪ་རིག་པའི་ལྷ་མོར་བསྐྱེད༔ ཕྲིན་ལས་གཞུང་བཞིན་བསྲངས་ནས་ཀྱང་༔ སྒྲུབ་པའི་དམིགས་བཟླས་ནན་ཏནབསྐྱར༔ མཐར་ནི་མཆོད་བསྟོད་གཏོར་མ་འབུལ༔ ནོངས་བཤགས་བརྟན་བཞུགས་ཤིས་པ་བརྗོད༔ མཁར་གྱི་རྩེ་ལ་སོགས་པར་སྦས༔ ཞི་བའི་ཕྲིན་ལས་བརྟན་པ་དང་༔ དཔལ་དང་བཀྲ་ཤིས་ཡུན་གནས་འགྱུར༔ ཞི་བྱེད་བདུན་གྱི་མན་ངག་གི་ལས་སྤྱིར་བཏང་བའི་རིམ་པར་ཕྱེ་བ་སྟེ་བརྒྱད་པའོ༔ ས་མ་ཡ༔ རྒྱ་རྒྱ༔ ༡༢༣༤༥༦༧༨ཿ དེ་ལྟར་བསྙེན་སྒྲུབ་ལས་གསུམ་གྱི༔ ཕྲིན་ལས་སྦྱོར་དངོས་རྗེས་གསུམ་ལས༔ དང་པོ་སྦྱོར་བའི་རིམ་པ་ནི༔ རྟེན་དང་མཆོད་གཏོར་ལེགས་པར་བཤམ༔ ཐོག་མར་སྐྱབས་སུ་འགྲོ་བ་ནི༔ ན་མོ༔ ཕྱོགས་བཅུ་དུས་བཞིར་བཞུགས་པ་ཡི༔ སྐྱབས་གནས་དཀོན་མཆོག་རྒྱ་མཚོ་ལ༔ བདག་དང་མཁའ་མཉམ་སེམས་ཅན་ཀུན༔ མི་ཕྱེད་གུས་པས་སྐྱབས་སུ་མཆི༔ སྨོན་འཇུག་སེམས་མཆོག་བསྐྱེད་པ་ནི༔ ཧོ༔ བདག་གཞན་མི་མཐུན་ཞི་བ་དང་༔ བྱང་ཆུབ་གོ་འཕང་མྱུར་ཐོབ་ཕྱིར༔ སྒོ་གསུམ་ལྷ་སྔགས་ཏིང་འཛིན་གྱི༔ ཡེ་ཤེས་བསྒྲུབ་པར་སེམས་བསྐྱེད་དོ༔ མི་མཐུན་བགེགས་ཚོགས་བསྐྲད་པ་ནི༔ ཧཱུྃ༔ ཉོན་ཅིག་ལོག་འདྲེན་བགེགས་ཀྱི་ཚོགས༔ རྣལ་འབྱོར་སྒྲུབ་ལ་བར་གཅོད་ཀུན༔ གནས་འདིར་མ་འདུག་གཞན་དུ་དེངས༔ འདས་ན་རྡུལ་བཞིན་བརླག་པར་འགྱུར༔ དྲག་པོའི་སྔགས་དང་ཐུན་གྱིས་གཟིར༔ རྡོ་རྗེའི་སྲུང་མཚམས་བཅད་པ་ནི༔ ཧཱུྃ༔ སྟེང་འོག་ཕྱོགས་མཚམས་ཐམས་ཅད་ཀུན༔ མི་ཕྱེད་རྡོ་རྗེའི་གུར་གྱིས་གཏམས༔ ཡེ་ཤེས་མེ་ཡིས་ཀུན་ཏུ་ཁྱབ༔ འཁྲུལ་རྟོག་བག་ཆགས་མཚམས་བཅད་དོ༔ ཨོཾ་བཛྲ་ཛྙཱ་ན་རཀྵ་བྷྲཱུྃ་ཨཿ གནས་དང་ཡོ་བྱད་བྱིན་བརླབ་བྱ༔ ཨོཾ་ཨཱཿཧཱུྃ༔ སྟོང་པའི་ངང་ལས་སྐད་ཅིག་གིས༔ གནས་ཡུལ་དག་པའི་ཞིང་ཁམས་ཆེར༔ དངོས་བཤམས་ཡིད་སྤྲུལ་འདོད་ཡོན་ཚོགས༔ ཀུན་བཟང་མཆོད་སྤྲིན་རྒྱ་མཚོར་གྱུར༔ ཨོཾ་བཛྲ་ས་མནྟ་བྷཱ་དྲ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཨཱཿཧཱུྃ༔ གཉིས་པ་དངོས་གཞིའི་ཕྲིན་ལས་ལ༔ ཐོག་མར་དམ་ཚིག་ཕྱག་རྒྱ་གསལ༔ རྡོ་རྗེ་གསུམ་དུ་བྱིན་གྱིས་བརླབ༔ གདུང་བའི་ཤུགས་བསྐྱེད་ཡེ་ཤེས་བསྐུལ༔ ཨོཾ༔ ཡེ་ཤེས་དབྱིངས་ལས་མ་གཡོས་ཀྱང་༔ སྙིང་རྗེས་གཟུགས་ཀྱི་སྐུར་བཞེངས་པ༔ རིག་པའི་ལྷ་མོ་རྫུ་འཕྲུལ་ཅན༔ སྔོན་གྱི་ཐུགས་དམ་རྗེས་དགོངས་ནས༔ གནས་འདིར་མྱུར་དུ་གཤེགསསུ་གསོལ༔ ལུས་ངག་ཡིད་ལ་བྱིན་གྱིས་རློབས༔ མི་མཐུན་ཕྱོགས་ཀུན་ཞི་བ་དང་༔ དངོས་གྲུབ་མ་ལུས་དེང་འདིར་སྩོལ༔ སོ་སོའི་བསྙེན་པའི་སྔགས་ཤམ་དུ༔ ས་པ་རི་ཝཱ་ར་ཨེ་ཧྱེ་ཧི༔ བཛྲ་ས་མཱ་ཛཿ ས་མ་ཡ་ཧོཿ ས་མ་ཡ་སྟྭཾ༔ ཞེས་པས་སྤྱན་དྲངས་དམ་ཚིག་པར༔ དབྱེར་མེད་རོ་མཉམ་བརྟན་པར་བྱ༔ ཧཱུྃ༔ ཚད་མེད་བཞིན་ལྡན་ཕྱག་རྒྱ་ཆེས༔ དགུག་གཞུང་བཅིངས་ཤིང་དགྱེས་པའི་ལྷ༔ རྡོ་རྗེའི་གདན་ལ་བཞུགས་ནས་ཀྱང་༔ ཐུགས་རྗེའི་ཕྲིན་ལས་མཛད་དུ་གསོལ༔ ཛཿཧཱུྃ་བྃ་ཧོཿཛྙཱ་ན་ས་མ་ཡ་ཨཱ་ས་ན་ཏིཥྛ་ཧོཿ སླར་ཡང་དབང་ལྷ་སྤྱན་དྲངས་ནས༔ ཡེ་ཤེས་བདུད་རྩིས་དབང་བསྐུར་བས༔ སྐུ་གང་སྒྲིབ་དག་རིགས་ཀྱི་བདག༔ མ་འདྲེས་སོ་སོས་དབུ་བརྒྱན་མོས༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥིཉྩ་སུ་ར་ཏ་སྟྭཾ་ཨ་ཧཾ༔ རང་ལས་སྤྲུལ་པའི་ལྷ་མོ་ཡིས༔ ཕྱག་འཚལ་མཆོད་བསྟོད་དགྱེས་པར་བསམ༔ ཧོཿ སྐུ་གསུང་ཐུགས་ཀྱི་གསང་བ་ཆེ༔ ཡོན་ཏན་ཕྲིན་ལས་བསམ་མི་ཁྱབ༔ ཡེ་ཤེས་རིག་པའི་ལྷ་མོ་ལ༔ གུས་ཤིང་གདུང་བས་ཕྱག་བགྱིའོ༔ ཨ་ཏི་པཱུ་ཧོཿ པྲ་ཏཱིཙྪ་ཧོཿ ཨོཾ་ཨཱ་ཧཱུྃ༔ དངོས་སུ་འབྱོར་བཤམས་ཡིད་ཀྱིས་སྤྲུལ༔ དཔག་ཡས་ནམ་མཁའ་མཛོད་ཀྱི་གཏེར༔ རབ་འབྱམས་མཆོད་སྤྲིན་རྒྱ་མཚོའི་ཚོགས༔ བཞེས་ནས་བདག་ལ་དངོས་གྲུབ་སྩོལ༔ ཨོཾ་བཛྲ་ཛྙཱ་ན་ཨརྒྷཾ་པཱདྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་བི་དྱཱ་ཤབྡ་སརྦ་པཱུ་ཛ་ས་མ་ཡ་ཧོཿ ཨོཾ་ རྡོ་རྗེའི་སྐུ་ནི་མཁའ་ལྟར་ཁྱབ༔ ཚངས་པའི་དབྱངས་ཀྱིས་ཁམས་གསུམ་སྣང་༔ འོད་གསལ་ཐུགས་རྗེས་འགྲོ་ཀུན་སྒྲོལ༔ ཡོན་ཏན་མི་ཟད་རྒྱན་དུ་རྫོགས༔ ཕྲིན་ལས་སྒྱུ་འཕྲུལ་རོལ་མོའི་སྤྲིན༔ འཇིགས་དང་སྡུག་བསྔལ་ཀུན་སེལ་ཞིང་༔ མཆོག་ཐུན་དངོས་གྲུབ་ཆར་ཆེན་འབེབས༔ རིག་པའི་ལྷ་མོར་ཕྱག་འཚལ་བསྟོད༔ དེ་ནས་བསྙེན་སྒྲུབ་ལས་གསུམ་གྱི༔ ཕྲིན་ལས་སོ་སོའི་གཞུང་བཞིན་བྱ༔ གསུམ་པ་རྗེས་ཀྱི་ལས་རིམ་ལ༔ ཐོག་མར་མཆོད་བསྟོད་སྔོན་འགྲོ་བས༔ གཏོར་མ་བདུད་རྩིར་བྱིན་གྱིས་བརླབ༔ སོ་སོའི་བསྙེན་པའི་སྔགས་ཤམ་དུ༔ ས་པ་རི་ཝཱ་ར་ཨི་དཾ་བ་ལིཾ་ཨ་མྲི་ཏ་བྷཱུཉྫ་ཁ་ཁ་ཁཱ་ཧི་ཁཱ་ཧི༔ སརྦ་ཀརྨ་ཀུ་རུ་ཧོཿ སླར་ཡང་མཆོད་བསྟོད་འདོད་དོན་གསོལ༔ གཏོར་མ་ཟག་མེད་བདུད་རྩིའི་བཅུད༔ འདོད་ཡོན་རྒྱ་མཚོའི་གཏེར་ཆེན་པོ༔ ཡེ་ཤེས་རིག་པའི་ལྷ་མོ་ཆེས༔ བཞེས་ཤིག་བདེ་བ་ཆེན་པོར་རོལ༔ བདག་ཅག་རྣལ་འབྱོར་འཁོར་བཅས་ཀྱི༔ ནད་གདོན་འཇིགས་དང་བར་ཆད་སོགས༔ མི་མཐུན་ཕྱོགས་ཀུན་ཞི་བ་དང་༔ འདོད་པའི་དངོས་གྲུབ་སྩལ་དུ་གསོལ༔ ནོངས་པ་གཤགས་ཞིང་མདུན་བསྐྱེད་ཀྱི༔ ཡེ་ཤེས་རྟེན་ལ་བརྟན་པར་བཞུགས༔ བདག་ཉིད་ལྷར་སྣང་འོད་གསལ་དབྱིངས༔ ཟབ་ཞི་སྤྲོས་པ་བྲལ་བའི་ངང་༔ སླར་ཡང་མཁའ་ལས་འཇའ་ཚོན་ལྟར༔ རྡོ་རྗེ་གསུམ་གྱི་ཕྱག་རྒྱར་བཞེངས༔ ཨོཾ་ཨཱཿཧཱུྃ་ཀཱ་ཡ་ཝཱཀ་ཙིཏཱ་ཛྙཱ་ན་བཛྲ་ཨཱཏྨ་ཀོ྅ཧཾཿ དགེ་བ་བསྔོ་ཞིང་ཤིས་པ་བརྗོད༔ བདག་གི་བསྙེན་སྒྲུབ་ཏིང་འཛིན་མཐུས༔ འགྲོ་ཀུན་འཇིགས་དང་སྡུག་བསྔལ་ཞི༔ ཡང་དག་ཡེ་ཤེས་སྣང་བ་རྒྱས༔ འཕགས་མའི་གོ་འཕང་མྱུར་ཐོབ་ཤོག༔ ཨོཾ༔ རྩ་བརྒྱུད་བླ་མའི་ཚོགས་རྣམས་ཀྱིས༔ བྱིན་གྱིས་རློབ་པའི་བཀྲ་ཤིས་ཤོག༔ ཡི་དམ་དཀྱིལ་འཁོར་རབ་འབྱམས་གྱྀས༔ དངོས་གྲུབ་སྩོལ་བའི་བཀྲ་ཤིས་ཤོག༔ དཔའ་བོ་མཁའ་འགྲོ་ཆོས་སྲུང་གིས༔ ཕྲིན་ལས་མཐར་ཕྱིན་བཀྲ་ཤིས་ཤོག༔ འཇིགས་དང་སྡུག་བསྔལ་ཀུན་ཞི་ཞིང་༔ རྟག་ཏུ་དཔལ་གནས་བཀྲ་ཤིས་ཤོག༔ དེ་ལྟར་སྦྱོར་དངོས་རྗེས་གསུམ་གྱི༔ ཕྲིན་ལས་ཚུལ་བཞིན་ཉམས་བླངས་ན༔ ལྷག་པའི་ལྷ་མོས་བྱིན་བརླབས་ནས༔ དངོས་གྲུབ་མྱུར་དུ་འཐོབ་པར་འགྱུར༔ ཞི་བྱེད་བདུན་གྱི་མན་ངག་གི་ཕྲིན་ལས་ཀྱི་རིམ་པར་ཕྱེ་བ་སྟེ་དགུ་པའོ༔ ས་མ་ཡ༔ རྒྱ་རྒྱ༔ ༡༢༣༤༥༦༔ དེ་ལྟར་ཟབ་མོའི་རྣལ་འབྱོར་ལ༔ བརྟེན་ནས་རང་དང་གཞན་ཀྱི་དོན༔ མྱུར་དུ་སྒྲུབ་པར་འདོད་པ་དེས༔ ཐོག་མར་དབང་གིས་རྒྱུད་སྨིན་བྱ༔ དབེན་ཞིང་ཡིད་མཐུན་གནས་མཆོག་ཏུ༔ དཀྱིལ་འཁོར་དབང་རྫས་མཆོད་གཏོར་བཤམ༔ སློབ་དཔོན་རང་ཉིད་ནུས་ལྡན་ཕྱིར༔ བདག་མདུན་བུམ་པ་ཚུལ་བཞིན་བསྒྲུབ༔ དད་ལྡན་དམ་ཚིག་བསྲུང་ནུས་པའི༔ སློབ་མ་ཁྲུས་བྱས་བགེགས་བསལ་ལ༔ སྲུང་བའི་འཁོར་ལོས་བརྟན་པར་བཅིང་༔ དེས་ཀྱང་གུས་པའི་བློས་བླངས་ཏེ༔ མཎྜལ་འབུལ་ཞིང་གསོལ་བ་གདབ༔ བླ་མ་གསང་སྔགས་ཆེ་བའི་མཆོག༔ རིག་པའི་ལྷ་མོ་བདག་ལ་དགོངས༔ སྐུ་གསུང་ཐུགས་ཀྱིས་བྱིན་གྱིས་རློབས༔ དབང་བསྐུར་དམ་པ་སྩལ་དུ་གསོལ༔ ལན་གསུམ་ཞུ་ཞིང་སྐྱབས་སེམས་དང་༔ རྒྱུད་སྦྱོར་སྡོམ་གཟུང་སྤྱི་ལྟར་བྱ༔ སློབ་མ་རིག་པའི་ལྷ་མོར་བསྐྱེད༔ གནས་གསུམ་བྱིན་བརླབ་ཡེ་ཤེས་པ༔ སྤྱན་དྲངས་དབྱེར་མེད་བསྟིམ་ཞིང་བརྟན༔ དེ་ནས་དངོས་གཞིའི་དབང་བསྐུར་ལ༔ སྦྱོར་བ་སྦྱིན་པའི་གཞི་དགོད་ཅིང་༔ དངོས་གཞི་སྐུ་གསུང་ཐུགས་ཡོན་ཏན༔ ཕྲིན་ལས་དབང་རྣམས་རིམ་པར་བསྐུར༔ རྗེས་ནི་ཁྱད་པར་མཐའ་རྟེན་བྱིན༔ དེ་ལ་ཐོག་མར་གཞི་དགོད་ཕྱིར༔ སློབ་དཔོན་ཐུགས་ནས་འོད་འཕྲོས་པས༔ དབང་ལྷ་ནམ་མཁའ་གང་བའི་ཚོགས༔ སྤྱན་དྲང་བུམ་པའི་དབང་བསྐུར་ནི༔ ཨོཾ༔ བཀྲ་ཤིས་དབྱིངས་ཀྱི་བུམ་པ་རུ༔ ཡེ་ཤེས་བདུད་རྩིའི་བཅུད་ཀྱིས་གཏམས༔ སྐལ་ལྡན་བུ་ལ་དབང་བསྐུར་བས༔ སྒྲིབ་དག་ནུས་པ་ཡོངས་རྫོགས་ཤོག༔ སོ་སོའི་སྔགས་ཀྱི་ཤམ་བུ་རུ༔ ཨོཾ་ཧཱུྃ་ཏྲཱྃ་ཧྲཱིཿཨཱཿཀ་ལ་ཤ་ཨ་བྷི་ཥིཉྩ་མི༔ ཞེས་བརྗོད་བུམ་ཆུ་འཐོར་འཐུང་བྱ༔ སོ་སོའི་རིགས་བདག་དབུར་བརྒྱན་བསམ༔ དངོས་གཞིར་སྐུ་ཡི་དབང་བསྐུར་ནི༔ རང་འདྲའི་གཟུགས་སྐུ་གཉིས་པ་འཕྲོས༔ སློབ་མའི་དཔྲལ་བར་ཐིམ་པར་བསམ༔ ཨོཾ༔ སངས་རྒྱས་ཀུན་དང་དབྱེར་མེད་པའི༔ སྐུ་ཡི་ཕྱག་རྒྱས་དབང་བསྐུར་བས༔ ལུས་ཀྱི་སྒྲིབ་པ་ཀུན་བྱང་ནས༔ རྡོ་རྗེའི་སྐུ་རུ་སྨིན་པར་ཤོག༔ སོ་སོའི་བསྙེན་པའི་སྔགས་ཀྱི་མཐར༔ ཀཱ་ཡ་བཛྲ་ཨ་བྷི་ཥིཉྩ་ཨོཾ༔ གསུང་དབང་བསྙེན་སྒྲུབ་བཟླས་ལུང་སྦྱིན༔ སྔགས་ཀྱི་ཕྲེང་བ་མགྲིན་པར་བཞག༔ ཨཱཿ སངས་རྒྱས་ཀུན་དང་དབྱེར་མེད་པའི༔ སྙིང་པོ་སྔགས་ཀྱིས་དབང་བསྐུར་བས༔ ངག་གི་སྒྲིབ་པ་ཀུན་བྱང་ནས༔ ནུས་པའི་གསུང་དུ་སྨིན་པར་ཤོག༔ ཝཱ་ཀ་བཛྲ་ཨ་བྷི་ཥིཉྩ་ཨཱ༔ ཐུགས་དབང་ཕྱག་མཚན་སྙིང་གར་བསྟིམ༔ ཧཱུྃ༔ སངས་རྒྱས་ཀུན་དང་དབྱེར་མེད་པའི༔ ཡེ་ཤེས་ཆེན་པོས་དབང་བསྐུར་བས༔ ཡིད་ཀྱི་སྒྲིབ་པ་ཀུན་བྱང་ནས༔ འོད་གསལ་ཐུགས་སུ་སྨིན་པར་ཤོག༔ ཙིཏྟ་བཛྲ་ཨ་བྷི་ཥིཉྩ་ཧཱུྃ༔ ཡོན་ཏན་རྒྱན་གྱིས་མངའ་ཡང་གསོལ༔ སྭཱ༔ སངས་རྒྱས་ཀུན་དང་དབྱེར་མེད་པའི༔ ལོངས་སྤྱོད་རྒྱན་གྱིས་དབང་བསྐུར་བས༔ ཉོན་མོངས་སྒྲིབ་པ་ཀུན་བྱང་ནས༔ བསམ་ཡས་ཡོན་ཏན་ཡོངས་རྫོགས་ཤོག༔ གུ་ཎ་བཛྲ་ཨ་བྷི་ཥིཉྩ་སྭཱ༔ ཕྲིན་ལས་གཏོར་མ་ལྷར་གསལ་བ༔ སྤྱི་བོར་བཞག་ཅིང་བྱིན་གྱིས་བརླབ༔ ཧཱ༔ སངས་རྐྱས་ཀུན་དང་དབྱེར་མེད་པའི༔ བྱིན་རླབས་མཆོག་གིས་དབང་བསྐུར་བས༔ ཤེས་བྱའི་སྒྲིབ་པ་ཀུན་བྱང་ནས༔ འགྲོ་འདུལ་ཕྲིན་ལས་མཐར་ཕྱིན་ཤོག༔ ཀརྨ་བཛྲ་ཨ་བྷི་ཥིཉྩ་ཧཱ༔ དེ་ནས་ཁྱད་པར་མཐའ་རྟེན་གྱི༔ རྗེས་གནང་སོ་སོར་སྦྱིན་པ་སྟེ༔ སངས་རྒྱས་སྤྱན་མའི་དབང་བསྐུར་མཐར༔ ཚུལ་བཞིན་བསྒྲུབས་པའི་རིལ་བུ་འམ༔ སྨན་མཆོག་རྒྱལ་པོ་ལག་ཏུ་གཏད༔ ཨོཾ༔ བདུད་རྩི་སྨན་གྱི་ནོར་བུ་ལ༔ རིག་པའི་རྒྱལ་མོའི་ནུས་སྟོབས་རྫོགས༔ སྐལ་ལྡན་ཁྱོད་ལ་སྦྱིན་པ་ཡིས༔ རྒྱུ་འབྲས་ནད་ཀུན་ཞི་བར་ཤོག༔ སྒྲུབ་པའི་སྔགས་ཀྱི་ཤམ་བུ་རུ༔ བྷེ་ཥ་ཛྱཻ་རཱ་ཛ་ཨ་མྲྀ་ཏ་ཨ་བྷི་ཥིཉྩཱ་མི༔ སྤྲོ་ན་ཁྲུས་ཀྱི་ཆོ་ག་ཡང་༔ མཐའ་རྒྱས་ཚུལ་དུ་སྦྱར་བར་བྱ༔ ནད་ཀྱི་གདུང་བ་ཀུན་ཞི་འགྱུར༔ ལོ་མ་ཅན་མའི་དབང་བསྐུར་མཐར༔ གཉེན་པོའི་སྨན་གྱི་རིལ་བུའམ༔ སྤྲུ་ནག་ཤུ་དག་གུ་གུལ་ལ༔ སྔགས་ཀྱིས་བཏབ་པ་ལག་ཏུ་གཏད༔ པྃ༔ ནད་གདོན་གདུག་པའི་གཉེན་པོའི་སྨན༔ རྡོ་རྗེ་སྔགས་ཀྱིས་བྱིན་བསྐྱེད་པ༔ སྐལ་ལྡན་ཁྱོད་ལ་སྦྱིན་པ་ཡིས༔ མི་བཟད་ནད་ཀུན་ཞི་བར་ཤོག༔ སརྦ་ཛྭ་ར་པྲ་ཤ་མ་ཨ་བྷི་ཥིཉྩ་མི༔ དུད་པས་ཀྱང་ནི་བདུག་པར་བྱ༔ དལ་ཡམས་གདུག་པ་ཀུན་ཞི་འགྱུར༔ འོད་ཟེར་ཅན་མའི་དབང་བསྐུར་མཐར༔ སེང་ལྡེང་རྡོ་རྗེའི་དབྱུག་པ་གཏད༔ མཱྃ༔ དབང་བའི་རྡོ་རྗེའི་དབྱུག་པ་ཡིས༔ གདོན་དགྲ་བར་ཆད་འཇོམས་པར་བྱེད༔ སྐལ་ལྡན་ཁྱོད་ལ་གཏད་པ་ཡིས༔ ཕས་རྒོལ་གདུག་པ་ཀུན་ཞི་ཤོག༔ བཛྲ་དཎྜ་ཛྭ་ལ་ཨ་བྷི་ཥིཉྩཱ་མི༔ གཟུགས་ཅན་དགྲ་དང་གཟུགས་མེད་བགེགས༔ ཕས་རྒོལ་ཐམས་ཅད་ཞི་བར་འགྱུར༔ གཙུག་ཏོར་ཆེན་མོའི་དབང་གི་མཐར༔ གཞན་གྱིས་མི་ཐུབ་ཕུར་བུ་གཏད༔ ཨོཾ༔ སངས་རྒྱས་ཕྲིན་ལས་ཀཱི་ལ་ཡ༔ གཞན་གྱིས་མི་ཐུབ་ངོ་བོར་རྫོགས༔ སྐལ་ལྡན་ཁྱོད་ལ་གཏད་པ་ཡིས༔ བྱད་ཕུར་རྦོད་གཏོང་ཀུན་ཞི་ཤོག༔ ཨ་པ་རཱ་ཛི་ཏཱ་ཀཱི་ལཱ་ཡ་ཨ་བྷི་ཥིཉྩཱ་མི༔ ཕུར་པ་འདྲིལ་ཞིང་ཕྱོགས་བཅུར་གདེངས༔ བྱད་གདོན་ཐམས་ཅད་བརླག་པར་བསམ༔ སྤྲོ་ན་འདིའམ་སྡོམ་གཟུང་རྗེས༔ བྱད་འགྲོལ་ཆོ་ག་ཚུལ་བཞིན་བྱ༔ བྱད་ཕུར་རྦོད་གཏོང་ཀུན་ཞི་འགྱུར༔ ཤེར་ཕྱིན་དཀར་མོའི་དབང་གི་མཐར༔ ཆོ་གས་བསྒྲུབས་པའི་སྨན་མར་རམ༔ ཤུ་དག་དཀར་པོ་སྔགས་བཏབ་སྦྱིན༔ པྲྃ༔ ཤེས་རབ་ཕ་རོལ་ཕྱིན་མ་ཡི༔ ཡེ་ཤེས་ཆེན་པོའི་རྫས་མཆོག་འདི༔ སྐལ་ལྡན་ཁྱོད་ལ་སྦྱིན་པ་ཡིས༔ སྡུག་བསྔལ་རྒྱུ་འབྲས་ཞི་བར་ཤོག༔ སརྦ་དུཿཁ་པྲ་ཤ་མ་ཨ་བྷི་ཥིཉྩཱ་མི༔ རྣམ་གཡེང་གཏི་མུག་སྙིང་གཟེར་སོགས༔ ལུས་སེམས་སྡུག་བསྔལ་ཀུན་ཞི་འགྱུར༔ སྒྲོལ་མ་དཀར་མོའི་དབང་གི་མཐར༔ པདྨའི་ཕྱག་རྒྱ་སྤྱི་བོར་བཀོད༔ ཏཱྃ༔ སངས་རྒྱས་ཀུན་གྱི་བདག་ཉིད་ཆེ༔ ཕྱག་རྒྱ་སྔགས་ཀྱི་མཐུ་ཆེན་པོས༔ སྐལ་ལྡན་ཁྱོད་ལ་བྱིན་བརླབས་པས༔ ཕྱི་ནང་འཇིགས་པ་ཀུན་ཞི་ཤོག༔ མ་ཧཱ་མུ་དྲ་རཀྵཱ་ཧཾ་ཨ་བྷི་ཥིཉྩཱ་མི༔ འཇིགས་པ་ཀུན་ཞི་སྲུང་བར་འགྱུར༔ རྨ་བྱ་ཆེན་མོའི་དབང་གི་མཐར༔ ཚེ་འགུགས་འབྲང་རྒྱས་སྤྱི་བོར་བཀོད༔ མྃ༔ ཚེ་ཡི་འབྲང་རྒྱས་འོད་དུ་འབར༔ རིག་པ་ཆེན་མོའི་ངོ་བོར་བཞུགས༔ སྐལ་ལྡན་ཁྱོད་ལ་དབང་བསྐུར་བས༔ དུས་མིན་འཆི་བ་ཀུན་ཞི་ཤོག༔ བཛྲ་ཨ་ཡུ་ཥེ་ཨ་བྷི་ཥིཉྩཱ་མི༔ ཐོད་རྫས་བཅུད་ལེན་རིལ་བུ་དང་༔ ཚེ་ཡི་བཟའ་བ་གཡས་སུ་སྦྱྀན༔ ཧཱུྃ༔ འཁོར་འདས་དྭང་མ་འདུས་པའི་བཅུད༔ འཆི་མེད་ཚེ་ཡི་དམ་རྫས་འདི༔ སྐལ་ལྡན་ཁྱོད་ལ་བྱིན་པ་ཡིས༔ ཐབས་མཆོག་ཚེ་ཡི་དཔལ་ཐོབ་ཤོག༔ རཱ་ས་ཡཱ་ན་ཨ་བྷི་ཥིཉྩཱ་མི༔ ཚེ་ཡི་བཏུང་བ་གཡོན་དུ་སྦྱིན༔ ཧྲཱི༔ བརྟན་གཡོའི་དྭངས་མ་བདུད་རྩིའི་རྒྱུན༔ ཚེ་ཡི་བཏུང་བ་དམ་པ་འདི༔ སྐལ་ལྡན་ཁྱོད་ལ་བྱིན་པ་ཡིས༔ ཤེས་རབ་ཚེ་ཡི་དཔལ་ཐོབ་ཤོག༔ ཨ་མྲྀ་ཏ་ཨ་བྷི་ཥིཉྩཱ་མི༔ ཚེ་བཅུད་སྦ་ཞིང་ཕྱག་རྒྱས་གདབ༔ སྤྲོ་ན་འཆི་བ་བསླུ་བ་དང་༔ ཁྲུས་ཀྱི་ཆོ་ག་ཚུལ་བཞིན་བྱ༔ དེས་ནི་ཚེ་ཡི་བར་ཆད་ཞི༔ ཚེ་དང་ཡེ་ཤེས་དཔལ་འཕེལ་འགྱུར༔ དེ་རྣམས་ཀུན་གྱི་མཐའ་རྟེན་དུ༔ ཤིས་པའི་རྫས་ཀྱིས་མངའ་གསོལ་ཞིང་༔ བདེན་ཚིག་ཤིས་བརྗོད་མེ་ཏོག་འཐོར༔ རྗེས་ཀྱི་རིམ་པ་སྤྱི་ལྟར་བྱ༔ དེ་ལྟར་ཟབ་མོའི་དབང་བསྐུར་དག༔ སྨིན་པར་ཐོབ་པའི་སྐལ་ལྡན་རྣམས༔ གནས་སྐབས་མི་མཐུན་ཕྱོགས་ཀུན་ཞི༔ དཔལ་དང་བཀྲ་ཤིས་བདེ་ལེགས་འཕེལ༔ བསྙེན་སྒྲུབ་ཉམས་ལེན་སྣོད་དུ་འགྱུར༔ མཐར་ཐུག་བླ་མེད་བྱང་ཆུབ་འཐོབ༔ དེ་ཕྱིར་ཤིན་ཏུ་གཅེས་པར་ཟུངས༔ ཞི་བྱེད་བདུན་གྱི་མན་ངག་གི་དབང་བསྐུར་བའི་རིམ་པར་ཕྱེ་བ་སྟེ་བཅུ་པའོ༔ ས་མ་ཡ༔ རྒྱ་རྒྱ༔ ༡༢༣༤༥༦༧༔ ཟབ་མོའི་རྣལ་འབྱོར་ལ་བརྟེན་ནས༔ མི་མཐུན་རབ་ཏུ་ཞི་བྱེད་ལམ༔ གུད་དུ་སྦས་པའི་མན་ངག་ནི༔ སྐལ་ལྡན་མཆོག་གི་སྤྱོད་ཡུལ་ལོ༔ དེ་ལ་ཐོག་མར་མཚན་བཅས་ཀྱི༔ ཏིང་ངེ་འཛིན་ལ་བརྟེན་པ་ནི༔ འདི་ལྟར་སེམས་ཅན་ཐམས་ཅད་ཀུན༔ རང་གི་སྐྱེ་བ་གྲངས་མེད་ནས༔ མར་གྱུར་དྲིན་ཅན་ཤ་སྟག་སྟེ༔ ད་ལྟ་སྡུག་བསྔལ་རྒྱ་མཚོར་བྱིངས༔ ནད་གདོན་བགེགས་སོགས་མི་མཐུན་པའི༔ འགལ་རྐྱེན་དྲྭ་བ་བཞིན་དུ་འཛིངས༔ ཤིན་ཏུ་ཉམ་ཐག་གྱུར་པ་ལ༔ བྱམས་དང་སྙིང་རྗེ་ཆེར་བསྐྱེད་ནས༔ ནད་ཀྱི་སྡུག་བསྔལ་ཞི་བའི་ཕྱིར༔ དེ་རྣམས་ནད་ཀྱི་རྒྱུ་འབྲས་ཀུན༔ གཙོ་བོར་གཏི་མུག་མཐུས་བསྐྱེད་པས༔ གཏི་མུག་ལས་དང་བཞི་བརྒྱའི་ནད༔ ཐམས་ཅད་འོད་ཟེར་དཀར་སྨུག་གི༔ རྣམ་པར་བསྡུས་ཏེ་རང་ལ་ཐིམ༔ རང་ཉིད་སྤྱན་མར་གསལ་བ་ཡི༔ ཐུགས་ཀའི་ས་བོན་སྔགས་ཕྲེང་ལས༔ འོད་ཟེར་བདུད་རྩི་ཆར་ལྟར་བབས༔ ལྷག་མེད་རིང་དུ་སྦྱངས་པར་བསམ༔ རང་གི་ནད་མེད་བདེ་བ་དང་༔ གཏི་མུག་མེད་པའི་དགེ་ཚོགས་ཀུན༔ བཅོམ་ལྡན་སངས་རྒྱས་སྤྱན་མ་ཡི༔ ལྷ་སྔགས་འོད་ཟེར་རྣམ་པར་འཕྲོས༔ སེམས་ཅན་ཀུན་ལ་ཐིམ་པ་ཡིས༔ རྒྱུ་འབྲས་ནད་རྣམས་ཀུན་ཞི་ཞིང་༔ ལུས་སེམས་བདེ་བས་ཁྱབ་པར་བསྒོམ༔ སྒྲུབ་པའི་སྔགས་བཟླས་ཏིང་འཛིན་གསལ༔ རང་གཞན་ནད་ཀུན་ཞི་བར་འགྱུར༔ བྱང་ཆུབ་བསོད་ནམས་བླ་མེད་འཐོབ༔ དེ་བཞིན་སེམས་ཅན་ཐམས་ཅད་ཀྱི༔ ཞེ་སྡང་རྒྱུ་འབྲས་ལས་བྱུང་བའི༔ གཉན་རིམས་ལ་སོགས་གདུག་པའི་ནད༔ དལ་ཡམས་ཚུལ་དུ་འཕྲོ་བ་ཀུན༔ འོད་ཟེར་མཐིང་ནག་རྣམ་པར་བསྡུས༔ རི་ཁྲོད་ལྷ་མོའི་ཏིང་འཛིན་དང་༔ སྔགས་ཀྱི་འོད་ཟེར་འབར་བས་སྦྱངས༔ རང་གི་ནད་མེད་བདེ་བ་དང་༔ ཞེ་སྡང་མེད་པའི་དགེ་ཚོགས་ཀུན༔ ལྷ་སྔགས་བདུད་རྩིའི་འོད་ཟེར་སྤྲོས༔ སེམས་ཅན་ཀུན་ལ་ཐིམ་པ་ཡིས༔ ཞེ་སྡང་རྒྱུ་འབྲས་ལས་བྱུང་བའི༔ དལ་ཡམས་གདུང་བ་ཀུན་ཞི་བསམ༔ དེ་བཞིན་སེམས་ཅན་ཐམས་ཅད་ཀྱི༔ ང་རྒྱལ་རྒྱུ་འབྲས་ལས་བྱུང་བའི༔ གདོན་བགེགས་དགྲ་དང་ཆོམ་རྐུན་སོགས༔ རྣམ་མང་འཚེ་བའི་སྡུག་བསྔལ་ཀུན༔ འོད་ཟེར་སེར་ནག་རྣམ་པར་བསྡུས༔ འོད་ཟེར་ཅན་མའི་ཏིང་འཛིན་དང་༔ སྔགས་ཀྱི་འོད་ཟེར་འབར་བས་སྦྱངས༔ རང་ཉིད་འཚེ་བྲལ་བདེ་བ་དང་༔ ང་རྒྱལ་མེད་པའི་དགེ་ཚོགས་ཀུན༔ ལྷ་སྔགས་བདུད་རྩིའི་འོད་ཟེར་སྤྲོས༔ སེམས་ཅན་ཀུན་ལ་ཐིམ་པ་ཡིས༔ ང་རྒྱལ་རྒྱུ་འབྲས་ལས་བྱུང་བའི༔ ཉེར་འཚེ་ཐམས་ཅད་ཞི་བར་བསམ༔ དེ་བཞིན་སེམས་ཅན་ཐམས་ཅད་ཀྱི༔ ཕྲག་དོག་རྒྱུ་འབྲས་ལས་བྱུང་བའི༔ བྱད་ཕུར་རྦོད་གཏོང་འཆིང་བ་ཀུན༔ འོད་ཟེར་ལྗང་ནག་རྣམ་པར་བསྡུས༔ གཙུག་ཏོར་ཆེན་མོའི་ཏིང་འཛིན་དང་༔ སྔགས་ཀྱི་འོད་ཟེར་འབར་བས་སྦྱངས༔ རང་ཉིད་འཚེ་བྲལ་བདེ་བ་དང་༔ ཕྲག་དོག་མེད་པའི་དགེ་ཚོགས་ཀུན༔ ལྷ་སྔགས་བདུད་རྩིའི་འོད་ཟེར་སྤྲོས༔ སེམས་ཅན་ཀུན་ལ་ཐིམ་པ་ཡིས༔ ཕྲག་དོག་རྒྱུ་འབྲས་ལས་བྱུང་བའི༔ བྱད་ཕུར་རྦོད་གཏོང་ཀུན་ཞི་བསམ༔ དེ་བཞིན་སེམས་ཅན་ཐམས་ཅད་ཀྱི༔ འདོད་ཆགས་རྒྱུ་འབྲས་ལས་བྱུང་བའི༔ ལུས་དང་སེམས་ལ་ཞེན་པའི་ནད༔ སྡུག་བསྔལ་ཡིད་མི་བདེ་བ་ཀུན༔ འོད་ཟེར་དམར་ནག་རྣམ་པར་བསྡུས༔ ཤེར་ཕྱིན་དཀར་མོའི་ཏིང་འཛིན་དང་༔ སྔགས་ཀྱི་འོད་ཟེར་འབར་བས་སྦྱངས༔ རང་གི་ལུས་སེམས་བདེ་བ་དང་༔ འདོད་ཆགས་མེད་པའི་དགེ་ཚོགས་ཀུན༔ ལྷ་སྔགས་བདུད་རྩིའི་འོད་ཟེར་སྤྲོས༔ སེམས་ཅན་ཀུན་ལ་ཐིམ་པ་ཡིས༔ འདོད་ཆགས་རྒྱུ་འབྲས་ལས་བྱུང་བའི༔ སྡུག་བསྔལ་ཐམས་ཅད་ཞི་བར་བསམ༔ དེ་བཞིན་སེམས་ཅན་ཐམས་ཅད་ཀྱི༔ ལོག་ལྟའི་རྒྱུ་འབྲས་ལས་བྱུང་བའི༔ སེང་གེ་གླང་ཆེན་གཡུལ་འཁྲུགས་སོགས༔ རྣམ་མང་འཇིགས་པའི་ཚོགས་རྣམས་ཀུན༔ འོད་ཟེར་སྨུག་ནག་རྣམ་པར་བསྡུས༔ རྗེ་བཙུན་སྒྲོལ་མའི་ཏིང་འཛིན་དང་༔ སྔགས་ཀྱི་འོད་ཟེར་འབར་བས་སྦྱངས༔ རང་ཉིད་འཇིགས་མེད་བདེ་བ་དང་༔ ལོག་ལྟ་མེད་པའི་དགེ་ཚོགས་ཀུན༔ ལྷ་སྔགས་བདུད་རྩིའི་འོད་ཟེར་སྤྲོས༔ སེམས་ཅན་ཀུན་ལ་ཐིམ་པ་ཡིས༔ ལོག་ལྟའི་རྒྱུ་འབྲས་ལས་བྱུང་བའི༔ འཇིག་པའི་ཚོགས་ལས་དབུགས་ཕྱུང་བསམ༔ དེ་བཞིན་སེམས་ཅན་ཐམས་ཅད་ཀྱི༔ ཐེ་ཚོམ་རྒྱུ་འབྲལ་ལས་བྱུང་བའི༔ དུས་མིན་འཆི་བའི་སྡུག་བསྔལ་ཀུན༔ འོད་ཟེར་དུད་ཀའི་རྣམ་པར་བསྡུས༔ རྨ་བྱ་ཆེན་མོའི་ཏིང་འཛིན་དང་༔ སྔགས་ཀྱི་འོད་ཟེར་འབར་བས་སྦྱངས༔ རང་ཉིད་འཚོ་བའི་བདེ་བ་དང་༔ ཐེ་ཚོམ་མེད་པའི་དགེ་ཚོགས་ཀུན༔ ལྷ་སྔགས་བདུད་རྩིའི་འོད་ཟེར་སྤྲོས༔ སེམས་ཅན་ཀུན་ལ་ཐིམ་པ་ཡིས༔ ཐེ་ཚོམ་རྒྱུ་འབྲས་ལས་བྱུང་བའི༔ དུས་མིན་འཆི་བ་ཀུན་ཞི་བསམ༔ དེ་ལྟར་དེ་རྣམས་ཐམས་ཅད་ཀྱང་༔ ཐོག་མར་འབྱོངས་པར་སྦ་བའི་ཕྱིར༔ རང་གི་རྩ་བའི་མ་ལ་བསྒོམ༔ དེ་ནས་གཉེན་སོགས་དགའ་འདུན་དང་༔ སྐྱེ་བར་དཀའ་བའི་དགྲ་གདོན་བགེགས༔ མཐར་གྱིས་མཁའ་ཁྱབ་ཡིད་ཅན་ལ༔ ཕྱོགས་ལྷུང་མེད་པར་ཁྱབ་གདལ་བཏང་༔ ཁྱད་པར་རང་ལ་བསྐྱབ་པ་དང་༔ མགོན་མེད་ཉམ་ཐག་མངོན་གྱུར་ལ༔ བཀོལ་ཏེ་བསྒོམས་པས་དོན་ཆེན་འགྲུབ༔ རང་གཞན་མི་མཐུན་འགལ་རྐྱེན་ཞི༔ ཕན་བདེ་བླ་ན་མེད་པར་འགྱུར༔ མཚན་མ་མེད་པའི་ཏིང་ངེ་འཛིན༔ དེ་ཁོ་ན་ཉིད་བསྒོམ་པ་ནི༔ རང་གཞན་ནད་གདོན་ཉེར་འཚེ་དང་༔ འཇིགས་དང་སྡུག་བསྔལ་ཐམས་ཅད་ཀུན༔ སྔོན་དང་འཕྲལ་གྱི་ལས་ལས་བྱུང་༔ ལས་ནི་ཉོན་མོངས་ལས་བྱུང་སྟེ༔ ཉོན་མོངས་རྣམ་རྟོག་གཞན་དབང་ཅན༔ རྣམ་རྟོག་སེམས་ཀྱི་མཚང་བཙལ་ནས༔ སྐྱེ་མེད་གཉུག་མར་མཉམ་གནས་པས༔ རྟོག་པའི་ཕུང་པོ་བརྒྱད་ཁྲིད་ཡང་༔ རང་བཞིན་ངང་གིས་གྲོལ་འགྱུར་ན༔ འགལ་རྐྱེན་ཙམ་ལ་སྨོས་ཅི་དགོས༔ དེ་བས་སྔགས་ཤེས་རྣལ་འབྱོར་པ༔ ཟབ་མོའི་དོན་ལ་བློ་གཞོལ་བས༔ སྤྲོས་པ་ཐམས་ཅད་ཡོངས་སྤངས་ནས༔ འབད་པས་དེ་ཁོ་ན་ཉིད་བསྒོམ༔ ལུས་གནད་བསྲངས་ལ་རླུང་རོ་བསལ༔ དྲན་པ་མངོན་དུ་བཞག་བྱས་ཏེ༔ ངེས་པར་འབྱུང་དང་བྱང་སེམས་བསྐྱེད༔ བླ་མར་གསོལ་བ་དྲག་ཏུ་གདབ༔ ཐུགས་ཡིད་བསྲེས་ལ་མཉམ་བཞག་དང་༔ འདི་ལྟར་འཇིག་རྟེན་ཐམས་ཅད་ཀྱི༔ འགལ་རྐྱེན་ཉེར་འཚེའི་སྡུག་བསྔལ་ཀུན༔ བདག་ཏུ་འཛིན་པ་ལས་བྱུང་སྟེ༔ བདག་ལས་ཕ་རོལ་གཞན་དུ་མཐོང་༔ དེ་ལས་ཆགས་སོགས་ཉོན་མོངས་ཀྱིས༔ ཀུན་བསླངས་མི་དགེའི་ལས་བསགས་པས༔ འབྲས་བུ་སྡུག་བསྔལ་བདེན་པར་སྨིན༔ འགྲོ་བ་དྲུག་གི་གནས་རིས་སུ༔ རྣམ་མང་ལུས་དང་ཉེར་སྤྱོད་དང་༔ འཇིགས་དང་སྡུག་བསྔལ་སྣ་ཚོགས་པ༔ མེད་བཞིན་རྨི་ལམ་ལྟ་བུར་མྱོང་༔ དེ་ལྟར་འཁྲུལ་པའི་འགྲོ་ཀུན་ལ༔ དམིགས་པ་མེད་པའི་སྙིང་རྗེ་བསྐྱེད༔ སྙིང་རྗེའི་ངོ་བོ་སྟོང་པར་ཤར༔ སྟོང་པ་སོ་སོར་རང་རིག་པ༔ དེ་ཁོ་ན་ཉིད་ལྷུམས་སུ་ཞུགས༔ མདོར་ན་གང་ཟག་གཟུང་འཛིན་གྱི༔ ཞེན་པའི་མདུད་པ་ཇི་སྙེད་ཀུན༔ སོ་སོའི་རྟེན་འབྲེལ་ཚོགས་པ་ལ༔ བརྟེན་ནས་བཏགས་པ་ཁོ་ན་སྟེ༔ ཉམས་དགའ་སེམས་ཀྱི་རོལ་པ་ཡིན༔ སེམས་ཉིད་སྐྱེ་མེད་འགག་པ་མེད༔ གནས་མེད་དམིགས་མེད་འགྲོ་འོང་བྲལ༔ གདོད་ནས་རང་བཞིན་སྟོང་པ་སྟེ༔ གསལ་རིག་ཙམ་དུ་རྒྱུན་མི་འཆད༔ དེ་ཡང་སྨྲ་བསམ་བརྗོད་ལས་འདས༔ བྱར་མེད་གཉུག་མར་ཡོངས་ཤེས་པས༔ མ་བཅོས་མ་བསླད་རང་རིག་པ༔ མི་འགྱུར་ནམ་མཁའི་སྲོག་བཟུང་ནས༔ ཆུ་བོའི་རྒྱུན་ནི་རབ་འབབས་ལྟར༔ མཉམ་གཞག་དགོངས་པའི་གདིང་རྙེད་ན༔ སྣང་སེམས་རོ་གཅིག་འོད་གསལ་ངང་༔ འཇིགས་དང་སྡུག་བསྔལ་རྟོག་པ་ཀུན༔ སྦྲུལ་མདུད་བཞིན་དུ་རང་སར་གྲོལ༔ བདེ་ཆེན་ཡེ་ཤེས་རང་ལས་ཤར༔ འགྲོ་འདུལ་ཐུགས་རྗེ་རྒྱུན་མི་འཆད༔ གཟུང་འཛིན་འཁྲུལ་པ་རབ་ཞི་བའི༔ དོན་གྱི་ཕྲིན་ལས་མཐར་ཕྱིན་འགྱུར༔ ཞི་བྱེད་བདུན་གྱི་མན་ངག་གི་རྣལ་འབྱོར་ཟབ་མོའི་རིམ་པར་ཕྱེ་བ་སྟེ་བཅུ་གཅིག་པའོ༔ ས་མ་ཡ༔ རྒྱ་རྒྱ༔ ༡༢༣༤༥༔ བླ་མ་བརྒྱུད་པ་ལས་འོངས་པའི༔ ཟབ་མོའི་ཏནྟྲ་མང་པོའི་དོན༔ ཞི་བྱེད་བདུན་གྱི་མན་ངག་མཆོག༔ ཤིན་ཏུ་གསལ་བར་བཤད་པ་འདི༔ བདག་ཉིད་པདྨ་སཾ་བྷ་ཝས༔ ད་ལྟའི་སྣོད་ལྡན་འདུས་པ་དང་༔ མ་འོངས་འགྲོ་བའི་དོན་དུ་གདམས༔ ཡལ་བར་མ་དོར་ཉམས་སུ་ལོངས༔ གནས་སྐབས་མཐར་ཐུག་ཕྱི་ནང་གི༔ འཇིགས་དང་སྡུག་བསྔལ་ཀུན་ཞི་ཞིང་༔ ལམ་གྱི་ཡོན་ཏན་རབ་ཏུ་འཕེལ༔ བྱང་ཆུབ་གོ་འཕང་མྱུར་ཐོབ་ཤོག༔ ས་མ་ཡ༔ རྒྱ་རྒྱ་རྒྱ༔ རྒྱ་གར་གྱི་མཁན་པོ་པདྨ་སཾ་བྷ་ཝ་དང་༔ ལྷ་སྲས་ལོ་ཙ་བ་རོལ་པ་ཡེ་ཤེས་རྩལ་གྱིས་མཆིམས་ཕུ་རྫའི་ར་བར་བསྒྱུར་བའོ། །སླར་ཡང་བཀའ་སྩལ་པ༔ ཞི་བྱེད་བདུན་གྱི་མན་ངག་འདི༔ ད་ལྟའི་མངའ་བདག་ཡབ་སྲས་དང་༔ སྣོད་ལྡན་མཚན་ལྡན་ཚོགས་རྣམས་ལ༔ སྨིན་གྲོལ་གདམས་པ་ཆིག་རྫོགས་བསྟན༔ རང་རང་གསང་བས་ཉམས་སུ་ལོངས༔ སྙིགས་མའི་འགྲོ་ལ་ཕན་པའི་ཕྱིར༔ སྐྱིད་སྨད་ཀླུངས་ཆེན་འདུས་པའི་མདོ༔ ལྷ་རི་བྲག་ལ་གཏེར་དུ་བསྡམས༔ ལྷ་བཙན་སྤུན་བདུན་སྲུང་མར་བསྐོས༔ ནམ་ཞིག་དྲུག་ཅུ་ཁ་རལ་དུས༔ དམ་འཛིན་ལོ་ཙཱའི་སྐྱེ་བའི་མཐའ༔ ལྷ་རིགས་སྔོན་མོའི་མིང་དང་འཕྲད༔ དེས་ཀྱང་གསང་བས་ཉམས་བླངས་ཏེ༔ རང་གཞན་དོན་འགའ་སྒྲུབ་པར་བྱེད༔ ཤོག་སེར་ཡང་རྫོང་བྲག་ཏུ་སྦོས༔ སླར་ཡང་སུམ་ཅུ་ཁ་རལ་དུས༔ ལྷ་སྲས་རང་གི་སྐྱེ་བའི་མཐའ༔ མཆོག་གི་མིང་ཅན་སྐལ་བར་ཐོབ༔ མངའ་བདག་སྐྱེ་བས་མཚམས་སྦྱར་ནས༔ བཻ་རོ་ནམ་སྙིང་རྒྱལ་མཆོག་དབྱངས༔ བདུད་འཇོམས་ལང་གྲོ་དཔལ་གྱི་སེང་༔ ཆོས་རྒྱལ་ཡབ་སྲས་གཟུངས་མང་བཅས༔ དེ་ལ་སོགས་པའི་སྐྱེ་བའི་མཐས༔ རང་གཞན་དོན་མང་དཔལ་ལ་སྤྱོད༔ ཕན་པ་བླ་ན་མེད་པར་འགྱུར༔ ཞེས་གསུངས་སོ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གསང་རྒྱ༔ སྤེལ་རྒྱ༔ རྒྱ་རྒྱ་རྒྱ༔ མནྟ་གུཧྱ་ཁ་ཐཾ༔ ཞི་བྱེད་བདུན་གྱི་མན་ངག་ཟབ་མོ་འདི་ཉིད་འུ་ཤངས་རྡོའི་ནུབ་ཕྱོགས་ལྷ་རི་རོལ་པོའི་བྲག་ཏུ་སྦས་པ་གཏེར་སྟོན་ལྷ་བཙུན་སྔོན་མོའམ་ལྷ་དབང་རྒྱ་མཚོ་བློ་གྲོས་ཀྱིས་རབ་བྱུང་གཉིས་པའི་དུས་སྤྱན་དྲངས༔ མ་ཕྱི་སྦྲགས་ཀྱི་ཡང་རྫོང་དུ་སྦས་པ་ཉིད་ཕྱིས་རབ་ཚེས་ས་ཕོ་འབྲུག་གི་ལོར་སྤྲུལ་པའི་གཏེར་སྟོན་ཆེན་པོ་མཆོག་གྱུར་བདེ་ཆེན་ཞིག་པོ་གླིང་པས་གསང་གཏེར་གྱི་ཚུལ་དུ་སྤྱན་དྲངས་པའི་ཟབ་ཤོག་སེར་པོ་ལས་པདྨ་འོད་གསལ་མདོ་སྔགས་གླིང་པས་ལེགས་པར་གཏན་ལ་ཕབ་པ་བསྟན་པ་དང་སེམས་ཅན་ལ་ཕན་པ་རྒྱ་ཆེན་པོ་འབྱུང་བའི་རྒྱུར་གྱུར་ཅིག །།

[edit]

\u0f01\u0f83:__zhi byed bdun gyi man ngag bdud rtsi'i bum pa bzhugs so:_23456789\u0f7f_:rgya gar skad du:__sap+ta sha maM ka ra u pa de sha:__bod skad du:__zhi byed bdun gyi man ngag:__bcom ldan 'das dpal gsang ba 'dzin pa'i bdag po la phyag 'tshal lo:__snang ba mtha' yas thugs rje'i gter:__gsang bdag nA gA rdzu na las:__rim par 'ongs pa'i gdams ngag bcud:__pad+ma badz+ra bdag gis bshad:__sa ma ya:__rlung mkhris bad kan 'dus pa sogs:__las dang rkyen las gyur pa yi:__nad kyi gdung ba zhi 'dod na:__sangs rgyas spyan ma bsgrub par bya:__aH__stong pa nyid dang snying rje che:__zung 'jug rig rtsal oM dkar po:__de nyid yongs gyur skad cig gis:__pad+ma zla ba'i gdan gyi steng :__sangs rgyas spyan ma sku mdog dkar:__phyag g.yas mchog sbyin g.yon pa ni:__skyabs sbyin phyag rgyas ut+pa la:__'khor lo spyan gyis mtshan pa bsnams:__dar dang rin chen rgyan gyis mdzes:__shin tu zhi zhing sgeg pa'i nyams:__zhabs zung sems ma'i skyil krung bzhugs:__nad kyi gdung ba kun sel ba'i:__zla ba bdud rtsi'i 'od zer 'phro:__gnas gsum oM AHhU~M gis mtshan:__rdo rje gsum du byin gyis brlabs:__thugs nas 'phros pa'i 'od zer gyis:__ye shes spyan drangs gnyis med thim:__dbang lhas dbang bskur rigs kyi bdag:__rnam par snang mdzad dbur brgyan bsam:__bzhugs gsol phyag mchod bstod pa bya:__thugs kar bdud rtsi'i rang bzhin gyi:__zla steng oM mthar sngags kyis bskor:__'od 'phros bde gshegs rab 'byams kyi:__byin rlabs bdag la thim par gyur:__oM ru ru s+phu ru dz+wa la tiSh+Tha sid+d+hi lo tsa na sarba ar+tha sA d+ha na swA hA:__'bum phrag bzhi bzlas bsnyen pa'o:__slar yang sgrub pa'i rim pa ni:__thugs srog sngags phreng bcas pa las:__'od zer bdud rtsi'i char du babs:__rang gzhan lus kyi nang kun gang :__rgyu 'bras nad kun zhi bar bsam:__swA hA'i gong du sngags 'di spel:__sarba ro ga pra sha ma na ya:__'bum phrag gcig bzlas 'grub par 'gyur:__de nas las la sbyar ba ni:__nad rnams kun sel a ru ra:__gser mdog lcags kyi rtsi blangs pa:__gtso gyur ba ru skyu ru ra:__bzang drug cong zhi brag gi zhun:__ma nu ru rta ba sha ka:__se 'bru gi waM shu dag nag:__spang spos tig+ta pri yaM ku:__a gar gu gul ming can nag:__ut+pal sngon po dang bcas pa:__zhib par btags la ril bur dril:__sngags kyis btab nas khong du btang :__bzhi brgya rtsa bzhi'i nad sel zhing :__gdon dang bgegs kun zhi bar 'gyur:__yang na chu bskol tsha mo la:__sngags kyis btab nas btang ba'am:__bum par lha bskyed rig pa bzlas:__bdud rtsir zhu ba'i chu rgyun gyis:__bkrus dang 'thor 'thung bgyis pas kyang :__phan pa 'phral du ster bar byed:__nad thams cad rab tu zhi bar byed pa sangs rgyas spyan ma dkar mo'i man ngag gi rim par phye ba ste dang po'o:__sa ma ya:__rgya rgya:_123\u0f7f_nyin gcig pa sogs rims dang ni:__gnyan rgod gag lhog 'brum pa sogs:__dal yams gdug pa zhi 'dod na:__ri khrod lha mo bsgom par bya:__aH__stong pa nyid dang snying rje che:__zung 'jug rig rtsal ba~M dkar po:__de nyid yongs gyur skad cig gis:__pad+ma zla ba'i gdan gyi steng :__ri khrod lha mo sku mdog dkar:__phyag g.yas mchog sbyin g.yon pa ni:__skyabs sbyin shing lo'i sbrang g.yab bsnams:__dar dang rin chen rgyan gyis mdzes:__shing lo gsar pa'i sham thabs can:__zhi 'dzum cung zad khros pa'i nyams:__zhabs gnyis phyed skyil rol pas 'gying :__mchog sbyin rtse las rims nad kyi:__gdung sel bdud rtsi'i chu rgyun 'bebs:__gnas gsum oM AHhU~M gis mtshan:__rdo rje gsum du byin gyis brlabs:__thugs nas 'phros pa'i 'od zer gyis:__ye shes spyan drangs gnyis med thim:__dbang lhas dbang bskur rigs kyi bdag:__mi bskyod rdo rjes dbur brgyan bsam:__thugs kar bdud rtsi'i rang bzhin gyi:__zla steng pa~M mthar sngags kyis bskor:__'od 'phros bde gshegs rab 'byams kyi:__byin rlabs bdag la thim par gyur:__oM pi sha tsi par+Na sha ba rI ba~M swA hA:__'bum phrag bzhi bzlas bsnyen pa'o:__slar yang sgrub pa'i rim pa ni:__thugs srog sngags phreng bcas pa las:__'od zer dpag yas nam mkhar 'phros:__sprin phung lta bur khyab pa las:__sngags kyi nus pa yongs rdzogs pa'i:__bdud rtsi sman gyi char chen babs:__rang gzhan lus kyi phyi nang bkrus:__nad kyi gdung ba kun zhi zhing :__yul khams kun tu khyab pa yis:__dal yams thams cad sbyangs par bsam:__swA hA'i gong du sngags 'di spel:__sarba dz+wA ra pra sha ma na ye:__'bum phrag bzlas pas 'grub par 'gyur:__de nas las la sbyar ba ni:__nad gdon gdug pa'i gnyen po'i sman:__spru ma nag po'i rtsa ba blang :__lo brgyad chu yis nus pa bskyed:__de nyid gtso gyur bi Sha dang :__a ru gla rtsi shu dag nag:__ru rta ming can spang gi spos:__dngul chu mu zi seng ldeng dmar:__gu gul yungs kar btsod kyi mdud:__re lcag phur mong stag sha nag:__klu bdud hong len shug tsher can:__brag zhun gi waM par+pa ta:__g.ya' kyi ma dang rgya snag bcas:__zhib btags sngags chus ril bur dril:__sngags kyis ngar btab btang ba yis:__gnyan tshad gag lhog 'brum pa rims:__rgyu gzer dmar bshal la sogs pa:__gdug pa'i dal yams thams cad zhi:__gzhan yang bum pa'i chus bkru zhing :__ril bu'i rdzas la sngags btab bdug:__grong khyer rnams su mtshams kyang bcad:__'phral du nad rims kun zhi 'gyur:__'go nad thams cad rab tu zhi bar byed pa'i ri khrod ma dkar mo'i man ngag gi rim par phye ba ste gnyis pa'o:__sa ma ya:__rgya rgya:__12345678\u0f7f__lha klu gnod sbyin gtum po sogs:__bgegs rigs stong phrag brgyad cu dang :__dgra jag chom rkun zhi 'dod na:__'od zer can ma bsgom par bya:__aH__stong pa nyid dang snying rje che:__zung 'jug rig rtsal ma~M dkar po:__de nyid yongs gyur skad cig gis:__pad+ma zla ba'i gdan gyi steng :__'od zer can ma sku mdog dkar:__phyag g.yas skyabs sbyin g.yon pa ni:__mya ngan med shing yal ga bsnams:__dar dang rin chen rgyan gyis mdzes:__zhi 'dzum sgeg khro'i gzi byin 'bar:__zhabs zung phyed skyil rol pas bzhugs:__mi mthun srung zhing zhi byed pa'i:__nyi ma stong gi gzi 'od 'phro:__gnas gsum oM AHhU~M gis mtshan:__rdo rje gsum du byin gyis brlabs:__thugs nas 'phros pa'i 'od zer gyis:__ye shes spyan drangs gnyis med thim:__dbang lhas dbang bskur rigs kyi bdag:__rnam par snang mdzad dbur brgyan bsam:__thugs kar zla steng mA~M yig mthar:__sngags phreng 'khor las 'od zer 'phros:__'phags rnams nus byin bdag la thim:__'khor 'das kun la dbang bsgyur bsam:__oM ma ri ts+yai mA~M swA hA:__'bum phrag bzhi bzlas bsnyen pa'o:__slar yang sgrub pa'i rim pa ni:__thugs srog sngags phreng bcas pa las:__rang 'dra'i sprul pa grangs med spros:__gdon bgegs dgra dang chom rkun sogs:__gdug pa can rnams rgyang ring bskrad:__tshur 'dus srung ba'i las mdzad pa'i:__skyabs sbyin phyag rgya brkyangs pa'i 'og:__rang gzhan thams cad tshud pa yis:__bar chad kun las dbugs dbyung zhing :__mya ngan med pa'i yal ga las:__rdo rje'i 'od zer rab 'phros pas:__srung ba'i gur khang brtan par bsam:__swA hA'i gong du sngags 'di spel:__sarba shA trUn big+h+nAn tsak+Shu rmu kha b+han+d+ha b+han+d+ha:__'bum phrag bzlas pas 'grub par 'gyur:__de nas las la sbyar ba ni:__gro ga'am ni shog bu la:__la~M oM gyi yi ge'i khog pa ru:__dgra bgegs gang yin ming gi mthar:__ban+d+ha ban+d+ha phaT ces bri:__de phyir sngags dang 'dod gsol sbyar:__rdza yi ga'u gru bzhi pa:__ser po'i nang bcug skud pas bsdam:__gnod byed bkug cing ming la bstim:__rdo rje'i sgrom du bcug pa'i phyir:__lha mo'i sprul pas bsrungs par bsam:__bzlas pa sngags kyi nus pas brtan:__gnas khang byang shar mtshams su sba:__bar chad thams cad bcings shing zhi:__dam tshig lha mo'i bris sku dang :__seng ldeng rdo rje'i dbyug pa'i nang :__sngags byang bcug la rab tu gnas:__lhar bskyed mchod bstod bzlas pas bsgrub:__brtan par bzhugs gsol gar 'gro'i phyogs:__khyer bas bar chad zhi zhing srung :__yang na sngags kyi mdud pa la:__bzlas pas btab ste mgul du 'chang :__des kyang nus pa thob par 'gyur:__bgegs dang dgra rkun gyi bar chad thams cad rab tu zhi bar byed pa 'od zer can ma dkar mo'i man ngag gi rim par phye ba ste gsum pa'o:__sa ma ya:__rgya rgya:__1234\u0f7f__phas rgol byad phur rbod gtong sogs:__gdug cing gtum pa'i sbyor ba yis:__rang gzhan bcings pa zhi 'dod na:__gtsug tor gdugs dkar bsgrub par bya:__a:__stong pa nyid dang snying rje che:__zung 'jug rig rtsal oM dkar po:__de nyid yongs gyur skad cig gis:__pad+ma zla ba'i gdan gyi steng :__gtsug tor chen mo sku mdog dkar:__phyag g.yas mchog sbyin g.yon pa ni:__skyabs sbyin phyag rgyas gdugs dkar bsgrengs:__dar dang rin chen rgyan gyis mdzes:__zhi zhing khro mo'i nyams dang ldan:__zhabs zung sems ma'i skyil krung bzhugs:__ye shes nyi zla'i 'od zer gyis:__byad phur rbod gtong 'jigs pa 'phrog:__gnas gsum oM AHhU~M gis mtshan:__rdo rje gsum du byin gyis brlabs:__thugs nas 'phros pa'i 'od zer gyis:__ye shes spyan drangs gnyis med thim:__dbang lhas dbang bskur rigs kyi bdag:__rnam par snang mdzad dbur brgyan bsam:__thugs kar zla steng oM yig mthar:__sngags phreng 'khor ba'i 'od zer gyis:__bde gshegs nus stobs bdag la thim:__mi phyed rdo rje'i rang bzhin bsam:__oM si tA ta pa tre hU~M swA hA:__'bum phrag bzhi bzlas bsnyen pa'o:__slar yang sgrub pa'i rim pa ni:__thugs srog sngags phreng bcas pa las:__pho nya gzhan gyis mi thub ma:__rdo rje phur bu bsnams pa 'phros:__byad phur rbod gtong phyir zlog cing :__srung dang zhi ba'i las mdzad bsam:__swA hA'i gong du sngags 'di spel:__a na le a na le:__bi Sha de bi Sha de:__bai ra bai ra:__badz+ra d+hA ri Ni:__badz+ra pA Ni b+han+d+ha b+han+d+ha hU~M hU~M phaT phaT:__'bum phrag gcig bzlas 'grub par 'gyur:__de nas las la sbyar ba ni:__byad gdon 'grol ba'i cho ga ste:__gtsang ma'i bum par spos chu dang :__gur gum gi waM tsan+dan dkar:__yungs kar shu dag sbyar ba blugs:__chas su bcug ste mdun bshams la:__mchod dang gtor ma'i tshogs kyang bstar:__bum pa lha bskyed mchod bstod dang :__bzlas pa sngags kyis nus ldan bsgrub:__mthar ni gtor 'bul 'dod don gsol:__'od zhu nus ldan bdud rtsir mos:__bsgrub bya tshon skud sna lngas bcing :__rang gi thugs nas pho nya spros:__byad phur rbod gtong thams cad kun:__tshon skud la bkug dbyer med bstim:__ye shes ral gri me 'bar bas:__lhag med dum bur bcad par bsam:__hU~M:__ye shes ral gri me 'bar ba:__phyir zlog chen mo'i rigs sngags dang :__sangs rgyas kun gyi nus stobs rdzogs:__phrin las rtsal shugs 'chang ba dang :__dkon mchog gsum gyi bden pa dang :__rtsa gsum srung ba'i byin rlabs stobs:__sngags dang phyag rgya ting 'dzin mthus:__phas rgol rig sngags byad stems dang :__rdzas dang 'khrul 'khor dmod pa'i dbal:__lha klu gnod sbyin sha za'i gdon:__sde brgyad gdug pa'i tshogs rnams kyi:__lha yi phyag rgyas lus bcings pa'i:__'ching ba thams cad bcad par bgyi:__sngags kyi nus pas ngag bcings pa'i:__'ching ba thams cad bcad par bgyi:__ting 'dzin sbyor bas yid bcings pa'i:__'ching ba thams cad bcad par bgyi:__dmod pas bya ba bcings pa yi:__'ching ba thams cad bcad par bgyi:__rdzas kyis byed pa bcings pa yi:__'ching ba thams cad bcad par bgyi:__zhes dang sgrub pa'i sngags kyi mthar:__sarba ban+d+ha ka ko d+ha b+hin+d+ha b+hin+d+ha ts+tshin+da ts+tshin+da da ha da ha hU~M hU~M phaT phaT:__ces brjod byad thag dum bur bcad:__'bar ba'i dbus su gdugs dkar mo:__rngams brjid khros pa'i tshul du gsal:__spos dang 'bru sna yungs dkar nag:__byad thag dum bu sbyar te bsreg:__hU~M:__'bar ba me yi dkyil 'khor du:__rdo rje gtsug tor phyir zlog che:__sangs rgyas rnams ni thams cad kyis:__byin rlabs dbang bskur nus stobs rdzogs:__phas rgol rig sngags tshar bcad pa'i:__thugs rje thugs dam dus la bab:__ye shes rngams pa'i mthu rtsal skyed:__byad ma rbod gtong 'byung po yis:__bsgrub bya'i sgo gsum bya byed la:__bcings pa rnam lnga'i 'ching ba kun:__rjes shul lhag ma med par bzhes:__rdo rje ye shes me yis bsreg:__stobs rtsal phrin las yongs rdzogs mdzod:__ces dang sgrub pa'i sngags kyi mthar:__sarba ban+d+ha ka kro d+ha kha kha khA hi khA hi ha na ha na da ha da ha dz+wa la ra~M b+hasmiM ku ru hU~M hU~M phaT phaT:__byad stems sbyor ba thams cad kun:__rjes shul lhag med bsregs par bsam:__me lha rang bzhin gnas su gshegs:__dam tshig 'bar ba'i 'od zer gyis:__byad phur rbod gtong la sogs pa'i:__bag chags kun kyang sbyangs bar mos:__bsgrub byas me la lan bdun 'gom:__de nas bum pa'i chu yis bkru:__dag byed ku sha'i rdzas kyis byabs:__dri yi chu dang gtor mar bcas:__bgegs la bsngos shing rgyang ring bskrad:__rdo rje srung ba'i go cha bgo:__bden pa'i stobs dang bkra shis brjod:__de ltar rdzas sngags ting 'dzin mthus:__zla ba gza' las grol ba bzhin:__rang gzhan byad phur 'ching ba zhi:__rnam pa kun tu bde legs 'thob:__gzhan yang bum chu 'thor 'thung dang :__ril bur bgyis te btang ba dang :__dri rdzas la btab bdug pas kyang :__byad khrol gdon byer rbod gtong zlog:__nad dang gnod pa kun zhi 'gyur:__byad phur rbod gtong thams cad rab tu zhi bar byed pa gtsug tor gdugs dkar mo'i man ngag gi rim par phye ba ste bzhi pa'o:__sa ma ya:__rgya rgya:__1234:__las dang rkyen las gyur pa yi:__sems kyi rnam par g.yeng ba dang :__sdug bsngal thams cad zhi 'dod na:__sher phyin dkar mo bsgrub par bya:__aH__stong pa nyid dang snying rje che:__zung 'jug rig rtsal pra~M dkar po:__de nyid yongs gyur skad cig gis:__pad+ma zla ba'i gdan gyi steng :__shes rab pha rol phyin ma dkar:__phyag g.yas mchog sbyin g.yon pa ni:__ut+pal sher phyin glegs bam bsnams:__dar dang rin chen rgyan gyis mdzes:__zhi 'dzum shin tu sgeg pa'i nyams:__zhabs zung rdo rje'i skyil krung bzhugs:__phyi nang sdug bsngal kun sel ba'i:__ye shes 'od zer rab tu 'bar:__gnas gsum oM AHhU~M gi mtshan:__rdo rje gsum du byin gyis brlabs:__thugs nas 'phros pa'i 'od zer gyis:__ye shes spyan drangs gnyis med thim:__dbang lhas dbang bskur rigs kyi bdag:__rdo rje sems dpas dbur brgyan bsam:__thugs kar zla steng pra~M dkar po:__sngags kyi phreng bas bskor ba las:__'od 'phros rgyal ba sras bcas kyi:__ye shes bdag la thim par bsam:__oM pra~M pra dz+nyA pA ra mi tA swA hA:__'bum phrag bzhi bzlas bsnyen pa'o:__slar yang sgrub pa'i rim pa ni:__thugs srog sngags phreng bcas pa las:__ye shes 'od zer rab tu 'bar:__rang gzhan kun gyi snying la thim:__rmongs dang ma rig las byung ba'i:__sems kyi rnam par g.yeng ba dang :__sdug bsngal yid mi bde ba kun:__skad cig nyid la yongs su zhi:__lus sems zag med bde bas khyab:__gzungs dang blo gros mthu thob bsam:__swA hA'i gong du sngags 'di spel:__pi tsu pi tsu pra dz+nyA war+d+ha ni:__dz+wa la dz+wa la me d+ha war+d+ha ni:__d+hi ri d+hi ri bud+d+hi war+d+hA ni:__sarba duHkha shAn+tiM ku ru ku ru:__'bum phrag gcig gis 'grub par 'gyur:__de nas las la sbyar ba ni:__shu dag dkar po a ga ru:__gur gum gi waM na le shaM:__dzA ti go snyod dbang po lag:__b+hr-ing+ga rA dza rtag tu ngu+u :__'bras gsum snying zho kar+b+he ta: lug mur _bur sbrang ka ra bcas pa rnams:__mar du sbyang la sngags btab bsten:__sdug bsngal yid mi bde ba zhi:__mdangs stobs blo gros mchog tu 'gyur:__gzhan yang tho rangs skar chu'am:__'bru yi chang ngam 'o ma ba dmar mo'i _la:__rig sngags nus pa bstims la 'thung :__'o mar la btab snying gar byugs:__des kyang yid bde sdug bsngal zhi:__sdug bsngal thams cad rab tu zhi bar byed pa shes rab kyi pha rol tu phyin ma dkar mo'i man ngag gi rim par phye ba ste lnga pa'o:__sa ma ya:__rgya rgya:__123\u0f7f__'byung bzhi 'khrugs dang sha za khros:__'thab rtsod dug mtshon gcan gzan sogs:__'jigs pa thams cad zhi 'dod na:__sgrol ma dkar mo bsgrub par bya:__aH__stong pa nyid dang snying rje che:__zung 'jug rig rtsal tA~M dkar po:__de nyid yongs gyur skad cig gis:__pad+ma zla ba'i gdan gyi steng :__rje btsun sgrol ma sku mdog dkar:__phyag g.yas mchog sbyin g.yon pa ni:__skyabs sbyin phyag rgyas ut+pal bsnams:__dar dang rin chen rgyan gyis mdzes:__zhi zhing 'dzum la sgeg pa'i nyams:__zhabs zung rdo rje'i skyil krung bzhugs:__phyi nang 'jigs pa kun sel ba'i:__thugs rje'i 'od zer rab tu 'phro:__gnas gsum oM AHhU~M gis mtshan:__rdo rje gsum du byin gyis brlabs:__thugs nas 'phros pa'i 'od zer gyis:__ye shes spyan drangs gnyis med thim:__dbang lhas dbang bskur rigs kyi bdag:__'od dpag med pas dbur brgyan bsam:__thugs kar zla steng tA~M dkar po:__sngags kyi phreng bas bskor ba las:__'od 'phros rgyal ba sras bcas kyi:__thugs rje'i byin rlabs bdag la thim:__oM tA re tut+tA re tu re swA hA:__'bum phrag bzhi bzlas bsnyen pa'o:__slar yang sgrub pa'i rim pa ni:__thugs srog sngags phreng bcas pa las:__'od zer snang ba rab 'phros pas:__rang dang bsrung bya'i phyi rol du:__zla ba'i mdog can 'khor lo'i gur:__sra brtan go skabs med pa la:__'od zer drug gi snang bas bskor:__'jigs dang sdug bsngal kun zhi zhing :__srung ba chen po'i las mdzad bsam:__swA hA'i gong du sngags 'di spel:__sarba duSh+tAn b+ta ya shin+taM ku ru rak+Sha rak+Sha mA~M:__'bum phrag gcig gis 'grub par 'gyur:__gzhan yang gzungs kyi rim pa ni:__ma ma kr-i te sarba duSh+tAn pra duSh+tAn:__dzam+b+ha ya:__s+t+wa~M b+ha ya:__mo hA ya:__b+han+d+ha ya:__hU~M hU~M hU~M:__phaT phaT phaT:__sarba duSh+tAn s+t+waM b+ha ni tA re:__zhes pa swA hA'i gong spel bzlas:__de nas las la sbyar ba ni:__gnas rten byin can sa sna dang :__rin chen 'bru sman phye ma ni:__tshul bzhin bsgrubs pa'i bum chus brdzis:__cho ga bzhin du sA' ts+tsha gdab:__sngags mthar ji ltar 'dod pa yi:__srung dang zhi ba'i spel tshig can:__ring bsrel gzhan dang bcas pa gzhug:__rab tu gnas shing stegs bu'i dbus:__mchod pa'i tshogs kyis bskor la bsham:__lhar bskyed bzlas sogs nan tan bya:__mthar ni brtan bzhugs shis pa brjod:__rang gzhan gnas pa'i mal steng dang :__mgul du 'chang bas 'jigs pa zhi:__srung dang bkra shis bde legs 'gyur:__mkhar gyi rtse'am sgo yi gong :__dpal can dbus kyi ri la sbas:__yul khams kun tu phan pa ster:__yang na rdo rje'i sngags mdud la:__bzlas te mgul lam dpung par 'chang :__dri yi rdzas dang sbyar te bdug:__des kyang 'jigs pa kun zhi 'gyur:__'jigs pa thams cad rab tu zhi bar byed pa sgrol ma dkar mo'i man ngag gi rim par phye ba ste drug pa'o:____sa ma ya:__rgya rgya:__12343\u0f7f__chos spyod bslab ldan 'tsho ba ni:__rnam pa kun tu don yod phyir:__dus min 'chi ba zhi 'dod na:__rma bya chen mo bsgrub par bgyi:__a:__stong pa nyid dang snying rje che:__zung 'jug rig rtsal ma~M dkar po:__de nyid yongs gyur skad cig gis:__pad+ma zla ba'i gdan gyi steng :__rig pa rma bya chen mo dkar:__phyag g.yas rma bya'i mjug sgro bsnams:__dus min 'chi ba sel bar mdzad:__g.yon pas bdud rtsi'i bum bzang gis:__tshe dang ye shes dngos grub stsol:__dar dang rin chen rgyan gyis mdzes:__zhi 'dzum sgeg nyams rab tu rgyas:__zhabs zung rdo rje'i skyil krung bzhugs:__'od zer 'chi med snang ba ches:__bdud dang gshin rje'i mun pa 'joms:__gnas gsum oM AHhU~M gis mtshan:__rdo rje gsum du byin gyis brlabs:__thugs nas 'phros pa'i 'od zer gyis:__ye shes spyan drangs gnyis med thim:__dbang lhas dbang bskur rigs kyi bdag:__tshe dpag med pas dbu brgyan bsam:__thugs kar zla steng ma~M dkar po:__sngags kyi phreng bas bskor ba las:__'od 'phros srid dang zhi ba yi:__dwangs bcud bdag la thim par bsam:__oM ma hA ma yUr+yai ma~M swA hA:__'bum phrag bzhi bzlas bsnyen pa'o:__slar yang sgrub pa'i rim pa ni:__thugs srog sngags phreng bcas pa las:__'od zer pho nya'i tshogs bcas 'phros:__rang gzhan bla tshe chad nyams dang :__snod kyi 'jig rten 'byung bzhi'i dpal:__bcud kyi 'gro ba'i tshe bsod stobs:__rgyal ba sras bcas ye shes dbyig:__'chi med bdud rtsi'i rnam par drangs:__rigs bdag phyag gi bum par zhugs:__de las khol zhing lud pa'i rgyun:__rang gi spyi bo'i sgo nas zhugs:__lus gang dus min 'chi ba zhi:__tshe dang bsod nams ye shes spel:__dwangs bcud thugs srog ma~M la 'dus:__'chi med rig 'dzin grub par bsam:__swA hA'i gong du sngags 'di spel:__a mA ra Ni dzI ban+ti ye:__'bum phrag gcig gis 'grub par 'gyur:__mtshan brgya brgyad pa'i gzungs kyang bzla:__de nas las la sbyar ba ni:__mdun du stegs bu mtshan rdzogs dbus:__bkra shis rang byung ka pA lar:__'bras gsum rtag ngu dbang po lag:__rtsa ba lnga dang tshe gsos shug 'bru ba lu mkhan dkar mtshe'o bzhi:__bzang drug gi waM dUrba'i rtsa:__cong zhi brag zhun rgyam tsha bzang :__shu dag shing mngar tsi tra ka:__ka ra bu ram sbrang rtsir bcas:__'bru sna'i phye ma dang sbyar la:__ril bur dril bas yongs su gtams:__dar dmar kha bcad de yi steng :__snying po lnga yi 'brang rgyas dang :__g.yas g.yon tshe yi bza' btung bsham:__mchod gtor bag dro brjid ldan bya:__bdag dang mdun rten lhar gsal bsgrub:__thun mthar gtor 'bul thugs dam bskul:__oM:__mi 'gyur rtag pa'i ye shes las:__phyag rgya'i gzugs su rang shar ba:__'chi med mchog stsol rma bya che:__rig pa'i rgyal mo dbyings nas bzhengs:__thugs rje bskul lo mthu rtsal skyed:__'od zer pho nya'i cho 'phrul gyis:__'khor 'das brtan g.yo'i khams kun bkang :__rnal 'byor bdag cag sgrub pa po'i:__bla tshe yar ba rang sor chud:__srog tshe nyams pa'i rdzing bu gsos:__srid zhi'i tshe bcud dbang med sdus:__bdag dang sgrub pa'i rdzas la stims:__dus min 'chi ba'i bar chad sol:__tshe dang ye shes dngos grub stsol:__zhes gsol sngags brjod mda' dar g.yab:__dwangs bcud mi shigs thig ler sba:__A:__'khor 'das dwangs bcud rdo rje'i tshe:__mi 'gyur srog gi thig ler thim:__stong gsal rang byung gnyug ma'i ngang :__'pho med rtag pa'i rgyas gdab bo:__dz+nyA na badz+ra gar+b+ha a a:__rtags mthong mdun bskyed rang la bstim:__bsgrubs pa'i rdzas las dngos grub blang :__bcud len ril bu yun bsten pas:__dus min 'chi ba kun zhi zhing :__tshe yi rig 'dzin 'grub par 'gyur:__gzhan yang 'chi bslu ba'i phyir:__tshe bdud yi dwags 'byung po la:__glud gtor byin brlabs 'dod rgur bsngo:__hU~M:__nga ni rig pa'i rgyal mo ste:__'khor 'das thams cad bskyed cing sprul:__nyon cig bgegs dang log par 'dren:__tshe la rku ba'i 'byung po dang :__srog la rngams pa'i 'chi bdag bdud:__bla la gdung ba'i phyogs bcu'i gdon:__dpal la chags pa'i yi dwags dang :__ma mo the'u brang la sogs pa:__dus min 'chi byed bar chad kun:__mi bas dga' ba'i glud gtor khyer:__nor las lhag pa'i 'dod yon longs:__lan chags bu lon byang bar gyis:__dga' zhing byams pa'i sems bskyed la:__phyin chad 'khor 'dir gnod ma byed:__zhi dang bkra shis bde legs stsol:__zhes pa'i smreng gis bkrol te bsngo:__mthar ni bskrad cing srung mtshams bcad:__'dis kyang 'phral rkyen 'chi ba zhi:__'o ma can gyi bud shing la:__me sbar rig pa'i rgyal mo gsal:__mar dang yam shing til dkar po:__sngags 'dis brgya rtsa brgyad sogs dbul:__oM ag+na de ba ma hA ma yU rI sarba mr-i taM shAn+tiM ku ru swA hA:__tshe yi bar chad thams cad zhi:__bum par rig pa'i rgyal mo bskyed:__sngags bzlas 'od zhu bdud rtsi'i chus:__bskru dang byabs pas bar chad bsal:__khrus chu glud gtor dang bcas pa:__bgegs la bsngo zhing bsrung bar bya:__bkra shis brjod cing me tog 'thor:__tshe dang srog gi bar chad zhi:__dpal dang bde legs 'thob par 'gyur:__dus ma yin pa'i 'chi ba thams cad rab tu zhi bar byed pa rig pa rma bya chen mo'i man ngag gi rim par phye ba ste bdun pa'o:__sa ma ya:__rgya rgya:___12345678\u0f7f__de rnams kun gyi thun mong du:__las kyi sbyor ba sna tshogs ni:__'khor los srung dang khrus kyis zhi:__myur ba me dang stobs ldan rlung :__brtan pa sAts+tshas bsgrub par bya:__de la tsakra 'bri ba ni:__dar ram ras sam gro shog la:__mu khyud lnga ldan lte ba ru:__lha mo so so'i sa bon gyi:__khog par bsrung bya'i ming gi mthar:__gang 'dod srung ba'i spel tshig sbyar:__de yi gong ras mu khyud la:__bsnyen sngags spel tshig bcas pa ste:__de phyir 'khor lo rtsibs brgyad la:__kA ya rak+ShA haM:__wA ka rak+Sha haMH__tsit+ta rak+ShA haM:__dz+nyA na rak+ShA haM:__gu Na rak+ShA haM:__karma rak+ShA haM:__ba ri rak+ShA haM:__su pra rak+ShA hAM:__rtsibs mchan hU~M yig re re bri:__de rgyab sgrub pa'i sngags dang ni:__dbyangs gsal rten snying spel tshig sbyar:__de phyir rdo ra me ri 'bri:__rang rang rdzas kyi khyad par dang :__spyi la 'bras gsum bzang po drug:__gu gul yungs kar gi 'u waM:__dri bzhi ga bur gla rtsi shu dag shing tsha'o/__rgya spos spang gi spos:__gnas rten byin rlabs ma nyams pa'i:__sa chu shing snas legs par byugs:__lha mo rang rang skur bskyed la:__bzlas dang zhal bsgyur brtan par bzhugs:__skud pas dkri zhing chas kyis dril:__mgul du drod dang ma bral 'chang :__gang 'dod srung ba'i las byed 'gyur:__khrus kyis zhi ba'i cho ga ni:__bum pa bcud ldan chas su gzhug:__rang rang rdzas kyi bye brag dang :__spyi la nyer lnga'i rdzas kyang btab:__stegs bu'i dbus bzhugs mchod gtor bsham:__bdag gi rnal 'byor sngon 'gro bas:__oM swa b+hA wa sarba d+harma bi shud+d+ho\u0f85haM:__stong pa'i ngang las pad zla'i steng :__b+h+rU~M las rin chen bum pa ni:__yangs shing rgya che mtshan nyid rdzogs:__lha yi chu bo dal 'gro dang :__rdzas kyi bcud ldan bdud rtsir 'khyil:__kha rgyan mgul chings gos gyis brgyan:__de dbus pad zla'i gdan gyi steng :__sa bon yongs gyur skad cig gis:__rig pa'i lha mo so sor bskyed:__byin brlab spyan 'dren la sogs pa:__las kyi rim pa tshul bzhin bya:__bdag gi thugs srog sngags phreng las:__rang 'dra gnyis pa bar med 'phros:__bum lha'i thugs srog sngags bcas la:__phog pas thugs dam rgyud bskul te:__'od zer dpag yas phyogs bcur 'phros:__dus gsum bde gshegs sras bcas dang :__bla ma yi dam mkha' 'gro yi:__mkhyen brtse nus pa'i byin rlabs kun:__spyan drangs sa bon sngags phreng la:__thim pas bdud rtsi'i chu rgyun babs:__bum pa yongs su gang ba yis:__rig sngags nus pa'i bcud du bsam:__bsnyen sgrub sngags rnams mang du bzla:__mthar ni mchod bstod nongs pa bshags:__oM AHhU~M gis mchod yon phul:__bum lha 'od zhu bdud rtsir 'khyil:__nus pa mchog dang ldan par bsam:__rang gzhan bkru zhing 'thor 'thung bya:__gang 'dod zhi ba'i las kun 'grub:__cho ga rgyas par bya 'dod na:__bsgrub bya mdun du 'khod pa la:__bgegs la gtor ma sbyin zhing bskrad:__de nas bkru ba'i rim pa ni:__hU~M:__bum pa bzang po che ba'i mchog:__phyi ni rgyan ldan mtshan nyid rdzogs:__nang bcud lha sngags dbyer med pa'i:__ye shes bdud rtsis yongs gang bas:__skal ldan khyod la khrus bgyis pas:__nyon mongs shes bya snyoms 'jug gi:__sgrib pa'i dri ma kun dag nas:__sgo gsum mi mthun 'gal rkyen gyi:__sdug bsngal rgyu 'bras zhi bar shog:__so so'i bsnyen sgrub sngags sham du:__zhi bar bya ba'i ming gi mthar:__shAn+tiM ku+u ru swA hA sbyar:__de nas byabs pas bsal ba ni:__hoH__dkon mchog rtsa gsum bden stobs dang :__rig pa'i rgyal mo'i byin rlabs kyis:__skal ldan slob ma'i sgo gsum gyi:__mi mthun phyogs kun byang gyur cig:__gong ltar sngags kyi sham bu ru:__a pa na ye swA hA sbyar:__de nas mtshams bcad bsrung ba'i phyir:__khrus chu phyi rol bskyal ba dang :__bden pa'i stobs brjod drag sngags bcas:__bar chad thams cad rgyang ring bskrad:__rdo rje rgya gram tshul du reg:__hU~M:__sangs rgyas kun gyi dam tshig mchog:__ye shes rdo rje'i phyag rgya yis:__lus ngag yid la rgyas btab pas:__mi mthun tshogs kun srung gyur cig:__gong ltar sngags kyi sham bu ru:__rak+Sha rak+Sha swA hA sbyar:__lus la rdo rje'i go chas g.yogs:__sgo gsum rdo rjer byin brlabs pas:__mi mthun gnod pa'i bgegs tshogs kyis:__nam yang 'tshe ba'i skabs med bsam:__bkra shis brjod cing me tog 'thor:__des ni nad rims gdon bgegs dang :__dus min 'chi sogs kun zhi zhing :__dpal dang bde legs 'phel bar 'gyur:__las myur me yi cho ga ni:__shis pa'i sa la stegs bu bya:__las mthun thab dang bud shing brtsig:__bdag gi rnal 'byor sngon 'gro bas:__me sbar me dpung dkar gsal dbus:__lha bskyed spyan drang mchod bstod sogs:__phrin las gzhung bsrang tshul bzhin bya:__'o ma can gyi yam shing dang :__mar dkar zhun dang til dkar bcas:__so so'i bsnyen sgrub sngags kyi mthar:__'dod gsol sbyar la ci nus dbul:__mnyes tshim 'bar ba'i 'od zer gyis:__mi mthun phyogs kun zhi bar bsam:__gtang rang dbul zhing nongs pa bshags:__ye shes gshegs gsol dam tshig pa:__'bar ba'i rnam par bltas byas la:__thal ba chu klung chen por dor:__myur du zhi ba'i las 'grub 'gyur:__stobs ldan rlung gi cho ga ni:__bsnyen sgrub spel tshig dang bcas pa'i:__tsakra bris la rdzas kyis byugs:__rab gnas mthun pa'i rlung la bskor:__rang yang bsnyen cing sgrub la brtson:__las rnams stobs ldan shugs drag 'gyur:__brtan pa sAts+tsha'i cho ga ni:__shis pa'i sa spyin bzang po la:__gnas rten byin can sa chu dang :__rin chen 'bru sman bsres byas la:__sAts+tsha tshul bzhin btab pa'i nang :__so so'i 'khor lo gzhugs pa'am:__sngags byang spel tshig bcas pa dang :__ring bsrel gzhan yang gzhug byas la:__rin chen dkar po'i na bza' gsol:__rdza yi bum pa bzang po'i nang :__'bru sman rin chen sna tshogs bcas:__brtan par bcug la phyag rgyas gdab:__de nyid maN+Dal dbus su bsham:__mchod gtor bzang po tshogs par bya:__bdag gi rnal 'byor sngon 'gro bas:__sAts+tsha rig pa'i lha mor bskyed:__phrin las gzhung bzhin bsrangs nas kyang :__sgrub pa'i dmigs bzlas nan tanabaskyar:__mthar ni mchod bstod gtor ma 'bul:__nongs bshags brtan bzhugs shis pa brjod:__mkhar gyi rtse la sogs par sbas:__zhi ba'i phrin las brtan pa dang :__dpal dang bkra shis yun gnas 'gyur:__zhi byed bdun gyi man ngag gi las spyir btang ba'i rim par phye ba ste brgyad pa'o:__sa ma ya:__rgya rgya:__12345678\u0f7f__de ltar bsnyen sgrub las gsum gyi:__phrin las sbyor dngos rjes gsum las:___dang po sbyor ba'i rim pa ni:__rten dang mchod gtor legs par bsham:__thog mar skyabs su 'gro ba ni:__na mo:__phyogs bcu dus bzhir bzhugs pa yi:__skyabs gnas dkon mchog rgya mtsho la:__bdag dang mkha' mnyam sems can kun:__mi phyed gus pas skyabs su mchi:__smon 'jug sems mchog bskyed pa ni:__ho:__bdag gzhan mi mthun zhi ba dang :__byang chub go 'phang myur thob phyir:__sgo gsum lha sngags ting 'dzin gyi:__ye shes bsgrub par sems bskyed do:__mi mthun bgegs tshogs bskrad pa ni:__hU~M:__nyon cig log 'dren bgegs kyi tshogs:__rnal 'byor sgrub la bar gcod kun:__gnas 'dir ma 'dug gzhan du dengs:__'das na rdul bzhin brlag par 'gyur:__drag po'i sngags dang thun gyis gzir:__rdo rje'i srung mtshams bcad pa ni:__hU~M:__steng 'og phyogs mtshams thams cad kun:__mi phyed rdo rje'i gur gyis gtams:__ye shes me yis kun tu khyab:__'khrul rtog bag chags mtshams bcad do:__oM badz+ra dz+nyA na rak+Sha b+h+rU~M aH__gnas dang yo byad byin brlab bya:__oM AHhU~M:__stong pa'i ngang las skad cig gis:__gnas yul dag pa'i zhing khams cher:__dngos bshams yid sprul 'dod yon tshogs:__kun bzang mchod sprin rgya mtshor gyur:__oM badz+ra sa man+ta b+hA dra pU dza me g+ha sa mu dra s+pha ra Na sa ma ye AHhU~M:__gnyis pa dngos gzhi'i phrin las la:__thog mar dam tshig phyag rgya gsal:__rdo rje gsum du byin gyis brlab:__gdung ba'i shugs bskyed ye shes bskul:__oM:__ye shes dbyings las ma g.yos kyang :__snying rjes gzugs kyi skur bzhengs pa:__rig pa'i lha mo rdzu 'phrul can:__sngon gyi thugs dam rjes dgongs nas:__gnas 'dir myur du gshegasasu gsol:__lus ngag yid la byin gyis rlobs:__mi mthun phyogs kun zhi ba dang :__dngos grub ma lus deng 'dir stsol:__so so'i bsnyen pa'i sngags sham du:__sa pa ri wA ra e h+ye hi:__badz+ra sa mA dzaH__sa ma ya hoH__sa ma ya s+t+waM:__zhes pas spyan drangs dam tshig par:__dbyer med ro mnyam brtan par bya:__hU~M:__tshad med bzhin ldan phyag rgya ches:__dgug gzhung bcings shing dgyes pa'i lha:__rdo rje'i gdan la bzhugs nas kyang :__thugs rje'i phrin las mdzad du gsol:__dzaHhU~M ba~M hoHdz+nyA na sa ma ya A sa na tiSh+Tha hoH__slar yang dbang lha spyan drangs nas:__ye shes bdud rtsis dbang bskur bas:__sku gang sgrib dag rigs kyi bdag:__ma 'dres so sos dbu brgyan mos:__oM sarba ta thA ga ta a b+hi Shiny+tsa su ra ta s+t+waM a haM:__rang las sprul pa'i lha mo yis:__phyag 'tshal mchod bstod dgyes par bsam:__hoH__sku gsung thugs kyi gsang ba che:__yon tan phrin las bsam mi khyab:__ye shes rig pa'i lha mo la:__gus shing gdung bas phyag bgyi'o:__a ti pU hoH__pra tIts+tsha hoH__oM A hU~M:__dngos su 'byor bshams yid kyis sprul:__dpag yas nam mkha' mdzod kyi gter:__rab 'byams mchod sprin rgya mtsho'i tshogs:__bzhes nas bdag la dngos grub stsol:___oM badz+ra dz+nyA na ar+g+haM pAd+yaM puSh+pe d+hU pe A lo ke gan+d+he nai bi d+yA shab+da sarba pU dza sa ma ya hoH__oM _rdo rje'i sku ni mkha' ltar khyab:__tshangs pa'i dbyangs kyis khams gsum snang :__'od gsal thugs rjes 'gro kun sgrol:__yon tan mi zad rgyan du rdzogs:__phrin las sgyu 'phrul rol mo'i sprin:__'jigs dang sdug bsngal kun sel zhing :__mchog thun dngos grub char chen 'bebs:__rig pa'i lha mor phyag 'tshal bstod:__de nas bsnyen sgrub las gsum gyi:__phrin las so so'i gzhung bzhin bya:__gsum pa rjes kyi las rim la:__thog mar mchod bstod sngon 'gro bas:__gtor ma bdud rtsir byin gyis brlab:__so so'i bsnyen pa'i sngags sham du:__sa pa ri wA ra i daM ba liM a mri ta b+hUny+dza kha kha khA hi khA hi:__sarba karma ku ru hoH__slar yang mchod bstod 'dod don gsol:__gtor ma zag med bdud rtsi'i bcud:__'dod yon rgya mtsho'i gter chen po:__ye shes rig pa'i lha mo ches:__bzhes shig bde ba chen por rol:__bdag cag rnal 'byor 'khor bcas kyi:__nad gdon 'jigs dang bar chad sogs:__mi mthun phyogs kun zhi ba dang :__'dod pa'i dngos grub stsal du gsol:__nongs pa gshags zhing mdun bskyed kyi:__ye shes rten la brtan par bzhugs:__bdag nyid lhar snang 'od gsal dbyings:__zab zhi spros pa bral ba'i ngang :__slar yang mkha' las 'ja' tshon ltar:__rdo rje gsum gyi phyag rgyar bzhengs:__oM AHhU~M kA ya wAka tsitA dz+nyA na badz+ra At+ma ko\u0f85haMH__dge ba bsngo zhing shis pa brjod:__bdag gi bsnyen sgrub ting 'dzin mthus:__'gro kun 'jigs dang sdug bsngal zhi:__yang dag ye shes snang ba rgyas:__'phags ma'i go 'phang myur thob shog:__oM:__rtsa brgyud bla ma'i tshogs rnams kyis:__byin gyis rlob pa'i bkra shis shog:__yi dam dkyil 'khor rab 'byams gy-is:__dngos grub stsol ba'i bkra shis shog:__dpa' bo mkha' 'gro chos srung gis:__phrin las mthar phyin bkra shis shog:__'jigs dang sdug bsngal kun zhi zhing :__rtag tu dpal gnas bkra shis shog:__de ltar sbyor dngos rjes gsum gyi:__phrin las tshul bzhin nyams blangs na:__lhag pa'i lha mos byin brlabs nas:__dngos grub myur du 'thob par 'gyur:__zhi byed bdun gyi man ngag gi phrin las kyi rim par phye ba ste dgu pa'o:__sa ma ya:__rgya rgya:__123456:__de ltar zab mo'i rnal 'byor la:__brten nas rang dang gzhan kyi don:__myur du sgrub par 'dod pa des:__thog mar dbang gis rgyud smin bya:__dben zhing yid mthun gnas mchog tu:__dkyil 'khor dbang rdzas mchod gtor bsham:__slob dpon rang nyid nus ldan phyir:__bdag mdun bum pa tshul bzhin bsgrub:__dad ldan dam tshig bsrung nus pa'i:__slob ma khrus byas bgegs bsal la:__srung ba'i 'khor los brtan par bcing :__des kyang gus pa'i blos blangs te:__maN+Dal 'bul zhing gsol ba gdab:__bla ma gsang sngags che ba'i mchog:__rig pa'i lha mo bdag la dgongs:__sku gsung thugs kyis byin gyis rlobs:__dbang bskur dam pa stsal du gsol:__lan gsum zhu zhing skyabs sems dang :__rgyud sbyor sdom gzung spyi ltar bya:__slob ma rig pa'i lha mor bskyed:__gnas gsum byin brlab ye shes pa:__spyan drangs dbyer med bstim zhing brtan:__de nas dngos gzhi'i dbang bskur la:__sbyor ba sbyin pa'i gzhi dgod cing :__dngos gzhi sku gsung thugs yon tan:__phrin las dbang rnams rim par bskur:__rjes ni khyad par mtha' rten byin:__de la thog mar gzhi dgod phyir:__slob dpon thugs nas 'od 'phros pas:__dbang lha nam mkha' gang ba'i tshogs:__spyan drang bum pa'i dbang bskur ni:__oM:__bkra shis dbyings kyi bum pa ru:__ye shes bdud rtsi'i bcud kyis gtams:__skal ldan bu la dbang bskur bas:__sgrib dag nus pa yongs rdzogs shog:__so so'i sngags kyi sham bu ru:__oM hU~M trA~M hrIHAHka la sha a b+hi Shiny+tsa mi:__zhes brjod bum chu 'thor 'thung bya:__so so'i rigs bdag dbur brgyan bsam:__dngos gzhir sku yi dbang bskur ni:__rang 'dra'i gzugs sku gnyis pa 'phros:__slob ma'i dpral bar thim par bsam:__oM:__sangs rgyas kun dang dbyer med pa'i:__sku yi phyag rgyas dbang bskur bas:__lus kyi sgrib pa kun byang nas:__rdo rje'i sku ru smin par shog:__so so'i bsnyen pa'i sngags kyi mthar:__kA ya badz+ra a b+hi Shiny+tsa oM:__gsung dbang bsnyen sgrub bzlas lung sbyin:__sngags kyi phreng ba mgrin par bzhag:__AH__sangs rgyas kun dang dbyer med pa'i:__snying po sngags kyis dbang bskur bas:__ngag gi sgrib pa kun byang nas:__nus pa'i gsung du smin par shog:__wA ka badz+ra a b+hi Shiny+tsa A:__thugs dbang phyag mtshan snying gar bstim:__hU~M:__sangs rgyas kun dang dbyer med pa'i:__ye shes chen pos dbang bskur bas:__yid kyi sgrib pa kun byang nas:__'od gsal thugs su smin par shog:__tsit+ta badz+ra a b+hi Shiny+tsa hU~M:__yon tan rgyan gyis mnga' yang gsol:__swA:__sangs rgyas kun dang dbyer med pa'i:__longs spyod rgyan gyis dbang bskur bas:__nyon mongs sgrib pa kun byang nas:__bsam yas yon tan yongs rdzogs shog:__gu Na badz+ra a b+hi Shiny+tsa swA:__phrin las gtor ma lhar gsal ba:__spyi bor bzhag cing byin gyis brlab:__hA:__sangs rkyas kun dang dbyer med pa'i:__byin rlabs mchog gis dbang bskur bas:__shes bya'i sgrib pa kun byang nas:__'gro 'dul phrin las mthar phyin shog:__karma badz+ra a b+hi Shiny+tsa hA:__de nas khyad par mtha' rten gyi:__rjes gnang so sor sbyin pa ste:__sangs rgyas spyan ma'i dbang bskur mthar:__tshul bzhin bsgrubs pa'i ril bu 'am:__sman mchog rgyal po lag tu gtad:__oM:__bdud rtsi sman gyi nor bu la:__rig pa'i rgyal mo'i nus stobs rdzogs:__skal ldan khyod la sbyin pa yis:__rgyu 'bras nad kun zhi bar shog:__sgrub pa'i sngags kyi sham bu ru:__b+he Sha dz+yai rA dza a mr-i ta a b+hi Shiny+tsA mi:__spro na khrus kyi cho ga yang :__mtha' rgyas tshul du sbyar bar bya:__nad kyi gdung ba kun zhi 'gyur:__lo ma can ma'i dbang bskur mthar:__gnyen po'i sman gyi ril bu'am:__spru nag shu dag gu gul la:__sngags kyis btab pa lag tu gtad:__pa~M:__nad gdon gdug pa'i gnyen po'i sman:__rdo rje sngags kyis byin bskyed pa:__skal ldan khyod la sbyin pa yis:__mi bzad nad kun zhi bar shog:__sarba dz+wa ra pra sha ma a b+hi Shiny+tsa mi:__dud pas kyang ni bdug par bya:__dal yams gdug pa kun zhi 'gyur:__'od zer can ma'i dbang bskur mthar:__seng ldeng rdo rje'i dbyug pa gtad:__mA~M:__dbang ba'i rdo rje'i dbyug pa yis:__gdon dgra bar chad 'joms par byed:__skal ldan khyod la gtad pa yis:__phas rgol gdug pa kun zhi shog:__badz+ra daN+Da dz+wa la a b+hi Shiny+tsA mi:__gzugs can dgra dang gzugs med bgegs:__phas rgol thams cad zhi bar 'gyur:__gtsug tor chen mo'i dbang gi mthar:__gzhan gyis mi thub phur bu gtad:__oM:__sangs rgyas phrin las kI la ya:__gzhan gyis mi thub ngo bor rdzogs:__skal ldan khyod la gtad pa yis:__byad phur rbod gtong kun zhi shog:__a pa rA dzi tA kI lA ya a b+hi Shiny+tsA mi:__phur pa 'dril zhing phyogs bcur gdengs:__byad gdon thams cad brlag par bsam:__spro na 'di'am sdom gzung rjes:__byad 'grol cho ga tshul bzhin bya:__byad phur rbod gtong kun zhi 'gyur:__sher phyin dkar mo'i dbang gi mthar:__cho gas bsgrubs pa'i sman mar ram:__shu dag dkar po sngags btab sbyin:__pra~M:__shes rab pha rol phyin ma yi:__ye shes chen po'i rdzas mchog 'di:__skal ldan khyod la sbyin pa yis:__sdug bsngal rgyu 'bras zhi bar shog:__sarba duHkha pra sha ma a b+hi Shiny+tsA mi:__rnam g.yeng gti mug snying gzer sogs:__lus sems sdug bsngal kun zhi 'gyur:__sgrol ma dkar mo'i dbang gi mthar:__pad+ma'i phyag rgya spyi bor bkod:__tA~M:__sangs rgyas kun gyi bdag nyid che:__phyag rgya sngags kyi mthu chen pos:__skal ldan khyod la byin brlabs pas:__phyi nang 'jigs pa kun zhi shog:__ma hA mu dra rak+ShA haM a b+hi Shiny+tsA mi:__'jigs pa kun zhi srung bar 'gyur:__rma bya chen mo'i dbang gi mthar:__tshe 'gugs 'brang rgyas spyi bor bkod:__ma~M:__tshe yi 'brang rgyas 'od du 'bar:__rig pa chen mo'i ngo bor bzhugs:__skal ldan khyod la dbang bskur bas:__dus min 'chi ba kun zhi shog:__badz+ra a yu She a b+hi Shiny+tsA mi:__thod rdzas bcud len ril bu dang :__tshe yi bza' ba g.yas su sby-in:__hU~M:__'khor 'das dwang ma 'dus pa'i bcud:__'chi med tshe yi dam rdzas 'di:__skal ldan khyod la byin pa yis:__thabs mchog tshe yi dpal thob shog:__rA sa yA na a b+hi Shiny+tsA mi:__tshe yi btung ba g.yon du sbyin:__hrI:__brtan g.yo'i dwangs ma bdud rtsi'i rgyun:__tshe yi btung ba dam pa 'di:__skal ldan khyod la byin pa yis:__shes rab tshe yi dpal thob shog:__a mr-i ta a b+hi Shiny+tsA mi:__tshe bcud sba zhing phyag rgyas gdab:__spro na 'chi ba bslu ba dang :__khrus kyi cho ga tshul bzhin bya:__des ni tshe yi bar chad zhi:__tshe dang ye shes dpal 'phel 'gyur:__de rnams kun gyi mtha' rten du:__shis pa'i rdzas kyis mnga' gsol zhing :__bden tshig shis brjod me tog 'thor:__rjes kyi rim pa spyi ltar bya:__de ltar zab mo'i dbang bskur dag:__smin par thob pa'i skal ldan rnams:__gnas skabs mi mthun phyogs kun zhi:__dpal dang bkra shis bde legs 'phel:__bsnyen sgrub nyams len snod du 'gyur:__mthar thug bla med byang chub 'thob:__de phyir shin tu gces par zungs:__zhi byed bdun gyi man ngag gi dbang bskur ba'i rim par phye ba ste bcu pa'o:__sa ma ya:__rgya rgya:__1234567:__zab mo'i rnal 'byor la brten nas:__mi mthun rab tu zhi byed lam:__gud du sbas pa'i man ngag ni:__skal ldan mchog gi spyod yul lo:__de la thog mar mtshan bcas kyi:__ting nge 'dzin la brten pa ni:__'di ltar sems can thams cad kun:__rang gi skye ba grangs med nas:__mar gyur drin can sha stag ste:__da lta sdug bsngal rgya mtshor byings:__nad gdon bgegs sogs mi mthun pa'i:__'gal rkyen drwa ba bzhin du 'dzings:__shin tu nyam thag gyur pa la:__byams dang snying rje cher bskyed nas:__nad kyi sdug bsngal zhi ba'i phyir:__de rnams nad kyi rgyu 'bras kun:__gtso bor gti mug mthus bskyed pas:__gti mug las dang bzhi brgya'i nad:__thams cad 'od zer dkar smug gi:__rnam par bsdus te rang la thim:__rang nyid spyan mar gsal ba yi:__thugs ka'i sa bon sngags phreng las:__'od zer bdud rtsi char ltar babs:__lhag med ring du sbyangs par bsam:__rang gi nad med bde ba dang :__gti mug med pa'i dge tshogs kun:__bcom ldan sangs rgyas spyan ma yi:__lha sngags 'od zer rnam par 'phros:__sems can kun la thim pa yis:__rgyu 'bras nad rnams kun zhi zhing :__lus sems bde bas khyab par bsgom:__sgrub pa'i sngags bzlas ting 'dzin gsal:__rang gzhan nad kun zhi bar 'gyur:__byang chub bsod nams bla med 'thob:__de bzhin sems can thams cad kyi:__zhe sdang rgyu 'bras las byung ba'i:__gnyan rims la sogs gdug pa'i nad:__dal yams tshul du 'phro ba kun:__'od zer mthing nag rnam par bsdus:__ri khrod lha mo'i ting 'dzin dang :__sngags kyi 'od zer 'bar bas sbyangs:__rang gi nad med bde ba dang :__zhe sdang med pa'i dge tshogs kun:__lha sngags bdud rtsi'i 'od zer spros:__sems can kun la thim pa yis:__zhe sdang rgyu 'bras las byung ba'i:__dal yams gdung ba kun zhi bsam:__de bzhin sems can thams cad kyi:__nga rgyal rgyu 'bras las byung ba'i:__gdon bgegs dgra dang chom rkun sogs:__rnam mang 'tshe ba'i sdug bsngal kun:__'od zer ser nag rnam par bsdus:__'od zer can ma'i ting 'dzin dang :__sngags kyi 'od zer 'bar bas sbyangs:__rang nyid 'tshe bral bde ba dang :__nga rgyal med pa'i dge tshogs kun:__lha sngags bdud rtsi'i 'od zer spros:__sems can kun la thim pa yis:__nga rgyal rgyu 'bras las byung ba'i:__nyer 'tshe thams cad zhi bar bsam:__de bzhin sems can thams cad kyi:__phrag dog rgyu 'bras las byung ba'i:__byad phur rbod gtong 'ching ba kun:__'od zer ljang nag rnam par bsdus:__gtsug tor chen mo'i ting 'dzin dang :__sngags kyi 'od zer 'bar bas sbyangs:__rang nyid 'tshe bral bde ba dang :__phrag dog med pa'i dge tshogs kun:__lha sngags bdud rtsi'i 'od zer spros:__sems can kun la thim pa yis:__phrag dog rgyu 'bras las byung ba'i:__byad phur rbod gtong kun zhi bsam:__de bzhin sems can thams cad kyi:__'dod chags rgyu 'bras las byung ba'i:__lus dang sems la zhen pa'i nad:__sdug bsngal yid mi bde ba kun:__'od zer dmar nag rnam par bsdus:__sher phyin dkar mo'i ting 'dzin dang :__sngags kyi 'od zer 'bar bas sbyangs:__rang gi lus sems bde ba dang :__'dod chags med pa'i dge tshogs kun:__lha sngags bdud rtsi'i 'od zer spros:__sems can kun la thim pa yis:__'dod chags rgyu 'bras las byung ba'i:__sdug bsngal thams cad zhi bar bsam:__de bzhin sems can thams cad kyi:__log lta'i rgyu 'bras las byung ba'i:__seng ge glang chen g.yul 'khrugs sogs:__rnam mang 'jigs pa'i tshogs rnams kun:__'od zer smug nag rnam par bsdus:__rje btsun sgrol ma'i ting 'dzin dang :__sngags kyi 'od zer 'bar bas sbyangs:__rang nyid 'jigs med bde ba dang :__log lta med pa'i dge tshogs kun:__lha sngags bdud rtsi'i 'od zer spros:__sems can kun la thim pa yis:__log lta'i rgyu 'bras las byung ba'i:__'jig pa'i tshogs las dbugs phyung bsam:__de bzhin sems can thams cad kyi:__the tshom rgyu 'bral las byung ba'i:__dus min 'chi ba'i sdug bsngal kun:__'od zer dud ka'i rnam par bsdus:__rma bya chen mo'i ting 'dzin dang :__sngags kyi 'od zer 'bar bas sbyangs:__rang nyid 'tsho ba'i bde ba dang :__the tshom med pa'i dge tshogs kun:__lha sngags bdud rtsi'i 'od zer spros:__sems can kun la thim pa yis:__the tshom rgyu 'bras las byung ba'i:__dus min 'chi ba kun zhi bsam:__de ltar de rnams thams cad kyang :__thog mar 'byongs par sba ba'i phyir:__rang gi rtsa ba'i ma la bsgom:__de nas gnyen sogs dga' 'dun dang :__skye bar dka' ba'i dgra gdon bgegs:__mthar gyis mkha' khyab yid can la:__phyogs lhung med par khyab gdal btang :__khyad par rang la bskyab pa dang :__mgon med nyam thag mngon gyur la:__bkol te bsgoms pas don chen 'grub:__rang gzhan mi mthun 'gal rkyen zhi:__phan bde bla na med par 'gyur:__mtshan ma med pa'i ting nge 'dzin:__de kho na nyid bsgom pa ni:__rang gzhan nad gdon nyer 'tshe dang :__'jigs dang sdug bsngal thams cad kun:__sngon dang 'phral gyi las las byung :__las ni nyon mongs las byung ste:__nyon mongs rnam rtog gzhan dbang can:__rnam rtog sems kyi mtshang btsal nas:__skye med gnyug mar mnyam gnas pas:__rtog pa'i phung po brgyad khrid yang :__rang bzhin ngang gis grol 'gyur na:__'gal rkyen tsam la smos ci dgos:__de bas sngags shes rnal 'byor pa:__zab mo'i don la blo gzhol bas:__spros pa thams cad yongs spangs nas:__'bad pas de kho na nyid bsgom:__lus gnad bsrangs la rlung ro bsal:__dran pa mngon du bzhag byas te:__nges par 'byung dang byang sems bskyed:__bla mar gsol ba drag tu gdab:__thugs yid bsres la mnyam bzhag dang :__'di ltar 'jig rten thams cad kyi:__'gal rkyen nyer 'tshe'i sdug bsngal kun:__bdag tu 'dzin pa las byung ste:__bdag las pha rol gzhan du mthong :__de las chags sogs nyon mongs kyis:__kun bslangs mi dge'i las bsags pas:__'bras bu sdug bsngal bden par smin:__'gro ba drug gi gnas ris su:__rnam mang lus dang nyer spyod dang :__'jigs dang sdug bsngal sna tshogs pa:__med bzhin rmi lam lta bur myong :__de ltar 'khrul pa'i 'gro kun la:__dmigs pa med pa'i snying rje bskyed:__snying rje'i ngo bo stong par shar:__stong pa so sor rang rig pa:__de kho na nyid lhums su zhugs:__mdor na gang zag gzung 'dzin gyi:__zhen pa'i mdud pa ji snyed kun:__so so'i rten 'brel tshogs pa la:__brten nas btags pa kho na ste:__nyams dga' sems kyi rol pa yin:__sems nyid skye med 'gag pa med:__gnas med dmigs med 'gro 'ong bral:__gdod nas rang bzhin stong pa ste:__gsal rig tsam du rgyun mi 'chad:__de yang smra bsam brjod las 'das:__byar med gnyug mar yongs shes pas:__ma bcos ma bslad rang rig pa:__mi 'gyur nam mkha'i srog bzung nas:__chu bo'i rgyun ni rab 'babs ltar:__mnyam gzhag dgongs pa'i gding rnyed na:__snang sems ro gcig 'od gsal ngang :__'jigs dang sdug bsngal rtog pa kun:__sbrul mdud bzhin du rang sar grol:__bde chen ye shes rang las shar:__'gro 'dul thugs rje rgyun mi 'chad:__gzung 'dzin 'khrul pa rab zhi ba'i:__don gyi phrin las mthar phyin 'gyur:__zhi byed bdun gyi man ngag gi rnal 'byor zab mo'i rim par phye ba ste bcu gcig pa'o:__sa ma ya:__rgya rgya:__12345:__bla ma brgyud pa las 'ongs pa'i:__zab mo'i tan+t+ra mang po'i don:__zhi byed bdun gyi man ngag mchog:__shin tu gsal bar bshad pa 'di:__bdag nyid pad+ma saM b+ha was:__da lta'i snod ldan 'dus pa dang :__ma 'ongs 'gro ba'i don du gdams:__yal bar ma dor nyams su longs:__gnas skabs mthar thug phyi nang gi:__'jigs dang sdug bsngal kun zhi zhing :__lam gyi yon tan rab tu 'phel:__byang chub go 'phang myur thob shog:__sa ma ya:__rgya rgya rgya:__rgya gar gyi mkhan po pad+ma saM b+ha wa dang :__lha sras lo tsa ba rol pa ye shes rtsal gyis mchims phu rdza'i ra bar bsgyur ba'o/__/slar yang bka' stsal pa:__zhi byed bdun gyi man ngag 'di:__da lta'i mnga' bdag yab sras dang :__snod ldan mtshan ldan tshogs rnams la:__smin grol gdams pa chig rdzogs bstan:__rang rang gsang bas nyams su longs:__snyigs ma'i 'gro la phan pa'i phyir:__skyid smad klungs chen 'dus pa'i mdo:__lha ri brag la gter du bsdams:__lha btsan spun bdun srung mar bskos:__nam zhig drug cu kha ral dus:__dam 'dzin lo tsA'i skye ba'i mtha':__lha rigs sngon mo'i ming dang 'phrad:__des kyang gsang bas nyams blangs te:__rang gzhan don 'ga' sgrub par byed:__shog ser yang rdzong brag tu sbos:__slar yang sum cu kha ral dus:__lha sras rang gi skye ba'i mtha':__mchog gi ming can skal bar thob:__mnga' bdag skye bas mtshams sbyar nas:__bai ro nam snying rgyal mchog dbyangs:__bdud 'joms lang gro dpal gyi seng :__chos rgyal yab sras gzungs mang bcas:__de la sogs pa'i skye ba'i mthas:__rang gzhan don mang dpal la spyod:__phan pa bla na med par 'gyur:__zhes gsungs so:__sa ma ya:__rgya rgya rgya:__gter rgya:__sbas rgya:__zab rgya:__gsang rgya:__spel rgya:__rgya rgya rgya:__man+ta guh+ya kha thaM:__zhi byed bdun gyi man ngag zab mo 'di nyid 'u shangs rdo'i nub phyogs lha ri rol po'i brag tu sbas pa gter ston lha btsun sngon mo'am lha dbang rgya mtsho blo gros kyis rab byung gnyis pa'i dus spyan drangs:__ma phyi sbrags kyi yang rdzong du sbas pa nyid phyis rab tshes sa pho 'brug gi lor sprul pa'i gter ston chen po mchog gyur bde chen zhig po gling pas gsang gter gyi tshul du spyan drangs pa'i zab shog ser po las pad+ma 'od gsal mdo sngags gling pas legs par gtan la phab pa bstan pa dang sems can la phan pa rgya chen po 'byung ba'i rgyur gyur cig__//__