DKR-KABUM-18-TSHA-027

🚧 This website is under continued development. We appreciate your patience!

Previous Text Back to Volume PageNext Text

ཟབ་གསང་པདྨའི་ཡང་ཐིག་ལས༔ པདྨ་དྲག་པོའི་སྨད་ལས་གདབ་ཁ་དང་བཟློག་པ་མཚོན་ཆ་འཁོར་ལོ༔

Wylie title	zab gsang pad+ma'i yang thig las: pad+ma drag po'i smad las gdab kha dang bzlog pa mtshon cha 'khor lo
Location	dil mgo mkhyen brtse bka' 'bum Volume 18, Text 27, Pages 174-181 (Folios 1a to 8a2)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Tertön	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)
Citation	'jam dbyangs mkhyen brtse chos kyi blo gros. Zab gsang pad+ma'i yang thig las pad+ma drag po'i smad las gdab kha dang bzlog pa mtshon cha 'khor lo. In Skyabs rje dil mgo mkhyen brtse rin po che'i bka' 'bum, Vol. 18: 174-181. Delhi: Shechen Publications, 1994.
Genre	Activity Manual - las byang  ·  Sadhanas - Evocation Ritual - sgrub thabs
Cycle	ཟབ་གསང་པདྨའི་ཡང་ཏིག་་ (zab gsang pad+ma'i yang tig)
Deity	pad+ma drag po
Colophon	ཆུ་སྦྲུལ་ས་ག་ཟླ་བའི་ཚེས་གསུམ་བཞི་ལ་བྲིས་པའོ། །མངྒ་ལཾ། དགེའོ།
	chu sbrul sa ga zla ba'i tshes gsum bzhi la bris pa'o/_/mang+ga laM/_dge'o/

Tibetan Text

Wylie

[edit]

༁ྃ༔ ཟབ་གསང་པདྨའི་ཡང་ཐིག་ལས༔ པདྨ་དྲག་པོའི་སྨད་ལས་གདབ་ཁ་དང་བཟློག་པ་མཚོན་ཆ་འཁོར་ལོ་བཞུགས༔

པདྨ་དྲག་པོར་ཕྱག་འཚལ་ལོ༔ དྲག་པོ་རྒྱུ་བའི་དུས་ཚེས་ཀྱི༔ ཉི་མ་ནག་པོར་ཕུང་ཤུལ་གྱི༔ ས་ལ་སྟེགས་བུ་བཅས་བྱས་ཏེ༔ དུར་ཁྲོད་རུས་ཆེན་རོ་སོལ་གྱིས༔ བྱུག་པའི་དབུས་སུ་མ་ཏྲྃ་གཟུགས༔ དེ་ཡི་ལྟོ་བར་ལྕགས་འཁོར་ནི༔ རྩིབས་བཞི་རྣོ་བར་ཧཱུྃ་སྔོན་དང༔ དེ་ཕྱིར་ཁྲག་ཁྱམས་རྡོ་རྭ་དང༔ མེ་རླུང་འཁྲུགས་པས་མཚན་པ་བྲིས༔ དེ་དབུས་ཤ་ཁྲག་རུས་པ་དང༔ འབྲུ་ནག་དག་ལས་དྲག་གཏོར་ནི༔ ཐོག་མདེའུ་དབྱིབས་ཅན་ཁྲུ་གང་པར༔ དྲེགས་པའི་གཏོར་ཆུང་བརྒྱད་ཀྱིས་བསྐོར༔ མཚེ་ཡུངས་རྩང་དང་ཤིང་ཚེར་གྱི༔ རྭ་བས་བསྐོར་ཞིང་རྔམ་བརྗིད་ལྡན༔ རི་རུད་གད་ཆད་ལ་སོགས་དང༔ དགྲ་བགེགས་བྱད་མའི་དྲི་མ་རྣམས༔ བསྲེས་པའི་རཱུ་པ་ཉམ་ཐག་པ༔ སོར་བཞིའམ་ནི་བརྒྱད་དག་བྱ༔ དེ་ཡི་སྙིང་ཁར་མཚོན་འཁོར་ནི༔ རྩིབས་བཞིའི་ལྟེ་བར་དགྲ་བགེགས་གཟུགས༔ སྙིང་ཁར་ནྲྀ་ཏྲི་ཁ་སྤྲོད་དང༔ ལིངྒའི་གནས་ཡིག་སྤྱི་ལྟར་བཀོད༔ ལྟེ་སྲོག་མཐའ་ལ་ཡི་གེ་ནི༔ ཁུག་ཛཿཤ་ཏྲཱུཾ་སྲོག་ལ་རྦད༔ ཅེས་པ་དག་གིས་བསྐོར་བྱས་ལ༔ ཛཿཁྲམ་གྱིས་ནི་མཐའ་ནས་འཁྱུད༔ དུག་ཁྲུས་བསད་ལྟེབས་བྱད་ཐག་འཆིང༔ དེ་ཡི་སྣེ་ནས་ཚོན་སྐུད་ནི༔ དྲངས་ཏེ་གཏོར་ཆེན་འོག་ཏུ་དྲངས༔ སྔགས་པས་ཡི་དམ་སྒྲུབ་མཆོད་དང༔ མདུན་གྱི་གཏོར་མ་ལྷར་བསྐྱེད་ཅིང༔ ལས་ཀྱི་རིམ་པ་ཅི་རིགས་བྱ༔ མདུན་བསྐྱེད་དྲག་པོའི་ལྷ་ཚོགས་ཀྱི༔ ཐུགས་ཀར་སྔགས་ཀྱི་བསྐོར་བ་ལས༔ འོད་འཕྲོས་བྱིན་བསྡུ་ནུས་བསྐྱེད་དེ༔ མཐུ་རྩལ་རབ་རྫོགས་དབང་ཐོབ་བསམ༔ སླར་ཡང་འོད་འཕྲོས་གདུག་པ་ཅན༔ སྡེ་བརྒྱད་སྲོག་གི་སྙིང་པོ་འཕྲོས༔ ཐུགས་ཀའི་སྔགས་ཀྱི་འོག་ཏུ་བསྟིམ༔ དྲེགས་པའི་སྲོག་དབང་འདུས་པར་བསམ༔ ཐུགས་ནས་འོད་ཟེར་མཚོན་ཆ་ལྟར༔ རབ་ཏུ་རྩུབ་པ་འཕྲོས་པ་ཡིས༔ དགྲ་བགེགས་གདོན་བྱད་ཐམས་ཅད་རྣམས༔ བཀུག་ནས་འབར་བའི་ཧོཾ་དུ་བཅུག༔ སྙིང་ཁར་ཟངས་ལྕགས་འཁོར་ལོ་གཉིས༔ གཡས་གཡོན་དྲག་ཏུ་འཁོར་བ་དང༔ སྡིག་པས་ཧབ་ཧབ་ཟོས་པར་བསམ༔ རྩ་སྔགས་དྲེགས་པའི་ཤམ་བུ་དང༔ པདྨ་ཀྲོ་དྷཱིའི་དྲག་སྔགས་ནི༔ མེ་དཔུང་ཐོག་སེར་འབབ་ལྟར་བཟླ༔ གཏོར་ཆུང་གནོད་བྱེད་དགུག་བསྟིམ་གྱིས༔ དམག་ལྟོའི་ཚུལ་དུ་ཕུལ་བ་དང༔ དྲག་པོའི་ཕྲིན་ལས་བཅོལ་བར་བྱ༔ ཆོས་སྐྱོང་གཏོར་བསྐང་ཚོགས་མཆོད་འབུལ༔ སྲུང་བ་རང་ཉིད་ཡི་དམ་དུ༔ གསལ་བའི་ཐུགས་སྲོག་ལས་འཕྲོས་པའི༔ འོད་ཀྱིས་རྩ་གསུམ་རྒྱལ་བ་དང༔ དྲེགས་ཚོགས་སྤྱན་དྲངས་འོད་དུ་ཞུ༔ ཕྱག་མཚན་ལྔ་དང་ལྕགས་སྡིག་གི༔ སྲུང་བའི་གུར་ཁང་ཆེན་པོར་མོས༔ རྩ་བའི་སྔགས་མཐར། མ་མ་བཛྲ་རཀྵ་རཀྵ་ཧཱུྃ་ཏིཥྛ་བྷྲཱུྃ༔ ཞེས་བཏགས་སྲུང་དམིགས་ནན་ཏན་བྱ༔ དེ་ནས་གསེར་སྐྱེམས་གཟུ་དཔང་ནི༔ ལས་རིམ་གཞན་ལས་འབྱུང་ལྟར་ལ༔ ཧཱུྃ༔ མི་མངོན་དབྱིངས་ན་བཞུགས་པ་ཡི༔ རྩ་གསུམ་རྒྱལ་བ་རབ་འབྱམས་ཀྱི༔ ཐུགས་དམ་བསྐུལ་ལོ་མཐུ་དཔུང་བསྐྱེད༔ ཉམས་པ་བསྒྲལ་བའི་དུས་ལ་བབ༔ རྔ་ཡབ་ལངྐ་པུ་རི་ནས༔ བླ་མ་དྲག་པོའི་ལྷ་ཚོགས་རྣམས༔ ཐུགས་རྗེའི་མཐུ་རྩལ་རབ་བསྐྱེད་དེ༔ དེང་འདིར་བསྐུལ་ལོ་དགོངས་པར་མཛོད༔ བདག་ཅག་བྱང་ཆུབ་སྒྲུབ་པ་ལ༔ བར་དུ་གཅོད་པའི་བདུད་དགྲ་དང༔ བསྟན་ལ་གནོད་ཅིང་འཚེ་བ་ཡི༔ ཀླ་ཀློ་འབྱུང་པོའི་དཔུང་ཚོགས་རྣམས༔ ད་ལྟ་བསྒྲལ་བའི་དུས་ལ་བབ༔ ཐུགས་དམ་མ་གཡེལ་ས་མ་ཡ༔ ཁྱེད་རྣམས་གཟུ་དང་དཔང་མཛོད་ལ༔ བདེན་རྫུན་གཉིས་ཀྱི་ཤན་ཐང་འབྱེད༔ བདག་ཅག་མ་ཉེས་མ་ཡོའོ༔ འདི་ལ་སྐྱོབ་པ་སུ་ཞིག་ཡོད༔ ཉམས་པ་སྒྲོལ་བའི་དུས་འདི་ཡིན༔ ཕྱི་ནས་ཁྱེད་ཀྱི་མཐུ་རྩལ་གྱི༔ དགོས་པ་ཆུང་ཞིང་དེ་བས་ན༔ ད་ལྟ་ཉིད་དུ་མངོན་སྤྱོད་ཀྱི༔ ཕྲིན་ལས་དྲག་པོ་མཛད་དུ་གསོལ༔ ཧོམ་བསྐྱེད་དགུག་གཞུག་དྲག་ཏུ་བྱ༔ ཛཿ ལྕགས་ཀྱུ་ཅན་གྱིས་སྙིང་ནས་ཟུངས༔ ཧཱུྃ། ཞགས་པ་ཅན་གྱིས་སྐེ་ནས་སྡོམས༔ བྃ། ལྕགས་སྒྲོག་ཅན་གྱིས་ཡན་ལག་ཆིངས༔ ཧོཿ དྲིལ་བུ་ཅན་གྱིས་མྱོས་སུ་ཆུག༔ ནྲྀ་ཏྲི་དགྲ་བགེགས་ཆེ་གེ་མོ་ཨ་ཀརྵ་ཡ་ཛཿ ཛཿཧཱུྃ་བྃ་ཧོ༔ ཡང་ཡང་བརྗོད༔ བྱ་འུག་སྒྲོ་དང་དུད་པས་བདུག༔ ཧཱུྃ༔ དབྱེ་བྱེད་ཕོ་ཉ་ཆེན་མོ་ཡི༔ རྫས་དང་སྔགས་ཀྱིས་དགྲ་གདོན་གྱི༔ ལྷ་དང་སྲུང་མ་ཐམས་ཅད་ནི༔ དབང་མེད་བྲལ་ཏེ་མཐུ་མེད་མོས༔ ཛཿཔྲ་ཝེ་ཤ་ཡ་ཕཊ྄༔ ཨ་ཝེ་ཤ་ཡ་ཨ༔ ཐུན་རྫས་དུག་ཁྲག་གཏིག་བྱས་ལ༔ ཧཱུྃ་བྷྱོ༔ ཕོ་ཉ་སྲིན་པོ་ཁྲོས་པ་ཡིས༔ མྱོས་བྱེད་དུག་ཁྲག་ཆར་འབེབས་པས༔ ཉམས་པ་དྲན་མྱོས་བཀྲག་མདངས་ཉམས༔ སྐྱབས་བྲལ་མགོན་མེད་གྱུར་པར་མོས༔ ཛྭ་ལ་པ་ཡ་ཛྭ་ལ་པ་ཡ་མཱ་ར་ཡ་རྦད༔ དེ་ནས་ཕུར་བུ་ཐོགས་བྱས་ལ༔ གདིང་གསུམ་གསལ་བ་གསུམ་དང་ནི༔ ཚེ་ཁྲུས་དགོངས་པས་བཏབ་བྱས་ལ༔ ཧཱུྃ༔ པདྨ་དྲག་པོ་ཀཱི་ལ་ཡ༔ སྐུ་སྟོད་ཁྲོ་བོ་ཆེན་པོའི་སྐུ༔ སྐུ་སྨད་ལྕགས་བསྲེག་ཕུར་བུ་ཡིས༔ དགྲ་གདོན་བགེགས་ཀྱི་སྙིང་ཁར་བཏབ༔ རྣམ་ཤེས་ཆོས་དབྱིངས་ཀློང་དུ་ཕཊ྄༔ རྩ་བའི་སྔགས་དང་དྲག་སྔགས་ཀྱི༔ སྙིང་ག་གཙོ་བྱས་གནས་རྣམས་ལ༔ བཏབ་སྟེ་འཚེངས་པ་གསུམ་ལྡན་མོས༔ ཐུན་རྫས་སྣ་ཚོགས་ཆར་ཕབས་ལ༔ ཧཱུྃ༔ དྲག་པོའི་ལྷ་ཚོགས་ཐམས་ཅད་ལས༔ ཕོ་ཉ་མང་པོ་སྐར་ལྟར་འཁྲུགས༔ དགྲ་བགེགས་གཟུགས་ཕུང་རྡུལ་དུ་བརླག༔ ཨོཾ་པདྨ་ཀྲོ་དྷ་དགྲ་བགེགས་མཱ་ར་ཡ་མཱ་ར་ཡ་ད་ཧ་ད་ཧ་པ་ཙ་པ་ཙ་གྲྀཧྞ་གྲྀཧྞ་བྷནྡྷ་བྷནྡྷ་ཧཱུྃ་ཕཊ༔ འབར་བའི་རལ་གྲིས་དུམ་བུར་གཏུབ༔ ཧཱུྃ་བྷྱོ༔ ཉམས་པའི་གཟུགས་ཕུང་ཡེ་ཤེས་ཀྱི༔ རལ་གྲི་རྣོ་དབལ་འབར་བ་ཡིས༔ དུམ་བུར་གཏུབ་ཅིང་སྐྱེ་རྒྱུན་གཅོད༔ མིང་གི་ལྷག་མ་མེད་པར་གྱུར༔ ཨོཾ་པདྨ་ཀྲོ་དྷ་དགྲ་བགེགས་ཚིནྡྷ་ཡ་ཚིནྡྷ་ཡ་ཧཱུྃ་ཕཊ྄༔ ཤ་ཁྲག་བདུད་རྩིར་སྦར་བྱས་ཏེ༔ ཧཱུྃ༔ དྲག་པོའི་ལྷ་ཚོགས་རྔམས་པའི་ཞལ༔ གྲུ་གསུམ་གནམ་ས་ལྟར་གདངས་པར༔ དགྲ་བགེགས་ཤ་ཁྲག་རུས་གསུམ་སྟོབ༔ ཆེམ་ཆེམ་བཞེས་ཤིག་ཁ་རཾ་ཁཱ་ཧི༔ རྩ་སྔགས་མཐར། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ དེ་ནས་དུག་ཁྲག་གཏོར་མ་དང༔ ཁྲག་སྐྱེམས་བཤམས་ཤིང་རྔེའུ་ཆུང་བརྡུང༔ བཟློག་པའི་ཕྲིན་ལས་བཅོལ་བ་ནི༔ ཧཱུྃ་ཧྲཱིཿ གྲུ་གསུམ་སྨུག་ནག་འབར་བའི་དཀྱིལ་འཁོར་ནས༔ པདྨ་དྲག་པོ་ཡབ་ཡུམ་སྲས་འཁོར་བཅས༔ བཞེངས་ཤིག་བཞེངས་ཤིག་ཆོས་ཀྱི་དབྱིངས་ནས་བཞེངས༔ བསྐུལ་ལོ་བསྐུལ་ལོ་དྲག་པོའི་ལས་ལ་བསྐུལ༔ བཟློག་ཅིང་བསྒྱུར་བའི་ཕྲིན་ལས་མཛད་དུ་གསོལ༔ ཧཱུྃ་ཧྲཱིཿ དཀྱིལ་འཁོར་གཙོ་མཆོག་གུ་རུ་དྲག་པོའི་སྐུ༔ རྔམ་བརྗིད་ཁྲོས་པའི་ངར་སྐད་ཕྱོགས་བཅུར་སྒྲོག༔ འབར་བའི་མཚོན་ཆ་སྣ་ཚོགས་འཕྲོ་བ་དང༔ སྐུ་མཆོག་རྔམ་ཞིང་བརྗིད་པའི་ཉམས་ལྡན་པས༔ དགྲ་གདོན་ཤ་ཁྲག་མཆོད་པ་འདི་བཞེས་ལ༔ འབྱུང་བ་གཡོ་འཁྲུགས་ཕྱི་ནང་བར་ཆད་བཟློག༔ རྩ་རླུང་ཐིག་ལེའི་འདུ་བ་འཁྲུགས་པ་བཟློག༔ བན་བོན་མུ་སྟེགས་ཕྱི་པའི་ངན་སྔགས་བཟློག༔ མནན་བསྲེག་འཕང་དང་འཁྲུལ་འཁོར་ཐམས་ཅད་བཟློག༔ རྨི་ལྟས་མཚན་ངན་ཀེག་སྲི་ཐམས་ཅད་བཟློག༔ ལྟས་ངན་ཡེ་འདྲོགས་གློ་བུར་ཐམས་ཅད་བཟློག༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་ཆག་ཆེ་ཉམ་ང་དགྲ་ལ་སྒྱུར༔ བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ༔ ཧཱུྃ༔ གཉིས་མེད་སྦྱོར་བའི་ཡུམ་མཆོག་མཐིང་འོད་འབར༔ ཁྲོ་མོའི་ཆས་ལྡན་ཡབ་ལ་དགྱེས་སྟོབ་འཁྲིལ༔ ཨ་ར་ལི་དང་ཧི་ཧིའི་སྒྲ་ཆེན་སྒྲོག༔ སྤྲུལ་པའི་ཁྲོ་མོ་སྐར་ལྟར་འཁྲུགས་པ་ཡིས༔ དགྲ་གདོན་ཤ་ཁྲག་མཆོད་པ་འདི་བཞེས་ལ༔ འབྱུང་བ་གཡོ་འཁྲུགས་ཕྱི་ནང་བར་ཆད་བཟློག༔ རྩ་རླུང་ཐིག་ལེའི་འདུ་བ་འཁྲུགས་པ་བཟློག༔ བན་བོན་མུ་སྟེགས་ཕྱི་པའི་ངན་སྔགས་བཟློག༔ མནན་བསྲེག་འཕང་དང་འཁྲུལ་འཁོར་ཐམས་ཅད་བཟློག༔ རྨི་ལྟས་མཚན་ངན་ཀེག་སྲི་ཐམས་ཅད་བཟློག༔ ལྟས་ངན་ཡེ་འདྲོགས་གློ་བུར་ཐམས་ཅད་བཟློག༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་ཆག་ཆེ་ཉམ་ང་དགྲ་ལ་སྒྱུར༔ བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ༔ ཧཱུྃ་ཡ༔ པདྨ་དྲག་པོའི་སྐུ་ཡི་དཀྱིལ་འཁོར་ནས༔ འཇམ་དཔལ་གཤིན་རྗེའི་ལྷ་ཚོགས་དབྱིངས་ནས་བཞེངས༔ གཤིན་རྗེ་བྱེ་བ་འབུམ་སྡེའི་ཚོགས་བཅས་ཀྱིས༔ དགྲ་གདོན་ཤ་ཁྲག་མཆོད་པ་འདི་བཞེས་ལ༔ འབྱུང་བ་གཡོ་འཁྲུགས་ཕྱི་ནང་བར་ཆད་བཟློག༔ རྩ་རླུང་ཐིག་ལེའི་འདུ་བ་འཁྲུགས་པ་བཟློག༔ བན་བོན་མུ་སྟེགས་ཕྱི་པའི་ངན་སྔགས་བཟློག༔ མནན་བསྲེག་འཕང་དང་འཁྲུལ་འཁོར་ཐམས་ཅད་བཟློག༔ རྨི་ལྟས་མཚན་ངན་ཀེག་སྲི་ཐམས་ཅད་བཟློག༔ ལྟས་ངན་ཡེ་འདྲོགས་གློ་བུར་ཐམས་ཅད་བཟློག༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་ཆག་ཆེ་ཉམ་ང་དགྲ་ལ་སྒྱུར༔ བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ༔ ཧཱུྃ་ཧྲཱིཿ པདྨ་དྲག་པོའི་གསུང་གི་དཀྱིལ་འཁོར་ནས༔ དབང་ཆེན་རྟ་མཆོག་སྤྲུལ་པའི་ཚོགས་བཅས་ཀྱིས༔ དགྲ་གདོན་ཤ་ཁྲག་མཆོད་པ་འདི་བཞེས་ལ༔ འབྱུང་བ་གཡོ་འཁྲུགས་ཕྱི་ནང་བར་ཆད་བཟློག༔ རྩ་རླུང་ཐིག་ལེའི་འདུ་བ་འཁྲུགས་པ་བཟློག༔ བན་བོན་མུ་སྟེགས་ཕྱི་པའི་ངན་སྔགས་བཟློག༔ མནན་བསྲེག་འཕང་དང་འཁྲུལ་འཁོར་ཐམས་ཅད་བཟློག༔ རྨི་ལྟས་མཚན་ངན་ཀེག་སྲི་ཐམས་ཅད་བཟློག༔ ལྟས་ངན་ཡེ་འདྲོགས་གློ་བུར་ཐམས་ཅད་བཟློག༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་ཆག་ཆེ་ཉམ་ང་དགྲ་ལ་སྒྱུར༔ བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ༔ ཧཱུྃ་ཧཱུྃ༔ པདྨ་དྲག་པོའི་ཐུགས་ཀྱི་དཀྱིལ་འཁོར་ནས༔ དཔལ་ཆེན་གསང་བདག་ཧེ་རུ་ཀ་ཡི་ཚོགས༔ ཐུགས་མཆོག་རིགས་ཀྱི་ཁྲོ་བོ་ཁྲོ་མོ་རྣམས༔ དགྲ་གདོན་ཤ་ཁྲག་མཆོད་པ་འདི་བཞེས་ལ༔ འབྱུང་བ་གཡོ་འཁྲུགས་ཕྱི་ནང་བར་ཆད་བཟློག༔ རྩ་རླུང་ཐིག་ལེའི་འདུ་བ་འཁྲུགས་པ་བཟློག༔ བན་བོན་མུ་སྟེགས་ཕྱི་པའི་ངན་སྔགས་བཟློག༔ མནན་བསྲེག་འཕང་དང་འཁྲུལ་འཁོར་ཐམས་ཅད་བཟློག༔ རྨི་ལྟས་མཚན་ངན་ཀེག་སྲི་ཐམས་ཅད་བཟློག༔ ལྟས་ངན་ཡེ་འདྲོགས་གློ་བུར་ཐམས་ཅད་བཟློག༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་ཆག་ཆེ་ཉམ་ང་དགྲ་ལ་སྒྱུར༔ བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ༔ ཧཱུྃ་བྃཿ པདྨ་དྲག་པོའི་ཡོན་ཏན་དཀྱིལ་འཁོར་ནས༔ བདུད་འདུལ་ཁྲོ་མོ་དབྱིངས་ཕྱུག་སྡེ་ལྔའི་ཚོགས༔ དྷཱ་ཀི་བྱེ་བ་འབུམ་གྱི་འཁོར་ཚོགས་རྣམས༔ དགྲ་གདོན་ཤ་ཁྲག་མཆོད་པ་འདི་བཞེས་ལ༔ འབྱུང་བ་གཡོ་འཁྲུགས་ཕྱི་ནང་བར་ཆད་བཟློག༔ རྩ་རླུང་ཐིག་ལེའི་འདུ་བ་འཁྲུགས་པ་བཟློག༔ བན་བོན་མུ་སྟེགས་ཕྱི་པའི་ངན་སྔགས་བཟློག༔ མནན་བསྲེག་འཕང་དང་འཁྲུལ་འཁོར་ཐམས་ཅད་བཟློག༔ རྨི་ལྟས་མཚན་ངན་ཀེག་སྲི་ཐམས་ཅད་བཟློག༔ ལྟས་ངན་ཡེ་འདྲོགས་གློ་བུར་ཐམས་ཅད་བཟློག༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་ཆག་ཆེ་ཉམ་ང་དགྲ་ལ་སྒྱུར༔ བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ༔ ཧཱུྃ་ཡ༔ པདྨ་དྲག་པོའི་ཕྲིན་ལས་དཀྱིལ་འཁོར་ནས༔ ཁྲོ་རྒྱལ་ཡཀྴ་མེ་དབལ་ལྷ་ཚོགས་རྣམས༔ དགྲ་གདོན་ཤ་ཁྲག་མཆོད་པ་འདི་བཞེས་ལ༔ འབྱུང་བ་གཡོ་འཁྲུགས་ཕྱི་ནང་བར་ཆད་བཟློག༔ རྩ་རླུང་ཐིག་ལེའི་འདུ་བ་འཁྲུགས་པ་བཟློག༔ བན་བོན་མུ་སྟེགས་ཕྱི་པའི་ངན་སྔགས་བཟློག༔ མནན་བསྲེག་འཕང་དང་འཁྲུལ་འཁོར་ཐམས་ཅད་བཟློག༔ རྨི་ལྟས་མཚན་ངན་ཀེག་སྲི་ཐམས་ཅད་བཟློག༔ ལྟས་ངན་ཡེ་འདྲོགས་གློ་བུར་ཐམས་ཅད་བཟློག༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་ཆག་ཆེ་ཉམ་ང་དགྲ་ལ་སྒྱུར༔ བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ༔ ཧཱུྃ་ཧྲཱིཿ གཙོ་མཆོག་སྐུ་ཡི་གནས་ལྔའི་ཁྲོ་ཆེན་ལྔ༔ གསེར་ལྕགས་དུང་གཡུ་ཟངས་ཀྱི་སྡིག་པ་ལྔ༔ མགོ་དགུ་རྭ་ནི་བཅོ་བརྒྱད་ལྡན་པ་ཡི༔ མ་རུངས་གདུག་པའི་གཟུགས་ཅན་འཁོར་བཅས་རྣམས༔ དགྲ་གདོན་ཤ་ཁྲག་མཆོད་པ་འདི་བཞེས་ལ༔ འབྱུང་བ་གཡོ་འཁྲུགས་ཕྱི་ནང་བར་ཆད་བཟློག༔ རྩ་རླུང་ཐིག་ལེའི་འདུ་བ་འཁྲུགས་པ་བཟློག༔ བན་བོན་མུ་སྟེགས་ཕྱི་པའི་ངན་སྔགས་བཟློག༔ མནན་བསྲེག་འཕང་དང་འཁྲུལ་འཁོར་ཐམས་ཅད་བཟློག༔ རྨི་ལྟས་མཚན་ངན་ཀེག་སྲི་ཐམས་ཅད་བཟློག༔ ལྟས་ངན་ཡེ་འདྲོགས་གློ་བུར་ཐམས་ཅད་བཟློག༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་ཆག་ཆེ་ཉམ་ང་དགྲ་ལ་སྒྱུར༔ བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ༔ ཧཱུྃ་ཧྲཱིཿ གཞན་ཡང་སྟེང་འོག་ཕྱོགས་མཚམས་ཐམས་ཅད་དུ༔ རྩ་གསུམ་ཆོས་སྐྱོང་ནོར་ལྷ་གཏེར་བདག་ཚོགས༔ སྤྲུལ་པ་ཡང་སྤྲུལ་འཁོར་དང་བཅས་པ་རྣམས༔ དགྲ་གདོན་ཤ་ཁྲག་མཆོད་པ་འདི་བཞེས་ལ༔ འབྱུང་བ་གཡོ་འཁྲུགས་ཕྱི་ནང་བར་ཆད་བཟློག༔ རྩ་རླུང་ཐིག་ལེའི་འདུ་བ་འཁྲུགས་པ་བཟློག༔ བན་བོན་མུ་སྟེགས་ཕྱི་པའི་ངན་སྔགས་བཟློག༔ མནན་བསྲེག་འཕང་དང་འཁྲུལ་འཁོར་ཐམས་ཅད་བཟློག༔ རྨི་ལྟས་མཚན་ངན་ཀེག་སྲི་ཐམས་ཅད་བཟློག༔ ལྟས་ངན་ཡེ་འདྲོགས་གློ་བུར་ཐམས་ཅད་བཟློག༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་ཆག་ཆེ་ཉམ་ང་དགྲ་ལ་སྒྱུར༔ བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ༔ ཧཱུྃ་ཁྲོཾཿ དཔལ་ཆེན་པདྨ་དྲག་པོའི་དབུ་གཙུག་གི༔ ཡེ་ཤེས་བྱ་ཁྱུང་སྒྲོ་གཤོག་མཆུ་སྡེར་གྱིས༔ གདུག་པའི་ཀླུ་རིགས་ཞལ་དུ་འདྲེན་མཛད་ཅིང༔ ཀྲང་ཀྲང་ཀྲིང་ཀྲིང་སྒྲོ་གཤོག་མེ་འབར་བའི༔ སྤྲུལ་པའི་ཁྱུང་ཆེན་ཡང་སྤྲུལ་ཚོགས་དང་བཅས༔ དགྲ་གདོན་ཤ་ཁྲག་མཆོད་པ་འདི་བཞེས་ལ༔ འབྱུང་བ་གཡོ་འཁྲུགས་ཕྱི་ནང་བར་ཆད་བཟློག༔ རྩ་རླུང་ཐིག་ལེའི་འདུ་བ་འཁྲུགས་པ་བཟློག༔ བན་བོན་མུ་སྟེགས་ཕྱི་པའི་ངན་སྔགས་བཟློག༔ མནན་བསྲེག་འཕང་དང་འཁྲུལ་འཁོར་ཐམས་ཅད་བཟློག༔ རྨི་ལྟས་མཚན་ངན་ཀེག་སྲི་ཐམས་ཅད་བཟློག༔ ལྟས་ངན་ཡེ་འདྲོགས་གློ་བུར་ཐམས་ཅད་བཟློག༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་ཆག་ཆེ་ཉམ་ང་དགྲ་ལ་སྒྱུར༔ བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ༔ དེ་ནས་བྷྱོ་ཡི་གདབ་པ་དང༔ ལྟས་ངན་བཟློག་པ་སྤྱི་ལྟར་བྱ༔ ཟོར་ཆེན་ཡེ་ཤེས་ནམ་མཁར་བཏེགས༔ གསེར་བསྐུལ་གཟུ་དཔང་སྒོ་དབྱེ་ཞིང༔ དགྲ་བགེགས་དམིགས་བྱ་འབེན་དུ་བཅས༔ ཧཱུྃ་བྷྱོ༔ དགོངས་སུ་གསོལ་ལོ་གསན་དུ་གསོལ༔ དམ་ཉམས་སྡིག་ཅན་དགྲ་བོ་རྣམས༔ སངས་རྒྱས་བསྟན་བཤིག་དཀོན་མཆོག་སྨད༔ དགེ་འདུན་འདུ་སྒོ་འཕྲོག་པ་དང༔ རྣལ་འབྱོར་ཚེ་སྲོག་ལ་གཟན་ཅིང༔ བྱང་ཆུབ་སྒྲུབ་ལ་བར་དུ་གཅོད༔ འཇིག་རྟེན་མི་བདེ་བྱེད་པ་ཡི༔ ལོག་ལྟའི་དཔུང་ཚོགས་སྡེར་བཅས་ལ༔ དྲག་པོ་ཁྲོས་པའི་ངོ་བོ་ཡི༔ གཏོར་ཟོར་མེ་དང་ནད་མཚོན་གྱི༔ འབར་བ་འདི་ཉིད་བརྒྱབས་པ་ཡིས༔ ལུས་སེམས་ཐལ་བའི་རྡུལ་བཞིན་རློག༔ དགྲ་ཕུང་བདུན་བརྒྱུད་རྩད་ནས་བཅད༔ ཡུལ་མཁར་ཁང་ཁྱིམ་རྨང་མེད་གཏོར༔ རྡུལ་ཕྲན་ཕྱེ་མར་འཐག་པ་དང༔ སྡུག་བསྔལ་ཉམས་སུ་མྱོང་དུ་ཆུག༔ བསྟན་དགྲའི་སྙིང་ལ་མཱ་ར་ཡ༔ བྷྱོ་བྷྱོ་བཟློག༔ དྲག་སྔགས་བཟླ་བཞིན་འཕང་བར་བྱ༔ ཁ་ཕུང་རྗེས་མེད་གཏོར་བར་བསམ༔ སྲུང་འཁོར་བསྒོམ་ཞིང་ཕྱིར་ལམ་བཅད༔ སྒོ་དྲུང་མནན་པས་ལྡང་མེད་བྱ༔ ཚེ་འགུགས་མཆོད་བསྟོད་ལ་སོགས་པ༔ རྗེས་ཀྱི་རིམ་པ་གཞུང་བཞིན་བྱ༔ དེས་ནི་བདུད་དང་བསྟན་དགྲ་རྣམས༔ ཚར་གཅོད་མིང་ཡང་མི་གྲགས་འགྱུར༔ ཨེ་མ་པདྨ་ཁྲག་འཐུང་གི༔ བཟློག་པའི་བྱང་བུ་བརྡ་ཡི་རྐྱེན༔ རིག་འཛིན་དཔའ་བོའི་སྙིང་ལ་སད༔ སྐལ་ལྡན་འགའ་ཡི་དོན་དུ་འགྱུར༔ ས་མ་ཡ༔ རྒྱ་རྒྱ་རྒྱ༔ ཆུ་སྦྲུལ་ས་ག་ཟླ་བའི་ཚེས་གསུམ་བཞི་ལ་བྲིས་པའོ། །མངྒ་ལཾ། དགེའོ། །

[edit]

\u0f01\u0f83:_zab gsang pad+ma'i yang thig las:_pad+ma drag po'i smad las gdab kha dang bzlog pa mtshon cha 'khor lo bzhugs:_pad+ma drag por phyag 'tshal lo:_drag po rgyu ba'i dus tshes kyi:_nyi ma nag por phung shul gyi:_sa la stegs bu bcas byas te:_dur khrod rus chen ro sol gyis:_byug pa'i dbus su ma tra~M gzugs:_de yi lto bar lcags 'khor ni:_rtsibs bzhi rno bar hU~M sngon dang:_de phyir khrag khyams rdo rwa dang:_me rlung 'khrugs pas mtshan pa bris:_de dbus sha khrag rus pa dang:_'bru nag dag las drag gtor ni:_thog mde'u dbyibs can khru gang par:_dregs pa'i gtor chung brgyad kyis bskor:_mtshe yungs rtsang dang shing tsher gyi:_rwa bas bskor zhing rngam brjid ldan:_ri rud gad chad la sogs dang:_dgra bgegs byad ma'i dri ma rnams:_bsres pa'i rU pa nyam thag pa:_sor bzhi'am ni brgyad dag bya:_de yi snying khar mtshon 'khor ni:_rtsibs bzhi'i lte bar dgra bgegs gzugs:_snying khar nr-i tri kha sprod dang:_ling+ga'i gnas yig spyi ltar bkod:_lte srog mtha' la yi ge ni:_khug dzaHsha trUM srog la rbad:_ces pa dag gis bskor byas la:_dzaHkhram gyis ni mtha' nas 'khyud:_dug khrus bsad ltebs byad thag 'ching:_de yi sne nas tshon skud ni:_drangs te gtor chen 'og tu drangs:_sngags pas yi dam sgrub mchod dang:_mdun gyi gtor ma lhar bskyed cing:_las kyi rim pa ci rigs bya:_mdun bskyed drag po'i lha tshogs kyi:_thugs kar sngags kyi bskor ba las:_'od 'phros byin bsdu nus bskyed de:_mthu rtsal rab rdzogs dbang thob bsam:_slar yang 'od 'phros gdug pa can:_sde brgyad srog gi snying po 'phros:_thugs ka'i sngags kyi 'og tu bstim:_dregs pa'i srog dbang 'dus par bsam:_thugs nas 'od zer mtshon cha ltar:_rab tu rtsub pa 'phros pa yis:_dgra bgegs gdon byad thams cad rnams:_bkug nas 'bar ba'i hoM du bcug:_snying khar zangs lcags 'khor lo gnyis:_g.yas g.yon drag tu 'khor ba dang:_sdig pas hab hab zos par bsam:_rtsa sngags dregs pa'i sham bu dang:_pad+ma kro d+hI'i drag sngags ni:_me dpung thog ser 'bab ltar bzla:_gtor chung gnod byed dgug bstim gyis:_dmag lto'i tshul du phul ba dang:_drag po'i phrin las bcol bar bya:_chos skyong gtor bskang tshogs mchod 'bul:_srung ba rang nyid yi dam du:_gsal ba'i thugs srog las 'phros pa'i:_'od kyis rtsa gsum rgyal ba dang:_dregs tshogs spyan drangs 'od du zhu:_phyag mtshan lnga dang lcags sdig gi:_srung ba'i gur khang chen por mos:_rtsa ba'i sngags mthar/_ma ma badz+ra rak+Sha rak+Sha hU~M tiSh+Tha b+h+rU~M:_zhes btags srung dmigs nan tan bya:_de nas gser skyems gzu dpang ni:_las rim gzhan las 'byung ltar la:_hU~M:_mi mngon dbyings na bzhugs pa yi:_rtsa gsum rgyal ba rab 'byams kyi:_thugs dam bskul lo mthu dpung bskyed:_nyams pa bsgral ba'i dus la bab:_rnga yab lang+ka pu ri nas:_bla ma drag po'i lha tshogs rnams:_thugs rje'i mthu rtsal rab bskyed de:_deng 'dir bskul lo dgongs par mdzod:_bdag cag byang chub sgrub pa la:_bar du gcod pa'i bdud dgra dang:_bstan la gnod cing 'tshe ba yi:_kla klo 'byung po'i dpung tshogs rnams:_da lta bsgral ba'i dus la bab:_thugs dam ma g.yel sa ma ya:_khyed rnams gzu dang dpang mdzod la:_bden rdzun gnyis kyi shan thang 'byed:_bdag cag ma nyes ma yo'o:_'di la skyob pa su zhig yod:_nyams pa sgrol ba'i dus 'di yin:_phyi nas khyed kyi mthu rtsal gyi:_dgos pa chung zhing de bas na:_da lta nyid du mngon spyod kyi:_phrin las drag po mdzad du gsol:_hom bskyed dgug gzhug drag tu bya:_dzaH_lcags kyu can gyis snying nas zungs:_hU~M/_zhags pa can gyis ske nas sdoms:_ba~M/_lcags sgrog can gyis yan lag chings:_hoH_dril bu can gyis myos su chug:_nr-i tri dgra bgegs che ge mo a kar+Sha ya dzaH_dzaHhU~M ba~M ho:_yang yang brjod:_bya 'ug sgro dang dud pas bdug:_hU~M:_dbye byed pho nya chen mo yi:_rdzas dang sngags kyis dgra gdon gyi:_lha dang srung ma thams cad ni:_dbang med bral te mthu med mos:_dzaHpra we sha ya phaTa?:_a we sha ya a:_thun rdzas dug khrag gtig byas la:_hU~M b+h+yo:_pho nya srin po khros pa yis:_myos byed dug khrag char 'bebs pas:_nyams pa dran myos bkrag mdangs nyams:_skyabs bral mgon med gyur par mos:_dz+wa la pa ya dz+wa la pa ya mA ra ya rbad:_de nas phur bu thogs byas la:_gding gsum gsal ba gsum dang ni:_tshe khrus dgongs pas btab byas la:_hU~M:_pad+ma drag po kI la ya:_sku stod khro bo chen po'i sku:_sku smad lcags bsreg phur bu yis:_dgra gdon bgegs kyi snying khar btab:_rnam shes chos dbyings klong du phaTa?:_rtsa ba'i sngags dang drag sngags kyi:_snying ga gtso byas gnas rnams la:_btab ste 'tshengs pa gsum ldan mos:_thun rdzas sna tshogs char phabs la:_hU~M:_drag po'i lha tshogs thams cad las:_pho nya mang po skar ltar 'khrugs:_dgra bgegs gzugs phung rdul du brlag:_oM pad+ma kro d+ha dgra bgegs mA ra ya mA ra ya da ha da ha pa tsa pa tsa gr-ih+Na gr-ih+Na b+han+d+ha b+han+d+ha hU~M phaT:_'bar ba'i ral gris dum bur gtub:_hU~M b+h+yo:_nyams pa'i gzugs phung ye shes kyi:_ral gri rno dbal 'bar ba yis:_dum bur gtub cing skye rgyun gcod:_ming gi lhag ma med par gyur:_oM pad+ma kro d+ha dgra bgegs tshin+d+ha ya tshin+d+ha ya hU~M phaTa?:_sha khrag bdud rtsir sbar byas te:_hU~M:_drag po'i lha tshogs rngams pa'i zhal:_gru gsum gnam sa ltar gdangs par:_dgra bgegs sha khrag rus gsum stob:_chem chem bzhes shig kha raM khA hi:_rtsa sngags mthar/_i daM ba liM ta kha kha khA hi khA hi:_de nas dug khrag gtor ma dang:_khrag skyems bshams shing rnge'u chung brdung:_bzlog pa'i phrin las bcol ba ni:_hU~M hrIH_gru gsum smug nag 'bar ba'i dkyil 'khor nas:_pad+ma drag po yab yum sras 'khor bcas:_bzhengs shig bzhengs shig chos kyi dbyings nas bzhengs:_bskul lo bskul lo drag po'i las la bskul:_bzlog cing bsgyur ba'i phrin las mdzad du gsol:_hU~M hrIH_dkyil 'khor gtso mchog gu ru drag po'i sku:_rngam brjid khros pa'i ngar skad phyogs bcur sgrog:_'bar ba'i mtshon cha sna tshogs 'phro ba dang:_sku mchog rngam zhing brjid pa'i nyams ldan pas:_dgra gdon sha khrag mchod pa 'di bzhes la:_'byung ba g.yo 'khrugs phyi nang bar chad bzlog:_rtsa rlung thig le'i 'du ba 'khrugs pa bzlog:_ban bon mu stegs phyi pa'i ngan sngags bzlog:_mnan bsreg 'phang dang 'khrul 'khor thams cad bzlog:_rmi ltas mtshan ngan keg sri thams cad bzlog:_ltas ngan ye 'drogs glo bur thams cad bzlog:_bzlog go dmar chen gtor ma 'di yis bzlog:_bsgyur ro chag che nyam nga dgra la sgyur:_bzlog bsgyur bcol ba'i phrin las mdzad du gsol:_hU~M:_gnyis med sbyor ba'i yum mchog mthing 'od 'bar:_khro mo'i chas ldan yab la dgyes stob 'khril:_a ra li dang hi hi'i sgra chen sgrog:_sprul pa'i khro mo skar ltar 'khrugs pa yis:_dgra gdon sha khrag mchod pa 'di bzhes la:_'byung ba g.yo 'khrugs phyi nang bar chad bzlog:_rtsa rlung thig le'i 'du ba 'khrugs pa bzlog:_ban bon mu stegs phyi pa'i ngan sngags bzlog:_mnan bsreg 'phang dang 'khrul 'khor thams cad bzlog:_rmi ltas mtshan ngan keg sri thams cad bzlog:_ltas ngan ye 'drogs glo bur thams cad bzlog:_bzlog go dmar chen gtor ma 'di yis bzlog:_bsgyur ro chag che nyam nga dgra la sgyur:_bzlog bsgyur bcol ba'i phrin las mdzad du gsol:_hU~M ya:_pad+ma drag po'i sku yi dkyil 'khor nas:_'jam dpal gshin rje'i lha tshogs dbyings nas bzhengs:_gshin rje bye ba 'bum sde'i tshogs bcas kyis:_dgra gdon sha khrag mchod pa 'di bzhes la:_'byung ba g.yo 'khrugs phyi nang bar chad bzlog:_rtsa rlung thig le'i 'du ba 'khrugs pa bzlog:_ban bon mu stegs phyi pa'i ngan sngags bzlog:_mnan bsreg 'phang dang 'khrul 'khor thams cad bzlog:_rmi ltas mtshan ngan keg sri thams cad bzlog:_ltas ngan ye 'drogs glo bur thams cad bzlog:_bzlog go dmar chen gtor ma 'di yis bzlog:_bsgyur ro chag che nyam nga dgra la sgyur:_bzlog bsgyur bcol ba'i phrin las mdzad du gsol:_hU~M hrIH_pad+ma drag po'i gsung gi dkyil 'khor nas:_dbang chen rta mchog sprul pa'i tshogs bcas kyis:_dgra gdon sha khrag mchod pa 'di bzhes la:_'byung ba g.yo 'khrugs phyi nang bar chad bzlog:_rtsa rlung thig le'i 'du ba 'khrugs pa bzlog:_ban bon mu stegs phyi pa'i ngan sngags bzlog:_mnan bsreg 'phang dang 'khrul 'khor thams cad bzlog:_rmi ltas mtshan ngan keg sri thams cad bzlog:_ltas ngan ye 'drogs glo bur thams cad bzlog:_bzlog go dmar chen gtor ma 'di yis bzlog:_bsgyur ro chag che nyam nga dgra la sgyur:_bzlog bsgyur bcol ba'i phrin las mdzad du gsol:_hU~M hU~M:_pad+ma drag po'i thugs kyi dkyil 'khor nas:_dpal chen gsang bdag he ru ka yi tshogs:_thugs mchog rigs kyi khro bo khro mo rnams:_dgra gdon sha khrag mchod pa 'di bzhes la:_'byung ba g.yo 'khrugs phyi nang bar chad bzlog:_rtsa rlung thig le'i 'du ba 'khrugs pa bzlog:_ban bon mu stegs phyi pa'i ngan sngags bzlog:_mnan bsreg 'phang dang 'khrul 'khor thams cad bzlog:_rmi ltas mtshan ngan keg sri thams cad bzlog:_ltas ngan ye 'drogs glo bur thams cad bzlog:_bzlog go dmar chen gtor ma 'di yis bzlog:_bsgyur ro chag che nyam nga dgra la sgyur:_bzlog bsgyur bcol ba'i phrin las mdzad du gsol:_hU~M ba~MH_pad+ma drag po'i yon tan dkyil 'khor nas:_bdud 'dul khro mo dbyings phyug sde lnga'i tshogs:_d+hA ki bye ba 'bum gyi 'khor tshogs rnams:_dgra gdon sha khrag mchod pa 'di bzhes la:_'byung ba g.yo 'khrugs phyi nang bar chad bzlog:_rtsa rlung thig le'i 'du ba 'khrugs pa bzlog:_ban bon mu stegs phyi pa'i ngan sngags bzlog:_mnan bsreg 'phang dang 'khrul 'khor thams cad bzlog:_rmi ltas mtshan ngan keg sri thams cad bzlog:_ltas ngan ye 'drogs glo bur thams cad bzlog:_bzlog go dmar chen gtor ma 'di yis bzlog:_bsgyur ro chag che nyam nga dgra la sgyur:_bzlog bsgyur bcol ba'i phrin las mdzad du gsol:_hU~M ya:_pad+ma drag po'i phrin las dkyil 'khor nas:_khro rgyal yak+sha me dbal lha tshogs rnams:_dgra gdon sha khrag mchod pa 'di bzhes la:_'byung ba g.yo 'khrugs phyi nang bar chad bzlog:_rtsa rlung thig le'i 'du ba 'khrugs pa bzlog:_ban bon mu stegs phyi pa'i ngan sngags bzlog:_mnan bsreg 'phang dang 'khrul 'khor thams cad bzlog:_rmi ltas mtshan ngan keg sri thams cad bzlog:_ltas ngan ye 'drogs glo bur thams cad bzlog:_bzlog go dmar chen gtor ma 'di yis bzlog:_bsgyur ro chag che nyam nga dgra la sgyur:_bzlog bsgyur bcol ba'i phrin las mdzad du gsol:_hU~M hrIH_gtso mchog sku yi gnas lnga'i khro chen lnga:_gser lcags dung g.yu zangs kyi sdig pa lnga:_mgo dgu rwa ni bco brgyad ldan pa yi:_ma rungs gdug pa'i gzugs can 'khor bcas rnams:_dgra gdon sha khrag mchod pa 'di bzhes la:_'byung ba g.yo 'khrugs phyi nang bar chad bzlog:_rtsa rlung thig le'i 'du ba 'khrugs pa bzlog:_ban bon mu stegs phyi pa'i ngan sngags bzlog:_mnan bsreg 'phang dang 'khrul 'khor thams cad bzlog:_rmi ltas mtshan ngan keg sri thams cad bzlog:_ltas ngan ye 'drogs glo bur thams cad bzlog:_bzlog go dmar chen gtor ma 'di yis bzlog:_bsgyur ro chag che nyam nga dgra la sgyur:_bzlog bsgyur bcol ba'i phrin las mdzad du gsol:_hU~M hrIH_gzhan yang steng 'og phyogs mtshams thams cad du:_rtsa gsum chos skyong nor lha gter bdag tshogs:_sprul pa yang sprul 'khor dang bcas pa rnams:_dgra gdon sha khrag mchod pa 'di bzhes la:_'byung ba g.yo 'khrugs phyi nang bar chad bzlog:_rtsa rlung thig le'i 'du ba 'khrugs pa bzlog:_ban bon mu stegs phyi pa'i ngan sngags bzlog:_mnan bsreg 'phang dang 'khrul 'khor thams cad bzlog:_rmi ltas mtshan ngan keg sri thams cad bzlog:_ltas ngan ye 'drogs glo bur thams cad bzlog:_bzlog go dmar chen gtor ma 'di yis bzlog:_bsgyur ro chag che nyam nga dgra la sgyur:_bzlog bsgyur bcol ba'i phrin las mdzad du gsol:_hU~M khroMH_dpal chen pad+ma drag po'i dbu gtsug gi:_ye shes bya khyung sgro gshog mchu sder gyis:_gdug pa'i klu rigs zhal du 'dren mdzad cing:_krang krang kring kring sgro gshog me 'bar ba'i:_sprul pa'i khyung chen yang sprul tshogs dang bcas:_dgra gdon sha khrag mchod pa 'di bzhes la:_'byung ba g.yo 'khrugs phyi nang bar chad bzlog:_rtsa rlung thig le'i 'du ba 'khrugs pa bzlog:_ban bon mu stegs phyi pa'i ngan sngags bzlog:_mnan bsreg 'phang dang 'khrul 'khor thams cad bzlog:_rmi ltas mtshan ngan keg sri thams cad bzlog:_ltas ngan ye 'drogs glo bur thams cad bzlog:_bzlog go dmar chen gtor ma 'di yis bzlog:_bsgyur ro chag che nyam nga dgra la sgyur:_bzlog bsgyur bcol ba'i phrin las mdzad du gsol:_de nas b+h+yo yi gdab pa dang:_ltas ngan bzlog pa spyi ltar bya:_zor chen ye shes nam mkhar btegs:_gser bskul gzu dpang sgo dbye zhing:_dgra bgegs dmigs bya 'ben du bcas:_hU~M b+h+yo:_dgongs su gsol lo gsan du gsol:_dam nyams sdig can dgra bo rnams:_sangs rgyas bstan bshig dkon mchog smad:_dge 'dun 'du sgo 'phrog pa dang:_rnal 'byor tshe srog la gzan cing:_byang chub sgrub la bar du gcod:_'jig rten mi bde byed pa yi:_log lta'i dpung tshogs sder bcas la:_drag po khros pa'i ngo bo yi:_gtor zor me dang nad mtshon gyi:_'bar ba 'di nyid brgyabs pa yis:_lus sems thal ba'i rdul bzhin rlog:_dgra phung bdun brgyud rtsad nas bcad:_yul mkhar khang khyim rmang med gtor:_rdul phran phye mar 'thag pa dang:_sdug bsngal nyams su myong du chug:_bstan dgra'i snying la mA ra ya:_b+h+yo b+h+yo bzlog:_drag sngags bzla bzhin 'phang bar bya:_kha phung rjes med gtor bar bsam:_srung 'khor bsgom zhing phyir lam bcad:_sgo drung mnan pas ldang med bya:_tshe 'gugs mchod bstod la sogs pa:_rjes kyi rim pa gzhung bzhin bya:_des ni bdud dang bstan dgra rnams:_tshar gcod ming yang mi grags 'gyur:_e ma pad+ma khrag 'thung gi:_bzlog pa'i byang bu brda yi rkyen:_rig 'dzin dpa' bo'i snying la sad:_skal ldan 'ga' yi don du 'gyur:_sa ma ya:_rgya rgya rgya:_chu sbrul sa ga zla ba'i tshes gsum bzhi la bris pa'o/_/mang+ga laM/_dge'o/_/