JKCL-KABUM-10-THA-006

🚧 This website is under continued development. We appreciate your patience!

Previous Text Back to Volume PageNext Text

གྲུབ་རྒྱལ། ཞེས་པ་ལ་ལྡེབ།

Wylie title	grub rgyal/ zhes pa la ldeb
Location	chos kyi blo gros bka' 'bum Volume 10, Text 6, Pages 29-32 (Folios 1a1 to 2b1)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Associated People	མ་གཅིག་གྲུབ་པའི་རྒྱལ་མོ་ (ma gcig grub pa'i rgyal mo)
Citation	'jam dbyangs mkhyen brtse chos kyi blo gros. grub rgyal zhes pa la ldeb. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 10: 29-32. Bir, H.P.: Khyentse Labrang, 2012.
Genre	Guru Yoga Texts - bla ma'i rnal 'byor  ·  Sadhanas - Evocation Ritual - sgrub thabs
Colophon	ཅེས་པ་འདི་ལ་རྗེ་གྲུབ་པའི་རྒྱལ་མོའི་བྱིན་རླབས་ཀྱི་མཚན་མ་ཤས་ཙམ་སྔ་ནས་ཐོབ་ཅིང་། འདིའི་སྒྲུབ་སྐོར་ས་གཏེར་ཞིག་ཡོད་སྙམ་བྱེད་ཀྱང་གསལ་ཆ་མ་བྱུང་། ཆུ་སྦྲུལ་ཧོར་ཟླ་བརྒྱད་པའི་ཚེ་ཕུར་པའི་བསྙེན་པ་སྐབས་ཀྱི་ཚེས་ཉེར་དགུའི་སྔ་ཐུན་ལ་སྐུ་ཡི་རྣམ་པ་ཉམས་ལ་གསལ་བས་རྐྱེན་བྱས་ཏེ་པདྨ་ཡེ་ཤེས་རྡོ་རྗེས་གང་ཤར་བྲིས་པ་བསྟན་འཛིན་སྐྱེས་ཆེན་རྣམས་འཆི་བདག་བདུད་ལས་རྒྱལ་བའི་རྒྱུར་གྱུར་ཅིག །མངྒ་ལཾ།།
	ces pa 'di la rje grub pa'i rgyal mo'i byin rlabs kyi mtshan ma shas tsam snga nas thob cing /__'di'i sgrub skor sa gter zhig yod snyam byed kyang gsal cha ma byung /__chu sbrul hor zla brgyad pa'i tshe phur pa'i bsnyen pa skabs kyi tshes nyer dgu'i snga thun la sku yi rnam pa nyams la gsal bas rkyen byas te pad+ma ye shes rdo rjes gang shar bris pa bstan 'dzin skyes chen rnams 'chi bdag bdud las rgyal ba'i rgyur gyur cig__/mang+ga laM//

1 Texts in this Section (sde tshan or chos tshan)

29-32	གྲུབ་རྒྱལ། ཞེས་པ་ལ་ལྡེབ། grub rgyal/ zhes pa la ldeb Guru Yoga Texts - bla ma'i rnal 'byor   ·   Sadhanas - Evocation Ritual - sgrub thabs	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

གྲུབ་རྒྱལ། གཟུང་འཛིན་མི་དམིགས་བསམ་བརྗོད་བྲལ། །ཀུན་སྣང་སྙིང་རྗེ་སྒྱུ་མའི་ངང་། །རང་རིག་ཧྲཱིཿདཀར་འོད་ཟེར་འབར། །འཇའ་ཟེར་ཐིག་ལེའི་ཀློང་ཆེན་པོར། །པད་དཀར་ཟླ་བ་རྒྱས་པའི་དབུས། །ཧྲཱིཿབབ་སྐད་ཅིག་དྲན་རྫོགས་སུ། །གྲུབ་པའི་རྒྱལ་མོ་སྐུ་མདོག་དཀར། །དུང་ལ་ཕོ་ཚོས་བྱུགས་འདྲ་བའི། །ཅུང་ཟད་དམར་བའི་མདངས་དང་ལྡན། །ཞི་འཛུམ་དར་དང་རིན་ཆེན་རྒྱན། །དབུ་སྐྲ་ཐོར་ཚུག་ཕྱེད་གྲོལ་ཞིང་། །པཉྩ་ལི་ཀ་དཀར་པོ་ཡི། །གཟན་གྱིས་དཀྲིས་ཤིང་ཞབས་གཉིས་ནི། །ལོང་བུ་བསྣོལ་ཞིང་ཙོག་པུའི་ཚུལ། །ཕྱག་གཡས་མདའ་དར་གཡོན་ཐུགས་ཀ །ཐོད་པ་བདུད་རྩིས་གང་བའི་དབུས། །ཚེ་བུམ་དམར་པོ་བདུད་རྩིས་གཏམས། །གནས་གསུམ་ཡིག་འབྲུས་མཚན་པ་དང་། །འོད་འཕྲོས་ཡེ་ཤེས་སྤྱན་དྲངས་ཐིམ། ཕྲིན་ལས་ལས་བྱང་དུ་རྒྱས་འདོད་ན་མཁྱེན་བརྩེའི་ཞབས་ཀྱི་དག་སྣང་འཇའ་ལུས་རྡོ་རྗེའི་སྲོག་སྒྲུབ་སྦྱར། མཆན། དམ་ཚིག་ཡེ་ཤེས་འདུ་འབྲལ་མེད། །རང་རིག་མཇལ་བའི་ཕྱག་གིས་བཏུད། །སྣང་སྲིད་ཡེ་རྫོགས་མཆོད་པ་འབུལ། །བསམ་མི་ཁྱབ་པའི་ངང་དུ་བསྟོད། །ཐུགས་ཀར་ཚེ་དཔག་མེད་མགོན་ནི། །མཉམ་བཞག་ཚེ་བུམ་ལོངས་སྐུའི་ཆས། །གོས་དཀར་ཡུམ་དང་གཉིས་མེད་སྦྱོར། །ཐུགས་དབུས་ཉི་ཟླའི་གའུ་རུ། །ཧྲཱིཿམཐར་སྔགས་ཀྱི་ཕྲེང་བས་བསྐོར། །སྤྱི་བོར་བླ་མ་པདྨ་འབྱུང་། །མཚོ་སྐྱེས་རྡོ་རྗེ་དཀར་དམར་མདངས། །རྡོ་རྗེ་ཐོད་པ་ཚེ་བུམ་འཛིན། །མནྡ་ར་བ་དམར་གསལ་ནི། །མདའ་དར་ཚེ་བུམ་འཛིན་དང་སྦྱོར། །ཨོཾ་བྷྲཱུྃ་བཛྲ་ཨ་ཡུ་ཥེ་ས་ར་རེ་ཤྭ་ར་རེ་ཧཱུྃ། ཞེས་གསོལ་བ་མང་དུ་བཏབ། སྐུ་ལས་འོད་འཕྲོས་འཁོར་འདས་ཀྱི། །བཅུད་བསྡུས་བླ་མར་ཐིམ་པ་དང་། །སྐུ་ལས་བདུད་རྩིའི་རྒྱུན་བབ་པས། །རང་ལུས་བདུད་རྩིའི་གང་བར་བསམ། ཨོཾ་གུ་རུ་ཨཱ་ཡུར་སིདྡྷི་ཧྲཱིཿཧཱུྃ་བྷྲཱུྃ་ཨ་མ་ར་ནི་ཛི་ཝནྟི་ཡེ་སྭཱ་ཧཱ། ཞེས་བཟླས་དབང་བླང་། ཐུགས་ཡིད་བསྲེ་ཞིང་ལྟ་བ་བསྐྱང་། རང་གི་ཐུགས་ཀའི་སྔགས་ཕྲེང་ལས། །འོད་ཟེར་སྤྲོ་བསྡུས་སྣོད་བཅུད་ཀྱི། །སྒྲིབ་སྦྱངས་དྭངས་བཅུད་ཚུར་བསྡུས་ཤིང་། །སླར་ཡང་རྒྱལ་བ་སྲས་བཅས་ཀྱི། །བྱིན་རླབས་བསྡུ་བསྟིམ་ཕྱོགས་བཅུ་ཡི། །གདོན་གྱིས་བརྐུ་འཕྲོག་ཉམས་པ་རྣམས། །ཨ་ནྲྀཿཧྲཱིཿདང་འོད་ལྔ་ཡི། །རྣམ་པར་བསྡུས་ནས་ཐིམ་པ་དང་། །བླ་ཚེ་བཀྲག་མདངས་ཡར་བ་དང་། །འབྱུང་ལྔའི་ཁམས་ནས་ཚེ་ཉམས་གསོས། །བླ་སྲོག་བརྟན་ཅིང་རྩ་ཐིག་རླུང་། །མི་འགྱུར་བདེ་བ་ཆེན་པོར་སྨིན། །འཆི་མེད་རྡོ་རྗེའི་སྲོག་ཐོབ་བསམ། ཨོཾ་གུ་རུ་ཨ་ཡུརྫྙཱ་ན་ཧྲཱིཿབྷྲཱུྃ་ན་མོ་བྷཱ་ག་ཝ་ཏེ་ཨ་པ་རི་མི་ཏ་སོགས། ཚེ་ཡི་གཟུངས་སྔགས་འབུམ་ཕྲག་དང་། །གོང་གི་བསྙེན་སྔགས་འབུམ་ཕྲག་བཅུ། །བཟླས་པས་རྡོ་རྗེའི་སྐུ་ཐོབ་པའི། །དངོས་ཉམས་མཚན་ལྟས་བཟང་པོ་འབྱུང་། །དེ་ཚེ་དངོས་གྲུབ་སྤྱི་ལྟར་བླངས། །རྗེས་ཆོག་ཚོགས་ཀྱི་མཆོད་པ་སོགས། །འཇའ་ལུས་རྡོ་རྗེའི་སྲོག་སྒྲུབ་ལྟར། །སྦྱར་བས་དོན་རྣམས་ཚང་བར་འགྱུར། །སྐབས་སུ་རྫོགས་པའི་རིམ་པ་ནི། །རླུང་དུག་བསལ་ཞིང་སྟོང་ར་སྒོམ། །རྩ་འཁོར་ལྔ་བསྐྱེད་འཁོར་ལོ་ལྔ། །འབྱུང་ཁམས་དྭངས་མའི་ཐིག་ལེ་སྒོམ། །བུམ་ཅན་བཟུང་ཞིང་ཐིག་ལེ་ལས། །འབྱུང་བ་སོ་སོའི་བཅུད་བསྡུས་བསྟིམ། །ལྟེ་བར་ཧྲཱི་དམར་སྤྱི་བོར་ཧཾ། །འབར་འཛག་འཕྲོ་འདུའི་བདེ་འོད་ཀྱིས། །འཁོར་འདས་བསྲེགས་བཞུས་ཐིག་ལེར་བསྟིམ། །མཐར་ནི་སྙིང་ཁའི་ཧྲཱིཿལ་བསྡུ། །མི་རྟོག་ཡེ་ཤེས་ཚེ་དཔག་མེད། །དོན་གྱི་རང་ཞལ་མངོན་སུམ་བསྐྱངས། །བོགས་འབྱིན་ནམ་མཁའི་ཟས་ཟ་དང་། །ཕྱི་རོལ་ཉི་ཟླའི་བཅུད་བསྡུས་ཏེ། །ནང་གི་ཉི་ཟླར་བསྟིམ་པར་བྱ། །ཐབས་ལྡན་རིག་མ་མཚན་ལྡན་ལ། །སྦྱོར་བས་པདྨའི་བཅུད་བསྡུས་བསྟིམ། །བྱ་བས་ལམ་གྱི་བོགས་འདོན་འགྱུར། །སྨིན་བྱེད་དབང་གི་རིམ་པ་ཡང་། །སྲོག་སྒྲུབ་དབང་ལྟར་བསྐུར་བས་འགྲུབ། ས་མ་ཡ༔ ཅེས་པ་འདི་ལ་རྗེ་གྲུབ་པའི་རྒྱལ་མོའི་བྱིན་རླབས་ཀྱི་མཚན་མ་ཤས་ཙམ་སྔ་ནས་ཐོབ་ཅིང་། འདིའི་སྒྲུབ་སྐོར་ས་གཏེར་ཞིག་ཡོད་སྙམ་བྱེད་ཀྱང་གསལ་ཆ་མ་བྱུང་། ཆུ་སྦྲུལ་ཧོར་ཟླ་བརྒྱད་པའི་ཚེ་ཕུར་པའི་བསྙེན་པ་སྐབས་ཀྱི་ཚེས་ཉེར་དགུའི་སྔ་ཐུན་ལ་སྐུ་ཡི་རྣམ་པ་ཉམས་ལ་གསལ་བས་རྐྱེན་བྱས་ཏེ་པདྨ་ཡེ་ཤེས་རྡོ་རྗེས་གང་ཤར་བྲིས་པ་བསྟན་འཛིན་སྐྱེས་ཆེན་རྣམས་འཆི་བདག་བདུད་ལས་རྒྱལ་བའི་རྒྱུར་གྱུར་ཅིག །མངྒ་ལཾ།། །།

[edit]

grub rgyal/__gzung 'dzin mi dmigs bsam brjod bral/__/kun snang snying rje sgyu ma'i ngang /__/rang rig hrIHdkar 'od zer 'bar/__/'ja' zer thig le'i klong chen por/__/pad dkar zla ba rgyas pa'i dbus/__/hrIHbab skad cig dran rdzogs su/__/grub pa'i rgyal mo sku mdog dkar/__/dung la pho tshos byugs 'dra ba'i/__/cung zad dmar ba'i mdangs dang ldan/__/zhi 'dzum dar dang rin chen rgyan/__/dbu skra thor tshug phyed grol zhing /__/pany+tsa li ka dkar po yi/__/gzan gyis dkris shing zhabs gnyis ni/__/long bu bsnol zhing tsog pu'i tshul/__/phyag g.yas mda' dar g.yon thugs ka__/thod pa bdud rtsis gang ba'i dbus/__/tshe bum dmar po bdud rtsis gtams/__/gnas gsum yig 'brus mtshan pa dang /__/'od 'phros ye shes spyan drangs thim/__phrin las las byang du rgyas 'dod na mkhyen brtse'i zhabs kyi dag snang 'ja' lus rdo rje'i srog sgrub sbyar/__mchan/__dam tshig ye shes 'du 'bral med/__/rang rig mjal ba'i phyag gis btud/__/snang srid ye rdzogs mchod pa 'bul/__/bsam mi khyab pa'i ngang du bstod/__/thugs kar tshe dpag med mgon ni/__/mnyam bzhag tshe bum longs sku'i chas/__/gos dkar yum dang gnyis med sbyor/__/thugs dbus nyi zla'i ga'u ru/__/hrIHmthar sngags kyi phreng bas bskor/__/spyi bor bla ma pad+ma 'byung /__/mtsho skyes rdo rje dkar dmar mdangs/__/rdo rje thod pa tshe bum 'dzin/__/man+da ra ba dmar gsal ni/__/mda' dar tshe bum 'dzin dang sbyor/__/oM b+h+rU~M badz+ra a yu She sa ra re shwa ra re hU~M/__zhes gsol ba mang du btab/__sku las 'od 'phros 'khor 'das kyi/__/bcud bsdus bla mar thim pa dang /__/sku las bdud rtsi'i rgyun bab pas/__/rang lus bdud rtsi'i gang bar bsam/__oM gu ru A yur sid+d+hi hrIHhU~M b+h+rU~M a ma ra ni dzi wan+ti ye swA hA/__zhes bzlas dbang blang /__thugs yid bsre zhing lta ba bskyang /__rang gi thugs ka'i sngags phreng las/__/'od zer spro bsdus snod bcud kyi/__/sgrib sbyangs dwangs bcud tshur bsdus shing /__/slar yang rgyal ba sras bcas kyi/__/byin rlabs bsdu bstim phyogs bcu yi/__/gdon gyis brku 'phrog nyams pa rnams/__/a nr-iHhrIHdang 'od lnga yi/__/rnam par bsdus nas thim pa dang /__/bla tshe bkrag mdangs yar ba dang /__/'byung lnga'i khams nas tshe nyams gsos/__/bla srog brtan cing rtsa thig rlung /__/mi 'gyur bde ba chen por smin/__/'chi med rdo rje'i srog thob bsam/__oM gu ru a yur+dz+nyA na hrIHb+h+rU~M na mo b+hA ga wa te a pa ri mi ta sogs/__tshe yi gzungs sngags 'bum phrag dang /__/gong gi bsnyen sngags 'bum phrag bcu/__/bzlas pas rdo rje'i sku thob pa'i/__/dngos nyams mtshan ltas bzang po 'byung /__/de tshe dngos grub spyi ltar blangs/__/rjes chog tshogs kyi mchod pa sogs/__/'ja' lus rdo rje'i srog sgrub ltar/__/sbyar bas don rnams tshang bar 'gyur/__/skabs su rdzogs pa'i rim pa ni/__/rlung dug bsal zhing stong ra sgom/__/rtsa 'khor lnga bskyed 'khor lo lnga/__/'byung khams dwangs ma'i thig le sgom/__/bum can bzung zhing thig le las/__/'byung ba so so'i bcud bsdus bstim/__/lte bar hrI dmar spyi bor haM/__/'bar 'dzag 'phro 'du'i bde 'od kyis/__/'khor 'das bsregs bzhus thig ler bstim/__/mthar ni snying kha'i hrIHla bsdu/__/mi rtog ye shes tshe dpag med/__/don gyi rang zhal mngon sum bskyangs/__/bogs 'byin nam mkha'i zas za dang /__/phyi rol nyi zla'i bcud bsdus te/__/nang gi nyi zlar bstim par bya/__/thabs ldan rig ma mtshan ldan la/__/sbyor bas pad+ma'i bcud bsdus bstim/__/bya bas lam gyi bogs 'don 'gyur/__/smin byed dbang gi rim pa yang /__/srog sgrub dbang ltar bskur bas 'grub/__sa ma ya:__ces pa 'di la rje grub pa'i rgyal mo'i byin rlabs kyi mtshan ma shas tsam snga nas thob cing /__'di'i sgrub skor sa gter zhig yod snyam byed kyang gsal cha ma byung /__chu sbrul hor zla brgyad pa'i tshe phur pa'i bsnyen pa skabs kyi tshes nyer dgu'i snga thun la sku yi rnam pa nyams la gsal bas rkyen byas te pad+ma ye shes rdo rjes gang shar bris pa bstan 'dzin skyes chen rnams 'chi bdag bdud las rgyal ba'i rgyur gyur cig__/mang+ga laM//___//