JKW-KABAB-07-JA-018

🚧 This website is under continued development. We appreciate your patience!

Previous Text Back to Volume PageNext Text

Wylie title	dpal rdo rje bdud rtsi bde ba chen po rtsa ba dang yan lag gi dbang bskur yongs rdzogs dkyus gcig tu bkod pa dri med zla ba'i bsil zer
Location	mkhyen brtse'i bka' babs Volume 7, Text 18, Pages 531-600 (Folios 1a to 35b2)
Author	འཇམ་མགོན་ཀོང་སྤྲུལ་
Less details More details
Tertön	ར་མོ་ཤེལ་སྨན་, འཇམ་དབྱངས་མཁྱེན་བརྩེའི་དབང་པོ་ (ra mo shel sman, 'jam dbyangs mkhyen brtse'i dbang po)
Citation	'jam mgon kong sprul. dpal rdo rje bdud rtsi bde ba chen po rtsa ba dang yan lag gi dbang bskur yongs rdzogs dkyus gcig tu bkod pa dri med zla ba'i bsil zer. In Rdzong sar 'jam dbyangs mkhyen brtse'i dbang po'i bka' babs, Vol. 7: 531-600. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Empowerment Ritual - dbang chog - dbang skur
Cycle	དཔལ་རྡོ་རྗེ་བདུད་རྩི་བདེ་བ་ཆེན་པོ་ (dpal rdo rje bdud rtsi bde ba chen po)
Karchag page	JKW-KABAB-Volume-07-JA-Karchag
RTZ	In the Rinchen Terdzö: https://rtz.tsadra.org/index.php/Terdzo-A-009
Colophon	Author colophon: །ཅེས་ཟབ་ཆོས་སྨིན་གྲོལ་གྱི་བགོ་སྐལ་ཐོག་མའི་སྣོད་དུ་གྱུར་པའི་སྐལ་པ་བཟང་པོ་དང༌། བསྙེན་སྒྲུབ་ཉམས་ལེན་ཡིད་བདེའི་དཔྱིད་དུ་ཐོབ་པ་རྩིས་བྲལ་གྱི་རྣལ་འབྱོར་པ་པདྨ་གར་དབང་ཕྲིན་ལས་འགྲོ་འདུལ་རྩལ་གྱིས། གཏེར་ཆེན་བླ་མ་ཐམས་ཅད་མཁྱེན་པའི་ཕྱག་བཞེས་དང་གཏེར་གཞུང་གི་དགོངས་པ་ཇི་ལྟ་བར་བལྟས་ཆོག་གི་ལག་ལེན་ཏུ་ཙཱ་འདྲ་རིན་ཆེན་བྲག་གི་སྒྲུབ་གནས་ཀུན་བཟང་བདེ་ཆེན་འོད་གསལ་གླིང་དུ་བཀོད་པ་དགེ་ལེགས་འཕེལ། Editor colophon: །སླར་ཡང་བདག་ཕུན་ཚོགས་རྣམ་རྒྱལ་པས་སྤྱི་ལོ་༢༠༠༨ བོད་ཟླ་དང་པོར་བཀའ་བབས་སྐོར་བསྐྱར་བསྒྲིག་སྐབས་ཡིག་ཆུང་རྣམས་ལ་འབྱིན་འཇུག་ཅུང་ཟད་བཅས་ནག་འགྲོས་སུ་བགྱིས་པ་སྟེ་ཆོ་ག་ལ་ཐུགས་རྒྱུས་ཆེ་བའི་མཁས་པ་རྣམས་ལ་བཟོད་པར་གསོལ་ཞིང༌། དགེ་བས་བདག་འདྲ་བླུན་པོ་རྣམས་ཀྱི་ཐུགས་དགོངས་རྫོགས་པའི་རྒྱུར་གྱུར་ཅིག།
	Author colophon: ces zab chos smin grol gyi bgo skal thog ma'i snod du gyur pa'i skal pa bzang po dang*/__bsnyen sgrub nyams len yid bde'i dpyid du thob pa rtsis bral gyi rnal 'byor pa pad+ma gar dbang phrin las 'gro 'dul rtsal gyis/__gter chen bla ma thams cad mkhyen pa'i phyag bzhes dang gter gzhung gi dgongs pa ji lta bar bltas chog gi lag len tu tsA 'dra rin chen brag gi sgrub gnas kun bzang bde chen 'od gsal gling du bkod pa dge legs 'phel Editor colophon: slar yang bdag phun tshogs rnam rgyal pas spyi lo 2008__bod zla dang por bka' babs skor bskyar bsgrig skabs yig chung rnams la 'byin 'jug cung zad bcas nag 'gros su bgyis pa ste cho ga la thugs rgyus che ba'i mkhas pa rnams la bzod par gsol zhing/__dge bas bdag 'dra blun po rnams kyi thugs dgongs rdzogs pa'i rgyur gyur cig

Tibetan Text

Wylie

[edit]

༄༅། །དཔལ་རྡོ་རྗེ་བདུད་རྩི་བདེ་བ་ཆེན་པོའི་རྩ་བ་དང་ཡན་ལག་གི་དབང་བསྐུར་ཡོངས་རྫོགས་དཀྱུས་གཅིག་ཏུ་བཀོད་པ་དྲི་མེད་ཟླ་བའི་བསིལ་ཟེར་ཅེས་བྱ་བ་བཞུགས་སོ།། །ན་མོ་གུ་རུ་བཛྲཱ་མྲྀ་ཏ་མ་ཧཱ་སུ་ཁཱ་ཡ། །རྡོ་རྗེ་ཉི་མས་རྟོག་སྒྲིབ་མུན་པ་གཏོར། །བདེ་ཆེན་ཡེ་ཤེས་བདུད་རྩིའི་བཅུད་བླུགས་པས། །སྐལ་ལྡན་རྣམ་གྲོལ་སྲོག་གི་ཟུངས་སྐྱེད་པ། །ཧེ་རུ་ཀ་དཔལ་དགྱེས་པའི་ཞལ་གྱིས་སྐྱོངས། །ཡོན་ཏན་བདུད་རྩིའི་དཀྱིལ་འཁོར་གཙོ། །གསང་སྔགས་གསར་རྙིང་དགོངས་པ་འདུས། །འཇིག་རྟེན་གསུམ་ན་རྙེད་དཀའ་བའི། །སྨིན་བྱེད་ལག་ཁྲིགས་གསལ་བར་བྱ། །གངས་ཅན་ཙམ་ན་དཀོན་ལ་རིན་ཐང་ཆེ་ཞིང་ངོ་མཚར་རྨད་དུ་བྱུང་བའི་གསང་བ་ཟབ་མོ་དཔལ་རྡོ་རྗེ་བདུད་རྩི་བདེ་བ་ཆེན་པོའི་དཀྱིལ་འཁོར་དུ་སྐལ་བ་མཆོག་དང་ལྡན་པའི་སློབ་མ་གཞུག་པ་ལ་དོན་གསུམ། སྦྱོར་བ་སྔོན་འགྲོའི་ཆོས། དངོས་གཞི་སྒྲུབ་མཆོད་དབང་བསྐུར། རྗེས་སུ་བྱ་བའི་ལས་ཀྱི་རིམ་པའོ། །དང་པོ་ལ་གསུམ། ས་ཆོག །སྟ་གོན། དཀྱིལ་འཁོར་དང་དབང་རྫས་འདུ་བྱ་བའོ། །དང་པོ་ནི། གནས་ཁང་གསར་པ་དང་རྡུལ་ཚོན་གྱི་དཀྱིལ་འཁོར་བཞེངས་པའི་ཕྱོགས་ལ། ས་ཆོག་རྒྱས་པའམ་མདོར་བསྡུས་སྒྲུབ་ཁོག་ལྟར་བྱ་དགོས་ཀྱང༌། འདིར་གནས་ཁང་རྙིང་པ་རས་བྲིས་ལ་བརྟེན་པའི་དབང་དུ་བྱས་ཏེ། རྟེན་བཀྲམ་པའི་མདུན་ཏུ་བདག་བསྐྱེད་ཀྱི་མཆོད་པ་སྨན་རཀ་གཏོར་གསུམ། ཕྱི་མཆོད་རྣམས་དང༌། དཀར་གཏོར་གསེར་སྐྱེམས་བཤམ། ཚིག་བདུན་དང་བརྒྱུད་འདེབས་སོང་ནས། རྃ་ཡྃ་ཁྃ་གིས་བསང་སྦྱང༌། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་གྱུར། ཨོཾ་ཨཱཿཧཱུྃ་གིས་བྱིན་གྱིས་བརླབ། བྷཱུ་མི་པ་ཏི་ས་པཱ་རི་ཝཱ་ར་བཛྲ་ས་མཱ་ཛཿས་སྤྱན་དྲང༌། བྷཱུ་མི་པ་ཏི་ས་པ་རི་ཝཱ་ར་ཨ་ཀཱ་རོ་སོགས་གསུམ་གྱིས་གཏོར་མ་བསྔོས་ལ། གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོའམ་གཞན་དག་ལ། །དཀྱིལ་འཁོར་དོན་དུུ་ས་ཕྱོགས་འདི། །བདག་ཞུ་ཁྱེད་ཀྱིས་སྩལ་དུ་གསོལ། ཞེས་ལན་གསུམ་བརྗོད་ཅིང་གནང་བ་བྱིན་པར་བསམ་ལ་དཀར་གཏོར་གསེར་སྐྱེམས་ཕྱི་རོལ་དུ་ཕུལ་བས་ས་ཆོག་གི་དོན་གྲུབ། གཉིས་པ་ལ་གསུམ། ལྷ། བུམ་པ། སློབ་མ་ལྷག་པར་གནས་པའོ། །དང་པོ་ནི། སྐྱབས་སེམས་ཚོགས་བསགས་ནས་བཟུང༌། བདག་བསྐྱཻད་བཟླས་པ་དང་བཅས་པ་བྱས་ལ་སྟོང་ཚིག་འབུལ། དབང་སྟེགས་སུ་བདུད་རྩིས་ཆག་ཆག་གདབ་ལ་མེ་ཏོག་གཅལ་དུ་བཀྲམ། སྨན་རཀ་གཏོར་གསུམ་དང་ཕྱི་མཆོད་ཕྲེང་ཚར་དུ་བཤམ། ཧཱུྃ༔ གནས་ཡུལ་དུར་ཁྲོད་རོལ་པའི་ཞིང་༔ མཆོད་རྫས་བསོད་ནམས་ཡེ་ཤེས་རྒྱ༔ བདེ་བ་ཆེན་པོའི་རྣམ་པར་རོལ༔ འགྲིབ་མེད་རྟག་པའི་རྒྱན་དུ་ཤར༔ ཨོཾ་ཤྲཱི་ཧེ་རུ་ཀ་བཛྲ་ཨ་མྲྀ་ཏ་མ་ཧཱ་སུ་ཁ་སརྦ་པཱུ་ཛ་ས་མ་ཡེ་ཨཱཿཧཱུྃ༔ ཞེས་པས་བྱིན་བརླབ། རང་གི་ཐུགས་ཀ་ནས་འོད་ཟེར་བསམ་གྱིས་མི་ཁྱབ་པ་འཕྲོས། རང་བཞིན་གྱི་གནས་ནས་བཅོམ་ལྡན་འདས་དཔལ་རྡོ་རྗེ་བདུད་རྩིའི་དཀྱིལ་འཁོར་གྱི་ལྷ་ཚོགས་ནམ་མཁའ་གང་བ་སྤྱན་དྲངས་དཀྱིལ་འཁོར་གྱི་གནས་ལ་བཞུགས་པར་གྱུར། ཧཱུྃ༔ རྡོ་རྗེ་ཉི་མ་ལས་བྱུང་བ༔ བདེ་ཆེན་བདུད་རྩིས་དགྱེས་པ་ཅན༔ ཧེ་རུ་ཀ་དང་བཙུན་མོར་བཅས༔ ཐུགས་རྗེའི་དབང་གིས་གནས་འདིར་གཤེགས༔ ཨོཾ་ཤྲཱི་བཛྲ་ཨ་མྲྀ་ཏ་མ་ཧཱ་སུ་ཁ་ཧེ་རུ་ཀ་མཎྜ་ལ་ས་པ་རི་ཝཱ་ར་ཨེ་ཧྱེ་ཧི༔ ས་མ་ཡ་ཧོ༔ ས་མ་ཡ་སྟྭཾ༔ མ་ཧཱ་སུ་ཁ་ཛྙཱ་ན་ཛཿཧཱུྃ་བྃ་ཧོཿ བརྡ་ཕྱག་ནི། ཧཱུྃ༔ རྡོ་རྗེ་རྐང་ལག་མཛེས་པའི་གར༔ དགའ་བའི་གླུ་དང་རབ་ཏུ་སྦྱོར༔ ངོ་མཚར་ཆེན་པོའི་དམ་ཚིག་གིས༔ རྗེས་སུ་ཆགས་པའི་ཕྱག་བགྱིའོ༔ ཤྲཱི་བཛྲ་ཨ་མྲྀ་ཏ་མ་ཧཱ་སུ་ཁ་ན་མཱ་མི༔

མཆོད་པ་འབུལ་བ་ནི། ཨོཾ་ཨཱཿཧཱུྃ༔ ནམ་མཁའ་ལས་བྱུང་ཡེ་ཤེས་སྤྲིན༔ ལྷ་ཡི་མེ་ཏོག་དམར་བའི་མདངས༔ རྡོ་རྗེ་རྗེས་སུ་ཆགས་པའི་སྤོས༔ རིན་ཆེན་གཟི་ལྡན་སྒྲོན་མ་ཆེ༔ སྣ་ཚོགས་དྲི་ཞིམ་བསིལ་བའི་ཆབ༔ རོ་བཅུད་ནུས་ལྡན་འཆི་མེད་བཤོས༔ འཇིག་རྟེན་དགེ་བའི་དམ་ཚིག་གིས༔ མཆོད་པས་བདག་ལ་དགྱེས་པར་མཛོད༔ ཧཱུྃ་བཛྲ་པུཥྤཾ་དྷཱུ་པཾ་དཱི་པཾ་གནྡྷཾ་ནཻ་ཝི་དྱཱ་པཱུ་ཛ་ཧོཿ ཧཱུྃ༔ དྲུག་ལས་སྐྱེས་སོགས་གླུ་བླངས་ཤིང་༔ ཀུན་ཏུ་བཟང་པོའི་རོལ་མོ་ཆེ༔ ནམ་མཁའ་གང་བའི་གར་བཅས་པས༔ རྡོ་རྗེ་རྗེས་སུ་ཆགས་པར་མཛོད༔ ཧཱུྃ་ཤྲཱི་བཛྲ་རཱ་ག་གཱིརྟི་ནཱིརྟི་ཤབྡ་པཱུ་ཛ་ཧོཿ ཨོཾ་ཨཱཿཧཱུྃ༔ ལྕགས་ཀྱུ་ལྔ་ཡི་རྒྱ་མཚོ་ཆེ༔ ཤ་ཆེན་ལྔ་དང་ཡང་དག་ལྡན༔ རྡོ་རྗེ་གསུམ་དང་མཉམ་སྦྱོར་བ༔ བདུད་རྩི་མཆོག་གིས་མཆོད་པར་བགྱི༔ བཛྲ་ཨ་མྲྀ་ཏ་ཨོཾ་ཨཱཿཧཱུྃ༔ ཨ་མྲྀ་ཏུ་སིདྡྷི་ཀུ་རུ་ཧོ༔ ཧཱུྃ༔ ཁ་དོག་དྲི་རོ་ནུས་བཅུད་ལྡན༔ དམར་གྱི་ཨརྒྷཾ་བཏུད་པས་བྲན༔ འདོད་ཡོན་རྣམ་པ་ཐམས་ཅད་པའི༔ གཏོར་མའི་མཆོད་པ་བཞེས་སུ་གསོལ༔ བཛྲ་ཨ་མྲྀ་ཏ་མ་ཧཱ་བ་ལིཾ་ཏ་ཁཱ་ཧི༔ ཤྲཱི་ཧེ་རུ་ཀ་རཀྟ་པི་པཱ་ཧོཿ བསྟོད་པ་ནི། ཧཱུྃ༔ མ་རྒད་ལྷུན་པོའི་སྐུ་ཅན་ཉི་མ་འབུམ་གྱི་གཟི༔ རྡོ་རྗེ་བདུད་རྩིའི་སྣང་བས་ཁམས་གསུམ་སད་པར་མཛད༔ ཤེས་རབ་མ་དང་མཉམ་སྦྱོར་དཔའ་མོའི་ཚོགས་སུ་སྤྱོད༔ ཧེ་རུ་ཀ་དཔལ་བཙུན་མོར་བཅས་ལ་ཕྱག་འཚལ་འདུད༔ གང་ཞིག་ཡིད་ལ་དྲན་པས་ཀྱང་༔ དངོས་གྲུབ་མཆོག་ཀུན་སྩོལ་མཛད་པ༔ དཔལ་ལྡན་བདེ་ཆེན་མགོན་པོ་ཀྱེ༔ བདག་ལ་རྗེས་སུ་དགོངས་པར་མཛོད༔ ས་མ་ཡ་སིདྡྷི་ཨ་ལ་ལ་ཧོཿ དེ་ནས་གསོལ་བ་བཏབ་པ་ནི། དྲིལ་སྤོས་བཅས། ཨོཾ༔ རྡོ་རྗེ་བདུད་རྩི་བཅོམ་ལྡན་འདས༔ དགྱེས་པ་ཆེན་པོའི་ལྷ་ཚོགས་ཀྱིས༔ ས་གཞི་ཡོངས་སུ་དག་པ་དང་༔ བདག་དང་སློབ་མར་བྱིན་བརླབ་གསོལ༔ ཨོཾ་བཛྲ་ཨ་མྲྀ་ཏ་མ་ཧཱ་སུ་ཁ་ས་མ་ཡ་སྟྭཾ༔ ཞེས་གསོལ་དགྱེས་པས་ཞལ་བཞེས་ཤིང་༔ དགའ་བའི་སྒྲར་བཅས་ས་ལ་ཐིམ༔ བདེ་བ་ཆེན་པོའི་རང་བཞིན་གྱི༔ ཡེ་ཤེས་གཟི་བྱིན་འབར་བར་གྱུར༔ ཅེས་མོས། གཉིས་པ་ནི། སྟེགས་བུའི་སྟེང་དུ་རྣམ་རྒྱལ་བུམ་པ་མགུལ་ཆིངས་ལྗང་གུ་དང་སོ་ལྔའི་བཅུད་ལྡན། ལས་བུམ་སྔོན་པོ་ཁྲུས་རྫས་སྦྱོར་བ། གཉིས་ཀ་ཁ་རྒྱན་གཟུངས་ཐག་ལྡན་པ་བཞག །མཆོད་གཏོར་སྔར་ལྟར་བཤམས་པ་བྱིན་བརླབ། ཨོཾ་བཛྲ་ཨ་མྲྀ་ཏ་ཧཱུྃ་ཕཊ༔ཀྱིས་བསང༌། ཨོཾ་སྭཱ་བྷཱ་བ་བི་ཤུདྡྷོ྅ཧཾ༔གིས་སྦྱང༌། སྟོང་པའི་ངང་ལས་པད་ཟླའི་སྟེང་༔ མཚན་ཉིད་ཡོངས་རྫོགས་བུམ་པའི་ནང་༔ སྣ་ཚོགས་པད་ཟླའི་གདན་གྱི་སྟེང་༔ ཧཱུྃ་གི་སྒྲ་ཡིས་སྐད་ཅིག་གིས༔ རིན་ཆེན་ཉི་མ་དེ་བཞིན་གཤེགས༔ སོགས་རྩ་བའི་ལས་བྱང་ལྟར་ལ། སྒོ་བཞི་ཞེས་པ་ཕྱོགས་བཞིར་ཞེས་བསྒྱུར། གཞན་བསྟོད་པའི་བར་མཐར་ཆགས་སུ་སོང་ནས། གཟུངས་ཐག་བླངས་ལ། རང་སྲོག་སྔགས་ཀྱི་འོད་ཟེར་གཟུངས་ཐག་ལ། །འཁྲིལ་ཏེ་བུམ་པའི་ལྷ་ཚོགས་ཐུགས་རྒྱུད་བསྐུལ། །དེ་དག་སྐུ་ལས་བྱང་སེམས་བདུད་རྩིའི་རྒྱུན། །བབས་པས་བུམ་ཆུར་དབྱེར་མེད་རོ་གཅིག་གྱུར། ཅེས་ཞི་དྲག་གི་བཟླས་པ་སུམ་བརྒྱ་རེ་ལས་མི་ཉུང་བ་བཟླ། མཐར་ ཨོཾ་ཨཱཿཧཱུྃཿགིས་མཆོད་ཡོན་ཕུལ་བས། ལྷ་རྣམས་བདེ་བ་ཆེན་པོའི་ངོ་བོར་འོད་དུ་ཞུ་ནས་བུམ་ཆུ་དང་དབྱེར་མེད་དུ་གྱུར་པར་མོས། དབང་ཆེན་ཡོངས་རྫོགས་སྐབས་ལས་བུམ་དུ་གཞུང་འདིར་དམིགས་སུ་བསྟན་པའི་བདུད་རྩི་འཁྱིལ་བའི་བསྐྱེད་བཟླས་བྱ་དགོས་པས། ཨོཾ་བཛྲ་ཨ་མྲྀ་ཏ་ཧཱུྃ་ཕཊ༔ ཨོཾ་སྭ་བྷཱ་ཝ་བི་ཤུདྡྷོ྅ཧཾཿ སྟོང་པའི་ངང་ལས་པད་ཟླའི་སྟེང་༔ བྷྲཱུྃ་ལས་རིན་ཆེན་བུམ་པ་ནི༔ དག་བྱེད་བདུད་རྩིའི་བཅུད་ལྡན་དབུས༔ པད་ཉིའི་གདན་ལ་ཧཱུྃ་དུད་ཀ༔ འབར་བ་ཆེན་པོའི་འོད་ཟེར་གྱིས༔ དེ་བཞིན་གཤེགས་པ་ཐམས་ཅད་ཀྱི༔ རྡོ་རྗེ་བདུད་རྩི་ཡང་དག་བསྡུས༔ ཐིམ་པར་གྱུར་ལས་སྐད་ཅིག་གིས༔ བཅོམ་ལྡན་རྡོ་རྗེ་བདུད་རྩི་འཁྱིལ༔ ལྗང་ནག་ཞལ་གསུམ་ཕྱག་དྲུག་པ༔ གཡས་དཀར་གཡོན་དམར་མཆེ་བ་གཙིགས༔ གཡས་གསུམ་དགྲ་སྟྭ་འབར་བ་དང་༔ ཡེ་ཤེས་རལ་གྲི་རྡོ་རྗེ་གདེངས༔ གཡོན་གསུམ་གདུག་པ་བསྡིགས་མཛད་ཅིང་༔ གཏུན་ཤིང་འཕྱར་ཞིང་ཞགས་པ་འཕེན༔ ཞལ་གདངས་སྤྱན་གསུམ་སྨར་སྨིན་དང་༔ དབུ་སྐྲ་དམར་སེར་རབ་ཏུ་འབར༔ ཁྲོ་གཏུམ་སྐུ་ཆེ་ཡན་ལག་རགས༔ སྤྱི་བོར་བདུད་རྩིའི་གླེགས་བམ་འཆང་༔ སྟག་ཤམ་དང་ནི་སྦྲུལ་གྱིས་བརྒྱན༔ ཞབས་ཟུང་གྱད་ཀྱི་དོར་སྟབས་ཀྱིས༔ བགེགས་ཀྱི་རྒྱལ་པོ་ཕོ་མོ་མནན༔ ཡེ་ཤེས་མེ་ཕུང་འབར་བའི་དབུས༔ རང་འོད་རྡོ་རྗེ་བདུད་རྩི་མ༔ ཁྲོ་ཆགས་ཉམས་ལྡན་པདྨ་དང་༔ བདུད་རྩིའི་ཐོད་པ་བསྣམས་པས་འཁྱུད༔ ཐབས་དང་ཤེས་རབ་སྙོམས་ཞུགས་སྒྲས༔ ཡེ་ཤེས་སྤྱན་དྲངས་དབྱེར་མེད་བསམ༔ ཧཱུྃ༔ བདེ་གཤེགས་རྣམས་ནི་ཐམས་ཅད་ཀྱི༔ ཡེ་ཤེས་རྡོ་རྗེ་བདུད་རྩིར་འཁྱིལ༔ སྒྲིབ་གཉིས་དྲི་མ་སྦྱོང་མཛད་ལྷ༔ འདིར་ནི་ཡང་དག་ཉེ་བར་མཛོད༔ ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཨེ་ཧྱེ་ཧི༔ བཛྲ་ས་མཱ་ཛཿ ཧཱུྃ༔ རྡོ་རྗེ་དགའ་བ་རྣམ་པ་བཞིའི༔ ཕྱག་རྒྱས་དགུག་ཅིང་ཉེ་བར་གཞུག༔ དབྱེར་མེད་དགྱེས་པ་ཆེན་པོ་ཡི༔ དམ་ཚིག་མཆོག་གི་གནས་ལ་རོལ༔ མ་ཧཱ་སུ་ཁ་ཛྙཱ་ན་ཛཿཧཱུྃ་བྃ་ཧོཿ དབང་བསྐུར་རྒྱས་གདབ་ནི། ཨོཾ༔ ལྷ་ཡི་བདུད་རྩི་དྲི་མ་མེད༔ ཡེ་ཤེས་ལྔ་དང་ཡང་དག་སྦྱོར༔ བྱང་ཆུབ་སེམས་ཀྱི་ཆུ་རྒྱུན་གྱིས༔ རྟོག་པའི་དྲི་མ་སྦྱང་བར་བྱ༔ ཨོཾ་སརྦ་ཏ་ཐཱ་ག་ཏ་བོ་དྷི་ཙིཏྟ་ཨ་མྲྀ་ཏ་ཏྲཱྃ་ཧཱུྃ་ཨོཾ་ཧྲཱིཿཨཱཿཨ་བྷི་ཥིཉྩ་མི༔ བོ་དྷི་ཙིཏྟ་བདེ་བ་ཆེས༔ དབང་བསྐུར་རིགས་ལྔས་དབུར་བརྒྱན་བསམ༔ བརྡ་ཕྱག་འཚལ་བ་ནི། ཧཱུྃ༔ རྡོ་རྗེ་རྐང་ལག་མཛེས་པའི་གར༔ དགའ་བའི་གླུ་དང་རབ་ཏུ་སྦྱོར༔ ངོ་མཚར་ཆེན་པོའི་དམ་ཚིག་གིས༔ རྗེས་སུ་ཆགས་པའི་ཕྱག་བགྱིའོ༔ ཤྲཱི་བཛྲ་ཨ་མྲྀ་ཏ་མ་ཧཱ་སུ་ཁ་ན་མཱ་མི༔ མཆོད་པ་འབུལ་བ་ནི། ཨོཾ་ཨཱཿཧཱུྃ༔ ནམ་མཁའ་ལས་བྱུང་ཡེ་ཤེས་སྤྲིན༔ ལྷ་ཡི་མེ་ཏོག་དམར་བའི་མདངས༔ རྡོ་རྗེ་རྗེས་སུ་ཆགས་པའི་སྤོས༔ རིན་ཆེན་གཟི་ལྡན་སྒྲོན་མ་ཆེ༔ སྣ་ཚོགས་དྲི་ཞིམ་བསིལ་བའི་ཆབ༔ རོ་བཅུད་ནུས་ལྡན་འཆི་མེད་བཤོས༔ འཇིག་རྟེན་དགེ་བའི་དམ་ཚིག་གིས༔ མཆོད་པས་བདག་ལ་དགྱེས་པར་མཛོད༔ ཧཱུྃ་བཛྲ་པུཥྤཾ་དྷཱུ་པཾ་དཱི་པཾ་གནྡྷཾ་ནཻ་ཝི་དྱཱ་པཱུ་ཛ་ཧོཿ ཧཱུྃ༔ དྲུག་ལས་སྐྱེས་སོགས་གླུ་བླངས་ཤིང་༔ ཀུན་ཏུ་བཟང་པོའི་རོལ་མོ་ཆེ༔ ནམ་མཁའ་གང་བའི་གར་བཅས་པས༔ རྡོ་རྗེ་རྗེས་སུ་ཆགས་པར་མཛོད༔ ཧཱུྃ་ཤྲཱི་བཛྲ་རཱ་ག་གཱིརྟི་ནཱིརྟི་ཤབྡ་པཱུ་ཛ་ཧོཿ ཨོཾ་ཨཱཿཧཱུྃ༔ ལྕགས་ཀྱུ་ལྔ་ཡི་རྒྱ་མཚོ་ཆེ༔ ཤ་ཆེན་ལྔ་དང་ཡང་དག་ལྡན༔ རྡོ་རྗེ་གསུམ་དང་མཉམ་སྦྱོར་བ༔ བདུད་རྩི་མཆོག་གིས་མཆོད་པར་བགྱི༔ བཛྲ་ཨ་མྲྀ་ཏ་ཨོཾ་ཨཱཿཧཱུྃ༔ ཨ་མྲྀ་ཏུ་སིདྡྷི་ཀུ་རུ་ཧོ༔ ཧཱུྃ༔ ཁ་དོག་དྲི་རོ་ནུས་བཅུད་ལྡན༔ དམར་གྱི་ཨརྒྷཾ་བཏུད་པས་བྲན༔ འདོད་ཡོན་རྣམ་པ་ཐམས་ཅད་པའི༔ གཏོར་མའི་མཆོད་པ་བཞེས་སུ་གསོལ༔ བཛྲ་ཨ་མྲྀ་ཏ་མ་ཧཱ་བ་ལིཾ་ཏ་ཁཱ་ཧི༔ ཤྲཱི་ཧེ་རུ་ཀ་རཀྟ་པི་པཱ་ཧོཿ

བསྟོད་པ་ནི། ཧཱུྃ༔ གང་ཞིག་དྲན་པ་ཙམ་གྱིས་ཀྱང་༔ འཇིག་རྟེན་གསུམ་པོ་གཡོ་བར་མཛད༔ དག་པའི་བདུད་རྩིའི་མཆོག་ཆེན་སྩོལ༔ དོན་ཀུན་སྒྲུབ་ལ་ཕྱག་འཚལ་བསྟོད༔ ཅེས་བསྟོད་བཟླས་པ་ནི། རང་གི་ཐུགས་ནས་འོད་ཟེར་འཕྲོས༔ བུམ་པའི་ལྷ་ཡི་སྦྱོར་མཚམས་ཞུགས༔ བདེ་བ་ཆེན་པོའི་རླབས་གཡོས་པས༔ ཐུགས་ཀར་ཉི་སྟེང་ཧཱུྃ་གི་མཐར༔ སྔགས་ཀྱིས་མཚན་པའི་ཡེ་ཤེས་བསྐུལ༔ དེ་ལས་རྡོ་རྗེ་བདུད་རྩིའི་རྒྱུན༔ ཡབ་ཡུམ་མཁའ་དབྱིངས་སྦུབས་སུ་བསྐྱིལ༔ ཆར་ལྟར་བབས་ནས་བཅུད་ལ་ཐིམ༔ ནུས་པ་མཆོག་ཏུ་བསྐྱེད་པར་གྱུར༔ ཨོཾ་ཨཱཿཧཱུྃ་སྭཱ་ཧཱ༔ རྩ་སྔགས་ཅི་རིགས་དང༌། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཤོ་དྷ་ནེ་ཤོ་དྷ་ནེ་བི་ཤོ་དྷ་ནེ་ཧཱུྃ་སྭཱ་ཧཱ༔ ཅེས་ལས་སྦྱོར་བརྒྱ་རྩ་ཙམ་བཟླས་མཐར་མཆོད་བསྟོད་མདོར་བསྡུས་བྱ། ཨོཾ་ཨཱཿཧཱུྃ་གིས་དུང་ཞལ་གྱི་མཆོད་ཡོན་ཕུལ་བས། བདུད་རྩི་འཁྱིལ་བ་ཡབ་ཡུམ་དགྱེས་པ་ཆེན་པོས་འོད་དུ་ཞུ་ནས་བུམ་པའི་ཆུ་དང་དབྱེར་མེད་དུ་གྱུར། ཅེས་བརྗོད། རྩ་དབང་རྐྱང་པ་སོགས་སྟབས་བདེར་བདུད་རྩི་འཁྱིལ་པའི་བསྐྱེད་བཟླས་སྤྱི་མཐུན་ཞིག་བྱས་པས་ཆོག་གོ །གསུམ་པ་ནི། སྟ་གོན་གྱི་ཆས་རྣམས་ཡོལ་བས་བསྒྲིབ། རྫས་བཞི། ཉེར་སྤྱོད་ལྔ་སོགས་འདུ་བྱ། སློབ་མ་རྣམས་ལ་ཁྲུས་བྱ། བགེགས་གཏོར་བཏང༌། ལས་བྱང་ལྟར་བཀའ་བསྒོ། སྲུང་འཁོར་གྱིས་མཚམས་བཅད། སེམས་བསྐྱེད་གསལ་བཏབ་ཅིང་བློ་བཅོས་པའི་ཐུན་མོང་གི་ཆོས་བཤད་ཅི་རིགས་སྔོན་དུ་འགྲོ་བས། འདིར་སྐབས་སུ་བབས་པའི་བཤད་བྱ་ནི། རྒྱུ་ལམ་དུ་བྱེད་པ་མཚན་ཉིད་ཀྱི་ཐེག་པ་ལས་ཁྱད་པར་དུ་མས་འཕགས་པ་འབྲས་བུ་ལམ་བྱེད་གསང་སྔགས་རྡོ་རྗེ་ཐེག་པ་ལ་རྒྱུད་སྡཻ་ཆེན་པོ་བཞིར་བཞུགས་པ་ལས་གོང་མའི་ཡང་གོང་མར་གྱུར་པ་རྣལ་འབྱོར་བླ་ན་མེད་པ་ལ་ཕ་རྒྱུད་མ་རྒྱུད་གཉིས་སུ་དབྱེ་བའི་ནང་ཚན་བདེ་བ་ཆེན་པོའི་མྱུར་ལམ་གྱིས་ཁྱད་པར་དུ་བྱས་པ་མ་རྒྱུད་ཡིན་ཅིང༌། དེ་ལའང་རིགས་དྲུག་གི་དབྱེ་བ་ཅན་དུ་བཞུགས་པའི་ནང་ཚན་འདིར་ནི་རྡོ་རྗེ་ཉི་མ་རིན་འབྱུང་གི་རིགས་ཡིན་ལ། སྔ་འགྱུར་གྱི་རང་རྐང་སྒྲུབ་སྡེ་ཆེན་པོ་བརྒྱད་དུ་གྲགས་པ་ལྟར་ན་འཇིག་རྟེན་ལས་འདས་པའི་སྒྲུབ་ལུགས་ལྔའི་གཙོ་བོ་ཡོན་ཏན་བདུད་རྩིའི་དཀྱིལ་འཁོར་སྨིན་གྲོལ་ལས་ཚོགས་དང་བཅས་པ་ཟབ་ལ་འདྲིལ་ཞིང་རང་རྐང་ཚུགས་པ། ངོ་མཚར་རྨད་དུ་བྱུང་བའི་གསང་བ་ཆེན་པོ་དཔལ་རྡོ་རྗེ་བདུད་རྩི་བདེ་བ་ཆེན་པོའི་དཀྱིལ་འཁོར་དུ་དབང་བསྐུར་བགྱི་བ་ལ་སྔོན་འགྲོ་སྟ་གོན་གྱི་རིམ་པ་དང༌། དངོས་གཞི་དབང་བསྐུར་བ་གཉིས་སུ་ཡོད་པ་ལས། འདིར་སྔོན་འགྲོ་སློབ་མ་ལྷག་པར་གནས་པ་བགྱི་བའི་སྐབས་ལགས་པས་ཐོག་མར་དེ་ཉིད་ཞུ་བའི་ཡོན་ཏུ་དམིགས་ཏེ་མཎྜལ་འབུལ་འཚལ། ཅེས་པ་ཙམ་གྱིས་མཚམས་སྦྱར་ལ་མཎྜལ་འབུལ་དུ་གཞུག །སློབ་དཔོན་དང་དཀྱིལ་འཁོར་གྱི་གཙོ་བོ་དབྱེར་མི་ཕྱེད་པ་ལ་མོས་གུས་གདུང་ཤུགས་དྲག་པོས་མེ་ཏོག་དང་བཅས་པའི་ཐལ་མོ་སྦྱོར་ལ་གསོལ་བ་འདེབས་པ་འདིའི་རྗེས་ཟློས་མཛོད། དཀྱིལ་འཁོར་གཙོ་བོ་སློབ་དཔོན་ཆེས༔ བདག་ལ་ཐུགས་བརྩེས་ཉེར་དགོངས་ནས༔ སྔགས་ཀྱི་ཆོ་གའི་མཐུ་ཆེན་པོས༔ བྱིན་གྱིས་བརླབ་པར་མཛད་དུ་གསོལ༔ ལན་གསུམ། དེ་ལྟར་གསོལ་བ་བཏབས་པས་སྣོད་ལྡན་ཏུ་རིག་ནས་གནང་བ་སྦྱིན་ཅིང་རྗེས་སུ་གདམས་པ་ཡིན་པས་འདི་ལ་གསན་འཚལ། ཨེ་མ་ཚུལ་ཆེན་སྔགས་ཀྱི་མཆོག༔ དུས་གསུམ་རྒྱལ་བའི་ལམ་ཆེན་པོ༔ ཁྱོད་ལ་རབ་ཏུ་བསྟན་པར་བྱ༔ སྤྲོ་བ་སྐྱེད་ལ་གུས་པ་ཡིས༔ རང་རྒྱུད་ཡོངས་སུ་དག་པ་དང་༔ རྡོ་རྗེའི་དམ་ཚིག་ཚུལ་བཞིན་སྲུངས༔ ཞེས་གདམས། དེ་ལ་ཐོག་མར་ཐེག་པ་ཐུན་མོང་གི་འཇུག་སྒོ་སྐྱབས་འགྲོའི་སྡོམ་པ་བཟུང་དགོས་པས་འདུན་པ་འདི་བཞིན་ཏུ་མཛོད། བླ་མ་བཅོམ་ལྡན་འདས་དཔལ་རྡོ་རྗེ་བདུད་རྩིའི་དཀྱིལ་འཁོར་ལ་རྩ་གསུམ་རྒྱལ་བ་རབ་འབྱམས་ཀྱི་ཚོགས་དང་བཅས་པ་མངོན་སུམ་བཞིན་ཏུ་བཞུགས་པའི་སྤྱན་སྔར། བདག་གཞན་མཁའ་ཁྱབ་ཀྱི་འགྲོ་བ་མ་ལུས་པ་སྒོ་གསུམ་གུས་པ་ཆེན་པོས་བྱང་ཆུབ་མ་ཐོབ་ཀྱི་བར་སྐྱབས་སུ་འགྲོ་བའི་འདུན་པ་དྲག་པོས་འདིའི་རྗེས་ཟློས་མཛོད། ཧཱུྃ༔ འཁོར་འདས་རྡོ་རྗེ་བདུད་རྩི་ཆེ༔ དབྱེར་མེད་ཟུང་འཇུག་ཧེ་རུ་ཀ༔ བླ་མ་མཁའ་འགྲོའི་ཚོགས་བཅས་ལ༔ སྒོ་གསུམ་གུས་པས་སྐྱབས་སུ་མཆི༔ ལན་གསུམ།

དེ་ནས་ཐེག་ཆེན་ཐུན་མོང་མ་ཡིན་པའི་གཞི་རྟེན་བྱང་ཆུབ་མཆོག་ཏུ་སེམས་བསྐྱེད་པ་ལ། འདི་ལྟར་ནམ་མཁའ་དང་མཉམ་པའི་ཕ་མ་སེམས་ཅན་མཐའ་དག་དཔལ་བདེ་བ་ཆེན་པོ་ཧེ་རུ་ཀའི་གོ་འཕང་ལ་དགོད་པར་བྱ། དེའི་ཆེད་དུ་རྡོ་རྗེའི་དཀྱིལ་འཁོར་ཆེན་པོར་ཞུགས་ཤིང་རྒྱུད་སྨིན་པར་བྱས་ལ་གྲོལ་བྱེད་ཀྱི་ལམ་རིམ་པ་གཉིས་ཉམས་སུ་བླང་བར་བགྱིའོ་སྙམ་དུ་སྨོན་པ་དང་འཇུག་པའི་བདག་ཉིད་ཅན་གྱི་སེམས་བསྐྱེད་པ་འདིའི་རྗེས་ཟློས། མཐའ་ཡས་འགྲོ་བ་ཐམས་ཅད་ལ༔ དམིགས་མེད་སྙིང་རྗེས་ཀུན་བསླངས་ཏེ༔ བདེ་ཆེན་ས་ལ་འགོད་པའི་ཕྱིར༔ ཁྲག་འཐུང་ཆེན་པོའི་རྣལ་འབྱོར་བསྒོམ༔ ལན་གསུམ། དབང་དོན་གྱི་ཡེ་ཤེས་རྒྱུད་ལ་གནས་པ་ནི་སྡོམ་པ་དམ་ཚིག་གི་རྟེན་ལ་རགས་ལས་པས། སྤྱིའི་དམ་ཚིག་ཉེས་སྤྱོད་སྤོང་བ། དགེ་བ་ཆོས་སྡུད། སེམས་ཅན་དོན་བྱེད་ཀྱི་ཚུལ་ཁྲིམས་རྣམ་པ་གསུམ་ལ་བསླབ་པ་དང༌། ཁྱད་པར་གྱི་དམ་ཚིག་བདེ་གཤེགས་རིགས་ལྔ། རྩ་བ་སྐུ་གསུང་ཐུགས་གསུམ། ཡན་ལག་ཉི་ཤུ་རྩ་ལྔས་བསྡུས་པ་རྣམས་དང༌། སྒྲུབ་པ་ལྷག་པའི་དམ་ཚིག་རྣམས་ཀྱང་ལེགས་པར་བླངས་ནས་ཚུལ་བཞིན་ཏུ་བསྲུང་བར་བགྱིའོ་སྙམ་པའི་ཡིད་ཀྱིས་འདིའི་རྗེས་ཟློས་མཛོད། བླ་མ་རྡོ་རྗེ་བདུད་རྩིའི་ལྷ༔ དཔའ་བོ་རྣལ་འབྱོར་མ་ཚོགས་ཀུན༔ བདག་ལ་དགོངས་པར་མཛད་དུ་གསོལ༔ བདག་གིས་བྱང་ཆུབ་སྙིང་པོའི་བར༔ མཐའ་ཡས་འགྲོ་རྣམས་བསྒྲལ་བའི་ཕྱིར༔ གསང་བ་མཆོག་གི་སྒོར་ཞུགས་ནས༔ ཉེས་སྤྱོད་ཆ་དང་བཅས་པ་སྡོམ༔ དགེ་བའི་ཆོས་རྣམས་རབ་ཏུ་སྡུད༔ སེམས་ཅན་དོན་ནི་མཉམ་མེད་སྤྱད༔ རྩ་བ་ཡན་ལག་དམ་ཚིག་ཀུན༔ མ་ལུས་བཟུང་ཞིང་བསྲུང་བར་བགྱི༔ ལན་གསུམ། དེ་ནས་སྒོ་གསུམ་རྡོ་རྗེ་གསུམ་དུ་བྱིན་གྱིས་བརླབ་པའི་སླད་དུ་དམིགས་པ་འདི་བཞིན་དུ་མཛོད། སྐད་ཅིག་གིས་ཁྱེད་རང་རྣམས་དཔལ་རྡོ་རྗེ་བདུད་རྩི་སྐུ་མདོག་ལྗང་གུ་ཞི་བའི་ཉམས་ཅན། ཕྱག་གཉིས་རྡོ་རྗེ་དང་དྲིལ་བུ་འཛིན་པས་རང་འོད་ཀྱི་ཡུམ་དང་མཉམ་པར་སྦྱོར་བ། དར་དང་རིན་ཆེན་རུས་པས་བརྒྱན་ཅིང་ཞབས་གཉིས་སྐྱིལ་ཀྲུང་ཕྱེད་པའི་སྟབས་ཀྱིས་པདྨ་དང་ཟླ་བའི་གདན་ལ་བཞུགས་པའི་སྐུར་གསལ་བའི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ་རྣམས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་གསུམ་གྱི་རང་བཞིན་ཏུ་གསལ་བ་ལ། དབང་ཡུལ་དབྱེར་མེད་བདེ་བ་ཆེན་པོའི་རོལ་མོ་ཉེ་བར་སྤྱོད་པ་རྣམས་ཀྱིས་མཆོད་པར་མོས་ཤིག །མེ་ཏོག་ལ་སོགས་པས་གནས་སོ་སོར་མཆོད་པའི་ཚུལ་བྱས་ལ། ཨོཾ་བཛྲ་པུཥྤེ་ནས་ནཻ་བི་དྱཱ་པྲ་ཏཱིཙྪ་སྭཱ་ཧཱ༔ ཞེས་པའི་བར་འགྲེས་སྦྱར། སོ་ཤིང་དང་དོར་བའི་ར་བ་སོགས་རྫས་བཞི་འདུ་བྱས་ལ། དངོས་གྲུབ་ཀྱི་ལྟས་མཚན་བརྟག་པའི་སླད་དུ། ངོ་བོ་རྡོ་རྗེ་བདུད་རྩི་ཁྲག་འཐུང་ཆེན་པོ་ལ། རྣམ་པ་མཚན་ཉིད་ཡོངས་སུ་རྫོགས་པའི་སོ་ཤིང་དུ་གྱུར། ཨོཾ་བཛྲ་ཨ་མྲྀ་ཏ་མ་ཧཱ་སུ་ཁ་ཛྭ་ལ་ཛྭ་ལ་བྷྱོ་ཧཱུྃ་ཕཊ༔ ལན་བདུན་ནམ་གསུམ་གྱིས་སོ་ཤིང་བྱིན་བརླབ། དེ་ལྟར་བྱིན་གྱིས་བརླབས་པའི་སོ་ཤིང་འདི་ཉིད་ཁྱེད་རང་རྣམས་ཀྱི་ཕྱག་ཐལ་མོ་སྦྱར་བའི་བར་དུ་ཟུང་ལ་དངོས་གྲུབ་ཀྱི་མཚན་ལྟས་གསལ་བར་བསྟན་དུ་གསོལ་སྙམ་པའི་འདུན་པ་རྩེ་གཅིག་པས་སྔགས་འདིའི་རྗེས་ཟློས་དང་བཅས་ལྟོས་མེད་དུ་འདོར་བ་ཞུ། ཨོཾ་ཤྲཱི་བཛྲ་ཧེ་རུ་ཀ་ཧ་ས་ཧཾ༔ ཞེས་སོ་ཤིང་ར་བར་འདོར་དུ་གཞུག །དེ་ལྟར་དོར་བའི་སོ་ཤིང་གི་རྩེ་མོ་ཤར་དུ་བསྟན་ན་ཞི་བ། ལྷོར་རྒྱས་པ། ནུབ་ཏུ་དབང༌། བྱང་དུ་དྲག་པོའི་ཕྲིན་ལས་རྣམས་འགྲུབ་ཅིང༌། མཚམས་སུ་ཕྲན་ཚེགས་ཀྱི་དངོས་གྲུབ། སྟེང་དུ་མཁའ་སྤྱོད། འོག་ཏུ་ས་སྤྱོད། སློབ་དཔོན་ནམ་རང་ལ་བསྟན་ན་མཆོག་གི་དངོས་གྲུབ་འགྲུབ་པར་གསུངས་སོ། །དུང་ཞལ་དུ་དྲི་བཟང་དང་སྦྱར་བའི་ཁྱཽར་ཆུ་ཐོགས་ལ། རིན་ཆེན་བདུད་རྩི་མ་མཱ་ཀའི་རང་བཞིན་ཅན་གྱི་ཁྱོར་ཆུ་ཁོང་དུ་བཏུང་བས་མཚན་མའི་རྣམ་རྟོག་མ་ལུས་པ་དབྱིངས་སུ་སྦྱངས་པའི་མོས་པ་མཛོད། ཨོཾ་བཛྲ་ཨ་མྲྀ་ཏ་མ་མཱ་ཀི་སརྦ་སཾ་ཀལྤ་བི་ཤོ་དྷ་ན་སྭཱ་ཧཱ༔ ཞེས་དུང་ཆུ་སྦྱིན། དཔུང་སྐུད་སྔོ་ནག་མདུད་པ་སུམ་ལྡན། ཧཱུྃ་གིས་སྔགས་པ། རྡོ་རྗེ་བདུད་རྩི་ཧཱུྃ་མཛད་ཆེན་པོའི་རང་བཞིན་གྱི་རྡོ་རྗེའི་མདུད་པ་སྐྱེས་པའི་དཔུང་པ་གཡོན་དང༌། བུད་མེད་ཀྱི་གཡས་སུ་བཅྀངས་པས་སྒོ་གསུམ་ལ་བར་དུ་གཅོད་པ་ཐམས་ཅད་བསྲུང་བར་བྱས་པའི་མོས་པ་མཛོད༔ ཨོཾ་བཛྲ་ཧཱུྃ་ཀ་ར་ཧཱུྃ་ཧཱུྃ་ཧཱུྃ༔ ཞེས་པས་བཅིང༌། ཀུ་ཤའི་ཆུན་པོ་ཆེ་ཆུང་ཐོགས་ལ། རྡོ་རྗེ་བདུད་རྩི་འཁྱིལ་པའི་རང་བཞིན་དག་བྱེད་རྩྭ་མཆོག་ཀུ་ཤའི་ཆུན་པོ་ཆུང་བ་སྔས་དང་ཆེ་བ་སྟན་གྱི་དོན་ཏུ་ཟུང་ཞིག །ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཨ་པྲ་ཏི་ཧ་ཏ་ཧཱུྃ་ཕཊ༔ ཅེས་ལག་པ་གཡས་གཡོན་དུ་གཏད། དོ་ནུབ་བླ་མ་དང་དཀྱིལ་འཁོར་ལ་མགོ་ཕྱོགས་ཤིང་དད་མོས་ཀྱི་འདུན་པ་རྒྱུན་ཆགས་དང་བཅས་ཉལ་བས་བཟང་ངན་མཚན་མ་གང་མཐོང་མ་བརྗེད་པར་གྱིས་ལ་ངན་ན་ཟློག་པའི་གཉེན་པོ་ལ་འབད་པར་བྱ་དགོས་སོ། །ཟབ་མོའི་ལམ་ལས་ཕྱིར་མི་ལྡོག་པའི་དོན་དུ་ཆོས་བཤད་ཅིང་སྤྲོ་བ་སྐྱེད་པ་འདི་ལ་གསན་འཚལ། འཇིག་རྟེན་སངས་རྒྱས་འབྱུང་བ་ལས༔ རབ་ཏུ་དཀོན་པའི་རྡོ་རྗེའི་ཐེག༔ དེ་རིང་རྙེད་དོ་སྐལ་བཟང་རྣམས༔ ཚུལ་ཆེན་འདི་ལ་གནས་པར་གྱིས༔ དེས་སློབ་མ་ལྷག་པར་གནས་པའི་རིམ་པ་རྣམས་གྲུབ་པ་ལགས་པས་དགེ་བ་གཞན་དོན་རྫོགས་བྱང་གི་ཕྱིར་དུ་བསྔོ་བ་ཞུ། ཞེས་བསྔོ་བ་བརྗོད་ལ་གྲོལ། སློབ་དཔོན་གྱིས་བདག་བསྐྱེད་ལ་དམིགས་པའི་མཆོད་བསྟོད། ནོངས་བཤགས་བྱ། བསྡུ་ལྡངས་དང་ཤིས་བརྗོད་ལས་བྱང་ལྟར་བྱས་པས་གྲུབ་བོ། །གཉིས་པ་དངོས་གཞི་ལ་གསུམ། དཀྱིལ་འཁོར་བཤམ་བཀོད་ཀྱི་རིམ་པ། དབང་དོན་སྒྲུབ་མཆོད་བྱ་ཚུལ། དབང་དངོས་ཇི་ལྟར་བསྐུར་བའོ། །དང་པོ་ནི། སྔར་སྟ་གོན་བྱས་པའི་གཞི་ལ་རས་བྲིས་ཀྱི་དཀྱིལ་འཁོར་བཀྲམ་པའི་དབུས་སུ་རྐང་གསུམ་སྟེང་སྐུ་རྣམ་རྒྱལ་བུམ་པ་སོ་ལྔའི་བཅུད་ལྡན་མགུལ་ཆིངས་ལྗངས་གུས་སྤྲས་པ། དེའི་ཁར་གསུང་ཐོད་པ་མཚན་ལྡན་བདུད་རྩིས་བཀང་བའི་སྟེང་དུ་ཐུགས་མེ་ལོང་སིནྡྷཱུ་ར་བདལ་བ་ལ་ཆོས་འབྱུང་གྲྭ་བཞིར་དགའ་འཁྱིལ་ལྟེ་བར་བྃ་ཡིག་གིས་མཚན་པ་བཞག །ཕྱོགས་བཞི་སོ་སོའམ་མདུན་དུ་དབུ་རྒྱན། རྡོ་རྗེ། དྲིལ་བུ། རྡོར་དྲིལ་ལྷན་ཅིག་པ་དང་མིང་གི་ཤོག་དྲིལ་བཅས། དེའི་ཤར་དུ་རྡོ་རྗེ་བདུད་རྩིའི་ཁྲུས་རྫས་ལྡན་པའི་ཁྲུས་བུམ། ལྷོར་ཐོད་སྣོད་དུ་ཧཱུྃ་མཛད་ཀྱི་བདུག་རྫས། ནུབ་ཏུ་ཐོད་པར་མ་ད་ནའི་ཕུར་མ་ཆང་དང་སྦྱར་བ་དང༌། སིནྡྷཱུ་ར་ཞུན་མར་བཅས་བྱང་དུ་ཐོད་པ་མཚན་ལྡན་བདུད་རྩི་རིལ་བུས་གཏམས་པ་དར་སྣས་དྲིལ་ཞིང་དབུ་རྒྱན་དར་དཔྱང་གིས་བརྒྱན་པ་རྣམས་ལེགས་པར་བཀྲམ། ལྡིང་ཁྲི་བར་པ་ལྟ་བུར་དབུས་སུ་བདུད་རྩི་རིལ་བུའི་སྙིང་པོ་ཅན་གྱི་མཐོང་གྲོལ་གཏེར་བུམ། ཐོས་གྲོལ་དུང་ལ་བདུད་རྩི་དང་གི་ཝཾ་དྲི་བཟང་སྦྱར་བས་བྱུགས་པ། ཚོར་གྲོལ་རིལ་བུ་དང་སྤོས་སྦྱོར་དྲི་ཞིམ་སྦྱར་བའི་ཕྱེ་མ། མྱོང་གྲོལ་ཐོད་སྣོད་དུ་རིལ་བུ་བླུགས་པ། རེག་གྲོལ་བདུད་རྩི་དང་ག་བུར་དྲི་བཟང་རྣམས་སྦྱར་བའི་ཕྱེ་མ་དང་ཐུམ་བུ་བཏག་ཆོག །ཁྱབ་གྲོལ་ཀླུ་སྨན་བདུད་རྩི་འོ་མ་རྣམས་དངུལ་སྣོད་དུ་ལྷན་ཅིག་སྦྱར་བ། དཀྱིལ་འཁོར་གྱི་མདུན་དུ་སྨན་རཀ་གཏོར་གསུམ། མཐར་སྐོར་དུ་ཆུ་གཉིས་ཉེར་སྤྱོད་རྣམས་སྤྱི་ལྟར་བཤམ། ཉེ་ལོགས་ཇི་ལྟར་བདེ་བར་མཐའ་རྟེན་ཆས། དགང་བླུགས། དུང༌། དྲིལ་བུ། གཞུང་གི་གླེགས་བམ་རྣམས་དང༌། སྔོན་གཏོར། སྲུང་མའི་གཏོར་འབུལ། ཚོགས་ཀྱི་ཡོ་བྱད་ཆད་མདོའི་གཏོར་མ་རྣམས་དང༌། སློབ་དཔོན་མདུན་དུ་ལས་བུམ་སོགས་ཉེར་མཁོའི་ཡོ་བྱད་ཐམས་ཅད་ཚོགས་པར་བྱའོ། །གཉིས་པ་ནི། ཚིག་བདུན་དང་བརྒྱུད་འདེབས་སྔོན་དུ་འགྲོ་བས་ལས་བྱང་ལ་འཇུག །མཆོད་པའི་སྐབས་བདུད་རྩི་ལ་བརྒྱུད་མཆོད་སྦྱར་ཞིང་བསྟོད་པའི་བར་སོང་ནས། མདུན་དཀྱིལ་གྱི་གོ་སར་ཛབ྄་ཁང་དབྱེ། བདག་མདུན་གཉིས་ཀར་སྤྲོ་བསྡུའི་ཏིང་ངེ་འཛིན་སྦྱར་ལ་ཞི་ཁྲོའི་བཟླས་པ་ཅི་འགྲུབ་ཆ་སྙོམས་པར་བཟླ། བུམ་པ་སྟ་གོན་སོང་བས་འཐུས་ཀྱང་སྤྲོ་ན་སྐབས་འདིར་སྐད་ཅིག་གིས་བསྐྱེད་པ་དང་བཟླས་དམིགས་སྤྱི་མཚུངས་ཀྱིས་སྙིང་པོ་གཉིས་བཟླ། མཆོད་བསྟོད་ཕུལ་ཏེ་བུམ་ལྷ་འོད་ཞུ་བྱས་པས་རྩ་བའི་དབང་སྒྲུབ་འགྲུབ།

དེ་ནས་ཡན་ལག་རྣམས་སྒྲུབ་པའི་ཐོག་མར་མཆོད་ཁ་གསོ་ཞིང༌། ཧཱུྃ༔ གནས་ཡུལ་དུར་ཁྲོད་རོལ་པའི་ཞིང་༔ སོགས་ཀྱི་མཆོད་པ་བྱིན་བརླབ་བྱ་བ་ཐམས་ཅད་ལ་འགྲེས་ཏེ། ཐོག་མར་ཁྲུས་བུམ་གོང་སྟ་གོན་སྐབས་ལྟར་བདུད་རྩི་འཁྱིལ་པས་སྒྲུབ། གཉིས་པ་བདུག་སྤོས་བསྒྲུབ་པ་མཆོད་བརླབ་དང༌། ཨོཾ་བཛྲ་ཨ་མྲྀ་ཏ་ཧཱུྃ་ཕཊ༔ཀྱིས་བསང༌། ཨོཾ་སྭཱ་བྷཱ་བ་བི་ཤུདྡྷོ྅ཧཾ༔གིས་སྦྱང༌། སྟོང་པའི་ངང་ལས་ཀ་པཱ་ལ༔ རང་བྱུང་སྣོད་མཆོག་ཡངས་པའི་དབུས༔ ཧཱུྃ་ལས་རྡོ་རྗེ་བདུག་པའི་ཚོགས༔ ཁ་དོག་དྲི་དང་ནུས་པར་ལྡན༔ བརྟན་གཡོའི་སྟོབས་བཅུད་ཀུན་འདུས་པ༔ ཡེ་ཤེས་རང་བཞིན་ཆེན་པོའི་སྟེང་༔ པདྨ་ཉི་མ་འོད་འབར་དབུས༔ ཧཱུྃ་ཡིག་མཐིང་ནག་འཕྲོ་འདུ་ཡིས༔ གདུག་པ་ཅན་རྣམས་སྤ་བཀོང་ཞིང་༔ སངས་རྒྱས་བྱང་ཆུབ་ཐུགས་དམ་བསྐུལ༔ སྲིད་ཞིའི་སྟོབས་བཅུད་ཐམས་ཅད་བཀུག༔ ཡོངས་གྱུར་རྡོ་རྗེ་ཧཱུྃ་ཀཱ་ར༔ མཐིང་དཀར་དམར་བའི་ཞལ་གསུམ་པ༔ གཏུམ་ཞིང་ཁྲོ་ལ་བཞད་པའི་ཉམས༔ ཕྱག་དྲུག་གཡས་གཡོན་དང་པོ་གཉིས༔ བགེགས་འདུལ་ཕྱག་རྒྱ་བརྟན་པར་འཆིང་༔ བར་པས་ཐབས་ཤེས་མདའ་གཞུ་བཀང་༔ ཐ་མས་རང་འདྲའི་མཱ་མ་ཀིའི༔ རྒྱབ་ནས་འཁྱུད་ཅིང་ནུ་མ་འཛིན༔ ཞལ་གདངས་མཆེ་གཙིགས་སྤྱན་གསུམ་བགྲད༔ དཔའ་གཏུམ་ཁྲོ་བོའི་ཆགས་ཉམས་རྒྱས༔ སྟག་ཤམ་སྦྲུལ་དང་རུས་པས་བརྒྱན༔ ཞབས་ཟུང་ལྷ་ཆེན་ཕོ་མོའི་སྟེང་༔ དྲག་པོའི་མེ་དཔུང་དབུས་ན་འགྱིང་༔ ཡབ་ཡུམ་སྙོམས་པར་ཞུགས་པའི་སྒྲས༔ ཡེ་ཤེས་མཁའ་ཁྱབ་སད་པར་བསམ༔ ཧཱུྃ༔ མགོན་པོ་ཀུན་གཤེགས་ཐུགས་དམ་ཅན༔ བཅོམ་ལྡན་རྡོ་རྗེ་བདུད་རྩིའི་ལྷ༔ གདུག་པ་ཅན་རྣམས་འདུལ་བའི་ཕྱིར༔ ཧཱུྃ་མཛད་ཁྲོ་བོ་ཆེན་པོར་བཞེངས༔ ཨོཾ་བཛྲ་ཨ་མྲྀ་ཏ་ས་མ་ཡ་ཧོ༔ ས་མ་ཡ་སྟྭཾ༔ ཨོཾ་བཛྲ་ཧཱུྃ་ཀཱ་ར་ཧཱུྃ་ཨེ་ཧྱེ་ཧི་བཛྲ་ས་མཱ་ཛ༔ དབང་བསྐུར་རྒྱས་གདབ་ནི། ཨོཾ་ལྷ་ཡི་བདུད་རྩི་དྲི་མ་མེད༔ ཡེ་ཤེས་ལྔ་དང་ཡང་དག་སྦྱོར༔ བྱང་ཆུབ་སེམས་ཀྱི་ཆུ་རྒྱུན་གྱིས༔ རྟོག་པའི་དྲི་མ་སྦྱང་བར་བྱ༔ ཨོཾ་སརྦ་ཏ་ཐཱ་ག་ཏ་བོ་དྷི་ཙིཏྟ་ཨ་མྲྀ་ཏ་ཏྲཱྃ་ཧཱུྃ་ཨོཾ་ཧྲཱིཿཨཱཿཨ་བྷི་ཥིཉྩ་མི༔ བོ་དྷི་ཙིཏྟ་བདེ་བ་ཆེས༔ དབང་བསྐུར་རིགས་ལྔས་དབུར་བརྒྱན་བསམ༔ བརྡ་ཕྱག་འཚལ་བ་ནི། ཧཱུྃ༔ རྡོ་རྗེ་རྐང་ལག་མཛེས་པའི་གར༔ དགའ་བའི་གླུ་དང་རབ་ཏུ་སྦྱོར༔ ངོ་མཚར་ཆེན་པོའི་དམ་ཚིག་གིས༔ རྗེས་སུ་ཆགས་པའི་ཕྱག་བགྱིའོ༔ ཤྲཱི་བཛྲ་ཨ་མྲྀ་ཏ་མ་ཧཱ་སུ་ཁ་ན་མཱ་མི༔ མཆོད་པ་འབུལ་བ་ནི། ཨོཾ་ཨཱཿཧཱུྃ༔ ནམ་མཁའ་ལས་བྱུང་ཡེ་ཤེས་སྤྲིན༔ ལྷ་ཡི་མེ་ཏོག་དམར་བའི་མདངས༔ རྡོ་རྗེ་རྗེས་སུ་ཆགས་པའི་སྤོས༔ རིན་ཆེན་གཟི་ལྡན་སྒྲོན་མ་ཆེ༔ སྣ་ཚོགས་དྲི་ཞིམ་བསིལ་བའི་ཆབ༔ རོ་བཅུད་ནུས་ལྡན་འཆི་མེད་བཤོས༔ འཇིག་རྟེན་དགེ་བའི་དམ་ཚིག་གིས༔ མཆོད་པས་བདག་ལ་དགྱེས་པར་མཛོད༔ ཧཱུྃ་བཛྲ་པུཥྤཾ་དྷཱུ་པཾ་དཱི་པཾ་གནྡྷཾ་ནཻ་ཝི་དྱཱ་པཱུ་ཛ་ཧོཿ ཧཱུྃ༔ དྲུག་ལས་སྐྱེས་སོགས་གླུ་བླངས་ཤིང་༔ ཀུན་ཏུ་བཟང་པོའི་རོལ་མོ་ཆེ༔ ནམ་མཁའ་གང་བའི་གར་བཅས་པས༔ རྡོ་རྗེ་རྗེས་སུ་ཆགས་པར་མཛོད༔ ཧཱུྃ་ཤྲཱི་བཛྲ་རཱ་ག་གཱིརྟི་ནཱིརྟི་ཤབྡ་པཱུ་ཛ་ཧོཿ ཨོཾ་ཨཱཿཧཱུྃ༔ ལྕགས་ཀྱུ་ལྔ་ཡི་རྒྱ་མཚོ་ཆེ༔ ཤ་ཆེན་ལྔ་དང་ཡང་དག་ལྡན༔ རྡོ་རྗེ་གསུམ་དང་མཉམ་སྦྱོར་བ༔ བདུད་རྩི་མཆོག་གིས་མཆོད་པར་བགྱི༔ བཛྲ་ཨ་མྲྀ་ཏ་ཨོཾ་ཨཱཿཧཱུྃ༔ ཨ་མྲྀ་ཏུ་སིདྡྷི་ཀུ་རུ་ཧོ༔ ཧཱུྃ༔ ཁ་དོག་དྲི་རོ་ནུས་བཅུད་ལྡན༔ དམར་གྱི་ཨརྒྷཾ་བཏུད་པས་བྲན༔ འདོད་ཡོན་རྣམ་པ་ཐམས་ཅད་པའི༔ གཏོར་མའི་མཆོད་པ་བཞེས་སུ་གསོལ༔ བཛྲ་ཨ་མྲྀ་ཏ་མ་ཧཱ་བ་ལིཾ་ཏ་ཁཱ་ཧི༔ ཤྲཱི་ཧེ་རུ་ཀ་རཀྟ་པི་པཱ་ཧོཿ བསྟོད་པ་ནི། ཧཱུྃ༔ འཇིགས་པའི་ཧཱུྃ་སྒྲ་ངེས་སྒྲོགས་ཤིང༌། །བགེགས་རྣམས་མ་ལུས་འཇོམས་མཛད་པ། །དངོས་གྲུབ་མ་ལུས་སྩོལ་བའི་ལྷ། །བགེགས་ཀྱི་དགྲ་ལ་ཕྱག་འཚལ་བསྟོད། བཟླས་པ་བྱ་བ་ནི། ཐུགས་ཀར་ཉི་མའི་དཀྱིལ་འཁོར་སྟེང་༔ ཧཱུྃ་ཡིག་འབར་བ་ཆེན་པོའི་སྔགས༔ ཆོས་ཉིད་རང་སྒྲས་བསྐུལ་བ་ལས༔ ལྷ་མོ་རྡོ་རྗེ་སྙིང་པོ་མ༔ མཐིང་ག་པདྨ་བདུག་སྤོས་བསྣམས༔ ནམ་མཁའ་གང་བའི་སྤྲིན་སྤྲོས་པས༔ འཕགས་མཆོད་འགྲོ་བའི་སྒྲིབ་གཉིས་སྦྱངས༔ ནད་གདོན་བགེགས་ཚོགས་རྒྱངས་རིང་བསྐྲད༔ ཡེ་ཤེས་རྡོ་རྗེའི་གུར་གྱིས་བསྲུངས༔ ཚུར་འདུས་འཁོར་འདས་ནུས་སྟོབས་བཅུད༔ བདུག་པའི་སྤྲིན་དང་རོ་གཅིག་པར༔ སྤྱན་དྲངས་རྫས་ལ་བསྟིམས་པ་ཡིས༔ ནུས་པ་འབུམ་དུ་བསྐྱེད་པར་གྱུར༔ ཧཱུྃ་ཞེས་བརྒྱ་སྟོང་སོགས་བཟླས། ཨོཾ་བཛྲ་ཧཱུྃ་ཀཱ་ར་ཧཱུྃ་ཕཊ༔ སརྦ་བིགྷྣཱན་བནྡྷ་བནྡྷ་ཧ་ན་ཧ་ན་ད་ཧ་ད་ཧ་ཨུུ་ཙཊྚཱ་ཡ་ཨུུ་ཙཊྚཱ་ཡ་ཧཱུྃ་ཧཱུྃ་ཕཊ༔ ལས་སྦྱོར་ཅི་འགྲུབ་མཐར། ཁྲོ་བོའི་རྒྱལ་པོ་འོད་དུ་ཞུ་སྟེ་རྫས་ལ་ཐིམ་པས་ཧཱུྃ་མཛད་ཆེན་པོའི་ནུས་མཐུའི་སྟོབས་ཡོངས་སུ་རྫོགས་པའི་རྡོ་རྗེའི་བདུག་པར་གྱུར། ཅེས་དང་རྟེན་སྙིང་ལན་གསུམ་གྱིས་རབ་གནས་བྱ། གསུམ་པ་མ་ད་ན་སྔར་བསྒྲུབས་ཟིན་པ་ཞིག་མེད་ན་དབང་བསྐུར་ཐབས་མེད་ཅིང་འདིའི་སྒྲུབ་ཚུལ་ཅུང་མང་བས་ལོངས་སྐབས་མེད་ཚེ་མདོར་བསྡུས་ཙམ་གྱིས་ཆོག་ལ། ལོངས་ཡོད་ན་རྩ་བའྀ་ལས་བྱང་བཟླས་པའི་བར་བཏང༌། བཟླས་པ་གྲུབ་མཐར། ཨོཾ༔ རྡོ་རྗེ་བདུད་རྩི་བདེ་བ་ཆེའི༔ དཀྱིལ་འཁོར་ལྷ་ཚོགས་ཐམས་ཅད་ཀུན༔ སྔོན་གྱི་ཐུགས་དམ་རྗེས་སུ་དགོངས༔ འཁོར་འདས་དྭངས་བཅུད་དབབ་ཏུ་གསོལ༔ ཨོཾ་བཛྲ་ཨ་མྲྀ་ཏ་མ་ཧཱ་སུ་ཁ་ཛྙཱ་ན་ལོ་ཀ་རཱ་ས་ཡཱ་ན་ས་མ་ཡ་ཨཱ་ཝེ་ཤ་ཡ་ཨ་ཨཱ༔ ས་མ་ཡ་ཧོ༔ ས་མ་ཡ་སྟྭཾ༔ ཞེས་བསྐུལ་ལྷ་ཚོགས་ཐམས་ཅད་ཀུན༔ རྗེས་ཆགས་གཟི་བྱིན་རབ་འབར་བསམ༔ ས་མ་ཡ་ཧོཿ ས་མ་ཡ་སྟྭཾ༔ ཨ་ནུ་རཱ་ག་ཡ་ཧོཿ ཨ་ནུ་རཱ་ག་ཡཱ་མི༔ ཛཿཧཱུྃ་བྃ་ཧོཿ ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་བཛྲ་སྭ་བྷཱ་ཝ་ཨཱཏྨ་ཀོ྅ཧཾཿ སྙོམས་ཞུགས་བདེ་བའི་འོད་ཟེར་གྱིས༔ སྲིད་ཞིའི་ཁམས་ཀུན་དབང་མེད་གཡོས༔ དྭངས་བཅུད་བདེ་ཆེན་བདུད་རྩིར་བཀུག༔ ཞལ་ཞུགས་གསང་བའི་པདྨོར་འཁྱིལ༔ རྗེས་ཆགས་ཆེན་པོར་འོད་ཞུ་ནས༔ ཡེ་ཤེས་བདུད་རྩིའི་གཟུགས་སུ་གྱུར༔ དེ་ལས་སླར་ཡང་སྐད་ཅིག་གིས༔ རིན་ཆེན་བདུད་རྩི་མཱ་མ་ཀཱི༔ དམར་སེར་ཉི་མ་འཆར་ཁའི་འོད༔ ཞལ་གཅིག་ཕྱག་གཉིས་སྤྱན་གསུམ་པ༔ རྗེས་ཆགས་བཞད་པའི་ཉམས་དང་ལྡན༔ ཕྱག་གཡས་ནོར་བུའི་ལྕགས་ཀྱུ་ཡིས༔ འཁོར་འདས་ཀུན་གྱི་དྭངས་བཅུད་འགུགས༔ གཡོན་པས་རིན་ཆེན་ཀ་པཱ་ལར༔ བདེ་ཆེན་དངོས་གྲུབ་རྒྱ་མཚོར་བསྐྱིལ༔ དར་དང་རིན་ཆེན་རུས་པ་དང་༔ མེ་ཏོག་དམར་པོའི་རྒྱན་གྱིས་སྒེག༔ ཞབས་ཟུང་པད་ཉི་བམ་རོའི་སྟེང་༔ བདུད་རྩིའི་རྒྱ་མཚོའི་ཀློང་ན་བཞུགས༔ ཐུགས་ཀར་པདྨ་ཉི་མའི་དབུས༔ བརྟན་གཡོ་སྲིད་ཞི་ཀུན་གྱི་སྲོག༔ བྃ་ཡིག་དམར་སེར་སྔགས་ཀྱིས་བསྐོར༔ བཟླས་པས་ཐུགས་དམ་རྒྱུད་བསྐུལ་ཏེ༔ རང་འདྲའི་ཕོ་ཉ་གྲངས་མེད་འཕྲོས༔ འཇིག་རྟེན་བརྟན་གཡོའི་དྭངས་མ་དང་༔ བདེ་གཤེགས་སྲས་བཅས་ཡེ་ཤེས་བཅུད༔ ལྕགས་ཀྱུས་དྲངས་ཤིང་ཐོད་པར་བསྐྱིལ༔ ཞལ་དུ་བསྟིམ་ཞིང་བདེ་བས་མྱོས༔ པདྨོའི་སྦུབས་ནས་ཆར་ལྟར་བབས༔ མ་ད་ན་དང་རོ་གཅིག་འདྲེས༔ མཐོང་ཐོས་མྱོང་ཚོར་འཁོར་འདས་སྲོག༔ ཐམས་ཅད་མ་ལུས་དབང་བྱེད་པའི༔ རཱ་ས་ཡཱ་ནའི་མཆོག་ཏུ་གྱུར༔ ཨོཾ་བཾ་རཏྣ་མཱ་མ་ཀཱི་བཛྲ་ཨ་མྲྀ་ཏ་མ་ཧཱ་སུ་ཁ་མ་ད་ན་སརྦ་སིདྡྷི་ཧཱུྃ་ཧཱུྃ༔ ཅེས་བརྒྱ་རྩ་ཙམ་བཟླས་མཐར། ལྷ་མོ་ཉིད་དགྱེས་པ་ཆེན་པོས་འོད་དུ་ཞུ་ནས་བདུད་རྩིའི་གཟུགས་སུ་གྱུར། ཅེས་བརྗོད། བཞི་པ་བདུད་རྩིའི་སྒྲུབ་པ་ལ། ཁྲོལ་བུ་ཕྱེ་མ་ལྟེ་གུ་གསུམ་པོ་སྔར་སྒྲུབ་པ་བྱས་ཟིན་པའི་བདུད་རྩི་རིལ་བུ་ལ་མི་དགོས་པས། སྐབས་འདིར་ལས་བྱང་ལྟར་མཆོད་པ་བརླབ། ཨོཾ་བཛྲ་ཨ་མྲྀ་ཏ་ཧཱུྃ་ཕཊ༔ ཀྱིས་བསང༌། ཨོཾ་སྭཱ་བྷཱ་བ་བི་ཤུདྡྷོ྅ཧཾ༔ གིས་སྦྱང༌། སྟོང་པའི་ངང་ལས་འབྱུང་རིམ་དང་༔ རིན་ཆེན་རི་རབ་བརྩེགས་པའི་སྟེང་༔ ཕྱི་ལྟར་པདྨ་བྷཉྫའི་སྣོད༔ ཡངས་ཤིང་རྒྱ་ཆེ་མཐའ་དབུས་བྲལ༔ ནང་ན་ཡེ་ཤེས་གཞལ་མེད་ཁང་༔ རཏྣ་དུར་ཁྲོད་རྫས་ཀྱིས་སྤྲས༔ མཚན་ཉིད་ཐམས་ཅད་ཡོངས་རྫོགས་པ༔ གསལ་དག་འོད་ཟེར་འབར་བའི་ཀློང་༔ རིལ་བུ་ཡོངས་གྱུར་སྐད་ཅིག་གིས༔ སྣ་ཚོགས་པད་ཟླ་ཉི་མའི་སྟེང་༔ ཧཱུྃ་ལས་རྡོ་རྗེ་ཧཱུྃ་གིས་མཚན༔ སྤྲོ་བསྡུས་འོད་ཀྱི་གོང་བུ་ལས༔ རྡོ་རྗེ་བདུད་རྩི་ཧེ་རུ་ཀ༔ སྐུ་དང་རྩ་ཞལ་ནམ་མཁའི་མདོག༔ གཡས་སྨུག་གཡོན་སེར་རྒྱབ་ཞལ་དཀར༔ རྣམ་འགྱུར་མི་བཟད་ཁྲོ་བོའི་ཉམས༔ ཞལ་གདངས་ལྗགས་འདྲིལ་མཆེ་བ་གཙིགས༔ སྤྱན་གསུམ་དབུ་སྐྲ་སྨར་སྨིན་འབར༔ བདུད་རྩིའི་གླེགས་བམ་སྤྱི་བོར་འཆང་༔ གཡས་བཞི་རྡོ་རྗེ་རྒྱུ་མའི་ཕྲེང་༔ ཚངས་པའི་མགོ་བོ་རྩེ་གསུམ་བསྣམས༔ གཡོན་བཞི་ཁ་ཊྭཱཾ་ཐོད་ཁྲག་དང་༔ སྲིན་པོ་འཆིང་ཞིང་རུས་ཕྲེང་འཕྱར༔ སྟག་ཤམ་རིན་ཆེན་རུས་པ་དང་༔ རྒྱུ་མ་མེ་ཏོག་ཕྲེང་བས་བརྒྱན༔ རང་འོད་མཱ་ཀཱི་ཁྲོས་མས་འཁྱུད༔ ཡེ་ཤེས་མེ་ལྕེ་འབར་བའི་ཀློང་༔ གཡོན་བརྐྱང་དྲེགས་པའི་སྟེང་ན་འགྱིང་༔ ཐུགས་ཀར་བདུད་རྩི་བདེ་བ་ཆེ༔ ལྗང་སེར་རྡོ་རྗེ་དྲིལ་བུ་བསྣམས༔ རང་འདྲའི་ཡུམ་འཁྱུད་པད་ཟླའི་སྟེང་༔ ཁ་སྦྱོར་བདེ་བས་དགྱེས་པར་བཞུགས༔ ཡབ་ཡུམ་མཉམ་སྦྱོར་བྱང་ཆུབ་སེམས༔ ཧཱུྃ་ཡིག་བརྒྱད་ཀྱི་སྤྲིན་སྤྲོས་པས༔ སྣ་ཚོགས་པདྨའི་འདབ་མ་ལ༔ ཤར་དུ་སེར་མོ་གཙིགས་བྱེད་མ༔ ལྷོ་རུ་དམར་མོ་རབ་གཙིགས་མ༔ ནུབ་ཏུ་སྔོན་མོ་གདོལ་པ་མོ༔ བྱང་དུ་གཡུང་མོ་དུ་བའི་མདོག༔ ཤར་ལྷོར་སེར་སྐྱ་གཏུམ་མིག་མ༔ ལྷོ་ནུབ་ནག་མོ་རིགས་ཅན་མ༔ ནུབ་བྱང་སེར་མོ་དྲག་ཤུལ་ཅན༔ བྱང་ཤར་ནག་མོ་འཇིགས་བྱེད་མ༔ ཀུན་ཀྱང་རལ་གྲི་ཐོད་ཁྲག་འཛིན༔ ཁྲོ་མོའི་ཉམས་དང་ཆས་ཀྱིས་བརྒྱན༔ པད་ཉི་དུར་ཁྲོད་རོ་སྟེང་བཞེངས༔ སྒོ་བཞིར་ལྕགས་ཀྱུ་ཞགས་པ་དང་༔ ལྕགས་སྒྲཽག་དྲིལ་བུའི་ཕྱག་རྒྱ་ཅན༔ དཀར་དམར་སེར་དང་དུ་བའི་མདོག༔ གཡོན་རྣམས་སྡིགས་མཛུབ་ཐུགས་ཀར་འཆིང་༔ རྡོ་རྗེའི་གཙུག་ཕུད་ཅོད་པན་འཆང་༔ འོད་དམར་ཕྲེང་བའི་ཀློང་ན་རོལ༔ བར་ཁྱམས་མཆོད་པའི་ལྷ་མོ་དང་༔ དུར་ཁྲོད་ཤ་ཟའི་ཚོགས་ཀྱིས་བསྐོར༔ རྡོ་རྗེ་པདྨར་སྩལ་བ་ལས༔ བདེ་ཆེན་ཐིག་ལེའི་གཟི་བྱིན་འབར༔ རོལ་པ་ཆེན་པོའི་འོད་ཟེར་གྱིས༔ མཁའ་ཁྱབ་ཡེ་ཤེས་སད་པར་བསམ༔

སྤྱན་འདྲེན་ནི། ཧཱུྃ༔ རྡོ་རྗེ་བདུད་རྩི་ཉེ་བར་ཞི་བ་མཆོག་གི་དབྱིངས༔ འཇིགས་བྱེད་ཆེན་པོ་ཧེ་རུ་ཀ་ཡི་རྣམ་པར་བཞེངས༔ སྤྲུལ་པའི་མཁའ་འགྲོ་ཁྲག་འཐུང་མང་པོའི་འཁོར་དང་བཅས༔ དམ་ཚིག་དབང་གིས་མྱུར་དུ་དགོངས་ཤིང་གཤེགས་སུ་གསོལ༔ ཨོཾ་བཛྲ་ཨ་མྲྀ་ཏ་མ་ཧཱ་སུ་ཁ་ཧཱུྃ་ཧཱུྃ༔ ཤྲཱི་ཧེ་རུ་ཀ་ཨེ་ཧྱེ་ཧི༔ ས་མ་ཡ་ཧོ༔ ས་མ་ཡ་སྟྭཾ༔ ཨེ་ཨཱ་རལླི་ཧྲཱིཾ་ཧྲཱིཾ་ཕཻཾ་ཕཻཾ༔ བཞུགས་གསོལ་ནི། ཧཱུྃ༔ དམ་ཚིག་རྫས་དང་དབྱེར་མེད་པའི༔ ཕྱག་རྒྱ་སྒྱུ་མའི་གྲོང་ཁྱེར་དུ༔ ཡེ་ཤེས་རྡོ་རྗེ་ཁྲག་འཐུང་ལྷ༔ ཛཿཧཱུྃ་བྃ་ཧོ༔དགྱེས་པར་རོལ༔ ས་མ་ཡ་ཏིཥྛནྟུ༔ དབང་བསྐུར་རྒྱས་གདབ་ནི། སླར་ཡང་རོལ་པའི་འོད་ཟེར་གྱིས༔ དབང་ལྷ་ནམ་མཁའ་གང་བར་སད༔ བྱང་ཆུབ་སེམས་ཀྱི་དབང་བསྐུར་བས༔ རིགས་ལྔའི་ཕྱག་རྒྱས་དབུར་བརྒྱན་བསམ༔ ཨོཾ་ཧཱུྃ་ཏྲཱྃ་ཧྲཱིཿཨཱཿཨ་བྷི་ཥིཉྩ་ཧཱུྃ༔ ས་མ་ཡ་སྟྭཾ༔ བརྡ་ཕྱག་ནི། ཧོཿ འཇིགས་བྱེད་ཆེན་པོ་མཆེ་བ་གཙིགས༔ བདུད་འཇོམས་རྒྱུ་མའི་ཕྲེང་བས་བརྒྱན༔ དམ་ཚིག་ཤ་ཆེན་ཁྲག་ལ་གསོལ༔ ཧེ་རུ་ཀ་དཔལ་ཕྱག་འཚལ་འདུད༔ ཤྲཱི་ཧེ་རུ་ཀ་མཎྜ་ལ་ན་མཱ་མི༔ མཆོད་བསྟོད་ནི། ཧཱུྃ༔ ནམ་མཁའ་ལས་བྱུང་ལྷ་མོ་ནི༔ དྲག་ཤུལ་འཇིགས་པ་ཆེན་མོའི་ཚོགས༔ དུར་ཁྲོད་རྫས་མཆོག་དང་སྦྱར་ཏེ༔ ཁྲག་འཐུང་དགྱེས་པའི་གར་གྱིས་མཆོད༔ ཨོཾ་ཤྲཱི་ཧེ་རུ་ཀ་མཎྜ་ལ་ས་པ་རི་ཝཱ་ར་མ་ཧཱ་ཤྨཱ་ཤ་ན་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་ཝི་དྱཱ་ཤབྡ་པཱུ་ཛ་ཧོ༔ སརྦ་པཉྩ་རཀྟ་བ་ལྀཾ་ཏ་ཁ་ཧི༔ ཧཱུྃ༔ མཆོག་ཏུ་ཞི་བ་སྙིང་རྗེ་དམ་པའི་ཡེ་ཤེས་ནི༔ རྒོད་གཤེ་དྲག་ཤུལ་སྔགས་ཀྱི་སྲོག་ཏུ་ཞུགས་པ་ལས༔ སྒེག་དཔའ་འཇིགས་རུང་ཕྱག་རྒྱ་ཆེན་པོའི་སྐུར་སྣང་བ༔ ཧེ་རུ་ཀ་དཔལ་བཙུན་མོར་བཅས་ལ་ཕྱག་འཚལ་འདུད༔ བཤགས་པ་ནི། ཨོཾ༔ དཔལ་ལྡན་རྡོ་རྗེ་བདུད་རྩིའི་བདག༔ ཧེ་རུ་ཀ་དཔལ་ཆེ་བའི་མཆོག༔ རིགས་ཀྱི་ཡུམ་དང་རབ་སྦྱོར་བའི༔ ཁྲག་འཐུང་ལྷ་ཚོགས་བདག་ལ་དགོངས༔ བདག་ཅག་གསང་བའི་སྒོར་ཞུགས་ཀྱང་༔ ཉོན་མོངས་དབང་གིས་དམ་འགལ་བ༔ བཟོད་བཞེས་ཚངས་པར་མཛད་ནས་ཀྱང་༔ དངོས་གྲུབ་ཆེན་པོ་སྩལ་དུ་གསོལ༔ ཨོཾ་ཤྲཱི་ཧེ་རུ་ཀ་ས་མ་ཡ་སིདྡྷི་ཀུ་རུ་ཧོཿ ཐུགས་དམ་བསྐུལ་བ་ནི། ཧཱུྃ༔ རྡོ་རྗེ་པདྨ་མཉམ་སྦྱོར་བས༔ རྣམ་པར་རྟོག་པ་དབྱིངས་སུ་སྦྱངས༔ མཉམ་པ་ཆེན་པོའི་ཡེ་ཤེས་ཀྱིས༔ བདེ་ཆེན་བདུད་རྩི་རྒྱས་པར་མཛོད༔ ཨོཾ་ཤྲཱི་ཧེ་རུ་ཀ་བཛྲ་ཨ་མྲྀ་ཏ་མ་ཧཱ་སུ་ཁ་སིདྡྷི་པུཥྟིཾ་ཀུ་རུ་ཨོཾ༔ བཟླས་པ་བྱ་བ་ནི་གཟུངས་ཐག་བླང་ལ། བདག་ཉིད་ཡབ་ཡུམ་སྙོམས་ཞུགས་པའི༔ བྱང་ཆུབ་སེམས་ཀྱི་འོད་ཟེར་ནི༔ ཁྲག་འཐུང་ཡབ་ཡུམ་སྦྱོར་མཚམས་ཞུགས༔ རྗེས་ཆགས་བཛྲ་ཨཱ་རལླིས༔ ཐུགས་ཀའི་ཡེ་ཤེས་སེམས་དཔའ་ཆེའི༔ ཐུགས་དབུས་ཉི་ཟླ་ཁ་སྦྱོར་ཧཱུྃ༔ རྡོ་རྗེའི་སྔགས་ཀྱིས་མཚན་པ་བསྐུལ༔ འབར་བའི་འོད་དང་ཧཱུྃ་གི་སྒྲས༔ ཕྱོགས་བཅུའི་རྒྱལ་བ་སྲས་བཅས་མཆོད༔ དབང་བཅུའི་ཡེ་ཤེས་ཐིག་ལེར་ཐིམ༔ ཡི་དམ་ལྷ་ཚོགས་དགྱེས་པ་བསྐྱེད༔ དངོས་གྲུབ་ཐམས་ཅད་དབང་དུ་གྱུར༔ དཔའ་བོ་མཁའ་འགྲོའི་དམ་ཚིག་བསྐུལ༔ བརྟན་གཡོའི་དྭངས་བཅུད་ཐོགས་མེད་བཀུག༔ རིགས་དྲུག་འགྲོ་བའི་ཉོན་མོངས་དང་༔ ཁམས་གསུམ་དྲེགས་པའི་ཕུང་པོ་བསྒྲལ༔ སྙིགས་མ་ཡེ་ཤེས་མེ་ཡིས་བཞུས༔ དྭངས་མ་མི་ཤིགས་རྡོ་རྗེའི་དབྱིག༔ རྫས་དང་དབྱེར་མེད་ལྷ་ལ་ཐིམ༔ ཡེ་ཤེས་རིག་རྩལ་ལྷག་པར་རྒྱས༔ འཁོར་འདས་ཀུན་གྱི་སྲོག་ཏུ་བསམ༔ ཨོཾ་ཤྲཱི་ཧེ་རུ་ཀ་ཛྭ་ལ་ཛྭ་ལ་བྷྱོ་ཧཱུྃ་ཕཊ༔ བཛྲ་ཨ་མྲྀ་ཏ་མ་ཧཱ་སུ་ཁ་སིདྡྷི་ཧཱུྃ་ཧྲཱིཿཋཱ༔ བརྒྱ་རྩ་ཙམ་བཟླས། མཐའ་རྒྱས་ཚེའི་ལས་སྦྱོར་ནི། མདུན་བསྐྱེད་ཐུགས་ནས་འོད་ཟེར་འཕྲོས༔ པདྨ་གར་དབང་ཚེ་དཔག་མེད༔ ཡབ་ཡུམ་མཉམ་སྦྱོར་སྤྱན་དྲངས་ནས༔ ཐུགས་ཀའི་འོད་ཀྱིས་འཁོར་འདས་ཀྱི༔ ཚེ་ཡི་བཅུད་དང་དྭངས་མ་བསྡུས༔ ཞལ་ཞུགས་སྐུ་ཡི་དབྱིབས་ལས་བརྒྱུད༔ སྦྱོར་མཚམས་ནས་བབས་བདེ་བའི་བཅུད༔ ལྷ་དང་སྒྲུབ་རྫས་དབྱེར་མེད་ལ༔ ཐིམ་པས་འཆི་མེད་གཟི་བྱིན་འབར༔ འགྱུར་མེད་རྡོ་རྗེ་སེམས་དཔའ་ཡི༔ ཚེ་དང་ལང་ཚོ་སྟེར་བར་བསམ༔ ཨོཾ་བཛྲ་ཨ་མྲྀ་ཏ་ཨཱ་ཡུ་ཥེ་སྭཱ་ཧཱ༔ ཅུང་ཟད་བཟླ། ནོར་གྱི་ལས་སྦྱོར་ནི། སླར་ཡང་འོད་ཀྱི་སྣང་བ་ལས༔ རིན་ཆེན་ལྷ་མོ་མཱ་མ་ཀཱི༔ ནམ་མཁའ་གང་བའི་འཕྲོ་འདུ་ཡིས༔ སྲིད་ཞིའི་དཔལ་འབྱོར་དྭངས་བཅུད་ཀུན༔ འོད་ཟེར་གཟི་བརྗིད་རྣམ་པར་བསྡུས༔ ལྷ་དང་སྒྲུབ་རྫས་དབྱེར་མེད་ལ༔ བསྟིམས་པས་འདོད་དོན་ཀུན་སྩོལ་བའི༔ ཡིད་བཞིན་རིན་ཆེན་མཆོག་ཏུ་བསམ༔ ཨོཾ་བཛྲ་ཨ་མྲྀ་ཏ་ཤྲཱི་བཱ་སུ་སིདྡྷི་སྭཱ་ཧཱ༔ ཅུང་ཟད་བཟླ། མཆོག་གི་ལས་སྦྱོར་ནི། སླར་ཡང་འོད་ཟེར་ལྕགས་ཀྱུ་ཡིས༔ རྡོ་རྗེ་བདུད་རྩི་སེམས་དཔའ་ཆེ༔ ཁ་སྦྱོར་བདེ་བའི་ཕྱག་རྒྱ་དང་༔ སྔགས་དང་ཕྱག་མཚན་ཚུལ་དུ་བྱོན༔ ལྷ་དང་སྒྲུབ་རྫས་དབྱེར་མེད་ལ༔ ཐིམ་པས་བདེ་ཆེན་གཟི་བྱིན་འཕེལ༔ མཐོང་ཐོས་མྱོང་བས་གྲོལ་བ་ཡི༔ ཡེ་ཤེས་སྙིང་པོ་རྒྱས་པར་བསམ༔ ཨོཾ་ཨཱཿཧཱུྃ་བཛྲ་ས་ཏྭ་ཨ་མྲྀ་ཏ་མ་ཧཱ་སུ་ཁ་ཛྙཱ་ན་སིདྡྷི་ཧཱུྃ་ཧོ༔ ཅུང་ཟད་བཟླ། དེ་ནས་བཀའ་གཏེར་སྲུང་མ་སྤྱི་དང་བྱེ་བྲག་སྔགས་སྲུང་མའི་ཕྲིན་ལས་སྐོང་བ་རྣམས་ལེགས་པར་གྲུབ་ནས། ལས་བྱང་ལྟར་ཚོགས་བྱིན་བརླབས་ནས་ཚོགས་མཆོད་འབུལ། བདག་འཇུག་བླང་གྲུབ་ན་ལེགས་པས་རྩ་དབང་དངོས་གཞི་ཡན་ཆད་བྱ། དེ་ལྟར་ན་སྨན་དབང་ཡང་གལ་ཆེ་བས། ཨོཾ་བཛྲ་ཨ་མྲྀ་ཏ་མ་ཧཱ་སུ་ཁ་ཛྙཱ་ན་ཀཱ་ཡ་སིདྡྷི་ཨོཾ༔ ཨོཾ་བཛྲ་ཨ་མྲྀ་ཏ་མ་ཧཱ་སུ་ཁ་ཝཱ་ཀ་ཨཱ་ཡུ་ཥེ་སརྦ་སིདྡྷི་ཨཱ༔ ཨོཾ་བཛྲ་ཨ་མྲྀ་ཏ་མ་ཧཱ་སུ་ཁ་ཙིཏྟ་ཛྙཱ་ན་སརྦ་སིདྡྷི་ཧཱུྃ༔ ཨོཾ་བཛྲ་ཨ་མྲྀ་ཏ་མ་ཧཱ་སུ་ཁ་ཛྙཱ་ན་ཀརྨ་སརྦ་སིདྡྷི་ཧཱུྃ་ཧཱུྃ༔ ཞེས་བརྗོད་ལ་གནས་གསུམ་དུ་དབང་བླང༌། དེ་དག་མི་ལྕོགས་ན་སྤྱི་འགྲོ་ལྟར་རིག་པའི་མེ་ཏོག་དོར་བས་ཀྱང་འཐུས། གང་ལྟར་སློབ་མ་གཞུག་པར་གནང་བ་ནོད། དཀྱིལ་འཁོར་ཡོལ་བས་བསྒྲིབ་བོ། །གསུམ་པ་དབང་དངོས་ལ་གསུམ། དཀྱིལ་འཁོར་དུ་འཇུག་པའི་ཆོས། རྩ་བའི་དབང་བསྐུར། ཡན་ལག་རྗེས་སུ་གནང་བའོ། །དང་པོ་ནི། སློབ་མ་རྣམས་ལ་སྒོའི་ཕྱི་རོལ་དུ་ཁྲུས་བྱ་ཞིང་བདུད་རྩི་འཁྱིལ་བའི་སྔགས་བརྗོད། བགེགས་གཏོར་བཏང་ལ་བཀའ་བསྒོ་ཞིང་ཧཱུྃ་མཛད་ཀྱི་བདུག་པ་དང་ཡུངས་ཐུན། རོལ་མོ་སོགས་ཀྱིས་བགེགས་བསྐྲད་ལ་སྲུང་འཁོར་བསྒོམ། གྲལ་དུ་འཁོད་ཅིང་མཎྜལ་བཀྱེ་བསྡུ་བྱ། སེམས་བསྐྱེད་གསལ་གདབ། ཆོས་བཤད་ཇི་ལྟར་འོས་པ་དང༌། དེ་ལ་འདིར་སྐབས་སུ་བབས་པའི་གསང་བ་ཆེན་པོ་འདིའི་ལོ་རྒྱུས་ཅུང་ཟད་ཙམ་བརྗོད་ན། འོག་མིན་རྡོ་རྗེ་བཙུན་མོའི་གསང་བ་ཆེན་པོར་བཅོམ་ལྡན་འདས་རྡོ་རྗེ་བདུད་རྩི་བདེ་བ་ཆེན་པོ་ཉིད་ལས་མི་གཞན་པའི་འཁོར་ཚོགས་རབ་འབྱམས་རྒྱ་མཚོ་ལ་རྩ་རྒྱུད་བདུད་རྩི་དགྱེས་པ། བཤད་རྒྱུད་བདུད་རྩི་རོལ་པ། བསྡུས་རྒྱུད་བདུད་རྩི་སྙིང་པོ། ཆ་མཐུན་བདུད་རྩི་ཡོན་ཏན་རྒྱུད་སོགས་ཟབ་ཅིང་རྒྱ་ཆེ་ལ་བསམ་གྱིས་མི་ཁྱབ་པ་བསྟན་པ་ཐམས་ཅད་སྤྲུལ་པའི་སེམས་དཔས་བསྡུས་ཏེ་ཡེ་ཤེས་ཀྱི་མཁའ་འགྲོ་མ་རྣམས་ཀྱིས་གཉེར་དུ་མཛད་དེ་བཞུགས་པ་ལ། སྔོན་གྱི་དུས་སུ་ཁ་ཆེའི་པཎྜི་ཏ་ཟབ་པའི་རྡོ་རྗེ་ཞེས་བྱ་བས་དུར་ཁྲོད་བསིལ་བ་ཚལ་དུ་སངས་རྒྱས་མཉམ་སྦྱོར་གྱི་རྒྱུད་ལ་བརྟེན་ནས་རྡོ་རྗེ་ཉི་མ་སྒྲུབ་པའི་ཚེ་རྡོ་རྗེ་བདུད་རྩིའི་དཀྱིལ་འཁོར་གྱི་ཞལ་གཟིགས། དེས་ལུང་བསྟན་སྩལ་བ་ལྟར་ཨོ་རྒྱན་དྷུ་མ་ཐ་ལར་བྱོན་པས་ཡེ་ཤེས་ཀྱི་མཁའ་འགྲོས་བདུད་རྩི་བཞིའི་དཀྱིལ་འཁོར་དུ་དབང་བསྐུར། རྒྱུད་བཤད། གླེགས་བམ་གནང་བ་ལ་བརྟེན་ཧེ་རུ་ཀ་བསྒོམ་པས་མཆོག་གི་དངོས་གྲུབ་ཐོབ། མལླ་བར་སྐལ་ལྡན་གྱི་སྤྲང་པོ་བརྒྱད་ལ་དབང་བསྐུར་བས་དངོས་གྲུབ་ཆེན་པོ་རེ་རེ་ཐོབ།

དེ་ནས་ཕྱིས་ཞིག་ན་སློབ་དཔོན་བདུད་རྩི་གསང་བ་རྗེས་སུ་བཟུང་སྟེ། དབང་བསྐུར། རྒྱུད་བཤད། མན་ངག་བྱིན་ནས་ལྷ་ཡུལ་དུ་འགྲོ་དོན་ལ་གཤེགས། བདུད་རྩི་གསང་བས་ཀྱང་བསྒོམས་པས་མཆོག་གྲུབ་སྟེ་ཧེ་རུ་ཀ་དངོས་དང་དབྱེར་མེད་དུ་གྱུར། ཕྱིས་སུ་སློབ་དཔོན་བྷ་གོ་རྗེས་སུ་བཟུང་བས་དངོས་གྲུབ་བརྙེས་ཤིང་བསྟན་པ་རྒྱ་ཆེར་སྤེལ། དེས་པཎྜི་ཏ་དྲི་མེད་བཟང་པོ་སོགས་ལ་རྒྱུད་དང་གདམས་པ་གནང་བ་ལས་བརྒྱུད་དེ་འཕགས་ཡུལ་སོགས་སུ་ལེགས་པར་དར་བ་སློབ་དཔོན་ཨ་བྷ་ཡའི་རྡོ་རྗེ་ཕྲེང་བར་བདུད་རྩི་བཞིའི་དཀྱིལ་འཁོར་བཞུགས་པས་མཚོན་ནོ། །གངས་ཅན་གྱི་ལྗོངས་འདིར་བསྟན་པ་སྔ་དར་སྐབས་འདིའི་སྨིན་གྲོལ་གྱི་རྒྱུན་ལེགས་པར་བྱུང་བར་མངོན་ཏེ་གུ་རུ་ཆོས་ཀྱི་དབང་ཕྱུག་གིས་སློབ་དཔོན་ཁམས་པ་ཇོ་སྲས་ལས་གཉགས་ཆེན་ནས་བརྒྱུད་པའི་རྡོ་རྗེ་བདུད་རྩིའི་གདམས་སྐོར་གསན་པར་གསུངས་པ་དང༌། རྡོ་རྗེ་བདུད་རྩིའི་རྩ་བའི་རྒྱུད་སྟོང་ཕྲག་བཅུ་གཉིས་པ་ལས་བཏུས་པའི་ཉུང་ངུའི་རྒྱུད་ལེའུ་བཅུ་གཅིག་པ་གྱི་ཇོ་ལོ་ཙཱ་ཟླ་བའི་འོད་ཟེར་གྱིས་བསྒྱུར་བ་ད་ལྟ་རྒྱུད་འབུམ་ན་བཞུགས་པ་འདིའི་རྒྱ་དཔེའང་སྔར་ནས་བཞུགས་པར་གསལ་ལ། དེས་ན་བརྒྱུད་པ་རིན་པོ་ཆེ་འདི་ཉིད་ཀྱི་དབང་དུ་བྱས་ན། དཔལ་ཧེ་རུ་ཀ་དང་དབྱེར་མ་མཆིས་པ་ཨོ་རྒྱན་གྱི་གུ་རུ་པདྨ་སཾ་བྷ་བ་དེ་ཉིད་ཀྱིས་སློབ་དཔོན་ཆེན་པོ་བདུད་རྩི་གསང་བ་ལས་རྒྱུད་དང་མན་ངག་རྫོགས་པར་གསན་པའི་ཚུལ་བསྟན། བལ་ཡུལ་ཨ་སུ་རའི་བྲག་ཕུག་ཏུ་རིགས་ལྡན་ཤཱཀྱ་དེ་བཱི་དང་ལྷན་ཅིག་སྒྲུབ་པ་མཛད་པས་རྡོ་རྗེ་བདུད་རྩི་ཞི་བ་དང་ཁྲོ་བོའི་གསང་བ་གསུམ་དང་དབྱེར་མེད་པའི་མཆོག་གྲུབ་ཅིང་རིག་མའང་མ་མཱ་ཀིའི་དངོས་གྲུབ་ཐོབ། རྒྱུད་དོན་མན་ངག་ཏུ་དྲིལ་བའི་གཞུང་ཏིང་ངེ་འཛིན་བདུན་ཏུ་བསྡུས་པའང་མཛད། བོད་དུ་དམ་པ་ཆོས་ཀྱི་སྒྲོན་མེ་སྦར་བའི་སྐབས་སུ་སྤྱིར་སྐལ་བ་དང་ལྡན་པའི་རྗེ་འབངས་མཆོག་གི་འདུས་པ་རྣམས་ལ་གསང་ཆེན་བླ་ན་མེད་པའི་ཆོས་ཀྱི་འཁོར་ལོ་ཟབ་ཅིང་རྒྱ་ཆེ་བ་དུ་མ་བསྐོར། བྱེ་བྲག་འཕྱོས་ཀྱི་གཉགས་ལོ་ཙཱ་བ་ཛྙཱ་ན་ཀུ་མཱ་ར་ལ་བདུད་རྩི་ཡོན་ཏན་གྱི་བཀའ་བབས་པས་དེའི་རྒྱུད་ལུང་མན་ངག་ཟབ་ཅིང་རྒྱ་ཆེ་བ་སྤྱི་དང་ཁྱད་པར་གཞུང་འདི་ཉིད་ཀྱང་བསྒྱུར་དུ་སྩལ། སླད་ནས་ཡར་མོ་ལུང་བསམ་འགྲུབ་ཤེལ་གྱི་བྲག་ཕུག་ཏུ་གུ་རུ་རིན་པོ་ཆེ་ཡབ་ཡུམ་རྡོ་རྗེ་བདུད་རྩི་བདེ་བ་ཆེན་པོའི་ཏིང་ངེ་འཛིན་ལ་བཞུགས་པའི་སྤྱན་སྔར། ཆོས་རྒྱལ་ཆེན་པོ་ཡབ་སྲས་དང༌། ལོ་ཙཱ་བ་མཆེད་ཀྱི་གཙོས་སྐལ་ལྡན་འདུས་པ་རྣམས་ཀྱིས་རིན་པོ་ཆེའི་མེ་ཏོག་ཕུལ་ཏེ་གསོལ་བ་བཏབ་པས་དགྱེས་བཞིན་དུ་ཡེ་ཤེས་ཀྱི་ཆོ་འཕྲུལ་བསམ་གྱིས་མི་ཁྱབ་པ་དང་བཅས་སྨིན་གྲོལ་རྣམས་ཆིག་རྫོགས་སུ་སྩལ། དེ་རྣམས་ཀྱིས་ཀྱང་ཉམས་བཞེས་མཐར་ཕྱིན་པར་མཛད་ནས། དཔེ་རྒྱུད་དང་དམ་ཚིག་གི་རྫས་རྣམས་རྡོ་རྗེའི་ལུང་བཞིན་པདྨ་བརྩེགས་པའི་ཕུག་པར་རྒྱས་གདབ། གཏེར་སྲུང་རལ་གཅིག་མ་མོ་ལ་གཉེར་དུ་གཏད་པ་ཕྱིས་འབྱུང་བའི་དུས་ནི། ཇི་སྐད་དུ། པདྨ་ཤེལ་ཕུག་སྦས་པའི་གཏེར་ཁ་འདི༔ མི་བཞག་འདོན་པའི་རྟགས་དེ་བསྟན་ནས་འབྱུང་༔ གཏེར་སྟོན་ར་མོ་ཤེལ་སྨན་ཞེས་བྱ་འབྱུང་༔ ཞེས་གསུངས་པ་ལྟར། གཉགས་ཛྙཱ་ན་ཀུ་མཱ་རའི་རྣམ་འཕྲུལ་ཡར་ལུང་ར་མོ་སྨན་ཆུ་ཁར་སྐུ་འཁྲུངས་པ་ར་མོ་ཤེལ་སྨན་ཡེ་ཤེས་བཟང་པོ་ཞེས་བྱ་བ་གྲུབ་པའི་དབང་ཕྱུག་ཆེན་པོར་གྱུར་པས་དགུན་སྟོད་ཞིག་ལ་སྨན་སྒྲུབ་མཛད་པའི་སྨན་ཕུད་ཆ་གཅིག་གནས་དེའི་ས་དཔལ་བཟང་བ་ཞིག་ཏུ་སྦས་པ་ལས་ཕྱི་ལོ་ནས་སྨན་ཤིང་གི་སྡོང་པོ་ཁྱད་པར་ཅན་སྐྱེས། དེ་ནས་བཟུང་དགུན་ཀ་སྨན་སྒྲུབ་མཛད་ཚོད་ཙམ་ལ་མེ་ཏོག་བཀྲ་བའི་ངོ་མཚར་ཅན་ཕྱིས་ཀྱི་བར་ཡོད་པར་གྲགས་པས་མཚོན་རྣམ་ཐར་ཕྲིན་ལས་བསམ་གྱིས་མི་ཁྱབ་ཀྱང་སྦས་པའི་ཚུལ་གྱིས་གསོ་དཔྱད་གཙོར་བཏོན་ནས་སེམས་ཅན་འབུམ་ཕྲག་ཐར་པའི་ལམ་དུ་བཀོད་པར་མཛད་པ་དེ་ཉིད་ཀྱིས་པདྨ་ཤེལ་གྱི་བྲག་ཕུག་སོགས་ནས་ཟབ་གཏེར་མང་པོ་ཞིག་སྤྱན་དྲངས་པར་མཛད་པའི་ནང་ནས་ཁྱད་པར་དུ་འཕགས་པའི་གདམས་སྐོར་འདི་ཉིད་རང་ཉིད་ཀྱིས་ཐུགས་ཉམས་སུ་བཞེས། སླར་རྡོ་རྗེའི་ལུང་དོན་བཞིན་རང་གནས་སུ་སྦས་པར་མཛད་པ་ལ། དེང་སང་གདུལ་བའི་དུས་སུ་བབས་པའི་དབང་གིས། རྒྱལ་སྲས་ཡེ་ཤེས་མཆོག་གྲུབ་རྒྱལ་པོ་ཉིད་གཏེར་སྟོན་རྐྱང་པའི་སྐྱེ་བ་བཅུ་གསུམ་དུ་བཞེས་པའི་ཕྱི་མའང་རྩེ་མོར་གྱུར་པ། གངས་ཅན་མཁས་གྲུབ་ཡོངས་ཀྱི་འཁོར་ལོས་སྒྱུར་བ། བཀའ་བབ་ཆེན་པོ་བདུན་གྱི་མངའ་བདག་པདྨ་འོད་གསལ་མདོ་སྔགས་གླིང་པ་དགུང་གྲངས་ང་བདུན་མེ་བྱི་ཟླ་བ་དང་པོའི་ཡར་ཚེས་སྐབས་ཀྱི་ཐོ་རངས་ཤིག་ཏུ་སྔགས་སྲུང་ཨེ་ཀ་ཛཱ་ཊི་ཉིད་ཞིང་སྐྱེས་ཀྱི་མཁའ་འགྲོར་རྣམ་པར་འཕྲུལ་བས་གདམས་པ་འདིའི་གཏེར་དཔེ་ཏཱ་ལའི་ལོ་མར་ན་ག་ར་དང་བརྡ་ཡིག་འདྲེས་མར་བྲིས་པ་ཕྱག་ཏུ་ཕུལ་ཏེ་ལོ་རྒྱུས་རྒྱས་པར་ཞུས། དེ་རྗེས་ཨོ་རྒྱན་རིན་པོ་ཆེ་ལ་གསོལ་འདེབས་ཡང་ཡང་མཛད་པས་སྣྲོན་ཟླ་བའི་ཚེས་བཅུའི་ཐོ་རེངས་དག་པའི་སྣང་བར་པདྨ་འོད་ཀྱི་གཞལ་མེད་ཁང་དུ་གུ་རུ་རིན་པོ་ཆེ་འཁོར་དང་བཅས་པས་སྤྲུལ་པའི་དཀྱིལ་འཁོར་དུ་དབང་བསྐུར་ཅིང་གདམས་ངག་གཅིག་རྫོགས་སུ་སྩལ། ལས་ཀྱི་རྡོ་རྗེ་གཉགས་ལོ་ཆེན་པོའི་ཞལ་ནས་འདི་ཉིད་བདུད་རྩི་ཡོན་ཏན་གྱི་བཀའི་གཙོ་བོ་ཡིན་ཅིང་ད་རུང་སྨན་གྱི་རྫོང་འཕྲང་ཆེན་མོའི་བཀའ་བབས་ཡོད་ཚུལ་གྱི་ལུང་བསྟན་ཀྱང་མཛད། དེ་ནས་བཟུང་སྟེ་གཏེར་ཤོག་ཏུ་གང་བཞུགས་པའི་ཚིག་དོན་ཐམས་ཅད་སྒྲིབ་ཐོགས་མེད་པར་ཐུགས་ལ་ལམ་མེར་ཆུབ་པས་ཆོས་སྐོར་ཡོངས་རྫོགས་མིག་འཕྲུལ་ལྟ་བུའི་ཆོ་འཕྲུལ་ཆེན་པོ་ངོ་མཚར་བའི་བཀོད་པས་གཏན་ལ་ཕབ་ནས་ཁོ་བོ་ཅག་ལ་སྐལ་ལྡན་ཏུ་དབུགས་དབྱུང་ཞིང་དབང་ཁྲིད་གདམས་ངག་ཐམས་ཅད་བཀའ་དྲིན་ཏུ་སྩལ་བའི་བརྒྱུད་པ་ནི། དཔལ་ཧེ་རུ་ཀ་རྡོ་རྗེ་བདུད་རྩི། སློབ་དཔོན་ཆེན་པོ་བདུད་རྩི་གསང་བ། རང་བྱུང་པདྨ་འབྱུང་གནས། མཁའ་འགྲོ་ཤཱཀྱ་དེ་བཱི། གསང་སྔགས་ཆུ་བོ་བཞིའི་བཀའ་བབས་གཉགས་ཆེན་ཛྙཱ་ན་ཀུ་མཱ་ར། མངའ་བདག་ཆོས་རྒྱལ་ཡབ་སྲས། ལོ་ཆེན་བཻ་རོ་ཙ་ན། མཁའ་འགྲོ་ཡེ་ཤེས་མཚོ་རྒྱལ། སྤྲུལ་པའི་གཏེར་ཆེན་ར་མོ་ཤེལ་སྨན་ཡེ་ཤེས་བཟང་པོ། པདྨ་འོད་གསལ་མདོ་སྔགས་གླིང་པ། དེས་བདག་ལ་རབ་ཚེས་ཆུ་རྟ་རྒྱལ་ཟླ་བའི་དུས་ཚེས་དགེ་བར་སྒྲུབ་པ་ཆེན་པོའི་ཚུལ་དང་འབྲེལ་བར་སྨིན་གྲོལ་ཟབ་མོའི་གདམས་ངག་མཐའ་དག་ཚང་སྤྲུགས་སུ་སྩལ་བ་སྟེ། དེ་ལྟ་བུའི་སྔོན་མེད་པའི་གསང་བ་ཆེན་པོ་འདི་ལ་སྨིན་གྲོལ་གྱྀ་གདམས་སྐོར་གཉིས་སུ་བཞུགས་པ་ལས་འདིར་སྨིན་བྱེད་ཀྱི་དབང་བསྐུར་བ་ཡིན། དེའང་བདུད་རྩི་ཡོངས་རྫོགས་ཀྱི་དཀྱིལ་འཁོར་ཆེན་པོ་ལ་བརྟེན་ཏེ་རྩ་བ་ཡན་ལག་དང་བཅས་པའི་སྨིན་བྱེད་ཚང་བར་བསྒྲུབ་པ་ལ་གསུམ། འཇུག་པའི་ཆོ་ག །དབང་བསྐུར་དངོས་གཞི། རྗེས་སུ་གནང་བའི་རིམ་པ་རྣམས་སུ་ཡོད་པ་ལས། ཐོག་མར་དཀྱིལ་འཁོར་དུ་འཇུག་པའི་ཆོས་རྣམས་ཞུ་བའི་ཡོན་ཏུ་དམིགས་ཏེ་མཎྜལ་ཞིག་འབུལ་བར་ཞུ། ཞེས་མཚམས་སྦྱར་མཎྜལ་འབུལ་དུ་གཞུག །སྔོན་ཆད་བཅོམ་ལྡན་འདས་དཔལ་རྡོ་རྗེ་བདུད་རྩིའི་དཀྱིལ་འཁོར་དུ་མ་ཞུགས་པའམ་མ་རིག་པའི་སྒྲིབ་གཡོགས་དང་བཅས་པ་མཚོན་པའི་ཕྱིར་རས་ཡུག་དམར་པོས་གདོང་གཡོགས་པར་མོས་ཤིག །ཨོཾ་ཙཀྵུརྦནྡྷ་བཱ་ར་མ་ཎཱ་ཡ་ཧཱུྃ། ཞེས་མིག་དར། དཀྱིལ་འཁོར་གྱི་ལྷ་དང་མཇལ་བའི་ཕྱག་རྟེན་ཏུ་མཆོག་གི་མེ་ཏོག་ཁ་དོག་སྣ་ལྔ་པའི་ཆུན་པོ་ཕྱག་ཏུ་ཐོགས་པར་མོས་ཤིག །ཨཱ་ཁཾ་བཱི་ར་ཧཱུྃ༔ ཞེས་ཅོད་པན་སྦྱིན། བླ་མ་དང་དཀྱིལ་འཁོར་གྱི་གཙོ་བོ་དབྱེར་མེད་པ་ལ་དད་གུས་རྩེ་གཅིག་པས་གསོལ་བ་འདེབས་པ་འདིའི་རྗེས་ཟློས། དཀྱིལ་འཁོར་གཙོ་བོ་སློབ་དཔོན་ཆེས༔ བདག་ལ་ཐུགས་བརྩེས་ཉེར་དགོངས་ནས༔ སྔགས་ཀྱི་ཆོ་གའི་མཐུ་ཆེན་པོས༔ བྱིན་གྱིས་བརླབ་པར་མཛད་དུ་གསོལ༔ ལན་གསུམ། དེ་ལྟར་གསོལ་བ་བཏབས་པས་སྣོད་ལྡན་ཏུ་རིག་ནས་གནང་བ་སྦྱིན་ཅིང་རྗེས་སུ་གདམས་པ་ཡིན་པས་འདི་ལ་གསན་འཚལ། ཨེ་མ་ཚུལ་ཆེན་སྔགས་ཀྱི་མཆོག༔ དུས་གསུམ་རྒྱལ་བའི་ལམ་ཆེན་པོ༔ ཁྱོད་ལ་རབ་ཏུ་བསྟན་པར་བྱ༔ སྤྲོ་བ་སྐྱེད་ལ་གུས་པ་ཡིས༔ རང་རྒྱུད་ཡོངས་སུ་དག་པ་དང་༔ རྡོ་རྗེའི་དམ་ཚིག་ཚུལ་བཞིན་སྲུངས༔ ཞེས་གདམས། དེ་ལ་ཐོག་མར་ཐེག་པ་ཐུན་མོང་གི་འཇུག་སྒོ་སྐྱབས་འགྲོའི་སྡོམ་པ་བཟུང་དགོས་པས་འདུན་པ་འདི་བཞིན་ཏུ་མཛོད། བླ་མ་བཅོམ་ལྡན་འདས་དཔལ་རྡོ་རྗེ་བདུད་རྩིའི་དཀྱིལ་འཁོར་ལ་རྩ་གསུམ་རྒྱལ་བ་རབ་འབྱམས་ཀྱི་ཚོགས་དང་བཅས་པ་མངོན་སུམ་བཞིན་ཏུ་བཞུགས་པའི་སྤྱན་སྔར། བདག་གཞན་མཁའ་ཁྱབ་ཀྱི་འགྲོ་བ་མ་ལུས་པ་སྒོ་གསུམ་གུས་པ་ཆེན་པོས་བྱང་ཆུབ་མ་ཐོབ་ཀྱི་བར་སྐྱབས་སུ་འགྲོ་བའི་འདུན་པ་དྲག་པོས་འདིའི་རྗེས་ཟློས། ཧཱུྃ༔ འཁོར་འདས་རྡོ་རྗེ་བདུད་རྩིའི་ཧཱུྃ༔ འཁོར་འདས་རྡོ་རྗེ་བདུད་རྩི་ཆེ༔ དབྱེར་མེད་ཟུང་འཇུག་ཧེ་རུ་ཀ༔ བླ་མ་མཁའ་འགྲོའི་ཚོགས་བཅས་ལ༔ སྒོ་གསུམ་གུས་པས་སྐྱབས་སུ་མཆི༔ ལན་གསུམ།

དེ་ནས་ཐེག་ཆེན་ཐུན་མོང་མ་ཡིན་པའི་གཞི་རྟེན་བྱང་ཆུབ་མཆོག་ཏུ་སེམས་བསྐྱེད་པ་ལ། འདི་ལྟར་ནམ་མཁའ་དང་མཉམ་པའི་ཕ་མ་སེམས་ཅན་མཐའ་དག་དཔལ་བདེ་བ་ཆེན་པོ་ཧེ་རུ་ཀའི་གོ་འཕང་ལ་དགོད་པར་བྱ། དེའི་ཆེད་དུ་རྡོ་རྗེའི་དཀྱིལ་འཁོར་ཆེན་པོར་ཞུགས་ཤིང་རྒྱུད་སྨིན་པར་བྱས་ལ་གྲོལ་བྱེད་ཀྱི་ལམ་རིམ་པ་གཉིས་ཉམས་སུ་བླང་བར་བགྱིའོ་སྙམ་དུ་སྨོན་པ་དང་འཇུག་པའི་བདག་ཉིད་ཅན་གྱི་སེམས་བསྐྱེད་པ་འདིའི་རྗེས་ཟློས། མཐའ་ཡས་འགྲོ་བ་ཐམས་ཅད་ལ༔ དམིགས་མེད་སྙིང་རྗེས་ཀུན་བསླངས་ཏེ༔ བདེ་ཆེན་ས་ལ་འགོད་པའི་ཕྱིར༔ ཁྲག་འཐུང་ཆེན་པོའི་རྣལ་འབྱོར་བསྒོམ༔ ལན་གསུམ། དབང་དོན་གྱི་ཡེ་ཤེས་རྒྱུད་ལ་གནས་པ་ནི་སྡོམ་པ་དམ་ཚིག་གི་རྟེན་ལ་རགས་ལས་པས། སྤྱིའི་དམ་ཚིག་ཉེས་སྤྱོད་སྤོང་བ། དགེ་བ་ཆོས་སྡུད། སེམས་ཅན་དོན་བྱེད་ཀྱི་ཚུལ་ཁྲིམས་རྣམ་པ་གསུམ་ལ་བསླབ་པ་དང༌། ཁྱད་པར་གྱི་དམ་ཚིག་བདེ་གཤེགས་རིགས་ལྔ། རྩ་བ་སྐུ་གསུང་ཐུགས་གསུམ། ཡན་ལག་ཉི་ཤུ་རྩ་ལྔས་བསྡུས་པ་རྣམས་དང༌། སྒྲུབ་པ་ལྷག་པའི་དམ་ཚིག་རྣམས་ཀྱང་ལེགས་པར་བླངས་ནས་ཚུལ་བཞིན་ཏུ་བསྲུང་བར་བགྱིའོ་སྙམ་པའི་ཡིད་ཀྱིས་འདིའི་རྗེས་ཟློས། བླ་མ་རྡོ་རྗེ་བདུད་རྩིའི་ལྷ༔ དཔའ་བོ་རྣལ་འབྱོར་མ་ཚོགས་ཀུན༔ བདག་ལ་དགོངས་པར་མཛད་དུ་གསོལ༔ བདག་གིས་བྱང་ཆུབ་སྙིང་པོའི་བར༔ མཐའ་ཡས་འགྲོ་རྣམས་བསྒྲལ་བའི་ཕྱིར༔ གསང་བ་མཆོག་གི་སྒོར་ཞུགས་ནས༔ ཉེས་སྤྱོད་ཆ་དང་བཅས་པ་སྡོམ༔ དགེ་བའི་ཆོས་རྣམས་རབ་ཏུ་སྡུད༔ སེམས་ཅན་དོན་ནི་མཉམ་མེད་སྤྱད༔ རྩ་བ་ཡན་ལག་དམ་ཚིག་ཀུན༔ མ་ལུས་བཟུང་ཞིང་བསྲུང་བར་བགྱི༔ ལན་གསུམ། ཁྱེད་རང་རྣམས་ཀྱི་སྙིང་གར་ཀུན་རྫོབ་བྱང་ཆུབ་སེམས་ཀྱི་ངོ་བོ་ཟླ་བའི་དཀྱིལ་འཁོར་ཉ་གང་བའི་སྟེང་དུ་དོན་དམ་བྱང་ཆུབ་སེམས་ཀྱི་ངོ་བོ་རྡོ་རྗེ་དཀར་པོ་རྩེ་ལྔ་པ་རེས་མཚན་པར་མོས་ལ་བདེན་གཉིས་དབྱེར་མེད་དུ་སེམས་བསྐྱེད་པར་མོས་ལ་འདིའི་རྗེས་ཟློས། ཨོཾ་བོ་དྷི་ཙིཏྟ་བཛྲ་ས་མ་ཡ་ཨ་ཨཱ༔ ལན་གསུམ། རྡོ་རྗེ་མེ་ཏོག་བཅས་སྙིང་གར་བཞག་ལ། སེམས་བསྐྱེད་པར་བྱས་པ་དེ་ཉིད་བརྟན་པར་བྱས་པའི་མོས་པ་མཛོད། ཨོཾ་བོ་དྷི་ཙིཏྟ་བཛྲ་ས་མ་ཡ་སྟྭཾ་༔ དམ་ཚིག་མ་འདྲེས་པ་དང་ཉམས་པ་སོགས་སྣོད་མ་ཡིན་པ་ལ་གསང་བར་གདམས་པའི་དོན་འདི་ཐུགས་ལ་ངེས་འཚལ། རྡོ་རྗེ་མགོར་བཞག་ལ། དེང་ཁྱོད་རྡོ་རྗེ་བདུད་རྩི་ཡི༔ དཀྱིལ་འཁོར་ཆེན་པོར་གཞུག་པར་བྱ༔ གསང་བ་མཆོག་གི་སྤྱོད་པ་འདི༔ གཞན་དུ་སྨྲས་ན་ཉམས་པར་འགྱུར༔ མ་ཧཱ་ས་མ་ཡ་སྟྭཾ༔ ཞེས་གདམས། བཛྲ་པྲ་བེ་ཤ་ཡ་ཕཊ༔ ཅེས་ཡོལ་བ་བསལ། ལས་ཀྱི་རྡོ་རྗེའི་ཕྱག་གི་རྡོ་རྗེ་ལ་འཇུས་ཏེ་དཀྱིལ་འཁོར་གྱི་ནང་དུ་ཞུགས་པར་མོས་ཤིག །ཛཿཧཱུྃ་བྃ་ཧོཿ དཀྱིལ་འཁོར་གྱི་ལྷ་ཚོགས་རྣམས་ཀྱི་ཞབས་ལ་གུས་པ་ཆེན་པོས་ཕྱག་འཚལ་བར་མོས་ལ་ཐལ་མོ་གནས་གསུམ་དུ་བཀོད་ལ་འདིའི་རྗེས་ཟློས། ཨོཾ་གུ་རུ་བཛྲ་ཨ་མྲྀ་ཏ་མ་ཧཱ་སུ་ཁ་མཎྜལ་ན་མཱ་མིཿ སླར་ཡང་ཤར་གྱི་སྒོ་ནང་དུ་འཁོད་པ་ལ་དམ་ཚིག་གི་རྡོ་རྗེའི་ཆུ་ནན་སྦྱིན་པ་ཡིན་ཏེ། འཐུངས་ཤིག་རྡོ་རྗེ་མ་མཱ་ཀིའི༔ ཡེ་ཤེས་བདུད་རྩི་འདི་འཐུངས་ཤིག༔ དམ་ཚིག་ཉམས་ན་རབ་ཏུ་སྲེག༔ བསྲུང་ན་ཚེ་འདིར་དངོས་གྲུབ་ཐོབ༔ ས་མ་ཡ་བཛྲ་མ་མཱ་ཀི་ཨ་མྲྀ་ཏ་ཨུ་ད་ཀ་ཋ་ཋ༔ ཞེས་མ་མཱ་ཀའི་བདུད་རྩི་སྦྱིན། དེ་ནས་ནང་འཇུག་གི་དངོས་གཞི་ཡེ་ཤེས་པ་དབབ་པ་ཡིན་པས་སྒོ་གསུམ་གྱི་གནད་གཅུན་ལ་དམིགས་པ་འདི་རྩེ་གཅིག་ཏུ་སྒོམས་ཤིག །དེ་ལྟར་བདུད་རྩི་མྱང་བ་ལས༔ ལུས་གང་སྒྲིབ་པ་ཐམས་ཅད་དག༔ བདེ་ཆེན་ཡེ་ཤེས་འབར་བ་ཡིས༔ སྐད་ཅིག་རྡོ་རྗེ་བདུད་རྩི་ཆེ༔ ཁ་སྦྱོར་སྐུ་རུ་ལམ་གྱིས་གསལ༔ སྣ་ཚོགས་པད་ཟླའི་གདན་གྱི་སྟེང་༔ རིན་ཆེན་ཉི་མ་དེ་བཞིན་གཤེགས༔ རྡོ་རྗེ་བདུད་རྩི་སྐུ་མདོག་ལྗང་༔ བཙོ་མ་གསེར་གྱི་མདངས་འོད་འཚེར༔ ཞལ་གསུམ་ཕྱག་དྲུག་ཞི་བའི་ཚུལ༔ ཁྲོ་ཆགས་སྒེག་ལྡན་སྤྱན་གསུམ་གཡོ༔ གཡས་དཀར་གཡོན་དམར་འཛུམ་འོད་འཕྲོ༔ རྩ་ཕྱག་རྡོ་རྗེ་དྲིལ་བུ་འཛིན༔ རང་འདྲའི་ཡུམ་འཁྱུད་མཉམ་པར་སྦྱོར༔ ལྷག་མ་འཁོར་ལོ་རལ་གྲི་གཡས༔ ཞགས་པ་ལྕགས་ཀྱུ་གཡོན་ན་བསྣམས༔ དར་དང་རིན་ཆེན་རུས་པས་བརྒྱན༔ སྐྱིལ་ཀྲུང་ཕྱེད་པའི་རོལ་པ་ཡིས༔ འོད་ཟེར་འབར་འཕྲོའི་ཀློང་ན་བཞུགས༔ དེ་ཡི་ཐུགས་ཀར་པད་ཉིའི་སྟེང་༔ རྡོ་རྗེ་བདུད་རྩི་ཧེ་རུ་ཀ༔ མཐིང་ནག་ཁྲོ་ཚུལ་འཇིགས་པའི་ཉམས༔ རྡོ་རྗེ་གདེངས་ཤིང་ཁ་ཊྭཱཾ་གསོར༔ སྦྲུལ་དང་སྟག་ཤམ་རུས་པས་བརྒྱན༔ རང་འོད་ཡུམ་འཁྱུད་མེ་ཕུང་དབུས༔ གར་དགུའི་རོལ་པས་རྣམ་པར་འགྱིང་༔ དེ་ལྟར་གསལ་བའི་དཔྲལ་བར་ཨོཾ༔ མགྲིན་པར་ཨཱཿ ཐུགས་ཀར་ཧཱུྃ་དཀར་དམར་མཐིང་གའི་མདོག་ཅན་སངས་རྒྱས་ཐམས་ཅད་ཀྱི་རྡོ་རྗེ་གསུམ་གྱི་རང་བཞིན་ཏུ་གསལ་བ་དང༌། སློབ་དཔོན་དཀྱིལ་འཁོར་གྱྀ་གཙོ་བོའི་ཐུགས་ཀ་ནས་ཀྱང་འོད་ཟེར་དཔག་ཏུ་མེད་པ་འཕྲོས་པས། ཆོས་ཀྱི་དབྱིངས་རབ་འབྱམས་ན་བཞུགས་པའི་རྒྱལ་བ་སྲས་དང་བཅས་པ་ཐམས་ཅད་དཔལ་རྡོ་རྗེ་བདུད་རྩིའི་སྐུ་ཕྱག་རྒྱ། གསུང་ཡིག་འབྲུ། ཐུགས་ཕྱག་མཚན་གྱི་རྣམ་པར་བཞེངས་ཏེ་ནམ་མཁའ་གང་བ་ཙམ་དུ་བྱོན་ནས་ཁྱེད་རང་རྣམས་ཀྱི་སྒོ་གསུམ་ལ་སིབ་སིབ་ཐིམ་པས་རྒྱུད་བྱིན་གྱིས་རློབ་པར་མོས་ཤིག །འབེབས་པའི་རྫས་བདུག །དབྱངས་རོལ་བཅས། ཧཱུྃ༔ རིན་ཆེན་ཉི་མ་རྟག་པའི་དབྱིངས༔ རྒྱུན་དང་ཤུགས་ཀྱི་ཐུགས་རྗེར་སྣང་༔ བསྐུལ་ཞིང་གསོལ་བ་བཏབ་པ་ཡིས༔ ཡེ་ཤེས་སྒྱུ་འཕྲུལ་ཅིར་ཡང་སྟོན༔ དམ་ཚིག་ཆེན་པོའི་དུས་ལགས་ན༔ སྐུ་གསུང་ཐུགས་ཀྱི་བྱིན་ཆེན་ཕོབ༔ བདེ་ཆེན་བདུད་རྩིའི་དབང་མཆོག་སྐུར༔ རྣལ་འབྱོར་མཐུ་དང་ལྡན་པ་ཡིས༔ དངོས་གྲུབ་མ་ལུས་སྩལ་དུ་གསོལ༔ ཨོཾ་ཨཱཿཧཱུྃ་བཛྲ་ཨ་མྲྀ་ཏ་མ་ཧཱ་སུ་ཁ་སིདྡྷི་ཧཱུྃ༔ ཨེ་ཨཱ་རལླི་ཛྙཱ་ན་ཨཱ་ཝེ་ཤ་ཡ་ཨ་ཨཱཿ ཅེས་སྔགས་དྲག་ཏུ་བརྗོད་ལ་བྱིན་དབབ། དེ་ལྟར་དབབ་པའི་ཡེ་ཤེས་པའི་བྱིན་རླབས་ཀྱི་རྒྱུན་བརྟན་པར་བྱས་པར་མོས་ཤིག །ཏིཥྛ་བཛྲ། ཞེས་རྡོ་རྗེ་མགོར་བཞག །མེ་ཏོག་འདོར་གཞི་ཚོམ་བུ་སོགས་བཀོད་ལ། དེ་ནས་རིགས་བརྟག་པའི་སླད་དུ། ཚོམ་བུའི་དཀྱིལ་འཁོར་འདིར་ཡེ་ཤེས་ཀྱི་དཀྱིལ་འཁོར་གཉིས་པ་མངོན་སུམ་དུ་གསལ་བ་ལ་ཁྱེད་རང་རྣམས་ཀྱི་ཚེ་རབས་སྔོན་ནས་འབྲེལ་བའི་ལྷག་པའི་ལྷ་གང་ཡིན་པ་ལ་ཕོག་པར་ཤོག་ཅིག་སྙམ་པའི་འདུན་པ་དང་བཅས་ཏེ་སྔགས་འདིའི་རྗེས་ཟློས་མཛོད་ལ་མེ་ཏོག་འདོར་བ་ཞུ། ཨོཾ་བཛྲ་པུཥྤེ་ས་མ་ཡ་ཨཱཿཧཱུྃ༔ ཞེས་འདོར་དུ་གཞུག་ལ་དབུས་དང་ཕྱོགས་མཚམས་ཀྱི་རིགས་ངེས་པ་བྱ། མེ་ཏོག་ལྷག་པའི་ལྷ་གང་ལ་ཕོག་པ་དེ་ཉིད་ཀྱིས་སླར་ཡང་ཁྱེད་རང་རྣམས་ཀྱི་སྤྱི་བོར་དབང་རྟགས་ཅོད་པན་གྱི་ཚུལ་དུ་བཅིངས་པར་མོས་ཤིག །ཨོཾ་བཛྲ་པུཥྤེ་ས་མ་ཡ་སྟྭཾ༔ ཞེས་ཅོད་པན་མགོར་བཞག །མ་རིག་པའི་སྒྲིབ་པ་མིག་དར་དང་ལྷན་ཅིག་ཏུ་གསལ་བར་མོས་ཤིག །ཨོཾ་ཛྙཱ་ན་བཛྲ་ཙཀྵུཿཔྲ་བེ་ཤ་ཡ་ཕཊ༔ ཅེས་མིག་ཐུར་གྱིས་བསལ། དེ་ལྟར་རྣམ་དག་ཡེ་ཤེས་ཀྱི་མིག་གསར་དུ་ཐོབ་པས་དཔལ་རྡོ་རྗེ་བདུད་རྩི་ལྷ་བཅུ་གསུམ་གྱི་དཀྱིལ་འཁོར་རྟེན་དང་བརྟེན་པར་བཅས་པ་མངོན་སུམ་དུ་མཇལ་བར་གྱུར་པར་མོས་ཤིག །ཕྱག་ཤིང་གིས་མཚོན་ལ། ལྟོས་ཤིག་སྐལ་ལྡན་རིགས་ཀྱི་བུ༔ ཕྱག་རྒྱའི་དཀྱིལ་འཁོར་འདི་ལ་ལྟོས༔ ཁྱོད་ནི་སྒྲིབ་དག་ཡེ་ཤེས་མཐོང་༔ རྡོ་རྗེ་བདུད་རྩིའི་རིགས་སུ་སྐྱེས༔ སྔགས་དང་ཕྱག་རྒྱ་ཏིང་འཛིན་གྱིས༔ དངོས་གྲུབ་དམ་པ་འཐོབ་པར་འགྱུར༔ དེའང་འབྱུང་བཞི་རིམ་བརྩེགས་རི་རབ་དང་བཅས་པའི་སྟེང་དུ་ཕྱི་རིན་པོ་ཆེ་ལས་གྲུབ་ཅིང་ནང་དུར་ཁྲོད་འབར་བའི་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ་སྣ་ཚོགས་པདྨ་དང་ཟླ་བའི་གདན་ལ། བཅོམ་ལྡན་འདས་རྡོ་རྗེ་བདུད་རྩི་སྐུ་མདོག་ལྗང་སེར་ཞལ་གསུམ་གཡས་དཀར་གཡོན་དམར་ཁྲོ་ཆགས་སྒེག་པའི་ཉམས་ཅན། ཕྱག་དྲུག་གི་དང་པོ་གཉིས་རྡོ་རྗེ་དང་དྲིལ་བུ་འཛིན་པས་རང་འོད་ཀྱི་ཡུམ་མ་མཱ་ཀི་ལ་འཁྱུད་པ། ལྷག་མ་གཡས་གཉིས་འཁོར་ལོ་དང་རལ་གྲི། གཡོན་གཉིས་ལྕགས་ཀྱུ་དང་ཞགས་པ་བསྣམས་པ་དར་དང་རིན་ཆེན་རུས་པས་བརྒྱན་ཅིང་ཞབས་སྐྱིལ་ཀྲུང་ཕྱེད་པས་འཆར་ཀའི་འོད་ཀློང་ན་བཞུགས་པ། དེ་རྒྱབ་པདྨ་འདབ་བརྒྱད་ཀྱི་ཤར་དུ་ཞི་བ་མ་དཀར་མོ། ལྷོར་ཞི་གདོང་མ་སེར་མོ། ནུབ་ཏུ་ཟླ་ཅན་མ་དམར་མོ། བྱང་དུ་རི་བོང་ཅན་མ་ལྗང་མོ། ཤར་ལྷོར་ཟླ་དཀྱིལ་མ་སྔོན་མོ། ལྷོ་ནུབ་ཏུ་ཟླ་མཛེས་མ་ལྗང་མོ། ནུབ་བྱང་དུ་ཡིད་འོང་མ་སྔོ་བསང༌། བྱང་ཤར་དུ་སིམ་བྱེད་སྔོན་མོ་སྟེ་བརྒྱད་ཀའང་རྡོར་དྲིལ་བསྣམས་ཤིང་དར་དང་རིན་པོ་ཆེའི་རྒྱན་ལྡན་རང་འོད་ཀྱི་ཀློང་ན་ཕྱེད་སྐྱིལ་གྱིས་རོལ་པ། སྒོ་བཞིར་སྒོ་མ་དཀར་སེར་དམར་ལྗང་བཞི་གཡས་རང་རྟགས་ཀྱི་ཕྱག་རྒྱ་གཡོན་དྲིལ་བུ་འཁྲོལ་ཞིང་ཁྲོ་འཛུམ་དར་དང་རིན་པོ་ཆེའི་རྒྱན་གྱིས་སྤྲས་པ། པད་ཟླའི་སྟེང་ན་གར་ཐབས་ཀྱིས་བཞེངས་པ། གཙོ་བོའི་ཐུགས་ཀར་རྡོ་རྗེ་བདུད་རྩི་ཧེ་རུ་ཀ་ཡུམ་དང་བཅས་པ། བར་མཚམས་མཆོད་པའི་ལྷ་མོ་དུ་མས་གང་བ་རྣམས་མངོན་སུམ་བཞིན་ཏུ་མཇལ་བར་མོས་ལ་དད་གུས་སྤྲོ་བ་རྒྱ་ཆེན་པོ་སྐྱེད་ཅིག །དེ་རྣམས་ཀྱིས་དཀྱིལ་འཁོར་ཕྱི་ནང་དུ་འཇུག་པའི་རིམ་པ་རྣམས་གྲུབ་པ་ལགས། གཉིས་པ་དངོས་གཞིའི་དབང་བསྐུར་བ་ལ། བུམ་པ། གསང་བ། ཤེས་རབ་ཡེ་ཤེས། ངོ་སྤྲོད་དོན་གྱི་དབང་བསྐུར་བཞི་རིམ་པར་འབྱུང་བ་ལས། དང་པོ་ཞུ་བའི་ཡོན་ཏུ་དམིགས་ཏེ་མཎྜལ་འབུལ་འཚལ། གསོལ་བ་འདེབས་པ་འདིའི་རྗེས་ཟློས། ཇི་ལྟར་རྡོ་རྗེ་བདུད་རྩི་ཆེས༔ རིགས་ཀྱི་སྲས་རྣམས་དབང་བསྐུར་ལྟར༔ བདག་ཀྱང་ཡོངས་སུ་བཟུང་བའི་ཕྱིར༔ སྨིན་ཅིང་གྲོལ་བར་མཛད་དུ་གསོལ༔ ལན་གསུམ།

དེའང་བུམ་པའི་དབང་ལ་རྡོ་རྗེ་སློབ་མའི་དབང་དང་སློབ་དཔོན་གྱི་དབང་གཉིས་སུ་འབྱུང་བའི་དང་པོ་རིག་པའི་དབང་ལྔ་རིམ་པར་བསྐུར་བ་ལ་དམིགས་པ་འདི་ལྟར་དུ་མཛོད། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། གདན་གསུམ་ཚང་བའི་དབང་གི་ལྷ་ནམ་མཁའ་གང་བ་སྤྱན་དྲངས་པ་རྣམས་དང་སློབ་དཔོན་ལྷན་ཅིག་པས་དཔལ་རྡོ་རྗེ་བདུད་རྩིའི་ཡེ་ཤེས་ཀྱི་ངོ་བོ་རིན་པོ་ཆེའི་བུམ་པ་བདུད་རྩིའི་ཆུ་རྒྱུན་གྱིས་གང་བ་སྤྱི་བོ་ནས་བླུགས་པས་སངས་རྒྱས་ཐམས་ཅད་ཀྱི་ཐུགས་ཀྱི་དབང་བསྐུར་ཐོབ་པར་མོས་ཤིག །རྣམ་བུམ་མགོར་བཞག་ལ། ཧཱུྃ༔ རྡོ་རྗེ་བདུད་རྩིའི་ཡེ་ཤེས་ནི༔ བྱང་ཆུབ་སེམས་ཀྱི་རྒྱུན་དང་སྦྱར༔ དག་པའི་དེ་ཉིད་བདེ་བ་ཆེས༔ སངས་རྒྱས་ཐུགས་སུ་དབང་བསྐུར་རོ༔ ཨོཾ་བཛྲ་ཨ་མྲྀ་ཏ་མ་ཧཱ་སུ་ཁ་སུ་ར་ཏཱ་སྟྭཾ་ཨ་ཧཾ༔ ཞེས་བུམ་ཆུ་སྦྱིན། དབང་གི་ལྷ་རྣམས་དང་སློབ་དཔོན་ལྷན་ཅིག་པས་རིན་ཆེན་མཱ་ཀིའི་ཡེ་ཤེས་ཀྱི་ངོ་བོ་ཅོད་པན་དར་དཔྱངས་དང་བཅས་པས་དབུ་ལ་བརྒྱན་པས་སངས་རྒྱས་ཐམས་ཅད་ཀྱི་ཡོན་ཏན་གྱི་དབང་བསྐུར་ཐོབ་པར་མོས་ཤིག །དབུ་རྒྱན་བཅིངས་ལ། ཏྲཱྃ༔ རིན་ཆེན་མཱ་ཀིའི་ཡེ་ཤེས་ནི༔ བདེ་གཤེགས་མངའ་བདག་ཅོད་པན་ཆེ༔ དར་དཔྱངས་དག་དང་རབ་ལྡན་པས༔ སངས་རྒྱས་ཡོན་ཏན་དབང་བསྐུར་རོ༔ ཨོཾ་རཏྣ་མ་མཱ་ཀི་བཛྲ་མུ་ཀུ་ཊ་པ་ཊ་ལཾ་བ་ཨ་བྷི་ཥིཉྩ་མཱཾ༔ དབང་གི་ལྷ་རྣམས་དང་སློབ་དཔོན་ལྷན་ཅིག་པས་ཧཱུྃ་མཛད་ཆེན་པོའི་ཡེ་ཤེས་ཀྱི་ངོ་བོ་རྡོ་རྗེ་ཕྱག་གཡས་སུ་གཏད་པས་སངས་རྒྱས་ཐམས་ཅད་ཀྱི་གསུང་གི་དབང་བསྐུར་ཐོབ་པར་མོས་ཤིག །རྡོ་རྗེ་ལག་གཡས་པས་གསོར་དུ་གཞུག་ལ། ཧྲཱིཿ ཧཱུྃ་མཛད་ཆེན་པོའི་ཡེ་ཤེས་ནི༔ ཐབས་ཀྱི་རྡོ་རྗེ་བདེ་བ་ཆེ༔ རབ་ཏུ་གསོར་ཞིང་བསྐྱོད་པ་ཡིས༔ སངས་རྒྱས་གསུང་གི་དབང་བསྐུར་རོ༔ ཨོཾ་བཛྲ་ཧཱུྃ་ཀཱ་ར་བཛྲ་ཨ་བྷི་ཥིཉྩ་ཧཱུྃ་ཧཱུྃ༔ དབང་གི་ལྷ་རྣམས་དང་སློབ་དཔོན་ལྷན་ཅིག་པས་བདུད་རྩི་འཁྱིལ་པའི་ཡེ་ཤེས་ཀྱི་རང་བཞིན་དྲིལ་བུ་ཕྱག་གཡོན་ཏུ་བྱིན་པས་སངས་རྒྱས་ཐམས་ཅད་ཀྱི་ཕྲིན་ལས་ཀྱི་དབང་བསྐུར་ཐོབ་པར་མོས་ཤིག །དྲིལ་བུ་ལག་གཡོན་པས་དཀྲོལ་དུ་གཞུག་ལ། ཧཱཿ བདུད་རྩི་འཁྱིལ་པའི་ཡེ་ཤེས་ནི༔ ཤེས་རབ་དྲིལ་བུའི་སྒྲ་ཆེན་པོས༔ འཁོར་འདས་ཐམས་ཅད་སད་མཛད་པས༔ སངས་རྒྱས་ཕྲིན་ལས་དབང་བསྐུར་རོ༔ ཨོཾ་བཛྲ་ཨ་མྲྀ་ཏ་ས་མ་ཡ་གྷཱཎྜེ་ཨ་ཨཱ༔ དབང་གི་ལྷ་རྣམས་དང་སློབ་དཔོན་ལྷན་ཅིག་པས་བདུད་རྩི་ཁྲག་འཐུང་ཆེན་པོའི་ཡེ་ཤེས་ཀྱི་རང་བཞིན་རྡོ་རྗེའི་གསང་མཚན་བཏགས་པས་སངས་རྒྱས་ཐམས་ཅད་ཀྱི་སྐུའི་དབང་བསྐུར་ཐོབ་པར་མོས་ཤིག །ཨོཾ༔ དཔལ་ལྡན་ཁྲག་འཐུང་ཡེ་ཤེས་ནི༔ རྡོ་རྗེ་མིང་དང་གཉིས་སུ་མེད༔ སྲིད་པ་ཀུན་ཏུ་རབ་གྲགས་པས༔ སངས་རྒྱས་སྐུ་ཡི་དབང་བསྐུར་རོ༔ ཨོཾ་ཤྲཱི་ཧེ་རུ་ཀ་བཛྲ་ནཱ་མ་ཨ་བྷི་ཥེ་ཀ་ཏ་ཨོཾ༔ མེ་ཏོག་གང་ལ་ཕོག་པའི་རིགས་དང་མཐུན་པའི་གསང་མཚན་སོ་སོར་གཏགས་ལ་མིང་གི་ཤོག་དྲིལ་དེ་ལྟར་སྦྱིན། དེ་རྣམས་ཀྱིས་རིག་པའི་དབང་ལྔ་ཐོབ། ཉོན་མོངས་པ་ལྔ་དག །ཕུང་པོ་ལྔ་གནས་གྱུར། ཡེ་ཤེས་རྣམ་པ་ལྔ་མངོན་ཏུ་བྱས་པ་ཡིན་ནོ། །གཉིས་པ་གསང་བའི་བུམ་པ་གནས་གསུམ་དུ་བཞག་པས་རྡོ་རྗེ་བདུད་རྩི་བདེ་བ་ཆེན་པོའི་གསང་བ་གསུམ་དང་དབྱེར་མི་ཕྱེད་པ་རྡོ་རྗེ་སློབ་དཔོན་ཆེན་པོའི་གོ་འཕང་མཆོག་ཏུ་མངའ་གསོལ་བར་མོས་ཤིག །ཐོད་པའི་བདུད་རྩི་གནས་གསུམ་དུ་བཞག་ལ། ཨོཾ༔ རྡོ་རྗེ་བདུད་རྩི་བདེ་བ་ཆེའི༔ ཐུགས་གསུང་སྐུ་རུ་དབང་བསྐུར་བས༔ དེང་ནས་བཟུང་སྟེ་བུ་ཁྱོད་ཀྱིས༔ དཀྱིལ་འཁོར་བདག་པོའི་རྗེས་སུ་སྤྱོད༔ ཨོཾ་སརྦ་ཐཱ་ག་ཏ་ཤྲཱི་བཛྲ་ཨ་མྲྀ་ཏ་མ་ཧཱ་སུ་ཁ་ཧཱུཾ་ཨཱཿཨོཾ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཧཱུྃ༔ དེང་ཕྱིན་ཆད་སྣང་སྟོང་ཆུ་ཟླ་ལྟ་བུའི་ལྷའི་འཁོར་ལོ་སྒོམ་པ་དང་མི་འབྲལ་བར་ཐ་མལ་གྱི་སྣང་ཞེན་ཐམས་ཅད་ལ་ལྷ་སྐུ་ཕྱག་རྒྱའི་གཟེར་གྱིས་ཐེབ་པར་གྱིས་ཤིག །རྗེས་འབྲེལ་དུ་བཟླས་པའི་ལུང་བླང་བ་ལ་དམིགས་པ་འདི་བཞིན་ཏུ་མཛོད། སློབ་དཔོན་དཀྱིལ་འཁོར་གྱི་གཙོ་བོ་རྡོ་རྗེ་བདུད་རྩི་ཡབ་ཡུམ་དུ་གསལ་བའི་ཐུགས་ཀར་ཡེ་ཤེས་སེམས་དཔའ་བདུད་རྩི་ཁྲག་འཐུང་ཡུམ་དང་བཅས་པར་གསལ་བའི་ཡབ་ཀྱི་ཐུགས་ཀར་ཉི་ཟླ་ཁ་སྦྱོར་གྱི་དབུས་སུ་ཧཱུྃ་ལྗང་སེར། དེའི་མཐའ་བསྐོར་དུ་སྔགས་ཀྱི་ཕྲེང་བས་བསྐོར་བ། མོས་གུས་བྱས་པའི་རྐྱེན་གྱིས་ཐུགས་ཀའི་སྔགས་ཕྲེང་ལས་སྔགས་ཕྲེང་གཉིས་པ་འཕྲོས། ཞལ་ནས་ཞལ་དུ་བརྒྱུད་དེ་ཁྱེད་རང་ལྷར་གསལ་བའི་ཞལ་ནས་ཐུགས་ཀའི་ཡེ་ཤེས་སེམས་དཔའི་ཞལ་དུ་ཞུགས། དེའི་ཐུགས་ཀར་ཉི་ཟླའི་གའུའི་དབུས་ཀྱི་ས་བོན་ཧཱུྃ་ལྗང་སེར་གྱི་མཐའ་བསྐོར་དུ་འཁོད། བཟླས་པའི་རྐྱེན་གྱིས་འོད་ཟེར་འཕྲོས་པས་ལུས་ཀྱི་ནང་གང༌། སྒྲིབ་གཉིས་བག་ཆགས་དང་བཅས་པ་སྦྱངས། བདེ་བ་ཆེན་པོའི་ཡེ་ཤེས་རྒྱུད་ལ་སྐྱེས་པར་མོས་ལ་སྔགས་འདིའི་རྗེས་ཟློས། ཨོཾ་བཛྲ་ཨ་མྲྀ་ཏ་མ་ཧཱ་སུ་ཁ་སིདྡྷི་སྭཱ་ཧཱ༔ ལན་གསུམ། སླར་ཡེ་ཤེས་སེམས་དཔའི་སྐུ་ལས་ཕྱག་རྒྱ་སྔགས་ཕྲན་ཕྱག་མཚན་གྱི་ཚོགས་དཔག་ཏུ་མེད་པ་ནམ་མཁའ་གང་བ་འཕྲོས། རྩ་གསུམ་རྒྱལ་བའི་དཀྱིལ་འཁོར་པ་ཐམས་ཅད་མཆོད། ཁམས་གསུམ་གྱི་འགྲོ་བ་རྣམས་ཀྱི་རྟོག་སྒྲིབ་སྦྱངས། ཐམས་ཅད་ལྷ་སྔགས་ཆོས་སྐུ་དག་པ་རབ་འབྱམས་སུ་གྱུར་པར་མོས་ལ་འདིའི་རྗེས་ཟློས། ཨོཾ་ཛྭ་ལ་ཛྭ་ལ་ཧཱུྃ་ཕཊ་བྷྱོ་སྭཱ་ཧཱ༔ ལན་གསུམ །སློབ་དཔོན་ལ་མེ་ཏོག་གི་ཕྲེང་བ་རེ་འབུལ་བའི་མོས་པས་འདིའི་རྗེས་ཟློས། རྡོ་རྗེའི་གསང་སྔགས་སྩལ་ལགས་ཀྱི༔ ཡེ་ཤེས་བརྟན་པར་མཛད་དུ་གསོལ༔ ལན་གསུམ།

མེ་ཏོག་དེ་ཉིད་སྔགས་ཕྲེང་དུ་བྱིན་གྱིས་བརླབས་ཏེ་ཁྱེད་རང་རྣམས་ཀྱི་སྤྱི་བོར་བཅིང་བར་མོས་ཤིག །རྡོ་རྗེ་བདུད་རྩིའི་གསང་བའི་སྔགས༔ འདི་ལ་རབ་ཏུ་སྩལ་ལགས་ཀྱི༔ རྟག་ཏུ་བྱིན་གྱིས་བརླབས་ནས་ཀྱང་༔ དངོས་གྲུབ་ཐམས་ཅད་སྩལ་དུ་གསོལ༔ བཛྲ་མནྟྲ་ཛྙཱ་ན་ས་མ་ཡ་སྟྭཾ༔ ཞེས་མེ་ཏོག་མགོར་བཞག །དེང་ཕྱིན་ཆད་གྲགས་སྟོང་སྒྲ་བརྙན་ལྟ་བུའི་བཟླས་བརྗོད་ཆུ་བོའི་རྒྱུན་བཞིན་ཏུ་བརྩོན་ཅིང་ཕྱི་ནང་འབྱུང་བའི་སྒྲ་སྐད་ཐམས་ཅད་ལ་རྡོ་རྗེའི་སྔགས་ཀྱི་གཟེར་གྱིས་ཐེབས་པར་གྱིས་ཤིག །དོན་དམ་དེ་ཁོ་ན་ཉིད་ཀྱི་དགོངས་པ་ཟབ་མོ་ངོ་སྤྲོད་པའི་ཚིག་འདི་ལ་གསན་ཅིང་དོན་ཐུགས་ལ་ངེས་པར་མཛོད་ཅིག །འདི་ལྟར་ཆོས་རྣམས་ཐམས་ཅད་ཀུན༔ རང་གི་སེམས་ཙམ་ཉིད་དུ་བརྟག༔ སེམས་ཙམ་རྣམ་པར་ཤེས་པ་སྟེ༔ རྣམ་ཤེས་གདོད་ནས་སྐྱེ་བ་མེད༔ སྐྱེ་མེད་རང་བཞིན་ལྷར་ཤར་བ༔ གཟུགས་ནི་དཔལ་ལྡན་ཁྲག་འཐུང་སྟེ༔ ཚོར་བ་རིན་ཆེན་མཱ་མ་ཀཱི༔ འདུ་ཤེས་བཛྲ་ཧཱུྃ་ཀཱ་ར༔ འདུ་བྱེད་རྡོ་རྗེ་བདུད་རྩི་འཁྱིལ༔ རྣམ་ཤེས་བདུད་རྩི་བདེ་བ་ཆེ༔ ཐམས་ཅད་དབྱེར་མེད་འོད་གསལ་ལས༔ ལྷ་དང་སྔགས་ནི་ཅིར་ཡང་འཆར༔ བུ་ཁྱོད་དེ་ལྟར་རབ་རྟོགས་པས༔ དབང་པོར་གང་དང་གང་སྣང་བ༔ དེ་དེ་ལྷ་སྔགས་ཡེ་ཤེས་ཀྱི༔ རྡོ་རྗེ་བདུད་རྩིར་རྟག་ཏུ་ལྟོས༔ མ་ཧཱ་བཛྲ་ས་མ་ཡ་ཧོཿ དེང་ཕྱིན་ཆད་རིག་སྟོང་ཕྱག་རྒྱ་ཆེན་པོའི་ཡེ་ཤེས་རོལ་པ་ལས་མ་གཡོས་པར་དྲན་རྟོག་ཐམས་ཅད་ལ་འཕྲོ་འདུ་ཏིང་ངེ་འཛིན་དང་ཆོས་ཉིད་དགོངས་པའི་གཟེར་གྱིས་ཐེབས་པར་གྱིས་ཤིག །ཅེས་གདམས། དབང་གི་དག་པ་བརྗོད་པ་ནི། བུམ་པའི་དབང་ཐོབ་ལུས་སྒྲིབ་དག༔ སྐུ་ཡི་ཕྱག་རྒྱ་བསྒྲུབ་ལ་དབང་༔ སྤྲུལ་སྐུ་ཐོབ་པའི་སྐལ་ལྡན་གྱུར༔ དེ་ལྟར་བུམ་པའི་དབང་གིས་ལུས་རྩ་ཁམས་ཡེ་ཤེས་སུ་སྨིན་པ་དེ་ཉིད་གྲོལ་བྱེད་ལམ་རིམ་ཉམས་སུ་བླང་བའི་གདམས་ངག་ཀྱང་གཏེར་གཞུང་རྡོ་རྗེའི་གསུང་ལས་འབྱུང་བ་འདི་ལྟ་སྟེ། སྐུ་ཡི་ཕྱག་རྒྱ་ཆེ་མཆོག་ནི༔ ཇི་ལྟར་མེ་ལོང་དག་པ་ལ༔ ཕྱི་རོལ་གཟུགས་བརྙན་འདུས་པ་ལྟར༔ སྣང་ཙམ་དངོས་པོ་སེམས་སུ་བརྟག༔ རང་གི་ལུས་དང་དབྱེར་མེད་ཤེས༔ དེ་ལས་རླུང་དང་སེམས་ཚོགས་པ༔ རྡོ་རྗེ་བདུད་རྩི་བདེ་བ་ཆེ༔ ནམ་མཁའི་འཇའ་ཚོན་ལྟ་བུར་གསལ༔ དེ་ཡི་དབུས་ན་གནས་པའི་རྩ༔ མི་གསལ་གསལ་བ་ཆེན་པོ་སྟེ༔ དྭངས་པ་ཤེལ་གྱི་སྦུ་གུའི་གཟུགས༔ དཀར་ལ་དམར་བའི་མདངས་ལྡན་པའི༔ ཨ་བ་དྷཱུ་ཏིའི་དབུས་སུ་ནི༔ སྲན་མ་ཙ་ན་ཀ་ཡི་དབྱིབས༔ ཐིག་ལེ་ཕྲ་མོ་སྙིང་གར་བསྒོམ༔ གཡས་གཡོན་ཐབས་དང་ཤེས་རབ་ཀྱི༔ རྩ་གཉིས་ཡང་དག་འཁྱུད་ལྡན་པ༔ འཁོར་ལོ་བཞི་དང་བཅས་པ་བསམ༔ རླུང་ནི་དལ་བུས་དབྱུང་བའི་ཚེ༔ སྙིང་གའི་འོད་ཀྱིས་སྣོད་བཅུད་ཁྱབ༔ མ་དག་བསྲེགས་ཤིང་དག་པའི་བཅུད༔ བཞུ་བཏུལ་རྔུབ་པའི་སྦྱོར་བས་དྲང་༔ མི་ཤིགས་ཐིག་ལེར་རོ་གཅིག་པའི༔ གཟི་བརྗིད་ཆེན་པོའི་འོད་གསལ་ལས༔ མཁའ་ཁྱབ་དཀྱིལ་འཁོར་སྤྲོ་དང་བསྡུ༔ དེ་ལྟར་ཡང་ཡང་གོམས་པ་ཡིས༔ སྣང་བ་སྒྱུ་མའི་ལྷ་སྐུར་ཤར༔ སྐུ་ཡི་རྡོ་རྗེའི་ཕྱག་རྒྱ་འགྲུབ༔ ཞེས་དལ་བུས་བཀླག །ཅེས་གདམས་པར་མཛད་དེ། དེའང་ཐོག་མར་བསམ་གཏན་གྱི་སྣོད་རུང་དུ་བྱེད་པའི་སྔོན་འགྲོ་ཐུན་མོང་དང་ཐུན་མོང་མ་ཡིན་པས་རྒྱུད་སྦྱངས། ཁྱད་པར་བསྐྱེད་རིམ་བཟླས་པ་དང་བཅས་པ་ལ་དྲོད་ཚད་ཐོབ་པར་བྱས་ནས། མན་ངག་རྫོགས་པའི་རིམ་པས་ཟུང་འཇུག་བདེ་བ་ཆེན་པོ་མཆོག་ཏུ་མི་འགྱུར་བའི་གོ་འཕང་སྒྲུབ་པའི་ཐོག་མར་སྐུ་རྡོ་རྗེ་ཕྱག་རྒྱའི་རྣལ་འབྱོར་སྒྲུབ་པའི་ཚུལ་ཟབ་ལ་འདྲིལ་བར་བསྟན་པའི་དོན་དེ་ཉམས་སུ་ལེན་པར་མཛད་འཚལ་ལོ། །གཉིས་པ་གསང་བའི་དབང་གི་སླད་དུ། བླ་མ་ཡབ་ཡུམ་དཔལ་རྡོ་རྗེ་བདུད་རྩི་བདེ་བ་ཆེན་པོ་དང་རིན་ཆེན་མ་མཱ་ཀཱི་མཉམ་པར་སྦྱོར་བའི་དགའ་བའི་སྒྲས་སངས་རྒྱས་ཐམས་ཅད་སྤྱན་དྲངས་ཏེ་ཐུགས་ཀར་བྱང་ཆུབ་ཀྱི་སེམས་སུ་ཞུ་བ་རྣམས་དཀར་དམར་ལྷག་པའི་བྱང་སེམས་ཀྱི་རྒྱུན་དང་འདྲེས་པ་དེ་ཉིད་མཁའ་གསང་ནས་བབས་ཏེ་ཐོད་པའི་བདུད་རྩི་དང་རོ་གཅིག་སྦྱོར་བ་ཁྱེད་རང་རྣམས་ཀྱི་ལྕེ་ཐོག་ཏུ་བྱིན་པར་མོས་ཤིག །ཐོད་པའི་བདུད་རྩི་ཆོས་སྨན་མངར་གསུམ་དང་སྦྱར་བ་བྱིན་ལ། ཧོཿ མུ་ཏིག་ལྟར་དཀར་བདེ་བ་ཆེ༔ སྟོང་ཉིད་ཡེ་ཤེས་དམར་འོད་འཕྲོ༔ དབྱེར་མེད་བྱང་ཆུབ་སེམས་ཆེན་པོས༔ སངས་རྒྱས་སྲས་སུ་དབང་བསྐུར་རོ༔ ཨོཾ་བཛྲ་ཨ་མྲྀ་ཏ་མ་ཧཱ་སུ་ཁ་བོ་དྷི་ཙིཏྟ་ཨོཾ་ཨཱཿཧཱུྃ་ཧོཿ དེ་ལྟར་བྱིན་པའི་བདུད་རྩི་དེ་ཉིད་རྟོག་པ་མེད་པའི་སེམས་ཀྱིས་རོལ་ལ་སྔགས་འདི་བརྗོད་པར་ཞུ། ཨ་ཧོ་མ་ཧཱ་སུ་ཁ༔ བྱང་ཆུབ་སེམས་ཀྱི་བདུད་རྩིས་ལུས་ཐམས་ཅད་གང༌། རང་བཞིན་བརྒྱད་ཅུའི་རྟོགས་ཚོགས་དབྱིངས་སུ་ནུབ། གསལ་སྟོང་རྣམ་པར་མི་རྟོག་པའི་ཡེ་ཤེས་རྒྱུད་ལ་སྐྱེས་པར་མོས་ཤིག །ལུང་བསྟན་པ་ནི། སློབ་དཔོན་གྱིས་སྣམ་སྦྱར་མནབ། སྐྱབས་སྦྱིན་ཕྱག་རྒྱ་སོགས་སྤྱི་ལྟར་བྱས་ལ། སློབ་དཔོན་ཉིད་སངས་རྒྱས་མཆོག་གི་སྤྲུལ་པའི་སྐུར་གནས་འགྱུར་བས་ཁྱེད་རང་རྣམས་བྱང་ཆུབ་ཆེན་པོར་ལུང་བསྟན་སྩོལ་བར་མོས་ཤིག །ཨོཾ༔ བླ་མ་དཀྱིལ་འཁོར་ལྷ་ཚོགས་ཀྱིས༔ དེང་ཁྱོད་བྱང་ཆུབ་ལུང་སྟོན་ཏེ༔ རྡོ་རྗེ་བདུད་རྩི་དཔལ་ཞེས་པའི༔ མཚན་གྱིས་ས་གསུམ་དགེ་བར་འགྱུར༔ ཨོཾ་སརྦ་ཏ་ཐཱ་ག་ཏ་བཛྲ་ཨ་མྲི་ཏ་མ་ཧཱ་སུ་ཁ་ནཱ་མ་ས་མ་ཡ་སྟྭཾ༔ ཞེས་ལུང་བསྟན་ལ་དག་བརྗོད་ནི། གསང་བའི་དབང་ཐོབ་ངག་སྒྲིབ་དག༔ གསུང་གི་ཕྱག་རྒྱ་བསྒོམ་ལ་དབང་༔ ལོངས་སྐུ་ཐོབ་པའི་སྐལ་ལྡན་གྱུར༔ དེ་ལྟར་གསང་བའི་དབང་གིས་ངག་རླུང་ཡེ་ཤེས་སུ་སྨིན་པ་དེ་ཉིད་གྲོལ་བྱེད་ལམ་རིམ་ཉམས་སུ་བླང་བའི་གདམས་ངག་ཀྱང་འདི་ལྟ་སྟེ། གསུང་གི་ཕྱག་རྒྱ་ཆེ་མཆོག་ནི༔ ཇི་ལྟར་དབུགས་ཀྱི་སྦྱོར་གཅིག་ལས༔ སྣ་ཚོགས་གླིང་བུའི་སྐད་འབྱུང་ལྟར༔ གྲགས་ཙམ་དངོས་པོ་རླུང་དུ་བརྟག༔ རང་སྔགས་ནཱ་ད་དབྱེར་མི་ཤེས༔ དེ་ལས་སྙིགས་མའི་རླུང་བསལ་ཏེ༔ དྭངས་མ་སྦྱོར་བཞིས་རབ་ཏུ་གཟུང་༔ བུམ་པ་ལྟ་བུར་དགང་བ་ཡིས༔ ཕྱི་ནང་རྒྱུ་བ་འགགས་པ་དང་༔ ལུས་སེམས་བདེ་བ་སིམ་པ་ན༔ ལྟེ་བའི་གཏུམ་མོ་སྦར་བ་ལས༔ གློག་གི་ཟེར་མ་ལྟ་བུའི་འོད༔ ཤིན་ཏུ་ཚ་ཞིང་གཡོ་བ་ཅན༔ འཁོར་ལོའི་གནས་བཞིར་ཐོགས་མེད་ཞུགས༔ སྙིགས་མའི་ཁམས་རྣམས་རང་བཞིན་སྦྱང་༔ དྭངས་མ་འཕེལ་ནས་བདེ་བ་རྒྱས༔ མཐར་གྱིས་ཧཾ་ཡིག་ཐིག་ལེའི་གཟུགས༔ བདེ་ཆེན་བསྐུལ་བས་རབ་འཛག་སྟེ༔ དགའ་མཆོག་ཁྱད་པར་ལྷན་སྐྱེས་ཀྱི༔ བདུད་རྩི་འཕེལ་བས་གནས་རྣམས་གང་༔ སླར་ཡང་ཆེས་ཆེར་འབར་འཛག་གིས༔ དྲོད་དང་བདེ་བ་ཡང་ཡང་སྤེལ༔ སད་པ་བདེ་ཆེན་སྒྱུ་མའི་ལྷ༔ གཉིད་ལོག་འོད་གསལ་རྟོག་པ་མེད༔ རྨི་ལམ་བདེ་རླུང་ལྷ་ཡི་སྐུ༔ སྙོམས་འཇུག་བདེ་བའི་རང་ངོ་བསྐྱང་༔ དེ་ལྟར་རྟག་ཏུ་སྦྱོར་ལྡན་པས༔ དྲོད་དང་བདེ་བ་ལ་བརྟེན་ནས༔ གསལ་ལ་འཛིན་མེད་ཡེ་ཤེས་ཀྱིས༔ གསུང་གི་བདུད་རྩི་འཆི་མེད་འགྲུབ༔ ཅེས་གསུངས་པའི་དོན་ལ་ཉམས་ལེན་གྱི་བརྩོན་པ་བསྐྱེད་འཚལ། གསུམ་པ་ཤེས་རབ་ཡེ་ཤེས་ཀྱི་དབང་གི་སླད་དུ། རིགས་དང་ལྡན་ཅིང་མཚན་ཉིད་ཡོངས་སུ་རྫོགས་པའི་གཟུངས་མ་མདུན་ཏུ་འཁོད་པ་ལ། སིནྡྷཱུ་རའི་དཀྱིལ་འཁོར་རིན་ཆེན་མ་མཱ་ཀི་རུ་གསལ་བ་དེ་ལ་ཐིམ། དེ་ཉིད་ཁྱེད་རང་རྣམས་ལ་ཕྱག་རྒྱའི་དངོས་གྲུབ་ཀྱི་དོན་ཏུ་བྱིན་པར་མོས་ཤིག །སིནྡྷཱུ་རའི་མེ་ལོང་ལག་པར་གཏད་ལ། ཧོ༔ ཁྱོད་ནི་རྡོ་རྗེ་བདུད་རྩི་སྟེ༔ ཤེས་རབ་མ་མཱ་ཀི་དང་སྦྱོར༔ འདོད་ཆགས་ཆེན་པོའི་རོལ་པ་ཡིས༔ དགའ་བཞིའི་ཡེ་ཤེས་བསྐྱེད་པར་གྱིས༔ ཨོཾ་བཛྲ་ཨ་མྲྀ་ཏ་མ་མཱ་ཀི་མ་ཧཱ་སུ་ཁ་ཛྙཱ་ན་ས་མ་ཡ་སྟྭཾ༔ ཁྱེད་རང་རྣམས་དཔལ་རྡོ་རྗེ་བདུད་རྩི། གཏད་པའི་རིག་མ་མ་མཱ་ཀི །མཁའ་གསང་རྡོ་རྗེ་དང་པདྨ། སེམས་ཅན་ཐམས་ཅད་ཀྱི་ཕྱིར་བདེ་ཆེན་མཆོག་ཏུ་མི་འགྱུར་བའི་ཡེ་ཤེས་དོན་ཏུ་གཉེར་བའི་འདུན་པ་སྟེ་འདུ་ཤེས་གསུམ་མཉམ་པར་ལྡན་པས་འདོད་པའི་སྒྱུ་རྩལ་བསྐུལ་ཏེ་སྙོམས་པར་ཞུགས་པས་ཡས་བབ་རྒྱུ་དང་མས་བརྟེན་འབྲས་བུའི་དགའ་བ་བཞི་ཉམས་སུ་མྱོང༌། ལྷན་ཅིག་སྐྱེས་པའི་བདེ་ཆེན་གྱི་ཡེ་ཤེས་མངོན་ཏུ་གྱུར་པར་མོས་ཤིག །རྡཽ་རྗེའི་བརྟུལ་ཞུགས་གྲུབ་པས་ལམ་གྱི་བགྲོད་པ་མཐར་ཕྱིན་ཅིང་འབྲས་བུ་ལ་སོམ་ཉི་མེད་པར་དབུགས་དབྱུང་བ་ནི། སྐལ་བཟང་འདོད་ལ་སྤྱོད་པ་ཁྱོད༔ ལམ་ལ་ཐེ་ཚོམ་མེད་སྦྱར་བའི༔ འབྲས་བུ་སངས་རྒྱས་ཐམས་ཅད་ཀྱི༔ གསང་བ་མཆོག་ལ་ཞུགས་པ་ཡིན༔ མ་ཧཱ་སུ་ཁ་ས་མ་ཡ་ཧོ༔ དག་པ་བརྗོད་པ་ནི། གསུམ་པའི་དབང་ཐོབ་ཡིད་སྒྲིབ་དག༔ ཐུགས་ཀྱི་ཕྱག་རྒྱ་བསྒོམ་ལ་དབང་༔ ཆོས་སྐུ་ཐོབ་པའི་སྐལ་ལྡན་གྱུར༔ དེ་ལྟར་ཤེར་ཡེའི་དབང་གིས་ཡིད་ཐིག་ལེ་བདེ་སྟོང་དུ་སྨིན་པ་དེ་ཉིད་གྲོལ་བྱེད་ལམ་རིམ་ཉམས་སུ་བླང་བའི་གདམས་ངག་ཀྱང་འདི་ལྟ་སྟེ། ཐུགས་ཀྱི་ཕྱག་རྒྱ་ཆེ་མཆོག་ནི༔ ཇི་ལྟར་སྒྱུ་མའི་སྔགས་ཀྱིས་སུ༔ སྣ་ཚོགས་གཟུགས་བརྙན་མཐོང་བ་ལྟར༔ ཁམས་གསུམ་སེམས་ཙམ་དེ་ཉིད་ཀྱང་༔ བདེ་བ་ཆེ་ལས་ཡང་དང་སྣང་༔ བདེ་དེ་ཕྱག་རྒྱའི་པདྨར་གནས༔ བཅུད་དགུག་པས་ནི་གསལ་བར་འགྱུར༔ མ་དང་སྲིང་མོ་བུ་མོ་དང་༔ སྣག་གི་གཉེན་མཚམས་བྲན་མོ་སྟེ༔ རིགས་ཅན་རྣམ་པ་ལྔར་ཡང་ཤེས༔ མ་ནི་པདྨ་ཅན་མཆོག་སྟེ༔ སྲིང་མོ་དུང་ཅན་མ་རུ་གྲགས༔ བུ་མོ་རི་དྭགས་ཅན་མ་སྟེ༔ སྣག་གི་གཉེན་མཚམས་གླང་པོའི་སྣ༔ བྲན་མོ་རི་མོ་ཅན་དུ་གསུངས༔ གང་ཡང་ཐབས་ཀྱིས་དབང་བྱས་ཏེ༔ ཐུན་མོང་ཁྱད་པར་ལམ་ལ་གཞུག༔ ཏིང་འཛིན་ལས་སུ་རུང་བ་ན༔ རྡོ་རྗེ་བདུད་རྩི་མཱ་མ་ཀཱིའི༔ ང་རྒྱལ་བརྟན་པོས་རྩ་རླུང་སྦྱང་༔ ཤ་ལྔ་བདུད་རྩི་རབ་བཟའ་ཞིང་༔ ཁམས་ཀྱི་དྭངས་མ་ལྷག་པར་སྤེལ༔ འོ་བྱེད་པས་ནི་དགའ་བྱས་ལ༔ བརྟན་པོར་འཁྱུད་པས་དོན་ལ་བསྐུལ༔ ཆགས་པའི་གླུ་ཡི་སིལ་སྙན་སྦྱོར༔ བུང་བ་པདྨར་རྩེ་ཚུལ་གྱིས༔ རྡོ་རྗེ་བདུད་རྩི་ཨཱ་རལླིའི༔ དལ་བུས་བསྲུབས་ཤིང་ངལ་ཡང་བསོ༔ དེ་ཚེ་མཁའ་གསང་ཨེ་དང་ཝྃ༔ པདྨ་བཛྲ་ཡང་དག་ཤེས༔ སེམས་ཅན་དོན་ལ་རྗེས་ཆགས་པས༔ ཆགས་པའི་མེ་ཆེན་རབ་ཏུ་སྦར༔ ཁམས་གཡོས་པ་ན་སེམས་བཟུང་སྟེ༔ གནས་བཞིར་དགའ་བའི་དོན་ལ་བལྟ༔ རྡོ་རྗེ་ནོར་བུའི་རྩེར་སོན་པར༔ བདུད་རྩི་དབབ་བསྐྱིལ་མཉམ་པར་བཞག༔ རེག་བྱ་རྨད་བྱུང་བདེ་བ་ཆེར༔ རྟོག་ཚོགས་རགས་པ་ཐིམ་གྱུར་ནས༔ རླུང་གི་གཞུ་ལ་ཏིང་འཛིན་མདའ༔ ཧཱུྃ་གདངས་རྒྱུ་དང་འཁྲུལ་འཁོར་གྱིས༔ ཆུ་སྐྱེས་སྦུབས་ནས་བདུད་རྩི་བཞིན༔ སྐད་ཅིག་གྱེན་ལ་དྲངས་ཤིང་དགྲམ༔ བདེ་ཆེན་ཧཾ་དང་མི་ཕྱེད་པས༔ སུམ་ཅུ་རྩ་གཉིས་དགའ་བ་ནི༔ དེ་ཁོ་ཉིད་ལ་ཡང་དག་རྫོགས༔ རྟོག་ཚོགས་ཕྲ་བའང་ཐིམ་གྱུར་པས༔ སངས་རྒྱས་ཡེ་ཤེས་མཚོན་བྱེད་པ༔ ལྷན་ཅིག་སྐྱེས་པ་ཆེན་པོ་འཆར༔ སྙིགས་མ་དྭངས་མས་ཕུག་པའི་ལུས༔ འཇའ་ཚོན་ལྟ་བུར་རང་ཤར་ནས༔ བདེ་བ་ཆེ་དང་མི་ཕྱེད་པའི༔ ཐུགས་ཀྱི་རྡཽ་རྗེ་རྟག་པ་འགྲུབ༔ ཅེས་པའི་དོན་རྣམས་ལ་རྩེ་གཅིག་ཏུ་ཉམས་སུ་ལེན་པར་ཞུ། བཞི་པ་དོན་དམ་དེ་ཁོ་ན་ཉིད་ཀྱི་དབང་བསྐུར་བ་ནི། ཁྱེད་རང་ལུས་གནད་བསམ་གཏན་གྱི་ཆོས་དང་ལྡན་པས། སྔར་གསུམ་པའི་སྐབས་ཉམས་སུ་མྱོང་བ་དེ་ཉིད་ཡེ་ཤེས་ཀྱི་དཔེར་མཚོན་པ་ཡིན་པས་ཉམས་མྱོང་དེ་སླར་ཡང་དྲན་པས། མཚོན་བྱ་རང་གནས་གདོད་མའི་ཟུང་འཇུག་ཤིན་ཏུ་རྣམ་པར་དག་པའི་གཤིས་ལུགས་དེ་ཁོ་ན་ཉིད་ཀྱི་ངང་དུ་མཉམ་པར་ཞོག་ཅིག །ཨ༔ བདེ་བའི་ཡེ་ཤེས་རྟོག་པ་སྟེ༔ རང་བཞིན་གདོད་ནས་སྟོང་པ་ཉིད༔ རྡོ་རྗེ་བདུད་རྩི་དེ་ཁོ་ན༔ བསམ་མི་ཁྱབ་པར་རབ་ཏུ་སྒོམས༔ ཨོཾ་ཤྲཱི་བཛྲ་ཨ་མྲྀ་ཏ་མ་ཧཱ་སུ་ཁ་ཤཱུ་ནྱ་ཏཱ་ཨཱཏྨ་ཀོ྅ཧཾ༔ ཞེས་ཅུང་ཟད་འཇོག །དེས་འཁོར་འདས་བསལ་བཞག་མེད་པའི་དགོངས་པ་ནམ་མཁའ་ལྟ་བུ་མངོན་ཏུ་གྱུར་ཏེ་འབྲས་བུ་གཞི་ལ་རྫོགས་པས་བྱང་ཆུབ་ཆེན་པོའི་གོ་འཕང་འགྲུབ་པར་གཟེངས་བསྟོད་པ་ཡིན་ཏེ། ཨེ་མ་དོན་གྱི་དཀྱིལ་འཁོར་འདིར༔ ཞུགས་པ་དང་ནི་རབ་རྟོགས་པས༔ སྲིད་དང་ཞི་བ་ལས་འདས་པའི༔ ཡེ་ཤེས་མཆོག་ཏུ་གྲུབ་པའོ༔ ཛྙཱ་ན་ས་མ་ཡ་ཨ་ལ་ལ་ཧོ༔ དག་བརྗོད་ནི། བཞི་པའི་དབང་ཐོབ་ཤེས་སྒྲིབ་དག༔ ཡེ་ཤེས་ཕྱག་རྒྱ་བསྒོམ་ལ་དབང་༔ ངོ་བོ་ཉིད་སྐུའི་སྐལ་ལྡན་གྱུར༔ དེ་ལྟར་བཞི་པའི་དབང་གིས་སྒོ་གསུམ་རྡོ་རྗེའི་ཡེ་ཤེས་སུ་སྨིན་པ་དེ་ཉིད་གྲོལ་བྱེད་ལམ་རིམ་ཉམས་སུ་བླང་བའི་གདམས་ངག་ཀྱང་འདི་ལྟ་སྟེ།

ཡེ་ཤེས་ཕྱག་རྒྱ་ཆེ་མཆོག་ནི༔ ཇི་ལྟར་སྣོད་བཅུད་ཐམས་ཅད་ཀུན༔ ནམ་མཁའི་དབྱིངས་སུ་རོ་གཅིག་བཞིན༔ འཁོར་དང་འདས་པའི་ཆོས་རྣམས་ཀུན༔ རིག་པ་དྲི་མེད་གཅིག་པུར་འདུས༔ དེ་ནི་རྟོག་གེའི་གནས་མིན་ཏེ༔ ཉན་ཐོས་རང་རྒྱལ་ལམ་ལས་འདས༔ བྱང་ཆུབ་སེམས་དཔའི་ཡིད་དཔྱོད་མིན༔ སེམས་དཔའ་ཆེ་མཆོག་སྔགས་ཀྱི་སྒོ༔ རྡོ་རྗེའི་བརྟུལ་ཞུགས་སྤྱོད་པ་རྣམས༔ བླ་མའི་བྱིན་རླབས་ལ་བརྟེན་ནས༔ སྐད་ཅིག་ཉིད་ལ་ཚུལ་འདི་མཐོང་༔ དེ་ནི་སེམས་ཅན་ཀུན་གྱི་སྲོག༔ ནམ་དུའང་གཞིག་པ་མེད་པ་སྟེ༔ རྒྱུན་མི་ཆད་པས་རྟག་པ་ཉིད༔ བསམ་གྱིས་མི་ཁྱབ་ཐོག་མ་མེད༔ དབང་པོ་རྣམས་ལས་ཡང་དག་འདས༔ ངོ་བོ་ཉིད་ཀྱིས་ཡོད་མིན་ཞིང་༔ མཚན་ཉིད་ཙམ་དུ་མེད་པའང་མིན༔ སྣ་ཚོགས་རྣམ་པར་འབྱུང་འགྱུར་ཞིང་༔ བྱུང་བའི་དུས་ནས་སྐྱེ་བ་མེད༔ མ་སྐྱེས་འགག་མེད་འགྱུར་བ་བཅས༔ ཇི་ལྟ་བུར་ནི་བསམ་པར་བྱ༔ ཀུན་ཏུ་རྟོགས་པས་མ་མཐོང་བ༔ དེ་ཉིད་མཐོང་བ་ཆེན་པོ་ནི༔ འཕགས་པའི་བདེན་པར་མངོན་ཤེས་པ༔ ལམ་གྱི་ས་མཚམས་ཙམ་དུ་དབྱེ༔ འདི་ལྟར་ཕུང་པོ་ཁམས་སྐྱེ་མཆེད༔ སྣ་ཚོགས་བརྟན་དང་གཡོ་བ་སོགས༔ ཁམས་གསུམ་པོ་ནི་ཐམས་ཅད་ཀུན༔ སེམས་ཙམ་ཉིད་དུ་རྣམ་པར་བརྟག༔ སེམས་ཙམ་རྣམ་པར་ཤེས་པ་སྟེ༔ དེ་ཡི་ཆོས་ཉིད་མཐའ་ལས་འདས༔ ཤེས་དང་ཤེས་བྱ་རོ་གཅིག་པར༔ གང་ཚེ་རྣལ་འབྱོར་མངོན་སུམ་མཐོང་༔ དེ་ཚེ་ཆོས་རྣམས་རོ་གཅིག་པ༔ བདེ་བའི་བབས་ཀྱིས་གསལ་བྱས་ཏེ༔ ཡང་དང་ཡང་དུ་མཉམ་གཞག་ན༔ སྒྲིབ་པ་ཐམས་ཅད་སྤང་བར་འགྱུར༔ གང་ཞིག་ཡིད་ནི་མི་གཡོ་ཞིང་༔ རླུང་ཡང་རང་བབ་ངང་དུ་འཆིང་༔ བྱ་རྩོལ་བྲལ་བའི་དེ་ཁོ་ན༔ ཆུ་བོ་རྒྱུད་ཀྱི་ཏིང་འཛིན་ནོ༔ མཉམ་པར་བཞག་པ་འོད་གསལ་ཏེ༔ ལྡང་ཚེ་བདེ་ཆེན་ཟུང་དུ་འཇུག༔ འཕོ་བ་མཐའ་དག་རབ་བཅོམ་པའི༔ ཡེ་ཤེས་རྡོ་རྗེ་མཐར་ཐུག་འགྲུབ༔ ཅེས་གསུངས་པའི་དོན་ལ་ཉམས་ལེན་གྱི་སྙིང་པོར་དྲིལ་བར་མཛོད་ཅིག །དེ་ལྟར་རྡོ་རྗེ་བཞིའི་རྣལ་འབྱོར་ཟབ་མོ་ལ་བརྩོན་པའི་ཡོན་ཏན་ཀྱང༌། གཞུང་ལས། དེ་ལྟ་བུ་ཡི་ཟབ་མོའི་ལམ༔ ཟླ་དྲུག་ལོ་གསུམ་བཅུ་གཉིས་ནས༔ གོམས་པ་བརྟན་པོའི་སྦྱོར་བ་ཡིས༔ རྡོ་རྗེ་བདུད་རྩིའི་སྐུ་ཐོབ་འགྱུར༔ རྩ་རླུང་ཐིག་ལེ་སེམས་དང་བཅས༔ གཡོ་བ་མཐའ་དག་རབ་ཞི་བའི༔ ནམ་མཁའ་ལྟ་བུའི་ཏིང་འཛིན་ལས༔ འཇུག་དང་ལྡང་བར་བྱར་མེད་ཀྱང་༔ འགྱུར་མེད་བདེ་བ་སྙིང་རྗེའི་སྟོབས༔ སྟོང་པའི་སྲོག་ཏུ་རྫོགས་པ་ལས༔ མཁའ་ཁྱབ་ཡེ་ཤེས་སྒྱུ་མ་ཡིས༔ འཁོར་བ་ཇི་སྲིད་གཞན་དོན་འབྱུང་༔ ཅེས་གསུངས་པ་ལྟར་ངེས་པ་ལགས་པས་ཐུགས་ལ་གཅག་པར་ཞུ། དེ་རྣམས་ཀྱིས་དབང་བསྐུར་དངོས་གཞི་གྲུབ་པ་ལགས། གསུམ་པ་རྗེས་སུ་གནང་བ་སྦྱིན་པ་ལ། ལས་སོ་སོར་སྒྲུབ་པ་དང་ཐུན་མོང་དུ་བྱ་བ་གཉིས་ལས་དང་པོ་ཕྲིན་ལས་བཞི་སྒྲུབ་པའི་རྗེས་སུ་གནང་བ་ནི།་་་་་་རྡོ་རྗེ་བདུད་རྩིའི་ཁྲུས་དབང་དང༌། རྡོ་རྗེ་ཧཱུྃ་གི་བདུག་རྫས་ཀྱི་དབང༌། མ་མཱ་ཀིའི་བདུད་རྩིའི་བྱིན་རླབས་གསུམ་གྱི་ཡིག་ཆ་ཟུར་དུ་ཡོད་པ་གཟིགས་་་་མཆན། གཞུང་ལས། ནད་གདོན་སྡིག་སྒྲིབ་ཞི་བའི་ཕྱིར༔ རྡོ་རྗེ་བདུད་རྩིའི་ཁྲུས་ནས་དབྱུང་༔ ཞེས་གསུངས་པ་ལྟར་ཐོག་མར་ཞི་བ་རྡོ་རྗེ་བདུད་རྩིའི་ཁྲུས་དབང་གི་སླད་དུ་མཎྜལ་འབུལ་བ་ནས། ཤིས་བརྗོད་ཕན་ཡོན་བསྟན་པའི་བར་དང༌། གཉིས་པ། བར་ཆད་ཉོན་མོངས་བསྐྲད་པའི་ཕྱིར༔ རྡོ་རྗེ་ཧཱུྃ་གི་བདུག་པ་སྦྱར༔ ཞེས་གསུངསཔའི༴ རྡོ་རྗེ་ཧཱུྃ་གི་བདུག་རྫས་ཀྱིས་བར་གཅོད་ཉོན་མོངས་སྐྲོད་པ་དྲག་པོའི་བྱིན་རླབས་ཞུ་བའི་མཎྜལ་ནས། ཤིས་བརྗོད་ཕན་ཡོན་གྱི་བར་དང༌། གསུམ་པ་གཞུང་ལས། སྣང་སེམས་དབང་དུ་སྒྱུར་བའི་ཕྱིར༔ མ་མཱ་ཀི་ཡི་བདུད་རྩི་སྦྱིན༔ ཅེས་འབྱུང་བས་དབང་བྱེད་མཱ་ཀིའི་རྫས་ཀྱི་བྱིན་རླབས་ཞུ་བའི་ཡོན་ཏུ་མཎྜལ་ཕུལ་བ་ནས། གདམས་ངག་ཤིས་བརྗོད་བར་ཟུར་གསལ་ལྟར་འདིར་སྦྱར། བཞི་པ་ནི་གཞུང་ལས། ཡེ་ཤེས་མཆོག་ཏུ་རྒྱས་པའི་ཕྱིར༔ བདུད་རྩི་ཆེན་པོའི་དབང་ཡང་བསྐུར༔ ཅེས་གསུངས་པས་མཆོག་དང་ཐུན་མོང་གི་དངོས་གྲུབ་རྣམ་པ་གཉིས་ཀྱི་ཡེ་ཤེས་རྒྱས་པར་བྱེད་པ་ཡོངས་རྫོགས་བདུད་རྩིའི་དབང་བསྐུར་ཞུ་བའི་ཡོན་ཏུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས། མ་མཱ་ཀི་དང་མཉམ་སྦྱོར་བའི༔ བདེ་ཆེན་བདུད་རྩིའི་སློབ་དཔོན་གྱིས༔ འཆི་མེད་རྟག་པའི་ཡེ་ཤེས་ཀྱི༔ དབང་དང་དངོས་གྲུབ་སྩལ་དུ་གསོལ༔ ལན་གསུམ། རྒྱུད་རྣམ་པར་དག་པར་བྱ་བའི་སླད་དུ་རྒྱུན་བཤགས་ཡན་ལག་བརྒྱད་པ་འདིའི་རྗེས་ཟློས། རྡོ་རྗེ་སློབ་དཔོན་སངས་རྒྱས་དཔལ༔ སོགས་གསུམ།

སྒྲུབ་པའི་མ་ད་ན་བདུད་རྩི་དང་སྦྱར་བ་བྱིན་ལ། ཨོཾ༔ རྡོ་རྗེ་བདུད་རྩི་མ་མཱ་ཀིའི༔ དངོས་གྲུབ་ལྷག་པའི་དམ་རྫས་མཆོག༔ དེང་འདིར་ཁྱོད་ལ་སྦྱིན་པ་ཡིས༔ རྟོག་པའི་དྲི་མ་ཀུན་དག་ཤོག༔ ཨོཾ་བཛྲ་རཏྣ་མ་མཱ་ཀི་མ་ད་ན་ཨ་མྲྀ་ཏ་ཧཱུྃ་ཧོཿ བདུད་རྩིས་ལུས་གང་བདེ་བས་མྱོས༔ སྤང་བླང་རྟོག་པའི་དྲི་མ་དག༔ དངོས་གྲུབ་ཡེ་ཤེས་མཆོག་གི་སྣོད༔ རིན་ཆེན་བདུད་རྩི་མ་མཱ་ཀི༔ དམར་སེར་ཉི་མ་འཆར་ཁའི་འོད༔ ཞལ་གཅིག་ཕྱག་གཉིས་སྤྱན་གསུམ་པ༔ རྗེས་ཆགས་བཞད་པའི་ཉམས་དང་ལྡན༔ ཕྱག་གཡས་ནོར་བུའི་ལྕགས་ཀྱུ་ཡིས༔ འཁོར་འདས་ཀུན་གྱི་དྭངས་བཅུད་འགུགས༔ གཡོན་པས་རིན་ཆེན་ཀ་པཱ་ལར༔ བདེ་ཆེན་དངོས་གྲུབ་རྒྱ་མཚོར་བསྐྱིལ༔ དར་དང་རིན་ཆེན་རུས་པ་དང་༔ མེ་ཏོག་དམར་པོའི་རྒྱན་གྱིས་སྒེག༔ ཞབས་ཟུང་པད་ཉི་བམ་རོའི་སྟེང་༔ བདུད་རྩིའི་རྒྱ་མཚོའི་ཀློང་ན་བཞུགས༔ དེ་ལྟར་ཁྱེད་རང་ཡུམ་མཆོག་མ་མཱ་ཀིའི་སྐུར་གསལ་བའི་ཐུགས་ཀར་པད་ཉིའི་སྟེང་དུ་བྃ་དམར་སེར་གསལ་བ་དང༌། སློབ་དཔོན་དཀྱིལ་འཁོར་གྱྀ་གཙོ་བོ་དང་དབྱེར་མེད་པའི་ཐུགས་ཀ་ནས་ཆོས་ཀྱི་དབྱིངས་རྒྱས་པར་འགེངས་པའི་འོད་ཟེར་དཔག་ཏུ་མེད་པ་འཕྲོས། རང་བཞིན་གྱི་གནས་དང་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་ཁྱབ། རྒྱལ་བ་སྲས་དང་བཅས་པའི་ཐུགས་དམ་བསྐུལ། ཐམས་ཅད་ཀྱང་དཔལ་རྡོ་རྗེ་བདུད་རྩིའི་ཧེ་རུ་ཀ་ཡབ་ཡུམ་འཁོར་དང་བཅས་པའི་རྣམ་པར་བཞེངས་ནས་རྒྱ་མཚོ་ལ་ཆར་ཆེན་པོ་བབས་པ་ལྟར་ཁྱེད་རང་རྣམས་ཀྱི་སྒོ་གསུམ་ལ་སིབ་སིབ་ཐིམ་པར་མོས་ཤིག །འབེབས་རྫས་དང་རོལ་མོའི་སྒྲ་སྦྱར། ཧཱུྃ༔ རྡོ་རྗེ་བདུད་རྩི་ཉེ་བར་ཞི་བ་མཆོག་གི་དབྱིངས༔ འཇིགས་བྱེད་ཆེན་པོ་ཧེ་རུ་ཀ་ཡི་རྣམ་པར་བཞེངས༔ སྤྲུལ་པའི་མཁའ་འགྲོ་ཁྲག་འཐུང་མང་པོའི་འཁོར་དང་བཅས༔ དམ་ཚིག་དབང་གིས་མྱུར་དུ་དགོངས་ཤིང་གཤེགས་སུ་གསོལ༔ ཨོཾ་བཛྲ་ཨ་མྲྀ་ཏ་མ་ཧཱ་སུ་ཁ་ཧཱུྃ་ཧཱུྃ༔ ཤྲཱི་ཧེ་རུ་ཀ་ཨེ་ཧྱེ་ཧི༔ ས་མ་ཡ་ཧོ༔ ས་མ་ཡ་སྟྭཾ༔ ཨེ་ཨཱ་རལླི་ཧྲཱིཾ་ཧྲཱིཾ་ཕེཾ་ཕེཾ་ཕེཾ༔ ཅེས་བརྗོད་ལ་བྱིན་དབབ། ཏིཥྛ་བཛྲས་བརྟན། རིལ་བུའི་ཕོ་བྲང་ཐོགས་ལ། བྷཉྫའི་སྣོད་ཡེ་ཤེས་ཀྱི་གཞལ་མེད་ཁང་གི་ནང་དུ་རིལ་བུ་རྡོ་རྗེ་བདུད་རྩི་ཧེ་རུ་ཀ་ཡབ་ཡུམ་འཁོར་དང་བཅས་པར་གསལ་བ་ཁྱེད་རང་རྣམས་ཀྱི་སྤྱི་བོར་སྤྱན་དྲངས་ཤིང་བྱིན་གྱིས་བརླབ་པས། སྐུ་ལས་འོད་ཟེར་དཔག་ཏུ་མེད་པ་འཕྲོས། ཐ་མལ་གྱི་སྣང་ཞེན་སྦྱངས། རྡོ་རྗེའི་སྐུའི་ཕྱག་རྒྱ་མངོན་ཏུ་གྱུར་པར་མོས་ཤིག །ཨོཾ༔ རྡོ་རྗེ་བདུད་རྩི་བདེ་བ་ཆེའི༔ ཡེ་ཤེས་སྐུ་ཡི་དབང་བསྐུར་བས༔ ལུས་ཀྱི་སྒྲིབ་པ་ཀུན་དག་ནས༔ འཇའ་ཚོན་ལྟ་བུའི་སྐུ་ཐོབ་ཤོག༔ ཨོཾ་བཛྲ་ཨ་མྲྀ་ཏ་མ་ཧཱ་སུ་ཁ་ཛྙཱ་ན་ཀཱ་ཡ་ཨ་བྷི་ཥཉྩ་ཨོཾ༔ རིལ་བུའི་སྣོད་མགྲིན་པར་བཞག་མ་ད་ན་དང་སྦྱར་བ་མྱང་དུ་གཞུག་ལ། ལྷ་འོད་དུ་ཞུ་ནས་རིལ་བུའི་གཟུགས་སུ་གྱུར་པས་མགྲིན་པར་བྱིན་གྱིས་བརླབས་ཤིང་བདུད་རྩི་མྱང་བས་ངག་རླུང་གཡོ་རྩོལ་གྱི་སྒྲིབ་པ་དག །མི་ཤིགས་གཡུང་དྲུང་ལྟ་བུའི་སྲོག་ཐོབ་པར་མོས་ཤིག ཨཱཿ རྡོ་རྗེ་བདུད་རྩི་བདེ་བ་ཆེའི༔ བདེ་ཆེན་གསུང་གི་དབང་བསྐུར་བས༔ ངག་གི་སྒྲིབ་པ་ཀུན་དག་ནས༔ གཡུང་དྲུང་ལྟ་བུའི་སྲོག་ཐོབ་ཤོག༔ ཨོཾ་བཛྲ་ཨ་མྲྀ་ཏ་མ་ཧཱ་སུ་ཁ་ཝཱ་ཀ་ཨཱ་ཡུུ་ཥེ་ཨ་བྷི་ཥིཉྩ་ཨཱཿ རིལ་བུ་བྱིན་ལ། ལྷ་དང་དབྱེར་མེད་དུ་གྱུར་པའི་རིལ་བུ་ལྕེ་ལ་བཞག་པ་སྙིང་དབུས་སུ་ཐིམ་པས་གཟུང་འཛིན་འཁྲུལ་རྟོག་གི་སྒྲིབ་པ་དག །བདེ་བ་ཆེན་པོ་མཆོག་ཏུ་མི་འགྱུར་བའི་ཡེ་ཤེས་མངོན་ཏུ་བྱས་པར་མོས་ཤིག ཧཱུྃ༔ རྡོ་རྗེ་བདུད་རྩི་བདེ་བ་ཆེའི༔ འོད་གསལ་ཐུགས་ཀྱི་དབང་བསྐུར་བས༔ ཡིད་ཀྱི་སྒྲིབ་པ་ཀུན་དག་ནས༔ བདེ་ཆེན་ཡེ་ཤེས་འགྲུབ་པར་ཤོག༔ ཨོཾ་བཛྲ་ཨ་མྲྀ་ཏ་མ་ཧཱ་སུ་ཁ་ཙིཏྟ་ཛྙཱ་ན་ཨ་བྷི་ཥིཉྩ་ཧཱུྃ༔ རིལ་བུ་སིནྡྷཱུ་ར་དང་བསྲེས་པའི་ལྡཻ་གུས་སྙིང་ཁར་ཐིག་ལེ་བཀོད་ལ། དམ་རྫས་རིལ་བུའི་ཐིག་ལེ་སྙིང་གར་བཀོད་པས་སློབ་དཔོན་གྱི་ཐུགས་ཀ་ནས་ཧཱུྃ་འཕྲོས་ཏེ་ཐིམ། ཤིན་ཏུ་རྣམ་པར་དག་པ་དོན་གྱི་ལྷན་སྐྱེས་མཁའ་ཁྱབ་ཀྱི་དགོངས་པ་མངོན་ཏུ་གྱུར་པར་མོས་ཤིག །ཨཱཿ རྡོ་རྗེ་སྤྲོས་བྲལ་སྟོང་པ་ཉིད༔ བདུད་རྩི་བདེ་ཆེན་དྲི་མ་མེད༔ ཟུང་འཇུག་ཤིན་ཏུ་རྣམ་པར་དག༔ མཁའ་ཁྱབ་དགོངས་པ་མངོན་གྱུར་ཤོག༔ ཨོཾ་བཛྲ་ཨ་མྲྀ་ཏ་མ་ཧཱ་སུ་ཁ་ཧཱུྃ་ཧཱུྃ་ཧཱུྃ༔ དེས་བདུད་རྩི་རྩ་བའི་དབང་བསྐུར་ལེགས་པར་གྲུབ་ནས། འགྲོ་དོན་ལས་སྦྱོར་རྣམ་དྲུག་གི་རྗེས་གནང་རིམ་པར་སྦྱིན་པ་ལ། བདུད་རྩི་རིལ་བུས་བཅུད་དུ་བལྟམས་པའི་གཏེར་བུམ་བསྟན་ཅིང་གཏད་པས་མཐོང་བས་གྲོལ་བའི་ཕྲིན་ལས་ལ་མངའ་བརྙེས་པར་མོས་ཤིག །དབང་རྫས་རྣམས་བསྒྲག་ཚིག་དང་མཐུན་པར་སོ་སོར་གཏད་པ་སོགས་བྱས་ལ། ཨོཾ༔ བཀྲ་ཤིས་མི་འགྱུར་བརྟན་པའི་དངོས༔ སངས་རྒྱས་སྤྱན་མའི་མཁའ་དབྱིངས་སུ༔ བདེ་ཆེན་བདུད་རྩིའི་གཏེར་སྦས་པས༔ དངོས་གྲུབ་ཡེ་ཤེས་རྒྱས་གྱུར་ཅིག༔ ཨོཾ་བུདྡྷ་ལོ་ཙ་ནི་དྷཱུ་ཏུ་བཛྲ་ཨ་མྲྀ་ཏ་མ་ཧཱ་སུ་ཁ་སིདྡྷི་ཏིཥྛནྟུ༔ བདུད་རྩིས་བྱིན་གྱིས་བརླབས་པའི་དུང་དཀར་རྣ་བར་བསྒྲགས་པས་ཐོས་པས་གྲོལ་བའི་ཕྲིན་ལས་ལ་དབང་ཐོབ་པར་མོས་ཤིག ཨོཾ༔ བཀྲ་ཤིས་ཆོས་ཀྱི་སྒྲ་ཆེན་ལྡན༔ རྡོ་རྗེ་སྙེམས་མའི་ཡེ་ཤེས་དང་༔ བདེ་ཆེན་བདུད་རྩི་མཉམ་སྦྱོར་བས༔ སངས་རྒྱས་གསུང་དང་དབྱེར་མེད་ཤོག༔ ཨོཾ་ཧཱུྃ་ས་ཏྭ་བཛྲཱི་ཎཱི་ཤཔྡ་བཛྲ་ཨ་མྲྀ་ཏ་མ་ཧཱ་སུ་ཁ་ཧཱུྃ་ཧཱུྃ༔ བདུད་རྩི་སྤོས་དང་སྦྱར་བ་སྣར་བདུག་པས་ཚོར་བས་གྲོལ་བའི་ཕྲིན་ལས་ལ་བྱང་ཆུབ་པར་མོས་ཤིག༔ ཨོཾ༔ བཀྲ་ཤིས་ཟག་མེད་ཡེ་ཤེས་དྲི༔ དམ་ཚིག་སྒྲོལ་མའི་ཤུགས་འཆང་བ༔ བདེ་ཆེན་རྡོ་རྗེ་བདུད་རྩི་ཡི༔ ཡེ་ཤེས་འབེབས་པ་ཉིད་གྱུར་ཅིག༔ ཨོཾ་ཏཱཾ་ཏ་ར་བཛྲ་ཨ་མྲྀ་ཏ་མ་ཧཱ་སུ་ཁ་ཛྙཱ་ན་ཨཱ་ཝེ་ཤ་ཡ་ཧཱུྃ་ཧཱུྃ༔ མྱོང་གྲོལ་གྱི་རྗེས་སུ་གནང་བ་ལ་དམིགས་པ་འདི་ལྟར་མཛོད། རང་ཉིད་རྡོ་རྗེ་བདུད་རྩིའི་ལྗགས༔ པདྨ་དམར་པོ་འདབ་བརྒྱད་པའི༔ ཟེའུ་འབྲུར་ཨཱཿཡིག་དམར་པོས་མཚན༔ མཐེ་བོང་པདྨ་གར་དབང་དང་༔ སྲིན་ལག་གོས་དཀར་ཡུམ་དུ་གསལ༔ བདུད་རྩི་བྱང་ཆུབ་སེམས་ཀྱི་སྤྲིན༔ ལྗགས་ཀྱི་ཨཱཿལ་ཐིམ་པ་ཡིས༔ རྡོ་རྗེ་བདུད་རྩི་བདེ་བ་ཆེའི༔ ཡེ་ཤེས་ཆུ་རྒྱུན་རབ་ཏུ་འཕེལ༔ མགྲིན་པ་ནས་བརྒྱུད་ལུས་ཀུན་གང་༔ ནད་གདོན་སྡིག་སྒྲིབ་རྣམ་རྟོག་སྦྱངས༔ བདེ་ཆེན་ཡེ་ཤེས་མཆོག་ཏུ་རྒྱས༔ དངོས་གྲུབ་ཐམས་ཅད་ཐོབ་པར་བསམ༔ ཨོཾ༔ བཀྲ་ཤིས་འཆི་མེད་བདུད་རྩིའི་བཅུད༔ གོས་དཀར་ཡུམ་གྱི་པདྨ་ལས༔ རྡོ་རྗེའི་ལྗགས་ཀྱི་དབང་བསྐུར་བས༔ དངོས་གྲུབ་རྣམ་གཉིས་བརྟན་པར་ཤོག༔ ཨོཾ་བཱྃ་པཎྜ་ར་བ་སི་ནཱི་བཛྲ་ཨ་མྲྀ་ཏ་མ་ཧཱ་སུ་ཁ་སརྦ་སིདྡྷི་ཨོཾ་ཨཱཿཧཱུྃ་ཧོཿ ཞེས་རིལ་བུ་མྱང་དུ་གཞུག །བདུད་རྩི་དྲི་དང་སྦྱར་བ་ལུས་ལ་བྱུགས་པ་དང་རིལ་བུ་མགུལ་དུ་བཏགས་པས་རེག་པས་གྲོལ་བའི་ཕྲིན་ལས་ཀྱི་རྩལ་རྫོགས་པར་མོས་ཤིག །ཨོཾ༔ བཀྲ་ཤིས་ཡིད་བཞིན་རིན་ཆེན་བཅུད༔ རེག་བྱ་མ་མཱ་ཀི་དང་སྦྱར༔ གང་གིས་འཆང་དང་རེག་པ་ཀུན༔ བདེ་ཆེན་ཡེ་ཤེས་རྒྱས་པར་ཤོག༔ ཨོཾ་བྃ་མ་མཱ་ཀི་བཛྲ་ཨ་མྲྀ་ཏ་མ་ཧཱ་སུ་ཁ་སིདྡྷི་ཏིཥྛནྟུ་པུཥྟིཾ་ཀུ་རུ་ཨོཾ༔ བདུད་རྩི་ཀླུ་སྨན་དང་སྦྱར་བ་གཏད་པས་ཆུ་བོ་དབྱིངས་ཁྱབ་ཀྱི་འགྲོ་དོན་མཐའ་རུ་ཕྱིན་པར་མོས་ཤིག ཨོཾ༔ རྡོ་རྗེ་བདུད་རྩིའི་བྱིན་རླབས་དང་༔ རིན་ཆེན་མཱ་ཀིའི་བདེན་སྟོབས་ཀྱིས༔ སྲིད་པའི་རླན་གྱིས་ཁྱབ་ཚད་ཀུན༔ བདེ་ཆེན་ཡེ་ཤེས་ལྷུན་གྲུབ་ཤོག༔ ཨོཾ་བཛྲ་ཨ་མྲྀ་ཏ་མ་ཧཱ་སུ་ཁ་སརྦ་ཨརྠ་སིདྡྷི་སིདྡྷི་སྭཱ་ཧཱ༔ དེ་ལྟ་བུའི་མཆོག་གི་ལས་སྦྱོར་དམ་རྫས་བདུད་རྩི་ཆེན་པོ་འདི་ཉིད་ཀྱི་ངོ་བོའི་ཡོན་ཏན་དང་ཚུལ་བཞིན་སྒྲུབ་པའི་ཕན་ཡོན། གྲོལ་བ་དྲུག་གིས་ལས་ལ་སྦྱོར་བའི་དགོས་པ་རྣམས་གཏེར་གཞུང་རྡོ་རྗེའི་གསུང་ལས་འདི་སྐད་དུ། དེ་ལྟར་མཆོག་གི་ལས་སྦྱོར་ནི༔ དངོས་གྲུབ་ཡེ་ཤེས་རྒྱས་པའི་ཐབས༔ རྡོ་རྗེ་བདུད་རྩིའི་དམ་རྫས་ཆེའི༔ ཡོན་ཏན་ཟབ་མོའི་རྒྱུད་སྡེ་ལས༔ རྡོ་རྗེ་ན་རའི་བཟའ་བ་ཡིས༔ ལུས་སེམས་སྡོམ་ལྡན་ཞེ་སྡང་དང་༔ དེས་བསྐྱེད་ནད་གདོན་བགེགས་རིགས་སེལ༔ རྡོ་རྗེ་གསུམ་མཆོག་མངོན་དུ་བྱེད༔ རྡོ་རྗེ་ག་བིའི་བཟའ་བ་ཡིས༔ ལུས་སེམས་བརྟན་ཅིང་ང་རྒྱལ་དང་༔ དེས་བསྐྱེད་ནད་གདོན་བགེགས་རིགས་སེལ༔ རྟག་པ་དམ་པའི་མཆོག་ཐོབ་འགྱུར༔ རྡོ་རྗེ་གྷོ་རའི་བཟའ་བ་ཡིས༔ བློ་གསལ་ཡིད་གཞུངས་འདོད་ཆགས་དང་༔ དེས་བསྐྱེད་ནད་གདོན་བགེགས་རིགས་སེལ༔ ཀུན་མཁྱེན་ཉིད་ཀྱང་ཐོབ་པར་འགྱུར༔ རྡོ་རྗེ་ཤྭ་ནའི་བཟའ་བ་ཡིས༔ བྱིང་རྨུགས་ཞི་ཞིང་གཏི་མུག་དང་༔ དེས་བསྐྱེད་ནད་གདོན་བགེགས་རིགས་སེལ༔ རིག་པ་འཛིན་པའི་གཟུགས་སུ་འགྱུར༔ རྡོ་རྗེ་ཧ་སྟིའི་བཟའ་བ་ཡིས༔ ཀུན་གྱི་ཡིད་འཕྲོག་ཕྲག་དོག་དང་༔ དེས་བསྐྱེད་ནད་གདོན་བགེགས་རིགས་སེལ༔ སྟོབས་བཅུ་དག་ཀྱང་ཐོབ་པར་འགྱུར༔ བདུད་རྩི་མུ་ཏྲའི་དམ་ཚིག་གིས༔ ནད་ཀུན་སེལ་ཞིང་དབྱངས་སྙན་བྱེད༔ འཕོ་བའི་ནད་དང་རིམས་རྣམས་སྲུང་༔ མི་བསྐྱོད་རྡོ་རྗེའི་ཡེ་ཤེས་ཐོབ༔ བདུད་རྩིའི་བིཥྛཱི་དམ་ཚིག་གིས༔ མདོག་བཟང་གཟི་བརྗིད་ཆེན་པོར་བྱེད༔ སྦྱར་དང་གྱུར་པའི་དུག་ཀུན་འཇོམས༔ རྡོ་རྗེ་རྟག་པའི་ཚེ་ཐོབ་འགྱུར༔ བདུད་རྩིའི་ཤུ་ཀྲའི་དམ་ཚིག་གིས༔ གཟུངས་དྲན་མངོན་ཤེས་སྣ་ཚོགས་འཆར༔ ནུས་པར་ལྡན་ཞིང་འདོད་རྒུ་འགྲུབ༔ རྡོ་རྗེ་སྟོབས་ཀྱི་མཆོག་ཐོབ་འགྱུར༔ བདུད་རྩི་རཀྟའི་དམ་ཚིག་གིས༔ རྒས་པ་མེད་པའི་དབང་པོ་གསལ༔ འབྱུང་བཞིར་དབང་བསྒྱུར་རྫུ་འཕྲུལ་སྟོབས༔ རྡོ་རྗེ་དབང་བཅུའི་མཆོག་ཐོབ་འགྱུར༔ བདུད་རྩི་གོ་རོ་ཙ་ན་ཡིས༔ འདོད་པའི་བདེ་བ་རབ་ཏུ་འཕེལ༔ ལས་རྣམས་ཐོགས་མེད་མཐུ་དང་ལྡན༔ རྡོ་རྗེ་སེམས་དཔའི་ལུས་ཐོབ་འགྱུར༔ དེ་རྣམས་ཐམས་ཅད་རབ་སྦྱར་བས༔ དུག་ལྔ་སེལ་ཞིང་ནད་ལྔ་ཞི༔ གདོན་ལྔ་འཇོམས་ཤིང་སྟོབས་ལྔ་ཐོབ༔ སྐུ་ལྔ་ཡེ་ཤེས་ལྔ་འགྲུབ་འགྱུར༔ རྣམ་མང་སྨན་དང་སྦྱར་བ་ཡིས༔ འདུ་བའི་ནད་རྣམས་འབྱང་བ་དང་༔ ཚེ་རིང་རྒས་སྲ་དབང་པོ་གསལ༔ རྩ་རླུང་ཐིག་ལེ་ལས་རུང་བྱེད༔ ཁྱད་པར་མཆོག་ཏུ་བྱིན་བརླབས་པས༔ ཕྱི་ནང་དཔའ་བོ་མཁའ་འགྲོ་འདུ༔ ཡུལ་ཕྱོགས་དགེ་ཞིང་བཀྲ་ཤིས་འཕེལ༔ སྒྲུབ་གནས་བྱིན་ཆགས་ཡེ་ཤེས་སྐྱེ༔ འཇའ་ཚོན་ལུས་དང་གཡུང་དྲུང་སྲོག༔ འོད་གསལ་དགོངས་པ་མངོན་གྱུར་ནས༔ རྡོ་རྗེ་བདུད་རྩི་བདེ་བ་ཆེའི༔ གོ་འཕང་དཀའ་བ་མེད་པར་ཐོབ༔ རིལ་བུ་གང་གིས་མཐོང་བའམ༔ དྲི་ཚོར་མགུལ་དུ་འཆང་བ་དང་༔ ཅུང་ཟད་མྱང་བ་ཐམས་ཅད་ཀྱང་༔ ལྕགས་ལས་གསེར་འགྱུར་རྩིས་བཏབ་བཞིན༔ བདེ་བ་ཆེན་པོས་བྱིན་བརླབས་པས༔ འཁོར་བ་ངན་སོང་ལས་གྲོལ་ཞིང་༔ མཐོ་རིས་ཐར་པའི་བདེ་བ་དང་༔ བྱང་ཆུབ་མཆོག་གི་རིགས་སུ་སྐྱེ༔ ལྷ་དང་རིལ་བུ་དབྱེར་མེད་པ༔ མཐོང་བས་བུམ་དབང་རྟོགས་པ་ཐོབ༔ མྱངས་པས་གསང་བའི་ཡེ་ཤེས་དང་༔ བྱང་སེམས་འཕེལ་བས་དགའ་བཞི་སྐྱེ༔ དེ་ཉིད་ངང་དུ་མཉམ་བཞག་པས༔ སྣོད་བཅུད་ཕུང་ཁམས་སྐྱེ་མཆེད་ཀུན༔ དོན་གྱི་བདུད་རྩིར་རྣམ་དག་པའི༔ བཞི་པའི་ལམ་མཆོག་ཚེ་འདིར་འགྲུབ༔ ཅེས་གནས་སྐབས་དང་མཐར་ཐུག་གི་དགོས་པ་ཕན་ཡོན་མཐའ་ཡས་པ་དང་ལྡན་ཅིང་བླ་ན་མེད་པའི་དམ་ཚིག་གི་གཙོ་བོར་གྱུར་པས་སྔགས་ཀྱི་རྣལ་འབྱོར་ལ་སྤྱོད་པ་རྣམས་ཀྱིས་འབད་པས་སྒྲུབ་ཅིང་བསྟེན་དགོས་པར་གདམས་པའང་གཞུང་འདི་ཉིད་ལས། དེ་ཕྱིར་གསང་བའི་རྒྱུད་ཆེན་པོ༔ མཐའ་དག་ཀུན་གྱི་སྙིང་པོའི་བཅུད༔ མཆོག་གི་རྫས་ཀྱི་སྦྱོར་བ་འདི༔ རྣལ་འབྱོར་རྣམས་ཀྱིས་འབད་དེ་སྒྲུབས༔ ཐུན་དྲུག་བཞིའམ་རེ་རེའམ༔ དཀར་ནག་ཕྱོགས་ཀྱི་ཚེས་གཅིག་ལ༔ སྔགས་པས་རབ་ཏུ་བསྟེན་བྱ་སྟེ༔ སངས་རྒྱས་དམ་ཚིག་མཆོག་ཏུ་གསུང་༔ དེ་ལྟར་གྲོལ་བ་བླ་མེད་པ༔ རྡོ་རྗེ་བདུད་རྩིའི་རིལ་བུ་ནི༔ ཟུང་འཇུག་ཡེ་ཤེས་མཆོག་འགྲུབ་པའི༔ ལམ་གྱི་མཚམས་སྦྱོར་ཡང་དག་གོ །ཞེས་ལེགས་པར་གསུངས་པ་ལྟར་བློ་ལྡན་རྣམས་ཀྱིས་ཚུལ་འདི་ལ་ཅིས་ཀྱང་འབད་པར་འཚལ་ལོ།

།དེ་ནས་མཚམས་སྦྱོར་སྤྱི་འགྲོ་བཅས་ཤིས་བརྗོད་ནི། ཨོཾ༔ དགེ་བ་འདི་ཡིས་བདག་དང་མཐའ་ཡས་སེམས་ཅན་ཀུན༔ རྡོ་རྗེ་བདུད་རྩིའི་བདེ་བ་མཆོག་དང་མཉམ་སྦྱོར་བས༔ ཐུན་མོང་དངོས་གྲུབ་དཀའ་བ་མེད་པར་འཐོབ་པ་དང་༔ མཆོག་གི་ཡེ་ཤེས་མྱུར་དུ་འགྲུབ་པའི་བཀྲ་ཤིས་ཤོག༔ རྡོ་རྗེ་ཉི་མའི་རིགས་ལས་ཡང་དག་བྱུང་གྱུར་ཅིང་༔ བདེ་ཆེན་བདུད་རྩིས་བརྟན་གཡོའི་དངོས་ཀུན་ཁྱབ་པར་མཛད༔ ཞི་ཁྲོ་འདུས་པ་བཙུན་མོའི་ཚོགས་དང་བཅས་པ་ཡིས༔ འབྱུང་པོ་ཀུན་ལ་རྟག་ཏུ་དགེ་ལེགས་སྦྱིན་གྱུར་ཅིག༔ དེ་ལྟ་བུའི་བདུད་རྩི་སྨན་གྱི་དབང་བསྐུར་ཟབ་མོ་ཐོབ་པའི་ཕན་ཡོན་ཀྱང་གཞུང་ལས། དབང་འདིར་གང་གིས་འབྲེལ་པ་ཀུན༔ མཚམས་མེད་ལས་ཀྱང་ཀུན་བྱང་ནས༔ རིག་འཛིན་གྲུབ་པ་མཆོག་རྣམས་དང་༔ སྐལ་བ་མཉམ་པ་ཁོ་ནའོ༔ ཞེས་གསུངས་པས་མཚོན་ནོ། །གཉིས་པ་ལས་ཐུན་མོང་དུ་སྒྲུབ་པའི་རྗེས་སུ་གནང་བ་རྣམས་སྦྱིན་པ་ལ། རྡོ་རྗེའི་དགང་བླུགས་གཏད་པས་ཕྲིན་ལས་རྣམ་བཞི་མྱུར་དུ་འགྲུབ་པར་བྱེད་པ་སྲེག་པ་མེའི་ཕྲིན་ལས་ལ་མངའ་དབང་འབྱོར་པར་མོས་ཤིག །དགང་བླུགས་གཏད་ལ། ཨོཾ༔ རྡོ་རྗེ་བདུད་རྩིའི་ཕྲིན་ལས་ཀྱིས༔ རང་དང་གཞན་དོན་རྫོགས་པའི་ཕྱིར༔ རྡོ་རྗེ་མེ་ཡི་སྦྱོར་བ་ཡིས༔ ཞི་དང་རྒྱས་དང་དབང་མངོན་སྤྱོད༔ བདེ་ཆེན་མཆོག་ཏུ་མི་འགྱུར་བའི༔ ཡེ་ཤེས་ཐམས་ཅད་སྒྲུབ་པར་གྱིས༔ བཛྲ་ཨ་ན་ལ་སརྦ་ཀརྨ་ཀུ་རུ་ཧོཿ ལས་སྤྱི་དང་བྱེ་བྲག་པ་རྣམས་ལ་སོ་སོའི་གདམས་ངག་ཀྱང་འབོགས་པར་གསུངས་པས་ལྕོགས་ན་དབང་རྣམས་ཀྱི་རྗེས་སོ་སོར་སྒྲུབ་ཐབས་རྣམས་ཀྱི་ལུང་ཙམ་སྤྲེལ་ན་ལེགས་པར་སྣང་ངོ༌། །ཆོས་ཀྱི་དུང་དང་དྲིལ་བུ་གླེགས་བམ་རྣམས་ཕྱག་ཏུ་གཏད་པས་སྐལ་ལྡན་གྱི་སློབ་མ་རྗེས་སུ་བཟུང་ཞིང་འགྲོ་དོན་རིས་སུ་མ་ཆད་པར་སྤྱོད་པའི་དབང་བསྐུར་ཐོབ་པར་མོས་ཤིག །དེང་ནས་བཟུང་སྟེ་བུ་ཁྱོད་ཀྱིས༔ བསྡུ་བ་རྣམ་བཞིའི་དུང་བུས་ལ༔ ཆོས་ཀྱི་དྲིལ་བུའི་སྒྲ་ཆེན་པོས༔ སེམས་ཅན་ཁམས་རྣམས་སད་པར་གྱིས༔ བཛྲ་བྷཱ་ཥ་གྷཱཎྜེ་དྷརྨ་ཙཀྲ་ཀུ་རུ་ཧོཿ ཞེས་རྗེས་གནང་རྣམས་བྱིན་ནས། དེ་ལྟར་ན་དེ་དག་རྣམས་ཀྱི་སྒོ་ནས་བོད་ཡུལ་ས་འོག་ཀུན་གྱི་གཏེར་གཅིག་དཔལ་རྡོ་རྗེ་བདུད་རྩིའི་སྨིན་བྱེད་རྩ་བ་ཡན་ལག་བཅས་ལེགས་པར་གྲུབ་པ་ལགས་པས་རྩ་བ་དང་ཡན་ལག་གིས་བསྡུས་པའི་དམ་ཚིག་རྣམས་ཚུལ་བཞིན་བསྲུང་སྙམ་པས་འདིའི་རྗེས་ཟློས། གཙོ་བོ་ཁྱོད་ཀྱིས་གང་གསུང་པ༔ དེ་ལྟར་བདག་གིས་རབ་ཏུ་གཟུང་༔ སྲོག་ལ་བབ་ཀྱང་སྒྲུབ་ལགས་ན༔ རྟག་ཏུ་བྱིན་གྱིས་བརླབ་མཛད་གསོལ༔ ལན་གསུམ། དབང་བསྐུར་ཡོངས་སུ་རྫོགས་པ་ཐོབ་པའི་བཀའ་དྲིན་གཏང་རག་གི་ཡོན་ཏུ་མཎྜལ་འབུལ་འཚལ། ལུས་ལོངས་སྤྱོད་ལྟོས་པ་མེད་པར་འབུལ་སྙམ་པས་འདིའི་རྗེས་ཟློས། དེང་ནས་བྱང་ཆུབ་སྙིང་པོའི་བར༔ བདག་ནི་གཙོ་བོ་ཁྱེད་ཀྱི་འབངས༔ ལུས་དང་ལོངས་སྤྱོད་ཐམས་ཅད་ཀྱང་༔ ཆ་ཤས་སྤྱད་ཅིང་བཞེས་མཛད་གསོལ༔ ལན་གསུམ། དཔོན་སློབ་ཐུན་མོང་དུ་ཚོགས་ཀྱི་དགའ་སྟོན་ལ་ལོངས་སྤྱོད། སྒྲུབ་ཆེན་དང་འབྲེལ་བའི་སྐབས་མར་མེ་སྨོན་ལམ་དབྱངས་བོར་ལེན་གྱི་ཚུལ་དུ་བྱ། མཚམས་སྦྱོར་སྤྱི་མཐུན་བཅས་ཞལ་ནས་གསུངས་པས་ཐོག་དྲངས་ཤིས་བརྗོད་རྒྱས་པར་སྤེལ། བསོད་ནམས་འདི་ཡིས་སོགས་བསྔོ་སྨོན་བྱས་ལ་སློབ་མ་རང་གནས་སུ་བཏང་ངོ༌། །གསུམ་པ་རྗེས་སུ་བྱ་བའི་ལས་ཀྱི་རིམ་པ་ལ་དབང་གི་རྗེས་རིམ་སོང་གྲུབ། ཆོ་གའི་རྗེས་བྱ་ནི། སློབ་དཔོན་གྱིས་ཚོགས་ལ་རོལ་ཞིང་ལྷག་མ་བཏང༌། སྔགས་སྲུང་མའི་གཤམ་ལས་འབྱུང་བ་ལྟར་གཏོར་འབུལ། ཆད་ཐོ། །བརྟན་མ་བསྐྱང་བ་རྣམས་དང༌། ཨོཾ་ཨཱཿཧཱུྃ༔ ནམ་མཁའ་ལས་བྱུང་སོགས་སྔགས་རྣམས་དང་བཅས་པས་མཆོད། བསྟོད་པ་ཤློ་ཀ་གཅིག་བྱ། ནོངས་བཤགས་དང་ཡིག་བརྒྱ་བརྗོད། ཡེ་ཤེས་པ་རྟེན་ཡོད་ན་བརྟན་བཞུགས་བྱ། མེད་ན་གཤེགས། བདག་བསྐྱེད་བསྡུ་ལྡངས་བསྔོ་སྨོན་ཤིས་བརྗོད་བཅས་ཀྱིས་ལེགས་པར་འགྲུབ་བོ། །འབྲེལ་ཚད་རྡོ་རྗེ་བདུད་རྩི་བདེ་བ་ཆེའི། །རིག་མཆོག་ཕྱག་རྒྱའི་ཡེ་ཤེས་འགྲུབ་འགྱུར་བའི། །བདེན་ཚིག་བསླུ་བ་མེད་པས་བདག་གཞན་ཀུན། །མཆོག་དངོས་གང་དེ་ཚེ་འདིར་མྱུར་འགྲུབ་ཤོག །ཅེས་ཟབ་ཆོས་སྨིན་གྲོལ་གྱི་བགོ་སྐལ་ཐོག་མའི་སྣོད་དུ་གྱུར་པའི་སྐལ་པ་བཟང་པོ་དང༌། བསྙེན་སྒྲུབ་ཉམས་ལེན་ཡིད་བདེའི་དཔྱིད་དུ་ཐོབ་པ་རྩིས་བྲལ་གྱི་རྣལ་འབྱོར་པ་པདྨ་གར་དབང་ཕྲིན་ལས་འགྲོ་འདུལ་རྩལ་གྱིས། གཏེར་ཆེན་བླ་མ་ཐམས་ཅད་མཁྱེན་པའི་ཕྱག་བཞེས་དང་གཏེར་གཞུང་གི་དགོངས་པ་ཇི་ལྟ་བར་བལྟས་ཆོག་གི་ལག་ལེན་ཏུ་ཙཱ་འདྲ་རིན་ཆེན་བྲག་གི་སྒྲུབ་གནས་ཀུན་བཟང་བདེ་ཆེན་འོད་གསལ་གླིང་དུ་བཀོད་པ་དགེ་ལེགས་འཕེལ། །སླར་ཡང་བདག་ཕུན་ཚོགས་རྣམ་རྒྱལ་པས་སྤྱི་ལོ་༢༠༠༨ བོད་ཟླ་དང་པོར་བཀའ་བབས་སྐོར་བསྐྱར་བསྒྲིག་སྐབས་ཡིག་ཆུང་རྣམས་ལ་འབྱིན་འཇུག་ཅུང་ཟད་བཅས་ནག་འགྲོས་སུ་བགྱིས་པ་སྟེ་ཆོ་ག་ལ་ཐུགས་རྒྱུས་ཆེ་བའི་མཁས་པ་རྣམས་ལ་བཟོད་པར་གསོལ་ཞིང༌། དགེ་བས་བདག་འདྲ་བླུན་པོ་རྣམས་ཀྱི་ཐུགས་དགོངས་རྫོགས་པའི་རྒྱུར་གྱུར་ཅིག། །།

[edit]

@#/__/dpal rdo rje bdud rtsi bde ba chen po'i rtsa ba dang yan lag gi dbang bskur yongs rdzogs dkyus gcig tu bkod pa dri med zla ba'i bsil zer ces bya ba bzhugs so//__/na mo gu ru badz+rA mr-i ta ma hA su khA ya/__/rdo rje nyi mas rtog sgrib mun pa gtor/__/bde chen ye shes bdud rtsi'i bcud blugs pas/__/skal ldan rnam grol srog gi zungs skyed pa/__/he ru ka dpal dgyes pa'i zhal gyis skyongs/__/yon tan bdud rtsi'i dkyil 'khor gtso/__/gsang sngags gsar rnying dgongs pa 'dus/__/'jig rten gsum na rnyed dka' ba'i/__/smin byed lag khrigs gsal bar bya/__/gangs can tsam na dkon la rin thang che zhing ngo mtshar rmad du byung ba'i gsang ba zab mo dpal rdo rje bdud rtsi bde ba chen po'i dkyil 'khor du skal ba mchog dang ldan pa'i slob ma gzhug pa la don gsum/__sbyor ba sngon 'gro'i chos/__dngos gzhi sgrub mchod dbang bskur/__rjes su bya ba'i las kyi rim pa'o/__/dang po la gsum/__sa chog__/sta gon/__dkyil 'khor dang dbang rdzas 'du bya ba'o/__/dang po ni/__gnas khang gsar pa dang rdul tshon gyi dkyil 'khor bzhengs pa'i phyogs la/__sa chog rgyas pa'am mdor bsdus sgrub khog ltar bya dgos kyang*/__'dir gnas khang rnying pa ras bris la brten pa'i dbang du byas te/__rten bkram pa'i mdun tu bdag bskyed kyi mchod pa sman raka gtor gsum/__phyi mchod rnams dang*/__dkar gtor gser skyems bsham/__tshig bdun dang brgyud 'debs song nas/__ra~M ya~M kha~M gis bsang sbyang*/__stong pa'i ngang las b+h+rU~M las rin po che'i snod yangs shing rgya che ba'i nang du gtor ma kha dog dri ro nus pa phun sum tshogs par gyur/__oM AHhU~M gis byin gyis brlab/__b+hU mi pa ti sa pA ri wA ra badz+ra sa mA dzaHsa spyan drang*/__b+hU mi pa ti sa pa ri wA ra a kA ro sogs gsum gyis gtor ma bsngos la/__gang dag 'dir gnas lha dang klu/__/gnod sbyin srin po'am gzhan dag la/__/dkyil 'khor don du+u sa phyogs 'di/__/bdag zhu khyed kyis stsal du gsol/__zhes lan gsum brjod cing gnang ba byin par bsam la dkar gtor gser skyems phyi rol du phul bas sa chog gi don grub/__gnyis pa la gsum/__lha/__bum pa/__slob ma lhag par gnas pa'o/__/dang po ni/__skyabs sems tshogs bsags nas bzung*/__bdag bskyaid bzlas pa dang bcas pa byas la stong tshig 'bul/__dbang stegs su bdud rtsis chag chag gdab la me tog gcal du bkram/__sman raka gtor gsum dang phyi mchod phreng tshar du bsham/__hU~M:__gnas yul dur khrod rol pa'i zhing :__mchod rdzas bsod nams ye shes rgya:__bde ba chen po'i rnam par rol:__'grib med rtag pa'i rgyan du shar:__oM shrI he ru ka badz+ra a mr-i ta ma hA su kha sarba pU dza sa ma ye AHhU~M:__zhes pas byin brlab/__rang gi thugs ka nas 'od zer bsam gyis mi khyab pa 'phros/__rang bzhin gyi gnas nas bcom ldan 'das dpal rdo rje bdud rtsi'i dkyil 'khor gyi lha tshogs nam mkha' gang ba spyan drangs dkyil 'khor gyi gnas la bzhugs par gyur/__hU~M:__rdo rje nyi ma las byung ba:__bde chen bdud rtsis dgyes pa can:__he ru ka dang btsun mor bcas:__thugs rje'i dbang gis gnas 'dir gshegs:__oM shrI badz+ra a mr-i ta ma hA su kha he ru ka maN+Da la sa pa ri wA ra e h+ye hi:__sa ma ya ho:__sa ma ya s+t+waM:__ma hA su kha dz+nyA na dzaHhU~M ba~M hoH__brda phyag ni/__hU~M:__rdo rje rkang lag mdzes pa'i gar:__dga' ba'i glu dang rab tu sbyor:__ngo mtshar chen po'i dam tshig gis:__rjes su chags pa'i phyag bgyi'o:__shrI badz+ra a mr-i ta ma hA su kha na mA mi:__mchod pa 'bul ba ni/__oM AHhU~M:__nam mkha' las byung ye shes sprin:__lha yi me tog dmar ba'i mdangs:__rdo rje rjes su chags pa'i spos:__rin chen gzi ldan sgron ma che:__sna tshogs dri zhim bsil ba'i chab:__ro bcud nus ldan 'chi med bshos:__'jig rten dge ba'i dam tshig gis:__mchod pas bdag la dgyes par mdzod:__hU~M badz+ra puSh+paM d+hU paM dI paM gan+d+haM nai wi d+yA pU dza hoH__hU~M:__drug las skyes sogs glu blangs shing :__kun tu bzang po'i rol mo che:__nam mkha' gang ba'i gar bcas pas:__rdo rje rjes su chags par mdzod:__hU~M shrI badz+ra rA ga gIrti nIrti shab+da pU dza hoH__oM AHhU~M:__lcags kyu lnga yi rgya mtsho che:__sha chen lnga dang yang dag ldan:__rdo rje gsum dang mnyam sbyor ba:__bdud rtsi mchog gis mchod par bgyi:__badz+ra a mr-i ta oM AHhU~M:__a mr-i tu sid+d+hi ku ru ho:__hU~M:__kha dog dri ro nus bcud ldan:__dmar gyi ar+g+haM btud pas bran:__'dod yon rnam pa thams cad pa'i:__gtor ma'i mchod pa bzhes su gsol:__badz+ra a mr-i ta ma hA ba liM ta khA hi:__shrI he ru ka rak+ta pi pA hoH__bstod pa ni/__hU~M:__ma rgad lhun po'i sku can nyi ma 'bum gyi gzi:__rdo rje bdud rtsi'i snang bas khams gsum sad par mdzad:__shes rab ma dang mnyam sbyor dpa' mo'i tshogs su spyod:__he ru ka dpal btsun mor bcas la phyag 'tshal 'dud:__gang zhig yid la dran pas kyang :__dngos grub mchog kun stsol mdzad pa:__dpal ldan bde chen mgon po kye:__bdag la rjes su dgongs par mdzod:__sa ma ya sid+d+hi a la la hoH__de nas gsol ba btab pa ni/__dril spos bcas/__oM:__rdo rje bdud rtsi bcom ldan 'das:__dgyes pa chen po'i lha tshogs kyis:__sa gzhi yongs su dag pa dang :__bdag dang slob mar byin brlab gsol:__oM badz+ra a mr-i ta ma hA su kha sa ma ya s+t+waM:__zhes gsol dgyes pas zhal bzhes shing :__dga' ba'i sgrar bcas sa la thim:__bde ba chen po'i rang bzhin gyi:__ye shes gzi byin 'bar bar gyur:__ces mos/__gnyis pa ni/__stegs bu'i steng du rnam rgyal bum pa mgul chings ljang gu dang so lnga'i bcud ldan/__las bum sngon po khrus rdzas sbyor ba/__gnyis ka kha rgyan gzungs thag ldan pa bzhag__/mchod gtor sngar ltar bshams pa byin brlab/__oM badz+ra a mr-i ta hU~M phaT:kyis bsang*/__oM swA b+hA ba bi shud+d+ho\u0f85haM:gis sbyang*/__stong pa'i ngang las pad zla'i steng :__mtshan nyid yongs rdzogs bum pa'i nang :__sna tshogs pad zla'i gdan gyi steng :__hU~M gi sgra yis skad cig gis:__rin chen nyi ma de bzhin gshegs:__sogs rtsa ba'i las byang ltar la/__sgo bzhi zhes pa phyogs bzhir zhes bsgyur/__gzhan bstod pa'i bar mthar chags su song nas/__gzungs thag blangs la/__rang srog sngags kyi 'od zer gzungs thag la/__/'khril te bum pa'i lha tshogs thugs rgyud bskul/__/de dag sku las byang sems bdud rtsi'i rgyun/__/babs pas bum chur dbyer med ro gcig gyur/__ces zhi drag gi bzlas pa sum brgya re las mi nyung ba bzla/__mthar _oM AHhU~MHgis mchod yon phul bas/__lha rnams bde ba chen po'i ngo bor 'od du zhu nas bum chu dang dbyer med du gyur par mos/__dbang chen yongs rdzogs skabs las bum du gzhung 'dir dmigs su bstan pa'i bdud rtsi 'khyil ba'i bskyed bzlas bya dgos pas/__oM badz+ra a mr-i ta hU~M phaT:__oM swa b+hA wa bi shud+d+ho\u0f85haMH__stong pa'i ngang las pad zla'i steng :__b+h+rU~M las rin chen bum pa ni:__dag byed bdud rtsi'i bcud ldan dbus:__pad nyi'i gdan la hU~M dud ka:__'bar ba chen po'i 'od zer gyis:__de bzhin gshegs pa thams cad kyi:__rdo rje bdud rtsi yang dag bsdus:__thim par gyur las skad cig gis:__bcom ldan rdo rje bdud rtsi 'khyil:__ljang nag zhal gsum phyag drug pa:__g.yas dkar g.yon dmar mche ba gtsigs:__g.yas gsum dgra s+t+wa 'bar ba dang :__ye shes ral gri rdo rje gdengs:__g.yon gsum gdug pa bsdigs mdzad cing :__gtun shing 'phyar zhing zhags pa 'phen:__zhal gdangs spyan gsum smar smin dang :__dbu skra dmar ser rab tu 'bar:__khro gtum sku che yan lag rags:__spyi bor bdud rtsi'i glegs bam 'chang :__stag sham dang ni sbrul gyis brgyan:__zhabs zung gyad kyi dor stabs kyis:__bgegs kyi rgyal po pho mo mnan:__ye shes me phung 'bar ba'i dbus:__rang 'od rdo rje bdud rtsi ma:__khro chags nyams ldan pad+ma dang :__bdud rtsi'i thod pa bsnams pas 'khyud:__thabs dang shes rab snyoms zhugs sgras:__ye shes spyan drangs dbyer med bsam:__hU~M:__bde gshegs rnams ni thams cad kyi:__ye shes rdo rje bdud rtsir 'khyil:__sgrib gnyis dri ma sbyong mdzad lha:__'dir ni yang dag nye bar mdzod:__oM badz+ra a mr-i ta kuN+Da lI e h+ye hi:__badz+ra sa mA dzaH___hU~M:__rdo rje dga' ba rnam pa bzhi'i:__phyag rgyas dgug cing nye bar gzhug:__dbyer med dgyes pa chen po yi:__dam tshig mchog gi gnas la rol:__ma hA su kha dz+nyA na dzaHhU~M ba~M hoH_dbang bskur rgyas gdab ni/__oM:__lha yi bdud rtsi dri ma med:__ye shes lnga dang yang dag sbyor:__byang chub sems kyi chu rgyun gyis:__rtog pa'i dri ma sbyang bar bya:__oM sarba ta thA ga ta bo d+hi tsit+ta a mr-i ta trA~M hU~M oM hrIHAHa b+hi Shiny+tsa mi:__bo d+hi tsit+ta bde ba ches:__dbang bskur rigs lngas dbur brgyan bsam:__brda phyag 'tshal ba ni/__hU~M:__rdo rje rkang lag mdzes pa'i gar:__dga' ba'i glu dang rab tu sbyor:__ngo mtshar chen po'i dam tshig gis:__rjes su chags pa'i phyag bgyi'o:__shrI badz+ra a mr-i ta ma hA su kha na mA mi:__mchod pa 'bul ba ni/__oM AHhU~M:__nam mkha' las byung ye shes sprin:__lha yi me tog dmar ba'i mdangs:__rdo rje rjes su chags pa'i spos:__rin chen gzi ldan sgron ma che:__sna tshogs dri zhim bsil ba'i chab:__ro bcud nus ldan 'chi med bshos:__'jig rten dge ba'i dam tshig gis:__mchod pas bdag la dgyes par mdzod:__hU~M badz+ra puSh+paM d+hU paM dI paM gan+d+haM nai wi d+yA pU dza hoH__hU~M:__drug las skyes sogs glu blangs shing :__kun tu bzang po'i rol mo che:__nam mkha' gang ba'i gar bcas pas:__rdo rje rjes su chags par mdzod:__hU~M shrI badz+ra rA ga gIrti nIrti shab+da pU dza hoH__oM AHhU~M:__lcags kyu lnga yi rgya mtsho che:__sha chen lnga dang yang dag ldan:__rdo rje gsum dang mnyam sbyor ba:__bdud rtsi mchog gis mchod par bgyi:__badz+ra a mr-i ta oM AHhU~M:__a mr-i tu sid+d+hi ku ru ho:__hU~M:__kha dog dri ro nus bcud ldan:__dmar gyi ar+g+haM btud pas bran:__'dod yon rnam pa thams cad pa'i:__gtor ma'i mchod pa bzhes su gsol:__badz+ra a mr-i ta ma hA ba liM ta khA hi:__shrI he ru ka rak+ta pi pA hoH__bstod pa ni/__hU~M:__gang zhig dran pa tsam gyis kyang :__'jig rten gsum po g.yo bar mdzad:__dag pa'i bdud rtsi'i mchog chen stsol:__don kun sgrub la phyag 'tshal bstod:__ces bstod bzlas pa ni/__rang gi thugs nas 'od zer 'phros:__bum pa'i lha yi sbyor mtshams zhugs:__bde ba chen po'i rlabs g.yos pas:__thugs kar nyi steng hU~M gi mthar:__sngags kyis mtshan pa'i ye shes bskul:__de las rdo rje bdud rtsi'i rgyun:__yab yum mkha' dbyings sbubs su bskyil:__char ltar babs nas bcud la thim:__nus pa mchog tu bskyed par gyur:__oM AHhU~M swA hA:__rtsa sngags ci rigs dang*/__oM badz+ra a mr-i ta kuN+Da lI sho d+ha ne sho d+ha ne bi sho d+ha ne hU~M swA hA:__ces las sbyor brgya rtsa tsam bzlas mthar mchod bstod mdor bsdus bya/__oM AHhU~M gis dung zhal gyi mchod yon phul bas/__bdud rtsi 'khyil ba yab yum dgyes pa chen pos 'od du zhu nas bum pa'i chu dang dbyer med du gyur/__ces brjod/__rtsa dbang rkyang pa sogs stabs bder bdud rtsi 'khyil pa'i bskyed bzlas spyi mthun zhig byas pas chog go__/gsum pa ni/__sta gon gyi chas rnams yol bas bsgrib/__rdzas bzhi/__nyer spyod lnga sogs 'du bya/__slob ma rnams la khrus bya/__bgegs gtor btang*/__las byang ltar bka' bsgo/__srung 'khor gyis mtshams bcad/__sems bskyed gsal btab cing blo bcos pa'i thun mong gi chos bshad ci rigs sngon du 'gro bas/__'dir skabs su babs pa'i bshad bya ni/__rgyu lam du byed pa mtshan nyid kyi theg pa las khyad par du mas 'phags pa 'bras bu lam byed gsang sngags rdo rje theg pa la rgyud sdai chen po bzhir bzhugs pa las gong ma'i yang gong mar gyur pa rnal 'byor bla na med pa la pha rgyud ma rgyud gnyis su dbye ba'i nang tshan bde ba chen po'i myur lam gyis khyad par du byas pa ma rgyud yin cing*/__de la'ang rigs drug gi dbye ba can du bzhugs pa'i nang tshan 'dir ni rdo rje nyi ma rin 'byung gi rigs yin la/__snga 'gyur gyi rang rkang sgrub sde chen po brgyad du grags pa ltar na 'jig rten las 'das pa'i sgrub lugs lnga'i gtso bo yon tan bdud rtsi'i dkyil 'khor smin grol las tshogs dang bcas pa zab la 'dril zhing rang rkang tshugs pa/__ngo mtshar rmad du byung ba'i gsang ba chen po dpal rdo rje bdud rtsi bde ba chen po'i dkyil 'khor du dbang bskur bgyi ba la sngon 'gro sta gon gyi rim pa dang*/__dngos gzhi dbang bskur ba gnyis su yod pa las/__'dir sngon 'gro slob ma lhag par gnas pa bgyi ba'i skabs lags pas thog mar de nyid zhu ba'i yon tu dmigs te maN+Dal 'bul 'tshal/__ces pa tsam gyis mtshams sbyar la maN+Dal 'bul du gzhug__/slob dpon dang dkyil 'khor gyi gtso bo dbyer mi phyed pa la mos gus gdung shugs drag pos me tog dang bcas pa'i thal mo sbyor la gsol ba 'debs pa 'di'i rjes zlos mdzod/__dkyil 'khor gtso bo slob dpon ches:__bdag la thugs brtses nyer dgongs nas:__sngags kyi cho ga'i mthu chen pos:__byin gyis brlab par mdzad du gsol:__lan gsum/__de ltar gsol ba btabs pas snod ldan tu rig nas gnang ba sbyin cing rjes su gdams pa yin pas 'di la gsan 'tshal/__e ma tshul chen sngags kyi mchog:__dus gsum rgyal ba'i lam chen po:__khyod la rab tu bstan par bya:__spro ba skyed la gus pa yis:__rang rgyud yongs su dag pa dang :__rdo rje'i dam tshig tshul bzhin srungs:__zhes gdams/__de la thog mar theg pa thun mong gi 'jug sgo skyabs 'gro'i sdom pa bzung dgos pas 'dun pa 'di bzhin tu mdzod/__bla ma bcom ldan 'das dpal rdo rje bdud rtsi'i dkyil 'khor la rtsa gsum rgyal ba rab 'byams kyi tshogs dang bcas pa mngon sum bzhin tu bzhugs pa'i spyan sngar/__bdag gzhan mkha' khyab kyi 'gro ba ma lus pa sgo gsum gus pa chen pos byang chub ma thob kyi bar skyabs su 'gro ba'i 'dun pa drag pos 'di'i rjes zlos mdzod/__hU~M:__'khor 'das rdo rje bdud rtsi che:__dbyer med zung 'jug he ru ka:__bla ma mkha' 'gro'i tshogs bcas la:__sgo gsum gus pas skyabs su mchi:__lan gsum/__de nas theg chen thun mong ma yin pa'i gzhi rten byang chub mchog tu sems bskyed pa la/__'di ltar nam mkha' dang mnyam pa'i pha ma sems can mtha' dag dpal bde ba chen po he ru ka'i go 'phang la dgod par bya/__de'i ched du rdo rje'i dkyil 'khor chen por zhugs shing rgyud smin par byas la grol byed kyi lam rim pa gnyis nyams su blang bar bgyi'o snyam du smon pa dang 'jug pa'i bdag nyid can gyi sems bskyed pa 'di'i rjes zlos/__mtha' yas 'gro ba thams cad la:__dmigs med snying rjes kun bslangs te:__bde chen sa la 'god pa'i phyir:__khrag 'thung chen po'i rnal 'byor bsgom:__lan gsum/__dbang don gyi ye shes rgyud la gnas pa ni sdom pa dam tshig gi rten la rags las pas/__spyi'i dam tshig nyes spyod spong ba/__dge ba chos sdud/__sems can don byed kyi tshul khrims rnam pa gsum la bslab pa dang*/__khyad par gyi dam tshig bde gshegs rigs lnga/__rtsa ba sku gsung thugs gsum/__yan lag nyi shu rtsa lngas bsdus pa rnams dang*/__sgrub pa lhag pa'i dam tshig rnams kyang legs par blangs nas tshul bzhin tu bsrung bar bgyi'o snyam pa'i yid kyis 'di'i rjes zlos mdzod/__bla ma rdo rje bdud rtsi'i lha:__dpa' bo rnal 'byor ma tshogs kun:__bdag la dgongs par mdzad du gsol:__bdag gis byang chub snying po'i bar:__mtha' yas 'gro rnams bsgral ba'i phyir:__gsang ba mchog gi sgor zhugs nas:__nyes spyod cha dang bcas pa sdom:__dge ba'i chos rnams rab tu sdud:__sems can don ni mnyam med spyad:__rtsa ba yan lag dam tshig kun:__ma lus bzung zhing bsrung bar bgyi:__lan gsum/__de nas sgo gsum rdo rje gsum du byin gyis brlab pa'i slad du dmigs pa 'di bzhin du mdzod/__skad cig gis khyed rang rnams dpal rdo rje bdud rtsi sku mdog ljang gu zhi ba'i nyams can/__phyag gnyis rdo rje dang dril bu 'dzin pas rang 'od kyi yum dang mnyam par sbyor ba/__dar dang rin chen rus pas brgyan cing zhabs gnyis skyil krung phyed pa'i stabs kyis pad+ma dang zla ba'i gdan la bzhugs pa'i skur gsal ba'i dpral bar oM dkar po/__mgrin par AHdmar po/__thugs kar hU~M sngon po rnams de bzhin gshegs pa thams cad kyi sku gsung thugs rdo rje gsum gyi rang bzhin tu gsal ba la/__dbang yul dbyer med bde ba chen po'i rol mo nye bar spyod pa rnams kyis mchod par mos shig__/me tog la sogs pas gnas so sor mchod pa'i tshul byas la/__oM badz+ra puSh+pe nas nai bi d+yA pra tIts+tsha swA hA:__zhes pa'i bar 'gres sbyar/__so shing dang dor ba'i ra ba sogs rdzas bzhi 'du byas la/__dngos grub kyi ltas mtshan brtag pa'i slad du/__ngo bo rdo rje bdud rtsi khrag 'thung chen po la/__rnam pa mtshan nyid yongs su rdzogs pa'i so shing du gyur/__oM badz+ra a mr-i ta ma hA su kha dz+wa la dz+wa la b+h+yo hU~M phaT:__lan bdun nam gsum gyis so shing byin brlab/__de ltar byin gyis brlabs pa'i so shing 'di nyid khyed rang rnams kyi phyag thal mo sbyar ba'i bar du zung la dngos grub kyi mtshan ltas gsal bar bstan du gsol snyam pa'i 'dun pa rtse gcig pas sngags 'di'i rjes zlos dang bcas ltos med du 'dor ba zhu/__oM shrI badz+ra he ru ka ha sa haM:__zhes so shing ra bar 'dor du gzhug__/de ltar dor ba'i so shing gi rtse mo shar du bstan na zhi ba/__lhor rgyas pa/__nub tu dbang*/__byang du drag po'i phrin las rnams 'grub cing*/__mtshams su phran tshegs kyi dngos grub/__steng du mkha' spyod/__'og tu sa spyod/__slob dpon nam rang la bstan na mchog gi dngos grub 'grub par gsungs so/__/dung zhal du dri bzang dang sbyar ba'i khyaur chu thogs la/__rin chen bdud rtsi ma mA ka'i rang bzhin can gyi khyor chu khong du btung bas mtshan ma'i rnam rtog ma lus pa dbyings su sbyangs pa'i mos pa mdzod/__oM badz+ra a mr-i ta ma mA ki sarba saM kalpa bi sho d+ha na swA hA:__zhes dung chu sbyin/__dpung skud sngo nag mdud pa sum ldan/__hU~M gis sngags pa/__rdo rje bdud rtsi hU~M mdzad chen po'i rang bzhin gyi rdo rje'i mdud pa skyes pa'i dpung pa g.yon dang*/__bud med kyi g.yas su bc-ings pas sgo gsum la bar du gcod pa thams cad bsrung bar byas pa'i mos pa mdzod:__oM badz+ra hU~M ka ra hU~M hU~M hU~M:__zhes pas bcing*/__ku sha'i chun po che chung thogs la/__rdo rje bdud rtsi 'khyil pa'i rang bzhin dag byed rtswa mchog ku sha'i chun po chung ba sngas dang che ba stan gyi don tu zung zhig__/oM badz+ra a mr-i ta kuN+Da lI a pra ti ha ta hU~M phaT:__ces lag pa g.yas g.yon du gtad/__do nub bla ma dang dkyil 'khor la mgo phyogs shing dad mos kyi 'dun pa rgyun chags dang bcas nyal bas bzang ngan mtshan ma gang mthong ma brjed par gyis la ngan na zlog pa'i gnyen po la 'bad par bya dgos so/__/zab mo'i lam las phyir mi ldog pa'i don du chos bshad cing spro ba skyed pa 'di la gsan 'tshal/__'jig rten sangs rgyas 'byung ba las:__rab tu dkon pa'i rdo rje'i theg:__de ring rnyed do skal bzang rnams:__tshul chen 'di la gnas par gyis:__des slob ma lhag par gnas pa'i rim pa rnams grub pa lags pas dge ba gzhan don rdzogs byang gi phyir du bsngo ba zhu/__zhes bsngo ba brjod la grol/__slob dpon gyis bdag bskyed la dmigs pa'i mchod bstod/__nongs bshags bya/__bsdu ldangs dang shis brjod las byang ltar byas pas grub bo/__/gnyis pa dngos gzhi la gsum/__dkyil 'khor bsham bkod kyi rim pa/__dbang don sgrub mchod bya tshul/__dbang dngos ji ltar bskur ba'o/__/dang po ni/__sngar sta gon byas pa'i gzhi la ras bris kyi dkyil 'khor bkram pa'i dbus su rkang gsum steng sku rnam rgyal bum pa so lnga'i bcud ldan mgul chings ljangs gus spras pa/__de'i khar gsung thod pa mtshan ldan bdud rtsis bkang ba'i steng du thugs me long sin+d+hU ra bdal ba la chos 'byung grwa bzhir dga' 'khyil lte bar ba~M yig gis mtshan pa bzhag__/phyogs bzhi so so'am mdun du dbu rgyan/__rdo rje/__dril bu/__rdor dril lhan cig pa dang ming gi shog dril bcas/__de'i shar du rdo rje bdud rtsi'i khrus rdzas ldan pa'i khrus bum/__lhor thod snod du hU~M mdzad kyi bdug rdzas/__nub tu thod par ma da na'i phur ma chang dang sbyar ba dang*/__sin+d+hU ra zhun mar bcas byang du thod pa mtshan ldan bdud rtsi ril bus gtams pa dar snas dril zhing dbu rgyan dar dpyang gis brgyan pa rnams legs par bkram/__lding khri bar pa lta bur dbus su bdud rtsi ril bu'i snying po can gyi mthong grol gter bum/__thos grol dung la bdud rtsi dang gi waM dri bzang sbyar bas byugs pa/__tshor grol ril bu dang spos sbyor dri zhim sbyar ba'i phye ma/__myong grol thod snod du ril bu blugs pa/__reg grol bdud rtsi dang ga bur dri bzang rnams sbyar ba'i phye ma dang thum bu btag chog__/khyab grol klu sman bdud rtsi 'o ma rnams dngul snod du lhan cig sbyar ba/__dkyil 'khor gyi mdun du sman raka gtor gsum/__mthar skor du chu gnyis nyer spyod rnams spyi ltar bsham/__nye logs ji ltar bde bar mtha' rten chas/__dgang blugs/__dung*/__dril bu/__gzhung gi glegs bam rnams dang*/__sngon gtor/__srung ma'i gtor 'bul/__tshogs kyi yo byad chad mdo'i gtor ma rnams dang*/__slob dpon mdun du las bum sogs nyer mkho'i yo byad thams cad tshogs par bya'o/__/gnyis pa ni/__tshig bdun dang brgyud 'debs sngon du 'gro bas las byang la 'jug_/mchod pa'i skabs bdud rtsi la brgyud mchod sbyar zhing bstod pa'i bar song nas/__mdun dkyil gyi go sar dzaba? khang dbye/__bdag mdun gnyis kar spro bsdu'i ting nge 'dzin sbyar la zhi khro'i bzlas pa ci 'grub cha snyoms par bzla/__bum pa sta gon song bas 'thus kyang spro na skabs 'dir skad cig gis bskyed pa dang bzlas dmigs spyi mtshungs kyis snying po gnyis bzla/__mchod bstod phul te bum lha 'od zhu byas pas rtsa ba'i dbang sgrub 'grub/__de nas yan lag rnams sgrub pa'i thog mar mchod kha gso zhing*/__hU~M:__gnas yul dur khrod rol pa'i zhing :__sogs kyi mchod pa byin brlab bya ba thams cad la 'gres te/__thog mar khrus bum gong sta gon skabs ltar bdud rtsi 'khyil pas sgrub/_gnyis pa bdug spos bsgrub pa mchod brlab dang*/__oM badz+ra a mr-i ta hU~M phaT:kyis bsang*/__oM swA b+hA ba bi shud+d+ho\u0f85haM:gis sbyang*/__stong pa'i ngang las ka pA la:__rang byung snod mchog yangs pa'i dbus:__hU~M las rdo rje bdug pa'i tshogs:__kha dog dri dang nus par ldan:__brtan g.yo'i stobs bcud kun 'dus pa:__ye shes rang bzhin chen po'i steng :__pad+ma nyi ma 'od 'bar dbus:__hU~M yig mthing nag 'phro 'du yis:__gdug pa can rnams spa bkong zhing :__sangs rgyas byang chub thugs dam bskul:__srid zhi'i stobs bcud thams cad bkug:__yongs gyur rdo rje hU~M kA ra:__mthing dkar dmar ba'i zhal gsum pa:__gtum zhing khro la bzhad pa'i nyams:__phyag drug g.yas g.yon dang po gnyis:__bgegs 'dul phyag rgya brtan par 'ching :__bar pas thabs shes mda' gzhu bkang :__tha mas rang 'dra'i mA ma ki'i:__rgyab nas 'khyud cing nu ma 'dzin:__zhal gdangs mche gtsigs spyan gsum bgrad:__dpa' gtum khro bo'i chags nyams rgyas:__stag sham sbrul dang rus pas brgyan:__zhabs zung lha chen pho mo'i steng :__drag po'i me dpung dbus na 'gying :__yab yum snyoms par zhugs pa'i sgras:__ye shes mkha' khyab sad par bsam:__hU~M:__mgon po kun gshegs thugs dam can:__bcom ldan rdo rje bdud rtsi'i lha:__gdug pa can rnams 'dul ba'i phyir:__hU~M mdzad khro bo chen por bzhengs:__oM badz+ra a mr-i ta sa ma ya ho:__sa ma ya s+t+waM:__oM badz+ra hU~M kA ra hU~M e h+ye hi badz+ra sa mA dza:__dbang bskur rgyas gdab ni/__oM lha yi bdud rtsi dri ma med:__ye shes lnga dang yang dag sbyor:__byang chub sems kyi chu rgyun gyis:__rtog pa'i dri ma sbyang bar bya:__oM sarba ta thA ga ta bo d+hi tsit+ta a mr-i ta trA~M hU~M oM hrIHAHa b+hi Shiny+tsa mi:__bo d+hi tsit+ta bde ba ches:__dbang bskur rigs lngas dbur brgyan bsam:__brda phyag 'tshal ba ni/__hU~M:__rdo rje rkang lag mdzes pa'i gar:__dga' ba'i glu dang rab tu sbyor:__ngo mtshar chen po'i dam tshig gis:__rjes su chags pa'i phyag bgyi'o:__shrI badz+ra a mr-i ta ma hA su kha na mA mi:__mchod pa 'bul ba ni/__oM AHhU~M:__nam mkha' las byung ye shes sprin:__lha yi me tog dmar ba'i mdangs:__rdo rje rjes su chags pa'i spos:__rin chen gzi ldan sgron ma che:__sna tshogs dri zhim bsil ba'i chab:__ro bcud nus ldan 'chi med bshos:__'jig rten dge ba'i dam tshig gis:__mchod pas bdag la dgyes par mdzod:__hU~M badz+ra puSh+paM d+hU paM dI paM gan+d+haM nai wi d+yA pU dza hoH__hU~M:__drug las skyes sogs glu blangs shing :__kun tu bzang po'i rol mo che:__nam mkha' gang ba'i gar bcas pas:__rdo rje rjes su chags par mdzod:__hU~M shrI badz+ra rA ga gIrti nIrti shab+da pU dza hoH__oM AHhU~M:__lcags kyu lnga yi rgya mtsho che:__sha chen lnga dang yang dag ldan:__rdo rje gsum dang mnyam sbyor ba:__bdud rtsi mchog gis mchod par bgyi:__badz+ra a mr-i ta oM AHhU~M:__a mr-i tu sid+d+hi ku ru ho:__hU~M:__kha dog dri ro nus bcud ldan:__dmar gyi ar+g+haM btud pas bran:__'dod yon rnam pa thams cad pa'i:__gtor ma'i mchod pa bzhes su gsol:__badz+ra a mr-i ta ma hA ba liM ta khA hi:__shrI he ru ka rak+ta pi pA hoH__bstod pa ni/__hU~M:__'jigs pa'i hU~M sgra nges sgrogs shing*/__/bgegs rnams ma lus 'joms mdzad pa/__/dngos grub ma lus stsol ba'i lha/__/bgegs kyi dgra la phyag 'tshal bstod/__bzlas pa bya ba ni/__thugs kar nyi ma'i dkyil 'khor steng :__hU~M yig 'bar ba chen po'i sngags:__chos nyid rang sgras bskul ba las:__lha mo rdo rje snying po ma:__mthing ga pad+ma bdug spos bsnams:____nam mkha' gang ba'i sprin spros pas:__'phags mchod 'gro ba'i sgrib gnyis sbyangs:__nad gdon bgegs tshogs rgyangs ring bskrad:__ye shes rdo rje'i gur gyis bsrungs:__tshur 'dus 'khor 'das nus stobs bcud:__bdug pa'i sprin dang ro gcig par:__spyan drangs rdzas la bstims pa yis:__nus pa 'bum du bskyed par gyur:__hU~M zhes brgya stong sogs bzlas/__oM badz+ra hU~M kA ra hU~M phaT:__sarba big+h+nAn ban+d+ha ban+d+ha ha na ha na da ha da ha u+u tsaT+TA ya u+u tsaT+TA ya hU~M hU~M phaT:__las sbyor ci 'grub mthar/__khro bo'i rgyal po 'od du zhu ste rdzas la thim pas hU~M mdzad chen po'i nus mthu'i stobs yongs su rdzogs pa'i rdo rje'i bdug par gyur/__ces dang rten snying lan gsum gyis rab gnas bya/__gsum pa ma da na sngar bsgrubs zin pa zhig med na dbang bskur thabs med cing 'di'i sgrub tshul cung mang bas longs skabs med tshe mdor bsdus tsam gyis chog la/__longs yod na rtsa ba'-i las byang bzlas pa'i bar btang*/__bzlas pa grub mthar/__oM:__rdo rje bdud rtsi bde ba che'i:__dkyil 'khor lha tshogs thams cad kun:__sngon gyi thugs dam rjes su dgongs:__'khor 'das dwangs bcud dbab tu gsol:__oM badz+ra a mr-i ta ma hA su kha dz+nyA na lo ka rA sa yA na sa ma ya A we sha ya a A:__sa ma ya ho:__sa ma ya s+t+waM:__zhes bskul lha tshogs thams cad kun:__rjes chags gzi byin rab 'bar bsam:__sa ma ya hoH__sa ma ya s+t+waM:__a nu rA ga ya hoH__a nu rA ga yA mi:__dzaHhU~M ba~M hoH__oM sarba ta thA ga ta ma hA a nu rA ga Na badz+ra swa b+hA wa At+ma ko\u0f85haMH__snyoms zhugs bde ba'i 'od zer gyis:__srid zhi'i khams kun dbang med g.yos:__dwangs bcud bde chen bdud rtsir bkug:__zhal zhugs gsang ba'i pad+mor 'khyil:__rjes chags chen por 'od zhu nas:__ye shes bdud rtsi'i gzugs su gyur:__de las slar yang skad cig gis:__rin chen bdud rtsi mA ma kI:__dmar ser nyi ma 'char kha'i 'od:__zhal gcig phyag gnyis spyan gsum pa:__rjes chags bzhad pa'i nyams dang ldan:__phyag g.yas nor bu'i lcags kyu yis:__'khor 'das kun gyi dwangs bcud 'gugs:__g.yon pas rin chen ka pA lar:__bde chen dngos grub rgya mtshor bskyil:__dar dang rin chen rus pa dang :__me tog dmar po'i rgyan gyis sgeg:__zhabs zung pad nyi bam ro'i steng :__bdud rtsi'i rgya mtsho'i klong na bzhugs:__thugs kar pad+ma nyi ma'i dbus:__brtan g.yo srid zhi kun gyi srog:__ba~M yig dmar ser sngags kyis bskor:__bzlas pas thugs dam rgyud bskul te:__rang 'dra'i pho nya grangs med 'phros:__'jig rten brtan g.yo'i dwangs ma dang :__bde gshegs sras bcas ye shes bcud:__lcags kyus drangs shing thod par bskyil:__zhal du bstim zhing bde bas myos:__pad+mo'i sbubs nas char ltar babs:__ma da na dang ro gcig 'dres:__mthong thos myong tshor 'khor 'das srog:__thams cad ma lus dbang byed pa'i:__rA sa yA na'i mchog tu gyur:__oM baM rat+na mA ma kI badz+ra a mr-i ta ma hA su kha ma da na sarba sid+d+hi hU~M hU~M:__ces brgya rtsa tsam bzlas mthar/_lha mo nyid dgyes pa chen pos 'od du zhu nas bdud rtsi'i gzugs su gyur/__ces brjod/__bzhi pa bdud rtsi'i sgrub pa la/__khrol bu phye ma lte gu gsum po sngar sgrub pa byas zin pa'i bdud rtsi ril bu la mi dgos pas/__skabs 'dir las byang ltar mchod pa brlab/__oM badz+ra a mr-i ta hU~M phaT:__kyis bsang*/__oM swA b+hA ba bi shud+d+ho\u0f85haM:__gis sbyang*/__stong pa'i ngang las 'byung rim dang :__rin chen ri rab brtsegs pa'i steng :__phyi ltar pad+ma b+hany+dza'i snod:__yangs shing rgya che mtha' dbus bral:__nang na ye shes gzhal med khang :__rat+na dur khrod rdzas kyis spras:__mtshan nyid thams cad yongs rdzogs pa:__gsal dag 'od zer 'bar ba'i klong :__ril bu yongs gyur skad cig gis:__sna tshogs pad zla nyi ma'i steng :__hU~M las rdo rje hU~M gis mtshan:__spro bsdus 'od kyi gong bu las:__rdo rje bdud rtsi he ru ka:__sku dang rtsa zhal nam mkha'i mdog:__g.yas smug g.yon ser rgyab zhal dkar:__rnam 'gyur mi bzad khro bo'i nyams:__zhal gdangs ljags 'dril mche ba gtsigs:__spyan gsum dbu skra smar smin 'bar:__bdud rtsi'i glegs bam spyi bor 'chang :__g.yas bzhi rdo rje rgyu ma'i phreng :__tshangs pa'i mgo bo rtse gsum bsnams:__g.yon bzhi kha T+wAM thod khrag dang :__srin po 'ching zhing rus phreng 'phyar:__stag sham rin chen rus pa dang :__rgyu ma me tog phreng bas brgyan:__rang 'od mA kI khros mas 'khyud:__ye shes me lce 'bar ba'i klong :__g.yon brkyang dregs pa'i steng na 'gying :__thugs kar bdud rtsi bde ba che:__ljang ser rdo rje dril bu bsnams:__rang 'dra'i yum 'khyud pad zla'i steng :__kha sbyor bde bas dgyes par bzhugs:__yab yum mnyam sbyor byang chub sems:__hU~M yig brgyad kyi sprin spros pas:__sna tshogs pad+ma'i 'dab ma la:__shar du ser mo gtsigs byed ma:__lho ru dmar mo rab gtsigs ma:__nub tu sngon mo gdol pa mo:__byang du g.yung mo du ba'i mdog:__shar lhor ser skya gtum mig ma:__lho nub nag mo rigs can ma:__nub byang ser mo drag shul can:__byang shar nag mo 'jigs byed ma:__kun kyang ral gri thod khrag 'dzin:__khro mo'i nyams dang chas kyis brgyan:__pad nyi dur khrod ro steng bzhengs:__sgo bzhir lcags kyu zhags pa dang :__lcags sgraug dril bu'i phyag rgya can:__dkar dmar ser dang du ba'i mdog:__g.yon rnams sdigs mdzub thugs kar 'ching :__rdo rje'i gtsug phud cod pan 'chang :__'od dmar phreng ba'i klong na rol:__bar khyams mchod pa'i lha mo dang :__dur khrod sha za'i tshogs kyis bskor:__rdo rje pad+mar stsal ba las:__bde chen thig le'i gzi byin 'bar:__rol pa chen po'i 'od zer gyis:__mkha' khyab ye shes sad par bsam:__spyan 'dren ni/__hU~M:__rdo rje bdud rtsi nye bar zhi ba mchog gi dbyings:__'jigs byed chen po he ru ka yi rnam par bzhengs:__sprul pa'i mkha' 'gro khrag 'thung mang po'i 'khor dang bcas:__dam tshig dbang gis myur du dgongs shing gshegs su gsol:__oM badz+ra a mr-i ta ma hA su kha hU~M hU~M:__shrI he ru ka e h+ye hi:__sa ma ya ho:__sa ma ya s+t+waM:__e A ral+li hrIM hrIM phaiM phaiM:__bzhugs gsol ni/__hU~M:__dam tshig rdzas dang dbyer med pa'i:__phyag rgya sgyu ma'i grong khyer du:__ye shes rdo rje khrag 'thung lha:__dzaHhU~M ba~M ho:dgyes par rol:__sa ma ya tiSh+Than+tu:__dbang bskur rgyas gdab ni/__slar yang rol pa'i 'od zer gyis:__dbang lha nam mkha' gang bar sad:__byang chub sems kyi dbang bskur bas:__rigs lnga'i phyag rgyas dbur brgyan bsam:__oM hU~M trA~M hrIHAHa b+hi Shiny+tsa hU~M:__sa ma ya s+t+waM:__brda phyag ni/__hoH__'jigs byed chen po mche ba gtsigs:__bdud 'joms rgyu ma'i phreng bas brgyan:__dam tshig sha chen khrag la gsol:__he ru ka dpal phyag 'tshal 'dud:__shrI he ru ka maN+Da la na mA mi:__mchod bstod ni/__hU~M:__nam mkha' las byung lha mo ni:__drag shul 'jigs pa chen mo'i tshogs:__dur khrod rdzas mchog dang sbyar te:__khrag 'thung dgyes pa'i gar gyis mchod:__oM shrI he ru ka maN+Da la sa pa ri wA ra ma hA sh+mA sha na puSh+pe d+hU pe A lo ke gan+d+he nai wi d+yA shab+da pU dza ho:__sarba pany+tsa rak+ta ba l-iM ta kha hi:__hU~M:__mchog tu zhi ba snying rje dam pa'i ye shes ni:__rgod gshe drag shul sngags kyi srog tu zhugs pa las:__sgeg dpa' 'jigs rung phyag rgya chen po'i skur snang ba:__he ru ka dpal btsun mor bcas la phyag 'tshal 'dud:__bshags pa ni/__oM:__dpal ldan rdo rje bdud rtsi'i bdag:__he ru ka dpal che ba'i mchog:__rigs kyi yum dang rab sbyor ba'i:__khrag 'thung lha tshogs bdag la dgongs:__bdag cag gsang ba'i sgor zhugs kyang :__nyon mongs dbang gis dam 'gal ba:__bzod bzhes tshangs par mdzad nas kyang :__dngos grub chen po stsal du gsol:__oM shrI he ru ka sa ma ya sid+d+hi ku ru hoH__thugs dam bskul ba ni/__hU~M:__rdo rje pad+ma mnyam sbyor bas:__rnam par rtog pa dbyings su sbyangs:__mnyam pa chen po'i ye shes kyis:__bde chen bdud rtsi rgyas par mdzod:__oM shrI he ru ka badz+ra a mr-i ta ma hA su kha sid+d+hi puSh+tiM ku ru oM:__bzlas pa bya ba ni gzungs thag blang la/__bdag nyid yab yum snyoms zhugs pa'i:__byang chub sems kyi 'od zer ni:__khrag 'thung yab yum sbyor mtshams zhugs:__rjes chags badz+ra A ral+lis:__thugs ka'i ye shes sems dpa' che'i:__thugs dbus nyi zla kha sbyor hU~M:__rdo rje'i sngags kyis mtshan pa bskul:__'bar ba'i 'od dang hU~M gi sgras:__phyogs bcu'i rgyal ba sras bcas mchod:__dbang bcu'i ye shes thig ler thim:__yi dam lha tshogs dgyes pa bskyed:__dngos grub thams cad dbang du gyur:__dpa' bo mkha' 'gro'i dam tshig bskul:__brtan g.yo'i dwangs bcud thogs med bkug:__rigs drug 'gro ba'i nyon mongs dang :__khams gsum dregs pa'i phung po bsgral:__snyigs ma ye shes me yis bzhus:__dwangs ma mi shigs rdo rje'i dbyig:__rdzas dang dbyer med lha la thim:__ye shes rig rtsal lhag par rgyas:__'khor 'das kun gyi srog tu bsam:__oM shrI he ru ka dz+wa la dz+wa la b+h+yo hU~M phaT:__badz+ra a mr-i ta ma hA su kha sid+d+hi hU~M hrIHThA:__brgya rtsa tsam bzlas/__mtha' rgyas tshe'i las sbyor ni/__mdun bskyed thugs nas 'od zer 'phros:__pad+ma gar dbang tshe dpag med:__yab yum mnyam sbyor spyan drangs nas:__thugs ka'i 'od kyis 'khor 'das kyi:__tshe yi bcud dang dwangs ma bsdus:__zhal zhugs sku yi dbyibs las brgyud:__sbyor mtshams nas babs bde ba'i bcud:__lha dang sgrub rdzas dbyer med la:__thim pas 'chi med gzi byin 'bar:__'gyur med rdo rje sems dpa' yi:__tshe dang lang tsho ster bar bsam:__oM badz+ra a mr-i ta A yu She swA hA:__cung zad bzla/__nor gyi las sbyor ni/__slar yang 'od kyi snang ba las:__rin chen lha mo mA ma kI:__nam mkha' gang ba'i 'phro 'du yis:__srid zhi'i dpal 'byor dwangs bcud kun:__'od zer gzi brjid rnam par bsdus:__lha dang sgrub rdzas dbyer med la:__bstims pas 'dod don kun stsol ba'i:__yid bzhin rin chen mchog tu bsam:__oM badz+ra a mr-i ta shrI bA su sid+d+hi swA hA:__cung zad bzla/__mchog gi las sbyor ni/__slar yang 'od zer lcags kyu yis:__rdo rje bdud rtsi sems dpa' che:__kha sbyor bde ba'i phyag rgya dang :__sngags dang phyag mtshan tshul du byon:__lha dang sgrub rdzas dbyer med la:__thim pas bde chen gzi byin 'phel:__mthong thos myong bas grol ba yi:__ye shes snying po rgyas par bsam:__oM AHhU~M badz+ra sa twa a mr-i ta ma hA su kha dz+nyA na sid+d+hi hU~M ho:__cung zad bzla/__de nas bka' gter srung ma spyi dang bye brag sngags srung ma'i phrin las skong ba rnams legs par grub nas/___las byang ltar tshogs byin brlabs nas tshogs mchod 'bul/__bdag 'jug blang grub na legs pas rtsa dbang dngos gzhi yan chad bya/__de ltar na sman dbang yang gal che bas/__oM badz+ra a mr-i ta ma hA su kha dz+nyA na kA ya sid+d+hi oM:__oM badz+ra a mr-i ta ma hA su kha wA ka A yu She sarba sid+d+hi A:___oM badz+ra a mr-i ta ma hA su kha tsit+ta dz+nyA na sarba sid+d+hi hU~M:__oM badz+ra a mr-i ta ma hA su kha dz+nyA na karma sarba sid+d+hi hU~M hU~M:__zhes brjod la gnas gsum du dbang blang*/__de dag mi lcogs na spyi 'gro ltar rig pa'i me tog dor bas kyang 'thus/__gang ltar slob ma gzhug par gnang ba nod/__dkyil 'khor yol bas bsgrib bo/__/gsum pa dbang dngos la gsum/__dkyil 'khor du 'jug pa'i chos/__rtsa ba'i dbang bskur/__yan lag rjes su gnang ba'o/__/dang po ni/__slob ma rnams la sgo'i phyi rol du khrus bya zhing bdud rtsi 'khyil ba'i sngags brjod/__bgegs gtor btang la bka' bsgo zhing hU~M mdzad kyi bdug pa dang yungs thun/__rol mo sogs kyis bgegs bskrad la srung 'khor bsgom/__gral du 'khod cing maN+Dal bkye bsdu bya/__sems bskyed gsal gdab/__chos bshad ji ltar 'os pa dang*/__de la 'dir skabs su babs pa'i gsang ba chen po 'di'i lo rgyus cung zad tsam brjod na/__'og min rdo rje btsun mo'i gsang ba chen por bcom ldan 'das rdo rje bdud rtsi bde ba chen po nyid las mi gzhan pa'i 'khor tshogs rab 'byams rgya mtsho la rtsa rgyud bdud rtsi dgyes pa/__bshad rgyud bdud rtsi rol pa/__bsdus rgyud bdud rtsi snying po/__cha mthun bdud rtsi yon tan rgyud sogs zab cing rgya che la bsam gyis mi khyab pa bstan pa thams cad sprul pa'i sems dpas bsdus te ye shes kyi mkha' 'gro ma rnams kyis gnyer du mdzad de bzhugs pa la/__sngon gyi dus su kha che'i paN+Di ta zab pa'i rdo rje zhes bya bas dur khrod bsil ba tshal du sangs rgyas mnyam sbyor gyi rgyud la brten nas rdo rje nyi ma sgrub pa'i tshe rdo rje bdud rtsi'i dkyil 'khor gyi zhal gzigs/__des lung bstan stsal ba ltar o rgyan d+hu ma tha lar byon pas ye shes kyi mkha' 'gros bdud rtsi bzhi'i dkyil 'khor du dbang bskur/__rgyud bshad/__glegs bam gnang ba la brten he ru ka bsgom pas mchog gi dngos grub thob/__mal+la bar skal ldan gyi sprang po brgyad la dbang bskur bas dngos grub chen po re re thob/__de nas phyis zhig na slob dpon bdud rtsi gsang ba rjes su bzung ste/__dbang bskur/__rgyud bshad/__man ngag byin nas lha yul du 'gro don la gshegs/__bdud rtsi gsang bas kyang bsgoms pas mchog grub ste he ru ka dngos dang dbyer med du gyur/__phyis su slob dpon b+ha go rjes su bzung bas dngos grub brnyes shing bstan pa rgya cher spel/__des paN+Di ta dri med bzang po sogs la rgyud dang gdams pa gnang ba las brgyud de 'phags yul sogs su legs par dar ba slob dpon a b+ha ya'i rdo rje phreng bar bdud rtsi bzhi'i dkyil 'khor bzhugs pas mtshon no/__/gangs can gyi ljongs 'dir bstan pa snga dar skabs 'di'i smin grol gyi rgyun legs par byung bar mngon te gu ru chos kyi dbang phyug gis slob dpon khams pa jo sras las gnyags chen nas brgyud pa'i rdo rje bdud rtsi'i gdams skor gsan par gsungs pa dang*/__rdo rje bdud rtsi'i rtsa ba'i rgyud stong phrag bcu gnyis pa las btus pa'i nyung ngu'i rgyud le'u bcu gcig pa gyi jo lo tsA zla ba'i 'od zer gyis bsgyur ba da lta rgyud 'bum na bzhugs pa 'di'i rgya dpe'ang sngar nas bzhugs par gsal la/__des na brgyud pa rin po che 'di nyid kyi dbang du byas na/__dpal he ru ka dang dbyer ma mchis pa o rgyan gyi gu ru pad+ma saM b+ha ba de nyid kyis slob dpon chen po bdud rtsi gsang ba las rgyud dang man ngag rdzogs par gsan pa'i tshul bstan/__bal yul a su ra'i brag phug tu rigs ldan shAkya de bI dang lhan cig sgrub pa mdzad pas rdo rje bdud rtsi zhi ba dang khro bo'i gsang ba gsum dang dbyer med pa'i mchog grub cing rig ma'ang ma mA ki'i dngos grub thob/__rgyud don man ngag tu dril ba'i gzhung ting nge 'dzin bdun tu bsdus pa'ang mdzad/__bod du dam pa chos kyi sgron me sbar ba'i skabs su spyir skal ba dang ldan pa'i rje 'bangs mchog gi 'dus pa rnams la gsang chen bla na med pa'i chos kyi 'khor lo zab cing rgya che ba du ma bskor/__bye brag 'phyos kyi gnyags lo tsA ba dz+nyA na ku mA ra la bdud rtsi yon tan gyi bka' babs pas de'i rgyud lung man ngag zab cing rgya che ba spyi dang khyad par gzhung 'di nyid kyang bsgyur du stsal/__slad nas yar mo lung bsam 'grub shel gyi brag phug tu gu ru rin po che yab yum rdo rje bdud rtsi bde ba chen po'i ting nge 'dzin la bzhugs pa'i spyan sngar/__chos rgyal chen po yab sras dang*/__lo tsA ba mched kyi gtsos skal ldan 'dus pa rnams kyis rin po che'i me tog phul te gsol ba btab pas dgyes bzhin du ye shes kyi cho 'phrul bsam gyis mi khyab pa dang bcas smin grol rnams chig rdzogs su stsal/__de rnams kyis kyang nyams bzhes mthar phyin par mdzad nas/__dpe rgyud dang dam tshig gi rdzas rnams rdo rje'i lung bzhin pad+ma brtsegs pa'i phug par rgyas gdab/__gter srung ral gcig ma mo la gnyer du gtad pa phyis 'byung ba'i dus ni/__ji skad du/__pad+ma shel phug sbas pa'i gter kha 'di:__mi bzhag 'don pa'i rtags de bstan nas 'byung :__gter ston ra mo shel sman zhes bya 'byung :__zhes gsungs pa ltar/__gnyags dz+nyA na ku mA ra'i rnam 'phrul yar lung ra mo sman chu khar sku 'khrungs pa ra mo shel sman ye shes bzang po zhes bya ba grub pa'i dbang phyug chen por gyur pas dgun stod zhig la sman sgrub mdzad pa'i sman phud cha gcig gnas de'i sa dpal bzang ba zhig tu sbas pa las phyi lo nas sman shing gi sdong po khyad par can skyes/__de nas bzung dgun ka sman sgrub mdzad tshod tsam la me tog bkra ba'i ngo mtshar can phyis kyi bar yod par grags pas mtshon rnam thar phrin las bsam gyis mi khyab kyang sbas pa'i tshul gyis gso dpyad gtsor bton nas sems can 'bum phrag thar pa'i lam du bkod par mdzad pa de nyid kyis pad+ma shel gyi brag phug sogs nas zab gter mang po zhig spyan drangs par mdzad pa'i nang nas khyad par du 'phags pa'i gdams skor 'di nyid rang nyid kyis thugs nyams su bzhes/__slar rdo rje'i lung don bzhin rang gnas su sbas par mdzad pa la/__deng sang gdul ba'i dus su babs pa'i dbang gis/__rgyal sras ye shes mchog grub rgyal po nyid gter ston rkyang pa'i skye ba bcu gsum du bzhes pa'i phyi ma'ang rtse mor gyur pa/__gangs can mkhas grub yongs kyi 'khor los sgyur ba/__bka' bab chen po bdun gyi mnga' bdag pad+ma 'od gsal mdo sngags gling pa dgung grangs nga bdun me byi zla ba dang po'i yar tshes skabs kyi tho rangs shig tu sngags srung e ka dzA Ti nyid zhing skyes kyi mkha' 'gror rnam par 'phrul bas gdams pa 'di'i gter dpe tA la'i lo mar na ga ra dang brda yig 'dres mar bris pa phyag tu phul te lo rgyus rgyas par zhus/__de rjes o rgyan rin po che la gsol 'debs yang yang mdzad pas snron zla ba'i tshes bcu'i tho rengs dag pa'i snang bar pad+ma 'od kyi gzhal med khang du gu ru rin po che 'khor dang bcas pas sprul pa'i dkyil 'khor du dbang bskur cing gdams ngag gcig rdzogs su stsal/__las kyi rdo rje gnyags lo chen po'i zhal nas 'di nyid bdud rtsi yon tan gyi bka'i gtso bo yin cing da rung sman gyi rdzong 'phrang chen mo'i bka' babs yod tshul gyi lung bstan kyang mdzad/__de nas bzung ste gter shog tu gang bzhugs pa'i tshig don thams cad sgrib thogs med par thugs la lam mer chub pas chos skor yongs rdzogs mig 'phrul lta bu'i cho 'phrul chen po ngo mtshar ba'i bkod pas gtan la phab nas kho bo cag la skal ldan tu dbugs dbyung zhing dbang khrid gdams ngag thams cad bka' drin tu stsal ba'i brgyud pa ni/__dpal he ru ka rdo rje bdud rtsi/__slob dpon chen po bdud rtsi gsang ba/__rang byung pad+ma 'byung gnas/__mkha' 'gro shAkya de bI/__gsang sngags chu bo bzhi'i bka' babs gnyags chen dz+nyA na ku mA ra/__mnga' bdag chos rgyal yab sras/__lo chen bai ro tsa na/__mkha' 'gro ye shes mtsho rgyal/__sprul pa'i gter chen ra mo shel sman ye shes bzang po/__pad+ma 'od gsal mdo sngags gling pa/__des bdag la rab tshes chu rta rgyal zla ba'i dus tshes dge bar sgrub pa chen po'i tshul dang 'brel bar smin grol zab mo'i gdams ngag mtha' dag tshang sprugs su stsal ba ste/__de lta bu'i sngon med pa'i gsang ba chen po 'di la smin grol gy-i gdams skor gnyis su bzhugs pa las 'dir smin byed kyi dbang bskur ba yin/__de'ang bdud rtsi yongs rdzogs kyi dkyil 'khor chen po la brten te rtsa ba yan lag dang bcas pa'i smin byed tshang bar bsgrub pa la gsum/__'jug pa'i cho ga__/dbang bskur dngos gzhi/__rjes su gnang ba'i rim pa rnams su yod pa las/__thog mar dkyil 'khor du 'jug pa'i chos rnams zhu ba'i yon tu dmigs te maN+Dal zhig 'bul bar zhu/__zhes mtshams sbyar maN+Dal 'bul du gzhug__/sngon chad bcom ldan 'das dpal rdo rje bdud rtsi'i dkyil 'khor du ma zhugs pa'am ma rig pa'i sgrib g.yogs dang bcas pa mtshon pa'i phyir ras yug dmar pos gdong g.yogs par mos shig__/oM tsak+Shurban+d+ha bA ra ma NA ya hU~M/__zhes mig dar/__dkyil 'khor gyi lha dang mjal ba'i phyag rten tu mchog gi me tog kha dog sna lnga pa'i chun po phyag tu thogs par mos shig__/A khaM bI ra hU~M:__zhes cod pan sbyin/__bla ma dang dkyil 'khor gyi gtso bo dbyer med pa la dad gus rtse gcig pas gsol ba 'debs pa 'di'i rjes zlos/__dkyil 'khor gtso bo slob dpon ches:__bdag la thugs brtses nyer dgongs nas:__sngags kyi cho ga'i mthu chen pos:__byin gyis brlab par mdzad du gsol:_lan gsum/__de ltar gsol ba btabs pas snod ldan tu rig nas gnang ba sbyin cing rjes su gdams pa yin pas 'di la gsan 'tshal/__e ma tshul chen sngags kyi mchog:__dus gsum rgyal ba'i lam chen po:__khyod la rab tu bstan par bya:__spro ba skyed la gus pa yis:__rang rgyud yongs su dag pa dang :__rdo rje'i dam tshig tshul bzhin srungs:__zhes gdams/__de la thog mar theg pa thun mong gi 'jug sgo skyabs 'gro'i sdom pa bzung dgos pas 'dun pa 'di bzhin tu mdzod/__bla ma bcom ldan 'das dpal rdo rje bdud rtsi'i dkyil 'khor la rtsa gsum rgyal ba rab 'byams kyi tshogs dang bcas pa mngon sum bzhin tu bzhugs pa'i spyan sngar/__bdag gzhan mkha' khyab kyi 'gro ba ma lus pa sgo gsum gus pa chen pos byang chub ma thob kyi bar skyabs su 'gro ba'i 'dun pa drag pos 'di'i rjes zlos/__hU~M:__'khor 'das rdo rje bdud rtsi'i hU~M:__'khor 'das rdo rje bdud rtsi che:__dbyer med zung 'jug he ru ka:__bla ma mkha' 'gro'i tshogs bcas la:__sgo gsum gus pas skyabs su mchi:__lan gsum/__de nas theg chen thun mong ma yin pa'i gzhi rten byang chub mchog tu sems bskyed pa la/__'di ltar nam mkha' dang mnyam pa'i pha ma sems can mtha' dag dpal bde ba chen po he ru ka'i go 'phang la dgod par bya/__de'i ched du rdo rje'i dkyil 'khor chen por zhugs shing rgyud smin par byas la grol byed kyi lam rim pa gnyis nyams su blang bar bgyi'o snyam du smon pa dang 'jug pa'i bdag nyid can gyi sems bskyed pa 'di'i rjes zlos/__mtha' yas 'gro ba thams cad la:__dmigs med snying rjes kun bslangs te:__bde chen sa la 'god pa'i phyir:__khrag 'thung chen po'i rnal 'byor bsgom:__lan gsum/__dbang don gyi ye shes rgyud la gnas pa ni sdom pa dam tshig gi rten la rags las pas/__spyi'i dam tshig nyes spyod spong ba/__dge ba chos sdud/__sems can don byed kyi tshul khrims rnam pa gsum la bslab pa dang*/__khyad par gyi dam tshig bde gshegs rigs lnga/__rtsa ba sku gsung thugs gsum/__yan lag nyi shu rtsa lngas bsdus pa rnams dang*/__sgrub pa lhag pa'i dam tshig rnams kyang legs par blangs nas tshul bzhin tu bsrung bar bgyi'o snyam pa'i yid kyis 'di'i rjes zlos/__bla ma rdo rje bdud rtsi'i lha:__dpa' bo rnal 'byor ma tshogs kun:__bdag la dgongs par mdzad du gsol:__bdag gis byang chub snying po'i bar:__mtha' yas 'gro rnams bsgral ba'i phyir:__gsang ba mchog gi sgor zhugs nas:__nyes spyod cha dang bcas pa sdom:__dge ba'i chos rnams rab tu sdud:__sems can don ni mnyam med spyad:__rtsa ba yan lag dam tshig kun:__ma lus bzung zhing bsrung bar bgyi:__lan gsum/__khyed rang rnams kyi snying gar kun rdzob byang chub sems kyi ngo bo zla ba'i dkyil 'khor nya gang ba'i steng du don dam byang chub sems kyi ngo bo rdo rje dkar po rtse lnga pa res mtshan par mos la bden gnyis dbyer med du sems bskyed par mos la 'di'i rjes zlos/__oM bo d+hi tsit+ta badz+ra sa ma ya a A:__lan gsum/__rdo rje me tog bcas snying gar bzhag la/__sems bskyed par byas pa de nyid brtan par byas pa'i mos pa mdzod/__oM bo d+hi tsit+ta badz+ra sa ma ya s+t+waM :__dam tshig ma 'dres pa dang nyams pa sogs snod ma yin pa la gsang bar gdams pa'i don 'di thugs la nges 'tshal/__rdo rje mgor bzhag la/__deng khyod rdo rje bdud rtsi yi:__dkyil 'khor chen por gzhug par bya:__gsang ba mchog gi spyod pa 'di:__gzhan du smras na nyams par 'gyur:__ma hA sa ma ya s+t+waM:__zhes gdams/__badz+ra pra be sha ya phaT:__ces yol ba bsal/__las kyi rdo rje'i phyag gi rdo rje la 'jus te dkyil 'khor gyi nang du zhugs par mos shig__/dzaHhU~M ba~M hoH__dkyil 'khor gyi lha tshogs rnams kyi zhabs la gus pa chen pos phyag 'tshal bar mos la thal mo gnas gsum du bkod la 'di'i rjes zlos/__oM gu ru badz+ra a mr-i ta ma hA su kha maN+Dal na mA miH__slar yang shar gyi sgo nang du 'khod pa la dam tshig gi rdo rje'i chu nan sbyin pa yin te/__'thungs shig rdo rje ma mA ki'i:__ye shes bdud rtsi 'di 'thungs shig:__dam tshig nyams na rab tu sreg:__bsrung na tshe 'dir dngos grub thob:__sa ma ya badz+ra ma mA ki a mr-i ta u da ka Tha Tha:__zhes ma mA ka'i bdud rtsi sbyin/__de nas nang 'jug gi dngos gzhi ye shes pa dbab pa yin pas sgo gsum gyi gnad gcun la dmigs pa 'di rtse gcig tu sgoms shig__/de ltar bdud rtsi myang ba las:__lus gang sgrib pa thams cad dag:__bde chen ye shes 'bar ba yis:__skad cig rdo rje bdud rtsi che:__kha sbyor sku ru lam gyis gsal:__sna tshogs pad zla'i gdan gyi steng :__rin chen nyi ma de bzhin gshegs:__rdo rje bdud rtsi sku mdog ljang :__btso ma gser gyi mdangs 'od 'tsher:__zhal gsum phyag drug zhi ba'i tshul:__khro chags sgeg ldan spyan gsum g.yo:__g.yas dkar g.yon dmar 'dzum 'od 'phro:__rtsa phyag rdo rje dril bu 'dzin:__rang 'dra'i yum 'khyud mnyam par sbyor:__lhag ma 'khor lo ral gri g.yas:__zhags pa lcags kyu g.yon na bsnams:__dar dang rin chen rus pas brgyan:__skyil krung phyed pa'i rol pa yis:__'od zer 'bar 'phro'i klong na bzhugs:__de yi thugs kar pad nyi'i steng :__rdo rje bdud rtsi he ru ka:__mthing nag khro tshul 'jigs pa'i nyams:__rdo rje gdengs shing kha T+wAM gsor:__sbrul dang stag sham rus pas brgyan:__rang 'od yum 'khyud me phung dbus:__gar dgu'i rol pas rnam par 'gying :__de ltar gsal ba'i dpral bar oM:__mgrin par AH__thugs kar hU~M dkar dmar mthing ga'i mdog can sangs rgyas thams cad kyi rdo rje gsum gyi rang bzhin tu gsal ba dang*/__slob dpon dkyil 'khor gy-i gtso bo'i thugs ka nas kyang 'od zer dpag tu med pa 'phros pas/__chos kyi dbyings rab 'byams na bzhugs pa'i rgyal ba sras dang bcas pa thams cad dpal rdo rje bdud rtsi'i sku phyag rgya/__gsung yig 'bru/__thugs phyag mtshan gyi rnam par bzhengs te nam mkha' gang ba tsam du byon nas khyed rang rnams kyi sgo gsum la sib sib thim pas rgyud byin gyis rlob par mos shig__/'bebs pa'i rdzas bdug__/dbyangs rol bcas/__hU~M:__rin chen nyi ma rtag pa'i dbyings:___rgyun dang shugs kyi thugs rjer snang :__bskul zhing gsol ba btab pa yis:__ye shes sgyu 'phrul cir yang ston:__dam tshig chen po'i dus lags na:__sku gsung thugs kyi byin chen phob:__bde chen bdud rtsi'i dbang mchog skur:__rnal 'byor mthu dang ldan pa yis:__dngos grub ma lus stsal du gsol:__oM AHhU~M badz+ra a mr-i ta ma hA su kha sid+d+hi hU~M:__e A ral+li dz+nyA na A we sha ya a AH__ces sngags drag tu brjod la byin dbab/__de ltar dbab pa'i ye shes pa'i byin rlabs kyi rgyun brtan par byas par mos shig__/tiSh+Tha badz+ra/__zhes rdo rje mgor bzhag__/me tog 'dor gzhi tshom bu sogs bkod la/__de nas rigs brtag pa'i slad du/__tshom bu'i dkyil 'khor 'dir ye shes kyi dkyil 'khor gnyis pa mngon sum du gsal ba la khyed rang rnams kyi tshe rabs sngon nas 'brel ba'i lhag pa'i lha gang yin pa la phog par shog cig snyam pa'i 'dun pa dang bcas te sngags 'di'i rjes zlos mdzod la me tog 'dor ba zhu/__oM badz+ra puSh+pe sa ma ya AHhU~M:__zhes 'dor du gzhug la dbus dang phyogs mtshams kyi rigs nges pa bya/__me tog lhag pa'i lha gang la phog pa de nyid kyis slar yang khyed rang rnams kyi spyi bor dbang rtags cod pan gyi tshul du bcings par mos shig__/oM badz+ra puSh+pe sa ma ya s+t+waM:__zhes cod pan mgor bzhag__/ma rig pa'i sgrib pa mig dar dang lhan cig tu gsal bar mos shig__/oM dz+nyA na badz+ra tsak+ShuHpra be sha ya phaT:__ces mig thur gyis bsal/__de ltar rnam dag ye shes kyi mig gsar du thob pas dpal rdo rje bdud rtsi lha bcu gsum gyi dkyil 'khor rten dang brten par bcas pa mngon sum du mjal bar gyur par mos shig__/phyag shing gis mtshon la/__ltos shig skal ldan rigs kyi bu:__phyag rgya'i dkyil 'khor 'di la ltos:__khyod ni sgrib dag ye shes mthong :__rdo rje bdud rtsi'i rigs su skyes:__sngags dang phyag rgya ting 'dzin gyis:__dngos grub dam pa 'thob par 'gyur:__de'ang 'byung bzhi rim brtsegs ri rab dang bcas pa'i steng du phyi rin po che las grub cing nang dur khrod 'bar ba'i gzhal yas khang mtshan nyid thams cad yongs su rdzogs pa'i dbus su sna tshogs pad+ma dang zla ba'i gdan la/__bcom ldan 'das rdo rje bdud rtsi sku mdog ljang ser zhal gsum g.yas dkar g.yon dmar khro chags sgeg pa'i nyams can/__phyag drug gi dang po gnyis rdo rje dang dril bu 'dzin pas rang 'od kyi yum ma mA ki la 'khyud pa/__lhag ma g.yas gnyis 'khor lo dang ral gri/__g.yon gnyis lcags kyu dang zhags pa bsnams pa dar dang rin chen rus pas brgyan cing zhabs skyil krung phyed pas 'char ka'i 'od klong na bzhugs pa/__de rgyab pad+ma 'dab brgyad kyi shar du zhi ba ma dkar mo/__lhor zhi gdong ma ser mo/__nub tu zla can ma dmar mo/__byang du ri bong can ma ljang mo/__shar lhor zla dkyil ma sngon mo/__lho nub tu zla mdzes ma ljang mo/__nub byang du yid 'ong ma sngo bsang*/__byang shar du sim byed sngon mo ste brgyad ka'ang rdor dril bsnams shing dar dang rin po che'i rgyan ldan rang 'od kyi klong na phyed skyil gyis rol pa/__sgo bzhir sgo ma dkar ser dmar ljang bzhi g.yas rang rtags kyi phyag rgya g.yon dril bu 'khrol zhing khro 'dzum dar dang rin po che'i rgyan gyis spras pa/__pad zla'i steng na gar thabs kyis bzhengs pa/__gtso bo'i thugs kar rdo rje bdud rtsi he ru ka yum dang bcas pa/__bar mtshams mchod pa'i lha mo du mas gang ba rnams mngon sum bzhin tu mjal bar mos la dad gus spro ba rgya chen po skyed cig__/de rnams kyis dkyil 'khor phyi nang du 'jug pa'i rim pa rnams grub pa lags/__gnyis pa dngos gzhi'i dbang bskur ba la/__bum pa/__gsang ba/__shes rab ye shes/__ngo sprod don gyi dbang bskur bzhi rim par 'byung ba las/__dang po zhu ba'i yon tu dmigs te maN+Dal 'bul 'tshal/__gsol ba 'debs pa 'di'i rjes zlos/__ji ltar rdo rje bdud rtsi ches:__rigs kyi sras rnams dbang bskur ltar:__bdag kyang yongs su bzung ba'i phyir:__smin cing grol bar mdzad du gsol:__lan gsum/__de'ang bum pa'i dbang la rdo rje slob ma'i dbang dang slob dpon gyi dbang gnyis su 'byung ba'i dang po rig pa'i dbang lnga rim par bskur ba la dmigs pa 'di ltar du mdzod/__slob dpon gyi thugs ka nas 'od zer 'phros/__gdan gsum tshang ba'i dbang gi lha nam mkha' gang ba spyan drangs pa rnams dang slob dpon lhan cig pas dpal rdo rje bdud rtsi'i ye shes kyi ngo bo rin po che'i bum pa bdud rtsi'i chu rgyun gyis gang ba spyi bo nas blugs pas sangs rgyas thams cad kyi thugs kyi dbang bskur thob par mos shig__/rnam bum mgor bzhag la/__hU~M:__rdo rje bdud rtsi'i ye shes ni:__byang chub sems kyi rgyun dang sbyar:__dag pa'i de nyid bde ba ches:__sangs rgyas thugs su dbang bskur ro:__oM badz+ra a mr-i ta ma hA su kha su ra tA s+t+waM a haM:__zhes bum chu sbyin/__dbang gi lha rnams dang slob dpon lhan cig pas rin chen mA ki'i ye shes kyi ngo bo cod pan dar dpyangs dang bcas pas dbu la brgyan pas sangs rgyas thams cad kyi yon tan gyi dbang bskur thob par mos shig__/dbu rgyan bcings la/__trA~M:__rin chen mA ki'i ye shes ni:__bde gshegs mnga' bdag cod pan che:__dar dpyangs dag dang rab ldan pas:__sangs rgyas yon tan dbang bskur ro:__oM rat+na ma mA ki badz+ra mu ku Ta pa Ta laM ba a b+hi Shiny+tsa mAM:__dbang gi lha rnams dang slob dpon lhan cig pas hU~M mdzad chen po'i ye shes kyi ngo bo rdo rje phyag g.yas su gtad pas sangs rgyas thams cad kyi gsung gi dbang bskur thob par mos shig__/rdo rje lag g.yas pas gsor du gzhug la/__hrIH__hU~M mdzad chen po'i ye shes ni:__thabs kyi rdo rje bde ba che:__rab tu gsor zhing bskyod pa yis:__sangs rgyas gsung gi dbang bskur ro:__oM badz+ra hU~M kA ra badz+ra a b+hi Shiny+tsa hU~M hU~M:__dbang gi lha rnams dang slob dpon lhan cig pas bdud rtsi 'khyil pa'i ye shes kyi rang bzhin dril bu phyag g.yon tu byin pas sangs rgyas thams cad kyi phrin las kyi dbang bskur thob par mos shig__/dril bu lag g.yon pas dkrol du gzhug la/__hAH__bdud rtsi 'khyil pa'i ye shes ni:__shes rab dril bu'i sgra chen pos:__'khor 'das thams cad sad mdzad pas:__sangs rgyas phrin las dbang bskur ro:__oM badz+ra a mr-i ta sa ma ya g+hAN+De a A:__dbang gi lha rnams dang slob dpon lhan cig pas bdud rtsi khrag 'thung chen po'i ye shes kyi rang bzhin rdo rje'i gsang mtshan btags pas sangs rgyas thams cad kyi sku'i dbang bskur thob par mos shig__/oM:__dpal ldan khrag 'thung ye shes ni:__rdo rje ming dang gnyis su med:__srid pa kun tu rab grags pas:__sangs rgyas sku yi dbang bskur ro:__oM shrI he ru ka badz+ra nA ma a b+hi She ka ta oM:__me tog gang la phog pa'i rigs dang mthun pa'i gsang mtshan so sor gtags la ming gi shog dril de ltar sbyin/__de rnams kyis rig pa'i dbang lnga thob/__nyon mongs pa lnga dag__/phung po lnga gnas gyur/__ye shes rnam pa lnga mngon tu byas pa yin no/__/gnyis pa gsang ba'i bum pa gnas gsum du bzhag pas rdo rje bdud rtsi bde ba chen po'i gsang ba gsum dang dbyer mi phyed pa rdo rje slob dpon chen po'i go 'phang mchog tu mnga' gsol bar mos shig__/thod pa'i bdud rtsi gnas gsum du bzhag la/__oM:__rdo rje bdud rtsi bde ba che'i:__thugs gsung sku ru dbang bskur bas:__deng nas bzung ste bu khyod kyis:__dkyil 'khor bdag po'i rjes su spyod:__oM sarba thA ga ta shrI badz+ra a mr-i ta ma hA su kha hUM AHoM a b+hi She ka ta sa ma ya shrI hU~M:__deng phyin chad snang stong chu zla lta bu'i lha'i 'khor lo sgom pa dang mi 'bral bar tha mal gyi snang zhen thams cad la lha sku phyag rgya'i gzer gyis theb par gyis shig__/rjes 'brel du bzlas pa'i lung blang ba la dmigs pa 'di bzhin tu mdzod/__slob dpon dkyil 'khor gyi gtso bo rdo rje bdud rtsi yab yum du gsal ba'i thugs kar ye shes sems dpa' bdud rtsi khrag 'thung yum dang bcas par gsal ba'i yab kyi thugs kar nyi zla kha sbyor gyi dbus su hU~M ljang ser/__de'i mtha' bskor du sngags kyi phreng bas bskor ba/__mos gus byas pa'i rkyen gyis thugs ka'i sngags phreng las sngags phreng gnyis pa 'phros/__zhal nas zhal du brgyud de khyed rang lhar gsal ba'i zhal nas thugs ka'i ye shes sems dpa'i zhal du zhugs/__de'i thugs kar nyi zla'i ga'u'i dbus kyi sa bon hU~M ljang ser gyi mtha' bskor du 'khod/__bzlas pa'i rkyen gyis 'od zer 'phros pas lus kyi nang gang*/__sgrib gnyis bag chags dang bcas pa sbyangs/__bde ba chen po'i ye shes rgyud la skyes par mos la sngags 'di'i rjes zlos/__oM badz+ra a mr-i ta ma hA su kha sid+d+hi swA hA:__lan gsum/__slar ye shes sems dpa'i sku las phyag rgya sngags phran phyag mtshan gyi tshogs dpag tu med pa nam mkha' gang ba 'phros/__rtsa gsum rgyal ba'i dkyil 'khor pa thams cad mchod/__khams gsum gyi 'gro ba rnams kyi rtog sgrib sbyangs/__thams cad lha sngags chos sku dag pa rab 'byams su gyur par mos la 'di'i rjes zlos/__oM dz+wa la dz+wa la hU~M phaT b+h+yo swA hA:__lan gsum__/slob dpon la me tog gi phreng ba re 'bul ba'i mos pas 'di'i rjes zlos/__rdo rje'i gsang sngags stsal lags kyi:__ye shes brtan par mdzad du gsol:__lan gsum/__me tog de nyid sngags phreng du byin gyis brlabs te khyed rang rnams kyi spyi bor bcing bar mos shig__/rdo rje bdud rtsi'i gsang ba'i sngags:__'di la rab tu stsal lags kyi:__rtag tu byin gyis brlabs nas kyang :__dngos grub thams cad stsal du gsol:__badz+ra man+t+ra dz+nyA na sa ma ya s+t+waM:__zhes me tog mgor bzhag__/deng phyin chad grags stong sgra brnyan lta bu'i bzlas brjod chu bo'i rgyun bzhin tu brtson cing phyi nang 'byung ba'i sgra skad thams cad la rdo rje'i sngags kyi gzer gyis thebs par gyis shig__/don dam de kho na nyid kyi dgongs pa zab mo ngo sprod pa'i tshig 'di la gsan cing don thugs la nges par mdzod cig__/'di ltar chos rnams thams cad kun:__rang gi sems tsam nyid du brtag:__sems tsam rnam par shes pa ste:__rnam shes gdod nas skye ba med:__skye med rang bzhin lhar shar ba:__gzugs ni dpal ldan khrag 'thung ste:__tshor ba rin chen mA ma kI:__'du shes badz+ra hU~M kA ra:__'du byed rdo rje bdud rtsi 'khyil:__rnam shes bdud rtsi bde ba che:__thams cad dbyer med 'od gsal las:__lha dang sngags ni cir yang 'char:__bu khyod de ltar rab rtogs pas:__dbang por gang dang gang snang ba:__de de lha sngags ye shes kyi:__rdo rje bdud rtsir rtag tu ltos:__ma hA badz+ra sa ma ya hoH__deng phyin chad rig stong phyag rgya chen po'i ye shes rol pa las ma g.yos par dran rtog thams cad la 'phro 'du ting nge 'dzin dang chos nyid dgongs pa'i gzer gyis thebs par gyis shig__/ces gdams/__dbang gi dag pa brjod pa ni/__bum pa'i dbang thob lus sgrib dag:__sku yi phyag rgya bsgrub la dbang :__sprul sku thob pa'i skal ldan gyur:__de ltar bum pa'i dbang gis lus rtsa khams ye shes su smin pa de nyid grol byed lam rim nyams su blang ba'i gdams ngag kyang gter gzhung rdo rje'i gsung las 'byung ba 'di lta ste/__sku yi phyag rgya che mchog ni:__ji ltar me long dag pa la:__phyi rol gzugs brnyan 'dus pa ltar:__snang tsam dngos po sems su brtag:__rang gi lus dang dbyer med shes:__de las rlung dang sems tshogs pa:__rdo rje bdud rtsi bde ba che:__nam mkha'i 'ja' tshon lta bur gsal:__de yi dbus na gnas pa'i rtsa:__mi gsal gsal ba chen po ste:__dwangs pa shel gyi sbu gu'i gzugs:__dkar la dmar ba'i mdangs ldan pa'i:__a ba d+hU ti'i dbus su ni:__sran ma tsa na ka yi dbyibs:__thig le phra mo snying gar bsgom:__g.yas g.yon thabs dang shes rab kyi:__rtsa gnyis yang dag 'khyud ldan pa:__'khor lo bzhi dang bcas pa bsam:__rlung ni dal bus dbyung ba'i tshe:__snying ga'i 'od kyis snod bcud khyab:__ma dag bsregs shing dag pa'i bcud:__bzhu btul rngub pa'i sbyor bas drang :__mi shigs thig ler ro gcig pa'i:__gzi brjid chen po'i 'od gsal las:__mkha' khyab dkyil 'khor spro dang bsdu:__de ltar yang yang goms pa yis:__snang ba sgyu ma'i lha skur shar:__sku yi rdo rje'i phyag rgya 'grub:__zhes dal bus bklag__/ces gdams par mdzad de/__de'ang thog mar bsam gtan gyi snod rung du byed pa'i sngon 'gro thun mong dang thun mong ma yin pas rgyud sbyangs/__khyad par bskyed rim bzlas pa dang bcas pa la drod tshad thob par byas nas/__man ngag rdzogs pa'i rim pas zung 'jug bde ba chen po mchog tu mi 'gyur ba'i go 'phang sgrub pa'i thog mar sku rdo rje phyag rgya'i rnal 'byor sgrub pa'i tshul zab la 'dril bar bstan pa'i don de nyams su len par mdzad 'tshal lo/__/gnyis pa gsang ba'i dbang gi slad du/__bla ma yab yum dpal rdo rje bdud rtsi bde ba chen po dang rin chen ma mA kI mnyam par sbyor ba'i dga' ba'i sgras sangs rgyas thams cad spyan drangs te thugs kar byang chub kyi sems su zhu ba rnams dkar dmar lhag pa'i byang sems kyi rgyun dang 'dres pa de nyid mkha' gsang nas babs te thod pa'i bdud rtsi dang ro gcig sbyor ba khyed rang rnams kyi lce thog tu byin par mos shig__/thod pa'i bdud rtsi chos sman mngar gsum dang sbyar ba byin la/__hoH__mu tig ltar dkar bde ba che:__stong nyid ye shes dmar 'od 'phro:__dbyer med byang chub sems chen pos:__sangs rgyas sras su dbang bskur ro:__oM badz+ra a mr-i ta ma hA su kha bo d+hi tsit+ta oM AHhU~M hoH__de ltar byin pa'i bdud rtsi de nyid rtog pa med pa'i sems kyis rol la sngags 'di brjod par zhu/__a ho ma hA su kha:__byang chub sems kyi bdud rtsis lus thams cad gang*/__rang bzhin brgyad cu'i rtogs tshogs dbyings su nub/__gsal stong rnam par mi rtog pa'i ye shes rgyud la skyes par mos shig__/lung bstan pa ni/__slob dpon gyis snam sbyar mnab/__skyabs sbyin phyag rgya sogs spyi ltar byas la/__slob dpon nyid sangs rgyas mchog gi sprul pa'i skur gnas 'gyur bas khyed rang rnams byang chub chen por lung bstan stsol bar mos shig__/oM:__bla ma dkyil 'khor lha tshogs kyis:__deng khyod byang chub lung ston te:__rdo rje bdud rtsi dpal zhes pa'i:__mtshan gyis sa gsum dge bar 'gyur:__oM sarba ta thA ga ta badz+ra a mri ta ma hA su kha nA ma sa ma ya s+t+waM:__zhes lung bstan la dag brjod ni/__gsang ba'i dbang thob ngag sgrib dag:__gsung gi phyag rgya bsgom la dbang :__longs sku thob pa'i skal ldan gyur:__de ltar gsang ba'i dbang gis ngag rlung ye shes su smin pa de nyid grol byed lam rim nyams su blang ba'i gdams ngag kyang 'di lta ste/__gsung gi phyag rgya che mchog ni:__ji ltar dbugs kyi sbyor gcig las:__sna tshogs gling bu'i skad 'byung ltar:__grags tsam dngos po rlung du brtag:__rang sngags nA da dbyer mi shes:__de las snyigs ma'i rlung bsal te:__dwangs ma sbyor bzhis rab tu gzung :__bum pa lta bur dgang ba yis:__phyi nang rgyu ba 'gags pa dang :__lus sems bde ba sim pa na:__lte ba'i gtum mo sbar ba las:__glog gi zer ma lta bu'i 'od:__shin tu tsha zhing g.yo ba can:__'khor lo'i gnas bzhir thogs med zhugs:__snyigs ma'i khams rnams rang bzhin sbyang :__dwangs ma 'phel nas bde ba rgyas:__mthar gyis haM yig thig le'i gzugs:__bde chen bskul bas rab 'dzag ste:__dga' mchog khyad par lhan skyes kyi:__bdud rtsi 'phel bas gnas rnams gang :__slar yang ches cher 'bar 'dzag gis:__drod dang bde ba yang yang spel:__sad pa bde chen sgyu ma'i lha:__gnyid log 'od gsal rtog pa med:__rmi lam bde rlung lha yi sku:__snyoms 'jug bde ba'i rang ngo bskyang :__de ltar rtag tu sbyor ldan pas:__drod dang bde ba la brten nas:__gsal la 'dzin med ye shes kyis:__gsung gi bdud rtsi 'chi med 'grub:__ces gsungs pa'i don la nyams len gyi brtson pa bskyed 'tshal/__gsum pa shes rab ye shes kyi dbang gi slad du/__rigs dang ldan cing mtshan nyid yongs su rdzogs pa'i gzungs ma mdun tu 'khod pa la/__sin+d+hU ra'i dkyil 'khor rin chen ma mA ki ru gsal ba de la thim/__de nyid khyed rang rnams la phyag rgya'i dngos grub kyi don tu byin par mos shig__/sin+d+hU ra'i me long lag par gtad la/__ho:__khyod ni rdo rje bdud rtsi ste:__shes rab ma mA ki dang sbyor:__'dod chags chen po'i rol pa yis:__dga' bzhi'i ye shes bskyed par gyis:__oM badz+ra a mr-i ta ma mA ki ma hA su kha dz+nyA na sa ma ya s+t+waM:__khyed rang rnams dpal rdo rje bdud rtsi/__gtad pa'i rig ma ma mA ki__/mkha' gsang rdo rje dang pad+ma/__sems can thams cad kyi phyir bde chen mchog tu mi 'gyur ba'i ye shes don tu gnyer ba'i 'dun pa ste 'du shes gsum mnyam par ldan pas 'dod pa'i sgyu rtsal bskul te snyoms par zhugs pas yas bab rgyu dang mas brten 'bras bu'i dga' ba bzhi nyams su myong*/__lhan cig skyes pa'i bde chen gyi ye shes mngon tu gyur par mos shig__/rdau rje'i brtul zhugs grub pas lam gyi bgrod pa mthar phyin cing 'bras bu la som nyi med par dbugs dbyung ba ni/__skal bzang 'dod la spyod pa khyod:__lam la the tshom med sbyar ba'i:__'bras bu sangs rgyas thams cad kyi:__gsang ba mchog la zhugs pa yin:__ma hA su kha sa ma ya ho:__dag pa brjod pa ni/__gsum pa'i dbang thob yid sgrib dag:__thugs kyi phyag rgya bsgom la dbang :__chos sku thob pa'i skal ldan gyur:__de ltar sher ye'i dbang gis yid thig le bde stong du smin pa de nyid grol byed lam rim nyams su blang ba'i gdams ngag kyang 'di lta ste/__thugs kyi phyag rgya che mchog ni:__ji ltar sgyu ma'i sngags kyis su:__sna tshogs gzugs brnyan mthong ba ltar:__khams gsum sems tsam de nyid kyang :__bde ba che las yang dang snang :__bde de phyag rgya'i pad+mar gnas:__bcud dgug pas ni gsal bar 'gyur:__ma dang sring mo bu mo dang :__snag gi gnyen mtshams bran mo ste:__rigs can rnam pa lngar yang shes:__ma ni pad+ma can mchog ste:__sring mo dung can ma ru grags:__bu mo ri dwags can ma ste:__snag gi gnyen mtshams glang po'i sna:__bran mo ri mo can du gsungs:__gang yang thabs kyis dbang byas te:__thun mong khyad par lam la gzhug:__ting 'dzin las su rung ba na:__rdo rje bdud rtsi mA ma kI'i:__nga rgyal brtan pos rtsa rlung sbyang :__sha lnga bdud rtsi rab bza' zhing :__khams kyi dwangs ma lhag par spel:__'o byed pas ni dga' byas la:__brtan por 'khyud pas don la bskul:__chags pa'i glu yi sil snyan sbyor:__bung ba pad+mar rtse tshul gyis:__rdo rje bdud rtsi A ral+li'i:__dal bus bsrubs shing ngal yang bso:__de tshe mkha' gsang e dang wa~M:__pad+ma badz+ra yang dag shes:__sems can don la rjes chags pas:__chags pa'i me chen rab tu sbar:__khams g.yos pa na sems bzung ste:__gnas bzhir dga' ba'i don la blta:__rdo rje nor bu'i rtser son par:__bdud rtsi dbab bskyil mnyam par bzhag:__reg bya rmad byung bde ba cher:__rtog tshogs rags pa thim gyur nas:__rlung gi gzhu la ting 'dzin mda':__hU~M gdangs rgyu dang 'khrul 'khor gyis:__chu skyes sbubs nas bdud rtsi bzhin:__skad cig gyen la drangs shing dgram:__bde chen haM dang mi phyed pas:__sum cu rtsa gnyis dga' ba ni:__de kho nyid la yang dag rdzogs:__rtog tshogs phra ba'ang thim gyur pas:__sangs rgyas ye shes mtshon byed pa:__lhan cig skyes pa chen po 'char:__snyigs ma dwangs mas phug pa'i lus:__'ja' tshon lta bur rang shar nas:__bde ba che dang mi phyed pa'i:__thugs kyi rdau rje rtag pa 'grub:__ces pa'i don rnams la rtse gcig tu nyams su len par zhu/__bzhi pa don dam de kho na nyid kyi dbang bskur ba ni/__khyed rang lus gnad bsam gtan gyi chos dang ldan pas/__sngar gsum pa'i skabs nyams su myong ba de nyid ye shes kyi dper mtshon pa yin pas nyams myong de slar yang dran pas/__mtshon bya rang gnas gdod ma'i zung 'jug shin tu rnam par dag pa'i gshis lugs de kho na nyid kyi ngang du mnyam par zhog cig__/a:__bde ba'i ye shes rtog pa ste:__rang bzhin gdod nas stong pa nyid:__rdo rje bdud rtsi de kho na:__bsam mi khyab par rab tu sgoms:__oM shrI badz+ra a mr-i ta ma hA su kha shU n+ya tA At+ma ko\u0f85haM:__zhes cung zad 'jog__/des 'khor 'das bsal bzhag med pa'i dgongs pa nam mkha' lta bu mngon tu gyur te 'bras bu gzhi la rdzogs pas byang chub chen po'i go 'phang 'grub par gzengs bstod pa yin te/__e ma don gyi dkyil 'khor 'dir:__zhugs pa dang ni rab rtogs pas:__srid dang zhi ba las 'das pa'i:__ye shes mchog tu grub pa'o:__dz+nyA na sa ma ya a la la ho:__dag brjod ni/__bzhi pa'i dbang thob shes sgrib dag:__ye shes phyag rgya bsgom la dbang :__ngo bo nyid sku'i skal ldan gyur:__de ltar bzhi pa'i dbang gis sgo gsum rdo rje'i ye shes su smin pa de nyid grol byed lam rim nyams su blang ba'i gdams ngag kyang 'di lta ste/__ye shes phyag rgya che mchog ni:__ji ltar snod bcud thams cad kun:__nam mkha'i dbyings su ro gcig bzhin:__'khor dang 'das pa'i chos rnams kun:__rig pa dri med gcig pur 'dus:__de ni rtog ge'i gnas min te:__nyan thos rang rgyal lam las 'das:__byang chub sems dpa'i yid dpyod min:__sems dpa' che mchog sngags kyi sgo:__rdo rje'i brtul zhugs spyod pa rnams:__bla ma'i byin rlabs la brten nas:__skad cig nyid la tshul 'di mthong :__de ni sems can kun gyi srog:__nam du'ang gzhig pa med pa ste:__rgyun mi chad pas rtag pa nyid:__bsam gyis mi khyab thog ma med:__dbang po rnams las yang dag 'das:__ngo bo nyid kyis yod min zhing :__mtshan nyid tsam du med pa'ang min:__sna tshogs rnam par 'byung 'gyur zhing :__byung ba'i dus nas skye ba med:__ma skyes 'gag med 'gyur ba bcas:__ji lta bur ni bsam par bya:__kun tu rtogs pas ma mthong ba:__de nyid mthong ba chen po ni:__'phags pa'i bden par mngon shes pa:__lam gyi sa mtshams tsam du dbye:__'di ltar phung po khams skye mched:__sna tshogs brtan dang g.yo ba sogs:__khams gsum po ni thams cad kun:__sems tsam nyid du rnam par brtag:__sems tsam rnam par shes pa ste:__de yi chos nyid mtha' las 'das:__shes dang shes bya ro gcig par:__gang tshe rnal 'byor mngon sum mthong :__de tshe chos rnams ro gcig pa:__bde ba'i babs kyis gsal byas te:__yang dang yang du mnyam gzhag na:__sgrib pa thams cad spang bar 'gyur:__gang zhig yid ni mi g.yo zhing :__rlung yang rang bab ngang du 'ching :__bya rtsol bral ba'i de kho na:__chu bo rgyud kyi ting 'dzin no:__mnyam par bzhag pa 'od gsal te:__ldang tshe bde chen zung du 'jug:__'pho ba mtha' dag rab bcom pa'i:__ye shes rdo rje mthar thug 'grub:__ces gsungs pa'i don la nyams len gyi snying por dril bar mdzod cig__/de ltar rdo rje bzhi'i rnal 'byor zab mo la brtson pa'i yon tan kyang*/__gzhung las/__de lta bu yi zab mo'i lam:__zla drug lo gsum bcu gnyis nas:__goms pa brtan po'i sbyor ba yis:__rdo rje bdud rtsi'i sku thob 'gyur:__rtsa rlung thig le sems dang bcas:__g.yo ba mtha' dag rab zhi ba'i:__nam mkha' lta bu'i ting 'dzin las:__'jug dang ldang bar byar med kyang :__'gyur med bde ba snying rje'i stobs:__stong pa'i srog tu rdzogs pa las:__mkha' khyab ye shes sgyu ma yis:__'khor ba ji srid gzhan don 'byung :__ces gsungs pa ltar nges pa lags pas thugs la gcag par zhu/__de rnams kyis dbang bskur dngos gzhi grub pa lags/__gsum pa rjes su gnang ba sbyin pa la/__las so sor sgrub pa dang thun mong du bya ba gnyis las dang po phrin las bzhi sgrub pa'i rjes su gnang ba ni/ rdo rje bdud rtsi'i khrus dbang dang*/__rdo rje hU~M gi bdug rdzas kyi dbang*/__ma mA ki'i bdud rtsi'i byin rlabs gsum gyi yig cha zur du yod pa gzigs mchan/__gzhung las/__nad gdon sdig sgrib zhi ba'i phyir:__rdo rje bdud rtsi'i khrus nas dbyung :__zhes gsungs pa ltar thog mar zhi ba rdo rje bdud rtsi'i khrus dbang gi slad du maN+Dal 'bul ba nas/__shis brjod phan yon bstan pa'i bar dang*/__gnyis pa/__bar chad nyon mongs bskrad pa'i phyir:__rdo rje hU~M gi bdug pa sbyar:__zhes gsungasapa'i=__rdo rje hU~M gi bdug rdzas kyis bar gcod nyon mongs skrod pa drag po'i byin rlabs zhu ba'i maN+Dal nas/__shis brjod phan yon gyi bar dang*/__gsum pa gzhung las/__snang sems dbang du sgyur ba'i phyir:__ma mA ki yi bdud rtsi sbyin:__ces 'byung bas dbang byed mA ki'i rdzas kyi byin rlabs zhu ba'i yon tu maN+Dal phul ba nas/__gdams ngag shis brjod bar zur gsal ltar 'dir sbyar/__bzhi pa ni gzhung las/__ye shes mchog tu rgyas pa'i phyir:__bdud rtsi chen po'i dbang yang bskur:__ces gsungs pas mchog dang thun mong gi dngos grub rnam pa gnyis kyi ye shes rgyas par byed pa yongs rdzogs bdud rtsi'i dbang bskur zhu ba'i yon tu maN+Dal phul/__gsol ba 'debs pa 'di'i rjes zlos/__ma mA ki dang mnyam sbyor ba'i:__bde chen bdud rtsi'i slob dpon gyis:__'chi med rtag pa'i ye shes kyi:__dbang dang dngos grub stsal du gsol:__lan gsum/__rgyud rnam par dag par bya ba'i slad du rgyun bshags yan lag brgyad pa 'di'i rjes zlos/__rdo rje slob dpon sangs rgyas dpal:__sogs gsum/__sgrub pa'i ma da na bdud rtsi dang sbyar ba byin la/__oM:__rdo rje bdud rtsi ma mA ki'i:__dngos grub lhag pa'i dam rdzas mchog:__deng 'dir khyod la sbyin pa yis:__rtog pa'i dri ma kun dag shog:__oM badz+ra rat+na ma mA ki ma da na a mr-i ta hU~M hoH__bdud rtsis lus gang bde bas myos:__spang blang rtog pa'i dri ma dag:__dngos grub ye shes mchog gi snod:__rin chen bdud rtsi ma mA ki:__dmar ser nyi ma 'char kha'i 'od:__zhal gcig phyag gnyis spyan gsum pa:__rjes chags bzhad pa'i nyams dang ldan:__phyag g.yas nor bu'i lcags kyu yis:__'khor 'das kun gyi dwangs bcud 'gugs:__g.yon pas rin chen ka pA lar:__bde chen dngos grub rgya mtshor bskyil:__dar dang rin chen rus pa dang :__me tog dmar po'i rgyan gyis sgeg:__zhabs zung pad nyi bam ro'i steng :__bdud rtsi'i rgya mtsho'i klong na bzhugs:__de ltar khyed rang yum mchog ma mA ki'i skur gsal ba'i thugs kar pad nyi'i steng du ba~M dmar ser gsal ba dang*/__slob dpon dkyil 'khor gy-i gtso bo dang dbyer med pa'i thugs ka nas chos kyi dbyings rgyas par 'gengs pa'i 'od zer dpag tu med pa 'phros/__rang bzhin gyi gnas dang phyogs bcu'i sangs rgyas kyi zhing thams cad khyab/__rgyal ba sras dang bcas pa'i thugs dam bskul/__thams cad kyang dpal rdo rje bdud rtsi'i he ru ka yab yum 'khor dang bcas pa'i rnam par bzhengs nas rgya mtsho la char chen po babs pa ltar khyed rang rnams kyi sgo gsum la sib sib thim par mos shig__/'bebs rdzas dang rol mo'i sgra sbyar/___hU~M:__rdo rje bdud rtsi nye bar zhi ba mchog gi dbyings:__'jigs byed chen po he ru ka yi rnam par bzhengs:__sprul pa'i mkha' 'gro khrag 'thung mang po'i 'khor dang bcas:__dam tshig dbang gis myur du dgongs shing gshegs su gsol:__oM badz+ra a mr-i ta ma hA su kha hU~M hU~M:__shrI he ru ka e h+ye hi:__sa ma ya ho:__sa ma ya s+t+waM:___e A ral+li hrIM hrIM pheM pheM pheM:__ces brjod la byin dbab/__tiSh+Tha badz+ras brtan/__ril bu'i pho brang thogs la/__b+hany+dza'i snod ye shes kyi gzhal med khang gi nang du ril bu rdo rje bdud rtsi he ru ka yab yum 'khor dang bcas par gsal ba khyed rang rnams kyi spyi bor spyan drangs shing byin gyis brlab pas/__sku las 'od zer dpag tu med pa 'phros/__tha mal gyi snang zhen sbyangs/__rdo rje'i sku'i phyag rgya mngon tu gyur par mos shig__/oM:__rdo rje bdud rtsi bde ba che'i:__ye shes sku yi dbang bskur bas:__lus kyi sgrib pa kun dag nas:__'ja' tshon lta bu'i sku thob shog:__oM badz+ra a mr-i ta ma hA su kha dz+nyA na kA ya a b+hi Shany+tsa oM:__ril bu'i snod mgrin par bzhag ma da na dang sbyar ba myang du gzhug la/__lha 'od du zhu nas ril bu'i gzugs su gyur pas mgrin par byin gyis brlabs shing bdud rtsi myang bas ngag rlung g.yo rtsol gyi sgrib pa dag__/mi shigs g.yung drung lta bu'i srog thob par mos shig__AH__rdo rje bdud rtsi bde ba che'i:__bde chen gsung gi dbang bskur bas:__ngag gi sgrib pa kun dag nas:__g.yung drung lta bu'i srog thob shog:__oM badz+ra a mr-i ta ma hA su kha wA ka A yu+u She a b+hi Shiny+tsa AH__ril bu byin la/__lha dang dbyer med du gyur pa'i ril bu lce la bzhag pa snying dbus su thim pas gzung 'dzin 'khrul rtog gi sgrib pa dag__/bde ba chen po mchog tu mi 'gyur ba'i ye shes mngon tu byas par mos shig__hU~M:__rdo rje bdud rtsi bde ba che'i:__'od gsal thugs kyi dbang bskur bas:__yid kyi sgrib pa kun dag nas:__bde chen ye shes 'grub par shog:__oM badz+ra a mr-i ta ma hA su kha tsit+ta dz+nyA na a b+hi Shiny+tsa hU~M:__ril bu sin+d+hU ra dang bsres pa'i ldai gus snying khar thig le bkod la/__dam rdzas ril bu'i thig le snying gar bkod pas slob dpon gyi thugs ka nas hU~M 'phros te thim/__shin tu rnam par dag pa don gyi lhan skyes mkha' khyab kyi dgongs pa mngon tu gyur par mos shig__/AH__rdo rje spros bral stong pa nyid:__bdud rtsi bde chen dri ma med:__zung 'jug shin tu rnam par dag:__mkha' khyab dgongs pa mngon gyur shog:__oM badz+ra a mr-i ta ma hA su kha hU~M hU~M hU~M:__des bdud rtsi rtsa ba'i dbang bskur legs par grub nas/__'gro don las sbyor rnam drug gi rjes gnang rim par sbyin pa la/__bdud rtsi ril bus bcud du bltams pa'i gter bum bstan cing gtad pas mthong bas grol ba'i phrin las la mnga' brnyes par mos shig__/dbang rdzas rnams bsgrag tshig dang mthun par so sor gtad pa sogs byas la/__oM:__bkra shis mi 'gyur brtan pa'i dngos:__sangs rgyas spyan ma'i mkha' dbyings su:__bde chen bdud rtsi'i gter sbas pas:__dngos grub ye shes rgyas gyur cig:__oM bud+d+ha lo tsa ni d+hU tu badz+ra a mr-i ta ma hA su kha sid+d+hi tiSh+Than+tu:__bdud rtsis byin gyis brlabs pa'i dung dkar rna bar bsgrags pas thos pas grol ba'i phrin las la dbang thob par mos shig__oM:__bkra shis chos kyi sgra chen ldan:__rdo rje snyems ma'i ye shes dang :__bde chen bdud rtsi mnyam sbyor bas:__sangs rgyas gsung dang dbyer med shog:__oM hU~M sa twa badz+rI NI shap+da badz+ra a mr-i ta ma hA su kha hU~M hU~M:__bdud rtsi spos dang sbyar ba snar bdug pas tshor bas grol ba'i phrin las la byang chub par mos shig:__oM:__bkra shis zag med ye shes dri:__dam tshig sgrol ma'i shugs 'chang ba:__bde chen rdo rje bdud rtsi yi:__ye shes 'bebs pa nyid gyur cig:__oM tAM ta ra badz+ra a mr-i ta ma hA su kha dz+nyA na A we sha ya hU~M hU~M:__myong grol gyi rjes su gnang ba la dmigs pa 'di ltar mdzod/__rang nyid rdo rje bdud rtsi'i ljags:__pad+ma dmar po 'dab brgyad pa'i:__ze'u 'brur AHyig dmar pos mtshan:__mthe bong pad+ma gar dbang dang :__srin lag gos dkar yum du gsal:__bdud rtsi byang chub sems kyi sprin:__ljags kyi AHla thim pa yis:__rdo rje bdud rtsi bde ba che'i:__ye shes chu rgyun rab tu 'phel:__mgrin pa nas brgyud lus kun gang :__nad gdon sdig sgrib rnam rtog sbyangs:__bde chen ye shes mchog tu rgyas:__dngos grub thams cad thob par bsam:__oM:__bkra shis 'chi med bdud rtsi'i bcud:__gos dkar yum gyi pad+ma las:__rdo rje'i ljags kyi dbang bskur bas:__dngos grub rnam gnyis brtan par shog:__oM bA~M paN+Da ra ba si nI badz+ra a mr-i ta ma hA su kha sarba sid+d+hi oM AHhU~M hoH__zhes ril bu myang du gzhug__/bdud rtsi dri dang sbyar ba lus la byugs pa dang ril bu mgul du btags pas reg pas grol ba'i phrin las kyi rtsal rdzogs par mos shig__/oM:__bkra shis yid bzhin rin chen bcud:__reg bya ma mA ki dang sbyar:__gang gis 'chang dang reg pa kun:__bde chen ye shes rgyas par shog:__oM ba~M ma mA ki badz+ra a mr-i ta ma hA su kha sid+d+hi tiSh+Than+tu puSh+tiM ku ru oM:__bdud rtsi klu sman dang sbyar ba gtad pas chu bo dbyings khyab kyi 'gro don mtha' ru phyin par mos shig___oM:__rdo rje bdud rtsi'i byin rlabs dang :__rin chen mA ki'i bden stobs kyis:__srid pa'i rlan gyis khyab tshad kun:__bde chen ye shes lhun grub shog:__oM badz+ra a mr-i ta ma hA su kha sarba ar+tha sid+d+hi sid+d+hi swA hA:__de lta bu'i mchog gi las sbyor dam rdzas bdud rtsi chen po 'di nyid kyi ngo bo'i yon tan dang tshul bzhin sgrub pa'i phan yon/__grol ba drug gis las la sbyor ba'i dgos pa rnams gter gzhung rdo rje'i gsung las 'di skad du/__de ltar mchog gi las sbyor ni:__dngos grub ye shes rgyas pa'i thabs:__rdo rje bdud rtsi'i dam rdzas che'i:__yon tan zab mo'i rgyud sde las:__rdo rje na ra'i bza' ba yis:__lus sems sdom ldan zhe sdang dang :__des bskyed nad gdon bgegs rigs sel:__rdo rje gsum mchog mngon du byed:__rdo rje ga bi'i bza' ba yis:__lus sems brtan cing nga rgyal dang :__des bskyed nad gdon bgegs rigs sel:__rtag pa dam pa'i mchog thob 'gyur:__rdo rje g+ho ra'i bza' ba yis:__blo gsal yid gzhungs 'dod chags dang :__des bskyed nad gdon bgegs rigs sel:__kun mkhyen nyid kyang thob par 'gyur:__rdo rje shwa na'i bza' ba yis:__bying rmugs zhi zhing gti mug dang :__des bskyed nad gdon bgegs rigs sel:__rig pa 'dzin pa'i gzugs su 'gyur:__rdo rje ha sti'i bza' ba yis:__kun gyi yid 'phrog phrag dog dang :__des bskyed nad gdon bgegs rigs sel:__stobs bcu dag kyang thob par 'gyur:__bdud rtsi mu tra'i dam tshig gis:__nad kun sel zhing dbyangs snyan byed:__'pho ba'i nad dang rims rnams srung :__mi bskyod rdo rje'i ye shes thob:__bdud rtsi'i biSh+ThI dam tshig gis:__mdog bzang gzi brjid chen por byed:__sbyar dang gyur pa'i dug kun 'joms:__rdo rje rtag pa'i tshe thob 'gyur:__bdud rtsi'i shu kra'i dam tshig gis:__gzungs dran mngon shes sna tshogs 'char:__nus par ldan zhing 'dod rgu 'grub:__rdo rje stobs kyi mchog thob 'gyur:__bdud rtsi rak+ta'i dam tshig gis:__rgas pa med pa'i dbang po gsal:__'byung bzhir dbang bsgyur rdzu 'phrul stobs:__rdo rje dbang bcu'i mchog thob 'gyur:__bdud rtsi go ro tsa na yis:__'dod pa'i bde ba rab tu 'phel:__las rnams thogs med mthu dang ldan:__rdo rje sems dpa'i lus thob 'gyur:__de rnams thams cad rab sbyar bas:__dug lnga sel zhing nad lnga zhi:__gdon lnga 'joms shing stobs lnga thob:__sku lnga ye shes lnga 'grub 'gyur:__rnam mang sman dang sbyar ba yis:__'du ba'i nad rnams 'byang ba dang :__tshe ring rgas sra dbang po gsal:__rtsa rlung thig le las rung byed:__khyad par mchog tu byin brlabs pas:__phyi nang dpa' bo mkha' 'gro 'du:__yul phyogs dge zhing bkra shis 'phel:__sgrub gnas byin chags ye shes skye:__'ja' tshon lus dang g.yung drung srog:__'od gsal dgongs pa mngon gyur nas:__rdo rje bdud rtsi bde ba che'i:__go 'phang dka' ba med par thob:__ril bu gang gis mthong ba'am:__dri tshor mgul du 'chang ba dang :__cung zad myang ba thams cad kyang :__lcags las gser 'gyur rtsis btab bzhin:__bde ba chen pos byin brlabs pas:__'khor ba ngan song las grol zhing :__mtho ris thar pa'i bde ba dang :__byang chub mchog gi rigs su skye:__lha dang ril bu dbyer med pa:__mthong bas bum dbang rtogs pa thob:__myangs pas gsang ba'i ye shes dang :__byang sems 'phel bas dga' bzhi skye:__de nyid ngang du mnyam bzhag pas:__snod bcud phung khams skye mched kun:__don gyi bdud rtsir rnam dag pa'i:__bzhi pa'i lam mchog tshe 'dir 'grub:__ces gnas skabs dang mthar thug gi dgos pa phan yon mtha' yas pa dang ldan cing bla na med pa'i dam tshig gi gtso bor gyur pas sngags kyi rnal 'byor la spyod pa rnams kyis 'bad pas sgrub cing bsten dgos par gdams pa'ang gzhung 'di nyid las/__de phyir gsang ba'i rgyud chen po:__mtha' dag kun gyi snying po'i bcud:__mchog gi rdzas kyi sbyor ba 'di:__rnal 'byor rnams kyis 'bad de sgrubs:__thun drug bzhi'am re re'am:__dkar nag phyogs kyi tshes gcig la:__sngags pas rab tu bsten bya ste:__sangs rgyas dam tshig mchog tu gsung :__de ltar grol ba bla med pa:__rdo rje bdud rtsi'i ril bu ni:__zung 'jug ye shes mchog 'grub pa'i:__lam gyi mtshams sbyor yang dag go__/zhes legs par gsungs pa ltar blo ldan rnams kyis tshul 'di la cis kyang 'bad par 'tshal lo/__/de nas mtshams sbyor spyi 'gro bcas shis brjod ni/__oM:__dge ba 'di yis bdag dang mtha' yas sems can kun:__rdo rje bdud rtsi'i bde ba mchog dang mnyam sbyor bas:__thun mong dngos grub dka' ba med par 'thob pa dang :__mchog gi ye shes myur du 'grub pa'i bkra shis shog:__rdo rje nyi ma'i rigs las yang dag byung gyur cing :__bde chen bdud rtsis brtan g.yo'i dngos kun khyab par mdzad:__zhi khro 'dus pa btsun mo'i tshogs dang bcas pa yis:__'byung po kun la rtag tu dge legs sbyin gyur cig:__de lta bu'i bdud rtsi sman gyi dbang bskur zab mo thob pa'i phan yon kyang gzhung las/__dbang 'dir gang gis 'brel pa kun:__mtshams med las kyang kun byang nas:__rig 'dzin grub pa mchog rnams dang :__skal ba mnyam pa kho na'o:__zhes gsungs pas mtshon no/__/gnyis pa las thun mong du sgrub pa'i rjes su gnang ba rnams sbyin pa la/__rdo rje'i dgang blugs gtad pas phrin las rnam bzhi myur du 'grub par byed pa sreg pa me'i phrin las la mnga' dbang 'byor par mos shig__/dgang blugs gtad la/__oM:__rdo rje bdud rtsi'i phrin las kyis:__rang dang gzhan don rdzogs pa'i phyir:__rdo rje me yi sbyor ba yis:__zhi dang rgyas dang dbang mngon spyod:__bde chen mchog tu mi 'gyur ba'i:__ye shes thams cad sgrub par gyis:__badz+ra a na la sarba karma ku ru hoH__las spyi dang bye brag pa rnams la so so'i gdams ngag kyang 'bogs par gsungs pas lcogs na dbang rnams kyi rjes so sor sgrub thabs rnams kyi lung tsam sprel na legs par snang ngo*/__/chos kyi dung dang dril bu glegs bam rnams phyag tu gtad pas skal ldan gyi slob ma rjes su bzung zhing 'gro don ris su ma chad par spyod pa'i dbang bskur thob par mos shig__/deng nas bzung ste bu khyod kyis:__bsdu ba rnam bzhi'i dung bus la:__chos kyi dril bu'i sgra chen pos:__sems can khams rnams sad par gyis:__badz+ra b+hA Sha g+hAN+De d+harma tsakra ku ru hoH__zhes rjes gnang rnams byin nas/__de ltar na de dag rnams kyi sgo nas bod yul sa 'og kun gyi gter gcig dpal rdo rje bdud rtsi'i smin byed rtsa ba yan lag bcas legs par grub pa lags pas rtsa ba dang yan lag gis bsdus pa'i dam tshig rnams tshul bzhin bsrung snyam pas 'di'i rjes zlos/__gtso bo khyod kyis gang gsung pa:__de ltar bdag gis rab tu gzung :__srog la bab kyang sgrub lags na:__rtag tu byin gyis brlab mdzad gsol:__lan gsum/__dbang bskur yongs su rdzogs pa thob pa'i bka' drin gtang rag gi yon tu maN+Dal 'bul 'tshal/__lus longs spyod ltos pa med par 'bul snyam pas 'di'i rjes zlos/__deng nas byang chub snying po'i bar:__bdag ni gtso bo khyed kyi 'bangs:__lus dang longs spyod thams cad kyang :__cha shas spyad cing bzhes mdzad gsol:__lan gsum/__dpon slob thun mong du tshogs kyi dga' ston la longs spyod/__sgrub chen dang 'brel ba'i skabs mar me smon lam dbyangs bor len gyi tshul du bya/__mtshams sbyor spyi mthun bcas zhal nas gsungs pas thog drangs shis brjod rgyas par spel/__bsod nams 'di yis sogs bsngo smon byas la slob ma rang gnas su btang ngo*/__/gsum pa rjes su bya ba'i las kyi rim pa la dbang gi rjes rim song grub/__cho ga'i rjes bya ni/__slob dpon gyis tshogs la rol zhing lhag ma btang*/__sngags srung ma'i gsham las 'byung ba ltar gtor 'bul/__chad tho/__/brtan ma bskyang ba rnams dang*/__oM AHhU~M:__nam mkha' las byung sogs sngags rnams dang bcas pas mchod/__bstod pa sh+lo ka gcig bya/__nongs bshags dang yig brgya brjod/__ye shes pa rten yod na brtan bzhugs bya/__med na gshegs/__bdag bskyed bsdu ldangs bsngo smon shis brjod bcas kyis legs par 'grub bo/__/'brel tshad rdo rje bdud rtsi bde ba che'i/__/rig mchog phyag rgya'i ye shes 'grub 'gyur ba'i/__/bden tshig bslu ba med pas bdag gzhan kun/__/mchog dngos gang de tshe 'dir myur 'grub shog__/ces zab chos smin grol gyi bgo skal thog ma'i snod du gyur pa'i skal pa bzang po dang*/__bsnyen sgrub nyams len yid bde'i dpyid du thob pa rtsis bral gyi rnal 'byor pa pad+ma gar dbang phrin las 'gro 'dul rtsal gyis/__gter chen bla ma thams cad mkhyen pa'i phyag bzhes dang gter gzhung gi dgongs pa ji lta bar bltas chog gi lag len tu tsA 'dra rin chen brag gi sgrub gnas kun bzang bde chen 'od gsal gling du bkod pa dge legs 'phel/__/slar yang bdag phun tshogs rnam rgyal pas spyi lo 2008__bod zla dang por bka' babs skor bskyar bsgrig skabs yig chung rnams la 'byin 'jug cung zad bcas nag 'gros su bgyis pa ste cho ga la thugs rgyus che ba'i mkhas pa rnams la bzod par gsol zhing*/__dge bas bdag 'dra blun po rnams kyi thugs dgongs rdzogs pa'i rgyur gyur cig/__//