JKW-KABAB-06-CHA-020

🚧 This website is under continued development. We appreciate your patience!

Previous Text Back to Volume PageNext Text

Wylie title	mkha' 'gro gsang ba kun 'dus las/_rdzogs chen ma rgyud mkha' 'gro gsang ba lam khyer kyi bstod bskul khol du phyung ba
Location	mkhyen brtse'i bka' babs Volume 6, Text 20, Pages 191-202 (Folios 1a to 6b1)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Tertön	ཇོ་མོ་སྨན་མོ་, འཇམ་དབྱངས་མཁྱེན་བརྩེའི་དབང་པོ་ (jo mo sman mo, 'jam dbyangs mkhyen brtse'i dbang po)
Citation	'jam dbyangs mkhyen brtse chos kyi blo gros. mkha' 'gro gsang ba kun 'dus las rdzogs chen ma rgyud mkha' 'gro gsang ba lam khyer kyi bstod bskul khol du phyung ba. In Rdzong sar 'jam dbyangs mkhyen brtse'i dbang po'i bka' babs, Vol. 6: 191-202. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Revelations - gter ma  ·  Verses of Praise - bstod pa
Cycle	མཁའ་འགྲོ་གསང་བ་ཀུན་འདུས་ (mkha' 'gro gsang ba kun 'dus)
Karchag page	JKW-KABAB-Volume-06-CHA-Karchag
RTZ	In the Rinchen Terdzö: https://rtz.tsadra.org/index.php/Terdzo-NGI-059
Colophon	ཀུན་དཀའ་འབུམ་པའི་ཟབ་གཏེར་ལས་བྱུང་བ་འདི་ཉིད་མཁའ་འགྲོ་གསང་འདུས་ལ་སྦྱར་དུ་རུང་བ་འཇམ་མགོན་པདྨ་གར་དབང་གིས་བཀའ་ལུང་གི་ངེས་པ་ཡང་དག་པའོ། །གོང་གི་གནས་ཡུལ་ཉེར་བཞིའི་དཔའ་བོ་དཔའ་མོར་བསྟོད་བསྐུལ་ནི་རིག་སྔགས་འཛིན་པ་པདྨ་ཡེ་ཤེས་རྡོ་རྗེས་རྡོ་རྗེའི་གསུང་ལ་རིགས་མཐུན་དུ་སྦྱར་བ་བླ་མ་ཡེ་ཤེས་དྷཱ་ཀིས་བཟོད་པར་མཛོད་ཅིག དགེའོ།། དགེའོ།། དགེའོ།།
	kun dka' 'bum pa'i zab gter las byung ba 'di nyid mkha' 'gro gsang 'dus la sbyar du rung ba 'jam mgon pad+ma gar dbang gis bka' lung gi nges pa yang dag pa'o/__/gong gi gnas yul nyer bzhi'i dpa' bo dpa' mor bstod bskul ni rig sngags 'dzin pa pad+ma ye shes rdo rjes rdo rje'i gsung la rigs mthun du sbyar ba bla ma ye shes d+hA kis bzod par mdzod cig__dge'o//__dge'o//__dge'o//

Tibetan Text

Wylie

[edit]

༄༅༅། །རྫོགས་ཆེན་མ་རྒྱུད་མཁའ་འགྲོ་གསང་བ་ལམ་ཁྱེར་ཀྱི་བསྟོད་བསྐུལ་ཁོལ་དུ་ཕྱུང་བ་བཞུགས་སོ༔ ཧཱུྃ༔ མ་བཅོས་ཆོས་དབྱིངས་སྐྱེ་བ་མེད་པ་ལས༔ རང་བྱུང་ལོངས་སྐུ་ཐུགས་རྗེ་ཁྲོས་མའི་སྐུ༔ སྐུ་མདོག་མཐིང་ནག་ཁྲོ་མོའི་ཆ་བྱད་ཅན༔ གཅེར་བུ་རྟོག་བྲལ་དབུ་སྐྲ་ཐུར་དུ་གྲོལ༔ ཁྲོ་གཉེར་སྤྱན་གསུམ་མཆེ་བ་རབ་ཏུ་གཅིགས༔ སྤྱི་གཙུག་ཕག་ཞལ་སྲིད་གསུམ་རྩེ་ནས་གདེངས༔ ཕག་མོའི་ངུར་སྒྲས་སྟོང་གསུམ་ཟིལ་གྱིས་གནོན༔ གྲི་གུག་ཐོད་ཁྲག་གཡས་དང་གཡོན་ན་བསྣམས༔ དུར་ཁྲོད་ཆས་བརྒྱད་ཤ་ཊྭཱྃ་གྲུ་མོར་བརྟེན༔ ཕྱག་རྒྱ་ལྔ་དང་དུར་ཁྲོད་ཆས་ཀྱིས་བརྒྱན༔ མེ་དཔུང་ཀློང་ན་ཞབས་གཉིས་བརྐྱང་བསྐུམ་གྱིས༔ ཉི་ཟླ་དུས་མཚན་རོ་ཡི་སྟེང་དུ་མནན༔ བདེ་སྟོང་ཉམས་ལྡན་འབར་བའི་གར་དང་ལྡན༔ ཐུགས་རྗེ་ཁྲོས་མའི་སྐུ་ལ་ཕྱག་འཚལ་བསྟོད༔ ཧཱུྃ༔ སྟོང་ཉིད་རང་སྒྲ་རྣམ་པར་དག་པ་ཡི༔ ཨཱ་ལི་ཀཱ་ལིའི་ངོ་བོ་ཡོངས་རྫོགས་པའི༔ ཨཱ་རལླི་ཞེས་བཞད་པའི་གད་རྒྱངས་སྒྲོགས༔ ཕེཾ་གྱི་སྒྲ་སྒྲོགས་མཁའ་འགྲོ་དབང་དུ་སྡུད༔ ཧཱུྃ་གི་ང་རོས་བདུད་དཔུང་ཟིལ་གྱིས་གནོན༔ སྟོང་ཉིད་ཆོས་སྒྲས་འཁོར་བ་དབྱིངས་སུ་སྒྲོལ༔ ཕཊཿཀྱི་འབྲུག་སྒྲས་ལོག་ལྟ་ཚར་གཅོད་མཛདཿ བདེ་བ་རྒྱས་པའི་ཧ་ཧེའི་སྒྲ་འབྱིན་ཅིང་༔ གསུང་དབྱངས་དྲུག་ཅུས་འགྲོ་བ་ཐབས་ཀྱིས་འདུལ༔ ཐུགས་རྗེ་ཁྲོས་མོའི་གསུང་ལ་ཕྱག་འཚལ་བསྟོད༔ ཧཱུྃ༔ དོན་དམ་སྟོང་ཉིད་བདེ་ཆེན་གསལ་དག་སྐུ༔ དབྱིབས་དང་ཁ་དོག་མཚན་མ་བརྗོད་ལས་འདས༔ ཉོན་མོངས་རྣམ་དག་ཡེ་ཤེས་ཆེན་པོ་ཉིད༔ གདོད་ནས་མ་སྐྱེས་སྤྲོས་བྲལ་དོན་སྟོན་མ༔ འཁོར་བའི་སྐྱོན་བྲལ་ཤེས་རབ་ཕ་རོལ་ཕྱིན༔ བདེ་སྟོང་གཉིས་མེད་ཟུང་འཇུག་རང་བཞིན་ཅན༔ མཐོང་ཐོས་དྲན་པས་འགྲོ་བ་ཐམས་ཅད་ལ༔ འབར་བ་གསུམ་གྱི་དངོས་གྲུབ་ཁྱབ་མཛད་ཅིང་༔ དགའ་བདེ་ཡེ་ཤེས་གཉིས་མེད་འཆར་བར་མཛད༔ ཐུགས་རྗེ་ཁྲོས་མའི་ཐུགས་ལ་ཕྱག་འཚལ་བསྟོད༔ ཧཱུྃ༔ དོན་དམ་ཆོས་ཉིད་ངང་ལས་མ་གཡོས་ཀྱང་༔ སྣ་ཚོགས་གཉིས་མེད་འཇའ་ལུས་གཟུགས་སྐུའི་ཚུལ༔ རྣམ་དག་སྐུ་ལ་ཡོན་ཏན་རབ་བརྒྱན་ཅིང་༔ འགགས་མེད་གསུང་གི་གདུལ་བྱའི་འགྲོ་བ་སྨིན༔ གྲོལ་མཛད་སྤྲོས་བྲལ་འཁོར་བའི་རྒྱ་མཚོ་སྐེམ༔ ཡོན་ཏན་ཕུན་ཚོགས་སྒྲུབ་ལ་དངོས་གྲུབ་སྟེར༔ ཕྲིན་ལས་ཐུགས་རྗེས་འགྲོ་བ་ཐབས་ཀྱིས་འདུལ༔ ཐུགས་རྗེ་ཁྲོས་མ་བདེ་ཆེན་རྣལ་འབྱོར་མ༔ འཁོར་ལོ་ལྔ་རྫོགས་ཕྲིན་ལས་ཀུན་གྱི་བདག༔ མཆོག་དང་ཐུན་མོངས་དངོས་གྲུབ་གཏེར་འཆང་མ༔ ཡེ་ཤེས་མཁའ་འགྲོ་བདེ་གཤེགས་ཀུན་གྱི་ཡུམ༔ རྡོ་རྗེ་ཕག་མོའི་སྐུ་ལ་ཕྱག་འཚལ་བསྟོད༔ དམ་རྫས་བདུད་རྩི་འབར་བ་འདི་གསོལ་ལ༔ ཞི་རྒྱས་དབང་དྲག་མངོན་སྤྱོད་ལ་སོགས་པ༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ཧ་ལས་བྱུང་བའི་བདེ་ཆེན་དཀར་མོ་ནི༔ ཞེ་སྡང་རྣམ་དག་མེ་ལོང་ཡེ་ཤེས་སྐུ༔ ཞི་བའི་ལས་མཛད་རྡོ་རྗེ་རྣལ་འབྱོར་མ༔ དཀར་མོ་དུང་མདོག་རྡོ་རྗེ་རིགས་ཀྱི་གཙོ༔ རྡོ་རྗེའི་རིགས་མཚོན་རྡོ་རྗེས་དབུ་ལ་བརྒྱན༔ རྡོ་རྗེ་གྲི་གུག་ཐོད་ཁྲག་ཕྱག་ན་བསྣམས༔ ཞེ་སྡང་རྩད་གཅོད་ཉོན་མོངས་ཞལ་དུ་གསོལ༔ བཅུ་དྲུག་ལོ་ལོན་ཁ་ཊྭཱྃ་གྲུ་མོར་བརྟེན༔ གཅེར་བུ་སྐྲ་གྲོལ་རུས་པའི་རྒྱན་གྱིས་བརྒྱན༔ ཐོད་སྐམ་དབུ་རྒྱན་ཐོད་རློན་དོ་ཤལ་བྱས༔ ཞབས་གཉིས་བརྐྱང་བསྐུམ་རོ་ཡི་གདན་ལ་བཞུགས༔ བཛྲ་ཌཱ་ཀི་ཧ་ཡི་སྒྲ་འབྱིན་ཅིང་༔ རྡོ་རྗེ་མཁའ་འགྲོ་འབུམ་གྱི་འཁོར་དང་བཅས༔ བདེ་ཆེན་དཀར་མོའི་སྐུ་ལ་ཕྱག་འཚལ་བསྟོད༔ དམ་རྫས་བདུད་རྩི་འབར་བ་འདི་གསོལ་ལ༔ ཞི་རྒྱས་དབང་དྲག་མངོན་སྤྱོད་ལ་སོགས་པ༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ རི་ལས་བྱུང་བའི་སེར་མོ་དོན་གྲུབ་ནི༔ ང་རྒྱལ་རྣམ་དག་མཉམ་ཉིད་ཡེ་ཤེས་སྐུ༔ རྒྱས་པའི་ལས་མཛད་རིན་ཆེན་རྣལ་འབྱོར་མ༔ སེར་མོ་གསེར་མདོག་རིན་ཆེན་རིགས་ཀྱི་གཙོཿ རིན་ཆེན་རིགས་མཚོན་རིན་ཆེན་དབུ་ལ་བརྒྱན༔ རིན་ཆེན་གྲི་གུག་ཐོད་ཁྲག་ཕྱག་ན་བསྣམས༔ ང་རྒྱལ་རྩད་གཅོད་ཉོན་མོངས་ཞལ་དུ་གསོལ༔ བཅུ་དྲུག་ལོན་ཚུལ་ཁ་ཊྭཱྃ་གྲུ་མོ་བརྟེན༔ གཅེར་བུ་སྐྲ་གྲོལ་རུས་པའི་རྒྱན་གྱིས་བརྒྱན༔ ཐོད་སྐམ་དབུ་རྒྱན་ཐོད་རློན་དོ་ཤལ་ཅན༔ ཞབས་གཉིས་བརྐྱང་བསྐུམ་རོ་ཡི་གདན་ལ་བཞུགས༔ རཏྣ་ཌཱ་ཀི་རི་ཡི་སྒྲ་འབྱིན་ཅིང་༔ རིན་ཆེན་མཁའ་འགྲོ་འབུམ་གྱི་འཁོར་དང་བཅས༔ སེར་མོ་དོན་གྲུབ་སྐུ་ལ་ཕྱག་འཚལ་བསྟོད༔ དམ་རྫས་བདུད་རྩི་འབར་བ་འདི་གསོལ་ལ༔ ཞི་རྒྱས་དབང་དྲག་མངོན་སྤྱོད་ལ་སོགས་པ༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ནི་ལས་བྱུང་བའི་དམར་མོ་སྒྲ་སྒྲོགས་ནི༔ འདོད་ཆགས་རྣམ་དག་ཀུན་རྟོག་ཡེ་ཤེས་སྐུ༔ དབང་གི་ལས་མཛད་པདྨའི་རྣལ་འབྱོར་མ༔ དམར་མོ་ཟངས་མདོག་པདྨ་རིགས་ཀྱི་གཙོ༔ པདྨའི་རིགས་མཚོན་པདྨས་དབུ་ལ་བརྒྱན༔ པདྨ་གྲི་གུག་ཐོད་ཁྲག་ཕྱག་ན་བསྣམས༔ འདོད་ཆགས་རྩད་གཅོད་ཉོན་མོངས་ཞལ་དུ་གསོལ༔ བཅུ་དྲུག་ལོན་ཚུལ་ཁ་ཊྭཱྃ་གྲུ་མོར་བརྟེན༔ གཅེར་བུ་སྐྲ་གྲོལ་རུས་པའི་རྒྱན་གྱིས་བརྒྱན༔ ཐོད་སྐམ་དབུ་རྒྱན་ཐོད་རློན་དོ་ཤལ་ཅན༔ ཞབས་གཉིས་བརྐྱང་བསྐུམ་རོ་ཡི་གདན་ལ་བཞུགས༔ པདྨ་ཌཱ་ཀི་ནི་ཡི་སྒྲ་འབྱིན་ཅིང་༔ པདྨ་མཁའ་འགྲོ་འབུམ་གྱི་འཁོར་དང་བཅས༔ དམར་མོ་སྒྲ་སྒྲོགས་སྐུ་ལ་ཕྱག་འཚལ་བསྟོད༔ དམ་རྫས་འདུད་རྩི་འབར་བ་འདི་གསོལ་ལ༔ ཞི་རྒྱས་དབང་དྲག་མངོན་སྤྱོད་ལ་སོགས་པ༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ས་ལས་བྱུང་བའི་སྣ་ཚོགས་མཐར་ཕྱིན་ནི༔ ཕྲག་དོག་རྣམ་དག་ནན་ཏན་ཡེ་ཤེས་སྐུ༔ དྲག་པོའི་ལས་མཛད་ལས་ཀྱི་རྣལ་འབྱཽར་མ༔ སྔོན་མོ་གཡུ་མདོག་ལས་ཀྱི་རིགས་ཀྱི་གཙོ༔ ལས་ཀྱི་རིགས་མཚོན་རྒྱ་གྲམ་དབུ་ལ་བརྒྱན༔ རྒྱ་གྲམ་གྲི་གུག་ཐོད་ཁྲག་ཕྱག་ན་བསྣམས༔ ཕྲག་དོག་རྩད་གཅོད་ཉོན་མོངས་ཞལ་དུ་གསོལ༔ བཅུ་དྲུག་ལོན་ཚུལ་ཁ་ཊྭཱྃ་གྲུ་མོར་བརྟེན༔ གཅེར་བུ་སྐྲ་གྲོལ་རུས་པའི་རྒྱན་གྱིས་བརྒྱནཿ ཐོད་སྐམ་དབུ་རྒྱན་ཐོད་རློན་དོ་ཤལ་ཅན༔ ཞབས་གཉིས་བརྐྱང་བསྐུམ་རོ་ཡི་གདན་ལ་བཞུགས༔ ཀརྨ་ཌཱ་ཀི་ས་ཡི་སྒྲ་འབྱིན་ཅིང་༔ ལས་ཀྱི་མཁའ་འགྲོ་འབུམ་གྱི་འཁོར་དང་བཅས༔ སྣ་ཚོགས་མཐར་ཕྱིན་སྐུ་ལ་ཕྱག་འཚལ་བསྟོད༔ དམ་རྫས་བདུད་རྩི་འབར་བ་འདི་གསོལ་ལ༔ ཞི་རྒྱས་དབང་དྲག་མངོན་སྤྱོད་ལ་སོགས་པ༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ༈ །འཁོར་ལོ་གསུམ་གྱི་དཔའ་བོ་དཔའ་མོ་བསྐུལ་བ་ནི། ཧཱུྃ། །མཁའ་སྤྱོད་ཐུགས་ཀྱི་འཁོར་ལོ་ནས། །པཱུ་ཛ་ཨོ་ཨཱ་གོ་ར་དང༌། །དེ་མཱའི་ས་བོན་ལས་སྐྱེས་པའི། །དཔའ་བོ་དཔའ་མོ་ཐམས་ཅད་ཀྱང༌། །ཞལ་གཅིག་ཕྱག་གཉིས་སྤྱན་གསུམ་པ། །སྐུ་མདོག་ཨིནྡྲ་ནཱི་ལྟར་སྔོ། །དར་དང་རིན་ཆེན་རུས་པས་བརྒྱན། །སྟག་གི་པགས་པའི་ཤམ་ཐབས་གྲོལ། །ཡབ་རྣམས་ཌཱ་རུ་དྲིལ་བུ་འཁྲོལ། །གཡས་བརྐྱངས་པད་ཉི་རོ་སྟེང་བཞེངས། །ཡུམ་རྣམས་ཁ་ཊྭཱྃ་ཐོད་ཁྲག་གིས། །ཡབ་ལ་འཁྱུད་ཅིང་བརྐྱངས་བསྐུམས་རོལ། །ཡེ་ཤེས་མེ་དཔུང་འཕྲོ་བའི་དབུས། །ཁྲོ་འཛུམ་ཞི་ཆགས་ཉམས་འགྱུར་རྫོགས། །རང་རང་རིགས་ཀྱི་ཚོམ་བུ་འབུམ། །ཉི་དང་འོད་ཟེར་བཞིན་དུ་འཕྲོ། །ཐུགས་ཀྱིས་དགོངས་ཏེ་གཤེགས་སུ་གསོལ། །དམ་རྫས་བདུད་རྩི་འབར་བ་འདི་གསོལ་ལ། །ཞི་རྒྱས་དབང་དྲག་མངོན་སྤྱོད་ལ་སོགས་པ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། ཧཱུྃ། །ས་སྟེང་གསུང་གི་འཁོར་ལོ་ནས། །ཀ་ཨོ་ཏྲི་ཀོ་ཀ་ལ་དང༌། །ཀ་ཧིའི་ས་བོན་ལས་སྐྱེས་པའི། །དཔའ་བོ་དཔའ་མོ་ཐམས་ཅད་ཀྱང༌། །ཞལ་གཅིག་ཕྱག་གཉིས་སྤྱན་གསུམ་པ། །སྐུ་མདོག་པད་རག་མདོག་ལྟར་དམར། །དར་དང་རིན་ཆེན་རུས་པས་བརྒྱན། །སྟག་གི་པགས་པའི་ཤམ་ཐབས་གྲོལ། །ཡབ་རྣམས་ཌཱ་རུ་དྲིལ་བུ་འཁྲོལ། །གཡས་བརྐྱངས་པད་ཉི་རོ་སྟེང་བཞེངས། །ཡུམ་རྣམས་ཁ་ཊྭཱྃ་ཐོད་ཁྲག་གིས། །ཡབ་ལ་འཁྱུད་ཅིང་བརྐྱངས་བསྐུམས་རོལ། །ཡེ་ཤེས་མེ་དཔུང་འཕྲོ་བའི་དབུས། །ཁྲོ་འཛུམ་ཞི་ཆགས་ཉམས་འགྱུར་རྫོགས། །རང་རང་རིགས་ཀྱི་ཚོམ་བུ་འབུམ། །ཉི་དང་འོད་ཟེར་བཞིན་དུ་འཕྲོ། །གསུང་གིས་དགོངས་ཏེ་གཤེགས་སུ་གསོལ། དམ་རྫས་བདུད་རྩི་འབར་བ་འདི་གསོལ་ལ། །ཞི་རྒྱས་དབང་དྲག་མངོན་སྤྱོད་ལ་སོགས་པ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། ཧཱུྃ། །ས་འོག་སྐུ་ཡི་འཁོར་ལོ་ནས། །པྲེ་གྲྀ་སཽ་སུ་ནཱ་སི་དང༌། །མ་ཀུའི་ས་བོན་ལས་སྐྱེས་པའི། །དཔའ་བོ་དཔའ༴ །ཞལ་གཅིག་ཕྱག༴ །སྐུ་མདོག་ཟླ་བའི་འོད་ལྟར་དཀར། །དར་དང་རིན་ཆེན༴ །སྟག་གི་པགས་པའི༴ །ཡབ་རྣམས་ཌཱ་རུ༴ །གཡས་བརྐྱངས་པད་ཉི༴ །ཡུམ་རྣམས་ཁ་ཊྭཱྃ་ཐོད༴ །ཡབ་ལ་འཁྱུད་ཅིང་༴ །ཡེ་ཤེས་མེ་དཔུང་༴ །ཁྲོ་འཛུམ་ཞི་ཆགས༴ །རང་རང་རིགས་ཀྱི༴ །ཉི་དང་འོད་ཟེར༴ །སྐུ་ཡིས་དགོངས་ཏེ༴ །དམ་རྫས་བདུད་རྩི་འབར༴ །ཞི་རྒྱས་དབང་དྲག༴ །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ དེ་ནས་དུར་ཁྲོད་ཀྱི་མཁའ་འགྲོ་སྡེ་བརྒྱད་བསྐུལ་བ་ནི༔ ཧཱུྃ༔ ཤར་ཕྱོགས་གཏུམ་དྲག་དུར་ཁྲོད་ནས༔ མི་ཕྱེད་རྡོ་རྗེ་མཁའ་འགྲོ་མ༔ གཅེར་བུ་ལུས་ལ་དཀར་བའི་མདོག༔ རུས་པའི་འཁོར་ལོ་རྩིབས་དྲུག་ལ༔ ཟླ་ཕྱེད་རྡོ་རྗེས་མཚན་པས་བརྒྱན༔ ཐལ་བས་བྱུགས་པའི་ཞིང་དག་ལ༔ དཀར་དམར་ཐིག་ལེ་བརྩེགས་པས་སྤྲས༔ སྐྱིལ་ཀྲུང་ཕྱེད་པའི་གར་དང་ལྡན༔ འདོད་ཡོན་བྱེད་པ་གཤེགས་སུ་གསོལ༔ དམ་རྫས་བདུད་རྩི་འབར་བ་འདི་གསོལ་ལ༔ ཞི་རྒྱས་དབང་དྲག་མངོན་སྤྱོད་ལ་སོགས་པ༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ལྷོ་ཕྱོགས་གད་རྒྱངས་སྒྲོགས་པའི་དུར་ཁྲོད་ནས༔ རིན་ཆེན་མཁའ་འགྲོ་གཟི་བརྗིད་ཅན༔ བཙོ་མ་གསེར་གྱི་མདངས་ལྡན་ཞིང་༔ གཅེར་བུའི་ལུས་ལ་སྐྲ་གྲོལ་མ༔ རྩིབས་བརྒྱད་མུ་ཁྱུད་ལྡན་པ་ཡི༔ རིན་ཆེན་གསེར་གྱི་ནོར་བུ་འཛིན༔ ཐལ་བས་བྱུགས་པའི་ཞིང་དག་ཏུ༔ རྒྱན་ལྡན་རྒྱས་བྱེད་གཤེགས་སུ་གསོལ༔ དམ་རྫས་བདུད་རྩི༴ ཞི་རྒྱས་དབང་དྲག༴ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ནུབ་ཕྱོགས་པདྨ་འཁྱིལ་པའི་དུར་ཁྲོད་ནས༔ དྲི་མེད་པདྨ་མཁའ་འགྲོ་མ༔ ཤེས་རབ་ཕ་རོལ་ཕྱིན་སྙེམས་མ༔ བདེ་བ་ངེས་པར་གྲོལ་བྱེད་མ༔ བྷ་གའི་གནས་ལ་གཅེར་བུ་སྟེ༔ སྐྲ་གྲོལ་མུ་ཏིག་ཅོད་པན་ཅན༔ པདྨ་རཱ་གས་དབུ་ལ་བརྒྱན༔ བཅུ་དྲུག་མདངས་ལྡན་གཤེགས་སུ་གསོལ༔ དམ་རྫས་བདུད་རྩི་འབར་བ་འདི་གསོལ་ལ༔ ཞི་རྒྱས་དབང་དྲག་མངོན་སྤྱོད་ལ་སོགས་པ༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ བྱང་ཕྱོགས་ཀཱི་ལ་སྒྲོགས་པའི་དུར་ཁྲོད་ནས༔ ལས་ཀྱི་མཁའ་འགྲོ་བདེ་བ་ཅན༔ བརྩོན་འགྲུས་ཕ་རོལ་ཕྱིན་སྙེམས་ཤིང་༔ ཞི་རྒྱས་དབང་དྲག་མངོན་སྤྱོད་དང་༔ ཕྲིན་ལས་ཐམས་ཅད་མཐར་ཕྱིན་མཛད༔ གཅེར་བུ་སྐྲ་གྲོལ་བརྐྱངས་བསྐུམས་ཚུལ༔ སྣ་ཚོགས་མཐར་ཕྱིན་དུར་ཁྲོད་ལུས༔ བཟང་པོའི་དབུ་རྒྱན་ཅོད་པན་ཅན༔ སྣ་ཚོགས་བྱིན་རླབས་གཤེགས་སུ་གསོལ༔ དམ་རྫས་བདུད་རྩི་འབར་བ་འདི་གསོལ་ལ༔ ཞི་རྒྱས་དབང་དྲག༴ རྣལ་འབྱོར་བཅོལ༴ ཧཱུྃ༔ ཤར་ལྷོ་རབ་འཇིགས་དུར་ཁྲོད་ནས༔ དམ་ཚིག་མཁའ་འགྲོ་མི་འདའ་མ༔ བདུད་རྩི་ལྔ་ལ་ལོངས་སྤྱོད་ཅིང་༔ མི་རོ་ཤ་ལ་རོལ་མཛད་མ༔ གཅེར་བུ་རུས་པའི་རྒྱན་གྱིས་བརྒྱན༔ ཧ་ཧེའི་གད་མོ་ཆེན་མོ་སྒྲོགས༔ ཁྲག་དང་མཚན་མས་ལུས་ལ་བྱུག༔ སྣ་ཚོགས་རྒྱན་ལྡན་གཤེགས་སུ་གསོལ༔ དམ་རྫས༴ ཞི་རྒྱས༴ རྣལ་འབྱོར༴ ཧཱུྃ༔ ལྷོ་ནུབ་གཏུམ་པའི་དུར་ཁྲོད་ནས༔ སྣ་ཚོགས་མཁའ་འགྲོ་མི་ཐུབ་མ༔ འོད་ཟེར་རྣམ་པ་སྟོང་འགྱེད་ཅིང་༔ དུར་ཁྲོད་ཤུན་པ་གོས་སུ་གྱོན༔ མེ་ཐུལ་པདྨ་རཱ་གའི་མདོག༔ ཐལ་བས་བྱུག་པའི་ཞིང་དག་ཏུ༔ ཁྲག་གི་ཚོམ་བུ་ཐིག་ལེས་བརྒྱན༔ ཨུདྤལ་མདངས་ལྡན་གཤེགས་སུ་གསོལ༔ དམ་རྫས༴ ཞི་རྒྱས༴ རྣལ་འབྱོར༴ ཧཱུྃ༔ ནུབ་བྱང་རབ་རྒྱུའི་དུར་ཁྲོད་ནས༔ ཐམས་ཅད་མཁའ་འགྲོ་ཀུན་རྒྱུ་མ༔ ལེགས་པར་སྟེར་བྱེད་རབ་ཏུ་རོལ༔ འབྱུང་བཞི་དབང་སྡུད་དྲི་མ་མེད༔ རུས་པའི་ཐོར་གཙུག་ཅོད་པན་ཅན༔ གར་སྟབས་མཁའ་ལ་འགྲོ་བྱེད་མ༔ མར་གད་མདོག་ཅན་ཡིད་འོང་གཟུགས༔ དབང་མཛད་དབང་བསྒྱུར་གཤེགས་སུ་གསོལ༔ དམ་རྫས༴ ཞི་རྒྱས༴ རྣལ་འབྱོར༴ ཧཱུྃ༔ བྱང་ཤར་དྲག་ཤུལ་དུར་ཁྲོད་ནས༔ བརྒྱུད་འཛིན་འཇིག་རྟེན་མཁའ་འགྲོ་མ༔ ཕྲིན་ལས་ཐམས་ཅད་རྫོགས་བྱེད་ཅིང་༔ དབང་དུ་སྡུད་ཅིང་དགུག་ཅིང་བསྐྲད༔ དབྱེ་དང་བསད་མནན་ལས་ཀུན་སྒྲུབ༔ སྣ་ཚོགས་མདོག་ཅན་ཁ་དོག་སྒེགས༔ གསང་བའི་རྒྱུད་རྣམས་ངེས་མཛད་མ༔ སྣ་ཚོགས་སྐྱོང་བྱེད་གཤེགས་སུ་གསོལ༔ དམ་རྫས༴ ཞི་རྒྱས༴ རྣལ་འབྱོར༴ ཀུན་དཀའ་འབུམ་པའི་ཟབ་གཏེར་ལས་བྱུང་བ་འདི་ཉིད་མཁའ་འགྲོ་གསང་འདུས་ལ་སྦྱར་དུ་རུང་བ་འཇམ་མགོན་པདྨ་གར་དབང་གིས་བཀའ་ལུང་གི་ངེས་པ་ཡང་དག་པའོ། །གོང་གི་གནས་ཡུལ་ཉེར་བཞིའི་དཔའ་བོ་དཔའ་མོར་བསྟོད་བསྐུལ་ནི་རིག་སྔགས་འཛིན་པ་པདྨ་ཡེ་ཤེས་རྡོ་རྗེས་རྡོ་རྗེའི་གསུང་ལ་རིགས་མཐུན་དུ་སྦྱར་བ་བླ་མ་ཡེ་ཤེས་དྷཱ་ཀིས་བཟོད་པར་མཛོད་ཅིག དགེའོ།། དགེའོ།། དགེའོ།། །།

[edit]

@##/__/rdzogs chen ma rgyud mkha' 'gro gsang ba lam khyer kyi bstod bskul khol du phyung ba bzhugs so:__hU~M:__ma bcos chos dbyings skye ba med pa las:__rang byung longs sku thugs rje khros ma'i sku:__sku mdog mthing nag khro mo'i cha byad can:__gcer bu rtog bral dbu skra thur du grol:__khro gnyer spyan gsum mche ba rab tu gcigs:__spyi gtsug phag zhal srid gsum rtse nas gdengs:__phag mo'i ngur sgras stong gsum zil gyis gnon:__gri gug thod khrag g.yas dang g.yon na bsnams:__dur khrod chas brgyad sha T+wA~M gru mor brten:__phyag rgya lnga dang dur khrod chas kyis brgyan:__me dpung klong na zhabs gnyis brkyang bskum gyis:__nyi zla dus mtshan ro yi steng du mnan:__bde stong nyams ldan 'bar ba'i gar dang ldan:__thugs rje khros ma'i sku la phyag 'tshal bstod:__hU~M:__stong nyid rang sgra rnam par dag pa yi:__A li kA li'i ngo bo yongs rdzogs pa'i:__A ral+li zhes bzhad pa'i gad rgyangs sgrogs:__pheM gyi sgra sgrogs mkha' 'gro dbang du sdud:__hU~M gi nga ros bdud dpung zil gyis gnon:__stong nyid chos sgras 'khor ba dbyings su sgrol:__phaTaHkyi 'brug sgras log lta tshar gcod mdzadaH__bde ba rgyas pa'i ha he'i sgra 'byin cing :__gsung dbyangs drug cus 'gro ba thabs kyis 'dul:__thugs rje khros mo'i gsung la phyag 'tshal bstod:__hU~M:__don dam stong nyid bde chen gsal dag sku:__dbyibs dang kha dog mtshan ma brjod las 'das:__nyon mongs rnam dag ye shes chen po nyid:__gdod nas ma skyes spros bral don ston ma:__'khor ba'i skyon bral shes rab pha rol phyin:__bde stong gnyis med zung 'jug rang bzhin can:__mthong thos dran pas 'gro ba thams cad la:__'bar ba gsum gyi dngos grub khyab mdzad cing :__dga' bde ye shes gnyis med 'char bar mdzad:__thugs rje khros ma'i thugs la phyag 'tshal bstod:__hU~M:__don dam chos nyid ngang las ma g.yos kyang :___sna tshogs gnyis med 'ja' lus gzugs sku'i tshul:__rnam dag sku la yon tan rab brgyan cing :__'gags med gsung gi gdul bya'i 'gro ba smin:__grol mdzad spros bral 'khor ba'i rgya mtsho skem:__yon tan phun tshogs sgrub la dngos grub ster:__phrin las thugs rjes 'gro ba thabs kyis 'dul:__thugs rje khros ma bde chen rnal 'byor ma:__'khor lo lnga rdzogs phrin las kun gyi bdag:__mchog dang thun mongs dngos grub gter 'chang ma:__ye shes mkha' 'gro bde gshegs kun gyi yum:__rdo rje phag mo'i sku la phyag 'tshal bstod:__dam rdzas bdud rtsi 'bar ba 'di gsol la:__zhi rgyas dbang drag mngon spyod la sogs pa:__rnal 'byor bcol ba'i phrin las 'grub par mdzod:__hU~M:__ha las byung ba'i bde chen dkar mo ni:__zhe sdang rnam dag me long ye shes sku:__zhi ba'i las mdzad rdo rje rnal 'byor ma:__dkar mo dung mdog rdo rje rigs kyi gtso:__rdo rje'i rigs mtshon rdo rjes dbu la brgyan:__rdo rje gri gug thod khrag phyag na bsnams:__zhe sdang rtsad gcod nyon mongs zhal du gsol:__bcu drug lo lon kha T+wA~M gru mor brten:__gcer bu skra grol rus pa'i rgyan gyis brgyan:__thod skam dbu rgyan thod rlon do shal byas:__zhabs gnyis brkyang bskum ro yi gdan la bzhugs:__badz+ra DA ki ha yi sgra 'byin cing :__rdo rje mkha' 'gro 'bum gyi 'khor dang bcas:__bde chen dkar mo'i sku la phyag 'tshal bstod:__dam rdzas bdud rtsi 'bar ba 'di gsol la:__zhi rgyas dbang drag mngon spyod la sogs pa:__rnal 'byor bcol ba'i phrin las 'grub par mdzod:__hU~M:__ri las byung ba'i ser mo don grub ni:__nga rgyal rnam dag mnyam nyid ye shes sku:__rgyas pa'i las mdzad rin chen rnal 'byor ma:__ser mo gser mdog rin chen rigs kyi gtsoH__rin chen rigs mtshon rin chen dbu la brgyan:__rin chen gri gug thod khrag phyag na bsnams:__nga rgyal rtsad gcod nyon mongs zhal du gsol:__bcu drug lon tshul kha T+wA~M gru mo brten:__gcer bu skra grol rus pa'i rgyan gyis brgyan:__thod skam dbu rgyan thod rlon do shal can:__zhabs gnyis brkyang bskum ro yi gdan la bzhugs:__rat+na DA ki ri yi sgra 'byin cing :__rin chen mkha' 'gro 'bum gyi 'khor dang bcas:__ser mo don grub sku la phyag 'tshal bstod:__dam rdzas bdud rtsi 'bar ba 'di gsol la:__zhi rgyas dbang drag mngon spyod la sogs pa:__rnal 'byor bcol ba'i phrin las 'grub par mdzod:__hU~M:__ni las byung ba'i dmar mo sgra sgrogs ni:__'dod chags rnam dag kun rtog ye shes sku:__dbang gi las mdzad pad+ma'i rnal 'byor ma:__dmar mo zangs mdog pad+ma rigs kyi gtso:__pad+ma'i rigs mtshon pad+mas dbu la brgyan:__pad+ma gri gug thod khrag phyag na bsnams:__'dod chags rtsad gcod nyon mongs zhal du gsol:__bcu drug lon tshul kha T+wA~M gru mor brten:__gcer bu skra grol rus pa'i rgyan gyis brgyan:__thod skam dbu rgyan thod rlon do shal can:__zhabs gnyis brkyang bskum ro yi gdan la bzhugs:__pad+ma DA ki ni yi sgra 'byin cing :__pad+ma mkha' 'gro 'bum gyi 'khor dang bcas:__dmar mo sgra sgrogs sku la phyag 'tshal bstod:__dam rdzas 'dud rtsi 'bar ba 'di gsol la:__zhi rgyas dbang drag mngon spyod la sogs pa:__rnal 'byor bcol ba'i phrin las 'grub par mdzod:__hU~M:__sa las byung ba'i sna tshogs mthar phyin ni:__phrag dog rnam dag nan tan ye shes sku:__drag po'i las mdzad las kyi rnal 'byaur ma:__sngon mo g.yu mdog las kyi rigs kyi gtso:__las kyi rigs mtshon rgya gram dbu la brgyan:__rgya gram gri gug thod khrag phyag na bsnams:__phrag dog rtsad gcod nyon mongs zhal du gsol:__bcu drug lon tshul kha T+wA~M gru mor brten:__gcer bu skra grol rus pa'i rgyan gyis brgyanaH__thod skam dbu rgyan thod rlon do shal can:__zhabs gnyis brkyang bskum ro yi gdan la bzhugs:__karma DA ki sa yi sgra 'byin cing :__las kyi mkha' 'gro 'bum gyi 'khor dang bcas:__sna tshogs mthar phyin sku la phyag 'tshal bstod:__dam rdzas bdud rtsi 'bar ba 'di gsol la:__zhi rgyas dbang drag mngon spyod la sogs pa:__rnal 'byor bcol ba'i phrin las 'grub par mdzod:__!__/'khor lo gsum gyi dpa' bo dpa' mo bskul ba ni/__hU~M/__/mkha' spyod thugs kyi 'khor lo nas/__/pU dza o A go ra dang*/__/de mA'i sa bon las skyes pa'i/__/dpa' bo dpa' mo thams cad kyang*/__/zhal gcig phyag gnyis spyan gsum pa/__/sku mdog in+d+ra nI ltar sngo/__/dar dang rin chen rus pas brgyan/__/stag gi pags pa'i sham thabs grol/__/yab rnams DA ru dril bu 'khrol/__/g.yas brkyangs pad nyi ro steng bzhengs/__/yum rnams kha T+wA~M thod khrag gis/__/yab la 'khyud cing brkyangs bskums rol/__/ye shes me dpung 'phro ba'i dbus/__/khro 'dzum zhi chags nyams 'gyur rdzogs/__/rang rang rigs kyi tshom bu 'bum/__/nyi dang 'od zer bzhin du 'phro/__/thugs kyis dgongs te gshegs su gsol/__/dam rdzas bdud rtsi 'bar ba 'di gsol la/__/zhi rgyas dbang drag mngon spyod la sogs pa/__/rnal 'byor bcol ba'i phrin las 'grub par mdzod/__hU~M/__/sa steng gsung gi 'khor lo nas/__/ka o tri ko ka la dang*/__/ka hi'i sa bon las skyes pa'i/__/dpa' bo dpa' mo thams cad kyang*/___/zhal gcig phyag gnyis spyan gsum pa/__/sku mdog pad rag mdog ltar dmar/__/dar dang rin chen rus pas brgyan/__/stag gi pags pa'i sham thabs grol/__/yab rnams DA ru dril bu 'khrol/__/g.yas brkyangs pad nyi ro steng bzhengs/__/yum rnams kha T+wA~M thod khrag gis/__/yab la 'khyud cing brkyangs bskums rol/__/ye shes me dpung 'phro ba'i dbus/__/khro 'dzum zhi chags nyams 'gyur rdzogs/__/rang rang rigs kyi tshom bu 'bum/__/nyi dang 'od zer bzhin du 'phro/__/gsung gis dgongs te gshegs su gsol/__dam rdzas bdud rtsi 'bar ba 'di gsol la/__/zhi rgyas dbang drag mngon spyod la sogs pa/__/rnal 'byor bcol ba'i phrin las 'grub par mdzod/__hU~M/__/sa 'og sku yi 'khor lo nas/__/pre gr-i sau su nA si dang*/__/ma ku'i sa bon las skyes pa'i/__/dpa' bo dpa'=__/zhal gcig phyag=__/sku mdog zla ba'i 'od ltar dkar/__/dar dang rin chen=__/stag gi pags pa'i=__/yab rnams DA ru=__/g.yas brkyangs pad nyi=__/yum rnams kha T+wA~M thod=__/yab la 'khyud cing =__/ye shes me dpung =__/khro 'dzum zhi chags=__/rang rang rigs kyi=__/nyi dang 'od zer=__/sku yis dgongs te=__/dam rdzas bdud rtsi 'bar=__/zhi rgyas dbang drag=__/rnal 'byor bcol ba'i phrin las 'grub par mdzod:__de nas dur khrod kyi mkha' 'gro sde brgyad bskul ba ni:__hU~M:__shar phyogs gtum drag dur khrod nas:__mi phyed rdo rje mkha' 'gro ma:__gcer bu lus la dkar ba'i mdog:__rus pa'i 'khor lo rtsibs drug la:__zla phyed rdo rjes mtshan pas brgyan:__thal bas byugs pa'i zhing dag la:__dkar dmar thig le brtsegs pas spras:__skyil krung phyed pa'i gar dang ldan:__'dod yon byed pa gshegs su gsol:__dam rdzas bdud rtsi 'bar ba 'di gsol la:__zhi rgyas dbang drag mngon spyod la sogs pa:__rnal 'byor bcol ba'i phrin las 'grub par mdzod:__hU~M:__lho phyogs gad rgyangs sgrogs pa'i dur khrod nas:__rin chen mkha' 'gro gzi brjid can:__btso ma gser gyi mdangs ldan zhing :__gcer bu'i lus la skra grol ma:__rtsibs brgyad mu khyud ldan pa yi:__rin chen gser gyi nor bu 'dzin:__thal bas byugs pa'i zhing dag tu:__rgyan ldan rgyas byed gshegs su gsol:__dam rdzas bdud rtsi=__zhi rgyas dbang drag=__rnal 'byor bcol ba'i phrin las 'grub par mdzod:__hU~M:__nub phyogs pad+ma 'khyil pa'i dur khrod nas:__dri med pad+ma mkha' 'gro ma:__shes rab pha rol phyin snyems ma:__bde ba nges par grol byed ma:__b+ha ga'i gnas la gcer bu ste:__skra grol mu tig cod pan can:__pad+ma rA gas dbu la brgyan:__bcu drug mdangs ldan gshegs su gsol:__dam rdzas bdud rtsi 'bar ba 'di gsol la:__zhi rgyas dbang drag mngon spyod la sogs pa:__rnal 'byor bcol ba'i phrin las 'grub par mdzod:__hU~M:__byang phyogs kI la sgrogs pa'i dur khrod nas:__las kyi mkha' 'gro bde ba can:__brtson 'grus pha rol phyin snyems shing :__zhi rgyas dbang drag mngon spyod dang :__phrin las thams cad mthar phyin mdzad:__gcer bu skra grol brkyangs bskums tshul:__sna tshogs mthar phyin dur khrod lus:__bzang po'i dbu rgyan cod pan can:__sna tshogs byin rlabs gshegs su gsol:__dam rdzas bdud rtsi 'bar ba 'di gsol la:__zhi rgyas dbang drag=__rnal 'byor bcol=__hU~M:__shar lho rab 'jigs dur khrod nas:__dam tshig mkha' 'gro mi 'da' ma:__bdud rtsi lnga la longs spyod cing :__mi ro sha la rol mdzad ma:__gcer bu rus pa'i rgyan gyis brgyan:__ha he'i gad mo chen mo sgrogs:__khrag dang mtshan mas lus la byug:__sna tshogs rgyan ldan gshegs su gsol:__dam rdzas=__zhi rgyas=__rnal 'byor=__hU~M:__lho nub gtum pa'i dur khrod nas:__sna tshogs mkha' 'gro mi thub ma:__'od zer rnam pa stong 'gyed cing :__dur khrod shun pa gos su gyon:__me thul pad+ma rA ga'i mdog:__thal bas byug pa'i zhing dag tu:__khrag gi tshom bu thig les brgyan:__ud+pal mdangs ldan gshegs su gsol:__dam rdzas=__zhi rgyas=__rnal 'byor=__hU~M:__nub byang rab rgyu'i dur khrod nas:__thams cad mkha' 'gro kun rgyu ma:__legs par ster byed rab tu rol:__'byung bzhi dbang sdud dri ma med:__rus pa'i thor gtsug cod pan can:__gar stabs mkha' la 'gro byed ma:__mar gad mdog can yid 'ong gzugs:__dbang mdzad dbang bsgyur gshegs su gsol:__dam rdzas=__zhi rgyas=__rnal 'byor=__hU~M:__byang shar drag shul dur khrod nas:__brgyud 'dzin 'jig rten mkha' 'gro ma:__phrin las thams cad rdzogs byed cing :__dbang du sdud cing dgug cing bskrad:__dbye dang bsad mnan las kun sgrub:__sna tshogs mdog can kha dog sgegs:__gsang ba'i rgyud rnams nges mdzad ma:__sna tshogs skyong byed gshegs su gsol:__dam rdzas=__zhi rgyas=__rnal 'byor=__kun dka' 'bum pa'i zab gter las byung ba 'di nyid mkha' 'gro gsang 'dus la sbyar du rung ba 'jam mgon pad+ma gar dbang gis bka' lung gi nges pa yang dag pa'o/__/gong gi gnas yul nyer bzhi'i dpa' bo dpa' mor bstod bskul ni rig sngags 'dzin pa pad+ma ye shes rdo rjes rdo rje'i gsung la rigs mthun du sbyar ba bla ma ye shes d+hA kis bzod par mdzod cig__dge'o//__dge'o//__dge'o//__//