DKR-KABUM-20-WA-006: Difference between revisions
From Khyentse Lineage - A Tsadra Foundation Project
WikiBot2015 (talk | contribs) (Created page with "{{Khyentse Metadata |classification=Tibetan Publications |subclass=Tibetan Texts |collectiontitle=dil mgo mkhyen brtse bka' 'bum |collectiontitletib=དིལ་མགོ་...") |
m (Text replacement - "Khyentse Metadata" to "Text") |
||
| (3 intermediate revisions by one other user not shown) | |||
| Line 1: | Line 1: | ||
{{ | {{Text | ||
|classification=Tibetan Publications | |classification=Tibetan Publications | ||
|subclass=Tibetan Texts | |subclass=Tibetan Texts | ||
|sectionheading=No | |||
|fulltitletib=སྙན་བརྒྱུད་སྙིང་གི་གསང་མཛོད་ལས། །གཉགས་ལུགས་རྡོ་རྗེ་ཕུར་པའི་ཡི་དམ་ཞི་བ་རྡོ་རྗེ་སེམས་དཔའི་སྒྲུབ་ཐབས་ཡེ་ཤེས་གསང་ཐིག་གི་རྣམ་བཤད་གསང་ཆེན་བདུད་རྩིའི་ཉིང་ཁུ། | |||
|fulltitle=snyan brgyud snying gi gsang mdzod las/ /gnyags lugs rdo rje phur pa'i yi dam zhi ba rdo rje sems dpa'i sgrub thabs ye shes gsang thig gi rnam bshad gsang chen bdud rtsi'i nying khu | |||
|citation=[[Khyentse, Dilgo]]. ''Snyan brgyud snying gi gsang mdzod las gnyags lugs rdo rje phur pa'i yi dam zhi ba rdo rje sems dpa'i sgrub thabs ye shes gsang thig gi rnam bshad gsang chen bdud rtsi'i nying khu''. In ''Skyabs rje dil mgo mkhyen brtse rin po che'i bka' 'bum'', Vol. 20: 116-151. Delhi: Shechen Publications, 1994. | |||
|collectiontitletib=དིལ་མགོ་མཁྱེན་བརྩེ་བཀའ་འབུམ། | |||
|collectiontitle=dil mgo mkhyen brtse bka' 'bum | |collectiontitle=dil mgo mkhyen brtse bka' 'bum | ||
|author=Khyentse, Dilgo | |author=Khyentse, Dilgo | ||
|authortib=དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ | |authortib=དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ | ||
| | |sourcerevealer=Khyentse, Dilgo | ||
| | |sourcerevealertib=དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ | ||
|volumenumber= | |associatedpeople=gnyags dz+nyA na ku mA ra | ||
|associatedpeopletib=གཉགས་ཛྙཱ་ན་ཀུ་མཱ་ར་ | |||
|tibgenre=Contemplative Guide Books and Instructional Manuals - khrid yig | |||
|terma=Yes | |||
|dkroutline=Six | |||
|deity=rdo rje phur pa | |||
|cycle=snyan brgyud snying gi gsang mdzod | |||
|cycletib=སྙན་བརྒྱུད་སྙིང་གི་གསང་མཛོད་ | |||
|volumenumber=020 | |||
|volnumtib=༢༠ | |||
|volyigtib=ཝ་ | |||
|totalvolumes=25 | |||
|textnuminvol=006 | |textnuminvol=006 | ||
|pagenumbers=116-151 | |||
|totalpages=71 | |||
|beginfolioline=1a | |||
|endfolioline=36a3 | |||
|totalfolios=36 | |||
|multivolumework=No | |||
|rectonotes=khrid yig | |||
|versonotes=gnyags lugs phur pa | |||
|colophontib=།འཕྲོ་ལུས། སརྦ་མངྒ་ལཾ། དགེའོ།། | |||
|colophonwylie=/'phro lus/__sarba mang+ga laM/_dge'o// | |||
|pdflink=File:DKR-KABUM-20-WA-006.pdf | |pdflink=File:DKR-KABUM-20-WA-006.pdf | ||
}} | }} | ||
| Line 17: | Line 41: | ||
<onlyinclude> | <onlyinclude> | ||
{{TibP|༄༅། །སྙན་བརྒྱུད་སྙིང་གི་གསང་མཛོད་ལས། །གཉགས་ལུགས་རྡོ་རྗེ་ཕུར་པའི་ཡི་དམ་ཞི་བ་རྡོ་རྗེ་སེམས་དཔའི་སྒྲུབ་ཐབས་ཡེ་ཤེས་གསང་ཐིག་གི་རྣམ་བཤད་གསང་ཆེན་བདུད་རྩིའི་ཉིང་ཁུ་ཞེས་བྱ་བ་བཞུགས། ། | {{TibP|༄༅། །སྙན་བརྒྱུད་སྙིང་གི་གསང་མཛོད་ལས། །གཉགས་ལུགས་རྡོ་རྗེ་ཕུར་པའི་ཡི་དམ་ཞི་བ་རྡོ་རྗེ་སེམས་དཔའི་སྒྲུབ་ཐབས་ཡེ་ཤེས་གསང་ཐིག་གི་རྣམ་བཤད་གསང་ཆེན་བདུད་རྩིའི་ཉིང་ཁུ་ཞེས་བྱ་བ་བཞུགས། ། | ||
<br> | |||
༄༅། །མཁའ་ཁྱབ་སྒྱུ་འཕྲུལ་དྲྭ་བའི་དཀྱིལ་འཁོར་གྱི། །ཁྱབ་བདག་རྡོ་རྗེའི་ཡེ་ཤེས་ནམ་མཁའི་སྐུ། །མི་ཕྱེད་སེམས་མཆོག་ཆེས་དཔའ་ལྷག་པའི་ལྷ། །དབྱེར་མེད་རྡོ་རྗེ་དབང་མཆོག་སྤྱི་བོས་བཏུད། །བཀའ་གཏེར་ཟབ་གསང་རྒྱུ་སྐར་རྣམ་བཀྲ་བའི། །མདངས་མཛེས་སྙན་བསྒྱུར་ནམ་མཁའི་ཐིག་ལེའི་བཅུད། །སྐལ་བཟང་ཀུ་མུཏ་ཟེའུ་འབྲུར་ཆགས་པ་ཡི། །ཆོས་ཀྱི་ཟབ་དོན་དད་ལྡན་དཔལ་དུ་དབྱེ། །དེ་ལ་འདིར་གསང་ཆེན་རྡོ་རྗེ་ཐེག་པའི་དཀྱིལ་འཁོར་རྒྱ་མཚོའི་ཁྱབ་བདག་རྡོ་རྗེ་སེམས་དཔའ་རྒྱུད་སྡེ་བཞི་འབྲེལ་གྱི་ཕྱི་ནང་གསང་སྒྲུབ་ཀྱི་ཟབ་དོན་རྣམ་པར་དབྱེ་བ་ལ་གཉིས། རང་བྱུང་རྒྱུད་ཀྱི་དགོངས་དོན་བཤད་པས་བསྒྲུབ་བྱ་མདོར་བསྟན། ཕྱི་ནང་གསང་བ་བླ་མེད་ཀྱི་དབང་དང་སྒྲུབ་ཐབས་རྒྱས་པར་བཤད་པས་སྒྲུབ་བྱེད་ཀྱི་ལམ་རྣམ་པར་དབྱེ་བའོ། །དང་པོ་ལའང་གསུམ། ཐོག་མར་དགེ་བ་མཚན་དོན་བཤད་པས་མདོར་བསྟན། བར་དུ་དགེ་བ་རྒྱུད་དོན་མཐར་ཆགས་སུ་རྒྱས་པར་བཤད། ཐ་མ་དགེ་བ་རྫོགས་ཚིག་གི་མཇུག་བསྡུ་བས་སྟོན་འཁོར་དགོངས་པ་དབྱེར་མེད་དུ་སྒྲུབ་པའོ། །དང་པོ་ནི། རྒྱ་གར་སྐད་དུ༔ བཛྲ་སཏྭ་དྷཱ་ཏུ་ཏནྟྲ༔ བོད་སྐད་དུ༔ རྡོ་རྗེ་སེམས་དཔའ་རང་བྱུང་གི་རྒྱུད༔ ཅེས་པའི་དོན་རྒྱུད་ལས། རྡོ་རྗེ་མི་ཕྱེད་ཅེས་བྱར་བརྗོད། །སེམས་དཔའ་སྲིད་པ་གསུམ་གཅིག་པ། །འདི་ནི་ཤེས་རབ་རིག་པ་ཡིས། །རྡོ་རྗེ་སེམས་དཔའ་ཞེས་བྱར་བརྗོད། །ཅེས་གསུངས་པ་ལྟར་རྣམ་ཀུན་མཆོག་ལྡན་གྱི་སྟོང་པ་ཆེན་པོ་རྣམ་ཐར་སྒོ་གསུམ་དང་འདུ་འབྲལ་མེད་པའི་དེ་ཁོ་ན་ཉིད་ཀྱི་རང་བཞིན་གང་ལ་འཁོར་འདས་གཉིས་སུ་དབྱེར་མི་ཕྱེད་པའི་གཤིས་ལུགས་གང༌། ཐབས་བདེ་བ་ཆེན་པོ་རང་རིག་པ་བྱང་ཆུབ་སེམས་དང་གཉིས་སུ་མེད་པའི་ཀུན་ཁྱབ་ཐུགས་རྗེའི་གོ་ཆ་ཆེས་དཔའ་བ་སྟེ། ཡེ་ཐོག་གཞི་ཡི་རྡོ་རྗེ་སེམས་དཔའ་དེ་རྒྱུ་རྐྱེན་རྟེན་འབྲེལ་གང་གིས་ཀྱང་མ་བྱས་པའི་རང་བྱུང་གསང་བ་ཆེན་པོ་སྟེ། དེ་ཉིད་མ་རྟོགས་པའི་གང་ཟག་རྣམས་ལ་བརྗོད་བྱེད་སྒྲ་ཡི་རྒྱུད་ཡི་གེའི་རྣམ་པར་བསྟན་པ་སྟེ་རྒྱུད་ཀྱི་མཚན་ལའང་འཇུག་པ་སྟེ། བརྗོད་བྱ་དོན་གྱི་རྒྱུད་གཞི་ལམ་འབྲས་གསུམ་གང་གི་སྐབས་སུའང་རང་བཞིན་གྱིས་རྣམ་པར་དག་པས་བཏགས་པ་རྡོ་རྗེ་སེམས་དཔའ་དང༌། འཁོར་འདས་ཀྱི་ཆོས་ཐམས་ཅད་སྤང་བླང་མེད་ན་མཉམ་པ་ཉིད་གཅིག་ཏུ་བཟླུམས་པས་བསྡུས་པ་རྡོ་རྗེ་སེམས་དཔའ། གནས་ལུགས་དེ་སྐྱེས་བུས་མངོན་དུ་བྱས་པ་རྡོ་རྗེ་སེམས་དཔའ་གསུམ་དུ་དབྱེ་བའི་དོན་གང་ཞིག །དངོས་ཀྱི་འཁོར་རྣམས་ལ་རྒྱུད་དོན་ཡེ་ཤེས་རྣམ་འཕྲུལ་དུ་སྣང་བ། མ་འོངས་པའི་གདུལ་བྱ་རྣམས་ཀྱི་རྒྱུད་ལའང་སྒྲ་སྤྱི་ལྟར་སྣང་བའི་རྒྱུད་དང༌། དངོས་དང་མཐུན་པ་སྐྱེས་བུའི་རྣམ་རིག་དང་གནས་དང་བྱེད་པས་མིང་ཚིག་ཡི་གེ་སྒྲར་གྲགས་པའི་རྒྱུད་བརྗོད་པའི་རྟེན་ཡི་གེའི་གཟུགས་ཀྱི་གླེགས་བམ་དང་བཀོད་པ་བརྡར་གྱུར་པའི་རྒྱུད་དུ་དབྱེ་ཡང་དོན་ཐབས་ཀྱི་ཟིན་མ་ཟིན་འཁོར་འདས་སུ་སྣང་བ་རྟོགས་བྱ་གཞི་རྒྱུད། གློ་བུར་དྲི་མ་སྦྱོང་བ་རྟོགས་བྱེད་ལམ་རྒྱུད། རྟོགས་པ་མཐར་ཕྱིན་པ་རྟོགས་བྱ་འབྲས་བུའི་རྒྱུད་གང་ཡིན་ཀྱང་དོན་གཅིག་རྒྱུན་ཆགས་དང་རྒྱུད་ཅེས་བཏགས་པ་སྟེ། ཡེ་ཤེས་རང་སྣང་གི་སྟོན་འཁོར་ཕུན་སུམ་ཚོགས་པ་ལྔས་རྟག་པ་རྒྱུན་གྱི་ཆོས་འཁོར་ལས། ཐུགས་རྗེ་ཡུལ་ལ་འཇུག་པས་གཞན་སྣང་དུ་སྒྲ་ཚིག་ཡི་གེའི་རྣམ་པར་རྡོ་རྗེ་སེམས་དཔའ་རང་བྱུང་གི་རྒྱུད་དང༌། ལུང་ཕྱི་ནང་གསང་བ་ཡང་གསང་གི་སྒྲུབ་ཐབས། མན་ངག་དབང་བསྐྱེད་རྫོགས་དང་བཅས་པ་ཡེ་ཤེས་གསང་བའི་ཐིག་ལེ་ཞེས་བསྟན་པ་ཕྱིའི་གླེང་གཞི་དང༌། ཕྱི་ནང་གཞན་གསུམ་གྱི་དག་པ་སྦྱར་བའི་སྐབས་རྒྱ་གར་གྱི་ཡུལ་དབུས་རྡོ་རྗེ་གདན་ནི་སྙིང་དབུས་མི་ཤིགས་པའི་ཐིག་ལེ་སྟེ། དེར་རང་བྱུང་ཡེ་ཤེས་རྡོ་རྗེ་རྡུལ་བྲལ་ནམ་མཁའ་ལྟ་བུའི་དབྱིངས་མཁའ་ཁྱབ་མཁའ་ཡི་རྡོ་རྗེའི་གོ་སྐབས་མི་ཕྱེད་པའི་སེམས་ཀྱི་རྡོ་རྗེ་ཆེས་ཆེར་དཔའ་བ་ལ་ཕུན་ཚོགས་ལྔ་རང་བྱུང་ལྷུན་གྲུབ་ཏུ་བཞུགས་པ་ཡང་གསང་དོན་གྱི་གླེང་གཞི་དང༌། རྡོ་རྗེའི་ལུས་ལ་གནས་ཡུལ་གྱི་བཀོད་པ་ལྷུན་རྫོགས་སུ་བཤད་སྐབས་བོད་ཡུལ་ནི་བདེ་བ་ཆེན་པོ་ཆོས་ཀྱི་འབྱུང་གནས་ཏེ་དེ་ལ་ཐབས་ཤེས་སྦྱོར་བའི་ཞུ་བདེའི་མཆོག་ཏུ་མི་འགྱུར་བའི་བདེ་བ་ཆེན་པོ་རྡོ་རྗེ་སེམས་དཔའི་དེ་ཉིད་མངོན་དུ་བྱེད་པའི་གསང་བ་ཟབ་མོ་ཡང་བོད་སྐད་དུ་རྒྱུད་ཀྱི་མཚན་སྨོས་པས་གོ་བ་གསང་བའི་གླེང་གཞི་སྟེ། དེ་དག་གི་དགོངས་དོན་རྟོགས་གོམས་ཀྱི་རྒྱུད་དོན་མངོན་དུ་བྱེད་ནུས་པས་གླེང་བསླངས་ཀྱང་ཤུག་འབྱུང་དུ་བསྟན་པའོ། །གཉིས་པ་ཞར་བྱུང་ཕྱག་གི་དོན་ནི། མཉམ་ཉིད་དབྱིངས་སུ་བདུད་བཞི་ངང་གིས་བཅོྃམ། །ཕྱག་རྒྱ་རང་བཞིན་ཚོགས་གཉིས་རྫོགས་པར་ལྡནྃ། །ཡོད་མེད་མཐའ་འདྃས་བདག་གཞན་ཡོངས་ཀྱི་དཔལ། །ཐམས་ཅད་རང་བཞིན་རྟོགས་སྤང་ཐུགས་རྗེ་བཟང༌། །ཀུན་བཟང་ལྷ་ཡི་ལྷ་ཁྱོད་དབྱེར་མེད་ལྃ། །རྟོགས་དང་གྲུབ་པས་རབ་ཏུ་ཕྱགྃ་འཚྃལ་ལོྃ། །ཞེས་པའི་དོན་ནོ། །གཉིས་པ་བར་དུ་དགེ་བ་རྒྱུད་དོན་མཐར་ཆགས་སུ་བཤད་པ་ལ་མདོར་བསྟན་དང༌། རྒྱས་བཤད་གཉིས། དང་པོ་ལ་བརྗོད་བྱ་དོན་གྱི་རྒྱུད་མདོར་བསྟན་པ་དང༌། རྗོད་བྱེད་ཚིག་གི་རྒྱུད་མདོར་བསྟན་པ་གཉིས་ལས། དང་པོ་ནི། འཁོར་འདས་ཀྱི་ཆོས་ཉིད་ཀྱི་གནས་ལུགས་རྣམ་ཀུན་མཆོག་ལྡན་གྱི་སྟོང་ཉིད་ནི་གཟུང་འཛིན་མཚན་རྟོག་གིས་གཉིས་སུ་མི་ཕྱེད་པའི་རྡོྃ་རྗེྃ་ཞེས་རྒྱུ་རྐྱེན་གང་གིས་ཀྱང་མིྃ་ཤིགྃས་པ་ཆོས་ཀྱི་དབྱིངྃས་ཀྱིྃ་ངངྃ་དུ། མཆོག་ཏུ་མི་འགྱུར་བའི་ཡེ་ཤེས་སེམྃས་དཔྃའ་བདེྃ་བ་ཆེྃན་པོ་སོ་སོ་རང་རིགྃ་པྃའི་སྤྱོད་ཡུལ་ཅན་དང་དབྱེར་མི་ཕྱེད་པ་དུས་རྣམ་ཀུན་ཏུ་འཕེལ་འགྲིབ་མེད་པར་བཞུགས་པ་ནི་ངེས་པ་དོན་གྱི་ལྷྃ་སྟེྃ། དེས་ན་སྤྱིར་ཤེས་རབ་སྟོང་པ་ཉིད་དང་ཐབས་རིག་པ་རང་བྱུང་གི་ཡེ་ཤེས་གཉིས་ཟུངྃ་དུ་འཇུགྃ་པ་ནི་ངེས་དོན་སྒྱུྃ་འཕྲུལྃ་དྲྭྃ་བྃ་སྟེ། རྡོ་རྗེ་ལས། ཐབས་དང་ཤེས་རབ་འབྲེལ་བའི་དོན། །ཞེས་གསུངས། དེ་ནི་སངས་རྒྱས་ཐམས་ཅད་ཀྱི་མཐར་ཐུག་གི་དགོངས་པ་མ་ནོར་བ་ཡིན་པས་མདོ་རྒྱུདྃ་ཟབ་ཅིང་རྒྱ་ཆེ་བའི་ཆོས་ཕུང་རྣམྃས་ཀུནྃ་གྱིྃ་འཕྲོ་གཞི་རྩྃ་བྃའམ་སྙིང་པོ་མཐར་ཐུག་པྃའོ། །གཉིས་པ་རྗོད་བྱེད་ཚིག་གི་རྒྱུད་དོན་མདོར་བསྟན་པ་ནི། མདོ་ལས། ཚིག་བྲལ་ངག་གི་ལམ་གྱིས་མི་མཚོན་པའི། །དེ་བཞིན་ཉིད་ཆོས་རང་བཞིན་ནམ་མཁའ་འདྲ། །སེམས་དང་ཡིད་ཀྱི་རྒྱུ་བ་རྣམ་སྤངས་བ། །མཆོག་རབ་ངོ་མཚར་ཆེ་བ་དམ་པ་ཤེས། །ཞེས་གསུངས་པ་ལྟར་སངས་རྒྱས་འཕགས་པའི་མཉམ་བཞག་གི་ཡེ་ཤེས་དེ་གདུལ་བྱ་རྣམས་ཀྱིས་རྟོགས་པའི་ཕྱིར་བསམ་གྱིས་མི་ཁྱབ་པའི་གནས་ལུགས་དེྃ་ཉིདྃ་ཐབས་ཤེས་དབྱངས་གསལ་གྱི་ཡི་གེའི་སྤྲིན་གྱིས་གཞི་ལམ་འབྲས་བུའི་བརྗོྃད་བྱརྃ་སྣངྃ་བྃ་སྟེ་སྙིང་པོའི་རྒྱུད་ལས། ཆོས་རྣམས་མིང་དུ་བཏགས་པ་ཙམ། །སྟོན་པས་དོན་དང་མཐུན་ཕྱོགས་སུ། །མིང་དང་ཚིག་ཏུ་བཏགས་ནས་བསྟན། །སྟོན་ཞིང་ཚིག་ལ་དངོས་པོ་མེད། །ཞེས་སོ། །རྒྱུ་མཚན་དེ་ཡིྃས་གདུལ་བྱའི་ཁམས་དབང་བསམ་པ་དང་མཐུན་པར་དབང་རྟུལ་རིམྃ་པ་ཅན་ལ་གྲོལ་ལམ་དངྃ༌། དབང་རྣོན་གཅིྃག་ཆརྃ་གྲོལྃ་བར་བྱེད་པྃའི་ཐབས་ལམྃ་སྟོན་པའི་རྩ་བཤད་མན་ངག་གི་རྒྱུདྃ་སྡེྃའི་རྣམ་གྲང་འདི་ངེསྃ་པྃ་བློས་བསམ་བརྗོད་བགྲངྃ་ཡསྃ་པ་བཞུགས་ཀྱངྃ༌། ཕྱི་རབས་ཀྱི་གདུལ་བྱས་རྟོགས་སླ་བའི་ཕྱིར་སྨིན་བྱེད་ཀྱི་དབང༌། གྲོལ་བྱེད་བསྐྱེད་རྫོགས་གཉིས། གྲོགས་དམ་ཚིག་སྟེ་སྤྱི་དོན། ཉམས་སུ་ལེན་བྱ་གནད་ཀྱི་སྙིངྃ་པོྃ་རྣམྃ་པྃ་བཞིྃ་རུྃ་བསྡུསྃ་ཏེ་བསྟན་པར་མཛད་པའོ། །གཉིས་པ་རྒྱས་པར་བཤད་པ་ལ། གཞི། ལམ། འབྲས་བུའི་རྒྱུད་བཤད་པའོ། །དང་པོ་གཞི་ལ། གཞི་དངོས་དང༌། གཞི་སྣང་བཤད་པའོ། །དང་པོ་ནི་གཞི་ཆོས་ཉིད་ཀྱི་གནྃས་ལུགྃས་ཡེ་གདོྃད་མའི་དུས་ནསྃ་ངོ་བོ་ཀ་ནས་དག་པས་འཕོ་འགྱུར་འཕེལ་འགྲིབ་ཀྱི་ནམ་ཡང་མིྃ་འགྱུརྃ་བ་གཉུག་མའི་སེམྃས་ཉིད་དེ། དེ་ངོ་བོའི་ཆ་ནས་གཞལ་ན་ངོ་བོ་ཀ་ནས་དག་པས་སྒྲིབ་པས་བཅིྃངས་ཏེ་ངན་དུ་སོང་བ་མེདྃ་ཅིང༌། དེའི་ལྡོག་ཆ་རྣམྃ་པརྃ་གྲོལྃ་སྟེ་རྒྱུ་དང་ཡེ་ཤེས་ཀྱི་འབྲས་བུ་ཆོས་གསར་དུ་ཐོབ་བྱ་མེདྃ་པའིྃ་གཤིས་ལ་ཟག་མེད་ཀྱི་སྤང་རྟོགས་མཐའ་དག་ཉི་མ་དང་འོད་ཟེར་བཞིན་རང་བཞིན་ལྷུན་གྱིས་གྲུབ་པར་རྩོལ་སྒྲུབ་མ་དགོས་ལ་ངོ་བོའི་གཤིས་སུ་ཡེྃ་ནསྃ་ལྷུནྃ་གྲུབ་ཏུ་རྫོགྃས་ཟིན་པས་སངྃས་རྒྱསྃ་ཀྱི་ཆོསྃ་ཁམས་རྒྱ་མཚོ་ལྟ་བུ་འདུ་འབྲལ་མེད་པར་བཞུགས་ཏེ། གསང་སྙིང་ལས། བཅིངས་མེད་རྣམ་པར་གྲོལ་མེད་པའི། །ཡེ་ནས་ལྷུན་རྫོགས་སངས་རྒྱས་ཆོས། །བསྟན་ཕྱིར་སྤྲོ་བ་སྣ་ཚོགས་མཛད། །ཅེས་སོ། །གནས་ལུགས་དེ་ལ་མྱང་འདས་ཀྱི་ཆོས་མཐའ་དག་འདུ་འབྲལ་མེད་པ་ཡོངས་སུ་རྫོགས་པས་ངོ་བོའི་གཞི་དང༌། འཁོར་ཆོས་ཐམས་ཅད་ལ་མི་ལྡན་པའི་ཚུལ་དུ་བསྟེན་པས་བཏགས་པའི་གཞི་ཞེས་གཉིས་སུ་དབྱེ་བ་ཡང་མཛད་དོ། །གཉིས་པ་གཞི་སྣང་བཤད་པ་ནི། ཆོས་ཉིད་ཀྱི་བཞུགྃས་ཚུལ་བསལ་བཞག་ལས་འདས་ཀྱྃང་ངོ་བོ་སྐྱེ་མེད་ཀྱི་རོལ་པ་འགག་མེད་དུ་ཤར་བ་རིག་རྩལ་རང་སྣང་ཡིན་པ་རངྃ་ངོྃ་མ་ཤེས་པ་ལྷན་སྐྱེས་དང༌། བདག་གཞན་ཡུལ་དང་ཡུལ་ཅན་དུ་བདེན་པར་བཟུང་བ་ཀུན་བརྟགས་ཀྱི་མ་རིག་པས་བྲལ་ཐོབ་སྤངས་བའི་སངས་རྒྱས་རང་རིག་ཏུ་བཞུགས་པ་ངོ་མྃ་ཤེྃས་ཁ་ཕྱིར་བསྟན་དུ་གཟུང་འཛིན་ཅན་དུ་ཞེན་པསྃ། ཐག་ཁྲ་ལ་སྦྲུལ་དུ་འཁྲུལ་པས་འཇིགས་སྣང་སྐྱེ་བ་བཞིན་སེམས་ཅན་རངྃ་རང་གིྃ་རྣམྃ་པར་རྟོགྃ་པ་སྣ་ཚོགས་པའི་ལསྃ་གནས་དོན་ལུས་ཀྱིྃ་སྲིད་པའི་གྲོང་ཁྱེར་ཆེན་པོ་སྤྲུལྃ་ཏེ་བདེན་བདེན་ལྟར་སྣང་ཡང༌། བྱིས་པ་རྩེད་མོ་ལ་གཡེང་བས་ལུས་ངལ་དུབ་ཀྱི་ལས་ནནྃ་དྲགས་གྱིྃས་ནམ་མཁྃའ་ལྃ་བཟུང་བར་རློམས་ནས་ཐག་པས་མདུདྃ་པྃ་འདོྃར་ཡང་ངལ་བ་དོན་མེད་ཀྱི་རྩེ་འཇོའི་གཡེང་བ་ལྟར་སྲིྃད་པའི་རྩེ་མོ་ནས་འདིར་ཐོག་མཐའ་མེད་པྃར་ལས་ཉོན་གྱི་གཞན་དབང་གིས་ཀུནྃ་ཏུྃ་རྒྱུྃ་ཞིང་སྡུག་བསྔལ་བྃར་སྣངྃ་ཡང་དོན་ལ་གྲུབ་པ་མེད་བཞིན་འཁྲུལ་བའི་བློ་ཁོ་ནས་བཀོད་པའོ། །གཉིས་པ་ལམ་རྒྱུད་བསྟན་པ་ལའང༌། མདོར་བསྟན། རྒྱས་བཤད་གཉིས་ལས། དང་པོ་ནི། གློ་བུར་འཁྲུལ་རྟོག་རྒྱུ་འབྲས་དེ་སྦྱོངྃ་བྱེདྃ་ལམ་གྱི་རིམ་པས་སྦྱངས་པས་མཁྲིས་པའི་ནད་ལས་གྲོལ་ན་དུང་དཀར་པོར་སྣང་བ་བཞིན་མ་འཁྲུལ་པའི་ཆོས་ཉིད་ངོ་བོའི་བཞུགས་ཚུལ་ངོ་བོ་ཇི་བཞིན་དུ་རྟོགས་ནས་སྲིད་པའི་རྒྱུ་འབྲས་ཀྱི་འཁྲུལ་སྣང་རང་དག་ཏུ་འགྲོ་བར་ནུས་པས་ན། སྐྱོན་དེ་གདུལ་བྱའི་དབང་པོའི་ཁྱད་པར་གྱིས་འབྲས་བུ་སངས་རྒྱས་དེ་མ་འོངས་པར་རང་རྒྱུད་དུ་ཐོབ་པའི་ཐབས་གཙོ་བོར་བཏོན་པ་རྒྱུྃ་མཚན་ཉིད་ཐེག་པ་དངྃ༌། གཞི་འབྲས་གཉིས་མེད་དུ་རྟོགས་ནས་སངས་རྒྱས་ཀྱི་མཛད་པ་དང་མཐུན་པར་འབྲས་བུ་ལམ་དུ་བྱེད་པ་རྡོ་རྗེ་ཐེག་པའམ་འབྲསྃ་བུའིྃ་ཐེགྃ་པ་ཞེས་གཉིས་སུ་བསྟན་ཅིང༌། དོན་དུ་གནས་ངན་སྡུག་བསྔལ་གྱི་གནས་ལས་ལོག་ཅིང༌། བདེ་བའི་ངལ་སྟེགས་ལ་དབུགས་འབྱིན་པའི་ལྟ་སྒོམ་སྤྱོད་གསུམ་དང་ལྡན་པ་ནི་ཐེག་པ་ཞེས་གསུངས། རྒྱུ་མཚན་ཉིད་ཐེག་པ་ལའང་གདུལ་བྱའི་དབང་པོའི་རིམ་པས་ལྷ་དང་མིའི་ཐེག་པ་དང་པོ་བསྟན་ཏེ་གཞི་དགེ་སྡིག་གཉིས་ལས་འབྲས་བུ་བདེ་སྡུག་གཉིས་འབྱུང་བ་ལ་ཡིད་ཆེས་པས། ལམ་དགེ་བ་བཅུ་ལ་སྤྱོད་པས་འདོད་ལྷ་མིའི་གནས་དང༌། བསམ་གཏན་བཞི་དང་ཚད་མེད་བཞི་གོམས་པས་གཟུགས་ཁམས་གཟུགས་མེད་སྐྱེ་བ་དང༌། གཉིས་པ་ཉན་ཐོས་ཀྱི་གཞི་གང་ཟག་གི་བདག་མེད་རྟོགས་ཤིང༌། དངོས་པོ་རྡུལ་ཕྲན་ཆ་མེད་དང༌། སེམས་སྐད་ཅིག་ཆ་མེད་གཉིས་པོ། དོན་དམ་དུ་ལྟ་བ་དང༌། ཚུལ་ཁྲིམས་ཏིང་འཛིན་ཤེས་རབ་ཀྱི་བསླབ་པ་ལ་གནས་ནས། ཚོགས་སྦྱོར་མཐོང་སྒོམ་མི་སློབ་པའི་ལམ་ལྔ་བགྲོད་དེ། འབྲས་བུ་ལྷག་བཅས་ལྷག་མེད་དགྲ་བཅོམ་མངོན་དུ་བྱེད་པ། གསུམ་པ་རང་རྒྱལ་གྱི་གཞི་ཕྱི་ནང་རྟེན་འབྲེལ་ལུགས་འབྱུང་ལྡོག་གིས་འཁོར་འདས་བྱེད་པར་སློབ་དཔོན་མེད་པར་རང་ཉིད་སྔོན་གོམ་གྱི་སྟོབས་ཀྱིས་ཤེས་པ། གང་ཟག་དང་ཆོས་ཀྱི་བདག་མེད་ཕྱེད་གཟུང་བ་རང་བཞིན་མེད་པ་རྟོགས་པས། ལམ་ལྔ་བགྲོད་དེ། ཚོགས་སྤྱོད་དང་བསེ་རུ་ལྟ་བུའི་དགྲ་བཅོམ་ཐོབ་པའོ། །བཞི་པ་བྱང་སེམས་ཐེག་པ་ཆེན་པོ་བདུན་ལྡན་གྱིས་གཞི་བདག་མེད་གཉིས་རྟོགས། ཀུན་རྫོབ་དང་དོན་དམ་བྱང་ཆུབ་སེམས་ཀྱི་རྩིས་ཟིན་པའི་ཕར་ཕྱིན་བཅུ་ལ་བསླབས་པས་འབྲས་བུ་ཀུན་ཏུ་འོད་ཀྱི་ས་ལ་སངས་རྒྱས་ནས་དོན་གཉིས་ལྷུན་གྱིས་གྲུབ་པ་སྟེ་ཉན་རང་གཉིས་གཅིག་ཏུ་རྩི་བ་ཀུན་འབྱུང་འདྲེན་པའི་ཐེག་པ་ལ་བསམ་མོ། །ལྔ་པ་འབྲས་བུ་གསང་སྔགས་རྡོ་རྗེ་ཐེག་པ་ལ་ཕྱི་ནང་གཉིས་ལས། དང་པོ་ཕྱི་དཀའ་ཐུབ་རིག་བྱེད་ཀྱི་ཐེག་པ་ནི་དང་པོ་བྱ་རྒྱུད་དེ། གཞི་ཆོས་རྣམས་སྟོང་པར་རྟོགས་ནས། དབང་ཆུ་དང་ཅོད་པན་གཙོ་བོར་བསྐུར་ཏེ། མཐའ་རྟེན་བཟླས་ལུང༌། བཀྲུ་བྱབས་སྲུང་གསུམ། བཀྲ་ཤིས་རྫས་རྟགས་སྦྱིན་ཅིང༌། དོན་དམ་པར་ལྷ་དང་བདག་དབྱེར་མེད་ཡིན་པ་དང༌། ཀུན་རྫོབ་ཏུ་ལྷ་ཡེ་ཤེས་སེམས་དཔའ་ཡོན་ཏན་མཐར་ཕྱིན་པའི་རྒྱལ་པོ་དང༌། རང་འབངས་ལྟར་མཆོག་དམན་དུ་ལྟ་བས་ཁྲུས་དང་གཙང་སྦྲ་སོགས་ལུས་ངག་གི་བྱ་བ་གཙོ་བོར་བཏོན་ཏེ། འབྲས་བུ་མི་ཚེ་བཅུ་དྲུག་ན་སངས་རྒྱས་པར་འདོད་པའོ། །གཉིས་པ་སྤྱོད་པ་བྱ་རྒྱུད་དང་མཐུན་ཞིང༌། སྒོམ་པ་རྣལ་འབྱོར་རྒྱུད་ལྟར་བསྟན་པ་སྤྱོད་རྒྱུད་སྟེ། གཞི་ངོ་བོ་ཉིད་ཡེ་ནས་མཚུངས་པ་མེད་པའི་ཤེས་རབ་དང༌། ལམ་བདག་དང་ལྷ་སྤུན་དང་གྲོགས་པོའི་ཚུལ་དུ་མཉམ་པར་ལྟ་བས། དབང་སྔ་མའི་སྟེང༌། རྡོ་རྗེ་དྲིལ་བུ། མིང་དབང༌། མེ་ལོང༌། ཐུར་མ། ཆོས་འཆད་ཀྱི་རྗེས་གནང་སོགས་དང༌། སྒོམ་པས་འབྲས་བུ་མི་ཚེ་བདུན་ན་རིགས་བཞིའི་སངས་རྒྱས་སུ་འདོད་པ་དང༌། གསུམ་པ་རྣལ་འབྱོར་རྒྱུད་ཀྱིས་གཞི་དོན་གཉིས་ཟུང་འཇུག་གི་ཚུལ་ལ་ངེས་པ་ཆེར་འཕེལ་བས་ཕྱིའི་བྱ་བ་ལ་མ་ལྟོས་པར་སྒོམ་པ་གཙོར་བཏོན་པས། དབང་རིགས་དབང་ལྔ། སློབ་དཔོན་གྱི་དབང༌། དམ་ཚིག་གསུམ་བཟུང༌། ལྷག་པ་དཀྱིལ་འཁོར་དེ་ཉིད་སྟོན་པ། བཀའ་ཡི་དབང་ཞེས་ཆོས་འཆད་རྗེས་གནང༌། ལུང་བསྟན་དབུགས་དབྱུང་གཟེངས་བསྟོད་སོགས་སྦྱིན་པས་སྨིན་པར་བྱས་ནས་ལམ་བདག་ལྷ་དམ་ཡེ་གཉིས་མེད་ཆུ་ལ་ཆུ་བཞག་པ་ལྟར་སངས་རྒྱས་ཀྱི་སྐུ་གསུང་ཐུགས་ཀྱི་མཛད་པ་ཕྱག་རྒྱ་བཞིས་བཏབ་ནས་བསྒོམས་པས་འབྲས་བུ་མི་ཚེ་གསུམ་ན་རིགས་ལྔའི་བདག་ཉིད་དུ་སངས་རྒྱས་པ་སྟེ་གསུམ་མོ། །བཞི་པ་རྣལ་འབྱོར་ཆེན་པོ་སྔགས་ནང་པ་བླ་མེད་ཀྱི་ཐེག་པ་ནི། དང་པོ་མ་ཧཱ་ཡོ་གས་བདག་དང་ལྷ་དབྱེར་མེད་པས་འདུ་འབྲལ་མེད་ཅིང༌། སྣང་སྲིད་དག་མཉམ་དུ་རྟོགས་པའི་ལྟ་བ་ཟབ་མོ་དང་རྗེས་སུ་མཐུན་པར། རིགས་པའི་དབང་ལྔ། རྡོ་རྗེ་སློབ་མའི་དབང༌། རྡོ་རྗེ་སློབ་དཔོན་གྱི་དབང༌། ལུང་བསྟན། དབུགས་དབྱུང༌། གཟེངས་བསྟོད། གསང་དབང༌། ཤེར་དབང༌། ཚིག་དབང་བཅས་བསྐུར་ནས། བསྐྱེད་རིམ་གཙོ་བོར་བསྒོམས་པས། འབྲས་བུ་ཚེ་འདིར་གྲོལ་བ་དང༌། ལམ་མ་ཧཱ་ཡོ་གའི་སྒྲ་ལས་ཐབས་ཤེས་ཀྱི་རྣལ་འབྱོར་བསྐྱེད་པས་རླུང་གཙོ་བོར་བྱས་ནས་གྲོལ་བར་འདོད། ཨ་ནུ་ཡོ་གས་ཤེས་རབ་རྫོགས་པའི་རིམ་པ་དབྱིངས་ཡེ་གཉིས་མེད་རྒྱུད་ལ་འདྲེན་པའི་ཕྱིར་ཕྱི་ནང་སྒྲུབ་གསང་བཞིས་བསྡུས་པའི་དབང་ཆོག་སུམ་ཅུ་རྩ་དྲུག་བསྐུར་ནས་ཐིག་ལེ་འཇུ་འདུལ་གྱི་ལམ་གཙོ་བོ་བྱས་ནས་བདེ་བ་ཆེན་པོའི་སྐུ་མངོན་དུ་བྱེད་པ་དང༌། ཨ་ཏི་ཡོ་གས་སྣང་སྲིད་འཁོར་འདས་ཀྱི་ཆོས་ཀུན་ཡེ་ནས་སངས་རྒྱས་པའི་གནས་ཚུལ་དང་མཐུན་པར་སྤྲོས་བཅས་དང་སྤྲོས་མེད་ཤིན་ཏུ་སྤྲོས་མེད་རབ་ཏུ་སྤྲོས་མེད་བཅས་ཀྱིས་སྨིན་པར་བྱས་ནས། ལམ་བསྒོམས་པས་གནས་སྣང་མཐར་ཕྱིན་པ་ཐེག་པ་ཐམས་ཅད་ཀྱི་མཐར་ཐུག་པ་སྟེ། དེས་ན་གདུལ་བྱའི་དབང་པོ་དང་མཐུན་པར་སྒྲུབ་བྱེད་ལྷ་མི། ཉན་རང༌། བྱང་སེམས། གསང་སྔགས་ཐེགྃ་པྃ་བྃཞི་རུ་བསྟན་ན་ཡང་རང་རང་གི་མི་མཐུན་ཕྱོགས་འཁོར་བའི་སྡུག་བསྔལ་དང༌། ཐེག་པ་དམན་པའི་ཡིད་བྱེད་སོགས་མི་མཐུན་ཕྱོགས་ལས་ངེྃས་པར་འབྱུངྃ་བ་བྱེད་ལྃ། བསྒྲུབ་བྱ་མཐར་ཐུག་བླ་ན་མེད་པའི་ཐེགྃ་པྃ་རང་བཞིན་རྫོགས་པ་ཆེན་པོ་དབྱིངས་རིག་གཉིས་མེད་ཀུན་བཟང་རྡོ་རྗེ་སེམས་དཔའི་གསང་ཚིག་གཅིྃག་གིྃ་འབྲསྃ་བུྃ་སངས་རྒྱས་ཀྱི་སར་གནྃས་པ་སྟེ། ཀུན་བྱེད་རྒྱལ་པོའི་རྒྱུད་ལས། སྟོན་པའི་ཐེག་པ་རང་བཞིན་དགུ་པོ་ཡང༌། །རང་བཞིན་རྫོགས་པ་ཆེན་པོ་བགྲོད་པའི་ལམ། །བླང་དོར་མེད་པའི་ཆོས་ཉིད་འདི་རྟོགས་ནས། །ཇི་བཞིན་པ་ལ་རང་བཞིན་ལྷུན་གྱིས་གྲུབ། །འགྲོ་དང་འོང་མེད་ཀུན་ཏུ་ཁྱབ་པར་བརྡལ། །ཞེས་གསུངས་པ་ལྟར་རོ། །དེས་ན་གནས་སྣང་གཉིས་ཀ་སངས་རྒྱས་འཕགས་པའི་གཟིགས་པ་སྒྲ་ཇི་བཞིན་དུ་བསྟན་པའི་ཆོས་ཀྱི་མཐརྃ་ཐུགྃ་འོ་མའི་ཉིང་ཁུ་མར་ལྟ་བུ་ནི་སྙིངྃ་པོྃ་རྡོ་རྗེ་སེམས་དཔའ་རང་བྱུང་གི་རྒྱུདྃ་འདིྃ་ཉིད་ཡིནྃ་པས་གནས་ལུགས་དེ་རྟོགས་པའི་ཐབས་སུ་དབང་དང༌། དམ་ཚིག །ལྟ་སྒོམ་སྤྱོད་འབྲས་སོགས་རྒྱུད་ཀྱི་དངོས་པོ་བཅུ་བསྟན་པའོ། །གཉིས་པ་རྒྱས་པར་བཤད་པ་ལ་གསུམ། སྐུ། གསུང༌། ཐུགས་ཀྱི་རྡོ་རྗེ་སེམས་དཔའ་གསུམ་བཤད་པའོ། །དང་པོ་སྐུ་རྡོ་རྗེ་སེམས་དཔའ་བཤད་པ་ནི། དངོས་གཅིག་དངོས་པོ་ཀུན་གྱི་ཁྱབ་བདག་ཏུ་བཞུགས་པ་ནི་རྡོ་རྗེ་སེམས་དཔའ་སྟེ། རྡོ་རྗེ་སེམས་དཔའ་ནམ་མཁའ་ཆེན་པོའི་རྒྱུད་ལས། རྡོ་རྗེ་སེམས་དཔའ་ནམ་མཁའ་ཆེ། །ཀུན་བཟང་ཡངས་པ་ཆོས་ཀྱི་དབྱིངས། །རྣམ་དག་ལམ་མཆོག་ཀུན་སྒྲོལ་ཕྱིར། །མི་སྐྱེ་མི་འགག་ཅིར་མི་དགོངས། །ཞེས་སོ། །གནས་ལུགས་དེ་ལྟར་ཡིན་ཀྱང་དེ་རྟོགས་པ་ལ་ཐབས་དུ་མས་མ་བསྟན་ན་མངོན་དུ་བྱེད་མི་ནུས་པ་རྡོ་རྗེ་སེམས་དཔའ་སྒྱུ་འཕྲུལ་དྲྭ་བའི་རྒྱུད་ཀྱི་གླེང་བསླངས་ལ་ཐབས་ཀྱི་ཆ་བཟུང་བ་ཀུན་ཏུ་བཟང་པོའི་གླེང་བསླང༌། ཤེས་རབ་ཀྱི་ཆ་བཟུང་བ་ཀུན་ཏུ་བཟང་མོའི་གླེང་བསླང༌། དག་མཉམ་བདེན་པ་དབྱེར་མེད་རྫོགས་པ་ཆེན་པོའི་ཚུལ་དུ་སངས་རྒྱས་པའི་ཆེ་བའི་སྒོ་ནས་ཡབ་ཡུམ་ཐབས་ཤེས་འདུ་འབྲལ་མེད་པའི་བདག་ཉིད་ཆེན་པོའི་གླེང་བསླང་བ་དང༌། འཇམ་དཔལ་སྒྱུ་འཕྲུལ་དྲྭ་བའི་མཚན་ཡང་དག་པར་བརྗོད་པ་ལས་ཀྱང་རྣམ་བཅས་ཀུན་རྫོབ་ཀྱི་འཇམ་དཔལ་དང༌། རྣམ་མེད་དོན་དམ་གྱི་འཇམ་དཔལ་གཉིས་བསྟན་པ་བཞིན་འདིར་ཡང་སྣང་བཅས་སྐུ་རྡོ་རྗེ་སེམས་དཔའ་ཐོག་མར་བསྟན་པའི་ཕྱིར། འཁོར་འདས་ཀྱི་ཆོས་མ་ལུས་པའི་རང་བཞིན་བཟང་ངན་གཉིས་སུ་མེད་པར་ཡེ་ནས་སངས་རྒྱས་ནས་རྡོྃ་རྗེྃ་སྟེ་ཆོས་ཉིད་སྟོང་པ་ཉིད་དང་ཆོས་ཅན་སྣང་བའི་ཆ་ཕུངྃ་པོྃ་ལྔ་རུ་དབྱེ་ཡང་རྡོ་རྗེ་སེམས་དཔའི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་ཕྱེ་བས་མི་བསྐྱོད་པ་ལ་སོགས་པའི་རྫོགས་པའི་སངས་རྒྱས་ལྔ་ཡིན་ལ། ཀུན་རྫོབ་ཀྱི་སྣང་ཆ་རྟེན་འབྱུང་མ་འགག་སྒྱུྃ་མ་ལྟ་བུ་ཉིད་ཡེ་ཤེས་རིགས་ལྔའི་ཆོ་འཕྲུལྃ་དུ་གདོད་ནས་གནས་ཏེྃ། ས་ཆུ་མེ་རླུང་ནམ་མཁའི་འབྱུང་བ་ཡང་དབྱིངྃས་རྣམ་ཀུན་མཆོག་ལྡན་གྱི་སྟོང་ཆ་ལྔྃ་ཐབས་མཆོག་ཏུ་མི་འགྱུར་པའི་བདེ་བ་ཆེན་པོ་དང་འབྲལ་མི་ཤེས་པའི་དྲྭྃ་བྃ་ནི་སངས་རྒྱས་སྤྱན་མ་ལ་སོགས་པའི་རིགས་ཀྱི་འཁོར་ལོའི་བསྒྱུར་བའི་ཡུམྃ་ཆེནྃ་ལྔའི་མཁྃའ་རྣམ་ཐར་སྒོ་གསུམ་གྱི་བདག་ཉིད་ཅན་ཏེ། སྲིད་པ་གསུམ་གྱི་རྟོགས་ཚོགས་དབང་ཤེས་ཡུལ་དུས་ཐམས་ཅད་ཀྱང་མཐའ་བཞི་ལས་འདས་པའི་ཡིད་ཆོས་གཉིྃས་མེདྃ་སེམྃས་དཔྃའ་ལྕམྃ་དྲལྃ་དང་བཅས་ལྃ། དེ་དག་གི་བྱ་བྱེད་ལསྃ་དབྃང་སྒོྃ་བྃ་ཡབ་ཡུམ་ལྷྃ་རུྃ་གནྃས་པ་སྟེ། མདོར་ན་ཇི་ལྟར་སྣང་ཞིང་སྲིད་པའི་ཆོས་སོ་ཅོག་སངས་རྒྱས་རྡོ་རྗེ་སེམས་དཔའ་ཉིད་ལས་གཞན་མ་ཡིན་པ་སངས་རྒྱས་ཐམས་ཅད་མཁྱེན་པ་ཉིད་ཀྱིས་གཟིགས་པ་གནས་ལུགས་ཡང་དག་སྟེ། དོན་གྱི་ཡིན་ཚུལ་དེ་ལྟ་བུ་མ་ཤེས་ན་སོ་སོའི་སྐྱེ་བོ་མ་དག་པས་དག་པ་ཡེ་ཤེས་ཀྱི་ལྷ་རྡོ་རྗེ་སེམས་དཔའ་སྒྲུབ་མི་བཏུབ་པས་འདི་ཉིད་རྡོ་རྗེ་ཐེག་པའི་དག་མཉམ་བདེན་པ་དབྱེར་མེད་ཀྱི་ལྟ་བ་སྟེ། ད་ལྟ་ལས་དང་པོ་པའང་དེ་ལྟ་བུའི་རྡོ་རྗེ་སེམས་དཔའ་མཁྱེན་བརྩེ་ནུས་པ་ཚད་མེད་པ་མཚན་ཙམ་གཟུང་བས་འཁོར་བ་ངན་སོང་གི་སྐྱེ་སྒོ་ཁེག་པ། རིག་པའི་གསང་སྔགས་བཟླས་པ་ཙམ་གྱིས་རྟོག་སྒྲིབ་ཉམས་ཆག་སྦྱོང་ནུས་པ་ལ་ཡིད་ཆེས་ཀྱི་དད་པ་རྩེ་གཅིག་ཏུ་བསྐྱེད་པ་ནི་དངོས་གྲུབ་འཐོབ་བྱེད་ཀྱི་མན་ངག་ཐུན་མོང་མ་ཡིན་པ་སྟེ། དེས་ན་རྡོར་སེམས་ལྷ་གཅིག་བསྒྲུབས་པས་ཞི་ཁྲོ་རབ་འབྱམས་འགྲུབ་པའི་གནད་ཀྱང་དེ་ཡིན་པ་དང༌། རང་བཞིན་གཤིས་ཀྱི་ཡིན་ལུགས་དེ་རྟོགས་མི་ནུས་པ་ལ་རྡོ་རྗེ་སེམས་དཔའ་ཞལ་ཕྱག་གི་རྣམ་པར་བཞེངས་པ་ཤེས་པས་སྒྲུབ་དགོས་སོ། །རྒྱུ་དེ་ཡང་དངོས་མཚན་དུ་མི་གནས་པ་སྐུ་གཅིག་གིས་ཞིང་རབ་འབྱམས་ཁྱབ་པ་ཞིང་ཁམས་རབ་འབྱམས་སྐུའི་བ་སྤུ་གཅིག་རྫོགས་པར་སྟོན་ཀྱང་སྐུ་ཆེ་རུ་མ་འགྲོ། ཞིང་ཁམས་ཆུང་དུ་མི་སྟོན། སྐུའི་བ་སྤུ་ཚུན་ཆད་ན་མཆོག་ཏུ་མི་འགྱུར་པའི་བདེ་བ་ཆེན་པོའི་ཡེ་ཤེས་ཀྱིས་གང་བས། བ་སྤུ་ཉག་མ་གཅིག་གིས་ཀྱང་སངས་རྒྱས་ཀྱི་མཛད་པ་མཐའ་དག་སྒྲུབ་ནུས་པ་སོགས་སྐུའི་ཡོན་ཏན་དེ་ལྟར་ལྡན་པ་དེའི་གནས་ལུགས་མ་རྟོགས་པ་མ་གཏོགས། རྟོགས་ན་རང་ཉིད་ཀྱི་ལུས་འདི་ཡིན་པའི་ངེས་ཤེས་བསྐྱེད་ནས་གསལ་སྣང་བསྒྲུབ་པས་གཟུགས་སྣང་ཐམས་ཅད་སྐུ་རྡོ་རྗེའི་དཀྱིལ་ཁོར་དུ་དག་པར་འགྱུར་རོ། །གཉིས་པ་ཕྱེད་སྣང་གསུང་རྡོ་རྗེ་ནི། སེམས་ཉིད་ཡེ་ནས་དག་པ་ཆོས་ཀྱི་དབྱིངྃས་འགྱུར་བ་མེད་པའི་ངང་ལྃ་ཡེ་ནས་ལྷུན་གྱིས་གྲུབ་པ་བྱ་རྩོལ་མེད་པའི་དབྱིངྃས་ཀྱིྃས་ཡེ་ནས་བྲིསྃ་པྃ་སྟེྃ་གཞན་དུ་འཕོ་འགྱུར་མེད་པའི་ཆོས་ཉིད་ལ་རང་བཞིན་གྱིས་འོད་གསལ་བའི་ཆ་ལ་ཡི་གེ་ཞེས་བྱ་བའི་དོན་དུ་བཏགས་པ་ཡི་གེ་སྤྲིན་གྱི་འཁོར་ལོ་འཁོར་འདས་ཐམས་ཅད་ལ་ཡེ་ནས་རང་ཆས་སུ་གནས་པ་སངས་རྒྱས་ཀུན་གྱི་དགོངས་པ་སྟེ། དེས་ན་ཨ་སྐྱེ་བ་མེད་པ་གཅིག་གི་ངང་ལས། དབྱངས་གསལ་གྱི་ཡི་གེ་འགག་མེད་དུ་ཤར་བས་ཤེས་བྱ་ཐམས་ཅད་མཚོན་པའི་མིང་ཚིག་ཏུ་གྲུབ་པས་དོན་ཐམས་ཅད་སྟོན་པར་བྱེད་པ་ཆོ་འཕྲུལ་ཆེན་པོ་ནི་ཡི་གེ་སྟེ། ཡི་གེ་དེས་རྒྱུ་བྱས་ནས་ལྷ་ཡི་སྔགས་གྲུབ་པ་སྟེ། ཡི་གེ་ཐམས་ཅད་སྟོང་ཆེན་མཉམ་པ་ཉིད་ཀྱི་ངོ་བོ་ཅན་དུ་ཡེ་ནས་གྲུབ་པས་ཆོས་ཉིད་ངོ་བོས་གྲུབ་པ། ཡི་གེ་རང་རང་གི་ངོ་བོ་ཐུན་མོང་མ་ཡིན་པར་སྣང་བའི་རང་བཞིན་བསླུ་མེད་དུ་གྲུབ་པ་ཆོས་ཅན་རང་བཞིན་གྱིས་གྲུབ་པ། དེ་ལྟ་བུ་ཡིན་པའི་དབང་གིས་ཆོས་ཀུན་ལ་མངའ་དབང་འབྱོར་བའི་སངས་རྒྱས་རྣམས་ཀྱི་ཡི་གེ་གཅིག་ནས་མང་པོའི་བར་སྔགས་རྣམས་ཡེ་ཤེས་ཀྱི་རྣམ་འཕྲུལ་དུ་བསྟན་པས་བྱིན་བརླབ་ཀྱིས་གྲུབ་པ། སྨན་དང་ནོར་བུ་བཞིན་སྔགས་དེ་དག་ལ་དངོས་གྲུབ་སྒྲུབ་པའི་ནུས་པ་ཐོགས་མེད་དུ་བསླུ་བ་མེད་པ་ནུས་པའི་མཐུ་གྲུབ་པའི་ཡོན་ཏན་བཞི་དང་ལྡན་ཞིང༌། སྤྱིར་ངག་ཐམས་ཅད་ཡེ་ནས་དག་མཉམ་དུ་གནས་པས་སྒྲར་གྲགས་པ་ཐམས་ཅད་གསུང་གི་དཀྱིལ་འཁོར་ཏེ། སེམྃས་ཉིད་དམིགས་སུ་མེད་པ་དོན་དམ་པའི་ཡི་གེ་ནི་འོད་གསལ་བའི་ཁམས་སྣ་ཚོགས་པའི་ཕྱིར་སྐུ་གསུང་ཐུགས་ཡོན་ཏན་ཕྲིན་ལས་ཀྱིྃ་བདག་ཉིད་དུ་ལྷུན་གྱིས་གྲུབ་པ་ནོར་བུ་རིནྃ་པོ་ཆེྃ་སྤུངས་པའི་ཟྃ་མྃ་ཏོགྃ་ལྟར་ཡེ་ནས་ལྷུན་གྱིས་གྲུབ་པའི་ངོ་མཚར་གྱི་མཆོག་ཏུ་སྐུ་དང་ཡེ་ཤེས་འདུ་འབྲལ་མེད་པ་མཆོག་དང་ཐུན་མོང་གི་དངོས་གྲུབ་མཐའ་དག་འགུགས་ནུས་པ་དབྱངས་གསལ་ཐབས་ཤེས་ཀྱི་ཡིྃ་གེྃ་སྤྲིནྃ་གྱིྃ་འཁོྃར་ལོྃ་ནིྃ་སྐབས་འདིར་ཟློས་པའི་སྔགས་སུ་བྱེ་བྲག་ཏུ་ཞུགས་པ་སྟེ་འདི་ཉིད་དངོས་གྲུབ་སྒྲུབ་པའི་ཐབས་ཁྱད་པར་ཅན་ཡིན་པས། འདིའི་ནུས་པས་ཡིད་ཤེས་བདེ་མྱུར་དུ་སྐྱོབ་པའི་ཕྱིར་རྡོྃ་རྗེྃ་དོན་ལྟ་བུ་བླ་མའི་མན་ངག་གི་གནད་དང་ལྡན་པ་ལས་ཕལ་གྱིས་མི་རྟོག་པས་གསྃང་བའིྃ་སྔགྃས་སུྃ་བཤྃད་པའམ་བསྟན་པའི་དོན་ཤེས་པས་བསྒྲུབ་ན་ངག་གསུང་རྡོ་རྗེའི་གསང་བ་རུ་རྟོགས། ཇི་ལྟར་འདོད་པའི་དངོས་གྲུབ་བདེ་བླག་ཏུ་འཐོབ་བྱེད་ཀྱི་ལྡེའུ་མིག་ལྟ་བུའོ། །གསུམ་པ་མི་སྣང་བ་ཐུགས་རྡོ་རྗེ་ནི། ཇི་སྐད་དུ། དངོས་གཅིག་དངོས་པོ་ཀུན་གྱི་ངོ་བོ་ཉིད། །གང་ཞིག་དངོས་གཅིག་དེ་བཞིན་ཉིད་མཐོང་བ། །དེ་ཡིས་དངོས་ཀུན་དེ་བཞིན་ཉིད་དུ་མཐོང༌། །ཞེས་གསུངས་པ་ལྟར་འཁྲུལ་པས་བཏགས་པའི་མ་དག་འཁོྃར་བའི་འཁྲུལ་སྣང་དང༌། དག་པ་ཡེ་ཤེས་ཀྱི་གནས་ལུགས་ཇི་བཞིན་དུ་གཟིགས་པའི་མྱ་ངན་ལས་འདྃས་པ་སྐུ་དང་ཡེ་ཤེས་གཉིས་སུ་དབྱེ་བ་ཡང་དོན་ལ་གཉིས་སུ་མེད་པ་རང་བཞིན་ཉིད་ཀྱིས་རྣམ་པར་དག་པ་རྒྱུའྃམ་གཞི་ཉིདྃ་གཅིྃག་པྃ་ལས་ཐ་དད་དུ་དབྱེར་མེད་པ་སྟེྃ་དབུ་མ་ཆོས་དབྱིངས་བསྟོད་པ་ལས། གང་ཞིག་འཁོར་བའི་རྒྱུར་གྱུར་པ། །དེ་ཉིད་སྦྱངས་བར་བྱས་པ་ལས། །དག་པ་དེ་ཉིད་མྱ་ངན་འདས། །ཆོས་ཀྱི་སྐུ་ཉིད་དེ་ཡིན་ནོ། །ཞེས་གསུངས་པ་ལྟར་སེམས་ཀྱི་རང་བཞིན་ཡེ་ཤེས་ཡིན་པ་དང༌། ཡེ་ཤེས་རྟོགས་དུས་སེམས་ཀྱང་དེ་ལས་ཐ་དད་དུ་མ་དམིགས་པས་ཡེ་ཤེས་ཀྱི་རོལྃ་པྃ་སྟེ་ཡིགྃ་འྃབྲུ་ཨ་ཉིད་རང་བཞིན་གདོད་ནས་སྐྱེ་མེད་ཡིན་པ་དང༌། དབྱངས་གསལ་ཡི་གེའི་རྣམ་འགྱུར་གང་ལྟར་ཤར་ཡང་ཨ་ལས་མ་འདས་པས་ཉི་མ་དང་འོད་ཟེར་བཞིན་རོལ་པ་འགྃག་པྃ་མེདྃ་པས་སྣང་སྟོང་གཉིས་སུ་མེད་པའི་ཡེ་ཤེས་ཏེ། སྣང་སྲིད་ཀྱི་ཆོསྃ་ཀུནྃ་མེ་དང་ཚ་བ་བཞིན་མ་ཁྱབ་པ་མེད་པས་ཆོས་སྐུ་གཅིག་གིས་བྱིནྃ་གྱིསྃ་བརླབྃས་པའིྃ་མཐུ་ལསྃ། སྣོད་བཅུད་རྒྱུད་གསུམ་ཐམྃས་ཅདྃ་དཔལ་རྡོ་རྗེ་སེམས་དཔའ་འབྲས་བུའི་སངྃས་རྒྱསྃ་གཅིག་གི་ཡེ་ཤེས་ཆེན་པོ་ད་ལྟ་ཉིད་དུ་དོན་ཟབ་མོ་དེ་སངས་རྒྱས་ཐམས་ཅད་མཁྱེན་པའི་ཡེ་ཤེས་ཀྱི་སྤྱོད་ཡུལ་ལས་གཞན་སུས་ཀྱང་རྟོགས་མི་ནུས་པས། གསང་བའི་སྔགས་བཟོ་བཅོས་མ་དགོས་པར་སྐྱོན་ཀུན་ཟད། ཡོན་ཏན་ཀུན་རྫོགས་ཉིད་དུ་མངོྃན་སུམྃ་ཤརྃ་བས་ཕྱི་སྣང་བ་ཡུམ། ནང་ཕུང་པོ་ཡབ། རྟོགས་ཚོགས་ལྷའི་རང་བཞིན་སྣང་ལ་རང་བཞིན་མེད་པའི་དོན་དེ་ཉིད་ངེས་པ་དོན་གྱི་རྡོ་རྗེ་སེམས་དཔའ་ཞེས་པ་ནི་དྷྃརྨྃ་ཙྃཀྲྃ་སྙིང་དབུས་མི་ཤིགས་པའི་ཐིག་ལེ་ཞེས་སྙིང་ག་ཆོས་ཀྱི་འཁོར་ལོར་ཡེ་ནས་རྃང་བྱུངྃ་དུ་གནྃས་པ་སྟེ། རྒྱུད་དུ་མ་ལས། གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །སངས་རྒྱས་ཀུན་དངོས་སེམས་དཔའ་ནི། །རྡོ་རྗེ་སེམས་དཔའ་བདེ་བའི་མཆོག །འདི་ནི་རང་བྱུང་བཅོམ་ལྡན་འདས། །གཅིག་པུ་རབ་ཏུ་ཆེ་བའི་ལྷ། །སངས་རྒྱས་ཐམས་ཅད་མཉམ་སྦྱོར་བ། །ལྷག་པ་འདི་ནི་ལྷ་ཉིད་དོ། །ཞེས་གསུངས། དུས་འཁོར་རྩ་རྒྱུད་ལས། སྤྲོས་པ་ལ་ནི་དངོས་པོའི་ཚོགས། །བརྟག་པའི་མཐའ་སྤང་བེམ་པོ་མིན། །འདི་ནི་མཐོང་སྟེ་མེ་ལོང་ལ། །པྲ་ཕབ་གཞོན་ནུ་མ་ཡིས་བཞིན། །དངོས་ཀུན་མཉམ་པ་ཉིད་གྱུར་ནས། །དངོས་པོ་གཅིག་ཏུ་མི་འགྱུར་གནས། །མི་འགྱུར་ཡེ་ཤེས་ལས་བྱུང་བ། །ཆད་པ་མ་ཡིན་རྟག་པའང་མིན། །མིང་གི་བདག་ཉིད་ཡི་གེ་ཀུན། །ཨ་ཡིག་རིགས་ལ་ཡང་དག་འབྱུང༌། །མི་འགྱུར་ཆེན་པོའི་གནས་ཐོབ་པ། །མིང་མེད་མིང་ཅན་དག་ཀྱང་མེད། །སྐྱེས་པ་མ་ཡིན་པ་ཡི་ཆོས། །འདུ་བྱེད་བྲལ་བ་རྣམས་ལ་ཡང༌། །སངས་རྒྱས་ཉིད་མེད་བྱང་ཆུབ་མེད། །སེམས་ཅན་མེད་ཅིང་སྲོག་ཉིད་མེད། །རྣམ་པར་ཤེས་པའི་ཆོས་ཉིད་ལས། །ཡེ་ནས་དག་པ་གོས་པ་མེད། །རང་བཞིན་འོད་གསལ་ཆོས་རྣམས་ནི། །ཆོས་ཀྱི་དབྱིངས་ཀྱིས་བགྲོད་པར་གནས། །ཞེས་ཚིགས་བཅད་ལྔས་རིམ་པ་ལྟར་གཟུགས་སོགས་ཕུང་པོ་ལྔ་སྒྲིབ་བྲལ་མེ་ལོང་མཉམ་ཉིད་སོར་རྟོགས་བྱ་གྲུབ་ཆོས་དབྱིངས་ཡེྃ་ཤེྃས་ཆེནྃ་པོྃ་ལྔྃ་ཉིདྃ་དུ་གནྃས་པར་སྟོན་པ་ལྟར་ལ། མདོར་ན་ཡེ་ཤེས་ཆེན་པོ་དེ་ནི་གཟུང་འཛིན་སེམས་ཀྱི་རྟོགས་པས་མ་བསླད་པའི་དྭངྃས་མྃ་སྟེ་ཏིང་འཛིན་རྒྱལ་པོ་ལས། དག་པ་དྭངས་བ་འོད་གསལ་བ། །མི་འཁྲུགས་འདུས་མ་བྱས་པ་ཉིད། །བདེ་བར་གཤེགས་པའི་སྙིང་པོ་སྟེ། །ཡེ་ནས་གནས་པའི་ཆོས་ཉིད་དོ། །ཞེས་སོ། །དེ་ནི་དུས་གསུམ་གྱི་ཆས་དབྱེ་རྒྱུ་མེད་པས་མིྃ་ཤིགྃས་པ། སྤང་གཉེན་གང་གི་ཕྱོགས་སུ་མ་ལྷུང་བས་ཐིགྃ་ལེྃ་ཉག་ཅིག །འཁོར་འདས་ཀུན་གྱི་སྲོག་ཏུ་གནས་པས་དཔྱིདྃ་ཅེས་བསྟན་པ་དེ་མངོན་དུ་གྱུར་བ་མཆོག་ཏུ་མི་འགྱུར་བའི་བདེྃ་བ་ཆེནྃ་པོར་ཟག་མེད་ཀྱི་ཡོན་ཏན་ཐམས་ཅད་ཀྱིས་གང་བས་ཡེ་ཤེས་རངྃ་སྣངྃ་ཉིདྃ་དུྃ་འཕེལ་འགྲིབ་བྲལ་བས་འོད་གསྃལ་འཕོ་འགྱུར་མེད་པའི་དགོངས་པ་གཤིས་ཀྱི་གནས་ལུགས་འཕོ་འགྱུར་མེད་པ་ཉིདྃ་ལསྃ་དཀྱིལ་འཁོར་རབ་འབྱམས་སྤྲོ་བསྡུ་ཐམས་ཅད་ཞི་ཁྲོ་རབ་འབྱམས་གཙོ་འཁོར་རྣམ་རོལ་ཐམས་ཅད་དེ་ཉིདྃ་དུྃ་འཁོར་འདས་སྣ་ཚོགས་གངྃ་སྣངྃ་བ་ལྟར་སྟོན་ཡངྃ༌། དོ་ཧ་ལས། རྟོགས་པར་གྱུར་ན་ཐམས་ཅད་དེ་བཞིན་ཏེ། །དེ་ལས་གཞན་པ་སུས་ཀྱང་མི་ཤེས་སོ། །ཞེས་གསུངས་པ་ལྟར་རབ་འབྱམས་རྒྱལ་བ་ཀུན་གྱི་ཐུགས་རྡོྃ་རྗེྃ་སེམྃས་དཔྃའ་སངས་རྒྱས་ཉིད་ཀྱི་སྤྱོད་ཡུལ་ལས་སུས་ཀྱང་མི་རྟོགས་པས་ནམྃ་མཁྃའ་ཆེྃ་ཡི་ཀློང་ལས་གསང་བ་གསུམ་གྱི་ཟབ་རྒྱས་ཀྱི་ཡོན་ཏན་ཀུནྃ་ཀྱངྃ་དགོངས་པ་དེྃ་ལསྃ་ནམ་ཡང་མྃ་འདྃས་པྃས་རྟོགས་བྱ་གཞི་དང༌། རྟོགས་བྱེད་ལམ། རྟོགས་པ་མཐར་ཕྱིན་འབྲས་བུ་ཐམས་ཅད་ཆོས་ཉིད་བྱ་རྩོལྃ་མེྃད་པའི་དབྱིངས་སུ་ཡེ་ནས་མངོན་སངས་རྒྱས་ཟིན་པ་དང་མ་བཅོས་འབྲསྃ་བུའིྃ་རྒྱལྃ་པོྃ་ཀུན་བཟང་རྡོ་རྗེ་སེམས་དཔའ་ཉིད་དུ་འགྲུབྃ་ཟིན་པའོ། །གསུམ་པ་ཐ་མར་དགེ་བ་རྫོགས་ཚིག་གི་མཇུག་བསྡུ་བ་ནི། དཔལ་གསང་བ་སྙིང་པོ་སྒྱུྃ་འཕྲུལྃ་དྲྭྃ་བྃ་ཆེན་པོ་རྩ་བཤད་མན་ངག་གི་རྒྱུྃད་ཆེནྃ་པོྃའི་དབྱེ་བ་ནི་སྟོན་པ་རྡོ་རྗེའི་ཐུགས་ཀྱི་གསང་བ་ལས་གཞན་གང་གིས་ཀྱང་རྫོགས་པར་ཚད་གཟུང་མི་ནུས་ཀྱང༌། དེ་ཁོ་ན་ཉིད་ངེས་པའི་ཐེག་པ་ཆེན་པོ་འབྱུང་བའི་དུས་བཅུ་གཉིས་སུ་གསུངས་པ་ལས། སྔགས་ནི་ལས་ཅན་སྤྲུལ་བའི་ངོར༔ རང་བཞིན་ཉིད་དུ་འབྱུང་བ་ལས༔ ཞེས་པ་ལྟར་ཆོས་འདིའི་གདུལ་བྱ་སྐབས་སུ་བབ་པའི་ཚེ་སོ་སྐྱེ་ཐ་མའི་ཐ་མ་བདག་ལྟ་བུ་ལ་ཡང་སངས་རྒྱས་ཀྱི་ཕྲིན་ལས་འཇུག་པའི་ཡུལ་དུ་གྱུར་ནས། རང་ལོ་བཅུ་ཕྲག་གསུམ་དང་བཞིའི་ལྷག་པའི་དུས་ཉམས་རྨིས་ཀྱི་སྣང་ཆར་མིག་ནས་འོད་ཀྱི་ཟེར་ཐག་ཟླ་ཟེར་ལྟ་བུ་ཁམས་ཀློང་ཐང་སྒྲོལ་མའི་གཙུག་ལག་ཁང་ཆེན་པོའི་ཤར་ཕྱོགས། རྟོགས་ལྡན་ཆེན་པོ་སེང་གེ་དཔལ་ཞེས་པའི་སྒྲུབ་གནས། རག་བཀྲམ་བྲག་དཀར་དུ་ཟུག་སྟེ་ས་གཏེར་ཡོད་པའི་གསལ་སྣང་བརྟན་པོ་བྱུང་ཡང་རྟེན་འབྲེལ་དུས་སུ་མ་སོན་པས་བཏང་སྙོམས་སུ་གྱུར་ཀྱང༌། སླར་ཡང་རང་ལོ་ཞེ་གཉིས་པའི་སྟེང་དགོངས་གཏེར་དུ་བརྡ་གྲོལ་བྱུང་བ་ལྟར་ལོ་དེའི་གྲོ་བཞིན་ཟླ་བའི་དམར་ཕྱོགས་ཀྱི་ཚེས་བཅུའི་ཉི་ཤར་ལ་མནྃ་ངགྃ་གསྃང་བྃ་སྙིངྃ་པོའིྃ་རྒྱུད་ཀྱི་ཡང་ཏིག་ཟབ་རྒྱས་སྔོན་འགྲོ་དངོས་གཞིའི་ལམྃ་ཚང་ལ་མ་ནོར་ཉམས་ལེན་གྱི་མཐྃར་ཐུགྃ་རྩྃ་བའིྃ་རྒྱུདྃ་ཀྱིྃ་ཉིང་ཁུ་སྙིངྃ་པོ་ལྟ་བུ་འདི་ནི་ངེས་པ་དོན་གྱི་རིགྃ་སྟོངྃ་རྡོྃ་རྗེྃ་སེམྃས་དཔྃའ་སྟངས་དཔྱལ་གྱིས་རྒྱུད་གསུམ་ཆིག་རྫོགས་སུ་བསྟནྃ་པའི་སྐལ་བཟང་ཐོབ་པ་འདི་ཡི་གེར་བཏབ་སྟེ་ཁྱབ་བདག་འཁོར་ལོའི་མགོན་པོ་སངས་རྒྱས་གཉིས་པའི་ཞལ་སྐྱིན་པདྨ་ཡེ་ཤེས་རྡོ་རྗེ་ལ་དགྱེས་པའི་མཆོད་སྤྲིན་དུ་ཕུལ་ཞིང་རང་གིས་ཀྱང་ཇི་ལྟར་ནུས་པའི་ཉམས་ལེན་དང༌། ཡིད་ཆེས་དོན་གཉེར་ཅན་ལའང་ཅི་རིགས་སྤེལ་བའི་གུྃ་ཧྱྃ་གྷྃརྦྷྃ་རྫོགྃས་སོྃ། །ཞེས་སྨོས་པའོ། །གཉིས་པ་ཕྱི་ནང་གསང་བ་བླ་མེད་ཀྱི་སྒྲུབ་བྱེད་ལམ་གྱི་རྣམ་བཞག་ཇི་ལྟར་ཉམས་སུ་ལེན་པའི་ཚུལ་ལ་བཞི་ལས། དང་པོ་ཕྱི་སྒྲུབ་བསགས་སྦྱང་སྙིང་པོར་བྱེད་པས་སྒྲུབ་པ་ལ། ལམ་སྤྱིའི་སྔོན་འགྲོ་དང༌། ཕྱི་སྒྲུབ་དངོས་གཞིའི་ཉམས་ལེན་གཉིས་ལས། དང་པོ་ལའང༌། ཐུན་ལ་འཇུག་པའི་སྔོན་འགྲོ་དང༌། ལམ་གྱི་སྔོན་འགྲོའོ། །དང་པོ་ནི། དབེན་པའི་གནས་སུ་སྟན་བདེ་བ་ལ་ལུས་གནད་དྲང་པོར་བསྲངས། རླུང་རོ་ལན་གསུམ་གསལ་བས་སྡིག་སྒྲིབ་ཐམས་ཅད་དག་པར་བསམ། དེ་ནས་མཁའ་ཁྱབ་སེམས་ཅན་གྱི་དོན་དུ་ཐེག་པ་ཆེན་པོའི་ལམ་ཟབ་མོ་ཉམས་སུ་ལེན་སྙམ་པས། དཔྃལ་ལྡནྃ་རྩྃ་བའིྃ་བླྃ་མྃ་སོགས་ཀྱིས་རང་གི་སྤྱི་གཙུག་ཏུ་རྩ་བའི་བླ་མ་དངོས་སམ། ངོ་བོ་བླ་མ་ལ་རྣམ་པ་རྡོར་སེམས་དད་མོས་གང་སྐྱེ་སླ་བ་དེ་བསྒོམས་ལ། མོས་གུས་ཚད་མེད་པས། དུས་གསུམ་སངས་རྒྱས་ཐམས་ཅད་ཀྱི་ངོ་བོ་བླ་མ་རིན་པོ་ཆེ་མཁྱེན། བདག་གི་རྒྱུད་བྱིན་གྱིས་བརླབ་ཏུ་གསོལ། ཞེས་རེ་ལྟོས་ལིང་སྐྱུར་གྱིས་གསོལ་བ་བཏབ་རྗེས་བླ་མ་འོད་དུ་ཞུ་བ་རང་གི་སྤྱི་བོ་ནས་བྱོན། སྙིང་དབུས་སུ་ཐིམས་པས་རང་སེམས་གཉུག་མའི་གཤིས་ལུགས་དང་གཅིག་ཏུ་འདྲེས་པར་བསམ་ལ་མཉམ་བཞག་གི་ངང་བསྐྱང་བར་བྱའོ། །གཉིས་པ་ལམ་གྱི་སྔོན་འགྲོ་ནི། གཏེར་གཞུང་ལས། དང་པོ་རྡོ་རྗེ་སེམས་བསྒོམ་ན༔ ངེས་འབྱུང་བསམ་པ་ཡང་དག་བསྐྱེད༔ དལ་བའི་རྟེན་ནི་ངེས་རྙེད་ཅིང༔ ཆོས་ཀུན་མི་རྟག་རྨི་ལམ་བཞིན༔ ཕྱི་མའི་ལམ་ནི་རྒྱུ་འབྲས་ཕྱིར༔ དེ་ལས་སྲིད་པའི་སྡུག་བསྔལ་སྣང༔ སྡུག་བསྔལ་ཆེ་ལས་ངེས་བསྒྲལ་ཕྱིར༔ བསླུ་མེད་སྐྱབས་གསུམ་སྙིང་ནས་བསྟེན༔ བདག་བས་གཞན་གཅེས་བློ་གྲོས་ཀྱིས༔ བླ་ན་མེད་པའི་སེམས་བསྐྱེད་ཅིང༔ ཞེས་པ་སྟེ་ཐེག་པ་ཆེ་ཆུང་ཉིད་ལམ་གང་ཉམས་སུ་བླང་ཀྱང་ངེས་འབྱུང་གི་བསམ་པ་གཤའ་མ་ཞིག་རྒྱུད་ལ་མ་སྐྱེས་ན་ཆོས་ཡང་དག་པ་ཞིག་ཏུ་འགྲོ་བའི་ཐབས་མེད་པས་འཁོར་བའི་བྱ་བ་ཐམས་ཅད་རང་མགོ་རང་གིས་བསྐོར་སྟེ་རང་ཕུང་བའི་མཚང་དེ་ངོས་ཟིན་དགོས། དེ་ཇི་ལྟར་འཛིན་ན། ཡང་ཡང་རྙེད་དཀའ་ཞིང་དོན་ཆེན་པོ་དང་ལྡན་པའི་རྟེན་ཕུན་སུམ་ཚོགས་པ་མི་ལུས་རིན་པོ་ཆེ་ད་རེས་རྙེད་པའི་དུས་འདིར་གཏན་བདེའི་འདུན་མ་དམ་པའི་ཆོས་ཁོ་ན་བསྒྲུབས་ན་རྟེན་བཟང་རྙེད་པ་དོན་དང་ལྡན་ཞིང་བདེ་ནས་བདེ་བར་འགྲོ་བ་དེ་མི་ཤེས་པར། དབང་པོ་སྒོ་ལྔ་ཚང༌། རྣམ་རིག་སྤྱང་གྲུང་དང་ལྡན། ལང་ཚོ་དར་ལ་བབ་ཚེ་དགྲ་འདུལ་གཉེན་སྐྱོང༌། ཞིང་ཁ་སོ་ནམ། ཚོང་ཁེ་དཔོག །ཁ་དྲག་དཔུང་པ་འབའ་ཞིག་བསྒྲུབས་པས་མི་ལུས་དོན་མེད་དུ་ཟད། སྡིག་པའི་ཕུང་པོ་བསགས། ཉིན་མཚན་ཀུན་ཏུ་འདིར་སྣང་འབའ་ཞིག་ལ་གཡེང༌། མཇལ་དཀའ་བའི་སངས་རྒྱས་ཀྱི་བསྟན་པའི་ཆེ་བ་མི་ཤེས། བླ་མ་དགེ་བའི་བཤེས་དང་མི་འགྲོགས། དགེ་བ་ཏིལ་འབྲུ་ཙམ་བྱས་ན་ཆེན་པོར་རློམས། ལས་ཉོན་གྱི་ཕུང་པོ་བསགས་ཞིང་ཇེ་ཆེར་བཏང༌། འཇིག་རྟེན་མགུ་བའི་ཁ་དྲག་དང་སྙན་གྲགས་ལ་ཆོག་མི་ཤེས་པར་ཡེངས་པའི་ཚེ། འཆི་བདག་གི་ཞགས་པ་གློ་བུར་དུ་ཐེབས་པའི་ཚེ་ཉེས་ཅན་བཙོན་དུ་བཟུང་བ་བཞིན་བློ་གཡེང༌། འཇིགས་སྐྲག་དང་སྡུག་བསྔལ་ཐོག་ཏུ་བབ་ནས་བློ་མི་བདེ་བཞིན་དེའི་མལ་དུ་ལྷུང༌། བསགས་ཤིང་བསྲུང་བའི་དཔལ་འབྱོར་མ་ཚད་ཤིན་ཏུ་གཅེས་སྤྲས་བྱས་པའི་ལུས་ཀྱང་མདངས་ཤོར། ཁྲུས་དང་བྱི་དོར་གྱི་རེ་བ་བྲལ། ཡན་ལག་བརྐྱང་བསྐུམ་ཙམ་ལའང་ངལ་བ་ཐོབ། ཟས་ནོར་ལོངས་སྤྱོད་དབང་ཐང་དགྲ་གཉེན་གནས་ཡུལ་གང་ཡང་རྗེས་སུ་མི་འབྲང་བས་ཕན་གནོད་སྤུ་ཙམ་མེད་པར་ད་དུང་ཡིད་འཕྲེང༌། རང་གི་རྗེས་སུ་འབྲང་ཐབས་མེད་པས་ཡིད་སྐྱོ། ཕ་མ་གཉེན་གྲོགས་སོགས་ཀྱིས་མིག་མཆི་མ་ཙ་རེ་བལྟ། སྡང་དགྲ་ལ་སོགས་ཀྱིས་རང་རྒུད་པ་མཐོང་སྐབས་གློ་ཁུམས། ཆོས་བསྒྲུབ་པས་ཕན་པར་ཤེས་ཀྱང་བྱ་ཐབས་བྲལ། རྒྱལ་ཕམ་སྐྱིད་སྡུག་གང་བྱུང་ཀྱང་ཕན་པ་མེད་པར་ཤེས་ཀྱང་ཕྱིས། ཕྱི་མའི་ལམ་པོ་ཆེ་རང་ཉིད་གཅིག་པུར་འགྲོ་དགོས་སྙམ་བག་གྲང༌། རང་མ་ཚད་སྣོད་བཅུད་འཇིག་རྟེན་ཐམས་ཅད་རྨི་ལམ་ལྟར་ཡིན་ཀྱང་མ་ཤེས། འདིར་བྱས་པའི་དགེ་སྡིག་གི་ལས་གཉིས་པོ་ནི་ལུས་དང་གྲིབ་མ་བཞིན་ཅི་ནས་ཀྱང་འགྲོགས། སྡིག་པ་བྱས་ཟིན་པ་སྐྱུར་དབང་ནི་མེད། དགེ་བ་རང་གི་མ་བྱས་པས་ཁྱེར་རྒྱུ་མེད། ཚེ་འདིར་ཞེན་ཆེ་བས་སྡིག་པ་ནི་ཆེ། དགེ་བ་ནི་ཆུང༌། ཤི་བའི་རྗེས་གཉེན་འདུན་སོགས་ཀྱིས་དགེ་བ་རེ་བྱས་ཀྱང་ཕལ་ཆེར་གཟུགས་བརྙན་ཙམ་དུ་སོང༌། ཇི་ལྟར་བྱས་ཀྱང་དང་པོ་ནས་འདུན་མ་གཏན་ཉེས་སུ་སོང་བས་འཁོར་བ་ལས་ཐར་བའི་ཐབས་མེད། མི་ལུས་རིན་པོ་ཆེ་གཅིག་རྙེད་པ་འཕྲོ་བརླག་ཏུ་སོང་བས། ད་ངན་སོང་གི་ལུས་ལས་མི་ལུས་ཐོབ་དཀའ། མཐོ་རིས་གསུམ་དུ་སྐྱེས་ཀྱང་སྡུག་བསྔལ་ལས་མ་འདས། ལས་ཀྱི་དབང་གིས་འཁོར་བ་གང་དུ་སྐྱེས་ཀྱང་སྡུག་བསྔལ་ལས་མ་འདས། ད་ལྟའི་སྡུག་བསྔལ་ཕྲ་མོ་འདི་ཡང་མི་བཟོད་ན་ངན་སོང་གསུམ་དུ་སྐྱེས་ན་ཅི་ཚུགས་བྱེད། མི་སྐྱེ་བའི་གདེང་ནི་མེད། དེར་སྐྱེ་བའི་ལས་ནི་མང་པོ་བསགས་ཟིན། འདིར་སྣང་གི་བདེ་བ་ཕྲ་མོ་འདི་གཉིད་ཐུན་གཅིག་གི་རྨི་ལམ་བཟང་པོ་འདྲ་སྟེ། འགྱུར་ཞིང་འགྲོ། ཚེ་འདིའི་འཇིག་རྟེན་ཆོས་བརྒྱད་ཀྱི་དོན་ཇི་ཙམ་དཀའ་ངལ་བྱུང་ཡང་འཚེར་སྣང་མེད། ཆོས་ཕྱིར་ངལ་དུབ་ཕྲ་མོ་ཙམ་ཡང་དཀའ་བ་ཆེན་པོ་སྤྱད་པའི་བྱས་ཡུས་འདྲེན། སྲིད་པའི་སྡུག་བསྔལ་མིག་གིས་མཐོང་ཞིང༌། རང་ཐོག་ཏུ་བབ་བཞིན་དུ་ཡང་ཉེས་པ་རུ་མི་མཐོང་བ་འདི་ཁ་ནང་དུ་བསྐོར་ཏེ་བག་ཕེབས་པས་བསམ་མནོ་བཏང་མ་ཤེས་པས་ལན། འཁོར་བའི་རྒྱལ་ཕམ་སྐྱིད་སྡུག་ཀྱང་རེས་མོས་ལས་རྟག་ཐུབ་པ་གཅིག་ཀྱང་མེད། འཁོར་བའི་བདེ་སྐྱིད་ཇི་ལྟར་བཟང་ཡང་མཐར་སྡུག་བསྔལ་དུ་མི་འགྱུར་བ་མེད་པས་སྙིང་པོ་མེད། དགེ་བ་ཕྲ་མོ་ཞིག་བྱས་ཀྱང་དེའི་འབྲས་བུ་བདེ་བ་ལས་སྡུག་བསྔལ་དུ་ནམ་ཡང་འགྱུར་མི་སྲིད། དེས་ན་དམ་པའི་ཆོས་ལས་གཞན་པའི་བྱ་སྤྱོད་ཐམས་ཅད་བྱས་པ་དོན་མེད་སྡུག་བསྔལ་གྱི་འཁོར་ལོ་ལས་ནམ་ཡང་མ་འདས་སྙམ་དུ་སྙིང་ཁོང་རུས་པའི་གཏིང་ནས་ཡང་ཡང་བསམ་ཞིང་ལག་ལེན་དུ་ཐེབ་པ་ཞིག་དགོས་པས་འདིར་སྙིང་པོ་ཙམ་སྟེ། རྒྱས་པར་ཁྲིད་གཞུང་གཞན་ལྟར་སྒོམ་ཞིང་མྱོང་བ་ཐོབ་པ་གལ་ཆེ་བ་ཡིན་ནོ། །གཉིས་པ་ཕྱི་སྒྲུབ་དངོས་གཞིའི་ཉམས་ལེན་ལ་གསུམ། ཐེག་པ་ཆེ་ཆུང་སྤྱིའི་ཉམས་ལེན་སྐྱབས་འགྲོ་དང༌། ཐེག་པ་ཆེན་པོའི་ཁྱད་པར་གྱི་ཉམས་ལེན་བྱང་ཆུབ་སེམས་བསྐྱེད། རྡོ་རྗེ་ཐེག་པའི་ལམ་མཆོག་བླ་མ་རྡོ་རྗེ་སེམས་དཔའི་སྒོམ་བཟླས་སོ། །དང་པོ་ནི་ནང་པ་སངས་རྒྱས་པ་ཡིན་ནས་བཟུང་སྐྱབས་སུ་མི་འགྲོ་བ་མེད་ཀྱང༌། ཐེག་པ་ཆེ་ཆུང་གི་དབྱེ་བ་ཡོད་དེ། སངས་རྒྱས་མཆོག་གི་སྤྲུལ་སྐུ། ཆོས་བདེན་བཞི་དང་ལྷག་པ་ཚུལ་ཁྲིམས་ཀྱི་བསླབ་པ། དགེ་འདུན་ཕྱི་གཟུགས་རྟགས་ཀྱི་འདུལ་བ། སྐྱབས་སུ་འགྲོ་བྱེད་ཀྱི་གང་ཟག་ཉན་རང༌། སྐྱབས་སུ་འགྲོ་ཚུལ་རང་དོན་དུ་བྱེད་པ་ཐུན་མོང་གི་སྐྱབས་འགྲོ་ལ་བརྟེན་ནས་སོ་ཐར་གྱི་སྡོམ་པ་སྐྱེ། སྡོམ་པ་སྦྱིན་པ་ཆོ་གའི་དུས་སུ་ཐོབ། ལམ་བདེན་བཞི་སྤང་བླང་ལ་སྦྱང༌། འབྲས་བུ་དགྲ་བཅོམ་ཐོབ། ཐེག་པ་ཆེན་པོའི་སངས་རྒྱས་སྐུ་གསུམ། ཆོས་ལྷག་པ་ཤེས་རབ་ཀྱི་བསླབ་པ་དོན་དམ་རྣམ་པར་ངེས་པ། དགེ་འདུན་ཐེག་ཆེན་བྱང་སེམས། གང་ཟག་དབང་པོ་རྣོ་རྟུལ་གཉིས། སྐྱབས་སུ་འགྲོ་ཚུལ་ཚད་མེད་བཞིས་རང་གཞན་གྱི་དོན་བྱེད། ཁྱད་པར་གྱི་སྐྱབས་འགྲོ་ལ་བརྟེན་ནས་སྡོམ་པ་སྐྱེ། སེམས་བསྐྱེད་ཀྱི་དུས་སུ་སྡོམ་པ་ཐོབ། ལམ་ཕར་ཕྱིན་དྲུག་ལ་བསླབས་པས་གྲངས་མེད་གསུམ་ནས་སངས་རྒྱས་ཐོབ། གསང་སྔགས་རྡོ་རྗེ་ཐེག་པའི་སྐྱབས་འགྲོ་ནི། སངས་རྒྱས་སྐུ་ལྔ་དབྱེར་མེད། ཆོས་རྡོ་རྗེ་ཐེག་པ་བསླབ་པ་གསུམ་རྫོགས་གསང་སྔགས། དགེ་འདུན་ཡང་དག་དོན་གྱི་དགེ་འདུན། གང་ཟག་སྡོམ་པ་གསུམ་ལྡན། སྐྱབས་སུ་འགྲོ་ཚུལ་རང་གི་སྒོ་གསུམ་དང་དཀོན་མཆོག་གསུམ་དབྱེར་མེད། བླ་མེད་ཀྱི་སྐྱབས་འགྲོ་དེ་ལ་བརྟེན་ནས་སྔགས་སྡོམ་སྐྱེ། དབང་དུས་སུ་ཐོབ། རིམ་གཉིས་སྦྱངས་པས་སྐྱེ་བ་གཅིག་གམ་ལྔ་ལ་སངས་རྒྱས། ཁྱད་པར་ཨ་ཏི་ཡོ་ག །རིག་པ་སྐུ་བཞིར་གནས་པ་སངས་རྒྱས། དེ་ངོ་ཤེས་པ་ཆོས། ཟག་མེད་ཀྱི་དགོངས་སྤྱོད་ལ་དགེ་འདུན། གང་ཟག་དབང་པོ་ཡང་རབ། སྐྱབས་སུ་འགྲོ་ཚུལ་རང་སེམས་ལས་གཞན་དུ་དཀོན་མཆོག་ལོགས་ན་མེད་པར་རྟོགས་པ་སྐྱབས་འགྲོ་སྟེ་དེ་དག་ཀྱང་གང་ཟག་གཅིག་གིས་འགལ་མེད་གཅིག་དྲིལ་དུ་ཉམས་སུ་ལེན་དགོས་པས། སྤྱིར་ཁམས་གསུམ་འཁོར་བ་ལ་འཇིགས་པ་ཐེག་དམན་གྱི་ཀུན་སློང༌། སྒོས་རང་དོན་ཡིད་བྱེད་ལ་འཇིགས་པ་ཐེག་ཆེན་གྱི་ལམ་གྱི་མི་མཐུན་ཕྱོགས། ཁྱད་པར་ཐ་མལ་འཁྲུལ་འཛིན་ལ་འཇིགས་པ་རྡོ་རྗེ་ཐེག་པའི་ལམ་བཟང་གི་སྤང་བྱ་སྟེ། འཇིགས་པ་དེ་ལས་སྐྱོབ་པའི་ཕྱིར་གང་ལ་སྐྱབས་སུ་འགྲོ་བ་མདོ་སྔགས་ཐུན་མོང་གི་སངས་རྒྱས་ལ་སྟོན་པ། ཆོས་ལ་ལམ། དགེ་འདུན་ལ་གྲོགས་སུ་ཁས་བླངས་ན་སྐྱབས་སུ་འགྲོ་བ་རྒྱུའི་སྐྱབས་འགྲོ། མཐར་ཐུག་སྐྱབས་གསུམ་དབྱེར་མེད་སངས་རྒྱས་དེ་ཐོབ་པར་བྱས་ནས་དཀོན་མཆོག་གསུམ་གྱི་གདུང་མི་གཅོད་པ་འབྲས་བུའི་སྐྱབས་འགྲོ་དང༌། གསང་སྔགས་ཀྱི་བྱིན་རླབས་ཀྱི་རྩ་བ་བླ་མ། དངོས་གྲུབ་ཀྱི་རྩ་བ་ཡི་དམ། ཕྲིན་ལས་ཀྱི་རྩ་བ་མཁའ་འགྲོ་གསུམ་ལ་སྐྱབས་སུ་འགྲོ་དགོས་ཀྱང་ཡི་དམ་ནི་སངས་རྒྱས། མཁའ་འགྲོ་ཆོས་སྐྱོང་ཡེ་ཤེས་པ་དགེ་འདུན། བླ་མ་དཀོན་མཆོག་ཀུན་འདུས་ཡིན་པས་དོན་གཅིག །ཐུན་མོང་མ་ཡིན་པའི་དབང་དུ་བྱས་ན་དཀོན་མཆོག་གསུམ་མཐར་ཐུག་པ་སངས་རྒྱས་ཆོས་སྐུ། དེ་ཉིད་གཞན་རྒྱུད་ལ་བྱོན་ཟིན་པ་རྒྱུའི་སྐྱབས། རང་སེམས་ངོ་བོ་སྟོང་པ་ཆོས་སྐུ། རང་བཞིན་གསལ་བ་ལོངས་སྐུ། གསལ་སྟོང་གཉིས་མེད་སྤྲུལ་སྐུ་སྟེ་གང་ལ་སྐྱབས་སུ་འགྲོ་བའི་ཡུལ་དང༌། གང་སྐྱབས་སུ་འགྲོ་བ་པོ་ཐ་དད་དུ་གྲུབ་པ་རྡུལ་ཙམ་མེད་པ་ཡེ་སངས་རྒྱས་པ་སྟེ། དོན་གྱི་ཡིན་ལུགས་དེ་ལྟ་བ་གདིང་དང་ལྡན་པ། སྒོམ་པ་ཉམས་དང་ལྡན་པ། སྤྱོད་པ་རོ་སྙོམས་དང་ལྡན་པས་དུས་ཇི་ཙམ་ན་སངས་རྒྱས་ཀྱི་བར་དུ་སྐྱབས་སུ་སོང་བས། དགོས་པ་སངས་རྒྱས་མྱུར་དུ་ཐོབ་པའི་ཕྱིར། ཚུལ་ཇི་ལྟར་སྐྱབས་སུ་འགྲོ་ཚུལ་ནི། རང་གར་གནས་པའི་ས་ཕྱོགས་འདི་ཉིད་རིན་པོ་ཆེའི་ས་གཞི་ཡངས་ཤིང་རྒྱ་ཆེ་བ་ཁོད་སྙོམས་པར་གྱུར་པའི་དབུས་སུ་དཔག་བསམ་གྱི་སྡོང་པོ་ཡལ་འདབ་མེ་ཏོག་འབྲས་བུས་དུད་པ། དེའི་ཡལ་ག་དབུས་དང་ཕྱོགས་བཞིར་གྱེས་པའི་དབུས་མ་ལ་གདན་ཁྲིའི་བཀོད་པ་མཐོ་ཞིང་ཡངས་པར་རྩ་བའི་བླ་མ་སྐུ་དངོས་སམ་རྡོ་རྗེ་སེམས་དཔའི་རྣམ་པ། དེའི་སྟེང་ནས་མར་བརྒྱུད་པའི་བླ་མ་རྣམས་ཐོ་བརྩེགས་ཀྱི་རྣམ་པ་ཅན་དཀོན་མཆོག་ཀུན་འདུས་ཀྱི་ངོ་བོར་བཞུགས་པ། ཕྱོགས་བཞིར་གྱེས་པའི་ཡལ་ག་ལས། མདུན་མཁར་ཁྱད་པར་གྱི་ཡི་དམ་རྒྱལ་བ་དཀྱིལ་འཁོར་གྱི་ལྷ་ཚོགས། གཡས་སུ་ཐུན་མོང་གི་སངས་རྒྱས་སྟོན་པ་ཐུབ་པའི་དབང་པོ་སོགས་ཕྱོགས་བཅུ་དུས་གསུམ་གྱི་སངས་རྒྱས་མཆོག་གི་སྤྲུལ་སྐུ་རྣམས། རྒྱབ་ཏུ་ཆོས་དཀོན་མཆོག་གླེགས་བམ་བརྩེགས་པའི་རྣམ་པ་ཅན། གཡོན་དུ་ཐུན་མོང་གི་དགེ་འདུན་བྱང་སེམས་དང་ཉན་རང་འཕགས་པ། དེ་ཐམས་ཅད་ཀྱི་མཐའ་བསྐོར་དུ་ཁྱད་པར་གྱི་དགེ་འདུན་མཁའ་འགྲོ་ཆོས་སྐྱོང་ཡེ་ཤེས་པ་རྣམས་སྤྲིན་ཕུང་ལྟ་བུར་བཞུགས་པར་མོས་ལ། རང་དང་ལྷན་ཅིག་ཏུ་མཁའ་མཉམ་གྱི་སེམས་ཅན་ཐམས་ཅད་འདུས་ནས་སྐྱིད་སྡུག་ལེགས་ཉེས་ཁྱེད་རང་ཤེས་སྙམ་དུ་རེ་ལྟོས་ལིང་སྐྱུར་གྱི་མོས་གུས་གདུང་ཤུགས་དྲག་པོས་སྐྱབས་འགྲོ་བྱེད་པར་མོས་ཏེ། ན་མོ༔ བླ་མ་དཀོན་མཆོག་གསུམ་གྱི་དངོས༔ ཁྱབ་བདག་རྡོ་རྗེ་སེམས་དཔའ་ལ༔ བདག་དང་མཐའ་ཡས་སེམས་ཅན་རྣམས༔ བྱང་ཆུབ་བར་དུ་སྐྱབས་སུ་མཆི༔ ཞེས་ཅི་ནུས་སུ་བརྗོད་ཅིང༌། ཐུན་འཇོག་ཁར། སྐྱབས་ཡུལ་རྣམས་ཀྱི་སྐུ་ལས་འོད་ཟེར་འཕྲོས། རང་གཞན་སེམས་ཅན་ཐམས་ཅད་ལ་ཕོག་པས་སྡིག་སྒྲིབ་སྦྱངས། སེམས་ཅན་ཐམས་ཅད་དག་པའི་ཞིང་དུ་སོང༌། སྐྱབས་ཡུལ་རྣམས་འོད་དུ་ཞུ་བ་རང་ལ་བསྟིམས་ཏེ་བསྔོ་བ་བྱ། དེ་ལྟར་སྐྱབས་སུ་སོང་ནས་སྤང་བའི་བསླབ་བྱ། སངས་རྒྱས་ལ་སྐྱབས་སུ་སོང་ནས་ལྷ་གཞན་མི་བསྟེན། ཆོས་ལ་སྐྱབས་སུ་སོང་ནས་གཞན་ལ་མི་འཚེ། དགེ་འདུན་ལ་སྐྱབས་སུ་སོང་ནས་མུ་སྟེགས་དང་མི་འགྲོགས། བླ་མར་སྐྱབས་སུ་སོང་ནས་མཆོད་འོས་མི་བསླུ། སྐུར་བ་མི་འདེབས། དམ་པའི་གྲོགས་དང་འགྲོགས། བསྒྲུབ་བྱའི་བསླབ་བྱ། སྐུ་གཟུགས་ཆག་དུམ་ཡན་ཆད་དང༌། ཡི་གེ་འབྲུ་གཅིག །ལྷན་པ་དམར་པོ་ཡན་ཆད་བཀུར་བསྟི་བྱ། གུས་པས་སྤྱི་བོར་བླང༌། དམ་པའི་སྐྱེས་བུ་བསྟེན། ཆོས་ཉན། དགེ་འདུན་དང་མཐུན་པར་འགྲོགས། ལས་ཅི་ལ་ཐུག་ཀྱང་དཀོན་མཆོག་མི་སྤང༌། ཡོན་ཏན་དྲན། ཟས་གོས་སོགས་ཕུད་ཀྱིས་མཆོད། ཉིན་མཚན་ཀུན་ཏུ་སྐྱབས་འགྲོ་མི་བརྗེད་པའོ། །འབྲས་བུའི་བསླབ་བྱ་འཁོར་འདས་ཀྱི་ཆོས་ཐམས་ཅད་མཉམ་པར་ཤེས་ཤིང་སྣང་སྲིད་དཀྱིལ་འཁོར་དུ་ཤེས་པའི་དག་སྣང་བྱ། བླ་མ་ལ་སྐྱབས་སུ་སོང་ནས་གསོལ་འདེབས་དག་སྣང་བྱ། ཡི་དམ་ལ་སྐྱབས་སུ་སོང་ནས་དེའི་བསྐྱེད་རྫོགས་སྒོམ་བཟླས་བྱ། མཁའ་འགྲོར་སྐྱབས་སུ་སོང་ནས་ཚོགས་དང་གཏོར་མས་མཆོད། ལྟ་བ་སངས་རྒྱས་དང་སེམས་ཅན་མཉམ་པར་བལྟ། སྒོམ་པ་ལྷུག་པ་གཏད་མེད་དུ་བཞག །སྤྱོད་པ་བདེ་སྡུག་རོ་སྙོམས་བྱའོ། །དེ་ལྟར་ཉམས་སུ་བླང་བས་ནང་པའི་གྲལ་དུ་ཆུད། ངན་འགྲོར་མི་སྐྱེ། སྡོམ་པ་ཀུན་གྱི་རྟེན་དུ་འགྱུར། ཚོགས་གཉིས་ཡོངས་སུ་རྫོགས་ནས་སངས་རྒྱས་འཐོབ་པར་འགྱུར་རོ། །དེ་ལྟར་མདོ་སྔགས་ཀྱི་སྐྱབས་འགྲོ་ཐམས་ཅད་གནད་གཅིག་ཏུ་དྲིལ་ནས་རྩེ་གཅིག་ཉམས་སུ་བླངས་ན་བློ་རྒྱུད་དཀོན་མཆོག་གསུམ་གྱི་བྱིན་རླབས་ཀྱིས་ཆོས་སུ་འགྲོ། ཐེག་པ་ཐམས་ཅད་འགལ་མེད་དུ་ཡོད་པ་ཁ་བསྒྱུར་བས་ཆོས་ཡང་དག་པའི་ལམ་དུ་འགྲོ། ལམ་རྟགས་ཀྱི་ཡོན་ཏན་རྫོགས་པས་ལམ་འཁྲུལ་པ་སེལ། འཁྲུལ་སྣང་འཁོར་བ་ལ་རྒྱབ་ཀྱིས་ཕྱོགས་པས་འཁྲུལ་པ་ཡེ་ཤེས་སུ་འཆར་བར་བྱེད་པས་ན། འདི་ནི་ནང་པ་སངས་རྒྱས་པའི་ཆོས་ཀྱི་རྩ་བ་ཉམས་སུ་ལེན་བདེ་ཞིང་འབྲེལ་བ་ཐེབས་ཆོག་ཡིན་པས་སྐྱབས་འགྲོའི་དོན་ལ་བློ་བཞག་སྟེ་གྲངས་འབུམ་ཕྲག་སོགས་བསགས་པ་ནི་ཤིན་ཏུ་གལ་ཆེའོ། །གཉིས་པ་ཐེག་པ་ཆེན་པོའི་ཁྱད་པར་གྱི་ཉམས་ལེན་བྱང་ཆུབ་ཏུ་སེམས་བསྐྱེད་པའི་ཁྲིད་ནི་རང་རེ་ད་ལྟ་མན་ཆད་དུ་འཁོར་བ་ལུ་གུ་རྒྱུད་དུ་འཁྱམས་དགོས་པ་བྱུང་བ་ནི་བདག་གཅེས་འཛིན་གྱི་བློ་ངན་འདིས་བྱས་པ་ཡིན། བདག་འཛིན་དེ་རྩད་ནས་ཕྱུང་སྟེ་གཞན་སེམས་ཅན་ཐམས་ཅད་ད་ལྟ་རྩ་བའི་ཕ་མ་ལྟར་ཤེས་པས་སྡུག་བསྔལ་དང་བྲལ་འདོད། བདེ་བ་དང་ལྡན་འདོད་ཀྱི་བློ་བཅོས་མིན་ཞིག་སྐྱེས་ན་ཐེག་ཆེན་བྱང་ཆུབ་སེམས་དཔའི་ལམ་རྣལ་མ་ཡིན། དེ་སྐྱེ་བའི་ཐབས་ལ་ཚད་མེད་པ་བཞིས་བློ་སྦྱོང་དགོས་པས། སེམས་ཅན་བདེ་བ་དང་ལྡན་འདོད་བྱམས་པ། སྡུག་བསྔལ་དང་བྲལ་འདོད་སྙིང་རྗེ། བདེ་བ་ལ་གནས་འདོད་དགའ་བ། ཉེ་རིང་ཆགས་སྡང་གི་བློ་བཏང་བ་བཏང་སྙོམས་ཡིན། སེམས་ཅན་གཅིག་ནས་གཉིས་སོགས་ལ་དམིགས་པ་འཇིག་རྟེན་པ། འགྲོ་བ་ཐམས་ཅད་ལ་དམིགས་པ་འཇིག་རྟེན་ལས་འདས་པའི་ཚད་མེད་ཡིན། སེམས་ཅན་ཐམས་ཅད་ཕ་མར་ཤེས་ཤིང་བདེ་བ་དང་ལྡན་འདོད་སོགས་སེམས་ཅན་ལ་དམིགས་པ་སྐྱེ་བོ་ཕལ་པ། དོན་དམ་པར་ཅི་ཡང་མ་གྲུབ་ཀྱང༌། ཀུན་རྫོབ་སྒྱུ་མ་རྨི་ལམ་ལྟ་བུའི་བདེ་བ་དང་ལྡན་འདོད་སོགས་ཆོས་ལ་དམིགས་པ་ཉན་རང༌། དེ་ལྟར་སྒོམ་པའི་དུས་ནས་སྤྲོས་བྲལ་ནམ་མཁའ་ལྟ་བུའི་གདངས་མ་འགགས་པས་བདེ་བ་དང་ལྡན་འདོད་སོགས་ཀྱི་བློ་དུང་ངེ་བ་དམིགས་པ་མེད་པ་ཐེག་པ་ཆེན་པོའི་ལམ་གྱི་གཞུང་ཤིང་སྟེ། སྒོམ་ཚུལ་དངོས་ལ་ཐོག་མ་སྐྱེ་སླ་རིམ་ནས་བཟུང་སྟེ་དང་པོ་བཏང་སྙོམས་ཐོག་མར་བསྒོམ་པ་དང༌། རྩལ་སྦྱང་བའི་ཕྱིར་གོ་རིམ་ངེས་པ་ཅན། ཡང་ལྡོག་ནས་བཏང་སྙོམ། དགའ་བ། སྙིང་རྗེ། བྱམས་པའི་བར་དང༌། བྱམས་པ་དང་དགའ་བ། སྙིང་རྗེ་དང་བཏང་སྙོམས་སྤེལ་བ་སོགས་ཀྱིས་སྦྱོར་དངོས་རྗེས་གསུམ་གྱི་རྩིས་ཟིན་པར་ཉམས་སུ་བླང་ངོ༌། །དེ་ལྟར་ཚད་མེད་བཞི་ལ་གོམས་ནས་བྱང་ཆུབ་སེམས་གཉིས་བསྒོམ་དགོས་ལ། བྱང་ཆུབ་ཀྱི་སེམས་དེ་ཡང་རང་བཞིན་གནས་རིགས་དང༌། རྒྱས་འགྱུར་གྱི་རིགས་གཉིས་ཀྱི་ཚུལ་དུ་རང་ཉིད་ལ་ཡེ་ནས་ཡོད། དེ་མེད་ན་སངས་རྒྱས་སྒྲུབ་པའི་བློ་མི་སྐྱེ། དེས་ན་རང་རེ་རྣམས་འཁོར་བའི་ཐོག་མ་མེད་ཀྱང་ཐ་མ་དང་ལྡན་པའི་གནད་འདི་ཡིན། གཤིས་ཀྱི་གནས་ལུགས་དེ་གོ་བ་ཙམ་གྱིས་མི་ཕན། སྒྲིབ་པས་བསྒྲིབས་ནས་ཡོད་པ་དེ་སྦྱང་བའི་ཐབས་ལ་འབད་དགོས། དེའི་ཐབས་མཆོག་ཏུ་གྱུར་པ་ནི་བྱང་ཆུབ་ཏུ་སེམས་བསྐྱེད་པ་སྟེ། སེམས་དེ་སངས་རྒྱས་ལ་དམིགས་པའི་དད་པ། སེམས་ཅན་ལ་དམིགས་པའི་སྙིང་རྗེ། བྱང་སེམས་ཀྱི་སྡོམ་པ་ལེན་འདོད་ཡོད་པ་གསུམ་ལས་སྐྱེ་བས། དེ་ལས་ཀྱང་སྙིང་རྗེ་ནི་བྱང་སེམས་ཀྱི་རྒྱུའི་གཙོ་བོ་མེད་དུ་མི་རུང་བ་སྟེ། དེ་དག་ཇི་ལྟར་ཉམས་སུ་ལེན་པའི་ཚུལ་ནི། མདུན་གྱི་ནམ་མཁར་ཚོགས་ཞིང་སྐྱབས་ཡུལ་སྔར་ལྟར་གསལ་ཏེ། འདི་ལྟར་ཕྱོགས་བཅུ་གང་ལས་གཞལ་ཀྱང་འཇིག་རྟེན་གྱི་ཁམས་ལ་མཐའ་མེད། དེ་ཐམས་ཅད་རིགས་དྲུག་གི་སེམས་ཅན་གྱིས་གོ་མཚམས་མེད་པར་ཁྱབ། སེམས་ཅན་ཐམས་ཅད་ཀྱིས་རང་གི་ཕ་མ་ལན་གྲངས་དཔག་ཏུ་མེད་པར་བྱས་ཏེ། ལེགས་པར་བསྐྱངས་པའི་དྲིན་ཅན་ཤ་སྟག་ཡིན། དེ་ཐམས་ཅད་འདོད་པ་བདེ་བ་འདོད་ཀྱང་སྒྲུབ་པ་སྡུག་བསྔལ་སྒྲུབ། ཞེ་འདོད་དང་ལག་ལེན་ཕྱིན་ཅི་ལོག་ཏུ་གྱུར་པའི་སྨྱོན་པ་ལྟ་བུ་འདི་རྣམས་སྙིང་རེ་རྗེ་སྙམ་པ་སེམས་ཅན་ལ་དམིགས་པའི་སྙིང་རྗེ། བདག་གི་ཕ་མ་མི་འདོད་བཞིན་དུ་སྡུག་བསྔལ་རྣམས་ཉམས་སུ་མྱོང་བ་འདི་ཀུན་ཅི་ཚུགས་བྱ། ད་ནི་སྙིང་རྗེ་ཟེར་བཞག་པས་ཅི་ཕན། འདི་རྣམས་འཁོར་བའི་སྡུག་བསྔལ་ལས་དྲངས་ཏེ། ཐར་པ་མཆོག་བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་ས་ལ་མྱུར་དུ་འགོད་པར་བྱ་སྙམ་པ་སངས་རྒྱས་ལ་དམིགས་པའི་དད་པ་སྨོན་པ་སེམས་བསྐྱེད་དང༌། ད་ལྟ་དེའི་ནུས་པ་བདག་ལ་མེད་པས་བདག་གིས་འགྲོ་ཀུན་སྒྲོལ་ནུས་པའི་སངས་རྒྱས་ཀྱི་གོ་འཕང་ཚེ་འདི་ཉིད་ལ་ཐོབ་པར་བྱ། དེའི་ཆེད་དུ་དཔལ་རྡོ་རྗེ་སེམས་དཔའི་བསྐྱེད་རྫོགས་ཀྱི་ལམ་ཟབ་མོ་བསྒོམ་པར་བགྱིའོ་སྙམ་པའི་བྱང་ཆུབ་ཐོབ་འདོད་ཡོད་པ་འཇུག་པ་སེམས་བསྐྱེད་དེ་གནད་གསུམ་ཚང་བས། རྒྱལ་བ་སྲས་དང་བཅས་རྣམས་ཀྱིས༔ བྱང་ཆུབ་ཐུགས་ནི་བསྐྱེད་པ་ལྟར༔ བདག་གིས་འགྲོ་ལ་ཕན་དོན་དུ༔ བྱང་ཆུབ་མཆོག་ཏུ་སེམས་བསྐྱེད་དོ༔ ཞེས་པའི་ཚིག་དམ་བཅའི་ཚུལ་དུ་ཁ་ཡེངས་མིག་ཡེངས་ཚིག་ཙམ་དུ་མ་སོང་བར་འགྲོ་དྲུག་གི་སེམས་ཅན་རྣམས་སྙིང་ཁོང་དུ་བཅུག་པའི་ལྷག་བསམ་དྲག་པོའི་སེམས་རྩེ་གཅིག་པས་སྐྱབས་ཡུལ་རྣམས་ཀྱིས་བདག་གི་བསམ་སྦྱོར་ཇི་བཞིན་དུ་མཁྱེན་ངེས་སྙམ་པའི་བླ་མ་དཀོན་མཆོག་ལ་དད་པ་དང་བཅས་ཚར་གྲངས་བསགས། སེམས་བསྐྱེད་བསམ་པ་ཡང་ཡང་གོམས་པར་བྱའོ། །མཐར་ཚོགས་ཞིང་རྣམས་དགྱེས་པས་འོད་དུ་ཞུ་ནས་རང་གཞན་སེམས་ཅན་ཐམས་ཅད་ལ་ཐིམ་པས་སྐྱབས་ཡུལ་རྣམས་ཀྱི་ཐུགས་རྒྱུད་ལ་བཞུགས་པའི་བྱམས་སྙིང་རྗེ་བྱང་ཆུབ་སེམས་ཀྱི་གནས་ལུགས་རྟོགས་པའི་ལྟ་བ་ཕྱིན་ཅི་མ་ལོག་པ་དེ་རང་གཞན་སེམས་ཅན་ཐམས་ཅད་ཀྱི་རྒྱུད་ལ་སྐྱེས་པར་མོས་ལ་མི་དམིགས་པའི་ངང་ལ་དར་གཅིག་མཉམ་པར་བཞག་རྗེས་བདག་གཞན་མཉམ་བརྗེའི་བྱང་ཆུབ་ཀྱི་སེམས་ཁྲིད་གཞུང་རྒྱས་པ་གཞན་ནས་གསུངས་པ་ལྟར་བྱང་བ་ཐོན་ཐོན་དུ་བསྒོམ་དགོས་པ་ལས་སེམས་བསྐྱེད་ཀྱི་གྲངས་བསགས་པ་ཙམ་དངོས་གཞི་མ་ཡིན་པར་ཤེས་པར་བྱ་བ་གནད་དོ། །སྤྱིར་བྱང་ཆུབ་སེམས་དཔའི་བསླབ་བྱ་ཐམས་ཅད་གཞན་ཕན་གཞིར་བཅས་སྒྲུབ་པ་ལ་འདུ་བ་ཡིན་ཀྱང༌། ད་ལྟ་རང་རེ་སོ་སྐྱེས་ལས་དང་པོ་པའི་སྐབས་འདིར་སྦྱོར་བ་དང་དངོས་སུ་སེམས་ཅན་ལ་ཕན་ཐོགས་རྒྱ་ཆེན་པོ་འབྱུང་དཀའ་ཞིང༌། གཙོ་བོ་ཀུན་སློང་གི་བསམ་པ་གཞན་ཕན་འབའ་ཞིག་ཁོང་དུ་བཅུག་ནས། སྦྱོར་བ་རང་རྒྱུད་ཀྱི་ཉེས་སྤྱོད་སྡོམ་ཞིང་དགེ་ཆོས་སྤེལ་བའི་སྒོ་ནས་རང་གི་རྒྱུད་ཀྱི་འཆིང་བ་གྲོལ་བའི་ཐབས་ལ་བརྩོན་པས་དེས་གཞན་དོན་ཀྱང་ཞར་ལ་འགྲུབ་ནས་འཕགས་ས་ཐོབ་ནས་གཞན་དོན་ནུས་པའི་སྐབས་སུ་སྐད་ཅིག་ཀྱང་མི་གཡེང་བར་བསམ་སྦྱོར་གཉིས་ཀས་གཞན་ཕན་འབའ་ཞིག་བསྒྲུབས་པས་དེས་རང་དོན་དུ་སྤང་རྟོགས་ཀྱང་ཞར་ལ་རྫོགས་ནས། མཐར་ཕྱིན་སངས་རྒྱས་ཀྱི་ས་ལ་རང་གཞན་གྱི་དོན་གཉིས་འབད་མེད་ལྷུན་གྲུབ་ཀྱི་ཚུལ་དུ་འབྱུང་བས་ན། རང་གི་ལུས་དང་ལོངས་སྤྱོད་དགེ་ཚོགས་དང་བཅས་ནུས་པ་དང་འཚམས་པར་བཏང་བསྲུང་དག་པ་སྤེལ་བའི་ཚུལ་ལ་མཁས་པར་བྱ་བ་ལ་དོན་གྱི་གནད་འདུའོ། །གསུམ་པ་རྡོ་རྗེ་ཐེག་པའི་ལམ་མཆོག་བླ་མ་རྡོ་རྗེ་སེམས་དཔའི་སྒོམ་བཟླས་དངོས་ཀྱི་ཁྲིད་ལ། གཉེན་པོ་སྟོབས་བཞི་དང་ལྡན་པ་དགོས་པས་དང་པོ་སུན་འབྱིན་པའི་སྟོབས་ནི། དེ་ཡང་རང་ཅག་རྣམས་གཞན་དོན་རྫོགས་བྱང་སྒྲུབ་པར་བྱེད་པ་ལ་བར་དུ་གཅོད་པའི་གེགས་ནི་སྡིག་སྒྲིབ་ཡིན། སྦྱང་བྱ་དེ་ངོས་བཟུང་བ་ལ་སྡིག་པའི་སྒོ་དྲུག་གསུངས་ཏེ། ཀུན་སློང་གི་སྒོ་ཉོན་མོངས་པ་ཆགས་སྡང་རྨོངས་གསུམ། འགྲིམ་པའི་སྒོ་ལུས་ངག་ཡིད་གསུམ་གྱིས། ཡུལ་སངས་རྒྱས་དང་སེམས་ཅན་ལ། དུས་ཐོག་མེད་ནས་ད་ལྟའི་བར། ངོ་བོ་རང་བཞིན་དང་བཅས་པའི་སྡིག་པ། སྦྱོར་བ་རང་གིས་བྱས་པ་དང༌། གཞན་ལ་བྱེད་དུ་འཇུག་པ། བྱས་པ་ལ་རྗེས་སུ་ཡི་རང་བ་རྣམས། སྦྱོང་བྱེད་གཉེན་པོ་སྟོབས་བཞིས་སྦྱང་དགོས་པས། རང་གིས་སྡིག་པ་ནི་དགྲ་གཉེན་གཉིས་དང་ལུས་ལོངས་སྤྱོད་སོགས་ཀྱི་ཕྱིར་བྱས་པ་ཡིན། དེ་ཐམས་ཅད་བདག་ཡུན་དུ་འགྲོགས་དབང་མེད། སྡིག་པའི་འབྲས་བུས་རང་ངན་སོང་དུ་ལྟུང་སྟེ་ཤིན་ཏུ་ཉམ་ཐག་ཅིང་དགོས་གལ་ཆེ་བའི་དུས་སྐབས་སུ་ནི་དེ་དག་རང་གི་ཕྱོགས་ཙམ་དུ་མི་ཉེ་ཞིང་ཕན་པ་མེད། རྣམ་སྨིན་སྡུག་བསྔལ་གྱི་འབྲས་བུ་ནི་རང་འབའ་ཞིག་གིས་མྱོང་དགོས་པས། སྡིག་པ་ཉིད་ཚེགས་ཆེ་ལ་དོན་ཆུང་བར་འདུག་བསམས་ཏེ་འགྱོད་པ་བསྐྱེད། སྡིག་པའི་འབྲས་བུས་ཚེ་འདིར་ཡང་སྲོག་གཅོད་པས་ཚེ་ཐུང༌། ནད་མང༌། མ་བྱིན་པ་བླངས་པས་ནོར་དབུལ་བ་སོགས་དང༌། རང་ཉིད་འཆི་ཀ་གནད་གཅོད་ཀྱི་སྡུག་བསྔལ་དང༌། འཆི་ཚེ་གཤིན་རྗེའི་ཕོ་ཉས་བརྡུང་བརྡེག་སོགས་འཇིགས་སྣང་དང༌། ཤི་བའི་འོག་ཏུ་ངན་སོང་དུ་ལྷུང་བའི་སྡུག་བསྔལ་གྱི་འཇིགས་སྣང་ལ་བསམས་ཏེ་འགྱོད་པ་བསྐྱེད། སྡིག་པ་བྱས་པ་བཤགས་པས་ཆོག་སྙམ་ན་སྡིག་པ་བཤགས་ཤིང་མ་བྱང་བའི་སྔོན་དུ་རང་འཆི་ན་ཆ་མེད། འཆི་རྐྱེན་ངེས་མེད་ཡིན་པས་འཆི་བདག་གི་བདུད་དེས་ནམ་འདོད་དུ་ཁྱེར་བ་ལས་བདག་གི་སྡིག་པ་བྱང་མ་བྱང་མི་ལྟ་བས་ཡིད་བརྟན་མི་རུང་བས་མྱུར་དུ་བཤགས་དགོས། ཉེས་པ་གསང་ཞིང་སྦེད་ན་སྡིག་པ་ཇེ་འཕེལ་དུ་འགྲོ་བས་སྐྱོན་དུ་ཤེས་པས་ཚོགས་སུ་བསྒྲགས་ན་སྡིག་པ་སྟོབས་ཆུང་དུ་འགྲོ། ནམ་ཡང་མི་འཕེལ་བ་བཤགས་ཡུལ་གྱི་མདུན་དང་ཚོགས་སུ་བསྒྲགས་པ་ནི་མཐོལ་བ། སྡིག་པ་བྱས་པ་བདག་ཤིན་ཏུ་ཉེས་ཤིང་འཕྱུག་སྙམ་འགྱོད་སེམས་གདུང་བས་མཚང་ཁས་ལེན་པ་བཤགས་པ། རང་ནོངས་པས་ཞུམ་པས་དམན་ས་བཟུང༌། ཉེས་པ་མི་ལྡན་པ་རྣམས་མཆོག་དང་ངོ་མཚར་དུ་ཤེས་པ་དང་གུས་པས་གཙུག་ཏུ་བཀུར་བའི་ཀུན་སློང་གིས་རང་གི་ཉེས་སྤྱོད་བགྱིས་པ་ལ་ངོ་ཚ་ཡང་གསོང་པོར་སྨྲ་བའི་སྒོ་ནས། བླ་མ་རྡོ་རྗེ་སེམས་དཔའི་དྲུང་དུ་བཤགས་པ་ཡིན་པས་ཁྱེད་རྣམས་ཀྱི་བརྩེ་བས་རྗེས་སུ་བཟུང་ལ། ལས་འདི་དག་པར་མཛད་དུ་གསོལ་ཞེས་སྙིང་ཐག་པ་ནས་བརྗོད་པ་བཤགས་པའི་དོན་གྱི་སྙིང་པོ་ཡིན་ནོ། །གཉིས་པ་གཉེན་པོ་ཀུན་ཏུ་སྤྱོད་པའི་སྟོབས་ནི། སྡིག་པའི་གཉེན་པོ་དགེ་བ་ལ་སྤྱོད་པ་སྟེ། དེ་ལས་འགྲུབ་སླ་ཞིང་ཕན་ཡོན་ཆེ་བ་འགའ་ཞིག་གཅེས་པར་བཏུས་པ་ལ་གཉེན་པོ་ཀུན་ཏུ་སྤྱོད་པའི་སྒོ་དྲུག་ཏུ་གྲགས་ཏེ། དང་པོ་སངས་རྒྱས་དང་བྱང་སེམས་ཀྱི་མཚན་བཟུང་བ། གཉིས་པ་སྐུ་གཟུགས་དང་མཆོད་རྟེན་བཞེངས་པ། གསུམ་པ་རྟེན་ལ་ཕྱག་མཆོད་བསྐོར་བ་བྱེད་པ། བཞི་པ་མདོ་རྒྱུད་ཟབ་མོ་ཁ་ཏོན་དུ་བྱེད་པ། ལྔ་པ་གཟུངས་སྔགས་བཟླ་བ། དྲུག་པ་སྟོང་ཉིད་བསྒོམ་པ་རྣམས་སུ་གསུངས་པ་ལས། དཔེར་ན་ཉི་ཟླ་སྤྲིན་ལས་དོན་པ་ལྟར་དགེ་བ་གཅིག་བྱས་པ་དང་སྡིག་པ་མང་པོ་དག་པར་འགྱུར་ཞིང༌། རྡོ་རྗེ་རིན་ཆེན་ཆུང་ངུས་རི་རབ་འཇོམས་པ་དང༌། མེ་སྟག་ཆུང་ངུས་རྩ་ཤིང་རི་ཙམ་བསྲེགས་པ་དང༌། དུག་ཆུང་ངུས་མི་བསད་པ་ལྟར་ཡིན་པས་སྡིག་པ་བྱས་པ་ཇི་སྙེད་ཀྱི་དགེ་བ་བྱེད་མི་མོས་པས་སྐབས་འདིར་སྡིག་པའི་གཉེན་པོ་བྱ་སླ་ཚེགས་ཆུང་བ་རྡོར་སེམས་བསྒོམ་བཟླས་ཏེ། དེའི་ཚུལ་ལ་ཚོགས་རྟེན་གསལ་གདབ་པ་དང༌། བསགས་སྦྱོང་སྙིང་པོ་ལེན་པ་གཉིས་ལས། དང་པོ་ནི། ཨ༔ བདག་གི་ཚངས་པའི་གནས་ཉིད་དུ༔ སོགས་ཏེ། རང་གིས་སྤྱི་བོར་པད་ཟླའི་གདན་ལ་ཧཱུྃ་ཡིག་དཀར་པོ། དེ་ལས་འཕྲོས་པའི་འོད་ཟེར་གྱིས་དོན་གཉིས་བྱས། ཚུར་འདུས་ཡོངས་སུ་གྱུར་པ་ལས། བླ་མ་དཔལ་རྡོ་རྗེ་སེམས་དཔའ་དཀར་པོ་ཞལ་གཅིག་ཕྱག་གཉིས་པ། གཡས་རྡོ་རྗེ་ཐུགས་ཀ་དང་གཡོན་དྲིལ་བུ་དཀུར་བསྟེན་པས་ཡུམ་སྙེམས་མ་དཀར་མོ་གྲི་ཐོད་འཛིན་པ་ལ་འཁྱུད་པ། དར་དང་རིན་པོ་ཆེའི་རྒྱན་ཅན། ཡབ་སེམས་དཀྱིལ་དང་ཡུམ་པད་དཀྱིལ་གྱིས་ཕན་ཚུན་འཁྲིལ་བ། གནས་གསུམ་ཨོཾ་དཀར་ཨཱཿདམར་ཧཱུྃ་མཐིང་གསུམ་གྱིས་མཚན་པ་གསལ། དམིགས་རྣམ་རྒྱས་པར་སྤྲོ་ན། ཡབ་ཡུམ་གཉིས་ཀ་ང་རྒྱལ་མ་སྤངས་གནས་སུ་དག་པས་ཕྱག་ཞབས་རྣམས་གསེར་ཞུན་མ་ལྟར་མཉེན་པ་སོགས་ཞི་བའི་ཚུལ་དགུ། དར་གྱི་ཆས་གོས་ལྔ་དང༌། རིན་པོ་ཆེའི་རྒྱན་བརྒྱད་སོགས་ཞིབ་པར་གསལ། མདོར་ན་སྤྱི་གཙུག་ཏུ་བསྒོམས་པའི་རྡོར་སེམས་ཀྱི་ཐུགས་ཀའི་འོད་ཀྱིས་ཡེ་ཤེས་པ་སྤྱན་དྲངས། དམ་ཡེ་གཉིས་མེད་དུ་བསྟིམ། དབང་ལྷས་དབང་བསྐུར་བ་བཅས་ཡན་ལག་བཞི་རྫོགས་སུ་བསྐྱེད་ལ། གཉིས་པ་བསགས་སྦྱོང་སྙིང་པོ་ལེན་པ་འདི་ལ་བདུན་ལས། དང་པོ་ཕྱག་འཚལ་བའི་ཡན་ལག་ནི། ཧོཿ དགོངས་ཀློང་དབྱེར་མེད་སོགས་ཀྱིས་བསྟན་པ་ལྟར། ཚོགས་ཞིང་ཁྱད་པར་ཅན་བླ་མ་རྡོ་རྗེ་སེམས་དཔའི་སྟེང་གི་ཆ་ལ་བརྒྱུད་གསུམ་བླ་མ། བར་དུ་ཡི་དམ་རྒྱུད་སྡེ་དྲུག་གི་ལྷ་ཚོགས། འདབས་འཁོར་དུ་སངས་རྒྱས་བྱང་སེམས་དཔའ་བོ་མཁའ་འགྲོ་ཡེ་ཤེས་ཀྱི་ཆོས་སྲུང་གི་ཚོགས་དང་བཅས་པ་གངས་རི་ཆེན་པོ་ལ་ཆར་སྤྲིན་འཁྲིགས་པ་བཞིན་བཞུགས་པར་གསལ་བའི་སྤྱན་སྔར་རང་གཞན་སེམས་ཅན་ཐམས་ཅད་སྒོ་གསུམ་རབ་ཏུ་གུས་པས་འཁོད་དེ་རང་རང་གི་ལུས་ཞིང་གི་རྡུལ་སྙེད་དུ་སྤྲུལ་ཞིང་ཆེ་བའི་ཡོན་ཏན་རྗེས་སུ་དྲན་པའི་བསྟོད་དབྱངས་བཅས་མེ་ཏོག་པདྨ་དཀར་པོ་གསར་དུ་ཁ་འབུས་པ་དང་འདྲ་བའི་ལག་གཉིས་ཐལ་མོ་སྦྱར་ཏེ། ལུས་དྲང་པོར་བསྲང༌། དེ་ཡང་ཐལ་མོ་སྤྱི་བོར་སྦྱར་བས་ལུས་སྒྲིབ་དག །མགྲིན་པར་སྦྱར་བས་ངག་སྒྲིབ་དག །སྙིང་གར་སྦྱར་བས་ཡིད་སྒྲིབ་དག །དེ་ནས་ལུས་ཀྱི་མ་ལྔ་ས་ལ་ཕབ་པ་ཞེས། དཔྲལ་བ་དང་གཅིག །ལག་པའི་མཐིལ་གཉིས། པུས་མོ་གཉིས་དང་བཅས་ས་ལ་ཕབ་སྟེ་ཕྱག་བྱས་པས་རང་རྒྱུད་ཀྱི་ཉོན་མོངས་དུག་ལྔའི་སྒྲིབ་པ་དག །ཚོགས་ཞིང་རྣམས་ཀྱི་སྐུ་གསུང་ཐུགས་ཡོན་ཏན་ལྔའི་དབང་དང་བྱིན་རླབས་ཐོབ་པ་དང༌། མཐར་ཐུག་སངས་རྒྱས་ཀྱི་དབུའི་གཙུག་ཏོར་བལྟར་མི་མངོན་པ་འགྲུབ་པར་བྱེད་པའི་དགོས་པ་ཡོད་པ་ཡིན། གོང་དུ་སྡིག་པའི་གཉེན་པོ་སྒོ་དྲུག་གི་གསུམ་པ་ཡིན་ཅིང༌། ཁྱད་པར་ཡན་ལག་ཐམས་ཅད་བརྐྱང་སྟེ་ཕྱག་འཚལ་བས་གསང་སྔགས་ཀྱི་རུ་ཟུང་བཞིའི་བཤགས་པ་ནས་ལུས་ཀྱི་དམ་ཚིག་ཉམས་ཆག་བཤགས་པའི་ཐབས་སུ་གསུངས་པས། ཉམས་ཆག་སྦྱོང་བར་གཙོ་བོར་དམིགས་ན་བླ་མ་རྡོ་རྗེ་སེམས་དཔའ་རིགས་ཐམས་ཅད་ཀྱི་ཁྱབ་བདག་ཡིན་པས་ཐུགས་ཀར་ཞི་བ་བཞི་བཅུ་རྩ་གཉིས། དབུ་ལ་ཁྲག་འཐུང་ལྔ་བཅུ་རྩ་བརྒྱད་གསལ་ལ། དེ་དག་གི་མཚན་ནས་བརྗོད་པའི་ཞི་ཁྲོའི་ཕྱག་འཚལ་སྦྱར་དུ་རུང་ལ། ཞི་ཁྲོའི་སྐུ་དམིགས་བསལ་མ་བསྒོམས་ཀྱང་རྡོ་རྗེ་སེམས་དཔའ་གཅིག་ཆོག་ནོར་བུའི་ལུགས་སུ་བསྒོམ་པ་མཆོག་ཡིན་ཏེ། ལྷ་དེ་རིགས་ཐམས་ཅད་ཀྱི་ཁྱབ་བདག་ཡིན་པའི་ཕྱིར་གསང་བ་སྙིང་པོ་ལས། མཁའ་དཀྱིལ་དྭང་པའི་དབྱིངས་ཉི་ཟླར། །ཡེ་ཤེས་རྒྱལ་པོ་སྟངས་དཔྱལ་བསྒོམ། །རྒྱལ་བའི་དཀྱིལ་འཁོར་རབ་འབྱམས་ཀུན། །མ་ལུས་པར་ནི་བསྒོམ་པར་འགྱུར། །ཞེས་གསུངས་པའོ། །ཕྱག་འཚལ་བའི་ཕན་ཡོན་ཀྱང༌། འདུལ་བ་ལུང་ལས། དགེ་སློང་དག་ཁྱེད་རྣམས་ཀྱིས་དེ་བཞིན་གཤེགས་པའི་དབུ་སྐྲ་སེན་མོའི་མཆོད་རྟེན་ལ་དད་པས་ཕྱག་འཚལ་བ་དེའི་རྣམ་པར་སྨིན་པ་ནི་ཇི་སྲིད་དུ་ཚངས་པ་མཚུངས་པར་སྤྱོད་པ་རྣམས་ལ་ཁོང་ཁྲོ་མ་སྐྱེས་པ་དེ་སྲིད་དུ་དབང་ཆེན་ས་གཞི་ལ་ཐུག་གི་བར་དུ་རྡུལ་ཕྲ་རབ་ཀྱི་གྲངས་དང་མཉམ་པའི་འཁོར་ལོའི་བསྒྱུར་བའི་རྒྱལ་པོའི་བདེ་བ་མྱོང་ཞིང་ལྷ་དང་མི་རྣམས་ཀྱི་ནང་དུ་ཕྱིན་པར་འགྱུར་རོ། །གཉིས་པ་མཆོད་པ་འབུལ་བ་ནི། དངོས་སུ་འབྱོར་བའི་མཆོད་པ་སེར་སྣ་དང་ང་རྒྱལ་ངོམ་ཆོས་ཀྱི་ཀུན་སློང་ངན་པས་མ་བསླད་པ། རང་ཉིད་ཀྱི་ཇི་ལྟར་འབྱོར་བའི་མཆོད་པ་རྒྱུ་བཟང་བ། དངོས་གཙང་བའི་མཆོད་ཡོན་སོགས་ཉེར་སྤྱོད་དང༌། ཡིད་སྤྲུལ་གཞལ་ཡས་ཁང༌། ཡུལ་འཁོར། རི་གླིང༌། བཀྲ་ཤིས་རྫས་རྟགས། རྒྱལ་སྲིད་བདུན། ཉེ་བའི་རིན་ཆེན་བདུན། ལྷ་དང་ལྷ་མོའི་གླུ་གར་རོལ་མོ་སོགས་ཞིང་འདི་དང་དག་པའི་ཞིང་གཞན་དུ་ཡོད་པ། གསང་སྔགས་ནང་གི་དམ་རྫས་སྨན་གཏོར་རཀྟ་སོགས་ཟག་མེད་ཀྱི་འདོད་ཡོན་རྣམས་ཅིར་ཡང་འཆར་བ་བྱང་ཆུབ་སེམས་དཔའ་ཀུན་ཏུ་བཟང་པོའི་མཆོད་སྤྲིན་ལྟ་བུ་སྤྲུལ་ནས་འབུལ་བ་སྟེ། དེ་ཡང་བྱང་ཆུབ་སེམས་དཔའ་ཀུན་ཏུ་བཟང་པོའི་ཏིང་ངེ་འཛིན་གྱི་མཐུ་ལས། རང་གི་ཐུགས་ཀ་ནས་འོད་ཟེར་ཁ་དོག་མི་འདྲ་བ་བྱེ་བ་བརྒྱ་སྟོང་སངས་རྒྱས་ཀྱི་ཞིང་ཁམས་གྲང་མེད་པའི་རྡུལ་དང་མཉམ་པར་སྤྲོས། འོད་ཟེར་དེ་རེ་རེའི་རྩེར་ཡང་བྱང་ཆུབ་སེམས་དཔའ་ཀུན་ཏུ་བཟང་པོ་རང་འདྲ་བ་རེ་རེ་སྤྲུལ། དེ་རེ་རེའི་ཐུགས་ཀ་ནས་སྔར་དང་འདྲ་བའི་འོད་ཟེར་སྤྲོ་ཞིང༌། དེའི་རྩེར་ཀུན་ཏུ་བཟང་པོ་སྤྲུལ་པ་སོགས་གྲངས་མེད་བསམ་གྱིས་མི་ཁྱབ་པའི་བར་སྤྲོས་ཏེ། དེ་དག་རེ་རེས་ཀྱང་གཅིག་ཏུ་མེད་པའི་མཆོད་རྫས་ཀྱི་རྣམ་གྲང་བསམ་གྱིས་མི་ཁྱབ་པར་སྤྲོས་པས་ཕྱོགས་བཅུའི་རྒྱལ་བ་སྲས་དང་བཅས་པ་མཆོད་པ་ནི་ཀུན་ཏུ་བཟང་པོའི་མཆོད་པའི་སྤྲིན་ཕུང་ཞེས་བྱའོ། །ཚུལ་དེ་འདྲ་བ་རང་ཉིད་བློས་ཅི་ལྕོག་ཏུ་སྤྲུལ་ནས་འབུལ་བའང་སྡིག་པ་སྦྱོང་བའི་སྒོ་གསུམ་པའོ། །དེའི་ཡན་ལག་ཏུ་མཎྜལ་འབུལ་བ་ཡང་ཚོགས་བསགས་པའི་སྒོ་ཁྱད་པར་ཅན་ཏེ། འབྱོར་འཁོས་རབ་འབྲིང་ཐ་གསུམ་དང་བསྟུན་པའི་མཎྜལ་ལ། ཚོམ་བུའི་རྒྱུ་རིན་པོ་ཆེ། སྨན་འབྲུ་གཙང་ཞིང་དག་པས། སྒྲུབ་པའི་མཎྜལ་ཚོམ་བུ་གཅིག་པ་མདུན་སྟེགས་ལ་བཀོད་ནས་མཆོད་པས་བསྐོར། མཆོད་པའི་མཎྜལ་རང་གི་ལག་ཏུ་ཐོགས་ལ། འབྲུ་སོགས་དྲི་དང་བ་བྱུང་གིས་བརླན་པར་བྱས་ལ། ཡིག་བརྒྱ་དང་མཆོད་པའི་སྤྲིན་གཟུངས་བཟླས་པས་བྱི་དོར་བྱ། རྒྱས་པ་ཡོངས་གྲགས་ཚོམ་བུ་སོ་བདུན་མ་དང༌། གཏེར་ཁ་ནས་འབྱུང་བའི་ཕྱི་རིན་པོ་ཆེའི་མཎྜལ། ནང་དུ་ཕུང་ཁམས་སྐྱེ་མཆེད་ཀྱི་མཎྜལ། གསང་བ་སེམས་ཉིད་གསལ་སྟོང་གི་མཎྜལ་དང༌། སྐུ་གསུམ་གྱི་ཞིང་གི་མཎྜལ་སོགས་སྤྲོ་ན་སྦྱར་སྟེ་ཕུལ་བའམ། སེམས་ཀྱི་དམིགས་པའི་འཕྲུལ་དང་ལྡན་པས་ངག་འདོན་ཕྱི་སྒྲུབ་ཟུར་དུ་ཡོད་པ་ཉིད་གྲངས་བསགས་རུང་ལ། སྒྲུབ་པའི་མཎྜལ་དམིགས་རྟེན་མ་འབྱོར་ཀྱང་ཆོག་ལ། གོང་དུ་མཆོད་པའི་སྐབས་སུ་སྨོས་པའི་ཀུན་ཏུ་བཟང་པོའི་རྣམ་ཐར་ལས་བྱུང་བའི་མཆོད་འབུལ་ལྟར་དམིགས་ནས་ཕུལ་ན་མཎྜལ་གྱི་ཚོགས་བསགས་གཅིག་ལ་ཕར་ཕྱིན་དྲུག་ཚང་བས་ཚོགས་གཉིས་ཡོངས་སུ་རྫོགས་པ་དང༌། ཆོས་སྤྱོད་ཐམས་ཅད་གཅིག་ཏུ་དྲིལ་བའི་བསོད་ནམས་ལས། མཎྜལ་ཕུལ་བའི་བསོད་ནམས་ཆེ་བ་དང༌། ཏིང་འཛིན་དང་རྟོགས་པ་ཁྱད་པར་ཅན་རྒྱུད་ལ་སྐྱེ་བ་སོགས་བསོད་ནམས་ཕུང་པོ་གང་གིས་ཀྱང་དཔག་མི་ནུས་སོ། །སྤྱིར་མདོ་སྡེ་ལས་རྣམ་འབྱེད་ལས། རྟེན་ལ་ཕྱག་འཚལ་བ། ཐལ་མོ་སྦྱར་བ། ཕྱག་དར་བྱེད་པ། གདུགས་དང་དྲིལ་བུ་སོགས་ཕུལ་བ་ལ་སོ་སོར་ཕན་ཡོན་ཆེན་པོ་བཅུ་རེ་གསུངས་པ་དང༌། སྤྱན་རས་གཟིགས་ཀྱི་མདོར། སུ་ཞིག་དཔའ་བའི་སེམས་ཀྱིས་མེ་ཏོག་བླངས། །དད་བསྐྱེད་འཇིག་རྟེན་མགོན་ལ་ཆར་དུ་གཏོར། །དེ་ནི་མི་ཡི་འཇིག་རྟེན་བསོད་ནམས་ལྡན། །རྒྱལ་སྲིད་གནས་ནས་རྒྱལ་བ་མཆོད་པར་འགྱུར། །ཞེས་དང༌། མར་མེ་ཕུལ་བའི་བསོད་ནམས་གསལ་རྒྱལ་ལས། དཔེ་མེད་མཆོད་རྟེན་མར་མེ་ཕུལ་བ་ཡིས། །ཨུཏྤལ་སྔོན་པོ་ཁ་བྱེ་འདྲ་བའི་མིག །གསལ་ཞིང་སྡུག་ལ་མིག་གི་དཀྱུས་རིང་མཛེས། །དྲི་མ་མེད་པ་ལྷ་ཡི་མིག་དང་ལྡན། །ཞེས་སོགས་མཐའ་ཡས་པའི་ཚུལ་ཁོ་བོའི་བླ་མའི་གསུང་རྟེན་བཞེངས་ཀྱི་ཕན་ཡོན་དང༌། གསང་སྔགས་སྤྱིའི་སྔོན་འགྲོའི་ཁྲིད་ཡིག་ལས་རྒྱ་ཆེར་འབྱུང་བས་བློ་དང་ལྡན་ཞིང་མིག་ཡོད་པའི་དོན་དང་ལྡན་པར་གཟིགས་པར་བྱས་ན་ལེགས་སྙམས་སོ། །གསུམ་པ་སྡིག་པ་བཤགས་པ་ནི། ཚོགས་ཞིང་ཁྱད་པར་ཅན་དེ་དག་གི་སྤྱན་སྔར། དྲན་པ་དང་མི་དྲན་པའི་སྡིག་པ། ཚེ་རབས་ཐོག་མ་མེད་པ་ནས་དེ་རིང་ཡན་ཆད་དུ་བསགས་པ། སྒོ་གསུམ་གྱིས་ཕ་མ་མཁན་སློབ་མཆེད་གྲོགས་དམ་པ། སྐྱེས་བུ་དམ་པ་གཞན་དག་ལ་མ་གུས་པ་བྱས་པ། སྡིག་པ་མི་དགེ་བ་བཅུ། མཚམས་མེད་པ་ལྔ། དེ་དང་ཉེ་བ་ལྔ། དཀོན་མཆོག་དཀོར་ལ་འབགས་པ། སེར་སྣ་དང་འཇུར་གེགས་བྱས་པ་ལ་སོགས་པ་ཐམས་ཅད་དང༌། ཁྱད་པར་བླ་མ་རྡོ་རྗེ་འཛིན་པ་ལ་ཐ་མལ་མི་རུ་བཟུང་བའི་དབང་གིས་སྐུ་གསུང་ཐུགས་རྩ་བ་ཡན་ལག་གི་དམ་ཚིག་དང་འགལ་བ་དང༌། ཉམས་པ་དང་འདྲེས་ཤིང་ཉམས་པའི་སྐྱོན་ཆགས་པ་ལ་སོགས་པ་མདོར་ན་མཆོག་ཐུན་གྱི་དངོས་གྲུབ་བསྒྲུབ་པ་ལ་བར་དུ་གཅོད་པའི་སྒོར་གྱུར་པའི་བཅས་དང་རང་བཞིན་གྱི་ཁ་ན་མ་ཐོ་བ་ཐམས་ཅད་ལྕེ་ཐོག་ཏུ་ནག་ཕུང་གིས་འདུས་པར་བསམས་ལ་བཤགས་པས་སྐད་ཅིག་དེ་ཉིད་ལ་རྟེན་ཚོགས་ཞིང་རྣམས་ཀྱི་སྐུ་གསུང་ཐུགས་ལས་འོད་ཟེར་དཀར་པོ་བྱུང་བ་ཕོག་པའི་རྐྱེན་གྱིས་དག་པར་བསམ་ལ། ཕྱིས་མི་བྱེད་པར་གཉེན་པོས་བསྡམ་ཞིང་བཤགས་པའི་ཚིག་བརྗོད་པར་བྱའོ། །དམིགས་བསལ་གྱི་སྡིག་བཤགས་རྒྱས་པར་སྤྲོ་ན་ཐམས་ཅད་མཁྱེན་གཟིགས་མི་ཕམ་རིན་པོ་ཆེའི་གསུང་ཀློང་བཤགས་དང༌། འཇམ་མགོན་ཡོན་ཏན་རྒྱ་མཚོའི་སྡོམ་གསུམ་བཤགས་སྦྱང་སོགས་སྦྱར་ན་ལེགས་པའི་ཡན་ལག་ཏུ་འགྱུར་རོ། །ཕན་ཡོན་ནི། གང་ཞིག་དྲན་པའི་མོད་ལས་ནི། །སྡིག་རྣམས་དྲན་ནས་འགྱོད་པ་ཡིས། །བཤགས་པས་ཐམས་ཅད་འཛད་པ་སྟེ། །རྒྱལ་བའི་སྲས་པོ་ཕྱིས་སྡོམས་ཤིག །ཅེས་གསུངས་སོ། །བཞི་པ་རྗེས་སུ་ཡི་རང་བའི་ཡན་ལག་ནི། ཕྱོགས་དུས་རྒྱལ་བ་རྣམས་ཀྱིས་གཞན་དོན་དུ་ཆོས་འཁོར་བསྐོར་བ་དང༌། རྫུ་འཕྲུལ་ལ་སོགས་ངོ་མཚར་གྱི་མཛད་པ་སྟོན་པའི་དགེ་བ། བྱང་ཆུབ་སེམས་དཔའ་རྣམས་ཀྱིས་བྱང་ཆུབ་ཀྱི་སྤྱོད་པ་རླབས་པོ་ཆེ་སྤྱད་པའི་དགེ་བ། འཕགས་པ་ཉན་ཐོས་དང་རང་སངས་རྒྱས་རྣམས་ཀྱིས་ཤེས་རབ་དང་རྣམ་པར་གྲོལ་བའི་ཕུང་པོ། སེམས་ཅན་ཐམས་ཅད་ཀྱི་བསོད་ནམས་དང་ཐར་པ་ཆ་མཐུན་གྱི་དགེ་བ། རང་གིས་སྔར་བྱས་པ། ད་ལྟ་བྱེད་བཞིན་པ་སླད་ཀྱིས་བྱ་ངེས་པ་ཐམས་ཅད་ལ་རྗེས་སུ་ཡི་རང་བ་སྙིང་ཐག་པ་ནས་དུང་དུང་བསྒོམས་པའི་ཕན་ཡོན་ཀྱང༌། སྡུད་པ་ལས། ནོར་བུ་མཆིང་བུའི་ཕུང་པོ་ཆེན་པོར་གྱུར་པ་ཡང༌། །རིན་ཆེན་བཻ་ཌཱུརྻ་ཀུན་དེ་གཅིག་ཟིལ་གྱིས་གནོན། །དེ་བཞིན་འགྲོ་ཀུན་སྦྱིན་སོགས་ཕུང་པོ་རྒྱ་ཆེར་ཀུན། །རྗེས་སུ་ཡི་རང་བྱང་སེམས་གཅིག་གིས་ཟིལ་གྱིས་གནོན། །ཞེས་སོ། །ལྔ་པ་ཆོས་འཁོར་བསྐོར་བར་བསྐུལ་བ་ནི། །སངས་རྒྱས་དང་བྱང་ཆུབ་སེམས་པའི་དགེ་བའི་བཤེས་གཉེན་གཞན་དོན་རླབས་ཆེན་མཛད་པ་རྣམས་ལ། ཞུ་བ་པོའི་རྒྱུད་ལ་དགེ་རྩ་བསྐྱེད་པ་ལ་དགོངས་པ་དང༌། འཁོར་གྱི་ལོག་སྒྲུབ་དང་སྤྱོད་ངན་གྱིས་ཐུགས་སུན་ནས་ཆོས་མི་གསུང་བར་བཞུགས་པ་རྣམས་ཀྱི་དྲུང་དུ་ཚངས་པ་དང་བརྒྱ་བྱིན་གྱིས་སྟོན་པ་ལ་ཞུ་བ་ཕུལ་བ་ལྟར། བདག་ཀྱང་ལུས་བྱེ་བ་མང་པོ་སྤྲུལ་ཏེ་མངོན་སུམ་སྣང་བར་བྱས་ཏེ་དུང་གཡས་འཁྱིལ་དང༌། གསེར་གྱི་འཁོར་ལོ་རྩིབས་སྟོང་ཕུལ་ནས་ཆོས་འཁོར་བསྐོར་བར་ཞུས་པས་ཐམས་ཅད་ཀྱང་དགྱེས་པས་ཞལ་གྱིས་བཞེས་ཏེ་གསུང་གདུལ་བྱའི་བསམ་པ་དང་མཐུན་པར་དུས་རྟག་པ་རྒྱུན་གྱི་འཁོར་ལོ་བསྐོར་བར་མོས་པ་སྟེ་ཕན་ཡོན་ཀྱང་ཆོས་སྤོང་བའི་སྒྲིབ་པ་དག །ཚེ་རབས་ནས་ཚེ་རབས་ཐམས་ཅད་དུ་དམ་པའི་ཆོས་རྒྱུད་ལ་འཛིན་པ་དང་མི་འབྲལ་བ་སོགས་ཕན་ཡོན་ཚད་མེད་དེ། གཙུག་ན་རིན་ཆེན་གྱིས་ཞུས་པའི་མདོ་ལས། རྒྱལ་བས་དགོངས་པ་མཛད་པ་ལ། །གང་ཞིག་གསོལ་བ་འདེབས་པ་དེ། །དབང་གི་རྒྱལ་པོ་ལྟ་བུ་སྟེ། །བསོད་ནམས་གཞན་དག་མཆིང་བུ་འདྲ། །ཞེས་སོ། །དྲུག་པ་མྱ་ངན་ལས་མི་འདའ་བར་གསོལ་བ་གདབ་པ་ནི། ཞིང་ཁམས་འདི་དང་གཞན་དག་ལ་བླ་མ་དང་སངས་རྒྱས་བྱང་སེམས་གང་དག་སེམས་ཅན་གྱི་དོན་མཛད་ཟིན་ནས་གཟུགས་སྐུ་མྱ་ངན་ལས་འདའ་བར་དགོངས་པ་རྣམས་ཀྱི་མདུན་དུ། སྔོན་དགེ་བསྙེན་ཙུན་དས་བཅོམ་ལྡན་འདས་ལ་གསོལ་བ་བཏབ་པ་ལྟར་བདག་གི་ལུས་མང་པོར་སྤྲུལ་པ་དག་གིས་གསོལ་བ་བཏབ་པས། འཁོར་བ་མ་སྟོང་བར་དུ་བཞུགས་ནས་སེམས་ཅན་གྱི་དོན་རྒྱ་ཆེན་པོ་མཛད་པར་མོས་པ་སྟེ། དེས་ནི་ཚེ་ཐུང་བ་དང༌། དུས་མ་ཡིན་པའི་འཆི་བ་དང༌། གཞན་གྱི་སྲོག་ལ་འཚེ་བའི་སྡིག་པ་འབྱང་ཞིང༌། ཚེ་དཔག་ཏུ་མེད་པ་ཐུབ་པ་སོགས་ཕན་ཡོན་མཐའ་ཡས་ཏེ། ཚངས་པ་ཁྱད་པར་སེམས་ཀྱིས་ཞུས་པའི་མདོ་ལས། ཉོན་ཅིག་ཚངས་པའི་རྒྱལ་པོ་ཁྱོད། །བཅོམ་ལྡན་འདས་ལ་གསོལ་འདེབས་པ། །བསོད་ནམས་དེ་ནི་ཁྱད་པར་འཕགས། །སངས་རྒྱས་མྱ་ངན་ཡོངས་མི་འདའ། །ཞེས་སོ། །བདུན་པ་བསྔོ་བ་ནི། ཕྱག་ནས་བཟུང་སྟེ་མྱ་ངན་ལས་མི་འདའ་བར་གསོལ་བ་གདབ་པའི་བར་གྱི་ད་ལྟར་བྱས་པའི་དགེ་བའི་རྩ་བ་འདིས་མཚོན་ཏེ། རང་གཞན་སེམས་ཅན་ཐམས་ཅད་ཀྱིས་དུས་གསུམ་དང་འབྲེལ་བར་བསགས་པའི་དགེ་བ་ཐམས་ཅད་བདག་གཞན་སེམས་ཅན་ཐམས་ཅད་ཀྱི་དོན་དུ་རྗེ་བཙུན་འཇམ་པའི་དབྱངས་དང་འཕགས་པ་ཀུན་ཏུ་བཟང་པོས་ཡོངས་སུ་བསྔོ་བ་ཇི་ལྟ་བར་དམིགས་པ་མེད་པའི་ཤེས་རབ་ཀྱི་རྒྱས་འདེབས་དང་བཅས་རྫོགས་པའི་སངས་རྒྱས་ཀྱི་སར་བསྔོ་བ་སྟེ། ཕན་ཡོན་གྱི་ཁྱད་པར་ཡང༌། བློ་གྲོས་རྒྱ་མཚོས་ཞུས་པའི་མདོ་ལས། ཇི་ལྟར་རྒྱ་མཚོ་ཆེ་ནང་ཆུ་ཐིགས་ལྷུང༌། །རྒྱ་མཚོ་མ་ཟད་བར་དུ་དེ་མི་ཟད། །དེ་བཞིན་བྱང་ཆུབ་ཡོངས་བསྔོའི་དགེ་བ་ཡང༌། །བྱང་ཆུབ་མ་ཐོབ་བར་དུ་དེ་མི་ཟད། །ཅེས་སོ། །རྟེན་གྱི་སྟོབས་ལ་ཡུལ་གྱི་རྟེན་ནི་སྡིག་པ་བཤགས་པའི་ཡུལ་བླ་མ་དགེ་བའི་བཤེས་གཉེན་ནམ། དེ་བཞིན་གཤེགས་པའི་སྐུ་གསུང་ཐུགས་ཀྱི་རྟེན་ཁྱད་པར་ཅན་དངོས་སུ་མཆོད་པའི་དབུས་སུ་སྤྱན་དྲངས་ཤིང༌། ཡིད་ཀྱི་དམིགས་པས་ཀྱང་མདུན་གྱི་ནམ་མཁའ་རྒྱལ་བ་སྲས་བཅས་དཔང་པོའི་ཚུལ་དུ་མངོན་སུམ་གྱིས་བཞུགས་པར་མོས་པ་སྟེ། སྐབས་འདིར་བླ་མ་རྡོ་རྗེ་སེམས་དཔའ་དང་རྩ་བའི་བླ་མ་གཉིས་སུ་མེད་པ་མངོན་སུམ་བཞིན་དུ་བཞུགས་པར་བསྒོམ་པ་དེ་ཡིན། རང་རྒྱུད་ཀྱི་སྟོབས་ནི་སྐྱབས་འགྲོ་དང་སེམས་བསྐྱེད་ཡིན་པས་སྔོན་དུ་སོང་ཟིན། སུན་འབྱིན་པའི་སྟོབས་ནི། སྔར་བྱས་ཀྱི་སྡིག་པའི་ལས་སྤྱི་དང་བྱེ་བྲག་སྡོམ་པ་གསུམ་གྱི་སྲུང་མཚམས་དང་འགལ་བ། ཁྱད་པར་བླ་མ་རྡོ་རྗེ་སློབ་དཔོན་གྱི་སྐུ་གསུང་ཐུགས་དང་འགལ་བའི་ལས་རང་གིས་བྱས་པ་དང༌། གཞན་ལ་བཅོལ་བ་དང༌། གཞན་གྱིས་བྱས་པ་ལ་རྗེས་སུ་ཡི་རང་བགྱིས་པ་སོགས་དངོས་སུ་གང་དྲན་པ་རྣམས་གཙོ་བོར་ཡིད་ཡུལ་དུ་བྱས་ཏེ་ངོ་ཚ་དང་གནོང་འགྱོད་ཀྱི་བསམ་པ་དྲག་པོས་བླ་མ་རྡོ་རྗེ་སེམས་དཔའ་ཁྱེད་མཁྱེན་ནོ། བདག་དང་སེམས་ཅན་ཐམས་ཅད་ཀྱིས་མི་ཤེས་པ་དང༌། མ་གུས་པ་དང༌། བག་མེད་པ་དང༌། ཉོན་མོངས་པ་མང་བའི་དབང་གིས་སྔོན་ཆད་སྡིག་པའི་ལས་ཅི་དང་ཅི་བགྱིས་པ་ཐམས་ཅད་མི་འཆབ་བོ། །མི་སྦེད་དོ། །མཐོལ་ལོ་བཤགས་སོ། །སྡིག་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་མཛད་དུ་གསོལ་སྙམ་དུ་སྙིང་ཁུང་རུས་པའི་གཏིང་ནས་བསམ་པ་ནི་སུན་འབྱིན་པའི་སྟོབས་སོ། །ད་ཕྱིན་ཆད་ལས་ཅི་ལ་ཐུག་ཀྱང༌། འཆི་བ་སྲོག་ལ་བབས་ཀྱང༌། དེ་ལྟ་བུའི་སྡིག་པའི་ལས་དངོས་སུ་ལྟ་ཅི། ཐ་ན་རྨི་ལམ་དུ་ཡང་མི་བགྱིད་དོ། །དེ་ལྟར་བགྱི་བར་མ་གྱུར་ཅིག་སྙམ་པ་སྡིག་པ་ལས་སླར་ལྡོག་པའི་སྟོབས་སོ། །སྔར་བྱས་ཀྱི་གཉེན་པོར་དཔལ་རྡོ་རྗེ་སེམས་དཔའི་སྒོམ་བཟླས་ལ་སྤྱོད་པ་གཉེན་པོ་ཀུན་ཏུ་སྤྱོད་པའི་སྟོབས་ཏེ། དེ་ལྟར་སྟོབས་བཞིའི་དམིགས་གནད་དྲན་བཞིན་པའི་ངང་ནས་ཡི་གེ་བརྒྱ་པ་དག་ཅིང་གསལ་ལ་མི་ཚིག་སོགས་ཀྱི་བར་མ་ཆོད་པར་བརྒྱ་སྟོང་ཁྲི་འབུམ་སོགས་སྡིག་སྒྲིབ་དག་པའི་རྟགས་མཚན་མངོན་དུ་མ་གྱུར་གྱི་བར་དུ་བཟླ་བར་བྱའོ། །དེ་ལྟར་བཟླས་པའི་ཚེ་ཐུགས་ཀའི་ས་བོན་དང༌། ཞབས་ཀྱི་མཐེ་བོང་གི་རྩེ་དང༌། ཡབ་ཡུམ་མཉམ་པར་སྦྱོར་བའི་མཁའ་གསང་དང༌། མཐར་སྐུ་ཡི་ཆ་ཐམས་ཅད་ནས་བྱང་སེམས་བདུད་རྩིའི་ཆུ་རྒྱུན་དཀར་ཆིལ་ཆིལ་བབས་པ་པད་སྡོང་ལ་འཁྲིལ་བའི་ཚུལ་དུ་བྱུང་བ་རང་གི་ཚངས་བུག་ནས་ཞུགས། ནད་ཐམས་ཅད་རྣག་ཁྲག་དང་ལྗན་ལྗིན། གདོན་ཐམས་ཅད་སྡིག་སྦྲུལ་སོགས་སྲོག་ཆགས་ཕྲ་མོའི་རྣམ་པ། སྡིག་སྒྲིབ་ཐམས་ཅད་སོལ་ཁུའམ་དུད་ཁུའི་རྣམ་པ་ནག་ཉིལ་གྱིས་རང་གི་དབང་པོའི་སྒོ་དང་བ་སྤུའི་བུ་ག་ཐམས་ཅད་དང༌། མདོར་ན་ཕུ་ཆུ་དྲག་པོའི་ཐལ་བ་བདས་པ་བཞིན་ཕྱིར་སང་སང་སོང་ནས་རང་ལུས་ཤེལ་གོང་དག་པ་ལྟར་གྱུར་པར་མོས། སླར་ཡང་སྔར་ལྟར་གསོལ་བ་བཏབ་པས་བྱང་སེམས་བདུད་རྩིའི་རྒྱུན་དེས་རང་གི་སྤྱི་གཙུག་ནས་རྐང་མཐིལ་བར་དེ་སྲིད་དུ་མེར་ཁྲིག་གེ་ལྟེམ་གྱིས་གང་བས་སྒོ་གསུམ་གྱི་སྒྲིབ་པ་བག་ཆགས་དང་བཅས་པ་བྱང༌། སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་དབང་དང་དངོས་གྲུབ་ཐོབ་ནས་རང་གི་སྒོ་གསུམ་དཔལ་ལྡན་རྡོ་རྗེ་སེམས་དཔའི་སྐུ་གསུང་ཐུགས་དང་གཉིས་སུ་མེད་པར་ཆུ་ལ་ཆུ་བཞག་པ་ལྟར་བྱིན་གྱིས་བརླབས་པར་མོས། མཐར་ཐུན་འཇོག་པ་ན། ཨོཾ། བླ་མ་དཔལ་ལྡན་རྡོ་རྗེ་སེམས་སོགས་ཀྱིས་གསོལ་བ་བཏབ། རྩ་བ་སྐུ་གསུང་ཐུགས་ཞེས་པ། དམ་ཚིག་སྲུང་བའི་ཡུལ་ལྷ་དང་བླ་མ་གཙོ་བོ་ཡིན་ལ། སྲུང་ཚུལ་ཕན་འདོགས་པ་དང་གནོད་པ་བཟློག་པའི་གཞིའི་གཙོ་བོ་ལུས་ཡིན་ལ། སྐུྃ་ཡི་དམ་ཚིག་ཏུ་བླ་མ་དང་ལྷ་ལ་གུས་པར་བལྟ། མཆེད་དང་ལྕམ་དྲལ་གྱི་མཚོན་པའི་འགྲོ་བ་ཐམས་ཅད་བླ་མའི་སྐུ་ཡི་གདུལ་བྱ་ཡིན་པས་གནོད་པ་སྤང་བ་དང༌། རྣམ་པར་སྨིན་པའི་ཐ་མལ་གྱི་ལུས་ཀྱི་སྣང་ཞེན་བསྐྱེད་རིམ་གྱིས་སྦྱང་བར་བྱེད་པའོ། །དགེ་མི་དགེའི་རྣམ་འགྱུར་ཐམས་ཅད་ངག་ལ་བརྟེན་ནས་བསྐྱེད་པས། གསུངྃ་གི་དམ་ཚིག་ཏུ་སྔགས་དང་ཕྱག་རྒྱ་རྒྱུན་མི་གཅོད་པ་དང༌། ངག་གི་ཉེས་པ་སྤང་བའི་ཕྱིར་བླ་མས་ཅི་གསུངས་སྒྲུབ་པ་དང༌། མཆེད་ལྕམ་གྱི་ངག་མི་གཅོག་པའོ། །འཁོར་བ་བསྐྱེད་པའི་རྒྱུའི་གཙོ་བོ་ཡིད་ཡིན་པས། ཐུགྃས་རྡོ་རྗེའི་དམ་ཚིག་ཏུ་ཡིད་ཀྱི་ཉེས་པ་སྤང་ཞིང༌། ལྷ་སྔགས་ལྟ་སྒོམ་གྱི་གསང་བ་གཞན་ལ་མི་སྤེལ་བ་དང༌། བྱང་ཆུབ་ཀྱི་སེམས་རྣམ་པ་གཉིས་བསྐྱེད་ཅིང་བླ་མ་དང་ཐུགས་ཡིད་བསྲེ་བས། ཏིང་ངེ་འཛིན་གྱི་སྒོ་དུ་མ་སྤྱོད་པ་སྟེ། ཡན་ལག་གི་དམ་ཚིག་ཉེར་ལྔ་ནི། སྤྱོད་པའི་དམ་ཚིག་ཏ་ན་སྒྲོལ་བ། ག་ཎ་སྦྱོར་བ། མ་བྱིན་པ་ལེན་པ། རྫུན་དུ་སྨྲ་བ། ངག་འཁྱལ་ལྔ་སྔགས་བླ་མེད་ཀྱི་ལམ་པའི་རྣལ་འབྱོར་པ་རྣམས་ཀྱིས་ཆོས་ཐམས་ཅད་སྐུ་གསུང་ཐུགས་ཀྱི་དཀྱིལ་འཁོར་གསུམ་གྱི་རང་བཞིན་དུ་རྟོགས་ནས་སྣང་སྤྱོད་ཐམས་ཅད་ཀུན་ཏུ་བཟང་པོའི་ཕྱག་རྒྱས་བཏབ་པ་ལས་མི་འདའ་བར་སྤྱད་ན་ཕལ་པ་རྣམས་འཁོར་བར་འཆིང་བྱེད་ཀྱི་ལས་ཉོན་གང་གིས་ཀྱང་དེ་ལ་མི་གོས་པར་མ་ཟད་རང་གི་ཚོགས་རྫོགས་ཤིང་གཞན་ལ་ཕན་པ་རླབས་པོ་ཆེ་སྒྲུབ་པར་བྱེད་པས་དམ་ཚིག་ཉེར་ལྔ་ལ་རྟོགས་གོམས་ཀྱི་གདེང་དང་ལྡན་པས་སྒྲ་ཇི་བཞིན་དུ་སྤྱོད། ནུས་པ་མེད་པ་རྣམས་ཀྱིས་སྦས་དོན་ལ་སློབ་ཅིང་ལྟ་སྒོམ་གྱི་དམ་ཚིག་བཅུ་པོ་དངོས་སུ་སློབ་པར་གསུངས། ལྔ་ཚན་གཉིས་པ་ཉོན་མོངས་དུག་ལྔ་གཞི་ཡེ་ཤེས་ལྔའི་རང་བཞིན་ཐབས་ཀྱིས་ལམ་དུ་མ་ལྷོངས་བས་འབྲས་བུ་སྐུ་དང་ཡེ་ཤེས་སུ་འཆར་མ་ནུས་པ་དང༌། ལྔ་ཚན་གསུམ་པ་བདུད་རྩི་ལྔ་གཉིས་འཛིན་གྱི་རྟོག་པ་བྲལ་བས་གྲུབ་པ་བཞི་དང༌། ཡིན་པ་གསུམ་ཡིན་པར་མ་ཤེས་པས་གཙང་དམེར་བལྟ་བ་དང༌། ལྔ་ཚན་བཞི་པ་ཤེས་བྱ་ལྟ་བའི་དམ་ཚིག་ཕུང་ཁམས་ཡུལ་དབང་ཁ་དོག་ལྔ་ཐམས་ཅད་རིགས་ལྔའི་ཡེ་ཤེས་ཀྱི་རང་གདངས་སུ་ཡེ་ནས་ལྷར་དག་པར་མ་ཤེས་པ་དང༌། ལྔ་ཚན་ལྔ་པ་བསྒྲུབ་བྱ་སྒོམ་པའི་དམ་ཚིག་ལྔ་ཚན་ཐམས་ཅད་ཆོ་ག་ལྔ་དང་ཏིང་འཛིན་གསུམ་གྱིས་རིགས་ལྔ་རུ་སྒྲུབ་མ་ཤེས་པའོ། །རང་བཞིན་ལྟ་བའི་དམ་ཚིག་བཞི་ནི། རིག་པའི་གཤིས་ལ་དགག་སྒྲུབ་གང་ཡང་མེད་པས་མེདྃ་པྃ། གཉིས་ཆོས་ཐམས་ཅད་ཡེ་ཤེས་གཅིག་ཏུ་བབ་པས་གཅིྃག་པུྃ། ཆོས་ཐམས་ཅད་ཆོས་ཉིད་ཡངས་པར་བརྡལ་བས་ཕྱལྃ་པྃ། མཁྱེན་ཆ་ཡོན་ཏན་གྱི་ཆོས་ཡེ་རྫོགས་སུ་ཡོད་པས་ལྷུནྃ་གྲུབྃ་སྟེ་རྫོགས་ཆེན་ལྟ་བ་ཀློང་གྱུར་གྱི་ངོར་སྲུང་འདས་ཀྱི་སྤྲོས་པ་མེད་པའི་དམ་ཚིག་སྟེ། དུས་ལ་ལྟོས་ན་ཉིན་མཚན་ཐུན་དྲུག་ཏུ་བཅད་པའི་ཆ་གང་ཡང་རུང་བ་ཞིག་གི་ནང་དུ་ལྟུང་བ་སྦྱང་བའི་བྱ་བ་མ་བརྩམ་ཞིང་ཐུན་དེའི་ནང་དུ་གཉེན་པོས་མ་སླེབས་པར་དུས་ཚོད་ལས་ཐལ་ཏེ་ཐུན་ཚོད་འདས་པའི་མཚམས་ལ་ཐུན་འདས་ཀྱི་ལྟུང་བ་ཞེས་བརྗོད་པ་ཡིན་ལ། དེ་བཞིན་དུ་ཞག་གཅིག་ལ་འགལ་བ། ཟླ་བ་གཅིག་ལ་ཉམས་པ། ལོ་གཅིག་ལ་འདས་པ། ལོ་གཉིས་གསུམ་འདས་ཚུན་ཆད་རལ་བ་ཞེས་བཤགས་པ་བྱས་ན་གསོ་རུང་ཞིང༌། སྔ་མ་སྔ་མ་ལས་ཕྱི་མ་ཕྱི་མ་ལྕི་ཞིང༌། ལོ་གསུམ་འདས་ན་བཤགས་པ་བྱས་ཀྱང་གསོ་རུང་བ་ནི་མ་ཡིན་ལ། བཤགས་ཚུལ་ཀྱང༌། འགལ་བའི་ཉེས་པ་བྱུང་ན་ཚོགས་འཁོར་སྔོན་དུ་འགྲོ་བ་དང༌། ཉམས་པ་ལ་ལོངས་སྤྱོད་ཡོད་ཚད་བླ་མ་དང་དཀྱིལ་འཁོར་ལ་ཕུལ་བ། འདས་ན་བུ་དང་ཆུང་མ་ནོར་དབྱིག་འཕང་པ་ཐམས་ཅད་ཕུལ་བ་དང༌། རལ་བའི་ཉེས་པ་བྱུང་ན་རང་གི་སྲོག་ལ་མི་ལྟ་བའི་བརྩོན་འགྲུས་ཀྱིས་བཤགས་པར་གསུངས། བཤགས་ཚིག་གིས་གསོལ་བ་བཏབ་པས། བླ་མ་རྡོ་རྗེ་སེམས་དཔའ་ཉིད་དགྱེས་པའི་འཛུམ་དང་བཅས་ཏེ། འོ་རིགས་ཀྱི་བུ་ཁྱོད་ཀྱི་སྡིག་སྒྲིབ་ཐམས་ཅད་དག་པ་ཡིན་ནོ། །ཞེས་གནང་བ་བྱིན་པར་བསམས་ལ། སྤྱི་བོའི་བླ་མ་རྡོར་སེམས་ཉིད་གདན་པད་ཟླ་དང་བཅས་པ་འོད་དུ་ཞུ་ནས་ཐུགས་འོད་ལྔའི་གོང་བུའི་རང་བཞིན་དུ་གྱུར་པ་དེ་ཉིད་རང་གི་ཚངས་བུག་ནས་ཞུགས། སྙིང་དབུས་སུ་སིབ་ཀྱིས་ཐིམ་པར་བསམས་ལ་སྡིག་སྒྲིབ་སྦྱང་བྱ་སྦྱོང་བྱེད་ཀྱི་ངོ་བོར་གཅེར་གྱིས་བལྟས་ཏེ་འཁོར་གསུམ་ཡོངས་དག་བརྗོད་བྲལ་བདེ་བ་ཆེན་པོའི་ངང་དུ་ཅི་གནས་སུ་མཉམ་པར་བཞག་པ་ནི་སྡིག་པ་སྦྱང་བའི་མཆོག་སྟེ། གནས་ལུགས་ངོ་འཕྲོད་ཀྱི་ལྟ་བ་སྐྱོང་རྒྱུ་ཡོད་ན་དེའི་ངང༌། དེ་ལྟར་མེད་ན་སྡིག་པའི་ལས་དེ་ཉིད་དང༌། བྱེད་པ་པོ་གང་ཟག་དང༌། སྡིག་པའི་ས་བོན་འཛིན་པའི་རྣམ་ཤེས་དང༌། འབྲས་བུ་སྡུག་བསྔལ་བ་བཅས་པ་ལ་རྒྱུ་གང་ལས་སྐྱེས། ངོ་བོ་ཇི་ལྟ་བུ། གནས་གང་ན་གནས། མཐར་གང་དུ་འགག་སོགས་སོ་སོར་བརྟགས་ནས་མཐར་མི་དམིགས་སྤྲོས་པ་དང་བྲལ་བའི་ངང་དུ་འཇོག་པ་སྟེ། ཕྱོགས་དུས་རྒྱལ་བའི་མདོ་ལས། གང་ཞིག་འགྱོད་ཚངས་བྱེད་འདོད་ན། །དྲང་པོར་འདུག་ལ་ཡང་དག་ལྟོས། །ཡང་དག་ཉིད་ལ་ཡང་དག་བལྟ། །ཡང་དག་མཐོང་ན་རྣམ་པར་གྲོལ། །དེ་ནི་འགྱོད་ཚངས་མཆོག་ཡིན་ནོ། །ཞེས་དང༌། སངས་རྒྱས་མཛོད་ཀྱི་མདོ་ལས། ཕ་མ་དང་རང་སངས་རྒྱས་བསད་པ་ཡང༌། སྟོང་པ་ཉིད་བསྒོམས་པས་རྣམ་པར་གྲོལ་ལོ། །ཞེས་སོ། །སྤྱིར་འདིའི་དངོས་བསྟན་སྡིག་སྒྲིབ་སྦྱོང་བ་ཡིན་ཀྱང༌། ཐུན་མིན་སྔོན་འགྲོ་ཐམས་ཅད་ཚང་བའི་ཕྱིར་བླ་མའི་རྣལ་འབྱོར་བྱས་ཀྱང་ཤིན་ཏུ་ལེགས་པའི་ཕྱིར་ངོ་བོ་རང་གི་རྩ་བའི་བླ་མ་ཉིད་རྣམ་པ་རྡོ་རྗེ་སེམས་དཔར་གསལ་ཚུལ། མཐུ་སྟོབས་དབང་ཕྱུག་བི་རཱུ་པས། བླ་མ་དང་ནི་རྡོ་རྗེ་སེམས། །ཐ་དད་པར་ནི་མི་བྱ་སྟེ། །བླ་མ་སངས་རྒྱས་ཆོས་དང་ནི། །དེ་བཞིན་བླ་མ་དགེ་འདུན་ཏེ། །དངོས་གྲུབ་གོ་འཕང་མཆོག་འདོད་པས། །ཀུན་ནས་བླ་མ་མཉེས་པར་བྱ། །སངས་རྒྱས་ཀུན་དངོས་རྡོ་རྗེ་འཆང༌། །རྩོད་པའི་དུས་འདིར་བདག་དོན་དུ། །ཀུན་དང་མཐུན་པར་སྟོན་མཛད་པ། །དེ་ལྟར་ཤེས་ནས་དངོས་ཀུན་གྱིས། །བསྟེན་བྱ་དུས་གསུམ་སངས་རྒྱས་ཀྱི། །དངོས་གྲུབ་བདེ་ཆེན་ཐོབ་པར་འགྱུར། །ཞེས་གསུངས་པས། ཕྱོགས་བཅུ་དུས་གསུམ་གྱི་སངས་རྒྱས། ཆོས། དགེ་འདུན་ཀུན་འདུས་བླ་མ་ཡིན། བླ་མ་ཉིད་དཀོན་མཆོག་གསུམ། དཀོན་མཆོག་གསུམ་ཉིད་བླ་མ་ཡིན། རང་རེའི་སྣང་ངོ་དང་བསྟུན་ན་དཀོན་མཆོག་གསུམ་ལས་བཀའ་དྲིན་ཆེ། སངས་རྒྱས་རྣམས་ཞལ་མི་མཇལ། གསུང་མི་ཐོས། སངས་རྒྱས་ཡི་དམ་བྱང་སེམས་མཁའ་གྲོ་ཆོས་སྐྱོང་དངོས་སུ་བྱོན་ཀྱང་བླ་མས་མཛད་རྒྱུ་དང་སྟོན་རྒྱུ་ལས་ལྷག་པོ་མེད། དེ་དག་དངོས་སུ་མཇལ་བའི་སྐལ་བ་མེད་པ་ལ་དེ་ཐམས་ཅད་ཀྱི་མཛད་པ་བླ་མས་གནང་བས་བཀའ་དྲིན་ཆེ་བར་ཐག་བཅད། ངེས་ཤེས་བསྐྱེད། བློ་སྙིང་བྲང་གསུམ་ལིང་གིས་གཏད་ལ། འདི་ནས་བྱང་ཆུབ་བར་དུ་སྐྱིད་སྡུག་ལེགས་ཉེས་ཅི་བྱུང་ཡང་ཁྱེད་ཁོ་ན་མཁྱེན་ནོ་སྙམ་པའི་རེ་ལྟོས་ལིང་བསྐྱུར་གྱི་ཚུལ་གྱིས། ལུས་ཀྱི་བ་སྤུ་གཡོ། མིག་ནས་མཆི་མ་འཁྲུགས། གདུང་ཤུགས་དྲག་པོས་ཐ་མལ་གྱི་སྣང་བ་འགོག་ནུས་པ། བློ་སྣ་བླ་མས་འཕྲོག་པ། བསམ་རྒྱུ་བླ་མ་ལས་མེད་པ། ལུས་སེམས་ཚུགས་མི་ཐུབ་པའི་རིག་པ་བསྒྱུར་ཐུབ་པ་བྱུང་ན་བྱིན་རླབས་འཕྲལ་དུ་འཇུག །ཉོན་མོངས་པ་གློ་བུར་དུ་འགགས། ཡེ་ཤེས་སྐད་ཅིག་གིས་འཕེལ། དེ་ལྟ་བུ་ཡང་ཡང་དྲན་པས་རྟག་ཏུ་བླ་མ་དང་འདུ་འབྲལ་མེད། དེས་སྐྱོན་ཐམས་ཅད་སེལ་ཞིང་ཡོན་ཏན་ཐམས་ཅད་སྐྱེ་བ་ཡིན། བླ་མ་སངས་རྒྱས་སུ་ངེས་ཤེས་སྐྱེས་ན་ལམ་སྒོམ་པ་ཐམས་ཅད་ཀྱི་སྙིང་པོ་ཡིན། སངས་རྒྱས་ཐམས་ཅད་ཀྱི་བྱིན་རླབས་འཇུག །ལྷག་པར་རང་གི་བླ་མ་ལས་ཞུས་པའི་ཡི་དམ་རྣམས་ཀྱི་བྱིན་རླབས་འཕྲལ་དུ་འཇུག་པ་ཡིན་པས། བླ་མ་སངས་རྒྱས་སུ་ཤེས་པ། བཀའ་དྲིན་དྲན་པ། གདུང་ཤུགས་དྲག་པ། ཡང་ཡང་མི་བརྗེད་པའི་ཁྱད་ཆོས་བཞི་དང་ལྡན་པའི་མོས་གུས་ཀྱིས་ཡི་གེ་བརྒྱ་པ་གསོལ་འདེབས་ཀྱི་ཚུལ་དུ་བཟླ། མདོར་ན་ལྷ་རྡོ་རྗེ་སེམས་དཔའ་དང༌། སྔགས་ཡི་གེ་བརྒྱ་བའི་ཕན་ཡོན་ནི། གསང་བ་སྤྱི་རྒྱུད་ལས། སངས་རྒྱས་ཀུན་གྱི་རྒྱུ་གཅིག་པུ། །རྡོ་རྗེ་སེམས་དཔའ་ལ་དམིགས་ནས། །ཡི་གེ་བརྒྱ་པ་ཆོ་ག་བཞིན། །ཉིན་རེ་བཞིན་ཡང་དུས་དྲུག་ཏུ། །ཉི་ཤུ་རྩ་གཅིག་རེ་རེ་བཟླ། །དེ་ཡིས་ལྟུང་སོགས་བྱིན་བརླབས་ནས། །འཕེལ་བར་ནམ་ཡང་མི་འགྱུར་རོ། །འབུམ་ཕྲག་གཅིག་ནི་བཟླས་པ་ན། །སྒྲུབ་པ་མཆོག་གི་ལེགས་བཤད་པས། །རྣམ་པར་དག་པའི་བདག་ཉིད་འགྱུར། །ཞེས་དང༌། མེ་ཏོག་བཀོད་པའི་རྒྱུད་ལས། བླ་མ་རྡོ་རྗེ་སེམས་དཔའ་སྒོམ། །རང་བྱུང་ཡི་གེ་བརྒྱ་བའི་མཐུས། །སྒྲིབ་པ་རྣམ་གཉིས་བྱང་བར་འགྱུར། ཞེས་དང༌། དགོངས་པ་ཚིག་གསུམ་པའི་རྒྱུད་ལས། རྡོ་རྗེ་སེམས་དཔའ་བསྒོམ་ནས་ནི། །སྔགས་ཀྱང་རབ་ཏུ་བཟླ་བྱེད་པ། །དེ་ཡིས་སྡིག་ཀུན་བྱང་ནས་ནི། །རྡོ་རྗེ་སེམས་དཔའ་འདྲ་བར་འགྱུར། །ཞེས་དང༌། རྟ་མཆོག་རོལ་པའི་རྒྱུད་ལས། གསང་སྔགས་རྒྱལ་པོ་བླ་མེད་པ། །ལན་གཅིག་བརྗོད་པ་ཙམ་གྱིས་ཀྱང༌། །སྡིག་པ་མ་ལུས་ཟད་བྱེད་ཅིང༌། །ལས་རྣམས་ཐམས་ཅད་འགྲུབ་པར་འགྱུར། །ཞེས་གསུངས་པ་ལྟར་རོ། །ཕྱི་སྒྲུབ་འདི་ཉིད་བདག་བསྐྱེད་རྒྱུན་གྱི་རྣལ་འབྱོར་ཀྱང་ཡོད་པས་དམིགས་གསལ་གྱི་ཁྲིད་སོགས་སྤྲོ་དགོས་པ་མེད་ཅིང་རྒྱུན་གྱི་ཉམས་ལེན་ལྟ་བུ་ཁྱེར་བདེ་བ་ཡོད་དོ། །འཕྲོ་ལུས། སརྦ་མངྒ་ལཾ། དགེའོ།། །།}} | ༄༅། །མཁའ་ཁྱབ་སྒྱུ་འཕྲུལ་དྲྭ་བའི་དཀྱིལ་འཁོར་གྱི། །ཁྱབ་བདག་རྡོ་རྗེའི་ཡེ་ཤེས་ནམ་མཁའི་སྐུ། །མི་ཕྱེད་སེམས་མཆོག་ཆེས་དཔའ་ལྷག་པའི་ལྷ། །དབྱེར་མེད་རྡོ་རྗེ་དབང་མཆོག་སྤྱི་བོས་བཏུད། །བཀའ་གཏེར་ཟབ་གསང་རྒྱུ་སྐར་རྣམ་བཀྲ་བའི། །མདངས་མཛེས་སྙན་བསྒྱུར་ནམ་མཁའི་ཐིག་ལེའི་བཅུད། །སྐལ་བཟང་ཀུ་མུཏ་ཟེའུ་འབྲུར་ཆགས་པ་ཡི། །ཆོས་ཀྱི་ཟབ་དོན་དད་ལྡན་དཔལ་དུ་དབྱེ། །དེ་ལ་འདིར་གསང་ཆེན་རྡོ་རྗེ་ཐེག་པའི་དཀྱིལ་འཁོར་རྒྱ་མཚོའི་ཁྱབ་བདག་རྡོ་རྗེ་སེམས་དཔའ་རྒྱུད་སྡེ་བཞི་འབྲེལ་གྱི་ཕྱི་ནང་གསང་སྒྲུབ་ཀྱི་ཟབ་དོན་རྣམ་པར་དབྱེ་བ་ལ་གཉིས། རང་བྱུང་རྒྱུད་ཀྱི་དགོངས་དོན་བཤད་པས་བསྒྲུབ་བྱ་མདོར་བསྟན། ཕྱི་ནང་གསང་བ་བླ་མེད་ཀྱི་དབང་དང་སྒྲུབ་ཐབས་རྒྱས་པར་བཤད་པས་སྒྲུབ་བྱེད་ཀྱི་ལམ་རྣམ་པར་དབྱེ་བའོ། །དང་པོ་ལའང་གསུམ། ཐོག་མར་དགེ་བ་མཚན་དོན་བཤད་པས་མདོར་བསྟན། བར་དུ་དགེ་བ་རྒྱུད་དོན་མཐར་ཆགས་སུ་རྒྱས་པར་བཤད། ཐ་མ་དགེ་བ་རྫོགས་ཚིག་གི་མཇུག་བསྡུ་བས་སྟོན་འཁོར་དགོངས་པ་དབྱེར་མེད་དུ་སྒྲུབ་པའོ། །དང་པོ་ནི། རྒྱ་གར་སྐད་དུ༔ བཛྲ་སཏྭ་དྷཱ་ཏུ་ཏནྟྲ༔ བོད་སྐད་དུ༔ རྡོ་རྗེ་སེམས་དཔའ་རང་བྱུང་གི་རྒྱུད༔ ཅེས་པའི་དོན་རྒྱུད་ལས། རྡོ་རྗེ་མི་ཕྱེད་ཅེས་བྱར་བརྗོད། །སེམས་དཔའ་སྲིད་པ་གསུམ་གཅིག་པ། །འདི་ནི་ཤེས་རབ་རིག་པ་ཡིས། །རྡོ་རྗེ་སེམས་དཔའ་ཞེས་བྱར་བརྗོད། །ཅེས་གསུངས་པ་ལྟར་རྣམ་ཀུན་མཆོག་ལྡན་གྱི་སྟོང་པ་ཆེན་པོ་རྣམ་ཐར་སྒོ་གསུམ་དང་འདུ་འབྲལ་མེད་པའི་དེ་ཁོ་ན་ཉིད་ཀྱི་རང་བཞིན་གང་ལ་འཁོར་འདས་གཉིས་སུ་དབྱེར་མི་ཕྱེད་པའི་གཤིས་ལུགས་གང༌། ཐབས་བདེ་བ་ཆེན་པོ་རང་རིག་པ་བྱང་ཆུབ་སེམས་དང་གཉིས་སུ་མེད་པའི་ཀུན་ཁྱབ་ཐུགས་རྗེའི་གོ་ཆ་ཆེས་དཔའ་བ་སྟེ། ཡེ་ཐོག་གཞི་ཡི་རྡོ་རྗེ་སེམས་དཔའ་དེ་རྒྱུ་རྐྱེན་རྟེན་འབྲེལ་གང་གིས་ཀྱང་མ་བྱས་པའི་རང་བྱུང་གསང་བ་ཆེན་པོ་སྟེ། དེ་ཉིད་མ་རྟོགས་པའི་གང་ཟག་རྣམས་ལ་བརྗོད་བྱེད་སྒྲ་ཡི་རྒྱུད་ཡི་གེའི་རྣམ་པར་བསྟན་པ་སྟེ་རྒྱུད་ཀྱི་མཚན་ལའང་འཇུག་པ་སྟེ། བརྗོད་བྱ་དོན་གྱི་རྒྱུད་གཞི་ལམ་འབྲས་གསུམ་གང་གི་སྐབས་སུའང་རང་བཞིན་གྱིས་རྣམ་པར་དག་པས་བཏགས་པ་རྡོ་རྗེ་སེམས་དཔའ་དང༌། འཁོར་འདས་ཀྱི་ཆོས་ཐམས་ཅད་སྤང་བླང་མེད་ན་མཉམ་པ་ཉིད་གཅིག་ཏུ་བཟླུམས་པས་བསྡུས་པ་རྡོ་རྗེ་སེམས་དཔའ། གནས་ལུགས་དེ་སྐྱེས་བུས་མངོན་དུ་བྱས་པ་རྡོ་རྗེ་སེམས་དཔའ་གསུམ་དུ་དབྱེ་བའི་དོན་གང་ཞིག །དངོས་ཀྱི་འཁོར་རྣམས་ལ་རྒྱུད་དོན་ཡེ་ཤེས་རྣམ་འཕྲུལ་དུ་སྣང་བ། མ་འོངས་པའི་གདུལ་བྱ་རྣམས་ཀྱི་རྒྱུད་ལའང་སྒྲ་སྤྱི་ལྟར་སྣང་བའི་རྒྱུད་དང༌། དངོས་དང་མཐུན་པ་སྐྱེས་བུའི་རྣམ་རིག་དང་གནས་དང་བྱེད་པས་མིང་ཚིག་ཡི་གེ་སྒྲར་གྲགས་པའི་རྒྱུད་བརྗོད་པའི་རྟེན་ཡི་གེའི་གཟུགས་ཀྱི་གླེགས་བམ་དང་བཀོད་པ་བརྡར་གྱུར་པའི་རྒྱུད་དུ་དབྱེ་ཡང་དོན་ཐབས་ཀྱི་ཟིན་མ་ཟིན་འཁོར་འདས་སུ་སྣང་བ་རྟོགས་བྱ་གཞི་རྒྱུད། གློ་བུར་དྲི་མ་སྦྱོང་བ་རྟོགས་བྱེད་ལམ་རྒྱུད། རྟོགས་པ་མཐར་ཕྱིན་པ་རྟོགས་བྱ་འབྲས་བུའི་རྒྱུད་གང་ཡིན་ཀྱང་དོན་གཅིག་རྒྱུན་ཆགས་དང་རྒྱུད་ཅེས་བཏགས་པ་སྟེ། ཡེ་ཤེས་རང་སྣང་གི་སྟོན་འཁོར་ཕུན་སུམ་ཚོགས་པ་ལྔས་རྟག་པ་རྒྱུན་གྱི་ཆོས་འཁོར་ལས། ཐུགས་རྗེ་ཡུལ་ལ་འཇུག་པས་གཞན་སྣང་དུ་སྒྲ་ཚིག་ཡི་གེའི་རྣམ་པར་རྡོ་རྗེ་སེམས་དཔའ་རང་བྱུང་གི་རྒྱུད་དང༌། ལུང་ཕྱི་ནང་གསང་བ་ཡང་གསང་གི་སྒྲུབ་ཐབས། མན་ངག་དབང་བསྐྱེད་རྫོགས་དང་བཅས་པ་ཡེ་ཤེས་གསང་བའི་ཐིག་ལེ་ཞེས་བསྟན་པ་ཕྱིའི་གླེང་གཞི་དང༌། ཕྱི་ནང་གཞན་གསུམ་གྱི་དག་པ་སྦྱར་བའི་སྐབས་རྒྱ་གར་གྱི་ཡུལ་དབུས་རྡོ་རྗེ་གདན་ནི་སྙིང་དབུས་མི་ཤིགས་པའི་ཐིག་ལེ་སྟེ། དེར་རང་བྱུང་ཡེ་ཤེས་རྡོ་རྗེ་རྡུལ་བྲལ་ནམ་མཁའ་ལྟ་བུའི་དབྱིངས་མཁའ་ཁྱབ་མཁའ་ཡི་རྡོ་རྗེའི་གོ་སྐབས་མི་ཕྱེད་པའི་སེམས་ཀྱི་རྡོ་རྗེ་ཆེས་ཆེར་དཔའ་བ་ལ་ཕུན་ཚོགས་ལྔ་རང་བྱུང་ལྷུན་གྲུབ་ཏུ་བཞུགས་པ་ཡང་གསང་དོན་གྱི་གླེང་གཞི་དང༌། རྡོ་རྗེའི་ལུས་ལ་གནས་ཡུལ་གྱི་བཀོད་པ་ལྷུན་རྫོགས་སུ་བཤད་སྐབས་བོད་ཡུལ་ནི་བདེ་བ་ཆེན་པོ་ཆོས་ཀྱི་འབྱུང་གནས་ཏེ་དེ་ལ་ཐབས་ཤེས་སྦྱོར་བའི་ཞུ་བདེའི་མཆོག་ཏུ་མི་འགྱུར་བའི་བདེ་བ་ཆེན་པོ་རྡོ་རྗེ་སེམས་དཔའི་དེ་ཉིད་མངོན་དུ་བྱེད་པའི་གསང་བ་ཟབ་མོ་ཡང་བོད་སྐད་དུ་རྒྱུད་ཀྱི་མཚན་སྨོས་པས་གོ་བ་གསང་བའི་གླེང་གཞི་སྟེ། དེ་དག་གི་དགོངས་དོན་རྟོགས་གོམས་ཀྱི་རྒྱུད་དོན་མངོན་དུ་བྱེད་ནུས་པས་གླེང་བསླངས་ཀྱང་ཤུག་འབྱུང་དུ་བསྟན་པའོ། །གཉིས་པ་ཞར་བྱུང་ཕྱག་གི་དོན་ནི། མཉམ་ཉིད་དབྱིངས་སུ་བདུད་བཞི་ངང་གིས་བཅོྃམ། །ཕྱག་རྒྱ་རང་བཞིན་ཚོགས་གཉིས་རྫོགས་པར་ལྡནྃ། །ཡོད་མེད་མཐའ་འདྃས་བདག་གཞན་ཡོངས་ཀྱི་དཔལ། །ཐམས་ཅད་རང་བཞིན་རྟོགས་སྤང་ཐུགས་རྗེ་བཟང༌། །ཀུན་བཟང་ལྷ་ཡི་ལྷ་ཁྱོད་དབྱེར་མེད་ལྃ། །རྟོགས་དང་གྲུབ་པས་རབ་ཏུ་ཕྱགྃ་འཚྃལ་ལོྃ། །ཞེས་པའི་དོན་ནོ། །གཉིས་པ་བར་དུ་དགེ་བ་རྒྱུད་དོན་མཐར་ཆགས་སུ་བཤད་པ་ལ་མདོར་བསྟན་དང༌། རྒྱས་བཤད་གཉིས། དང་པོ་ལ་བརྗོད་བྱ་དོན་གྱི་རྒྱུད་མདོར་བསྟན་པ་དང༌། རྗོད་བྱེད་ཚིག་གི་རྒྱུད་མདོར་བསྟན་པ་གཉིས་ལས། དང་པོ་ནི། འཁོར་འདས་ཀྱི་ཆོས་ཉིད་ཀྱི་གནས་ལུགས་རྣམ་ཀུན་མཆོག་ལྡན་གྱི་སྟོང་ཉིད་ནི་གཟུང་འཛིན་མཚན་རྟོག་གིས་གཉིས་སུ་མི་ཕྱེད་པའི་རྡོྃ་རྗེྃ་ཞེས་རྒྱུ་རྐྱེན་གང་གིས་ཀྱང་མིྃ་ཤིགྃས་པ་ཆོས་ཀྱི་དབྱིངྃས་ཀྱིྃ་ངངྃ་དུ། མཆོག་ཏུ་མི་འགྱུར་བའི་ཡེ་ཤེས་སེམྃས་དཔྃའ་བདེྃ་བ་ཆེྃན་པོ་སོ་སོ་རང་རིགྃ་པྃའི་སྤྱོད་ཡུལ་ཅན་དང་དབྱེར་མི་ཕྱེད་པ་དུས་རྣམ་ཀུན་ཏུ་འཕེལ་འགྲིབ་མེད་པར་བཞུགས་པ་ནི་ངེས་པ་དོན་གྱི་ལྷྃ་སྟེྃ། དེས་ན་སྤྱིར་ཤེས་རབ་སྟོང་པ་ཉིད་དང་ཐབས་རིག་པ་རང་བྱུང་གི་ཡེ་ཤེས་གཉིས་ཟུངྃ་དུ་འཇུགྃ་པ་ནི་ངེས་དོན་སྒྱུྃ་འཕྲུལྃ་དྲྭྃ་བྃ་སྟེ། རྡོ་རྗེ་ལས། ཐབས་དང་ཤེས་རབ་འབྲེལ་བའི་དོན། །ཞེས་གསུངས། དེ་ནི་སངས་རྒྱས་ཐམས་ཅད་ཀྱི་མཐར་ཐུག་གི་དགོངས་པ་མ་ནོར་བ་ཡིན་པས་མདོ་རྒྱུདྃ་ཟབ་ཅིང་རྒྱ་ཆེ་བའི་ཆོས་ཕུང་རྣམྃས་ཀུནྃ་གྱིྃ་འཕྲོ་གཞི་རྩྃ་བྃའམ་སྙིང་པོ་མཐར་ཐུག་པྃའོ། །གཉིས་པ་རྗོད་བྱེད་ཚིག་གི་རྒྱུད་དོན་མདོར་བསྟན་པ་ནི། མདོ་ལས། ཚིག་བྲལ་ངག་གི་ལམ་གྱིས་མི་མཚོན་པའི། །དེ་བཞིན་ཉིད་ཆོས་རང་བཞིན་ནམ་མཁའ་འདྲ། །སེམས་དང་ཡིད་ཀྱི་རྒྱུ་བ་རྣམ་སྤངས་བ། །མཆོག་རབ་ངོ་མཚར་ཆེ་བ་དམ་པ་ཤེས། །ཞེས་གསུངས་པ་ལྟར་སངས་རྒྱས་འཕགས་པའི་མཉམ་བཞག་གི་ཡེ་ཤེས་དེ་གདུལ་བྱ་རྣམས་ཀྱིས་རྟོགས་པའི་ཕྱིར་བསམ་གྱིས་མི་ཁྱབ་པའི་གནས་ལུགས་དེྃ་ཉིདྃ་ཐབས་ཤེས་དབྱངས་གསལ་གྱི་ཡི་གེའི་སྤྲིན་གྱིས་གཞི་ལམ་འབྲས་བུའི་བརྗོྃད་བྱརྃ་སྣངྃ་བྃ་སྟེ་སྙིང་པོའི་རྒྱུད་ལས། ཆོས་རྣམས་མིང་དུ་བཏགས་པ་ཙམ། །སྟོན་པས་དོན་དང་མཐུན་ཕྱོགས་སུ། །མིང་དང་ཚིག་ཏུ་བཏགས་ནས་བསྟན། །སྟོན་ཞིང་ཚིག་ལ་དངོས་པོ་མེད། །ཞེས་སོ། །རྒྱུ་མཚན་དེ་ཡིྃས་གདུལ་བྱའི་ཁམས་དབང་བསམ་པ་དང་མཐུན་པར་དབང་རྟུལ་རིམྃ་པ་ཅན་ལ་གྲོལ་ལམ་དངྃ༌། དབང་རྣོན་གཅིྃག་ཆརྃ་གྲོལྃ་བར་བྱེད་པྃའི་ཐབས་ལམྃ་སྟོན་པའི་རྩ་བཤད་མན་ངག་གི་རྒྱུདྃ་སྡེྃའི་རྣམ་གྲང་འདི་ངེསྃ་པྃ་བློས་བསམ་བརྗོད་བགྲངྃ་ཡསྃ་པ་བཞུགས་ཀྱངྃ༌། ཕྱི་རབས་ཀྱི་གདུལ་བྱས་རྟོགས་སླ་བའི་ཕྱིར་སྨིན་བྱེད་ཀྱི་དབང༌། གྲོལ་བྱེད་བསྐྱེད་རྫོགས་གཉིས། གྲོགས་དམ་ཚིག་སྟེ་སྤྱི་དོན། ཉམས་སུ་ལེན་བྱ་གནད་ཀྱི་སྙིངྃ་པོྃ་རྣམྃ་པྃ་བཞིྃ་རུྃ་བསྡུསྃ་ཏེ་བསྟན་པར་མཛད་པའོ། །གཉིས་པ་རྒྱས་པར་བཤད་པ་ལ། གཞི། ལམ། འབྲས་བུའི་རྒྱུད་བཤད་པའོ། །དང་པོ་གཞི་ལ། གཞི་དངོས་དང༌། གཞི་སྣང་བཤད་པའོ། །དང་པོ་ནི་གཞི་ཆོས་ཉིད་ཀྱི་གནྃས་ལུགྃས་ཡེ་གདོྃད་མའི་དུས་ནསྃ་ངོ་བོ་ཀ་ནས་དག་པས་འཕོ་འགྱུར་འཕེལ་འགྲིབ་ཀྱི་ནམ་ཡང་མིྃ་འགྱུརྃ་བ་གཉུག་མའི་སེམྃས་ཉིད་དེ། དེ་ངོ་བོའི་ཆ་ནས་གཞལ་ན་ངོ་བོ་ཀ་ནས་དག་པས་སྒྲིབ་པས་བཅིྃངས་ཏེ་ངན་དུ་སོང་བ་མེདྃ་ཅིང༌། དེའི་ལྡོག་ཆ་རྣམྃ་པརྃ་གྲོལྃ་སྟེ་རྒྱུ་དང་ཡེ་ཤེས་ཀྱི་འབྲས་བུ་ཆོས་གསར་དུ་ཐོབ་བྱ་མེདྃ་པའིྃ་གཤིས་ལ་ཟག་མེད་ཀྱི་སྤང་རྟོགས་མཐའ་དག་ཉི་མ་དང་འོད་ཟེར་བཞིན་རང་བཞིན་ལྷུན་གྱིས་གྲུབ་པར་རྩོལ་སྒྲུབ་མ་དགོས་ལ་ངོ་བོའི་གཤིས་སུ་ཡེྃ་ནསྃ་ལྷུནྃ་གྲུབ་ཏུ་རྫོགྃས་ཟིན་པས་སངྃས་རྒྱསྃ་ཀྱི་ཆོསྃ་ཁམས་རྒྱ་མཚོ་ལྟ་བུ་འདུ་འབྲལ་མེད་པར་བཞུགས་ཏེ། གསང་སྙིང་ལས། བཅིངས་མེད་རྣམ་པར་གྲོལ་མེད་པའི། །ཡེ་ནས་ལྷུན་རྫོགས་སངས་རྒྱས་ཆོས། །བསྟན་ཕྱིར་སྤྲོ་བ་སྣ་ཚོགས་མཛད། །ཅེས་སོ། །གནས་ལུགས་དེ་ལ་མྱང་འདས་ཀྱི་ཆོས་མཐའ་དག་འདུ་འབྲལ་མེད་པ་ཡོངས་སུ་རྫོགས་པས་ངོ་བོའི་གཞི་དང༌། འཁོར་ཆོས་ཐམས་ཅད་ལ་མི་ལྡན་པའི་ཚུལ་དུ་བསྟེན་པས་བཏགས་པའི་གཞི་ཞེས་གཉིས་སུ་དབྱེ་བ་ཡང་མཛད་དོ། །གཉིས་པ་གཞི་སྣང་བཤད་པ་ནི། ཆོས་ཉིད་ཀྱི་བཞུགྃས་ཚུལ་བསལ་བཞག་ལས་འདས་ཀྱྃང་ངོ་བོ་སྐྱེ་མེད་ཀྱི་རོལ་པ་འགག་མེད་དུ་ཤར་བ་རིག་རྩལ་རང་སྣང་ཡིན་པ་རངྃ་ངོྃ་མ་ཤེས་པ་ལྷན་སྐྱེས་དང༌། བདག་གཞན་ཡུལ་དང་ཡུལ་ཅན་དུ་བདེན་པར་བཟུང་བ་ཀུན་བརྟགས་ཀྱི་མ་རིག་པས་བྲལ་ཐོབ་སྤངས་བའི་སངས་རྒྱས་རང་རིག་ཏུ་བཞུགས་པ་ངོ་མྃ་ཤེྃས་ཁ་ཕྱིར་བསྟན་དུ་གཟུང་འཛིན་ཅན་དུ་ཞེན་པསྃ། ཐག་ཁྲ་ལ་སྦྲུལ་དུ་འཁྲུལ་པས་འཇིགས་སྣང་སྐྱེ་བ་བཞིན་སེམས་ཅན་རངྃ་རང་གིྃ་རྣམྃ་པར་རྟོགྃ་པ་སྣ་ཚོགས་པའི་ལསྃ་གནས་དོན་ལུས་ཀྱིྃ་སྲིད་པའི་གྲོང་ཁྱེར་ཆེན་པོ་སྤྲུལྃ་ཏེ་བདེན་བདེན་ལྟར་སྣང་ཡང༌། བྱིས་པ་རྩེད་མོ་ལ་གཡེང་བས་ལུས་ངལ་དུབ་ཀྱི་ལས་ནནྃ་དྲགས་གྱིྃས་ནམ་མཁྃའ་ལྃ་བཟུང་བར་རློམས་ནས་ཐག་པས་མདུདྃ་པྃ་འདོྃར་ཡང་ངལ་བ་དོན་མེད་ཀྱི་རྩེ་འཇོའི་གཡེང་བ་ལྟར་སྲིྃད་པའི་རྩེ་མོ་ནས་འདིར་ཐོག་མཐའ་མེད་པྃར་ལས་ཉོན་གྱི་གཞན་དབང་གིས་ཀུནྃ་ཏུྃ་རྒྱུྃ་ཞིང་སྡུག་བསྔལ་བྃར་སྣངྃ་ཡང་དོན་ལ་གྲུབ་པ་མེད་བཞིན་འཁྲུལ་བའི་བློ་ཁོ་ནས་བཀོད་པའོ། །གཉིས་པ་ལམ་རྒྱུད་བསྟན་པ་ལའང༌། མདོར་བསྟན། རྒྱས་བཤད་གཉིས་ལས། དང་པོ་ནི། གློ་བུར་འཁྲུལ་རྟོག་རྒྱུ་འབྲས་དེ་སྦྱོངྃ་བྱེདྃ་ལམ་གྱི་རིམ་པས་སྦྱངས་པས་མཁྲིས་པའི་ནད་ལས་གྲོལ་ན་དུང་དཀར་པོར་སྣང་བ་བཞིན་མ་འཁྲུལ་པའི་ཆོས་ཉིད་ངོ་བོའི་བཞུགས་ཚུལ་ངོ་བོ་ཇི་བཞིན་དུ་རྟོགས་ནས་སྲིད་པའི་རྒྱུ་འབྲས་ཀྱི་འཁྲུལ་སྣང་རང་དག་ཏུ་འགྲོ་བར་ནུས་པས་ན། སྐྱོན་དེ་གདུལ་བྱའི་དབང་པོའི་ཁྱད་པར་གྱིས་འབྲས་བུ་སངས་རྒྱས་དེ་མ་འོངས་པར་རང་རྒྱུད་དུ་ཐོབ་པའི་ཐབས་གཙོ་བོར་བཏོན་པ་རྒྱུྃ་མཚན་ཉིད་ཐེག་པ་དངྃ༌། གཞི་འབྲས་གཉིས་མེད་དུ་རྟོགས་ནས་སངས་རྒྱས་ཀྱི་མཛད་པ་དང་མཐུན་པར་འབྲས་བུ་ལམ་དུ་བྱེད་པ་རྡོ་རྗེ་ཐེག་པའམ་འབྲསྃ་བུའིྃ་ཐེགྃ་པ་ཞེས་གཉིས་སུ་བསྟན་ཅིང༌། དོན་དུ་གནས་ངན་སྡུག་བསྔལ་གྱི་གནས་ལས་ལོག་ཅིང༌། བདེ་བའི་ངལ་སྟེགས་ལ་དབུགས་འབྱིན་པའི་ལྟ་སྒོམ་སྤྱོད་གསུམ་དང་ལྡན་པ་ནི་ཐེག་པ་ཞེས་གསུངས། རྒྱུ་མཚན་ཉིད་ཐེག་པ་ལའང་གདུལ་བྱའི་དབང་པོའི་རིམ་པས་ལྷ་དང་མིའི་ཐེག་པ་དང་པོ་བསྟན་ཏེ་གཞི་དགེ་སྡིག་གཉིས་ལས་འབྲས་བུ་བདེ་སྡུག་གཉིས་འབྱུང་བ་ལ་ཡིད་ཆེས་པས། ལམ་དགེ་བ་བཅུ་ལ་སྤྱོད་པས་འདོད་ལྷ་མིའི་གནས་དང༌། བསམ་གཏན་བཞི་དང་ཚད་མེད་བཞི་གོམས་པས་གཟུགས་ཁམས་གཟུགས་མེད་སྐྱེ་བ་དང༌། གཉིས་པ་ཉན་ཐོས་ཀྱི་གཞི་གང་ཟག་གི་བདག་མེད་རྟོགས་ཤིང༌། དངོས་པོ་རྡུལ་ཕྲན་ཆ་མེད་དང༌། སེམས་སྐད་ཅིག་ཆ་མེད་གཉིས་པོ། དོན་དམ་དུ་ལྟ་བ་དང༌། ཚུལ་ཁྲིམས་ཏིང་འཛིན་ཤེས་རབ་ཀྱི་བསླབ་པ་ལ་གནས་ནས། ཚོགས་སྦྱོར་མཐོང་སྒོམ་མི་སློབ་པའི་ལམ་ལྔ་བགྲོད་དེ། འབྲས་བུ་ལྷག་བཅས་ལྷག་མེད་དགྲ་བཅོམ་མངོན་དུ་བྱེད་པ། གསུམ་པ་རང་རྒྱལ་གྱི་གཞི་ཕྱི་ནང་རྟེན་འབྲེལ་ལུགས་འབྱུང་ལྡོག་གིས་འཁོར་འདས་བྱེད་པར་སློབ་དཔོན་མེད་པར་རང་ཉིད་སྔོན་གོམ་གྱི་སྟོབས་ཀྱིས་ཤེས་པ། གང་ཟག་དང་ཆོས་ཀྱི་བདག་མེད་ཕྱེད་གཟུང་བ་རང་བཞིན་མེད་པ་རྟོགས་པས། ལམ་ལྔ་བགྲོད་དེ། ཚོགས་སྤྱོད་དང་བསེ་རུ་ལྟ་བུའི་དགྲ་བཅོམ་ཐོབ་པའོ། །བཞི་པ་བྱང་སེམས་ཐེག་པ་ཆེན་པོ་བདུན་ལྡན་གྱིས་གཞི་བདག་མེད་གཉིས་རྟོགས། ཀུན་རྫོབ་དང་དོན་དམ་བྱང་ཆུབ་སེམས་ཀྱི་རྩིས་ཟིན་པའི་ཕར་ཕྱིན་བཅུ་ལ་བསླབས་པས་འབྲས་བུ་ཀུན་ཏུ་འོད་ཀྱི་ས་ལ་སངས་རྒྱས་ནས་དོན་གཉིས་ལྷུན་གྱིས་གྲུབ་པ་སྟེ་ཉན་རང་གཉིས་གཅིག་ཏུ་རྩི་བ་ཀུན་འབྱུང་འདྲེན་པའི་ཐེག་པ་ལ་བསམ་མོ། །ལྔ་པ་འབྲས་བུ་གསང་སྔགས་རྡོ་རྗེ་ཐེག་པ་ལ་ཕྱི་ནང་གཉིས་ལས། དང་པོ་ཕྱི་དཀའ་ཐུབ་རིག་བྱེད་ཀྱི་ཐེག་པ་ནི་དང་པོ་བྱ་རྒྱུད་དེ། གཞི་ཆོས་རྣམས་སྟོང་པར་རྟོགས་ནས། དབང་ཆུ་དང་ཅོད་པན་གཙོ་བོར་བསྐུར་ཏེ། མཐའ་རྟེན་བཟླས་ལུང༌། བཀྲུ་བྱབས་སྲུང་གསུམ། བཀྲ་ཤིས་རྫས་རྟགས་སྦྱིན་ཅིང༌། དོན་དམ་པར་ལྷ་དང་བདག་དབྱེར་མེད་ཡིན་པ་དང༌། ཀུན་རྫོབ་ཏུ་ལྷ་ཡེ་ཤེས་སེམས་དཔའ་ཡོན་ཏན་མཐར་ཕྱིན་པའི་རྒྱལ་པོ་དང༌། རང་འབངས་ལྟར་མཆོག་དམན་དུ་ལྟ་བས་ཁྲུས་དང་གཙང་སྦྲ་སོགས་ལུས་ངག་གི་བྱ་བ་གཙོ་བོར་བཏོན་ཏེ། འབྲས་བུ་མི་ཚེ་བཅུ་དྲུག་ན་སངས་རྒྱས་པར་འདོད་པའོ། །གཉིས་པ་སྤྱོད་པ་བྱ་རྒྱུད་དང་མཐུན་ཞིང༌། སྒོམ་པ་རྣལ་འབྱོར་རྒྱུད་ལྟར་བསྟན་པ་སྤྱོད་རྒྱུད་སྟེ། གཞི་ངོ་བོ་ཉིད་ཡེ་ནས་མཚུངས་པ་མེད་པའི་ཤེས་རབ་དང༌། ལམ་བདག་དང་ལྷ་སྤུན་དང་གྲོགས་པོའི་ཚུལ་དུ་མཉམ་པར་ལྟ་བས། དབང་སྔ་མའི་སྟེང༌། རྡོ་རྗེ་དྲིལ་བུ། མིང་དབང༌། མེ་ལོང༌། ཐུར་མ། ཆོས་འཆད་ཀྱི་རྗེས་གནང་སོགས་དང༌། སྒོམ་པས་འབྲས་བུ་མི་ཚེ་བདུན་ན་རིགས་བཞིའི་སངས་རྒྱས་སུ་འདོད་པ་དང༌། གསུམ་པ་རྣལ་འབྱོར་རྒྱུད་ཀྱིས་གཞི་དོན་གཉིས་ཟུང་འཇུག་གི་ཚུལ་ལ་ངེས་པ་ཆེར་འཕེལ་བས་ཕྱིའི་བྱ་བ་ལ་མ་ལྟོས་པར་སྒོམ་པ་གཙོར་བཏོན་པས། དབང་རིགས་དབང་ལྔ། སློབ་དཔོན་གྱི་དབང༌། དམ་ཚིག་གསུམ་བཟུང༌། ལྷག་པ་དཀྱིལ་འཁོར་དེ་ཉིད་སྟོན་པ། བཀའ་ཡི་དབང་ཞེས་ཆོས་འཆད་རྗེས་གནང༌། ལུང་བསྟན་དབུགས་དབྱུང་གཟེངས་བསྟོད་སོགས་སྦྱིན་པས་སྨིན་པར་བྱས་ནས་ལམ་བདག་ལྷ་དམ་ཡེ་གཉིས་མེད་ཆུ་ལ་ཆུ་བཞག་པ་ལྟར་སངས་རྒྱས་ཀྱི་སྐུ་གསུང་ཐུགས་ཀྱི་མཛད་པ་ཕྱག་རྒྱ་བཞིས་བཏབ་ནས་བསྒོམས་པས་འབྲས་བུ་མི་ཚེ་གསུམ་ན་རིགས་ལྔའི་བདག་ཉིད་དུ་སངས་རྒྱས་པ་སྟེ་གསུམ་མོ། །བཞི་པ་རྣལ་འབྱོར་ཆེན་པོ་སྔགས་ནང་པ་བླ་མེད་ཀྱི་ཐེག་པ་ནི། དང་པོ་མ་ཧཱ་ཡོ་གས་བདག་དང་ལྷ་དབྱེར་མེད་པས་འདུ་འབྲལ་མེད་ཅིང༌། སྣང་སྲིད་དག་མཉམ་དུ་རྟོགས་པའི་ལྟ་བ་ཟབ་མོ་དང་རྗེས་སུ་མཐུན་པར། རིགས་པའི་དབང་ལྔ། རྡོ་རྗེ་སློབ་མའི་དབང༌། རྡོ་རྗེ་སློབ་དཔོན་གྱི་དབང༌། ལུང་བསྟན། དབུགས་དབྱུང༌། གཟེངས་བསྟོད། གསང་དབང༌། ཤེར་དབང༌། ཚིག་དབང་བཅས་བསྐུར་ནས། བསྐྱེད་རིམ་གཙོ་བོར་བསྒོམས་པས། འབྲས་བུ་ཚེ་འདིར་གྲོལ་བ་དང༌། ལམ་མ་ཧཱ་ཡོ་གའི་སྒྲ་ལས་ཐབས་ཤེས་ཀྱི་རྣལ་འབྱོར་བསྐྱེད་པས་རླུང་གཙོ་བོར་བྱས་ནས་གྲོལ་བར་འདོད། ཨ་ནུ་ཡོ་གས་ཤེས་རབ་རྫོགས་པའི་རིམ་པ་དབྱིངས་ཡེ་གཉིས་མེད་རྒྱུད་ལ་འདྲེན་པའི་ཕྱིར་ཕྱི་ནང་སྒྲུབ་གསང་བཞིས་བསྡུས་པའི་དབང་ཆོག་སུམ་ཅུ་རྩ་དྲུག་བསྐུར་ནས་ཐིག་ལེ་འཇུ་འདུལ་གྱི་ལམ་གཙོ་བོ་བྱས་ནས་བདེ་བ་ཆེན་པོའི་སྐུ་མངོན་དུ་བྱེད་པ་དང༌། ཨ་ཏི་ཡོ་གས་སྣང་སྲིད་འཁོར་འདས་ཀྱི་ཆོས་ཀུན་ཡེ་ནས་སངས་རྒྱས་པའི་གནས་ཚུལ་དང་མཐུན་པར་སྤྲོས་བཅས་དང་སྤྲོས་མེད་ཤིན་ཏུ་སྤྲོས་མེད་རབ་ཏུ་སྤྲོས་མེད་བཅས་ཀྱིས་སྨིན་པར་བྱས་ནས། ལམ་བསྒོམས་པས་གནས་སྣང་མཐར་ཕྱིན་པ་ཐེག་པ་ཐམས་ཅད་ཀྱི་མཐར་ཐུག་པ་སྟེ། དེས་ན་གདུལ་བྱའི་དབང་པོ་དང་མཐུན་པར་སྒྲུབ་བྱེད་ལྷ་མི། ཉན་རང༌། བྱང་སེམས། གསང་སྔགས་ཐེགྃ་པྃ་བྃཞི་རུ་བསྟན་ན་ཡང་རང་རང་གི་མི་མཐུན་ཕྱོགས་འཁོར་བའི་སྡུག་བསྔལ་དང༌། ཐེག་པ་དམན་པའི་ཡིད་བྱེད་སོགས་མི་མཐུན་ཕྱོགས་ལས་ངེྃས་པར་འབྱུངྃ་བ་བྱེད་ལྃ། བསྒྲུབ་བྱ་མཐར་ཐུག་བླ་ན་མེད་པའི་ཐེགྃ་པྃ་རང་བཞིན་རྫོགས་པ་ཆེན་པོ་དབྱིངས་རིག་གཉིས་མེད་ཀུན་བཟང་རྡོ་རྗེ་སེམས་དཔའི་གསང་ཚིག་གཅིྃག་གིྃ་འབྲསྃ་བུྃ་སངས་རྒྱས་ཀྱི་སར་གནྃས་པ་སྟེ། ཀུན་བྱེད་རྒྱལ་པོའི་རྒྱུད་ལས། སྟོན་པའི་ཐེག་པ་རང་བཞིན་དགུ་པོ་ཡང༌། །རང་བཞིན་རྫོགས་པ་ཆེན་པོ་བགྲོད་པའི་ལམ། །བླང་དོར་མེད་པའི་ཆོས་ཉིད་འདི་རྟོགས་ནས། །ཇི་བཞིན་པ་ལ་རང་བཞིན་ལྷུན་གྱིས་གྲུབ། །འགྲོ་དང་འོང་མེད་ཀུན་ཏུ་ཁྱབ་པར་བརྡལ། །ཞེས་གསུངས་པ་ལྟར་རོ། །དེས་ན་གནས་སྣང་གཉིས་ཀ་སངས་རྒྱས་འཕགས་པའི་གཟིགས་པ་སྒྲ་ཇི་བཞིན་དུ་བསྟན་པའི་ཆོས་ཀྱི་མཐརྃ་ཐུགྃ་འོ་མའི་ཉིང་ཁུ་མར་ལྟ་བུ་ནི་སྙིངྃ་པོྃ་རྡོ་རྗེ་སེམས་དཔའ་རང་བྱུང་གི་རྒྱུདྃ་འདིྃ་ཉིད་ཡིནྃ་པས་གནས་ལུགས་དེ་རྟོགས་པའི་ཐབས་སུ་དབང་དང༌། དམ་ཚིག །ལྟ་སྒོམ་སྤྱོད་འབྲས་སོགས་རྒྱུད་ཀྱི་དངོས་པོ་བཅུ་བསྟན་པའོ། །གཉིས་པ་རྒྱས་པར་བཤད་པ་ལ་གསུམ། སྐུ། གསུང༌། ཐུགས་ཀྱི་རྡོ་རྗེ་སེམས་དཔའ་གསུམ་བཤད་པའོ། །དང་པོ་སྐུ་རྡོ་རྗེ་སེམས་དཔའ་བཤད་པ་ནི། དངོས་གཅིག་དངོས་པོ་ཀུན་གྱི་ཁྱབ་བདག་ཏུ་བཞུགས་པ་ནི་རྡོ་རྗེ་སེམས་དཔའ་སྟེ། རྡོ་རྗེ་སེམས་དཔའ་ནམ་མཁའ་ཆེན་པོའི་རྒྱུད་ལས། རྡོ་རྗེ་སེམས་དཔའ་ནམ་མཁའ་ཆེ། །ཀུན་བཟང་ཡངས་པ་ཆོས་ཀྱི་དབྱིངས། །རྣམ་དག་ལམ་མཆོག་ཀུན་སྒྲོལ་ཕྱིར། །མི་སྐྱེ་མི་འགག་ཅིར་མི་དགོངས། །ཞེས་སོ། །གནས་ལུགས་དེ་ལྟར་ཡིན་ཀྱང་དེ་རྟོགས་པ་ལ་ཐབས་དུ་མས་མ་བསྟན་ན་མངོན་དུ་བྱེད་མི་ནུས་པ་རྡོ་རྗེ་སེམས་དཔའ་སྒྱུ་འཕྲུལ་དྲྭ་བའི་རྒྱུད་ཀྱི་གླེང་བསླངས་ལ་ཐབས་ཀྱི་ཆ་བཟུང་བ་ཀུན་ཏུ་བཟང་པོའི་གླེང་བསླང༌། ཤེས་རབ་ཀྱི་ཆ་བཟུང་བ་ཀུན་ཏུ་བཟང་མོའི་གླེང་བསླང༌། དག་མཉམ་བདེན་པ་དབྱེར་མེད་རྫོགས་པ་ཆེན་པོའི་ཚུལ་དུ་སངས་རྒྱས་པའི་ཆེ་བའི་སྒོ་ནས་ཡབ་ཡུམ་ཐབས་ཤེས་འདུ་འབྲལ་མེད་པའི་བདག་ཉིད་ཆེན་པོའི་གླེང་བསླང་བ་དང༌། འཇམ་དཔལ་སྒྱུ་འཕྲུལ་དྲྭ་བའི་མཚན་ཡང་དག་པར་བརྗོད་པ་ལས་ཀྱང་རྣམ་བཅས་ཀུན་རྫོབ་ཀྱི་འཇམ་དཔལ་དང༌། རྣམ་མེད་དོན་དམ་གྱི་འཇམ་དཔལ་གཉིས་བསྟན་པ་བཞིན་འདིར་ཡང་སྣང་བཅས་སྐུ་རྡོ་རྗེ་སེམས་དཔའ་ཐོག་མར་བསྟན་པའི་ཕྱིར། འཁོར་འདས་ཀྱི་ཆོས་མ་ལུས་པའི་རང་བཞིན་བཟང་ངན་གཉིས་སུ་མེད་པར་ཡེ་ནས་སངས་རྒྱས་ནས་རྡོྃ་རྗེྃ་སྟེ་ཆོས་ཉིད་སྟོང་པ་ཉིད་དང་ཆོས་ཅན་སྣང་བའི་ཆ་ཕུངྃ་པོྃ་ལྔ་རུ་དབྱེ་ཡང་རྡོ་རྗེ་སེམས་དཔའི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་ཕྱེ་བས་མི་བསྐྱོད་པ་ལ་སོགས་པའི་རྫོགས་པའི་སངས་རྒྱས་ལྔ་ཡིན་ལ། ཀུན་རྫོབ་ཀྱི་སྣང་ཆ་རྟེན་འབྱུང་མ་འགག་སྒྱུྃ་མ་ལྟ་བུ་ཉིད་ཡེ་ཤེས་རིགས་ལྔའི་ཆོ་འཕྲུལྃ་དུ་གདོད་ནས་གནས་ཏེྃ། ས་ཆུ་མེ་རླུང་ནམ་མཁའི་འབྱུང་བ་ཡང་དབྱིངྃས་རྣམ་ཀུན་མཆོག་ལྡན་གྱི་སྟོང་ཆ་ལྔྃ་ཐབས་མཆོག་ཏུ་མི་འགྱུར་པའི་བདེ་བ་ཆེན་པོ་དང་འབྲལ་མི་ཤེས་པའི་དྲྭྃ་བྃ་ནི་སངས་རྒྱས་སྤྱན་མ་ལ་སོགས་པའི་རིགས་ཀྱི་འཁོར་ལོའི་བསྒྱུར་བའི་ཡུམྃ་ཆེནྃ་ལྔའི་མཁྃའ་རྣམ་ཐར་སྒོ་གསུམ་གྱི་བདག་ཉིད་ཅན་ཏེ། སྲིད་པ་གསུམ་གྱི་རྟོགས་ཚོགས་དབང་ཤེས་ཡུལ་དུས་ཐམས་ཅད་ཀྱང་མཐའ་བཞི་ལས་འདས་པའི་ཡིད་ཆོས་གཉིྃས་མེདྃ་སེམྃས་དཔྃའ་ལྕམྃ་དྲལྃ་དང་བཅས་ལྃ། དེ་དག་གི་བྱ་བྱེད་ལསྃ་དབྃང་སྒོྃ་བྃ་ཡབ་ཡུམ་ལྷྃ་རུྃ་གནྃས་པ་སྟེ། མདོར་ན་ཇི་ལྟར་སྣང་ཞིང་སྲིད་པའི་ཆོས་སོ་ཅོག་སངས་རྒྱས་རྡོ་རྗེ་སེམས་དཔའ་ཉིད་ལས་གཞན་མ་ཡིན་པ་སངས་རྒྱས་ཐམས་ཅད་མཁྱེན་པ་ཉིད་ཀྱིས་གཟིགས་པ་གནས་ལུགས་ཡང་དག་སྟེ། དོན་གྱི་ཡིན་ཚུལ་དེ་ལྟ་བུ་མ་ཤེས་ན་སོ་སོའི་སྐྱེ་བོ་མ་དག་པས་དག་པ་ཡེ་ཤེས་ཀྱི་ལྷ་རྡོ་རྗེ་སེམས་དཔའ་སྒྲུབ་མི་བཏུབ་པས་འདི་ཉིད་རྡོ་རྗེ་ཐེག་པའི་དག་མཉམ་བདེན་པ་དབྱེར་མེད་ཀྱི་ལྟ་བ་སྟེ། ད་ལྟ་ལས་དང་པོ་པའང་དེ་ལྟ་བུའི་རྡོ་རྗེ་སེམས་དཔའ་མཁྱེན་བརྩེ་ནུས་པ་ཚད་མེད་པ་མཚན་ཙམ་གཟུང་བས་འཁོར་བ་ངན་སོང་གི་སྐྱེ་སྒོ་ཁེག་པ། རིག་པའི་གསང་སྔགས་བཟླས་པ་ཙམ་གྱིས་རྟོག་སྒྲིབ་ཉམས་ཆག་སྦྱོང་ནུས་པ་ལ་ཡིད་ཆེས་ཀྱི་དད་པ་རྩེ་གཅིག་ཏུ་བསྐྱེད་པ་ནི་དངོས་གྲུབ་འཐོབ་བྱེད་ཀྱི་མན་ངག་ཐུན་མོང་མ་ཡིན་པ་སྟེ། དེས་ན་རྡོར་སེམས་ལྷ་གཅིག་བསྒྲུབས་པས་ཞི་ཁྲོ་རབ་འབྱམས་འགྲུབ་པའི་གནད་ཀྱང་དེ་ཡིན་པ་དང༌། རང་བཞིན་གཤིས་ཀྱི་ཡིན་ལུགས་དེ་རྟོགས་མི་ནུས་པ་ལ་རྡོ་རྗེ་སེམས་དཔའ་ཞལ་ཕྱག་གི་རྣམ་པར་བཞེངས་པ་ཤེས་པས་སྒྲུབ་དགོས་སོ། །རྒྱུ་དེ་ཡང་དངོས་མཚན་དུ་མི་གནས་པ་སྐུ་གཅིག་གིས་ཞིང་རབ་འབྱམས་ཁྱབ་པ་ཞིང་ཁམས་རབ་འབྱམས་སྐུའི་བ་སྤུ་གཅིག་རྫོགས་པར་སྟོན་ཀྱང་སྐུ་ཆེ་རུ་མ་འགྲོ། ཞིང་ཁམས་ཆུང་དུ་མི་སྟོན། སྐུའི་བ་སྤུ་ཚུན་ཆད་ན་མཆོག་ཏུ་མི་འགྱུར་པའི་བདེ་བ་ཆེན་པོའི་ཡེ་ཤེས་ཀྱིས་གང་བས། བ་སྤུ་ཉག་མ་གཅིག་གིས་ཀྱང་སངས་རྒྱས་ཀྱི་མཛད་པ་མཐའ་དག་སྒྲུབ་ནུས་པ་སོགས་སྐུའི་ཡོན་ཏན་དེ་ལྟར་ལྡན་པ་དེའི་གནས་ལུགས་མ་རྟོགས་པ་མ་གཏོགས། རྟོགས་ན་རང་ཉིད་ཀྱི་ལུས་འདི་ཡིན་པའི་ངེས་ཤེས་བསྐྱེད་ནས་གསལ་སྣང་བསྒྲུབ་པས་གཟུགས་སྣང་ཐམས་ཅད་སྐུ་རྡོ་རྗེའི་དཀྱིལ་ཁོར་དུ་དག་པར་འགྱུར་རོ། །གཉིས་པ་ཕྱེད་སྣང་གསུང་རྡོ་རྗེ་ནི། སེམས་ཉིད་ཡེ་ནས་དག་པ་ཆོས་ཀྱི་དབྱིངྃས་འགྱུར་བ་མེད་པའི་ངང་ལྃ་ཡེ་ནས་ལྷུན་གྱིས་གྲུབ་པ་བྱ་རྩོལ་མེད་པའི་དབྱིངྃས་ཀྱིྃས་ཡེ་ནས་བྲིསྃ་པྃ་སྟེྃ་གཞན་དུ་འཕོ་འགྱུར་མེད་པའི་ཆོས་ཉིད་ལ་རང་བཞིན་གྱིས་འོད་གསལ་བའི་ཆ་ལ་ཡི་གེ་ཞེས་བྱ་བའི་དོན་དུ་བཏགས་པ་ཡི་གེ་སྤྲིན་གྱི་འཁོར་ལོ་འཁོར་འདས་ཐམས་ཅད་ལ་ཡེ་ནས་རང་ཆས་སུ་གནས་པ་སངས་རྒྱས་ཀུན་གྱི་དགོངས་པ་སྟེ། དེས་ན་ཨ་སྐྱེ་བ་མེད་པ་གཅིག་གི་ངང་ལས། དབྱངས་གསལ་གྱི་ཡི་གེ་འགག་མེད་དུ་ཤར་བས་ཤེས་བྱ་ཐམས་ཅད་མཚོན་པའི་མིང་ཚིག་ཏུ་གྲུབ་པས་དོན་ཐམས་ཅད་སྟོན་པར་བྱེད་པ་ཆོ་འཕྲུལ་ཆེན་པོ་ནི་ཡི་གེ་སྟེ། ཡི་གེ་དེས་རྒྱུ་བྱས་ནས་ལྷ་ཡི་སྔགས་གྲུབ་པ་སྟེ། ཡི་གེ་ཐམས་ཅད་སྟོང་ཆེན་མཉམ་པ་ཉིད་ཀྱི་ངོ་བོ་ཅན་དུ་ཡེ་ནས་གྲུབ་པས་ཆོས་ཉིད་ངོ་བོས་གྲུབ་པ། ཡི་གེ་རང་རང་གི་ངོ་བོ་ཐུན་མོང་མ་ཡིན་པར་སྣང་བའི་རང་བཞིན་བསླུ་མེད་དུ་གྲུབ་པ་ཆོས་ཅན་རང་བཞིན་གྱིས་གྲུབ་པ། དེ་ལྟ་བུ་ཡིན་པའི་དབང་གིས་ཆོས་ཀུན་ལ་མངའ་དབང་འབྱོར་བའི་སངས་རྒྱས་རྣམས་ཀྱི་ཡི་གེ་གཅིག་ནས་མང་པོའི་བར་སྔགས་རྣམས་ཡེ་ཤེས་ཀྱི་རྣམ་འཕྲུལ་དུ་བསྟན་པས་བྱིན་བརླབ་ཀྱིས་གྲུབ་པ། སྨན་དང་ནོར་བུ་བཞིན་སྔགས་དེ་དག་ལ་དངོས་གྲུབ་སྒྲུབ་པའི་ནུས་པ་ཐོགས་མེད་དུ་བསླུ་བ་མེད་པ་ནུས་པའི་མཐུ་གྲུབ་པའི་ཡོན་ཏན་བཞི་དང་ལྡན་ཞིང༌། སྤྱིར་ངག་ཐམས་ཅད་ཡེ་ནས་དག་མཉམ་དུ་གནས་པས་སྒྲར་གྲགས་པ་ཐམས་ཅད་གསུང་གི་དཀྱིལ་འཁོར་ཏེ། སེམྃས་ཉིད་དམིགས་སུ་མེད་པ་དོན་དམ་པའི་ཡི་གེ་ནི་འོད་གསལ་བའི་ཁམས་སྣ་ཚོགས་པའི་ཕྱིར་སྐུ་གསུང་ཐུགས་ཡོན་ཏན་ཕྲིན་ལས་ཀྱིྃ་བདག་ཉིད་དུ་ལྷུན་གྱིས་གྲུབ་པ་ནོར་བུ་རིནྃ་པོ་ཆེྃ་སྤུངས་པའི་ཟྃ་མྃ་ཏོགྃ་ལྟར་ཡེ་ནས་ལྷུན་གྱིས་གྲུབ་པའི་ངོ་མཚར་གྱི་མཆོག་ཏུ་སྐུ་དང་ཡེ་ཤེས་འདུ་འབྲལ་མེད་པ་མཆོག་དང་ཐུན་མོང་གི་དངོས་གྲུབ་མཐའ་དག་འགུགས་ནུས་པ་དབྱངས་གསལ་ཐབས་ཤེས་ཀྱི་ཡིྃ་གེྃ་སྤྲིནྃ་གྱིྃ་འཁོྃར་ལོྃ་ནིྃ་སྐབས་འདིར་ཟློས་པའི་སྔགས་སུ་བྱེ་བྲག་ཏུ་ཞུགས་པ་སྟེ་འདི་ཉིད་དངོས་གྲུབ་སྒྲུབ་པའི་ཐབས་ཁྱད་པར་ཅན་ཡིན་པས། འདིའི་ནུས་པས་ཡིད་ཤེས་བདེ་མྱུར་དུ་སྐྱོབ་པའི་ཕྱིར་རྡོྃ་རྗེྃ་དོན་ལྟ་བུ་བླ་མའི་མན་ངག་གི་གནད་དང་ལྡན་པ་ལས་ཕལ་གྱིས་མི་རྟོག་པས་གསྃང་བའིྃ་སྔགྃས་སུྃ་བཤྃད་པའམ་བསྟན་པའི་དོན་ཤེས་པས་བསྒྲུབ་ན་ངག་གསུང་རྡོ་རྗེའི་གསང་བ་རུ་རྟོགས། ཇི་ལྟར་འདོད་པའི་དངོས་གྲུབ་བདེ་བླག་ཏུ་འཐོབ་བྱེད་ཀྱི་ལྡེའུ་མིག་ལྟ་བུའོ། །གསུམ་པ་མི་སྣང་བ་ཐུགས་རྡོ་རྗེ་ནི། ཇི་སྐད་དུ། དངོས་གཅིག་དངོས་པོ་ཀུན་གྱི་ངོ་བོ་ཉིད། །གང་ཞིག་དངོས་གཅིག་དེ་བཞིན་ཉིད་མཐོང་བ། །དེ་ཡིས་དངོས་ཀུན་དེ་བཞིན་ཉིད་དུ་མཐོང༌། །ཞེས་གསུངས་པ་ལྟར་འཁྲུལ་པས་བཏགས་པའི་མ་དག་འཁོྃར་བའི་འཁྲུལ་སྣང་དང༌། དག་པ་ཡེ་ཤེས་ཀྱི་གནས་ལུགས་ཇི་བཞིན་དུ་གཟིགས་པའི་མྱ་ངན་ལས་འདྃས་པ་སྐུ་དང་ཡེ་ཤེས་གཉིས་སུ་དབྱེ་བ་ཡང་དོན་ལ་གཉིས་སུ་མེད་པ་རང་བཞིན་ཉིད་ཀྱིས་རྣམ་པར་དག་པ་རྒྱུའྃམ་གཞི་ཉིདྃ་གཅིྃག་པྃ་ལས་ཐ་དད་དུ་དབྱེར་མེད་པ་སྟེྃ་དབུ་མ་ཆོས་དབྱིངས་བསྟོད་པ་ལས། གང་ཞིག་འཁོར་བའི་རྒྱུར་གྱུར་པ། །དེ་ཉིད་སྦྱངས་བར་བྱས་པ་ལས། །དག་པ་དེ་ཉིད་མྱ་ངན་འདས། །ཆོས་ཀྱི་སྐུ་ཉིད་དེ་ཡིན་ནོ། །ཞེས་གསུངས་པ་ལྟར་སེམས་ཀྱི་རང་བཞིན་ཡེ་ཤེས་ཡིན་པ་དང༌། ཡེ་ཤེས་རྟོགས་དུས་སེམས་ཀྱང་དེ་ལས་ཐ་དད་དུ་མ་དམིགས་པས་ཡེ་ཤེས་ཀྱི་རོལྃ་པྃ་སྟེ་ཡིགྃ་འྃབྲུ་ཨ་ཉིད་རང་བཞིན་གདོད་ནས་སྐྱེ་མེད་ཡིན་པ་དང༌། དབྱངས་གསལ་ཡི་གེའི་རྣམ་འགྱུར་གང་ལྟར་ཤར་ཡང་ཨ་ལས་མ་འདས་པས་ཉི་མ་དང་འོད་ཟེར་བཞིན་རོལ་པ་འགྃག་པྃ་མེདྃ་པས་སྣང་སྟོང་གཉིས་སུ་མེད་པའི་ཡེ་ཤེས་ཏེ། སྣང་སྲིད་ཀྱི་ཆོསྃ་ཀུནྃ་མེ་དང་ཚ་བ་བཞིན་མ་ཁྱབ་པ་མེད་པས་ཆོས་སྐུ་གཅིག་གིས་བྱིནྃ་གྱིསྃ་བརླབྃས་པའིྃ་མཐུ་ལསྃ། སྣོད་བཅུད་རྒྱུད་གསུམ་ཐམྃས་ཅདྃ་དཔལ་རྡོ་རྗེ་སེམས་དཔའ་འབྲས་བུའི་སངྃས་རྒྱསྃ་གཅིག་གི་ཡེ་ཤེས་ཆེན་པོ་ད་ལྟ་ཉིད་དུ་དོན་ཟབ་མོ་དེ་སངས་རྒྱས་ཐམས་ཅད་མཁྱེན་པའི་ཡེ་ཤེས་ཀྱི་སྤྱོད་ཡུལ་ལས་གཞན་སུས་ཀྱང་རྟོགས་མི་ནུས་པས། གསང་བའི་སྔགས་བཟོ་བཅོས་མ་དགོས་པར་སྐྱོན་ཀུན་ཟད། ཡོན་ཏན་ཀུན་རྫོགས་ཉིད་དུ་མངོྃན་སུམྃ་ཤརྃ་བས་ཕྱི་སྣང་བ་ཡུམ། ནང་ཕུང་པོ་ཡབ། རྟོགས་ཚོགས་ལྷའི་རང་བཞིན་སྣང་ལ་རང་བཞིན་མེད་པའི་དོན་དེ་ཉིད་ངེས་པ་དོན་གྱི་རྡོ་རྗེ་སེམས་དཔའ་ཞེས་པ་ནི་དྷྃརྨྃ་ཙྃཀྲྃ་སྙིང་དབུས་མི་ཤིགས་པའི་ཐིག་ལེ་ཞེས་སྙིང་ག་ཆོས་ཀྱི་འཁོར་ལོར་ཡེ་ནས་རྃང་བྱུངྃ་དུ་གནྃས་པ་སྟེ། རྒྱུད་དུ་མ་ལས། གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །སངས་རྒྱས་ཀུན་དངོས་སེམས་དཔའ་ནི། །རྡོ་རྗེ་སེམས་དཔའ་བདེ་བའི་མཆོག །འདི་ནི་རང་བྱུང་བཅོམ་ལྡན་འདས། །གཅིག་པུ་རབ་ཏུ་ཆེ་བའི་ལྷ། །སངས་རྒྱས་ཐམས་ཅད་མཉམ་སྦྱོར་བ། །ལྷག་པ་འདི་ནི་ལྷ་ཉིད་དོ། །ཞེས་གསུངས། དུས་འཁོར་རྩ་རྒྱུད་ལས། སྤྲོས་པ་ལ་ནི་དངོས་པོའི་ཚོགས། །བརྟག་པའི་མཐའ་སྤང་བེམ་པོ་མིན། །འདི་ནི་མཐོང་སྟེ་མེ་ལོང་ལ། །པྲ་ཕབ་གཞོན་ནུ་མ་ཡིས་བཞིན། །དངོས་ཀུན་མཉམ་པ་ཉིད་གྱུར་ནས། །དངོས་པོ་གཅིག་ཏུ་མི་འགྱུར་གནས། །མི་འགྱུར་ཡེ་ཤེས་ལས་བྱུང་བ། །ཆད་པ་མ་ཡིན་རྟག་པའང་མིན། །མིང་གི་བདག་ཉིད་ཡི་གེ་ཀུན། །ཨ་ཡིག་རིགས་ལ་ཡང་དག་འབྱུང༌། །མི་འགྱུར་ཆེན་པོའི་གནས་ཐོབ་པ། །མིང་མེད་མིང་ཅན་དག་ཀྱང་མེད། །སྐྱེས་པ་མ་ཡིན་པ་ཡི་ཆོས། །འདུ་བྱེད་བྲལ་བ་རྣམས་ལ་ཡང༌། །སངས་རྒྱས་ཉིད་མེད་བྱང་ཆུབ་མེད། །སེམས་ཅན་མེད་ཅིང་སྲོག་ཉིད་མེད། །རྣམ་པར་ཤེས་པའི་ཆོས་ཉིད་ལས། །ཡེ་ནས་དག་པ་གོས་པ་མེད། །རང་བཞིན་འོད་གསལ་ཆོས་རྣམས་ནི། །ཆོས་ཀྱི་དབྱིངས་ཀྱིས་བགྲོད་པར་གནས། །ཞེས་ཚིགས་བཅད་ལྔས་རིམ་པ་ལྟར་གཟུགས་སོགས་ཕུང་པོ་ལྔ་སྒྲིབ་བྲལ་མེ་ལོང་མཉམ་ཉིད་སོར་རྟོགས་བྱ་གྲུབ་ཆོས་དབྱིངས་ཡེྃ་ཤེྃས་ཆེནྃ་པོྃ་ལྔྃ་ཉིདྃ་དུ་གནྃས་པར་སྟོན་པ་ལྟར་ལ། མདོར་ན་ཡེ་ཤེས་ཆེན་པོ་དེ་ནི་གཟུང་འཛིན་སེམས་ཀྱི་རྟོགས་པས་མ་བསླད་པའི་དྭངྃས་མྃ་སྟེ་ཏིང་འཛིན་རྒྱལ་པོ་ལས། དག་པ་དྭངས་བ་འོད་གསལ་བ། །མི་འཁྲུགས་འདུས་མ་བྱས་པ་ཉིད། །བདེ་བར་གཤེགས་པའི་སྙིང་པོ་སྟེ། །ཡེ་ནས་གནས་པའི་ཆོས་ཉིད་དོ། །ཞེས་སོ། །དེ་ནི་དུས་གསུམ་གྱི་ཆས་དབྱེ་རྒྱུ་མེད་པས་མིྃ་ཤིགྃས་པ། སྤང་གཉེན་གང་གི་ཕྱོགས་སུ་མ་ལྷུང་བས་ཐིགྃ་ལེྃ་ཉག་ཅིག །འཁོར་འདས་ཀུན་གྱི་སྲོག་ཏུ་གནས་པས་དཔྱིདྃ་ཅེས་བསྟན་པ་དེ་མངོན་དུ་གྱུར་བ་མཆོག་ཏུ་མི་འགྱུར་བའི་བདེྃ་བ་ཆེནྃ་པོར་ཟག་མེད་ཀྱི་ཡོན་ཏན་ཐམས་ཅད་ཀྱིས་གང་བས་ཡེ་ཤེས་རངྃ་སྣངྃ་ཉིདྃ་དུྃ་འཕེལ་འགྲིབ་བྲལ་བས་འོད་གསྃལ་འཕོ་འགྱུར་མེད་པའི་དགོངས་པ་གཤིས་ཀྱི་གནས་ལུགས་འཕོ་འགྱུར་མེད་པ་ཉིདྃ་ལསྃ་དཀྱིལ་འཁོར་རབ་འབྱམས་སྤྲོ་བསྡུ་ཐམས་ཅད་ཞི་ཁྲོ་རབ་འབྱམས་གཙོ་འཁོར་རྣམ་རོལ་ཐམས་ཅད་དེ་ཉིདྃ་དུྃ་འཁོར་འདས་སྣ་ཚོགས་གངྃ་སྣངྃ་བ་ལྟར་སྟོན་ཡངྃ༌། དོ་ཧ་ལས། རྟོགས་པར་གྱུར་ན་ཐམས་ཅད་དེ་བཞིན་ཏེ། །དེ་ལས་གཞན་པ་སུས་ཀྱང་མི་ཤེས་སོ། །ཞེས་གསུངས་པ་ལྟར་རབ་འབྱམས་རྒྱལ་བ་ཀུན་གྱི་ཐུགས་རྡོྃ་རྗེྃ་སེམྃས་དཔྃའ་སངས་རྒྱས་ཉིད་ཀྱི་སྤྱོད་ཡུལ་ལས་སུས་ཀྱང་མི་རྟོགས་པས་ནམྃ་མཁྃའ་ཆེྃ་ཡི་ཀློང་ལས་གསང་བ་གསུམ་གྱི་ཟབ་རྒྱས་ཀྱི་ཡོན་ཏན་ཀུནྃ་ཀྱངྃ་དགོངས་པ་དེྃ་ལསྃ་ནམ་ཡང་མྃ་འདྃས་པྃས་རྟོགས་བྱ་གཞི་དང༌། རྟོགས་བྱེད་ལམ། རྟོགས་པ་མཐར་ཕྱིན་འབྲས་བུ་ཐམས་ཅད་ཆོས་ཉིད་བྱ་རྩོལྃ་མེྃད་པའི་དབྱིངས་སུ་ཡེ་ནས་མངོན་སངས་རྒྱས་ཟིན་པ་དང་མ་བཅོས་འབྲསྃ་བུའིྃ་རྒྱལྃ་པོྃ་ཀུན་བཟང་རྡོ་རྗེ་སེམས་དཔའ་ཉིད་དུ་འགྲུབྃ་ཟིན་པའོ། །གསུམ་པ་ཐ་མར་དགེ་བ་རྫོགས་ཚིག་གི་མཇུག་བསྡུ་བ་ནི། དཔལ་གསང་བ་སྙིང་པོ་སྒྱུྃ་འཕྲུལྃ་དྲྭྃ་བྃ་ཆེན་པོ་རྩ་བཤད་མན་ངག་གི་རྒྱུྃད་ཆེནྃ་པོྃའི་དབྱེ་བ་ནི་སྟོན་པ་རྡོ་རྗེའི་ཐུགས་ཀྱི་གསང་བ་ལས་གཞན་གང་གིས་ཀྱང་རྫོགས་པར་ཚད་གཟུང་མི་ནུས་ཀྱང༌། དེ་ཁོ་ན་ཉིད་ངེས་པའི་ཐེག་པ་ཆེན་པོ་འབྱུང་བའི་དུས་བཅུ་གཉིས་སུ་གསུངས་པ་ལས། སྔགས་ནི་ལས་ཅན་སྤྲུལ་བའི་ངོར༔ རང་བཞིན་ཉིད་དུ་འབྱུང་བ་ལས༔ ཞེས་པ་ལྟར་ཆོས་འདིའི་གདུལ་བྱ་སྐབས་སུ་བབ་པའི་ཚེ་སོ་སྐྱེ་ཐ་མའི་ཐ་མ་བདག་ལྟ་བུ་ལ་ཡང་སངས་རྒྱས་ཀྱི་ཕྲིན་ལས་འཇུག་པའི་ཡུལ་དུ་གྱུར་ནས། རང་ལོ་བཅུ་ཕྲག་གསུམ་དང་བཞིའི་ལྷག་པའི་དུས་ཉམས་རྨིས་ཀྱི་སྣང་ཆར་མིག་ནས་འོད་ཀྱི་ཟེར་ཐག་ཟླ་ཟེར་ལྟ་བུ་ཁམས་ཀློང་ཐང་སྒྲོལ་མའི་གཙུག་ལག་ཁང་ཆེན་པོའི་ཤར་ཕྱོགས། རྟོགས་ལྡན་ཆེན་པོ་སེང་གེ་དཔལ་ཞེས་པའི་སྒྲུབ་གནས། རག་བཀྲམ་བྲག་དཀར་དུ་ཟུག་སྟེ་ས་གཏེར་ཡོད་པའི་གསལ་སྣང་བརྟན་པོ་བྱུང་ཡང་རྟེན་འབྲེལ་དུས་སུ་མ་སོན་པས་བཏང་སྙོམས་སུ་གྱུར་ཀྱང༌། སླར་ཡང་རང་ལོ་ཞེ་གཉིས་པའི་སྟེང་དགོངས་གཏེར་དུ་བརྡ་གྲོལ་བྱུང་བ་ལྟར་ལོ་དེའི་གྲོ་བཞིན་ཟླ་བའི་དམར་ཕྱོགས་ཀྱི་ཚེས་བཅུའི་ཉི་ཤར་ལ་མནྃ་ངགྃ་གསྃང་བྃ་སྙིངྃ་པོའིྃ་རྒྱུད་ཀྱི་ཡང་ཏིག་ཟབ་རྒྱས་སྔོན་འགྲོ་དངོས་གཞིའི་ལམྃ་ཚང་ལ་མ་ནོར་ཉམས་ལེན་གྱི་མཐྃར་ཐུགྃ་རྩྃ་བའིྃ་རྒྱུདྃ་ཀྱིྃ་ཉིང་ཁུ་སྙིངྃ་པོ་ལྟ་བུ་འདི་ནི་ངེས་པ་དོན་གྱི་རིགྃ་སྟོངྃ་རྡོྃ་རྗེྃ་སེམྃས་དཔྃའ་སྟངས་དཔྱལ་གྱིས་རྒྱུད་གསུམ་ཆིག་རྫོགས་སུ་བསྟནྃ་པའི་སྐལ་བཟང་ཐོབ་པ་འདི་ཡི་གེར་བཏབ་སྟེ་ཁྱབ་བདག་འཁོར་ལོའི་མགོན་པོ་སངས་རྒྱས་གཉིས་པའི་ཞལ་སྐྱིན་པདྨ་ཡེ་ཤེས་རྡོ་རྗེ་ལ་དགྱེས་པའི་མཆོད་སྤྲིན་དུ་ཕུལ་ཞིང་རང་གིས་ཀྱང་ཇི་ལྟར་ནུས་པའི་ཉམས་ལེན་དང༌། ཡིད་ཆེས་དོན་གཉེར་ཅན་ལའང་ཅི་རིགས་སྤེལ་བའི་གུྃ་ཧྱྃ་གྷྃརྦྷྃ་རྫོགྃས་སོྃ། །ཞེས་སྨོས་པའོ། །གཉིས་པ་ཕྱི་ནང་གསང་བ་བླ་མེད་ཀྱི་སྒྲུབ་བྱེད་ལམ་གྱི་རྣམ་བཞག་ཇི་ལྟར་ཉམས་སུ་ལེན་པའི་ཚུལ་ལ་བཞི་ལས། དང་པོ་ཕྱི་སྒྲུབ་བསགས་སྦྱང་སྙིང་པོར་བྱེད་པས་སྒྲུབ་པ་ལ། ལམ་སྤྱིའི་སྔོན་འགྲོ་དང༌། ཕྱི་སྒྲུབ་དངོས་གཞིའི་ཉམས་ལེན་གཉིས་ལས། དང་པོ་ལའང༌། ཐུན་ལ་འཇུག་པའི་སྔོན་འགྲོ་དང༌། ལམ་གྱི་སྔོན་འགྲོའོ། །དང་པོ་ནི། དབེན་པའི་གནས་སུ་སྟན་བདེ་བ་ལ་ལུས་གནད་དྲང་པོར་བསྲངས། རླུང་རོ་ལན་གསུམ་གསལ་བས་སྡིག་སྒྲིབ་ཐམས་ཅད་དག་པར་བསམ། དེ་ནས་མཁའ་ཁྱབ་སེམས་ཅན་གྱི་དོན་དུ་ཐེག་པ་ཆེན་པོའི་ལམ་ཟབ་མོ་ཉམས་སུ་ལེན་སྙམ་པས། དཔྃལ་ལྡནྃ་རྩྃ་བའིྃ་བླྃ་མྃ་སོགས་ཀྱིས་རང་གི་སྤྱི་གཙུག་ཏུ་རྩ་བའི་བླ་མ་དངོས་སམ། ངོ་བོ་བླ་མ་ལ་རྣམ་པ་རྡོར་སེམས་དད་མོས་གང་སྐྱེ་སླ་བ་དེ་བསྒོམས་ལ། མོས་གུས་ཚད་མེད་པས། དུས་གསུམ་སངས་རྒྱས་ཐམས་ཅད་ཀྱི་ངོ་བོ་བླ་མ་རིན་པོ་ཆེ་མཁྱེན། བདག་གི་རྒྱུད་བྱིན་གྱིས་བརླབ་ཏུ་གསོལ། ཞེས་རེ་ལྟོས་ལིང་སྐྱུར་གྱིས་གསོལ་བ་བཏབ་རྗེས་བླ་མ་འོད་དུ་ཞུ་བ་རང་གི་སྤྱི་བོ་ནས་བྱོན། སྙིང་དབུས་སུ་ཐིམས་པས་རང་སེམས་གཉུག་མའི་གཤིས་ལུགས་དང་གཅིག་ཏུ་འདྲེས་པར་བསམ་ལ་མཉམ་བཞག་གི་ངང་བསྐྱང་བར་བྱའོ། །གཉིས་པ་ལམ་གྱི་སྔོན་འགྲོ་ནི། གཏེར་གཞུང་ལས། དང་པོ་རྡོ་རྗེ་སེམས་བསྒོམ་ན༔ ངེས་འབྱུང་བསམ་པ་ཡང་དག་བསྐྱེད༔ དལ་བའི་རྟེན་ནི་ངེས་རྙེད་ཅིང༔ ཆོས་ཀུན་མི་རྟག་རྨི་ལམ་བཞིན༔ ཕྱི་མའི་ལམ་ནི་རྒྱུ་འབྲས་ཕྱིར༔ དེ་ལས་སྲིད་པའི་སྡུག་བསྔལ་སྣང༔ སྡུག་བསྔལ་ཆེ་ལས་ངེས་བསྒྲལ་ཕྱིར༔ བསླུ་མེད་སྐྱབས་གསུམ་སྙིང་ནས་བསྟེན༔ བདག་བས་གཞན་གཅེས་བློ་གྲོས་ཀྱིས༔ བླ་ན་མེད་པའི་སེམས་བསྐྱེད་ཅིང༔ ཞེས་པ་སྟེ་ཐེག་པ་ཆེ་ཆུང་ཉིད་ལམ་གང་ཉམས་སུ་བླང་ཀྱང་ངེས་འབྱུང་གི་བསམ་པ་གཤའ་མ་ཞིག་རྒྱུད་ལ་མ་སྐྱེས་ན་ཆོས་ཡང་དག་པ་ཞིག་ཏུ་འགྲོ་བའི་ཐབས་མེད་པས་འཁོར་བའི་བྱ་བ་ཐམས་ཅད་རང་མགོ་རང་གིས་བསྐོར་སྟེ་རང་ཕུང་བའི་མཚང་དེ་ངོས་ཟིན་དགོས། དེ་ཇི་ལྟར་འཛིན་ན། ཡང་ཡང་རྙེད་དཀའ་ཞིང་དོན་ཆེན་པོ་དང་ལྡན་པའི་རྟེན་ཕུན་སུམ་ཚོགས་པ་མི་ལུས་རིན་པོ་ཆེ་ད་རེས་རྙེད་པའི་དུས་འདིར་གཏན་བདེའི་འདུན་མ་དམ་པའི་ཆོས་ཁོ་ན་བསྒྲུབས་ན་རྟེན་བཟང་རྙེད་པ་དོན་དང་ལྡན་ཞིང་བདེ་ནས་བདེ་བར་འགྲོ་བ་དེ་མི་ཤེས་པར། དབང་པོ་སྒོ་ལྔ་ཚང༌། རྣམ་རིག་སྤྱང་གྲུང་དང་ལྡན། ལང་ཚོ་དར་ལ་བབ་ཚེ་དགྲ་འདུལ་གཉེན་སྐྱོང༌། ཞིང་ཁ་སོ་ནམ། ཚོང་ཁེ་དཔོག །ཁ་དྲག་དཔུང་པ་འབའ་ཞིག་བསྒྲུབས་པས་མི་ལུས་དོན་མེད་དུ་ཟད། སྡིག་པའི་ཕུང་པོ་བསགས། ཉིན་མཚན་ཀུན་ཏུ་འདིར་སྣང་འབའ་ཞིག་ལ་གཡེང༌། མཇལ་དཀའ་བའི་སངས་རྒྱས་ཀྱི་བསྟན་པའི་ཆེ་བ་མི་ཤེས། བླ་མ་དགེ་བའི་བཤེས་དང་མི་འགྲོགས། དགེ་བ་ཏིལ་འབྲུ་ཙམ་བྱས་ན་ཆེན་པོར་རློམས། ལས་ཉོན་གྱི་ཕུང་པོ་བསགས་ཞིང་ཇེ་ཆེར་བཏང༌། འཇིག་རྟེན་མགུ་བའི་ཁ་དྲག་དང་སྙན་གྲགས་ལ་ཆོག་མི་ཤེས་པར་ཡེངས་པའི་ཚེ། འཆི་བདག་གི་ཞགས་པ་གློ་བུར་དུ་ཐེབས་པའི་ཚེ་ཉེས་ཅན་བཙོན་དུ་བཟུང་བ་བཞིན་བློ་གཡེང༌། འཇིགས་སྐྲག་དང་སྡུག་བསྔལ་ཐོག་ཏུ་བབ་ནས་བློ་མི་བདེ་བཞིན་དེའི་མལ་དུ་ལྷུང༌། བསགས་ཤིང་བསྲུང་བའི་དཔལ་འབྱོར་མ་ཚད་ཤིན་ཏུ་གཅེས་སྤྲས་བྱས་པའི་ལུས་ཀྱང་མདངས་ཤོར། ཁྲུས་དང་བྱི་དོར་གྱི་རེ་བ་བྲལ། ཡན་ལག་བརྐྱང་བསྐུམ་ཙམ་ལའང་ངལ་བ་ཐོབ། ཟས་ནོར་ལོངས་སྤྱོད་དབང་ཐང་དགྲ་གཉེན་གནས་ཡུལ་གང་ཡང་རྗེས་སུ་མི་འབྲང་བས་ཕན་གནོད་སྤུ་ཙམ་མེད་པར་ད་དུང་ཡིད་འཕྲེང༌། རང་གི་རྗེས་སུ་འབྲང་ཐབས་མེད་པས་ཡིད་སྐྱོ། ཕ་མ་གཉེན་གྲོགས་སོགས་ཀྱིས་མིག་མཆི་མ་ཙ་རེ་བལྟ། སྡང་དགྲ་ལ་སོགས་ཀྱིས་རང་རྒུད་པ་མཐོང་སྐབས་གློ་ཁུམས། ཆོས་བསྒྲུབ་པས་ཕན་པར་ཤེས་ཀྱང་བྱ་ཐབས་བྲལ། རྒྱལ་ཕམ་སྐྱིད་སྡུག་གང་བྱུང་ཀྱང་ཕན་པ་མེད་པར་ཤེས་ཀྱང་ཕྱིས། ཕྱི་མའི་ལམ་པོ་ཆེ་རང་ཉིད་གཅིག་པུར་འགྲོ་དགོས་སྙམ་བག་གྲང༌། རང་མ་ཚད་སྣོད་བཅུད་འཇིག་རྟེན་ཐམས་ཅད་རྨི་ལམ་ལྟར་ཡིན་ཀྱང་མ་ཤེས། འདིར་བྱས་པའི་དགེ་སྡིག་གི་ལས་གཉིས་པོ་ནི་ལུས་དང་གྲིབ་མ་བཞིན་ཅི་ནས་ཀྱང་འགྲོགས། སྡིག་པ་བྱས་ཟིན་པ་སྐྱུར་དབང་ནི་མེད། དགེ་བ་རང་གི་མ་བྱས་པས་ཁྱེར་རྒྱུ་མེད། ཚེ་འདིར་ཞེན་ཆེ་བས་སྡིག་པ་ནི་ཆེ། དགེ་བ་ནི་ཆུང༌། ཤི་བའི་རྗེས་གཉེན་འདུན་སོགས་ཀྱིས་དགེ་བ་རེ་བྱས་ཀྱང་ཕལ་ཆེར་གཟུགས་བརྙན་ཙམ་དུ་སོང༌། ཇི་ལྟར་བྱས་ཀྱང་དང་པོ་ནས་འདུན་མ་གཏན་ཉེས་སུ་སོང་བས་འཁོར་བ་ལས་ཐར་བའི་ཐབས་མེད། མི་ལུས་རིན་པོ་ཆེ་གཅིག་རྙེད་པ་འཕྲོ་བརླག་ཏུ་སོང་བས། ད་ངན་སོང་གི་ལུས་ལས་མི་ལུས་ཐོབ་དཀའ། མཐོ་རིས་གསུམ་དུ་སྐྱེས་ཀྱང་སྡུག་བསྔལ་ལས་མ་འདས། ལས་ཀྱི་དབང་གིས་འཁོར་བ་གང་དུ་སྐྱེས་ཀྱང་སྡུག་བསྔལ་ལས་མ་འདས། ད་ལྟའི་སྡུག་བསྔལ་ཕྲ་མོ་འདི་ཡང་མི་བཟོད་ན་ངན་སོང་གསུམ་དུ་སྐྱེས་ན་ཅི་ཚུགས་བྱེད། མི་སྐྱེ་བའི་གདེང་ནི་མེད། དེར་སྐྱེ་བའི་ལས་ནི་མང་པོ་བསགས་ཟིན། འདིར་སྣང་གི་བདེ་བ་ཕྲ་མོ་འདི་གཉིད་ཐུན་གཅིག་གི་རྨི་ལམ་བཟང་པོ་འདྲ་སྟེ། འགྱུར་ཞིང་འགྲོ། ཚེ་འདིའི་འཇིག་རྟེན་ཆོས་བརྒྱད་ཀྱི་དོན་ཇི་ཙམ་དཀའ་ངལ་བྱུང་ཡང་འཚེར་སྣང་མེད། ཆོས་ཕྱིར་ངལ་དུབ་ཕྲ་མོ་ཙམ་ཡང་དཀའ་བ་ཆེན་པོ་སྤྱད་པའི་བྱས་ཡུས་འདྲེན། སྲིད་པའི་སྡུག་བསྔལ་མིག་གིས་མཐོང་ཞིང༌། རང་ཐོག་ཏུ་བབ་བཞིན་དུ་ཡང་ཉེས་པ་རུ་མི་མཐོང་བ་འདི་ཁ་ནང་དུ་བསྐོར་ཏེ་བག་ཕེབས་པས་བསམ་མནོ་བཏང་མ་ཤེས་པས་ལན། འཁོར་བའི་རྒྱལ་ཕམ་སྐྱིད་སྡུག་ཀྱང་རེས་མོས་ལས་རྟག་ཐུབ་པ་གཅིག་ཀྱང་མེད། འཁོར་བའི་བདེ་སྐྱིད་ཇི་ལྟར་བཟང་ཡང་མཐར་སྡུག་བསྔལ་དུ་མི་འགྱུར་བ་མེད་པས་སྙིང་པོ་མེད། དགེ་བ་ཕྲ་མོ་ཞིག་བྱས་ཀྱང་དེའི་འབྲས་བུ་བདེ་བ་ལས་སྡུག་བསྔལ་དུ་ནམ་ཡང་འགྱུར་མི་སྲིད། དེས་ན་དམ་པའི་ཆོས་ལས་གཞན་པའི་བྱ་སྤྱོད་ཐམས་ཅད་བྱས་པ་དོན་མེད་སྡུག་བསྔལ་གྱི་འཁོར་ལོ་ལས་ནམ་ཡང་མ་འདས་སྙམ་དུ་སྙིང་ཁོང་རུས་པའི་གཏིང་ནས་ཡང་ཡང་བསམ་ཞིང་ལག་ལེན་དུ་ཐེབ་པ་ཞིག་དགོས་པས་འདིར་སྙིང་པོ་ཙམ་སྟེ། རྒྱས་པར་ཁྲིད་གཞུང་གཞན་ལྟར་སྒོམ་ཞིང་མྱོང་བ་ཐོབ་པ་གལ་ཆེ་བ་ཡིན་ནོ། །གཉིས་པ་ཕྱི་སྒྲུབ་དངོས་གཞིའི་ཉམས་ལེན་ལ་གསུམ། ཐེག་པ་ཆེ་ཆུང་སྤྱིའི་ཉམས་ལེན་སྐྱབས་འགྲོ་དང༌། ཐེག་པ་ཆེན་པོའི་ཁྱད་པར་གྱི་ཉམས་ལེན་བྱང་ཆུབ་སེམས་བསྐྱེད། རྡོ་རྗེ་ཐེག་པའི་ལམ་མཆོག་བླ་མ་རྡོ་རྗེ་སེམས་དཔའི་སྒོམ་བཟླས་སོ། །དང་པོ་ནི་ནང་པ་སངས་རྒྱས་པ་ཡིན་ནས་བཟུང་སྐྱབས་སུ་མི་འགྲོ་བ་མེད་ཀྱང༌། ཐེག་པ་ཆེ་ཆུང་གི་དབྱེ་བ་ཡོད་དེ། སངས་རྒྱས་མཆོག་གི་སྤྲུལ་སྐུ། ཆོས་བདེན་བཞི་དང་ལྷག་པ་ཚུལ་ཁྲིམས་ཀྱི་བསླབ་པ། དགེ་འདུན་ཕྱི་གཟུགས་རྟགས་ཀྱི་འདུལ་བ། སྐྱབས་སུ་འགྲོ་བྱེད་ཀྱི་གང་ཟག་ཉན་རང༌། སྐྱབས་སུ་འགྲོ་ཚུལ་རང་དོན་དུ་བྱེད་པ་ཐུན་མོང་གི་སྐྱབས་འགྲོ་ལ་བརྟེན་ནས་སོ་ཐར་གྱི་སྡོམ་པ་སྐྱེ། སྡོམ་པ་སྦྱིན་པ་ཆོ་གའི་དུས་སུ་ཐོབ། ལམ་བདེན་བཞི་སྤང་བླང་ལ་སྦྱང༌། འབྲས་བུ་དགྲ་བཅོམ་ཐོབ། ཐེག་པ་ཆེན་པོའི་སངས་རྒྱས་སྐུ་གསུམ། ཆོས་ལྷག་པ་ཤེས་རབ་ཀྱི་བསླབ་པ་དོན་དམ་རྣམ་པར་ངེས་པ། དགེ་འདུན་ཐེག་ཆེན་བྱང་སེམས། གང་ཟག་དབང་པོ་རྣོ་རྟུལ་གཉིས། སྐྱབས་སུ་འགྲོ་ཚུལ་ཚད་མེད་བཞིས་རང་གཞན་གྱི་དོན་བྱེད། ཁྱད་པར་གྱི་སྐྱབས་འགྲོ་ལ་བརྟེན་ནས་སྡོམ་པ་སྐྱེ། སེམས་བསྐྱེད་ཀྱི་དུས་སུ་སྡོམ་པ་ཐོབ། ལམ་ཕར་ཕྱིན་དྲུག་ལ་བསླབས་པས་གྲངས་མེད་གསུམ་ནས་སངས་རྒྱས་ཐོབ། གསང་སྔགས་རྡོ་རྗེ་ཐེག་པའི་སྐྱབས་འགྲོ་ནི། སངས་རྒྱས་སྐུ་ལྔ་དབྱེར་མེད། ཆོས་རྡོ་རྗེ་ཐེག་པ་བསླབ་པ་གསུམ་རྫོགས་གསང་སྔགས། དགེ་འདུན་ཡང་དག་དོན་གྱི་དགེ་འདུན། གང་ཟག་སྡོམ་པ་གསུམ་ལྡན། སྐྱབས་སུ་འགྲོ་ཚུལ་རང་གི་སྒོ་གསུམ་དང་དཀོན་མཆོག་གསུམ་དབྱེར་མེད། བླ་མེད་ཀྱི་སྐྱབས་འགྲོ་དེ་ལ་བརྟེན་ནས་སྔགས་སྡོམ་སྐྱེ། དབང་དུས་སུ་ཐོབ། རིམ་གཉིས་སྦྱངས་པས་སྐྱེ་བ་གཅིག་གམ་ལྔ་ལ་སངས་རྒྱས། ཁྱད་པར་ཨ་ཏི་ཡོ་ག །རིག་པ་སྐུ་བཞིར་གནས་པ་སངས་རྒྱས། དེ་ངོ་ཤེས་པ་ཆོས། ཟག་མེད་ཀྱི་དགོངས་སྤྱོད་ལ་དགེ་འདུན། གང་ཟག་དབང་པོ་ཡང་རབ། སྐྱབས་སུ་འགྲོ་ཚུལ་རང་སེམས་ལས་གཞན་དུ་དཀོན་མཆོག་ལོགས་ན་མེད་པར་རྟོགས་པ་སྐྱབས་འགྲོ་སྟེ་དེ་དག་ཀྱང་གང་ཟག་གཅིག་གིས་འགལ་མེད་གཅིག་དྲིལ་དུ་ཉམས་སུ་ལེན་དགོས་པས། སྤྱིར་ཁམས་གསུམ་འཁོར་བ་ལ་འཇིགས་པ་ཐེག་དམན་གྱི་ཀུན་སློང༌། སྒོས་རང་དོན་ཡིད་བྱེད་ལ་འཇིགས་པ་ཐེག་ཆེན་གྱི་ལམ་གྱི་མི་མཐུན་ཕྱོགས། ཁྱད་པར་ཐ་མལ་འཁྲུལ་འཛིན་ལ་འཇིགས་པ་རྡོ་རྗེ་ཐེག་པའི་ལམ་བཟང་གི་སྤང་བྱ་སྟེ། འཇིགས་པ་དེ་ལས་སྐྱོབ་པའི་ཕྱིར་གང་ལ་སྐྱབས་སུ་འགྲོ་བ་མདོ་སྔགས་ཐུན་མོང་གི་སངས་རྒྱས་ལ་སྟོན་པ། ཆོས་ལ་ལམ། དགེ་འདུན་ལ་གྲོགས་སུ་ཁས་བླངས་ན་སྐྱབས་སུ་འགྲོ་བ་རྒྱུའི་སྐྱབས་འགྲོ། མཐར་ཐུག་སྐྱབས་གསུམ་དབྱེར་མེད་སངས་རྒྱས་དེ་ཐོབ་པར་བྱས་ནས་དཀོན་མཆོག་གསུམ་གྱི་གདུང་མི་གཅོད་པ་འབྲས་བུའི་སྐྱབས་འགྲོ་དང༌། གསང་སྔགས་ཀྱི་བྱིན་རླབས་ཀྱི་རྩ་བ་བླ་མ། དངོས་གྲུབ་ཀྱི་རྩ་བ་ཡི་དམ། ཕྲིན་ལས་ཀྱི་རྩ་བ་མཁའ་འགྲོ་གསུམ་ལ་སྐྱབས་སུ་འགྲོ་དགོས་ཀྱང་ཡི་དམ་ནི་སངས་རྒྱས། མཁའ་འགྲོ་ཆོས་སྐྱོང་ཡེ་ཤེས་པ་དགེ་འདུན། བླ་མ་དཀོན་མཆོག་ཀུན་འདུས་ཡིན་པས་དོན་གཅིག །ཐུན་མོང་མ་ཡིན་པའི་དབང་དུ་བྱས་ན་དཀོན་མཆོག་གསུམ་མཐར་ཐུག་པ་སངས་རྒྱས་ཆོས་སྐུ། དེ་ཉིད་གཞན་རྒྱུད་ལ་བྱོན་ཟིན་པ་རྒྱུའི་སྐྱབས། རང་སེམས་ངོ་བོ་སྟོང་པ་ཆོས་སྐུ། རང་བཞིན་གསལ་བ་ལོངས་སྐུ། གསལ་སྟོང་གཉིས་མེད་སྤྲུལ་སྐུ་སྟེ་གང་ལ་སྐྱབས་སུ་འགྲོ་བའི་ཡུལ་དང༌། གང་སྐྱབས་སུ་འགྲོ་བ་པོ་ཐ་དད་དུ་གྲུབ་པ་རྡུལ་ཙམ་མེད་པ་ཡེ་སངས་རྒྱས་པ་སྟེ། དོན་གྱི་ཡིན་ལུགས་དེ་ལྟ་བ་གདིང་དང་ལྡན་པ། སྒོམ་པ་ཉམས་དང་ལྡན་པ། སྤྱོད་པ་རོ་སྙོམས་དང་ལྡན་པས་དུས་ཇི་ཙམ་ན་སངས་རྒྱས་ཀྱི་བར་དུ་སྐྱབས་སུ་སོང་བས། དགོས་པ་སངས་རྒྱས་མྱུར་དུ་ཐོབ་པའི་ཕྱིར། ཚུལ་ཇི་ལྟར་སྐྱབས་སུ་འགྲོ་ཚུལ་ནི། རང་གར་གནས་པའི་ས་ཕྱོགས་འདི་ཉིད་རིན་པོ་ཆེའི་ས་གཞི་ཡངས་ཤིང་རྒྱ་ཆེ་བ་ཁོད་སྙོམས་པར་གྱུར་པའི་དབུས་སུ་དཔག་བསམ་གྱི་སྡོང་པོ་ཡལ་འདབ་མེ་ཏོག་འབྲས་བུས་དུད་པ། དེའི་ཡལ་ག་དབུས་དང་ཕྱོགས་བཞིར་གྱེས་པའི་དབུས་མ་ལ་གདན་ཁྲིའི་བཀོད་པ་མཐོ་ཞིང་ཡངས་པར་རྩ་བའི་བླ་མ་སྐུ་དངོས་སམ་རྡོ་རྗེ་སེམས་དཔའི་རྣམ་པ། དེའི་སྟེང་ནས་མར་བརྒྱུད་པའི་བླ་མ་རྣམས་ཐོ་བརྩེགས་ཀྱི་རྣམ་པ་ཅན་དཀོན་མཆོག་ཀུན་འདུས་ཀྱི་ངོ་བོར་བཞུགས་པ། ཕྱོགས་བཞིར་གྱེས་པའི་ཡལ་ག་ལས། མདུན་མཁར་ཁྱད་པར་གྱི་ཡི་དམ་རྒྱལ་བ་དཀྱིལ་འཁོར་གྱི་ལྷ་ཚོགས། གཡས་སུ་ཐུན་མོང་གི་སངས་རྒྱས་སྟོན་པ་ཐུབ་པའི་དབང་པོ་སོགས་ཕྱོགས་བཅུ་དུས་གསུམ་གྱི་སངས་རྒྱས་མཆོག་གི་སྤྲུལ་སྐུ་རྣམས། རྒྱབ་ཏུ་ཆོས་དཀོན་མཆོག་གླེགས་བམ་བརྩེགས་པའི་རྣམ་པ་ཅན། གཡོན་དུ་ཐུན་མོང་གི་དགེ་འདུན་བྱང་སེམས་དང་ཉན་རང་འཕགས་པ། དེ་ཐམས་ཅད་ཀྱི་མཐའ་བསྐོར་དུ་ཁྱད་པར་གྱི་དགེ་འདུན་མཁའ་འགྲོ་ཆོས་སྐྱོང་ཡེ་ཤེས་པ་རྣམས་སྤྲིན་ཕུང་ལྟ་བུར་བཞུགས་པར་མོས་ལ། རང་དང་ལྷན་ཅིག་ཏུ་མཁའ་མཉམ་གྱི་སེམས་ཅན་ཐམས་ཅད་འདུས་ནས་སྐྱིད་སྡུག་ལེགས་ཉེས་ཁྱེད་རང་ཤེས་སྙམ་དུ་རེ་ལྟོས་ལིང་སྐྱུར་གྱི་མོས་གུས་གདུང་ཤུགས་དྲག་པོས་སྐྱབས་འགྲོ་བྱེད་པར་མོས་ཏེ། ན་མོ༔ བླ་མ་དཀོན་མཆོག་གསུམ་གྱི་དངོས༔ ཁྱབ་བདག་རྡོ་རྗེ་སེམས་དཔའ་ལ༔ བདག་དང་མཐའ་ཡས་སེམས་ཅན་རྣམས༔ བྱང་ཆུབ་བར་དུ་སྐྱབས་སུ་མཆི༔ ཞེས་ཅི་ནུས་སུ་བརྗོད་ཅིང༌། ཐུན་འཇོག་ཁར། སྐྱབས་ཡུལ་རྣམས་ཀྱི་སྐུ་ལས་འོད་ཟེར་འཕྲོས། རང་གཞན་སེམས་ཅན་ཐམས་ཅད་ལ་ཕོག་པས་སྡིག་སྒྲིབ་སྦྱངས། སེམས་ཅན་ཐམས་ཅད་དག་པའི་ཞིང་དུ་སོང༌། སྐྱབས་ཡུལ་རྣམས་འོད་དུ་ཞུ་བ་རང་ལ་བསྟིམས་ཏེ་བསྔོ་བ་བྱ། དེ་ལྟར་སྐྱབས་སུ་སོང་ནས་སྤང་བའི་བསླབ་བྱ། སངས་རྒྱས་ལ་སྐྱབས་སུ་སོང་ནས་ལྷ་གཞན་མི་བསྟེན། ཆོས་ལ་སྐྱབས་སུ་སོང་ནས་གཞན་ལ་མི་འཚེ། དགེ་འདུན་ལ་སྐྱབས་སུ་སོང་ནས་མུ་སྟེགས་དང་མི་འགྲོགས། བླ་མར་སྐྱབས་སུ་སོང་ནས་མཆོད་འོས་མི་བསླུ། སྐུར་བ་མི་འདེབས། དམ་པའི་གྲོགས་དང་འགྲོགས། བསྒྲུབ་བྱའི་བསླབ་བྱ། སྐུ་གཟུགས་ཆག་དུམ་ཡན་ཆད་དང༌། ཡི་གེ་འབྲུ་གཅིག །ལྷན་པ་དམར་པོ་ཡན་ཆད་བཀུར་བསྟི་བྱ། གུས་པས་སྤྱི་བོར་བླང༌། དམ་པའི་སྐྱེས་བུ་བསྟེན། ཆོས་ཉན། དགེ་འདུན་དང་མཐུན་པར་འགྲོགས། ལས་ཅི་ལ་ཐུག་ཀྱང་དཀོན་མཆོག་མི་སྤང༌། ཡོན་ཏན་དྲན། ཟས་གོས་སོགས་ཕུད་ཀྱིས་མཆོད། ཉིན་མཚན་ཀུན་ཏུ་སྐྱབས་འགྲོ་མི་བརྗེད་པའོ། །འབྲས་བུའི་བསླབ་བྱ་འཁོར་འདས་ཀྱི་ཆོས་ཐམས་ཅད་མཉམ་པར་ཤེས་ཤིང་སྣང་སྲིད་དཀྱིལ་འཁོར་དུ་ཤེས་པའི་དག་སྣང་བྱ། བླ་མ་ལ་སྐྱབས་སུ་སོང་ནས་གསོལ་འདེབས་དག་སྣང་བྱ། ཡི་དམ་ལ་སྐྱབས་སུ་སོང་ནས་དེའི་བསྐྱེད་རྫོགས་སྒོམ་བཟླས་བྱ། མཁའ་འགྲོར་སྐྱབས་སུ་སོང་ནས་ཚོགས་དང་གཏོར་མས་མཆོད། ལྟ་བ་སངས་རྒྱས་དང་སེམས་ཅན་མཉམ་པར་བལྟ། སྒོམ་པ་ལྷུག་པ་གཏད་མེད་དུ་བཞག །སྤྱོད་པ་བདེ་སྡུག་རོ་སྙོམས་བྱའོ། །དེ་ལྟར་ཉམས་སུ་བླང་བས་ནང་པའི་གྲལ་དུ་ཆུད། ངན་འགྲོར་མི་སྐྱེ། སྡོམ་པ་ཀུན་གྱི་རྟེན་དུ་འགྱུར། ཚོགས་གཉིས་ཡོངས་སུ་རྫོགས་ནས་སངས་རྒྱས་འཐོབ་པར་འགྱུར་རོ། །དེ་ལྟར་མདོ་སྔགས་ཀྱི་སྐྱབས་འགྲོ་ཐམས་ཅད་གནད་གཅིག་ཏུ་དྲིལ་ནས་རྩེ་གཅིག་ཉམས་སུ་བླངས་ན་བློ་རྒྱུད་དཀོན་མཆོག་གསུམ་གྱི་བྱིན་རླབས་ཀྱིས་ཆོས་སུ་འགྲོ། ཐེག་པ་ཐམས་ཅད་འགལ་མེད་དུ་ཡོད་པ་ཁ་བསྒྱུར་བས་ཆོས་ཡང་དག་པའི་ལམ་དུ་འགྲོ། ལམ་རྟགས་ཀྱི་ཡོན་ཏན་རྫོགས་པས་ལམ་འཁྲུལ་པ་སེལ། འཁྲུལ་སྣང་འཁོར་བ་ལ་རྒྱབ་ཀྱིས་ཕྱོགས་པས་འཁྲུལ་པ་ཡེ་ཤེས་སུ་འཆར་བར་བྱེད་པས་ན། འདི་ནི་ནང་པ་སངས་རྒྱས་པའི་ཆོས་ཀྱི་རྩ་བ་ཉམས་སུ་ལེན་བདེ་ཞིང་འབྲེལ་བ་ཐེབས་ཆོག་ཡིན་པས་སྐྱབས་འགྲོའི་དོན་ལ་བློ་བཞག་སྟེ་གྲངས་འབུམ་ཕྲག་སོགས་བསགས་པ་ནི་ཤིན་ཏུ་གལ་ཆེའོ། །གཉིས་པ་ཐེག་པ་ཆེན་པོའི་ཁྱད་པར་གྱི་ཉམས་ལེན་བྱང་ཆུབ་ཏུ་སེམས་བསྐྱེད་པའི་ཁྲིད་ནི་རང་རེ་ད་ལྟ་མན་ཆད་དུ་འཁོར་བ་ལུ་གུ་རྒྱུད་དུ་འཁྱམས་དགོས་པ་བྱུང་བ་ནི་བདག་གཅེས་འཛིན་གྱི་བློ་ངན་འདིས་བྱས་པ་ཡིན། བདག་འཛིན་དེ་རྩད་ནས་ཕྱུང་སྟེ་གཞན་སེམས་ཅན་ཐམས་ཅད་ད་ལྟ་རྩ་བའི་ཕ་མ་ལྟར་ཤེས་པས་སྡུག་བསྔལ་དང་བྲལ་འདོད། བདེ་བ་དང་ལྡན་འདོད་ཀྱི་བློ་བཅོས་མིན་ཞིག་སྐྱེས་ན་ཐེག་ཆེན་བྱང་ཆུབ་སེམས་དཔའི་ལམ་རྣལ་མ་ཡིན། དེ་སྐྱེ་བའི་ཐབས་ལ་ཚད་མེད་པ་བཞིས་བློ་སྦྱོང་དགོས་པས། སེམས་ཅན་བདེ་བ་དང་ལྡན་འདོད་བྱམས་པ། སྡུག་བསྔལ་དང་བྲལ་འདོད་སྙིང་རྗེ། བདེ་བ་ལ་གནས་འདོད་དགའ་བ། ཉེ་རིང་ཆགས་སྡང་གི་བློ་བཏང་བ་བཏང་སྙོམས་ཡིན། སེམས་ཅན་གཅིག་ནས་གཉིས་སོགས་ལ་དམིགས་པ་འཇིག་རྟེན་པ། འགྲོ་བ་ཐམས་ཅད་ལ་དམིགས་པ་འཇིག་རྟེན་ལས་འདས་པའི་ཚད་མེད་ཡིན། སེམས་ཅན་ཐམས་ཅད་ཕ་མར་ཤེས་ཤིང་བདེ་བ་དང་ལྡན་འདོད་སོགས་སེམས་ཅན་ལ་དམིགས་པ་སྐྱེ་བོ་ཕལ་པ། དོན་དམ་པར་ཅི་ཡང་མ་གྲུབ་ཀྱང༌། ཀུན་རྫོབ་སྒྱུ་མ་རྨི་ལམ་ལྟ་བུའི་བདེ་བ་དང་ལྡན་འདོད་སོགས་ཆོས་ལ་དམིགས་པ་ཉན་རང༌། དེ་ལྟར་སྒོམ་པའི་དུས་ནས་སྤྲོས་བྲལ་ནམ་མཁའ་ལྟ་བུའི་གདངས་མ་འགགས་པས་བདེ་བ་དང་ལྡན་འདོད་སོགས་ཀྱི་བློ་དུང་ངེ་བ་དམིགས་པ་མེད་པ་ཐེག་པ་ཆེན་པོའི་ལམ་གྱི་གཞུང་ཤིང་སྟེ། སྒོམ་ཚུལ་དངོས་ལ་ཐོག་མ་སྐྱེ་སླ་རིམ་ནས་བཟུང་སྟེ་དང་པོ་བཏང་སྙོམས་ཐོག་མར་བསྒོམ་པ་དང༌། རྩལ་སྦྱང་བའི་ཕྱིར་གོ་རིམ་ངེས་པ་ཅན། ཡང་ལྡོག་ནས་བཏང་སྙོམ། དགའ་བ། སྙིང་རྗེ། བྱམས་པའི་བར་དང༌། བྱམས་པ་དང་དགའ་བ། སྙིང་རྗེ་དང་བཏང་སྙོམས་སྤེལ་བ་སོགས་ཀྱིས་སྦྱོར་དངོས་རྗེས་གསུམ་གྱི་རྩིས་ཟིན་པར་ཉམས་སུ་བླང་ངོ༌། །དེ་ལྟར་ཚད་མེད་བཞི་ལ་གོམས་ནས་བྱང་ཆུབ་སེམས་གཉིས་བསྒོམ་དགོས་ལ། བྱང་ཆུབ་ཀྱི་སེམས་དེ་ཡང་རང་བཞིན་གནས་རིགས་དང༌། རྒྱས་འགྱུར་གྱི་རིགས་གཉིས་ཀྱི་ཚུལ་དུ་རང་ཉིད་ལ་ཡེ་ནས་ཡོད། དེ་མེད་ན་སངས་རྒྱས་སྒྲུབ་པའི་བློ་མི་སྐྱེ། དེས་ན་རང་རེ་རྣམས་འཁོར་བའི་ཐོག་མ་མེད་ཀྱང་ཐ་མ་དང་ལྡན་པའི་གནད་འདི་ཡིན། གཤིས་ཀྱི་གནས་ལུགས་དེ་གོ་བ་ཙམ་གྱིས་མི་ཕན། སྒྲིབ་པས་བསྒྲིབས་ནས་ཡོད་པ་དེ་སྦྱང་བའི་ཐབས་ལ་འབད་དགོས། དེའི་ཐབས་མཆོག་ཏུ་གྱུར་པ་ནི་བྱང་ཆུབ་ཏུ་སེམས་བསྐྱེད་པ་སྟེ། སེམས་དེ་སངས་རྒྱས་ལ་དམིགས་པའི་དད་པ། སེམས་ཅན་ལ་དམིགས་པའི་སྙིང་རྗེ། བྱང་སེམས་ཀྱི་སྡོམ་པ་ལེན་འདོད་ཡོད་པ་གསུམ་ལས་སྐྱེ་བས། དེ་ལས་ཀྱང་སྙིང་རྗེ་ནི་བྱང་སེམས་ཀྱི་རྒྱུའི་གཙོ་བོ་མེད་དུ་མི་རུང་བ་སྟེ། དེ་དག་ཇི་ལྟར་ཉམས་སུ་ལེན་པའི་ཚུལ་ནི། མདུན་གྱི་ནམ་མཁར་ཚོགས་ཞིང་སྐྱབས་ཡུལ་སྔར་ལྟར་གསལ་ཏེ། འདི་ལྟར་ཕྱོགས་བཅུ་གང་ལས་གཞལ་ཀྱང་འཇིག་རྟེན་གྱི་ཁམས་ལ་མཐའ་མེད། དེ་ཐམས་ཅད་རིགས་དྲུག་གི་སེམས་ཅན་གྱིས་གོ་མཚམས་མེད་པར་ཁྱབ། སེམས་ཅན་ཐམས་ཅད་ཀྱིས་རང་གི་ཕ་མ་ལན་གྲངས་དཔག་ཏུ་མེད་པར་བྱས་ཏེ། ལེགས་པར་བསྐྱངས་པའི་དྲིན་ཅན་ཤ་སྟག་ཡིན། དེ་ཐམས་ཅད་འདོད་པ་བདེ་བ་འདོད་ཀྱང་སྒྲུབ་པ་སྡུག་བསྔལ་སྒྲུབ། ཞེ་འདོད་དང་ལག་ལེན་ཕྱིན་ཅི་ལོག་ཏུ་གྱུར་པའི་སྨྱོན་པ་ལྟ་བུ་འདི་རྣམས་སྙིང་རེ་རྗེ་སྙམ་པ་སེམས་ཅན་ལ་དམིགས་པའི་སྙིང་རྗེ། བདག་གི་ཕ་མ་མི་འདོད་བཞིན་དུ་སྡུག་བསྔལ་རྣམས་ཉམས་སུ་མྱོང་བ་འདི་ཀུན་ཅི་ཚུགས་བྱ། ད་ནི་སྙིང་རྗེ་ཟེར་བཞག་པས་ཅི་ཕན། འདི་རྣམས་འཁོར་བའི་སྡུག་བསྔལ་ལས་དྲངས་ཏེ། ཐར་པ་མཆོག་བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་ས་ལ་མྱུར་དུ་འགོད་པར་བྱ་སྙམ་པ་སངས་རྒྱས་ལ་དམིགས་པའི་དད་པ་སྨོན་པ་སེམས་བསྐྱེད་དང༌། ད་ལྟ་དེའི་ནུས་པ་བདག་ལ་མེད་པས་བདག་གིས་འགྲོ་ཀུན་སྒྲོལ་ནུས་པའི་སངས་རྒྱས་ཀྱི་གོ་འཕང་ཚེ་འདི་ཉིད་ལ་ཐོབ་པར་བྱ། དེའི་ཆེད་དུ་དཔལ་རྡོ་རྗེ་སེམས་དཔའི་བསྐྱེད་རྫོགས་ཀྱི་ལམ་ཟབ་མོ་བསྒོམ་པར་བགྱིའོ་སྙམ་པའི་བྱང་ཆུབ་ཐོབ་འདོད་ཡོད་པ་འཇུག་པ་སེམས་བསྐྱེད་དེ་གནད་གསུམ་ཚང་བས། རྒྱལ་བ་སྲས་དང་བཅས་རྣམས་ཀྱིས༔ བྱང་ཆུབ་ཐུགས་ནི་བསྐྱེད་པ་ལྟར༔ བདག་གིས་འགྲོ་ལ་ཕན་དོན་དུ༔ བྱང་ཆུབ་མཆོག་ཏུ་སེམས་བསྐྱེད་དོ༔ ཞེས་པའི་ཚིག་དམ་བཅའི་ཚུལ་དུ་ཁ་ཡེངས་མིག་ཡེངས་ཚིག་ཙམ་དུ་མ་སོང་བར་འགྲོ་དྲུག་གི་སེམས་ཅན་རྣམས་སྙིང་ཁོང་དུ་བཅུག་པའི་ལྷག་བསམ་དྲག་པོའི་སེམས་རྩེ་གཅིག་པས་སྐྱབས་ཡུལ་རྣམས་ཀྱིས་བདག་གི་བསམ་སྦྱོར་ཇི་བཞིན་དུ་མཁྱེན་ངེས་སྙམ་པའི་བླ་མ་དཀོན་མཆོག་ལ་དད་པ་དང་བཅས་ཚར་གྲངས་བསགས། སེམས་བསྐྱེད་བསམ་པ་ཡང་ཡང་གོམས་པར་བྱའོ། །མཐར་ཚོགས་ཞིང་རྣམས་དགྱེས་པས་འོད་དུ་ཞུ་ནས་རང་གཞན་སེམས་ཅན་ཐམས་ཅད་ལ་ཐིམ་པས་སྐྱབས་ཡུལ་རྣམས་ཀྱི་ཐུགས་རྒྱུད་ལ་བཞུགས་པའི་བྱམས་སྙིང་རྗེ་བྱང་ཆུབ་སེམས་ཀྱི་གནས་ལུགས་རྟོགས་པའི་ལྟ་བ་ཕྱིན་ཅི་མ་ལོག་པ་དེ་རང་གཞན་སེམས་ཅན་ཐམས་ཅད་ཀྱི་རྒྱུད་ལ་སྐྱེས་པར་མོས་ལ་མི་དམིགས་པའི་ངང་ལ་དར་གཅིག་མཉམ་པར་བཞག་རྗེས་བདག་གཞན་མཉམ་བརྗེའི་བྱང་ཆུབ་ཀྱི་སེམས་ཁྲིད་གཞུང་རྒྱས་པ་གཞན་ནས་གསུངས་པ་ལྟར་བྱང་བ་ཐོན་ཐོན་དུ་བསྒོམ་དགོས་པ་ལས་སེམས་བསྐྱེད་ཀྱི་གྲངས་བསགས་པ་ཙམ་དངོས་གཞི་མ་ཡིན་པར་ཤེས་པར་བྱ་བ་གནད་དོ། །སྤྱིར་བྱང་ཆུབ་སེམས་དཔའི་བསླབ་བྱ་ཐམས་ཅད་གཞན་ཕན་གཞིར་བཅས་སྒྲུབ་པ་ལ་འདུ་བ་ཡིན་ཀྱང༌། ད་ལྟ་རང་རེ་སོ་སྐྱེས་ལས་དང་པོ་པའི་སྐབས་འདིར་སྦྱོར་བ་དང་དངོས་སུ་སེམས་ཅན་ལ་ཕན་ཐོགས་རྒྱ་ཆེན་པོ་འབྱུང་དཀའ་ཞིང༌། གཙོ་བོ་ཀུན་སློང་གི་བསམ་པ་གཞན་ཕན་འབའ་ཞིག་ཁོང་དུ་བཅུག་ནས། སྦྱོར་བ་རང་རྒྱུད་ཀྱི་ཉེས་སྤྱོད་སྡོམ་ཞིང་དགེ་ཆོས་སྤེལ་བའི་སྒོ་ནས་རང་གི་རྒྱུད་ཀྱི་འཆིང་བ་གྲོལ་བའི་ཐབས་ལ་བརྩོན་པས་དེས་གཞན་དོན་ཀྱང་ཞར་ལ་འགྲུབ་ནས་འཕགས་ས་ཐོབ་ནས་གཞན་དོན་ནུས་པའི་སྐབས་སུ་སྐད་ཅིག་ཀྱང་མི་གཡེང་བར་བསམ་སྦྱོར་གཉིས་ཀས་གཞན་ཕན་འབའ་ཞིག་བསྒྲུབས་པས་དེས་རང་དོན་དུ་སྤང་རྟོགས་ཀྱང་ཞར་ལ་རྫོགས་ནས། མཐར་ཕྱིན་སངས་རྒྱས་ཀྱི་ས་ལ་རང་གཞན་གྱི་དོན་གཉིས་འབད་མེད་ལྷུན་གྲུབ་ཀྱི་ཚུལ་དུ་འབྱུང་བས་ན། རང་གི་ལུས་དང་ལོངས་སྤྱོད་དགེ་ཚོགས་དང་བཅས་ནུས་པ་དང་འཚམས་པར་བཏང་བསྲུང་དག་པ་སྤེལ་བའི་ཚུལ་ལ་མཁས་པར་བྱ་བ་ལ་དོན་གྱི་གནད་འདུའོ། །གསུམ་པ་རྡོ་རྗེ་ཐེག་པའི་ལམ་མཆོག་བླ་མ་རྡོ་རྗེ་སེམས་དཔའི་སྒོམ་བཟླས་དངོས་ཀྱི་ཁྲིད་ལ། གཉེན་པོ་སྟོབས་བཞི་དང་ལྡན་པ་དགོས་པས་དང་པོ་སུན་འབྱིན་པའི་སྟོབས་ནི། དེ་ཡང་རང་ཅག་རྣམས་གཞན་དོན་རྫོགས་བྱང་སྒྲུབ་པར་བྱེད་པ་ལ་བར་དུ་གཅོད་པའི་གེགས་ནི་སྡིག་སྒྲིབ་ཡིན། སྦྱང་བྱ་དེ་ངོས་བཟུང་བ་ལ་སྡིག་པའི་སྒོ་དྲུག་གསུངས་ཏེ། ཀུན་སློང་གི་སྒོ་ཉོན་མོངས་པ་ཆགས་སྡང་རྨོངས་གསུམ། འགྲིམ་པའི་སྒོ་ལུས་ངག་ཡིད་གསུམ་གྱིས། ཡུལ་སངས་རྒྱས་དང་སེམས་ཅན་ལ། དུས་ཐོག་མེད་ནས་ད་ལྟའི་བར། ངོ་བོ་རང་བཞིན་དང་བཅས་པའི་སྡིག་པ། སྦྱོར་བ་རང་གིས་བྱས་པ་དང༌། གཞན་ལ་བྱེད་དུ་འཇུག་པ། བྱས་པ་ལ་རྗེས་སུ་ཡི་རང་བ་རྣམས། སྦྱོང་བྱེད་གཉེན་པོ་སྟོབས་བཞིས་སྦྱང་དགོས་པས། རང་གིས་སྡིག་པ་ནི་དགྲ་གཉེན་གཉིས་དང་ལུས་ལོངས་སྤྱོད་སོགས་ཀྱི་ཕྱིར་བྱས་པ་ཡིན། དེ་ཐམས་ཅད་བདག་ཡུན་དུ་འགྲོགས་དབང་མེད། སྡིག་པའི་འབྲས་བུས་རང་ངན་སོང་དུ་ལྟུང་སྟེ་ཤིན་ཏུ་ཉམ་ཐག་ཅིང་དགོས་གལ་ཆེ་བའི་དུས་སྐབས་སུ་ནི་དེ་དག་རང་གི་ཕྱོགས་ཙམ་དུ་མི་ཉེ་ཞིང་ཕན་པ་མེད། རྣམ་སྨིན་སྡུག་བསྔལ་གྱི་འབྲས་བུ་ནི་རང་འབའ་ཞིག་གིས་མྱོང་དགོས་པས། སྡིག་པ་ཉིད་ཚེགས་ཆེ་ལ་དོན་ཆུང་བར་འདུག་བསམས་ཏེ་འགྱོད་པ་བསྐྱེད། སྡིག་པའི་འབྲས་བུས་ཚེ་འདིར་ཡང་སྲོག་གཅོད་པས་ཚེ་ཐུང༌། ནད་མང༌། མ་བྱིན་པ་བླངས་པས་ནོར་དབུལ་བ་སོགས་དང༌། རང་ཉིད་འཆི་ཀ་གནད་གཅོད་ཀྱི་སྡུག་བསྔལ་དང༌། འཆི་ཚེ་གཤིན་རྗེའི་ཕོ་ཉས་བརྡུང་བརྡེག་སོགས་འཇིགས་སྣང་དང༌། ཤི་བའི་འོག་ཏུ་ངན་སོང་དུ་ལྷུང་བའི་སྡུག་བསྔལ་གྱི་འཇིགས་སྣང་ལ་བསམས་ཏེ་འགྱོད་པ་བསྐྱེད། སྡིག་པ་བྱས་པ་བཤགས་པས་ཆོག་སྙམ་ན་སྡིག་པ་བཤགས་ཤིང་མ་བྱང་བའི་སྔོན་དུ་རང་འཆི་ན་ཆ་མེད། འཆི་རྐྱེན་ངེས་མེད་ཡིན་པས་འཆི་བདག་གི་བདུད་དེས་ནམ་འདོད་དུ་ཁྱེར་བ་ལས་བདག་གི་སྡིག་པ་བྱང་མ་བྱང་མི་ལྟ་བས་ཡིད་བརྟན་མི་རུང་བས་མྱུར་དུ་བཤགས་དགོས། ཉེས་པ་གསང་ཞིང་སྦེད་ན་སྡིག་པ་ཇེ་འཕེལ་དུ་འགྲོ་བས་སྐྱོན་དུ་ཤེས་པས་ཚོགས་སུ་བསྒྲགས་ན་སྡིག་པ་སྟོབས་ཆུང་དུ་འགྲོ། ནམ་ཡང་མི་འཕེལ་བ་བཤགས་ཡུལ་གྱི་མདུན་དང་ཚོགས་སུ་བསྒྲགས་པ་ནི་མཐོལ་བ། སྡིག་པ་བྱས་པ་བདག་ཤིན་ཏུ་ཉེས་ཤིང་འཕྱུག་སྙམ་འགྱོད་སེམས་གདུང་བས་མཚང་ཁས་ལེན་པ་བཤགས་པ། རང་ནོངས་པས་ཞུམ་པས་དམན་ས་བཟུང༌། ཉེས་པ་མི་ལྡན་པ་རྣམས་མཆོག་དང་ངོ་མཚར་དུ་ཤེས་པ་དང་གུས་པས་གཙུག་ཏུ་བཀུར་བའི་ཀུན་སློང་གིས་རང་གི་ཉེས་སྤྱོད་བགྱིས་པ་ལ་ངོ་ཚ་ཡང་གསོང་པོར་སྨྲ་བའི་སྒོ་ནས། བླ་མ་རྡོ་རྗེ་སེམས་དཔའི་དྲུང་དུ་བཤགས་པ་ཡིན་པས་ཁྱེད་རྣམས་ཀྱི་བརྩེ་བས་རྗེས་སུ་བཟུང་ལ། ལས་འདི་དག་པར་མཛད་དུ་གསོལ་ཞེས་སྙིང་ཐག་པ་ནས་བརྗོད་པ་བཤགས་པའི་དོན་གྱི་སྙིང་པོ་ཡིན་ནོ། །གཉིས་པ་གཉེན་པོ་ཀུན་ཏུ་སྤྱོད་པའི་སྟོབས་ནི། སྡིག་པའི་གཉེན་པོ་དགེ་བ་ལ་སྤྱོད་པ་སྟེ། དེ་ལས་འགྲུབ་སླ་ཞིང་ཕན་ཡོན་ཆེ་བ་འགའ་ཞིག་གཅེས་པར་བཏུས་པ་ལ་གཉེན་པོ་ཀུན་ཏུ་སྤྱོད་པའི་སྒོ་དྲུག་ཏུ་གྲགས་ཏེ། དང་པོ་སངས་རྒྱས་དང་བྱང་སེམས་ཀྱི་མཚན་བཟུང་བ། གཉིས་པ་སྐུ་གཟུགས་དང་མཆོད་རྟེན་བཞེངས་པ། གསུམ་པ་རྟེན་ལ་ཕྱག་མཆོད་བསྐོར་བ་བྱེད་པ། བཞི་པ་མདོ་རྒྱུད་ཟབ་མོ་ཁ་ཏོན་དུ་བྱེད་པ། ལྔ་པ་གཟུངས་སྔགས་བཟླ་བ། དྲུག་པ་སྟོང་ཉིད་བསྒོམ་པ་རྣམས་སུ་གསུངས་པ་ལས། དཔེར་ན་ཉི་ཟླ་སྤྲིན་ལས་དོན་པ་ལྟར་དགེ་བ་གཅིག་བྱས་པ་དང་སྡིག་པ་མང་པོ་དག་པར་འགྱུར་ཞིང༌། རྡོ་རྗེ་རིན་ཆེན་ཆུང་ངུས་རི་རབ་འཇོམས་པ་དང༌། མེ་སྟག་ཆུང་ངུས་རྩ་ཤིང་རི་ཙམ་བསྲེགས་པ་དང༌། དུག་ཆུང་ངུས་མི་བསད་པ་ལྟར་ཡིན་པས་སྡིག་པ་བྱས་པ་ཇི་སྙེད་ཀྱི་དགེ་བ་བྱེད་མི་མོས་པས་སྐབས་འདིར་སྡིག་པའི་གཉེན་པོ་བྱ་སླ་ཚེགས་ཆུང་བ་རྡོར་སེམས་བསྒོམ་བཟླས་ཏེ། དེའི་ཚུལ་ལ་ཚོགས་རྟེན་གསལ་གདབ་པ་དང༌། བསགས་སྦྱོང་སྙིང་པོ་ལེན་པ་གཉིས་ལས། དང་པོ་ནི། ཨ༔ བདག་གི་ཚངས་པའི་གནས་ཉིད་དུ༔ སོགས་ཏེ། རང་གིས་སྤྱི་བོར་པད་ཟླའི་གདན་ལ་ཧཱུྃ་ཡིག་དཀར་པོ། དེ་ལས་འཕྲོས་པའི་འོད་ཟེར་གྱིས་དོན་གཉིས་བྱས། ཚུར་འདུས་ཡོངས་སུ་གྱུར་པ་ལས། བླ་མ་དཔལ་རྡོ་རྗེ་སེམས་དཔའ་དཀར་པོ་ཞལ་གཅིག་ཕྱག་གཉིས་པ། གཡས་རྡོ་རྗེ་ཐུགས་ཀ་དང་གཡོན་དྲིལ་བུ་དཀུར་བསྟེན་པས་ཡུམ་སྙེམས་མ་དཀར་མོ་གྲི་ཐོད་འཛིན་པ་ལ་འཁྱུད་པ། དར་དང་རིན་པོ་ཆེའི་རྒྱན་ཅན། ཡབ་སེམས་དཀྱིལ་དང་ཡུམ་པད་དཀྱིལ་གྱིས་ཕན་ཚུན་འཁྲིལ་བ། གནས་གསུམ་ཨོཾ་དཀར་ཨཱཿདམར་ཧཱུྃ་མཐིང་གསུམ་གྱིས་མཚན་པ་གསལ། དམིགས་རྣམ་རྒྱས་པར་སྤྲོ་ན། ཡབ་ཡུམ་གཉིས་ཀ་ང་རྒྱལ་མ་སྤངས་གནས་སུ་དག་པས་ཕྱག་ཞབས་རྣམས་གསེར་ཞུན་མ་ལྟར་མཉེན་པ་སོགས་ཞི་བའི་ཚུལ་དགུ། དར་གྱི་ཆས་གོས་ལྔ་དང༌། རིན་པོ་ཆེའི་རྒྱན་བརྒྱད་སོགས་ཞིབ་པར་གསལ། མདོར་ན་སྤྱི་གཙུག་ཏུ་བསྒོམས་པའི་རྡོར་སེམས་ཀྱི་ཐུགས་ཀའི་འོད་ཀྱིས་ཡེ་ཤེས་པ་སྤྱན་དྲངས། དམ་ཡེ་གཉིས་མེད་དུ་བསྟིམ། དབང་ལྷས་དབང་བསྐུར་བ་བཅས་ཡན་ལག་བཞི་རྫོགས་སུ་བསྐྱེད་ལ། གཉིས་པ་བསགས་སྦྱོང་སྙིང་པོ་ལེན་པ་འདི་ལ་བདུན་ལས། དང་པོ་ཕྱག་འཚལ་བའི་ཡན་ལག་ནི། ཧོཿ དགོངས་ཀློང་དབྱེར་མེད་སོགས་ཀྱིས་བསྟན་པ་ལྟར། ཚོགས་ཞིང་ཁྱད་པར་ཅན་བླ་མ་རྡོ་རྗེ་སེམས་དཔའི་སྟེང་གི་ཆ་ལ་བརྒྱུད་གསུམ་བླ་མ། བར་དུ་ཡི་དམ་རྒྱུད་སྡེ་དྲུག་གི་ལྷ་ཚོགས། འདབས་འཁོར་དུ་སངས་རྒྱས་བྱང་སེམས་དཔའ་བོ་མཁའ་འགྲོ་ཡེ་ཤེས་ཀྱི་ཆོས་སྲུང་གི་ཚོགས་དང་བཅས་པ་གངས་རི་ཆེན་པོ་ལ་ཆར་སྤྲིན་འཁྲིགས་པ་བཞིན་བཞུགས་པར་གསལ་བའི་སྤྱན་སྔར་རང་གཞན་སེམས་ཅན་ཐམས་ཅད་སྒོ་གསུམ་རབ་ཏུ་གུས་པས་འཁོད་དེ་རང་རང་གི་ལུས་ཞིང་གི་རྡུལ་སྙེད་དུ་སྤྲུལ་ཞིང་ཆེ་བའི་ཡོན་ཏན་རྗེས་སུ་དྲན་པའི་བསྟོད་དབྱངས་བཅས་མེ་ཏོག་པདྨ་དཀར་པོ་གསར་དུ་ཁ་འབུས་པ་དང་འདྲ་བའི་ལག་གཉིས་ཐལ་མོ་སྦྱར་ཏེ། ལུས་དྲང་པོར་བསྲང༌། དེ་ཡང་ཐལ་མོ་སྤྱི་བོར་སྦྱར་བས་ལུས་སྒྲིབ་དག །མགྲིན་པར་སྦྱར་བས་ངག་སྒྲིབ་དག །སྙིང་གར་སྦྱར་བས་ཡིད་སྒྲིབ་དག །དེ་ནས་ལུས་ཀྱི་མ་ལྔ་ས་ལ་ཕབ་པ་ཞེས། དཔྲལ་བ་དང་གཅིག །ལག་པའི་མཐིལ་གཉིས། པུས་མོ་གཉིས་དང་བཅས་ས་ལ་ཕབ་སྟེ་ཕྱག་བྱས་པས་རང་རྒྱུད་ཀྱི་ཉོན་མོངས་དུག་ལྔའི་སྒྲིབ་པ་དག །ཚོགས་ཞིང་རྣམས་ཀྱི་སྐུ་གསུང་ཐུགས་ཡོན་ཏན་ལྔའི་དབང་དང་བྱིན་རླབས་ཐོབ་པ་དང༌། མཐར་ཐུག་སངས་རྒྱས་ཀྱི་དབུའི་གཙུག་ཏོར་བལྟར་མི་མངོན་པ་འགྲུབ་པར་བྱེད་པའི་དགོས་པ་ཡོད་པ་ཡིན། གོང་དུ་སྡིག་པའི་གཉེན་པོ་སྒོ་དྲུག་གི་གསུམ་པ་ཡིན་ཅིང༌། ཁྱད་པར་ཡན་ལག་ཐམས་ཅད་བརྐྱང་སྟེ་ཕྱག་འཚལ་བས་གསང་སྔགས་ཀྱི་རུ་ཟུང་བཞིའི་བཤགས་པ་ནས་ལུས་ཀྱི་དམ་ཚིག་ཉམས་ཆག་བཤགས་པའི་ཐབས་སུ་གསུངས་པས། ཉམས་ཆག་སྦྱོང་བར་གཙོ་བོར་དམིགས་ན་བླ་མ་རྡོ་རྗེ་སེམས་དཔའ་རིགས་ཐམས་ཅད་ཀྱི་ཁྱབ་བདག་ཡིན་པས་ཐུགས་ཀར་ཞི་བ་བཞི་བཅུ་རྩ་གཉིས། དབུ་ལ་ཁྲག་འཐུང་ལྔ་བཅུ་རྩ་བརྒྱད་གསལ་ལ། དེ་དག་གི་མཚན་ནས་བརྗོད་པའི་ཞི་ཁྲོའི་ཕྱག་འཚལ་སྦྱར་དུ་རུང་ལ། ཞི་ཁྲོའི་སྐུ་དམིགས་བསལ་མ་བསྒོམས་ཀྱང་རྡོ་རྗེ་སེམས་དཔའ་གཅིག་ཆོག་ནོར་བུའི་ལུགས་སུ་བསྒོམ་པ་མཆོག་ཡིན་ཏེ། ལྷ་དེ་རིགས་ཐམས་ཅད་ཀྱི་ཁྱབ་བདག་ཡིན་པའི་ཕྱིར་གསང་བ་སྙིང་པོ་ལས། མཁའ་དཀྱིལ་དྭང་པའི་དབྱིངས་ཉི་ཟླར། །ཡེ་ཤེས་རྒྱལ་པོ་སྟངས་དཔྱལ་བསྒོམ། །རྒྱལ་བའི་དཀྱིལ་འཁོར་རབ་འབྱམས་ཀུན། །མ་ལུས་པར་ནི་བསྒོམ་པར་འགྱུར། །ཞེས་གསུངས་པའོ། །ཕྱག་འཚལ་བའི་ཕན་ཡོན་ཀྱང༌། འདུལ་བ་ལུང་ལས། དགེ་སློང་དག་ཁྱེད་རྣམས་ཀྱིས་དེ་བཞིན་གཤེགས་པའི་དབུ་སྐྲ་སེན་མོའི་མཆོད་རྟེན་ལ་དད་པས་ཕྱག་འཚལ་བ་དེའི་རྣམ་པར་སྨིན་པ་ནི་ཇི་སྲིད་དུ་ཚངས་པ་མཚུངས་པར་སྤྱོད་པ་རྣམས་ལ་ཁོང་ཁྲོ་མ་སྐྱེས་པ་དེ་སྲིད་དུ་དབང་ཆེན་ས་གཞི་ལ་ཐུག་གི་བར་དུ་རྡུལ་ཕྲ་རབ་ཀྱི་གྲངས་དང་མཉམ་པའི་འཁོར་ལོའི་བསྒྱུར་བའི་རྒྱལ་པོའི་བདེ་བ་མྱོང་ཞིང་ལྷ་དང་མི་རྣམས་ཀྱི་ནང་དུ་ཕྱིན་པར་འགྱུར་རོ། །གཉིས་པ་མཆོད་པ་འབུལ་བ་ནི། དངོས་སུ་འབྱོར་བའི་མཆོད་པ་སེར་སྣ་དང་ང་རྒྱལ་ངོམ་ཆོས་ཀྱི་ཀུན་སློང་ངན་པས་མ་བསླད་པ། རང་ཉིད་ཀྱི་ཇི་ལྟར་འབྱོར་བའི་མཆོད་པ་རྒྱུ་བཟང་བ། དངོས་གཙང་བའི་མཆོད་ཡོན་སོགས་ཉེར་སྤྱོད་དང༌། ཡིད་སྤྲུལ་གཞལ་ཡས་ཁང༌། ཡུལ་འཁོར། རི་གླིང༌། བཀྲ་ཤིས་རྫས་རྟགས། རྒྱལ་སྲིད་བདུན། ཉེ་བའི་རིན་ཆེན་བདུན། ལྷ་དང་ལྷ་མོའི་གླུ་གར་རོལ་མོ་སོགས་ཞིང་འདི་དང་དག་པའི་ཞིང་གཞན་དུ་ཡོད་པ། གསང་སྔགས་ནང་གི་དམ་རྫས་སྨན་གཏོར་རཀྟ་སོགས་ཟག་མེད་ཀྱི་འདོད་ཡོན་རྣམས་ཅིར་ཡང་འཆར་བ་བྱང་ཆུབ་སེམས་དཔའ་ཀུན་ཏུ་བཟང་པོའི་མཆོད་སྤྲིན་ལྟ་བུ་སྤྲུལ་ནས་འབུལ་བ་སྟེ། དེ་ཡང་བྱང་ཆུབ་སེམས་དཔའ་ཀུན་ཏུ་བཟང་པོའི་ཏིང་ངེ་འཛིན་གྱི་མཐུ་ལས། རང་གི་ཐུགས་ཀ་ནས་འོད་ཟེར་ཁ་དོག་མི་འདྲ་བ་བྱེ་བ་བརྒྱ་སྟོང་སངས་རྒྱས་ཀྱི་ཞིང་ཁམས་གྲང་མེད་པའི་རྡུལ་དང་མཉམ་པར་སྤྲོས། འོད་ཟེར་དེ་རེ་རེའི་རྩེར་ཡང་བྱང་ཆུབ་སེམས་དཔའ་ཀུན་ཏུ་བཟང་པོ་རང་འདྲ་བ་རེ་རེ་སྤྲུལ། དེ་རེ་རེའི་ཐུགས་ཀ་ནས་སྔར་དང་འདྲ་བའི་འོད་ཟེར་སྤྲོ་ཞིང༌། དེའི་རྩེར་ཀུན་ཏུ་བཟང་པོ་སྤྲུལ་པ་སོགས་གྲངས་མེད་བསམ་གྱིས་མི་ཁྱབ་པའི་བར་སྤྲོས་ཏེ། དེ་དག་རེ་རེས་ཀྱང་གཅིག་ཏུ་མེད་པའི་མཆོད་རྫས་ཀྱི་རྣམ་གྲང་བསམ་གྱིས་མི་ཁྱབ་པར་སྤྲོས་པས་ཕྱོགས་བཅུའི་རྒྱལ་བ་སྲས་དང་བཅས་པ་མཆོད་པ་ནི་ཀུན་ཏུ་བཟང་པོའི་མཆོད་པའི་སྤྲིན་ཕུང་ཞེས་བྱའོ། །ཚུལ་དེ་འདྲ་བ་རང་ཉིད་བློས་ཅི་ལྕོག་ཏུ་སྤྲུལ་ནས་འབུལ་བའང་སྡིག་པ་སྦྱོང་བའི་སྒོ་གསུམ་པའོ། །དེའི་ཡན་ལག་ཏུ་མཎྜལ་འབུལ་བ་ཡང་ཚོགས་བསགས་པའི་སྒོ་ཁྱད་པར་ཅན་ཏེ། འབྱོར་འཁོས་རབ་འབྲིང་ཐ་གསུམ་དང་བསྟུན་པའི་མཎྜལ་ལ། ཚོམ་བུའི་རྒྱུ་རིན་པོ་ཆེ། སྨན་འབྲུ་གཙང་ཞིང་དག་པས། སྒྲུབ་པའི་མཎྜལ་ཚོམ་བུ་གཅིག་པ་མདུན་སྟེགས་ལ་བཀོད་ནས་མཆོད་པས་བསྐོར། མཆོད་པའི་མཎྜལ་རང་གི་ལག་ཏུ་ཐོགས་ལ། འབྲུ་སོགས་དྲི་དང་བ་བྱུང་གིས་བརླན་པར་བྱས་ལ། ཡིག་བརྒྱ་དང་མཆོད་པའི་སྤྲིན་གཟུངས་བཟླས་པས་བྱི་དོར་བྱ། རྒྱས་པ་ཡོངས་གྲགས་ཚོམ་བུ་སོ་བདུན་མ་དང༌། གཏེར་ཁ་ནས་འབྱུང་བའི་ཕྱི་རིན་པོ་ཆེའི་མཎྜལ། ནང་དུ་ཕུང་ཁམས་སྐྱེ་མཆེད་ཀྱི་མཎྜལ། གསང་བ་སེམས་ཉིད་གསལ་སྟོང་གི་མཎྜལ་དང༌། སྐུ་གསུམ་གྱི་ཞིང་གི་མཎྜལ་སོགས་སྤྲོ་ན་སྦྱར་སྟེ་ཕུལ་བའམ། སེམས་ཀྱི་དམིགས་པའི་འཕྲུལ་དང་ལྡན་པས་ངག་འདོན་ཕྱི་སྒྲུབ་ཟུར་དུ་ཡོད་པ་ཉིད་གྲངས་བསགས་རུང་ལ། སྒྲུབ་པའི་མཎྜལ་དམིགས་རྟེན་མ་འབྱོར་ཀྱང་ཆོག་ལ། གོང་དུ་མཆོད་པའི་སྐབས་སུ་སྨོས་པའི་ཀུན་ཏུ་བཟང་པོའི་རྣམ་ཐར་ལས་བྱུང་བའི་མཆོད་འབུལ་ལྟར་དམིགས་ནས་ཕུལ་ན་མཎྜལ་གྱི་ཚོགས་བསགས་གཅིག་ལ་ཕར་ཕྱིན་དྲུག་ཚང་བས་ཚོགས་གཉིས་ཡོངས་སུ་རྫོགས་པ་དང༌། ཆོས་སྤྱོད་ཐམས་ཅད་གཅིག་ཏུ་དྲིལ་བའི་བསོད་ནམས་ལས། མཎྜལ་ཕུལ་བའི་བསོད་ནམས་ཆེ་བ་དང༌། ཏིང་འཛིན་དང་རྟོགས་པ་ཁྱད་པར་ཅན་རྒྱུད་ལ་སྐྱེ་བ་སོགས་བསོད་ནམས་ཕུང་པོ་གང་གིས་ཀྱང་དཔག་མི་ནུས་སོ། །སྤྱིར་མདོ་སྡེ་ལས་རྣམ་འབྱེད་ལས། རྟེན་ལ་ཕྱག་འཚལ་བ། ཐལ་མོ་སྦྱར་བ། ཕྱག་དར་བྱེད་པ། གདུགས་དང་དྲིལ་བུ་སོགས་ཕུལ་བ་ལ་སོ་སོར་ཕན་ཡོན་ཆེན་པོ་བཅུ་རེ་གསུངས་པ་དང༌། སྤྱན་རས་གཟིགས་ཀྱི་མདོར། སུ་ཞིག་དཔའ་བའི་སེམས་ཀྱིས་མེ་ཏོག་བླངས། །དད་བསྐྱེད་འཇིག་རྟེན་མགོན་ལ་ཆར་དུ་གཏོར། །དེ་ནི་མི་ཡི་འཇིག་རྟེན་བསོད་ནམས་ལྡན། །རྒྱལ་སྲིད་གནས་ནས་རྒྱལ་བ་མཆོད་པར་འགྱུར། །ཞེས་དང༌། མར་མེ་ཕུལ་བའི་བསོད་ནམས་གསལ་རྒྱལ་ལས། དཔེ་མེད་མཆོད་རྟེན་མར་མེ་ཕུལ་བ་ཡིས། །ཨུཏྤལ་སྔོན་པོ་ཁ་བྱེ་འདྲ་བའི་མིག །གསལ་ཞིང་སྡུག་ལ་མིག་གི་དཀྱུས་རིང་མཛེས། །དྲི་མ་མེད་པ་ལྷ་ཡི་མིག་དང་ལྡན། །ཞེས་སོགས་མཐའ་ཡས་པའི་ཚུལ་ཁོ་བོའི་བླ་མའི་གསུང་རྟེན་བཞེངས་ཀྱི་ཕན་ཡོན་དང༌། གསང་སྔགས་སྤྱིའི་སྔོན་འགྲོའི་ཁྲིད་ཡིག་ལས་རྒྱ་ཆེར་འབྱུང་བས་བློ་དང་ལྡན་ཞིང་མིག་ཡོད་པའི་དོན་དང་ལྡན་པར་གཟིགས་པར་བྱས་ན་ལེགས་སྙམས་སོ། །གསུམ་པ་སྡིག་པ་བཤགས་པ་ནི། ཚོགས་ཞིང་ཁྱད་པར་ཅན་དེ་དག་གི་སྤྱན་སྔར། དྲན་པ་དང་མི་དྲན་པའི་སྡིག་པ། ཚེ་རབས་ཐོག་མ་མེད་པ་ནས་དེ་རིང་ཡན་ཆད་དུ་བསགས་པ། སྒོ་གསུམ་གྱིས་ཕ་མ་མཁན་སློབ་མཆེད་གྲོགས་དམ་པ། སྐྱེས་བུ་དམ་པ་གཞན་དག་ལ་མ་གུས་པ་བྱས་པ། སྡིག་པ་མི་དགེ་བ་བཅུ། མཚམས་མེད་པ་ལྔ། དེ་དང་ཉེ་བ་ལྔ། དཀོན་མཆོག་དཀོར་ལ་འབགས་པ། སེར་སྣ་དང་འཇུར་གེགས་བྱས་པ་ལ་སོགས་པ་ཐམས་ཅད་དང༌། ཁྱད་པར་བླ་མ་རྡོ་རྗེ་འཛིན་པ་ལ་ཐ་མལ་མི་རུ་བཟུང་བའི་དབང་གིས་སྐུ་གསུང་ཐུགས་རྩ་བ་ཡན་ལག་གི་དམ་ཚིག་དང་འགལ་བ་དང༌། ཉམས་པ་དང་འདྲེས་ཤིང་ཉམས་པའི་སྐྱོན་ཆགས་པ་ལ་སོགས་པ་མདོར་ན་མཆོག་ཐུན་གྱི་དངོས་གྲུབ་བསྒྲུབ་པ་ལ་བར་དུ་གཅོད་པའི་སྒོར་གྱུར་པའི་བཅས་དང་རང་བཞིན་གྱི་ཁ་ན་མ་ཐོ་བ་ཐམས་ཅད་ལྕེ་ཐོག་ཏུ་ནག་ཕུང་གིས་འདུས་པར་བསམས་ལ་བཤགས་པས་སྐད་ཅིག་དེ་ཉིད་ལ་རྟེན་ཚོགས་ཞིང་རྣམས་ཀྱི་སྐུ་གསུང་ཐུགས་ལས་འོད་ཟེར་དཀར་པོ་བྱུང་བ་ཕོག་པའི་རྐྱེན་གྱིས་དག་པར་བསམ་ལ། ཕྱིས་མི་བྱེད་པར་གཉེན་པོས་བསྡམ་ཞིང་བཤགས་པའི་ཚིག་བརྗོད་པར་བྱའོ། །དམིགས་བསལ་གྱི་སྡིག་བཤགས་རྒྱས་པར་སྤྲོ་ན་ཐམས་ཅད་མཁྱེན་གཟིགས་མི་ཕམ་རིན་པོ་ཆེའི་གསུང་ཀློང་བཤགས་དང༌། འཇམ་མགོན་ཡོན་ཏན་རྒྱ་མཚོའི་སྡོམ་གསུམ་བཤགས་སྦྱང་སོགས་སྦྱར་ན་ལེགས་པའི་ཡན་ལག་ཏུ་འགྱུར་རོ། །ཕན་ཡོན་ནི། གང་ཞིག་དྲན་པའི་མོད་ལས་ནི། །སྡིག་རྣམས་དྲན་ནས་འགྱོད་པ་ཡིས། །བཤགས་པས་ཐམས་ཅད་འཛད་པ་སྟེ། །རྒྱལ་བའི་སྲས་པོ་ཕྱིས་སྡོམས་ཤིག །ཅེས་གསུངས་སོ། །བཞི་པ་རྗེས་སུ་ཡི་རང་བའི་ཡན་ལག་ནི། ཕྱོགས་དུས་རྒྱལ་བ་རྣམས་ཀྱིས་གཞན་དོན་དུ་ཆོས་འཁོར་བསྐོར་བ་དང༌། རྫུ་འཕྲུལ་ལ་སོགས་ངོ་མཚར་གྱི་མཛད་པ་སྟོན་པའི་དགེ་བ། བྱང་ཆུབ་སེམས་དཔའ་རྣམས་ཀྱིས་བྱང་ཆུབ་ཀྱི་སྤྱོད་པ་རླབས་པོ་ཆེ་སྤྱད་པའི་དགེ་བ། འཕགས་པ་ཉན་ཐོས་དང་རང་སངས་རྒྱས་རྣམས་ཀྱིས་ཤེས་རབ་དང་རྣམ་པར་གྲོལ་བའི་ཕུང་པོ། སེམས་ཅན་ཐམས་ཅད་ཀྱི་བསོད་ནམས་དང་ཐར་པ་ཆ་མཐུན་གྱི་དགེ་བ། རང་གིས་སྔར་བྱས་པ། ད་ལྟ་བྱེད་བཞིན་པ་སླད་ཀྱིས་བྱ་ངེས་པ་ཐམས་ཅད་ལ་རྗེས་སུ་ཡི་རང་བ་སྙིང་ཐག་པ་ནས་དུང་དུང་བསྒོམས་པའི་ཕན་ཡོན་ཀྱང༌། སྡུད་པ་ལས། ནོར་བུ་མཆིང་བུའི་ཕུང་པོ་ཆེན་པོར་གྱུར་པ་ཡང༌། །རིན་ཆེན་བཻ་ཌཱུརྻ་ཀུན་དེ་གཅིག་ཟིལ་གྱིས་གནོན། །དེ་བཞིན་འགྲོ་ཀུན་སྦྱིན་སོགས་ཕུང་པོ་རྒྱ་ཆེར་ཀུན། །རྗེས་སུ་ཡི་རང་བྱང་སེམས་གཅིག་གིས་ཟིལ་གྱིས་གནོན། །ཞེས་སོ། །ལྔ་པ་ཆོས་འཁོར་བསྐོར་བར་བསྐུལ་བ་ནི། །སངས་རྒྱས་དང་བྱང་ཆུབ་སེམས་པའི་དགེ་བའི་བཤེས་གཉེན་གཞན་དོན་རླབས་ཆེན་མཛད་པ་རྣམས་ལ། ཞུ་བ་པོའི་རྒྱུད་ལ་དགེ་རྩ་བསྐྱེད་པ་ལ་དགོངས་པ་དང༌། འཁོར་གྱི་ལོག་སྒྲུབ་དང་སྤྱོད་ངན་གྱིས་ཐུགས་སུན་ནས་ཆོས་མི་གསུང་བར་བཞུགས་པ་རྣམས་ཀྱི་དྲུང་དུ་ཚངས་པ་དང་བརྒྱ་བྱིན་གྱིས་སྟོན་པ་ལ་ཞུ་བ་ཕུལ་བ་ལྟར། བདག་ཀྱང་ལུས་བྱེ་བ་མང་པོ་སྤྲུལ་ཏེ་མངོན་སུམ་སྣང་བར་བྱས་ཏེ་དུང་གཡས་འཁྱིལ་དང༌། གསེར་གྱི་འཁོར་ལོ་རྩིབས་སྟོང་ཕུལ་ནས་ཆོས་འཁོར་བསྐོར་བར་ཞུས་པས་ཐམས་ཅད་ཀྱང་དགྱེས་པས་ཞལ་གྱིས་བཞེས་ཏེ་གསུང་གདུལ་བྱའི་བསམ་པ་དང་མཐུན་པར་དུས་རྟག་པ་རྒྱུན་གྱི་འཁོར་ལོ་བསྐོར་བར་མོས་པ་སྟེ་ཕན་ཡོན་ཀྱང་ཆོས་སྤོང་བའི་སྒྲིབ་པ་དག །ཚེ་རབས་ནས་ཚེ་རབས་ཐམས་ཅད་དུ་དམ་པའི་ཆོས་རྒྱུད་ལ་འཛིན་པ་དང་མི་འབྲལ་བ་སོགས་ཕན་ཡོན་ཚད་མེད་དེ། གཙུག་ན་རིན་ཆེན་གྱིས་ཞུས་པའི་མདོ་ལས། རྒྱལ་བས་དགོངས་པ་མཛད་པ་ལ། །གང་ཞིག་གསོལ་བ་འདེབས་པ་དེ། །དབང་གི་རྒྱལ་པོ་ལྟ་བུ་སྟེ། །བསོད་ནམས་གཞན་དག་མཆིང་བུ་འདྲ། །ཞེས་སོ། །དྲུག་པ་མྱ་ངན་ལས་མི་འདའ་བར་གསོལ་བ་གདབ་པ་ནི། ཞིང་ཁམས་འདི་དང་གཞན་དག་ལ་བླ་མ་དང་སངས་རྒྱས་བྱང་སེམས་གང་དག་སེམས་ཅན་གྱི་དོན་མཛད་ཟིན་ནས་གཟུགས་སྐུ་མྱ་ངན་ལས་འདའ་བར་དགོངས་པ་རྣམས་ཀྱི་མདུན་དུ། སྔོན་དགེ་བསྙེན་ཙུན་དས་བཅོམ་ལྡན་འདས་ལ་གསོལ་བ་བཏབ་པ་ལྟར་བདག་གི་ལུས་མང་པོར་སྤྲུལ་པ་དག་གིས་གསོལ་བ་བཏབ་པས། འཁོར་བ་མ་སྟོང་བར་དུ་བཞུགས་ནས་སེམས་ཅན་གྱི་དོན་རྒྱ་ཆེན་པོ་མཛད་པར་མོས་པ་སྟེ། དེས་ནི་ཚེ་ཐུང་བ་དང༌། དུས་མ་ཡིན་པའི་འཆི་བ་དང༌། གཞན་གྱི་སྲོག་ལ་འཚེ་བའི་སྡིག་པ་འབྱང་ཞིང༌། ཚེ་དཔག་ཏུ་མེད་པ་ཐུབ་པ་སོགས་ཕན་ཡོན་མཐའ་ཡས་ཏེ། ཚངས་པ་ཁྱད་པར་སེམས་ཀྱིས་ཞུས་པའི་མདོ་ལས། ཉོན་ཅིག་ཚངས་པའི་རྒྱལ་པོ་ཁྱོད། །བཅོམ་ལྡན་འདས་ལ་གསོལ་འདེབས་པ། །བསོད་ནམས་དེ་ནི་ཁྱད་པར་འཕགས། །སངས་རྒྱས་མྱ་ངན་ཡོངས་མི་འདའ། །ཞེས་སོ། །བདུན་པ་བསྔོ་བ་ནི། ཕྱག་ནས་བཟུང་སྟེ་མྱ་ངན་ལས་མི་འདའ་བར་གསོལ་བ་གདབ་པའི་བར་གྱི་ད་ལྟར་བྱས་པའི་དགེ་བའི་རྩ་བ་འདིས་མཚོན་ཏེ། རང་གཞན་སེམས་ཅན་ཐམས་ཅད་ཀྱིས་དུས་གསུམ་དང་འབྲེལ་བར་བསགས་པའི་དགེ་བ་ཐམས་ཅད་བདག་གཞན་སེམས་ཅན་ཐམས་ཅད་ཀྱི་དོན་དུ་རྗེ་བཙུན་འཇམ་པའི་དབྱངས་དང་འཕགས་པ་ཀུན་ཏུ་བཟང་པོས་ཡོངས་སུ་བསྔོ་བ་ཇི་ལྟ་བར་དམིགས་པ་མེད་པའི་ཤེས་རབ་ཀྱི་རྒྱས་འདེབས་དང་བཅས་རྫོགས་པའི་སངས་རྒྱས་ཀྱི་སར་བསྔོ་བ་སྟེ། ཕན་ཡོན་གྱི་ཁྱད་པར་ཡང༌། བློ་གྲོས་རྒྱ་མཚོས་ཞུས་པའི་མདོ་ལས། ཇི་ལྟར་རྒྱ་མཚོ་ཆེ་ནང་ཆུ་ཐིགས་ལྷུང༌། །རྒྱ་མཚོ་མ་ཟད་བར་དུ་དེ་མི་ཟད། །དེ་བཞིན་བྱང་ཆུབ་ཡོངས་བསྔོའི་དགེ་བ་ཡང༌། །བྱང་ཆུབ་མ་ཐོབ་བར་དུ་དེ་མི་ཟད། །ཅེས་སོ། །རྟེན་གྱི་སྟོབས་ལ་ཡུལ་གྱི་རྟེན་ནི་སྡིག་པ་བཤགས་པའི་ཡུལ་བླ་མ་དགེ་བའི་བཤེས་གཉེན་ནམ། དེ་བཞིན་གཤེགས་པའི་སྐུ་གསུང་ཐུགས་ཀྱི་རྟེན་ཁྱད་པར་ཅན་དངོས་སུ་མཆོད་པའི་དབུས་སུ་སྤྱན་དྲངས་ཤིང༌། ཡིད་ཀྱི་དམིགས་པས་ཀྱང་མདུན་གྱི་ནམ་མཁའ་རྒྱལ་བ་སྲས་བཅས་དཔང་པོའི་ཚུལ་དུ་མངོན་སུམ་གྱིས་བཞུགས་པར་མོས་པ་སྟེ། སྐབས་འདིར་བླ་མ་རྡོ་རྗེ་སེམས་དཔའ་དང་རྩ་བའི་བླ་མ་གཉིས་སུ་མེད་པ་མངོན་སུམ་བཞིན་དུ་བཞུགས་པར་བསྒོམ་པ་དེ་ཡིན། རང་རྒྱུད་ཀྱི་སྟོབས་ནི་སྐྱབས་འགྲོ་དང་སེམས་བསྐྱེད་ཡིན་པས་སྔོན་དུ་སོང་ཟིན། སུན་འབྱིན་པའི་སྟོབས་ནི། སྔར་བྱས་ཀྱི་སྡིག་པའི་ལས་སྤྱི་དང་བྱེ་བྲག་སྡོམ་པ་གསུམ་གྱི་སྲུང་མཚམས་དང་འགལ་བ། ཁྱད་པར་བླ་མ་རྡོ་རྗེ་སློབ་དཔོན་གྱི་སྐུ་གསུང་ཐུགས་དང་འགལ་བའི་ལས་རང་གིས་བྱས་པ་དང༌། གཞན་ལ་བཅོལ་བ་དང༌། གཞན་གྱིས་བྱས་པ་ལ་རྗེས་སུ་ཡི་རང་བགྱིས་པ་སོགས་དངོས་སུ་གང་དྲན་པ་རྣམས་གཙོ་བོར་ཡིད་ཡུལ་དུ་བྱས་ཏེ་ངོ་ཚ་དང་གནོང་འགྱོད་ཀྱི་བསམ་པ་དྲག་པོས་བླ་མ་རྡོ་རྗེ་སེམས་དཔའ་ཁྱེད་མཁྱེན་ནོ། བདག་དང་སེམས་ཅན་ཐམས་ཅད་ཀྱིས་མི་ཤེས་པ་དང༌། མ་གུས་པ་དང༌། བག་མེད་པ་དང༌། ཉོན་མོངས་པ་མང་བའི་དབང་གིས་སྔོན་ཆད་སྡིག་པའི་ལས་ཅི་དང་ཅི་བགྱིས་པ་ཐམས་ཅད་མི་འཆབ་བོ། །མི་སྦེད་དོ། །མཐོལ་ལོ་བཤགས་སོ། །སྡིག་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་མཛད་དུ་གསོལ་སྙམ་དུ་སྙིང་ཁུང་རུས་པའི་གཏིང་ནས་བསམ་པ་ནི་སུན་འབྱིན་པའི་སྟོབས་སོ། །ད་ཕྱིན་ཆད་ལས་ཅི་ལ་ཐུག་ཀྱང༌། འཆི་བ་སྲོག་ལ་བབས་ཀྱང༌། དེ་ལྟ་བུའི་སྡིག་པའི་ལས་དངོས་སུ་ལྟ་ཅི། ཐ་ན་རྨི་ལམ་དུ་ཡང་མི་བགྱིད་དོ། །དེ་ལྟར་བགྱི་བར་མ་གྱུར་ཅིག་སྙམ་པ་སྡིག་པ་ལས་སླར་ལྡོག་པའི་སྟོབས་སོ། །སྔར་བྱས་ཀྱི་གཉེན་པོར་དཔལ་རྡོ་རྗེ་སེམས་དཔའི་སྒོམ་བཟླས་ལ་སྤྱོད་པ་གཉེན་པོ་ཀུན་ཏུ་སྤྱོད་པའི་སྟོབས་ཏེ། དེ་ལྟར་སྟོབས་བཞིའི་དམིགས་གནད་དྲན་བཞིན་པའི་ངང་ནས་ཡི་གེ་བརྒྱ་པ་དག་ཅིང་གསལ་ལ་མི་ཚིག་སོགས་ཀྱི་བར་མ་ཆོད་པར་བརྒྱ་སྟོང་ཁྲི་འབུམ་སོགས་སྡིག་སྒྲིབ་དག་པའི་རྟགས་མཚན་མངོན་དུ་མ་གྱུར་གྱི་བར་དུ་བཟླ་བར་བྱའོ། །དེ་ལྟར་བཟླས་པའི་ཚེ་ཐུགས་ཀའི་ས་བོན་དང༌། ཞབས་ཀྱི་མཐེ་བོང་གི་རྩེ་དང༌། ཡབ་ཡུམ་མཉམ་པར་སྦྱོར་བའི་མཁའ་གསང་དང༌། མཐར་སྐུ་ཡི་ཆ་ཐམས་ཅད་ནས་བྱང་སེམས་བདུད་རྩིའི་ཆུ་རྒྱུན་དཀར་ཆིལ་ཆིལ་བབས་པ་པད་སྡོང་ལ་འཁྲིལ་བའི་ཚུལ་དུ་བྱུང་བ་རང་གི་ཚངས་བུག་ནས་ཞུགས། ནད་ཐམས་ཅད་རྣག་ཁྲག་དང་ལྗན་ལྗིན། གདོན་ཐམས་ཅད་སྡིག་སྦྲུལ་སོགས་སྲོག་ཆགས་ཕྲ་མོའི་རྣམ་པ། སྡིག་སྒྲིབ་ཐམས་ཅད་སོལ་ཁུའམ་དུད་ཁུའི་རྣམ་པ་ནག་ཉིལ་གྱིས་རང་གི་དབང་པོའི་སྒོ་དང་བ་སྤུའི་བུ་ག་ཐམས་ཅད་དང༌། མདོར་ན་ཕུ་ཆུ་དྲག་པོའི་ཐལ་བ་བདས་པ་བཞིན་ཕྱིར་སང་སང་སོང་ནས་རང་ལུས་ཤེལ་གོང་དག་པ་ལྟར་གྱུར་པར་མོས། སླར་ཡང་སྔར་ལྟར་གསོལ་བ་བཏབ་པས་བྱང་སེམས་བདུད་རྩིའི་རྒྱུན་དེས་རང་གི་སྤྱི་གཙུག་ནས་རྐང་མཐིལ་བར་དེ་སྲིད་དུ་མེར་ཁྲིག་གེ་ལྟེམ་གྱིས་གང་བས་སྒོ་གསུམ་གྱི་སྒྲིབ་པ་བག་ཆགས་དང་བཅས་པ་བྱང༌། སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་དབང་དང་དངོས་གྲུབ་ཐོབ་ནས་རང་གི་སྒོ་གསུམ་དཔལ་ལྡན་རྡོ་རྗེ་སེམས་དཔའི་སྐུ་གསུང་ཐུགས་དང་གཉིས་སུ་མེད་པར་ཆུ་ལ་ཆུ་བཞག་པ་ལྟར་བྱིན་གྱིས་བརླབས་པར་མོས། མཐར་ཐུན་འཇོག་པ་ན། ཨོཾ། བླ་མ་དཔལ་ལྡན་རྡོ་རྗེ་སེམས་སོགས་ཀྱིས་གསོལ་བ་བཏབ། རྩ་བ་སྐུ་གསུང་ཐུགས་ཞེས་པ། དམ་ཚིག་སྲུང་བའི་ཡུལ་ལྷ་དང་བླ་མ་གཙོ་བོ་ཡིན་ལ། སྲུང་ཚུལ་ཕན་འདོགས་པ་དང་གནོད་པ་བཟློག་པའི་གཞིའི་གཙོ་བོ་ལུས་ཡིན་ལ། སྐུྃ་ཡི་དམ་ཚིག་ཏུ་བླ་མ་དང་ལྷ་ལ་གུས་པར་བལྟ། མཆེད་དང་ལྕམ་དྲལ་གྱི་མཚོན་པའི་འགྲོ་བ་ཐམས་ཅད་བླ་མའི་སྐུ་ཡི་གདུལ་བྱ་ཡིན་པས་གནོད་པ་སྤང་བ་དང༌། རྣམ་པར་སྨིན་པའི་ཐ་མལ་གྱི་ལུས་ཀྱི་སྣང་ཞེན་བསྐྱེད་རིམ་གྱིས་སྦྱང་བར་བྱེད་པའོ། །དགེ་མི་དགེའི་རྣམ་འགྱུར་ཐམས་ཅད་ངག་ལ་བརྟེན་ནས་བསྐྱེད་པས། གསུངྃ་གི་དམ་ཚིག་ཏུ་སྔགས་དང་ཕྱག་རྒྱ་རྒྱུན་མི་གཅོད་པ་དང༌། ངག་གི་ཉེས་པ་སྤང་བའི་ཕྱིར་བླ་མས་ཅི་གསུངས་སྒྲུབ་པ་དང༌། མཆེད་ལྕམ་གྱི་ངག་མི་གཅོག་པའོ། །འཁོར་བ་བསྐྱེད་པའི་རྒྱུའི་གཙོ་བོ་ཡིད་ཡིན་པས། ཐུགྃས་རྡོ་རྗེའི་དམ་ཚིག་ཏུ་ཡིད་ཀྱི་ཉེས་པ་སྤང་ཞིང༌། ལྷ་སྔགས་ལྟ་སྒོམ་གྱི་གསང་བ་གཞན་ལ་མི་སྤེལ་བ་དང༌། བྱང་ཆུབ་ཀྱི་སེམས་རྣམ་པ་གཉིས་བསྐྱེད་ཅིང་བླ་མ་དང་ཐུགས་ཡིད་བསྲེ་བས། ཏིང་ངེ་འཛིན་གྱི་སྒོ་དུ་མ་སྤྱོད་པ་སྟེ། ཡན་ལག་གི་དམ་ཚིག་ཉེར་ལྔ་ནི། སྤྱོད་པའི་དམ་ཚིག་ཏ་ན་སྒྲོལ་བ། ག་ཎ་སྦྱོར་བ། མ་བྱིན་པ་ལེན་པ། རྫུན་དུ་སྨྲ་བ། ངག་འཁྱལ་ལྔ་སྔགས་བླ་མེད་ཀྱི་ལམ་པའི་རྣལ་འབྱོར་པ་རྣམས་ཀྱིས་ཆོས་ཐམས་ཅད་སྐུ་གསུང་ཐུགས་ཀྱི་དཀྱིལ་འཁོར་གསུམ་གྱི་རང་བཞིན་དུ་རྟོགས་ནས་སྣང་སྤྱོད་ཐམས་ཅད་ཀུན་ཏུ་བཟང་པོའི་ཕྱག་རྒྱས་བཏབ་པ་ལས་མི་འདའ་བར་སྤྱད་ན་ཕལ་པ་རྣམས་འཁོར་བར་འཆིང་བྱེད་ཀྱི་ལས་ཉོན་གང་གིས་ཀྱང་དེ་ལ་མི་གོས་པར་མ་ཟད་རང་གི་ཚོགས་རྫོགས་ཤིང་གཞན་ལ་ཕན་པ་རླབས་པོ་ཆེ་སྒྲུབ་པར་བྱེད་པས་དམ་ཚིག་ཉེར་ལྔ་ལ་རྟོགས་གོམས་ཀྱི་གདེང་དང་ལྡན་པས་སྒྲ་ཇི་བཞིན་དུ་སྤྱོད། ནུས་པ་མེད་པ་རྣམས་ཀྱིས་སྦས་དོན་ལ་སློབ་ཅིང་ལྟ་སྒོམ་གྱི་དམ་ཚིག་བཅུ་པོ་དངོས་སུ་སློབ་པར་གསུངས། ལྔ་ཚན་གཉིས་པ་ཉོན་མོངས་དུག་ལྔ་གཞི་ཡེ་ཤེས་ལྔའི་རང་བཞིན་ཐབས་ཀྱིས་ལམ་དུ་མ་ལྷོངས་བས་འབྲས་བུ་སྐུ་དང་ཡེ་ཤེས་སུ་འཆར་མ་ནུས་པ་དང༌། ལྔ་ཚན་གསུམ་པ་བདུད་རྩི་ལྔ་གཉིས་འཛིན་གྱི་རྟོག་པ་བྲལ་བས་གྲུབ་པ་བཞི་དང༌། ཡིན་པ་གསུམ་ཡིན་པར་མ་ཤེས་པས་གཙང་དམེར་བལྟ་བ་དང༌། ལྔ་ཚན་བཞི་པ་ཤེས་བྱ་ལྟ་བའི་དམ་ཚིག་ཕུང་ཁམས་ཡུལ་དབང་ཁ་དོག་ལྔ་ཐམས་ཅད་རིགས་ལྔའི་ཡེ་ཤེས་ཀྱི་རང་གདངས་སུ་ཡེ་ནས་ལྷར་དག་པར་མ་ཤེས་པ་དང༌། ལྔ་ཚན་ལྔ་པ་བསྒྲུབ་བྱ་སྒོམ་པའི་དམ་ཚིག་ལྔ་ཚན་ཐམས་ཅད་ཆོ་ག་ལྔ་དང་ཏིང་འཛིན་གསུམ་གྱིས་རིགས་ལྔ་རུ་སྒྲུབ་མ་ཤེས་པའོ། །རང་བཞིན་ལྟ་བའི་དམ་ཚིག་བཞི་ནི། རིག་པའི་གཤིས་ལ་དགག་སྒྲུབ་གང་ཡང་མེད་པས་མེདྃ་པྃ། གཉིས་ཆོས་ཐམས་ཅད་ཡེ་ཤེས་གཅིག་ཏུ་བབ་པས་གཅིྃག་པུྃ། ཆོས་ཐམས་ཅད་ཆོས་ཉིད་ཡངས་པར་བརྡལ་བས་ཕྱལྃ་པྃ། མཁྱེན་ཆ་ཡོན་ཏན་གྱི་ཆོས་ཡེ་རྫོགས་སུ་ཡོད་པས་ལྷུནྃ་གྲུབྃ་སྟེ་རྫོགས་ཆེན་ལྟ་བ་ཀློང་གྱུར་གྱི་ངོར་སྲུང་འདས་ཀྱི་སྤྲོས་པ་མེད་པའི་དམ་ཚིག་སྟེ། དུས་ལ་ལྟོས་ན་ཉིན་མཚན་ཐུན་དྲུག་ཏུ་བཅད་པའི་ཆ་གང་ཡང་རུང་བ་ཞིག་གི་ནང་དུ་ལྟུང་བ་སྦྱང་བའི་བྱ་བ་མ་བརྩམ་ཞིང་ཐུན་དེའི་ནང་དུ་གཉེན་པོས་མ་སླེབས་པར་དུས་ཚོད་ལས་ཐལ་ཏེ་ཐུན་ཚོད་འདས་པའི་མཚམས་ལ་ཐུན་འདས་ཀྱི་ལྟུང་བ་ཞེས་བརྗོད་པ་ཡིན་ལ། དེ་བཞིན་དུ་ཞག་གཅིག་ལ་འགལ་བ། ཟླ་བ་གཅིག་ལ་ཉམས་པ། ལོ་གཅིག་ལ་འདས་པ། ལོ་གཉིས་གསུམ་འདས་ཚུན་ཆད་རལ་བ་ཞེས་བཤགས་པ་བྱས་ན་གསོ་རུང་ཞིང༌། སྔ་མ་སྔ་མ་ལས་ཕྱི་མ་ཕྱི་མ་ལྕི་ཞིང༌། ལོ་གསུམ་འདས་ན་བཤགས་པ་བྱས་ཀྱང་གསོ་རུང་བ་ནི་མ་ཡིན་ལ། བཤགས་ཚུལ་ཀྱང༌། འགལ་བའི་ཉེས་པ་བྱུང་ན་ཚོགས་འཁོར་སྔོན་དུ་འགྲོ་བ་དང༌། ཉམས་པ་ལ་ལོངས་སྤྱོད་ཡོད་ཚད་བླ་མ་དང་དཀྱིལ་འཁོར་ལ་ཕུལ་བ། འདས་ན་བུ་དང་ཆུང་མ་ནོར་དབྱིག་འཕང་པ་ཐམས་ཅད་ཕུལ་བ་དང༌། རལ་བའི་ཉེས་པ་བྱུང་ན་རང་གི་སྲོག་ལ་མི་ལྟ་བའི་བརྩོན་འགྲུས་ཀྱིས་བཤགས་པར་གསུངས། བཤགས་ཚིག་གིས་གསོལ་བ་བཏབ་པས། བླ་མ་རྡོ་རྗེ་སེམས་དཔའ་ཉིད་དགྱེས་པའི་འཛུམ་དང་བཅས་ཏེ། འོ་རིགས་ཀྱི་བུ་ཁྱོད་ཀྱི་སྡིག་སྒྲིབ་ཐམས་ཅད་དག་པ་ཡིན་ནོ། །ཞེས་གནང་བ་བྱིན་པར་བསམས་ལ། སྤྱི་བོའི་བླ་མ་རྡོར་སེམས་ཉིད་གདན་པད་ཟླ་དང་བཅས་པ་འོད་དུ་ཞུ་ནས་ཐུགས་འོད་ལྔའི་གོང་བུའི་རང་བཞིན་དུ་གྱུར་པ་དེ་ཉིད་རང་གི་ཚངས་བུག་ནས་ཞུགས། སྙིང་དབུས་སུ་སིབ་ཀྱིས་ཐིམ་པར་བསམས་ལ་སྡིག་སྒྲིབ་སྦྱང་བྱ་སྦྱོང་བྱེད་ཀྱི་ངོ་བོར་གཅེར་གྱིས་བལྟས་ཏེ་འཁོར་གསུམ་ཡོངས་དག་བརྗོད་བྲལ་བདེ་བ་ཆེན་པོའི་ངང་དུ་ཅི་གནས་སུ་མཉམ་པར་བཞག་པ་ནི་སྡིག་པ་སྦྱང་བའི་མཆོག་སྟེ། གནས་ལུགས་ངོ་འཕྲོད་ཀྱི་ལྟ་བ་སྐྱོང་རྒྱུ་ཡོད་ན་དེའི་ངང༌། དེ་ལྟར་མེད་ན་སྡིག་པའི་ལས་དེ་ཉིད་དང༌། བྱེད་པ་པོ་གང་ཟག་དང༌། སྡིག་པའི་ས་བོན་འཛིན་པའི་རྣམ་ཤེས་དང༌། འབྲས་བུ་སྡུག་བསྔལ་བ་བཅས་པ་ལ་རྒྱུ་གང་ལས་སྐྱེས། ངོ་བོ་ཇི་ལྟ་བུ། གནས་གང་ན་གནས། མཐར་གང་དུ་འགག་སོགས་སོ་སོར་བརྟགས་ནས་མཐར་མི་དམིགས་སྤྲོས་པ་དང་བྲལ་བའི་ངང་དུ་འཇོག་པ་སྟེ། ཕྱོགས་དུས་རྒྱལ་བའི་མདོ་ལས། གང་ཞིག་འགྱོད་ཚངས་བྱེད་འདོད་ན། །དྲང་པོར་འདུག་ལ་ཡང་དག་ལྟོས། །ཡང་དག་ཉིད་ལ་ཡང་དག་བལྟ། །ཡང་དག་མཐོང་ན་རྣམ་པར་གྲོལ། །དེ་ནི་འགྱོད་ཚངས་མཆོག་ཡིན་ནོ། །ཞེས་དང༌། སངས་རྒྱས་མཛོད་ཀྱི་མདོ་ལས། ཕ་མ་དང་རང་སངས་རྒྱས་བསད་པ་ཡང༌། སྟོང་པ་ཉིད་བསྒོམས་པས་རྣམ་པར་གྲོལ་ལོ། །ཞེས་སོ། །སྤྱིར་འདིའི་དངོས་བསྟན་སྡིག་སྒྲིབ་སྦྱོང་བ་ཡིན་ཀྱང༌། ཐུན་མིན་སྔོན་འགྲོ་ཐམས་ཅད་ཚང་བའི་ཕྱིར་བླ་མའི་རྣལ་འབྱོར་བྱས་ཀྱང་ཤིན་ཏུ་ལེགས་པའི་ཕྱིར་ངོ་བོ་རང་གི་རྩ་བའི་བླ་མ་ཉིད་རྣམ་པ་རྡོ་རྗེ་སེམས་དཔར་གསལ་ཚུལ། མཐུ་སྟོབས་དབང་ཕྱུག་བི་རཱུ་པས། བླ་མ་དང་ནི་རྡོ་རྗེ་སེམས། །ཐ་དད་པར་ནི་མི་བྱ་སྟེ། །བླ་མ་སངས་རྒྱས་ཆོས་དང་ནི། །དེ་བཞིན་བླ་མ་དགེ་འདུན་ཏེ། །དངོས་གྲུབ་གོ་འཕང་མཆོག་འདོད་པས། །ཀུན་ནས་བླ་མ་མཉེས་པར་བྱ། །སངས་རྒྱས་ཀུན་དངོས་རྡོ་རྗེ་འཆང༌། །རྩོད་པའི་དུས་འདིར་བདག་དོན་དུ། །ཀུན་དང་མཐུན་པར་སྟོན་མཛད་པ། །དེ་ལྟར་ཤེས་ནས་དངོས་ཀུན་གྱིས། །བསྟེན་བྱ་དུས་གསུམ་སངས་རྒྱས་ཀྱི། །དངོས་གྲུབ་བདེ་ཆེན་ཐོབ་པར་འགྱུར། །ཞེས་གསུངས་པས། ཕྱོགས་བཅུ་དུས་གསུམ་གྱི་སངས་རྒྱས། ཆོས། དགེ་འདུན་ཀུན་འདུས་བླ་མ་ཡིན། བླ་མ་ཉིད་དཀོན་མཆོག་གསུམ། དཀོན་མཆོག་གསུམ་ཉིད་བླ་མ་ཡིན། རང་རེའི་སྣང་ངོ་དང་བསྟུན་ན་དཀོན་མཆོག་གསུམ་ལས་བཀའ་དྲིན་ཆེ། སངས་རྒྱས་རྣམས་ཞལ་མི་མཇལ། གསུང་མི་ཐོས། སངས་རྒྱས་ཡི་དམ་བྱང་སེམས་མཁའ་གྲོ་ཆོས་སྐྱོང་དངོས་སུ་བྱོན་ཀྱང་བླ་མས་མཛད་རྒྱུ་དང་སྟོན་རྒྱུ་ལས་ལྷག་པོ་མེད། དེ་དག་དངོས་སུ་མཇལ་བའི་སྐལ་བ་མེད་པ་ལ་དེ་ཐམས་ཅད་ཀྱི་མཛད་པ་བླ་མས་གནང་བས་བཀའ་དྲིན་ཆེ་བར་ཐག་བཅད། ངེས་ཤེས་བསྐྱེད། བློ་སྙིང་བྲང་གསུམ་ལིང་གིས་གཏད་ལ། འདི་ནས་བྱང་ཆུབ་བར་དུ་སྐྱིད་སྡུག་ལེགས་ཉེས་ཅི་བྱུང་ཡང་ཁྱེད་ཁོ་ན་མཁྱེན་ནོ་སྙམ་པའི་རེ་ལྟོས་ལིང་བསྐྱུར་གྱི་ཚུལ་གྱིས། ལུས་ཀྱི་བ་སྤུ་གཡོ། མིག་ནས་མཆི་མ་འཁྲུགས། གདུང་ཤུགས་དྲག་པོས་ཐ་མལ་གྱི་སྣང་བ་འགོག་ནུས་པ། བློ་སྣ་བླ་མས་འཕྲོག་པ། བསམ་རྒྱུ་བླ་མ་ལས་མེད་པ། ལུས་སེམས་ཚུགས་མི་ཐུབ་པའི་རིག་པ་བསྒྱུར་ཐུབ་པ་བྱུང་ན་བྱིན་རླབས་འཕྲལ་དུ་འཇུག །ཉོན་མོངས་པ་གློ་བུར་དུ་འགགས། ཡེ་ཤེས་སྐད་ཅིག་གིས་འཕེལ། དེ་ལྟ་བུ་ཡང་ཡང་དྲན་པས་རྟག་ཏུ་བླ་མ་དང་འདུ་འབྲལ་མེད། དེས་སྐྱོན་ཐམས་ཅད་སེལ་ཞིང་ཡོན་ཏན་ཐམས་ཅད་སྐྱེ་བ་ཡིན། བླ་མ་སངས་རྒྱས་སུ་ངེས་ཤེས་སྐྱེས་ན་ལམ་སྒོམ་པ་ཐམས་ཅད་ཀྱི་སྙིང་པོ་ཡིན། སངས་རྒྱས་ཐམས་ཅད་ཀྱི་བྱིན་རླབས་འཇུག །ལྷག་པར་རང་གི་བླ་མ་ལས་ཞུས་པའི་ཡི་དམ་རྣམས་ཀྱི་བྱིན་རླབས་འཕྲལ་དུ་འཇུག་པ་ཡིན་པས། བླ་མ་སངས་རྒྱས་སུ་ཤེས་པ། བཀའ་དྲིན་དྲན་པ། གདུང་ཤུགས་དྲག་པ། ཡང་ཡང་མི་བརྗེད་པའི་ཁྱད་ཆོས་བཞི་དང་ལྡན་པའི་མོས་གུས་ཀྱིས་ཡི་གེ་བརྒྱ་པ་གསོལ་འདེབས་ཀྱི་ཚུལ་དུ་བཟླ། མདོར་ན་ལྷ་རྡོ་རྗེ་སེམས་དཔའ་དང༌། སྔགས་ཡི་གེ་བརྒྱ་བའི་ཕན་ཡོན་ནི། གསང་བ་སྤྱི་རྒྱུད་ལས། སངས་རྒྱས་ཀུན་གྱི་རྒྱུ་གཅིག་པུ། །རྡོ་རྗེ་སེམས་དཔའ་ལ་དམིགས་ནས། །ཡི་གེ་བརྒྱ་པ་ཆོ་ག་བཞིན། །ཉིན་རེ་བཞིན་ཡང་དུས་དྲུག་ཏུ། །ཉི་ཤུ་རྩ་གཅིག་རེ་རེ་བཟླ། །དེ་ཡིས་ལྟུང་སོགས་བྱིན་བརླབས་ནས། །འཕེལ་བར་ནམ་ཡང་མི་འགྱུར་རོ། །འབུམ་ཕྲག་གཅིག་ནི་བཟླས་པ་ན། །སྒྲུབ་པ་མཆོག་གི་ལེགས་བཤད་པས། །རྣམ་པར་དག་པའི་བདག་ཉིད་འགྱུར། །ཞེས་དང༌། མེ་ཏོག་བཀོད་པའི་རྒྱུད་ལས། བླ་མ་རྡོ་རྗེ་སེམས་དཔའ་སྒོམ། །རང་བྱུང་ཡི་གེ་བརྒྱ་བའི་མཐུས། །སྒྲིབ་པ་རྣམ་གཉིས་བྱང་བར་འགྱུར། ཞེས་དང༌། དགོངས་པ་ཚིག་གསུམ་པའི་རྒྱུད་ལས། རྡོ་རྗེ་སེམས་དཔའ་བསྒོམ་ནས་ནི། །སྔགས་ཀྱང་རབ་ཏུ་བཟླ་བྱེད་པ། །དེ་ཡིས་སྡིག་ཀུན་བྱང་ནས་ནི། །རྡོ་རྗེ་སེམས་དཔའ་འདྲ་བར་འགྱུར། །ཞེས་དང༌། རྟ་མཆོག་རོལ་པའི་རྒྱུད་ལས། གསང་སྔགས་རྒྱལ་པོ་བླ་མེད་པ། །ལན་གཅིག་བརྗོད་པ་ཙམ་གྱིས་ཀྱང༌། །སྡིག་པ་མ་ལུས་ཟད་བྱེད་ཅིང༌། །ལས་རྣམས་ཐམས་ཅད་འགྲུབ་པར་འགྱུར། །ཞེས་གསུངས་པ་ལྟར་རོ། །ཕྱི་སྒྲུབ་འདི་ཉིད་བདག་བསྐྱེད་རྒྱུན་གྱི་རྣལ་འབྱོར་ཀྱང་ཡོད་པས་དམིགས་གསལ་གྱི་ཁྲིད་སོགས་སྤྲོ་དགོས་པ་མེད་ཅིང་རྒྱུན་གྱི་ཉམས་ལེན་ལྟ་བུ་ཁྱེར་བདེ་བ་ཡོད་དོ། །འཕྲོ་ལུས། སརྦ་མངྒ་ལཾ། དགེའོ།། །།}} | ||
</onlyinclude> | </onlyinclude> | ||
Latest revision as of 09:11, 1 June 2024
🚧 This website is under continued development. We appreciate your patience!
| Wylie title | snyan brgyud snying gi gsang mdzod las/ /gnyags lugs rdo rje phur pa'i yi dam zhi ba rdo rje sems dpa'i sgrub thabs ye shes gsang thig gi rnam bshad gsang chen bdud rtsi'i nying khu |  |
|---|---|---|
| Location | dil mgo mkhyen brtse bka' 'bum Volume 20, Text 6, Pages 116-151 (Folios 1a to 36a3) | |
| Author | དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ | |
| Less details More details | ||
| Tertön | དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ (Khyentse, Dilgo) | |
| Associated People | གཉགས་ཛྙཱ་ན་ཀུ་མཱ་ར་ (gnyags dz+nyA na ku mA ra) | |
| Citation | Khyentse, Dilgo. Snyan brgyud snying gi gsang mdzod las gnyags lugs rdo rje phur pa'i yi dam zhi ba rdo rje sems dpa'i sgrub thabs ye shes gsang thig gi rnam bshad gsang chen bdud rtsi'i nying khu. In Skyabs rje dil mgo mkhyen brtse rin po che'i bka' 'bum, Vol. 20: 116-151. Delhi: Shechen Publications, 1994. | |
| Genre | Contemplative Guide Books and Instructional Manuals - khrid yig | |
| Cycle | སྙན་བརྒྱུད་སྙིང་གི་གསང་མཛོད་ (snyan brgyud snying gi gsang mdzod) | |
| Deity | rdo rje phur pa | |
| Colophon |
།འཕྲོ་ལུས། སརྦ་མངྒ་ལཾ། དགེའོ།། | |
|
/'phro lus/__sarba mang+ga laM/_dge'o// | ||
