JKW-KABUM-24-YA-014

Previous Section Back to Volume PageNext Section

ཡང་ཟབ་དཀོན་མཆོག་སྤྱི་འདུས་ཀྱི་བསྙེན་ཡིག་དང་སྦྱིན་སྲེག་མདོར་བསྡུས་སྙིང་པོ།

Wylie title	yang zab dkon mchog spyi 'dus kyi bsnyen yig dang sbyin sreg mdor bsdus snying po
Location	mkhyen brtse'i bka' 'bum Volume 24, sde tshan 14, Pages 451-458 (Folios 1a1 to 4b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	འཇའ་ཚོན་སྙིང་པོ་ ('ja' tshon snying po)
Citation	'jam dbyangs mkhyen brtse'i dbang po. yang zab dkon mchog spyi 'dus kyi bsnyen yig dang sbyin sreg mdor bsdus snying po. In 'jam dbyangs mkhyen brtse'i dbang po'i bka' 'bum, Vol. 24: 451-458. Khams sde dge rdzong sar dgon: Rdzong sar blo gros phun tshogs, 2020.
Genre	Fire Offerings - sbyin sreg  ·  Recitation Manual - bsnyen yig
Cycle	བཀའ་རྫོགས་པ་ཆེན་པོ་ཡང་ཟབ་དཀོན་མཆོག་སྤྱི་འདུས་ (bka' rdzogs pa chen po yang zab dkon mchog spyi 'dus)
Colophon	།ཞེས་པའང་ལམ་འདི་ལ་མོས་པའི་དགེ་སློང་པདྨ་ཕྲིན་ལས་དབང་ཕྱུག་གིས་མདོར་བསྡུས་སུ་བྲིས་པ། སླར་མཁྱེན་བརྩེའི་དབང་པོས་གསལ་བྱེད་ཅུང་ཟད་བཅས་དག་པར་བྲིས་པ་མངྒ་ལཾ།།
	zhes pa'ang lam 'di la mos pa'i dge slong pad+ma phrin las dbang phyug gis mdor bsdus su bris pa/__slar mkhyen brtse'i dbang pos gsal byed cung zad bcas dag par bris pa mang+ga laM//

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །ཡང་ཟབ་དཀོན་མཆོག་སྤྱི་འདུས་ཀྱི་བསྙེན་ཡིག་དང་སྦྱིན་སྲེག་མདོར་བསྡུས་སྙིང་པོ་བཞུགས་སོ། །

བླ་མ་པདྨ་འོད་འབར་ལ་ཕྱག་འཚལ་ལོ། །རིག་འཛིན་འཇའ་ཚོན་སྙིང་པོའི་གཏེར་བྱོན་བླ་སྒྲུབ་དཀོན་མཆོག་སྤྱི་འདུས་ཀྱི་བསྙེན་པ་བྱེད་ན། སྔོན་འགྲོ་རྣམས་རབ་འབུམ་ཐེར། དེ་ལྟར་མིན་ཀྱང་དངོས་གཞིའི་བསྙེན་པ་ཇི་ཙམ་བྱེད་པའི་ཡུན་དང་བསྟུན་པའི་ཁྲི་ཕྲག་རེ་སོགས་ཅི་ནུས་བྱ། དེ་ནས་ལས་བྱང་གི་གཞུང་བསྲང་ལ་གུ་རུ་ཞི་བའི་བསྟོད་པའི་བར་དཀྱུས་ལྟར་བཏང་རྗེས། ཚིག་བདུན་དང་ཐོད་ཕྲེང་རྩལ་གྱི་ཛབ་གཙོ་བོར་བཏོན་པ་ཞག་བདུན་སོགས་ཇི་ལྟར་འོས་པ་བྱ། ནང་སྒྲུབ་གུ་རུ་ཞི་བའི་སྙིང་པོ་འབུམ་ཕྲག་བཅུ་གཉིས། གསང་སྒྲུབ་དྲག་པོའི་སྙིང་པོ་འབུམ་ཕྲག་ཤམ་བུ་ཅུང་ཟད་རེ་དང་བཅས་པ། ཡང་གསང་སེང་གདོང་མའི་སྙིང་པོ་ཁྲི་ཕྲག་ལྔ། གཞན་ཡང་ཚེ་སྒྲུབ་དང་། ཕྲིན་ལས་བཞི་བསྙེན་སོགས་ཇི་ལྟར་འོས་པ་བཟླས་རྗེས་དངོས་གྲུབ་བླངས་པ་སོགས་གསང་བ་སྤྱིའི་འགྲོས་ལྟར་ཤེས་པར་བྱའོ། །བསྙེན་པའི་ཁ་སྐོང་གི་ཆེད་དབང་རྟུལ་ཀུ་སུ་ལའི་ལུགས་ཀྱི་སྦྱི ན་སྲེག་མདོར་བསྡུས་བྱེད་པར་འདོད་པས་སྦྱོར་དངོས་རྗེས་གསུམ་ལས། དང་པོ་ནི། སྟེགས་བུ་དཀར་ཟླུམ་གྱི་ངོས་སུ་རྡུལ་ཚོན་དཀར་པོས་པདྨ་འདབ་བརྒྱད་མུ་ཁྱུད་རྡོ་ར་མེ་རི་དང་བཅས་པའི་དབུས་སུ་རྡོ་རྗེས་མཚན་པ་བྲི། མ་གྲུབ་ན་ཤོག་བུ་སོགས་ལ་བྲིས་པ་འདིང་བའམ། འབྲུ་ཚོམ་ཙམ་གྱིས་ཀྱང་རུང་བར་གསུངས། དེའི་སྟེང་དུ་ལྕང་མ་སོགས་ཞི་བའི་ཤིང་སྦོམ་ཕྲ་མཛུབ་མོ་དང་མཉམ་ཁྲུ་གང་བ་ཟླུམ་པོར་བརྩེགས། རང་གི་གཡས་སུ་སྨན་རག་གཏོར་ཚོགས་ཉེར་སྤྱོད་ལྔ་སོགས་དང་། གཡོན་དུ་ཡམ་ཤིང་། མར་ཁུ། ཁྱད་པར་གྱི་རྫས་ཏིལ་ནག་པོ་རྣམས་དང་། འབྱོར་ན་སྲེག་རྫས་གཞན་ཡང་ཇི་ལྟར་རིགས་པ་བཤམས། ཐོ་རངས་ཀྱི་དུས་ཆས་གོས་དཀར་པོ་དང་ལྡན་པས་ཁ་ཤར་དུ་བལྟས་ནས་སེམས་དཔའི་སྐྱིལ་དཀྲུང་གིས་འཁོད་པའི་མདུན་དུ་རྡོར་དྲིལ་བསང་ཆུ་འཐོར་གཡབ་དགང་བླུགས་སོགས་འོག་ཏུ་དགོས་པའི་ཡོ་བྱད་ཐམས་ཅད་འདུ་བྱ། ལས་ཀྱི་གཞུང་བསྲང་ནས་བཟླས་པ་ཡན་གྲུབ་པ་དང་། སྤྲོ་ན་ཚོགས་མཆོད་ཀྱང་བྱ། བསང་ཆུ། ཨོཾ་ཨ་བྷིགྷྣཱན་ཏ་ཀྲིཏ་ཧཱུྃ་ཕཊཿ བརྒྱ་རྩ་སོགས་ཀྱིས་བྱིན་བརླབ་བོ། །གཉིས་པ་ལ་འཇིག་རྟེན་པའི་མེ་ལྷ་མཆོད་པ་དང་། འདས་པའི་མེ་ལྷ་མཆོད་པ། འཇིག་རྟེན་པ་ལ་བཏང་རག་འབུལ་བའོ། །དང་པོ་ནི། མཆོད་རྫས་དང་། སྲེག་རྫས་ལ་བསང་ཆུ་འཐོར་ཞིང་། མཆོད་རྫས་ལས་བྱང་ལྟར་བརླབས། སྲེག་རྫས་ཨོཾ་སྭཱ་བྷཱ་ཝས་སྦྱངས། ཨོཾ་ཨོཾ་སྭཱ་ཧཱ། ཨོཾ་ཨཱཿསྭཱ་ཧཱ། ཨོཾ་ཤྲིཾ་སྭཱ་ཧཱ། ཨོཾ་ཛིཾ་སྭཱ་ཧཱ། ཨོཾ་ཀུ་རུ་ཀུ་རུ་སྭཱ་ཧཱ། ཨོཾ་ཨཱཿཧཱུྃ། སྟོང་པའི་ངང་ལས་བསྲེག་རྫས་རྣམས། །སྟོང་གསུམ་དང་མཉམ་ཡངས་པའི་ནང་། །བཅུད་རྣམས་ཡེ་ཤེས་བདུད་རྩིའི་དངོས། །འདོད་ཡོན་རྒྱ་མཚོ་འཕྲོ་བར་གྱུར། ཨོཾ་ཨཱཿཧཱུྃ། ལན་བདུན་གྱིས་བརླབས། དཔལ་འབར་གྱི་མེ་ཐོག་ལ་བསྙེན་སྔགས་ཀྱི་མཐར། ཛྭ་ལ་རཾ་ཞེས་པས་སྦར། ཧཱུྃ། ཞེས་བརྗོད་ཅིང་ལས་དང་བསྟུན་པའི་མེ་དར་གྱིས་རླུང་གཡབ། བསང་ཆུ་འཐོར་ཞིང་། ཨོཾ་ཨ་བྷིགྷྣཱན༴ སྭཱ་བྷཱ་ཝ་སོགས། མེ་ཐབ་མི་དམིགས་སྟོང་པའི་ངང་ཉིད་ལས། །ཨེ་ལས་བྱུང་བའི་ཞི་བའི་ཐབ་ཁུང་ཟླུམ། །དཀར་གསལ་མདངས་ལྡན་མེ་ལྕེ་ཟླུམ་པོར་འབར། །དབུས་སུ་པདྨ་ཉི་ཟླའི་གདན་སྟེང་དུ། །དམ་ཚིག་མེ་ལྷ་དྲང་སྲོང་ཆ་ལུགས་ཅན། །སྐུ་མདོག་དཀར་པོ་འཛུམ་ཞིང་ཞི་ཚུལ་མཛེས། །ཞལ་གཅིག་ཕྱག་བཞི་སྤྱན་གསུམ་ར་སྐྱེས་ཆིབས། །ཕྱག་གཡས་མེ་ཐབ་འོག་མས་གུནྡྷེ་བསྣམས། །གཡོན་པས་བགྲང་ཕྲེང་འོག་མས་ལྕགས་ཀྱུ་འཛིན། །ཤ་རྒྱས་གཟུགས་ཐུང་སྒེག་ཅིང་ལྟོ་བ་འཕྱང་། །སྨ་ར་དམར་སེར་རལ་པའི་ཅོད་པཎ་ཅན། དྲང་སྲོང་ཚོགས་ཀྱིས་བསྐོར་བའི་དབུས་སུ་གསལ། །བདག་ཉིད་ཡི་དམ་ལྷ་ཡི་ཐུགས་ཀ་ནས། །འོད་འཕྲོས་ཤར་ལྷོ་མེ་ལྷའི་ཡུལ་ནས་ནི། །ཡེ་ཤེས་དམ་ཚིག་སེམས་དཔའ་ཇི་ལྟ་བར། །དྲང་སྲོང་ཚོགས་ཀྱིས་བསྐོར་བ་སྤྱན་དྲངས་གྱུར། །མདའ་དར་དཀར་པོ་གཡབ་ཅིང་། ཧཱུྃ། དད་པ་དང་ནི་དམ་ཚིག་གིས༔ ཚུར་གཤེགས་ཚུར་གཤེགས་ལྷ་ཆེན་པོཿ མེ་ལྷའི་རྒྱལ་པོ་དྲང་སྲོང་མཆོགཿ སྲེག་བླུག་ཞལ་ཟས་བཞེས་སླད་དུ༔ འདི་ཉིད་དུ་ནི་གཤེགས་སུ་གསོལ༔ ཨོཾ་ཨགྣ་ཡེ་སྭཱ་ཧཱ། ཛྭ་ལ་ཡཿ ཛཿཧཱུྃ་བྃ་ཧོཿ ཞེས་པས་སྤྱན་དྲངས་ནས་དབྱེར་མེད་དུ་བསྟིམ་པལ། ཨོཾ་ཨགྣ་ཡེ་ཨརྒྷཾ་ནས། ཤབྡའི་བར་གྱིས་མཆོད། ཨོཾ་ཨགྣ་ཡེ་སརྦ་པཉྩ་ཨ་མྲྀ་ཏ་རཀྟ་བ་ལིངྟ་ཁ་རྃ་ཁ་ཧི། སྨན་རཀ་གཏོར་གསུམ་དང་། སྤྲོ་ན། ཨོཾ་ཨགྣ་ཡེ་ག་ཎ་ཙཀྲ་པཱུ་ཛ་ཁཱ་ཧི། ཚོགས་་མཆོད་འབུལ། ཧཱུྃ། གཟི་བརྗིད་འབར་བ་མེ་ཡི་ལྷ༔ འབར་བཅས་སྐུ་ནི་རྒྱན་གྱིས་བརྒྱན༔ རྔམས་པའི་བྱིན་ཅན་ལས་ལ་བརྩོན༔ སྲེག་བླུག་འབུལ་ལོ་ལས་ཀུན་སྒྲུབ༔ ཚངས་པ་འཇིག་རྟེན་མགོན་གྱི་སྲས༔ ཞི་ལ་སོགས་པའི་ལྷ་དཔལ་ཏེ༔ ཇི་ལྟར་འདོད་པའི་དོན་སྒྲུབ་པ༔ གཟི་བརྗིད་རྒྱལ་པོར་ཕྱག་འཚལ་བསྟོད༔ ཅེས་འདོད་དོན་གསོལ་བཞིན་ཕྱག་འཚལ་བ་སྔོན་དུ་འགྲོ་བས། ཨོཾ་ཨགྣ་ཡེ་སྭཱ་ཧཱཿ ཞེས་པས་མར་ཁུ་ལན་ཉེར་གཅིག་བྱོན་སྐྱེམས་ཕུལ། ཡམ་ཤིང་ཐོགས་ལ། ཨོཾ་ཨགྣ་དེ་བ་ཏ་ཡེ་སྔགས་ཀྱི་ལྷག་ཆད་དང་། ནད་གདོན་སྡིག་སྒྲིབ་རྐྱེན་ངན་བར་ཆད་ཐམས་ཅད་དྷརྨ་དྷཱ་ཏུ་ཤནྟིཾ་ཀུ་རུ་སྭཱ་ཧཱ། ཞེས་པ་ལན་བརྒྱ་རྩའམ་ཉེར་གཅིག་བར་ཅི་རིགས་འབུལ། མར་ཁུ་བླུག་གཟར་གྱིས་དགང་གཟར་བསྐང་ལ། ཨོཾ་ཨགྣ་ཡེ་སྭཱ་ཧཱ། དང་སྤེལ་ཚིག་གོང་ལྟར་བརྗོད་པས་བརྒྱ་རྩ་སོགས་ཀྱི་མཐར་ཁ་སྦྱོར་དུ་འབུལ། ཏིལ། ཨོཾ་ཤནྟིཾ་ཀུ་རུ་ཡེ་སྭཱ་ཧཱལ་སྤེལ་ཚིག་གོང་ལྟར་སྦྱར། སྲེག་རྫས་གཞན་ཡོད་ནའང་སྔགས་དེ་ཉིད་ཀྱིས་ཕུལ། མཐར་ནི། ཧཱུྃ། ཡེ་ཤེས་ཀློང་ཡངས་འཁྱིལ་པའི་ཧོམ་ཁུང་དུ། །དམ་རྫས་བདུད་རྩི་འབར་བའི་སྦྱིན་སྲེག་འདི། །མེ་ལྷ་དྲོང་སྲོང་ཚོགས་ལ་མཆོད་པ་འབུལ། །ཕྲིན་ལས་རྣམ་བཞིན་མྱུར་དུ་འགྲུབ་པར་མཛོད། ཧ་ཧ་ཧེ་ཧེ་ཧཱུྃ་ཧཱུྃ། ཞེས་འདོད་དོན་གསོལ། གཉིས་པ་ནི་བུད་ཤིང་ཅུང་ཟད་གསོས་ལ། བསང་ཆུ་འཐོར་ཞིང་བསང་སྦྱངས། མེ་ལྷའི་ལྟོ་བ་ཡངས་ཤིང་རྒྱ་ཆེ་དབུས། །ཡེ་ཤེས་འོད་ལྔ་འཁྲུགས་པའི་ཀློང་དཀྱིལ་དུ། །སྣ་ཚོགས་པདྨ་ཉི་ཟླའི་གདན་གྱི་སྟེང་། །དཀོན་མཆོག་སྤྱི་འདུས་པདྨ་འོད་འབར་སྐུ༔ དཀར་གསལ་མདངས་ལྡན༴ སོགས་ལས་སྦྱང་ལྟར་ལྷ་བསྐྱེད་ནས་བཟུང་བསྟོད་པའི་བར་བྱ། མར་ཁུ། བསྙེན་སྔགས་མཐར། ཨོཾ་ཨགྣ་ཡེ་སྭཱ་ཧཱ། བཏགས་པ་ལན་ཉེར་གཅིག་བྱོན་སྐྱེམས་དུ་འབུལ། དེ་ནས་ཡམ་ཤིང་བརྒྱ་རྩ་སོགས་ཇི་ལྟར་རིགས་པ། བསྙེན་སྔགས་མཐར། ཨོཾ་བྷོ་དྷི་པྲིཀྵ་ཡེ་སྭཱ་ཧཱས་འབུལ་ཞིང་སྤེལ་ཚིག་སྦྱར། དེ་བཞིན་དུ་མར་ཁུ་བརྒྱ་རྩ་སོགས་གོང་ལྟར་སྤེལ་ཚིག་བཅས་པས་འབུལ། བསྙེན་པའི་ཁ་སྐོང་ཡིན་ན་ཏིལ་དང་རྫས་གཞན་ཡོད་ནའང་བསྙེན་སྔགས་ཁོ་ནས་འབུལ་ཞིང་སྤེལ་ཚིག་དང་། སྐབས་སུ་འདོད་གསོལ་ཚིག་བཅད་ཀྱང་སྦྱར་ཞིང་གྲངས་ཀྱི་དངོས་གཞི་བཟུང་སྟེ་ཁྲི་ཕྲག་སོགས་ཇི་ལྟར་ནུས་པས་འབུལ། ལས་གྲུབ་རྐྱང་པ་ལ་ཏིལ་དང་རྫས་གཞན་རྣམས་ཐམས་ཅད་ལ། ཨོཾ་ཤནྟིཾ་ཀུ་རུ་སྭཱ་ཧཱ། ཁོ་ནས་འབུལ། མཐར། ཨོཾ་ཨཱཿཧཱུྃ། མཆོད་འོས་ཕྱི་ནང་སོགས་ཀྱི་ནང་གི་མཆོད་པ་དང་། ག་ཎ་ཙཀྲ་པཱུ་ཛ་ཁཱ་ཧི། ཞེས་པའི་ཚོགས་མཆོད་འབུལ། བསྟོད་པས་བསྟོད། ཨོཾ་ཨཱཿཧཱུྃ། བདག་གཞན་བླ་མེད༴ སོགས་དངོས་གྲུབ་བླངས་ཤིང་ནོང་པ་བཤགས། ཨོཾ་ཁྱེད་ཀྱི་སེམས་ཅན་དོན་ཀུན་སོགས་ནས། བཛྲ་མུཿས་ཡེ་ཤེས་པ་གཤེགས། དམ་ཚིག་པ་རང་ལ་ཐིམ་པར་བསམ། གསུམ་པ་ནི། སླར་ཡང་མེ་ཅུང་ཟད་གསོས་པས། མེ་ལྷ་ལྷག་པར་གསལ་ལ་མཆོད་བསྟོད་དང་། སྲེག་རྫས་ཀྱི་ལྷག་མ་ཇི་ལྟར་རིགས་པ་འབུལ། ཚོགས་ཡོད་ན་ལྷག་མའང་ལས་བྱང་ལྟར་བཏང་། མ་རྙེད་ཡོངས་སུ་མ་ཚང་སོགས་ཀྱིས་ནོངས་པ་བཤགས། ཕྲིན་ལས་ཐོགས་མེད་མེ་ཡི་ལྷ། །འཁོར་དང་བཅས་ལ་ཕྱག་འཚལ་བསྟོད། །རང་བཞིན་གནས་སུ་ད་གཤེགས་ལ། །ཕྱོགས་འདིར་དགེ་ཞིང་ཤིས་པར་མཛོད། ཨོཾ་ཨགྣ་ཡེ་གཙྪས། མེ་ལྷ་ཡེ་ཤེས་པ་གཤེགས། དམ་ཚིག་པ་འབ ར་བའི་རྣམ་པར་བསམ། གསུམ་པ་རྗེས་ནི། སྤྲོ་ན་བསྐུལ་པ་དང་ཆད་ཐོ་སོགས་ལས་བྱང་ལྟར་བཏང་ཞིང་། བཀྲ་ཤིས་རྒྱ་ཆེར་བརྗོད་པ་དང་མེ་ཏོག་གི་ཆར་དབབ། བསྡུ་ན་བསྔོ་སྨོན་ཤིས་བརྗོད་བསྡུ་རིམ་དང་བཅས་ཐུན་མཚམས་ཀྱི་ལྷར་ལྡང་། སླར་ཡང་ཤིས་བརྗོད་གང་རིགས་བྱ། མེ་རང་ཞིར་འཇོག་པའམ་ལོང་མེད་ན་འོ་མས་བཏུལ་ཞིང་ཆུ་རླུང་ཆེན་པོར་སྤྱན་དྲངས་ལ་ལས་ཀྱི་རྗེས་མི་མངོན་པར་བྱ། ༈ ལས་གཞན་གསུམ་ལ། རྒྱས་པའི་ཁྱད་པར་སྟེགས་བུ་སེར་པོ་གྲུ་བཞི་པའི་ངོས་སུ་ནོར་བུའི་མཚན་པའི་ཐབ་གྲུ་བཞི། བུད་ཤིང་དང་། ཡམ་ཤིང་འབྲས་བུ་ཅན་གྱི་ཤིང་གུང་མོ་དང་མཉམ་པ། ཁྱད་པར་གྱི་རྫས་ཟས་མཆོག་དང་འབྲུ་སྣ་རིན་པོ་ཆེ་དང་དར་ཟབ་ལ་སོགས་གང་འབྱོར་དུས་ཉི་ཤར་ཆས་གོས་དང་མེ་དར་སེར་པོ་ཁ་བྱང་བལྟ་བཟང་པོའི་འདུག་སྟངས། འཇིག་རྟེན་པའི་མེ་ལྷ་སྐྱེད་པའི་སྐབས། མེ་ཐབས་མི་དམིགས་སྟོང་པའི་ངང་ཉིད་ལས། བྷྲཱུྃ་ལས་བྱུང་བའི་རྒྱས་པའི་ཐབ་ཁུང་ནི། །གྲུ་བཞི་སེར་པོ་མེ་ལྕེ་རིན་ཆེན་འབར། །དབུས་སུ་པདྨ་ཉི་ཟླའི་གདན་སྟེང་དུ། །དམ་ཚིག་མེ་ལྷ་སེར་གསལ་རྒྱས་པའི་ཉམས། །ཞལ་གཅིག་ཕྱག་བཞི་སོགས་གོང་དང་འདྲ། བསྟོད་པའི་སྐབས། རྒྱས་ལ་སོགས་པའི་ལྷ་དཔལ་ཏེ་ཞེས་བསྒྱུར། སྤེལ་ཚིག །ཨོཾ་ཨགྣ་དེ་བ་ཏ་ཡེ་ཚེ་བསོད་དཔལ་འབྱོར་ལོངས་སྤྱོད་ཐམས་ཅད་པུཥྟིཾ་ཀུ་རུ་ཡེ་སྭཱ་ཧཱ། ཁྱད་པར་གྱི་རྫས་སྔགས། བྷྲཱུྃ་པུཥྟིཾ་ཀུ་རུ་ཡེ་སྭཱ་ཧཱཿ འདོད་གསོལ། ཚེ་དང་བསོད་ནམས་སོགས། འདས་པའི་མེ་ལྷ་སྐབས། མེ་ལྷའི་ལྟོ་བ་ཡངས་ཤིང་རྒྱ་ཆེའི་དབུས། །ཡེ་ཤེས་འོད་ལྔ་འཁྲུགས་པའི་ཀློང་དཀྱིལ་དུ། །སྣ་ཚོགས་པདྨ་ཉི་ཟླའི་གདན་གྱི་སྟེང་། །དཀོན་མཆོག་སྤྱི་འདུས་པདྨ་འོད་འབར་སྐུ། །སེར་གསལ་མདངས་ལྡན༴ སོགས་འདྲ། དངོས་གཞི་སྤེལ་ཚིག་སོགས་གོང་ལྟར་ཁ་བསྒྱུར། ལོང་ཡོད་ན་མེ་རང་ཞི་ལོང་མེད་ན་དྲི་སེར་པོའི་ཆུས་གཞིལ། རྗེས་སུ་ཐལ་བ་བང་མཛོད་ཀྱི་ཕུག་ཏུ་སྦ་བའམ། རི་རྩེ་མཐོན་པོར་སྐྱལ་ལོ། ། ༈ དབང་གི་ཁྱད་པར་ལ། ཐབས་ཟླ་གམ་ལྕགས་ཀྱུའི་མཚན་པ། བུད་ཤིང་དང་ཡམ་ཤིང་མདོག་དམར་ཞིང་རོ་སྐྱུར་བ་ཁྱད་པར་གྱི་རྫས་མེ་ཏོག་དམར་པོ་དང་། ལན་ཚྭ་གར་ཆང་གིས་སྦགས་པ། ཆས་གོས་དང་མེ་དར་སོགས་དམར་པོ། དུས་དགོང་ཀ་ཁ་ནུབ་ལོང་བུ་བསྣོལ་བ་པདྨའི་འདུག་སྟངས་འཇིག་རྟེན་པའི་མེ་ལྷའི་སྐབས། ཧྲཱིཿལས་བྱུང་བའི་དབང་གི་ཐབ་ཁུང་ནི། །ཟླ་གམ་དམར་པོ་འགུགས་བྱེད་ལྕགས་ཀྱུ་འབར། །དབུས་སུ་པདྨ་ཉི་ཟླའི་གདན་སྟེང་དུ། །དམ་ཚིག་མེ་ལྷ་དམར་པོ་ཆགས་པའི་ཉམས། །ཞལ་གཅིག སོགས་འདྲ། བསྟོད་པའི་སྐབས། དབང་ལ་སོགས་པའི་ལྷ་དཔལ་ཏེ། ཞེས་བསྒྱུར། སྤེལ་ཚིག །ཨོཾ་ཨགྣ་དེ་བ་ཏ་ཡེ་ཁམས་གསུམ་གྱི་སྐྱེ་འགྲོ་དང་བརྟན་གཡོའི་བཅུད་དང་ནུས་པ་ཐམས་ཅད་ཝ་ཤམ་ཀུ་རུ་སྭཱ་ཧཱ། ཁྱད་པར་གྱི་རྫས་སྔགས། ཧྲཱིཿཝ་ཤཾ་ཀུ་རུ་སྭཱ་ཧཱ། འདོད་གསོལ་སྐབས། རྒྱལ་བའི་ཐུགས་རྗེའི་སོགས། འདས་པའི་མེ་ལྷ་སྐབས། མེ་ལྷའི་ལྟོ་བ་ཡངས་ཤིང་རྒྱ་ཆེའི་དབུས། །ཡེ་ཤེས་འོད་ལྔ་འཁྲུགས་པའི་ཀློང་དཀྱིལ་དུ། །སྣ་ཚོགས་པདྨ་ཉི་ཟླའི་གདན་གྱི་སྟེང་། །དཀོན་མཆོག་སྤྱི་འདུས་པདྨ་འོད་འབར་སྐུ། །དམར་གསལ་མདངས་ལྡན་མཛེས༴ སོགས་འདྲ། དངོས་གཞི་སྤེལ་ཚིག་སོགས་གོང་ལྟར་ཁ་བསྒྱུར། ལོང་ཡོད་ན་མེ་རང་ཞི། ལོང་མེད་ན་ཙན་དན་གྱི་ཆུས་མེ་གཅིག་ཅར་དུ་གཞིལ། ཐལ་བ་ཆུ་ཀླུང་ཆེན་པོར་དོར་རོ། ། ༈ དྲག་པོའི་ཁྱད་པར། ལྕགས་བུ་ནག་པོ་ཟུར་གསུམ་པོའི་ངོས་སུ་འཁོར་ལོ་རྩིབ་བརྒྱད་མུ་ཁྱུད་རྡོ་ར་མེའི་དར་བཅས་ཟུར་གསུམ་རལ་གྲིས་མཚན་པ། བུད་ཤིང་དང་ཡམ་ཤིང་ཚེར་མ་ཅན་གྱི་ཤིང་མཐེའུ་ཆུང་དང་མཉམ་པ། ཁྱད་པར་གྱི་རྫས་དུག་ཁྲག་གི་སྦགས་པའི་ཡུངས་ཀར་ཏེ་དེའང་མཆོད་རྫས་གཡོན་དང་བསྲེགས་རྫས་གཡས་སུ་བཤམ། དུས་སྲོད་འཁོར་སོགས། ཆས་གོས་དང་མེ་དར་སོགས་ཁ་དོག་ནག་པོ། ཁ་ལྷོར་བལྟ། འདུག་སྟངས་རུ་སྦལ་གྱི་འདུག་སྟངས་ཞེས་ཧོར་འདུག །འཇིག་རྟེན་པའི་མེ་ལྷ་བསྐྱེད་སྐབས། ཧཱུྃ་ལས་བྱུང་བའི་དྲག་པོའི་ཐབ་ཁུང་ནི། །གྲུ་གསུམ་ལྗང་ནག་མེ་ལྕེ་མཚོན་ཆ་འབར། །དབུས་སུ་པདྨ་ཉི་ཟླའི་གདན་སྟེང་དུ། །དམ་ཚིག་མེ་ལྷ་མཐིང་ནག་ཁྲོས་པའི་སྐུ། །ཞལ་གཅིག༴ སོགས་འདྲ། བསྟོད་པའི་སྐབས། དྲག་ལ་སོགས་པའི༴ ཞེས་བསྒྱུར། སྤེལ་ཚིག །གནོད་བྱེད་དགྲ་བགེགས་ཐམས་ཅད་མ་ར་ཡ་ཕཊཿ ཁྱད་པར་གྱི་རྫས་སྔགས། ཧཱུྃ་མཱ་ར་ཡ་ཕཊ། འདོད་གསོལ། དམ་སྲི་འབྱུང་པོ་སོགས། འདས་པའི་མེ་ལྷ་གུ་རུ་དྲག་པོ་བསྐྱེད་ན་འབྲེལ་ཆེ་བས། མེ་ལྷའི་ལྟོ་བ་ཡངས་ཤིང་རྒྱ་ཆེའི་དབུས། །ཡེ་ཤེས་མེ་དཔུང་འབར་བའི་ཀློང་དཀྱིལ་དུ། །པདྨ་ཉི་མ་རྒྱལ་བསེ ན་བསྣོལ་བའི་སྟེང་། །དཀོན་མཆོག་སྤྱི་འདུས་དམར་ནག་འབར་བའི་སྐུར། སོགས་ནས། མེ་དུད་ཟེར་གྱིས་སྲིད་གསུམ་སྐར་ལྟར་འཁྲུགས། དེ་ལྟར་གསལ་བའི་གནས་གསུམ་ཡི་གེ་ལས། །འོད་འཕྲོས་ཡེ་ཤེས་སྤྱན་དྲངས་གཉིས་མེད་ཐིམ། ཧཱུྃ། ཆོས་སྐུ་ཞི་བའི་ངང་ལས༴ སོགས་སྤྱན་འདྲེན་ནས་བསྟོད་བསྐུལ་བར་ལས་བྱང་ལྟར་ལ་དངོས་གཞི་སྤེལ་ཚིག་སོགས་གོང་ལྟར་ཁ་སྒྱུར་སྤྲོས་པ་ལ་དགའ་ན་ལིངྒ་དམིགས་བྱ་འགུགས་བསྟིམ་བགྱིས་པ་བརྒྱ་རྩ་རེ་སོགས་འབུལ་བའང་བྱའོ། །རྗེས་ཀྱི་སྐབས་ཐལ་སོལ་དུག་ཁྲག་གིས་གཅིག་ཅར་དུ་གཞིལ་ཞིང་ལམ་གྱི་གཞི་མདོར་མནན་པ་ཁྱད་པར་རོ། །ཞེས་པའང་ལམ་འདི་ལ་མོས་པའི་དགེ་སློང་པདྨ་ཕྲིན་ལས་དབང་ཕྱུག་གིས་མདོར་བསྡུས་སུ་བྲིས་པ། སླར་མཁྱེན་བརྩེའི་དབང་པོས་གསལ་བྱེད་ཅུང་ཟད་བཅས་དག་པར་བྲིས་པ་མངྒ་ལཾ།། །།

[edit]

yang zab dkon mchog spyi 'dus kyi bsnyen yig dang sbyin sreg mdor bsdus snying po/ @#/_/yang zab dkon mchog spyi 'dus kyi bsnyen yig dang sbyin sreg mdor bsdus snying po bzhugs so/__/ bla ma pad+ma 'od 'bar la phyag 'tshal lo/__/rig 'dzin 'ja' tshon snying po'i gter byon bla sgrub dkon mchog spyi 'dus kyi bsnyen pa byed na/__sngon 'gro rnams rab 'bum ther/__de ltar min kyang dngos gzhi'i bsnyen pa ji tsam byed pa'i yun dang bstun pa'i khri phrag re sogs ci nus bya/__de nas las byang gi gzhung bsrang la gu ru zhi ba'i bstod pa'i bar dkyus ltar btang rjes/__tshig bdun dang thod phreng rtsal gyi dzab gtso bor bton pa zhag bdun sogs ji ltar 'os pa bya/__nang sgrub gu ru zhi ba'i snying po 'bum phrag bcu gnyis/__gsang sgrub drag po'i snying po 'bum phrag sham bu cung zad re dang bcas pa/__yang gsang seng gdong ma'i snying po khri phrag lnga/__gzhan yang tshe sgrub dang /__phrin las bzhi bsnyen sogs ji ltar 'os pa bzlas rjes dngos grub blangs pa sogs gsang ba spyi'i 'gros ltar shes par bya'o/__/bsnyen pa'i kha skong gi ched dbang rtul ku su la'i lugs kyi sbyi_na sreg mdor bsdus byed par 'dod pas sbyor dngos rjes gsum las/__dang po ni/__stegs bu dkar zlum gyi ngos su rdul tshon dkar pos pad+ma 'dab brgyad mu khyud rdo ra me ri dang bcas pa'i dbus su rdo rjes mtshan pa bri/__ma grub na shog bu sogs la bris pa 'ding ba'am/__'bru tshom tsam gyis kyang rung bar gsungs/__de'i steng du lcang ma sogs zhi ba'i shing sbom phra mdzub mo dang mnyam khru gang ba zlum por brtsegs/__rang gi g.yas su sman rag gtor tshogs nyer spyod lnga sogs dang /__g.yon du yam shing /__mar khu/__khyad par gyi rdzas til nag po rnams dang /__'byor na sreg rdzas gzhan yang ji ltar rigs pa bshams/__tho rangs kyi dus chas gos dkar po dang ldan pas kha shar du bltas nas sems dpa'i skyil dkrung gis 'khod pa'i mdun du rdor dril bsang chu 'thor g.yab dgang blugs sogs 'og tu dgos pa'i yo byad thams cad 'du bya/__las kyi gzhung bsrang nas bzlas pa yan grub pa dang /__spro na tshogs mchod kyang bya/__bsang chu/__oM a b+hig+h+nAn ta krita hU~M phaTaH__brgya rtsa sogs kyis byin brlab bo/__/gnyis pa la 'jig rten pa'i me lha mchod pa dang /__'das pa'i me lha mchod pa/__'jig rten pa la btang rag 'bul ba'o/__/dang po ni/__mchod rdzas dang /__sreg rdzas la bsang chu 'thor zhing /__mchod rdzas las byang ltar brlabs/__sreg rdzas oM swA b+hA was sbyangs/__oM oM swA hA/__oM AHswA hA/__oM shriM swA hA/__oM dziM swA hA/__oM ku ru ku ru swA hA/__oM AHhU~M/__stong pa'i ngang las bsreg rdzas rnams/__/stong gsum dang mnyam yangs pa'i nang /__/bcud rnams ye shes bdud rtsi'i dngos/__/'dod yon rgya mtsho 'phro bar gyur/__oM AHhU~M/__lan bdun gyis brlabs/__dpal 'bar gyi me thog la bsnyen sngags kyi mthar/__dz+wa la raM zhes pas sbar/__hU~M/__zhes brjod cing las dang bstun pa'i me dar gyis rlung g.yab/__bsang chu 'thor zhing /__oM a b+hig+h+nAn=__swA b+hA wa sogs/__me thab mi dmigs stong pa'i ngang nyid las/__/e las byung ba'i zhi ba'i thab khung zlum/__/dkar gsal mdangs ldan me lce zlum por 'bar/__/dbus su pad+ma nyi zla'i gdan steng du/__/dam tshig me lha drang srong cha lugs can/__/sku mdog dkar po 'dzum zhing zhi tshul mdzes/__/zhal gcig phyag bzhi spyan gsum ra skyes chibs/__/phyag g.yas me thab 'og mas gun+d+he bsnams/__/g.yon pas bgrang phreng 'og mas lcags kyu 'dzin/__/sha rgyas gzugs thung sgeg cing lto ba 'phyang /__/sma ra dmar ser ral pa'i cod paN can/__drang srong tshogs kyis bskor ba'i dbus su gsal/__/bdag nyid yi dam lha yi thugs ka nas/__/'od 'phros shar lho me lha'i yul nas ni/__/ye shes dam tshig sems dpa' ji lta bar/__/drang srong tshogs kyis bskor ba spyan drangs gyur/__/mda' dar dkar po g.yab cing /__hU~M/__dad pa dang ni dam tshig gis:__tshur gshegs tshur gshegs lha chen poH__me lha'i rgyal po drang srong mchogaH__sreg blug zhal zas bzhes slad du:__'di nyid du ni gshegs su gsol:__oM ag+na ye swA hA/__dz+wa la yaH__dzaHhU~M ba~M hoH__zhes pas spyan drangs nas dbyer med du bstim pal/__oM ag+na ye ar+g+haM nas/__shab+da'i bar gyis mchod/__oM ag+na ye sarba pany+tsa a mr-i ta rak+ta ba ling+ta kha ra~M kha hi/__sman raka gtor gsum dang /__spro na/__oM ag+na ye ga Na tsakra pU dza khA hi/__tshogs mchod 'bul/__hU~M/__gzi brjid 'bar ba me yi lha:__'bar bcas sku ni rgyan gyis brgyan:__rngams pa'i byin can las la brtson:__sreg blug 'bul lo las kun sgrub:__tshangs pa 'jig rten mgon gyi sras:__zhi la sogs pa'i lha dpal te:__ji ltar 'dod pa'i don sgrub pa:__gzi brjid rgyal por phyag 'tshal bstod:__ces 'dod don gsol bzhin phyag 'tshal ba sngon du 'gro bas/__oM ag+na ye swA hAH__zhes pas mar khu lan nyer gcig byon skyems phul/__yam shing thogs la/__oM ag+na de ba ta ye sngags kyi lhag chad dang /__nad gdon sdig sgrib rkyen ngan bar chad thams cad d+harma d+hA tu shan+tiM ku ru swA hA/__zhes pa lan brgya rtsa'am nyer gcig bar ci rigs 'bul/__mar khu blug gzar gyis dgang gzar bskang la/__oM ag+na ye swA hA/__dang spel tshig gong ltar brjod pas brgya rtsa sogs kyi mthar kha sbyor du 'bul/__til/__oM shan+tiM ku ru ye swA hAl spel tshig gong ltar sbyar/__sreg rdzas gzhan yod na'ang sngags de nyid kyis phul/__mthar ni/__hU~M/_ye shes klong yangs 'khyil pa'i hom khung du/_/dam rdzas bdud rtsi 'bar ba'i sbyin sreg 'di/_/me lha drong srong tshogs la mchod pa 'bul/_/phrin las rnam bzhin myur du 'grub par mdzod/_ha ha he he hU~M hU~M/_zhes 'dod don gsol/__gnyis pa ni bud shing cung zad gsos la/__bsang chu 'thor zhing bsang sbyangs/__me lha'i lto ba yangs shing rgya che dbus/__/ye shes 'od lnga 'khrugs pa'i klong dkyil du/__/sna tshogs pad+ma nyi zla'i gdan gyi steng /__/dkon mchog spyi 'dus pad+ma 'od 'bar sku:__dkar gsal mdangs ldan=__sogs las sbyang ltar lha bskyed nas bzung bstod pa'i bar bya/__mar khu/__bsnyen sngags mthar/__oM ag+na ye swA hA/__btags pa lan nyer gcig byon skyems du 'bul/__de nas yam shing brgya rtsa sogs ji ltar rigs pa/__bsnyen sngags mthar/__oM b+ho d+hi prik+Sha ye swA hAs 'bul zhing spel tshig sbyar/__de bzhin du mar khu brgya rtsa sogs gong ltar spel tshig bcas pas 'bul/__bsnyen pa'i kha skong yin na til dang rdzas gzhan yod na'ang bsnyen sngags kho nas 'bul zhing spel tshig dang /__skabs su 'dod gsol tshig bcad kyang sbyar zhing grangs kyi dngos gzhi bzung ste khri phrag sogs ji ltar nus pas 'bul/__las grub rkyang pa la til dang rdzas gzhan rnams thams cad la/__oM shan+tiM ku ru swA hA/__kho nas 'bul/__mthar/__oM AHhU~M/__mchod 'os phyi nang sogs kyi nang gi mchod pa dang /__ga Na tsakra pU dza khA hi/__zhes pa'i tshogs mchod 'bul/__bstod pas bstod/__oM AHhU~M/__bdag gzhan bla med=__sogs dngos grub blangs shing nong pa bshags/__oM khyed kyi sems can don kun sogs nas/__badz+ra muHsa ye shes pa gshegs/__dam tshig pa rang la thim par bsam/__gsum pa ni/__slar yang me cung zad gsos pas/__me lha lhag par gsal la mchod bstod dang /__sreg rdzas kyi lhag ma ji ltar rigs pa 'bul/__tshogs yod na lhag ma'ang las byang ltar btang /__ma rnyed yongs su ma tshang sogs kyis nongs pa bshags/__phrin las thogs med me yi lha/__/'khor dang bcas la phyag 'tshal bstod/__/rang bzhin gnas su da gshegs la/__/phyogs 'dir dge zhing shis par mdzod/__oM ag+na ye gats+tshas/__me lha ye shes pa gshegs/__dam tshig pa 'ab_ra ba'i rnam par bsam/__gsum pa rjes ni/__spro na bskul pa dang chad tho sogs las byang ltar btang zhing /__bkra shis rgya cher brjod pa dang me tog gi char dbab/__bsdu na bsngo smon shis brjod bsdu rim dang bcas thun mtshams kyi lhar ldang /__slar yang shis brjod gang rigs bya/__me rang zhir 'jog pa'am long med na 'o mas btul zhing chu rlung chen por spyan drangs la las kyi rjes mi mngon par bya/__!__las gzhan gsum la/__rgyas pa'i khyad par stegs bu ser po gru bzhi pa'i ngos su nor bu'i mtshan pa'i thab gru bzhi/__bud shing dang /__yam shing 'bras bu can gyi shing gung mo dang mnyam pa/__khyad par gyi rdzas zas mchog dang 'bru sna rin po che dang dar zab la sogs gang 'byor dus nyi shar chas gos dang me dar ser po kha byang blta bzang po'i 'dug stangs/__'jig rten pa'i me lha skyed pa'i skabs/__me thabs mi dmigs stong pa'i ngang nyid las/__b+h+rU~M las byung ba'i rgyas pa'i thab khung ni/__/gru bzhi ser po me lce rin chen 'bar/__/dbus su pad+ma nyi zla'i gdan steng du/__/dam tshig me lha ser gsal rgyas pa'i nyams/__/zhal gcig phyag bzhi sogs gong dang 'dra/__bstod pa'i skabs/__rgyas la sogs pa'i lha dpal te zhes bsgyur/__spel tshig__/oM ag+na de ba ta ye tshe bsod dpal 'byor longs spyod thams cad puSh+tiM ku ru ye swA hA/__khyad par gyi rdzas sngags/__b+h+rU~M puSh+tiM ku ru ye swA hAH__'dod gsol/__tshe dang bsod nams sogs/__'das pa'i me lha skabs/__me lha'i lto ba yangs shing rgya che'i dbus/__/ye shes 'od lnga 'khrugs pa'i klong dkyil du/__/sna tshogs pad+ma nyi zla'i gdan gyi steng /__/dkon mchog spyi 'dus pad+ma 'od 'bar sku/__/ser gsal mdangs ldan=__sogs 'dra/__dngos gzhi spel tshig sogs gong ltar kha bsgyur/__long yod na me rang zhi long med na dri ser po'i chus gzhil/__rjes su thal ba bang mdzod kyi phug tu sba ba'am/__ri rtse mthon por skyal lo/_/_!__dbang gi khyad par la/__thabs zla gam lcags kyu'i mtshan pa/__bud shing dang yam shing mdog dmar zhing ro skyur ba khyad par gyi rdzas me tog dmar po dang /__lan tshwa gar chang gis sbags pa/__chas gos dang me dar sogs dmar po/__dus dgong ka kha nub long bu bsnol ba pad+ma'i 'dug stangs 'jig rten pa'i me lha'i skabs/__hrIHlas byung ba'i dbang gi thab khung ni/__/zla gam dmar po 'gugs byed lcags kyu 'bar/__/dbus su pad+ma nyi zla'i gdan steng du/__/dam tshig me lha dmar po chags pa'i nyams/__/zhal gcig__sogs 'dra/__bstod pa'i skabs/__dbang la sogs pa'i lha dpal te/__zhes bsgyur/__spel tshig__/oM ag+na de ba ta ye khams gsum gyi skye 'gro dang brtan g.yo'i bcud dang nus pa thams cad wa sham ku ru swA hA/__khyad par gyi rdzas sngags/__hrIHwa shaM ku ru swA hA/__'dod gsol skabs/__rgyal ba'i thugs rje'i sogs/__'das pa'i me lha skabs/__me lha'i lto ba yangs shing rgya che'i dbus/__/ye shes 'od lnga 'khrugs pa'i klong dkyil du/__/sna tshogs pad+ma nyi zla'i gdan gyi steng /__/dkon mchog spyi 'dus pad+ma 'od 'bar sku/__/dmar gsal mdangs ldan mdzes=__sogs 'dra/__dngos gzhi spel tshig sogs gong ltar kha bsgyur/__long yod na me rang zhi/__long med na tsan dan gyi chus me gcig car du gzhil/__thal ba chu klung chen por dor ro/___/__!_drag po'i khyad par/__lcags bu nag po zur gsum po'i ngos su 'khor lo rtsib brgyad mu khyud rdo ra me'i dar bcas zur gsum ral gris mtshan pa/__bud shing dang yam shing tsher ma can gyi shing mthe'u chung dang mnyam pa/__khyad par gyi rdzas dug khrag gi sbags pa'i yungs kar te de'ang mchod rdzas g.yon dang bsregs rdzas g.yas su bsham/__dus srod 'khor sogs/__chas gos dang me dar sogs kha dog nag po/__kha lhor blta/__'dug stangs ru sbal gyi 'dug stangs zhes hor 'dug__/'jig rten pa'i me lha bskyed skabs/__hU~M las byung ba'i drag po'i thab khung ni/__/gru gsum ljang nag me lce mtshon cha 'bar/__/dbus su pad+ma nyi zla'i gdan steng du/__/dam tshig me lha mthing nag khros pa'i sku/__/zhal gcig=__sogs 'dra/__bstod pa'i skabs/__drag la sogs pa'i=__zhes bsgyur/__spel tshig__/gnod byed dgra bgegs thams cad ma ra ya phaTaH__khyad par gyi rdzas sngags/__hU~M mA ra ya phaT/__'dod gsol/__dam sri 'byung po sogs/__'das pa'i me lha gu ru drag po bskyed na 'brel che bas/__me lha'i lto ba yangs shing rgya che'i dbus/__/ye shes me dpung 'bar ba'i klong dkyil du/__/pad+ma nyi ma rgyal bse_na bsnol ba'i steng /__/dkon mchog spyi 'dus dmar nag 'bar ba'i skur/__sogs nas/__me dud zer gyis srid gsum skar ltar 'khrugs/__de ltar gsal ba'i gnas gsum yi ge las/__/'od 'phros ye shes spyan drangs gnyis med thim/__hU~M/__chos sku zhi ba'i ngang las=__sogs spyan 'dren nas bstod bskul bar las byang ltar la dngos gzhi spel tshig sogs gong ltar kha sgyur spros pa la dga' na ling+ga dmigs bya 'gugs bstim bgyis pa brgya rtsa re sogs 'bul ba'ang bya'o/__/rjes kyi skabs thal sol dug khrag gis gcig car du gzhil zhing lam gyi gzhi mdor mnan pa khyad par ro/__/zhes pa'ang lam 'di la mos pa'i dge slong pad+ma phrin las dbang phyug gis mdor bsdus su bris pa/__slar mkhyen brtse'i dbang pos gsal byed cung zad bcas dag par bris pa mang+ga laM//__//