བརྗོད་མེད་བརྗོད་བྱར་སྟོན་པའི་རྡོ་རྗེའི་ཐོལ་གླུ་གཉུག་མའི་ཉམས་དབྱངས།

🚧 This website is under continued development. We appreciate your patience!

Previous Text Back to Volume PageNext Text

Wylie title	brjod med brjod byar ston pa'i rdo rje'i thol glu gnyug ma'i nyams dbyangs
Location	mkhyen brtse'i bka' 'bum Volume 22, sde tshan 12, Text 103, Pages 623-625 (Folios 140a2 to 141a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. brjod med brjod byar ston pa'i rdo rje'i thol glu gnyug ma'i nyams dbyangs. In 'jam dbyangs mkhyen brtse'i dbang po'i bka' 'bum, Vol. 22: 623-625. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu

1 Texts in this Section (sde tshan or chos tshan)

103 623-625	བརྗོད་མེད་བརྗོད་བྱར་སྟོན་པའི་རྡོ་རྗེའི་ཐོལ་གླུ་གཉུག་མའི་ཉམས་དབྱངས། brjod med brjod byar ston pa'i rdo rje'i thol glu gnyug ma'i nyams dbyangs Vajra Songs - rdo rje'i glu	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

བརྗོད་མེད་བརྗོད་བྱར་སྟོན་པའི་རྡོ་རྗེའི་ཐོལ་གླུ་གཉུག་མའི་ཉམས་དབྱངས་ཞེས་བྱ་བ། ཨ་ཧོ། ཟུང་འཇུག་སྤྲོས་བྲལ་དེ་ཤེས་རབ་ཕར་ཕྱིན། །བདེ་སྟོང་དབྱེར་མེད་དེ་ལྷན་སྐྱེས་གཉུག་མ། །ཡེ་ནས་ལྷུན་གྲུབ་དེ་ཁྱད་ཆོས་དྲུག་ལྡན། །འདུ་བྱེད་བྲལ་བ་དེ་ཡིད་དཔྱོད་རང་གྲོལ། །ངང་བཞག་འོད་གསལ་ནི་ཆོས་ཀུན་ངོ་བོ། །ཤར་གྲོལ་དུས་མཉམ་ནི་ཆོས་ཀུན་རང་བཞིན། །སྲིད་ཞི་ཀུན་ཁྱབ་ནི་ཆོས་ཀུན་ཐུགས་རྗེ། །སྐུ་གསུམ་ལྷུན་གྲུབ་དེ་བདེ་གཤེགས་སྙིང་པོ། །སྣང་བ་རང་ཤར་དེ་སྐུ་ཡི་དཀྱིལ་འཁོར། །སྟོང་པ་ཚིག་བྲལ་དེ་གསུང་གི་དཀྱིལ་འཁོར། །ཟུང་འཇུག་འོད་གསལ་དེ་ཐུགས་ཀྱི་དཀྱིལ་འཁོར། །དཀྱིལ་འཁོར་སུམ་ལྡན་དེ་ལྷན་སྐྱེས་ཡེ་ཤེས། །འཁྲུལ་པའི་སྣང་བ་ནི་མ་བྱས་ལྷུན་གྲུབ། །སྐུ་དང་ཡེ་ཤེས་ནི་མ་བཙལ་ཡེ་རྫོགས། །རྣལ་འབྱོར་སྣང་བ་ནི་མ་སྤང་རང་གྲོལ། །ཉམས་མྱོང་གསུམ་ལྡན་དེ་སྲིད་ཞི་ཡོངས་ཁྱབ། །ཀ་དག་གནས་ལུགས་དེ་ཡིད་བྱེད་བྲལ་བ། །ལྷུན་གྲུབ་རང་རྩལ་དེ་ཐིག་ལེ་ཆེན་པོ། །དབྱིངས་རིག་དབྱེར་མེད་དེ་ཀུན་བཟང་མཁའ་ཀློང་། །ཉམས་ལེན་གསུམ་ལྡན་དེ་རྫོགས་པ་ཆེན་པོ། །མ་སྐྱེས་རྩ་བྲལ་དེ་ཆོ༷ས་སྐུའི༷་དགོངས་པ། །ལྷུན་གྲུབ་འོད་གསལ་དེ་ལོང༷ས་སྐུའི༷་རང་བཞིན། །གང་ཤར་སྣང་བ་དེ་སྤྲུལ༷་སྐུའི༷་ཐུགས་རྗེ། །སྐུ་གསུམ་ཡེ་རྫོགས་དེ་ཕྱག་རྒྱ་ཆེན་པོ། །དོན་དམ་བདེན་པ་དེ་ཁས་ལེན་བྲལ་བ། །ཀུན་རྫོབ་འཁྲུལ་པ་དེ་སྒྱུ་མའི་གར་མཁན། །ཟུང་འཇུག་འོད་གསལ་དེ་མྱང་བྱར་འདས་པའི། །གཏན་ཚིགས་གསུམ་ལྡན་དེ་དབུ་མ་ཆེན་པོ། །རྣལ་འབྱོར་རྟོགས་པ་དེ་གཞི་མེད་རྩ་བྲལ། །དགའ་བྲོད་འཁུ་འཕྲིགས་དེ་ཆུ་ནང་རི་མོ། །སྤང་བླང་དགག་སྒྲུབ་དེ་ནམ་མཁའི་འཇའ་ཚོན། །བདེན་མེད་རྣམ་གསུམ་དེ་ཞི་བྱེད་གཅོད་ཡུལ། །སྲིད་པའི་ལས་སྣང་དེ་བྱིས་པའི་རྩེད་མོ། །སྐུ་དང་ཡེ་ཤེས་དེ་སྒྱུ་མའི་གར་མཁན། །བདེ་སྡུག་དགག་སྒྲུབ་དེ་སྨིག་རྒྱུའི་འོད་རླབས། །སྲིད་ཞི་དབྱེར་མེད་དེ་རོ་སྙོམས་ལམ་མཆོག །གསལ་ལ་འཛིན་མེད་དེ་ཆུ་ཟླའི་རོལ་གར། །སྟོང་ལ་གཟུང་བྲལ་དེ་བརྗོད་མེད་ཡེ་ཤེས། །འཁོར་འདས་དབྱེར་མེད་དེ་རང་སེམས་དྭངས་མ། །དཔྱད་ཚུལ་གསུམ་ལྡན་དེ་ལམ་དང་འབྲས་བུ། །སྣ་ཚོགས་ཞེ་འདོད་ཀྱི་གྲུབ་མཐའི་ལྟ་བ། །རང་བཞིན་རང་གསལ་གྱི་ཐ་མལ་རིག་པ། །ཅེར་གྲོལ་སྐད་ཅིག་མའི་ཤེས་པའི་སྟེང་དུ། །དགག་སྒྲུབ་བྲལ་སྙམ་དེ་ཁོ་ཐག་ཆོད་སོང་། །ཨ་ཧོ་སྨྲས་ཀྱང་དེ་བརྗོད་མེད་ཡེ་ཤེས། །མངོན་སུམ་རྟོགས་པ་ཡི་རྣལ་འབྱོར་མིན་ཀྱང་། །དཔལ་ལྡན་བླ་མ་ཡི་ཐུགས་རྗེའི་རོལ་པས། །གོ་བ་སྐྱེས་ཚུལ་ཞིག་གླུ་རུ་ཐལ་ལོ།། །། ༈

[edit]

brjod med brjod byar ston pa'i rdo rje'i thol glu gnyug ma'i nyams dbyangs/__ brjod med brjod byar ston pa'i rdo rje'i thol glu gnyug ma'i nyams dbyangs zhes bya ba/__a ho/__zung 'jug spros bral de shes rab phar phyin/__/bde stong dbyer med de lhan skyes gnyug ma/__/ye nas lhun grub de khyad chos drug ldan/__/'du byed bral ba de yid dpyod rang grol/__/ngang bzhag 'od gsal ni chos kun ngo bo/__/shar grol dus mnyam ni chos kun rang bzhin/__/srid zhi kun khyab ni chos kun thugs rje/__/sku gsum lhun grub de bde gshegs snying po/__/snang ba rang shar de sku yi dkyil 'khor/__/stong pa tshig bral de gsung gi dkyil 'khor/__/zung 'jug 'od gsal de thugs kyi dkyil 'khor/__/dkyil 'khor sum ldan de lhan skyes ye shes/__/'khrul pa'i snang ba ni ma byas lhun grub/__/sku dang ye shes ni ma btsal ye rdzogs/__/rnal 'byor snang ba ni ma spang rang grol/__/nyams myong gsum ldan de srid zhi yongs khyab/__/ka dag gnas lugs de yid byed bral ba/__/lhun grub rang rtsal de thig le chen po/__/dbyings rig dbyer med de kun bzang mkha' klong /__/nyams len gsum ldan de rdzogs pa chen po/__/ma skyes rtsa bral de choXs sku'iX dgongs pa/___/lhun grub 'od gsal de longaXs sku'iX rang bzhin/__/gang shar snang ba de sprulaX sku'iX thugs rje/__/sku gsum ye rdzogs de phyag rgya chen po/__/don dam bden pa de khas len bral ba/_/kun rdzob 'khrul pa de sgyu ma'i gar mkhan/__/zung 'jug 'od gsal de myang byar 'das pa'i/__/gtan tshigs gsum ldan de dbu ma chen po/__/rnal 'byor rtogs pa de gzhi med rtsa bral/__/dga' brod 'khu 'phrigs de chu nang ri mo/__/spang blang dgag sgrub de nam mkha'i 'ja' tshon/__/bden med rnam gsum de zhi byed gcod yul/__/srid pa'i las snang de byis pa'i rtsed mo/__/sku dang ye shes de sgyu ma'i gar mkhan/__/bde sdug dgag sgrub de smig rgyu'i 'od rlabs/__/srid zhi dbyer med de ro snyoms lam mchog__/gsal la 'dzin med de chu zla'i rol gar/__/stong la gzung bral de brjod med ye shes/__/'khor 'das dbyer med de rang sems dwangs ma/__/dpyad tshul gsum ldan de lam dang 'bras bu/__/sna tshogs zhe 'dod kyi grub mtha'i lta ba/__/rang bzhin rang gsal gyi tha mal rig pa/__/cer grol skad cig ma'i shes pa'i steng du/__/dgag sgrub bral snyam de kho thag chod song /__/a ho smras kyang de brjod med ye shes/__/mngon sum rtogs pa yi rnal 'byor min kyang /__/dpal ldan bla ma yi thugs rje'i rol pas/__/go ba skyes tshul zhig glu ru thal lo//__//___!_