JKW-KABUM-22-ZA-012-089

Previous Text Back to Volume PageNext Text

འདའ་དཀའ་མའི་རྡོ་རྗེའི་ཐོལ་གླུ་མྱུར་ལམ་ཐེམ་སྐས།

Wylie title	'da' dka' ma'i rdo rje'i thol glu myur lam them skas
Location	mkhyen brtse'i bka' 'bum Volume 22, sde tshan 12, Text 89, Pages 585-591 (Folios 121a1 to 124a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. 'da' dka' ma'i rdo rje'i thol glu myur lam them skas. In 'jam dbyangs mkhyen brtse'i dbang po'i bka' 'bum, Vol. 22: 585-591. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu
Colophon	།ཅེས་པའང་གཞན་བསྐུལ་ངོར་ལྷུག་པར་སྨྲས་སོ།།
	ces pa'ang gzhan bskul ngor lhug par smras so

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

འདའ་དཀའ་མའི་རྡོ་རྗེའི་ཐོལ་གླུ་མྱུར་ལམ་ཐེམ་སྐས་ཞེས་བྱ་བ། ཨ་ཧོ། ཕ་སྐུ་བཞིའི་དབང་ཕྱུག་རྡོ་རྗེ་འཆང་། །དོན་རང་སེམས་ངོ་བོར་དབྱེར་མེད་པར། །ཡིད་དད་བརྒྱའི་སྒོ་ནས་གསོལ་བ་འདེབས། །རྟེན་འདི་ལ་བྱང་ཆུབ་ཐོབ་པར་ཤོག །ཡང་རང་གཞན་འཆི་ལ་ཉེར་ཕྱོགས་པའི། །ཅི་བྱ་གཏོལ་མེད་སྐྱོ་ཤེས་ཀྱིས། །གདུངས་ཀྱང་ཐབས་གཞན་བྲལ་བའི་ཕྱིར། །ཟབ་ལམ་གདམས་པའི་དབྱངས་གཅིག་ལེན། །ནམ་ཞིག་དུས་ལ་བབས་པའི་ཚེ། །སྤྱི་གཙུག་བདེ་ཆེན་འཁོར་ལོ་རུ། །ངོ་བོ་དྲིན་ཆེན་བླ་མ་ལ། །རྣམ་པ་མགོན་པོ་འོད་དཔག་མེད། །སྐད་ཅིག་གིས་གསལ་གདབ་མོས་གུས་བཅས། །ལུས་ལོངས་སྤྱོད་དགེ་རྩ་ཡོངས་སུ་འབུལ། །ཆགས་ཞེན་གྱི་འཁྲི་བ་བཅད་ནས་ཀྱང་། །མྱུར་ལམ་འཕོ་བའི་གདམས་པ་ཡིས། །རིག་པ་ཧྲཱིཿཡིག་གི་རྣམ་པར་འཕང་། །དབྱེར་མེད་དུ་བསྲེས་ལ་མཉམ་པར་བཞག །ཐབས་ཤེས་ཀྱི་རླུང་རྣམས་ཕྱིར་འགྲོ་ཚེ། །གཉུག་མ་སེམས་ཀྱི་ངོ་བོ་དང་། །ཕྱི་རོལ་གྱི་མཁའ་དབྱིངས་དབྱེར་མེད་བསྲེས། །ནམ་མཁའ་སུམ་སྤྲུག་སྦུབས་སུ་འཇུག །དེ་ཟབ་མོའི་ལམ་གྱི་བཅུད་ཐིག་ཡིན། །འཆི་བ་ཞེས་སྡུག་བསྔལ་ཕུང་པོ་དེ། །དོན་བརྟག་ན་མཉམ་བཞག་རྗེས་ཐོབ་ཙམ། །ཐོག་མེད་ནས་ད་ལྟའི་བར་འཁོར་ཡང་། །བདེ་གཤེགས་སྙིང་པོ་ལ་སྐྱེ་འཆིས་དབེན། །རྡོ་རྗེའི་རྣལ་འབྱོར་ལ་གོམས་པས། །མྱུར་ལམ་གྱི་ཐེམ་ལ་འཛེགས་པ་རྣམས། །བསྐྱེད་རྫོགས་ཀྱི་ངང་དུ་གྲོལ་བ་དང་། །དག་པའི་ཞིང་དུ་འཁྲིད་བྱེད་ཡིན། །དེ་ཕྱིར་སྐྱོ་ཤས་རབ་སྲངས་ལ། །དགའ་དང་སྤྲོ་བའི་སེམས་ཀྱིས་སུ། །ནུབ་བདེ་བ་ཅན་དང་པདྨ་འོད། །བཻཌཱུཪྻ་སྣང་ཞིང་ལ་སོགས། །དག་པའི་སྣོད་བཅུད་ལ་རིག་པ་གཏད། །ལུས་ངག་ཡིད་གསུམ་གཡོ་མེད་དུ། །རང་ཉིད་ཀྱིས་གོམས་པའི་བསྐྱེད་རྫོགས་ལ། །རྩེ་གཅིག་ཏུ་མཉམ་བཞག་གནད་ཀྱི་གཟེར། །དེ་འདའ་དཀའི་གདམས་པའི་ཟབ་གསང་ཡིན། །ནམ་ཞིག་འདིར་སྣང་རྫོགས་པའི་ཚེ། །ཕྱི་ནང་གི་ཕྲ་རགས་ཀུན་ཐིམ་ནས། །སྟེང་འོག་ཁུ་རྡུལ་གྱི་རྒྱུ་བ་གཉིས། །དབུ་མའི་ལམ་ནས་སྙིང་གར་ཕྲད། །སྣང་མཆེད་ཐོབ་གསུམ་རྫོགས་པའི་མཐུས། །རང་བཞིན་བརྒྱད་ཅུའི་རྟོག་པ་འགགས། །དེ་ཉེར་ཐོབ་ནམ་མཁའ་ལ་ཐིམ་དུས། །རྣམ་རྟོག་སྔ་ཕྱིའི་རྒྱུན་ཐག་ཆད། །སྤྲིན་མེད་ནམ་མཁའ་ལྟ་བུ་ཡི། །ལྷན་སྐྱེས་སྟོང་གསལ་འཆར་བའི་ཚེ། །ཀ་དག་ལྷུན་གྲུབ་དབྱེར་མེད་པ། །གཉུག་མ་བློ་བྲལ་གོམས་པའི་མཐུས། །ངོ་ཤེས་ཐག་ཆོད་གདིངས་ཐོབ་སྟེ། །འཆི་སྲིད་ཆོས་སྐུའི་ཀློང་དུ་གྲོལ། །དེར་མཆོག་གི་བརྟན་པ་མ་ཐོབ་ཚེ། །ནམ་མཁའ་འོད་གསལ་ལ་ཐིམ་པས། །ཆོས་ཉིད་ཀྱི་བར་དོའི་གཞི་སྣང་ལས། །འོད་ཟེར་རྣམ་པ་ལྔ་རུ་གསལ། །དེ་ལ་རང་བཞིན་མེད་པ་རུ། །ཡིད་ཆེས་གྲོལ་ནས་བཙན་ས་ཟིན། །དེ་ལྟའི་འོད་གསལ་ཟུང་འཇུག་ལ། །ཐིམ་པ་ཞི་དང་ཁྲོ་བོ་ཡི། །སྒྱུ་འཕྲུལ་རོལ་མོ་ཅིར་ཡང་འཆར། །མི་འཇིགས་གདིངས་ཆེན་ཐོབ་ནས་ཀྱང་། །གནད་གསུམ་དག་གིས་རྣམ་པར་གྲོལ། །དེ་ནས་ཟུང་འཇུག་ཡེ་ཤེས་ལ། །ཐིམ་ཚེ་བཞི་སྦྱོར་སྣང་བ་འཆར། །རྡོ་རྗེ་སེམས་དཔའི་ཁང་གསེང་ནས། །མ་ཡེངས་རིག་པའི་ངང་དུ་གྲོལ། །སླར་ཡང་ཡེ༷་ཤེས༷་ལྷུན༷་གྲུབ༷་ལ། །ཐིམ་པས་རིག་པ་ཤར་ལུགས་བརྒྱད། །འབྱུང་ཚེ་དག་པ་ལྟར་ཤར་བའི། །ཆོས་ཉིད་ལེགས་པར་ངོ་འཕྲོད་དེ། །སྔར་འདྲིས་མི་དང་འཕྲད་པ་ལྟར། །ཡིད་ཆེས་བཙན་ས་བཟུང་བས་གྲོལ། །དེ་ཚེ་མངོན་ཤེས་རྗེས་དྲན་དྲུག །འཆར་ཞིང་ཆོས་ཀུན་མི་བརྗེད་པའི། །གཟུངས་ལ་དབང་ཐོབ་ཏིང་ངེ་འཛིན། །ཉམས་སུ་མྱོང་བ་དག་ཀྱང་འབྱུང་། །དེ་ནས་ལྷུན་གྲུབ་སྣང་བ་ཉིད། །ཐིམ་ལུགས་བརྒྱད་ཀྱི་རིམ་པ་ཡིས། །གདོད་མའི་གཞི་ལ་གྲོལ་བའི་ཚེ། །ཁྱད་ཆོས་དྲུག་དང་ལྡན་པ་དེ། །འཁྲུལ་གཞི་ལས་འཕགས་རིག་པའི་དངོས། །རང་ངོའི་ཆོས་ཉིད་རྣམ་པར་གསལ། །སོ་སོ་རང་རིག་བྱེ་བྲག་ཕྱེད། །ཡེ་ཤེས་སྤྱོད་ཡུལ་དག་ཏུ་གྲོལ། །འབྲས་བུ་གཞན་རྐྱེན་ལ་རག་མིན། །ཆོས་ཉིད་རང་སར་གནས་པའོ། །དེ་ལྟར་རྟག་ཆད་ལས་འདས་པའི། །ངོ་བོ་ཆོས་ཉིད་མ་འཁྲུལ་པ། །ཀ་དག་གཞོན་ནུ་བུམ་པའི་སྐུ། །ནང་གསལ་ཆེན་པོའི་འཆར་གཞི་ལས། །རང་བཞིན་གསལ་ལ་མི་རྟོག་པའི། །ཐུགས་རྗེའི་འཇུག་པས་འགྲོ་ཁམས་ལ། །ལྷུན་གྲུབ་རྟག་ཏུ་འཆར་བ་ནི། །ཕྱིར་གསལ་ཆེན་པོ་རྣམ་པར་བརྗོད། །མདོར་ན་ཆོས་ཉིད་བར་དོ་ཡི། །སྣང་བ་མུ་མཐའ་མེད་པ་ལ། །ཕ་རོལ་བལྟས་ན་མཐའ་ཡས་ཀྱང་། །ཚུ་རོལ་སྤྱོད་མཁན་རང་རིག་པར། །བལྟས་ཚེ་གཅིག་ཀྱང་མ་མཆིས་ཤིང་། །མེད་དོ་སྙམ་པའི་འཛིན་པའང་། །ཤར་གྲོལ་དུས་མཉམ་ནམ་མཁའ་ལ། །སྤྲིན་དང་ཁུ་རླངས་དེངས་པ་ལྟར། །རང་སར་གྲོལ་བའི་སྐད་ཅིག་མར། །གདོད་མའི་ས་ལ་ཕྱིན་པའོ། །དེས་ན་ད་ལྟའི་ཤེས་པ་ལ། །དགག་སྒྲུབ་ཆགས་སྡང་གང་ཤར་ཀྱང་། །ཕྱི་རོལ་དག་ཏུ་རྗེས་མི་བཅད། །བར་དུ་བྱུང་ཁུངས་མི་བཙལ་ཞིང་། །ནང་དུ་གཉེན་པོས་མི་དགག་པར། །ཤར་ས་དེ་ཀར་མཉམ་བཞག་པས། །བར་དོའི་སྣང་བ་རིག་གདངས་སུ། །ཅེར་གྱིས་གྲོལ་བའི་གནད་མཆོག་གོ །གལ་ཏེ་གོམས་པའི་སྟོབས་ཞན་ཅིང་། །སྐལ་པ་དམན་པའི་གང་ཟག་ཕལ། །དེར་མ་གྲོལ་ན་སྲིད་པ་ཡི། །བར་དོ་འབྱུང་བཞི་འདུས་པའི་ལུས། །རྨི་ལམ་ཙམ་གྱི་གནས་སྐབས་ཅན། །འཇིག་པའི་སྒྲ་བཞི་གཡང་ས་གསུམ། །ངེས་དང་མ་ངེས་རྟག་འཆར་ཞིང་། །དབང་པོ་ཀུན་ཚང་ཐོགས་མེད་རྒྱུ། །དྲི་ཟ་ཕྲ་མོའི་མངོན་ཤེས་ཅན། །སྡུག་བསྔལ་ཚོར་བ་ཉམས་མྱོང་ཚེ། །བར་དོ་ཡིན་པར་ངོ་ཤེས་ནས། །སྐྱོ་ཤས་སྡུག་བསྔལ་རབ་སྤངས་ཏེ། །དགའ་དང་དད་པའི་སེམས་ཀྱིས་ནི། །ཕྱོགས་བཅུ་སྤྲུལ་པའི་ཞིང་ཁམས་ཀྱི། །ཡོན་ཏན་ཡིད་ལ་དྲན་བྱས་ནས། །འགྲོ་བའི་འདུན་པ་རབ་ཏུ་གཏད། །ཆོས་ཉིད་བདེན་པའི་ནུས་མཐུ་དང་། །བླ་མ་དམ་པའི་བྱིན་རླབས་ཀྱིས། །སྐྱེ་བ་ཕྱི་མ་མི་བརྒྱུད་པར། །དག་པའི་ཞིང་དུ་དབུགས་རབ་འབྱིན། །གལ་ཏེ་དེ་རུ་མ་གྲོལ་ན། །རིགས་དྲུག་སྐྱེ་བའི་ལྟས་ཤར་ཚེ། །གནས་ངན་འབྲེལ་བ་ཡོངས་བཅད་ཅིང་། །ཆགས་སྡང་མིག ་སེར་རྣམ་པར་སྤང་། །སྣང་བ་བདེན་མེད་སྦྱོང་བའམ། །འབྲིང་གིས་བདེ་སྟོང་ལམ་ཁྱེར་དང་། །གཞན་དུ་འདོད་ཆགས་མི་གཙང་བའི། །འདུ་ཤེས་བསྒོམ་པས་ཞེན་ལོག་སྟེ། །རང་བཞིན་སྤྲུལ་སྐུའི་ཞིང་ཁམས་ཆེ། །ཡིད་ལ་བྱེད་པ་ཙམ་གྱིས་སླེབ། །ཐ་མ་ཆོས་ཀྱི་བག་ཆགས་ལས། །རིང་དུ་གྱུར་པ་གང་དག་ནི། །རིགས་དྲུག་མངལ་གྱི་རྒྱར་འཐུམས་ནས། །དབང་མེད་ལས་ཀྱི་རྗེས་འབྲངས་ཚེ། །མངལ་སྒོ་ངན་པ་སྨོན་ལམ་དང་། །སྐྱབས་འགྲོའི་མཐུ་ཡིས་ལྡོག་བྱས་ནས། །དག་པའི་སྐྱེ་བ་འཛིན་འདོད་པས། །དལ་འབྱོར་བཅོ་བརྒྱད་ཚང་བ་ཡི། །ལུས་རྟེན་ཕུན་སུམ་ཚོགས་ཐོབ་སྟེ། །དགེ་བའི་བཤེས་ཀྱིས་རྗེས་བཟུང་གྲོལ། །མདོར་ན་འདི་དུས་གྲོལ་འདོད་པས། །ཟབ་མོའི་གདམས་ངག་སྟོན་མཛད་པའི། །བླ་མར་བཟོད་མེད་དད་པ་དང་། །ཉིན་དུས་རང་སྣང་གང་ཤར་ཡང་། །མངོན་སུམ་ཆོས་ཉིད་ངང་དུ་བཞག །རྗེས་ཐོབ་བར་དོར་འདུ་ཤེས་པས། །དག་པའི་ཞིང་ལ་འདུན་པ་གཏད། །སྨོན་ལམ་བཏབ་ཅིང་ངེས་ཤེས་བསྐྱེད། །ཉལ་ཁར་འཆི་བ་ལམ་ཁྱེར་ནས། །ཐིམ་རིམ་ངོ་ཡིས་བཟུང་བྱས་ཏེ། །རང་བཞིན་སྤྲུལ་སྐུའི་ཞིང་ཁམས་སུ། །འགྲོ་བའི་འདུན་པ་རབ་གཏད་ནས། །ཟབ་ལམ་རླུང་ཞོན་གདམས་པ་ལ། །རྟག་ཏུ་རང་རྩལ་འབྱོང་བ་གཅེས། །དེ་ལྟར་དུས་ཀུན་གོམས་པ་ཡིས། །སྲིད་པ་བར་དོར་ངོ་ཤེས་ཤིང་། །དག་པའི་ཞིང་དུ་འགྲོ་སྙམ་པའི། །རྟོག་པ་སྐྱེས་ཚེ་ངེས་པར་དུ། །པདྨོའི་སྦུབས་སུ་རྫུས་ཏེ་སྐྱེ། །སངས་རྒྱས་མཐོང་ཞིང་དམ་ཆོས་ཉན། །སྒྲིབ་པ་ཟད་ནས་བླ་མེད་ཀྱི། །བྱང་ཆུབ་མཆོག་ཏུ་རེག་པར་འགྱུར། །འཆི་ཆོས་སྲིད་པའི་བར་དོ་གསུམ། །སྐུ་གསུམ་ལམ་སྣང་མཆོག་ཡིན་བར། །རྒྱུད་སྡེ་ཀུན་ནས་གསལ་བར་བསྟན། །དེ་རུ་གྲོལ་བའི་གནད་ཀྱི་མཆོག །མཆོག་གསང་རྫོགས་པ་ཆེན་པོའི་གནད། གནད་བསྡུས་རྡོ་རྗེའི་རོལ་མོ་འདི། །འདིར་སྣང་ཟད་ཚེ་མངོན་གྱུར་ཤོག །རང་རྒྱུད་མྱོང་བ་མ་སྐྱེས་ཤིང་། །སྡེབ་སྦྱོར་སྤེལ་བའི་མཐུ་དམན་ཡང་། །མཆོག་གཟིགས་རྣམས་ཀྱི་དགོངས་པའི་དོན། །གང་ཤར་རྡོ་རྗེའི་གླུ་རུ་བླངས། །འདི་ལ་ཉེས་པའི་ཆ་གང་མཆིས། །དཔལ་ལྡན་བླ་མར་བཟོད་པར་གསོལ། །དགེ་བས་བདག་གཞན་འགྲོ་བ་ཀུན། །གཞི་གྲོལ་རིག་པ་སངས་རྒྱས་ཤོག །ཅེས་པའང་གཞན་བསྐུལ་ངོར་ལྷུག་པར་སྨྲས་སོ།། །། ༈

[edit]

'da' dka' ma'i rdo rje'i thol glu myur lam them skas/__ 'da' dka' ma'i rdo rje'i thol glu myur lam them skas zhes bya ba/__a ho/__pha sku bzhi'i dbang phyug rdo rje 'chang /__/don rang sems ngo bor dbyer med par/__/yid dad brgya'i sgo nas gsol ba 'debs/__/rten 'di la byang chub thob par shog__/yang rang gzhan 'chi la nyer phyogs pa'i/__/ci bya gtol med skyo shes kyis/__/gdungs kyang thabs gzhan bral ba'i phyir/__/zab lam gdams pa'i dbyangs gcig len/__/nam zhig dus la babs pa'i tshe/__/spyi gtsug bde chen 'khor lo ru/__/ngo bo drin chen bla ma la/__/rnam pa mgon po 'od dpag med/__/skad cig gis gsal gdab mos gus bcas/__/lus longs spyod dge rtsa yongs su 'bul/__/chags zhen gyi 'khri ba bcad nas kyang /__/myur lam 'pho ba'i gdams pa yis/__/rig pa hrIHyig gi rnam par 'phang /__/dbyer med du bsres la mnyam par bzhag__/thabs shes kyi rlung rnams phyir 'gro tshe/__/gnyug ma sems kyi ngo bo dang /__/phyi rol gyi mkha' dbyings dbyer med bsres/__/nam mkha' sum sprug sbubs su 'jug__/de zab mo'i lam gyi bcud thig yin/__/'chi ba zhes sdug bsngal phung po de/__/don brtag na mnyam bzhag rjes thob tsam/__/thog med nas da lta'i bar 'khor yang /__/bde gshegs snying po la skye 'chis dben/__/rdo rje'i rnal 'byor la goms pas/__/myur lam gyi them la 'dzegs pa rnams/__/bskyed rdzogs kyi ngang du grol ba dang /__/dag pa'i zhing du 'khrid byed yin/__/de phyir skyo shas rab srangs la/__/dga' dang spro ba'i sems kyis su/__/nub bde ba can dang pad+ma 'od/__/baiDUR+Ya snang zhing la sogs/__/dag pa'i snod bcud la rig pa gtad/__/lus ngag yid gsum g.yo med du/__/rang nyid kyis goms pa'i bskyed rdzogs la/__/rtse gcig tu mnyam bzhag gnad kyi gzer/__/de 'da' dka'i gdams pa'i zab gsang yin/__/nam zhig 'dir snang rdzogs pa'i tshe/__/phyi nang gi phra rags kun thim nas/__/steng 'og khu rdul gyi rgyu ba gnyis/__/dbu ma'i lam nas snying gar phrad/__/snang mched thob gsum rdzogs pa'i mthus/__/rang bzhin brgyad cu'i rtog pa 'gags/__/de nyer thob nam mkha' la thim dus/__/rnam rtog snga phyi'i rgyun thag chad/__/sprin med nam mkha' lta bu yi/__/lhan skyes stong gsal 'char ba'i tshe/__/ka dag lhun grub dbyer med pa/__/gnyug ma blo bral goms pa'i mthus/__/ngo shes thag chod gdings thob ste/__/'chi srid chos sku'i klong du grol/__/der mchog gi brtan pa ma thob tshe/__/nam mkha' 'od gsal la thim pas/__/chos nyid kyi bar do'i gzhi snang las/__/'od zer rnam pa lnga ru gsal/__/de la rang bzhin med pa ru/__/yid ches grol nas btsan sa zin/__/de lta'i 'od gsal zung 'jug la/__/thim pa zhi dang khro bo yi/__/sgyu 'phrul rol mo cir yang 'char/__/mi 'jigs gdings chen thob nas kyang /__/gnad gsum dag gis rnam par grol/__/de nas zung 'jug ye shes la/__/thim tshe bzhi sbyor snang ba 'char/__/rdo rje sems dpa'i khang gseng nas/__/ma yengs rig pa'i ngang du grol/__/slar yang yeX shesaX lhunaX grubaX la/__/thim pas rig pa shar lugs brgyad/__/'byung tshe dag pa ltar shar ba'i/__/chos nyid legs par ngo 'phrod de/__/sngar 'dris mi dang 'phrad pa ltar/__/yid ches btsan sa bzung bas grol/__/de tshe mngon shes rjes dran drug__/'char zhing chos kun mi brjed pa'i/__/gzungs la dbang thob ting nge 'dzin/__/nyams su myong ba dag kyang 'byung /__/de nas lhun grub snang ba nyid/__/thim lugs brgyad kyi rim pa yis/__/gdod ma'i gzhi la grol ba'i tshe/__/khyad chos drug dang ldan pa de/__/'khrul gzhi las 'phags rig pa'i dngos/__/rang ngo'i chos nyid rnam par gsal/__/so so rang rig bye brag phyed/__/ye shes spyod yul dag tu grol/__/'bras bu gzhan rkyen la rag min/__/chos nyid rang sar gnas pa'o/__/de ltar rtag chad las 'das pa'i/__/ngo bo chos nyid ma 'khrul pa/__/ka dag gzhon nu bum pa'i sku/__/nang gsal chen po'i 'char gzhi las/__/rang bzhin gsal la mi rtog pa'i/__/thugs rje'i 'jug pas 'gro khams la/__/lhun grub rtag tu 'char ba ni/__/phyir gsal chen po rnam par brjod/__/mdor na chos nyid bar do yi/__/snang ba mu mtha' med pa la/__/pha rol bltas na mtha' yas kyang /__/tshu rol spyod mkhan rang rig par/__/bltas tshe gcig kyang ma mchis shing /__/med do snyam pa'i 'dzin pa'ang /_/shar grol dus mnyam nam mkha' la/__/sprin dang khu rlangs dengs pa ltar/__/rang sar grol ba'i skad cig mar/__/gdod ma'i sa la phyin pa'o/__/des na da lta'i shes pa la/__/dgag sgrub chags sdang gang shar kyang /__/phyi rol dag tu rjes mi bcad/__/bar du byung khungs mi btsal zhing /__/nang du gnyen pos mi dgag par/__/shar sa de kar mnyam bzhag pas/__/bar do'i snang ba rig gdangs su/__/cer gyis grol ba'i gnad mchog go__/gal te goms pa'i stobs zhan cing /__/skal pa dman pa'i gang zag phal/__/der ma grol na srid pa yi/__/bar do 'byung bzhi 'dus pa'i lus/__/rmi lam tsam gyi gnas skabs can/__/'jig pa'i sgra bzhi g.yang sa gsum/__/nges dang ma nges rtag 'char zhing /__/dbang po kun tshang thogs med rgyu/__/dri za phra mo'i mngon shes can/__/sdug bsngal tshor ba nyams myong tshe/__/bar do yin par ngo shes nas/__/skyo shas sdug bsngal rab spangs te/__/dga' dang dad pa'i sems kyis ni/__/phyogs bcu sprul pa'i zhing khams kyi/__/yon tan yid la dran byas nas/__/'gro ba'i 'dun pa rab tu gtad/__/chos nyid bden pa'i nus mthu dang /__/bla ma dam pa'i byin rlabs kyis/__/skye ba phyi ma mi brgyud par/__/dag pa'i zhing du dbugs rab 'byin/__/gal te de ru ma grol na/__/rigs drug skye ba'i ltas shar tshe/__/gnas ngan 'brel ba yongs bcad cing /__/chags sdang mig_ ser rnam par spang /__/snang ba bden med sbyong ba'am/__/'bring gis bde stong lam khyer dang /__/gzhan du 'dod chags mi gtsang ba'i/__/'du shes bsgom pas zhen log ste/__/rang bzhin sprul sku'i zhing khams che/__/yid la byed pa tsam gyis sleb/__/tha ma chos kyi bag chags las/__/ring du gyur pa gang dag ni/__/rigs drug mngal gyi rgyar 'thums nas/__/dbang med las kyi rjes 'brangs tshe/__/mngal sgo ngan pa smon lam dang /__/skyabs 'gro'i mthu yis ldog byas nas/__/dag pa'i skye ba 'dzin 'dod pas/__/dal 'byor bco brgyad tshang ba yi/__/lus rten phun sum tshogs thob ste/__/dge ba'i bshes kyis rjes bzung grol/__/mdor na 'di dus grol 'dod pas/__/zab mo'i gdams ngag ston mdzad pa'i/__/bla mar bzod med dad pa dang /__/nyin dus rang snang gang shar yang /__/mngon sum chos nyid ngang du bzhag__/rjes thob bar dor 'du shes pas/__/dag pa'i zhing la 'dun pa gtad/__/smon lam btab cing nges shes bskyed/__/nyal khar 'chi ba lam khyer nas/__/thim rim ngo yis bzung byas te/__/rang bzhin sprul sku'i zhing khams su/__/'gro ba'i 'dun pa rab gtad nas/__/zab lam rlung zhon gdams pa la/__/rtag tu rang rtsal 'byong ba gces/__/de ltar dus kun goms pa yis/__/srid pa bar dor ngo shes shing /__/dag pa'i zhing du 'gro snyam pa'i/__/rtog pa skyes tshe nges par du/__/pad+mo'i sbubs su rdzus te skye/__/sangs rgyas mthong zhing dam chos nyan/__/sgrib pa zad nas bla med kyi/__/byang chub mchog tu reg par 'gyur/__/'chi chos srid pa'i bar do gsum/__/sku gsum lam snang mchog yin bar/__/rgyud sde kun nas gsal bar bstan/__/de ru grol ba'i gnad kyi mchog__/mchog gsang rdzogs pa chen po'i gnad/__gnad bsdus rdo rje'i rol mo 'di/__/'dir snang zad tshe mngon gyur shog___/rang rgyud myong ba ma skyes shing /___/sdeb sbyor spel ba'i mthu dman yang /__/mchog gzigs rnams kyi dgongs pa'i don/__/gang shar rdo rje'i glu ru blangs/_/'di la nyes pa'i cha gang mchis/__/dpal ldan bla mar bzod par gsol/__/dge bas bdag gzhan 'gro ba kun/__/gzhi grol rig pa sangs rgyas shog__/ces pa'ang gzhan bskul ngor lhug par smras so//__//___!_