རང་གཞན་ལ་གདམས་པའི་ཐོལ་གླུ་ལྷག་བསམ་ཆུན་པོ།

🚧 This website is under continued development. We appreciate your patience!

Previous Text Back to Volume PageNext Text

Wylie title	rang gzhan la gdams pa'i thol glu lhag bsam chun po
Location	mkhyen brtse'i bka' 'bum Volume 22, sde tshan 12, Text 70, Pages 540-542 (Folios 98b3 to 99b2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rang gzhan la gdams pa'i thol glu lhag bsam chun po. In 'jam dbyangs mkhyen brtse'i dbang po'i bka' 'bum, Vol. 22: 540-542. Khams sde dge rdzong sar dgon: Rdzong sar blo gros phun tshogs, 2020.
Genre	Spiritual Instructions - gdams ngag  ·  Vajra Songs - rdo rje'i glu
Colophon	།ཅེས་པའང་རང་གཞན་གྱིས་བསླབ་པར་བྱ་བའི་ཚུལ་བྱུང་རྒྱལ་དུ་སྨྲས་པའོ།།
	ces pa'ang rang gzhan gyis bslab par bya ba'i tshul byung rgyal du smras pa'o

1 Texts in this Section (sde tshan or chos tshan)

70 540-542	རང་གཞན་ལ་གདམས་པའི་ཐོལ་གླུ་ལྷག་བསམ་ཆུན་པོ། rang gzhan la gdams pa'i thol glu lhag bsam chun po Spiritual Instructions - gdams ngag   ·   Vajra Songs - rdo rje'i glu	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

རང་གཞན་ལ་གདམས་པ་རྡོ་རྗེའི་ཐོལ་གླུ་ལྷག་བསམ་ཆུན་པོ་ཞེས་བྱ་བ། ཀ་ནས་དག་པ་ཆོས་སྐུ་ཞལ་ཕྱག་མཚན་མ་བྲལ་ཡང་། །ཁ་སྦྱོར་ཡན་ལག་བདུན་ལྡན་ལོངས་སྤྱོད་རྫོགས་པའི་སྒྱུ་འཕྲུལ། །ག་ལ་བ་དེར་མཁྱེན་བརྩེའི་ཡོན་ཏན་ཡོངས་སུ་རྫོགས་པ། །ང་བདག་འཛིན་པ་བྲལ་བའི་སྐུ་གསུམ་བླ་མ་མཁྱེན་ནོ། །ཅ་ཅོའི་ཚིག་གིས་གཞལ་བས་མཐའ་བརྒྱད་སྤྲོས་བྲལ་མི་རྟོགས། །ཆ་མཐུན་བསྐྱེད་རྫོགས་བསླབ་པས་ལས་རླུང་འཁྲུལ་པ་ཟད་དེ། །ཇ་ཆང་འཛིན་རྟོག་བྲལ་བའི་བློ་འདས་གཉུག་མ་རྟོགས་ཡོང་། །ཉ་རྒྱས་ཟླ་འདྲའི་བྱང་སེམས་རྟག་ཏུ་གོམས་པ་གཅེས་སོ། །ཏ་ཐཱ་ག་ཏའི་ལམ་རིམ་བདེན་གཉིས་སོ་སོར་ཕྱེ་ཡང་། །ཐ་དད་ཟུང་འཇུག་རྟོགས་ཚེ་གསང་སྔགས་ལས་ནི་ཅི་ཞིག །ད་ལྟའི་རིག་སྟོང་རྗེན་པ་དབང་བཞིའི་དོན་བརྒྱུད་ཡིན་ཕྱིར། །ན་མར་རྟོག་པའི་དྲ་བ་མཐའ་གྲོལ་ཆེན་པོར་ཐོངས་ཤིག །པ་སངས་གསར་པ་ལྟ་བུའི་སྨོན་འཇུག་གོ་ཆ་བགོས་ནས། །ཕ་མཐའ་བྲལ་བའི་ཉོན་མོངས་མུན་པ་གཏན་ནས་བཅོམ་མཛོད། །བ་མཆོག་ནོར་བུ་ལས་ལྷག་ཆགས་བྲལ་ཚུལ་ཁྲིམས་ཡིན་ཕྱིར། །མ་སྤང་རྟག་ཏུ་སྤྱོད་ལ་ཆོག་ཤེས་མེད་བར་བསྙེན་ཅིག །ཙཱ་རི་ཏྲ་སོགས་གནས་ཡུལ་ཌཱ་ཀིའི་གྲོང་ཁྱེར་ལགས་ཀྱང་། །ཚ་གྲང་ཡུས་ཀྱིས་བགྲོད་པས་ཚེ་འདིར་གྲུབ་མཐའ་མི་རྙོགས། །ཛ་ཧུའི་རྒྱུན་ལྟར་ཏིང་འཛིན་བསྐྱེད་རྫོགས་ཟུང་འཇུག་ཉེ་ལམ། །ཝ་ལྟར་རི་སུལ་འགྲིམ་ནས་རྟག་ཏུ་བསྒོམ་པར་མཛོད་ཅིག །ཞྭ་ཐོད་ཇི་བཞིན་དཀོན་མཆོག་སྤྱི་བོའི་གཙུག་ཏུ་འཁུར་ནས། །ཟ་མའི་ཚེ་ཡང་མི་རྟག་དྲན་ཚེ་ཕན་བདེ་སྦྱིན་ཡོང་། །འ་འུར་གདོལ་པའི་སྤྱོད་པས་རྒྱུ་འབྲས་ཁྱད་དུ་མ་བསད། །ཡ་མཱནྟ་ཀས་འབོད་ཚེ་འཇིགས་པ་མེད་པར་མཛོད་ཅིག །ར་མ་ཎ་ལྟར་དཔའ་ཆེན་སྙིང་སྟོབས་རང་ཕུང་གཞན་བརླག །ལ་ཀླུང་ངེས་མེད་ཉུལ་ནས་ཐར་བ་ཐོབ་པར་མཛོད་ཅིག །ཤ་ཁྲག་གཡོས་སུ་སྦྱར་བས་ཚོགས་ཀྱི་འཁོར་ལོར་མི་འགྲོ། །ས་བཅུ་རང་ངོར་རྫོགས་པའི་ཟབ་མོའི་གསང་ལམ་སྒོམས་ཤིག །ཧ་ཅང་སྙིགས་མའི་དུས་འདིར་དེ་འདྲ་སྤྱོད་པ་དཀོན་ཡང་། །ཨ་དོན་སྐྱེ་མེད་ངང་ནས་རེ་དོགས་བྲལ་བར་སྨྲས་སོ། །དགེ་བ་དེ་ཡིས་འགྲོ་ཀུན་ཉོན་མོངས་འཆིང་བ་གྲོལ་ཏེ། །ལྷན་སྐྱེས་སྐུ་བཞིའི་དབྱིངས་སུ་བཙན་ས་ཟིན་པར་ཤོག་ཅིག །ཅེས་པའང་རང་གཞན་གྱིས་བསླབ་པར་བྱ་བའི་ཚུལ་བྱུང་རྒྱལ་དུ་སྨྲས་པའོ།། །། ༈

[edit]

rang gzhan la gdams pa'i thol glu lhag bsam chun po/__ rang gzhan la gdams pa rdo rje'i thol glu lhag bsam chun po zhes bya ba/__ka nas dag pa chos sku zhal phyag mtshan ma bral yang /__/kha sbyor yan lag bdun ldan longs spyod rdzogs pa'i sgyu 'phrul/__/ga la ba der mkhyen brtse'i yon tan yongs su rdzogs pa/__/nga bdag 'dzin pa bral ba'i sku gsum bla ma mkhyen no/__/ca co'i tshig gis gzhal bas mtha' brgyad spros bral mi rtogs/__/cha mthun bskyed rdzogs bslab pas las rlung 'khrul pa zad de/__/ja chang 'dzin rtog bral ba'i blo 'das gnyug ma rtogs yong /__/nya rgyas zla 'dra'i byang sems rtag tu goms pa gces so/__/ta thA ga ta'i lam rim bden gnyis so sor phye yang /__/tha dad zung 'jug rtogs tshe gsang sngags las ni ci zhig__/da lta'i rig stong rjen pa dbang bzhi'i don brgyud yin phyir/__/na mar rtog pa'i dra ba mtha' grol chen por thongs shig__/pa sangs gsar pa lta bu'i smon 'jug go cha bgos nas/__/pha mtha' bral ba'i nyon mongs mun pa gtan nas bcom mdzod/__/ba mchog nor bu las lhag chags bral tshul khrims yin phyir/__/ma spang rtag tu spyod la chog shes med bar bsnyen cig__/tsA ri tra sogs gnas yul DA ki'i grong khyer lags kyang /__/tsha grang yus kyis bgrod pas tshe 'dir grub mtha' mi rnyogs/__/dza hu'i rgyun ltar ting 'dzin bskyed rdzogs zung 'jug nye lam/__/wa ltar ri sul 'grim nas rtag tu bsgom par mdzod cig__/zhwa thod ji bzhin dkon mchog spyi bo'i gtsug tu 'khur nas/__/za ma'i tshe yang mi rtag dran tshe phan bde sbyin yong /__/'a 'ur gdol pa'i spyod pas rgyu 'bras khyad du ma bsad/__/ya mAn+ta kas 'bod tshe 'jigs pa med par mdzod cig__/ra ma Na ltar dpa' chen snying stobs rang phung gzhan brlag__/la klung nges med nyul nas thar ba thob par mdzod cig__/sha khrag g.yos su sbyar bas tshogs kyi 'khor lor mi 'gro/__/sa bcu rang ngor rdzogs pa'i zab mo'i gsang lam sgoms shig__/ha cang snyigs ma'i dus 'dir de 'dra spyod pa dkon yang /__/a don skye med ngang nas re dogs bral bar smras so/__/dge ba de yis 'gro kun nyon mongs 'ching ba grol te/__/lhan skyes sku bzhi'i dbyings su btsan sa zin par shog cig__/ces pa'ang rang gzhan gyis bslab par bya ba'i tshul byung rgyal du smras pa'o//__//___!_