JKW-KABUM-22-ZA-012-069

Previous Text Back to Volume PageNext Text

ལྟ་སྒོམ་སྤྱོད་པའི་དོན་བསྡུས་རྡོ་རྗེའི་ཐོལ་གླུ་ཟབ་དོན་རོལ་མོ།

Wylie title	lta sgom spyod pa'i don bsdus rdo rje'i thol glu zab don rol mo
Location	mkhyen brtse'i bka' 'bum Volume 22, sde tshan 12, Text 69, Pages 539-540 (Folios 98a2 to 98b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. lta sgom spyod pa'i don bsdus rdo rje'i thol glu zab don rol mo. In 'jam dbyangs mkhyen brtse'i dbang po'i bka' 'bum, Vol. 22: 539-540. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

ལྟ་སྒོམ་སྤྱོད་པའི་དོན་བསྡུས་རྡོ་རྗེའི་ཐོལ་གླུ་ཟབ་དོན་རོལ་མོ་ཞེས་བྱ་བ། ལྟ་བ་མཐའ་བརྒྱད་བྲལ་བ་ལ། །ཚིག་དང་གོ་བས་མ་དཔྱད་ཅིག །དོན་དམ་རང་ངོར་གྲོལ་བའི་ངང་། །འཛིན་མེད་ཡེ་གྲོལ་ཆེན་པོར་ཞོག །སྒོམ་པ་རང་གསལ་རང་གྲོལ་ལ། །བློས་བྱས་ཀྱི་ཞེན་པས་མ་འདེབས་ཤིག །དོན་ཡིན་ལུགས་བསམ་ངོ་བྲལ་བའི་ངང་། །ཤར་གྲོལ་དུས་མཉམ་ཆེན་པོར་ཞོག །སྤྱོད་པ་ཡེངས་མེད་དྲན་མེད་ལ། །བསྒོམ་བྱའི་མེ་བཙའ་མ་འདེབས་ཤིག །དོན་སྒོམ་མེད་གཏིང་མཐའ་བྲལ་བའི་ངང་། །ཤེས་རིག་རང་ཚུགས་ཟུང་ལ་ཞོག །འབྲས་བུ་བྲལ་ཐོབ་མེད་པ་ལ། །སླར་ཡང་གུད་ནས་མ་རེ་ཞིག །ད་ལྟའི་རིག་པ་རྗེན་པ་ལ། །སོ་མ་ངང་བཞག་ཆེན་པོར་ཞོག །ལྟ་སྒོམ་སྤྱོད་འབྲས་ཀྱི་ཐ་སྙད་དེ། །བཞག་ཐབས་རྣམ་བཞི་རུ་བསྟན་པ་འདི། །ཡེ་ཤེས་བླ་མའི་ཞལ་ལུང་སྟེ། །སྐལ་བར་ལྡན་པའི་སྙིང་ལ་ཟུང་། ། ༈ ངོ་བོ་སྟོང་པ་ཆོས་ཀྱི་སྐུ། །རང་བཞིན་གསལ་བ་ལོངས་སྤྱོད་རྫོགས། །ཐུགས་རྗེ་འགགས་མེད་སྤྲུལ་པའི་སྐུ། །སྐུ་གསུམ་ལྷུན་གྲུབ་ཞབས་ལ་འདུད། །ལྟ་བ་མཐའ་བརྒྱད་དྲི་བྲལ་ལ། །སྨྲ་བསམ་བརྗོད་པ་ཀུན་དང་བྲལ། །སྒོམ་པ་ཤར་གྲོལ་དུས་མཉམ་ལ། །སྐྱེ་འགགས་སྔ་ཕྱིའི་དབྱེ་བ་བྲལ། །སྤྱོད་པ་མཉམ་རྗེས་དབྱེར་མེད་ལ། །ཡེངས་དང་མ་ཡེངས་འཛིན་པ་བྲལ། །འབྲས་བུ་རང་རིག་རྗེན་པ་ལ། །འཁྲུལ་གྲོལ་རྟོག་པ་ཀུན་དང་བྲལ། །གྲོལ་བཞིའི་གདིང་ཐོབ་སངས་རྒྱས་ཏེ། །ཀ་དག་ཆེན་པོར་ཡེ་ནས་གྲོལ། །དེ་སྐད་བརྗོད་མེད་ཉམས་ཀྱི་གླུ། །སྤྲོས་བྲལ་ཚིག་ཏུ་ཤར་བ་འདི། །ཡེ་ཤེས་བླ་མའི་སྙན་བརྒྱུད་དེ། །སྐལ་བར་ལྡན་པའི་ཙིཏྟར་སྦོས།། །། ༈

[edit]

lta sgom spyod pa'i don bsdus rdo rje'i thol glu zab don rol mo/__ lta sgom spyod pa'i don bsdus rdo rje'i thol glu zab don rol mo zhes bya ba/__lta ba mtha' brgyad bral ba la/__/tshig dang go bas ma dpyad cig__/don dam rang ngor grol ba'i ngang /__/'dzin med ye grol chen por zhog__/sgom pa rang gsal rang grol la/__/blos byas kyi zhen pas ma 'debs shig__/don yin lugs bsam ngo bral ba'i ngang /__/shar grol dus mnyam chen por zhog__/spyod pa yengs med dran med la/__/bsgom bya'i me btsa' ma 'debs shig__/don sgom med gting mtha' bral ba'i ngang /__/shes rig rang tshugs zung la zhog__/'bras bu bral thob med pa la/__/slar yang gud nas ma re zhig__/da lta'i rig pa rjen pa la/__/so ma ngang bzhag chen por zhog__/lta sgom spyod 'bras kyi tha snyad de/__/bzhag thabs rnam bzhi ru bstan pa 'di/__/ye shes bla ma'i zhal lung ste/__/skal bar ldan pa'i snying la zung /__/__!_ngo bo stong pa chos kyi sku/__/rang bzhin gsal ba longs spyod rdzogs/_/thugs rje 'gags med sprul pa'i sku/__/sku gsum lhun grub zhabs la 'dud/___/lta ba mtha' brgyad dri bral la/__/smra bsam brjod pa kun dang bral/__/sgom pa shar grol dus mnyam la/__/skye 'gags snga phyi'i dbye ba bral/__/spyod pa mnyam rjes dbyer med la/__/yengs dang ma yengs 'dzin pa bral/__/'bras bu rang rig rjen pa la/__/'khrul grol rtog pa kun dang bral/__/grol bzhi'i gding thob sangs rgyas te/__/ka dag chen por ye nas grol/__/de skad brjod med nyams kyi glu/__/spros bral tshig tu shar ba 'di/__/ye shes bla ma'i snyan brgyud de/__/skal bar ldan pa'i tsit+tar sbos//____//__!