JKW-KABUM-21-ZHA-001-009

Previous Text Back to Volume PageNext Text

རི་ཁྲུས་ཀྱི་ཆོ་ག།

Wylie title	ri khrus kyi cho ga
Location	mkhyen brtse'i bka' 'bum Volume 21, sde tshan 1, Text 9, Pages 35-38 (Folios 18a3 to 19b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. ri khrus kyi cho ga. In 'jam dbyangs mkhyen brtse'i dbang po'i bka' 'bum, Vol. 21: 35-38. Khams sde dge rdzong sar dgon: Rdzong sar blo gros phun tshogs, 2020.
Genre	Cleansing Ritual - khrus chog  ·  Ritual and Liturgical Texts - cho ga phyag len

Tibetan Text

Wylie

[edit]

སྭསྟི་སིདྡྷཾ། རི་ཁྲུས་སུ་གྲགས་པ་ནི། ཉེ་བར་གནས་པ་དེའི་ཡུལ་ཕྱོགས་སུ་རྟག་ཆགས་ཀྱི་གཞི་བདག་ལ་གྲིབ་འཁོན་ཕོག་པ་སོགས་སྦྱང་བའི་ཐབས་ཚུལ་སྣང་སྟེ། དེ་ལ་སྦྱོར་བ་རྣམ་འཇོམས་སམ་སྨེ་བརྩེགས་གང་རིགས་ཀྱི་ཁྲུས་བུམ་ནུས་ལྡན་དུ་བསྒྲུབས་ནས་སྐུ་གསུང་ཐུགས་རྟེན་བྱིན་རླབས་ཅན་ལ་མཆོག་ཁྲུས་ཞུས་པའི་བུམ་ཆུ་བླུགས་པས། གང་དུ་བཏང་བའི་ས་བླ་གབ་མེད་པར་ཁྱེར་ལ། དངོས་གཞི། སྐྱབས་སངས་རྒྱས་ཆོས་སེམས་སྔོན་དུ་འགྲོ་བས་རང་ཉིད་ཐུན་མཚམས་ལྷར་གསལ་བཞིན་པའི་ངང་། རང་གི་སྙིང་ག་ནས་འོད་ཟེར་འཕྲོས་པས་ལྗོངས་ཀྱི་དཀྱིལ་འཁོར་ཆེན་པོ་འདིར་མངའ་བསྒྱུར་བའི་ས་བདག་ཡུལ་ལྷ་གཞི་བདག་གནས་བདག་གཉུག་མར་གནས་པའི་ཟོ་དོར་གཉེན་པོ་ཆེ་གེ་མོ་ཞེས་བྱ་བ། མཆེད་དང་རིགས་སྲས་བཙུན་མོ་བློན་འབངས་འཁོར་དང་ཡང་འཁོར་དུ་བཅས་པ་ཐམས་ཅད་དང་། གཞན་ཡང་མདོ་སྟོད་མདོ་སྨད་ཀྱི་ལྗོངས་ཁོ་ར་ཁོར་ཡུག་གི་ས་ཆུ་རྡོ་ཤིང་གཉེན་པ་རྣམས་ལ་གནས་པ་རྣམས་དང་། ཁྱད་པར་ཕོག་ཐུག་འཁོན་གྲིབ་སོགས་ཀྱི་ཉེས་པས་ཕོག་པ་ཐམས་ཅད་དག་བྱེད་ཁྲུས་ཀྱི་ཆོ་གའི་མགྲོན་འདིར་སྐད་ཅིག་ཐང་ཅིག་ཡུད་ཙམ་ལ་འདུས་ཤིང་། ཁྲུས་ཀྱི་བྱ་བ་གྲུབ་པའི་བར་དུ་འཁོད་པར་གྱུར་ཅིག །སརྦ་བྷཱུ་མི་པ་ཏི་ལོ་ཀ་པ་ལ་ཨ་ཀཪྵཱ་ཡ་ཛཿ ཞེས་བརྗོད་ཁོར་ཡུག་ཏུ་འཁོད་པར་བསམ། ཇི་ལྟར་བལྟམས་པ་སོགས། འདི་ནི་ཁྲུས་མཆོག་དཔལ་སོགས༴ ཤྲཱི་ཧཱུྃ། འདི་ནི་སྦྱིན་པའི་རང་བཞིན་སོགས། ཁྲུས་ལེགས་མཛད་ཅིང་སྐུ་ཁྲུས་གསོལ། །དེ་བཞིན་འགྲེ། ཆུ་བོ་དྲུག་གིས་ཁྲུས་བགྱིས་པས། །སོགས་ནས། བགྱིའོ། །སྔགས་གང་ཡིན་མཐར། གཞི་བདག་གནས་བདག་ཡུལ་བདག་གྲོང་བདག་གཉུག་མར་གནས་པ་ཐམས་ཅད་ཀྱི་ཚེ་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་ཤནྟིཾ་ཀུ་རུ་ཡེ་སྭཱ་ཧཱ། ནད་ཐམས་ཅད། །སོགས་སམ། ཡང་ན། སརྦ་པ་པཾ་བྷྱཿ སོགས་བརྗོད། ཡང་། རྨ་བྱའི་མདངས་ཀྱི་དབུས་སུ་ཧཱུྃ་ཡིག་གི་མཐར་སྔགས་ཕྲེང་གིས་བསྐོར་བ་རྡོ་རྗེ་དང་བཅས་པས་བྱབ་པར་བསམས་ལ། སྔགས་དང་། འདོད་གསོལ་མཐར། ཨ་པ་ནཱ་ཡ་སྭཱ་ཧཱ། ཡང་དེ་དག་གི་སྒོ་གསུམ་ཕྱིན་ཆད་བར་ཆད་གང་གིས་ཀྱང་མི་ཚུགས་པའི་ཕྱིར། གཞི་བདག་སོགས་ནས། རཀྵ་རཀྵཿ དེ་ནས། ཁྱེད་རང་རྣམས་ལ་སངས་རྒྱས་བྱང་སེམས་དཔག་ཏུ་མེད་པས་སློབ་དཔོན་དང་ལྷན་ཅིག་ཤིས་པ་བརྗོད་པའི་མོས་པ་མཛོད། གང་ལ་སེར་སྣ་སོགས། བསྡུ་ན་དེ་ཙམ་དང་། སྤྲོ་ན། སླར་ཡང་བདེ་གཤེགས་ཀུན་གྱི་བགྲོད་པ་གཅིག་པའི་ལམ་སྐྱབས་སེམས་ཀྱི་སྡོམ་པ་འཛིན་སྙམ་པས་དམིགས་པ་འདི་བཞིན་དུ་མཛོད། ཁྱེད་རང་རྣམས་ཀྱི་མདུན་གྱི་ནམ་མཁར་སེང་གེས་བཏེགས་པའི་པདྨ་དང་ཟླ་བའི་སྟེང་དུ་བཅོམ་ལྡན་འདས་ཤཱཀྱ་ཐུབ་པར་ཕྱོགས་བཅུའི་སངས་རྒྱས་ཐམས་ཅད་ཀྱིས་བསྐོར་བར་དམིགས་པ་སངས་རྒྱས་དཀོན་མཆོག །ཐེག་ཆེན་གྱི་དམ་ཆོས་གླེགས་བམ་བྲག་རི་བརྩེགས་པ་ལྟར་བཞུགས་པ་ཆོས་དཀོན་མཆོག །ཐེག་པ་ཆེན་པོའི་བྱང་སེམས་བསམ་གྱིས་མི་ཁྱབ་པས་བསྐོར་བ་དགེ་འདུན་དཀོན་མཆོག་སྟེ། དེ་རྣམས་ལ་འདི་ནས་བྱང་ཆུབ་མ་ཐོབ་བར་དུ་སྐྱབས་སུ་འགྲོ་སྙམ་པས་འདིའི་རྗེས་ཟློས་མཛོད། ཕྱོགས་བཅུ་ན་གནས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། བདག་ཅག་གཞི་བདག་གནས་བདག་ས་བདག་གི་རིགས་སུ་གཏོགས་པ་ཐམས་ཅད་དུས་འདི་ནས་བཟུང་སྟེ། བྱང་ཆུབ་སྙིང་པོར༴ ལན་གསུམ་བརྗོད་པས་དེ་རྣམས་ཀྱི་རྒྱུད་ལ་སྐྱབས་འགྲོའི་སྡོམ་པ་སྐྱེས་པར་བསམ། སླར་ཡང་བླ་ན་མེད་པའི་བྱང་ཆུབ་མཆོག་ཏུ་སེམས་བསྐྱེད་སྙམ་པས་འདིའི་རྗེས་ཟློས་མཛོད། ཕྱོགས་བཅུ་ན། སོགས་ནས། བཟུང་སྟེ་བྱང་ཆུབ་སྙིང་པོར་མཆིས་ཀྱི་བར་དུ། ཇི་ལྟར་སོགས། ཞེས་ལན་གསུམ་བརྗོད་པས་བྱང་སེམས་ཀྱི་སྡོམ་པ་ཐོབ་བྱུང་སྙམ་དུ་མོས་པ་མཛོད། དེ་ནས་རང་དགའ་བ་བསྒོམ་པ་དང་། གཞན་དགའ་བ་སྒོམ་དུ་བཅུག་པ། སྨོན་ལམ་གདབ་པ་རྣམས་དང་། ཁྲུས་གཙང་མགྲོན་དུ་གང་ལྷག་པའི། འབྱུང་པོ་ས་འོག་རྒྱུ་བ་དང་། །སོགས་ཀྱིས། སརྦ་བྷཱུ་ཏ་གཙྪ། བསོད་ནམས་འདི་ཡིས་སོགས་དང་། སྨོན་ལམ་གང་ཤེས་གདབ་བོ། །ལྷ་ཡང་དུས་སུ། འཇིག་རྟེན། དེ་ཡང་། དབུ་མ་ལུགས་ཀྱི་སེམས་བསྐྱེད་འདི། སེམས་ཅན་ཀུན་གྱིས་ལེགས་ཐོབ་ན། །རྫོགས་པའི་སངས་རྒྱས་རྒྱུར་འགྱུར་ཞེས། མདོ་དང་བསྟན་བཅོས་རྣམས་ལས་གསུངས། ཞེས་སོ། ། ༈

[edit]

ri khrus kyi cho ga/ swasti sid+d+haM/__ri khrus su grags pa ni/__nye bar gnas pa de'i yul phyogs su rtag chags kyi gzhi bdag la grib 'khon phog pa sogs sbyang ba'i thabs tshul snang ste/__de la sbyor ba rnam 'joms sam sme brtsegs gang rigs kyi khrus bum nus ldan du bsgrubs nas sku gsung thugs rten byin rlabs can la mchog khrus zhus pa'i bum chu blugs pas/__gang du btang ba'i sa bla gab med par khyer la/__dngos gzhi/__skyabs sangs rgyas chos sems sngon du 'gro bas rang nyid thun mtshams lhar gsal bzhin pa'i ngang /__rang gi snying ga nas 'od zer 'phros pas ljongs kyi dkyil 'khor chen po 'dir mnga' bsgyur ba'i sa bdag yul lha gzhi bdag gnas bdag gnyug mar gnas pa'i zo dor gnyen po che ge mo zhes bya ba/__mched dang rigs sras btsun mo blon 'bangs 'khor dang yang 'khor du bcas pa thams cad dang /__gzhan yang mdo stod mdo smad kyi ljongs kho ra khor yug gi sa chu rdo shing gnyen pa rnams la gnas pa rnams dang /__khyad par phog thug 'khon grib sogs kyi nyes pas phog pa thams cad dag byed khrus kyi cho ga'i mgron 'dir skad cig thang cig yud tsam la 'dus shing /__khrus kyi bya ba grub pa'i bar du 'khod par gyur cig__/sarba b+hU mi pa ti lo ka pa la a kaR+ShA ya dzaH__zhes brjod khor yug tu 'khod par bsam/__ji ltar bltams pa sogs/__'di ni khrus mchog dpal sogs=__shrI hU~M/__'di ni sbyin pa'i rang bzhin sogs/__khrus legs mdzad cing sku khrus gsol/__/de bzhin 'gre/__chu bo drug gis khrus bgyis pas/__/sogs nas/__bgyi'o/__/sngags gang yin mthar/__gzhi bdag gnas bdag yul bdag grong bdag gnyug mar gnas pa thams cad kyi tshe thog ma med pa nas bsags pa'i sdig sgrib thams cad shan+tiM ku ru ye swA hA/__nad thams cad/__/sogs sam/__yang na/__sarba pa paM b+h+yaH__sogs brjod/__yang /__rma bya'i mdangs kyi dbus su hU~M yig gi mthar sngags phreng gis bskor ba rdo rje dang bcas pas byab par bsams la/__sngags dang /__'dod gsol mthar/__a pa nA ya swA hA/__yang de dag gi sgo gsum phyin chad bar chad gang gis kyang mi tshugs pa'i phyir/__gzhi bdag sogs nas/_rak+Sha rak+ShaH__de nas/__khyed rang rnams la sangs rgyas byang sems dpag tu med pas slob dpon dang lhan cig shis pa brjod pa'i mos pa mdzod/__gang la ser sna sogs/__bsdu na de tsam dang /__spro na/__slar yang bde gshegs kun gyi bgrod pa gcig pa'i lam skyabs sems kyi sdom pa 'dzin snyam pas dmigs pa 'di bzhin du mdzod/__khyed rang rnams kyi mdun gyi nam mkhar seng ges btegs pa'i pad+ma dang zla ba'i steng du bcom ldan 'das shAkya thub par phyogs bcu'i sangs rgyas thams cad kyis bskor bar dmigs pa sangs rgyas dkon mchog__/theg chen gyi dam chos glegs bam brag ri brtsegs pa ltar bzhugs pa chos dkon mchog__/theg pa chen po'i byang sems bsam gyis mi khyab pas bskor ba dge 'dun dkon mchog ste/__de rnams la 'di nas byang chub ma thob bar du skyabs su 'gro snyam pas 'di'i rjes zlos mdzod/__phyogs bcu na gnas pa'i sangs rgyas dang byang chub sems dpa' thams cad bdag la dgongs su gsol/__bdag cag gzhi bdag gnas bdag sa bdag gi rigs su gtogs pa thams cad dus 'di nas bzung ste/__byang chub snying por=__lan gsum brjod pas de rnams kyi rgyud la skyabs 'gro'i sdom pa skyes par bsam/__slar yang bla na med pa'i byang chub mchog tu sems bskyed snyam pas 'di'i rjes zlos mdzod/__phyogs bcu na/__sogs nas/__bzung ste byang chub snying por mchis kyi bar du/__ji ltar sogs/__zhes lan gsum brjod pas byang sems kyi sdom pa thob byung snyam du mos pa mdzod/__de nas rang dga' ba bsgom pa dang /__gzhan dga' ba sgom du bcug pa/__smon lam gdab pa rnams dang /__khrus gtsang mgron du gang lhag pa'i/__'byung po sa 'og rgyu ba dang /__/sogs kyis/__sarba b+hU ta gats+tsha/__bsod nams 'di yis sogs dang /__smon lam gang shes gdab bo/__/lha yang dus su/__'jig rten/__de yang /__dbu ma lugs kyi sems bskyed 'di/__sems can kun gyis legs thob na/___/rdzogs pa'i sangs rgyas rgyur 'gyur zhes/__mdo dang bstan bcos rnams las gsungs/__zhes so/___/___!_