ཆོས་འཆད་ཚུལ།

🚧 This website is under continued development. We appreciate your patience!

Previous Text Back to Volume PageNext Text

Wylie title	chos 'chad tshul
Location	mkhyen brtse'i bka' 'bum Volume 21, sde tshan 1, Text 8, Pages 33-35 (Folios 17a3 to 18a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. chos 'chad tshul. In 'jam dbyangs mkhyen brtse'i dbang po'i bka' 'bum, Vol. 21: 33-35. Khams sde dge rdzong sar dgon: Rdzong sar blo gros phun tshogs, 2020.
Genre	Advice - zhal gdams

1 Texts in this Section (sde tshan or chos tshan)

8 33-35	ཆོས་འཆད་ཚུལ། chos 'chad tshul Advice - zhal gdams	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

དམ་པའི་ཆོས་བསྒྲགས་པ་རྣམས་ཀྱིས། སྦྱོར་བ་སྐྱབས་སེམས་དང་། ཡན་ལག་བདུན་པ་སྔོན་དུ་འགྲོ་བ་དང་ཚད་མེད་བཞིས་བསོད་ནམས་ཀྱི་ཚོགས་བསགས། སྭ་བྷཱ་ཝས་གདོད་མའི་སྟོང་ཆེན་གྱི་དོན་དྲན་པར་བྱས་ལ་ཡེ་ཤེས་ཀྱི་ཚོགས་བསགས། དངོས་གཞི། འཁོར་འདས་ཆོས་རྣམས་ཐམས་ཅད་རང་བཞིན་གྱིས། །ཡོད་མེད་མཐའ་བྲལ་སྟོང་པའི་ངང་ཉིད་ལས། །མི་འཇིགས་བཞི་ལྡན་གདོང་ལྔའི་དབང་པོ་བརྒྱད། །ཁེངས་པས་རབ་བཏེག་བཀོད་ལེགས་རིན་ཆེན་ཁྲི། །སྐྱོན་བྲལ་ཆུ་སྐྱེས་འདབ་རྒྱས་ལྟེ་བ་ལ། །དཀར་གསལ་ཀུན་ཕན་རྒྱས་པའི་དཀྱིལ་འཁོར་སྟེང་། །བདག་ཉིད་སྐད་ཅིག་གསལ་རྫོགས་བཅོམ་ལྡན་འདས། །ཉི་མའི་རྒྱུད་འཁྲུངས་སྟོན་མཆོག་གསེར་གྱི་མདོག །བཟོད་པ་དམ་པས་རྒྱན་པའི་ཞལ་རས་ལ། །ཉིན་བྱེད་འཆར་ཀའི་མཛེས་པས་བསྐྲུན་དུ་མེད། །འཇམ་མཉེན་ཕྱག་གཉིས་ཆོས་འཆད་མཉམ་བཞག་དང་། །ཞབས་ཟུང་མི་ཕྱེད་རྡོ་རྗེའི་སྐྱིལ་ཀྲུང་བཞུགས། །ཐུན་མཚམས་དམར་འོད་གསར་པའི་མཛེས་སྡུག་སྟོང་། །གཅིག་ཏུ་བསྡུས་འདྲའི་ཆོས་གོས་གསུམ་མཛེས་སྐུ། །མཚན་བཟང་དཔེ་བྱད་སྣང་བས་འཇིག་རྟེན་འགེངས། །ཞལ་འཛུམ་དཀྱུས་རིང་སྤྱན་གྱིས་འགྲོ་ལ་གཟིགས། །འཕགས་དང་སོ་སྐྱེ་སྡེ་བརྒྱད་འདུས་པའི་འཁོར། །ཐམས་ཅད་དགའ་བའི་འཛུམ་བཅས་འདུན་བདར་བ། །སྟོན་ཟླ་རྒྱས་པའི་དཀྱིལ་འཁོར་མི་ལྷུང་ཕྲེང་། །གྲངས་མེད་ཀུན་ནས་བསྐོར་ཞིང་ལྷམ་མེར་བཞུགས། །བདག་གི་སྨིན་མཚམས་ལ་སོགས་སྐུའི་ཆ་ལས། །འོད་ཟེར་འཕྲོས་པས་སྟོང་གསུམ་འཇིག་རྟེན་ཁམས། །ཁྱབ་པར་སྣང་བྱེད་འོད་དེས་རེག་པའི་མོད། །སེམས་ཅན་དམྱལ་བ་བྱོལ་སོང་གཤིན་རྗེ་ཡི། །འཇིག་རྟེན་རྒྱུན་ཆད་མི་ཁོམ་གནས་བརྒྱད་བྲལ། །བདེ་འགྲོ་ལྷ་མི་རྣམས་དང་སྐལ་མཉམ་གྱུར། །ཐམས་ཅད་དམ་ཆོས་མཉན་ཕྱིར་ལྷ་གནས་ནི། །དད་དགའ་རྒྱས་པའི་སེམས་ཀྱིས་འཁོད་པར་གྱུར། །བདག་ཉིད་སྟོན་མཆོག་དགྱེས་པའི་ཞལ་སྒོ་ནས། །འཕྲུལ་གྱི་ལྗགས་བརྐྱངས་འོད་ཟེར་གྲངས་མེད་སྤྲོས། །འོད་ཀྱི་རྩེར་བཞུགས་རྒྱལ་བ་བྱེ་བ་ཕྲག །གྲངས་མེད་འཁོར་དབུས་ཆོས་འཁོར་བསྐོར་བར་གསལ། །ཆོས་རྣམས་ཐམས་ཅད་རྨི་ལམ་སྒྱུ་འདྲར་སྣང་། །སྣང་ཙམ་ངོ་བོ་སྐྱེ་འགག་གནས་པ་མེད། །མེད་བཞིན་རང་སྣང་མ་འགགས་ཅིར་ཡང་འཆར། །འཆར་སྒོ་རང་རིག་བརྗོད་བྲལ་ངང་ཉིད་ནས། ལྷ་ཡི་སྐད་དང་། སོགས། བསྟན་ནོ། །ཞེས་བརྗོད་གསལ་དག་སྙན་ལ་མ་ཡེངས་བཟླས། རྗེས་སུ་ཡིག་བརྒྱ་ཚར་གསུམ་གྱིས་ལྷག་ཆད་བསྐང་། དགེ་བ་བསྔོ་ཞིང་སྨོན་ལམ་གདབ། ཤིས་པ་བརྗོད་པར་བྱའོ། །ཞེས་པའང་བཀའི་གླེང་གཞི་དང་དགོངས་འགྲེལ་འགའ་ཞིག་གི་དགོངས་པ་དང་མཐུན་པའོ། །ཤུ་བྷཾ། ། ༈

[edit]

chos 'chad tshul/__ dam pa'i chos bsgrags pa rnams kyis/__sbyor ba skyabs sems dang /__yan lag bdun pa sngon du 'gro ba dang tshad med bzhis bsod nams kyi tshogs bsags/__swa b+hA was gdod ma'i stong chen gyi don dran par byas la ye shes kyi tshogs bsags/__dngos gzhi/__'khor 'das chos rnams thams cad rang bzhin gyis/__/yod med mtha' bral stong pa'i ngang nyid las/__/mi 'jigs bzhi ldan gdong lnga'i dbang po brgyad/__/khengs pas rab bteg bkod legs rin chen khri/__/skyon bral chu skyes 'dab rgyas lte ba la/__/dkar gsal kun phan rgyas pa'i dkyil 'khor steng /__/bdag nyid skad cig gsal rdzogs bcom ldan 'das/__/nyi ma'i rgyud 'khrungs ston mchog gser gyi mdog__/bzod pa dam pas rgyan pa'i zhal ras la/__/nyin byed 'char ka'i mdzes pas bskrun du med/__/'jam mnyen phyag gnyis chos 'chad mnyam bzhag dang /__/zhabs zung mi phyed rdo rje'i skyil krung bzhugs/__/thun mtshams dmar 'od gsar pa'i mdzes sdug stong /__/gcig tu bsdus 'dra'i chos gos gsum mdzes sku/__/mtshan bzang dpe byad snang bas 'jig rten 'gengs/__/zhal 'dzum dkyus ring spyan gyis 'gro la gzigs/__/'phags dang so skye sde brgyad 'dus pa'i 'khor/___/thams cad dga' ba'i 'dzum bcas 'dun bdar ba/__/ston zla rgyas pa'i dkyil 'khor mi lhung phreng /__/grangs med kun nas bskor zhing lham mer bzhugs/__/bdag gi smin mtshams la sogs sku'i cha las/__/'od zer 'phros pas stong gsum 'jig rten khams/__/khyab par snang byed 'od des reg pa'i mod/__/sems can dmyal ba byol song gshin rje yi/__/'jig rten rgyun chad mi khom gnas brgyad bral/__/bde 'gro lha mi rnams dang skal mnyam gyur/__/thams cad dam chos mnyan phyir lha gnas ni/__/dad dga' rgyas pa'i sems kyis 'khod par gyur/__/bdag nyid ston mchog dgyes pa'i zhal sgo nas/__/'phrul gyi ljags brkyangs 'od zer grangs med spros/__/'od kyi rtser bzhugs rgyal ba bye ba phrag__/grangs med 'khor dbus chos 'khor bskor bar gsal/__/chos rnams thams cad rmi lam sgyu 'drar snang /__/snang tsam ngo bo skye 'gag gnas pa med/__/med bzhin rang snang ma 'gags cir yang 'char/__/'char sgo rang rig brjod bral ngang nyid nas/__lha yi skad dang /__sogs/__bstan no/__/zhes brjod gsal dag snyan la ma yengs bzlas/__rjes su yig brgya tshar gsum gyis lhag chad bskang /__dge ba bsngo zhing smon lam gdab/__shis pa brjod par bya'o/__/zhes pa'ang bka'i gleng gzhi dang dgongs 'grel 'ga' zhig gi dgongs pa dang mthun pa'o/__/shu b+haM/___/___!_