ཆོས་ཉིད་ཀློང་བཤགས།

🚧 This website is under continued development. We appreciate your patience!

Previous Section Back to Volume PageNext Section

Wylie title	chos nyid klong bshags
Location	mkhyen brtse'i bka' 'bum Volume 14, sde tshan 16, Pages 279-281 (Folios 1a1 to 2b6)
Author	འཕྲེང་པོ་གཏེར་སྟོན་ཤེས་རབ་འོད་ཟེར་
Less details More details
Tertön	འཕྲེང་པོ་གཏེར་སྟོན་ཤེས་རབ་འོད་ཟེར་ ('phreng po gter ston shes rab 'od zer)
Citation	'phreng po gter ston shes rab 'od zer. chos nyid klong bshags. In 'jam dbyangs mkhyen brtse'i dbang po'i bka' 'bum, Vol. 14: 279-281. Khams sde dge rdzong sar dgon: Rdzong sar blo gros phun tshogs, 2020.
Genre	Confessions - bshags pa  ·  Revelations - gter ma
Cycle	པདྨའི་ཞལ་གདམས་གྲོལ་ཏིག་དགོངས་པ་རང་གྲོལ་ (pad+ma'i zhal gdams grol thig mthong ba rang grol)
Parent Cycle	གྲོལ་ཏིག་དགོངས་པ་རང་གྲོལ་གྱི་ཆོས་སྡེ་ (grol tig dgongs pa rang grol gyi chos sde)
Deity	pad+ma 'byung gnas
Recension Link	Other Versions on this site: པདྨའི་ཞལ་གདམས་གྲོལ་ཐིག་མཐོང་བ་རང་གྲོལ་ལས། ཆོས་ཉིད་ཀློང་བཤགས།
RTZ	In the Rinchen Terdzö: https://rtz.tsadra.org/index.php/Terdzo-DI-045
Colophon	Treasure colophon: ཡིད་བྱེད་ཚིག་གི་ལྟ་བར་གདེངས་བཅས་ཤིང་༔ ཚུལ་ཁྲིམས་འཆལ་དང་བྱང་སེམས་གསང་སྔགས་ཉམས༔ དེ་དུས་གདམས་པའི་སྙིང་ཕྱུང་ཀློང་བཤགས་འདིས༔ ངན་སོང་སྐྱེ་སྒོ་གཅོད་དོ་ས་མ་ཡ༔ ས་མ་ཡ༔ རྒྱ་རྒྱ་རྒྱ༔ ཟབ་རྒྱ༔ གཏེར་རྒྱ༔ སྦས་རྒྱ༔ ཁ་ཐཾ༔
	Treasure colophon: yid byed tshig gi lta bar gdengs bcas shing :__tshul khrims 'chal dang byang sems gsang sngags nyams:__de dus gdams pa'i snying phyung klong bshags 'dis:__ngan song skye sgo gcod do sa ma ya:__sa ma ya:__rgya rgya rgya:__zab rgya:__gter rgya:__sbas rgya:__kha thaM:

1 Texts in this Section (sde tshan or chos tshan)

279-281	ཆོས་ཉིད་ཀློང་བཤགས། chos nyid klong bshags Confessions - bshags pa   ·   Revelations - gter ma	Text page View PDF
	འཕྲེང་པོ་གཏེར་སྟོན་ཤེས་རབ་འོད་ཟེར་ ('phreng po gter ston shes rab 'od zer)

Tibetan Text

Wylie

[edit]

༁ྃ༔ པདྨའི་ཞལ་གདམས་གྲོལ་ཐིག་མཐོང་བ་རང་གྲོལ་ལས༔ ཆོས་ཉིད་ཀློང་བཤགས་བཞུགས་སོ༔ གདོད་ནས་མ་སྐྱེས་ཆོས་ཀྱི་སྐུ༔ གཉིས་མེད་རོ་མཉམ་ལོངས་སྤྱོད་རྫོགས༔ མ་འགགས་རོལ་པ་སྤྲུལ་པའི་སྐུ༔ ཕྱག་འཚལ་བླ་མ་མཁའ་འགྲོ་ལ༔ དངོས་འབྱོར་ཡིད་ལས་བྱུང་བ་ཡི༔ ཕྱི་ནང་གསང་བའི་མཆོད་སྤྲིན་རྣམས༔ ཆོས་དབྱིངས་ནམ་མཁའི་ཀློང་ཡངས་ནས༔ རྣམ་འཕྲུལ་གུས་པའི་ཡིད་ཀྱིས་མཆོད༔ ཐོག་མེད་དུས་ནས་ད་ལྟའི་བར༔ རང་བཞིན་དང་ནི་བཅས་པ་ཡི༔ སྒོ་གསུམ་མི་དགེའི་ལས་རྣམས་ཀུན༔ རང་གྲོལ་རིག་པའི་ཀློང་དུ་བཤགས༔ བླ་མ་ཡི་དམ་མཁའ་འགྲོ་ཚོགས༔ བདག་དང་དབྱེར་མེད་རོ་མཉམ་ལ༔ བདག་ཏུ་བཟུང་བ་མཐོལ་ལོ་བཤགས༔ དྲན་རྟོག་ཆོས་ཉིད་རང་རྩལ་ལ༔ ཡེ་གྲོལ་བསྐྱར་གཞི་མེད་པ་ཡིན༔ བལྟ་བྱ་ལྟ་བྱེད་མེད་པ་ལ༔ ངོ་བལྟ་བྱས་པ་མཐོལ་ལོ་བཤགས༔ སེམས་ཉིད་ཡེ་གྲོལ་ཁོར་ཡུག་འདི༔ ཡིད་བྱེད་སྒོམ་པའི་ཡུལ་ལས་འདས༔ བསྒོམ་བྱ་སྒོམ་བྱེད་མེད་པ་ལ༔ སྟོང་ཉིད་བསྒོམས་པ་མཐོལ་ལོ་བཤགས༔ ཆོས་དབྱིངས་བརྡལ་བའི་ཡོ་ལངས་ལ༔ སྤང་བླང་སྤྱོད་པ་ཨ་ཐང་ཆད༔ སྤྱད་བྱ་སྤྱོད་བྱེད་མེད་པ་ལ༔ བླང་དོར་སྤྱོད་པ་མཐོལ་ལོ་བཤགས༔ རིག་པ་བཅིངས་གྲོལ་མེད་པ་ལ༔ ས་ལམ་འབད་པས་གྲོལ་བ་མཚར༔ ཐོབ་བྱ་འཐོབ་བྱེད་མེད་པ་ལ༔ སྤང་ཐོབ་འབྲས་བུ་མཐོལ་ལོ་བཤགས༔ དྲན་པ་རང་གྲོལ་ཐིག་ལེའི་ངང་༔ ཁྱབ་བརྡལ་ནམ་མཁའི་ཁོར་ཡུག་ལ༔ དྲན་པས་བཟུང་དང་མ་བཟུང་མེད༔ དྲན་པའི་སྒྲོག་གིས་བཅིངས་པ་བཤགས༔ ཐམས་ཅད་ཆོས་དབྱིངས་རོལ་པ་ལ༔ ཡེངས་དང་མ་ཡེངས་ག་ལ་ཡོད༔ ཡེ་ནས་སྐྱེ་མེད་རྒྱ་ཡན་ལ༔ མ་ཡེངས་སེམས་འཛིན་མཐོལ་ལོ་བཤགས༔ སེམས་ཉིད་ནམ་མཁའ་ལྟ་བུ་ལ༔ གང་གིས་གློད་ཅིང་སྒྲིམ་པར་ནུས༔ བྱ་རྩོལ་སྤྲོས་པའི་ཡུལ་ལས་འདས༔ འབད་རྩོལ་སྒྲིམ་གློད༴ རིས་མེད་སྟོང་པ་ནམ་མཁའི་པད༔ བཙལ་བས་རྙེད་པར་མི་འགྱུར་ཏེ༔ འབད་རྩོལ་འདུ་བྱེད་འཁྲུལ་པའི་ལམ༔ རིག་འཚོལ་སྡུག་བཙིར༴ མ་ཡེངས་རྣམ་རྟོག་ངོས་བཟུང་ནས༔ དེ་ཉིད་གློད་ཅང་དེ་ཉིད་བལྟ༔ འདི་ཡང་འདུ་བྱེད་འཁྲུལ་པའི་ལམ༔ ཡེ་དག་རོལ་པར༴ བྱས་པའི་ཆོས་ཀྱིས་སངས་མི་རྒྱ༔ བློ་ཡི་ཆོས་ཀྱིས་རང་ཉིད་འཆིང་༔ གང་ལ་དམིགས་ཀྱང་ཡིན་ལུགས་སྒྲིབ༔ དམིགས་མེད་ཆོས་དབྱིངས་ཀློང་དུ་བཤགས༔ ས་ལམ་དྲོད་རྟགས་རེ་བས་བཅིངས༔ ཉམས་རྟོགས་རོ་ལ་ཆགས་པས་ཕུང་༔ སྨིག་རྒྱུའི་ཆུ་ཡིས་རང་ཉིད་བསླུས༔ བྱར་མེད་ཡེ་གྲོལ་ཀློང་དུ༴ མི་རྟོག་གནས་པའི་ཁོར་ཡུག་དང་༔ བདེ་གསལ་མི་རྟོག་ཏིང་འཛིན་དང་༔ སྟོང་ཉིད་བློ་བྲལ་རིས་མེད་སོགས༔ མྱོང་ཞེན་སྐྱེ་མེད་ཀློང་དུ༴ དོན་དམ་ཆོས་དབྱིངས་སྤྲོས་བྲལ་ངང་༔ བསམ་མེད་དམིགས་མེད་བརྗོད་མེད་སོགས༔ གོ་མྱོང་ཡིད་ཀྱི་གཏད་སོ་རྣམས༔ རིས་མེད་བསམ་འདས་ཀློང་དུ༴ ཐོས་བསམ་འབད་རྩོལ་སྒོམ་པ་དང་༔ མི་སྒོམ་མི་རྟོག་བྱར་མེད་སོགས༔ གང་ལྟར་བྱས་ཀྱང་བཅོས་མའི་ལམ༔ མ་བཅོས་ཆོས་སྐུའི་ཀློང་དུ༴ བཏང་བཞག་འགུགས་དང་ཆེད་འཛིན་སྒོམ༔ སྒྲིམ་གློད་ངོ་ལྟ་ལ་སོགས་དང་༔ རྟག་ཆད་བསམ་གཞིགས་ཡིད་བྱེད་ལས༔ བྱར་མེད་ཀ་དག་ཀློང་དུ༴ མ་བྱས་དགེ་ལ་རྗེས་ཡི་རང་༔ སྐྱེ་མེད་ཆོས་འཁོར་བསྐོར་བ་དང་༔ སྐྱེ་འཆི་མེད་པར་རྟག་བཞུགས་ནས༔ ཇི་སྲིད་ནམ་མཁའི་མཐར་ཐུག་པར༔ མི་ངལ་འགྲོ་བ་འདྲེན་པར་ཤོག༔ ཆོས་ཉིད་ཀློང་བཤགས་འདི་ཉིད་ནི༔ ཆོས་སྐུའི་རིག་པའི་ཀློང་ཡངས་ལས༔ ལོངས་སྐུའི་ངག་གིས་རང་འབྱིན་པས༔ སྤྲུལ་སྐུའི་ལག་པའི་མཐིལ་དུ་སྤྲོད༔ ས་མ་ཡ༔ རྒྱ་རྒྱ་རྒྱ༔ ཡིད་བྱེད་ཚིག་གི་ལྟ་བར་གདེངས་བཅས་ཤིང་༔ ཚུལ་ཁྲིམས་འཆལ་དང་བྱང་སེམས་གསང་སྔགས་ཉམས༔ དེ་དུས་གདམས་པའི་སྙིང་ཕྱུང་ཀློང་བཤགས་འདིས༔ ངན་སོང་སྐྱེ་སྒོ་གཅོད་དོ་ས་མ་ཡ༔ ས་མ་ཡ༔ རྒྱ་རྒྱ་རྒྱ༔ ཟབ་རྒྱ༔ གཏེར་རྒྱ༔ སྦས་རྒྱ༔ ཁ་ཐཾ༔

[edit]

chos nyid klong bshags/ \u0f01\u0f83:__pad+ma'i zhal gdams grol thig mthong ba rang grol las:__chos nyid klong bshags bzhugs so:__gdod nas ma skyes chos kyi sku:__gnyis med ro mnyam longs spyod rdzogs:__ma 'gags rol pa sprul pa'i sku:__phyag 'tshal bla ma mkha' 'gro la:__dngos 'byor yid las byung ba yi:__phyi nang gsang ba'i mchod sprin rnams:__chos dbyings nam mkha'i klong yangs nas:__rnam 'phrul gus pa'i yid kyis mchod:__thog med dus nas da lta'i bar:__rang bzhin dang ni bcas pa yi:__sgo gsum mi dge'i las rnams kun:__rang grol rig pa'i klong du bshags:__bla ma yi dam mkha' 'gro tshogs:__bdag dang dbyer med ro mnyam la:__bdag tu bzung ba mthol lo bshags:__dran rtog chos nyid rang rtsal la:__ye grol bskyar gzhi med pa yin:__blta bya lta byed med pa la:__ngo blta byas pa mthol lo bshags:__sems nyid ye grol khor yug 'di:__yid byed sgom pa'i yul las 'das:__bsgom bya sgom byed med pa la:__stong nyid bsgoms pa mthol lo bshags:__chos dbyings brdal ba'i yo langs la:__spang blang spyod pa a thang chad:__spyad bya spyod byed med pa la:__blang dor spyod pa mthol lo bshags:__rig pa bcings grol med pa la:__sa lam 'bad pas grol ba mtshar:__thob bya 'thob byed med pa la:__spang thob 'bras bu mthol lo bshags:__dran pa rang grol thig le'i ngang :__khyab brdal nam mkha'i khor yug la:__dran pas bzung dang ma bzung med:__dran pa'i sgrog gis bcings pa bshags:__thams cad chos dbyings rol pa la:__yengs dang ma yengs ga la yod:__ye nas skye med rgya yan la:__ma yengs sems 'dzin mthol lo bshags:__sems nyid nam mkha' lta bu la:__gang gis glod cing sgrim par nus:__bya rtsol spros pa'i yul las 'das:__'bad rtsol sgrim glod=__ris med stong pa nam mkha'i pad:__btsal bas rnyed par mi 'gyur te:__'bad rtsol 'du byed 'khrul pa'i lam:__rig 'tshol sdug btsir=__ma yengs rnam rtog ngos bzung nas:__de nyid glod cang de nyid blta:__'di yang 'du byed 'khrul pa'i lam:__ye dag rol par=__byas pa'i chos kyis sangs mi rgya:__blo yi chos kyis rang nyid 'ching :__gang la dmigs kyang yin lugs sgrib:__dmigs med chos dbyings klong du bshags:__sa lam drod rtags re bas bcings:__nyams rtogs ro la chags pas phung :__smig rgyu'i chu yis rang nyid bslus:__byar med ye grol klong du=__mi rtog gnas pa'i khor yug dang :__bde gsal mi rtog ting 'dzin dang :__stong nyid blo bral ris med sogs:__myong zhen skye med klong du=__don dam chos dbyings spros bral ngang :__bsam med dmigs med brjod med sogs:__go myong yid kyi gtad so rnams:__ris med bsam 'das klong du=__thos bsam 'bad rtsol sgom pa dang :__mi sgom mi rtog byar med sogs:__gang ltar byas kyang bcos ma'i lam:__ma bcos chos sku'i klong du=__btang bzhag 'gugs dang ched 'dzin sgom:__sgrim glod ngo lta la sogs dang :__rtag chad bsam gzhigs yid byed las:__byar med ka dag klong du=__ma byas dge la rjes yi rang :__skye med chos 'khor bskor ba dang :__skye 'chi med par rtag bzhugs nas:__ji srid nam mkha'i mthar thug par:__mi ngal 'gro ba 'dren par shog:__chos nyid klong bshags 'di nyid ni:__chos sku'i rig pa'i klong yangs las:__longs sku'i ngag gis rang 'byin pas:__sprul sku'i lag pa'i mthil du sprod:__sa ma ya:__rgya rgya rgya:__yid byed tshig gi lta bar gdengs bcas shing :__tshul khrims 'chal dang byang sems gsang sngags nyams:__de dus gdams pa'i snying phyung klong bshags 'dis:__ngan song skye sgo gcod do sa ma ya:__sa ma ya:__rgya rgya rgya:__zab rgya:__gter rgya:__sbas rgya:__kha thaM:_