JKW-KABUM-13-PA-023-005

Previous Text Back to Volume PageNext Text

ཉང་ལུགས་དྲག་པོ་བདེར་འདུས་རྒྱུན་ཁྱེར།

Wylie title	nyang lugs drag po bder 'dus rgyun khyer
Location	mkhyen brtse'i bka' 'bum Volume 13, sde tshan 23, Text 5, Pages 481-488 (Folios 10a5 to 13b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	ཉང་རལ་ཉི་མ་འོད་ཟེར་ (nyang ral nyi ma 'od zer)
Source Author(s)	གཏེར་བདག་གླིང་པ་འགྱུར་མེད་རྡོ་རྗེ་ (Gter bdag gling pa 'gyur med rdo rje)
Citation	'jam dbyangs mkhyen brtse'i dbang po. nyang lugs drag po bder 'dus rgyun khyer. In 'jam dbyangs mkhyen brtse'i dbang po'i bka' 'bum, Vol. 13: 481-488. Khams sde dge rdzong sar dgon: Rdzong sar blo gros phun tshogs, 2020.
Genre	Daily Practice - rgyun khyer  ·  Sadhanas - Evocation Ritual - sgrub thabs
Cycle	གུ་རུ་དྲག་པོ་དམར་པོ་བདེ་གཤེགས་འདུས་པ་ (gu ru drag po dmar po bde gshegs 'dus pa)
Deity	gu ru drag po
Colophon	།རིག་འཛིན་གཏེར་བདག་གླིང་པའི་གསུང་གི་གསང་བ་ལས་ཕྱུང་བའོ།།
	rig 'dzin gter bdag gling pa'i gsung gi gsang ba las phyung ba'o

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །ཉང་ལུགས་དྲག་པོ་བདེ་གཤེགས་འདུས་པའི་སྒྲུབ་ཐབས་བཞུགས་སོ། །ན་མོ་གུ་རུ་པདྨ་ཀྲོ་དྷཱ་ཡ། ཉང་ལུགས་དྲག་པོ་བདེ་གཤེགས་འདུས་པའི་སྒྲུབ་ཐབས་ལ་སྔོན་འགྲོ་ནི། བགེགས་བསྐྲད། མཚམས་བཅད། །བརྒྱུད་པའི་རྩ་བ་བླ་མ་རྗེ། །དངོས་གྲུབ་འབྱུང་བའི་ཡི་དམ་ལྷ། །ལེགས་པར་བྱིན་རླབས་མཁའ་འགྲོ་མ། །རྩ་བ་གསུམ་ལ་སྐྱབས་སུ་མཆི། །བདག་གཞན་གཉིས་མེད་དོན་ཕྱིར་དུ། །དྲག་པོ་ཁྲོ་རྒྱལ་ཀུན་ སྒྲུབ་ནས། །སྙིང་པོ་བླ་མེད་མཆིས་པ་དང་། །གཞན་དོན་བྱེད་པར་སེམས་བསྐྱེད་དོ། །ཅེས་པས་སྐྱབས་སུ་འགྲོ་ཞིང་སེམས་བསྐྱེད་པ་དང་། ཡན་ལག་བདུན་པ་ཙམ་སྔོན་དུ་འགྲོ་བས། དངོས་གཞི་ནི། ཚོགས་ཞིང་རང་ལ་བསྟིམས་པས་ཐ་ལམ་གྱི་ལུས་སྦྱངས་འོད་དུ་ཞུ་བའི་དྭངས་མ་ཧཱུྃ་དམར་པོ་འབར་བར་གྱུར། དེ་ལས་འོད་ཟེར་འཕྲོས་དོན་གཉིས་བྱས་ཧཱུྃ་ལ་ཐིམ། དེ་ལས་ཨེ་ཡྃ་རྃ་ར་སུྃ་ཀེཾ་བྷྲཱུྃ་རྣམས་ཆད་པ་ལས་ནམ་མཁའ་རླུང་མེ་ཁྲག་མཚོ་ཞིང་གིས་གཞི་རུས་པའི་རི་རབ་རྣམས་བརྩེགས་པའི་སྟེང་དུ་བྷནྡྷ་འབར་བའི་གཞལ་ཡས་ཁང་གྲུ་བཞི་སྒོ་བཞི་རྟ་བབས་དང་ལྡན་པ་རྒྱ་ཁྱོན་ཚད་མེད་པའི་ཕྱི་ནས་གསེར་འཁོར་དང་མེ་འཁོར་རྩེ་བསྣོལ་དུ་འཁོར་བའི་རྩིབས་རྩེ་ལས་སྤྲུལ་པའི་ཕོ་ཉ་འཕྲོ་བ། རྡོ་རྗེའི་གུར་ཁང་ཡེ་ཤེས་ཀྱི་མེ་དཔུང་འབར་བ་དང་བཅས་པའི་དབུས་སུ་པཾ་ལས་པདྨ་དང་རྃ་ལས་ཉི་མའི་སྟེང་དུ་དྲེགས་པ་སྡེ་བརྒྱད་བསྣོལ་བའི་གདན་ལ། ཧཱུྃ་ལས་རང་ཉིད་ཟིལ་གནོན་པདྨ་དྲག་པོ་སྐུ་མདོག་དམར་ནག་ཞལ་གཅིག་ཕྱག་གཉིས་པ། ཞལ་གདངས་ཤིང་མཆེ་བ་གཙིགས་པ། སྤྱན་གསུམ་སྡང་མིག་ཏུ་གཟིགས་པ། སྨིན་མ་དང་ཨག་ཚོམ་མེར་འབར་ཞིང་། རལ་པ་དམར་སེར་གྱེན་དུ་བརྫེས་པ། ཕྱག་གཡས་གསེར་གྱི་རྡོ་རྗེ་རྩེ་དགུ་ཧཱུྃ་དགུ་རྃ་དགུས་མཚན་པ་འཕྱར་ཞིང་། གཡོན་ལྕགས་ཀྱི་སྡིག་པ་ཁ་དགུ་མིག་དགུ་རྭ་བཅོ་བརྒྱད་པ་སྡིག་མཛུབ་ཀྱི་རྩེ་ནས་འགྱེད་པ། ཞབས་གཡས་བསྐུམ་གཡོན་བརྐྱང་བའི་དོར་སྟབས་ཀྱིས་དྲེགས་པའི་གདན་ལ་རོལ་པ། ཐོད་སྐམ་ལྔའི་དབུ་རྒྱན་དང་ཐོད་རློན་ལྔ་བཅུའི་དོ་ཤལ་ཅན། ཞིང་ལྤགས་ཀྱི་སྐེད་དཀྲིས་ཤིང་། གླང་ཆེན་གྱི་ཀོ་བའི་སྟོད་གཡོག་དང་། སྟག་ལྤགས་ཀྱི་ཤམ་ཐབས་འཕྱང་བ། ཀླུ་རིགས་ལྔའི་སྦྲུལ་ཆུན་དང་། རིན་པོ་ཆེ་དང་རུས་པའི་རྒྱན་གྱིས་བརྒྱན་པ། གར་དགུའི་ཉམས་རྒྱས་ཤིང་གཟི་བརྗིད་མཐའ་ཡས་པ། རྡོ་རྗེ་འབར་བའི་སྤུ་གསེབ་ནས་མེའི་ཚྭ་ཚྭ་འཕྲོ་བ། དུང་ཁང་དུ་འཁོར་ལོའི་ལྟེ་བར་འཇམ་དཔལ་སེར་པོ་རལ་གྲི་དང་སྡིག་མཛུབ་ཅན་གྱི་སྤྱི་བོར་ཨོཾ། མགྲིན་པར་པདྨའི་དབུས་སུ་རྟ་མགྲིན་དམར་པོ་དབྱུག་ཐོ་དང་སྡིག་མཛུབ་ཅན་གྱི་མགྲིན་པར་ཨཱཿ ཐུགས་ཁང་རྡོ་རྗེ་རྒྱ་གྲམ་གྱི་དབུས་སུ་པུ་རིའི་བུམ་པར་ཕྱག་རྡོར་མཐིང་ནག་རྡོ་རྗེ་ངང་སྡིག་མཛུབ་ཅན་གྱི་ཐུགས་ཀར་ཉི་མ་ལ་ཧཱུྃ་ཡིག་དམར་པོ་སྔགས་ཕྲེང་གིས་བསྐོར་བ། ལྟེ་བར་ཆོས་འབྱུང་པདྨ་བམ་རོའི་སྟེང་དུ་རྡོ་རྗེ་རྣལ་འབྱོར་མ་དམར་མོ་གྲི་ཐོད་ཁ་ཊྭཱཾ་འཆང་ཞིང་གཅེར་བུ་གར་སྟབས་ཅན་མཁའ་འགྲོ་རིགས་བཞིས་བསྐོར་བའི་ལྟེ་བར་མས་མཚན་པ། སྤྱི་བོར་བྱ་ཁྱུང་མཐིང་ནག་རྡོ་རྗེའི་མཆུ་སྡེར་དང་མེའི་གཤོག་པ་ཅན་དུག་སྦྲུལ་བཟུང་བ་ཐུགས་ཀར་ཁྲོམ་གྱིས་མཚན་པ། དེའི་རྭ་བར་དུ་པད་ཟླའི་གདན་ལ་རིགས་བདག་སྣང་བ་མཐའ་ཡས་སྤྲུལ་སྐུའི་ཆས་ཅན་མཉམ་བཞག་སྐྱིལ་ཀྲུང་མཛད་པ། དེའི་སྟེང་གི་ནམ་མཁར་བླ་མ་ཐོད་ཕྲེང་རྩལ་ཡབ་ཡུམ་བཞུགས་པའོ། གཞན་ཡང་སྤྲུལ་པའི་ཁྲོ་ཚོགས་བསམ་གྱིས་མི་ཁྱབ་པས་བསྐོར་ཏེ་མེ་དཔུང་འབར་བའི་ཀློང་ན་བཞུགས་པར་བསམས་མོ། དེ་ནས་སྙིང་གའི་ཧཱུྃ་ལས་འོད་ཟེར་འཕྲོས་པས་ཡེ་ཤེས་ཀྱི་འཁོར་ལོ་སྤྱན་དྲངས་བར་བསམས་ལ། ཧཱུྃ། དུར་ཁྲོད་མེ་རི་སྨུག་ནག་འབར་བའི་ཀློང་དཀྱིལ་ནས། །སྟོང་གསུམ་དྲེགས་པ་འདུལ་མཛད་པདྨ་ཐོད་ཕྲེང་རྩལ། །བཞེངས་ཤིག་བཞེངས་ཤིག་ཆོས་ཀྱི་དབྱིངས་ནས་བཞེངས། །འགྲོ་བ་སེམས་ཅན་དོན་ལ་གཤེགས་སུ་གསོལ། ཨེ་ཧྱ་ཧི་བཛྲ་ས་མ་ཡ་ཛཿ ཕེཾ་ཕེཾ་ཕེཾ་ཧྲིཾ་ཧྲིཾ་ཧྲིཾ། ཞེས་སྤྱན་དྲངས་པས་མདུན་གྱི་ནམ་མཁར་བྱོན་པ་ལ་ཉེར་སྤྱོད་ལྔས་མཆོད་ནས། ཛཿཧཱུྃ་བྃ་ཧོཿ དམ་ཚིག་པ་དང་དབྱེར་མེད་དུ་བཞུགས་པར་བསམ་མོ། །དེ་ནས་རྒྱན་ལྷའི་ས་བོན་ལྔ་ལས་འོད་ཟེར་འཕྲོས་ཕྱོགས་བཅུའི་དེ་བཞིན་གཤེགས་པ་ཐམས་ཅད་སྤྱན་དྲངས། དེ་རྣམས་ཀྱི་དབང་བསྐུར་བས་སྐུ་གསུང་ཐུགས་ཡོན་ཏན་ཕྲིན་ལས་ཡེ་ཤེས་རྡོ་རྗེའི་དངོས་གྲུབ་ཐོབ། དེ་བཞིན་གཤེགས་པ་རྣམས་གཅིག་ཏུ་གྱུར་ནས་འོད་དཔག་མེད་ལ་ཐིམ་པས་གསལ་བརྟན་འབར་བར་གྱུར་ཅིང་། སླར་ཡང་ཐུགས་ཀའི་ཧཱུྃ་དང་སྔགས་ཕྲེང་ལས་སྔགས་ཀྱི་འོད་ཟེར་རང་སྒྲ་སྒྲོགས་བཞིན་པ་དང་། མེ་དབལ་མཐིང་ནག་ཐོ་བ་དང་མེ་ཞགས་ཐོགས་པ་ནམ་མཁའ་གང་བ་སྤྲོས་པ་རྣམས་དང་ཕྱི་རོལ་གྱི་འཁོར་ལོ་རྩེ་བསྣོལ་དྲག་ཏུ་འཁོར་བས་གནོད་བྱེད་ཐམས་ཅད་བསད་བཅད་གཏུབས་ཏེ་ཚར་བཅད། ཁྲོ་བོ་རྣམས་ཕྱི་ནང་ཀུན་ཏུ་གུར་ཐབས་སུ་འཁྲིགས་པའི་དབུས་སུ་བདག་ཉིད་ཆེ་བཙན་འགྲན་ཟླ་བྲལ་བའི་ལྷ་སྐུར་གྱུར་པའི་ལུས་དཀྱིལ་གྱི་ལྷ་རྣམས་ལས་འོད་ཟེར་འཕྲོས། །ནད་གདོན་སྡིག་སྒྲིབ་ཐམས་ཅད་སྦྱངས་ལུས་ངག་ཡིད་གསུམ་བདེ་བ་ཆེན་པོའི་ཡེ་ཤེས་ཀྱི་རྒྱས་པར་བསམས་ལ། ཨོཾ་ཨཱཿཧཱུྃ་ཨ་རྩག་ནི་རྩིག་ན་མོ་བྷ་ག་བ་ཏེ་ཧཱུྃ་ཧཱུྃ་ཧཱུྃ། ཨ་ཡ་མ་དུ་རུ་ཙ་ཤ་ན། ཨོཾ་བཛྲ་ཧཱུྃ། ཡཀྴ་ཧཱུྃ། རཀྴ་ཧཱུྃ། ཞེས་རིག་པ་ངར་དང་ལྡན་པས་རྩེ་གཅིག་ཏུ་བཟླ་ཞིང་། སྔགས་ཤམ་སྦྲེལ་ལུགས་ནི་གཞན་དུ་བལྟའོ། །ཐུན་མཚམས་སུ་གཏོར་མ་འབུལ་ན། གཏོར་རྫས་རྃ་ཡྃ་ཁྃ་ཡེ་ཤེས་ཀྱི་མེ་རླུང་ཆུས་བསྲེག་གཏོར་སྦྱངས། རྃ་ཡྃ་ཁྃ་གསུམ་ལས་རླུང་མེ་ཐོད་སྒྱེད་ཀྱི་སྟེང་དུ་ཨ་ལས་ཀ་པཱ་ལའི་སྣོད་དུ་བཛྲ་ཨཾ་ཀུ་ཤ་ཛཿ ཞེས་པས་རང་གི་ཐུགས་ཀའི་འོད་ཟེར་གྱིས་གནོད་བྱེད་ཐམས་ཅད་བཀུག་ནས་གཏོར་མ་ལ་བསྟིམ། དེའི་སྟེང་དུ་ཧཱུྃ་ཨཱ་ཨཱོཾ་བརྩེགས་པ། ཧཱུྃ་ཞེས་པས་རླུང་གཡོས། མེ་སྦར་རྫས་རྣམས་ཞུ་བ་ཡེ་ཤེས་ཀྱི་བདུད་རྩིར་གྱུར། ཨོཾ་ཨཱཿཧཱུྃ་མ་ཧཱ་བ་ལིཾ་ཏ་ཏེ་ཛྭ་ལིངྟཾ་བ་ལ་བ་ཏེ་གུ་ཧྱ་ས་མ་ཡ་སྭཱ་ཧཱ། ཉེར་གཅིག་བརྗོད་པས། སྟེང་གི་འབྲུ་གསུམ་ལས་འོད་ཟེར་འཕྲོས་ཡེ་ཤེས་ཀྱི་བདུད་རྩི་བཀུག་ནས་དམ་ཚིག་གི་བདུད་རྩི་དང་རོ་གཅིག་ཏུ་བྱས་ནས་ཡི་གེ་གསུམ་ཡང་དེ་ལ་འདྲེས་པར་བསམ་མོ། །དེ་ནས་མདུན་གྱི་ནམ་མཁར་པད་ཉི་དྲེགས་པའི་གདན་བཀོད་པ་ལ་གཏོར་མགྲོན་རྣམས། ཧཱུྃ། དུར་ཁྲོད་མེ་རི་སོགས་ཀྱི་སྔར་བཞིན་སྤྱན་དྲངས་ནས་བཞུགས་སུ་གསོལ། ཧཱུྃ། །བདག་ཅག་བྱང་ཆུབ་སྒྲུབ་ལ་གེགས་བྱེད་པའི། །དགྲ་བགེགས་བསྒྲལ་བའི་ཤ་ཁྲག་རུས་པའི་ཚོགས། །འདོད་ཡོན་ལྔ་ལྡན་ཕྱི་ནང་མཆོད་པའི་ཚོགས། །དབང་དྲག་པདྨ་འཁོར་དང་བཅས་ལ་འབུལ། ཨོཾ་ཨཱཿཧཱུྃ་མ་ཧཱ་མཾ་ས་ཁཱ་ཧི། མ་ཧཱ་རཀྟ་ཁཱ་ཧི། མ་ཧཱ་ཙིཏྟ་ཁཱ་ཧི། མ་ཧཱ་བ་སུ་ཏ་ཁཱ་ཧི། མ་ཧཱ་གོ་རོ་ཙ་ན་ཁཱ་ཧི། མ་ཧཱ་བ་ལི་ཏ་ཁཱ་ཧི། ཞེས་ལན་གསུམ་མམ་བདུན་གྱིས་ཕུལ་ལ། བསྟོད་པ་ནི། ཧཱུྃ། །རང་བྱུང་ལྷུན་གྲུབ་པདྨ་འབྱུང་གནས་སྐུ། །དུས་གསུམ་སངས་རྒྱས་སྐུ་གསུང་ཐུགས་ལས་སྤྲུལ། །མཐུ་རྩལ་རྨད་བྱུང་པདྨ་ཧེ་རུ་ཀ །དབང་དྲག་པདྨ་འཁོར་དང་བཅས་ལ་བསྟོད། ཞེས་བསྟོད་ཅིང་ཕྲིན་ལས་བཅོལ་ནས། གཏེར་སྲུང་སོགས་གྱི་གཏོར་མ་ཡང་གཏོང་ཞིང་ཚོགས་མཆོད་བྱེད་ནའང་སྐབས་འདིར་བྱའོ། །དེ་ནས་ཐུན་གྱི་མཐར། སྤྲུལ་པའི་ཁྲོ་བོ་རྣམས་འཁོར་ལོ་དང་གུར་ཁང་ལ་བསྡུ། དེ་ཡང་གཞལ་ཡས་ཁང་ནས་གཙོ་བོའི་ཐུགས་སྲོག་ཧཱུྃ་གི་བར་རིམ་བཞིན་བསྡུས་ནས་སྟོང་ཉིད་སྤྲོས་བྲལ་གྱི་ངང་དུ་བཞག །དེ་ནས་ལྷ་སྐུར་ལངས་ཏེ་སྨོན་ལམ་ཤིས་བརྗོད་རྣམས་བྱའོ། །སྤྱིར་བསྙེན་ཚད་ནི་དུས་ཟླ་བ་དྲུག་གྲངས་འབུམ་ཕྲག་དྲུག །རྟགས་ནི་ལྷ་འདྲེ་ཐུལ་བ་དང་ཡེ་ཤེས་ལྷའི་རྟགས་ཏེ་ཅི་རིགས་པ་མཐོང་བའོ། །བསྙེན་པ་རྫོགས་ནས་ལས་ཚོགས་གང་ཡང་འགྲུབ་པར་འགྱུར་ཞིང་། རྒྱུན་དུ་ཐུན་བཞིར་བརྒྱ་སྟོང་ཁྲི་འབུམ་སོགས་ཅི་ནུས་སུ་བཟླས་པས་བར་ཆད་ཞི། ཉམས་ཆགས་བསྐོང་སྡེ་བརྒྱད་དབང་དུ་འདུ་བ་སོགས་ཕན་ཡོན་མཐའ་ཡས་སོ། །རིག་འཛིན་གཏེར་བདག་གླིང་པའི་གསུང་གི་གསང་བ་ལས་ཕྱུང་བའོ།། །། ༈ ཡན་ལག་བདུན་པ་ནི། །བླ་མ་དཀོན་མཆོག་རྣམ་གསུམ་ལ། །ལུས་ངག་ཡིད་གསུམ་གུས་ཕྱག་འཚལ། །ཕྱི་ནང་གསང་གསུམ་མཆོད་པར་འབུལ། །སྡིག་པ་མི་དགེ་སོ་སོར་བཤགས། །དགེ་བ་ཀུན་ལ་རྗེས་ཡི་རངས། །ཆོས་ཀྱི་འཁོར་ལོ་བསྐོར་བར་བསྐུལ། །མྱ་ངན་མི་འདར་གསོལ་བ་འདེབས། །དགེ་བས་བྱང་ཆུབ་ཆེ་ཐོབ་ཤོག། །། ༈

[edit]

nyang lugs drag po bder 'dus rgyun khyer/__ @#/_/nyang lugs drag po bde gshegs 'dus pa'i sgrub thabs bzhugs so/__/na mo gu ru pad+ma kro d+hA ya/__nyang lugs drag po bde gshegs 'dus pa'i sgrub thabs la sngon 'gro ni/__bgegs bskrad/__mtshams bcad/__/brgyud pa'i rtsa ba bla ma rje/__/dngos grub 'byung ba'i yi dam lha/__/legs par byin rlabs mkha' 'gro ma/__/rtsa ba gsum la skyabs su mchi/__/bdag gzhan gnyis med don phyir du/__/drag po khro rgyal kun _sgrub nas/__/snying po bla med mchis pa dang /__/gzhan don byed par sems bskyed do/__/ces pas skyabs su 'gro zhing sems bskyed pa dang /__yan lag bdun pa tsam sngon du 'gro bas/__dngos gzhi ni/__tshogs zhing rang la bstims pas tha lam gyi lus sbyangs 'od du zhu ba'i dwangs ma hU~M dmar po 'bar bar gyur/__de las 'od zer 'phros don gnyis byas hU~M la thim/__de las e ya~M ra~M ra su~M keM b+h+rU~M rnams chad pa las nam mkha' rlung me khrag mtsho zhing gis gzhi rus pa'i ri rab rnams brtsegs pa'i steng du b+han+d+ha 'bar ba'i gzhal yas khang gru bzhi sgo bzhi rta babs dang ldan pa rgya khyon tshad med pa'i phyi nas gser 'khor dang me 'khor rtse bsnol du 'khor ba'i rtsibs rtse las sprul pa'i pho nya 'phro ba/__rdo rje'i gur khang ye shes kyi me dpung 'bar ba dang bcas pa'i dbus su paM las pad+ma dang ra~M las nyi ma'i steng du dregs pa sde brgyad bsnol ba'i gdan la/__hU~M las rang nyid zil gnon pad+ma drag po sku mdog dmar nag zhal gcig phyag gnyis pa/__zhal gdangs shing mche ba gtsigs pa/__spyan gsum sdang mig tu gzigs pa/__smin ma dang ag tshom mer 'bar zhing /__ral pa dmar ser gyen du brdzes pa/__phyag g.yas gser gyi rdo rje rtse dgu hU~M dgu ra~M dgus mtshan pa 'phyar zhing /__g.yon lcags kyi sdig pa kha dgu mig dgu rwa bco brgyad pa sdig mdzub kyi rtse nas 'gyed pa/__zhabs g.yas bskum g.yon brkyang ba'i dor stabs kyis dregs pa'i gdan la rol pa/__thod skam lnga'i dbu rgyan dang thod rlon lnga bcu'i do shal can/__zhing lpags kyi sked dkris shing /__glang chen gyi ko ba'i stod g.yog dang /__stag lpags kyi sham thabs 'phyang ba/__klu rigs lnga'i sbrul chun dang /__rin po che dang rus pa'i rgyan gyis brgyan pa/__gar dgu'i nyams rgyas shing gzi brjid mtha' yas pa/__rdo rje 'bar ba'i spu gseb nas me'i tshwa tshwa 'phro ba/__dung khang du 'khor lo'i lte bar 'jam dpal ser po ral gri dang sdig mdzub can gyi spyi bor oM/__mgrin par pad+ma'i dbus su rta mgrin dmar po dbyug tho dang sdig mdzub can gyi mgrin par AH__thugs khang rdo rje rgya gram gyi dbus su pu ri'i bum par phyag rdor mthing nag rdo rje ngang sdig mdzub can gyi thugs kar nyi ma la hU~M yig dmar po sngags phreng gis bskor ba/__lte bar chos 'byung pad+ma bam ro'i steng du rdo rje rnal 'byor ma dmar mo gri thod kha T+wAM 'chang zhing gcer bu gar stabs can mkha' 'gro rigs bzhis bskor ba'i lte bar mas mtshan pa/__spyi bor bya khyung mthing nag rdo rje'i mchu sder dang me'i gshog pa can dug sbrul bzung ba thugs kar khrom gyis mtshan pa/__de'i rwa bar du pad zla'i gdan la rigs bdag snang ba mtha' yas sprul sku'i chas can mnyam bzhag skyil krung mdzad pa/__de'i steng gi nam mkhar bla ma thod phreng rtsal yab yum bzhugs pa'o/__gzhan yang sprul pa'i khro tshogs bsam gyis mi khyab pas bskor te me dpung 'bar ba'i klong na bzhugs par bsams mo/__de nas snying ga'i hU~M las 'od zer 'phros pas ye shes kyi 'khor lo spyan drangs bar bsams la/__hU~M/__dur khrod me ri smug nag 'bar ba'i klong dkyil nas/__/stong gsum dregs pa 'dul mdzad pad+ma thod phreng rtsal/__/bzhengs shig bzhengs shig chos kyi dbyings nas bzhengs/__/'gro ba sems can don la gshegs su gsol/__e h+ya hi badz+ra sa ma ya dzaH__pheM pheM pheM hriM hriM hriM/__zhes spyan drangs pas mdun gyi nam mkhar byon pa la nyer spyod lngas mchod nas/__dzaHhU~M ba~M hoH__dam tshig pa dang dbyer med du bzhugs par bsam mo/__/de nas rgyan lha'i sa bon lnga las 'od zer 'phros phyogs bcu'i de bzhin gshegs pa thams cad spyan drangs/__de rnams kyi dbang bskur bas sku gsung thugs yon tan phrin las ye shes rdo rje'i dngos grub thob/__de bzhin gshegs pa rnams gcig tu gyur nas 'od dpag med la thim pas gsal brtan 'bar bar gyur cing /__slar yang thugs ka'i hU~M dang sngags phreng las sngags kyi 'od zer rang sgra sgrogs bzhin pa dang /__me dbal mthing nag tho ba dang me zhags thogs pa nam mkha' gang ba spros pa rnams dang phyi rol gyi 'khor lo rtse bsnol drag tu 'khor bas gnod byed thams cad bsad bcad gtubs te tshar bcad/__khro bo rnams phyi nang kun tu gur thabs su 'khrigs pa'i dbus su bdag nyid che btsan 'gran zla bral ba'i lha skur gyur pa'i lus dkyil gyi lha rnams las 'od zer 'phros/__/nad gdon sdig sgrib thams cad sbyangs lus ngag yid gsum bde ba chen po'i ye shes kyi rgyas par bsams la/__oM AHhU~M a rtsag ni rtsig na mo b+ha ga ba te hU~M hU~M hU~M/__a ya ma du ru tsa sha na/__oM badz+ra hU~M/__yak+sha hU~M/__rak+sha hU~M/__zhes rig pa ngar dang ldan pas rtse gcig tu bzla zhing /__sngags sham sbrel lugs ni gzhan du blta'o/__/thun mtshams su gtor ma 'bul na/__gtor rdzas ra~M ya~M kha~M ye shes kyi me rlung chus bsreg gtor sbyangs/__ra~M ya~M kha~M gsum las rlung me thod sgyed kyi steng du a las ka pA la'i snod du badz+ra aM ku sha dzaH__zhes pas rang gi thugs ka'i 'od zer gyis gnod byed thams cad bkug nas gtor ma la bstim/__de'i steng du hU~M A A+oM brtsegs pa/__hU~M zhes pas rlung g.yos/__me sbar rdzas rnams zhu ba ye shes kyi bdud rtsir gyur/__oM AHhU~M ma hA ba liM ta te dz+wa ling+taM ba la ba te gu h+ya sa ma ya swA hA/__nyer gcig brjod pas/__steng gi 'bru gsum las 'od zer 'phros ye shes kyi bdud rtsi bkug nas dam tshig gi bdud rtsi dang ro gcig tu byas nas yi ge gsum yang de la 'dres par bsam mo/__/de nas mdun gyi nam mkhar pad nyi dregs pa'i gdan bkod pa la gtor mgron rnams/__hU~M/__dur khrod me ri sogs kyi sngar bzhin spyan drangs nas bzhugs su gsol/__hU~M/__/bdag cag byang chub sgrub la gegs byed pa'i/__/dgra bgegs bsgral ba'i sha khrag rus pa'i tshogs/__/'dod yon lnga ldan phyi nang mchod pa'i tshogs/__/dbang drag pad+ma 'khor dang bcas la 'bul/__oM AHhU~M ma hA maM sa khA hi/__ma hA rak+ta khA hi/__ma hA tsit+ta khA hi/__ma hA ba su ta khA hi/__ma hA go ro tsa na khA hi/__ma hA ba li ta khA hi/__zhes lan gsum mam bdun gyis phul la/__bstod pa ni/__hU~M/__/rang byung lhun grub pad+ma 'byung gnas sku/__/dus gsum sangs rgyas sku gsung thugs las sprul/__/mthu rtsal rmad byung pad+ma he ru ka__/dbang drag pad+ma 'khor dang bcas la bstod/__zhes bstod cing phrin las bcol nas/__gter srung sogs gyi gtor ma yang gtong zhing tshogs mchod byed na'ang skabs 'dir bya'o/__/de nas thun gyi mthar/__sprul pa'i khro bo rnams 'khor lo dang gur khang la bsdu/__de yang gzhal yas khang nas gtso bo'i thugs srog hU~M gi bar rim bzhin bsdus nas stong nyid spros bral gyi ngang du bzhag__/de nas lha skur langs te smon lam shis brjod rnams bya'o/__/spyir bsnyen tshad ni dus zla ba drug grangs 'bum phrag drug___/rtags ni lha 'dre thul ba dang ye shes lha'i rtags te ci rigs pa mthong ba'o/__/bsnyen pa rdzogs nas las tshogs gang yang 'grub par 'gyur zhing /__rgyun du thun bzhir brgya stong khri 'bum sogs ci nus su bzlas pas bar chad zhi/__nyams chags bskong sde brgyad dbang du 'du ba sogs phan yon mtha' yas so/__/rig 'dzin gter bdag gling pa'i gsung gi gsang ba las phyung ba'o//___//_!_yan lag bdun pa ni/__/bla ma dkon mchog rnam gsum la/__/lus ngag yid gsum gus phyag 'tshal/__/phyi nang gsang gsum mchod par 'bul/__/sdig pa mi dge so sor bshags/__/dge ba kun la rjes yi rangs/__/chos kyi 'khor lo bskor bar bskul/__/mya ngan mi 'dar gsol ba 'debs/__/dge bas byang chub che thob shog/___//__!_