སྒྲོལ་དཀར་རྒྱུན་ཁྱེར་ཤིན་ཏུ་བསྡུས་པ།

From Khyentse Lineage - A Tsadra Foundation Project
JKW-KABUM-10-THA-001-014
Wylie title sgrol dkar rgyun khyer shin tu bsdus pa JKW-KABUM-10-THA-001.pdf
Location mkhyen brtse'i bka' 'bum
Volume 10, sde tshan 1, Text 14, Pages 141-142 (Folios 71a4 to 71b4)
Author འཇམ་དབྱངས་མཁྱེན་བརྩེའི་དབང་པོ་
Less details More details
Citation 'jam dbyangs mkhyen brtse'i dbang po. sgrol dkar rgyun khyer shin tu bsdus pa. In 'jam dbyangs mkhyen brtse'i dbang po'i bka' 'bum, Vol. 10: 141-142. Khams sde dge rdzong sar dgon: Rdzong sar blo gros phun tshogs, 2020.
Genre Daily Practice - rgyun khyer
Deity sgrol ma, sgrol ma dkar mo
Colophon

།ཅེས་པའང་མཁྱེན་བརྩེའི་དབང་པོས་བྲིས་པ་དགེ་ཞིང་བཀྲ་ཤིས་པར་གྱུར་ཅིག

ces pa'ang mkhyen brtse'i dbang pos bris pa dge zhing bkra shis par gyur cig

1 Texts in this Section (sde tshan or chos tshan)

[edit]
༄༅། །སྒྲོལ་མ་དཀར་མོའི་རྒྱུན་གྱི་རྣལ་འབྱོར་ཤིན་ཏུ་བསྡུས་པ་བཞུགས། དཀོན་མཆོག་གསུམ་ལ་སྐྱབས་སུ་མཆི། །འགྲོ་ལ་ཕན་ཕྱིར་འཕགས་མ་བསྒྲུབ། ཨོཾ་སྭ་བྷཱ་བ་ཤུདྡྷཿསརྦ་དྷརྨཱཿསྭ་བྷཱ་ཝ་ཤུདྡྷོ྅ཧཾ། སྟོང་པའི་ངང་ལས་པད་ཟླའི་སྟེང་། །རང་སེམས་ཏཱྃ་ཡིག་ཡོངས་གྱུར་ལས། །འཕགས་མ་སྒྲོལ་མ་སྐུ་མདོག་དཀར། །ཕྱག་གཡས་མཆོག་སྦྱིན་གཡོན་ཨུཏྤལ། །ཞི་འཛུམ་ཡེ་ཤེས་སྤྱན་བདུན་མཛེས། །དར་དང་རིན་ཆེན་རྒྱན་གྱིས་སྤྲས། །ཟླ་བའི་རྒྱབ་ཡོལ་ལ་བརྟེན་ནས། །ཞབས་ཟུང་རྡོ་རྗེའི་སྐྱིལ་ཀྲུང་བཞུགས། །སྣང་སྟོང་ཟུང་དུ་འཇུག་པ་ཡི། །ཐུགས་ཀར་འཁོར་ལོ་རྩིབས་བརྒྱད་དཀར། །མྱུ་ཁྱུད་ལྔ་ལྡན་ལྟེ་བར་ཏཱྃ། །མཐའ་སྐོར་སྤེལ་ཚིག་མདུན་ཏུ་ཨོཾ། །རྒྱབ་ཏུ་ཧཱ་ཡིག་རྩིབས་བརྒྱད་ལ། །ཏཱ་རེ་ལ་སོགས་ཡིག་འབྲུ་བརྒྱད། །མུ་ཁྱུད་དབྱངས་གསལ་རྟེན་སྙིང་དང་། །རྡོ་ར་འོད་ལྔའི་ཕྲེང་བས་བསྐོར། །འོད་ཟེར་འཕྲོས་པས་འཁོར་འདས་ཀྱི། །དྭངས་བཅུད་བསྡུས་ནས་རང་ལ་ཐིམ། །ཚེ་དང་བསོད་ནམས་ཡེ་ཤེས་ཀྱི། །དངོས་གྲུབ་མཆོག་ཏུ་རྒྱས་པར་གྱུར། ཨོཾ་ཏཱ་རེ་ཏུཏྟཱ་རེ་ཏུ་རེ་མ་མ་ཨཱ་ཡུར་པུཎྱེ་ཛྙཱ་ན་པུཥྟིཾ་ཀུ་རུ་སྭཱ་ཧཱ། ཅི་ནུས་བཟླས་མཐར། དགེ་བ་འདི་ཡི་མྱུར་དུ་བདག །ཡིད་བཞིན་འཁོར་ལོ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ལོ་བརྒྱ་ཐུབ་ཅིང་སོགས་བརྗོད། །ཅེས་པའང་མཁྱེན་བརྩེའི་དབང་པོས་བྲིས་པ་དགེ་ཞིང་བཀྲ་ཤིས་པར་གྱུར་ཅིག ། ༈

Footnotes

Other Information