མཆོད་སྦྱིན་གཏོར་མའི་ཆོ་ག་ལས་འཕྲོས་པའི་ཟིན་བྲིས།

🚧 This website is under continued development. We appreciate your patience!

Previous Text Back to Volume PageNext Text

Wylie title	mchod sbyin gtor ma'i cho ga las 'phros pa'i zin bris
Location	mkhyen brtse'i bka' 'bum Volume 6, sde tshan 2, Text 21, Pages 299-337 (Folios 84a6 to 103a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. mchod sbyin gtor ma'i cho ga las 'phros pa'i zin bris. In 'jam dbyangs mkhyen brtse'i dbang po'i bka' 'bum, Vol. 6: 299-337. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris  ·  Torma-offering Rituals - gtor chog  ·  Offering Rituals - mchod sbyin

1 Texts in this Section (sde tshan or chos tshan)

21 299-337	མཆོད་སྦྱིན་གཏོར་མའི་ཆོ་ག་ལས་འཕྲོས་པའི་ཟིན་བྲིས། mchod sbyin gtor ma'i cho ga las 'phros pa'i zin bris Notes - zin bris   ·   Torma-offering Rituals - gtor chog   ·   Offering Rituals - mchod sbyin	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

མཆོད་སྦྱིན་གཏོར་མའི་ཆོ་ག་ལས་འཕྲོས་པའི་ཟིན་བྲིས་བཞུགས། ན་མོ་གུ་ར་ཝེ། བྱམས་པའི་བདུད་རྩིའི་བརླན་ཆགས་ཤིང་། །ཀུན་དགའི་མེ་ཏོག་འཛུམ་འབར་བས། །བསྟན་འཛིན་འཆི་མེད་ཚལ་མཛེས་པའི། །བླ་མ་ཕྱག་ན་པདྨོས་སྐྱོངས། །རྡོ་རྗེའི་རྣལ་འབྱོར་གྲུབ་པའི་གཟིས། །གཉིས་སྣང་མུན་པ་གཏན་བཅོམ་པས། །འཇམ་དཔལ་ཡེ་ཤེས་སེམས་དཔའ་དངོས། །རྣམ་འདྲེན་བཟང་པོས་དགེ་ལེགས་སྩོལ། །འདི་ན་ཆོས་བཞིན་སྤྱོད་པའི་རིམ། །མཆོད་སྦྱིན་གཏོར་མའི་ཆོ་ག་ལས། །བརྩམས་ཏེ་ལེགས་བཤད་གཏམ་གྱི་སྒོ། །ཅུང་ཟད་དབྱེ་བར་དམ་བཅའོ། །དེ་ཡང་རྣམ་པར་འདྲེན་པ་སྲས་དང་སློབ་མར་བཅས་པ་གང་གིས་གཤེགས་པའི་ཤུལ་ལམ་སྔར་གྲགས་པའི་ཕྱི་མོ་ཐོས་བསམ་དང་བསོད་ནམས་ཀྱི་ཚོགས་ལ་གཙོ་བོར་སྤྱོད་པའི་ཕྱིར་ཚོགས་ལམ་སློབ་པའི་སས་བསྡུས་པ་ཆོས་སྤྱོད་གཏོར་མའི་རྣལ་འབྱོར་འདི་ལ་རེ་ཞིག་ཉེ་བར་བསྡུ་ན་རྣམ་པ་ལྔ་སྟེ། ངོ་བོ། ངེས་ཚིག །དབྱེ་བ། ཇི་ལྟར་ལག་ཏུ་བླང་བའི་ཚུལ། དེའི་འབྲས་བུའོ། །དང་པོ་ནི། འདི་ལྟར་གཞི་དུས་སུ་ཀུན་རྫོབ་དང་དོན་དམ་དབྱེར་མེད་པའི་ཚུལ་ལ་རྗེས་སུ་དམིགས་པས། ལམ་དུས་སུ་བསོད་ནམས་དང་ཡེ་ཤེས་ཀྱི་ཚོགས་ལ་གཙོ་བོར་སྤྱོད་པའི་མཐུས་གློ་བུར་གྱི་སྒྲིབ་གཉིས་རྒྱུ་དང་བཅས་པ་བསལ་ཏེ། འབྲས་བུ་སྐུ་གཉིས་ཀྱི་གོ་འཕང་ལ་འགོད་པའི་ཐབས་མཁས་ཀྱི་ཁྱད་པར་བསམ་གྱིས་མི་ཁྱབ་པ་ལས་གཙོ་བོར་སྔ་མའི་ཕྱོགས་སུ་གཏོགས་པའོ། །གཉིས་པ་ནི། བ་ལིཾ་ཏ་ཞེས་པ་བ་ལ་སྟོབས་བྱེད་པའི་བྱིངས་དོན་ལས་དྲངས་ན་ཟད་མི་ཤེས་པའི་འདོད་དགུའི་རོལ་མོས་མཆོད་པ་དང་། སྦྱིན་པར་བྱ་བའི་ཡུལ་དུ་གཏོགས་པའི་མགྲོན་ཐམས་ཅད་ཀྱི་སྤྱོད་ཡུལ་ལ་ཟག་པ་མེད་པའི་བདེ་བས་སྟོབས་སྐྱེད་པར་བྱེད་པའི་ཕྱིར་དེ་སྐད་དུ་བྱ་ལ། གཞན་དུ་གསང་སྔགས་ཐུན་མོང་མ་ཡིན་པའི་ལུགས་སུ་ཡི་གེ་ཁ་ཕྲལ་ནས་བདེ་སྟོང་ཟུང་འཇུག་གི་དོན་དུ་བཤད་པ་སོགས་ནི་སྐབས་འདིར་མི་འབྲེལ་ཞིང་། ཆགས་པ་མེད་པས་གཏོར་བ་སོགས་ནི་བོད་སྐད་ཁོ་ནའི་དབང་དུ་བྱས་ན་རུང་གི་ལེགས་པར་སྦྱར་བ་ལ་སྦྱོར་དུ་མི་རུང་ངོ་། །གསུམ་པ་ནི། རྒྱལ་བ་ཐབས་མཁས་ལ་ཐུགས་རྗེ་ཚད་མེད་པའི་བདག་ཉིད་ཅན་དེས་གདུལ་བྱ་རྣམས་མངོན་མཐོ་དང་ངེས་ལེགས་ཀྱི་གོ་འཕང་ལ་དཀྲི་བའི་སླད་དུ་ཚོགས་གསོག་པའི་སྒོ་མཐའ་ཡས་པ་ཞིག་གསུངས་པ་ལས། སྐབས་སུ་བབས་པ་འདི་ཉིད་ཀྱང་མདོ་རྒྱུད་ཐམས་ཅད་ནས་ལན་གཅིག་མ་ཡིན་པར་བསྔགས་ཤིང་། བྱེ་བྲག་ཏུ་ཁ་འབར་མའི་གཟུངས་སོགས་ལས་དམིགས་ཀྱིས་བསལ་བ་ལྟར་རྒྱ་གར་འཕགས་པའི་ཡུལ་དུ་འཕགས་པ་ཀླུ་སྒྲུབ་སོགས་དང་། བོད་དུའང་རྗེ་བཙུན་དམ་པ་སངས་རྒྱས། དཔལ་ལྡན་ཨ་ཏི་ཤ །བ་རི་ལོ་ཙཱ་བ་རིན་ཆེན་གྲགས་སོགས་མཁས་ཤིང་གྲུབ་པ་བརྙེས་པ་དུ་མས་ཕྱག་ལེན་གྱིས་གཏན་ལ་ཕབ་སྟེ་འདོམས་པར་མཛད་པའི་ཚུལ་དང་རྗེས་སུ་མཐུན་པར། བརྒྱ་རྩ་དང་། ཆབ་གཏོར་ཤཱཀ་ཐུབ་མ་དང་། འཇམ་དཔལ་མ་དང་། འབྱུང་བཞི་དང་། བྲུལ་གཏོར་དང་། ཀླུ་གཏོར་ལ་སོགས་པའི་དབྱེ་བ་མང་དུ་བྱུང་བ་བཞིན། དེང་སང་གི་བར་དུ་ས་དགེ་ཇོ་ཞལ་དྭགས་ཤངས་དང་གསང་སྔགས་སྔ་འགྱུར་བ་སོགས་རང་རང་གི་གྲུབ་མཐའ་འཛིན་པ་རྣམས་ཀྱིས་ཀྱང་སོ་སོའི་ཕྱག་ལེན་གྱི་ཁྱད་པར་ཅུང་ཟད་ཙམ་ལས་ཐམས་ཅད་ཀྱིས་ཁྱབ་མཉམ་དུ་མཛད་པ་ཉིད་དོ། །བཞི་པ་ནི། དེ་ལྟ་བུའི་གཏོར་མའི་རྣལ་འབྱོར་ཉིད་ཇི་ལྟར་བྱ་བའི་ཚུལ་དངོས་ནི་རང་རང་གི་གཞུང་ལས་འབྱུང་བ་དང་། གཏོར་མའི་རྣལ་འབྱོར་ལྕེ་སྒོམ་པ་དང་། ཆོས་ཀྱི་རྗེ་བློ་གྲོས་རྒྱལ་མཚན་དང་། རང་ལུགས་ཀྱི་རྣམ་པར་བཤད་པ་རྟ་ནག་མཁན་ཆེན་ཆོས་སྐྱོང་རྣམ་རྒྱལ་གྱིས་མཛད་པ་སོགས་ལས་ཤིན་ཏུ་གསལ་བའི་ཕྱིར་མ་བྲིས་ཤིང་། དེ་དག་གི་ཚིག་ཟིན་ལ་བློ་གྲོས་གསར་བུ་དག་དོགས་པ་སྐྱེ་བའི་གནས་རྣམས་ཅུང་ཟད་ཅིག་གསལ་བར་བྱ་བ་ལ་གསུམ་སྟེ། སྦྱོར། དངོས། རྗེས་ཀྱི་སྐབས་ལས་འཕྲོས་པའོ། །དང་པོ་ལའང་མཆོད་པའི་ཡོ་བྱད་ལ་བགེགས་མི་འཇུག་ཅིང་མཐའ་ཀླས་སུ་སྤེལ་བའི་ཕྱིར་བྱིན་གྱིས་བརླབས་པ་དང་། དགེ་སྦྱོར་གང་བྱེད་ཀྱང་དམ་པ་གསུམ་གྱི་རྩིས་ཟིན་པ་ཤིན་ཏུ་གཅེས་པའི་ཕྱིར་དཀོན་མཆོག་གསུམ་ལ་སྐྱབས་སུ་འགྲོ་ཞིང་སེམས་བསྐྱེད་པ་དང་། མགྲོན་རྣམས་དབང་དུ་བྱ་བའི་ཕྱིར་རང་ལྷར་བསྐྱེད་ཅིང་བཟླས་པ་བྱ་བ་དང་། ཚོགས་བསགས་པའི་ལམ་ཐམས་ཅད་གཅིག་ཏུ་བཟླུམ་པའི་སླད་མགྲོན་རྣམས་སྤྱན་དྲངས་ཤིང་ཡན་ལག་བདུན་པ་འབུལ་བ་དང་བཅས་པ་སྟེ་ལྔ་ལས། དང་པོ་མཆོད་པ་བྱིན་རླབས་ཀྱི་སྐབས་སུ་གཞན་གོ་སླ་ཞིང་། སྔགས་དོན་རྣམས་ཅུང་ཟད་འགྲེལ་ན། གསང་བའི་སྔགས། ཨོཾ་ཞེས་པ་སྔགས་ཀྱི་མགོ་འདྲེན་པ་སྟེ། རྡོ་རྗེ་རྩེ་མོ་ལས། ཨོཾ་ནི་ཅི་ཞིག་ཡིན་པར་བཤད། །མཆོག་དང་ནོར་སྟེར་དཔལ་དང་གཡང་། །སྐལ་བཟང་རྣམ་པ་དང་ལྡན་པ། །དམ་བཅའ་བ་དང་བཀྲ་ཤིས་དོན། །ནོར་བུ་འཛིན་པའི་སྙིང་པོ་ཡིན། །ཅེས་སོ། །བཛྲ་ཨ་མྲྀ་ཏ་ཀུཎྜ་ལཱི། རྡོ་རྗེ་བདུད་རྩི་འཁྱིལ་བ་སྟེ་ལས་ཀྱི་ཁྲོ་བོའི་མཚན་སྔགས། ཧ་ན་ཧ་ན། སྣུན་སྣུན་ཏེ་ལས་ལ་བསྐུལ་བ། ཧཱུྃ་ཕཊ། ཅེས་པ་རྒྱུད་སྔ་མ་ལས། ཧཱུྃ་ཞེས་བྱ་བ་ཅི་ཡིན་བརྗོད། །སྡུག་བསྔལ་འཆོས་ཤིང་འཇོམས་པར་བྱེད། །སྲིད་པའི་ཞགས་པ་གཅོད་བྱེད་ཅིང་། །གདུག་པ་བསྔངས་ཤིང་གསོད་བྱེད་པ། །ཧཱུྃ་ནི་མཆོག་ཏུ་དྲན་པར་བྱ། །ཡི་གེ་ཕཊ་ནི་ཅི་ཡིན་བརྗོད། །གདུག་དང་སྡུག་བསྔལ་འཇོམས་བྱེད་ཅིང་། །བདེ་བ་དག་ནི་འགུགས་པར་བྱེད། །ཕཊ་ནི་འཇོམས་བྱེད་སྒྲ་ཡིན་ཏེ། །གྲོགས་དང་བཅས་པ་འཇོམས་པར་བྱེད། །ཅེས་སོ། །སྦྱོང་བའི་སྔགས། ཨོཾ་ནི་སྔར་སྨོས་ཟིན་པ་ལྟར་དང་། སྭ་བྷཱ་ཝ། རང་བཞིན། ཤུདྡྷཿ དག་པ་རྣམས། སརྦ་དྷརྨཱཿ ཆོས་ཐམས་ཅད། སྭ་བྷཱ་ཝ། རང་བཞིན། ཤུདྡྷོ་྅ཧཾ། དག་པ་བའོ། །ཞེས་པར་འགྱུར་ཏེ་ཆོས་ཐམས་ཅད་གཟོད་ནས་དག་པའི་བདག་ཉིད་ལ་ངེས་ཤེས་བརྟན་པོས་དངོས་པོར་འཛིན་པ་ཐམས་ཅད་སྦྱོང་བའི་དོན་ནོ། །ཉེར་སྤྱོད་བདུན་གྱི་སྔགས། ཨརྒྷཾ། མཆོད་ཡོན་ཏེ་སྦྲང་རྩི་དང་ཀ་ར་ལ་སོགས་པ་སྦྱར་བ་མངར་བའི་ཆུའོ། །པཱ་དྱཾ་ཞབས་བསིལ་ཏེ་འདག་ཆལ་གྱིས་བསྒོས་པའི་ཆུ་སྟེ་ཞབས་བཀྲུ་པའི་ཡོ་བྱད་དོ། །པུཥྤེ། མེ་ཏོག་མ་སྟེ་ཆུ་སྐྱེས་དང་ཐང་སྐྱེས་ལ་སོགས་པ་འཛིན་པའི་མཆོད་པའི་ལྷ་མོའོ། །དྷཱུ་པེ། བདུག་སྤོས་མ་སྟེ་ལྷན་སྐྱེས་དང་སྦྱར་བྱུང་གི་དྲི་ཞིམ་པོ་ཐོགས་པ་མའོ། །ཨཱ་ལོ་ཀེ། སྣང་གསལ་མ་སྟེ་རང་བྱུང་དང་བཅོས་མའི་སྣང་བྱེད་ཀྱི་ཚོགས་འཛིན་པའོ། །གནྡྷེ། དྲི་ཆབ་མ་སྟེ་གུར་གུམ་དང་། ག་བུར་དང་། ཙནྡན་ལ་སོགས་པ་བསིལ་ཞིང་དྲི་བཟང་དང་ལྡན་པའི་སྨན་བཏབ་པའི་དྲིའི་ཆབ་ཐོགས་པའོ། །ནཻ་ཝི་དྱཱ། ཞལ་ཟས་མ་སྟེ་རོ་བརྒྱ་དང་ལྡན་པའི་བཤོས་གཙང་སོགས་བཟའ་བཏུང་གི་རིགས་མཐའ་ཀླས་པ་སྟོབ་པའོ། །ཤཔྡ། རོལ་མོ་སྟེ་འབུད་དཀྲོལ་རྒྱུད་གསུམ་གྱིས་བསྡུས་པའི་རོལ་མོའི་ཚོགས་རྣམས་སོ། །དེ་དག་གི་ཐོག་མར་བཛྲ་སྦྱར་བ་ནི་རྡོ་རྗེ་སྟེ། དེ་ལྟ་བུའི་མཆོད་པ་ཐམས་ཅད་ཀྱང་འཇིག་རྟེན་གྱི་རྫས་ཕལ་པའི་རྣམ་པ་ལས་འདས་པ་ཡེ་ཤེས་ཀྱི་སྤྱོད་ཡུལ་འབའ་ཞིག་ཏུ་བྱིན་གྱིས་བརླབ་པའི་ཕྱིར་རོ། །ཐོག་མཐར་ཨོཾ་ཨཱཿཧཱུྃ་ཞེས་སྦྱར་བ་ནི། ཨོཾ་གྱིས་མ་དག་པའི་དངོས་པོ་ཐམས་ཅད་སྦྱང་བ་དང་། ཨཱཿཡིས་དག་པའི་དངོས་པོ་དེའང་མཁའ་ཁྱབ་ཏུ་སྤེལ་བ་དང་། ཧཱུྃ་གིས་ཇི་ལྟར་སྤེལ་བ་དེ་ཡང་མགྲོན་སོ་སོའི་ཐུགས་ལ་གང་བཞེད་དེ་ངོར་འཆར་བའི་འདོད་དགུའི་སྤྲིན་དུ་བསྒྱུར་བའོ། །གཞན་ཡང་རྣམ་པར་བཤད་པ་མང་དུ་ཡོད་མོད་ཀྱི་རེ་ཞིག་དེ་ཙམ་མོ། །མཆོད་པའི་སྤྲིན་གྱི་གཟུངས་ལས། ཨོཾ་སྔགས་ཀྱི་མགོ་འདྲེན་པ། བཛྲ་དྷརྨཱ་ར་ཎ་རྒྱུན་ཆགས་པའི་བྱིངས་ལས་ཨི་ཊ་དང་ཀྟ་བྱིན་པས་གྲུབ་ར་ཎི་ཏ། རྡོ་རྗེའི་ཆོས་རྒྱུན་ཆགས་པ། པྲ་ར་ཎི་ཏ། རབ་ཏུ་རྒྱུན་ཆགས་པ། སཾ་པྲ་ར་ཎི་ཏ། ཡང་དག་པར་རབ་ཏུ་རྒྱུན་ཆགས་པ། སརྦ་བུདྡྷ་ཀྵེ་ཏྲ། སངས་རྒྱས་ཐམས་ཅད་ཀྱི་ཞིང་། པྲ་ཙ་ལི་ཏེ། རབ་ཏུ་ཁྱབ་པར་བྱེད་པ། པྲ་ཛྙཱ་པཱ་ར་མི་ཏ། ཤེས་རབ་ཀྱི་ཕ་རོལ་ཏུ་ཕྱིན་པ། ནཱ་ད་སཾ་བྷཱ་ཝེ། སྒྲ་ཡི་འབྱུང་གནས་མ། བཛྲ་སཏྭ། རྡོ་རྗེ་སེམས་དཔའ། ཧྲྀ་ད་ཡ། སྙིང་པོ། སནྟོཥ་ཎི། དགྱེས་པ་དམ་པ། ཧཱུྃ་ཧཱུྃ་ཧཱུྃ། ཧོ་ཧོ་ཧོ། བདེ་བར་གཤེགས་པ་རིགས་དྲུག་གི་དེ་ཁོ་ན་ཉིད་ཀྱི་ཡེ་ཤེས་ཆེན་པོ་མཚོན་པར་བྱེད་པ། ཨཿཁཾ་སྭཱ་ཧཱ། ནམ་མཁར་ཁྱབ་པའི་གཞི་ཚུགས་སོ། །ཞེས་པ་སྟེ་དེ་རྣམས་ཀྱི་དོན་ཡང་ཅུང་ཟད་བཀྲལ་ནུས་མོད་ཀྱི་ཡི་གེས་འཇིགས་པས་མ་བྲིས་སོ། །གཉིས་པ་ཆོས་ཐམས་ཅད་ཀྱི་གཞི་རྟེན་སྐྱབས་སུ་འགྲོ་བ་ནི། ཡུལ་བླ་མ་དང་དཀོན་མཆོག་གསུམ་ལ། བྱེད་པོ་རང་གིས་བྱང་དྲངས་པའི་སེམས་ཅན་ཐམས་ཅད། དུས་འདི་ནས་བྱང་ཆུབ་སྙིང་པོའི་བར་དུ་དགོས་ཆེད་འཁོར་བའི་སྡུག་བསྔལ་རྒྱུ་དང་བཅས་པ་ལས་བསྒྲལ་བའི་ཕྱིར་དུ་སྐྱབས་སུ་གསོལ་བའོ། །གསུམ་པ་ཐེག་པ་ཆེན་པོའི་ཆོས་ཀྱི་རྩ་བ་བྱང་ཆུབ་མཆོག་ཏུ་སེམས་བསྐྱེད་པ་ནི་ནམ་མཁའ་ལ་མཐའ་མེད་པ་བཞིན་སེམས་ཅན་ལ་མཐའ་མེད། མཐའ་མེད་པའི་སེམས་ཅན་ཐམས་ཅད་རང་གི་ཕ་མར་མ་གྱུར་པ་གཅིག་ཀྱང་མེད་ཅིང་། ཕ་མ་བྱས་རེས་བཞིན་ད་ལྟའི་ཕ་མ་ལྟར་གནོད་པ་ལས་བསྐྱངས་ཤིང་ཕན་པས་བསྐྱངས་པའི་དྲིན་ཆེན་ཤ་སྟག་ཡིན་ལ། དེ་ཐམས་ཅད་རྣམ་གྲོལ་གཏན་གྱི་བདེ་བ་ལ་འགོད་པའི་ཕྱིར་དུ་བདག་གིས་རྫོགས་པའི་སངས་རྒྱས་ཀྱི་གོ་འཕང་རིན་པོ་ཆེ་ཐོབ་པར་བྱ། དེའི་ཆེད་དུ་ཚོགས་གསོག་པའི་སྒོ་ཁྱད་པར་ཅན་ཆོས་སྤྱོད་གཏོར་མའི་རྣལ་འབྱོར་ཉམས་སུ་བླང་བར་བགྱིའོ། །སྙམ་པའི་ངང་ནས་སེམས་བསྐྱེད་པ་དངོས་དང་སྨོན་པའི་བསླབ་བྱའི་གཙོ་བོ་ཚད་མེད་བཞི་བསྒོམ་པ་དག་བྱའོ། །བཞི་པ་རང་ཉིད་ལྷག་པའི་ལྷར་བསྐྱེད་པ་ནི། སྭ་བྷཱ་བས་ཆོས་ཐམས་ཅད་གཟོད་ནས་སྟོང་པའི་དོན་ལ་མཉམ་པར་བཞག་པའི་ངང་། དེ་ལས་སྐད་ཅིག་གིས་ཕུང་ཁམས་སྐྱེ་མཆེད་ཐམས་ཅད་འཕགས་པ་ཐུགས་རྗེ་ཆེན་པོའི་སྐུར་ཡན་ལག་བཞི་རྫོགས་ཀྱིས་བསྐྱེད་པ་སྟེ། དེ་ཡང་ཐབས་ཤེས་གཉིས་སུ་མེད་པ་མཚོན་པའི་པད་ཉི་ཟླ་བའི་གདན་གྱི་སྟེང་དུ་ཐུགས་སྲོག་ཧྲཱིཿདཀར་པོ་ཡོངས་སུ་གྱུར་པ་ལས་དམ་ཚིག་པ་རྫོགས་པར་གསལ་འདེབས་པ་བསྙེན་པ། སྒོ་གསུམ་སྐུ་གསུང་ཐུགས་ཡེ་ཤེས་རྡོ་རྗེས་རྒྱས་གདབ་པ་ཉེར་སྒྲུབ། ཡེ་ཤེས་པ་སྤྱན་དྲངས་ཏེ་བཅུག་པ་སྒྲུབ་པ། དབང་བསྐུར་བསྒྲུབ་ཆེན་ནོ། །དེ་རྣམས་ཀྱི་སྐབས་སུ་སྔགས་དོན་ཅུང་ཟད་འབྲེལ་ན། ཨོཾ་བཛྲ་ས་མཱ་ཛཿ རྡོ་རྗེ་བསྡུ་བ། ཛཿཧཱུྃ་བྃ་ཧོཿ འགུགས་འཆིང་བསྡམས་ཤིང་དགྱེས་པ་བསྐྱེད་པ། ཨོཾ་སརྦ་ཏ་ཐཱ་ག་ཏ་ཨ་བྷི་ཥི་ཥྩ་ཏུ་མཱཾ། དེ་བཞིན་གཤེགས་པ་ཐམས་ཅད་ཀྱིས་བདག་ལ་མངོན་པར་དབང་བསྐུར་བ་སྩལ་དུ་གསོལ། །ཞེས་པ་སྟེ་རང་གིས་དབང་ལྷ་ལ་དབང་བསྐུར་བར་གསོལ་བ་གདབ་པ། ཨོཾ་བཛྲཱི་བྷ་བ་ཨ་བྷི་ཥིཉྩ་ཧཱུྃ། །རྡོ་རྗེ་ཅན་གྱི་ངོ་བོར་དབང་བསྐུར་རོ། །ཞེས་པ་སྟེ་དབང་ལྷ་རྣམས་ཀྱིས་དེ་སྐད་གསུངས་ནས་དབང་བསྐུར་བའི་ཚིག་གོ། །དེ་ལྟར་བསྐྱེད་གྲུབ་ཟིན་ནས་ལྷ་ཉེར་བར་བསྙེན་པས་ཐུགས་རྒྱུད་བསྐུལ་བའི་བཟླས་པ་བྱ་ཞིང་འདོད་དོན་གསོལ་བ་ནི་གོ་སླ་ལ། ཨོཾ་མ་ཎི་པདྨེ་ཧཱུྃ། ཞེས་པའི་དོན། ཨོཾ་ཀྱེ་ནོར་བུ་པདྨ་ཧཱུྃ། །ཞེས་འཕགས་པའི་ཕྱག་མཚན་ལས་བརྩམས་ཏེ་མཚན་ནས་བོད་པའི་སྔགས་ཡིན་ལ། གཞན་དུ་རྣམ་པར་བཤད་པ་མཐའ་ཀླས་པར་སྤྲོ་བར་བྱ་བར་ཡོད་དོ། །ལྔ་པ་མགྲོན་རྣམས་སྤྱན་དྲངས་ཤིང་ཡན་ལག་བདུན་པ་དབུལ་པ་ལ་སྤྱན་དྲངས་པའི་ཚིག་དོན་ནི་གོ་སླ་ཞིང་། ཨོཾ་པདྨ་ཀ་མ་ལཱ་ཡ་སྟྭཾ། ཁྱོད་ཀྱི་པདྨའི་ཆེད་དུ་པདྨ་ཞེས་པ་སྟེ། དོན་ནི་ཁྱོད་ཀྱི་ཞབས་པད་ཀྱི་ཆེད་དུ་པདྨའི་གདན་དབུལ་བར་བགྱིའོ། །ཞེས་སོ། །ཡན་ལག་བདུན་པ་ནི། འདི་ལྟར་ཡུལ་གྱི་ཡོན་ཏན་ཚད་མེད་པ་རྗེས་སུ་དྲན་པའི་དད་པས་བསྐུལ་ཏེ་རང་ལུས་ཞིང་གི་རྡུལ་ཕྲ་རབ་ཏུ་སྤྲུལ་ནས་སྒོ་གསུམ་གུས་པའི་བསྙེན་བཀུར་བགྱིད་པ་ང་རྒྱལ་གྱི་གཉེན་པོ་ཕྱག་འཚལ་བའི་ཡན་ལག །རང་གཞན་གྱི་ལུས་ལོངས་སྤྱོད་དགེ་ཚོགས་རྒྱ་མཚོ་དང་བཅས་པས་མཚོན་བླ་ན་ཡོད་མེད་ཀྱི་མཆོད་པའི་སྤྲིན་ཕུང་རྣམ་པ་ནམ་མཁའི་མཐའ་དང་མཉམ་པ། ངོ་བོ་བཟང་ཞིང་དགེ་བ། དུས་འཁོར་བ་སྲིད་དུ་རྒྱུན་མི་ཆད་པར་འབྱུང་བར་སྤྲུལ་ཏེ་ཕུལ་བ་འདོད་ཆགས་ཀྱི་གཉེན་པོར་མཆོད་པའི་ཡན་ལག །བདག་དང་འགྲོ་བ་ཀུན་གྱིས་བཅས་པ་དང་རང་བཞིན་གྱི་ཉམས་པའི་སྡིག་ལྟུང་སྔར་བྱས་པ་ཐམས་ཅད་ལ་དུག་འཐུང་བ་ལྟ་བུའི་འགྱོད་སེམས་དང་། ཕྱིན་ཆད་སྲོག་ལ་བབ་ཀྱང་མི་བྱེད་སྙམ་པའི་སྡོམ་སེམས་ཀྱིས་མཐོལ་ཞིང་འཆགས་པ་ཞེ་སྡང་གི་གཉེན་པོར་བཤགས་པའི་ཡན་ལག །འཕགས་དང་སོ་སྐྱེའི་རྒྱུད་ཀྱིས་བསྡུས་པའི་ཟག་བཅས་དང་ཟག་མེད་ཀྱི་དགེ་བའི་རྩ་བ་ཐམས་ཅད་ལ་ཡང་ནས་ཡང་དུ་དགའ་བ་བསྒོམ་པ་ཕྲག་དོག་གི་གཉེན་པོ་རྗེས་སུ་ཡི་རང་བའི་ཡན་ལག །ཕྱོགས་བཅུའི་འཇིག་རྟེན་གྱི་ཁམས་ན་བཞུགས་པའི་བདེ་བར་གཤེགས་པ་སྲས་དང་བཅས་པར་སེམས་ཅན་ཐམས་ཅད་ལམ་དང་ལམ་གྱི་འབྲས་བུ་ལ་བཀྲི་བའི་སླད་དུ་ཁམས་དབང་བསམ་པའི་རིམ་པ་དང་མཐུན་པར་ཟབ་ཅིང་རྒྱ་ཆེ་བའི་ཆོས་སྟོན་པར་གསོལ་བ་གདབ་པ་གཏི་མུག་གི་གཉེན་པོར་ཆོས་ཀྱི་འཁོར་ལོ་བསྐོར་བར་བསྐུལ་བའི་ཡན་ལག །གང་ཞིག་གདུལ་བྱ་རྟག་འཛིན་ཅན་རྣམས་ཀྱི་སྣང་ངོར་རྣམ་པར་འདྲེན་པའི་ཚོགས་ཞི་བའི་དབྱིངས་སུ་སྙོམས་པར་ཞུགས་པ་ལ་དགྱེས་པ་རྣམས་ནི་འཁོར་བ་ཇི་སྲིད་དུ་བཞུགས་པར་གསོལ་བ་འདེབས་པ་ལོག་ལྟའི་གཉེན་པོར་མྱ་ངན་ལས་མི་འདའ་བར་གསོལ་བ་གདབ་པའི་ཡན་ལག །དེ་ལྟར་བསོད་ནམས་ཀྱི་ཚོགས་སུ་གྱུར་པ་དེ་རྣམས་ཀྱིས་མཚོན་ཏེ། བདག་གཞན་གྱི་དུས་གསུམ་དུ་བསགས་པའི་དགེ་བའི་རྩ་བ་ཐམས་ཅད་སེམས་ཅན་གྱི་དོན་དུ་བླ་ན་མེད་པའི་བྱང་ཆུབ་ཆེན་པོར་ཡོངས་སུ་བསྔོ་བ་ནི་ཐེ་ཚོམ་གྱི་གཉེན་པོར་བསྔོ་བའི་ཡན་ལག་སྟེ། དེ་རྣམས་ཀྱི་ཚིག་ཕལ་ཆེར་ནི་གོ་སླ་ཞིང་རྒྱས་པར་བཤད་དུ་ག་ལ་ལངས་ཏེ་གཞུང་འགྲེལ་གཞན་དུ་ཤེས་རབ་ཀྱི་མིག་སྒྲུབ་པར་བྱོས་ཤིག །གཉིས་པ་དངོས་གཞི་ལ། ཛམ་སེར་ནག་དང་། བརྒྱ་རྩ་དངོས་དང་། ཞར་བྱུང་དུ་དབྱུ་གུ་དྲུག་ཅུ་རྩ་བཞི་དང་། ཡི་དྭགས་ཀྱི་ཆེད་དུ་ཆུ་སྦྱིན་པ་སྟེ་བཞི་ལས། དང་པོའི་སྐབས་སུ་སྔགས་དོན་འགའ་ཞིག་ཅུང་ཟད་འགྲེལ་ན། ཛཾ་བྷ་ལ་ཞེས་པ་ནི་ཛཾ་བྷ་ལུས་རྣམ་པར་ཉམས་པ་དང་། ལ་འཛིན་པའི་བྱིངས་དོན་ལས་བསྒྲུབས་པ་སྟེ། ལོ་ཙཱ་བ་སྔ་མ་རྣམས་ཀྱིས་སྒྲ་བསྡུས་ཏེ་རྨུགས་འཛིན་ཅེས་པར་བསྒྱུར། དོན་དུ་རྟོལ་མའི་སོ་ཅན་ཅེས་པ་སྟེ། འདིའི་ཚེམས་དེ་ལྟར་ཡོད་པས་སོ། །བི་ཛ་པཱུ་ར་ཀ་ནི་ས་བོན་གྱིས་གང་བ་ཅན་ཞེས་པ་སྟེ་ཤིང་ཏོག་སེར་པོ་སྙིམ་པ་ཁ་སྦྱར་ཙམ་པ་རོ་བཅུད་ཕུན་སུམ་ཚོགས་པ་ཞིག་གོ། །བྷྲཱུྃ་ཨཱོཾ་ཛྲཱིྃ་ཁཱྃ་ཧཱུྃ་ཞེས་པ་ནི་རིམ་པར། མེ་ལོང་། མཉམ་ཉིད། སོར་རྟོག །བྱ་གྲུབ། ཆོས་དབྱིངས་ཡེ་ཤེས་ཀྱི་ས་བོན་ནོ། །ཨོཾ་ཛཾ་བྷ་ལ་ཛ་ལེནྡྲཱ་ཡེ་སྭཱ་ཧཱ། ཞེས་པ་ནི་རྨུགས་འཛིན་ཆུའི་དབང་པོའི་ཆེད་དུ་གཞི་ཚུགས། ཨཱཪྻ་ཛམྦྷ་ལ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་པ་ནི། འཕགས་པ་རྨུགས་འཛིན་གཏོར་མ་ཟོ་ཟོ། ཟོ་ཞིག །ཟོ་ཞིག །ཅེས་པའོ། །ས་པ་རི་ཝཱ་ར་ནི་འཁོར་དང་བཅས་པའོ། །ཨོཾ་ཨིནྡྲཱ་ནི་མུ་ཁྃ་བྷྲ་མ་རི་སྭཱ་ཧཱ། ཞེས་པ་ནི། དབང་པོ་གཡོ་བའི་ཞལ་ཅན་ལ་གཞི་ཚུགས། ཞེས་པ་སྟེ་མགྲིན་པའི་མེའི་འཁོར་ལོ་བརྗོད་པའོ། །ཛམླུཾ་ནི་ཛཾ་བྷ་ལའི་སྒྲ་བསྡུས་པ་སྟེ་སྙིང་པོའོ། །ན་མོ་རཏྣ་ཏྲ་ཡཱ་ཡ། དཀོན་མཆོག་གསུམ་ལ་ཕྱག་འཚལ་ལོ། །ན་མོ་མ་ཎི་བྷ་དྲཱ་ཡ། ནོར་བུ་བཟང་པོ་ལ་ཕྱག་འཚལ་ལོ། །མ་ཧཱ་ཡཀྵ་སེ་ནཱ་པ་ཏ་ཡེ། གནོད་སྦྱིན་གྱི་སྡེ་དཔོན་ཆེན་པོའི་ཆེད་དུ། ཏདྱཐཱ། འདི་ལྟ་སྟེ། ཨོཾ་ཛམྦྷ་ལ་ཛ་ལེནྡྲཱ་ཡ་སྭཱ་ཧཱ་ནི་སྔར་ལྟར་རོ། །ཛཾ་བྷ་ལ་སིདྡྷི་ཕ་ལ་ཧོཿ རྨུགས་འཛིན་དངོས་གྲུབ་འབྲས་བུས་ཚིམ་པར་མཛོད་ཅིག །ཅེས་པའོ། །འདིའི་ཆོ་གའི་འགྲོས་ནི་གཉིས་ཀ་མཐུན་པར་ཡན་ལག་བཞི་རྫོགས་སུ་བསྐྱེད་ཅིང་། གཏོར་མ་འབུལ་བ་དང་། ཉེར་སྤྱོད་ཀྱིས་མཆོད་ཅིང་བསྟོད་ནས་གསོལ་བ་གདབ་པ་དང་། ཐུན་མོང་དུ་དངོས་གྲུབ་བླངས་ཤིང་གསོལ་བ་གདབ་པས་བསྡུས་པའོ། །འདི་གཉིས་ལ་དམིགས་ཀྱིས་བཀར་ཏེ་འབུལ་བའི་དོན་ཅི་ཞེ་ན། སྔོན་བཅོམ་ལྡན་འདས་ལ་ལྷས་བྱིན་གྱིས་སྒྱོགས་འཕངས་པའི་ཚེ་ཛཾ་བྷ་ལས་བསྒྲིབས་པས་རྡོའི་ཚལ་བུ་སྤྱི་བོར་ཕོག་པས་རྨ་བྱུང་བ་ལ་དེའི་ཟུག་རྔུ་ཞི་སླད་རྗེས་འཇུག་རྣམས་ཀྱིས་ཀྱང་ཆུ་སྦྱིན་པར་བྱས་ན་ནོར་གྱི་དངོས་གྲུབ་སྟེར་བར་བཤད་པ་དང་། གཅིག་ཤོས་ཀྱང་འཕགས་པས་དབུལ་པོའི་དོན་དུ་མགྲིན་པར་མེའི་འཁོར་ལོ་དང་ལྡན་པར་སྤྲུལ་པས་དེའི་ཚེ་དཔལ་ཞི་སླད་ཆུ་ཕུལ་ན་དབྱིག་གི་ཆར་འབེབས་པར་གསུངས་པ་སྟེ། ཐུགས་རྗེ་ཆེན་པོ་པདྨ་དྲྭ་བའི་རྒྱུད་ལས། ཛཾ་བྷ་ལ་ནི་ཆུ་ཡིས་མཆོད། །ཡི་དྭགས་རྣམས་ཀྱང་ཆུས་ཚིམ་བྱ། །ཞེས་སོགས་ཁུངས་མང་ཞིང་ཐུན་མོང་མ་ཡིན་པའི་རྒྱུད་སྡེ་རྣམས་ལས་ཀྱང་བསྟན་ཏོ། །གཉིས་པ་བརྒྱ་རྩ་དངོས་ལ། སྤྱིར་མགྲོན་རིགས་ཐམས་ཅད་བསྡུ་ན། མཆོད་ཡུལ་དང་། སྦྱིན་ཡུལ་གཉིས་སུ་འདུ་ཞིང་། དེ་ཡང་སྔ་མ་བཞི་ནི་མཆོད་ཡུལ་དང་། ལྷག་མ་ནི་སྦྱིན་ཡུལ་ལོ། །དེ་ལས་ཅུང་ཟད་སྤྲོས་ན་བཞི་སྟེ། དཀོན་མཆོག་སྲི་ཞུའི་མགྲོན། མགོན་པོ་ཡོན་ཏན་གྱི་མགྲོན་དང་། བགེགས་རིགས་ལན་ཆགས་ཀྱི་མགྲོན་དང་། རིགས་དྲུག་སྙིང་རྗེའི་མགྲོན་ནོ། །དེ་ལས་ཕྱེ་ན། དང་པོ་ལ་མགྲོན་ཚན་གཅིག །གཉིས་པ་ལ་གསུམ། གསུམ་པ་ལ་བཞི། བཞི་པ་ལ་བཞི་སྟེ་བཅུ་གཉིས་ལས། སྤྱིའི་སྔགས་དོན། ན་མ་སུ། ཕྱག་འཚལ་ལོ། །སརྦ་ཏ་ཐཱ་ག་ཏ། དེ་བཞིན་གཤེགས་པ་ཐམས་ཅད། ཨ་ཝ་ལོ་ཀི་ཏེ། ཀུན་ཏུ་གཟིགས་པ་མ། ཨོཾ་སཾ་བྷ་ར་སཾ་བྷ་ར་ཧཱུྃ། ཨོཾ་ཡང་དག་པར་རྒྱས་པར་གྱུར་ཅིག །ཡང་དག་པར་རྒྱས་པར་གྱུར་ཅིག་ཧཱུྃ། ཞེས་པ་སྟེ། དོན་ནི། དེ་བཞིན་གཤེགས་པ་ཐམས་ཅད་གཟིགས་པ་ལ་ཕྱག་འཚལ་བ་སྔོན་དུ་འགྲོ་བའི་བདེན་སྟོབས་ཀྱིས་མཆོད་པའི་སྤྲིན་ཕུང་མཆོག་ཏུ་དག་པ་མགྲོན་སོ་སོའི་སྤྱན་ལམ་དུ་གང་བཞེད་དེ་དེའི་ངོར་འཆར་བའི་འདོད་པའི་ཡོན་ཏན་རྣམ་པ་ཐམས་ཅད་པའི་རང་བཞིན་དུ་དུས་འདིར་རྒྱས་ཤིང་། དུས་གཞན་ཐམས་ཅད་དུའང་རྒྱས་པར་གྱུར་ཅིག་ཅེས་པ་སྟེ། དེ་ལས་གཞན་པའི་འགྲེལ་ཚུལ་ཕལ་ཆེར་ནི་བླུན་པོའི་གཏམ་དུ་ངེས་པ་རྙེད་ལ། སཾ་བྷ་ར་ཞེས་པའང་ཉེར་བསྒྱུར་སཾ་སྔོན་མའི་བྷྲྀཉ༷་འགེབས་པ་ལ་པཉྩ་མའི་ཧི་ཕྱིས་པ་སོགས་ཀྱིས་བསྒྲུབས་པས་སྨོན་ཚིག་ཏུ་བསྒྱུར་བ་ཁོ་ན་འཐད་དམ་རྟོགས་སོ། །འདོད་པའི་ཡོན་ཏན་ལྔ་སོགས་ལའང་ཤིན་ཏུ་རྒྱས་པར་བཤད་དུ་ཡོད་ཀྱང་བློ་དམན་རྣམས་ཀྱིས་བསྒོམས་དོན་ལ་འབྱོར་པ་དཀའ་ཞིང་། །དེ་ལས་གཞན་བདག་གིས་ནི་མཁྱེན་སླ་བའི་ཕྱིར་སྨྲ་བ་མང་པོ་ལ་འཛེམས་སོ། །བྱེ་བྲག་མགྲོན་ཚན་དང་པོའི་སྐབས། རྩ་བ་ནི་རང་ལ་དབང་བསྐུར་རྒྱུད་བཤད་མན་ངག་གནང་བའི་བླ་མ་དངོས་དང་བརྒྱུད་པ་ནི་ཡང་དག་པར་རྫོགས་པའི་སངས་རྒྱས་ནས་བཟུང་སྟེ་དེ་ཉིད་ཀྱི་བར་རོ། །ཡི་དམ་ནི་འདོད་པའི་དངོས་གྲུབ་སྟེར་བར་བྱེད་པ་ལ་སོགས་དོན་ཚན་དྲུག་གི་སྒོ་ནས་ལྷར་འཇོག་པ་རྣམས་ཏེ། ངོ་བོ་ནི་རྒྱུད་སྡེ་བཞིས་བསྡུས་པའི་དཀྱིལ་འཁོར་གྱི་ལྷའོ། །སངས་རྒྱས་དཀོན་མཆོག་ནི་རང་དོན་དུ་སྤངས་པ་ཆོས་ཀྱི་སྐུ་དང་། གཞན་དོན་དུ་རྟོགས་པ་གཟུགས་ཀྱི་སྐུ་བརྙེས་པས་ཕུན་སུམ་ཚོགས་པའི་ཡོན་ཏན་དྲུག་དང་ལྡན་པ་སྟེ། མཚན་གཞི་ནི་དུས་གསུམ་གྱི་སངས་རྒྱས་ལ་སོགས་པའོ། །ཆོས་དཀོན་མཆོག་ནི། འགོག་བདེན་རྟོགས་པའི་ཆོས་དང་། ལམ་བདེན་ལུང་གི་ཆོས་ཟག་མེད་ཀྱི་ཡོན་ཏན་དྲུག་དང་ལྡན་པ་སྟེ། སྔ་མའི་མཚན་གཞི་ནི་དྲན་པ་ཉེ་བར་བཞག་པ་བཞི་སོགས་དང་། ཕྱི་མའི་མཚན་གཞི་ནི་གསུང་རབ་ཡན་ལག་བཅུ་གཉིས་ལ་སོགས་པ་རྣམས་སོ། །དགེ་འདུན་དཀོན་མཆོག་ནི། དམ་པའི་དོན་གྱི་གནས་ལུགས་མངོན་སུམ་དུ་རིག་པ་དང་། སྤང་བྱ་ཉོན་མོངས་པའི་ཡུལ་ལས་གྲོལ་བའི་ཡོན་ཏན་དྲུག་ལྡན་ཏེ། མཚན་གཞི་ནི། ཐེག་ཆེན་གྱི་སྐབས་སུ་ཉེ་བའི་སྲས་བརྒྱད་དང་། ཐེག་དམན་གྱི་སྐབས་སུ་གང་ཟག་མཆོག་བརྒྱད་ལ་སོགས་པའོ། །མགྲོན་ཚན་གཉིས་པའི་སྐབས་སུ་གཞན་ལམ་ཙམ་གོ་སླ་ལ། དཔལ་མགོན་བདུན་ཅུ་རྩ་ལྔའི་གྲངས་ངེས་ཅུང་ཟད་ཙམ་ཕྱེ་ན། ལྷ་ཆེན་པོ་བརྒྱད་ནི། ཤར་དུ་དབང་ཕྱུག་ཆེན་པོ། ལྷོར་ལྷའི་དབང་པོ། ནུབ་ཏུ་ཚངས་པ། བྱང་དུ་ཁྱབ་འཇུག །ཤར་ལྷོར་འདོད་པའི་རྒྱལ་པོ། ལྷོ་ནུབ་ཏུ་ཚོགས་ཀྱི་བདག་པོ། ནུབ་བྱང་བྷྲྀདྒི་རཱི་ཊཱི་སྟེ་དབང་ཕྱུག་གི་འཁོར་རབ་ཏུ་འཇོམས་བྱེད་ཀྱི་ནང་ཚན་དུ་གཏོགས་པ། བྱང་ཤར་དུ་གཞོན་ནུ་ཀཱརྟི་ཀ་སྟེ་དབང་ཕྱུག་གི་བུ་ཆུང་བ་གཞོན་ནུ་གདོང་དྲུག་སྟེ་ལྷའི་དམག་དཔོན་རྣམས་སོ། །ཀླུ་ཆེན་པོ་བརྒྱད་༡༦ནི། ཤར་དུ་ནོར་རྒྱས་དཀར་པོ་ཨུཏྤལ་སྔོན་པོས་མཚན་པ། ལྷོར་པདྨ་དཀར་པོ་དབུ་ལ་ཐིག་ལེ་གསུམ་གྱིས་མཚན་པ། ནུབ་ཏུ་ཀརྐོ་ཊ་སྔོན་པོ་མགྲིན་པར་རི་མོ་གསུམ་གྱིས་མཚན་པ། བྱང་དུ་འཇོག་པོ་དམར་པོ་དཔལ་བེའུས་མཚན་པ། ཤར་ལྷོར་དུང་སྐྱོང་སེར་པོ་ཐིག་ལེས་མཚན་པ། ལྷོ་ནུབ་ཏུ་རིགས་ལྡན་དཀར་པོ་ཟླ་ཕྱེད་གདེངས་ཀས་མཚན་པ། ནུབ་བྱང་དུ་མཐའ་ཡས་སྣ་ཚོགས་མདོག་སྟེ་རྨ་བྱའི་མགྲིན་པ་ལྟ་བུའི་པདྨས་མཚན་པ། བྱང་ཤར་དུ་པདྨ་ཆེན་པོ་དཀར་པོ་རྩེ་གསུམ་གྱིས་མཚན་པ་སྟེ། འདིའི་གནས་ཚུལ་ནི་སྤྱིར་བཏང་གི་དབང་དུ་བྱས་ཀྱི་འཆད་ཚུལ་གཞན་ཡང་ཡོད་དོ། །ཕྱོགས་སྐྱོང་༢༦བཅུ་ནི། ཤར་དུ་བརྒྱ་བྱིན། ཆུང་བ། ལྷོར་གཤིན་རྗེ། ནུབ་ཏུ་ཆུ་བདག །བྱང་དུ་གནོད་སྦྱིན། ཤར་ལྷོར་མེ་ལྷ། ལྷོ་ནུབ་ཏུ་སྲིན་པོ། ནུབ་བྱང་དུ་རླུང་ལྷ། བྱང་ཤར་དུ་དབང་ལྡན་ཏེ་དབང་ཕྱུག་ཆེན་པོ་ཆུང་བའོ། །སྟེང་དུ་ཚངས་པ་ཆུང་བ་དང་། འོག་ཏུ་ས་ཡི་ལྷ་མོ་རྣམས་སོ། །རྒྱལ་པོ་ཆེན་པོ་སྡེ་བཞི་ནི། ཤར་ཕྱོགས་དྲི་ཟའི་རྒྱལ་པོ་ཡུལ་འཁོར་སྲུང་། ལྷོ་ཕྱོགས་གྲུལ་བུམ་གྱི་རྒྱལ་པོ་འཕགས་སྐྱེས་པོ། ནུབ་ཕྱོགས་ཀླུའི་རྒྱལ་པོ་སྤྱན་མི་བཟང་། བྱང་ཕྱོགས་གནོད་སྦྱིན་གྱི་རྒྱལ་པོ་རྣམ་མང་ཐོས་སྲས་རྣམས་སོ། །གཟའ་ཆེན་པོ་བརྒྱད་ནི། ཉི་མ། ཟླ་བ། མིག་དམར། ལྷག་པ། ཕུར་བུ། པ་ཝ་སངས། སྤེན་པ། སྒྲ་གཅན་ཏེ་བརྒྱད་ལ་བྱ་ཞིང་། སོ་སོའི་ཁ་དོག་དང་མཚན་མ་སོགས་ནི་རྒྱུད་སྡེ་སོ་སོ་དང་དཀར་རྩིས་ཀྱི་གཞུང་སོགས་སུ་ཐ་དད་པ་འབྱུང་པའི་ཕྱིར་མ་སྨོས་སོ། །རྒྱུ་སྐར་ཉེར་༦༦བརྒྱད་ནི། སྨིན་དྲུག་སྣར་མ་མགོ་ལག་དང་། །ནབས་སོ་རྒྱལ་ཏེ་ཤར་སྐར་བདུན། །མཆུ་གྲེ་དབོ་དང་མེ་བཞི་ནག །ས་རི་ས་ག་བྱང་སྐར་བདུན། །ལྷ་མཚམས་སྣོན་སྣྲུབས་ཆུ་སྟོད་སྨད། །གྲོ་བཞིན་བྱི་བཞིན་ནུབ་སྐར་བདུན། །མོན་གྲེ་མོན་གྲུ་ཁྲུམས་སྟོད་སྨད། །ནམ་གྲུ་ཐ་སྐར་བྲ་ཉེ་ལ། །ལྷོ་སྐར་བདུན་ཏེ་ཉེར་བརྒྱད་དོ། །འཇིགས་བྱེད་ཆེན་པོ་དགུ་ནི། ཤང་དུ་དབང་ཕྱུག་འཇིགས་བྱེད། ལྷོར་བརྒྱ་བྱིན་འཇིགས་བྱེད། ནུབ་ཏུ་ཀུ་བེ་ར་སྟེ་ལུས་ངན་འཇིགས་བྱེད། བྱང་དུ་ཡེ་ཤེས་འཇིགས་བྱེད། ཤར་ལྷོར་ཁྱབ་འཇུག་འཇིགས་བྱེད། ལྷོ་ནུབ་ཏུ་སྲིན་པོ་འཇིགས་བྱེད། ནུབ་བྱང་དུ་ཀཱ་ལ་སྟེ་ནག་པོ་འཇིགས་བྱེད། བྱང་ཤར་དུ་ཚོགས་བདག་འཇིགས་བྱེད། སྟེང་དུ་ཚངས་པ་འཇིགས་བྱེད་དེ། དེ་དག་ཤིན་ཏུ་ཁྲོས་པའི་གཟུགས་འཆང་བ་ཉིད་དུ་བལྟའོ། །དེ་ལྟར་བསྡོམས་པས་བདུན་ཅུ་རྩ་ལྔ་པོ་གང་ཡིན་པ་ནི་གཙང་རིས་ཀྱི་མགོན་པོ་བདུན་ཅུ་རྩ་ལྔ་ཞེས་བྱ་སྟེ་དཀར་ཕྱོགས་སྐྱོང་བའི་ཆོས་སྲུང་ཐམས་ཅད་ཀྱི་གཙོ་བོ་ལྟ་བུར་ཤེས་པར་བྱའོ། །མགྲོན་ཚན་གསུམ་པའི་སྐབས། རིག་པ་ནི་མིག་སྨན་དང་སྔགས་དང་བཅུད་ཀྱིས་ལེན་པ་ལ་སོགས་པ་སྟེ་དེ་འཛིན་པས་ཐུན་མོང་གི་གྲུབ་པའི་ཡོན་ཏན་ལ་དབང་འབྱོར་པ་འདོད་པ་དང་གཟུགས་ན་སྤྱོད་པའི་སས་བསྡུས་པ་རྣམས་སོ། །དགེ་སྦྱོང་ནི་ཤྲ་མ་ཎ་སྟེ་ཡང་དག་པར་བླངས་པའི་དཀའ་ཐུབ་ཀྱིས་ངལ་བར་བྱས་པ་རྣམས་ལ་བྱའོ། །བྲམ་ཟེ་ནི་མི་རིགས་བཞིའི་བྱེ་བྲག་སྟེ། མཆོད་སྦྱིན་དང་། སྲིད་སྲུངས་དང་། སྙན་ཚིག །ངེས་བརྗོད། དེ་རིག་བྱེད་བཞིའི་ཆོས་ལུགས་འཛིན་པས་གནས་སྐབས་སུ་གཞན་ལ་ཕན་པ་སྒྲུབ་པའི་བརྟུལ་ཞུགས་ཅན་དག་གོ། །དྲང་སྲོང་ནི་རྀ་ཥི་ཞེས་པའི་སྒྲ་ལས་དྲངས་ན་ཡེ་ཤེས་སམ་འཁོར་བའི་ཕ་རོལ་ཏུ་འགྲོ་བར་བྱེད་པ་སྟེ། དེ་དག་གི་ངང་ཚུལ་ཀྱང་། རིག་སྔགས་ཀྱི་རྒྱལ་མོ་རྨ་བྱ་ཆེན་མོར། ཀུན་དགའ་བོ་དྲང་སྲོང་རྙིང་པ་བརྟུལ་ཞུགས་གྲུབ་པ་རིག་སྔགས་གྲུབ་པ། གྲགས་པ་འབར་བ། ཀླུང་དང་རི་ལ་གནས་པ། དམོད་པའི་མཚོན་ཅན། དཀའ་ཐུབ་དྲགས་པ། རྫུ་འཕྲུལ་དང་ལྡན་པ། མངོན་པར་ཤེས་པ་ལྔ་དང་ལྡན་པ། ནམ་མཁའ་ལ་འགྲོ་བ་དེ་དག་གི་མིང་བརྗོད་ཀྱི་ཁྱོད་ཀྱིས་ཟུངས་ཤིག །འདི་ལྟ་སྟེ། དྲང་སྲོང་ཆེན་པོ་རྒྱས་པ་ཞེས་བྱ་བ་དང་། དྲང་སྲོང་ཆེན་པོ་གཡོན་ཕྱོགས་པ་ཞེས་བྱ་བ་དང་། ཞེས་སོགས་མང་དུ་འབྱུང་བ་བཞིན། འདི་དག་གི་མཚན་གཞི་ནི་མིས་བྱིན་ལ་སོགས་པ་ལྷའི་དྲང་སྲོང་དང་། རྒྱུན་ཤེས་ལ་སོགས་པ་རྒྱལ་པོའི་དྲང་སྲོང་དང་། འོད་སྲུང་ལ་སོགས་པ་བྲམ་ཟེའི་དྲང་སྲོང་རྣམས་ལ་བྱ་ཞིང་། མངོན་པར་ཤེས་པ་ལྔའང་། རྫུ་འཕྲུལ་ལྷ་ཡི་རྣ་བ་དང་། །གཞན་སེམས་ཤེས་དང་སྔོན་གནས་དྲན། །ལྷ་ཡི་མིག་སྟེ་མངོན་པར་ཤེས། །ལྔ་པོ་ཐུན་མོང་ཉིད་དུ་དྲན། །ཅེས་འབྱུང་ངོ་། །མགྲོན་ཚན་བཞི་པའི་སྐབས་སུ། ལྷན་ཅིག་སྐྱེས་པའི་ལྷ་ནི་འཚོ་བའི་ལྷ། །སྲུང་བའི་ལྷ། སྐྱོབ་པའི་ལྷ། འགོ་བའི་ལྷ། འགྲོགས་པའི་ལྷ་ལྔའོ། །རྣམ་ཐོས་སྲས་ནི་དྲང་སྲོང་རྣམ་མང་ཐོས་པའི་བུ་སྟེ་དྲང་དོན་དུ་བྱང་ཕྱོགས་གནོད་སྦྱིན་གྱི་དབང་པོར་གནས་ཤིང་། ངེས་དོན་དུ་ས་བརྒྱད་པའི་བྱང་ཆུབ་སེམས་དཔར་བཤད་དོ། །ནོར་རྒྱུན་མ་ནི་འདི་ལ་གསོལ་བ་བཏབ་པ་ཙམ་གྱིས་དབྱིག་གི་ཆར་འབེབས་པར་བྱེད་པའི་འཕགས་མའོ། །ཚོགས་ཀྱི་བདག་པོ་ནི་དབང་ཕྱུག་ཆེན་པོའི་བུ་ཆེ་བ་སྟེ་གླང་པོའི་གདོང་པ་ཅན་ནོ། །མགྲོན་ཚན་ལྔ་པ་ནས་མར་མགྲོན་དུ་གཏོགས་ཕྱིར། མཚན་བཞི་སྔོན་དུ་འགྲོ་དགོས་ཏེ། དེ་ལ་དེ་བཞིན་གཤེགས་པ་རིན་ཆེན་མང་ནི་ཤཱཀྱ་ཐུབ་པ་སྟེ་དེ་ལ་ཕྱག་འཚལ་བས་མགྲོན་རྣམས་ཀྱི་སེར་སྣའི་ལས་བཅོམ་ཞིང་ལོངས་སྤྱོད་ཕུན་སུམ་ཚོགས་པ་ཐོབ་པ་དང་། གཟུགས་མཛེས་དམ་པ་ནི་སྤྱན་རས་གཟིགས་ཏེ་དེ་ལ་ཕྱག་འཚལ་བས་གཟུགས་ངན་པ་ཐམས་ཅད་སྤངས་ནས་ཕུན་སུམ་ཚོགས་པའི་གཟུགས་དང་ལྡན་པར་འགྱུར་བ་དང་། སྐུ་འབྱམས་ཀླས་ནི་འཕགས་པ་འཇམ་དཔལ་ཏེ། དེ་ལ་ཕྱག་འཚལ་བས་ནད་དང་སྡུག་བསྔལ་ཀུན་བཅོམ་ནས་ཟས་ཀྱི་རོ་བྲོ་བ་མཆོག་ཏུ་འགྱུར་བ་དང་། འཇིགས་པ་དང་བྲལ་བ་ནི་ཕྱག་ན་རྡོ་རྗེ་སྟེ། དེ་ལ་ཕྱག་འཚལ་བས་ཕན་ཚུན་བརྡེག་འཚོག་ལ་སོགས་པའི་འཇིགས་པ་ཀུན་དང་བྲལ་ནས་གནོད་འཚེ་ཐམས་ཅད་ཞི་བར་བྱེད་བའོ། །འདི་དག་གི་ངོས་འཛིན་ཚུལ་འདྲ་མིན་གཞན་ཡང་སྣང་ནའང་འདིར་ཡོངས་སུ་གྲགས་པ་ལྟར་བྲིས་པའོ། །བྱེ་བྲག་མངོན་ཚན་གྱི་ངོས་འཛིན་ལ། རྡོ་རྗེ་གདན་ནི་རྣམ་པར་འདྲེན་པ་ཐམས་ཅད་བྱང་ཆུབ་ཀྱི་སྙིང་པོ་མངོན་དུ་མཛད་པའི་གནས་ཏེ། དེ་ནི་འཛམ་བུ་བྲྀཀྵས་མཚན་པའི་ལྷོ་ཕྱོགས་ཀྱི་གླིང་འདིའི་ལྟེ་བའོ། །དེས་གཙོ་བོར་བྱས་པའི་ཤར་ན་རྗེ་བཙུན་འཇམ་དཔལ་དབྱངས་ཀྱི་ཞིང་ཁམས་རི་བོ་རྩེ་ལྔ། ལྷོ་ན་དཔལ་ལྡན་འབྲས་སྤུངས་ཀྱི་མཆོད་རྟེན། ནུབ་ན་ཨོ་རྒྱན་མཁའ་འགྲོའི་གླིང་། བྱང་ན་རིགས་ལྡན་སྤྲུལ་པའི་ཕོ་བྲང་ཤམྦྷ་ལ་སོགས་སོ། །བོད་ཁམས་ནི་ཡུལ་དྲུག་གི་ནང་ཚན་གངས་ཅན་གྱི་ལྗོངས་ཏེ། དེའི་གཞི་བདག་གི་གཙོ་བོ་བརྟན་མ་བཅུ་གཉིས་ལ་རིགས་བསྡུ་ན་གསུམ་སྟེ། དང་པོ་བདུད་མོ་བཞི་ནི། བྱང་གནམ་མཚོ་ན་རྡོ་རྗེ་ཀུན་གྲགས་མ། ལྷོ་བོད་ལྷ་རིའམ་ལ་སྟོད་ན་རྡོ་རྗེ་གཡའ་མ་སྐྱོང་། ལ་ཕྱི་གངས་ཀྱི་ར་བའམ་གནོད་སྦྱིན་གངས་ལ་རྡོ་རྗེ་ཀུན་བཟང་མ། ཡར་འབྲོག་སྒང་གི་མཚོ་ན་རྡོ་རྗེ་བགེགས་ཀྱི་གཙོ་མོའོ། །གནོད་སྦྱིན་མོ་བཞི་ནི། ལྷ་ཕུ་གངས་ཀྱི་རི་ལ་རྡོ་རྗེ་སྤྱན་གཅིག་མ། གཙང་དབུས་རུ་མཚམས་ཇོ་མོ་ཁ་རག་ན་རྡོ་རྗེ་ཁྱུང་བཙུན་མ། བྱང་སྟོད་དང་དམར་མཚོ་ན་རྡོ་རྗེ་མཁའ་སྡིང་ཀླུ་མོ། རྨ་ཆེན་སྤོམ་ར་ན་རྡོ་རྗེ་དྲག་མོ་རྒྱལ་རྣམས་སོ། །སྨན་མོ་བཞི་ནི། ཀོང་ཡུལ་བྲེ་སྣ་ན་ཀོང་བཙུན་དེ་མོ་རྡོ་རྗེ་བོད་ཁམས་སྐྱོང་། གཉལ་དང་ལོ་རོར་བཙན་ལ་རོལ་པའི་རྡོ་རྗེ་སྨན་གཅིག་མ། གཙང་སྟོད་ཇོ་མོ་ནགས་རྒྱལ་ན་རྡོ་རྗེ་གཡར་མོ་བསིལ། མོན་ཤ་འུག་སྟག་སྒོའམ། མདོ་ཁམས་གཡུ་རིའི་གནས་ན་རྡོ་རྗེ་གཡུ་སྒྲོན་མ་རྣམས་སོ། །འདི་དག་གི་གནས་དང་མཚན་གྱི་རྣམ་གྲངས་ལ་གཏེར་གཞུང་སོ་སོར་མི་འདྲ་བ་སྣ་ཚོགས་འབྱུང་ཡང་ངོ་བོ་གཅིག་པར་སེམས་སོ། །གཞན་ཡང་བོད་ཀྱི་ལྗོངས་འདིར་ཡུལ་གྱི་བྱེ་བྲག་ཇི་ལྟར་ཡོད་ཅེ་ན། པུ་རང་། མང་ཡུལ། ཟངས་དཀར་གསུམ་སྐོར་གཅིག །ལི། བྲུ་ཤ །སྦལ་ཏེ་སྐོར་གཅིག །ཞང་ཞུང་། ཁྲི་སྡེ་སྟོད་སྨད་བར་གསུམ་སྐོར་གཅིག་སྟེ་དེ་རྣམས་ལ་སྟོད་མངའ་རིས་སྐོར་གསུམ་རྫིང་དང་འདྲ་བ་ཞེས་བྱའོ། །དབུས་ན་དབུ་རུ་དང་གཡོ་རུ། གཙང་ན་གཡས་རུ་དང་རུ་ལག་གཉིས་ཏེ་བར་དབུས་གཙང་རུ་བཞི་ཡུར་བ་དང་འདྲ་བ། རྔུལ་རྫ་ཟལ་མོ་སྒང་། ཚ་བ་སྒང་། སྨར་ཁམས་སྒང་། སྤོ་འབོར་སྒང་། དམར་རྫ་སྒང་། མི་ཉག་ར་བ་སྒང་སྟེ་སྨད་མདོ་ཁམས་སྒང་དྲུག་ཞིང་ས་དང་འདྲ་བའི་ཐ་སྙད་བྱེད་པ་རྣམས་སོ། །མགྲོན་ཚན་དྲུག་པའི་སྐབས། གནོད་སྦྱིན་གྱི་སྡེ་དཔོན་ཆེན་པོ་གང་བ་བཟང་པོ་དང་། ནོར་བུ་བཟང་པོ་དང་། སོགས་ཁོང་ནས་ཛཾ་བྷ་ལ་དང་། ཀུ་བེ་ར་དང་། ཡང་དག་ཤེས་དང་། འབྲོག་གནས། ལྔས་རྩེན། པི་ཙི་ཀུཎྜ་ལཱི་སྟེ་རྟ་བདག་བརྒྱད་ལ་སོགས་པའོ། །ཕྱོགས་མཚམས་སྲུང་པར་བྱེད་པའི་གནོད་སྦྱིན་ཉི་ཤུ་རྩ་བརྒྱད་ནི། རིག་སྔགས་ཀྱི་རྒྱལ་མོ་རྨ་བྱ་ཆེན་མོ་ལས་བྱུང་པ་ལྟར་ན། ཤར་དུ་རིང་པོ་དང་། མིག་བཟང་དང་། གང་པོ་དང་། སེར་སྐྱ་སྟེ་བཞི། ལྷོར་སེང་གེ་དང་། ཉེ་བའི་སེང་གེ་དང་། དུང་ཅན་དང་། དགའ་བོ་སྟེ་བཞི། ནུབ་ཏུ་སེང་གེ་དང་། སེང་གེའི་རལ་པ་དང་། བླ་མ་དང་། སེར་སྐྱ་སྟེ་བཞི། བྱང་དུ་འཛིན་པ་དང་། འཛིན་དགའ་དང་། བརྩོན་སྐྱོང་དང་། ཁྱབ་འཇུག་སྟེ་བཞི། ཕྱོགས་མཚམས་སུ། ལྔ་སྤྱོད་དང་། ཚིགས་ལྔ་སེར་པོ་དང་། རི་མཉམ་དང་། གསེར་ཅན་ཏེ་བཞི། ས་ལ་ས་པ་དང་། ཤིན་ཏུ་སངས་དང་། ནག་པོ་དང་། ཉེ་ནག་སྟེ་བཞི། བར་སྣང་ལ་ཉི་མ་དང་ཟླ་བ་དང་། མེ་དང་། རླུང་སྟེ་བཞིར་བགྲངས་སོ། །གནོད་སྦྱིན་མཐུ་བོ་ཆེ་སུམ་ཅུ་རྩ་གཉིས་ཀྱང་། སྔ་མ་ལས། ཀུན་དགའ་བོ་ཁྱོད་ཀྱིས་རྣམ་ཐོས་ཀྱི་བུའི་ཆོས་ཀྱི་སྤུན་གང་དག་སེམས་ཅན་རྣམས་སྲུང་ཞིང་ཡོངས་སུ་སྐྱོང་བར་བྱེད་པ། འཇིག་རྟེན་ན་ཡམས་ཀྱི་ནད་དང་གནོད་པ་དང་འཁྲུགས་པ་མེད་པར་བྱེད་པ། འཇིག་རྟེན་ན་ཕན་པར་བྱེད་པ། འཇིག་རྟེན་ན་རྒྱུ་བ་རྣམས་ཀྱི་མིང་ཟུངས་ཤིག །འདི་ལྟ་སྟེ། དབང་པོ་དང་། ཟླ་བ་དང་། ཆུ་ལྷ་དང་། སྐྱེ་རྒུའི་བདག་པོ་དང་། བྷ་ར་དྷྭ་ཛ་དང་། དབང་ལྡན་དང་། ཙནྡན་དང་། འདོད་པའི་གཙོ་བོ་དང་། མགྲིན་ངན་དང་། མགུལ་ངན་དང་། ས་ཊི་དང་། ནོར་བུ་དང་། ནོར་བུ་སྤྱོད་དང་། སྒྲ་རབ་དང་། ཉེ་ལྔ་པོ་དང་། རི་མཉམ་དང་། གསེར་ཅན་དང་། གང་པོ་དང་། སེང་ལྡེང་དང་། གཡོན་ཅན་དང་། མགྲིན་ངན་དང་། བ་ལང་སྐྱོང་དང་། འབྲོག་གནས་དང་། མིའི་རྒྱལ་པོ་དང་། རྒྱལ་བའི་ཁྱུ་མཆོག་དང་། ཚིག་ལྔ་སེར་པོ་དང་། བཞིན་བཟང་དང་། གནོད་སྦྱིན་རིང་པོ་འཁོར་དང་བཅས་པ་དང་། དྲི་ཟ་སྣ་ཚོགས་སྡེ་དང་། འབྲས་བུ་གསུམ་པ་དང་། མགུལ་གསུམ་པ་དང་། ལྕགས་མདུང་༣༢རིང་པོ་དར་ལྡན་པ་སྟེ་གནོད་སྦྱིན་ཆེན་པོ་རྣམས་སོ། །ཞེས་འབྱུང་ངོ་། །འཕྲོག་མ་ནི་གནོད་སྦྱིན་མ་གཅིག་ལ་བུ་ལྔ་བརྒྱ་ཡོད་པ་མཐུ་རྩལ་ཤིན་ཏུ་ཆེ་བས་ཉིན་བཞིན་དུ་འཛམ་བུ་གླིང་པའི་སེམས་ཅན་མང་པོའི་སྲོག་ལ་འཚེ་བ་ཅན་ཏེ། དེ་ཉིད་བཅོམ་ལྡན་འདས་ཀྱིས་ཐབས་ལ་མཁས་པའི་སྒོ་ནས་བཏུལ་ཞིང་གཞན་ལ་མི་འཚེ་བའི་དམ་བཅའ་འཛིན་དུ་གཞུག་པ་དང་། སླད་ནས་རྗེས་འཇུག་ཐམས་ཅད་ཀྱིས་ཆང་བུ་སྦྱིན་པར་གསུངས་པ་སོགས་འདུལ་བ་ལས་ཀྱང་རྒྱ་ཆེར་འབྱུང་ཞིང་། རིག་སྔགས་ཀྱི་རྒྱལ་མོ་བསིལ་བའི་ཚལ་ཆེན་པོའི་མདོ་ལས་ཀྱང་། འཕྲོག་མ་ཅེས་བྱའི་གནོད་སྦྱིན་མོ། །འཇིགས་པར་བགྱིད་པ་སྟོབས་ཆེན་མོ། །དེ་ཡི་བུ་ནི་ལྔ་བརྒྱ་རྣམས། །འཇིགས་བགྱིད་གནོད་སྦྱིན་མཐུ་རྩལ་ཅན། །ཅེས་སོགས་གསུངས་སོ། །མགྲོན་ཚན་བདུན་པའི་སྐབས། བགེགས་རིགས་སྟོང་ཕྲག་བརྒྱད་ཅུ་ནི། པཎྜི་ཏ་ལོ་ཀ་ནཱ་ཐའི་བཞེད་པ་འགོས་ལོ་ཐམས་ཅད་མཁྱེན་པ་གཞོན་ནུ་དཔལ་གྱིས། ཕྲག་དོག་དང་དེའི་རྩ་བ་འདོད་ཆགས་ལས་སྐྱེས་པའི་མོ་གདོན་ལྷན་སྐྱེས་སྟོབས་ཆེན། ༩༠ སྟོབས་ཆུང་། ༩༠ ཀུན་བརྟགས་སྟོབས་ཆེན། ༩༠༠ སྟོབས་ཆུང་། ༩༠ སྟེ་བསྡོམས་པས། ༣༦༠ ང་རྒྱལ་དང་དེའི་འབྲས་བུ་ཞེ་སྡང་ལས་སྐྱེས་པའི་ཕོ་གདོན་ལྷན་སྐྱེས་སྟོབས་ཆེ་ཆུང་བསྡོམས་པས། ༡༨༠ ཀུན་བརྟགས་སྟོབས་ཆེ་ཆུང་། ༡༨༠ སྟེ། ༣༦༠ གཏི་མུག་ལས་སྐྱེས་པའི་མ་ནིང་ངམ་ཀླུ་གདོན་ལྷན་སྐྱེས་སྟོབས་ཆེ་ཆུང་། ༡༨༠ ཀུན་བརྟགས་སྟོབས་ཆེ་ཆུང་། ༡༨༠ སྟེ། ༣༦༠ དེ་ལྟར་རྩ་བའི་ཉོན་མོངས་པ་ལྔ་ལས་སྐྱེས་པའི་ཕོ་མོ་མ་ནིང་གི་གདོན་ནམ་བགེགས་ཀྱི་རིགས་རེ་ཞིག་སྟོང་ཕྲག་གཅིག་དང་བརྒྱད་ཅུ་སྟེ་གཞན་དུ་ན་བསམ་གྱི་མི་ཁྱབ་པར་བལྟའོ། །བྱིས་པའི་གདོན་ཆེན་བཅོ་ལྔ་ནི། འཇམ་པ་པོ། རི་དྭགས་རྒྱལ་པོ། སྐེམས་བྱེད། རྗེད་བྱེད། ཁུ་ཚུར་ཅན། མ་མོ། ཛ་ལི་ཀ །འདོད་པ་ཅན། ནམ་གྲུ། སྲུལ་པོ། མ་དགའ་བྱེད། བྱ། གཉའ་ལག་ཅན། བཞིན་རྒྱས། མིག་འཕྱང་སྟེ་གཙོ་བོར་སྐྱེས་མ་ཐག་པ་ནས་ལོ་བཅོ་ལྔའི་བར་དུ་གནོད་པར་བྱེད་པ་བ་གླང་ལ་སོགས་པའི་གཟུགས་འཛིན་པ་རྣམས་སོ། །མགྲོན་ཚན་བརྒྱད་པའི་སྐབས། འགྲོ་བ་རིགས་དྲུག་ནི། དམྱལ་བ་ཡི་དྭགས་དུད་འགྲོ་སྟེ་ངན་སོང་དང་། ལྷ་ལྷ་མིན་མི་སྟེ་མཐོ་རིས་གསུམ་སྟེ་དྲུག་གོ། །ལམ་རྒྱུད་ལྔ་ནི། དམྱལ་བ་གདུང་བའི་ལམ། ཡི་དྭགས་འགོག་པའི་ལམ། དུད་འགྲོ་མུན་པའི་ལམ། མི་འདོད་པའི་ལམ། ལྷ་གཡེང་བའི་ལམ་སྟེ་འདིའི་སྐབས་སུ་ལྷ་མིན་ནི་སྟོད་རིས་ལྷ་དང་། སྨད་རིས་དུད་འགྲོར་བསྡུའོ། །སྐྱེ་གནས་རྣམ་པ་བཞི་ནི། སྒོང་སྐྱེས། མངལ་སྐྱེས། དྲོད་གཤེར་སྐྱེས། བརྫུས་སྐྱེས་ཏེ་བཞིའོ། །དེ་དག་ཀྱང་གང་ཞེ་ན། སློབ་དཔོན་ཀླུའི་བློས་འདི་སྐད་དུ་འཆད་དེ། སྒོ་ང་ལས་སྐྱེས་པ་གང་ཞེ་ན། སེམས་ཅན་གང་སྒོ་ང་ལས་སྐྱེ་བར་འགྱུར་བའོ། །དེ་དག་གང་ཞེ་ན། ངང་པ་དང་། ཁྲུང་ཁྲུང་དང་། རྨ་བྱ་དང་། ཤ་རི་ཀ་ལ་སོགས་པའོ། །མངལ་ནས་སྐྱེས་པ་གང་ཞེ་ན། སེམས་ཅན་མངལ་ནས་སྐྱེས་པ་སྟེ། དེ་དག་ཀྱང་གང་ཞེ་ན། རྟ་དང་། བ་ལང་དང་། མ་ཧེ་དང་། བོང་བུ་དང་། ཕག་དང་། མི་ལ་སོགས་པའོ། །དྲོད་གཤེར་ལས་སྐྱེས་པ་གང་ཞེ་ན། སེམས་ཅན་གང་དག་དྲོད་ལས་སྐྱེས་པ་སྟེ། དེ་དག་ཀྱང་གང་ཞེ་ན། སྲིན་བུ་དང་། ཕྱེ་མ་ལེབ་དང་། མཆུ་སྦྲང་ལ་སོགས་པའོ། །བརྫུས་ཏེ་སྐྱེས་པ་གང་ཞེ་ན། སེམས་ཅན་གང་དག་དབང་པོ་མ་ཚང་བ་མེད་ཅིང་། མ་རྫོགས་པ་མེད་པ་ཡན་ལག་དང་ཉིང་ལག་ཐམས་ཅད་དང་ལྡན་པ་གཅིག་ཅར་སྐྱེས་པ་སྟེ། དེ་དག་ཀྱང་གང་ཞེ་ན། ལྷ་དང་། དམྱལ་བ་དང་། ཡི་དྭགས་དང་། སྲིད་པ་བར་མ་དང་། བསྐལ་པ་དང་པོའི་མི་ལ་སོགས་པའོ། །ཞེས་ཤིན་ཏུ་གསལ་བར་བཤད་དོ། །ཕ་རོལ་ཏུ་ཕྱིན་པ་དྲུག་ནི་སྦྱིན་པ་ལ་སོགས་པ་སྟེ། དེའང་གཞན་གྱི་དབུལ་བ་སེལ་བའི་ཕྱིར་གཏོང་བ་ནི་སྦྱིན་པའི་ངོ་བོ་སྟེ། དབྱེ་ན། ཆོས། ནོར། མི་འཇིགས་པའི་སྦྱིན་པ་གསུམ་མོ། །གང་ལ་སྤོང་བའི་སེམས་ཁྱད་པར་ཅན་ཐོབ་པ་ནི་ཚུལ་ཁྲིམས་ཀྱི་ངོ་བོ་སྟེ། དབྱེ་ན་ཉེས་སྤྱོད་སྡོམ་པ། དགེ་བ་ཆོས་སྡུད། སེམས་ཅན་དོན་བྱེད་ཀྱི་ཚུལ་ཁྲིམས་གསུམ་མོ། །གནོད་པའི་ཡུལ་གྱིས་བརྫི་བར་མི་ནུས་པ་ནི་བཟོད་པའི་ངོ་བོ་སྟེ། དབྱེ་ན། གཞན་གྱི་ལོག་སྒྲུབ་དང་། ཆོས་ཕྱིར་དཀའ་སྤྱད་དང་། སྟོང་ཉིད་ཟབ་མོའི་དོན་ལ་མི་སྐྲག་པའི་བཟོད་པ་དང་གསུམ་མོ། །དཀར་པོའི་ཕྱོགས་ལ་འཇུག་པ་མི་ཞུམ་པ་ནི་བརྩོན་འགྲུས་ཀྱི་ངོ་བོ་སྟེ། དབྱེ་ན། བསམ་པ་གོ་ཆའི། སྦྱོར་བ་ཆོས་སྡུད་ཀྱི། སེམས་ཅན་དོན་བྱེད་ཀྱི་བརྩོན་འགྲུས་གསུམ་མོ། །གང་དུ་སེམས་རྣམ་པར་མི་གཡེར་པའི་རྩེ་གཅིག་པ་ནི་བསམ་གཏན་གྱི་ངོ་བོ་སྟེ། དབྱེ་ན། བྱིས་པ་ཉེར་སྤྱོད་ཀྱི། དོན་རབ་འབྱེད་པའི། དེ་བཞིན་གཤེགས་དགའི་བསམ་གཏན་ཏེ་གསུམ་མོ། །ཆོས་རབ་ཏུ་རྣམ་པར་འབྱེད་པའི་བློ་གྲོས་ནི་ཤེས་རབ་ཀྱི་ངོ་བོ་སྟེ། དབྱེ་ན། ཐོས་བསམ་སྒོམ་པའི་ཤེས་རབ་གསུམ་མོ། །དེ་དག་མདོར་བསྡུས་པ་སྟེ་རྒྱས་པར་མཐའ་ཀླས་སོ། །མགྲོན་ཚན་དགུ་པའི་སྐབས་ཡི་དྭགས་ཕྱི་ཡི་སྒྲིབ་པ་ཅན་ནི། ལྗོན་པའི་འབྲས་བུ་དང་ཆུ་ཀླུང་ལ་སོགས་པའི་བཟའ་བཏུང་གི་ཚོགས་ཡིད་དུ་འོང་བ་མཐོང་ཡང་ཉེ་བར་སླེབས་པ་ན་མཚོན་ཆ་ཐོགས་པས་བསྲུངས་བའམ། རྣག་ཁྲག་སོགས་སུ་མཐོང་བས་སྡུག་བསྔལ་པའོ། །ནང་གི་སྒྲིབ་པ་ཅན་ནི། ཟས་གོས་ཀྱི་དངོས་པོ་ནམ་ཡང་མི་རྙེད་ཅིང་། གལ་ཏེ་ཅུང་ཟད་རྙེད་དུ་ཟིན་ཀྱང་ཁ་ཁབ་མིག་ཙམ་ནས་མི་ཤོང་། དེར་ཤོང་ཡང་མགྲིན་པ་རྟ་རྔ་ཙམ་ནས་མི་ཐར། དེ་ལས་ཐར་ཡང་ལྟོ་བ་ཡུལ་ལྗོངས་ཙམ་ཡོད་པའི་ཕྱིར་ཁེངས་མི་ནུས་པ་སོགས་སྡུག་བསྔལ་ལོ། །མེ་ལྕེའི་འཁོར་ལོ་ཅན་ནི་མགྲིན་པ་ན་མེ་ཡི་འཁོར་ལོ་དང་ལྡན་པས་ཟས་སྐོམ་ལ་སོགས་པ་མཐོང་ཡང་ཁའི་དུགས་ཀྱིས་བསྐམ་པར་འགྱུར་པའོ། །ཟས་སྐོམ་གྱི་སྒྲིབ་པ་ཅན་ནི་ཟས་སྐོམ་རྣམས་མགྲིན་པར་སོང་མ་ཐག་ནས་མདག་མེ་འབར་བའམ་ཁྲོ་ཆུ་ཁོལ་མར་སོང་ནས་ལུས་བསྲེགས་པ་རྣམས་སོ། །འདི་ཉིད་རིགས་དྲུག་གི་ནང་དུ་འདུས་མོད་ཀྱང་། དམིགས་ཀྱིས་བཀར་བ་ནི་སྦྱིན་ཡུལ་གྱི་གཙོ་བོ་ལྟ་བུར་གྱུར་པ་དང་། ཕན་ཡོན་ལྷག་པར་ཆེ་བའི་ཕྱིར་རོ། །མགྲོན་ཚན་བཅུ་པ་ནི་གོ་སླ་ཞིང་། ལྷག་མ་གཉིས་ཀྱང་རྣམ་གྲངས་སོགས་རྟོགས་དཀའ་བའི་གནས་སུ་མ་གྱུར་པས་མ་བྲིས་སོ། །དེ་ལྟ་བུའི་མགྲོན་སོ་སོར་འབུལ་བའི་མངོན་པར་རྟོགས་པའང་འདི་ཡིན་ཏེ། ཡར་མགྲོན་གྱི་སྐབས། གཏོར་མ་དེ་འབྲུ་གསུམ་གྱིས་སྦྱངས་སྤེལ་བསྒྱུར་གསུམ་དུ་བྱས། སྤྱིར་སྤྱོད་པར་དབང་བ་ཤུགས་ལྡན་འོད་ཀྱི་སྔགས་ན་མསྶརྦ་སོགས་ཀྱིས་གཏོར་མ་དངོས་དང་། ཨརྒྷཾ་སོགས་ཀྱིས་ཉེར་སྤྱོད་བདུན་ཕུལ་ཏེ། བྱེ་བྲག་ཏུ་སོ་སོའི་མཚན་ནས་སྨོས་ཞིང་འབུལ་བ་དང་། འདོད་དོན་གསོལ་བ་གདབ་པ་རྣམས་བྱ་ཞིང་། མར་མགྲོན་གྱི་སྐབས་ཀྱང་ཉེར་སྤྱོད་ཀྱི་ཚབ་ཏུ་མཚན་བཞི་བརྗོད་པ་མ་གཏོགས་གཞན་འདྲའོ། །གསུམ་པ་དབྱུ་གུ་དྲུག་ཅུ་རྩ་བཞིའི་གཏོར་མ་ནི། འདི་ལྟར་ཉིན་ཞག་རེ་ལ་དབྱུ་གུའི་སྦྱོར་བས་བརྟག་པའི་ཚེ་ཆུ་ཚོད་དྲུག་ཅུ་རྩ་བཞི་སྟེ། དེ་རེ་རེ་ལ་རྡོ་རྗེ་ཕོ་ཉ་མོ་རེ་རེ་གནས་ཤིང་། དེ་དག་ལ་གཏོར་མ་བསྔོས་པས་དེ་སྲིད་ཀྱི་བར་ཆད་རྣམས་སྲུང་པར་བྱེད་པར་བཤད་པའི་རྗེས་སུ་འབྲང་བའོ། །སྔགས་དོན་ནི། ཐེག་ཆེན་ཆོས་ཀྱི་རྒྱལ་པོས་མཛད་པའི་རྩ་རྒྱུད་བརྟག་གཉིས་ཀྱི་ཊཱི་ཀ་དག་ལྡན་སྙེ་མར། ཨོཾ་ཞེས་པ་ནི་སྔགས་ཀྱི་མགོ་འདྲེན་པའོ། །ཨ་ཀཱ་རོ་ཞེས་པ་ནི་ཨ་ཡི་ཡི་གེ། མུ་ཁཾ་ཞེས་པ་སྒོའམ་དང་པོ་ཡིན་ལ། དེའང་དབྱིབས་ཀྱི་ཨ་ནི་ཨ་ཤད་ལྟ་བུ་སྟེ། དེ་མེད་ན་ཡི་གེའི་གཟུགས་མི་ཐུབ་པས་ཡི་གེ་ཐམས་ཅད་ཀྱི་སྒོའམ་དང་པོ། བརྗོད་པའི་ཨ་བརྗོད་པ་ཐམས་ཅད་ཀྱི་སྲོག་ཡིན་པས་སྒྲ་ཐམས་ཅད་ཀྱི་སྒོའམ་དང་པོ། ནང་ལྟར་བཤད་པའི་ཨ་ལྟེ་བར་གནས་པ་སྟེ་དང་པོ་ལུས་འགྲུབ་པ་ན་ལྟེ་བའི་ཨ་ཐོག་མར་ཆགས་པས་ལུས་གྲུབ་པའི་སྒོའམ་དང་པོ། དོན་གྱི་ཨ་སེམས་ཉིད་སྐྱེ་བ་མེད་པ་ཆོས་ཐམས་ཅད་ཀྱི་སྒོའམ་དང་པོ། སརྦ་དྷརྨཱ་ཎཱི་ཎཱཾ། ཞེས་པ་ཆོས་ཐམས་ཅད་ཀྱི། ཨདྱ་ནུཏྤན་ན་ཏྭཱ་ཏ། ཞེས་པ་ནི་གདོད་མ་ནས་སྐྱེ་བ་མེད་པའི་སྒོ་ཅན་ཏེ་འབྱུང་ཞིང་ཐིམ་པའི་གནས་ཡིན་ལ། བདག་དང་མགྲོན་དང་གཏོར་མ་བྱིན་གྱིས་བརླབ་པའི་ཕྱིར་ཨོཾ་ཨཱཿཧཱུྃ་ཞེས་པའོ། །རྣམ་རྟོག་འཇོམས་པས་ན་ཕཊ། དེ་ཁོ་ན་ཉིད་དུ་སེམས་ཞི་བར་བྱེད་པས་ན་སྭཱ་ཧཱ། ཞེས་གསུངས་སོ། །རྟེན་འབྲེལ་སྙིང་པོ་ནི་སྔགས་བོད་སྐད་དུ་བསྒྱུར་ན། ཆོས་རྣམས་གང་དག་སོགས་ཚིགས་བཅད་གཅིག་འབྱུང་སྟེ། ཡེ། གང་རྣམས། དྷརྨཱ། ཆོས་རྣམས། ཧེ་ཏུ། རྒྱུ། པྲ་བྷ་ཝ། བྱུང་བ། ཧེ་ཏུན། རྒྱུ། ཏེ་ཥཱཾ། དེ་རྣམས་ལ། ཏ་ཐཱ་ག་ཏོ། དེ་བཞིན་གཤེགས་པ། ཧི། རྐང་པ་ཁ་སྐོང་། ཨ་བ་ད་ཏྲ། གསུངས་སོ། །ཏེ་ཥཱཾ། དེ་རྣམས་ལ། ཡོ། གང་། ནི་རོ་དྷ། འགོག་པ། ཨེ་ཝཾ། འདི་སྐད། བཱ་དཱ། གསུངས། མ་ཧཱ་ཤྲ་མ་ཎཿ དགེ་སྦྱོང་ཆེན་པོ། ཞེས་པ་སྟེ། འདི་རྣམས་ནང་པའི་ཚུལ་ལུགས་ལས་མི་འདའ་བར་བྱེད་པ་ལྟ་བ་བཀའ་རྟགས་ཀྱི་ཕྱག་རྒྱ་བཞིའམ། འཕགས་པའི་བདེན་པ་བཞི་དང་སྦྱར་ནས་ལམ་ཡོངས་སུ་རྫོགས་པའི་དོན་རྒྱ་ཆེ་བར་འཆད་དུ་ཡོད་མོད་ཀྱང་རེ་ཞིག་ཡི་གེས་འཇིགས་སོ། །བཞི་པ་ཆུ་སྦྱིན་གྱི་སྐབས་གཞན་ནི་གོ་སླ་ལ། སྔགས་དོན། ཨོཾ་ཨཱཿཧཱུྃ་ནི་བྱིན་གྱིས་རློབ་པའི་སྔགས། ཨོཾ་ཨཱཿཧྲཱི༔ཧཱུྃ་ནི་འཕགས་པ་སྤྱན་རས་གཟིགས་ཀྱི་སྐུ་གསུང་ཐུགས་ཡེ་ཤེས་རྡོ་རྗེའི་ས་བོན། ཨོཾ་མ་ཎི་པདྨེ་ཧཱུྃ་ནི་སྙིང་པོ། །ཨོཾ་ཛ་ལ་མི་དཾ་སརྦ་པྲེ་ཏེ་བྷྱཿསྭཱ་ཧཱ། ཆུ་འདི་ཡི་དྭགས་ཀྱི་ཆེད་དུ་གཞི་ཚུགས་ཞེས་པ་སྟེ་བསྔོ་བའི་སྔགས་དངོས། ཨོཾ་ནི་སྔགས་ཀྱི་མགོ་འདྲེན་པ། ན་མོ་རཏྣ་ཏྲ་ཡཱ་ཡ། དཀོན་མཆོག་གསུམ་ལ་ཕྱག་འཚལ་ལོ། །ཨོཾ་ཀཾ་ཀ་ནི་ཀཾ་ཀ་ནི། སྡིག་པ་རྣམས་སྡིག་པ་རྣམས། རོ་ཙ་ནི་རོ་ཙ་ནི། སྲེག་སྲེག །ཏྲོ་ཊ་ནི་ཏྲོ་ཊ་ནི། ཆོད་ཆོད། ཏྲཱ་ས་ནི་ཏྲཱ་ས་ནི། སྐྲག་པར་གྱིས་སྐྲག་པར་གྱིས། པྲ་ཏི་ཧ་ན་པྲ་ཏི་ཧ་ན། སོ་སོར་ཆོམས་སོ་སོར་ཆོམས། སརྦ་ཀརྨ་པ་རཾ་པ་ར་ཎི། ལས་གཅིག་ནས་གཅིག་ཏུ་བརྒྱུད་པ་ཐམས་ཅད། སརྦ་སཱ་ཏྭ་ནཱཉྩ་སྭཱ་ཧཱ། བདག་དང་སེམས་ཅན་ཐམས་ཅད་ལ་གཞི་ཚུགས། ཞེས་པ་སྟེ། ཡི་དྭགས་ཀྱི་འགྲོ་བ་རྣམས་ཀྱི་སྒྲིབ་པ་སྦྱང་བའི་སླད་དུ་དང་། ཨོཾ་ཛྙཱ་ན་ཨ་ཝ་ལོ་ཀི་ཏེ། ཡེ་ཤེས་ཀུན་ཏུ་གཟིགས་པ། ན་མསྶ་མནྟ་སྥ་ར་ཎ་ར་སྨི་སཾ་བྷ་ཝ་ས་མ་ཡ། ཕྱག་འཚལ་ལོ། །ཀུན་ནས་འགྲོ་བའི་འོད་ཟེར་འབྱུང་གནས་དམ་ཚིག །མ་ཧཱ་མ་ཎི། ནོར་བུ་ཆེན་པོ། དུ་རུ་དུ་རུ། སྔར་བསྒྱུར་བ་མ་མཐོང་བས་དེ་བཞིན་གཤེགས་པའི་བརྡར་རྟོགས་སོ། །ཧྲྀ་ད་ཡ། སྙིང་པོ། ཛྭ་ལ་ནི། འབར་བ་རྣམས། སྭཱ་ཧཱ། གཞི་ཚུགས། ཞེས་པ་ཡེ་ཤེས་སྐར་མདའི་སྙིང་པོ་སྟེ་འགྱུར་སྔགས་སོ། །དེ་ལྟར་དངོས་གཞིའི་རིམ་པ་རྣམས་བཤད་ཟིན་ནས། གསུམ་པ་རྗེས་ལ་མཆོད་པའི་ཡོ་བྱད་མ་འབྱོར་བ་དང་། འབྱོར་ཀྱང་ཉམས་པ་དང་བཅས་པ་ལ་སོགས་པའི་ཉེས་ཚོགས་རྣམས་བཤགས་པ་དང་། སྐབས་ཀྱི་དོན་རེ་ཞིག་གྲུབ་ཟིན་ནས་མགྲོན་རྣམས་གཤེགས་སུ་གསོལ་བ་དང་། འཇིག་རྟེན་པའི་བགེགས་རིགས་ཀྱི་གནོད་པ་བསྲུང་བ་ལ་སོགས་པའི་སླད་སྒོ་གསུམ་རྡོ་རྗེ་གསུམ་དུ་རྒྱས་གདབ་པ་དང་། ཐོག་མཐའ་བར་གསུམ་དུ་དགེ་ལེགས་ཀྱི་རྒྱུན་ཆེན་པོས་ཁྱབ་པར་བྱ་བའི་ཕྱིར་ཤིས་པ་བརྗོད་པ་དང་། དགེ་བའི་རྩ་བ་བར་མ་དོར་ཆུད་མི་ཟ་ཞིང་བྱང་ཆུབ་ཀྱི་བར་དུ་གོང་འཕེལ་དུ་འགྱུར་པའི་ཕྱིར་བསྔོ་བ་དང་། དོན་དེ་མྱུར་དུ་འགྲུབ་པར་བྱ་བའི་ཕྱིར་བདེན་ཚིག་གིས་སྨོན་ལམ་བཏབ་པ་སྟེ་དྲུག་ལས། དང་པོའི་སྐབས། ཡི་གེ་བརྒྱ་པའི་སྔགས་དོན་ནི། བོད་སྐད་དུ་བསྒྱུར་ན། ཨོཾ་བཛྲ་ས ཏྭ་ས་མ་ཡ། ཨོཾ་རྡོ་རྗེ་སེམས་དཔའི་དམ་ཚིག་ནི། མ་ནུ་པཱ་ལ་ཡ་བཛྲ་སཏྭཱ། རྗེས་སུ་སྐྱོངས་ཤིག་རྡོར་སེམས་ཀྱེ། ཏཱེ་ནོ་པ་ཏིཥྛ་དྲྀ་དྷོ་མེ་བྷ་ཝ། ཁྱོད་ཀྱིས་བདག་ལ་བརྟན་པར་བཞུགས། །སུ་ཏོ་ཥྱོ་མེ་བྷ་ཝ། ཤིན་ཏུ་ཚིམ་པར་བདག་མཛོད་ཅིག །སུ་པོ་ཥྱོ་མེ་བྷ་ཝ། ལེགས་པར་རྒྱས་པར་བདག་མཛོད་ཅིག །ཨ་ནུ་རཀྟོ་མེ་བྷ་ཝ། བདག་ལ་རྗེས་སུ་ཆགས་པར་མཛོད། །སརྦ་སིདྡྷི་མྨེ་པྲ་ཡཙྪ། དངོས་གྲུབ་ཐམས་ཅད་བདག་ལ་སྩོལ། །སརྦ་ཀརྨ་སུ་ཙ་མེ། ལས་རྣམས་ཐམས་ཅད་ལ་ཡང་བདག །ཙིཏྟཾ་ཤྲེ་ཡ་ཀུ་རུ། སེམས་ལ་དགེ་ལེགས་སུ་མཛོད་ཅིག །ཧཱུྃ་ཧ་ཧ་ཧ་ཧ་ཧོཿ ཞེས་པ་ནི་ཡེ་ཤེས་དྲུག་གི་དེ་ཁོ་ན་ཉིད་མཚོན་པར་བྱེད་པ་རྡོ་རྗེ་སེམས་དཔའི་རྗེས་ཆགས་ཀྱི་བཞད་སྒྲ་སྟེ་དེ་བཞིན་གཤེགས་པའི་བརྡར་གྱུར་པའི་ཕྱིར་འཇིག་རྟེན་གྱི་བསྟན་བཅོས་དང་མཐུན་པར་བསྒྲུབ་ཅིང་བསྒྱུར་བ་སོགས་ནི་བླུན་པོའི་སྙིང་ཁམས་སོ། །བྷ་ག་ཝཱན྄་སརྦ་ཏ་ཐཱ་ག་ཏ། བཅོམ་ལྡན་དེ་བཞིན་གཤེགས་ཀུན་གྱི། །བཛྲ་མཱ་མེ་མུཉྩ། རྡོ་རྗེར་བདག་ནི་མ་འདོར་ཅིག །བཛྲི་བྷ་ཝ། རྡོ་རྗེ་ཅན་དུ་མཛད་དུ་གསོལ། །མ་ཧཱ་ས་མ་ཡ་སཏྭ་ཨཱཿ དམ་ཚིག་སེམས་དཔའ་ཆེན་པོ་ཨཱཿ ཞེས་པ་སྟེ། དེ་དག་གི་དོན་ཀྱང་རྒྱུད་ཀྱི་རྡོ་རྗེའི་གནས་ཆེན་པོ་རྣམས་དང་སྦྱར་ནས་འཆད་ན་ཅུང་ཟད་འཆད་དུ་ནུས་པ་ཙམ་དུ་ཡོད་མོད་ཀྱི་རེ་ཞིག་ངལ་བ་མ་བྱས་ལ། ཤེས་པར་འདོད་ན་སླར་འཆད་པར་བགྱིའོ། །དགོས་པ་ནི། མངོན་བརྗོད་བླ་མའི་ལེའུ་ཉེར་ལྔ་པ་ལས། ཐོག་མ་བར་དང་ཐ་མ་ནི། །དམ་ཚིག་ཉམས་པ་བསྐང་བ་དང་། །དཔའ་བོ་དང་ནི་རྣལ་འབྱོར་མའི། །འཁོར་ལོ་དག་ནི་བསྟན་པའི་ཕྱིར། །ཡི་གེ་བརྒྱ་པའི་གསང་སྔགས་བཟླས། །ཞེས་པས་མཚོན་རྒྱུད་སྡེ་དུ་མ་ནས་ལན་གཅིག་མ་ཡིན་པར་བསྔགས་སོ། །གཉིས་པའི་སྐབས། བཛྲ་མུཿ ཞེས་པ་ནི་རྡོ་རྗེར་འཆིང་བ་སྟེ་ཡེ་ཤེས་ཀྱི་དབྱིངས་སུ་གཤེགས་ཤིག་པའི་དོན། སརྦ་བྷཱུ་ཏ་གཙྪཿ ནི་འབྱུང་པོ་ཐམས་ཅད་སོང་ཞིག །སརྦ་པྲེ་ཏ་གཙྪཿ ནི་ཡི་དྭགས་ཐམས་ཅད་སོང་ཞིག །ཅེས་པའོ། །གསུམ་པ་མན་ཆད་ཀྱི་སྐབས་སུ་སྔགས་དོན་སོགས་གོ་དཀའ་བའི་གནས་ཆེར་མ་མཆིས་སོ། །དེ་ལྟར་ཆོས་སྤྱོད་གཏོར་མའི་རྣལ་འབྱོར་ལ་སོགས་པས་མཚོན་མདོར་ན་དགེ་བའི་ཕྱོགས་སུ་གཏོགས་སོ་ཅོག་ཐམས་ཅད་དམ་པ་གསུམ་གྱི་རྩིས་ཟིན་པ་ཁོ་ན་ཤིན་ཏུ་གཅེས་ཏེ། རྗེ་བཙུན་རིན་པོ་ཆེ་གྲགས་པ་རྒྱལ་མཚན་གྱི་ཞལ་སྔ་ནས། དམིགས་མེད་འཇིགས་དང་བྲལ་བའི་སྐྱབས་སུ་འགྲོ། །ཚད་མེད་དམིགས་ཡུལ་སྤངས་པའི་སེམས་བསྐྱེད་བྱ། །དེ་ཡི་ཆོས་ཉིད་རང་བཞིན་ནམ་མཁའ་འདྲ། །བསགས་པའི་མེད་པའི་དགེ་རྩ་བྱང་ཆུབ་བསྔོ། །ཞེས་གསུངས་པ་ལྟར། སྦྱོར་བ་ལམ་མིན་སོ་སྐྱེ་དང་། ལམ་གོལ་མུ་སྟེགས་པ་ལས་ལྡོག་ཅིང་། ཡང་དག་པའི་ལམ་གྱི་གཞི་རྟེན་སྐྱབས་སུ་འགྲོ་བ་དང་། ཐེག་དམན་ཉན་རང་གི་ལམ་ལས་ལྡོག་ཅིང་ཐེག་པ་ཆེན་པོའི་ལམ་གྱི་སྙིང་པོ་གཞན་ཕྱིར་བྱང་ཆུབ་ཏུ་སེམས་བསྐྱེད་པའོ། །དངོས་གཞི། མདོ་སྡེ་རྒྱན་ལས། སྦྱིན་པ་ལེན་པོ་གཏང་བྱ་གཏོང་པོས་སྟོང་། །ཞེས་སོགས་ཕར་ཕྱིན་དྲུག་ཀ་ལ་སྦྱར་བ་ལྟར། གཏོར་མ་ལྟ་བུ་ལ་མཚོན་ཀྱང་མཆོད་སྦྱིན་གྱི་ཡུལ་མགྲོན་རིགས་མཆོག་དམན་དང་། མཆོད་སྦྱིན་གྱི་རྫས་དངོས་འབྱོར་དང་ཡིད་སྤྲུལ་མཆོད་སྦྱིན་བྱེད་པ་པོ་རང་ཉིད་དང་བཅས་པའི་འཁོར་གསུམ་པོ་འཇིག་རྟེན་ཕལ་པས་སྟོན་མོ་སྟོབ་པ་ལྟ་བུའི་བདེན་འཛིན་རང་རྒྱུད་པས་སྟོང་པའི་ཞེན་མེད་སྒྱུ་མ་ལྟ་བུའི་ངང་ནས་བྱ་བ་དང་། རྗེས་སུ་དེ་ལྟར་བསགས་པའི་དགེ་བའི་རྩ་བ་ཐམས་ཅད་ཡུལ་ཆོས་ཀྱི་དབྱིངས་སུ། བྱེད་པ་པོ་རང་ཉིད་ཀྱིས། དགོས་ཆེད་འགྲོ་ཀུན་བྱང་ཆུབ་ཐོབ་པའི་ཕྱིར་དུ་འཁོར་གསུམ་གྱི་མཚན་མ་རྡུལ་ཙམ་མ་དམིགས་ཀྱང་། སྟོང་པ་དང་རྟེན་འབྱུང་འགལ་མེད་ཀྱི་ཚུལ་གྱིས་ཡོངས་སུ་བསྔོ་བས་རྒྱས་གདབ་པ་སྒྲ་ཇི་བཞིན་པའམ་དེ་ཙམ་བློར་མ་ཆུད་ཀྱང་། སྔོན་འཕགས་པ་འཇམ་དཔལ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་སོགས་པ་རྣམས་ཀྱིས་ཇི་ལྟར་འཁོར་གསུམ་ཡང་དག་གི་བསྔོ་བ་མཛད་པ་དེ་བཞིན་དུ་བདག་གིས་ཀྱང་བསྔོ་བར་བགྱིའོ་སྙམ་པའི་འདུན་པ་རྣམ་པར་དག་པ་དང་མ་བྲལ་བར་བྱ་སྟེ། བཟང་པོ་སྤྱོད་པར། འཇམ་དཔལ་དཔའ་བོས་ཇི་ལྟར་མཁྱེན་པ་དང་། །སོགས་དང་མཐུན་པའོ། །ལྔ་པ་ཕན་ཡོན་ནི། དེ་ལྟར་སྦྱོར་དངོས་རྗེས་གསུམ་ཚང་བའི་ཉམས་སུ་ལེན་པའི་ཚུལ་ཇི་ལྟ་བ་དང་རྗེས་སུ་མཐུན་པར་གཏོར་མའི་རྣལ་འབྱོར་ལ་བརྩོན་པས་གནས་སྐབས་དང་མཐར་ཐུག་ཏུ་ཕན་ཡོན་བཅུ་གསུམ་འབྱུང་སྟེ། དེ་ཡང་སྒྲུབ་པ་པོ་ཚེ་རིང་བ་དང་། བར་ཆད་སེལ་བ་དང་། མདངས་དང་ལྡན་པ་དང་། ནད་ཞི་བ་དང་། བསོད་ནམས་ཆེ་བ་དང་། ལོངས་སྤྱོད་འཕེལ་བ་དང་། སྦྱིན་པའི་མཐའ་རྫོགས་པ་དང་། བསམ་པའི་དོན་བདེ་བླག་ཏུ་གྲུབ་པ་དང་། གཟི་བརྗིད་དང་མཐུ་སྟོབས་ཆེ་བ་དང་། སྡིག་སྒྲིབ་འབྱོང་བ་དང་། མི་མ་ཡིན་དབང་དུ་འདུ་བ་དང་། གནས་སྐབས་ལྷ་མིའི་གོ་འཕང་ཐོབ་པ་དང་། མཐར་ཐུག་བླ་ན་མེད་པ་རྫོགས་པའི་སངས་རྒྱས་ཀྱི་སར་འགྲོ་བའོ། །ཞེས་གཏོར་མའི་རྣལ་འབྱོར་ལྕེ་སྒོམ་པའི་ཞལ་སྔ་ནས་གསུངས་ཤིང་། དེར་མ་ཟད་མདོ་རྒྱུད་བསྟན་བཅོས་དུ་མ་ནས་གསུངས་པའི་ལུང་མཐའ་ཡས་ལ། མདོར་ན། དངོས་པོ་གཏོང་བ་སྦྱིན་པ། གཙང་སྦྲ་དང་ལྡན་ཅིང་གནོད་འཚེ་སྤངས་པ་ཚུལ་ཁྲིམས། སྦྱོར་འཇུག་གི་དཀའ་བ་དང་དུ་ལེན་ནུས་པ་བཟོད་པ། གཏོང་བ་ལ་སྤྲོ་ཞིང་ལེ་ལོ་མེད་པ་བརྩོན་འགྲུས། དེའི་དུས་སེམས་གཞན་དུ་མི་གཡེང་བར་དམིགས་པ་ལ་རྩེ་གཅིག་ཏུ་སྡུད་པ་བསམ་གཏན། ཆོ་ག་སོགས་ནོར་འཁྲུལ་མེད་ཅིང་འཁོར་གསུམ་ཡང་དག་ཏུ་རྟོགས་པ་ཤེས་རབ་སྟེ་ཕ་རོལ་ཏུ་ཕྱིན་པ་དྲུག་ཀའི་ཉམས་ལེན་ཚང་བའི་ཕྱིར་ན་རྫོགས་པའི་བྱང་ཆུབ་སྒྲུབ་པའི་ལམ་གྱི་སྲོག་ཤིང་གཅིག་ཏུ་རིག་པར་བྱའོ། །དེ་ལྟར་ཆུ་གཏོར་བརྒྱ་རྩ་ཡན་ལག་དང་བཅས་པའི་སྐབས་སུ་སྔགས་དོན་སོགས་གོ་དཀའ་ཞིང་རྣམ་བཤད་གཞན་དུ་ཞལ་མི་གསལ་བ་རྣམས་ཅུང་ཟད་བཀྲལ་བ་སྟེ། གཞན་དུ་གང་དུ་གཏང་བའི་གནས། གང་གིས་གཏོང་པའི་སྒྲུབ་པ་པོ། དུས་ནམ་ཙམ་གཏོང་བ། དེའི་ཚེ་ཇི་ལྟར་འདུ་བར་བྱ་བའི་རྫས་དང་། སོ་སོའི་ཆོ་གའི་རིམ་པ་སྔགས་དང་ཕྱག་རྒྱ་དང་ཏིང་ངེ་འཛིན་ལ་སོགས་པས་མཚོན་པ་རྣམས་ནི་རྣམ་པར་བཤད་པ་དག་ལས་ཀྱང་གསལ་ཞིང་། ལྷག་པར་མཐོང་བ་བརྒྱུད་པའི་ཕྱག་ལེན་ཁོ་ན་གཙོ་བོར་བཟུང་དགོས་པའི་ཕྱིར་མ་བྲིས་ལ། ཁྱད་པར་ས་སྐྱ་པ་རང་གི་ལུགས་སྲོལ་ཐུན་མོང་མ་ཡིན་པ་དཀར་ཆ་བཞི་དང་། རྗེ་བཙུན་དམ་པ་སངས་རྒྱས་ཀྱིས་བཀྲལ་བའི་འབྱུང་བཞིའི་རྟེན་འབྲེལ་གྱི་གཏོར་མ་དང་། དབོན་སྟོད་སྐྱེར་སྒང་པ་ཆོས་ཀྱི་སེང་གེ་ལ་འཕགས་པ་ཐུགས་རྗེ་ཆེན་པོས་མངོན་སུམ་དུ་གནང་བ་དཀོར་སྒྲིབ་སྦྱོང་བའི་ཐབས་ཁྱད་པར་ཅན་བྲུལ་གཏོར་ཆ་ལྔ་དང་། དཔལ་ཆེན་རྒཱ་ལོས་མཛད་པའི་ཀླུ་གཏོར་སོགས་ཀྱི་སྐབས་རྣམས་སུའང་འཕྲོས་པར་འོས་པ་ཇི་སྙེད་ཅིག་ཡོད་མོད་ཀྱང་སྐབས་སུ་མ་བབ་པས་མ་སྨོས་སོ། །དེ་ལྟར་གཅིག་ཏུ་གཞན་དག་ལ། །ཕན་པའི་སེམས་ཀྱིས་ཀུན་བསླངས་ཏེ། །ཆོས་སྤྱོད་གཏོར་མའི་ཆོ་ག་ལས། །འཕྲོས་པའི་ཟིན་བྲིས་ཅུང་ཟད་སྤྲོས། །གང་གི་འབད་པ་ལས་ཐོབ་པའི། །དགེ་ཚོགས་ཀུནྡའི་འོད་ལྟ་བུས། །སྲིད་པའི་གདུང་བ་ཡོངས་བཅིལ་ཏེ། །ཞི་བའི་བཅུད་ལེན་འཇོ་གྱུར་ཅིག །སརྦ་དཱ་མངྒ་ལཾ།། །། ༈

[edit]

mchod sbyin gtor ma'i cho ga las 'phros pa'i zin bris/ mchod sbyin gtor ma'i cho ga las 'phros pa'i zin bris bzhugs/__na mo gu ra we/__byams pa'i bdud rtsi'i brlan chags shing /__/kun dga'i me tog 'dzum 'bar bas/__/bstan 'dzin 'chi med tshal mdzes pa'i/__/bla ma phyag na pad+mos skyongs/__/rdo rje'i rnal 'byor grub pa'i gzis/__/gnyis snang mun pa gtan bcom pas/__/'jam dpal ye shes sems dpa' dngos/__/rnam 'dren bzang pos dge legs stsol/__/'di na chos bzhin spyod pa'i rim/__/mchod sbyin gtor ma'i cho ga las/__/brtsams te legs bshad gtam gyi sgo/__/cung zad dbye bar dam bca'o/__/de yang rnam par 'dren pa sras dang slob mar bcas pa gang gis gshegs pa'i shul lam sngar grags pa'i phyi mo thos bsam dang bsod nams kyi tshogs la gtso bor spyod pa'i phyir tshogs lam slob pa'i sas bsdus pa chos spyod gtor ma'i rnal 'byor 'di la re zhig nye bar bsdu na rnam pa lnga ste/__ngo bo/__nges tshig__/dbye ba/__ji ltar lag tu blang ba'i tshul/__de'i 'bras bu'o/__/dang po ni/__'di ltar gzhi dus su kun rdzob dang don dam dbyer med pa'i tshul la rjes su dmigs pas/__lam dus su bsod nams dang ye shes kyi tshogs la gtso bor spyod pa'i mthus glo bur gyi sgrib gnyis rgyu dang bcas pa bsal te/__'bras bu sku gnyis kyi go 'phang la 'god pa'i thabs mkhas kyi khyad par bsam gyis mi khyab pa las gtso bor snga ma'i phyogs su gtogs pa'o/__/gnyis pa ni/__ba liM ta zhes pa ba la stobs byed pa'i byings don las drangs na zad mi shes pa'i 'dod dgu'i rol mos mchod pa dang /__sbyin par bya ba'i yul du gtogs pa'i mgron thams cad kyi spyod yul la zag pa med pa'i bde bas stobs skyed par byed pa'i phyir de skad du bya la/__gzhan du gsang sngags thun mong ma yin pa'i lugs su yi ge kha phral nas bde stong zung 'jug gi don du bshad pa sogs ni skabs 'dir mi 'brel zhing /__chags pa med pas gtor ba sogs ni bod skad kho na'i dbang du byas na rung gi legs par sbyar ba la sbyor du mi rung ngo /__/gsum pa ni/__rgyal ba thabs mkhas la thugs rje tshad med pa'i bdag nyid can des gdul bya rnams mngon mtho dang nges legs kyi go 'phang la dkri ba'i slad du tshogs gsog pa'i sgo mtha' yas pa zhig gsungs pa las/__skabs su babs pa 'di nyid kyang mdo rgyud thams cad nas lan gcig ma yin par bsngags shing /__bye brag tu kha 'bar ma'i gzungs sogs las dmigs kyis bsal ba ltar rgya gar 'phags pa'i yul du 'phags pa klu sgrub sogs dang /__bod du'ang rje btsun dam pa sangs rgyas/__dpal ldan a ti sha__/ba ri lo tsA ba rin chen grags sogs mkhas shing grub pa brnyes pa du mas phyag len gyis gtan la phab ste 'doms par mdzad pa'i tshul dang rjes su mthun par/__brgya rtsa dang /__chab gtor shAka thub ma dang /__'jam dpal ma dang /__'byung bzhi dang /__brul gtor dang /__klu gtor la sogs pa'i dbye ba mang du byung ba bzhin/__deng sang gi bar du sa dge jo zhal dwags shangs dang gsang sngags snga 'gyur ba sogs rang rang gi grub mtha' 'dzin pa rnams kyis kyang so so'i phyag len gyi khyad par cung zad tsam las thams cad kyis khyab mnyam du mdzad pa nyid do/__/bzhi pa ni/__de lta bu'i gtor ma'i rnal 'byor nyid ji ltar bya ba'i tshul dngos ni rang rang gi gzhung las 'byung ba dang /__gtor ma'i rnal 'byor lce sgom pa dang /__chos kyi rje blo gros rgyal mtshan dang /__rang lugs kyi rnam par bshad pa rta nag mkhan chen chos skyong rnam rgyal gyis mdzad pa sogs las shin tu gsal ba'i phyir ma bris shing /__de dag gi tshig zin la blo gros gsar bu dag dogs pa skye ba'i gnas rnams cung zad cig gsal bar bya ba la gsum ste/__sbyor/__dngos/__rjes kyi skabs las 'phros pa'o/__/dang po la'ang mchod pa'i yo byad la bgegs mi 'jug cing mtha' klas su spel ba'i phyir byin gyis brlabs pa dang /__dge sbyor gang byed kyang dam pa gsum gyi rtsis zin pa shin tu gces pa'i phyir dkon mchog gsum la skyabs su 'gro zhing sems bskyed pa dang /__mgron rnams dbang du bya ba'i phyir rang lhar bskyed cing bzlas pa bya ba dang /__tshogs bsags pa'i lam thams cad gcig tu bzlum pa'i slad mgron rnams spyan drangs shing yan lag bdun pa 'bul ba dang bcas pa ste lnga las/__dang po mchod pa byin rlabs kyi skabs su gzhan go sla zhing /__sngags don rnams cung zad 'grel na/__gsang ba'i sngags/__oM zhes pa sngags kyi mgo 'dren pa ste/__rdo rje rtse mo las/__oM ni ci zhig yin par bshad/__/mchog dang nor ster dpal dang g.yang /__/skal bzang rnam pa dang ldan pa/__/dam bca' ba dang bkra shis don/__/nor bu 'dzin pa'i snying po yin/__/ces so/__/badz+ra a mr-i ta kuN+Da lI/__rdo rje bdud rtsi 'khyil ba ste las kyi khro bo'i mtshan sngags/__ha na ha na/__snun snun te las la bskul ba/__hU~M phaT/__ces pa rgyud snga ma las/__hU~M zhes bya ba ci yin brjod/__/sdug bsngal 'chos shing 'joms par byed/__/srid pa'i zhags pa gcod byed cing /__/gdug pa bsngangs shing gsod byed pa/__/hU~M ni mchog tu dran par bya/__/yi ge phaT ni ci yin brjod/__/gdug dang sdug bsngal 'joms byed cing /__/bde ba dag ni 'gugs par byed/__/phaT ni 'joms byed sgra yin te/__/grogs dang bcas pa 'joms par byed/__/ces so/__/sbyong ba'i sngags/__oM ni sngar smos zin pa ltar dang /__swa b+hA wa/__rang bzhin/__shud+d+haH__dag pa rnams/__sarba d+harmAH__chos thams cad/__swa b+hA wa/__rang bzhin/__shud+d+ho \u0f85haM/__dag pa ba'o/__/zhes par 'gyur te chos thams cad gzod nas dag pa'i bdag nyid la nges shes brtan pos dngos por 'dzin pa thams cad sbyong ba'i don no/__/nyer spyod bdun gyi sngags/__ar+g+haM/__mchod yon te sbrang rtsi dang ka ra la sogs pa sbyar ba mngar ba'i chu'o/__/pA d+yaM zhabs bsil te 'dag chal gyis bsgos pa'i chu ste zhabs bkru pa'i yo byad do/__/puSh+pe/__me tog ma ste chu skyes dang thang skyes la sogs pa 'dzin pa'i mchod pa'i lha mo'o/__/d+hU pe/__bdug spos ma ste lhan skyes dang sbyar byung gi dri zhim po thogs pa ma'o/__/A lo ke/__snang gsal ma ste rang byung dang bcos ma'i snang byed kyi tshogs 'dzin pa'o/__/gan+d+he/__dri chab ma ste gur gum dang /__ga bur dang /__tsan+dan la sogs pa bsil zhing dri bzang dang ldan pa'i sman btab pa'i dri'i chab thogs pa'o/__/nai wi d+yA/__zhal zas ma ste ro brgya dang ldan pa'i bshos gtsang sogs bza' btung gi rigs mtha' klas pa stob pa'o/__/shap+da/__rol mo ste 'bud dkrol rgyud gsum gyis bsdus pa'i rol mo'i tshogs rnams so/__/de dag gi thog mar badz+ra sbyar ba ni rdo rje ste/__de lta bu'i mchod pa thams cad kyang 'jig rten gyi rdzas phal pa'i rnam pa las 'das pa ye shes kyi spyod yul 'ba' zhig tu byin gyis brlab pa'i phyir ro/__/thog mthar oM AHhU~M zhes sbyar ba ni/__oM gyis ma dag pa'i dngos po thams cad sbyang ba dang /__AHyis dag pa'i dngos po de'ang mkha' khyab tu spel ba dang /__hU~M gis ji ltar spel ba de yang mgron so so'i thugs la gang bzhed de ngor 'char ba'i 'dod dgu'i sprin du bsgyur ba'o/__/gzhan yang rnam par bshad pa mang du yod mod kyi re zhig de tsam mo/__/mchod pa'i sprin gyi gzungs las/__oM sngags kyi mgo 'dren pa/__badz+ra d+harmA ra Na rgyun chags pa'i byings las i Ta dang k+ta byin pas grub ra Ni ta/__rdo rje'i chos rgyun chags pa/__pra ra Ni ta/__rab tu rgyun chags pa/__saM pra ra Ni ta/__yang dag par rab tu rgyun chags pa/__sarba bud+d+ha k+She tra/__sangs rgyas thams cad kyi zhing /__pra tsa li te/__rab tu khyab par byed pa/__pra dz+nyA pA ra mi ta/__shes rab kyi pha rol tu phyin pa/__nA da saM b+hA we/__sgra yi 'byung gnas ma/__badz+ra satwa/__rdo rje sems dpa'/__hr-i da ya/__snying po/__san+toSha Ni/__dgyes pa dam pa/__hU~M hU~M hU~M/__ho ho ho/__bde bar gshegs pa rigs drug gi de kho na nyid kyi ye shes chen po mtshon par byed pa/__aHkhaM swA hA/__nam mkhar khyab pa'i gzhi tshugs so/__/zhes pa ste de rnams kyi don yang cung zad bkral nus mod kyi yi ges 'jigs pas ma bris so/__/gnyis pa chos thams cad kyi gzhi rten skyabs su 'gro ba ni/__yul bla ma dang dkon mchog gsum la/__byed po rang gis byang drangs pa'i sems can thams cad/__dus 'di nas byang chub snying po'i bar du dgos ched 'khor ba'i sdug bsngal rgyu dang bcas pa las bsgral ba'i phyir du skyabs su gsol ba'o/__/gsum pa theg pa chen po'i chos kyi rtsa ba byang chub mchog tu sems bskyed pa ni nam mkha' la mtha' med pa bzhin sems can la mtha' med/__mtha' med pa'i sems can thams cad rang gi pha mar ma gyur pa gcig kyang med cing /__pha ma byas res bzhin da lta'i pha ma ltar gnod pa las bskyangs shing phan pas bskyangs pa'i drin chen sha stag yin la/__de thams cad rnam grol gtan gyi bde ba la 'god pa'i phyir du bdag gis rdzogs pa'i sangs rgyas kyi go 'phang rin po che thob par bya/__de'i ched du tshogs gsog pa'i sgo khyad par can chos spyod gtor ma'i rnal 'byor nyams su blang bar bgyi'o/__/snyam pa'i ngang nas sems bskyed pa dngos dang smon pa'i bslab bya'i gtso bo tshad med bzhi bsgom pa dag bya'o/__/bzhi pa rang nyid lhag pa'i lhar bskyed pa ni/__swa b+hA bas chos thams cad gzod nas stong pa'i don la mnyam par bzhag pa'i ngang /__de las skad cig gis phung khams skye mched thams cad 'phags pa thugs rje chen po'i skur yan lag bzhi rdzogs kyis bskyed pa ste/__de yang thabs shes gnyis su med pa mtshon pa'i pad nyi zla ba'i gdan gyi steng du thugs srog hrIHdkar po yongs su gyur pa las dam tshig pa rdzogs par gsal 'debs pa bsnyen pa/__sgo gsum sku gsung thugs ye shes rdo rjes rgyas gdab pa nyer sgrub/__ye shes pa spyan drangs te bcug pa sgrub pa/__dbang bskur bsgrub chen no/__/de rnams kyi skabs su sngags don cung zad 'brel na/__oM badz+ra sa mA dzaH__rdo rje bsdu ba/__dzaHhU~M ba~M hoH__'gugs 'ching bsdams shing dgyes pa bskyed pa/__oM sarba ta thA ga ta a b+hi Shi Sh+tsa tu mAM/__de bzhin gshegs pa thams cad kyis bdag la mngon par dbang bskur ba stsal du gsol/__/zhes pa ste rang gis dbang lha la dbang bskur bar gsol ba gdab pa/__oM badz+rI b+ha ba a b+hi Shiny+tsa hU~M/__/rdo rje can gyi ngo bor dbang bskur ro/__/zhes pa ste dbang lha rnams kyis de skad gsungs nas dbang bskur ba'i tshig go/__/de ltar bskyed grub zin nas lha nyer bar bsnyen pas thugs rgyud bskul ba'i bzlas pa bya zhing 'dod don gsol ba ni go sla la/__oM ma Ni pad+me hU~M/__zhes pa'i don/__oM kye nor bu pad+ma hU~M/__/zhes 'phags pa'i phyag mtshan las brtsams te mtshan nas bod pa'i sngags yin la/__gzhan du rnam par bshad pa mtha' klas par spro bar bya bar yod do/__/lnga pa mgron rnams spyan drangs shing yan lag bdun pa dbul pa la spyan drangs pa'i tshig don ni go sla zhing /__oM pad+ma ka ma lA ya s+t+waM/__khyod kyi pad+ma'i ched du pad+ma zhes pa ste/__don ni khyod kyi zhabs pad kyi ched du pad+ma'i gdan dbul bar bgyi'o/__/zhes so/__/yan lag bdun pa ni/__'di ltar yul gyi yon tan tshad med pa rjes su dran pa'i dad pas bskul te rang lus zhing gi rdul phra rab tu sprul nas sgo gsum gus pa'i bsnyen bkur bgyid pa nga rgyal gyi gnyen po phyag 'tshal ba'i yan lag__/rang gzhan gyi lus longs spyod dge tshogs rgya mtsho dang bcas pas mtshon bla na yod med kyi mchod pa'i sprin phung rnam pa nam mkha'i mtha' dang mnyam pa/__ngo bo bzang zhing dge ba/__dus 'khor ba srid du rgyun mi chad par 'byung bar sprul te phul ba 'dod chags kyi gnyen por mchod pa'i yan lag__/bdag dang 'gro ba kun gyis bcas pa dang rang bzhin gyi nyams pa'i sdig ltung sngar byas pa thams cad la dug 'thung ba lta bu'i 'gyod sems dang /__phyin chad srog la bab kyang mi byed snyam pa'i sdom sems kyis mthol zhing 'chags pa zhe sdang gi gnyen por bshags pa'i yan lag__/'phags dang so skye'i rgyud kyis bsdus pa'i zag bcas dang zag med kyi dge ba'i rtsa ba thams cad la yang nas yang du dga' ba bsgom pa phrag dog gi gnyen po rjes su yi rang ba'i yan lag__/phyogs bcu'i 'jig rten gyi khams na bzhugs pa'i bde bar gshegs pa sras dang bcas par sems can thams cad lam dang lam gyi 'bras bu la bkri ba'i slad du khams dbang bsam pa'i rim pa dang mthun par zab cing rgya che ba'i chos ston par gsol ba gdab pa gti mug gi gnyen por chos kyi 'khor lo bskor bar bskul ba'i yan lag__/gang zhig gdul bya rtag 'dzin can rnams kyi snang ngor rnam par 'dren pa'i tshogs zhi ba'i dbyings su snyoms par zhugs pa la dgyes pa rnams ni 'khor ba ji srid du bzhugs par gsol ba 'debs pa log lta'i gnyen por mya ngan las mi 'da' bar gsol ba gdab pa'i yan lag__/de ltar bsod nams kyi tshogs su gyur pa de rnams kyis mtshon te/__bdag gzhan gyi dus gsum du bsags pa'i dge ba'i rtsa ba thams cad sems can gyi don du bla na med pa'i byang chub chen por yongs su bsngo ba ni the tshom gyi gnyen por bsngo ba'i yan lag ste/__de rnams kyi tshig phal cher ni go sla zhing rgyas par bshad du ga la langs te gzhung 'grel gzhan du shes rab kyi mig sgrub par byos shig__/gnyis pa dngos gzhi la/__dzam ser nag dang /__brgya rtsa dngos dang /__zhar byung du dbyu gu drug cu rtsa bzhi dang /__yi dwags kyi ched du chu sbyin pa ste bzhi las/__dang po'i skabs su sngags don 'ga' zhig cung zad 'grel na/__dzaM b+ha la zhes pa ni dzaM b+ha lus rnam par nyams pa dang /__la 'dzin pa'i byings don las bsgrubs pa ste/__lo tsA ba snga ma rnams kyis sgra bsdus te rmugs 'dzin ces par bsgyur/__don du rtol ma'i so can ces pa ste/__'di'i tshems de ltar yod pas so/__/bi dza pU ra ka ni sa bon gyis gang ba can zhes pa ste shing tog ser po snyim pa kha sbyar tsam pa ro bcud phun sum tshogs pa zhig go/__/b+h+rU~M A+oM dz+rI~M khA~M hU~M zhes pa ni rim par/__me long /__mnyam nyid/__sor rtog__/bya grub/__chos dbyings ye shes kyi sa bon no/__/oM dzaM b+ha la dza len+d+rA ye swA hA/__zhes pa ni rmugs 'dzin chu'i dbang po'i ched du gzhi tshugs/__AR+Ya dzam+b+ha la ba liM ta kha kha khA hi khA hi/__zhes pa ni/__'phags pa rmugs 'dzin gtor ma zo zo/__zo zhig__/zo zhig__/ces pa'o/__/sa pa ri wA ra ni 'khor dang bcas pa'o/__/oM in+d+rA ni mu kha~M b+h+ra ma ri swA hA/__zhes pa ni/__dbang po g.yo ba'i zhal can la gzhi tshugs/__zhes pa ste mgrin pa'i me'i 'khor lo brjod pa'o/__/dzam+luM ni dzaM b+ha la'i sgra bsdus pa ste snying po'o/__/na mo rat+na tra yA ya/__dkon mchog gsum la phyag 'tshal lo/__/na mo ma Ni b+ha drA ya/__nor bu bzang po la phyag 'tshal lo/__/ma hA yak+Sha se nA pa ta ye/__gnod sbyin gyi sde dpon chen po'i ched du/__tad+yathA/__'di lta ste/__oM dzam+b+ha la dza len+d+rA ya swA hA ni sngar ltar ro/__/dzaM b+ha la sid+d+hi pha la hoH__rmugs 'dzin dngos grub 'bras bus tshim par mdzod cig__/ces pa'o/__/'di'i cho ga'i 'gros ni gnyis ka mthun par yan lag bzhi rdzogs su bskyed cing /__gtor ma 'bul ba dang /__nyer spyod kyis mchod cing bstod nas gsol ba gdab pa dang /__thun mong du dngos grub blangs shing gsol ba gdab pas bsdus pa'o/__/'di gnyis la dmigs kyis bkar te 'bul ba'i don ci zhe na/__sngon bcom ldan 'das la lhas byin gyis sgyogs 'phangs pa'i tshe dzaM b+ha las bsgribs pas rdo'i tshal bu spyi bor phog pas rma byung ba la de'i zug rngu zhi slad rjes 'jug rnams kyis kyang chu sbyin par byas na nor gyi dngos grub ster bar bshad pa dang /__gcig shos kyang 'phags pas dbul po'i don du mgrin par me'i 'khor lo dang ldan par sprul pas de'i tshe dpal zhi slad chu phul na dbyig gi char 'bebs par gsungs pa ste/__thugs rje chen po pad+ma drwa ba'i rgyud las/__dzaM b+ha la ni chu yis mchod/__/yi dwags rnams kyang chus tshim bya/__/zhes sogs khungs mang zhing thun mong ma yin pa'i rgyud sde rnams las kyang bstan to/__/gnyis pa brgya rtsa dngos la/__spyir mgron rigs thams cad bsdu na/__mchod yul dang /__sbyin yul gnyis su 'du zhing /__de yang snga ma bzhi ni mchod yul dang /__lhag ma ni sbyin yul lo/__/de las cung zad spros na bzhi ste/__dkon mchog sri zhu'i mgron/__mgon po yon tan gyi mgron dang /__bgegs rigs lan chags kyi mgron dang /__rigs drug snying rje'i mgron no/__/de las phye na/__dang po la mgron tshan gcig__/gnyis pa la gsum/__gsum pa la bzhi/__bzhi pa la bzhi ste bcu gnyis las/__spyi'i sngags don/__na ma su/__phyag 'tshal lo/__/sarba ta thA ga ta/__de bzhin gshegs pa thams cad/__a wa lo ki te/__kun tu gzigs pa ma/__oM saM b+ha ra saM b+ha ra hU~M/__oM yang dag par rgyas par gyur cig__/yang dag par rgyas par gyur cig hU~M/__zhes pa ste/__don ni/__de bzhin gshegs pa thams cad gzigs pa la phyag 'tshal ba sngon du 'gro ba'i bden stobs kyis mchod pa'i sprin phung mchog tu dag pa mgron so so'i spyan lam du gang bzhed de de'i ngor 'char ba'i 'dod pa'i yon tan rnam pa thams cad pa'i rang bzhin du dus 'dir rgyas shing /__dus gzhan thams cad du'ang rgyas par gyur cig ces pa ste/__de las gzhan pa'i 'grel tshul phal cher ni blun po'i gtam du nges pa rnyed la/__saM b+ha ra zhes pa'ang nyer bsgyur saM sngon ma'i b+hr-inyaX 'gebs pa la pany+tsa ma'i hi phyis pa sogs kyis bsgrubs pas smon tshig tu bsgyur ba kho na 'thad dam rtogs so/__/'dod pa'i yon tan lnga sogs la'ang shin tu rgyas par bshad du yod kyang blo dman rnams kyis bsgoms don la 'byor pa dka' zhing /__/de las gzhan bdag gis ni mkhyen sla ba'i phyir smra ba mang po la 'dzems so/__/bye brag mgron tshan dang po'i skabs/__rtsa ba ni rang la dbang bskur rgyud bshad man ngag gnang ba'i bla ma dngos dang brgyud pa ni yang dag par rdzogs pa'i sangs rgyas nas bzung ste de nyid kyi bar ro/__/yi dam ni 'dod pa'i dngos grub ster bar byed pa la sogs don tshan drug gi sgo nas lhar 'jog pa rnams te/__ngo bo ni rgyud sde bzhis bsdus pa'i dkyil 'khor gyi lha'o/__/sangs rgyas dkon mchog ni rang don du spangs pa chos kyi sku dang /__gzhan don du rtogs pa gzugs kyi sku brnyes pas phun sum tshogs pa'i yon tan drug dang ldan pa ste/__mtshan gzhi ni dus gsum gyi sangs rgyas la sogs pa'o/__/chos dkon mchog ni/__'gog bden rtogs pa'i chos dang /__lam bden lung gi chos zag med kyi yon tan drug dang ldan pa ste/__snga ma'i mtshan gzhi ni dran pa nye bar bzhag pa bzhi sogs dang /__phyi ma'i mtshan gzhi ni gsung rab yan lag bcu gnyis la sogs pa rnams so/__/dge 'dun dkon mchog ni/__dam pa'i don gyi gnas lugs mngon sum du rig pa dang /__spang bya nyon mongs pa'i yul las grol ba'i yon tan drug ldan te/__mtshan gzhi ni/__theg chen gyi skabs su nye ba'i sras brgyad dang /__theg dman gyi skabs su gang zag mchog brgyad la sogs pa'o/__/mgron tshan gnyis pa'i skabs su gzhan lam tsam go sla la/__dpal mgon bdun cu rtsa lnga'i grangs nges cung zad tsam phye na/__lha chen po brgyad ni/__shar du dbang phyug chen po/__lhor lha'i dbang po/__nub tu tshangs pa/__byang du khyab 'jug__/shar lhor 'dod pa'i rgyal po/__lho nub tu tshogs kyi bdag po/__nub byang b+hr-id+gi rI TI ste dbang phyug gi 'khor rab tu 'joms byed kyi nang tshan du gtogs pa/__byang shar du gzhon nu kArti ka ste dbang phyug gi bu chung ba gzhon nu gdong drug ste lha'i dmag dpon rnams so/__/klu chen po brgyad 16ni/__shar du nor rgyas dkar po ut+pal sngon pos mtshan pa/__lhor pad+ma dkar po dbu la thig le gsum gyis mtshan pa/__nub tu karko Ta sngon po mgrin par ri mo gsum gyis mtshan pa/__byang du 'jog po dmar po dpal be'us mtshan pa/__shar lhor dung skyong ser po thig les mtshan pa/__lho nub tu rigs ldan dkar po zla phyed gdengs kas mtshan pa/__nub byang du mtha' yas sna tshogs mdog ste rma bya'i mgrin pa lta bu'i pad+mas mtshan pa/__byang shar du pad+ma chen po dkar po rtse gsum gyis mtshan pa ste/__'di'i gnas tshul ni spyir btang gi dbang du byas kyi 'chad tshul gzhan yang yod do/__/phyogs skyong 26bcu ni/__shar du brgya byin/__chung ba/__lhor gshin rje/__nub tu chu bdag__/byang du gnod sbyin/__shar lhor me lha/__lho nub tu srin po/__nub byang du rlung lha/__byang shar du dbang ldan te dbang phyug chen po chung ba'o/__/steng du tshangs pa chung ba dang /__'og tu sa yi lha mo rnams so/__/rgyal po chen po sde bzhi ni/__shar phyogs dri za'i rgyal po yul 'khor srung /__lho phyogs grul bum gyi rgyal po 'phags skyes po/__nub phyogs klu'i rgyal po spyan mi bzang /__byang phyogs gnod sbyin gyi rgyal po rnam mang thos sras rnams so/__/gza' chen po brgyad ni/__nyi ma/__zla ba/__mig dmar/__lhag pa/__phur bu/__pa wa sangs/__spen pa/__sgra gcan te brgyad la bya zhing /__so so'i kha dog dang mtshan ma sogs ni rgyud sde so so dang dkar rtsis kyi gzhung sogs su tha dad pa 'byung pa'i phyir ma smos so/__/rgyu skar nyer 66brgyad ni/__smin drug snar ma mgo lag dang /__/nabs so rgyal te shar skar bdun/__/mchu gre dbo dang me bzhi nag__/sa ri sa ga byang skar bdun/__/lha mtshams snon snrubs chu stod smad/__/gro bzhin byi bzhin nub skar bdun/__/mon gre mon gru khrums stod smad/__/nam gru tha skar bra nye la/__/lho skar bdun te nyer brgyad do/__/'jigs byed chen po dgu ni/__shang du dbang phyug 'jigs byed/__lhor brgya byin 'jigs byed/__nub tu ku be ra ste lus ngan 'jigs byed/__byang du ye shes 'jigs byed/__shar lhor khyab 'jug 'jigs byed/__lho nub tu srin po 'jigs byed/__nub byang du kA la ste nag po 'jigs byed/__byang shar du tshogs bdag 'jigs byed/__steng du tshangs pa 'jigs byed de/__de dag shin tu khros pa'i gzugs 'chang ba nyid du blta'o/__/de ltar bsdoms pas bdun cu rtsa lnga po gang yin pa ni gtsang ris kyi mgon po bdun cu rtsa lnga zhes bya ste dkar phyogs skyong ba'i chos srung thams cad kyi gtso bo lta bur shes par bya'o/__/mgron tshan gsum pa'i skabs/__rig pa ni mig sman dang sngags dang bcud kyis len pa la sogs pa ste de 'dzin pas thun mong gi grub pa'i yon tan la dbang 'byor pa 'dod pa dang gzugs na spyod pa'i sas bsdus pa rnams so/__/dge sbyong ni shra ma Na ste yang dag par blangs pa'i dka' thub kyis ngal bar byas pa rnams la bya'o/__/bram ze ni mi rigs bzhi'i bye brag ste/__mchod sbyin dang /__srid srungs dang /__snyan tshig__/nges brjod/__de rig byed bzhi'i chos lugs 'dzin pas gnas skabs su gzhan la phan pa sgrub pa'i brtul zhugs can dag go/__/drang srong ni r-i Shi zhes pa'i sgra las drangs na ye shes sam 'khor ba'i pha rol tu 'gro bar byed pa ste/__de dag gi ngang tshul kyang /__rig sngags kyi rgyal mo rma bya chen mor/__kun dga' bo drang srong rnying pa brtul zhugs grub pa rig sngags grub pa/__grags pa 'bar ba/__klung dang ri la gnas pa/__dmod pa'i mtshon can/__dka' thub drags pa/__rdzu 'phrul dang ldan pa/__mngon par shes pa lnga dang ldan pa/__nam mkha' la 'gro ba de dag gi ming brjod kyi khyod kyis zungs shig__/'di lta ste/__drang srong chen po rgyas pa zhes bya ba dang /__drang srong chen po g.yon phyogs pa zhes bya ba dang /__zhes sogs mang du 'byung ba bzhin/__'di dag gi mtshan gzhi ni mis byin la sogs pa lha'i drang srong dang /__rgyun shes la sogs pa rgyal po'i drang srong dang /__'od srung la sogs pa bram ze'i drang srong rnams la bya zhing /__mngon par shes pa lnga'ang /__rdzu 'phrul lha yi rna ba dang /__/gzhan sems shes dang sngon gnas dran/__/lha yi mig ste mngon par shes/__/lnga po thun mong nyid du dran/__/ces 'byung ngo /__/mgron tshan bzhi pa'i skabs su/__lhan cig skyes pa'i lha ni 'tsho ba'i lha/__/srung ba'i lha/__skyob pa'i lha/__'go ba'i lha/__'grogs pa'i lha lnga'o/__/rnam thos sras ni drang srong rnam mang thos pa'i bu ste drang don du byang phyogs gnod sbyin gyi dbang por gnas shing /__nges don du sa brgyad pa'i byang chub sems dpar bshad do/__/nor rgyun ma ni 'di la gsol ba btab pa tsam gyis dbyig gi char 'bebs par byed pa'i 'phags ma'o/__/tshogs kyi bdag po ni dbang phyug chen po'i bu che ba ste glang po'i gdong pa can no/__/mgron tshan lnga pa nas mar mgron du gtogs phyir/__mtshan bzhi sngon du 'gro dgos te/__de la de bzhin gshegs pa rin chen mang ni shAkya thub pa ste de la phyag 'tshal bas mgron rnams kyi ser sna'i las bcom zhing longs spyod phun sum tshogs pa thob pa dang /__gzugs mdzes dam pa ni spyan ras gzigs te de la phyag 'tshal bas gzugs ngan pa thams cad spangs nas phun sum tshogs pa'i gzugs dang ldan par 'gyur ba dang /__sku 'byams klas ni 'phags pa 'jam dpal te/__de la phyag 'tshal bas nad dang sdug bsngal kun bcom nas zas kyi ro bro ba mchog tu 'gyur ba dang /__'jigs pa dang bral ba ni phyag na rdo rje ste/__de la phyag 'tshal bas phan tshun brdeg 'tshog la sogs pa'i 'jigs pa kun dang bral nas gnod 'tshe thams cad zhi bar byed ba'o/__/'di dag gi ngos 'dzin tshul 'dra min gzhan yang snang na'ang 'dir yongs su grags pa ltar bris pa'o/__/bye brag mngon tshan gyi ngos 'dzin la/__rdo rje gdan ni rnam par 'dren pa thams cad byang chub kyi snying po mngon du mdzad pa'i gnas te/__de ni 'dzam bu br-ik+Shas mtshan pa'i lho phyogs kyi gling 'di'i lte ba'o/__/des gtso bor byas pa'i shar na rje btsun 'jam dpal dbyangs kyi zhing khams ri bo rtse lnga/__lho na dpal ldan 'bras spungs kyi mchod rten/__nub na o rgyan mkha' 'gro'i gling /__byang na rigs ldan sprul pa'i pho brang sham+b+ha la sogs so/__/bod khams ni yul drug gi nang tshan gangs can gyi ljongs te/__de'i gzhi bdag gi gtso bo brtan ma bcu gnyis la rigs bsdu na gsum ste/__dang po bdud mo bzhi ni/__byang gnam mtsho na rdo rje kun grags ma/__lho bod lha ri'am la stod na rdo rje g.ya' ma skyong /__la phyi gangs kyi ra ba'am gnod sbyin gangs la rdo rje kun bzang ma/__yar 'brog sgang gi mtsho na rdo rje bgegs kyi gtso mo'o/__/gnod sbyin mo bzhi ni/__lha phu gangs kyi ri la rdo rje spyan gcig ma/__gtsang dbus ru mtshams jo mo kha rag na rdo rje khyung btsun ma/__byang stod dang dmar mtsho na rdo rje mkha' sding klu mo/__rma chen spom ra na rdo rje drag mo rgyal rnams so/__/sman mo bzhi ni/__kong yul bre sna na kong btsun de mo rdo rje bod khams skyong /__gnyal dang lo ror btsan la rol pa'i rdo rje sman gcig ma/__gtsang stod jo mo nags rgyal na rdo rje g.yar mo bsil/__mon sha 'ug stag sgo'am/__mdo khams g.yu ri'i gnas na rdo rje g.yu sgron ma rnams so/__/'di dag gi gnas dang mtshan gyi rnam grangs la gter gzhung so sor mi 'dra ba sna tshogs 'byung yang ngo bo gcig par sems so/__/gzhan yang bod kyi ljongs 'dir yul gyi bye brag ji ltar yod ce na/__pu rang /__mang yul/__zangs dkar gsum skor gcig__/li/__bru sha__/sbal te skor gcig__/zhang zhung /__khri sde stod smad bar gsum skor gcig ste de rnams la stod mnga' ris skor gsum rdzing dang 'dra ba zhes bya'o/__/dbus na dbu ru dang g.yo ru/__gtsang na g.yas ru dang ru lag gnyis te bar dbus gtsang ru bzhi yur ba dang 'dra ba/__rngul rdza zal mo sgang /__tsha ba sgang /__smar khams sgang /__spo 'bor sgang /__dmar rdza sgang /__mi nyag ra ba sgang ste smad mdo khams sgang drug zhing sa dang 'dra ba'i tha snyad byed pa rnams so/__/mgron tshan drug pa'i skabs/__gnod sbyin gyi sde dpon chen po gang ba bzang po dang /__nor bu bzang po dang /__sogs khong nas dzaM b+ha la dang /__ku be ra dang /__yang dag shes dang /__'brog gnas/__lngas rtsen/__pi tsi kuN+Da lI ste rta bdag brgyad la sogs pa'o/__/phyogs mtshams srung par byed pa'i gnod sbyin nyi shu rtsa brgyad ni/__rig sngags kyi rgyal mo rma bya chen mo las byung pa ltar na/__shar du ring po dang /__mig bzang dang /__gang po dang /__ser skya ste bzhi/__lhor seng ge dang /__nye ba'i seng ge dang /__dung can dang /__dga' bo ste bzhi/__nub tu seng ge dang /__seng ge'i ral pa dang /__bla ma dang /__ser skya ste bzhi/__byang du 'dzin pa dang /__'dzin dga' dang /__brtson skyong dang /__khyab 'jug ste bzhi/__phyogs mtshams su/__lnga spyod dang /__tshigs lnga ser po dang /__ri mnyam dang /__gser can te bzhi/__sa la sa pa dang /__shin tu sangs dang /__nag po dang /__nye nag ste bzhi/__bar snang la nyi ma dang zla ba dang /__me dang /__rlung ste bzhir bgrangs so/__/gnod sbyin mthu bo che sum cu rtsa gnyis kyang /__snga ma las/__kun dga' bo khyod kyis rnam thos kyi bu'i chos kyi spun gang dag sems can rnams srung zhing yongs su skyong bar byed pa/__'jig rten na yams kyi nad dang gnod pa dang 'khrugs pa med par byed pa/__'jig rten na phan par byed pa/__'jig rten na rgyu ba rnams kyi ming zungs shig__/'di lta ste/__dbang po dang /__zla ba dang /__chu lha dang /__skye rgu'i bdag po dang /__b+ha ra d+h+wa dza dang /__dbang ldan dang /__tsan+dan dang /__'dod pa'i gtso bo dang /__mgrin ngan dang /__mgul ngan dang /__sa Ti dang /__nor bu dang /__nor bu spyod dang /__sgra rab dang /__nye lnga po dang /__ri mnyam dang /__gser can dang /__gang po dang /__seng ldeng dang /__g.yon can dang /__mgrin ngan dang /__ba lang skyong dang /__'brog gnas dang /__mi'i rgyal po dang /__rgyal ba'i khyu mchog dang /__tshig lnga ser po dang /__bzhin bzang dang /__gnod sbyin ring po 'khor dang bcas pa dang /__dri za sna tshogs sde dang /__'bras bu gsum pa dang /__mgul gsum pa dang /__lcags mdung 32ring po dar ldan pa ste gnod sbyin chen po rnams so/__/zhes 'byung ngo /__/'phrog ma ni gnod sbyin ma gcig la bu lnga brgya yod pa mthu rtsal shin tu che bas nyin bzhin du 'dzam bu gling pa'i sems can mang po'i srog la 'tshe ba can te/__de nyid bcom ldan 'das kyis thabs la mkhas pa'i sgo nas btul zhing gzhan la mi 'tshe ba'i dam bca' 'dzin du gzhug pa dang /__slad nas rjes 'jug thams cad kyis chang bu sbyin par gsungs pa sogs 'dul ba las kyang rgya cher 'byung zhing /__rig sngags kyi rgyal mo bsil ba'i tshal chen po'i mdo las kyang /__'phrog ma ces bya'i gnod sbyin mo/__/'jigs par bgyid pa stobs chen mo/__/de yi bu ni lnga brgya rnams/__/'jigs bgyid gnod sbyin mthu rtsal can/__/ces sogs gsungs so/__/mgron tshan bdun pa'i skabs/__bgegs rigs stong phrag brgyad cu ni/__paN+Di ta lo ka nA tha'i bzhed pa 'gos lo thams cad mkhyen pa gzhon nu dpal gyis/__phrag dog dang de'i rtsa ba 'dod chags las skyes pa'i mo gdon lhan skyes stobs chen/__90_stobs chung /__90_kun brtags stobs chen/__900_stobs chung /__90_ste bsdoms pas/__360_nga rgyal dang de'i 'bras bu zhe sdang las skyes pa'i pho gdon lhan skyes stobs che chung bsdoms pas/__180_kun brtags stobs che chung /__180_ste/__360_gti mug las skyes pa'i ma ning ngam klu gdon lhan skyes stobs che chung /__180_kun brtags stobs che chung /__180__ste/__360_de ltar rtsa ba'i nyon mongs pa lnga las skyes pa'i pho mo ma ning gi gdon nam bgegs kyi rigs re zhig stong phrag gcig dang brgyad cu ste gzhan du na bsam gyi mi khyab par blta'o/__/byis pa'i gdon chen bco lnga ni/__'jam pa po/__ri dwags rgyal po/__skems byed/__rjed byed/__khu tshur can/__ma mo/__dza li ka__/'dod pa can/__nam gru/__srul po/__ma dga' byed/__bya/__gnya' lag can/__bzhin rgyas/__mig 'phyang ste gtso bor skyes ma thag pa nas lo bco lnga'i bar du gnod par byed pa ba glang la sogs pa'i gzugs 'dzin pa rnams so/__/mgron tshan brgyad pa'i skabs/__'gro ba rigs drug ni/__dmyal ba yi dwags dud 'gro ste ngan song dang /__lha lha min mi ste mtho ris gsum ste drug go/__/lam rgyud lnga ni/__dmyal ba gdung ba'i lam/__yi dwags 'gog pa'i lam/__dud 'gro mun pa'i lam/__mi 'dod pa'i lam/__lha g.yeng ba'i lam ste 'di'i skabs su lha min ni stod ris lha dang /__smad ris dud 'gror bsdu'o/__/skye gnas rnam pa bzhi ni/__sgong skyes/__mngal skyes/__drod gsher skyes/__brdzus skyes te bzhi'o/__/de dag kyang gang zhe na/__slob dpon klu'i blos 'di skad du 'chad de/__sgo nga las skyes pa gang zhe na/__sems can gang sgo nga las skye bar 'gyur ba'o/__/de dag gang zhe na/__ngang pa dang /__khrung khrung dang /__rma bya dang /__sha ri ka la sogs pa'o/__/mngal nas skyes pa gang zhe na/__sems can mngal nas skyes pa ste/__de dag kyang gang zhe na/__rta dang /__ba lang dang /__ma he dang /__bong bu dang /__phag dang /__mi la sogs pa'o/__/drod gsher las skyes pa gang zhe na/__sems can gang dag drod las skyes pa ste/__de dag kyang gang zhe na/__srin bu dang /__phye ma leb dang /__mchu sbrang la sogs pa'o/__/brdzus te skyes pa gang zhe na/__sems can gang dag dbang po ma tshang ba med cing /__ma rdzogs pa med pa yan lag dang nying lag thams cad dang ldan pa gcig car skyes pa ste/__de dag kyang gang zhe na/__lha dang /__dmyal ba dang /__yi dwags dang /__srid pa bar ma dang /__bskal pa dang po'i mi la sogs pa'o/__/zhes shin tu gsal bar bshad do/__/pha rol tu phyin pa drug ni sbyin pa la sogs pa ste/__de'ang gzhan gyi dbul ba sel ba'i phyir gtong ba ni sbyin pa'i ngo bo ste/__dbye na/__chos/__nor/__mi 'jigs pa'i sbyin pa gsum mo/__/gang la spong ba'i sems khyad par can thob pa ni tshul khrims kyi ngo bo ste/__dbye na nyes spyod sdom pa/__dge ba chos sdud/__sems can don byed kyi tshul khrims gsum mo/__/gnod pa'i yul gyis brdzi bar mi nus pa ni bzod pa'i ngo bo ste/__dbye na/__gzhan gyi log sgrub dang /__chos phyir dka' spyad dang /__stong nyid zab mo'i don la mi skrag pa'i bzod pa dang gsum mo/__/dkar po'i phyogs la 'jug pa mi zhum pa ni brtson 'grus kyi ngo bo ste/__dbye na/__bsam pa go cha'i/__sbyor ba chos sdud kyi/__sems can don byed kyi brtson 'grus gsum mo/__/gang du sems rnam par mi g.yer pa'i rtse gcig pa ni bsam gtan gyi ngo bo ste/__dbye na/__byis pa nyer spyod kyi/__don rab 'byed pa'i/__de bzhin gshegs dga'i bsam gtan te gsum mo/__/chos rab tu rnam par 'byed pa'i blo gros ni shes rab kyi ngo bo ste/__dbye na/__thos bsam sgom pa'i shes rab gsum mo/__/de dag mdor bsdus pa ste rgyas par mtha' klas so/__/mgron tshan dgu pa'i skabs yi dwags phyi yi sgrib pa can ni/__ljon pa'i 'bras bu dang chu klung la sogs pa'i bza' btung gi tshogs yid du 'ong ba mthong yang nye bar slebs pa na mtshon cha thogs pas bsrungs ba'am/__rnag khrag sogs su mthong bas sdug bsngal pa'o/__/nang gi sgrib pa can ni/__zas gos kyi dngos po nam yang mi rnyed cing /__gal te cung zad rnyed du zin kyang kha khab mig tsam nas mi shong /__der shong yang mgrin pa rta rnga tsam nas mi thar/__de las thar yang lto ba yul ljongs tsam yod pa'i phyir khengs mi nus pa sogs sdug bsngal lo/__/me lce'i 'khor lo can ni mgrin pa na me yi 'khor lo dang ldan pas zas skom la sogs pa mthong yang kha'i dugs kyis bskam par 'gyur pa'o/__/zas skom gyi sgrib pa can ni zas skom rnams mgrin par song ma thag nas mdag me 'bar ba'am khro chu khol mar song nas lus bsregs pa rnams so/__/'di nyid rigs drug gi nang du 'dus mod kyang /__dmigs kyis bkar ba ni sbyin yul gyi gtso bo lta bur gyur pa dang /__phan yon lhag par che ba'i phyir ro/__/mgron tshan bcu pa ni go sla zhing /__lhag ma gnyis kyang rnam grangs sogs rtogs dka' ba'i gnas su ma gyur pas ma bris so/__/de lta bu'i mgron so sor 'bul ba'i mngon par rtogs pa'ang 'di yin te/__yar mgron gyi skabs/__gtor ma de 'bru gsum gyis sbyangs spel bsgyur gsum du byas/__spyir spyod par dbang ba shugs ldan 'od kyi sngags na mas+sarba sogs kyis gtor ma dngos dang /__ar+g+haM sogs kyis nyer spyod bdun phul te/__bye brag tu so so'i mtshan nas smos zhing 'bul ba dang /__'dod don gsol ba gdab pa rnams bya zhing /__mar mgron gyi skabs kyang nyer spyod kyi tshab tu mtshan bzhi brjod pa ma gtogs gzhan 'dra'o/__/gsum pa dbyu gu drug cu rtsa bzhi'i gtor ma ni/__'di ltar nyin zhag re la dbyu gu'i sbyor bas brtag pa'i tshe chu tshod drug cu rtsa bzhi ste/__de re re la rdo rje pho nya mo re re gnas shing /__de dag la gtor ma bsngos pas de srid kyi bar chad rnams srung par byed par bshad pa'i rjes su 'brang ba'o/__/sngags don ni/__theg chen chos kyi rgyal pos mdzad pa'i rtsa rgyud brtag gnyis kyi TI ka dag ldan snye mar/__oM zhes pa ni sngags kyi mgo 'dren pa'o/__/a kA ro zhes pa ni a yi yi ge/__mu khaM zhes pa sgo'am dang po yin la/__de'ang dbyibs kyi a ni a shad lta bu ste/__de med na yi ge'i gzugs mi thub pas yi ge thams cad kyi sgo'am dang po/__brjod pa'i a brjod pa thams cad kyi srog yin pas sgra thams cad kyi sgo'am dang po/__nang ltar bshad pa'i a lte bar gnas pa ste dang po lus 'grub pa na lte ba'i a thog mar chags pas lus grub pa'i sgo'am dang po/__don gyi a sems nyid skye ba med pa chos thams cad kyi sgo'am dang po/__sarba d+harmA NI NAM/__zhes pa chos thams cad kyi/__ad+ya nut+pan na twA ta/__zhes pa ni gdod ma nas skye ba med pa'i sgo can te 'byung zhing thim pa'i gnas yin la/_bdag dang mgron dang gtor ma byin gyis brlab pa'i phyir oM AHhU~M zhes pa'o/__/rnam rtog 'joms pas na phaT/__de kho na nyid du sems zhi bar byed pas na swA hA/__zhes gsungs so/__/rten 'brel snying po ni sngags bod skad du bsgyur na/__chos rnams gang dag sogs tshigs bcad gcig 'byung ste/__ye/__gang rnams/__d+harmA/__chos rnams/__he tu/__rgyu/__pra b+ha wa/__byung ba/__he tun/__rgyu/__te ShAM/__de rnams la/__ta thA ga to/__de bzhin gshegs pa/__hi/__rkang pa kha skong /__a ba da tra/__gsungs so/__/te ShAM/__de rnams la/__yo/__gang /__ni ro d+ha/__'gog pa/__e waM/__'di skad/__bA dA/__gsungs/__ma hA shra ma NaH__dge sbyong chen po/__zhes pa ste/__'di rnams nang pa'i tshul lugs las mi 'da' bar byed pa lta ba bka' rtags kyi phyag rgya bzhi'am/__'phags pa'i bden pa bzhi dang sbyar nas lam yongs su rdzogs pa'i don rgya che bar 'chad du yod mod kyang re zhig yi ges 'jigs so/__/bzhi pa chu sbyin gyi skabs gzhan ni go sla la/__sngags don/__oM AHhU~M ni byin gyis rlob pa'i sngags/__oM AHhrI:hU~M ni 'phags pa spyan ras gzigs kyi sku gsung thugs ye shes rdo rje'i sa bon/__oM ma Ni pad+me hU~M ni snying po/__/oM dza la mi daM sarba pre te b+h+yaHswA hA/__chu 'di yi dwags kyi ched du gzhi tshugs zhes pa ste bsngo ba'i sngags dngos/__oM ni sngags kyi mgo 'dren pa/__na mo rat+na tra yA ya/__dkon mchog gsum la phyag 'tshal lo/__/oM kaM ka ni kaM ka ni/__sdig pa rnams sdig pa rnams/__ro tsa ni ro tsa ni/__sreg sreg__/tro Ta ni tro Ta ni/__chod chod/__trA sa ni trA sa ni/__skrag par gyis skrag par gyis/__pra ti ha na pra ti ha na/__so sor choms so sor choms/__sarba karma pa raM pa ra Ni/__las gcig nas gcig tu brgyud pa thams cad/__sarba sA twa nAny+tsa swA hA/__bdag dang sems can thams cad la gzhi tshugs/__zhes pa ste/__yi dwags kyi 'gro ba rnams kyi sgrib pa sbyang ba'i slad du dang /__oM dz+nyA na a wa lo ki te/__ye shes kun tu gzigs pa/__na mas+sa man+ta s+pha ra Na ra smi saM b+ha wa sa ma ya/__phyag 'tshal lo/__/kun nas 'gro ba'i 'od zer 'byung gnas dam tshig__/ma hA ma Ni/__nor bu chen po/__du ru du ru/__sngar bsgyur ba ma mthong bas de bzhin gshegs pa'i brdar rtogs so/__/hr-i da ya/__snying po/__dz+wa la ni/__'bar ba rnams/__swA hA/__gzhi tshugs/__zhes pa ye shes skar mda'i snying po ste 'gyur sngags so/__/de ltar dngos gzhi'i rim pa rnams bshad zin nas/__gsum pa rjes la mchod pa'i yo byad ma 'byor ba dang /__'byor kyang nyams pa dang bcas pa la sogs pa'i nyes tshogs rnams bshags pa dang /__skabs kyi don re zhig grub zin nas mgron rnams gshegs su gsol ba dang /__'jig rten pa'i bgegs rigs kyi gnod pa bsrung ba la sogs pa'i slad sgo gsum rdo rje gsum du rgyas gdab pa dang /__thog mtha' bar gsum du dge legs kyi rgyun chen pos khyab par bya ba'i phyir shis pa brjod pa dang /__dge ba'i rtsa ba bar ma dor chud mi za zhing byang chub kyi bar du gong 'phel du 'gyur pa'i phyir bsngo ba dang /__don de myur du 'grub par bya ba'i phyir bden tshig gis smon lam btab pa ste drug las/__dang po'i skabs/__yi ge brgya pa'i sngags don ni/__bod skad du bsgyur na/__oM badz+ra sa_twa sa ma ya/__oM rdo rje sems dpa'i dam tshig ni/__ma nu pA la ya badz+ra satwA/__rjes su skyongs shig rdor sems kye/__tA+e no pa tiSh+Tha dr-i d+ho me b+ha wa/__khyod kyis bdag la brtan par bzhugs/__/su to Sh+yo me b+ha wa/__shin tu tshim par bdag mdzod cig__/su po Sh+yo me b+ha wa/__legs par rgyas par bdag mdzod cig__/a nu rak+to me b+ha wa/__bdag la rjes su chags par mdzod/__/sarba sid+d+hi m+me pra yats+tsha/__dngos grub thams cad bdag la stsol/__/sarba karma su tsa me/__las rnams thams cad la yang bdag__/tsit+taM shre ya ku ru/__sems la dge legs su mdzod cig__/hU~M ha ha ha ha hoH__zhes pa ni ye shes drug gi de kho na nyid mtshon par byed pa rdo rje sems dpa'i rjes chags kyi bzhad sgra ste de bzhin gshegs pa'i brdar gyur pa'i phyir 'jig rten gyi bstan bcos dang mthun par bsgrub cing bsgyur ba sogs ni blun po'i snying khams so/__/b+ha ga wAna? sarba ta thA ga ta/__bcom ldan de bzhin gshegs kun gyi/__/badz+ra mA me muny+tsa/__rdo rjer bdag ni ma 'dor cig__/badz+ri b+ha wa/__rdo rje can du mdzad du gsol/__/ma hA sa ma ya satwa AH__dam tshig sems dpa' chen po AH__zhes pa ste/__de dag gi don kyang rgyud kyi rdo rje'i gnas chen po rnams dang sbyar nas 'chad na cung zad 'chad du nus pa tsam du yod mod kyi re zhig ngal ba ma byas la/__shes par 'dod na slar 'chad par bgyi'o/__/dgos pa ni/__mngon brjod bla ma'i le'u nyer lnga pa las/__thog ma bar dang tha ma ni/__/dam tshig nyams pa bskang ba dang /_/dpa' bo dang ni rnal 'byor ma'i/__/'khor lo dag ni bstan pa'i phyir/__/yi ge brgya pa'i gsang sngags bzlas/__/zhes pas mtshon rgyud sde du ma nas lan gcig ma yin par bsngags so/__/gnyis pa'i skabs/__badz+ra muH__zhes pa ni rdo rjer 'ching ba ste ye shes kyi dbyings su gshegs shig pa'i don/__sarba b+hU ta gats+tshaH__ni 'byung po thams cad song zhig__/sarba pre ta gats+tshaH__ni yi dwags thams cad song zhig__/ces pa'o/__/gsum pa man chad kyi skabs su sngags don sogs go dka' ba'i gnas cher ma mchis so/__/de ltar chos spyod gtor ma'i rnal 'byor la sogs pas mtshon mdor na dge ba'i phyogs su gtogs so cog thams cad dam pa gsum gyi rtsis zin pa kho na shin tu gces te/__rje btsun rin po che grags pa rgyal mtshan gyi zhal snga nas/__dmigs med 'jigs dang bral ba'i skyabs su 'gro/__/tshad med dmigs yul spangs pa'i sems bskyed bya/__/de yi chos nyid rang bzhin nam mkha' 'dra/__/bsags pa'i med pa'i dge rtsa byang chub bsngo/__/zhes gsungs pa ltar/__sbyor ba lam min so skye dang /__lam gol mu stegs pa las ldog cing /__yang dag pa'i lam gyi gzhi rten skyabs su 'gro ba dang /__theg dman nyan rang gi lam las ldog cing theg pa chen po'i lam gyi snying po gzhan phyir byang chub tu sems bskyed pa'o/__/dngos gzhi/__mdo sde rgyan las/__sbyin pa len po gtang bya gtong pos stong /__/zhes sogs phar phyin drug ka la sbyar ba ltar/_gtor ma lta bu la mtshon kyang mchod sbyin gyi yul mgron rigs mchog dman dang /__mchod sbyin gyi rdzas dngos 'byor dang yid sprul mchod sbyin byed pa po rang nyid dang bcas pa'i 'khor gsum po 'jig rten phal pas ston mo stob pa lta bu'i bden 'dzin rang rgyud pas stong pa'i zhen med sgyu ma lta bu'i ngang nas bya ba dang /__rjes su de ltar bsags pa'i dge ba'i rtsa ba thams cad yul chos kyi dbyings su/__byed pa po rang nyid kyis/__dgos ched 'gro kun byang chub thob pa'i phyir du 'khor gsum gyi mtshan ma rdul tsam ma dmigs kyang /__stong pa dang rten 'byung 'gal med kyi tshul gyis yongs su bsngo bas rgyas gdab pa sgra ji bzhin pa'am de tsam blor ma chud kyang /__sngon 'phags pa 'jam dpal dang /__byang chub sems dpa' sems dpa' chen po kun tu bzang po la sogs pa rnams kyis ji ltar 'khor gsum yang dag gi bsngo ba mdzad pa de bzhin du bdag gis kyang bsngo bar bgyi'o snyam pa'i 'dun pa rnam par dag pa dang ma bral bar bya ste/__bzang po spyod par/__'jam dpal dpa' bos ji ltar mkhyen pa dang /__/sogs dang mthun pa'o/__/lnga pa phan yon ni/__de ltar sbyor dngos rjes gsum tshang ba'i nyams su len pa'i tshul ji lta ba dang rjes su mthun par gtor ma'i rnal 'byor la brtson pas gnas skabs dang mthar thug tu phan yon bcu gsum 'byung ste/__de yang sgrub pa po tshe ring ba dang /__bar chad sel ba dang /__mdangs dang ldan pa dang /__nad zhi ba dang /__bsod nams che ba dang /__longs spyod 'phel ba dang /__sbyin pa'i mtha' rdzogs pa dang /__bsam pa'i don bde blag tu grub pa dang /__gzi brjid dang mthu stobs che ba dang /__sdig sgrib 'byong ba dang /__mi ma yin dbang du 'du ba dang /__gnas skabs lha mi'i go 'phang thob pa dang /__mthar thug bla na med pa rdzogs pa'i sangs rgyas kyi sar 'gro ba'o/__/zhes gtor ma'i rnal 'byor lce sgom pa'i zhal snga nas gsungs shing /__der ma zad mdo rgyud bstan bcos du ma nas gsungs pa'i lung mtha' yas la/__mdor na/__dngos po gtong ba sbyin pa/__gtsang sbra dang ldan cing gnod 'tshe spangs pa tshul khrims/__sbyor 'jug gi dka' ba dang du len nus pa bzod pa/__gtong ba la spro zhing le lo med pa brtson 'grus/__de'i dus sems gzhan du mi g.yeng bar dmigs pa la rtse gcig tu sdud pa bsam gtan/__cho ga sogs nor 'khrul med cing 'khor gsum yang dag tu rtogs pa shes rab ste pha rol tu phyin pa drug ka'i nyams len tshang ba'i phyir na rdzogs pa'i byang chub sgrub pa'i lam gyi srog shing gcig tu rig par bya'o/__/de ltar chu gtor brgya rtsa yan lag dang bcas pa'i skabs su sngags don sogs go dka' zhing rnam bshad gzhan du zhal mi gsal ba rnams cung zad bkral ba ste/__gzhan du gang du gtang ba'i gnas/__gang gis gtong pa'i sgrub pa po/__dus nam tsam gtong ba/__de'i tshe ji ltar 'du bar bya ba'i rdzas dang /__so so'i cho ga'i rim pa sngags dang phyag rgya dang ting nge 'dzin la sogs pas mtshon pa rnams ni rnam par bshad pa dag las kyang gsal zhing /__lhag par mthong ba brgyud pa'i phyag len kho na gtso bor bzung dgos pa'i phyir ma bris la/__khyad par sa skya pa rang gi lugs srol thun mong ma yin pa dkar cha bzhi dang /__rje btsun dam pa sangs rgyas kyis bkral ba'i 'byung bzhi'i rten 'brel gyi gtor ma dang /__dbon stod skyer sgang pa chos kyi seng ge la 'phags pa thugs rje chen pos mngon sum du gnang ba dkor sgrib sbyong ba'i thabs khyad par can brul gtor cha lnga dang /_dpal chen rgA los mdzad pa'i klu gtor sogs kyi skabs rnams su'ang 'phros par 'os pa ji snyed cig yod mod kyang skabs su ma bab pas ma smos so/__/de ltar gcig tu gzhan dag la/__/phan pa'i sems kyis kun bslangs te/__/chos spyod gtor ma'i cho ga las/__/'phros pa'i zin bris cung zad spros/__/gang gi 'bad pa las thob pa'i/__/dge tshogs kun+da'i 'od lta bus/__/srid pa'i gdung ba yongs bcil te/__/zhi ba'i bcud len 'jo gyur cig__/sarba dA mang+ga laM//____//__!_