ལྷ་མོ་ལ་གུས་སོགས་ཚིག་རྐང་བཞིའི་དོན།

🚧 This website is under continued development. We appreciate your patience!

Previous Text Back to Volume PageNext Text

Wylie title	lha mo la gus sogs tshig rkang bzhi'i don
Location	mkhyen brtse'i bka' 'bum Volume 6, sde tshan 2, Text 20, Pages 298-299 (Folios 83b4 to 84a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. lha mo la gus sogs tshig rkang bzhi'i don. In 'jam dbyangs mkhyen brtse'i dbang po'i bka' 'bum, Vol. 6: 298-299. Khams sde dge rdzong sar dgon: Rdzong sar blo gros phun tshogs, 2020.
Genre	Pith Instructions - man ngag

1 Texts in this Section (sde tshan or chos tshan)

20 298-299	ལྷ་མོ་ལ་གུས་སོགས་ཚིག་རྐང་བཞིའི་དོན། lha mo la gus sogs tshig rkang bzhi'i don Pith Instructions - man ngag	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ན་མོ་ཨཱཪྻ་ཏཱ་ར་ཡེ། ལྷ་མོ་ལ་གུས་སོགས་ཚིག་རྐང་བཞིའི་དོན། ལྷ་རྗེ་དཔོན་དང་བདག་བྲན་གྱི་ཚུལ་དུ་བྱས་ནས་གུས་པ་ཆེན་པོས་བསྙེན་པར་བྱ་བ་ནི་བྱ་བའི་རྒྱུད་ཀྱི་ཉམས་ལེན། བདག་ཀྱང་ཐ་མལ་པ་མ་ཡིན་པར་ཡང་དག་པའི་ལྷར་བལྟ་ཞིང་མདུན་བསྐྱེད་དང་སྤུན་གྲོགས་ཀྱི་ཚུལ་གྱིས་དངོས་གྲུབ་ལེན་པ་སྤྱོད་རྒྱུད་ཀྱི་ལམ་རིམ། བློ་ལྡན་ནི་ཆོས་ཐམས་ཅད་ཀྱི་གནས་ལུགས་སྟོང་པར་རྟོགས་པ་སྟེ། དེའི་ངང་ལས་རབ་ཏུ་དད་པ་ཞེས་ལྷ་དང་བདག་དབྱེར་མེད་པར་རྟོགས་པའི་ཚུལ་གྱིས་བཟླས་བརྗོད་དང་འོད་ཟེར་སྤྲོ་བསྡུ་སོགས་ཀྱིས་སངས་རྒྱས་ཀྱི་མཛད་པ་ད་ལྟ་ནས་བསྒྲུབས་པ་ཡོ་གའི་རྣལ་འབྱོར། སྲོད་ནི་ཉི་མ་ནུབ་པས་མཚོན་པ་ཐ་མལ་གྱི་རྣམ་རྟོག་དབྱིངས་སུ་ནུབ་སྟེ། སྣོད་བཅུད་དག་པ་རབ་འབྱམས་ཆེན་པོར་བསྒྱུར་བའི་བསྐྱེད་རིམ་དང་། ཐོ་རངས་ནི་ཉི་མ་འཆར་བའི་སྔོན་དུ་འགྲོ་བས་མཚོན་ཏེ། ཡེ་ཤེས་སྐྱེ་བའི་ཉེར་བསྡོགས་རྫོགས་རིམ་སྟེ་ཐ་མལ་གྱི་རྣམ་རྟོག་དང་། གྱ་ནོམ་ལྷར་ཞེན་པའི་རྟོགས་པ་དེ་དང་དེ་ཀ་རིམ་གཉིས་སུ་ལངས་པར་བྱ་བ་ནི་རྣལ་འབྱོར་བླ་མེད་ཀྱི་སྙིང་པོ། དེ་ལྟ་བུའི་རྒྱུད་སྡེ་ཆེན་པོ་བཞི་དང་འབྲེལ་བའི་ལམ་ཉམས་སུ་ལེན་པ་ལ་དྲན་པ་ཉེ་བར་བཞག་པས་གནས་སྐབས་དང་མཐར་ཐུག་གི་འཇིགས་པ་ཐམས་ཅད་འཕྲོག་སྟེ་ཐར་པ་ཐམས་ཅད་མཁྱེན་པའི་གོ་འཕང་ལ་འཇོག་པ་སྟེ། འདི་ལྟ་བུས་ནི་ལམ་འབྲས་དངོས་གཞི་ཞར་ལ་བསྟན་པས་རྒྱུད་ཐམས་ཅད་ཀྱི་བརྗོད་བྱ་ཚང་ལ་མ་ནོར་བ་རྫོགས་པ་ཡིན་ནོ། །འདི་ཡང་མྱུར་མ་དཔའ་མོ་དང་། །དབྱེར་མེད་ཛྙཱ་ན་སཱ་ག་རས། །བྱིན་རླབས་ཉིན་མོའི་བློ་གྲོས་ཀྱིས། །ཨུཏྤལ་ཅུང་ཟད་འཛུམ་ལས་བྱུང་། །སིདྡྷི་རསྟུ། །གཞན་ཡང་བསྟོད་རྒྱུད་ཀྱི་དོན་ཟབ་ཅིང་རྒྱ་ཆེ་བར་རྟོགས་སོ།། །། ༈

[edit]

lha mo la gus sogs tshig rkang bzhi'i don/ na mo AR+Ya tA ra ye/__lha mo la gus sogs tshig rkang bzhi'i don/__lha rje dpon dang bdag bran gyi tshul du byas nas gus pa chen pos bsnyen par bya ba ni bya ba'i rgyud kyi nyams len/__bdag kyang tha mal pa ma yin par yang dag pa'i lhar blta zhing mdun bskyed dang spun grogs kyi tshul gyis dngos grub len pa spyod rgyud kyi lam rim/__blo ldan ni chos thams cad kyi gnas lugs stong par rtogs pa ste/__de'i ngang las rab tu dad pa zhes lha dang bdag dbyer med par rtogs pa'i tshul gyis bzlas brjod dang 'od zer spro bsdu sogs kyis sangs rgyas kyi mdzad pa da lta nas bsgrubs pa yo ga'i rnal 'byor/__srod ni nyi ma nub pas mtshon pa tha mal gyi rnam rtog dbyings su nub ste/__snod bcud dag pa rab 'byams chen por bsgyur ba'i bskyed rim dang /__tho rangs ni nyi ma 'char ba'i sngon du 'gro bas mtshon te/__ye shes skye ba'i nyer bsdogs rdzogs rim ste tha mal gyi rnam rtog dang /__gya nom lhar zhen pa'i rtogs pa de dang de ka rim gnyis su langs par bya ba ni rnal 'byor bla med kyi snying po/__de lta bu'i rgyud sde chen po bzhi dang 'brel ba'i lam nyams su len pa la dran pa nye bar bzhag pas gnas skabs dang mthar thug gi 'jigs pa thams cad 'phrog ste thar pa thams cad mkhyen pa'i go 'phang la 'jog pa ste/__'di lta bus ni lam 'bras dngos gzhi zhar la bstan pas rgyud thams cad kyi brjod bya tshang la ma nor ba rdzogs pa yin no/_/'di yang myur ma dpa' mo dang /_/dbyer med dz+nyA na sA ga ras/__/byin rlabs nyin mo'i blo gros kyis/__/ut+pal cung zad 'dzum las byung /__/sid+d+hi rastu/__/gzhan yang bstod rgyud kyi don zab cing rgya che bar rtogs so//____//__!_