JKW-KABUM-06-CHA-001-007

From Khyentse Lineage - A Tsadra Foundation Project

རྒྱུད་དང་མན་ངག་འཆད་ཚུལ་གྱི་ཟིན་བྲིས།
Wylie title rgyud dang man ngag 'chad tshul gyi zin bris JKW-KABUM-06-CHA-001.pdf
Location mkhyen brtse'i bka' 'bum
Volume 6, sde tshan 1, Text 7, Pages 93-95 (Folios 47a3 to 48a4)
Author འཇམ་དབྱངས་མཁྱེན་བརྩེའི་དབང་པོ་
Less details More details
Citation 'jam dbyangs mkhyen brtse'i dbang po. rgyud dang man ngag 'chad tshul gyi zin bris. In 'jam dbyangs mkhyen brtse'i dbang po'i bka' 'bum, Vol. 6: 93-95. Khams sde dge rdzong sar dgon: Rdzong sar blo gros phun tshogs, 2020.
Genre Notes - zin bris  ·  Tantras - rgyud  ·  Pith Instructions - man ngag
Colophon

།ཞེས་པ་འདི་བླ་མ། རྗེ་བཙུན་དཀོན་མཆོག་ལྷུན་གྲུབ་སོགས་བརྒྱུད་པ་དང་བཅས་པའི་གསུང་དང་། རྗེ་བཙུན་གོང་མ་རྣམས་ཀྱི་གསུང་རབས་ཀྱི་དགོངས་པའི་གནད་བླངས་ཏེ་སྙོམས་ལས་ཀུན་དགའ་མཆོག་ལྡན་གྱིས་ཡི་གེར་བཀོད་པའོ། །སརྦ་མངྒ་ལཾ། །འདི་ལྟ་བུའི་རྒྱུད་དང་མན་ངག་འཆད་ཚུལ་གྱི་ཡིག་ཆུང་ཁྱད་པར་ཅན་འདི་ནི། ཐམས་ཅད་མཁྱེན་པ་དཀོན་མཆོག་ལྷུན་གྲུབ་ཀྱི་གསུང་བཞིན་དེའི་དངོས་ཀྱི་སློབ་མ་རྗེ་ཀུན་དགའ་མཆོག་ལྡན་གྱིས་ཟིན་བྲིས་སུ་མཛད་པ་ལས་དུས་ཕྱིས་ས་སྐྱ་པ་སྔགས་འཆང་ངག་དབང་ཀུན་དགའ་བསོད་ནམས་ཀྱིས་དག་པར་བྲིས་པའོ།།

zhes pa 'di bla ma/__rje btsun dkon mchog lhun grub sogs brgyud pa dang bcas pa'i gsung dang /__rje btsun gong ma rnams kyi gsung rabs kyi dgongs pa'i gnad blangs te snyoms las kun dga' mchog ldan gyis yi ger bkod pa'o/__/sarba mang+ga laM/__/'di lta bu'i rgyud dang man ngag 'chad tshul gyi yig chung khyad par can 'di ni/__thams cad mkhyen pa dkon mchog lhun grub kyi gsung bzhin de'i dngos kyi slob ma rje kun dga' mchog ldan gyis zin bris su mdzad pa las dus phyis sa skya pa sngags 'chang ngag dbang kun dga' bsod nams kyis dag par bris pa'o/

[edit]
རྒྱུད་དང་མན་ངག་འཆད་ཚུལ་གྱི་ཟིན་བྲིས་བཞུགས། ན་མོ་གུ་རུ་བཛྲ་དྷཱ་རཱ་ཡ། སྤྱིར་ཁྲིད་གང་འཆད་ཀྱང་མཁས་པ་པཎྜི་ཏའི་དཔྱད་བསྒོམ་གྱི་དབང་དུ་བྱས་ནས་བཤད་བསྒོམ་ཆ་མཉམ་པའི་ཚུལ་གྱི་ཁྲིད་ལུགས་གཅིག་དང་། ཀུ་སཱ་ལིའི་འཇོག་བསྒོམ་གྱི་དབང་དུ་བྱས་ནས་བཤད་པ་བསྡུས་པ་སྔོན་གྱི་ལམ་འབྲས་པ་ཆེན་པོ་རྣམས་ལྟ་བུ་དང་བསྒོམ་པ་གཙོ་བོར་བྱས་ཏེ་ཉམས་སྐྱེ་ཁྲིད་ཀྱི་ལུགས་སུ་བྱས་པའི་ཁྲིད་ལུགས་གཅིག་དང་། བར་སྐབས་སུ་བྱོན་པའི་ལམ་འབྲས་པ་ངོར་པ་ཡབ་སྲས་རྣམས་ལྟ་བུ། བསྟན་པའི་རྒྱུན་ལ་ཕན་པའི་དབང་དུ་བྱས་ནས་ཁྲིད་མང་པོ་ལུང་ཁྲིད་ཀྱི་སྒོ་ནས་ཐོབ་ཁྲིད་དུ་ཁྲིད་གཅིག་ཉམས་ཁྲིད་ཀྱི་ཚུལ་དུ་ཐོབ་ནས་ཁྲིད་ཚུལ་མི་འདྲ་བ་མང་པོ་ལུང་མ་ཁྲིད་དུ་ནོད་པ་ལྟ་བུ། བྱས་པའི་ཁྲིད་ལུགས་གཅིག་སྟེ། ཁྲིད་འཆད་ལུགས་ལ་མི་འདྲ་བ་གསུམ་འབྱུང་བ་བཞིན་དུ་རྒྱུད་ཀྱི་བཤད་པ་བྱ་ཚུལ་ལ་ཡང་སྤྲོས་པ་ལ་དགའ་བ་པཎྜི་ཏའི་བཤད་ལུགས་ཀྱི་སྔོན་གྱི་འབྲོག་མིའི་ལོ་ཙཱ་བ་དཔོན་སློབ་རྣམས་དང་ས་སྐྱ་པ་གོང་མ་ཡབ་སྲས་དཔོན་སློབ་རྗེས་འབྲངས་དང་བཅས་པ་ལྟ་བུ། དབང་དུ་བྱས་ནས་རྒྱུད་གང་འཆད་ཀྱང་རྒྱུད་དེ་དང་དེའི་ཐོག་མཐའ་བར་གསུམ་གྱི་ཚིག་དོན་འཕྲོས་དོན་དཀའ་གནས་དང་བཅས་པ་དཔོན་སློབ་གཉིས་ཀས་བསྐྱར་བཤད་ཟིན་ཐུན་དུ་བྱས་ནས་འཆད་པའི་ལུགས་གཅིག་དང་། ཡང་སྤྲོས་པ་ལ་མི་དགའ་བ་རྣལ་འབྱོར་ཀུ་སཱ་ལིའི་བཤད་ལུགས་ཀྱི་དབང་དུ་བྱས་ནས་རྒྱུད་ཀྱི་ཐོག་མཐའ་བར་གསུམ་གྱི་ཚིག་དོན་རྣམས་ལ་ལུང་བཤད་དང་ན་བཟའ་བྲག་ཕུག་པའི་དྲུང་དུ་ཆོས་རྗེ་བླ་མས་རྒྱུད་གསུམ་གསན་ཚུལ་རྗེ་ཀུན་དགའ་བཟང་པོའི་གསུང་རྒྱུན་ཆོས་རྗེ་དཔལ་གྱི་རྒྱུད་བཤད་སྔོན་འགྲོའི་ཟིན་བྲིས་ལས་འབྱུང་བ་ལྟ་བུ། དཀའ་གནས་དང་བསྡུས་དོན་རྣམས་དཔོན་སློབ་གཉིས་ཀས་བསྐྱར་བཤད་ཀྱི་སྒོ་ནས་འཆད་པའི་ལུགས་གཅིག་དང་། བསྟན་པའི་རྒྱུན་ལ་ཕན་པའི་དབང་དུ་བྱས་ནས་མ་འོངས་པའི་གདུལ་བྱ་ལས་འཕྲོ་ཅན་དོན་གཉེར་མཆོག་དང་ལྡན་པ་རྣམས་རྒྱུད་ཀྱི་འཆད་ཉན་དཔོན་སློབ་གཉིས་ཀས་བསྐྱར་བཤད་ཟིན་ཐུན་སོགས་ཀྱིས་གཏན་ལ་འབེབས་རུང་བ་ལུང་རྒྱུན་ཙམ་གྱིས་ཀྱང་རྒྱུད་ཀྱི་བཤད་ལུང་གི་རྒྱུན་མི་འཆད་པ་ལ་དགོངས་ནས་མངའ་རིས་པའི་ཚིག་འབྲེལ། སྤྱི་ཅུ་པའི་བཀའ་འགྲེལ། གཉན་གྱི་མུ་ཏིག་ཕྲེང་བ་སོགས་རྗེ་ས་ཆེན་གྱི་བཀའ་འབུམ་གྱི་ཁྲོད་དུ་བཞུགས་སུ་གསོལ་བ་ལྟ་བུ། ཙམ་ལ་དགོངས་ནས། རྒྱུད་མང་པོའི་ཐོག་མཐའ་བར་གསུམ་གྱི་ཚིག་དོན་ཐམས་ཅད་ལུང་བཤད་ཁོ་ནས་འཆད་པའི་ལུགས་གཅིག་དང་བཅས་པའི་རྒྱུད་འཆད་ལུགས་ཀྱང་མི་འདྲ་བ་གསུམ་ཡོད་པ་ལགས་སོ། །ཞེས་པ་འདི་བླ་མ། རྗེ་བཙུན་དཀོན་མཆོག་ལྷུན་གྲུབ་སོགས་བརྒྱུད་པ་དང་བཅས་པའི་གསུང་དང་། རྗེ་བཙུན་གོང་མ་རྣམས་ཀྱི་གསུང་རབས་ཀྱི་དགོངས་པའི་གནད་བླངས་ཏེ་སྙོམས་ལས་ཀུན་དགའ་མཆོག་ལྡན་གྱིས་ཡི་གེར་བཀོད་པའོ། །སརྦ་མངྒ་ལཾ། །འདི་ལྟ་བུའི་རྒྱུད་དང་མན་ངག་འཆད་ཚུལ་གྱི་ཡིག་ཆུང་ཁྱད་པར་ཅན་འདི་ནི། ཐམས་ཅད་མཁྱེན་པ་དཀོན་མཆོག་ལྷུན་གྲུབ་ཀྱི་གསུང་བཞིན་དེའི་དངོས་ཀྱི་སློབ་མ་རྗེ་ཀུན་དགའ་མཆོག་ལྡན་གྱིས་ཟིན་བྲིས་སུ་མཛད་པ་ལས་དུས་ཕྱིས་ས་སྐྱ་པ་སྔགས་འཆང་ངག་དབང་ཀུན་དགའ་བསོད་ནམས་ཀྱིས་དག་པར་བྲིས་པའོ།། །། ༈
[edit]

rgyud dang man ngag 'chad tshul gyi zin bris/ rgyud dang man ngag 'chad tshul gyi zin bris bzhugs/__na mo gu ru badz+ra d+hA rA ya/__spyir khrid gang 'chad kyang mkhas pa paN+Di ta'i dpyad bsgom gyi dbang du byas nas bshad bsgom cha mnyam pa'i tshul gyi khrid lugs gcig dang /__ku sA li'i 'jog bsgom gyi dbang du byas nas bshad pa bsdus pa sngon gyi lam 'bras pa chen po rnams lta bu dang bsgom pa gtso bor byas te nyams skye khrid kyi lugs su byas pa'i khrid lugs gcig dang /__bar skabs su byon pa'i lam 'bras pa ngor pa yab sras rnams lta bu/__bstan pa'i rgyun la phan pa'i dbang du byas nas khrid mang po lung khrid kyi sgo nas thob khrid du khrid gcig nyams khrid kyi tshul du thob nas khrid tshul mi 'dra ba mang po lung ma khrid du nod pa lta bu/__byas pa'i khrid lugs gcig ste/__khrid 'chad lugs la mi 'dra ba gsum 'byung ba bzhin du rgyud kyi bshad pa bya tshul la yang spros pa la dga' ba paN+Di ta'i bshad lugs kyi sngon gyi 'brog mi'i lo tsA ba dpon slob rnams dang sa skya pa gong ma yab sras dpon slob rjes 'brangs dang bcas pa lta bu/__dbang du byas nas rgyud gang 'chad kyang rgyud de dang de'i thog mtha' bar gsum gyi tshig don 'phros don dka' gnas dang bcas pa dpon slob gnyis kas bskyar bshad zin thun du byas nas 'chad pa'i lugs gcig dang /__yang spros pa la mi dga' ba rnal 'byor ku sA li'i bshad lugs kyi dbang du byas nas rgyud kyi thog mtha' bar gsum gyi tshig don rnams la lung bshad dang na bza' brag phug pa'i drung du chos rje bla mas rgyud gsum gsan tshul rje kun dga' bzang po'i gsung rgyun chos rje dpal gyi rgyud bshad sngon 'gro'i zin bris las 'byung ba lta bu/__dka' gnas dang bsdus don rnams dpon slob gnyis kas bskyar bshad kyi sgo nas 'chad pa'i lugs gcig dang /__bstan pa'i rgyun la phan pa'i dbang du byas nas ma 'ongs pa'i gdul bya las 'phro can don gnyer mchog dang ldan pa rnams rgyud kyi 'chad nyan dpon slob gnyis kas bskyar bshad zin thun sogs kyis gtan la 'bebs rung ba lung rgyun tsam gyis kyang rgyud kyi bshad lung gi rgyun mi 'chad pa la dgongs nas mnga' ris pa'i tshig 'brel/__spyi cu pa'i bka' 'grel/__gnyan gyi mu tig phreng ba sogs rje sa chen gyi bka' 'bum gyi khrod du bzhugs su gsol ba lta bu/__tsam la dgongs nas/__rgyud mang po'i thog mtha' bar gsum gyi tshig don thams cad lung bshad kho nas 'chad pa'i lugs gcig dang bcas pa'i rgyud 'chad lugs kyang mi 'dra ba gsum yod pa lags so/__/zhes pa 'di bla ma/__rje btsun dkon mchog lhun grub sogs brgyud pa dang bcas pa'i gsung dang /__rje btsun gong ma rnams kyi gsung rabs kyi dgongs pa'i gnad blangs te snyoms las kun dga' mchog ldan gyis yi ger bkod pa'o/__/sarba mang+ga laM/__/'di lta bu'i rgyud dang man ngag 'chad tshul gyi yig chung khyad par can 'di ni/__thams cad mkhyen pa dkon mchog lhun grub kyi gsung bzhin de'i dngos kyi slob ma rje kun dga' mchog ldan gyis zin bris su mdzad pa las dus phyis sa skya pa sngags 'chang ngag dbang kun dga' bsod nams kyis dag par bris pa'o//____//__!_

Footnotes

Other Information