ས་སྐྱ་པ་ཀུན་བསོད་ཀྱིས་མཛད་པའི་ཀྱེ་རྡོར་རྒྱུད་གསུམ་མན་ངག་འཆད་ཚུལ་གྱི་ཟིན་བྲིས།

🚧 This website is under continued development. We appreciate your patience!

Previous Text Back to Volume PageNext Text

Wylie title	sa skya pa kun bsod kyis mdzad pa'i kye rdor rgyud gsum man ngag 'chad tshul gyi zin bris
Location	mkhyen brtse'i bka' 'bum Volume 6, sde tshan 1, Text 8, Pages 95-97 (Folios 48a4 to 49a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. sa skya pa kun bsod kyis mdzad pa'i kye rdor rgyud gsum man ngag 'chad tshul gyi zin bris. In 'jam dbyangs mkhyen brtse'i dbang po'i bka' 'bum, Vol. 6: 95-97. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris

1 Texts in this Section (sde tshan or chos tshan)

8 95-97	ས་སྐྱ་པ་ཀུན་བསོད་ཀྱིས་མཛད་པའི་ཀྱེ་རྡོར་རྒྱུད་གསུམ་མན་ངག་འཆད་ཚུལ་གྱི་ཟིན་བྲིས། sa skya pa kun bsod kyis mdzad pa'i kye rdor rgyud gsum man ngag 'chad tshul gyi zin bris Notes - zin bris	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

མཁན་ཆེན་ངག་དབང་ཆོས་གྲགས་ཀྱིས་མཛད་པའི་དགེས་པ་རྡོ་རྗེའི་རྒྱུད་གསུམ་གྱི་དངོས་གཞིའི་བཤད་པ་ཁོག་ཕུབ་གནད་ཀྱི་ལྡེའུ་མིག་༧༡ལས། དེ་ལ་འདིར་གང་བཤད་པར་བྱ་བའི་ཆོས་ནི་རྗེ་བཙུན་ས་སྐྱ་པ་ཡབ་སྲས་བརྒྱུད་འཛིན་དང་བཅས་པ་ལ་བཀའ་བབས་པའི་དཔལ་དགེས་པ་རྡོ་རྗེའི་རྩ་བཤད་ཀྱི་རྒྱུད་གསུམ་ཡིན་ལ། འདིར་འཆད་པར་བྱེད་པ་ལ་སྔོན་འགྲོ་ཚུལ་བཞིའི་རྣམ་གཞག་སྤྱི་རྣམ་དང་ལྗོན་ཤིང་གི་དགོངས་པ་བཞིན་ངེས་པར་བྱས་ཚར་ནས། ད་ནི་རྒྱུད་ཉིད་འཆད་པ་སྐབས་སུ་བབས་ལ། དེ་ཡང་རྒྱས་པར་ན་སྐྱེས་སྟོབས་དང་སྦྱངས་པའི་རྣམ་དཔྱོད་དང་ལྡན་པ་དག་གིས་རྗེ་བཙུན་ས་ཆེན་ཡབ་སྲས་ཀྱིས་མཛད་པའི་དཀའ་འགྲེལ། ཉི་འོད། དག་ལྡན། གུར་རྒྱན། གནད་ཀྱི་གསལ་བྱེད་རྣམས་ཀྱི་སྟེང་ནས་ཚིག་དོན་མ་ལུས་པ་འཆད་པ་ཡིན་ཏེ། ངོར་ཆེན་དཀོན་མཆོག་ལྷུན་གྲུབ་ཡན་ཆད་དུ་དེ་ལྟར་བྱུང་བ་ངེས་སོ། །འདིར་ནི་དུས་སྐབས་དང་མཐུན་པའི་གདུལ་བྱའི་དོན་གཉེར་སོགས་དང་བསྟུན་གོང་མའི་གསུང་རབ་དེ་དག་རྒྱབ་བརྟེན་གྱི་ལུང་རྒྱུན་དུ་ངེས་པར་མ་ཆད་པར་བྱས་ལ། ཟིན་ཐུན་གྱི་རིམ་པ་རྣམས་གཞུང་སྔ་ཕྱིའི་འབྲེལ་དང་བརྗོད་བྱ་རགས་པ་སྟོན་ཚུལ་གྱིས་ཁོག་ཕུབ་པའི་སྒོ་ནས་བཤད་ལ། འཆད་པ་པོས་འཆད་སླ་ཞིང་། ཉན་པ་པོས་བཟུང་བདེ་བ་དང་། རྒྱུད་ཀྱི་བཤད་བཀའ་མི་ནུབ་པར་འགྱུར་པའི་དགོས་པ་ཁྱད་པར་ཅན་མཐོང་བས། དགོས་པ་དེ་ལྡན་གྱི་ལུགས་བཞིན་དུ་འཆད་པར་སྤྲོ་བས་འདི་ལ་དོན་གསུམ་སྟེ། རྩ་རྒྱུད་བཤད་པ། ཐུན་མོང་མ་ཡིན་པའི་བཤད་རྒྱུད་གུར་བཤད་པ། ཐུན་མོང་བའི་བཤད་རྒྱུད་དཔལ་ཁ་སྦྱོར་བཤད་པའོ། །ཞེས་སོགས་གསུངས་ནས་བརྟག་༢༩གཉིས་ནི་འཕགས་པའི་དག་ལྡན་བསྡུས་དོན་ས་བཅད་གཞིར་བྱས་ནས་བཤད། གུར་ནི་རྗེ་བཙུན་རིན་པོ་ཆེའི་གུར་རྒྱན་དང་དེའི་བསྡུས་དོན་གཞིར་བཞག་ནས་བཤད། སམྦུཊ་༦༩ནི་སློབ་དཔོན་རིན་པོ་ཆེའི་འགྲེལ་པ་གནད་ཀྱིས་གསལ་བྱེད་དང་། བསྡུས་དོན་ས་བཅད་སོགས་དང་མཐུན་པར་འཆད་པས་མཆོད་བརྗོད་ཀྱང་དེ་ལྟར་སོ་སོར་ཡོད། དེ་ལ་གནད་ཀྱི་གསལ་བྱེད་ནི་མན་ངག་ལུགས་གཞིར་བཞག་ནས། འགྲེལ་པ་ལུགས་ཀྱང་ཟུར་གྱིས་ཚང་བ་ཡིན། གུར་རྒྱན་ནི་རྒྱུད་རྐྱང་དང་འགྲེལ་པའི་ལུགས་གཉིས་ལས། རྒྱུད་རྐྱང་མན་ངག་གིས་བཤད་པ་ཡིན་ནོ། །ཞེས་བཞེད་དོ།། །།

[edit]

sa skya pa kun bsod kyis mdzad pa'i kye rdor rgyud gsum man ngag 'chad tshul gyi zin bris/___ mkhan chen ngag dbang chos grags kyis mdzad pa'i dges pa rdo rje'i rgyud gsum gyi dngos gzhi'i bshad pa khog phub gnad kyi lde'u mig 71las/__de la 'dir gang bshad par bya ba'i chos ni rje btsun sa skya pa yab sras brgyud 'dzin dang bcas pa la bka' babs pa'i dpal dges pa rdo rje'i rtsa bshad kyi rgyud gsum yin la/__'dir 'chad par byed pa la sngon 'gro tshul bzhi'i rnam gzhag spyi rnam dang ljon shing gi dgongs pa bzhin nges par byas tshar nas/__da ni rgyud nyid 'chad pa skabs su babs la/__de yang rgyas par na skyes stobs dang sbyangs pa'i rnam dpyod dang ldan pa dag gis rje btsun sa chen yab sras kyis mdzad pa'i dka' 'grel/__nyi 'od/__dag ldan/__gur rgyan/__gnad kyi gsal byed rnams kyi steng nas tshig don ma lus pa 'chad pa yin te/__ngor chen dkon mchog lhun grub yan chad du de ltar byung ba nges so/__/'dir ni dus skabs dang mthun pa'i gdul bya'i don gnyer sogs dang bstun gong ma'i gsung rab de dag rgyab brten gyi lung rgyun du nges par ma chad par byas la/__zin thun gyi rim pa rnams gzhung snga phyi'i 'brel dang brjod bya rags pa ston tshul gyis khog phub pa'i sgo nas bshad la/__'chad pa pos 'chad sla zhing /__nyan pa pos bzung bde ba dang /__rgyud kyi bshad bka' mi nub par 'gyur pa'i dgos pa khyad par can mthong bas/__dgos pa de ldan gyi lugs bzhin du 'chad par spro bas 'di la don gsum ste/__rtsa rgyud bshad pa/__thun mong ma yin pa'i bshad rgyud gur bshad pa/__thun mong ba'i bshad rgyud dpal kha sbyor bshad pa'o/__/zhes sogs gsungs nas brtag 29gnyis ni 'phags pa'i dag ldan bsdus don sa bcad gzhir byas nas bshad/__gur ni rje btsun rin po che'i gur rgyan dang de'i bsdus don gzhir bzhag nas bshad/__sam+buT 69ni slob dpon rin po che'i 'grel pa gnad kyis gsal byed dang /__bsdus don sa bcad sogs dang mthun par 'chad pas mchod brjod kyang de ltar so sor yod/__de la gnad kyi gsal byed ni man ngag lugs gzhir bzhag nas/__'grel pa lugs kyang zur gyis tshang ba yin/__gur rgyan ni rgyud rkyang dang 'grel pa'i lugs gnyis las/__rgyud rkyang man ngag gis bshad pa yin no/__/zhes bzhed do//__//