མཁན་ཆེན་ངག་ཆོས་ཀྱིས་དྲིས་ལན་སྐོར་སོགས་ལས་ཁོལ་བཏུས།

🚧 This website is under continued development. We appreciate your patience!

Previous Text Back to Volume Page Next Text

Wylie title	mkhan chen ngag chos kyis dris lan skor sogs las khol btus
Location	mkhyen brtse'i bka' 'bum Volume 4, sde tshan 1, Text 25, Pages 380-400 (Folios 190b3 to 200b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. mkhan chen ngag chos kyis dris lan skor sogs las khol btus. In 'jam dbyangs mkhyen brtse'i dbang po'i bka' 'bum, Vol. 4: 380-400. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris · Replies to Questions - dris lan

1 Texts in this Section (sde tshan or chos tshan)

25 380-400	མཁན་ཆེན་ངག་ཆོས་ཀྱིས་དྲིས་ལན་སྐོར་སོགས་ལས་ཁོལ་བཏུས། mkhan chen ngag chos kyis dris lan skor sogs las khol btus Notes - zin bris · Replies to Questions - dris lan	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

[edit]

ཨོཾ་སྭ་སྟི་སིདྡྷཾ། མཁན་ཆེན་ཐམས་ཅད་མཁྱེན་པ་ངག་དབང་ཆོས་གྲགས་ཀྱིས་མཛད་པའི་དྲིས་ལན་སྐོར་ལས། ཀྱེ་རྡོར་གྱི་དབང་གི་དོགས་པའི་དྲི་བའི་རང་ལན་མཁས་པའི་རྣ་རྒྱན་དུ། སྟ་གོན་སྐབས། ལས་ཐམས་ཅད་པའི་མཆོད་པ་ཞེས་པ་སྤྱི་མཆོད་སྒོས་མཆོད་དངོས་སུ་གསལ་བ་རྣམས་ལ་མ་གཏོགས་པའི་ལས་གར་དགོས་ཐམས་ཅད་ཐུན་མོང་དུ་དབུལ་རྒྱུའི་མཆོད་པའོ། །འདི་ལ་ཉེར་སྤྱོད་ལྔའམ། ཆུ་བཞི་བཤམ་ཐུབ་ནའང་ལེགས། དེ་ཡང་དཔེར་ན་བདག་མདུན་འབྲེལ་བའི་ཚེ་བདག་བསྐྱེད་ཀྱི་བཟླས་པའི་རྗེས་སུ་འབུལ་བ་རྩེ་མོའི་དབང་ཆུ་ལས་གསུངས་པ་དང་། དེ་བཞིན་བདག་མདུན་གྱི་ཡེ་ཤེས་པ་དང་། དབང་ལྷ་སྤྱན་དྲང་པ། བུམ་བསྐྱེད་མཆོད་པ། ཡི་དམ་གྱི་གཏོར་བསྔོ་སོགས་མདོར་ན་དངོས་སུ་མ་བཤམས་པ་ཐམས་ཅད་ཀྱི་སྐབས་སུ་དྲན་པར་བྱའོ།། །། ༈

རས་བྲིས་སྐབས་ས་ཆོག་མི་དགོས་པ་སྤྱིར་གྲགས་མོད། འཕགས་པའི་བདག་འཇུག་གཉིས་སོགས་ལས་དེ་ལྟར་བཤད་པ་ནི། རྒྱ་ཧོར་སོགས་སྔར་ས་གཞི་ཡེ་བྱིན་གྱིས་མ་བརླབས་པ་ལ་ཐུབ་ན་ལེགས་སོ། ། ༈ ས་ཆོག་དང་། ས་ལྷ་སྟ་གོན་གཉིས་ལ་ཁྱད་ཆེ་མོད། སྔ་མ་ནི་དཔང་པོའི་ཚུལ་ཙམ་དང་། ཕྱི་མ་ནི་གནང་བ་ཞུ་བའི་དོན་ལགས། ༧ བརྒྱད་གསུམ་ཉེར་བཞིའི་གཏོར་མ་ལ་འབྱུང་པོ་སྤྱི་གཏོར་ཞེས་བཏགས་པ་ལ་རྒྱུ་མཚན་ཡོད་དེ། སྲིད་པ་གསུམ་གྱི་འབྱུང་པོ་ཐམས་ཅད་དེ་རྣམས་ལ་བསྟིམ་པའི་ཕྱིར་དང་། ལུང་གིས་ཀྱང་གྲུབ་བོ། ༧ །སྔོན་འགྲོ་གཏོར་མ་ལ་གསང་སྤྱོད་ལྟ་བར་དབང་བའི་དཀར་ཕྱོགས་དང་། མི་དབང་བའི་ནག་ཕྱོགས་གཉིས་ཀ་ཡོད་པར་འཕགས་པའི་དཔལ་འབྱུང་མ་ལས་བཤད། ༧ གྷཱཎྜེར་ཎི་ཚར་གསུམ་བརྗོད་པ། མཆོད་ཡུལ་སྤྱན་དྲང་། གནས་དང་མཆོད་པ་བྱིན་རླབས་གསུམ་དུ་འདོད་པ་མི་འཐད་དེ། གོང་མའི་གསུང་གིས་མ་ཟིན་པ་དང་། སྔ་མ་ནི་འོག་ཏུ་འབྱུང་བ། ཕྱི་མ་གཉིས་ནི་ཟུར་དུ་གསལ་བའི་ཕྱིར། དེས་ན་འདི་ནི་མཆོད་པ་བྱིན་དབབ་བམ་རོལ་མོ་བྱིན་དབབ་སྟེ། བྱིན་རླབས་མ་ཡིན་ཅིང་། རྒྱུ་མཚན་རྩེ་མོའི་དབང་ཆུར་བཤད་དོ།། །། ༈ དངོས་གཞི་སྒྲུབ་མཆོད་སྐབས། མདུན་བསྐྱེད་རྒྱས་པར་རྟེན་ལ་བདུན་བསྲེས་ཚེ་སྔོན་ལ་རྡུལ་ཚོན་སྟོང་པར་སྦྱངས་པས་བསྲེག་ཞི་དང་བསྲེ་རྒྱུ་གཅིག་ཏུ་ཐལ་བར་འགྱུར་རམ། མ་ཡིན་ཏེ། བདེ་ཆེན་རྒྱ་མཚོ་ལས། བློ་ངོར་རྡུལ་ཚོན་སྟོང་པར་སྦྱངས་ཟིན་པས་གསར་དུ་བསྐྱེད་པ་དང་བསྲེ་བའི་གཞི་མེད་པར་འདོད་ན་ནི་ལྷ་མོ་བརྒྱད་ལ་ཡང་མཚུངས་པས་ལྔ་བསྲེས་མ་ཚང་བར་ཐལ་བའི་ཕྱིར་རོ། །འོ་ན་བྲིས་པ་དང་བསྐྱེད་པ་གཉིས་ལ་བསྲེ་བའི་དོན་ཇི་ལྟར་གནས་སྙམ་ན། །སྔར་རྡུལ་ཚོན་སྟོང་པར་སྦྱངས་ནས་ཕྱིས་རྡུལ་ཚོན་དེ་ཉིད་གཞལ་ཡས་ཁང་གི་རྣམ་པར་བསྒོམ་པ་བསྲེ་བའི་དོན་ཡིན་ཏེ། ལྷ་མོ་བརྒྱད་ལ་ཡང་གདན་གྱི་སྟེང་དུ་མངལ་འབྱིན་གྱི་ལྷ་མོ་བཞག་པ་ཉིད་ལ་བྲིས་པ་དང་བསྲེ་བའི་དོན་ཚང་བ་ཡིན་ནོ། །ཞེས་སོ། །ཕྱི་རོལ་གཏོར་མའི་རྒྱུ་མཚན་འགའ་བཤད་ཀྱང་། རང་ལུགས། གཏོར་མགྲོན་ཉེར་བཞི་པོར་གསང་སྤྱོད་ལྟ་བར་དབང་བ་འགའ་ཡང་ཡོད་མོད། ཕལ་ཆེར་མི་དབང་བ་ཤས་ཆེ་བས་ཕྱི་རོལ་གཏོར་མ་སྐབས་སུ་བབ་ཅིང་། དེར་གསང་སྤྱོད་ལྟ་བར་མི་དབང་བའི་འབྱུང་པོ་ཀུན་ཀྱང་འོང་ཉན་པས་གཏོར་མ་ཐོབ་འགྲོ་བའི་ཕན་ཡོན་ཡོད་པ་ལགས། ༧ གཏོར་མགྲོན་གྱི་འབྱུང་པོའི་ནང་ན་སྤྲུལ་པས་འགྲོ་དོན་མཛད་པ་ཡང་སྲིད་མོད། གཙོ་ཆེར་རང་རྒྱུད་པ་ཡིན་ཏེ། ས་ཆེན་གྱིས་མངོན་རྟོགས་དཀའ་འགྲེལ་ལས། འབྱུང་པོ་བརྒྱད་གསུམ་ཉི་ཤུ་རྩ་བཞི་ནི་བསྟན་པ་ལ་ཞུགས་པའི་བྱང་ཆུབ་སེམས་དཔའི་དགེ་འདུན་ཡིན་པས། ཞེས་གསུངས་པའི་ཕྱིར། སྔགས་ལའང་ཞུགས་མ་ཞུགས་ཅི་རིགས་ཡོད་དེ། དཀར་ཕྱོགས་ཡིན་ཀྱང་སྔགས་ཀྱི་གདུལ་བྱ་མ་ཡིན་པ་ཡོད་པའི་ཕྱིར། སྲིད་གསུམ་འབྱུང་པོ་ཐམས་ཅད་འདུས་པ་ཡིན་ཞིང་དེ་ལྟར་བསྒོམ་དགོས། དེ་ཡང་སྐུ་རྡོ་རྗེ་སོགས་ཀྱི་རྣམ་པར་བསམས་པས་ཚོགས་རྫོགས་ཆེ། མཆོད་བསྟོད་ཀྱང་རུང་། ངོ་བོ་སེམས་ཅན་ཡིན་ཀྱང་རྣམ་པ་ལྷར་བསྐྱེད་ནས་གཏོར་མ་ཕུལ་བས་ཕན་ཡོན་ཆེ་བ་ཡིན་ཏེ། པཎ་ཆེན་གྱིས་གཏོར་མས་འབྱུང་པོ་ཐམས་ཅད་སངས་རྒྱས་སུ་བསྒོམས་ལ་མཆོད་ཅེས་དང་། དེ་ལྟར་བྱས་ན་སངས་རྒྱས་ཀྱང་མཉེས་འབྱུང་པོའང་ཚིམ་པའི་རྟེན་འབྲེལ་ཡོད། ཅེས་གསུངས། དེ་ཡང་། ས་འོག་ས་སྟེང་ས་བླའི་སེམས་པ་ཀུན། །ཆོས་འབྱུང་གསུམ་གྱི་འདབ་མར་གཏོར་མགྲོན་དུ། །བསྐྱེད་པ་གུར་གྱི་དགོངས་པ་ཡིན་པས་ན། །འབྱུང་པོ་རང་རྒྱུད་པ་རུ་འཐད་པ་ཡིན། །གཏོར་མགྲོན་ངོ་བོ་འབྱུང་པོའི་ཚོགས་ཡིན་ཀྱང་། །རྡོ་རྗེ་གསུམ་གྱི་འདྲ་འབག་ལྟ་བུ་རྣམ་པར་གསལ་བཏབ་ནས། །མཆོད་བསྟོད་གཏོར་མ་འབུལ་བའི་གནད་ཟབ་མོ། །ཤེས་པར་གྱིས་ལ་ཤེས་ལྡན་སྙིང་དབུས་ཆོངས། འདི་ཀུན་མཁྱེན་གྱིས་ནང་མཆོད། ཆུ་ཆང་དང་། དབང་ཆུར་ཆུ་ཆང་། མཛེས་རྒྱན་དུ་ཆབ་ཀྱིས་བྲན་པར་གསུངས་པ་གནད་ཤེས་ན་མི་འགལ་ལོ།། །། ༈ ཕས་ཕམ་བཅུ་བཞི་ནི། ཁྱོད་ཀྱིས་སྲོག་ཆགས་བསད་མི་བྱ། ཞེས་སོགས་ཉེས་སྤྱོད་སྡོམ་པ་དང་འགལ་བ་ལྔ་སྟེ། བྱ་བ་མ་ཡིན་སྤང་ན་གོང་གི་ལྔ་པོ་དེ་སེམས་ཅན་གྱི་དོན་ཕྱིར་དགག་དགོས་ཡོད་ན་སྤང་བླང་བྱ་བའི་ཚིག་སྟེ་སྤྱི་ལ་ཁྱབ་པའོ། །དམ་པ་ཉེ་བར་བསྟེན་པ་སོགས་དགེ་བ་ཆོས་སྡུད་དང་འགལ་བ་ལྔ། ཐེག་དམན་ལ་འདོད་པ་མི་བྱ་བ་སོགས་སེམས་ཅན་དོན་བྱེད་དང་འགལ་བ་བཞིའོ། །སྤང་ཞེས་པ་ནི་ཐེག་དམན་ལ་འདོད་པ་སོགས། དོར་བ་དམ་པ་ཉེ་བར་བསྟེན་པ་སོགས་དགག་བསྒྲུབ་ཀྱི་ཕྱོགས་ནས་སོ། ༧ །ཕྱི་འཇུག་གི་སྔོན་འགྲོ་ནི་མཎྜལ་ནས་བཟུང་ཧཱུྃ་ཛ་ཧཱུྃ་བར་ཡོལ་བའི་ཕྱི་རོལ་ལམ་དཀྱིལ་འཁོར་གྱི་ཁང་པའི་ཕྱི་རོལ་ཏུ་བྱ་རྒྱུ་ཡིན་ལ། ཕྱི་འཇུག་གི་དངོས་གཞིའམ་ནང་དུ་འཇུག་པ་ནི་མིག་དར་དང་བཅས་དཀྱིལ་འཁོར་གྱི་ཁ་དོག་དང་དབྱིབས་སོགས་མི་གསལ་བར་ཅུང་ཟད་མཐོང་བར་མོས་ཕྱེ་ལུས་ངག །པ་ཡིན་ལ། ནང་གི་འཇུག་པའི་སྔོན་འགྲོ་ནི་དམ་བཞག་བཞི་དང་། དངོས་གཞི་ནི་ཡེ་ཤེས་དབབ་ནང་སེམས་འབྱོང་། པ་ཡིན་ནོ། །འདི་ལ་གོ་དོན་གལ་ཆེར་ཡོད་དོ།། །། ༈ བཀྲ་ཤིས་ཚེ་བུམ་པ་གཉིས་ནམ་མཁར་བཏེགས་པའི་དུས། དབང་ལྷ་མདུན་བསྐྱེད་ལས་སྤྲུལ་པའམ། སྐད་ཅིག་གིས་ནམ་མཁར་བྱོན་ནས་དབང་བསྐུར་བའི་གྲབ་མཛད་ཅིང་བཀྲ་ཤིས་བརྗོད་པར་བསམ། ལས་བུམ་མ་བཏེགས་ཀྱང་རུང་མོད། བཏེགས་ཚེ་ཁྲོ་བོ་ཁྲོ་མོས་བགེགས་སྐྲོད་པ་དང་འབྲེལ་ལོ། ༧ །རིག་དབང་ནི་རྣམ་བུམ་སྟ་གོན་སྐབས་ཀྱི་དེ་ག་ཡིན་མོད། འོན་ཀྱང་དེ་དུས་ལྷ་ཚང་མ་བསྐྱེད་ནས་སྤྱིར་བཏང་བུམ་ཆུ་ནུས་ལྡན་དུ་ཟིན་ཀྱང་། འདིར་དམིགས་བསལ་མི་བསྐྱོད་པར་བསྐྱེད་པ་འབྲེལ། ཅོད་པན་སོགས་ཀྱི་དབང་གི་ཚེ་བརྟན་བྱེད་ལས་དངོས་མ་ཡིན་པས་ཚོར་སོགས་མི་བསྐྱོད་པ་རུ་བྱིན་གྱིས་དམ་རྩི་ལྟར། རློབ་པར་མི་འགྱུར། འོད་དཔག་མེད་ཀྱི་རྡོ་རྗེ་དང་། མི་བསྐྱོད་པའི་དམ་ཚིག་རྡོ་རྗེ་བཟུང་པ་མི་གཅིག་སྟེ། སྔ་མས་མཚན་མ་རྫས་དང་། ཕྱི་མ་ངེས་དོན་ལ་བཞག་བས་སོ། ༧ །ཚོར་སོགས་རིན་འབྱུང་སོགས་སུ་བྱིན་གྱིས་བརླབས་པ་གཙོ་བོར་སྨོས་ཀྱི་དེ་ཁོ་ན་ཉིད་མི་བཟུང་སྟེ། འདོད་ན་གཟུགས་སོགས་དམིགས་བཅས་སུ་ཐལ་བའི་ཕྱིར། ༧ ལམ་འབྲས་གླེགས་བམ་དབང་ཆུ་མ་ནུབ་པར་བསྐུར་བའི་ཡི་གེར། དབང་བདུན་འཁོར་གསུམ་ཡང་དག་བཞིས་རྒྱས་འདེབས་པར་གསུངས་པ། ལྷའི་ངོ་བོར་ལམ་བྱེད་རྣམ་པ་བཞིས་རྒྱས་འདེབས་པ་ལ་དགོངས། དེས་ན་ཡང་དག་བཞི་པོ་འདི་ཡན་ལག་བཞི་རྫོགས་དང་། ལམ་བྱེད་བཞིར་འཇུག་པའི་སྐབས་གཉིས་ཡོད་པར་ཤེས་པར་བྱའོ། ༧ །དབང་ཆུར། དེ་ལྟ་བུ་རིག་པའི་དབང་ལྔ་ཐོབ་ཕྱིན་ཆད་ཁྱེད་ཀྱི་དེ་བཞིན་གཤེགས་པ་རིགས་ལྔ་སྤྱིའི་དམ་ཚིག་ཚུལ་ཁྲིམས་ཀྱི་བསླབ་པ་སོགས་སྲུང་བ་དང་བསྟེན་པ་ལ་བསླབ་པར་བྱའོ། །ཞེས་བཤད་པ་ལ། སྤྱི་དང་ཁྱད་པར་གྱི་དམ་ཚིག་ཅེས་བྲིས་པ་ནི་ཡི་གེ་མ་དག་པ་སྟེ། རིགས་ལྔ་སྤྱིའི་དམ་ཚིག་ནི་ཚུལ་ཁྲིམས་གསུམ་སྟེ། དེ་འདིར་ཐོབ་པ་དང་འབྲེལ་ཏོ། ༧ །སྡོམ་པ་བསྒྲག་བཟུང་གིས་ནི་སྡོམ་པ་དངོས་ཐོབ་པ་མ་ཡིན་ཏེ། ཁྱོད་ཀྱིས་སླར་དབང་དེ་བསྐུར་ཚར་བའི་རྗེས་སུ་བསླབ་བྱ་ལ་སྤྱིའི་དམ་ཚིག་རྣམས་བཟུང་དགོས་སོ་ཞེས་གདམས་པ་ཡིན། སྔར་དེའི་སྐབས་སུ་བཟུང་རྒྱུ་ཡང་སེམས་བསྐྱེད་དང་ཚུལ་ཁྲིམས་ཟབ་མོ། །དབང་གི་ཆོ་གའི་ནུས་པ་ལས་གང་ཐོབ་ན། རྒྱས་གདབ་ལྔ་དང་སོགས་སོ།། །། ༈ ཐུན་མོང་མ་ཡིན་པའི་བརྟུལ་ཞུགས་ནི། ཕྱག་རྒྱ་སྐུའི་དམ་ཚིག་ཕྱག་རྒྱ་དང་མཉམ་པར་སྦྱོར་བའི་བདེ་བ་ཉིད་དོ། ༧ །དེ་བུམ་པའི་དབང་བླ་མེད་ཐུན་མིན་དངོས་སོ།། །། ༈ མི་ལྡོག་འཁོར་ལོའི་དབང་ནི་དམ་ཚིག་གསུམ་སྦྱིན་པ། དཀྱིལ་འཁོར་དང་ད་ལྟའི་དེ་ཁོ་ན་ཉིད་ཀྱི་དག་པ་བརྗོད་པ། སློབ་དཔོན་ཕྲིན་ལས་ནི། བཛྲ་ཧེ་ཏུ་མཱཾ་སོགས། དམ་ཚིག་དང་སྡོམ་པ་བླ་མེད་ནི། སློབ་དཔོན་སྨད་པར་མི་བྱ་ཞིང་། སོགས་དབུགས་དབྱུང་ཡིན། འདི་བུམ་དབང་གི་མཐར་སྦྱོར་བས་བུམ་དབང་བཅུ་གཅིག་ཏུ་གྲགས་ཀྱང་། དེང་སང་དབང་བཞི་སྟན་ཐོག་གཅིག་ཏུ་བསྐུར་བས་ཤེར་དབང་གི་མཐར་སྦྱོར་བའོ། ༧ །རྡོ་རྗེའི་བརྟུལ་ཞུགས་ཀྱིས་སྒོ་གསུམ་ལྷར་གྱིས་ཤིག་པར་གདམས་པ་དང་། དམ་ཚིག་གསུམ་གྱིས་སྒོ་གསུམ་སྐུ་གསུང་ཐུགས་སུ་ངོ་སྤྲོད་པ་ཡིན་པས་ཁྱད་ཆེ། ༧ །རྡོ་རྗེའི་དབང་ནི། སློབ་མའི་སེམས་ངེས་དོན་གྱི་རྡོ་རྗེ་ཡིན་སྙམ་པ་ཡན་དང་། རྡོ་རྗེ་ཐུགས་ཀྱི་དམ་ཚིག་ནི་རྡོ་རྗེའི་དེ་ཁོ་ན་ཉིད་བརྗོད་པ་ཡིན་ཏེ། གཞན་གཉིས་ལའང་འགྲེལ། ༧ །རྒྱུ་རྡོ་རྗེ་འཆང་སྐུ་མདོག་དཀར་སྔོ་གང་ཡང་རུང་ལ། འབྲས་བུ་རྡོ་རྗེ་འཆང་གཙོ་བོར་སྔོན་པོར་བཤད། འཕགས་པ་དང་མུས་ཆེན་གྱིས་ཕྱག་རྒྱ་སྐུའི་དམ་ཚིག་སྐབས་སུ་རྡོ་རྗེ་འཆང་སྔོན་པོར་བཤད་པའང་འགལ་བ་མེད། ༧ །ཀླུ་བྱང་གི་དཀྱིལ་ཆོག་ཉི་ཤུ་པ་ནས་གླིང་མ། ཛ་ཡ་སེ་ནའི་མཁའ་འགྲོ་རྒྱ་མཚོའི་དཀྱིལ་ཆོག་སོགས་རྒྱ་གཞུང་འགར། དཀྱིལ་འཁོར་གྱི་ལྷ་ངོ་བསྟན་པའི་སྐབས་དག་པ་བཤད་པ་ནི་དགོངས་པ་ཅན་གྱི་ཕྱག་ལེན་དཀྲུགས་པ་སྟེ། འདོད་ན། རྒྱུད་ལས། དབང་བསྐུར་ནས་ནི་དེ་ཉིད་བསྟན། ཞེས་སོགས་གསུངས་པ་དང་འགལ་ཏེ། དབང་མ་བསྐུར་བར་དག་པ་བསྟན་མི་རུང་བས་སོ། །དེས་ན་འཕགས་པས། དེ་དག་གི་དགོངས་པ་ནི་ཐ་སྙད་ཟོར་ཡང་བའི་ཆེད་དུ་སྐབས་འདིར་དེ་ཁོ་ན་ཉིད་བསྟན་ཀྱང་། ལག་ལེན་ལ་སློབ་དཔོན་གྱི་རྗེས་ལ་མར་འཐེན་ནས་བྱའོ། །ཞེས་གསུངས།། །། ༈ ལམ་འབྲས་དྲིས་ལན་དཔྱོད་ལྡན་རྣ་བའི་བདུད་རྩི་ལས། གཞུང་དུ་ལུས་ལ་བརྟེན་ནས་བདེ་ཆེན་གྱི། སྒྲིབ་པ་ཞེས་གསུངས་དྲུག་པའི་སྒྲས་བསྙད་བཞི་མཐུན་མིན། ཀྱང་། །སྙོམས་པར་འཇུག་པའི་སྒྲིབ་སྐྱེ་བའི་གེགས་བྱེད། དང་དོན་མཚུངས་ཕྱིར། །གཞུང་དང་བཤད་པ་འགལ་བའི་སྐྱོན་མེད་སེམས། །ཞེས་གསུངས། ༧ རྩ་མི་མངོན་དང་མདུད་པ་མེད་ཅེས་པ། །སངས་རྒྱས་ཉིད་ལ་བཤད་པས་འཕགས་གཞན་ལ། །རྩ་མདུད་ཡོད་ཅེས་མགྲིན་པ་ཅུང་ཟད་འདེགས། ༧ འགགས་རྒྱུའི་རླུང་ནི་ཟག་བཅས་བེམ་པོའི་རླུང་སྟེ། ཉིན་ཞག་གཅིག་ལ་ཉི་ཁྲི་ཆིག་སྟོང་དྲུག་བརྒྱ་རྒྱུ་བའི་ནང་ཚན་སྟོང་བརྒྱད་བརྒྱ་པ་རེ་འགགས་པ་ལ་སོར་རེའི་བརྡས་བསྟན། ༧ ནང་རྟགས་སྲོག་རྩོལ་དབུ་མར་འཇུག་ཅེས་པ། །སྤྱི་གཙུག་མཆོག་གི་དབུ་མར་མཁས་རྣམས་བཞེད། །སྤྱིར་བཏང་དབུ་མར་སྦྱོར་ལམ་བཟོད་མཆོག་ནས། །བཅུ་གཉིས་བར་དུ་རླུང་སེམས་འཇུག་འདི་འཐད། ༧ རླུང་ཕྲ་ཞིང་ཐིག་ལེ་རགས་པས་དེ་འགགས་པར་ནང་ཕྱིའི་རྟགས་སུ་བཤད་དམ་སྙམ།། །། ༈ ས་དང་པོ་ཐོབ་སྐབས་བདེ་བས་བརྒྱལ་ནས་རང་གཞན་ངོ་མི་ཤེས་པ་འབྱུང་གསུངས་པ་ནི་མཐོང་སྤང་གིས་བསྡུས་པའི་གཟུང་འཛིན་སྤངས་པའི་དོན་ལགས། ༧ ཐིག་ལེ་གསང་གནས་ཕྱེད་གང་ཞེས་པ། ཕྱི་དབྱིབས་ཀྱི་ཕྱེད་དམ། རྩ་གྲངས་ཀྱི་ཕྱེད་གང་ཡིན་དཔྱད། ༧ གསང་འདུས་མི་བསྐྱོད་པའི་དབང་གི་གསར་རྙིང་གི་དོགས་དཔྱོད་བློ་གསལ་ཉེར་མཁོའི་ལེགས་བཤད་ལས། དབང་བཀའ་གསར་རྙིང་གི་ལུགས་སྲོལ་སོ་སོར་ངོས་བཟུང་བ་དང་། བར་སྐབས་སུ་བསྲེ་བསླད་བྱུང་ཚུལ་དང་། རང་ལུགས་གང་དང་མཐུན་དཔྱད་པའོ། །དང་པོ་ནི། འགྱུར་སྔ་མ་ཀླུ་སྒྲུབ་ཀྱི་དཀྱིལ་ཆོག་ཉི་ཤུ་པ་ལ་བརྟེན་ནས་འགོས་རྔོག་གི་བརྒྱུད་འཛིན་རྣམས་ལ་བྱུང་། དེ་ཡང་འགོས་ལོའི་སྟོང་ཐུན་ཆེན་མོ་དང་། ངོར་ཆེན་དབང་གྲགས་དང་། རྔོག་ཨཱཪྻ་དེ་བའི་དཀྱིལ་ཆོག་སོགས་ནས་གསལ། གསར་མ་ནི་ཀླུ་བྱང་གི་དཀྱིལ་ཆོག་ཉི་ཤུ་བར་བརྟེན། གཉིས་པ་ནི་བུ་སྟོན་གྱིས་འཕགས་འོད་ལ་དབང་བཀའ་བདུན་པོ་གཅིག་ཏུ་བསྲེས་པའི་དབང་རྒྱས་པ་གསན། དེ་ལ་སྲད་པ་ཀུན་བློའི་ཡི་གེར། བཀའ་བབས་བདུན་ལྡན་གྱི་དབང་འདི་ས་སྐྱ་བའི་ཀྱེ་རྡོར་བཀའ་བབས་ལྟར་བརྒྱུད་པའི་ལུགས་སོ་སོར་མ་འདྲེས་པ་ཞིག་དགོས་པ་ལ། ད་ཞྭ་ལུ་བས་གཅིག་ཏུ་བསྲེས་ཚར་འདུག་པས་དགག་སྒྲུབ་མང་ན་དབང་བཀའ་གཅིག་པོ་འདི་ཡང་མ་བྱུང་དོགས་འདུག་ཅེས་རྗེ་རྡོ་རྗེ་འཆང་ཀུན་དགའ་བཟང་པོས་གསུངས་བར་བཤད། གསུམ་པ་ནི། རང་ལུགས་རྗེ་རྡོ་རྗེ་འཆང་གིས་མཛད་པའི་རྒྱ་མཚོ་དགུ་སྐོར་དུ་གྲགས་པའི་དཀྱིལ་ཆོག་ནི། བུམ་དབང་མཐའ་རྟེན་དང་བཅས་པ་ཡན་ཀླུ་བྱང་གི་དཀྱིལ་ཆོག་ཉི་ཤུ་པ་དང་། དབང་གོང་མ་གསུམ་དཀྱིལ་ཆོག་ཉི་ཤུ་པ་ནས་མི་གསལ་བར་ཟུང་འཇུག་གསལ་བ་ནས་ཁ་བསྐངས། ལུས་དཀྱིལ་སོགས་སྤྲོ་ན་གསལ་གྱི་དབང་གི་སྐབས་ནས་འབྱུང་བའི་དོན་ཐམས་ཅད་ཀྱང་ཚང་བར་བཀོད་པས་ན་བསྡུས་པ་མ་ཡིན། རྒྱ་གཞུང་དཀྱིལ་ཆོག་གི་གཞུང་གཉིས་པོ་ལོ་པཎ་གཉིས་ཀྱིས་གསར་དུ་བསྒྱུར་ནས་སྲོལ་བཏོད་པས་ན་འདི་སྨོས་ཏེ་སྔར་བྱུང་བ་རྣམས་དབང་བཀའ་རྙིང་མར་བཞག་ཅིང་། དེ་ནས་གསར་རྙིང་གི་བརྡ་ཆད་འདི་ས་སྐྱ་པ་ལ་བྱུང་ཞིང་། དེས་ན་བརྒྱུད་པ་གཙོ་བོར་གསར་མ་འདྲེན་པར་འཐད་མོད། འོན་ཀྱང་རྙིང་པའང་ས་པཎ་གྱིས་ལེགས་པར་གསན་པས། དེའི་བརྒྱུད་པ་རྣམས་ལ་ཚིག་གི་བརྒྱུད་པ་ཇི་ལྟ་བ་བཞིན་མ་བཞུགས་ཀྱང་དོན་ཇི་བཞིན་བཞུགས་པ་ཡིན་ཏེ། གཉིས་ཀ་མི་བསྐྱོད་པའི་དབང་བརྒྱུད་དུ་མཚུངས་པའི་ཕྱིར་རོ། །གྲུབ་ཆེན་ནག་པོ་པའི་གསང་བའི་དེ་ཁོ་ན་ཉིད་རབ་ཏུ་གསལ་བ་ལས། །བསྲེགས་དང་བཅད་དང་བརྡར་བ་ཡི། །མཁས་པ་དག་ནི་གསེར་བཞིན་དུ། །ཡིད་ཆེས་རྣམ་པ་བཞི་ཡིས་ནི། །ལྷན་ཅིག་སྐྱེས་པ་བརྟན་པོར་བཟུང་། །ཐ་མལ་སེམས་ཅན་གཅིག་ཤོས་ཀྱིས། །ཡིད་ཆེས་རྣམ་པ་བཞི་ཡིན་ཏེ། །ལུང་ལ་ཡིད་ནི་ཆེས་པ་དང་། །དེ་བཞིན་གཞན་ལ་ཡིད་ཆེས་དང་། །བདག་ཉིད་ལ་ནི་ཡིད་ཆེས་དང་། །དེ་བཞིན་བླ་མ་ལ་ཡིད་ཆེས། །ཡིད་ཆེས་རྣམས་ནི་ཐམས་ཅད་ལས། །བླ་མ་ཡིད་ནི་བྱེད་པོར་འགྲོ། །བླ་མ་དམ་པ་གནས་ཡིན་ནོ། །ཞེས་སོ།། །། ༈ བཟང་སྤྱོད་འགྲེལ་པ་ཤཱཀྱ་བཤེས་གཉེན་དེ་ལ་འོད་དཔག་མེད་ཀྱི་གནས་རབ་ཐོབ་པར་ཤོག་དང་། ཀླུ་སྒྲུབ། ཕྱོགས་གླང་། རྒྱན་བཟང་རྣམས་ལ་ཕན་པ་མང་བྱེད་ཤོག་ཡན་སྣང་། ནམ་བསོད་ཀྱིས་རྗེས་ཀྱི་ཤ་ལོ་ཀཿགསུམ་པོ་གཞན་གྱིས་བཅུག་པར་བཤད་མོད། དེང་སང་འདོན་པའི་ཚིགས་བཅད་རྗེས་མ་འདི་གཞན་གྱིས་བཅུག་པ་ལས། ལྷག་མ་ཤཱཀྱ་བཤེས་གཉེན་གྱི་རྒྱ་འགྲེལ་དུ་སྣང་བས་སོ།། །། ༈ འཕགས་པ་ཀླུ་སྒྲུབ་རྨ་བྱ་གྲུབ་བདེ་ཆེན་དུ་གཤེགས། འཇམ་དཔལ་རྩ་རྒྱུད་ལས་ས་དང་པོ་ཐོབ་པ་དང་། ཟླ་གྲགས་ཚིག་གསལ། ཀྱིས་ས་དྲུག་པ་བརྙེས་པ་དང་། ཇོ་བོ་རྗེས་དབུ་མ་རིན་པོ་ཆེའི་ཟ་མ་ཏོག་ཁ་ཕྱེ་བ་ལས་མདོ་ལས་ས་བརྒྱད་པའི་ལུང་བསྟན་ཡོད་པར་བཤད། སྤྲིན་ཆེན་པོའི་མདོ་ལས་མྱ་ངན་ལས་འདས་ནས་བཞི་བརྒྱ་ན་འབྱུང་བ་དང་། རྫོགས་པའི་སངས་རྒྱས་ཡེ་ཤེས་དབུ་མ་བོད་དུ་ལུང་བསྟན།། །། ༈ མདོ་ཀུན་བཏུས་ལས། སངས་རྒྱས་འབྱུང་བ། མིར་གྱུར་བ། དལ་བ་ཕུན་ཚོགས། དད་པ་ཕུན་ཚོགས། བྱང་ཆུབ་ཀྱི་སེམས། སྙིང་རྗེ་ཆེན་པོ། ཚུལ་ཁྲིམས་རྣམ་དག །ཐོས་པ་རྣམ་དག །བསམ་པ་རྣམ་དག །རྒྱ་ཆེན་པོ་ལ་མོས་པ་རྣམས་རྙེད་པར་དཀའ་བ། ཞེས་ས་བཅད་བཅུའོ།། །། ༈ ངག་ཆོས་པའི་ལམ་འབྲས་དཀའ་གནད་ཀྱི་རང་ལན་དྲང་པོའི་གཏམ་སྐྱེས་བདུད་རྩིའི་ཐིགས་ཕྲེང་ལས། སྣང་གསུམ་སྐབས་བླ་མ་རྡོ་རྗེ་འཆང་དུ་བསྒོམ་པ་མི་འགལ་ཏེ། སློབ་མ་དེ་སྔགས་ལམ་ལ་འཇུག་འདོད་དང་། རྡོ་རྗེ་འཆང་གི་གོ་འཕང་ཐོབ་འདོད་ཡོད་པས་མ་མཐའ་ཚང་ཞིང་། འགའ་ཞིག་དབང་བསྐུར་བ་ཙམ་མམ། ཁྲིད་ཡོངས་རྫོགས་ཀྱིས་སྨིན་པའང་ཡོད་པའི་ཕྱིར། དེའང་མི་འཐད་ན། སློབ་མ་རྗེས་འཛིན་དང་། བསགས་སྦྱོང་གི་དམིགས་པ་སོགས་ཀྱང་མི་འཐད་པར་འགྱུར་ཏེ། དབང་མ་བསྐུར་བར་མཚུངས་པའི་ཕྱིར། དེས་ན་སྔགས་ལམ་ལ་འཇུག་པའི་སྔོན་འགྲོ་ཡིན་གྱི། ཕར་ཕྱིན་རང་རྐང་མིན་པས་སྐྱོན་མེད། ༡༽ །སློབ་མ་རྗེས་འཛིན་སོགས་དང་བསགས་སྦྱོང་སོགས་ཀྱང་སྔགས་ལམ་གྱི་སྔོན་འགྲོ་ཡིན་པས་མི་འགལ་བར་བཤད་མ་ཐག་པས་གྲུབ། ༢༽ ཐུན་མོང་དང། ཐུན་མོང་མ་ཡིན་པའི་རྣལ་འབྱོར་ནི་ཕར་ཕྱིན་ཐེག་པ་ཙམ་ཉམས་སུ་ལེན་པ་དང་། རྡོ་རྗེ་ཐེག་པའི་ལམ་ཉམས་སུ་ལེན་པ་ལ་འཇོག་པ་ཆོས་སྤྱི་སྐད་ཡིན། འོན་ཀྱང་སྣང་གསུམ་གྱི་སྐབས་སུ་དེ་སྐད་གསུངས་པ་ཅི་སྙམ་ན། སྔར་དབང་བསྐུར་བ་མ་ཐོབ་པ་དང་། ཐོབ་པ་ལ་དེ་འདྲའི་ཐ་སྙད་བཞག་གམ་སྙམ། སྣང་གསུམ་གྱི་སྔོན་དུ་ངེས་པར་དབང་བསྐུར་བ་དགོས་ཞེས་པ་མི་འཐད་ཀྱི་གཏན་ནས་དགག་པ་མིན། ༣༽ སྔགས་ལམ་ཉམས་སུ་ལེན་པ་ཙམ་ཐུན་མོང་མ་ཡིན་པའི་རྣལ་འབྱོར་མ་ཡིན་ཏོ། །རྟེན་སྐྱོན་མེད་པ། ཐོས་བསམ་དང་བསླབ་པ་དག་པ། དབང་གིས་རྒྱུད་སྨིན་པ། ཉམས་རྒྱུད་ལ་སྐྱེས་པ་ཞེས་ཁྱད་ཆོས་བཞི་ལྡན་དུ་གསུངས་པས། ཉམས་རྒྱུད་ལ་མ་སྐྱེས་པ་རྣམས་གང་དུ་བསྡུ་སྙམ་ན། ཐུན་མོང་ཐུན་མིན་གཉིས་སུ་ཕྱེ་བའི་ཐུན་མིན་གྱི་ཁོངས་སུ་བསྡུ་སྟེ། བླ་མེད་ཀྱི་ལམ་ཉམས་སུ་ལེན་པའི་ཕྱིར། ༤༽ གདམས་ངག་དྲུག་དང་སྲུང་བ་སུམ་བཅུ་ལ་འཁོར་འདས་ཐུན་མོང་ཞེས་འཇོག་པའི་རྒྱུ་མཚན། ལྟ་བའི་དུག་དབྱུང་བ་སོགས་འཇིག་རྟེན་གྱི་ལམ་ཁོ་ན་ཡིན་ཀྱང་། བསམ་གཏན་གྱི་དུག་དབྱུང་ཉམས་སྐྱོན་ཅན་སྲུང་བ་ནི་ཚོགས་སྦྱོར་ནས་ས་བཅུ་གསུམ་ཕྱེད་སོན་པའི་བར་དུ་ཡོད་པ་སོགས་ཀྱིས་མི་འགལ། ༥༽ དོན་བསྡུས་པར་འདི་དག་འཇིག་རྟེན་གྱི་ལམ་དུ་འཇོག་པ་ནི་ཤས་ཆེ་བ་ལ་དགོངས་སོ། ༦༽ །འཇིག་རྟེན་པའི་ལམ་དུ་བླ་མ་ན་མི་འཕོ་བས་གཙོ་ཆེ་བས་བཞག་གི །ཁྱབ་མཐའ་མི་འཛིན་ཏེ་འདུས་པ་གསུམ་པར་སྤྲུལ་སྐུ་ལས་དབང་ནོད་པའི་ཕྱིར། ༧༽ རྒྱུ་ལྷན་སྐྱེས་ཀྱི་སྐབས། རྐྱང་མ་ཐབས་དང་། རོ་མ་ཤེས་རབ་རྩར་བཞག་པ་གཞུང་སྤྱི་དང་འགལ་བ་སྤོང་བ་ནི། འདི་དག་རིགས་མཐུན་བསྡེབས་བའི་ཚུལ་རྒྱས་པར་བཤད་དུ་ཡོད། དེ་བཞིན་དུ་ཨོཾ་ཨཱཿཧཱུྃ་གསང་དབང་སྦྱར་བ་ནི། སྤྱི་ཙམ་དུ་ཨཱཿའོས་ཀྱང་། ནང་དུ་རྡོ་རྗེའི་ལུས་ལ་དེ་ལྟར་གྱི་ངེས་པ་རང་མེད་དེ། སྤྱི་བབས་སུ་འཇུག་གནས་ལྡང་གསུམ་འབྲུ་གསུམ་ལ་སྦྱར་ཀྱང་། མ་ཧཱ་མཱ་ཡཱར ་དེ་ལས་གོ་ལྡོག་པ་བཞིན་ནོ། ༩༽ །ལུས་སེམས་གྲུབ་བདེ་རྫས་གཅིག་ཏུ་མི་འཐད་པར་མུ་སྟེགས་རྒྱང་འཕེན་པ་དང་མཚུངས་སོ་སྙམ་ན། དེ་ནི་མ་ཡིན་ཏེ། སྔ་མས་ལུས་གྲུབ་པ་ན་སེམས་གྲུབ་ཅིང་། དེ་འགགས་པ་ན་འགགས་ལ་མ་འགགས་པར་རྒྱུན་གྱི་རྫས་གྲུབ་དུ་འདོད་ལ། འདིར་ཇི་སྲིད་ལུས་སེམས་ཚོགས་ཙམ་གྱི་ཚེ་མེ་ཏོག་དང་དྲིའི་ཚུལ་ལྟར་གནས་པར་འདོད་པས་ཤིན་ཏུ་མི་མཐུན་ནོ། ༡༠༽ །འབྲས་བུ་འཁོར་འདས་དབྱེར་མེད་ཀྱི་ཚེ་འཁོར་བ་ཡོད་དམ་སྙམ་ན་ཡོད་དེ། དཔེར་ན་སངས་རྒྱས་ཀྱི་ཚེ་ཀུན་རྫོབ་བདེན་པ་མེད་ཀྱང་། བདེན་གཉིས་ཟུང་འཇུག་གི་ཀུན་རྫོབ་བདེན་པ་ཡོད་དེ། ཟུང་འཇུག་ལ་ཡ་གྱལ་དགོས་པའི་ཕྱིར་རོ། །ཞེས་གསུངས། ༡༡༽ ལུས་དཀྱིལ་ལྷ་ལ་ཡེ་ཤེས་པ་གཞུག་མི་དགོས་ན། རིགས་བདག་ཀྱང་མི་དགོས་པར་ཐལ་ལོ་སྙམ་ན། མ་ཡིན་ཏེ། ཡེ་ཤེས་གཞུག་མི་དགོས་པའི་སངས་རྒྱས་མཚན་ཉིད་པ་རྣམས་ལ་ཡང་རིགས་བདག་རང་ཆས་སུ་བཞུགས་ཏེ། སྤྱན་རས་གཟིགས་བཞིན་ནོ། ༡༢༽ །ཡུམ་གྱི་ལུས་དཀྱིལ་ལ་ཕོ་བྲང་ལྔའི་ལུས་དཀྱིལ་དང་། ཡུལ་ཉེར་བཞིའི་ལུས་དཀྱིལ་གཉིས་ཀ་མ་ཆད་པར་བསྒོམ་དགོས། དེའི་ཚེ་སྙིང་གའི་རྩ་དབུ་མའི་ནང་གི་ཁམས་དེ་ཐུགས་རྡོ་རྗེ། དེའི་མདུན་ངོས་ཀྱི་ཕྱི་ཤུན་རྩ་དེ་མཱ་མ་ཀཱི། རྒྱབ་ངོས་ཀྱི་ཕྱི་ཤུན་གྱི་རྩ་དེ་བདག་མེད་མ། དེའི་ཐད་ཀྱི་རོ་རྐྱང་གཉིས་ཀྱང་བདག་མེད་མར་བསྒོམས་པས་བདག་མེད་མ་གསུམ་མམ། ཡང་ན་རོ་རྐྱང་ལའང་མདུན་རྒྱབ་གཉིས་སུ་ཕྱེ་བས་ལྔའོ། །སྙིང་གའི་ནང་སྐོར་གྱི་འདབ་མ་བརྒྱད་ཀྱི་མདུན་གྱི་མཚམས་གཉིས་སུ་མཁའ་སྤྱོད་མ། རྒྱབ་ཕྱོགས་ཀྱི་མཚམས་གཉིས་སུ་ས་སྤྱོད་མ་རེ་རེ་བསྒོམ། ༡༣༽ ལུས་དཀྱིལ་རྐྱང་པ་བསྒོམས་པས་དབང་བཞིའི་ཉམས་མྱོང་ཀུན་འདྲེན་ནུས་པ་སྲས་དོན་མ་སོགས་ལས་བཤད་པས། བསྐྱེད་རིམ་ཙམ་གྱིས་འཚང་རྒྱ་བ་དང་། བསྐྱེད་རྫོགས་ཟུང་འཇུག་མི་དགོས་པར་ཐལ་ལོ་སྙམ་ན། དེ་ནི་མ་ཡིན་ཏེ་ལུས་དཀྱིལ་བསྐྱེད་རིམ་ཁོ་ནའི་ལམ་མིན་ཅིང་། སྒོམ་མཁན་གྱི་གང་ཟག་ཀྱང་རྒྱུ་དུས་ཀྱི་དབང་བཞི་རྫོགས་པ་དང་། ལུས་དཀྱིལ་གྱི་དབང་རྫོགས་པར་ཐོབ་པ་ཞིག་དགོས་ལ། ཕྱི་བསྐྱེད་རིམ་ནི་བུམ་དབང་ཙམ་ཐོབ་པས་ཀྱང་བསྒོམ་དུ་རུང་བའི་ཕྱིར་དང་། ལུས་དཀྱིལ་ལ་དབང་བཞིའི་ལམ་དང་རྗེས་སུ་མཐུན་པའི་རྟེན་འབྲེལ་ལམ་བྱེད་ཡོད་ལ། ཕྱི་དཀྱིལ་ལ་དེ་མེད་པ་སོགས་ཁྱད་པར་ཆེའོ། ༡༤༽ །ལམ་དུས་ཀྱི་དབང་ལེན་པའི་གསལ་བྱེད་ཀྱི་ཡི་གེར། དམིགས་རྒྱ་ཆེ་ཆུང་འབྲིང་གསུམ་བཤད། དེའི་རྒྱ་ཆེའི་ཚེ་གཙོ་བོ་ཡབ་ཡུམ་གྱི་མཱ་མ་ཀཱི་ལས་དེ་འདྲ་བ་གཅིག་ཆད་དེ། ཕྱིའི་ཧེ་རུ་ཀའི་ཡུམ་ལ་ཐིམ་པར་བསམ་པ་ནི་ཕྱག་རྒྱ་གཏད་པའོ། ༡༥༽ །ཁྲིད་ཡིག་སྤྱི་ལས་དཀར་ལམ་སྔོན་དང། དམར་ལམ་རྗེས་ལ་འཆར་བར་བཤད། ལམ་འབྲས་པས་ཀྱང་ཕལ་ཆེར་དུ་དེ་ལྟར་བཤད། ཀླུ་སྒྲུབ་པས་དེ་ལས་གོ་ལྡོག་སྟེ་ཤིན་ཏུ་རྒྱས་པར་བཤད། འོན་ཀྱང་རྐྱང་མའི་ནུས་པ་སྔོན་ལ་ཉམས་ན་དཀར་ལམ་དང་། རོ་མའི་ནུས་པ་སྔོན་ལ་ཉམས་ན་དམར་ལམ་ཐོག་མར་འཆར། དེ་གཉིས་དུས་གཅིག་ཏུ་ཉམས་ན་གཅིག་ཅར་འཆར་བའང་སྲིད་མོད། དེ་རྟགས་རླུང་ཕྱིར་འབྱུང་བ་རོ་མ་དང་། ནང་དུ་རྡུབས་པ་རྐྱང་མའི་བྱེད་ལས་ཡིན་པས་གང་སྔོན་ལ་འགགས་ན་ཤེས་ཀྱང་། ཕལ་ཆེར་འཇུག་པའི་ནུས་པ་སྔོན་ལ་ཉམས་པ་ཁོ་ན་མཐོང་། ༡༦༽ བསྣམ་བྱ་ལྔ་ཞེས་པའི་དོན། བར་དོར་ལོངས་སྤྱད་བྱའི་གཙོ་བོ་ནི་དྲི་ཡིན་ཞིང་། དྲིའི་ཁ་དོག་ལྔའི་ཚུལ་དུ་འབྱུང་བ་ལ་བསྣམ་བྱ་ལྔར་འཆད་པ་ཡིན་ཞེས་འཕགས་པའི་གཞུང་བཤད་ལས་འབྱུང་། བླ་མ་དམ་པའི་གཞུང་བཤད་ལས་འདོད་ཡོན་ལྔ་ལ་བཤད་པས། དེ་ལྟ་ན་རྣམ་ཆ་ལྔ་ཞེས་དགོས་པར་སྣང་། ༡༧༽ གཏུམ་མོ་འཁོར་ལོ་བཞི་པའི་སྐབས་ལྟེ་བའི་མེ་ཡི་རྩ་རྣམས་དངོས་མེད་དུ་བསྲེག་པ་མ་ཡིན། ལྕགས་བསྲེགས་པ་བཞིན་དུ་ཚ་བའི་རང་བཞིན་ཅན་དུ་བྱེད་ཅིང་སྙིགས་མ་རྣམས་སྐམས་ནས་རྩ་ནང་གི་སྦུབས་སྟོང་སང་ངེ་བར་བསྒོམ་པའོ། ༡༨༽ །སྣྲེལ་ཞི་ཞེས་པ་བརྡ་རྙིང་ཡིན། འདིའི་རྩ་བཞིའི་ངོས་འཛིན་འདིར་གནས་ཀྱི་ངེས་པ་མེད་ཅེས་སྲས་དོན་མ་ལས་བཤད། ༼༡༩ ༢༠ ༢༡ ༢༢༽ བྷ་གའི་ཡི་གེ་བཅུ་བཞི་ལ་དཔེ་རིས་སོགས་མི་མཐུན་པ་སྣ་ཚོགས་འབྱུང་བ་ནི། གང་ཟག་སོ་སོའི་རྡོ་རྗེའི་ལུས་ཀྱི་གནས་ཚུལ་བསམ་གྱིས་མི་ཁྱབ་པས་འགལ་བར་མི་འདུའོ། ༢༣༽། མཛེས་རྒྱན་དང་། ཀླུ་སྒྲུབ་པའི་ཁྲིད་ཡིག་སོགས་ལས། གཟུང་འཛིན་གཉིས་ཀའི་རྦ་རླབས་རེངས་པས། སྟོང་མཚན་སྨོན་མེད་མངོན་སུམ་བྱེད་ཅེས་བཤད་པ་གསུང་རབ་སྤྱི་སྐད་དང་མཐུན་ལ། གཉགས་མ་སོགས་སུ་དེ་ལས་༢༠ལྡོག་པར་གསུངས་པ་ནི། རྡོ་རྗེའི་ཚིག་རྐང་རང་ལུགས་ཡིན་གྱི་མི་འགལ། ༢༤ ༢༥༽ དོན་བསྡུས་མ་ཞེས་པ་ཚིགས་བཅད་ཉུང་ངུ་འདི་ནི་རྒྱན་དང་འདྲ་སྟེ་རྣམ་འགྲེལ་གྱི་གྲས་སུ་མི་བགྲང་། རྣམ་འགྲེལ་ཨ་སེང་མ་ནི་འདི་ཁོག་རྐྱལ་དུ་གཞུག་པའི་འགྲེལ་པ་རྒྱས་ཙམ་ཞིག་ཡོད་དོ། ༢༦༽ དབང་ནི་རྒྱུ་དབང་། འཁྲིད་ནི་སྔགས་ལམ། གཞུང་བཤད་ནི་རྣམ་འགྲེལ་དང་སྦྱར་བའི་བཤད་པ། གདམས་ངག་ནི་གེགས་སེལ་གྱི་མན་ངག་སྦྱིན་པ་ཡིན། ས་ཆེན་ཡན་གཞུང་བཤད་དང་འཁྲིད་སྟབས་གཅིག་ཏུ་མཛད་རིང་བརྒྱུད་ཀྱི་ལམ་འབྲས་རྫོགས་པར་མ་ཐོབ་པ་ལ་སྒྲུབ་པ་ལུང་སྦྱིན་མི་རུང་། རྫོགས་པར་ཐོབ་པའི་ཚད་ནི། སྣང་རྒྱུད་ཡོངས་རྫོགས། རྒྱུ་ལམ་དབང་། བདག་མེད་མའི་བྱིན་རླབས། བརྡ་ཚིག་བརྒྱུད། གཞུང་རྒྱས་བསྡུས་ཅི་རིགས་སམ་མ་མཐའ་རྣམ་འགྲེལ་གྱི་བཤད་ལུང་ཙམ། གླེགས་བམ་ཕྲ་མོ་དང་བཅས་པ་ཐོབ་པའོ། །སྒྲུབ་ལུང་ཐོབ་ནས་བསྙེན་པ་སོགས་ཚད་དུ་འཁྱོལ་ན་ཕྱིས་འཆད་རུང་ངོ་། ༢༧ ༢༨༽ ཆོས་སྣ་དྲུག་ཅུ་ཞེས་པ་བདག་ཆེན་རྡོ་རྗེ་འཆང་གི་དཀར་ཆག་ན་༥༩གསལ་བ་སྟེ། རྡོ་རྗེའི་ཚིག་རྐང་དང་། རྟོགས་གསལ་གྱི་དཔེ་བྲིས་རྣམས་གཅིག་ཏུ་བསྡོམས་པར་བཞེད། ཀླུ་སྒྲུབ་པས་མཆན་དཀྱུས་སུ་ཤོར་བ་ཙམ་ལས་རྗེ་བཙུན་གྱི་དཀར་ཆག་ན་དམིགས་བསལ་མེད་ཅིང་། ངོར་ཆེན་གྱི་གསན་ཡིག་ཏུ་ངོས་བཟུང་མི་འབྱུང་བས་པར་བཀབ་མེད་གསུངས། དབང་ཕྱུག་དཔལ་བཟང་པས། གཉགས་མ་ནས་གསལ་བྱེད་དང་བཅས་པ་ནས། རྒྱ་བོད་ཀྱི་ལོ་རྒྱུས། ལུང་འདི་ཉིད་དང་ཞིབ་ཏུ་སྦྱར་བའི་༥༨བར། ལུས་མཐའ་དག་དང་ཞིབ་ཏུ་སྦྱར་བ་དང་མན་ངག་ཕྲ་མོ་རྣམས་གཅིག་ཏུ་བསྡོམས་པས་དྲུག་ཅུའོ། །ཞེས་བཞེད། ༢༩༽ ། ༈

གསེར་མདོག་པཎ་ཆེན་དང་། ས་ངོར་གྱི་བཞེད་པ་མི་མཐུན་པ་མང་སྟེ། རྒྱུད་གསུམ་གནོད་འཇོམས་ལས་རྡོ་རྗེ་ཐེག་པའི་ལྟ་བ་རྣམ་རིག་ཡིན་ན། སྟོན་པས་གདུལ་བྱ་རྣམས་ལོག་ལམ་ལ་བཅུག་པར་འགྱུར་རོ། །ཞེས་བཀོད་པ། དྲིས་ལན་ལས། །རང་རིག་རང་གསལ་བདེན་གྲུབ་ཁས་ལེན་པའི། །དབུ་མའི་ལུགས་འདི་གསང་བ་འདུས་པ་དང་། །ཀྱེ་རྡོར་རྒྱུད་གསུམ་བྱང་ཆུབ་སེམས་དཔའ་ཡི། གཞུང་འགྲེལ་སྐོར་གསུམ་དག་ན་གསལ་བར་བཞུགས། ཞེས་སྨྲ། ༡ དབུ་སེམས་ལྟ་བ་ཐ་དད་པས་ཆོ་ག་ཐ་དད་པའི་སྒྲུབ་བྱེད་བཀོད་པར། དོན་དམ་རྣམ་རིག་སྨྲ་བའི་ལྟ་བ་དང་། དབུ་མའི་ལྟ་གྲུབ་འགལ་ཅེས་ཟེར་བ་དང་། ཞེས་སྨྲ། ༡ སེམས་བདེན་པར་ཤེས་ན་སྡུག་བསྔལ་བདེན་པ་འབྱུང་བར་བཤད་པར། ཡེ་ཤེས་ཚོགས་བསགས་ཐོགས་མེད་གཞུང་དང་མཐུན་ཅེས་བཤད། ༣ ཟུང་འཇུག་རྡོ་རྗེ་འཆང་གིས་མཚམས་བཞག་པར། མ་དག་པའི་ལུས་ཁོ་ན་འཇའ་ལུས་སུ་གནས་འགྱུར་བར་བཤད། དྲིས་ལན་ལས༣༥། མ་དག་པའི་ཕུང་པོ་ལྷག་པའི་ལྷར་བསྒོམ་པ་མ་ཡིན་ཏེ། དེ་མ་རིག་པ་ཀུན་རྫོབ་ཀྱི་བདེན་པ་ཡིན་ལ། ལྷ་དོན་དམ་གྱི་བདེན་པ་ཡིན་པའི་ཕྱིར། ཞེས་སྨྲ། ༤ ས་པཎ་གྱིས། གཞི་ལམ་འབྲས་གསུམ་དབྱེར་མེད་དོན་སྨྲ་བས། སོགས་ལ། རྒྱུ་རྒྱུད་སྦྱང་གཞིར་བཤད་པ་མ་བལྟས་ཤིང་། །གཞི་མི་སྤོང་བའི་འཐད་པ་མ་བཀླགས་པར། །སྦྱང་གཞི་སྦྱོང་བྱེད་དབྱེ་བ་མེད་དོ་ཞེས། །གོང་མའི་དགོངས་པ་སྙོགས་རྣམས་རན་པར་སྨྲོས། །ཞེས་སྨྲས། ༥ དྲིལ་བུ་ལུས་དཀྱིལ་རྡོ་རྗེ་འཆང་གི་དཀའ་གནད་ལས། ལུས་དཀྱིལ་བསྐྱེད་གཞི་དོན་དམ་བདེ་གཤེགས་སྙིང་པོ་འཁོར་ལོ་བདེ་མཆོག་གི་དཀྱིལ་འཁོར་ཡིན་པ་བཀག་ནས་རང་གི་རྩ་ཁམས་ཉིད་ཡིན་པར་བཤད་པ། དྲིས་ལན་ལས༤༠། ཐ་མལ་པའི་ལུས་ཀྱི་སྤྱི་བོ་ནི། ཀུན་བརྟགས་དང་། རྣམ་པར་བརྟགས་པ་དང་། ཆོས་ཉིད་ཀྱི་སྤྱི་བོ་གསུམ་ལས། སྔ་མ་གཉིས་སྣ་ཚོགས་རྡོ་རྗེར་མི་རུང་སྟེ། ཡེ་ནས་མ་གྲུབ་པའི་ཕྱིར་དང་། །གཟུང་འཛིན་གྱིས་བསྡུས་པས་གནས་འགྱུར་གྱི་མཐར་ཐུག་འདོད་དགོས་པའི་ཕྱིར་རོ། །དེས་ན་མ་དག་པའི་ལུས་ཀྱི་དབང་དུ་བྱས་པའི་སྤྱིའི་ཆོས་ཉིད་གཟུང་འཛིན་གཉིས་མེད་ཀྱི་ཡེ་ཤེས་ཉིད་སྣ་ཚོགས་རྡོ་རྗེར་བསྒོམ་པ་ཡིན་ཞེས་བཤད། ༦ གཞན་ཡང་འགྱུར་བཅོས་པ། ཡོད་ལ་མི་རྟག་གིས་ཁྱད་པ། ཅེས་དང་། །ཆོས་ཀྱི་དབྱིངས་ནི་མང་ཉུང་གིས། །སྤྲོས་པ་བྲལ་བ་ཡིན་ཕྱིར་རོ། །ཞེས་དང་། ཡོད་ན་དོན་བྱེད་ནུས་ཕྱིར་རོ། །ཞེས་དང་། དེས་ན་སོགས་རྒྱུའི་དགེ་བ་ནས། །རང་གིས་བྱས་པའི་དགེ་ཡིན་ཕྱིར། །གནས་ཀྱི་སྨོན་ལམ་དག་ཏུ་འདོད། །ཅེས་དང་། ཟབ་མོ་བཀྲོལ་རིན་ཕྲེང་ཊཱི་ཀ་ལས་བཀོལ་ཞེས་བཤད། བའི་དོན་དང་ལྡན། ཅེས་དང་། འཕགས་པ་དཀོན་མཆོག་འབྱུང་བ་ལས། ཞེས་དང་། དེ་ཚེ་འཇམ་པའི་རྡོ་རྗེ་ཡིས། ཞེས་སོགས་མང་དུ་བཅོས་ཡོད་དོ། །ཤུ་བྷཾ། རང་ལུགས། འཁོར་ལོ་བར་པས་ཆོས་ཀུན་ཟབ་མོ་སྟོང་པ་ཉིད་དུ་གཏན་ལ་ཕབ་ནས། གསུམ་པས་དེའི་སྟོང་འཛིན་སེལ་བའི་ཕྱིར་མཐའ་གཉིས་སྤངས་པའི་དབུ་མའི་ལམ་སྲོལ་བཏོད་དེ། ཀླུ་ཐོགས་གཉིས་ཀྱང་དོན་དམ་པའི་གནས་ལུགས་ལ་གཅིག་ཀྱང་། རིག་པས་སྤྲོས་པ་གཅོད་ཚུལ་མ་མཐུན་པས་དབུ་སེམས་གཉིས་སུ་གྱེས་པའོ། ། ༈

[edit]

mkhan chen ngag chos kyis dris lan skor sogs las khol btus/__ oM swa sti sid+d+haM/__mkhan chen thams cad mkhyen pa ngag dbang chos grags kyis mdzad pa'i dris lan skor las/__kye rdor gyi dbang gi dogs pa'i dri ba'i rang lan mkhas pa'i rna rgyan du/__sta gon skabs/__las thams cad pa'i mchod pa zhes pa spyi mchod sgos mchod dngos su gsal ba rnams la ma gtogs pa'i las gar dgos thams cad thun mong du dbul rgyu'i mchod pa'o/__/'di la nyer spyod lnga'am/__chu bzhi bsham thub na'ang legs/__de yang dper na bdag mdun 'brel ba'i tshe bdag bskyed kyi bzlas pa'i rjes su 'bul ba rtse mo'i dbang chu las gsungs pa dang /__de bzhin bdag mdun gyi ye shes pa dang /__dbang lha spyan drang pa/__bum bskyed mchod pa/__yi dam gyi gtor bsngo sogs mdor na dngos su ma bshams pa thams cad kyi skabs su dran par bya'o//____//__! ras bris skabs sa chog mi dgos pa spyir grags mod/__'phags pa'i bdag 'jug gnyis sogs las de ltar bshad pa ni/__rgya hor sogs sngar sa gzhi ye byin gyis ma brlabs pa la thub na legs so/____/_! sa chog dang /__sa lha sta gon gnyis la khyad che mod/__snga ma ni dpang po'i tshul tsam dang /__phyi ma ni gnang ba zhu ba'i don lags/__7__brgyad gsum nyer bzhi'i gtor ma la 'byung po spyi gtor zhes btags pa la rgyu mtshan yod de/__srid pa gsum gyi 'byung po thams cad de rnams la bstim pa'i phyir dang /__lung gis kyang grub bo/__7__/sngon 'gro gtor ma la gsang spyod lta bar dbang ba'i dkar phyogs dang /__mi dbang ba'i nag phyogs gnyis ka yod par 'phags pa'i dpal 'byung ma las bshad/__7__g+hAN+Der Ni tshar gsum brjod pa/__mchod yul spyan drang /__gnas dang mchod pa byin rlabs gsum du 'dod pa mi 'thad de/__gong ma'i gsung gis ma zin pa dang /__snga ma ni 'og tu 'byung ba/__phyi ma gnyis ni zur du gsal ba'i phyir/__des na 'di ni mchod pa byin dbab bam rol mo byin dbab ste/__byin rlabs ma yin cing /__rgyu mtshan rtse mo'i dbang chur bshad do//____//__! dngos gzhi sgrub mchod skabs/__mdun bskyed rgyas par rten la bdun bsres tshe sngon la rdul tshon stong par sbyangs pas bsreg zhi dang bsre rgyu gcig tu thal bar 'gyur ram/__ma yin te/__bde chen rgya mtsho las/__blo ngor rdul tshon stong par sbyangs zin pas gsar du bskyed pa dang bsre ba'i gzhi med par 'dod na ni lha mo brgyad la yang mtshungs pas lnga bsres ma tshang bar thal ba'i phyir ro/__/'o na bris pa dang bskyed pa gnyis la bsre ba'i don ji ltar gnas snyam na/__/sngar rdul tshon stong par sbyangs nas phyis rdul tshon de nyid gzhal yas khang gi rnam par bsgom pa bsre ba'i don yin te/__lha mo brgyad la yang gdan gyi steng du mngal 'byin gyi lha mo bzhag pa nyid la bris pa dang bsre ba'i don tshang ba yin no/__/zhes so/__/phyi rol gtor ma'i rgyu mtshan 'ga' bshad kyang /__rang lugs/__gtor mgron nyer bzhi por gsang spyod lta bar dbang ba 'ga' yang yod mod/__phal cher mi dbang ba shas che bas phyi rol gtor ma skabs su bab cing /__der gsang spyod lta bar mi dbang ba'i 'byung po kun kyang 'ong nyan pas gtor ma thob 'gro ba'i phan yon yod pa lags/__7__gtor mgron gyi 'byung po'i nang na sprul pas 'gro don mdzad pa yang srid mod/__gtso cher rang rgyud pa yin te/__sa chen gyis mngon rtogs dka' 'grel las/__'byung po brgyad gsum nyi shu rtsa bzhi ni bstan pa la zhugs pa'i byang chub sems dpa'i dge 'dun yin pas/_zhes gsungs pa'i phyir/__sngags la'ang zhugs ma zhugs ci rigs yod de/__dkar phyogs yin kyang sngags kyi gdul bya ma yin pa yod pa'i phyir/__srid gsum 'byung po thams cad 'dus pa yin zhing de ltar bsgom dgos/__de yang sku rdo rje sogs kyi rnam par bsams pas tshogs rdzogs che/__mchod bstod kyang rung /__ngo bo sems can yin kyang rnam pa lhar bskyed nas gtor ma phul bas phan yon che ba yin te/__paN chen gyis gtor mas 'byung po thams cad sangs rgyas su bsgoms la mchod ces dang /__de ltar byas na sangs rgyas kyang mnyes 'byung po'ang tshim pa'i rten 'brel yod/__ces gsungs/__de yang /__sa 'og sa steng sa bla'i sems pa kun/_/chos 'byung gsum gyi 'dab mar gtor mgron du/__/bskyed pa gur gyi dgongs pa yin pas na/__/'byung po rang rgyud pa ru 'thad pa yin/__/gtor mgron ngo bo 'byung po'i tshogs yin kyang /__/rdo rje gsum gyi 'dra 'bag lta bu rnam par gsal btab nas/__/mchod bstod gtor ma 'bul ba'i gnad zab mo/__/shes par gyis la shes ldan snying dbus chongs/__'di kun mkhyen gyis nang mchod/__chu chang dang /__dbang chur chu chang /__mdzes rgyan du chab kyis bran par gsungs pa gnad shes na mi 'gal lo//____//__! phas pham bcu bzhi ni/__khyod kyis srog chags bsad mi bya/__zhes sogs nyes spyod sdom pa dang 'gal ba lnga ste/__bya ba ma yin spang na gong gi lnga po de sems can gyi don phyir dgag dgos yod na spang blang bya ba'i tshig ste spyi la khyab pa'o/__/dam pa nye bar bsten pa sogs dge ba chos sdud dang 'gal ba lnga/__theg dman la 'dod pa mi bya ba sogs sems can don byed dang 'gal ba bzhi'o/__/spang zhes pa ni theg dman la 'dod pa sogs/__dor ba dam pa nye bar bsten pa sogs dgag bsgrub kyi phyogs nas so/__7__/phyi 'jug gi sngon 'gro ni maN+Dal nas bzung hU~M dza hU~M bar yol ba'i phyi rol lam dkyil 'khor gyi khang pa'i phyi rol tu bya rgyu yin la/__phyi 'jug gi dngos gzhi'am nang du 'jug pa ni mig dar dang bcas dkyil 'khor gyi kha dog dang dbyibs sogs mi gsal bar cung zad mthong bar mos phye lus ngag__/pa yin la/__nang gi 'jug pa'i sngon 'gro ni dam bzhag bzhi dang /__dngos gzhi ni ye shes dbab nang sems 'byong /__pa yin no/__/'di la go don gal cher yod do//____//__! bkra shis tshe bum pa gnyis nam mkhar btegs pa'i dus/__dbang lha mdun bskyed las sprul pa'am/__skad cig gis nam mkhar byon nas dbang bskur ba'i grab mdzad cing bkra shis brjod par bsam/__las bum ma btegs kyang rung mod/__btegs tshe khro bo khro mos bgegs skrod pa dang 'brel lo/__7__/rig dbang ni rnam bum sta gon skabs kyi de ga yin mod/__'on kyang de dus lha tshang ma bskyed nas spyir btang bum chu nus ldan du zin kyang /__'dir dmigs bsal mi bskyod par bskyed pa 'brel/__cod pan sogs kyi dbang gi tshe brtan byed las dngos ma yin pas tshor sogs mi bskyod pa ru byin gyis dam rtsi ltar/__rlob par mi 'gyur/__'od dpag med kyi rdo rje dang /__mi bskyod pa'i dam tshig rdo rje bzung pa mi gcig ste/__snga mas mtshan ma rdzas dang /__phyi ma nges don la bzhag bas so/__7__/tshor sogs rin 'byung sogs su byin gyis brlabs pa gtso bor smos kyi de kho na nyid mi bzung ste/__'dod na gzugs sogs dmigs bcas su thal ba'i phyir/__7__lam 'bras glegs bam dbang chu ma nub par bskur ba'i yi ger/__dbang bdun 'khor gsum yang dag bzhis rgyas 'debs par gsungs pa/__lha'i ngo bor lam byed rnam pa bzhis rgyas 'debs pa la dgongs/__des na yang dag bzhi po 'di yan lag bzhi rdzogs dang /_lam byed bzhir 'jug pa'i skabs gnyis yod par shes par bya'o/__7__/dbang chur/__de lta bu rig pa'i dbang lnga thob phyin chad khyed kyi de bzhin gshegs pa rigs lnga spyi'i dam tshig tshul khrims kyi bslab pa sogs srung ba dang bsten pa la bslab par bya'o/__/zhes bshad pa la/__spyi dang khyad par gyi dam tshig ces bris pa ni yi ge ma dag pa ste/__rigs lnga spyi'i dam tshig ni tshul khrims gsum ste/__de 'dir thob pa dang 'brel to/__7__/sdom pa bsgrag bzung gis ni sdom pa dngos thob pa ma yin te/__khyod kyis slar dbang de bskur tshar ba'i rjes su bslab bya la spyi'i dam tshig rnams bzung dgos so zhes gdams pa yin/__sngar de'i skabs su bzung rgyu yang sems bskyed dang tshul khrims zab mo/__/dbang gi cho ga'i nus pa las gang thob na/__rgyas gdab lnga dang sogs so//____//__! thun mong ma yin pa'i brtul zhugs ni/__phyag rgya sku'i dam tshig phyag rgya dang mnyam par sbyor ba'i bde ba nyid do/__7__/de bum pa'i dbang bla med thun min dngos so//____//__! mi ldog 'khor lo'i dbang ni dam tshig gsum sbyin pa/__dkyil 'khor dang da lta'i de kho na nyid kyi dag pa brjod pa/__slob dpon phrin las ni/__badz+ra he tu mAM sogs/__dam tshig dang sdom pa bla med ni/__slob dpon smad par mi bya zhing /__sogs dbugs dbyung yin/__'di bum dbang gi mthar sbyor bas bum dbang bcu gcig tu grags kyang /__deng sang dbang bzhi stan thog gcig tu bskur bas sher dbang gi mthar sbyor ba'o/__7__/rdo rje'i brtul zhugs kyis sgo gsum lhar gyis shig par gdams pa dang /__dam tshig gsum gyis sgo gsum sku gsung thugs su ngo sprod pa yin pas khyad che/__7__/rdo rje'i dbang ni/__slob ma'i sems nges don gyi rdo rje yin snyam pa yan dang /__rdo rje thugs kyi dam tshig ni rdo rje'i de kho na nyid brjod pa yin te/__gzhan gnyis la'ang 'grel/__7__/rgyu rdo rje 'chang sku mdog dkar sngo gang yang rung la/__'bras bu rdo rje 'chang gtso bor sngon por bshad/__'phags pa dang mus chen gyis phyag rgya sku'i dam tshig skabs su rdo rje 'chang sngon por bshad pa'ang 'gal ba med/__7__/klu byang gi dkyil chog nyi shu pa nas gling ma/__dza ya se na'i mkha' 'gro rgya mtsho'i dkyil chog sogs rgya gzhung 'gar/__dkyil 'khor gyi lha ngo bstan pa'i skabs dag pa bshad pa ni dgongs pa can gyi phyag len dkrugs pa ste/__'dod na/__rgyud las/__dbang bskur nas ni de nyid bstan/__zhes sogs gsungs pa dang 'gal te/__dbang ma bskur bar dag pa bstan mi rung bas so/__/des na 'phags pas/__de dag gi dgongs pa ni tha snyad zor yang ba'i ched du skabs 'dir de kho na nyid bstan kyang /_lag len la slob dpon gyi rjes la mar 'then nas bya'o/__/zhes gsungs//____//__! lam 'bras dris lan dpyod ldan rna ba'i bdud rtsi las/__gzhung du lus la brten nas bde chen gyi/__sgrib pa zhes gsungs drug pa'i sgras bsnyad bzhi mthun min/__kyang /__/snyoms par 'jug pa'i sgrib skye ba'i gegs byed/__dang don mtshungs phyir/_/gzhung dang bshad pa 'gal ba'i skyon med sems/__/zhes gsungs/__7__rtsa mi mngon dang mdud pa med ces pa/__/sangs rgyas nyid la bshad pas 'phags gzhan la/__/rtsa mdud yod ces mgrin pa cung zad 'degs/__7__'gags rgyu'i rlung ni zag bcas bem po'i rlung ste/__nyin zhag gcig la nyi khri chig stong drug brgya rgyu ba'i nang tshan stong brgyad brgya pa re 'gags pa la sor re'i brdas bstan/__7__nang rtags srog rtsol dbu mar 'jug ces pa/__/spyi gtsug mchog gi dbu mar mkhas rnams bzhed/__/spyir btang dbu mar sbyor lam bzod mchog nas/__/bcu gnyis bar du rlung sems 'jug 'di 'thad/__7__rlung phra zhing thig le rags pas de 'gags par nang phyi'i rtags su bshad dam snyam//____//__! sa dang po thob skabs bde bas brgyal nas rang gzhan ngo mi shes pa 'byung gsungs pa ni mthong spang gis bsdus pa'i gzung 'dzin spangs pa'i don lags/__7__thig le gsang gnas phyed gang zhes pa/__phyi dbyibs kyi phyed dam/__rtsa grangs kyi phyed gang yin dpyad/__7__gsang 'dus mi bskyod pa'i dbang gi gsar rnying gi dogs dpyod blo gsal nyer mkho'i legs bshad las/__dbang bka' gsar rnying gi lugs srol so sor ngos bzung ba dang /__bar skabs su bsre bslad byung tshul dang /__rang lugs gang dang mthun dpyad pa'o/__/dang po ni/__'gyur snga ma klu sgrub kyi dkyil chog nyi shu pa la brten nas 'gos rngog gi brgyud 'dzin rnams la byung /__de yang 'gos lo'i stong thun chen mo dang /__ngor chen dbang grags dang /__rngog AR+Ya de ba'i dkyil chog sogs nas gsal/__gsar ma ni klu byang gi dkyil chog nyi shu bar brten/__gnyis pa ni bu ston gyis 'phags 'od la dbang bka' bdun po gcig tu bsres pa'i dbang rgyas pa gsan/__de la srad pa kun blo'i yi ger/__bka' babs bdun ldan gyi dbang 'di sa skya ba'i kye rdor bka' babs ltar brgyud pa'i lugs so sor ma 'dres pa zhig dgos pa la/__da zhwa lu bas gcig tu bsres tshar 'dug pas dgag sgrub mang na dbang bka' gcig po 'di yang ma byung dogs 'dug ces rje rdo rje 'chang kun dga' bzang pos gsungs bar bshad/__gsum pa ni/__rang lugs rje rdo rje 'chang gis mdzad pa'i rgya mtsho dgu skor du grags pa'i dkyil chog ni/__bum dbang mtha' rten dang bcas pa yan klu byang gi dkyil chog nyi shu pa dang /__dbang gong ma gsum dkyil chog nyi shu pa nas mi gsal bar zung 'jug gsal ba nas kha bskangs/__lus dkyil sogs spro na gsal gyi dbang gi skabs nas 'byung ba'i don thams cad kyang tshang bar bkod pas na bsdus pa ma yin/__rgya gzhung dkyil chog gi gzhung gnyis po lo paN gnyis kyis gsar du bsgyur nas srol btod pas na 'di smos te sngar byung ba rnams dbang bka' rnying mar bzhag cing /__de nas gsar rnying gi brda chad 'di sa skya pa la byung zhing /__des na brgyud pa gtso bor gsar ma 'dren par 'thad mod/__'on kyang rnying pa'ang sa paN gyis legs par gsan pas/__de'i brgyud pa rnams la tshig gi brgyud pa ji lta ba bzhin ma bzhugs kyang don ji bzhin bzhugs pa yin te/__gnyis ka mi bskyod pa'i dbang brgyud du mtshungs pa'i phyir ro/__/grub chen nag po pa'i gsang ba'i de kho na nyid rab tu gsal ba las/__/bsregs dang bcad dang brdar ba yi/__/mkhas pa dag ni gser bzhin du/__/yid ches rnam pa bzhi yis ni/__/lhan cig skyes pa brtan por bzung /__/tha mal sems can gcig shos kyis/__/yid ches rnam pa bzhi yin te/__/lung la yid ni ches pa dang /__/de bzhin gzhan la yid ches dang /__/bdag nyid la ni yid ches dang /_/de bzhin bla ma la yid ches/__/yid ches rnams ni thams cad las/__/bla ma yid ni byed por 'gro/__/bla ma dam pa gnas yin no/__/zhes so//____//__! bzang spyod 'grel pa shAkya bshes gnyen de la 'od dpag med kyi gnas rab thob par shog dang /__klu sgrub/__phyogs glang /__rgyan bzang rnams la phan pa mang byed shog yan snang /__nam bsod kyis rjes kyi sha lo kaHgsum po gzhan gyis bcug par bshad mod/__deng sang 'don pa'i tshigs bcad rjes ma 'di gzhan gyis bcug pa las/__lhag ma shAkya bshes gnyen gyi rgya 'grel du snang bas so//____//__! 'phags pa klu sgrub rma bya grub bde chen du gshegs/__'jam dpal rtsa rgyud las sa dang po thob pa dang /__zla grags tshig gsal/__kyis sa drug pa brnyes pa dang /__jo bo rjes dbu ma rin po che'i za ma tog kha phye ba las mdo las sa brgyad pa'i lung bstan yod par bshad/__sprin chen po'i mdo las mya ngan las 'das nas bzhi brgya na 'byung ba dang /__rdzogs pa'i sangs rgyas ye shes dbu ma bod du lung bstan//____//__! mdo kun btus las/__sangs rgyas 'byung ba/__mir gyur ba/__dal ba phun tshogs/__dad pa phun tshogs/__byang chub kyi sems/__snying rje chen po/__tshul khrims rnam dag__/thos pa rnam dag__/bsam pa rnam dag__/rgya chen po la mos pa rnams rnyed par dka' ba/__zhes sa bcad bcu'o//____//__! ngag chos pa'i lam 'bras dka' gnad kyi rang lan drang po'i gtam skyes bdud rtsi'i thigs phreng las/__snang gsum skabs bla ma rdo rje 'chang du bsgom pa mi 'gal te/__slob ma de sngags lam la 'jug 'dod dang /__rdo rje 'chang gi go 'phang thob 'dod yod pas ma mtha' tshang zhing /__'ga' zhig dbang bskur ba tsam mam/__khrid yongs rdzogs kyis smin pa'ang yod pa'i phyir/__de'ang mi 'thad na/__slob ma rjes 'dzin dang /__bsags sbyong gi dmigs pa sogs kyang mi 'thad par 'gyur te/__dbang ma bskur bar mtshungs pa'i phyir/__des na sngags lam la 'jug pa'i sngon 'gro yin gyi/__phar phyin rang rkang min pas skyon med/__1)__/slob ma rjes 'dzin sogs dang bsags sbyong sogs kyang sngags lam gyi sngon 'gro yin pas mi 'gal bar bshad ma thag pas grub/__2)__thun mong dang/__thun mong ma yin pa'i rnal 'byor ni phar phyin theg pa tsam nyams su len pa dang /__rdo rje theg pa'i lam nyams su len pa la 'jog pa chos spyi skad yin/__'on kyang snang gsum gyi skabs su de skad gsungs pa ci snyam na/__sngar dbang bskur ba ma thob pa dang /__thob pa la de 'dra'i tha snyad bzhag gam snyam/__snang gsum gyi sngon du nges par dbang bskur ba dgos zhes pa mi 'thad kyi gtan nas dgag pa min/__3)__sngags lam nyams su len pa tsam thun mong ma yin pa'i rnal 'byor ma yin to/__/rten skyon med pa/__thos bsam dang bslab pa dag pa/__dbang gis rgyud smin pa/__nyams rgyud la skyes pa zhes khyad chos bzhi ldan du gsungs pas/__nyams rgyud la ma skyes pa rnams gang du bsdu snyam na/__thun mong thun min gnyis su phye ba'i thun min gyi khongs su bsdu ste/__bla med kyi lam nyams su len pa'i phyir/__4)_gdams ngag drug dang srung ba sum bcu la 'khor 'das thun mong zhes 'jog pa'i rgyu mtshan/__lta ba'i dug dbyung ba sogs 'jig rten gyi lam kho na yin kyang /__bsam gtan gyi dug dbyung nyams skyon can srung ba ni tshogs sbyor nas sa bcu gsum phyed son pa'i bar du yod pa sogs kyis mi 'gal/__5)_don bsdus par 'di dag 'jig rten gyi lam du 'jog pa ni shas che ba la dgongs so/__6)__/'jig rten pa'i lam du bla ma na mi 'pho bas gtso che bas bzhag gi__/khyab mtha' mi 'dzin te 'dus pa gsum par sprul sku las dbang nod pa'i phyir/__7)__rgyu lhan skyes kyi skabs/__rkyang ma thabs dang /__ro ma shes rab rtsar bzhag pa gzhung spyi dang 'gal ba spong ba ni/__'di dag rigs mthun bsdebs ba'i tshul rgyas par bshad du yod/__de bzhin du oM AHhU~M gsang dbang sbyar ba ni/__spyi tsam du AH'os kyang /__nang du rdo rje'i lus la de ltar gyi nges pa rang med de/__spyi babs su 'jug gnas ldang gsum 'bru gsum la sbyar kyang /__ma hA mA yAr_ de las go ldog pa bzhin no/__9)__/lus sems grub bde rdzas gcig tu mi 'thad par mu stegs rgyang 'phen pa dang mtshungs so snyam na/__de ni ma yin te/__snga mas lus grub pa na sems grub cing /__de 'gags pa na 'gags la ma 'gags par rgyun gyi rdzas grub du 'dod la/__'dir ji srid lus sems tshogs tsam gyi tshe me tog dang dri'i tshul ltar gnas par 'dod pas shin tu mi mthun no/__10)__/'bras bu 'khor 'das dbyer med kyi tshe 'khor ba yod dam snyam na yod de/__dper na sangs rgyas kyi tshe kun rdzob bden pa med kyang /__bden gnyis zung 'jug gi kun rdzob bden pa yod de/__zung 'jug la ya gyal dgos pa'i phyir ro/__/zhes gsungs/__11)__lus dkyil lha la ye shes pa gzhug mi dgos na/__rigs bdag kyang mi dgos par thal lo snyam na/__ma yin te/__ye shes gzhug mi dgos pa'i sangs rgyas mtshan nyid pa rnams la yang rigs bdag rang chas su bzhugs te/__spyan ras gzigs bzhin no/__12)__/yum gyi lus dkyil la pho brang lnga'i lus dkyil dang /__yul nyer bzhi'i lus dkyil gnyis ka ma chad par bsgom dgos/__de'i tshe snying ga'i rtsa dbu ma'i nang gi khams de thugs rdo rje/__de'i mdun ngos kyi phyi shun rtsa de mA ma kI/__rgyab ngos kyi phyi shun gyi rtsa de bdag med ma/__de'i thad kyi ro rkyang gnyis kyang bdag med mar bsgoms pas bdag med ma gsum mam/__yang na ro rkyang la'ang mdun rgyab gnyis su phye bas lnga'o/__/snying ga'i nang skor gyi 'dab ma brgyad kyi mdun gyi mtshams gnyis su mkha' spyod ma/__rgyab phyogs kyi mtshams gnyis su sa spyod ma re re bsgom/__13)__lus dkyil rkyang pa bsgoms pas dbang bzhi'i nyams myong kun 'dren nus pa sras don ma sogs las bshad pas/__bskyed rim tsam gyis 'tshang rgya ba dang /__bskyed rdzogs zung 'jug mi dgos par thal lo snyam na/__de ni ma yin te lus dkyil bskyed rim kho na'i lam min cing /__sgom mkhan gyi gang zag kyang rgyu dus kyi dbang bzhi rdzogs pa dang /__lus dkyil gyi dbang rdzogs par thob pa zhig dgos la/__phyi bskyed rim ni bum dbang tsam thob pas kyang bsgom du rung ba'i phyir dang /__lus dkyil la dbang bzhi'i lam dang rjes su mthun pa'i rten 'brel lam byed yod la/__phyi dkyil la de med pa sogs khyad par che'o/__14)_/lam dus kyi dbang len pa'i gsal byed kyi yi ger/__dmigs rgya che chung 'bring gsum bshad/__de'i rgya che'i tshe gtso bo yab yum gyi mA ma kI las de 'dra ba gcig chad de/__phyi'i he ru ka'i yum la thim par bsam pa ni phyag rgya gtad pa'o/__15)__/khrid yig spyi las dkar lam sngon dang/__dmar lam rjes la 'char bar bshad/__lam 'bras pas kyang phal cher du de ltar bshad/__klu sgrub pas de las go ldog ste shin tu rgyas par bshad/__'on kyang rkyang ma'i nus pa sngon la nyams na dkar lam dang /__ro ma'i nus pa sngon la nyams na dmar lam thog mar 'char/__de gnyis dus gcig tu nyams na gcig car 'char ba'ang srid mod/__de rtags rlung phyir 'byung ba ro ma dang /__nang du rdubs pa rkyang ma'i byed las yin pas gang sngon la 'gags na shes kyang /__phal cher 'jug pa'i nus pa sngon la nyams pa kho na mthong /__16)_bsnam bya lnga zhes pa'i don/__bar dor longs spyad bya'i gtso bo ni dri yin zhing /__dri'i kha dog lnga'i tshul du 'byung ba la bsnam bya lngar 'chad pa yin zhes 'phags pa'i gzhung bshad las 'byung /__bla ma dam pa'i gzhung bshad las 'dod yon lnga la bshad pas/__de lta na rnam cha lnga zhes dgos par snang /__17)__gtum mo 'khor lo bzhi pa'i skabs lte ba'i me yi rtsa rnams dngos med du bsreg pa ma yin/__lcags bsregs pa bzhin du tsha ba'i rang bzhin can du byed cing snyigs ma rnams skams nas rtsa nang gi sbubs stong sang nge bar bsgom pa'o/__18)__/snrel zhi zhes pa brda rnying yin/__'di'i rtsa bzhi'i ngos 'dzin 'dir gnas kyi nges pa med ces sras don ma las bshad/__(19_20_21_22)__b+ha ga'i yi ge bcu bzhi la dpe ris sogs mi mthun pa sna tshogs 'byung ba ni/__gang zag so so'i rdo rje'i lus kyi gnas tshul bsam gyis mi khyab pas 'gal bar mi 'du'o/__23)/_mdzes rgyan dang /__klu sgrub pa'i khrid yig sogs las/__gzung 'dzin gnyis ka'i rba rlabs rengs pas/__stong mtshan smon med mngon sum byed ces bshad pa gsung rab spyi skad dang mthun la/__gnyags ma sogs su de las 20ldog par gsungs pa ni/__rdo rje'i tshig rkang rang lugs yin gyi mi 'gal/__24_25)_don bsdus ma zhes pa tshigs bcad nyung ngu 'di ni rgyan dang 'dra ste rnam 'grel gyi gras su mi bgrang /__rnam 'grel a seng ma ni 'di khog rkyal du gzhug pa'i 'grel pa rgyas tsam zhig yod do/__26)_dbang ni rgyu dbang /__'khrid ni sngags lam/__gzhung bshad ni rnam 'grel dang sbyar ba'i bshad pa/__gdams ngag ni gegs sel gyi man ngag sbyin pa yin/__sa chen yan gzhung bshad dang 'khrid stabs gcig tu mdzad ring brgyud kyi lam 'bras rdzogs par ma thob pa la sgrub pa lung sbyin mi rung /__rdzogs par thob pa'i tshad ni/__snang rgyud yongs rdzogs/__rgyu lam dbang /__bdag med ma'i byin rlabs/__brda tshig brgyud/__gzhung rgyas bsdus ci rigs sam ma mtha' rnam 'grel gyi bshad lung tsam/__glegs bam phra mo dang bcas pa thob pa'o/__/sgrub lung thob nas bsnyen pa sogs tshad du 'khyol na phyis 'chad rung ngo /__27_28)__chos sna drug cu zhes pa bdag chen rdo rje 'chang gi dkar chag na 59gsal ba ste/__rdo rje'i tshig rkang dang /__rtogs gsal gyi dpe bris rnams gcig tu bsdoms par bzhed/__klu sgrub pas mchan dkyus su shor ba tsam las rje btsun gyi dkar chag na dmigs bsal med cing /__ngor chen gyi gsan yig tu ngos bzung mi 'byung bas par bkab med gsungs/__dbang phyug dpal bzang pas/__gnyags ma nas gsal byed dang bcas pa nas/__rgya bod kyi lo rgyus/__lung 'di nyid dang zhib tu sbyar ba'i 58bar/__lus mtha' dag dang zhib tu sbyar ba dang man ngag phra mo rnams gcig tu bsdoms pas drug cu'o/__/zhes bzhed/__29)__/__! gser mdog paN chen dang /__sa ngor gyi bzhed pa mi mthun pa mang ste/__rgyud gsum gnod 'joms las rdo rje theg pa'i lta ba rnam rig yin na/__ston pas gdul bya rnams log lam la bcug par 'gyur ro/_/zhes bkod pa/__dris lan las/__/rang rig rang gsal bden grub khas len pa'i/_/dbu ma'i lugs 'di gsang ba 'dus pa dang /__/kye rdor rgyud gsum byang chub sems dpa' yi/__gzhung 'grel skor gsum dag na gsal bar bzhugs/__zhes smra/__1__dbu sems lta ba tha dad pas cho ga tha dad pa'i sgrub byed bkod par/__don dam rnam rig smra ba'i lta ba dang /__dbu ma'i lta grub 'gal ces zer ba dang /__zhes smra/__1_sems bden par shes na sdug bsngal bden pa 'byung bar bshad par/__ye shes tshogs bsags thogs med gzhung dang mthun ces bshad/__3__zung 'jug rdo rje 'chang gis mtshams bzhag par/__ma dag pa'i lus kho na 'ja' lus su gnas 'gyur bar bshad/__dris lan las35/__ma dag pa'i phung po lhag pa'i lhar bsgom pa ma yin te/__de ma rig pa kun rdzob kyi bden pa yin la/__lha don dam gyi bden pa yin pa'i phyir/__zhes smra/__4__sa paN gyis/__gzhi lam 'bras gsum dbyer med don smra bas/__sogs la/__rgyu rgyud sbyang gzhir bshad pa ma bltas shing /__/gzhi mi spong ba'i 'thad pa ma bklags par/_/sbyang gzhi sbyong byed dbye ba med do zhes/__/gong ma'i dgongs pa snyogs rnams ran par smros/__/zhes smras/__5__dril bu lus dkyil rdo rje 'chang gi dka' gnad las/__lus dkyil bskyed gzhi don dam bde gshegs snying po 'khor lo bde mchog gi dkyil 'khor yin pa bkag nas rang gi rtsa khams nyid yin par bshad pa/__dris lan las40/__tha mal pa'i lus kyi spyi bo ni/__kun brtags dang /__rnam par brtags pa dang /__chos nyid kyi spyi bo gsum las/__snga ma gnyis sna tshogs rdo rjer mi rung ste/__ye nas ma grub pa'i phyir dang /__/gzung 'dzin gyis bsdus pas gnas 'gyur gyi mthar thug 'dod dgos pa'i phyir ro/__/des na ma dag pa'i lus kyi dbang du byas pa'i spyi'i chos nyid gzung 'dzin gnyis med kyi ye shes nyid sna tshogs rdo rjer bsgom pa yin zhes bshad/__6__gzhan yang 'gyur bcos pa/__yod la mi rtag gis khyad pa/__ces dang /__/chos kyi dbyings ni mang nyung gis/__/spros pa bral ba yin phyir ro/__/zhes dang /___yod na don byed nus phyir ro/_/zhes dang /___des na sogs rgyu'i dge ba nas/__/rang gis byas pa'i dge yin phyir/_/gnas kyi smon lam dag tu 'dod/____/ces dang /__zab mo bkrol rin phreng TI ka las bkol zhes bshad/__ba'i don dang ldan/__ces dang /__'phags pa dkon mchog 'byung ba las/__zhes dang /__de tshe 'jam pa'i rdo rje yis/__zhes sogs mang du bcos yod do/__/shu b+haM/__rang lugs/__'khor lo bar pas chos kun zab mo stong pa nyid du gtan la phab nas/__gsum pas de'i stong 'dzin sel ba'i phyir mtha' gnyis spangs pa'i dbu ma'i lam srol btod de/__klu thogs gnyis kyang don dam pa'i gnas lugs la gcig kyang /__rig pas spros pa gcod tshul ma mthun pas dbu sems gnyis su gyes pa'o/____/_!

Footnotes

Other Information