སློབ་དཔོན་ས་མཚོ་བྱིན་གྱི་ཆོས་སྨྲ་བ་དང་ཆོས་ཉན་པ་ལ་གུས་པར་བྱ་བའི་གཏམ་སོགས་འཕགས་བོད་ཀྱི་གཏམ་ཚོགས་དང་ཞལ་གདམས་སྐོར་ལས་ཁོལ་བཏུས།

🚧 This website is under continued development. We appreciate your patience!

Previous Text Back to Volume PageNext Text

Wylie title	slob dpon sa mtsho byin gyi chos smra ba dang chos nyan pa la gus par bya ba'i gtam sogs 'phags bod kyi gtam tshogs dang zhal gdams skor las khol btus
Location	mkhyen brtse'i bka' 'bum Volume 4, sde tshan 1, Text 24, Pages 341-380 (Folios 171a5 to 190b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. slob dpon sa mtsho byin gyi chos smra ba dang chos nyan pa la gus par bya ba'i gtam sogs 'phags bod kyi gtam tshogs dang zhal gdams skor las khol btus. In 'jam dbyangs mkhyen brtse'i dbang po'i bka' 'bum, Vol. 4: 341-380. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris  ·  Advice - zhal gdams

1 Texts in this Section (sde tshan or chos tshan)

24 341-380	སློབ་དཔོན་ས་མཚོ་བྱིན་གྱི་ཆོས་སྨྲ་བ་དང་ཆོས་ཉན་པ་ལ་གུས་པར་བྱ་བའི་གཏམ་སོགས་འཕགས་བོད་ཀྱི་གཏམ་ཚོགས་དང་ཞལ་གདམས་སྐོར་ལས་ཁོལ་བཏུས། slob dpon sa mtsho byin gyi chos smra ba dang chos nyan pa la gus par bya ba'i gtam sogs 'phags bod kyi gtam tshogs dang zhal gdams skor las khol btus Notes - zin bris   ·   Advice - zhal gdams	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

སློབ་དཔོན་སྐྱེས་རབས་སྤྲིངས་ཡིག །ས་འཚོ་བྱིན་གྱིས་མཛད་པའི་ཆོས་སྨྲ་བ་དང་དམ་པའི་ཆོས་ཉན་པ་ལ་༡གུས་པར་བྱ་བའི་གཏམ་༤ལས། །བཅོམ་ལྡན་འདས་ཀྱིས་བཀའ་སྩལ་ཞིང་འདི་སྐད་དུ་གསུངས་སོ། །དགེ་སློང་གང་ཟག་གཉིས་པོ་འདིས་བསོད་ནམས་མང་པོ་བསྐྱེད་དེ་སྡིག་པའི་རྩ་བ་འབྱིན་ཞིང་བདུད་དང་གཡུལ་འགྱེད་པར་བྱེད། བདུད་ཀྱི་རྒྱལ་མཚན་སྙལ་བར་བྱེད། ཆོས་ཀྱི་རྒྱལ་མཚན་སྒྲེང་བར་བྱེད། དེ་བཞིན་གཤེགས་པའི་ཆོས་ཀྱི་འཁོར་ལོ་སྐོར་བར་བྱེད་དོ། །གཉིས་གང་ཞེ་ན་གང་གུས་པར་བྱས་ཏེ་ཆོས་འཆད་པ་དང་། གང་འདི་ན་གུས་པར་བྱས་ཏེ་ཆོས་ཉན་པའོ། །དེ་བས་ན་ཁྱེད་ཀྱིས་གུས་པས་ཆོས་བཤད་པར་བྱ་ཞིང་བླ་མ་རྣམས་ལ་གུས་པས་ཆོས་མཉན་པར་བྱའོ། །ཞེས་དང་། ཡང་འདི་སྐད་དུ། མཁས་པས་ནད་ལ་སྨན་པ་བཞིན། །ཐོག་མར་དམ་པ་བསྟེན་པར་བྱ། །ནད་སོས་བྱ་ཕྱིར་འབད་པ་ཡིས། །སྨན་ནི་སྨན་པ་ལ་ཉན་ལྟར། །དམ་པའི་ཆོས་ནི་མཉན་པར་བྱ། །བློ་དང་ལྡན་པའི་སྐྱེས་བུ་ཡིས། །སྨན་དེ་རྣམས་ནི་ཐོས་ནས་སུ། །གུས་པས་བསྟེན་པར་བྱེད་པ་ལྟར། །དེ་བཞིན་བྱས་པས་འཆི་མེད་འགྲུབ། །བདུད་རྩི་དེ་ནི་འཐུང་བ་ཡིས། །མཆོག་ནི་ཐོབ་པར་བྱེད་པ་ཡིན། །ཞེས་སོ། ། ༈

ཆེད་དུ་བརྗོད་པའི་གཏམ་དྲང་སྲོང་ཆེན་པོ་ཟླ་བས་མཛད་པར། དེང་སང་སྐྱེ་བོ་ཕལ་ཆེར་རྙེད་དང་བཀུར་སྟིས་འཆིང་ཞིང་བདུད་དབང་སོང་། །ངན་སོང་རྒྱ་མཚོ་འཕེལ་ཞིང་དཀར་པོའི་ཕྱོགས་འགྲིབ་ལྷ་རྣམས་སྨྲེ་སྔགས་འདོན། །སྡོམ་བརྩོན་ཅན་དག་བསླབ་པ་ལྷོད་ཅིང་ཁྱིམ་པ་དག་གི་ཕོ་ཉར་འགྲོ། །ལྷ་མིན་ཕྱོགས་འཕེལ་ནག་པོ་ཀླུ་ཡིས་ནད་རྣམས་སྣ་ཚོགས་གཏོང་བར་འགྱུར། །ཞེས་གསུངས་སོ། ། ༈ མི་རྟག་པའི་དོན་གྱི་གཏམ་སློབ་དཔོན་དགའ་བའི་དབང་པོས་མཛད་པར། །གང་ཕྱིར་འདུས་བྱས་ཐམས་ཅད་ནི། །རྐྱེན་གྱིས་གཞན་དུ་འགྱུར་བ་སྟེ། །རྩྭ་རྩེ་རླུང་གིས་བསྐྱོད་པ་ཡི། །ཐིམ་པ་བཞིན་དུ་མི་རྟག་གོ །ཞེས་དང་། གཟུགས་དང་ལོངས་སྤྱོད་ཐོས་པ་དང་། །ཚུལ་ཁྲིམས་ལ་སོགས་རྟག་མིན་ཏེ། །གང་ཡང་འདོད་ཆགས་བྲལ་བ་ཡང་། །ཀུན་ཏུ་གནས་པ་མ་མཐོང་ངོ་། །ཞེས་སོ།། །། ༈ ལེགས་པའི་ལམ་བསྟན་པ་སློབ་དཔོན་དཔའ་བོས་མཛད་པར། དེ་ལ་ཚུལ་ཁྲིམས་ཞེས་བྱ་བ་འདི་ནི་ཁ་ན་མ་ཐོ་བ་སྤང་བ་ཉིད་ཀྱི་བདེ་བ་ཉམས་སུ་མྱོང་བ་དང་ལྡན་པས་ན་ཚུལ་ཁྲིམས་སོ། །ཡང་ན་འདིས་འགྱོད་པ་མེད་པའི་བདེ་བ་བསྟེན་ཅིང་ཡོན་ཏན་གཅིག་ནས་གཅིག་ཏུ་བརྒྱུད་པའི་བསྔགས་པ་ལེན་པའི་ཕྱིར་ཚུལ་ཁྲིམས་ཏེ་དེ་ནི་ལེན་པའོ། །ཡང་ན་ཚུལ་ཁྲིམས་དང་ཏིང་ངེ་འཛིན་ལ་སྐད་ཀྱི་བྱིངས་ལས་ཚུལ་ཁྲིམས་སུ་འགྱུར་ཏེ། ལུས་དང་ངག་དང་ཡིད་ཀྱི་ལས་ཡང་དག་པར་སྡོམ་པ་ཞེས་བྱ་བའི་ཐ་ཚིག་གོ །དེ་ལ་བྲམ་ཟེའི་ལུགས་ཀྱི་ལེགས་པར་སྤྱོད་པ་རྣམ་གསུམ་གྱི་ཆོས་ལ་སྤྱོད་པར་འགྱུར་རོ། །ངག་གིས་ནི་བཞིའོ། །ཞེས་བྱ་བ་ལ་སོགས་པ་ཇི་སྐད་དུ་གསུངས་པ་ལྟ་བུའོ། །ཡང་ན་བསིལ་བར་གྱུར་བའི་ཚུལ་ཁྲིམས་ཏེ། དེ་ཡང་འཆི་བའི་མཐར་ཐུག་པའི་བར་གྱི་སེམས་ཀྱི་གདུང་བ་རབ་ཏུ་ཞི་བར་བྱེད་པའི་དོན་གྱིས་སོ། །ཞེས་དང་། སོ་སོར་ཐར་པ་ཞེས་བྱ་བ་ནི་སོ་སོར་ཐར་པས་ན་སོ་སོར་ཐར་པ་སྟེ། ལམ་འདི་ནི་སོ་སོར་ཐར་པར་འགྲོ་བས་སོ་སོར་ཐར་པ་སྟེ། དཔེར་ན་གྲོང་ཁྱེར་དུ་འགྲོ་བའི་ལམ་ལ་གྲོང་ཁྱེར་གྱི་ལམ་ཞེས་པ་དང་འདྲའོ། །ཡང་ན་སྡིག་པ་ལས་སོ་སོར་ཐར་པས་ན་སོ་སོར་ཐར་པའམ་སྡོམ་པ་ཞེས་བྱ་བ་ལ་སློབ་པར་བྱེད་པས་ན་དག་ཅིང་གྲོལ་བར་བྱེད་པ་ཡིན་པའམ། བསོད་ནམས་ཕུན་སུམ་ཚོགས་པ་ལ་ལྷག་པར་མོས་པ་མི་གཏོར་བར་བྱེད་པ་ཞེས་བྱ་བའི་ཐ་ཚིག་གོ །ཡང་ན་སྲུང་ཞིང་ཐར་པར་བྱེད་པས་ན་སྲུང་ཐར་ཅེས་བྱ་སྟེ། ཉེས་པར་སྤྱོད་པའམ་ཀུན་ནས་ཉོན་མོངས་པ་རྣམས་དང་ངན་འགྲོ་རྣམས་ལས་སྲུང་བར་བྱེད་པའི་ཕྱིར་རོ། །ཞེས་སོགས་ཤིན་ཏུ་མང་བར་བཤད་ཅིང་། དེ་ལ་ལྟུང་བའི་ཚོགས་ནི་རྣམ་པ་བདུན་ཏེ། ཕས་ཕམ་པ་དང་། དགེ་འདུན་གྱི་ལྷག་མ་དང་། དེ་གཉིས་ཀའི་ཉེས་བྱས་སྦོམ་པོ་དང་། ལྟུང་བྱེད་དང་། སོ་སོར་བཤགས་པ་དང་། བཤགས་པར་བྱ་བ་དང་། བསྡམ་པར་བྱ་བའི་ཉེས་བྱས་ཞེས་བྱའོ། །དེ་ལ་ལྟུང་བ་འདིས་ཕས་ཕམ་པར་འགྱུར་བར་སྤྱོད་པས་ན་ཕས་ཕམ་པའོ། །ལྟུང་བ་འདི་འབྱུང་བར་འགྱུར་ན་མལ་སྟན་དང་ཁ་ཟས་ལ་སོགས་པ་དགེ་འདུན་རྒན་པོ་དང་བར་མ་དང་གཞོན་ནུའི་རྗེས་ལ་ལྷག་མར་སྤྱོད་པས་ན་དགེ་འདུན་ལྷག་མའོ། །བཤགས་པར་བྱ་བའི་ཉེས་པ་ཐམས་ཅད་ཀྱི་ནང་ནས་འདི་ཆེས་རགས་པས་ན་ཉེས་པ་སྦོམ་པོའོ། །མང་བའི་ཕྱིར་དང་རང་བཞིན་དང་བཅས་པའི་སྤང་བར་བྱ་བ་སྣ་ཚོགས་པ་ཉིད་ཡིན་པའི་ཕྱིར་སྤོང་བ་ལ་འབད་པས་གནས་པ་ཡིན་པས་ལྟུང་བའོ། །ངེས་པར་བཤགས་པར་བྱ་བ་ཡིན་པས་ན་སོ་སོར་བཤགས་པར་བྱ་བ་ཡིན་པའམ། སོ་སོར་བཤགས་པར་བྱ་བར་འོས་པ་ཡིན་པས་སོ་སོར་བཤགས་པར་བྱ་བའོ། །བཤགས་པས་སླར་བཅོས་པར་བྱ་བའི་ཉེས་བྱས་ཡིན་པས་བཤགས་པར་བྱ་བའི་ཉེས་བྱས་སོ། །སླར་དེ་ལྟར་མི་བགྱིད་དོ་ཞེས་ཡང་དག་པར་སྡོམ་པར་བྱེད་པས་སླར་གསོ་བ་ཡིན་པས་ན་བསྡམ་པར་བྱ་བའོ། །འདི་དག་ནི་ལྟུང་བའི་ཚོགས་བདུན་ཡིན་ནོ། །ཞེས་དང་། དཀའ་ཐུབ་ནགས་ཚལ་གནས་ལ་རྙེད་བཀུར་ཏེ། །མཛའ་པའི་སྒོ་ནས་དགྲ་བོ་འོངས་པ་ཡིན། །ཟླ་བའི་ཟེར་གྱིས་པདྨ་ཇི་བཞིན་དུ། །ལེགས་པར་རབ་འཇོམས་བརྟུལ་ཞུགས་ལྷོད་པར་བྱེད། །ཅེས་དང་། །ཚུལ་ཁྲིམས་རྒྱུ་ནི་དབང་པོ་སྡོམ་པ་ཡིན་པར་བཤད། །ཕུན་སུམ་ཚོགས་དེས་ཚུལ་ཁྲིམས་དྲི་མེད་དང་ལྡན་འགྱུར། །དེ་བས་ཐོས་པའི་རང་བཞིན་བལྟ་ལ་ངེས་དམིགས་ཏེ། །རང་གི་དབང་པོ་ཡུལ་ལ་འཕྱན་ལས་བསྲུང་བར་བྱ། །ལྕགས་ཀྱི་ཐུར་མ་རབ་ཏུ་འབར་བ་ཡིས། །མིག་ལ་བྱུགས་པར་གྱུར་པ་ཆེས་བླ་ཡི། །རང་གི་ངན་འགྲོའི་ལས་ནི་རྩོལ་བྱེད་པ། །གཟུགས་ལ་ཆགས་དང་སྡང་བས་བལྟ་མི་བྱ། །ལྕགས་ཁུ་འབར་བས་རྣ་བ་བཀང་བླ་ཡི། །བག་མེད་ཆགས་དང་དྲེགས་པ་འཕེལ་བྱེད་པ། །རྔོན་པའི་ཁོང་གླུ་དག་པས་ལྷག་པའི་སྒྲ། །ཉན་པ་བདག་ལ་ཕན་པས་ཐོས་མི་རུང་། །སྣ་ལ་བལྟས་ཏེ་སྤུ་གྲི་རྣོན་པོ་ནི། །བདར་བ་གཙང་བའི་ནད་ནི་བརྣག་བླ་ཡི། །བདག་ཉིད་སྡུག་བསྔལ་སྣ་ཚོགས་འཕེལ་བྱེད་པ། །དྲིར་ཆགས་དགྲ་བོ་རྣམ་པར་འཕེལ་མི་རུང་། །མེ་ལྕེ་འབར་བའི་མཚོན་ནི་རྣོན་པོ་ཡིས། །ལྕེ་ནི་མངོན་དུ་བཅད་པར་འགྱུར་བླ་ཡི། །སྐྱེ་བའི་སྡུག་བསྔལ་ལམ་ནི་སྐྱེད་བྱེད་པ། །རོ་ལ་ཆགས་པའི་སྡིག་བྱེད་དེ་ལྟ་མིན། །མཁས་པས་རང་ལུས་དགྲ་སྟ་རྣོན་པོ་ཡིས། །རྣམ་པར་གཏུབས་པས་འཇིག་པར་འགྱུར་བླ་ཡི། །དྲེགས་པ་སྣ་ཚོགས་སྲེད་པས་གདུངས་གྱུར་པས། །ཡུན་རིང་དམྱལ་བར་སྐྱེ་བར་འགྱུར་མི་རུང་། །གང་ཕྱིར་ཅི་དགའ་སྤྱོད་ལས་ཡི་དམ་བསྲུངས། །སྡུག་བསྔལ་མཐའ་ཡས་སྐྱེད་པའི་སྡིག་པ་སོགས། །དབང་པོ་ལྷག་མ་སྡོམ་པའང་ཡོད་མ་ཡིན། །དེ་ཕྱིར་མཁས་པས་དེ་ཉིད་བསྲུང་བའི་རིགས། །མཁས་པས་འདོད་ཆགས་ཉེས་ལ་མི་སྡུག་བསྟེན། །སྡང་ལ་བྱམས་དང་བརྩེ་གོམས་ཡོན་ཏན་གྱིས། །རྨོངས་ལ་མི་རྟག་འདུ་ཤེས་འཆི་བ་ནི། །རྗེས་སུ་དྲན་དང་བག་ཡོད་བསྟེན་པས་བསྲུང་། །ཞེས་དང་། །ཚུལ་ཁྲིམས་ཡང་དག་བསྲུང་བར་གྱུར་ན་ནི། །འགྱོད་པའི་མེ་ནི་ཞི་བར་འགྱུར་བ་ཡིན། །དགའ་དང་རབ་གུས་སད་པར་བྱེད་པའི་རྒྱུས། །ལུས་དང་ངག་གི་དགེ་བ་སྐྱེད་པར་བྱེད། །ཐར་པའི་གྲོང་དུ་འཇུག་པའི་ལམ་ཉིད་དང་། །མི་དང་ལྷ་དབང་གྲུབ་ལམ་གཉིས་པ་མེད། །གྲགས་དང་སྙན་དང་བདེ་བ་སྐྱེད་པའི་རྒྱུས། །འཚེ་དང་སྨོད་པས་ཚུགས་པ་མེད་པ་ཡིན། །བླ་མ་སློབ་མ་མཛའ་བཤེས་དོར་མི་འགྱུར། །མ་སྨད་བདེ་བའི་སྒོར་ནི་གྱུར་པ་ཡིན། །སྐྱེ་བོ་དམ་པ་དང་འདྲེ་འདྲེན་པར་བྱེད། །ཡོན་ཏན་སྐྱོད་པའི་ཆོ་གར་གྱུར་པ་ཡིན། །འདི་དང་ལྡན་ན་མཁས་པའི་ཡོན་ཏན་ནི། །ཆེན་པོ་རྣམས་ཀྱི་སྣོད་དུ་གྱུར་པ་ཡིན། །ཚུལ་ཁྲིམས་འཆལ་བའི་ཕོངས་པ་ཅི་ཡོད་པ། །ཉེས་པ་དེ་དང་དེར་ནི་རྣམ་པར་སྤོང་། །དམ་པའི་ཆོས་ཀྱིས་བགྲང་བར་འགྱུར་བ་དང་། །ཡོན་ཏན་ལ་དགའ་བར་ཡང་གོ་བར་བྱེད། །ཁྱད་པར་རྟོགས་པའི་སྐལ་བར་ལྡན་པ་དང་། །བདག་ཉིད་ཡོན་ཏན་དག་གིས་བསྔགས་འོས་འགྱུར། །སྐྱེ་བོ་དམ་པ་རྣམས་དང་སྐལ་མཉམ་གྱི། །རང་གི་ཡོན་ཏན་རྒྱ་ཆེན་དམན་དང་ནི། །ཚུལ་ཁྲིམས་འཆལ་བའི་ཉེས་པས་མི་གོས་ཤིང་། །དེ་ལས་བྱུང་བའི་སྡུག་བསྔལ་ཐོབ་མི་འགྱུར། །མི་ཡི་བདག་པོ་སུམ་ཅུ་རྩ་གསུམ་བདག །གལ་ཏེ་འདོད་ན་སྲིད་པ་ཟད་པ་ཉིད། །ཚུལ་ཁྲིམས་རྣམ་དག་དེས་ནི་ཐོབ་འགྱུར་བ། །སྨོན་ལམ་གྲུབ་པའི་རྩ་བའང་ཚུལ་ཁྲིམས་ཡིན། །ཞེས་གསུངས་སོ། །ཡང་། དེ་ལ་སྦྱངས་པའི་ཡོན་ཏན་བཅུ་གཉིས་ནི་འདི་དག་ཡིན་ཏེ། དགོན་པ་ཉིད་དང་། ཕྱག་དར ་ཁྲོད་པ་ཉིད་དང་། བསོད་སྙོམས་པ་ཉིད་དང་། །སྟན་གཅིག་པ་ཉིད་དང་། ཙོག་པུ་པ་ཉིད་དང་། ཟས་ཕྱིས་མི་ལན་པ་ཉིད་དང་། ཆོས་གོས་གསུམ་པ་ཉིད་དང་། ཕྱིང་པ་བ་ཉིད་དང་། གཞི་ཇི་བཞིན་པ་ཉིད་དང་། དུར་ཁྲོད་པ་ཉིད་དང་། ཤིང་དྲུང་པ་ཉིད་དང་། བླ་གབ་མེད་པ་ཉིད་དོ། །ཞེས་དང་། །དགོན་༡པར་གནས་ལ་མངོན་དགའ་ཏིང་ངེ་འཛིན། །ཐོབ་པའམ་ཡོངས་སུ་བསྲུང་བར་ནུས་པ་ཡིན། །གྲོང་ནང་གནས་རྣམས་གཡེང་བའི་ཉེས་པ་ཡིས། །སེམས་ནི་རྣམ་བཅོམ་ཉེར་ཞི་ཐོབ་མི་འགྱུར། །ཞེས་སོགས་དང་། དགོན་པར་༢གནས་ཤིང་ཆོག་ཤེས་སེམས་ཀྱིས་ནི། །གོས་ནི་དམན་ལས་རབ་དམན་གྱོན་བྱེད་ལ། །འདི་ལ་ལྟོས་པ་དྲེགས་པ་མི་འབྱུང་ཞིང་། །འཇིགས་དང་འཁྲུགས་དང་རྨོངས་པར་འགྱུར་མ་ཡིན། །ཡང་། ང་རྒྱལ་༣སྦྱོང་ཞིང་བརྙས་པ་བཟོད་བྱེད་ལ། །རང་གི་ལུས་ནི་སྐྱེ་བ་བཟོད་བྱེད་ཅིང་། །མགྲོན་པོས་པ་ཡིས་བསྡམས་པའི་སྡུག་བསྔལ་ནི། །སློང་མོའི་སྤྱོད་ལ་ཞུགས་ལ་ཡོད་མ་ཡིན། །དང་། གང་༤ཞིག་ཟོས་ནས་སྟན་དེ་ལས་ལངས་སམ་མ་ལངས་ཀྱང་ལྷུང་བཟེད་བཀྲུས་པའི་ཆུ་བླངས་ནས་སླར་ཟ་བར་མི་བྱེད་པ་དང་། ཁ་ཟས་སོ་སོར་ཐོབ་ནས་ཁམ་གྱི་ཐ་མ་ཟོས་ནས་ཡང་སླར་མི་ཟ་བ་དེ་ནི་ཟས་ཀྱི་མཐའ་ཡིན་ནོ། །ཞེས་དང་། ཡང་དང་ཡང་དུ་ཟ་བའི་ཉེས་པ་ཡིས། །སྟན་གཅིག་རང་གི་བྱ་བ་སྤོང་མི་བྱེད། །ནད་ཉུང་གནོད་པ་ཆུང་ཞིང་ལུས་སྲབ་འགྱུར། །རྣལ་འབྱོར་ལྡང་བ་ཡང་བར་འདིས་འགྱུར་རོ། །དང་། གཉིད་ཀྱི་མུན་པ་སྟུག་པོས་མི་ནོན་ཅིང་། །སེམས་ནི་མལ་སྟན་བདེ་བའི་དབང་མི་འགྲོ། །འདི་ཡིས་ལུས་སུ་འཛིན་པ་སྲབ་པ་དང་། །འདི་ལས་མཉམ་པར་འཇོག་པ་བདེར་གསལ་འགྱུར། །དང་། ཕྱིས་ནས་ཟ་བ་སྤང་བ་ཡི། །དམ་བཅའ་བླངས་པར་གྱུར་པ་ཡིས། །བརྐམ་ཆགས་མེད་ཅིང་ཆོག་ཤེས་དང་། །དད་པའི་ཚུལ་དང་རྗེས་མཐུན་འགྱུར། །དང་། །ཆོས་གོས་གསུམ་པོ་ཙམ་གྱིས་ནི། །ཆོག་ཤེས་ཡང་བ་ལ་འཇུག་ཅིང་། །མང་པོ་ལ་སྲེད་ཉེར་བཅས་པ། །གོས་སོག་པ་ནི་སྤངས་པ་ཡིན། །འདབ་ཆགས་ལྟ་བུར་བླངས་ནས་ནི། །གང་དུ་དགའ་བར་འགྲོ་བར་བྱེད། །སྤོང་བའི་གནང་བ་དང་བྲལ་ཞིང་། །དེ་ལས་དགེ་སློང་ཉོན་མོངས་མེད། །དང་། །དག་པར་༨སྤངས་པའི་ཡོན་ཏན་ནི། །བལ་བསྡུས་པ་ལས་བྱས་པའི་གོས། །སྣལ་མ་མེད་པས་ཆོག་ཤེས་པས། །བཟང་པོ་སྲེད་ལས་བྱུང་བ་ཡི། །དེ་ཚོལ་བ་ཡི་ཉོན་མོངས་མེད། །དང་། ཇི་བཞིན་༩བཏིང་བས་མགུ་བའི་ཕྱིར། །སྡོམ་བརྩོན་ཤིན་ཏུ་མཛེས་པ་ཡིན། །དགེ་སློང་གསར་བུ་མལ་སྟན་ན། །བདེ་ལ་གནས་པ་རྗེས་སུ་བསྲུང་། །དང་། རྩ་བཏིང་བའམ་ས་ལ་ཉལ་བ་ན། །ཇི་བཞིན་གཞི་ལས་གྱུར་པའི་བདེ་བ་ནི། །ནོར་བུ་འབར་བའི་གཞལ་མེད་ཁང་སྟེང་ན། །ཆོག་ཤེས་མེད་པའི་སེམས་ལ་དེ་ཡོད་མིན། །དང་། དུར་ཁྲོད་དུ་ནི་རྒྱུན་དུ་འཆི་ངན་པས། །སྐྱོ་འགྱུར་དེ་ལས་བག་མེད་འགྱུར་མ་ཡིན། །མི་གཙང་སྣ་ཚོགས་མཚན་མ་རྣམས་མཐོང་བཞེས། །འདི་ཡི་འདོད་པའི་འདོད་ཆགས་འཕེལ་མི་འགྱུར། །དང་། གང་ཞིག་ཤིང་དྲུང་བཟང་པོ་དག་ཏུ་ནི། །མལ་སྟན་དག་གི་སེམས་མགུའི་འབྱོར་པར་ལྡན། །ཕྱོགས་རྣམས་ཀུན་ཏུ་ཐོགས་པ་མེད་པར་འགྲོ། །དེ་ནི་དམ་ཆོས་ཕུན་སུམ་ཚོགས་པའི་ལམ། །དེར་ནི་ཆོས་ཀྱང་རྣམ་པར་འཕེལ་འགྱུར་ཞིང་། །བདུད་ཀྱི་སྟོབས་ཀྱི་དྲེགས་པ་ལྡོག་པར་བྱེད། །དང་། མལ་སྟན་ཚོལ་དང་བསྲུང་དང་སྤྲུགས་པ་ཡིས། །ཡོངས་སུ་ཉལ་བའི་གཞིར་གྱུར་མ་ཡིན་ཞིང་། །བླ་གབ་མེད་ལ་བསྒྲུབ་པར་ཁས་བླངས་ལ། །འདུ་འཛི་མེད་པས་ཤིན་ཏུ་མཛེས་པ་ཡིན། །སོགས་ཡོན་ཏན་རྒྱ་ཆེར་བསྟན་ཏོ། །ཡང་། དེ་དག་ལ་སོགས་པའི་ཡོན་ཏན་གྱི་ཚོགས་ཡང་དག་པར་འབྱོར་བས་ན་སྦྱངས་པའི་ཡོན་ཏན་ཅེས་བྱ་བ་དང་། ཉེས་པ་རྣམས་སྦྱོང་བར་བྱེད་པས་ན་སྦྱོང་བའི་ཡོན་ཏན་ཅེས་བྱ་སྟེ། ཞེས་དང་། དེ་ལ་ཏིང་ངེ་འཛིན་ཞེས་བྱ་བ་ནི་བྱིང་བ་དང་། ཞུམ་པ་དང་། རྣམ་པར་གཡེང་བ་དང་། མི་མཉམ་པ་སྤང་བའི་ཕྱིར་སེམས་དང་སེམས་ལས་བྱུང་བ་དམིགས་པ་གཅིག་ལ་གཏོད་པས་ཏིང་ངེ་འཛིན་བྱ་བའམ། སེམས་དང་སེམས་ལས་བྱུང་བ་དམིགས་པ་གཅིག་ལ་ཡང་དག་པར་བསྡུས་པས་ན་ཏིང་ངེ་འཛིན་ཡིན་པའམ། ཕྱིན་ཅི་མ་ལོག་པ་ཡིན་པས་ཏིང་ངེ་འཛིན་འདི་ལ་གཏོད་ཅིང་འཇོག་པ་ན་ཕུན་སུམ་ཚོགས་པའི་ཡེ་ཤེས་དང་མཐོང་བ་དེ་དང་དེ་བསྐྱེད་པའི་ཕྱིར་ཏིང་ངེ་འཛིན་ཏོ། །ཞེས་དང་། དེའི་རྣམ་གྲངས་ལ། འདི་ལྟ་སྟེ་བསམ་གཏན་བཞི་དང་། དེའི་ཉེར་བསྡོགས་གསུམ་དང་། གཟུགས་མེད་པ་རྣམ་པ་བཞི་དང་། རྗེས་སུ་དྲན་པ་དྲུག་དང་། ཚད་མེད་པ་བཞི་དང་། དབུགས་འབྱུང་བ་དང་རྔུབས་པ་རྗེས་སུ་དྲན་པ་དང་། འདུ་ཤེས་བཅུ་དང་། ཟད་པར་གྱི་སྐྱེ་མཆེད་བཅུ་དང་། ཟིལ་གྱིས་ནོན་པའི་སྐྱེ་མཆེད་བརྒྱད་དང་། རྣམ་པར་ཐར་པ་བརྒྱད་དང་། ཟིལ་གྱིས་གནོན་པ་དང་། འདུ་ཤེས་མེད་པའི་སྙོམས་པར་འཇུག་པ་དང་། སྟོང་པ་ཉིད་དང་མཚན་མ་མེད་པ་དང་སྨོན་པ་མེད་པ་ལ་སོགས་པའི་ཏིང་ངེ་འཛིན་གསུམ་དང་། རྗེས་སུ་མཐུན་པ་ལ་རྗེས་སུ་མཐུན་པར་འདུ་ཤེས་པ་ལ་སོགས་པ་སྙོམས་པར་འཇུག་པ་དང་། སྟོང་པ་ཉིད་གསུམ་དང་། ཡན་ལག་ལྔ་དང་། ཤེས་པ་ལྔ་དང་ལྡན་པའི་ཏིང་ངེ་འཛིན་རྣམས་སོ། །ཞེས་དང་། དམ་པ་རང་གི་ཡོན་ཏན་གྱིས། །མཐོ་བ་རིང་པོ་ནས་ཀྱང་མཐོང་། །དྲི་མེད་ས་ཕྱོགས་མཛེས་པ་ཡི། །སྟོན་ཀ་ཡི་ནི་རིང་པོར་མཚུངས། །ཞེས་སོ། །འདི་དཱི་པཾ་ཀཱ་ར་དང་རཏྣེ་བྷ་དྲའི་འགྱུར།། །། ༈ དགེ་བ་བཅུའི་ལས་ཀྱི་ལམ་བསྟན་པ་ལས། དེ་ལ་དགེ་བ་བཅུ་པོ་འདི་དག་ནི་མངོན་པར་མཐོ་བ་དང་། ངེས་པར་ལེགས་པ་ཐམས་ཅད་ཀྱི་རྒྱུ་ཡིན་པས་ན་སངས་རྒྱས་ཀྱི་སློབ་མ་རྣམས་ཀྱིས་འདི་ལ་བསླབ་པར་བྱའོ། །ཞེས་དང་། གང་བདག་གི་དོན་ལ་ཅུང་ཟད་ཙམ་ཡང་རྗེས་སུ་བལྟ་བ་མེད་པར། བྱེད་པ་གཞན་གྱི་དོན་འབའ་ཞིག་འདོད་ཅིང་ཐམས་ཅད་དུ་སྙིང་རྗེ་ལྡན་པ་དག་གིས་ནི། ཡིད་ཀྱི་ཉེས་པར་སྤྱོད་པ་གསུམ་མ་གཏོགས་པའམ། ལོག་པར་ལྟ་བ་ཉིད་མ་གཏོགས་པ་དག་ལ་ལར་རྗེས་སུ་གནང་བ་སྣང་སྟེ། དེ་ཡང་བྱང་ཆུབ་སེམས་དཔའི་སྡེ་སྣོད་གཏན་ལ་ཕབ་པའི་གཙུག་ལག་ལ་བལྟའོ། །ཞེས་བཙུན་པ་རབ་འབྱོར་དབྱངས་ཀྱིས་མཛད་པ་ལས་སོ། །༢༣་བར། ། ༈ སློབ་དཔོན་རྟ་དབྱངས་ཀྱིས་མཛད་པའི་མྱ་ངན་བསལ་བར། །འདི་ལྟར་ཐམས་ཅད་སྐྱེ་བ་ཡི། །མདུན་ན་གནས་པ་འཆི་བ་སྟེ། །ཀུན་ཀྱང་འགྲོ་བར་སྣང་བའི་ཕྱིར། །མྱ་ངན་བྱ་བར་འོས་པ་མིན། །མཛའ་དང་འགྲོགས་ལ་བརྐམ་པ་ཡི། །སྐྱེ་བོ་མྱ་ངན་གྱིས་གདུང་བ། །རྔ་རྩིད་དག་ལ་ཆགས་པའི་འབྲི། །རྔོན་པས་ནགས་ཀྱི་ནང་དུ་བཞིན། །གང་ཚེ་ཀུན་གྱིས་བགྲོད་བྱ་ཞིང་། །དེ་དང་དེར་ནི་འགྲོ་བ་ཡི། །སྔ་ནས་དེ་དེར་སོང་བ་ལ། །ཅི་ཡི་ཕྱིར་ན་མྱ་ངན་བྱེད། །མི་བཟད་འཆི་བའི་བདག་པོ་ལ། །རབ་ཏུ་མྱོས་པའི་སྐྱེ་བོ་འདི། །ནགས་ན་གསོད་བྱེད་སེང་གེ་ཡི། །མདུན་ན་རི་དྭགས་གནས་པ་བཞིན། །འཆི་བ་བཟློག་པར་བྱ་བ་ཡི། །གང་ཚེ་ཐབས་ཀུན་མེད་པས་ན། །སྤྲོ་བསྲིང་བ་དག་མི་བསྐྱེད་པར། །ཆུ་ལ་ཉ་བཞིན་ཅི་ཞིག་འགྲེ། །སའམ་ཅི་སྟེ་མཐོ་རིས་ན། །སྐྱེས་ནས་ལ་ལ་མ་ཤི་བ། །འགའ་ཞིག་ཁྱོད་ཀྱིས་མཐོང་བའམ། །ཐོས་སམ་འོན་ཏེ་ཐེ་ཚོམ་ཟ། །ཁམས་གསུམ་འདི་དག་ཐམས་ཅད་ལ། །མི་རྟག་མེ་ཡིས་སྲེག་གྱུར་པ། །དགོན་པར་མེ་ནི་འབར་བ་ཡིས། །དགོན་པའི་མེ་ནི་ཇི་ལྟར་བཞིན། །རྟག་པར་འདུ་ཤེས་རྣམ་ལོག་ན། །སྲིད་རྩེ་ལས་ཀྱང་འགྲོ་བ་རྣམས། །འཆི་བའི་ཞགས་པས་དྲངས་གྱུར་པ། །ཞགས་པས་གླང་པོ་བཞིན་དུའོ། །བསམ་གཏན་ལས་སྐྱེས་བདེ་བ་མྱོང་། །ཚངས་པ་ཚངས་པའི་གནས་ལས་ཀྱང་། །མི་རྟག་ཕྱིར་ནི་ལྷུང་གྱུར་པ། །ཆུ་ཡི་ཀླུང་གི་འགྲམ་པ་བཞིན། །བརྒྱ་བྱིན་དག་ནི་སྟོང་རྣམས་དང་། །འཁོར་ལོས་སྒྱུར་བ་བརྒྱ་དག་ཀྱང་། །དུས་ཀྱིས་འཆི་བར་འགྱུར་བ་ནི། །མར་མེ་འབར་བ་རླུང་གིས་བཞིན། །དྲང་སྲོང་ཆེན་པོ་ལྔ་མངོན་ཤེས། །མཁའ་ལ་རྒྱང་རིང་འགྲོ་བ་ཡང་། །གང་ན་སྤྱོད་ཡུལ་འཆི་མེད་པ། །དེར་ནི་འགྲོ་བར་ནུས་པ་མེད། །གང་དུ་ས་རྣམས་སྲེག་འགྱུར་ཏེ། །ལྷུན་པོའང་ཐལ་བར་འཇིག་པ་དང་། །རྒྱ་མཚོའི་ཆུ་ཡང་སྐོམ་འགྱུར་ན། །ལུས་ཅན་དེ་དག་ལྟ་ཅི་སྨོས། །ཅི་སྟེ་སངས་རྒྱས་རྣམས་ཀྱི་སྐུ། །མཚན་དང་དཔེ་བྱད་ཀྱིས་བརྒྱན་པ། །རྡོ་རྗེའི་སྐུ་ཡང་མི་རྟག་ན། །ཆུ་ཤིང་སྙིང་པོ་མེད་འདྲ་བའི། །ལུས་ཅན་གཞན་རྣམས་སྨོས་ཅི་དགོས། །ཞེས་དང་། ཡང་དང་ཡང་དུ་དམྱལ་བ་ན། །ཟངས་ཞུན་བསྐོལ་བ་གང་འཐུངས་པ། །རྒྱ་མཚོ་ནང་གི་ཆུ་ལ་ཡང་། །དེ་ཡི་ཚད་ཙམ་ཡོད་མ་ཡིན། །ཞེས་དང་། མཛའ་བཤེས་དག་དང་བྲལ་བ་ཡིས། །འཁོར་བའི་གནས་སུ་གང་ངུས་པ། །མིག་གི་མཆི་མའི་ཐིགས་པ་ཡི། །སྣོད་དུ་རྒྱ་མཚོའང་རུང་མ་ཡིན། །ཞེས་གསུངས་སོ། །ཡང་དེ་ཉིད་ཀྱིས་རྒྱལ་པོ་ཀ་ནིཥྐ་ལ་སྤྲིང་བར། །འཆི་བདག་བུ་དང་མི་བཤེས་པ། །གློ་བུར་དག་ཏུ་འབབ་འགྱུར་བས། །སང་དག་བྱ་ཞེས་མ་བཞེས་པར། །དམ་པའི་ཆོས་ལ་བསྟུན་ཏེ་མཛོད། །འདི་སང་དེང་འདིར་འདི་བྱ་ཞེས། །བྱ་བ་མི་ལ་བཟང་པོ་མིན། །ནམ་ཞིག་ཁྱོད་ནི་མེད་འགྱུར་བའི། །སང་དེ་གདོན་མི་ཟ་བར་འོང་། །ཞེས་སོགས་དང་། ལན་བརྒྱ་ཡང་ན་སྟོང་དག་ཏུ། །འཇིག་རྟེན་དག་ཏུ་མི་མ་བགྱིས། །འདི་མ་བགྱིས་སླད་བྱིས་པ་ཡིས། །ཡང་དང་ཡང་དུ་བགྱིད་འཚལ་བས། །ཐོག་མ་མེད་པའི་ལུས་ཅན་འདི། །ད་དུང་དུ་ཡང་མ་ལོག་གོ །ཞེས་སོ།། །། ༈ སེམས་རིན་པོ་ཆེ་རྣམ་པར་སྦྱོང་བའི་སྤྲིང་ཡིག་ཅེས་པ་དེ་ལས་དོན་བཏུས་ཏེ་བརྗོད་པར་བྱ་བ་སྟེ། འདི་ནི་མཆོག་ཏུ་ཉམས་སུ་བླང་བྱར་རིགས་སོ། །འདིར་སེམས་ནི་རང་བཞིན་གྱིས་འོད་གསལ་བ་རྟག་ཏུ་རྣམ་པར་མི་རྟོག་པའི་རང་བཞིན་ཡིན་མོད་ཀྱི། ལུས་དང་ངག་བྲན་ལྟ་བུ་དང་བཅས་པ་གློ་བུར་གྱི་ཉོན་མོངས་པ་དང་ཉེ་བའི་ཉོན་མོངས་པ་དག་གིས་དཀྲུགས་པ་སྟེ། དེའི་ཕྱིར་འདི་དག་རྣམ་པར་སྤངས་ཏེ་ནོར་བུ་ཆུ་ཤེལ་གྱི་འོད་ལྟར་རབ་ཏུ་འོད་གསལ་བའི་རང་བཞིན་དཀྲུགས་མ་དང་བྲལ་བར་བསྐྱེད་དེ། འདི་ཙམ་ནི་མི་གནས་པའི་མྱ་ངན་ལས་འདས་པའོ། །དེས་ན་འདིར་བསྟན་སེམས་དེ་དཀྲུགས་པས་རྟོག་པ་ཅན་དུ་བྱེད་ཅིང་། ལུས་དང་ངག་བྲན་ལྟར་འཁོལ་བ་ནི་རྣམ་པ་བཞི་སྟེ། ཐམས་ཅད་ཀྱི་རྒྱུ་རྣམ་པར་རྟོག་པ་མང་བ་དང་། འདོད་ཆགས་དང་། ཞེ་སྡང་དང་། གཏི་མུག་ཤས་ཆེ་བའོ། །དེ་ལ་གང་རྣམ་པར་རྟོག་པ་མང་བ་དེས་ནི་རླུང་གི་ཏིང་ངེ་འཛིན་ལ་དམིགས་པས་དེ་སྤང་བར་བྱ་སྟེ། བགྲང་བ་རྗེས་འགྲོ་འཇོག་པ་དང་། །རྟོག་པ་དང་ནི་བསྒྱུར་བ་དང་། །ཡང་དག་རྣམ་པ་དྲུག་ཏུ་འདོད། །དེ་ལ་དང་པོ་བགྲང་བ་ནི། དབུགས་རྔུབས་པ་དང་འབྱུང་བ་དག་ལ་སེམས་གཏད་ནས་མངོན་དུ་འདུ་བྱ་བ་མེད་པར་ལུས་སེམས་རྣལ་དུ་བཞག་སྟེ་དྲན་པ་ཙམ་གྱིས་གཅིག་དང་གཉིས་ནས་བཅུའི་བར་དུ་བགྲང་བར་བྱེད་པའོ། །སེམས་མངོན་པར་བསྡུས་པ་དང་རྣམ་པར་གཡེང་བར་དོགས་པས་ཧ་ཅང་མང་བ་དང་ཉུང་ངུར་ནི་མ་ཡིན་ནོ། །དེ་ལ་སྐྱོན་གསུམ་སྟེ། གཅིག་ལ་གཉིས་སུ་བགྲང་བ་སོགས་ལྷག་པ་དང་། གཉིས་ལ་གཅིག་ཏུ་འཛིན་མ་ཚང་བ་དང་། རྔུབས་པ་ལ་འབྱིན་པར་འཛིན་པ་སོགས་ལ་འཆོལ་བ་སྟེ་སྤང་ངོ་། །བར་སྐབས་སུ་སེམས་རྣམ་པར་གཡེང་ན། ཡང་མགོ་ནས་ཇི་སྲིད་ཏིང་ངེ་འཛིན་མ་ཐེབ་བར་དུ་བགྲང་བར་བྱའོ། །གཉིས་པ་རྗེས་སུ་འགྲོ་བ་ནི། །ཇི་སྲིད་ཅིག་འབྱུང་ངམ་འཇུག །ཅི་འདི་དག་ལ་ལུས་ཐམས་ཅད་ལ་ཁྱབ་པ་དག་གཅིག་གམ་ཕྱོགས་འགའ་ཞིག་ནས་རྒྱུ་བ་དག་ཡིན་ཞེས་མངོན་པར་འདུ་བྱ་བ་མེད་པར་དབུགས་རྔུབས་བ་དང་། །དབུགས་འབྱུང་བའི་རྗེས་སུ་འགྲོ་བ་དང་། །དེ་འཇུག་པ་ན་ལྐོག་མ་དང་། སྙིང་ག་དང་། ལྟེ་བ་དང་། རྐེད་པ་དང་། བརླ་དང་། བྱིན་པར་འཇུག་པའི་རིམ་གྱིས་རྐང་པ་གཉིས་ཀྱི་བར་དུ་རྗེས་སུ་འགྲོ་ལ། འབྱུང་བ་ན་མཐོ་གང་དང་འདོམ་གང་གི་བར་དུ་འབྱུང་ངོ་། །གཞན་དག་ན་རེ་རླུང་གི་དཀྱིལ་འཁོར་དང་རྣམ་པར་འཐོར་བྱེད་ཀྱི་རླུང་གི་བར་དུའོ། །ཞེས་ཟེར་ཏེ། འདི་ནི་དེ་ཁོ་ན་ཉིད་ཡིད་ལ་བྱེད་པའི་ཕྱིར་རིགས་པ་མ་ཡིན་ནོ། །གསུམ་པ་འཇོག་པ་ཞེས་བྱ་བ་ནི། ནོར་བུའི་ཐགས་པ་བཞིན་དུ་སྣའི་རྩེ་མོ་ནས་རྐང་པའི་མཐེ་པོའི་བར་དུ་གནས་པར་ལྟ་ཞིང་ཅི་འདི་བདག་ལ་ཕན་པར་བྱེད་པ་ཞིག་གམ། གནོད་པར་བྱེད་པ་ཞིག་གམ། གྲང་ངམ་དྲོ་བ་ཞིག་ཅེས་རྟོག་པའོ། །བཞི་པ་ཉེ་བར་རྟོག་པ་ཞེས་བྱ་བ་ནི། འདི་དག་ནི་རླུང་འབའ་ཞིག་མ་ཡིན་གྱི་འབྱུང་བ་ཆེན་པོ་བཞི་པོ་དག་དང་འབྱུང་བ་དག་མངོན་པར་གྲུབ་པའི་རྒྱུར་བྱས་པའི་གཟུགས་དང་། དེ་དག་ལ་བརྟེན་པའི་སེམས་དང་སེམས་བྱུང་རྣམས་ཀྱང་ཡོད་དོ་ཞེས་ཕུང་པོ་ལྔ་ཉེ་བར་རྟོག་པའོ། །ལྔ་པ་སྒྱུར་བ་ཞེས་བྱ་བ་ནི། རླུང་ལ་དམིགས་ནས་བློ་བསྒྱུར་ཏེ་ཆོས་ཀྱི་མཆོག་གི་བར་དུ་བློ་གོང་ནས་གོང་དུ་དགེ་བའི་རྩ་བ་རྣམས་ལ་ཡང་དག་པར་སྦྱོར་པའོ། །ཡོངས་སུ་དག་པ་ནི་མཐོང་བའི་ལམ་ལ་སོགས་པ་ལ་འཇུག་པའོ། །གཞན་དག་ན་རེ་བསྒྱུར་བ་ནི་དྲན་པ་ཉེ་བར་བཞག་པ་ནས་རྡོ་རྗེ་ལྟ་བུའི་ཏིང་ངེ་འཛིན་གྱི་བར་ཡིན་ལ། དྲུག་པ་རྣམ་པར་དག་པ་ནི་ཟད་པ་ཤེས་པ་ལ་སོགས་པ་ཡིན་ནོ་ཞེས་ཟེར་རོ། །འདི་ལྟ་བུ་ནི་སློབ་དཔོན་དབྱིག་གཉེན་གྱི་རྗེས་སུ་འབྲང་སྟེ་བཤད་པའོ། །དེ་ཡང་སའི་སྙིང་པོ་འཁོར་ལོ་བཅུ་པའི་མདོ་ལས། ཇི་ལྟར་དྲན་པའི་དབང་གིས་ཡང་དག་པ་ཇི་ལྟ་བ་བཞིན་དུ་དབུགས་ཕྱི་ནང་དུ་རྒྱུ་བ་མ་རྟོགས་ཞེ་ན། ཡང་དག་པ་ཇི་ལྟ་བ་བཞིན་དུ་བགྲང་༡བ་དང་། རྗེས་སུ་༢འགྲོ་བ་དང་། ཞི་གནས་༣དང་། ལྷག་མཐོང་༤དང་། འཇུག་པ་༥དང་། ཡོངས་སུ་དག་པ་༦ལ་རྟོག་གོ །དེ་ལ་བགྲང་༡པས་ནི་བྱ་བའི་ལས་ཀྱི་དངོས་པོ་རྣམ་པ་གཉིས་སུ་བྱེད་པར་འགྱུར་ཏེ། རྟེན་དུ་གྱུར་པས་རྣམ་པར་རྟོག་པ་དང་རྣམ་པར་དཔྱོད་པ་གཉིས་ཐུལ་བས། དབུགས་ཕྱི་ནང་དུ་རྒྱུ་བའི་མཚན་ཉིད་འཛིན་པར་ནུས་པའོ། །རྗེས་སུ་འགྲོ་བས་ཀྱང་བྱ་བའི་ལས་ཀྱི་དངོས་པོ་རྣམ་པ་གཉིས་སུ་བྱེད་པར་འགྱུར་ཏེ། ཡང་དག་པར་འབྱུང་བ་ལ་བརྟེན་ཅིང་། རྣམ་པར་རྟོག་པ་དང་བྲལ་བ་དང་། དབུགས་ཕྱི་ནང་དུ་རྒྱུ་བའི་འཇུག་པའི་མཚན་ཉིད་ལ་མཁས་པར་འགྱུར་རོ། །ཞི་གནས་༢ཀྱིས་ཀྱང་བྱ་བའི་ལས་ཀྱི་དངོས་པོ་རྣམ་པ་གཉིས་སུ་བྱེད་པར་འགྱུར་ཏེ། དབུགས་ཕྱི་ནང་དུ་རྒྱུ་བ་འབྲི་བར་མངོན་དུ་སྟོན་པ་དང་། ཏིང་ངེ་འཛིན་གྱི་མཆོག་ལ་གནས་པར་ནུས་སོ། །ལྷག་མཐོང་གིས་ཀྱང་བྱ་བའི་ལས་ཀྱི་དངོས་པོ་རྣམ་པ་གཉིས་སུ་བྱེད་པར་འགྱུར་ཏེ། དབུགས་ཕྱི་ནང་དུ་རྒྱུ་བ་ཟད་པར་མངོན་དུ་སྟོན་པ་དང་། སེམས་དང་སེམས་ལས་བྱུང་བའི་ཆོས་སོ་སོར་རྟོག་པ་གནས་པའོ། །འཇུག་པས་ཀྱང་བྱ་བའི་ལས་ཀྱི་དངོས་པོ་རྣམ་པ་གཉིས་སུ་བྱེད་པར་འགྱུར་ཏེ། ཉེ་བར་ལེན་པའི་ཕུང་པོ་སྤོང་བའི་སྦྱོར་བ་ལ་མཁས་པ་དང་། འཕགས་པའི་སར་འཇུག་པ་ལ་སྦྱོར་བའོ། །ཡོངས་སུ་དག་པས་ཀྱང་བྱ་བའི་ལས་ཀྱི་དངོས་པོ་རྣམ་པ་གཉིས་སུ་བྱེད་པར་འགྱུར་ཏེ། ཀུན་ནས་ཉོན་མོངས་པ་སྤོང་བ་དང་། ལྟ་བ་ཡོངས་སུ་དག་པའོ། །ཞེས་སོ། །དེ་ཡང་གཞུང་ལས། ཇི་ལྟར་ཞེ་ན་རབ་ཏུ་གདུལ་དཀའ་བའི་སེམས་ཞེས་བརྗོད་པ་དེ་ནི་རླུང་ལས་གུད་དུ་མ་དམིགས་པའི་ཕྱིར་ཏེ། དེ་བས་ན་སེམས་ཞེས་བྱ་བ་དེ་ནི་རླུང་དུ་བརྗོད། ཅིས་ཀྱང་ངོ་། །གཉིས་པ་འདོད་ཆགས་ཀྱི་གཉེན་པོ་ནི་རུས་གོང་ཡིད་ལ་བྱ་བ་ཡིན་ཏེ། ཀེང་རུས་ཆགས་ཅན་ཐམས་ཅད་ལ། ཞེས་བཤད་པའི་ཕྱིར་རོ། །ཇི་ལྟར་ཞེ་ན། རུས་པ་རྒྱ་མཚོའི་བར་དུ་ནི། །སྤྲོ་ཞིང་སྡུད་པས་ལས་དང་པོ། །རྐང་རུས་དག་ནས་ཐོད་ཕྱེད་པར། །བཏང་བས་སྦྱང་བ་བྱས་པར་བཤད། །སྨིན་མའི་བར་དུ་སེམས་འཛིན་པས། །ཡིད་ལ་བྱེད་པ་རྫོགས་པ་ཡིན། །ཞེས་བཤད་པའི་རིམ་པས་སོ། །གཞན་ཡང་བྱིས་པ་རྣམས་ནི་ཕལ་ཆེར་ཁ་དོག་དང་། དབྱིབས་དང་། རེག་པ་འཇམ་པ་དང་། བསྙེན་བཀུར་ལ་ཆགས་ཏེ། དེ་དག་གི་གཉེན་པོར་ནི་རྣམ་པར་སྔོས་པ་དང་། རྣམ་པར་དམར་བ་དང་། རྣམ་པར་ཚིག་པ་དག་ཡིད་ལ་བྱེད་པས་ཁ་དོག་དང་། རྣམ་པར་རྣག་པ་དང་། རྣམ་པར་ཟོས་པ་དང་། རྣམ་པར་འཐོར་བ་དག་ཡིད་ལ་བྱེད་པས་དབྱིབས། རྣམ་པར་འབུས་གཞིགས་པ། རུས་གོང་རྒྱུས་པས་འབྲེལ་བ་དག་ཡིད་ལ་བྱེད་པས་ནི་རེག་བྱ་འཇམ་པ་ལ་ཆགས་པ་སེལ་ཏོ། །རྣམ་པར་བམ་པའི་མི་རོ་གཡོ་བ་རྐྱལ་སྟོང་ཕུས་བཏབ་པ་ལྟ་བུ། རྡོ་ལྟར་བསྙེན་བཀུར་བྱེད་པ་དང་བྲལ་བ་ཡིད་ལ་བྱེད་པས་ནི་རྐང་པ་བཀྲུ་བ་ལ་སོགས་པའི་བསྙེན་བཀུར་ལ་ཆགས་པ་སེལ་བར་བྱེད་དོ། །གཞན་ཡང་རྣམ་པར་ཕྱེ་སྟེ་བརྗོད་ན། སྔོ་སངས་སོགས་ཁ་དོག་ལ་ཆགས་ན་རྣམ་པར་སྔོས་པ་ཡིད་ལ་བྱའོ། །དེ་བཞིན་དུ་ཙནྡན་སོགས་དྲིས་བྱུགས་པའི་ལུས་ལ་ཆགས་པར་བརྣག་པ། མཚན་སྤྲད་པའི་རེག་བྱར་ཆགས་ན་འབུས་གཞིགས་པ། དབྱིབས་ཕུན་སུམ་ཚོགས་པར་ཆགས་ན་བམ་པ། རྒྱན་གྱིས་མཛེས་པའི་ལུས་ལ་ཆགས་པར་དམར་བ། ཤ་རྒྱས་པའི་ལུས་ལ་ཆགས་ན་ཟོས་པ། འཁྱུད་པ་དང་འོ་བྱས་པ་སོགས་རྩེད་འཇོར་ཆགས་ན་འཐོར་བ། ཁ་དོག་དང་དབྱིབས་ཕུན་སུམ་ཚོགས་པ་ལ་ཆགས་པར་ཚིག་པ། སོ་རྣམས་དཀར་བ་ལ་ཆགས་པའི་ཚེ་ན་རུས་གོང་གི་ཡིད་ལ་བྱེད་པས་ཞི་བར་འགྱུར་ཏེ། དེ་རྣམས་ནི་མི་སྡུག་པ་དགུ་བསྒོམ་པ་ཞེས་བྱའོ། །གསུམ་པ་ཞེ་སྡང་གི་གཉེན་པོ་བྱམས་པ་བསྒོམ་པར་བྱ་སྟེ། དེ་ཡང་ཐོག་མར་རང་གི་མའམ། ཕའམ། བུའམ། བུ་མོའམ། འབྲེལ་པ་གཉིས་སམ། གང་ཡང་རུང་བ་གཅིག་ལ་བདེ་བ་མ་ལུས་པ་ལ་ཕྲད་པར་གྱུར་ཅིག་སྙམ་པ་དང་། བདག་གིས་དེ་དང་ཕྲད་པར་བྱའོ་ཞེས་པ་དང་། ནུས་པ་ལྟ་ན་དེ་དངོས་སུ་སྒྲུབ་པ་དང་། ཕྲད་པ་ལ་ཕྲག་དོག་མེད་པར་ཉི་མ་འགའ་ཞིག་ལ་གུས་པར་བསྒོམ་མོ། །དེ་ནས་དེ་བས་ཅུང་ཟད་མི་གཅུགས་པ་དང་། །རིམ་གྱིས་བར་མ། དགྲ་བོ་དམན་པ། དགྲ་བོ་བར་མ། དགྲ་བོ་མ་རུངས་པ་ལའོ། །དེ་རྣམས་མ་ལ་སོགས་པ་དང་མཉམ་པ་ཐོབ་པ་ན་གྲོང་དང་གྲོང་ཁྱེར། དེ་ནས་ཡུལ་ལྗོངས་དང་། གླིང་གཅིག་དང་གཉིས་སོགས་ནས་སྟོང་གི་སྤྱི་ཕུད་དང་། སྟོང་གཉིས་པ་བར་མ་དང་། སྟོང་གསུམ་གྱི་སྟོང་ཆེན་པོ་དང་། ཕྱོགས་བཅུའི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་སོགས་པར་བྱམས་པས་ཁྱབ་པར་བྱས་ཏེ། དེ་ནས་གཞུང་དེ་བཞིན་དུ་སྡུག་བསྔལ་དང་བྲལ་བ་འགྱུར་ཅིག་ཅེས་པ་དང་། སྡུག་བསྔལ་བྲལ་བ་ལ་དགའ་བ་དང་། དེ་དག་འཇིག་རྟེན་ལས་འདས་པའི་ཐར་ལམ་ལ་དགོད་པར་བྱའོ། །ཞེས་བྱ་བའི་རིམ་པས་སྙིང་རྗེ་དང་དགའ་བ་དང་བཏང་སྙོམས་རྣམས་བསྒོམ་མོ། །དང་པོ་སྙིང་དུ་སྡུག་ཅིང་ཡིད་དུ་འོང་བའི་མཚན་ཉིད་ཀྱི་བྱམས་པ་ཡིད་ལ་མ་བྱས་པར་ནི་སྡུག་བསྔལ་དང་བྲལ་བའི་སྙིང་རྗེ་ག་ལ་འཇུག་སྟེ། དེ་ལྟར་རིམ་པ་གཞན་ཡང་ངོ་། །བཞི་པ་གཏི་མུག་གི་གཉེན་པོར་རྟེན་འབྲེལ་བསྒོམ་སྟེ། རྟེན་ཅིང་འབྲེལ་བར་འབྱུང་བ་ཇི་ལྟ་བུ་ཞེ་ན། འདི་ལྟ་སྟེ་མ་རིག་པའི་རྐྱེན་གྱིས་འདུ་བྱེད། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང་གཟུགས། མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག །དེའི་རྐྱེན་གྱིས་རེག་པ། དེའི་རྐྱེན་གྱིས་ཚོར་བ། དེའི་རྐྱེན་གྱིས་སྲིད་པ། དེའི་རྐྱེན་གྱི་ལེན་པ། དེའི་རྐྱེན་གྱིས་སྲིད་པ། དེའི་རྐྱེན་གྱིས་སྐྱེ་བ། དེའི་རྐྱེན་གྱིས་རྒ་ཤི་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུགས་པ་རྣམས་འབྱུང་བར་འགྱུར་ཏེ། དེ་ལྟར་ན་སྡུག་བསྔལ་གྱི་ཕུང་པོ་འདི་འབའ་ཞིག་འབྱུང་བར་འགྱུར་རོ། །ཞེས་ཤེས་རབ་ཀྱི་མིག་གིས་བལྟ་བར་བྱས་ཏེ། རྒྱུ་མེད་པ་ལ་སོགས་པ་བསལ་ལོ། །དོན་འདི་ནི་འཕགས་པ་བྱང་ཆུབ་སེམས་དཔའི་སྡེ་སྣོད་ལས། །གང་དུ་མ་རིག་སྐྱེ་འགྱུར་པ། །ཉོན་མོངས་རྒྱུ་ནི་ཚུལ་བཞིན་མིན། །དེ་ཡི་རྐྱེན་ནི་འདུ་བྱེད་དེ། །སྡུག་བསྔལ་བར་དུ་སྐྱེ་བར་འགྱུར། །ཞེས་སོ། །དེ་ལྟར་སྲིད་པ་འབྱུང་བའི་རིམ་པ་ལ་ཡིད་ཆེས་པར་བྱས་ནས། ཡང་མ་རིག་པ་འགགས་པ་ནས་སྡུག་བསྔལ་གྱི་ཕུང་པོ་འདི་འབའ་ཞིག་འགག་པར་འགྱུར་རོ། །ཞེས་བྱ་བའི་བར་དུ་ཡིད་ལ་བྱའོ། །དེ་ནས་རྟག་པ་མ་ཡིན་པ་དང་། ཆད་པ་མ་ཡིན་པ་དང་། འཕོ་བ་མ་ཡིན་པ་དང་། དེ་དང་འདྲ་བའི་རྒྱུད་དུ་འཇུག་པ་དང་། རྒྱུ་ཆུང་ངུ་ལས་འབྲས་བུ་ཆེན་པོ་འབྱུང་བ་ཞེས་ངེས་པར་བཟུང་སྟེ། ཕྱི་རོལ་ས་བོན་ལས་མྱུ་གུ། དེ་ལས་འདབ་མ། དེ་ལས་སྡོང་བུ། དེ་ལས་མེ་ཏོག་དང་། དེ་ལས་འབྲས་བུ་འབྱུང་ཞིང་རྒྱུ་དེ་དག་དང་རྐྱེན་འབྲེལ་བར་འབྱུང་བ་ཁམས་བཞི་དང་དུས་ཀྱི་ཁམས་ཏེ། རྣམ་པ་བཅུ་གཉིས་པོ་འདི་དག་ཙམ་མོ་ཞེས་འབྱུང་བ་དང་། འགགས་པ་ལས་རྒྱུ་མེད་པ་དང་། མི་མཐུན་པའི་རྒྱུ་སྤངས་ཏེ་འདིར་ནི་མདོར་བསྡུས་ནས་རྟེན་ཅིང་འབྲེལ་བར་འབྱུང་བ་ཡིད་ལ་བྱས་པས་རིག་པ་བསྐྱེད་པ་དང་། མ་རིག་པའི་ངོ་བོའམ་དེ་ལས་བྱུང་བའི་ལོག་པར་ལྟ་བ་སྤངས་པའོ། །གལ་ཏེ་རྒྱས་པར་ཡིད་ལ་བྱེད་པ་ལྟ་ཞིག་ན་རང་རང་གི་མཚན་ཉིད་དང་། མིང་དོན་དང་། ལས་ཐ་དད་པ། ཡན་ལག་ལྔས་ཡང་དག་པར་བསྡུས་པ་དང་། གསུམ་ལས་གཉིས་འབྱུང་བ་དང་། གཉིས་ལས་བདུན་འབྱུང་བ་དང་། བདུན་ལས་གསུམ་འབྱུང་བ་དང་། དུས་གསུམ་པའི་ངོ་བོར་བཞག་པ་དང་། རྐྱེན་དང་འབྲེལ་བ་དག་ཡིད་ལ་བྱའོ། །དེ་ལྟར་ཡང་། རང་དང་གཞན་དང་གཉིས་ཀ་ལས་སྐྱེས་དང་། རྒྱུ་མེད་འབྱུང་ཞེས་སྨྲ་བ་གང་ལགས་པ། །འདི་དག་ལོག་པར་ལྟ་བ་ཕུང་ཀྲོལ་བ། །ལེགས་པར་སྤྱད་ཀྱང་འབྲས་བུ་མི་འདོད་འབྱིན། །སོགས་དང་། དྲི་མེད་མེ་ལོང་ངོས་ལ་སྐྱེས་པའི་བཞིན་གྱི་གཟུགས་བརྙན་གང་། །གལ་ཏེ་ཡང་དག་གནས་ན་རྐྱེན་ལ་རག་ལས་མི་འགྱུར་ཞིང་། །སླར་འདི་རྣམ་པར་འཇིག་འགྱུར་གོ་སྐབས་ཅན་དུ་ག་ལ་འགྱུར། །དེ་ཕྱིར་དངོས་མེད་རྐྱེན་ལ་རག་ལས་གཅིག་པུ་རྣམ་པར་སྤང་། །ཇི་ལྟར་གནས་པའི་རང་བཞིན་འདི་ཡང་ལེགས་པར་རྣམ་དཔྱད་ན། །རབ་ཏུ་ཕྲ་རྡུལ་བར་དུ་འགྱུར་ཞེས་དམ་པས་དང་པོར་གསུངས། །གལ་ཏེ་དངོས་ཡོད་དེ་དག་ཤེས་རབ་ཅིས་མི་འབབ། །དེ་ཕྱིར་དེ་ཡང་ཕྱོགས་ཆའི་བྱེ་བྲག་དག་གིས་ག་ལ་གནས། །རིན་ཆེན་སེམས་ཀྱི་ཁྱད་པར་འགའ་ཞིག་སྣ་ཚོགས་སྣང་ཞེ་ན། །དེ་ཕྱིར་འདི་ལའང་སྐད་ཅིག་ཅེས་བྱ་རབ་ཕྲ་དམ་པས་གསུངས། །སྐད་ཅིག་སྐད་ཅིག་ཅེས་བྱའི་གང་དག་ཕྲ་ལ་རྣམ་པར་རྨོངས། །དེ་ཡང་ཇི་ལྟར་ཐོག་མ་དབུས་མཐའ་དག་ཏུ་ལྟ་མི་ནུས།། །། ༈ དེ་ལྟར་འདི་དག་ཕྱི་དང་ནང་དུ་བཅས་པ་གཅིག་མིན་ཞིང་། །དེ་ཉིད་ཕྱིར་ན་དེ་ཡི་རང་བཞིན་རྣམ་བསགས་དུ་མའང་མིན། །འདི་དག་ལས་དབེན་དངོས་པོ་ཤེས་རབ་མིག་གིས་འགའ་མ་དམིགས། །དེས་ན་འདི་དག་མཐའ་གཉིས་བྲལ་བར་དམ་པས་གསུངས། །དེ་བཞིན་གཅིག་གིས་གཅིག་ཉིད་བསྐྱེད་པ་མངོན་སུམ་འགལ་མཐོང་སྟེ། །རབ་ཏུ་ཕྲ་བའི་འབྲས་བུ་རྒྱུ་ནི་གཅིག་མིན་ལ་ལྟོས་པར། །འགྲོ་བའི་མངོན་སུམ་ཉིད་དུ་སྟོན་པ་བཞིན་དུ་ངེས་པར་གནས། །དེ་བཞིན་གཅིག་གིས་གཅིག་མིན་འགྱུར་སོགས་ཐམས་ཅད་གནོད་པར་བཅས། །དངོས་རྣམས་ཐུག་མེད་མ་ལུས་སླར་སྐྱེ་འགྱུར་འདི་བཟློག་དཀའི་ཕྱིར། །ཡོད་པ་འབའ་ཞིག་སྐྱེ་ཞེས་འདི་ནི་སུས་ཀྱང་སྨྲ་མི་ནུས། །གང་མེད་འགའ་ཞིག་སྐྱེ་ན་ཞེས་པའི་ཐ་སྙད་སུ་ཞིག་འཛེག །དེ་ཕྱིར་བདག་ལས་སྐྱེ་སོགས་འདི་དག་མཁས་པས་རྩ་ནས་བཏོན། །དེ་ལྟར་ཁྱོད་ཀྱི་ཤེས་རབ་སྤྱན་གསལ་དྲི་མེད་རྣམ་རྒྱས་པས། །རྟེན་ཅིང་འབྲེལ་འབྱུང་མཚན་ཉིད་འདི་ལ་ཡུན་རིང་འགགས་པ་ན། །ཐོག་མེད་སྲིད་རྒྱུད་བསགས་པའི་བསྙེངས་གནས་རབ་ཏུ་ཕྲ་བ་ཡང་། །གང་ནའང་གནས་པར་འབྱུང་འདི་གཟིགས་མིན་མི་བདག་གང་གིས་ཞུམ། །ཞེས་གསུངས་སོ། །ཨི་ཏི་ཨཱ་ཙཪྻ་ཛཻ་ཏཱ་རི་ཀྲྀ་ཏི་ཤུ་བྷཾ། ཡང་། གཙང་སྤྱོད་པ་ཡི་ལྕི་བ་ནི། །ཆུ་དང་ཞོ་མ་འོ་དང་མར། །ཐམས་ཅད་དེ་ལས་བྱུང་བ་དག །སྣོད་གཙང་བཀོལ་ཏེ་ཆུ་རྣམས་དབོ། །ཚིག་མ་དོར་ཏེ་དབུས་ཀྱི་ཆས། །དབྱིབས་ཅི་དགའ་བའི་མཎྜལ་ནི། །ས་བདག་ཁྲུ་གང་ཡན་ཆད་སར། །གསང་སྔགས་དོན་ལ་གཞོལ་བར་བྱུགས། །དེ་ནས་དེ་ནི་གུས་པ་ཡིས། །རྒྱལ་བ་སྲས་དང་བཅས་ལ་དབུལ། །འདི་སློབ་དཔོན་དུ་ལོ་བ་དང་། །དྷ་རྨ་པྲཛྙཱས་བསྒྱུར། ། ༈ བླ་མ་ལ་སྤྲེང་བ་ལེ་ཁ་དགེ་སློང་དགོན་པ་བས་མཛད་པར། །འདོད་པ་རྣམས་ལས་མྱ་ངན་སྐྱེ། །འདོད་པ་རྣམས་ལས་འཇིགས་པ་འབྱུང་། །འདོད་པ་དག་ནི་རྣམ་སྤངས་ན། །མྱ་ངན་མེད་ཅིང་འཇིགས་པ་མེད། །ཅེས་དང་། མགར་བ་ཡིས་ནི་རྡུལ་བཞིན་དུ། །བློ་གྲོས་ལྡན་པས་རིམ་པ་བཞིན། །སྐད་ཅིག་ཐང་ཅིག་ཅུང་ཟད་ཙམ། །རང་གི་དྲི་མ་བསལ་བར་བྱ། །ཞེས་དང་། །གལ་ཏེ་བདེ་བ་ཀུན་འདོད་ན། །འདོད་པ་ཐམས་ཅད་ཡོངས་སུ་སྤངས། །འདོད་པ་ཐམས་ཅད་ཡོངས་སྤངས་པས། །མཆོག་ཏུ་བདེ་བ་ཐོབ་པར་འགྱུར། །ཞེས་དང་། བསམ་བརླག་འདོད་ལ་སྲེད་པ་ཡིས། །བདག་ཕུང་གཞན་ཡང་ཕུང་བར་བྱེད། །ལྷ་ཡིས་འདོད་པའི་ཆར་ཕབ་ཀྱང་། །འདོད་ལྡན་རྣམས་ལ་ངོམས་མི་འགྱུར། །ཞེས་དང་། ནོར་བུའི་རྣ་ཆ་བུ་དང་ཆུང་མ་ལ། །ཡོངས་སུ་ཆགས་སེམས་གང་ཡིན་ལ་ལྟོས་ན། །ལྕགས་ཤིང་དྲེས་མ་ལས་བྱས་ཆིངས་མ་གང་། །དེ་དག་དམ་པོ་མིན་ཞེས་འཕགས་པས་གསུངས། །ཞེས་སོགས་དང་། གང་དག་རྣམ་རྟོག་ཉེ་བར་ཞི་དགའ་ཞིང་། །མི་སྡུག་སྒོམ་པ་རྟག་ཏུ་དྲན་བྱེད་པ། །དེ་ཡིས་སྲེད་པ་རབ་ཏུ་སྤངས་བ་ཡིན། །རང་གི་འཆིང་བ་དེ་དག་གཏུབས་པར་འགྱུར། །ཞེས་དང་། གང་ཞིག་འཇིག་རྟེན་སྤང་དཀའ་བའི། །སྲིད་པའི་བུད་མེད་འདིར་བསྟེན་པ། །དེ་ཡི་མྱ་ངན་འཕེལ་འགྱུར་ཏེ། །རྩ་ལ་ཆར་པ་བབས་པ་བཞིན། །གང་ཞིག་འཇིག་རྟེན་སྤང་དཀའ་བའི། །སྲིད་པའི་བུད་མེད་འདི་སྤང་བ། །དེ་ནི་མྱ་ངན་ལྡོག་འགྱུར་ཏེ། །པདྨ་ལ་ནི་ཆུ་ཐིགས་བཞིན། །ཞེས་དང་། དཔེར་ན་ལྗོན་ཤིང་རྩ་ནས་མ་བཏོན་ན། །བཅད་ཀྱང་ཕྱིར་ཞིང་སྐྱེ་བ་ཁོ་ན་ཟད། །དེ་བཞིན་སྲིད་པའི་ཕྲ་རྒྱས་མ་བཏོན་ན། །ཡང་དང་ཡང་དུ་སྡུག་བསྔལ་འདི་མི་ལྡོག །ཅེས་དང་། བག་ཡོད་འཆི་མེད་གནས་ཡིན་ཏེ། །བག་མེད་པ་ནི་འཆི་བའི་གནས། །བག་ཡོད་འཆི་བར་མི་འགྱུར་ཏེ། །བག་མེད་པ་ནི་རྟག་ཏུ་འཆི། །ཞེས་དང་། བརྩོན་པ་ལྡན་ཞིང་དྲན་དང་ལྡན་པ་དང་། །སྤྱོད་པ་གཙང་ཞིང་བརྟགས་ནས་བྱེད་པ་དང་། །ཡང་དག་སྡོམ་དང་ཆོས་ཀྱིས་འཚོ་བ་དང་། །བག་ཡོད་རྣམས་ཀྱི་གྲགས་པ་མངོན་པར་འཕེལ། །ཞེས་དང་། འཇིག་རྟེན་པ་ཡི་ཡང་དག་ལྟ། །ཆེན་པོ་གང་ལ་ཡོད་གྱུར་པ། །དེ་ནི་ཚེ་རབས་སྟོང་དུ་ཡང་། །ངན་འགྲོར་འགྲོ་བར་མི་འགྱུར་རོ། །ཞེས་དང་། བག་མེད་ཕ་རོལ་བུད་མེད་བསྟེན་བྱེད་པའི། །མི་གང་ཡིན་ལ་གནས་སྐབས་འདི་བཞི་འབྱུང་། །བསོད་ནམས་མིན་འཐོབ་བདེ་བར་མི་ཉལ་དང་། །དམ་པས་སྨོད་ཅིང་ལུས་ཞིག་ངན་འགྲོར་སྐྱེ། །ཞེས་དང་། རྟག་ཏུ་ལེགས་པར་བརྩམས་པ་དང་། །བྱ་བ་མ་ཡིན་མི་བྱེད་ཅིང་། །རྒྱུན་དུ་བྱ་བ་བྱེད་པ་དག །དྲན་དང་ཤེས་བཞིན་ལྡན་པ་དེའི། །ཟག་པ་རྣམས་ནི་ཟད་པར་འགྱུར། །ཞེས་དང་། ཇི་ཙམ་མང་དུ་སྨྲ་བྱེད་པ། །དེ་དག་དམ་ཆོས་འཛིན་པ་མིན། །གང་དག་འདི་ན་ཐོས་ཉུང་ཡང་། །ཡིད་ཀྱི་ཆོས་དག་མངོན་སུམ་བྱས། །གང་དག་ཆོས་ལ་བག་བྱེད་པ། །དེ་དག་དམ་ཆོས་འཛིན་པ་ཡིན། །ཅེས་དང་། ཉོན་མོངས་རྣམས་ནི་བདག་འཇོམས་སེམས་ཅན་འཇོམས་ཤིང་ཚུལ་ཁྲིམས་འཇོམས། །ཉམས་བཅས་རྙེད་པས་དམན་ཞིང་སྲུང་དང་དེ་བཞིན་སྟོན་པས་སྤངས། །རྩོད་བཅས་མི་སྙན་དེ་ནི་གཞན་དུ་མི་ཁོམས་རྣམས་སུ་སྐྱེ། །ཐོབ་དང་མ་ཐོབ་ཉམས་བྱས་འཇིགས་དང་སྡུག་བསྔལ་ཆེན་པོ་ཐོབ། །ཅེས་དང་། ཉོན་མོངས་དེ་དག་སྤང་སླད་དུ། །ཞི་གནས་ལྷག་མཐོང་བསྒོམ་པ་དང་། །མི་སྡུག་བྱམས་ཁམས་རྟེན་འབྲེལ་དང་། །དབུགས་རྡུབས་དབུགས་དབྱུང་དྲན་པར་མཛོད། །ཅེས་གསུངས་སོ། །སློབ་དཔོན་བི་ནཱ་ཡ་ཙནྡྲ་དང་། དྷརྨ་པྲཱ་ཛྙཱས་བསྒྱུར།། །། ༈ བུ་ལ་སྤྲིང་པ་པཎྜི་ཏ་པྲ་ཛྙཱ་ན་ཞེས་པས་མཛད་པར། །འདོད་པའི་འདམ་དུ་འགྲོ་བ་འདི་དག་བྱིང་། །དཔེར་ན་གླང་ཆེན་འདམ་དུ་ཆུད་པ་བཞིན། །འདོད་པ་ལས་ནི་འཇིགས་དང་སྡུག་བསྔལ་དང་། །མྱ་ངན་དང་ནི་འཚེ་བ་སྣ་ཚོགས་འབྱུང་། །གསོད་དང་བཅིངས་དང་ཡན་ལག་གཅོད་པ་དང་། །མེ་དང་ཆུ་དང་གཡང་སར་འདོར་བར་བྱེད། །འདོད་པ་བརྐམས་པས་སེམས་ཅན་དམྱལ་བ་དང་། །ཡི་དྭགས་དུད་འགྲོ་རྣམས་སུ་སྡུག་བསྔལ་རྙེད། །ཅེས་དང། དམ་ཆོས་ཕྱིར་ནི་ཕ་མ་ཡལ་དོར་ནས། །ནོར་བཟང་བཞིན་དུ་ཡུལ་གཞན་རྒྱུ་འོས་ཀྱང་། །འདོད་པའི་དོན་དུ་ཕ་མ་ཡལ་དོར་ནས། །སྨད་པའི་དོན་དུ་རྒྱུ་བར་ག་ལ་རིགས། །སོགས་དང་། ནོར་ལ་ཆགས་པས་འདིར་གདུང་ཕྱི་མར་གདུང་། །གཉིས་ཀར་གདུང་སྟེ་དེས་ན་བདག་ཉིད་ཀྱི། །ལས་རྣམས་སྨིན་མཐོང་དེ་གདུང་རབ་ཏུ་གདུང་། །འགྲོ་བ་དམན་པར་སོང་བས་ཕྱིར་ཞིང་གདུང་། །བསགས་དང་བསྲུང་དང་བརླག་པའི་གདུང་བ་ཡི། །ནོར་ནི་ཕུང་ཁྲོལ་མཐའ་ཡས་ཤེས་པར་བྱ། །ནོར་ལ་ཆགས་པས་གཡེང་བར་གྱུར་པ་རྣམས། །སྲིད་པའི་སྡུག་བསྔལ་ལས་གྲོལ་སྐབས་མེད་དོ། །ཞེས་དང་། འདི་ན་གསེར་དང་དངུལ་དང་བཻཌཱུཪྻ། །མུ་ཏིག་བྱེ་རུ་ཨསྨཱ་གརྦྷ་དང་། །ཀཱཪྵཱ་པ་ཎ་ལ་སོགས་ཆར་འབབས་ཀྱང་། །ནོར་ཚོལ་རྣམས་ནི་ངོམས་པར་འགྱུར་བ་མེད། །སོགས་དང་། །བུ་ཁྱོད་གལ་ཏེ་ནོར་འཚོལ་ན། །འཕགས་པའི་ནོར་བདུན་བསྟེན་པར་གྱིས། །རྒྱལ་པོ་རྐུན་པོས་མི་འཕྲོག་ཅིང་། །སྲིད་པའི་དབུལ་བ་སེལ་བར་འགྱུར། །ཞེས་དང་། བུད་མེད་ཕུང་བར་བྱེད་པ་སྟེ། །འཇིག་རྟེན་འདི་དང་ཕ་རོལ་ཕུང་། །རྣམ་པ་ཀུན་ཏུ་ནོར་འཇིག་དང་། །ངན་སོང་རྩ་བ་བུད་མེད་ཡིན། །དང་། བུད་མེད་ཁ་ཟས་ཉིས་འགྱུར་ཏེ། །གཡོ་སྒྱུ་དག་ནི་བཞི་འགྱུར་ཡིན། །ཕྲག་དོག་ཤས་ནི་དྲུག་འགྱུར་ཏེ། །འདོད་པ་བརྒྱ་འགྱུར་ཡིན་པར་བྱ། །ཤིང་རྣམས་ཀྱིས་ནི་མེ་དང་ནི། །ཆར་གྱིས་རྒྱ་མཚོ་ཆེན་པོ་དང་། །འབྱུང་པོ་ཀུན་གྱིས་གཤིན་རྗེ་ལྟར། །སྐྱེས་པ་བུད་མེད་ངོམས་མི་འགྱུར། །ཡང་། གལ་ཏེ་ཆུང་མ་བསྟེན་ན་ཡང་། །དེ་ཡི་ཉེས་དམིགས་དྲུག་ཅུ་ལྔ། །དྲག་ཤུལ་ཅན་གྱི་མདོ་ལས་གསུངས། །དེའི་ཕྱིར་བུད་མེད་སྤང་བྱའོ། །ཞེས་སོ། །གང་ཞིག་འཐུང་ན་ར་རོ་གློ་ནས་གོམས་ཚུགས་དབང་མེད་འདོར། །ཡུལ་གྲོང་མ་འདྲིས་སར་ཡང་འཁྱམས་ཤིང་བརྡེག་འཆོས་འགྱུར། །བཟའ་དང་མི་བཟའ་དཔྱད་མེད་དུག་དང་འདྲེས་པ་བཟའ། །དེ་བས་རྟག་ཏུ་བུ་ཁྱོད་མྱོས་འགྱུར་ཁུ་བ་སྤོངས། །གང་འཐུང་ན་ནི་བདག་ལ་བརྟན་མེད་བློ་ཉམས་ཤིང་། །ཕྱུགས་དང་འདྲ་བར་མཛའ་བོས་སྤངས་ཤིང་དགྲ་བོས་འཕྱ། །འདུས་བ་བྲོ་གར་བྱེད་ཅིང་གླུ་ལེན་འཁར་རྔ་བརྡུང་། །དགེ་ལེགས་གྲགས་ཉམས་རྒྱུ་དེ་སུ་ཞིག་འཐུང་བར་བྱེད། ཅེས་སོགས་དང་། །གང་ཞིག་འཐུང་ན་དཔལ་གྱི་གཞིར་འགྱུར་རིང་། །ཇེ་མཐོ་ཇེ་མཐོ་གྱུར་པའང་བརླག་བྱེད་པ། །ནོར་གྱི་དབྱིག་ལྡན་ཁྱིམ་ཡང་ཕུང་འགྱུར་བ། །ཉེས་མང་གཞི་རྩ་དེ་ནི་སུ་ཞིག་འཐུང་། ཞེས་དང་། །དེ་འཐུང་ཡིད་ནི་རབ་ཏུ་འཁྲུགས་གྱུར་ནས། །བརྩེ་བའི་ཕ་དང་མ་ཡང་གསོད་འགྱུར་ཞིང་། །ཉེས་མེད་དགེ་སྦྱོང་བྲམ་ཟེ་དྲང་སྲོང་གསོད། །ཆོམ་རྐུན་དང་ནི་ལོག་གཡེམ་སྨད་པར་བྱེད། །རྫུན་དང་ཕྲ་མ་ཚིག་རྩུབ་འཆལ་པ་སྨྲ། །བརྣབ་སེམས་གནོད་སེམས་ལོག་ལྟའི་མུན་པ་འཛིན། །མི་དགེའི་རྩ་བ་དེ་ནི་བཏུང་མི་བྱ། །གང་ཞིག་བཏུང་ན་ཚུལ་ཁྲིམས་ཏིང་འཛིན་དང་། །ཤེས་རབ་ལྟ་བ་འཚོ་བ་ཆོ་ག་དང་། །དྲན་པ་ཤེས་བཞིན་དད་པ་བརྩོན་འགྲུས་ཉམས། །དགེ་ཆོས་ཆུད་གཟོན་དེ་ནི་བཏུང་མི་བྱ། །ཞེས་དང་། ཐུབ་པས་དགའ་བ་ཅན་གྱི་མདོ་ལས་ནི། །མྱོས་འགྱུར་ཉེས་པ་སུམ་ཅུ་རྩ་ལྔ་གསུངས། །དེ་ཕྱིར་བུ་ཁྱོད་བདག་ལ་ཕན་འདོད་ན། །ཉེས་ཀུན་རྩ་བ་དེ་ནི་བཏུང་མི་བྱ། །ཞེས་གསུངས་སོ། །ཀཤྨི་རའི་མཁན་པོ་མ་ཧཱ་ཛྙཱ་ན་དང་། །ལོ་ཙཱ་བ་མར་པ་དྷརྨེ་ཤྭ་༧༠རས་འགྱུར་རོ།། །། ༈ དྲི་མ་མེད་པ་རིན་པོ་ཆེའི་སྤྲིང་ཡིག་དཱི་པཾ་ཀཱ་ར་ཤྲཱི་ཛྙཱ་ན་ཀྲྀ་ཏ། །རང་སྐྱོན་རྟོག་ལ་མིག་བཞིན་བྱ། །གཞན་སྐྱོན་རྟོག་ལ་ལོང་བ་བཞིན། །དྲེགས་དང་ང་རྒྱལ་མེད་པ་དང་། །སྟོང་ཉིད་རྟག་ཏུ་བསྒོམ་པར་བྱ། །བདག་གི་ཉེས་པ་བསྒྲག་བྱ་ཞིང་། །གཞན་གྱི་ཡོན་ཏན་བསྒྲག་པར་བྱ། །རྙེད་དང་བཀུར་སྟི་སྤང་བྱ་ཞིང་། །ཁེ་གྲགས་རྟག་ཏུ་སྤང་བར་བྱ། །སོགས་དང་། སོས་ཀའི་ཁུ་བྱུག་གཞོན་ནུ་སྐད་སྙན་སྒྲོགས་ཞེས་ཏེ། །རྨ་བྱ་གཞོན་ནུ་སྐད་མི་སྙན་པ་མི་སྒྲོགས་སམ། །མཁས་པ་མང་པོས་ལེགས་པར་གསུངས་པ་ཡོད་མོད་ཀྱིས། །རྒྱལ་པོའི་གདུང་བ་བཅད་ཕྱིར་བདག་གིས་བྲིས་པ་ཡིན། །ཞེས་སོ།། །། ༈ རྒྱལ་པོ་ཟླ་བ་ལ་སྤྲིང་པར། ལོངས་སྤྱོད་ཅི་འདྲ་ཁྱིམ་གྱི་སྦྲང་། །བཤེས་པ་ཅི་འདྲ་ཚོང་ཁང་མི། །སྡང་སྡེ་རྨི་ལམ་གནོད་པ་བཞིན། །རང་ལུས་ཅི་འདྲ་སྦྲུལ་གྱི་ལྤགས། །འདུ་འཛི་ཅི་འདྲ་ནད་གཞི་བཞིན། །ཚེ་སྲོག་ཅི་འདྲ་རི་གཟའ་ཆུ། །ཞེས་སོགས་དང་། །ལྷ་གཅིག་ཇི་ལྟར་ཁྱོད་འབྱོར་ཀྱང་། །གཤེགས་ནས་འཇིག་རྟེན་གཞན་བཞུད་ཚེ། །མྱ་ངན་ཐང་ལ་དགྲས་བཅོམ་ལྟར། །གཅིག་པུ་སྲས་མེད་བཙུན་མོ་མིན། །ན་བཟའ་མ་མཆིས་བཤེས་མ་མཆིས། །རྒྱལ་སྲིད་མ་མཆིས་ཁབ་མ་མཆིས། །དཔག་མེད་མཐུ་དཔུང་མངའ་ལགས་ཀྱང་། །གཟིགས་སུ་མ་མཆིས་གསན་མ་མཆིས། །གཅིག་ཙམ་ཉིད་གཅིག་ཕྱི་ཐག་གི །རྗེས་སུ་འབྲང་བའང་མི་མངའོ། །མདོར་ན་ཉིད་ཀྱི་མཚན་ཙམ་ཡང་། །དེ་ཚེ་མེད་ན་གཞན་ཅི་སྨོས། །ཞེས་མི་ཏྲ་ཛོ་ཀིས་མཛད་པ་ལས་༧༣སོ།། །། ༈ སློབ་དཔོན་ནཱ་གཱ་རྫུ་ནས་མཛད་པའི་བཤེས་སྤྲིང་གི་རྒྱས་འགྲེལ་ཚིག་གསལ་ཅེས་སློབ་དཔོན་བློ་གྲོས་ཆེན་པོས་མཛད་པར། རྗེས་དྲན་དྲུག་གི་སྐབས། སངས་རྒྱས་རྗེས་སུ་དྲན་པ་ནི་དེ་བཞིན་གཤེགས་པ། དགྲ་བཅོམ་པ་སོགས་ནས། དགེ་འདུན་རྗེས་སུ་དྲན་པའི་མཐར་ཐུག་པའི་བར་སྦྱར་ནས་དེ་གསུམ་ནི་གཞན་རྒྱུད་ལ་བཞུགས་པའི་ཡོན་ཏན་དང་། གཏོང་བ་རྗེས་སུ་དྲན་པ་ནི། འདིར་རང་གི་རྒྱུད་དུ་གཏོགས་པའི་སྦྱིན་པའི་ཡོན་ཏན་སེར་སྣའི་དྲི་མ་སངས་པ། །སྦྱིན་པའི་ངང་ཚུལ་ཅན། ལུས་ཀྱིས་བརྩོན་འགྲུས་བརྩམས་པ། དངོས་པོ་ཡོངས་སུ་གཏོང་བ། དེ་ལ་མངོན་པར་དགའ་བ་ཞེས་བྱ་བ་རྣམས་བསྟན་ཏོ། །ཚུལ་ཁྲིམས་ཀྱི་ཡོན་ཏན་ནི་བདག་གི་ཚུལ་ཁྲིམས་ནི་མ་ཉམས་པ། སྐྱོན་མེད་པ། མ་འདྲེས་པ། མ་གོས་པ། རང་དབང་ཡོད་པ། མཁས་པས་བསྔགས་པ། ཏིང་ངེ་འཛིན་སྒྲུབ་པ་དག་ཡིན་ནོ། །ལྷའི་ཡོན་ཏན་ནི། རྒྱལ་ཆེན་རིགས་བཞི་པའི་ལྷ་དག་དང་། སུམ་ཅུ་རྩ་གསུམ་པ་ནས་གཞན་འཕྲུལ་དབང་བྱེད་ཀྱི་བར་དག་ཡོད་དོ་ཞེས་བྱ་བ་ཡིན་ཏེ། ལྷ་དེ་དག་རྣམས་དང་བདག་ཉིད་ཀྱི་ཡོན་ཏན་རྗེས་སུ་དྲན་པར་བྱེད་པ་ཡིན་ནོ། །དེ་ལ་སྐྱེས་པའི་ལྷ་རྣམས་ཀྱི་སྐྱེ་བའི་རྒྱུར་གྱུར་པའི་ཡོན་ཏན་དང་། བདག་ཉིད་ཀྱི་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་ཀྱི་ཡོན་ཏན་རྣམས་ནི་ལྷའི་ཡོན་ཏན་ནོ། །ཞེས་བཤད་དོ། །དོན་དུ་ན་འདིར་རང་གི་ཡོན་ཏན་རྣམས་ཁོ་ན་ལྷའི་ཡོན་ཏན་དང་མཚུངས་པར་བྱས་ནས་དྲན་པ་ནི་རྗེས་སུ་དྲན་པ་ཞེས་བྱ་བར་བཤད་དོ། །ཞེས་དང་། ཡང་། རྗེས་སུ་དྲན་པའི་གནས་དྲུག་ནི་སེམས་དྭངས་པར་བྱེད་པའི་ཕྱིར་དང་། བསོད་ནམས་ཆེན་པོའི་རྒྱུ་ཡིན་པའི་ཕྱིར་དང་པོ་ཉིད་དུ་བསྟན་ནས། ཞེས་འབྱུང་ངོ་། །དེ་ཡང་སངས་རྒྱས་སོགས་ཡོན་ཏན་རྣམས་རྗེས་སུ་དྲན་པ་དེ་དག་རྗེས་སུ་དྲན་པར་བྱ་ཞིང་ཡིད་ལ་བྱའོ། །དེ་ཡང་སངས་རྒྱས་ལ་སོགས་པ་དེ་རྣམས་རང་རང་གི་ཡོན་ཏན་གྱི་ཚོགས་རྣམས་ཀྱིས་རྗེས་སུ་དྲན་པར་བྱ་སྟེ། །དེ་ལ་ཡོན་ཏན་གྱི་ཚོགས་ནི་གང་ཡིན་ཞེ་ན། འདི་ལྟར་དེ་ནི་བཅོམ་ལྡན་སོགས་སོ།། །། ༈ སྒྲིབ་པ་བཅུ་པོ་ལྔར་མཛད་པ་ནི་ངོ་བོ་མཐུན་པས་ཏེ། གཡོ་བ་དང་། བླུན་པ་ཉིད་དུ་མཐུན་པའི་ཕྱིར་ཏེ། །རྒོད་འགྱོད་གཉིས་ཀ་གཡོ་བ་དང་། །རྨུགས་གཉིད་གཉིས་ཀ་བླུན་པ་ཡིན་པའི་ཕྱིར་རོ།། །། ༈ ཉིན་ཞག་གཅིག་གི་གསོ་སྦྱོང་གིས་འདོད་པ་ན་སྤྱོད་པའི་ལྷའི་གནས་སུ་སྐྱེ་བར་འགྱུར་རོ།། །། ༈ རྣམ་གསུམ་མར་མེའི་སྣང་བ་ནི། སྒོ་གསུམ་གྱི་ལེགས་སྤྱོད་དམ། སྦྱིན་ཚུལ་བསྒོམས་པ་ལས་བྱུང་བའི་བསོད་ནམས་སུ་བསྟན་ཏོ། །རྟེན་འབྲེལ་བཅུ་གཉིས་སཱ་ལུ་ལྗང་བའི་མདོ་ནས་གསལ། ཟབ་མོ་ཞེས་པ་ནི། བདག་གཞན་གཉིས་ཀ་རྒྱུ་མེད་རྣམས་ལས་མ་སྐྱེས་ཤིང་མ་བྱས་པའི་ཕྱིར་རོ། །ཚུལ་ཁྲིམས་སྐྱོན་ཅན་ནི་མོད་དམའ་པའོ། །འདྲེས་པ་ནི་མི་དགེ་བའོ། །སྦགས་པ་ནི་སྲིད་པའི་དོན་དུ་བསྔོས་པའོ། །དེ་དག་མེད་པས་མེད་མི་དམའ་སོགས་སོ། །མི་ནི་ཨ་མྲའི་འབྲས་བུ་སོགས་ཀྱི། དང་པོ་ཕྱི་སྨིན་ལ་ནང་མ་སྨིན་པ་ནི་སྦྱོར་བ་ཕུན་སུམ་ཚོགས་ཀྱང་བསམ་པ་དམན་པའོ། །ཀི་མ་པའི་འབྲས་བུ་ནི་ཤུན་པ་བཟང་ལ་ནང་ངན་པའོ། །སྦྲང་རྩི་ལྟ་བུའི་ཚིག་ནི་སྙན་པ། མེ་ཏོག་ལྟ་བུ་ནི་བདེན་པ། མི་གཙང་བ་ལྟ་བུ་ནི་ལོག་པའོ།། །། ༈ དབང་ཕྱུག་པས་ཀྱང་། ཕྲ་ཞིང་བསམ་གྱིས་མི་ཁྱབ་རབ་ཏུ་སྲབ་བྱེད་ཀུན་རིག་ཐམས་ཅད་བྱེད། །རྣལ་འབྱོར་གོམས་པས་ཐོབ་པའི་བློ་ཅན་བསམ་གཏན་པ་ཡི་ཡུལ། །ཉི་མ་ཟླ་བ་ཆུ་མེ་རླུང་ཕྱོགས་ནམ་མཁའི་ལུས་ཅན་ཏེ། །ཞི་བའི་བདེ་དགའ་འགྲུབ་པར་འདོད་པ་རྣམས་ཀྱིས་དབང་ཕྱུག་རྟག་ཏུ་བསྒོམ། ཞེས་བཤད་དོ།། །། ༈ ལུང་མ་བསྟན་པ་བཅུ་བཞི་ནི། འཇིག་རྟེན་རྟག་པ་དང་། འཇིག་རྟེན་མི་རྟག་པ་དང་། རྟག་པ་ཡང་ཡིན། མི་རྟག་པ་ཡང་ཡིན་པ་དང་། རྟག་པ་ཡང་མ་ཡིན། མི་རྟག་པ་ཡང་མ་ཡིན་པ་དང་། འཇིག་རྟེན་མཐའ་དང་ལྡན་པ་དང་། འཇིག་རྟེན་མཐའ་དང་མི་ལྡན་པ་དང་། མཐའ་དང་ལྡན་པ་ཡང་ཡིན། མཐའ་དང་མི་ལྡན་པ་ཡང་ཡིན་པ་དང་། མཐའ་དང་ལྡན་པ་ཡང་མ་ཡིན། །མཐའ་དང་མི་ལྡན་པ་ཡང་མ་ཡིན་པ་དང་། དེ་བཞིན་གཤེགས་པ་ཤི་ཕན་ཆད་ཡོད་པ་དང་། མེད་པ་དང་། ཡོད་ཀྱང་ཡོད་ལ་མེད་ཀྱང་མེད་པ་དང་། ཡོད་པ་ཡང་མ་ཡིན། མེད་པ་ཡང་མ་ཡིན། སྲོག་གང་ཡིན་པ་དེ་ལུས་ཡིན་པ་དང་། སྲོག་ཀྱང་གཞན་ལ་ལུས་ཀྱང་གཞན་ཞེས་བྱ་བ་ཡིན་ནོ། །དངོས་པོ་བཅུ་བཞི་པོ་འདི་དག་ནི་དྲིས་ན་ལུང་མི་བསྟན་པ་ཡིན་པའི་ཕྱིར་ལུང་དུ་མ་བསྟན་པ་ཞེས་བཤད་དེ། འདི་ཉིད་བཞག་པའི་དྲི་བ་ཡིན་པར་བསྟན་ཏོ། །གནས་འདི་དག་ཡིད་ལ་བྱེད་པས་ནི་སེམས་ཞི་བར་མི་གནས་པའི་ཕྱིར་བསམ་བྱ་མ་ཡིན་ནོ། །ཞེས་བཤད། ས་ཆུ་མེ་རླུང་ཉི་ཟླ་ནི་ཕྱི་རོལ་པའི་ཐར་པ་སྟེ་དེ་དང་བྲལ་བ་ཐོབ་པར་མཛོད་ཅེས་པའོ། །འདི་སརྦ་ཛྙཱ་དེ་བ་དང་། བནྡེ་དཔལ་བརྩེགས་ཀྱིས་བསྒྱུར་རོ༡༡༢།། །། ༈ སློབ་མ་ལ་སྤྲིང་བའི་ཊཱི་ཀ་སློབ་དཔོན་བཻ་རོ་ཙ་ན་རཀྵི་ཏས་༡༡༢མཛད་པའི་༡༢༡བཀའ་འགྲེལ་སུ་ག་ཏ་ཤྲཱི་མི་ཏྲ་དང་། ཚུལ་ཁྲིམས་རྒྱལ་མཚན་གྱིས་བསྒྱུར་བ།། །། ༈ ཡང་དེའི་འགྲེལ་པ་༡༢༡རྒྱས་པ་སློབ་དཔོན་ཤེས་རབ་འབྱུང་གནས་བློ་གྲོས་ཀྱིས་མཛད་པ་ཤིན་ཏུ་གསལ་བ་བི་ནཱ་པ་༡༣༣ཙནྡྲ་དང་། ཆོས་ཀྱི་ཤེས་རབ་ཀྱིས་བསྒྱུར་བའོ།། །། ༈ གནས་བརྟན་སྤྱན་དྲངས་པ་ལས། གསེར་རིའི་དཀྱིལ་ནས་བསིལ་བའི་ཆུ་འབབ་པ། །ཆུ་ལ་ཟླ་བའི་གཟུགས་བརྙན་འབྱུང་འགྱུར་ཞིང་། །ཟླ་བའི་འོད་ཀྱིས་ཀུ་མུད་ཁ་ཕྱེ་སྟེ། །ཀུ་མུད་ཚལ་ན་སྐད་སྙན་ངང་པ་གནས། །ངང་མོ་མཚེའུ་ན་སྒྲ་སྐད་སྙན་པར་འབྱིན། །རི་ངོགས་རྨ་བྱ་གར་བཅས་རྒྱགས་པར་གནས། །རྨ་བྱ་རྒྱགས་སྒྲས་རི་སུལ་སྙན་པ་གྲགས། །རི་སུལ་ཡལ་ག་ལྷག་པས་རི་རྩེ་འཁྲིགས། །རི་རྩེ་སྟོད་རྣམས་ན་ནི་སྤྲིན་ཆགས་ལ། །ལང་ལིང་སྤྲིན་གྱིས་སྨན་ལྗོངས་ཁྲ་ཁྲོ་སྣང་། །སྨན་ལྗོངས་སྐྱེས་པའི་ནོར་བུ་ལྡུམ་བུ་གསལ། །ལྡུམ་བུ་ལས་བྲུལ་ལྷུང་བའི་མེ་ཏོག་ལྡན། །མེ་ཏོག་རྒྱས་པའི་དཔག་བསམ་ཤིང་ཚལ་མཛེས། །མཛེས་པའི་ལྷ་མོ་གསེར་གྱི་ཕག་སྐད་དྲུང་། །གསེར་གྱི་ཕག་སྐད་སྒྲས་ནི་བྱ་འདྲོགས་ཤིང་། །བྱ་ཚོས་ཤིང་ཏོག་རྩ་ལས་ཆད་ཅིང་བྲུལ། །རྩ་འཕྱང་ཁུ་བ་ཟག་པ་སྤོས་ཀྱི་དྲི། །སྤོས་གླང་དབང་པོ་དྲེགས་བྲག་དྲི་རབ་ཞིམ། །དྲི་རབ་ཞིམ་པའི་ལི་ཤི་རི་འཁོར་མང་། །བན་གླང་མོ་རྒྱགས་དྲག་འགྲོ་ལང་ལོང་གྱུར། །བུང་བའི་ཁྱུ་ཡིས་མེ་ཏོག་ཟེག་གྱུར་ཅིང་། །ཡལ་ག་མེ་ཏོག་རྒྱས་པས་གད་པ་དཀར། །གད་པ་ཆད་པས་ནོར་བུའི་ལྡུམ་བུ་བསྣད། །མེ་ཏོག་མགོ་ལྕོག་བྲལ་བས་རྣམ་པར་བཀྲ། །ནོར་བུ་སིལ་མ་མང་པོས་རི་ཞོལ་སྤྲས། །མེ་ཏོག་ཟེགས་པའི་ཤིང་གི་ཡལ་གར་གནས་པའི་བུང་བ་དགའ་བས་འཕུར་རྣམས་དང་། །ཟླ་བའི་འོད་ཟེར་དཀར་པོ་ངང་པ་ལྟ་བུས་ཉེ་འཁོར་རྡོ་བ་ཆག་ཆག་བཏབ། །ལྷུན་པོ་མཐོ་བའི་རི་ལ་ཐུབ་པ་གང་དག་རབ་ཏུ་ཞི་བའི་ཐུགས་ཀྱིས་བཞུགས། །དེ་དག་དྲི་མེད་ཟླ་འདྲའི་གྲགས་ལྡན་འདི་ཡི་སྦྱིན་པའི་གནས་ལ་བརྟེན་དུ་གསོལ། །ཞེས་དང་། གང་ཡང་འོད་ཟེར་རྣམས་ཀྱིས་མཁའ་ལ་སྐར་མའི་འཁོར་ལོ་ཟིལ་མནན་ཅིང་། །ཀུ་མུ་དཱ་ཡི་རྫིང་ཡངས་རྣམས་སུ་དཔལ་ནི་རབ་ཕྱེ་ནས། གླང་པོའི་མཆེ་བའི་དཔལ་དང་ལྡན་ཞིང་མཚན་མོ་ཤིན་ཏུ་རབ་མཛེས་པ། །དེ་ཡང་ངེས་པར་སྦྱིན་པ་ཉིད་ཀྱི་འབྲས་བུ་རོ་བྲོ་མང་པོ་ཡིན། །སོགས་དང་། རྒྱལ་མཚན་རྩེར་བཏགས་རིན་ཆེན་འོད་ཟེར་སྣང་བས་ནམ་མཁའ་དམར་གྱུར་ཅིང་། །རྟ་རྨིག་འདོར་བས་མཁའ་ལ་སྤྲིན་གྱི་ཕྲེང་བ་དག་ཀྱང་དྲལ་བྱེད་ལ། །རྔ་ཡབ་དཀར་པོ་གཡབ་ཅིང་འཁོར་ལོས་སྒྱུར་བར་སོང་བ་གང་ཡིན་པ། །འདོད་པའི་འབྲས་བུ་དེ་ཡང་སྦྱིན་པས་བསྒྲུབས་ཞེས་ཐུབ་པས་བཀའ་སྩལ་ཏོ། །ཞེས་སོགས་དང་། སྲིད་པའི་འདོད་ཆགས་ཉོན་མོངས་ཞགས་པ་བསལ་ཞིང་སྲེད་མེད་པ། །ཆུ་ཡི་ཆུ་གཏེར་ལྟ་བུར་ཡོན་ཏན་རྣམས་ཀྱི་གནས་གཅིག་པུ། །ཐུབ་པའི་སྲས་མཆོག་དགེ་འདུན་རྣམས་ནི་བདག་གིས་གུས་པས་སྤྱན་དྲངས་པས། །དེ་རིང་དགེ་བ་གང་བསགས་དེས་ནི་བྱང་ཆུབ་ཐོབ་གྱུར་ཅིག །ཇི་སྲིད་མཁའ་ལ་འོད་འཕྲོ་འོད་ཀྱིས་གསལ་བས་རྣམ་པར་སྣང་བྱེད་ཅིང་། །རི་དྭགས་རྟགས་ཅན་འོད་ཀྱིས་རལ་པའི་དཀྱིལ་འཁོར་ལྡན་ལ་འཆར་བ་དང་། །རྒྱ་མཚོ་རྒྱས་པར་གནས་པ་དེ་སྲིད་ལྷ་དང་ལྷ་མིས་ཕྱག་བྱས་པའི། །བདེ་བར་གཤེགས་ཀྱི་བསྟན་པ་ཐོགས་པ་མེད་པར་གནས་པར་ཤོག །ཅེས་གསུངས་སོ། །འདི་སློབ་དཔོན་བྷ་༡༥༣བ་སྐནྡྷ་༢༥པས་༡༦༠མཛད་བར་ཅིང་། ཛི་ན་མི་ཏྲ་དང་། ཛྙཱ་ན་སེ་ནས་བསྒྱུར་རོ། །ཤུ་བྷཾ།། །། ༈

བསྙེན་པའི་ཚེ། དབང་ཐོབ་ཅིང་དམ་ཚིག་ལ་གནས་པས། ཚུལ་ཁྲིམས་དང་གཙང་སྦྲ་ཁྱད་པར་ཅན་དགོས་ཏེ། དེ་མེད་ན་དཔུང་བཟང་ལས། མི་ནི་ཚུལ་ཁྲིམས་གཙང་སྦྲར་མི་ལྡན་ཡང་། །གསང་སྔགས་ལྷ་ནི་ནམ་ཡང་གནོང་མི་མཛད། །ལྷ་དེའི་འཁོར་དུ་གཏོགས་པ་གང་ཡིན་པ། །མི་ཡི་གླགས་མཐོང་ནས་ནི་ཕུང་བར་བྱེད། །ཅེས་དང་། ཡང་། སྔགས་ཀྱི་རྩ་བ་དང་པོ་ཚུལ་ཁྲིམས་ཏེ། །དེ་ནས་བརྩོན་འགྲུས་དང་ནི་བཟོད་པ་དང་། །རྒྱལ་བ་ལ་ནི་དད་ཅིང་བྱང་ཆུབ་སེམས། །གསང་སྔགས་དག་ཅིང་ལེ་ལོ་མེད་པའོ། །ཞེས་གསང་སྔགས་སྒྲུབ་པའི་རྩ་བ་འདི་བདུན་ལ་དང་པོ་ནས་ནན་ཏན་དུ་བྱ་བ་དང་། ཡང་སྒྲུབ་པ་ཀུན་ལ་དང་པོ་ཁོ་ནར་ནི། །ལྷ་བཤོས་གཏོར་མ་ཕལ་ཆེར་དབུལ་བར་བྱ། །སྔགས་པ་ལས་གྲུབ་ནས་ཀྱང་དུས་ཀུན་ཏུ། །རང་གི་ཉམས་ཀྱིས་ཇི་སྙེད་དབུལ་བར་བྱ། །ཞེས་སྦྱོར་མཇུག་ཏུ་མཆོད་གཏོར་རྒྱ་ཆེར་བྱ་དགོས། དེ་ལྟར་བསླབ་གཞི་ལ་གནས་ནས་ལྷའི་སྐུ་བསྒོམ་པར་བྱ་སྟེ། ཕྱག་རྡོར་དབང་བསྐུར་རྒྱུད་ལས། ལྷའི་གཟུགས་དེ་དང་ཐ་མི་དད་པའི་རྣལ་འབྱོར་ལ་བརྩོན་ཞིང་། གང་གི་བསླབ་པའི་གཞི་རྣམས་ཀྱང་ཡོངས་སུ་བཟུང་སྟེ། ཐེག་པ་ཆེན་པོ་སྤྱོད་པ་དེའི་ཚེ་གསང་སྔགས་པ་རྣམས་ལ་དངོས་གྲུབ་ཐོབ་བོ། །ཞེས་གསུངས། དེ་ནས་བཟླས་པའི་ཡུལ་ཕྲེང་བ་ནི་སྤྱིར་པུ་ཏྲ་ཛཱི་བ་ཀ་དང་། བྱེ་བྲག་ཏུ་སྡོམ་པ་སོགས་ལ་ཐོད་ཕྲེང་བསྔགས་ཏེ་མངོན་བརྗོད་ལས། དུང་ཆེན་ཕྲེང་བ་བླངས་ནས་སུ། ལག་གཡོན་མཐེ་བོང་སྲིན་ལག་གིས། གསང་སྔགས་དག་ནི་བཟླས་པར་བྱ། ཞེས་སོ། །བཟླ་བྱའི་སྔགས་གཙོ་བོ་ལ་བཞི་འབུམ། འཁོར་ལ་བཞི་ཁྲི་རེ་བཟླ། དམིགས་པ་སོ་སོའི་གཞུང་ལས་ཤེས། དེའི་ཚེ་མྱུར་ན་ཟུར་འཆད། བུལ་ན་གྲངས་མི་འགྲོ། སྒྲ་ཆེ་ན་བར་ཆད་འབྱུང་། ཆུང་ན་དངོས་གྲུབ་བུལ། ནོར་བ་དང་ཆད་ན་དངོས་གྲུབ་ལོག་སྟེ། སྐྱོན་ལྔ་པོ་འདི་ཅིས་ཀྱང་སྤང་དགོས། །གཞན་ཡང་། འཇམ་དཔལ་རྩ་རྒྱུད་དུ། གང་ཞིག་ཤེས་རབ་ཚུལ་ཁྲིམས་ལྡན། །སྙིང་རྗེ་ཆེ་ཞིང་ལས་ཅན་དང་། །གཙང་སྦྲ་སྤྱོད་ལ་དགའ་བ་སྟེ། །སྔགས་རྣམས་ཀུན་ཏུ་འགྲུབ་པར་འགྱུར། །ཅེས་དང་། སངས་རྒྱས་ཐོད་པ་ལས། ཇི་ལྟར་ཕན་ཚུན་སྨྲས་པས་བཟླས་ན་དངོས་གྲུབ་གཞན་དུ་འགྱུར་རོ། །ཞེས་དང་། ཧཱུྃ་མཛད་ཀྱི་རྒྱུད་དུའང་སྟན་གྱི་དྲོད་མ་ཡལ་བ་དང་། མི་ཚིག་གིས་བར་མ་ཆོད་པར་དགོས་པར་བཤད་ལ། ལེགས་གྲུབ་ལས་ཟློས་ཚེ་ཅི་ཡང་མི་སྨྲ་ཞིང་། ཡན་ལག་འགྱུར་བར་མི་བྱའོ། །ཞེས་པས་གལ་ཆེའོ། །སྔགས་ཀྱི་རིང་ཆ་སོགས་མ་ཆད་པ་དང་། ཁྱད་པར་གུག་སྐྱེད་ཆད་ལྷག་ཏུ་གྱུར་པ་ཤིན་ཏུ་མི་རུང་སྟེ། དཔུང་བཟང་ལས། ཆོ་ག་ཉམས་ཤིང་ཡི་གེ་གུག་སྐྱེད་མེད། །མཆོད་པ་མེད་ཅིང་མི་གཙང་བཟླས་བརྗོད་བྱས། །གུག་སྐྱེད་ཡི་གེ་ལྷག་པར་གྱུར་པ་ཡི། །གསང་སྔགས་དངོས་གྲུབ་རྒྱ་ཆེན་མི་སྟེར་རོ། །ཞེས་བཤད། དེའི་མཚན་མ་བཟང་ངན་ཅི་བྱུང་ཡང་། དངོས་པོ་ལ་མངོན་པར་མ་ཞེན་པའི་མཚན་མེད་ཀྱི་ལྟ་བས་རྒྱས་ཐེབས་ན་སྒོམ་སྐྱོན་ཐམས་ཅད་དེས་སེལ་ལོ་ཞེས་དཔལ་ལྡན་ས་སྐྱ་པཎྜི་ཏས་བཀའ་གདམས་པ་ནམ་མཁའ་འབུམ་གྱི་དྲིས་ལན་ལས་གསུངས་སོ། །བསྙེན་རྟགས་ནི་མཚམས་དངོས་དང་། ཁ་སྐོང་གི་སྦྱིན་སྲེག་གི་དུས་སུ་འབྱུང་ལ། དེས་མ་བྱུང་ན་དེའི་འཕྲོ་ནས་སཱཙྪ་མང་དུ་བཏབ་པས་ཀྱང་འབྱུང་བ་ཡོད་ཅེས་མན་ངག་རིག་པ་རྣམས་གསུངས། འདི་དག་གི་བསླབ་བྱ་ནི་བྱ་བ་སྤྱིའི་རྒྱུད་སྡེ་༤དང་། འཇམ་དཔལ་རྩ་རྒྱུད་སོགས་ལས་འབྱུང་བ་ལྟར་ཤེས་པར་བྱ་ཞིང་། ཕྲེང་བ་དང་དམིགས་པ་སོགས་རང་རང་གི་གཞུང་ལྟར་རོ། །ཤུབྷཾ།། །། ༈

[edit]

slob dpon sa mtsho byin gyi chos smra ba dang chos nyan pa la gus par bya ba'i gtam sogs 'phags bod kyi gtam tshogs dang zhal gdams skor las khol btus/ slob dpon skyes rabs springs yig__/sa 'tsho byin gyis mdzad pa'i chos smra ba dang dam pa'i chos nyan pa la 1gus par bya ba'i gtam 4las/__/bcom ldan 'das kyis bka' stsal zhing 'di skad du gsungs so/__/dge slong gang zag gnyis po 'dis bsod nams mang po bskyed de sdig pa'i rtsa ba 'byin zhing bdud dang g.yul 'gyed par byed/__bdud kyi rgyal mtshan snyal bar byed/__chos kyi rgyal mtshan sgreng bar byed/__de bzhin gshegs pa'i chos kyi 'khor lo skor bar byed do/__/gnyis gang zhe na gang gus par byas te chos 'chad pa dang /__gang 'di na gus par byas te chos nyan pa'o/__/de bas na khyed kyis gus pas chos bshad par bya zhing bla ma rnams la gus pas chos mnyan par bya'o/__/zhes dang /__yang 'di skad du/__mkhas pas nad la sman pa bzhin/__/thog mar dam pa bsten par bya/__/nad sos bya phyir 'bad pa yis/__/sman ni sman pa la nyan ltar/_/dam pa'i chos ni mnyan par bya/__/blo dang ldan pa'i skyes bu yis/__/sman de rnams ni thos nas su/__/gus pas bsten par byed pa ltar/__/de bzhin byas pas 'chi med 'grub/_/bdud rtsi de ni 'thung ba yis/__/mchog ni thob par byed pa yin/__/zhes so/____/_! ched du brjod pa'i gtam drang srong chen po zla bas mdzad par/__deng sang skye bo phal cher rnyed dang bkur stis 'ching zhing bdud dbang song /__/ngan song rgya mtsho 'phel zhing dkar po'i phyogs 'grib lha rnams smre sngags 'don/__/sdom brtson can dag bslab pa lhod cing khyim pa dag gi pho nyar 'gro/__/lha min phyogs 'phel nag po klu yis nad rnams sna tshogs gtong bar 'gyur/__/zhes gsungs so/____/_! mi rtag pa'i don gyi gtam slob dpon dga' ba'i dbang pos mdzad par/__/gang phyir 'dus byas thams cad ni/__/rkyen gyis gzhan du 'gyur ba ste/__/rtswa rtse rlung gis bskyod pa yi/__/thim pa bzhin du mi rtag go__/zhes dang /___gzugs dang longs spyod thos pa dang /__/tshul khrims la sogs rtag min te/__/gang yang 'dod chags bral ba yang /__/kun tu gnas pa ma mthong ngo /__/zhes so//____//__! legs pa'i lam bstan pa slob dpon dpa' bos mdzad par/__de la tshul khrims zhes bya ba 'di ni kha na ma tho ba spang ba nyid kyi bde ba nyams su myong ba dang ldan pas na tshul khrims so/__/yang na 'dis 'gyod pa med pa'i bde ba bsten cing yon tan gcig nas gcig tu brgyud pa'i bsngags pa len pa'i phyir tshul khrims te de ni len pa'o/__/yang na tshul khrims dang ting nge 'dzin la skad kyi byings las tshul khrims su 'gyur te/__lus dang ngag dang yid kyi las yang dag par sdom pa zhes bya ba'i tha tshig go__/de la bram ze'i lugs kyi legs par spyod pa rnam gsum gyi chos la spyod par 'gyur ro/__/ngag gis ni bzhi'o/__/zhes bya ba la sogs pa ji skad du gsungs pa lta bu'o/__/yang na bsil bar gyur ba'i tshul khrims te/__de yang 'chi ba'i mthar thug pa'i bar gyi sems kyi gdung ba rab tu zhi bar byed pa'i don gyis so/__/zhes dang /__so sor thar pa zhes bya ba ni so sor thar pas na so sor thar pa ste/__lam 'di ni so sor thar par 'gro bas so sor thar pa ste/__dper na grong khyer du 'gro ba'i lam la grong khyer gyi lam zhes pa dang 'dra'o/_/yang na sdig pa las so sor thar pas na so sor thar pa'am sdom pa zhes bya ba la slob par byed pas na dag cing grol bar byed pa yin pa'am/__bsod nams phun sum tshogs pa la lhag par mos pa mi gtor bar byed pa zhes bya ba'i tha tshig go__/yang na srung zhing thar par byed pas na srung thar ces bya ste/__nyes par spyod pa'am kun nas nyon mongs pa rnams dang ngan 'gro rnams las srung bar byed pa'i phyir ro/__/zhes sogs shin tu mang bar bshad cing /__de la ltung ba'i tshogs ni rnam pa bdun te/__phas pham pa dang /__dge 'dun gyi lhag ma dang /__de gnyis ka'i nyes byas sbom po dang /__ltung byed dang /__so sor bshags pa dang /__bshags par bya ba dang /__bsdam par bya ba'i nyes byas zhes bya'o/_/de la ltung ba 'dis phas pham par 'gyur bar spyod pas na phas pham pa'o/__/ltung ba 'di 'byung bar 'gyur na mal stan dang kha zas la sogs pa dge 'dun rgan po dang bar ma dang gzhon nu'i rjes la lhag mar spyod pas na dge 'dun lhag ma'o/__/bshags par bya ba'i nyes pa thams cad kyi nang nas 'di ches rags pas na nyes pa sbom po'o/__/mang ba'i phyir dang rang bzhin dang bcas pa'i spang bar bya ba sna tshogs pa nyid yin pa'i phyir spong ba la 'bad pas gnas pa yin pas ltung ba'o/__/nges par bshags par bya ba yin pas na so sor bshags par bya ba yin pa'am/__so sor bshags par bya bar 'os pa yin pas so sor bshags par bya ba'o/__/bshags pas slar bcos par bya ba'i nyes byas yin pas bshags par bya ba'i nyes byas so/__/slar de ltar mi bgyid do zhes yang dag par sdom par byed pas slar gso ba yin pas na bsdam par bya ba'o/__/'di dag ni ltung ba'i tshogs bdun yin no/__/zhes dang /__dka' thub nags tshal gnas la rnyed bkur te/__/mdza' pa'i sgo nas dgra bo 'ongs pa yin/__/zla ba'i zer gyis pad+ma ji bzhin du/__/legs par rab 'joms brtul zhugs lhod par byed/__/ces dang /__/tshul khrims rgyu ni dbang po sdom pa yin par bshad/__/phun sum tshogs des tshul khrims dri med dang ldan 'gyur/__/de bas thos pa'i rang bzhin blta la nges dmigs te/__/rang gi dbang po yul la 'phyan las bsrung bar bya/__/lcags kyi thur ma rab tu 'bar ba yis/_/mig la byugs par gyur pa ches bla yi/__/rang gi ngan 'gro'i las ni rtsol byed pa/_/gzugs la chags dang sdang bas blta mi bya/__/lcags khu 'bar bas rna ba bkang bla yi/_/bag med chags dang dregs pa 'phel byed pa/__/rngon pa'i khong glu dag pas lhag pa'i sgra/_/nyan pa bdag la phan pas thos mi rung /__/sna la bltas te spu gri rnon po ni/__/bdar ba gtsang ba'i nad ni brnag bla yi/__/bdag nyid sdug bsngal sna tshogs 'phel byed pa/_/drir chags dgra bo rnam par 'phel mi rung /__/me lce 'bar ba'i mtshon ni rnon po yis/_/lce ni mngon du bcad par 'gyur bla yi/__/skye ba'i sdug bsngal lam ni skyed byed pa/__/ro la chags pa'i sdig byed de lta min/__/mkhas pas rang lus dgra sta rnon po yis/__/rnam par gtubs pas 'jig par 'gyur bla yi/__/dregs pa sna tshogs sred pas gdungs gyur pas/__/yun ring dmyal bar skye bar 'gyur mi rung /__/gang phyir ci dga' spyod las yi dam bsrungs/__/sdug bsngal mtha' yas skyed pa'i sdig pa sogs/__/dbang po lhag ma sdom pa'ang yod ma yin/__/de phyir mkhas pas de nyid bsrung ba'i rigs/__/mkhas pas 'dod chags nyes la mi sdug bsten/__/sdang la byams dang brtse goms yon tan gyis/_/rmongs la mi rtag 'du shes 'chi ba ni/__/rjes su dran dang bag yod bsten pas bsrung /_/zhes dang /__/tshul khrims yang dag bsrung bar gyur na ni/__/'gyod pa'i me ni zhi bar 'gyur ba yin/__/dga' dang rab gus sad par byed pa'i rgyus/__/lus dang ngag gi dge ba skyed par byed/__/thar pa'i grong du 'jug pa'i lam nyid dang /__/mi dang lha dbang grub lam gnyis pa med/__/grags dang snyan dang bde ba skyed pa'i rgyus/__/'tshe dang smod pas tshugs pa med pa yin/__/bla ma slob ma mdza' bshes dor mi 'gyur/__/ma smad bde ba'i sgor ni gyur pa yin/__/skye bo dam pa dang 'dre 'dren par byed/__/yon tan skyod pa'i cho gar gyur pa yin/__/'di dang ldan na mkhas pa'i yon tan ni/__/chen po rnams kyi snod du gyur pa yin/__/tshul khrims 'chal ba'i phongs pa ci yod pa/__/nyes pa de dang der ni rnam par spong /__/dam pa'i chos kyis bgrang bar 'gyur ba dang /__/yon tan la dga' bar yang go bar byed/__/khyad par rtogs pa'i skal bar ldan pa dang /__/bdag nyid yon tan dag gis bsngags 'os 'gyur/__/skye bo dam pa rnams dang skal mnyam gyi/__/rang gi yon tan rgya chen dman dang ni/__/tshul khrims 'chal ba'i nyes pas mi gos shing /__/de las byung ba'i sdug bsngal thob mi 'gyur/__/mi yi bdag po sum cu rtsa gsum bdag__/gal te 'dod na srid pa zad pa nyid/__/tshul khrims rnam dag des ni thob 'gyur ba/__/smon lam grub pa'i rtsa ba'ang tshul khrims yin/__/zhes gsungs so/__/yang /__de la sbyangs pa'i yon tan bcu gnyis ni 'di dag yin te/__dgon pa nyid dang /__phyag dar_ khrod pa nyid dang /__bsod snyoms pa nyid dang /__/stan gcig pa nyid dang /__tsog pu pa nyid dang /__zas phyis mi lan pa nyid dang /__chos gos gsum pa nyid dang /__phying pa ba nyid dang /__gzhi ji bzhin pa nyid dang /__dur khrod pa nyid dang /__shing drung pa nyid dang /__bla gab med pa nyid do/__/zhes dang /__/dgon 1par gnas la mngon dga' ting nge 'dzin/_/thob pa'am yongs su bsrung bar nus pa yin/__/grong nang gnas rnams g.yeng ba'i nyes pa yis/__/sems ni rnam bcom nyer zhi thob mi 'gyur/__/zhes sogs dang /___dgon par 2gnas shing chog shes sems kyis ni/__/gos ni dman las rab dman gyon byed la/__/'di la ltos pa dregs pa mi 'byung zhing /__/'jigs dang 'khrugs dang rmongs par 'gyur ma yin/__/yang /__nga rgyal 3sbyong zhing brnyas pa bzod byed la/__/rang gi lus ni skye ba bzod byed cing /__/mgron pos pa yis bsdams pa'i sdug bsngal ni/__/slong mo'i spyod la zhugs la yod ma yin/__/dang /__gang 4zhig zos nas stan de las langs sam ma langs kyang lhung bzed bkrus pa'i chu blangs nas slar za bar mi byed pa dang /__kha zas so sor thob nas kham gyi tha ma zos nas yang slar mi za ba de ni zas kyi mtha' yin no/_/zhes dang /___yang dang yang du za ba'i nyes pa yis/__/stan gcig rang gi bya ba spong mi byed/__/nad nyung gnod pa chung zhing lus srab 'gyur/__/rnal 'byor ldang ba yang bar 'dis 'gyur ro/__/dang /___gnyid kyi mun pa stug pos mi non cing /__/sems ni mal stan bde ba'i dbang mi 'gro/__/'di yis lus su 'dzin pa srab pa dang /__/'di las mnyam par 'jog pa bder gsal 'gyur/__/dang /__phyis nas za ba spang ba yi/_/dam bca' blangs par gyur pa yis/__/brkam chags med cing chog shes dang /__/dad pa'i tshul dang rjes mthun 'gyur/__/dang /__/chos gos gsum po tsam gyis ni/__/chog shes yang ba la 'jug cing /__/mang po la sred nyer bcas pa/__/gos sog pa ni spangs pa yin/__/'dab chags lta bur blangs nas ni/__/gang du dga' bar 'gro bar byed/__/spong ba'i gnang ba dang bral zhing /__/de las dge slong nyon mongs med/__/dang /__/dag par 8spangs pa'i yon tan ni/__/bal bsdus pa las byas pa'i gos/__/snal ma med pas chog shes pas/__/bzang po sred las byung ba yi/__/de tshol ba yi nyon mongs med/__/dang /___ji bzhin 9bting bas mgu ba'i phyir/__/sdom brtson shin tu mdzes pa yin/__/dge slong gsar bu mal stan na/__/bde la gnas pa rjes su bsrung /__/dang /___rtsa bting ba'am sa la nyal ba na/__/ji bzhin gzhi las gyur pa'i bde ba ni/__/nor bu 'bar ba'i gzhal med khang steng na/__/chog shes med pa'i sems la de yod min/__/dang /___dur khrod du ni rgyun du 'chi ngan pas/__/skyo 'gyur de las bag med 'gyur ma yin/__/mi gtsang sna tshogs mtshan ma rnams mthong bzhes/__/'di yi 'dod pa'i 'dod chags 'phel mi 'gyur/_/dang /___gang zhig shing drung bzang po dag tu ni/__/mal stan dag gi sems mgu'i 'byor par ldan/__/phyogs rnams kun tu thogs pa med par 'gro/__/de ni dam chos phun sum tshogs pa'i lam/__/der ni chos kyang rnam par 'phel 'gyur zhing /__/bdud kyi stobs kyi dregs pa ldog par byed/__/dang /___mal stan tshol dang bsrung dang sprugs pa yis/_/yongs su nyal ba'i gzhir gyur ma yin zhing /__/bla gab med la bsgrub par khas blangs la/__/'du 'dzi med pas shin tu mdzes pa yin/__/sogs yon tan rgya cher bstan to/_/yang /__de dag la sogs pa'i yon tan gyi tshogs yang dag par 'byor bas na sbyangs pa'i yon tan ces bya ba dang /__nyes pa rnams sbyong bar byed pas na sbyong ba'i yon tan ces bya ste/__zhes dang /__de la ting nge 'dzin zhes bya ba ni bying ba dang /__zhum pa dang /__rnam par g.yeng ba dang /__mi mnyam pa spang ba'i phyir sems dang sems las byung ba dmigs pa gcig la gtod pas ting nge 'dzin bya ba'am/__sems dang sems las byung ba dmigs pa gcig la yang dag par bsdus pas na ting nge 'dzin yin pa'am/__phyin ci ma log pa yin pas ting nge 'dzin 'di la gtod cing 'jog pa na phun sum tshogs pa'i ye shes dang mthong ba de dang de bskyed pa'i phyir ting nge 'dzin to/__/zhes dang /__de'i rnam grangs la/__'di lta ste bsam gtan bzhi dang /__de'i nyer bsdogs gsum dang /__gzugs med pa rnam pa bzhi dang /__rjes su dran pa drug dang /__tshad med pa bzhi dang /__dbugs 'byung ba dang rngubs pa rjes su dran pa dang /__'du shes bcu dang /__zad par gyi skye mched bcu dang /__zil gyis non pa'i skye mched brgyad dang /__rnam par thar pa brgyad dang /__zil gyis gnon pa dang /__'du shes med pa'i snyoms par 'jug pa dang /__stong pa nyid dang mtshan ma med pa dang smon pa med pa la sogs pa'i ting nge 'dzin gsum dang /__rjes su mthun pa la rjes su mthun par 'du shes pa la sogs pa snyoms par 'jug pa dang /__stong pa nyid gsum dang /__yan lag lnga dang /__shes pa lnga dang ldan pa'i ting nge 'dzin rnams so/__/zhes dang /___dam pa rang gi yon tan gyis/__/mtho ba ring po nas kyang mthong /__/dri med sa phyogs mdzes pa yi/__/ston ka yi ni ring por mtshungs/__/zhes so/_/'di dI paM kA ra dang rat+ne b+ha dra'i 'gyur//____//__! dge ba bcu'i las kyi lam bstan pa las/__de la dge ba bcu po 'di dag ni mngon par mtho ba dang /__nges par legs pa thams cad kyi rgyu yin pas na sangs rgyas kyi slob ma rnams kyis 'di la bslab par bya'o/_/zhes dang /__gang bdag gi don la cung zad tsam yang rjes su blta ba med par/__byed pa gzhan gyi don 'ba' zhig 'dod cing thams cad du snying rje ldan pa dag gis ni/__yid kyi nyes par spyod pa gsum ma gtogs pa'am/__log par lta ba nyid ma gtogs pa dag la lar rjes su gnang ba snang ste/__de yang byang chub sems dpa'i sde snod gtan la phab pa'i gtsug lag la blta'o/__/zhes btsun pa rab 'byor dbyangs kyis mdzad pa las so/_/23 bar/____/_! slob dpon rta dbyangs kyis mdzad pa'i mya ngan bsal bar/__/'di ltar thams cad skye ba yi/__/mdun na gnas pa 'chi ba ste/__/kun kyang 'gro bar snang ba'i phyir/__/mya ngan bya bar 'os pa min/__/mdza' dang 'grogs la brkam pa yi/__/skye bo mya ngan gyis gdung ba/__/rnga rtsid dag la chags pa'i 'bri/__/rngon pas nags kyi nang du bzhin/__/gang tshe kun gyis bgrod bya zhing /__/de dang der ni 'gro ba yi/__/snga nas de der song ba la/__/ci yi phyir na mya ngan byed/__/mi bzad 'chi ba'i bdag po la/__/rab tu myos pa'i skye bo 'di/__/nags na gsod byed seng ge yi/__/mdun na ri dwags gnas pa bzhin/__/'chi ba bzlog par bya ba yi/__/gang tshe thabs kun med pas na/__/spro bsring ba dag mi bskyed par/__/chu la nya bzhin ci zhig 'gre/__/sa'am ci ste mtho ris na/__/skyes nas la la ma shi ba/__/'ga' zhig khyod kyis mthong ba'am/__/thos sam 'on te the tshom za/_/khams gsum 'di dag thams cad la/__/mi rtag me yis sreg gyur pa/__/dgon par me ni 'bar ba yis/__/dgon pa'i me ni ji ltar bzhin/__/rtag par 'du shes rnam log na/_/srid rtse las kyang 'gro ba rnams/__/'chi ba'i zhags pas drangs gyur pa/__/zhags pas glang po bzhin du'o/__/bsam gtan las skyes bde ba myong /__/tshangs pa tshangs pa'i gnas las kyang /__/mi rtag phyir ni lhung gyur pa/__/chu yi klung gi 'gram pa bzhin/_/brgya byin dag ni stong rnams dang /__/'khor los sgyur ba brgya dag kyang /__/dus kyis 'chi bar 'gyur ba ni/__/mar me 'bar ba rlung gis bzhin/__/drang srong chen po lnga mngon shes/__/mkha' la rgyang ring 'gro ba yang /__/gang na spyod yul 'chi med pa/__/der ni 'gro bar nus pa med/__/gang du sa rnams sreg 'gyur te/__/lhun po'ang thal bar 'jig pa dang /__/rgya mtsho'i chu yang skom 'gyur na/__/lus can de dag lta ci smos/__/ci ste sangs rgyas rnams kyi sku/__/mtshan dang dpe byad kyis brgyan pa/__/rdo rje'i sku yang mi rtag na/_/chu shing snying po med 'dra ba'i/__/lus can gzhan rnams smos ci dgos/__/zhes dang /___yang dang yang du dmyal ba na/__/zangs zhun bskol ba gang 'thungs pa/__/rgya mtsho nang gi chu la yang /__/de yi tshad tsam yod ma yin/__/zhes dang /___mdza' bshes dag dang bral ba yis/__/'khor ba'i gnas su gang ngus pa/__/mig gi mchi ma'i thigs pa yi/__/snod du rgya mtsho'ang rung ma yin/__/zhes gsungs so/__/yang de nyid kyis rgyal po ka niSh+ka la spring bar/__/'chi bdag bu dang mi bshes pa/__/glo bur dag tu 'bab 'gyur bas/_/sang dag bya zhes ma bzhes par/__/dam pa'i chos la bstun te mdzod/__/'di sang deng 'dir 'di bya zhes/__/bya ba mi la bzang po min/__/nam zhig khyod ni med 'gyur ba'i/_/sang de gdon mi za bar 'ong /__/zhes sogs dang /__lan brgya yang na stong dag tu/_/'jig rten dag tu mi ma bgyis/__/'di ma bgyis slad byis pa yis/__/yang dang yang du bgyid 'tshal bas/__/thog ma med pa'i lus can 'di/__/da dung du yang ma log go__/zhes so//____//__! sems rin po che rnam par sbyong ba'i spring yig ces pa de las don btus te brjod par bya ba ste/__'di ni mchog tu nyams su blang byar rigs so/__/'dir sems ni rang bzhin gyis 'od gsal ba rtag tu rnam par mi rtog pa'i rang bzhin yin mod kyi/__lus dang ngag bran lta bu dang bcas pa glo bur gyi nyon mongs pa dang nye ba'i nyon mongs pa dag gis dkrugs pa ste/__de'i phyir 'di dag rnam par spangs te nor bu chu shel gyi 'od ltar rab tu 'od gsal ba'i rang bzhin dkrugs ma dang bral bar bskyed de/__'di tsam ni mi gnas pa'i mya ngan las 'das pa'o/__/des na 'dir bstan sems de dkrugs pas rtog pa can du byed cing /__lus dang ngag bran ltar 'khol ba ni rnam pa bzhi ste/__thams cad kyi rgyu rnam par rtog pa mang ba dang /__'dod chags dang /__zhe sdang dang /__gti mug shas che ba'o/__/de la gang rnam par rtog pa mang ba des ni rlung gi ting nge 'dzin la dmigs pas de spang bar bya ste/__bgrang ba rjes 'gro 'jog pa dang /__/rtog pa dang ni bsgyur ba dang /__/yang dag rnam pa drug tu 'dod/__/de la dang po bgrang ba ni/___dbugs rngubs pa dang 'byung ba dag la sems gtad nas mngon du 'du bya ba med par lus sems rnal du bzhag ste dran pa tsam gyis gcig dang gnyis nas bcu'i bar du bgrang bar byed pa'o/__/sems mngon par bsdus pa dang rnam par g.yeng bar dogs pas ha cang mang ba dang nyung ngur ni ma yin no/__/de la skyon gsum ste/__gcig la gnyis su bgrang ba sogs lhag pa dang /__gnyis la gcig tu 'dzin ma tshang ba dang /__rngubs pa la 'byin par 'dzin pa sogs la 'chol ba ste spang ngo /__/bar skabs su sems rnam par g.yeng na/__yang mgo nas ji srid ting nge 'dzin ma theb bar du bgrang bar bya'o/_/gnyis pa rjes su 'gro ba ni/__/ji srid cig 'byung ngam 'jug__/ci 'di dag la lus thams cad la khyab pa dag gcig gam phyogs 'ga' zhig nas rgyu ba dag yin zhes mngon par 'du bya ba med par dbugs rngubs ba dang /__/dbugs 'byung ba'i rjes su 'gro ba dang /__/de 'jug pa na lkog ma dang /__snying ga dang /__lte ba dang /__rked pa dang /__brla dang /__byin par 'jug pa'i rim gyis rkang pa gnyis kyi bar du rjes su 'gro la/__'byung ba na mtho gang dang 'dom gang gi bar du 'byung ngo /__/gzhan dag na re rlung gi dkyil 'khor dang rnam par 'thor byed kyi rlung gi bar du'o/__/zhes zer te/__'di ni de kho na nyid yid la byed pa'i phyir rigs pa ma yin no/__/gsum pa 'jog pa zhes bya ba ni/__nor bu'i thags pa bzhin du sna'i rtse mo nas rkang pa'i mthe po'i bar du gnas par lta zhing ci 'di bdag la phan par byed pa zhig gam/__gnod par byed pa zhig gam/__grang ngam dro ba zhig ces rtog pa'o/__/bzhi pa nye bar rtog pa zhes bya ba ni/__'di dag ni rlung 'ba' zhig ma yin gyi 'byung ba chen po bzhi po dag dang 'byung ba dag mngon par grub pa'i rgyur byas pa'i gzugs dang /__de dag la brten pa'i sems dang sems byung rnams kyang yod do zhes phung po lnga nye bar rtog pa'o/__/lnga pa sgyur ba zhes bya ba ni/__rlung la dmigs nas blo bsgyur te chos kyi mchog gi bar du blo gong nas gong du dge ba'i rtsa ba rnams la yang dag par sbyor pa'o/__/yongs su dag pa ni mthong ba'i lam la sogs pa la 'jug pa'o/_/gzhan dag na re bsgyur ba ni dran pa nye bar bzhag pa nas rdo rje lta bu'i ting nge 'dzin gyi bar yin la/__drug pa rnam par dag pa ni zad pa shes pa la sogs pa yin no zhes zer ro/_/'di lta bu ni slob dpon dbyig gnyen gyi rjes su 'brang ste bshad pa'o/__/de yang sa'i snying po 'khor lo bcu pa'i mdo las/__ji ltar dran pa'i dbang gis yang dag pa ji lta ba bzhin du dbugs phyi nang du rgyu ba ma rtogs zhe na/__yang dag pa ji lta ba bzhin du bgrang 1ba dang /__rjes su 2'gro ba dang /__zhi gnas 3dang /__lhag mthong 4dang /__'jug pa 5dang /__yongs su dag pa 6la rtog go__/de la bgrang 1pas ni bya ba'i las kyi dngos po rnam pa gnyis su byed par 'gyur te/__rten du gyur pas rnam par rtog pa dang rnam par dpyod pa gnyis thul bas/__dbugs phyi nang du rgyu ba'i mtshan nyid 'dzin par nus pa'o/_/rjes su 'gro bas kyang bya ba'i las kyi dngos po rnam pa gnyis su byed par 'gyur te/__yang dag par 'byung ba la brten cing /__rnam par rtog pa dang bral ba dang /__dbugs phyi nang du rgyu ba'i 'jug pa'i mtshan nyid la mkhas par 'gyur ro/__/zhi gnas 2kyis kyang bya ba'i las kyi dngos po rnam pa gnyis su byed par 'gyur te/__dbugs phyi nang du rgyu ba 'bri bar mngon du ston pa dang /__ting nge 'dzin gyi mchog la gnas par nus so/__/lhag mthong gis kyang bya ba'i las kyi dngos po rnam pa gnyis su byed par 'gyur te/__dbugs phyi nang du rgyu ba zad par mngon du ston pa dang /__sems dang sems las byung ba'i chos so sor rtog pa gnas pa'o/__/'jug pas kyang bya ba'i las kyi dngos po rnam pa gnyis su byed par 'gyur te/__nye bar len pa'i phung po spong ba'i sbyor ba la mkhas pa dang /__'phags pa'i sar 'jug pa la sbyor ba'o/__/yongs su dag pas kyang bya ba'i las kyi dngos po rnam pa gnyis su byed par 'gyur te/__kun nas nyon mongs pa spong ba dang /__lta ba yongs su dag pa'o/__/zhes so/__/de yang gzhung las/__ji ltar zhe na rab tu gdul dka' ba'i sems zhes brjod pa de ni rlung las gud du ma dmigs pa'i phyir te/__de bas na sems zhes bya ba de ni rlung du brjod/__cis kyang ngo /__/gnyis pa 'dod chags kyi gnyen po ni rus gong yid la bya ba yin te/__keng rus chags can thams cad la/__zhes bshad pa'i phyir ro/__/ji ltar zhe na/__rus pa rgya mtsho'i bar du ni/__/spro zhing sdud pas las dang po/__/rkang rus dag nas thod phyed par/__/btang bas sbyang ba byas par bshad/_/smin ma'i bar du sems 'dzin pas/__/yid la byed pa rdzogs pa yin/__/zhes bshad pa'i rim pas so/__/gzhan yang byis pa rnams ni phal cher kha dog dang /__dbyibs dang /__reg pa 'jam pa dang /__bsnyen bkur la chags te/__de dag gi gnyen por ni rnam par sngos pa dang /__rnam par dmar ba dang /__rnam par tshig pa dag yid la byed pas kha dog dang /__rnam par rnag pa dang /__rnam par zos pa dang /__rnam par 'thor ba dag yid la byed pas dbyibs/__rnam par 'bus gzhigs pa/__rus gong rgyus pas 'brel ba dag yid la byed pas ni reg bya 'jam pa la chags pa sel to/__/rnam par bam pa'i mi ro g.yo ba rkyal stong phus btab pa lta bu/__rdo ltar bsnyen bkur byed pa dang bral ba yid la byed pas ni rkang pa bkru ba la sogs pa'i bsnyen bkur la chags pa sel bar byed do/_/gzhan yang rnam par phye ste brjod na/__sngo sangs sogs kha dog la chags na rnam par sngos pa yid la bya'o/__/de bzhin du tsan+dan sogs dris byugs pa'i lus la chags par brnag pa/__mtshan sprad pa'i reg byar chags na 'bus gzhigs pa/__dbyibs phun sum tshogs par chags na bam pa/__rgyan gyis mdzes pa'i lus la chags par dmar ba/__sha rgyas pa'i lus la chags na zos pa/__'khyud pa dang 'o byas pa sogs rtsed 'jor chags na 'thor ba/__kha dog dang dbyibs phun sum tshogs pa la chags par tshig pa/__so rnams dkar ba la chags pa'i tshe na rus gong gi yid la byed pas zhi bar 'gyur te/__de rnams ni mi sdug pa dgu bsgom pa zhes bya'o/__/gsum pa zhe sdang gi gnyen po byams pa bsgom par bya ste/__de yang thog mar rang gi ma'am/__pha'am/__bu'am/__bu mo'am/__'brel pa gnyis sam/__gang yang rung ba gcig la bde ba ma lus pa la phrad par gyur cig snyam pa dang /__bdag gis de dang phrad par bya'o zhes pa dang /__nus pa lta na de dngos su sgrub pa dang /__phrad pa la phrag dog med par nyi ma 'ga' zhig la gus par bsgom mo/__/de nas de bas cung zad mi gcugs pa dang /__/rim gyis bar ma/__dgra bo dman pa/__dgra bo bar ma/__dgra bo ma rungs pa la'o/__/de rnams ma la sogs pa dang mnyam pa thob pa na grong dang grong khyer/__de nas yul ljongs dang /__gling gcig dang gnyis sogs nas stong gi spyi phud dang /__stong gnyis pa bar ma dang /__stong gsum gyi stong chen po dang /__phyogs bcu'i 'jig rten gyi khams gang gA'i klung gi bye ma snyed sogs par byams pas khyab par byas te/__de nas gzhung de bzhin du sdug bsngal dang bral ba 'gyur cig ces pa dang /__sdug bsngal bral ba la dga' ba dang /__de dag 'jig rten las 'das pa'i thar lam la dgod par bya'o/__/zhes bya ba'i rim pas snying rje dang dga' ba dang btang snyoms rnams bsgom mo/__/dang po snying du sdug cing yid du 'ong ba'i mtshan nyid kyi byams pa yid la ma byas par ni sdug bsngal dang bral ba'i snying rje ga la 'jug ste/__de ltar rim pa gzhan yang ngo /__/bzhi pa gti mug gi gnyen por rten 'brel bsgom ste/__rten cing 'brel bar 'byung ba ji lta bu zhe na/__'di lta ste ma rig pa'i rkyen gyis 'du byed/__'du byed kyi rkyen gyis rnam par shes pa/__rnam par shes pa'i rkyen gyis ming dang gzugs/__ming dang gzugs kyi rkyen gyis skye mched drug__/de'i rkyen gyis reg pa/__de'i rkyen gyis tshor ba/__de'i rkyen gyis srid pa/__de'i rkyen gyi len pa/__de'i rkyen gyis srid pa/__de'i rkyen gyis skye ba/__de'i rkyen gyis rga shi dang /__mya ngan dang /__smre sngags 'don pa dang /__sdug bsngal ba dang /__yid mi bde ba dang /__'khrugs pa rnams 'byung bar 'gyur te/__de ltar na sdug bsngal gyi phung po 'di 'ba' zhig 'byung bar 'gyur ro/__/zhes shes rab kyi mig gis blta bar byas te/__rgyu med pa la sogs pa bsal lo/__/don 'di ni 'phags pa byang chub sems dpa'i sde snod las/__/gang du ma rig skye 'gyur pa/__/nyon mongs rgyu ni tshul bzhin min/__/de yi rkyen ni 'du byed de/_/sdug bsngal bar du skye bar 'gyur/__/zhes so/__/de ltar srid pa 'byung ba'i rim pa la yid ches par byas nas/__yang ma rig pa 'gags pa nas sdug bsngal gyi phung po 'di 'ba' zhig 'gag par 'gyur ro/__/zhes bya ba'i bar du yid la bya'o/__/de nas rtag pa ma yin pa dang /__chad pa ma yin pa dang /__'pho ba ma yin pa dang /__de dang 'dra ba'i rgyud du 'jug pa dang /__rgyu chung ngu las 'bras bu chen po 'byung ba zhes nges par bzung ste/__phyi rol sa bon las myu gu/__de las 'dab ma/__de las sdong bu/__de las me tog dang /__de las 'bras bu 'byung zhing rgyu de dag dang rkyen 'brel bar 'byung ba khams bzhi dang dus kyi khams te/__rnam pa bcu gnyis po 'di dag tsam mo zhes 'byung ba dang /__'gags pa las rgyu med pa dang /__mi mthun pa'i rgyu spangs te 'dir ni mdor bsdus nas rten cing 'brel bar 'byung ba yid la byas pas rig pa bskyed pa dang /__ma rig pa'i ngo bo'am de las byung ba'i log par lta ba spangs pa'o/__/gal te rgyas par yid la byed pa lta zhig na rang rang gi mtshan nyid dang /__ming don dang /__las tha dad pa/__yan lag lngas yang dag par bsdus pa dang /__gsum las gnyis 'byung ba dang /__gnyis las bdun 'byung ba dang /__bdun las gsum 'byung ba dang /__dus gsum pa'i ngo bor bzhag pa dang /__rkyen dang 'brel ba dag yid la bya'o/__/de ltar yang /__rang dang gzhan dang gnyis ka las skyes dang /__rgyu med 'byung zhes smra ba gang lags pa/__/'di dag log par lta ba phung krol ba/__/legs par spyad kyang 'bras bu mi 'dod 'byin/__/sogs dang /___dri med me long ngos la skyes pa'i bzhin gyi gzugs brnyan gang /__/gal te yang dag gnas na rkyen la rag las mi 'gyur zhing /__/slar 'di rnam par 'jig 'gyur go skabs can du ga la 'gyur/__/de phyir dngos med rkyen la rag las gcig pu rnam par spang /__/ji ltar gnas pa'i rang bzhin 'di yang legs par rnam dpyad na/__/rab tu phra rdul bar du 'gyur zhes dam pas dang por gsungs/__/gal te dngos yod de dag shes rab cis mi 'bab/__/de phyir de yang phyogs cha'i bye brag dag gis ga la gnas/__/rin chen sems kyi khyad par 'ga' zhig sna tshogs snang zhe na/__/de phyir 'di la'ang skad cig ces bya rab phra dam pas gsungs/__/skad cig skad cig ces bya'i gang dag phra la rnam par rmongs/_/de yang ji ltar thog ma dbus mtha' dag tu lta mi nus//____//__! de ltar 'di dag phyi dang nang du bcas pa gcig min zhing /__/de nyid phyir na de yi rang bzhin rnam bsags du ma'ang min/__/'di dag las dben dngos po shes rab mig gis 'ga' ma dmigs/_/des na 'di dag mtha' gnyis bral bar dam pas gsungs/_/de bzhin gcig gis gcig nyid bskyed pa mngon sum 'gal mthong ste/__/rab tu phra ba'i 'bras bu rgyu ni gcig min la ltos par/__/'gro ba'i mngon sum nyid du ston pa bzhin du nges par gnas/__/de bzhin gcig gis gcig min 'gyur sogs thams cad gnod par bcas/__/dngos rnams thug med ma lus slar skye 'gyur 'di bzlog dka'i phyir/__/yod pa 'ba' zhig skye zhes 'di ni sus kyang smra mi nus/__/gang med 'ga' zhig skye na zhes pa'i tha snyad su zhig 'dzeg__/de phyir bdag las skye sogs 'di dag mkhas pas rtsa nas bton/__/de ltar khyod kyi shes rab spyan gsal dri med rnam rgyas pas/__/rten cing 'brel 'byung mtshan nyid 'di la yun ring 'gags pa na/__/thog med srid rgyud bsags pa'i bsnyengs gnas rab tu phra ba yang /__/gang na'ang gnas par 'byung 'di gzigs min mi bdag gang gis zhum/__/zhes gsungs so/__/i ti A tsaR+Ya dzai tA ri kr-i ti shu b+haM/__yang /___gtsang spyod pa yi lci ba ni/__/chu dang zho ma 'o dang mar/__/thams cad de las byung ba dag__/snod gtsang bkol te chu rnams dbo/__/tshig ma dor te dbus kyi chas/__/dbyibs ci dga' ba'i maN+Dal ni/__/sa bdag khru gang yan chad sar/__/gsang sngags don la gzhol bar byugs/__/de nas de ni gus pa yis/__/rgyal ba sras dang bcas la dbul/_/'di slob dpon du lo ba dang /__/d+ha rma pradz+nyAs bsgyur/____/_! bla ma la spreng ba le kha dge slong dgon pa bas mdzad par/__/'dod pa rnams las mya ngan skye/__/'dod pa rnams las 'jigs pa 'byung /__/'dod pa dag ni rnam spangs na/__/mya ngan med cing 'jigs pa med/__/ces dang /___mgar ba yis ni rdul bzhin du/__/blo gros ldan pas rim pa bzhin/__/skad cig thang cig cung zad tsam/__/rang gi dri ma bsal bar bya/__/zhes dang /_/gal te bde ba kun 'dod na/__/'dod pa thams cad yongs su spangs/__/'dod pa thams cad yongs spangs pas/__/mchog tu bde ba thob par 'gyur/_/zhes dang /___bsam brlag 'dod la sred pa yis/__/bdag phung gzhan yang phung bar byed/__/lha yis 'dod pa'i char phab kyang /__/'dod ldan rnams la ngoms mi 'gyur/__/zhes dang /__nor bu'i rna cha bu dang chung ma la/__/yongs su chags sems gang yin la ltos na/__/lcags shing dres ma las byas chings ma gang /__/de dag dam po min zhes 'phags pas gsungs/_/zhes sogs dang /__gang dag rnam rtog nye bar zhi dga' zhing /__/mi sdug sgom pa rtag tu dran byed pa/__/de yis sred pa rab tu spangs ba yin/__/rang gi 'ching ba de dag gtubs par 'gyur/__/zhes dang /__gang zhig 'jig rten spang dka' ba'i/__/srid pa'i bud med 'dir bsten pa/__/de yi mya ngan 'phel 'gyur te/__/rtsa la char pa babs pa bzhin/_/gang zhig 'jig rten spang dka' ba'i/__/srid pa'i bud med 'di spang ba/__/de ni mya ngan ldog 'gyur te/__/pad+ma la ni chu thigs bzhin/__/zhes dang /___dper na ljon shing rtsa nas ma bton na/__/bcad kyang phyir zhing skye ba kho na zad/__/de bzhin srid pa'i phra rgyas ma bton na/__/yang dang yang du sdug bsngal 'di mi ldog__/ces dang /___bag yod 'chi med gnas yin te/__/bag med pa ni 'chi ba'i gnas/__/bag yod 'chi bar mi 'gyur te/__/bag med pa ni rtag tu 'chi/__/zhes dang /___brtson pa ldan zhing dran dang ldan pa dang /__/spyod pa gtsang zhing brtags nas byed pa dang /__/yang dag sdom dang chos kyis 'tsho ba dang /__/bag yod rnams kyi grags pa mngon par 'phel/__/zhes dang /___'jig rten pa yi yang dag lta/__/chen po gang la yod gyur pa/__/de ni tshe rabs stong du yang /_/ngan 'gror 'gro bar mi 'gyur ro/__/zhes dang /__bag med pha rol bud med bsten byed pa'i/__/mi gang yin la gnas skabs 'di bzhi 'byung /__/bsod nams min 'thob bde bar mi nyal dang /__/dam pas smod cing lus zhig ngan 'gror skye/__/zhes dang /___rtag tu legs par brtsams pa dang /__/bya ba ma yin mi byed cing /__/rgyun du bya ba byed pa dag__/dran dang shes bzhin ldan pa de'i/__/zag pa rnams ni zad par 'gyur/__/zhes dang /__ji tsam mang du smra byed pa/__/de dag dam chos 'dzin pa min/__/gang dag 'di na thos nyung yang /__/yid kyi chos dag mngon sum byas/__/gang dag chos la bag byed pa/__/de dag dam chos 'dzin pa yin/__/ces dang /__nyon mongs rnams ni bdag 'joms sems can 'joms shing tshul khrims 'joms/__/nyams bcas rnyed pas dman zhing srung dang de bzhin ston pas spangs/__/rtsod bcas mi snyan de ni gzhan du mi khoms rnams su skye/_/thob dang ma thob nyams byas 'jigs dang sdug bsngal chen po thob/__/ces dang /__nyon mongs de dag spang slad du/__/zhi gnas lhag mthong bsgom pa dang /__/mi sdug byams khams rten 'brel dang /__/dbugs rdubs dbugs dbyung dran par mdzod/__/ces gsungs so/__/slob dpon bi nA ya tsan+d+ra dang /__d+harma prA dz+nyAs bsgyur//____//__! bu la spring pa paN+Di ta pra dz+nyA na zhes pas mdzad par/__/'dod pa'i 'dam du 'gro ba 'di dag bying /_/dper na glang chen 'dam du chud pa bzhin/__/'dod pa las ni 'jigs dang sdug bsngal dang /__/mya ngan dang ni 'tshe ba sna tshogs 'byung /__/gsod dang bcings dang yan lag gcod pa dang /__/me dang chu dang g.yang sar 'dor bar byed/__/'dod pa brkams pas sems can dmyal ba dang /__/yi dwags dud 'gro rnams su sdug bsngal rnyed/__/ces dang/__dam chos phyir ni pha ma yal dor nas/__/nor bzang bzhin du yul gzhan rgyu 'os kyang /__/'dod pa'i don du pha ma yal dor nas/__/smad pa'i don du rgyu bar ga la rigs/_/sogs dang /__nor la chags pas 'dir gdung phyi mar gdung /__/gnyis kar gdung ste des na bdag nyid kyi/__/las rnams smin mthong de gdung rab tu gdung /__/'gro ba dman par song bas phyir zhing gdung /__/bsags dang bsrung dang brlag pa'i gdung ba yi/__/nor ni phung khrol mtha' yas shes par bya/__/nor la chags pas g.yeng bar gyur pa rnams/__/srid pa'i sdug bsngal las grol skabs med do/__/zhes dang /__'di na gser dang dngul dang baiDUR+Ya/__/mu tig bye ru asmA gar+b+ha dang /__/kAR+ShA pa Na la sogs char 'babs kyang /__/nor tshol rnams ni ngoms par 'gyur ba med/__/sogs dang /_/bu khyod gal te nor 'tshol na/__/'phags pa'i nor bdun bsten par gyis/__/rgyal po rkun pos mi 'phrog cing /__/srid pa'i dbul ba sel bar 'gyur/__/zhes dang /__bud med phung bar byed pa ste/__/'jig rten 'di dang pha rol phung /__/rnam pa kun tu nor 'jig dang /__/ngan song rtsa ba bud med yin/__/dang /___bud med kha zas nyis 'gyur te/_/g.yo sgyu dag ni bzhi 'gyur yin/__/phrag dog shas ni drug 'gyur te/__/'dod pa brgya 'gyur yin par bya/__/shing rnams kyis ni me dang ni/__/char gyis rgya mtsho chen po dang /_/'byung po kun gyis gshin rje ltar/__/skyes pa bud med ngoms mi 'gyur/__/yang /___gal te chung ma bsten na yang /__/de yi nyes dmigs drug cu lnga/__/drag shul can gyi mdo las gsungs/__/de'i phyir bud med spang bya'o/__/zhes so/__/gang zhig 'thung na ra ro glo nas goms tshugs dbang med 'dor/__/yul grong ma 'dris sar yang 'khyams shing brdeg 'chos 'gyur/__/bza' dang mi bza' dpyad med dug dang 'dres pa bza'/__/de bas rtag tu bu khyod myos 'gyur khu ba spongs/__/gang 'thung na ni bdag la brtan med blo nyams shing /__/phyugs dang 'dra bar mdza' bos spangs shing dgra bos 'phya/__/'dus ba bro gar byed cing glu len 'khar rnga brdung /__/dge legs grags nyams rgyu de su zhig 'thung bar byed/__ces sogs dang /__/gang zhig 'thung na dpal gyi gzhir 'gyur ring /__/je mtho je mtho gyur pa'ang brlag byed pa/__/nor gyi dbyig ldan khyim yang phung 'gyur ba/__/nyes mang gzhi rtsa de ni su zhig 'thung /__zhes dang /__/de 'thung yid ni rab tu 'khrugs gyur nas/__/brtse ba'i pha dang ma yang gsod 'gyur zhing /__/nyes med dge sbyong bram ze drang srong gsod/__/chom rkun dang ni log g.yem smad par byed/__/rdzun dang phra ma tshig rtsub 'chal pa smra/__/brnab sems gnod sems log lta'i mun pa 'dzin/__/mi dge'i rtsa ba de ni btung mi bya/__/gang zhig btung na tshul khrims ting 'dzin dang /__/shes rab lta ba 'tsho ba cho ga dang /__/dran pa shes bzhin dad pa brtson 'grus nyams/__/dge chos chud gzon de ni btung mi bya/__/zhes dang /__thub pas dga' ba can gyi mdo las ni/__/myos 'gyur nyes pa sum cu rtsa lnga gsungs/__/de phyir bu khyod bdag la phan 'dod na/__/nyes kun rtsa ba de ni btung mi bya/__/zhes gsungs so/__/kash+mi ra'i mkhan po ma hA dz+nyA na dang /__/lo tsA ba mar pa d+harme shwa 70ras 'gyur ro//____//__! dri ma med pa rin po che'i spring yig dI paM kA ra shrI dz+nyA na kr-i ta/__/rang skyon rtog la mig bzhin bya/__/gzhan skyon rtog la long ba bzhin/_/dregs dang nga rgyal med pa dang /__/stong nyid rtag tu bsgom par bya/__/bdag gi nyes pa bsgrag bya zhing /__/gzhan gyi yon tan bsgrag par bya/__/rnyed dang bkur sti spang bya zhing /_/khe grags rtag tu spang bar bya/__/sogs dang /__sos ka'i khu byug gzhon nu skad snyan sgrogs zhes te/__/rma bya gzhon nu skad mi snyan pa mi sgrogs sam/__/mkhas pa mang pos legs par gsungs pa yod mod kyis/__/rgyal po'i gdung ba bcad phyir bdag gis bris pa yin/__/zhes so//____//__! rgyal po zla ba la spring par/___longs spyod ci 'dra khyim gyi sbrang /__/bshes pa ci 'dra tshong khang mi/__/sdang sde rmi lam gnod pa bzhin/__/rang lus ci 'dra sbrul gyi lpags/__/'du 'dzi ci 'dra nad gzhi bzhin/__/tshe srog ci 'dra ri gza' chu/_/zhes sogs dang /__/lha gcig ji ltar khyod 'byor kyang /__/gshegs nas 'jig rten gzhan bzhud tshe/__/mya ngan thang la dgras bcom ltar/__/gcig pu sras med btsun mo min/__/na bza' ma mchis bshes ma mchis/__/rgyal srid ma mchis khab ma mchis/_/dpag med mthu dpung mnga' lags kyang /__/gzigs su ma mchis gsan ma mchis/_/gcig tsam nyid gcig phyi thag gi__/rjes su 'brang ba'ang mi mnga'o/__/mdor na nyid kyi mtshan tsam yang /__/de tshe med na gzhan ci smos/__/zhes mi tra dzo kis mdzad pa las 73so//____//__! slob dpon nA gA rdzu nas mdzad pa'i bshes spring gi rgyas 'grel tshig gsal ces slob dpon blo gros chen pos mdzad par/__rjes dran drug gi skabs/__sangs rgyas rjes su dran pa ni de bzhin gshegs pa/__dgra bcom pa sogs nas/__dge 'dun rjes su dran pa'i mthar thug pa'i bar sbyar nas de gsum ni gzhan rgyud la bzhugs pa'i yon tan dang /__gtong ba rjes su dran pa ni/__'dir rang gi rgyud du gtogs pa'i sbyin pa'i yon tan ser sna'i dri ma sangs pa/__/sbyin pa'i ngang tshul can/__lus kyis brtson 'grus brtsams pa/__dngos po yongs su gtong ba/__de la mngon par dga' ba zhes bya ba rnams bstan to/__/tshul khrims kyi yon tan ni bdag gi tshul khrims ni ma nyams pa/__skyon med pa/__ma 'dres pa/__ma gos pa/__rang dbang yod pa/__mkhas pas bsngags pa/__ting nge 'dzin sgrub pa dag yin no/__/lha'i yon tan ni/__rgyal chen rigs bzhi pa'i lha dag dang /__sum cu rtsa gsum pa nas gzhan 'phrul dbang byed kyi bar dag yod do zhes bya ba yin te/__lha de dag rnams dang bdag nyid kyi yon tan rjes su dran par byed pa yin no/__/de la skyes pa'i lha rnams kyi skye ba'i rgyur gyur pa'i yon tan dang /__bdag nyid kyi tshul khrims dang /__ting nge 'dzin dang /__shes rab kyi yon tan rnams ni lha'i yon tan no/__/zhes bshad do/__/don du na 'dir rang gi yon tan rnams kho na lha'i yon tan dang mtshungs par byas nas dran pa ni rjes su dran pa zhes bya bar bshad do/__/zhes dang /__yang /__rjes su dran pa'i gnas drug ni sems dwangs par byed pa'i phyir dang /__bsod nams chen po'i rgyu yin pa'i phyir dang po nyid du bstan nas/__zhes 'byung ngo /__/de yang sangs rgyas sogs yon tan rnams rjes su dran pa de dag rjes su dran par bya zhing yid la bya'o/__/de yang sangs rgyas la sogs pa de rnams rang rang gi yon tan gyi tshogs rnams kyis rjes su dran par bya ste/__/de la yon tan gyi tshogs ni gang yin zhe na/__'di ltar de ni bcom ldan sogs so//____//__! sgrib pa bcu po lngar mdzad pa ni ngo bo mthun pas te/__g.yo ba dang /__blun pa nyid du mthun pa'i phyir te/__/rgod 'gyod gnyis ka g.yo ba dang /_/rmugs gnyid gnyis ka blun pa yin pa'i phyir ro//____//__! nyin zhag gcig gi gso sbyong gis 'dod pa na spyod pa'i lha'i gnas su skye bar 'gyur ro//____//__! rnam gsum mar me'i snang ba ni/__sgo gsum gyi legs spyod dam/__sbyin tshul bsgoms pa las byung ba'i bsod nams su bstan to/__/rten 'brel bcu gnyis sA lu ljang ba'i mdo nas gsal/__zab mo zhes pa ni/__bdag gzhan gnyis ka rgyu med rnams las ma skyes shing ma byas pa'i phyir ro/_/tshul khrims skyon can ni mod dma' pa'o/__/'dres pa ni mi dge ba'o/__/sbags pa ni srid pa'i don du bsngos pa'o/__/de dag med pas med mi dma' sogs so/__/mi ni a mra'i 'bras bu sogs kyi/__dang po phyi smin la nang ma smin pa ni sbyor ba phun sum tshogs kyang bsam pa dman pa'o/__/ki ma pa'i 'bras bu ni shun pa bzang la nang ngan pa'o/__/sbrang rtsi lta bu'i tshig ni snyan pa/__me tog lta bu ni bden pa/__mi gtsang ba lta bu ni log pa'o//____//__! dbang phyug pas kyang /__phra zhing bsam gyis mi khyab rab tu srab byed kun rig thams cad byed/__/rnal 'byor goms pas thob pa'i blo can bsam gtan pa yi yul/__/nyi ma zla ba chu me rlung phyogs nam mkha'i lus can te/__/zhi ba'i bde dga' 'grub par 'dod pa rnams kyis dbang phyug rtag tu bsgom/__zhes bshad do//____//__! lung ma bstan pa bcu bzhi ni/__'jig rten rtag pa dang /__'jig rten mi rtag pa dang /__rtag pa yang yin/__mi rtag pa yang yin pa dang /_rtag pa yang ma yin/__mi rtag pa yang ma yin pa dang /__'jig rten mtha' dang ldan pa dang /__'jig rten mtha' dang mi ldan pa dang /__mtha' dang ldan pa yang yin/__mtha' dang mi ldan pa yang yin pa dang /__mtha' dang ldan pa yang ma yin/_/mtha' dang mi ldan pa yang ma yin pa dang /__de bzhin gshegs pa shi phan chad yod pa dang /__med pa dang /__yod kyang yod la med kyang med pa dang /__yod pa yang ma yin/__med pa yang ma yin/__srog gang yin pa de lus yin pa dang /__srog kyang gzhan la lus kyang gzhan zhes bya ba yin no/__/dngos po bcu bzhi po 'di dag ni dris na lung mi bstan pa yin pa'i phyir lung du ma bstan pa zhes bshad de/__'di nyid bzhag pa'i dri ba yin par bstan to/__/gnas 'di dag yid la byed pas ni sems zhi bar mi gnas pa'i phyir bsam bya ma yin no/__/zhes bshad/__sa chu me rlung nyi zla ni phyi rol pa'i thar pa ste de dang bral ba thob par mdzod ces pa'o/__/'di sarba dz+nyA de ba dang /__ban+de dpal brtsegs kyis bsgyur ro112//____//__! slob ma la spring ba'i TI ka slob dpon bai ro tsa na rak+Shi tas 112mdzad pa'i 121bka' 'grel su ga ta shrI mi tra dang /__tshul khrims rgyal mtshan gyis bsgyur ba//____//__! yang de'i 'grel pa 121rgyas pa slob dpon shes rab 'byung gnas blo gros kyis mdzad pa shin tu gsal ba bi nA pa 133tsan+d+ra dang /__chos kyi shes rab kyis bsgyur ba'o//____//__! gnas brtan spyan drangs pa las/___gser ri'i dkyil nas bsil ba'i chu 'bab pa/__/chu la zla ba'i gzugs brnyan 'byung 'gyur zhing /__/zla ba'i 'od kyis ku mud kha phye ste/__/ku mud tshal na skad snyan ngang pa gnas/__/ngang mo mtshe'u na sgra skad snyan par 'byin/__/ri ngogs rma bya gar bcas rgyags par gnas/__/rma bya rgyags sgras ri sul snyan pa grags/__/ri sul yal ga lhag pas ri rtse 'khrigs/__/ri rtse stod rnams na ni sprin chags la/__/lang ling sprin gyis sman ljongs khra khro snang /__/sman ljongs skyes pa'i nor bu ldum bu gsal/__/ldum bu las brul lhung ba'i me tog ldan/__/me tog rgyas pa'i dpag bsam shing tshal mdzes/__/mdzes pa'i lha mo gser gyi phag skad drung /_/gser gyi phag skad sgras ni bya 'drogs shing /__/bya tshos shing tog rtsa las chad cing brul/_/rtsa 'phyang khu ba zag pa spos kyi dri/__/spos glang dbang po dregs brag dri rab zhim/__/dri rab zhim pa'i li shi ri 'khor mang /__/ban glang mo rgyags drag 'gro lang long gyur/_/bung ba'i khyu yis me tog zeg gyur cing /__/yal ga me tog rgyas pas gad pa dkar/_/gad pa chad pas nor bu'i ldum bu bsnad/__/me tog mgo lcog bral bas rnam par bkra/_/nor bu sil ma mang pos ri zhol spras/__/me tog zegs pa'i shing gi yal gar gnas pa'i bung ba dga' bas 'phur rnams dang /__/zla ba'i 'od zer dkar po ngang pa lta bus nye 'khor rdo ba chag chag btab/_/lhun po mtho ba'i ri la thub pa gang dag rab tu zhi ba'i thugs kyis bzhugs/__/de dag dri med zla 'dra'i grags ldan 'di yi sbyin pa'i gnas la brten du gsol/__/zhes dang /__gang yang 'od zer rnams kyis mkha' la skar ma'i 'khor lo zil mnan cing /__/ku mu dA yi rdzing yangs rnams su dpal ni rab phye nas/__glang po'i mche ba'i dpal dang ldan zhing mtshan mo shin tu rab mdzes pa/__/de yang nges par sbyin pa nyid kyi 'bras bu ro bro mang po yin/__/sogs dang /__rgyal mtshan rtser btags rin chen 'od zer snang bas nam mkha' dmar gyur cing /__/rta rmig 'dor bas mkha' la sprin gyi phreng ba dag kyang dral byed la/__/rnga yab dkar po g.yab cing 'khor los sgyur bar song ba gang yin pa/__/'dod pa'i 'bras bu de yang sbyin pas bsgrubs zhes thub pas bka' stsal to/__/zhes sogs dang /__srid pa'i 'dod chags nyon mongs zhags pa bsal zhing sred med pa/__/chu yi chu gter lta bur yon tan rnams kyi gnas gcig pu/__/thub pa'i sras mchog dge 'dun rnams ni bdag gis gus pas spyan drangs pas/__/de ring dge ba gang bsags des ni byang chub thob gyur cig__/ji srid mkha' la 'od 'phro 'od kyis gsal bas rnam par snang byed cing /__/ri dwags rtags can 'od kyis ral pa'i dkyil 'khor ldan la 'char ba dang /__/rgya mtsho rgyas par gnas pa de srid lha dang lha mis phyag byas pa'i/__/bde bar gshegs kyi bstan pa thogs pa med par gnas par shog__/ces gsungs so/__/'di slob dpon b+ha 153ba skan+d+ha 25pas 160mdzad bar cing /__dzi na mi tra dang /__dz+nyA na se nas bsgyur ro/__/shu b+haM//____//__! bsnyen pa'i tshe/__dbang thob cing dam tshig la gnas pas/__tshul khrims dang gtsang sbra khyad par can dgos te/__de med na dpung bzang las/__mi ni tshul khrims gtsang sbrar mi ldan yang /__/gsang sngags lha ni nam yang gnong mi mdzad/__/lha de'i 'khor du gtogs pa gang yin pa/__/mi yi glags mthong nas ni phung bar byed/__/ces dang /__yang /__sngags kyi rtsa ba dang po tshul khrims te/__/de nas brtson 'grus dang ni bzod pa dang /__/rgyal ba la ni dad cing byang chub sems/__/gsang sngags dag cing le lo med pa'o/__/zhes gsang sngags sgrub pa'i rtsa ba 'di bdun la dang po nas nan tan du bya ba dang /__yang sgrub pa kun la dang po kho nar ni/__/lha bshos gtor ma phal cher dbul bar bya/__/sngags pa las grub nas kyang dus kun tu/__/rang gi nyams kyis ji snyed dbul bar bya/__/zhes sbyor mjug tu mchod gtor rgya cher bya dgos/__de ltar bslab gzhi la gnas nas lha'i sku bsgom par bya ste/__phyag rdor dbang bskur rgyud las/__lha'i gzugs de dang tha mi dad pa'i rnal 'byor la brtson zhing /__gang gi bslab pa'i gzhi rnams kyang yongs su bzung ste/__theg pa chen po spyod pa de'i tshe gsang sngags pa rnams la dngos grub thob bo/__/zhes gsungs/__de nas bzlas pa'i yul phreng ba ni spyir pu tra dzI ba ka dang /__bye brag tu sdom pa sogs la thod phreng bsngags te mngon brjod las/__dung chen phreng ba blangs nas su/__lag g.yon mthe bong srin lag gis/__gsang sngags dag ni bzlas par bya/__zhes so/__/bzla bya'i sngags gtso bo la bzhi 'bum/__'khor la bzhi khri re bzla/__dmigs pa so so'i gzhung las shes/__de'i tshe myur na zur 'chad/__bul na grangs mi 'gro/__sgra che na bar chad 'byung /__chung na dngos grub bul/__nor ba dang chad na dngos grub log ste/__skyon lnga po 'di cis kyang spang dgos/__/gzhan yang /__'jam dpal rtsa rgyud du/___gang zhig shes rab tshul khrims ldan/__/snying rje che zhing las can dang /_/gtsang sbra spyod la dga' ba ste/__/sngags rnams kun tu 'grub par 'gyur/__/ces dang /__sangs rgyas thod pa las/__ji ltar phan tshun smras pas bzlas na dngos grub gzhan du 'gyur ro/__/zhes dang /__hU~M mdzad kyi rgyud du'ang stan gyi drod ma yal ba dang /__mi tshig gis bar ma chod par dgos par bshad la/__legs grub las zlos tshe ci yang mi smra zhing /__yan lag 'gyur bar mi bya'o/__/zhes pas gal che'o/__/sngags kyi ring cha sogs ma chad pa dang /__khyad par gug skyed chad lhag tu gyur pa shin tu mi rung ste/__dpung bzang las/__cho ga nyams shing yi ge gug skyed med/__/mchod pa med cing mi gtsang bzlas brjod byas/__/gug skyed yi ge lhag par gyur pa yi/__/gsang sngags dngos grub rgya chen mi ster ro/__/zhes bshad/__de'i mtshan ma bzang ngan ci byung yang /__dngos po la mngon par ma zhen pa'i mtshan med kyi lta bas rgyas thebs na sgom skyon thams cad des sel lo zhes dpal ldan sa skya paN+Di tas bka' gdams pa nam mkha' 'bum gyi dris lan las gsungs so/__/bsnyen rtags ni mtshams dngos dang /__kha skong gi sbyin sreg gi dus su 'byung la/__des ma byung na de'i 'phro nas sAts+tsha mang du btab pas kyang 'byung ba yod ces man ngag rig pa rnams gsungs/__'di dag gi bslab bya ni bya ba spyi'i rgyud sde 4dang /__'jam dpal rtsa rgyud sogs las 'byung ba ltar shes par bya zhing /__phreng ba dang dmigs pa sogs rang rang gi gzhung ltar ro/__/shub+haM//____//__!