JKW-KABUM-04-NGA-001-008

Previous Text Back to Volume PageNext Text

བྱང་གཏེར་སྔོན་འགྲོའི་ཟིན་བྲིས།

Wylie title	byang gter sngon 'gro'i zin bris
Location	mkhyen brtse'i bka' 'bum Volume 4, sde tshan 1, Text 8, Pages 147-151 (Folios 74a1 to 76a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	རིག་འཛིན་རྒོད་ཀྱི་ལྡེམ་འཕྲུ་ཅན་ (Rig 'dzin rgod kyi ldem 'phru can)
Citation	'jam dbyangs mkhyen brtse'i dbang po. byang gter sngon 'gro'i zin bris. In 'jam dbyangs mkhyen brtse'i dbang po'i bka' 'bum, Vol. 4: 147-151. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris  ·  Preliminary Practices - sngon 'gro
Cycle	བྱང་གཏེར་ (byang gter)

Tibetan Text

Wylie

[edit]

བྱང་གཏེར་སྔོན་འགྲོ་གཟེར་ལྔ་སྦྱངས་སྐབས། རྒྱལ་ཆེན་ཐོ་འཛུག་སོགས་བསྙེན་སྒྲུབ་ལྟ་བུའི་སྤྲོས་པ་མ་དགོས་རུང་། མིའི་རྒྱུ་འགྲུལ་བཅད་པ་སོགས་དབེན་པའི་སླད་སྒོ་རྩར་མཚམས་ཐོ་དཀྱུས་འགྲེ་བཙུག །ཐུན་བཞིའི་རིམ་པས་དང་པོ་སྐྱབས་འགྲོ་སེམས་བསྐྱེད་སྦྲགས་མ་འབུམ་ཐེར་སྐབས། ཐུན་གྱི་སྔོན་འགྲོ་ལུས་ངག་ཡིད་གསུམ་རྣལ་དུ་དབབ། སྐྱབས་སེམས་མདོར་བསྡུས། བདག་དང་ཁམས་གསུམ་སོགས་ལན་གསུམ། བླ་མ་ལ་གསོལ་བ་གདབ་ཅིང་རང་ལ་བསྟིམ། སྐྱབས་ཡུལ་དང་། སྐྱབས་སུ་འགྲོ་མཁན། ཇི་ལྟར་སྐྱབས་སུ་འགྲོ་བའི་ཚུལ་རྣམས་གསལ་ལེགས་པར་གདབ་ལ། སྐྱབས་སེམས་མདོར་བསྟན། ཀྱེ་མ་ཁམས་གསུམ་སོགས་ལན་གསུམ། རྒྱས་པ། ཡོན་ཏན་ཀུན་འབྱུང་བརྒྱ་ཚར་ཙམ། དེ་ནས་མདོར་བསྟན་ཁམས་གསུམ་འཁོར་བར་སོགས་སུམ་བརྒྱ་ཙམ་གྱི་མཐར། འབུམ་ཐེར་གསོག་རྒྱུ་དེའམ། དེ་ལས་ཀྱང་བསྡུ་ན། བདག་དང་ཁམས་གསུམ་ཐུན་རེར་ཅི་ལྕོག་གིས་གྲངས་བཟུང་། ཐུན་བསྡུ་བ་ན་སྐྱབས་ཡུལ་མ་བསྡུས་པར་མཎྜལ་གྱི་རྟེན་དུ་བྱས་ནས། ཐོག་མར་མཎྜལ་རྒྱས་པ་སོ་བདུན་མ་ཡོངས་གྲགས་ཚར་གཅིག་ཕྱི་ནང་གསང་བའི་མཎྜལ་ཚར་གསུམ། ས་གཞི་སྤོས་བྱུགས་ཉེར་གཅིག་ཙམ་གྱི་མཐར། ཚོགས་ཞིང་བསྡུ་ཚུལ་སྐྱབས་སེམས་ལྟར།། །། ༈

རྡོར་སེམས་བསྒོམ་བཟླས་དམིགས་པ་ངག་འདོན་དཀྱུས་གསལ་ལྟར་ཡིག་བརྒྱ་ཉེར་གཅིག་ཙམ། ཡིག་བདུན་ཕྲེང་སྐོར་ཙམ་གང་ལྕོག་མཐར་མགོན་པོ་བདག་ནི་སོགས་བཤགས་སྡོམ་དང་བཅས་རྡོར་སེམས་རང་ལ་བསྟིམ། མི་རྟག་རྒྱུད་བསྐུལ་གསལ་ལེགས་པར་བཏབ་ལ་ཚར་གཅིག་གསུམ་སོགས་བློ་འཐུལ་ངེས་སུ་བརྗོད། བླ་མའི་རྣལ་འབྱོར་བརྒྱུད་འདེབས་ཁྲིད་བརྒྱུད་ཁ་སྐོང་བཅས་གཞུང་གསལ་མཐར། ཚིགས་བདུན་གསོལ་འདེབས་བརྒྱ་རྩའམ་ཉེར་གཅིག་ཙམ་གསོག །སྤྲོ་ན་ལེའུ་བདུན་མ་སོགས་གསོལ་འདེབས་གང་རུང་ཀྱང་བྱ། མཐར་བླ་མ་རང་ལ་བསྟིམས་ནས་ཐུགས་ཡིད་བསྲེས་པ་དར་གཅིག་མཉམ་བཞག་རྗེས་རང་གི་གཞི་ལུས་སྟོང་པར་སྦྱངས། དེའི་ངང་ལས་ཧཱུྃ་ཧཱུྃ་ཞེས་སོགས་དཔའ་བོ་གཅིག་པའི་བདག་བསྐྱེད་བླངས་ལ་ཧཱུྃ་སུམ་བརྒྱ་ཉེར་གཅིག་གི་བཟླས་པའི་མཐར་བསྔོ་སྨོན་བཀྲ་ཤིས་བཅས་སྤྱོད་ལམ་ལ་འཇུག་གོ །རྒྱུན་དུ་ཆགས་མེད་སྐབས་སུའང་སྐྱབས་སེམས་ཉེར་གཅིག་ཙམ་གྱིས་ཆོག་པ་ལས་ངག་འདོན་འདི་སོར་བཞག་བྱ། དེ་ལྟར་ཐུན་བཞིའི་རིམ་པས་དང་པོ་སྐྱབས་སེམས་བསྡུས་པ་འབུམ་ཐེར་དང་ཁྲི་ཕྲག་ལྷག་བཅས་འགྲོ་ངེས་བྱ་བ་འབུ མ་ཐེར་དང་པོའོ།། །། ༈ མཎྜལ་སྐབས་སྐྱབས་སེམས་ཉེར་གཅིག་ཙམ་དང་། དངོས་གཞི་མཎྜལ་སོ་བདུན་མ་ཉེར་གཅིག་གམ་བདུན་སོགས། ཕྱི་ནང་གསང་བའི་མཎྜལ་བརྒྱ་རྩ་ལས་མི་ཉུང་བ། ས་གཞི་སྤོས་བྱུགས་ལ་གྲངས་བཟུང་ནས་ཐུན་རེར་གང་ཚར། རྡོར་སེམས་མཎྜལ་གང་ལྟར་ཤར་བསྒོམ། དེ་ལྟ་བུས་མཎྜལ་བསྡུས་པ་འབུམ་ཐེར་ཁ་སྐོང་བཅས་འགྲོ་ངེས་བྱ་བ་འབུམ་གཉིས་པ།། །། ༈ རྡོར་སེམས་སྐབས་ཀྱང་སྐྱབས་སེམས་མཎྜལ་མདོར་བསྡུས། རྡོར་སེམས་ཡིག་བརྒྱ་ཐུན་གྱི་དངོས་གཞི་དང་། ཐུན་མཐར་ཡིག་བདུན་གང་ལྕོགས་ཙམ། མཐར་བཤགས་སྡོམ་དང་བཅས་རང་ལ་བསྟིམ། དམིགས་པ་གཙོ་བོར་ངག་འདོན་དཀྱུས་གསལ་དང་། ཐུན་མཐར་དུག་ལྔ་གནས་སྦྱོང་གི་དམིགས་པའང་ནན་ཏན་དུ་བྱ། བླ་མའི་རྣལ་འབྱོར་མན་གོང་གསལ་ལྟར། མཚམས་ཀྱི་སྐབས་བཤགས་སྡོམ། ཐུགས་རྗེ་ཆེན་པོ་བཅོམ་ལྡན་འདས་རྡོ་རྗེ་སེམས་སོགས་དྲི་མེད་བཤགས་རྒྱུད་སྨྲེ་བཤགས་གྲུབ་ན་ལེགས། དེ་ལྟ་བུས་ཡིག་བརྒྱ་འབུམ་ཐེར་ཁ་སྐོང་བཅས་འགྲོ་ངེས་བྱ་བ་འབུམ་གསུམ།། །། ༈ ཕྱག་འབུམ་ཐེར་རྡོར་སེམས་ཀྱི་ཐུན་མཚམས་སུ་ན་རག་སྐོང་བཤགས་ཀྱི་ཕྱག་འཚལ་དང་། ཡིག་བརྒྱ། ལྟུང་བཤགས་བཅས་ངག་ཏུ་འདོན་ཅིང་གང་ལྕོག་བྱ་བའམ། ཡང་ན་ལོགས་སུ་མཚམས་བཅད་ནས་འབུམ་ཐེར་བྱུང་ནའང་ཆོག་པ་བཅས་འབུམ་བཞི།། །། ༈ བླ་མའི་རྣལ་འབྱོར་ལ་བརྒྱུད་འདེབས་ཚར་གསུམ་རེ་ཙམ། ལེའུ་བདུན་མ་ཚང་བའམ་འདོན་རེས། ཚིག་བདུན་གསོལ་འདེབས་འབུམ་ཐེར་ཁ་སྐོང་དང་བཅས་འགྲོ་ངེས་སུ་བྱས་ན་འབུམ་ལྔ་ཞེས་གྲགས་པའི་གྲངས་ཚང་བར་འགྱུར་རོ།། །། ༈ དེ་ནས་བདག་བསྐྱེད་དཔའ་བོ་གཅིག་པ་དང་འབྲེལ་བའི་ཧཱུྃ་བསྙེན་ལས་བཞི་བདུན་ཕྲག་བཞིས་བསྙེན་ཚད་གཅིག་རྫོགས་པ་སོགས་རིག་འཛིན་པད་ཕྲིན་བསྙེན་ཡིག་ལྟར་ཉམས་སུ་བླངས། འདི་སྐབས་རྒྱལ་ཆེན་ཐོ་འཛུགས་དང་། ནུབ་རེ་རེ་ཙམ་ལ་ལས་བྱང་འབྲིང་པོ་བཀའ་སྲུང་མཆོད་པ། ཚོགས་མཆོད་བཅས་བྱ་དགོས་པ་གཞིར་བཅས།། །། ༈

དེ་རྗེས་ཐུགས་རྗེ་ཆེན་པོ་མ་ཡིན་པའི་སྔོན་འགྲོའམ་སེམས་འཛིན་སྐུ་གསུང་ཐུགས་བཅས་ལ་སྦྱངས་པ་གང་ལྕོག་གི་ངོས་དངོས་གཞིའི་ཞི་གནས་སེམས་འཛིན། ལྷག་མཐོང་སེམས་འཚོལ། མཐར་ཞི་ལྷག་ཟུང་འཇུག་རང་ངོར་འཇོག་པ་སོགས་རིག་ཐོག་ཏུ་བརྡར་ཤ་བཅད་ནས་རིག་པ་ངོ་འཕྲོད་ཕན་ཆད་མཚམས་བྱས་མིན་ལ་མ་ལྟོས་པར་དྲན་ཤེས་ཀྱི་གསལ་འདེབས་བཅས། འདི་ལྟར་ཡིད་ཀྱི་ཡུལ་དུ་འགྱུ་བ་ཡིས། ཞེས་སོགས་གསུངས་པ་ལྟར་འགྱུ་བ་རང་ཐོག་ཏུ་བཞག །རིག་པའི་རང་ངོ་དང་བསྐྱང་བ་ཁོ་ན་ཉམས་ལེན་གྱི་སྙིང་པོ་དང་། མདོར་ན་མི་རྟག་ངེས་འབྱུང་། བྱང་ཆུབ་ཀྱི་སེམས། བླ་མའི་མོས་གུས། རིག་པ་མ་བཅོས་པར་མཉམ་པར་འཇོག་པ་བཞི་ལ་ཧྲིལ་གྱིས་དྲིལ་ནས། ལྷ་སྔགས་ཆོས་སྐུར་རྩལ་སྦྱོང་བ་ནི་ལམ་གྱི་སྙིང་པོ་ཁོ་ན་ཡིན་ནོ།། །། ༈

[edit]

byang gter sngon 'gro'i zin bris/__ byang gter sngon 'gro gzer lnga sbyangs skabs/__rgyal chen tho 'dzug sogs bsnyen sgrub lta bu'i spros pa ma dgos rung /__mi'i rgyu 'grul bcad pa sogs dben pa'i slad sgo rtsar mtshams tho dkyus 'gre btsug__/thun bzhi'i rim pas dang po skyabs 'gro sems bskyed sbrags ma 'bum ther skabs/__thun gyi sngon 'gro lus ngag yid gsum rnal du dbab/__skyabs sems mdor bsdus/__bdag dang khams gsum sogs lan gsum/__bla ma la gsol ba gdab cing rang la bstim/__skyabs yul dang /__skyabs su 'gro mkhan/__ji ltar skyabs su 'gro ba'i tshul rnams gsal legs par gdab la/__skyabs sems mdor bstan/__kye ma khams gsum sogs lan gsum/__rgyas pa/__yon tan kun 'byung brgya tshar tsam/__de nas mdor bstan khams gsum 'khor bar sogs sum brgya tsam gyi mthar/__'bum ther gsog rgyu de'am/__de las kyang bsdu na/__bdag dang khams gsum thun rer ci lcog gis grangs bzung /__thun bsdu ba na skyabs yul ma bsdus par maN+Dal gyi rten du byas nas/__thog mar maN+Dal rgyas pa so bdun ma yongs grags tshar gcig phyi nang gsang ba'i maN+Dal tshar gsum/__sa gzhi spos byugs nyer gcig tsam gyi mthar/__tshogs zhing bsdu tshul skyabs sems ltar//____//__! rdor sems bsgom bzlas dmigs pa ngag 'don dkyus gsal ltar yig brgya nyer gcig tsam/__yig bdun phreng skor tsam gang lcog mthar mgon po bdag ni sogs bshags sdom dang bcas rdor sems rang la bstim/__mi rtag rgyud bskul gsal legs par btab la tshar gcig gsum sogs blo 'thul nges su brjod/__bla ma'i rnal 'byor brgyud 'debs khrid brgyud kha skong bcas gzhung gsal mthar/__tshigs bdun gsol 'debs brgya rtsa'am nyer gcig tsam gsog__/spro na le'u bdun ma sogs gsol 'debs gang rung kyang bya/__mthar bla ma rang la bstims nas thugs yid bsres pa dar gcig mnyam bzhag rjes rang gi gzhi lus stong par sbyangs/__de'i ngang las hU~M hU~M zhes sogs dpa' bo gcig pa'i bdag bskyed blangs la hU~M sum brgya nyer gcig gi bzlas pa'i mthar bsngo smon bkra shis bcas spyod lam la 'jug go__/rgyun du chags med skabs su'ang skyabs sems nyer gcig tsam gyis chog pa las ngag 'don 'di sor bzhag bya/__de ltar thun bzhi'i rim pas dang po skyabs sems bsdus pa 'bum ther dang khri phrag lhag bcas 'gro nges bya ba 'bu_ma ther dang po'o//____//__! maN+Dal skabs skyabs sems nyer gcig tsam dang /__dngos gzhi maN+Dal so bdun ma nyer gcig gam bdun sogs/__phyi nang gsang ba'i maN+Dal brgya rtsa las mi nyung ba/__sa gzhi spos byugs la grangs bzung nas thun rer gang tshar/__rdor sems maN+Dal gang ltar shar bsgom/__de lta bus maN+Dal bsdus pa 'bum ther kha skong bcas 'gro nges bya ba 'bum gnyis pa//____//__! rdor sems skabs kyang skyabs sems maN+Dal mdor bsdus/__rdor sems yig brgya thun gyi dngos gzhi dang /__thun mthar yig bdun gang lcogs tsam/__mthar bshags sdom dang bcas rang la bstim/__dmigs pa gtso bor ngag 'don dkyus gsal dang /__thun mthar dug lnga gnas sbyong gi dmigs pa'ang nan tan du bya/__bla ma'i rnal 'byor man gong gsal ltar/__mtshams kyi skabs bshags sdom/__thugs rje chen po bcom ldan 'das rdo rje sems sogs dri med bshags rgyud smre bshags grub na legs/__de lta bus yig brgya 'bum ther kha skong bcas 'gro nges bya ba 'bum gsum//____//__! phyag 'bum ther rdor sems kyi thun mtshams su na rag skong bshags kyi phyag 'tshal dang /__yig brgya/__ltung bshags bcas ngag tu 'don cing gang lcog bya ba'am/__yang na logs su mtshams bcad nas 'bum ther byung na'ang chog pa bcas 'bum bzhi//____//__! bla ma'i rnal 'byor la brgyud 'debs tshar gsum re tsam/__le'u bdun ma tshang ba'am 'don res/__tshig bdun gsol 'debs 'bum ther kha skong dang bcas 'gro nges su byas na 'bum lnga zhes grags pa'i grangs tshang bar 'gyur ro//____//__! de nas bdag bskyed dpa' bo gcig pa dang 'brel ba'i hU~M bsnyen las bzhi bdun phrag bzhis bsnyen tshad gcig rdzogs pa sogs rig 'dzin pad phrin bsnyen yig ltar nyams su blangs/__'di skabs rgyal chen tho 'dzugs dang /__nub re re tsam la las byang 'bring po bka' srung mchod pa/_tshogs mchod bcas bya dgos pa gzhir bcas//____//__! de rjes thugs rje chen po ma yin pa'i sngon 'gro'am sems 'dzin sku gsung thugs bcas la sbyangs pa gang lcog gi ngos dngos gzhi'i zhi gnas sems 'dzin/__lhag mthong sems 'tshol/__mthar zhi lhag zung 'jug rang ngor 'jog pa sogs rig thog tu brdar sha bcad nas rig pa ngo 'phrod phan chad mtshams byas min la ma ltos par dran shes kyi gsal 'debs bcas/__'di ltar yid kyi yul du 'gyu ba yis/__zhes sogs gsungs pa ltar 'gyu ba rang thog tu bzhag__/rig pa'i rang ngo dang bskyang ba kho na nyams len gyi snying po dang /__mdor na mi rtag nges 'byung /__byang chub kyi sems/__bla ma'i mos gus/__rig pa ma bcos par mnyam par 'jog pa bzhi la hril gyis dril nas/__lha sngags chos skur rtsal sbyong ba ni lam gyi snying po kho na yin no//____//__!