རྩ་གསུམ་འོད་གསལ་སྙིང་ཏིག་ལས། ཕུར་པ་འདུས་པའི་དྲིལ་སྒྲུབ།

🚧 This website is under continued development. We appreciate your patience!

Previous Text Back to Volume PageNext Text

Wylie title	rtsa gsum 'od gsal snying tig las phur pa 'dus pa'i dril sgrub
Location	mkhyen brtse'i bka' babs Volume 16, Text 10, Pages 647-661 (Folios 1a to 8a5)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation	Khyentse, Dilgo. rtsa gsum 'od gsal snying tig las phur pa 'dus pa'i dril sgrub. In Rdzong sar 'jam dbyangs mkhyen brtse'i dbang po'i bka' babs, Vol. 16: 647-661. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Revelations - gter ma  ·  Sadhanas - Evocation Ritual - sgrub thabs
Cycle	ཕུར་པ་འདུས་པའི་དྲིལ་སྒྲུབ་ (phur pa 'dus pa'i dril sgrub)
Parent Cycle	རྩ་གསུམ་འོད་གསལ་སྙིང་ཏིག་ (rtsa gsum 'od gsal snying tig)
Deity	rdo rje phur pa
Karchag page	JKW-KABAB-Volume-16-MA-Karchag
Colophon	སངས་རྒྱས་ཀུན་གྱི་ཕྲིན་ལས་ཀྱི་བདག་ཉིད་གཏེར་འབྱིན་གྲུབ་བརྒྱའི་སྤྱི་མེས་འོད་གསལ་སྤྲུལ་པའི་རྡོ་རྗེའི་དགོངས་གཏེར་རྩ་གསུམ་འོད་གསལ་སྙིང་ཐིག་གི་བྱེ་བྲག་ཕུར་པ་འདུས་པའི་དྲིལ་སྒྲུབ་འདི་ཉིད་ཀྱི་བསྙེན་པའི་དབུར་ཕབ་འཕྲོ་བཞག་མཛད་པ། རྗེ་བཙུན་བླ་མ་མཆོག་གི་ཕྲིན་ལས་ཀྱི་རང་གཟུགས་མཁས་གྲུབ་ཡོངས་ཀྱི་ཁྱུ་མཆོག་འཇམ་དབྱངས་ཆོས་ཀྱི་བློ་གྲོས་རིན་པོ་ཆེས་ཆོས་བཀའ་འདིའི་ཕུར་པ་ཕབ་ཟིན་ལ་བསྙེན་སྒྲུབ་གནང་སྐབས། ད་ལྟའི་ཕུར་པ་འདི་ལ་བསྙེན་པ་ཀཱི་ལ་ཡ་འབྲུ་དགུ་སྒྲུབ་པ་འབྲུ་བཅུ་བཞི་པ་ཡོད་པ་ཞིག་རིག་རྩལ་ལས་ཐོན་ཀྱང་ཡི་གེར་བྲི་རྒྱུ་མ་བྱུང་བ་སླད་ནས་ཁྱོད་རང་གི་བྲིས་ཤིག་ཅེས་བཀའ་སྩལ་པ་རབ་བྱུང་བཅུ་དྲུག་པ་རང་ལོ་ལྔ་བཅུ་རྩ་བརྒྱད་སྟེ་ཆོས་སྐོར་འདི་དག་ལ་དབང་གི་ཆོག་བསྒྲིགས་སོགས་ཞབས་ཏོག་ཅུང་ཟད་བགྱིས་སྐབས་འབྲི་འདོད་བྱུང་བ་ལྟར། མདོ་སྨད་ཀྱི་རྙིང་སྔགས་རྒན་པོ་པདྨ་གར་དབང་འོད་གསལ་མདོ་སྔགས་གླིང་པ་རང་བྱུང་སྤྲུལ་པའི་རྡོ་རྗེར་འབོད་པས་ལྷོ་ལྗོངས་འབྲུག་གི་རྒྱལ་ཁབ་ཆེན་པོའི་ཐིམ་ཡུལ་བདེ་ཆེན་ཕུག་གི་རི་མགུལ་ཕུན་ཚོགས་ཆོས་གླིང་དུ་གྲོ་བཞིན་ཟླ་བ་ཕྱི་མའི་དགའ་བ་དང་པོར་ཡི་གེར་བཏབ་པའི་གྲོགས་དོ་སྐྱ་ཆོས་ཀྱི་ཉི་མས་མཛད་པ་འདིས་ཀྱང་གངས་ཅན་བསྟན་འགྲོའི་དཔལ་ཡོན་འཕེལ་རྒྱས་བརྟན་པའི་རྒྱུར་སྨོན་པ་བཞིན་འགྲུབ་པར་གྱུར་ཅིག །ཤྲཱི་ཛ་ཡནྟུ།།
	sangs rgyas kun gyi phrin las kyi bdag nyid gter 'byin grub brgya'i spyi mes 'od gsal sprul pa'i rdo rje'i dgongs gter rtsa gsum 'od gsal snying thig gi bye brag phur pa 'dus pa'i dril sgrub 'di nyid kyi bsnyen pa'i dbur phab 'phro bzhag mdzad pa/__rje btsun bla ma mchog gi phrin las kyi rang gzugs mkhas grub yongs kyi khyu mchog 'jam dbyangs chos kyi blo gros rin po ches chos bka' 'di'i phur pa phab zin la bsnyen sgrub gnang skabs/__da lta'i phur pa 'di la bsnyen pa kI la ya 'bru dgu sgrub pa 'bru bcu bzhi pa yod pa zhig rig rtsal las thon kyang yi ger bri rgyu ma byung ba slad nas khyod rang gi bris shig ces bka' stsal pa rab byung bcu drug pa rang lo lnga bcu rtsa brgyad ste chos skor 'di dag la dbang gi chog bsgrigs sogs zhabs tog cung zad bgyis skabs 'bri 'dod byung ba ltar/__mdo smad kyi rnying sngags rgan po pad+ma gar dbang 'od gsal mdo sngags gling pa rang byung sprul pa'i rdo rjer 'bod pas lho ljongs 'brug gi rgyal khab chen po'i thim yul bde chen phug gi ri mgul phun tshogs chos gling du gro bzhin zla ba phyi ma'i dga' ba dang por yi ger btab pa'i grogs do skya chos kyi nyi mas mdzad pa 'dis kyang gangs can bstan 'gro'i dpal yon 'phel rgyas brtan pa'i rgyur smon pa bzhin 'grub par gyur cig__/shrI dza yan+tu//

Tibetan Text

Wylie

[edit]

དྷཱི།༔ རྩ་གསུམ་འོད་གསལ་སྙིང་ཏིག་ལས༔ ཕུར་པ་འདུས་པའི་དྲིལ་སྒྲུབ་བཞུགས༔

དཔལ་ཆེན་རྡོ་རྗེ་གཞོན་ནུར་འདུད༔ མ་འོངས་པདྨ་བདག་ཉིད་ཀྱིས༔ བྱིན་གྱིས་བརླབ་པའི་རིག་པ་འཛིན༔ འོད་གསལ་སྤྲུལ་པའི་རྡོ་རྗེའི་དོན༔ ཕུར་པ་འདུས་པའི་དྲིལ་སྒྲུབ་བསྟན༔ ས་མ་ཡ༔ དབེན་པའི་གནས་སུ་སྟེགས་བུའི་ཁར༔ བསྙེན་པའི་དམ་ཚིག་རྟེན་ཉིད་དུ༔ ལྕགས་སམ་དྲག་པོའི་ཤིང་དག་ལས༔ མཚན་མ་རྫས་ཀྱི་ཕུར་པ་ནི༔ དར་ནག་ཅོད་པན་དང་བཅས་དགོད༔ མཐའ་བསྐོར་ཕྱི་ནང་མཆོད་པ་བཤམས༔ དེ་ནས་ཉམས་སུ་བླང་བ་ལ༔ སྔོན་འགྲོ་དངོས་གཞི་རྗེས་གསུམ་ལས༔ སྔོན་འགྲོའི་དབང་པོ་སྐྱབས་སེམས་ནི༔ ན་མོཿ བླ་མ་རྡོ་རྗེ་གཞོན་ནུ་ལ༔ མི་ཕྱེད་གུས་པས་སྐྱབས་སུ་མཆི༔ སྲིད་པ་ཕུར་བུའི་དཀྱིལ་འཁོར་དུ༔ ཁམས་གསུམ་བསྒྲལ་བར་སེམས་བསྐྱེད་དོ༔ གཉིས་པ་བགེགས་བསྐྲད་སྲུང་མཚམས་ནི༔ ཧཱུྃ༔ ཉོན་ཅིག་བགེགས་དང་ལོག་འདྲེན་རྣམས༔ ང་ཡི་བཀའ་ལས་འདའ་མ་བྱེད༔ རྡོ་རྗེ་གསང་བའི་བཀའ་ལུང་ལས༔ སྡིག་ཅན་གང་ཞིག་འདའ་བྱེད་པ༔ སྟོབས་ཆེན་ཁྲོ་བོ་ཆེན་པོ་བཅུས༔ ཀླད་པ་ཚལ་པ་བརྒྱ་རུ་ཁོས༔ གདུག་ཅིང་སྣང་སེམས་ལྡན་པ་རྣམས༔ སོང་ཞིག་ལྷ་མིན་ལྷ་ཡང་རུང་༔ ང་ལ་བར་ཆད་བྱེད་པ་རྣམས༔ མཐུ་དང་རྫུ་འཕྲུལ་མེད་པར་མཛོད༔ དྲག་སྔགས་བརྗོད་ཅིང་ཐུན་གྱིས་གཟིར༔ ཧཱུྃ༔ ངང་ཉིད་རྡོ་རྗེའི་ཆོས་དབྱིངས་ལས༔ ཕྱི་ནང་སྣོད་བཅུད་ཁྱབ་པ་ཡི༔ འབར་བའི་ཁྲོ་བོ་མི་བཟད་པས༔ ལོག་འདྲེན་འབྱུང་པོ་མཚམས་བཅད་གྱུར༔ ཧཱུྃ་ཧཱུྃ་ཧཱུྃ་བཛྲ་ཛྙཱ་ན་རཀྵ་བྷྲཱུྃ༔ གསུམ་པ་ཡེ་ཤེས་བྱིན་འབེབས་ནི༔ ཧཱུྃ༔ འོད་གསལ་ཆོས་སྐུའི་ངང་ཉིད་ལས༔ ལོངས་སྤྱོད་ཡོངས་རྫོགས་དཔལ་ཆེན་པོས༔ གང་འདུལ་སྤྲུལ་པའི་རྣམ་རོལ་གྱིས༔ གནས་འདིར་བྱིན་ཕོབ་དབང་མཆོག་སྐུར༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ སརྦ་ས་མ་ཡ་ཛྙཱ་ན་ཨ་བེ་ཤ་ཡ་ཨ་ཨཱཿ བཞི་པ་མཆོད་གཏོར་བྱིན་རླབས་ནི༔ ཧཱུྃ༔ བདག་ཉིད་ལྷར་གསལ་ཐུགས་ཀ་ནས༔ འཕྲོས་པའི་འོད་ཀྱིས་མཆོད་རྫས་ཀུན༔ གཟུང་འཛིན་མཚན་མ་ལས་འདས་པའི༔ ཡེ་ཤེས་འདོད་རྒུའི་སྤྲིན་དུ་སྤེལ༔ ཨོཾ་བཛྲ་ཨརྒྷཾ་པཱདྱཾ་པཱུཥྤེ་དྷུ་པེ་ཨཱ་ལོ་ཀེ་གནྡྷེ་ནཻ་ཝིདྱ་ཤབྟ་སརྦ་པཱུ་ཛ་མ་ཧཱ་ཨ་མྲྀ་ཏ་རཀྟ་བ་ལིཾ་ཏ་ཨཱཿཧཱུྃ༔ ས་མ་ཡ༔ དངོས་གཞིར་ཐ་མལ་སྣང་ཞེན་གྱི༔ སྲིད་པ་ཕུར་བུ་བསྒྲུབ་པའི་ཕྱིར༔ དང་པོ་དམ་ཚིག་བསྐྱེད་པ་ནི༔ ཏིང་འཛིན་གསུམ་གྱིས་ཁོག་ཕུབ་ལ༔ རྟེན་གྱི་དཀྱིལ་འཁོར་ཆེན་པོའི་དབུས༔ བདག་ཉིད་རྩ་བའི་དཔལ་ཆེན་པོས༔ རྒྱུ་འབྲས་ལས་བཞེངས་སྒོང་སྐྱེས་སྦྱོང་༔ མཚན་མ་རྫས་དང་དབྱེར་མེད་པའི༔ སྲས་མཆོག་རིགས་ལྔ་ཡེ་ཤེས་མཐུས༔ སྐད་ཅིག་རྫུས་སྐྱེས་ཚུལ་དུ་ཤར༔ སྙོམས་འཇུག་མངལ་འབྱིན་སྦྱོར་བ་ཡིས༔ ཕྱོགས་བཅུ་ཁྲོ་བོའི་དཀྱིལ་འཁོར་བསྐྱེད༔ སྒོ་སྐྱོང་བཀའ་ཉན་སྔགས་ཀྱི་སྒྲས༔ དྲོད་གཤེར་སྐྱེས་ཀྱི་བག་ཆགས་སྦྱོང་༔ ཧཱུྃ༔ སེམས་ཀྱི་རྡོ་རྗེ་དེ་བཞིན་ཉིད༔ སྙིང་རྗེ་ཁྲོས་པས་ཀུན་ཏུ་སྣང་༔ མཚོན་ཆེན་རྡོ་རྗེ་ཧཱུྃ་ཡིག་བཅས༔ འབར་བའི་འོད་ཀྱིས་སྣོད་བཅུད་སྦྱངས༔ ཀློང་ལྔ་འབྱུང་བ་ཡུམ་གྱི་མཁར༔ དུར་ཁྲོད་དྲག་པོའི་གཞལ་ཡས་ཁང་༔ འབར་བའི་མཚན་ཉིད་ཡོངས་རྫོགས་དབུས༔ པདྨ་ཟླ་ཉི་བདུད་བཞིའི་སྟེང་༔ རྡོ་རྗེ་ཧཱུྃ་ཡིག་ཡོངས་གྱུར་ལས༔ བདག་ཉིད་དཔལ་ལྡན་རྡོ་རྗེ་སེམས༔ དཀར་གསལ་རྡོ་རྗེ་དྲིལ་བུ་འཛིན༔ རང་འདྲའི་ཡུམ་འཁྱུད་མཚན་དཔེར་འབར༔ ལོངས་སྤྱོད་ཡོངས་རྫོགས་རིག་བརྒྱའི་བདག༔ ཟབ་གསལ་གཉིས་མེད་སྐུ་རུ་བཞེངས༔ ཨོཾ་བཛྲ་ས་ཏྭ་ཧཱུྃ༔ ཡབ་ཡུམ་སྙོམས་ཞུགས་བདེ་བ་ཆེའི༔ རང་གཟུགས་འོད་ཀྱི་ཐིག་ལེར་འཁྱིལ༔ དེ་ལས་འབྲས་བུའི་ཧེ་རུ་ཀ༔ དཔལ་ཆེན་བཛྲ་ཀུ་མ་ར༔ གཡས་དཀར་གཡོན་དམར་དབུས་མཐིང་ཞལ༔ གཞད་གཤེ་རྔམས་པའི་ཉམས་དང་ལྡན༔ མཐིང་ནག་སྐུ་ལ་དཔལ་ཆས་དང་༔ དུར་ཁྲོད་དྲག་པོའི་ཆས་ཀྱིས་བརྗིད༔ ཕྱག་དྲུག་གཡས་ཀྱི་དང་པོ་གཉིས༔ གསེར་གྱི་རྡོ་རྗེ་རྩེ་དགུ་ལྔ༔ གཡོན་གཉིས་མེ་ཕུང་ཁ་ཊྭཱཾ་འཁྲོལ༔ ཐ་མས་རི་རབ་ཕུར་བུ་འདྲིལ༔ ཁམས་གསུམ་རྡོ་རྗེ་གསུམ་དུ་རྫོགས༔ ཞབས་བཞི་གྱད་ཀྱི་དོར་སྟབས་ཀྱིས༔ པད་ཟླ་ཉི་མ་བདུད་བཞིའི་སྟེང་༔ ཡེ་ཤེས་འབར་འཁྲུགས་མེ་ཀློང་འགྱིང་༔ སྦྱོར་ཡུམ་འཁོར་ལོ་རྒྱས་འདེབས་སྔོ༔ གཟིག་ཤམ་རིན་ཆེན་རུས་རྒྱན་ཅན༔ དྲིལ་བུ་དུང་ཁྲག་བསྣམས་པས་འཁྲིལ༔ གར་དགུའི་ཉམས་ལྡན་དཔལ་ཆེན་པོ༔ ཡབ་ཡུམ་མཉམ་སྦྱོར་བདེ་བ་ཆེས༔ ཡེ་ཤེས་ལྔ་ཡི་རིག་རྩལ་འབར༔ དེ་ལས་འཁོར་ལོའི་གནས་ལྔ་རུ༔ སྲས་མཆོག་ཀཱི་ལ་རིགས་ཀྱི་མདོག༔ ཕྱག་གཉིས་ཕུར་འདྲིལ་ཡུམ་དང་འཁྱུད༔ སྐུ་སྨད་གནམ་ལྕགས་ཕུར་བུའི་དབལ༔ པད་ཉི་དྲེགས་པའི་གདན་ལ་རོལ༔ སླར་ཡང་སྙོམས་ཞུགས་མཁའ་གསང་ནས༔ བྱང་སེམས་ཧཱུྃ་གི་སྤྲིན་སྤྲོས་པས༔ ཕྱི་རོལ་འཁོར་ལོ་རྩིབས་བཅུའི་དབུས༔ ཕྱོགས་བཅུའི་ཁྲོ་བོ་ཆེན་པོ་བཅུ༔ སྐུ་མདོག་དུས་ཀྱི་མུན་ལྟར་གནག༔ ཞལ་གཅིག་ཕྱག་གཉིས་ཡུམ་དང་འཁྲིལ༔ ཕུར་བུ་འདྲིལ་ཞིང་བགེགས་ཚོགས་གཟིར༔ པད་ཉི་ཕྱོགས་སྐྱོང་དྲེགས་པའི་སྟེང་༔ དྲག་མེ་དམར་ནག་དབུས་ན་བཞེངས༔ གཡས་གཡོན་ཟ་གསོད་ཕྲ་མེན་མ༔ ཁྲ་ཐབས་ཉི་ཤུའི་སྤྲུལ་པ་འགྱེད༔ སྲས་མཆོག་རིགས་ལྔ་ཁྲོ་རྒྱལ་ཚོགས༔ རྡོ་རྗེའི་གཤོག་བརྒྱངས་དུར་ཁྲོད་ཆས༔ རབ་འཇིགས་ཁྲོ་གཏུམས་འཇིགས་པའི་ཉམས༔ ཡེ་ཤེས་མེ་ཕུང་ཀློང་ན་གསལ༔ གཙོ་མཆོག་ཡབ་ཡུམ་རོལ་པའི་སྒྲ༔ ཛཿཧཱུྃ་བྃ་ཧོཿམ་བྷྱོ་ལས༔ སྒོ་བཞིར་གདོང་ཅན་སྒོ་མ་བཞི༔ བར་ཁྱམས་མ་མོ་བཅུ་གཉིས་དང་༔ ཕྱི་འཁོར་དབང་ཕྱུག་ཉེར་བརྒྱད་སོགས༔ བཀའ་ཉན་དམ་ཅན་སྤྲིན་ལྟར་གཏིབས༔ ཀུན་ཀྱང་སྣང་སྟོང་ཟུང་འཇུག་སྐུ༔ ཆུ་ཟླ་འཇའ་ཚོན་བཞིན་དུ་གསལ༔ སྲིད་གསུམ་ཐ་མལ་སྣང་ཞེན་ཀུན༔ རྡོ་རྗེ་ཁྲོས་པའི་འཁོར་ལོར་རྫོགས༔ ཨོཾ་ཤྲཱི་བཛྲ་ཀཱི་ལ་ཡ་སརྦ་མཎྜ་ལ་ཨ་ཧཱུྃ༔ རྗེས་འབྲེལ་བྱིན་རླབས་དབང་བསྐུར་ནི༔ དེ་ལྟར་གསལ་བའི་གནས་གསུམ་དུ༔ ཟླ་བ་པདྨ་ཉི་མའི་སྟེང་༔ འབྲུ་གསུམ་ཕྱག་མཚན་ཡོངས་གྱུར་ལས༔ རྡོ་རྗེ་གསུམ་གྱི་ཕྱག་རྒྱས་མཚན༔ དེ་བཞིན་གཤེགས་པ་ཐམས་ཅད་ཀྱིས༔ སྐུ་གསུང་ཐུགས་སུ་བྱིན་རླབ་བོ༔ ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱ་ཀ་ཙིཏྟ་ཨཏྨཱ་ཀོ྅ཧཾ༔ གཙོ་བོའི་ཐུགས་མཆོག་རིན་པོ་ཆེ༔ ཟུར་བརྒྱད་མཆོང་གུར་ལྟ་བུ་ཡི༔ གཞལ་མེད་ཁང་པ་གནམ་སྒོ་ཅན༔ རྟ་མཆོག་དཔལ་གྱིས་སྒོ་སྲུང་མཛད༔ དབུས་སུ་ཞི་བ་རྡོ་རྗེ་སེམས༔ འབར་བའི་སྐུར་བཞེངས་ཧེ་རུ་ཀ༔ རྡོ་རྗེ་དུང་ཁྲག་ཡུམ་དང་སྦྱོར༔ ཨིནྜ་ནཱི་ལའི་མདངས་འོད་འཚེར༔ རོལ་པའི་འོད་ཀྱིས་དབང་གིས་ལྷ༔ སྤྱན་དྲངས་བྱང་ཆུབ་སེམས་ཀྱི་ཆུས༔ དབང་བསྐུར་རིགས་ལྔས་དབུར་བརྒྱན་རྒྱུར༔ ཧཱུྃ་ཨོཾ་ཏྲཱཾ་ཧྲཱིཿཨཱཿ ཧེ་རུ་ཀ་ཨ་བྷི་ཥིཉྩ་ས་མ་ཡ་སྟྭཾ༔ སླར་ཡང་ཧཱུྃ་གི་སྒྲ་བསྒྲགས་པས༔ ཁམས་གསུམ་ཉོན་མོང་དུག་ཆེན་སྦྱངས༔ ཀུན་བཟང་རྡོར་སེམས་སྐུར་གྱུར་ནས༔ ཡེ་ཤེས་ཁྲག་འཐུང་ཕྱག་རྒྱར་ཐིམ༔ ཧཱུྃ་ཧཱུྃ་ཧཱུྃ་ཕཊ་ཛཿཤྲཱི་ཧེ་རུ་ཀ་ཨ་ཧཾཿ གཉིས་པ་ཡེ་ཤེས་སྤྱན་དྲངས་ཤིང་༔ ཕྱག་རྒྱས་བསྟིམ་ནས་བཞུགས་སུ་གསོལ༔ ཧཱུྃ༔ སྲིད་པའི་ཕུར་བུ་སྒྲུབ་པ་དང་༔ དབང་དང་དངོས་གྲུབ་བླང་བའི་ཕྱིར༔ ཡེ་ཤེས་ཁྲོ་བོ་གཤེགས་སུ་གསོལ༔ ཁྲོ་རྒྱལ་འཁོར་བཅས་གཤེགས་ནས་ཀྱང་༔ རྟགས་དང་མཚན་མ་བསྟན་པ་དང་༔ ཀཱི་ལ་ཡ་ཡི་དངོས་གྲུབ་སྩོལ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་ས་མ་ཡ་ཨེ་ཧྱེ་ཧི་ཧྲཱིཾ་ཧྲཱིཾ་ཕེཾ་ཕེཾ༔ ས་མ་ཡ་ཧོཿ ས་མ་ཡ་སྟྭཱཾ༔ ཧཱུྃ༔ སྙིང་རྗེའི་ལྕགས་ཀྱུས་གནས་ནས་དགུག༔ བྱམས་པའི་ཞགས་པས་རྟེན་ལ་གཞུག༔ དགའ་བའི་སྒྲོག་གིས་དབྱེར་མེད་བཅིང་༔ བཏང་སྙོམས་དྲིལ་བུས་རབ་དགྱེས་པའི༔ སྲིད་པ་རྡོ་རྗེ་ཕུར་བུའི་ལྷ༔ དམ་ཚིག་ཡེ་ཤེས་དབྱེར་མེད་པ༔ འབར་བའི་གདན་ལ་བཞུགས་ནས་ཀྱང་༔ མཆོད་བཞེས་དམ་བསྐང་དངོས་གྲུབ་སྩོལ༔ ཛ༔ཧཱུྃ་བྃ་ཧོཿ ས་མ་ཡ་ཏིཥྛ་ལྷན༔ གསུམ་པ་ཕྱག་འཚལ་མཆོད་བསྟོད་ནི༔ ཧཱུྃ༔ ཡང་དག་དོན་དུ་རབ་ཞི་ཡང་༔ འདུལ་བའི་དབང་གིས་ཅིར་ཡང་སྣང་༔ འབར་བའི་དཀྱིལ་འཁོར་ལྷ་ཚོགས་ལ༔ གུས་པའི་བརྡ་ཡིས་ཕྱག་འཚལ་ལོ༔ ཨ་ཏི་པཱུ་ཧོཿ པྲ་ཏིཙྪ་ཧོཿ ཧཱུྃ༔ སྣོད་བཅུད་ཉེར་སྤྱོད་འདོད་ཡོན་སྤྲིན༔ སྨན་གཏོར་རཀྟ་གསང་བའི་རྫས༔ སྦྱོར་སྒྲོལ་ཟུང་འཇུག་འོད་གསལ་དབྱིངས༔ མཆོད་པའི་ཕྱག་རྒྱ་ཆེན་པོར་བཞེས༔ ཨོཾ་ཤྲཱི་བཛྲ་ཀུ་མཱ་ར་ཨརྒྷཾ་པཱདྱཾ་པཱུཥྤེ་དྷུ་པེ་ཨཱ་ལོ་ཀེ་གནྡྷེ་ནི་ཝཱིདྱ་ཤབྡ་པཉྩ་ཀཱ་མ་གུ་ཎ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཏ་ན་ག་ཎ་དྷརྨ་དྷ་ཏུ་པཱུ་ཛ་ཧོཿ ཧཱུྃ༔ སྐྲ་ཅན་བྷནྡྷའི་སྣོད་ཡངས་སུ༔ གདུག་ཅན་བསྒྲལ་བའི་དམར་ཆེན་པོ༔ ཁམས་གསུམ་ཁྲག་གི་རྒྱ་མཚོར་བསྐྱིལ༔ དམ་ཅན་ཕོ་ཉའི་ཚོགས་རྣམས་ལ༔ མངོན་སྤྱོད་ཕྲིན་ལས་མཛད་ཕྱིར་འབུལ༔ སྔོན་ཆད་ཇི་ལྟར་དམ་བཅས་བཞིན༔ གདུག་པའི་བགེགས་དང་བར་ཆད་ཀུན༔ མཐུ་དང་རྫུ་འཕྲུལ་མེད་པར་མཛོད༔ མ་ཧཱ་རཀྟ་ཁ་ཁ་ཁཱ་ཧི་ཁཱ་ཧི༔ ཧཱུྃ༔ རྡོ་རྗེ་ཁྲོས་པའི་ཡེ་ཤེས་ཀྱིས༔ བར་ཆད་བདུད་དཔུང་འདུལ་མཛད་པ༔ ཕྲིན་ལས་འདུས་པའི་དཀྱིལ་འཁོར་ལྷ༔ གཙོ་འཁོར་སྤྲུལ་པར་བཅས་ལ་བསྟོད༔ འདི་མན་མཁྱེན་བརྩེ་དབང་པོས་ཕབ་འཕྲོ་ལུས་པ་ལ་དིལ་མགོ་མཁྱེན་བརྩེ་རིན་པོ་ཆེར་བབ་པས་ཁ་བསྐང་བ། བཞི་པ་བསྙེན་ཅིང་སྒྲུབ་པ་དང་༔ ལས་ལ་སྦྱར་བས་དངོས་གྲུབ་བསྐུལ༔ གཙོ་མཆོག་ཐུགས་ཀར་འོད་ལྔའི་ཀློང་༔ ཙིཏྟ་མཆོང་གུར་སྨུག་པོའི་སྦུབས༔ བཛྲ་ས་ཏྭ་ཡེ་ཤེས་སེམས༔ དཀར་གསལ་རྡོ་རྗེ་དྲིལ་བུ་འཛིན༔ པད་ཟླའི་སྟཻང་ན་ཕྱེད་སྐྱིལ་བཞུགས༔ ཐུགས་ཀར་ཉི་ཟླའི་གའུའི་ནང་༔ ཉི་སྟེང་རྡོ་རྗེ་རྩེ་ལྔའི་ལྟེར༔ ཧཱུྃ་མཐར་སྔགས་ཕྲེང་གཡས་སུ་བསྐོར༔ འོད་ཟེར་སྤྲོ་བསྡུས་དོན་གཉིས་སྒྲུབ༔ སྣང་སྲིད་རྡོ་རྗེ་ཕུར་བུ་ཡི༔ དཀྱིལ་འཁོར་ཆེན་པོར་སད་པར་བསམ༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ༔ བསྙེན་པ་འབྲུ་དགུ་འབུམ་ཕྲག་བཞིས༔ དངོས་གྲུབ་གནས་ལ་ཉེ་བར་བྱེད༔ སྟོང་གསུམ་ཕྱོགས་བཅུའི་འཇིག་རྟེན་གྱི༔ སྣང་བ་རྡོ་རྗེ་ཕུར་པའི་ལྷ༔ གྲགས་པ་རྡོ་རྗེ་ཕུར་པའི་ཛབ྄༔ དྲན་རྟོག་རྡོ་རྗེ་ཁྲོས་པའི་ཐུགས༔ ལྷ་སྔགས་ཆོས་ཉིད་རོལ་པར་སད༔ ཀུན་ཀྱང་རྡོ་རྗེའི་སྔགས་སྒྲ་སྒྲོགས༔ སྐུ་ཡི་འོད་ཟེར་ཅིར་ཡང་འཕྲོ༔ ཕྲིན་ལས་བཞི་དང་གྲུབ་པ་བརྒྱད༔ དངོས་གྲུབ་ཐམས་ཅད་ཡིད་བཞིན་འགྲུབ༔ དག་པ་རབ་འབྱམས་ཡེ་ཤེས་ཆེའི༔ བདག་ཉིད་ཆེན་པོར་ལྷུན་གྱིས་གྲུབ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ༔ སྒྲུབ་པའི་གསང་སྔགས་འབུམ་ཕྲག་བཞི༔ བཟླས་པས་ངེས་པའི་མཚན་མ་འབྱུང་༔ དཀྱིལ་འཁོར་གསུམ་གྱི་ལྷ་ཚོགས་ཀྱི༔ སྐུ་ལས་བྱུང་བའི་འོད་ལྗང་ནག༔ མཚོན་ཆའི་ཚྭ་ཚྭ་འཕྲོ་བ་འཕྲོས༔ ཉམས་པ་བདུན་དང་བསྒྲལ་ཞིང་བཅུ༔ དངོས་གྲུབ་བར་ཆད་བདུད་བཞིའི་ཚོགས༔ མངོན་སྤྱོད་རོལ་པའི་ཕྲིན་ལས་ཀྱིས༔ རྡུལ་དུ་བརླགས་ཤིང་བཅོམ་པར་གྱུར༔ མ་རཀྨོ་ཡཀྨོ་ཀཱ་ལ་རུ་པ༔ སྙིང་རྩ་ལ་ཡྃ་ཡྃ༔ སྲོག་རྩ་ལ་ཡྃ་ཡྃ༔ སྙིང་ལ་ཕྲིལ་ཕྲིལ༔ སྲོག་ལ་ཆུམ་ཆུམ༔ ཙིཏྟ་སྲོག་ལ་དུང་དུང་༔ སྙིང་ཁྲག་སྲོག་ལ་ཤད་ཤད༔ ཐུམ་རིལ་ལི༔ རྩེག་རྩེག༔ འུར་འུར༔ ཤྀག་ཤིག༔ གུལ་གུལ༔ མྱག་མྱག༔ སོད་སོད༔ དྷཱ་ཏི་མ་མ་ཀརྨ་ཤྲཱི་གྷྲྃ་ཀརྨ་ཀ་ར་ཡེ་མཱ་ར་སེ་ན་པྲ་མརྡྷ་ན་ཡེ་སྭཱ་ཧཱ༔ དམིགས་པའི་གནད་དང་ལྡན་པ་ཡིས༔ དྲག་སྔགས་སྤུ་གྲི་ཁྲི་གཅིག་བཟླ༔ ལྷ་སྔགས་འཕྲོ་འདུའི་ཏིང་འཛིན་ཀུན༔ ཆོས་ཉིད་གཅིག་གི་རོལ་པ་སྟེ༔ དུ་མར་སྣང་ཡང་ངོ་བོ་གཅིག༔ གཉིས་སུ་མེད་པར་ལམ་ཁྱེར་བྱ༔ ས་མ་ཡ༔ ནང་དུ་རྡོ་རྗེ་ལུས་ཀྱི་དཀྱིལ༔ རྩ་རླུང་ཐིག་ལེའི་གྲོང་ཁྱེར་ཀུན༔ རྡོ་རྗེ་གཞོན་ནུའི་སྐུ་གསུང་ཐུགས༔ དཀྱིལ་འཁོར་གསུམ་དུ་ལྷུན་རྫོགས་པ༔ བདེ་ཆེན་མཆོག་གིས་མཉེས་པའི་ཕྱིར༔ དབེན་པར་རྩེ་གཅིག་ཏིང་འཛིན་གྱིས༔ སྒོ་གསུམ་གནད་ཀྱིས་ལེགས་གཅུན་ནས༔ རྩ་གསུམ་འཁོར་ལོ་བཞི་ཡི་དབྱིངས༔ དྭངས་མ་མི་ཤིག་ཧྃ་དང་ཨ༔ ཡབ་ཡུམ་རྗེས་ཆགས་འབར་འཛག་གི༔ ཏིང་འཛིན་སྲོག་རྩོལ་སྦྱོར་བ་ཡིས༔ དགའ་བཞི་འབྱུང་ལྡོག་སྦྱོར་བ་དང་༔ བུམ་ཅན་རླུང་དང་སྦྱར་ནས་བྱ༔ བདེ་གསལ་རྣམ་པར་མི་རྟོག་པའི༔ ལྷན་ཅིག་སྐྱེས་པའི་དེ་ཉིད་འཆར༔ ནུས་པ་ཐོབ་ནས་གཞན་ལུས་ལ༔ བརྟེན་པའི་བོག་འབྱིན་སྤྱོད་པ་བརྩམས༔ མཆོག་ཏུ་དབང་པོ་རྣོན་པོ་ཡིས༔ དབྱིངས་ཆེན་འཁོར་ལོ་རྒྱས་འདེབས་ཀློང་༔ ཤེས་རབ་སྒྲོན་མ་དྲུག་གི་གདངས༔ སྒོ་ཡུལ་རླུང་རིག་གནད་གཅུན་པས༔ འོད་གསལ་རིག་པ་ཡབ་ཀྱི་ཆ༔ རྡོ་རྗེ་གཞོན་ནུ་མཉམ་སྦྱོར་བས༔ སྣང་བཞིའི་ཕ་མཐར་སོན་པ་ཡི༔ རིག་པའི་ཕུར་བུའི་དགོངས་པ་ནི༔ འཁོར་འདས་སྲོག་གི་གོར་གནས་པ༔ མངོན་སུམ་བྱེད་པའི་ཐབས་ཀྱི་མཆོག༔ བརྩོན་པས་ཡེ་ཤེས་མངོན་གྱུར་བྱ༔ ས་མ་ཡ༔ རྗེས་ཐོབ་ཐུན་མཚམས་སྤྱོད་པ་ལ༔ ཚོགས་ཀྱི་འཁོར་ལོ་བྱ་འདོད་པས༔ ཞིང་ངམ་གཅན་གཟན་ལྤགས་པའི་སྟེང་༔ ཐབས་ཤེས་བཟའ་བཅའ་བཏུང་བ་བཤམས༔ ཐོག་མར་བྱིན་གྱིས་བརླབས་པའི་ཕྱིར༔ ཧཱུྃ༔ དབྱིངས་རིག་ཟུང་འཇུག་མེ་རླུང་ཆུས༔ གཟུང་འཛིན་མཚན་རྟོག་བསྲེགས་གཏོར་སྦྱངས༔ ཐབས་ཤེས་རིགས་ལྔའི་དམ་ཚིག་རྫས༔ བདེ་ཆེན་བདུད་རྩིའི་བཅུད་དུ་འཁྱིལ༔ རྃ་ཡྃ་ཁྃ༔ ཨོཾ་ཨཱཿཧཱུྃ༔ ཚོགས་ཞིང་མགྲོན་ཀུན་སྤྱན་འདྲེན་ནི༔ ཧཱུྃ༔ ཡེ་ཤེས་ཆེན་པོའི་དེ་ཉིད་ལ༔ གཤེགས་བྱོན་མཚན་མ་མི་དམིགས་ཀྱང་༔ ཐུགས་རྗེ་ཐབས་ཀྱི་སྒྱུ་མའི་འཕྲུལ༔ སངས་རྒྱས་ཀུན་གྱི་ཕྲིན་ལས་བདག༔ དཔལ་ཆེན་རྡོ་རྗེ་གཞོན་ནུ་ཆེ༔ ཡབ་ཡུམ་ཁྲོ་བཅུ་སྲས་ཕྲ་མེན༔ སྒོ་སྐྱོང་ཕུར་སྲུང་དབང་མོའི་ཚོགས༔ རྩ་གསུམ་རྒྱ་མཚོའི་འཁོར་དང་བཅས༔ ཚོགས་ལ་སྤྱན་འདྲེན་གཤེགས་སུ་གསོལ༔ སྣོད་བཅུད་རང་བྱུང་བདེ་བ་ཆེ༔ གདོད་ནས་ཐབས་ཤེས་འདུ་འབྲལ་མེད༔ གཉིས་མེད་མཉམ་པའི་ཀློང་ཡངས་སུ༔ སྐད་ཅིག་ཡུད་ལ་བྱིན་གྱིས་རློབས༔ སྒྲུབ་མཆོག་བདག་ལ་དབང་བཞི་བསྐུར༔ བགེགས་དང་ལོག་འདྲེན་བར་ཆད་སོལ༔ མཆོག་ཐུན་དངོས་གྲུབ་མ་ལུས་སྩོལ༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ བཛྲ་ས་མ་ཡ་ཛཿཛཿ ཛྙཱ་ན་ཨ་བེ་ཤ་ཡ་ཨཱ་ཨཱ༔ དང་པོ་འདོད་ཡོན་ཕུད་ཀྱིས་མཆོད༔ ཨོཾ༔ བླ་ན་མེད་པའི་ཚོགས་ཀྱི་རྫས༔ ཡེ་ཤེས་འདོད་དགུའི་སྤྲིན་ཆེན་པོ༔ དཀྱིལ་འཁོར་ལྷ་ཚོགས་རྣམས་ལ་འབུལ༔ མཆོག་དང་ཐུན་མོང་དངོས་གྲུབ་སྩོལ༔ ག་ཎ་ཙཀྲ་པཱུ་ཛ་ཧོ༔ བར་བ་བདུད་རྩིས་མཆོད་པས་བཤགས༔ ཧོཿ བདག་གི་གཟུང་འཛིན་འཁྲུལ་དབང་གི༔ སྒོ་གསུམ་རྟག་ཏུ་ཉེས་པ་སྤྱོད༔ སྡོམ་གསུམ་འགལ་འཁྲུལ་ཉམས་ཆགས་ནོངས༔ འགྱོད་པས་ཚོགས་ཀྱིས་བཤགས་པར་བགྱི༔ ས་མ་ཡ་ཤུདྡྷེ་ཨ༔ ཐ་མ་བསྒྲལ་བའི་ཤ་ཁྲག་སྟོབ༔ ཨེཿ ཆོས་དབྱིངས་རྣམ་ཐར་གསུམ་གྱི་ཀློང་༔ མཚན་རྟོག་རུ་ཏྲ་བཀུག་ཅིང་བསྟིམ༔ དུག་གསུམ་ཤ་ཁྲག་རུས་པའི་ཚོགས༔ ཁྲག་འཐུང་ལྷ་ཚོགས་ཞལ་དུ་བསྟབ༔ སརྦ་ཤ་ཏྲཱུན་མཱ་ར་ཡ་ཕཊ༔ མ་ཧཱ་མྃ་ས་རཀྟ་ཀིཾ་ནི་རི་ཏི་ཁཱ་ཧི༔ བདག་ལུས་གདན་གསུམ་ལྷའི་འཁོར་ལོ༔ ཚིམ་ཕྱིར་ནང་གི་ཚོགས་མཆོད་འབུལ༔ གཏུམ་མོ་འབར་བས་སྙིགས་མ་བསྲེགས༔ དངས་མ་ཞུ་བདེའི་ལུས་དཀྱིལ་ཁྱབ༔ བདེ་སྟོང་ཉམས་ཀྱི་རྩལ་རྫོགས་ནས༔ རྡོ་རྗེའི་གླུ་གར་རོལ་མོས་མཆོད༔ ནུས་པ་ཐོབ་ན་གསང་སྤྱོད་བྱ༔ དམ་ཚིག་རྫས་ཀྱི་ལྷག་མ་ཡིས༔ དཀྱིལ་འཁོར་མཐའ་སྐྱོང་སྲུང་མ་བརྔན༔ ཧྲཱིཾ༔ དཔལ་གྱི་བཀའ་ཉན་ལས་ཀྱི་མ༔ གིང་ལང་དབང་ཕྱུག་བརྟེན་མ་བཅས༔ ཕམ་ཕབ་བདུད་རྩི་འབུམ་གྱིས་བཞེས༔ རྣམ་བཞིའི་ཕྲིན་ལས་སྒྲུབ་པར་མཛོད༔ ཨོཾ་ཨུཥྩི་ཊ་བ་ལིཾ་ཏ་ཁཱ་ཧི༔ རྡོ་རྗེའི་རིགས་སུ་སྐྱེ་བ་དང་༔ སྤྱོད་པ་མཐར་ཕྱིན་སྨོན་ལམ་གདབ༔ དེས་ནི་ཉམས་ཆགས་ཀུན་བྱང་ཞིང་༔ དམ་སྐོང་ལྷ་མཉེས་དངོས་གྲུབ་ཐོབ༔ དེ་ཕྱིར་རྣལ་འབྱོར་མཆོག་རྣམས་ཀྱིས༔ ངེས་པར་འདི་ལ་ནན་ཏན་བྱ༔ ཧཱུྃ་ཧྲཱིཿ དབྱིངས་ལས་རང་བྱུང་ཁྲོ་རྒྱལ་ཆེ༔ སངས་རྒྱས་ཀུན་གྱི་ཕྲིན་ལས་བདག༔ དཔལ་ཆེན་བཛྲ་ཀཱི་ལ་ཡ༔ འཁོར་དང་བཅས་པའི་ཐུགས་དམ་བསྐུལ༔ དྲག་ཤུལ་སྟོབས་ཀྱི་གཟི་བྱིན་བསྐྱེད༔ བདུད་བགེགས་བར་ཆད་དབྱིངས་སུ་སྒྲོལ༔ ཚེ་བསོད་ཡེ་ཤེས་སྟོབས་རྩལ་བསྐྱེད༔ ཕྲིན་ལས་ལྷུན་གྱིས་གྲུབ་པར་མཛོད༔ ཞེས་བསྐུལ་སྲུང་མར་ཆད་ཐོ་བསྒྲགས༔ ཧཱུྃ༔ སྔོན་ཚེ་དཔལ་ཆེན་ཧེ་རུ་ཀ༔ ཁ་སྦྱོར་བདེ་བ་ཆེན་པོའི་སྐུའི༔ ཆོས་ཉིད་རང་སྒྲ་གསང་ཆེན་གྱི༔ རྡོ་རྗེའི་རྒྱུད་ཀྱི་གནས་བསྟན་ཚེ༔ རང་ཤར་རྒྱུད་གསུམ་དམ་ཅན་གྱིས༔ རང་སྣང་གཟུགས་བསྟན་གཏོར་མ་ལོངས༔ ཐ་ཚིག་ཕོག་པ་རྗེས་དགོངས་ལ༔ ལས་ཀྱི་འབྲས་བུ་མཆིས་པར་མཛོད༔ བཤལ་ཆུའི་བདུད་རྩི་བརྟན་མར་འབུལ༔ ཧཱུྃ་ཧྲཱིཿ བདེན་དོན་དག་པའི་བརྟན་མའི་ཚོགས༔ བཤལ་ཆུའི་བདུད་རྩིའི་བརྔན་འབུལ་གྱིས༔ འཁྲུལ་པ་གཞི་ལ་དག་པ་ཡི༔ ཕྲིན་ལས་ལྷུན་གྱིས་གྲུབ་པར་མཛོད༔ ལས་འཇུག་རྡོ་རྗེའི་བྲོ་ཡིས་བསྡུ༔ ཧོཿ འཁྲུལ་རྟོག་དམ་སྲི་སྒབ་འདྲེའི་ཚོགས༔ སྐྱེ་མེད་དབྱིངས་སུ་རྒྱས་བཏབ་པས༔ གཉིས་སྣང་ཀ་དག་གདོད་མའི་གཞིར༔ ནམ་ཡང་ལྡང་མེད་རྒྱས་གདབ་བོ༔ ས་མ་ཡ་སྟྃ་བྷཱ་ཡ་ནན༔ དངོས་གྲུབ་གནས་ལ་བསྐུལ་བའི་ཕྱིར༔ ཧཱུྃ༔ བཅོམ་ལྡན་བཛྲ་ཀུ་མཱ་ར༔ ཡབ་ཡུམ་སྲས་དང་སྤྲུལ་པར་བཅས༔ དངོས་གྲུབ་མཆོག་གི་གནས་ལ་བསྐུལ༔ ཐུགས་རྗེས་དགོངས་པ་མི་གཡེལ་བས༔ སྐུ་གསུང་ཐུགས་ཀྱི་དཀྱིལ་འཁོར་ནས༔ དབང་དང་བྱིན་རླབས་དངོས་གྲུབ་སྩོལ༔ ཕྱི་ནང་འགལ་རྐྱེན་བར་ཆད་སེལ༔ ཡེ་ཤེས་ཡོན་ཏན་རྒྱས་པར་མཛོད༔ ཐུན་མོང་མཆོག་གི་དངོས་གྲུབ་ཀུན༔ ཐོབ་ནས་དོན་གཉིས་ཡོངས་རྫོགས་མཛོད༔ ཀཱ་ཡ་ཝཀྩིཏྟ་སརྦ་སིདྡྷི་ཕ་ལ་ཧོ༔ རྗེས་རིམ་མཆོད་བསྟོད་ནོངས་པ་བཤགས༔ ལྷར་སྣང་དབྱིངས་སུ་བསྡུ་བའི་ཕྱིར༔ ཨཱཿ ཡེ་ཤེས་རོལ་པའི་དཀྱིལ་འཁོར་ལྷ༔ དམིགས་མེད་དབྱིངས་སུ་འོད་དུ་ཞུ༔ མཐའ་བྲལ་ཆོས་ཉིད་ཉག་གཅིག་གི༔ ངོ་བོར་རང་བཞིན་ལྷུན་གྱིས་གྲུབ༔ ཨ་ཨ་ཨ༔ སླར་ཡང་ཕྱིར་གསལ་ཡེ་ཤེས་ཆེའི༔ རོལ་པ་སྣོད་བཅུད་ལྷ་དང་སྔགས༔ བདེ་ཆེན་རྒྱུན་མི་ཆད་པ་ཡི༔ རྡོ་རྗེ་གསུམ་གྱི་རོལ་པར་ཤར༔ བཛྲ་ཀཱ་ཝ་ཙི་རཀྵ་བྷྲཱུྃ༔ རྗེས་ཀྱི་སྤྱོད་ཡུལ་ཐམས་ཅད་ལ༔ དག་པའི་ལམ་ཁྱེར་འབའ་ཞིག་བསླབ༔ བསྔོ་སྨོན་ཤིས་པ་བརྗོད་པ་ཡིས༔ དགེ་ལེགས་བཀྲ་ཤིས་འཕེལ་རྒྱས་བྱ༔ ཧོ༔ དམིགས་བཅས་བསོད་ནམས་ཟབ་མོ་ཡིས༔ འགྲོ་ཀུན་སྲིད་ཞིའི་འཇིགས་ལས་གྲོལ༔ མཐར་ཐུག་སྐུ་བཞི་ཡེ་ཤེས་ལྔའི༔ ཐིག་ལེ་ཆེན་པོར་བྱང་ཆུབ་ཤོག༔ ཨོཾ༔ བརྒྱུད་གསུམ་བླ་མས་བྱིན་རླབས་སྩལ༔ ཡི་དམ་ལྷ་ཡིས་རྗེས་སུ་བཟུང་༔ མཁའ་འགྲོས་ཕྲིན་ལས་ཀུན་སྒྲུབ་ནས༔ དགེ་ལེགས་དཔལ་འབར་བཀྲ་ཤིས་ཤོག༔ བདག་ཉིད་རྡོ་རྗེ་ཐོད་ཕྲེང་གི༔ ཐུགས་ཀྱི་གསང་བ་མཐར་ཐུག་པ༔ བདུད་འདུལ་བཛྲ་ཀཱི་ལ་ཡ༔ ཞི་ཁྲོ་གཅིག་དྲིལ་སྒྲུབ་པའི་ཐབས༔ ཟབ་མྱུར་བྱིན་རླབས་ཚན་ཆེ་བའི༔ སྙིང་པོའི་གདམས་པའི་བཅུད་འདི་ཡང་༔ དུས་ཀྱི་ཐ་མར་མངོན་སྣང་བས༔ འགྲོ་ཀུན་བདེ་ཆེན་མཆོག་ཐོབ་ཤོག༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ སངས་རྒྱས་ཀུན་གྱི་ཕྲིན་ལས་ཀྱི་བདག་ཉིད་གཏེར་འབྱིན་གྲུབ་བརྒྱའི་སྤྱི་མེས་འོད་གསལ་སྤྲུལ་པའི་རྡོ་རྗེའི་དགོངས་གཏེར་རྩ་གསུམ་འོད་གསལ་སྙིང་ཐིག་གི་བྱེ་བྲག་ཕུར་པ་འདུས་པའི་དྲིལ་སྒྲུབ་འདི་ཉིད་ཀྱི་བསྙེན་པའི་དབུར་ཕབ་འཕྲོ་བཞག་མཛད་པ། རྗེ་བཙུན་བླ་མ་མཆོག་གི་ཕྲིན་ལས་ཀྱི་རང་གཟུགས་མཁས་གྲུབ་ཡོངས་ཀྱི་ཁྱུ་མཆོག་འཇམ་དབྱངས་ཆོས་ཀྱི་བློ་གྲོས་རིན་པོ་ཆེས་ཆོས་བཀའ་འདིའི་ཕུར་པ་ཕབ་ཟིན་ལ་བསྙེན་སྒྲུབ་གནང་སྐབས། ད་ལྟའི་ཕུར་པ་འདི་ལ་བསྙེན་པ་ཀཱི་ལ་ཡ་འབྲུ་དགུ་སྒྲུབ་པ་འབྲུ་བཅུ་བཞི་པ་ཡོད་པ་ཞིག་རིག་རྩལ་ལས་ཐོན་ཀྱང་ཡི་གེར་བྲི་རྒྱུ་མ་བྱུང་བ་སླད་ནས་ཁྱོད་རང་གི་བྲིས་ཤིག་ཅེས་བཀའ་སྩལ་པ་རབ་བྱུང་བཅུ་དྲུག་པ་རང་ལོ་ལྔ་བཅུ་རྩ་བརྒྱད་སྟེ་ཆོས་སྐོར་འདི་དག་ལ་དབང་གི་ཆོག་བསྒྲིགས་སོགས་ཞབས་ཏོག་ཅུང་ཟད་བགྱིས་སྐབས་འབྲི་འདོད་བྱུང་བ་ལྟར། མདོ་སྨད་ཀྱི་རྙིང་སྔགས་རྒན་པོ་པདྨ་གར་དབང་འོད་གསལ་མདོ་སྔགས་གླིང་པ་རང་བྱུང་སྤྲུལ་པའི་རྡོ་རྗེར་འབོད་པས་ལྷོ་ལྗོངས་འབྲུག་གི་རྒྱལ་ཁབ་ཆེན་པོའི་ཐིམ་ཡུལ་བདེ་ཆེན་ཕུག་གི་རི་མགུལ་ཕུན་ཚོགས་ཆོས་གླིང་དུ་གྲོ་བཞིན་ཟླ་བ་ཕྱི་མའི་དགའ་བ་དང་པོར་ཡི་གེར་བཏབ་པའི་གྲོགས་དོ་སྐྱ་ཆོས་ཀྱི་ཉི་མས་མཛད་པ་འདིས་ཀྱང་གངས་ཅན་བསྟན་འགྲོའི་དཔལ་ཡོན་འཕེལ་རྒྱས་བརྟན་པའི་རྒྱུར་སྨོན་པ་བཞིན་འགྲུབ་པར་གྱུར་ཅིག །ཤྲཱི་ཛ་ཡནྟུ།། །།

[edit]

d+hI/:____rtsa gsum 'od gsal snying tig las:__phur pa 'dus pa'i dril sgrub bzhugs:__dpal chen rdo rje gzhon nur 'dud:__ma 'ongs pad+ma bdag nyid kyis:__byin gyis brlab pa'i rig pa 'dzin:__'od gsal sprul pa'i rdo rje'i don:__phur pa 'dus pa'i dril sgrub bstan:__sa ma ya:__dben pa'i gnas su stegs bu'i khar:__bsnyen pa'i dam tshig rten nyid du:__lcags sam drag po'i shing dag las:__mtshan ma rdzas kyi phur pa ni:__dar nag cod pan dang bcas dgod:__mtha' bskor phyi nang mchod pa bshams:__de nas nyams su blang ba la:__sngon 'gro dngos gzhi rjes gsum las:__sngon 'gro'i dbang po skyabs sems ni:__na moH__bla ma rdo rje gzhon nu la:__mi phyed gus pas skyabs su mchi:__srid pa phur bu'i dkyil 'khor du:__khams gsum bsgral bar sems bskyed do:__gnyis pa bgegs bskrad srung mtshams ni:__hU~M:__nyon cig bgegs dang log 'dren rnams:__nga yi bka' las 'da' ma byed:__rdo rje gsang ba'i bka' lung las:__sdig can gang zhig 'da' byed pa:__stobs chen khro bo chen po bcus:__klad pa tshal pa brgya ru khos:__gdug cing snang sems ldan pa rnams:__song zhig lha min lha yang rung :__nga la bar chad byed pa rnams:__mthu dang rdzu 'phrul med par mdzod:__drag sngags brjod cing thun gyis gzir:__hU~M:__ngang nyid rdo rje'i chos dbyings las:__phyi nang snod bcud khyab pa yi:__'bar ba'i khro bo mi bzad pas:__log 'dren 'byung po mtshams bcad gyur:__hU~M hU~M hU~M badz+ra dz+nyA na rak+Sha b+h+rU~M:__gsum pa ye shes byin 'bebs ni:__hU~M:__'od gsal chos sku'i ngang nyid las:__longs spyod yongs rdzogs dpal chen pos:__gang 'dul sprul pa'i rnam rol gyis:__gnas 'dir byin phob dbang mchog skur:__oM badz+ra kI li kI la ya hU~M:__sarba sa ma ya dz+nyA na a be sha ya a AH__bzhi pa mchod gtor byin rlabs ni:__hU~M:__bdag nyid lhar gsal thugs ka nas:__'phros pa'i 'od kyis mchod rdzas kun:__gzung 'dzin mtshan ma las 'das pa'i:__ye shes 'dod rgu'i sprin du spel:__oM badz+ra ar+g+haM pAd+yaM pUSh+pe d+hu pe A lo ke gan+d+he nai wid+ya shab+ta sarba pU dza ma hA a mr-i ta rak+ta ba liM ta AHhU~M:__sa ma ya:__dngos gzhir tha mal snang zhen gyi:__srid pa phur bu bsgrub pa'i phyir:__dang po dam tshig bskyed pa ni:__ting 'dzin gsum gyis khog phub la:__rten gyi dkyil 'khor chen po'i dbus:__bdag nyid rtsa ba'i dpal chen pos:__rgyu 'bras las bzhengs sgong skyes sbyong :__mtshan ma rdzas dang dbyer med pa'i:__sras mchog rigs lnga ye shes mthus:__skad cig rdzus skyes tshul du shar:__snyoms 'jug mngal 'byin sbyor ba yis:__phyogs bcu khro bo'i dkyil 'khor bskyed:__sgo skyong bka' nyan sngags kyi sgras:__drod gsher skyes kyi bag chags sbyong :__hU~M:__sems kyi rdo rje de bzhin nyid:__snying rje khros pas kun tu snang :__mtshon chen rdo rje hU~M yig bcas:__'bar ba'i 'od kyis snod bcud sbyangs:__klong lnga 'byung ba yum gyi mkhar:__dur khrod drag po'i gzhal yas khang :__'bar ba'i mtshan nyid yongs rdzogs dbus:__pad+ma zla nyi bdud bzhi'i steng :__rdo rje hU~M yig yongs gyur las:__bdag nyid dpal ldan rdo rje sems:__dkar gsal rdo rje dril bu 'dzin:__rang 'dra'i yum 'khyud mtshan dper 'bar:__longs spyod yongs rdzogs rig brgya'i bdag:__zab gsal gnyis med sku ru bzhengs:__oM badz+ra sa twa hU~M:__yab yum snyoms zhugs bde ba che'i:__rang gzugs 'od kyi thig ler 'khyil:__de las 'bras bu'i he ru ka:__dpal chen badz+ra ku ma ra:__g.yas dkar g.yon dmar dbus mthing zhal:__gzhad gshe rngams pa'i nyams dang ldan:__mthing nag sku la dpal chas dang :__dur khrod drag po'i chas kyis brjid:__phyag drug g.yas kyi dang po gnyis:__gser gyi rdo rje rtse dgu lnga:__g.yon gnyis me phung kha T+wAM 'khrol:__tha mas ri rab phur bu 'dril:__khams gsum rdo rje gsum du rdzogs:__zhabs bzhi gyad kyi dor stabs kyis:__pad zla nyi ma bdud bzhi'i steng :__ye shes 'bar 'khrugs me klong 'gying :__sbyor yum 'khor lo rgyas 'debs sngo:__gzig sham rin chen rus rgyan can:__dril bu dung khrag bsnams pas 'khril:__gar dgu'i nyams ldan dpal chen po:__yab yum mnyam sbyor bde ba ches:__ye shes lnga yi rig rtsal 'bar:__de las 'khor lo'i gnas lnga ru:__sras mchog kI la rigs kyi mdog:__phyag gnyis phur 'dril yum dang 'khyud:__sku smad gnam lcags phur bu'i dbal:__pad nyi dregs pa'i gdan la rol:__slar yang snyoms zhugs mkha' gsang nas:__byang sems hU~M gi sprin spros pas:__phyi rol 'khor lo rtsibs bcu'i dbus:__phyogs bcu'i khro bo chen po bcu:__sku mdog dus kyi mun ltar gnag:__zhal gcig phyag gnyis yum dang 'khril:__phur bu 'dril zhing bgegs tshogs gzir:__pad nyi phyogs skyong dregs pa'i steng :__drag me dmar nag dbus na bzhengs:__g.yas g.yon za gsod phra men ma:__khra thabs nyi shu'i sprul pa 'gyed:__sras mchog rigs lnga khro rgyal tshogs:__rdo rje'i gshog brgyangs dur khrod chas:__rab 'jigs khro gtums 'jigs pa'i nyams:__ye shes me phung klong na gsal:__gtso mchog yab yum rol pa'i sgra:__dzaHhU~M ba~M hoHma b+h+yo las:__sgo bzhir gdong can sgo ma bzhi:__bar khyams ma mo bcu gnyis dang :__phyi 'khor dbang phyug nyer brgyad sogs:__bka' nyan dam can sprin ltar gtibs:__kun kyang snang stong zung 'jug sku:__chu zla 'ja' tshon bzhin du gsal:__srid gsum tha mal snang zhen kun:__rdo rje khros pa'i 'khor lor rdzogs:__oM shrI badz+ra kI la ya sarba maN+Da la a hU~M:__rjes 'brel byin rlabs dbang bskur ni:__de ltar gsal ba'i gnas gsum du:__zla ba pad+ma nyi ma'i steng :__'bru gsum phyag mtshan yongs gyur las:__rdo rje gsum gyi phyag rgyas mtshan:__de bzhin gshegs pa thams cad kyis:__sku gsung thugs su byin rlab bo:__oM sarba ta thA ga ta kA ya wA ka tsit+ta at+mA ko\u0f85haM:__gtso bo'i thugs mchog rin po che:__zur brgyad mchong gur lta bu yi:__gzhal med khang pa gnam sgo can:__rta mchog dpal gyis sgo srung mdzad:__dbus su zhi ba rdo rje sems:__'bar ba'i skur bzhengs he ru ka:__rdo rje dung khrag yum dang sbyor:__in+Da nI la'i mdangs 'od 'tsher:__rol pa'i 'od kyis dbang gis lha:__spyan drangs byang chub sems kyi chus:__dbang bskur rigs lngas dbur brgyan rgyur:__hU~M oM trAM hrIHAH__he ru ka a b+hi Shiny+tsa sa ma ya s+t+waM:__slar yang hU~M gi sgra bsgrags pas:__khams gsum nyon mong dug chen sbyangs:__kun bzang rdor sems skur gyur nas:__ye shes khrag 'thung phyag rgyar thim:__hU~M hU~M hU~M phaT dzaHshrI he ru ka a haMH__gnyis pa ye shes spyan drangs shing :__phyag rgyas bstim nas bzhugs su gsol:__hU~M:__srid pa'i phur bu sgrub pa dang :__dbang dang dngos grub blang ba'i phyir:__ye shes khro bo gshegs su gsol:__khro rgyal 'khor bcas gshegs nas kyang :__rtags dang mtshan ma bstan pa dang :__kI la ya yi dngos grub stsol:__oM badz+ra kI li kI la ya sarba sa ma ya e h+ye hi hrIM hrIM pheM pheM:__sa ma ya hoH__sa ma ya s+t+wAM:__hU~M:__snying rje'i lcags kyus gnas nas dgug:__byams pa'i zhags pas rten la gzhug:__dga' ba'i sgrog gis dbyer med bcing :__btang snyoms dril bus rab dgyes pa'i:__srid pa rdo rje phur bu'i lha:__dam tshig ye shes dbyer med pa:__'bar ba'i gdan la bzhugs nas kyang :__mchod bzhes dam bskang dngos grub stsol:__dza:hU~M ba~M hoH__sa ma ya tiSh+Tha lhan:__gsum pa phyag 'tshal mchod bstod ni:__hU~M:__yang dag don du rab zhi yang :__'dul ba'i dbang gis cir yang snang :__'bar ba'i dkyil 'khor lha tshogs la:__gus pa'i brda yis phyag 'tshal lo:__a ti pU hoH__pra tits+tsha hoH__hU~M:__snod bcud nyer spyod 'dod yon sprin:__sman gtor rak+ta gsang ba'i rdzas:__sbyor sgrol zung 'jug 'od gsal dbyings:__mchod pa'i phyag rgya chen por bzhes:__oM shrI badz+ra ku mA ra ar+g+haM pAd+yaM pUSh+pe d+hu pe A lo ke gan+d+he ni wId+ya shab+da pany+tsa kA ma gu Na pany+tsa a mr-i ta rak+ta ba liM ta ta na ga Na d+harma d+ha tu pU dza hoH__hU~M:__skra can b+han+d+ha'i snod yangs su:__gdug can bsgral ba'i dmar chen po:__khams gsum khrag gi rgya mtshor bskyil:__dam can pho nya'i tshogs rnams la:__mngon spyod phrin las mdzad phyir 'bul:__sngon chad ji ltar dam bcas bzhin:__gdug pa'i bgegs dang bar chad kun:__mthu dang rdzu 'phrul med par mdzod:__ma hA rak+ta kha kha khA hi khA hi:__hU~M:__rdo rje khros pa'i ye shes kyis:__bar chad bdud dpung 'dul mdzad pa:__phrin las 'dus pa'i dkyil 'khor lha:__gtso 'khor sprul par bcas la bstod:__'di man mkhyen brtse dbang pos phab 'phro lus pa la dil mgo mkhyen brtse rin po cher bab pas kha bskang ba/__bzhi pa bsnyen cing sgrub pa dang :__las la sbyar bas dngos grub bskul:__gtso mchog thugs kar 'od lnga'i klong :__tsit+ta mchong gur smug po'i sbubs:__badz+ra sa twa ye shes sems:__dkar gsal rdo rje dril bu 'dzin:__pad zla'i staing na phyed skyil bzhugs:__thugs kar nyi zla'i ga'u'i nang :__nyi steng rdo rje rtse lnga'i lter:__hU~M mthar sngags phreng g.yas su bskor:__'od zer spro bsdus don gnyis sgrub:__snang srid rdo rje phur bu yi:__dkyil 'khor chen por sad par bsam:__oM badz+ra kI li kI la ya hU~M phaT:__bsnyen pa 'bru dgu 'bum phrag bzhis:__dngos grub gnas la nye bar byed:__stong gsum phyogs bcu'i 'jig rten gyi:__snang ba rdo rje phur pa'i lha:__grags pa rdo rje phur pa'i dzaba?:__dran rtog rdo rje khros pa'i thugs:__lha sngags chos nyid rol par sad:__kun kyang rdo rje'i sngags sgra sgrogs:__sku yi 'od zer cir yang 'phro:__phrin las bzhi dang grub pa brgyad:__dngos grub thams cad yid bzhin 'grub:__dag pa rab 'byams ye shes che'i:__bdag nyid chen por lhun gyis grub:__oM badz+ra kI li kI la ya sarba big+h+nAn ba~M hU~M phaT:__sgrub pa'i gsang sngags 'bum phrag bzhi:__bzlas pas nges pa'i mtshan ma 'byung :__dkyil 'khor gsum gyi lha tshogs kyi:__sku las byung ba'i 'od ljang nag:__mtshon cha'i tshwa tshwa 'phro ba 'phros:__nyams pa bdun dang bsgral zhing bcu:__dngos grub bar chad bdud bzhi'i tshogs:__mngon spyod rol pa'i phrin las kyis:__rdul du brlags shing bcom par gyur:__ma rak+mo yak+mo kA la ru pa:__snying rtsa la ya~M ya~M:__srog rtsa la ya~M ya~M:__snying la phril phril:__srog la chum chum:__tsit+ta srog la dung dung :__snying khrag srog la shad shad:__thum ril li:__rtseg rtseg:__'ur 'ur:__sh-ig shig:__gul gul:__myag myag:__sod sod:__d+hA ti ma ma karma shrI g+h+ra~M karma ka ra ye mA ra se na pra mar+d+ha na ye swA hA:__dmigs pa'i gnad dang ldan pa yis:__drag sngags spu gri khri gcig bzla:__lha sngags 'phro 'du'i ting 'dzin kun:__chos nyid gcig gi rol pa ste:__du mar snang yang ngo bo gcig:__gnyis su med par lam khyer bya:__sa ma ya:__nang du rdo rje lus kyi dkyil:__rtsa rlung thig le'i grong khyer kun:__rdo rje gzhon nu'i sku gsung thugs:__dkyil 'khor gsum du lhun rdzogs pa:__bde chen mchog gis mnyes pa'i phyir:__dben par rtse gcig ting 'dzin gyis:__sgo gsum gnad kyis legs gcun nas:__rtsa gsum 'khor lo bzhi yi dbyings:__dwangs ma mi shig ha~M dang a:__yab yum rjes chags 'bar 'dzag gi:__ting 'dzin srog rtsol sbyor ba yis:__dga' bzhi 'byung ldog sbyor ba dang :__bum can rlung dang sbyar nas bya:__bde gsal rnam par mi rtog pa'i:__lhan cig skyes pa'i de nyid 'char:__nus pa thob nas gzhan lus la:__brten pa'i bog 'byin spyod pa brtsams:__mchog tu dbang po rnon po yis:__dbyings chen 'khor lo rgyas 'debs klong :__shes rab sgron ma drug gi gdangs:__sgo yul rlung rig gnad gcun pas:__'od gsal rig pa yab kyi cha:__rdo rje gzhon nu mnyam sbyor bas:__snang bzhi'i pha mthar son pa yi:__rig pa'i phur bu'i dgongs pa ni:__'khor 'das srog gi gor gnas pa:__mngon sum byed pa'i thabs kyi mchog:__brtson pas ye shes mngon gyur bya:__sa ma ya:__rjes thob thun mtshams spyod pa la:__tshogs kyi 'khor lo bya 'dod pas:__zhing ngam gcan gzan lpags pa'i steng :__thabs shes bza' bca' btung ba bshams:__thog mar byin gyis brlabs pa'i phyir:__hU~M:__dbyings rig zung 'jug me rlung chus:__gzung 'dzin mtshan rtog bsregs gtor sbyangs:___thabs shes rigs lnga'i dam tshig rdzas:__bde chen bdud rtsi'i bcud du 'khyil:__ra~M ya~M kha~M:__oM AHhU~M:__tshogs zhing mgron kun spyan 'dren ni:__hU~M:__ye shes chen po'i de nyid la:__gshegs byon mtshan ma mi dmigs kyang :__thugs rje thabs kyi sgyu ma'i 'phrul:__sangs rgyas kun gyi phrin las bdag:__dpal chen rdo rje gzhon nu che:__yab yum khro bcu sras phra men:__sgo skyong phur srung dbang mo'i tshogs:__rtsa gsum rgya mtsho'i 'khor dang bcas:__tshogs la spyan 'dren gshegs su gsol:__snod bcud rang byung bde ba che:__gdod nas thabs shes 'du 'bral med:__gnyis med mnyam pa'i klong yangs su:__skad cig yud la byin gyis rlobs:___sgrub mchog bdag la dbang bzhi bskur:__bgegs dang log 'dren bar chad sol:__mchog thun dngos grub ma lus stsol:__oM badz+ra kI li kI la ya hU~M:__badz+ra sa ma ya dzaHdzaH__dz+nyA na a be sha ya A A:__dang po 'dod yon phud kyis mchod:__oM:__bla na med pa'i tshogs kyi rdzas:__ye shes 'dod dgu'i sprin chen po:__dkyil 'khor lha tshogs rnams la 'bul:__mchog dang thun mong dngos grub stsol:__ga Na tsakra pU dza ho:__bar ba bdud rtsis mchod pas bshags:__hoH__bdag gi gzung 'dzin 'khrul dbang gi:__sgo gsum rtag tu nyes pa spyod:__sdom gsum 'gal 'khrul nyams chags nongs:__'gyod pas tshogs kyis bshags par bgyi:__sa ma ya shud+d+he a:__tha ma bsgral ba'i sha khrag stob:__eH__chos dbyings rnam thar gsum gyi klong :__mtshan rtog ru tra bkug cing bstim:__dug gsum sha khrag rus pa'i tshogs:__khrag 'thung lha tshogs zhal du bstab:__sarba sha trUn mA ra ya phaT:__ma hA ma~M sa rak+ta kiM ni ri ti khA hi:__bdag lus gdan gsum lha'i 'khor lo:__tshim phyir nang gi tshogs mchod 'bul:__gtum mo 'bar bas snyigs ma bsregs:__dngas ma zhu bde'i lus dkyil khyab:__bde stong nyams kyi rtsal rdzogs nas:__rdo rje'i glu gar rol mos mchod:__nus pa thob na gsang spyod bya:__dam tshig rdzas kyi lhag ma yis:__dkyil 'khor mtha' skyong srung ma brngan:__hrIM:__dpal gyi bka' nyan las kyi ma:__ging lang dbang phyug brten ma bcas:__pham phab bdud rtsi 'bum gyis bzhes:__rnam bzhi'i phrin las sgrub par mdzod:__oM uSh+tsi Ta ba liM ta khA hi:__rdo rje'i rigs su skye ba dang :__spyod pa mthar phyin smon lam gdab:__des ni nyams chags kun byang zhing :__dam skong lha mnyes dngos grub thob:__de phyir rnal 'byor mchog rnams kyis:__nges par 'di la nan tan bya:__hU~M hrIH__dbyings las rang byung khro rgyal che:___sangs rgyas kun gyi phrin las bdag:__dpal chen badz+ra kI la ya:__'khor dang bcas pa'i thugs dam bskul:__drag shul stobs kyi gzi byin bskyed:__bdud bgegs bar chad dbyings su sgrol:__tshe bsod ye shes stobs rtsal bskyed:__phrin las lhun gyis grub par mdzod:__zhes bskul srung mar chad tho bsgrags:__hU~M:__sngon tshe dpal chen he ru ka:__kha sbyor bde ba chen po'i sku'i:__chos nyid rang sgra gsang chen gyi:__rdo rje'i rgyud kyi gnas bstan tshe:__rang shar rgyud gsum dam can gyis:__rang snang gzugs bstan gtor ma longs:__tha tshig phog pa rjes dgongs la:__las kyi 'bras bu mchis par mdzod:__bshal chu'i bdud rtsi brtan mar 'bul:__hU~M hrIH__bden don dag pa'i brtan ma'i tshogs:__bshal chu'i bdud rtsi'i brngan 'bul gyis:___'khrul pa gzhi la dag pa yi:__phrin las lhun gyis grub par mdzod:__las 'jug rdo rje'i bro yis bsdu:__hoH__'khrul rtog dam sri sgab 'dre'i tshogs:__skye med dbyings su rgyas btab pas:__gnyis snang ka dag gdod ma'i gzhir:__nam yang ldang med rgyas gdab bo:__sa ma ya sta~M b+hA ya nan:__dngos grub gnas la bskul ba'i phyir:__hU~M:__bcom ldan badz+ra ku mA ra:__yab yum sras dang sprul par bcas:__dngos grub mchog gi gnas la bskul:__thugs rjes dgongs pa mi g.yel bas:__sku gsung thugs kyi dkyil 'khor nas:__dbang dang byin rlabs dngos grub stsol:__phyi nang 'gal rkyen bar chad sel:__ye shes yon tan rgyas par mdzod:___thun mong mchog gi dngos grub kun:__thob nas don gnyis yongs rdzogs mdzod:__kA ya wak+tsit+ta sarba sid+d+hi pha la ho:__rjes rim mchod bstod nongs pa bshags:__lhar snang dbyings su bsdu ba'i phyir:__AH__ye shes rol pa'i dkyil 'khor lha:__dmigs med dbyings su 'od du zhu:__mtha' bral chos nyid nyag gcig gi:__ngo bor rang bzhin lhun gyis grub:__a a a:__slar yang phyir gsal ye shes che'i:__rol pa snod bcud lha dang sngags:__bde chen rgyun mi chad pa yi:__rdo rje gsum gyi rol par shar:__badz+ra kA wa tsi rak+Sha b+h+rU~M:__rjes kyi spyod yul thams cad la:__dag pa'i lam khyer 'ba' zhig bslab:__bsngo smon shis pa brjod pa yis:__dge legs bkra shis 'phel rgyas bya:__ho:__dmigs bcas bsod nams zab mo yis:__'gro kun srid zhi'i 'jigs las grol:__mthar thug sku bzhi ye shes lnga'i:__thig le chen por byang chub shog:__oM:__brgyud gsum bla mas byin rlabs stsal:__yi dam lha yis rjes su bzung :__mkha' 'gros phrin las kun sgrub nas:__dge legs dpal 'bar bkra shis shog:__bdag nyid rdo rje thod phreng gi:__thugs kyi gsang ba mthar thug pa:__bdud 'dul badz+ra kI la ya:__zhi khro gcig dril sgrub pa'i thabs:__zab myur byin rlabs tshan che ba'i:__snying po'i gdams pa'i bcud 'di yang :__dus kyi tha mar mngon snang bas:__'gro kun bde chen mchog thob shog:__sa ma ya:__rgya rgya rgya:__brda thim:__sangs rgyas kun gyi phrin las kyi bdag nyid gter 'byin grub brgya'i spyi mes 'od gsal sprul pa'i rdo rje'i dgongs gter rtsa gsum 'od gsal snying thig gi bye brag phur pa 'dus pa'i dril sgrub 'di nyid kyi bsnyen pa'i dbur phab 'phro bzhag mdzad pa/__rje btsun bla ma mchog gi phrin las kyi rang gzugs mkhas grub yongs kyi khyu mchog 'jam dbyangs chos kyi blo gros rin po ches chos bka' 'di'i phur pa phab zin la bsnyen sgrub gnang skabs/__da lta'i phur pa 'di la bsnyen pa kI la ya 'bru dgu sgrub pa 'bru bcu bzhi pa yod pa zhig rig rtsal las thon kyang yi ger bri rgyu ma byung ba slad nas khyod rang gi bris shig ces bka' stsal pa rab byung bcu drug pa rang lo lnga bcu rtsa brgyad ste chos skor 'di dag la dbang gi chog bsgrigs sogs zhabs tog cung zad bgyis skabs 'bri 'dod byung ba ltar/__mdo smad kyi rnying sngags rgan po pad+ma gar dbang 'od gsal mdo sngags gling pa rang byung sprul pa'i rdo rjer 'bod pas lho ljongs 'brug gi rgyal khab chen po'i thim yul bde chen phug gi ri mgul phun tshogs chos gling du gro bzhin zla ba phyi ma'i dga' ba dang por yi ger btab pa'i grogs do skya chos kyi nyi mas mdzad pa 'dis kyang gangs can bstan 'gro'i dpal yon 'phel rgyas brtan pa'i rgyur smon pa bzhin 'grub par gyur cig__/shrI dza yan+tu//__//_