JKW-KABAB-03-GA-034

Previous Text Back to Volume PageNext Text

རྩ་གསུམ་སྤྱི་འདུས་སྙིང་ཐིག་ལས། དབང་གི་ཆོ་ག་ཚེ་དབང་དང་བཅས་པ་འཆི་མེད་ཡེ་ཤེས་ཆུ་རྒྱུན།

Wylie title	rtsa gsum spyi 'dus snying thig las/ dbang gi cho ga tshe dbang dang bcas pa 'chi med ye shes chu rgyun
Location	mkhyen brtse'i bka' babs Volume 3, Text 34, Pages 587-614 (Folios 1a to 14b6)
Author	འཇམ་མགོན་ཀོང་སྤྲུལ་
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation	'jam mgon kong sprul. rtsa gsum spyi 'dus snying thig las dbang gi cho ga tshe dbang dang bcas pa 'chi med ye shes chu rgyun. In Rdzong sar 'jam dbyangs mkhyen brtse'i dbang po'i bka' babs, Vol. 3: 587-614. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Empowerment Ritual - dbang chog - dbang skur  ·  Longevity Empowerment - tshe dbang
Cycle	རྩ་གསུམ་སྤྱི་འདུས་སྙིང་ཐིག་ (rtsa gsum spyi 'dus snying thig)
Karchag page	JKW-KABAB-Volume-03-GA-Karchag
RTZ	In the Rinchen Terdzö: https://rtz.tsadra.org/index.php/Terdzo-CA-026
Colophon	།ཚུལ་འདིའང་རིགས་བརྒྱའི་ཁྱབ་བདག་གཏེར་ཆེན་བླ་མ་ཉིད་ཀྱིས་སྨིན་གྲོལ་ཟབ་མོས་རྗེས་སུ་བཟུང་སྟེ་བཀའི་ཅོད་པན་སྤྱི་བོར་སྩལ་བ་ལས། རྗེ་ཉིད་ཀྱིས་ཇི་ལྟར་གནང་བའི་ཕྱག་བཞེས་ལ་འཕྲི་བསྣན་མེད་པར། འཆི་མེད་བསྟན་གཉིས་གཡུང་དྲུང་གླིང་པས་རྡོ་རྗེའི་རྫོང་ལྔ་འདུས་པའི་སྒྲུབ་ཆེན་དགུའི་ཕོ་བྲང་དུ་བཀོད་པ་དགེ་ལེགས་འཕེལ།།
	tshul 'di'ang rigs brgya'i khyab bdag gter chen bla ma nyid kyis smin grol zab mos rjes su bzung ste bka'i cod pan spyi bor stsal ba las/__rje nyid kyis ji ltar gnang ba'i phyag bzhes la 'phri bsnan med par/__'chi med bstan gnyis g.yung drung gling pas rdo rje'i rdzong lnga 'dus pa'i sgrub chen dgu'i pho brang du bkod pa dge legs 'phel

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། རྩ་གསུམ་སྤྱི་འདུས་སྙིང་ཐིག་ལས། དབང་གི་ཆོ་ག་ཚེ་དབང་དང་བཅས་པ་འཆི་མེད་ཡེ་ཤེས་ཆུ་རྒྱུན་ཅེས་བྱ་བ་བཞུགས་སོ།།ན་མོ་གུ་རུ་པདྨ་པྲ་བྷཱ་ཛཱ་ལཱ་ཡ། རང་བྱུང་གདོད་མའི་སངས་རྒྱས་རྡོ་རྗེའི་སྐུ། །སྲིད་ཞིའི་ཁྱབ་བདག་པདྨ་འོད་འབར་དང༌། །དབྱེར་མེད་ཀུན་མཁྱེན་མདོ་སྔགས་གླིང་པའི་ཞབས། །སྦྱི་བོར་རྟག་བཞུགས་སྒོ་གསུམ་བྱིན་གྱིས་རློབས། །སྤྱྀ་འདུས་བཀའ་སྲོལ་གསུམ་པ་ནི། །ངོ་མཚར་སྙིང་པོའི་བཅུད་འདྲིལ་བ། །བྱ་སླ་ཁྱེར་བདེའི་སྨིན་བྱེད་ཀྱི། །ཆོ་ག་ཕྱག་བཞེས་ཇི་བཞིན་དགོད། །ཟབ་ཆོས་འདི་ཉིད་ཀྱི་སྒོ་ནས་སྐལ་བ་དང་ལྡན་པའི་རྒྱུད་ལ་སྨིན་བྱེད་ཀྱི་ས་བོན་གདབ་པ་ལ་དོན་གསུམ། སྦྱོར་བ་གཤོམ་དང་དབང་སྒྲུབ། དངོས་གཞི་དབང་གི་ཆོ་ག །རྗེས་ལས་ཀྱི་མཇུག་བསྡུ་བའོ། །དང་པོ་བཅས་གཤོམ་ནི། དཀྱིལ་འཁོར་གཞུང་མཐུན་སྒོ་རྫོགས་ཅན་གྱི་རས་བྲིས་སམ། མེད་ན་མཎྜལ་ལ་མེ་ཏོག་གི་ཚོམ་བུ་གཙོ་བོ་གསུམ། སྒོ་བ་བཞི་བཅས་ལྷ་གྲངས་བཀོད་པའི་སྟེང་ཁྲིའུར་རྣམ་རྒྱལ་བུམ་པ་བཅུད་ལྡན་ཁ་རྒྱན་མགུལ་ཆིངས་དང་བཅས་པ། མདུན་དུ་ཚེ་དཔག་མེད་ཞི་དྲག་སེང་གསུམ་དང་བཅས་པའི་ལྷ་ཙཀ་བཞི། གཡས་སུ་ཐོད་པ་མཚན་ལྡན་ཆང་དང་ཆོས་སྨན་མངར་གསུམ་སྦྱར་བས་བཀང་བ། གཡོན་ཏུ་ཤེལ་རྡོ་རིག་ཙཀ་དབང་ཕྲེང༌། རྒྱབ་ཏུ་ཚེ་འབྲང་དང་ཚེ་རིལ་ཚེ་ཆང་མདའ་དར་རྣམས་བཀོད། མདུན་ངོས་སུ་སྨན་རཀ་གཏོར་གསུམ། ཕྱི་མཆོད་བསྐོར་བཤམ་ཕྲེང་ཚར་གང་བདེ་བྱ། གཞན་ཡང་ལས་བུམ། མིག་དར་མེ་ཏོག །སྔོན་གཏོར་ཚོགས་ཀྱི་ཡོ་བྱད་རྗེས་འབྲེལ་བཅས་ཉེར་མཁོ་རྣམས་ཚོགས་པར་བྱའོ། །དེ་ནས་ཚིག་བདུན་གསོལ་འདེབས་སོགས་སྔོན་དུ་འགྲོ་བས་ཕྲིན་ལས་ཡེ་ཤེས་ལམ་བཟང་ལྟར་སྐྱབས་སེམས་ལན་གསུམ་དང༌། བགེགས་གཏོར་བྱིན་རླབས་བསྔོ་བ་སྤྱི་མཐུན་བྱས་ལ་བཀའ་བསྒོ་ནས་བརྩམ་སྔོན་འགྲཽ་ལྔ་དང༌། དངོས་གཞི་བདག་མདུན་དབྱེར་མེད་དུ་བསྐྱེད་ཅིང་བསྟོད་པ་ཡན་སོང་ནས། དབང་དོན་ཏུ་ཛབ྄་ཁང་དབྱེ་ན། བྷྲཱུྃ་བི་ཤྭ་བི་ཤུདྡྷེ་ཧྲཱིཿཧཱུྃ་བྷྱོ་ཕཊ་ཛཿ ཞེས་པས་བདག་བསྐྱེད་ལས་མདུན་རྟེན་གྱི་གོ་སར་ཡེ་ཤེས་ཀྱི་དཀྱིལ་འཁོར་གཉིས་པ་ཕྱེས་ལ། བདག་མདུན་གཉིས་ཀར་ཏིང་ངེ་འཛིན་གྱི་འཕྲོ་འདུ་བཅས་བཟླས་པ་བྱ། དེའང་ཞི་དྲག་སེང་གསུམ་བསྙེན་སྒྲུབ་ལས་སྦྱོར་ཀྱི་ཚུལ་དུ་བསྙེན་ནས་ཞི་བསྙེན་བཞི་ཆ་དྲག་པོ། དེའི་བཞི་ཆ་ཙམ་མཁའ་འགྲོ་ལ་དུས་བསྙེན་ཏུ་གསུངས་པ་ཡིན་འདུག་ཀྱང་དབང་གི་སྐབས་འདིར་ཆ་སྙོམས་བཟླས་པས་འཐུས། ལས་བཞིའི་ཤམ་འདོགས་འཕྲོས། བུམ་བཟླས་ཟུར་དུ་སྤྲོ་ན་དམིགས་པ་གསལ་འདེབས་སྤྱི་རྒྱུག་བྱས་ནས་གཟུངས་ཐག་བླངས་ལ་སྙིང་པོ་གསུམ་བཟླ། སྐབས་འདིར་ཚེ་དབང་གི་ཆེད་སོགས་ཚེ་སྒྲུབ་སྦྲེལ་ན། ཡེ་ཤེས་སེམས་དཔའི་ཐུགས་ཀར་པད་ཟླའི་སྟེང་༔ གསེར་གྱི་རྡོ་རྗེ་རྩེ་ལྔའི་ལྟེ་བར་ཧྲཱིཿ མཐའ་སྐོར་སྔགས་ཀྱི་ཕྲེང་བས་མཚན་པ་ལས༔ འོད་ཟེར་དཔག་ཡས་མཁའ་ཁྱབ་ཀུན་ཏུ་འཕྲོས༔ རང་གི་བླ་ཚེ་ཆད་ཉམས་ཡར་བ་དང་༔ འཁོར་འདས་དྭངས་བཅུད་བདུད་རྩིའི་རྣམ་པར་བསྡུས༔ ཐུགས་སྲོག་ལ་ཐིམ་བྱིན་རླབས་ནུས་སྟོབས་འབར༔ འཆི་མེད་ཡེ་ཤེས་རྡོ་རྗེའི་སྲོག་འགྲུབ་གྱུར༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཨཱ་ཡུ་ཥེ་ཧཱུྃ་ནྲྀ་ཛཿ ཞེས་ཅི་འགྲུབ་བཟླས་པའི་མཐར་ཚེ་འགུགས་ནི། མདའ་དར་གཡབ་ལ། ཧཱུྃ་ཧྲཱིཿ བདེ་ཆེན་པདྨ་དྲྭ་བའི་ཞིང་ཁམས་ནས༔ ཚེ་དཔག་མེད་མགོན་ཨོ་རྒྱན་ཐོད་ཕྲེང་རྩལ༔ རབ་འབྱམས་རྩ་གསུམ་རྒྱ་མཚོའི་ཚོགས་དང་བཅས༔ ཐུགས་དམ་བསྐུལ་ལོ་ཐུགས་རྗེའི་ཡེ་ཤེས་སྐྱེད༔ འོད་ཟེར་ལྕགས་ཀྱུ་ཕོ་ཉ་མགྱོགས་མའི་ཚོགས༔ ཉི་ཟེར་རྡུལ་ལྟར་སྲིད་ཞི་ཁྱབ་པར་སྤྲོས༔ རྣལ་འབྱོར་བདག་གི་བླ་ཚེ་ཆད་ཉམས་དང་༔ སྡེ་བརྒྱད་འབྱུང་པོས་འཕྲོག་པ་ཐམས་ཅད་ཁུག༔ ས་ཆུ་མེ་རླུང་འབྱུང་བའི་དྭངས་བཅུད་སྡུས༔ སྐྱེ་འགྲོའི་ཚེ་བསོད་དཔལ་འབྱོར་ཤེས་རབ་དང་༔ རྩ་གསུམ་རྒྱལ་བའི་ཐུགས་རྗེའི་བྱིན་རླབས་བཅུད༔ སྙིང་དབུས་མི་ཤིགས་དྭངས་མའི་སྲོག་ལ་སྟིམས༔ སྒྲུབ་པའི་དམ་རྫས་ཡེ་ཤེས་བདུད་རྩིར་སྐྱིལ༔ བླ་སྲོག་དབང་ཐང་ཡར་བ་རང་སོར་ཆུད༔ མི་འགྱུར་མི་ཤིགས་རྡོ་རྗེའི་ཚེ་བཅུད་སྤེལ༔ འཆི་མེད་ཡེ་ཤེས་མཆོག་གི་དངོས་གྲུབ་སྩོལ༔ ཅེས་དང་སྙིང་པོ་བརྗོད། དབྱངས་གསལ་སོགས་ཀྱིས་ལྷག་ཆད་བསྐང་ཞིང་བརྟན་པར་བྱས་ནས། ཆེ་བསྐྱེད་མཆོད་བསྟོད་དགོངས་པའི་གདིང་བཟུང་ཞིང༌། གཏེར་སྲུང་གཏོར་འབུལ་སྤྱྀ་འགྲོ་ཙམ་དང༌། ཚོགས་བྱིན་རླབས་ནས་སྐོང་བའི་བར་དུ་བཏང་ལ། ལས་བུམ་དུ་རྟ་མགྲིན་བསྐྱེད་བཟླས་བྱ། ཏིང་ངེ་འཛིན་གྱི་དབང་ལེན་ནམ་རིག་པའི་མེ་ཏོག་དོར་ལ་གནང་བ་ནོད་དོ། །གཉིས་པ་དབང་ལ་གཉིས། འཇུག་པ་དང་དངོས་གཞིའོ། །དང་པོ་ནི། སློབ་མ་རྣམས་ཁྲུས་ནས་དབྱུང༌། བགེགས་གཏོར་བཏང་ལ་བཀའ་བསྒོ་ཞིང་མཚམས་བཅད་སེམས་བསྐྱེད་གསལ་གདབ། ཆོས་བཤད་བྱེ་བྲག །དེའང་ཁྱབ་བདག་བདེ་ཆེན་ཆོས་ཀྱི་སྐུ་མགོན་པོ་འོད་མི་འགྱུར་བ་ཉིད་སྤྱན་རས་གཟིགས་ལོངས་སྤྱོད་རྫོགས་པ་རིགས་ལྔ་གངས་ཆེན་མཚོའི་སྐུར་བསྟན་ནས་ཞིང་དང་སྐུའི་བཀོད་པ་འབྱམས་ཀླས་སུ་སྣང་བར་མཛད་པ་ལས། ཐུགས་རྗེའི་རང་རྩལ་སྤྲུལ་པའི་སྐུ་འཆི་མེད་པདྨ་ཐོད་ཕྲེང་རྩལ་དུ་རྣམ་པར་རོལ་པས་མི་མཇེད་ཀྱི་འགྲོ་བ་སྤྱི་དང༌། ཁྱད་པར་རྩོད་ལྡན་གྱི་དུས་སྙིགས་མའི་མཐར་ཐུག་པའི་མི་དང་མི་མ་ཡིན་ཤིན་ཏུ་གདུལ་དཀའ་བ་རྣམས་འདུལ་བའི་ཐབས་མཁས་སྒྱུ་འཕྲུལ་ཆེན་པོའི་རོལ་གར་བསམ་གྱིས་མི་ཁྱབ་པར་བསྟན་པ་ལས། རྫོགས་པའི་སངས་རྒྱས་སྐུ་དངོས་ཀྱིས་གདུལ་བྱར་མ་གྱུར་པའི་མུན་གླིང་བོད་ཀྱྀ་རྒྱལ་ཁམས་འདུལ་བའི་དུས་ལ་སོན་པའི་ཚེ་འཇམ་དཔལ་དབྱངས་ཁྲི་སྲོང་ལྡེ་བཙན་གྱིས་སྤྱན་དྲངས་པ་ལྟར་ཕྱག་ཕེབ། ལྷ་སྲིན་མ་རུངས་པ་ཐམས་ཅད་བཏུལ། སྐུ་གསུང་ཐུགས་ཀྱི་རྟེན་ཡོངས་རྫོགས་བཀོད་ནས་བསྟན་པ་འཕགས་ཡུལ་ལས་ཀྱང་ཆེས་གསལ་བར་མཛད་པའི་སྐབས་སུ། སྐལ་ལྡན་རྗེ་འབངས་འདུས་པའི་ཚོགས་རྣམས་ལ་རྡོ་རྗེ་ཐེག་པའི་སྨིན་གྲོལ་ཟབ་ལ་རྒྱ་ཆེ་བ་ཐུན་མོང་དང་ཐུན་མོང་མ་ཡིན་པ་བརྗོད་ལས་འདས་པའི་ཆོས་ཆར་སོ་སོའི་ཁམས་དབང་དང་མཐུན་པར་ཕབ་སྟེ། ཕལ་ཆེར་གདུལ་བྱ་ཕྱི་མ་ཕྱི་མའི་ཆེད་དུ་གཏེར་གྱི་རྣམ་གྲངས་མི་འདྲ་བ་དུ་མར་སྦ་བར་མཛད་ཅིང་སྤྲུལ་པའི་གཏེར་སྟོན་སྔ་ཕྱིར་བྱོན་པ་རྣམས་ཀྱིས་སོ་སོའི་སྐལ་བ་དང་འཚམས་པའི་གཏེར་ཞལ་ཕྱེས་ནས་དུས་མཐུན་གྱི་འགྲོ་དོན་རྒྱ་ཆེར་མཛད་པའི་ནང་ཚན། ཟབ་ཆོས་འདི་ཉིད་གཏེར་ཁ་གསུམ་དུ་སྦས་པ་ལས། དང་པོ་རྒྱས་པ་རྩ་གསུམ་རིགས་བསྡུས་སུ་སྒྲུབ་པའི་སྐོར་རྣམས་མོན་སྤ་དྲོ་གཅལ་དུ་སྦས་པ་བཻ་རོའི་རྣམ་འཕྲུལ་ཀུ་ས་སྨན་པའམ་ཀུན་སྤངས་ཟླ་འོད་འབར་གྱིས་སྤྱན་དྲངས། གཉིས་པ་འབྲིང་པོ་རྩ་གསུམ་གནས་འགྱུར་དུ་སྒྲུབ་པའི་སྐོར་རྣམས་བྱང་ཀོང་རྔཽད་ཧོམ་འཕྲང་ལྕགས་ཀྱི་སྐོ་མོར་སྦས་པ་ཉང་བན་རྣམ་འཕྲུལ་འཇའ་ཚོན་ལས་འཕྲོ་གླིང་པས་སྤྱན་དྲངས། གསུམ་པ་ཟབ་བསྡུས་རྩ་གསུམ་གཙོ་བསྡུས་སུ་སྒྲུབ་པའི་ཐབས་འདི་ཉིད་མདོ་ཁམས་ཤར་ཕྱོགས་འཆི་མེད་པདྨ་ཤེལ་རིའི་གསང་ཕུག་ཏུ་སྦས་པ། འཇམ་དཔལ་གཞོན་ནུ་ཆོས་རྒྱལ་ཆེན་པོའི་ཡེ་ཤེས་ཀྱི་རོལ་གར། དུས་གསུམ་མཁྱེན་པ་པདྨའི་རྒྱལ་ཚབ། བཀའ་བབས་བདུན་དང་ལྡན་པའི་ཤིང་རྟ། གཏེར་སྟོན་གྲུབ་ཐོབ་རྒྱ་མཚོའི་སྤྱི་དཔལ་ཆེན་པོ་པདྨ་འོད་གསལ་མདོ་སྔགས་གླིང་པ་ལ་ཡེ་ཤེས་མཁའ་འགྲོས་སྤྱན་དྲངས་ཏེ་དངོས་སུ་ཕུལ་བའི་ཤོག་སེར་ལས་གཏན་ལ་ཕབ་ཅིང་སྐལ་ལྡན་དུ་མ་སྨིན་གྲོལ་གྱི་ལམ་བཟང་དུ་བཀོད་པར་མཛད་པའི་ཟབ་ཆོས་འདི་ནི། གཏེར་གཞུང་ལས། ཚིག་ཉུང་དོན་གསལ་ལམ་ཁྱེར་བདེ༔ བྱིན་རླབས་དངོས་གྲུབ་འབྱུང་པའི་གཏེར༔ འདི་ཉིད་འཕྲད་ཅིང་ཉམས་ལེན་ཀུན༔ གནས་སྐབས་གདོན་བགེགས་བར་ཆད་དང་༔ ནད་མུག་མཚོན་འཁྲུགས་རྒུད་པ་ཞི༔ ཚེ་བསོད་དཔལ་འབྱོར་ཉམས་རྟོགས་རྒྱས༔ ཕུན་སུམ་ཚོགས་ཀུན་དབང་དུ་འགྱུརཿ སྡེ་བརྒྱད་བྱད་ཕུར་ཚར་ཐག་ཆོད༔ མཐར་ཐུག་ལྔ་ལྡན་འོད་ཀྱི་སྐུ༔ པདྨ་བདག་དང་འདུ་འབྲལ་མེད༔ དེ་ཕྱིར་སྙིང་ལ་གཅེས་པར་ཟུང་༔ ཞེས་མཆོག་དང་ཐུན་མོང་གི་དངོས་གྲུབ་མ་ལུས་པའི་འབྱུང་གནས་སུ་གྱུར་པ་ཡིན་ལ། དེ་ལྟ་བུའི་དབང་བསྐུར་བསྒྲུབ་པ་ལ་འཇུག་པ་དང་དངོས་གཞིའི་ཆོ་ག་གཉིས་སུ་ཡོད་པ་ལས། ཐོག་མར་འཇུག་པའི་ཆོས་རྣམས་ཞུ་བའི་ཡོན་དུ་དམིགས་ཏེ་ཞིང་ཁམས་འབུལ་བར་ཞུ། ཞེས་མཚམས་སྦྱར་བས་མཎྜལ་འབུལ་དུ་གཞུག །མཚམས་སྦྱོར་དང་སྔགས་སྤྱི་མཐུན་བྱས་ལ་མིག་དར་མེ་ཏོག་གཏད། སྙིམ་པ་མེ་ཏོག་གིས་བཀང་པའི་ཐལ་སྦྱར་བཅས་གསོལ་བ་འདེབས་པ་འདིའི་རྗེས་ཟློས། རྩ་གསུམ་འདུས་པའི་སྤྱི་དཔལ་ཆེ༔ རྡོ་རྗེ་སློབ་དཔོན་བདག་ལ་དགོངས༔ བླ་མ་ཡི་དམ་མཁའ་འགྲོ་ཡི༔ སྨིན་གྲོལ་དབང་མཆོག་སྩལ་དུ་གསོལ༔ ལན་གསུམ། དེ་ལྟར་གསོལ་བ་བཏབ་པ་ལ་ལེགས་སོའི་གནང་བ་སྦྱིན་ཅིང་རྡོ་རྗེའི་ཐ་ཚིག་ལ་གནས་དགོས་པར་གདམས་པ་འདི་ལ་སྙན་གཏོད་འཚལ། ལེགས་འོང་སྐལ་ལྡན་རིགས་ཀྱི་བུ༔ ཟབ་མོའི་དབང་བསྐུར་དོན་གཉེར་ན༔ དད་དང་དམ་ཚིག་སྲོག་བཞིན་སྲུང་༔ འདའ་ཀ་རྡོ་རྗེའི་བྲོ་བོར་ཅིགཿ དུང་ཞལ་ནས་ཆུ་སྦྱིན་ལ། རྡོ་རྗེའི་ཆུ་ནན་གྱིས་དཔང་པོར་བྱས་ཏེ་འདའ་དཀའི་དམ་ཚིག་ཚུལ་བཞིན་བསྲུང་སྙམ་པས་འདིའི་རྗེས་ཟློས༔ ས་མ་ཡ་ཨི་དན་ན་ར་ཀན༔ བླ་མ་རྩ་གསུམ་རྒྱལ་བའི་དཀྱིལ་འཁོར་མཁའ་ཁྱབ་ཡེ་ཤེས་སྒྱུ་མའི་རོལ་མོ་རབ་འབྱམས་རྒྱ་མཚོའི་སྤྲིན་ཕུང་རྣམ་པར་བཀོད་པའི་སྤྱན་སྔར། བདག་སོགས་རིགས་དྲུག་གིས་བསྡུས་པའི་འགྲོ་བ་མཐའ་དག་བྱང་ཆུབ་སྙིང་པོ་ལ་མཆིས་ཀྱི་བར་དུ་སྒོ་གསུམ་གུས་པས་སྐྱབས་སུ་འགྲོ་བ་དང༌། མར་གྱུར་སེམས་ཅན་རྣམས་ཀྱི་དོན་དུ་རྩ་གསུམ་བླ་མའི་གོ་འཕང་བསྒྲུབ་འདོད་ཀྱི་སྨོན་པ་དང༌། དེའི་ཕྱིར་ཟབ་མོའི་ལམ་དོན་ཏུ་གཉེར་བར་འདོད་པའི་འཇུག་པ་སེམས་བསྐྱེད་གསལ་ཐོབ་ལ་འདིའི་རྗེས་ཟློས། ན་མོ༔ བླ་མ་རྩ་གསུམ་ལྷ་ཚོགས་ལ༔ མི་ཕྱེད་གུས་པས་སྐྱབས་སུ་མཆི༔ འགྲོ་ཀུན་སངས་རྒྱས་སར་འགོད་ཕྱིར༔ སྙིང་པོའི་རྣལ་འབྱོར་བསྒོམ་པར་བགྱི༔ ལན་གསུམ། ཞིང་མཆོག་དེ་རྣམས་ཀྱི་སྤྱན་སྔར་བསགས་སྦྱོང་སྤེལ་གསུམ་གྱི་སྙིང་པོར་གྱུར་པ་ཡན་ལག་བཅུ་པ་ཚུལ་བཞིན་བྱ་བའི་འདུན་པས་ཚིག་དང་མཐུན་པའི་ཏིང་ངེ་འཛིན་རེ་རེ་ནས་གསལ་ཐོབ་ལ་འདིའི་རྗེས་ཟློས། བླ་མ་རྩ་གསུམ་ལྷ་ཚོགས་གཤེགས༔ ཉི་ཟླ་པདྨའི་གདན་ལ་བཞུགས༔ ལུས་ངག་ཡིད་གསུམ་གུས་ཕྱག་འཚལ༔ ཕྱི་ནང་གསང་བའི་མཆོད་པ་འབུལ༔ ཉམས་ཆགས་སྡིག་སྒྲིབ་མཐོལ་ལོ་བཤགས༔ གསང་སྔགས་བསྒྲུབས་ལ་རྗེས་ཡི་རང་༔ སྨིན་གྲོལ་གསང་སྔགས་ཆོས་འཁོར་བསྐོར༔ མྱ་ངན་མི་འདའ་བཞུགས་གསོལ་འདེབས༔ སྙིང་པོ་སེམས་ཅན་དོན་ཏུ་བསྔོ༔ ཡང་དག་རྡོ་རྗེའི་དོན་རྟོགས་ཤོག༔ ལན་གསུམ། སྒོ་གསུམ་ཡེ་ཤེས་སུ་སྨིན་བྱེད་དབང་ལ་རགས་ལས་ཀྱང་དབང་སྲོག་དམ་ཚིག་ལ་རགས་ལས་པས། སྤྱི་དང་ཁྱད་པར་ལྷག་པ་རྣམས་ཀྱིས་བསྡུས་པའི་སྡོམ་པ་དང་དམ་ཚིག་མཐའ་དག་ངོ་བོ་གནས་འགྱུར་བའི་ཚུལ་གྱིས་བཟུང༌། ཡོན་ཏན་ཡར་ལྡན་ཏུ་བསྲུང༌། དུས་སྐབས་དགོས་པ་གང་གཙོར་སྤྱད་པར་བགྱིའོ་སྙམ་པས་འདིའི་རྗེས་ཟློས། ཨོཾ༔ བདེ་བར་གཤེགས་པ་ཁྱེད་ཅི་འདྲ༔ དེ་འདྲ་ཁོ་ནར་བདག་གྱུར་ཅིག༔ སྤྱོད་པ་རྨད་བྱུང་བསམ་ཡས་པ༔ འགྲོ་ལ་ཕན་ཕྱིར་བདག་གིས་སྤྱད༔ བྱང་ཆུབ་སེམས་མཆོག་དམ་པ་དང་༔ སྐུ་གསུང་ཐུགས་ཀྱི་ཕྱག་རྒྱ་འདི༔ སྲོག་གི་ཕྱིར་ཡང་མི་གཏོང་ན༔ རྡོ་རྗེ་རྒྱལ་པོས་བྱིན་རླབས་མཛོད༔ དུས་ངན་ཐ་མའི་འཇིག་རྟེན་འདིར༔ སངས་རྒྱས་མཛད་དཀའ་བདག་གིས་བསྒྲུབ༔ བྱང་ཆུབ་སྤྱོད་དཀའ་བདག་གིས་སྤྱད༔ རྡོ་རྗེ་རྣལ་འབྱོར་དཀྱིལ་འཁོར་འདིར༔ བདག་ཅག་བསམ་པ་འགྲུབ་གྱུར་ཅིག༔ ལན་གསུམ། དེ་དག་གིས་དཀྱིལ་འཁོར་ཕྱི་འཇུག་གི་ཆོ་ག་རྣམས་གྲུབ་ནས། ནང་འཇུག་གི་སླད་དུ་སློབ་དཔོན་གྱི་ཕྱག་གི་རྡོ་རྗེས་དྲངས་ཏེ་ཡོལ་བའི་ནང་དུ་ཞུགས་པར་མོས་ཤིག །ཛཿཧཱུྃ་བྃ་ཧོ༔ ཞེས་ཡོལ་བ་བསལ། དེ་ནས་ཁྱེད་རང་རྣམས་དཀྱིལ་འཁོར་གྱི་ཤར་སྒོ་ནས་བརྩམས་ཏེ་གཡས་སྐོར་གྱིས་ཕྱིན་ཅིང་སྒོ་རེ་རེ་བཞིན་ཕྱག་བྱ་བའི་འདུན་པས་ཐལ་མོ་གནས་གསུམ་དུ་སྦྱོར་ལ་འདིའི་རྗེས་ཟློས། ཨོཾ་ན་མ་སྟེ་ཧཱུྃཿ ཨོཾ་ན་མཱ་མི་ཧཱུྃཿ ཨོཾ་ན་མོ་ན་མཿཧཱུྃཿ ལན་བཞི་བརྗོད། དེ་ནས་ནང་འཇུག་གི་དངོས་གཞི་ཡེ་ཤེས་པ་དབབ་པ་ཡིན་པས་ཁྱེད་རང་རྣམས་ལུས་གནད་དྲང་པོར་སྲོངས། ངག་གནད་སྲོག་རྩོལ་ཁ་སྦྱོར་དུ་ཆིངས། ཡིད་ཀྱི་གནད་གཞན་དུ་མ་ཡེངས་པར་དམིགས་པ་འདི་རྣམས་རྩེ་གཅིག་ཏུ་སྒོམས་ཤིག །ཨོཾ་མ་ཧ་ཤཱུ་ནྱ་ཏཱ་སོགས། ཆོས་ཐམས་ཅད་འོད་གསལ་སྟོང་པ་ཉིད་ཀྱི་ངང་ལས། སྣོད་རྣམ་པར་དག་པ་ས་ཕྱོགས་འདི་ཉིད་འོག་མིན་པདྨ་དྲྭ་བའི་ཞིང་གི་རྒྱན་བཀོད་ཡོངས་སུ་རྫོགས་པའི་དབུས་སུ་ཁྱེད་རང་རྣམས་གང་དུ་གནས་པའི་གོ་སར་པད་སྡོང་ཉི་ཟླའི་གདན་གྱི་སྟེང་དུ། བཅུད་རྣམ་པར་དག་པ་རང་རིག་པའི་ངོ་བོ་ཧྲཱིཿཡིག་དཀར་པོ་ལས་འོད་ཟེར་འཕྲོ་འདུས་རྡོ་རྗེ་ཧྲཱིཿས་མཚན་པར་གྱུར། དེ་ལས་ཀྱང་འཕྲོ་འདུས་ཡོངས་སུ་གྱུར་པ་ལས། ཁྱེད་རང་རྣམས་སྐད་ཅིག་གིས་རིགས་འདུས་བླ་མ་པདྨ་འབྱུང་གནས་དཀར་ལ་དམར་བའི་མདངས་ཆགས་ཤིང་མཚན་དཔེ་ཡོངས་སུ་རྫོགས་པ། ཕྱག་གཡས་པས་རྡོ་རྗེ་ཐུགས་ཀའི་སྟོད་དུ་འཛིན་ཅིང་གཡོན་མཉམ་བཞག་བནྡྷ་ཚེ་བུམ་དང་བཅས་པ་བསྣམས་པ། དབུ་ལ་འདབ་ལྡན་པདྨ་མཐོང་གྲོལ་དང་སྐུ་ལ་གསང་གོས་ཕོད་ཀ་ཆོས་གོས་ཟ་འོག་གི་བེར་ཕྱམས་རྣམས་བརྩེགས་མར་གསོལ་བ། གྲུ་མོ་གཡོན་ཏུ་ཁ་ཊྭཱཾ་རྩེ་གསུམ་བསྟེན་ཅིང་ཡེ་ཤེས་ཀྱི་རང་འོད་འབར་བའི་ཀློང་དུ་ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པའི་ཐུགས་ཀར་པད་ཟླའི་གདན་ལ་ཡེ་ཤེས་སེམས་དཔའ་ཚེ་དཔག་མེད་དམར་གསལ་ལོངས་སྐུའི་ཆས་ཅན། ཕྱག་མཉམ་བཞག་ཚེ་བུམ་བསྣམས་ཤིང་ཞབས་རྡོ་རྗེའི་སྐྱིལ་ཀྲུང་དུ་བཞུགས་པ། རང་འོད་ཀྱི་ཡུམ་གོས་དཀར་མོ་དང་མཉམ་པར་སྦྱོར་བའི་མཁའ་གསང་ནས་བྱང་ཆུབ་སེམས་ཀྱི་ཐིག་ལེ་ཧཱུྃ་དམར་པོ་དང་བྷྱོ་སྔོན་པོ་གཙོ་བོའི་སྐུའི་གཡས་དང་གཡོན་ཏུ་སྤྲོས་པ་ལས། གཡས་ཕྱོགས་སུ་པད་ཉི་རྒྱལ་བསེན་གྱི་གདན་ལ་ཆེ་མཆོག་གུ་རུ་དྲག་པོ་རབ་དམར་མེའི་མདོག་ཅན་ཁྲོ་ཞིང་གཏུམ་པ། རྡོ་རྗེ་དང་སྡིག་པ་འཛིན་ཅིང་ཟུར་ཞལ་གཡོན་ཏུ་གཟིགས་པ། དུར་ཁྲོད་ཀྱི་ཆས་བརྒྱད་ཀྱིས་བརྒྱན་ཅིང་རྡོ་རྗེའི་མེ་འོད་འབར་བའི་ཀློང་ན་འགྱིང་ཞིང་བརྗིད་པ། གཡོན་ཕྱོགས་སུ་པད་ཉི་བྱད་མ་བསྣོལ་བའི་གདན་ལ་ཡེ་ཤེས་ཌཱ་ཀི་སེང་གདོང་མ་ནམ་མཁའི་མདངས་ཅན་གནམ་ལྕགས་ཀྱི་རལ་པ་སྒྲེང་བ། ཟུར་ཞལ་གཡས་སུ་གཟིགས་ཤིང་ཕྱག་གཉིས་གྲི་གུག་ཐོད་ཁྲག་དང་གྲུ་མོ་ན་ཁ་ཊྭཱཾ་རྩེ་གསུམ་འཆང་བ། སེང་གེའི་པགས་པའི་སྟོད་གཡོགས་སྟག་ལྤགས་ཀྱི་ཤམ་ཐབས་གྲོལ་བ། རུས་པ་དང་རིན་པོ་ཆེའི་རྒྱན་གྱིས་སྤྲས་ཤིང་ཞབས་གཉིས་བརྐྱང་བསྐུམ་གར་སྟབས་ཀྱི་རོལ་པས་བཞུགས་པ། གཙོ་བོ་གསུམ་གྱི་གནས་གསུམ་དུ་རྡོ་རྗེའི་ཡི་གེ་འབྲུ་གསུམ་འོད་འབར་བས་མཚན་པར་གསལ་ཐོབ། དེ་ནས་རྒྱུད་རྣམ་པར་དག་པ་ཡེ་ཤེས་ལྷའི་གཟི་བྱིན་དབབ་པའི་སླད་དུ། སློབ་དཔོན་དང་ཁྱེད་རང་རྣམས་ཀྱི་གནས་གསུམ་ནས་འོད་ཟེར་ཉི་མའི་ཟེར་ཐག་ལྟ་བུ་ནམ་མཁའི་དབྱིངས་གང་བ་འཕྲོས། ཕྱོགས་བཅུའི་རྩ་གསུམ་རྒྱལ་བའི་དཀྱིལ་འཁོར་རབ་འབྱམས་རྣམས་དང༌། ཁྱད་པར་བདེ་ཆེན་པདྨ་འོད་ཀྱི་ཕོ་བྲང༌། དབང་དྲག་རོལ་པའི་དུར་ཁྲོད། དག་པ་མཁའ་སྤྱོད་ཨོ་རྒྱན་གྱི་ཞིང་རྣམས་སུ་བཞུགས་པའི་བླ་མ་ཡི་དམ་མཁའ་འགྲོ་དང་བཅས་པའི་ཐུགས་རྒྱུད་བསྐུལ། དེ་ཐམས་ཅད་ཀྱང་གུ་རུ་རྩ་བ་གསུམ་གྱི་སྐུ་ཕྱག་རྒྱ་གསུང་ཡིག་འབྲུ་ཐུགས་ཕྱག་མཚན་འོད་ཟེར་གྱི་རྣམ་པར་བཞེངས་ཏེ་ཆར་བབས་པ་ལྟར་བྱོན་ནས་ཁྱེད་རང་རྣམས་ཀྱི་སྒོ་གསུམ་ལ་ཐིམ་པས་རྒྱུད་བྱིན་གྱིས་བརླབས་པར་མོས་ཤིག །འབེབས་པའི་རྫས་བདུག །དབྱངས་དང་ཌཱ་དྲིལ་བཅས། ཧཱུྃ་ཧྲཱི༔ བཞེངས་ཤིག་བླ་མ་རིག་འཛིན་རྒྱ་མཚོའི་ཚོགས༔ དགོངས་ཤིག་དྲག་པོ་ཡི་དམ་དཀྱིལ་འཁོར་ལྷ༔ སྐྱོད་ཅིག་གནས་གསུམ་མཁའ་འགྲོའི་ཚོགས་དང་བཅས༔ ཆོས་ཀྱི་དབྱིངས་ནས་གནས་འདིར་གཤེགས་སུ་གསོལ༔ རྡོ་རྗེའི་སྐུ་ཡི་གཟི་བརྗིད་ལུས་ལ་སྩོལ༔ སྙིང་པོ་སྔགས་ཀྱི་བྱིན་རླབས་ངག་ལ་ཕོབ༔ འོད་གསལ་ཐུགས་ཀྱི་དགོངས་པ་ཡིད་ལ་སྤོར༔ མཆོག་དང་ཐུན་མོང་དངོས་གྲུབ་སྩལ་དུ་གསོལ༔ ཨོཾ་ཨཱཿཧཱུྃ་གུ་རུ་དྷེ་བ་དྷཱ་ཀི་ནཱི་ཛྙཱ་ན་ཨཱ་བེ་ཤ་ཡ་ཨ་ཨཱཿ ཞེས་ལན་མང་དུ་བརྗོད། ཡེ་ཤེས་པའི་བྱིན་རླབས་ཀྱི་རྒྱུན་བྱང་ཆུབ་མ་ཐོབ་ཀྱི་བར་དུ་བརྟན་པར་བྱས་པར་མོས་ཤིག །ཏིཥྛ་བཛྲ། ཞེས་མགོ་བོར་རྡོ་རྗེ་རྒྱ་གྲམ་དུ་བཞག །སྔར་བྱིན་པའི་མེ་ཏོག་གི་ཅོད་པན་དེ་ཉིད་རང་རིག་ལྷག་པའི་ལྷ་ལ་འབུལ་བའི་མོས་པས་སྔགས་འདིའི་རྗེས་ཟློས་དང་བཅས་འདོར་བར་ཞུ། པྲ་ཏཱིཙྪ་བཛྲ་ཧོཿ ཞེས་འདོར་དུ་གཞུག །སླར་སྤྱི་བོར་བཀོད་ལ། མེ་ཏོག་རང་གི་རིགས་ཀྱི་ལྷས་བཞེས་ནས་སླར་ཡང་དབང་རྟགས་ཀྱི་ཚུལ་དུ་སྦྱི་བོར་བཅིངས་པར་མོས་ཤིག །པྲ་ཏི་གྲྀཧྞ་ཨྀ་མཾ་ས་ཏྭ་མ་ཧཱ་བཱ་ལ། མ་རིག་པའི་སྒྲིབ་གཡོགས་ཐམས་ཅད་མིག་དར་དང་ལྷན་ཅིག་བསལ་བས་རྣམ་དག་ཡེ་ཤེས་ཀྱི་སྤྱན་ཐོབ་པར་མོས་ཤིག །བཛྲ་ཙཀྵུཿཔྲ་བེ་ཤ་ཡ་ཕཊ། ཅེས་གདོང་བསལ། དག་པའི་མིག་གིས་ཡེ་ཤེས་ཀྱི་དཀྱིལ་འཁོར་མཇལ་བར་གྱུར་པ་ནི། ཐར་པ་ཆེན་པོའི་གཞལ་མེད་ཁང་རྒྱན་དང་བཀོད་པ་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ་པད་སྡོང་ཉི་ཟླའི་གདན་གྱི་སྟེང་དུ་དཀོན་མཆོག་རྩ་གསུམ་ཀུན་འདུས་གུ་རུ་པདྨ་འོད་འབར་ལ་བླ་མ་རིག་འཛིན་གྲུབ་ཐོབ་བྱེ་བ་འབུམ་སྡེས་བསྐོར་བ། གཡས་སུ་པད་ཉི་རྒྱལ་བསེན་གྱི་གདན་གྱི་སྟེང་དུ་ཆེ་མཆོག་གུ་རུ་དྲག་པོ་ལ་ཡི་དམ་རྒྱལ་བའི་དཀྱིལ་འཁོར་རབ་འབྱམས་ཀྱིས་བསྐོར་བ། གཡོན་ཏུ་པད་ཉི་བྱད་མའི་གདན་གྱི་སྟེང་དུ་མཁའ་འགྲོ་སེང་གེའི་གདོང་པ་ཅན་ལ་འབུམ་ཕྲག་ཡངས་པའི་མཁའ་འགྲོའི་ཚོགས་ཀྱིས་བསྐོར་བ། སྒོ་བཞིར་རིགས་བཞིའི་དཔའ་བོ་ཡབ་ཡུམ་བཅས་བྱིན་རླབས་དངོས་གྲུབ་ཕྲིན་ལས་ཀྱི་རྩ་བ་མ་ལུས་པའི་དཀྱིལ་འཁོར་ཆེན་པོ་རྟེན་དང་བརྟེན་པར་བཅས་མངོན་སུམ་དུ་མཇལ་བར་མོས་པས་དད་པ་དང་སྤྲོ་བ་སྐྱེད་ཅིག །དེ་རྣམས་ཀྱིས་དཀྱིལ་འཁོར་དུ་འཇུག་པའི་ཆོས་རྣམས་གྲུབ་པ་ལགས། གཉིས་པ་ནི། དེ་ནས་དངོས་གཞིའི་དབང་བསྐུར་ཞུ་བའི་ཡོན་དུ་ཐོག་མར་མཎྜལ་འབུལ་འཚལ། གསོལ་བ་འདེབས་པ་འདིའི་རྗེས་ཟློས། བྱུང་ཆུབ་རྡོ་རྗེས་སངས་རྒྱས་ལ། །མཆོད་ཆེན་ཇི་ལྟར་སྩལ་བ་ལྟར། །བདག་ཀྱང་བསྐྱབ་པའི་དོན་གྱི་ཕྱིར། །ནམ་མཁའི་རྡོ་རྗེ་དེང་བདག་སྩོལ། ལན་གསུམ། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས་གདན་གསུམ་ཚང་བའི་དབང་གི་ལྷ་ནམ་མཁའ་གང་བར་སྤྱན་དྲངས། བཛྲ་ས་མཱ་ཛཿ ཨོཾ་སརྦ་ཏ་ཐཱ་ག་ཏ་ཨརྒྷཾ་ནས། ཤབྡ་པྲ་ཏཱིཙྪ་སྭཱ་ཧཱ། ཆོས་སྐུ་ནམ་མཁའ་སོགས་ཀྱིས་བསྟོད། རྡོ་རྗེ་ཅན་གྱིས་སངས་རྒྱས་ལ། །འགྲོ་བ་སྐྱོབ་པའི་ཆེད་དུ་དབང༌། །ཡོན་ཏན་འབྱུང་གནས་ཇི་ལྟར་སྩལ། །དེ་ལྟར་འདི་ལའང་སྩལ་དུ་གསོལ། ཅེས་གསོལ་བ་བཏབ་པས་ནམ་མཁའ་བཞུགས་པའི་དེ་བཞིན་གཤེགས་པ་རྣམས་ཀྱིས་དབང་གི་དགོངས་པ་མཛད། བྱང་ཆུབ་སེམས་དཔའ་རྣམས་ཀྱིས་མེ་ཏོག་མཐོར་ཞིང་ཤིས་པ་བརྗོད། རིག་པའི་ལྷ་མོ་རྣམས་ཀྱིས་རྡོ་རྗེའི་གླུུ་དབྱངས་ལེན། ཁྲོ་བོ་ཁྲོ་མོ་རྣམས་ཀྱིས་དྲག་པོའི་ཚམས་རྔམས་དང་བཅས་ཏེ་བགེགས་བསྐྲད། རིགས་ཀྱི་ཡུམ་ལྔས་བུམ་པ་བདུད་རྩིས་བཀང་བས་དབང་བསྐུར་སྩོལ་བར་མོས་ཤིག །རྣམ་བུམ་ཐོགས་ལ། ཧཱུྃ༔ བཀྲ་ཤིས་བུམ་པ་ཡེ་ཤེས་གཞལ་མེད་ཁང་༔ རྩ་གསུམ་འོད་ཞུ་བདུད་རྩིའི་བཅུད་ཀྱིས་གཏམས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ གཟུང་འཛིན་སྣང་ཞེན་ལྷ་སྐུར་དག་པར་ཤོག༔ ཨོཾ་ཧཱུྃ་ཏྲཱྃ་ཧྲཱིཿཨཱ་ཀ་ལ་ཤ་བཛྲ་ཨ་མྲྀ་ཏ་ཨ་བྷི་ཥིཉྩ་མི༔ ཞེས་དབང་བསྐུར་བས་བདུད་རྩིའི་རྒྱུན་གྱིས་ལུས་ཀྱི་ནང་ཐམས་ཅད་གང༌། དྲི་མ་དག །ཆུ་ལྷག་མ་ཡར་ལུད་པ་ལས་པདྨའི་རིགས་བདག་གཙོ་བོར་གྱུར་པས་དབུར་བརྒྱན་པར་མོས་ཤིག །དེའི་རྗེས་འབྲེལ་དུ་སྐུ་གསུང་ཐུགས་ཀྱི་དབང་བསྐུར་བ་ཡིན་པས་དམིགས་པ་འདི་བཞིན་ཏུ་མཛོད། གུ་རུ་རྩ་བ་གསུམ་ཡེ་ཤེས་སེམས་དཔའ་དང་བཅས་པའི་སྐུ་ལས་ཡེ་ཤེས་ཀྱི་ཕྱག་རྒྱ་གཉིས་པར་འཕྲོས། ཁྱེད་རང་རྣམས་ཀྱི་གནས་སོ་སོར་ཐིམ་པར་མོས་ཤིག །ཙཀླི་བཞི་པོས་དབང་རིམ་པར་བསྐུར་ལ། ཧྲཱི༔ པདྨའི་རིགས་ཀྱི་དཀྱིལ་འཁོར་རྒྱ་མཚོའི་གཙོ༔ བཅོམ་ལྡན་མགོན་པོ་ཚེ་དཔག་མེད་པ་ཡིསཿ སྐལ་ལྡན་རིགས་ཀྱི་བུ་ལ་དབང་བསྐུར་བས༔ ཚེ་དང་ཡེ་ཤེས་སྣང་བ་རྒྱས་པར་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཨཱ་ཡུ་ཥེ་ཧཱུྃ་ནྲྀ་ཛཿ ཀཱ་ཡ་ཨ་བྷི་ཥིཉྩ་ཨོཾ༔ ཨཱཿ རྩ་གསུམ་རྒྱལ་བ་རབ་འབྱམས་འདུས་པའི་དངོས༔ རིགས་ཀུན་ཁྱབ་བདག་པདྨ་འོད་འབར་གྱིས༔ སྐལ་ལྡན་རིགས་ཀྱི་བུ་ལ་དབང་བསྐུར་བསཿ སྨིན་གྲོལ་བྱིན་རླབས་ཕྲིན་ལས་ཡོངས་རྫོགས་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཀཱ་ཡ་ཨ་བྷི་ཥིཉྩ་ཨོཾ༔ ཧཱུྃ༔ ཆོས་སྐུ་ཞི་བའི་དབྱིངས་ལས་མ་གཡོས་ཀྱང་༔ ཡེ་ཤེས་རིག་རྩལ་གུ་རུ་དྲག་པོ་ཡིསཿ སྐལ་ལྡན་རིགས་ཀྱི་བུ་ལ་དབང་བསྐུར་བསཿ གདུག་པ་ཚར་གཅོད་དངོས་གྲུབ་མཆོག་ཐོབ་ཤོག༔ ཨོཾ་ཨཱཿཧཱུྃ་ཨརྩིཀ་ནིརྩིཀ་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ ཀཱ་ཡ་ཨ་བྷི་ཥིཉྩ་ཨོཾ༔ བྷྱོ༔ དུས་གསུམ་སངས་རྒྱས་སྐྱེད་དང་རོལ་པའི་ཡུམ༔ མཁའ་འགྲོའི་གཙོ་མཆོག་སེང་གེའི་གདོང་ཅན་མས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ བྱད་ཕུར་སྲུང་ཟློག་ཕྲིན་ལས་མྱུར་འགྲུབ་ཤོག༔ ཨཿཀཿསཿམཿརཿཙཿཤཿདཿརཿསཿམཿརཿཡཿཕཊ྄༔ ཀཱ་ཡ་ཨ་བྷི་ཥིཉྩ་ཨོཾཿ དེས་ལྷ་བསྒོམ་པ་སྐུའི་དབང་ལུས་ལ་་ཐོབ་པ་ཡིན་པས། དེང་ཕྱིན་ཆད་བསྐྱེད་པ་ཕྱག་རྒྱའི་གཟེར་སྣང་ཞེན་ལ་ཐེབས་པས་སྣོད་བཅུད་ཐམས་ཅད་ལྷའི་དཀྱིལ་འཁོར་དུ་འཆར་བའི་རྣལ་འབྱོར་ཆུ་བོའི་རྒྱུན་ལྟ་བུ་ལ་བརྩོན་པར་གྱིས་ཤིག །སློབ་དཔོན་དཀྱིལ་འཁོར་གྱི་གཙོ་བོ་དང་ཁྱེད་རང་གཉིས་ཀ་བླ་མ་པདྨ་འོད་འབར་དུ་གསལ་བའི་ཐུགས་ཡེ་ཤེས་སེམས་དཔའི་ཐུགས་ཀློང་དུ་གསེར་གྱི་རྡོ་རྗེ་རྩེ་ལྔ་པའི་ལྟེ་བར་ཧྲཱིཿདཀར་པོའི་མཐར་སྔགས་ཕྲེང་གཡས་སུ་འཁོད་པ། གཙོ་བོའི་ཐུགས་ཀའི་སྔགས་ཕྲེང་ལས་གཉིས་པ་འཕྲོས། ཞལ་ནས་ཐོན་ཏེ་ཁྱེད་རང་རྣམས་ཀྱི་ཞལ་དུ་ཞུགས། ཐུགས་ཀའི་སྔགས་ཕྲེང་ལ་ཐིམ། དེ་ལས་འོད་ཟེར་བསམ་གྱིས་མི་ཁྱབ་པ་འཕྲོས་པས་རྩ་གསུམ་རྒྱལ་བའི་དཀྱིལ་འཁོར་རབ་འབྱམས་རྣམས་མཆོད། བྱིན་རླབས་འོད་དང་ཐིག་ལེའི་རྣམ་པར་བྱོན་ནས་ཁྱེད་རང་ལ་ཐིམ་པ་ཙམ་གྱིས། ལས་ཉོན་སྡིག་སྒྲིབ་དབྱིངས་སུ་ཞི། རིག་པའི་རྩལ་ཆེན་ཕྱོགས་མེད་དུ་རྒྱས། གཉིས་སུ་མེད་པའི་ཡེ་ཤེས་རང་དབང་དུ་གྱུར་པར་མོས་ལ་རྡོ་རྗེའི་སྙིང་པོ་འབྲུ་བཅུ་གཉིས་པའི་རྗེས་ཟློས། ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ལན་གསུམ། མདུན་བསྐྱེད་དང་ཁྱེད་རང་གཉིས་ཀྱི་གཡས་ཕྱོགས་སུ་བཞུགས་པའི་གུ་རུ་དྲག་པོའི་ཐུགས་ཀར་པད་ཉིའི་སྟེང་དུ་གནམ་ལྕགས་ཀྱི་རྡོ་རྗེའི་ལྟེ་བར་ཧཱུྃ་དམར་པོའི་མཐར་སྔགས་ཕྲེང་དང་བཅས་པ། མདུན་བསྐྱེད་ཀྱི་ཐུགས་ཀ་ནས་སྔགས་ཕྲེང་གཉིས་པ་འཕྲོས། ཞལ་ནས་ཐོན་ཏེ་གཡས་ཀྱི་གུ་རུ་དྲག་པོའི་ཞལ་དུ་ཞུགས། ཐུགས་ཀའི་སྔགས་ཕྲེང་ལ་ཐིམ་པས་གཡས་བསྐོར་དུ་རང་སྒྲ་དང་བཅས་ཏེ་འཁོར་བ་ལས་སྐུ་དང་ཡིག་འབྲུ་ཕྱག་མཚན་མེ་ཕུང་རྡོ་རྗེའི་ཚྭ་ཚྭ་ནམ་མཁའ་གང་བ་འཕྲོས། རྩ་བ་གསུམ་གྱི་ཐུགས་རྒྱུད་བསྐུལ། དམ་ཅན་སྲུང་མ་རྣམས་ལས་ལ་བསྐུལ། སྡེ་བརྒྱད་དྲེགས་པ་ཅན་ཐམས་ཅད་བཏུལ། རྒྱལ་བསེན་དམ་སྲི་མ་རུངས་པ་ཐམས་ཅད་ཐལ་བར་བརླག །སྣང་གྲགས་རྟོགས་གསུམ་ཁྲག་འཐུང་པདྨ་དྲག་པོའི་དཀྱིལ་འཁོར་དུ་རྫོགས་པར་མོས་ལ་གསང་སྔགས་འདིའི་རྗེས་ཟློས། ཨོཾ་ཨཱཿཧཱུྃ་ཨརྩིཀ་ནིརྩིཀ་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ ལན་གསུམ། མདུན་བསྐྱེད་དང་ཁྱེད་རང་གཉིས་ཀྱི་གཡོན་ཕྱོགས་སུ་བཞུགས་པའི་མཁའ་འགྲོ་སེང་གདོང་མའི་ཐུགས་ཀར་ཕ་ལམ་གྱི་རྡོ་རྗེའི་ལྟེ་བར་བྷྱོ་སྔོན་པོའི་མཐར་སྔགས་ཕྲེང་གིས་བསྐོར་བ། སྤྱི་བོར་ཨཿཀཿ མགྲིན་པར་སཿམཿ སྙིང་གར་རཿཙཿ ལྟེ་བར་ཤཿདཿ གསང་བར་རཿསཿ བརླ་གཡས་སུ་མཱཿརཿ གཡོན་ཏུ་ཡཿཕཊཿ ཅེས་པའི་སྔགས་ཀྱི་གོ་ཆས་གཏམས་པ། མདུན་བསྐྱེད་ཀྱི་ཐུགས་ཀའི་སྔགས་ཕྲེང་ལས་གཉིས་པ་འཕྲོས། གཡོན་གྱི་སེང་གདོང་མའི་ཞལ་དུ་ཞུགས། ཐུགས་ཀའི་སྔགས་ཕྲེང་ལ་ཐིམ་པས་སྔགས་ཕྲེང་དང་གོ་ཆ་རྣམས་ལས་རང་འདྲ་བའི་སྤྲུལ་པ་རིགས་ལྔ་དང༌། འོད་ཟེར་ལྔ་ལྡན་འཇིག་རྟེན་གྱི་ཁམས་གང་བར་འཕྲོས་པས། ནད་གདོན་བར་ཆད་ཞི། ཚེ་བསོད་དཔལ་འབྱོར་རྒྱས། ཁམས་གསུམ་སྣང་སེམས་སྡུད། དགྲ་བགེགས་བྱད་མ་ཚར་བཅད། བདེ་ཆེན་མཆོག་གི་ཡེ་ཤེས་སྤེལ་བར་མོས་ལ་དྲག་སྔགས་འདིའི་རྗེས་ཟློས། ཨཿཀཿསཿམཿརཿཙཿཤཿདཿརཿསཿམཿརཿཡཿཕཊ྄༔ ལན་གསུམ། ཨཿཀཿསཿམཿརཿཙཿཤཿདཿརཿསཿམཿརཿཡཿཕཊ྄༔ ནད་གདོན་སྡིག་སྒྲིབ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ ལན་གཅིག ཨཿཀཿསཿམཿརཿཙཿཤཿདཿརཿསཿམཿརཿཡཿཕཊ྄༔ ཚེ་བསོད་དཔལ་འབྱོར་ཡེ་ཤེས་ཐམས་ ཅད་པུཥྟིཾ་ཀུ་རུ་ཨོཾ༔ ལན་གཅིག ཨཿཀཿསཿམཿརཿཙཿཤཿདཿརཿསཿམཿརཿཡཿཕཊ྄༔ ཁམས་གསུམ་རླུང་སེམས་སྣང་བ་ཐམས་ཅད་ཝ་ཤཾ་ཀུ་རུ་ཧོཿ ལན་གཅིག ཨཿཀཿསཿམཿརཿཙཿཤཿདཿརཿསཿམཿརཿཡཿཕཊ྄༔ གནོད་བྱེད་དགྲ་བགེགས་ཐམས་ཅད་མཱ་ར་ཡ་ཕཊ༔ ལན་གཅིག །དེ་ནས་ཕྲེང་བ་ཐོགས་ལ། སྔགས་ཕྲེང་མགྲིན་པར་བཞག་པས་སྔགས་ཀྱི་ནུས་པ་བརྟན་པར་བྱས་པར་མོས་ཤིག །ཧཱུྃཿ མི་འགྱུར་ཐུགས་སྲོག་སྔགས་ཕྲེང་ལུ་གུ་རྒྱུད༔ བསྐོར་དང་སྤྲོ་བསྡུ་བསྙེན་སྒྲུབ་ལས་སྦྱོར་གྱིས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ ནུས་པ་སྔགས་ཀྱི་ཡེ་ཤེས་སྨིན་པར་ཤོག༔ ཝཱ་ཀ་ཨ་བྷི་ཥིཉྩ་ཨཱཿ དེས་སྔགས་བཟླ་བ་གསུང་གི་དབང་ངག་ལ་ཐོབ་པ་ཡིན་པས། དེང་ཕྱིན་ཆད་བཟླས་པ་སྔགས་དང་འཕྲོ་འདུ་ཏིང་ངེ་འཛིན་གྱི་གཟེར་སྲོག་རྩོལ་ལ་ཐེབས་པས་སྒྲ་གྲགས་ཐམས་ཅད་གསང་སྔགས་རྡོ་རྗེའི་དབྱངས་སུ་འཆར་བའི་རྣལ་འབྱོར་ཆུ་བོའི་རྒྱུན་ལྟ་བུ་ལ་བརྩོན་པར་གྱིས་ཤིག །མེ་ལོང་བསྟན་ལ། འདི་ལྟར་ཆོས་ཐམས་ཅད་རང་སེམས་འཁྲུལ་པའི་གཟུགས་བརྙན་སེམས་ཀྱི་ངོ་བོ་སྟོང་ཉིད་རིག་པའི་སྙིང་པོ་ཅན་ཡིན་པས། སྣང་དུས་ཉིད་ནས་གསལ་རིག་སྟོང་གསུམ་ཟུང་དུ་འཇུག་པ་མེ་ལོང་ནང་དུ་གཟུགས་བརྙན་ཤར་བའི་བརྡས་མཚོན་པར་གྱིས་ཤིག །ཧཱུྃཿ གདོད་ནས་རྣམ་དག་རིག་སྟོང་བྱང་ཆུབ་སེམས༔ སྟོང་ཞིང་གསལ་བ་མེ་ལོང་བརྡས་མཚོན་ཏེ༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ འོད་གསལ་ཐུགས་ཀྱི་དགོངས་པ་མངོན་གྱུར་ཤོག༔ ཙིཏྟ་ཨ་བྷི་ཥིཉྩ་ཧཱུྃ༔ དེས་འོད་གསལ་བསྒོམ་པ་ཐུགས་ཀྱི་དབང་སེམས་ལ་ཐོབ་པ་ཡིན་པས། དེང་ཕྱིན་ཆད་དགོངས་པ་མི་འགྱུར་བའི་གཟེར་མཚན་རྟོག་ལ་ཐེབས་པས་འཁོར་འདས་ཐམས་ཅད་བདེ་ཆེན་ཆོས་སྐུའི་རང་བཞིན་ཏུ་འཆར་བའི་རྣལ་འབྱོར་ཆུ་བོའི་རྒྱུན་ལྟ་བུ་ལ་བརྩོན་པར་གྱིས་ཤིག །དེ་རྣམས་ཀྱིས་ཕྱི་མཚན་མའི་དཀྱིལ་འཁོར་དུ་བུམ་པའི་དབང་བསྐུར་བ་ཐོབ། ལུས་རྩ་ཡི་སྒྲིབ་པ་དག །ལམ་བསྐྱེད་རིམ་དབྱིབས་ཀྱི་རྣལ་འབྱོར་བསྒོམ་པ་ལ་དབང༌། ཞི་བའི་ལས་དང་རྣམ་སྨིན་རིག་འཛིན་འགྲུབ་པའི་སྐལ་བ་བཞག །འབྲས་བུ་སྐུ་རྡོ་རྗེ་སྤྲུལ་པའི་སྐུ་འགྲུབ་པའི་ས་བོན་ཐེབས་པ་ཡིན་ནོ། །དེ་ནས་གསང་བའི་དབང་གི་སླད་དུ། བླ་མ་དཀྱིལ་འཁོར་གྱི་གཙོ་བོ་རང་འོད་ཡེ་ཤེས་ཀྱི་རིག་མ་དང་སྙོམས་པར་ཞུགས་པའི་དགའ་བའི་སྒྲ་དང་བདེ་བའི་འོད་ཟེར་གྱིས། རྩ་གསུམ་རྒྱལ་བའི་དཀྱིལ་འཁོར་པ་ཐམས་ཅད་སྙོམས་པར་ཞུགས། བདེ་བ་ཆེན་པོར་ཞུ་ནས་བླ་མ་ཡབ་ཡུམ་གྱི་བྱང་ཆུབ་སེམས་ཀྱི་རྒྱུན་དང་རོ་གཅིག་ཏུ་འདྲེས་པ་མཁའ་གསང་ནས་བབས། པདྨ་བྷཉྫའི་སྣོད་དུ་བསྐྱིལ་བ་ཁྱེད་རང་རྣམས་ཀྱིས་མགྲིན་པར་མྱང་བས་ལུས་ཐམས་ཅད་བདེ་བས་ཁྱབ། སྣང་གསུམ་འོད་གསལ་དུ་ཐིམ། རྩ་རླུང་ཐིག་གསུམ་ཡེ་ཤེས་སུ་སྨིན་པར་མོས་ཤིག །ཐོད་ཆང་སྦྱིན་ལ། ཨཱཿ བླ་མ་ཡབ་ཡུམ་སྦྱོར་བའི་བྱང་ཆུབ་སེམས༔ བདེ་ཆེན་པདྨ་བྷཉྫའི་སྣོད་དུ་བསྐྱིལ༔ སྐལ་ལྡན་རིགས་གྱི་བུ་ལ་སྦྱིན་པ་ཡིས༔ རྩ་ཁམས་རླུང་ལ་ཡེ་ཤེས་རྫོགས་པར་ཤོགཿ བོ་དྷི་ཙིཏྟ་ཛྙཱ་ན་ཨ་བྷི་ཥིཉྩ་ཨཱ༔ དེས་ནང་ལུས་ཀྱི་དཀྱིལ་འཁོར་དུ་གསང་བའི་དབང་བསྐུར་བ་ཐོབ། ངག་རླུང་གི་སྒྲིབ་པ་དག །ལམ་བདག་བྱིན་རླབས་ཀྱི་རྣལ་འབྱོར་བསྒོམ་པ་ལ་དབང༌། རྒྱས་པའི་ལས་དང་ཚེ་དབང་རིག་འཛིན་འགྲུབ་པའི་སྐལ་བ་བཞག །འབྲས་བུ་གསུང་རྡོ་རྗེ་ལོངས་སྤྱོད་རྫོགས་པའི་སྐུ་འགྲུབ་པའི་ས་བོན་ཐེབས་པ་ཡིན་ནོ། །དེས་དབང་གསུམ་པ་བསྐུར་རུང་དུ་སྨིན་པ་ལ་རྒྱུད་ནས་བསྔགས་པའི་མཚན་ཉིད་ཡོངས་སུ་རྫོགས་ཤིང་གཟུགས་དང་ལང་ཚོ་མཛེས་པའི་ཕུལ་དུ་བྱུང་བས་ཡིད་འཕྲོག་པར་བྱེད་པའི་ཕྱག་རྒྱ་ལག་ཏུ་གཏད་པར་མོས་ཤིག །རིག་ཙཀ་གཏད་ལ། དགའ་བཞིའི་གནས་སྟེར་རྡོ་རྗེའི་ཕོ་ཉ་མོ༔ ཡེ་ཤེས་རིགས་ཀྱི་ཕྱག་རྒྱར་བྱིན་བརླབས་ནས༔ སྐལ་ལྡན་རིགས་ཀྱི་བུ་ལ་སྦྱིན་པ་ཡིས༔ ཐིག་ལེ་བདེ་སྟོང་ཆེན་པོར་སྨིན་པར་ཤོག༔ མ་ཧཱ་སུ་ཁ་ཛྙཱ་ན་ཨ་བྷི་ཥིཉྩ་ཧཱུྃ༔ ཕྱག་རྒྱ་མོ་དེ་དང་ཁྱེད་རང་རྣམས་ལྷ་སྔགས་ཆོས་ཀྱི་འདུ་ཤེས་གསུམ་དང་ལྡན་པས་སྙོམས་པར་ཞུགས་པ་ལས། ཡས་བབས་དང་མས་བརྟན་གྱི་རིམ་པ་ལས་སྐྱེས་པའི་ཐབས་ཤེས་ཀྱི་དགའ་བ་བཅུ་དྲུག་ཉམས་སུ་མྱོངས། རྟོག་ཚོགས་ཞུ་བདེའི་དབྱིངས་སུ་ནུབ། ཟག་མེད་ལྷན་ཅིག་སྐྱེས་བའི་བདེ་བ་སྤྱི་བོར་བརྟན་པར་མོས་ལ་ང་རྒྱལ་བཟུང་བའི་སྔགས་རྒྱ་འདིའི་རྗེས་ཟློས། འཁྱུད་རྒྱ་བྱས་ལ། །ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། དེས་གསང་བ་བྷ་གའི་དཀྱིལ་འཁོར་དུ་ཤེས་རབ་ཡེ་ཤེས་ཀྱི་དབང་བསྐུར་བ་ཐོབ། ཡིད་ཐིག་ལེའི་སྒྲིབ་པ་དག །ལམ་གཞན་ལུས་ཕོ་ཉའི་རྣལ་འབྱོར་བསྒོམ་པ་ལ་དབང༌། དབང་གི་ལས་དང་ཕྱག་རྒྱའི་རིག་འཛིན་འགྲུབ་པའི་སྐལ་བ་བཞག །འབྲས་བུ་ཐུགས་རྡོ་རྗེ་ཆོས་སྐུ་འགྲུབ་པའི་ས་བོན་ཐེབས་པ་ཡིན་ནོ། །ཤེལ་རྡོ་ཐོགས་ལ། གཞི་ཀ་དག་སྤྲོས་པ་དང་བྲལ་བ་གདལ་ཁྱབ་ལྷུན་འབྱམས་ནམ་མཁའ་ལྟ་བུའི་དབྱིངས་ལས། ལམ་ལྷུན་གྲུབ་འོད་གསལ་སྣང་བ་བཞིའི་ཡེ་ཤེས་རང་བྱུང་དུ་ཤར་བ་ཉིད། ལྟ་སྒོམ་ཟུང་དུ་འབྲེལ་བའི་གནད་ཀྱིས་རྟོགས་གོམས་གདིང་དུ་གྱུར་པ་ལས། འབྲས་བུ་གཞོན་ནུ་བུམ་པ་སྐུར་མངོན་པར་བྱང་ཆུབ་པར་འགྱུར་བ་བཞི་པ་རིག་པ་རྩལ་གྱི་དབང་དོན་ལགས་པས་དེའི་བརྡ་དོན་རྟོགས་པར་མཛོད་ཅིག །ཧོ༔ ཀ་དག་དབྱིངས་ལས་ལྷུན་གྲུབ་གདངས་ཤར་བ༔ རང་བྱུང་རྡོ་རྗེ་སེམས་དཔའི་མེ་ལོང་གིས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ དབྱིངས་རིག་ཟུང་འཇུག་སྣང་བ་མཐར་ཕྱིན་ཤོག༔ ཛྙཱ་ན་དྷཱ་ཏུ་ཨ་བྷི་ཥིཉྩ་ཨ་ཨཱ༔ དེས་སྣང་སྲིད་རྫོགས་པ་ཆེན་པོའི་དཀྱིལ་འཁོར་དུ་རིག་པ་རྩལ་གྱི་དཀྱིལ་འཁོར་དུ་དབང་བསྐུར་བ་ཐོབ། སྒཽ་གསུམ་ཤེས་བྱའི་སྒྲིབ་པ་དག །ལམ་ཁྲེགས་ཆོད་དང་ཐོད་རྒལ་བསྒོམ་པ་ལ་དབང༌། དྲག་པོའི་ལས་དང་ལྷུན་གྲུབ་རིག་འཛིན་འགྲུབ་པའི་སྐལ་བ་བཞག །འབྲས་བུ་ཡེ་ཤེས་རྡོ་རྗེ་མངོན་བྱང་གི་སྐུ་འགྲུབ་པའི་ས་བོན་ཐེབས་པ་ཡིན་ནོ། །དེ་རྣམས་ཀྱིས་རྩ་བའི་དབང་བསྐུར་རྒྱས་པར་གྲུབ་ནས། མཐའ་རྟེན་བཀྲ་ཤིས་འཆི་མེད་ཚེའི་དབང་བསྐུར་ཞུ་བའི་ཡོན་ཏུ་དམིགས་ཏེ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས། རྩ་གསུམ་རྒྱལ་བ་རབ་འབྱམས་ངོ་བོ་ཉིད༔ ཚེ་དཔག་མེད་མགོན་པདྨ་ཐོད་ཕྲེང་རྩལ༔ སྐལ་ལྡན་བདག་ལ་བརྩེ་བས་ཉེར་དགོངས་ནསཿ སྐུ་གསུང་ཐུགས་ཀྱི་བྱིན་རླབས་ཚེ་དབང་སྩོལ༔ ལན་གསུམ། དེ་ལ་ཐོག་མར་ཚེ་དབང་དངོས་གྲུབ་འགུགས་པའི་སླད་དུ་དམིགས་པ་འདི་བཞིན་མཛོད། ཁྱེད་རང་རྣམས་རིགས་འདུས་མ་ཧཱ་གུ་རུ་པདྨ་འབྱུང་གནས་རྒྱན་ཆ་ལུགས་ཕྱག་མཚན་ཡོངས་སུ་རྫོགས་ཤིང་གནས་གསུམ་འབྲུ་གསུམ་དང་ཡེ་ཤེས་སེམས་དཔའ་ཐུགས་སྲོག་ཧྲཱིཿདང་བཅས་པ་གཟི་བརྗིད་འོད་དུ་འབར་བར་གསལ་ཐོབ། སློབ་དཔོན་དཀྱིལ་འཁོར་པ་རྣམས་ཀྱི་ཐུགས་ཀ་ནས་འོད་ཟེར་ལྕགས་ཀྱུའི་དབྱིབས་ཅན་དང་ཕོ་ཉ་མགྱོགས་མའི་ཚོགས་ཉི་ཟེར་གྱི་རྡུལ་ལྟ་བུ་འཁོར་འདས་བརྟན་གཡོའི་ཁམས་ཁྱབ་པར་སྤྲོས་པས། ཁྱེད་རང་རྣམས་ཀྱི་བླ་ཚེ་འཁྱམས་པ་ཡར་བ་སྟོར་ཅིང་ཆད་ཉམས་སུ་གྱུར་པ་རྣམས་དང༌། འབྱུང་བ་ས་ཆུ་མེ་རླུང་གི་དྭངས་བཅུད། སྟོང་གསུམ་སྲིད་པ་གསུམ་ན་གནས་པའི་སྐྱེ་འགྲོ་རྣམས་ཀྱི་ཚེ་བསོད་དཔལ་འབྱོར། རྩ་གསུམ་རྒྱལ་བ་རྒྱ་མཚོའི་ཐུགས་རྗེ་བྱིན་རླབས་ནུས་པའི་བཅུད་ཐམས་ཅད་བདུད་རྩི་འོད་ཟེར་ཁ་དོག་སྣ་ཚོགས་པའི་རྣམ་པར་བསྡུས་ཏེ་ཁྱེད་རང་རྣམས་ཀྱི་བ་སྤུའི་བུ་ག་ནས་སིབ་ཀྱིས་ཞུགས། སྙིང་དབུས་ཡེ་ཤེས་སེམས་དཔའི་དྭངས་སྲོག་ཧྲཱི༔ལ་ཐིམ་པས་བླ་ཚེ་དབང་ཐང་ཉམས་པ་སོར་ཆུད། འཆི་བ་མེད་པ་ཚེའི་དངོས་གྲུབ་ཐོབ། མདུན་གྱི་ཚེ་རྫས་རྣམས་ལ་ཐིམ་པས་རྡོ་རྗེའི་བཅུད་ལེན་ཆེན་པོར་གྲུབ་པར་སྒོམས་ཤིག །མདའ་དར་གཡབ་ལ། ཧཱུྃ་ཧྲཱིཿ བདེ་ཆེན་པདྨ་དྲྭ་བའི་ཞིང་ཁམས་ནས༔ ཚེ་དཔག་མེད་མགོན་ཨོ་རྒྱན་ཐོད་ཕྲེང་རྩལ༔ རབ་འབྱམས་རྩ་གསུམ་རྒྱ་མཚོའི་ཚོགས་དང་བཅས༔ ཐུགས་དམ་བསྐུལ་ལོ་ཐུགས་རྗེའི་ཡེ་ཤེས་སྐྱེད༔ འོད་ཟེར་ལྕགས་ཀྱུ་ཕོ་ཉ་མགྱོགས་མའི་ཚོགས༔ ཉི་ཟེར་རྡུལ་ལྟར་སྲིད་ཞི་ཁྱབ་པར་སྤྲོས༔ རྣལ་འབྱོར་བདག་གི་བླ་ཚེ་ཆད་ཉམས་དང་༔ སྡེ་བརྒྱད་འབྱུང་པོས་འཕྲོག་པ་ཐམས་ཅད་ཁུག༔ ས་ཆུ་མེ་རླུང་འབྱུང་བའི་དྭངས་བཅུད་སྡུས༔ སྐྱེ་འགྲོའི་ཚེ་བསོད་དཔལ་འབྱོར་ཤེས་རབ་དང་༔ རྩ་གསུམ་རྒྱལ་བའི་ཐུགས་རྗེའི་བྱིན་རླབས་བཅུད༔ སྙིང་དབུས་མི་ཤིགས་དྭངས་མའི་སྲོག་ལ་སྟིམས༔ སྒྲུབ་པའི་དམ་རྫས་ཡེ་ཤེས་བདུད་རྩིར་སྐྱིལ༔ བླ་སྲོག་དབང་ཐང་ཡར་བ་རང་སོར་ཆུད༔ མི་འགྱུར་མི་ཤིགས་རྡོ་རྗེའི་ཚེ་བཅུད་སྤེལ༔ འཆི་མེད་ཡེ་ཤེས་མཆོག་གི་དངོས་གྲུབ་སྩོལ༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཨཱ་ཡུ་ཥེ་ཧཱུྃ་ནྲྀ་ཛཿ ཚེ་འབྲང་ཡེ་ཤེས་འོད་ལྔའི་གཞལ་མེད་ཁང་དུ་འཆི་མེད་པདྨ་འབྱུང་གནས་རྩ་བརྒྱུད་བླ་མའི་ཚོགས་དང་བཅས་ཏེ་བཞུགས་པའི་ཕྱག་གི་བུམ་པ་ནས་འཆི་མེད་བདུད་རྩིའི་རྒྱུན་བབས། ཁྱེད་རང་རྣམས་ཀྱི་སྤྱི་བོ་ནས་ཞུགས། ལུས་ཀྱི་ནང་གང་བས་མི་འགྱུར་རྡོ་རྗེའི་སྐུའི་ཚེ་དབང་ཐོབ་པར་མོས་ཤིག །ཚེ་འབྲང་སྤྱི་བོར་བཞག་ལ། ཨོཾ༔ སྙིང་པོའི་བཅུད་བསྡུས་ཡེ་ཤེས་འོད་ལྔའི་ཀློང་༔ པདྨ་འོད་འབར་ཚེ་ཡི་ལྷ་ཚོགས་བཞུགས༔ དེང་འདིར་སྐལ་ལྡན་ཁྱོད་ལ་དབང་བསྐུར་བས༔ རྩ་ཁམས་འཕོ་མེད་རྡོ་རྗེའི་སྐུ་འགྲུབ་ཤོགཿ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཨཱ་ཡུ་ཥེ་ཧཱུྃ་ནྲྀ་ཛཿ ཀཱ་ཡ་ཨ་དྷིཥྛ་ན་ཨ་བྷི་ཥིཉྩ་ཨོཾ༔ སྐུ་མི་ཟད་པ་རྒྱན་གྱི་འཁོར་ལོའི་འཆི་མེད་ཚེའི་དབང་མཆོག་ལྷ་དང་གཉིས་སུ་མེད་པར་ཐོབ་པར་གྱུར་ཅིག །ཅེས་མེ་ཏོག་འཐོར། བརྟན་གཡོ་ཀུན་གྱི་བཅུད་ཀྱི་སྙིང་པོ་བྱང་ཆུབ་སེམས་ཀྱི་རང་བཞིན་བདུད་རྩིར་བསྡུས་པའི་ཚེ་ཆང་མགྲིན་པར་མྱང་བས་འགགས་མེད་རྡོ་རྗེ་གསུང་གི་ཚེ་དབང་ཐོབ་པར་མོས་ཤིག ཚེ་ཆང་སྦྱིན་ལ། ཨཱཿ བདེ་ཆེན་པདྨ་བྷཉྫའི་སྣོད་ཡངས་སུ༔ བྱང་ཆུབ་སེམས་ཀྱི་བདུད་རྩིས་རབ་ཏུ་གཏམས༔ དེང་འདིར་སྐལ་ལྡན་ཁྱོད་ལ་སྦྱིན་པ་ཡིས༔ རླུང་སྔགས་མི་ཤིགས་རྡོ་རྗེའི་གསུང་འགྲུབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཨཱ་ཡུ་ཥེ་ཧཱུྃ་ནྲྀ་ཛཿ ཝཱ་ཀ་ཨ་དྷིཥྛཱ་ན་ཨ་བྷི་ཥིཉྩ་ཨཱཿ གསུང་མི་ཟད་པ་རྒྱན་གྱི་འཁོར་ལོའི་འཆི་མེད་ཚེའི་དབང་མཆོག་ལྷ་དང་གཉིས་སུ་མེད་པར་ཐོབ་པར་གྱུར་ཅིག །སྲིད་ཞིའི་དྭངས་བཅུད་ཐིག་ལེའི་གཟུགས་སུ་འཁྱིལ་བའི་ཚེའི་རིལ་བུ་གསོལ་བས་འཕོ་མེད་རྡོ་རྗེ་ཐུགས་ཀྱི་ཚེ་དབང་ཐོབ་པར་མོས་ཤིག །ཚེ་རིལ་སྦྱིན་ལ། ཧཱུྃ༔ འཁོར་འདས་དྭངས་བཅུད་བདེ་ཆེན་ཐིག་ལེའི་གཟུགསཿ སྒྲུབ་པའི་དམ་རྫས་མྱོང་གྲོལ་ཚེའི་རིལ་བུ༔ དེང་འདིར་སྐལ་ལྡན་ཁྱོད་ལ་སྦྱིན་པ་ཡིས༔ འོད་གསལ་རྟག་པ་རྡོ་རྗེའི་ཐུགས་འགྲུབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཨཱ་ཡུ་ཥེ་ཧཱུྃ་ནྲྀ་ཛཿ ཙིཏྟ་ཨ་དྷིཥྛ་ན་ཨབྷི་ཥིཉྩ་ཧཱུྃ༔ ཐུགས་མི་ཟད་པ་རྒྱན་གྱི་འཁོར་ལོའི་འཆི་མེད་ཚེའི་དབང་མཆོག་ལྷ་དང་གཉིས་སུ་མེད་པར་ཐོབ་པར་གྱུར་ཅིག །ཚེའི་དྭངས་བཅུད་ཐམས་ཅད་སྙིང་དབུས་མི་ཤིགས་པའི་སྲོག་ཡིག་ཧྲཱིཿལ་ཐིམ། རྡོ་རྗེ་ཡེ་ཤེས་འོད་ལྔའི་དྲྭ་བས་བཅིངས། ལུས་ཐམས་ཅད་ཆོས་བདུན་དང་ལྡན་པའི་རྡོ་རྗེའི་གོ་ཆ་བགོས་པས་ནམ་ཡང་སྐྱེ་འཆི་གཞོམ་གཞིག་དང་བྲལ་བའི་རྟག་བརྟན་རྡོ་རྗེའི་ཕྱག་རྒྱས་བཏབ་པར་མོས་ཤིག །མདའ་དར་རྒྱ་གྲམ་དུ་རེག་ལ། ཨཱ༔ ཚེ་ཡི་དྭངས་མ་མི་ཤིགས་ཐིག་ལེར་ཐིམ༔ སྲོག་གི་མདུད་པ་དབུ་མའི་དབྱྀངས་སུ་བཅིངས༔ རྡོ་རྗེའི་ཆོས་བདུན་ཡེ་ཤེས་རྒྱས་བཏབ་པས༔ མི་འགྱུར་རྟག་པ་གཉུག་མའི་ཚེ་ཐོབ་ཤོག༔ ཛྙཱ་ན་བཛྲ་ཨཱ་ཡུ་ཥེ་རཀྵ་ཧཾ༔ ཞེས་རྒྱས་བཏབ། དེ་ནས་བཀྲ་ཤིས་རྫས་རྟགས་རིན་ཆེན་རྣམ་བདུན་བཅས་སྤྱི་འགྲོའི་ཤློ་ཀ་རེ་བརྗོད་ལ་གཏད། མེ་ཏོག་འཐོར་ཞིང་བཀྲ་ཤིས་པའི་ཚིགས་བཅད་ཅི་རིགས་བརྗོད་ལ་སྙན་པའི་རོལ་མོའི་གདངས་སྤྲོ་བར་བྱའོ། །གསུམ་པ་མཇུག་གི་ལས་རིམ་ལ། དབང་རྗེས་ནི། དེ་ལྟར་ན་དེ་དག་རྣམས་ཀྱི་སྒོ་ནས་ཐུན་མོང་དང་མཆོག་གི་དངོས་གྲུབ་གཅིག་ཅར་དུ་སྒྲུབ་པའི་ཟབ་གནད་སྙིང་པོར་དྲིལ་བ་རྩ་གསུམ་སྤྱི་འདུས་སྙིང་ཏིག་གི་སྨིན་བྱེད་མཐའ་རྟེན་བཅས་རྒྱས་པར་གྲུབ་པ་ཡིན་པས་སོགས་ཀྱིས་མཚམས་སྦྱར་ལ། དམ་ཚིག་བསྒྲག་བཟུང༌། གཏང་རག་མཎྜལ། ལུས་འབུལ། དགེ་བསྔོ་ རྣམས་སྤྱི་ལྟར་བྱས་ལ་སློབ་མ་གྱེས། ལས་རྗེས་ནི། སློབ་དཔོན་གྱིས། ཚོགས་ལ་རོལ་ཅིང་ལྷག་ཆོག་གཏོར་སྐྱོང་རྟ་བྲོའི་བར་དུ་བྱ། གཏང་རག་མཆོད་བསྟོད་འབུལ། ནོངས་བཤགས་དང༌། མདུན་དཀྱིལ་རྟེན་ཡོད་མེད་དང་བསྟུན་པའི་གཤེགས་བསྟིམ་གང་འོས། བདག་བསྐྱེད་བསྡུ་ལྡངས། བསྔོ་སྨོན་ཤིས་བརྗོད་བཅས་ཀྱིས་འགྲུབ་བོ། །དབྱིངས་གཅིག་རྣམ་འགྱུར་ཐ་དད་ཤར་བ་ལས། །བྱིན་རླབས་དངོས་གྲུབ་ཕྲིན་ལས་ཀུན་འབྱུང་བ། །གཙོ་བསྡུས་བློ་དམན་ཉམས་འོག་ཆུད་ངེས་འདིའི། །སྨིན་གྲོལ་བདུད་རྩིས་འཇིག་རྟེན་ཀུན་ཁྱབ་ཤོག །དེ་ལས་མཆོག་གྲུབ་རིག་འཛིན་བགྲང་ཡས་འཕེལ། །དེས་ཀྱང་བསྟན་འགྲོའི་བདེ་སྐྱིད་དགུང་དུ་སྤོར། །འོད་གསལ་རྡོ་རྗེ་སྙིང་པོའི་ཉིན་མོར་བྱེད། །མི་འགྲིབ་སྐྱེ་དགུའི་ཡིད་མཁར་འཆར་གྱུར་ཅིག །ཚུལ་འདིའང་རིགས་བརྒྱའི་ཁྱབ་བདག་གཏེར་ཆེན་བླ་མ་ཉིད་ཀྱིས་སྨིན་གྲོལ་ཟབ་མོས་རྗེས་སུ་བཟུང་སྟེ་བཀའི་ཅོད་པན་སྤྱི་བོར་སྩལ་བ་ལས། རྗེ་ཉིད་ཀྱིས་ཇི་ལྟར་གནང་བའི་ཕྱག་བཞེས་ལ་འཕྲི་བསྣན་མེད་པར། འཆི་མེད་བསྟན་གཉིས་གཡུང་དྲུང་གླིང་པས་རྡོ་རྗེའི་རྫོང་ལྔ་འདུས་པའི་སྒྲུབ་ཆེན་དགུའི་ཕོ་བྲང་དུ་བཀོད་པ་དགེ་ལེགས་འཕེལ།། །།

[edit]

@#/__rtsa gsum spyi 'dus snying thig las/__dbang gi cho ga tshe dbang dang bcas pa 'chi med ye shes chu rgyun ces bya ba bzhugs so//na mo gu ru pad+ma pra b+hA dzA lA ya/__rang byung gdod ma'i sangs rgyas rdo rje'i sku/__/srid zhi'i khyab bdag pad+ma 'od 'bar dang*/__/dbyer med kun mkhyen mdo sngags gling pa'i zhabs/__/sbyi bor rtag bzhugs sgo gsum byin gyis rlobs/__/spy-i 'dus bka' srol gsum pa ni/__/ngo mtshar snying po'i bcud 'dril ba/__/bya sla khyer bde'i smin byed kyi/__/cho ga phyag bzhes ji bzhin dgod/__/zab chos 'di nyid kyi sgo nas skal ba dang ldan pa'i rgyud la smin byed kyi sa bon gdab pa la don gsum/__sbyor ba gshom dang dbang sgrub/__dngos gzhi dbang gi cho ga__/rjes las kyi mjug bsdu ba'o/__/dang po bcas gshom ni/___dkyil 'khor gzhung mthun sgo rdzogs can gyi ras bris sam/__med na maN+Dal la me tog gi tshom bu gtso bo gsum/__sgo ba bzhi bcas lha grangs bkod pa'i steng khri'ur rnam rgyal bum pa bcud ldan kha rgyan mgul chings dang bcas pa/__mdun du tshe dpag med zhi drag seng gsum dang bcas pa'i lha tsaka bzhi/__g.yas su thod pa mtshan ldan chang dang chos sman mngar gsum sbyar bas bkang ba/__g.yon tu shel rdo rig tsaka dbang phreng*/__rgyab tu tshe 'brang dang tshe ril tshe chang mda' dar rnams bkod/__mdun ngos su sman raka gtor gsum/__phyi mchod bskor bsham phreng tshar gang bde bya/__gzhan yang las bum/__mig dar me tog__/sngon gtor tshogs kyi yo byad rjes 'brel bcas nyer mkho rnams tshogs par bya'o/__/de nas tshig bdun gsol 'debs sogs sngon du 'gro bas phrin las ye shes lam bzang ltar skyabs sems lan gsum dang*/__bgegs gtor byin rlabs bsngo ba spyi mthun byas la bka' bsgo nas brtsam sngon 'grau lnga dang*/__dngos gzhi bdag mdun dbyer med du bskyed cing bstod pa yan song nas/__dbang don tu dzaba? khang dbye na/__b+h+rU~M bi shwa bi shud+d+he hrIHhU~M b+h+yo phaT dzaH__zhes pas bdag bskyed las mdun rten gyi go sar ye shes kyi dkyil 'khor gnyis pa phyes la/__bdag mdun gnyis kar ting nge 'dzin gyi 'phro 'du bcas bzlas pa bya/__de'ang zhi drag seng gsum bsnyen sgrub las sbyor kyi tshul du bsnyen nas zhi bsnyen bzhi cha drag po/__de'i bzhi cha tsam mkha' 'gro la dus bsnyen tu gsungs pa yin 'dug kyang dbang gi skabs 'dir cha snyoms bzlas pas 'thus/__las bzhi'i sham 'dogs 'phros/__bum bzlas zur du spro na dmigs pa gsal 'debs spyi rgyug byas nas gzungs thag blangs la snying po gsum bzla/__skabs 'dir tshe dbang gi ched sogs tshe sgrub sbrel na/__ye shes sems dpa'i thugs kar pad zla'i steng :__gser gyi rdo rje rtse lnga'i lte bar hrIH__mtha' skor sngags kyi phreng bas mtshan pa las:__'od zer dpag yas mkha' khyab kun tu 'phros:__rang gi bla tshe chad nyams yar ba dang :__'khor 'das dwangs bcud bdud rtsi'i rnam par bsdus:__thugs srog la thim byin rlabs nus stobs 'bar:__'chi med ye shes rdo rje'i srog 'grub gyur:__oM AHhU~M badz+ra gu ru pad+ma sid+d+hi A yu She hU~M nr-i dzaH__zhes ci 'grub bzlas pa'i mthar tshe 'gugs ni/__mda' dar g.yab la/__hU~M hrIH__bde chen pad+ma drwa ba'i zhing khams nas:__tshe dpag med mgon o rgyan thod phreng rtsal:__rab 'byams rtsa gsum rgya mtsho'i tshogs dang bcas:__thugs dam bskul lo thugs rje'i ye shes skyed:__'od zer lcags kyu pho nya mgyogs ma'i tshogs:__nyi zer rdul ltar srid zhi khyab par spros:__rnal 'byor bdag gi bla tshe chad nyams dang :__sde brgyad 'byung pos 'phrog pa thams cad khug:__sa chu me rlung 'byung ba'i dwangs bcud sdus:__skye 'gro'i tshe bsod dpal 'byor shes rab dang :__rtsa gsum rgyal ba'i thugs rje'i byin rlabs bcud:__snying dbus mi shigs dwangs ma'i srog la stims:__sgrub pa'i dam rdzas ye shes bdud rtsir skyil:__bla srog dbang thang yar ba rang sor chud:__mi 'gyur mi shigs rdo rje'i tshe bcud spel:__'chi med ye shes mchog gi dngos grub stsol:__ces dang snying po brjod/__dbyangs gsal sogs kyis lhag chad bskang zhing brtan par byas nas/__che bskyed mchod bstod dgongs pa'i gding bzung zhing*/__gter srung gtor 'bul spy-i 'gro tsam dang*/__tshogs byin rlabs nas skong ba'i bar du btang la/__las bum du rta mgrin bskyed bzlas bya/__ting nge 'dzin gyi dbang len nam rig pa'i me tog dor la gnang ba nod do/__/gnyis pa dbang la gnyis/__'jug pa dang dngos gzhi'o/__/dang po ni/__slob ma rnams khrus nas dbyung*/__bgegs gtor btang la bka' bsgo zhing mtshams bcad sems bskyed gsal gdab/__chos bshad bye brag__/de'ang khyab bdag bde chen chos kyi sku mgon po 'od mi 'gyur ba nyid spyan ras gzigs longs spyod rdzogs pa rigs lnga gangs chen mtsho'i skur bstan nas zhing dang sku'i bkod pa 'byams klas su snang bar mdzad pa las/__thugs rje'i rang rtsal sprul pa'i sku 'chi med pad+ma thod phreng rtsal du rnam par rol pas mi mjed kyi 'gro ba spyi dang*/__khyad par rtsod ldan gyi dus snyigs ma'i mthar thug pa'i mi dang mi ma yin shin tu gdul dka' ba rnams 'dul ba'i thabs mkhas sgyu 'phrul chen po'i rol gar bsam gyis mi khyab par bstan pa las/__rdzogs pa'i sangs rgyas sku dngos kyis gdul byar ma gyur pa'i mun gling bod ky-i rgyal khams 'dul ba'i dus la son pa'i tshe 'jam dpal dbyangs khri srong lde btsan gyis spyan drangs pa ltar phyag pheb/__lha srin ma rungs pa thams cad btul/__sku gsung thugs kyi rten yongs rdzogs bkod nas bstan pa 'phags yul las kyang ches gsal bar mdzad pa'i skabs su/__skal ldan rje 'bangs 'dus pa'i tshogs rnams la rdo rje theg pa'i smin grol zab la rgya che ba thun mong dang thun mong ma yin pa brjod las 'das pa'i chos char so so'i khams dbang dang mthun par phab ste/__phal cher gdul bya phyi ma phyi ma'i ched du gter gyi rnam grangs mi 'dra ba du mar sba bar mdzad cing sprul pa'i gter ston snga phyir byon pa rnams kyis so so'i skal ba dang 'tshams pa'i gter zhal phyes nas dus mthun gyi 'gro don rgya cher mdzad pa'i nang tshan/__zab chos 'di nyid gter kha gsum du sbas pa las/__dang po rgyas pa rtsa gsum rigs bsdus su sgrub pa'i skor rnams mon spa dro gcal du sbas pa bai ro'i rnam 'phrul ku sa sman pa'am kun spangs zla 'od 'bar gyis spyan drangs/__gnyis pa 'bring po rtsa gsum gnas 'gyur du sgrub pa'i skor rnams byang kong rngaud hom 'phrang lcags kyi sko mor sbas pa nyang ban rnam 'phrul 'ja' tshon las 'phro gling pas spyan drangs/__gsum pa zab bsdus rtsa gsum gtso bsdus su sgrub pa'i thabs 'di nyid mdo khams shar phyogs 'chi med pad+ma shel ri'i gsang phug tu sbas pa/__'jam dpal gzhon nu chos rgyal chen po'i ye shes kyi rol gar/__dus gsum mkhyen pa pad+ma'i rgyal tshab/__bka' babs bdun dang ldan pa'i shing rta/__gter ston grub thob rgya mtsho'i spyi dpal chen po pad+ma 'od gsal mdo sngags gling pa la ye shes mkha' 'gros spyan drangs te dngos su phul ba'i shog ser las gtan la phab cing skal ldan du ma smin grol gyi lam bzang du bkod par mdzad pa'i zab chos 'di ni/__gter gzhung las/__tshig nyung don gsal lam khyer bde:__byin rlabs dngos grub 'byung pa'i gter:__'di nyid 'phrad cing nyams len kun:__gnas skabs gdon bgegs bar chad dang :__nad mug mtshon 'khrugs rgud pa zhi:__tshe bsod dpal 'byor nyams rtogs rgyas:__phun sum tshogs kun dbang du 'gyuraH__sde brgyad byad phur tshar thag chod:__mthar thug lnga ldan 'od kyi sku:__pad+ma bdag dang 'du 'bral med:__de phyir snying la gces par zung :__zhes mchog dang thun mong gi dngos grub ma lus pa'i 'byung gnas su gyur pa yin la/__de lta bu'i dbang bskur bsgrub pa la 'jug pa dang dngos gzhi'i cho ga gnyis su yod pa las/__thog mar 'jug pa'i chos rnams zhu ba'i yon du dmigs te zhing khams 'bul bar zhu/__zhes mtshams sbyar bas maN+Dal 'bul du gzhug__/mtshams sbyor dang sngags spyi mthun byas la mig dar me tog gtad/__snyim pa me tog gis bkang pa'i thal sbyar bcas gsol ba 'debs pa 'di'i rjes zlos/__rtsa gsum 'dus pa'i spyi dpal che:__rdo rje slob dpon bdag la dgongs:__bla ma yi dam mkha' 'gro yi:__smin grol dbang mchog stsal du gsol:__lan gsum/__de ltar gsol ba btab pa la legs so'i gnang ba sbyin cing rdo rje'i tha tshig la gnas dgos par gdams pa 'di la snyan gtod 'tshal/__legs 'ong skal ldan rigs kyi bu:__zab mo'i dbang bskur don gnyer na:__dad dang dam tshig srog bzhin srung :__'da' ka rdo rje'i bro bor cigaH__dung zhal nas chu sbyin la/__rdo rje'i chu nan gyis dpang por byas te 'da' dka'i dam tshig tshul bzhin bsrung snyam pas 'di'i rjes zlos:__sa ma ya i dan na ra kan:__bla ma rtsa gsum rgyal ba'i dkyil 'khor mkha' khyab ye shes sgyu ma'i rol mo rab 'byams rgya mtsho'i sprin phung rnam par bkod pa'i spyan sngar/__bdag sogs rigs drug gis bsdus pa'i 'gro ba mtha' dag byang chub snying po la mchis kyi bar du sgo gsum gus pas skyabs su 'gro ba dang*/__mar gyur sems can rnams kyi don du rtsa gsum bla ma'i go 'phang bsgrub 'dod kyi smon pa dang*/__de'i phyir zab mo'i lam don tu gnyer bar 'dod pa'i 'jug pa sems bskyed gsal thob la 'di'i rjes zlos/__na mo:__bla ma rtsa gsum lha tshogs la:__mi phyed gus pas skyabs su mchi:__'gro kun sangs rgyas sar 'god phyir:__snying po'i rnal 'byor bsgom par bgyi:__lan gsum/__zhing mchog de rnams kyi spyan sngar bsags sbyong spel gsum gyi snying por gyur pa yan lag bcu pa tshul bzhin bya ba'i 'dun pas tshig dang mthun pa'i ting nge 'dzin re re nas gsal thob la 'di'i rjes zlos/__bla ma rtsa gsum lha tshogs gshegs:__nyi zla pad+ma'i gdan la bzhugs:__lus ngag yid gsum gus phyag 'tshal:__phyi nang gsang ba'i mchod pa 'bul:__nyams chags sdig sgrib mthol lo bshags:__gsang sngags bsgrubs la rjes yi rang :__smin grol gsang sngags chos 'khor bskor:__mya ngan mi 'da' bzhugs gsol 'debs:__snying po sems can don tu bsngo:__yang dag rdo rje'i don rtogs shog:__lan gsum/__sgo gsum ye shes su smin byed dbang la rags las kyang dbang srog dam tshig la rags las pas/__spyi dang khyad par lhag pa rnams kyis bsdus pa'i sdom pa dang dam tshig mtha' dag ngo bo gnas 'gyur ba'i tshul gyis bzung*/__yon tan yar ldan tu bsrung*/__dus skabs dgos pa gang gtsor spyad par bgyi'o snyam pas 'di'i rjes zlos/__oM:__bde bar gshegs pa khyed ci 'dra:__de 'dra kho nar bdag gyur cig:__spyod pa rmad byung bsam yas pa:__'gro la phan phyir bdag gis spyad:__byang chub sems mchog dam pa dang :__sku gsung thugs kyi phyag rgya 'di:__srog gi phyir yang mi gtong na:__rdo rje rgyal pos byin rlabs mdzod:__dus ngan tha ma'i 'jig rten 'dir:__sangs rgyas mdzad dka' bdag gis bsgrub:__byang chub spyod dka' bdag gis spyad:__rdo rje rnal 'byor dkyil 'khor 'dir:__bdag cag bsam pa 'grub gyur cig:__lan gsum/__de dag gis dkyil 'khor phyi 'jug gi cho ga rnams grub nas/__nang 'jug gi slad du slob dpon gyi phyag gi rdo rjes drangs te yol ba'i nang du zhugs par mos shig__/dzaHhU~M ba~M ho:__zhes yol ba bsal/__de nas khyed rang rnams dkyil 'khor gyi shar sgo nas brtsams te g.yas skor gyis phyin cing sgo re re bzhin phyag bya ba'i 'dun pas thal mo gnas gsum du sbyor la 'di'i rjes zlos/__oM na ma ste hU~MH__oM na mA mi hU~MH__oM na mo na maHhU~MH__lan bzhi brjod/__de nas nang 'jug gi dngos gzhi ye shes pa dbab pa yin pas khyed rang rnams lus gnad drang por srongs/__ngag gnad srog rtsol kha sbyor du chings/__yid kyi gnad gzhan du ma yengs par dmigs pa 'di rnams rtse gcig tu sgoms shig__/oM ma ha shU n+ya tA sogs/__chos thams cad 'od gsal stong pa nyid kyi ngang las/__snod rnam par dag pa sa phyogs 'di nyid 'og min pad+ma drwa ba'i zhing gi rgyan bkod yongs su rdzogs pa'i dbus su khyed rang rnams gang du gnas pa'i go sar pad sdong nyi zla'i gdan gyi steng du/__bcud rnam par dag pa rang rig pa'i ngo bo hrIHyig dkar po las 'od zer 'phro 'dus rdo rje hrIHsa mtshan par gyur/__de las kyang 'phro 'dus yongs su gyur pa las/__khyed rang rnams skad cig gis rigs 'dus bla ma pad+ma 'byung gnas dkar la dmar ba'i mdangs chags shing mtshan dpe yongs su rdzogs pa/__phyag g.yas pas rdo rje thugs ka'i stod du 'dzin cing g.yon mnyam bzhag ban+d+ha tshe bum dang bcas pa bsnams pa/__dbu la 'dab ldan pad+ma mthong grol dang sku la gsang gos phod ka chos gos za 'og gi ber phyams rnams brtsegs mar gsol ba/__gru mo g.yon tu kha T+wAM rtse gsum bsten cing ye shes kyi rang 'od 'bar ba'i klong du zhabs rdo rje'i skyil mo krung gis bzhugs pa'i thugs kar pad zla'i gdan la ye shes sems dpa' tshe dpag med dmar gsal longs sku'i chas can/__phyag mnyam bzhag tshe bum bsnams shing zhabs rdo rje'i skyil krung du bzhugs pa/__rang 'od kyi yum gos dkar mo dang mnyam par sbyor ba'i mkha' gsang nas byang chub sems kyi thig le hU~M dmar po dang b+h+yo sngon po gtso bo'i sku'i g.yas dang g.yon tu spros pa las/__g.yas phyogs su pad nyi rgyal bsen gyi gdan la che mchog gu ru drag po rab dmar me'i mdog can khro zhing gtum pa/__rdo rje dang sdig pa 'dzin cing zur zhal g.yon tu gzigs pa/__dur khrod kyi chas brgyad kyis brgyan cing rdo rje'i me 'od 'bar ba'i klong na 'gying zhing brjid pa/__g.yon phyogs su pad nyi byad ma bsnol ba'i gdan la ye shes DA ki seng gdong ma nam mkha'i mdangs can gnam lcags kyi ral pa sgreng ba/__zur zhal g.yas su gzigs shing phyag gnyis gri gug thod khrag dang gru mo na kha T+wAM rtse gsum 'chang ba/__seng ge'i pags pa'i stod g.yogs stag lpags kyi sham thabs grol ba/__rus pa dang rin po che'i rgyan gyis spras shing zhabs gnyis brkyang bskum gar stabs kyi rol pas bzhugs pa/__gtso bo gsum gyi gnas gsum du rdo rje'i yi ge 'bru gsum 'od 'bar bas mtshan par gsal thob/__de nas rgyud rnam par dag pa ye shes lha'i gzi byin dbab pa'i slad du/__slob dpon dang khyed rang rnams kyi gnas gsum nas 'od zer nyi ma'i zer thag lta bu nam mkha'i dbyings gang ba 'phros/__phyogs bcu'i rtsa gsum rgyal ba'i dkyil 'khor rab 'byams rnams dang*/__khyad par bde chen pad+ma 'od kyi pho brang*/__dbang drag rol pa'i dur khrod/__dag pa mkha' spyod o rgyan gyi zhing rnams su bzhugs pa'i bla ma yi dam mkha' 'gro dang bcas pa'i thugs rgyud bskul/__de thams cad kyang gu ru rtsa ba gsum gyi sku phyag rgya gsung yig 'bru thugs phyag mtshan 'od zer gyi rnam par bzhengs te char babs pa ltar byon nas khyed rang rnams kyi sgo gsum la thim pas rgyud byin gyis brlabs par mos shig__/'bebs pa'i rdzas bdug__/dbyangs dang DA dril bcas/__hU~M hrI:__bzhengs shig bla ma rig 'dzin rgya mtsho'i tshogs:__dgongs shig drag po yi dam dkyil 'khor lha:__skyod cig gnas gsum mkha' 'gro'i tshogs dang bcas:__chos kyi dbyings nas gnas 'dir gshegs su gsol:__rdo rje'i sku yi gzi brjid lus la stsol:__snying po sngags kyi byin rlabs ngag la phob:__'od gsal thugs kyi dgongs pa yid la spor:__mchog dang thun mong dngos grub stsal du gsol:__oM AHhU~M gu ru d+he ba d+hA ki nI dz+nyA na A be sha ya a AH__zhes lan mang du brjod/__ye shes pa'i byin rlabs kyi rgyun byang chub ma thob kyi bar du brtan par byas par mos shig__/tiSh+Tha badz+ra/__zhes mgo bor rdo rje rgya gram du bzhag__/sngar byin pa'i me tog gi cod pan de nyid rang rig lhag pa'i lha la 'bul ba'i mos pas sngags 'di'i rjes zlos dang bcas 'dor bar zhu/__pra tIts+tsha badz+ra hoH__zhes 'dor du gzhug__/slar spyi bor bkod la/__me tog rang gi rigs kyi lhas bzhes nas slar yang dbang rtags kyi tshul du sbyi bor bcings par mos shig__/pra ti gr-ih+Na -i maM sa twa ma hA bA la/__ma rig pa'i sgrib g.yogs thams cad mig dar dang lhan cig bsal bas rnam dag ye shes kyi spyan thob par mos shig__/badz+ra tsak+ShuHpra be sha ya phaT/__ces gdong bsal/__dag pa'i mig gis ye shes kyi dkyil 'khor mjal bar gyur pa ni/__thar pa chen po'i gzhal med khang rgyan dang bkod pa mtshan nyid thams cad yongs su rdzogs pa'i dbus su pad sdong nyi zla'i gdan gyi steng du dkon mchog rtsa gsum kun 'dus gu ru pad+ma 'od 'bar la bla ma rig 'dzin grub thob bye ba 'bum sdes bskor ba/__g.yas su pad nyi rgyal bsen gyi gdan gyi steng du che mchog gu ru drag po la yi dam rgyal ba'i dkyil 'khor rab 'byams kyis bskor ba/__g.yon tu pad nyi byad ma'i gdan gyi steng du mkha' 'gro seng ge'i gdong pa can la 'bum phrag yangs pa'i mkha' 'gro'i tshogs kyis bskor ba/__sgo bzhir rigs bzhi'i dpa' bo yab yum bcas byin rlabs dngos grub phrin las kyi rtsa ba ma lus pa'i dkyil 'khor chen po rten dang brten par bcas mngon sum du mjal bar mos pas dad pa dang spro ba skyed cig__/de rnams kyis dkyil 'khor du 'jug pa'i chos rnams grub pa lags/__gnyis pa ni/__de nas dngos gzhi'i dbang bskur zhu ba'i yon du thog mar maN+Dal 'bul 'tshal/__gsol ba 'debs pa 'di'i rjes zlos/__byung chub rdo rjes sangs rgyas la/__/mchod chen ji ltar stsal ba ltar/__/bdag kyang bskyab pa'i don gyi phyir/__/nam mkha'i rdo rje deng bdag stsol/__lan gsum/__slob dpon gyi thugs ka nas 'od zer 'phros gdan gsum tshang ba'i dbang gi lha nam mkha' gang bar spyan drangs/__badz+ra sa mA dzaH__oM sarba ta thA ga ta ar+g+haM nas/__shab+da pra tIts+tsha swA hA/__chos sku nam mkha' sogs kyis bstod/__rdo rje can gyis sangs rgyas la/__/'gro ba skyob pa'i ched du dbang*/__/yon tan 'byung gnas ji ltar stsal/__/de ltar 'di la'ang stsal du gsol/__ces gsol ba btab pas nam mkha' bzhugs pa'i de bzhin gshegs pa rnams kyis dbang gi dgongs pa mdzad/__byang chub sems dpa' rnams kyis me tog mthor zhing shis pa brjod/__rig pa'i lha mo rnams kyis rdo rje'i glu+u dbyangs len/__khro bo khro mo rnams kyis drag po'i tshams rngams dang bcas te bgegs bskrad/__rigs kyi yum lngas bum pa bdud rtsis bkang bas dbang bskur stsol bar mos shig__/rnam bum thogs la/__hU~M:__bkra shis bum pa ye shes gzhal med khang :__rtsa gsum 'od zhu bdud rtsi'i bcud kyis gtams:__skal ldan rigs kyi bu la dbang bskur bas:__gzung 'dzin snang zhen lha skur dag par shog:__oM hU~M trA~M hrIHA ka la sha badz+ra a mr-i ta a b+hi Shiny+tsa mi:__zhes dbang bskur bas bdud rtsi'i rgyun gyis lus kyi nang thams cad gang*/__dri ma dag__/chu lhag ma yar lud pa las pad+ma'i rigs bdag gtso bor gyur pas dbur brgyan par mos shig__/de'i rjes 'brel du sku gsung thugs kyi dbang bskur ba yin pas dmigs pa 'di bzhin tu mdzod/__gu ru rtsa ba gsum ye shes sems dpa' dang bcas pa'i sku las ye shes kyi phyag rgya gnyis par 'phros/__khyed rang rnams kyi gnas so sor thim par mos shig__/tsakli bzhi pos dbang rim par bskur la/__hrI:__pad+ma'i rigs kyi dkyil 'khor rgya mtsho'i gtso:__bcom ldan mgon po tshe dpag med pa yisaH__skal ldan rigs kyi bu la dbang bskur bas:__tshe dang ye shes snang ba rgyas par shog:__oM AHhU~M badz+ra gu ru pad+ma sid+d+hi A yu She hU~M nr-i dzaH__kA ya a b+hi Shiny+tsa oM:__AH__rtsa gsum rgyal ba rab 'byams 'dus pa'i dngos:__rigs kun khyab bdag pad+ma 'od 'bar gyis:__skal ldan rigs kyi bu la dbang bskur bsaH__smin grol byin rlabs phrin las yongs rdzogs shog:__oM AHhU~M badz+ra gu ru pad+ma sid+d+hi hU~M:__kA ya a b+hi Shiny+tsa oM:__hU~M:__chos sku zhi ba'i dbyings las ma g.yos kyang :__ye shes rig rtsal gu ru drag po yisaH__skal ldan rigs kyi bu la dbang bskur bsaH___gdug pa tshar gcod dngos grub mchog thob shog:__oM AHhU~M artsika nirtsika na mo b+ha ga wa te hU~M hU~M phaT:__kA ya a b+hi Shiny+tsa oM:__b+h+yo:__dus gsum sangs rgyas skyed dang rol pa'i yum:__mkha' 'gro'i gtso mchog seng ge'i gdong can mas:__skal ldan rigs kyi bu la dbang bskur bas:__byad phur srung zlog phrin las myur 'grub shog:__aHkaHsaHmaHraHtsaHshaHdaHraHsaHmaHraHyaHphaTa?:__kA ya a b+hi Shiny+tsa oMH__des lha bsgom pa sku'i dbang lus la thob pa yin pas/__deng phyin chad bskyed pa phyag rgya'i gzer snang zhen la thebs pas snod bcud thams cad lha'i dkyil 'khor du 'char ba'i rnal 'byor chu bo'i rgyun lta bu la brtson par gyis shig__/slob dpon dkyil 'khor gyi gtso bo dang khyed rang gnyis ka bla ma pad+ma 'od 'bar du gsal ba'i thugs ye shes sems dpa'i thugs klong du gser gyi rdo rje rtse lnga pa'i lte bar hrIHdkar po'i mthar sngags phreng g.yas su 'khod pa/__gtso bo'i thugs ka'i sngags phreng las gnyis pa 'phros/__zhal nas thon te khyed rang rnams kyi zhal du zhugs/__thugs ka'i sngags phreng la thim/__de las 'od zer bsam gyis mi khyab pa 'phros pas rtsa gsum rgyal ba'i dkyil 'khor rab 'byams rnams mchod/__byin rlabs 'od dang thig le'i rnam par byon nas khyed rang la thim pa tsam gyis/__las nyon sdig sgrib dbyings su zhi/__rig pa'i rtsal chen phyogs med du rgyas/__gnyis su med pa'i ye shes rang dbang du gyur par mos la rdo rje'i snying po 'bru bcu gnyis pa'i rjes zlos/__oM AHhU~M badz+ra gu ru pad+ma sid+d+hi hU~M:__lan gsum/__mdun bskyed dang khyed rang gnyis kyi g.yas phyogs su bzhugs pa'i gu ru drag po'i thugs kar pad nyi'i steng du gnam lcags kyi rdo rje'i lte bar hU~M dmar po'i mthar sngags phreng dang bcas pa/__mdun bskyed kyi thugs ka nas sngags phreng gnyis pa 'phros/__zhal nas thon te g.yas kyi gu ru drag po'i zhal du zhugs/__thugs ka'i sngags phreng la thim pas g.yas bskor du rang sgra dang bcas te 'khor ba las sku dang yig 'bru phyag mtshan me phung rdo rje'i tshwa tshwa nam mkha' gang ba 'phros/__rtsa ba gsum gyi thugs rgyud bskul/__dam can srung ma rnams las la bskul/__sde brgyad dregs pa can thams cad btul/__rgyal bsen dam sri ma rungs pa thams cad thal bar brlag__/snang grags rtogs gsum khrag 'thung pad+ma drag po'i dkyil 'khor du rdzogs par mos la gsang sngags 'di'i rjes zlos/__oM AHhU~M artsika nirtsika na mo b+ha ga wa te hU~M hU~M phaT:__lan gsum/__mdun bskyed dang khyed rang gnyis kyi g.yon phyogs su bzhugs pa'i mkha' 'gro seng gdong ma'i thugs kar pha lam gyi rdo rje'i lte bar b+h+yo sngon po'i mthar sngags phreng gis bskor ba/__spyi bor aHkaH__mgrin par saHmaH__snying gar raHtsaH__lte bar shaHdaH__gsang bar raHsaH__brla g.yas su mAHraH__g.yon tu yaHphaTaH__ces pa'i sngags kyi go chas gtams pa/__mdun bskyed kyi thugs ka'i sngags phreng las gnyis pa 'phros/__g.yon gyi seng gdong ma'i zhal du zhugs/__thugs ka'i sngags phreng la thim pas sngags phreng dang go cha rnams las rang 'dra ba'i sprul pa rigs lnga dang*/__'od zer lnga ldan 'jig rten gyi khams gang bar 'phros pas/__nad gdon bar chad zhi/__tshe bsod dpal 'byor rgyas/__khams gsum snang sems sdud/__dgra bgegs byad ma tshar bcad/__bde chen mchog gi ye shes spel bar mos la drag sngags 'di'i rjes zlos/__aHkaHsaHmaHraHtsaHshaHdaHraHsaHmaHraHyaHphaTa?:_lan gsum/__aHkaHsaHmaHraHtsaHshaHdaHraHsaHmaHraHyaHphaTa?:__nad gdon sdig sgrib thams cad shAn+tiM ku ru swA hA:_lan gcig__aHkaHsaHmaHraHtsaHshaHdaHraHsaHmaHraHyaHphaTa?:__tshe bsod dpal 'byor ye shes thams _cad puSh+tiM ku ru oM:_lan gcig__aHkaHsaHmaHraHtsaHshaHdaHraHsaHmaHraHyaHphaTa?:__khams gsum rlung sems snang ba thams cad wa shaM ku ru hoH__lan gcig__aHkaHsaHmaHraHtsaHshaHdaHraHsaHmaHraHyaHphaTa?:__gnod byed dgra bgegs thams cad mA ra ya phaT:__lan gcig__/de nas phreng ba thogs la/__sngags phreng mgrin par bzhag pas sngags kyi nus pa brtan par byas par mos shig__/hU~MH__mi 'gyur thugs srog sngags phreng lu gu rgyud:__bskor dang spro bsdu bsnyen sgrub las sbyor gyis:__skal ldan rigs kyi bu la dbang bskur bas:__nus pa sngags kyi ye shes smin par shog:__wA ka a b+hi Shiny+tsa AH__des sngags bzla ba gsung gi dbang ngag la thob pa yin pas/__deng phyin chad bzlas pa sngags dang 'phro 'du ting nge 'dzin gyi gzer srog rtsol la thebs pas sgra grags thams cad gsang sngags rdo rje'i dbyangs su 'char ba'i rnal 'byor chu bo'i rgyun lta bu la brtson par gyis shig__/me long bstan la/__'di ltar chos thams cad rang sems 'khrul pa'i gzugs brnyan sems kyi ngo bo stong nyid rig pa'i snying po can yin pas/__snang dus nyid nas gsal rig stong gsum zung du 'jug pa me long nang du gzugs brnyan shar ba'i brdas mtshon par gyis shig__/hU~MH__gdod nas rnam dag rig stong byang chub sems:__stong zhing gsal ba me long brdas mtshon te:__skal ldan rigs kyi bu la dbang bskur bas:__'od gsal thugs kyi dgongs pa mngon gyur shog:__tsit+ta a b+hi Shiny+tsa hU~M:__des 'od gsal bsgom pa thugs kyi dbang sems la thob pa yin pas/__deng phyin chad dgongs pa mi 'gyur ba'i gzer mtshan rtog la thebs pas 'khor 'das thams cad bde chen chos sku'i rang bzhin tu 'char ba'i rnal 'byor chu bo'i rgyun lta bu la brtson par gyis shig__/de rnams kyis phyi mtshan ma'i dkyil 'khor du bum pa'i dbang bskur ba thob/__lus rtsa yi sgrib pa dag__/lam bskyed rim dbyibs kyi rnal 'byor bsgom pa la dbang*/__zhi ba'i las dang rnam smin rig 'dzin 'grub pa'i skal ba bzhag__/'bras bu sku rdo rje sprul pa'i sku 'grub pa'i sa bon thebs pa yin no/__/de nas gsang ba'i dbang gi slad du/__bla ma dkyil 'khor gyi gtso bo rang 'od ye shes kyi rig ma dang snyoms par zhugs pa'i dga' ba'i sgra dang bde ba'i 'od zer gyis/__rtsa gsum rgyal ba'i dkyil 'khor pa thams cad snyoms par zhugs/__bde ba chen por zhu nas bla ma yab yum gyi byang chub sems kyi rgyun dang ro gcig tu 'dres pa mkha' gsang nas babs/__pad+ma b+hany+dza'i snod du bskyil ba khyed rang rnams kyis mgrin par myang bas lus thams cad bde bas khyab/__snang gsum 'od gsal du thim/__rtsa rlung thig gsum ye shes su smin par mos shig__/thod chang sbyin la/__AH__bla ma yab yum sbyor ba'i byang chub sems:__bde chen pad+ma b+hany+dza'i snod du bskyil:__skal ldan rigs gyi bu la sbyin pa yis:__rtsa khams rlung la ye shes rdzogs par shogaH__bo d+hi tsit+ta dz+nyA na a b+hi Shiny+tsa A:__des nang lus kyi dkyil 'khor du gsang ba'i dbang bskur ba thob/__ngag rlung gi sgrib pa dag__/lam bdag byin rlabs kyi rnal 'byor bsgom pa la dbang*/__rgyas pa'i las dang tshe dbang rig 'dzin 'grub pa'i skal ba bzhag__/'bras bu gsung rdo rje longs spyod rdzogs pa'i sku 'grub pa'i sa bon thebs pa yin no/__/des dbang gsum pa bskur rung du smin pa la rgyud nas bsngags pa'i mtshan nyid yongs su rdzogs shing gzugs dang lang tsho mdzes pa'i phul du byung bas yid 'phrog par byed pa'i phyag rgya lag tu gtad par mos shig__/rig tsaka gtad la/__dga' bzhi'i gnas ster rdo rje'i pho nya mo:__ye shes rigs kyi phyag rgyar byin brlabs nas:__skal ldan rigs kyi bu la sbyin pa yis:__thig le bde stong chen por smin par shog:__ma hA su kha dz+nyA na a b+hi Shiny+tsa hU~M:__phyag rgya mo de dang khyed rang rnams lha sngags chos kyi 'du shes gsum dang ldan pas snyoms par zhugs pa las/__yas babs dang mas brtan gyi rim pa las skyes pa'i thabs shes kyi dga' ba bcu drug nyams su myongs/__rtog tshogs zhu bde'i dbyings su nub/__zag med lhan cig skyes ba'i bde ba spyi bor brtan par mos la nga rgyal bzung ba'i sngags rgya 'di'i rjes zlos/__'khyud rgya byas la/__/oM sarba ta thA ga ta ma hA a nu rA ga Na badz+ra swa b+hA wa At+ma ko\u0f85haM/__des gsang ba b+ha ga'i dkyil 'khor du shes rab ye shes kyi dbang bskur ba thob/__yid thig le'i sgrib pa dag__/lam gzhan lus pho nya'i rnal 'byor bsgom pa la dbang*/__dbang gi las dang phyag rgya'i rig 'dzin 'grub pa'i skal ba bzhag__/'bras bu thugs rdo rje chos sku 'grub pa'i sa bon thebs pa yin no/__/shel rdo thogs la/__gzhi ka dag spros pa dang bral ba gdal khyab lhun 'byams nam mkha' lta bu'i dbyings las/__lam lhun grub 'od gsal snang ba bzhi'i ye shes rang byung du shar ba nyid/__lta sgom zung du 'brel ba'i gnad kyis rtogs goms gding du gyur pa las/__'bras bu gzhon nu bum pa skur mngon par byang chub par 'gyur ba bzhi pa rig pa rtsal gyi dbang don lags pas de'i brda don rtogs par mdzod cig__/ho:__ka dag dbyings las lhun grub gdangs shar ba:__rang byung rdo rje sems dpa'i me long gis:__skal ldan rigs kyi bu la dbang bskur bas:__dbyings rig zung 'jug snang ba mthar phyin shog:__dz+nyA na d+hA tu a b+hi Shiny+tsa a A:__des snang srid rdzogs pa chen po'i dkyil 'khor du rig pa rtsal gyi dkyil 'khor du dbang bskur ba thob/__sgau gsum shes bya'i sgrib pa dag__/lam khregs chod dang thod rgal bsgom pa la dbang*/__drag po'i las dang lhun grub rig 'dzin 'grub pa'i skal ba bzhag__/'bras bu ye shes rdo rje mngon byang gi sku 'grub pa'i sa bon thebs pa yin no/__/de rnams kyis rtsa ba'i dbang bskur rgyas par grub nas/__mtha' rten bkra shis 'chi med tshe'i dbang bskur zhu ba'i yon tu dmigs te maN+Dal phul/__gsol ba 'debs pa 'di'i rjes zlos/__rtsa gsum rgyal ba rab 'byams ngo bo nyid:__tshe dpag med mgon pad+ma thod phreng rtsal:__skal ldan bdag la brtse bas nyer dgongs nasaH__sku gsung thugs kyi byin rlabs tshe dbang stsol:__lan gsum/__de la thog mar tshe dbang dngos grub 'gugs pa'i slad du dmigs pa 'di bzhin mdzod/__khyed rang rnams rigs 'dus ma hA gu ru pad+ma 'byung gnas rgyan cha lugs phyag mtshan yongs su rdzogs shing gnas gsum 'bru gsum dang ye shes sems dpa' thugs srog hrIHdang bcas pa gzi brjid 'od du 'bar bar gsal thob/__slob dpon dkyil 'khor pa rnams kyi thugs ka nas 'od zer lcags kyu'i dbyibs can dang pho nya mgyogs ma'i tshogs nyi zer gyi rdul lta bu 'khor 'das brtan g.yo'i khams khyab par spros pas/__khyed rang rnams kyi bla tshe 'khyams pa yar ba stor cing chad nyams su gyur pa rnams dang*/__'byung ba sa chu me rlung gi dwangs bcud/__stong gsum srid pa gsum na gnas pa'i skye 'gro rnams kyi tshe bsod dpal 'byor/__rtsa gsum rgyal ba rgya mtsho'i thugs rje byin rlabs nus pa'i bcud thams cad bdud rtsi 'od zer kha dog sna tshogs pa'i rnam par bsdus te khyed rang rnams kyi ba spu'i bu ga nas sib kyis zhugs/__snying dbus ye shes sems dpa'i dwangs srog hrI:la thim pas bla tshe dbang thang nyams pa sor chud/__'chi ba med pa tshe'i dngos grub thob/__mdun gyi tshe rdzas rnams la thim pas rdo rje'i bcud len chen por grub par sgoms shig__/mda' dar g.yab la/__hU~M hrIH__bde chen pad+ma drwa ba'i zhing khams nas:__tshe dpag med mgon o rgyan thod phreng rtsal:__rab 'byams rtsa gsum rgya mtsho'i tshogs dang bcas:__thugs dam bskul lo thugs rje'i ye shes skyed:__'od zer lcags kyu pho nya mgyogs ma'i tshogs:__nyi zer rdul ltar srid zhi khyab par spros:__rnal 'byor bdag gi bla tshe chad nyams dang :__sde brgyad 'byung pos 'phrog pa thams cad khug:__sa chu me rlung 'byung ba'i dwangs bcud sdus:__skye 'gro'i tshe bsod dpal 'byor shes rab dang :__rtsa gsum rgyal ba'i thugs rje'i byin rlabs bcud:__snying dbus mi shigs dwangs ma'i srog la stims:__sgrub pa'i dam rdzas ye shes bdud rtsir skyil:__bla srog dbang thang yar ba rang sor chud:__mi 'gyur mi shigs rdo rje'i tshe bcud spel:__'chi med ye shes mchog gi dngos grub stsol:__oM AHhU~M badz+ra gu ru pad+ma sid+d+hi A yu She hU~M nr-i dzaH__tshe 'brang ye shes 'od lnga'i gzhal med khang du 'chi med pad+ma 'byung gnas rtsa brgyud bla ma'i tshogs dang bcas te bzhugs pa'i phyag gi bum pa nas 'chi med bdud rtsi'i rgyun babs/__khyed rang rnams kyi spyi bo nas zhugs/__lus kyi nang gang bas mi 'gyur rdo rje'i sku'i tshe dbang thob par mos shig__/tshe 'brang spyi bor bzhag la/__oM:__snying po'i bcud bsdus ye shes 'od lnga'i klong :__pad+ma 'od 'bar tshe yi lha tshogs bzhugs:__deng 'dir skal ldan khyod la dbang bskur bas:__rtsa khams 'pho med rdo rje'i sku 'grub shogaH__oM AHhU~M badz+ra gu ru pad+ma sid+d+hi A yu She hU~M nr-i dzaH__kA ya a d+hiSh+Tha na a b+hi Shiny+tsa oM:__sku mi zad pa rgyan gyi 'khor lo'i 'chi med tshe'i dbang mchog lha dang gnyis su med par thob par gyur cig__/ces me tog 'thor/__brtan g.yo kun gyi bcud kyi snying po byang chub sems kyi rang bzhin bdud rtsir bsdus pa'i tshe chang mgrin par myang bas 'gags med rdo rje gsung gi tshe dbang thob par mos shig__tshe chang sbyin la/___AH__bde chen pad+ma b+hany+dza'i snod yangs su:__byang chub sems kyi bdud rtsis rab tu gtams:__deng 'dir skal ldan khyod la sbyin pa yis:__rlung sngags mi shigs rdo rje'i gsung 'grub shog:__oM AHhU~M badz+ra gu ru pad+ma sid+d+hi A yu She hU~M nr-i dzaH__wA ka a d+hiSh+ThA na a b+hi Shiny+tsa AH__gsung mi zad pa rgyan gyi 'khor lo'i 'chi med tshe'i dbang mchog lha dang gnyis su med par thob par gyur cig__/srid zhi'i dwangs bcud thig le'i gzugs su 'khyil ba'i tshe'i ril bu gsol bas 'pho med rdo rje thugs kyi tshe dbang thob par mos shig__/tshe ril sbyin la/__hU~M:__'khor 'das dwangs bcud bde chen thig le'i gzugasaH__sgrub pa'i dam rdzas myong grol tshe'i ril bu:__deng 'dir skal ldan khyod la sbyin pa yis:__'od gsal rtag pa rdo rje'i thugs 'grub shog:__oM AHhU~M badz+ra gu ru pad+ma sid+d+hi A yu She hU~M nr-i dzaH__tsit+ta a d+hiSh+Tha na ab+hi Shiny+tsa hU~M:__thugs mi zad pa rgyan gyi 'khor lo'i 'chi med tshe'i dbang mchog lha dang gnyis su med par thob par gyur cig__/tshe'i dwangs bcud thams cad snying dbus mi shigs pa'i srog yig hrIHla thim/__rdo rje ye shes 'od lnga'i drwa bas bcings/__lus thams cad chos bdun dang ldan pa'i rdo rje'i go cha bgos pas nam yang skye 'chi gzhom gzhig dang bral ba'i rtag brtan rdo rje'i phyag rgyas btab par mos shig__/mda' dar rgya gram du reg la/__A:__tshe yi dwangs ma mi shigs thig ler thim:__srog gi mdud pa dbu ma'i dby-ings su bcings:__rdo rje'i chos bdun ye shes rgyas btab pas:__mi 'gyur rtag pa gnyug ma'i tshe thob shog:__dz+nyA na badz+ra A yu She rak+Sha haM:__zhes rgyas btab/__de nas bkra shis rdzas rtags rin chen rnam bdun bcas spyi 'gro'i sh+lo ka re brjod la gtad/__me tog 'thor zhing bkra shis pa'i tshigs bcad ci rigs brjod la snyan pa'i rol mo'i gdangs spro bar bya'o/__/gsum pa mjug gi las rim la/__dbang rjes ni/__de ltar na de dag rnams kyi sgo nas thun mong dang mchog gi dngos grub gcig car du sgrub pa'i zab gnad snying por dril ba rtsa gsum spyi 'dus snying tig gi smin byed mtha' rten bcas rgyas par grub pa yin pas sogs kyis mtshams sbyar la/__dam tshig bsgrag bzung*/__gtang rag maN+Dal/__lus 'bul/__dge bsngo _rnams spyi ltar byas la slob ma gyes/__las rjes ni/__slob dpon gyis/__tshogs la rol cing lhag chog gtor skyong rta bro'i bar du bya/__gtang rag mchod bstod 'bul/__nongs bshags dang*/__mdun dkyil rten yod med dang bstun pa'i gshegs bstim gang 'os/__bdag bskyed bsdu ldangs/__bsngo smon shis brjod bcas kyis 'grub bo/__/dbyings gcig rnam 'gyur tha dad shar ba las/__/byin rlabs dngos grub phrin las kun 'byung ba/__/gtso bsdus blo dman nyams 'og chud nges 'di'i/__/smin grol bdud rtsis 'jig rten kun khyab shog__/de las mchog grub rig 'dzin bgrang yas 'phel/__/des kyang bstan 'gro'i bde skyid dgung du spor/__/'od gsal rdo rje snying po'i nyin mor byed/__/mi 'grib skye dgu'i yid mkhar 'char gyur cig__/tshul 'di'ang rigs brgya'i khyab bdag gter chen bla ma nyid kyis smin grol zab mos rjes su bzung ste bka'i cod pan spyi bor stsal ba las/__rje nyid kyis ji ltar gnang ba'i phyag bzhes la 'phri bsnan med par/__'chi med bstan gnyis g.yung drung gling pas rdo rje'i rdzong lnga 'dus pa'i sgrub chen dgu'i pho brang du bkod pa dge legs 'phel//__//