JKCL-KABUM-11-DA-076

Previous Text Back to Volume PageNext Text

རྡོ་རྒྱལ་མུ་ནམ་ལ་གཏོར་འབུལ་བསྡུས་པ་ཕན་བདེའི་མཆོག་སྟེར།

Wylie title	rdo rgyal mu nam la gtor 'bul bsdus pa phan bde'i mchog ster
Location	chos kyi blo gros bka' 'bum Volume 11, Text 76, Pages 397-398 (Folios 1a1 to 1b2)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. rdo rgyal mu nam la gtor 'bul bsdus pa phan bde'i mchog ster. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 11: 397-398. Bir, H.P.: Khyentse Labrang, 2012.
Genre	Torma-offering Rituals - gtor chog
Deity	rdo rgyal mu nam
Colophon	ཅེས་པའང་གདོང་སྣ་ཆོས་རྗེ་ཕན་བདེ་འོད་ཟེར་གྱིས་ལྷ་རྫས་དང་བཅས་གསུང་བསྐུལ་ངོར་འཇམ་དབྱངས་ཆོས་ཀྱི་བློ་གྲོས་པས་གྲོ་བཞིན་ཟླ་བའི་ཚེས་གསུམ་ལ་བྲིས་པ་རྟེན་འབྲེལ་བཟང་ངོ་། །བཀྲ་ཤིས་པར་གྱུར་ཅིག།
	ces pa'ang gdong sna chos rje phan bde 'od zer gyis lha rdzas dang bcas gsung bskul ngor 'jam dbyangs chos kyi blo gros pas gro bzhin zla ba'i tshes gsum la bris pa rten 'brel bzang ngo /__/bkra shis par gyur cig/

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

རྡོ་རྒྱལ་མུ་ནམ་ལ་གཏོར་འབུལ་བསྡུས་པ་ཕན་བདེའི་མཆོག་སྟེར་བཞུགས་སོ། །བླ་མ་ལ་ཕྱག་འཚལ་ལོ། །སྲིད་པའི་ལྷ་ཆེན་མུ་ནམ་ལ་མཆོད་གཏོར་འབུལ་བ་འདོད་ན། གཏོར་མ་དཀར་དམར་བཤམས་ལ། རྃ་ཡྃ་ཁྃ། མི་གཙང་བའི་དྲི་མ་ཐམས་ཅད་བསྲེག་གཏོར་སྦྱངས། ཨོཾ་ཨཱཿཧཱུྃ་གིས་འདོད་ཡོན་ནམ་མཁའ་དང་མཉམ་པ་རྒྱས་པར་སྤེལ་བར་གྱུར། ནམ་མཁའ་མཛོད་ཀྱི་སྔགས་རྒྱ་ལན་གསུམ་གྱིས་འབུལ། ཀྱེ། སྔོན་ཚེ་བསྐལ་པའི་ཐོག་མ་ལ། །ལྷ་ལས་ཆད་པའི་དཀར་ཕྱོགས་རྗེ། །མདོ་སྨད་སྡེ་བཞི་སྐྱོང་བའི་མགོན། །ཟིལ་ཁྲོམ་རྡོ་རྗེ་གཡུང་དྲུང་གི །ནང་བློན་ལྷ་ཆེན་མུ་ནམ་ནི། །མདོག་དཀར་ཀཱ་ཤིའི་ན་བཟའ་མཛེས། །ཕྱག་གཡས་མཁའ་ལྡིང་རྒྱལ་མཚན་ཕྱར། །གཡོན་པས་ཡིད་བཞིན་ནོར་བུ་བསྣམས། །དབུ་ལ་ཞྭ་དཀར་གཡུ་ཏོག་ལྡན། །སག་ཏའི་ལྷམ་གསོལ་རིན་ཆེན་ཁྲིར། །དར་ཟབ་འཇམ་འགོལ་ཡངས་པའི་སྟེང་། །སྒེག་ཉམས་རོལ་པའི་སྟབས་ཀྱིས་བཞུགས། །སྲས་ཡུམ་སྤྲུལ་པ་བློན་འཁོར་བཅས། །འདིར་གཤེགས་བཞུགས་ལ་མཆོད་གཏོར་བཞེས། །བདག་ཅག་རྣལ་འབྱོར་འཁོར་བཅས་རྣམས། །རྟག་ཏུ་བསྲུང་སྐྱོབས་དོན་རྣམས་སྒྲུབས། །ཡུལ་འདིར་ལོ་ལེགས་ཕྱུགས་འཕེལ་ཞིང་། །བཙའ་སད་སེར་བའི་གནོད་པ་སྲུངས། །འཇིག་རྟེན་བདེ་བའི་ཕྲིན་ལས་མཛོད། །ཅེས་གཏོར་མ་སྐྱེམས་ཕུད་མཆོད། གཏོར་བསྔོ་གཞན་དང་མ་འབྲེལ་ན། སྲིད་པའི་ལྷ་ཆེན་གཙོ་འཁོར་རྣམས། །རང་གནས་གཤེགས་ལ་དུས་དུས་སུ། །འབྱོན་ལ་བཀྲ་ཤིས་མཛད་དུ་གསོལ། །ཅེས་བརྗོད། བསང་བྱེད་ན། འདིར་གཤེགས་བཞུགས་ལ་བསང་མཆོད་བཞེས། ཅེས་པའང་གདོང་སྣ་ཆོས་རྗེ་ཕན་བདེ་འོད་ཟེར་གྱིས་ལྷ་རྫས་དང་བཅས་གསུང་བསྐུལ་ངོར་འཇམ་དབྱངས་ཆོས་ཀྱི་བློ་གྲོས་པས་གྲོ་བཞིན་ཟླ་བའི་ཚེས་གསུམ་ལ་བྲིས་པ་རྟེན་འབྲེལ་བཟང་ངོ་། །བཀྲ་ཤིས་པར་གྱུར་ཅིག། །།

[edit]

rdo rgyal mu nam la gtor 'bul bsdus pa phan bde'i mchog ster bzhugs so/__/bla ma la phyag 'tshal lo/__/srid pa'i lha chen mu nam la mchod gtor 'bul ba 'dod na/__gtor ma dkar dmar bshams la/__ra~M ya~M kha~M/__mi gtsang ba'i dri ma thams cad bsreg gtor sbyangs/__oM AHhU~M gis 'dod yon nam mkha' dang mnyam pa rgyas par spel bar gyur/__nam mkha' mdzod kyi sngags rgya lan gsum gyis 'bul/__kye/__sngon tshe bskal pa'i thog ma la/__/lha las chad pa'i dkar phyogs rje/__/mdo smad sde bzhi skyong ba'i mgon/__/zil khrom rdo rje g.yung drung gi__/nang blon lha chen mu nam ni/__/mdog dkar kA shi'i na bza' mdzes/__/phyag g.yas mkha' lding rgyal mtshan phyar/__/g.yon pas yid bzhin nor bu bsnams/__/dbu la zhwa dkar g.yu tog ldan/__/sag ta'i lham gsol rin chen khrir/__/dar zab 'jam 'gol yangs pa'i steng /__/sgeg nyams rol pa'i stabs kyis bzhugs/__/sras yum sprul pa blon 'khor bcas/__/'dir gshegs bzhugs la mchod gtor bzhes/__/bdag cag rnal 'byor 'khor bcas rnams/__/rtag tu bsrung skyobs don rnams sgrubs/__/yul 'dir lo legs phyugs 'phel zhing /__/btsa' sad ser ba'i gnod pa srungs/__/'jig rten bde ba'i phrin las mdzod/__/ces gtor ma skyems phud mchod/__gtor bsngo gzhan dang ma 'brel na/__srid pa'i lha chen gtso 'khor rnams/__/rang gnas gshegs la dus dus su/__/'byon la bkra shis mdzad du gsol/__/ces brjod/__bsang byed na/__'dir gshegs bzhugs la bsang mchod bzhes/__ces pa'ang gdong sna chos rje phan bde 'od zer gyis lha rdzas dang bcas gsung bskul ngor 'jam dbyangs chos kyi blo gros pas gro bzhin zla ba'i tshes gsum la bris pa rten 'brel bzang ngo /__/bkra shis par gyur cig/__//__