ས་ལུགས་ཆོས་སྐྱོང་གཏོར་བསྔོ་བསྡུས་པ།

🚧 This website is under continued development. We appreciate your patience!

Previous Text Back to Volume PageNext Text

Wylie title	sa lugs chos skyong gtor bsngo bsdus pa
Location	chos kyi blo gros bka' 'bum Volume 11, Text 25, Pages 127-130 (Folios 1a1 to 2b2)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. sa lugs chos skyong gtor bsngo bsdus pa. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 11: 127-130. Bir, H.P.: Khyentse Labrang, 2012.
Genre	Protector Rituals - gsol mchod  ·  Torma-offering Rituals - gtor chog
Deity	chos skyong
Colophon	།ཞེས་པའང་ཆོས་ཀྱི་བློ་གྲོས་པས་སོ།།
	/zhes pa'ang chos kyi blo gros pas so//

1 Texts in this Section (sde tshan or chos tshan)

127-130	ས་ལུགས་ཆོས་སྐྱོང་གཏོར་བསྔོ་བསྡུས་པ། sa lugs chos skyong gtor bsngo bsdus pa Protector Rituals - gsol mchod   ·   Torma-offering Rituals - gtor chog	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

ས་ལུགས་ཆོས་སྐྱོང་གཏོར་བསྔོ་བསྡུས་པ་བཞུགས་སོ། །མཆོད་གཏོར་རྣམས། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་སྭ་བྷཱ་ཝ་ཤུདྡྷཿ སོགས་ཀྱིས་སྦྱང་། སྟོང་པའི་ངང་ལས་ཨ་ལས་ཐོད་པའི་སྣོད། །ཡངས་ཤིང་རྒྱ་ཆེ་སྟོང་གསུམ་མཉམ་པའི་ནང་། ཤ་ལྔ་བདུད་རྩི་ཡེ་ཤེས་ལྔའི་ངོ་བོར། །འོད་ཞུ་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ་ཧ་ཧོ་ཧྲཱིཿ ལན་གསུམ་གྱི་བྱིན་གྱིས་བརླབ། ཧཱུྃ། །འོག་མིན་བདེ་ཆེན་དག་པའི་ཕོ་བྲང་ནས། །རྣམ་སྣང་ཐུགས་ལས་སྤྲུལ་པའི་མཐུ་བོ་ཆེ། །བསྟན་སྲུང་ཀུན་གྱི་གཙོ་བོ་རྡོ་རྗེ་གུར། །དཔལ་ལྡན་མགོན་པོ་འདིར་བྱོན་མཆོད་གཏོར་བཞེས། །ཡོངས་འདུའི་ཚལ་དང་གཤིན་རྗེའི་ཕོ་བྲང་དང་། །འཛམ་གླིང་དེ་ཝཱི་ཀོ་ཊའི་གནས་མཆོག་ནས། །འདོད་ཁམས་གཙོ་མོ་ནམ་གྲུ་རེ་མ་ཏི། །དཔལ་ལྡན་ལྷ་མོ་འདིར་བྱོན་མཆོད་གཏོར་བཞེས། །སྣང་སྲིད་བྷ་ག་དབྱིངས་ཀྱི་དཀྱིལ་འཁོར་ནས། །འཁོར་འདས་ཀུན་གྱི་བདག་མོ་དབྱིངས་ཕྱུག་ཡུམ། །སྔགས་སྲུང་དྲགས་མོ་མ་མོ་མཁའ་འགྲོའི་གཙོ། །ཡུམ་ཆེན་རལ་གཅིག་འདིར་བྱོན་མཆོད༴ །བསིལ་བའི་ཚལ་དང་ཧ་ཧ་རྒོད་པ་དང་། །སིངྒ་གླིང་དང་ཏི་སེ་གངས་རི་དང་། །དར་ལུང་གནས་དང་ཁའུའི་བྲག་རྫོང་ནས། །ཞིང་སྐྱོང་དབང་པོ་འདིར༴ །དུར་ཁྲོད་བརྒྱད་དང་ལྷོ་ཕྱོགས་རི་སུལ་དང་། །རྡོ་རྗེ་གདན་དང་དཔལ་གྱི་བསམ་ཡས་དང་། །ན་ལ་ཙེ་དང་དཔལ་ལྡན་ས་སྐྱ་ནས། །ལས་མགོན་ཕོ་མོ་འདིར་བྱོན༴ །བྱང་ཤར་མ་རུ་རྩེ་ཡི་དུར་ཁྲོད་དང་། །རྒྱ་གར་བང་སོ་དམར་པོའི་བྲག་རི་དང་། །དར་ལུང་བྲག་ཧྲམ་ལ་སོགས་གནས་མཆོག་ནས། །གནོད་སྦྱིན་ལྕམ་དྲལ་འདིར༴ ཨོཾ་ཤྲཱི་མ་ཧཱ་ཀཱ་ལཱ་ཡ། མ་ཧཱ་ཀཱ་ལི་དེ་ཝཱི་ཨེ་ཀ་ཛཱ་ཊྀ་དེ་ཝཱི་ཨིནྡྲ་སཱི། བཛྲ་ཀཱ་ལ་ཡཀྵ་ཡེ། ཀཱ་ལི་ཡཀྵ་སཱི། ཡཀྵ་པུ་ཏྲ་ཡེ། རུ་ཏྲ་བྷ་ཏྲ་ཡེ། རུ་ལུ་རཀྑ་སཱི། ས་པ་རི་ཝཱ་ར་ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཥེ་བྷྱཿསརྦ་ཐཱ་ཁཾ་ཨུངྒ་ཏེ་སྥ་ར་ཎ་ཨི་མྃ་ག་ག་ན་ཁཾ་གྲིཧྞ་དམ་བ་ལིང་དེ་སྭཱ་ཧཱ། ཨོཾ་མ་ཧཱ་ཀཱ་ལ་ཀཱ་ལ་བི་ཀ་ལ་ར་ཏྲི་ཏ། ཌོམྦྷི་ནཱི། ཙཎྜ་ལཱི། རཀྑ་སཱི། སིངྒ་ལཱི། དེ་ཝཱི་ས་པ་རི་ཝཱ་ར་ན་མཿསརྦ༴ སོགས། ཨོཾ་གྷྲྀ་རཱ་ཛ་གྷྀ་རཱ་ཛ། ཀུ་མ་ཀུ་མ་ཁུམ་ཐིས་སྭཱ་ཧཱ། ཤྲཱི་ཤྨ་ཤ་ན་ཨ་དྷི་པ་ཏི་མ་ཧཱ་པི་ཤཱ་ཙི་བ་ལིངྟ་ཁ་ཁ་ཁཱ་ཧི་ཁཱ་ཧི། ཨོཾ་རཀྨོ་པྲཱ་ཎ་ཨཱཏྨ་ས་པ་རི་ཝཱ་ར་སརྦ་བིགྷྣན་ཤ་ཏྲཱུྃ་མཱ་ར་ཡ་ཨི་དམ་བྷ་ལིང་ཏ་གྲིཧྣ་པ་ཡ་ཁ་ཁ་ཁཱ་ཧི་ཁཱ་ཧི། ཨོཾ་ཤྲཱི་དྷརྨ་པཱ་ལ་ཨརྒྷཾ༴ ནས་ཤབྡ་ཨཱཿཧཱུྃ། ཨོཾ་ཤྲཱི་དྷརྨ་པཱ་ལ་ཨོཾ་ཨཱཿཧཱུྃ། གིས་ནང་མཆོད་ཕུལ། དཔལ་རྡོ་རྗེ་ནག་པོ་ཆེན་པོ་ལྕམ་དྲལ་འཁོར་དང་བཅས་པ་ཁྱེད་རྣམས་མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བཞེས་ལ་སངས་རྒྱས་ཀྱི་བསྟན་པ་སྲུངས། དཀོན་མཆོག་གི་དབུ་འཕང་བསྟོད། དགེ་འདུན་གྱི་སྡེ་སྐྱོངས། རྣལ་འབྱོར་པ་བདག་ཅག་དཔོན་སློབ་ཡོན་མཆོད་འཁོར་དང་བཅས་པའི་བར་ཆད་མི་མཐུན་པའི་ཕྱོགས་ཐམས་ཅད་ཞི་བ་དང་། བསམ་སྦྱོར་ཆོས་མཐུན་ཡིད་བཞིན་དུ་འགྲུབ་ཅིང་། བྱང་ཆུབ་མ་ཐོབ་ཀྱི་བར་དུ་བསྲུང་བསྐྱབ་སྦ་བའི་ཕྲིན་ལས་སྟོང་གྲོགས་རྒྱ་ཆེན་པོ་མཛད་དུ་གསོལ། ཞེས་ཕྲིན་ལས་བཅོལ། གསོལ་ལོ་མཆོད་དོ་རྒྱལ་བའི་བསྟན་སྲུང་ཚོགས། །བསྒྲུབ་བོ་རྟེན་ནོ་བླ་མའི་བཀའ་སྲུང་ཆེ། །འབོད་དོ་བསྐུལ་ལོ་རྣལ་འབྱོར་དགྲ་ལྷའི་ཚོགས། །རིངས་པའི་ཚུལ་གྱིས་འདིར་བྱོན་མཆོད་གཏོར་བཞེས། །ཤ་ཁྲག་དམར་གྱིས་བརྒྱན་པའི་གཏོར་མས་མཆོད། །ཛ་གད་སྨན་ཕུད་རཀྟའི་བཏུང་བས་མཆོད། །རྔ་ཆེན་རྐང་གླིང་རོལ་མོའི་སྒྲ་ཡིས་མཆོད། །དར་ནག་འཕན་ཆེན་སྤྲིན་ལྟར་གཏིབས་པས་མཆོད། །ཡིད་འཕྲོག་སྤྱན་གཟིགས་ནམ་མཁའ་མཉམ་པས་མཆོད། །རབ་བརྗིད་སྙན་པའི་དབྱངས་ཀྱི་ང་རོས་མཆོད། །ཕྱི་ནང་གསང་བའི་དམ་རྫས་རྒྱ་མཚོས་མཆོད། །བདེ་སྟོང་དབྱེར་མེད་ཡེ་ཤེས་རོལ་པས་མཆོད། །སངས་རྒྱས་བསྟན་པ་གཉེན་པོ་ཁྱེད་ཀྱིས་སྲུངས། །དཀོན་མཆོག་དབུ་འཕང་གཉེན་པོ་ཁྱེད་ཀྱིས་བསྟོད། །དཔལ་ལྡན་བླ་མའི་ཕྲིན་ལས་ཁྱེད་ཀྱིས་སྤེལ། །རྣལ་འབྱོར་བཅོལ་བའི་འདོད་དོན་ཁྱེད་ཀྱིས་སྒྲུབས། །མཆོད་པའི་ཡོ་བྱད་མ་འབྱོར་ཉམས་པ་སོགས། །ནོངས་པ་གང་མཆིས་ཆོས་སྐྱོང་སྲུང་མར་བཤགས། །མཆོག་ཐུན་དངོས་གྲུབ་མ་ལུས་རྩོལ་བ་དང་། །རྟེན་ལ་བཞུགས་སམ་རང་གནས་གཤེགས་སུ་གསོལ། །སྔོན་ཚེ་རྡོ་རྗེ་འཆང་གི་སྤྱན་སྔ་རུ་སོགས། །ཅེས་བརྗོད་པར་བྱའོ། །ཞེས་པའང་ཆོས་ཀྱི་བློ་གྲོས་པས་སོ།། །།

[edit]

sa lugs chos skyong gtor bsngo bsdus pa bzhugs so/__/mchod gtor rnams/__oM badz+ra a mr-i ta kuN+Da lI ha na ha na hU~M hU~M hU~M phaT swA hA/__oM swa b+hA wa shud+d+haHsogs kyis sbyang /__stong pa'i ngang las a las thod pa'i snod/__/yangs shing rgya che stong gsum mnyam pa'i nang /__sha lnga bdud rtsi ye shes lnga'i ngo bor/__/'od zhu bdud rtsi'i rgya mtsho chen por gyur/__oM AHhU~M ha ho hrIHlan gsum gyi byin gyis brlab/__hU~M/__/'og min bde chen dag pa'i pho brang nas/__/rnam snang thugs las sprul pa'i mthu bo che/__/bstan srung kun gyi gtso bo rdo rje gur/__/dpal ldan mgon po 'dir byon mchod gtor bzhes/__/yongs 'du'i tshal dang gshin rje'i pho brang dang /__/'dzam gling de wI ko Ta'i gnas mchog nas/__/'dod khams gtso mo nam gru re ma ti/__/dpal ldan lha mo 'dir byon mchod gtor bzhes/__/snang srid b+ha ga dbyings kyi dkyil 'khor nas/__/'khor 'das kun gyi bdag mo dbyings phyug yum/__/sngags srung drags mo ma mo mkha' 'gro'i gtso/__/yum chen ral gcig 'dir byon mchod=____/bsil ba'i tshal dang ha ha rgod pa dang /__/sing+ga gling dang ti se gangs ri dang /__/dar lung gnas dang kha'u'i brag rdzong nas/__/zhing skyong dbang po 'dir=____/dur khrod brgyad dang lho phyogs ri sul dang /__/rdo rje gdan dang dpal gyi bsam yas dang /__/na la tse dang dpal ldan sa skya nas/__/las mgon pho mo 'dir byon=____/byang shar ma ru rtse yi dur khrod dang /__/rgya gar bang so dmar po'i brag ri dang /__/dar lung brag hram la sogs gnas mchog nas/__/gnod sbyin lcam dral 'dir=__oM shrI ma hA kA lA ya/__ma hA kA li de wI e ka dzA T-i de wI in+d+ra sI/__badz+ra kA la yak+Sha ye/__kA li yak+Sha sI/__yak+Sha pu tra ye/__ru tra b+ha tra ye/__ru lu rak+kha sI/__sa pa ri wA ra na maHsarba ta thA ga te b+h+yo bi shwa mu She b+h+yaHsarba thA khaM ung+ga te s+pha ra Na i ma~M ga ga na khaM grih+Na dam ba ling de swA hA/__oM ma hA kA la kA la bi ka la ra tri ta/__Dom+b+hi nI/__tsaN+Da lI/__rak+kha sI/__sing+ga lI/__de wI sa pa ri wA ra na maHsarba=__sogs/__oM g+hr-i rA dza g+h-i rA dza/__ku ma ku ma khum this swA hA/__shrI sh+ma sha na a d+hi pa ti ma hA pi shA tsi ba ling+ta kha kha khA hi khA hi/__oM rak+mo prA Na At+ma sa pa ri wA ra sarba big+h+nan sha trU~M mA ra ya i dam b+ha ling ta grih+na pa ya kha kha khA hi khA hi/__oM shrI d+harma pA la ar+g+haM=__nas shab+da AHhU~M/__oM shrI d+harma pA la oM AHhU~M/__gis nang mchod phul/__dpal rdo rje nag po chen po lcam dral 'khor dang bcas pa khyed rnams mchod sbyin gyi gtor ma rgya chen po 'di bzhes la sangs rgyas kyi bstan pa srungs/__dkon mchog gi dbu 'phang bstod/__dge 'dun gyi sde skyongs/__rnal 'byor pa bdag cag dpon slob yon mchod 'khor dang bcas pa'i bar chad mi mthun pa'i phyogs thams cad zhi ba dang /__bsam sbyor chos mthun yid bzhin du 'grub cing /__byang chub ma thob kyi bar du bsrung bskyab sba ba'i phrin las stong grogs rgya chen po mdzad du gsol/__zhes phrin las bcol/__gsol lo mchod do rgyal ba'i bstan srung tshogs/__/bsgrub bo rten no bla ma'i bka' srung che/__/'bod do bskul lo rnal 'byor dgra lha'i tshogs/__/rings pa'i tshul gyis 'dir byon mchod gtor bzhes/__/sha khrag dmar gyis brgyan pa'i gtor mas mchod/__/dza gad sman phud rak+ta'i btung bas mchod/__/rnga chen rkang gling rol mo'i sgra yis mchod/__/dar nag 'phan chen sprin ltar gtibs pas mchod/__/yid 'phrog spyan gzigs nam mkha' mnyam pas mchod/__/rab brjid snyan pa'i dbyangs kyi nga ros mchod/__/phyi nang gsang ba'i dam rdzas rgya mtshos mchod/__/bde stong dbyer med ye shes rol pas mchod/__/sangs rgyas bstan pa gnyen po khyed kyis srungs/__/dkon mchog dbu 'phang gnyen po khyed kyis bstod/__/dpal ldan bla ma'i phrin las khyed kyis spel/__/rnal 'byor bcol ba'i 'dod don khyed kyis sgrubs/__/mchod pa'i yo byad ma 'byor nyams pa sogs/__/nongs pa gang mchis chos skyong srung mar bshags/__/mchog thun dngos grub ma lus rtsol ba dang /__/rten la bzhugs sam rang gnas gshegs su gsol/__/sngon tshe rdo rje 'chang gi spyan snga ru sogs/__/ces brjod par bya'o/__/zhes pa'ang chos kyi blo gros pas so//__//