JKCL-KABUM-11-DA-011

From Khyentse Lineage - A Tsadra Foundation Project

ཡེ་ཤེས་མགོན་པོ་ཕྱག་བཞི་པའི་ཕྲིན་ལས་དངོས་གྲུབ་འབྱུང་གཏེར།
Wylie title ye shes mgon po phyag bzhi pa'i phrin las dngos grub 'byung gter JKCL-KABUM-11-DA-011.pdf
Location chos kyi blo gros bka' 'bum
Volume 11, Text 11, Pages 77-87 (Folios 1a to 6a2)
Author འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation 'jam dbyangs mkhyen brtse chos kyi blo gros. ye shes mgon po phyag bzhi pa'i phrin las dngos grub 'byung gter. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 11: 77-87. Bir, H.P.: Khyentse Labrang, 2012.
Genre Activity Manual - las byang  ·  Protector Rituals - gsol mchod
Deity nag po chen po
Colophon

།ཅེས་པའང་མེ་བྱ་ལོར་རྡོ་རྗེ་གདན་གནས་མཇལ་ཐེང་གཉིས་པ་འགྲོ་སྐབས་བཛྲ་ཨ་པ་ན་མཆོད་འབུལ་ཟླ་༩ཚེས་༢༥ལ་བགྱིད་སྐབས་རྨི་ལམ་གྱི་ཉིད་འཁྲུལ་ཅུང་ཟད་ལ་བརྟེན་ཚེས་དྲུག་ལ་རིག་དབྱིངས་ཇི་ལྟར་ཐོན་བཞིན་བྲིས་པ་བསྟན་སྲུང་དགྱེས་པའི་རྒྱུར་གྱུར་ཅིག །མངྒ་ལཾ།།

/ces pa'ang me bya lor rdo rje gdan gnas mjal theng gnyis pa 'gro skabs badz+ra a pa na mchod 'bul zla 9tshes 25la bgyid skabs rmi lam gyi nyid 'khrul cung zad la brten tshes drug la rig dbyings ji ltar thon bzhin bris pa bstan srung dgyes pa'i rgyur gyur cig__/mang+ga laM//

":Property:textsubnumber|textsubnumber" can not be assigned to a declared number type with value 1.

[edit]
༄༅། །ཡེ་ཤེས་མགོན་པོ་ཕྱག་བཞི་པའི་ཕྲིན་ལས་དངོས་གྲུབ་འབྱུང་གཏེར་བཞུགས་སོ། ། ན་མ་ཤྲཱི་ཧེ་རུ་ཀ་ཡ། རྒྱལ་བའི་བསྟན་སྲུངས་ཡོངས་ཀྱི་གཙོ། །ཡེ་ཤེས་མགོན་པོ་ནག་པོ་ཆེར། །གསོལ་མཆོད་དམ་ཅན་དགྱེས་སྐོང་ནི། །ཉུང་ངུའི་ཚུལ་གྱིས་རྣམ་པར་དབྱེ། །དེ་ལ་དབང་ཐོབ་ཅིང་དམ་ཚིག་ལྡན་པས་གནས་དབེན་པར་ཕྱི་ནང་མཆོད་གཏོར་ཚོགས་པར་བཤམས་ལ། རང་ཧེ་རུ་ཀའི་ང་རྒྱལ་ལ་གནས་པས། ཨ་མྲྀ་ཏ་ཀུནྜ་ལིས་བསང་། སྭ་བྷཱ་ཝས་སྦྱངས། སྟོང་པའི་ངང་ལས་དྲག་རྒྱན་གྱི། །བཀོད་པ་ཕུན་སུམ་ཚོགས་པ་རུ། །ཨ་ལས་བྷཉྫའི་སྣོད་ཡངས་པར། །ཕྱི་ནང་གསང་བའི་མཆོད་གཏོར་རྣམས། །དྭངས་ཤིང་ཐོགས་པ་མེད་པར་གྱུར། །ཨོཾ་བཛྲ་ཨརྒྷཾ་ནས། ཤབྡ་ཨཱཿཧཱུྃ་དང་། མ་ཧཱ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཀེཾ་ནི་རི་ཏི་ཏ་ན་ག་ཎ་མ་ཧཱ་པཱུ་ཙ་ཧོཿརྣམས་ཀྱིས་བྱིན་གྱིས་བརླབས། ཨོཾ་མ་ཧཱ་ཤུ་ནྱ་ཏ་སོགས་ཀྱིས་སྟོང་པར་སྦྱངས། སྟོང་པའི་ངང་ལས་སྲུང་འཁོར་དབུས། །རབ་འཇིགས་དུར་ཁྲོད་བརྒྱད་ཀྱིས་བསྐོར། །དྲག་པོའི་གཞལ་ཡས་མཚན་རྫོགས་དབུས། །བྲག་ཆེན་པདྨ་ཉི་མ་དང་། །དྲེགས་པ་བྱི་ཆིངས་བསྣོལ་བའི་སྟེང་། །གནམ་ལྕགས་ཙཀྲ་རྩིབས་བཞིའི་ལྟེར། །རྡོ་རྗེ་གྲི་གུག་ཧཱུྃ་གིས་མཚན། །སྤྲོ་བསྡུས་ནག་པོ་ཆེན་པོ་ནི། །ཞལ་གཅིག་པ་ལ་ཕྱག་བཞི་པ། །འཇིགས་རུངས་རྡོ་རྗེ་སྲིན་པོའི་གཟུགས། །སྦོམ་ཐུང་ལྟོ་བ་ཡན་ལག་རགས། །སྦྲུལ་ཆུན་རུས་རྒྱན་རྐམ་རློན་ཕྲེང་། །སྟག་གི་ལྤགས་པའི་ཤམ་ཐབས་དང་། །གླང་ཀོས་སྟོད་གཡོགས་ཞིང་ལྤགས་དཀྲིས། །དཔའ་བོའི་དར་དཔྱངས་རིང་དུ་འཕུར། །ཕྱག་བཞིས་དང་པོས་གྲི་ཐོད་དང་། །འོག་མས་རལ་གྲི་ཁ་ཊྭཱྃ་བསྣམས། །ཞབས་གཉིས་དཔའ་བོ་རོལ་པའི་སྟབས། །བར་དུ་ཨེ་ཀ་ཙ་ཏྲི་སྔོ། །ཁ་ཊྭཱྃ་ཐོད་ཁྲག་བསྣམ་པས་འཁྱུད། །ཤར་དུ་མགོན་པོ་གྲི་གུག་མཐིང་། །གྲི་ཐོད་མཆན་གཡོན་བིང་ཆེན་བསྣམས། །ལྷོ་རུ་གཟའ་བདུད་དབུ་དགུ་པ། །དུད་ཁ་ཕྱག་བཞི་ཆུ་སྲིན་གྱི། །རྒྱལ་མཚན་སྦྲུལ་ཞགས་མདའ་གཞུ་འགེངས། །ནུབ་ཏུ་སྟག་ཞོན་ནག་པོ་ནི། །བིང་ངར་ལྕགས་པར་དར་ནག་གསོལ། །བྱང་དུ་ལས་མགོན་སེང་གེའི་གདོང་། །མདུང་དར་དམར་གཏོར་རྟ་ནག་ཞོན། །གཙོ་བོའི་མདུན་དུ་བྱ་རོག་གདོང་། །མཐིང་ནག་རལ་གྲི་ཐོད་པའི་ནང་། །གློ་སྙིང་འཛིན་ཅིང་དོར་སྟབས་ཀྱིས། །སྤྲུལ་པ་དཔག་མེད་འགྱེད་ཅིང་བཞུགས། །ཕྱི་ཁྱམས་ཕྲ་མེན་གདོང་ཅན་བརྒྱད། །གར་སྟབས་ཕྱག་མཚན་མ་ངེས་འཛིན། །སྦྲུལ་དར་མགོ་ཕྲེང་རུས་པས་བརྒྱན། །དེ་རྒྱབ་མཁའ་འགྲོ་གིང་ལངྐ། །འབར་མ་དབང་ཕྱུག་ལ་སོགས་དང་། །དཔལ་མགོན་བདུན་ཅུ་རྩ་ལྔ་རྣམས། །མངོན་སུམ་བཞིན་དུ་བཞུགས་པ་ཡི། །གནས་གསུམ་ཡི་གེ་འབྲུ་གསུམ་དང་། །ཐུགས་ཀའི་ཧཱུྃ་འོད་ཀྱིས་བསྐུལ་བས། །འོག་མིན་གནས་དང་རྡོ་རྗེ་གདན། །བསིལ་བའི་ཚལ་སོགས་གར་བཞུགས་ཀྱི། །གནས་ནས་སྐད་ཅིག་ཉིད་ལ་གཤེགས། །ཧཱུྃ། དད་པ་དང་ནི་དམ་ཚིག་གི །སྔོན་གྱི་ཐུགས་དམ་རྗེས་སུ་དགོངས། །སངས་རྒྱས་བསྟན་པ་སྲུང་བའི་ཕྱིར། །ད་ལྟ་ཉིད་དུ་སྤྱན་འདྲེན་གཤེགས། ཨོཾ་བཛྲ་མ་ཧཱ་ཀཱ་ལ་ས་པཱ་རི་ཝ་ར་བཛྲ་ས་མ་ཛཿས་སྤྱན་དྲངས། ཧཱུྃ། རབ་འཇིགས་དུར་ཁྲོད་གཞལ་མེད་ཁང་། །དྲེགས་པ་པད་ཉིའི་གདན་སྟེང་དུ། །དཔའ་བོ་ཆེན་པོ་དགྱེས་པར་བཞུགས། །པདྨ་ཙཎྜ་སུཪྻ་ཏིཥྛ་བཾ། ཧཱུྃ། ཆོས་ཉིད་སྐྱེ་བ་མེད་པ་ལས། །ནག་པོ་རྔམས་པའི་གཟུགས་སྟོན་པ། །རྡོ་རྗེ་སྲིན་པོ་འཁོར་བཅས་ལ། །རབ་གུས་བརྡ་ཡིས་ཕྱག་འཚལ་ལོ། །ཨ་ཏི་པུ་ཧོཿཔྲ་ཏཱིཙྪ་ཧོཿཧཱུྃ། ཕྱི་མཆོད་ཞི་བའི་ཉེར་སྤྱོད་དང་། །གཟུགས་སྒྲ་དྲི་རོ་རེག་བྱ་དང་། །བཀྲ་ཤིས་རྫས་རྟགས་རིན་ཆེན་བདུན། །གཞལ་མེད་ཁང་བཟང་ལ་སོགས་པ། །ངོ་མཚར་རྣམ་མང་མཆོད་པ་བཞེས། །སརྦ་པཱུ་ཛ་ས་མ་ཡ་ཧོཿཧཱུྃ། དམར་ཆེན་ཁྲག་གི་མཆོད་ཡོན་དང་། །དུག་ཆུའི་ཞབས་བསིལ་དབང་པོ་ལྔའི། །མེ་ཏོག་ཕྲེང་བ་ཚར་དུ་དངར། །ཚིལ་ཆེན་སྤོས་ཀྱི་དུད་སྤྲིན་འཐུལ། །མཁྲིས་པའི་དྲི་ཆབ་སྦུ་ཕྲེང་གཡོ། །དགྲ་བགེགས་ཤ་རུས་ཞལ་ཟས་དང་། །རྐང་གླིང་ཐོད་རྔའི་རོལ་མོ་འཁྲོལ། །མགོན་པོ་འཁོར་དང་བཅས་པ་ཡི། །ཟག་མེད་རྡོ་རྗེའི་དབང་པོ་ལྔར། །དགྱེས་བར་བཞེས་ལ་དངོས་གྲུབ་སྩོལ། །ཨོཾ་མ་ཧཱ་ཤ་མ་ཤ་ན་ཨརྒྷཾ་ནས། ཤབྡའི་བར་གྱིས་མཆོད། ཧཱུྃ། རྩ་བརྒྱད་སྟོང་ལ་སྦྱར་བའི་སྨན། །རྒྱུ་དྲུག་བསྒྲལ་བའི་རཀྟ་དང་། །འདོད་ཡོན་ལྔ་ལྡན་བ་ལིཾ་ཏ། །སྦྱོར་སྒྲོལ་ཚོགས་ཀྱི་འཁོར་ལོ་དང་། །མཆོད་བྱ་མཆོད་བྱེད་གཉིས་མེད་མཆོད། །མ་ཧཱ་པཉྩ་རཀྟ་བ་ལིཾ་ཏ་ཏ་ན་གྷ་ཎ་མ་ཧཱ་པུ་ཙ་དྷརྨ་དྷཱ་ཏུ་ཨཏྨ་ཀོ྅་ཧཾ། ཧཱུྃ། འཇིགས་རུངས་སྐུ་ནི་མི་སྡུག་སྲིན་པོའི་གཟུགས། །བདུད་དང་ལོག་འདྲེན་ཀླད་པ་འགེམ་མཛད་ཅིང་། །ཧ་ཧ་ཧཱུྃ་ཕཊ་ང་རོ་འབྲུག་ལྟར་སྒྲོགས། །སྙིང་རྗེའི་ཐུགས་ལྡན་ནག་པོ་ཆེན་པོར་བསྟོད། །ཆོས་ཉིད་གཅིག་ལས་དུ་མའི་ཉམས་འབར་བས། །གསང་བའི་ཡུམ་མཆོག་ཨེ་ཀ་ཙ་ཏྲི་དང་། །གྲི་གུག་གཟའ་བདུད་སྟག་ཞོན་སེང་གདོང་དང་། །ལས་མགོན་བྱ་རོག་གདོང་ཅན་བསྟོད་པར་བགྱི། །གཞན་ཡང་ཧེ་རུ་ཀ་ཡི་སྤྲུལ་པའི་འཁོར། །ཕྲ་མེན་བརྒྱད་དང་འབར་མ་གིང་ལངྐ། །དབང་ཕྱུག་ཉེར་བརྒྱད་གཙང་རིས་མགོན་པོ་སོགས། །ནག་པོ་འཁོར་དང་བཅས་ལ་ཕྱག་འཚལ་བསྟོད། །བཟླས་བ་ནི། གཙོ་བོའི་ཐུགས་ཀར་ཧེ་རུ་ཀ །མཐིང་གསལ་རྡོ་རྗེ་དྲིལ་བུ་བསྣོལ། །ཞི་མ་ཁྲོ་ཡི་ཉམས་ལྡན་གྱི། །ཐུགས་ཀར་རྡོ་རྗེ་སྔོན་པོའི་ལྟེར། །ཉི་སྟེང་ཧཱུྃ་སྔོན་འབར་བ་ལས། །སྔགས་ཀྱི་ཕྲེང་བ་རབ་སྤྲོས་པས། །རྒྱལ་མཆོད་བྱིན་བསྡུས་བདག་བྱིན་བརླབས། །སླར་ཡང་སྣོད་བཅུད་ཐམས་ཅད་ནི། །ཧེ་རུ་ཀ་དཔལ་ནག་པོ་ཆེའི། །དཀྱིལ་འཁོར་གཅིག་ཏུ་བྱིན་གྱིས་བརླབས། །སྔགས་ཕྲེང་སྐུ་དང་མེ་འོད་དང་། །མཚོན་ཆ་སྐར་ལྟར་འཁྲུགས་པ་ཡི། །སྡེ་བརྒྱད་དྲེགས་ཚོགས་དབང་དུ་བསྡུས། །མ་རུངས་འབྱུང་པོ་རྡུལ་དུ་བརླག །རྣམ་ཤེས་རྒྱལ་བའི་སྲས་སུ་བསྐྲུན། །དྲག་པོའི་ལས་ཆེན་རྩལ་རྫོགས་བསམ། །ཨོཾ་བཛྲ་མ་ཧཱ་ཀ་ལ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་མ་ཧཱ་ཀཱ་ལ་ཨེ་ཀ་ཙ་ཏྲི་གུ་ཎ་ཧྲཱི་ད་ཧཱུྃ་ཕཊཿཨོཾ་ཤྲཱི་མ་ཧཱ་ཀཱ་ལ་ཀ་ཝུ་ཝ་རཱུ་པ་ཙིཏྟ་སརྦ་དུཥྚན་མ་ར་ཡ་ཧཱུྃ་ཕཊ། ཨོཾ་བཛྲ་ཌཱ་ཀི་ཙ་ཏུ་ར་མུ་ཁ་ཀ་ཀ་ཨུ་ལུ་ཀ་ཤྭ་ན་སུ་ཀ་ར་ཡ་མ་དི་དྷི་ཡ་མ་དུ་ཏི་དཥྟི་མ་ཐ་ན་ཡེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། སྤྱི་སྔགས་ཤཱ་ས་ན་བཟླའོ། །བསྙེན་མཐར་མཆོད་བསྟོད་གསོལ་བསྐངས་བྱ། ཡི་དམ་ཚོགས་འཁོར་གཞུང་ལྟར་དང་། བསྐང་བཤགས་ནི། བསྐང་རྫས་རྣམས་ལ་དམིགས་ནས། ཨ་མྲྀ་ཏ་དང་། སྭ་བྷཱ་ཝས་སྦྱངས། སྐོང་བའི་གནས་མཆོག་འོག་མིན་ཞིང་། །ཕྱི་ནང་གསང་བའི་རྟེན་རྫས་རྣམས། །ས་དང་བར་སྣང་ཀུན་ཁྱབ་སྟེ། །ཀུན་བཟང་བདེ་སྟོང་སྤྲིན་དུ་གྱུར། ནམ་མཁའ་མཛོད་སྔགས་ལན་གསུམ་དང་། ཨོཾ་སརྦ་བིད་པཱུ་ར་པཱུ་ར་ཨ་བརྟ་ཡ་ཧོ། བཛྲ་སྥ་ར་ཎ་ཁཾ། གིས་སྤེལ། ཧཱུྃ། ཆོས་དབྱིངས་ངང་ལས་ཁྲོས་པའི་སྐུ། །སྙིང་རྗེའི་གར་གྱིས་རོལ་མཛད་པ། །ནག་པོ་ཆེན་པོ་ཕྱག་བཞི་པ། །ཚུར་གཤེགས་ཚུར་གཤེགས་གནས་འདིར་གཤེགས། །ཧཱུྃ། འབར་བ་ཆེན་པོའི་དཀྱིལ་འཁོར་ན། །དུར་ཁྲོད་གསར་རྙིང་ཐང་མར་བརྡལ། །ཁྲག་མཚོ་དུག་ཆུ་ཁོལ་མ་འཁྲུགས། །རྡོ་རྗེ་ཅན་ཡང་འཇིགས་པའི་གནས། །ནག་པོ་ཆེན་པོ་ཕྱག་བཞི་པ། །ཧེ་རུ་ཀ་ཡི་སྤྲུལ་པ་སྟེ། །མི་བསྲུན་རྔམས་པའི་སྐུ་འཆང་བ། །ཡུམ་མཆོག་ཨེ་ཀ་ཙ་ཏི་དང་། །ལས་ཀྱི་མགོན་པོ་བྱ་རོག་གདོང་། །གྲི་གུག་ཅན་དང་རཱ་ཧུ་ལ། །སྟག་ཞོན་ཞིང་སྐྱོང་སེངྒེའི་གདོང་། །འཁོར་གྱི་གདོང་བརྙན་ཕྲ་མེན་ཚོགས། །འབར་མ་གིང་ལང་དབང་ཕྱུག་དང་། །གཙང་རིས་དཔལ་མགོན་འཁོར་བཅས་སོགས། །རྒྱུད་གསུམ་དམ་ཅན་དྲེགས་པའི་ཚོགས། །གཙོ་འཁོར་སྤྲུལ་པ་ཡང་སྤྲུལ་རྣམས། །ཧཱུྃ། ཐུགས་དམ་བསྐང་བའི་དམ་ཚིག་རྫས། །སྲིད་ཞིའི་ཁམས་ཀྱི་དཔལ་འབྱོར་རྣམས། །ཇི་སྙེད་བློ་ཡི་བླངས་བྱས་ནས། །རང་རང་མཐུན་པའི་རྫས་སུ་འབུལ། །རྟ་ནག་གཡག་ནག་ལུག་ནག་དང་། །བྱ་ནག་ཁྱི་ནག་སྟག་སེང་ཁྱུང་། །དོམ་དང་དྲེད་མོ་འདུར་ཞིང་རྒྱུགས། །འཕར་སྤྱང་དུག་སྦྲུལ་ཁ་རླངས་འཚུབས། །དྲེའུ་བོང་བུ་གླང་པོ་ཆེ། །སྤུ་སྡུག་མཛེས་པའི་རི་དྭགས་ཚོགས། །རྨ་བྱ་ངང་ངུར་བཞད་ཁྲུང་ཁྲུང་། །ཀཾ་ཀ་ལ་སོགས་བྱ་རིགས་ཚོགས། །བཀྲ་ཤིས་རྫས་རྟགས་རིན་ཆེན་བདུན། །ཉེ་བའི་རིན་ཆེན་བདུན་ལ་སོགས། །སྟག་གཟིག་ལྤགས་ཤུན་གོས་དར་དང་། །ཞྭ་ནག་བེར་ཕོད་རུས་པའི་རྒྱན། །མི་མགོ་སྐམ་རློན་ཕྲེང་བ་དང་། །ནོར་བུ་རིན་ཆེན་རྒྱན་ཕྲེང་མཛེས། །ཀེང་རུས་བརྩེགས་པའི་ཐོད་པའི་མཁར། །མི་རོའི་རྒྱལ་མཚན་ཞིང་ཆེན་གདུགས། །འཕན་དང་དར་དཔྱངས་ལ་སོགས་པ། །རྔམས་བརྗིད་འཇིགས་རུང་གཞལ་མེད་ཁང་། །བཀོད་པ་རྣམ་མང་བསམ་ཡས་ཀྱི། །མགོན་པོ་འཁོར་བཅས་ཐུགས་དམ་བསྐང་། །ཁྱད་པར་བྲིས་འབུར་སྐུ་ཡི་རྟེན། །སྲོག་སྔགས་ཡི་གེ་གསུང་གི་རྟེན། །ཕྱག་མཚན་འབར་བ་ཐུགས་ཀྱི་རྟེན། །ཐོད་པ་བུམ་བཟང་ཡོན་ཏན་རྟེན། །དྲག་པོའི་རྫས་རྣམས་ཕྲིན་ལས་རྟེན། །ཕྱི་རོལ་རྒྱུད་གསུམ་དྲེགས་ཚོགས་རྣམས། །ནང་དུ་རྩ་ཐིག་རླུང་གི་ཚོགས། །སེམས་ཉིད་སྐྱེ་མེད་གཉུག་མའི་གཤིས། །སྟོང་གསལ་ཝ་ལེ་ཤར་པ་འདི། །མི་འབྲལ་གསང་བའི་རྟེན་དུ་བཅས། །ཡེ་ཤེས་མགོན་པོ་འཁོར་བཅས་རྣམས། །ནམ་ཡང་མི་འབྲལ་ཐུགས་དམ་བསྐང་། །དམར་ཆེན་གཏོར་མ་རི་ལྟར་སྤུངས། །སྨན་ཕུད་བདུད་རྩི་ཆར་ལྟར་འབབ། །དམར་ཆེན་ཁྲག་མཚོའི་སྦུ་ཕྲེང་གཡོ། །མགོན་པོ་འཁོར་བཅས་ཐུགས་དམ་བསྐང་། །ཡེ་ཤེས་མགོན་པོ་ཕྱག་བཞི་པ། །ཡུམ་མཆོག་ཨེ་ཀ་ཙ་ཏི་དང་། །ལས་མགོན་བྱ་རོག་གདོང་པ་ཅན། །ཐུགས་མགོན་མ་ཧཱ་ཀ་ལ་དང་། །གཟའ་དང་སྟག་ཞོན་ཞིང་སྐྱོངས་སོགས། །ཐུགས་དམ་གཉན་པོ་བདག་གིས་བསྐང་། །ཕྲ་མེན་གདོང་ཅན་ཆེན་མོ་བརྒྱད། །གིང་ལང་འབར་མ་དབང་ཕྱུག་ཆེ། །གཙང་རིས་དཔལ་མགོན་བདུན་ཅུ་སོགས། །ཐམས་ཅད་ཐུགས་དམ་གཉན་པོ་བསྐང་། །བསྐང་ངོ་བསྐལ་པའི་བར་དུ་བསྐང་། །གཡར་དམ་གཉེན་པོ་སོར་ཆུད་ཅིག །མི་མཐུན་རྐྱེན་ངན་ཐམས་ཅད་བཟློག །བཅོལ་པའི་ཕྲིན་ལས་འགྲུབ་པར་མཛོད། །བདག་ནི་མི་ཤེས་གཏི་མུག་པས། །བཅས་དང་རང་བཞིན་ཉེས་ལྟུང་རྣམས། །མི་འཆབ་མི་སྦེད་སྙིང་ནས་བཤགས། །ཁྱད་པར་སྐུ་གསུང་ཐུགས་དམ་འགལ། །བསྙེན་སྒྲུབ་གཡེལ་ཞིང་མཆོད་གཏོར་ཆག །རྟེན་རྫས་མ་འཛོམས་ལེ་ལོས་གཡེལ། །ཆོས་སྐྱོང་ཐུགས་དང་འགལ་བ་རྣམས། །མི་འཆབ་མི་སྦེད་སྙིང་ནས་བཤགས། །ཀློང་ཡངས་ཆེན་པོར་བཟོད་བཞེས་ལ། །མི་སྒྲིབ་ཚངས་པའི་དངོས་གྲུབ་སྩོལ། །ཧེ་རུ་ཀའི་ཡིག་བརྒྱ་བརྗོད། དེ་ནས་ཚོགས་ལ་རོལ་ཞིང་ལྷག་གཏོར་གཏོང་། རིག་འཛིན་གྲུབ་ཐོབ་ཆེན་པོ་རྣམས་ཀྱི་མཛད་པའི་བསྟོད་པ་དང་། ཁྱད་པར་རྐང་བརྒྱད་ཀྱི་བསྟོད་བ་བྱ། དྲག་པོའི་ལས་གཙོར་འདོན་ན་བསྐུལ་བཟློག་སོགས་གཞན་དུ་ཤེས། རྗེས་གཏོར་མ་འབུལ་བ་ནི། གཏོར་མ་རཀྟ་བྲན་ལ་གཏོར་འགུགས་དང་། ཤཱ་ས་ནའི་མཐར། ནྲྀ་ཏྲི་བཛྲ་ཨངྐུ་ཤ་ཛཿཛཿཧཱུྃ་བྃ་ཧོ། ཨོཾ་ཨཱཿཧཱུྃ་ཧ་ཧོ་ཧྲཱིཿས་བརླབས། ཤཱ་ས་ན་ལན་གསུམ་གྱིས་བསྔོས། ཧཱུྃ། རྒྱལ་བའི་བསྟན་སྲུང་རྡོ་རྗེ་ནག་པོ་ཆེ། །སོགས་དངོས་རོལ་ལྟར་གཏོར་མ་བསྟབ། མཆོད་བསྟོད་སོགས་རྗེས་རིམ་དངོས་རོལ་ལྟར་བྱའོ། །འདི་སྦྱར་དགེ་ཚོགས་ཅི་མཆིས་པ། །བསྟན་པ་སྲུངས་ཤིང་རྒྱས་ཕྱིར་བསྔོ། །སྐྱེ་དང་ཚེ་རབས་ཐམས་ཅད་དུ། །བླ་མ་མགོན་པོས་རྗེས་འཛིན་ཤོག །ཅེས་པའང་མེ་བྱ་ལོར་རྡོ་རྗེ་གདན་གནས་མཇལ་ཐེང་གཉིས་པ་འགྲོ་སྐབས་བཛྲ་ཨ་པ་ན་མཆོད་འབུལ་ཟླ་༩ཚེས་༢༥ལ་བགྱིད་སྐབས་རྨི་ལམ་གྱི་ཉིད་འཁྲུལ་ཅུང་ཟད་ལ་བརྟེན་ཚེས་དྲུག་ལ་རིག་དབྱིངས་ཇི་ལྟར་ཐོན་བཞིན་བྲིས་པ་བསྟན་སྲུང་དགྱེས་པའི་རྒྱུར་གྱུར་ཅིག །མངྒ་ལཾ།། །།
[edit]

@#/__/ye shes mgon po phyag bzhi pa'i phrin las dngos grub 'byung gter bzhugs so/__/ na ma shrI he ru ka ya/__rgyal ba'i bstan srungs yongs kyi gtso/__/ye shes mgon po nag po cher/__/gsol mchod dam can dgyes skong ni/__/nyung ngu'i tshul gyis rnam par dbye/__/de la dbang thob cing dam tshig ldan pas gnas dben par phyi nang mchod gtor tshogs par bshams la/__rang he ru ka'i nga rgyal la gnas pas/__a mr-i ta kun+Da lis bsang /__swa b+hA was sbyangs/__stong pa'i ngang las drag rgyan gyi/__/bkod pa phun sum tshogs pa ru/__/a las b+hany+dza'i snod yangs par/__/phyi nang gsang ba'i mchod gtor rnams/__/dwangs shing thogs pa med par gyur/__/oM badz+ra ar+g+haM nas/__shab+da AHhU~M dang /__ma hA pany+tsa a mr-i ta rak+ta ba liM ta keM ni ri ti ta na ga Na ma hA pU tsa hoHrnams kyis byin gyis brlabs/__oM ma hA shu n+ya ta sogs kyis stong par sbyangs/__stong pa'i ngang las srung 'khor dbus/__/rab 'jigs dur khrod brgyad kyis bskor/__/drag po'i gzhal yas mtshan rdzogs dbus/__/brag chen pad+ma nyi ma dang /__/dregs pa byi chings bsnol ba'i steng /__/gnam lcags tsakra rtsibs bzhi'i lter/__/rdo rje gri gug hU~M gis mtshan/__/spro bsdus nag po chen po ni/__/zhal gcig pa la phyag bzhi pa/__/'jigs rungs rdo rje srin po'i gzugs/__/sbom thung lto ba yan lag rags/__/sbrul chun rus rgyan rkam rlon phreng /__/stag gi lpags pa'i sham thabs dang /__/glang kos stod g.yogs zhing lpags dkris/__/dpa' bo'i dar dpyangs ring du 'phur/__/phyag bzhis dang pos gri thod dang /__/'og mas ral gri kha T+wA~M bsnams/__/zhabs gnyis dpa' bo rol pa'i stabs/__/bar du e ka tsa tri sngo/__/kha T+wA~M thod khrag bsnam pas 'khyud/__/shar du mgon po gri gug mthing /__/gri thod mchan g.yon bing chen bsnams/__/lho ru gza' bdud dbu dgu pa/__/dud kha phyag bzhi chu srin gyi/__/rgyal mtshan sbrul zhags mda' gzhu 'gengs/__/nub tu stag zhon nag po ni/__/bing ngar lcags par dar nag gsol/__/byang du las mgon seng ge'i gdong /__/mdung dar dmar gtor rta nag zhon/__/gtso bo'i mdun du bya rog gdong /__/mthing nag ral gri thod pa'i nang /__/glo snying 'dzin cing dor stabs kyis/__/sprul pa dpag med 'gyed cing bzhugs/__/phyi khyams phra men gdong can brgyad/__/gar stabs phyag mtshan ma nges 'dzin/__/sbrul dar mgo phreng rus pas brgyan/__/de rgyab mkha' 'gro ging lang+ka/__/'bar ma dbang phyug la sogs dang /__/dpal mgon bdun cu rtsa lnga rnams/__/mngon sum bzhin du bzhugs pa yi/__/gnas gsum yi ge 'bru gsum dang /__/thugs ka'i hU~M 'od kyis bskul bas/__/'og min gnas dang rdo rje gdan/__/bsil ba'i tshal sogs gar bzhugs kyi/__/gnas nas skad cig nyid la gshegs/__/hU~M/__dad pa dang ni dam tshig gi__/sngon gyi thugs dam rjes su dgongs/__/sangs rgyas bstan pa srung ba'i phyir/__/da lta nyid du spyan 'dren gshegs/__oM badz+ra ma hA kA la sa pA ri wa ra badz+ra sa ma dzaHsa spyan drangs/__hU~M/__rab 'jigs dur khrod gzhal med khang /__/dregs pa pad nyi'i gdan steng du/__/dpa' bo chen po dgyes par bzhugs/__/pad+ma tsaN+Da suR+Ya tiSh+Tha baM/__hU~M/__chos nyid skye ba med pa las/__/nag po rngams pa'i gzugs ston pa/__/rdo rje srin po 'khor bcas la/__/rab gus brda yis phyag 'tshal lo/__/a ti pu hoHpra tIts+tsha hoHhU~M/__phyi mchod zhi ba'i nyer spyod dang /__/gzugs sgra dri ro reg bya dang /__/bkra shis rdzas rtags rin chen bdun/__/gzhal med khang bzang la sogs pa/__/ngo mtshar rnam mang mchod pa bzhes/__/sarba pU dza sa ma ya hoHhU~M/__dmar chen khrag gi mchod yon dang /__/dug chu'i zhabs bsil dbang po lnga'i/__/me tog phreng ba tshar du dngar/__/tshil chen spos kyi dud sprin 'thul/__/mkhris pa'i dri chab sbu phreng g.yo/__/dgra bgegs sha rus zhal zas dang /__/rkang gling thod rnga'i rol mo 'khrol/__/mgon po 'khor dang bcas pa yi/__/zag med rdo rje'i dbang po lngar/__/dgyes bar bzhes la dngos grub stsol/__/oM ma hA sha ma sha na ar+g+haM nas/__shab+da'i bar gyis mchod/__hU~M/__rtsa brgyad stong la sbyar ba'i sman/__/rgyu drug bsgral ba'i rak+ta dang /__/'dod yon lnga ldan ba liM ta/__/sbyor sgrol tshogs kyi 'khor lo dang /__/mchod bya mchod byed gnyis med mchod/__/ma hA pany+tsa rak+ta ba liM ta ta na g+ha Na ma hA pu tsa d+harma d+hA tu at+ma ko\u0f85 haM/__hU~M/__'jigs rungs sku ni mi sdug srin po'i gzugs/__/bdud dang log 'dren klad pa 'gem mdzad cing /__/ha ha hU~M phaT nga ro 'brug ltar sgrogs/__/snying rje'i thugs ldan nag po chen por bstod/__/chos nyid gcig las du ma'i nyams 'bar bas/__/gsang ba'i yum mchog e ka tsa tri dang /__/gri gug gza' bdud stag zhon seng gdong dang /__/las mgon bya rog gdong can bstod par bgyi/__/gzhan yang he ru ka yi sprul pa'i 'khor/__/phra men brgyad dang 'bar ma ging lang+ka/__/dbang phyug nyer brgyad gtsang ris mgon po sogs/__/nag po 'khor dang bcas la phyag 'tshal bstod/__/bzlas ba ni/__gtso bo'i thugs kar he ru ka__/mthing gsal rdo rje dril bu bsnol/__/zhi ma khro yi nyams ldan gyi/__/thugs kar rdo rje sngon po'i lter/__/nyi steng hU~M sngon 'bar ba las/__/sngags kyi phreng ba rab spros pas/__/rgyal mchod byin bsdus bdag byin brlabs/__/slar yang snod bcud thams cad ni/__/he ru ka dpal nag po che'i/__/dkyil 'khor gcig tu byin gyis brlabs/__/sngags phreng sku dang me 'od dang /__/mtshon cha skar ltar 'khrugs pa yi/__/sde brgyad dregs tshogs dbang du bsdus/__/ma rungs 'byung po rdul du brlag__/rnam shes rgyal ba'i sras su bskrun/__/drag po'i las chen rtsal rdzogs bsam/__/oM badz+ra ma hA ka la hU~M hU~M phaT swA hA/__oM ma hA kA la e ka tsa tri gu Na hrI da hU~M phaTaHoM shrI ma hA kA la ka wu wa rU pa tsit+ta sarba duSh+Tan ma ra ya hU~M phaT/__oM badz+ra DA ki tsa tu ra mu kha ka ka u lu ka shwa na su ka ra ya ma di d+hi ya ma du ti daSh+ti ma tha na ye hU~M hU~M phaT phaT swA hA/__spyi sngags shA sa na bzla'o/__/bsnyen mthar mchod bstod gsol bskangs bya/__yi dam tshogs 'khor gzhung ltar dang /__bskang bshags ni/__bskang rdzas rnams la dmigs nas/__a mr-i ta dang /__swa b+hA was sbyangs/__skong ba'i gnas mchog 'og min zhing /__/phyi nang gsang ba'i rten rdzas rnams/__/sa dang bar snang kun khyab ste/__/kun bzang bde stong sprin du gyur/__nam mkha' mdzod sngags lan gsum dang /__oM sarba bid pU ra pU ra a brta ya ho/__badz+ra s+pha ra Na khaM/__gis spel/__hU~M/__chos dbyings ngang las khros pa'i sku/__/snying rje'i gar gyis rol mdzad pa/__/nag po chen po phyag bzhi pa/__/tshur gshegs tshur gshegs gnas 'dir gshegs/__/hU~M/__'bar ba chen po'i dkyil 'khor na/__/dur khrod gsar rnying thang mar brdal/__/khrag mtsho dug chu khol ma 'khrugs/__/rdo rje can yang 'jigs pa'i gnas/__/nag po chen po phyag bzhi pa/__/he ru ka yi sprul pa ste/__/mi bsrun rngams pa'i sku 'chang ba/__/yum mchog e ka tsa ti dang /__/las kyi mgon po bya rog gdong /__/gri gug can dang rA hu la/__/stag zhon zhing skyong seng+ge'i gdong /__/'khor gyi gdong brnyan phra men tshogs/__/'bar ma ging lang dbang phyug dang /__/gtsang ris dpal mgon 'khor bcas sogs/__/rgyud gsum dam can dregs pa'i tshogs/__/gtso 'khor sprul pa yang sprul rnams/__/hU~M/__thugs dam bskang ba'i dam tshig rdzas/__/srid zhi'i khams kyi dpal 'byor rnams/__/ji snyed blo yi blangs byas nas/__/rang rang mthun pa'i rdzas su 'bul/__/rta nag g.yag nag lug nag dang /__/bya nag khyi nag stag seng khyung /__/dom dang dred mo 'dur zhing rgyugs/__/'phar spyang dug sbrul kha rlangs 'tshubs/__/dre'u bong bu glang po che/__/spu sdug mdzes pa'i ri dwags tshogs/__/rma bya ngang ngur bzhad khrung khrung /__/kaM ka la sogs bya rigs tshogs/__/bkra shis rdzas rtags rin chen bdun/__/nye ba'i rin chen bdun la sogs/__/stag gzig lpags shun gos dar dang /__/zhwa nag ber phod rus pa'i rgyan/__/mi mgo skam rlon phreng ba dang /__/nor bu rin chen rgyan phreng mdzes/__/keng rus brtsegs pa'i thod pa'i mkhar/__/mi ro'i rgyal mtshan zhing chen gdugs/__/'phan dang dar dpyangs la sogs pa/__/rngams brjid 'jigs rung gzhal med khang /__/bkod pa rnam mang bsam yas kyi/__/mgon po 'khor bcas thugs dam bskang /__/khyad par bris 'bur sku yi rten/__/srog sngags yi ge gsung gi rten/__/phyag mtshan 'bar ba thugs kyi rten/__/thod pa bum bzang yon tan rten/__/drag po'i rdzas rnams phrin las rten/__/phyi rol rgyud gsum dregs tshogs rnams/__/nang du rtsa thig rlung gi tshogs/__/sems nyid skye med gnyug ma'i gshis/__/stong gsal wa le shar pa 'di/__/mi 'bral gsang ba'i rten du bcas/__/ye shes mgon po 'khor bcas rnams/__/nam yang mi 'bral thugs dam bskang /__/dmar chen gtor ma ri ltar spungs/__/sman phud bdud rtsi char ltar 'bab/__/dmar chen khrag mtsho'i sbu phreng g.yo/__/mgon po 'khor bcas thugs dam bskang /__/ye shes mgon po phyag bzhi pa/__/yum mchog e ka tsa ti dang /__/las mgon bya rog gdong pa can/__/thugs mgon ma hA ka la dang /__/gza' dang stag zhon zhing skyongs sogs/__/thugs dam gnyan po bdag gis bskang /__/phra men gdong can chen mo brgyad/__/ging lang 'bar ma dbang phyug che/__/gtsang ris dpal mgon bdun cu sogs/__/thams cad thugs dam gnyan po bskang /__/bskang ngo bskal pa'i bar du bskang /__/g.yar dam gnyen po sor chud cig__/mi mthun rkyen ngan thams cad bzlog__/bcol pa'i phrin las 'grub par mdzod/__/bdag ni mi shes gti mug pas/__/bcas dang rang bzhin nyes ltung rnams/__/mi 'chab mi sbed snying nas bshags/__/khyad par sku gsung thugs dam 'gal/__/bsnyen sgrub g.yel zhing mchod gtor chag__/rten rdzas ma 'dzoms le los g.yel/__/chos skyong thugs dang 'gal ba rnams/__/mi 'chab mi sbed snying nas bshags/__/klong yangs chen por bzod bzhes la/__/mi sgrib tshangs pa'i dngos grub stsol/__/he ru ka'i yig brgya brjod/__de nas tshogs la rol zhing lhag gtor gtong /__rig 'dzin grub thob chen po rnams kyi mdzad pa'i bstod pa dang /__khyad par rkang brgyad kyi bstod ba bya/__drag po'i las gtsor 'don na bskul bzlog sogs gzhan du shes/__rjes gtor ma 'bul ba ni/__gtor ma rak+ta bran la gtor 'gugs dang /__shA sa na'i mthar/__nr-i tri badz+ra ang+ku sha dzaHdzaHhU~M ba~M ho/__oM AHhU~M ha ho hrIHsa brlabs/__shA sa na lan gsum gyis bsngos/__hU~M/__rgyal ba'i bstan srung rdo rje nag po che/__/sogs dngos rol ltar gtor ma bstab/__mchod bstod sogs rjes rim dngos rol ltar bya'o/__/'di sbyar dge tshogs ci mchis pa/__/bstan pa srungs shing rgyas phyir bsngo/__/skye dang tshe rabs thams cad du/__/bla ma mgon pos rjes 'dzin shog__/ces pa'ang me bya lor rdo rje gdan gnas mjal theng gnyis pa 'gro skabs badz+ra a pa na mchod 'bul zla 9tshes 25la bgyid skabs rmi lam gyi nyid 'khrul cung zad la brten tshes drug la rig dbyings ji ltar thon bzhin bris pa bstan srung dgyes pa'i rgyur gyur cig__/mang+ga laM//__//

Footnotes

Other Information