རྩ་གསུམ་པདྨ་སྙིང་ཐིག་ལས༔ རིག་འཛིན་བླ་མའི་སྒྲུབ་པ།

Previous Text Back to Volume PageNext Text

Wylie title	rtsa gsum pad+ma snying thig las: rig 'dzin bla ma'i sgrub pa
Location	chos kyi blo gros bka' 'bum Volume 9, Text 27, Pages 485-493 (Folios 1a to 5a4)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Tertön	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)
Citation	'jam dbyangs mkhyen brtse chos kyi blo gros. rtsa gsum pad+ma snying thig las rig 'dzin bla ma'i sgrub pa. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 9: 485-493. Bir, H.P.: Khyentse Labrang, 2012.
Genre	Revelations - gter ma  ·  Sadhanas - Evocation Ritual - sgrub thabs
Cycle	རྩ་གསུམ་པདྨ་སྙིང་ཐིག་ (rtsa gsum pad+ma snying thig)
Colophon	ཞེས་འདི་འཕགས་པའི་རིག་རྩལ་གསུངས། །སོ་སྐྱེའི་ངག་གིས་བསླད་འོས་མིན། །འོན་ཀྱང་ཀུན་གཟིགས་བརྩེ་བ་ཆེའི། །བྱིན་རླབས་དགོངས་གཏད་བཀའ་དྲིན་གྱིས། །སྐལ་བཟང་རིག་པའི་ཐིག་ལེར་སད། །བཀའ་ཡིས་གནང་བཞིན་མངྒ་ལས། །བཀྲ་ཤིས་འཆི་མེད་གྲུབ་པ་ཡི། །དགའ་བའི་ཚལ་ནས་བྲིས་འདིས་ཀྱང་། །སྐྱེ་ཀུན་གུ་རུས་རྗེས་བཟུང་སྟེ། །དགོངས་ཀློང་དབྱེར་མེད་བྱིན་བརླབ་མཛོད། །སརྦ་དཱ་མངྒ་ལཾ།།
	zhes 'di 'phags pa'i rig rtsal gsungs/__/so skye'i ngag gis bslad 'os min/__/'on kyang kun gzigs brtse ba che'i/__/byin rlabs dgongs gtad bka' drin gyis/__/skal bzang rig pa'i thig ler sad/__/bka' yis gnang bzhin mang+ga las/__/bkra shis 'chi med grub pa yi/__/dga' ba'i tshal nas bris 'dis kyang /__/skye kun gu rus rjes bzung ste/__/dgongs klong dbyer med byin brlab mdzod/__/sarba dA mang+ga laM//

1 Texts in this Section (sde tshan or chos tshan)

485-493	རྩ་གསུམ་པདྨ་སྙིང་ཐིག་ལས༔ རིག་འཛིན་བླ་མའི་སྒྲུབ་པ། rtsa gsum pad+ma snying thig las: rig 'dzin bla ma'i sgrub pa Revelations - gter ma   ·   Sadhanas - Evocation Ritual - sgrub thabs	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

༄༅། །རྩ་གསུམ་པདྨ་སྙིང་ཐིག་ལས༔ རིག་འཛིན་བླ་མའི་སྒྲུབ་པ་བཞུགས། ། རང་རིག་ལྷ་ལ་ཕྱག་འཚལ་ལོ། །རྒྱལ་ཀུན་འདུས་ཞལ་བླ་མ་ཡི། །ཐུགས་ཀྱི་སྒྲུབ་པ་བྱེ་བ་ལས། །སྙིང་པོའི་རྣལ་འབྱོར་ཉམས་ལེན་ལ། །དབེན་པར་དང་དང་ངེས་འབྱུང་བློས། །ཐོག་མར་སྔོན་འགྲོའི་ལས་རིམ་ནི། །ཚོགས་ཞིང་གསལ་བཏབ་སྐྱབས་སུ་འགྲོ། །ན་མོ། གདོད་ནས་དག་པའི་ཡེ་ཤེས་ནི། །རང་བྱུང་རྡོ་རྗེ་ཐོད་ཕྲེང་རྩལ། །སྐྱབས་ཡུལ་རྒྱ་མཚོའི་ཚོགས་བཅས་ལ། །མི་ཕྱེད་དད་པས་སྐྱབས་སུ་མཆི། །གཉིས་པ་བྱང་ཆུབ་སེམས་བསྐྱེད་ནི། ཧོཿམཐའ་ཡས་སེམས་ཅན་མ་ལུས་པ། །སྲིད་ཞིའི་འཇིགས་པ་ལས་སྒྲོལ་ཏེ། །བྱང་ཆུབ་ཆེན་པོར་དབུགས་དབྱུང་ཕྱིར། །བླ་མེད་སྨོན་འཇུག་སེམས་བསྐྱེད་དོ། །གསུམ་པ་བསགས་སྦྱང་རིམ་པ་ནི། ཧོ། སྐྱབས་ཡུལ་རྒྱ་མཚོའི་ཚོགས་རྣམས་ལ། །ཕྱག་འཚལ་ཀུན་བཟང་མཆོད་སྤྲིན་འབུལ། །སྡིག་ལྟུང་ཉམས་ཆག་བཤགས་ཤིང་སྡོམ། །དགེ་ཚོགས་ཀུན་ལ་རྗེས་ཡི་རངས། །ཟབ་རྒྱས་ཆོས་འཁོར་བསྐོར་བ་དང་། །མྱ་ངན་མི་འདའ་བཞུགས་གསོལ་འདེབས། །བླ་མེད་བྱང་ཆུབ་སྙིང་པོར་བསྔོ། །གཞན་ཕན་སངས་རྒྱས་མྱུར་ཐོབ་ཤོག །བཞི་པ་བཀའ་བསྒོ་སྲུང་མཚམས་བཅད། ཧཱུྃ། ང་ནི་དཔལ་ཆེན་ཧེ་རུ་ཀ། བར་ཆད་བདུད་དང་བགེགས་ཚོགས་འདུལ། །དྲག་ཤུལ་རོལ་པའི་ཕྲིན་ལས་ཅན། །བཀའ་ལས་འདའ་ནུས་སུ་ཡང་མེད། །གནས་འདིར་དཀྱིལ་འཁོར་གཉེན་པོ་བསྒྲུབ། །གསང་སྤྱོད་ལྟ་བར་མི་ནུས་ཀུན། །མ་འདུག་རང་རང་གནས་སུ་དེངས། །ཅི་སྟེ་མི་འགྲོ་འདུག་གྱུར་ན། །རྡུལ་དུ་བརླག་པར་གདོན་མི་ཟ། །ཧཱུྃ་བཞིའི་སྔགས་དང་དམིགས་པས་གཟིར། ཧཱུྃ། རང་བྱུང་ལྷུན་གྲུབ་ཆོས་དབྱིངས་ཀློང་། །བགེགས་དང་བར་ཆད་མིང་ཡང་མེད། །སྣང་སྲིད་དཀྱིལ་འཁོར་གཅིག་ཏུ་རྫོགས། །རྡོ་རྗེ་སྲུང་བས་མཚམས་བཅད་དོ། །ཛྙཱ་ན་བཛྲ་རཀྵ་བྷྲཱུྃ། ལྔ་་པ་བྱིན་ཆེན་དབབ་པ་ནི། ཧཱུྃ་ཧྲཱིཿཆོས་དབྱིངས་འོད་གསལ་ཀློང་ཡངས་ནས། །རིག་འཛིན་བླ་མས་བྱིན་ཕོབ་ཅིག །ཡེ་ཤེས་དགོངས་པས་དབང་བསྐུར་ལ། །རྡོ་རྗེའི་བྱིན་ཆེན་དབབ་པར་མཛོད། །སྒྱུ་འཕྲུལ་དྲྭ་བའི་ཕོ་བྲང་ནས། །དཀྱིལ་འཁོར་ལྷ་ཡིས་བྱིན་ཆེན་ཕོབ། །མཆོག་ཐུན་དངོས་གྲུབ་ཆར་འབེབས་པས། །གསང་གསུམ་གཉིས་མེད་བྱིན་གྱིས་རློབས། །འགགས་མེད་ཕྲིན་ལས་རོལ་པ་ནས། །ཡེ་ཤེས་མཁའ་འགྲོའི་བྱིན་ཆེན་ཕོབ། །ཚར་གཅོད་རྗེས་འཛིན་བརྟུལ་ཞུགས་ཀྱིས། །དོན་གཉིས་གྲུབ་པར་མཛད་དུ་གསོལ། །གནས་མཆོག་འདི་རུ་བྱིན་ཕོབ་ལ། །སྒྲུབ་མཆོག་བདག་ལ་དབང་བཞི་བསྐུར། །བགེགས་དང་ལོག་འདྲེན་བར་ཆད་སོལ། །མཆོག་དང་ཐུན་མོང་དངོས་གྲུབ་སྩོལ། །ཨོཾ་ཨཱཿཧཱུྃ་བཛྲ་མ་ཧཱ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿཛཿཛྙཱ་ན་ཨཱ་བེ་ཤ་ཡ་ཨ་ཨཱཿདྲུག་པ་མཆོད་པ་བྱིན་བརླབ་ནི། ཧཱུྃ། སྣང་སྲིད་གདོད་ནས་དག་པའི་ཞིང་། །རྣམ་མང་མཆོད་པའི་ཡོ་བྱད་རྫས། །ཀུན་བཟང་སྒྱུ་འཕྲུལ་དྲྭ་བའི་སྤྲིན། །བདེ་བ་ཆེན་པོའི་རོལ་པར་ཤར། །ཨོཾ་བཛྲ་ཨརྒྷཾ་ནས། ཤབྡ་སརྦ་པཱུ་ཛ་ཧོ། ཨོཾ་མ་ཧཱ་ཨ་མྲྀ་ཏ་རཀྟ་བ་ལིཾ་ཏ་ཨཱཿཧཱུྃ༔ ཞེས་བརྗོད་དངོས་གཞིའི་ལས་གཞུང་བསྲང་། ས་མ་ཡ། དམ་ཚིག་འཁོར་ལོ་གཞུང་བཞིན་བསྒོམ། སྣང་སྟོང་ཡེ་ཤེས་སྒྱུ་མའི་སྐུ། །སྐུ་གསུང་ཐུགས་ནི་རྡོ་རྗེ་གསུམ། །ཡེ་ཤེས་དབང་བསྐུར་ཅོད་པན་ཅན། །རིགས་ཀྱི་བདག་པོས་རྒྱས་བཏབ་བོ། །ཨོཾ་ཨཱཿཧཱུྃ། ཨོཾ་ཧཱུྃ་ཏྲཱྃ་ཧྲཱིཿཨཱཿཡེ་ཤེས་འཁོར་ལོ་སྤྱན་འདྲེན་ནི། ཧཱུྃ། ཨོ་རྒྱན་ཡུལ་གྱི་ནུབ་བྱང་མཚམས། །པདྨ་གེ་སར་སྡོང་པོ་ལ། །ཡ་མཚན་མཆོག་གི་དངོས་གྲུབ་བརྙེས། །པདྨ་འབྱུང་གནས་ཞེས་སུ་གྲགས། །འཁོར་དུ་མཁའ་འགྲོ་མང་པོས་བསྐོར། །ཁྱེད་ཀྱི་རྗེས་སུ་བདག་སྒྲུབ་ཀྱིས། །བྱིན་གྱིས་བརླབ་ཕྱིར་གཤེགས་སུ་གསོལ། །གནས་མཆོག་འདི་རུ་བྱིན་ཕོབ་ལ། །སྒྲུབ་མཆོག་བདག་ལ་དབང་བཞི་བསྐུར། །བགེགས་དང་ལོག་འདྲེན་བར་ཆད་སོལ། །མཆོག་དང་ཐུན་མོང་དངོས་གྲུབ་སྩོལ། །ཨོཾ་ཨཱཿཧཱུྃ་བཛྲ་གུ་རུ་པདྨ་དྷེ་ཝ་དྷཱ་ཀི་ནཱི་ས་པ་རི་ཝཱ་ར་བཛྲ་ས་མཱ་ཛཿདབྱིངས་ནས་སྤྱན་དྲངས་ཡེ་ཤེས་པ། །དམ་ཚིག་འཁོར་ལོར་གཉིས་མེད་བཞུགས། །སྣང་སྲིད་ཕྱག་རྒྱའི་རོལ་པ་ལ། །གདོད་ནས་མ་བཅོས་མཉམ་པར་ཤར། །ས་མ་ཡ་ཏིཥྛ་ལྷན། ཧོཿཡེ་ཤེས་རོལ་པ་བླ་མ་ལྷ། །སངས་རྒྱས་ཀུན་གྱི་ངོ་བོ་སྟེ། །རང་རིག་ལྟ་བས་མཇལ་བའི་ཕྱག །གུས་པའི་བརྡ་ཡིས་འཚལ་བར་བགྱི། །ཨ་ཏི་པུ་ཧོ། པྲ་ཏཱི་ཙྪ་ཧོ། ཧཱུྃ་ཧྲཱིཿསྣང་བ་རྣམ་དག་གཞལ་ཡས་སུ། །སྲིད་པ་རང་གྲོལ་མཆོད་བའི་རྫས། །ཀུན་བཟང་སྒྱུ་འཕྲུལ་དྲྭ་བའི་གཏེར། །དཔག་མེད་གུས་པའི་བརྡ་ཡིས་འབུལ། །ཨོཾ་བཛྲ་ཨརྒྷཾ་ནས། ཤབྡ་སརྦ་ས་མ་ཡ་ཧོ། མ་ཧཱ་ཨ་མྲྀ་ཏ་རཀྟ་བ་ལིངྟ་མ་ཧཱ་སུ་ཁ་པཱུ་ཛ་ཧོཿཧྲཱིཿཆོས་སྐུ་མི་འགྱུར་ཀུན་ཏུ་འཆང་། །དཀྱིལ་འཁོར་ཁྱབ་བདག་དང་པོའི་མགོན། །བདེ་སྟོང་མཁའ་འགྲོའི་ཚོགས་རྗེ་ལ། །གཉིས་སུ་མེད་པའི་ཡིད་ཀྱིས་བསྟོད། །བསྙེན་སྒྲུབ་བཟླས་པས་རྩེ་གཅིག་སྒྲུབ། ས་མ་ཡཿརྗེས་ཀྱི་དང་པོ་ཚོགས་མཆོད་ནི། ཐབས་ཤེས་རྫས་རྣམས་བདུད་རྩིས་བསངས། བདག་གི་ཐུགས་ནས་རྃ་ཡྃ་ཁྃ། །འཕྲོས་པས་མ་དག་དངོས་འཛིན་སྦྱངས། སྟོང་གསལ་ངང་ལས་ཐབས་ཤེས་ཀྱི། །ལོངས་སྤྱོད་ཆེན་པོར་ལྷུན་གྱིས་གྲུབ། །ཨོཾ་ཨཱཿཧཱུྃ། ཧཱུྃ་ཧྲཱིཿསྐུ་གསུམ་བླ་མའི་ལྷ་ཚོགས་ལ། །ཕྱོགས་དུས་རྩ་གསུམ་རྒྱ་མཚོས་བསྐོར། །འདོད་ཡོན་ཚོགས་ལ་སྤྱན་འདྲེན་གཤེགས། །དབང་བསྐུར་བྱིན་ཕོབ་དངོས་གྲུབ་སྩོལ། །སརྦ་ས་མ་ཡ་ཛཿཕུད་ཀྱི་དང་པོ་མཆོད་པ་འབུལ། ཧོཿཐབས་ཤེས་བཟའ་བཅའ་བཏུང་བའི་རྫས། །གཉིས་མེད་མཆོད་པའི་སྤྲིན་བསམ་ཡས། །རབ་འབྱམས་དཀྱིལ་འཁོར་ལྷ་ལ་འབུལ། །དགྱེས་བཞེས་མཆོག་ཐུན་དངོས་གྲུབ་སྩོལ། །ག་ཎ་ཙཀྲ་པཱུ་ཛ་ཧོཿབར་པ་བཤགས་པ་འབུལ་བ་ནི། ཧོཿབདེ་བ་ཆེན་པོའི་དམ་ཚིག་ནི། །ཡེ་ཤེས་བདུད་རྩིའི་ཞལ་ཟས་ཚོགས། །དཀྱིལ་འཁོར་ལྷ་ལ་འབུལ་གྱིས་བཞེས། །འགལ་འཁྲུལ་ཉམས་ཆག་དག་པར་མཛོད། །ས་མ་ཡ་ཤུདྡྷེ་ཨཿཐ་མ་བསྒྲལ་ཞིང་བསྟབ་པ་ནི། ཧོཿགདུག་པའི་དགྲ་བགེགས་བར་ཆད་བདུད། །མཚན་མ་ཚོགས་ཀྱི་རྫས་ལ་བཀུག །ཡེ་ཤེས་དབྱིངས་སུ་བསྒྲལ་བའི་རྫས། །ལྷ་ཚོགས་མཆོད་པའི་རྒྱན་དུ་འབུལ། །མ་ཧཱ་མཱཾ་ས་རཀྟ་བ་ལིངྟ་ཁཱ་ཧི། རྣལ་འབྱོར་ལྡན་པས་ཚོགས་ལ་རོལ། །ལྷག་མ་བསྡུས་ཏེ་བྱིན་གྱི་བརླབ། །ཧྲཱིཾ་ཕཻཾ༔ དཀྱིལ་འཁོར་མཐའ་སྐྱོང་དམ་ཚིག་ཅན། །དཔལ་གྱི་ཕམ་ཕབ་འདི་ལོངས་ལ། །འགལ་རྐྱེན་འཁྲུལ་པའི་བར་ཆད་སོལ། །ཕྲིན་ལས་མཐའ་དག་འགྲུབ་པར་མཛོད། །ཨོཾ་ཨུཙྪིཥྚ་བ་ལིཾ་ཏ་ཁཱ་ཧི། སྨོན་ལམ་རྡོ་རྗེའི་གླུ་གར་བྱ། གཉིས་པ་ཐུགས་དམ་བསྐུལ་བ་ནི། ཧཱུྃ། ཆོས་དབྱིངས་ཀློང་དུ་རྟོག་བྲལ་ཀྱང་། །རིག་རྩལ་ཐུགས་རྗེའི་ཆོ་འཕྲུལ་ནི། །གང་འདུལ་དེར་སྣང་འགགས་མེད་ཀྱིས། །བར་ཆད་གདོན་བགེགས་དབྱིངས་སུ་སྒྲོལ། །ཚེ་དཔལ་ཡེ་ཤེས་དངོས་གྲུབ་སྩོལ། །དོན་གཉིས་ལྷུན་གྱིས་གྲུབ་པར་མཛོད། །གསུམ་པ་ཆད་ཐོ་བརྟན་མ་སྐྱོང་། ཧཱུྃ། དུས་བཞི་མཉམ་པའི་དཀྱིལ་འཁོར་དུ། །ཐ་ཚིག་གཉན་ཕོག་སྲུང་མ་རྣམས། །བདེ་ཆེན་གཏོར་མ་འདི་བཞེས་ལ། །བཅོལ་པའི་ཕྲིན་ལས་འགྲུབ་པར་མཛོད། ཧཱུྃ། རྡོ་རྗེའི་བརྟན་སྐྱོངས་མ་མོའི་ཚོགས། །བཤལ་ཆུའི་བདུད་རྩི་འདི་བསྣམས་ལ། །རྣལ་འབྱོར་ས་ལམ་བར་ཆད་སོལ། །གངས་ཅན་བདེ་བའི་ཕྲིན་ལས་མཛོད། །བཞི་པ་ལས་མཇུག་བྲོ་ཡིས་བསྡུ། ཧཱུྃ། བར་ཆད་དམ་སྲི་ལོག་པར་འདྲེན། །རྡོ་རྗེའི་རི་རབ་འོག་ཏུ་མནན། །ཡེ་ཤེས་ཕྱག་རྒྱའི་རྒྱས་བཏབ་པས། །ནམ་ཡང་ལྡང་བར་མ་བྱེད་ཅིག །སྟྭཾ་བྷ་ཡ་ནན། ལྔ་པ་དངོས་གྲུབ་བླང་བ་ནི། ཧཱུྃ། གདོད་ནས་བཞུགས་པའི་ཡེ་ཤེས་ལྷ། །ཐུགས་དམ་བསྙེན་ཅིང་སྒྲུབ་པས་བསྐུལ། །དངོས་གྲུབ་ལས་ལ་སྦྱོར་ལགས་ན། །དབང་དང་བྱིན་རླབས་ཀུན་སྩོལ་ཅིག །སརྦ་སིདྡྷི་ཕ་ལ་ཧཱུྃ། དྲུག་པ་ནོངས་བཤགས་བསྡུ་ལྡང་ནི། ཧོཿབདག་ཅག་རྨོངས་པས་འགལ་འཁྲུལ་གྱི། །སྡིག་ལྟུང་ཉམས་ཆག་མ་ལུས་བཤགས། །བརྩེ་བའི་ཐུགས་ཀྱིས་དགྱེས་དགོངས་ལ། །དག་ཅིང་ཚངས་པའི་དངོས་གྲུབ་སྩོལ། །ཡིག་བརྒྱ་བཟླ། སྣང་སྲིད་རྟེན་དང་བརྟེན་པའི་ལྷ། །དབྱིངས་ཀྱི་ཐིག་ལེ་གཅིག་ཏུ་ཐིམ། །སླར་ཡང་སྣང་གྲགས་རིག་པའི་ཆོས། །བླ་མའི་གསང་བ་གསུམ་དུ་ཤར། །བདུན་པ་བསྔོ་སྨོན་ཤིས་བརྗོད་ནི། ཚོགས་གཉིས་རྨད་བྱུང་རྡོ་རྗེའི་ལམ། །བླ་མའི་གསང་གསུམ་སྒྲུབ་པའི་དགེ། མཐའ་ཀླས་འགྲོ་བའི་དོན་དུ་བསྔོ། །བླ་མེད་བྱང་ཆུབ་མངོན་གྱུར་ཤོག །ཨོཾ། རྡོ་རྗེའི་བྱིན་རླབས་དཔལ་དུ་འབར། །རིག་འཛིན་བླ་མའི་བཀྲ་ཤིས་ཤོག །དངོས་གྲུབ་རབ་འབྱམས་ཡིད་བཞིན་སྩོལ། །ཡི་དམ་རྒྱ་མཚོའི་བཀྲ་ཤིས་ཤོག །ཐོགས་མེད་ཕྲིན་ལས་འདོད་རྒུའི་བདག །ཆོས་སྐྱོང་མཁའ་འགྲོའི་བཀྲ་ཤིས་ཤོག །གནས་སྐབས་ལས་བཞི་ལྷུན་གྱིས་གྲུབ། །མཐར་ཐུག་མངོན་པར་བྱང་ཆུབ་ཤོག །ཅེས་བརྗོད་བསགས་སྦྱངས་གནད་དུ་དྲིལ། །ཁྱད་པར་མོས་གུས་རྩལ་དུ་བཏོན། །གསོལ་བཏབ་དབང་བླང་ཐུགས་ཡིད་བསྲེ། །མཉམ་པར་བཞག་པའི་ལམ་ཁྱེར་གནད། །དེ་ལྟར་བརྩོན་པའི་ཡོན་ཏན་གྱིས། །བླ་མ་སྐུ་བཞིའི་ས་ཐོབ་འགྱུར། །ས་མ་ཡ། ཞེས་འདི་འཕགས་པའི་རིག་རྩལ་གསུངས། །སོ་སྐྱེའི་ངག་གིས་བསླད་འོས་མིན། །འོན་ཀྱང་ཀུན་གཟིགས་བརྩེ་བ་ཆེའི། །བྱིན་རླབས་དགོངས་གཏད་བཀའ་དྲིན་གྱིས། །སྐལ་བཟང་རིག་པའི་ཐིག་ལེར་སད། །བཀའ་ཡིས་གནང་བཞིན་མངྒ་ལས། །བཀྲ་ཤིས་འཆི་མེད་གྲུབ་པ་ཡི། །དགའ་བའི་ཚལ་ནས་བྲིས་འདིས་ཀྱང་། །སྐྱེ་ཀུན་གུ་རུས་རྗེས་བཟུང་སྟེ། །དགོངས་ཀློང་དབྱེར་མེད་བྱིན་བརླབ་མཛོད། །སརྦ་དཱ་མངྒ་ལཾ།། །།

[edit]

@#/__/rtsa gsum pad+ma snying thig las:__rig 'dzin bla ma'i sgrub pa bzhugs/__/ rang rig lha la phyag 'tshal lo/__/rgyal kun 'dus zhal bla ma yi/__/thugs kyi sgrub pa bye ba las/__/snying po'i rnal 'byor nyams len la/__/dben par dang dang nges 'byung blos/__/thog mar sngon 'gro'i las rim ni/__/tshogs zhing gsal btab skyabs su 'gro/__/na mo/__gdod nas dag pa'i ye shes ni/__/rang byung rdo rje thod phreng rtsal/__/skyabs yul rgya mtsho'i tshogs bcas la/__/mi phyed dad pas skyabs su mchi/__/gnyis pa byang chub sems bskyed ni/__hoHmtha' yas sems can ma lus pa/__/srid zhi'i 'jigs pa las sgrol te/__/byang chub chen por dbugs dbyung phyir/__/bla med smon 'jug sems bskyed do/__/gsum pa bsags sbyang rim pa ni/__ho/__skyabs yul rgya mtsho'i tshogs rnams la/__/phyag 'tshal kun bzang mchod sprin 'bul/__/sdig ltung nyams chag bshags shing sdom/__/dge tshogs kun la rjes yi rangs/__/zab rgyas chos 'khor bskor ba dang /__/mya ngan mi 'da' bzhugs gsol 'debs/__/bla med byang chub snying por bsngo/__/gzhan phan sangs rgyas myur thob shog__/bzhi pa bka' bsgo srung mtshams bcad/__hU~M/__nga ni dpal chen he ru ka/__bar chad bdud dang bgegs tshogs 'dul/__/drag shul rol pa'i phrin las can/__/bka' las 'da' nus su yang med/__/gnas 'dir dkyil 'khor gnyen po bsgrub/__/gsang spyod lta bar mi nus kun/__/ma 'dug rang rang gnas su dengs/__/ci ste mi 'gro 'dug gyur na/__/rdul du brlag par gdon mi za/__/hU~M bzhi'i sngags dang dmigs pas gzir/__hU~M/__rang byung lhun grub chos dbyings klong /__/bgegs dang bar chad ming yang med/__/snang srid dkyil 'khor gcig tu rdzogs/__/rdo rje srung bas mtshams bcad do/__/dz+nyA na badz+ra rak+Sha b+h+rU~M/__lnga pa byin chen dbab pa ni/__hU~M hrIHchos dbyings 'od gsal klong yangs nas/__/rig 'dzin bla mas byin phob cig__/ye shes dgongs pas dbang bskur la/__/rdo rje'i byin chen dbab par mdzod/__/sgyu 'phrul drwa ba'i pho brang nas/__/dkyil 'khor lha yis byin chen phob/__/mchog thun dngos grub char 'bebs pas/__/gsang gsum gnyis med byin gyis rlobs/__/'gags med phrin las rol pa nas/__/ye shes mkha' 'gro'i byin chen phob/__/tshar gcod rjes 'dzin brtul zhugs kyis/__/don gnyis grub par mdzad du gsol/__/gnas mchog 'di ru byin phob la/__/sgrub mchog bdag la dbang bzhi bskur/__/bgegs dang log 'dren bar chad sol/__/mchog dang thun mong dngos grub stsol/__/oM AHhU~M badz+ra ma hA gu ru pad+ma thod phreng rtsal badz+ra sa ma ya dzaHdzaHdz+nyA na A be sha ya a AHdrug pa mchod pa byin brlab ni/__hU~M/__snang srid gdod nas dag pa'i zhing /__/rnam mang mchod pa'i yo byad rdzas/__/kun bzang sgyu 'phrul drwa ba'i sprin/__/bde ba chen po'i rol par shar/__/oM badz+ra ar+g+haM nas/__shab+da sarba pU dza ho/__oM ma hA a mr-i ta rak+ta ba liM ta AHhU~M:__zhes brjod dngos gzhi'i las gzhung bsrang /__sa ma ya/__dam tshig 'khor lo gzhung bzhin bsgom/__snang stong ye shes sgyu ma'i sku/__/sku gsung thugs ni rdo rje gsum/__/ye shes dbang bskur cod pan can/__/rigs kyi bdag pos rgyas btab bo/__/oM AHhU~M/__oM hU~M trA~M hrIHAHye shes 'khor lo spyan 'dren ni/__hU~M/__o rgyan yul gyi nub byang mtshams/__/pad+ma ge sar sdong po la/__/ya mtshan mchog gi dngos grub brnyes/__/pad+ma 'byung gnas zhes su grags/__/'khor du mkha' 'gro mang pos bskor/__/khyed kyi rjes su bdag sgrub kyis/__/byin gyis brlab phyir gshegs su gsol/__/gnas mchog 'di ru byin phob la/__/sgrub mchog bdag la dbang bzhi bskur/__/bgegs dang log 'dren bar chad sol/__/mchog dang thun mong dngos grub stsol/__/oM AHhU~M badz+ra gu ru pad+ma d+he wa d+hA ki nI sa pa ri wA ra badz+ra sa mA dzaHdbyings nas spyan drangs ye shes pa/__/dam tshig 'khor lor gnyis med bzhugs/__/snang srid phyag rgya'i rol pa la/__/gdod nas ma bcos mnyam par shar/__/sa ma ya tiSh+Tha lhan/__hoHye shes rol pa bla ma lha/__/sangs rgyas kun gyi ngo bo ste/__/rang rig lta bas mjal ba'i phyag__/gus pa'i brda yis 'tshal bar bgyi/__/a ti pu ho/__pra tI ts+tsha ho/__hU~M hrIHsnang ba rnam dag gzhal yas su/__/srid pa rang grol mchod ba'i rdzas/__/kun bzang sgyu 'phrul drwa ba'i gter/__/dpag med gus pa'i brda yis 'bul/__/oM badz+ra ar+g+haM nas/__shab+da sarba sa ma ya ho/__ma hA a mr-i ta rak+ta ba ling+ta ma hA su kha pU dza hoHhrIHchos sku mi 'gyur kun tu 'chang /__/dkyil 'khor khyab bdag dang po'i mgon/__/bde stong mkha' 'gro'i tshogs rje la/__/gnyis su med pa'i yid kyis bstod/__/bsnyen sgrub bzlas pas rtse gcig sgrub/__sa ma yaHrjes kyi dang po tshogs mchod ni/__thabs shes rdzas rnams bdud rtsis bsangs/__bdag gi thugs nas ra~M ya~M kha~M/__/'phros pas ma dag dngos 'dzin sbyangs/__stong gsal ngang las thabs shes kyi/__/longs spyod chen por lhun gyis grub/__/oM AHhU~M/__hU~M hrIHsku gsum bla ma'i lha tshogs la/__/phyogs dus rtsa gsum rgya mtshos bskor/__/'dod yon tshogs la spyan 'dren gshegs/__/dbang bskur byin phob dngos grub stsol/__/sarba sa ma ya dzaHphud kyi dang po mchod pa 'bul/__hoHthabs shes bza' bca' btung ba'i rdzas/__/gnyis med mchod pa'i sprin bsam yas/__/rab 'byams dkyil 'khor lha la 'bul/__/dgyes bzhes mchog thun dngos grub stsol/__/ga Na tsakra pU dza hoHbar pa bshags pa 'bul ba ni/__hoHbde ba chen po'i dam tshig ni/__/ye shes bdud rtsi'i zhal zas tshogs/__/dkyil 'khor lha la 'bul gyis bzhes/__/'gal 'khrul nyams chag dag par mdzod/__/sa ma ya shud+d+he aHtha ma bsgral zhing bstab pa ni/__hoHgdug pa'i dgra bgegs bar chad bdud/__/mtshan ma tshogs kyi rdzas la bkug__/ye shes dbyings su bsgral ba'i rdzas/__/lha tshogs mchod pa'i rgyan du 'bul/__/ma hA mAM sa rak+ta ba ling+ta khA hi/__rnal 'byor ldan pas tshogs la rol/__/lhag ma bsdus te byin gyi brlab/__/hrIM phaiM:__dkyil 'khor mtha' skyong dam tshig can/__/dpal gyi pham phab 'di longs la/__/'gal rkyen 'khrul pa'i bar chad sol/__/phrin las mtha' dag 'grub par mdzod/__/oM uts+tshiSh+Ta ba liM ta khA hi/__smon lam rdo rje'i glu gar bya/__gnyis pa thugs dam bskul ba ni/__hU~M/__chos dbyings klong du rtog bral kyang /__/rig rtsal thugs rje'i cho 'phrul ni/__/gang 'dul der snang 'gags med kyis/__/bar chad gdon bgegs dbyings su sgrol/__/tshe dpal ye shes dngos grub stsol/__/don gnyis lhun gyis grub par mdzod/__/gsum pa chad tho brtan ma skyong /__hU~M/__dus bzhi mnyam pa'i dkyil 'khor du/__/tha tshig gnyan phog srung ma rnams/__/bde chen gtor ma 'di bzhes la/__/bcol pa'i phrin las 'grub par mdzod/__hU~M/__rdo rje'i brtan skyongs ma mo'i tshogs/__/bshal chu'i bdud rtsi 'di bsnams la/__/rnal 'byor sa lam bar chad sol/__/gangs can bde ba'i phrin las mdzod/__/bzhi pa las mjug bro yis bsdu/__hU~M/__bar chad dam sri log par 'dren/__/rdo rje'i ri rab 'og tu mnan/__/ye shes phyag rgya'i rgyas btab pas/__/nam yang ldang bar ma byed cig__/s+t+waM b+ha ya nan/__lnga pa dngos grub blang ba ni/__hU~M/__gdod nas bzhugs pa'i ye shes lha/__/thugs dam bsnyen cing sgrub pas bskul/__/dngos grub las la sbyor lags na/__/dbang dang byin rlabs kun stsol cig__/sarba sid+d+hi pha la hU~M/__drug pa nongs bshags bsdu ldang ni/__hoHbdag cag rmongs pas 'gal 'khrul gyi/__/sdig ltung nyams chag ma lus bshags/__/brtse ba'i thugs kyis dgyes dgongs la/__/dag cing tshangs pa'i dngos grub stsol/__/yig brgya bzla/__snang srid rten dang brten pa'i lha/__/dbyings kyi thig le gcig tu thim/__/slar yang snang grags rig pa'i chos/__/bla ma'i gsang ba gsum du shar/__/bdun pa bsngo smon shis brjod ni/__tshogs gnyis rmad byung rdo rje'i lam/__/bla ma'i gsang gsum sgrub pa'i dge/__mtha' klas 'gro ba'i don du bsngo/__/bla med byang chub mngon gyur shog__/oM/__rdo rje'i byin rlabs dpal du 'bar/__/rig 'dzin bla ma'i bkra shis shog__/dngos grub rab 'byams yid bzhin stsol/__/yi dam rgya mtsho'i bkra shis shog__/thogs med phrin las 'dod rgu'i bdag__/chos skyong mkha' 'gro'i bkra shis shog__/gnas skabs las bzhi lhun gyis grub/__/mthar thug mngon par byang chub shog__/ces brjod bsags sbyangs gnad du dril/__/khyad par mos gus rtsal du bton/__/gsol btab dbang blang thugs yid bsre/__/mnyam par bzhag pa'i lam khyer gnad/__/de ltar brtson pa'i yon tan gyis/__/bla ma sku bzhi'i sa thob 'gyur/__/sa ma ya/__zhes 'di 'phags pa'i rig rtsal gsungs/__/so skye'i ngag gis bslad 'os min/__/'on kyang kun gzigs brtse ba che'i/__/byin rlabs dgongs gtad bka' drin gyis/__/skal bzang rig pa'i thig ler sad/__/bka' yis gnang bzhin mang+ga las/__/bkra shis 'chi med grub pa yi/__/dga' ba'i tshal nas bris 'dis kyang /__/skye kun gu rus rjes bzung ste/__/dgongs klong dbyer med byin brlab mdzod/__/sarba dA mang+ga laM//__//