སྤྱན་རས་གཟིགས་དོན་ཡོད་ཞགས་པའི་གཟུངས་བཀླག་ཐབས།

🚧 This website is under continued development. We appreciate your patience!

Previous Text Back to Volume PageNext Text

Wylie title	spyan ras gzigs don yod zhags pa'i gzungs bklag thabs
Location	chos kyi blo gros bka' 'bum Volume 7, Text 39, Pages 597-598 (Folios 1a1 to 1b1)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. spyan ras gzigs don yod zhags pa'i gzungs bklag thabs. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 7: 597-598. Bir, H.P.: Khyentse Labrang, 2012.
Genre	Sadhanas - Evocation Ritual - sgrub thabs
Deity	spyan ras gzigs
Colophon	།ཞེས་པའང་དགེ་རྟགས་མཆོག་སྤྲུལ་ནས་བསྐུལ་ངོར་ཆོས་ཀྱི་བློ་གྲོས་པས་སོ།།
	/zhes pa'ang dge rtags mchog sprul nas bskul ngor chos kyi blo gros pas so//

1 Texts in this Section (sde tshan or chos tshan)

597-598	སྤྱན་རས་གཟིགས་དོན་ཡོད་ཞགས་པའི་གཟུངས་བཀླག་ཐབས། spyan ras gzigs don yod zhags pa'i gzungs bklag thabs Sadhanas - Evocation Ritual - sgrub thabs	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

སྤྱན་རས་གཟིགས་དོན་ཡོད་ཞགས་པའི་གཟུངས་བཀླག་ཐབས་བཞུགས། །སངས་རྒྱས་ཆོས་ཚོགས་སོགས་སྐྱབས་སེམས་དང་། སེམས་ཅན་ཐམས་ཅད་བདེ་བ་དང་སོགས་ཚད་མེད་བཞི་བསྒོམ། རང་གཞན་སེམས་ཅན་ཐམས་ཅད་ཀྱི་སྤྱི་བོར་པདྨ་དམར་པོ་འདབ་མ་རྒྱས་པའི་སྟེང་དུ་བླ་མ་འཕགས་པ་སྤྱན་རས་གཟིགས་དོན་ཡོད་ཞགས་པ་སྐུ་མདོག་དམར་པོ་ཞལ་གཅིག་ཕྱག་བཞི་པ། གཡས་གཉིས་ན་ཞགས་པ་དང་རྡོ་རྗེ། གཡོན་གཉིས་ན་ལྕག་ཀྱུ་དང་འཕྲེང་བ་འཛིན་པ། རྒྱན་དམར་པོ་དང་སྟོད་གཡོག་གསོལ་བ། ཞབས་གཉིས་མཉམ་པར་བཞེངས་པར་གསལ་བའི་ཐུགས་ཀར་ཟླ་དཀྱིལ་སྟེང་དུ་ཧྲཱིཿཡིག་གི་མཐར་གཟུངས་སྔགས་ཀྱི་ཕྲེང་བས་བསྐོར་བ་ལས་བདུད་རྩིའི་རྒྱུན་བབས་རང་གཞན་སེམས་ཅན་ཐམས་ཅད་ཀྱི་སྤྱི་གཙུག་ནས་ཞུགས་པས། ལས་ཉོན་སྡིག་སྒྲིབ། ནད་གདོན་བར་བཅོད་ཐམས་ཅད་བསྐྲུས་ཤིང་དག་པ་དང་། སངས་རྒྱས་ཐམས་ཅད་ཀྱི་བྱིན་རླབས་དང་དངོས་གྲུབ་ཐམས་ཅད་ཐོབ་པར་གྱུར་པར་བསམ། གཟུངས་རིང་ཚར་གང་འགྲོ་དང་། གཟུངས་ཐུང་གྲངས་ཅི་ནུས་ཟླ། མཐར། བླ་མ་ཐུགས་རྗེ་ཆེན་པོ་དོན་ཡོད་ཞགས་པས་བདག་དང་སེམས་ཅན་ཐམས་ཅད་ཀྱི་སྡིག་པ་དང་སྒྲིབ་པ་ཐམས་ཅད་བྱང་ཞིང་དག་པར་བྱིན་གྱིས་བརླབ་ཏུ་གསོལ། ཞེས་གསོལ་བ་བཏབ་པས་བླ་མ་དོན་ཡོད་ཞགས་པ་འོད་དུ་ཞུ་ནས་རང་ལ་ཐིམ་པར་གྱུར་པར་བསམ་ལ་གནས་ལུགས་ཀྱི་ངང་དུ་མཉམ་པར་བཞག་གོ། མཐར་དགེ་བ་བསྔོ་བ་སོགས་དཀྱུས་ལྟར་བྱའོ། །ཞེས་པའང་དགེ་རྟགས་མཆོག་སྤྲུལ་ནས་བསྐུལ་ངོར་ཆོས་ཀྱི་བློ་གྲོས་པས་སོ།། །།

[edit]

spyan ras gzigs don yod zhags pa'i gzungs bklag thabs bzhugs/__/sangs rgyas chos tshogs sogs skyabs sems dang /__sems can thams cad bde ba dang sogs tshad med bzhi bsgom/__rang gzhan sems can thams cad kyi spyi bor pad+ma dmar po 'dab ma rgyas pa'i steng du bla ma 'phags pa spyan ras gzigs don yod zhags pa sku mdog dmar po zhal gcig phyag bzhi pa/__g.yas gnyis na zhags pa dang rdo rje/__g.yon gnyis na lcag kyu dang 'phreng ba 'dzin pa/__rgyan dmar po dang stod g.yog gsol ba/__zhabs gnyis mnyam par bzhengs par gsal ba'i thugs kar zla dkyil steng du hrIHyig gi mthar gzungs sngags kyi phreng bas bskor ba las bdud rtsi'i rgyun babs rang gzhan sems can thams cad kyi spyi gtsug nas zhugs pas/__las nyon sdig sgrib/__nad gdon bar bcod thams cad bskrus shing dag pa dang /__sangs rgyas thams cad kyi byin rlabs dang dngos grub thams cad thob par gyur par bsam/__gzungs ring tshar gang 'gro dang /__gzungs thung grangs ci nus zla/__mthar/__bla ma thugs rje chen po don yod zhags pas bdag dang sems can thams cad kyi sdig pa dang sgrib pa thams cad byang zhing dag par byin gyis brlab tu gsol/__zhes gsol ba btab pas bla ma don yod zhags pa 'od du zhu nas rang la thim par gyur par bsam la gnas lugs kyi ngang du mnyam par bzhag go/__mthar dge ba bsngo ba sogs dkyus ltar bya'o/__/zhes pa'ang dge rtags mchog sprul nas bskul ngor chos kyi blo gros pas so//___//