JKCL-KABUM-07-JA-010

From Khyentse Lineage - A Tsadra Foundation Project

འཕགས་མ་རྗེ་བཙུན་རིག་བྱེད་མའི་སྒྲུབ་ཐབས།
Wylie title 'phags ma rje btsun rig byed ma'i sgrub thabs JKCL-KABUM-07-JA-010.pdf
Location chos kyi blo gros bka' 'bum
Volume 7, Text 10, Pages 281-284 (Folios 1a1 to 2b4)
Author འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation 'jam dbyangs mkhyen brtse chos kyi blo gros. 'phags ma rje btsun rig byed ma'i sgrub thabs. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 7: 281-284. Bir, H.P.: Khyentse Labrang, 2012.
Genre Sadhanas - Evocation Ritual - sgrub thabs
Deity rigs byed ma
Lotsawa House Link https://www.lotsawahouse.org/tibetan-masters/jamyang-khyentse-chokyi-lodro/marici-sadhana
Colophon

ཅེས་སྲིད་བློན་བདེ་མཁར་བས་བསྐུལ་ངོར། འཇམ་དབྱངས་ཆོས་ཀྱི་བློ་གྲོས་པས་བྲིས་པ་དགེ་ལེགས་འཕེལ།།

ces srid blon bde mkhar bas bskul ngor/__'jam dbyangs chos kyi blo gros pas bris pa dge legs 'phel//

":Property:textsubnumber|textsubnumber" can not be assigned to a declared number type with value 1.

[edit]
འཕགས་མ་རྗེ་བཙུན་རིག་བྱེད་མའི་སྒྲུབ་ཐབས་བཞུགས་སོ། །ཨོཾ་སྭསྟི། སྒྲུབ་ཐབས་བརྒྱ་རྩ་ནས་འབྱུང་བའི་རྟོགས་པ་ནས་བསྟན་པའི་རིག་བྱེད་མའི་སྒྲུབ་ཐབས་བསྒོམ་པར་འདོད་པས། བདག་སོགས་འགྲོ་དྲུག་སེམས་ཅན་རྣམས། །བྱང་ཆུབ་བར་དུ་སྐྱབས་སུ་མཆི། །སེམས་ཅན་ཀུན་དོན་བསྒྲུབ་པའི་ཕྱིར། །རིགས་བྱེད་ལྷ་མོ་བསྒྲུབ་པར་བགྱི། །ལན་གསུམ། སེམས་ཅན་བདེ་ལྡན་སྡུག་བསྔལ་བྲལ། །བདེ་དང་མི་འབྲལ་བཏང་སྙོམས་བསྒོམ། ཨོཾ་སྭ་བྷ་ཝ་ཤུདྡྷ་སརྦ་དྷརྨ་སྭ་བྷ་ཝ་ཤུདྡྷོ྅་ཧཾ། ཕུང་ཁམས་སྐྱེ་མཆེད་སྟོང་པར་སྦྱངས། །སྟོང་པའི་ངང་ལས་སྒྲ་གཅན་གྱི། མགོ་བོར་འདོད་ལྷ་ཆུང་མར་བཅས། །དེ་སྟེང་ཟླ་བར་ཧྲཱིཿས་མཚན་པ། །ཡོངས་གྱུར་ཨུཏྤལ་དམར་པོ་ནི། །ཧྲཱིཿཡིག་དམར་པོས་བརྒྱན་པ་གསལ། །གནས་གྱུར་ཟླ་བའི་གདན་སྟེང་དུ། །རིག་བྱེད་མ་དཔལ་སྐུ་མདོག་དམར། །ཞལ་གཅིག་ཕྱག་བཞིའི་དང་པོ་གཉིས། །མེ་ཏོག་ཕྲེང་བའི་མདའ་དང་གཞུ། །ཨུཏྤལ་དམར་པོའི་མདེའུ་ཅན། །རྣ་བ་གཉིས་ཀྱི་བར་དུ་བཀང་། །གཡས་འོག་མཐུར་བརྐྱང་མི་འཇིགས་སྦྱིན། །གཡོན་འོག་མཆོག་སྦྱིན་ཨུཏྤལ་དམར། །སྡོང་བུའི་རྩེ་མོར་ལྕགས་ཀྱུས་མཚན། །སྒེག་ཅིང་ཆགས་པའི་ཉམས་དང་ལྡན། །དར་དམར་སྟོད་གཡོགས་སྣ་ཚོགས་པས། །སྨད་དཀྲིས་རིན་ཆེན་རྒྱན་གྱིས་བརྒྱན། །འོད་ཟེར་དམར་པོ་འབར་ཞིང་འཕྲོ། །དམ་ཚིག་ཡེ་ཤེས་དབྱེར་མེད་པ། །རིགས་བདག་འོད་དཔག་མེད་ཀྱིས་བརྒྱན། །ཞེས་གསལ་བཏབས་པ་ལ་ལྷར་སྣང་བ་ལ་སེམས་འཛིན་ཞིང་། ཙནྡན་དམར་པོའི་ཕྲེང་བ་བཟུང་ལ། ཨོཾ་རཱུ་ཙི་ར་མ་ཎི་པྲ་ཝཱརྟ་ན་ཡེ་སྭཱ་ཧཱ། ལན་གསུམ་གྱིས་བྱིན་རླབས་བྱས་ལ། རང་གི་སྙིང་གར་པད་དམར་ཧྲཱིཿ། མར་མེ་ལྟ་བུར་འབར་བའི་མཐར། །སྔགས་ཀྱི་ཕྲེང་བས་བསྐོར་བ་ལས། །འོད་འཕྲོས་འཕགས་མཆོད་བྱིན་རླབས་བསྡུས། །རང་ཐིམ་སླར་ཡང་འོད་དམར་འཕྲོས། །ཁམས་གསུམ་སྣོད་བཅུད་ལ་ཁྱབ་པས། །བརྟན་གཡོའི་དྭངས་བཅུད་ཐམས་ཅད་བསྡུས། །ཐམས་ཅད་རིགས་བྱེད་ལྷ་མོར་གྱུར། །ཚུར་འདུས་རང་ལ་ཐིམ་པ་ཡིས། །རླུང་སེམས་སྣང་བ་དབང་འདུས་བསམ། ཨོཾ་ཀུ་རུ་ཀུལླེ་ཧྲཱིཿསྭཱ་ཧཱ། ཞེས་བཟླ། བསྙེན་པ་བྱེད་ན་འབུམ་ཕྲག་བཅུའམ་བཞི་བཟླའོ། །བསྙེན་པ་ཐོན་ནས་ལས་སྦྱོར་དགོས་ན་བསྒྲུབ་བྱ་ཕོ་མོ་གང་ཡིན་མདུན་དུ་རང་ལ་ཆགས་པའི་ཉམས་དང་ལྡན་པས་གནས་པ་ལ་རང་གི་སྙིང་ག་ནས་འོད་དམར་ལྕགས་ཀྱུ་ལྟ་བུ་འཕྲོས། སྐྱེས་པ་ཡིན་ན་སྙིང་ག་དང་། བུད་མེད་ཡིན་ན་སྐྱེ་གནས་ནས་ཞུགས། འོད་དམར་གྱི་ཞགས་པས་བཅིངས་ཏེ་རང་ལ་ཤིན་ཏུ་དགའ་ཞིང་ཆགས་པར་བསམ་ལ། ཨོཾ་ཀུ་རུ་ཀུལླེ་ཆེ་གེ་མོ་ཨ་ཀཪྵ་ཡ་ཧྲཱིཿསྭཱ་ཧཱ། ཞེས་པ་ཅུང་ཟད་རེ་བཟླའོ། །རྒྱུན་དུ་མི་དགོས་ཀྱང་བསྙེན་པའི་སྐབས་གཏོར་མ་འབུལ་ན། མངར་སྐྱུར་དམར་བའི་གཏོར་མ་བཤམས་ལ། ཨོཾ་ཨཱཿཧཱུྃ། ལན་གསུམ་གྱིས་བརླབ། ལྷ་མོ་མདུན་དུ་སྤྱན་དྲངས་པ་ནི། རང་གི་སྙིང་ག་ནས་འོད་ཟེར་འཕྲོས་པས་ལྷོ་ཕྱོགས་རིག་བྱེད་ཀྱི་ཕུག་ནས་རྗེ་བཙུན་མ་ཀུ་རུ་ཀུལླེ་ཨོཾ་བཛྲ་ས་མ་ཛཿཔདྨ་ཀ་མ་ལ་ཡེ་སྟྭཾ། སྔགས་ཀྱི་མཐར། ཨི་དཾ་བ་ལིདྟ་ཁ་ཁ་ཁཱ་ཧི་བཏགས་པ་ལན་ལྔའམ་བདུན་གྱིས་ཕུལ། ཨོཾ་ཀུ་རུ་ཀུལླེ་ས་པ་རི་ཝཱ་ར་ཨརྒྷཾ། པདྱེ། པུཥྤེ། དྷུ་པེ། ཨ་ལོ་ཀེ། གྷནྡྷེ། ནཻ་ཝི་ཏེ། ཤབྟ་པྲ་ཏཱིཥྩ་སྭཱ་ཧཱ། བརྩེ་བས་རྗེས་ཆགས་པདྨ་རཱ་གའི་མདོག །ཞལ་གཅིག་ཕྱག་བཞི་ཞབས་གཉིས་མཛེས་པའི་སྐུ། །མདའ་གཞུ་ཨུཏྤལ་མཆོག་སྦྱིན་ཕྱག་རྒྱ་ཅན། །རྗེ་བཙུན་རིག་བྱེད་ལྷ་མོར་ཕྱག་འཚལ་བསྟོད། །རྗེ་བཙུན་རིག་བྱེད་ལྷ་མོས་བདག་ལ་མཆོག་ཐུན་མོང་གི་དངོས་གྲུབ་མ་ལུས་པ་སྩལ་དུ་གསོལ། སྐུ་རྟེན་ཡོད་ན། འདིར་ནི་རྟེན་དང་ལྷན་ཅིག་ཏུ། །འཁོར་བ་སྲིད་དུ་བཞུགས་ནས་ཀྱང་། །ནད་མེད་ཚེ་དང་དབང་ཕྱུག་དང་། །མཆོག་རྣམས་ལེགས་པར་སྩལ་དུ་གསོལ། ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱས་བརྟན་བཞུགས་བྱ། མེད་ན། གཏོར་མགྲོན་གྱི་ཡེ་ཤེས་པ་གཤེགས། དམ་ཚིག་པ་རང་ལ་ཐིམ། ཐུན་མཐར། གདན་འོད་ཟེར་གྱི་རྣམ་པར་གྱུར་ནས་རང་ལ་ཐིམ། །དགེ་བ་འདི་ཡིས་མྱུར་དུ་བདག །རིག་བྱེད་ལྷ་མོ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཅེས་བསྔོ་བ་བྱའོ། །ཞེས་པའང་བོད་གཞུང་ཆེན་པོའི་སྲིད་ཚབས་ཀླུ་ཁང་པ་ཚེ་དབང་རབ་བརྟན་གྱི་ཐུགས་དམ་རྒྱུན་ཁྱེར་དུ་ཆོས་ཀྱི་བློ་གྲོས་པས་མདོར་བསྡུས་སུ་བྲིས་པ་དགེའོ། །༈སངས་རྒྱས་ཆོས་ཚོགས་ཚར་གསུམ། སྟོང་པའི་ངང་ལས་སྐད་ཅིག་གིས། ཕག་སེར་མོ་བཞིས་དྲངས་པའི་ཤིང་རྟའི་སྟེང་། །པདྨ་ཟླ་བའི་དལ་གྱི་དབུས། མཱྃཿལས་འོད་ཟེར་ཅན་མ་ནི། །གསེར་མདོག་རིན་ཆེན་རྒྱན་ཆ་དང་། །དར་གྱི་སྟོད་གཡོག་སྨད་ཤམས་མཛེས། །ཕྱག་གཡས་མཆོག་སྦྱིན་མྱ་ངན་མེད། །ཤིང་གི་ཡལ་ག་བསྣམས་པ་དང་། །གཡོན་པས་ཁབ་དང་སྐུད་པ་འཛིན། །གསལ་བའི་ཐུགས་ནས་རང་འདྲ་ནི། །དཔག་མེད་འཕྲོས་པས་དགྲ་གདོན་བགེགས། །གཟུགས་ཅན་གཟུགས་མེད་གནོད་པ་རྣམས། །མིང་ཙམ་མེད་པར་བརླག་པར་བསམ། །ཨོཾ་མ་རཱི་ཙྱཻ་མཱུཾཿསྭཱ་ཧཱ། ཅི་ནུས་བཟླས་མཐར། དགེ་བ་འདི་ཡིས༴ །འོད་ཟེར་ཅན་མ་འགྲུབ༴ ཅེས་སྲིད་བློན་བདེ་མཁར་བས་བསྐུལ་ངོར། འཇམ་དབྱངས་ཆོས་ཀྱི་བློ་གྲོས་པས་བྲིས་པ་དགེ་ལེགས་འཕེལ།། །།
[edit]

'phags ma rje btsun rig byed ma'i sgrub thabs bzhugs so/__/oM swasti/__sgrub thabs brgya rtsa nas 'byung ba'i rtogs pa nas bstan pa'i rig byed ma'i sgrub thabs bsgom par 'dod pas/__bdag sogs 'gro drug sems can rnams/__/byang chub bar du skyabs su mchi/__/sems can kun don bsgrub pa'i phyir/__/rigs byed lha mo bsgrub par bgyi/__/lan gsum/__sems can bde ldan sdug bsngal bral/__/bde dang mi 'bral btang snyoms bsgom/__oM swa b+ha wa shud+d+ha sarba d+harma swa b+ha wa shud+d+ho\u0f85 haM/__phung khams skye mched stong par sbyangs/__/stong pa'i ngang las sgra gcan gyi/__mgo bor 'dod lha chung mar bcas/__/de steng zla bar hrIHsa mtshan pa/__/yongs gyur ut+pal dmar po ni/__/hrIHyig dmar pos brgyan pa gsal/__/gnas gyur zla ba'i gdan steng du/__/rig byed ma dpal sku mdog dmar/__/zhal gcig phyag bzhi'i dang po gnyis/__/me tog phreng ba'i mda' dang gzhu/__/ut+pal dmar po'i mde'u can/__/rna ba gnyis kyi bar du bkang /__/g.yas 'og mthur brkyang mi 'jigs sbyin/__/g.yon 'og mchog sbyin ut+pal dmar/__/sdong bu'i rtse mor lcags kyus mtshan/__/sgeg cing chags pa'i nyams dang ldan/__/dar dmar stod g.yogs sna tshogs pas/__/smad dkris rin chen rgyan gyis brgyan/__/'od zer dmar po 'bar zhing 'phro/__/dam tshig ye shes dbyer med pa/__/rigs bdag 'od dpag med kyis brgyan/__/zhes gsal btabs pa la lhar snang ba la sems 'dzin zhing /__tsan+dan dmar po'i phreng ba bzung la/__oM rU tsi ra ma Ni pra wArta na ye swA hA/__lan gsum gyis byin rlabs byas la/__rang gi snying gar pad dmar hrIH/__mar me lta bur 'bar ba'i mthar/__/sngags kyi phreng bas bskor ba las/__/'od 'phros 'phags mchod byin rlabs bsdus/__/rang thim slar yang 'od dmar 'phros/__/khams gsum snod bcud la khyab pas/__/brtan g.yo'i dwangs bcud thams cad bsdus/__/thams cad rigs byed lha mor gyur/__/tshur 'dus rang la thim pa yis/__/rlung sems snang ba dbang 'dus bsam/__oM ku ru kul+le hrIHswA hA/__zhes bzla/__bsnyen pa byed na 'bum phrag bcu'am bzhi bzla'o/__/bsnyen pa thon nas las sbyor dgos na bsgrub bya pho mo gang yin mdun du rang la chags pa'i nyams dang ldan pas gnas pa la rang gi snying ga nas 'od dmar lcags kyu lta bu 'phros/__skyes pa yin na snying ga dang /__bud med yin na skye gnas nas zhugs/__'od dmar gyi zhags pas bcings te rang la shin tu dga' zhing chags par bsam la/__oM ku ru kul+le che ge mo a kaR+Sha ya hrIHswA hA/__zhes pa cung zad re bzla'o/__/rgyun du mi dgos kyang bsnyen pa'i skabs gtor ma 'bul na/__mngar skyur dmar ba'i gtor ma bshams la/__oM AHhU~M/__lan gsum gyis brlab/__lha mo mdun du spyan drangs pa ni/__rang gi snying ga nas 'od zer 'phros pas lho phyogs rig byed kyi phug nas rje btsun ma ku ru kul+le oM badz+ra sa ma dzaHpad+ma ka ma la ye s+t+waM/__sngags kyi mthar/__i daM ba lid+ta kha kha khA hi btags pa lan lnga'am bdun gyis phul/__oM ku ru kul+le sa pa ri wA ra ar+g+haM/__pad+ye/__puSh+pe/__d+hu pe/__a lo ke/__g+han+d+he/__nai wi te/__shab+ta pra tISh+tsa swA hA/__brtse bas rjes chags pad+ma rA ga'i mdog__/zhal gcig phyag bzhi zhabs gnyis mdzes pa'i sku/__/mda' gzhu ut+pal mchog sbyin phyag rgya can/__/rje btsun rig byed lha mor phyag 'tshal bstod/__/rje btsun rig byed lha mos bdag la mchog thun mong gi dngos grub ma lus pa stsal du gsol/__sku rten yod na/__'dir ni rten dang lhan cig tu/__/'khor ba srid du bzhugs nas kyang /__/nad med tshe dang dbang phyug dang /__/mchog rnams legs par stsal du gsol/__oM su pra tiSh+Tha badz+ra ye swA hAs brtan bzhugs bya/__med na/__gtor mgron gyi ye shes pa gshegs/__dam tshig pa rang la thim/__thun mthar/__gdan 'od zer gyi rnam par gyur nas rang la thim/__/dge ba 'di yis myur du bdag__/rig byed lha mo 'grub gyur nas/__/'gro ba gcig kyang ma lus pa/__/de yi sa la 'god par shog__/ces bsngo ba bya'o/__/zhes pa'ang bod gzhung chen po'i srid tshabs klu khang pa tshe dbang rab brtan gyi thugs dam rgyun khyer du chos kyi blo gros pas mdor bsdus su bris pa dge'o/__/!sangs rgyas chos tshogs tshar gsum/__stong pa'i ngang las skad cig gis/__phag ser mo bzhis drangs pa'i shing rta'i steng /__/pad+ma zla ba'i dal gyi dbus/__mA~MHlas 'od zer can ma ni/__/gser mdog rin chen rgyan cha dang /__/dar gyi stod g.yog smad shams mdzes/__/phyag g.yas mchog sbyin mya ngan med/__/shing gi yal ga bsnams pa dang /__/g.yon pas khab dang skud pa 'dzin/__/gsal ba'i thugs nas rang 'dra ni/__/dpag med 'phros pas dgra gdon bgegs/__/gzugs can gzugs med gnod pa rnams/__/ming tsam med par brlag par bsam/__/oM ma rI ts+yai mUMHswA hA/__ci nus bzlas mthar/__dge ba 'di yis=__/'od zer can ma 'grub=ces srid blon bde mkhar bas bskul ngor/__'jam dbyangs chos kyi blo gros pas bris pa dge legs 'phel//___//

Footnotes

Other Information