JKCL-KABUM-06-CHA-019

From Khyentse Lineage - A Tsadra Foundation Project

རྡོ་སེམས་རྒྱུན་ཁྱེར་ཡེ་ཤེས་ཆུ་རྒྱུན་སོགས།
Wylie title rdo sems rgyun khyer ye shes chu rgyun sogs JKCL-KABUM-06-CHA-019.pdf
Location chos kyi blo gros bka' 'bum
Volume 6, Text 19, Pages 305-313 (Folios 1a1 to 5a4)
Author འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation 'jam dbyangs mkhyen brtse chos kyi blo gros. rdo sems rgyun khyer ye shes chu rgyun sogs. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 6: 305-313. Bir, H.P.: Khyentse Labrang, 2012.
Genre Daily Practice - rgyun khyer
Lotsawa House Link https://www.lotsawahouse.org/tibetan-masters/jamyang-khyentse-chokyi-lodro/vajrasattva-visualization-recitation

https://www.lotsawahouse.org/tibetan-masters/jamyang-khyentse-chokyi-lodro/daily-hayagriva

":Property:textsubnumber|textsubnumber" can not be assigned to a declared number type with value 1.

[edit]
༄༅། །རྡོ་སེམས་རྒྱུན་ཁྱེར་ཡེ་ཤེས་ཆུ་རྒྱུན་ཅེས་བྱ་བ་བཞུགས་སོ། ། ན་མོ་བཛྲ་སཏྭ་ཡ། རྡོར་སེམས་སྒོམ་བཟླས་མདོར་བསྡུས་པར་འདོད་ན། །སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཞེས་སྐྱབས་སེམས་ལན་གསུམ་སྔོན་དུ་འགྲོ་བས། །རང་ཉིད་ཐ་མལ་གནས་པ་ཡི། །སྤྱི་བོ་པད་དཀར་ཟླ་བའི་སྟེང་། །བླ་མ་རྡོ་རྗེ་སེམས་དཔའ་ནི། །དཀར་གསལ་རྡོ་རྗེ་དྲིལ་བུ་བསྣམས། །རང་འོད་སྙེམ་མ་དཀར་མོ་ནི། །གྲི་གུག་ཐོད་པ་འཛིན་པས་འཁྱུད། །རྡོ་རྗེ་པདྨའི་སྐྱིལ་ཀྲུང་བཞུགས། །དར་དང་རིན་ཆེན་རྒྱན་གྱིས་བརྒྱན། །ཐུགས་ཀར་ཟླ་སྟེང་ཧཱུྃ་གི་མཐར། །ཡི་གེ་བརྒྱ་པས་བསྐོར་བར་གྱུར། །བདག་སོགས་སེམས་ཅན་ཐམས་ཅད་ཀྱི། །སྡིག་སྒྲིབ་ཉེས་ལྟུང་དམ་སྡོམ་ཉམས། །མ་ལུས་བྱང་བར་མཛད་དུ་གསོལ། །སྐུ་ལས་བདུད་རྩིའི་རྒྱུན་བབས་པས། །ནད་གདོན་སྡིག་ལྟུང་དམ་གྲིབ་རྣམས། །དུད་སོལ་ཁུ་རླངས་རྣག་ཁྲག་དང་། །སྲོག་ཆག་རྣམ་པས་ཕྱིར་དོན་ཏེ། །ལུས་ནང་བདུད་རྩིའི་ཁེངས་པར་གྱུར། །ཞེས་བརྗོད་ལ། ཨོཾ་བཛྲ་སཏྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པ་ཏིཥྛ། དྲྀ་ཌྷོ་མེ་བྷ་ཝ། སུ་ཏོཥྱོ་མེ་བྷ་ཝ། སུ་པོཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲེ་ཡཿཀུ་རུ་ཧཱུྃ། ཧ་ཧ་ཧ་ཧ་ཧོཿབྷ་ག་ཝཱན། སརྦ་ཏ་ཐཱ་ག་ཏ། བཛྲ་མཱ་མེ་མུཉྩ། བཛྲཱ་བྷ་ཝ། མ་ཧཱ་ས་མ་ཡ་སཏྭ་ཨཱཿ ཧཱུྃ་ཕཊ། ཞེས་ཡིག་བརྒྱ་ཅི་ནུས་དང་། ཡང་སྙིང་། ཨོཾ་བཛྲ་སཏྭ་ཨཱཿ ཞེས་ཅི་ནུས་བཟླས་མཐར། མགོན་པོ་བདག་ནི་མི་ཤེས་རྨོངས་པ་ཡི། །དམ་ཚིག་ལས་ནི་འགལ་ཞིང་ཉམས། །བླ་མ་མགོན་པོས་སྐྱངས་མཛོད་ཅིག །གཙོ་བོ་རྡོ་རྗེ་འཛིན་པ་སྟེ། །ཐུགས་རྗེ་ཆེན་པོའི་བདག་ཉིད་ཅན། །འགྲོ་བའི་གཙོ་ལ་བདག་སྐྱབས་མཆི། །སྐུ་གསུང་ཐུགས་རྩ་བ་དང་ཡན་ལག་གི་དམ་ཚིག་ཉམས་པ་ཐམས་ཅད་མཐོལ་ལོ་བཤགས་སོ། །སྡིག་སྒྲིབ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་མཛད་དུ་གསོལ། བླ་མ་དགྱེས་པས་དག་ཚངས་བྱིན། །འོད་ཞུ་རང་ལ་ཐིམ་པར་གྱུར། །ཅེས་བརྗོད་ལ། དགེ་བ་འདི་ཡིས་མྱུར་དུ་བདག །རྡོ་རྗེ་སེམས་དཔའ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཅེས་སོགས་ཀྱི་དགེ་བསྔོ་བྱའོ། །ཅེས་པའང་ཆོས་ཀྱི་བློ་གྲོས་པས་བྲིས་པའོ།། །།༈རྡོར་སེམས་རྒྱུན་ཁྱེར་ནི། སྐྱབས་སེམས་སྤྱི་ལྟར་དང་། ཨཱཿ རྡོ་རྗེ་སེམས་དཔའ་ནམ་མཁའ་ཆེ། །བཟུང་བས་མི་ཟིན་ཆུ་ཟླ་འདྲ། །ཀུན་ཏུ་བཟང་པོའི་རོལ་པ་ལས། །ཐབས་ཤེས་ཟུང་འཇུག་རྩ་བའི་ལྷ། །སེམས་དཔའ་དཀར་པོ་རྡོར་དྲིལ་བསྣམས། །རང་འོད་སྙེམས་མ་གྲི་ཐོད་འཁྱུད། །ཞབས་གཉིས་རྡོ་རྗེ་སྐྱིལ་ཀྲུང་བཞུགས༔ ཐུགས་ཀར་ཟླ་བའི་དཀྱིལ་འཁོར་སྟེང་། །ཧཱུྃ་གི་མཐའ་མར་སྔགས་ཀྱིས་བསྐོར། །འོད་འཕྲོས་འཕགས་མཆོད་འགྲོ་སྒྲིབ་སྦྱངས། །ཚུར་འདུས་མཆོག་ཐུན་དངོས་གྲུབ་ཐོབ། །རྒྱུད་དག་བྱིན་གྱིས་བརླབས་པར་གྱུར། །ཡིག་བརྒྱ་བཟླ། དགེ་བ་འདི་ཡི་མྱུར་དུ་བདག །སོགས་བསྔོ་སྨོན་བྱ། མངྒ་ལཾ། །། ཕྱག་བྲིས་ལས་ཞལ་བཤུས།། །།༈བླ་མ་དགོངས་འདུས་རྒྱུན་ཁྱེར་ནི། ན་མོ། བླ་མ་རྣམས་དང་ཡི་དམ་ལྷ། །མཁའ་འགྲོར་བཅས་ལ་སྐྱབས་སུ་མཆི། །འགྲོ་རྣམས་བདེ་ལྡན་ལ་འགོད་ཕྱིར། །བྱང་ཆུབ་མཆོག་ཏུ་སེམས་བསྐྱེད་དོ། །ཧཱུྃ། སྟོང་དང་སྙིང་རྗེའི་རང་བཞིན་ལས། །ཟུང་འཇུག་རྒྱུ་ཡི་ཧེ་རུ་ཀ། རང་བྱུང་གཞལ་ཡས་མཚན་རྫོགས་དབུས། །རང་རིག་པདྨ་བཛྲ་ནི། །དམར་གསལ་ཞལ་གསུམ་དམར་མཐིང་དཀར། །རྡོ་རྗེ་རལ་གྲི་བྷནྡྷ་གཡས། །དྲིལ་བུ་བུམ་པ་ཁ་ཊྭཱྃ་གཡོན། །ལྷ་ལྕམ་དམར་མོ་ཌཱར་ཐོད་འཛིན། །གར་དགུའི་ཉམས་ལྡན་ཞབས་ངོར་སྟབས། །པད་ཟླ་ཉི་མའི་གདན་ལ་འགྱིང་། །འཁོར་རྣམས་ཉི་དང་འོད་ཟེར་བཞིན། །གནས་གསུམ་ཡིག་འབྲུ་གསུམ་གྱིས་མཚན། །དམ་ཡེ་དབྱེར་མེད་ཆེན་པོ་ཡི། །ཐུགས་ཀར་ཉི་སྟེང་ཧྲཱིཿདམར་མཐར། །སྔགས་ཕྲེང་བསྐོར་ལས་འོད་འཕྲོས་པས། །འཕགས་མཆོད་འགྲོ་བའི་སྒྲིབ་གཉིས་སྦྱང་། །སྣོད་བཅུད་བླ་མའི་དཀྱིལ་འཁོར་ཤར། ཨོཾ་ཨཱཿ ཧཱུྃ་ཧྲཱིཿབཛྲ་གུ་རུ་སརྦ་སིདྡྷི་དྷེ་བ་ཌཱ་ཀི་ནཱིཿབྷོ་དྷི་ཙིཏྟ་མ་ཧཱ་སུ་ཁཿབཛྲ་མ་ཧཱ་ཀྲོ་དྷ་ཤཱནྟིཾ་ཀཿཧྲཱིཿམ་ཧ་རི་ནི་ས་ར་ཙ་ཧྲཱིཿཡ་སརྦ་སིདྡྷིཿཀཱ་ཡ་ཝཱཀྐ་ཙིཏྟཿཛྙ་ན་ས་ཏྭ་ཨ་མི་དྷེ་ཝཿམ་མ་ཙིཏྟ་སཾ་བྷ་ཝ་ཨཱ་དྷིཥྛ་ནཾ་མ་མ་ཨཱ་ཡུརྫྙཱ་ན་སིདྡྷི་ཕ་ལ་ཧཱུྃ་སྭཱ་ཧཱཿཞེས་སྤྱི་དྲིལ་ཆེན་མོ་དང་། ཨོཾ་ཨཱཿ ཧཱུྃ་གུ་རུ་དྷེ་ཝ་དྷཱ་ཀི་ནཱི་སརྦ་སིདྡྷི་ཕ་ལ་ཧཱུྃ་ཨཱཿ ཞེས་པ་བཟླའོ། །ལྷར་སྣང་འོད་གསལ་དབྱིངས་སུ་ཐིམ། སླར་ཡང་རིག་འཛིན་སྐུ་རུ་ལྡང་། ཨོཾ་ཨཱཿ ཧཱུྃ། དགེ་བསྔོ་ཤིས་བརྗོད་བྱའོ། །ཅེས་པའང་ཆོས་ཀྱི་བློ་གྲོས་པས་སོ།། །།༈རྟ་མགྲིན་རྒྱུན་ཁྱེར་བཞུགས་སོ། །སྐྱབས་སེམས་བཏང་ནས། ཧྲཱིཿལས་པདྨ་ཉི་མ་དང་། །སྦྲུལ་བརྒྱད་བསྣོལ་བའི་གདན་སྟེང་ན། སྐད་ཅིག་དྲན་རྫོགས་རྟ་མགྲིན་ནི། །དམར་པོ་ཞལ་གསུམ་ཕྱག་དྲུག་པ། །དབུས་དམར་གཡས་ལྗང་གཡོན་དཀར་བ། །དབུ་གཙུག་རྟ་མགོ་གསུམ་གྱིས་མཚན། །རྡོ་རྗེ་ཁ་ཊྭཱྃ་རལ་གྲི་གཡས། །སྡིག་མཛུབ་མདུང་ཐུང་རྒྱུ་ཞགས་གཡོན། །ཞབས་བརྒྱད་དོར་སྟབས་སྟག་ཤམ་དང་། མི་མགོ་རྐམ་རློན་སྦྲུལ་གྱིས་བརྒྱན། །ཡེ་ཤེས་མེ་དཔུང་བཞུགས་པར་གསལ། །ཐུགས་ཀར་ཉི་སྟེང་ཧྲཱིཿདམར་གསལ། །སྔགས་ཀྱི་ཕྲེང་བས་བསྐོར་བ་ལས། །འོད་འཕྲོས་གདོན་བགེགས་ཀུན་བཅོམ་ཞིང་། །བྱིན་རླབས་དངོས་གྲུབ་ཐོབ་པར་གྱུར། ཨོཾ་ཧྲཱིཿཔདྨཱནྟ་ཀྲྀཏ་བཛྲ་ཀྲོ་དྷ་ཧྱ་གྷྲཱི་ཝ་ཧུ་ལུ་ཧུ་ལུ་ཧཱུྃ་ཕཊཿཞེས་བཟླ། ཐུན་མཐར། ལྷར་སྣང་ཆོས་ཉིད་དབྱིངས་སུ་ཐིམ། །སླར་ཡང་རྟ་མགྲིན་སྐུ་རུ་ལྡང་། །ཨོཾ་ཨཱཿ ཧཱུྃ། གིས་གནས་གསུམ་སྲུངས། དགེ་བ་འདི་ཡིས་མྱུར་དུ་བདག །དབང་ཆེན་རྟ་མགྲིན་འགྲུབ་གྱུར་ནས། །སོགས་བསྔོ་སྨོན་བྱའོ། །ཞེས་པའང་བསོད་ནམས་རྒྱལ་མཚན་གྱི་ངོར་ཆོས་ཀྱི་བློ་གྲོས་པས་སོ།། །།༈ཡང་དག་རྒྱུན་ཁྱེར་བཞུགས། སྐྱབས་སེམས་སྤྱི་ལྟར་རྗེས། ཨཿསྟོང་པ་ཉིད་དང་སྙིང་རྗེ་ཆེ། །ཟུང་འཇུག་རིག་རྩལ་ཧཱུྃ་མཐིང་ནག །དེ་ཉིད་ཡོངས་གྱུར་སྐད་ཅིག་གི། པད་ཉི་དྲེགས་པའི་གདན་སྟེང་དུ། །དཔལ་ཆེན་བཛྲ་ཧེ་རུ་ཀཿ། མཐིང་ནག་ནམ་མཁའ་དྭངས་པའི་མདོག །མཐིང་དཀར་དམར་བའི་ཞལ་གསུམ་པ། །ཕྱག་དྲུག་རྡོ་རྗེ་ཁ་ཊྭཱྃ་གཡས། །དྲིལ་བུ་བྷནྡྷ་རྒྱུ་ཞགས་གཡོན། །དཔལ་དང་དུར་ཁྲོད་ཆས་ཀྱིས་བརྒྱན། །ཡུམ་ཆེན་ཀྲོ་དྷི་ཤྭ་རི་མ། །མཐིང་སྐྱ་རྡོ་རྗེ་ཐོད་ཁྲག་བསྣམས། །གར་དགུའི་ཉམས་ལྡན་འབར་བའི་སྐུ། །ཡེ་ཤེས་མེ་དཔུང་ཀློང་ན་བརྗིད། །གཽ་རི་ལ་སོགས་ཁྲོ་མོ་བརྒྱད། །གཡས་གཡོན་ཞལ་དང་ཕྱག་ལ་རྫོགས། །གནས་གསུམ་ཡི་གེ་གསུམ་གྱིས་མཚན། །ཡེ་ཤེས་དབང་བསྐུར་དབུ་རྒྱན་རྫོགས། །དམ་ཡེ་གཉིས་མེད་ཆེན་པོར་གསལ། །ཐུགས་ཀར་དཔལ་གྱི་བེའུའི་དབྱིངས། །ཧཱུྃ་མཐིང་རུ་ལུ་འབྲུ་བརྒྱད་འཕྲོ། །མར་མེ་ལྟ་བུ་གསལ་ཞིང་འབར། །སྣང་གྲགས་གཉིས་མེད་དཔལ་ཆེན་པོའི། །ཡེ་ཤེས་འཁོར་ལོར་སད་པར་བསམ། །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཞེས་བཟླ། སྐབས་སུ་རྡོ་རྗེའི་བཟླས་པ་དང་། རླུང་སྔགས་རིག་པ་དབྱེར་མེད་དང་། །ཡང་དག་དགོངས་པའི་ངང་བསྐྱང་ངོ་། །ཐུན་མཐར། སྣང་ཆ་ལྷ་ཡི་འཁོར་ལོ་རྣམས། །སྐྱེ་མེད་ཆོས་ཀྱི་དབྱིངས་སུ་ཐིམ། །སླར་ཡང་དཔལ་ཆེན་ཧེ་རུ་ཀའི། །གསང་བ་གསུམ་གྱི་རོལ་བ་ཤར། །བཛྲ་ཀཱ་ཝཱ་ཙི་རཀྵ་ཧཾ། དགེ་བསྔོ་སྨོན་ལམ་བྱས་ནས་སྤྱོད་ལམ་ལ་འཇུག་གོ །ཅེས་པའང་བསོད་ནམས་རྒྱལ་མཚན་གྱི་ཐུགས་བཞེད་ལྟར། ཆོས་ཀྱི་བློ་གྲོས་པས་ལྷོ་བྲག་མཁར་ཆུར་བྲིས་པའོ།། །།༈ཕུར་པའི་རྒྱུན་ཁྱེར་ནི། བླ་མ་དཔལ་ཆེན་ཞི་ཁྲོའི་ལྷར། །གུས་པས་སྐྱབས་མཆི་སེམས་མཆོག་བསྐྱེད། ཧཱུྃ། རྡོ་རྗེ་དེ་བཞིན་ཉིད་དབྱིངས་ལས། །སྙིང་རྗེའི་འགལ་ཟླ་ལ་ཁྲོས་པས། །ཉོན་མོངས་ཞེ་སྡང་མཚོན་ཆེན་ནི། །ཧཱུྃ་ཡིག་སྔོན་པོའི་ཐིག་པར་ཤར། །དེ་ཉིད་ཡོངས་གྱུར་སྐད་ཅིག་གིས། །པད་ཉི་ལྷ་ཆེན་ཕོ་མོའི་སྟེང་། །རང་རིག་རྡོ་རྗེ་གཞོན་ནུ་ནི། །མཐིང་ནག་དབུ་གསུམ་ཕྱག་དྲུག་པ། །གཡས་གཉིས་རྩེ་དགུ་རྩེ་ལྔ་དང་། །གཡོན་གཉིས་མེ་ཕུང་ཁ་ཊྭཱྃ་ག །མཐའ་གཉིས་ཕུར་འདྲིལ་ཡུམ་ལ་འཁྱུད། །སྐུ་ཆེ་ཡན་ལག་རགས་པ་དང་། །དཔལ་དང་དུར་ཁྲོད་ཆས་ཀྱིས་བརྒྱན། །ཡེ་ཤེས་མེ་འོད་ཀློང་ན་བཞུགས། །གནས་གསུམ་ཡིག་འབྲུ་གསུམ་གྱིས་མཚན། །དམ་ཡེ་དབྱེར་མེད་ཆེན་པོར་གསལ། །སྙིང་དབུས་བཛྲ་ས་ཏྭ་ཡི། །ཐུགས་ཀར་ཉི་ཟླའི་གྭའུ་ནང་། །ཧཱུྃ་སྔོན་སྔགས་ཀྱི་ཕྲེང་བས་མཚན། །འོད་འཕྲོས་འཕགས་མཆོད་སྒྲིབ་ཀུན་སྦྱང་། །སྣོད་བཅུད་དཀྱིལ་འཁོར་གསུམ་དུ་ཤར། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ་ཛཿཧཱུྃ་ཨ། ཞེས་བཟླ། ལྷར་སྣང་འོད་གསལ་དབྱིངས་སུ་ཐིམ། །སླར་ཡང་གཉུག་མའི་སྐུ་རུ་ལྡངས། ཨོཾ་ཨཱཿ ཧཱུྃ། ཞེས་པས་བསྲུངས་ལ་དགེ་བསྔོ་བྱའོ། །ཞེས་པའང་ལྭ་དཀར་སྲས་ཆུང་བསོད་རྒྱལ་གྱི་ཐུགས་བཞེད་ལྟར་ཆོས་ཀྱི་བློ་གྲོས་པས་སོ།། །།༈གྲོལ་ཏིག་ཞི་ཁྲོའི་ཚེ་སྒྲུབ། ཞི་ཁྲོ་རབ་འབྱམས་ཐུགས་སྲོག་ལས། །འོད་འཕྲོས་འཁོར་འདས་ཚེ་བཅུད་བསྡུས། །བདག་དང་སྒྲུབ་པའི་རྫས་ལ་བསྟིམ། །འཆི་མེད་རྡོ་རྗེའི་སྲོག་འགྲུབ་གྱུར། །སྔགས་མཐར། བཛྲ་ཨཱ་ཡུ་ཥེ་སྭཱ་ཧཱ། རྗེ་མཁྱེན་བརྩེའི་དབང་པོའི་ཕྱག་བྲིས་དངོས་ལས་ཞལ་བཤུས། མཁྱེན་བརྩེ་གོང་མའི་གསུང་འདི་དཔེ་རྒྱུན་ལ་བསམ་ནས་འདིར་བཀོད་པ་ལགས།། །།
[edit]

@#/__/rdo sems rgyun khyer ye shes chu rgyun ces bya ba bzhugs so/__/ na mo badz+ra satwa ya/__rdor sems sgom bzlas mdor bsdus par 'dod na/__/sangs rgyas chos dang tshogs kyi mchog rnams la/__/byang chub bar du bdag ni skyabs su mchi/__/bdag gis sbyin sogs bgyis pa'i bsod nams kyis/__/'gro la phan phyir sangs rgyas 'grub par shog__/zhes skyabs sems lan gsum sngon du 'gro bas/__/rang nyid tha mal gnas pa yi/__/spyi bo pad dkar zla ba'i steng /__/bla ma rdo rje sems dpa' ni/__/dkar gsal rdo rje dril bu bsnams/__/rang 'od snyem ma dkar mo ni/__/gri gug thod pa 'dzin pas 'khyud/__/rdo rje pad+ma'i skyil krung bzhugs/__/dar dang rin chen rgyan gyis brgyan/__/thugs kar zla steng hU~M gi mthar/__/yi ge brgya pas bskor bar gyur/__/bdag sogs sems can thams cad kyi/__/sdig sgrib nyes ltung dam sdom nyams/__/ma lus byang bar mdzad du gsol/__/sku las bdud rtsi'i rgyun babs pas/__/nad gdon sdig ltung dam grib rnams/__/dud sol khu rlangs rnag khrag dang /__/srog chag rnam pas phyir don te/__/lus nang bdud rtsi'i khengs par gyur/__/zhes brjod la/__oM badz+ra satwa sa ma ya/__ma nu pA la ya/__badz+ra satwa twe no pa tiSh+Tha/__dr-i D+ho me b+ha wa/__su toSh+yo me b+ha wa/__su poSh+yo me b+ha wa/__a nu rak+to me b+ha wa/__sarba sid+d+hi m+me pra yats+tsha/__sarba karma su tsa me/__tsit+taM shre yaHku ru hU~M/__ha ha ha ha hoHb+ha ga wAn/__sarba ta thA ga ta/__badz+ra mA me muny+tsa/__badz+rA b+ha wa/__ma hA sa ma ya satwa AH_hU~M phaT/__zhes yig brgya ci nus dang /__yang snying /__oM badz+ra satwa AH_zhes ci nus bzlas mthar/__mgon po bdag ni mi shes rmongs pa yi/__/dam tshig las ni 'gal zhing nyams/__/bla ma mgon pos skyangs mdzod cig__/gtso bo rdo rje 'dzin pa ste/__/thugs rje chen po'i bdag nyid can/__/'gro ba'i gtso la bdag skyabs mchi/__/sku gsung thugs rtsa ba dang yan lag gi dam tshig nyams pa thams cad mthol lo bshags so/__/sdig sgrib nyes ltung dri ma'i tshogs thams cad byang zhing dag par mdzad du gsol/__bla ma dgyes pas dag tshangs byin/__/'od zhu rang la thim par gyur/__/ces brjod la/__dge ba 'di yis myur du bdag__/rdo rje sems dpa' 'grub gyur nas/__/'gro ba gcig kyang ma lus pa/__/de yi sa la 'god par shog__/ces sogs kyi dge bsngo bya'o/__/ces pa'ang chos kyi blo gros pas bris pa'o//___//!rdor sems rgyun khyer ni/__skyabs sems spyi ltar dang /__AH_rdo rje sems dpa' nam mkha' che/__/bzung bas mi zin chu zla 'dra/__/kun tu bzang po'i rol pa las/__/thabs shes zung 'jug rtsa ba'i lha/__/sems dpa' dkar po rdor dril bsnams/__/rang 'od snyems ma gri thod 'khyud/__/zhabs gnyis rdo rje skyil krung bzhugs:__thugs kar zla ba'i dkyil 'khor steng /__/hU~M gi mtha' mar sngags kyis bskor/__/'od 'phros 'phags mchod 'gro sgrib sbyangs/__/tshur 'dus mchog thun dngos grub thob/__/rgyud dag byin gyis brlabs par gyur/__/yig brgya bzla/__dge ba 'di yi myur du bdag__/sogs bsngo smon bya/__mang+ga laM/__//__phyag bris las zhal bshus//___//!bla ma dgongs 'dus rgyun khyer ni/__na mo/__bla ma rnams dang yi dam lha/__/mkha' 'gror bcas la skyabs su mchi/__/'gro rnams bde ldan la 'god phyir/__/byang chub mchog tu sems bskyed do/__/hU~M/__stong dang snying rje'i rang bzhin las/__/zung 'jug rgyu yi he ru ka/__rang byung gzhal yas mtshan rdzogs dbus/__/rang rig pad+ma badz+ra ni/__/dmar gsal zhal gsum dmar mthing dkar/__/rdo rje ral gri b+han+d+ha g.yas/__/dril bu bum pa kha T+wA~M g.yon/__/lha lcam dmar mo DAr thod 'dzin/__/gar dgu'i nyams ldan zhabs ngor stabs/__/pad zla nyi ma'i gdan la 'gying /__/'khor rnams nyi dang 'od zer bzhin/__/gnas gsum yig 'bru gsum gyis mtshan/__/dam ye dbyer med chen po yi/__/thugs kar nyi steng hrIHdmar mthar/__/sngags phreng bskor las 'od 'phros pas/__/'phags mchod 'gro ba'i sgrib gnyis sbyang /__/snod bcud bla ma'i dkyil 'khor shar/__oM AH_hU~M hrIHbadz+ra gu ru sarba sid+d+hi d+he ba DA ki nIHb+ho d+hi tsit+ta ma hA su khaHbadz+ra ma hA kro d+ha shAn+tiM kaHhrIHma ha ri ni sa ra tsa hrIHya sarba sid+d+hiHkA ya wAk+ka tsit+taHdz+nya na sa twa a mi d+he waHma ma tsit+ta saM b+ha wa A d+hiSh+Tha naM ma ma A yur+dz+nyA na sid+d+hi pha la hU~M swA hAHzhes spyi dril chen mo dang /__oM AH_hU~M gu ru d+he wa d+hA ki nI sarba sid+d+hi pha la hU~M AH_zhes pa bzla'o/__/lhar snang 'od gsal dbyings su thim/__slar yang rig 'dzin sku ru ldang /__oM AH_hU~M/__dge bsngo shis brjod bya'o/__/ces pa'ang chos kyi blo gros pas so//___//!rta mgrin rgyun khyer bzhugs so/__/skyabs sems btang nas/__hrIHlas pad+ma nyi ma dang /__/sbrul brgyad bsnol ba'i gdan steng na/__skad cig dran rdzogs rta mgrin ni/__/dmar po zhal gsum phyag drug pa/__/dbus dmar g.yas ljang g.yon dkar ba/__/dbu gtsug rta mgo gsum gyis mtshan/__/rdo rje kha T+wA~M ral gri g.yas/__/sdig mdzub mdung thung rgyu zhags g.yon/__/zhabs brgyad dor stabs stag sham dang /__mi mgo rkam rlon sbrul gyis brgyan/__/ye shes me dpung bzhugs par gsal/__/thugs kar nyi steng hrIHdmar gsal/__/sngags kyi phreng bas bskor ba las/__/'od 'phros gdon bgegs kun bcom zhing /__/byin rlabs dngos grub thob par gyur/__oM hrIHpad+mAn+ta kr-ita badz+ra kro d+ha h+ya g+h+rI wa hu lu hu lu hU~M phaTaHzhes bzla/__thun mthar/__lhar snang chos nyid dbyings su thim/__/slar yang rta mgrin sku ru ldang /__/oM AH_hU~M/__gis gnas gsum srungs/__dge ba 'di yis myur du bdag__/dbang chen rta mgrin 'grub gyur nas/__/sogs bsngo smon bya'o/__/zhes pa'ang bsod nams rgyal mtshan gyi ngor chos kyi blo gros pas so//___//!yang dag rgyun khyer bzhugs/__skyabs sems spyi ltar rjes/__aHstong pa nyid dang snying rje che/__/zung 'jug rig rtsal hU~M mthing nag__/de nyid yongs gyur skad cig gi/__pad nyi dregs pa'i gdan steng du/__/dpal chen badz+ra he ru kaH/__mthing nag nam mkha' dwangs pa'i mdog__/mthing dkar dmar ba'i zhal gsum pa/__/phyag drug rdo rje kha T+wA~M g.yas/__/dril bu b+han+d+ha rgyu zhags g.yon/__/dpal dang dur khrod chas kyis brgyan/__/yum chen kro d+hi shwa ri ma/__/mthing skya rdo rje thod khrag bsnams/__/gar dgu'i nyams ldan 'bar ba'i sku/__/ye shes me dpung klong na brjid/__/gau ri la sogs khro mo brgyad/__/g.yas g.yon zhal dang phyag la rdzogs/__/gnas gsum yi ge gsum gyis mtshan/__/ye shes dbang bskur dbu rgyan rdzogs/__/dam ye gnyis med chen por gsal/__/thugs kar dpal gyi be'u'i dbyings/__/hU~M mthing ru lu 'bru brgyad 'phro/__/mar me lta bu gsal zhing 'bar/__/snang grags gnyis med dpal chen po'i/__/ye shes 'khor lor sad par bsam/__/oM ru lu ru lu hU~M b+h+yo hU~M/__zhes bzla/__skabs su rdo rje'i bzlas pa dang /__rlung sngags rig pa dbyer med dang /__/yang dag dgongs pa'i ngang bskyang ngo /__/thun mthar/__snang cha lha yi 'khor lo rnams/__/skye med chos kyi dbyings su thim/__/slar yang dpal chen he ru ka'i/__/gsang ba gsum gyi rol ba shar/__/badz+ra kA wA tsi rak+Sha haM/__dge bsngo smon lam byas nas spyod lam la 'jug go__/ces pa'ang bsod nams rgyal mtshan gyi thugs bzhed ltar/__chos kyi blo gros pas lho brag mkhar chur bris pa'o//___//!phur pa'i rgyun khyer ni/__bla ma dpal chen zhi khro'i lhar/__/gus pas skyabs mchi sems mchog bskyed/__hU~M/__rdo rje de bzhin nyid dbyings las/__/snying rje'i 'gal zla la khros pas/__/nyon mongs zhe sdang mtshon chen ni/__/hU~M yig sngon po'i thig par shar/__/de nyid yongs gyur skad cig gis/__/pad nyi lha chen pho mo'i steng /__/rang rig rdo rje gzhon nu ni/__/mthing nag dbu gsum phyag drug pa/__/g.yas gnyis rtse dgu rtse lnga dang /__/g.yon gnyis me phung kha T+wA~M ga__/mtha' gnyis phur 'dril yum la 'khyud/__/sku che yan lag rags pa dang /__/dpal dang dur khrod chas kyis brgyan/__/ye shes me 'od klong na bzhugs/__/gnas gsum yig 'bru gsum gyis mtshan/__/dam ye dbyer med chen por gsal/__/snying dbus badz+ra sa twa yi/__/thugs kar nyi zla'i gwa'u nang /__/hU~M sngon sngags kyi phreng bas mtshan/__/'od 'phros 'phags mchod sgrib kun sbyang /__/snod bcud dkyil 'khor gsum du shar/__/oM badz+ra kI li kI la ya sarba big+h+nAn ba~M hU~M phaT dzaHhU~M a/__zhes bzla/__lhar snang 'od gsal dbyings su thim/__/slar yang gnyug ma'i sku ru ldangs/__oM AH_hU~M/__zhes pas bsrungs la dge bsngo bya'o/__/zhes pa'ang l+wa dkar sras chung bsod rgyal gyi thugs bzhed ltar chos kyi blo gros pas so//___//!grol tig zhi khro'i tshe sgrub/__zhi khro rab 'byams thugs srog las/__/'od 'phros 'khor 'das tshe bcud bsdus/__/bdag dang sgrub pa'i rdzas la bstim/__/'chi med rdo rje'i srog 'grub gyur/__/sngags mthar/__badz+ra A yu She swA hA/__rje mkhyen brtse'i dbang po'i phyag bris dngos las zhal bshus/__mkhyen brtse gong ma'i gsung 'di dpe rgyun la bsam nas 'dir bkod pa lags//___//

Footnotes

Other Information