JKCL-KABUM-06-CHA-010

Previous Text Back to Volume PageNext Text

ཞི་ཁྲོ་ངེས་དོན་སྙིང་པོའི་སྒྲུབ་ཁོག་ཁྱུང་ལྡིང་གི་གསལ་བྱེད་དངོས་གྲུབ་རྒྱ་མཚོ།

Wylie title	zhi khro nges don snying po'i sgrub khog khyung lding gi gsal byed dngos grub rgya mtsho
Location	chos kyi blo gros bka' 'bum Volume 6, Text 10, Pages 159-200 (Folios 1a to 21b6)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Tertön	འཇའ་ཚོན་སྙིང་པོ་ ('ja' tshon snying po)
Citation	'jam dbyangs mkhyen brtse chos kyi blo gros. zhi khro nges don snying po'i sgrub khog khyung lding gi gsal byed dngos grub rgya mtsho. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 6: 159-200. Bir, H.P.: Khyentse Labrang, 2012.
Genre	Structural Arrangement for Ritual Practice - sgrub khog
Cycle	ཞི་ཁྲོ་ངེས་དོན་སྙིང་པོ་ (zhi khro nges don snying po)
Deity	zhi khro
Colophon	།ཅེས་པའང་འཇམ་དབྱངས་ཆོས་ཀྱི་བློ་གྲོས་པས་སོ།།
	/ces pa'ang 'jam dbyangs chos kyi blo gros pas so//

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །ཞི་ཁྲོ་ངེས་དོན་སྙིང་པོའི་སྒྲུབ་ཁོག་ཁྱུང་ལྡིང་གི་གསལ་བྱེད་དངོས་གྲུབ་རྒྱ་མཚོ་ཞེས་བྱ་བ་བཞུགས་སོ། ། གུ་རུ་ཏྲི་མཱུ་ལེ་བྷྱོ་ན་མཱ་མི། ཡེ་ཤེས་གཅིག་ཉིད་དུ་མའི་གར། །བསམ་ཡས་རྩ་གསུམ་ཞི་ཁྲོའི་ལྷར། །བསྐལ་པའི་གོང་ནས་འབྲེལ་པ་ཡི། །མི་ཕྱེད་གུས་པས་བསྙེན་པར་བགྱི། །བྱིན་རླབས་གཟི་བརྗིད་ཟླ་མེད་པ། །མ་ཧ་གུ་རུའི་ཐུགས་ཀྱི་བཅུད། །ཞི་ཁྲོ་ངེས་དོན་སྙིང་པོ་ཡི། །སྒྲུབ་པའི་ཁོག་དབུབ་འདིར་དབྱེ་བྱ། དེའང་གསང་སྔགས་སྔ་འགྱུར་བའི་རྒྱུད་ལུང་མན་ངག་རྣམས་ལ་ཆེ་ཐང་དུ་བསྔགས་ཤིང་དངོས་གྲུབ་རྣམ་པ་གཉིས་བདེ་བླག་ཏུ་འགྲུབ་པར་བྱེད་པའི་ཐབས་ཟབ་མོ་རྨད་དུ་བྱུང་བ་ཚོམ་བུ་ཚོགས་སུ་སྒྲུབ་པའི་ལག་ལེན་པྲ་ཁྲིད་གཞུང་སོ་སོ་ལས་མང་དུ་འབྱུང་མོད། འདིར་རིག་འཛིན་འཇའ་ཚོན་སྙིང་པོའི་ཟབ་གཏེར་སྒྲུབ་ཁོག་ཁྱུང་ལྡིང་དང་སྦྱར་ནས་བཀོད་པ་ལ་གསུམ། ཕུན་སུམ་ཚོགས་པ་ལྔའི་སྒྲུབ་པའི་གཞི་བཟུང་བ། བསྙེན་སྒྲུབ་ཡན་ལག་བཞིས་གཞུང་བསྲང་བ། རྗེས་ལས་ཀྱི་རིམ་པས་མཐའ་རྒྱས་སུ་བྱའོ། །དང་པོ་ནི་གཏེར་གཞུང་ཕལ་མོ་ཆེར། སྟོན་པ་གནས་དང་འཁོར་དང་དུས༔ ཡོ་བྱད་ལ་སོགས་གཞིར་ལྡན་པས༔ ཞེས་འཆད་པ་མང་ཡང་། འདིར་གསང་སྔགས་ལམ་རིམ་ལྟར་ན། དང་པོ་བསྒྲུབ་པའི་ཕུན་སུམ་ཚོགས་པ་འདི། གུ་རུ་རིན་པོ་ཆེ་སོགས་གྲུབ་ཐོབ་གོང་མས་བྱིན་གྱིས་བརླབས་པ། དབེན་ལ་ཉམས་དགའ་ཞིང་དམ་ཉམས་སྡེ་འཁྲུགས་སོགས་ཀྱི་གྲིབ་ཀྱིས་མ་གོས་པའོ། །གཉིས་པ་དུས་ནི་རྒྱལ་བའི་དུས་ཆེན་བཞི། ར་བ་བཞིའི་ཡར་ངོ་། ཡར་མར་གྱི་ཚེས་བཅུ། དེ་རྣམས་མ་འཛོམ་ན་ཡང་གཟའ་སྐར་འཕྲོད་སྦྱོར་དགེ་བ་ལའོ། །གསུམ་པ་སྒྲུབ་པ་པོ་ནི། རྡོ་རྗེ་སློབ་དཔོན་རྒྱལ་ཐེབས་གཟུངས་མ་གཙོ་བོར་གྱུར་པའི་སྟོན་འཁོར་ཐམས་ཅད་སོ་སོའི་མཚན་ཉིད་གཞུངས་མཐུན་དགོས་པར་གསུངས་ཀྱང་། སྤྱི་རྩམ་དུ་སྒྲུབ་པ་གང་བྱེད་རྒྱུ་དེ་ཉིད་ཀྱི་དབང་ལུང་རྫོགས་པར་ཐོབ་ཅིང་བསྙེན་སྒྲུབ་ལས་རུང་བྱ་བས། བསྒྲུབ་བྱ་ལ་ཐེ་ཚོམ་མེད་ཅིང་དད་པ་རྩེ་གཅིག་དང་ལྡན་པ། སྒྲུབ་པ་པོ་ནང་ཕན་ཚུན་དམ་སེལ་གཏན་ནས་མེད་པ་ཞིག་གལ་ཆེའོ། །བཞི་པ་ཡོ་བྱད་ནི། དཀྱིལ་འཁོར་རྡུལ་མཚོན་མི་གྲུབ་པའི་སྐབས་སུ་རས་བྲིས་ཚད་ལྡན་མེད་ཐབས་མེད་ཅིང་། སྐུ་གསུང་ཐུགས་ཀྱི་རྟེན་དང་། སྒྲུབ་རྫས་མཆོད་རྫས་རྒྱན་རྫས་ལ་སོགས་པ་དམ་ཚིག་གི་ཡོ་བྱད་ཐམས་ཅད་ཚགས་སུ་ཚུད་པར་བྱའོ། །ལྔ་པ་སྒྲུབ་པའི་ཐབས་ནི། ཡིད་ཆེས་རྩོད་བྲལ་གྱི་བཀའ་གཏེར་ལས་བྱོན་ཅིང་དམ་སེལ་གྱི་བརྒྱུད་པས་མ་སླད་པ། རྒྱུད་ལུང་མན་ངག་ཁུངས་བཙུན་གྱི་དགོངས་པ་དང་མཐུན་ཅིང་འཁྲུལ་པ་མེད་པ་དང་། བྱིན་རླབས་ཀྱི་གཟི་བྱིན་དང་ལྡན་པ་ཞིག་དགོས་པ་ལས་འདིར་རིག་འཛིན་གྲུབ་པའི་གཙུག་རྒྱན་འཇའ་ཚོན་སྙིང་པོའི་ཟབ་གཏེར་ཁྱད་དུ་འཕགས་པའོ། །གཉིས་པ་བསྒྲུབ་པའི་གཞུང་བསྲང་བ་ལ་གཉིས། སྔོན་འགྲོ་དང་དངོས་གཞིའི་ལས་རིམ་མོ། །དང་པོ་ལ་གཉིས། བསོད་ནམས་ཀྱི་དཔུང་བསྐྱེད་པ། སའི་ཆོ་ག་བྱ་བའོ། །དང་པོ་ལ་བླ་མ་དགོངས་འདུས་ལས་རིམ་པ་བཅུར་བཞད་པ་སོགས་མང་ཡང་བདེ་འདུས་བསྙེན་སྒྲུབ་ཆེན་མོའི་པྲ་ཁྲིད་ལྟར་ན་བཞི། རང་རྒྱུད་སྤྱོད་པ། ཆོས་འཁོར་བསྐོར་བ། གཏོར་མ་བཏང་བ། སྦྱིན་གཏོང་བྱ་བའོ། །དེ་རེ་རེ་ལ་བཞི་བཞིར་འབྱུང་སྟེ། དང་པོ་ནི་ལུས་ཀྱི་སྒྲིབ་པ་སྦྱངས་ཕྱིར། སཱཙྪ་གདབ་པ། ཉེའུ་འདོན་སོགས། སྲོག་བསླུ་བ། རྣམ་འཇོམས་སྨྲེ་བརྩེགས་ཀྱི་ཁྲུས་བྱ། ངག་སྒྲིབ་སྦྱངས་ཕྱིར། ན་རཀ་དོང་སྤྲུགས་དང་ཡིག་བརྒྱ་བཟླ། ཡིད་སྒྲིབ་སྦྱངས་ཕྱིར་སེམས་བསྐྱེད་བླངས། བླ་མའི་རྣལ་འབྱོར་སྒོམ། ཞི་བའི་སྦྱིན་བསྲེག་བླུག །གསུམ་ཀའི་ཕྱིར་དུ་ཕྱག་བསྐོར་དང་མཁའ་འགྲོ་ཆོས་སྐྱོངས་ལ་ཚོགས་སྐོང་རྒྱ་ཆེན་བྱ། །གཉིས་པ་ནི། ཆོས་ཉིད་སྐྱེ་མེད་དོན་རྟོགས་ཕྱིར། སྒྲུབ་ཁང་གི་ཤར་དུ་ཤེར་ཕྱིན། བདུད་འཇོམས་ཕྱིར་ལྷོར་སྟོབས་པོ་ཆེ། རྒྱུ་འབྲས་གོ་ཕྱིར་ནུབ་ཏུ་ལང་ཀར་གཤེགས་པ། བར་ཆད་ཞི་ཕྱིར་བྱང་དུ་ཏོག་གཟུངས་དང་གྲྭ་ལྔ་བཟླ། །གསུམ་པ་ནི། བྱིན་རླབས་འབྱུང་ཕྱིར་སྲིད་ཞུ། ཕྲིན་ལས་བཅོལ་ཕྱིར་ཡོན་ཏན། འབྱོར་པ་ཐོབ་ཕྱིར་སྙིང་རྗེ། བུ་ལོན་འཁོར་ཕྱིར་ལན་ཆགས་ཀྱི་མགྲོན་རྣམས་ལ། ཕྱི་ཆུ་གཏོར་དང་མདོས་གླུད། ནང་གཏོར་མ། གསང་བ་ལུས་ཀྱི་མཆོད་སྦྱིན་བྱ་བའོ། །བཞི་པ་ནི། དངོས་སུ་སྣང་བའི་མགྲོན་བཞི་ལ་དངོས་འབྱོར་ཅི་རིགས་པས་མཉེས་ཤིང་ཚིམ་པར་བྱེད་པ་སྟེ། བླ་མ་དགོངས་འདུས། རྗེ་དཔོན་དང་ཡོན་ཏན་ཅན། ནད་པ་དབུལ་ཕོངས་བྱ་རིགས་ཆུ་གནས་བུ་ལོན་ཆགས་པ་དང་མི་འཛའ་བ་རྣམས་ཡོན་དང་བཟའ་བཏུང་ཅི་འབྱོར་བསྟབས་ལ་བསྒྲུབ་པ་མཐར་ཕྱིན་ཅིང་བར་ཆད་མེད་པའི་སྨོན་ལམ་གདབ་བོ། །གཉིས་པ་སའི་ཆོ་ག་ལ་ལྔ། བརྟག་པ། བསླང་བ། དབང་དུ་བྱ་བ། སྦྱངས་བ། བཟུང་ཞིང་བསྲུང་བའོ། །དང་པོ་ནི། མཚན་ཉིད་རྟེན་འབྲེལ་ལྟོ་འཕྱེ་བརྟགས་པ་རྣམས་ཏེ་སྒྲུབ་གནས་རྙིང་པ་ལ་མི་དགོས་སོ། །གཉིས་པ་སྣང་བ་འདི་ལས་བསླངས་ཟིན་པའི་དབང་དུ་བྱས་ཏེ་མི་སྣང་བ་ལས་བསླང་བ་ལ་གཉིས། མི་མིན་ཡུལ་བདག་སྤྱི་ལ་བསླངས་བ་དང་། ས་ལྷའོ། །དང་པོ་ནི། དཀྱིལ་འཁོར་གང་དུ་བྱ་བའི་གཞི་སྟེག་བྱི་དོར་བྱས་པར་ཚོམ་བུ་ལྔ་བཀོད་པའི་མདུན་དུ་མཆོད་གཏོར་དཀར་ཟླུམ་མཐེབ་རིལ་གྱིས་མཚན་པ་གཉིས་དང་། གསེར་སྐྱེམས་མཐའ་གཞི་སྟེག་བྱི་དོར་བྱས་པར་ཚོམ་བུ་ལྔ་བཀོད་པའི་མདུན་དུ་མཆོད་གཏོར་དཀར་ཟླུམ་དང་། བྱང་ཤར་ན་འཚམས་འཛིན་མེ་ཏོག་ནས་བརྩམ་ཆུ་གཉིས་ཉེར་སྤྱོད་གཡས་བསྐོར་དུ་བཀོད། བདག་བསྐྱེད་ཀྱི་མཆོད་གཏོར་རྣམས་བཤམས་ཤིང་འོག་གི་སྐབས་སོ་སོར་དགོས་པའི་ཡོ་བྱད་རྣམས་ཀྱང་སྔ་ཚགས་སུ་ཚུད་པར་བྱའོ། །དེ་ནས་ཐོག་མར་བདག་གི་རྣལ་འབྱོར་ནི། ཚིག་བདུན་གསོལ་འདེབས་དང་། བརྒྱུད་འདེབས་སྔོན་དུ་འགྲོ་བས་སྐྱབས་སེམས་ཚོགས་བསགས་ཀྱིས་རྒྱུད་སྦྱངས། གུ་རུ་ཞི་རྐྱང་གི་བསྒོམ་བཟླས་དང་། ཞི་ཁྲོའི་མངོན་རྟོགས་བསྡུས་པ་བཟླས་པའི་མཐར་བསྡུ་ལྡང་བྱ། དཀར་གཏོར་གསེར་སྐྱེམས། རྃ་ཡྃ་ཁྃ་གིས་བསངས། སྭཱ་བྷ་ཝས་སྦྱངས། སྟོང་པའི་ངང་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་གྱུར། ཨོཾ་ཨཱཿ ཧཱུྃ། ལན་གསུམ། བྷུ་མི་པ་ཏི་ས་པཱ་རི་ཝ་ར་བཛྲ་ས་མ་ཛཿས་སྤྱན་དྲངས། སྠཱ་ན་པ་ཏི་ཀྵེ་ཏྲ་པ་ལཉྩ་ན་མཿསརྦ་ཏ་ཐཱ་ག་ཏ་བྷྱོ༴སོགས། ཨི་མཾ་ག་ག་ན་ཁཾ་སྭཱ་ཧཱ། ལན་གསུམ་གྱིས་གཏོར་མ་ཕུལ། ཧཱུྃ། དགོངས་ཤིག་ས་བདག་ལྷ་ཀླུ་སྡེ་དང་དཔུང་། སོགས་ནས། གཙྪ༔ གནང་བ་བྱིན་ནས་རང་གནས་སུ་གཤེགས་པར་བསམ་ཞིང་འཇམ་རོལ་དང་བཅས་གཏོར་མ་དང་གསེར་སྐྱེམས་ཕྱིར་འབུལ། གཉིས་པ་ས་ལྷའི་མཆོད་གཏོར་རྣམས། ཨ་མྲྀ་ཏས་བསངས། རྃ་ཡྃ་ཁྃ་གིས་སྦྱངས། ཐམས་ཅད་སྟོང་ཉིད་ནམ་མཁའི་ངང་༔ སོགས་ནས། ཨོཾ་ཨཱཿ ཧཱུྃ། ལན་གསུམ་རྒྱ་དང་བཅས་པས་བརླབས། ཚོམ་སུ་ནི། བྃ་ལས་ས་ཡི་ལྷ་མོ་སྐུ་མདོག་གསེར་བཙོ་མ་ལྟ་བུ་སྐུ་སྟོད་ས་ཡི་སྟེང་དུ་ཐོན་ནས་ཕྱག་གཉིས་མཆོག་སྦྱིན་དང་། བུམ་པ་བསྣམས་པ། འཁོར་དུ་ས་བདག་གིས་བསྐོར་བ་ལ། །རང་ཉིད་ཀྱི་ཐུགས་ཀ་ནས་འོད་ཟེར་འཕྲོས་དེ་འདྲ་བའི་ཡེ་ཤེས་སེམས་དཔའ་བཛྲ་ས་མ་ཛཿས་སྤྱན་དྲངས། ཛཿཧཱུྃ་བྃ་ཧོ༔ གཉིས་སུ་མེད་པར་གྱུར། ཨོཾ་བཛྲི་བྷ་ཝ་ཨ་བྷི་ཥིཉྩ་ཧཱུྃ། ཞེས་དབང་བསྐུར་བ་རིན་ཆེན་འབྱུང་གནས་ཀྱིས་རྒྱས་གདབ། ཨོཾ་པྲི་ཐི་ཝཱི་དེ་ཝི་ས་པཱ་རི་བཱ་ར་ཨརྒྷཾ་པྲ་ཏིཥྩ་སྭཱ་ཧཱ་ནས། ཤབྡའི་བར་གྱིས་མཆོད། ཨ་ཀ་རོའི་སྔགས་ཀྱིས་གཏོར་མ་ཕུལ། དེ་ནས། ཧཱུྃ། ལྷ་མོ་ཆེན་མོ་ས་བདག་ཀུན་གྱི་ཡུམཿསོགས་ལྷུག་མ། བྃ་ཧོཿཅེས་རོལ་མོ་བཅས་གཏོར་མ་གསེར་སྐྱེམས་ཕྱིར་འབུལ། །གསུམ་པ་དབང་དུ་བྱ་བ་ནི། སྟེགས་བུའི་མདུན་ནས་སློབ་དཔོན་གྱིས་དབང་མཆོག་ཕུར་བུ་བཟུང་ལ། བདག་ཉིད་ལས་ཀྱི་ཧེ་རུ་ཀ་ཞལ་གཅིག་ཕྱག་གཉིས་པར་གསལ་བའི་ཐུགས་ཀའི་ཧཱུྃ་ལས་འོད་འཕྲོས་ཕུར་བུ་ལ་ཐིམ། དེ་ཉིད་དཔལ་རྟ་མགྲིན་གྱི་སྐུར་གྱུར། པར་བསམ་ལ། ཨོཾ་པདྨནྡ་ཀྲིད་ཏ་ཧཱུྃ་ཕཊ྄༔ ཅེས་བཏབ་ཏེ་ལན་བདུན་བཟླས་པས། ཧཱུྃཿང་ནི་ཆེ་མཆོག་ཧེ་རུ་ཀཿསོགས། ཧཱུྃ་ཕཊཿཕུར་བུ་ལས་བྱུང་བའི་འོད་ཟེར་དམར་པོས་ས་གཞི་ཐམས་ཅད་ལ་ཁྱབ། བདག་གི་དབང་དུ་གྱུར་པར་བསམ་མོ། །བཞི་པ་སྦྱངས་བ་ལ་སྔགས་དང་ཕྱག་རྒྱས་སྦྱང་བ་ནི། སློབ་དཔོན་གྱི་ལག་གཡས་རྡོ་རྗེ་དང་བཅས་སྟེགས་བུའི་སྟེང་དུ་བཞག །ཐམས་ཅད་ཀྱི་རྡོ་རྗེ་དང་བཅས་ལག་གཡས་ས་ལ་རེག་པའི་ཚུལ་བྱས་ནས། ཨོཾ་སྭ་བྷཱ་ཝ་ཤུདྡྷ་སརྦ་དྷརྨཿསྭ་བྷཱ་ཝ་ཤུདྡྷོ྅ཧྃ༔ ལན་གསུམ་ས་ལ་བསྣུན། ཏིང་ངེ་འཛིན་གྱི་སྦྱང་བ་ནི། རང་ཉིད་ཡི་དམ་གྱི༴སོགས་ནས། བྷྲཱུྃ༔ ཞེས་དང་། རིགས་གསུམ་མགོན་པོའི་བསྙེན་པ་དང་། ཨཱ་ལི་ཀཱི་ལིས་སྤོས་ཆུ་བྱིན་གྱིས་བརླབས་པ་འཐོར་ལ། འདི་ལྟར་བརྗོད། ཀྱཻ། མེ་ལོང་མདངས་ལྡན་མཚོ་སྨན་རྒྱལ་མོ་ལ༔ སོགས་ནས། སྩོལ་ཅིག༔ ཅེས་དྲི་ཆུ་འཐོར་ཞིང་ཆགས་ཆགས་གདབ། །ལྔ་པ་བཟུང་བ་དང་བསྲུང་བ་གཉིས་ལས། །དང་པོ་ནི། བགེགས་གཏོར་བྱིན་རླབས་ནས་བརྩམ་སྔོན་འགྲོ་ཐར་ལམ་དཀར་པོ་ལྟར། བཀའ་བསྒོ་ཞིང་མཚམས་བཅད་སྲུང་འཁོར་བསྒོམ། སློབ་དཔོན་དཀྱིལ་འཁོར་དབུས་སུ་བཞེངས་ཏེ་ལས་ཕུར་ཐོགས་ལ། བདག་གི་ཐུགས་ཀ་ནས་ཁྲོ་བོ་བཅུ་སྤྲོས་པའི་ཚོགས་ཀྱིས་ས་གཞི་གང་བར་གྱུར། ཕུར་བུ་རྣམས་སྟོད་ཞལ་གསུམ་ཕྱག་དྲུག་ཕུར་བུ་འདྲིལ་བ། །སྨད་ལྕགས་ཕུར་མེ་ཡི་ཚ་ཚ་འཕྲོ་བར་གྱུར། ཕུར་བུ་བསྒྲིལ་ཞིང་། ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྚན་བཛྲ་དྷ་རོད་ཨཛྙཱ་པ་ཡ་ཏི་སརྦ་བིགྷྣཱན་ཀཱ་ཡ་ཝཱ་ཀ་ཙིཏྟ་བཛྲ་ཀཱི་ལི་ཀཱི་ལ་ཡ་ཧཱུྃ་ཧཱུྃ་ཕཊ༔ ལན་གསུམ། ཕུར་པ་ལས་འཕྲོས་པའི་ཁྲོ་ཆུ་དང་མེའི་འོད་ཀྱིས་ས་གཞི་ཁེངས་པར་གྱུར༔ སྤྲོ་ན་འདིར་སྟང་སྟབས་བསྐོར་བ་སོགས་རྒྱས་བསྡུས་གང་རུང་བྱའོ། །རྩ་བའི་གཉིས་པ་དངོས་གཞི་ལ་གསུམ། ཡེ་ཤེས་ཀྱི་བསྙེན་པ་དང་ཉེར་བར་བསྙེན་པའི་རིམ་པ། ལྷ་དང་དབྱེར་མེད་དུ་བྱེད་པའི་སྒྲུབ་པའི་རིམ་པ། གྲུབ་ནས་དངོས་གྲུབ་ལེན་པ་སྒྲུབ་པ་ཆེན་པོའི་རིམ་པའོ། །དང་པོ་ལ་བཅུ་སྟེ། །མཚམས་གསུམ་རྟེན་བཅའ་སྟ་གོན་བྱ། །རྒྱན་འགོད་མངའ་གསོལ་བརྡའ་སྦྱར་ཞིང་། །བསྲེ་བསྣན་སྐོས་གདབ་བྱིན་འབེབས་སོ། །ཞེས་པའི་དང་པོ་ཕྱི་མཚམས་བཅད་པ་ནི། དཀྱིལ་འཁོར་གྱི་ཁང་པའི་ཕྱོགས་བཞིར་ཐོ་བཞི་ལ་རྒྱལ་ཆེན་སོ་སོའི་སྔགས་བྱང་རྒྱལ་མཚན་དང་བཅས་པ་བཙུག་ལ་སོ་སོའི་མདུན་དུ་སྟེགས་གཙང་མར་གཏོར་མ་དཀར་ཟླུམ་མདུན་དུ་མཐེབ་སྐྱུ་རིལ་བུས་མཚན་པ་རེ་དང་། དེའི་མདུན་དུ་གཡོན་ཕྱོགས་ནས་བརྩམ་པའི་ཆུ་གཉིས་ཉེར་སྤྱོད་ལྔ་བཅས་བཤམས། སྒྲུབ་པ་པོ་རྣམས་རོལ་ཆས་སོགས་སེར་སྦྲེང་གི་ཚུལ་གྱིས་བསྒྲུབ་ཁང་ནས་དོན་ཏེ་ཤར་གྱི་ཐོ་མདུན་དུ་འཁོད་ལ། མཆོད་གཏོར་རྣམས། ཨོཾ་བཛྲ་ཨ་སྨྲྀ་ཏས་བསང་། རྃ་ཡྃ་ཁྃ་གིས་སྦྱངས། ཐམས་ཅད་སྟོང་ཉིད་ནམ་མཁའི་ངང་༔ བྷྲཱུྃ་ལས་རིན་ཆེན་སྣོད་ནང་དུ༔ ཨོཾ་ལས་ཕྱི་ནང་མཆོད་པའི་ཚོགས༔ སོ་སོའི་ལྷ་མོའི་རོལ་བར་བཅས༔ རབ་འབྱམས་ནམ་མཁའ་གང་བར་གྱུར༔ ཨོཾ་བཛྲ་པུཥྤེ་ནས། ཤབྡ་པཱུ་ཛ་ས་མ་ཡ་ཧཱུྃ༔ ཞེས་དང་། གཏོར་གཞོང་རཏྣའི་གཞལ་ཡས་སུ༔ གཏོར་མ་འདོད་ཡོན་ཕུང་པོར་སྤུངས༔ ཨོཾ་ཨཱཿ ཧཱུྃ། ལན་གསུམ་རྒྱ་དང་བཅས་པས་བརླབས། བདག་ཉིད་ལྷར་གསལ་བའི་ཐུགས་ཀ་ནས་ཡི་གེ་ཕུཿའཕྲོས་པས་པི་ཝྃ་དུ་གྱུར། དེ་ཡོངས་སུ་གྱུར་པ་ལས་ཡུལ་འཁོར་སྲུང་དཀར་པོ་པི་ཝཾ་འཛིན་པ་དྲི་ཟའི་འཁོར་གྱིས་བསྐོར་བའི་ཐུགས་ཀ་དང་རང་གི་ཐུགས་ཀ་ནས་འོད་ཟེར་འཕྲོས། རི་རབ་ཀྱི་ཤར་ཕྱོགས་ནས་རྒྱལ་པོ་ཆེན་པོ་ཡུལ་འཁོར་སྲུང་འཁོར་དང་བཅས་པ་བཛྲ་ས་མ་ཛཿབསྡུ་རྒྱ་དང་སྤྱན་དྲང་། ཛཿཧཱུྃ་བྃ་ཧོཿཨོཾ་དྷཱིཥྚ་ར་ཥྚ་ཡ་སྭཱ་ཧཱ༔ ལན་བདུན། ཨོཾ་མ་ཧཱ་ར་ཛ་ས་པ་རི་ཝ་ར་ཨརྒྷཾ་ནས། ཤབྡ་པྲ་ཏིཥ་ཚ་སྭཱ་ཧཱཿའི་བར་གྱིས་མཆོད། རྩ་སྔགས་མཐར། ཨི་དཾ་བ་ལིངྟ་ཁཱ་ཧི་ཁཱ་ཧི༔ ལན་གསུམ་གྱིས་གཏོར་མ་ཕུལ། ཧཱུྃ། ཤར་ཕྱོགས་རྒྱལ་པོ་ཡུལ་འཁོར་སྲུང་༔ ཧཱུྃ། སྔོན་ཚེ་རྒྱལ༴ཧཱུྃ། དེང་གི་གནས་མཆོག༴སོགས་ནས། ལས་མཛོད༔ ཅེས་བསྟོད་ཅིང་ཕྲིན་ལས་བཅོལ། ཨོཾ་དྷཱིཥྚ་རཥྚ་ཡ་སྭཱ་ཧཱཿཏིཥྛ་བཛྲ༔ ཞེས་བརྟེན་བཞུགས་བྱ། ལྷོ་ཡི་ཐོ་རྩར་འཁོད་ནས་མཆོད་གཏོར་རྣམས་གོང་ལྟར་བྱིན་རླབས། བདག་ཉིད་ལྷར་སོགས་ནས། རལ་གྲིར་གྱུར། དེ་ཡོངས་སུ་གྱུར་པ་ལས་འཕགས་སྐྱེས་པོ་སོགས་གཅིག་ཤེས་ཀུན་གྲོལ་ལྟར། ས་མ་ཛཿརྒྱ་དང་བཅས། ཛཿཧཱུྃ་བྃ་ཧོཿཨོཾ་བེ་རུ་དྷ་ཀ་ཡ་སྭཱ་ཧཱ༔ ལན་བདུན། ཨོཾ་མ་ཧཱ་རཱ་ཛ་ས་པཱ་རི་ཝ་ར་ཨརྒྷཾ་ནས། ཤབྡ་པྲ་ཏིཙྪ་སྭཱ་ཧཱཿའི་བར་གྱིས་མཆོད། རྩ་སྔགས་མཐར། ཨི་དཾ་བ་ལིངྟ་ཁ་ཁ་ཁཱ་ཧི་ཁཱ་ཧི༔ ཞེས་ལན་གསུམ་གྱིས་གཏོར་མ་ཕུལ། ཧཱུྃ། ལྷོ་ཕྱོགས་རྒྱལ་པོ་འཕགས་སྐྱེས་པོ༔ ཧཱུྃ། སྔོན་ཚེ༴ཧཱུྃ། དེང་གི༴ལས་མཛོད༔ ཅེས་བསྟོད་ཅིང་ཕྲིན་ལས་བཅོལ། ཨོཾ་བེ་རུ་དྷ་ཀ་ཡ་སྭཱ་ཧཱཿཏིཥྛ་བཛྲ༔ ཞེས་བརྟན་བཞུགས་བྱ། ནུབ་ཀྱི་ཐོ་རྩར་འཁོད་ལ་མཆོད་གཏོར་བྱིན་རླབས། བདག་ཉིད་ལྷར་གསལ་སོགས། ལས་སྤྱན་མི་བཟང་༴སོགས། ཛཿཀུན་གྲོལ་བཞིན། མཆན། རྒྱ་དང་བཅས། ཛཿཧཱུྃ་བྃ་ཧོཿཨོཾ་བེ་རུ་པཀྵ་ཡ་སྭཱ་ཧཱ། ལན་བདུན། ཨོཾ་མ་ཧཱ་རཱ་ཛ་ས་པཱ་རི་ཝ་ར་ཨརྒྷཾ་སོགས་ནས། ཤབྡ་པྲ་ཏིཙྪ་སྭཱ་ཧཱཿབར་གྱིས་མཆོད། རྩ་སྔགས་མཐར། ཨི་དཾ་བ་ལིངྟ་ཁ་ཁ་ཁཱ་ཧི་ཁཱ་ཧི༔ ལན་བདུན་གྱིས་གཏོར་མ་ཕུལ། ཧཱུྃ། བྱང་ཕྱོགས་རྒྱལ་པོ་སྤྱན་མི་བཟང་། ཧཱུྃ། སྔོན་ཚེ་རྒྱལ༴ཧཱུྃ། དེང་གི༴སོགས། ལས་མཛོད༔ ཅེས་བསྟོད་ཅིང་ཕྲིན་ལས་བཅོལ། ཨོཾ་བེ་རཱུ་པཱཀྵཱ་ཡ་སྭཱ་ཧཱཿཏིཥྛ་བཛྲ༔ ཞེས་བརྟན་བཞུགས་བྱའོ། བྱང་གི་ཐོ་རྩར་འཁོད་ལ། མཆོད་གཏོར་རྣམས་གོང་ལྟར་བྱིན་རླབས། བདག་ཉིད་ལྷ་གསལ༴རྣམ་ཐོས་སྲས། བཛྲ་ས་མ་ཛཿཀུན་གྲོལ་བཞིན། མཆན། རྒྱ་དང་བཅས། ཛཿཧཱུྃ་བྃ་ཧོ༔ ཨོཾ་བཻ་ཤྲ་མ་ཎཱ་ཡ་སྭཱ་ཧཱ༔ ལན་བདུན། ཨོཾ་མ་ཧཱ་ར་ཛ་ས་པཱ་རི་ཝ་ར་ཨརྒྷཾ་ནས། ཤབྡ་པྲ་ཏིཙྪ་སྭཱ་ཧཱཿབར་གྱིས་མཆོད། སྔགས་མཐར། ཨི་དཾ་བ་ལིངྟ་ཁ་ཁ་ཁཱ་ཧི་ཁཱ་ཧི༔ ཞེས་ལན་གསུམ་གྱིས་གཏོར་མ་ཕུལ། ཧཱུྃ། བྱང་ཕྱོགས་རྒྱལ་པོ་རྣམ་ཐོས་སྲས༔ ཧཱུྃ། སྔོན་ཚེ༴ཧཱུྃ། དེང་གི༴ལས་མཛོད༔ ཅེས་བརྗོད་ཅིང་ཕྲིན་ལས་བཅོལ། ཨོཾ་བེ་ཤྲ་མ་ཎ་ཡ་སྭཱ་ཧཱཿཏིཥྛ་བཛྲ༔ ཞེས་བརྟན་བཞུགས་བྱའོ། །གཉིས་པ་བར་མཚམས་ལ་གཉིས། དམ་སྲི་མནན་པ། སྒོ་བྱང་གདགས་པའོ། །དང་པོ་ནི་དུག་ཤོག་ལ་དམ་སྲིའི་ལིངྒ་བྱ་མཆུ་ཅན་ཡན་ལག་ལྕགས་སྒྲོག་གིས་བསྡོམ་པའི་སྙིང་གར་ཛ་ཏྲི་ཁ་སྤྲོད་མཐར་མགྲིན་པ་ནས་བརྩམ་སྟེ་ཡིག་མགོ་ཕྱིར་བསྟན་ལ། ཡ་མ་དམ་སྲི་གོ་པ་རི་མཱ་ར་ཛཿཛཿནནཿཏྲིའུ་ཏྲིའུ་མཱ་ར་ཡ་ན་མ་ཤོ་ཛཿཁུག་ནན༔ ཞེས་དང་། གཟུགས་ཀྱི་མཐར་ཡིག་མགོ་ནང་དུ་བསྟན་ལ། དུས་དྲུག་དང་བཅུར་རྒྱུ་བའི་ཉུ་ལེ་དམ་སྲི་རྒྱལ་འགོང་འབྱུང་པོའི་ཚོགས་དང་བཅས་པའི་ལུས་ངག་ཡིད་གསུམ་མཐུ་སྟོབས་ཐམས་ཅད་ནོན་ཅིག༔ བསྐལ་པ་མ་སྟོང་གི་བར་དུ་མ་སྡང་ཅིག༔ ཨོཾ་ལམ། ཧཱུྃ་ལམ། སྟཾབྷ་ཡ་ནན༔ ཞེས་པ་རྣམས་ཀྱི་མཐར། ཛ་ཁྲོམ་ཀྱིས་བསྐོར་བར་བྲིས་ལ། འགྲུབ་ན་སྒྲུབ་བའི་སྔ་ཉིན་ལྟར་བུ་ཕུར་པ་སོགས་དྲག་པོའི་ཕྲིན་ལས་བཏང་བའི་ཚོགས་ཐ་མི་གདབ་ཁ་དང་འབྲེལ་བར་བཀུག་བསྟིམ་གྲངས་མང་བྱས་ལ་ཐུན་གདབ། འདྲེ་ལྟེབ་ཏུ་བཅག་ཅིང་ཚོན་སྐུད་ཀྱིས་བཅིང་། ཐོད་ངན་ནམ་ཁྱི་ཐོད་ལྟ་བུར་བཅུག །ཕུང་རེས་དྲིལ་ལ་གཙང་གིས་གཟིར་བས་མནན་ཆས་བྱ། སྒོ་དྲུང་དུ་དོང་གྲུ་གསུམ་བྲུས་ལ་བཀོད། དེ་ཙམ་མི་འགྲུབ་པའི་སྐབས་ལིངྒ་དོང་ནང་དུ་བཏིང་། ཐོག་མར་བསྐུལ་བ་ནི། ཧཱུྃཿམ་བཅོས་ལྷུན་གྲུབ་དབྱིངས་རིག་དབྱེར་མེད་ལས༔ སོགས་ནས། མ་ར་ཡ་ཕཊ༔ སློབ་དཔོན་གྱིས་གསེར་སྐྱེམས་ཐོགས་ལ། རྃ་ཡྃ་ཁྃ༔ ཨོཾ་ཨཱཿ ཧཱུྃ་ཧ་ཧོ་ཧྲཱིཿལན་གསུམ་གྱིས་བྱིན་བརླབས་ལ། ཧཱུྃ། རིག་འཛིན་རྩ་བརྒྱུད་བླ་མ་དམ་པ་དང་། །བདེ་གཤེགས་ཞི་ཁྲོ་རབ་འབྱམས་དཀྱིལ་འཁོར་ལྷ། །ཁྱད་པར་རྩ་གསུམ་ཞི་ཁྲོའི་ལྷ་ཚོགས་རྣམས། །གསེར་སྐྱེམས་འདི་བཞེས་རྣལ་འབྱོར་མཐུ་དཔུང་བསྐྱེད། །མ་མགོན་ལྕམ་དྲལ་དམ་ཅན་རྒྱ་མཚོའི་ཚོགས། །དྲེགས་པའི་སྡེ་དཔོན་སུམ་ཅུ་ཡབ་ཡུམ་སྲས། །བཀའ་ཉན་བྲན་གཡོག་མངག་གཞུག་བཅས་རྣམས་ཀྱིས། །གསེར་སྐྱེམས༴། སྔགས་འཆང་བདག་གི་རིགས་ཀྱི་སྲུང་མ་དང་། །ས་ཕྱོགས་འདི་སོགས་ཡུལ་གཞི་གནས་ཀྱི་བདག །ལོ་ཟླ་ཞག་དུས་ཚེས་ལ་དབང་བའི་ལྷ། །གསེར་སྐྱེམས་འདི་བཞེས་རྣལ་འབྱོར་མཐུ་དཔུང་བསྐྱེད། ཅེས་པའི་ཚིག་མཚམས་སོ་སོར་གསེར་སྐྱེམས་ཕུལ། ལྷ་སྔགས་བརྗོད་པས་རང་རྟ་མགྲིན་དུ་གསལ། སློབ་དཔོན་གྱིས་གཡབ་དྲིལ་ཐོགས། ཧཱུྃ་མཛད་ཀྱི་རྒྱ་དང་བཅས། ཨེ་ཡཾ་རཾ། ཛྭ་ལ་རཾ། བྲུབ་ཁུང་སོགས། ན་མོ་དཀོན་མཆོག་གསུམ་ལ་ཕྱག་འཚལ་ལོ། །དཀོན་མཆོག་གསུམ་གྱི་བཀའ་བདེན་པ་དང་སོགས། གྱུར་ཅིག །ཏྲི་ཡཾ་ཛ༔ ཏྲི་བཛྲ་ཨངྐུ་ཤ་ཛ༔ ཛཿཧཱུྃ་བྃ་ཧོ༔ ལན་གསུམ་གྱིས་དགུག་གཞུག་བྱས་ལ། ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྚན་བཛྲ་དྷ་རོད་ཨཛྙཱ་པ་ཡ་ཏི་སརྦ་བིགྷྣཱན་ཀ་ཡ་ཝ་ཀ་ཙིཏྟ་བཛྲ་ཀི་ལི་ཀཱི་ལ་ཡ་ཧཱུྃ་ཧཱུྃ་ཕཊ༔ ཐུན་རྫས་ཀྱིས་བྲབ་གུ་གུལ་བདུག །དུར་རྡོལ་རི་གླིང་རྒྱ་གྲམ་བྲིས་པས་མནན། ཧཱུྃ། དམ་སྲི་བྱ་བའི་སྡིག་ཅན་འདིས༔ སོགས། ཧཱུྃ། དམ་སྲི་བྱ་བའི་སྡིག་ཅན་ཁྱོད༔ བསྐལ་པ་ནས། རྒྱས་གདོབ༔ ཨོཾ་ལཾ། ཨ་ལཾ། ཧཱུྃ་ལཾ། སྟྭཾ་བྷ་ཡ་ནན༔ ཞེས་པའི་མཐར་འབེབས་རིང་འོག་ས་ཆུ་མེ་རླུང་རིམ་པ་བཅུ་གསུམ་རེ་དང་། སཱཙྪ་ནག་པོས་མནན་ཏེ། འབྱུང་བཞི་རི་རབ་དང་བཅས་པའི་སྟེང་དུ་ཁྲོ་རྒྱལ་འཁོར་བཅས་བཞུགས་པར་བསམ། མཆེད་ལྕམ་རྣམས་སྲིན་ལག་ལུ་གུ་རྒྱུད་དུ་སྦྲེལ་ཏེ། ཧཱུྃ༔ ཀུན་བཟང་ཡབ་ཡུམ་མཁའ་དབྱིངས་སུ༔ སོགས། མ་ར་ཡ་ནན༔ གཉིས་པ་སྒོ་བྱང་ཕྱི་ནང་གཉིས་ལ་ཕྱིའི་སྒོ་གོང་དུ་ར་སོགས་གམ་རོ་རས་ལ་རྟ་མགྲིན་ཀྱི་སྐུ་སྔགས་བྱང་སྙིང་པོ་འདོད་གསོལ་བྲིས་པ་དང་། སྐྱེར་ཕུར་ལ་སྙིང་པོ་བྲིས་ཏེ་རྒྱབ་ཏུ་བཏགས་པ་བཀོད། དམར་གཏོར་མཆོད་པ་སོགས་བཤམས་ལ། རྃ་ཡྃ་ཁྃ། སྟོང་པའི་ངང་ལས་བྷཉྫའི་སྣོད་དུ་མཆོད་པའི་དངོས་པོ་འདོད་ཡོན་གྱི་རྣམ་པ་མ་ཚང་བ་མེད་པར་འཆར་བས་ནམ་མཁའ་གང་བར་གཏོར་སྣོད་བྷཉྫ་འབར་བར། གཏོར་རྫས་ཨོཾ་ཨཱཿ ཧཱུྃ་ཞུ་བ་ལས་འདོད་ཡོན་གྱི་ཕུང་པོ་ཟད་མི་ཤེས་པའི་ལོངས་སྤྱོད་ཀྱི་གཏེར་དུ་གྱུར། ཨོཾ་ཨཱཿ ཧཱུྃ༔ ལན་གསུམ་གྱིས་བརླབ། ལས་སྔགས་ཀྱིས་བསངས། སྭཱ་བྷཱ་ཝས་སྦྱངས། སྟོང་པའི་ངང་ལས་ལས་ཀྱི་རྟ་མགྲིན་དམར་པོ་ཐོད་དབྱུག་དང་སྦྲུལ་ཞགས་འཛིན་པ་ཁྲོ་བོའི་ཆས་ཅན། ཉི་ཟླ་པདྨའི་གདན་ལ་བཞེངས་པའི་གནས་གསུམ་དུ་ཨོཾ་ཨཱཿ ཧཱུྃ་གིས་མཚན་པ་ལས་འོད་འཕྲོས། རང་འདྲའི་ཡེ་ཤེས་པ་བཛྲ་ས་མཱ་ཛ༔ ཛཿཧཱུྃ་བྃ་ཧོཿཨོཾ་བཛྲ་ཀྲོ་དྷ་ཧྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊཿལན་བདུན། ཨརྒྷཾ་ནས། ཤབྡའི་བར་གྱིས་མཆོད། རྩ་སྔགས་མཐར། ཨི་དཾ་བ་ལིངྟ་ཁ་ཁ་ཁཱ་ཧི་ཁཱ་ཧི༔ ལན་གསུམ་གྱིས་གཏོར་མ་ཕུལ། ཧཱུྃ། སུམ་ཅུ་རྩ་གསུམ་དགའ་ལྡན་ལྷ་ཡུལ་ནས༔ སོགས་ནས། ཨོཾ་བཛྲ་ཀྲོ་དྷ་ཧྱ་གྲི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཧཱུྃ། གསང་ཆེན་ལྷུན་གྲུབ་ཕོ་བྲང་ནས༔ སོགས། སྲུང་ཤིག་རཀྵ༔ ཏིཥྛ་བཛྲ༔ ས་བརྟན་བཞུགས་བྱ། ནང་སྒོར་ར་སོག་གམ་ཤིང་བྱང་ལ་བདུད་རྩི་འཁྱིལ་པ་ལྗང་ནག་རྒྱ་གྲམ་དང་དགྲ་སྟྭ་ཐོགས་ཏེ་བཞེངས་པའི་གནས་གསུམ་དུ་ཨོཾ་ཨཱཿ ཧཱུྃ་གིས་མཚན་པ་ལས་འོད་ཟེར་འཕྲོས་རང་འདྲའི་ཡེ་ཤེས་པ་བཛྲ་ས་མ་ཛཿཛཿཧཱུྃ་བྃ་ཧོཿཨོཾ་བཛྲ་ཀྲོ་དྷ་ཨ་མྲྀ་ཏ་ཀུནྜ་ལི་ཧཱུྃ༔ ལན་བདུན། ཨརྒྷཾ་སོགས། ཤབྡའི་བར་གྱིས་མཆོད། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུནྜ་ལི་ཨི་དཾ་བ་ལིངྟ་སོགས། ཁཱ་ཧི༔ ལན་གསུམ་གྱིས་གཏོར་མ་ཕུལ། ཧཱུྃ། ཁྲོ་བོ་བདུད་རྩི་འཁྱིལ་པའི་སྐུ༔ སོགས་ནས། ཧཱུྃ་ཕཊ༔ ཅེས་དང་། ཏིཥྛ་བཛྲཿས་བརྟན་བཞུགས་བྱའོ། །བདག་ཅག་དཔོན་སློབ་རྣམས་ཀྱི༴སོགས། མྱུར་དུ་སྩོལ་ཅིག༔ ཅེས་བརྗོད་སྒོ་ཐེམ་གྱི་ནང་དུ་བྲུབ་ཁུང་ཞིག་གི་ནང་དུ་ཟན་ལིང་ལ་སེང་ལྡིང་དམ་སྐྱེར་པའི་ཕུར་བུའི་དབལ་ལ་མི་གཡོ་བའི་སྔགས་དང་མགུལ་དུ་རྒྱ་ཤོག་ལ་སྒོ་འདི་ཡན་ཆད་སུ་ཡང་མ་འདས་ཞིག །ཅེས་བྲིས་ཏེ་བཏགས་པས་བཏབ། སྒོ་འདི་ཡན་ཆད་སུ་ཡང་མ་འདའ་ཞིག །ཅེས་བརྗོད། །གསུམ་པ་གསང་མཚམས་ལ་གཉིས། མ་ཏྲཾ་བསྒྲལ་བ་དང་། ཁྲོ་བཅུའི་ཕུར་གདབ་བོ། །དང་པོ་ནི། དཀྱིལ་འཁོར་གྱི་གཞིར་མ་ཏྲཾ་གི་གཟུགས་བརྙེན་མགོ་ལྷོ་ནུབ་ཏུ་བསྟན་པ་གན་རྐྱལ་དུ་བཞག །སྟེགས་བུའི་ཤར་ངོས་སུ་སློབ་དཔོན་ཞལ་ནང་དུ་ཕྱོགས་ཏེ། ཕྱག་ཏུ་གཡབ་དར་དང་དྲིལ་བུ་ཐོགས་ཏེ་ལས་སྔགས་བརྗོད། བདག་ཉིད་ལས་ཀྱི་ཧེ་རུ་ཀ་ཁྲོ་གཏུམ་བཟོད་པར་དཀའ་བའི་གཟི་བརྗིད་བསྐལ་པའི་མེ་ལྟར་འབར་བའི་སྐུར་གྱུར་པར་བསམ། ལྕགས་ཀྱུའི་ཕྱག་རྒྱས་བཅིངས་ཏེ། མ་ཏྲཱཾ་ཀ་རུ་ཛ༔ ན་མོ་དཀོན་མཆོག་གསུམ་ལ་ཕྱག་འཚལ་ལོ༔ དཀོན་མཆོག་གསུམ་སོགས་བདེན་སྟོབས་བརྗོད་པས་སྔོན་འགྲོ་ལྟར། བདེན་པ་ཆེན་པོའི་བྱིན་རླབས་ཀྱིས་རྣམ་པ་མ་ཏྲཾ་རུ་ཏྲ་ངོ་བོ་དངོས་གྲུབ་ལ་བར་དུ་གཅོད་པའི་བདུད་དང་ལོག་འདྲེན་མ་ཏྲཾ་རུ་ཏྲ་ཨ་ཀཪྵ་ཡ་ཛ༔ ཛཿཧཱུྃ་བྃ་ཧོ༔ ཅེས་བཀུགས་ཏེ་གཟུགས་ལ་བསྟིམ་ནས། ཧཱུྃ༔ ཤར་ཕྱོགས་དཀར་མོ་དུང་གི་གཞལ་ཡས་ནས༔ སོགས་ནས། ཕུང་པོ་དུམ་བུར་གཏུབ་ལ་དོན་སྙིང་གསོལ༔ ཧཱུྃ། གྲུཾམ་བུ་ཨ་པ་ཙེ་ནས། ཙིཏྟ་རྦད༔ མ་ཏྲཾ་བསྒྲལ་བ་ནི། ཆོས་དང་གང་ཟག་གི་བདག་ཏུ་ལྟ་བ་རྣམས་གཞོམ་པའི་དོན་དུ་མ་ཏྲཾ་གི་གཟུགས་དེ་ཉིད་སློབ་དཔོན་གྱི་ཞབས་གཡས་པའི་དོར་སྟབས་ཀྱིས་མནན་ནས། ཧཱུྃ། མ་ཏྲཾ་བྱ་བའི་སྡིག་ཅན་འདིས། སོགས། དབྱིངས་སུ་སྒྲོལ༔ ཨོཾ་མ་ཧཱ་ཤུ་ནྱ་ཏ་ཛྙཱ་ན་བཛྲ་སྭཱ་བྷ་ཝ་ཨཏྨ་ཀོ྅ཧཾ༔ མ་ཏྲཾ་རུཾ་ཏྲ་ཛཿཨ་ཀཪྵ་ཡ་ཛཿཁ་ཊཾ་རུ་ཏྲ་ཛཿམ་ཏྲི་མ་རུ་ཏྲ་ཛཿཨ་ཀཪྵ་ཡ་ཛ༔ པྲ་ཝེ་ཤ་ཡ་ཛཿཞེས་ལན་བདུན་བཟླ་ཞིང་སློབ་དཔོན་གྱིས་ལག་གཡས་ཀྱི་སོར་མོ་གསུམ་སྦྲེང་བ་ཁ་ཊྭཱྃ་རྒྱས་སྙིང་གར་བསྣུན་བྱས་ལ། གཟུགས་ཕུང་ཧྲུལ་གྱིས་ཞིག །མ་རིག་སྒོ་ལྔའི་སྦུབས་དྲལ། རྣམ་ཤེས་ཏྲི་ནག་པོར་གནས་པ་ཐུགས་ཀའི་འོད་ཀྱིས་སྦྱོངས་པའི་ཧཱུྃ་ཡིག་དཀར་པོ་གྱུར་པ་བདག་གི་ཐུགས་ཀར་ཐིམ་ནས་གཉིས་སུ་མེད་པར་གྱུར་པར་བསམ་ཞིང་། ལས་རྡོར་གྱིས་མ་ཏྲཾ་གི་ལྷུ་ཚིག་སོ་སོར་ཕྲལ་ནས་སྙིང་ཤར། མགོ་ལྷོ། ནང་རོལ་ནུབ། མཚན་མ་བྱང་། ལག་གཡས་ཤར་ལྷོ། གཡོན་ལྷོ་ནུབ། རྐང་གཡོན་ནུབ་བྱང་། གཡས་བྱང་ཤར་དུ་བཀོད། སློབ་དཔོན་ཞལ་ཤར་དུ་ཕྱོགས་པར་བཞུགས་པའི་མདུན་དུ་སེང་ལྡིང་གི་ཕུར་པ་ཙནྡན་དམར་པོས་ཁ་དོག་བསྒྱུར་ཞིང་རྩེ་མོར་མེ་ཏོག་ཕྲེང་བས་བཅིངས་པ་བཅུ་བཤམས། དཀྱིལ་འཁོར་གྱི་ཕྱོགས་མཚམས་བརྒྱད་དང་། ཤར་ནུབ་ཀྱི་ཕྱི་རྣམས་སུ་ཕུར་གདན་བཅུར་བཀོད་ལ། རང་གི་ཐུགས་ཀ་ནས་ཧཱུྃ་ཡིག་བཅུ་འཕྲོས་ཕུར་བུ་རྣམས་ལ་ཐིམ་པ་ཡོངས་སུ་གྱུར་པ་ལས་སྟོད་ཁྲོ་བོའི་གཟུགས་ཅན་སྨད་ཕུར་བུ་འབར་བའི་རྣམ་པ་ཅན་དུ་གྱུར་པར་བསམ་ལ་ཐམས་ཅད་ཀྱི་ཧཱུྃ་མཛད་ཀྱི་རྒྱ་དང་སུམ་བྷ་བའི་སྔགས་ཀྱིས་ཕྱོགས་བཅུའི་བགེགས་རྣམས་བཀུག་པ་ལ། སློབ་དཔོན་གྱི་ལག་གཡས་ཀྱིས་ཐོ་བ་དང་། གཡོན་པས་ཕུར་བུ་བཟུང་ལ། ཧཱུྃ། སྟེང་འོག་ཕྱོགས་མཚམས་བརྒྱད་རྣམས་ནས༔ སོགས་ནས། བསྲུང་དུ་གསོལ༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ༔ ཨོཾ་བཛྲ་ཀྲོ་ཏ་ཧཱུྃ་ཀ་ར་ཧཱུྃ་ཕཊ༔ གནོད་བྱེད་འབྱུང་པོ་ཐམས་ཅད་གརྫྷ་གརྫྷ་ཧཱུྃ་ཕཊ༔ ཨོཾ་གྷ་གྷ་གྷཱ་ཏ་ཡ་སརྦ་དུཥྚིཾ་བཛྲ་དྷ་རོད་ཨཛྙཱ་པ་ཡ་ཏི་སརྦ་བིགྷྣཱན་ཀ་ཡ་ཝ་ཀ་ཙིཏྟ་བཛྲ་ཀཱི་ལི་ཀཱི་ལ་ཡ་ཧཱུྃ་ཧཱུྃ་ཕཊ༔ དེ་བཞིན་དུ་ཀཱི་ལ་ཡ་དང་ཁྲོ་བཅུ་ཁྲ་ཐབས་སྡེར་མོའི་སྔགས་ཚན་བཞི་རེ་ཀྱང་དེ་ཀུན་ལ་དགོས་ཀྱང་བྲི་མ་ནུས། ཕཊཿཅེས་འབར་བའི་སྟངས་སྟབས་དང་བཅས་ཕྱོགས་གཡས་བསྐོར། མཚམས་གཡོན་བསྐོར་ཏེ་ཤར་གྱི་ཤར་དང་། འོག་ནུབ་ཀྱི་ནུབ་ཏུ་གདབ་ལ། ཧཱུྃ། ཤར་ཕྱོགས་ཁྲོ་བོ་རྣམ་པར་རྒྱལ༔ སོགས་ནས། མཚམས་བཅད་དོ༔ བགེགས་རྣམས་ཀྱི་སྙིང་ཕུག་ནས་གཡོ་འགུལ་མེད་ཅིང་འོད་གསལ་བར་གྱུར་པར་བསམ་ཞིང་ཕུར་བུ་ལས་བྱུང་བའི་འོད་ཟེར་སྲུང་བའི་འཁོར་ལོ་འཁྲིགས་པས་ཕྱོགས་མཚམས་ཐམས་ཅད་ཁྱབ་པར་གྱུར། ཅེས་དང་། དཀོན་སྤྱིའི་སྲུང་འཁོར་གྱི་ཚིག་བརྗོད་ཅིང་སྲུང་བྱ་སྲུང་བྱེད་ཐམས་ཅད་ལས་འདས་པ་དེ་ཁོ་ན་ཉིད་ཀྱི་སྲུང་འཁོར་ཡང་བྱའོ། །མ་ཏྲཾ་དང་ཕུར་པ་དེ་དག་རེ་ཞིག་ཕྱོགས་སུ་བསྡུ་ནས་རྒྱན་བཀོད་སྐབས་སུ་བཀྲམ་པར་བྱའོ། །བཞི་པ་རྟེན་གྱི་དཀྱིལ་འཁོར་བཅའ་བ་ལ་ཐོག་མར་ཆགས་ཆགས་གདབ་པ་ནི། ཕུང་ཕོར་རམ་ཀཱ་པ་ལར་བདུད་རྩི་རྣམ་པ་ལྔར་སྦྱར་བས་དྲི་བཟང་གི་ཆུས་དཀྱིལ་འཁོར་གྱི་ས་གཞི་ལ་རྡོ་རྗེ་ཁུ་ཚུར་གྱིས་བྱང་ཤར་ནས་གཡས་བསྐོར་དུ་ཁྱབ་པར་ཕྱི་ནང་མེད་པར་བྱུག་ཅིང་། ཧཱུྃ། བླ་མེད་གསང་བ་མཆོག་གི་དཀྱིལ་འཁོར་དུ༔ དམ་རྫས་བདུད་རྩི་ཡེ་ཤེས་ལྔ་ལྡན་པའི༔ བདེ་གཤེགས་རྒྱལ་བའི་སྐུ་གསུང་ཐུགས་སྒྲུབ་ཕྱིར༔ བཀའ་གསང་རྨད་དུ་བྱུང་བའི་ཆགས་ཆགས་འདེབས༔ ཨོཾ་མ་ཧཱ་ཨ་མྲྀ་ཏ་ཀུནྜ་ལི་ཧཱུྃ༔ ཅེས་བརྗོད་ཅིང་ཞི་རོལ་བྱ། དེ་ནས་ཐིག་ཚོན་གྱི་བྱ་བ་དང་། ཐིག་ཆོག་སོགས་ནི་རྡུལ་ཚོན་ཡིན་ན་མ་རྟོགས་དཀྱིལ་འཁོར་རས་བྲིས་ཙམ་ལ་བརྟེན་པའི་སྐབས་སུ་ནི་དེ་དག་མི་མཁོ་བས་འདིར་མ་སྨྲོས་སོ། །ལྔ་པ་ས་ལྷ་རྟ་གོན་ལ་བཞི། ལྷ་བུམ་པ་ཡོ་བྱད་སློབ་མ་རྟ་གོན་ལ་གནས་པའོ། །དེའང་སློབ་མ་ལ་དབང་བསྐུར་བ་དང་འབྲེལ་ན་དེ་རྣམས་སྐབས་འདིར་སྦྱར། མ་འབྲེལ་ན་སྦྱར་མི་དགོས་མོད། འོན་ཀྱང་ཡོ་བྱད་སྟ་གོན་ནི་ནམ་དུ་ཡང་དགོས་པས་བསྒྲུབ་པའི་རྫས་ཚང་བར་བསགས་ལ་ཐམས་ཅད་ཀྱང་ཡེ་ཤེས་ཀྱི་རྣམ་རོལ་འབའ་ཞིག་ཏུ་མོས་པས་བྱིན་རླབས་ལྷ་སྟ་གོན་ནི། གཙོ་བོར་དཀྱིལ་འཁོར་བྲི་བར་གནང་བ་ཞུ་བ་དོན་ཡིན་པས་གྲུབ་ན་ལེགས་པ་ལས་ལྷག་སྐྱོན་མི་འགྱུར་བས་དེ་ལྟར་ན་དཀྱིལ་འཁོར་བྱ་བའི་སྟེགས་བུའི་དབུས་གཙོ་བོའི་གནས་སུ་བདུད་རྩི་དྲི་བཟང་དང་སྦྱར་བའི་ཆབ་ཀྱིས་ཐིག་ལེར་གྲུ་བཞི་འཁོར་རྣམས་ཀྱི་གནས་ཟླུམ་པོ་རེ། དེ་གསུམ། བླ་མ། རིག་འཛིན། ཞི་ཁྲོ། མཁའ་འགྲོ་ཡོངས་རྫོགས་ཀྱི་སྔགས་རེ་རེའི་མཐར། ཨོཾ་ཨཱཿ ཧཱུྃ། ས་མ་ཡ་སྟྭྃ༔ བཏགས་པ་བརྗོད་ཅིང་མེ་ཏོག་གི་ཚོམ་བུ་གཙོ་བོར་བྱེད་པ་བཀོད། ཕྱི་ནང་གི་མཆོད་པས་བསྐོར། སྤྱི་འདུས་ལས་བྱང་ལྟར་མཆོད་པ་བྱིན་རླབས། ཞི་ཁྲོའི་མདུན་བསྐྱེད་ལྟར་སྟོང་པའི་ངང་ལས་གུ་རུ་པདྨ་འོད་འབར་འོད་དུ་ཞུ་བ་ལས། མཆན། དམ་ཚིག་པ་སྐྱེད། ཡེ་ཤེས་འཁོར་ལོ་བསྟིམ། ཕྱག་མཆོད་བཤགས་པའི་བར་དུ་སོང་ནས་ཐམས་ཅད་ཀྱིས་ཐལ་མོ་སྦྱར་ཏེ། ཧོཿདུས་གསུམ་བླ་མ་ཡི་དམ་ལྷ༔ ཡི་དམ་རྒྱལ་བ་ཞི་ཁྲོའི་ཚོགས༔ མཁའ་འགྲོ་དམ་ཅན་མ་ལུས་དགོངས༔ དཀྱིལ་འཁོར་བཟང་པོ་ལེགས་བྲིས་ནས༔ བདག་ཅག་བསྙེན་སྒྲུབ་ལས་གཞུང་བསྲང་༔ སྟ་གོན་ལ་ནི་གནས་པར་མཛོད༔ ལན་གསུམ་བརྗོད༔ རྡོ་རྗེ་སློབ་དཔོན་གྱིས་སེ་གོལ་ལན་གསུམ་བྱས་ལ་ལྷ་རྣམས་བར་སྣང་འོད་ཀྱི་དྲ་བར་བཞུགས་པར་མོས༔ སྟེགས་བུ་དང་མཆོད་གཏོར་རྣམས་བསྡུའོ། །འདི་ཡང་མངོན་རྟོགས་རྒྱས་པ་མི་ལྕོགས་ན། བསྒྲུབ་པའི་གཞི་རང་བྱུང་ཡེ་ཤེས་ཀྱི་གཞལ་མེད་ཁང་ཆེན་པོར་རྒྱལ་དབང་པདྨ་འོད་འབར་རིག་འཛིན་ཞི་ཁྲོའི་ལྷ་ཚོགས་བཅས་དྭངས་པའི་མཁའ་ལ་འཇའ་ཚོན་ཤར་བ་ལྟར་སྐད་ཅིག་གིས་གསལ་བར་གྱུར། ཅེས་གདོད་ནས་གྲུབ་པའི་ཡེ་ཤེས་ཀྱི་དཀྱིལ་འཁོར་གསལ་བཏབ་ལ་མཆོད་བསྟོད་བྱས་པས་ཀྱང་ཆོག །ཧོཿདུས་གསུམ་བླ་མ་སོགས་གོང་ལྟར་བརྗོད། སྒྲུབ་པའི་སྐབས་མཐར་སློབ་མ་ལ་དབང་བསྐུར་བ་སོགས་བུམ་པ་རྟ་གོན་དགོས་པའི་རིགས་ལ་བུམ་པ་ལྷ་གྲངས་སམ་བསྡུས་པ་འདོད་ན་རྣམ་བུམ་གཉིས་དང་། ལས་བུམ་ཙམ་འདུ་བྱ། དྲག་སྔགས་ཡུངས་ཐུན་གུ་གུལ་དུད་པས་བགེགས་བསྐྲད་བུམ་པ་ཆས་སུ་གཞུགས་པའི་སྔགས་གཙོ་བོའི་སྙིང་པོ་སོགས་བརྗོད་ལ་ནང་བཅུད་མགུལ་ཆིངས་ཁ་རྒྱན་ལྡན་པ་བཀོད། མཆོད་པ་བཤམས་ཤིང་བྱིན་བརླབས། བུམ་པ་བསངས་སྦྱངས། སྟོང་པའི་ངང་ལས་བྷྲཱུྃ་ལས་ཕྱི་རིན་པོ་ཆེའི་བུམ་པའི་རྣམ་པ་ལ་ནང་གཞལ་ཡས་ཁང་བདུད་རྩིའི་རྒྱ་མཚོ་འཁྱིལ་བའི་དབུས་སུ་བླ་མ་རིག་འཛིན་རྒྱལ་བ་ཞི་ཁྲོའི་དཀྱིལ་འཁོར་གྱི་ལྷ་ཚོགས་མཚོ་རྫིང་དྭངས་པར་ཟླ་སྐར་ཤར་བ་བཞིན་སྐད་ཅིག་གིས་གསལ་བར་གྱུར། རྩ་སྔགས་ཀྱི་མཐར། བརྗོད་མེད་ཤེས་རབ་སོགས་ཀྱིས་བསྟོད། རྣམ་བུམ་གཉིས་ཀར་གཟུངས་ཐག་སྦྲེལ་བ་བླངས་ལ། རང་གི་ཐུགས་ཀ་ནས་སྔགས་ཀྱི་འོད་ཟེར་འཕྲོས་བུམ་པའི་ལྷ་རྣམས་ལ་ཕོག །སྙོམས་པར་ཞུགས་པའི་བྱང་ཆུབ་ཀྱི་སེམས་ཡེ་ཤེས་ཀྱི་བཅུད་དུ་འཁྱིལ་བར་བསམ། སིདྡྷི་དང་ཞི་ཁྲོ་ཡོངས་རྫོགས་ཀྱི་སྔགས་བཟླས་མཐར། ཨོཾ་ཨཱཿ ཧཱུྃ་གིས་བདུད་རྩིའི་མཆོད་ཡོན་ཕུལ་བས་ལྷ་རྣམས་འོད་དུ་ཞུ་བ་བུམ་པའི་ཆུ་དང་རོ་གཅིག་ཏུ་གྱུར། ལས་བུམ་དུ་འཁྱིལ་བ་བསྐྱེད་བཟླས་བྱ་ཤིང་། བུམ་པ་ཆས་ལྡན་མདུན་དུ་འཁོད་ལ། བསངས་སྦྱངས། སྟོང་པའི་ངང་ལས་སྐད་ཅིག་གིས་སོགས་ནས། མཐུ་ལྡན་དུ་གྱུར། འཇམ་མགོན་གུ་ཎའི་ལྗགས་བསྒྲིགས་ཕྲིན་ལས་འོད་ཟེར་ལྟར་བྱ་དགོས་ཀྱང་བྲི་མ་ནུས། མཆན། །དྲུག་པ་རྒྱན་བཀོད་ནི། དཀྱིལ་འཁོར་ལྡིང་ཁྲི་རིན་པོ་ཆེ་གསུམ་མམ་གཉིས་ཡོད་པའི་འོག་མ་ཞི་ཁྲོའི་དཀྱིལ་འཁོར་དང་། བར་པ་སྤྱི་འདུས་ཀྱི་རས་བྲིས་དཀྱིལ་འཁོར་བཀྲམ། གུ་རུའི་སྐུ་འབག །ལྷ་ཙག །སྒྲུབ་པོད། སྔགས་བྱང་། རྡོར་དྲིལ། རྣམ་བུམ་གཉིས། ཚེ་བུམ། ཚེ་རིལ་ཆང་། སྒྲུབ་གཏོར་རྣམས་དང་། ཐོད་ཆང་། མེ་ལོང་། ཤེལ་རྡོ་སོགས་དང་། དཀྱིལ་འཁོར་གྱི་རྒྱན། ཕྱི་ནང་གི་མཆོད་རྫས་ཚོགས་པར་བྱས་ནས། རྒྱན་བཀོད་དངོས་ལ། རྡོ་རྗེ་རྒྱལ་པོ་དང་། རྒྱལ་ཐེབ་སོགས་དཀྱིལ་འཁོར་མདུན་ནས་བཞེངས། ཚིག་བདུན་གསོལ་འདེབས་ལན་གསུམ་དང་སིདྡྷི་ཛབi་དབྱངས་དང་། ཞི་ཁྲོའི་ཛབi་དབྱངས་བཅས་ལན་གསུམ་རེ་སྔོན་དུ་འགྲོ་བས་དབྱངས་རོལ་བཅས། ཧཱུྃ༔ ཆོས་སྐུ་སྐྱེ་མེད་ཕོ་བྲང་དེ༔ སོགས། ཧཱུྃ། རྒྱལ་བ་ཀུན་འདུས་དཀྱིལ་འཁོར་ནི༔ སོགས་ནས། གཟི་བརྗིད་ཆེ༔ ཅེས་དང་། རྡོ་རྗེ་སློབ་དཔོན་གྱི་དྲིལ་སྤོས་འཛིན་པས་སྣ་དྲངས་རྟེན་སྒྲུབ་མཆོད་རྫས་རྣམས་ཐོགས་ནས་དཀྱིལ་འཁོར་ལ་ལན་གསུམ་བསྐོར་ཞིང་མདུན་དུ་འཁོད་དེ། དབྱངས་དང་བཅས་པས། ཧཱུྃ། བཀྲ་ཤིས་བུམ་པ་ཕོ་བྲང་གཞལ་ཡས་ཁང་༔ སོགས་ནས། ཡོངས་རྫོགས་ཤོག༔ ཅེས་དང་། ཧཱུྃ། བླ་མེད་གསང་བ་མཆོག་གི་དཀྱིལ་འཁོར་དུ༔ གཅིག་ཤེས་ཀུན་གྲོལ་བཞིན་བྱ། ས་མ་ཡ་ཏིཥྛ་ལྷན༔ ཞེས་དབྱངས་དང་ཞི་རོལ་བཅས་བྱ་ཞིང་སྒྲུབ་རྫས་རྣམས་ལས་སློབ་དཔོན་སོགས་ཀྱི་ནོར་འཁྲུལ་མེད་ཅིང་བག་དྲོ་ལྷུན་ཆགས་དང་བ་འདྲེན་པར་དགོད། དེའང་ལྡིང་ཁྲི་གོང་མར་གུ་རུའི་སྐུ་འབག་དང་ལྷ་ཙཀ་སྔགས་བྱང་ཐོད་ཆང་དར་དམར་གྱི་ཁེབ་དང་མེ་ལོང་ཤེལ་རྡོ་རྣམས་བརྩེགས་མར་བཤམས། སྒྲུབ་པོད། རྡོར་དྲིལ། ཚེ་མདའ་སོགས་ལྡིང་ཁྲི་བར་མར། དཀོན་སྤྱིའི་རས་བྲིས་ཀྱི་དཀྱིལ་འཁོར་བཀྲམ་པའི་སྟེང་མཉྫའི་ཁར་རིན་པོ་ཆེའི་སྣོད་དུ་བླ་གཏོར་ཟླུམ་པོ་པད་འདབས་བཞི་ལ་འཁོར་ཟླུམ་པོ་བཞིའམ་མཚམས་བཞིར་བསྐོར་བ་སྟེ་ཐོད་པ་ཚེ་བུམ་ཤིང་ལོས་རྒྱན་པ་བཞག །དེའི་མདུན་དུ་མངར་གསུམ་ལ་གཞི་བྱས་པའི་ཟན་གྱི་ཚེ་བུམ་རྒྱན་ལྡན། རྒྱབ་ཏུ་བུམ་པ་མགུལ་ཆིངས་དཀར་པོ་ཁ་རྒྱན་དང་ནང་བཅུད་བུམ་རྫས་ཉེར་ལྔས་གཏམས་པ། གཡས་སུ་ཚེ་ཆང་། གཡོན་དུ་ཚེ་རིལ། དེ་དག་གི་གཡས་ཕྱོགས་སུ་ཚམ་བུའི་ཁར་གུ་རུ་དྲག་པོ་ལ་དཔལ་གཏོར་བརྗིད་ལྡན། གཡོན་དུ་ཚོམ་བུའི་ཁར་སེང་གདོང་མ་ལ་གཏོར་མ་ཟུར་གསུམ་པ་རང་འདྲ་བཞིའི་བསྐོར་བ་གྲི་ཐོད་མེ་རིའི་རྒྱན་ལྡན། དེའི་གཡོན་དུ་རཀྟ་སོ་ལྔ་བཅུད་ལྡན་ཁྲག་སྣོད་ཁེབ་ལྡན་བཤམས། ལྡིང་ཁྲི་འོག་མར་ཞི་ཁྲོའི་དཀྱིལ་འཁོར་གྱི་དབུས་སུ་མཉྫུ་རིམ་པ་གཉིས་པའི་འོག་མར་བུམ་པ་མགུལ་ཆིངས་སྣ་ལྔའམ་སྔོན་པོ་ཅན་བུམ་རྫས་སོ་ལྔའི་བཅུད་ལྡན། ཁ་རྒྱན་རྨ་བྱ་ཤེལ་དང་མེ་ལོང་གིས་བརྒྱན་ཅིང་གཟུངས་རྡོར་དང་བཅས་པ་དེའི་སྟེང་དུ་ཞི་ཁྲོའི་སྤྱི་གཏོར་རྩ་གསུམ་ཡོངས་ཁྱབ་ཀྱི་གཏོར་མ་འབྲུ་ཟན་དཀར་དམར་སྤོས་སྨན་གྱིས་སྦྲུས་པ་ལ་དཔལ་གཏོར་ཟུར་བཞི་པདྨ་འདབ་བརྒྱད་ཀྱིས་མཛེས་པ། འཁོར་ཟླུམ་པོ་ལྔས་སྤེལ་མར་བསྐོར་བ། རྩེ་མོར་རྡོ་རྗེ་ཕྱེད་པ་དང་། གཡས་གཡོན་ཉི་ཟླ་དར་སྣས་བརྒྱན་པ། དཀར་ཐིག་དམར་རྒྱན་སོགས་བག་དྲོ་ལྷུན་ཆགས་ཤིང་འདོད་ཡོན་ཟས་ཕུད་ཀྱིས་མཐར་བསྐོར་བ་བཤམས། དཀྱིལ་འཁོར་ཀྱི་རྡོ་རའི་སྟེང་ཁྲོ་བཅུའི་ཕུར་བུ། མཐའ་བསྐོར་ཤར་དུ་མཆོད་ཡོན་ནས་བརྩམས་ཏེ་ཆུ་གཉིས་ཉེར་སྤྱོད་མཚམས་འཛིན་བཅས། ཕྱོགས་བཞིར་རལ་གྲི་བཞི། མཚམས་བཞིར་མདའ་དར་མེ་ལོང་བཞི་བཙུག་པ་ཚོན་སྐུད་ཀྱི་དྲྭ་བས་སྦྲེལ། གཞན་ཡང་ཟུར་བཞིར་རྒྱལ་མཚན། ལོགས་བཞིར་འཕན། དར་གྱི་དྲྭ་ཕྱེད་སོགས་སོ་སོའི་ཕྱག་ལེན་ལས་འབྱུང་བ་ལྟར་མཛེས་བརྗིད་ཆགས་པ་དང་། སྟེང་ན་དར་གྱི་གདུགས་ཕུབ། བཤམས་དུ་སྟག་གཟིག་གི་རྒབ་དཀྲིས་ཀྱིས་བསྐོར། དཀྱིལ་འཁོར་གྱི་མཐའ་བསྐོར་དུ་ནང་ནས་རིམ་པ་བཞིན། སྨན། རཀྟ། དཔལ་བཤོས་ཟུར་གསུམ། ཞལ་ཟས། ཚོགས། ཤ་དུམ། མར་མེ་བཅས་བརྒྱ་རྩ་རེ་རེའི་ཕྲེང་བས་བསྐོར། མདུན་ཕྱོགས་ཀྱི་མཆོད་སྟེགས་བང་རིམ་ཅན་ལྟ་བུར། དབུས་སུ་ལྕགས་སྣོད་དུ་དཔལ་མགོན་མ་ནིང་གཏོར་མ་ཟུར་གསུམ་ལྟོ་ཁྲ་ཅན་ལ་འཁོར་རང་འདྲ་ལྔས་བསྐོར་བའི་གཡས་སུ་གཟའ་བཤོས་ར་རུ་འདྲ་བ་ལ་ཐེབས་སྐྱུ་བཞིས་བརྒྱན་པ། གཡོན་དུ་དམ་ཅན་མཁར་ཐབས་སྟེང་དུ་བཤོས་བུ་ཟུར་གསུམ་ར་མགོས་མཚན་པ། མཁར་རྨིང་སུ་ཐེ་སྐྱུ་བཞིས་བརྒྱན་པ་བཅས་སྣོད་གཅིག་ཏུ་བཞག་པའི་གཙོ་བོར་དར་མདུང་སྙིང་ཞགས་མེ་རི། འཁོར་རྣམས་མེ་རིའི་རྒྱན་ལྡན་བྱ། དེའི་གཡས་སུ་ཀླུ་བདུད་ལ་དམར་གཏོར་སྦྲུལ་དཀྲིས་མར་རྒྱན་ཅན། དེའི་གཡས་ཆད་མདོ་ནི་ཟུར་གསུམ་གཅིག་ལ་མདུན་དུ་མཐེབ་སྐྱུ་གཉིས་བརྩེགས་གཉིས་ཏེ་བཞིའི་སྟེང་མཐེབ་སྐྱུ་གྱེན་ལང་གཅིག །གཡས་གཡོན་ཏུ་མཐེབ་སྐྱུ་གྱེན་ལང་རེ་རེ་སྦྱར་བས་ཁྱོན་སྡེ་བརྒྱད་ཀྱི་གྲངས་ལྡན། དེའི་གཡས་སྨན་ཐོད་བཅུད་ལྡན་བཞག །གཙོ་བོའི་གཡོན་དུ་མཚོ་སྨན་ལ་ཀླུ་གཏོར་དཀར་བཤོས་རྒྱབ་ཡོལ་དཀར་རྒྱན་ཅན། དེའི་གཡོན་བརྟན་མ་ལ་དབུས་སུ་གྲུ་བཞི་ནག །གཡས་སུ་གྲུ་གསུམ་དམར། གཡོན་དུ་ཟླུམ་བཤོས་དཀར། གསུམ་ཀའི་མདུན་དུ་མཐེབ་སྐྱུ་གསུམ་རེ་བརྩེགས་ཏེ། སྤྱི་ལ་ཞབས་དཀྲིས་པ། དེའི་གཡོན་དུ་རཀྟའི་སྣོད་བཅུད་ལྡན་བཤམས། དེ་དག་གི་མདུན་དུ་ཕྱི་མཆོད་ཆུ་གཉིས་ཉེར་སྤྱོད་ལྔ་ཕྲེང་ཚར། རྣམ་ལྔ་བརྒྱ་རྩ་སོགས་ཡོད་ན་སྟེགས་བུ་རིམ་ཅན་ལ་གོ་རིམ་མ་འཆོལ་བར་བཀོད། གཡས་སུ་འདོད་ཡོན་ལྔ། རྒྱབ་ཏུ་རིག་མ་ལྔ། གཡོན་དུ་ཁྲག་གི་མཆོད་ཡོན་སོགས་དྲག་མཆོད་ཕྲེང་ཚར། ཕྱི་མ་གསུམ་པོ་འབྱོར་ན་དངོས་དང་། མ་འབྱོར་ན་ཙ་ཀླིའམ་དམིགས་པས་ཁྱབ་པར་བྱའོ། །འདི་རྣམས་སྒྲུབ་པ་གྲོལ་ཉིན་བར་རྒྱུན་འཇོག་དང་། གཞན་ཡང་ཉིན་རེ་བཞིན་འབུལ་རྒྱུའི་ཆོས་སྐྱོང་གཏོར་མ། ཆད་བརྟན། དེ་དག་གི་མདུན་ཕྱོགས་སྟེགས་ཡངས་པ་ཞིང་དམ་གཅན་གཟན་པགས་པའི་ཁེབ་ཀྱིས་བཀབ་པར། ཚོགས་ཀྱི་ཡོ་བྱད་མམ་ས་སུ་རབ་ལ་གཙོ་བོར་གྱུར་པའི་བཟའ་བཅའ་བཏུང་བའི་རིགས་གྱུར་ཇི་སྙེད་པ་བཤམས། ལོགས་གཅིག་ཏུ་སྔོན་འགྲོ་དཀར་གཏོར་བཤོས་བུ་ལྕོག་ཟླུམ་གྱི་གཡས་སུ་སྦྲུལ་དཀྲིས། རྒྱབ་ཏུ་རྒྱབ་ཡོལ། འཁོར་ཟླུམ་པོ་དྲུག་གིས་བསྐོར་བ། དམར་གཏོར་དབུས་སུ་བཤོས་བུ་ཟུར་གསུམ་གྱི་གཡས་སུ་གསུམ་སྦྲུལ་དཀྲིས། རྒྱབ་ཏུ་རྒྱབ་ཡོལ་ཅན། འཁོར་སྟོད་ཟུར་གསུམ་པ་དྲུག་གིས་བསྐོར་བ། བགེགས་གཏོར་དབུས་སུ་རྒུར་པོ་ཤ་གཟུགས་མའི་གཡས་སུ་མར་མེ། གཡོན་དུ་ཆང་བུའི་བཤོས་བུ། མདུན་དུ་ཞལ་དཀར། རྒྱབ་ནས་ལན་ཆགས་ཀྱིས་དཀྲིས་པ་དང་། བསྐུར་གཏོར་ཟུར་གསུམ་མེ་རིའི་བརྒྱན་ཅིང་འཁོར་རང་འདྲ་གསུམ་གྱིས་བསྐོར་བ། གཞན་ཡང་དཀར་གཏོར་དམར་གཏོར་ཞལ་ཟས་མེ་ཏོག་སོགས་ཉེར་མཁོའི་གཏོར་མ་དང་ཡོ་བྱད་འདུ་བྱ། དཀྱིལ་འཁོར་གྱི་བྱང་ཕྱོགས་སུ་ལྕགས་ཧམ། ཉུ་ལེའི་ལིངྒ་དང་ལས་ཕུར་སྟེགས་བཅས་ཡུངས་ཀར་སོགས་ཐུན་རྣམས་ཀྱང་འདུ་བྱ། སློབ་དཔོན་གྱི་མདུན་དུ་གཡོན་ནས་བརྩམ་ཏེ། ནང་མཆོད་རྡོར་དྲིལ། ལས་བུམ། ཌཱ་མ་རུ། མེ་ཏོག་གི་སྣོད་རྣམས་བཞག་གོ །མཆོད་རྫས་རྣམས་ལ་སྤྱི་ཁྱབ་ཏུ། བླ་མེད་མཆོག་གི་མཆོད་པ་དམ་པ་འདི། །ཡེ་ཤེས་ལྔ་ཡི་འོད་ཟེར་རྣམ་པར་འཕྲོ། །འདོད་པའི་ཡོན་ཏན་ལྔ་ཡིས་རབ་བརྒྱན་ཏེ། །དམ་ཚིག་བཞིན་ལ་ཅི་བདེར་བཞེས་སུ་གསོལ། ན་མཿསརྦ་ཏ་ཐཱ་ག་ཏ་སོགས་ནས་སྭཱ་ཧཱ། ནམ་མཁའ་མཛོད་ཀྱི་མཁའ་ཁྱབ་ཏུ་སྤེལ་བར་མཛོད། བདུན་པ་ཚོགས་སྒྲུབ་ཀྱི་ལས་ལ་འཇུག་གི་བྱ་བ། སྒྲུབ་པ་པོ་རྣམས་མངའ་གསོལ་ཞིང་གནས་སུ་འགོད་པ་ནི། དེ་ནས་རྒྱལ་ཐེབས་པའི་སྟོང་ཐུན་སྔོན་དུ་འགྲོ་བས། དབྱངས་རྟ་བོར་ལེན་དང་བཅས་ལས་ཀྱི་རྡོ་རྗེས་ཐོད་ཆང་མར་ཟན་ཅན་ཚིག་བསྟུན་སོ་སོར་དྲངས་པ་དང་། མཚལ་ལམ་སིནྡྷཱུ་རས་སྨིན་མཚམས་མཛོད་སྤུར་ཐིག་ལེ་བྱ་ཞིང་སོ་སོར་མངའ་གསོལ་བ་ནི། ཀྱཻ་ཧོཿཀུན་ཏུ་བཟང་པོ་སྟོན་པ་ཆེ་བའི་མཆོག༔ སོགས། བསྟན་པར་བཞུགས༔ ཞེས་མཆེད་དང་ལྕམ་དྲལ་ཐམས་ཅད་སོ་སོར་མངའ་གསོལ་ཞིང་རང་གྲལ་དུ་འཁོད་པ་ལས་ནམ་ཡང་མ་འཁྱུག་པར་བྱའོ། །དེ་ཡི་རྗེས་འབྲེལ་དུ་རྟགས་གདབ་པ་ནི་ཆས་རྣམས་ལས་རྡོར་གྱིས་ཐོགས་པས། རྒྱབ་ཚབ་པའི་དབྱངས་བོར་ལེན་ཚུལ་ནི། ཧཱུྃ༔ དོན་དམ་སྤྲོས་མེད་སྒྱུ་མའི་ཁོང་གསེང་ཅན༔ སོགས་གཅིག་ཤེས་ཀུན་གྲོལ་གྱི། སྐུ་ལ་རྒྱན་དུ་བཞེས༔ ཞེས་རྗེས་ཟློས་དང་བཅས། ཚིག་དང་བསྟུན་ནས་དཔལ་གྱི་ཆས་རྣམས་ལས་ཀྱི་རྡོ་རྗེས་རྒྱལ་ཚབ་པར་རིམ་པ་ཕུལ་ལ་རྡོ་རྗེ་སློབ་དཔོན་སོགས་ཐམས་ཅད་ཀྱིས་གནས་སོ་སོར་བསྒོ་ཞིང་བརྒྱན་པའི་ཚུལ་བྱའོ། །བརྒྱད་པ་བརྡའ་སྦྱོར་བ་ནི། ཧཱུྃ། སྣང་སྲིད་འཁོར་འདས་གདོད་མ་ནས༔ ཀུན་གྲོལ་ལྟར་གྱི། པྲ་ཏི་པཱུ་ཧོ༔ ཞེས་བརྡའ་ཕྱག་འཚལ་བ་ཙམ་གྱིས་ཀྱང་འགྲུབ་བོ། །དགུ་པ་བསྲེ་བསྣན་བྱ་བ་ནི། སྔར་དཀྱིལ་འཁོར་དུ་ཞུགས་ཤིང་དབང་ཐོབ་པ་ཡིན་ན་མཆེད་བསྲེ་བསྣན་དོར་ལ། ཧཱུྃ། རྡོ་རྗེ་འདུ་འབྲལ་མེད་པ། སོགས་དམ་ཚིག་བསྒྲགས་བཟུང་ལ་འཇུག་གོ །སྐབས་འདིར་དབང་མ་ཐོབ་པའི་མཆེད་གསར་བུ་རྣམས་སྒོ་ཡི་ཕྱིར་རོལ་དུ་འཇོག །སློབ་དཔོན་སྒོ་ཡི་ནང་དུ་ཁྲིའུ་ཁར་བཞུགས་པའི་མདུན་དུ་རྡོར་དྲིལ་བདུད་རྩི་ཡུངས་ཐུན་སོགས་བཀོད་ནས་སློབ་དཔོན་གྱིས་ཁྲུས་སྔགས་ནི་འཁྱིལ་པའི་སྔགས་དང་རིག་བརྒྱ་གསུངས་པ་དང་རྡོར་སེམས་སྒོམ་བཟླས་བྱ་བར་གསུངས་པས་དཀོན་སྤྱིའི་སྔོན་འགྲོའི་ནང་ལྟར་འབོགས་པ་ནི། ཁྱེད་རྣམས་ཐ་མལ་སྤྱི་གཙུག་ཏུ༔ རིགས་འདུས་རྡོར་སེམས་སོགས་ནས། རྡོ་རྗེ་སེམས་དཔའ་འོད་དུ་ཞུ་ནས་སོ་སོ་རང་རང་ལ་ཐིམ་པར་གྱུར། ཅེས་བརྗོད། དེ་ནས་སྒོ་ཡི་ཕྱི་རོལ་ནས་སློབ་བུ་རྣམས་ཀྱིས་གསོལ་བ་གདབ་པ་ནི། ཀྱཻ་ཧོཿསྒོ་བ་ཡབ་ཡུམ་གསན་ཅིང་དགོངས་སུ་གསོལ༔ སོགས། ཞུ་འཚལ་ལོ༔ ལན་གསུམ་ཞུ་བ་ཕུལ། དེ་ནས་སློབ་དཔོན་གྱིས་ལན་སྦྱིན་པ་ནི། ཧོཿསྔོན་སྦྱངས་ནས། ཕྱིར་དེངས་ཤིག༔ ཅེས་བརྗོད་སླར་ཡང་སློབ་བུ་རྣམས་ཀྱིས། བདག་ཅག་སྐལ་ལྡན་ནས། འཇུག་པར་ཞུ༔ ཅེས་ལན་གསུམ་ཞུ། བླ་མས། ཧོཿཡི་དམ་ཞི་ཁྲོའི་ནས། ནུས་སམ། ཞེས་དྲིས་པས་སློབ་བུས་ཁས་བླངས་པ་ནི། བླ་མའི་གང་གསུང་ནས། ཤིན་ཏུ་བསྲུང་༔ སླར་ཡང་དེ་ལྟར་དམ་ཚིག་བསྲུང་བ་རྣམས་ནང་དུ་གཞུག་པར་གནང་བ་བྱིན་པ་ནི། ཧོཿདཀྱིལ་འཁོར་མ་ལུས་ནས། བྱིན་གྱིས་རློབས༔ སློབ་དཔོན་གྱིས་དབྱེ་རྒྱ་དང་བཅས། ཧཱུྃ་བྷྲཱུྃཿཔྲ་ཝེ་སོགས་ཀྱིས་སྒོ་དབྱེ་ནས་ནང་དུ་བཞུགས། ཨ་ཏི་པུ་ཧོ༔ པྲ་ཏི་ཛ་ཧོ༔ ཕྱག་ཚན་གྲལ་དུ་སྡོད་པ་དང་། སློབ་དཔོན་གྱིས། ཧོ༔ བུ་ཁྱོད་ནས། བགྱི༔ ཁྱེད་རང་རྣམས་ཀྱི་ནས། རྗེས་ཟློས་གྱིས། ཧོ༔ བླ་མ་སངས་རྒྱས་ནས། གསལ་སྟོང་བསྒོམ༔ དེ་ནས་སློབ་དཔོན་གྱིས། འོ་ཁྱོད་རང་རྣམས་ལས་ཀྱི་ནས། རྗེས་ཟློས་གྱིས༔ ཧཱུྃ། དུར་ཁྲོད་གསང་ནས། པྲ་ཏིཙྪ་ཧོ༔ ཞེས་མེ་ཏོག་དོར། བླ་མས། ཧཱུྃ། རྩ་བ་སྐུ་གསུང་ཐུགས་ནས། སིདྡྷི་ཧོ༔ མེ་ཏོག་ཕོག་པའི་རྩ་བའི་ལྷ་དེ་བསྟིམ། དེ་ནས་དམ་ལ་བཞག་པ་ནི། དམ་ཚིག་རྡོ་རྗེ་སྤྱི་བོར་བཞག་ཏེ། ཧཱུྃ། སྐུ་གསུམ་ཐུགས་ནས། ཡ་ཧཱུྃ༔ དམ་ཆུ་བྱིན། སློབ་བུའི་དམ་བཅའ་བ་ནི་རྗེས་བཟློས་གྱིས། ཧཱུྃ། རྡོ་རྗེ་སློབ་དཔོན་ནས། ན་ར་ཀན༔ འདྲེས་ཟིན་བསྣན་པ་ནི། རྒྱལ་ཚབ་པས་བདུད་རྩི་གཡོན་བསྐོར་དུ་གསར་རྙིང་ཐམས་ཅད་ལ་བྲིམ་ཞིང་གཙོ་སྔགས་ཛབi་དབྱངས་ལན་གསུམ་མཇུག་ཏུ་འཇམ་རོལ་དང་བཅས་པས་བདུད་རྩི་མྱོང་ནས་ཐམས་ཅད་ཀྱིས། ཨོཾ། དཔལ་ལྡན་སངས་རྒྱས་ནས། ཀོ྅ཧཾ༔ ཨཱཿ དཔལ་ལྡན་སངས་རྒྱས་གསུང་ནས། ཀོ྅ཧཾ༔ ཧཱུྃ། དཔལ་ལྡན་སངས་རྒྱས་ཐུགས་ནས། ཀོ྅ཧཾ༔ ཞེས་སློབ་དཔོན་གྱིས། དེང་ཕྱིན་ཆད་ནས་གྱིས་ཤིག༔ ཅེས་བསྒོ། ཐམས་ཅད་ཀྱིས་ཕྱག་ཐལ་སྦྱར་གྱི་བར་དུ་མེ་ཏོག་བཟུང་ལ། སྐུ་གསུང་ཐུགས་ནས། གཏང་རག་གཏོར་རོ༔ ཞེས་དྲིས་ལན་གྱི་མེ་ཏོག་འཐོར། དེ་ནས་རྡོ་རྗེའི་གྲལ་དུ་བཞག་པ་ནི། མཆེད་གསར་པ་རྣམས་རང་གི་གྲལ་དུ་འཁོད་ནས། རྩ་བ་སྐུ་གསུང་ཐུགས་ཀྱི་ནས། མཆི་བར་གནང་༔ ཅེས་བརྗོད་ཅིང་མཆེད་གསར་པ་རྣམས་གྲལ་དུ་འཁོད། ཧཱུྃ། རྡོ་རྗེ་འདུ་འབྲལ་ནས། འགྲུབ་པར་ཤོག༔ ཅེས་བརྗོད་དེ་དམ་ཚིག་གི་བསླབ་བྱ་རྒྱས་པར་བྱ། དེ་ནས། ཧཱུྃ། རྡོ་རྗེ་སློབ་དཔོན་ནས། སྒྲུབ་ལུང་ཞུ༔ བླ་མས་ལྷ་ལ་བཀའ་ལུང་ཞུ་བ་ནི། ཧཱུྃ། ཞི་ཁྲོའི་ལྷ་ཚོགས་ནས། རློབས༔ དེ་ནས་ལུང་སྦྱིན་པ་ནི། ཧཱུྃ། ཞི་ཁྲོའི་དཀྱིལ་འཁོར་ནས། འབོགས་པར་བྱ༔ ཨོཾ་ཨཱཿ ཧཱུྃ། ཞེས་བརྗོད་ལ་ཞི་ཁྲོའི་མངོན་རྟོགས་བསྡུས་པའི་ལུང་འབོགས་པར་བྱའོ། །དེ་ནས་ཐམས་ཅད་ཀྱིས་ལྷ་ཡི་ང་རྒྱལ་དང་ལྡན་པའི། ཨོཾ་མ་ཧཱ་བཛྲ་ཧཱུྃ༔ ཞེས་རྡོ་རྗེ་ཐུགས་ཀར་གསོར་བ་དང་། ཨོཾ་བཛྲ་གཎྜེ་ཧཱུྃ༔ ཞེས་དྲིལ་བུ་དཀྲོལ་བ་ནི་རོལ་ཆེན་བརྒྱ་བརྡུང་རོལ་མོའི་སྒྲ་རྒྱ་ཆེར་བསྒྲགས་སོ། །བཅུ་པ་ལྷ་བསྟིམ་ཞིང་བྱིན་དབབ་པ་ནི། རང་གྲལ་ནས་དཀྱིལ་འཁོར་ལ་ཕྱོགས་པར་བཞེངས་པའོ། །བདག་ཉིད་ལྷར་གསལ་བའི་ཐུགས་ཀ་ནས་འོད་ཟེར་འཕྲོས་ཡེ་ཤེས་ཀྱི་ལྷ་ཚོགས་རྣམས་སྤྲིན་གཏིབས་པ་བཞིན་བྱོན་ནས་རང་གི་གནས་སུ་བཞུགས་པར་བསམ། རོལ་མོ་དང་བཅས་པས། ཧཱུྃ༔ སྤྲོས་མེད་རྟོག་བྲལ་མཁའ་དབྱིངས་དག་པ་ནས༔ སྐྱེ་མེད་རྡོ་རྗེའི་སྐུ་གསུང་ཐུགས་མངའ་བ༔ འགྲོ་དོན་རང་བྱུང་བཅོམ་ལྡན་ཐུགས་རྗེའི་ལྷ༔ དཀྱིལ་འཁོར་ལྷ་ཚོགས་ཡབ་ཡུམ་སྲས་འཁོར་བཅས༔ སྟོང་ཉིད་དབྱིངས་ནས་ཐུགས་དམ་རྒྱུད་བསྐུལ་གྱི༔ སྤྲུལ་པ་དབྱིངས་སུ་རོལ་ཞིང་གཤེགས་སུ་གསོལ༔ ཅེས་དང་། འཁོར་སྔགས་མཐར། ས་མ་ཡ་ཏིཥྛ་ལྷན༔ ཞེས་བཏགས་པ་བརྗོད། གོང་དུ་ལྷ་སྟ་གོན་བྱས་ནས་ནམ་མཁར་བཞུགས་པ་དེ་ཉིད་དཀྱིལ་འཁོར་ལ་བསྟིམ་པར་མོས། བསྡུ་ན་སྤྱན་འདྲེན་བསྐོས་གདབ་ནི་མ་བྱས་ཀྱང་ཆོག་གོ །བྱིན་དབབ་པ་ནི་སྤྲོ་ན་རཏྣའི་རིག་འཛིན་བྱིན་འབེབས་དང་། ཧཱུྃ་ཧྲཱིཿདུས་གསུམ་བདེ་གཤེགས་སོགས་འོག་ནས་འབྱུང་བའི་བྱིན་འབེབས་མཐར། ས་མ་ཡ་ཨ་ཝེ་ཤ་ཡ་ཧཱུྃ་ཧཱུྃ་ཨ་ཨཱཿ ཞེས་མཐར་རོལ་འོག་དཀྱིལ་འཁོར་ལ་བསྐོར་བ་ལན་གསུམ་བྱས་ཏེ་གནས་དང་སྒྲུབ་པ་པོ་དཀྱིལ་འཁོར་ཡོ་བྱད་དང་བཅས་ལ་བྱིན་ཕབ་པས་སྐུ་གསུང་ཐུགས་ཡེ་ཤེས་ཆེན་པོའི་རོལ་པར་གྱུར་པར་བསམ་ལ་རང་གྲལ་དུ་འཁོད་དེ། དེ་ནས་ཐོད་ཕྲེང་རྩལ་གྱི་འཛབ་དབྱངས་ལན་གསུམ་བྱས་པས་འགྲུབ་བོ། །ཉིན་དང་པོའི་བྱ་བའོ། །གཉིས་པ་ལྷ་དང་དབྱེར་མེད་དུ་བྱེད་པ་སྒྲུབ་པ་དངོས་ལ་གསུམ། ཛབi་དགོངས་བཟླས་པས་དངོས་གྲུབ་བསྒྲུབ་པ། དེའི་བར་གཅོད་བསལ་བ། དུས་གྲངས་རྟགས་ཚད་ཀྱི་རིམ་པའོ། །དང་པོ་ཕྲིན་ལས་དང་འབྲེལ་དགོས་པའི་ཞི་ཁྲོའི་ལས་གཞུང་ཉིད་རབ་ཉིན་ལན་གསུམ། མཚན་ལན་གསུམ་སྟེ་དུས་དྲུག །འབྲིང་ཉིན་གཉིས་མཚན་གཉིས་ཏེ་དུས་བཞི། ཐ་མས་ཀྱང་ཉིན་མཚན་གཉིས་ལ་ཚར་རེ་བསྲང་དགོས་ལ། ལས་གཞུང་མང་ཉུང་དང་བསྟུན་ལ་རབ་འབྲིང་གཉིས་པོ་གང་བདེ་ལག་ཏུ་བླངས་ཏེ་འཇམ་མགོན་རིན་པོ་ཆེའི་ཟིན་ཐོ་ལྟར་ཐུན་དང་པོ་ལ་བརྒྱུད་འདེབས། སྐྱབས་སེམས་ནས་བརྩམ་སྔོན་འགྲོ་རྣམས་རྒྱས་པར་བཏང་། དངོས་གཞི་ཏིང་ངེ་འཛིན་གྱིས་ལྷར་བསྐྱེད་པའི་མངོན་རྟོགས་གྲུབ་མཚམས་མདུན་བུམ་ཞི་ཁྲོའི་བསྐྱེད་ཆོག་ལ་འཇུག་ཅིང་གཉིས་ཀར་ཐུན་མོངས་སྤྱན་འདྲེན་སོགས་སྟབས་གཅིག་བྱས་ཀྱང་འཇུག་བདེ་བས་དེ་ལྟར་ན་བདག་མདུན་རིག་འཛིན་ཞི་ཁྲོའི་དཀྱིལ་འཁོར་བསྒོམ་ལ་ཡེ་ཤེས་འཁོར་ལོ་བསྟིམ་ཞིང་མཆོད་བསྟོད་དང་། ཞི་ཁྲོའི་ལས་གཞུང་གི་བཤགས་པའི་རྗེས་པད་ཕྲིན་གྱིས་མཛད་པའི་བསྙེན་ཡིག་ལས་བཟླས་དམིགས་འདི་ཉིད་བྱ་སྟེ། བདག་མདུན་བུམ་ལྷའི་ཞི་བའི་ལྷ་ཚོགས་རྣམས་ཀྱི་གནས་གསུམ་ཨོཾ་ཨཱཿ ཧཱུྃ་དཀར་དམར་མཐིང་གསུམ་དང་། བྱེ་བྲག་ཀུན་བཟང་ཡབ་ཡུམ་གྱི་ཐུགས་ཀའི་ཧཱུྃ་ཡིག་གི་མཐར་སོགས། བྲན་གཡོག་ཏུ་གྱུར་པར་མོས་པར་བསམ་ལ། བྷོ་དྷི་ཙིཏྟ་སྟོང་དང་། རིག་འཛིན་དཔའ་བོ་ལྔ་བརྒྱ། མཁའ་འགྲོ་སྡེ་ལྔ་བརྒྱ་རྩ། ཕུར་པ་ལྔ་བཅུ་ཙམ་བཟླས། འདི་ནས་རྩམ་བཟླས་པའི་གསུང་མི་ཆད་དུ་བྱ་དགོས་བས་ཐུན་པ་རྣམས་ཀྱིས་ཀྱང་འགྲུབ་ན་ཞི་ཁྲོའི་མངོན་རྟོགས་བསྡུས་པ་གསལ་གདབ་ལ་སྔགས་རྒྱུན་བླངས། དེ་ནས་བཟུང་གྲོལ་ཉིན་ཐུན་ཐ་མའི་བར་སྔགས་སྒྲ་སྐད་ཅིག་ཀྱང་མ་ཆད་པར་བྱ། ཐུན་མཐར་དབྱངས་གསལ་ཡིག་བརྒྱ་རྟེན་སྙིང་རྣམས་ཀྱིས་ལྷག་ཆད་ཁ་བསྐང་ཞིང་ནུས་པ་བརྟན་པར་བྱས་ལ། བཀའ་བརྒྱད། སེང་གདོང་། ལས་བཞི། ཚེ་སྒྲུབ། མ་ནིང་མངོན་རྟོགས་བཟླས་པ་བཅས་གྲུབ་ནས་སྟོད་ཚིག་མཆོད་བསྟོད་བྱས་རྗེས་མཆོད་འོས་ཕྱི་ནང་སོགས། མཆན། གཉིས་པ་ཉུ་ལེ་འདུལ་ཞིང་གཟི་བྱིན་དབབ་པ་ནི། སློབ་དཔོན་ནམ་རྒྱལ་ཐེབས་པའི་མདུན་དུ་ཧམ་ཁུང་ཉུ་ལེའི་ལིངྒ་བཅས་དང་། ལས་ཕུར་ཐུན་རྫས་རྣམས་བཀོད་ལ། རྟེན་བསྐྱེད་པ་ནི། ཨེ་ཡཾ་ཛྭ་ལ་རྃ༔ བྲུབ་ཁུང་ཡངས་ཤིང་གཏིང་ཟབ་པའི་ནང་དུ་ཏྲིཿལས་དངོས་གྲུབ་ལ་བར་དུ་གཅོད་ཅིང་ལོག་པར་ལྟ་བའི་འབྱུང་པོ་ཉུ་ལེ་བདུད་ཀྱི་རིགས་སུ་གྱུར་པ་ཐམས་ཅད་རིད་ཅིང་ཉམས་ཐག་པའི་ལུས་ཅན་དུ་གྱུར་པར་བསམ་ལ། ན་མོ། རིག་འཛིན་རྩ་བརྒྱུད་ཀྱི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། སངས་རྒྱས་ཀྱི་བཀའ༴ཆོས་ཀྱི༴དགེ་འདུན་གྱི༴གསང་སྔགས་དང་རིགས་སྔགས་དང་གཟུངས་སྔགས་སྙིང་པོ་དང་ཕྱག་རྒྱ་དང་ཏིང་ངེ་འཛིན་གྱི་བཀའ༴ཆོས་ཉིད་གདོད་ནས་སྟོང་ཀྱང་ཆོས་ཅན་རྒྱུ་འབྲས་བསླུ་བ་མེད་པའི་བདེན༴ཁྱད་པར་དུ་ཡང་རྒྱལ་དབང་པདྨ་འོད་འབར། རིག་འཛིན་ཞི་ཁྲོ། མཁའ་འགྲོ་ཆོས་སྲུང་རྣམས་ཀྱི་བདེན་པ་དང་། བདེན་པ་ཆེན་པོའི་མཐུ་ལ་བརྟེན་ནས་དངོས་གྲུབ་ལ་བར་དུ་གཅོད་ཅིང་ལོག་པར་འདྲེན་པའི་འབྱུང་པོ་ཉུ་ལེ་བདུད་ཀྱི་རིགས་སུ་གྱུར་པ་ཐམས་ཅད་མཚན་མ་རྫས་ཀྱི་རྟེན་འདི་ལ་མཆིས་པར་གྱུར་ཅིག །ཏྲི་ཡཾ་ཛཿཏྲི་བཛྲ་ཨངྐུ་ཤ་ཛཿཛཿཧཱུྃ་བྃ་ཧོཿཞེས་ལན་གསུམ་གྱིས་དགུག་གཞུགས་བྱས་ལ། ཕུར་ཐུན་ཚམ་བུར་བསྐུལ་བ་ནི། ཧཱུྃ༔ ཆོས་ཀྱི་དབྱིངས་ནས་རང་བྱུང་གྲུབ་པའི་ལྷ༔ སོགས། ཧཱུྃ༔ ང་ནི་དཔལ་ཆེན་ནས། རྡུལ་དུ་རློག༔ ཨོཾ་བཛྲ་མ་ཧཱ་ཀྲོ་དྷ་པདྨ་ཀྲོ་དྷི་ནས། ཧཱུྃ་ཕཊ༔ གནོད་བྱེད་ནས། ཧཱུྃ་ཧཱུྃ་ཕཊ༔ ཅེས་དྲག་སྔགས་ཕུར་བསྐོར་བྱས་ནས་གདབ་ཅིང་ཐུན་གྱིས་བྲབ། ཁྱད་པར་དཔལ་གྱི་ཕོ་ཉ་ཀུན་ཐུབ་རྒྱལ་མོ་བསྐུལ་པ་ནི། ཧཱུྃ༔ ཤར་ཕྱོགས་དཀར་མོ་དུང་གི་གཞལ་ཡས་ནས༔ སོགས། བབ་པོ་ས་མ་ཡ༔ ཧཱུྃཿགྲུ་བུ་ཨ་པ་ཙེ༔ སོགས། མཱ་ར་ཡ་རྦད་རྦད༔ དྲག་སྔགས་སྤོས་རོལ་དང་ཁྱད་པར་དབྱུགས་པས་བསྡིག་ཅིང་ཐུན་གྱིས་བྲབ། ཉུ་ལེ་བསྐྲད་གཟིར་རྒྱས་པ་འདི་བཞིན་མི་ལྕོགས་པའམ། ཐུན་སྔ་མ་ཙམ་གྱི་མཇུག་ཏུ་སྟབས་བདེ་བྱེད་ན། ཛབi་ཀྱི་སྟོང་ཚིག་གི་རྗེས་སུ་རྡོ་རྗེ་མཚམས་པས་གུ་གུལ་དུད་པ་དང་ཐུན་གྱིས་བྲབ་སྟེ་དཀྱིལ་འཁོར་བསྐོར་ལ། ཨོཾ་བཛྲ་མ་ཧཱ་ཀྲོ་དྷ་པདྨ་ཀྲོ་དྷི༴སོགས། ཧཱུྃ་ཕཊ༔ སྔགས་སོ་ལྔ་པ་སོགས་དང་། ཨོཾ་གྷ་གྷ་གྷཱ་ཏ་སོགས་སྡེ་མོའི་སྔགས་དྲག་ཏུ་བརྗོད་པས་ཚར་བཅད་ལ་སྲུང་འཁོར་གསལ་གདབས་བྱས་ཀྱང་དོན་འགྲུབ་བོ། །དེ་མ་ཐག་དངོས་གྲུབ་སྟེར་བའི་ལྷ་འབྱུང་བས་བྱིན་དབབ་པར་དགོས་པར་གསུངས་པས། སྒྲུབ་པ་པོ་རྣམས་བཞེངས་ནས་ཚིག་བདུན་གསོལ་འདེབས་དང་། བཞེངས་ཤིག་པདྨའི་བསྐུལ་དང་། སྨན་གྱི་བབ་གཞུགས་ལས། ཧཱུྃ༔ ཆོས་དབྱིངས་གདོད་མའི་སོགས་ཀྱི་བྱིན་འབེབས་དང་། ཡང་ན་བདེ་འདུས་ལས། ཧཱུྃ༔ དུས་གསུམ་བདེ་གཤེགས་རྒྱལ་བ་རྣམས༔ ཆོས་སྐུ་སྐྱེ་བ་མེད་པ་ལས༔ སོགས་ནས། ཨ་ཨཱཿ ཅེས་དང་། ཧཱུྃ༔ ཆོས་སྐུ་སྐྱེ་མེད་ཕོ་བྲང་དེ༔ མ་བྲིས་དཀྱིལ་འཁོར་རང་བཞིན་ཤར༔ སོགས། ཧཱུྃ༔ རྒྱལ་བ་ཀུན་འདུས་དཀྱིལ་འཁོར་ནི༔ ཐུགས་རྗེའི་བླ་མ་སོགས། གཟི་བརྗིད་ཆེ༔ སྙིང་པོའི་མཐར། ཛྙཱ་ན་ཨ་བེ་ཤ་ཡ་ནས། ཧ་ཛྷིཾ༔ མང་དུ་བརྗོད་པས་བྱིན་དབབ་མཐར། ཛབi་དབྱངས་བྱ་བའི་ཐུན་དང་པོ་འགྲུབ་བོ། །དགོང་ཐུན་མཐར་བྱིན་འབེབས་རྒྱས་པ་དང་གཞན་རྣམས་སྣ་རེ་འདོན་པས་ཆོག །ཕྱི་ཐུན་གྱི་བྱིན་འབེབས་མཐར་དཀྱིལ་འཁོར་བསྐོར་ཞིང་འཛབ་དབྱངས་ལན་གསུམ་བྱའོ། །ཐུན་གཉིས་པ་ལ་དཀོན་སྤྱི་ལྟར་མཆོད་པ་བྱིན་རླབས་བྱས་རྗེས་ཞི་ཁྲོའི་བདག་བསྐྱེད་མདུན་བུམ་སྒྲུབ་པ་བཟླས་གྲུབ་ཀྱི་བར་བྱས་རྗེས་སུ་སྟོང་ཚིག་མཆོད་བསྟོད་ཉུ་ལེ་འདུལ་ཆོག་དང་བྱིན་འབེབས་བྱ། ཐུན་གསུམ་པ་ལ་བཟླས་པ་སྟོང་ཚིག་མཆོད་བསྟོད་རྗེས་གཏོར་འབུལ་རྣམས་དང་། ཚོགས་སྐང་བཤགས་སོགས་བྱ་ཞིང་གཏོར་མ་ཆ་གསུམ་གྱི་ཆོ་ག་ནི་ལྷག་མའི་མགོར་བྱའོ། །ལྷག་ཆོག་མན་ཆད་རྗེས་འཇམ་མགོན་བླ་མའི་ཟིན་བྲིས་ལྟར་ལ་དངོས་གྲུབ་བླངས་པ་དོར། གཞན་དཀྱུས་ལྟར་དང་། ཉུ་ལེ་འདུལ་ཆོག་བྱིན་འབེབས་སོགས་ཤིན་ཏུ་རྒྱས་པ་གོང་གི་བཤད་མ་ཐག་པ་ལྟར་བྱ། ལས་གཞུང་གི་སྨོན་ལམ་སོགས་ཟིན་བྲིས་ལྟར་འདོན་ནས་གྲོལ། མཚན་ཐུན་གསུམ་ལ་འདོན་བྱའི་རིམ་པ་ཉིན་ཐུན་གཉིས་པ་ལྟར་བྱའོ། །ཞི་ཁྲོའི་བཟླས་པ་ནི་གཏེར་གཞུང་ལས་བྱང་གི་བཤགས་པའི་མཐར། སྐབས་འདིར་ཡང་བཟླ་བར་བྱའོ། །ཅེས་དང་། བཤགས་སྐོང་ལས་སླར་ཡང་མདུན་བསྐྱེད་ལ་བཟླས་བསྐུལ་བ་ནི། ཞེས་པའི་ཚིག་ཟུར་ལ་དཔྱད་ན་བཟླས་པ་བསྟོད་བཤགས་མཐར་བྱས་པ་ལ་མི་འགལ་བ་ནི། སྐོང་བཤགས་མཐར་ཡང་བཟླས་པ་ངེས་པར་བྱ་དགོས་པའི་བྷོ་དྷི་ཙིཏྟ་བརྒྱ་རྩ། གཞན་རྣམས་ཉེར་གཅིག་རེ་བཟླ། གསུམ་པ་དུས་གྲངས་རྟགས་གསུམ་ལས། དུས་སྨིན་སློབ་ཟླ་བ་དྲུག །མོས་སློབ་ཀྱི་དབང་དུ་མཛད་ནས་ཟླ་གཅིག་གམ་ཞག་བདུན་ནམ་ཉིན་ཞག་གསུམ་གྱི་མཐའ་བརྟེན་པར་བསྒྲུབ་ཀྱང་། དུས་དང་དབང་པོ་མཐུན་པར་དངོས་གྲུབ་ཅི་རིགས་པ་ཐོབ་པར་འབྱུང་བ་གསུངས་སོ། །གྲངས་དང་རྟགས་ནི་གསང་བ་སྤྱི་དང་སོ་སོའི་གཞུང་ལས་འབྱུང་བ་ལྟར་རོ། །གལ་སྟེ་རྟགས་ཚད་ངན་པ་བྱུང་ན་ཉུ་ལེ་སྤྲད། རྟ་བྲོ་བརྡུང་། དམ་སེལ་གྱི་ལྟས་ལ་ཡིག་བརྒྱ་བཟླ་ཞིང་བཤགས་རྒྱུད་བཀླག །གྲིབ་དང་མི་གཙང་བ་ལ་རྣམ་འཇོམས་སྨེ་བརྩེགས་སོགས་ཀྱིས་ཁྲུས་བྱ། རྟགས་ཚད་བཟང་ངན་གང་ལ་རེ་དོགས་དགག་སྒྲུབ་མེད་པ་དབྱིངས་སུ་བསྐྱིལ་བ་གནད་ཡིན། དངོས་གྲུབ་ཀྱི་ལྟས་བཟང་ངེས་པ་ཅན་བྱུང་ནའང་དེ་ཉིད་དུ་ཀུན་གྱིས་དངོས་གྲུབ་བླངས་ཟིན་པ་གནད་དུ་ཆེ་བས། ཐོད་པ་མཚན་ལྡན་ཆང་དང་ཆོས་སྨན་སྦྱར་བས་བཀང་བ་མདུན་དུ་བཞག །ཧཱུྃ༔ བདེ་གཤེགས་རྒྱལ་བ་མ་ལུས་དགོངས་སུ་གསོལ། རིག་འཛིན་ནས། ཨ་ལ་ལ་ཧོཿཀུན་གྲོལ་བཞིན་བྱ། མཆན། ཞེས་བརྗོད་ལ་བདུད་རྩི་མྱོང་ངོ་། །སྒྲུབ་པ་སང་གྲོལ་རྒྱུའི་ཕྱི་ཐུན་བཟླས་པའི་མཇུག་ཏུ་འོག་ནས་འབྱུང་བའི་དངོས་གྲུབ་བསྡུ་བའི་དམིགས་བཟླས་ཀྱང་བཏང་བར་བྱའོ། །གསུམ་པ་གྲུབ་ནས་དངོས་གྲུབ་བླངས་པ་སྒྲུབ་པ་ཆེན་པོའི་ལས་རིམ་དང་པོ་སྦྱོར་སྒྲོལ་ལ་བརྟེན་པ་ཡིན་ཀྱང་མོས་སློབ་ཀྱི་སྐབས་སུ་རྫས་དེ་ལ་བརྟེན་ཏེ་བླངས་པ་ལ་གསུམ། དངོས་གྲུབ་ཀྱི་རྫས་བཤམས་པ། ཆོ་གའི་སྔོན་འགྲོ། ཆོ་ག་དངོས་སོ། །དང་པོ་ནི་སྒྲུབ་པ་སང་གྲོལ་རྒྱུའི་དེ་རིང་གི་དགོངས་ཐུན་ནས་དངོས་གྲུབ་བླངས་པའི་རྫས་བཤམས་ཏེ། དཀྱིལ་འཁོར་གྱི་མདུན་དུ་གཞི་དཀར་པོའི་སྟེང་དུ་གྲོའི་གཡུང་དྲུང་གཡས་འཁྱིལ་དུ་བྲིས་པའི་དབུས་སུ་རིན་པོ་ཆེའི་སྣོད་དུ་འབྲུས་བཀང་བའི་སྟེང་མངར་གསུམ་ཞོ་འོ་མས་སྤྲུས་པའི་ནོར་བུ་འབར་བའི་གཟུགས་དང་ཕྱོགས་བཞི་འབྲང་རྒྱས་བཟའ་བཅའ་སྣ་ཚོགས་པས་བསྐོར། གཡས་སུ་མངར་གསུམ་ཐུད་དང་བཅས་པའི་རིལ་བུ་དང་། གཡོན་དུ་བྷནྡྷ་བཟང་པོར་འབྲུ་བཅུད་བདུད་རྩི་ལ་ཨ་མྲྀ་ཏ་བཏབ་པའང་བཤམས། སྦྱིན་བསྲེགས་བྱས་ནས་སློང་བསྡུས་ཙམ་དང་། མཎྜལ་སྟེང་དྲིའི་ཐིག་ལེ་དང་། དཀྱིལ་འཁོར་རྗེས་ཆོག་མ་བྱས་པའི་གོང་དུ་ཞི་ཁྲོའི་སྔགས་བརྗོད་ལ་རིམ་བཞིན་གཙོ་འཁོར་ཡོངས་རྫོགས་ཀྱི་ཚོམ་བུ་བཀོད་པའང་དཀྱིལ་འཁོར་ཉེ་བར་བཞག་གོ །སྒྲུབ་པ་གྲོལ་རྒྱུའི་ཕྱིར་ནང་སྔ་འཚོགས་ཀྱི་ཐོར་ཐུན་ནས་ཕྲིན་ལས་གཞུང་བསྲང་སྟེ། གཏོར་བསྔོས། ཚོགས་མཆོད་སོགས་དང་། ལྷག་མ་བརྩོན་འཛིན་བྱས་པ་གོམ་པ་བདུན་བཅུའི་བར་སྐྱལ། ཉུ་ལེའི་ལིངྒ་ཚོགས་བསྒྲལ་སྐབས་མེར་བསྲེགས་སྲོལ་ཡོད་ཀྱང་འདི་ལ་ཚོགས་བསྒྲལ་ཟུར་དུ་མེད་སྟབས་གཏོར་འགུགས་མཐར་མེ་ཧམ་དུ་བསྲེགས། ཐལ་བ་གཏོར་མར་བཏབ། ཆོས་སྐྱོང་གཏོར་མ་དང་ཆད་བརྟན་རྒྱུན་བཞག་རྣམས་མཆོད། རྟ་བྲོའི་རྗེས་སུ་མཆོད་བསྟོད་བྱས་ནས། གཉིས་པ་དངོས་གྲུབ་ལ་མི་དབང་བའི་ལྟས་ངན་གྱི་བགེགས་ཚོགས་ཚར་བཅད་བའི་ཕྱིར་སྔོན་འགྲོ་ལྟར་བགེགས་བསྐྲད་ཅིང་དྲག་སྔགས་ཡུངས་ཐུན་སོགས་ཚམ་རྔམས་བྱས་ལ་སྲུང་འཁོར་སྒོམ། སྤོས་རོལ་གཡབ་དར་བཅས་བྱིན་དབབ། སྤྱི་བཤགས་ཡེ་ཤེས་སྐུ་མཆོག་ལྟ་བུ་བརྗོད་ལ་མཁོན་ལྕུགས་སྦྱངས། །གསུམ་པ་དངོས་གཞི་དངོས་གྲུབ་བསྡུ་ཞིང་བསྐུལ་བ་ནི། བདག་མདུན་བུམ་པའི་ལྷ་ཚོགས་ཐམས་ཅད་ཀྱི་གནས་གསུམ་ནས་འོད་ཟེར་འཕྲོས། སྣོད་བཅུད་ཡོན་ཏན་གྱི་དྭངས་མ་བདུད་རྩིའི་རྣམ་པར་བསྡུས་ཏེ་བདག་མདུན་བུམ་པའི་ལྷ་ཚོགས་རྣམས་དང་། དངོས་གྲུབ་ཀྱི་རྫས་ལ་ཐིམ་བས་གཟི་བྱིན་མཆོག་ཏུ་རྒྱས་པར་བསམ་ལ་ལྷ་ཚོགས་ཡོངས་རྫོགས་ཀྱི་སྔགས་མཐར། ཀ་ཡ་ཝཱ་ཀ་ཙིཏྟ་སརྦ་སིདྡྷི་ཕ་ལ་ཧཱུྃ༔ བཏགས་པ་སྟོང་རྩ་བཟླ། སུམ་བརྒྱ་རྩམ་གྱིས་ཀྱང་རུང་གསུང་། མཆན། དེ་ན་ཞི་གཞུང་གི། ཨེ་མ་ཧོཿབདག་གཞན་བླ་མེད་དང་། ཞི་ཁྲོའི། ཧཱུྃ། ཡེ་ནས་རྣམ་དག་སོགས། ཧཱུྃ། གསང་བ་བླ་མེད་ཡང་གསང་མཆོག་གི་གནས༔ ནས། མཆོག་ཐོབ་ཤོག༔ ཨོཾ་ཨཱཿ ཧཱུྃ་ཀ་ཡ་ཝཱཀ་ཙིཏྟ་སརྦ་སིདྡྷི་ཕ་ལ་ཨ་ཝེ་ཤ་ཡ་ཨ་ཨཱཿ དབྱངས་དང་བཅས་ཏེ་སྒྲུབ་རྫས་རྣམས་གནས་གསུམ་དུ་གཏུག །རྫས་རྣམས་བཟའ་བཏུང་ལ་ལོངས་སྤྱོད་པས། སྟན་ཐོག་དེ་ཉིད་དུ་དངོས་གྲུབ་རྣམ་གཉིས་བདེ་བླག་གི་ཚུལ་གྱིས་ཐོབ་པར་བསམ་ལ་དགོངས་པའི་གདེང་གཟུང་ངོ་། །གཞན་དོན་དབང་བསྐུར་བྱེད་ན་ལྷག་མའི་གོང་དུ་དངོས་གྲུབ་བླངས་ནས་དབང་བསྐུར་བ་ཡིན་ནོ། །རྩ་བའི་གསུམ་པ་མཐའ་རྒྱས་རྗེས་ཀྱི་རིམ་པ་ལ་གསུམ། ཕྱི་མཚམས་སྒྲོལ་བ། སློབ་དཔོན་ལ་སྐུ་དྲིན་གསོལ་བ། སྨོན་ལམ་དང་ཤིས་བརྗོད་བྱའོ། །དང་པོ་ནི། དངོས་གྲུབ་བླང་བའི་རྗེས་སུ་གཏང་རག་མཆོད་བསྟོད་རྒྱས་པ། བཟོད་གསོལ། མདུན་བསྐྱེད་ཀྱི་ལྷ་རྣམས་རས་བྲིས་ལ་བརྟན་བཞུགས་བྱ། གཏོར་མགྲོན་གཤེགས་པ་རྣམས་གྲུབ་ནས་ཕྱི་རོལ་ཞི་སྦྱིན་བླུགས། དེའང་ཚོམ་བུ་སྤྱན་འདྲེན་ནི་སྤྱི་ཁྱབ་ཏུ་གཞལ་ཡས་ཁང་བདག་བསྐྱེད་ཀྱི་མཚམས་སུ་སྤྱན་འདྲེན་བརྗོད་ཅིང་དྲངས་པ་ཡིན་ཀྱང་འདིར་ལྷ་བསྐྱེད་ཀྱི་དབུར་སྤྱན་འདྲེན་དང་། ཚོམ་་་བུ་གདན་དྲངས་ཞི་ཁྲོའི་སྔགས་རྣམས་བརྗོད་ཏེ་ཚོམ་བུ་ཅུང་ཟད་མེ་ཐབ་ཏུ་དོར། དེ་ནས་འདས་པའི་ལྷ་བསྐྱེད་ཆོག་དང་སྤྱན་འདྲེན་མི་དགོས། མཆོད་བསྟོད་དང་བསྲེགས་རྫས་འབུལ་བ་སོགས་ལ་འཇུག །རྗེས་འདས་པའི་མེ་ལྷ་གཤེགས་པ་ལས་རྡོར་གྱི་ཚོམ་བུ་ཕྱིར་དྲངས་བ་ལ་སོགས་ལག་ལེན་བཞིན་བྱ། སྦྱིན་བསྲེགས་གྲུབ་རྗེས་ནང་དུ་ལོག་ནས། སྨོན་ལམ་དང་ཤིས་བརྗོད། ཧཱུྃ་ཧཱུྃ་ཧཱུྃ༔ བརྗོད་པས་སྣང་སྲིད་སྣོད་བཅུད་ཐམས་ཅད་འོད་དུ་ཞུ༔ འོད་ཟེར་གཞལ་ཡས་ཁང་ལ་ཞུ༔ གཞལ་ཡས་ཁང་དཀྱིལ་འཁོར་གྱི་ལྷ་ཚོགས༴རང་ལ་བསྡུ༔ ཧཱུྃ། དུས་གསུམ་རྒྱལ་བ་མ་ལུས་དགོངས་སུ་གསོལ༔ ཆོས་ཀྱི༴ཀློང་དུ་བསྡུ༔ བཛྲ་མུཿསརྦ་གཙྪཿབསྡུ་ལྡང་རྣམས་བྱས་རྗེས། ཕྱི་རོལ་གྱི་ཐོ་རྣམས་བཀྲོལ་ཞིང་དཀྱིལ་འཁོར་བསྡུ་བ་ནི། མཆོད་གཏོར་རྣམས་འདུ་བྱ། སེར་སྦྲེང་དང་བཅས་ཕེབས། ཕྱིར་རོལ་ཤར་གྱི་ཐོ་རྩར་ཕྱིན་ཏེ་མཆོད་གཏོར་བྱིན་རླབས་སྔར་ལྟར་རམ། བསྡུ་ན། རྃ་ཡྃ་ཁྃ་གིས་བསང་། ཨོཾ་ཨཱཿ ཧཱུྃ༔ གིས་བྱིན་གྱི་བརླབས། ཧཱུྃ། རྒྱལ་པོ་ཆེན་པོ་ཡུལ་འཁོར་སྲུང་༔ ཨོཾ་དྷིཥྚ་རཀྚ་ཡ་མ་ཧཱ་བ་ལིངྟ་ཁཱ་ཧི་ཁཱ་ཧི༔ ལན་གསུམ་གྱིས་གཏོར་མ་ཕུལ། ཨོཾ་བཛྲ་ཨརྒྷཾ་སོགས་ཀྱིས་མཆོད། ཧཱུྃ། ཤར་ཕྱོགས་རྒྱལ་པོ་སོགས། དྲི་ཟའི་མཚམས་གཅོད་ཆེ་ལ་བསྟོད༔ བཛྲ་མུ༔ དེ་ནས་ལྷོ་ཡི་ཐོ་རྩར་ཕྱིན་ཏེ་མཆོད་གཏོར་རྣམས། རྃ་ཡྃ་ཁྃ༔ ཨོཾ་ཨཱཿ ཧཱུྃ༔ ལན་གསུམ། ཧཱུྃ། རྒྱལ་པོ་ཆེན་པོ་འཕགས་སྐྱེས་སོགས། ཨོཾ་བཻ་རུ་དྷེ་ཀཱ་ཡ༴ལན་གསུམ། ཨོཾ་བཛྲ་ཨརྒྷཾ་སོགས། ཧཱུྃ། ལྷོ་ཕྱོག་རྒྱལ་པོ་སོགས། ཆེ་ལ་བསྟོད༔ བཛྲ་མུ༔ ནུབ་ཀྱི་ཐོ་རྩར་འཁོད། རྃ་ཡྃ་ཁྃ། ཨོཾ་ཨཱཿ ཧཱུྃ༔ ལན་གསུམ། ཧཱུྃ། རྒྱལ་པོ་ཆེན་པོ་སྤྱན་མི་བཟང་༔ རྡོ་རྗེ་སོགས། ཨོཾ་བཻ་རུ་པཱཀྵ་ཡ་མ་ཧཱ་བ་ལིངྟ་ཁཱ་ཧི་ཁཱ་ཧི༔ ལན་གསུམ། ཨོཾ་བཛྲ་ཨརྒྷཾ་སོགས། ཧཱུྃ། ནུབ་ཕྱོགས་རྒྱལ་པོ་སོགས། ཆེ་ལ་བསྟོད༔ བཛྲ་མུ༔ བྱང་གི་ཐོ་རྩར་འཁོད། རྃ་ཡྃ་ཁྃ༔ ཨོཾ་ཨཱཿ ཧཱུྃ༔ ལན་གསུམ། ཧཱུྃ། རྒྱལ་པོ་ཆེན་པོ་རྣམ་ཐོས་སྲས༔ སོགས། ཨོཾ་བཻ་ཤྲ་མ་ཎ་མ་ཧཱ་བ་ལིངྟ་ཁཱ་ཧི་ཁཱ་ཧི༔ ལན་གསུམ་གྱིས། ཨོཾ་བཛྲ་ཨརྒྷཾ༴ཧཱུྃ། བྱང་ཕྱོགས་སོགས། ཆེ་ལ་བསྟོད༔ བཛྲ་མུ༔ ཞེས་གཤེགས། སྒོ་བྱང་ཕྱི་ནང་བཀྲོལ་བ་ནི། ཕྱི་སྒོར་མཆོད་གཏོར་བཤམས། རྃ་ཡྃ་ཁྃ༔ ཨོཾ་ཨཱཿ ཧཱུྃ༔ ལན་གསུམ་དང་། ཨོཾ་བཛྲ་ཀྲོ་དྷ་ཧྱ་གྲཱི་ཝ་ཨི་དཾ་ཁཱ་ཧི་ཁཱ་ཧི༔ ལན་གསུམ་གྱིས་གཏོར་མ་ཕུལ། ཨོཾ་བཛྲ་ཨརྒྷཾ་སོགས་ཀྱིས་མཆོད། ཧཱུྃ། བགེགས་ཀྱི་གཉན་པོ་རྟ་མགྲིན་རྒྱལ༔ ངོ་མཚར་རྨད་སོགས། དབྱིངས་སུ་གཤེགས༔ བཛྲ་མུཿཞེས་ལྷ་གཤེགས་སྒོ་བྱང་ཞུའོ། ནང་སྒོར་མཆོད་གཏོར་བཤམས་ལ། རྃ་ཡྃ་ཁྃ༔ ཨོཾ་ཨཱཿ ཧཱུྃ༔ ལན་གསུམ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུན་ཌ་ལི་ཨི་དཾ་བ་ལིངྟ་ཁཱ་ཧི་ཁཱ་ཧི༔ ལན་གསུམ་གྱིས་གཏོར་ཕུལ། ཨོཾ་བཛྲ་ཨརྒྷཾ་སོགས་གྱིས་མཆོད། ཧཱུྃ། ཁྲོ་བོའི་རྒྱལ་པོ་བདུད་རྩི་འཁྱིལ༔ སོགས། དབྱིངས་སུ་གཤེགས༔ བཛྲ་མུ༔ ལྷ་གཤེགས་སྒོ་བྱང་བསྡུའོ། །དེ་ནས་ནང་དུ་ཕྱིན་ལ་སློབ་དཔོན་ནམ་རྒྱལ་ཚབ་པས་དཀྱིལ་འཁོར་གྱི་ནུབ་ཏུ་འཁོད་ལ། ཨོཾ་བཛྲ་ཀི་ལ་ཡ་ཨུངྐི་ལ་ཡ་བཛྲ་དྷ་རོད་ཨཛྙཱ་པ་ཡ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ༔ ཞེས་ལག་གཉིས་རྡོར་དྲིལ་འཛིན་བཞིན་སྐམ་པའི་རྒྱ་དང་བཅས་དང་པོར་གདབ་ཕྱོགས་ནས་རིམ་པར་ལྡོག་ཕྱོགས་སུ་ཕྱུང་སྟེ། ཨོཾ་རུ་རུ་སྥུ་རུ་ཛྭ་ལ་ཏིཥྛ་སིདྡྷི་ལོ་ཙ་ནི་སརྦ་ཨརྠ་ས་དྷ་ནི་སྭཱ་ཧཱ༔ ཞེས་ཕུར་རྩེ་འོ་མས་བཀྲུ། ཆོས་ཐམས་ཅད་སྐྱེ་བ་མེད་པའི་དོན་ཡིད་ལ་བྱས་ཏེ་དྲིལ་བུ་དཀྲོལ་ཞིང་ཨ་ཀ་རོའི་སྔགས་བརྗོད་བཞིན་པའི་འཇམ་རོལ་དང་བཅས་རས་བྲིས་དཀྱིལ་འཁོར་བསྡུའོ། །གཉིས་པ་སྐུ་དྲིན་གསོལ་བ་ནི། མཆེད་ལྕམ་རྣམས་ཕན་ཚུན་དུ་ཕྱག་རེས་མོས་ཚུལ་གྱིས། གཅིག་ཤེས་ཀུན་གྲོལ་བཞིན། མཆན། ཧོཿཐམས་ཅད་མཆེད་དང་ལྕམ་དྲལ་ཏེ༔ བདེ་བར་གཤེགས༴གསོལ༔ ཨ་ཨ་ཨཱཿ དེ་ནས་རྡོ་རྗེ་སློབ་དཔོན་ལ་གཏང་རག་འབུལ་ཞིང་བཟོད་པར་གསོལ། ཐམས་ཅད་ཀྱིས་ཕྱག་བྱ། ལུས་ལོངས་སྤྱོད་འབུལ་བའི་བློས། ཧོཿརྡོ་རྗེ་སློབ་དཔོན་ཆེན་པོ་དཔལ་མཆོག་ལྡན༔ སོགས། ཚངས་པར་མཛོད༔ ཞེས་ཞབས་སྤྱི་བོར་བླངས་ཤིང་བླ་མ་སྤྱི་གཙུག་ཏུ་འབྲལ་མེད་དུ་བཟུང་ངོ་། །ནོངས་བཤགས་དང་བཀྲ་ཤིས་གསོལ་བ་གཉིས་པོ་སྤྲོས་པ་བསྡུ་བའི་སྐབས་མ་བྱས་ཀྱང་ཆོག་གོ །དེ་ནས་གསུམ་པ་སྨོན་ལམ་གདབ་པ་ནི། ཐལ་མོ་སྦྱར་ལ། ཀྱཻ་ཧོ༔ མི་གནས་ཡེ་ཤེས་ཆོས་ཀྱི་དཀྱིལ་འཁོར་དུ༔ མ་བཅོས་སོགས། སྤྱོད་པར་ཤོག༔ ཅེས་རྩེ་གཅིག་པའི་ཡིད་ཀྱིས་སྨོན་ལམ་གདབ་པ་ནི། ཐམས་ཅད་ཀྱིས་ལག་གཡས་སུ་མར་མེ་དང་སྤོས་རེ་ཐོགས། རྒྱལ་ཐེབས་པས་དབྱངས་བོར་ལེན་བྱས་ཏེ། ཧཱུྃ༔ བླ་མེད་གསང་བ་མཆོག་གི་དཀྱིལ་འཁོར་འདིར༔ སོགས། དེ་ནས་ཚོགས་པ་ཐམས་ཅད་ཀྱིས། ཧོ༔ མཐའ་ཡས་ཐེག་པ་ཆེན་པོའི༴སོགས་ནས། དངོས་གྲུབ་ཐོབ་པར་ཤོག༔ ཅེས་དང་། གཞན་ཡང་བསྔོ་སྨོན་རྣམ་པར་དག་པས་མཚམས་སྦྱར། ཞལ་ནས་གསུངས་པའི་ཚིགས་སུ་བཅད་པ་སོགས་ཤིས་བརྗོད་ཀྱིས་མཐར་བརྒྱན་པའི་དགེ་ལེགས་བྱའོ། །སླར་སྨྲས་པ། རབ་འབྱམས་རྩ་གསུམ་ཞི་ཁྲོའི་དཀྱིལ་འཁོར་དུ། །ཚོམ་བུ་ཚོགས་སྒྲུབ་བྱ་ཚུལ་འདིར་བརྩོན་པས། །དངོས་གྲུབ་རྣམ་གཉིས་ཆུ་བོའི་རྒྱུན་བཞིན་འཕེལ། །སྙིང་པོའི་བརྟན་པ་ཡུན་དུ་གསལ་གྱུར་ཅིག །བསྙེན་སྒྲུབ་རྣམ་བཞིར་འབད་པ་ཡིས། །རང་གི་ལྷ་དང་དབྱེར་མེད་འགྲུབ། །སྲིད་ཞིར་མི་གནས་དཔལ་ཆེན་པོའི། །གོ་འཕང་བདེ་བླག་འགྲུབ་གྱུར་ཅིག །ཅེས་པའང་ལཱ་ཝ་རི་ཁྲོད་པ་རྣམས་ཀྱིས་ནན་ཏན་ཆེན་པོས་བསྐུལ་ངོར་འཇམ་དབྱངས་བློ་གྲོས་རྒྱ་མཚོས་སྒྲུབ་ཁོག་ཁྱུང་ལྡིང་རྩ་བར་བཟུང་འཇམ་མགོན་བླ་མའི་གསང་བ་སྤྱི་འགྲོའི་སྒྲུབ་ཁོག་གི་ཟུར་བརྒྱན་ནས་བལྟས་ཆོག་ཏུ་བཀོད་པ་འདིས་ཀྱང་སྙིང་པོའི་བསྟན་པ་རིན་པོ་ཆེ་ཡུན་དུ་གསལ་བའི་རྒྱུར་གྱུར་ཅིག །སརྦ་དཱ་ཀ་ལ་ནཾ་བྷ་ཝ་ཏུ། ༈ཞི་ཁྲོ་ངེས་དོན་སྙིང་པོ་ལ་སྦྱིན་བསྲེགས་འདི་སྦྱར་དུས་མེ་ལྷ་མཆོད་པ་ཡན་དཀྱུས་ལྟར་ལ། ཧཱུྃ༔ རང་བཞིན་ཆོས་ཀྱི་དབྱིངས་ལས་མ་གཡོས་ཀྱང་༔ རང་མདངས་རོལ་པའི་ཆོ་འཕྲུལ་སོགས། གཤེགས་སུ་གསོལ༔ བཛྲ་ས་མ་ཡ་ཛ་ཛ༔ ཞེས་སྤྱན་འདྲེན་བརྗོད་ལ་ཚོམ་བུ་དྲངས། ཨོཾ་ཨཱཿ ཧཱུྃ་བོ་དྷི་ཙིཏྟ་དང་། བཛྲ་གུ་རུ་དྷེ་ཝ་དང་། བཛྲ་བཻ་རོ་ཙ་ནི་དང་། བཛྲ་ཀཱི་ལི་ཀཱི་ལ་ཡ་སོགས་སྔགས་ཚན་བཞིའི་ཚོམ་བུ་ཅུང་ཟད་རེ་སློབ་དཔོན་གྱིས་མེ་ཐབ་ཏུ་མཆོད་ནས། མེ་ལྷའི་ལྟོ་བ་ཡངས་ཤིང་རྒྱ་ཆེ་བའི་དབུས་སུ་ཡེ་ཤེས་ཀྱི་མེ་འོད་ཁ་དོག་ལྔ་པ་འབར་ཞིང་འཁྲུགས་པའི་ཀློང་ན་སྣ་ཚོགས་པདྨ་ཉི་ཟླའི་གདན་གྱི་སྟེང་དུ་རྒྱལ་བ་དཀོན་མཆོག་སྤྱི་འདུས་སུ་གསལ་བའི་ཐུགས་ཆོས་དབྱིངས་ཁྱབ་བརྡལ་གྱི་ཀློང་དུ༔ རང་སེམས་ཀ་དག་གི་རང་མདངས་ཞལ་ཕྱག་གི་རྣམ་པ་ཀུན་བཟང་ཡབ་ཡུམ་ལ་འཁོར་དུ་ཡེ་ཤེས་ལྔ་ཡི་རང་འོད་རིགས་ལྔ་ཡབ་ཡུམ་བཅུ༔ སེམས་དཔའ་བརྒྱད༔ སེམས་མ་བརྒྱད༔ ཐུབ་པ་དྲུག༔ སྒོ་བ་ཡབ་ཡུམ་བརྒྱད་དང་བཅས་པའི་རྩལ་མདངས་ལས༔ ཀླད་པ་དུང་ཁང་འབར་བའི་གཞལ་ཡས་ཁང་འཇའ་འོད་མེ་དཔུང་གི་ཐིག་ལེའི་ཀློང་དུ༔ ཆེ་མཆོག་ཡབ་ཡུམ་ལ་ཁྲག་འཐུང་ཁྲོ་བོ་ཡབ་ཡུམ་བཅུ༔ ཀོའུ་རི་མ་བརྒྱད༔ སིདྷ་མ་བརྒྱད༔ སྒོ་མ་བཞི༔ དབང་ཕྱུག་ཉི་ཤུ་རྩ་བརྒྱད་ལ་སོགས་ཞི་ཁྲོ་དམ་པ་རིགས་བརྒྱ་དང་༔ མགྲིན་པར་རིག་འཛིན་དཔའ་བོ་ཡབ་ཡུམ་བཅུ༔ ལྟེ་བར་ཡུམ་མཆོག་མཁའ་འགྲོ་སྡེ་ལྔ་ལ་མཁའ་འགྲོའི་ལྷ་ཚོགས་ཀྱིས་བསྐོར་བ༔ གསང་གནས་སུ་བཅོམ་ལྡན་འདས་རྡོ་རྗེ་གཞོན་ནུའི་ལྷ་ཚོགས་དང་༔ གཞན་ཡང་ཕྱི་ནང་གསང་བའི་དཀྱིལ་འཁོར་རབ་འབྱམས་ནམ་མཁའི་མཐའ་ཀླས་པའི་ཟང་ཐལ་ཆེན་པོར་སྐད་ཅིག་གིས་གསལ་བར་གྱུར༔ ཕྱག་འཚལ་བ་ནི༔ ཧཱུྃ། སྐུ་གསུང་ཐུགས་དང་ཡོན་ཏན་ཕྲིན་ལས་ནི༔ སྣང་སྟོང་གྲགས་སྟོང་གསལ་སྟོང་སོགས། ཚོགས་ལ་ཕྱག་འཚལ༔ ཨ་ཏི་པཱུ་ཧོ༔ པྲ་ཏི་ཛཿཧོ༔ ཡ་མི་ན་མོ༔ མཆོད་པ་ནི། ཧཱུྃ་ཧྲཱིཿམཆོད་ཡོན་བརྒྱད་དང་རྒྱལ་སྲིད་རིན་ཆེན་བདུན༔ འདོད་ཡོན་ལྔ་དང་ཕྱི་མཆོད་སོགས། ནང་མཆོད་འབུལ༔ ཨོཾ་ཨཱཿ ཧཱུྃ་སརྦ་པུ་ཛ་ཧོ༔ ཧཱུྃ་ཧྲཱིཿརྣམ་ཤེས་ཚོགས་བརྒྱད་དགའ་བཞིའི་བདེ་སྟོང་སོགས། ཕྱི་ནང་སྣོད་བཅུད་འདོད་ཡོན་སོགས། ཁ་རྃ་ཁཱ་ཧི། ཕྱི་མཆོད་ཨརྒྷཾ་པདྱཾ་སོགས། ཨོཾ་ཨཱཿ ཧཱུྃ༔ རུ་པ་ཤབྡ་གནྡྷེ་སོགས། ཨོཾ་ཨཱཿ ཧཱུྃ༔ གསང་མཆོད། སརྦ་པཉྩ་ཨ་མྲྀ་སོགས། མ་ཧཱ་རཀྟ་ཁཱ་ཧི༔ བསྟོད་པ་ནི། ཧཱུྃ། ཀུན་བཟང་ཡབ་ཡུམ་ཐུགས་རྗེའི་སོགས། ཧཱུྃ། ཆེ་མཆོག་ལ་སོགས་ཁྲག༴ཕྱག་འཚལ་བསྟོད༔ ཧཱུྃ། ཞི་བའི་ལྷ་ཚོགས༴ཧཱུྃ་ཧྲཱིཿཔདྨ་འོད་འབར་གནས་ལྔར་དཀྱིལ་འཁོར་མཛེས༔ སོགས། དཀོན་མཆོག་སྤྱི་འདུས་དཀྱིལ་འཁོར་ལྷ་ལ་བསྟོད༔ ཨོཾ་ཨཱཿ ཧཱུྃ་བོ་དྷི་ཙིཏྟ་སོགས་དང་། ཨོཾ་ཨགྣ་ཡེ་སྭཱ་ཧཱ། བྱོན་སྐྱེམས་བདུན་ཚན་གསུམ། དེ་བཞིན་རིག་འཛིན་དང་། མཁའ་འགྲོ་སྡེ་ལྔ། ཕུར་པ་རྣམས་ལ་བདུན་ཚན་གསུམ་གསུམ་ཕུལ། དེ་ནས་ཡམ་ཤིང་སྔགས་ཚན་བཞི་རེ་རེ་བཞིན། ཨོཾ་བོ་དྷི་བྲིཀྵ་ཡེ་སྭཱ་ཧ། བདུན་ཚན་གསུམ་མམ། བརྒྱ་རྩ་རེ། ཨོཾ་ཨགྣ་ཡེ་སྭཱ་ཧཱ་བཏགས་པའི་མར་ཁུ་ཡང་དེ་བཞིན་འབུལ། མཚམས་རྣམས་སུ་འདོད་གསོལ། བདག་ཅག་ཡོན་མཆོད་ཀྱི་སྔགས་ཀྱི་ལྷག་ཆད་ནད་གདོན་སྡིག་སྒྲིབ་རྐྱེན་ངན་བར་ཆད་ཐམས་ཅད་དྷརྨ་དྷཱ་ཏུ་ཤནྟིཾ་ཀུ་རུ་སྭཱ་ཧཱ། བསྙེན་སྔགས་དང་རྫས་སྦྲག་མ་ནུས་ན་བསྙེན་སྔགས་ལན་གཅིག་གིས་དྲངས་ཏེ་རྫས་སྔགས་བསོགས་པས་རུང་། དེ་ནས་ཞི་ཁྲོའི་སྦྱིན་སྲེག་ནི། བདག་ཅག་གི་ཚེ་རབས་འཁོར་བ་ཐོག་མེད་ནས་བསགས་པའི་སྡིག་སྒྲིབ་ཐམས་ཅད་སྡིག་པ་ར་ཙའི་རྣམ་པར་རང་གི་སྣ་གཉིས་ནས་ཕྱིར་ཐོན་མདུན་དུ་མེ་ལོང་གི་སྟེང་དུ་ཏིལ་ནག་གི་གཟུགས་དེ་ལ་ཐིམ། དེ་ཡང་འོད་དུ་ཞུ་ནས་ཡི་གེ་ནག་པོར་གྱུར༔ དེ་ཡང་ཞུ་ནས་ཏིལ་འབྲུ་དེ་རྣམས་མེ་ལྷའི་ཞལ་དུ་འབུལ༔ ཨོཾ་ཨགྣེ་ཡེ་སྭཱ་ཧཱ༔ ཨོཾ་ཨགྣེ་ཡེ་གུ་རུ་དེ་ཝ་ཌཱ་ཀི་ནི་སྭཱ་ཧཱ༔ ཨོཾ་དྷརྨ་དྷ་ཏུ་ཤནྟིཾ་ཀུ་རུ་སྭཱ་ཧཱ༔ ཚེ་རབས་ནས་བསགས་པའི་ལས་ངན་སྡིག་སྒྲིབ་ཉེས་ལྟུང་དྲི་མའི་ཚོགས་ཐམས་ཅད་སརྦ་པཱ་པཾ་ད་ཧཱ་ན་ཤནྟིཾ་ཀུ་རུ་སྭཱ་ཧཱ༔ ད་ཧཱ་ན་ཤནྟིཾ་ཀུ་རུ་ཡེ་སྭཱ་ཧཱ༔ ས་ཏིལ་ནག་བརྒྱ་རྩ་ཡང་དབུལ། དེ་ནས་སྔགས་ཚན་བཞི་རེ་རེ་བཞིན་རྫས་ཡུངས་བརྒྱ་རྩ་རྣམས་ལྷ་སྔགས་ཁོ་ནས་དབུལ། གྲངས་རྫོགས་པ་ན་མཆོད་བསྟོད་མངོན་རྟོགས་བསྡུས་བ་ན། ཨརྒྷཾ་སོགས་ཀྱིས་མཆོད། མ་ཧཱ་པཉྩ་ཨ་མྲྀ་ཏ་རཀྟ་བ་ལིངྟ་ཁཱ་ཧི༔ ཧཱུྃ་ཧྲཱིཿཔདྨ་འོད་འབར་གནས༴སོགས་ཀྱིས་བསྟོད། ལྷ་སྔགས་དང་། གྷཱ་ཎ་ཙཀྲ་པཱུ་ཛ་ཁཱ་ཧི༔ ས་ཚོགས་དབུལ། ཧཱུྃ། རྒྱལ་བ་རྒྱ་མཚོའི་ལྷ་ཚོགས་དགོངས་སུ་གསོལ༔ སོགས། མཉམ་ཉིད་ངང་དུ་བཤགས་པར་བགྱི༔ བཛྲ་ས་མ་ཡ་ཧོ༔ ཡིག་བརྒྱ་ལན་གསུམ། ཧཱུྃ། ཡེ་ནས་རྣམ་དག་རང་བྱུང་རང་ཤར་དབང་༔ སྐུ་གསུང་ཐུགས་ཡོན༴རབ་འབྱམས་དབང་ཐོབ་ཤོག༔ ཀ་ཡ་སིདྡྷི་ཨོཾ༔ ཝཀྐ་སིདྡྷི་ཧཱུྃ༔ ཙིཏྟ་སིདྡྷི་ཧྲཱིཿསོགས་ཀྱི་དངོས་གྲུབ་བླངས། ཨོཾ་ཁྱེད་ཀྱི་སེམས་ཅན་སོགས་ཀྱིས་སྦྱིན་བསྲེག་ལྷར་གཤེགས་བསྡུ་ཚོམ་བུ་ཡོད་ན་ཕྱིར་དྲངས་མར་ཁུ་བླུག་གཟར་གང་བླུགས་པས་མེ་གསོ། བྱོན་སྐྱེམས་དང་། ཡམ་ཤིང་། མར་ཁུ། ཏིལ་ནག །རྫས་ཡུངས་རྣམས་ལྔ་རེ་ཙམ་དབུལ། མ་རྙེད་སོགས་ནོངས་བཤགས་ཡན་སྦྱིན་སྲེག་ལྟར་རོ། །ཚོགས་རྒྱས་པ་དང་། ཆད་རྟེན་སོགས་མ་བྱས་ན་ཆོག །མཇུག་བསྔོ་སྨོན་ཤིས་བརྗོད་སོགས་དགོས། རྫས་སྤུངས་ལ། ཞོ་ཟན། སྲན་དཀར། གྲོ་ནས། དུཪྺ། ཀུ་ཤ། ཡུངས་ཀར། ཤིང་ཐོག་སྣ་ཚོགས། སྨན་སྣ། དར་ཟབ་སོགས་ཡིན་ནོ། །ཅེས་པའང་འཇམ་དབྱངས་ཆོས་ཀྱི་བློ་གྲོས་པས་སོ།། །།

[edit]

@#/__/zhi khro nges don snying po'i sgrub khog khyung lding gi gsal byed dngos grub rgya mtsho zhes bya ba bzhugs so/__/ gu ru tri mU le b+h+yo na mA mi/__ye shes gcig nyid du ma'i gar/__/bsam yas rtsa gsum zhi khro'i lhar/__/bskal pa'i gong nas 'brel pa yi/__/mi phyed gus pas bsnyen par bgyi/__/byin rlabs gzi brjid zla med pa/__/ma ha gu ru'i thugs kyi bcud/__/zhi khro nges don snying po yi/__/sgrub pa'i khog dbub 'dir dbye bya/__de'ang gsang sngags snga 'gyur ba'i rgyud lung man ngag rnams la che thang du bsngags shing dngos grub rnam pa gnyis bde blag tu 'grub par byed pa'i thabs zab mo rmad du byung ba tshom bu tshogs su sgrub pa'i lag len pra khrid gzhung so so las mang du 'byung mod/__'dir rig 'dzin 'ja' tshon snying po'i zab gter sgrub khog khyung lding dang sbyar nas bkod pa la gsum/__phun sum tshogs pa lnga'i sgrub pa'i gzhi bzung ba/__bsnyen sgrub yan lag bzhis gzhung bsrang ba/__rjes las kyi rim pas mtha' rgyas su bya'o/__/dang po ni gter gzhung phal mo cher/__ston pa gnas dang 'khor dang dus:__yo byad la sogs gzhir ldan pas:__zhes 'chad pa mang yang /__'dir gsang sngags lam rim ltar na/__dang po bsgrub pa'i phun sum tshogs pa 'di/__gu ru rin po che sogs grub thob gong mas byin gyis brlabs pa/__dben la nyams dga' zhing dam nyams sde 'khrugs sogs kyi grib kyis ma gos pa'o/__/gnyis pa dus ni rgyal ba'i dus chen bzhi/__ra ba bzhi'i yar ngo /__yar mar gyi tshes bcu/__de rnams ma 'dzom na yang gza' skar 'phrod sbyor dge ba la'o/__/gsum pa sgrub pa po ni/__rdo rje slob dpon rgyal thebs gzungs ma gtso bor gyur pa'i ston 'khor thams cad so so'i mtshan nyid gzhungs mthun dgos par gsungs kyang /__spyi rtsam du sgrub pa gang byed rgyu de nyid kyi dbang lung rdzogs par thob cing bsnyen sgrub las rung bya bas/__bsgrub bya la the tshom med cing dad pa rtse gcig dang ldan pa/__sgrub pa po nang phan tshun dam sel gtan nas med pa zhig gal che'o/__/bzhi pa yo byad ni/__dkyil 'khor rdul mtshon mi grub pa'i skabs su ras bris tshad ldan med thabs med cing /__sku gsung thugs kyi rten dang /__sgrub rdzas mchod rdzas rgyan rdzas la sogs pa dam tshig gi yo byad thams cad tshags su tshud par bya'o/__/lnga pa sgrub pa'i thabs ni/__yid ches rtsod bral gyi bka' gter las byon cing dam sel gyi brgyud pas ma slad pa/__rgyud lung man ngag khungs btsun gyi dgongs pa dang mthun cing 'khrul pa med pa dang /__byin rlabs kyi gzi byin dang ldan pa zhig dgos pa las 'dir rig 'dzin grub pa'i gtsug rgyan 'ja' tshon snying po'i zab gter khyad du 'phags pa'o/__/gnyis pa bsgrub pa'i gzhung bsrang ba la gnyis/__sngon 'gro dang dngos gzhi'i las rim mo/__/dang po la gnyis/__bsod nams kyi dpung bskyed pa/__sa'i cho ga bya ba'o/__/dang po la bla ma dgongs 'dus las rim pa bcur bzhad pa sogs mang yang bde 'dus bsnyen sgrub chen mo'i pra khrid ltar na bzhi/__rang rgyud spyod pa/__chos 'khor bskor ba/__gtor ma btang ba/__sbyin gtong bya ba'o/__/de re re la bzhi bzhir 'byung ste/__dang po ni lus kyi sgrib pa sbyangs phyir/__sAts+tsha gdab pa/__nye'u 'don sogs/__srog bslu ba/__rnam 'joms smre brtsegs kyi khrus bya/__ngag sgrib sbyangs phyir/__na raka dong sprugs dang yig brgya bzla/__yid sgrib sbyangs phyir sems bskyed blangs/__bla ma'i rnal 'byor sgom/__zhi ba'i sbyin bsreg blug__/gsum ka'i phyir du phyag bskor dang mkha' 'gro chos skyongs la tshogs skong rgya chen bya/__/gnyis pa ni/__chos nyid skye med don rtogs phyir/__sgrub khang gi shar du sher phyin/__bdud 'joms phyir lhor stobs po che/__rgyu 'bras go phyir nub tu lang kar gshegs pa/__bar chad zhi phyir byang du tog gzungs dang grwa lnga bzla/__/gsum pa ni/__byin rlabs 'byung phyir srid zhu/__phrin las bcol phyir yon tan/__'byor pa thob phyir snying rje/__bu lon 'khor phyir lan chags kyi mgron rnams la/__phyi chu gtor dang mdos glud/__nang gtor ma/__gsang ba lus kyi mchod sbyin bya ba'o/__/bzhi pa ni/__dngos su snang ba'i mgron bzhi la dngos 'byor ci rigs pas mnyes shing tshim par byed pa ste/__bla ma dgongs 'dus/__rje dpon dang yon tan can/__nad pa dbul phongs bya rigs chu gnas bu lon chags pa dang mi 'dza' ba rnams yon dang bza' btung ci 'byor bstabs la bsgrub pa mthar phyin cing bar chad med pa'i smon lam gdab bo/__/gnyis pa sa'i cho ga la lnga/__brtag pa/__bslang ba/__dbang du bya ba/__sbyangs ba/__bzung zhing bsrung ba'o/__/dang po ni/__mtshan nyid rten 'brel lto 'phye brtags pa rnams te sgrub gnas rnying pa la mi dgos so/__/gnyis pa snang ba 'di las bslangs zin pa'i dbang du byas te mi snang ba las bslang ba la gnyis/__mi min yul bdag spyi la bslangs ba dang /__sa lha'o/__/dang po ni/__dkyil 'khor gang du bya ba'i gzhi steg byi dor byas par tshom bu lnga bkod pa'i mdun du mchod gtor dkar zlum mtheb ril gyis mtshan pa gnyis dang /__gser skyems mtha' gzhi steg byi dor byas par tshom bu lnga bkod pa'i mdun du mchod gtor dkar zlum dang /__byang shar na 'tshams 'dzin me tog nas brtsam chu gnyis nyer spyod g.yas bskor du bkod/__bdag bskyed kyi mchod gtor rnams bshams shing 'og gi skabs so sor dgos pa'i yo byad rnams kyang snga tshags su tshud par bya'o/__/de nas thog mar bdag gi rnal 'byor ni/__tshig bdun gsol 'debs dang /__brgyud 'debs sngon du 'gro bas skyabs sems tshogs bsags kyis rgyud sbyangs/__gu ru zhi rkyang gi bsgom bzlas dang /__zhi khro'i mngon rtogs bsdus pa bzlas pa'i mthar bsdu ldang bya/__dkar gtor gser skyems/__ra~M ya~M kha~M gis bsangs/__swA b+ha was sbyangs/__stong pa'i ngang las rin po che'i snod yangs shing rgya che ba'i nang du gtor ma kha dog dri ro nus pa phun sum tshogs par gyur/__oM AH_hU~M/__lan gsum/__b+hu mi pa ti sa pA ri wa ra badz+ra sa ma dzaHsa spyan drangs/__s+thA na pa ti k+She tra pa lany+tsa na maHsarba ta thA ga ta b+h+yo=sogs/__i maM ga ga na khaM swA hA/__lan gsum gyis gtor ma phul/__hU~M/__dgongs shig sa bdag lha klu sde dang dpung /__sogs nas/__gats+tsha:__gnang ba byin nas rang gnas su gshegs par bsam zhing 'jam rol dang bcas gtor ma dang gser skyems phyir 'bul/__gnyis pa sa lha'i mchod gtor rnams/__a mr-i tas bsangs/__ra~M ya~M kha~M gis sbyangs/__thams cad stong nyid nam mkha'i ngang :__sogs nas/__oM AH_hU~M/__lan gsum rgya dang bcas pas brlabs/__tshom su ni/__ba~M las sa yi lha mo sku mdog gser btso ma lta bu sku stod sa yi steng du thon nas phyag gnyis mchog sbyin dang /__bum pa bsnams pa/__'khor du sa bdag gis bskor ba la/__/rang nyid kyi thugs ka nas 'od zer 'phros de 'dra ba'i ye shes sems dpa' badz+ra sa ma dzaHsa spyan drangs/__dzaHhU~M ba~M ho:__gnyis su med par gyur/__oM badz+ri b+ha wa a b+hi Shiny+tsa hU~M/__zhes dbang bskur ba rin chen 'byung gnas kyis rgyas gdab/__oM pri thi wI de wi sa pA ri bA ra ar+g+haM pra tiSh+tsa swA hA nas/__shab+da'i bar gyis mchod/__a ka ro'i sngags kyis gtor ma phul/__de nas/__hU~M/__lha mo chen mo sa bdag kun gyi yumaHsogs lhug ma/__ba~M hoHces rol mo bcas gtor ma gser skyems phyir 'bul/__/gsum pa dbang du bya ba ni/__stegs bu'i mdun nas slob dpon gyis dbang mchog phur bu bzung la/__bdag nyid las kyi he ru ka zhal gcig phyag gnyis par gsal ba'i thugs ka'i hU~M las 'od 'phros phur bu la thim/__de nyid dpal rta mgrin gyi skur gyur/__par bsam la/__oM pad+man+da krid ta hU~M phaTa?:__ces btab te lan bdun bzlas pas/__hU~MHnga ni che mchog he ru kaHsogs/__hU~M phaTaHphur bu las byung ba'i 'od zer dmar pos sa gzhi thams cad la khyab/__bdag gi dbang du gyur par bsam mo/__/bzhi pa sbyangs ba la sngags dang phyag rgyas sbyang ba ni/__slob dpon gyi lag g.yas rdo rje dang bcas stegs bu'i steng du bzhag__/thams cad kyi rdo rje dang bcas lag g.yas sa la reg pa'i tshul byas nas/__oM swa b+hA wa shud+d+ha sarba d+harmaHswa b+hA wa shud+d+ho\u0f85ha~M:__lan gsum sa la bsnun/__ting nge 'dzin gyi sbyang ba ni/__rang nyid yi dam gyi=sogs nas/__b+h+rU~M:__zhes dang /__rigs gsum mgon po'i bsnyen pa dang /__A li kI lis spos chu byin gyis brlabs pa 'thor la/__'di ltar brjod/__kyai/__me long mdangs ldan mtsho sman rgyal mo la:__sogs nas/__stsol cig:__ces dri chu 'thor zhing chags chags gdab/__/lnga pa bzung ba dang bsrung ba gnyis las/__/dang po ni/__bgegs gtor byin rlabs nas brtsam sngon 'gro thar lam dkar po ltar/__bka' bsgo zhing mtshams bcad srung 'khor bsgom/__slob dpon dkyil 'khor dbus su bzhengs te las phur thogs la/__bdag gi thugs ka nas khro bo bcu spros pa'i tshogs kyis sa gzhi gang bar gyur/__phur bu rnams stod zhal gsum phyag drug phur bu 'dril ba/__/smad lcags phur me yi tsha tsha 'phro bar gyur/__phur bu bsgril zhing /__oM g+ha g+ha g+hA ta ya g+hA ta ya sarba duSh+Tan badz+ra d+ha rod adz+nyA pa ya ti sarba big+h+nAn kA ya wA ka tsit+ta badz+ra kI li kI la ya hU~M hU~M phaT:__lan gsum/__phur pa las 'phros pa'i khro chu dang me'i 'od kyis sa gzhi khengs par gyur:__spro na 'dir stang stabs bskor ba sogs rgyas bsdus gang rung bya'o/__/rtsa ba'i gnyis pa dngos gzhi la gsum/__ye shes kyi bsnyen pa dang nyer bar bsnyen pa'i rim pa/__lha dang dbyer med du byed pa'i sgrub pa'i rim pa/__grub nas dngos grub len pa sgrub pa chen po'i rim pa'o/__/dang po la bcu ste/__/mtshams gsum rten bca' sta gon bya/__/rgyan 'god mnga' gsol brda' sbyar zhing /__/bsre bsnan skos gdab byin 'bebs so/__/zhes pa'i dang po phyi mtshams bcad pa ni/__dkyil 'khor gyi khang pa'i phyogs bzhir tho bzhi la rgyal chen so so'i sngags byang rgyal mtshan dang bcas pa btsug la so so'i mdun du stegs gtsang mar gtor ma dkar zlum mdun du mtheb skyu ril bus mtshan pa re dang /__de'i mdun du g.yon phyogs nas brtsam pa'i chu gnyis nyer spyod lnga bcas bshams/__sgrub pa po rnams rol chas sogs ser sbreng gi tshul gyis bsgrub khang nas don te shar gyi tho mdun du 'khod la/__mchod gtor rnams/__oM badz+ra a smr-i tas bsang /__ra~M ya~M kha~M gis sbyangs/__thams cad stong nyid nam mkha'i ngang :__b+h+rU~M las rin chen snod nang du:__oM las phyi nang mchod pa'i tshogs:__so so'i lha mo'i rol bar bcas:__rab 'byams nam mkha' gang bar gyur:__oM badz+ra puSh+pe nas/__shab+da pU dza sa ma ya hU~M:__zhes dang /__gtor gzhong rat+na'i gzhal yas su:__gtor ma 'dod yon phung por spungs:__oM AH_hU~M/__lan gsum rgya dang bcas pas brlabs/__bdag nyid lhar gsal ba'i thugs ka nas yi ge phuH'phros pas pi wa~M du gyur/__de yongs su gyur pa las yul 'khor srung dkar po pi waM 'dzin pa dri za'i 'khor gyis bskor ba'i thugs ka dang rang gi thugs ka nas 'od zer 'phros/__ri rab kyi shar phyogs nas rgyal po chen po yul 'khor srung 'khor dang bcas pa badz+ra sa ma dzaHbsdu rgya dang spyan drang /__dzaHhU~M ba~M hoHoM d+hISh+Ta ra Sh+Ta ya swA hA:__lan bdun/__oM ma hA ra dza sa pa ri wa ra ar+g+haM nas/__shab+da pra tiSha tsha swA hAH'i bar gyis mchod/__rtsa sngags mthar/__i daM ba ling+ta khA hi khA hi:__lan gsum gyis gtor ma phul/__hU~M/__shar phyogs rgyal po yul 'khor srung :__hU~M/__sngon tshe rgyal=hU~M/__deng gi gnas mchog=sogs nas/__las mdzod:__ces bstod cing phrin las bcol/__oM d+hISh+Ta raSh+Ta ya swA hAHtiSh+Tha badz+ra:__zhes brten bzhugs bya/__lho yi tho rtsar 'khod nas mchod gtor rnams gong ltar byin rlabs/__bdag nyid lhar sogs nas/__ral grir gyur/__de yongs su gyur pa las 'phags skyes po sogs gcig shes kun grol ltar/__sa ma dzaHrgya dang bcas/__dzaHhU~M ba~M hoHoM be ru d+ha ka ya swA hA:__lan bdun/__oM ma hA rA dza sa pA ri wa ra ar+g+haM nas/__shab+da pra tits+tsha swA hAH'i bar gyis mchod/__rtsa sngags mthar/__i daM ba ling+ta kha kha khA hi khA hi:__zhes lan gsum gyis gtor ma phul/__hU~M/__lho phyogs rgyal po 'phags skyes po:__hU~M/__sngon tshe=hU~M/__deng gi=las mdzod:__ces bstod cing phrin las bcol/__oM be ru d+ha ka ya swA hAHtiSh+Tha badz+ra:__zhes brtan bzhugs bya/__nub kyi tho rtsar 'khod la mchod gtor byin rlabs/__bdag nyid lhar gsal sogs/__las spyan mi bzang =sogs/__dzaHkun grol bzhin/__mchan/__rgya dang bcas/__dzaHhU~M ba~M hoHoM be ru pak+Sha ya swA hA/__lan bdun/__oM ma hA rA dza sa pA ri wa ra ar+g+haM sogs nas/__shab+da pra tits+tsha swA hAHbar gyis mchod/__rtsa sngags mthar/__i daM ba ling+ta kha kha khA hi khA hi:__lan bdun gyis gtor ma phul/__hU~M/__byang phyogs rgyal po spyan mi bzang /__hU~M/__sngon tshe rgyal=hU~M/__deng gi=sogs/__las mdzod:__ces bstod cing phrin las bcol/__oM be rU pAk+ShA ya swA hAHtiSh+Tha badz+ra:__zhes brtan bzhugs bya'o/__byang gi tho rtsar 'khod la/__mchod gtor rnams gong ltar byin rlabs/__bdag nyid lha gsal=rnam thos sras/__badz+ra sa ma dzaHkun grol bzhin/__mchan/__rgya dang bcas/__dzaHhU~M ba~M ho:__oM bai shra ma NA ya swA hA:__lan bdun/__oM ma hA ra dza sa pA ri wa ra ar+g+haM nas/__shab+da pra tits+tsha swA hAHbar gyis mchod/__sngags mthar/__i daM ba ling+ta kha kha khA hi khA hi:__zhes lan gsum gyis gtor ma phul/__hU~M/__byang phyogs rgyal po rnam thos sras:__hU~M/__sngon tshe=hU~M/__deng gi=las mdzod:__ces brjod cing phrin las bcol/__oM be shra ma Na ya swA hAHtiSh+Tha badz+ra:__zhes brtan bzhugs bya'o/__/gnyis pa bar mtshams la gnyis/__dam sri mnan pa/__sgo byang gdags pa'o/__/dang po ni dug shog la dam sri'i ling+ga bya mchu can yan lag lcags sgrog gis bsdom pa'i snying gar dza tri kha sprod mthar mgrin pa nas brtsam ste yig mgo phyir bstan la/__ya ma dam sri go pa ri mA ra dzaHdzaHnanaHtri'u tri'u mA ra ya na ma sho dzaHkhug nan:__zhes dang /__gzugs kyi mthar yig mgo nang du bstan la/__dus drug dang bcur rgyu ba'i nyu le dam sri rgyal 'gong 'byung po'i tshogs dang bcas pa'i lus ngag yid gsum mthu stobs thams cad non cig:__bskal pa ma stong gi bar du ma sdang cig:__oM lam/__hU~M lam/__staMb+ha ya nan:__zhes pa rnams kyi mthar/__dza khrom kyis bskor bar bris la/__'grub na sgrub ba'i snga nyin ltar bu phur pa sogs drag po'i phrin las btang ba'i tshogs tha mi gdab kha dang 'brel bar bkug bstim grangs mang byas la thun gdab/__'dre lteb tu bcag cing tshon skud kyis bcing /__thod ngan nam khyi thod lta bur bcug__/phung res dril la gtsang gis gzir bas mnan chas bya/__sgo drung du dong gru gsum brus la bkod/__de tsam mi 'grub pa'i skabs ling+ga dong nang du bting /__thog mar bskul ba ni/__hU~MHma bcos lhun grub dbyings rig dbyer med las:__sogs nas/__ma ra ya phaT:__slob dpon gyis gser skyems thogs la/__ra~M ya~M kha~M:__oM AH_hU~M ha ho hrIHlan gsum gyis byin brlabs la/__hU~M/__rig 'dzin rtsa brgyud bla ma dam pa dang /__/bde gshegs zhi khro rab 'byams dkyil 'khor lha/__/khyad par rtsa gsum zhi khro'i lha tshogs rnams/__/gser skyems 'di bzhes rnal 'byor mthu dpung bskyed/__/ma mgon lcam dral dam can rgya mtsho'i tshogs/__/dregs pa'i sde dpon sum cu yab yum sras/__/bka' nyan bran g.yog mngag gzhug bcas rnams kyis/__/gser skyems=/__sngags 'chang bdag gi rigs kyi srung ma dang /__/sa phyogs 'di sogs yul gzhi gnas kyi bdag__/lo zla zhag dus tshes la dbang ba'i lha/__/gser skyems 'di bzhes rnal 'byor mthu dpung bskyed/__ces pa'i tshig mtshams so sor gser skyems phul/__lha sngags brjod pas rang rta mgrin du gsal/__slob dpon gyis g.yab dril thogs/__hU~M mdzad kyi rgya dang bcas/__e yaM raM/__dz+wa la raM/__brub khung sogs/__na mo dkon mchog gsum la phyag 'tshal lo/__/dkon mchog gsum gyi bka' bden pa dang sogs/__gyur cig__/tri yaM dza:__tri badz+ra ang+ku sha dza:__dzaHhU~M ba~M ho:__lan gsum gyis dgug gzhug byas la/__oM g+ha g+ha g+hA ta ya g+hA ta ya sarba duSh+Tan badz+ra d+ha rod adz+nyA pa ya ti sarba big+h+nAn ka ya wa ka tsit+ta badz+ra ki li kI la ya hU~M hU~M phaT:__thun rdzas kyis brab gu gul bdug__/dur rdol ri gling rgya gram bris pas mnan/__hU~M/__dam sri bya ba'i sdig can 'dis:__sogs/__hU~M/__dam sri bya ba'i sdig can khyod:__bskal pa nas/__rgyas gdob:__oM laM/__a laM/__hU~M laM/__s+t+waM b+ha ya nan:__zhes pa'i mthar 'bebs ring 'og sa chu me rlung rim pa bcu gsum re dang /__sAts+tsha nag pos mnan te/__'byung bzhi ri rab dang bcas pa'i steng du khro rgyal 'khor bcas bzhugs par bsam/__mched lcam rnams srin lag lu gu rgyud du sbrel te/__hU~M:__kun bzang yab yum mkha' dbyings su:__sogs/__ma ra ya nan:__gnyis pa sgo byang phyi nang gnyis la phyi'i sgo gong du ra sogs gam ro ras la rta mgrin kyi sku sngags byang snying po 'dod gsol bris pa dang /__skyer phur la snying po bris te rgyab tu btags pa bkod/__dmar gtor mchod pa sogs bshams la/__ra~M ya~M kha~M/__stong pa'i ngang las b+hany+dza'i snod du mchod pa'i dngos po 'dod yon gyi rnam pa ma tshang ba med par 'char bas nam mkha' gang bar gtor snod b+hany+dza 'bar bar/__gtor rdzas oM AH_hU~M zhu ba las 'dod yon gyi phung po zad mi shes pa'i longs spyod kyi gter du gyur/__oM AH_hU~M:__lan gsum gyis brlab/__las sngags kyis bsangs/__swA b+hA was sbyangs/__stong pa'i ngang las las kyi rta mgrin dmar po thod dbyug dang sbrul zhags 'dzin pa khro bo'i chas can/__nyi zla pad+ma'i gdan la bzhengs pa'i gnas gsum du oM AH_hU~M gis mtshan pa las 'od 'phros/__rang 'dra'i ye shes pa badz+ra sa mA dza:__dzaHhU~M ba~M hoHoM badz+ra kro d+ha h+ya gri wa hu lu hu lu hU~M phaTaHlan bdun/__ar+g+haM nas/__shab+da'i bar gyis mchod/__rtsa sngags mthar/__i daM ba ling+ta kha kha khA hi khA hi:__lan gsum gyis gtor ma phul/__hU~M/__sum cu rtsa gsum dga' ldan lha yul nas:__sogs nas/__oM badz+ra kro d+ha h+ya gri wa hu lu hu lu hU~M phaT:__hU~M/__gsang chen lhun grub pho brang nas:__sogs/__srung shig rak+Sha:__tiSh+Tha badz+ra:__sa brtan bzhugs bya/__nang sgor ra sog gam shing byang la bdud rtsi 'khyil pa ljang nag rgya gram dang dgra s+t+wa thogs te bzhengs pa'i gnas gsum du oM AH_hU~M gis mtshan pa las 'od zer 'phros rang 'dra'i ye shes pa badz+ra sa ma dzaHdzaHhU~M ba~M hoHoM badz+ra kro d+ha a mr-i ta kun+Da li hU~M:__lan bdun/__ar+g+haM sogs/__shab+da'i bar gyis mchod/__oM badz+ra kro d+ha a mr-i ta kun+Da li i daM ba ling+ta sogs/__khA hi:__lan gsum gyis gtor ma phul/__hU~M/__khro bo bdud rtsi 'khyil pa'i sku:__sogs nas/__hU~M phaT:__ces dang /__tiSh+Tha badz+raHsa brtan bzhugs bya'o/__/bdag cag dpon slob rnams kyi=sogs/__myur du stsol cig:__ces brjod sgo them gyi nang du brub khung zhig gi nang du zan ling la seng lding dam skyer pa'i phur bu'i dbal la mi g.yo ba'i sngags dang mgul du rgya shog la sgo 'di yan chad su yang ma 'das zhig__/ces bris te btags pas btab/__sgo 'di yan chad su yang ma 'da' zhig__/ces brjod/__/gsum pa gsang mtshams la gnyis/__ma traM bsgral ba dang /__khro bcu'i phur gdab bo/__/dang po ni/__dkyil 'khor gyi gzhir ma traM gi gzugs brnyen mgo lho nub tu bstan pa gan rkyal du bzhag__/stegs bu'i shar ngos su slob dpon zhal nang du phyogs te/__phyag tu g.yab dar dang dril bu thogs te las sngags brjod/__bdag nyid las kyi he ru ka khro gtum bzod par dka' ba'i gzi brjid bskal pa'i me ltar 'bar ba'i skur gyur par bsam/__lcags kyu'i phyag rgyas bcings te/__ma trAM ka ru dza:__na mo dkon mchog gsum la phyag 'tshal lo:__dkon mchog gsum sogs bden stobs brjod pas sngon 'gro ltar/__bden pa chen po'i byin rlabs kyis rnam pa ma traM ru tra ngo bo dngos grub la bar du gcod pa'i bdud dang log 'dren ma traM ru tra a kaR+Sha ya dza:__dzaHhU~M ba~M ho:__ces bkugs te gzugs la bstim nas/__hU~M:__shar phyogs dkar mo dung gi gzhal yas nas:__sogs nas/__phung po dum bur gtub la don snying gsol:__hU~M/__gruMm bu a pa tse nas/__tsit+ta rbad:__ma traM bsgral ba ni/__chos dang gang zag gi bdag tu lta ba rnams gzhom pa'i don du ma traM gi gzugs de nyid slob dpon gyi zhabs g.yas pa'i dor stabs kyis mnan nas/__hU~M/__ma traM bya ba'i sdig can 'dis/__sogs/__dbyings su sgrol:__oM ma hA shu n+ya ta dz+nyA na badz+ra swA b+ha wa at+ma ko\u0f85haM:__ma traM ruM tra dzaHa kaR+Sha ya dzaHkha TaM ru tra dzaHma tri ma ru tra dzaHa kaR+Sha ya dza:__pra we sha ya dzaHzhes lan bdun bzla zhing slob dpon gyis lag g.yas kyi sor mo gsum sbreng ba kha T+wA~M rgyas snying gar bsnun byas la/__gzugs phung hrul gyis zhig__/ma rig sgo lnga'i sbubs dral/__rnam shes tri nag por gnas pa thugs ka'i 'od kyis sbyongs pa'i hU~M yig dkar po gyur pa bdag gi thugs kar thim nas gnyis su med par gyur par bsam zhing /__las rdor gyis ma traM gi lhu tshig so sor phral nas snying shar/__mgo lho/__nang rol nub/__mtshan ma byang /__lag g.yas shar lho/__g.yon lho nub/__rkang g.yon nub byang /__g.yas byang shar du bkod/__slob dpon zhal shar du phyogs par bzhugs pa'i mdun du seng lding gi phur pa tsan+dan dmar pos kha dog bsgyur zhing rtse mor me tog phreng bas bcings pa bcu bshams/__dkyil 'khor gyi phyogs mtshams brgyad dang /__shar nub kyi phyi rnams su phur gdan bcur bkod la/__rang gi thugs ka nas hU~M yig bcu 'phros phur bu rnams la thim pa yongs su gyur pa las stod khro bo'i gzugs can smad phur bu 'bar ba'i rnam pa can du gyur par bsam la thams cad kyi hU~M mdzad kyi rgya dang sum b+ha ba'i sngags kyis phyogs bcu'i bgegs rnams bkug pa la/__slob dpon gyi lag g.yas kyis tho ba dang /__g.yon pas phur bu bzung la/__hU~M/__steng 'og phyogs mtshams brgyad rnams nas:__sogs nas/__bsrung du gsol:__oM badz+ra kI li kI la ya hU~M phaT:__oM badz+ra kro ta hU~M ka ra hU~M phaT:__gnod byed 'byung po thams cad gar+dz+ha gar+dz+ha hU~M phaT:__oM g+ha g+ha g+hA ta ya sarba duSh+TiM badz+ra d+ha rod adz+nyA pa ya ti sarba big+h+nAn ka ya wa ka tsit+ta badz+ra kI li kI la ya hU~M hU~M phaT:__de bzhin du kI la ya dang khro bcu khra thabs sder mo'i sngags tshan bzhi re kyang de kun la dgos kyang bri ma nus/__phaTaHces 'bar ba'i stangs stabs dang bcas phyogs g.yas bskor/__mtshams g.yon bskor te shar gyi shar dang /__'og nub kyi nub tu gdab la/__hU~M/__shar phyogs khro bo rnam par rgyal:__sogs nas/__mtshams bcad do:__bgegs rnams kyi snying phug nas g.yo 'gul med cing 'od gsal bar gyur par bsam zhing phur bu las byung ba'i 'od zer srung ba'i 'khor lo 'khrigs pas phyogs mtshams thams cad khyab par gyur/__ces dang /__dkon spyi'i srung 'khor gyi tshig brjod cing srung bya srung byed thams cad las 'das pa de kho na nyid kyi srung 'khor yang bya'o/__/ma traM dang phur pa de dag re zhig phyogs su bsdu nas rgyan bkod skabs su bkram par bya'o/__/bzhi pa rten gyi dkyil 'khor bca' ba la thog mar chags chags gdab pa ni/__phung phor ram kA pa lar bdud rtsi rnam pa lngar sbyar bas dri bzang gi chus dkyil 'khor gyi sa gzhi la rdo rje khu tshur gyis byang shar nas g.yas bskor du khyab par phyi nang med par byug cing /__hU~M/__bla med gsang ba mchog gi dkyil 'khor du:__dam rdzas bdud rtsi ye shes lnga ldan pa'i:__bde gshegs rgyal ba'i sku gsung thugs sgrub phyir:__bka' gsang rmad du byung ba'i chags chags 'debs:__oM ma hA a mr-i ta kun+Da li hU~M:__ces brjod cing zhi rol bya/__de nas thig tshon gyi bya ba dang /__thig chog sogs ni rdul tshon yin na ma rtogs dkyil 'khor ras bris tsam la brten pa'i skabs su ni de dag mi mkho bas 'dir ma smros so/__/lnga pa sa lha rta gon la bzhi/__lha bum pa yo byad slob ma rta gon la gnas pa'o/__/de'ang slob ma la dbang bskur ba dang 'brel na de rnams skabs 'dir sbyar/__ma 'brel na sbyar mi dgos mod/__'on kyang yo byad sta gon ni nam du yang dgos pas bsgrub pa'i rdzas tshang bar bsags la thams cad kyang ye shes kyi rnam rol 'ba' zhig tu mos pas byin rlabs lha sta gon ni/__gtso bor dkyil 'khor bri bar gnang ba zhu ba don yin pas grub na legs pa las lhag skyon mi 'gyur bas de ltar na dkyil 'khor bya ba'i stegs bu'i dbus gtso bo'i gnas su bdud rtsi dri bzang dang sbyar ba'i chab kyis thig ler gru bzhi 'khor rnams kyi gnas zlum po re/__de gsum/__bla ma/__rig 'dzin/__zhi khro/__mkha' 'gro yongs rdzogs kyi sngags re re'i mthar/__oM AH_hU~M/__sa ma ya s+t+wa~M:__btags pa brjod cing me tog gi tshom bu gtso bor byed pa bkod/__phyi nang gi mchod pas bskor/__spyi 'dus las byang ltar mchod pa byin rlabs/__zhi khro'i mdun bskyed ltar stong pa'i ngang las gu ru pad+ma 'od 'bar 'od du zhu ba las/__mchan/__dam tshig pa skyed/__ye shes 'khor lo bstim/__phyag mchod bshags pa'i bar du song nas thams cad kyis thal mo sbyar te/__hoHdus gsum bla ma yi dam lha:__yi dam rgyal ba zhi khro'i tshogs:__mkha' 'gro dam can ma lus dgongs:__dkyil 'khor bzang po legs bris nas:__bdag cag bsnyen sgrub las gzhung bsrang :__sta gon la ni gnas par mdzod:__lan gsum brjod:__rdo rje slob dpon gyis se gol lan gsum byas la lha rnams bar snang 'od kyi dra bar bzhugs par mos:__stegs bu dang mchod gtor rnams bsdu'o/__/'di yang mngon rtogs rgyas pa mi lcogs na/__bsgrub pa'i gzhi rang byung ye shes kyi gzhal med khang chen por rgyal dbang pad+ma 'od 'bar rig 'dzin zhi khro'i lha tshogs bcas dwangs pa'i mkha' la 'ja' tshon shar ba ltar skad cig gis gsal bar gyur/__ces gdod nas grub pa'i ye shes kyi dkyil 'khor gsal btab la mchod bstod byas pas kyang chog__/hoHdus gsum bla ma sogs gong ltar brjod/__sgrub pa'i skabs mthar slob ma la dbang bskur ba sogs bum pa rta gon dgos pa'i rigs la bum pa lha grangs sam bsdus pa 'dod na rnam bum gnyis dang /__las bum tsam 'du bya/__drag sngags yungs thun gu gul dud pas bgegs bskrad bum pa chas su gzhugs pa'i sngags gtso bo'i snying po sogs brjod la nang bcud mgul chings kha rgyan ldan pa bkod/__mchod pa bshams shing byin brlabs/__bum pa bsangs sbyangs/__stong pa'i ngang las b+h+rU~M las phyi rin po che'i bum pa'i rnam pa la nang gzhal yas khang bdud rtsi'i rgya mtsho 'khyil ba'i dbus su bla ma rig 'dzin rgyal ba zhi khro'i dkyil 'khor gyi lha tshogs mtsho rdzing dwangs par zla skar shar ba bzhin skad cig gis gsal bar gyur/__rtsa sngags kyi mthar/__brjod med shes rab sogs kyis bstod/__rnam bum gnyis kar gzungs thag sbrel ba blangs la/__rang gi thugs ka nas sngags kyi 'od zer 'phros bum pa'i lha rnams la phog__/snyoms par zhugs pa'i byang chub kyi sems ye shes kyi bcud du 'khyil bar bsam/__sid+d+hi dang zhi khro yongs rdzogs kyi sngags bzlas mthar/__oM AH_hU~M gis bdud rtsi'i mchod yon phul bas lha rnams 'od du zhu ba bum pa'i chu dang ro gcig tu gyur/__las bum du 'khyil ba bskyed bzlas bya shing /__bum pa chas ldan mdun du 'khod la/__bsangs sbyangs/__stong pa'i ngang las skad cig gis sogs nas/__mthu ldan du gyur/__'jam mgon gu Na'i ljags bsgrigs phrin las 'od zer ltar bya dgos kyang bri ma nus/__mchan/__/drug pa rgyan bkod ni/__dkyil 'khor lding khri rin po che gsum mam gnyis yod pa'i 'og ma zhi khro'i dkyil 'khor dang /__bar pa spyi 'dus kyi ras bris dkyil 'khor bkram/__gu ru'i sku 'bag__/lha tsag__/sgrub pod/__sngags byang /__rdor dril/__rnam bum gnyis/__tshe bum/__tshe ril chang /__sgrub gtor rnams dang /__thod chang /__me long /__shel rdo sogs dang /__dkyil 'khor gyi rgyan/__phyi nang gi mchod rdzas tshogs par byas nas/__rgyan bkod dngos la/__rdo rje rgyal po dang /__rgyal theb sogs dkyil 'khor mdun nas bzhengs/__tshig bdun gsol 'debs lan gsum dang sid+d+hi dzab[i] dbyangs dang /__zhi khro'i dzab[i] dbyangs bcas lan gsum re sngon du 'gro bas dbyangs rol bcas/__hU~M:__chos sku skye med pho brang de:__sogs/__hU~M/__rgyal ba kun 'dus dkyil 'khor ni:__sogs nas/__gzi brjid che:__ces dang /__rdo rje slob dpon gyi dril spos 'dzin pas sna drangs rten sgrub mchod rdzas rnams thogs nas dkyil 'khor la lan gsum bskor zhing mdun du 'khod de/__dbyangs dang bcas pas/__hU~M/__bkra shis bum pa pho brang gzhal yas khang :__sogs nas/__yongs rdzogs shog:__ces dang /__hU~M/__bla med gsang ba mchog gi dkyil 'khor du:__gcig shes kun grol bzhin bya/__sa ma ya tiSh+Tha lhan:__zhes dbyangs dang zhi rol bcas bya zhing sgrub rdzas rnams las slob dpon sogs kyi nor 'khrul med cing bag dro lhun chags dang ba 'dren par dgod/__de'ang lding khri gong mar gu ru'i sku 'bag dang lha tsaka sngags byang thod chang dar dmar gyi kheb dang me long shel rdo rnams brtsegs mar bshams/__sgrub pod/__rdor dril/__tshe mda' sogs lding khri bar mar/__dkon spyi'i ras bris kyi dkyil 'khor bkram pa'i steng many+dza'i khar rin po che'i snod du bla gtor zlum po pad 'dabs bzhi la 'khor zlum po bzhi'am mtshams bzhir bskor ba ste thod pa tshe bum shing los rgyan pa bzhag__/de'i mdun du mngar gsum la gzhi byas pa'i zan gyi tshe bum rgyan ldan/__rgyab tu bum pa mgul chings dkar po kha rgyan dang nang bcud bum rdzas nyer lngas gtams pa/__g.yas su tshe chang /__g.yon du tshe ril/__de dag gi g.yas phyogs su tsham bu'i khar gu ru drag po la dpal gtor brjid ldan/__g.yon du tshom bu'i khar seng gdong ma la gtor ma zur gsum pa rang 'dra bzhi'i bskor ba gri thod me ri'i rgyan ldan/__de'i g.yon du rak+ta so lnga bcud ldan khrag snod kheb ldan bshams/__lding khri 'og mar zhi khro'i dkyil 'khor gyi dbus su many+dzu rim pa gnyis pa'i 'og mar bum pa mgul chings sna lnga'am sngon po can bum rdzas so lnga'i bcud ldan/__kha rgyan rma bya shel dang me long gis brgyan cing gzungs rdor dang bcas pa de'i steng du zhi khro'i spyi gtor rtsa gsum yongs khyab kyi gtor ma 'bru zan dkar dmar spos sman gyis sbrus pa la dpal gtor zur bzhi pad+ma 'dab brgyad kyis mdzes pa/__'khor zlum po lngas spel mar bskor ba/__rtse mor rdo rje phyed pa dang /__g.yas g.yon nyi zla dar snas brgyan pa/__dkar thig dmar rgyan sogs bag dro lhun chags shing 'dod yon zas phud kyis mthar bskor ba bshams/__dkyil 'khor kyi rdo ra'i steng khro bcu'i phur bu/__mtha' bskor shar du mchod yon nas brtsams te chu gnyis nyer spyod mtshams 'dzin bcas/__phyogs bzhir ral gri bzhi/__mtshams bzhir mda' dar me long bzhi btsug pa tshon skud kyi drwa bas sbrel/__gzhan yang zur bzhir rgyal mtshan/__logs bzhir 'phan/__dar gyi drwa phyed sogs so so'i phyag len las 'byung ba ltar mdzes brjid chags pa dang /__steng na dar gyi gdugs phub/__bshams du stag gzig gi rgab dkris kyis bskor/__dkyil 'khor gyi mtha' bskor du nang nas rim pa bzhin/__sman/__rak+ta/__dpal bshos zur gsum/__zhal zas/__tshogs/__sha dum/__mar me bcas brgya rtsa re re'i phreng bas bskor/__mdun phyogs kyi mchod stegs bang rim can lta bur/__dbus su lcags snod du dpal mgon ma ning gtor ma zur gsum lto khra can la 'khor rang 'dra lngas bskor ba'i g.yas su gza' bshos ra ru 'dra ba la thebs skyu bzhis brgyan pa/__g.yon du dam can mkhar thabs steng du bshos bu zur gsum ra mgos mtshan pa/__mkhar rming su the skyu bzhis brgyan pa bcas snod gcig tu bzhag pa'i gtso bor dar mdung snying zhags me ri/__'khor rnams me ri'i rgyan ldan bya/__de'i g.yas su klu bdud la dmar gtor sbrul dkris mar rgyan can/__de'i g.yas chad mdo ni zur gsum gcig la mdun du mtheb skyu gnyis brtsegs gnyis te bzhi'i steng mtheb skyu gyen lang gcig__/g.yas g.yon tu mtheb skyu gyen lang re re sbyar bas khyon sde brgyad kyi grangs ldan/__de'i g.yas sman thod bcud ldan bzhag__/gtso bo'i g.yon du mtsho sman la klu gtor dkar bshos rgyab yol dkar rgyan can/__de'i g.yon brtan ma la dbus su gru bzhi nag__/g.yas su gru gsum dmar/__g.yon du zlum bshos dkar/__gsum ka'i mdun du mtheb skyu gsum re brtsegs te/__spyi la zhabs dkris pa/__de'i g.yon du rak+ta'i snod bcud ldan bshams/__de dag gi mdun du phyi mchod chu gnyis nyer spyod lnga phreng tshar/__rnam lnga brgya rtsa sogs yod na stegs bu rim can la go rim ma 'chol bar bkod/__g.yas su 'dod yon lnga/__rgyab tu rig ma lnga/__g.yon du khrag gi mchod yon sogs drag mchod phreng tshar/__phyi ma gsum po 'byor na dngos dang /__ma 'byor na tsa kli'am dmigs pas khyab par bya'o/__/'di rnams sgrub pa grol nyin bar rgyun 'jog dang /__gzhan yang nyin re bzhin 'bul rgyu'i chos skyong gtor ma/__chad brtan/__de dag gi mdun phyogs stegs yangs pa zhing dam gcan gzan pags pa'i kheb kyis bkab par/__tshogs kyi yo byad mam sa su rab la gtso bor gyur pa'i bza' bca' btung ba'i rigs gyur ji snyed pa bshams/__logs gcig tu sngon 'gro dkar gtor bshos bu lcog zlum gyi g.yas su sbrul dkris/__rgyab tu rgyab yol/__'khor zlum po drug gis bskor ba/__dmar gtor dbus su bshos bu zur gsum gyi g.yas su gsum sbrul dkris/__rgyab tu rgyab yol can/__'khor stod zur gsum pa drug gis bskor ba/__bgegs gtor dbus su rgur po sha gzugs ma'i g.yas su mar me/__g.yon du chang bu'i bshos bu/__mdun du zhal dkar/__rgyab nas lan chags kyis dkris pa dang /__bskur gtor zur gsum me ri'i brgyan cing 'khor rang 'dra gsum gyis bskor ba/__gzhan yang dkar gtor dmar gtor zhal zas me tog sogs nyer mkho'i gtor ma dang yo byad 'du bya/__dkyil 'khor gyi byang phyogs su lcags ham/__nyu le'i ling+ga dang las phur stegs bcas yungs kar sogs thun rnams kyang 'du bya/__slob dpon gyi mdun du g.yon nas brtsam te/__nang mchod rdor dril/__las bum/__DA ma ru/__me tog gi snod rnams bzhag go__/mchod rdzas rnams la spyi khyab tu/__bla med mchog gi mchod pa dam pa 'di/__/ye shes lnga yi 'od zer rnam par 'phro/__/'dod pa'i yon tan lnga yis rab brgyan te/__/dam tshig bzhin la ci bder bzhes su gsol/__na maHsarba ta thA ga ta sogs nas swA hA/__nam mkha' mdzod kyi mkha' khyab tu spel bar mdzod/__bdun pa tshogs sgrub kyi las la 'jug gi bya ba/__sgrub pa po rnams mnga' gsol zhing gnas su 'god pa ni/__de nas rgyal thebs pa'i stong thun sngon du 'gro bas/__dbyangs rta bor len dang bcas las kyi rdo rjes thod chang mar zan can tshig bstun so sor drangs pa dang /__mtshal lam sin+d+hU ras smin mtshams mdzod spur thig le bya zhing so sor mnga' gsol ba ni/__kyai hoHkun tu bzang po ston pa che ba'i mchog:__sogs/__bstan par bzhugs:__zhes mched dang lcam dral thams cad so sor mnga' gsol zhing rang gral du 'khod pa las nam yang ma 'khyug par bya'o/__/de yi rjes 'brel du rtags gdab pa ni chas rnams las rdor gyis thogs pas/__rgyab tshab pa'i dbyangs bor len tshul ni/__hU~M:__don dam spros med sgyu ma'i khong gseng can:__sogs gcig shes kun grol gyi/__sku la rgyan du bzhes:__zhes rjes zlos dang bcas/__tshig dang bstun nas dpal gyi chas rnams las kyi rdo rjes rgyal tshab par rim pa phul la rdo rje slob dpon sogs thams cad kyis gnas so sor bsgo zhing brgyan pa'i tshul bya'o/__/brgyad pa brda' sbyor ba ni/__hU~M/__snang srid 'khor 'das gdod ma nas:__kun grol ltar gyi/__pra ti pU ho:__zhes brda' phyag 'tshal ba tsam gyis kyang 'grub bo/__/dgu pa bsre bsnan bya ba ni/__sngar dkyil 'khor du zhugs shing dbang thob pa yin na mched bsre bsnan dor la/__hU~M/__rdo rje 'du 'bral med pa/__sogs dam tshig bsgrags bzung la 'jug go__/skabs 'dir dbang ma thob pa'i mched gsar bu rnams sgo yi phyir rol du 'jog__/slob dpon sgo yi nang du khri'u khar bzhugs pa'i mdun du rdor dril bdud rtsi yungs thun sogs bkod nas slob dpon gyis khrus sngags ni 'khyil pa'i sngags dang rig brgya gsungs pa dang rdor sems sgom bzlas bya bar gsungs pas dkon spyi'i sngon 'gro'i nang ltar 'bogs pa ni/__khyed rnams tha mal spyi gtsug tu:__rigs 'dus rdor sems sogs nas/__rdo rje sems dpa' 'od du zhu nas so so rang rang la thim par gyur/__ces brjod/__de nas sgo yi phyi rol nas slob bu rnams kyis gsol ba gdab pa ni/__kyai hoHsgo ba yab yum gsan cing dgongs su gsol:__sogs/__zhu 'tshal lo:__lan gsum zhu ba phul/__de nas slob dpon gyis lan sbyin pa ni/__hoHsngon sbyangs nas/__phyir dengs shig:__ces brjod slar yang slob bu rnams kyis/__bdag cag skal ldan nas/__'jug par zhu:__ces lan gsum zhu/__bla mas/__hoHyi dam zhi khro'i nas/__nus sam/__zhes dris pas slob bus khas blangs pa ni/__bla ma'i gang gsung nas/__shin tu bsrung :__slar yang de ltar dam tshig bsrung ba rnams nang du gzhug par gnang ba byin pa ni/__hoHdkyil 'khor ma lus nas/__byin gyis rlobs:__slob dpon gyis dbye rgya dang bcas/__hU~M b+h+rU~MHpra we sogs kyis sgo dbye nas nang du bzhugs/__a ti pu ho:__pra ti dza ho:__phyag tshan gral du sdod pa dang /__slob dpon gyis/__ho:__bu khyod nas/__bgyi:__khyed rang rnams kyi nas/__rjes zlos gyis/__ho:__bla ma sangs rgyas nas/__gsal stong bsgom:__de nas slob dpon gyis/__'o khyod rang rnams las kyi nas/__rjes zlos gyis:__hU~M/__dur khrod gsang nas/__pra tits+tsha ho:__zhes me tog dor/__bla mas/__hU~M/__rtsa ba sku gsung thugs nas/__sid+d+hi ho:__me tog phog pa'i rtsa ba'i lha de bstim/__de nas dam la bzhag pa ni/__dam tshig rdo rje spyi bor bzhag te/__hU~M/__sku gsum thugs nas/__ya hU~M:__dam chu byin/__slob bu'i dam bca' ba ni rjes bzlos gyis/__hU~M/__rdo rje slob dpon nas/__na ra kan:__'dres zin bsnan pa ni/__rgyal tshab pas bdud rtsi g.yon bskor du gsar rnying thams cad la brim zhing gtso sngags dzab[i] dbyangs lan gsum mjug tu 'jam rol dang bcas pas bdud rtsi myong nas thams cad kyis/__oM/__dpal ldan sangs rgyas nas/__ko\u0f85haM:__AH_dpal ldan sangs rgyas gsung nas/__ko\u0f85haM:__hU~M/__dpal ldan sangs rgyas thugs nas/__ko\u0f85haM:__zhes slob dpon gyis/__deng phyin chad nas gyis shig:__ces bsgo/__thams cad kyis phyag thal sbyar gyi bar du me tog bzung la/__sku gsung thugs nas/__gtang rag gtor ro:__zhes dris lan gyi me tog 'thor/__de nas rdo rje'i gral du bzhag pa ni/__mched gsar pa rnams rang gi gral du 'khod nas/__rtsa ba sku gsung thugs kyi nas/__mchi bar gnang :__ces brjod cing mched gsar pa rnams gral du 'khod/__hU~M/__rdo rje 'du 'bral nas/__'grub par shog:__ces brjod de dam tshig gi bslab bya rgyas par bya/__de nas/__hU~M/__rdo rje slob dpon nas/__sgrub lung zhu:__bla mas lha la bka' lung zhu ba ni/__hU~M/__zhi khro'i lha tshogs nas/__rlobs:__de nas lung sbyin pa ni/__hU~M/__zhi khro'i dkyil 'khor nas/__'bogs par bya:__oM AH_hU~M/__zhes brjod la zhi khro'i mngon rtogs bsdus pa'i lung 'bogs par bya'o/__/de nas thams cad kyis lha yi nga rgyal dang ldan pa'i/__oM ma hA badz+ra hU~M:__zhes rdo rje thugs kar gsor ba dang /__oM badz+ra gaN+De hU~M:__zhes dril bu dkrol ba ni rol chen brgya brdung rol mo'i sgra rgya cher bsgrags so/__/bcu pa lha bstim zhing byin dbab pa ni/__rang gral nas dkyil 'khor la phyogs par bzhengs pa'o/__/bdag nyid lhar gsal ba'i thugs ka nas 'od zer 'phros ye shes kyi lha tshogs rnams sprin gtibs pa bzhin byon nas rang gi gnas su bzhugs par bsam/__rol mo dang bcas pas/__hU~M:__spros med rtog bral mkha' dbyings dag pa nas:__skye med rdo rje'i sku gsung thugs mnga' ba:__'gro don rang byung bcom ldan thugs rje'i lha:__dkyil 'khor lha tshogs yab yum sras 'khor bcas:__stong nyid dbyings nas thugs dam rgyud bskul gyi:__sprul pa dbyings su rol zhing gshegs su gsol:__ces dang /__'khor sngags mthar/__sa ma ya tiSh+Tha lhan:__zhes btags pa brjod/__gong du lha sta gon byas nas nam mkhar bzhugs pa de nyid dkyil 'khor la bstim par mos/__bsdu na spyan 'dren bskos gdab ni ma byas kyang chog go__/byin dbab pa ni spro na rat+na'i rig 'dzin byin 'bebs dang /__hU~M hrIHdus gsum bde gshegs sogs 'og nas 'byung ba'i byin 'bebs mthar/__sa ma ya a we sha ya hU~M hU~M a AH_zhes mthar rol 'og dkyil 'khor la bskor ba lan gsum byas te gnas dang sgrub pa po dkyil 'khor yo byad dang bcas la byin phab pas sku gsung thugs ye shes chen po'i rol par gyur par bsam la rang gral du 'khod de/__de nas thod phreng rtsal gyi 'dzab dbyangs lan gsum byas pas 'grub bo/__/nyin dang po'i bya ba'o/__/gnyis pa lha dang dbyer med du byed pa sgrub pa dngos la gsum/__dzab[i] dgongs bzlas pas dngos grub bsgrub pa/__de'i bar gcod bsal ba/__dus grangs rtags tshad kyi rim pa'o/__/dang po phrin las dang 'brel dgos pa'i zhi khro'i las gzhung nyid rab nyin lan gsum/__mtshan lan gsum ste dus drug__/'bring nyin gnyis mtshan gnyis te dus bzhi/__tha mas kyang nyin mtshan gnyis la tshar re bsrang dgos la/__las gzhung mang nyung dang bstun la rab 'bring gnyis po gang bde lag tu blangs te 'jam mgon rin po che'i zin tho ltar thun dang po la brgyud 'debs/__skyabs sems nas brtsam sngon 'gro rnams rgyas par btang /__dngos gzhi ting nge 'dzin gyis lhar bskyed pa'i mngon rtogs grub mtshams mdun bum zhi khro'i bskyed chog la 'jug cing gnyis kar thun mongs spyan 'dren sogs stabs gcig byas kyang 'jug bde bas de ltar na bdag mdun rig 'dzin zhi khro'i dkyil 'khor bsgom la ye shes 'khor lo bstim zhing mchod bstod dang /__zhi khro'i las gzhung gi bshags pa'i rjes pad phrin gyis mdzad pa'i bsnyen yig las bzlas dmigs 'di nyid bya ste/__bdag mdun bum lha'i zhi ba'i lha tshogs rnams kyi gnas gsum oM AH_hU~M dkar dmar mthing gsum dang /__bye brag kun bzang yab yum gyi thugs ka'i hU~M yig gi mthar sogs/__bran g.yog tu gyur par mos par bsam la/__b+ho d+hi tsit+ta stong dang /__rig 'dzin dpa' bo lnga brgya/__mkha' 'gro sde lnga brgya rtsa/__phur pa lnga bcu tsam bzlas/__'di nas rtsam bzlas pa'i gsung mi chad du bya dgos bas thun pa rnams kyis kyang 'grub na zhi khro'i mngon rtogs bsdus pa gsal gdab la sngags rgyun blangs/__de nas bzung grol nyin thun tha ma'i bar sngags sgra skad cig kyang ma chad par bya/__thun mthar dbyangs gsal yig brgya rten snying rnams kyis lhag chad kha bskang zhing nus pa brtan par byas la/__bka' brgyad/__seng gdong /__las bzhi/__tshe sgrub/__ma ning mngon rtogs bzlas pa bcas grub nas stod tshig mchod bstod byas rjes mchod 'os phyi nang sogs/__mchan/__gnyis pa nyu le 'dul zhing gzi byin dbab pa ni/__slob dpon nam rgyal thebs pa'i mdun du ham khung nyu le'i ling+ga bcas dang /__las phur thun rdzas rnams bkod la/__rten bskyed pa ni/__e yaM dz+wa la ra~M:__brub khung yangs shing gting zab pa'i nang du triHlas dngos grub la bar du gcod cing log par lta ba'i 'byung po nyu le bdud kyi rigs su gyur pa thams cad rid cing nyams thag pa'i lus can du gyur par bsam la/__na mo/__rig 'dzin rtsa brgyud kyi dpal ldan bla ma dam pa rnams kyi bka' bden pa dang /__sangs rgyas kyi bka'=chos kyi=dge 'dun gyi=gsang sngags dang rigs sngags dang gzungs sngags snying po dang phyag rgya dang ting nge 'dzin gyi bka'=chos nyid gdod nas stong kyang chos can rgyu 'bras bslu ba med pa'i bden=khyad par du yang rgyal dbang pad+ma 'od 'bar/__rig 'dzin zhi khro/__mkha' 'gro chos srung rnams kyi bden pa dang /__bden pa chen po'i mthu la brten nas dngos grub la bar du gcod cing log par 'dren pa'i 'byung po nyu le bdud kyi rigs su gyur pa thams cad mtshan ma rdzas kyi rten 'di la mchis par gyur cig__/tri yaM dzaHtri badz+ra ang+ku sha dzaHdzaHhU~M ba~M hoHzhes lan gsum gyis dgug gzhugs byas la/__phur thun tsham bur bskul ba ni/__hU~M:__chos kyi dbyings nas rang byung grub pa'i lha:__sogs/__hU~M:__nga ni dpal chen nas/__rdul du rlog:__oM badz+ra ma hA kro d+ha pad+ma kro d+hi nas/__hU~M phaT:__gnod byed nas/__hU~M hU~M phaT:__ces drag sngags phur bskor byas nas gdab cing thun gyis brab/__khyad par dpal gyi pho nya kun thub rgyal mo bskul pa ni/__hU~M:__shar phyogs dkar mo dung gi gzhal yas nas:__sogs/__bab po sa ma ya:__hU~MHgru bu a pa tse:__sogs/__mA ra ya rbad rbad:__drag sngags spos rol dang khyad par dbyugs pas bsdig cing thun gyis brab/__nyu le bskrad gzir rgyas pa 'di bzhin mi lcogs pa'am/__thun snga ma tsam gyi mjug tu stabs bde byed na/__dzab[i] kyi stong tshig gi rjes su rdo rje mtshams pas gu gul dud pa dang thun gyis brab ste dkyil 'khor bskor la/__oM badz+ra ma hA kro d+ha pad+ma kro d+hi=sogs/__hU~M phaT:__sngags so lnga pa sogs dang /__oM g+ha g+ha g+hA ta sogs sde mo'i sngags drag tu brjod pas tshar bcad la srung 'khor gsal gdabs byas kyang don 'grub bo/__/de ma thag dngos grub ster ba'i lha 'byung bas byin dbab par dgos par gsungs pas/__sgrub pa po rnams bzhengs nas tshig bdun gsol 'debs dang /__bzhengs shig pad+ma'i bskul dang /__sman gyi bab gzhugs las/__hU~M:__chos dbyings gdod ma'i sogs kyi byin 'bebs dang /__yang na bde 'dus las/__hU~M:__dus gsum bde gshegs rgyal ba rnams:__chos sku skye ba med pa las:__sogs nas/__a AH_ces dang /__hU~M:__chos sku skye med pho brang de:__ma bris dkyil 'khor rang bzhin shar:__sogs/__hU~M:__rgyal ba kun 'dus dkyil 'khor ni:__thugs rje'i bla ma sogs/__gzi brjid che:__snying po'i mthar/__dz+nyA na a be sha ya nas/__ha dz+hiM:__mang du brjod pas byin dbab mthar/__dzab[i] dbyangs bya ba'i thun dang po 'grub bo/__/dgong thun mthar byin 'bebs rgyas pa dang gzhan rnams sna re 'don pas chog__/phyi thun gyi byin 'bebs mthar dkyil 'khor bskor zhing 'dzab dbyangs lan gsum bya'o/__/thun gnyis pa la dkon spyi ltar mchod pa byin rlabs byas rjes zhi khro'i bdag bskyed mdun bum sgrub pa bzlas grub kyi bar byas rjes su stong tshig mchod bstod nyu le 'dul chog dang byin 'bebs bya/__thun gsum pa la bzlas pa stong tshig mchod bstod rjes gtor 'bul rnams dang /__tshogs skang bshags sogs bya zhing gtor ma cha gsum gyi cho ga ni lhag ma'i mgor bya'o/__/lhag chog man chad rjes 'jam mgon bla ma'i zin bris ltar la dngos grub blangs pa dor/__gzhan dkyus ltar dang /__nyu le 'dul chog byin 'bebs sogs shin tu rgyas pa gong gi bshad ma thag pa ltar bya/__las gzhung gi smon lam sogs zin bris ltar 'don nas grol/__mtshan thun gsum la 'don bya'i rim pa nyin thun gnyis pa ltar bya'o/__/zhi khro'i bzlas pa ni gter gzhung las byang gi bshags pa'i mthar/__skabs 'dir yang bzla bar bya'o/__/ces dang /__bshags skong las slar yang mdun bskyed la bzlas bskul ba ni/__zhes pa'i tshig zur la dpyad na bzlas pa bstod bshags mthar byas pa la mi 'gal ba ni/__skong bshags mthar yang bzlas pa nges par bya dgos pa'i b+ho d+hi tsit+ta brgya rtsa/__gzhan rnams nyer gcig re bzla/__gsum pa dus grangs rtags gsum las/__dus smin slob zla ba drug__/mos slob kyi dbang du mdzad nas zla gcig gam zhag bdun nam nyin zhag gsum gyi mtha' brten par bsgrub kyang /__dus dang dbang po mthun par dngos grub ci rigs pa thob par 'byung ba gsungs so/__/grangs dang rtags ni gsang ba spyi dang so so'i gzhung las 'byung ba ltar ro/__/gal ste rtags tshad ngan pa byung na nyu le sprad/__rta bro brdung /__dam sel gyi ltas la yig brgya bzla zhing bshags rgyud bklag__/grib dang mi gtsang ba la rnam 'joms sme brtsegs sogs kyis khrus bya/__rtags tshad bzang ngan gang la re dogs dgag sgrub med pa dbyings su bskyil ba gnad yin/__dngos grub kyi ltas bzang nges pa can byung na'ang de nyid du kun gyis dngos grub blangs zin pa gnad du che bas/__thod pa mtshan ldan chang dang chos sman sbyar bas bkang ba mdun du bzhag__/hU~M:__bde gshegs rgyal ba ma lus dgongs su gsol/__rig 'dzin nas/__a la la hoHkun grol bzhin bya/__mchan/__zhes brjod la bdud rtsi myong ngo /__/sgrub pa sang grol rgyu'i phyi thun bzlas pa'i mjug tu 'og nas 'byung ba'i dngos grub bsdu ba'i dmigs bzlas kyang btang bar bya'o/__/gsum pa grub nas dngos grub blangs pa sgrub pa chen po'i las rim dang po sbyor sgrol la brten pa yin kyang mos slob kyi skabs su rdzas de la brten te blangs pa la gsum/__dngos grub kyi rdzas bshams pa/__cho ga'i sngon 'gro/__cho ga dngos so/__/dang po ni sgrub pa sang grol rgyu'i de ring gi dgongs thun nas dngos grub blangs pa'i rdzas bshams te/__dkyil 'khor gyi mdun du gzhi dkar po'i steng du gro'i g.yung drung g.yas 'khyil du bris pa'i dbus su rin po che'i snod du 'brus bkang ba'i steng mngar gsum zho 'o mas sprus pa'i nor bu 'bar ba'i gzugs dang phyogs bzhi 'brang rgyas bza' bca' sna tshogs pas bskor/__g.yas su mngar gsum thud dang bcas pa'i ril bu dang /__g.yon du b+han+d+ha bzang por 'bru bcud bdud rtsi la a mr-i ta btab pa'ang bshams/__sbyin bsregs byas nas slong bsdus tsam dang /__maN+Dal steng dri'i thig le dang /__dkyil 'khor rjes chog ma byas pa'i gong du zhi khro'i sngags brjod la rim bzhin gtso 'khor yongs rdzogs kyi tshom bu bkod pa'ang dkyil 'khor nye bar bzhag go__/sgrub pa grol rgyu'i phyir nang snga 'tshogs kyi thor thun nas phrin las gzhung bsrang ste/__gtor bsngos/__tshogs mchod sogs dang /__lhag ma brtson 'dzin byas pa gom pa bdun bcu'i bar skyal/__nyu le'i ling+ga tshogs bsgral skabs mer bsregs srol yod kyang 'di la tshogs bsgral zur du med stabs gtor 'gugs mthar me ham du bsregs/__thal ba gtor mar btab/__chos skyong gtor ma dang chad brtan rgyun bzhag rnams mchod/__rta bro'i rjes su mchod bstod byas nas/__gnyis pa dngos grub la mi dbang ba'i ltas ngan gyi bgegs tshogs tshar bcad ba'i phyir sngon 'gro ltar bgegs bskrad cing drag sngags yungs thun sogs tsham rngams byas la srung 'khor sgom/__spos rol g.yab dar bcas byin dbab/__spyi bshags ye shes sku mchog lta bu brjod la mkhon lcugs sbyangs/__/gsum pa dngos gzhi dngos grub bsdu zhing bskul ba ni/__bdag mdun bum pa'i lha tshogs thams cad kyi gnas gsum nas 'od zer 'phros/__snod bcud yon tan gyi dwangs ma bdud rtsi'i rnam par bsdus te bdag mdun bum pa'i lha tshogs rnams dang /__dngos grub kyi rdzas la thim bas gzi byin mchog tu rgyas par bsam la lha tshogs yongs rdzogs kyi sngags mthar/__ka ya wA ka tsit+ta sarba sid+d+hi pha la hU~M:__btags pa stong rtsa bzla/__sum brgya rtsam gyis kyang rung gsung /__mchan/__de na zhi gzhung gi/__e ma hoHbdag gzhan bla med dang /__zhi khro'i/__hU~M/__ye nas rnam dag sogs/__hU~M/__gsang ba bla med yang gsang mchog gi gnas:__nas/__mchog thob shog:__oM AH_hU~M ka ya wAka tsit+ta sarba sid+d+hi pha la a we sha ya a AH_dbyangs dang bcas te sgrub rdzas rnams gnas gsum du gtug__/rdzas rnams bza' btung la longs spyod pas/__stan thog de nyid du dngos grub rnam gnyis bde blag gi tshul gyis thob par bsam la dgongs pa'i gdeng gzung ngo /__/gzhan don dbang bskur byed na lhag ma'i gong du dngos grub blangs nas dbang bskur ba yin no/__/rtsa ba'i gsum pa mtha' rgyas rjes kyi rim pa la gsum/__phyi mtshams sgrol ba/__slob dpon la sku drin gsol ba/__smon lam dang shis brjod bya'o/__/dang po ni/__dngos grub blang ba'i rjes su gtang rag mchod bstod rgyas pa/__bzod gsol/__mdun bskyed kyi lha rnams ras bris la brtan bzhugs bya/__gtor mgron gshegs pa rnams grub nas phyi rol zhi sbyin blugs/__de'ang tshom bu spyan 'dren ni spyi khyab tu gzhal yas khang bdag bskyed kyi mtshams su spyan 'dren brjod cing drangs pa yin kyang 'dir lha bskyed kyi dbur spyan 'dren dang /__tshom bu gdan drangs zhi khro'i sngags rnams brjod te tshom bu cung zad me thab tu dor/__de nas 'das pa'i lha bskyed chog dang spyan 'dren mi dgos/__mchod bstod dang bsregs rdzas 'bul ba sogs la 'jug__/rjes 'das pa'i me lha gshegs pa las rdor gyi tshom bu phyir drangs ba la sogs lag len bzhin bya/__sbyin bsregs grub rjes nang du log nas/__smon lam dang shis brjod/__hU~M hU~M hU~M:__brjod pas snang srid snod bcud thams cad 'od du zhu:__'od zer gzhal yas khang la zhu:__gzhal yas khang dkyil 'khor gyi lha tshogs=rang la bsdu:__hU~M/__dus gsum rgyal ba ma lus dgongs su gsol:__chos kyi=klong du bsdu:__badz+ra muHsarba gats+tshaHbsdu ldang rnams byas rjes/__phyi rol gyi tho rnams bkrol zhing dkyil 'khor bsdu ba ni/__mchod gtor rnams 'du bya/__ser sbreng dang bcas phebs/__phyir rol shar gyi tho rtsar phyin te mchod gtor byin rlabs sngar ltar ram/__bsdu na/__ra~M ya~M kha~M gis bsang /__oM AH_hU~M:__gis byin gyi brlabs/__hU~M/__rgyal po chen po yul 'khor srung :__oM d+hiSh+Ta rak+Ta ya ma hA ba ling+ta khA hi khA hi:__lan gsum gyis gtor ma phul/__oM badz+ra ar+g+haM sogs kyis mchod/__hU~M/__shar phyogs rgyal po sogs/__dri za'i mtshams gcod che la bstod:__badz+ra mu:__de nas lho yi tho rtsar phyin te mchod gtor rnams/__ra~M ya~M kha~M:__oM AH_hU~M:__lan gsum/__hU~M/__rgyal po chen po 'phags skyes sogs/__oM bai ru d+he kA ya=lan gsum/__oM badz+ra ar+g+haM sogs/__hU~M/__lho phyog rgyal po sogs/__che la bstod:__badz+ra mu:__nub kyi tho rtsar 'khod/__ra~M ya~M kha~M/__oM AH_hU~M:__lan gsum/__hU~M/__rgyal po chen po spyan mi bzang :__rdo rje sogs/__oM bai ru pAk+Sha ya ma hA ba ling+ta khA hi khA hi:__lan gsum/__oM badz+ra ar+g+haM sogs/__hU~M/__nub phyogs rgyal po sogs/__che la bstod:__badz+ra mu:__byang gi tho rtsar 'khod/__ra~M ya~M kha~M:__oM AH_hU~M:__lan gsum/__hU~M/__rgyal po chen po rnam thos sras:__sogs/__oM bai shra ma Na ma hA ba ling+ta khA hi khA hi:__lan gsum gyis/__oM badz+ra ar+g+haM=hU~M/__byang phyogs sogs/__che la bstod:__badz+ra mu:__zhes gshegs/__sgo byang phyi nang bkrol ba ni/__phyi sgor mchod gtor bshams/__ra~M ya~M kha~M:__oM AH_hU~M:__lan gsum dang /__oM badz+ra kro d+ha h+ya grI wa i daM khA hi khA hi:__lan gsum gyis gtor ma phul/__oM badz+ra ar+g+haM sogs kyis mchod/__hU~M/__bgegs kyi gnyan po rta mgrin rgyal:__ngo mtshar rmad sogs/__dbyings su gshegs:__badz+ra muHzhes lha gshegs sgo byang zhu'o/__nang sgor mchod gtor bshams la/__ra~M ya~M kha~M:__oM AH_hU~M:__lan gsum/__oM badz+ra kro d+ha a mr-i ta kun Da li i daM ba ling+ta khA hi khA hi:__lan gsum gyis gtor phul/__oM badz+ra ar+g+haM sogs gyis mchod/__hU~M/__khro bo'i rgyal po bdud rtsi 'khyil:__sogs/__dbyings su gshegs:__badz+ra mu:__lha gshegs sgo byang bsdu'o/__/de nas nang du phyin la slob dpon nam rgyal tshab pas dkyil 'khor gyi nub tu 'khod la/__oM badz+ra ki la ya ung+ki la ya badz+ra d+ha rod adz+nyA pa ya hU~M hU~M hU~M phaT swA hA:__zhes lag gnyis rdor dril 'dzin bzhin skam pa'i rgya dang bcas dang por gdab phyogs nas rim par ldog phyogs su phyung ste/__oM ru ru s+phu ru dz+wa la tiSh+Tha sid+d+hi lo tsa ni sarba ar+tha sa d+ha ni swA hA:__zhes phur rtse 'o mas bkru/__chos thams cad skye ba med pa'i don yid la byas te dril bu dkrol zhing a ka ro'i sngags brjod bzhin pa'i 'jam rol dang bcas ras bris dkyil 'khor bsdu'o/__/gnyis pa sku drin gsol ba ni/__mched lcam rnams phan tshun du phyag res mos tshul gyis/__gcig shes kun grol bzhin/__mchan/__hoHthams cad mched dang lcam dral te:__bde bar gshegs=gsol:__a a AH_de nas rdo rje slob dpon la gtang rag 'bul zhing bzod par gsol/__thams cad kyis phyag bya/__lus longs spyod 'bul ba'i blos/__hoHrdo rje slob dpon chen po dpal mchog ldan:__sogs/__tshangs par mdzod:__zhes zhabs spyi bor blangs shing bla ma spyi gtsug tu 'bral med du bzung ngo /__/nongs bshags dang bkra shis gsol ba gnyis po spros pa bsdu ba'i skabs ma byas kyang chog go__/de nas gsum pa smon lam gdab pa ni/__thal mo sbyar la/__kyai ho:__mi gnas ye shes chos kyi dkyil 'khor du:__ma bcos sogs/__spyod par shog:__ces rtse gcig pa'i yid kyis smon lam gdab pa ni/__thams cad kyis lag g.yas su mar me dang spos re thogs/__rgyal thebs pas dbyangs bor len byas te/__hU~M:__bla med gsang ba mchog gi dkyil 'khor 'dir:__sogs/__de nas tshogs pa thams cad kyis/__ho:__mtha' yas theg pa chen po'i=sogs nas/__dngos grub thob par shog:__ces dang /__gzhan yang bsngo smon rnam par dag pas mtshams sbyar/__zhal nas gsungs pa'i tshigs su bcad pa sogs shis brjod kyis mthar brgyan pa'i dge legs bya'o/__/slar smras pa/__rab 'byams rtsa gsum zhi khro'i dkyil 'khor du/__/tshom bu tshogs sgrub bya tshul 'dir brtson pas/__/dngos grub rnam gnyis chu bo'i rgyun bzhin 'phel/__/snying po'i brtan pa yun du gsal gyur cig__/bsnyen sgrub rnam bzhir 'bad pa yis/__/rang gi lha dang dbyer med 'grub/__/srid zhir mi gnas dpal chen po'i/__/go 'phang bde blag 'grub gyur cig__/ces pa'ang lA wa ri khrod pa rnams kyis nan tan chen pos bskul ngor 'jam dbyangs blo gros rgya mtshos sgrub khog khyung lding rtsa bar bzung 'jam mgon bla ma'i gsang ba spyi 'gro'i sgrub khog gi zur brgyan nas bltas chog tu bkod pa 'dis kyang snying po'i bstan pa rin po che yun du gsal ba'i rgyur gyur cig__/sarba dA ka la naM b+ha wa tu/__!zhi khro nges don snying po la sbyin bsregs 'di sbyar dus me lha mchod pa yan dkyus ltar la/__hU~M:__rang bzhin chos kyi dbyings las ma g.yos kyang :__rang mdangs rol pa'i cho 'phrul sogs/__gshegs su gsol:__badz+ra sa ma ya dza dza:__zhes spyan 'dren brjod la tshom bu drangs/__oM AH_hU~M bo d+hi tsit+ta dang /__badz+ra gu ru d+he wa dang /__badz+ra bai ro tsa ni dang /__badz+ra kI li kI la ya sogs sngags tshan bzhi'i tshom bu cung zad re slob dpon gyis me thab tu mchod nas/__me lha'i lto ba yangs shing rgya che ba'i dbus su ye shes kyi me 'od kha dog lnga pa 'bar zhing 'khrugs pa'i klong na sna tshogs pad+ma nyi zla'i gdan gyi steng du rgyal ba dkon mchog spyi 'dus su gsal ba'i thugs chos dbyings khyab brdal gyi klong du:__rang sems ka dag gi rang mdangs zhal phyag gi rnam pa kun bzang yab yum la 'khor du ye shes lnga yi rang 'od rigs lnga yab yum bcu:__sems dpa' brgyad:__sems ma brgyad:__thub pa drug:__sgo ba yab yum brgyad dang bcas pa'i rtsal mdangs las:__klad pa dung khang 'bar ba'i gzhal yas khang 'ja' 'od me dpung gi thig le'i klong du:__che mchog yab yum la khrag 'thung khro bo yab yum bcu:__ko'u ri ma brgyad:__sid+ha ma brgyad:__sgo ma bzhi:__dbang phyug nyi shu rtsa brgyad la sogs zhi khro dam pa rigs brgya dang :__mgrin par rig 'dzin dpa' bo yab yum bcu:__lte bar yum mchog mkha' 'gro sde lnga la mkha' 'gro'i lha tshogs kyis bskor ba:__gsang gnas su bcom ldan 'das rdo rje gzhon nu'i lha tshogs dang :__gzhan yang phyi nang gsang ba'i dkyil 'khor rab 'byams nam mkha'i mtha' klas pa'i zang thal chen por skad cig gis gsal bar gyur:__phyag 'tshal ba ni:__hU~M/__sku gsung thugs dang yon tan phrin las ni:__snang stong grags stong gsal stong sogs/__tshogs la phyag 'tshal:__a ti pU ho:__pra ti dzaHho:__ya mi na mo:__mchod pa ni/__hU~M hrIHmchod yon brgyad dang rgyal srid rin chen bdun:__'dod yon lnga dang phyi mchod sogs/__nang mchod 'bul:__oM AH_hU~M sarba pu dza ho:__hU~M hrIHrnam shes tshogs brgyad dga' bzhi'i bde stong sogs/__phyi nang snod bcud 'dod yon sogs/__kha ra~M khA hi/__phyi mchod ar+g+haM pad+yaM sogs/__oM AH_hU~M:__ru pa shab+da gan+d+he sogs/__oM AH_hU~M:__gsang mchod/__sarba pany+tsa a mr-i sogs/__ma hA rak+ta khA hi:__bstod pa ni/__hU~M/__kun bzang yab yum thugs rje'i sogs/__hU~M/__che mchog la sogs khrag=phyag 'tshal bstod:__hU~M/__zhi ba'i lha tshogs=hU~M hrIHpad+ma 'od 'bar gnas lngar dkyil 'khor mdzes:__sogs/__dkon mchog spyi 'dus dkyil 'khor lha la bstod:__oM AH_hU~M bo d+hi tsit+ta sogs dang /__oM ag+na ye swA hA/__byon skyems bdun tshan gsum/__de bzhin rig 'dzin dang /__mkha' 'gro sde lnga/__phur pa rnams la bdun tshan gsum gsum phul/__de nas yam shing sngags tshan bzhi re re bzhin/__oM bo d+hi brik+Sha ye swA ha/__bdun tshan gsum mam/__brgya rtsa re/__oM ag+na ye swA hA btags pa'i mar khu yang de bzhin 'bul/__mtshams rnams su 'dod gsol/__bdag cag yon mchod kyi sngags kyi lhag chad nad gdon sdig sgrib rkyen ngan bar chad thams cad d+harma d+hA tu shan+tiM ku ru swA hA/__bsnyen sngags dang rdzas sbrag ma nus na bsnyen sngags lan gcig gis drangs te rdzas sngags bsogs pas rung /__de nas zhi khro'i sbyin sreg ni/__bdag cag gi tshe rabs 'khor ba thog med nas bsags pa'i sdig sgrib thams cad sdig pa ra tsa'i rnam par rang gi sna gnyis nas phyir thon mdun du me long gi steng du til nag gi gzugs de la thim/__de yang 'od du zhu nas yi ge nag por gyur:__de yang zhu nas til 'bru de rnams me lha'i zhal du 'bul:__oM ag+ne ye swA hA:__oM ag+ne ye gu ru de wa DA ki ni swA hA:__oM d+harma d+ha tu shan+tiM ku ru swA hA:__tshe rabs nas bsags pa'i las ngan sdig sgrib nyes ltung dri ma'i tshogs thams cad sarba pA paM da hA na shan+tiM ku ru swA hA:__da hA na shan+tiM ku ru ye swA hA:__sa til nag brgya rtsa yang dbul/__de nas sngags tshan bzhi re re bzhin rdzas yungs brgya rtsa rnams lha sngags kho nas dbul/__grangs rdzogs pa na mchod bstod mngon rtogs bsdus ba na/__ar+g+haM sogs kyis mchod/__ma hA pany+tsa a mr-i ta rak+ta ba ling+ta khA hi:__hU~M hrIHpad+ma 'od 'bar gnas=sogs kyis bstod/__lha sngags dang /__g+hA Na tsakra pU dza khA hi:__sa tshogs dbul/__hU~M/__rgyal ba rgya mtsho'i lha tshogs dgongs su gsol:__sogs/__mnyam nyid ngang du bshags par bgyi:__badz+ra sa ma ya ho:__yig brgya lan gsum/__hU~M/__ye nas rnam dag rang byung rang shar dbang :__sku gsung thugs yon=rab 'byams dbang thob shog:__ka ya sid+d+hi oM:__wak+ka sid+d+hi hU~M:__tsit+ta sid+d+hi hrIHsogs kyi dngos grub blangs/__oM khyed kyi sems can sogs kyis sbyin bsreg lhar gshegs bsdu tshom bu yod na phyir drangs mar khu blug gzar gang blugs pas me gso/__byon skyems dang /__yam shing /__mar khu/__til nag__/rdzas yungs rnams lnga re tsam dbul/__ma rnyed sogs nongs bshags yan sbyin sreg ltar ro/__/tshogs rgyas pa dang /__chad rten sogs ma byas na chog__/mjug bsngo smon shis brjod sogs dgos/__rdzas spungs la/__zho zan/__sran dkar/__gro nas/__duR+Wa/__ku sha/__yungs kar/__shing thog sna tshogs/__sman sna/__dar zab sogs yin no/__/ces pa'ang 'jam dbyangs chos kyi blo gros pas so//___//