JKCL-KABUM-05-CA-009

From Khyentse Lineage - A Tsadra Foundation Project

ཐུགས་ཆེན་འཁོར་བ་དོང་སྤྲུགས་ཀྱི་སྒྲུབ་ཐབས་ཕྱི་ནང་གསང་གསུམ་ཆིག་དྲིལ་དུ་སྒྲུབ་པའི་ལས་བྱང་པདྨའི་སྡོང་པོ།
Wylie title thugs chen 'khor ba dong sprugs kyi sgrub thabs phyi nang gsang gsum chig dril du sgrub pa'i las byang pad+ma'i sdong po JKCL-KABUM-05-CA-009.pdf
Location chos kyi blo gros bka' 'bum
Volume 5, Text 9, Pages 153-184 (Folios 1a to 16b2)
Author འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Tertön གུ་རུ་ཆོས་ཀྱི་དབང་ཕྱུག་ (Gu ru chos kyi dbang phyug)
Citation 'jam dbyangs mkhyen brtse chos kyi blo gros. thugs chen 'khor ba dong sprugs kyi sgrub thabs phyi nang gsang gsum chig dril du sgrub pa'i las byang pad+ma'i sdong po. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 5: 153-184. Bir, H.P.: Khyentse Labrang, 2012.
Genre Activity Manual - las byang  ·  Sadhanas - Evocation Ritual - sgrub thabs
Cycle ཐུགས་རྗེ་ཆེན་པོ་འཁོར་བ་དོང་སྤྲུག་ (thugs rje chen po 'khor ba dong sprug)
Deity thugs rje chen po
Colophon

།ཅེས་པའང་བྲག་ལྗོངས་རྒྱལ་ཁབ་ཀྱི་སྤྱི་ཁྱབ་དཱ་ཧན་མཁན་པོ་མཆོག་གི་རྟེན་དང་བཅས་གསུང་བསྐུལ་ནན་ཏན་ཆེན་པོའི་ཞལ་ངོ་མ་ལྕོགས་པས་རང་བཟོ་འགྱུར་ཤས་ཆེ་ཡང་༧འཇམ་མགོན་ཀོང་སྤྲུལ་རིན་པོ་ཆེའི་ལྗགས་བསྒྲིགས་ལ་གཞི་བཅོལ། གཏེར་གཞུང་གི་དགོངས་པར་དཔྱད་ནས་ཕྱི་ནང་གསང་གསུམ་དཀྱུས་གཅིག་ཏུ་བཏང་བའི་ཚུལ་འདི་ནི་༧རྗེ་བླ་མ་མཁྱེན་བརྩེའི་ཕྲིན་ལས་ཀྱི་སྤྲུལ་མིང་འཛིན་པ་༧འཇམ་དབྱངས་ཆོས་ཀྱི་བློ་གྲོས་པས་བསྙེན་མཚམས་ཀྱི་བར་གསེང་རྒྱལ་ཟླའི་ཚེས་༦ལ་བསྒྲིགས་པ་འདི་ལ་ནོངས་པ་གང་མཆིས་རྩ་གསུམ་སྤྱན་སྔར་བཤགས་ཤིང་དགེ་བས་སེམས་ཅན་ཐམས་ཅད་བླ་མ་ཐུགས་རྗེ་ཆེན་པོས་རྗེས་སུ་འཛིན་པའི་རྒྱུར་གྱུར་ཅིག །སརྦ་མངྒ་ལཾ། ཤུ་བྷཾ། །།

/ces pa'ang brag ljongs rgyal khab kyi spyi khyab dA han mkhan po mchog gi rten dang bcas gsung bskul nan tan chen po'i zhal ngo ma lcogs pas rang bzo 'gyur shas che yang 7'jam mgon kong sprul rin po che'i ljags bsgrigs la gzhi bcol/__gter gzhung gi dgongs par dpyad nas phyi nang gsang gsum dkyus gcig tu btang ba'i tshul 'di ni 7rje bla ma mkhyen brtse'i phrin las kyi sprul ming 'dzin pa 7'jam dbyangs chos kyi blo gros pas bsnyen mtshams kyi bar gseng rgyal zla'i tshes 6la bsgrigs pa 'di la nongs pa gang mchis rtsa gsum spyan sngar bshags shing dge bas sems can thams cad bla ma thugs rje chen pos rjes su 'dzin pa'i rgyur gyur cig__/sarba mang+ga laM/__shu b+haM/__//

":Property:textsubnumber|textsubnumber" can not be assigned to a declared number type with value 1.

[edit]
༄༅། །ཐུགས་ཆེན་འཁོར་བ་དོང་སྤྲུགས་ཀྱི་སྒྲུབ་ཐབས་ཕྱི་ནང་གསང་གསུམ་ཆིག་དྲིལ་དུ་སྒྲུབ་པའི་ལས་བྱང་པདྨའི་སྡོང་པོ་ཞེས་བྱ་བ་བཞུགས་སོ། ། ན་མོ་གུ་རུ་ལོ་ཀེ་ཤྭ་རཱ་ཡ། འགྲོ་ལ་རྗེས་སུ་བརྩེ་བའི་སྤྱན་མངའ་བ། །ཐུགས་རྗེའི་འཛུམ་ཕྲེང་རྟག་པར་གཡོ་བ་ཡི། །མགོན་པོ་སྤྱན་རས་གཟིགས་དབང་མཚན་གསོལ་བ། །དེ་ཡི་སྒྲུབ་ཐབས་བྱེ་བ་ཕྲག་བརྒྱའི་ཕུལ། །ཐུགས་རྗེ་ཆེ་དངོས་ཆོས་ཀྱི་དབང་ཕྱུག་གི། ཟབ་གཏེར་འཁོར་བ་དོང་སྤྲུགས་སྒྲུབ་པའི་ཐབས། །ཕྱི་ནང་གསང་གསུམ་དྲིལ་སྒྲུབ་འདིར་དབྱེ་བྱ། །དེ་ལ་ཐུགས་རྗེ་ཆེན་པོའི་སྒྲུབ་ཐབས་འདི་ཡི་ཕྱི་ནང་གསང་སྒྲུབ་སྟབས་གཅིག་ཏུ་ཉམས་སུ་བླང་བར་འདོད་པས། དབང་གིས་རྒྱུད་སྨིན་པར་བྱས་ནས་སྦྱོར་བ་རྟེན་དང་མཆོད་གཏོར་ཕྱི་སྒྲུབ་དཀར་ཟླུམ། ནང་གསང་དམར་རྩི་ཅན་དང་བདུད་རྩི་ཀ་པཱ་ལ་སོགས་འདུ་བྱ། ཕྲིན་ལས་དངོས་ལ་སྔོན་འགྲོ། དངོས་གཞི། རྗེས་ཀྱི་རིམ་པ་དང་གསུམ། དང་པོ་ལ། ངེས་འབྱུང་དང་། བྱང་ཆུབ་སེམས་གཉིས་སྒོམ་པ་སྔོན་དུ་འགྲོ་བས་ཐོག་མར་བརྒྱུད་པའི་བླ་མ་ལ་གསོལ་བ་འདེབས་པ་ནི། སྣང་བ་མཐའ་ཡས་ཌཱ་ཀི་གར་དབང་མོ། །པདྨ་སཾ་བྷ་ཡེ་ཤེས་མཚོ་རྒྱལ་མ། །ཆོས་ཀྱི་དབང་ཕྱུག་པདྨ་དབང་ཆེན་དང་། །སངས་རྒྱས་ཀུན་གྲོལ་ཞབས་ལ་གསོལ་བ་འདེབས། །ཆོས་ཉིད་རང་གྲོལ་སངས་རྒྱས་ལྷུན་དབང་དང་། །རྡོ་རྗེ་གཞོན་ནུ་དཀོན་མཆོག་དཔལ་བཟང་པོ། །གནུབ་སྟོན་རིན་དཔལ་རྒྱལ་སྲས་པདྨའི་མཚན། །བཀྲ་ཤིས་དཔལ་བ་རྣམས་ལ་གསོལ་བ་འདེབས། །སྨོན་ལམ་རྒྱལ་མཚན་འཇམ་དབྱངས་མཁྱེན་བརྩེའི་དབང་། །བྱམས་པ་སྐལ་བཟང་དབང་ཕྱུག་རབ་བརྟན་དང་། །ངག་དབང་ཕུན་ཚོགས་བློ་མཆོག་རྡོ་རྗེའི་ཞབས། །ལེགས་བཤད་རྒྱ་མཚོ་རྣམས་ལ་གསོལ་བ་འདེབས། །དབང་ཕྱུག་གྲགས་པ་གསང་བདག་རྡོ་རྗེ་འཛིན། །པདྨ་ཚེ་དབང་འཇམ་དབྱངས་ཆོས་རྒྱལ་མཚན། །ཐུགས་རྗེ་ཆེ་དངོས་མཁྱེན་བརྩེའི་དབང་པོ་དང་། །བློ་གྲོས་མཐའ་ཡས་པདྨ་རྣམ་རྒྱལ་སོགས། །རྩ་བརྒྱུད་བླ་མ་རྣམས་ལ་གསོལ་བ་འདེབས། །འཁོར་བ་དོང་ནས་སྤྲུགས་མཛད་སྤྱན་རས་གཟིགས། །རྒྱལ་བ་སྲས་དང་བཅས་ལ་གསོལ་བཏབ་མཐུས། །བྱང་ཆུབ་སེམས་གཉིས་རྩོལ་མེད་རྒྱུད་ལ་སྐྱེས། །མཁའ་ཁྱབ་འགྲོ་བའི་འདྲེན་པ་མཆོག་གྱུར་ཤོག །སྐྱབས་འགྲོ་ནི། ན་མོ༔སྐུ་གསུམ་ཐུགས་རྗེ་ལྡན་པའི་བླ་མ་དཀོན་མཆོག་ལ༔། སྒོ་གསུམ་དད་པས་ཕྱག་འཚལ་སྙིང་ནས་སྐྱབས་སུ་མཆི༔དུས་འདི་ནས་བཟུང་ཇི་སྲིད་བྱང་ཆུབ་མ་ཐོབ་བར༔སྐྱིད་སྡུག་རེ་ལྟོས་ཁྱེད་ཤེས་གཏིང་ནས་འཆའ་ལགས་སོ༔ལན་གསུམ། སེམས་བསྐྱེད་པ་ནི། ཀྱེ་མ༔རྟོག་འཁྲུལ་ངན་པའི་སེམས་ཅན་རྣམས༔རང་ངོ་མ་ཤེས་སྡུག་ལ་གཏད༔འཁོར་བ་དོང་ནས་སྤྲུགས་པའི་ཕྱིར༔ཐུགས་རྗེ་ཆེན་པོར་སེམས་བསྐྱེད་དོ༔ལན་གསུམ། ཚོགས་བསགས་ནི། བླ་མ་ཡི་དམ་མཁའ་འགྲོ་གཤེགས་སུ་གསོལ༔སྤྱི་གཙུག་ཉི་ཟླ་པདྨའི་གདན་ལ་བཞུགས༔ལུས་ངག་ཡིད་གསུམ་གུས་པས་ཕྱག་འཚལ་ལོ༔ཕྱི་ནང་གསང་གསུམ་མཆོད་པ་འབུལ་ལོ་བཞེས༔ཉམས་ཆག་སྡིག་སྒྲིབ་ཐམས་ཅད་སོ་སོར་བཤགས༔གསང་སྔགས་སྒྲུབ་པར་བྱེད་ལ་རྗེས་ཡི་རང་༔ཕྱི་ནང་ཐེག་པའི་ཆོས་འཁོར་བསྐོར་དུ་གསོལ༔མྱ་ངན་མི་འདའ་བཞུགས་པར་གསོལ་བ་འདེབས༔བདག་གཞན་སེམས་ཅན་ཀུན་གྱི་དགེ་བ་རྣམས༔ཐུགས་རྗེ་ཆེན་པོའི་གོ་འཕང་ཐོབ་ཕྱིར་བསྔོ༔བླ་མའི་རྣལ་འབྱོར་དང་འབྲེལ་བའི་ལམ་དབང་བླངས་བར་སྤྲོ་ན། ཧྲཱིཿརྟོག་མེད་ངང་ལས་རང་རིག་ཧྲཱིཿདཀར་དམར་འོད་ལྡན་གདན་སྟེང་དུ༔གསང་སྔགས་རྒྱལ་པོ་འབྲུ་དྲུག་བསྐོར༔དེ་ཉིད་མ་ཡེངས་འོད་ཕུང་ལས༔ཐུགས་རྗེ་ཆེན་པོ་ཡིག་བདུན་པ༔སྐུ་དམར་ཞལ་གཅིག་ཕྱག་གཉིས་པ༔དབུ་གཙུག་རིགས་ཀྱི་གཙོ་བོ་བཞུགས༔ཕྱག་གཡས་པད་འབྲུའི་ཕྲེང་བ་འཛིན༔གཡོན་པས་བདུད་རྩིའི་བུམ་པ་བསྣམས༔རྒྱན་མེད་གཅེར་བུ་གཟི་མདངས་ཅན༔འགྲོ་དོན་ཞབས་གཉིས་བཞེངས་ཚུལ་དུ༔ཉི་ཟླ་པདྨའི་གདན་ལ་བཞུགས༔ཐུགས་ཀར་ཡིག་བདུན་གསལ་བར་ལྡན༔སྣང་ལ་རང་བཞིན་མེད་པའི་སྐུ༔མ་བསྐྱེད་རྫོགས་པའི་ཚུལ་དུ་བསྒོམ༔ལམ་དུས་ཀྱི་དབང་ལེན་པའི་ཕྱིར་མདུན་བསྐྱེད་ནི། མདུན་གྱི་ནམ་མཁར་གདན་པདྨ་ཉི་ཟླའི་སྟེང་དུ། བླ་མ་དང་དབྱེར་མི་ཕྱེད་པའི་ཐུགས་རྗེ་ཆེན་པོ། དེའི་ཐུགས་ཀ་ནས་འོད་ཟེར་འཕྲོས་པས། ཨོ་རྒྱན་སློབ་དཔོན་པདྨ་འབྱུང་གནས་ལ། འཁོར་མཁའ་འགྲོ་སྡེ་བཞི་དང་བཅས་པ་བཛྲ་ས་མཱ་ཛཿཧཱུྃ༔སྔོན་གྱི་བསྐལ་པ་དང་པོ་ལ༔ཨོ་རྒྱན་ཡུལ་གྱི་ནུབ་བྱང་མཚམས༔པདྨ་གེ་སར་སྡོང་པོ་ལ༔ཡ་མཚན་མཆོག་གི་དངོས་གྲུབ་བརྙེས༔པདྨ་འབྱུང་གནས་ཞེས་སུ་གྲགས༔འཁོར་དུ་མཁའ་འགྲོ་མང་པོས་བསྐོར༔ཁྱེད་ཀྱི་རྗེས་སུ་བདག་བསྒྲུབ་ཀྱི༔བྱིན་གྱིས་བརླབ་ཕྱིར་གཤེགས་སུ་གསོལ༔ཞེས་པས་སྤྱན་དྲངས་པ་མདུན་གྱི་བླ་མ་སྤྱན་རས་གཟིགས་ཀྱི་དབུ་གཙུག་ཏུ་བཞུགས་པར་བསམ༔ཐུགས་རྗེ་ཆེན་པོ་དང་སློབ་དཔོན་པདྨའི་སྤྱི་བོར་ཨོཾ། མགྲིན་པར་ཨཱཿཐུགས་ཀར་ཧཱུྃ། ལྟེ་བར་ཧྲཱིཿགསལ་ལ། མཎྜལ་འབུལ་བ་ནི། ན་མོ༔བཀོད་པ་མཛེས་ལྡན་རིན་ཆེན་མཎྜལ་མཆོག༔རི་རབ་གླིང་བཞི་གླིང་ཕྲན་ཉི་ཟླས་བརྒྱན༔རིན་ཆེན་རྣམ་ལྔ་ཀུན་བཟང་མཆོད་སྤྲིན་གཏིབས༔དཀོན་མཆོག་བླ་མ་ཡི་དམ་ལྷ་ཚོགས་མཆོད༔བདག་དང་འགྲོ་བ་མ་ལུས་བསྐྱབ་ཏུ་གསོལ༔ཞེས་ལུས་ལོངས་སྤྱོད་ཐམས་ཅད་ཕུལ་ལ། ན་མོ༔ཐུགས་རྗེའི་བདག་པོ་དགོངས་སུ་གསོལ༔བདག་སོགས་འཁོར་བའི་སེམས་ཅན་རྣམས༔བླ་མེད་བྱང་ཆུབ་ཐོབ་བྱའི་ཕྱིར༔ཐུགས་རྗེ་བདུད་རྩིའི་དབང་བསྐུར་ཞུ༔ཐུགས་རྗེ་ཆེན་པོ་སྤྱན་རས་གཟིགས༔ཡི་དམ་དུ་ཡང་ཞུ་བར་བགྱི༔ཞེས་ལན་གསུམ་གྱིས་གསོལ་བ་བཏབ་པས། མདུན་བསྐྱེད་ཀྱི་སྤྱི་བོའི་ཨོཾ་ལས་འོད་དཀར་ནར་གྱིས་བྱུང་༔བདག་གི་སྨིན་མཚམས་སུ་ཕོག༔ལུས་ཀྱི་སྒོ་ནས་བསགས་པའི་སྡིག་པ་ཐམས་ཅད་དག༔སྐུའི་བྱིན་རླབས་ཞུགས༔བུམ་པའི་དབང་ཐོབ༔བསྐྱེད་རིམ་བསྒོམ་པ་ལ་དབང་༔འབྲས་བུ་སྤྲུལ་སྐུ་ཐོབ༔ལུས་ཐམས་ཅད་བྱིན་རླབས་བདུད་རྩིའི་རང་བཞིན་འོད་དཀར་པོས་དཀར་ལམ་གྱིས་གང་བར་བསམ༔མགྲིན་པའི་ཨཱཿལས་འོད་དམར་ནར་གྱིས་བྱུང་༔བདག་གི་མགྲིན་པ་ནས་ཞུགས༔ངག་གི་སྒོ་ནས་བསགས་པའི་སྡིག་པ་ཐམས་ཅད་དག༔གསུང་གི་བྱིན་རླབས་ཞུགས༔ཨོཾ་ཨཱཿཧཱུྃ༔ཞེས་བདུད་རྩི་ལྕེ་ཐོག་ཏུ་བཞག་པར་བསམ༔གསང་བའི་དབང་ཐོབ༔ངག་སྙིང་པོ་བཟླ་བ་ལ་དབང་༔འབྲས་བུ་ལོངས་སྐུ་ཐོབ༔ལུས་ཐམས་ཅད་འོད་དམར་པོས་དམར་ལམ་གྱིས་གང་བར་བསམ༔ཐུགས་ཀའི་ཧཱུྃ་ལས་འོད་སྔོན་པོ་ནར་གྱིས་བྱུང་༔བདག་གི་སྙིང་གར་ཐིམ༔ཡིད་ཀྱི་དྲི་མ་དག༔ཐུགས་ཀྱི་བྱིན་རླབས་ཞུགས༔ཤེས་རབ་ཡེ་ཤེས་ཀྱི་དབང་ཐོབ༔རྩ་རླུང་ཐིག་ལེ་ལ་བརྟེན་པའི་རྫོགས་རིམ་བསྒོམ་པ་ལ་དབང་༔འབྲས་བུ་ཆོས་སྐུ་ཐོབ༔ལུས་ཐམས་ཅད་འོད་སྔོན་པོས་སྔོ་ལམ་གྱིས་གང་བར་བསམ༔དབང་བསྐུར་བྱ་སྐུར་བྱེད་སྒྲིབ་པ་དག་མ་དག་གི་འཛིན་པ་དང་བྲལ་བའི་ངང་ལ་སེམས་མ་བཅོས་པར་རང་ལུགས་སུ་བཞག་པ་ནི༔ཆོས་ཉིད་དོན་གྱི་ཐུགས་རྗེ་ཆེན་པོ་ཡིན་ནོ༔ཞེས་ངོ་སྤྲོད་གསུང་བར་བསམ༔ལུས་ངག་ཡིད་གསུམ་ཆ་མཉམ་གྱི་དྲི་མ་དག༔དབང་བཞི་པ་ཐོབ༔ཆོས་ཉིད་དོན་གྱི་ཐུགས་རྗེ་ཆེན་པོ་བསྒོམ་པ་ལ་དབང་༔འབྲས་བུ་ངོ་བོ་ཉིད་སྐུ་ཐོབ་པར་བསམ༔དབང་བརྟན་པར་ཞུ་བ་ནི། ཨོ་རྒྱན་རིན་པོ་ཆེ་དང་ཐུགས་རྗེ་ཆེན་པོ་འཁོར་དང་བཅས་པ་འོད་དུ་ཞུ་ནས་རང་ལ་ཐིམ་པས་རང་དང་བླ་མ་དབྱེར་མེད་དུ་འདྲེས་པའི་ངང་ལ་ཅི་གནས་སུ་བཞག༔དེའི་ངང་ལས་རང་ཐུགས་རྗེ་ཆེན་པོའི་སྐུ་སྣང་ལ་རང་བཞིན་མེད་པ་མེ་ལོང་གི་གཟུགས་བརྙན་ལྟ་བུའི་ལོངས་སྤྱོད་རྫོགས་པའི་སྐུར་བཞེངས་པ་ལ༔སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་སེམས་ཅན་གྱི་དོན་ཡིད་བཞིན་ནོར་བུ་ལྟར་གྱིས་ཤིག༔ཅེས་གསུང་བར་བསམ་མོ༔སྔོན་འགྲོ་བགེགས་གཏོར་བཤམས་པ་ལ་བྱིན་རླབས་བསྔོ་བ་སྤྱི་མཐུན་བྱས་ལ་བཀའ་བསྒོ་བ་ནི། ཧཱུྃ་ཧྲཱིཿབླ་མ་རྣམས་ཀྱི་བྱིན་རླབས་དང་༔ཡི་དམ་ལྷ་ཡི་ཏིང་འཛིན་དང་༔མཁའ་འགྲོ་རྣམས་ཀྱི་མཐུ་རྩལ་གྱིས༔དངོས་གྲུབ་བར་ཆད་བྱེད་པའི་བགེགས༔ལོག་པར་འདྲེན་པ་བདུད་ཀྱི་ཚོགས༔འདི་རུ་མ་འདུག་གཞན་དུ་དེངས༔མཚམས་བཅད་པ་ནི། ཧཱུྃ༔ང་ནི་ཡེ་ནས་ངང་གིས་ཁྲོས༔མཚམས་གཅོད་ཁྲོ་བོས་ནམ་མཁའ་གང་༔བགེགས་འདུལ་ཁྲོ་བོའི་རོལ་མཚམས་ལས༔སུ་ཡང་འདའ་བར་མ་བྱེད་ཅིག༔ཨོཾ་བཛྲ་ཀྲོ་དྷ་རཀྵ་རཀྵ་ཧཱུྃ༔མཆོད་པ་བྱིན་རླབས་ནི། རྃ་ཡྃ་ཁྃ། སྟོང་པའི་ངང་ལས་སྣོད་རྣམ་པར་དག་པ་པདྨོ་རྣམ་པར་སྣང་བའི་རྒྱན་བཀོད་པ་ཕུན་སུམ་ཚོགས་པའི་དབུས་སུ། བཅུད་རྣམ་པར་དག་པ་ཕྱི་ནང་གསང་བའི་མཆོད་པའི་བྱེ་བྲག་བསམ་གྱིས་མི་ཁྱབ་པས་ཆོས་དབྱིངས་རྒྱས་པར་གང་བར་གྱུར། ཨོཾ་ཨཱཿཧཱུྃ། ལན་གསུམ། ཨོཾ་སརྦ་པཱུ་ཛ་མེ་གྷ་ས་མ་ཡེ་ཨཱཿཧཱུྃ། ཞེས་རོལ་མོ་བྱ། བཤགས་པ་ནི། ཧཱུྃ༔བླ་མ་ཡི་དམ་མཁའ་འགྲོ་དགོངས༔ཁྱེད་ནི་རྣམ་དག་དྲི་མ་མེད༔བདག་ནི་ཉོན་མོངས་སྒྲིབ་པས་བསྒྲིབས༔ཉམས་ཆག་སྡིག་སྒྲིབ་མཐོལ་ཞིང་བཤགས༔བཛྲ་ས་མ་ཡ་ཤུདྡྷེ་ཨ༔གཉིས་པ་དངོས་གཞི་ལ་ཐོག་མར་དམ་ཚིག་གི་འཁོར་ལོ་གསལ་འདེབས་པ་ནི། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿསྭ་བྷཱ་ཝ་ཤུདྡྷོ྅ཧཾ། རང་གི་སེམས་ཉིད་དུས་གསུམ་གྱི་རྟོག་པ་དང་བྲལ་ནས་རྣམ་པར་མི་རྟོག་པའི་ངང་ནས་སྣོད་བཅུད་ཐམས་ཅད་སྟོང་པར་གྱུར༔སྟོང་པའི་ངང་ལས་སྣ་ཚོགས་པདྨའི་ལྟེ་བར་ཟླ་བའི་དཀྱིལ་འཁོར་གྱི་སྟེང་དུ་རང་གི་རིག་པ་མ་འགགས་པའི་ངོ་བོ་ཧྲཱིཿཡིག་དམར་པོ་དཀར་ལ་དམར་བའི་མདངས་ཅན་གསུམ་གྱི་མཐར་ཨོཾ་མ་ཎི་པདྨེ་ཧཱུྃ་དཀར་ལ་དམར་བའི་མདངས་ཅན་གྱིས་བསྐོར་བ་དེ་རྣམས་ལས་འོད་ཟེར་འཕྲོས་པས་སེམས་ཅན་གྱི་སྒྲིབ་པ་སྦྱངས༔བདེ་བར་གཤེགས་པ་ལ་མཉེས་པའི་མཆོད་པ་ཕུལ༔བླ་མ་ཡི་དམ་མཁའ་འགྲོའི་བྱིན་རླབས་བསྡུས་ཏེ༔སླར་ཧྲཱིཿཡིག་གསུམ་ལ་ཐིམ་དེ་རྣམས་འོད་དམར་པོ་འཁྱིལ་ཏེ་ཞུ་བ་ཡོངས་སུ་གྱུར་པ་ལས༔དབུས་སུ་ཕྱི་སྒྲུབ་ཐུགས་རྗེ་ཆེན་པོ་ཡི་གེ་བདུན་པ་སྐུ་མདོག་དམར་པོ་ཞལ་གཅིག་ཕྱག་གཉིས་པ༔དབུ་གཙུག་ན་སྣང་བ་མཐའ་ཡས་སྤྲུལ་སྐུའི་ཆ་ལུགས་སུ་བཞུགས་པ༔ཕྱག་གཡས་དབང་སྡུད་ཀྱི་ཕྱག་རྒྱས་པདྨ་དམར་པོའི་ཕྲེང་བ་བསྣམས་ཤིང་༔གཡོན་མཆོག་སྦྱིན་གྱི་ཕྱག་རྒྱས་སྤྱི་བླུགས་བདུད་རྩིས་གང་བ་འཛིན་པ༔ཞི་མ་ཁྲོའི་ཆ་ལུགས་གཅེར་བུ་རྒྱན་ཐམས་ཅད་སྤངས་པ་ཞབས་གཉིས་མཉམ་པའི་སྟབས་ཀྱིས་བཞེངས་པ་ལ་འོད་ཟེར་དམར་པོ་འཕྲོ་ཞིང་སྣང་ལ་རང་བཞིན་མེད་པ་ཟུང་འཇུག་བདེ་བ་ཆེན་པོའི་སྐུར་གྱུར༔དེ་ཡི་གཡས་སུ་པདྨ་དམར་པོ་འདབ་བཞིའི་སྟེང་དུ་ནང་སྒྲུབ་ཐུགས་རྗེ་ཆེན་པོ་སྐུ་མདོག་དམར་པོ་ཞལ་གཅིག་ཕྱག་གཉིས་པ༔གཡས་པདྨ་རཱ་གའི་ཕྲེང་བ་བསྣམས་པ༔གཡོན་རིན་པོ་ཆེའི་བུམ་པ་སྤྱི་བླུགས་བསྣམས་པ༔སྐུ་ལྡེམ་བག་ཅན་རྒྱན་མེད་གཅེར་བུ་གཟི་མདངས་ཅན༔སྤྱི་བོར་སངས་རྒྱས་འོད་དཔག་ཏུ་མེད་པ་བཞུགས་པར་བསམ༔སྐུ་ལ་ཡུམ་གསང་བ་ཡེ་ཤེས་འཁྲིལ་བ༔སྐུ་མདོག་དམར་པོ་ཞལ་གཅིག་ཕྱག་གཉིས་གཡས་གྲི་གུག༔གཡོན་ཐོད་ཁྲག༔དབུ་ལ་རུས་པའི་འཁོར་ལོ་དང་༔རུས་པའི་རྒྱན་ཆ་དང་རིན་པོ་ཆེས་བརྒྱན་པ༔དར་དཔྱངས་ཀྱིས་མཛེས་པ༔ཞབས་གཉིས་བརྐྱང་བསྐུམ་ཚུལ་དུ་ཡབ་ལ་འཁྲིལ་སྦྱོར་ཅན༔ཕྱོགས་བཞིར་མཁའ་འགྲོ་སྡེ་བཞི་དང་དཔའ་བོ་སྡེ་བཞི་བསྒོམ༔ཡབ་ཀྱི་ལྟེ་བ་ལ་སྒྲོལ་མ་དཀར་མོ༔སྤྱི་བོ་ན་པདྨ་ཡབ་ཡུམ༔ཐུགས་ཀར་པདྨ་འདབ་བཞིའི་དབུས་སུ་ཧྲཱིཿདམར་པོས་མཚན་པར་གྱུར། དེའི་གཡོན་དུ་གསང་སྒྲུབ་ཐུགས་རྗེ་ཆེན་པོ་འཁོར་བ་དོང་སྤྲུགས་སྐུ་མདོག་དམར་པོ་ཞལ་གཅིག་ཕྱག་གཉིས་པ༔གཡས་པདྨའི་ཕྲེང་བ་གཡོན་བདུད་རྩིའི་བུམ་པ་བསྣམས་ཏེ་ཡུམ་ལ་འཁྱུད་པ༔ཞལ་ཞི་མ་ཁྲོ་མཆེ་བ་ཅུང་ཟད་གཙིགས་པ༔སྐུ་ལ་རུས་པའི་རྒྱན་དྲུག་གིས་བརྒྱན་པ༔ཞབས་ཉི་ཟླ་པདྨ་རོའི་གདན་ལ་བཞུགས་པ༔ཡུམ་གསང་བ་ཡེ་ཤེས་ཞལ་གཅིག་ཕྱག་གཉིས་མ༔སྐུ་མདོག་དམར་མོ་གཡས་གསེར་གྱི་ཌཱ་མ་རུ་བསྣམས་པ༔གཡོན་བདུད་རྩིའི་ཀ་པཱ་ལ་བསྣམས་ཏེ་ཡབ་ལ་འཁྱུད་པ༔དབུ་སྐྲ་སིལ་བུ་ཐུར་དུ་གྲོལ་ཞིང་ཕྱག་རྒྱ་ལྔས་བརྒྱན་པ༔ནུ་མ་དང་བྷ་ག་རྒྱས་ཤིང་བཅུ་དྲུག་ལོན་པའི་ན་ཚོད་ཅན༔ཡབ་ཡུམ་གཉིས་འཁྲིལ་སྦྱོར་དུ་བདེ་སྟོང་གི་ཉམས་དང་ལྡན་པར་བསྒོམ༔དེ་ནས་ཡབ་ཀྱི་དཔུང་པ་གཡས་པའི་སྟེང་དུ་རྡོ་རྗེ་རིགས་ཀྱི་དཔའ་བོ༔དཔུང་པ་གཡོན་པའི་སྟེང་དུ་རིན་ཆེན་དཔའ་བོ༔པུས་མོ་གཡས་པའི་སྟེང་དུ་པདྨའི་དཔའ་བོ༔པུས་མོ་གཡོན་པའི་སྟེང་དུ་ལས་ཀྱི་དཔའ་བོ༔དེ་ནས་ཡུམ་གྱི་དཔུང་པ་གཡས་པའི་སྟེང་དུ་རྡོ་རྗེ་མཁའ་འགྲོ་མ༔དཔུང་པ་གཡོན་པའི་སྟེང་དུ་རིན་ཆེན་མཁའ་འགྲོ་མ༔པུས་མོ་གཡས་པའི་སྟེང་དུ་པདྨ་མཁའ་འགྲོ་མ༔པུས་མོ་གཡོན་པའི་སྟེང་དུ་ལས་ཀྱི་མཁའ་འགྲོ་མ༔དེ་དག་ཐམས་ཅད་ཀྱང་སྐུ་མདོག་དམར་མོ་ཞལ་གཅིག་ཕྱག་གཉིས་མ༔གཡས་གྲི་གུག་གཡོན་ཐོད་ཁྲག་བསྣམས་པ༔རུས་པའི་རྒྱན་གྱིས་བརྒྱན་པ༔དེ་དག་ཐམས་ཅད་ཀྱི་གནས་གསུམ་དུ་ཉི་ཟླ་པདྨའི་གདན་ལ་ཡིག་འབྲུ་གསུམ་གྱིས་མཚན་པ་ལས་འོད་ཟེར་འཕྲོས་པས་སྣང་བ་མཐའ་ཡས་ཀྱི་གཙོར་བྱས་རིགས་ལྔའི་སངས་རྒྱས་སྤྱན་དྲངས་པ་ལ་མཆོད་པར་བསམ་ལ། ཨོཾ་བཛྲ་པུཥྤེ་ཨཱཿཧཱུྃ༔སོགས་ཉེར་སྤྱོད་ལྔས་མཆོད། བདག་ལ་མངོན་པར་དབང་བསྐུར་དུ་གསོལ༔ཞེས་གསོལ་བ་བཏབ་པས་རིགས་ལྔའི་ཐུགས་ཀ་ནས་རིགས་ཀྱི་ལྷ་མོ་བུམ་པ་ཐོགས་པ་ལྔ་བྱུང་ནས༔བདུད་རྩིའི་ཆུ་རྒྱུན་གྱི་བདག་ལ་དབང་བསྐུར་བས༔ལུས་ཕྱི་ནང་གི་སྒྲིབ་པ་ཐམས་ཅད་དག་ནས༔བདུད་རྩི་ཡར་འཁྱིལ་བ་ལས༔དབང་རྟགས་སུ་སྣང་བ་མཐའ་ཡས་སྤྲུལ་པའི་སྐུའི་ཆ་ལུགས་ཀྱི་དབུར་བརྒྱན༔ཐུགས་ཀ་ནས་འོད་ཟེར་གྱི་སྣང་བ་འཕྲོས་ཏེ་སངས་རྒྱས་ཀྱི་ཞིང་ཁམས་ཐམས་ཅད་ཁྱབ་ཅིང་བསྐུལ་བས་ཡེ་ཤེས་པ་ནམ་མཁའ་གང་བ་སྤྱན་དྲངས་པར་གྱུར། ཧཱུྃ༔བཞེངས་ཤིག་བཞེངས་ཤིག་སྟོབས་བཅུ་མངའ་བའི་ལྷ༔དུས་ལས་མི་འདའ་ཐུགས་རྗེའི་དབང་གིས་ནི༔སེམས་ཅན་དོན་དགོངས་འཕགས་པ་སྤྱན་རས་གཟིགས༔ཡིད་ཀྱིས་སྤྲུལ་ཞིང་བཤམས་པའི་གནས་འདི་རུ༔རྒྱལ་བ་འཁོར་དང་བཅས་ཏེ་གཤེགས་སུ་གསོལ༔ཧྲཱིཿལྷོ་ནུབ་ཨོ་རྒྱན་དུར་ཁྲོད་ནས༔རིག་འཛིན་བྱེ་བ་འབུམ་གྱི་དབུས༔སློབ་དཔོན་པདྨ་གཤེགས་སུ་གསོལ༔བདེ་བ་ཅན་གྱི་ཞིང་ཁམས་ནས༔གསུང་མཆོག་པདྨ་རིགས་ཀྱི་གཙོ༔སྣང་བ་མཐའ་ཡས་གཤེགས་སུ་གསོལ༔རི་བོ་ཏཱ་ལའི་རྩེ་མོ་ནས༔འགྲོ་བའི་མགོན་པོ་སྤྱན་རས་གཟིགས༔ཚད་མེད་འགྲོ་བ་བསྐྱབ་པའི་ཕྱིར༔ཐུགས་རྗེ་ཆེན་པོ༴མཁའ་དབྱིངས་རྣམ་དག་དུར་ཁྲོད་ནས༔དུས་གསུམ་སངས་རྒྱས་སྐྱེད་པའི་ཡུམ༔གསང་བ་ཡེ་ཤེས༴འགྱུར་བ་མེད་པའི་ཕོ་བྲང་ནས༔རྡོ་རྗེ་མཁའ་འགྲོ༴དགོས་འདོད་འབྱུང་བའི་དུར་ཁྲོད་ནས༔རིན་ཆེན་མཁའ་འགྲོ༴ཆགས་པ་བྲལ་བའི་དུར་ཁྲོད་ནས༔པདྨ་མཁའ་འགྲོ༴ཕྲིན་ལས་སྒྲུབ་པའི་དུར་ཁྲོད་ནས༔ལས་ཀྱི་མཁའ་འགྲོ༴རོ་ལངས་འབྱུང་བའི་དུར་ཁྲོད་ནས༔དེ་བཞིན་མཁའ་འགྲོ་གཤེགས་སུ་གསོལ༔ཨོཾ་ལོ་ཀེ་ཤྭ་ར་ས་པ་རི་ཝཱ་ར་བཛྲ་ས་མཱ་ཛ༔བཞུགས་སུ་གསོལ་བ་ནི། ཧཱུྃ༔སྣ་ཚོགས་རིན་ཆེན་ཕོ་བྲང་འདིར༔གདུགས་དང་བླ་རེ་བ་དན་བརྒྱན༔ཉི་ཟླ་པདྨའི་གདན་ཁྲི་ལ༔གཉིས་མེད་དགྱེས་པའི་ཚུལ་གྱིས་བཞུགས༔ས་མ་ཡ་ཏིཥྛ་ལྷན༔ཕྱག་འཚལ་བ་ནི། ཧྲཱི༔ཐུགས་རྗེ་ཆེན་པོ་ཡེ་ཤེས་ལྷ་ཡི་ལྷ༔ཡབ་ཡུམ་འཁོར་དང་བཅས་པ་ཐམས་ཅད་ལ༔བདག་སྤྲོ་མོས་ཤིང་དང་བས་ཕྱག་འཚལ་ན༔ཐུགས་རྗེ་བརྩེ་བའི་ཚུལ་གྱིས་བཞེས་སུ་གསོལ༔ན་མོ་པུ་རུ་ཤ་ཡ་ཧོ༔ཕྱི་མཆོད་ནི། ཧྲཱིཿཡན་ལག་བརྒྱད་ལྡན་ཡོན་ཆབ་འདི༔ཕྱི་ཡི་མཆོད་པར་བཞེས་སུ་གསོལ༔ཁ་དོག་དབྱིབས་ལེགས་མེ་ཏོག་འདི༔ཕྱི་ཡི་མཆོད་པར་བཞེས་སུ་གསོལ༔ལྷན་སྐྱེས་སྦྱར་བའི་བདུག་སྤོས་འདི༔ཕྱི་ཡི་མཆོད་པར་བཞེས༴མ་རིག་མུན་སེལ་སྣང་གསལ་འདི༔ཕྱི་ཡི་མཆོད་པར༴སྤོས་དང་སྨན་སྦྱར་དྲི་ཆབ་འདི༔ཕྱི་ཡི་མཆོད་པར༴རོ་མཆོག་བརྒྱ་ལྡན་ཞལ་ཟས་འདི༔ཕྱི་ཡི་མཆོད་པར༴སིལ་སྙན་རོལ་མོ་སྣ་ཚོགས་འདི༔ཕྱི་ཡི་མཆོད་པར་བཞེས་སུ་གསོལ༔ནང་མཆོད་ནི། ཧྲཱིཿའདོད་པའི་ཡོན་ཏན་རྣམ་པ་ལྔ༔ནང་གི་མཆོད་པར་བཞེས་སུ་གསོལ༔ཐབས་ཀྱི་ཤ་ཆེན་རྣམ་པ་ལྔ༔ནང་གི་མཆོད་པར༴ཤེས་རབ་བདུད་རྩི་རྣམ་པ་ལྔ༔ནང་གི་མཆོད་པར༴ཐབས་ཀྱི་ཕུང་པོ་རྣམ་པ་ལྔ༔ནང་གི་མཆོད་པར༴དྲན་རྟོག་དབང་པོ་རྣམ་པ་ལྔ༔ནང་གི་མཆོད་པར་བཞེས་སུ་གསོལ༔གསང་བའི་མཆོད་པ་ནི། ཧཱུྃ༔ཐབས་ཀྱི་རང་བཞིན་ཡབ་རྣམས་ལ༔ཤེས་རབ་ཡུམ་གྱི་མཆོད་པ་འབུལ༔ཤེས་རབ་རང་བཞིན་ཡུམ་རྣམས་ལ༔ཐབས་ཆེན་ཡབ་ཀྱི་མཆོད་པ་འབུལ༔ཐབས་དང་ཤེས་རབ་ཡབ་ཡུམ་གཉིས༔མཁའ་གསང་བྱིན་རླབས་རོལ་པ་ལས༔བསྲུབ་དང་བསྐྱོད་པའི་སྦྱོར་བ་ཡིས༔དགའ་བ་བཞི་དང་བདེ་བ་བརྒྱད༔སྐད་ཅིག་བཞི་དང་ཡེ་ཤེས་ལྔ༔བྱང་ཆུབ་སེམས་ཀྱི་མཆོད་པ་འདི༔གསང་བའི་མཆོད་པར་བཞེས་སུ་གསོལ༔དེ་ཁོ་ན་ཉིད་ཀྱི་མཆོད་པ་ནི། ཧྲཱིཿགཏི་མུག་ཆོས་དབྱིངས་མཆོད་པ་འདི༔སངས་རྒྱས་རིགས་ཀྱིས་བཞེས་སུ་གསོལ༔ཞེ་སྡང་ཡེ་ཤེས་མཆོད་པ་འདི༔རྡོ་རྗེ་རིགས་ཀྱིས༴ང་རྒྱལ་མཉམ་ཉིད་མཆོད་པ་འདི༔རིན་ཆེན་རིགས་ཀྱིས༴འདོད་ཆགས་བདེ་བའི་མཆོད༴པདྨ་རིགས་ཀྱིས༴ཕྲག་དོག་ནན་ཏན་མཆོད༴ལས་ཀྱི་རིགས་ཀྱིས༴འཁོར་བ་མྱང་འདས་མཆོད་པ་འདི༔དཀྱིལ་འཁོར་ལྷ་ཡིས་བཞེས་སུ་གསོལ༔བསྟོད་པ་ལ། ཕྱི་སྒྲུབ་ཀྱི་བསྟོད་པ་ནི། ཧྲཱིཿརྣམ་པར་མི་རྟོག་ནམ་མཁའ་ལ༔རང་བྱུང་ཐུགས་རྗེ་ཆེན་པོ་ཤར༔རྩོལ་བྲལ་འགྲོ་བ་འདུལ་བའི་སྐུ༔ཞལ་གཅིག་ཕྱག་གཉིས་སྐུ་མདོག་དམར༔དབུ་གཙུག་སངས་རྒྱས་མཐའ་ཡས་བཞུགས༔ཐུགས་ཀར་ཡིག་བདུན་གསལ་བར་གནས༔ཕྱག་གཡས་པད་ཕྲེང་དམར་པོ་འཛིན༔གཡོན་པ་བདུད་རྩིའི་བུམ་པ་བསྣམས༔ཉི་ཟླ་པདྨའི་གདན་སྟེང་ན༔ཞབས་གཉིས་དྲང་པོར་གཤིབས་ནས་བཞེངས༔རྒྱན་མེད་གཅེར་བུ་མདངས་དང་ལྡན༔འཁོར་བ་དོང་ནས་སྤྲུགས་མཛད་པའི༔རང་བྱུང་ཐུགས་རྗེའི་དཔལ་ལ་བསྟོད༔ཅེས་པ་ཙམ་མམ། རྟགས་བསྟོད་སྤྲོ་ན། ཧྲཱིཿརྣམ་པར་མི་རྟོག་ནམ་མཁའ་ནི༔སྤྲོས་བྲལ་ཆོས་སྐུར་སངས་པའི་རྟགས༔རང་བྱུང་ཐུགས་རྗེ་ཆེན་པོ་ནི༔མ་འགགས་ལོངས་སྤྱོད་རྫོགས་པའི་རྟགས༔རྩོལ་མེད་འགྲོ་བ་འདུལ་བ་ནི༔བྱིན་རླབས་སྤྲུལ་པའི་སྐུར་རྫོགས༴ཐུགས་ཀར་ཡིག་བདུན་གསལ་བ་ནི༔དོན་གྱི་སྙིང་པོ་གསལ་བའི༴ཞལ་གཅིག་ཕྱག་གཉིས་སྐུ་དམར་བ༔གཉིས་མེད་ཐུགས་རྗེས་དབང་བསྐུར༴དབུ་གཙུག་མཐའ་ཡས་བཞུགས་པ་ནི༔མཐའ་བྲལ་ཡོན་ཏན་རྒྱས་པའི་རྟགས༔ཕྱག་གཡས་པད་ཕྲེང་འཛིན་པ་ནི༔ཐབས་ཀྱིས་འགྲོ་བ་འདྲེན་པའི༴ཕྱག་གཡོན་བདུད་རྩིའི་བུམ་པ་ནི༔ཤེས་རབ་བདུད་རྩིས་གཟུང་འཛིན་ནད་འཇོམས༴ཞབས་གཉིས་དྲང་པོར་གཤིབས་ནས་བཞེངས་པ་ནི༔གཉིས་མེད་སྤྱོར་བའི་བདེ་བ་རྒྱས་པའི༴ཉི་ཟླ་པདྨའི་གདན་ལ་བཞུགས་པ་ནིཿབདེ་གསལ་མི་རྟོག་རྣམ་པར་བཞུགས་པའི༴རྒྱན་མེད་གཅེར་བུ་གཟི་མདངས་ལྡན་པ་ནི༔རང་རིག་དྲི་མེད་སྟོང་གསལ་མདངས་ལྡན་རྟགས༔འཁོར་བ་དོང་སྤྲུགས་དྲི་མེད་མདངས་དང་ལྡན༔ཡེ་ཤེས་ལུས་ཅན་དེ་བཞིན་གཤེགས་པའི་སྐུ༔མཁའ་གསལ་འོད་ཀྱི་དཀྱིལ་འཁོར་རྟགས་ཆེན་བཅུ་གཉིས་རྫོགས༔ཐུགས་རྗེ་ཆེན་པོ་ཡོངས་རྫོགས་ཁྱེད་ལ་ཕྱག་འཚལ་བསྟོད༔ཨོཾ་མ་ཎི་པདྨེ་ཧཱུྃ་ཧྲཱིཿནང་སྒྲུབ་ཀྱི་བསྟོད་པ་ནི། ཧྲཱིཿསྐྱེ་མེད་ཆོས་ཀྱི་དབྱིངས་ལས་མ་གཡོས་ཀྱང་༔འགག་མེད་ལོངས་སྤྱོད་རྫོགས་པའི་སྐུར་བསྟན་པ༔སྐུ་མདོག་དམར་གསལ་འཇིག་རྟེན་དབང་དུ་སྡུད༔བྱམས་པའི་སྤྱན་གྱིས་འགྲོ་ལ་ཐུགས་རྗེས་གཟིགས༔བདེན་གཉིས་ཐབས་དང་ཤེས་རབ་འདུལ་ཐབས་མཛད༔ཕྱག་གཡས་བགྲང་ཕྲེང་བྱང་ཆུབ་ལམ་སྣ་འདྲེན༔གཡོན་པ་བུམ་པས་འཁོར་བ་དོང་ནས་སྤྲུགས༔ཞབས་གཉིས་འགྲོ་བའི་དོན་ལ་ལྡེམ་བག་ཅན༔འགྲོ་རྣམས་མ་ལུས་ཐུགས་རྗེས་དབང་སྡུད་པའི༔ཐུགས་རྗེ་ཆེན་པོའི་སྐུ་ལ་ཕྱག་འཚལ་བསྟོད༔ལོངས་སྐུ་སྣང་བ་མཐའ་ཡས་འོད་དཔག་མེད༔སྐུ་མདོག་དམར་གསལ་སྤྲུལ་པའི་སྐུ༔དུས་གསུམ་སངས་རྒྱས་ཀུན་གྱི་གསུང་༔ཚེ་དཔག་མེད་ལ་ཕྱག་འཚལ་བསྟོད༔དུས་གསུམ་བདེ་གཤེགས་གསང་བའི་ཡུམ༔ཐུགས་རྗེའི་མངའ་བདག་འགྲོ་ལ་གཟིགས༔གསང་བ་ཡེ་ཤེས་ཌཱ་ཀི་མ༔སྐུ་མདོག་དམར་མོ་དབང་གི་ཚུལ༔རྣམ་རྟོག་རྩད་གཅོད་གྲི་གུག་གཡས༔འཁོར་བ་དབང་སྡུད་ཐོད་ཁྲག་གཡོན༔ཐབས་དང་ཤེས་རབ་བརྐྱང་བསྐུམ་མཛད༔གཉིས་མེད་ཚུལ་གྱིས་ཡབ་ལ་འཁྲིལ༔འདོད་ཡོན་རང་དག་རུས་པས་བརྒྱན༔གཞོན་ཚུལ་ཆེ་ལ་ཅུང་ཟད་ཁྲོ༔ཐུགས་རྗེའི་ཆགས་པས་དབང་སྡུད་ལ༔ནམ་མཐོང་དྲན་པས་ཡེ་ཤེས་སྐྱེ༔ཐུགས་རྗེའི་སྤྱན་གྱིས་འགྲོ་ལ་གཟིགས༔མཆོག་དང་ཐུན་མོང་དངོས་གྲུབ་སྩོལ༔རྡོ་རྗེ་རིགས་ཀྱི་ཌཱ་ཀི་མ༔རིན་ཆེན་རིགས་ཀྱི་ཌཱ་ཀི་མ༔པདྨ་རིགས་ཀྱི་ཌཱ་ཀི་མ༔ལས་ཀྱི་རིགས་ཀྱི་ཌཱ་ཀི་མ༔མཁའ་འགྲོའི་ཚོགས་ལ་ཕྱག་འཚལ་བསྟོད༔དབང་དང་དངོས་གྲུབ་ད་ལྟ་སྩོལ༔ཨོཾ་བུདྡྷ་ཌཱ་ཀི་ནཱི༔ཨོཾ་བཛྲ་ཌཱ་ཀི་ནི༔ཨོཾ་རཏྣ་ཌཱ་ཀི་ནཱི༔ཨོཾ་པདྨ་ཌཱ་ཀི་ནཱི༔ཨོཾ་ཀརྨ་ཌཱ་ཀི་ནཱི༔སིདྡྷི་སིདྡྷི་ཧཱུྃ༔གསང་སྒྲུབ་བསྟོད་པ་ནི། ཧྲཱིཿནུབ་ཕྱོགས་བདེ་བ་ཅན་གྱི་ཞིང་ཁམས་ནས༔དུས་གསུམ་སངས་རྒྱས་གསུང་མཆོག་འདུས་པའི་ལྷ༔འོད་དཔག་མེད་ཀྱི་ཐུགས་ལས་སྤྲུལ་པ་ནི༔ཐུགས་རྗེ་ཆེན་པོ་འཕགས་པ་སྤྱན་རས་གཟིགས༔ཞལ་གཅིག་ཕྱག་གཉིས་སྐུ་མདོག་དམར་བའི་མདངས༔པད་ཕྲེང་བུམ་པ་བསྣམས་ནས་ཤེས་རབ་ཡུམ་ལ་འཁྱུད༔རུས་པའི་རྒྱན་ལྡན་པད་ཉིའི་གདན་ལ་བཞུགས༔འགྲོ་བ་འདྲེན་མཛད་སྤྱན་རས་གཟིགས་ལ་བསྟོད༔ཧྲཱིཿདུས་གསུམ་སངས་རྒྱས་ཐམས་ཅད་སྐྱེད་པའི་ཡུམ༔སྐུ་མདོག་དམར་མོ་ཞལ་གཅིག་ཕྱག་གཉིས་མ༔བདེ་སྟོང་ཟུང་འཇུག་ཅང་ཏེའུ་ཐོད་ཁྲག་བསྣམས༔གཅེར་བུ་སྐྲ་གྲོལ་རུས་པའི་རྒྱན་གྱིས་བརྒྱན༔བཅུ་དྲུག་ལོ་ལོན་སྒེག་པའི་ཉམས་དང་ལྡན༔ཞབས་གཉིས་བརྐྱང་བསྐུམ་ཚུལ་གྱིས་ཡབ་ལ་འཁྲིལ༔མཁའ་འགྲོའི་གཙོ་མོ་དངོས་གྲུབ་ཆར་ལྟར་འབེབས༔གསང་བའི་མཁའ་འགྲོ་མ་ལ་ཕྱག་འཚལ་བསྟོད༔ཧྲཱིཿའབྱུང་བཞིའི་ངོ་བོ་རྣམ་དག་ཅིང་༔ཡི་གེ་བཞི་ལས་སྐྱེས་པ་ཡི༔རྡོ་རྗེའི་རིགས་དང་རིན་ཆེན་རིགས༔པདྨའི་རིགས་དང་ལས་ཀྱི་རིགས༔དཀར་སེར་དམར་དང་ལྗང་གུའི་མདོག་འཛིན་ཅིང་༔གྲི་གུག་ཐོད་ཁྲག་རུས་པའི་རྒྱན་འཛིན་ཅིང་༔ཞབས་གཉིས་བརྐྱང་བསྐུམ་ཁ་ཊྭཱྃ་གྲུ་མོར་བརྟེན༔ཞི་རྒྱས་དབང་དང་མངོན་སྤྱོད་ལས་བཞི་འཛིན༔དཔའ་བོ་མཁའ་འགྲོ་བརྒྱད་ལ་ཕྱག་འཚལ་བསྟོད༔དམ་རྫས་བདུད་རྩིའི་མཆོད་པ་འདི་བཞེས་ལ༔དབང་དང་བྱིན་རླབས་དངོས་གྲུབ་ཐམས་ཅད་ཀུན༔རྣལ་འབྱོར་བདག་ལ་དུས་འདིར་མྱུར་དུ་སྩོལ༔བདག་གི་ཅི་འདོད་ཐམས་ཅད་ཡོངས་རྫོགས་མཛོད༔ཕྱི་ནང་གསང་གསུམ་ཐམས་ཅད་ལ་དོན་བསྟོད་འདི་ལྟར་བྱ་སྟེ། ཧྲཱིཿསྣང་ཞིང་སྲིད་པའི་གཟུགས་རྣམས་ཀུན༔ཐུགས་རྗེ་ཆེན་པོའི་སྐུ་རུ་གཅིག༔སྣང་བ་སྐུ་ལ་ཕྱག་འཚལ་བསྟོད༔ཧྲཱིཿསྟོང་ཞིང་གྲགས་པའི་སྒྲ་རྣམས་ཀུན༔ཐུགས་རྗེ་ཆེན་པོའི་གསུང་དུ་གཅིག༔སྒྲ་གྲགས་གསུང་ལ་ཕྱག་འཚལ་བསྟོད༔ཧྲཱིཿའགྱུ་ཞིང་དྲན་པའི་རྟོག་ཚོགས་ཀུན༔ཐུགས་རྗེ་ཆེན་པོའི་ཐུགས་སུ་གཅིག༔དྲན་རྟོག་ཐུགས་ལ་ཕྱག་འཚལ་བསྟོད༔དེ་དག་གིས་ལུས་ལྷ་ཡི་འཁོར་ལོ་བསྒོམ་པ་རྫོགས་བྱེད་ཀྱི་ཡན་ལག་བཅས་སོང་དེ་ནས་ངག་སྔགས་ཀྱི་འཁོར་ལོའི་ཏིང་ངེ་འཛིན་དང་བཟླས་པ་སྒྲུབ་ཚུལ་ལ་གསུམ་ལས་དང་པོ་ཕྱི་སྒྲུབ་ཀྱི་བཟླས་པ་ནི། རང་ཐུགས་རྗེ་ཆེན་པོར་གསལ་བའི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་ཧྲཱིཿདམར་པོ་རང་སྒྲ་སྒྲོགས་པར་བསམ༔དེའི་མཐའ་སྐོར་དུ་ཡི་གེ་བདུན་མ༔དེའི་མཐར་གཟུངས་རིང་གིས་བསྐོར་བར་བསམ༔སྔགས་ཀྱི་ཕྲེང་བ་དམར་པོ་གཡས་བསྐོར་དུ་འཁོར་བ་ལས་འོད་ཟེར་འཕྲོས་པས་ཕྱོགས་བཅུའི་སངས་རྒྱས་ཐམས་ཅད་ལ་ཕྱི་ནང་གསང་གསུམ་གྱི་མཆོད་པ་ཕུལ་བས་ཚོགས་རྫོགས༔གནས་གསུམ་ནས་ཨོཾ་ཨཱཿཧཱུྃ་འོད་ཟེར་གྱི་ཚུལ་དུ་རང་ལ་ཐིམ་པས་སྒོ་གསུམ་གྱི་སྒྲིབ་པ་སྦྱངས༔སླར་ཡང་སངས་རྒྱས་རྣམས་ཀྱི་སྐུའི་བྱིན་རླབས་ཐུགས་རྗེ་ཆེན་པོ༔གསུང་གི་བྱིན་རླབས་གཟུངས་སྔགས་ཀྱི་རྣམ་པཿཐུགས་ཀྱི་བྱིན་རླབས་ཕྱག་མཚན་གྱི་རྣམ་པར་བསྡུས་ཏེ་རང་གི་གནས་གསུམ་དུ་ཐིམ༔མཆོག་ཐུན་མོང་གི་དངོས་གྲུབ་ཐོབ་པར་བསམ༔ཡང་འོད་ཟེར་འཕྲོས༔འགྲོ་བ་རིགས་དྲུག་གི་སེམས་ཅན་ལ་ཕོག་པས་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས༔ཕྱི་སྣོད་ཀྱི་འཇིག་རྟེན་ལ་ཕོག་པས་གཞལ་ཡས་ཁང་དང་༔ནང་བཅུད་ཀྱི་སེམས་ཅན་ཐམས་ཅད་ཐུགས་རྗེ་ཆེན་པོར་གྱུར་ནས་ཡི་གེ་དྲུག་པའི་སྔགས་ཀྱི་སྒྲ་བུང་བ་ཚང་ཞིག་པ་ལྟ་བུ་འུར་དི་རི་རི་སྒྲོགས་པར་བསམ་ལ་ཡི་གེ་བདུན་པ་ཆུ་བོའི་རྒྱུན་ལྟར་བཟླས་པར་བྱའོ། །དེ་ནས་སྡིག་སྒྲིབ་ཀུན་འཇོམས་ཀྱི་གཟུངས་བཟླ་བར་འདོད་ན། སླར་ཡང་སྔགས་ཕྲེང་ལས་འོད་ཟེར་འཕྲོས༔རང་གི་ལུས་ཐམས་ཅད་གང་ནས་སྡིག་སྒྲིབ་བག་ཆགས་དང་བཅས་པ་ཐམས་ཅད་སངས་ཀྱིས་དག་པ་དེ་ལས་འོད་ཟེར་མཐའ་ཡས་པ་འཕྲོས་པས་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་ཀྱི་སྡིག་སྒྲིབ་མ་ལུས་པ་སྦྱངས་ནས་ཐུགས་རྗེ་ཆེན་པོའི་སྐུ་སྣང་ལ་རང་བཞིན་མ་གྲུབ་པ་ཤ་སྟག་ཏུ་གྱུར་པར་བསམས་ལ། ཐོག་མར། བཅོམ་ལྡན་འདས་སྣང་བ་མཐའ་ཡས་ལ་ཕྱག་འཚལ་ལོ༔ཨོཾ་ཨ་མི་དྷེ་ཝ་ཧྲཱིཿསངས་རྒྱས་མ་ཆགས་པདྨ་ཅན་ལ་ཕྱག་འཚལ་ལོ༔ཨོཾ་བྷྲཱུྃ་ཨཱ་ཡུར་ཧཱུྃ་ནྲྀ་ཛ༔སངས་རྒྱས་ཐུགས་རྗེ་ཆེན་པོ་ལ་ཕྱག་འཚལ་ལོ༔ཨོཾ་མ་ཎི་པདྨེ་ཧཱུྃ་རྣམས་དང་། ཧྲཱིཿའི་བཟླས་པ་སྔོན་དུ་སོང་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་འོད་སེང་གེ་རྣམ་པར་རོལ་པའི་རྒྱལ་པོ་ལ་ཕྱག་འཚལ་ལོཿབཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་ཟེར་ཀུན་ནས་འཕགས་པའི་དཔལ་བརྩེགས་ཀྱི་རྒྱལ་པོ་ལ་ཕྱག་འཚལ་ལོ༔བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་ཤིན་ཏུ་བརྟན་པ་ནོར་བུ་བརྩེགས་པའི་རྒྱལ་པོ་ལ་ཕྱག་འཚལ་ལོ༔བདག་གི་རིག་སྔགས་འདི་འགྲུབ་པར་གྱུར་ཅིགཿཨོཾ་བི་པུ་ལ་གརྦྷེ༔མ་ཎི་པྲ་བྷེ༔ཏ་ཐཱ་ག་ཏེ༔ནིརྡྷེ་ཤཱ་ནི༔མ་ཎི་མ་ཎི་སུ་པྲ་བྷེ༔བི་མ་ལ་སཱ་ག་ར༔གམྦྷི་ར་ཧཱུྃ་ཧཱུྃ༔ཛྭ་ལ་ཛྭ་ལཿབུདྡྷ་བི་ལོ་ཀི་ཏེ༔གུ་ཧྱ་ཨཱ་དྷིཥྛི་ཏེ་གརྦྷེ་སྭཱ་ཧཱ༔པདྨོ་དྷ་ར་ཨ་མོ་གྷ་ཛ་ཡ་ཏེ་ཙུ་རུ་ཙུ་རུ་སྭཱ་ཧཱ༔ཞེས་བཟླས་རྗེས། བདག་མིང་འདི་ཞེས་བགྱི་བས་ཚེ་འཁོར་བ་ཐོག་མ་མེད་པ་ནས་བསགས་པའི་སྡིག་པ་དང་སྒྲིབ་པ་ལས་ངན་པའི་རྣམ་པར་སྨིན་པ་དང་༔ཉོན་མོངས་པ་དང་༔སྡུག་བསྔལ་བ་དང་༔བག་ཆགས་ངན་པའི་ཚོགས་ཐམས་ཅད་རྩ་བ་ནས་མ་ལུས་པ་བྱང་ཞིང་དག་པར་གྱུར་ཏེ༔སངས་རྒྱས་ཀྱི་གོ་འཕང་མྱུར་དུ་ཐོབ་པར་གྱུར་ཅིག༔ནང་སྒྲུབ་ཀྱི་བཟླས་པ་ནི། ཐུགས་ཀར་པདྨ་འདབ་བཞིའི་དབུས་སུ་ཧྲཱིཿདམར་པོ་ལས་འོད་ཟེར་དམར་པོ་འཕྲོས་པས༔སེམས་ཅན་ཐམས་ཅད་ཀྱི་སྡིག་སྒྲིབ་དག་ནས༔ཐུགས་རྗེ་ཆེན་པོའི་སྐུར་གྱུར་པར་བསམ༔འོད་ཟེར་ཚུར་འདུས་པས་ལུས་ངག་ཡིད་གསུམ་གྱི་སྡིག་སྒྲིབ་དག་ནས༔ཡེ་ཤེས་རང་གསལ་གྱི་དོན་རྒྱུད་ལ་སྐྱེས་པར་བསྒོམ༔ཨོཾ་མ་ཎི་པདྨེ་བྃ་ཧ་རི་ནི་ས་ར་ཙ་ཧྲཱི་ཡ་ཧཱུྃ་ཧྲཱིཿའབུམ་ཚོ་གསུམ་བཟླ། གསང་སྒྲུབ་བཟླས་དམིགས་ནི། བདག་གི་ཐུགས་ཀའི་ཟླ་བའི་དལ་ལ་ཡིག་དྲུག༔ཡུམ་གྱི་ཐུགས་ཀར་ཉི་མ་ལ་ཧྲཱིཿཡུམ་གྱི་སྙིང་པོས་བསྐོར་བར་བསམ༔ཡབ་ཀྱི་ལྟེ་བར་དགའ་བ་འཁྱིལ་པ་ལ་ཐབས་ཀྱི་སྙིང་པོ་ལྔ་བཀོད༔ཡུམ་གྱི་ལྟེ་བར་དགའ་བ་འཁྱིལ་པ་ལ༔ཤེས་རབ་ཀྱི་སྙིང་པོ་ལྔ་བཀོད༔བདག་གིས་སྔགས་ཀྱི་ཛབ྄་བཟླས་པའི་དུས་སུ༔བདག་གི་ཐུགས་ཀའི་སྔགས་ཕྲེང་འཁོར་བའི་འོད་ཟེར་དེ༔ལྟེ་བའི་དགའ་བ་འཁྱིལ་པ་ལ་ཕོག་པས་གཡོན་དུ་འཁོར་བའི་འོད་ཟེར་གསང་བ་ནས་ཡུམ་གྱི་བྷ་གར་ཐིམ༔དེའི་འོད་ཟེར་གྱིས་ཡུམ་གྱི་དགའ་བ་འཁྱིལ་པ་ལ་ཕོག་པས་དེ་རབ་ཏུ་འཁོར་བའི་འོད་ཟེར་དེ༔ཐུགས་ཀའི་སྔགས་ཕྲེང་ལ་ཕོག་ནས༔དེ་འཁོར་བའི་འོད་ཟེར་དེ་ཡུམ་གྱི་ཞལ་ནས་ཡབ་ཀྱི་ཞལ་དུ་ཐིམ་ནས་ཐུགས་ཀའི་སྔགས་ཕྲེང་ལ་ཐིམ་པར་བསམས་ལ༔ཨོཾ་མ་ཎི་པདྨེ་ཧཱུྃ་ཧྲཱི༔ཨོཾ་གུ་ཧྱ་ཛྙཱ་ན་ཌཱ་ཀི་ནཱི་ཧ་རི་ནི་ས་ར་ཙ་ཧྲཱི་ཡ་སརྦ་སིདྡྷི་ཧཱུྃ་ཛཿཅེས་བཟླས་པས་གསང་གནས་གཉིས་ཀྱི་བར་ནས་འོད་ཟེར་དཔག་ཏུ་མེད་པ་སྤྲོས་པས༔འཇིག་རྟེན་གྱི་ཁམས་ཐམས་ཅད་ཁྱབ་པས༔ཕྱི་སྣོད་ཀྱི་འཇིག་རྟེན་པདྨ་འོད་ཀྱི་གཞལ་ཡས་ཁང་༔འོད་ཟེར་དམར་པོའི་རྦ་ཀློང་འཁྲུགས་པ༔ནང་བཅུད་ཀྱི་སེམས་ཅན་ཐམས་ཅད་ལ་ཕོག་པས༔ཕོ་ཐམས་ཅད་ཐུགས་རྗེ་ཆེན་པོ་མོ་ཐམས་ཅད་གསང་བ་ཡེ་ཤེས་སུ་བསྒོམ༔དེ་དག་གི་སྙིང་ལ་ཕོ་ཡིག་མོ་ཡིག་བཞི་འཁོར་བས༔དེ་དག་ཡིད་བསྐུལ་ནས༔དེ་དག་ཐམས་ཅད་མ་ཎི་པདྨེ་འབྲུག་སྒྲ་ལྟར་སྒྲོགས་པ༔མཆོངས་པ་དང་༔འཁྲབ་པ་དང་༔རྒྱུག་པ་དང་༔བྲོ་བརྡུང་བ་དང་༔གར་བྱེད་པར་བསམ་མོ། །ཞབས་གཉིས་ཀྱི་བར་ནས་འོད་ཟེར་འཕྲོས་པས༔ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་༔བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་གསུང་ཐུགས་ཀྱི་དབང་དང་བྱིན་རླབས་དང་དངོས་གྲུབ་ཐམས་ཅད་བསྡུས་ཏེ་བདག་གི་ཞལ་དུ་ཐིམ་པས༔བདག་ཉིད་བཀྲག་དང་གཟི་བརྗིད་ལྡན་པར་བསམས་ལ་སྔགས་བཟླའོ༔བསྙེན་སྒྲུབ་ཀྱི་སྐབས་སོགས་མདུན་གྱི་རྟེན་ཡོད་ན་དངོས་གྲུབ་བསྡུ་བའི་དམིགས་བཟླས་ནི། མདུན་གྱི་མཎྜལ་ཕྱིའི་གཞལ་ཡས་ཁང་༔ཐོད་པ་ནང་གི་ཕོ་བྲང་དུ༔ཡིག་འབྲུ་རྣམས་ཐུགས་རྗེ་ཆེན་པོ་ཡབ་ཡུམ་གྱི་ལྷ་ཚོགས་སུ་གསལ༔བདག་གི་སྔགས་ཕྲེང་ལས་འོད་འཕྲོས་པས༔མདུན་གྱི་ལྷ་ཚོགས་ཀྱི་ཐུགས་ཀྱི་རྒྱུད་བསྐུལ་བས༔དེ་ལས་སྤྲུལ་པའི་དཔའ་བོ་དང་༔མཁའ་འགྲོ་མ་གྲངས་མེད་པ་སྤྲོས་པས༔ཕྱོགས་བཅུའི་བླ་མ་ཡི་དམ་མཁའ་འགྲོ་རྣམས་ཀྱི་དབང་དང་བྱིན་རླབས་དངོས་གྲུབ་ཐམས་ཅད་དབང་དུ་བསྡུས༔འཇིག་རྟེན་གྱི་ལོངས་སྤྱོད༔སྟེང་ལྷའི་ལོངས་སྤྱོད༔བར་མིའི་ལོངས་སྤྱོད༔འོག་ཀླུའི་ལོངས་སྤྱོད༔ཁྱད་པར་དུ་དཔལ་དང་གྲགས་པ་དང་༔བཀྲག་དང་གཟི་མདངས༔སྙིང་གི་དཀྱིལ་ནས་རྣམ་པར་ཤེས་པ་རྣམས་དབང་དུ་བསྡུས་ཏེ་དངོས་གྲུབ་ཀྱི་རྫས་ལ་བསྟིམ་ཞིང་ཏིང་ངེ་འཛིན་གྱི་འཕྲོ་འདུ་རྒྱུན་མི་གཅོད་པར་སྔགས་བཟླའོ། །གསང་སྒྲུབ་ཀྱི་ལས་སྦྱོར་རྣམས་ནི་གཏེར་གཞུང་དང་བརྒྱུད་ལྡན་བླ་མའི་ཕྱག་བཞེས་ལས་རྟོགས་པར་བྱའོ། །ཐུན་ལས་ལྡང་བ་ན་དབྱངས་གསལ་ཡེ་དྷར་ཡིག་བརྒྱ་རྣམས་ལན་གསུམ་རེས་སྔགས་ཀྱི་ལྷག་ཆད་སྐོངས། སྟོང་ཚིག་མཆོད་བསྟོད་དང་། ཡིག་བརྒྱ་ཚར་གསུམ་བརྗོད་པས་བརྟན་པར་བྱའོ། །གསུམ་པ་རྗེས་གཏོར་མ་འབུལ་བ་ལ་ཕྱི་སྒྲུབ་ཀྱི་གཙང་གཏོར་འབུལ་བ་ནི། རིན་པོ་ཆེའི་སྣོད་དུ་ཟས་སྣ་ཞིམ་དགུ་མངར་བཅུ་གཙུང་མ་བཤམས་ལ། ཨོཾ་མ་ཎི་པདྨེ་ཧཱུྃ་ཧྲཱིཿལན་གསུམ་གྱིས། གཏོར་མའི་དངོས་འཛིན་ཐམས་ཅད་སྦྱངས༔ཡང་ཡིག་བདུན་ལན་གསུམ་གྱིས། སྣོད་བཅུད་འཇིག་རྟེན་དང་མཉམ་པར་སྤེལ༔ཡང་ཡིག་བདུན་ལན་བདུན་གྱིས། ཁམས་གསུམ་འགྲོ་དྲུག་གི་སེམས་ཅན་ཐམས་ཅད་མདུན་དུ་བཀུག༔ཧྲཱིཿསྒོ་གསུམ་གྱི་སྒྲིབ་པ་སྦྱངས་ནས་ཐུགས་རྗེ་ཆེན་པོའི་སྐུར་གྱུར༔ཧྲཱིཿབླ་མ་ཡི་དམ་མཁའ་འགྲོ་ཐམས་ཅད་མདུན་གྱི་ནམ་མཁར་སྤྱན་དྲངས༔ཀུན་གྱིས་གཏོར་མ་གསོལ་བར་བསམ་ལ༔གུ་རུ་དྷེ་ཝ་ཌཱ་ཀི་ནཱི་མ་ཧཱ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ལན་གསུམ། བླ་མ་ཡི་དམ་མཁའ་འགྲོའི་ཐུགས་དམ་བསྐང་༔ཨོཾ་མ་ཎི་པདྨེ་ཧཱུྃ༔བ་ལིཾ་ཏ་ཁ་ཁ་ཁཱ་ཧི་ཁཱ་ཧིཿལན་གསུམ། མགྲོན་རིགས་རྣམས་ཀྱི་དབང་པོ་ལྔའི་སྒོ་རུ་འདོད་ཡོན་ལྔའི་མཆོད་པས་ཚིམས་པར་གྱུར༔སྐུ་གསུང་ཐུགས་ཀྱི་དངོས་གྲུབ་མ་ལུས་པ་ཐོབ། ཨོཾ་ཨཱཿཧཱུྃ༔བདག་མཆོད་ཀུན་མཉེས་དངོས་གྲུབ་ཡ་མཚན་ཆེན་པོར་གྱུརཿབླ་མ་ཡི་དམ་མཁའ་འགྲོ་ཆོས་སྐྱོང་ཁམས་གསུམ་འགྲོ་དྲུག་སེམས་ཅན་ཁྱབ་པར་གཏོར་མས་ཚིམས་ཏེ༔བདག་མེད་སྤྲོས་བྲལ་ཀུན་ཁྱབ་མ་བཅོས་རང་མདངས་སུ་ས་ལེ་བཞག་པས༔སྒོ་གསུམ་གཏོར་མ་ཆོས་ཀྱི་དབྱིངས་སུ་ཐིངས་པར་གྱུར་ཅིག །ཅེས་བརྗོད། ནང་སྒྲུབ་ཀྱི་གཏོར་མ་འབུལ་བ་ནི། གཏོར་སྣོད་ཀ་པཱ་ལ་མཚན་ཉིད་དང་ལྡན་པའི་ནང་དུ་ཤ་ལྔ་བདུད་རྩི་ལྔ་འདོད་ཡོན་ལྔའི་སྤྲིན་ཕུང་འཕྲོ་བར་གྱུར༔ཨོཾ་ཨཱཿཧཱུྃ༔ལན་གསུམ་གྱིས་བྱིན་གྱིས་བརླབས་ནས། རང་ཉིད་ཀྱི་ཐུགས་ཀ་ནས་འོད་ཟེར་འཕྲོས་པས་རང་བཞིན་གྱི་གནས་ནས་ལྷ་ཚོགས་སྤྱན་དྲངས་ལ༔འབུལ་བ་ནི། ཨོཾ་མ་ཎི་པདྨེ་ཧཱུྃ་ཧྲཱིཿཌཱ་ཀི་ནཱི་ཧ་རི་ནི་ས་ར་ཙ་ཧྲཱི་ཡ༔ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔གསུམ་ལ་སོགས་པས་ཕུལ་ལ་གོང་ལྟར་ནང་སྒྲུབ་ཀྱི་བསྟོད་གསོལ་བྱའོ། །གསང་སྒྲུབ་ཀྱི་བདུད་རྩི་ལག་མཆོད་འབུལ་བ་ནི། ཀ་པཱ་ལ་བདུད་རྩིས་གང་བ་བཤམས་ལ། རྃ་ཡྃ་ཁྃ༔སྟོང་པའི་ངང་ལས་རླུང་མེ་ཐོད་པའི་སྒྱེད་པུ་གསུམ་གྱི་སྟེང་ཡེ་ཤེས་ཀྱི་ཀ་པཱ་ལར་ལྕགས་ཀྱུ་ལྔ་དང་སྒྲོན་མ་ལྔར་གྱུར་པ་རླུང་མེའི་སྦྱོར་བས་རྫས་རྣམས་ཞུ་ཤིང་ཁོལ་བས་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར་པར་བསམས་ལ། ཨོཾ་ཨཱཿཧཱུྃ༔ལན་གསུམ་གྱི་བྱིན་གྱིས་བརླབས། ལག་པ་གཡོན་པའི་མཐིལ་དུ་གཡས་པའི་མཐེབ་སྲིན་གྱིས༔དང་པོར་ཟླུམ་པོར་བསྐོར༔ཆོས་སྐུ་མཚོན༔དེའི་དབུས་སུ་ཆོས་འབྱུང་བྲིས་པས་ལོངས་སྤྱོད་རྫོགས་སྐུ་མཚོན༔དེའི་དབུས་སུ་པདྨ་འདབ་བཞིས་སྤྲུལ་པའི་སྐུ་མཚོན༔དེའི་སྟེང་དུ་ཧྲཱིཿལས་ཐུགས་རྗེ་ཆེན་པོ་ཡབ་ཡུམ་སྐད་ཅིག་གིས་གསལ་བར་གྱུར་པ་ལ། ཨོཾ་བཛྲ་པུཥྤེ་ཨཱཿཧཱུྃ་སོགས་མཆོད་པ་ལྔས་མཆོད། གཡས་པའི་སྲིན་ལག་རོ་ཡི་ལྷ་མོས༔བདུད་རྩིའི་མཆོད་པ་ཕུལ་བས་མཉེས་ཏེ་ཡབ་ཡུམ་སྦྱོར་མཚམས་ནས༔ཡེ་ཤེས་ཀྱི་བདུད་རྩི་བབས་པས་ལག་པའི་ཆོས་འབྱུང་ཁེངས་པར་བསམས་ལ། ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཁ་རཾ་ཁཱ་ཧི་ཁཱ་ཧི༔ཞེས་བདུན་ནམ་ཉེར་གཅིག་སོགས་ཕུལ་ལ། ཧྲཱིཿརྣམ་པར་མི་རྟོག་ནམ་མཁའ་ལ༔རང་བྱུང་ཐུགས་རྗེ་ཆེན་པོ་ཤར༔འཁོར་བ་དོང་ནས་སྤྲུགས་མཛད་པའི༔ཐུགས་རྗེའི་དཔལ་ལ་ཕྱག་འཚལ་བསྟོད༔ཞེས་པས་བསྟོད་པ་བྱས་ལྷ་ཡང་འོད་དུ་ཞུ་བར་བསམས་ལ༔ལག་པའི་སྟེང་དུ་ཀ་པཱ་ལ་བླངས་ནས། གཡས་པའི་མཐེབ་སྲིན་གྱི་རང་ལྷ་ཡི་དཀྱིལ་འཁོར་དུ་གསལ་བ་ལ་གཏོར་སྟེ། ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཁ་རཾ་ཁཱ་ཧི་ཁཱ་ཧིཿཡང་གནས་ཁང་ལ་གཏོར་བས་ཨོ་རྒྱན་དུ་བྱིན་གྱིས་བརླབ་པར་མོས་ལ་སྔགས་བརྗོད། ཚོགས་གཏོར་བཤམས་ཡོད་ན་ཚོགས་མགྲོན་ལ་གཏོར་བས་དཔའ་བོ་དཔའ་མོར་བྱིན་གྱིས་བརླབས་པར་བསམས་ལ་སྔགས་བརྗོད། ཚོགས་གཏོར་ལ་ཐིག་གཏོར་བས་ཡེ་ཤེས་ཀྱི་བདུད་རྩིར་བྱིན་གྱིས་བརླབ་པར་མོས་ལ་འབྲུ་གསུམ་བརྗོད། དེ་ནས་རོལ་མོའི་སྒྲ་དང་བཅས། ཧཱུྃ༔སྣ་ཚོགས་རོལ་མོའི་སྒྲ་སྒྲོག་ཅིང་༔མཁའ་ལ་སྤྲིན་ལྟར་གཏིབ་པ་དེ༔རྩ་བ་བརྒྱུད་པའི་བླ་མ་དང་། །སྣང་བ་མཐའ་ཡས་ཐུགས་རྗེའི་བདག །གསང་བ་ཡེ་ཤེས་མཁའ་འགྲོ་ལྔ། །འཇིག་རྟེན་མཁའ་འགྲོ་ཆོས་སྐྱོངས་རྣམས། །འདིར་གཤེགས་གཏོར་མའི་མཆོད་པ་བཞེས། །གསང་སྒྲུབ་ཀྱི་སྔགས་མཐར། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་གསུམ་མམ་བདུན་གྱིས་ཕུལ་ལ་གསང་སྒྲུབ་ཀྱི་བསྟོད་གསོལ་གོང་དུ་ཡོད་པ་ལྟར་བྱའོ། །དེ་ནས་ཚོགས་མཆོད་འབུལ་བ་ལ་མ་ད་ན་མཱཾ་ས་གཙོ་བོར་གྱུར་པའི་ཚོགས་རྫས་ཅི་འབྱོར་པ་འདུ་བྱས་ལ། ཨོཾ་སརྦ་དྲ་བྱཾ་སཾ་ཤོ་དྷ་ནི་ཧཱུྃ། རྃ་ཡྃ་ཁྃ། སྟོང་པའི་ངང་ལས་ཚོགས་གཞོང་པདྨ་འདབ་མ་སྟོང་ལྡན་གྱི་སྙིང་པོར། ཚོགས་རྫས་རིགས་ལྔ་ཡབ་ཡུམ་གྱི་དམ་ཚིག་ཆེན་པོའི་རོལ་པ་འདོད་ཡོན་གྱི་སྤྲིན་ཕུང་མཐའ་ཡས་པ་འཕྲོ་བར་གྱུར། ཨོཾ་ཨཱཿཧཱུྃ་ཧ་ཧོ་ཧྲཱིཿལན་གསུམ། ཚོགས་མགྲོན་དྲངས་ཤིང་མཆོད་པ་ནི། ཧྲཱིཿསྣ་ཚོགས་རོལ་མོའི་སྒྲ་སྒྲོག་ཅིང་༔མཁའ་ལ་སྤྲིན་ལྟར་གཏིབས་པ་དེ༔བརྒྱུད་པའི་བླ་མ་མ་ལགས་སམ༔འདིར་གཤེགས་ཚོགས་ཀྱི་མཆོད་པ་བཞེས༔སྣ་ཚོགས་རོལ་མོའི༴མཁའ་ལ་སྤྲིན་ལྟར༴སྣང་བ་མཐའ་ཡས༴འདིར་གཤེགས་ཚོགས་ཀྱི༴སྣ་ཚོགས་རོལ་མོའི༴མཁའ་ལ་སྤྲིན་ལྟར༴ཐུགས་རྗེ་ཆེན་པོ༴འདིར་གཤེགས་ཚོགས་ཀྱི༴སྣ་ཚོགས་རོལ་མོའི༴མཁའ་ལ་སྤྲིན་ལྟར༴གསང་བ་ཡེ་ཤེས༴འདིར་གཤེགས་ཚོགས་ཀྱི༴སྣ་ཚོགས་རོལ་མོའི༴མཁའ་ལ་སྤྲིན་ལྟར༴འཇིག་རྟེན་མཁའ་འགྲོ༴འདིར་གཤེགས་ཚོགས་ཀྱི༴སྣ་ཚོགས་རོལ་མོའི་སྒྲ་སྒྲོག་ཅིང་༔མཁའ་ལ་སྤྲིན་ལྟར་གཏིབ་པ་དེཿཆོས་སྐྱོང་སྲུང་མ་མ་ལགས་སམ༔འདིར་གཤེགས་ཚོགས་ཀྱི་མཆོད་པ་བཞེས༔བྱེ་བྲག་ཏུ་དང་པོས་མཆོད་པ་ནི། ཧྲཱིཿཐུགས་རྗེ་ཆེན་པོའི་དཀྱིལ་འཁོར་དུ༔སྐུ་གསུང་ཐུགས་ལྡན་ལྷ་ཚོགས་རྣམས༔གཙོ་འཁོར་བྲན་དང་བཅས་པ་ཡིས༔ཚོགས་ཕུད་མཆོད་པར་བཞེས་སུ་གསོལ༔ཅེས་དང་། སྙིང་པོའི་མཐར། ག་ཎ་ཙཀྲ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ཞེས་འབུལ། བར་པས་བཤགས་པ་ནི། ཧྲཱིཿབླ་མ་ཡི་དམ་ལྷ་ཚོགས་དགོངས༔འབྱོར་ཚོགས་ཆུང་བས་སྐུ་མ་བསྐངས༔བསྙེན་སྒྲུབ་ཡུན་ཐུང་རྟགས་མ་ཐོན༔རྟོགས་པའི་རྩལ་ཆུང་ཐུགས་མ་རྟོགས༔ཚོགས་ཀྱི་མཆོད་པས་བསྐང་ཞིང་བཤགས༔ས་མ་ཡ་ཧོཿཞེས་དང་ཡིག་བརྒྱ་བརྗོད། ཐ་མ་བསྒྲལ་བསྟབ་ནི། ཚོགས་ཐ་མ་ལ་རྟེན་བྱས་ཏེ། ནྲྀ་ཏྲི་བཛྲ་ཨངྐུ་ཤ་ཛ༔ཛཿཧཱུྃ་བྃ་ཧོཿཧྲཱིཿཧཱུྃ༔དཔལ་ཆེན་རྟ་མགྲིན་ཁྲོ་བོའི་རྒྱལ༔དམར་ནག་ཞལ་གཅིག་ཕྱག་གཉིས་པ༔རི་རབ་ཕུར་པ་དགྲ་ལ་གཟིར༔གདུག་པའི་ཚོགས་བསྒྲལ་ཞལ་དུ་སྟོབ༔ཧ་ཧ་ཁཱ་ཧི་ཁཱ་ཧི༔ཧྲཱིཿཔདྨཱནྟ་ཀྲྀཏ་དགྲ་བགེགས་མཱ་ར་ཡ་ཛཿརྦད༔དེ་ནས་བརྡའི་འབུལ་ལེན་བཅས་ནང་གི་རྣལ་འབྱོར་དང་ལྡན་པས་ཚོགས་ལ་རོལ་ཞིང་སྨོན་ལམ་གདབ། ལྷག་མ་རྣམས། པཉྩ་ཨ་མྲྀ་ཏ་ཧཱུྃ་ཧ་ཧོཿཧྲཱིཿས་བྱིན་བརླབ། ཧྲཱིཿདཔལ་གྱི་བཀའ་ཉན་ལྷག་སྡུད་ཚོགས༔ལྷག་མའི་ལོངས་སྤྱོད་འདི་གསོལ་ལ༔སྔོན་ཚེ་གཡར་དམ་བཅས་པ་བཞིན༔འགལ་རྐྱེན་ཀུན་སོལ་མཐུན་རྐྱེན་སྒྲུབས༔མ་མ་ཧྲིཾ་ཧྲིཾ་བ་ལིཾ་ཏ་ཁཱ་ཧི༔ཞེས་བསྔོ། དེ་ནས་ཕྱི་ནང་གསང་གསུམ་གྱི་བསྟོད་པ་གོང་དུ་འབྱུང་བ་རྣམས་ཀྱིས་བསྟོད་ཅིང་བསྐུལ་བ་ནི། ཧྲཱིཿམ་བཅོས་ལྷུན་གྲུབ་བདེ་ཆེན་ཞིང་ཁམས་ནས༔རང་བྱུང་ཡེ་ཤེས་ཐུགས་རྗེའི་ལྷ་ཚོགས་རྣམས༔མ་འགག་འགྲོ་བ་འདུལ་བར་ཐུགས་དམ་བསྐུལ༔རྣལ་འབྱོར་བཅོལ་པའི་ཕྲིན་ལས་གྲུབ་པར་མཛོད༔ཆད་མདོའི་གཏོར་སྐྱོང་ནི། ཧྲཱིཿདཔལ་གྱི་གཏོར་ལེན་དམ་ཚིག་ཅན༔མཁའ་འགྲོ་ཤུགས་འགྲོ་མ་མོའི་ཚོགས༔དང་པོར་ཞལ་བཞེས་དམ་མ་འདའ༔དགྲ་བགེགས་ཤ་ཁྲག་གཏོར་མ་འདིཿབཞེས་ཤིག་རོལ་ཅིག་ཁ་རཾ་ཁཱ་ཧི༔མི་མཐུན་རྐྱེན་རྣམས་བཟློག་ཏུ་གསོལ༔བཛྲ་པྲ་མོ་ཧ་ཟློག་བྷྱོཿབརྟན་མ་ནི། ཧྲཱིཿཧཱུྃ༔བོད་ཁམས་སྐྱོང་བའི་བརྟན་མ་བཅུ་གཉིས་ཚོགས༔སློབ་དཔོན་པདྨའི་སྤྱན་སྔར་ཁས་བླངས་བཞིན༔རང་རང་གནས་ནས་འདིར་བྱོན་གཏོར་མ་བཞེས༔རྣལ་འབྱོར་བདག་ཅག་འཁོར་སྲུངས་རྐྱེན་ཟློག་ཅིག༔ཅེས་འབུལ། དེ་ནས་སྔགས་ཙམ་གྱིས་མཆོད། ཧྲཱིཿརྣམ་པར་མི་རྟོག་ནམ་མཁའ་ལ༔རང་བྱུང་ཐུགས་རྗེ་ཆེན་པོ་ཤར༔འཁོར་བ་དོང་ནས་སྤྲུགས་མཛད་པའི༔ཐུགས་རྗེའི་དཔལ་ལ་ཕྱག་འཚལ་བསྟོད༔ཡིག་བརྒྱ་དང་། མ་རྙེད་ཡོངས་སུ་སོགས་ཀྱིས་ནོངས་པ་བཤགས། ཚོགས་མགྲོན་རྟེན་ཡོད་ན་བརྟན་བཞུགས་སྤྱི་མཐུན་བྱ། དེ་ནས་དྲན་རྟོགས་ཐུགས་ཀྱི་འཁོར་ལོ་ནི། རང་གི་ཐུགས་ཀའི་ཡི་གེ་བདུན་ལས་འོད་ཟེར་འཕྲོས༔སྣོད་དང་བཅུད་རིགས་དྲུག་གནས་འགྱུར་གྱི་ལྷ་ཐམས་ཅད་ཡི་གེ་བདུན་པ་འབའ་ཞིག་ཏུ་གྱུར། དཀྱིལ་འཁོར་གྱི་ལྷ་རྣམས་ལ་ཐིམ༔གཡས་གཡོན་གྱི་ལྷ་རྣམས་ཀྱང་བ་སྤུའི་བུ་ག་ནས་ཚུར་འདུས་རང་ལ་ཐིམ། རང་ཡང་ཡི་གེ་དྲུག་ལ་ཐིམ༔དེ་ཡང་དབུས་ཀྱི་ཧྲཱིཿལ་ཐིམ༔ཧྲཱིཿཡང་རིམ་པ་བཞིན་གི་གུ་ལ་ཐིམ༔གི་གུ་ཡང་མི་དམིགས་པར་གྱུར༔ཅེས་མཉམ་པར་བཞག །དེའི་ངང་ལས་རང་ཉིད་སྐད་ཅིག་གིས་ཐུགས་རྗེ་ཆེན་པོར་གྱུར༔ཅེས་ཁྱེར་སོ་གསུམ་གྱི་གྲུབ་མཐའ་བསྐྱང་། བསྔོ་སྨོན་ནི། ཅི་བྱས་དགེ་བའི་རྩ་བ་འདིས༔འགྲོ་དྲུག་བདེ་བ་ཐོབ་པར་ཤོག༔འགྲོ་རྣམས་བདེ་ཆེན་སར་གནས་ཤོག༔འཁོར་བ་དོང་ནས་སྤྲུགས་པར་ཤོག༔ཤིས་བརྗོད་སྤྱི་མཐུན་ཅི་རིགས་པས་གྲུབ་བོ། །འདིར་འབད་དགེ་བ་སྦྲང་རྩི་ལྟར་མངར་བའི། །མཐུ་ལས་མཁའ་ཁྱབ་ཡིད་ཅན་འགྲོ་བ་རྣམས། །ལས་ཉོན་སྡུག་བསྔལ་གཟེབས་ལས་རབ་གྲོལ་ཏེ། །ཐུགས་རྗེ་ཆེན་པོའི་གོ་འཕང་ཐོབ་པར་ཤོག །ཅེས་པའང་བྲག་ལྗོངས་རྒྱལ་ཁབ་ཀྱི་སྤྱི་ཁྱབ་དཱ་ཧན་མཁན་པོ་མཆོག་གི་རྟེན་དང་བཅས་གསུང་བསྐུལ་ནན་ཏན་ཆེན་པོའི་ཞལ་ངོ་མ་ལྕོགས་པས་རང་བཟོ་འགྱུར་ཤས་ཆེ་ཡང་༧འཇམ་མགོན་ཀོང་སྤྲུལ་རིན་པོ་ཆེའི་ལྗགས་བསྒྲིགས་ལ་གཞི་བཅོལ། གཏེར་གཞུང་གི་དགོངས་པར་དཔྱད་ནས་ཕྱི་ནང་གསང་གསུམ་དཀྱུས་གཅིག་ཏུ་བཏང་བའི་ཚུལ་འདི་ནི་༧རྗེ་བླ་མ་མཁྱེན་བརྩེའི་ཕྲིན་ལས་ཀྱི་སྤྲུལ་མིང་འཛིན་པ་༧འཇམ་དབྱངས་ཆོས་ཀྱི་བློ་གྲོས་པས་བསྙེན་མཚམས་ཀྱི་བར་གསེང་རྒྱལ་ཟླའི་ཚེས་༦ལ་བསྒྲིགས་པ་འདི་ལ་ནོངས་པ་གང་མཆིས་རྩ་གསུམ་སྤྱན་སྔར་བཤགས་ཤིང་དགེ་བས་སེམས་ཅན་ཐམས་ཅད་བླ་མ་ཐུགས་རྗེ་ཆེན་པོས་རྗེས་སུ་འཛིན་པའི་རྒྱུར་གྱུར་ཅིག །སརྦ་མངྒ་ལཾ། ཤུ་བྷཾ། །། །
[edit]

@#/__/thugs chen 'khor ba dong sprugs kyi sgrub thabs phyi nang gsang gsum chig dril du sgrub pa'i las byang pad+ma'i sdong po zhes bya ba bzhugs so/__/ na mo gu ru lo ke shwa rA ya/__'gro la rjes su brtse ba'i spyan mnga' ba/__/thugs rje'i 'dzum phreng rtag par g.yo ba yi/__/mgon po spyan ras gzigs dbang mtshan gsol ba/__/de yi sgrub thabs bye ba phrag brgya'i phul/__/thugs rje che dngos chos kyi dbang phyug gi/__zab gter 'khor ba dong sprugs sgrub pa'i thabs/__/phyi nang gsang gsum dril sgrub 'dir dbye bya/__/de la thugs rje chen po'i sgrub thabs 'di yi phyi nang gsang sgrub stabs gcig tu nyams su blang bar 'dod pas/__dbang gis rgyud smin par byas nas sbyor ba rten dang mchod gtor phyi sgrub dkar zlum/__nang gsang dmar rtsi can dang bdud rtsi ka pA la sogs 'du bya/__phrin las dngos la sngon 'gro/__dngos gzhi/__rjes kyi rim pa dang gsum/__dang po la/__nges 'byung dang /__byang chub sems gnyis sgom pa sngon du 'gro bas thog mar brgyud pa'i bla ma la gsol ba 'debs pa ni/__snang ba mtha' yas DA ki gar dbang mo/__/pad+ma saM b+ha ye shes mtsho rgyal ma/__/chos kyi dbang phyug pad+ma dbang chen dang /__/sangs rgyas kun grol zhabs la gsol ba 'debs/__/chos nyid rang grol sangs rgyas lhun dbang dang /__/rdo rje gzhon nu dkon mchog dpal bzang po/__/gnub ston rin dpal rgyal sras pad+ma'i mtshan/__/bkra shis dpal ba rnams la gsol ba 'debs/__/smon lam rgyal mtshan 'jam dbyangs mkhyen brtse'i dbang /__/byams pa skal bzang dbang phyug rab brtan dang /__/ngag dbang phun tshogs blo mchog rdo rje'i zhabs/__/legs bshad rgya mtsho rnams la gsol ba 'debs/__/dbang phyug grags pa gsang bdag rdo rje 'dzin/__/pad+ma tshe dbang 'jam dbyangs chos rgyal mtshan/__/thugs rje che dngos mkhyen brtse'i dbang po dang /__/blo gros mtha' yas pad+ma rnam rgyal sogs/__/rtsa brgyud bla ma rnams la gsol ba 'debs/__/'khor ba dong nas sprugs mdzad spyan ras gzigs/__/rgyal ba sras dang bcas la gsol btab mthus/__/byang chub sems gnyis rtsol med rgyud la skyes/__/mkha' khyab 'gro ba'i 'dren pa mchog gyur shog__/skyabs 'gro ni/__na mo:sku gsum thugs rje ldan pa'i bla ma dkon mchog la:/__sgo gsum dad pas phyag 'tshal snying nas skyabs su mchi:dus 'di nas bzung ji srid byang chub ma thob bar:skyid sdug re ltos khyed shes gting nas 'cha' lags so:lan gsum/__sems bskyed pa ni/__kye ma:rtog 'khrul ngan pa'i sems can rnams:rang ngo ma shes sdug la gtad:'khor ba dong nas sprugs pa'i phyir:thugs rje chen por sems bskyed do:lan gsum/__tshogs bsags ni/__bla ma yi dam mkha' 'gro gshegs su gsol:spyi gtsug nyi zla pad+ma'i gdan la bzhugs:lus ngag yid gsum gus pas phyag 'tshal lo:phyi nang gsang gsum mchod pa 'bul lo bzhes:nyams chag sdig sgrib thams cad so sor bshags:gsang sngags sgrub par byed la rjes yi rang :phyi nang theg pa'i chos 'khor bskor du gsol:mya ngan mi 'da' bzhugs par gsol ba 'debs:bdag gzhan sems can kun gyi dge ba rnams:thugs rje chen po'i go 'phang thob phyir bsngo:bla ma'i rnal 'byor dang 'brel ba'i lam dbang blangs bar spro na/__hrIHrtog med ngang las rang rig hrIHdkar dmar 'od ldan gdan steng du:gsang sngags rgyal po 'bru drug bskor:de nyid ma yengs 'od phung las:thugs rje chen po yig bdun pa:sku dmar zhal gcig phyag gnyis pa:dbu gtsug rigs kyi gtso bo bzhugs:phyag g.yas pad 'bru'i phreng ba 'dzin:g.yon pas bdud rtsi'i bum pa bsnams:rgyan med gcer bu gzi mdangs can:'gro don zhabs gnyis bzhengs tshul du:nyi zla pad+ma'i gdan la bzhugs:thugs kar yig bdun gsal bar ldan:snang la rang bzhin med pa'i sku:ma bskyed rdzogs pa'i tshul du bsgom:lam dus kyi dbang len pa'i phyir mdun bskyed ni/__mdun gyi nam mkhar gdan pad+ma nyi zla'i steng du/__bla ma dang dbyer mi phyed pa'i thugs rje chen po/__de'i thugs ka nas 'od zer 'phros pas/__o rgyan slob dpon pad+ma 'byung gnas la/__'khor mkha' 'gro sde bzhi dang bcas pa badz+ra sa mA dzaHhU~M:sngon gyi bskal pa dang po la:o rgyan yul gyi nub byang mtshams:pad+ma ge sar sdong po la:ya mtshan mchog gi dngos grub brnyes:pad+ma 'byung gnas zhes su grags:'khor du mkha' 'gro mang pos bskor:khyed kyi rjes su bdag bsgrub kyi:byin gyis brlab phyir gshegs su gsol:zhes pas spyan drangs pa mdun gyi bla ma spyan ras gzigs kyi dbu gtsug tu bzhugs par bsam:thugs rje chen po dang slob dpon pad+ma'i spyi bor oM/__mgrin par AHthugs kar hU~M/__lte bar hrIHgsal la/__maN+Dal 'bul ba ni/__na mo:bkod pa mdzes ldan rin chen maN+Dal mchog:ri rab gling bzhi gling phran nyi zlas brgyan:rin chen rnam lnga kun bzang mchod sprin gtibs:dkon mchog bla ma yi dam lha tshogs mchod:bdag dang 'gro ba ma lus bskyab tu gsol:zhes lus longs spyod thams cad phul la/__na mo:thugs rje'i bdag po dgongs su gsol:bdag sogs 'khor ba'i sems can rnams:bla med byang chub thob bya'i phyir:thugs rje bdud rtsi'i dbang bskur zhu:thugs rje chen po spyan ras gzigs:yi dam du yang zhu bar bgyi:zhes lan gsum gyis gsol ba btab pas/__mdun bskyed kyi spyi bo'i oM las 'od dkar nar gyis byung :bdag gi smin mtshams su phog:lus kyi sgo nas bsags pa'i sdig pa thams cad dag:sku'i byin rlabs zhugs:bum pa'i dbang thob:bskyed rim bsgom pa la dbang :'bras bu sprul sku thob:lus thams cad byin rlabs bdud rtsi'i rang bzhin 'od dkar pos dkar lam gyis gang bar bsam:mgrin pa'i AHlas 'od dmar nar gyis byung :bdag gi mgrin pa nas zhugs:ngag gi sgo nas bsags pa'i sdig pa thams cad dag:gsung gi byin rlabs zhugs:oM AHhU~M:zhes bdud rtsi lce thog tu bzhag par bsam:gsang ba'i dbang thob:ngag snying po bzla ba la dbang :'bras bu longs sku thob:lus thams cad 'od dmar pos dmar lam gyis gang bar bsam:thugs ka'i hU~M las 'od sngon po nar gyis byung :bdag gi snying gar thim:yid kyi dri ma dag:thugs kyi byin rlabs zhugs:shes rab ye shes kyi dbang thob:rtsa rlung thig le la brten pa'i rdzogs rim bsgom pa la dbang :'bras bu chos sku thob:lus thams cad 'od sngon pos sngo lam gyis gang bar bsam:dbang bskur bya skur byed sgrib pa dag ma dag gi 'dzin pa dang bral ba'i ngang la sems ma bcos par rang lugs su bzhag pa ni:chos nyid don gyi thugs rje chen po yin no:zhes ngo sprod gsung bar bsam:lus ngag yid gsum cha mnyam gyi dri ma dag:dbang bzhi pa thob:chos nyid don gyi thugs rje chen po bsgom pa la dbang :'bras bu ngo bo nyid sku thob par bsam:dbang brtan par zhu ba ni/__o rgyan rin po che dang thugs rje chen po 'khor dang bcas pa 'od du zhu nas rang la thim pas rang dang bla ma dbyer med du 'dres pa'i ngang la ci gnas su bzhag:de'i ngang las rang thugs rje chen po'i sku snang la rang bzhin med pa me long gi gzugs brnyan lta bu'i longs spyod rdzogs pa'i skur bzhengs pa la:sangs rgyas dang byang chub sems dpa' thams cad kyis sems can gyi don yid bzhin nor bu ltar gyis shig:ces gsung bar bsam mo:sngon 'gro bgegs gtor bshams pa la byin rlabs bsngo ba spyi mthun byas la bka' bsgo ba ni/__hU~M hrIHbla ma rnams kyi byin rlabs dang :yi dam lha yi ting 'dzin dang :mkha' 'gro rnams kyi mthu rtsal gyis:dngos grub bar chad byed pa'i bgegs:log par 'dren pa bdud kyi tshogs:'di ru ma 'dug gzhan du dengs:mtshams bcad pa ni/__hU~M:nga ni ye nas ngang gis khros:mtshams gcod khro bos nam mkha' gang :bgegs 'dul khro bo'i rol mtshams las:su yang 'da' bar ma byed cig:oM badz+ra kro d+ha rak+Sha rak+Sha hU~M:mchod pa byin rlabs ni/__ra~M ya~M kha~M/__stong pa'i ngang las snod rnam par dag pa pad+mo rnam par snang ba'i rgyan bkod pa phun sum tshogs pa'i dbus su/__bcud rnam par dag pa phyi nang gsang ba'i mchod pa'i bye brag bsam gyis mi khyab pas chos dbyings rgyas par gang bar gyur/__oM AHhU~M/__lan gsum/__oM sarba pU dza me g+ha sa ma ye AHhU~M/__zhes rol mo bya/__bshags pa ni/__hU~M:bla ma yi dam mkha' 'gro dgongs:khyed ni rnam dag dri ma med:bdag ni nyon mongs sgrib pas bsgribs:nyams chag sdig sgrib mthol zhing bshags:badz+ra sa ma ya shud+d+he a:gnyis pa dngos gzhi la thog mar dam tshig gi 'khor lo gsal 'debs pa ni/__oM swa b+hA wa shud+d+haHsarba d+harmAHswa b+hA wa shud+d+ho\u0f85haM/__rang gi sems nyid dus gsum gyi rtog pa dang bral nas rnam par mi rtog pa'i ngang nas snod bcud thams cad stong par gyur:stong pa'i ngang las sna tshogs pad+ma'i lte bar zla ba'i dkyil 'khor gyi steng du rang gi rig pa ma 'gags pa'i ngo bo hrIHyig dmar po dkar la dmar ba'i mdangs can gsum gyi mthar oM ma Ni pad+me hU~M dkar la dmar ba'i mdangs can gyis bskor ba de rnams las 'od zer 'phros pas sems can gyi sgrib pa sbyangs:bde bar gshegs pa la mnyes pa'i mchod pa phul:bla ma yi dam mkha' 'gro'i byin rlabs bsdus te:slar hrIHyig gsum la thim de rnams 'od dmar po 'khyil te zhu ba yongs su gyur pa las:dbus su phyi sgrub thugs rje chen po yi ge bdun pa sku mdog dmar po zhal gcig phyag gnyis pa:dbu gtsug na snang ba mtha' yas sprul sku'i cha lugs su bzhugs pa:phyag g.yas dbang sdud kyi phyag rgyas pad+ma dmar po'i phreng ba bsnams shing :g.yon mchog sbyin gyi phyag rgyas spyi blugs bdud rtsis gang ba 'dzin pa:zhi ma khro'i cha lugs gcer bu rgyan thams cad spangs pa zhabs gnyis mnyam pa'i stabs kyis bzhengs pa la 'od zer dmar po 'phro zhing snang la rang bzhin med pa zung 'jug bde ba chen po'i skur gyur:de yi g.yas su pad+ma dmar po 'dab bzhi'i steng du nang sgrub thugs rje chen po sku mdog dmar po zhal gcig phyag gnyis pa:g.yas pad+ma rA ga'i phreng ba bsnams pa:g.yon rin po che'i bum pa spyi blugs bsnams pa:sku ldem bag can rgyan med gcer bu gzi mdangs can:spyi bor sangs rgyas 'od dpag tu med pa bzhugs par bsam:sku la yum gsang ba ye shes 'khril ba:sku mdog dmar po zhal gcig phyag gnyis g.yas gri gug:g.yon thod khrag:dbu la rus pa'i 'khor lo dang :rus pa'i rgyan cha dang rin po ches brgyan pa:dar dpyangs kyis mdzes pa:zhabs gnyis brkyang bskum tshul du yab la 'khril sbyor can:phyogs bzhir mkha' 'gro sde bzhi dang dpa' bo sde bzhi bsgom:yab kyi lte ba la sgrol ma dkar mo:spyi bo na pad+ma yab yum:thugs kar pad+ma 'dab bzhi'i dbus su hrIHdmar pos mtshan par gyur/__de'i g.yon du gsang sgrub thugs rje chen po 'khor ba dong sprugs sku mdog dmar po zhal gcig phyag gnyis pa:g.yas pad+ma'i phreng ba g.yon bdud rtsi'i bum pa bsnams te yum la 'khyud pa:zhal zhi ma khro mche ba cung zad gtsigs pa:sku la rus pa'i rgyan drug gis brgyan pa:zhabs nyi zla pad+ma ro'i gdan la bzhugs pa:yum gsang ba ye shes zhal gcig phyag gnyis ma:sku mdog dmar mo g.yas gser gyi DA ma ru bsnams pa:g.yon bdud rtsi'i ka pA la bsnams te yab la 'khyud pa:dbu skra sil bu thur du grol zhing phyag rgya lngas brgyan pa:nu ma dang b+ha ga rgyas shing bcu drug lon pa'i na tshod can:yab yum gnyis 'khril sbyor du bde stong gi nyams dang ldan par bsgom:de nas yab kyi dpung pa g.yas pa'i steng du rdo rje rigs kyi dpa' bo:dpung pa g.yon pa'i steng du rin chen dpa' bo:pus mo g.yas pa'i steng du pad+ma'i dpa' bo:pus mo g.yon pa'i steng du las kyi dpa' bo:de nas yum gyi dpung pa g.yas pa'i steng du rdo rje mkha' 'gro ma:dpung pa g.yon pa'i steng du rin chen mkha' 'gro ma:pus mo g.yas pa'i steng du pad+ma mkha' 'gro ma:pus mo g.yon pa'i steng du las kyi mkha' 'gro ma:de dag thams cad kyang sku mdog dmar mo zhal gcig phyag gnyis ma:g.yas gri gug g.yon thod khrag bsnams pa:rus pa'i rgyan gyis brgyan pa:de dag thams cad kyi gnas gsum du nyi zla pad+ma'i gdan la yig 'bru gsum gyis mtshan pa las 'od zer 'phros pas snang ba mtha' yas kyi gtsor byas rigs lnga'i sangs rgyas spyan drangs pa la mchod par bsam la/__oM badz+ra puSh+pe AHhU~M:sogs nyer spyod lngas mchod/__bdag la mngon par dbang bskur du gsol:zhes gsol ba btab pas rigs lnga'i thugs ka nas rigs kyi lha mo bum pa thogs pa lnga byung nas:bdud rtsi'i chu rgyun gyi bdag la dbang bskur bas:lus phyi nang gi sgrib pa thams cad dag nas:bdud rtsi yar 'khyil ba las:dbang rtags su snang ba mtha' yas sprul pa'i sku'i cha lugs kyi dbur brgyan:thugs ka nas 'od zer gyi snang ba 'phros te sangs rgyas kyi zhing khams thams cad khyab cing bskul bas ye shes pa nam mkha' gang ba spyan drangs par gyur/__hU~M:bzhengs shig bzhengs shig stobs bcu mnga' ba'i lha:dus las mi 'da' thugs rje'i dbang gis ni:sems can don dgongs 'phags pa spyan ras gzigs:yid kyis sprul zhing bshams pa'i gnas 'di ru:rgyal ba 'khor dang bcas te gshegs su gsol:hrIHlho nub o rgyan dur khrod nas:rig 'dzin bye ba 'bum gyi dbus:slob dpon pad+ma gshegs su gsol:bde ba can gyi zhing khams nas:gsung mchog pad+ma rigs kyi gtso:snang ba mtha' yas gshegs su gsol:ri bo tA la'i rtse mo nas:'gro ba'i mgon po spyan ras gzigs:tshad med 'gro ba bskyab pa'i phyir:thugs rje chen po=mkha' dbyings rnam dag dur khrod nas:dus gsum sangs rgyas skyed pa'i yum:gsang ba ye shes='gyur ba med pa'i pho brang nas:rdo rje mkha' 'gro=dgos 'dod 'byung ba'i dur khrod nas:rin chen mkha' 'gro=chags pa bral ba'i dur khrod nas:pad+ma mkha' 'gro=phrin las sgrub pa'i dur khrod nas:las kyi mkha' 'gro=ro langs 'byung ba'i dur khrod nas:de bzhin mkha' 'gro gshegs su gsol:oM lo ke shwa ra sa pa ri wA ra badz+ra sa mA dza:bzhugs su gsol ba ni/__hU~M:sna tshogs rin chen pho brang 'dir:gdugs dang bla re ba dan brgyan:nyi zla pad+ma'i gdan khri la:gnyis med dgyes pa'i tshul gyis bzhugs:sa ma ya tiSh+Tha lhan:phyag 'tshal ba ni/__hrI:thugs rje chen po ye shes lha yi lha:yab yum 'khor dang bcas pa thams cad la:bdag spro mos shing dang bas phyag 'tshal na:thugs rje brtse ba'i tshul gyis bzhes su gsol:na mo pu ru sha ya ho:phyi mchod ni/__hrIHyan lag brgyad ldan yon chab 'di:phyi yi mchod par bzhes su gsol:kha dog dbyibs legs me tog 'di:phyi yi mchod par bzhes su gsol:lhan skyes sbyar ba'i bdug spos 'di:phyi yi mchod par bzhes=ma rig mun sel snang gsal 'di:phyi yi mchod par=spos dang sman sbyar dri chab 'di:phyi yi mchod par=ro mchog brgya ldan zhal zas 'di:phyi yi mchod par=sil snyan rol mo sna tshogs 'di:phyi yi mchod par bzhes su gsol:nang mchod ni/__hrIH'dod pa'i yon tan rnam pa lnga:nang gi mchod par bzhes su gsol:thabs kyi sha chen rnam pa lnga:nang gi mchod par=shes rab bdud rtsi rnam pa lnga:nang gi mchod par=thabs kyi phung po rnam pa lnga:nang gi mchod par=dran rtog dbang po rnam pa lnga:nang gi mchod par bzhes su gsol:gsang ba'i mchod pa ni/__hU~M:thabs kyi rang bzhin yab rnams la:shes rab yum gyi mchod pa 'bul:shes rab rang bzhin yum rnams la:thabs chen yab kyi mchod pa 'bul:thabs dang shes rab yab yum gnyis:mkha' gsang byin rlabs rol pa las:bsrub dang bskyod pa'i sbyor ba yis:dga' ba bzhi dang bde ba brgyad:skad cig bzhi dang ye shes lnga:byang chub sems kyi mchod pa 'di:gsang ba'i mchod par bzhes su gsol:de kho na nyid kyi mchod pa ni/__hrIHgti mug chos dbyings mchod pa 'di:sangs rgyas rigs kyis bzhes su gsol:zhe sdang ye shes mchod pa 'di:rdo rje rigs kyis=nga rgyal mnyam nyid mchod pa 'di:rin chen rigs kyis='dod chags bde ba'i mchod=pad+ma rigs kyis=phrag dog nan tan mchod=las kyi rigs kyis='khor ba myang 'das mchod pa 'di:dkyil 'khor lha yis bzhes su gsol:bstod pa la/__phyi sgrub kyi bstod pa ni/__hrIHrnam par mi rtog nam mkha' la:rang byung thugs rje chen po shar:rtsol bral 'gro ba 'dul ba'i sku:zhal gcig phyag gnyis sku mdog dmar:dbu gtsug sangs rgyas mtha' yas bzhugs:thugs kar yig bdun gsal bar gnas:phyag g.yas pad phreng dmar po 'dzin:g.yon pa bdud rtsi'i bum pa bsnams:nyi zla pad+ma'i gdan steng na:zhabs gnyis drang por gshibs nas bzhengs:rgyan med gcer bu mdangs dang ldan:'khor ba dong nas sprugs mdzad pa'i:rang byung thugs rje'i dpal la bstod:ces pa tsam mam/__rtags bstod spro na/__hrIHrnam par mi rtog nam mkha' ni:spros bral chos skur sangs pa'i rtags:rang byung thugs rje chen po ni:ma 'gags longs spyod rdzogs pa'i rtags:rtsol med 'gro ba 'dul ba ni:byin rlabs sprul pa'i skur rdzogs=thugs kar yig bdun gsal ba ni:don gyi snying po gsal ba'i=zhal gcig phyag gnyis sku dmar ba:gnyis med thugs rjes dbang bskur=dbu gtsug mtha' yas bzhugs pa ni:mtha' bral yon tan rgyas pa'i rtags:phyag g.yas pad phreng 'dzin pa ni:thabs kyis 'gro ba 'dren pa'i=phyag g.yon bdud rtsi'i bum pa ni:shes rab bdud rtsis gzung 'dzin nad 'joms=zhabs gnyis drang por gshibs nas bzhengs pa ni:gnyis med spyor ba'i bde ba rgyas pa'i=nyi zla pad+ma'i gdan la bzhugs pa niHbde gsal mi rtog rnam par bzhugs pa'i=rgyan med gcer bu gzi mdangs ldan pa ni:rang rig dri med stong gsal mdangs ldan rtags:'khor ba dong sprugs dri med mdangs dang ldan:ye shes lus can de bzhin gshegs pa'i sku:mkha' gsal 'od kyi dkyil 'khor rtags chen bcu gnyis rdzogs:thugs rje chen po yongs rdzogs khyed la phyag 'tshal bstod:oM ma Ni pad+me hU~M hrIHnang sgrub kyi bstod pa ni/__hrIHskye med chos kyi dbyings las ma g.yos kyang :'gag med longs spyod rdzogs pa'i skur bstan pa:sku mdog dmar gsal 'jig rten dbang du sdud:byams pa'i spyan gyis 'gro la thugs rjes gzigs:bden gnyis thabs dang shes rab 'dul thabs mdzad:phyag g.yas bgrang phreng byang chub lam sna 'dren:g.yon pa bum pas 'khor ba dong nas sprugs:zhabs gnyis 'gro ba'i don la ldem bag can:'gro rnams ma lus thugs rjes dbang sdud pa'i:thugs rje chen po'i sku la phyag 'tshal bstod:longs sku snang ba mtha' yas 'od dpag med:sku mdog dmar gsal sprul pa'i sku:dus gsum sangs rgyas kun gyi gsung :tshe dpag med la phyag 'tshal bstod:dus gsum bde gshegs gsang ba'i yum:thugs rje'i mnga' bdag 'gro la gzigs:gsang ba ye shes DA ki ma:sku mdog dmar mo dbang gi tshul:rnam rtog rtsad gcod gri gug g.yas:'khor ba dbang sdud thod khrag g.yon:thabs dang shes rab brkyang bskum mdzad:gnyis med tshul gyis yab la 'khril:'dod yon rang dag rus pas brgyan:gzhon tshul che la cung zad khro:thugs rje'i chags pas dbang sdud la:nam mthong dran pas ye shes skye:thugs rje'i spyan gyis 'gro la gzigs:mchog dang thun mong dngos grub stsol:rdo rje rigs kyi DA ki ma:rin chen rigs kyi DA ki ma:pad+ma rigs kyi DA ki ma:las kyi rigs kyi DA ki ma:mkha' 'gro'i tshogs la phyag 'tshal bstod:dbang dang dngos grub da lta stsol:oM bud+d+ha DA ki nI:oM badz+ra DA ki ni:oM rat+na DA ki nI:oM pad+ma DA ki nI:oM karma DA ki nI:sid+d+hi sid+d+hi hU~M:gsang sgrub bstod pa ni/__hrIHnub phyogs bde ba can gyi zhing khams nas:dus gsum sangs rgyas gsung mchog 'dus pa'i lha:'od dpag med kyi thugs las sprul pa ni:thugs rje chen po 'phags pa spyan ras gzigs:zhal gcig phyag gnyis sku mdog dmar ba'i mdangs:pad phreng bum pa bsnams nas shes rab yum la 'khyud:rus pa'i rgyan ldan pad nyi'i gdan la bzhugs:'gro ba 'dren mdzad spyan ras gzigs la bstod:hrIHdus gsum sangs rgyas thams cad skyed pa'i yum:sku mdog dmar mo zhal gcig phyag gnyis ma:bde stong zung 'jug cang te'u thod khrag bsnams:gcer bu skra grol rus pa'i rgyan gyis brgyan:bcu drug lo lon sgeg pa'i nyams dang ldan:zhabs gnyis brkyang bskum tshul gyis yab la 'khril:mkha' 'gro'i gtso mo dngos grub char ltar 'bebs:gsang ba'i mkha' 'gro ma la phyag 'tshal bstod:hrIH'byung bzhi'i ngo bo rnam dag cing :yi ge bzhi las skyes pa yi:rdo rje'i rigs dang rin chen rigs:pad+ma'i rigs dang las kyi rigs:dkar ser dmar dang ljang gu'i mdog 'dzin cing :gri gug thod khrag rus pa'i rgyan 'dzin cing :zhabs gnyis brkyang bskum kha T+wA~M gru mor brten:zhi rgyas dbang dang mngon spyod las bzhi 'dzin:dpa' bo mkha' 'gro brgyad la phyag 'tshal bstod:dam rdzas bdud rtsi'i mchod pa 'di bzhes la:dbang dang byin rlabs dngos grub thams cad kun:rnal 'byor bdag la dus 'dir myur du stsol:bdag gi ci 'dod thams cad yongs rdzogs mdzod:phyi nang gsang gsum thams cad la don bstod 'di ltar bya ste/__hrIHsnang zhing srid pa'i gzugs rnams kun:thugs rje chen po'i sku ru gcig:snang ba sku la phyag 'tshal bstod:hrIHstong zhing grags pa'i sgra rnams kun:thugs rje chen po'i gsung du gcig:sgra grags gsung la phyag 'tshal bstod:hrIH'gyu zhing dran pa'i rtog tshogs kun:thugs rje chen po'i thugs su gcig:dran rtog thugs la phyag 'tshal bstod:de dag gis lus lha yi 'khor lo bsgom pa rdzogs byed kyi yan lag bcas song de nas ngag sngags kyi 'khor lo'i ting nge 'dzin dang bzlas pa sgrub tshul la gsum las dang po phyi sgrub kyi bzlas pa ni/__rang thugs rje chen por gsal ba'i thugs kar zla ba'i dkyil 'khor gyi steng du hrIHdmar po rang sgra sgrogs par bsam:de'i mtha' skor du yi ge bdun ma:de'i mthar gzungs ring gis bskor bar bsam:sngags kyi phreng ba dmar po g.yas bskor du 'khor ba las 'od zer 'phros pas phyogs bcu'i sangs rgyas thams cad la phyi nang gsang gsum gyi mchod pa phul bas tshogs rdzogs:gnas gsum nas oM AHhU~M 'od zer gyi tshul du rang la thim pas sgo gsum gyi sgrib pa sbyangs:slar yang sangs rgyas rnams kyi sku'i byin rlabs thugs rje chen po:gsung gi byin rlabs gzungs sngags kyi rnam paHthugs kyi byin rlabs phyag mtshan gyi rnam par bsdus te rang gi gnas gsum du thim:mchog thun mong gi dngos grub thob par bsam:yang 'od zer 'phros:'gro ba rigs drug gi sems can la phog pas sems can thams cad kyi sdig sgrib sbyangs:phyi snod kyi 'jig rten la phog pas gzhal yas khang dang :nang bcud kyi sems can thams cad thugs rje chen por gyur nas yi ge drug pa'i sngags kyi sgra bung ba tshang zhig pa lta bu 'ur di ri ri sgrogs par bsam la yi ge bdun pa chu bo'i rgyun ltar bzlas par bya'o/__/de nas sdig sgrib kun 'joms kyi gzungs bzla bar 'dod na/__slar yang sngags phreng las 'od zer 'phros:rang gi lus thams cad gang nas sdig sgrib bag chags dang bcas pa thams cad sangs kyis dag pa de las 'od zer mtha' yas pa 'phros pas nam mkha'i mtha' dang mnyam pa'i sems can thams cad kyi sdig sgrib ma lus pa sbyangs nas thugs rje chen po'i sku snang la rang bzhin ma grub pa sha stag tu gyur par bsams la/__thog mar/__bcom ldan 'das snang ba mtha' yas la phyag 'tshal lo:oM a mi d+he wa hrIHsangs rgyas ma chags pad+ma can la phyag 'tshal lo:oM b+h+rU~M A yur hU~M nr-i dza:sangs rgyas thugs rje chen po la phyag 'tshal lo:oM ma Ni pad+me hU~M rnams dang /__hrIH'i bzlas pa sngon du song nas/__bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser 'od seng ge rnam par rol pa'i rgyal po la phyag 'tshal loHbcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od zer kun nas 'phags pa'i dpal brtsegs kyi rgyal po la phyag 'tshal lo:bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon tan shin tu brtan pa nor bu brtsegs pa'i rgyal po la phyag 'tshal lo:bdag gi rig sngags 'di 'grub par gyur cigaHoM bi pu la gar+b+he:ma Ni pra b+he:ta thA ga te:nir+d+he shA ni:ma Ni ma Ni su pra b+he:bi ma la sA ga ra:gam+b+hi ra hU~M hU~M:dz+wa la dz+wa laHbud+d+ha bi lo ki te:gu h+ya A d+hiSh+Thi te gar+b+he swA hA:pad+mo d+ha ra a mo g+ha dza ya te tsu ru tsu ru swA hA:zhes bzlas rjes/__bdag ming 'di zhes bgyi bas tshe 'khor ba thog ma med pa nas bsags pa'i sdig pa dang sgrib pa las ngan pa'i rnam par smin pa dang :nyon mongs pa dang :sdug bsngal ba dang :bag chags ngan pa'i tshogs thams cad rtsa ba nas ma lus pa byang zhing dag par gyur te:sangs rgyas kyi go 'phang myur du thob par gyur cig:nang sgrub kyi bzlas pa ni/__thugs kar pad+ma 'dab bzhi'i dbus su hrIHdmar po las 'od zer dmar po 'phros pas:sems can thams cad kyi sdig sgrib dag nas:thugs rje chen po'i skur gyur par bsam:'od zer tshur 'dus pas lus ngag yid gsum gyi sdig sgrib dag nas:ye shes rang gsal gyi don rgyud la skyes par bsgom:oM ma Ni pad+me ba~M ha ri ni sa ra tsa hrI ya hU~M hrIH'bum tsho gsum bzla/__gsang sgrub bzlas dmigs ni/__bdag gi thugs ka'i zla ba'i dal la yig drug:yum gyi thugs kar nyi ma la hrIHyum gyi snying pos bskor bar bsam:yab kyi lte bar dga' ba 'khyil pa la thabs kyi snying po lnga bkod:yum gyi lte bar dga' ba 'khyil pa la:shes rab kyi snying po lnga bkod:bdag gis sngags kyi dzaba? bzlas pa'i dus su:bdag gi thugs ka'i sngags phreng 'khor ba'i 'od zer de:lte ba'i dga' ba 'khyil pa la phog pas g.yon du 'khor ba'i 'od zer gsang ba nas yum gyi b+ha gar thim:de'i 'od zer gyis yum gyi dga' ba 'khyil pa la phog pas de rab tu 'khor ba'i 'od zer de:thugs ka'i sngags phreng la phog nas:de 'khor ba'i 'od zer de yum gyi zhal nas yab kyi zhal du thim nas thugs ka'i sngags phreng la thim par bsams la:oM ma Ni pad+me hU~M hrI:oM gu h+ya dz+nyA na DA ki nI ha ri ni sa ra tsa hrI ya sarba sid+d+hi hU~M dzaHces bzlas pas gsang gnas gnyis kyi bar nas 'od zer dpag tu med pa spros pas:'jig rten gyi khams thams cad khyab pas:phyi snod kyi 'jig rten pad+ma 'od kyi gzhal yas khang :'od zer dmar po'i rba klong 'khrugs pa:nang bcud kyi sems can thams cad la phog pas:pho thams cad thugs rje chen po mo thams cad gsang ba ye shes su bsgom:de dag gi snying la pho yig mo yig bzhi 'khor bas:de dag yid bskul nas:de dag thams cad ma Ni pad+me 'brug sgra ltar sgrogs pa:mchongs pa dang :'khrab pa dang :rgyug pa dang :bro brdung ba dang :gar byed par bsam mo/__/zhabs gnyis kyi bar nas 'od zer 'phros pas:phyogs bcu'i sangs rgyas dang byang chub sems dpa' thams cad dang :bla ma yi dam mkha' 'gro thams cad kyi sku gsung thugs kyi dbang dang byin rlabs dang dngos grub thams cad bsdus te bdag gi zhal du thim pas:bdag nyid bkrag dang gzi brjid ldan par bsams la sngags bzla'o:bsnyen sgrub kyi skabs sogs mdun gyi rten yod na dngos grub bsdu ba'i dmigs bzlas ni/__mdun gyi maN+Dal phyi'i gzhal yas khang :thod pa nang gi pho brang du:yig 'bru rnams thugs rje chen po yab yum gyi lha tshogs su gsal:bdag gi sngags phreng las 'od 'phros pas:mdun gyi lha tshogs kyi thugs kyi rgyud bskul bas:de las sprul pa'i dpa' bo dang :mkha' 'gro ma grangs med pa spros pas:phyogs bcu'i bla ma yi dam mkha' 'gro rnams kyi dbang dang byin rlabs dngos grub thams cad dbang du bsdus:'jig rten gyi longs spyod:steng lha'i longs spyod:bar mi'i longs spyod:'og klu'i longs spyod:khyad par du dpal dang grags pa dang :bkrag dang gzi mdangs:snying gi dkyil nas rnam par shes pa rnams dbang du bsdus te dngos grub kyi rdzas la bstim zhing ting nge 'dzin gyi 'phro 'du rgyun mi gcod par sngags bzla'o/__/gsang sgrub kyi las sbyor rnams ni gter gzhung dang brgyud ldan bla ma'i phyag bzhes las rtogs par bya'o/__/thun las ldang ba na dbyangs gsal ye d+har yig brgya rnams lan gsum res sngags kyi lhag chad skongs/__stong tshig mchod bstod dang /__yig brgya tshar gsum brjod pas brtan par bya'o/__/gsum pa rjes gtor ma 'bul ba la phyi sgrub kyi gtsang gtor 'bul ba ni/__rin po che'i snod du zas sna zhim dgu mngar bcu gtsung ma bshams la/__oM ma Ni pad+me hU~M hrIHlan gsum gyis/__gtor ma'i dngos 'dzin thams cad sbyangs:yang yig bdun lan gsum gyis/__snod bcud 'jig rten dang mnyam par spel:yang yig bdun lan bdun gyis/__khams gsum 'gro drug gi sems can thams cad mdun du bkug:hrIHsgo gsum gyi sgrib pa sbyangs nas thugs rje chen po'i skur gyur:hrIHbla ma yi dam mkha' 'gro thams cad mdun gyi nam mkhar spyan drangs:kun gyis gtor ma gsol bar bsam la:gu ru d+he wa DA ki nI ma hA ba liM ta kha kha khA hi khA hi:lan gsum/__bla ma yi dam mkha' 'gro'i thugs dam bskang :oM ma Ni pad+me hU~M:ba liM ta kha kha khA hi khA hiHlan gsum/__mgron rigs rnams kyi dbang po lnga'i sgo ru 'dod yon lnga'i mchod pas tshims par gyur:sku gsung thugs kyi dngos grub ma lus pa thob/__oM AHhU~M:bdag mchod kun mnyes dngos grub ya mtshan chen por gyuraHbla ma yi dam mkha' 'gro chos skyong khams gsum 'gro drug sems can khyab par gtor mas tshims te:bdag med spros bral kun khyab ma bcos rang mdangs su sa le bzhag pas:sgo gsum gtor ma chos kyi dbyings su things par gyur cig__/ces brjod/__nang sgrub kyi gtor ma 'bul ba ni/__gtor snod ka pA la mtshan nyid dang ldan pa'i nang du sha lnga bdud rtsi lnga 'dod yon lnga'i sprin phung 'phro bar gyur:oM AHhU~M:lan gsum gyis byin gyis brlabs nas/__rang nyid kyi thugs ka nas 'od zer 'phros pas rang bzhin gyi gnas nas lha tshogs spyan drangs la:'bul ba ni/__oM ma Ni pad+me hU~M hrIHDA ki nI ha ri ni sa ra tsa hrI ya:i daM ba liM ta kha kha khA hi khA hi:gsum la sogs pas phul la gong ltar nang sgrub kyi bstod gsol bya'o/__/gsang sgrub kyi bdud rtsi lag mchod 'bul ba ni/__ka pA la bdud rtsis gang ba bshams la/__ra~M ya~M kha~M:stong pa'i ngang las rlung me thod pa'i sgyed pu gsum gyi steng ye shes kyi ka pA lar lcags kyu lnga dang sgron ma lngar gyur pa rlung me'i sbyor bas rdzas rnams zhu shing khol bas ye shes kyi bdud rtsi'i rgya mtsho chen por gyur par bsams la/__oM AHhU~M:lan gsum gyi byin gyis brlabs/__lag pa g.yon pa'i mthil du g.yas pa'i mtheb srin gyis:dang por zlum por bskor:chos sku mtshon:de'i dbus su chos 'byung bris pas longs spyod rdzogs sku mtshon:de'i dbus su pad+ma 'dab bzhis sprul pa'i sku mtshon:de'i steng du hrIHlas thugs rje chen po yab yum skad cig gis gsal bar gyur pa la/__oM badz+ra puSh+pe AHhU~M sogs mchod pa lngas mchod/__g.yas pa'i srin lag ro yi lha mos:bdud rtsi'i mchod pa phul bas mnyes te yab yum sbyor mtshams nas:ye shes kyi bdud rtsi babs pas lag pa'i chos 'byung khengs par bsams la/__oM AHhU~M sarba pany+tsa a mr-i ta hU~M kha raM khA hi khA hi:zhes bdun nam nyer gcig sogs phul la/__hrIHrnam par mi rtog nam mkha' la:rang byung thugs rje chen po shar:'khor ba dong nas sprugs mdzad pa'i:thugs rje'i dpal la phyag 'tshal bstod:zhes pas bstod pa byas lha yang 'od du zhu bar bsams la:lag pa'i steng du ka pA la blangs nas/__g.yas pa'i mtheb srin gyi rang lha yi dkyil 'khor du gsal ba la gtor ste/__oM AHhU~M sarba pany+tsa a mr-i ta hU~M kha raM khA hi khA hiHyang gnas khang la gtor bas o rgyan du byin gyis brlab par mos la sngags brjod/__tshogs gtor bshams yod na tshogs mgron la gtor bas dpa' bo dpa' mor byin gyis brlabs par bsams la sngags brjod/__tshogs gtor la thig gtor bas ye shes kyi bdud rtsir byin gyis brlab par mos la 'bru gsum brjod/__de nas rol mo'i sgra dang bcas/__hU~M:sna tshogs rol mo'i sgra sgrog cing :mkha' la sprin ltar gtib pa de:rtsa ba brgyud pa'i bla ma dang /__/snang ba mtha' yas thugs rje'i bdag__/gsang ba ye shes mkha' 'gro lnga/__/'jig rten mkha' 'gro chos skyongs rnams/__/'dir gshegs gtor ma'i mchod pa bzhes/__/gsang sgrub kyi sngags mthar/__i daM ba liM ta kha kha khA hi khA hi/__lan gsum mam bdun gyis phul la gsang sgrub kyi bstod gsol gong du yod pa ltar bya'o/__/de nas tshogs mchod 'bul ba la ma da na mAM sa gtso bor gyur pa'i tshogs rdzas ci 'byor pa 'du byas la/__oM sarba dra byaM saM sho d+ha ni hU~M/__ra~M ya~M kha~M/__stong pa'i ngang las tshogs gzhong pad+ma 'dab ma stong ldan gyi snying por/__tshogs rdzas rigs lnga yab yum gyi dam tshig chen po'i rol pa 'dod yon gyi sprin phung mtha' yas pa 'phro bar gyur/__oM AHhU~M ha ho hrIHlan gsum/__tshogs mgron drangs shing mchod pa ni/__hrIHsna tshogs rol mo'i sgra sgrog cing :mkha' la sprin ltar gtibs pa de:brgyud pa'i bla ma ma lags sam:'dir gshegs tshogs kyi mchod pa bzhes:sna tshogs rol mo'i=mkha' la sprin ltar=snang ba mtha' yas='dir gshegs tshogs kyi=sna tshogs rol mo'i=mkha' la sprin ltar=thugs rje chen po='dir gshegs tshogs kyi=sna tshogs rol mo'i=mkha' la sprin ltar=gsang ba ye shes='dir gshegs tshogs kyi=sna tshogs rol mo'i=mkha' la sprin ltar='jig rten mkha' 'gro='dir gshegs tshogs kyi=sna tshogs rol mo'i sgra sgrog cing :mkha' la sprin ltar gtib pa deHchos skyong srung ma ma lags sam:'dir gshegs tshogs kyi mchod pa bzhes:bye brag tu dang pos mchod pa ni/__hrIHthugs rje chen po'i dkyil 'khor du:sku gsung thugs ldan lha tshogs rnams:gtso 'khor bran dang bcas pa yis:tshogs phud mchod par bzhes su gsol:ces dang /__snying po'i mthar/__ga Na tsakra ba liM ta kha kha khA hi khA hi:zhes 'bul/__bar pas bshags pa ni/__hrIHbla ma yi dam lha tshogs dgongs:'byor tshogs chung bas sku ma bskangs:bsnyen sgrub yun thung rtags ma thon:rtogs pa'i rtsal chung thugs ma rtogs:tshogs kyi mchod pas bskang zhing bshags:sa ma ya hoHzhes dang yig brgya brjod/__tha ma bsgral bstab ni/__tshogs tha ma la rten byas te/__nr-i tri badz+ra ang+ku sha dza:dzaHhU~M ba~M hoHhrIHhU~M:dpal chen rta mgrin khro bo'i rgyal:dmar nag zhal gcig phyag gnyis pa:ri rab phur pa dgra la gzir:gdug pa'i tshogs bsgral zhal du stob:ha ha khA hi khA hi:hrIHpad+mAn+ta kr-ita dgra bgegs mA ra ya dzaHrbad:de nas brda'i 'bul len bcas nang gi rnal 'byor dang ldan pas tshogs la rol zhing smon lam gdab/__lhag ma rnams/__pany+tsa a mr-i ta hU~M ha hoHhrIHsa byin brlab/__hrIHdpal gyi bka' nyan lhag sdud tshogs:lhag ma'i longs spyod 'di gsol la:sngon tshe g.yar dam bcas pa bzhin:'gal rkyen kun sol mthun rkyen sgrubs:ma ma hriM hriM ba liM ta khA hi:zhes bsngo/__de nas phyi nang gsang gsum gyi bstod pa gong du 'byung ba rnams kyis bstod cing bskul ba ni/__hrIHma bcos lhun grub bde chen zhing khams nas:rang byung ye shes thugs rje'i lha tshogs rnams:ma 'gag 'gro ba 'dul bar thugs dam bskul:rnal 'byor bcol pa'i phrin las grub par mdzod:chad mdo'i gtor skyong ni/__hrIHdpal gyi gtor len dam tshig can:mkha' 'gro shugs 'gro ma mo'i tshogs:dang por zhal bzhes dam ma 'da':dgra bgegs sha khrag gtor ma 'diHbzhes shig rol cig kha raM khA hi:mi mthun rkyen rnams bzlog tu gsol:badz+ra pra mo ha zlog b+h+yoHbrtan ma ni/__hrIHhU~M:bod khams skyong ba'i brtan ma bcu gnyis tshogs:slob dpon pad+ma'i spyan sngar khas blangs bzhin:rang rang gnas nas 'dir byon gtor ma bzhes:rnal 'byor bdag cag 'khor srungs rkyen zlog cig:ces 'bul/__de nas sngags tsam gyis mchod/__hrIHrnam par mi rtog nam mkha' la:rang byung thugs rje chen po shar:'khor ba dong nas sprugs mdzad pa'i:thugs rje'i dpal la phyag 'tshal bstod:yig brgya dang /__ma rnyed yongs su sogs kyis nongs pa bshags/__tshogs mgron rten yod na brtan bzhugs spyi mthun bya/__de nas dran rtogs thugs kyi 'khor lo ni/__rang gi thugs ka'i yi ge bdun las 'od zer 'phros:snod dang bcud rigs drug gnas 'gyur gyi lha thams cad yi ge bdun pa 'ba' zhig tu gyur/__dkyil 'khor gyi lha rnams la thim:g.yas g.yon gyi lha rnams kyang ba spu'i bu ga nas tshur 'dus rang la thim/__rang yang yi ge drug la thim:de yang dbus kyi hrIHla thim:hrIHyang rim pa bzhin gi gu la thim:gi gu yang mi dmigs par gyur:ces mnyam par bzhag__/de'i ngang las rang nyid skad cig gis thugs rje chen por gyur:ces khyer so gsum gyi grub mtha' bskyang /__bsngo smon ni/__ci byas dge ba'i rtsa ba 'dis:'gro drug bde ba thob par shog:'gro rnams bde chen sar gnas shog:'khor ba dong nas sprugs par shog:shis brjod spyi mthun ci rigs pas grub bo/__/'dir 'bad dge ba sbrang rtsi ltar mngar ba'i/__/mthu las mkha' khyab yid can 'gro ba rnams/__/las nyon sdug bsngal gzebs las rab grol te/__/thugs rje chen po'i go 'phang thob par shog__/ces pa'ang brag ljongs rgyal khab kyi spyi khyab dA han mkhan po mchog gi rten dang bcas gsung bskul nan tan chen po'i zhal ngo ma lcogs pas rang bzo 'gyur shas che yang 7'jam mgon kong sprul rin po che'i ljags bsgrigs la gzhi bcol/__gter gzhung gi dgongs par dpyad nas phyi nang gsang gsum dkyus gcig tu btang ba'i tshul 'di ni 7rje bla ma mkhyen brtse'i phrin las kyi sprul ming 'dzin pa 7'jam dbyangs chos kyi blo gros pas bsnyen mtshams kyi bar gseng rgyal zla'i tshes 6la bsgrigs pa 'di la nongs pa gang mchis rtsa gsum spyan sngar bshags shing dge bas sems can thams cad bla ma thugs rje chen pos rjes su 'dzin pa'i rgyur gyur cig__/sarba mang+ga laM/__shu b+haM/__//__/

Footnotes

Other Information