རྒྱལ་བའི་གསུང་ལ་བསྟོད་ཅིང་སྨོན་ལམ་བྱ་བ་སངས་རྒྱས་གསུང་ལ་འཇུག་པ།

🚧 This website is under continued development. We appreciate your patience!

Previous Text Back to Volume PageNext Text

Wylie title	rgyal ba'i gsung la bstod cing smon lam bya ba sangs rgyas gsung la 'jug pa
Location	chos kyi blo gros bka' 'bum Volume 2, Text 8, Pages 333-336 (Folios 1a1 to 2b4)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Associated People	ཤཱཀྱ་ཐུབ་པ་ (Śākyamuni)
Citation	'jam dbyangs mkhyen brtse chos kyi blo gros. rgyal ba'i gsung la bstod cing smon lam bya ba sangs rgyas gsung la 'jug pa. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 2: 333-336. Bir, H.P.: Khyentse Labrang, 2012.
Genre	Verses of Praise - bstod pa
Lotsawa House Link	https://www.lotsawahouse.org/tibetan-masters/jamyang-khyentse-chokyi-lodro/praise-of-buddhas-words
Colophon	ཅེས་པའང་ཆུ་འབྲུག་ཆོ་འཕྲུལ་ཟླ་གཅིག་ཚེས་བཅོ་ལྔ་བཟང་པོར་ཆོས་ཀྱི་བློ་གྲོས་པས་སྨོན་པ་བཞིན་འགྲུབ་པར་གྱུར་ཅིག །
	ces pa'ang chu 'brug cho 'phrul zla gcig tshes bco lnga bzang por chos kyi blo gros pas smon pa bzhin 'grub par gyur cig

1 Texts in this Section (sde tshan or chos tshan)

333-336	རྒྱལ་བའི་གསུང་ལ་བསྟོད་ཅིང་སྨོན་ལམ་བྱ་བ་སངས་རྒྱས་གསུང་ལ་འཇུག་པ། rgyal ba'i gsung la bstod cing smon lam bya ba sangs rgyas gsung la 'jug pa Verses of Praise - bstod pa	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

རྒྱལ་བའི་གསུང་ལ་བསྟོད་ཅིང་སྨོན་ལམ་བྱ་བ་སངས་རྒྱས་གསུང་ལ་འཇུག་པ་ཞེས་བྱ་བ་བཞུགས་སོ། །ན་མོ་གུ་རུ་ཤཱཀྱ་མུ་ནེ་ཡེ། ཆོས་སྐུ་མཁའ་ལྟར་ཁྱབ་པའི་དབྱིངས་ཆེན་པོར། །ལོངས་སྐུ་ཉི་ཟླའི་འོད་སྣང་ཆེན་པོར་བརྡལ། །སྤྲུལ་སྐུ་ཕྱོགས་བཅུའི་ཞིང་ཁམས་ཀུན་ཏུ་འཕྲོ། །སྐུ་བཞི་དབྱེར་མེད་ངོ་བོ་ཉིད་སྐུར་འདུད། ༡། ཆོས་སྐུའི་གསུང་ནི་སྒྲ་ཚིག་བྱ་རྩོལ་བྲལ། །ལོངས་སྐུ་ཆེན་པོ་བརྡ་ཡི་ཆོས་ལ་སྤྱོད། །སྤྲུལ་སྐུ་སྡེབས་ལེགས་བརྗོད་པ་ཚིག་གི་གསུང་། །མངོན་པར་བྱང་ཆུབ་རིག་པའི་གསུང་མཆོག་རྒྱལ། ༢། ཆོས་རྣམས་མ་ལུས་འབྱུང་བའི་སྒོ་ཆེན་པོ། །ཨོཾ྄༷་ནི་སྲིད་ཞིའི་བདེ་ལེགས་འབྱུང་བའི་སྒོ། །ཨ྄༷་ནི་མི་བསྐྱོད་མེ་ལོང་ཡེ་ཤེས་སྒོ། །ར྄༷་ནི་སྣང་མཐའ་སོར་རྟོག་ཡེ་ཤེས་སྒོ། ༣། པ྄༷་ནི་རྣམ་སྣང་ཆོས་དབྱིངས་ཡེ་ཤེས་སྒོ། །ན་ཡིག་རིན་འབྱུང་མཉམ་ཉིད་ཡེ་ཤེས་སྒོ། །ཙ྄༷་ནི་དོན་གྲུབ་བྱ་གྲུབ་ཡེ་ཤེས་སྒོ། །ཨ྄༷་ནི་སྐྱེ་མེད་ཆོས་ཀྱི་སྒོ། ༤། ར྄༷་ནི་རྡུལ་བྲལ་བས་དོན་དམ། །ཙ྄༷་ཡིག་སྐྱེ་འཕོ་དང་བྲལ་ཞིང་། །ན྄༷་ནི་མིང་དང་བྲལ་བའི་སྒོ། །དྷཱིཿནི་ལྷུན་གྱིས་གྲུབ་པའི་ཡེ་ཤེས་སྒོ། ༥། གཟུངས་ཀྱི་སྒོ་ཆེན་གཞན་དུ་བཙལ་མེད་པ། །ཡེ་རྫོགས་རང་གསལ་གཏེར་གྱི་སྒོ་འབྱེད་པས། །ཆོས་སྤྲིན་རྡོ་རྗེ་ནཱ་དའི་སྒྲ་དབྱངས་ནི། །དུས་གསུམ་དུས་མེད་ཀུན་ཏུ་རྣམ་པར་འཇུག༦། གསུང་གཅིག་ལའང་སྒྲ་དབྱངས་རྒྱ་མཚོར་ལྡན། །ཕྲ་རབ་ཁོངས་ན་འཇུག་ཅིང་ཀུན་ཏུ་ཁྱབ། །དུས་དང་ཚད་ཀྱི་དཔག་ཏུ་མི་བཏུབ་ཅིང་། །འཕགས་ཆེན་རྣམས་ཀྱིའང་བློ་ཡི་ཡུལ་ལས་འདས། ༧། གདུལ་བྱའི་ཁམས་དབང་བསམ་པ་དང་མཐུན་ཞིང་། །ཐོག་མཐའ་བར་དགེ་ངག་ཚིག་དྲི་མ་མེད། །རྣར་སྙན་ཡིད་འོང་དོན་དམ་ལ་སྟོན་པ། །ཐུབ་གསུང་ལྷ་ཡི་རྔ་བོ་ཆེ་ཡི་སྒྲ། ༨། གཏི་མུག་གཉིད་དཀྲོགས་སྒྲིབ་གསུམ་ཞི་མཛད་ཅིང་། །མ་འདྲེས་ཡོངས་རྫོགས་ཡོངས་སུ་དག་ཅིང་བྱང་། །ལེགས་པར་གསུངས་ཤིང་འདུལ་སྟོན་ངེས་འབྱུང་བསྐྱེད། །ཀུན་ཀྱང་བྱང་ཆུབ་མཆོག་ཏུ་འགྲོ་བའི་ཆོས། ༩། མི་མཐུན་མེད་ཅིང་འདུས་བརྟན་རྒྱུ་བ་བཅད། །ཞི་བསིལ་དམ་པའི་ཆོས་ཀྱི་བདུད་རྩི་ནི། །ཐར་པར་འདོད་པ་རྣམས་གྱི་སྲོག་འཚོ་ཡིན། །ངན་འགྲོའི་ལམ་ལས་ལྡོག་པའི་སྒོ་གཏན་མཆོག༡༠། འཇིག་རྟེན་རྣམས་ཀྱི་ཡང་དག་ལྟ་བའི་སྒོ། །སྐྱེས་བུ་གསུམ་ཀྱི་ལམ་བཟང་རྒྱལ་བའི་གཞུང་། །བསླབ་པ་གསུམ་སྟོན་དམ་ཆོས་ནོར་བུའི་མཛོད། །རང་རང་འབྲས་བུ་མངོན་སུམ་སྟེར་མཛད་པ། ༡༡། ལམ་བདེན་ལུང་གི་ཆོས་ཀྱི་ཕུང་པོ་ནི། །ཡན་ལག་བཅུ་གཉིས་སྡེ་སྣོད་གསུམ་གྱི་མཛོད། །འཕགས་བཞིའི་རྟོགས་པ་འགོགས་བདེན་ངོ་བོ་ཉིད། །དེ་རྗེས་སློབ་ན་བྱང་ཆེན་དམ་པར་གཤེགས། ༡༢། གཉིས་སུ་མི་གསུང་བདེན་སྨྲ་སེང་གེའི་སྒྲས། །མུ་སྟེགས་ལོག་སྨྲའི་ཝ་སྐྱེས་བཅོམ་མཛད་ཅིང་། །སོ་སོར་ཡང་དག་རིག་བཞིས་ལེགས་འདོམ་པ། །སྲིད་ཞིའི་འཁོར་དབུས་ཚངས་དབྱངས་ལྷང་ངེ་བ། ༡༣། ཕྱོགས་བཅུའི་ཞིང་ཁམས་གང་ནས་མཉན་ཡང་རུང་། །རིང་བས་ཆུང་མིན་ཉེ་བས་ཆེ་བ་ཡི། །སྐྱོན་བྲལ་གསུང་གསང་བསམ་གྱིས་མི་ཁྱབ་པ། །དེ་བཞིན་གཤེགས་པ་ཁོ་ནའི་མ་འདྲེས་ཆོས། ༡༤། རྒྱ་མཚོ་ཆེན་པོར་ཆུ་ཀླུང་འདུ་བ་བཞིན། །ཇི་སྙེད་གསུངས་ཀྱང་མཐར་ཐུག་གཅིག་ཏུ་འབབ། །ངེས་དོན་ཤེར་ཕྱིན་དབུ་མའི་ཁང་བཟང་ཆེར། །མཐར་གྱིས་རིགས་གསུམ་ཐེག་པ་གཅིག་ལ་བཀྲི། ༡༥། ཟབ་དང་རྒྱ་ཆེའི་ཆོས་ཚུལ་མཐའ་ཡས་པ། །རིམ་པ་གསུམ་དུ་བསྐོར་བས་ཡིད་ཅན་རྣམས། །རབ་ཀྱིས་བདེན་མཐོང་དམན་རྣམས་ས་བོན་ཐེབས། །ཐམས་ཅད་བྱང་ཆུབ་ཆེན་པོར་གྲོལ་བར་མཛད། ༡༦། ལྷ་མི་ཀླུ་དང་གནོད་སྦྱིན་གནས་ཀུན་ཁྱབ། །འཛམ་གླིང་ལྟེ་བ་འཕགས་པའི་ཡུལ་དུའང་། །དགྲ་བཅོམ་བྱང་སེམས་རྣམས་ཀྱིས་ལེགས་བསྡུས་པ། །གླེགས་བམ་བགྲང་ལས་འདས་པར་བཞུགས་པ་ལས། ༡༧། སྐྲ་རྩེའི་བླངས་པའི་ཆུ་ཐིག་ཙམ་གྱི་ཆ། །འཕགས་བོད་ལོ་པཎ་རྣམས་ཀྱི་བཀའ་དྲིན་གྱིས། །ཤིང་རྟ་བཟང་པོས་ཉེ་བར་དྲངས་པ་ཡི། །ལྗོངས་འདིར་ཆོས་ཀྱི་ཕུང་པོ་བརྒྱ་ཕྲག་ལྷག༡༨། མིག་དང་རྣ་བའི་བདུད་རྩིར་གྱུར་འདི་ནི། །སྔོན་བསགས་ཕུལ་དང་རབ་ཏུ་གྱུར་པ་ལས། །ནོར་མཆོག་ཀུན་གྱི་ནང་ནས་རྙེད་དཀའི་མཆོག །རིན་ཆེན་དབྱིག་གི་སྙིང་པོར་དེང་འདིར་སྤྱོད། ༡༩། ད་དུང་དུ་ཡང་སྐྱེ་དང་ཚེ་རབ་ཏུ། །བླ་མ་ཐུབ་པ་ཆེན་པོའི་གསུང་རབ་ལ། །ཅི་དགར་སྤྱོད་པའི་སྣང་བ་དང་འགྲོགས་པས། །སྲིད་ཞིའི་མུན་སྟུག་རྣམ་པར་སེལ་གྱུར་ཅིག༢༠། གསུང་རབ་དམ་པའི་ཆོས་ཀྱི་བཀའ་མཛོད་ཆེ། །སྲིད་པའི་མཐར་ཡང་མི་ནུབ་དར་ཞིང་རྒྱས། །ཀླ་ཀློའི་མུན་སྤྲུལ་མཐའ་དག་རྩད་ནས་འཇོམ། །ཤཱཀྱ་སེང་གེའི་བསྟན་པས་ཁྱབ་གྱུར་ཅིག༢༡། ཅེས་པའང་ཆུ་འབྲུག་ཆོ་འཕྲུལ་ཟླ་གཅིག་ཚེས་བཅོ་ལྔ་བཟང་པོར་ཆོས་ཀྱི་བློ་གྲོས་པས་སྨོན་པ་བཞིན་འགྲུབ་པར་གྱུར་ཅིག ། །།

[edit]

rgyal ba'i gsung la bstod cing smon lam bya ba sangs rgyas gsung la 'jug pa zhes bya ba bzhugs so/____/na mo gu ru shAkya mu ne ye/__chos sku mkha' ltar khyab pa'i dbyings chen por/____/longs sku nyi zla'i 'od snang chen por brdal/____/sprul sku phyogs bcu'i zhing khams kun tu 'phro/____/sku bzhi dbyer med ngo bo nyid skur 'dud/__1/__chos sku'i gsung ni sgra tshig bya rtsol bral/____/longs sku chen po brda yi chos la spyod/____/sprul sku sdebs legs brjod pa tshig gi gsung /____/mngon par byang chub rig pa'i gsung mchog rgyal/__2/__chos rnams ma lus 'byung ba'i sgo chen po/____/oM?X ni srid zhi'i bde legs 'byung ba'i sgo/____/a?X ni mi bskyod me long ye shes sgo/____/ra?X ni snang mtha' sor rtog ye shes sgo/__3/__pa?X ni rnam snang chos dbyings ye shes sgo/____/na yig rin 'byung mnyam nyid ye shes sgo/____/tsa?X ni don grub bya grub ye shes sgo/____/a?X ni skye med chos kyi sgo/__4/__ra?X ni rdul bral bas don dam/____/tsa?X yig skye 'pho dang bral zhing /____/na?X ni ming dang bral ba'i sgo/____/d+hIHni lhun gyis grub pa'i ye shes sgo/__5/__gzungs kyi sgo chen gzhan du btsal med pa/____/ye rdzogs rang gsal gter gyi sgo 'byed pas/____/chos sprin rdo rje nA da'i sgra dbyangs ni/____/dus gsum dus med kun tu rnam par 'jug6/__gsung gcig la'ang sgra dbyangs rgya mtshor ldan/____/phra rab khongs na 'jug cing kun tu khyab/____/dus dang tshad kyi dpag tu mi btub cing /____/'phags chen rnams kyi'ang blo yi yul las 'das/__7/__gdul bya'i khams dbang bsam pa dang mthun zhing /____/thog mtha' bar dge ngag tshig dri ma med/____/rnar snyan yid 'ong don dam la ston pa/____/thub gsung lha yi rnga bo che yi sgra/__8/__gti mug gnyid dkrogs sgrib gsum zhi mdzad cing /____/ma 'dres yongs rdzogs yongs su dag cing byang /____/legs par gsungs shing 'dul ston nges 'byung bskyed/____/kun kyang byang chub mchog tu 'gro ba'i chos/__9/__mi mthun med cing 'dus brtan rgyu ba bcad/____/zhi bsil dam pa'i chos kyi bdud rtsi ni/____/thar par 'dod pa rnams gyi srog 'tsho yin/____/ngan 'gro'i lam las ldog pa'i sgo gtan mchog10/__'jig rten rnams kyi yang dag lta ba'i sgo/____/skyes bu gsum kyi lam bzang rgyal ba'i gzhung /____/bslab pa gsum ston dam chos nor bu'i mdzod/____/rang rang 'bras bu mngon sum ster mdzad pa/__11/__lam bden lung gi chos kyi phung po ni/____/yan lag bcu gnyis sde snod gsum gyi mdzod/____/'phags bzhi'i rtogs pa 'gogs bden ngo bo nyid/____/de rjes slob na byang chen dam par gshegs/__12/__gnyis su mi gsung bden smra seng ge'i sgras/____/mu stegs log smra'i wa skyes bcom mdzad cing /____/so sor yang dag rig bzhis legs 'dom pa/____/srid zhi'i 'khor dbus tshangs dbyangs lhang nge ba/__13/__phyogs bcu'i zhing khams gang nas mnyan yang rung /____/ring bas chung min nye bas che ba yi/____/skyon bral gsung gsang bsam gyis mi khyab pa/____/de bzhin gshegs pa kho na'i ma 'dres chos/__14/__rgya mtsho chen por chu klung 'du ba bzhin/____/ji snyed gsungs kyang mthar thug gcig tu 'bab/____/nges don sher phyin dbu ma'i khang bzang cher/____/mthar gyis rigs gsum theg pa gcig la bkri/__15/__zab dang rgya che'i chos tshul mtha' yas pa/____/rim pa gsum du bskor bas yid can rnams/____/rab kyis bden mthong dman rnams sa bon thebs/____/thams cad byang chub chen por grol bar mdzad/__16/__lha mi klu dang gnod sbyin gnas kun khyab/____/'dzam gling lte ba 'phags pa'i yul du'ang /____/dgra bcom byang sems rnams kyis legs bsdus pa/____/glegs bam bgrang las 'das par bzhugs pa las/__17/__skra rtse'i blangs pa'i chu thig tsam gyi cha/____/'phags bod lo paN rnams kyi bka' drin gyis/____/shing rta bzang pos nye bar drangs pa yi/____/ljongs 'dir chos kyi phung po brgya phrag lhag18/__mig dang rna ba'i bdud rtsir gyur 'di ni/____/sngon bsags phul dang rab tu gyur pa las/____/nor mchog kun gyi nang nas rnyed dka'i mchog__/rin chen dbyig gi snying por deng 'dir spyod/__19/__da dung du yang skye dang tshe rab tu/____/bla ma thub pa chen po'i gsung rab la/____/ci dgar spyod pa'i snang ba dang 'grogs pas/____/srid zhi'i mun stug rnam par sel gyur cig20/__gsung rab dam pa'i chos kyi bka' mdzod che/____/srid pa'i mthar yang mi nub dar zhing rgyas/____/kla klo'i mun sprul mtha' dag rtsad nas 'jom/____/shAkya seng ge'i bstan pas khyab gyur cig21/__ces pa'ang chu 'brug cho 'phrul zla gcig tshes bco lnga bzang por chos kyi blo gros pas smon pa bzhin 'grub par gyur cig__/__//_